*, ,RJE BTZUN BLA MA DAM PA SANGS RGYAS YE SHES LA BSTOD 
PA DNGOS GRUB KYI 'BYUNG GNAS CES BYA BA, SANGS RGYAS KUN 
GYIS BSNGAGS PA'I ZAB MO'I LAM, ,JI BZHIN

GZIGS PA'I YE SHES MI DMAN ZHING, ,GZHAN LA 'DOMS PA'I BLO GROS
DPAL MNGA' BA, ,BLA MED DGE BA'I BSHES LA PHYAG 'TSAL LO, ,LHA
BCAS 'GRO BA'I 'DREN PA SH'AKYA'I TOG ,ZHING 'DIR RMAD BYUNG
MDZAD

@003B PAS ROL PA'I TSE, ,RLABS CHEN BYANG CHUB MCHOG TU THUGS
BSKYED NAS, ,MKHAS DANG GRUB PA'I TSUL 'DZIN KHYOD PHYAG 'TSAL,
,BLO BZANG BSTAN PA RIN CHEN RGYA MTSO LAS, ,DRI MED BLO GROS
YANGS PA'I DED DPON GYIS, ,RIM GNYIS

YID BZHIN NOR BU'I DPAL BLANGS NAS, ,BSTAN PA'I RGYAL MTSAN
'DZIN PA KHYOD PHYAG 'TSAL, ,GZHON NU NYID NAS RNAM DAG NGES
'BYUNG GIS, ,SRID 'BYOR 'DOD PAS BRTAS PA'I SEMS SPANGS NAS,
,DRAN DANG SHES BZHIN BAG

YOD MTHU LDAN PA, ,NGUR SMRIG 'DZIN PA'I DBANG PO KHYOD PHYAG
'TSAL, ,TSE RABS DU MAR LEGS PAR SBYANGS PA'I MTHUS, ,DPAL LDAN
MDO RGYUD KUN GYI DE NYID DON, ,THOS PA'I MOD LA JI BZHIN MNGON
GYUR PA, ,'JAM DBYANGS BLA

MA'I ZHABS LA PHYAG 'TSAL LO, ,RDO RJE 'CHANG DBANG BLO BZANG
DON GRUB ZHABS, ,GANG DE'I SNYAN PA'I SGRA DBYANGS CHER G-YO
BA, ,RNA BA'I DBANG POR LHUNG BA'I MTSAMS SBYOR GYIS, ,ZHABS
RDUL SPYI BOS REG PA KHYOD PHYAG 'TSAL,

MGON DE'I ZHAL GYI PADMO LAS 'ONGS PA'I, ,KHON MED SNYING PO'I
LEGS BSHAD BDUD RTZI YIS, ,KHYOD THUGS RNYOG BRAL DAG PA'I BUM
BZANG NI, ,MA LUS LEGS PAR GTAMS PA KHYOD PHYAG 'TSAL, ,BU RAM
SHING PAS MI

PHAM MGON LA BZHIN, ,GNYIS MED GSUNG PA'I RING LUGS BLA NA MED,
,DAM CHOS RGYAL SRID SKYONG BAR DBANG BSKUR BA'I, ,KUN MKHYEN
CHOS KYI RGYAL PO KHYOD PHYAG 'TSAL, ,BYAMS DANG SNYING RJE LHAG
BSAM RNAM DAG LAS, ,BYANG

@004A *, ,CHUB SEMS GNYIS CHA SHAS YONGS SU RDZOGS, ,RGYAL SRAS
SPYOD PA'I 'OD DKAR GYIS MDZES PA'I, ,YON TAN BDUD RTZI'I 'BYUNG
GNAS KHYOD PHYAG 'TSAL, ,RNAM DAG RANG BZHIN RTOGS PA'I MNYAM
GZHAG

DANG, ,GANG SNANG 'KHOR LOR 'CHING BA'I RNAL 'BYOR DANG, ,'GYUR
MED BDE STONG RDO RJE'I THUGS MNGA' BA'I, ,ZUNG 'JUG RDO RJE
'DZIN PA KHYOD PHYAG 'TSAL, ,LHAN SKYES BDE CHEN MDZES LDAN SGYU
MA'I SKUS, ,RNAM ROL KHYAB BDAG

DPAL LDAN DANG PO'I MGON, ,'GRO LA BRTZE BAS BSKYOD PA'I ZLOS
GAR GYIS, ,BSHES GNYEN TSUL BZUNG MGON PO KHYOD PHYAG 'TSAL,
,RGYAL BA'I MTHU STOBS KUN DNGOS GSHIN RJE'I GSHED, ,ZLA ZHAL
DVANGS BA'I CHU NANG

GZUGS BRNYAN BZHIN, ,SNYIGS DUS GDUG PA YONGS LA KHROS PA'I GAR,
,STON MDZAD MTHU STOBS DBANG PO KHYOD PHYAG 'TSAL, ,SHES BYA'I
DKYIL 'KHOR MA LUS BDE BA CHER, ,DBYER MED GCIG TU 'DOMS PA SDOM

PA'I MCHOG ,GANG GI THUGS KYI YE SHES GCIG PU NYID, ,DPAL LDAN
BDE BA'I MGON PO KHYOD PHYAG 'TSAL, ,RAB 'BYAMS RGYAL BA'I 'KHOR
LO KUN GYI SROG ,MI BSKYOD RDO RJE BRTZE BA'I SGYU 'PHRUL NI,
,NGUR SMRIG 'DZIN PA'I

ROL PA LA BRTEN NAS, ,GSANG BA'I DGA' STON 'GYED PA KHYOD PHYAG
'TSAL, ,GRANGS MED BRTZE LDAN RNAMS KYI THUGS RJE NI, ,GCIG TU
BSDUS PA DGYES MDZAD RDO RJE YI, ,DMIGS MED SNYING RJE'I RANG
BZHIN LAS 'KHRUNGS

@004B PA, ,RMAD BYUNG THUGS RJE'I GTER CHEN KHYOD PHYAG 'TSAL,
,DON GNYIS LHUN GYIS GRUB PA'I STON PA MCHOG ,BDEN GNYIS ZUNG DU
'JUG PA DAM PA'I CHOS, ,RIG GROL GNYIS LDAN 'PHAGS TSOGS DGE
'DUN TE, ,BSKYABS GSUM

KUN 'DUS KHYOD LA PHYAG 'TSAL LO, ,DENG NAS BZUNG STE TSE RABS
THAMS CAD DU, ,MGON PO KHYOD KYIS BRTZE BAS RJES BZUNG NAS,
,GDAMS DANG RJES SU BSTAN PA'I GNAS RNAMS LA, ,BLANG DOR TSUL
BZHIN BYED PAR BYIN GYIS

RLOBS, ,'DI NANG PHUN TSOGS RMI LAM DGA' STON DANG, ,SRID 'BYOR
MNAR MED RTZUB REG LTAR MTHONG NAS, ,'GRO KUN DON DU BYANG CHUB
SEMS BSKYED DE, ,PHYIN DRUG SPYOD PAS 'DA' BAR BYIN GYIS RLOBS,
,RDO RJE 'DZIN PA'I DED

DPON LA BRTEN NAS, ,ZAB YANGS RGYUD SDE'I RGYA MTSOR RAB ZHUGS
TE, ,RNAM DAG ZUNG 'JUG YID BZHIN NOR BU DE, ,MTHONG CHOS NYID
LA GRUB PAR BYIN GYIS RLOBS, CES PA 'DI NI RJE BTZUN BLA MA DAM
PA DE NYID KYI BKA' DRIN

GYIS 'TSO BA BTZUN PA BLO BZANG CHOS KYI RGYAL MTSAN GYIS DBEN
DGON GYI GTZUG LAG KHANG DU DAD PAS SBYAR BA'O,,