*, ,NA MO GU RU SA MANTA BHA DR'A YA, BSLU MED

BLA MA DKON MCHOG GSUM, ,THUGS BRTZE LDAN PAS LEGS DGONGS NAS,
,BDAG GI SMON PA'I GNAS 'DI RNAMS, ,THOGS MED MYUR DU GRUB PAR
MDZOD, ,DENG NAS BYANG CHUB SNYING PO'I BAR, ,

NGAN SONG GSUM SOGS MI KHOM PA'I, ,GNAS SU NAM YANG MI SKYE
ZHING, ,DAL 'BYOR RTEN BZANG THOB PAR SHOG ,MTHO RIS YON TAN
RNAM BDUN DANG, ,NAM YANG 'BRAL BA MED PA DANG, ,DAD

DANG RNAM DPYOD SNYING RTZER LDAN, ,SHES RAB PHUN SUM TSOGS PAR
SHOG ,SKYES TZAM NYID NAS THEG CHEN GYI, ,RIGS SAD LUS DANG SROG
LA YANG, ,BLTOS MED DGE BA'I BSHES GNYEN DANG, ,

DAM CHOS 'TSOL LA BRTZON PAR SHOG ,JI SRID SRID PAR RGYU BA NA,
,RTAG TU GZHON NU RAB 'BYUNG ZHING, ,SHIN TU PHRA BA'I KHRIMS
RNAMS KYANG, ,MIG 'BRAS LTA BUR BSRUNG BAR SHOG ,TSE RABS KUN

@304B TU MTSAN NYID DANG, ,LDAN PA'I DAM PAS RJES BZUNG STE,
,BSAM SBYOR RNAM PAR DAG PA YIS, ,BKA' BZHIN BSGRUB PAS MNYES
BYED SHOG ,MGON DE'I ZHAL GYI BUM BZANG LAS, ,BYUNG BA'I LEGS

BSHAD BDUD RTZI'I RGYUN, ,NGOMS PA MED PAR 'THUNGS PA YIS, ,MANG
THOS RGYA MTSO'I MTHAR SON SHOG ,SO THAR BYANG SEMS GSANG SNGAGS
KYI, ,SDOM GSUM MCHOG GIS RGYUD BSDAMS SHING, ,

MDO RGYUD TSIG DON KUN RTOGS NAS, ,BSGRUB PA SNYING POR BYED PAR
SHOG ,LAM BZANG TSUL BZHIN BSGRUB PA'I TSE, ,PHYI NANG 'GAL
RKYEN KUN BRAL ZHING, ,MTHUN RKYEN BSAMS PA'I DON RNAMS KUN, ,

'BAD MED LHUN GYIS GRUB PAR SHOG ,DAD DANG NGES 'BYUNG BYANG
CHUB SEMS, ,YANG DAG LTA DANG RIM GNYIS LAM, ,RGYAL BA'I DGONGS
PA JI LTA BAR, ,MYUR DU RGYUD LA SKYE BAR SHOG ,BDAG NI

MTHONG THOS DRAN REG DANG, ,DAD PAR BYED PA THAMS CAD KYANG,
,LHA DANG MI YI RTEN BRGYUD NAS, ,NGES PAR BYANG CHUB MCHOG THOB
SHOG ,SEMS CAN KUN GYI SDUG BSNGAL DANG, ,SDIG TSOGS

BDAG LA SMIN GYUR CING, ,BDAG BDE DGE BA MA LUS PA, ,SEMS CAN
YONGS LA SMIN PAR SHOG ,DAM CHOS TSIGS BCAD GCIG TZAM DANG,
,SEMS CAN RE RE'I DON DU YANG, ,BSKAL PAR

@305A *, ,MNAR MED GNAS DGOS KYANG, ,ZHUM MED SPRO BAS 'JUG PAR
SHOG ,'DOD DGU'I DPAG BSAM LJON PA DANG, ,BUM BZANG YID BZHIN
NOR BU LTAR, ,'GRO KUN CI DANG CI 'DOD PA'I, ,RE BA

BDAG GIS RDZOGS BYED SHOG ,MDOR NA PHAN BDE KUN GYI GZHI, ,THUB
DBANG BSTAN PA 'DZIN PA LA, ,RGYAN DRUG MCHOG GNYIS JO 'BROM
DANG, ,TZONG KHA PA DANG MTSUNGS PAR SHOG ,CES 'DOD DON SMON LAM

DU BYAS PA 'DI NI, DGE TSUL BLO BZANG NOR BUS SNGA MO NAS YANG
YANG BSKUL ZHING, PHYIS GNAM MTSO PHYUG MO'I DO SOGS BYANG STONG
GI DBEN PAR RGYU BA LA SPRO BA'I YUL GTZANG STOD KYI DGE TSUL
BLO BZANG BDE LEGS

KYIS BSKUL BA LA BRTEN NAS, CHOS SMRA BA BLO BZANG CHOS KYI
RGYAL MTSAN GYIS, 'BROG RI BO CHE DGE LDAN RNAM PAR RGYAL BA'I
GLING DU THOGS MED DU SMRAS PA'O,, ,,