,,NA MO GU RU MANYDZU GHO sh'A YA, RGYAL BA THAMS CAD MKHYEN 
PA YON TAN RGYA MTSO DPAL BZANG

PO LA BSTOD PA, BYIN RLABS KYI 'DOD 'JO ZHES BYA BA, RJE BTZUN
DAM PA PAD DKAR 'DZIN PA DE NYID KYI ZHABS LA DUS THAMS CAD DU
PHYAG 'TSAL LO,, ` PHUN TSOGS YON TAN RGYA MTSO'I DBUS GNAS
SHING, ,SKU GSUM BANG RIM

@005A *, ,MTHON POS MNGON PAR MDZES, ,LHUN GRUB 'PHRIN LAS NYI
ZLA'I 'OD STONG GIS, ,PHAN BDE'I SNANG BRNYAN STZOL LA GSOL BA
'DEBS, ,'GRO LA SPYAN RAS STONG GIS GZIGS PA YI, ,CHOS SKU MKHA'
DBYINGS

MDZES MA'I LANG TSO LA, MNGON PAR 'KHYUD PA'I SGYU 'PHRUL DRA
BA'I GAR, ,MTHONG BAS DON LDAN MDZAD LA GSOL BA 'DEBS, ,MTHON
PO'I RIGS KYI BAG MA LAS 'ONGS SHING, ,MTSAN DPE'I 'OD STONG
'GYED PA'I NYIN MOR

BYED, ,GANGS CAN PHAN BDE'I PAD TSAL RGYAS MDZAD PA, ,GDUL BYA'I
BLO MUN SEL LA GSOL BA 'DEBS, ,RNAM DAG NGES 'BYUNG 'DAB BRGYA'I
DGA' TSAL DU, ,BSLAB GSUM SBRANG RTZIS MYOS PA'I RKANG DRUG PA,
,LEGS

GSUNGS MGRIN PA'I RGYUD MANG 'BUM PHRAG GIS, ,RNA BA'I BCUD LEN
'GYED LA GSOL BA 'DEBS, ,MKHAS DANG GRUB PA'I LEGS BSHAD BDUD
RTZI'I RGYUD, ,KHYOD THUGS RIN CHEN BUM BZANG LA REG PAS, ,NGO
MTSAR

RGYAL BAS BSNGAGS PA'I LUNG RTOGS KYI, ,DAM CHOS RGYAL SRID
SKYONG LA GSOL BA 'DEBS, ,BGRANG YAS SHES BYA'I DKYIL 'KHOR MA
LUS PA, ,KHYOD KYI RNAM DPYOD GOM PA GCIG GIS KYANG, ,BGROD TSE
KUN RMONGS

STOBS LDAN MTHAR MDZAD PAS, ,PHYOGS LAS RNAM PAR RGYAL LA GSOL
BA 'DEBS, ,MDO RGYUD GZHUNG LUGS RAL PA'I KHUR 'CHANG ZHING,
,RNAM DAG RIGS PA'I SDER 'PHRENG MNGON PAR G-YO, ,'CHAD RTZOD
RTZOM PA'I

@005B GAD RGYANGS MTHON PO CAN, ,THUB BSTAN GANGS RI SKYOD LA
GSOL BA 'DEBS, ,RMAD BYUNG RNAM DPYOD BRTZON PA'I DED DPON GYIS,
,DPAL LDAN MDO DANG RGYUD SDE'I RGYA MTSO CHAR, ,DBANG BSGYUR
RNAM GROL NOR BU'I DPAL MNGA' BA,

'GRO LA 'DOD DGU STZOL LA GSOL BA 'DEBS, ,LUNG RTOGS YON TAN RIN
CHEN GYIS GANG ZHING, ,'PHRIN LAS RLABS PHRENG G-YO BA'I RGYA
MTSO CHE, ,SKAL BZANG KLU DBANG TSOGS KYI NYER 'TSO'I GZHIR,
,YUN RING 'TSO

ZHING GZHES PAR GSOL BA 'DEBS, ,YON TAN 'OD DKAR RI MO BRGYA
PHRAG GIS, ,RGYAL BA GNYIS PA'I BSTAN PA'I RGYA MTSO CHE,
,PHYOGS BCUR RGYAS MDZAD 'GRO BA'I GDUNG SEL DU, ,G-YO MED RDO
RJE LTA BUR BRTAN PAR SHOG ,DE

LTAR BSTOD PA'I RNAM DKAR PHUNG PO'I MTHUS, ,TSE RABS KUN TU
PHYAG NA PADMO YIS, ,DGYES BZHIN RJES SU BZUNG STE DAM CHOS KUN,
,RGYAL BA'I DGONGS PA JI BZHIN 'DZIN PAR SHOG ,CES PA 'DI NI
CHOS GRVA CHEN PO DPAL

LDAN 'BRAS SPUNGS PHYOGS THAMS CAD LAS RNAM PAR RGYAL BA'I GLING
NAS BSTAN PA RIN PO CHE'I GSAL BYED LUNG RIGS SMRA BA RNAMS KYI
GTZUG RGYAN DAM PA, BSHES GNYEN CHEN PO SLOB DPON RNAM PAS MGRIN
GCIG DANG,

DBYANGS GCIG TU NAN CHER GSOL BA BTAB PA DANG, KHYAD PAR BDAG
NYID KYANG DAD PAS NYE BAR BSKUL BA LA BRTEN NAS CHOS SMRA BA'I
BTZUN PA SH'AKYA'I DGE SLONG BLO BZANG CHOS KYI RGYAL MTSAN DPAL
BZANG POS ME PHO 'BRUG GI LO

@006A *, ,CHO 'PHRUL ZLA BA'I DKAR PHYOGS LA DGA' LDAN PHO BRANG
GI GZIMS CHUNG ME TOG MNGON PAR BKRA BA'I LDING KHANG DU NYE BAR
SBYAR BA'O,, ,,