*, ,NA MO GU RU MANYDZU GHO sh'A YA,

'DREN MCHOG SH'AKYA'I RGYAL PO DANG, ,MAR ME MDZAD DPAL THAMS
CAD MKHYEN, ,BLO BZANG RGYAL BA GNYIS PA SOGS, ,RTZA BRGYUD BLA
MA LA BTUD NAS, ,THUB PA'I GSUNG RAB KUN GYI PHUL, ,KLU SGRUB
THOGS MED BZHED

PA'I SRAL, ,BYANG CHUB LAM GYI RIM PA YI, ,SNYING PO'I YANG
SNYING BSHAD PAR BYA, ,DAM CHOS THOS PA'I PHAN YON RNAMS, ,BSAMS
TE SNOD KYI SKYON GSUM SPANG, ,RNAM DAG 'DU SHES DRUG LDAN PAS,
,GZHUNG BZHIN

'CHAD NYAN SNGON DU BTANG, ,MTSAN NYID LDAN PA'I DGE BA'I BSHES,
,SANGS RGYAS BLTA BA'I DAD PA DANG, ,BKA' DRIN DRAN PA'I GUS PA
YIS, ,SBYOR BA SGO GSUM GUS PAS BSTEN, ,DAL BRGYAD 'BYOR BCU'I
RTEN

BZANG 'DI, ,DON CHE GEGS MANG RGYU 'BRAS DANG, ,DPE SOGS SGO NAS
RNYED DKA' BA, ,BSAMS TE SNYING PO LEN 'DOD BSKYED, ,DON CHEN
RNYED DKA'I RTEN 'DI YANG, ,RTZA BA GSUM DANG RGYU MTSAN DGU,
,THAG BCAD GSUM

GYIS MYUR 'CHI BAR, ,YANG YANG BSAMS NAS 'CHI GRABS BYA, ,SHI
NAS GAR SKYE'I GDENG MED CING, ,DMYAL BA YI DVAGS DUD 'GRO NI,
,GANG DU SKYES KYANG TSA GRANG DANG, ,BKRES SKOM BKOL SPYAD SDUG
BSNGAL

@232A *, ,TSOGS, ,BZOD PAR DKA' BA'I TSUL BSAMS TE, ,BSLU MED
DKON MCHOG GSUM PO YI, ,SKYON BRAL YON TAN TSOGS SHES PAS,
,SNYING NAS SKYABS 'GRO YANG YANG BYA, ,DKAR GNAG LAS

DANG 'BRAS BU'I TSUL, ,SO SOR NGES SHING MA BYAS DANG, ,MI PHRAD
CHUD MI ZA 'PHEL CHE'I, ,DON BSAMS BLANG DOR TSUL LA 'BAD,
,SKYES BU CHUNG NGU'I SKABS SO, ` ,SDIG SPANGS DGE BA BCU
BSGRUBS PAS, ,BDE

'GRO'I RTEN BZANG 'THOB MOD KYANG, ,SLAR YANG MNAR MED ME NANG
DU, ,BSREG PHYIR YID BRTAN CUNG ZAD MED, ,GTING DANG MTHA' MED
SRID PA'I MTSO, ,SKYE RGA NA 'CHI'I SDUG BSNGAL GYI, ,MI BZAD
RBA KLONG RAB TU 'KHRUG ,

NYON MONGS CHU SRIN MANG POS GTZES, ,DE'I PHYIR NGAN SONG GSUM
DANG NI, ,LHA DANG MI YI SDUG BSNGAL DANG, ,SDUG BSNGAL BRGYAD
DRUG GSUM SOGS KYI, ,NGANG TSUL DRAN PAS THAR 'DOD BSKYED,
,'KHOR BA'I MTSO LAS

SGROL BA'I THABS, ,TSUL KHRIMS TING 'DZIN SHES RAB KYI, ,RNAM
DAG GRU GZINGS LEGS BCAS TE, ,THAR PA'I GLING DU BGROD PAR BYA,
,SKYES BU 'BRING GI SKABS SO, ` ,RANG NYID 'KHOR BA'I SDUG

BSNGAL GYIS, ,MNAR BA CI 'DRAR 'GRO RNAMS KYANG, ,SDUG BSNGAL
GSUM GYIS GDUNGS BSAMS NAS, ,RGYU 'BRAS MAN NGAG BDUN DAG DANG,
,BDAG GZHAN MNYAM BRJE'I SGO NAS NI, ,'KHOR 'DAS KUN GYI PHAN

@232B BDE'I GZHI, ,RIN CHEN BYANG CHUB SEMS MCHOG BSKYED, ,DE
NAS 'DI PHYIR SEMS DE NYID, ,MI NYAMS 'PHEL BA'I BSLAB BYA DANG,
,'JUG PA'I SDOM PA LEGS BZUNG NAS, ,SDOM PA'I MI MTHUN PHYOGS
KUN

SPANG, ,DUS GSUM RGYAL BA SRAS BCAS KYI, ,BGROD PA'I LAM BZANG
MTHAR THUG PA, ,RANG GZHAN SMIN BYED PHYIN DRUG DANG, ,BSDU
BZHI'I LAM DU BRTZON PA BSTEN, ,KHYAD PAR ZHI GNAS LHAG MTHONG
GNYIS, ,ZUNG

DU 'BREL BA'I RNAL 'BYOR GYIS, ,MNYAM GZHAG NAM MKHA' LTA BU
DANG, ,SGYU MA LTA BU'I TING 'DZIN BSGOM, ,THUN MONG LAM GYIS
RGYUD SBYANGS NAS, ,BRTAN ZHING DUL BA LA SOGS PA'I, ,MTSAN LDAN
RDO RJE SLOB

DPON LAS, ,SKU BZHI'I SA BON THEBS NGES PA'I, ,DBANG BZHI BLANGS
LA DAM TSIG BSRUNG, ,THUN BZHI'I RIM PAS THA MAL GYI, ,SKYE SHI
BAR DO SBYONG BYED CING, ,LAM DANG 'BRAS BU'I SKU GSUM GYI,
,SMIN BYED BSKYED PA'I

RIM PA BSGOM, ,THAL MAL SNANG ZHEN ZIL GNON PA'I, ,ZAB GSAL RNAL
'BYOR LA GNAS PAS, ,BSNYEN SOGS DAG PAS RGYUD SBYANGS TE, ,PHRA
RAGS RNAL 'BYOR MTHAR PHYIN BYA, ,RDO RJE'I LUS LA GNAD BSNUN
PAS, ,

DPE DON 'OD GSAL SGYU MA'I SKU, ,RNAM GNYIS RIM BZHIN BSKYED
BYAS TE, ,ZUNG 'JUG GO 'PHANG BSGRUB PAR BYA, ,SKYES BU CHEN
PO'I SKABS SO, ` ,DE LTAR GDUL BYA RIN CHEN LTA BU NI, ,SNYIGS
DUS TSE THUNG GCIG

@233A *, ,LA SANGS RGYAS KYI, ,GO 'PHANG SGRUB BYED TSANG LA MA
NOR BA'I, ,LAM BZANG 'DI 'DRA SANGS RGYAS LAS KYANG DKON, ,DE
LAS 'ONGS PA'I RNAM DKAR DGE BA'I TSOGS, ,JI SNYED BSAGS PA DE
YANG PHAN BDE'I

GZHI, ,BSTAN PA RIN CHEN PHYOGS BCUR RGYAS PA DANG, ,'GRO RNAMS
SKU GSUM GO 'PHANG THOB PHYIR BSNGO, ,DE SKAD SMRA BA MANG THOS
SPONG BA PA, ,BLO BZANG CHOS KYI RGYAL MTSAN ZHES BYA LA, ,DGE
BA'I BSHES MNYEN GSANG SNGAGS

RAB 'BYAMS PAS, ,BSKUL TSE THOGS MED RI BO DGE LDAN DANG, ,'DAB
CHAGS DGE MTSAN BCU LDAN SKYID SHOD MTHIL, ,BKRA SHIS LJONGS SU
SBYAR BA'I YI GE PA, ,DGE SLONG BLO BZANG PHUN TSOGS CES BYA
YIN,, ,,