*, ,SVASTI, RGYAL BA KUN GYI BDAG PO RDO RJE 'CHANG, ,NGUR SMRIG 
'DZIN PA'I GAR GYIS RNAM

ROL TE, ,RGYAL BA'I MDZAD PA MTHA' DAG BSGRUB MDZAD PA'I, ,BKA'
DRIN MNYAM MED DE LA PHYAG 'TSAL TE, ,BLA MED BYANG CHUB BSGRUB
PAR MA ZAD KYI, ,'KHOR BA'I SDUG BSNGAL TZAM LAS THAR 'DOD
KYANG, ,MED DU MI RUNG

ZHI BA'I SGO GCIG PU, ,ZAB MO'I LTA BA MDOR BSDUS BSHAD PAR BYA,
,'DIR ZAB MO DBU MA'I LTA BA NYAMS SU LEN PAR 'DOD PAS, STAN BDE
BA LA 'DUG STE, MDUN GYI NAM MKHAR, RJE BTZUN 'JAM DBYANGS DANG,
RJE

BLA MA NGO BO DBYER MED PAR GSAL BA LA, LTA KHRID BRGYUD PA'I
BLA MA DANG, SANGS RGYAS BYANG SEMS THAMS CAD BSTIM, YAN LAG
BDUN PA'I SGO NAS TSOGS BSAG ,DBU MA'I LTA BA RNAM PAR DAG PA
RGYUD LA SKYE

BA'I GSOL BA SHUGS DRAG TU 'DEBS, DAL 'BYOR DON CHE ZHING RNYED
DKA' BA'I TSUL BSAMS TE, DAL 'BYOR LA SNYING PO LEN 'DOD BSKYED,
DE YANG RANG DON TZAM BSGRUB PA NI DUD 'GRO LA YANG YOD PAS, MAR
GYUR

SEMS CAN THAMS CAD KYI DON BSGRUB, DE RNAMS KYI DON YANG NYI TSE
BA TZAM MA YIN PAR, BLA NA MED PA'I BYANG CHUB KYI GO 'PHANG LA
DGOD, DE LA THOG MAR RANG NYID KYIS SANGS RGYAS KYI GO 'PHANG MA
THOB NA, SEMS CAN

@225B GCIG GI DON YANG RNAM DAG CIG MI NUS PAS, SANGS RGYAS THOB
PAR BYA, DE'I PHYIR DU ZAB MO DBU MA'I LTA BA NYAMS SU BLANG BAR
BYA'O SNYAM DU BSAM, DES NA 'DI LA GSUM, DGAG BYA NGOS BZUNG, DE
RIGS PAS

'GOG TSUL, BKAG PA'I DON BSGOM TSUL LO, ,DANG PO NI, DPER NA,
RMI LAM DU RTA DANG GLANG PO DON LA MA GRUB BZHIN DU BLO'I SNANG
BA TZAM YIN PA'I SNANG BA MI 'CHAR BAR, RTA DANG GLANG PO DANG
PO NAS GO SA MNAN NAS

YOD YOD PA ZHIG RANG GI BLO LA TSUR SNANG BYUNG BA'I NYAMS SNANG
'CHAR BA BZHIN DU, SAD DUS SU YANG CHOS CI 'DRA ZHIG BLO LA
'CHAR YANG, THA MAL PA'I GNYID KYIS MA BSLAD CING, GNYID SANG
BA'I SKABS YIN

YANG, THOG MA MED PA NAS RJES SU ZHUGS PA'I MA RIG PA'I GNYID
LOG BZHIN PA'I SKABS YIN PAS, BLO'I SNANG BA TZAM YIN PA'I SNANG
BA MI 'CHAR BAR, DANG PO NAS DON GYI STENG NA YOD YOD PA 'DRA BA
ZHIG BLO LA

'CHAR BA NI, DGAG BYA'I 'CHAR TSUL YIN ZHING, BLO'I NGOR SNANG
TZAM MA YIN PAR DON GYI STENG NAS GRUB PA ZHIG BYUNG NA DE DGAG
BYA'I TSAD KYANG YIN NO, ,'O NA DBU MA RANG RGYUD PA RNAMS KYIS
KYANG, BLO'I DBANG GIS BZHAG

PA MA YIN PA'I YOD PA LA DGAG BYA'I TSAD DU BYED PAS, DGAG BYA
LA PHRA RAGS MED PAR 'GYUR RO ZHE NA, MI 'GYUR TE, KHO BO CAG
NI, YID KYI RNAM PAR SHES PA LA BDAG GI SGRA DNGOS SU 'DOGS TE,
RNAM PAR SHES

@226A *, ,PA NI YANG SRID PA LEN PA'I PHYIR BDAG YIN NO, ,ZHES
SPYIR GANG ZAG LA GDAGS GZHI PHUNG PO LNGA YOD KYANG, BDAG KHAS
BLANGS PA'I DGOS PA SKYE BA SNGA MA NAS 'DIR 'ONG BA DANG 'DI
NAS PHYI

MAR 'GRO BA SOGS YID KYI RNAM PAR SHES PAS BYED PAS YID KYI RNAM
SHES BDAG GI MTSAN GZHI YIN CES GDAGS GZHI'I NGOS NAS 'JOG ,DE
BZHIN DU BUM PA LA GDAGS GZHI RDUL RDZAS BRGYAD YOD KYANG,

LTO LDIR ZHABS ZHUM CHU SKYOR GYI DON BYED NUS PA'I KHYAD CHOS
DE BUM PA'I GZUGS LA TSANG BAS, BUM PA'I GZUGS LA BUM PA ZHES
GDAGS GZHI'I GSEB NAS BUM PAR 'JOG ,DBU MA THAL 'GYUR BA

GDAGS GZHI'I GSEB NAS YA GYAL DANG, TSOGS PA GANG YANG BUM PAR
'JOG RGYU MED CING, RMI LAM NA RTA GLANG BLO LA SNANG TZAM MA
GTOGS YUL STENG NAS MED PAR MA ZAD, RTA GLANG GI GDAGS GZHI YAN

LAG LNGA LA SOGS PA'ANG BLO LA SNANG BA KHO NA YIN GYI, YUL GYI
STENG NAS MED PA BZHIN DU, SAD DUS KYI GANG ZAG DANG, BUM PA
SOGS KYANG BLO LA SNANG TZAM RKYANG PA MA GTOGS YUL GYI STENG
NAS MED PA

LTAR, DE RNAMS KYI GDAGS GZHI YAN LAG LNGA DANG, RDUL RDZAS
BRGYAD LA SOGS PA'ANG, BLO LA SNANG TZAM KHO NA MA GTOGS YUL GYI
STENG NAS GRUB PA CUNG ZAD KYANG MED PAR BZHED PA'I PHYIR, KHO
NA RE,

@226B KHYOD KYIS RMI LAM DANG, SAD DUS GNYIS RNAM PA THAMS CAD
DU MTSUNGS PAR BSHAD PA MI 'THAD DE, RMI LAM GYI RTA GLANG SOGS
KYIS RTA GLANG GI GO MI CHOD, SANG DUS KYI RTA GLANG GIS DE'I GO
CHOD PA'I PHYIR, ZHE NA SKYON

MED DE, DE LTAR 'BYUNG BA NI, DE GNYIS LA YUL STENG NAS RTA
GLANG YOD MED KYI KHYAD YOD PA'I DBANG GIS MA YIN GYI, GANG
PHYIR THUB DBANG DE NI 'JIG RTEN LHAN CIG RTZOD MI MDZAD PHYIR
RO, ,ZHES DBU MA THAL 'GYUR

BA'I THA SNYAD KYI 'JOG LUGS, 'JIG RTEN GYI THA SNYAD LA RMI LAM
GYI RTA GLANG LA RTA GLANG DU MA GRAGS, SAD DUS KYI RTA GLANG LA
RTA GLANG DU GRAGS PA'I DBANG GIS YIN PA'I PHYIR, GNYIS PA DGAG
BYA DE RIGS PAS 'GOG

TSUL LA, GCIG DU BRAL LA BRTEN NAS 'GOG TSUL DANG, RTEN 'BREL
GYI RIGS PA LA BRTEN NAS 'GOG TSUL GNYIS BRJOD PAR BYA STE, DBU
MA 'JUG PAR CHOS KYI BDAG MED BSGRUB PA LA, MTHA' BZHI SKYE

'GOG GI RIGS PA DANG, GANG ZAG GI BDAG MED BSGRUB PA LA RNAM
BDUN GYI RIGS PA GTZO BOR GSUNGS SHING, DE GNYIS KA'I RTZA BA
GCIG DU BRAL GYI RIGS PA LA THUG PA DANG, DE YANG RTEN 'BREL GYI
RIGS

PA LA THUG PAR GSUNGS PA'I PHYIR, DE'I DANG PO LA, SPYIR BUM PA
LTA BU BLO YUL DU 'CHAR BA NA, GCIG DANG DU MA GANG RUNG DU
'CHAR BA'I NGES PA MED KYANG, BUM PA LTA BU BLO YUL DU SHAR BA'I
RJES SU, ZLA BO YOD

@227A *, ,DAM MED SNYAM DU DPYAD PA'I TSE, ZLA BCAS BLO NGOR
GRUB NA BLA MED BLO DOR KHEGS DGOS PAR MA ZAD, DE GNYIS PO GCIG
BLO NGOR KHEGS NA, CIG SHOS BLO NGOR GRUB DGOS PAS, DON

DANG BLO NGO GANG LA BLTOS KYANG YOD NA GCIG DANG DU MA GANG
RUNG YIN PAS KHYAB LA, DE KHYAB NA, BDEN PAR GRUB NA BDEN GRUB
KYI GCIG DANG DU MA GANG RUNG YIN PAS KHYAB DGOS PAS, NGA'AM
GANG ZAG LTA BU

GDAGS GZHI PHUNG PO LNGA'AM, KHAMS DRUG LTA BU'I STENG DU BDEN
PAR GRUB NA, GDAGS GZHI TSAN PA GNYIS PO DE DANG, YANG NA BDEN
GRUB KYI GCIG ,YANG NA BDEN GRUB KYI THA DAD GANG RUNG LAS MI
'DA' LA,

TSAN PA GNYIS PO DE DANG BDEN GRUB KYI GCIG YIN NA, PHUNG PO
LNGA DANG, KHAMS DRUG NGA 'AM BDAG YIN DGOS, DE YIN NA, PHUNG PO
LNGA YOD PA BZHIN DU BDAG LNGA DANG, KHAMS DRUG YOD PA BZHIN DU
BDAG KYANG

DRUG YOD PAR 'GYUR BA SOGS DANG, BDEN GRUB KYI THA DAD YIN NA,
DPER NA, BYAMS PA DANG NYER SBAS NGO BO THA DAD YIN PAS BYAMS PA
LAS LOGS SU NYER SBAS BLOS BZUNG DU YOD PA BZHIN DU, PHUNG PO
LNGA DANG,

KHAMS DRUG SO SOR BSAL BA'I RJES SU YANG, NGA'AM GANG ZAG BLOS
BZUNG DU YOD PAR 'GYUR DGOS PA LAS, DE LTAR BLOS BZUNG DU MI
'DUG PAS, NGA 'AM BDAG CES PA GDAGS GZHI PHUNG PO LNGA DANG,
KHAMS

@227B DRUG SOGS KYI STENG DU, RTOG PA'AM BLOS BTAGS PA KHO NA
YIN GYI, YUL GYI STENG NAS GRUB PA CUNG ZAD KYANG MED DO SNYAM
DU BSAM MO, ,KHO NA RE, DE LTAR GDAGS GZHI PHUNG PO DANG KHAMS
KYI STENG DU NGA 'AM

BDAG RANG BZHIN GYIS GRUB PA BKAG MOD, DA DUNG GDAGS GZHI PHUNG
PO DANG KHAMS RNAMS RANG BZHIN GYIS GRUB PA BLO NGO NA MA YAL
BAR 'DUG PAS, KHYOD KYI LTA BA DE BLOS BYAS KYI DGAG BYA BKAG PA
TZAM DU SONG GI ,LHAN

SKYES KYI 'DZIN TSUL LA CUNG ZAD KYANG MI GNOD DO, ,ZHE NA SKYON
MED DE, GANG ZAG PHUNG PO DANG KHAMS TSOGS TZAM LA BTAGS PA
BZHIN DU, PHUNG PO DANG KHAMS DE RNAMS KYANG RANG RANG GI CHA
SHAS TSOGS TZAM LA

BTAGS, CHA SHAS DE RNAMS KYANG RANG RANG GI CHA SHAS TSOGS TZAM
LA BTAGS PA YIN PAS, RANG RANG GI CHA SHAS DE RNAMS KYI STENG DU
BDEN PAR GRUB NA, DE RNAMS KYANG BDEN GRUB KYI GCIG DANG THA DAD
GANG RUNG

LAS MA 'DA', DE GNYIS GANG YIN YANG SNGAR BSHAD PA LTAR GYI
SKYON DU 'GYUR BA'I RIGS PAS KHEGS PA'I PHYIR TE, RIN CHEN
PHRENG BA LAS, SKYES BU SA MIN CHU MA YIN, ,ME MIN RLUNG MIN NAM
MKHA' MIN, ,RNAM

SHES MA YIN KUN MIN NA, ,DE LAS GZHAN NA SKYES BU GANG, ZHES PAS
GANG ZAG RANG BZHIN GYIS GRUB PA 'GOG TSUL DANG, SKYES BU KHAMS
DRUG 'DUS PA'I PHYIR, ,YANG DAG MA YIN JI LTA BAR, ,DE BZHIN
KHAMS

@228A *, ,NI RE RE YANG, ,'DUS PHYIR YANG DAG NYID DU MIN, ZHES
PAS, SNGAR GYI RIGS PA GDAGS GZHI PHUNG KHAMS KYI STENG DU KHA
SPO TSUL BSTAN PA LTAR BSAM PAR BYA BA YIN PA'I PHYIR, 'DIR

YANG, RMI LAM NA GDAGS GZHI BTAGS CHOS SNANG BA'I TSE, BTAGS
CHOS YUL GYI STENG NAS MA GRUB PA BZHIN DU, GDAGS GZHI YANG YUL
STENG NAS MA GRUB PA DPER BLANGS TE, DPE'I STENG NAS BSGOM

PA NYID LAS DANG PO PA LA GNAD CHE'O, ,GNYIS PA RTEN 'BREL GYI
RIGS PA LA BRTEN NAS 'GOG PA LA, DOGS PA CUNG ZAD BCAD PA DANG,
'GOG TSUL DNGOS GNYIS KYI DANG PO NI, MKHAS GRUB NOR BZANG RGYA

MTSO GZHI GRUB NA 'DUS BYAS YIN PAS KHYAB PAR BZHED LA, DE LA DA
LTA'I MTSAN NYID PA RGAN GZHON THAMS CAD KYIS DGAG BZHAG BYED
MOD, KHONG GI BZHED PA NI, GZHI GRUB NA 'DUS BYAS YIN PAS

KHYAB PAR THAL, GZHI GRUB NA RTEN 'BREL YIN PAS KHYAB, RTEN
'BREL YIN NA 'DUS BYAS YIN PAS KHYAB PA'I PHYIR, RTAGS DANG PO
GRUB STE, RTZA SHE LAS, GANG PHYIR RTEN 'BYUNG MA YIN PA'I,
,CHOS 'GA' YOD PA

MA YIN PA, ZHES SOGS GSUNGS PA'I PHYIR, RTAGS GNYIS PA GRUB STE,
MDO LAS, MKHAS PAS RTEN 'BYUNG CHOS RNAMS YONGS SHES NAS, ,MTHAR
LTA BA LA BRTEN PAR YANG MI BYED, ,RGYU DANG BCAS SHING

@228B RKYEN BCAS CHOS SHES KYI, ,RGYU MED RKYEN MED CHOS NI YOD
MA YIN, ZHES PA'I RKANG PA PHYI MA GNYIS KYI DON GRUB PA'I
PHYIR, 'O NA CHOS THAMS CAD RGYU RKYEN LA BRTEN NAS 'BYUNG BA'I
DON, MYU GU DE SA BON DANG CHU LUD

SOGS LAS 'BYUNG BA LTA BU LA BYED DAM ZHE NA, DE YANG, GRUB
MTHA' SMRA BA THAMS CAD KYI THUN MONG BA'I RTEN 'BREL GYI DON
YIN MOD KYI, THAL 'GYUR BA'I THUN MONG MA YIN PA'I DON NI, RANG
'DOGS BYED KYI RTOG PA LTA

BU'I BLO LA BRTEN NAS 'BYUNG BA YIN TE, MDO LAS, SNA TSOGS YID
DGA' ME TOG KHA BYE ZHING, ,GSER GYI KHANG MCHOG 'BAR BA YID
'ONG BA, ,'DI NA DE LA'ANG BYED PO 'GA' MED DE, ,DE DAG RTOG
PA'I DBANG GIS

BZHAG PA YIN, ZHES CHOS THAMS CAD RTOG PAS BZHAG PA'AM, RTOG PAS
BSKYED PA YIN GYI, RTOG PA LAS GZHAN PA'I BYED PO'AM, RGYU GZHAN
MED PAR GSUNGS PA'I PHYIR DANG, BZHI BRGYA PA'I 'GREL PA LAS

KYANG, RTOG PA YOD PA KHO NAS YOD PA NYID DANG, RTOG PA MED PAR
YOD PA NYID MED PA DE DAG NI, ZHES CHOS THAMS CAD RTOG PAS MTSON
PA'I RANG 'DOGS BYED KYI BLO YOD NA YOD LA, MED NA MED PA'I RJES
SU 'GRO LDOG

BYED PAR GSUNGS PA'I PHYIR, RTAGS PHYI MA DE LA BRTEN PA'I THAL
'GYUR LA KHYAB PA YOD PAR THAL, RNAM 'GREL LAS, GANG YOD NYID NA
GANG SKYE BA'AM, ,GANG 'GYUR NA YANG RNAM 'GYUR BA, ,DE NI DE
RGYUR RAB TU BRJOD,

@229A *, ,CES GSUNGS PA'I PHYIR, DE LA KHO NA RE, 'DI NA DE
LA'ANG BYED PO 'GA' MED DE, ZHES RTOG PA LAS GZHAN PA'I RGYU MED
PAR BSHAD PA MI 'THAD PAR THAL, SA BON DANG CHU LUD SOGS MYU

GU'I RGYU YIN PA'I PHYIR ZHE NA, SKYON MED DE, DE NI SA BON DANG
CHU LUD 'DZIN PA'I RTOG PA LAS, MYU GU 'DZIN PA'I RTOG PA SKYE
BA'I SGO NAS SA BON DANG CHU LUD 'DZIN PA'I RTOG PA DE, SA BON
DANG CHU LUD DNGOS SU SPRUL

BYED DANG, MYU GU RGYUD NAS SPRUL BYED DU SONG BA TZAM LA 'JOG
PA'I PHYIR TE, DPER NA, TSAD MA'I GZHUNG LAS, DE LA'ANG DU BAR
SNANG BA'I BLOS, ,BAG CHAGS GSAL BAR SAD PA CAN, ,MAR ME SNANG
BA'I BLO NYID NI,,

RTOGS KYI ME NYID MA YIN NO, ,ZHES SEMS TZAM PA'I LUGS LA, ,DU
BA'I RTAGS KYIS DU LDAN GYI LA LA ME YOD PAR RTOGS PA NI, DUR
SNANG GI BLOS BAG CHAGS SAD BYED KYI RKYEN BYAS PA LA BRTEN NAS,
MER SNANG GI

BLO SKYES PA TZAM LA BYED PA YIN GYI, PHYI ROL DON DU GYUR PA'I
DU BA'I RTAGS LAS, PHYI ROL DON DU GYUR PA'I ME RTOGS PA MA YIN
PAR BZHED PA DANG DON 'DRA ZHING, RTZA SHE LAS, DPER NA SPRUL
PAS SPRUL GZHAN ZHIG ,SPRUL

PAR MDZAD PA DE BZHIN NO, ,ZHES PA'I DON YIN PAR BZHED PAS,
PHYOGS SNGA MA'I 'BEM MA MTHONG BAR, DGAG BZHAG GI MDA' MA 'PHEN
CIG ,GNYIS PA 'GOG TSUL DNGOS NI, DA LTA 'JIG RTEN NA RTA GLANG
GI BU NI DANG

@229B PO NAS RTA GLANG DU GRUB KYI, PHYIS RGYU RKYEN GZHAN LA
BRTEN NAS RTA GLANG DU SNANG BA MIN PAS, DE'I STENG DU RTA GLANG
NGO BO NYID KYIS GRUB, SGYU MA'I RTA GLANG SOGS NI SNGAGS DANG
RDZAS LA SOGS PA'I RKYEN GZHAN LA BRTEN NAS SNANG

BA TZAM YIN PAS, SGYU MA'I RTA GLANG NGO BO NYID KYIS MA GRUB
CES 'DOD PA'I GZHAN GRAGS KYI DPE LA BRTEN NAS NGO BO NYID KYIS
GRUB NA, RGYU RKYEN GZHAN LA BLTOS PA MI 'THAD CES, KHYAB PA
NGES PAR BYAS TE, PHYOGS

CHOS PHYI NANG GI DNGOS PO RNAMS RGYU RKYEN GZHAN LA BRTEN NAS
SKYES PA LTA BUR YOD PA DRAN PAR BYAS TE, TSUL GSUM CIG CAR DU
DRAN PA'I NUS PA LA BRTEN NAS, PHYI NANG GI DNGOS PO RNAMS NI,
RMI LAM GYI YUL LTAR BLO

LA SNANG TZAM KHO NA YIN GYI, YUL STENG NAS GRUB PA CUNG ZAD
KYANG MED SNYAM DU DRAN PAR BYA'O, ,'O NA RGYU RKYEN LA BLTOS
PA'I RTAGS LAS, DNGOS PO BDEN MED DU BSGRUB PA'I TSE, RGYU RKYEN
LA BLTOS TSUL THUN MONG BA

DE RTAGS SU 'GOD PA YIN NAM, THAL 'GYUR BA'I THUN MONG MA YIN
PA'I BLTOS TSUL DE RTAGS SU 'GOD PA YIN ZHE NA, 'DI LA SKABS
GNYIS YOD DE, DNGOS SMRA BA'I GRUB MTHA' LAS MA LOG CING, GRUB
MTHA'

DE BDEN ZHEN GYIS KHAS LEN PA'I TSE, THUN MONG BA'I RTEN 'BREL
RTAGS SU 'GOD, DNGOS SMRA BA'I GRUB MTHA' DOR TE, PHYI RGOL YANG
DAG TU GYUR PA'I SKABS SU THUN MONG MA YIN PA'I RTEN 'BREL TE,
RTAGS SU 'GOD PA'I

@230A *, ,PHYIR, 'O NA DE 'DRA BA'I PHYI RGOL YANG DAG DES, THUN
MONG MA YIN PA'I RTEN 'BREL GYI DON BLOS BTAGS TZAM DANG, BLOS
BSKYED TZAM ZHES PA'I TZAM SGRA'I DON GO ZIN PAS, YUL GYI STENG

NAS MED PA'ANG GO ZIN PA DE LA, RTAGS 'GOD MI DGOS PAR 'GYUR RO,
,ZHE NA SKYON MED DE, DON GRUB ZIN YANG, THA SNYAD BSGRUB DGOS
PA'I PHYIR TE, DPER NA GCIG DU BRAL GYI RTAGS LA BRTEN NAS, MYU
GU

BDEN MED DU BSGRUB PA DE, THA SNYAD 'BA' ZHIG BSGRUB PA YIN PAR
DBU MA RGYAN GYI RANG 'GREL LAS BSHAD PA YIN PA'I PHYIR, GSUM PA
BKAG PA'I DON BSGOM PA'I TSUL NI, DE LTAR THOS BSAM GYIS LEGS
PAR

GTAN LA PHEBS ZIN PA'I RJES SU, DNGOS GZHI LAS KYANG SNGON 'GRO
ZAB PAS, SNGON 'GRO'I CHOS SKOR RNAMS BSHAR BSGOM GYI TSUL DU
SNGON DU BTANG, KHYAD PAR RTZA BA'I BLA MA NGO BO RJE BTZUN 'JAM
PA'I DBYANGS,

DE'I RIGS BDAG GI TSUL DU RGYAL BA RDO RJE 'CHANG, 'JAM DBYANGS
KYI THUGS KAR RJE BLA MA YE SHES SEMS DPA'I TSUL DU GSAL BTAB,
DE SKYABS GSUM KUN 'DUS SU BSGOMS NAS GSOL BA 'DEBS PA

SOGS BYA, DE'I RJES SU DGAG BYA'I TSAD GSAL GDAB, YOD NA GCIG
DANG DU MA GANG RUNG YIN DGOS PA'I SPYI KHYAB LA BRTEN NAS BDEN
PAR GRUB NA'ANG, BDEN GRUB KYI GCIG DANG, DU MA GANG RUNG YIN
DGOS

@230B TSUL NGES PAR BYAS NAS, BDAG RANG BZHIN GYIS GRUB NA, RANG
GI GDAGS GZHI PHUNG PO DANG, BDEN GRUB KYI GCIG DANG THA DAD
GANG RUNG YIN DGOS, BDEN GRUB KYI GCIG YIN NA, PHUNG PO LNGA YOD
PA BZHIN DU BDAG

KYANG MANG POR 'GYUR, BDEN GRUB KYI THA DAD YIN NA, 'BREL MED
DON GZHAN GYI THA DAD DU 'GYUR BAS, PHUNG PO RE RE NAS GSAL BA'I
'OG TU YANG, GANG ZAG DMIGS DGOS PAR 'GYUR LA, DE GNYIS KA'ANG
MI RIGS

PA'I PHYIR NA, BDAG YUL GYI STENG NAS GRUB PA MED CES DANG,
PHUNG PO RNAMS KYANG BDEN PAR GRUB NA, RANG RANG GI CHA SHAS
RNAMS DANG, BDEN GRUB KYI GCIG DANG THA DAD GANG RUNG LAS MI
'DA' BA'I SNGA MA'I RIGS

'GROS KYI SKYON YOD PAS DE RNAMS KYANG RMI LAM GYI SKABS KYI
GDAGS GZHI'I CHOS RNAMS DANG 'DRA BAR YUL GYI STENG NAS GRUB PA
MED CES, GSAL BTAB NAS, DA NI 'DI LAS MA YENGS PAR BYA'O SNYAM
DU 'PHEN

PA SHUGS CAN ZHIG BTANG STE, BAR SKABS SU RIGS PAS DPYAD PA MI
BYED PAR DE NYID LA RTZE GCIG TU 'JOG PA NI, STONG NYID LA DMIGS
PA'I ZHI GNAS BSGOM TSUL DANG, GNAS CHA CUNG ZAD RNYED PA'I
MTSAMS NAS

SEMS BYINGS GNAS CHA LAS MA G-YOS BZHIN PA'I NGANG NAS, BLO'I
ZUR ZHIG GIS BAR SKABS BAR SKABS SU CUNG ZAD DPYOD PA SPEL GYIN
BSGOM PA LHAG MTHONG BSGOM TSUL YIN LA, DE YANG SNGA MA LA RTZE

@231A *, ,GCIG TU GNAS STOBS KYIS SHIN SBYANGS DRANGS PA NA, ZHI
GNAS MTSAN NYID PA DANG, PHYI MA LA DPYAD STOBS KYIS SHIN
SBYANGS DRANGS PA NA, LHAG MTHONG DANG ZUNG 'BREL SOGS SU 'GYUR

ZHING, SHIN SBYANGS MA THOB GONG DU NI, SNGA MA ZHI GNAS RJES
MTHUN PA DANG, PHYI MA LHAG MTHONG RJES MTHUN PA'I SKYONG TSUL
TZAM DU 'GYUR RO, ,SGOM CI 'DRA ZHIG LA YANG DMIGS PA DE DAM
SBRING GIS 'DZIN PA'I

DRAN PA DANG, BLO'I ZUR ZHIG GIS DMIGS PA DE BLO'I YUL NAS SHOR
MA SHOR SOGS BLTA BA'I SHES BZHIN SKYONG TSUL GAL CHE ZHING, DA
LTA GANG DAG BYING BA PHRA MO BSAGS PA LA'ANG, SGOM RNAM DAG TU
'KHRUL

ZHING, LHAG PAR NGA LTA BU DE DBU MA'I LTA BA MTHAR THUG TU 'DOD
PA DANG, SNGAGS BLA MED KYI RDZOGS RIM GYI BDE STONG DU 'DOD PA
SOGS SGOM LA 'KHRUL GZHI SHIN TU CHE BAS, DE DAG GI GEGS SEL
TSUL SOGS

ZHIB PAR NI BYANG CHUB LAM GYI RIM PA LAS SHES PAR BYA'O, ,DE
LTAR 'BAD LAS BYUNG BA'I DGE BA DES, ,KUN GYIS ZAB MO'I DON 'DI
RTOGS GYUR TE, ,'KHOR BA'I RGYA MTSO CHE LAS MYUR THAR NAS, ,BLA
MED BYANG CHUB

GO 'PHANG THOB PAR SHOG ,CES PA 'DI NI RANG GI SLOB MA SDE SNOD
'DZIN PA MANG PO ZHIG GIS, 'PHRAL MAR BSHAR BSGOM DU BSKYANGS
CHOG PA'I LTA BA'I 'KHRID YIG NYUNG DU ZHIG DGOS CES BSKUL BA'I
DON DU,

@231B SNYOMS LAS PA SH'AKYA'I BTZUN PA SDE SNOD 'DZIN PA BLO
BZANG CHOS KYI RGYAL MTSAN GYIS RJE BLA MA'I DGONGS PA BZHIN
'JUG PA BDE BAR BKOD PA'O,, ,,