*, ,NA MO GU RU MU NI AINDR'A YA, 'GRO RNAMS BSGRAL PHYIR DAG BCAS
TSOGS GNYIS KYIS, ,LEGS BSGRUBS SKU GSUM GO 'PHANG MCHOG

@036A *, ,BRNYES SHING, ,SA GSUM DGE LEGS 'OD KYIS KHYAB MDZAD
PA'I, ,THUB DBANG SMRA BA'I NYI MA'I ZHABS LA 'DUD, ,CHOS
DBYINGS NGANG LAS MA G-YOS DGA' LDAN DU, ,DAM PA KUN GYI TO GA
MDZES RNAM

DKAR GYIS, ,LHA BCAS 'GRO LA PHAN BDE'I MCHOG STZOL BA, ,SA
BCU'I DBANG PHYAG TSUL LA PHYAG 'TSAL LO, ,YE SHES GZIGS PA LNGA
YIS BSAMS BZHIN DU, ,SPRIN DKAR G-YO 'DRA'I LAG LDAN RNAM ROL
GYIS, ,

SGYU 'PHRUL CHEN MO'I LHUMS KYI GZHAL MED KHANG, ,KUN NAS MDZES
PAR MDZAD LA PHYAG 'TSAL LO, ,LUMBI'I TSAL DU YUM GYI RTZIBS
LOGS LAS, ,LEGS BLTAMS TSANGS DBANG KLU RGYAL SOGS KYIS MCHOD,
,PHYOGS

DRUG GSHEGS NAS SENG GE'I SGRA BSGRAGS SHING, ,STONG GSUM 'OD
BRGYAS BKANG LA PHYAG 'TSAL LO, ,BZO DANG SGYU RTZAL RIG GNAS
RGYA MTSO YI, ,PHA ROL PHYIN PAS 'GRAN ZLA KUN BCOM NAS, ,RGYAL
BA'I RU MTSON BTZUN

MO'I TSOGS BZHES TE, ,CHOS BZHIN RGYAL SRID BSKYANGS LA PHYAG
'TSAL LO, ,SRID PA'I PHUN TSOGS ME 'OBS LTAR GZIGS NAS, ,RGYAL
SRID MCHIL MA'I THAL BA BZHIN BOR TE, ,RTEN MCHOG DRUNG DU KHYIM
PA'I

RTAGS SPANGS NAS, ,NGUR SMRIG RGYAL MTSAN BZHES LA PHYAG 'TSAL
LO, ,DKA' THUB TZAM ZHIG GROL LAM MCHOG 'DZIN PA, ,BZLOG PHYIR
NEE RANYDZA NA'I CHU 'GRAM DU, ,LO DRUG DKA' BA SPYAD NAS SLAR
BZHENGS TE, ,BYANG CHUB

@036B SHING DRUNG GSHEGS LA PHYAG 'TSAL LO, ,DE'I TSE CHU SRIN
RGYAL MTSAN CAN GYI SDE'I, ,DMAG TSOGS SPRIN NAG NAM MKHA' GANG
BA YANG, ,GANG GI BYAMS BRTZE'I DRI BZHON REG TZAM GYIS, ,MING
GI LHAG MAR MDZAD LA PHYAG

'TSAL LO, ,SNGON NAS STOBS BCU MNGA' BA'I MCHOG BRNYES KYANG,
,MI MJED 'JIG RTEN KUN LA BRTZER DGONGS NAS, ,SLAR YANG BLA MED
BYANG CHUB SNYING PO YI, ,BDUD RTZI BRNYES PAR BSTAN LA PHYAG
'TSAL LO, ,DE NAS BGRANG

YAS GDUL BYA'I TSOGS RNAMS LA, ,CHO 'PHRUL GSUM GYI ROL PA SNA
TSOGS PAS, ,CHOS KYI 'KHOR LO GRANGS MED LEGS BSKOR TE, ,SMIN
CING GROL BAR MDZAD LA PHYAG 'TSAL LO, ,SKU YI DNGOS KYI GDUL
BYA TSIM MDZAD

NAS; ;ZHI BA'I DBYINGS GZIMS SKU GDUNG CHA BRGYAD DANG, ,DE LAS
'PHROS PAS BSAM 'PHEL NOR BU YIS, ,STONG GSUM MDZES PAR MDZAD LA
PHYAG 'TSAL LO, ,'DI LTAR BSKRUN PA'I DGE BA'I TSOGS RNAMS KUN,
,MAR

GYUR NYAM THAG 'GRO BA MA LUS PA, ,SH'AKYA'I RGYAL POS 'BRAL MED
RJES BZUNG STE, ,KUN MKHYEN 'GRO BA'I RTZA LAG THOB PHYIR BSNGO,
,ZHES PA 'DI NI GZIMS KHANG GONG NAS MCHOG GI SPRUL PA'I SKU
GRAGS PA RGYAL MTSAN GYI BKAS

BSKUL BA LA BRTEN NAS, STON PA BLA NA MED PA DE'I ZHABS PHYIR
BSNYEGS PAR 'DOD PA SH'AKYA'I DGE SLONG BLO BZANG CHOS KYI RGYAL
MTSAN GYIS, RGYAL TSAB DAM PAS RGYUD BLA MAR MDZAD BCU'I BSDOMS
LTA BU GSUNGS PA JI BZHIN DU

@037A *, ,MGYOGS PAR BRIS PA'I YI GE PA NI MDO SNGAGS RAB 'BYAMS
PA DGE SLONG BLO BZANG BSTAN PA DAR RGYAS SO,, ,,