*, ,NA MO GU RU SHR'I TZAKRA SAMBA R'A YA, 'DI LTAR BSGRUBS PA'I 
RNAM DKAR DGE BA'I MTHUS, ,RTAG TU DAL 'BYOR TSANG BA'I RTEN 
THOB CING,,

BSHES GNYEN DAM PAS 'BRAL MED RJES BZUNG NAS, ,BSAM SBYOR GNYIS
KYIS TSUL BZHIN BSTEN PAR SHOG ,SRID PA'I PHUN TSOGS ME 'OBS
LTAR MTHONG NAS, ,'GRO KUN DON DU BYANG CHUB SEMS BSKYED DE,,

PHYIN DRUG BSDU BZHI'I LAM LA LEGS SBYANGS PAS, ,THUN MONG LAM
GYI RIM PA MTHAR PHYIN SHOG ,TSE RABS KUN TU BCOM LDAN YAB YUM
GYIS, ,DGYES SHING RJES BZUNG RNAM DAG DBANG BZHI THOB, ,DAM
TSIG SDOM PA

SROG LTAR BSRUNG BYED CING, ,BDE MCHOG SBAS CHU'I RGYA MTSO'I
DON RTOGS SHOG ,RIM GNYIS ZAB MO THUN BZHIR BSGOMS PA YIS, ,THA
MAL SKYE SHI BAR DO'I 'KHRUL SNANG RNAMS, ,YID NGO TZAM DANG
DNGOS SU SKU GSUM DU, ,

@307A *, ,BSGYUR BA'I LAM BZANG TSE 'DIR 'GRUB PAR SHOG ,GNAS
SKABS 'DIR YANG NAD RIMS GDON BGEGS SOGS, ,PHYI NANG NYER 'TSE
MA LUS ZHI BA DANG, ,TSE DANG BSOD NAMS 'DOD DGU'I  

LONGS SPYOD DANG, ,CHOS LDAN BSAMS DON YID BZHIN 'GRUB PAR SHOG
,TSE YI MTHAR YANG DPA' BO RNAL 'BYOR MAS, ,NGO MTSAR LTAS BZANG
MANG POS LEGS BSUS NAS, ,MKHA' SPYOD GNAS SU RJE BTZUN YAB YUM

GYI; ;ZHAL MTHONG GSUNG GI BDUD RTZIS TSIM PAR SHOG ,DRAN PAS
MCHOG STZOL RTZA BA'I BLA MA DANG, ,DBANG PHYUG BRGYAD LDAN
RGYAL BA TZONG KHA PA, ,RGYAL TSAB MKHAS GRUB DAM PA LA SOGS
PA'I, ,BKA' BRGYUD BLA MA

RNAMS KYI BKRA SHIS SHOG ,RIGS KUN KHYAB BDAG 'KHOR LO SDOM PA
DANG, ,LHAN SKYES BDE BA'I MCHOG SBYIN RJE BTZUN MA, ,GNAS GSUM
DPA' BO MKHA' 'GRO'I TSOGS RNAMS KYIS, ,G-YEL MED BU LTAR

SKYONG BA'I BKRA SHIS SHOG ,'CHI MED MCHOG STZOL YI DAM LHA
TSOGS DANG, ,BAR CHAD KUN SEL CHOS SKYONG BSRUNG MA DANG, ,'DOD
DGU'I CHAR 'BEBS NOR LHA'I TSOGS RNAMS KYI, ,BDE LEGS RGYUN MI

'CHAD PA'I BKRA SHIS SHOG ,CES DPAL 'KHOR LO BDE MCHOG DKAR PO'I
SMON LAM SHIS BRJOD MDOR BSDUS 'DI YANG, LAM 'DI'I TSES BCU'I
MCHOD PA LA BRTZON PAR BYED PA'I DAD LDAN MANG PO'I CHED DU,

@307B YONGS KYI DGE BA'I BSHES GNYEN, BSTAN PA'I GSAL BYED
SNGAGS RAM PA BSOD NAMS LHUN GRUB KYIS BSKUL BA LA BRTEN NAS,
BDE BA MCHOG GI RNAL 'BYOR PA BLO BZANG CHOS KYI RGYAL MTSAN
GYIS, 'BROG RI

BO DGE LDAN DU SBYAR BA'I YI GE PA NI TSE RING CHOS 'PHEL GYIS
BGYIS PA'O,, ,,