*, ,NA MO GU RU MANYDZU GHO sh'A YA, SLOB MA LA GDAMS PA LHA'I 
RNGA BO CHE'I SGRA DBYANGS CES BYA BA, BLA MA DANG LHAG PA'I 
LHA LA PHYAG 'TSAL LO, ,DUS GSUM BDE GSHEGS THAMS CAD DANG, 
,DBYER MED RTZA BA'I BLA MA YI, ,ZHABS SEN RIN

CHEN 'OD CHAGS PA, ,SNYING GA'I PADMO'I RGYAN DU BZHUGS, ,LHA
BCAS 'DREN PA SH'AKYA'I TOG ,RGYAL TSAB MI PHAM 'JAM PA'I
DBYANGS, ,'PHAGS MCHOG KLU SGRUB THOGS MED ZHABS, ,'BRAL MED
SPYI BO'I GTZUG TU BSTEN, ,

SMRA BA'I ZLA BA PHUL BYUNG ZHABS, ,BLO BZANG RGYAL BA GNYIS
PA'I RJE, ,DE SRAS NAS BZUNG RTZA BRGYUD KYI, ,BLA MA RNAMS LA
GUS BTUD NAS, ,DAM PA RNAMS KYI BZHED PA YI, ,LEGS BSHAD LHA YI
RNGA BO CHE'I, ,SGRA BRGYA DAL GYIS

@284A *, ,RGOD PA YIS, ,MTHA' DAG BAG YOD GNAS SU BKRI, DAL DANG
'BYOR PAS MDZES PA YI, ,RTEN 'DI SHIN TU RNYED DKA' BAS, ,LAN
CIG TZAM ZHIG THOB DUS 'DIR, ,NYIN MTSAN KUN TU SNYING PO LONG,,

SPYIR YANG TSE 'DI YUN THUNG ZHING, ,KHYAD PAR 'CHI BDAG DGRA BO
DE, ,NAM 'ONG NGES PA MA MCHIS PAS, ,PHYI BSHOL MED PAR BRTZON
'GRUS RTZOMS, ,DGE DANG MI DGE'I LAS RNAMS KYI, ,'BRAS BU SO SOR
MI SLU

BAS; ;SDIG SPONG DGE BA BSGRUB PA LA, ,SGO GSUM GUS PAS RTAG TU
SGRIMS, ,RANG NYID DAM PA'I LAM BSRANGS TE, ,SNYIGS DUS SKYE BO
SNA TSOGS PA'I, ,MTSAN NYID JI BZHIN NGES BYAS LA, ,DE DANG DE
MTSUNGS BLANG

DOR BYA, ,MI DGE'I BSHES DANG SDIG PA'I GROGS, ,NANG GI DUG GSUM
DGRA BO 'DIS, ,PHAN PA'I ZOL GYIS NGES BSLU BAS, ,RTAG TU BAG
DANG LDAN PAR BYA, ,GTI MUG MUN PA'I SMAG RUM DE, ,RTEN 'BREL
YAN LAG

GNYIS LHAG BCU, ,LUGS 'BYUNG LUGS LAS BZLOG PA'I RIM, ,JI BZHIN
SHES PA'I SGRON MES SOL, ,DGE BA'I NAGS TSAL SREG BYED PA'I,
,ZHE SDANG KHONG KHRO'I ME 'BAR BA, ,BYAMS DANG SNYING RJE'I CHU
'DZIN LAS,,

BYUNG BA'I PHAN BDE'I CHAR GYIS CHOMS, ,'DOD CHAGS CHU BO 'KHRUG
PA'I RGYUN, ,BDAG DANG GANG LA CHAGS PA'I YUL, ,MI RTAG MI
GTZANG SDUG BSNGAL BAR, ,NGES PA'I CHU LON BRTAN POS ZLOG ,DANG
POR SHES RAB

@284B MTSON RNON GYIS, ,RANG GZHAN LPAGS PA'I KHA PHYE NAS, ,SHA
KHRAG CHU RGYUS RUS PA DANG, ,RKANG GI BAR DU BRTAG PAR BYA,
,RNAG KHRAG KHU BA BSHANG GCI DANG, ,KLAD PA SHA RUS CHU RGYUS
RKANG, ,'DUS PA'I MI GTZANG RKYAL PA LA, ,

BLO LDAN SU ZHIG CHAGS PAR BYED, ,SNABS DANG MCHIL MA LUD PA
RNGUL, ,BAD MKHRIS GLO MCHIN RGYU LONG SOGS, ,MI GTZANG RDZAS
KYIS GANG BA LA, ,RAB RMONGS BYIS PA PHAG LTAR CHAGS, ,GTZANG
ZHING YID 'ONG BSOD PA'I ZAS, ,

RO 'DZIN LAM DU DRANGS TZAM GYIS, ,BTZOG CING DRI NGA MYAGS
'GYUR NA, ,LUS 'DI LAS GZHAN BSHANG KHANG CI, ,GTZANG BA'I SA
YANG BSHANG GCI YIS, ,CUNG ZAD SBAGS PA'ANG BTZOG 'GYUR NA,
,BSHANG GCI SNAG KHRAG MI GTZANG

BAS; ;YONGS GANG MDZOD LA SU ZHIG CHAGS, ,'DI LTAR MNGON SUM
MTHONG BZHIN DU, ,DA DUNG 'DOD PA'I SEMS SKYE NA, ,DBUGS BRAL
DUR KHROD BOR BA YI, ,LUS KYI PHYI NANG RANG BZHIN LTOS, ,MDOR
NA 'DOD PA'I DNGOS PO LA, ,

CHAGS PA'I SA BON PHRA MOS KYANG, ,MNAR MED KHRO CHU KHOL MA'I
NANG, ,NGES PAR 'TSED PA'I 'BRAS BU BSKRUN, ,KIM PA'I 'BRAS
'DRA'I 'DOD PA YIS, ,GSOD GCOD 'CHING DANG 'BRAL BA DANG, ,PHYI
MA'I NGAN 'GRO'I SDUG BSNGAL

SOGS, ,'DREN PHYIR PHUNG KROL CHEN PO BYED, ,DE BAS SRID PA'I
PHUN TSOGS KUN, ,RMI LAM SGYU MA'I DGA' STON DANG, ,'BAR BA'I ME
DANG G-YANG SA LTAR, ,SKRAG PA'I SEMS KYIS THAR PAR SNYEGS,
,GLOG DANG CHU BUR LTA BU YI,,

@285A *, ,ZANG ZING NOR RDZAS 'CHING BA'I LCAGS, ,'BRAL MED GTAN
DU DGE BA YI, ,'PHAGS PA'I NOR BDUN GCES PAR ZUNGS, ,SDUG BSNGAL
GSUM GYIS MNAR BA YI, ,MAR GYUR 'GRO BA'I DON GYI PHYIR, ,BYANG

CHUB DAM PAR SEMS BSKYED NAS, ,RGYAL SRAS SPYOD PA'I RJES SU
BSLAB, ,MI SRUN RLUNG LTAR G-YO BA'I SEMS, ,RTZE GCIG DMIGS PA
LA GTAD DE, ,DRAN SHES RGYA DANG MA BRAL BAR, ,G-YO MED TING
'DZIN BRTAN PO SGRUB, ,

CHOS KUN RANG BZHIN GDOD MA'I GSHIS, ,DBYER MED BRJOD BRAL STONG
PA NYID, ,JI BZHIN NGES PA'I SHES RAB KYIS, ,DBYINGS SU DBYER
MED MNYAM PAR ZHOG ,DE LAS LANGS PA'I RJES THOB TU, ,CIR SNANG
SGYU MA CHU ZLA LTAR, ,

SNANG YANG BDEN PAS STONGS PA YI, ,SNANG STONG SGYU MA'I RNAL
'BYOR BSGOM, ,BYANG CHUB SEMS KYIS RTZIS ZIN PA'I, ,STONG NYID
ZAB MO BSGOM PA DANG, ,SHES RAB KYIS ZIN BYANG CHUB SEMS, ,BSGOM
PA ZUNG DU 'BREL TSUL

YIN; ;'DI LTAR BSGRUBS PA'I LEGS TSOGS KYIS, ,MTSON PA'I RNAM
DKAR DGE LEGS GZHI, ,BLA MA MCHOG GIS BYANG CHUB BAR, ,'BRAL MED
'DZIN PA'I RGYU RU BSNGO, ,TSUL 'DI DAD DANG RNAM DPYOD KYI,
,NOR LDAN BLO

BZANG CHOS 'DZIN GYIS, ,BSKUL TSE DGE SLONG RGYAL KHAMS PA,
,CHOS KYI RGYAL MTSAN ZHES BYAS BKOD, ,'DIR 'BAD LEGS SPYAD ZLA
ZER GYIS, ,'KHYUD PA'I GANGS RI'I TOG 'DRA DE, ,MKHA' MNYAM 'GRO
BA MA LUS PAS,,

@285B BYANG CHUB DAM PA THOB PHYIR BSNGO, ZHES SLOB MA LA GDAMS
PA LHA'I RNGA BO CHE'I SGRA DBYANGS CES BYA BA 'DI YANG, DAD PA
DANG RNAM PAR DPYOD PA SOGS PHUL DU BYUNG BA'I YON TAN DANG LDAN
PA, BKRA SHIS RTZE NAS CHOS MDZAD MA BLO

BZANG CHOS 'DZIN GYIS NAN TAN CHEN POS BSKUL BA LA BRTEN NAS,
BTZUN PA BLO BZANG CHOS KYI RGYAL MTSAN GYIS CHOS GRVA CHEN PO
BKRA SHIS LHUN PO'I GTZUG LAG KHANG DU SBYAR BA'O,, ,,