*, ,SVA STI, ZHI GNAS BSGOM TSUL NI, RANG GI SPYI BOR SENG GE CHEN 
PO BRGYAD KYIS BTEG PA'I RIN PO CHE'I KHRI MTHO ZHING YANGS

PA'I STENG GAR, SNA TSOGS PAD ZLA NYI MA'I DKYIL 'KHOR GYI GDAN
LA, NGO BO RANG GI DRIN CAN RTZA BA'I BLA MA YIN PA LA, RNAM PA
RGYAL BA SH'AKYA THUB PA SKU GSER BTZO MA LTA BU, DBU GTZUG TOR
DANG LDAN PA, ZHAL

GCIG PHYAG GNYIS KYI G-YAS SA GNON DANG, G-YON MNYAM GZHAG GI
STENG NA BDUD RTZIS GANG BA'I LHUNG BZED BSNAMS PA, CHOS GOS
NGUR SMRIG GI MDOG CAN GSUM SKU LA MDZES PAR GSOL BA, MTSAN DANG

DPE BYAD KYIS SPRAS PA, DVANGS GSAL 'OD KYI RANG BZHIN CAN, SKU
LAS SKYES PA'I 'OD KYI PHUNG PO'I DBUS NA ZHABS GNYIS RDO RJE
SKYIL KRUNG GIS BZHUGS PAR BSAM, SNGON 'GRO'I RIM PA NI SKYES BU
CHUNG

'BRING GI BSAM PA SBYONG BA DANG, SA BZANG ZHING GROGS BZANG
BA'I YID MTHUN GYI DBEN PA'I GNAS SU, TSUL KHRIMS RNAM PAR DAG
PA LA GNAS NAS, SKYE BO MANG PO DANG 'GROGS 'DRIS HA CANG CHE BA
DANG, 'DOD PA

LA 'DUN PA'I RNAM RTOG RAGS PA RNAMS SPANGS TE, 'DOD CHUNG CHOG
SHES LA GNAS NAS, STAN BDE BA LA 'DUG STE LUS DRANG POR BSRANGS,
RKANG PA RDO RJE'I SKYIL KRUNG DANG, LAG PA GNYIS MNYAM GZHAG GI
PHYAG

@212B RGYA BCAS, KLUNG CHAM LA 'BEBS PA SOGS ZHI GNAS BSGRUB
PA'I RGYU TSOGS BSTAN PA SNGON BU BTANG NAS, DNGOS GZHI LA, ZHI
GNAS BSGRUB PA'I DMIGS RTEN DU MA ZHIG GSUNGS KYANG, GTZO BOR
SANGS RGYAS RJES SU DRAN

PA'I MCHOG TU 'GYUR BA DANG, SNGAGS KYI LHA'I RNAL 'BYOR BSGOM
PA'I SNOD RUNG DU 'GYUR BA SOGS DGOS PA DU MA YOD PAS, LHA'I SKU
LA DMIGS PA LEGS LA, DE'I TSUL NI, SPYI BO'I BLA MA LHA'I THUGS
KA NAS 'OD ZER

SDOM GYI BA THAG LTA BU NAR GYIS BYUNG BA'I SNE MOR SNA TSOGS
PADMA DANG ZLA BA'I GDAN LA, RGYAL BA SH'AKYA THUB PA SKU GSER
BTZO MA LTA BU, ZHES PA NAS, RDO RJE SKYIL KRUNG GIS BZHUGS PA
RGYA SRAN GYI 'BRU TSAD TZAM ZHIG SPROS

NAS; RANG GI LTE BA'I THAD KYI MDUN GYI NAM MKHAR BZHUGS PA LA
SEMS RTZE GCIG TU DMIGS NAS BSGOM PA'AM, YANG NA SPYI BO'I BLA
MA LHA LAS BLA MA LHA GNYIS PA ZHIG MAR ME GCIG LAS GNYIS CHAD
KYI TSUL

DU BYUNG NAS RANG LA THIM PAS, SENG GE CHEN PO BRGYAD KYIS BTEG
PA'I RIN PO CHE'I KHRI MTHO ZHING YANGS PA'I STENG GAR, SNA
TSOGS PAD ZLA NYI MA'I DKYIL 'KHOR GYI GDAN LA, RANG NYID RGYAL
BA SH'AKYA THUB PA ZHES PA NAS, RDO RJE'I

SKYIL KRUNG GIS BZHUGS PA NAM MKHA'I 'JA' TSON LTA BU, SNANG LA
RANG BZHIN MED PA LA SEMS RTZE GCIG TU DMIGS NAS BSGOM PAR
BYA'O, ,DE'I TSE SER PO BSGOM 'DOD PA LA DMAR PO SOGS 'CHAR BA
DANG, BZHUGS PA'I

@213A *, ,RNAM PAR BSGOM 'DOD PA LA BZHENGS PA'I RNAM PAR 'CHAR
BA DANG, GCIG BSGOM 'DOD PA LA DU MA 'CHAR BA BYUNG NA, DE DAG
GI RJES SU MI 'BRANG BAR RTZA BA'I DMIGS RTEN LA SEMS RTZE GCIG
TU

DMIGS NAS BSGOM, DANG PO NAS DVANGS GSAL 'OD KYI RANG BZHIN CAN
GYI GSAL PO RANG MA BYUNG YANG, SKU'I DON SPYI CHA PHYED TZAM
GSAL BA LA SEMS RTZE GCIG TU DMIGS NAS BSGOM PAR BYA'O, ,DE YANG
THUN 'DI

TZAM GYI BAR DU BYING RGOD GTAN NAS MA BYUNG BA ZHIG BYED, GAL
TE BYUNG NA DE MA THAG TU SHES PAR BYAS TE SPONG SNYAM PA'I 'DUN
PA DRAG PO BTANG NAS, SEMS DMIGS RTEN LA RTZE GCIG TU GTAD PA DE
NYID BLO'I YUL DU

MA BRJED PAR DRAN TZAM DRAN TZAM BYAS NAS, BLO DE'I RGYUN SKYONG
BA NA LAS DANG PO BAS SEMS GNAS BSGRUB PA'I THABS DAM PA'O,
,MDOR NA TING NGE 'DZIN RNAM PAR DAG PA ZHIG BSGOM NA, NYES PA
LNGA SPONG 'DU BYED BRGYAD, ,

BSTEN PA'I RGYU LAS BYUNG BA'O, ,ZHES GSUNGS PA LTAR, NYES PA
LNGA SPONG BA'I GNYEN PO 'DU BYED BRGYAD BSTEN PA'I SGO NAS
BSGRUB DGOS TE, DE YANG TING NGE 'DZIN LA SBYOR BA'I TSE LE LO
NYES PA YIN PAS, DE'I

GNYEN PO BZHI STE, TING NGE 'DZIN GYI YON TAN MTHONG BA'I DAD PA
DANG, TING NGE 'DZIN LA DON GNYER GYI 'DUN PA DANG, TING NGE
'DZIN LA RTZOL BA'I BRTZON 'GRUS DANG, RTZOL BA'I 'BRAS BU SHIN
SBYANGS SO, ,TING NGE

@213B 'DZIN LA BRTZON PA'I TSE GDAMS NGAG BRJED PA NYES PA YIN
PAS, DE'I GNYEN PO DRAN PA STE, DRAN PA YANG DMIGS RTEN MA BRJED
PA GCIG PUS MI CHOG GI ,SEMS DMIGS RTEN LA RTZE GCIG TU DMIGS
NAS, RIG

PA NGAR LDAN DU BYAS PA'I NGES SHES DAM SPRING NGE BA DANG LDAN
PA'O, ,TING NGE 'DZIN LA MNYAM PAR BZHAG PA'I TSE, BYING RGOD
GNYIS NYES PA YIN PAS DE'I GNYEN PO SHES BZHIN TE, DE YANG SHES
BZHIN GYIS BYING RGOD

'BYUNG MI 'BYUNG LEGS PAR BRTAGS PAS, BLO RAB KYIS BYING RGOD
'BYUNG BA'I MGO RTZOM PA NA, DE SHES NAS SPONG LA, 'BRING GIS
BYUNG MA THAG DANG, THA MAS KYANG BYING RGOD BYUNG NAS RING PO
MA LON PAR, DE SHES NAS SPONG

DGOS SO,, 'O NA; RMUGS PA DANG BYING RGOD GNYIS KYI KHYAD PAR JI
LTA BU ZHE NA, DMIGS RTEN MI GSAL BAR LUS SEMS LCI BA'I RNAM PA
CAN NI RMUGS PA YIN LA, SEMS LA MUN PA BAB PA LTA BU DANG, SEMS
DMIGS

RTEN LAS GZHAN DU MI 'PHRO YANG, DVANGS CHA DANG GSAL CHA MED
PAR, DRAN PA'I SHUGS ZHAN DU SONG BA NI BYING BA RAGS PA DANG,
DVANGS CHA DANG GSAL CHA YOD KYANG, DMIGS RTEN NGES PA'I NGES
SHES DAM SPRING NGE BA LAS

CUNG ZAD ZHAN DU SONG BA NI, BYING BA PHRA MO YIN LA, DE DAG GI
GNYEN POR DKON MCHOG GSUM GYI YON TAN SEMS PA DANG, SNANG BA'I
MTSAN MA YID LA BYED PA DANG, RLUNG SEMS NAM MKHA' DANG BSRE
BA'I GDAMS

@214A *, ,NGAG RNAMS BYA'O, ,SEMS DMIGS RTEN LA G-YO MED DU MI
GNAS PAR CUNG ZAD 'PHRO BA NI RGOD PA PHRA MO YIN LA, DE'I GNYEN
POR DRAN SHES BSTEN NAS BSGOM PAR BYA'O, ,DRAN SHES BSTEN KYANG

MI GNAS PAR CHAGS YUL RNAMS LA 'PHRO BA NI, RGOD PA RAGS PA YIN
LA, DE'I GNYEN POR MI RTAG PA DANG, NGAN SONG GSUM DANG 'KHOR BA
SPYI'I SDUG BSNGAL BSGOM PA, RGOD PA BTZAN THABS SU GCOD PA'I

GDAMS NGAG RNAMS BYA'O, ,BYING RGOD GNYIS BYUNG BA'I TSE, 'DU MI
BYED PA NYES PA YIN PAS, DE'I GNYEN POR BYING RGOD BYUNG MA THAG
TU RIG PAR BYAS NAS SPONG BA'I 'DU BYED BSTEN PAR BYA'O, ,DE
YANG SEMS

DMIGS RTEN LA CHES CHER BSGRIMS PA'I RIG PA NGAR LDAN DU BYAS
NAS, GSAL CHA YONG YANG, RGOD SHAS CHE BAS GNAS CHA RNYED DKA'
LA, CHER MA BSGRIMS BAR GLOD NA GNAS CHA YONG YANG BYING SHAS
CHE ZHING,

GSAL CHA RNYED DKA' BAS, DES NA, RANG NYAMS LA DPAGS TE RIG PA
'PHANGS 'DI TZAM ZHIG BSTOD NA RGOD PA SKYE BAR 'DUG SNYAM PA
LAS CUNG ZAD GLOD, 'DI TZAM DU BZHAG NA BYING BA SKYE BAR 'DUG
SNYAM PA

LAS CUNG ZAD 'PHANGS BSTOD NA RAN PAR 'GYUR BAS, DE GNYIS KYI
MTSAMS SU 'PHRO RGOD LAS SEMS BLAN TE GNAS CHA 'TSOL, GNAS CHA
NAM BYUNG RES KYIS BYING ZON BYAS NAS RIG PA NGAR LDAN DU BYAS
PA'I

@214B GSAL CHA 'DON, DE GNYIS RE MOS SU BYAS NAS BSKYANGS PAS,
TING NGE 'DZIN SKYON MED 'GRUB KYI, NGES SHES KYI 'DZIN STANGS
NGAR LDAN DU BYAS PA'I GSAL CHA MED PA'I DVANGS BA TZAM LA YID
BRTAN MI BYA'O, ,DE LTAR BYING

RGOD PHRA MO YANG TSED NAS SEMS TING NGE 'DZIN LA RGYUN CHAGS SU
'JUG PA'I TSE, 'DU BYED PA NYES PA YIN PAS, DE'I GNYEN POR BYING
RGOD KYI GNYEN PO 'DU MI BYED PAR, NGES SHES KYI 'DZIN STANGS
DAM SPRING NGE BA'I NGANG DU

BTANG SNYOMS SU GLOD NAS 'JOG PA'O, ,DE LTA BU'I TSUL GYIS LEGS
PAR BSKYANGS PAS SEMS GNAS PA DGU RIM GYIS THOB NAS, LUS SEMS
SHIN SBYANGS DANG BCAS PA'I ZHI GNAS 'GRUB PAR 'GYUR RO, ,ZHES
PA

'DI YANG BTZUN PA BLO BZANG CHOS KYI RGYAL MTSAN GYIS SBYAR
BA'O,, ,,