*, ,NA MO GU RU MANYDZU GHO sh'A YA, 'PHAGS PA NYE BAR 'KHOR GYIS
ZHUS PA'I MDO LAS GSUNGS PA, SDIG PA'I GNYEN PO STOBS BZHI

YONGS RDZOGS TSANG BA, SANGS RGYAS SO LNGA'I CHO GA BYED PAR
'DOD PAS, MGON PO GSER GLING PA'I RNAM THAR BZHIN SBYOR BA'I
CHOS DANG, DKON MCHOG GI RTEN DANG, MCHOD PA'I TSOGS LEGS PAR
SBYAR NAS,

@136A *, ,SKYABS 'GRO SEMS BSKYED TSAD MED BZHI RGYUD DANG 'DRES
NGES SNGON DU BTANG, KHYAD PAR SEMS CAN THAMS CAD KYI DON DU
MYUR BA MYUR BAR RDZOGS PA'I SANGS RGYAS KYI GO 'PHANG THOB

PAR BYA, DE'I PHYIR DU BDE BAR GSHEGS PA SO LNGA LA MCHOD BSTOD
SNGON DU 'GRO BA'I SGO NAS SDIG PA BSHAGS PA'I CHO GA LA 'JUG
PAR BYA'O SNYAM PA GSUM MAM BDUN SOGS BYA, DNGOS GZHI NI 'DI
LTAR,

` RGYAL BA KUN GYI THUGS RJE SMON LAM DANG, ,BSOD NAMS YE SHES
LAS GRUB CI 'DOD PAR, ,'CHAR BA'I RIN CHEN RANG BZHIN SA YI
GZHI, ,GA BUR TZANDAN SBRUL SNYING DRI LDAN PA'I, ,PADMA AUTPAL
KU MU DA LA

SOGS, ,LHA RDZAS MDZES PA'I ME TOG GCAL DU BKRAM, ,LO MA ME TOG
'BRAS BUS G-YUR ZA BA'I, ,LJON SHING PHRENG BA YID BZHIN MTSO
YIS BRGYAN, ,SPRUL PA'I BYA TSOGS CHOS KYI GSUNG SNYAN BSGYUR,
,KUN

BZANG MCHOD SPRIN RGYA MTSOS GANG BA'I DBUS, ,GZHAL MED PHO
BRANG GRU BZHI SGO BZHI PA'I, ,LTE BA G-YAS G-YON SHAR LHO NUB
BYANG DU, ,SENG KHRI PAD ZLA'I GDAN GSUM BRGYAD BZHIS BRGYAN,
,DBUS SU BDAG

CAG STON PA SH'AKYA'I GTZO, ,GSER GYI MDOG CAN SA GNON MNYAM
GZHAG MDZAD, ,DE YI G-YAS G-YON RDO RJE'I SNYING PO DANG, ,RIN
CHEN 'OD 'PHRO SHAR PHYOGS G-YAS BSKOR GYIS, ,KLU DBANG RGYAL
PO NAS

@136B BZUNG DRI MED PAR, ,LHO PHYOGS DPAL BYIN GZI BRJID MTHA'
YAS BAR, ,NUB PHYOGS 'OD DPAL NAS BZUNG DRAN PA'I DPAL, ,BYANG
PHYOGS MTSAN DPAL NAS BZUNG RI DBANG RGYAL, ,STON PA MCHOG DANG
BDE GSHEGS

KLU'I DBANG PHYUG ,MA GTOGS RIM BZHIN RIGS LNGA'I RNAM PA CAN,
,RE RE'ANG 'PHAGS TSOGS RAB 'BYAMS 'KHOR GYIS BSKOR, ,GANG 'DUL
NGO MTSAR MDZAD PA'I ZLOS GAR GYIS, ,CHOS DBYINGS RGYAS PAR
'GENGS

SHING BZHUGS PAR BSAM, ,YANG NA 'DI LTAR GSAL GDAB, MDUN GYI NAM
MKHAR KUN TU BZANG PO YI, ,RNAM THAR LAS BYUNG MCHOD SPRIN
'KHRIGS PA'I DBUS, ,NOR BU'I SENG KHRI PADMA ZLA BA'I STENG,
,KHAMS GSUM 'GRO

BA'I BLA MA SH'AKYA'I GTZO, ,GSER GYI LHUN PO NYIN BYED BYE BA'I
'OD, ,KUN NAS 'PHRO BA JI BZHIN MDZES PAR BZHUGS, ,STON PA'I DBU
YI G-YAS G-YON GNYIS GNYIS DANG, ,DE 'OG RIM BZHIN LNGA PHRAG
ZUNG LDAN GSUM,,

SNA TSOGS PAD MA ZLA BA'I GDAN GYI STENG, ,DE BZHIN GSHEGS PA
RDO RJE'I SNYING PO NAS, ,SANGS RGYAS RI DBANG RGYAL PO'I BAR SO
BZHI, ,BDE GSHEGS RIGS LNGA'I SKU MDOG PHYAG RGYA CAN, ,RANG
RANG RGYAL SRAS

NYAN THOS RANG RGYAL DANG, ,BKA' SDOD RGYA MTSOS BSKOR NAS
BZHUGS PAR BSGOMS, ,RNAM GNYIS RANG RANG BLO DANG BSTUN BYAS LA,
,YE SHES SPYAN DRANGS BZANG PO SPYOD PA DANG, ,SPYOD 'JUG LAS
GSUNGS

@137A *, ,YAN LAG BDUN PA PHUL, ,STOBS BZHI'I RNAM PA JI BZHIN
GSAL BA'I NGANG, ,PHYAG BCAS LTUNG BSHAGS GSUM BDUN NYER GCIG
GAM, ,BRGYA STONG SOGS BRJOD MJUG TU TSOGS ZHING

RNAMS, ,BYIN GYIS BRLAB PHYIR DGYES SHING BDAG LA THIM, ,BDAG
NYID BSTAN PA'I BDAG PO'I NGA RGYAL GYIS, ,THUB DBANG BDE GSHEGS
SPYI YI SNYING PO SOGS, ,MA YENGS LEGS PAR BZLAS MTHAR SMON

LAM DANG, ,BSNGO BAS BRGYAN PAS MI BZAD SDIG LTUNG GI ,MUN NAG
KUN 'JOMS NYI MA'I MCHOG TU GSUNGS, ,TSUL 'DI MANG THOS SGRUB LA
BRTZON PA YI, ,SDOM BRTZON SNYING STOBS RGYA MTSOS NAN TAN DU,
,BSKUL TSE BLO

BZANG CHOS KYI RGYAL MTSAN GYIS, ,THAMS CAD MKHYEN PA DPAL LDAN
ZHI BA 'TSO'I, ,MDO MCHOG SBYOR BA BKA' GDAMS GONG MA YI, ,GNAS
BRTAN BSGRUB PA'I CHO GA BZHIN BSKYAR BA'I, ,DGE BAS 'GRO

KUN SDIG LTUNG 'CHING BA LAS, ,RNAM GROL BLA MED BYANG CHUB MYUR
THOB SHOG ,CES PA 'DI YANG, BTZUN PA BLO BZANG CHOS KYI RGYAL
MTSAN GYIS SBYAR BA'O,, ,,