*, ,NA MO A'ARYA MEE TR'I YA, STON PA BLA NA MED PA'I RGYAL SRID 
LA, ,CHOS KYI 'KHOR LO 'DOD DGUR DBANG BSGYUR BA'I, ,RGYAL TSAB 
DAM PA BYAMS MGON CHOS KYI RJE, ,TSAD MED THUGS RJE'I DBANG 
GIS GNAS 'DIR GSHEGS, ,MDUN GYI NAM

MKHAR SENG GE'I KHRI STENG DU, ,PADMA NYI ZLA BRTZEGS PA'I
GDAN KHRI LA, ,NOR BU'I 'OD CHAGS ZHABS SEN MDZES BKOD DE, ,JI
SRID DRAN PA DE SRID BZHUGS SU GSOL, ,NYAM THAG 'KHOR BA'I
'JIGS PAS NYEN PA LA, ,KHYOD

@045A *, ,LAS LHAG PA'I SKYABS GZHAN MA MCHIS PAS, ,RE SA
GZHAN NA MED PA'I GDUNG SHUGS KYIS, ,JI SRID BYANG CHUB SNYING
POR SKYABS SU MCHI, ,KHYOD KYI SKU GSUNG THUGS DANG 'PHRIN LAS
KYI, ,NGO MTSAR

YON TAN RGYA MTSOS YID DRANGS NAS, ,GDUNG BA'I DBYANGS KYI NGA
ROS GSOL 'DEBS SHING, ,LAG PAD SPYI BOR ZUM PA'I PHYAG BGYI'O,
,LHAN SKYES BDE STONG NAM MKHA'I ROL PA LAS, ,SNA TSOGS MCHOD
PA'I SPRIN

GYI PHRENG BA CAN, ,KUN BZANG MCHOD PA'I TSOGS DANG LHAN CIG
TU, ,ZAG MED DGYES PA BSKYED PHYIR KHYED LA 'BUL, ,BDAG CAG MA
RIG NYON MONGS DBANG GYUR PAS, ,RMI LAM BZHIN DU NONGS PA'I
TSOGS RNAMS GANG, ,

BGYIS DANG BGYID STZAL YI RANG GANG BGYIS PA, ,DMIGS MED RANG
BZHIN DAG PA'I DBYINGS SU BSHAGS, ,DAM PA'I DON DU SPROS PA
KUN BRAL YANG, ,KUN RTOG PIR GYI RTZE MOS LOGS BRIS PA'I,
,RMAD BYUNG RI MO BKRA

BA'I RNAM DKAR LA, ,ZHEN MED SPRO DANG DGA' BA CI YANG BGYI,
,'GRO KUN MA RIG GNYID LAS SAD BYED PA, ,BRAG CA'I DBYANGS
BZHIN ZAB RGYAS LEGS BSHAD SMRA, ,RGYUN MI 'CHAD PHYIR SRID
MTHA'I BAR DU YANG, ,MYA NGAN MI

'DA' RTAG PAR BZHUGS SU GSOL, ,STON PA 'JIG RTEN SGRON MA MNAL
GYUR CING, ,BSTAN 'DZIN SDE SNOD 'DZIN PA PHAL CHER ZAD, ,THUB
BSTAN NYES BSHAD DRI MAS SBAGS GYUR NA, ,TSUL 'DI GZIGS SAM
BYAMS

@045B MGON THUGS RJE CAN, ,NYAM THAG 'GRO 'DI'I PHAN BDE MA
LUS PA, ,RGYAL BA'I BSTAN PA NYID LA RAG LAS SHING, ,DE NYID
'DZIN PA'I RGYAL TSAB GZHAN MED NA, ,BYAMS MGON BSTAN PA RGYAS
PAR MDZAD DU GSOL, ,MI BZAD

'KHOR BA'I 'BROG DGON 'JIGS RUNG 'DIR, ,GTI MUG MUN PA 'THUG
POS PHYOGS RNAMS BSLAD, ,ZHE SDANG DUS MTHA'I ME BZHIN RAB TU
'BAR, ,'DOD CHAGS KHRAG GI CHAR PAS KUN NAS GSHER, ,SKYE RGA
NA 'CHI'I ZHAGS PAS

DAM DU BCINGS, ,KYI HUD BZOD DKA'I SDUG BSNGAL DRAG POS
GDUNGS, ,KYE MA 'DI 'DRA'I NYAM THAG GNAS GYUR PA, ,BYAMS MGON
THUGS RJE CHEN POS MI DGONGS SAM, ,KHYOD NI YE SHES GZIGS PA
THOGS MED CING, ,RING

NAS GSAN PA'I LHA SNYAN SGRIB MED PAS, ,SNYING NAS SKYABS SU
SONG BA 'DI DGONGS LA, ,BDAG CAG MGON MED 'GRO BA MTHA' DAG GI
,MI 'DOD SDUG BSNGAL MA LUS 'BYUNG BA'I SGO, ,NYON MONGS DUG
GSUM DGRA 'DI TSAR

BCAD NAS, ,'JIGS PA'I SKUL MA MDZOD CIG MI PHAM MGON, ,LAS
NGAN MI DGE'I RLUNG GIS RGYAB NAS DED, ,'JIGS RUNG GSHIN RJE'I
SKYES BUS MDUN NAS BSUS, ,THAR MED NGAN 'GRO'I G-YANG SAR
MNGON PHYOGS NA, ,

DGA' LDAN GNAS SU DRONGS SHIG MA PHAM MGON, ,BDAG CAG THOG MED
SRID PA'I RGYA MTSO CHER, ,LAS DANG NYON MONGS RBA RLABS DRAG
POS G-YENGS, ,SDUG BSNGAL CHU SRIN MANG POS RTAG GTZES NA,
,THAR PA'I GLING DU SGROL 

@046A *, ,ZHIG MA PHAM MGON, ,KHYAD PAR RING NAS 'GROGS PA'I LUS
SEMS GNYIS, ,PHAN TSUN 'BRAL BAR MNGON DU PHYOGS PA'I TSE, ,GNAD
GCOD SDUG BSNGAL DRAG POS MA GOS PAR, ,THAR PA'I LAM SNA

DRONGS SHIG MA PHAM MGON, ,DGA' LDAN GNAS NAS KHYOD KYI PHYAG
G-YAS NI, ,GSER GYI LJON PA BRKYANGS 'DRA SPYI BOR BZHAG ,MA
'JIGS NGA YIS DGA' LDAN GNAS 'DREN ZHES, ,MNGON SUM DBUGS 'BYIN
GNANG BA THOB

PAR SHOG ,RNAM SHES SKYES BU PHYI MAR 'GRO BA'I TSE, ,MI DGE'I
'KHRUL SNANG 'JIGS SKRAG DANG BRAL NAS, ,MA PHAM THUGS RJE'I PHO
NYAS LAM DRANGS TE, ,THOGS MED DGA' LDAN GNAS SU SKYE BAR SHOG
,DE TSE ZHING GI 'DREN PA

KHYOD DANG NI, ,'JAM DPAL SNYING PO'I ZHAL BZANG MNGON GYUR NAS,
,GSUNG GI BDUD RTZI NGOMS MED BSTEN PA'I MTHUS, ,RGYAL BA'I DAM
CHOS MA LUS 'DZIN PAR SHOG ,NAM ZHIG RDO RJE GDAN DU MGON PO
KHYOD, ,RGYAL BA'I

MDZAD PAS RNAM PAR ROL BA'I TSE, ,'KHOR GYI THOG MA NYID DU BDAG
GYUR NAS, ,RANG RGYUD SMIN GROL GZHAN DON MTHAR PHYIN SHOG ,CES
PA 'DI MKHAS GRUB KUN GYI GTZUG RGYAN DAM PA, CHOS KYI RJE BKRA
SHIS RIN CHEN GYI

ZHAL SNGA NAS KYI BKA' STZAL DANG DU BLANGS NAS, BLO BZANG CHOS
KYI RGYAL MTSAN GYIS DBEN SA CHOS KYI PHO BRANG GI GTZUG LAG
KHANG DU SBYAR BA DGE LEGS 'PHEL,, ,,