*, ,NA MO GU RU MANYDZU GHO sh'A YA, GRANGS MED DKA' BAS GO
'PHANG MCHOG BRNYES NAS, ,NYID KYIS GZIGS GANG 'GRO LA GSAL
MDZAD PA, ,BSLU MED BDEN PA GSUNG BA SRAS BCAS LA, ,SNYING NAS
'DUD PO

@269A *, ,THUGS RJE'I SPYAN GYIS GZIGS, ,ZLA MED BLA MA MCHOG GI
LEGS BSHAD LA, ,BRTEN NAS RGYAL BA'I GSUNG LA YID CHES KYI,
,RNAM DAG DAD PA CUNG ZAD RNYED PA BDAG ,RANG SEMS CHOS DANG
ZHUS

THIG BYAS PA NA, ,BCAS DANG RANG BZHIN KHA NA MA THO BAS, ,RAB
BSGOS MI SDUG GZUGS CAN GSAL BAR MTHONG, ,DE'I TSE YID NI MYA
NGAN GDUNG BAS NYEN, ,MIG NAS MCHI MA'I CHAR RGYUN 'BAB BZHIN
DU, ,NGAG NAS

SMRE SNGAGS CHO NGE 'DI LTAR SHOR, ,BDAG NI BAG MED NYON MONGS
DBANG GYUR PAS, ,SDOM GSUM BLANGS KYANG NYES LTUNG DRI MAS GOS,
,PHAN PAR MDZAD PA'I BRTZE BA'I BKA' KHRIMS LA, ,KHREL MED
G-YOG GIS RGYAL

NGAN KHRIMS LA BZHIN, ,GUS PAS MA NOD NGO LKOG BYAS PAS 'GYOD,
,'JIG RTEN LUGS KYI KHRIMS LAS 'DAS GYUR KYANG, ,MI BZAD CHAD PA
DRAG POS GCOD BYED NA, ,KYE MA BDAG GI 'GRO BA JI LTAR 'GYUR,
,'DI NI

STON DANG BSTAN PA GNYIS KA ZHES, ,RGYAL BAS GSUNG DBYANGS MTHON
POS BSGRAGS PA LA, ,YID CHES DAD DANG NGES 'BYUNG SEMS MED PAR,
,RNYED DANG BKUR STI GRAGS 'DOD KYIS GDUNGS PA'I, ,ZHI DUL TSUL
'CHOS KHA

GSAG BRGYA SMRAS KYANG, ,RI DVAGS RNGA MA BSTAN NAS BONG BU'I
SHA, ,'TSONG PHYIR TSONG DUS DBUS SU 'GRIM PA BZHIN, ,KHAMS GSUM
MGON PO DE YIS DGE SLONG LA, ,BRTZE BAS BCAS PA'I KHRIMS GZHAN
SMOS CI DGOS, ,RANG

@269B BZHIN KHA NA MA THO CHES CHE BA, ,PHRA MA TSIG RTZUB NGAG
BKYAL BRNAB SEMS DANG, ,GNOD SEMS SNA TSOGS GOMS PA GTING NAS
'GYOD, ,THUB PAS NGA LA STON PAR 'DZIN PA YIS, ,SROG GI DBANG PO
'GAG PAR THUG NA

YANG; ;RTZA RTZES MYUGS PA'I CHANG YANG MI BTUNG ZHING, ,SBANG
MA TSIGS MA TZAM YANG MI ZA ZHES, ,LEGS PAR BKAG KYANG SRED PA'I
DBANG GYUR PAS, ,CHANG MA'I GO SAR BAG MED KHYIM PA BZHIN,
,BSINGS POR SKAD

PA'I MYOS 'GYUR 'THUNGS PAS 'GYOD, ,DE BZHIN DMAR PO'I SHA DANG
SGOG BTZONG SOGS, ,JI TZAM ZOS PA'I GRANGS DANG MNYAM PA YI,
,NYES PA SKYED BYED DAM PAS SMAD PA'I ZAS, ,BAG MED BZHIN DU CI
DGAR SPYAD PAS

'GYOD, ,MDOR NA 'KHRI MED BYANG CHUB SEMS MCHOG DANG, ,NGES
'BYUNG THABS SHES RNAM DAG NYAMS LEN GYIS, ,MA ZIN PHRA MO'I
BSLAB BYA JI SNYED LAS, ,'DAS PA'I NYES LTUNG STONG GI ZHAGS PA
YIS, ,NGAN SONG GNAS

SU 'DREN LA KHAD PAS 'GYOD, ,SNGON CHAD BCAS RKYANG PHRA MO DU
MA LA, ,'DI TZAM 'DAS KYANG NYES PA CHUNG SNYAM DU, ,BSAM ZHING
DE DANG 'GAL BA DU MA BYAS, ,LEGS PAR BRTAGS NA DE LTAR SEMS PA
DE, ,BDE 'GRO'I

SROG RTZA GCOD PA'I GSHED MAR 'DUG ,TSUL KHRIMS DAG KYANG LE LO
CAN RNAMS LA, ,DAD PAS BYIN PA BU LON DAG TU 'GYUR, ,TSUL 'CHAL
BSLAB PA LHOD PA GNYIS KA YIS, ,DGE 'DUN RDZAS LA SPYAD PA'I
KHAM

@270A *, ,GRANGS DANG, ,MNYAM PA'I LCAGS GONG 'BAR BA ZA BAR
GSUNGS, ,DES NA KHREL MED KHYOD KYI SPYOD TSUL NI, ,DA LTA RO
ZHIM STON MO LA 'DUN PAS, ,PHYI MA'I DUS SU SDUG BSNGAL 'BYUNG
DU DOGS,,

CHES CHER BRTZE BA'I MA YIS BU LA BZHIN, ,BSLU MED KUN GYI MA
'DRIS MDZA' BSHES DES, ,PHAN PAR GZIGS NAS BRTZE BAS 'DOMS PA'I
DON, ,BKA' BZHIN MI SGRUB LA YOGS MI 'ONG NGAM, ,SO SOR THAR
PA'I

BSLAB PA LHOD PA YANG, ,SDOM PA GONG MA GNYIS KYI GDENG YIN NA,
,RGYAL BA'I GSUNG DANG MTHUN PAR BRTAGS DPYAD NAS, ,MDZUB MO
NANG DU KHUG LA SOMS PAR GYIS, ,ZAB RGYAS SEMS DPA'I SPYOD TSUL
LTA CI

SMOS; ;DANG PO'I LAS CAN RGYAL BA'I SRAS RNAMS KYIS, ,THUGS DAM
MTHIL DU BZUNG BA'I BYANG CHUB SEMS, ,SMON PA TZAM LA'ANG MYONG
BA MA THON KYANG, ,BYANG CHUB SEMS DPA' YIN ZHES KHAS BLANGS
NAS, ,

BSTAN PA'I RTZA BA'I GNAD RNAMS 'CHOS PA YIS, ,BZANG POR BRDZUS
NAS CHOS MIN SPYAD PAS 'GYOD, ,GANG YANG RUNG BA'I SEMS CAN GCIG
TZAM LA'ANG, ,KHROS PAS RTAG TU 'DOR BA'I SEMS BYUNG NA, ,SKAD
CIG

DE LA SMON PA'I SEMS KYANG GTONG, ,DE BZHIN KHROS PAS GZHAN LA
'TSOG PA DANG, ,GSHE BA 'JUG PA'I GTONG RGYUR GSUNGS LAGS KYANG,
,BZOD DANG GNYEN PO'I LUS STOBS ZUNGS NGAN PAS, ,MI BZAD

@270B KHRO BA'I SEMS KYIS KUN BSLANGS NAS, ,LUS NGAG SPYOD NGAN
DU MA GOMS PAS 'GYOD, ,BSNYEN BKUR DBANG GIS BDAG BSTOD GZHAN
SMOD PA, ,GANG RUNG KUN DKRIS TSANG BAR SPYAD PAS 'JIGS, ,SER
SNA'I KUN 'DZIN

DAM PO MA BCAD NA, ,RGYAL SRAS SDOM PA BRTAN PA RAB TU DKA',
,DES NA PHYI NANG DNGOS PO MTHA' DAG LA, ,BDAG BZUNG SHI SPAR
'THAMS PA 'DIS 'ONG NGAM, ,'DOD PA'I YON TAN RTOG PA SHAR BA'I
TSE, ,RGYAL BA'I GSUNG

BZHIN GNYEN PO MA STEN PAR, ,BYUNG RGYAL YAN PAR BTANG BA GTING
NAS 'GYOD, ,MDOR NA 'DIR MANG SMOS PA CI ZHIG DGOS, ,SNGON CHAD
RGYAL SRAS SDOM PA BZUNG LAGS KYANG, ,'GYOD MED SROG BSNGOS BYED
PA MA BYUNG BAS, ,

SRID LAM 'KHYAMS PA'I MAR GYUR 'GRO BA RNAMS, ,MGRON DU BOS NAS
BSLUS PAR NGA GZOD GO ,DA NI BDAG GI MGO BO AARDZRDZA KA'I, ,DOG
PA LTA BUR RNAM PAR BKAS KYANG RUNG, ,NYEN RE BZHIN YANG BYANG
CHUB SEMS MCHOG LA, ,  

DUS GSUM DAG TU CI NUS BSLAB PAR BGYI, ,THEG PA BLA NA MED PA'I
DKYIL 'KHOR DU, ,ZHUGS PAR RLOM MOD DE YANG RTZAD BCAD NA, ,PHAL
CHER MNAR MED ME LCE'I BUD SHING GI ,CHAD DU BYAS PA LTA BUR
SONG BAS 'GYOD, ,ZAB MO RDO

RJE'I THEG PA LA BRTEN PA'I, ,TSIGS BCAD GCIG TZAM NYAN PA'I BLA
MA LA'ANG, ,SANGS RGYAS DNGOS DANG 'DRA BAR BLTA DGOS NA,
,BRNYAS SMOD RDZUN GYIS DBU BSKOR LA SOGS PA, ,MNAR MED RGYU
TSOGS DU MA BSGRUBS PAS 'GYOD,,

@271A *, ,KUN LA BU LTAR BRTZE BA BSGRUB DGOS CES, ,RDO RJE
'DZIN PAS YANG YANG BKA' STZAL KYANG, ,RANG DANG CUNG ZAD MA
MTHUN 'GRO BA LA, ,ZHE SDANG BSAM NGAN BSGOM PA 'DIS 'ONG NGAM,
,'JIG RTEN LUGS

KYI SPUN YANG MA MTHUN TSE, ,KUN GYIS MA RABS SMAD PA'I 'OS BYED
NA, ,CHAGS SDANG DBANG GIS RDO RJE'I SPUN NANG DU, ,'DZEM MED
DGRA LTAR BLTAS PA GTING NAS 'GYOD, ,RIGS LNGA SPYI DANG SO SO'I
DAM TSIG RNAMS,,

NYIN BZHIN DUS DRUG RTAG TU MA BSKYANGS NA, ,SO THAR PHAM PA LAS
KYANG LCI BAR GSUNGS, ,'ON KYANG KHYOD NI SDIG LTA'I DBANG GYUR
PAS, ,SNGON CHAD DAM TSIG SDOM PA RTZVA LTAR DOR, ,DAM TSIG TSUL
BZHIN BSRUNGS

NA MCHOG NYID DANG, ,MA SRUNGS MI BZAD SDUG BSNGAL DRAG PO'I
RGYUR, ,SHES KYANG JI SNYAM MED PAR 'DA' BYED PA, ,KYE MA KHYOD
SNYING LCAGS LAS BYAS SAM CI, ,SANGS RGYAS LAS KYANG DKON PA'I
GDAMS PA

LA, ,THOS BSAM BSGOM PAS 'JUG TU YOD BZHIN DU, ,DOR NAS 'DI NANG
'DUN MA'I DBANG GTONG BA, ,RIN CHEN DOR NAS 'CHING BU BLANGS PAS
'GYOD, ,MDOR NA KHAMS GSUM KUN GYI 'DREN PA DE, ,THUGS

RJE KHO NA'I GZHAN DBANG GYUR PA YIS, ,RJES SU BSTAN PA MTHUN
PAR MI 'DZIN NA, ,STON PA DNGOS SU BYON KYANG CI ZHIG MDZAD,
,SNGON CHAD RANG GI SGO GSUM BYA BA LA, ,MDO RGYUD DPANG DU
BZHAG STE DPYAD PA NA, ,YI

@271B MUG MYA NGAN DRAG POS SNYING LA ZIN, ,SPYANG PO GLEN PAR
SONG BA NGA GZOD GO ,NGA NI KHYOD LA RANG LAS SHA TSA BA, ,'GA'
YANG 'JIG RTEN 'DI NA MED PAS NA, ,JI SKAD SMRAS PA'I NYES PA'I
TSOGS RNAMS KYIS, ,BRDZI BAR MI NUS

DRAN SHES GO CHA GYON, ,SNGON CHAD BAG MED SPYAD PA'I 'GYOD
TSABS LA, ,SLAN CHAD 'JUG PAR BGYID NA SMYON PA YIN, ,DE'I PHYIR
SROG LA BAB KYANG BRJOD PA'I DON, ,TSUL BZHIN SGRUB PAR BYED PA
DAM BCA'I DON, ,GAL TE

NYON MONGS MANG DANG SDIG GROGS KYI, ,DBANG LAS CUNG ZAD TZAM
ZHIG 'DAS GYUR NA, ,NGUR SMRIG GZUGS KYIS MI DGE'I LAS BYED PA,
,GSON YANG CI RUNG SKAD CIG DE MA THAG ,MTHU LDAN RNAMS KYIS
BDAG GI SNYING PHYUNGS

LA, ,RNAM SHES DGA' LDAN MKHA' SPYOD GNAS SU DRONGS, ,TSUL 'DI
GZHAN GYIS DBANG MED BSKUL BA DANG, ,BSNYEN BKUR 'DOD DANG GRAGS
PA'I PHYIR MIN TE, ,SNGON CHAD GOMS PA'I RANG GI BYA BA YI,
,RJES SU BSKYANGS NA

TSE 'DI STONG LOG TU, ,'GRO BAR SHES PAS MA BZOD RANG RGYUD LA,
,RAB TU BRTAGS NAS SDOM GSUM BLANGS PHYIN CHAD, ,MI SGRUB THABS
MED BSGRUBS NA 'GRUB PA DANG, ,GRUB NA DGOS PA CHEN PO MTHONG
NAS YIN, ,DE'I PHYIR

SROG GI 'TSO BA DOR KYANG BLA'I, ,DAM BCA'I BRTAN PA 'DOR BA DE
LTA MIN, ,DES NA SRAS BCAS RGYAL BA THAMS CAD LA, ,MKHYEN PAR
GSOL LO BRTZE BAS LEGS DGONGS NAS, ,YID LA BRNAGS PA'I DON 'DI
'GRUB PAR

@272A *, ,MDZOD, ,'DI LTAR BGYIS PA'I RNAM DKAR PHUNG PO'I
MTHUS, ,SKYON BRAL SGOM PA GSUM GYIS RGYUD SBYANGS SHING, ,RIM
GNYIS LAM GYI GNAD KUN MTHAR SON NAS, ,'GRO KUN BDAG NYID GCIG
PUS SGROL

BAR SHOG ,CES SNGON CHAD KYI SKYON MTSANG 'BYIN PAR BYED CING,
PHYIN CHAD GNYEN PO'I LUS ZUNGS BSKYED PA'I BDUD RTZI ZHES BYA
BA 'DI YANG SPONG BA PA BLO BZANG CHOS KYI RGYAL MTSAN GYIS DBEN
SA CHOS KYI PHO BRANG GI GTZUG

LAG KHANG DU SBYAR BA'O,, ,,