*, ,NA MO GU RU MANYDZU GHO sh'A YA, ZAB GSAL GNYIS SU MED PA'I
RNAM ROL LAS, ,MI 'KHRUGS RGYAL PO'I DKYIL 'KHOR LHA TSOGS
RNAMS, ,BSGRUB CING MCHOD BSTOD BZLAS SOGS LA 'BAD PA'I, ,RNAM
DKAR

GYIS MTSON DUS GSUM DGE BA'I MTHUS, ,BDAG DANG MKHA' MNYAM 'GRO
BA MA LUS PA, ,SKYE ZHING SKYE BA DAG NI THAMS CAD DU, ,MI KHOM
GNAS SU NAM YANG MI SKYE ZHING, ,DAL 'BYOR RTEN BZANG RTAG TU
THOB PAR

SHOG ;TSE RABS KUN TU LEGS TSOGS MA LUS PA'I, ,'BYUNG GNAS BSHES
GNYEN DAM PAS RJES 'DZIN CING, ,SROG KYANG YAL BAR DOR NAS DAM
PA'I MGON, ,BSAM SBYOR GNYIS KYIS TSUL BZHIN BSTEN

PAR SHOG ,DE YI ZHAL GYI PADMO LAS 'ONGS PA'I, ,SKYES BU GSUM
GYI GDAMS PA SBRANG RTZI'I CHUS, ,YID KYI BUM BZANG LEGS PAR
GANG BYAS TE, ,ZAB MO'I LAM GYI SNOD DU 'GYUR BAR SHOG ,BCOM
LDAN

@309B MI 'KHRUGS RGYAL PO'I DKYIL 'KHOR DU, ,ZHUGS NAS RNAM DAG
DBANG GIS RGYUD SMIN CING, ,BYA RGYUD RIGS GSUM SPYI DANG BYE
BRAG GI ,DAM TSIG SDOM PA TSUL BZHIN BSRUNG BAR SHOG ,ZHING GI
DAM PA MNGON

PAR DGA' BA YI, ,'DREN PA'I LHA TSOGS 'CHI MED LAM GANG BAR,
,CHO GA JI BZHIN BSOD NAMS TSOGS BSAGS PAS, ,DGE TSOGS RGYA MTSO
MNGON PAR 'PHEL BAR SHOG ,BZLAS BRJOD YAN LAG BZHI YI BSAM

GTAN DANG, ,BZLAS BRJOD DAG LA MA BLTOS BSAM GTAN GYIS, ,THA MAL
SNANG ZHEN MA LUS DRUNGS PHYUNG NAS, ,MTSAN BCAS MTSAN MED RNAL
'BYOR MTHAR PHYIN SHOG ,KHYAD PAR SNGAGS RNAMS KUN GYI RGYAL PO

MCHOG ,LAS SGRIB RGYUN GCOD GZUNGS SNGAGS RAB BZLAS PAS, ,SDIG
SGRIB KUN DAG ZHI SOGS RAB 'BYAMS LAS, ,MA LUS BSGRUB LA THOGS
PA MED PAR SHOG ,KHYAD PAR TSE 'DI'I SNANG BA 'GAG PA'I TSE,
,GNAD GCOD

SDUG BSNGAL DRAG PO MI 'BYUNG ZHING, ,RGYAL SRAS RGYA MTSOS
BSKOR BA'I BCOM LDAN 'DAS, ,MI 'KHRUGS RGYAL PO'I ZHAL BZANG
MTHONG BAR SHOG ,SRID PA BAR DOR 'JIGS SKRAG LAS GROL TE, ,SRAS
KYI THU BOS MA NOR LAM

DRANGS NAS, ,MNGON DGA'I ZHING DU SKYES NAS STON PA MCHOG ,MNYES
PAR BYAS TE SA BCU MTHAR PHYIN SHOG ,DE NAS SNA TSOGS SPRUL PA'I
THABS MKHAS KYIS, ,MGON MED NYAM THAG 'GRO BA MA LUS PA, ,SKYE
RGA NA 'CHI'I SDUG

@310A *, ,BSNGAL LAS BSGRAL TE, ,SKU GSUM GO 'PHANG MCHOG LA
'GOD PAR SHOG ,GNAS SKABS SU YANG SRID DANG ZHI BA YI, ,RGUD PA
KUN GYI MING YANG MI 'BYUNG ZHING, ,TSE DANG BSOD NAMS LONGS
SPYOD

BSHAD BSGRUB SOGS, ,YID LA BSAMS PA JI BZHIN 'GRUB PAR SHOG ,
,,*, ,LHA YI LAM DANG YANGS PA'I NOR 'DZIN KHYON, ,TIL GYI GANG
BU BZHIN DU YONGS GANG BA'I, ,MI

'KHRUGS RGYAL PO'I DKYIL 'KHOR LHA YI TSOGS, ,DRAN PA YIS KYANG
NGAN 'GRO'I GDUNG SEL ZHING, ,KHYOD LA RTAG TU MCHOG STZOL MDZAD
PA 'DI, ,NGES PAR GYIS LA RAB DGA' SKYED CIG DANG, ,SHIS BRJOD

SGRA DBYANGS BDAG GIS BSGRAG PAR BYA, ,RAB 'BYAMS RGYAL BA'I
THUGS RJE GCIG BSDUS NAS, ,MTSAN TZAM DRAN PAS 'KHOR BA'I SDUG
BSNGAL KUN, ,MA LUS ZHI MDZAD BSLU MED SKYABS KYI PHUL, ,RGYAL
BA

MI 'KHRUGS RGYAL PO LA PHYAG 'TSAL, ,RIGS GSUM 'KHOR LOS BSGYUR
BA RDO RJE SEMS, ,LAM 'DI GSAL MDZAD SLOB DPON DZE T'A RI, ,LNGA
BRGYA'I GTZUG RGYAN JO BO YAB SRAS DANG, ,RGYAL BA GNYIS PA

BLO BZANG GRAGS PA SOGS, ,DNGOS DANG BRGYUD PA'I BLA MA MCHOG
RNAMS LA, ,LEGS TSOGS JI SNYED MCHIS PA'I BKRA SHIS DES, ,KHYED
KYI MI MTHUN RGUD PA KUN ZAD CING, ,BDE LEGS YAR NGO'I ZLA LTAR
'PHEL

@310B GYUR NAS, ,PHUN TSOGS DPAL LA ROL PA'I BKRA SHIS SHOG ,BYA
RGYUD DKYIL 'KHOR SUM STONG LNGA BRGYA YI, ,NANG NAS NGAN SONG
YONGS SU SBYONG BA'I MCHOG ,LHA MI'I STON PA BCOM LDAN MI
'KHRUGS PA, ,BKRA SHIS

LHA MO BRGYAD DANG SGO SKYONG BZHI, ,BCU GSUM BDAG NYID LHA YI
'KHOR LO LA, ,LEGS TSOGS, ,KHYED KYI, ,BDE LEGS, ,PHUN TSOGS,
,SH'AKYA'I RGYAL PO'I MGUR GYI BUM PA LAS, ,GZUNGS MCHOG JI
SNYED GSUNGS

PA'I RAB DANG PHUL, ,GANG ZHIG THOS DANG RI MOR BRIS PA'I GZUGS,
,MTHONG BA YIS KYANG NGAN SONG 'JIGS 'PHROG PA, ,MI 'KHRUGS
RGYAL PO'I GZUNGS SOGS LUNG RTOGS KYI, ,DAM PA'I CHOS TSUL JI
SNYED MCHIS PA LA,

LEGS TSOGS, ,KHYED KYI, ,BDE LEGS, ,PHUN TSOGS, ,RAB 'BYAMS
ZHING NA GZUNGS SNGAGS CHO GA 'DI'I, ,MCHOG DANG THUN MONG
BSGRUB PA'I RIM PA RNAMS, ,RGYAL BA'I GSUNG BZHIN LEGS PAR GRUB
RNAMS

KYIS; ;MTSON NAS PHYOGS GCIG YAN CHAD 'DZIN RNAMS LA, ,LEGS
TSOGS, ,KHYED KYI, ,BDE LEGS, ,PHUN TSOGS DPAL LA ROL PA'I BKRA
SHIS SHOG ,CES SHIS PA BRJOD CING ME TOG GI CHAR DBAB PAR
BYA'O,,

ZHES PA 'DI NI GANGS RI'I KHROD KYI MGON MED ZAS SBYIN GNYIS PA
SDE PA NGAG DBANG BSOD NAMS LHUN GRUB KYI BKAS BSKUL BA LA BRTEN
NAS, BYA BA'I RGYUD KYI RIGS GSUM SPYI DANG BYE BRAG GI DE NYID
RIG CING, SDE

@311A *, ,SNOD 'DZIN PA BLO BZANG CHOS KYI RGYAL MTSAN GYIS
SHANGS MDO RI BO DGE 'PHEL GYI GTZUG LAG KHANG DU SBYAR BA'O,,
,,