*, ,NA MO GU RU SH'AKYA MU NA YE, GANG GI MKHYEN BRTZE'I 'PHRIN 
LAS KYI, ,PHA MTHA' LHA YI LAM BRGAL ZHING, ,SKYON BRAL YON TAN 
KUN GYI GTER, ,SH'AKYA'I GTZO BO DE LA 'DUD, ,MI 'JIGS BZHI

LDAN DAM BCAS BZHIN, ,SRID ZHI KUN TU BSNYENGS DANG BRAL, ,'JIGS
MED SENG GE'I SGRA SGROG PA, ,KHYOD LA SNYING NAS SKYABS SU
MCHI, ,NGA NI MGON MED KHYOD RNAMS KYI, ,SKYABS SU

GYUR PA NYID YIN ZHES, ,DMAN LA LHAG PAR BRTZE BA'I MGON, ,AE MA
HO MGON KHYOD MDZAD PA RMAD, ,'BUM PHRAG NYI MA'I GZI SPRO BA'I,
,GSER ZHUN BRTZEGS PA'I LHUN PO YIS, ,TSANGS

@302A *, ,DBYANGS SGROG PA'I RJES 'GRO BA, ,DPE ZLA MED PA'I
STON PA DE, ,MNGON SUM MTHONG BA'I YUL 'DAS PA, ,KYE MA BDAG CAG
SKAL BA NGAN, ,'ON KYANG KHYOD KYI BDEN PA'I BKAS,,

MA 'ONGS LNGA BRGYA'I THA MAR YANG, ,NGA YI BSTAN PA'I RJES 'GRO
BA, ,DE DAG NGA YI NYAN THOS TE, ,NGA YIS KUN TU GZIGS SO ZHES,
,GSUNGS 'DIS YID KYI NGAL GSO THOB, ,DE'I PHYIR MNGON SUM MA
GYUR PA'I, ,MCHOD PA 'DI YIS BDAG YID LA, ,MYA NGAN DANG NI SPRO
BA DAG ,LHAN CIG 'GRAN PA BZHIN DU 'PHEL, ,DES NA YE SHES GZIGS
PA LA, ,LKOG TU GYUR PA MI MNGA'

BAS, ,BDAG GI LHAG PA'I BSAM PA YIS, ,RE BA'I GNAS LA YUD TZAM
DGONGS, ,DNGOS BSHAMS YID KYIS SPRUL PA YI, ,SNA TSOGS MCHOD
SPRIN RGYA MTSO 'DIS, ,ZHING GI DAM

PA BCOM LDAN 'DAS, ,'KHOR BCAS DGYES PA BSKYED GYUR CIG ,DE LAS
'ONGS PA'I DGE BA'I TSOGS, ,PHYOGS KYI 'KHOR LO 'GENGS PA DES,
,NYAM THAG 'GRO BA SGROL BA'I PHYIR, ,

THUB CHEN DPA' BOR BDAG GYUR CIG ,KHYAD PAR 'DI SNANG 'GAGS MA
THAG ,BDE BA CAN NAM DGA' LDAN DU, ,PADMO'I SNYING PO LAS SKYES
TE, ,STON MCHOG DE DAG DGYES BYAS NAS, ,THEG

@302B MCHOG GSUNG GIS TSIM GYUR CIG ,BDUD RTZI'I MCHOG DES DAG
BYAS PA'I, ,YID KYI SHEL PHOR SA BCU YI, ,'BRAS BUS RIM BZHIN
GANG GYUR NAS, ,SPYOD PA RGYA MTSO SPYOD GYUR CIG ,

MNYAM GZHAG MIN PA'I DUS KUN TU, ,MANG THOS RGYA MTSO 'TSOL BA
DANG, ,YID CAN RGYA MTSO SGROL BA LA, ,KUN BZANG SPYOD PA GRUB
GYUR CIG ,JI SRID NAM MKHA'I MTHAS KHYAB PA'I, ,

SEMS CAN RE RE'I MDUN DU YANG, ,BDAG LUS BKOD PAS KHYAB BYAS TE,
,SNA TSOGS THABS KYIS 'DUL GYUR CIG ,SEMS CAN RE RE'I DON GYI
PHYIR, ,BSKAL BRGYAR MNAR MED

'JUG PA LA'ANG, ,PAD MTSOR NGANG PA JI BZHIN DU, ,SNYING RJES
SPRO ZHING 'JUG GYUR CIG ,GANG DU RGYAL BA'I NYI MA YIS, ,RNAM
DBEN MUN PA'I ZHING RNAMS SU, ,BDAG GIS PHAN BDE'I 'OD

STONG GIS, ,RGYAL BA BZHIN DU SPYOD GYUR CIG ,MDOR NA DUS GSUM
RGYAL BA NI, ,SRAS DANG BCAS PA'I SPYOD PA KUN, ,GCIG BSDOMS BYE
BA 'BUM BSGYUR BA, ,DE SNYED BDAG GIS SPYOD

GYUR CIG ,BDAG NI LAS KYIS DMYAL NANG DU, ,SKYES NA'ANG DMYAL
BA'I SDUG BSNGAL NI, ,MA LUS BDAG LA SMIN GYUR TE, ,DMYAL BA PA
GZHAN BDE GYUR CIG ,DE BZHIN NGAN 'GRO GZHAN

@303A *, ,RNAMS SU'ANG, ,LAS NYON DBANG GIS BDAG SONG NA, ,RIGS
MTHUN GZHAN GYI SDUG BSNGAL RNAMS, ,LHAG PA'I BSAM PAS LEN GYUR
CIG ,RAB 'BYAMS ZHING NA ZHING KUN

GYI; ;RDUL SNYED RGYAL BA RGYA MTSO YI, ,DRUNG DU BDAG GIS BGROD
BYAS TE, ,KUN BZANG P'U DZAS MCHOD GYUR CIG ,BDAG NI TSE RABS
THAMS CAD DU, ,SGO GSUM DGE LA 'JUG PA LAS, ,MI DGE'I

LAM DU SMOS CI DGOS, ,LUNG MA BSTAN DU'ANG MA GYUR CIG ,DE BZHIN
SEMS KYI DBANG GYUR TSE, ,SDIG SEMS RE BA'I 'BRAS MED PAR,
,'DREN PAS GNANG BA'I BSAM PA KUN, ,'BRAS BU BZANG

POS MDZES GYUR CIG ,JI SRID NAM MKHA'I MTHAS KHYAB PA'I, ,SEMS
CAN MA LUS CI 'DOD PA, ,DE DANG DE YI 'DOD 'JO BA'I, ,YID BZHIN
NOR BUR BDAG GYUR CIG ,NAM ZHIG BYANG CHUB SHING

DRUNG DU, ,BYAMS MGON RGYAL BA'I MDZAD PA YIS, ,ROL TSE BDAG
KYANG MGON PO DE'I, ,'KHOR GYI THOG MA NYID GYUR CIG ,DE TSE DE
YI LUGS BZANG POS, ,MTHA' YAS 'GRO BA 'DREN PA LA, ,

'GRAN ZLA MED PA'I 'PHRIN LAS KYIS, ,RJE BTZUN DGYES PA BSKYED
GYUR CIG ,'DI NAS TSE RABS THAMS CAD DU, ,KUN MKHYEN GYIS
BSNGAGS GNAS DANG RTEN, ,LONGS SPYOD GROGS DANG PHUN

@303B TSOGS 'KHOR, ,TSE DANG 'TSO BA DGE GYUR CIG ,DUS 'DIR
RGYAL BA GNYIS PA YI, ,BSHAD SGRUB NOR 'DZIN MTHA' GRU KUN,
,KHYAB BYED GEGS BRAL MTHUN RKYEN RNAMS, ,SRID RTZE'I BAR DU
'PHYUR

GYUR CIG ,GANG ZHIG BDAG LA ZHE 'GRAS SHING, ,SROG GCOD BAR DU
GNOD PA GANG, ,DE DAG LA YANG RJES BRTZE BAS, ,PHAN PA PHUN
TSOGS BSGRUB GYUR CIG ,DE BZHIN DUS GSUM RGYAL BA

YI; ;ZHING 'KHOR SKU TSE MDZAD PA KUN, ,GCIG BSDOMS 'BUM PHRAG
BRGYAR BSGYUR BA, ,MA LUS BDAG GIS 'GRUB GYUR CIG ,GNAS SKABS
'DIR YANG BSAMS PA'I DON, ,MA LUS YID

BZHIN 'GRUB PA DANG, ,'GRO LA PHAN BDE BSGRUB PA LA, ,SA YI
SNYING POR MTSUNGS GYUR CIG ,MDOR NA SKYE BA KUN TU BDAG ,DGE
BA'I BSHES DANG DAM PA'I CHOS, ,TSUL BZHIN 'DZIN PHYIR LUS

SROG KYANG, ,BYE BA DUNG PHYUR GTONG GYUR CIG ,BDAG GI MING TZAM
THOS PAS KYANG, ,RGUD PA KUN LAS RNAM GROL ZHING, ,MTHO RIS THAR
PA'I DGA' STON GYI, ,PHUN SUM TSOGS PAS 'BYOR GYUR

CIG ;PHYOGS BCU'I SEMS CAN MTHA' YAS PA, ,NAD DANG MU GES MI
GTZE ZHING, ,DGE BA BCU YI KHRIMS DANG LDAN, ,BYANG CHUB SEMS
KYIS PHYUG PAR SHOG ,BLO BZANG LUNG RTOGS DAM CHOS RGYAL

@304A *, ,SRID LA, ,DBANG BSGYUR GRUB PA'I RGYAL MTSAN 'DZIN
PA'I DPAL, ,BZANG PO'I 'PHRIN LAS THUB DBANG BSTAN PA'I GNYEN,
,PHYOGS LAS RNAM PAR RGYAL BAR BDAG GYUR CIG ,'DI

YANG BTZUN PA BLO BZANG CHOS KYI RGYAL MTSAN GYIS RANG GI YID LA
RE BA'I DON SUG BRIS SU BYAS PA'O,, ,,