*, ,MEE TRI NA MA, GANG LA BRTEN NA SRID PA'I 'JIGS PA KUN, 
,'DAB BRGYA'I GNYEN GYIS REG PA'I BA MO BZHIN, ,MA LUS DRUNGS 
NAS 'BYIN PA SKYABS KYI PHUL, ,RGYAL

TSAB DAM PA BRTZE BA'I SPYAN GYIS GZIGS, ,THOG MED DUS NAS 'KHOR
BA'I GNAS 'DI RU, ,SKYE 'CHI'I 'KHOR LO RGYUN MI 'CHAD DU BSKOR,
,NYON MONGS SDUG BSNGAL BRGYA PHRAG ZHAGS PAS BCINGS, ,KYE MA
KYI HUD

'DI 'DRA'I GNAS SKABS GYUR, ,DA RES SDUG BSNGAL NGAL 'TSO'I RTEN
THOB KYANG, ,LAS KYI DBANG GIS SNYIGS MA'I DUS 'DIR SKYES, ,NAG
PHYOGS SPYOD PA'I PHYOGS NI STOBS LDAN ZHING, ,DAM PA'I RJES
'GRO NYIN MO'I SKAR

MA 'DRA, ,DAM PA RNAMS KYIS DKA' BAS BSGRUBS PA YI, ,LEGS BSHAD
BDUD RTZI'I MGRON DU GNYER NA YANG, ,'JIG RTEN RJES MTHUN BLUN
PO'I TSOGS RNAMS KYIS, ,KHA ZAS TZAM GYI CHED DU SPONG BA
MTHONG, ,ZHI

@272B BAR GDAMS NA JI SNYAM MED PAR GNAS, ,BSDIGS SHING SMRAS NA
ZHE SDANG KHONG KHRO LDANG, ,KHA ROG 'DUG NA YAL BAR 'DOR ZHES
SMRA, ,KYE MA NGA NI BDAG GIS CI ZHIG BYA, ,DAM CHOS MA BSHAD
DPE MKHYUD SKYON CAN ZER, ,LEGS

PAR BSHAD NA DE DON NYAMS MI LEN, ,'CHAD NYAN GZUGS BRNYAN TZAM
GYIS CI ZHIG BYA, ,DE'I PHYIR BDAG RGYUD MYA NGAN GDUNG BA
'PHEL, ,'DI NANG 'KHRI BA CHOD PA'I BRTZON 'GRUS KYIS, ,CHOS
BZHIN BSGRUBS NA SKYE BO KUN DANG

'GAL, ,RNYED BKUR DON GNYER TSOGS DANG LHAN CIG TU, ,MTHUN PAR
SPYAD NA GTAN GYI 'DUN MA 'JIG ,JI LTAR BYAS KYANG CHOS DANG
CHOS MIN DAG ,'GAL BA MED PAR BSGRUB PA MA SHES PAS, ,KYE MA
BDAG SNYING MYA NGAN

GZER BUS THEBS, ,BSTAN PA'I GZUGS BRNYAN TZAM LA SKYABS BCAS
NAS, ,BRGYA PHRAG DBANG BSKUR 'BUL BA'I BRJE TSONG SOGS, ,JI
TZAM BYAS KYANG NGAN 'GRO'I SGRUB THABS SU, ,LEGS PAR GSUNGS
BZHIN GO BAS GTING

NAS SKYO, ,'DOD CHAGS RGYA MTSO'I RLABS BZHIN KUN TU 'KHRUG ,ZHE
SDANG BSKAL PA'I ME BZHIN RAB TU 'BAR, ,MI SHES RMONGS PA'I GTI
MUG MUN LTAR 'THIBS, ,PHRAG DOG RLUNG DMAR 'TSUBS PAS PHYOGS KUN
KHYAB, ,

NGA RGYAL BRNYAS PA'I SEMS KYIS SHES RGYUD RENGS, ,SNGON DU NGO
BSTOD GCAM BU KHA GSAG CAN, ,LKOG TU MI SNYAN NYES PA DU MA
GLENG, ,RDZUN DANG G-YO SGYU'I SPYOD TSUL LHUR LEN PA'I,
,SNYIGS DUS SKYE BO'I NANG DU SKYES

@273A *, ,PAS 'GYOD, ,'GYOD KYANG SNGON GYI LAS NGAN 'BRAS BUR
ZAD, ,DE'I PHYIR RANG GI SNGON BYAS LAS RNAMS LA, ,YID CHAD MYA
NGAN DRAG POS SNYING LA ZIN, ,GANG GI SGRA YANG SKAL PAR RNYED
DKA' BA'I,,

CHOS MTHUN GTAM GYIS SNYAN PAR SMRAS NA YANG, ,TSE 'DI DON GNYER
SKYE BO'I TSOGS RNAMS NI, ,'DI YIS GTAM GZHAN GLENG BA'I SKABS
PHROGS CES, ,BZHIN BSDUS CI YANG MI SMRA'I BRTUL ZHUGS 'DZIN,
,RANG

DANG RJES MTHUN BLUN PO'I TSOGS NANG DU, ,BAG MED CI DGAR SPYOD
LA BAG PHEBS SHING, ,DUG GSUM GTAM GYI SBYOR BA MANG PO LA,
,BLUN PO LCE BDE LOG PA'I SHES RAB RGYAS, ,DGE BA'I BSHES DANG
DAM PA'I GROGS

RNAMS LA, ,NGO TSAS 'BYOL ZHING DUG BZHIN 'GAL BAR 'DZIN, ,MI
DGE'I LAM BKAG YANG DAG LAM BZANG LA, ,BLO LDAN 'GOD PA DGE BA'I
GROGS PO NYID, ,DE'I PHYIR BRTZE BAS YANG YANG MA GDAMS NA,
,PHYIN CI

LOG GI SPYOD TSUL 'GOG PA DKA', ,'ON KYANG DING SANG PHAL CHER
SKYE BO 'DI, ,YANG YANG SMRAS NA GTING NAS YID SUN TE, ,THA MAR
MI BZAD DGRA BO BZHIN DU BLTA, ,LAG LEN MI BYED MKHAS PA'I GO
RGYA YANG, ,CHUS KHYER

'GA' ZHIG SKOM NAS SHI BA BZHIN, ,CHOS RGYUS MKHAN YANG NGAN
'GROR SKYES NYEN GDA'O, ,TSUL 'DI BLO BZANG CHOS KYI RGYAL MTSAN
GYIS, ,BDAG DANG GZHAN GYI SPYOD PA NGAN PA'I GZUGS, ,CHOS KYI
ME LONG NANG DU

@273B SHAR BA NA, ,YID LA GDUNG BA SKYES TE TSIG 'DI SMRAS,
,RANG BZHIN SNANG TSUL STON PA'I GLU CHUNG 'DI, ,RANG GI SEMS LA
PHOG NA AE MA HO, ,GZHAN GYI THUGS LA PHOG NA BZOD PAR GSOL,
,DGE BAS THOGS MED DGA'

LDAN 'JUG GYUR CIG ,CES PA 'DI YANG CHOS SMRA BA'I BTZUN PA BLO
BZANG CHOS KYI RGYAL MTSAN GYIS SMRAS PA SKYE BO MTHA' DAG LA
PHAN PA RGYA CHEN POR GYUR CIG , ,,