*, ,NA MO GU RU MU NI AINDR'A YA, KUN GZIGS RAB 'BYAMS GZHAN 
GYI PHYAG MTSAN LAS, ,RNAM GROL SNYIGS MA'I ZHAGS PA RING PO 
YIS, ,DBANG BSGYUR

MTHA' DAG DGE LEGS MGRON GNYER BA'I, ,THUB DBANG LHA YI LHA LA
GUS PHYAG 'TSAL, ,KHYOD SNGON GSAL MCHOG GYUR TSE NAGS TSAL
GYI, ,DPA' BO'I DGA' MA BRU BA TSA BAS NYEN, ,RANG SKYES BCAR
RTZOM THUGS RJE'I KHYOGS

BZANG POS, ,SROG DANG BCAS PA'I NYID SKU YONGS SU BTANG, ,SHI
BA'I MGON GYUR BYAMS BRTZE'I CHU 'DZIN LAS, ,'DOD DGU'I CHAR
GYIS PHONGS BA RGYUN BCAD CING, ,AUTPAL 'DAB MA RGYAS 'DRA'I
'DREN BYED ZUNG, ,LONG BA'I MIG

GDANG MDZES PA'I RGYAN DU STZAL, ,GSAL RGYAL YUL GYI BDAG
MDZAD SNGON GYI TSE, ,TSVA BRAL DRON ZAN PHYIN PA'I MYU GU
YIS, ,BRGYA BYIN PHUN TSOGS LA 'KHU'I 'BRAS GZIGS NAS, ,DGE
LEGS GSER GYI MCHOD SDANG 'BUM PHRAG

@042A *, ,SPEL; ;SBYIN LA DPA' BA DE LAS LDOG PA'I PHYIR,
,BDUD KYIS 'JIGS RUNG DMYAL BA'I GNAS SPRUL KYANG, ,LDOG PAR
MA NUS BSOD NAMS LAS 'KHRUNGS PA'I, ,'DAM SKYES LA BRTEN SANGS

RGYAS 'BRING PO MCHOD, ,SER SNAS ZIL GYIS MI NON TSONG DPON
DE, ,'BYOR PA'I SPRIN DENGS SHIN TU DBUL GYUR KYANG, ,GSER
ZHUN MRGAD MDANGS LDAN RTZVA TZAM ZHIG ,BSGYUR NAS PHONGS
RNAMS TSIM PAR MDZAD PA

LAGS, ,ZLA SHEL MTSAN MA'I PHYI MO'I LUS LDAN TSE, ,BSHUL GOL
BGRES PAS NYEN PA'I BR'A HMA, ,SKYOB PHYIR 'BAR BA'I NOR LAS
RGYAL BA'I DBUS, ,RANG LUS BSREGS PA'I MGRON GYIS KUN DGAR
MDZAD, ,DKA'

THUB NAGS SU SHING LO RNYING PA DAG ,BTZOS NAS 'TSO BA'I NYER
BSNGOGS GANG BSKRUN PA, ,NYIN GSUM BAR DU SLONG BA LA BYIN
YANG, ,CUNG ZAD MI G-YO LHUN PO'I DBANG PO BZHIN, ,LUS CAN
BYAMS PA'I STOBS KYIS SKYED

MDZAD PAS, ,BDEN BRAL BDAG PO SKYENGS BYED GNOD SBYIN LNGA,
,TZANDAN DMAR PO SBANGS PA LTA BU YI, ,NYID SKU'I SHA DANG
KHRAG GIS TSIM PAR MDZAD, ,'GRO KUN THAMS CAD SGROL BA'I KHUR
BSNAMS NAS, ,GANGS RI'I DUM BU

'KHRIGS 'DRA'I GLANG CHEN DANG, ,GCES PA'I BU DANG BU MO CHUNG
MA SOGS, ,SLONG BA RNAMS KYI 'DOD 'JO'I DPAG BSAM SHING, ,CHOS
BZHIN NOR 'DZIN SKYONG BA'I SDIG PA LAS, ,LDOG PHYIR MI STONG
MCHOD SBYIN THABS

@042B MKHAS KYI, ,NOR BU'I 'BAB STEGS LA BRTEN DGE LEGS KYI,
,YID BZHIN RGYA MTSO'I 'JING DU MA LUS DRANGS, ,BDE SOGS BDAG
POR 'KHRUNGS TSE DBANG PO'I DGRA'I, ,STOBS KYI GOM PA SUM RTZE
NA 'GOD PHYOGS KYANG, ,NYID

KYI SKU BTANG THUGS RJE'I MCHIL PA YIS, ,LAM 'DZAGS 'DAB BZANG
PHRUG GU BDE BAR DRANGS, ,GNYIS SKYES GNAS SKABS MKHAN POS
SLOB MA'I TSOGS, ,RANG BZHIN RTAG PHYIR BKA' YI B'A SHA YIS,
,RIGS MIN DRANGS

KYANG SEMS DPA' CHEN PO DE, ,LEGS SPYAD RGYAL SA NAM YANG 'GOD
MA GYUR, ,MGON PO SA YI BRGYA BYIN GYUR PA NA, ,KUN GYI YID
SRUBS MYOS BYED MA MTHONG NAS, ,RAB MYOS GDUNG BAS BSREGS
KYANG 'DZIN BCAS CES, ,LAM NGAN

MA ZHUGS BSRAN GYI KA BA BTZUGS, ,LEGS PAR PHUN TSOGS PHA ROL
PHYIN GYUR PAS, ,DON MTHUN 'BRAS BU'I GANG BU GRU BO CHE,
,GSHIN RJE'I DANG 'DRA RGYA MTSO'I GLONG 'KHAR GYIS, ,RIL MID
BYED PA BDEN PA'I TSIG GIS

BSKYABS, ,NYAL 'GRO'I GAR MKHAN RGYAL POR GYUR PA NA, ,SNYING
RJE BDEN PAS BSKUL BA'I CHU 'DZIN GYI, ,GNAM RU DANG SBYAR
SPRIN BCUD NYAG PHRAN STONG, ,SPROS PAS TSA GDUNG DGRA SDE'I
G-YUL NGO BCOM, ,'DAB LDAN SRAS

PO LUS PHRAR GYUR PA NA, ,CHU YI SKYE GNAS CAN GYI SRIN PO
KHROS, ,NAGS TSAL 'BYUNG PO ZA BAR MNGON PHYOGS TSE, ,BDEN
TSIG RDO RJE'I RA BAS YONGS SU BSRUNGS, ,RGYA CHEN MKHYEN
BRTZE'I 'DREN BYED STONG LDAN ZHING, ,'BYOR

@043A *, ,PAS MA MYOS GZHAN GYI DON LA BRTZON, ,KHYAD PAR
THAMS CAD MDZA' BOR GRAGS PA NI, ,SDER BCAS NYES BRGYA'I
'BYUNG GNAS CHE LAS LDOG ,RGYAL RIGS RMUGS 'DZIN 'BYOR PA LA
'KHU BA'I, ,

DPAL DANG LDAN PA'I KHYIM GYI RANG BZHIN DAG ,DUG CAN RGYANG
RING GNAS PA'I TSANG TSING LTAR, ,GZIGS NAS MA CHAGS 'PHAGS
PA'I RIGS BZHI BSTEN, ,RKANG PAS 'THUNG BA S'A LA CHE 'DRA
BA'I, ,BRAM ZE'I RIG 'KHRUNGS

BCUD DRUG GROGS BRAN BCAS, ,KHYIM NAS NGES 'BYUNG DKA' THUB
NAGS SONG STE, ,'DOD PA RNAMS LA DGRAR GZIGS 'PHYAS SU MDZAD,
,SKYON GTONG YON TAN SDUD PA'I TSONG PA'I DPON, ,RAB TU BYUNG
ZHES GZHAN GYIS

BSGRAGS THOS NAS, ,RE BA'I 'BRAS BU MA SMIN PHYUGS MTSUNGS
CES, ,'GEGS PA'I GNYEN BSHES YONGS BOR RAB TU BYUNG, ,'OD
SRUNGS RAB BYUNG PHYI BZHIN BGROD BYA NI, ,RJES 'GRO LDOG
KYANG DE NI DE RJES 'BRANGS, ,

CHAGS LDAN RGYAL POS BRNYAS SHING RAB GTZES KYANG, ,PHRO BA'I
SA RDUL BZOD PA'I CHAR GYIS BCIL, ,BDAG NYID CHEN PO NGANG
PA'I RGYAL PO YIS, ,RIGS MTHUN MI BDAG MNGAG GZHUG BCAS PA LA,
,THUB PA RNAMS

KYIS BYA RGOD PHUNG POR BZHIN, ,ZAB RGYAS CHOS KYI GAndI'I
SGRA DBYANGS BSGRAGS, ,LEGS LAM KUN TU RGYU BA'I BYANG CHUB
CHE, ,RDZU 'PHRUL RIGS PA'I MCHE SDER MI BZAD PAS, ,LOG LTA'I
GNYIS 'THUNG STONG GI KLAD

@043B 'GEMS SHING, ,MI BDAG BSIL BA'I RI BO'I BKRA SHIS GNYEN,
,MKHAS PA SPRE'U'I GZUGS KYIS NYI MA'I BU'I, ,MU KHA'I NANG
'DRAR CHUD PA'I MI DRANGS NGES, ,KHREL SPANGS GSOD PAR BRTZAMS
KYANG THUGS BRTZE BAS,

BZOD CING NGES PAS 'JIGS PA'I NAGS LAS BSGRAL, ,RGYAL SRAS SHA
RA BHA YI GAR MDZAD PAS, ,BDAG NYID GSOD PA'I RGYAL PO MGYOGS
'GRO YIS, ,'JIGS RUNG G-YANG SAR 'PHANGS PA SNYING BRTZE BAS,
,SLAR DRANGS

PHAN DANG BDE BA'I BKA' DRIN STZAL, ,RU RUR RNAM PAR ROL PA'I
SEMS DPA' CHES, ,SHUGS DRAG DAL 'GRO'I RGYUN GYIS DBANG BYAS
PAS, ,LNGA PAR PHYOGS PA'I 'GRO LA SROG BYIN CING, ,GNOD LAN
PHAN MDZAD SA SKYONG YONGS, ,

SU BZUNG, ,BDAG NYID CHEN PO SPRE'U TSOGS MGON GYUR PAS, ,DGRA
YIS BSKOR BA'I BDAG GI 'BANGS RNAMS KYI, ,SDUG BSNGAL MA BZOD
RANG LUS ZAM PAR BKOD, ,GCES PA'I SROG GIS 'KHOR BSKYANGS DGRA
YANG DGYES

BZOD PA SMRA BA'I GRAGS PA DON BCAS PA, ,MA BRTAGS RGYAL PO
KHROS PAS MTSON RNON POS, ,MTHAR GYIS SKU YI LJON SHING RAB
GTUBS KYANG, ,BZOD PA'I RANG BZHIN GSER LTAR 'GYUR MI MNGA',
,BSAM GTAN GOMS

PAS TSANGS PA'I GNAS 'KHRUNGS KYANG, ,SNYING RJE'I DBANG GIS
'DOD PA'I KHAMS KUN MYUL, ,CHANG LTA'I 'DON GYIS ZIN PA'I YAN
LAG BYIN, ,LTA NGAN LAS BSGRAL YANG DAG LAM LA BKOD, ,LAG LDAN
SGYU MAS RNAM PAR

@044A *, ,ROL PA'I TSE, ,MYA NGAM THANG 'KHYAMS PHONGS PA
BRGYA PHRAG BDUN, ,BRTZE BAS MA BZOD SHA YI LAM BRGYAGS DANG,
,RGYU MAS CHU SNOD KYIS GSUNGS SKU SROG BTANG, ,RGYAL SRAS ZLA
BA'I THUGS RJE'I

'OD DKAR GYIS, ,RKANG KHRA'I ZHE SDANG MUN PA KUN BSAL TE,
,BTZON DU BZUNG BA'I GZHON NU BSIL 'OD GNYEN, ,BRGYA PHRAG
DBUGS DBYUNG NGO MTSAR RGOD PA BZHIN, ,LCAGS KHYIM GE SAR LA
GNAS SNYING RJE'I GTER, ,

SRID PA'I PHUN TSOGS KUNDA'I DGA' STON LA, ,NAM YANG MA CHAGS
NGES 'BYUNG SKYED TSAL DU, ,THAR PA DAM PA'I SBRANG RTZI'I
DPAL LA SPYOD, ,RGYAL SRAS KUN GYI THUGS RJE MA LUS PA, ,RAB
BZANG KHYU MCHOG GZUGS SU

SHAR BA DE, ,MI BSRUN SPRE'U'I GNOD PA BRGYAS GTZES KYANG,
,BZOD PA'I CHAB KYIS 'KHRUG PA'I SREG ZA BCIL, ,BYAMS BRTZE'I
'DAB GSHOG G-YO LDAN SHING RTA MO, ,THABS SHES RNO BAS 'PHROG
BYED NAD BSAL KYANG, ,DRIN

LAN MI GZO SER SNAS 'KHRUGS PA LA, ,G-YO MED NGES PA'I TSUL
GYIS RJES BRTZER MDZAD, ,RGYAL SRAS GZHAN GYI THUGS LA 'JIGS
STER BA, ,RLABS CHEN BRTZON PAS SNYIGS MA'I DGUN DUS 'DIR,
,SKU GSUM 'DAB BRGYA

BZHAD PA NYI MA'I GNYEN, ,DRAN PAS GDUNG SEL DE LA SNYING NAS
'DUD, ,MGON KHYOD ZHING 'DIR ZHI BA'I DBYINGS BZHUGS KYANG,
,BDAG CAG THUGS RJES BSKYANGS PA'I 'PHRO MCHIS PAS, ,ZHING
KHAMS GANG DU RGYAL BA'I

@044B MDZAD PA YIS, ,ROL DER YID GTAD GSOL 'DEBS BRTZE BAS
GZIGS, ,DE LTAR 'DREN MCHOG SH'AKYA'I RGYAL PO YI, ,SKU TSE
SNGON MA'I MDZAD PA'I CHA SHAS TZAM, ,BRJOD PA'I DGE BAS 'GRO
BA MA LUS PA, ,STON PA MCHOG

DES 'BRAL MED RJES 'DZIN SHOG ,CES SKYES RABS SO BZHI BA'I
YANG SNYING, MKHAS MCHOG DBANG PO'I MGUL RGYAN ZHES BYA BA 'DI
YANG, RAB 'BYAMS SMRA BA'I DGE SLONG RI KHROD PA BLO BZANG
DPAL 'BYOR ZHES BYA BAS, BLA

GOS GSAR PA'I RTEN DANG BCAS BSKUL ZHING, KHYAD PAR BDAG NYID
STON PA BLA NA MED PA DE NYID LA LHAG PAR DAD PAS KUN NAS
BSLANGS TE, MDO RGYUD MAN NGAG 'DZIN PA SH'AKYA'I DGE SLONG
BLO BZANG CHOS KYI RGYAL MTSAN

GYIS CHOS GRVA CHEN PO BKRA SHIS LHUN PO'I GTZUG LAG KHANG DU
CHO 'PHRUL ZLA BA'I DUS NYI MA ME BZHI'I 'GRUB SBYOR THOG
SBYAR BA'I YI GE PA NI CHOS RJE DKA' BCU PA SNYING STOBS RGYA
MTSO'O,, ,,