*, ,NA MO GU RU MANYDZU GHO sh'A YA, SANGS RGYAS KUN GYI YE SHES 
KYI, ,BDAG NYID DRIN CAN BLA MA DANG, ,DBYER MED SH'AKYA'I GTZO 
BO YI, ,ZHABS KYI PADMOR PHYAG BYAS TE, ,BLO GSAL MDONGS

@274B LDAN TSOGS RNAMS KUN, ,MNGON MTHO NGES LEGS 'JO SGEG GI
,ZLOS GAR SNA TSOGS BSGYUR BA'I THABS, ,LEGS BSHAD GSAR PA'I
DBYAR RNGA BRDUNG, ,GROGS DAG 'JIG RTEN 'DI NANG GI ,BYA BA JI
LTAR BYAS KYANG SLA, ,

SHI NAS BLA NA MED PA YI, ,BYANG CHUB DAM PA BTZAL BAR DKA',
,DAL 'BYOR PHUN SUM TSOGS PA DANG, ,BSHES GNYEN DAM PAS RJES
BZUNG ZHING, ,SANGS RGYAS BSTAN PA RIN CHEN DANG, ,MJAL BA SHIN
TU RNYED DKA'

BAS, ,DENG 'DIR DON CHEN MA SGRUBS NA, ,'JIGS RUNG NGAN 'GRO'I
G-YANG SA CHER, ,LHUNG NAS GZHAN DBANG GYUR PA'I TSE, ,BSKAL PA
BYE BA BRGYA PHRAG TU, ,BDE 'GRO'I GTAM YANG THOS MI 'GYUR, ,DES
NAS RANG DBANG

BSGYUR BA'I DUS, ,RANG GIS RANG LA GCES BZUNG NAS, ,RTAG TU BAG
YOD BSTEN PAR RIGS, ,THOG MED DUS NAS NGAN GOMS PA'I, ,NYON
MONGS DUG GSUM DGRA BO YIS, ,SGO GSUM DGE BA'I NOR 'PHROG PAS,,

'BRAL MED GNYEN PA'I MDUNG THUNG ZUNGS, ,'DOD YON RO LA MNGON
ZHEN CING, ,SDUG BSNGAL BDE BAR 'DZIN PA YI, ,LOG SHES ZHAGS PAS
'CHING 'GYUR BAS, ,SHES RAB RAL GRIS DUM BUR CHOD, ,DON MED BYA
BA MANG

PO DANG, ,LE LO GNYID DANG SNYOMS LAS DANG, ,SDIG GROGS 'DU
'DZI'I GTAM LA SOGS, ,GDUG PA'I SBRUL BZHIN RING DU DOR, ,G-YO
KHRAM LCE GNYIS BYED PA DANG, ,MA 'BREL BRLANG POR SMRA BA DANG,
,RANG 'DOD MNGON

@275A *, ,ZHEN CHE BA SOGS, ,DAM PAS SMAD PA'I LAS RNAMS SPONGS,
,GRAGS NGAN NYES PA KUN GYI GZHI, ,CHANG SOGS MYOS PAR 'GYUR BA
DANG, ,MTSAN SOGS RIGS MI MTHUN PA DAG ,BSTEN CING 'DRIS

PAR MI BYA'O, ,TSE 'DI'I SNANG BA 'BRID MKHAS PAS, ,DENG BYA
SANG BYA'I NGANG NYID LAS, ,DE RING 'CHI 'AM MI SHES KYI, ,DAM
PA'I CHOS LA BSNUR TE BYA, ,DRANG ZHING DUL LA GYA GYU MED,
,TSIG BTZUN NGAN ZHING BDEN PAR SMRA,,

BYAS SHES DRIN GZO LDAN PA YI, ,MI LA DPAL MGON GNAS PAR GSUNGS,
,MANG PO'I NANG DU 'DUG PA'I TSE, ,GYONG PO SHING LAG CAN MIN
ZHING, ,KLAD MED CA CO SMRA BA'ANG MIN, ,'DZUM LDAN DUS DANG
MTHUN PAR SMRA,,

MNGON PAR SHES PA MA THOB PAR, ,MCHOG DMAN CHOS DANG GANG ZAG
LA, ,BRNYAS SHING SMAD PAR MI BYA STE, ,THAL BAS G-YOGS PA'I ME
DONG BZHIN, ,RANG CAG MGON MED 'KHOR BA PAS, ,GANG LA BRTEN NA
MCHOG STZOL

BA, ,BSLU MED DKON MCHOG GSUM PO LA, ,DUS RNAMS KUN TU SKYABS SU
SONGS, ,DENG NAS BZUNG STE BLA MED KYI, ,BYANG CHUB MA THOB BAR
GYI DON, ,CHOS DANG BLA MAR RAG LAS PHYIR, ,DBUL PO'I KHA ZAS JI
BZHIN DU, ,GANG

PHRAD DE LAS MI LEN PAR, ,LEGS PAR BRTAGS PA'I DON PO DAG ,RTAG
TU BSHUM PA'I RNAM THAR BZHIN, ,LUS SROG LAS KYANG GCES PAR
STEN, ,'KHOR BA'I MYA NGAM THANG CHEN DU, ,GROGS MED GCIG PUR
RGYU BA'I

@275B TSE, ,SBYIN LAS LHAG PA'I GNYEN MED PAS, ,PHYI MA'I
BRGYAGS PHYE YANG DAG SGRUBS, ,KHRIMS KYI NOR BU'I THEM SKAS LA,
,BRTEN NAS MTHO RIS BYANG GROL GYI, ,PHO BRANG BDE BLAG 'JUG
'GYUR BAS, ,MA 'DRES MA SBAGS

LEGS SPYAD STEN, ,BZOD MTSUNGS DKA' THUB MA MCHIS PAS, ,KHON
'DZIN YID MI BDE BA DANG, ,ZHE SDANG KHRO BA'I SEMS SPANGS TE,
,DES BAS BDE BAR GNYID KYIS LOG ,SGYID LUG LE LO'I ME CHAR GYIS,
,'JIG RTEN

'JIG RTEN LAS 'DAS PA'I, ,PHUN TSOGS 'BRAS BU'I LO TOG 'JOMS,
,DE'I PHYIR BRTZON PA'I GO CHA BGOS, ,SEMS NI RNAM PAR G-YENG
BA DAG ,NYON MONGS MCHE BA'I PHRAG GNAS GSUNGS, ,DES NA DGE BA'I

DMIGS PA LA, ,RTZE GCIG MNYAM PAR 'JOG PA GCES, ,MTHONG DANG MA
MTHONG YON TAN NI, ,KUN GYI RTZA BA SHES RAB TU, ,GSUNGS PHYIR
THOS BSAM BSGOM PA YIS, ,SHES RAB GONG NAS GONG DU SPEL, ,GANG
ZHIG BSTEN

NA SRID ZHI YI, ,PHUN TSOGS 'DOD DGU'I MCHOG STER ZHING, ,RTAG
TU MI 'BRAL 'GROGS PA'I DPAL, ,'PHAGS NOR BDUN GYI BANG MDZOD
ZUNGS, ,MNGON MTHO'I RTZA BA TSUL KHRIMS DANG, ,THAR PA'I SROG
SHING SHES RAB

DANG, ,KUN MKHYEN SA BON BYANG CHUB SEMS, ,'BRAL MED RGYUN DU
BSTEN PAR MDZOD, ,SPYOD LAM KUN TU DGE BA'I SEMS, ,BZANG PO YANG
YANG DRAN PAR BYA, ,GSER 'GYUR RTZI BZHIN BYA BA KUN, ,SANGS
RGYAS LAM DU

@276A *, ,BSGYUR BA'I THABS, ,DE BZHIN GANG SHAR DNGOS PO RNAMS,
,SGYU MA SMIG SGYU CHU ZLA LTAR, ,SNANG YANG BDEN MED TSUL BSAM
PA, ,THAR PA'I SA BON BLA NA MED, ,MDOR NA MANG DU SMOS CI DGOS,
,DRAN SHES

BAG YOD DANG LDAN PAS, ,RANG GI SGO GSUM BYA BA RNAMS, ,DAM PA'I
LAM DU BKRI BAR GYIS, ,DE BZHIN CHOS KYI RTZA BA MCHOG ,SEMS 'DI
'DOD CHAGS ZHE SDANG SOGS, ,NYON MONGS DBANG DU MA GTONG BAR,
,RTAG TU ZHI

ZHING DUL BAR BYA, ,SDOM PA GSUM GYI GZINGS BCAS NAS, ,THOS BSAM
RGYA MTSO'I 'JING ZHUGS TE, ,SKU GSUM BSAM 'PHEL DBANG GI RGYAL,
,BLANGS NAS 'GRO LA MCHOG STZOL ZHIG ,PHAN PAR SMRA BA CHES DKON

ZHING, ,DE BAS DE LA NYAN PA DKON, ,DE LTA MOD KYI BLO LDAN
GYIS, ,BSKUL PHYIR NOR BU'I MGUL RGYAN SPEL, ,'DIS MTSON RNAM
DKAR DGE BA'I TSOGS, ,SDUG BSNGAL GSUM GYIS MNAR BA YI, ,MAR
GYUR 'GRO

BA THAMS CAD KYIS, ,SANGS RGYAS THOB PA'I RGYU RU BSNGO, ZHES
BSLAB BYA NOR BU'I MGUL RGYAN ZHES BYA BA 'DI YANG, RAB 'BYAMS
SMRA BA'I DGE BA'I BSHES GNYEN BLO BZANG BSTAN PA DAR RGYAS
DANG, GSOL DPON BLO BZANG DAR

RGYAS GNYIS KYIS YANG YANG BSKUL BA LA BRTEN NAS, MDO RGYUD MAN
NGAG 'DZIN PA'I SPONG BA PA BLO BZANG CHOS KYI RGYAL MTSAN GYIS
CHOS GRVA CHEN PO DPAL LDAN 'BRAS SPUNGS KYI GZIMS CHUNG NYI 'OD
'KHYIL BAR SBYAR

@276B BA'I YI GE PA YANG BSKUL BA PO NYID DO,, ,,