*, ,NA MO GU RU MANYDZU GHO sh'A YA, RJE BTZUN 'JAM PA'I DBYANGS 
LA BSTOD PA SHES RAB GSAL BYED CES BYA BA, BLA MA DANG RJE BTZUN 
'JAM PA'I DBYANGS LA PHYAG 'TSAL LO, ,RGYAL BA KUN GYI MKHYEN PA'I 
MKHA' DBYINGS LAS, ,MTSAN

DPE'I 'JA' TSON MDZES PA'I GZHON NU'I SKU, ,MTHONG BA DON LDAN
MDZAD PA LHA YI LHA, ,'JAM MGON BLA MA'I ZHABS LA GSOL BA 'DEBS,
,'CHAR GA'I MDANGS KYIS 'KHYUD PA'I GSER GYI RI, ,RGYU SKAR TSOM
BUS

MDZES PA JI BZHIN DU, ,'OD ZER STONG 'BAR LHA RDZAS LAS GRUB
PA'I, ,RIN CHEN RGYAN PHRENG G-YO BA KHYOD LA 'DUD, ,RI BONG
'DZIN PAS MTSAN PA'I CHU SKYES STENG, ,MDZES PA'I 'GYING LDAN
RDO RJE SKYIL KRUNG BZHUGS,

ZHAL GCIG PHYAG GNYIS CHOS 'CHAD PHYAG RGYA CAN, ,GZHON NU ZUR
PHUD LNGA LDAN KHYOD LA 'DUD, ,PHYAG ZUNG NYER MDZES AUTPAL
RGYAS PA'I STENG, ,ME SHEL DRA BA GCOD PA'I RAL GRI DANG, ,YE
SHES SNANG BA STZOL BA'I

GLEGS BAM GYIS, ,MCHOG TU MDZES PA'I GZHON NU KHYOD LA 'DUD,
,DRAN PA TZAM GYIS BLO GROS MCHOG STZOL ZHING, ,MTSAN TZAM THOS
PA YIS KYANG MI SHES PA'I, ,RMONGS PA BAG CHAGS BCAS PA DRUG
'BYIN PA, ,

@047B SHES RAB SNANG BA STER MDZAD KHYOD LA 'DUD, ,TSAD MED
THUGS RJE CHEN PO'I GZHAN DBANG GIS, 'GRO KUN SRID PA'I MTSO LAS
GROL BA'I PHYIR, ,SA BCU'I DBANG PHYUG RGYAL SRAS THU BO'I TSUL,
,'DZIN MDZAD RGYAL BA'I YAB

GCIG KHYOD LA 'DUD, ,DE LTAR BSTOD PA'I DGE BAS BDAG GZHAN
RNAMS, ,SKYE BA KUN TU 'JAM DBYANGS BLA MA YIS, ,'BRAL MED RJES
SU BZUNG NAS SHES BYA'I GNAS, ,MA LUS RTOGS PA'I SHES RAB THOB
PAR SHOG ,RGYAL

BA'I GSUNG RAB RNAMS KYI TSIG DON KUN, ,JI BZHIN NGES NAS GZHAN
LA STON PA LA, ,KUN MKHYEN NYIN MO'I DBANG PHYUG LTAR GYUR NAS,
,MAR GYUR 'GRO BA KUN GYI DON BYED SHOG ,CHE ZHING GSAL LA MYUR
ZHING ZAB PA YI,

SHES RAB MCHOG THOB 'CHAD RTZOD RTZOM GSUM DANG, ,RIG GNAS BCU
SOGS MKHAS PA'I MTHAR PHYIN NAS, ,'JAM MGON BLA MA'I GO 'PHANG
MYUR THOB SHOG ,CES PA 'DI NI TSE DANG LDAN PA LEGS PA RGYAL
MTSAN GYIS NAN

CHER BSKUL BA LA BRTEN NAS, ,BLO BZANG CHOS KYI RGYAL MTSAN GYIS
SHANGS MDO RGOD TSANG GI RI KHROD DU SBYAR BA'O,, ,,