*, ,NA MO GU RU MANYDZU GHO sh'A

@288B YA; GANG GI ZHABS SEN NOR BU'I 'OD, ,DRAN PA YIS KYANG
MCHOG STZOL BA'I, ,BLA MA RNAMS DANG MCHOG GSUM GYI, ,ZHABS LA
GUS PAS PHYAG BYAS TE, ,KEE LA SHA YI SA 'DZIN YANG, ,ZLA SHEL
ZER GYIS CHES DKAR BA,,

JI BZHIN DGE BA'I THUGS MNGA' BA, ,GSAL BAR BYA PHYIR TSIG 'DI
GSOL, ,'BYOR LDAN MTHON PO'I RIGS 'KHRUNGS SHING, ,DAM PA'I MGON
LDAN SANGS RGYAS KYI, ,SKYON MED BSTAN DANG MJAL BA 'DI, ,YANG
YANG MA

YIN DA RES TZAM, ,DE'I PHYIR TSUL 'DI'I DON DGONGS LA, ,'DI DANG
PHYI MA GZHAN DAG GI ,DON RNAMS RGYAL BAS GSUNGS PA BZHIN, ,RTAG
TU GUS PAS STEN PAR MDZOD, ,CHOS DANG MTHUN PA'I SRID BSKYANGS
NA,,

MTHO RIS THAR PA'I LAM CHEN YIN, ,SNGON BYON CHOS KYIS SA SKYONG
BA, ,RNAMS KYI RNAM PAR THAR PA BZHIN, ,'BANGS RNAMS RANG GI
SRAS BZHIN DU, ,BYAMS PA'I SGO NAS BSKYANGS LAGS NA, ,DE DAG GIS
KYANG BDAG

NYID NI, ,PHA BZHIN GUS PAS BSNYEN BKUR BGYID, ,PHUN TSOGS 'BRAS
BU 'BYUNG BA YI, ,LJON SHING GCES PAR BSRUNG BA LTAR, ,DUS SU
DPYA DANG KHRAL 'BUL BA'I, ,'BANGS RNAMS BYAMS PA'I THUGS KYIS

SKYONGS, ,RANG LA BLTOS PA'I 'KHOR G-YOG LA, ,NYE RING CHE
ZHING PHYI THAG THUNG, ,GSAR 'GROGS CHE ZHING 'GYUR LDOG MANG,
,KHRO GTUM CHE ZHING TSIG MI BTZUN, ,NGAN SEMS G-YO SGYU LA
SOGS PA, ,SDE DPON NGAN

@289A *, ,PA'I SPYOD PA RNAMS, ,GTZANG MA'I RIGS SU 'KHRUNGS
KHYOD KYIS, ,DUG CAN ZAS BZHIN SPANG BAR MDZOD, ,MI NI AA MRA'I
'BRAS 'DRA BAR, ,GSUNGS PHYIR MKHYEN PA'I SPYAN BKRAM STE, ,DMAN

'BRING MCHOG GI RIM PA YIS, ,ZHABS 'BRING NGAG TU 'GOD PA'I
RIGS, ,SGO GSUM BYA BA CI 'DRA LA'ANG, ,BRTAG CING DPYAD PA'I
BLANG DOR 'TSAL, ,GYA TZOM 'JUG PA'I BLUN PO LA, ,NYES PA BYUNG
BA SHIN TU MANG, ,  

LEGS NYES BYA BA MTHA' DAG KYANG, ,BLO LDAN TSOGS NAS GROS KYIS
BSGRUB, ,GRUB NA LEGS SHING MA GRUB NA'ANG, ,MDZES CES BSTAN
BCOS DAG LAS 'BYUNG, ,MI DGE'I BSHES DANG SDIG GROGS LA, ,BRTEN
CING

MTSAN MO RGYU BA DANG, ,LE LO NGAN ZHEN CHANG 'THUNG SOGS, ,DAM
PAS SMAD PA'I LAS RNAMS SPANG, ,BYA DANG NYA DANG RI DVAGS SOGS,
,RTZVA CHU TZAM GYIS 'TSO BA YI, ,MGON MED SNYING RJE'I GNAS
RNAMS KYI, ,TSER MA

BYED RNAMS YANG DAG SDOMS, ,BRKU 'PHROG 'THAB RTZOD GSOD BYED
PA'I, ,MA RUNG NGAN PA YAL BOR NA, ,LOG DPYOD DBYAR GYI CHU LTAR
'PHEL, ,DE'I PHYIR DE DAG BSDIGS PAS GZHOM, ,DGE DANG SDIG PA'I
LAS RNAMS

NI; ;CHUNG LA'ANG BRNYAS PAR MI BYA STE, ,'JIG RTEN PHA ROL GYUR
PA NA, ,'BRAS BU SHIN TU CHE BA 'BYUNG, ,TSE 'DI'I SNANG BA
'BRID MKHAS SHING, ,GTZO BO'I BYA BA RGYA CHE BAS, ,DON CHEN YAL
BAR 'TSOR SRID KYI, ,THUGS DAM

@289B BCAD RGYA NYID DU MDZOD, ,NYA STONG TSES BRGYAD LA SOGS
PAR, ,RGYAL BAS KHYIM PA'I PHYOGS DAG LA, ,BSNGAGS PA'I BSNYEN
GNAS YAN LAG BRGYAD, ,BSTEN PAS SKU TSE DON LDAN 'GYUR, ,'JIGS
RUNG 'KHOR BA'I 'BROG

DGON 'DIR, ,GROGS MED GCIG PUR RGYU BA'I TSE, ,MCHOG GSUM BLA MA
LAS LHAG PA'I, ,GNYEN DANG SKYABS GZHAN YOD MIN PAS, ,DANG POR
THO RANGS MNAL SAD TSE, ,SKYABS 'GRO SEMS BSKYED CI MANG DANG,
,BZANG

SPYOD LAS BYUNG BDUN RNAM DAG ,LTUNG BSHAGS DANG BCAS MCHOG TU
DGE ,TSE LHA CI YANG RUNG BA'I GZUNGS, ,BZLAS BRJOD SKU TSE SPEL
PHYIR MDZOD, ,TSA GONG SMAN BLA'I MDO CHOG DANG, ,GRUB NA SU R'U
PA YANG 'TSAL, ,DKON

MCHOG GSUM GYI ZHABS DRUNG DU, ,BKOD PAS KHYAD PAR 'PHAGS PA YI,
,MCHOD PA GSAR PA GSAR PA DAG ,NYIN RE BZHIN DU DBUL BAR MDZOD,
,GDUGS MTSAN DAL BA'I SKABS KUN TU, ,'KHYER SO GSUM DANG

LDAN PA'I NGANG, ,YI GE DRUG PA LA SOGS PA'I, ,GZUNGS SNGAGS ZAB
MO'I BZLAS BRJOD DANG, ,RGYAL BA'I GSUNG GI SNYING PO MCHOG ,YON
TAN RIN CHEN SDUD PA NI, ,GDON ZHING GTOR MA BRGYA RTZA DANG,
,SKU GZUGS

MCHOD RTEN BZHENG BA SOGS, ,'CHAG MED PHYAG MTSAN LTAR BZHES
SHING, ,BYAMS DANG SNYING RJE BYANG CHUB SEMS, ,BDEN STONG SGYU
MA'I RNAL 'BYOR DANG, ,ZUNG DU 'BREL BA'I RGYA YIS THOB, ,'JIG
RTEN DREGS PA'I LHA 'DRE

@290A *, ,LA; ;'PHRAL GYI RKYEN SEL MA GTOGS PA, ,MTHAR THUG
SKYABS SU MI BYA STE, ,NGAN SONG GNAS SU 'DREN PHYIR RO, ,GANG
LA BRTEN NA BYANG CHUB BAR, ,G-YEL MED MGON DANG GROGS MDZAD
PA'I,,

YE SHES CHOS SKYONG BSRUNG TSOGS LA, ,MCHOD GTOR MA CHAG RE
BLTOS GCES, ,MJUG TU DUS GSUM BSAGS PA YI, ,DGE TSOGS BZANG PO
SPYOD PA'AM, ,THOG MTHA' BAR DU DGE BA YI, ,SMON LAM BZANG

POS KHA LO BSGYUR, ,MDOR NA MANG DU GSOL CI 'TSAL, ,RANG RIGS
CHOS DANG SRID KYI TSUL, ,YAB MES GONG MA'I RGYUN BZHIN DU, ,MA
NYAMS 'PHEL ZHING RGYAS PAR MDZOD, ,DBANG STOBS DREGS PAS MYOS
RNAMS

LA; ;PHAL CHER GCAM BU NGO BSTOD BYED, ,NYES PA MTHONG YANG
BRJOD MI NUS, ,MIG BZHIN RANG SKYON MTHONG DKA' BAS, ,RANG GZHAN
BYA BA THAMS CAD LA, ,'PHRAL PHUGS SKYON DANG YON TAN GNYIS, ,JI
BZHIN

'BYED PA'I BLO GROS KYIS, ,LEGS PAR PHYE BA'I BLANG DOR GCES,
,PHAN PAR SMRA BA CHES DKON ZHING, ,SMRAS KYANG BLUN RNAMS KHRO
BA MANG, ,DE LTA MOD KYI SA SKYONG BA, ,KHYOD NYID MNYES PAR BYA
PHYIR BRTZAMS, ,DE LAS

'ONGS PA'I DGE BA'I TSOGS, ,DUNG LTAR DKAR BA CI MCHIS PA, ,'GRO
RNAMS SRID PA'I RGYA MTSO LAS, ,SGROL BA'I DED DPON MCHOG TU
BSNGO, ,TSUL 'DI RIGS RUS DAD STOBS LDAN, ,RNAM DPYOD YANGS PA'I
SA

@290B SKYONG BA, ,SDE PA MGON PO BKRA SHIS KYIS, ,BSKUL PHYIR
PHYOGS MED RGYAL KHAMS PA, ,DGE SLONG CHOS KYI RGYAL MTSAN GYIS,
,THON GYI GZHIS KA'I NGO MTSAR DU, ,SBYAR BA'I YI GE ZUR KHANG
PA, ,BLO BZANG DAR RGYAS CES BYAS

BRIS; ;'DI NYID DAM PA'I RJES 'GRO BA'I, ,RNAM DPYOD LDAN PA
GZHAN LA YANG, ,BLANG DOR BYA BA'I RANG BZHIN RNAMS, ,GSAL BYED
GSER GYI SGRON ME YIN, ZHES PA 'DI YANG CHOS SMRA BA'I BTZUN PA
BLO BZANG CHOS KYI RGYAL

MTSAN GYIS SBYAR BA'O,, ,,