*, ,NA MO GU RU MU NI AINDR'A YA, MA LUS NYES PA'I TSOGS BCOM ZHING, ,MTHA' YAS YON TAN KUN GYI GTER, ,THUGS RJE CHE LDAN RGYAL BA DE, ,DRAN PAS DAD PA'I SPU LONG G-YO, ,LHA BRGYA'I GTZUG RGYAN 'OD @316A *, ,ZER DANG, ,RAB 'DRES ZHABS SEN NOR BU'I 'OD, ,DRAN PA YIS KYANG SRID PA YI, ,'JIGS 'PHROG AE MA SHIN TU RMAD, ,DMAN PA RNAMS LA LHAG PAR BRTZE, ,KUN GYI 'DRIS PA MED PA'I BSHES, , RTAG TU 'GRO BA'I DON MDZAD PA, ,KHYOD LA SNYING NAS SKYABS SU MCHI, ,MA BCOL BAR YANG SDUG BSNGAL KUN, ,SEL ZHING PHAN BDE'I MCHOG STZOL BA'I, ,BKA' DRIN KUN GYIS SRID MTHA'I BAR, ,SROG PHUL BAS KYANG BSAB PAR DKA', ,DE PHYIR BSOD NAMS MI LDAN ZHING, ,BSAM SBYOR DMAN PA BDAG 'DRA BA'I, ,MCHOD TSOGS PADMO'I SKUD PA YIS, ,DGYES PAR RLOM PA GA ZHA'I GNAS, ,'ON KYANG KHYOD NYID DMAN GYUR TSE; ;RGYAL BA SH'AKYA THUB CHEN LA, ,PHRA BA'I DBUL BA PHUL NAS KYANG, ,BYANG CHUB MCHOG TU THUGS BSKYED PA, ,DE BZHIN BDAG KYANG SEMS DANG BAS, ,BCOM LDAN THUGS RJE'I BDAG NYID CAN, ,MCHOD PA'I SPRIN GYIS MNGON MCHOD NAS, ,BYANG CHUB SEMS MCHOG BSKYED PAR BGYI, ,RANG BZHIN STONG PA'I ME LONG LA, ,KUN TOG SNA TSOGS PIR GYI RTZES, ,BZANG NGAN RI MO JI SNYED PA, ,BRIS PA DE BZHIN 'DI NA SNANG, ,DE'I SLAD 'JIG RTEN 'JIG RTEN LAS, ,'DAS PA'I KUN BZANG MCHOD PA'I TSOGS, ,LHA LAM KHYAB PA BLOS SPRUL TE, ,GUS PAS 'BUL GYI BRTZE BAS BZHES, ,DE RING SH'AKYA'I GTZO BO DE'I, ,YON TAN PHUN SUM TSOGS PA DANG,, @316B BKA' DRIN CHEN PO RJES DRAN PAS, ,SPRO DANG SKYO BA LHAN CIG 'PHEL, ,THUB PA'I NYI MA BCU GNYIS KYI, ,MDZAD PA'I 'OD STONG 'GYED PA YI, ,DGA' STON PHUN SUM TSOGS PA YANG, ,MA MTHONG SEMS KYI GCOD DU GYUR, ,GDUL BYA'I RANG RANG MOS PA BZHIN, ,CHO 'PHRUL GSUM GYIS 'JIG RTEN 'DI, ,DGE LEGS 'OD BRGYAS 'GENGS PA'I DUS, ,SDIG CAN BDAG GIS GANG DU BSDAD, ,'JAM DPAL BYAMS MGON MCHOG ZUNG SOGS, ,'PHAGS CHEN RNAMS DANG LHAN CIG TU, ,'BEL BA'I BKA' MCHID BGYID PA YANG, ,SKAL MED BDAG GIS MTHONG MA GYUR, ,THAMS CAD MKHYEN PA SH'AKYA'I GTZO, ,DENG SANG THOS PA'I LAM DU GSHEGS, ,DE YI BSTAN PA'ANG NAG PHYOGS KYI, ,ZLA LTAR 'GRIB DUS LAS KYIS SKYES, ,SNOD RNAMS SKYA BO ZHAG MED CING, ,'BRAS MED LJON SHING GOS DANG BRAL, ,DUS MIN RLUNG DANG THAN PAS GTZES, ,MA RUNGS SKYE BO SDIG LA RDAMS, ,DGE SPYOD PHAL CHER KHRIMS DANG BRAL, ,NYAM THAG SDUG BSNGAL BRGYAS GZIR BA, PHYOGS KUN BSLAD PA'I 'GRON PO'AM, ,RI DVAGS RGYAR CHUD LTA BU YI, ,SKYABS MED MGON MED BDAG CAG LA,, MKHYEN BRTZE LDAN PAS MI DGONGS NA, ,KHYOD LAS LHAG PA'I THUGS RJE CAN, ,SKYABS GZHAN GANG LA BRTEN PA GSUNGS, ,'ON KYANG KHYU MCHOG RLABS PO CHES, ,DA NI MGON MED KHYED RNAMS KYI, ,SKYABS SU @317A *, ,GYUR PA NYID YIN ZHES, ,BDEN PA'I GSUNG 'DIS NGAL GSO THOB, ,DE'I PHYIR LAS KYIS MNAR BA BDAG ,SH'AKYA'I RGYAL RIGS 'KHRUNGS KHYOD LA, ,RKANG GI KHONG NAS BYANG CHUB BAR, ,SKYABS SU LHAG PAR MCHI BAR BGYI, ,'JIGS RUNG MI BZAD SKYI G-YA' BA, ,'KHOR BA NGAN SONG MTHA' DAG GI ,'JIGS SKRAG SDUG BSNGAL MA LUS PA, ,RGYU DANG BCAS LAS THUGS RJES SKYOBS, ,NAM ZHIG BAR DO'I 'KHRUL SNANG GIS; ;DNGANGS SKRAG SDUG BSNGAL MUN 'THOMS TSE, ,'KHRUL MED LAM BZANG STON PA YI, ,YE SHES SGRON ME KHYOD NYID MKHYEN, ,DE BZHIN NYING MTSAMS SBYOR BA'I TSE, ,LAS NYON RLUNG SHUGS DRAG PO YIS, ,NGAN 'GRO'I G-YANG SAR MNGON PHYOGS NA, ,SGO GTAN DAM PO'ANG KHYOD LA RE, ,MGON PO MKHYEN BRTZE NUS LDAN ZHING, ,THUGS RJE BSLU BA MI MNGA' YANG, ,SKYE DGU RANG GI LAS SPYOD PAS, ,BRGYA LA DMAN PA'I GNAS SKYES NA'ANG, ,SNYING RJES RIGS MTHUN 'GRO RNAMS KYI, ,SDIG SDUG BDAG GIS LEN BYED CING, ,BDAG GI BDE DGES LUS CAN RNAMS, ,KUN MKHYEN LAM DU BKRI NUS SHOG ,KHYOD KYI BSTAN PA'I RJES ZHUGS KYANG, ,'BRAS BU MA THOB BDAG CAG RNAMS, ,BCOM LDAN ZHING 'DIR MYA NGAN LAS, ,BZLA TSUL BSTAN KYANG ZHING GZHAN DU, ,RGYAL BA'I MDZAD PA BRGYAS ROL BAS, ,SLAR YANG BYANG CHUB TSUL BSTAN PA'I, ,THOG MA'I 'KHOR GYI GDUL @317B BYAR NI, ,NGES PAR THUGS RJE'I LCAGS KYUS DRONGS, ,SRID LAM KUN TU RGYU BA NA, ,DMYAL MES LAN STONG BSREGS KYANG BLA, ,SRID ZHI'I MTHA' GNYIS 'GOG PA'I LAM, ,RMI LAM DU YANG 'BRAL MA GYUR, ,DUS GSUM SRAS BCAS RGYAL RNAMS KYI, ,SPYOD DANG SMON LAM GCIG BSDOMS PA, ,BYE BA 'BUM BSGYUR BSDOMS PA YI, ,SPYOD TSOGS SMON LAM BDAG GIS SPYOD, ,DE BZHIN DUS GSUM BDE GSHEGS KUN, ,YONGS BSDOMS SKU TSE MDZAD PA RNAMS, ,YANG BSDOMS BYE BA KHRIR BSGYUR BA, ,THABS MKHAS BDAG GIS BSGRUB PAR BGYI, ,DAM BCA'I DON 'DI LAS NYON GYIS, ,TSE RABS GZHAN DU BSKYUD PA NA, ,PHAN MDZAD THUGS RJE LDAN RGYAL GYIS, ,YANG YANG DRAN PA'I GSOS 'DEBS MDZOD, ,NGA YI BSTAN PA'I THA MA LA, ,CHOS DANG CHOS MIN SPYOD PA YI, ,RAB BYUNG DE DAG MNGON SUM GYIS, ,THAMS CAD MKHYEN PA NGAS MKHYEN GSUNGS, ,DE BAS BDAG GI BSAM PA'I RGYUN, ,MA GSOL YANG NI KHYOD KYIS MKHYEN, ,'ON KYANG SNYING GI TSER MA 'DI, ,SEL PHYIR TSIG 'DI GSOL BA LAGS, ,LNGA PAR PHYOGS PA'I SKYE BO YI, ,KHA CHEMS MDZA' BSHES KHREL LDAN GYIS, ,BSGRUB PA 'JIG RTEN 'DI NA SNANG, ,BDAG CAG MGON MED RNAMS KYI MGON, ,THUB DBANG STOBS BCU MNGA' BA LA, ,KHA CHEMS TSUL DU GSOL LAGS NA, ,BDAG GI GNAS SKABS CI 'DRA NA'ANG, ,MGON PO BSNYEL BA MED @318A *, ,PAR MDZOD, CES PA 'DI YANG, JO BO RIN PO CHE SH'AKYA'I RGYAL PO'I ZHABS DRUNG DU MCHOD PA'I RNAM GRANGS 'GA' ZHIG PHUL BA'I KHA BYANG DU SGRON ME'I 'OD LA 'PHRAL DU, DGE SLONG BLO BZANG CHOS KYI RGYAL MTSAN GYIS RA SA RA MO CHE'I GTZUG LAG KHANG DU BRIS PA'O, ,'DI YANG SANGS RGYAS KYI BSTAN PA RIN PO CHE DAR ZHING RGYAS LA YUN RING DU GNAS PA'I RGYUR GYUR CIG , ,,*, ,NA MO GU RU MANYDZU GHO sh'A YA, BSLU MED DKON MCHOG GSUM GYI GTZUG LAG KHANG, ,MDZES BYED DBANG PO'I GZHU LTAR RAB BKRA BA, ,LHA RDZAS LAS GRUB 'PHAN GYI PHRENG BA NI, ,RGYAL DANG RGYAL SRAS PAndI TA RNAMS KYI, ,SNANG BRNYAN RGYAN GYIS SPRAS PA'I BYED PO GANG, ,BLO BZANG CHOS KYI RGYAL MTSAN LHAG BSAM GYI, ,RGYA MTSO MNGON DAGS BSKYOD PA'I RLABS PHRENG NGO, ,DE LAS 'ONGS PA'I DGE BA'I 'OD STONG GIS, ,BDAG SOGS 'GRO BLO'I MUN PA DRUNGS PHYUNG STE, ,TSOGS GNYIS PADMO'I GE SAR RGOD PA'I RTZER, ,SKU GSUM ZE'U 'BRU'I DPAL GYIS MDZES PAR SHOG ,BDAG KYANG DENG NAS SKYE BA THAMS CAD DU, ,RIN CHEN BYANG CHUB SEMS DANG MI 'BRAL ZHING, , LUS SROG YAL BAR DOR NAS DAM CHOS KUN, ,RGYAL BA'I DGONGS PA JI BZHIN 'DZIN PAR SHOG ,KHYAD PAR TSE 'DI'I SPROS PA KUN DOR NAS, ,RGYAL BAS BSNGAGS PA'I LAM BZANG BSGRUB PA LA, ,BAR DU GCOD PA'I MING @318B YANG MI 'BYUNG ZHING, ,MTHUN RKYEN BSAM PA JI BZHIN 'GRUB PAR SHOG ,'DI SNANG 'GAGS TSE YID DGA' CHOS 'DZIN DU, ,PADMO LAS SKYES MA PHAM ZHAL MTHONG ZHING, ,THEG MCHOG GSUNG GI DPAL LA LONGS SPYAD NAS, ,RGYAL SRAS SPYOD PA MA LUS MTHAR PHYIN SHOG , ,,*, ,NA MO GU RU AINDRA MU NA YE, MKHYEN BRTZE'I LUS STOBS RAB RGYAS SHING, ,STOBS BCU'I GDONG LNGA MI BZAD 'BAR, ,MI 'JIGS SENG GE'I SGRA SGROG PA'I, ,STON PA DE LA BDAG CAG DANG, ,SHANGS MNGO RI BO DGE 'PHEL GYI, ,GTZUG LAG KHANG CHEN MDZES PA'I RGYAN, ,BKRA SHIS RTAGS MTSAN LHA RDZAS NGOS, ,RGYAL BA'I SKU YI BKOD PA NI, ,RNAM MANG BYIN CHAGS GZI 'BAR BA'I, ,BYED PO DKON MCHOG GSUM GYI 'BANGS, ,BLO BZANG CHOS KYI RGYAL MTSAN GYIS, ,LHAG BSAM DAG PAS MNGON PAR BSGRUBS, ,'DIS MTSON RNAM DKAR DGE BA'I MTHUS, ,TSE 'DI'I SNANG BA 'GAGS MA THAG ,RGYAL BAS BSNGAGS PA'I ZHING MCHOG DER, ,THOGS MED PADMO LAS SKYES TE, ,BDE GSHEGS SRAS KYI THU BOR GYUR, ,DE'I TSE SKYES THOB RNAM DPYOD DANG, ,DAD DANG NGES 'BYUNG GZUNGS SPOBS SOGS, ,LUNG RTOGS YON TAN RGYA MTSOR GYUR, ,DUS GSUM RGYAL BA SRAS BCAS KYI, ,SMON LAM RLABS CHEN SPYOD PA DANG, ,MDZAD PA MA LUS YONGS BSDOMS PA, ,THAMS CAD BDAG GIS SPYAD PAR BGYI, ,DE @319A *, ,BZHIN NAM MKHA'I MTHAS GTUGS PA'I, ,SEMS CAN RE RE'I MDUN DU YANG, ,BDAG LUS BKOD PAS KHYAB BYAS TE, ,SNA TSOGS THABS KYIS GDUL GYUR CIG ,BDAG LA MNGON PAR DAD PA DANG, ,MTHONG THOS DRAN REG GYUR RNAMS KYANG, ,SDUG BSNGAL KUN LAS RNAM GROL TE, ,PHUN SUM TSOGS KUN 'BYOR GYUR CIG ,DENG NAS TSE RABS THAMS CAD DU, ,RANG BDE 'DOD PA DUG BZHIN SPANGS,, MA RNAMS DON DU MNAR MED PA'I, ,ME NANG 'JUG LA'ANG SPRO BAR BGYI, ,JI SRID BZOD PA MA THOB PAR, ,DBANG MED MI KHOM GNAS RNAMS SU, ,SKAD CIG TZAM YANG MI SKYE ZHING, ,RTAG TU 'KHOR LO BZHI LDAN GYUR; ;SEMS CAN SO SO'I BSAM PA DANG, ,MTHUN PA'I THABS MKHAS SNA TSOGS PAS, ,KUN LA 'DOD DGU'I MCHOG STZOL BA, ,NAM MKHA'I MDZOD BZHIN BDAG GYUR CIG ,DUS GSUM MGON PO THAMS CAD KYI, ,GSUNG GI GSANG BA KUN 'DZIN CING, ,SNYING STOBS CHEN POS LUS SROG KYANG, ,DOR NAS BSTAN PA GCES 'DZIN SHOG ,GANG DU RGYAL BA'I NYI MA DANG, ,BRAL BA'I MUN NAG GLING RNAMS SU, ,BDAG GIS THUB PA'I NYI MA BZHIN, ,PHAN BDE'I SGRON ME GSAL BYED SHOG ,BDAG GI BSOD NAMS STOBS DAG GIS, ,SDUG BSNGAL MDA' CHAR MI BZAD PA, ,'BAB PA'I SKYE DGU THAMS CAD KYI, ,GO CHA BZANG @319B POR BDAG GYUR CIG ,MGON MED PHONGS SHING NYAM THAG PA, ,DE DES BDAG NI DRAN PAS KYANG, ,SDUG BSNGAL RGUD PA LAS GROL TE, ,BDE DGE 'GRAN BZHIN RGYAS GYUR CIG ,BDAG NI 'GRO BA MA LUS PA, ,NGAN SONG 'GOG PA'I SGO GTAN DANG, ,MTHO RIS 'DREN PA'I LCAGS KYU DANG, ,MGON MED RNAMS KYI MGON GYUR CIG ,GNYEN BRAL RNAMS KYI MDZA' BSHES DANG, ,NAD PA RNAMS KYI SMAN PA DANG, ,DBUL PO RNAMS LA CI 'DOD PA'I; ;YID BZHIN NOR BUR BDAG GYUR CIG ,BDAG NI DMYAL MES BSREGS KYANG BLA, ,SNYING GI GDUNG SEL THUB DBANG DE'I, ,RING LUGS BZANG PO 'DZIN PA DANG, ,SKAD CIG TZAM YANG 'BRAL MA GYUR,, ,, *, ,AOm BDE LEGS SU GYUR CIG ,BKRA SHIS RTAGS MTSAN LHA RDZAS LA, ,RGYAL BA'I SKU BRNYAN LEGS BRIS PA'I, ,'PHAN GYI RIM PA YID 'ONG PHRENG, ,GANGS CAN CHOS 'PHEL GTZUG LAG KHANG, ,MDZES BYED RGYAN GYI DAM PA 'DI, ,BLO BZANG CHOS KYI RGYAL MTSAN GYIS, ,PHUL BA'I DGE BAS 'GRO BA KUN, ,SKU GSUM GO 'PHANG MYUR THOB SHOG ,BDAG KYANG TSE RABS THAMS CAD DU, ,DAM CHOS BSGRUB LA DAL BA DANG,, BCU PHRAG 'BYOR PAS RNAM BRGYAN CING, ,RNAM DPYOD BLO DANG LDAN GYUR CIG ,RTAG TU MTSAN NYID LDAN PA YI, ,BSHES GNYEN DAM PAS RJES 'DZIN CING, ,LUS SROG LONGS SPYOD KUN GYIS KYANG, ,MNYES PA KHO NA BSGRUB @320A *, ,GYUR CIG ,TSANGS DBANG 'KHOR LOS BSGYUR RGYAL GYI, ,BDE 'BYOR SRID PA'I PHUN TSOGS KUN, ,SROG 'PHROG 'BAR BA'I MTSON BZHIN DU, ,RMI LAM DU YANG 'DOD MA GYUR, ,DENG NAS BYANG CHUB SNYING PO'I BAR, ,RTAG TU RAB TU 'BYUNG BA DANG, ,THUB PA'I BRTUL ZHUGS MA SMAD PA, ,SROG LAS GCES PAR 'DZIN GYUR CIG ,LUS DANG SROG LA MI BLTA BAR, ,DUS GSUM RGYAL BA THAMS CAD KYI, , LUNG RTOGS DAM CHOS MA LUS PA, ,RGYAL BA'I DGONGS PA JI BZHIN 'DZIN, ,THOG MA MED NAS DRIN BSKYANGS PA'I, ,MAR GYUR 'GRO BA'I DON GYI PHYIR, ,RIN CHEN BYANG CHUB SEMS BSKYED NAS, ,RLABS CHEN SPYOD PA MTHA' DAG BSGRUB, ,DUS GSUM RGYAL BA SRAS BCAS KYI, ,MDZAD PA RNAM THAR MA LUS PA, ,GCIG TU BSDUS NAS BDAG NYID KYIS, ,'GRO GNAS BAR DU SPYOD GYUR CIG ,'GRO KUN SNYING GI BU GCIG LTAR, ,MTHONG NAS DE DAG SGROL BA'I PHYIR, ,BSKAL PAR MNAR MED ME NANG DU, ,'JUG LA'ANG SKYO BA MED GYUR CIG ,MAR GYUR 'GRO BA MTHA' DAG GI ,SDIG DANG SDUG BSNGAL RGUD PA KUN, ,THAMS CAD BDAG GIS LEN NUS SHING, ,CIG CAR BDAG LA SMIN GYUR CIG ,BDAG GI DUS GSUM BDE DGE RNAMS, ,MAR GYUR SEMS CAN THAMS CAD LA, ,DA LTA NYID DU SMIN GYUR NAS, ,PHAN BDE'I DPAL GYIS 'BYOR GYUR CIG , @320B BDAG LAS DAM CHOS THOS PA DANG, ,DAD CING MOS PA THAMS CAD LA, ,BYANG CHUB SNYING POR MCHIS KYI BAR, ,YID BZHIN NOR LTAR 'DOD PA BSGRUB, ,BDAG NI MTHONG DANG THOS PA DANG, ,DRAN REG GYUR PA THAMS CAD KYANG; ;NGAN 'GROR NAM YANG MI LTUNG ZHING, ,RTAG TU DAM CHOS SPYOD GYUR CIG ,'DI LTAR BSKRUN PA'I DGE BA'I TSOGS, ,ZLA LTAR DKAR BA BSAGS PA DES, ,STON MCHOG SH'AKYA'I GTZO BO DES, ,BDAG CAG 'BRAL MED 'DZIN GYUR CIG ,DPAL LDAN 'DOD KHAMS DBANG PHYUG MAR, ,LHA RDZAS NA BZA' 'DI PHUL BAS, ,DENG NAS BYANG CHUB CHEN PO'I BAR, ,G-YEL MED MGON DANG SKYABS MDZOD CIG ,'DOD KHAMS DBANG BSGYUR DPA' MO CHE'I, ,THUGS RJE BSIL BA'I CHU RGYUN GYIS, ,BDAG CAG DENG 'DIR MNGON 'DOD PA'I, ,GSER GYI RDZING BU GANG BAR MDZOD,, ,,*, ,NA MO GU RU MANYDZU GHO sh'A YA,, RGYAL BA'I YAB GCIG RJE BTZUN MKHYEN PA'I GTER, ,NGUR SMRIG GAR GYIS RNAM ROL TZONG KHA PA, ,BSLU MED SKYABS GSUM 'DUS PA'I BDAG NYID DU, ,GSOL BA 'DEBS SO BRTZE PA'I LCAGS KYUS ZUNGS, ,SA YI DPAL MO KHYOD LA BDAG GIS NI, ,THUB PA'I DBANG PO'I GSUNG RAB LAS BYUNG BA'I, ,SDEBS LEGS TSIG GI ME TOG PHRENG MDZES PA, ,CUNG ZAD SPEL 'DI MGUL BA'I RGYAN DU 'BUL, ,SNGON CHAD RNAM DKAR @321A *, ,DAG PA'I LAS BSAGS PAS, ,DA LTA RIGS MTHO YID 'ONG GZUGS MDZES LDAN, ,PHUN TSOGS 'BYOR PA NAM MKHA'I MDZOD BRNYES SHING, ,KUN GYIS BKUR BA'I GNAS SU GYUR PA LAGS, ,DA YANG SPU GRI'I SOR CHAGS SBRANG RTZI LTAR, ,MNOG CHUNG NYES PA KUN GYI GZHIR GYUR PA'I, ,TSE 'DI'I BDE LA CHES CHER MA ZHEN PAR, ,PHYI MA'I DON DU SGO GSUM DGE LA 'BUNGS, ,LAS KYI DBANG GIS 'KHOR BAR 'KHYAMS PA'I TSE, ,DKON MCHOG GSUM LAS LHAG PA'I SKYABS MED PAS, ,GLO SNYING BRANG GSUM GTAD PA'I SKYABS 'GRO DANG, ,MCHOD SPRIN RGYA MTSOS RGYUN TU MCHOD PAR MDZOD, ,CHOS KYI SNYING PO GZHAN GYI DON BYED PAR, ,BDE GSHEGS SRAS DANG BCAS PAS LEGS PAR BSNGAGS, ,DE'I PHYIR CHAGS SDANG SPANGS NAS SKYE DGU KUN, ,DPAL DANG LDAN PA KHYOD KYIS BU BZHIN SKYONG, ,LONGS SPYOD G-YO BA SBRANG MA'I SBRANG RTZI BZHIN, ,SER SNAS BSAGS KYANG NGES PA 'GA' MA MCHIS, ,RANG DBANG YOD DUS SBYIN PA CHER BSTZAL NA, ,RANG GI PHYI MA'I NOR SKAL GSOG PA YIN, ,LANG TSO'I DPAL YANG STON KA'I ME TOG LTAR, ,RING POR MI THOGS YUD KYIS RNYINGS 'GYUR ZHING, ,'CHI BDAG BDUD DE NYI RGAS GRIB SO BZHIN, ,SKAD CIG RE YANG MI SDOD TSUR TSUR 'ONG, ,DE'I PHYIR LUS DANG LONGS SPYOD KUN BOR NAS, ,DBANG @321B MED 'JIG RTEN PHA ROL 'GRO BA'I TSE, ,CHOS LAS GZHAN GYIS PHAN PA CAD MED NA, ,DA LTA NYID NAS TSUL BZHIN BSGRUBS NA LEGS, ,NYA STONG TSES BRGYAD CHOS 'PHRUL ZLA BA SOGS, ,DUS BZANG RNAMS LA GSO SBYONG YAN LAG BRGYAD, ,BZHES PAR MDZOD CIG LHA MI'I RTEN BZANG PO, ,BRGYUD NAS RIM GYIS MYA NGAN 'DAS PA 'THOB, ,LHA DANG BLA MA THONG BZHIN BSTEN PA DANG, ,'BANGS RNAMS BYAMS PA'I THUGS KYIS SKYONG BA DANG, ,CHOS KYI RGYAL SRID SKYONG BA'I BYA BA GSUM, ,PHAN TSUN 'GRAN PA BZHIN DU KHYOD KYIS SGRUBS, ,'BYOR BA'I TSE NA DREGS PAR MI BYA ZHING, ,RGUD NA'ANG HA CANG ZHUM PAR MI BYA STE, ,'KHOR BA'I GNAS 'DIR YID BRTAN MA MCHIS PAS, ,LAS 'BRAS TSUL LA RTAG TU SEMS PAR MDZOD, ,MDOR NA BDAG GIS MANG DU GSOL CI 'TSAL, ,PHAN PA'I GDAMS NGAG GTZO BO 'DI YIN TE, ,NYID KYI SRAS BZHIN SKYE DGU MA LUS PA, ,BYAMS PA'I THUGS KYIS KUN TU SKYONG BAR MDZOD, ,'DOD CHAGS ZHE SDANG GTI MUG RNAM PA GSUM, ,SDUG BSNGAL KUN GYI RTZA BAR RGYAL BAS GSUNGS, ,DE'I PHYIR 'DI DAG DPAL MO KHYOD NYID KYIS, , YID KYI DGU LA'ANG SEMS PA SPANG BAR BGYI, ,DE LTAR JI SKAD GDAMS PA'I DON RNAMS KUN, ,NYID KYIS TSUL BZHIN NYAMS SU BZHES LAGS NA, ,'KHOR BA'I SDUG BSNGAL MA LUS DRUNGS PHYUNG NAS, ,SKYE @322A *, ,RGA NA 'CHI SPANGS PA'I SKU 'THOB 'GYUR, ,TSUL 'DI DGE SLONG CHOS KYI RGYAL MTSAN GYIS, ,SKYE DGU'I BDAG MO KUN 'DZIN RGYAL MO YI, ,RNAM DKAR LEGS SPYAD BZHED PA BSGRUB PA'I PHYIR, ,DAM PA'I GSUNG BZHIN DGE BA'I DBYANGS SU BSDEBS,, ,,*, ,LEGS SPYAD RNAM PAR RGYAL BA'I GZHAL MED DBUS, ,PHUN TSOGS 'BYOR PA'I SA SRUNG BU YI STENG, ,MKHYEN PA'I SPYAN STONG LDAN PA'I DPA' BO KHYOD, ,DGE MTSAN RI MO BKRA BAS SHIS GYUR CIG ,GANG GI RNAM DPYOD GRVA GCIG NA, ,SHES BYA'I TSOGS RNAMS NGAL 'TSO BA'I, ,BANG MDZOD LAS THON SNYAN TSIG GI ,NOR BU'I DO SHAL GSER DNGUL RTEN, ,SKYON BRAL 'BYOR PAS BDAG YID TSIM, ,SLAR YANG RGYAL BA GNYIS PA YI, ,BSTAN LA 'GYUR MED DAD PA'I GZHIR, ,'PHAGS NOR BDUN GYI DPAG BSAM DBANG, ,BSKYED PAS 'DI PHYI DON LDAN 'TSAL, ,NYI MA'I GNYEN GYI BSTAN BSRUNG SOGS, ,SRID ZHI'I MGRON RNAMS MNYES BYED PA'I, ,BSANGS MCHOD CHOS SKYONG SPYI BSKANG YANG, ,NYUNG NGUR BSDUS PA'I SHOG GRIL PHUL, ,DGE SBYOR SKYABS 'OG DAG LA YANG, ,BRTZON PAR BYED CES RTEN 'DUS KYI, ,RIL BU NYER GCIG SNGAGS MDUD BCAS, ,SA GA'I DKAR PHYOGS DGE BAR PHUL, ZHES PA KHAMS BZHAD TSA SDE PA LA STZAL BA'O,, ,, @322B *, ,NA MO GU RU MANYDZU GHO sh'A YA, RAB 'BYAMS RGYAL BA'I DKYIL 'KHOR DBUS, ,RTZOD DUS GDUL DKA'I 'GRO BA KUN, ,'DUL BA DPE MED THUGS RJE'I GTER, ,SH'AKYA'I RGYAL PO'I ZHABS LA 'DUD, ,RIGS GZUGS 'KHOR DANG LONGS SPYOD SOGS, ,MNGON MTHO'I PHUN TSOGS THOB PA YANG, ,RGYU MED MI MTHUN RGYU LAS MIN, ,SNGON GOMS LEGS PAR SPYAD LAS 'ONGS, ,DE'I PHYIR 'DIR YANG SGO GSUM GYIS, ,RNAM DKAR DGE BA'I TSOGS BSKRUN PAS, ,'BRAS BU 'JIG RTEN PHA ROL TU, ,YID 'ONG KUN DGA'I DPAL LA SPYOD, ,MI DGE'I LAS BCU RE RE YANG, ,CHE 'BRING CHUNG NGU SPYAD PA YI, ,RNAM SMIN 'BRAS BU DMYAL BA DANG, ,YI DVAGS DUD 'GROR SKYE BAR GSUNGS, ,GAL TE NGAN SONG LAS THAR TE, ,BDE 'GROR SKYES KYANG RGYU MTHUN 'BRAS, ,TSE THUNG GSOD LA DGA' BA SOGS, ,GNYIS GNYIS BDAG 'BRAS YUL NGAN DANG, ,BZA' BTUNG MTHU CHUNG LA SOGS TE, ,'DI DAG LDOG PA DGE BCU'I 'BRAS, ,MI DGE BGYIS PA 'PHRAL NYID DU, ,MTSON RNON GYIS BZHIN MI GCOD KYANG, ,'DI SNANG 'GAGS PAR GYUR MA THAG ,MNGON SUM 'GYUR BA GDON MI ZA, ,DE'I PHYIR BDAG LA PHAN 'DOD PAS, ,MI DGE'I BSAM SBYOR RGYANG BSRINGS TE, ,DGE BA BCU YI LAS LAM LA, ,BRTEN PAS BDE NAS BDE BAR 'GRO, ,ZHES PA LAS DANG 'BRAS BU'I RNAM GZHAG STON PA'I TSIGS @323A *, ,BCAD DO,, ,,SVASTI, SRID PA'I BDAG PO BDE 'BYUNG PAD DKAR LTE, ,RDO RJE CAN SOGS DREGS LDAN MTHA' DAG GI ,RAL PAR THIG LE 'GOD MKHAS ZHABS SEN GYIS, ,RNAM MDZES 'DAB BRGYA RGOD PA DE'I DRUNG DU, ,'OD DKAR GZHON NUS ROL PA'I KU MU DA'I, ,LBA BA JI BZHIN LAG PA'I PAD MO ZUNG, ,SNYING GAR 'DZUM LDAN GUS PA'I SOR MO YIS, ,ZHU 'PHRIN NOR BU'I PHRENG BA SPEL TE 'BUL, ,RAB 'BYAMS RGYAL BA KUN GYI GU nA YI, ,'BUM PHRAG CHU KLUNG 'DUS PA'I RGYA MTSO CHE, ,'GRO TSOGS KLU DBANG MTHA' DAG TSIM BYED PA'I, ,'DOD DGU'I YID BZHIN RIN CHEN 'BYUNG GNAS GANG, ,PHYOGS 'DI'I BSTAN DANG 'GRO BA'I PHAN BDE'I PHYIR, ,BKRA SHIS 'KHOR LOS MTSAN PA'I ZHABS SKYES KYI, ,NGO MTSAR RI MO GSAL BAR 'GOD DO ZHES, ,MKHA' SPYOD GRUB PA'I GTAM SNYAN RJES 'GRO BA'I, ,DBYAR SKYES RGYUD MANG DAL GYIS BSGRENGS PA NA, ,GANG GI THUGS RJE'I CHAR ZIM LA RE BA'I, ,RMA BYA GZHON NU ZLOS GAR CI YANG BYED, ,'GRO LA SPYAN RAS STONG GIS GZIGS PA CAN, ,'GRO 'DI'I BSOD NAMS MYU GU SPEL BA YI, ,DGE 'DUN ZHING DU GRUB PA'I 'PHRIN LAS KYI, ,'DAB BRGYA MNGON PAR BZHAD PA'I PADMO'I MTSO, ,RAB RGYAS SLAD DU RGYAS PA'I NYI MA DE, ,BKRA SHIS BANG RIM RNAM BKRA LHUN PO'I @323B SPOR, ,NAM ZHIG 'CHAR SNYAM BDAG CAG BSAM PA NI, ,JI BZHIN GZIGS PHYIR 'BRAS BU'I MCHOG STZOL ZHIG ,BDAG KYANG DENG NAS TSE RABS THAMS CAD DU, ,KHYOD KYI THUGS RJE'I LCAGS KYU'I DBANG GYUR TE, ,NYID KYI RNAM DKAR MDZAD PA SPEL BA LA, ,PHYOGS LAS RNAM PAR RGYAL BA NYID GYUR CIG ,DE SKAD ZHU YIG AUTPAL PHON PO'I NGOGS, ,SPYAN RAS BUNG BA'I 'PHUR LDING 'JUG PA'I SLAD, ,RGYAL BA KUN GYI 'PHRIN LAS LHA MO'I GZUGS,, 'PHAGS YUL LAS 'ONGS BYIN RLABS GZI 'BAR BA, ,DGE LEGS STZOL PHYIR DANG BA'I SEMS KYIS 'BUL, ,LHA YI SMAN PA'I ZLA BA'I DKAR PHYOGS KYI, ,LHA LAS BABS PA'I BZANG PO'I DUS TSES LA, ,RGYAL MTSAN MTHON PO'I BA GAM RTZE NAS PHUL, ,ZHES PA RJE THAMS CAD MKHYEN PA YON TAN RGYA MTSO LA PHUL BA'O,, ,,*, ,NGAG GI DBANG PHYUG SMRA BA'I ZLA BA MCHOG ,BLO BZANG BSTAN PA'I RGYA MTSO'I DPAL GYUR CING, ,RMAD BYUNG 'PHRIN LAS 'OD DKAR DRA BA CAN, ,SKAL BZANG KUNDA'I GNYEN GYI ZHABS SEN GANG, ,RAB CHAGS 'DAB BRGYA RGOD PA'I DGA' TSAL DER, ,THAL SBYAR DANG BA'I SEMS KYIS 'DI SKAD GSOL, ,DENG SANG THUB BSTAN NYIN MOR BYED PA LA, ,SNANG BA ZLA BRAL RGYAL SRAS DPA' BO DE, ,SNYING STOBS GO MTSON RDZOGS PA'I DGRA THABS KYIS, ,PHYOGS LAS RNAM PAR RGYAL BA'I DPAL THOB STE, ,PHAN BDE'I @324A *, ,LANG TSO RDZOGS PA'I MDZES MA LA, ,MNGON PAR RTZE BA'I ZLOS GAR MKHAN DE RMAD, ,SNYAN GRAGS M'A LA YA YI DRI BZHON GYIS, ,PHYOGS KYI 'KHOR LO 'GENGS PA'I DUS STON LA, ,BOS PA JI BZHIN MTHA' DAG SKYE BO KUN, ,NYID KYI SNYAN GRAGS BRJOD PA'I BZLAS PAS BREL, ,BDAG KYANG MDO RGYUD LAM GYI THEM SKAS LAS, ,SKU GSUM GZHAL MED KHANG DU 'JUG 'DOD KYANG, ,CHOS BRGYAD SRAD BU DAM PO'I DBANG SONG BAS, ,GYI NA'I BYA BAS NYIN MTSAN 'DA' ZHING MCHIS, ,SLAR YANG KHYOD MDZAD RAB BSIL GANG G'A'I RGYUN, ,BSTAN DANG 'GRO BA'I PHAN BDE'I RDZING BU YI, ,GSOS GYUR DE'I PHYIR SRID MTHA'I BAR DU YANG, ,RGYUN MI 'CHAD DU 'JUG PA'I BKA' DRIN STZOL, ,RNAM DAG LEGS BSHAD MDO SNGAGS GRU CHAR GYIS, ,SKAL BZANG PHAN BDE'I LOG TOG SPEL BA DANG, ,RLABS CHEN RGYAL SRAS SPYOD PA'I BRTUL ZHUGS KYIS, ,DGE LEGS CHEN POS KUN TU GANG BAR MDZOD, CES PA 'DI SEMS DPA' CHEN PO LA PHUL BA'O,, ,,*, ,SH'AKYA'I BSTAN SROG NGUR SMRIG 'DZIN PA'I DPAL, ,SNYAN PAR GRAGS PA'I YE SHES SGYU 'PHRUL LAS, ,BLO BZANG BSTAN PA'I RGYAL MTSAN 'DZIN PA'I GTZO, ,MCHOG GI SPRUL SKU'I ZHABS PAD BRTAN GYUR CIG ,CES SHIS PA BRJOD NAS GSOL BA NI, TSOGS GNYIS BRGYA PHRAG DU MAS BSGRUBS PA @324B YI, ,GANG SKU GSER GYI MCHOD SDONG RAB BRTAN ZHING, ,RNAM DKAR MDZAD PA'I 'OD ZER STONG 'BAR BAS, ,SKYE DGU'I GDUNG MUN KUN SEL DGE LEGS KYI, ,SNANG BAS PHYOGS KUN 'GENGS PA'I NGANG NYID NAS, ,ZAB YANGS MKHYEN PA'I BANG MDZOD LAS 'ONGS PA'I, ,TSIG DON RMAD BYUNG BKA' STZAL NOR GYI BU'I, ,PHRENG MDZES SKYES KYI LANG TSO'I DPAL LDAN PA, ,BDAG CAG SOR MO'I 'DAB RTZER LDING ZHING CHAGS, ,DE'I TSE YID MKHA' SPRO BA'I CHU 'DZIN GYIS, ,KUN KHYAB RAB DGA'I SA LA 'GRAN PA BZHIN, ,'DIR YANG BDE BAR RNAM G-YENG NGANG DU MCHIS, ,SLAR YANG 'DIR MANG BRJOD KYANG CI ZHIG DGOS, ,MDOR BSDUS SNYING POR DRIL NAS GSOL BA NI, ,SKU GSUNG THUGS KYI MDZAD PA JI SNYED PA, ,DAM PAS BSTEN CING BSNGAGS PA'I RGYA DAG LAS, ,NAM YANG 'DA' BA MED PA'I 'PHRIN LAS MDZOD, ,DE'I SLAD NYID KYI BZHED DON MTHA' DAG PA, , 'BRAS BUS MDZES PHYIR LHA DANG BLA MA LA, ,G-YEL MED RGYUN DU GSOL BA 'DEBS PA LAGS, CES PA GZIMS KHANG GONG NAS SPRUL PA'I SKU LA GNANG BA'O,, ,,RAB 'BYAMS RGYAL BA'I THUGS RJE'I PIR GYI RTZES, ,LEGS BRIS GRAGS PA'I RGYAL MTSAN MNGON MTHO ZHING, ,'PHRIN LAS BZANG PO'I 'OD ZER STONG 'PHRO BA, ,LHA BCAS 'GRO BA'I 'DREN PA DE'I DRUNG DU, ,GANG GI RNAM DPYOD @325A *, ,YANGS PA'I DGA' TSAL LAS, ,DON DANG TSIG 'BRU BZANG PO'I DBYANGS SGROG CING, ,BZANG MANG SKYES KYI GSHOG SGRO RAB RGYAS PA'I, ,BKA' YIG KO LI GZHON NU LDING BZHIN DU, ,BDAG CAG SOR MO'I PAD MTSOR MNGON PAR CHAGS, ,DE'I TSE YID MKHA' DGA' BDE'I CHU 'DZIN GYIS, ,LOGS KHEBS RAB DGA'I SA LA 'GRAN PA BZHIN, ,SLAR YANG BSTAN DANG YID CAN PHAN BDE'I GNYEN, ,NYID SKU YUN RING 'TSO ZHING GZHES PA'I THABS, ,GNYIS MED GSUNG BAS GSUNGS BZHIN LEGS BSTEN CING, ,SNGON DUS DAM PA'I PHRENG MDZES BRGYUD PA YI, ,RNAM THAR GONG NAS GONG DU SPEL BA LA, ,NAM YANG G-YEL BA MED PA'I BKA' DRIN STZOL, ,DE LTA'I BZHED PA'I CHU GTER GYEN 'PHYUR PHYIR, ,'DIR YANG LHA DANG BLA MA'I CHU 'DZIN LA, ,GSOL NAS BYIN RLABS BDUD RTZI'I CHAR RGYUN 'BEBS, CES PA YANG GZIMS KHANG GONG NAS SPRUL PA'I SKU LA GNANG BA'O,, ,,LHA BCAS 'GRO BA KUN GYI GTZUG GI RGYAN, ,RNAM DKAR GRAGS PA'I 'OD ZER STONG LDAN ZHING, ,THUB BSTAN RGYAL MTSAN 'DZIN PA KUN GYI MCHOG ,MTHA' YAS GDUL BYA'I DPAL DU ZHABS BRTAN SHOG ,SRAS BCAS RGYAL BA'I MKHYEN BRTZE GCIG BSDUS NAS, ,NGUR SMIG 'DZIN PA'I GAR GYIS RNAM ROL GYI, ,GRAGS PA'I DPAL MNGA' RGYAL @325B BA GNYIS PA YI, ,BSTAN PA'I RGYAL MTSAN 'DZIN PA DE'I DRUNG DU, ,DGE SLONG RGAN PS DANG BAS 'DI LTAR GSOL, ,RNAM MANG GDUL BYA PADMO'I DGA' TSAL DBUS, ,GANG SKU DPAG BSAM LJON PA RAB BRTAN ZHING,, RMAD BYUNG MDZAD PA'I LO 'BRAS ME TOG GIS, ,KUN DGA' BSKYED PA'I NGANG NAS DPAL RKANG GI ,BKA' LA 'KHU BA'I BKA' YIG BZANG PO'I SKYES, ,'DUS PA'I TSOGS LA MANG 'GYED DANG BCAS PA, ,MA NYAMS 'BYOR TSE KHYOD SKU'I SNANG BRNYAN NI, ,YID KYI ME LONG NGOS LA MA BRIS BZHIN, ,YANG YANG SHAR NAS RAB DGA'I SA LA 'GRAN, ,DE'I PHYIR NYID KYI GNAS SKABS MTHAR THUG GI ,BZHED DON DBANG GI RGYAL POS PHYAG SOR GYI, ,YAL 'DAB BRGYAN PHYIR 'DIR YANG BRTZON PAR BGYI, ,BDAG CAG NYE RING GNAS SKABS CI 'DRA YANG, ,BSIL 'OD BDAG PO KU MU DA KA BZHIN, ,DENG NAS JI SRID BYANG CHUB SNYING PO'I BAR, , 'BRAL MED DAM CHOS MDZA' BAS 'CHING BAR SMON, ZHES PA'ANG SPRUL PA'I SKU GRAGS PA RGYAL MTSAN LA GNANG BA'O,, ,,BRTZON 'GRUS SNYING STOBS MCHOG GI DED DPON GYIS, , MDO RGYUD RGYA MTSO CHEN PO'I DBUS GNAS PA'I, ,BSLAB GSUM RIM GNYIS BSAM 'PHEL DBANG GI RGYAL, ,BSGRUB PA'I RGYAL MTSAN RTZER MCHOD SDOM BRTZON ZUNG, ,GANG GI RNAM DPYOD YANGS PA'I PAD MTSO @326A *, ,LAS, ,TSIG DON LANG TSO DAR BA'I NGANG MO DKAR, ,SKYES BCAS BDAG CAG YID MTSOR SON PAS TSIM, ,SNYIGS MA'I NGANG TSUL RGYAS PA'I LAM NAG GIS, ,PHYI NANG SKYE BO'I BUD SHING CHER 'BAR BAS, ,RIGS MIN SPYOD TSUL CHU 'DZIN LTAR 'KHRIGS SHING, ,SGRO SKUR GNAM LCAGS STER BA'I SGRA BRGYA PA, ,JI BZHIN SGROG KYANG 'DAM KHROD PADMA DANG, ,THUB CHEN RNAM THAR KshANTI SMRA BA YI, ,RJES SU SPYOD PA'I PHYI BSHUL ZLA BRAL ZHES, ,BDE BAR GNYID LOG BZANG PO'I LAN LDON SNYAM, ,BDAG LTA'I DGE SLONG RGAN PO GYI NA PA, ,DA LTA SHI'AM GSON YANG KHYAD PAR CI, ,NOR 'DZIN GRAGS PA'I BA DAN DKAR BA YI; ;DAM PA MANG PO'I RIN CHEN 'DZIN PHYIR RO, ,DA NI LANG TSO'I NYIN BYED RGA BAS 'GRIBS, ,RANG NUS JI BZHIN STON DANG BSTAN PA LA, ,BGYI 'OS BGYIS PAS SHI YANG 'GYOD PA MED, ,'ON KYANG SDOM BRTZON DAM PA KHYED CAG SOGS, ,DAD LDAN RNAMS KYI RE BA'I DPAG BSAM SHING, ,RE ZHIG 'BRAS BU BSKRUN PHYIR BDAG NYID KYANG, ,BSLU MED LHA DANG BLA MAR GSOL BA 'DEBS, ,CES PA 'DI 'KHOR BA'I NGANG TSUL RMI LAM GYI DGA' STON LTAR MTHONG NAS, RTZE GCIG TU SGRUB PA SNYING POR BYED PA'I STON SGOM MNGA' RIS DKA' BCU PA BRTZON 'GRUS RGYAL MTSAN DANG SNYING STOBS RGYA MTSO LA GDAMS PA'O,, ,, @326B *, ,RGYAL BA KUN GYI MKHYEN BRTZE GCIG BSDUS PA, ,DON GNYIS LHUN GRUB RGYAL BA GNYIS PA YI, ,BSTAN PA'I RGYAL MTSAN 'DZIN PA'I DGE BA'I BSHES, ,GANG DE'I SPRINGS YIG KHA BTAGS GOS YUG GI ;RTEN LDAN NYAMS MED 'BYOR PAS SPRO BA THOB, ,SLAR YANG BDE BAR 'TSO BA'I THABS MCHOG DANG, ,SGO GSUM DAM PA'I RNAM THAR LA BRTEN NAS, ,BSTAN DANG 'GRO LA PHAN PA'I 'PHRIN LAS MDZOD, ,'DIR YANG NYID KYI 'DI PHYI'I DON RNAMS KUN, ,'GRUB PHYIR DGE BA'I SBYOR BAR BRTZON PAR BYED, ,RTEN DU SKYE BDUN RIL BU BRGYA PHRAG DANG, ,SNGAGS MDUD SNGAGS GUL RNAMS LA RGYAS BTAB STE, ,BKRA SHIS LHUN PO'I CHOS GRVA CHE LAS PHUL, ZHES PA SKU 'BUM KHRI PA RAB 'BYAMS PA DON GRUB RGYA MTSO LA GNANG BA'O,, ,,DGE LEGS DAL 'GRO'I PHUNG PO BSRUBS PA LAS, ,LUNG RTOGS BDUD RTZIS GANG BA'I KA LA SHA, SKAL BZANG LEGS BRIS YONGS KYI DGA' STON DU, ,LHUN GRUB NGUR SMRIG 'DZIN PA GANG DE RGYAL, ,NYID KYI RNAM DPYOD YANGS PA'I CHU GTER LAS, ,TSIG DON SKYES KYI LANG TSO MNGON MDZES PA, ,YI GE'I DANG MO SNGA PHYIR LDING BZHIN DU, ,BDAG CAG SOR MO'I 'DAB PHRENG RTZE LA CHAGS, ,NYID KYI RNAM DPYOD YI GE'I GZUGS DAG GI ,ZOL LA BRTEN PA MTHONG BAS MIG DANG YID, ,SBRANG RTZI GSAR PA'I BSANG GTOR GYIS NGOMS @327A *, ,PA'I; ;DGA' STON LHAN SKYES BDE BAS DPAG BYA NYID, ,BDAG KYANG GLOG GI GAR MTSUNGS SROG GI LHAG ,ZIN MED 'JIG RTEN BYA BAS MI G-YENG BAR, ,MDO RGYUD ZAB MO'I LAM GYIS 'TSO BA LA; ;YID SMON NGANG LAS GYI NAR 'DA' ZHING MCHIS, ,DENG SANG NYID KYI LANG TSO'I ME TOG NI, ,BDE BA'I MI MTHUN PHYOGS KYI BA MO DANG, ,RNAM BRAL RIG SNGAGS 'CHANG SDE'I GZHAL YAS SU, ,LHA BCAS DGYES PA BSKYED PHYIR 'KHOD PA LEGS, ,DAL 'BYOR RNYED DKA' SHIN TU 'JIG SLA ZHING, ,LAS NYON SKYE 'CHI'I PHRANG BA SKYI G-YA' NA, ,BLO BUR MGO LA ME SHOR JI BZHIN DU, ,THAR PA DAM PA'I LAM DE BSGRUB PA'I RIGS, ,SANGS RGYAS LAS KYANG DKON PA'I GDAMS PA'I DON, ,DON GNYIS 'DOD DGU'I 'BYUNG GNAS BSAM 'PHEL DBANG, ,RANG GI LAG RTZER GNAS PA 'DI 'DRA BA, ,NYID 'KHRUL MIN NA RUNG SNYAM BSAM PA'I RIGS, ,DENG DUS SKYE DGU'I TSE LA LONG MED CING, ,'KHOR BA'I PHUN TSOGS RMI LAM DANG MTSUNGS NA, ,MNOG CHUNG NYES PA DU MA'I 'BYUNG GNAS LA, ,YID RAB RTON PAR MA BYED GROGS PO DAG ,CES NANG SO DGE LEGS LHUN GRUB LA GDAMS PA'O,, ,,GSER SBYANGS LAS GRUB DGE TSOGS DKYIL 'KHOR RGYAS, ,LHUN GRUB LUNG RIGS 'OD STONG BYE BAS MDZES, ,THUB DBANG BSTAN PA SBRANG RTZI 'DZIN @327B PA'I GNYEN, ,CHOS KYI NYIN MOR BYED PA DE'I DRUNG DU, ,DENG SANG BLO BZANG BSTAN PA'I SKYED TSAL DU, ,LUNG RIGS LANG TSO RGYAS PA'I GZHON NU KHYOD, ,LUNG RTOGS DAM CHOS DGA' MA'I MDZES SDUG LA, ,MNGON PAR CHAGS PA'I 'JO SGEG ROL PA CAN, ,RNAM DPYOD SOR MO'I LCUG PHRAN BYED PO DANG, ,MNGON PAR 'GROGS PA'I LEGS BSHAD RGYUD MANG SGRAS, ,MKHAS RNAMS RNA BA'I BDUD RTZI'I DGA' STON LA, ,MGRON DU GNYER ZHES SGRA BRGYA DAL GYIS BKOD, ,DE'I TSE MIG 'BOR MTHO BA'I GTZUG PHUD CAN, ,RAB DGA' RGYAS PA'I GAR GYIS RNAM ROL ZHING, ,NYID KYI SNANG BRNYAN YID KYI ME LONG LA, ,MA BRIS PAR YANG BRIS PA JI BZHIN SHAR, ,SLAR YANG MDO SNGAGS 'DAB BRGYA'I DGA' TSAL DU, ,BSHAD SGRUB SBRANG RTZI'I RO YIS MNGON DGYES PAS, ,BSLAB GSUM RIM GNYIS LUS STOBS RDZOGS BYAS TE, ,SKU GSUM LANG LING G-YO BA'I GAR BYOS SHIG ,DE SKAD SMRAS DE CHOS KYI RGYAL MTSAN GYIS, ,SPRO BA'I MGRIN PA CUNG ZAD GZENGS BSTOD NAS, ,RING NAS CHOS KYIS MDZA' BA'I GROGS PO LA, ,CHOS KYI RTZED MOR PHUL BA DGE GYUR CIG ,CES PA 'DI NANG SO DGE LEGS LHUN GRUB LA'O,, ,, 'BUM PHRAG DGE 'DUN RGYA MTSO'I DBUS GNAS SHING, ,DPAL LDAN RIN CHEN TSOGS GNYIS KHAMS LAS GRUB, ,RNAM DAG LUNG RTOGS BANG RIM MNGON MDZES PA'I, ,BSHES GNYEN SA 'DZIN DBANG PO ZHABS BRTAN @328A *, ,SHOG ;GANG DE'I RNAM DPYOD YANGS PA'I DPAG BSAM LAS, ,BKA' STZAL SDEB LEGS ME TOG GSAR PA'I PHRENG, ,SKYES KYI ZE'U 'BRU DKAR PO RGOD BZHIN DU, ,BDAG CAG MIG DANG YID LA DGA' STON GYUR, ,KHYAD PAR 'DUN LDAN RGYA MTSO'I TSOGS RNAMS LA, ,RO BCUD PHUN TSOGS LO MA'I MCHOD YON DANG, ,RNAM DAG SMON PA BSGRUB PA'I RTEN BZANG POS, ,PHYOGS 'DI'I YID MTSOR DGA' BA'I RLABS PHRENG G-YOS, ,DE'I TSE NYID KYI GNAS SKABS MTHAR THUG GI ,BZHED PA'I RKANG 'THUNG DBANG PO 'BRAS LDAN DU, ,BGYI SLAD LHAG BSAM PAD TSAL LAS 'ONGS PA'I, ,BDEN TSIG PUndA R'I KA MNGON PAR GTOR, ,SLAR YANG KHYOD LA CUNG ZAD GSOL BA NI, ,PHYOGS DE'I RGYAL BA GNYIS PA'I LUGS BZANG PO, ,DPA' BO KHYOD KYI THOD DU BSTEN CES THOS, ,DE'I PHYIR SLAR YANG YAR NGO'I ZLA BA BZHIN, ,LUGS 'DI MNGON PAR RGYAS PA'I 'PHRIN LAS MDZOD, ,SNYIGS DUS SKYE BO'I TSE LA LONG MED CING, ,BSTAN PA'I NYI MA'ANG NUB RI'I RTZER SON PAS, ,SGO GSUM LEGS PAR BSDAMS PA'I BAG YOD DANG, ,YUN RING 'TSO ZHING BZHES PA'I THABS KYANG 'TSAL, ,DA LAM YI GE GZIGS PA'I RTEN MTSON PA, ,DRI BRAL KHA BTAGS DKAR POR RGYA LDAN 'BUL, ,DPA' BO KHRA YI ZLA BA YI, ,PHYOGS GNYIS DGA' BA DANG PO LA, ,PHUL BA'I ZHU @328B YIG PHYOGS KUN TU, ,DGE ZHING BKRA SHIS 'PHEL GYUR CIG ,CES PA 'DI CHOS RJE DGE 'DUN DPAL GRUB LA GDAMS PA'O,, ,,SVA STI, LEGS SPYAD RIN CHEN BZHI YI KHAMS LAS GRUB, ,PHYOGS LAS RNAM RGYAL BANG RIM MNGON PAR MDZES, ,SKYE DGU GLING BZHI'I DBUS NA MNGON MTHO BA'I, ,LHA BTZUN LHUN PO'I DBANG PO RGYAL GYUR CIG ,CES SHIS PA BRJOD PA'I NGAG SNGON DU BTANG NAS, ,SKABS KYI DON GSOL BA NI, BSLU MED DKON MCHOG GSUM GYI THUGS RJE'I MTHUS, ,LHA KHYOD PHEBS LA MNYES PAS MA GOS PAR, ,RANG GI CHOS KYI SRID LA BDER 'KHOD DE, ,SKYE DGU'I BSOD NAMS DPAL DU BZHUGS PA'I NGANG, ,BKA' STZAL SBUR LEN SPO RE BZHI DAG GI ,RTEN BCAS NYAMS PA MED PAR PHO NYA BAS, ,BDAG CAG GAM DU LEGS PAR 'BYOR GYUR PAS, ,RAB DGA'I SA LA GNAS LTA'I DGA' SPRO THOB, ,SLAR YANG YAB MES CHOS RGYAL DE DAG GI ,CHOS KYI DKA' SROL NYAMS MED SKYONG BA DANG, ,BSOD NAMS BRGYA PHRAG GIS BSKRUN NYID KYI SKU, ,BDE BAR 'TSO BA'I THABS LA'ANG BRTZON PAR MDZOD, ,BDAG KYANG PHYOGS 'DIR RGYAL BA GNYIS PA YI; ;BSTAN PA RIN CHEN KHUR DE SPYIR BZUNG NAS, ,NYID KYI BZHED DON MA LUS 'GRUB PA'I THABS, ,DGE BA'I SBYOR BA MCHOG LA BRTZON PAR MCHIS, ,BDAG CAG RNAM MANG BYA BA'I RGYAR CHUD CING, ,SA LAM BSHUL @329A *, ,THAG RING POS BAR CHOD PAS, ,PHYOGS DER MYUR DU BGROD PA DKA' MOD KYI, ,'ON KYANG LHA DANG BLA MA'I THUGS RJE LA, ,BRTEN NAS NYID KYI BZHED PA BSKANG PHYIR DANG, ,BLO BZANG RGYAL BA'I 'PHRIN LAS 'OD STONG NI, ,MTHA' KHOB MUN PA'I GLING DER GSAL BA'I PHYIR, ,NYIN MO'I DBANG PHYUG BDAG KYANG 'JUG PAR SMON, ,DA LAM ZHU YIG RTEN MTSON PAR, ,SNGAGS MDUD ZHIG LA RGYA LDAN BCAS, ,DKAR PO'I PHYOGS KYI TSES LA PHUL, ,GNAS SKABS KUN TU DGE GYUR CIG ,CES PA 'DI MAR YUL RGYAL PO LHA BTZUN LA GDAMS PA'O,, ,,LEGS TSOGS RGYA MTSO'I DPAL LAS LEGS 'KHRUNGS SHING, ,LHUN GRUB LUNG RTOGS BANG RIM MNGON PAR MTHO, ,SKAL BZANG GLING BZHI'I DBUS NA MNGON MDZES PA'I, ,BSHES GNYEN LHUN PO'I DBANG PO RGYAL GYUR CIG ,MTSAN BZANG ME TOG DKAR PO'I PHRENG 'DZIN PA'I, ,GANG SKU YONGS 'DU'I DBANG PO DE'I DRUNG DU, ,RAB DKAR YID KYI SKYED TSAL LAS 'ONGS PA'I, ,SNYAN TSIG MGRIN PA'I RGYUD MANG SGROGS PA CAN, ,ZHU YIG BUNG BA GZHON NU 'PHUR TE SONG, ,SNGON CHAD GANG GI K'A YA KUNDA'I GNYEN, ,RNAM 'TSE CHU 'DZIN PHRA MO'I DRA BA YIS, ,CUNG ZAD BZUNG MOD SLAR YANG SGRA GCAN LAS, ,GROL BA SU RYA'I MAndAL JI BZHIN DU, ,GYUR CES SGRA DBYANGS THOS PA'I DGA' STON NI, ,MKHA' SPYOD GRUB PA'I @329B GTAM SNYAN JI BZHIN GYUR, ,'ON KYANG 'DOD PA KHAMS PA'I RANG BZHIN NI, ,KHAM ZAS GNYID KYIS 'TSO ZHES CHOS MNGON LAS, ,GSUNGS PA JI LTAR DE BZHIN 'DIR SNANG NA, ,BDE BAR MNAL BA CUNG ZAD G-YEL GYUR PAR,, BDUD RTZI LTA BUR 'GYUR BA'I THABS KYI MCHOG ,'TSO BA'I CHO GA JI BZHIN BSTEN 'TSAL ZHING, ,DE YI MU NAS TSE YI RIG 'DZIN DANG, ,NAD MED PA LA DBANG BA'I RIM PAS KYANG, ,CUNG ZAD PHAN SNYAM RGYAS PAR GSOL BA NI; ;PHO NYA'I NGAG GI LAM DU MTSON PAR 'BUL, ,DA LAM ZHU YIG GZIGS PA'I RTEN, ,SNA TSOGS LAS RAB MTSON BYED PA'I, ,LHA RDZAS KHA GRU YANGS PAR BCAS, ,PHYOGS DKAR BZANG PO DANG POR PHUL, ZHES PA 'DI RJE DBON RIN PO CHE LEGS TSOGS LHUN GRUB LA GDAMS PA'O,, ,,BLO BZANG GSUNG RAB 'O MA'I RGYA MTSO CHE, ,LEGS BSRUBS GDAMS PA BDUD RTZI'I SNYING PO YI, ,DPAL LA 'DOD DGUR SPYOD PA'I DGE BA'I BSHES, ,NGUR SMRIG GAR GYIS MDZES PA DE'I DRUNG DU, ,RAB DKAR DANG BA'I YID KYIS 'DI SKAD ZHU, ,BKRA SHIS RI MOS MTSAN PA'I ZHABS ZUNG DAG ,'KHOD PA'I LAM DER BSER BU'I RDUL 'JAM ZHING, ,BZHED PA'I GTZO BO SMAN GYI BCUD CHAGS PA'I, ,NYAL 'GRO'I REG PA BDUD RTZI LTAR GYUR CING, ,SLAR YANG SA GSUM MIG GI RAB DGA' KUN, ,GCIG TU BGYIS 'DRA BDE GSHEGS @330A *, ,SKU BRNYAN NI, ,CI YANG BSKRUN PHYIR CHOS KYI GRVA NYID DU, ,RNAM DKAR BSOD NAMS ZHING DU BYON PA LEGS, ,'DI NA'ANG DPAL LDAN 'KHOR LO SDOM PA YI, ,BSHAD SGRUB RE BA'I 'BRAS BU GRUB GYUR NAS, ,LHO PHYOGS SKYE BO'I TSOGS LA LAM BZANG DAG ,MTSON PHYIR SGO GSUM BRTZON PA'I LUGS SU LAGS, ,SLAR YANG GANG SKU 'TSE BA'I DRI BRAL ZHING, ,'BRAL MED CHOS DANG SRID KYI DPAL LDAN PAS,, BKRA SHIS RGYA MTSOS MTHA' GRU KUN KHYAB NAS, ,PHUN TSOGS DPAL LA ROL PA'I SMON PA BGYI, ,RTEN MTSON LHA RDZAS DRI BRAL PHUL BA DGE ,ZHES PA 'DI SKU MDUN BLO BZANG PA LA GDAMS PA'O,, ,,BLO BZANG DAM PA'I CHOS KYI RGYA MTSO CHE, ,DGE SLONG GZUGS KYIS RNAM ROL BSTAN PA'I DPAL, ,RNAM DAG DGE BA'I BSHES GNYEN DE'I DRUNG DU, ,RING NAS DANG BA'I SEMS KYIS 'DI SKAD ZHU, ,DENG DUS BSOD NAMS STOBS LAS 'KHRUNGS PA YI, ,GANG SKU'I NYIN BYED RGYAS PA'I DKYIL 'KHOR DE, ,NAG PHYOGS 'TSE BA'I SPRIN GYIS MI SGRIB PAR, ,PHAN BDE'I DPAL DU SNGON BZHIN BZHUGS LAGS SAM, ,BDAG KYANG 'DUS PA'I SDE DANG LHAN CIG TU, ,BSTAN PA'I SBYIN BDAG BSTAN PA 'DZIN PA'I GTZO, ,YONGS KYI GNAS SKABS MTHAR THUG BZHED PA'I DON, ,'GRUB BYED 'KHOR LO GSUM LA BRTZON PAR MCHIS, ,SLAR YANG 'TSO ZHING BZHES @330B PA'I THABS TSUL DANG, ,THUGS DAM ZAB MO'I RIM PA 'PHEL RGYAS NGOS, ,DGE MTSAN RI MO BKRA BA'I ZHABS SEN NI, ,PHYOGS 'DI'I PHAN BDE'I SLAD DU MYUR 'GOD ZHU, ,DA LAM YI GE GZIGS PA'I RTEN, ,THA MA 'BRING DANG RAB DBYE BA'I, ,LHA RDZAS GSUM LA RGYAS SPRAS TE, ,GRUB PA'I SA 'DZIN RTZE NAS PHUL, ZHES PA 'DI YANG SKU MDUN BLO BZANG PA LA GNANG BA'O,, ,,BSLU MED DKON MCHOG GSUM GYI 'PHRIN LAS KYI, ,'OD STONG ZER GYIS PHYE BA'I 'DAB BRGYA PA, ,LHUN GRUB DRI BSUNG RDZOGS PA'I DGA' TSAL DER, ,ZHU YIG BUNG BA'I 'PHUR LDING ROL PA 'DZIN, ,RAB DKAR ZLA SHEL SPU LONG LA, ,'KHU LDAN KEE LA SHA YI NI, ,'PHRENG BAS MDZES PAR BSKOR NA YANG, ,MI SHES SMAG RUM 'THIBS PA 'DIR, ,'JAM PA'I DBYANGS CES GRAGS PA DKAR, ,GANG GI RIGS KYI THIG LE LAS, ,RNAM DPYOD MIG YANGS G-YO BA ZHIG , NYIN BYED BZHIN DU 'DI NA SNANG, ,RNA BA'I SGO LA THOS PA'I LAM BYANG ZHING, ,MGRIN PA LEGS PAR BSHAD PAS SKAL BZANG BYAS, ,DRANG SRONG MCHOG LTAR DUL BA'I MTHAR SON PA, ,'DI YIS MKHAS RNAMS YID DBANG CIS MI 'DZIN, ,DE'I SLAD SNGON BSAGS GNAM BSKOS BRGYA PHRAG DAG ,GZUGS CAN BZHIN DU GYUR PA'I GANG GI SKU, ,SA 'DZIN DBANG PO LTA BUR RAB BRTAN ZHING, ,GZI MDANGS BTZO MA'I GSER LA @331A *, ,'GRAN BZOD CES, ,RNA BA'I SBRANG RTZIS PHYOGS 'DI SKAL BZANG GYUR, ,BDAG KYANG SNGON BYON DAM PA'I RNAM THAR LA, ,BLTA BAR 'DOD KYANG SBYOR BA'I NUS PAS DBEN, ,'ON KYANG 'KHOR LO GSUM GYI ROL PA LA, ,BRTEN PA'I ZOL GYIS GYI NAR BDE BAR MCHIS, CES PA 'DI NI CHOS SMRA BA'I BTZUN PA BLO BZANG CHOS KYI RGYAL MTSAN GYIS, SMAN THANG PA CHOS RJE DKON MCHOG LHUN GRUB LA, GRUB PA'I GNAS MCHOG DBEN SA CHOS KYI PHO BRANG NAS PHUL BA'O,, ,,THUGS RJE'I BDAG NYID BLA MA YI DAM LHA, ,LHUN GRUB MCHOG GSUM RNAM DKAR MDZAD PA YIS, ,DENG NAS BYANG CHUB SNYING PO'I MTHAR THUG PAR; ;KHYED LA RTAG TU DGE LEGS STZOL GYUR CIG ,CES SHIS PA BRJOD NAS, SLAR YANG CUNG ZAD GDAMS PA NI, ,DAL 'BYOR THOB CING BSTAN DANG MJAL BA DANG, ,BSHES GNYES DAM PAS ZIN PA DON CHE BAS, , DON MED BYA BAS NAM YANG MI G-YENG BAR, ,NYIN MTSAN KUN TU DON DANG LDAN PAR MDZOD, ,TSE 'DI NAM MKHA'I GLOG LTAR MYUR 'GRO ZHING, ,PHA ROL NGAN 'GRO'I G-YANG SA CHER 'JIGS PAS, ,BSLU MED DKON MCHOG GSUM LA SKYABS 'GRO ZHING, ,SDIG SPONG DGE BA BSGRUB LA BRTZON PA STEN, ,SRID PA'I PHUN TSOGS ME 'OBS LTAR MTHONG NAS, ,BSLAB GSUM 'PHAGS PA'I NOR GYI MDZOD BZUNG STE, ,MA RNAMS DON @331B DU BYANG CHUB SEMS BSKYED NAS, ,RGYAL SRAS SPYOD PAS NYIN MTSAN 'DA' BA GCES, ,MDOR NA RANG GI SGO GSUM BYA BA KUN, ,BSTAN DANG 'GRO LA PHAN PA'I RGYUR BSGYUR NAS, ,'KHOR GSUM YONGS SU DAG PA'I BSNGO BA YIS, ,BRGYAN PAS PHUN SUM TSOGS PA'I 'BRAS BU 'THOB, ,NYID KYI GNAS SKABS MTHAR THUG 'DOD PA YI, ,DPAG BSAM 'BRAS BUS MDZES PAR BYA BA'I PHYIR, ,BSLU MED LHA DANG BLA MA MCHOG GSUM LA, , G-YEL MED GSOL BA 'DEBS PA RGYUN DU BGYID, CES PA 'DI YANG BTZUN PA BLO BZANG CHOS KYI RGYAL MTSAN GYIS GDAMS PA'O,, ,,LUNG RIGS CHOS KYI RGYA MTSO, ,BSLAB GSUM NOR BUS YONGS BLTAMS, ,LEGS BSHAD RLABS PHRENG G-YO BA'I, ,RAB 'BYAMS SMRA BA DE LA, ,LHAG BSAM PADMO'I TSAL LAS, ,SNYAN TSIG ME TOG PHRENG BA, ,RIN CHEN DO SHAL JI BZHIN, ,MGUL BA'I RGYAN DU 'BUL LO; ;DENG SANG DPAL LDAN 'BRAS SPUNGS, ,CHOS KYI GRVA BO CHE DER, ,MKHAS PA'I BYA BAS 'DA' ZHING, ,SNYAN DANG BRAL BAR GNAS CES, ,SNYAN PA'I SGRA DBYANGS SGROGS MKHAS, ,YI GE RTEN DANG BCAS PA'I, ,BUNG BA GZHON NU ZUNG DAG ,RIM BZHIN SOR MO'I RTZER CHAGS, ,DE'I TSE KHYOD SKU'I SNANG BRNYAN, ,YID KYI ME LONG NGOS LA, ,MA BRIS BZHIN DU YANG YANG, ,CHU ZLA BZHIN DU SNANG ZHING, ,BSAM GTAN DANG POR ZHUGS PA'I, , @332A *, ,DGE SLONG JI BZHIN YID DBANG, ,DGA' BDES YONGS SU KHYAB CING, ,DNGOS SU MJAL BA LTAR GYUR, ,SLAR YANG KHYOD LA CUNG ZAD GSOL BA NI, ,GANG DU GNAS SAM BYA BA CI BYED KYANG, ,BSLU MED LHA DANG BLA MAR BLO GTAD NAS, ,SGO GSUM DAM PA'I SPYOD DANG MTHUN PAR MDZOD, ,DAL 'BYOR THOB DANG RGYAL BA'I BSTAN PA DANG, ,DGE BA'I BSHES DANG PHRAD PA RNYED DKA' BAR, ,RGYAL BAS LEGS PAR GSUNGS PA'I DON DGONGS NAS, ,GTAN GYI PHAN BDE BSGRUB LA BRTZON PAR MDZOD, ,TSE 'DI BAR SNANG GLOG LTAR MYUR 'GRO ZHING, ,LANG TSO NAM MKHA'I 'JA' BZHIN MI RTAG NA, ,SEMS SHES LDAN PA SU ZHIG 'JIG RTEN 'DI'I, ,PHUN TSOGS CHED DU DON CHEN YAL BAR 'DOR, ,DE'I PHYIR BLO DANG LDAN PA KHYOD NYID LA, ,'DIR MANG SMOS PAS CI 'TSAL MDOR BSDU NA, ,CHAGS SDANG RMONGS PA'I 'CHING BA KUN BCAD NAS, ,RANG GI SEMS NI YONGS SU DUL BAR MDZOD DAM CHOS BSGRUB PA'I MTHUN RKYEN RTEN 'DI YANG, ,RING DU 'TSO BA'I THABS LA'ANG 'BAD PAR ZHU, ,DE MTHUN 'DIR YANG 'BRAL MED YID GCAGS PA'I, ,RNAM DAG DGE BA'I SBYOR BA BSKRUN PAR BGYI, ,'DI BZHIN DENG NAS TSE RABS THAMS CAD DU, ,SPYOD DANG SMON LAM MTSUNGS PAR LEGS SPYAD DE, ,SA GSUM 'GRO BA'I NYIN MOR SON PA NA, ,KHYOD KYI RNAM DPYOD PADMO RGYAS GYUR CIG ,CES KLU 'BUM RAB @332B 'BYAMS PA CHOS RGYA MTSO LA GDAMS PA'O,, ,,SDOM BRTZON LDAN PA BZOD PA RGYAL PO YI, ,LHAG BSAM SPRIN DKAR ROL PA LAS BYUNG BA'I, ,'PHRIN YIG DBYAR SKYES RNGA GSANGS SGROGS PA CAN; ;SKYES ZUNG CHAR ZIM DAL GYIS 'BAB PA YIS, ,BDAG YID GZHON NU MDONGS LDAN MNGON DGAR BSGRUBS, ,DAL 'BYOR THOB DANG RAB TU BYUNG BA YI, ,DGOS PA SGO GSUM DGE LA BRTZON PA NYID, ,GZHAN DU MI YI SHA TSUGS CAN GYI PHYUGS, ,'DZAM GLING SKYE BO'I TSE 'DI MA NGES PAS, ,DE RING MI 'CHI SANG NYIN 'DI BYA ZHES, ,RTAG 'DZIN MA CHE 'CHI BA'I DGRA BO DE, ,NAM 'ONG MI SHES NYIN MTSAN DGE LA SBYOR, ,BDAG CAG STON PA SH'AKYA'I GTZO BO DES, ,SDOM BRTZON SHI'AM GSON KYANG BLA BAR GSUNGS, ,DE'I PHYIR GSON NAM SHI BA NYID GYUR KYANG, ,RE DOGS BRAL BAR DKON MCHOG BLO THUGS GTOD, ,DE YI MTHUN 'GYUR LHA DANG BLA MA LA, ,GSOL BA BTAB PA'I BYED RKYEN BDAG GIS BSGRUB, ,DA LAM JA THUM BYIN RLABS RIL BU LA, ,RGYA YI LANG TSOS BTAB STE SPRINGS PA DGE ,ZHES DKA' BCU PA BZOD PA RGYAL PO LA GDAMS PA'O;; ;;DKA' BCU PA BLO BZANG YAR 'PHEL GYI YI GE RTEN LDAN ZHI BA 'KHOD 'BYOR, RANG CAG THOG MA MED PA NAS DUG GSUM GOMS PA SHUGS CHES PAS 'PHRAL DU NYAMS MYONG @333A *, ,SKYE BA NI SHIN TU DKA', JI SKAD DU, DER YANG RGYUN TU SEMS NI RNAM RMONGS LA, ,YUN RING DUS SU NAD GZHI STEN BYED PA, ,MDZE CAN RKANG PA LAG PA CHAD PA LA, ,THAD 'GA' SMAN BSTAN PA YIS CI BGYIR MCHIS, CES GSUNGS PA LTAR YIN PAS, SNYUGS BSRINGS NAS SHUGS DRAG PA'I BRTZON PA CHU BO'I RGYUN LTAR 'TSAL, LHA DANG BLA MA LA GSOL BA 'DEBS SHING RUS SHING DANG BCAS BSAMS NA LA BRGYAR YANG MI SKYE SNYAM PA ZHIG KYANG 'DUS BYAS SON MI SDOD PAS, CI ZHIG LTAR LA SKYE BA YIN GSUNG PA LTAR LAGS PAS THANG LHOD MED PAR RGYUN SKYONGS, NYAN NA TSIG MI ZIN, BSAM NA DON MI GO , BSGOMS NA RGYUD LA MI SKYE BA'I DUS 'DIR ZHING GI MTHU LA BRTEN PA MAN NGAG TU BSHAD PAS, BSAG SBYANG SNGON DU 'GRO BA'I LAM GYI RIM PA CHA TSANG LA BSHAR BSGOM MA CHAG PA RE BYAS TE, RE ZHIG GTZO BOR 'CHI BA MI RTAG PA BSGOM PA LA CHIG DRIL DU MDZOD, DGE SBYOR SKYABS 'OG LA YANG BRTZON PAR BYED, CES RTEN DANG BCAS GDAMS SO, ,SNGON BSAGS BSOD NAMS KYIS BSKRUN PAS, ,YON TAN RI MO RNAM BKRA BA'I, ,DGE LEGS RGYAL MTSAN 'DZIN PA YI, ,SDOM BRTZON DAM PA BDE GYUR CIG ,DENG SANG PHYOGS DER SGYU MA YI, ,GZUGS SKU'I 'TSO BA MNGON DGE ZHING, ,LHA BCAS 'GRO BA'I SKYABS GCIG @333B PU; ;SH'AKYA MU NE'I ZHABS 'BRING LA, ,KUN DGA' BO NI JI BZHIN DU, ,SGO GSUM YANG DAG GUS GNAS PAR, ,SNYAN GRAGS NAM MKHA'I RNGA CHEN GYIS, ,PHYOGS KYI MDZES MA'I RNA LUNG LA, ,GSER GYI RNA RGYAN CI YANG BYIN, ,BDAG KYANG 'DI NANG BYA BA LA, ,BSTAN 'GRO'I DON DU SKYABS BCAS GNAS, ,DA LAM SPRINGS PA'I DON PO NI, ,MI LUS RIN CHEN RNYED DKA' ZHING, ,MYUR DU 'JIG PAR 'GYUR BA DANG, ,NGAN SONG SDUG BSNGAL BZOD DKA' BAS, ,G-YUL DU RAL GRI LHUNG GYUR PA, ,GSOD PAS 'JIGS NAS LEN PA LTAR, ,SGO GSUM LEGS PAR BSDAMS BYAS NAS, ,BAG DANG LDAN PA'I BLANG DOR 'TSAL, ,RANG DON 'KHRI BAS MA GOS PAR, ,MCHOD YUL DAM PA'I ZHABS TOG LA, ,LUS NGAG YID GSUM BRTZON BYAS NA, ,'DI DANG PHYI MA KUN TU BDE, ,RANG NYID PHYIR DU DKON MCHOG GI ,RDZAS LA BAG MED LONGS SPYAD NAS, ,TSUL BZHIN BSHAGS BSDAMS MI BYED PA, ,NGAN 'GRO'I ME CHEN BUD SHING NYID, ,DE'I PHYIR TSUL DE'I DON DGONGS LA, ,BAG DANG LDAN PA'I RNAM DPYOD KYIS, ,LEGS PAR SPYAD PA'I BLANG DOR DANG, ,ZAB MO'I RNAL 'BYOR RIM PA LA, ,G-YEL BA MED PA'I NYAMS LEN MDZOD, ,MTHUN 'GYUR LHA DANG BLA MA LA, ,GSOL BA 'DEBS PA 'DIR YANG BGYI, ,ZLA BA DANG PO'I PHYOGS GNYIS PA'I, ,DGA' BA GNYIS PA'I TSES LA PHUL, , @334A *, ,ZHES PA 'DI SKU GNYER NANG SO BSOD NAMS RGYAL MTSAN LA GDAMS PA'O,, ,,DAD LDAN SE CHEN CHOS RJE BDER 'TSO ZHING, ,MTSO SNGON RNAM DKAR MDZAD PA GONG 'PHEL NGOS, ,KHA BTAGS GOS YUG DNGUL LTIR BCAS 'BYOR PAS, ,SPRO BA THOB CING DGE TSOGS BYANG CHUB BSNGOS, ,SLAR YANG MCHOG TU DGE BA'I BYA BA LA, ,BRTZON PAR MDZOD CIG 'DIR YANG 'PHRAL RGYUN TU; ;NYID KYI GNAS SKABS MTHAR THUG DON RNAMS KUN, ,'GRUB BYED LHA DANG BLA MAR GSOL BAR BGYI, ,DAR GAN NANG SOR SPRINGS DANG TA'I JING LA, ,BSKUR BA'I YI GE RTEN YANG 'BYOR PAS TSIM, ,RTEN DU SNGAGS MDUD SKYE BDUN RIL BU BRGYA, ,SNGAGS GUL THUM BCAS BKRA SHIS LHUN PO NAS, ,ZLA BA DANG PO'I DKAR TSES DGE BAR PHUL,, ,,BLO BZANG BSTAN LA DAD PA'I DGA' TSAL DU, ,DAM CHOS SBRANG RTZI'I RGYAL MTSAN 'DZIN PA YI, ,RNAM DPYOD 'DAB BRGYA'I GE SAR RGOD PA DE, ,DGE MTSAN KUN GYIS RTAG TU SHIS GYUR CIG ,GANG BLO RAB YANGS 'O MA'I RGYA MTSO LAS, ,GSUNG 'PHRIN PADMA R'A GA'I 'PHRENG MDZES NI, ,RTZI BCUD BDE SKYONG 'BRAS BZANG GIS GANG BA, ,BDAG CAG SDUM PAR 'BYOR PAS CI YANG TSIM, ,'DI NA'ANG CHU LBUR LTA BU'I LUS SROG ZUNG, ,LNGA PAS MA BCOM DGE LA 'DUN PAR @334B MCHIS, ,MCHED BCAS TSER MA'I REG BRAL DGE ZHING 'TSO, ,ZHES 'DI BDAG CAG SEMS KYI BDUD RTZIR GYUR, ,RES PAR 'BYUNG BZHED MTHO RIS THEM SKAS LA, ,BRTEN NAS SKU GSUM PHO BRANG NYAMS DGA' BAR, ,BGROD PA'I THEM SKAS GNYIS PAS DBEN PA LAGS, ,'ON KYANG RE ZHIG KUN NAS BKRA SHIS PA'I, ,RTZE LAS MI G-YO GTZANG BYED SNGON BZHIN 'TSAL, ,ZAB BZHES TSUL DE'ANG MKHAS PAS BSNGAGS 'OS PAS, ,RTAG TU SKAL LDAN SHING RTA'I RGYUN LTAR SRINGS, ,NYID KYI JI LTAR BZHED PA'I DON RNAMS KUN, ,'GRUB PHYIR 'DIR YANG DGE LA BRTZON PAR BGYID, ,RTEN DU SNGAGS MDUD RTEN 'DUS BRGYA PHRAG GCIG ,RGYA YIS BTAB STE BZANG PO'I TSES LA PHUL, ,GANG GI RNAM DPYOD YANGS PA'I PAD MTSO LAS, ,TSIG DON LANG TSO RGYAS PA'I NGANG MO DKAR, ,SKYES KYI MGRIN PA'I RDZA RNGA SGROGS BZHIN DU, ,BDAG CAG GAM DU BDE BAR SON PAS TSIM, ,PHEBS DON SNYIGS MA'I BYIN ZA CHER 'BAR BAS, ,BDE BAR GNAS PA'I TSANG TSING RAB GTZES KYANG, ,DAD LDAN BZHED PA'I DPAG BSAM 'BRAS BZANG POS, ,MDZES PHYIR BDEN TSIG SMON PA CI YANG BGYID, ,SRID PA'I PHUN TSOGS DUG GI LO MA DANG, ,KIM 'BRAS SPU GRI'I SOR CHAGS SBRANG RTZI LTAR, ,DGONGS NAS RGYAL BAS BSNGAGS PA'I LAM BZANG LAS, ,G-YEL MED RTAG TU BRTZON PA STEN PAR MDZOD, CES PA 'DI GNYIS BKRA SHIS RTZE NAS @335A *, ,CHOS MDZAD MA DGE TSUL BLO BZANG CHOS 'DZIN LA GDAMS PA'O,, ,,AOm; 'DOD DGU'I CHAR 'BEBS DBANG GI MDUNG DMAR CAN, ,SNA TSOGS GANG 'DUL SPRUL PA'I ZLOS GAR GYIS, ,BSTAN DANG BSTAN 'DZIN SKYONG BA'I MTHU RTZAL CAN, ,LHA CHEN ZLA BA'I THOD MDZES RGYAL GYUR CIG ,GANG GI RNAM DPYOD YID BZHIN RGYA MTSO LAS, ,GSUNG PHRIN SKYES BCAS NGANG MO SNYAN PA'I DBYANGS, , SGROG CING BDAG CAG DGA' TSAL MDUN BABS PAS, ,YID MTSO RAB DGA'I RLABS PHRENG SRID RTZER 'GRAN, ,BDAG KYANG SNYIGS MA'I NGANG TSUL ME 'BAR BAS, ,GSON PAS SKYO ZHING 'CHI BAS 'JIGS GNAS KYANG, , SROG GI LHAG MA THUB PA'I RNAM THAR LA, ,BRTEN PAS 'GRO LA CUNG ZAD PHAN SNYAM RLOM, ,KHYOD NI RTZA BRGYUD BLA MA'I BKA' BSGRUB CING, ,DREGS PA SDE BRGYAD KUN GYI GTZO BO STE, ,DE'I PHYIR PHAN BDE'I 'BYUNG GNAS BSTAN PA DANG, ,BSTAN 'DZIN MCHOG RNAMS KUN GYI STONG GROGS MDZOD, ,KHYAD PAR BLO BZANG RGYAL BA GNYIS PA YI, ,BSTAN DANG BSTAN 'DZIN JI SNYED MCHIS PA RNAMS, ,MTHU LDAN DGRA LHA CHEN POR GNYER GTAD PAS, , RTAG TU BSRUNG SKYOB G-YEL BA MED PAR MDZOD, ,DA LAM G-YAS G-YON SNYAN SHAL MDZES BYED PA'I, ,BKRA SHIS LHA RDZAS DAR DANG BCAS TE PHUL, ZHES PA GTZO MO TSAL CHOS SKYONG LA GNANG BA'O,, ,, @335B MTSO SKYES RDO RJE DPAL LDAN MAR ME MDZAD, ,BLO BZANG RGYAL BA GNYIS PA'I 'PHRIN LAS PA, ,SNA TSOGS RNAM 'GYUR SPRUL PA'I ZLOS GAR MKHAN, ,CHOS SKYONG CHEN PO DE LA BSTOD PAR BGYI, ,NYID KYI SPRINGS YIG LHA RDZAS DGE BSKUL BCAS, ,LEGS PAR 'PHROD PA'I BDUD RTZIS TSIM PAR GYUR, ,SLAR YANG PHYI NANG GSANG BA'I LUNG BSTAN 'TSAL, ,DA LAM BSTAN PA RGYAS PA'I RTEN 'BREL DU, ,G-YAS G-YON SNYAN SHAL MDZES PA'I RGYAN 'DI 'BUL, ZHES PA'ANG GTZO MO TSAL CHOS SKYONG LA GNANG BA'O,, ,,RNAM MANG THOS PA'I SRAS PO MDUNG DMAR CAN, ,NAG PHYOGS GDUL DKA' 'DUL LA THOGS MED CING, ,BSTAN DANG BSTAN 'DZIN SKYONG BA'I MTHU STOBS CAN, ,RNAL 'BYOR DGRA LHA CHEN PO RGYAL GYUR CIG ,GANG DE'I PHYAG NGAM RTEN LDAN BKA' NGAG BCAS, ,'BYOR PAS SPRO DANG DGA' BA CI YANG RGYAS, ,BDAG KYANG SNYIGS MA'I NGANG TSUL BZOD DKA' BAS, ,RNAM DAG ZHING DU BGROD PA LHAG PAR SPRO, ,'ON KYANG CHOS SKYONG CHEN PO KHYOD NYID KYI, ,BZHED DON 'GRUB PAR SHOG CES SMON PA BGYID, ,DA LAM BSTAN PA DAR RGYAS GNAS PA'I PHYIR, ,SNYAN SHAL MDZES PAR BYED PA'I RGYAN ZUNG ?PHUL, ,CES PA'ANG GDAMS SO,, ,,DAD STOBS YID BZHIN NOR BUS YONGS GANG ZHING, ,RNAM DPYOD RLABS KYI PHREN @336A *, ,BA CHAL CHIL G-YO, ,DGE LEGS MTSO CHEN MI YI GZUGS 'DZIN PA, ,AER SDE NI ZHES GRAGS PA'I HONG THA'I JI'I, ,SDEB LEGS SRAD BU LA BRGYUS YI GE YI, ,ME TOG DO SHAL SKYES KYI DRI BSUNG CAN, ,'ONGS PAS YID MKHAR DGA' BA'I SPRIN PHUNG 'KHRIGS, ,SLAR YANG GTAN GYI 'DUN MA BSGRUB PA'I PHYIR, ,SNGON BZHIN RNAM DKAR LAM LA 'GRUS PAR 'TSAL, ,NYID KYI 'DOD DON 'GRUB PHYIR BLA MA LTAR, ,RTZE GCIG GSOL BA 'DEBS LA BRTZON PAR BGYI, ,RTEN DU SNGAGS MDUD RTEN 'DUS RIL BUR BCAS, ,BKRA SHIS LHUN PO'I RTZE NAS DGE BAR BRIS, CES PA KHAL KHA'I RGYAL PO AER SDE NI HONG THA'I JIL GDAMS PA'O,, ,,LHA BCAS 'GRO BA YONGS KYI GTZUG GI RGYAN, ,RAB 'BYAMS RGYAL BA'I 'KHOR LO KUN GYI GTZO, ,DRAN PAS TSE DANG YE SHES MCHOG STZOL BA, ,TSE DPAG MED MGON DE YIS MCHOG STZOL ZHIG ,CES SHIS PA BRJOD PA'I NGAG SNGON DU BTANG NAS, SKABS KYI DON ZHU BA NI 'DI LTAR, DAD DANG GTONG BA'I YAL GA KHYON YANGS SHING; ;YA RABS SPYOD TSUL MDZES PA'I ME TOG RGYAS, ,SNGON BSAGS BSOD NAMS 'DAB BRGYA DGOD PA CAN, ,MI DBANG DE YI LHAG BSAM SKYED TSAL LAS, ,BKA' STZAL AUTPALA PHRENG BA SPEL LEGS @336B GANG; ;GCIG LHAG RO YI GRANGS LDAN SKYES BZANG NI, ,LANG TSO MNGON PAR RGYAS PA'I 'OD RIS CAN, ,SKYON MED BDAG CAG SOR MO'I RTZE LA REG ,DE'I TSE YID KYI ME LONG NGOS DAG LA, ,KHYOD SKU'I SNANG BRNYAN GSAL BAR YONGS SHAR TE, ,YID MTSOR DGA' BA'I RLABS PHRENG G-YOS PA NA, ,LHAN CIG SKYES DGA'I ROL MTSO BZHIN DU GYUR, ,BDAG KYANG SGYU MA'I PHUNG PO SNYOMS LDAN NGOS, ,RNAM G-YENGS NA BUN TSE 'DI'I BYA BA LA, ,BSTAN DANG 'GRO BA'I DON DU MING BTAGS NAS, ,NGAL GSO MED PAR KUN TU 'KHYAM ZHING MCHIS, ,SLAR YANG BSOD NAMS KYIS BSKRUN NYID KYI SKU, ,YUN RING 'TSO ZHING BZHES PA'I THABS TSUL DANG; ;'DI DANG PHYI MA KUN DU DGE 'GYUR BA'I, ,RNAM DKAR MDZAD PA KUN KYANG SPEL BAR ZHU, ,DE YI MTHUN 'GYUR LHA DANG BLA MA LA, ,G-YEL MED GSOL BA 'DEBS PA RGYUN DU BGYI, ,DA LAM ZHU YIG PADMO'I NGOS DAG LA, ,SPYAN ZUR BUNG BA GZHON NU REG PA'I RTEN, ,BKRA SHIS RTAGS KYIS MDZES PA'I LHA RDZAS LA, ,RGYA YI LANG TSO GZHON NUS MNGON 'KHYUD DE, ,DKAR PO'I PHYOGS KYI RGYAL BA GNYIS PA YI, ,BZANG PO'I TSES LA PHUL BA DGE LEGS 'PHEL, ,ZHES PA NI SDE PA BYANG PA LA GDAMS PA'O,, ,,GSER SBYANGS LAS BYAS RIN CHEN RTZIBS STONG CAN, ,GANG GI MTHU YIS GLING BZHIR DBANG BSGYUR @337A *, ,BA'I; ;SNGON GYI SA SKYONG DAM PA'I RJES 'GRO BA, ,SA YI BRGYA BYIN GNYIS PA DE'I DRUNG DU, ,RAB DKAR SEMS KYI GANGS RI LAS 'ONGS PA'I, ,ZHU PHRIN LHUNG LHUNG SGROGS PA'I DAG BYED RGYUN; ;LHA KHYOD DGYES PA BSKYED PA'I BSANG GTOR DU, ,RNAM DPYOD KU SHA'I PHYON POS CI YANG 'THOR, ,DENG DUS SNGON BSAGS GNAM BSKOS BRGYA PHRAG GI ,RIN CHEN RDUL MANG BRTZEGS PA GANG GI SKU, MNGA' RIS 'CHI MED PHAN BDE'I DPAL NYID DU, ,G-YO MED RDO RJE LTA BUR RAB BRTAN ZHING, ,SGRIB GNYIS 'CHING BA KUN BRAL YE SHES LA, ,'KHU LDAN MKHYEN PA'I SNANG BYED ZUNG DAG GI ,NGO MTSAR SGYU 'PHRUL BYE BA'I ROL RTZED KYIS, ,SHES BYA'I KHYON KUN CIG CAR 'GENGS SE ZHES, ,DBYAR SKYES RGYUD MANG PHYOGS KYI MTHAR SGROGS PAS, ,BKRA SHIS BANG RIM RNAM BKRA LHUN PO'I RTZER, ,THUB DBANG RJES SU SLOB PA'I MDONGS CAN ZHIG ,MNGON DGA' RGYAS PA'I ZLOS GAR CI YANG BYED, ,RAB DKAR GANGS RI'I PHRENG BAS YONGS BSKOR YANG, ,MI SHES SMAG RUM 'THIBS PA'I BYANG PHYOGS 'DIR, ,DENG DUS SA BDAG PHAL CHER BLO GROS KYI, ,MIG BRAL GZU LUMS SPYOD PAS SRID SKYONG YANG, ,BLANG DOR GNAS KUN GSAL BA'I MIG STONG LDAN, ,THUB PAS BSNGAGS PA'I RIN CHEN RGYAN MDZES SHING, ,NAG PHYOGS @337B LHA MIN 'JOMS PA'I RDO RJE CAN, ,GANG DE SNGON MED LHA YI DBANG PO NYID, ,CES PA 'DI SDE PA SNAR THANG PA LA GDAMS PA'O,, ,,MTHON PO'I RIGS KYI SKYED TSAL LAS 'KHRUNGS SHING, ,YON TAN BDUN GYI YAL GA'I KHYON YANGS LA, ,RNAM DPYOD ME TOG PHON PO'I MGUL RGYAN CAN, ,MI DBANG DPAG BSAM LJON PA DE'I DRUNG DU, ,DENG SANG GANG SKU'I RIN CHEN SA 'DZIN NI, ,MNGA' RIS GLING BZHI'I DBUS NA RAB BRTAN ZHING, ,RNAM DKAR MDZAD PA'I 'OD ZER 'BUM PHRAG GIS, ,PHYOGS KYI 'KHOR LO 'GENGS DANG BKA' YIG GI ,PAD DKAR PHRENG BA DE NANG GSAL BA YI, ,SKU RIM CHOS KYI SBRANG RTZI'I BCUD CHAGS PA, ,MU DR'A'I MDZES MAS 'KHYUD BZHIN PHYOGS 'DIR 'ONGS, ,DE'I TSE NYID KYI MDZAD PA'I PIR BZANG POS, ,YID LA SPRO DGA'I RI MO CI YANG BKOD, ,RNAM MANG TSOGS MCHOG RGYA MTSO DANG BCAS TE, ,BZHED PA'I DON KUN 'GRUB PA'I BDEN TSIG GIS, ,'OG MIN GTZANG MA'I GNAS KYANG CA COR GYUR, ,SLAR YANG 'DI PHYI'I LEGS TSOGS DAL 'GRO'I 'JANG, ,DBYAR DUS ZLA BAS 'PHEL BZHIN RGYAS PAR MDZOD, ,ZHU YIG GLEGS BU'I NGOS DAG LA, ,SPYAN RAS G-YO PHYIR LHA RDZAS NI, ,TSOM BUS BTAB STE GRO BZHIN GYI, ,PHYOGS GNYIS RGYAL BA GSUM LA PHUL, ZHES PA 'DI YANG SDE PA THON NAS LA GDAMS PA'O,, ,, @338A *, ,DON GNYIS 'DOD DGU'I 'BYUNG GNAS GSER GYI GZHIR, ,LHUN GRUB RAB BRTAN DAD PA'I SA 'DZIN RTZER, ,LEGS SPYAD DPAL MO'I REG PAS MNGON DGYES PAS, ,SA YI BRGYA BYIN GNYIS PA DGE GYUR CIG ,GANG GI RNAM DPYOD 'O MA'I CHU GTER LAS, ,SDEBS LEGS SNYAN TSIG BKA' STZAL DANG MO'I TSOGS, ,MI DBANG DGE BA'I SNYAN PA SGROGS BZHIN DU, ,BDAG CAG SOR MO'I 'DAB PHRENG DNGAR BAR BYAS, ,BKA' STZAL JI BZHIN 'DUS PA'I TSOGS DAG KYANG, ,LHA YI BDUD RTZIS DPER 'OS MA YIN PA'I, ,RKANG 'THUNG BCUD KYIS TSIM BYAS KHYAD PAR DU, ,BKRA SHIS RI MO BKRA BA'I LHA RDZAS SOGS, ,'PHAGS PA'I NOR MCHOG BDUN GYI GRANGS LDAN PA'I, ,SKYES BZANG NYAMS MED MU DR'AS MDZES BZHIN DU, ,'BYOR TSE YID KYI ZLA SHEL ME LONG NGOS, ,MA BRIS PAR YANG KHYOD SKU MNGON SUM SNANG, , DE'I TSE 'DOD LDAN LUS PHRA MTHONG BA BZHIN, ,MNGON DGA' RGYAS PA'I 'JO SGEG ROL PA 'DZIN, ,GNAS SKABS MTHAR THUG BZHED PA'I DPAG BSAM DBANG, ,'BRAS BUS MDZES SLAD SMON PA CI YANG BSKRUN, , SLAR YANG CUNG ZAD GSOL BA NI 'DI LTAR, ,RIGS GZUGS 'KHOR DANG LONGS SPYOD PHUN TSOGS SHING, ,YANGS PA'I NOR 'DZIN 'DOD DGUR DBANG BSGYUR BA, ,MI DBANG GO 'PHANG SKU TSE GZHAN DAG NAS, , @338B BSNAMS TE MA BYON DGE BA'I MTHU LAS YIN, ,DE BZHIN 'DIR YANG LHA DANG BLA MA DAG ,GUS PAS BSNYEN BKUR PHONGS PA'I SKYE BO KUN, ,BYAMS BRTZES SKYONG ZHING KHYAD PAR KHYIM PA LA, ,BDE BAR GSHEGS PAS LEGS PAR BSNGAGS GYUR PA'I, ,GSO SBYONG YAN LAG BRGYAD PA STON PAR MDZOD, ,DE LAS MTHO RIS THEM SKAS RIM 'DZEGS TE, ,SKU GSUM RI MO BKRA BA'I GZHAL YAS SU, ,'JUG PAR 'GYUR BAR NYI MA'I GNYEN GYIS GSUNGS, ,'DIR YANG LHA DANG BLA MA'I BEEd'URYA, ,MOS PA'I RGYAL MTSAN RTZE MOR MCHOD PA LAS, ,NYID KYI GNAS SKABS MTHAR THUG BZHED PA'I DON, ,'GRUB SLAD 'DOD DGU'I GRU CHAR 'BEBS PAR BGYI, ,DPA' BO KHRA YI ZLA BA YI, ,PHYOGS GNYIS RGYAL BA GSUM TSES LA, ,PHUL BA'I ZHU YIG RTEN MTSON DU, ,MANGGA LA YI LHA RDZAS 'BUL, ,ZHES PA 'DI LCANG RA NAS SDE PA DON GRUB RAB BRTAN PA LA GDAMS PA'O,, ,,RNAM DKAR RIN CHEN RDUL BRTZEGS LAS GRUB PA'I, ,GANG SKU LHUN PO'I DBANG PO RAB BRTAN ZHING, ,LUGS GNYIS MDZAD PA'I NYI ZLA ZUNG DAG GIS, ,PHAN BDE'I 'OD STONG PHYOGS BRGYAR 'GYED PA'I NGANG, ,BKA' YIG AUTPALA GSAR PA'I PHRENG MDZES PA, ,GSER RI'I GRANGS LDAN SKYES KYI BCUD CHAGS SHING, ,RTAGS KYI BUNG BAS RNAM PAR RTZEN BZHIN DU, ,BDAG CAG SOR MO'I @339A *, ,RTZE MOR LDING ZHING CHAGS, ,DE'I TSE YID MTSOR DGA' BA'I RLABS PHRENG NI, ,DBYAR GYI CHU MTSO JI BZHIN CHER 'PHEL ZHING, ,NYID KYI MDZAD PAR RE BA'I 'BRAS BUS PHYUG ,SLAR YANG BLO BZANG RGYAL BA GNYIS PA YI, ,BSTAN PA BSTAN 'DZIN TSUL BZHIN MCHOD PA NI, ,KHYOD KYI MDZAD PA LAGS MOD BSKUL CI 'TSAL, ,MNGA' RIS KUN LA'ANG BYAMS BRTZES KHYAB PAR MDZOD, ,GNAS SKABS MTHAR THUG BZHED PA'I DPAG BSAM DBANG, ,'BRAS BUS MDZES SLAD 'DUS PA'I SDE DANG BCAS, ,BDEN TSIG SMON PA CI YANG BGYID PAR MCHIS, ,DA LAM ZHU YIG SPYAN RAS 'JUG PA'I PHYIR, ,LHA RDZAS RTAGS KYI LANG TSOS MNGON MDZES PA, ,BKRA SHIS BANG RIM RNAM BKRA LHUN PO NAS, ,BSOD NAMS RIN CHEN BRTZEGS PA'I RTZE MOR PHUL, ZHES PA 'DI SDE PA RIN CHEN RTZE PA LA GDAMS PA'O,, ,, AOm SVASTI, GNAS KYIS BSKAL YANG BKA' DRIN GSUM LDAN GYI, ,BLA MA SKYABS GSUM 'DUS PA'I BDAG NYID DU, ,MOS NAS RTZE GCIG GSOL BA BTAB PA NA, ,BYIN RLABS 'JUG LA NYE RING MA MCHIS SO; ;KUN LA BYAMS DANG SNYING RJE BYANG CHUB SEMS, ,JI BZHIN BSGOM PA'I DMIGS RNAM MA PHYED KYANG, ,'BANGS 'KHOR MTHONG THOS 'GRO BA DE DANG DE, ,NYID KYI SRAS BZHIN RTAG TU SGOM PAR MDZOD, ,KHRO DANG @339B 'KHRUG DANG TSIG RTZUB 'BYUNG NYE NA, ,LE LAN THAMS CAD BDAG 'DZIN 'GONG PO LA, ,'DAS NAS TSIG RTZUB MDE RTZE MI STON PAR, ,PHA ROL NYES PA RMI LAM LTA BUR GZIGS, ,GTONG LA 'JUG SKABS SER SNA'I DGRA BYUNG NA, ,SA BON NYUNGS DU STON DUS 'BRU MANG PO, ,SDUD LA BLUN PO RNAMS KYANG GUS BYED NA, ,GTAN GYI BRGYAGS PHYE BSGRUB LA SU MI BRTZON, ,SNYIGS MA'I DUS 'DIR TSE YI TSAD THUNG ZHING, ,RGAN GZHON NGES MED 'DI LTAR 'CHI MTHONG NA, ,LE LO'I SKABS CI 'JIG RTEN YA RABS KYI, ,TSUL LA BRTEN NAS SGO GSUM DGE LA 'BUNGS, ,'DIR YANG SKU RIM RGYUN MI 'CHAD PAR BGYI, ,RTEN DU BKRA SHIS RTAGS MTSAN LHA RDZAS LA, ,RGYAS BTAB DKAR PHYOGS DGA' BA GSUM PA YI, ,BZANG PO'I TSES LA PHUL BA DGE LEGS 'PHEL, CES PA BKRA SHIS RTZE NAS DPON SA BSAM GRUB BU KHRID LA GDAMS PA'O,, ,, NA MA: SHR'I GU RU K'A LA TZAKR'A YA, GSAL SGRON GYI LO GSUM GYI DBYE BAS RNAL 'BYOR MA'I RGYUD KYI NGES PA SHES PA ZHES PA'I SKABS SU RTOGS DKA'I DON BSHAD PA LA, DPAL LDAN RGYU SKAR GYI DKYIL 'KHOR GYI NANG TSAN MA RGYUD KYI LHA GRANGS DANG, DBU MA'I ZHAG GI LO GSUM GYI ZHAG GRANGS STONG BRGYAD DU MTSUNGS PAR BSHAD PA'I MA RGYUD KYI DKYIL 'KHOR LA DUS 'KHOR YONGS RDZOGS DANG, 'KHOR LO SDOM CHEN GNYIS YOD @340A *, ,PA'I LHA GRANGS YIN LA, SBYOR TSUL ZHIB TU BSHAD NA, SKU DKYIL GYI LHA SUM BRGYA DRUG CU'I NANG NAS, GTZO BO BCU GNYIS PADMA'I GDAN CAN GYI LHAR 'DREN PAS BZHAG ,DE'I TSAB TU SGEG SOGS LHA MO BCU GNYIS BSNAN PA'I SUM BRGYA DRUG CU PO THABS SHES GNYIS GNYIS SU PHYE BAS BDUN BRGYA DANG NYI SHU, DE'I STENG DU GSUNG DKYIL GYI RNAL 'BYOR MA DON GNYIS KYI GTZO MO BRGYAD PADMA'I GDAN CAN SNGAR LTAR BZHAG , RE BZHI PO THABS SHES GNYIS GNYIS SU PHYE BAS BRGYAD BRGYA DANG ZHE BRGYAD, DE'I STENG DU RGYAS 'DEBS KYI RIGS BDAG DRUG PO THABS SHES GNYIS SU BSDUS PA BSNAN PAS BRGYAD BRGYA DANG LNGA BCU, DE'I STENG DU PADMA'I GDAN CAN GYI LHA BRGYA DANG NGA DRUG PO BSNAN PAS STONG DANG DRUG ,DE'I STENG DU SDOM TSAN GYI LHA GTZO BO YAB YUM SO SOR BGRANGS PA'I DON GNYIS DANG, DE'I RIGS BDAG THABS SHES GNYIS SU PHYE BA GNYIS SU BSDUS NAS BSNAN PAS BRGYAD CU RNAMS SBYOR BA LAGS, 'DIS MTSON DPAL LDAN RGYU SKAR GYI PHA RGYUD DKYIL 'KHOR DGU'I LHA GRANGS DANG PHYOGS GSUM GYI ZHAG GRANGS SBYOR BA GSUNGS PA'I SBYOR TSUL YANG SHES DGOS SO, , TSUL 'DI BSTAN PA'I RTZA LAG DGE BA'I BSHES, ,NGAG DBANG CHOS KYI GRAGS PA'I BKAS BSKUL NAS, ,PHYOGS MED MYUL BA'I BYA BRAL RGYAL KHAMS PA, ,BLO BZANG CHOS KYI RGYAL MTSAN ZHES BYA YIS, ,SH'AKYA'I @340B RGYAL PO'I MDUN SAR 'PHRAL DU BKOD, ,DGE BAS 'GRO KUN DPAL LDAN RGYU SKAR GYI, ,RGYUD SDE RGYA MTSO'I PHA ROL SON GYUR NAS, ,SKU GSUM 'DOD DGU 'BYUNG BA'I PHO BRANG DU, ,'THONG BA'I CHOS LA GEGS MED 'JUG PAR SHOG ,CES PA 'DI YANG DGE SLONG BLO BZANG CHOS KYI RGYAL MTSAN GYIS LHA LDAN DU SMRAS PA'O,, ,,NA MO GU RU MANYDZU GHO sh'A YA, SMRA BA ZLA MED SH'AKYA'I GTZO, ,THAMS CAD MKHYEN PA'I ZHABS BTUD DE; ;RNAM DPYOD LDAN PAS BRIS PA YI, ,LAN RNAMS JI LTAR BZOD BZHIN BRJOD, ,'DUS PA'I BSTI GNAS RNAM PA GNYIS, ,BZANG MNYAM GNAS GZHI BAG TZAM BZANG, ,BSLAB PA PHUL NAS SLAR BLANGS PA; ;DE NAS BZUNG STE BSLAB GRAL SOGS, ,RANG BZHIN GNAS PA BZHIN BYA YI, ,BSLAB BYIN LTA BU'I CHAD LAS GZHAN, ,BYA BA LUNG LAS GSUNGS PA MED, ,DGE SLONG SDOM PA THOB PA'I MTSAMS, ,BYA BRJOD RDZOGS MTSAMS BYED PA'I MGOR, ,GSUNGS PA GZHAN DU 'GYUR BA MED, ,DUS DER SDOM PA THOB ZIN KYANG, ,BZOD DANG MI BZOD CES BYA BA, ,BRJOD PA GSUM PA'I 'JUG GCOD PA, ,RIGS PA MIN PHYIR DKYUS BZHIN BRJOD, ,DRI BAR PHAM PA DANG PO'I MTSAMS, ,BCUG BDE RDZOGS DANG MA RDZOGS LA, ,BYAS CES DRIS MOD DE LTA MIN, ,BCUG REG BDE BA MYONG TZAM GYIS, ,MNYAMS PAR 'GYUR TE MDO RTZA BAR, ,BCUG REG NYAMS SU MYONG NA'O, @341A *, ,ZHES GSUNGS DE BZHIN SO DANG NI, ,LNGAGS RIM NANG DU BCUG TZAM GYIS, ,PHAM PA'I 'KHRUL GZHI YOD NA YANG, ,MA YIN DE DAG NANG BCUG NAS, ,MYUR DU BCUG REG MYONG LA DGONGS, ,GZHAN DU GNYIS KYIS GNYIS SPRAD NAS, ,REG PA'I BDE BA MYONG BA YIS, ,PHAM PAR 'GYUR BA MI SRID DE, ,LPAGS NOR TSUD TZAM PHAM PHYIR DANG, ,LUNG DU DGE SLONG 'GA' ZHIG LA, ,DGA' BA BDAG GIR BYAS SAM ZHES; ;LAN GRANGS DU MA GSUNGS PHYIR RO, ,GNYIS PA'I TSAD NI GZHUNG RNAMS SU, ,MA SHA KA SOGS DBYE BA YIS, ,GSUNGS KYANG YUL DUS RIN THANG GIS, ,'GYUR BAS GCIG TU NGES MA MCHIS, ,PAn CHEN DGE 'DUN GRUB PA YIS, ,TSONG 'DUS MGUR MO'I BRE TSAD KYI, ,KHAL GCIG YAN GSUNGS DE BZHIN 'DOD, ,SDOM RGYUN MKHAN PO RIN PO CHE, ,DAM CHOS YAR 'PHEL ZHAL SNGA NAS, ,DANG POR PAn CHEN RGYUD BSNYEN TE, ,PHYIS NAS MCHOG TU DAD PA DANG, ,GONG 'PHEL TSUL DU THAMS CAD MKHYEN, ,BSOD NAMS RGYA MTSOR BSNYEN RDZOGS PAS, ,JI LTAR 'DOD PA SBYAR BAS CHOG ,BDE BA MCHOG GI PHYI NANG GI ,DKYIL 'KHOR BRE NANG BRE DANG NI, ,BRE GZHIBS 'BO NANG BUM PA'I TSUL, ,MI 'DOD DE BZHIN LUS DKYIL GYI, ,RTZIBS LA MU KHYUD BYED PA'ANG MIN, ,ZHIB PAR RGYAL BA GNYIS PA YI, ,'DOD PA 'JO DANG MKHAS GRUB RJE'I,, @341B 'DUS PA'I BSKYED RIM RNAM BSHAD LA, ,GZIGS PAS THE TSOM CHOD PAR 'GYUR, ,SPYI BO LA SOGS 'KHOR LO'I RTZIBS, ,NYER BZHI'I GNAS DANG DER GNAS PA'I, ,RTZA KHAMS DPA' BO RNAL 'BYOR MA, ,MDOR NA PHRA RAGS LUS 'DI NYID, ,THA MAL SNANG ZHEN LEGS SBYANGS TE, ,BDE STONG DBYER MED YE SHES KYI, ,GZUNG RNAM RTEN DANG BRTEN PA YI, ,RNAM PAR SHAR BA'I GSAL SNANG DANG, ,NGA RGYAL BSGOM PA MCHOG TU BSNGAGS, YE SHES MGON PO PHYAG DRUG PA'I, ,BSGRUB TSUL MKHAS GRUB CHEN PO YI, ,BSNYEN BSGRUB LAS GSUM LAS LHAG PA, ,YOD MIN DE YI LUGS BZHIN MDZOD, ,BE'U BUM MANG PO'I LHAD BSAL NAS, ,SKYON MED BKA' RNAMS BSDUS PA LA, ,BCU GSUM BYUNG GI RGYU MTSAN GZHAN, ,MA MCHIS RTEN RDZANGS BCU GSUM DU, ,MDZAD PA PHYOGS BCU DUS GSUM GYI, ,BSDUS PA MTSON PHYIR BCU GSUM MDZAD, ,RNAM SRAS CHOS KYI RGYAL PO YI, ,RJES GNANG LUGS GNYIS CI RIGS PA, ,MDZAD PAS SKYON DU 'GYUR BA MED, ,RNAM MANG BYA BAS G-YENG BA'I PHYIR, ,GZHAN RNAMS 'GOD PA'I SKABS MA MCHIS, ,'DI LTAR BKOD PA'I RNAM DKAR TSOGS, ,SDUG BSNGAL GSUM GYIS MNAR BA YI, ,MKHA' MNYAM 'GRO BA MA LUS PA, ,THAMS CAD GZIGS PA THOB PHYIR BSNGO,, ,,SVASTI, 'JIGS PA THAMS CAD 'JIGS BYED PA'I,, @342A *, ,DPA' BO CHEN POR PHYAG BYAS TE, ,DE YI SGRUB THABS LAS BRTZAMS PA'I, ,DRI LAN GSAL BAR BRJOD PAR BYA, ,'JIGS BYED BCU GSUM MA'I BDAG 'JUG LEN PA'I TSE, BDAG MDUN 'JUG PA GCIG DANG, THA DAD JI LTAR YIN ZHES PA, RJE THAMS CAD MKHYEN PA BLO BZANG GRAGS PA'I DPAL GYIS, BCU GSUM MA GSUM GYI DKYIL CHOG TU, BOD KYI BLA MA RNAMS 'JUG PA THA DAD DU 'DOD KYANG, GRUB CHEN GYIS 'JUG PA GCIG TU BZHED CES, 'JUG PA THA MI DAD KYI LUGS SOR BZHAG TU MDZAD 'DUG PA LTAR BYA RIGS TE, RJE THAMS CAD MKHYEN PA'I BKA' BSREGS BCAD BRDAR BA'I GSER BZHIN GZHAN DU 'GYUR BA MED PA'I PHYIR RO, ,'JUG PA GCIG PA'I TSE, BUM BSKYED GANG DU BYED CES PA, RDO RJE SEMS DPA'I BSGOM BZLAS GRUB MTSAMS, TSOGS ZHING GI SNGON DER BYED PA YIN, CHO GA KHRIGS CHAGS SU BYA BA'I CHINGS CIG DGOS CES PA, RAS BRIS DANG RDUL TSON GYI DKYIL 'KHOR CI RIGS BSGRUB PA'I TSE, SBYOR BA TSOGS GSOG TSAD MED BZHI BSGOM PA SNGON DU BTANG NAS, RANG NYID BRIS PA'I DKYIL 'KHOR GYI DBUS SU 'DUG PAR MOS TE, KHAdGiDHRA KA GIS BSANGS, 'CHI BA CHOS SKU LAM BYED SH'UN+YA T'A NAS BZUNG, GRVA BZHI DANG SGO BZHIR SNA TSOGS PADMA DANG ZLA BA'I GDAN ZUNG RE RE ZHES PA'I BAR DKYUS BZHIN GDAN DBUS @342B MA'I STENG DU AA YIG DANG PO LAS BYUNG BA'I ZLA BA'I DKYIL 'KHOR DE'I DBUS SU CHU LAS CHU SBUR GYI TSUL DU DH'I: SER PO ZHES SOGS NAS, DKYIL 'KHOR RGYAL MCHOG GI GTZO BO SPRO BSDU'I BAR DANG, GCIG TU 'DUS, SHAR GYI MTSAN MA DANG NGO BO DBYER MED DU GYUR, CES SOGS KHYAD PAR SBYOR, BRIS PA'I DKYIL 'KHOR BSGRUB SKABS MA GTOGS GZHAN SGRUB THABS LA SBYAR MI DGOS, DBANG GI SKABS, RANG NYID GTZO BO LAS BYE NAS LEN PA YIN, MDOR NA RJE THAMS CAD MKHYEN PA RANG NYID KYIS BCU GSUM MA GSUM GYI DBANG CHOG TU 'DI LTAR GSUNGS YOD PAS DE LA ZHIB TU GZIGS MDZOD, 'DI LTAR BSKRUN PA'I DGE TSOGS KUN,, MKHA' MNYAM MAR GYUR 'GRO BA RNAMS, ,PHYI NANG GSANG BA'I GSHIN RJE LAS, ,RNAM RGYAL SKU GSUM THOB PHYIR BSNGO, ZHES PA 'DI YANG MDO RGYUD MAN NGAG 'DZIN PA CHOS KYI RGYAL MTSAN GYIS, BKRA SHIS LHUN PO NAS BSRINGS PA'I YI GE PA NI, RNAM DPYOD DANG LDAN PA BLO BZANG DBANG RGYAL LO,, ,,DRUNG RAM PA'I DOGS GCOD KYI YI GE RTEN DANG BCAS PA 'BYOR, LUS CAN RNAMS KYI LAS RNAMS NI, ,KALPA BRGYAR YANG CHUD MI ZA, ,TSOGS SHING DUS LA BABS PA NA, ,'BRAS BU NYID DU SMIN PAR 'GYUR, ZHES GSUNGS PA LTAR, BDAG CAG GI STON PA BZHUGS PA'I DUS KYANG, ,LAS BDAG GIR GYIS SHIG ,CES GSUNGS @343A *, ,PA LTAR DANG, GZHAN YANG SDUG BSNGAL YON TAN NI, ,SKYO BAS DREGS PA SEL BAR BYED, ,'KHOR BA PA LA SNYING RJE SKYE, ,SDIG LA 'DZEM ZHING DGE LA DGA', ZHES GSUNGS PA LTAR, SDUG BSNGAL DANG LEN DANG, 'KHOR BA PA LA SNYING RJE DANG, BSAM PA DES KUN NAS BSLANGS PA'I TSOGS GSOG SGRIB SBYONG GI GTONG LEN LA 'BAD PAR MDZOD, GNAS SKABS DER YANG DAL BA SOGS MI 'ONG BA BLA MA DKON MCHOG GI THUGS RJE YIN PAS, SNGAR GYI DGE SBYOR MDZAD KHYER DE GSHIN TU LEGS 'DUG PAS, DA DUNG YANG DE LAS MA G-YOS PA 'TSAL ZHING, RLUNG RDUB PAS DRAN MED DU 'GRO BA DE CUNG SHED CHES PAS LAN PA YIN, DA CHA LTE BA'I RTZA 'KHOR GYI DBUS SU GTUM MO'I AA THUNG LA DMIGS PA GTAD NAS RLUNG THAMS CAD DE LA THIM PAR MOS TE DAL BUS 'DZIN PAR MDZOD, DKYIL CHOG GI DON DE, CHAGS PA SNANG BA DANG, CHAGS BRAL NYER THOB DANG, DBU MA DE GNYIS KYI BAR MCHED PA MA YIN, LHAN CIG SKYES PA'I YE SHES YIN PAS, DE LA MNYAM PAR ZHOG CIG ,CES PA'I DON YIN, NYAMS LEN LA BRTZON PAR BYAS KYANG, BYAMS SNYING RJE BYANG CHUB KYI SEMS LTA BA RNAM DAG SOGS LA BLO SKYED CHES CHER MA THON PA NI, ,SLOB DPON TZANDRA GO MIS, DER YANG RGYUN TU SEMS NI RNAM RMONGS LA, ,YUN RING DUS SU NAD GZHI STEN @343B BYED CING, ,MDZE CAN RKANG PA LAG PA CHAD PA LA, ,THAD 'GA' SMAN BSTEN PAS NI CI BGYIR MCHI, ZHES GSUNGS PA LTAR YIN PAS, DA DUNG SNGAR BZHIN NYAMS LEN LA CHU BO'I RGYUN LTAR BRTZON PA MA CHAD PAR MDZOD,, CHOS RGYAL GYI PHO BRANG LA BRJOD TSUL GNYIS BYUNG YANG, LCAGS MKHAR SGO MED ZER BA YIN GYI SGO MANG ZHES PA MA DAG ,H'Um DRUG GI SKABS SPYAN 'DREN PA MA YIN, H'Um DANG PO'I SKABS, RANG DANG MGON PO'I THUGS KA'I 'OD ZER GYIS BAR GCOD KYI MTSAN MA SOGS CHOS BSGRUB PA'I 'GAL RKYEN CI YIN PA DE BKUG NAS, GTOR SNOD KYI STENG DU 'DAR HED HED 'DUG PAR BSAM, GNYIS PA'I TSE, GTOR MA DANG RO GCIG TU 'DRES, SHA KHRAG GI PHUNG POR SONG, GSUM PA'I TSE, RNAM PA SHA KHRAG LA NGO BO ZAG MED KYI BDUD RTZIR GYUR, LHAG MA GSUM GYI TSE, MGON PO'I LJAGS 'OD ZER GYI SBU GU CAN GYIS DRANGS SHING GSOL BAR BSAM PA YIN, SMRA LCE BDER SONG BA DANG, NYAM THAG PA'I SNANG BA SKAD CIG KYANG MI 'ONG BA DE GA THUGS DAM LA BRTZON PAR BYAS PA'I PHAN YON YIN PAS, DA CHA'ANG DBEN PA'I RI KHRONG DU 'DUG MTSAMS BCAD NAS 'DUG PA DANG SHES NA KHYAD PAR MED CING, RKYEN NGAN GROGS SHAR ZER BA'ANG THOG TU BAB PAS, RTZE GCIG TU DGE SBYOR LA BRTZON PAR MDZOD, CES PA BANG RIM RAB 'BYAMS PA LA GNANG BA'O,, ,,NA MO GU RU MANYDZU GHO sh'A YA, @344A *, ,DAG PA'I MKHA' LA 'JA' TSON RI MO BZHIN, ,RNAM PAR BCAS KYANG RNAM MED PHYAG RGYA YI, ,MDZES SDUG LA CHAGS 'GYUR MED BDE BA CHER, ,RNAM ROL DANG PO'I SANGS RGYAS LA PHYAG 'TSAL,, BLO GROS YANGS PA'I YID BZHIN RGYA MTSO'I NGOGS, ,RNAM MANG DRI BA'I PAD TSAL RAB RGYAS PAS, ,MGRON DU BOS PA'I DRIS LAN NGANG PA'I KHYU, ,LEGS BSHAD MGRIN PA'I RDZA RNGA CI YANG BRDUNG, ,THOG MAR DRI BA'I TSIG 'GOD PA, ,DPAL LDAN 'BRAS SPUNGS MCHOD RTEN DU, ,DUS 'KHOR RTZA RGYUD GSUNG BA PO, ,CHOS LONGS SPRUL SKU CI ZHES PA, ,DPAL LDAN 'BRAS SPUNGS MCHOD RTEN CHER, ,DUS 'KHOR RTZA RGYUD GSUNG BA PO, ,BDAG CAG RNAMS KYI STON PA MCHOG ,ZAS GTZANG SRAS PO NYID YIN TE, ,DRI MED 'OD DU SGYU 'PHRUL CHE'I, ,LHUMS BLTAMS SH'AKYA THUB PA DANG, ,MNGAL SKYES ZLA BA BZANG PO GNYIS, ,STON PA PO DANG ZHU BA POR, ,MI RUNG RTZOD SPONG MDZAD PHYIR DANG, ,RTZA BA'I RGYUD KYI LUNG DRANGS PAR, ,STON PA GOO TAM STON PA PO, ,GNAS NI DPAL LDAN CHOS KYI DBYINGS, ,'KHOR NI BYANG CHUB SEMS DPA' SOGS, ,MI BDAG ZLA BZANG ZHU BA PO, ,ZHES GSUNGS LUNG GIS LEGS PAR GRUB, ,DE RJES RGYU SKAR DKYIL 'KHOR LA, ,'DUS PA DRUG DANG SGYU DRA GSUM, ,DUS 'KHOR YONGS RDZOGS DKYIL 'KHOR DANG, ,'KHOR LO SDOM CHEN SDOM CHUNG DANG, PADMA GDAN CAN DKYIL 'KHOR @344B TE; ;BCU GSUM DAG TU BZHED LAGS SAM, ,ZHES PA DE LTAR MI 'DOD DE, ,PADMA GDAN CAN LHA ZHES PA, ,DUS 'KHOR YONGS RDZOGS DKYIL 'KHOR GYI, ,PADMA'I LTE BAR BKOD PA'I LHA, ,NGA DRUG GIS LHAG BRGYA PHRAG GCIG ,GRANGS NGES MDZAD KYI DE DAG RNAMS, ,LOGS SU BKOD PA'I DKYIL 'KHOR MIN, ,SDOM CHUNG DKYIL 'KHOR BYA BA YANG, ,RGYU SKAR DKYIL 'KHOR NANG NA MED, ,DES NA DUS 'KHOR YONGS RDZOGS DANG, ,'KHOR LO SDOM CHEN DKYIL 'KHOR DANG, ,'DUS PA DRUG DANG SGYU DRA GSUM, ,BCU GCIG DPAL LDAN RGYU SKAR GYI, ,DKYIL 'KHOR DAG TU 'DOD PA LAGS, ,'DUS PA DRUG DANG SGYU DRA GSUM, ,DKYIL 'KHOR NGOS 'DZIN DGOS CES PA, ,DGU DANG BCU GSUM BCU DGU DANG, ,NYER LNGA SO GNYIS SO BZHI YI, ,GRANGS LDAN 'DUS PA'I DKYIL 'KHOR DRUG ,ZHE GSUM ZHE LNGA ZHE DGU YI, ,GRANGS LDAN DRA BA'I DKYIL 'KHOR GSUM, , THABS RGYUD DKYIL 'KHOR DGU PO 'DI'I, ,LHA RNAMS ZHAL GSUM PHYAG DRUG PA, ,SKYIL KRUNG BZHUGS PA KHO NAR GSUNGS, ,DE NAS DRI BA'I YI GE LAS, ,GSANG 'DUS 'JAM RDOR MI BSKYOD GSUM, ,GTZO BO'I SGO NAS 'JOG BYED DAM, ,'JAM RDOR SPYAN RAS GZIGS DBANG GI ,DKYIL 'KHOR GNYIS LA DE 'DRA'I MTSAN, ,'DOGS PA'I RGYU MTSAN CI ZHES PA, ,SPYIR GYIS 'JAM RDOR PAD 'DZIN GYI, ,DKYIL 'KHOR RNAM GRANGS MANG @345A *, ,DU MCHIS, ,SKABS DON 'DUS PA LAS PHYE BA'I, ,RNAM GSUM GTZO BO'I SGO NAS 'JOG ,'DUS PA'I RTZA RGYUD DGONGS PA'I DON, ,'JAM PA'I DBYANGS KYIS BKRAL BA BZHIN, ,SLOB DPON SANGS RGYAS YE SHES KYIS, ,'JAM PA'I RDO RJES GTZO MDZAD PA'I, ,BCU DGU'I BDAG NYID DKYIL 'KHOR SOGS, ,BSKYED RDZOGS RIM PA MDZAD PA LA, ,GSANG 'DUS 'JAM PA'I RDO RJE'AM, ,'DUS PA YE SHES ZHABS LUGS ZER; ;DPAL LDAN MAR ME MDZAD DPAL LA, LHA BTZUN BLA MA BYANG 'OD KYIS, ,BDAG CAG RGYUD NI GSANG 'DUS DANG, ,YI DAM 'JIG RTEN DBANG PHYUG LA, ,DAD PAS DE DANG MTHUN PA YI, ,GDAMS PA STZOL ZHES ZHUS PA'I NGOR, ,DPAL LDAN 'DUS PA'I RTZA RGYUD KYI, ,GTZO BO 'PHO BA'I MAN NGAG GIS, ,'JIG RTEN DBANG PHYUG GTZOR MDZAD PA'I, ,SGRUB THABS GDAMS PA GSUNGS PA LA, ,GSANG 'DUS 'JIG RTEN DBANG PHYUG CES, ,GRAGS SHING DENG SANG BAR DU DAR, ,DE RJES 'GREL CHEN NANG DRANGS TSIG ,GSHIN RJE'I GSHED SOGS KHRO BO BCU, ,DE BAR BYANG CHUB SEMS DPA' GZHAN, ,ZHES PA'I KHRO BO BYANG SEMS RNAMS, ,RIGS LDAN NYI SHU RTZA LNGA DANG, ,SBYOR TSUL JI LTAR YIN ZHES PA, ,ZLA BZANG NAS BZUNG PAD DKAR BAR, ,RTZA RGYUD LUNG GIS SHIN TU GSAL, ,BZANG PO NAS BUNG DRAG PO'I BAR, ,KHRO DANG ZHI BA SBYOR BA'I TSUL, ,DPAL LDAN BLA @345B MA BSOD RGYAL NI, ,GZHAN DU BZHED KYANG DE MIN PA'I, ,LUGS 'DIR MKHAS PA'I DAM PA RNAMS, ,MTHUN PAR RIGS LDAN GSUM PA NAS, ,NYI SHU RTZA GSUM DRAG PO'I BAR, ,GSHIN RJE'I GSHED SOGS KHRO BCU DANG,, SNGAR GSUNGS BYANG SEMS ZHI BA DRUG ,LAN GNYIS BGRANGS PA SPEL BA'I MTHAR, ,'JAM DPAL 'KHOR LO CAN DANG SBYOR, ,DE NAS RTZA RGYUD 'GREL CHEN DU, ,'JAM DPAL DRAG POR GSUNGS PA DANG, ,SDOM PA GSUM GYI RAB DBYE LAS, ,PHYAG RDOR SPRUL PAR BSTAN PA LA, ,'GAL BA YOD DAM MED CES PA, ,BDAG NYID CHEN PO'I GSUNG RAB LA, ,'GAL BA YOD PAR MI SEMS TE, ,BSHAD CING 'JUG PA YANGS PA'I TSE, , STON PA RDO RJE 'CHANG NYID LA, ,DPAL LDAN 'DUS PA'I RTZA RGYUD DU, ,PHYAG NA RDO RJE ZHES BYAR GSUNGS, ,DE BZHIN 'DUS PA 'JAM RDOR GYI, ,SNYING PO MTSAN SNGAGS NYID LA YANG, ,BADZRA DHRiKA CES BYA BA YOD, ,DE'I PHYIR PHYAG NA RDO RJE 'AM, ,RDO RJE 'DZIN PA ZHES BYA BA, ,'JAM DPAL YIN GYI RIGS GSUM GYI, ,MGON PO'I NANG GI PHYAG RDOR MIN, ,DE RJES ZLA BZANG LO GCIG LAS, ,LHAG PAR DAM CHOS MA GSUNGS DANG, ,BZANG PO DANG NI RNAM RGYAL GNYIS, ,BRGYA LAS LHAG PAR CHOS GSUNGS PAR, ,'GREL BAR GSUNGS SHING SA PAn GYIS, ,LO GRANGS BRGYA BRGYAR CHOS GSUNG ZHES, ,GSUNGS LA 'GAL BA YOD DAM MED, ,CES PA YI GE 'BRI BA PO, ,SHAS CHER NOR BA @346A *, ,YIN PA 'DRA, ,RIGS LDAN RGYA MTSO RNAM RGYAL DANG, ,RGYAL DKA' GNYIS PO'I SKU TSE'I TSAD, ,GYA GNYIS KYIS LHAG BRGYA PHRAG DANG, ,BRGYA DANG NYER GCIG RIM BZHIN DU, ,DRI MED 'OD DU GSUNGS PA LAGS; ;'ON KYANG CHOS RJE PAndI TAS, ,SPYIR BTANG DBANG MDZAD DE LTAR GSUNGS, ,KHYAB MTHA' BZUNG BA'I TSUL GYIS MIN, ,DE'I PHYIR 'GAL DANG 'KHRUL PA MED, ,RTZIS GZHI RIGS LDAN GANG GI DUS, ,BYED GRUB KHYAD PAR CI ZHES PA, ,RGYAL DKA' GANG GIS NYUNG NGU YI, ,BYED PA SBYONG BAR BYED DUS CES, ,RGYAL DKA'I DUS SU DAR BAR BSHAD, ,RTZA RGYUD RGYAS PA LAS GSUNGS PA'I, ,RTZIS LA GRUB PA'I RTZIS CES GRAGS, , MU STEGS BYED PA DANG 'DRES PA'I, ,RTZIS LA BYED PA'I RTZIS CES BRJOD, ,DUS ZHABS CHEN POS RIGS LDAN NI, ,GANG LA DUS 'KHOR GSAN ZHES PA, ,'PHAGS YUL DUS 'KHOR GDAN 'DREN PA, ,RVA 'BRO GNYIS KYANG ZHAL MI MTHUN, ,RVA PA DANG POR TZI LU PA, ,DE NAS PAntE A'A TZARYA, ,DE SRAS DUS ZHABS CHEN POR BZHED, ,'BRO LUGS THOG MA DUS ZHABS CHE, ,DE YANG KHA CIG DPAL SKYONG DUS, ,DUS ZHABS CHEN PO BYUNG ZHES DANG, ,'GA' ZHIG SENG GE LA LA NI, ,RIGS LDAN NYI MA'I SKABS CES 'CHAD, ,MKHAS RNAMS ZHAL MTHUN KHUNGS 'BREL BA, ,MA MTHONG RTOG BZO BYED MA SPOBS, ,'ON KYANG 'GOS LO 'DI SKAD DU, ,RGYA BOD GNYIS KAR 'DI SKOR @346B GYI; ;LO RGYUS MI MTHUN GRANGS MANG YANG, ,RVA LUGS MANYDZU KIRTI DANG, ,'BRO LUGS ZLA BA MGON PO GNYIS, ,DUS ZHABS CHUNG BA'I DNGOS SLOB TU, ,MTSUNGS PAS YID BDER BYA'O ZHES, ,BSHAD PA JI BZHIN BDAG KYANG 'DOD,, DPAL LDAN DUS 'KHOR GRUB MTHA' DANG, ,LTA BA GANG LA BZHED CES PA, ,MDO RGYUD SPYI DANG MI 'DRA BAS, ,PHYI NANG GZHAN GSUM DBYE BA YIS, ,SBYANG GZHI SNOD BCUD RNAM GZHAG DANG, ,SNOD RUNG DBANG GI GRANGS NGES DANG,, SMIN GROL BSKYED RDZOGS THABS SHES KYI, ,SBYOR TSUL MI 'DRA'I GRUB MTHA' RNAMS, ,GRAGS PA PAD DKAR LUGS BZHIN 'DOD, ,LTA BA'I GNAD KYANG CHOS KYI RJES, ,SDOM GSUM GSUNGS BZHIN CHOS KYI DBYINGS, , SPROS DANG BRAL BA'I DE BZHIN NYID, ,JI BZHIN RTOGS PA NYID YIN TE, ,'ON KYANG RTOGS BYED THABS KYI MCHOG ,MCHOG TU MI 'GYUR BDE CHEN DANG, ,YUL DANG YUL CAN DBYER MED DU, ,SBYAR BA SEMS 'GREL SKOR GSUM LAM, ,GSUNGS PA LTA BA'I RGYAL POR 'DOD, ,BLA MED RGYUD LA GNYIS MED KYIS, ,KHYAB PAR GSUNGS PA'I GNYIS MED CI, ,ZHES PA THUN MONG MA YIN PA'I, ,LHAN SKYES BDE BA CHEN PO DANG, ,STONG NYID RO GCIG SBYAR BA YI; ;BDE STONG DBYER MED YE SHES TE, ,'DIR BSTAN GNYIS MED DON DE YIN, ,DE NYID BRJOD BYAR BYED PA'I RGYUD, ,DNGOS SAM DE YI SDER GTOGS PA'I, ,RGYUD DE BLA MED RGYUD DU 'JOG ,DE'I PHYIR GNYIS MED RGYUD CES BYA, , @347A *, ,RNAL 'BYOR BLA MED RGYUD CES PA'I, ,RNAL 'BYOR ZHES PA'ANG 'DI NYID DE, ,'DUS PA PHYI MA'I RGYUD LAS KYANG, ,THABS DANG SHES RAB SNYOMS 'JUG PA, ,RNAL 'BYOR ZHES NI BRJOD PA YIN, ,ZHES DANG BRTAG PA GNYIS PAR YANG, ,HE YIG GIS NI SNYING RJE CHE, ,BADZRA SHES RAB BRJOD PAR BYA, ,THABS DANG SHES RAB BDAG NYID RGYUD, ,DE NI NGA YIS BSHAD KYI NYON, ,ZHES GSUNGS DE BZHIN DUS 'KHOR LAS, ,THABS KYI LUS KYIS RNAL 'BYOR MIN, ,SHES RAB GCIG PUS 'GYUR MA YIN, ,THABS DANG SHES RAB SNYOMS 'JUG PA, ,DE BZHIN GSHEGS PAS RNAL 'BYOR GSUNGS, ,CES SOGS LUNG NA 'DI DAG GIS, ,THABS DANG SNYING RJE LHAN SKYES KYI, ,BDE BA CHE RNAMS DON GCIG BSTAN, ,DE LTA MOD KYI PHA MA'I RGYUD, ,GNYIS SU PHYE BA'I THABS SHES DANG, ,MING MTSUNGS DON LA KHYAD PAR YOD, ,YANG SMRAS PA, GANG GI RNAM DPYOD GTING MTHA' RAB YANGS PA; ;YON TAN NOR BUS GANG BA'I RGYA MTSO CHER, ,DRI BA'I BEEd'UR DKAR PO'I PHRENG SPEL BA'I, ,DRIS LAN RDO RJE RIN CHEN KE KE RU, ,'DZAM BU CHU BO'I GSER DANG AANDA RNYIL, ,MARGAD PADMA R'A GA LA SOGS PA'I, ,MDZES BYED RGYAN GYIS SPRAS PA'I DO SHAL MCHOG ,MKHAS RNAMS DGYES BYED MGRIN PA'I RGYAN DU 'BUL, ,'ON KYANG ZAB MO'I GNAD RNAMS RTOGS DKA' ZHING, ,BDAG CAG THOS NYUNG SBYANGS PA'I STOBS ZHAN PAS, ,MA NGES @347B LOG PAR BSHAD PA'I CHA MCHIS NA, ,DBANG GYUR DAM PA RNAMS LA BZOD PAR GSOL, ,'DIR 'BAD DGE TSOGS SKAL LDAN SHING RTA'I RGYUN, ,'GRO KUN LEGS SPYAD DAL 'GRO'I PHUNG PO DANG, ,LHAN CIG KUN MKHYEN YE SHES RGYA MTSO CHER, ,GEGS MED MTHONG BA'I CHOS LA 'JUG GYUR CIG ,CES DPAL DUS KYI 'KHOR LO'I DKA' GNAS LAS BRTZAMS PA'I DRIS LAN NGANG PA'I RGYAL PO'I MGRIN DBYANGS CES BYA BA 'DI YANG, BSLAB PA GSUM GYIS RGYUD GANG ZHING SDE SNOD GSUM GYI SGRA DBYANGS SGROGS PA'I RAB 'BYAMS SMRA BA THOS BSAM PAS YANG YANG NAN CHER BSKUL BA LA BRTEN NAS, ,RIS MED PA'I BSTAN PA DANG 'GRO BA LA PHAN PAR 'DOD PA, SH'AKYA'I DGE SLONG BLO BZANG CHOS KYI RGYAL MTSAN GYIS, CHOS GRVA CHEN PO BKRA SHIS LHUN PO'I GTZUG LAG KHANG DU SUG BRIS SU BYAS PA'O, ,'DIS KYANG THUB PA'I BSTAN PA NYI 'OD LTAR GSAL BAR GYUR CIG , ,, NA MO GU RU MANYDZU GHO sh'A YA, RAB 'BYAMS RGYAL BA'I 'KHOR LO KUN GYI GTZO, ,KHYAB BDAG RDO RJE SEMS DPA'I ZHABS PAD LA, ,BTUD NAS RAB 'BYAMS SMRA BA GANG DE YIS, ,DRIS PA'I LAN RNAMS RIM BZHIN BRJOD PAR BYA, , DE YANG THOG MAR DRI BA 'GOD PA NI, MKHAS MANG 'DUS PA'I CHOS GRVA CHEN PO 'DIR, ,RDO RJE PHRENG BA'I DBANG GI BRGYUD PA DANG DKYIL 'KHOR GYI ZHAL GRANGS MKHAS PA RNAMS LA ZHUS CHE GRANGS KYI RNAM GZHAG CHER GSUNG MKHAN @348A *, ,MA BYUNG LAGS, RGYA GAR DANG BOD DU LUGS SROL JI LTAR YOD CES PA, GRANGS LA DKYIL 'KHOR DANG, LHA'I GRANGS GNYIS LAS, DKYIL 'KHOR GYI GRANGS NI LOTZTSA BA KHE GAD 'KHOR LO GRAGS KYIS RDO RJE PHRENG BA'I 'GYUR DANG POR MDZAD CING DE RJES KHAMS PA LOTZTSA BA SHES RAB DPAL GYIS KYANG BSGYUR, LO TZTSA BA 'DI GNYIS SLOB DPON CHEN PO AA BHA Y'A KA RA'I DNGOS SLOB YIN KYANG PHRENG BA'I DBANG GSAN PA'I GTAM DANG, DE GNYIS LAS BRGYUD PA'I RIM PA YANG MA MCHIS, DE RJES CHAG LO CHOS RJE DPAL GYIS PAndI TA RATNA RAKshI TA SOGS LA BRTEN NAS 'GYUR BCOS MDZAD CING DBANG RDZOGS PAR GSAN, RTZA BA'I DKYIL 'KHOR NYI SHU RTZA BRGYAD DU BSDUS, DE'I DBANG THOB PAS DE RNAMS LAS PHYE BA'I DKYIL 'KHOR THAMS CAD KYI DBANG THOB PAR BZHED, NYER BRGYAD PO DE RNAMS KYI LHA'I GRANGS KYANG 'DUS PA 'JAM RDOR LHA BCU DGU'I DKYIL 'KHOR, 'DUS PA 'PHAGS LUGS LHA SO GNYIS, KHA SBYOR NAS 'BYUNG BA'I RDOR SEMS LHA SO BDUN, GDAN GZHI YUM BKA' 'AM YE SHES MKHA' 'GRO LHA BCU GSUM, KYEE RDOR MTSON CHA CAN LHA BCU BDUN, BDAG MED LHA MO BCO LNGA MA DANG NYER GSUM MA, KU RU KU LLE LHA BCO LNGA, MA H'A MA YA LHA LNGA, RDO RJE BDUD RTZI LHA NYER GCIG ,DGYES PA RDO RJE LHA DGU ,RDO RJE H'Um MDZED KHRO BO BCUS BSKOR BA, BDE MCHOG @348B LHA DRUG CU RTZA GNYIS, PHAG MO LHA SO BDUN, SANGS RGYAS THOD PA LHA NYER LNGA MA DANG LHA DGU MA, RDO RJE GDAN BZHI LHA NGA BRGYAD, SAMBU tA NAS 'BYUNG BA'I RDO RJE SGROL MA LHA BCU GCIG ,'OD ZER CAN LAH NYER LNGA, GRVA LNGA LHA BCU GSUM, RDO RJE DBYINGS RTZA BA'I LHA ZHE GSUM, SGYU 'PHRUL DRA BA'I 'JAM RDOR LHA ZHE GSUM, CHOS DBYINGS GSUNG DBANG LHA NYIS BRGYA NYER GCIG ,GTZUG DGU RTZA BA'I LHA SO BDUN, 'BYUNG 'DUL LHA SO BZHI, GUR RIGS BSDUS SAM MKHA' 'GRO LNGA'I DKYIL 'KHOR LHA NGA GSUM, 'KHOR LOS BSGYUR DRUG LHA DON GNYIS, DUS 'KHOR YONGS RDZOGS TE NYI SHU RTZA BRGYAD DO, ,YANG DE LAS PHYE BA RTZA BA'I DKYIL 'KHOR ZHE GNYIS SU BYED NA KHA SBYOR LAS 'BYUNG BA'I BDE MCHOG RDOR SEMS KYI DKYIL 'KHOR GNYIS SU PHYE, KYEE RDOR LHA BCU BDUN MA DANG LHA DGU MA GNYIS LA BZHI BZHIR PHYE, BDE MCHOG YAB BKA' DANG YUM BKA' GNYIS LA GSUM GSUM DU PHYE, RDO RJE BDUD RTZI'I DKYIL 'KHOR BZHIR PHYE BAS BZHI BCU RTZA GNYIS SU BYED PA DANG, YANG DE'I STENG H'Um MDZAD KYI DKYIL 'KHOR YANG BZHIR PHYE BAS ZHE LNGAR YANG MDZAD PA 'DUG ,DE GNYIS KA'I STENG GZHAN NAS 'BYUNG BA'I GZA' YUM, NOR RGYUN MA, RNAM RGYAL GYI DKYIL 'KHOR GSUM LA BDE LEGS SU BYED PA'I DKYIL 'KHOR GSUM ZHES BSNAN NAS, PHRENG BA'I DKYIL 'KHOR ZHE LNGA DANG ZHE BRGYAD KYI RNAM GZHAG DANG, YANG ZHE LNGA'I STENG DU, @349A *, ,DUS 'KHOR THUGS DKYIL, RDOR DBYINGS SNGAR DANG CUNG ZAD KHYAD YOD PA ZHIG ,GRVA LNGA DANG, GUR RIGS BSDUS MKHA' 'GRO LNGA DANG, 'KHOR LOS BSGYUR DRUG RNAMS RE RER BYAS PA'I DKYIL 'KHOR RNAMS BSNAN PA'I DRUG CU DANG, BDE LEGS SU BYED PA'I DKYIL 'KHOR GSUM DANG BCAS DRUG CU RE GSUM DU BYED PA SOGS DKYIL 'KHOR GYI GRANGS MI MTHUN PA'I PHYAG LEN SO SOR MDZAD PA 'DUG KYANG, PHRENG BA'I LHA DANG DKYIL 'KHOR GYI DBYE BSDU'I RNAM DBYE SHES PA'I RDO RJE SLOB DPON GYIS RTZA BA'I DKYIL 'KHOR RGYAS BSDUS CI 'DRA ZHIG MDZAD KYANG 'GAL BA MED SNYAM SEMS, 'ON KYANG BZHI BCU ZHE GNYIS SU PHYE BA NYID DAR SO CHE ZHING RGYAS BSDUS KYANG 'TSAM PAR RTOGS, YANG MKHAS PA 'JAM DBYANGS RAL GRI NI PHRENG BA LAS PHYE BA'I DKYIL 'KHOR DRUG STONG LNGA BRGYA NYI SHU RTZA LNGA YOD PAR BZHED DE, RTZA BA'I DKYIL 'KHOR NYER BRGYAD KYI DBANG THOB PAS DE DAG THAMS CAD KYI DBANG 'THOB CES GSUNGS, DUS PHYIS PHRENG BA SKOR GSUM GYI BDAG POR BYED PA CHAB MDO CHOS RJE SNGAGS RAM PA YANG RTZA BA'I DBANG NYER BRGYAD DAM ZHE GNYIS KYI DBANG THOB PAS DE LAS PHYE BA'I DKYIL 'KHOR NYIS STONG DRUG BRGYA BDUN CU'I DBANG 'THOB PAR 'GYUR GSUNG BA 'DUG PAS BRTAG PAR BYA ZHING LHA'I GRANGS KYANG GONG DU @349B BRJOD PAS SHES PAR 'GYUR RO, ,RGYA BOD GNYIS SU LUGS SROL JI LTAR BYUNG BA'I BRGYUD RIM NI, RGYAL BA RDO RJE 'CHANG, RJE BTZUN RDO RJE RNAL 'BYOR MA, DES BSKUL ZHING BYIN GYIS BRLABS PA SLOB DPON CHEN PO AA BHA YA KA RA, SLOB DPON 'DI JO BO CHEN PO LHA GCIG DANG DUS MTSUNGS SHING, BGRES GZHON YANG MTSUNGS PAS, ,DE LAS SNGA BA RGYAN DRUG MCHOG GNYIS DANG, N'A RO MEE TRI SOGS KYIS PHRENG BA KHRIGS CHAGS SU GSAN PAR MI 'DUG ,GRUB CHEN N'A YA KA ,PAn CHEN DA SHA BA LA SHR'I, BI KHY'A TA DE PA, PAndI TA DGE BA'I 'BYUNG GNAS, LEGS SPYOD 'BYUNG GNAS SBAS PA, PAndI TA SV'A TI A'A KA RA GUPTA, SH'AKYA RAKshI TA RNAMS MKHAS GRUB AA BHA Y'A KA RA LA PHRENG BA DNGOS SU GSAN PA'I RGYA GAR BA SHA STAG YIN ZHING, 'DI RNAMS CI RIGS LAS BRGYUD PA BOD DU'ANG DAR PAS SLOB DPON 'DI RNAMS LAS RGYA GAR DU RGYAS PAR GYUR LA CHE, RGYU MTSAN ZHIB PA MA NGES; 'ON KYANG PAn CHEN BI KHY'A TA DE BA'AM RNAM BSHAD LHAS, SLOB DPON GYI DNGOS SLOB N'A YA KA DANG, DA SHA BA LA SHR'I'AM STOBS BCU'I DPAL GNYIS KA LA'ANG GSAN, DE LA PAn CHEN SH'AKYA SHR'IS GSAN, PAn CHEN GYIS BOD DU RTZA BA'I DKYIL 'KHOR NYER BRGYAD KYI SGO NAS DBANG BSKUR LAN GSUM MDZAD PA'I DANG PO GNYIS BLA MED KHO NA'I LUGS DANG, PHYI MA BOD RNAMS RTOG PA CHE BAS RGYUD SDE SO SOR MA PHYE @350A *, ,NA DBANG MI 'THOB PA 'DRA GSUNGS RGYUD SDE PHYE NAS MDZAD CES GRAGS SHING DE LAS BRGYUD PA MANG DU 'PHEL, YANG RATNA RAKshI TA LA ZHANG LO TZTSA BA GRUB PA DPAL GYIS ZHUS SHING DE LAS BRGYUD PA YANG MA CHAD PA MCHIS, YANG PHYIS PAn CHEN NAGS RIN GYIS KYANG SNE'U GDONG DU PHRENG BA'I DKYIL 'KHOR ZHE LNGAR PHYE BA'I DBANG LAN GNYIS BLA MED LUGS SU MDZAD, RGYUD SDE SO SOR PHYE NA ZHUS PAS PHYE NA LEGS PO 'ONG GSUNGS, 'O NA MA PHYE BA JI LTAR LAGS ZHUS PAS, NGAS AA BHA Y'A KA RA'I LUGS SU BYAS PA YIN, AA BHA YAS NI RGYUD SDE SO SOR MA PHYE GSUNGS, DE DUS DBANG GSAN PA LA, DPAL YID BZANG RTZE PA, CHAG LO, KUN MKHYEN RONG STON, SNAR THANG MKHAN CHEN BSOD NAMS MCHOG GRUB, THAMS CAD MKHYEN PA BYAMS PA GLING PA, 'BRAS SPUNGS CHOS RJE LEGS PA CHOS 'BYOR, LO CHEN BSOD NAMS RGYA MTSO SOGS DAM PA MANG PO 'DUG PAS SO SOS DAR RGYAS MDZAD PAR SEMS, DE'I BRGYUD PA YANG, BI KHY'A TA DE BA NAS, SHR'I BHA DRA, L'A LI TA BADZRA, DHARMA GUPTA, RATNA KA RA, PADMA BADZRA, RATNA KIRTI; SANGS RGYAS DBYANGS, PAn CHEN NAGS RIN, YANG YAR LUNG LO TZTSA BA GRAGS PA RGYAL MTSAN GYIS KYANG PAntI TA BH'U MI SHR'I LA PHRENG BA RDZOGS PAR ZHUS SHING PHRENG BA SKOR GSUM GYI BDAG POR BYED PAS DE LAS @350B BRGYUD PA YANG RAB TU DAR RO, ,DE BAS NA GANGS RI'I LJONGS KYI DGE BA'I BSHES GNYEN GSAN RGYA YANGS PA PHAL CHER GYI THUGS KYI BUM BZANG LHA'I BDUD RTZI 'DI NYID KYIS GANG BAS BRGYUD TSUL MTHA' DAG BRJOD PAR GA LA NUS, RJE NGOR CHEN GYIS KYANG PHRENG BA RGYAS PAR MDZAD PA'I RGYUN YANG CHAD PA MED PA MCHIS PAS 'DIR BRJOD GA LA DGOS, KHO BO CAG RANG GIS THOB PA'I BRGYUD PA NI, BRGYUD RIM GYI GSOL 'DEBS CIG SNGON DU BKOD ZIN PAS 'DIR MA SPROS LAGS, DE'I RJES SU DRI BAR, GSANG 'DUS NAS GSUNGS PA'I DKYIL 'KHOR DU, DGYES RDOR NAS GSUNGS PA'I DKYIL 'KHOR DU, BDE MCHOG NAS GSUNGS PA'I DKYIL 'KHOR DU, DUS 'KHOR NAS GSUNGS PA'I DKYIL 'KHOR DU, GZHAN BLA MED NAS GSUNGS PA'I DKYIL 'KHOR YOD DAM MED, BYA RGYUD NAS GSUNGS PA'I DKYIL 'KHOR DU, SPYOD RGYUD NAS GSUNGS PA'I DKYIL 'KHOR DU, RNAL 'BYOR RGYUD NAS GSUNGS PA'I DKYIL 'KHOR DU, 'DIR MKHAS PA RNAMS LA NGOMS CHOG PA'I PHEBS GSAL ZHU ZHU, ZHES PA'I LAN NI, 'DUS PA 'JAM RDOR LHA BCU DGU MA DANG 'DUS PA MI BSKYOD PA LHA SO GNYIS KYI DKYIL 'KHOR GNYIS 'DUS PA'I RGYUD LAS GSUNGS, KYEE RDOR ZHAL BRGYAD PHYAG BCU DRUG PA, ZHAL GSUM PHYAG DRUG PA, ZHAL GCIG PHYAG BZHI PA, ZHAL GCIG PHYAG GNYIS @351A *, ,PAS GTZO BO MDZAD PA, LHA DGU'I DKYIL 'KHOR BZHI BRTAG GNYIS DANG, SAMBU tI BDE DGYES THUN MONG BA'I BSHAD RGYUD YIN PAS, RDOR SEMS KYI DKYIL 'KHOR DANG YE SHES MKHA' 'GRO'I DKYIL 'KHOR DANG, DGYES RDOR PHYAG BCU DRUG PA DANG PHYAG DRUG PA, PHYAG BZHI PA, PHYAG GNYIS PAS GTZO BO MDZAD PA LHA BCU BDUN GYI DKYIL 'KHOR BZHI SAMBU tI DANG, GUR BRTAG SAM GSUM GA NAS BDAG MED MA'I DKYIL 'KHOR GNYIS DANG, BRTAG GNYIS SAMBU tI GNYIS GA NAS KU RU KULLE'I DKYIL 'KHOR GSUNGS, BDE MCHOG YAB BKA' LHA DRUG CU RE GNYIS PA'I DKYIL 'KHOR GSUM, YUM BKA' PHAG MO LHA SO BDUN MA'I DKYIL 'KHOR GSUM RNAMS BDE MCHOG GI RGYUD RNAMS LAS GSUNGS, DUS 'KHOR YONGS RDZOGS KYI DKYIL 'KHOR NI DUS 'KHOR BSDUS RGYUD 'GREL CHEN DANG BCAS PA LAS GSUNGS, GZHAN BLA MED KYI RGYUD LAS GSUNGS PA'I DKYIL 'KHOR SHIN TU YOD DE, MA H'A MA YA'I DKYIL 'KHOR NI DE NYID KYI RGYUD DANG, SANGS RGYAS THOD PA'I DKYIL 'KHOR GNYIS NI THOD PA'I RGYUD DANG, RDO RJE BDUD RTZI'I DKYIL 'KHOR RNAMS NI DE NYID KYI RGYUD DANG, RDO RJE H'Um MDZAD KYI DKYIL 'KHOR RNAMS NI RDO RJE MKHA' 'GRO'I RGYUD DANG, 'JAM RDOR ZHE GSUM MA'I DKYIL 'KHOR NI SGYU DRA DANG, @351B DGRA NAG LHA BCU GSUM MA NI DE NYID KYI RGYUD DANG, MKHA' 'GRO LNGA NI GUR RIGS BSDUS YIN PAS RDO RJE GUR DANG, 'KHOR LO BSGYUR DRUG NI AA BHI DHA NA'I RGYUD LAS GSUNGS SHING DE THAMS CAD BLA MED KHO NA LAGS, RDOR DBYINGS, CHOS DBYINGS GSUNG DBANG, GTZUG DGU'I DKYIL 'KHOR GSUM NI RNAL 'BYOR RGYUD DE, THOG MTHA' GNYIS DE NYID 'DUS PA DANG GTZUG DGU'I RGYUD LAS RIM BZHIN GSUNGS, CHOS DBYINGS GSUNG DBANG GI DKYIL 'KHOR NI, SPYIR MTSAN BRJOD DUS 'KHOR DANG MTHUN PAR TSAD LDAN GYIS BKRAL YANG SLOB DPON 'JAM DPAL GRAGS PAS RNAL 'BYOR RGYUD DU BKRAL BA LTAR YIN ZHING, PHYAG RDOR 'BYUNG 'DUL SPYOD RGYUD DANG 'BREL, GRVA LNGA, 'OD ZER CAN GNYIS BYA RGYUD DE, RIM BZHIN 'BYUNG 'DUL GYI RGYUD, GRVA LNGA'I GZUNGS, 'OD ZER CAN GYI RTOG PA RNAMS LAS BSTAN PA'O, ,RNAM DPYOD RGYAN GYIS MNGON MDZES PA'I, ,DRI BA'I DKAR 'JAM SOR MO YIS, ,BSKUL BAS DRI LAN RGYUD MANG GI ,GDANGS SNYAN RNA BA'I DGA' STON 'GYED, ,'DIR 'BAD DGE BA ZLA ZER GYIS, ,PHYE BA'I KUNDA LTAR DKAR DE, ,KHAMS GSUM 'GRO BA MA LUS PA, ,SGRIB GNYIS G-YUL LAS RGYAL PHYIR BSNGO, ZHES RDO RJE PHRENG BA LA BRTEN PA'I 'BEL BA'I GTAM DU BYA BA 'DI YANG, DGE BA'I BSHES @352A *, ,GNYEN RAB 'BYAMS SMRA BA THOS BSAM PAS BSKUL BA LA BRTEN, RIS MED PA'I RGYAL BA'I BSTAN PA MTHA' DAG LA DAD PA DANG LDAN PA, SH'AKYA'I DGE SLONG BLO BZANG CHOS KYI RGYAL MTSAN GYIS; CHOS GRVA CHEN PO BKRA SHIS LHUN PO'I GTZUG LAG KHANG DU SBYAR BA'I YI GE PA NI DKA' BCU TSOGS GSOG PA LEGS PA CHOS 'BYOR RO, ,'DIS KYANG RGYAL BA'I BSTAN PA MI NUB PA'I RGYAL MTSAN DU GYUR CIG , ,,SDE SNOD 'DZIN PA DRUNG GNAS TSOGS GSOG PA'I, ,DKA' GNAS DOGS PA'I DRI TSIG 'BYOR PAS SPRO, ,DON DAM DPYAD TSE CHOS KUN MI DMIGS NA, ,RNAL 'BYOR PA YIS BDAG MED BSGOM PA'I TSE, ,NGA SOGS GTAN MED BSGOM PAS MA KHYAB STE, ,DNGOS PO BYAS PA CAN LA MA REG PAR, ,RANG BZHIN 'BA' ZHIG MNGON DU MDZAD PA'I NGOR, ,BUM SOGS CHOS RNAMS THAMS CAD YOD MIN YANG, ,JI LTA GZIGS PA'I YE SHES DE NYID KYIS, ,BUM SOGS GTAN MED RTOGS PA MA YIN BZHIN, ,RNAM BDUN RIGS PAS BDAG DANG SHING RTA SOGS, ,DPYAD TSE DE DAG MED PAR SHIN TU 'DOD, ,GAL TE DE'I TSE DE DAG MI RNYED LA, ,YOD CES SMRA BA LHAG PAR MI RIGS TE, ,YOD NA TSAD MAS RNYED PAS KHYAB PHYIR RO, ,SLOB LAM DUS SU RTZE GCIG CHOS NYID LA, ,MNYAM PAR @352B BZHAG TSE BDAG DANG PHUNG PO SOGS, ,CUNG ZAD MI SNANG YOD PAR MI DMIGS KYANG, ,DE DAG GTAN MED BSGOM PA MA YIN NO, ,TSUL 'DI LUNG RIGS SMRA BA GANG DE YIS, ,LEGS PAR DRIS TSE NAM MKHA'I RNAL 'BYOR PA, ,BLO BZANG CHOS KYI RGYAL MTSAN ZHES BYAS SMRAS, ,DGE BAS RNAM DPYOD YANGS PA'I GUS LDAN DE'I, ,THE TSOM RTZA BA BDAG 'DZIN CHOD GYUR CIG ,CES PA 'DI YANG RIGS PAR SMRA BA BLO BZANG CHOS KYI RGYAL MTSAN GYIS SMRAS PA'O,, ,,TSOGS GSOG DKA' BCU 'DZIN PA GANG DE YI, ,DRI YIG LEGS 'BYOR RING SONG RTZA 'GREL GYI, ,SKABS 'DIR NYAN RANG 'PHAGS PAS CHOS KYI NI, ,BDAG MED RTOGS PAR BSGRUBS SHING DMAN PA'I MDOR, ,CHOS KYI BDAG MED MDOR BSDUS BSTAN PA'I TSUL, ,BSGRUB DGOS GTZO BO LEGS LDAN 'BYED YIN PA, ,ZLA BA'I BZHED PAR RGYAL BA GNYIS PAS GSUNGS, ,DE'I PHYIR SLOB DPON DE YI MTHAR THUG GI, ,DGONGS PA MI SHES DNGOS ZIN GRUB PA'I MTHA', ,THEG DMAN MDO LAS CHOS KYI BDAG MED PA, ,MA BSTAN DE'I PHYIR THEG DMAN 'PHAGS TSOGS KYIS, ,CHOS KYI BDAG MED RJES DPAG TZAM GYIS KYANG, ,RTOGS MA MYONG ZHES GSUNGS DBYANGS MTHON POS SGROG ,TSUL 'DI DGONGS LA 'DUS PA'I TSOGS DBUS SU, , @353A *, ,LEGS PAR BSHAD PA'I DGA' STON SPEL BAR MDZOD, CES KYANG CHOS SMRA BA BLO BZANG CHOS KYI RGYAL MTSAN GYIS BGYIS PA'O,, ,,NA MO GU RU MANYDZU GHO sh'A YA; LUNG RIGS SMRA BA GNYIS KYI YI GE 'BYOR, ,t'I KA CHEN BA SO CHOS RJE'I LTA KHRID DON, ,DON DAM MED PAS MED GO MI CHOD CING, ,THA SNYAD YOD PAS YOD GO CHOD PA YI, ,DON YIN DE LAS GZHAN DU BSHAD MI BYA; ;DPYAD GZHI NGA SOGS CHOS CAN MTHA' DAG LA, ,DON DAM DPYOD BYED RIGS PAS DPYAD PA'I TSE, ,NGA SOGS MA RNYED DE'I TSE YOD PA'ANG MIN, ,DON DAM DPYOD BYED RIGS PA YANG DAG GIS, , DPYAD TSE'ANG YOD NA NGA DE BDEN GRUB 'GYUR, ,MTHAR THUG DPYOD PA'I RIGS PAS PHUNG SOGS LA, ,DPYAD TSE PHUNG SOGS MI DMIGS MI RNYED CING, ,DE LTAR MI DMIGS PA DE PHUNG SOGS KYI, , GNAS LUGS YIN ZHES ZAS GTZANG SRAS DES GSUNGS, ,DON DAM DPYOD PA'I RIGS PAS LEGS DPYAD DE, ,DPYAD DON MNYAM PAR BZHAG PA'I NGOR DGONGS NAS, ,SMRA BSAM BRJOD MED SPROS PA KUN BRAL BA, ,RGYAL YUM RTZA 'JUG BZHI GSUM DGONGS DON YIN, ,DE LTA MOD KYI MA BRTAGS MA DPYAD PAR, ,RGYU 'BRAS RTEN 'BREL RI MO CHES BKRA BA, ,'GAG MED ZUNG DU 'BREL @353B BA'I RNAL 'BYOR 'DI, ,DUS GSUM RGYAL BA KUN GYI LAM YIN ZHES, ,BDAG CAG PHA RGAN RGYAL BA GNYIS PA'I RJE, ,BLO BZANG GRAGS PA'I DPAL DE DE LTAR BZHED, ,TSUL 'DI SDE SNOD 'DZIN PA RNAM GNYIS KYIS; ;RGYAL BYAS DRI BA 'DI YI LAN GYIS CES, ,SPRINGS PAR GYUR TSE CHOS KYI RGYAL MTSAN GYIS, ,THOGS MED BRIS PA'I SOM NYI SEL GYUR CIG ,CES KYANG BTZUN PA BLO BZANG CHOS KYI RGYAL MTSAN GYIS SMRAS PA'O,, ,,SVASTI, RAB 'BYAMS SMRA BA BSTAN PA'I RGYAL MTSAN GYI, ,ZHIB MO'I YI GE LEGS PAR 'BYOR PAS TSIM, ,PHUNG POR BTAGS PA'I GANG ZAG LA SOGS PA; ;'KHOR 'DAS CHOS RNAMS MA LUS JI SNYED PA, ,THAG KHRA BSNGOGS PA'I STENG GI SBRUL JI BZHIN, ,RTOG PAS BTAGS PA TZAM ZHIG MA GTOGS PA, ,DON LA GRUB PA CUNG ZAD YOD MIN ZHES, , THUB DBANG KLU SGRUB YAB SRAS ZLA BA'I ZHABS, ,BLO BZANG RGYAL BA'I DBANG PO'I BZHED PA'I PHUL, ,TSUL 'DI NGES NA RGYAL BAS CHOS RNAMS KUN, ,MING RKYANG BTAGS YOD TZAM DU GSUNGS PA LA, ,RMAD DU BYUNG BA'I YID CHES RNYED PAR 'GYUR, ,'ON KYANG LTA BA'I ZAB GNAD 'DI DAG NI, ,PHRA ZHING SHIN TU RTOGS PAR DKA' BA'I PHYIR, ,BLO CHUNG RNAMS LA SKRAG PA SKYE ZHES GSUNGS, ,DE SKAD SMRA BA @354A *, ,MANG THOS DBU MA PA, ,BLO BZANG CHOS KYI RGYAL MTSAN ZHES BYA YIN, ,DE BAS DAD LDAN RNAM DPYOD YANGS PA DE, ,'JIG TSOGS LTA BA'I GDON LAS GROL GYUR CIG ,CES PA 'DI YANG CHOS SMRA BA BLO BZANG CHOS KYI RGYAL MTSAN GYIS SMRAS PA'O,, ,,NA MO GU RU MU NI AINDRA YA, DUS GSUM RGYAL BA'I SKU GSUM YE SHES KYI, ,NGES GSANG NAM MKHA'I MDZOD LA DBANG BSGYUR BA, ,LHA BCAS 'GRO BA'I STON PA BCOM LDAN 'DAS, ,SH'AKYA'I GTZO BO DE YIS DGE LEGS STZOL, ,DAD PA'I ME LCES SNYING MTSO KHOL BA YI, ,SHUGS RING DUS MTHA'I RLUNG LTAR BZLOG DKA' BA, , SGRIB MED GZIGS KYANG SEL BAR MI MDZAD PA, ,BCOM LDAN THUGS RJE CAN DE GANG DU GSHEGS, ,BU RAM SHING PA'I RNAM THAR BDUD RTZI'I RGYUN, ,TZAN DAN BRDAR BA LTA BU'I BSIL BAS KYANG, ,NYA YI TOG SDE CAN LA DMYAL ME LTAR, ,GDUNG BA LHAG PAR STZOL 'DI RMAD DU BYUNG, ,GANG GI MTSAN SNYAN GRAGS PA'I 'OD DKAR GYI, ,BYUG PA YIS KYANG 'DOD PA'I NYAG PHRAN LNGA, ,'PHEN BYED DANG BCAS RI MO'I GNAS 'GOD PA'I, ,TSUL 'DI BSAMS TSE DAD PA'I MCHI MA 'KHRUG ,G-YO MED ZHI BA'I MAL DU RTAG GZIMS KYANG, ,JI SRID LEGS BRIS LAM BZANG MTHAS KLAS PAR, ,RNAM DKAR PHUN TSOGS SPROS PA'I 'JO SGEG @354B GIS; ;RNAM ROL RGYAL BA'I MDZAD PA SNYING LA DRAN, ,PHYOGS DUS KUN TU BDE GSHEGS GRANGS MANG YANG, ,MI MJED ZHING 'DIR DON KUN GRUB PA LAS, ,LHAG PA'I RKANG GNYIS GTZO BO GA LA ZHIG ,YONGS 'DU'I TSAL NA RKANG 'THUNG GNYIS PA BZHIN, ,RGYAL KUN MKHYEN BRTZE MA LUS GZUGS GYUR TE, ,THUN MTSAMS LI KHRI'I BLA MTHANG GOS GYON NAS, ,BRGYAD KHRI BZHI STONG RGYUD MANG SNYAN SGROG NA, ,YON TAN PHUNG PO KHYOD DANG MTSUNGS PAR 'GYUR, ,SHES BYA'I PHA MTHA' BRGAL BA'I MKHYEN PA DANG, ,'GRO 'DI BU SDUG LTAR DGONGS BRTZE BA YIS, ,RAB 'BYAMS RGYAL BA GZHAN GYI MKHYEN BRTZE YANG, ,YUNGS 'BRU'I GO SAR BDAG GI STON PAS BKOD, ,TSOGS GNYIS YONGS SU SMIN PA'I MDZES SDUG GI ,LANG TSO RAB RGYAS KUN MKHYEN NYI MA'I GNYEN, ,GANG 'DIS DUS GSUM RGYAL BA SRAS BCAS KYI, , CHAGS BRAL THUGS KYANG ZHAGS PA MED PAR BZUNG, ,SKU DANG ZAG MED YE SHES BDE BA CHE, ,GSANG CHEN ZAD MED DBYINGS LA DBANG BSGYUR BA, ,TSUL 'DIS BLO CHUNG SKRAG PA'I GNAS BKOD CING, , BLO MCHOG RNAMS LA DGA' BDE MCHOG SBYIN MDZAD, ,SNYIGS MA'I BSREG ZA 'BAR BAS THUGS RJE CAN, ,PHAL CHER ZHING GZHAN MYUL BA'I ZOL BRTEN TSE, ,SNYING STOBS YON TAN RGYAS PA'I SPRIN CHEN LAS,, @355A *, ,BSIL BA'I DNGOS PO SGYU 'PHRUL SRAS POS BSTZAL, ,GANG GI SGRIB BRAL YE SHES SNGAGS RDZAS KYIS, ,MA RUNGS RTZOD DUS RDZOGS LDAN DU SPRUL NA, ,SH'AKYA'I GTZO BO KHYOD NI DPE ZLA DANG, , BRAL BA SGYU MA'I MKHAN PO LAGS SAM SNYAM, ,GANG DAG THE TSOM TZAM GYIS MGON PO LA, ,LAG PA'I KU MUD SNYING GAR 'DZUM BYED NA'ANG, ,LHA YI PHUN TSOGS MCHOG LA MGRON GNYER NA, , DANG BA'I SEMS KYIS 'DUD LA SMOS CI 'TSAL, ,ZLA LTAR BSIL YANG RGUD PA'I BUD SHING BSREG ,ME LTAR 'BAR YANG NYON MONGS DRI MA 'KHRUG ,MA BCOL BAR YANG LEGS PA KUN MDZAD PA'I, ,MA 'DRIS MDZA' BSHES KHYOD NI BDAG GI MGON, ,'DI LTAR BSKRUN PA'I LEGS SPYAD 'OD DKAR CAN, ,JI SNYED THOB DES 'GRO BA'I YID KYI MKHA', ,NYON MONGS MUN PAS KHEBS PA BSAL BYAS TE, ,THUB BSTAN KUN DA BZHAD PA'I DPAL GYUR CIG ,, CES SHANGS GRVA TSANG CHEN MOR 'PHAN GYI PHRENG BA PHUL BA'I TSIGS SU BCAD PA 'DI YANG SH'AKYA'I BTZUN PA BLO BZANG CHOS KYI RGYAL MTSAN GYIS BKOD PA'O;; ,,NA MO GU RU SH'AKYA MU NI YE, RGYAL BA'I SKU BRNYAN GYIS BKRA BA'I, ,BKRA SHIS 'PHAN GYI PHRENG BA 'DI, ,BLO BZANG CHOS KYI RGYAL MTSAN GYIS, ,BSAGS PA'I DGE @355B TSOGS RGYA MTSO DE, ,BLO BZANG BSTAN PA RGYAS PA DANG, ,MA RGAN 'GRO BA MA LUS PA, ,KUN MKHYEN MYUR DU THOB PHYIR BSNGO, ,ZHES PA DPAL 'KHOR CHOS SDE'I GRVA TSANG BDUN SO SOR 'PHAN SKOR RE GNANG BA'I ZHAL YIG GO , ,,AOm BDE LEGS SU GYUR CIG ,RGYAL BA'I SKU BRNYAN GYIS MDZES PA'I, ,BKRA SHIS 'PHAN DKAR 'PHRENG BA 'DI, ,BLO BZANG CHOS KYI RGYAL MTSAN GYIS, ,GRVA TSANG CHEN MO'I GTZUG LAG KHANG, ,MDZES PAR BYED PA'I RGYAN DU PHUL, ,DGE BAS PHAN BDE KUN GYI GZHI, ,SANGS RGYAS BSTAN PA RGYAS PA DANG, ,'GRO KUN BYANG CHUB MCHOG THOB SHOG ,BSLAB GSUM LDAN PA'I BLO GSAL MTHA' DAG GIS, ,GNAS 'DI YONGS GANG BSHAD DANG BSGRUB PA YI, ,THUB PA'I BSTAN PA PHYOGS BCUR RGYAS BYED CING, ,PHUN TSOGS DPAL LA ROL PA'I BKRA SHIS SHOG ,CES SHANGS GRVA TSANG CHEN MOR KHA BTAGS KYI 'PHAN SKOR DE BZHIN GSHEGS PA'I SKU BRNYAN GYIS MTSAN PA PHUL BA'I TSIGS SU BCAD PA 'DI YANG, SH'AKYA'I BTZUN PA BLO BZANG CHOS KYI RGYAL MTSAN GYIS SMRAS PA'O,, ,, GANG ZHIG BSTEN PAS KUN NAS NYON MONGS PA'I, ,MTHUN PHYOGS TSA GRANG 'TSE BA KUN SKYOB CING, ,DRAN SHES NGO TSA KHREL YOD BAG LDAN PA'I, ,PHUN TSOGS SKYED BYED NGUR SMRIG MDANGS LDAN PA, ,RGYAL @356A *, ,BAS BSNGAGS PA'I NA BZA' SNAM SBYAR 'DI, ,MA PHAM RGYAL BA'I DBANG PO'I SKU LA GSOL, ,DGE BAS MAR GYUR 'GRO BA MA LUS PA, ,RGYAL TSAB SRAS KYI THU BOR 'GYUR BAR SHOG , BLA MED STON PA DE YIS LEGS BSNGAGS SHING, ,BGRANG YAS DGRA BCOM BYE BA'I PHYAG MDZES PA, ,NYON MONGS SDUG BSNGAL BRAG RI GSIL BYED 'DI, ,BYAMS MGON 'GRO BA'I BLA MA'I PHYAG TU 'BUL, ,DGE BAS BDAG DANG MAR GYUR 'GRO BA KUN, ,MA PHAM CHOS KYI BDUD RTZI'I DGA' TSAL DU, ,'DOD DGUR SPYOD PAS BYAMS BSTAN RGYAS BYED CING, ,MTHA' YAS 'GRO BA 'DREN PA'I MCHOG GYUR CIG ,STON PA MCHOG DANG 'PHAGS PA'I TSOGS RNAMS KYI, ,PHYAG GI PAD MTSO MDZES PA'I BUNG BA BZHIN, ,DRANG SRONG SNOD MCHOG 'BRAS BUS GANG BA 'DI, ,RGYAL TSAB DAM PAR PHUL BA'I RNAM DKAR MTHUS, ,BDAG DANG MKHA' MNYAM 'GRO BA THAMS CAD KYI, ,SHES RGYUD YON TAN RGYA MTSO'I SNOD GYUR NAS, ,MTHO RIS THAMS CAD MKHYEN PA RGYU 'BRAS KYI, ,ZAG MED BDUD RTZI'I DPAL LA LONGS SPYOD SHOG ,'DI LTAR BSGRUBS PA'I RNAM DKAR DGE BA'I MTHUS, ,DUS MTHA' 'DIR YANG BDEN PA GSUNG BA'I SRAS, ,RNAM DAG RAB BYUNG BYE BA PHRAG BRGYA YIS, , @356B PHYOGS 'DI'I NOR 'DZIN MA LUS YONGS GANG STE, ,RGYAL BA GNYIS PA'I BSHAD SGRUB RGYAS GYUR CIG ,CES RGYAL BA'I RGYAL TSAB MA PHAM MGON PO LA, NA BZA', GSEG SHANG, LHUNG BZED RNAMS PHUL TE SMON PA'I TSIGS SU BCAD PA 'DI YANG DGE SLONG BLO BZANG CHOS KYI RGYAL MTSAN GYIS SMRAS PA'O,, ,,LHA RDZAS LAS GRUB RGYAL BAS RAB BSNGAGS PA, ,GUR GUM MDOG CAN BLA GOS BZANG PO 'DI, ,SH'AKYA'I RGYAL PO'I SKU LA GSOL BA YIS, ,SDOM GSUM RNAM DAG BAG YOD GOS MCHOG GIS, ,TSE RABS KUN TU MNGON PAR MDZES GYUR CIG ,KHYAD PAR 'GRO BA KUN GYI DON DU BDAG ,THUB PA'I NYI MA KUN GYI BSTAN LA BDAG ,NGUR SMRIG RGYAL MTSAN 'DZIN PA'I MCHOG TU BDAG ,RGYAL BAS MCHOG TU BSNGAGS PAR GYUR CIG BDAG ,'GRO KUN RTAG TU BDE ZHING SKYID PA DANG, ,BLO BZANG BSTAN PA DAR ZHING RGYAS GYUR CIG ,SH'AKYA'I RGYAL PO CI 'DRAR BDAG GYUR CIG ,DGE BA 'DI YIS TSE RABS KUN TU BDAG ,'KHOR LO CHEN PO BZHI DANG MI 'BRAL ZHING, ,DRAN SHES BAG YOD GOS KYIS LEGS KLUBS TE, ,RTAG TU SRAS BCAS RGYAL BA DGYES BYED SHOG ,MAR GYUR 'GRO BAS KHYAB PA'I ZHING KUN TU, ,BDAG LUS BKOD PAS KHYAB BYAS MA RNAMS KYI, ,SDUG BSNGAL SEL ZHING BDAG DGES BDE @357A *, ,BYED SHOG ,BDAG NI SRID PAR GNAS TSE YANG, ,DRAN SHES BAG YOD GOS LDAN SHOG ,'DI LTAR BGYIS PA'I BSOD NAMS KYIS, ,'GRO BA'I DPAL DU BDAG GYUR CIG ,BDAG NI RGYAL KUN BSTAN PA LA, , NGUR SMRIG 'DZIN PA'I GTZOR GYUR CIG ,'DI YI DGE BAS 'GRO BA RNAMS, ,TSA GRANG GDUNG BA LAS GROL SHOG ,SH'AKYA'I GTZO LA BDAG SKYABS MCHI, ,RTAG TU THUB PA'I RJES SLOB CING, ,DAM CHOS MA LUS 'DZIN PAR SHOG ,'DIS MTSON DUS GSUM DGE BA'I MTHU YIS BDAG ,KUN BZANG 'JAM PA'I DBYANGS DANG MTSUNGS PAR SHOG ,'DI NI SKYE BO GZHAN DAG GIS, ,GYON ZHING KHYER NA GSHIN RJES GSOD, ,DUS 'DIR KOOndA N+YI BZHIN, ,BYAMS BSTAN NGUR SMRIG 'DZIN MCHOG SHOG ,GAL TE 'DI NI GZHAN KHYER NA, ,DMAG ZOR RGYAL MOS SNYING KHRAG 'THUNGS, ,BLO BZANG CHOS KYI RGYAL MTSAN GYIS, ,DANG BAS GTZO BO 'DREN MCHOG GI ,SKU LA GSOL BAS SANGS RGYAS SHOG ,RGYAL BA'I SKU LA BSIL GDUNG MI MNGA' YANG, ,'GRO KUN TSA GRANG 'JIGS LAS SKYOB PA'I PHYIR, ,DANG BAS LHA RDZAS CHOS GOS 'DI PHUL BAS, ,TSA GRANG 'KHOR BA'I 'JIGS LAS GROL GYUR CIG ,CES PA BKRA SHIS LHUN PO'I GTZANG KHANG DBUS MA'I THUB DBANG GI SKU BRNYAN LA GOS BZANG PO'I BLA GOS 'BUL BAR MDZAD PA'I NGOS LA RJE THAMS CAD MKHYEN PA NYID KYIS PHYAG BRIS SU MDZAD SNANG NGO,, ,,AOm THUB PAS BSNGAGS PA'I GSER MDOG SNAM SBYAR 'DI, ,TSE DPAG @357B MED MGON SKU LA GSOL BA'I DGE ,BDAG DANG MAR GYUR 'GRO BA MA LUS PA, ,BDE BA CAN DU THOGS MED 'JUG PHYIR BSNGO, ,THUB PAS BSNGAGS PA'I GSER MDOG SNAM SBYAR 'DI, ,SMAN PA'I RGYAL PO'I SKU LA GSOL BA'I DGE ,BDAG DANG MAR GYUR 'GRO BA MA LUS PA, ,MNGON DGA' BEEd'UR ZHING DU BGROD PHYIR BSNGO,, ,,NA MO A'A RYA MEE TR'I YA, PHUN TSOGS PADMA R'A GA'I 'JA' TSON LA, ,GSER SBYANGS BTZO MA'I RGYAN GYIS SPRAS PA LTA'I, ,'DREN PAS BSNGAGS PA'I LHA RDZAS SNAM SBYAR 'DI, ,RGYAL TSAB BYAMS PA MGON PO'I SKU LA GSOL, ,DGE BAS BDAG DANG BDAG LA BLTOS BCAS PA'I, ,'GRO RNAMS MGON KHYOD MNGON PAR SANGS RGYAS PA'I, ,THOG MA'I 'KHOR RNAMS KUN GYI MCHOG GYUR NAS; ;SKU GSUM GO 'PHANG DAM PA MYUR THOB SHOG ,CES PA'ANG RJE NYID KYI PHYAG BRIS DNGOS LAS BLANGS SO, ,PHUN TSOGS GZI 'BAR RIN CHEN DU MA YI, ,RGYAN LDAN YID 'ONG GSER GYI PHRENG BA 'DI, ,SH'AKYA'I RGYAL PO'I MGUL PHUL BSOD NAMS KYIS, ,GSER MDOG RGYAL BA'I SKU MCHOG MYUR THOB SHOG ,GNAS SKABS KUN TU BSAMS DON YID BZHIN DU, ,'GRUB CING THUB DBANG LUNG RTOGS BSTAN PA DANG, ,SKYE DGU'I PHAN BDE RGYAS PA'I GSER 'OD KYIS, , PHYOGS KUN NYIN MOR BYED PAR BDAG GYUR CIG ,DPA' BO KHYOD KYI BZHED DON BSGRUB PA YI, ,GSER GYI PHRENG BA BDAG CAG SPYI GTZUG GI , ,RGYAN DU NAM YANG 'BRAL BAR MI 'BYUNG ZHING, ,GSER LTAR DAG PO'I SKU GNYIS MYUR THOB @358A *, ,SHOG ,PHYI NANG RGOL BA KUN 'JOMS SHING, ,PHUN TSOGS RANG DBANG 'DOD DGUR SPYOD, ,MCHOD SBYIN BSTAN PA'I BYA BA SOGS, ,'GRAN PA BZHIN DU 'PHEL GYUR CIG , ,,NA MO GU RU MU NI AINDR'A YA, GSER GYI LHUN POS PADMA R'A GA YI, ,DAR DPYANGS BCINGS PA JI BZHIN THUB DBANG GI ,SNYAN SHAL LHA RDZAS DBANG GI MDANGS LDAN PAS, ,BRGYAN PA'I RNAM DKAR GYIS MTSON DGE TSOGS MTHUS, ,MKHA' MNYAM MAR GYUR 'GRO RNAMS BSGRAL PHYIR DU, ,BDAG NYID DGA' LDAN BDE BA CAN LA SOGS, ,PADMO LAS SKYES STON PA MCHOG DE DAG ,DGYES BYAS RLABS CHEN SPYOD PA MTHAR PHYIN SHOG ,'DI NYID 'CHI BDAG GSHIN RJE LA, ,GTAD DO SKU 'DIR 'BRAL MED ZHOG ,BKRA SHIS LHUN PO'I GTZANG KHANG DBUS MA'I THUB SKU'I SNYAN DAR ZHAL YIG GO ,AOm ZLA MED STON PA MCHOG GI SNYAN SHAL LA, ,ZLA SHEL 'KHYIL 'DRA'I MDZES BYED 'DI PHUL BAS, ,BDAG DANG BDAG LA BLTOS PA'I 'GRO BA RNAMS, ,DENG NAS BZUNG STE BYANG CHUB SNYING PO'I BAR, ,MI KHOM GNAS SU NAM YANG MI SKYE BAR, ,BSTAN DANG 'GRO BA'I PHAN BDE BSGRUB PA LA, ,KUN BZANG 'JAM PA'I DBYANGS DANG MTSUNGS PAR SHOG ,BKRA SHIS LHUN PO'I GTZANG KHANG DBUS MA'I THUB SKU'I SNYAN DAR ZHAL YIG GO , ,,'JA' TSON LTAR BKRA'I LHA RDZAS 'DI PHUL BAS, ,MTSON PA'I RNAM DKAR PHUNG PO CI MCHIS PA, ,BDAG DANG MKHA' MNYAM 'GRO BA MA LUS PA, ,DGA' @358B LDAN SKYES NAS RJE BTZUN MI PHAM MGON, ,DGYES BYED SRAS KYI THU BOR 'GYUR PHYIR BSNGO, ,BKRA SHIS LHUN PO'I BYAMS CHEN GYI SNYAN DAR ZHAL YIG TU GNANG BA'O,, ,,BDE GSHEGS SENG GE'I NGA RO'I SNYAN SHAL LA, ,RAB DKAR LHA RDZAS NA BZA' 'DI PHUL BAS, ,JO MO RDZONG NAS DPON G-YOG 'KHOR BCAS KYI, ,PHYI NANG BAR GCOD MA LUS ZHI BA DANG, ,TSE DANG LONGS SPYOD RIGS BRGYUD 'PHEL ZHING RGYAS, ,MI NOR 'DOD DGU THAMS CAD DBANG DU 'DUS, ,BSAM DON MA LUS YID BZHIN 'GRUB PA DANG, ,NAM ZHIG NGO MTSAR BKOD PA'I ZHING MCHOG TU, ,DE BZHIN GSHEGS DE'I SRAS KYI THU BOR SHOG ,CES PA SNYAN DAR LA PHYAG BRIS SU SNANG NGO,, ,,SVA STI, RTZA BRGYUD BLA MA BSLU MED DKON MCHOG GSUM, ,YI DAM LHA TSOGS MKHA' 'GRO CHOS SKYONG BA'I, ,MTHU LDAN DAM CAN BSRUNG MA'I TSOGS RNAMS LA, ,LHAG BSAM DAG PAS MCHOD SPRIN RGYA MTSO DANG, ,LHAN CIG LHA RDZAS NA BZA' 'DI PHUL BA'I, ,RNAM DKAR DUS GSUM DGE TSOGS RGYA MTSO'I TSOGS, ,MKHA' MNYAM 'GRO KUN KUN MKHYEN THOB PHYIR BSNGO, ,BDAG KYANG DENG NAS RANG DON YAL BOR NAS, , BSTAN DANG 'GRO BA'I DON CHEN BSGRUB PA'I PHYIR, ,MNAR MED ME NANG 'JUG LA'ANG MNGON DGA' BAS, ,SRAS BCAS RGYAL RNAMS RTAG TU DGYES BYED SHOG ,CES PA MGON KHANG CHEN MOR SNYAN DAR MANG PO 'BUL BAR MDZAD SKABS @359A *, ,DAR SO SOR 'DRIR BSTZAL TO,, ,,NA MO GU RA WE, BSLU MED RTZA BRGYUD BLA MA DANG, ,DPAL LDAN RDO RJE 'JIGS BYED SOGS, ,YI DAM LHA TSOGS DKON MCHOG GSUM, ,DPA' BO MKHA' 'GRO CHOS SKYONG BA'I, ,BSTAN BSRUNG 'KHOR DANG BCAS RNAMS LA, ,DGE MTSAN TSON BRGYAS RAB BKRA BA'I, ,LHA RDZAS DAM PA'I SPYAN GZIGS SOGS, ,DNGOS BSHAMS YID SPRUL MCHOD TSOGS 'BUL, ,'DI LTAR BSKRUN PA'I RNAM DKAR YANG, ,DUS GSUM DGE TSOGS RGYA MTSOR BCAS, ,MKHA' MNYAM 'GRO BA'I SDUG BSNGAL KUN, ,SKYOB PA'I SKYABS SU 'GYUR PHYIR BSNGO, ,BDAG NI TSA BA'I DMYAL BA RNAMS, ,ZHI BYED BSIL BA'I CHAR RGYUN DANG, ,GRANG BA'I DMYAL BA SKYOB BYED PA'I, ,'OD RNO NYI MA GSAL BAR SHOG ,BKRES SKOM YI DVAGS MA LUS PA, ,TSIM BYED BDUD RTZI'I RDZING BU DANG, ,RMONGS SHING GZHAN DBANG GYUR PA RNAMS, ,DBUGS 'BYIN SGRON MER BDAG GYUR CIG , 'THAB RTZOD 'KHRUG LONG MTSON 'BAB PAR, ,SRA ZHING BRTAN PA'I GO CHA DANG, ,'CHI 'PHO LTUNG BA'I CHU 'KHRUGS PA, ,SGROL BYED GRU RDZINGS BZANG POR SHOG ,BDAG GI MING TZAM THOS PAS KYANG, ,SKYE RGA NA 'CHIS GDUNGS RNAMS KYI, ,RGA NAD 'CHI BA DRUNGS 'BYIN PA'I, ,YID BZHIN NOR BUR BDAG GYUR CIG ,NYON MONGS DUG LNGA 'BAR BA'I MES, ,GZIR RNAMS BSIL BYED GANG G'A DANG, ,SDUG BSNGAL MTSON CHAR 'BAB RNAMS KYI, ,RDO RJE'I GO CHAR @359B BDAG GYUR CIG ,RANG BYAS NYES PAS NGAN SONG GI ,'JIGS RUNG G-YANG SAR PHYOGS RNAMS KYANG, ,BDAG CAG DRAN PA'I LCAGS KYO YIS, ,BDE 'GRO'I GNAS SU 'DREN GYUR CIG ,DKON COG GSUM GYI SGRA TZAM YANG, ,MA GRAG ZHING KHAMS BYE BA BRGYAR, ,BDAG GIS THABS MKHAS SNA TSOGS KYIS, ,SANGS RGYAS PHRIN LAS BSGRUB GYUR CIG ,SU ZHIG BDAG LA KHROS GYUR TE, ,GSHE ZHING MTSANG 'BRU SROG GCOD KYANG, ,BZOD CING NGES PAS DE NYID LA, ,BSHES GNYEN DAM PAR BLTA BAR SHOG ,GDUL DKAS SANGS RGYAS KUN GYIS KYANG, ,SPANGS PA MUN BSKAL DE DANG DER, ,BDAG GIS RGYAL BA'I NYI MA BZHIN, ,PHAN BDE'I 'OD BRGYAS 'GENGS GYUR CIG ,SNYIGS DUS ZLA MED STON PA DE'I, ,RJES 'JUG RLOM YANG CHAGS SDANG GI ,KUN SLONG SMAG RUM MUN 'THIBS PA, ,SEL BA'I SGRON MER BDAG GYUR CIG ,BDAG LA SDANG ZHING 'TSE BA DANG, ,DAD CING GUS PAR BYED PA SOGS, ,MTHONG THOS DRAN REG GYUR PA RNAMS, ,BYANG CHUB DAM PA MYUR THOB SHOG ,KHYAD PAR 'DI SNANG NUB PHYOGS TSE, ,GNAD GCOD GDUNG BAS MA GOS PAR, ,MKHA' 'GRO CHOS SKYONG BSU BAR BCAS, ,DAG PA'I ZHING DU 'JUG GYUR CIG ,DUS MTHA' 'DIR YANG PHAN BDE'I GZHI, ,RGYAL BA GNYIS PA TZONG KHA PA'I, ,LUNG RTOGS DAM CHOS MA LUS PA, ,PHYOGS DUS KUN TU RGYAS GYUR CIG ,RGYAL BA'I SRAS KYI RNAM THAR LA, ,SLOB PAR 'DOD PA'I DGE SLONG ZHIG ,BLA MA LHA DANG BSRUNG @360A *, ,TSOGS LA, ,GSOL GYIS SMON BZHIN 'GRUB PAR MDZOD, CES PA MGON KHANG CHER MOR GOS YUG BZANG POS GONG PA BYAS PA'I MTHING KHRA'I SNYAN DAR MANG PO 'BUL BA MDZAD PA'I SKABS STZAL BA'O,, ,, *, ,NA MO RATNA TRA Y'A YA, MCHOG GSUM NGO BO RTZA BA'I BLA MA DANG, ,DBYER MED DPAL LDAN RDO RJE 'JIGS BYED LA, ,BRGYA BYIN GZHU LTAR BKRA BA'I LHA RDZAS GOS, ,PHUL BA'I DGE BAS MA GYUR 'GRO RNAMS KYIS, ,THAMS CAD GZIGS PA'I GO 'PHANG MYUR THOB SHOG ,AOm MCHOG STZOL BLA MA MGON PO DBYER MED LA, ,RAB MDZES DAR GYIS LHAB LHUB 'DI PHUL BA'I, ,DGE BAS BDAG DANG MKHA' MNYAM SEMS CAN KUN, ,'DI PHYI BAR DO'I 'JIGS PA KUN LAS SKYOBS, , H'Um; PHYAG DRUG YID BZHIN NOR BU 'KHOR BCAS DRUNG, ,ZLA SHEL ZHU 'DRA'I LHA RDZAS PHUL BA'I MTHUS, ,'GRO KUN DBUL PHONGS SDUG BSNGAL KUN SEL ZHING, ,DAM CHOS BSGRUB PA'I MTHUN RKYEN CHAR BZHIN PHOB, ,H'Um MYUR MDZAD DBANG GI RGYAL PO YIS, ,BDAG DANG SEMS CAN THAMS CAD KYIS, ,MYUR DU ZUNG 'JUG MNGON 'GYUR BA'I, ,LEGS TSOGS MTHA' DAG DBANG DU SDUS, ,MGON PO 'CHI MED MCHOG STZOL GYIS, ,BDAG DANG BDAG LA BRTEN RNAMS KYI, ,'CHI BDAG BDUD BZHI TSAR CHOD LA, ,'CHI MED RIG 'DZIN THOB PAR MDZOD, ,BHYOO: 'DOD KHAMS GTZO MOR LHA RDZAS 'DI 'BUL GYI, ,CHOS GRVA CHEN PO BKRA SHIS LHUN PO 'DIR, ,DGE 'DUN BSHAD SGRUB @360B LONGS SPYOD DAR ZHING RGYAS, ,BAR GCOD SEL ZHING RTAG TU BSRUNG SKYOB MDZOD, ,H'Um MGON PO'I BKA' GNYAN PHO NYA'I GTZO, ,GNOD SBYIN CHEN POR 'DI 'BUL GYI, ,BDAG DANG PHA MAR GYUR PA KUN, ,ZHING MCHOG BGROD PA'I GROGS MDZOD CIG ,DBANG PHYUG DZI NA MI TRA LA, ,SPYAN GZIGS MCHOD PA'I SPRIN SPROS PAS, ,BDAG DANG BDAG LA BLTOS PA YI, ,'GRO KUN DAM CHOS BSGRUB PA'I GEGS, ,SEL ZHING MTHUN RKYEN MA LUS SGRUBS, ,GSHIN RJE tAKKI R'A DZA NI, ,LHA RDZAS NA BZAS DGYES GYUR TE, ,BDAG DANG MA RGAN SEMS CAN RNAMS, ,DAM CHOS BSGRUB PA'I GROGS MDZOD CIG ,LHA CHEN TRAKSHAD 'KHOR BCAS KYIS, ,PHA MA SEMS CAN THAMS CAD KYI, ,SDIG PA'I BSAM SBYOR RGYUN BCAD NAS, ,BYANG CHUB BAR DU BSRUNG SKYOB MDZOD, ,DZA: LHA CHEN GSHIN RJE'I RGYAL PO 'KHOR BCAS LA, ,DBANG SNGON MDANGS CHAGS LHA RDZAS MCHOG 'BUL BAS, ,SANGS RGYAS GNYIS PA RJE BTZUN TZONG KHA PA'I, ,BSTAN DANG BSTAN 'DZIN SPEL ZHING BSRUNG SKYOB MDZOD, ,BHYOO: RGYAL YUM 'DOD KHAMS GTZO MO BCOM LDAN MA'I, ,DRUNG DU LHA RDZAS MCHOD PA'I SPRIN 'BUL BAS, ,BDAG DANG BDAG LA BLTOS PA'I 'GRO RNAMS KYI, ,BYANG CHUB SNYING PO'I BAR DU STONG GROGS MDZOD, ,H'Um LHA CHEN DRAG PO GDONG BZHI YAB YUM DRUNG, ,BEE d'UR MDOG CAN GOS BZANG PHUL BA'I DGES, ,BDAG DANG MKHA' MNYAM 'GRO BA THAMS CAD KYI, ,KUN 'BYUNG 'KHOR BA'I SDUG BSNGAL RGYU @361A *, ,BCAD DE, ,BDE 'GRO THAR PA MCHOG GI GRONG DU DRONGS, ,PEE 'DOD DGU'I DPAL STER RNAM MANG THOS SRAS DRUNG, ,GSER ZHUN MDOG CAN GOS BZANG MCHOG 'BUL LO, ,DGYES SHING BZHES NAS BDAG DANG BDAG NYID LA, ,BLTOS PA'I 'GRO LA BSLAB GSUM 'PHAGS NOR STZOL, ,KYEE GNOD SBYIN DREGS PA'I RGYAL PO LCAM SRING LA, ,LHA RDZAS MCHOG 'BUL BKRA SHIS LHUN PO YI, ,PHYI NANG GNYER MDZOD KHRIMS 'CHAL TSAR GCOD CING, ,MI NOR DGON GNAS BCAS PA'I MTHUN RKYEN SGRUBS, ,'DIS MTSON DGE BAS BDAG GZHAN KUN, ,BLA MED BYANG CHUB MYUR THOB PA'I, ,'GAL RKYEN BAR GCOD KUN SOL LA, ,MTHUN RKYEN MA LUS YID BZHIN SGRUBS, CES PA RNAMS KYANG MGON KHANG CHEN MO SOGS SU SNYAN DAR RAB TU MANG PO 'BUL BAR MDZAD SKABS RE RER 'DRIR BSTZAL TO,, ,,SVA STI, 'DIS MTSON DGE BAS BDAG DANG 'GRO BA KUN, ,RTAG TU TSUL KHRIMS BAG YOD GOS LDAN ZHING, ,BDE BA CAN DU SKYES NAS BCOM LDAN 'DAS, ,'OD DPAG MED PA'I SRAS KYI THU BOR SHOG ,CES PA LI MA RNYING PA'I RTEN GTZO RJE BTZUN BYAMS PA DANG GNYAN SGROL LA DING PON LA THOD MA'I NA BZA' RE 'BUL BA GNANG BA'I NANG NGOS SU 'DRIR BSTZAL TO,, SVA STI, STON PA BLA NA MED PA'I SNYAN SHAL DRUNG, ,RAB MDZES LHA RDZAS PHUL MTSON LEGS SPYAD MTHUS, ,DGA' LDAN MKHA' SPYOD BDE BA CAN LA SOGS, ,THOGS @361B MED BGROD NAS RGYAL RNAMS DGYES BYED SHOG ,SVA STI, RJE BTZUN BLA MAR NA BZA' PHUL BAS MTSON, ,RNAM DKAR RGYA MTSOS DGA' LDAN BDE BA CAN, ,DAG PA'I ZHING BZHUGS RGYAL BA RGYA MTSO'I TSOGS, ,MNYES PAR BYED CING GSUNG GIS TSIM PAR SHOG ,CES PA LHA LDAN GYI JO BO RIN PO CHE DANG, ,DGE LDAN DNGUL GDUNG RIN PO CHER SNYAN DAR NA BZA' 'BUL BA GNANG BA'I ZHAL YIG TU MDZAD PA'O,, ,,*, ,NA MO GU RU BUDDHA BO DHI SATVA BHYA: 'DIS MTSON DGE TSOGS DUNG DANG PAD RTZA LTAR, ,MCHOG TU DKAR BA GANG ZHIG BSAGS PA'I MTHUS, ,KUN BZANG 'JAM PA'I DBYANGS KYI RNAM THAR RNAMS, ,JI BZHIN SPYOD PA'I DBANG POR BDAG GYUR CIG ,BSLAB GSUM GRU RDZINGS SDE SNOD GSUM GYIS BSDAMS, ,LHAG BSAM DAR CHEN BRTZON BGRUS RLUNG GIS BSKYOD, ,'GRO KUN SKU GSUM GLING MCHOG NYAMS DGA' BAR, ,SGROL BA'I DED DPON BZANG POR BDAG GYUR CIG ,SNYING RJE'I RTZA BA ZUG PA'I BYANG SEMS SHING, ,RIM GNYIS BA DAN DKAR PO 'PHUR LDING ZHING, ,MDO RGYUD RGYA MTSO'I PHA ROL LEGS PHYIN TE, ,ZUNG 'JUG NOR BU'I GLING DU BGROD GYUR CIG ,TSE RABS KUN TU 'KHOR LO BZHI LDAN ZHING, ,THUB PA'I BRTUL ZHUGS BLA NA MED BZUNG STE, ,RGYAL BA'I SKU GSUNG THUGS KYI GSANG BA'I MDZOD, ,'DOD DGUR SPYOD PA'I DBANG POR BDAG GYUR CIG ,SKYE BA KUN TU MNYAM MED TZONG KHA PA'I, ,MDO SNGAGS BSTAN PA'I RGYAL MTSAN 'DZIN PA LA, ,'GAL RKYEN KUN ZHI @362A *, ,MTHUN RKYEN MA LUS PA, ,'BAD RTZOL MED PAR LHUN GYIS GRUB GYUR CIG ,BLO BZANG MI PHAM MGON DANG 'OD DPAG MED, ,TSE YI MTHAR YANG MNGON SUM MTHONG GYUR NAS, ,GNAD GCOD BAR DO NGAN 'GRO'I 'JIGS LAS BSGRAL, ,RNAM DAG ZHING DRANGS SA LAM KUN BGROD SHOG ,MA PHAM RDO RJE'I GDAN DU MNGON GSHEGS TSE, ,RNAM DAG 'KHOR GYI THOG MAR BDAG GYUR NAS, ,RGYAL BA'I DAM CHOS MA LUS KUN BZUNG STE, ,'GRO BA'I DON CHEN MA LUS BSGRUB GYUR CIG ,GNAS SKABS SU YANG CHOS MTHUN BSAM PA YI, ,DPAG BSAM 'BRAS BU'I KHUR GYIS MDZES PAR SHOG ,DGE LEGS CHEN POS KUN TU KHYAB GYUR CIG , ` ,DGE BA 'DI YIS SKYE BA KUN TU BDAG ,SH'AKYA'I RGYAL POS 'BRAL MED RJES BZUNG STE, ,BSTAN DANG 'GRO BA'I PHAN BDE BSGRUB PA LA, ,KUN BZANG 'JAM PA'I DBYANGS SU BDAG GYUR CIG ,MDO RGYUD RGYA MTSO'I DPAL LA LONGS SPYOD CING, ,LUNG RIGS SHES BYA KUN LA MKHAS PAR SBYANGS, ,BSLAB GSUM RIM GNYIS RNAL 'BYOR MTHAR SON NAS, ,THAMS CAD MKHYEN PA'I DBANG POR BDAG GYUR CIG ,'DI YI DGE BAS SRID PAR SPYOD TSE BDAG ,'GYUR MED DAD PA SHUGS DRAG NGES 'BYUNG DANG, ,BCOS MIN BYAMS DANG SNYING RJE BYANG CHUB SEMS, ,YANG DAG LTA DANG NAM YANG 'BRAL MA GYUR, ,'DIS MTSON BDAG GI DGE BDE BSTAN 'GRO YI, ,PHAN BDE BLA NA MED PA'I RGYUR 'GYUR ZHING, ,'GRO BA'I SDUG BSNGAL RGYAL BA SRAS @362B BCAS KYI, ,BZHED 'GRUB GEGS RNAMS BDAG LA SMIN GYUR CIG ,KHYAD PAR DGA' LDAN BDE BA CAN LA SOGS, ,RNAM DAG ZHING SKYES THEG MCHOG RIGS SAD DE, ,RGYAL BA'I DAM CHOS MA LUS YONGS BZUNG NAS, ,STOBS BCU MNGA' BA'I GO 'PHANG MYUR THOB SHOG ,CES PA 'DI GNYIS BKRA SHIS LHUN PO'I 'DU KHANG GI 'PHAN SKOR CHEN MO'I GONG BAR RJE THAMS CAD MKHYEN PA RANG NYID KYI PHYAG BRIS SU MDZAD SNANG NGO,, ,,RGYAL YUM 'DOD KHAMS DBANG PHYUG MGUL RGYAN DU, ,DBANG GI RANG BZHIN DO SHAL 'DI PHUL BA'I, ,DGE BAS PHRIN LAS RNAM BZHI'I BDUD RTZI YIS, ,BDAG YID RE BA'I BUM BZANG GANG BAR MDZOD, ,BDAG GI DGE BA'I BSAM SBYOR DON RNAMS KUN, , GEGS MED YID LA BSAMS PA TZAM GYIS KYANG, ,SMON PA JI BZHIN MYUR DU 'GRUB PA LA, ,RTAG TU KHYOD KYIS G-YEL MED GROGS MDZOD CIG ,MDOR NA BDAG CAG GANG DANG GANG SONG BA, ,DE DANG DER NI LHA MO KHYOD NYID KYIS, ,BRTZE BA'I MA DANG SRING MO JI BZHIN DU, ,BAR GCOD KUN SOL MTHUN RKYEN MA LUS SGRUBS, ,PHYI NANG RGOL BA KUN 'JOMS SHING, ,PHUN TSOGS RANG DBANG 'DOD DGUR SPYOD, ,MCHOD SBYIN BSTAN PA'I BYA BA SOGS, ,YAR NGO'I DPAL LA 'GRAN GYUR CIG , ,,DGE BA 'DI YIS TSE RABS KUN TU BDAG ,MTHO RIS YON TAN BDUN LDAN RTEN THOB CING, ,SH'AKYA'I RGYAL POS 'BRAL MED RJES BZUNG STE, ,'JAM DPAL DPA' BO'I SPYOD TSUL MTHAR PHYIN SHOG ,DGE BA @363A *, ,'DI YIS SKYE BA KUN TU BDAG ,THUB DBANG 'JAM DPAL SNYING PO BYAMS MGON GYI, ,'BRAL MED ZHABS BSTEN GSUNG GI BDUD RTZI 'THUNG, ,SA LAM MTHAR PHYIN SKU GSUM MYUR THOB SHOG ,'DIS MTSON DGE BAS BSTAN DANG 'GRO BA LA, ,'PHRAL DANG YUN DU PHAN PA RAB BSGRUB CING, ,RLABS CHE ZAB GSAL MYUR BA'I SHES RAB KYIS, ,DAM CHOS MA LUS BDAG GIS 'DZIN PAR SHOG ,DGE 'DIS SKYE BA KUN TU BDAG ,THUB DBANG BYAMS MGON 'JAM DBYANGS KYI, ,ZHABS SKYES MCHOD DANG MI 'BRAL ZHING, ,THUB DBANG GO 'PHANG MYUR THOB SHOG ,DGE 'DIS TSE RABS KUN TU BDAG ,PHYI NANG DUG GSUM NAD SPANGS TE, ,RGYAL BA'I DAM CHOS KUN BZUNG NAS, ,SMAN GYI RGYAL PO'I GNAS THOB SHOG ,'DI YI DGE BAS BYAMS MGON GYI, ,THUGS RJE'I LCAGS KYUS DGA' LDAN DRANGS, ,SGO GSUM MCHOD SPRIN RGYA MTSO YIS, ,MGON DE MNYES PAR BYED GYUR CIG ,'DI NANG 'GAGS TSE BDE BA CAN, ,PADMO'I LTE BAR LEGS SKYES TE, ,RGYAL BA'I CHOS TSUL KUN BZUNG NAS, ,'OD DPAG MED MGON MNYES BYED SHOG ,'DIS MTSON RNAM DKAR PHUNG PO'I MTHUS, ,'KHOR LO BZHI DANG MI 'BRAL ZHING, ,THUB PA'I RNAM THAR KUN BZUNG STE, ,RTAG TU DAM CHOS KUN 'DZIN SHOG ,DENG NAS TSE RABS KUN TU BDAG ,RTAG TU THUB PA'I ZHABS BSTEN CING, ,RGYAL BA'I DGONGS PA JI BZHIN DU, ,DAM CHOS MA LUS 'DZIN GYUR CIG ,CES PA'ANG @363B BKRA SHIS LHUN PO'I 'DU KHANG GI 'PHAN SKOR CHEN MO'I KHA BTAGS LA SKU BRNYAN YOD PA 'GA' ZHIG GI ZHABS SU PHYAG BRIS SU MDZAD SNANG NGO,, ,,AOm BDE LEGS SU GYUR CIG ,RIN CHEN SA LE SBRAM GYIS 'DZIN DBANG, ,'BUM PHRAG RTA DMAR ZER GYIS BYUGS PA BZHIN, ,DGE LEGS 'OD ZER STONG 'BAR LHAM ME BA, ,GZI BRJID PHUNG PO DE YIS MCHOG STZOL ZHIG ,NYES SPYOD DRI MA 'KHRUD PA'I DAG BYED MCHOG ,THE TSOM DRA BA GCOD PA'I MTSON GYI PHUL, ,MA LUS 'GRO BA'I RE SKONG YID BZHIN NOR, ,GSUNG GI BDUD RTZIS 'GRO 'DI DBUGS PHYUNGS SHIG ,RAB 'BYAMS SHES BYA KUN LA THOGS MED CING, ,'GRO LA BU LTAR BRTZE BA'I THUGS MNGA' BA, ,LUNG RTOGS NOR BUS BLTAMS PA'I RGYA MTSO CHE, ,THUB DBANG THUGS RJE'I LCAGS KYUS BDAG ZUNGS SHIG ,RIN CHEN DBANG GI RGYAL PO JI BZHIN DU, ,MI RTOG BZHIN DU SRID ZHI'I PHUN TSOGS KUN, ,MA LUS BSKRUN MDZAD RGYAL BA'I PHRIN LAS KYI, ,GA BUR MCHOG DES BDAG SNYING TSA GDUNG SOL, ,DKON MCHOG GSUM GYI DRI GSUNG RAB RGYAS SHING, ,DAM CAN BSRUNG MA'I BUNG BA KHYU 'KHRIGS LA, ,'DUN LDAN RNAM DAG ZIL DNGAR BCUD LDAN PA, ,PAD MO'I DGA' TSAL RJES 'GRO GTZUG LAG KHANG, ,MDZES BYED SPEL LEGS ME TOG PHRENG BA YI, ,PHUN TSOGS LA 'KHU BA DAN PHRENG RING 'DI, ,BLO BZANG CHOS KYI RGYAL MTSAN LHAG BSAM GYI, ,SBYIN LAS 'ONGS PA RNAM DKAR RGYA MTSO'I DPAL, ,'DI YI DGE BAS BDAG @364A *, ,GZHAN 'GRO BA RNAMS, ,MI KHOM GNAS SU NAM YANG MI SKYE ZHING, ,DAL 'BYOR YON TAN BDUN LDAN RTEN THOB SHOG ,KHYAD PAR TSE 'DI'I SNANG BA 'GAGS MA THAG ,DGA' LDAN GNAS SU SKYES NAS MI PHAM MGON, ,'JAM DPAL SNYING PO'I ZHAL BZANG MNGON GYUR NAS, ,GSUNG GI BDUD RTZI NGOMS MED 'THUNG BAR SHOG ,DE YI MTHU LAS THEG GSUM MDO SNGAGS KYI, ,CHOS TSUL MA LUS RGYAL BA'I DGONGS PA BZHIN, ,LEGS PAR BZUNG STE KUN BZANG SPYOD PA KUN, ,BSGRUB LA NAM YANG ZHUM PA MED PAR SHOG ,NAM ZHIG 'PHAGS YUL DBUS SU MA PHAM MGON, ,SPRUL PA MCHOG GI GAR GYIS ROL PA'I TSE, ,'KHOR GYI THOG MA NYID DU BDAG GYUR NAS, ,RTAG TU MNYES PA KHO NA BSGRUB PAR SHOG ,DE'I TSE MA RNAMS 'KHOR BA'I RGYA MTSO LAS, ,SGROL BA'I DAM BCA' SNGON GNAS RJES DRAN TE, ,GANG 'TSAM THABS LA MKHAS PA'I GRU BO CHES, ,'GRO KUN SRID MTSO CHE LAS SGROL BAR SHOG ,DENG NAS SKYE DANG SKYE BA THAMS CAD DU, ,RANG DANG GZHAN DON CHU KLUNG BYE BA BRGYA, ,GANG DU 'DU BA 'KHOR LO BZHI LDAN PA'I, ,YON TAN RGYA MTSO CHEN POR 'GYUR BAR SHOG ,KHYAD PAR GRANGS MED 'GRO BA'I BLA MA DE'I, ,ZHABS SEN GTZUG GI RGYAN DANG MI 'BRAL ZHING, ,SGRA 'DZIN GSUNG DANG 'DREN BYED ZHAL SKYIN GYI, ,BDUD RTZI'I DPAL DANG 'BRAL BA MED PAR SHOG ,BDAG GI SGO GSUM BYA BA THAMS CAD KYANG, ,BSTAN DANG 'GRO BA'I PHAN BDE PHUN TSOGS KYI, ,RGYU LAS GZHAN @364B DU MA GYUR 'GRO KUN GYI'ANG, ,ZLA MED SKYABS KYI MCHOG TU BDAG GYUR CIG ,SHUGS DRAG SNYING RJE CHEN POS YID BSKYOD NAS, ,NYAM THAG 'GRO BA'I DU: KHA MA LUS PA, ,BDAG NYID GCIG PUS BSAL NAS DUS KUN TU, ,BDE BA MCHOG LA BDAG GIS 'GOD PAR SHOG ,BDAG NI DMAN PAR GYUR KYANG 'GRO KUN GYI, ,SDUG BSNGAL KHUR DU 'KHYER LA MI ZHUM ZHING, ,PHONGS PAR GYUR KYANG SBYIN LA DGA' BA DANG, ,SROG LA BAB KYANG TSUL KHRIMS BSRUNG BAR SHOG , CIS KYANG 'KHRUG BRAL BZOD PA'I GO BGOS TE, ,SKYONG LA MED PA'I BRTZON 'GRUS RTA ZHON NAS, ,TING 'DZIN RAL GRI SHES RAB NGAR LDAN GYIS, ,DUG GSUM DGRA SDE'I DPUNG TSOGS MYUR 'JOMS SHOG ,RANG DBANG MA THOB NYING MTSAMS SBYOR BA NA, ,'PHAGS MCHOG NYE RGYAL RNAM THAR JI BZHIN DU, ,RTAG TU RAB BYUNG TSUL KHRIMS RNAM DAG SHOG ,BSLU MED DKON MCHOG GSUM GYI THUGS RJE YIS, ,BDAG CAG DAM PAR 'DZIN PA'I SKYE BOS MTSON, ,MTHONG THOS DRAN REG SKYE BO THAMS CAD KYANG, ,THAR PA DAM PA'I LAM DANG 'BRAL MA GYUR, ,'DI YI DGE BAS DUS GSUM GSHEGS RNAMS DANG, ,SAR GNAS RGYAL BA'I SRAS PO THAMS CAD KYI, ,RLABS CHEN SPYOD PA SMON LAM CI MCHIS PA, , BDAG NYID GCIG PUS YONGS RDZOGS SPYOD PAR SHOG ,RANG DON BSAM PA DUG BZHIN SPANGS NAS NI, ,PHAN BDE'I 'BYUNG GNAS RIN CHEN SEMS MCHOG DANG, ,RMI LAM DU YANG SKAD CIG 'BRAL MA 'GYUR, ,BDAG NYID BZHIN @365A *, ,DU KUN KYANG DE 'DRAR SHOG ,ZHING GANG RGYAL BA'I NYI MAS MA BGROD PA, ,DER NI BDAG GI SPRUL PA SNA TSOGS KYI, ,NYI MAS RGYAL BA'I MDZAD PA KUN BSGRUBS TE, ,PHAN BDE'I PAD TSAL RGYAS PAR BYED PAR SHOG , RGYAL BA KUN GYI GSANG BA NAM MKHA'I MDZOD, ,MA LUS BDAG GI MNGON SUM YUL GYUR TE, ,GDUL BYA'I KHAMS DANG BSAM PA JI BZHIN DU, ,MA RNAMS KUN LA DUS SU 'DOMS PAR SHOG ,SKYE BA KUN TU SRID PA'I PHUN TSOGS RNAMS, ,DUG CAN LAG 'GRO GNAS PA'I TSANG TSING LTAR, ,MTHONG NAS MGO LA ME SHOR BZLOG LTA BUR, ,LAM MCHOG BSGRUB LA RTAG TU BRTZON PAR SHOG ,GANG DU SDIG PA'I 'BRAS BUS GTZOS GYUR KYANG, ,SRID PA'I NGANG TSUL DRAN NAS MI ZHUM ZHING, ,SHUGS DRAG BRTZE BAS NYAM THAG SDUG BSNGAL KUN, ,MA LUS BDAG GI RGYUD STENG LEN PAR SHOG ,'KHOR BA'I PHUN TSOGS JI TZAM THOB GYUR KYANG, ,NGA RGYAL MTHO BA'I SEMS SPANGS PHAN BDE KUN, ,BSAM PA THAG PAS 'GRO LA BSNGO BAR SHOG ,BSLU MED STON PA DE YI RNAM THAR BZHIN, ,DRAG SHUL RLABS CHEN SPYOD PA'I BYED PO YIS, ,LAM LNGA SA BCU BDE BLAG BGROD GYUR NAS, ,STOBS BCU MNGA' BA'I GO 'PHANG MYUR THOB SHOG ,NAM MKHAS GAR KHYAB BDAG GI SGO GSUM GYI, ,BKOD PAS KHYAB BYAS SNA TSOGS RNAM 'GYUR GYIS, ,RDZOGS LDAN SPRIN BZHIN 'DOD DGU'I GRU CHAR GYIS, ,MKHA' MNYAM 'GRO KUN BDE LA 'GOD PAR SHOG ,DE LTAR SMON PA'I @365B RNAM DKAR PHUNG PO'I MTHUS, ,LUS CAN KUN GYI PHAN BDE'I SGO GCIG PU, ,BLO BZANG LUNG RTOGS DAM CHOS MA LUS PA, ,SRID MTHAR RGYAS LA GEGS YOD MA GYUR CIG ,KHYAD PAR BSHAD SGRUB BSTAN PA'I 'BYUNG GNAS MCHOG , RNAM MANG MKHAS PA'I SKYE BOS BSTAN PA'I GNAS, ,TSOGS MCHOG 'DUS PA RGYA MTSO'I DGA' BA'I TSAL, ,BKRA SHIS LHUN PO RTAG TU RGYAS GYUR CIG ,BLA MA YI DAM MKHA' 'GRO CHOS SKYONG SOGS, ,SKYABS MCHOG KUN GYIS G-YEL MED GROGS MDZAD NAS, ,BDAG GI CHOS DANG MTHUN PA'I BSAM PA KUN, ,YID LA RE BA JI BZHIN 'GRUB PAR SHOG ,BDAG NI GANG DANG GANG DU GNAS PA DER, ,MI SHIS MI 'BYUNG 'JIG RTEN LAS, ,'DAS PA'I 'DOD DGU'I 'BYOR PA PHUN TSOGS KYI, ,BDE LEGS CHEN POS PHYOGS KUN GANG BAR SHOG ,GNAS SKABS KUN TU'ANG RGYAL BAS BSNGAGS PA YI, ,LUS DANG LONGS SPYOD GNAS DANG GROGS LA SOGS, ,LAM MCHOG BSGRUB PA'I MTHUN RKYEN PHUN TSOGS SHOG ,BKRA SHIS RGYA MTSOS PHYOGS KUN GANG BAR SHOG ,DKON COG GSUM GYI BKRA SHIS DENG 'DIR STZOL, ZHES PA BLA MA SANGS RGYAS BYANG SEMS KYI SKU BRNYAN KHA BTAGS SOGS LA BRIS PA'I 'PHAN SKOR GYI GONG PA LA RJE THAMS CAD MKHYEN PA NYID KYIS PHYAG BRIS SU MDZAD SNANG NGO,, ,,*, ,AOm SVA STI, 'DI PHUL DGE BAS BSAM GRUB BU KHRID NI, ,YAB YUM SRAS BCAS TSE RING LONGS SPYOD LDAN, ,BDE SKYI @366A *, ,PHUN TSOGS MTHAR THUG SANGS RGYAS KYI, ,GO 'PHANG DAM PA MYUR DU THOB PAR SHOG ,SVA STI, DPON SA BSAM GRUB BU KHRID KYIS, ,'DI LTAR PHUL BA'I DGE BA'I MTHUS, ,GNAS SKABS BSAMS DON KUN 'GRUB CING, ,MTHAR THUG SANGS RGYAS MYUR THOB SHOG ,CES PA MU TIG BYU RU SPOS SHEL SOGS KYI 'PHAN TZAR PHUL BA'I PAN MGO'I RGYAB LA PHYAG BRIS SU MDZAD SNANG NGO,, ,,*, ,NA MO GU RU MU NI AINDR'A YA, GANG GI MKHYEN BRTZE'I YON TAN GTER, ,RAB 'BYAMS RGYAL BA GZHAN KUN GYI, ,YON TAN PHUNG PO BSDOMS PA LA, ,'KHU LDAN SH'AKYA'I GTZO BO DE'I, ,ZHABS SKYES PAD MO'I GE SAR LA, ,SGO GSUM DANG BAS PHYAG 'TSAL ZHING, , BYANG CHUB SNYING POR SKYABS SU MCHI, ,MGON PO THUGS RJE'I LCAGS KYUS ZUNGS, ,SRID PA GSUM NA ZLA BRAL ZHING, ,BSLU BA MED PA'I SKYABS KYI PHUL, ,DRAN PA TZAM GYIS GDUNG SEL BA'I, ,BCOM LDAN KHYOD LA SNYING NAS 'DUD, ,BDAG LUS LONGS SPYOD DUS GSUM GYI, ,DGE TSOGS PHUNG PO CI YOD DANG, ,DNGOS BSHAMS YID KYIS SPRUL PA LAS, ,BYUNG BA'I MCHOD SPRIN RGYA MTSOS MCHOD, ,MI SHES BYIS PA'I SPYOD TSUL GYIS, ,PHAN MDZAD KHYOD KYI DGONGS PA DANG, ,'GAL BGYIS GNOD ZHING 'GYOD PA YIS, ,THUGS RJE CHE LDAN KHYED RNAMS KYI, ,SPYAN SNGAR BSHAGS SHING BSDAM PAR BGYI, ,BDAG CAG NYAM THAG 'GRO BA RNAMS, ,BSKYAB PHYIR NYID KYI SKU DANG @366B SROG ,GRANGS MED GTONG SOGS DPA' KHYOD KYI, ,MDZAD PA KUN LA YI RANG NGO, ,KHYOD KYI BSTAN PA'I RJES SLOB KYANG, ,THUB DBANG ZHI BA'I DBYINGS GSHEGS PAS, ,MAS SPANGS RI DVAGS BU 'DRA BDAG ,DBUGS DBYUNG SLAD DU 'DZUM ZHAL STON, ,CHOS KYI 'KHOR LO'I SPRIN CHEN LAS, ,SRID PA'I NAD BRGYA MA LUS PA, ,DRUNG NAS 'BYIN PA'I BDUD RTZI'I CHAR, ,'GRO BA'I BLA MAS RTAG TU PHOB, ,'DIS MTSON RNAM DKAR DGE BA'I MTHUS, ,BDAG CAG RING NAS GCES BSKYANGS PA, , MAR GYUR NYAM THAG 'GRO BA KUN, ,MYUR DU BDE GSHEGS GNAS THOB SHOG ,BDAG KYANG TSE RABS THAMS CAD DU, ,BU RAM SHING PA'I RJES 'BRANG ZHING, ,THUB PA'I NYI MA MTHA' DAG GI ,CHOS KUN JI BZHIN 'DZIN GYUR CIG ,JI SRID BLA MED BYANG CHUB BAR, ,STOBS BCU MNGA' BAS BDAG CAG GI ,'BRAL MED DGE BA'I BSHES MDZAD CING, ,KHYOD MNYES KHO NA SGRUB GYUR CIG ,'DI SNANG NUB TSE BDE BA CAN, ,'OD DPAG MED PA'I ZHABS DRUNG DU, ,LEGS SKYES GSUNG GI BDUD RTZI 'THUNG, ,YON TAN RGYA MTSO'I MTHAR PHYIN GYUR, ,DE NAS SNA TSOGS SPRUL PA YIS, ,NYAM THAG 'GRO BA MA LUS PA'I, ,GDUNG SEL GNAS SKABS MTHAR THUG GI ,'DOD DGU MA LUS SBYIN GYUR CIG ,BDAG NI MTHONG DANG THOS PA DANG, ,DRAN REG GUS PAR BYED PA RNAMS, ,LOG PA'I LAM DU MI LTUNG BAR, ,BDE NAS BDE BAR BGROD GYUR CIG ,BDAG LA DAM PAR 'DZIN PA RNAMS, ,'BRAL MED BDAG GIS RJES BZUNG STE, ,BDAG NYID MNGON PAR SANGS RGYAS @367A *, ,TSE, ,'KHOR GYI THOG MAR 'GYUR BAR BGYI, ,PHA MAR GYUR PA'I 'GRO BA RNAMS, ,SGROL PHYIR MNAR MED ME NANG DU'ANG, ,'JUG LA SPRO BA'I GDENG LDAN PAS, ,'GRO KUN BDE LA DGOD GYUR CIG ,BDAG GI BSOD NAMS 'DI YI MTHUS, ,LUS CAN KUN GYI SDIG SDUG RNAMS, ,THAMS CAD BDAG LA SMIN GYUR NAS, ,DE DAG RTAG TU BDE GYUR CIG ,BDAG GI MING TZAM DRAN PAS KYANG, ,'JIGS PA MED PA'I GNAS THOB STE, ,DAM PA'I GROGS DANG MI 'BRAL BAR, ,THAMS CAD MKHYEN GRONG 'JUG GYUR CIG ,BDAG KYANG SRID NA RGYU BA'I TSE, ,SDIG BRAL MNGON MTHO'I DPAL LDAN ZHING, ,CHOS KYI LONGS SPYOD PHUN TSOGS PA'I, ,MKHAS PAS SMON PA'I GNAS GYUR CIG ,KHYAD PAR MI PHAM ZHABS ZUNG GI ,GTZUG RGYAN MDZES DANG MI 'BRAL ZHING, ,MGON DE'I GSUNG GI GSANG BA KUN, ,'DZIN CING MNYES PA BSGRUB GYUR CIG ,GNAS SKABS KUN TU THAMS CAD MKHYEN, ,BLO BZANG GRAGS PA'I MDO SNGAGS KYI, ,BSTAN PA SPEL LA 'GAL RKYEN BRAL, ,MTHUN RKYEN YID BZHIN 'GRUB GYUR CIG ,CES PA CHO 'PHRUL CHEN PO'I DUS MCHOD SKABS DGOS PA MCHOD LHA SOGS BRIS PA'I GOS YUG GI GOD PAR 'DRIR BSTZAL TO,, ,, SVASTI, RGYAL BA'I DBANG PO BLO BZANG GRAGS PA'I DPAL, ,MGON DE'I SKU GZUGS 'DOD DGU'I CHAR 'BEBS PA, ,BSAM 'PHEL DBANG GI RGYAL PO 'DI BZHENGS PA'I, ,DGE BAS MTSON PA'I RNAM DKAR PHUNG PO'I TSOGS, ,MA LUS @367B GCIG TU BSDOMS TE MGON KHYOD KYIS, ,TSE RABS KUN TU RJES SU 'DZIN PA DANG, ,KHYOD KYI MDO SNGAGS BSTAN PA'I SROL CHEN PO, ,CHES CHER RGYAS LA YUN RING GNAS PHYIR BSNGO, ,BDAG DANG BDAG LUS BSKYED PA'I DRIN CAN MA, ,GZHAN YANG MTHONG THOS DRAN CING REG PA YI, ,BDAG LA 'BREL BA'I SKYE BO THAMS CAD DANG, ,'DI YI PHYIR DU MTHUN RKYEN GANG BSGRUBS PA, ,KUN KYANG TSE 'DI'I SNANG BA 'GAGS MA THAG ,DGA' LDAN GNAS SU NGES PAR SKYE BA DANG, ,MA PHAM MGON DANG 'JAM DPAL SNYING PO YI,, ,,BRTZE BA'I PHYAG GIS DGYES BZHIN 'DZIN GYUR CIG ,DENG NAS BZUNG STE TSE RABS THAMS CAD DU, ,KHYOD KYI DGONGS PA'I GNAD DON KUN RTOGS TE, ,BSTAN DANG SEMS CAN DON KUN BSGRUB PA LA; ;RJE BTZUN BLA MA KHYOD DANG MTSUNGS PAR SHOG ,'KHOR BA'I BDE LA ZHEN CING CHAGS PA DANG, ,RANG BDE 'DOD PA DUG BZHIN GTAN SPANGS NAS, ,'GRO BA'I DON DU RGYAL SRAS SPYOD PA'I KHUR, ,MA LUS 'DZIN LA ZHUM PA MED PAR SHOG , 'KHOR BA'I RTZA BA GCOD BYED YANG DAG LTA, ,GSANG CHEN LAM GYI MTHAR THUG RIM PA GNYIS, ,KHYAD PAR THEG CHEN RTZA BA BYANG CHUB SEMS, ,BDAG GI SNYING LA 'BRAL BA MED GYUR CIG ,GNAS SKABS SU YANG BSAMS PA'I DON RNAMS KUN,, BDE BLAG 'GRUB CING 'GAL RKYEN ZHI BA DANG, ,TSE DANG 'BYOR PA BSHAD SGRUB 'PHRIN LAS RNAMS, ,YAR NGO'I ZLA BZHIN RTAG TU RGYAS PAR SHOG ,YUL PHYOGS KUN TU'ANG NAD DANG 'KHRUG PA SOGS, ,MI MTHUN GNOD PA THAMS CAD ZHI BA DANG, , @368A *, ,LO TOG PHUN TSOGS BDE SKYID DPAL 'BYOR LA, ,RDZOGS LDAN DUS BZHIN KUN KYANG SPYOD PAR SHOG ,RGYAL DANG DE'I YUM RGYAL SRAS 'PHAGS PA'I TSOGS, ,MCHOG TU BDEN PA'I MTHU DANG BYIN RLABS DANG, ,RGYU 'BRAS RTEN 'BREL NAM YANG MI BSLU BA'I, ,BDEN PAS JI LTAR SMON BZHIN 'GRUB PAR SHOG ,CES PA 'DI BKRA SHIS LHUN PO'I GTZUG LAG KHANG DU RJE BLA MA'I DNGUL SKU BZHENGS SKABS SMON LAM DU STZAL PA'O,, ,, AOm SVASTI, GSER GYI 'DZIN MAR NYAL 'GRO'I PHUNG PO LTAR, ,BKRA SHIS LHUN POR SPUNGS PA'I CHOS GRVA CHE'I, ,TSOGS MCHOG MCHOD PA'I BDUD RTZI BSKYIL BA'I GNAS, ,RIN CEN LAS GRUB PHUL BYUNG SNOD YANGS 'DI, ,BLO BZANG CHOS KYI RGYAL MTSAN DPON SLOB KYIS, ,LEGS BSGRUBS 'DIS MTSON DGE TSOGS RGYA MTSO'I MTHUS, ,BKRA SHIS LHUN GYIS GRUB PA'I CHOS GRVA CHE, ,SRID MTHA'I BAR DU DAR ZHING RGYAS PA DANG, ,DGE 'DUN KHRIMS GTZANG THUGS MTHUN BSHAD SGRUB 'PHEL, ,THUB BSTAN DAR RGYAS YUN RING GNAS GYUR CIG ,BDAG DANG MKHA' MNYAM 'GRO BA MA LUS PA, ,RTAG TU BLA MED THEG PA'I SNOD GYUR TE, ,RLABS CHEN RGYAL SRAS SPYOD PA MTHAR PHYIN NAS, ,THAMS CAD GZIGS PA'I GO 'PHANG MYUR THOB SHOG ,'DI YI BYED PO DPAL 'BYOR BSAM GRUB SOGS, ,GNAS SKABS MTHAR THUG 'DOD DON 'GRUB GYUR CIG ,TSOGS KHRO CHEN MO GSAR BZHENGS KYI ZHAL YIG GO , ,, @368B *, ,H'Um; RGYAL BA KUN GYI MTHU STOBS KUN 'DUS PA'I, ,BCOM LDAN RDO RJE 'JIGS BYED 'KHOR DANG BCAS, ,RTEN 'DIR BRTAN PAR BZHUGS LA CHOS GRVA 'DI, ,SRID MTHA'I BAR DU DAR ZHING RGYAS PAR MDZOD, ,TIshthA BADZRA MANGGA LAm, H'Um; THUGS RJE CHEN PO KHROS PA'I GAR MDZAD PA, ,MYUR MDZOD YE SHES MGON PO 'KHOR BCAS LA, ,BKRA SHIS LHUN PO'I MI NOR DGE 'DUN SDE, ,BCOL LO BLTOS SO 'PHRIN LAS RNAM BZHIS SKYONGS, ,TIshthA BADZRA SA MA YA, LHA CHEN NYI MA'I SRAS PO 'KHOR BCAS LA, ,CHOS GRVA CHE 'DI'I MI NOR DGE 'DUN SDE, ,GNYER DU GTAD DO RTZA BRGYUD BLA MA YI, ,BKA' LAS MA 'DA' RTAG TU BSRUNG SKYOB MDZOD, ,TIshthA BADZRA SA MA YA,, ,,*, ,BSO SPYI KHANG DU RJE RANG NYID KYI SKU BRNYAN GTZO BOR GYUR PA'I BRIS 'BUR GYI RTEN BZHUGS PA'I DKAR CHAG SMON LAM GNYER GTAD NI,, ,,AOm SVASTI, BLO BZANG CHOS KYI RGYAL MTSAN 'DZIN PAR GRAGS, ,SHER PHYIN SMRA BA'I RGYAN GYUR RAB TU 'BYOR, ,'JAM DPAL GRAGS PAS NAG PHYOGS BDUD BGEGS 'JOMS, ,KLU SGRUB SRAS KYI THU BO LEGS LDAN 'BYED, ,DKYIL 'KHOR BYE BA'I BDAG PO AA BHA YA, ,SKAD GNYIS SMRA BA'I DBANG PO RTA NAG 'GOS, ,'JAM PA'I DBYANGS DNGOS SA SKYA PAntI TA, ,SNANG SRID ZIL GNON G-YUNG STON RDO RJE DPAL, ,MKHAS GRUB BSTAN PA'I NYI MA DGE LEGS DPAL, ,BSOD NAMS PHYOGS KYI GLANG PO BSTEN PA'I GNYEN, ,BLO BZANG DON GNYIS LHUN GYI GRUB PA'I RJE,, ,,*, ,THUB DBANG @369A *, ,GNYIS PA BLO BZANG GRAGS PA'I DPAL, ,'JAM DBYANGS SRAS PO 'JAM DPAL RGYA MTSO'I ZHABS, ,BKA' GDAMS BSTAN PA'I BDAG PO DGE 'DUN GRUB, ,DGE LDAN GDAMS PA'I MDZOD 'DZIN BA SO RJE, ,RJE BTZUN CHOS KYI RGYAL MTSAN BSTAN PA'I SROG ,MKHAS GRUB SANGS RGYAS YE SHES SKYABS KYI PHUL,, ,,*, ,RIGS KUN KHYAB BDAG DPAL LDAN RDO RJE 'CHANG, ,TIL BRDUNG SPYOD PAS RNAM GROL TE LO PA, ,N'A RO TA PA RGYUD SDE RGYA MTSO 'BYED, ,GRUB PA'I DBANG PHYUG dOm BI HE RU KA, CHOS KYI RDO RJE ZUNG 'JUG GO 'PHANG BRNYES, ,RIG 'DZIN MCHOG BRNYES DPAL LDAN RDO RJE 'DZIN,, ,,*, ,LHA BCAS 'GRO BA'I STON PA SH'AKYA'I GTZO, ,SHES RAB CAN GYI MCHOG GYUR SHA RI'I BU, ,RDZU 'PHRUL CAN GYI MCHOG GYUR PANG NAS SKYES, ,BYAMS MGON THUGS RJES DGA' LDAN GNAS SU 'DREN, ,'JAM PA'I DBYANGS KYIS RNAM DPYOD SHES RAB STZOL, ,BSTAN LA STON PA DANG MTSUNGS KLU SGRUB ZHABS, ,BYAMS MGON SRAS MCHOG 'PHAGS PA THOGS MED ZHABS, ,'OD DPAG MED MGON DPAL LDAN AA TI SHA ,TSE DPAG MED MGON DRAN PAS 'CHI BDAG 'JOMS, ,RGYAL BA'I GTZUG TOR LAS 'KHRUNGS GDUGS DKAR MO, ,RNAM PAR RGYAL MAS 'GRO LA 'CHI MED STZOL, ,'PHAGS MA SGROL MA 'JIGS PA BRGYAD LAS SKYOBS, ,SGROL MA DKAR MO TSE DANG YE SHES STZOL,, ,,*, ,RDO RJE 'JIGS BYED @369B BDUD RNAMS KUN GYI DGRA, ,YE SHES MGON PO DGRA 'JOMS BAR GCOD SEL, ,BLO BZANG BKA' SRUNG GTZO BO CHOS KYI RGYAL, ,DMAG ZOR RGYAL MO BSTAN PA'I BYA RA MDZAD, ,RGYAL CHEN RNAM SRAS 'DOD DGU'I TSAR BA 'BABS, , BEG TZE LCAM SRING BSTAN DGRA RTZAD NAS GCOD, ,PHYING DKAR DPA' BO BKRA SHIS LHUN PO SKYONG,, ,,*, ,SVASTI, PHAN BDE'I CHAR 'BEBS ZHABS SEN YID BZHIN NOR, ,SPYI BOR REG PAS GDUNG SEL MCHOG STZOL BA'I, ,BSLU MED BLA MA YID MA MCHOG GSUM LA, ,BYANG CHUB SNYING PO'I BAR DU SKYABS SU MCHI, ,PIR 'DZIN RGYAL PO CHOS DBYINGS RGYA MTSO YI, ,SLOB BU LHA BZO KUN DGA' RGYAL MTSAN GYIS, ,BSAM SBYOR DAG PAS LHA DANG BLA MA YI, ,SKU BRNYAN MIG GI BDUD RTZI SPUNGS 'DRA BZHENGS, ,DGE BAS DENG NAS TSE RABS THAMS CAD DU, ,LHA DANG BLA MA'I TSOGS KYIS RJES BZUNG NAS, ,STOBS BCU MNGA' BA'I GO 'PHANG MYUR THOB STE, ,MAR GYUR 'GRO BA 'DREN PA'I DPAL GYUR CIG ,BA SO DGE LDAN RAB RGYAS CHOS KYI SDE, ,DAR ZHING RGYAS LAS BYUNG BA'I KHRIMS LDAN GYI, ,BLO GSAL RGYA MTSOS GNAS 'DI YONGS GANG NAS, ,BSHAD SGRUB BYA BAS NYIN MTSAN 'DA' BAR SHOG , ,, 'DI LTAR BSKRUN PA'I DGE TSOGS RGYA MTSO'I MTHUS, ,SKU 'DI'I PHYIR DU 'BAD PA BYED PA DANG, ,'DI NYID MTHONG THOS DRAN REG SKYE BO'I TSOGS, ,BDE BA CAN GYI ZHING DU SKYE BAR SHOG ,'DI RNAMS 'CHI BDAG LAS KYI GSHIN RJE DANG, , @370A *, ,DMAG ZOR RGYAL MO CHOS SKYONG LCAM SRING LA, ,GNYER DU GTAD DO LOG PAS 'KHYER BYED NA, ,MYUR DU DRAG PO'I CHAD PAS TSAR CHOD MDZOD,, ,,*, ,H'Um RDO RJE NAG PO GDONG BZHI PA,, YUM BZHI BSHAN PA'I TSOGS RNAMS LA, ,BKRA SHIS LHUN PO SDE DANG BCAS, ,BCOL LO BSRUNG SKYOBS MA G-YEL CIG ,TIshthA BADZRA,, ,,AOm SHAR PHYOGS YANGS PA'I NOR 'DZIN LHA LAM LA, ,DBANG BSGYUR LHA YI DGE BSNYEN DPA' BO CHE, ,SDE BRGYAD 'BYUNG PO'I 'KHOR DANG LHAN CIG TU, ,'DIR BYON RNAL 'BYOR BCOL BA'I 'PHRIN LAS MDZOD, ,PHYI NANG MCHOD TSOGS BAR SNANG KHYON GANG ZHING, ,KHYAD PAR SHA KHRAG GTOR MAS SA GZHI'I TSOGS, , YONGS SU BKANG STE BDUD RTZIR BYIN BRLABS NAS, ,GNAS BDAG GZHI BDAG 'KHOR BCAS MNYES PHYIR 'BUL, ,DAM RDZAS MCHOD GTOR RGYA MTSO 'DI BZHES LAS, ,RNAL 'BYOR BDAG CAG 'KHOR DANG BCAS RNAMS KYI, ,'GAL RKYEN BAR CHAD THAMS CAD ZHI BA DANG, ,MTHUN RKYEN BSAMS DON YID BZHIN 'GRUB PAR MDZOD, CES PA 'DI NI DAD STOBS DANG LDAN PA KHE SHIG TU WANG GIS GSOL BA BTAB PA LA BRTEN NAS SBYAR BA'O,, ,, *, ,NA MO RATNA TRA Y'A YA, GSER ZHUN BRTZEGS PA'I LHUN PO DBANG PO'I GZHUS, ,'KHYUD PA JI BZHIN MTSAN DPE'I DPAL 'BAR BA, ,SRID GSUM 'GRO BA'I BLA MA SH'AKYA'I TOG ,DRAN PA YIS KYANG SNYING GI GDUNG BA SEL,, @370B PHAN BDE'I 'BYUNG GNAS SPRUL BA'I GTZUG LAG KHANG, ,'JIG RTEN DBANG PO'I PHO BRANG MDZES PA'I RGYAN, ,SA LE SBRAM GYI TOG 'BAR BYA 'DAB BCAS, ,GSOS SHING GSAR DU BSKRUN PA'I BYED PO GANG, ,RIS MED BSTAN LA DAD PA'I NGANG TSUL CAN, ,BLO BZANG CHOS KYI RGYAL MTSAN ZHES PA NYID, ,DE LAS 'ONGS PA'I RNAM DKAR CI MCHIS PA, ,MA RNAMS DON DU BYANG CHUB MCHOG TU BSNGO, ,TSUL 'DIR MTHUN RKYEN SGRUB BYED MA LUS KYANG, ,TSE RING NAD MED LONGS SPYOD KYIS MDZES SHING, ,BDE 'GRO NOR BU'I THEM SKAS RIM 'DZEGS NAS, ,SKU GSUM GZHAL MED KHANG DU 'JUG GYUR CIG ,DGE LEGS 'OD BRGYA'I SNANG BA 'BYUNG BA'I SGO, ,RGYAL BA'I BSTAN PA NAM MKHA'I NOR BU YANG, ,BAR GCOD BDUD TSOGS SPRIN GYIS MI SGRIB PAR, ,PHYOGS DUS KUN TU GSAL ZHING RGYAS GYUR CIG ,YUL PHYOGS 'DIS MTSON RGYAL KHAMS THAMS CAD DU'ANG, ,MI SHES RGUD PA'I MING YANG MI 'BYUNG ZHING, ,RDZOGS LDAN GSAR DU 'ONGS 'DRA'I DGA' STON GYI, ,CHOS NOR 'DOD DANG THAR PA 'PHEL GYUR CIG ,KHYAD PAR SDE 'DIR NAD RIMS MU GE DANG, ,LO NYES DUS 'KHRUG DGRA YI GNOD BRAL ZHING, ,PHUN TSOGS 'DOD DGU'I 'BYOR PAS YONGS GANG BAS, ,NYIN MTSAN KUN TU BDE DGES 'TSO GYUR CIG ,BDAG KYANG DENG NAS TSE RABS THAMS CAD DU, ,'KHOR LO CHEN PO BZHI DANG MI 'BRAL ZHING, ,'JAM DPAL 'JIG RTEN DBANG PHYUG GSANG 'DZIN DANG, ,KUN BZANG MDZAD PA MA LUS BSGRUB GYUR CIG , @371A *, ,BDAG LA BRTEN CING MNGON DGA'I 'GRO KUN KYANG, ,MA PHAM MDUN SA BDE BA CAN LA SOGS, ,RNAM DAG ZHING DU PADMO LAS SKYES TE, ,BDUD BZHI'I G-YUL LAS MYUR DU RGYAL GYUR CIG ,CES SNGON BYON DAM PA'I RNAM THAR LA BLTA BAR 'DOD PA RNAM MANG GZHUNG BRGYA SMRA BA SH'AKYA'I DGE SLONG BLO BZANG CHOS KYI RGYAL MTSAN GYIS TSIG GI SPROS PA DOR TE G-YAR KHRAL DU 'TSAL BA DGE'O,, ,, *, ,AOm BDE LEGS SU GYUR CIG ,GANGS RI'I MGON PO'I ZHING MCHOG MDZES PA'I RGYAN, ,MKHAS MANG BYE BA PHRAG BRGYA 'BYUNG BA'I GNAS, ,CHOS GRVA CHEN PO BKRA SHIS LHUN PO YI, ,RNAM MANG THOS BSAM GLING GI GDAN SA PA, ,LUNG RIGS SMRA BA DGE 'DUN YAR 'PHEL GYIS, ,LHAG BSAM DAG PAS GRVA KHANG RTZE BA NAS, ,SHING RTZE LOGS BRIS RTZER SON LEGS PAR BSGRUBS, ,RI MO MKHAS PA BLO BZANG DPAL LDAN GYIS, ,GTZO BYAS RIG BYED 'DZIN MANG SOR MO YI, ,SGYU RTZAL LAS 'ONGS DUS GSUM BDE GSHEGS DANG, ,RTZA BRGYUD BLA MA RGYAL DANG RGYAL BA'I SRAS, ,CHOS BSRUNG MNGON SUM BYON 'DRA'I SKU BRNYAN NI, ,'DREN BYED DGA' STON SPUNGS 'DRA LEGS PAR BSKRUN, ,DE LAS BYUNG BA'I RNAM DKAR DGE BA'I TSOGS, ,KUNDA ZLA ZER BYE BAS PHYUGS 'DRA DES, ,'DI LTA'I DON DU MTHUN PA'I DNGOS PO DANG, ,SGO GSUM CI RIGS PHAN PAR BYED PA RNAMS, ,NGAN SONG NGAN 'GRO MI KHOM @371B GNAS SPANGS TE, ,RTAG TU DAL 'BYOR LHA MI'I RTEN BRGYUD NAS, ,BLA MED BYANG CHUB DAM PA MYUR THOB SHOG ,KHYAD PAR CHOS GRVA CHEN PO 'DI NYID DU, ,BLO GSAL MKHAS MANG RGYA MTSO'I TSOGS 'DU ZHING, ,BSHAD SGRUB LONGS SPYOD 'DOD DGU 'GRAN BZHIN 'PHEL, ,BKRA SHIS DGE LEGS SRID MTHAR RGYAS GYUR CIG ,CES PA RJE THAMS CAD MKHYEN PA'I GSUNG NGO,, ,,*, ,NA MO RATNA TRA Y'A YA, MDZES BYED DUS SU CHO 'PHRUL SMON LAM LA, ,TSOGS CHEN JA 'DREN ZANGS LTIR BCO BRGYAD BSKRUN, ,DE YI PHYI LO BYAMS CHEN THUB DBANG SKUR, ,RIM BZHIN GOS BZANG LUNG KI'I CHOS GOS PHUL, ,SNA TSOGS DBYIG CES BYA BA'I LO NANG DU, ,BYAMS MGON LI 'DRA DNGUL GYI STON PA'I SKU, ,THUB DBANG GTZANG KHANG DBUS MA'I STENG NYID DU, ,ZANGS KHAL BRGYA DANG GSER ZHO LNGA BRGYA LAS, ,GRUB PA'I GSER 'BRU GSER GYI LHUN PO LTAR, ,BRJID CING LHUN CHAGS BKOD PAS MDZES PA BZHENGS, ,PHUR BU'I LO LA DBYEN BZLUMS MCHOD RTEN NI, ,BDE GSHEGS RING BSREL SNYING PO CAN DU BSGRUBS, ,BAG YOD LO NANG BYAMS CHEN DBU THOG TU, ,GSER ZANGS RGYA PHIGS GZI 'OD 'BAR BA BGYIS, ,KUN DGAR GTZUG LAG KHANG CHEN THOG KHEBS PA'I, ,BZANG GOS LAS GRUB BLA RE GSAR PA DANG, ,SNGAR GYI BLA RE RNYING SHING 'THOR RNAMS KYANG, ,GSOS SHING BRJES TE GSAR PA LTA BUR BYAS, ,ME KHYER ZHES BYAR DNGUL SRANG LNGA BRGYA LAS, ,RGYAL BA GNYIS PA'I SKU 'BAG DE NYID KYI, ,G-YU TSEMS @372A *, ,MARGAD MAR GRAGS MCHOD SDONG DBUS, ,G-YON G-YAS RIM BZHIN RJE BTZUN BLA MA DANG, ,'BROM STON DGE 'DUN GRUB PA'I TSEMS BZHUGS PA, ,DAD LDAN BSOD NAMS ZHING DU MNGON SUM DU, ,BYIN RLABS GZI 'OD STONG 'BAR LHANG NGER NI, ,TSOGS MCHOG GSOL BA 'DEBS PA'I RTEN DU BSKRUN, ,DE MTSUNGS SNGAR GYI DBYEN BZLUMS MCHOD RTEN DE'I, ,CHOS 'KHOR YAN CHAD GSER ZANGS DAG LAS BSGRUBS, ,'DI DAG BSGRUBS PA'I DGE BAS THUB DBANG GI ,BSTAN PA RIN CHEN PHYOGS BCUR RGYAS PA DANG, ,MAR GYUR 'GRO KUN RTAG TU BDE LDAN ZHING, ,THAMS CAD GZIGS PA'I GO 'PHANG MYUR THOB SHOG ,CES PA'ANG DKON MCHOG GSUM GYI BKA' 'BANGS THA CHUNG BTZUN PA BLO BZANG CHOS KYI RGYAL MTSAN GYIS SMRAS PA DGE LEGS 'PHEL,, ,,*, ,DON GRUB TSOGS MCHOG STONG TZAM 'DUS PA LA, ,CHOS 'KHOR SNGON MED GSAR BTZUGS ZLA GCIG BAR, ,PHOGS DANG JA TSUL BZANG PO LEGS PAR BSKRUN, ,RNGA CHEN RANG BYUNG LNGA LDAN DBU THOG TU, ,GSER ZANGS RGYA PHIGS BKOD PA MDZES PAS BRGYAN, ,RAB BYUNG SLAR YANG GTZANG KHANG ZUR ZUNG DANG, ,RGYUD KHANG GANYJIR GSUM MNYAM DU BKOD, ,RAB MYOS BYANG PHYOGS BDE BAR GSHEGS PA'I BKA', ,JI SNYED 'GYUR RNAMS YONGS RDZOGS GLEGS BAM BZHENGS, ,DE RJES DGE LDAN GSER GYI THOG GIS BRGYAN, ,SKYES BDAG CHOS GRVA CHEN PO'I GTZUG LAG KHANG, ,SHING RTZI RI MO'I @372B RGYAN GYIS MDZES PAR BYAS, ,DPAL GDONG SLAR YANG BTZO MA'I GSER SBYANGS LAS, ,RGYAL BA'I BKA' 'GYUR MA TSANG MED PAR BSGRUBS, ,BZHUGS KHANG STON PA'I MDZAD PA'I RI MOS BRGYAN, ,SA SKYONG GSER SBYANGS LAS GRUB BKA' 'GYUR DANG, ,YE SHES BSRUNG MA'I SKU BRNYAN MANG PO BSGRUBS, CES PA 'DI GNYIS RJE THAMS CAD MKHYEN PA RANG NYID KYIS PHYAG BRIS SU MDZAD SNANG BA LAS BLANGS SO,, ,,*, ,H'Um; MAH'A K'A LA 'KHOR BCAS LA, , RTEN GSUM MCHOD RDZAS BCAS PA 'DI, ,BCOL LO BLTOS SO GNYER GTAD PAS, ,BSAM SBYOR NGAN PA'I DGRA BYUNG NA, ,SNYING KHRAG DRON MO HUB KYIS BZHES, ,BDUN RGYUD TSUN CHAD TSAR GCOD MDZOD, ,BADZRA SA MA YA TIshthA, DE BZHIN CHOS KYI RGYAL PO LA'ANG, ,GTAD DO GNYER RO BYA RA MDZOD, CES PA LI MA RNYING PA'I LCAGS DRA'I NANG GI SHEL SGOR BZHUGS PA'I MGON CHOS KYI SKU BRNYAN GNYIS KYI GSHAM DU PHYAG BRIS SU MDZAD SNANG NGO, ,SVA STI, RIN CHEN SA 'DZIN RDUL MNYAM DPAL RKANG GI ,YE SHES MTSAN DPE'I DPAL 'BAR BYAMS MGON GYI, ,BKRA SHIS 'KHOR LOS MTSAN PA'I ZHABS PAD ZUNG, ,BDAG CAG SPYI BO'I RGYAN DU RTAG BZHUGS GSOL, ,GRANGS MED BSKAL PAR BSOD NAMS YE SHES KYI, ,'DAB STONG 'BUM PHRAG LEGS PAR BRTZEGS PA'I STENG, ,SKU GSUM 'BRAS BU BZANG PO'I DPAL 'BAR BA, ,NYI MA'I GNYEN GYIS RANG GI RGYAL TSAB TU, ,DBANG BSKUR CHOS KYI RGYAL SRID SKYONG BA'I GNAS, ,DAG ZHING LA 'KHU @373A *, ,DGA' LDAN SKYED TSAL GYI, ,ZHING BKOD SNGON MED YA MTSAN RI MO 'DI, ,PIR THOGS RGYAL PO CHOS DBYINGS RGYA MTSO YI, ,RNAM DPYOD SOR MO'I RTZE LAS LEGS PAR 'KHRUNGS, ,'DI YI PHYIR DU MTHUN PA SGRUB PA DANG, ,LHA LAM KHYAB PA'I MAR GYUR 'GRO BA RNAMS, ,MA PHAM MDUN SA YID DGA' CHOS 'DZIN DU, ,SKYES NAS SA BCU'I RIM PA MTHAR SON TE, ,SKU GSUM BDE BA CHE LA SPYOD PAR SHOG ,CES PA'ANG THAMS CAD MKHYEN PA NYID KYI GSUNG NGO;; ;;SVASTI, GANG GI NGO BO RGYAL BA THAMS CAD KYI, ,CHOS SKU'I RANG BZHIN DAG DANG DBYER MED KYANG, ,BGRANG YAS SGYU 'PHRUL DRA BA'I 'JO SGEG GI ,GTZO BO GCIG LHAG PHYOGS KYI GRANGS LDAN 'DI, ,NANG SO BSOD NAMS MTSAN CAN LHAG BSAM GYIS, ,'JAM DBYANGS GNYIS PA DKON MCHOG LHUN GRUB PA'I, ,DGONGS PA RDZOGS PHYIR MTHUN PA'I RKYEN SBYAR NAS, ,GANGS CAN SMAN THANG PA ZHES GRAGS PA YI, ,LUGS 'DZIN GTZO BO PIR THOGS MKHAS PA'I MCHOG ,DGE TSUL CHOS DBYINGS RGYA MTSOS DAD PAS BSGRUBS, ,'DIS MTSON DGE TSOGS ZLA SHEL 'OD STONG GIS, ,DKON MCHOG LHUN GRUB BZHED PA KUNDA'I TSAL, ,SKU GSUM ZE'U 'BRUS MNGON PAR MDZES PA DANG, ,BSOD NAMS DAR RGYAS MNGA' THANG LANG TSO TSE, ,RIGS RGYUD 'KHOR DANG LONGS SPYOD SNYAN GRAGS SOGS, ,'DOD DGU DBYAR MTSO BZHIN DU RGYAS GYUR CIG ,YON MCHOD 'KHOR BCAS TSE RABS THAMS CAD DU, ,RJE BTZUN BLA MAS 'BRAL @373B MED RJES BZUNG STE, ,BDE 'GRO NOR BU'I THEM SKAS LA BRTEN NAS, ,THAMS CAD GZIGS PA'I GO 'PHANG MYUR THOB SHOG ,CES PA'ANG THAMS CAD MKHYEN PA NYID KYI GSUNG NGO,, ,,SVASTI, KUN MKHYEN YE SHES PIR GYI RTZE MO LAS, ,'KHRUNGS PA'I MDZES SDUG LA 'GRAN SRID ZHI YI, ,GZUGS 'DZIN DGA' STON SPUNGS 'DRA'I BYED PA PO, ,SMAN THANG PA ZHES GRAGS PA'I LUGS 'DZIN GTZO, ,SDOM BRTZON MKHAS PA CHOS DBYINGS RGYA MTSO YIS, ,RNAM DPYOD DAD DANG BRTZON PA'I STOBS KYIS BSGRUBS, ,DE LAS 'ONGS PA'I DGE TSOGS GANGG'A'I RGYUN, ,THAMS CAD GZIGS PA'I RGYA MTSOR 'JUG GYUR CIG ,TSE RABS KUN TU LHA MI'I 'DREN PA MCHOG ,ZAS GTZANG SRAS DANG RJE BTZUN BLA MA'I TSOGS,, KUN GYIS 'BRAL MED RJES SU BZUNG BA'I MTHUS, ,DGE LEGS NOR BU'I THEM SKAS RIM 'DZEGS TE, ,SKU GSUM GZHAL MED KHANG DU BGROD PAR SHOG , ,,SVASTI, 'DI LTAR BSKRUN PA'I RNAM DKAR GSER SBYANGS KYI, ,ME TOG BYAMS MGON BSTAN PA'I RGYAN GYUR TE, ,MA PHAM BZHAD PA'I LJAGS YANGS RGYUD MANG SGRAS, ,DBUGS DBYUNG BYANG CHUB DAM PAR LUNG STON SHOG ,'DI DAG GZIMS CHUNG THANG KA'I RGYAB YIG LA GNANG BA'O, ,NA MO BADZRA BHEE RA W'A YA; DUS GSUM RGYAL BA KUN GYI YUM, ,DMAG DANG ZOR GYI LAS DGYES PA, ,'DOD KHAMS DBANG PHYUG 'KHOR BCAS LA, ,RDO RJE 'CHANG DBANG NAS BZUNG STE, ,RTZA BRGYUD BLA MA'I TSOGS RNAMS KYIS, ,BKA' BSGOS JI BZHIN RANG NYID KYIS,, @374A *, ,SNYIGS DUS GDUL DKA' MA LUS PA, ,'DUL BAR ZHAL BZHES DAM BCAS BZHIN, ,BKRA SHIS LHUN PO'I CHOS GRVA CHE'I, ,DPON SLOB MI NOR DGON GNAS BCAS, ,BCOL LO BLTOS SO GNYER DU GTAD, ,NYIN GSUM BYA RA MTSAN GSUM DU, ,DRUNG NAS MEL TSE MA G-YEL BAR, ,'GAL RKYEN KUN SOL MTHUN RKYEN SGRUBS, ,CHOS GRVA CHE 'DIR 'PHRAL PHUGS SU, ,GNOD PA'I MI DANG MI MIN TSOGS, ,KUN DANG LKOG TU NAG CHANG LA, ,BAG MED SPYOD PA'I SDIG LDAN RNAMS, ,PHYI NANG GANG NA GNAS KYANG RUNG, ,DRAG PO'I CHAD PAS TSAR CHOD CIG ,DZA: LHA CHEN CHOS KYI RGYAL PO 'KHOR BCAS LA, ,BKRA SHIS LHUN PO'I MI NOR DGON GNAS BCAS, ,BCOL LO GTAD DO BSRUNG ZHING SKYOB PA DANG, ,BSHAD BSGRUB DAR RGYAS YUN RING GNAS PAR MDZOD,, H'Um; GNOD SBYIN LCAM SRING BSHAN PA'I DMAG TSOGS LA, ,CHOS GRVA CHE 'DI'I DPON SLOB DGE 'DUN SDE, ,MI NOR THAMS CAD BCOL ZHING GNYER GTAD PAS, ,SRID MTHAR DAR RGYAS DPUNG GNYEN BSRUNG SKYOB MDZOD, ,CES PA GNYER GTAD KYI BRIS SKU CHEN MO'I GSHAM DU 'DRIR STZAL BA'O,, ,,SVASTI, BLA MA YI DAM CHOS SKYONG BSRUNG MA'I TSOGS, ,MNGON SUM BYON 'DRA'I RTEN DANG BRTEN PAR BCAS, ,TSUL BZHIN BSGRUB LA MTHUN RKYEN SPYOD PA KUN, ,SKYE BA KUN TU BLA MA YI DAM GYIS, ,'BRAL BA MED PAR RJES SU 'DZIN PA DANG, ,DUS GSUM RGYAL BA'I LUNG RTOGS DAM CHOS KUN, ,RGYAL BA'I DGONGS PA JI BZHIN @374B LEGS BZUNG NAS, ,STOBS BCU MNGA' BA'I GO 'PHANG THOB PHYIR BSNGO,, ,,SVASTI, LHA BCAS STON PA DE YI CHO 'PHRUL GYI, ,MDZAD PA'I RIM PA GOS BZANG LAS GRUB PA, ,PIR THOGS DBANG PO CHOS DBYINGS RGYA MTSO SOGS, ,RIG BYED MKHAS PA DU MA'I SOR RTZE LAS, ,'ONGS PA 'DREN BYED DGA' STON SPUNGS 'DRA 'DI, ,LEGS PAR BSGRUBS LA DNGOS DANG BRGYUD PA YIS, ,MTHUN RKYEN TSUL BZHIN BSKRUN PA THAMS CAD KYANG, ,THUB DBANG GO 'PHANG MYUR DU THOB PAR SHOG , ,,BADZRA SA M'A DZA: LHA CHEN YE SHES MGON PO PHYAG DRUG PA, ,CHOS KYI RGYAL PO 'DOD KHAMS DBANG PHYUG MA, ,ZHAL BZHI PHYAG BZHI GUR MGON RNAM THOS SRAS, ,CHOS SKYONG DREGS PA LCAM SRING LA SOGS PA; ;DAM CAN MTHU LDAN BSRUNG MA'I TSOGS RNAMS LA, ,STON PA'I PHO BRANG GTZUG LAG KHANG CHEN PO, ,NA BZA' MCHOD RDZAS JI SNYED MCHIS PA KUN, ,BCOL LO BLTOS SO BSRUNG ZHING SKYOB PAR MDZOD,, ,,GU RU BADZRA DHA R'A YA, TSOGS GNYIS YONGS SMIN MTSAN DANG DPE BYAD SOGS, ,YAN LAG BDUN GYI 'DAB STONG RGYAS PA YI, ,ZUNG 'JUG AUTPAL GAR GYIS RNAM ROL PA'I, ,DPAL LDAN MI SKYOD RDO RJE LA PHYAG 'TSAL, ,DE NYID SKU BRNYAN 'JIG RTEN 'JIG RTEN LAS, ,'DAS PA'I 'DREN BYED DGA' STON SPUNGS 'DRA 'DI, ,CHOS DBYINGS RGYA MTSOS RNAM DPYOD SOR RTZES BSKRUN, ,DGE BAS 'GRO KUN BYANG CHUB MYUR THOB SHOG , ,,GU RU BADZRA BHEE RA W'A YA, DUS GSUM RNAM @375A *, ,'DREN KUN GYI MTHU STOBS RNAMS, ,GCIG TU BSDUS NAS KHROS PA'I ZLOS GAR GYIS, ,SRID DANG ZHI BA'I 'JIGS PA MA LUS PA, ,CHE CHER 'JIGS MDZAD DPA' BO CHEN POR 'DUD, ,DE NYID SKU BRNYAN DBANG PO'I GZHUR 'GRAN PA, ,RNAM BKRA RI MO'I GZUGS SU SHAR BA 'DI, ,CHOS DBYINGS RGYA MTSOS BSKRUN PA'I RNAM DKAR GYIS, ,'GRO RNAMS BDUD BZHI'I G-YUL LAS RGYAL GYUR CIG ,GU RU BADZRA SHR'I HE RU KA NA MA, DUS GSUM PHYOGS BCUR BZHUGS PA'I BDE GSHEGS KYI, ,SKU GSUNG THUGS KYI GSANG MDZOD 'KHOR LO RNAMS, LHAN SKYES BDE BA'I MCHOG TU SDOM MDZAD PA'I, ,HE RU KA DPAL YAB YUM LA PHYAG 'TSAL, ,DE NYID MKHA' SPYOD RDO RJE'I PHO BRANG NAS, ,ZHING 'DIR BYON NAS MNGON SUM BZHUGS 'DRA 'DI, ,CHOS DBYINGS RGYA MTSOS LEGS BSKRUN DGE TSOGS KYIS, ,'GRO KUN PHAN BDE'I DPAL LA SPYOD GYUR CIG ,NA MA SHR'I K'A LA TZAKR'A YA, STONG NYID SNYING RJE DBYER MED MKHA' DBYINGS SU, ,DBANG SNGON DPAG BSAM LJON PA'I MDUN PHYOGS NGOS, ,GSER ZHUN 'KHRI SHING GZHON NUS 'KHYUD 'DRA BA'I, ,DPAL LDAN DUS 'KHOR YAB YUM ZHABS LA 'DUD, ,LAS RLUNG STONG LHAG NYI KHRI 'GAGS PA DANG, ,MNYAM POR 'ONGS PA'I MTSAN DPE'I PHUNG PO LA, ,'KHU LDAN 'JA' TSON RI MO BKRA BA 'DI, ,CHOS DBYINGS RGYA MTSO'I RNAM DPYOD 'PHRUL LAS 'ONGS, ,GU RU HE BADZRA NA MA, SGRIB BRAL SNYING RJE SHES RAB @375B GNYIS MED PA'I, ,MCHOD SDONG MTSAN DPE'I 'OD ZER RAB 'BAR ZHING, ,BDUD BZHI MNYAM PAR MNAN CING MTHAR MDZAD PA'I, ,DPAL LDAN DGYES PA RDO RJE'I ZHABS LA 'DUD, ,DE NYID MNGON SUM BZHUGS 'DRA'I RI MO 'DI, ,CHOS DBYINGS RGYA MTSOS LEGS BSGRUBS BSOD NAMS KYIS, ,MAR GYUR MKHA' MNYAM 'GRO BA THAMS CAD KYIS, ,SKU GSUM GO 'PHANG MYUR DU THOB PAR SHOG ,H'Um; CHOS DBYINGS BDE BA CHEN PO'I RNAM ROL LAS, ,MA RUNGS 'DUL PHYIR DRAG PO'I SKUR BSTAN NAS, ,RNAL 'BYOR BU BZHIN SKYONG MDZAD YID BZHIN NOR, ,PHYAG DRUG YE SHES MGON PO'I ZHABS LA 'DUD, ,BLA MA MGON PO DBYER MED THUGS RJE'I GTER, ,RTEN 'DIR BRTAN PAR BZHUGS NAS 'JIG RTEN DANG; ;'JIG RTEN 'DAS PA'I PHUN TSOGS RDZOGS LDAN GYI, ,SPRIN BZHIN 'DOD DGU'I CHAR GYIS TSIM PAR MDZOD,, DZA: 'JAM DPAL BKA' SDOD SRID GSUM SKYE 'GRO YI, ,SROG LA DBANG BSGYUR DGE SDIG SHAN 'BYED MKHAN, ,'CHI BDAG LAS KYI GSHIN RJE 'KHOR BCAS KYIS, ,DGE 'DUN SDE 'DI DAR RGYAS BSRUNG SKYOB MDZOD,, BHYOO: DUS GSUM RGYAL BA'I YUM GCIG RE MA TI, ,RTZA BRGYUD BLA MA'I DAM LAS MA 'DA' BAR, ,'GAL RKYEN BAR GCOD MA LUS SEL BA DANG, ,DGE 'DUN SDE 'DI DAR ZHING RGYAS PAR MDZOD,, H'Um; SROG BDAG CHOS SKYONG LCAM BRAL 'KHOR BCAS LA, ,BKRA SHIS LHUN POR SPUNGS BA'I DGE 'DUN SDE, ,GTZUG LAG KHANG DANG PHYI NANG YO BYAD KUN, ,GNYER DU @376A *, ,GTAD DO G-YEL MED GROGS MDZOD CIG ,'DI RNAMS RGYUD KHANG GI LOGS BRIS ZHAL BYANG DU GNANG BA'O,, ,,SVA STI, BLA MA MCHOG DANG RGYAL YUM DBYER MED PAS, ,CHOS DBYINGS RGYA MTSO BYANG CHUB SNYING PO'I BAR, ,BSRUNG ZHING MGON SKYABS DPUNG GNYEN GROGS MDZAD DE, ,MCHOG DANG MTHUN MONG DNGOS GRUB MA LUS STZOL, ZHES PA'ANG RI MO MKHAN RANG NYID KYI 'BRAL SPANG G-YUL RGYAL MA YAB SRAS KYI RAB GNAS BCU GCIG MA'I RGYAB YIG TU STZAL TO,, ,,*, ,BHYOO: DUS GSUM RGYAL BA'I YUM GCIG DRAG MO'I GZUGS, ,CHOS 'KHOR YONGS KYI BSRUNG MA MTHU RTZAL CAN, ,'DOD KHAMS DBANG PHYUG DAM CAN RGYA MTSOR BCAS, ,TSUR SPYON RTEN 'DIR BRTAN PAR BZHUGS SU GSOL, ,BSTAN PA BSRUNG PHYIR PHYAG 'TSAL GUS PAS BSTOD, ,RNAM MANG MCHOD SPRIN GTOR TSOGS RGYA MTSO 'BUL, ,GTZUG LAG KHANG RTEN MCHOD RDZAS BCAS PA 'DI, ,DGYES PA'I SPYAN GZIGS RTEN DU 'BUL GYIS BZHES, ,RDO RJE 'CHANG SOGS RTZA BRGYUD BLA MA YIS, ,SNYIGS DUS SKU GSUNG THUGS RTEN DKON COG RDZAS, ,RTAG TU BSRUNG ZHING SKYONG LA MA G-YEL ZHES, ,DAM TSIG GNYER GTAD BKA' BSGOS KHAS BLANGS BZHIN, ,DENG 'DIR DKAR CHAG THO NANG GSAL BA YI, ,LHA KHANG 'DIR BZHUGS RTEN GSUM MCHOD RDZAS SOGS, ,MA LUS BSTAN BSRUNG CHEN MO 'KHOR BCAS LA, ,GNYER GTAD BCOL @376B LO BLTOS SO BDAG MDZOD CIG ,BSAM SBYOR NGAN PAS 'DI YI RTEN RDZAS SOGS, ,GZHAN DU KHYER NA DE NYID GNYEN BSHES BCAS, ,YAL BAR MA 'DOR SKAD CIG DE MA THAG ,MI BZAD DRAG PO'I CHAD PAS TSAR CHOD CIG ,RTEN GSUM GTZUG LAG KHANG DANG DGE 'DUN SDE, ,'DI DAG RDZAS BRKU 'PHROG PA'I SEMS LDAN RNAMS, ,PHRIN LAS DRAG POS TSAR GCOD MA MDZAD NA, ,CHOS KYI BSRUNG MAR BSTAN PA'I DGOS PA CI, ,DE'I PHYIR 'DIR 'KHOD RTEN DANG MCHOD RDZAS SOGS, ,BZANG NGAN CI 'DRA NA YANG MNYER MDZOD LA, ,NYIN GSUM BYA RA MTSAN GSUM MEL TSE'I NGOS, ,BSRUNG ZHING SKYONG LA BSTAN PA RGYAS PAR MDZOD, CES DPAL LDAN LHA MO SOGS CHOS BSRUNG RNAMS LA LHA KHANG RTEN GSUM MCHOD CHA RNAMS BCOL ZHING GNYER DU GTAD PA 'DI YANG BTZUN PA BLO BZANG CHOS KYI RGYAL MTSAN GYIS BRIS PA DGE'O,, ZHES PA LI MA RNYING PA'I LDEBS BRIS GNYER GTAD LHA MO'I SKU BRNYAN GYI GSHAM DU RJE NYID KYIS PHYAG BRIS MDZAD SNANG NGO,, ,,*, ,H'Um; LHA CHEN DPAL 'BAR NAG PO CHEN PO KHYOD, ,RDO RJE 'CHANG DANG 'PHAGS MCHOG KLU SGRUB SOGS, ,BYIN RLABS CHAR 'BEBS RTZA BRGYUD BLA MA DANG, ,DBYER MED SKYABS KYI DAM PAR MNGA' GSOL LO, ,LHAN SKYES BDE STONG NAM MKHA'I ROL PA LAS, ,SNA TSOGS SGYU 'PHRUL DRA BA'I ZLOS GAR MKHAN, ,RGYUD SDE CHEN PO BZHI DANG YONGS 'BREL BA'I, ,YI DAM LHA TSOGS NGO BOR MNGA' GSOL LO,, @377A *, ,KHYOD NI DRAN PA TZAM GYIS MCHOG STZOL BA, ,SANGS RGYAS CHOS TSOGS DPA' BO MKHA' 'GRO DANG, ,MTHU LDAN BSRUNG MA KUN GYI GTZO BO STE, ,RNAL 'BYOR DGRA LHA CHEN POR MNGA' GSOL LO, ,DENG NAS BZUNG STE BYANG CHUB SNYING PO'I BAR, ,RNAL 'BYOR DPON SLOB MI NOR DGON GNAS BCAS, ,RTAG TU BSRUNG ZHING SKYONG LA MA G-YEL BAR, ,MCHOG DANG THUN MONG DNGOS GRUB MA LUS STZOL, ZHES RDO RJE NAG PO CHEN PO PHYAG BZHI PA'I MNGA' GSOL 'DI YANG, GUR SMON PA RNAMS KYI BZHED PA LTAR, BTZUN PA BLO BZANG CHOS KYI RGYAL MTSAN GYIS BGYIS PA'O,, ,,*, ,NA MO A'ARYA MEE TR'I YA, PHUN TSOGS DGA' LDAN CHOS KYI PHO BRANG NAS, ,BSLU MED SKYABS KYI DAM PA MI PHAM MGON, ,'KHOR BCAS DANG BA'I SEMS KYIS SPYAN 'DREN NA, ,THUGS RJE'I DBANG GIS 'DIR GSHEGS BRTAN PAR BZHUGS, ,THEG PA BDE ZHING 'JUG PA BDE BA YIS, ,BGRANG YAS BSKAL PAR TSOGS GNYIS YONGS GOMS PAS, ,SKU GSUM GO 'PHANG MTHON PO'I RTZER SON PA, ,BYAMS MGON THUGS RJE CHEN POR GUS PHYAG 'TSAL, ,MCHOD TSOGS KUN 'BUL SDIG LTUNG MA LUS BSHAGS, ,DGE LA YI RANG CHOS 'KHOR BSKOR DU GSOL, ,LHA RDZAS LAS GRUB SKU YI RTEN 'DI LA, ,SRID MTHAR BZHUGS NAS PHAN BDE'I MCHOG STZOL MDZOD, ,BYAMS MGON SKU GZUGS BSGRUBS LA MTHUN PA'I RKYEN, ,BSGRUB PA'I LUS CAN MA LUS RJE BTZUN @377B GYI, ,ZHABS DRUNG PADMO LAS SKYES MGON PO DE'I, ,LUNG RTOGS DAM CHOS MA LUS 'DZIN PAR SHOG ,NAM ZHIG KLU SHING DRUNG DU MI PHAM MGON, ,RGYAL BA'I MDZAD PAS RNAM PAR ROL PA'I TSE, ,'KHOR GYI THOG MA NYID DU LEGS GYUR NAS; ;NYES BRGYA'I 'CHING BA KUN LAS GROL BAR SHOG ,DER MA SON PA'I GNAS SKABS KUN TU YANG, ,LAM BZANG BSGRUB PA'I RTEN GROGS PHYI NANG GI ,MTHUN RKYEN MA LUS RGYAL BAS BSNGAGS PA BZHIN, ,YID LA BSAMS PA JI BZHIN 'GRUB PAR SHOG ,BDAG KYANG DENG NAS TSE RABS THAMS CAD DU, ,BSTAN DANG 'GRO BA'I PHAN BDE BSGRUB PA'I PHYIR, ,MNAR MED ME NANG BSKAL BRGYAR BSREGS GYUR KYANG, ,MI ZHUM SNYING STOBS CHEN POS BRTZON PAR SHOG ,BDAG LA DAD DAM SDANG SEMS LDAN PA DANG, ,MTHONG THOS DRAN REG GYUR PA'I 'GRO KUN KYANG, ,MI KHOM SKYON BRAL LHA MI'I MCHOG THOB NAS, ,THAMS CAD GZIGS PA'I GO 'PHANG MYUR THOB SHOG ,BKRA SHIS LHUN POR SPUNGS PA'I CHOS GRA CHE, ,NAM MKHA' JI SRID GNAS PAR DAR ZHING RGYAS, ,BLO GSAL MKHAS MANG BSHAD SGRUB LONGS SPYOD 'PHEL, ,THUB BSTAN 'DZIN SKYONG SPEL BA'I MCHOG GYUR CIG , ,, *, ,'DI LTAR BSKRUN PA'I DGE BAS MTSON, ,SRID ZHI'I RNAM DKAR PHUNG PO'I TSOGS, ,ZLA LTAR DKAR BA CI MCHIS PA, ,'GRO KUN PHAN BDE'I RGYU RU BSNGO, ,DMYAL ME 'BAR BA'I GDUNGS PA RNAMS, ,BSIL BAR BSGRUB PA'I CHAR @378A *, ,RGYUN DANG, ,MTSON CHAR GNOD PAS GTZES PA RNAMS, ,SKYOB PA'I GO CHAR BDAG GYUR CIG ,DE BZHIN GRANG BA'I REG PA YIS, ,SHA RUS GAS PA'I DRIN CAN RNAMS, ,BDE BYED 'OD ZER STONG LDAN PA'I, , PADMO'I GNYEN DU BDAG GYUR CIG ,BKRES SKOM BZOD DKA'I ME 'BAR BAS, ,LUS SEMS BSREGS RNAMS GDUNG SEL BA'I, ,BDUD RTZI'I RGYA MTSO CHEN PO SOGS, ,'DOD DGU'I CHAR 'BEBS SPRIN GYUR CIG ,PHRAG DOG ZHE SDANG RLUNG NAG GIS, ,RAB SKYOD 'THAB RTZOD MDA' MTSON GYI, ,RBA GLONG 'KHRUG PA'I GANGG'A'I RGYUN, ,ZLOG BYED CHU LON BRTAN POR SHOG ,MTHO RIS BDE 'GRO'I DGA' TSAL LAS, ,DBANG MED 'JIGS RUNG NGAN SONG GI ,G-YANG SAR GZHOL BA'I YID CAN RNAMS, ,'DZIN BYED LCAGS KYUR BDAG GYUR CIG ,LAS NYON CHU BO RTAG 'BAB CING, ,SKYE RGA NA 'CHI'I SDUG BSNGAL GYI, ,CHU SRIN MANG POS GTZES PA RNAMS, ,SGROL BA'I GRU GZINGS MCHOG GYUR CIG ,MDOR NA BYAMS BRTZE'I THABS MKHAS KYIS, ,MKHA' MNYAM SEMS CAN MA LUS PA, ,CI 'DOD TSIM PAR BYAS PA'I MTHAR, ,BYANG CHUB MCHOG TU 'DREN GYUR CIG ,'DIS MTSON DGE BAS 'GRO KUN GYIS, ,NGAN SONG GSUM SOGS MI KHOM GNAS, ,RMI LAM DU YANG MI MTHONG ZHING, ,DAG ZHING RGYA MTSOR 'JUG GYUR CIG ,'JIG RTEN KHAMS NA SKYE BO GANG, ,LUS SEMS NAD DANG MYA NGAN GYIS, ,NYAM THAG GYUR PA MA LUS PA, ,SDUG BSNGAL KUN LAS GROL @378B GYUR CIG ,SU DAG SDIG LTUNG SPYOD PA DANG, ,SPYOD PAR 'DOD PA'I BSAM SBYOR RNAMS, ,RTAG TU CIG CAR LOG GYUR NAS, ,DGE BA'I LAM DU 'JUG GYUR CIG ,DKON MCHOG GSUM GYI SGRA TZAM YANG, ,GRAG PAR MA GYUR ZHING RNAMS SU, ,THABS TSUL RNAM PA SNA TSOGS KYIS, ,MCHOG GSUM PHRIN LAS SPEL GYUR CIG ,MDOR NA SEMS CAN THAMS CAD KYI, ,SDIG SDUG BDAG LA SMIN PA DANG, ,BDAG GI DGE BAS 'GRO BA KUN, ,BLA MED BYANG CHUB MYUR THOB SHOG ,DUS MTHA' 'DIR YANG RDZOGS LDAN GYI, ,DGA' STON GSAR DU 'ONGS PA LTAR, ,'GRO KUN SDIG DANG GDUNG BRAL ZHING, ,DGE LEGS 'DOD DGUS 'BYOR GYUR CIG ,SRID ZHI'I PHAN BDE 'BYUNG BA'I GNAS, ,THUB DBANG BSTAN PA'I SNYING PO MCHOG ,BLO BZANG GRAGS PA'I LUNG RTOGS KYI, ,BSHAD SGRUB DAR RGYAS GNAS GYUR CIG ,LHA BCAS 'GRO BA'I BLA MA DE'I, ,LUGS BZANG SO SOR 'DZIN RNAMS KYANG, ,KUN SLONG 'KHRUG PA'I SEMS SPANGS NAS, ,DAG SNANG BYAMS SEMS LDAN GYUR CIG ,BDAG NI MTHONG REG DRAN PA DANG, ,MING TZAM THOS PA'I LUS CAN KUN, ,MI KHOM GNAS SU MI SKYE ZHING, ,SRID DANG ZHI BA'I DGE LEGS KYI, ,PHUN TSOGS DPAL 'BYOR THOB GYUR CIG ,NAM MKHA'I MTHAS KLAS 'GRO BA RNAMS, ,CI 'DOD RE BA SKONG BA LA, ,BUM BZANG 'DOD 'JO'I DPAG BSAM SHING, ,YID BZHIN NOR BUR BDAG YUR CIG ,YANGS PA'I RGYAL KHAMS RNAMS SU YANG, ,NAD @379A *, ,RIMS DUS 'KHRUG 'THAB RTZOD DANG, ,SAD SER THAN PA LO NYES BRAL, ,LO PHYUGS LEGS SHING CHAR CHU SNYOMS, ,DGE LEGS CHEN POS KHYAB GYUR CIG ,MDOR NA SEMS CAN THAMS CAD KYANG, ,MCHOG GSUM SPYI BO'I RGYAN 'DZIN CING, ,BSLAB GSUM BYANG SEMS RIM GNYIS KYI, ,BDUD RTZIS YID RAB TSIM GYUR CIG ,BDE GSHEGS SKU BRNYAN BSKRUN PA LA, ,ZLA BRAL CHOS DBYINGS RGYA MTSO SOGS, ,'DI YI PHYIR DU SGO GSUM PO, ,RE RE'AM DNGOS BRGYUD CI RIGS PAS, ,MTHUN RKYEN SGRUB BYED THAMS CAD KYANG, ,BYAMS MGON THUGS RJE'I LCAGS KYU YIS, ,LEGS BZUNG BDE 'GRO'I RTEN BRGYUD NAS, ,THAMS CAD MKHYEN GRONG 'JUG GYUR CIG , ,, *, ,RGYAL BA'I MDZES SKU RNAM BKRA'I LHA RDZAS LAS, ,LEGS PAR BSGRUBS LA MTHUN PA'I RKYEN SBYOR BA, ,MA LUS DGA' LDAN CHOS KYI PHO BRANG DU, ,SKYES NAS RTAG TU RJE BTZUN MNYES BYED SHOG ,MA 'ONGS MA PHAM RGYAL BA'I MDZAD PA YIS, , RNAM THAR ROL TSE DANG PO'I 'KHOR GYUR TE, ,BSTAN DANG 'GRO BA'I DON CHEN BSGRUB PA LA, ,ZHABS 'BRING RGYA MTSO'I DBUS NA MCHOG GYUR CIG ,DE'I TSE BYAMS MGON DGYES PA'I PHYAG G-YAS NI, ,GSER GYI LJON PA BRKYANGS 'DRA SPYI BOR BZHAG , BYANG CHUB DAM PAR LUNG BSTAN JI BZHIN DU, ,TSOGS GNYIS YONGS RDZOGS SKU GSUM MYUR THOB SHOG , ,,SVASTI, BDE GSHEGS BRGYAD KYI SKU BRNYAN BSGRUBS PA LA, ,MTHUN RKYEN BSGRUB PA'I YID CAN MA @379B LUS PA, ,SNYIGS MA'I MGON PO BRGYAD KYIS 'BRAL MED DU, ,RJES BZUNG BYANG CHUB DAM PA MYUR THOB SHOG ,CES GOS RNYING BZANG PO 'BA' ZHIG LAS RJE BTZUN BYAMS PA GTZO BOR BYAS PA'I RGYAL BA SENG GE'I NGA RO DANG, MA 'ONGS BSKAL BZANG BDE GSHEGS BDUN PA DE BZHIN GSHEGS PA SPYAN LEGS DANG, STON PA BDE BAR GSHEGS PA BRGYAD KYI SKU BRNYAN BSGRUBS PA'I DGE BA RNAMS BLA MED BYANG CHUB TU BSGYUR BA'I SMON LAM RGYAS 'BRING BSDUS PA'I TSUL 'DI YANG, SH'AKYA'I DGE SLONG BLO BZANG CHOS KYI RGYAL MTSAN GYIS SBYAR BA'O,, ,,*, ,AOm SVA STI, GDUGS DANG RGYAL MTSAN BA DAN DANG, ,DRI DANG PHRENG BA BYUG PA YIS, ,SH'AKYA THUB LA MCHOD NAS NI, ,NGA YI BSTAN LA LHAGS PA YIN, ,GUR GUM CHU YIS GDAB PA DANG, ,TZAN DAN GYI NI BYUG PA YIS, ,SH'AKYA THUB PA'I MCHOD RTEN LA, ,MCHOD NAS NGA YI BSTAN LA LHAGS, ,DE'I TSE SANGS RGYAS CHOS DANG NI, ,DGE 'DUN LA YANG SKYABS SONG ZHING, ,DGE BA'I LAS KYANG BYAS NAS NI, , NGA YI BSTAN LA LHAGS PA YIN, ,SH'AKYA SENG GE'I BSTAN PA LA, ,BSLAB GZHI YANG DAG BLANGS NAS SU, ,JI LTAR GSUNG BZHIN BSGRUBS NAS NI, ,NGA YI BSTAN LA LHAGS PA YIN, ,DGE 'DUN LA YANG CHOS GOS DANG, ,ZHAL ZAS DANG NI BTUNG BA DANG; ;BSNYUN GSOS SNA TSOGS SBYIN PA RNAMS, ,PHUL NAS NGA YIS BSTAN LA LHAGS, ,BCU BZHI DANG NI BCO LNGA DANG, ,DE BZHIN ZLA GCIG TSES BRGYAD DANG, ,CHO 'PHRUL KHRA YI ZLA BA LA, ,YAN LAG BRGYAD LEGS MNYAM GZHAG CING, ,BSNYEN GNAS @380A *, ,GSO SBYONG BYAS NAS NI, ,NGA YI BSTAN LA LHAGS SO ZHES, ,DON 'DI RAB TU GSUNG BAR 'GYUR, ,'DI DAG NI MDO TSIG STE, ,BYAMS PA'I BSTAN PA LA BYA BA BYED PAR 'DOD PA RNAMS SPRO BA BSKYED PHYIR BKOD PA'O,, ,,*, ,NA MO RATNA TRA Y'A YA, PHUN TSOGS BRTAN G-YO KUN GYI GDOD MA'I RANG BZHIN DANG, ,DBYER MED LHUN GRUB BDE BA CHEN PO'I LHA YI LAM, ,KUN KHYAB SGYU 'PHRUL DRA BA'I GAR GYI CHU 'DZIN LAS, , PHAN BDE'I CHAR 'BEBS MCHOG GSUM DAM PAS DGE LEGS STZOL, ,GRUB PA'I GNAS MCHOG BLO BZANG MDUN SA CHER, ,TSOGS MCHOG 'DUN LDAN RGYA MTSO'I GTZUG LAG GI ,KHANG NGOS LEGS BRIS GZHU YIS BYUGS 'DRA BA; ;'DREN PA MNYAM MED SH'AKYA'I RGYAL PO DANG, ,GO 'PHANG MTHON POR GSHEGS KYANG THUB BSTAN GYI, ,SGRON ME DRUG LHAG BCU PHRAG 'PHAGS PA'I MCHOG ,RTZA BRGYUD BLA MA LHAG PA'I LHA TSOGS KYI, ,SKU BRNYAN 'JIG RTEN 'DREN BYED MA LUS PA'I, ,BDUD RTZI SPUNGS 'DRA'I BYED PO PIR THOGS DBANG, ,CHOS DBYINGS RGYA MTSOS MNGON BYAS RIG BYED PA, ,MKHAS 'DUS SOR MO'I ZLOS GAR BSGYUR LAS 'ONGS, ,'DI LTAR BSKRUN SOGS RNAM DKAR RGYA MTSO'I TSOGS, ,LUS CAN KUN GYI PHAN BDE 'BYUNG BA'I GZHI, ,RGYAL BA GNYIS PA'I BSTAN DANG BSTAN 'DZIN GYI, ,'DUS TSOGS 'PHEL ZHING SRID MTHAR GNAS PA DANG, ,'GRO RNAMS PHAN BDES 'BYOR BA'I RGYU RU BSNGO, ,'DI YI PHYIR @380B DU SGO GSUM RE RE DANG, ,MTHUN RKYEN CI RIGS BSGRUBS PA THAMS CAD KYANG, ,DAL 'BYOR LHA MI'I RTEN DANG MI 'BRAL ZHING, ,THAMS CAD GZIGS PA'I GO 'PHANG MYUR THOB SHOG ,BLO BZANG MDUN SA CHOS KYI PHO BRANG CHER, ,BSLAB GSUM RNAM DAG RTZE GCIG BSGRUB LA BRTZON, ,RNAL 'BYOR RAB BYUNG TSOGS KYIS YONGS GANG ZHING, ,THUB BSTAN YUN DU GNAS PA'I BKRA SHIS SHOG , ,,*, ,NA MO RATNA TRA Y'A YA, GANG GI MTSAN TZAM SGRA 'DZIN ZHUGS PA YI, ,LCAGS KYUS ZHING MCHOG DAM PAR 'DREN MDZAD PA'I, ,MCHOG GSUM NGO BO DRIN CAN BLA MA DANG, ,DBYER MED 'OD DPAG MED MGON ZHABS LA 'DUD, ,'DIS MTSON DUS GSUM DANG 'BREL LEGS SPYAD TSOGS, ,LHA YI LAM MTHAS KHYAB PA'I MA RNAMS KUN, ,BDE BA CAN DU PADMO LAS SKYES TE, ,'OD DPAG MED MGON SRAS KYI MCHOG GYUR CIG ,'DREN BYED MNGON DGA' GCIG TU BSDUS 'DRA 'DI, ,PIR THOGS RGYAL PO CHOS DBYINGS RGYA MTSOS BSKRUN,, ,, *, ,YIG CHUNG GNANG BA 'PHROD PA'I, ZHANG ZHUNG ZHES PA, SNGON BON DAR BA, DENG SANG GU GE'I YUL YIN, SUM PA ZHES PA BOD KYI MI RIGS BCO BRGYAD KYI NANG TSAN GCIG TU 'DUG CING DE'I THOG MA'I YUL YANG, ZHANG ZHUNG GI 'OG GTZANG PHYOGS KYI STOD TZAM NA YOD 'DUG ,ZHANG ZHUNG BTZOD MAR ZHES PA, RDZAS SNA TSOGS KYI 'PHRUL LA BRTEN NAS, ME DUM BUR CHAD 'GRO BA'I NGAN BYED ME'I ZOR DANG, DE NYID STON PA BON PO RNAMS LA, ZHANG ZHUNG BTZO DMAR GYI RGYUD @381A *, ,CES PA'I RGYUD KYI MING BTAGS CIG KYANG MCHIS, SUM PA'I GLANG ZOR ZHES PA, GLANG DMAR GYI RVA'I NANG DU NGAN BYED KYI RDZAS BCUG NAS ZOR DU 'PHEN PA YIN 'DUG CING, RNAM PA GCIG TU, GLANG DMAR PO LA, RDZAS SNA TSOGS DANG GLUD GZUGS LA SOGS PA BSKYON, RGYAN GYIS BRGYAN NAS DGRA PHYOGS SU GTONG BA'I, GLANG CHEN SNA BSGYUR ZHES PA CI RIGS SU 'DUG ,TSE ZOR YUNGS ZOR NI, TSE DANG YUNGS KAR LA DRAG PO'I SNGAGS BTAB NAS ZOR DU 'PHEN PA LAGS, THOD ZOR NI, MI MGO BYA RIL GYI NANG RDZAS NGAN GYIS BKANG NAS ZOR DU 'PHEN PA LAGS, SKONG ZOR NI RDZA'I SKONG BU'I NANG DU KHRAG SNA DANG, TSIL BU SNA TSOGS PA'I SGRON ME SBAR NAS ZOR DU 'PHEN PA LAGS, ,SGONG ZOR NI BYA MO NAG MO'I SGO NGA'I NANG KHRAG SNA SNA TSOGS KYIS BKANG NAS ZOR DU 'PHEN PA LAGS, RDZI DO BA RNAMS KYI DGON PA'I NUB PHYOGS DANG, PHYOGS DMA' SA SOGS SU BYANG CHUB MCHOD RTEN BZHENGS NA PAN 'DRA BA DBYINGS BZHUGS ZHU, RTA TSAG RJE DRUNG LA GNANG BA'O,, ,,*, ,THUN GSHAM GYI DE MA YIN PA'I SNGON 'GRO'I MCHOD GTOR GZHAN ZHIG NGES PAR BSHAM DGOS SHING, PHUL GRUB NAS MCHOD RO RNAMS SDUD PA YIN, ROL MO DANG BCAS SKYEL DGOS PA'I NGES PA MED PA LAGS, SGRUB MCHOD DANG MA 'BREL NA, MAndAL MA PHUL YANG CHAD PA'I SKYON MED LAGS, 'DI'I BDUD RTZI'I KHA DOG DKAR SER 'DRES PA'I MDOG CAN @381B LAGS, 'DI GSUM ZA MA TOG DANG NAG 'GROS SNGA PHYI'I TSIG RIGS MI MTHUN KYANG, ,NAG 'GROS SU DGONGS PA BLANGS NAS BKOD PA YIN PAS LEGS, NAG 'GROS SU SNGON DU MCHOD PA BYIN RLABS YOD PA LTAR RUNG, BDAG MDUN THA MI DAD LA GTOR MA 'BUL TSE, RANG NYID GTZO BO LAS BYE BA NAG 'GROS NAS 'BYUNG BA LTAR MDZAD PAS RUNG, 'JIGS BYED BDAG MDUN THA MI DAD YIN YANG, GTOR MA 'BUL TSUL, DA LTA'I NAG 'GROS SU BSHAD PA 'DI, CUNG ZAD SLA BCOS SU SONG BA YIN PAS, RAB ZA MA TOG JI BZHIN DU MDZAD NA LEGS, DES NA ZA MA TOG GI LUGS LTAR NA, SGRUB THABS DNGOS BZHI'I SKABS SU PHYOGS SKYONG BSKYED MI DGOS LAGS, DUS GTOR LTA BU'I SKABS PHYOGS SKYONG BCO LNGA'I GTOR BSNGOS BZLAS GTOR GYI MJUG TU BYED PA SGRUB THABS LTAR DANG, LAS GSHIN GYI GTOR BSNGOS CHOS SKYONG BYINGS DANG BSTUN PAS RUNG, SNGAR DKYIL THANG GI LHA DANG RANG DBYER MED DU BSGRUBS YOD NA, MJUG TU RANG NYID GTZO BO LAS BYE NAS, GZHAN YE SHES PA'I RTEN BRTEN PA NYER BSDUM BYAS PAR BRTAN BZHUGS SHIN TU BYED PA LEGS, GTOR MA SOGS ZIN NAS, DA DUNG 'JIGS BYED KYI BSGOM BZLAS DANG; DE DANG 'BREL BA'I RNAL 'BYOR GYI RGYUN SKYONG TSE, GSANG MCHOD KYI SKABS DANG 'DRA BA SHIN TU BYED PA LEGS, NYER BSDU BYED TSE, DKYIL 'KHOR GYI BYA BA DANG LAS RIM RDZOGS PA'I RJES SU BYA, DE BZHIN DU BSKANG GSO DANG @382A *, ,'BREL TSE, YI DAM DANG BSKANG GSO'I RIM PA THAMS CAD RDZOGS PA'I RJES SU NYER BSDU BYA ZHING SMON LAM SHIS BRJOD KYANG MJUG TU BYAS NA LEGS, SO SO'I MJUG TU BYED PA'I RGYUN 'DUG PA LTAR BYAS KYANG 'GAL MED TZAM LAGS, YI DAM SOGS KYI GTOR MA'I DBYIBS, RGYUD RGYA GZHUNG SOGS NAS GSAL BAR GSUNGS PA NI MI 'DUG ,BLA MA SO SO'I PHYAG LEN LA 'DRA MIN SNA TSOGS CIG 'DUG KYANG, YI DAM LA RTZE MO ZUNG GSUM, RTZA BA CUNG ZAD ZLUM PA SNYING GZUGS KYI RNAM PA DANG, LAS GSHIN LA GRU GSUM GYI RNAM PA, PHYOGS SKYONG RNAMS LA DPAL BSHOS ZLUM PO, SPYIR GYIS LHA BLA MA LA PHRIN LAS ZHU TSE, ZHI BA LA ZLUM PO KHA DOG DKAR BA SOGS LAS SO SO DANG BSTUN PA BYAS NA RGYUD SDE DANG MTHUN, 'DI YANG RGYAS BSDUS SHES DGOS PAS, RGYAS PA LA LHA GRANGS DANG MNYAM PA SHIN TU DGOS, BSDU BA LA NGES PA MED PAS CI RIGS PAR BYA, LAS GSHIN LA YANG RGYAS BSDUS SPYI DANG 'DRA'O, ,YE SHES MGON PO PHYAG DRUG PA'I GTOR MA JI LTAR BYA TSUL SOGS, MKHAS GRUB THAMS CAD MKHYEN PA'I BSNYEN SGRUB LAS GSUM, GTOR BSHAD CHEN MO RNAMS SU GSUNGS PA 'KHRUL PA'I DRI MA DANG BRAL BA YIN CING, DE YANG GTOR CHEN DRAG PO YIN NA GRU GSUM DANG, 'JAM PO GSUM LA SNYING PO ZLUM PO DANG, LHA MO 'KHOR BZHI SOGS KYI GTOR MA'I BZO DBYIBS KYANG GSAL POR GSUNGS PA LAS SPROR MA MCHIS, DGU GTOR @382B SOGS KYI GTOR MA'I BZO DBYIBS PHAL CHER GRU GSUM MDZAD PA DAR BAR MCHIS SO, ,LHA MO DANG 'KHOR BZHI'I GTOR MA ZUR DU BYED MI BYED RGYAS BSDUS YIN PAS, SKABS DANG BSTUN NO, ,GTOR MA'I GRAL RIM G-YAS KYI GRAL MGO ZHES PA, MGON PO'I GTOR MA'I G-YAS 'KHRIS DE YIN, GTOR BRAL 'DI LTAR BYED PA YANG MGON PO'I GTOR CHEN SOGS KYI DUS SU YIN GYI, GZHAN MA DUS GTOR LA SOGS PA'I DUS SU YI DAM GTZO BOR BYAS TE BSGRIG ,MKHA' 'GRO SPYI GTOR DANG GZHI BDAG GTOR MA'I BSHAM LUGS GSUNG BA LTAR YIN ZHING, PHYOGS SKYONG DANG LAS GSHIN GYI GTOR MA LAS GZHAN PA'I MKHA' 'GRO SPYI GTOR ZHIG CIS KYANG BSHAM DGOS, BSNGO TSUL BDE MCHOG GI SNGON 'GRO GTOR MA BZHIN MDZAD PA'I PHYAG LEN 'DUG ,BYIN RLABS YI DAM GANG BYED DE'I SGO NAS 'TSAL, MGON PO LA THUN GTOR GYI THA SNYAD MKHAS GRUB KHYUNG POS MA GSUNGS PAS, MI DGOS PA MKHAS GRUB THAMS CAD MKHYEN PAS GSUNGS PA LTAR YIN ZHING, BSKANG GTOR SHIN TU DGOS, SPYIR YIG RNYING LA DAG MA DAG SNA TSOGS 'BYUNG YANG TSIG 'DI DAG ,SNGON GYI YIG RNYING BYIN RLABS CAN YIN PAS, MKHAS GRUB THAMS CAD MKHYEN PAS KYANG BZO BCOS MA MDZAD, 'ON KYANG, DRAL BA STE, ZHES PA MA DAG ,DRAL BAR RE, ZHES BDUD RIGS 'DI DAG GIS BDAG CAG DPON SLOB LA, GNOD CING 'TSE BAR 'DOD CING RE BAR 'DUG PAS, DES NA BCOL LO BLTOS SO, ,DE DAG GI RE BA 'BRAS BU @383A *, ,MED PAR MDZOD CIG ,CES PA'I DON YIN NO, ,KRIG KRIG ZHABS DANG BRKYANGS BSKUMS GNYIS GDAM NGA CAN YIN, DA LTA BSGYUR BKOD MDZAD SROL MI 'DUG ,'ON KYANG BRKYANGS BSKUMS KYI RNAM PAR BSGOMS YOD NA, BRKYANGS BSKUMS ZHABS KYIS BGEGS CHEN THAL BAR RLOG CES 'DON PA BSGYUR KYANG MI 'GAB PA MA MCHIS, LHA MO GNYIS THUGS RGYUD GCIG PAS, BSTOD PA BSKAL ME MCHE BA BTANG BAS SHIN TU CHOG ,'DI ZLOS TSIG 'DRA BA ZHIG 'DUG KYANG, SNGAR GYI YIG RNYING BYIN RLABS CAN DU BYED PAS BZO BCOS MA MDZAD PA YIN, DPER NA MGON PO'I SPYAN 'DREN SKABS TSIG RING THUNG MA BDE BA YOD KYANG, KHYUNG PO'I GSUNG DNGOS YIN PAS, BZO BCOS MA MDZAD PA BZHIN NO, ,LO DUS KYI DUS GTOR GYI TSE NGES PAR DGOS, GZHAN GYI DUS SKABS DANG BSTUN PA MA GTOGS MTHA' GCIG TU MI DGOS, SPYI BSTAB KYI TSIG YONGS SU GRAGS PA, 'DIR GSHEGS RGYAN GYI GTOR MA 'DI BZHES SHIG ,CES SOGS KYI SNGON DU MGON PO 'KHOR BCAS KYI MTSAN BCUG PA NAG 'GROS 'GA' ZHIG TU 'BYUNG BA LTAR LAGS, GTOR CHEN DANG GTOR BSGRUB SOGS SU MDZAD, DGU GTOR LA YANG, MJUG GI GTANG RAG MCHOD PA, DE'I BYIN RLABS SOGS NGES PAR DGOS SHING, SKU YOD NA BRTAN BZHUGS SOGS MJUG CHOG RNAMS KYANG MKHAS GRUB THAMS CAD MKHYEN PA'I GSUNG BZHIN MDZAD CING, MCHOD PA YANG MTHA' GTAD KHAGS SO TZAM @383B NGES PAR DGOS LAGS, MGON PO'I SKU YOD NA, YE SHES PA BRTAN BZHUGS BYAS PAS SHIN TU LEGS SHING, RAB GNAS SNGAR BYAS PA'ANG GONG 'PHEL DU 'GYUR, BKRA SHIS BKA' RGYA MA'I TSIG SGROS LA DOGS PA RNAM DAG 'KHRUNGS PA, JI LTAR GSUNG BA LTAR YIN ZHING, YON TAN RAB RGYAS SOGS SHO LO KA GCIG PO YANG YIG RNYING NA YOD PA BZHIN SHIN TU DGOS PAS, 'DI DAG PAR YIG TU BRIS NOR CHAD LHAG BRGYUD PAR SNANG NGO, ,AA RA PA TZA NA BZLA BA ZA MA TOG TU MI 'BYUNG BAS, BZLAS MA BZLAS CI BYAS KYANG CHAD LHAG GI SKYON DU MI 'GYUR, 'ON KYANG ZHI KHRO SBRAGS BSGRUB CES GRAGS PA, RJE BTZUN 'JAM DBYANGS KYIS RJE BLA MA LA DNGOS SU GNANG BA'I MAN NGAG THUN MONG MA YIN PA YIN PAS BYED PA BYUNG NA LEGS, CES SOGS THAR PA CHOS RJER DRI LAN MDOR BSDUS RJE NYID KYI GSUNG 'KHRUL MED DO,, ,,*, ,NA MO GU RU MANYDZU GHO sh'A YA, RGYA CHEN MKHYEN PA'I CHA SHAS YONGS RDZOGS SHING, ,RMAD BYUNG THUGS RJE'I 'OD DKAR DRA BA CAN, ,GDUL BYA KUNDA'I DPAL GYUR THAMS CAD MKHYEN, ,KHAMS GSUM BSTAN PA'I BDAG PO DGE 'DUN GRUB, ,MGON DE'I CHOS KYI SRID LA DBANG BSGYUR ZHING, ,BLO BZANG CHOS KYI RGYAL MTSAN 'DZIN PA'I DPAL, ,GANG DANG SNGON NAS LEGS SPYAD KYIS 'BREL BA'I, ,PHO NYA'I BYED POS BSKYOD PA'I MTSAMS SBYOR LAS, ,MKHA' LA RGYU SKAR BYE BA 'KHRIGS 'DRA BA, ,BKRA SHIS LHUN PO CHOS KYI GRVA BO @384A *, ,CHE'I; ;ME MTSAMS MYANG STOD RIGS PA'I 'BYUNG GNAS KYI, ,SA YI LTE BA 'DOD DGU 'BYUNG BA'I GNAS, ,RGYAL BA GNYIS PA BLO BZANG GRAGS PA YI, ,SRAS KYI THU BO'I PHRIN LAS LAS GRUB PA, ,CHOS GRVA CHEN PO DPAL 'KHOR BDE CHEN DU, ,DAD LDAN BSOD NAMS ZHING DU 'KHOD PA'I TSE, ,CHOS KYI GRVA DE'I LUGS GNYIS SHING RTA YI, ,KHA LO BSGYUR LA PHUN TSOGS STOBS LDAN PA, ,GSER KHANG GRVA TSANG ZHES PA SNYAN GRAGS KYI, ,BA DAN DKAR PO SRID RTZER G-YO BA DE'I, ,CHOS KYI GDUNG 'DZIN BLO BZANG DON GRUB DANG, ,DAD DANG GTONG BA 'BYOR PA'I LANG TSO CAN, ,DGE LEGS CHOS 'PHEL LA SOGS GTZO BO RNAMS, ,MYUR MGYOGS RNAM MANG RTA PA'I TSOGS BCAS TE, ,MDZES PA'I BKOD PA DANG BCAS GNAS DER LHAGS, ,JI LTAR SKAR MA'I TSOGS KYIS ZLA BA DANG, ,BRGYA BYIN NYE DBANG TSOGS KYIS YONGS BSKOR BZHIN, ,PHUN TSOGS 'KHOR GYI TSOGS DANG LHAN CIG TU, ,BDEN BRAL PHYOGS KYI RIN CHEN 'DZIN PA'I SA, ,DAM PAS BYIN GYIS BRLABS PA'I SKYED MOS TSAL, ,GTZANG GRAGS ZHES PA'I GTZUG LAG KHANG DU SON, ,DPAL LDAN 'DUS PA'I LAM GYIS MCHOG BRNYES PA'I, ,SGRA BSGYUR DAM PA'I RIN CHEN BDE SKYONG DU, ,RMAD BYUNG TSOGS KYI 'KHOR LO'I DGA' STON GYIS, ,LHA DANG BLA MA'I TSOGS RNAMS RGYAS PAR MCHOD, ,DER NI BDE BAR GSHEGS PA'I MTSAN SNYAN GYI, ,RNGA GSANGS RGYUD MAR SGROG PA'I CHOS KYI @384B DPON, ,MKHYEN BRTZE'I MNGA' BDAG NOR BZANG RGYA MTSO SOGS, ,GRVA TSANG CHEN PO'I LUGS GNYIS PHRIN LAS LA, ,LEGS PAR BRTEN PA'I SKYA SER SKYE BO'I CHOGS, ,BRGYA PHRAG DU MA'I DBUS SU SENG GE'I KHRIR, ,CHOS KYI RGYAL MTSAN 'DZIN PA LEGS 'KHOD DE, ,RIS MED GDUL BYA'I RGYUD KYI ZHING SA LA, ,SNGA PHYI KUN TU DGE BA'I SA BON BTAB, ,RNAM MANG DAD LDAN SKYE BO'I TSOGS RNAMS KYIS, ,DAD DANG MOS PA'I BANG MDZOD LAS 'ONGS PA'I, ,RNYED DANG BKUR STI 'DOD DGU'I CHAR PHAB STE, ,RNAM MANG THOS SRAS GRUB PA'I DNGOS GRUB BZHIN, ,DE NAS GANGS RO ZHES GRAGS YUL LJONGS SU, ,YUL DE'I BSOD NAMS 'DOD PA'I SKYE BO'I TSOGS, ,RNAM MANG RTA PA DAG GIS MDUN BDAR TE, ,SA YI KHYAD PAR NYUNG CHO ZHES BYAR 'KHOD, ,DER YANG BGRANG YAS SKYE BO'I TSOGS RNAMS LA, ,DAM CHOS 'CHI MED BDUD RTZI'I CHAR PHAB CING, ,RNYED DANG BKUR STI'I MCHOD PA RGYA CHEN POS, ,RDZOGS LDAN SPRIN BZHIN KUN TU TSIM PAR BYAS, ,DE NAS NYI MA'I BU YI PHYOGS NYID DU, ,SKYEL BSU'I RIN CHEN PHRENG BA MA CHAD PAR, ,GANG CES BYA BA'I YUL GYI PHAN BDE'I GZHI, ,CHOS KYI RGYAL POS SPRUL PA'I GTZUG LAG KHANG, ,GNAS DER CHOS BRGYAD SPANGS PA'I DAM PAS MTSON, ,'DUN LDAN RGYA MTSO'I TSOGS KYI BSU MAR BCAS, ,MI 'JIGS GDONG LNGA'I KHRI LA LEGS 'KHOD DE, ,SPYI DANG SO SO'I 'DOD PA JI BZHIN DU, ,ZAB DANG RGYA CHE'I CHOS KYI CHAR PA @385A *, ,PHAB; ;RGYAL BA KUN GYI YUM GCIG LHA MO NI, ,DRAG MO'I GZUGS SU SHAR BA GANG DE YIS, ,RNAM DAG PHRIN LAS TSUL BZHIN BSGRUB PA YI, ,SNGON GYI DAM TSIG CHEN PO RJES SU BSTAN, ,SLAR YANG LHO BOD MTSAMS KYI YUL GYI LJONGS, ,DPAL LDAN LHA RI RDO RJE GANGS KYI MGUL, ,DER NI LHO BOD SKYE BO'I TSOGS RNAMS LA, ,PHAN BDE'I LAM BZANG KUN TU GSAL BAR BYAS, ,RDO RJE 'CHANG GIS RDO RJE SLOB DPON NYID, ,PHYOGS BCU'I RGYAL BA'I 'KHOR LO LAS LHAG PA'I, ,BSOD NAMS ZHING GI DAM PAR BSNGAGS MTHONG NAS, ,ZANG ZING MCHOD PA'I SPRIN GYIS NAM MKHA' GANG, ,DE DAG LAS BYUNG RNAM DKAR DGE BA'I TSOGS, ,GNAS SKABS KUN TU BDE SKYID 'BYUNG BA DANG, ,MTHAR THUG BLA MED BYANG CHUB THOB PA'I PHYIR, ,BDEN TSIG ME TOG GSAR PA KUN TU GTOR, ,SLAR YANG SNGON NAS BYUNG BZHIN RIM BRGYUD DE, ,GRUB PA'I BSTI GNAS RI BO BSAM 'PHEL NGOGS, ,BSTAN GCIG 'DZIN PA'I GTZO BO GANG DE DANG, ,CHOS DANG ZANG ZING DGA' BA DES MNGON PAR ROL, ZHES BYA BA'O,, ,,*, ,SVASTI, LHO BRAG PHYAG RDOR GYIS, GSANG BDAG LA LAS CAN GYI SLOB MA'I LUNG BSTAN ZHUS PA LAS, RTZOD MED GRUB PA THOB PA BCU GSUM GYI NANG NAS, BLO BZANG GRAGS PA 'GRAN GYI DO ZLA MED, ,SH'AKYA'I RGYAL PO'I DRUNG DU THUGS MCHOG BSKYED, ,ZHING 'DIR MDO DANG SNGAGS KYI GZHUNG LUGS SPEL, ,'DI @385B NAS 'PHOS TSE DGA' LDAN GNAS SU 'GRO, ,'JAM DPAL SNYING PO BYAMS PA'I SRAS MCHOG DE, ,MYUR DU SANGS RGYAS DE BZHIN GSHEGS PAR 'GYUR, ZHES SOGS DANG, PADMA THANG YIG LAS, DGE LDAN ZHES BYA'I DGON GNAS DAM PA RU, ,MKHAS PA'I MCHOG NYID MDO RGYUD GZHUNG LA MKHAS, ,RDO RJE 'CHANG SPRUL GSANG SNGAGS BKA' SGO 'BYED, ,'GRO BA'I DED DPON LAM STON SA MKHAN 'BYON, ,BLO DANG BZANG GI MTSAN CAN SKYES BU 'ONG, ,GSANG MTSAN LAS RAB RDO RJE BDE BA STZAL, ZHES DANG, PADMA BKA' CHEMS LAS, 'JAM DBYANGS SPRUL PA GDUL BYA BSTAN PA'I DPAL, ,MDO SNGAGS BSTAN 'DZIN BLO BZANG GRAGS PA 'BYUNG, ,ZHING 'DIR 'DAS NAS BYAMS PA'I DRUNG DU 'GRO, ZHES SOGS MANG DU GSUNGS, GNAM LCAGS BRAG NAS RDO RJE GLING PAS BTON PA'I LUNG BSTAN LAS KYANG, MDO SNGAGS BSTAN 'DZIN BLO PAR STON, ,ZHING 'DIR PAR STON, ,ZHING 'DIR 'DAS NAS BYAMS PA'I DRUNG DU 'GRO, ZHES DANG, RANG BYUNG BSKAL PA CHEN PO LA, ,DGRA BCOM THOB PAR THE TSOM MED, CES GSUNGS SHING, CHOS RJE DGON RIG PAS MTSO SNA ZANGS G-YAG BRAG NAS BTON PA'I LUNG BSTAN LAS KYANG, ,'JAM DBYANGS SPRUL PA BLO BZANG ZHES, ,BSTAN PA RGYAS BYED NGO MTSAR CAN, ZHES DANG, LHO BRAG MKHAR CHU'I GNAS BSHAD LAS, TZONG KHA'I YUL DU SKU 'KHRUNGS NAS, ,'GRO DON DBUS SU SKYONG BAR BYED, ,MDO @386A *, ,SNGAGS GNYIS KYI BSTAN SROL 'DZIN, ZHES GSUNGS SO, ,'JAM DPAL RTZA RGYUD LAS, YI GE DANG PO BA GRAGS PA, ,SDOM BRTZON THAMS CAD GRAGS PA YANG, ,STON PA'I BSTAN PA GSAL BYED PA,, BSTAN PA DE TSE SA STENG DU, ,RNAM PAR NYAMS SHING GNAS MED LA, ,BSTAN PA'I GZUGS BRNYAN YID DU 'ONG, ,BYED PAR 'GYUR BA THE TSOM MED, ,THAMS CAD BYANG CHUB LUNG BSTAN TE, ,NGA YI BYANG CHUB MCHOG THOB 'GYUR, ,DE NI 'JIG RTEN SBYIN GNAS 'GYUR, ,SRID PA GSUM GYI MTHAR YANG BYED, ,SNGAGS DANG RGYUD LA MNGON BRTZON PAS, ,GRAGS PA 'DZIN PAR SHES PAR BYA, ZHES DANG, MDO SDE GDAMS NGAG 'BOGS PA'I RGYAL PO LAS KYANG, BCOM LDAN 'DAS KYIS KUN DGA' BO LA BKA' STZAL PA, KUN DGA' BO, DA LTA NGA LA SHEL DKAR GYI, ,PHRENG BA PHUL NAS SEMS BSKYED PA, ,MA 'ONGS DUS KYI SNYIGS MA LA, ,'BRI DANG LDAN GYI SA MTSAMS SU, ,DGE ZHES BYA BA'I DGON PA 'DEBS, ,BLO BZANG ZHES BYA'I MTSAN CAN 'BYUNG, ,'KHOR NI RNAM BZHI RAB BSDUS NAS, ,STON PA'I MDO BZHIN GSUNG SGROG PA, ,LHA KHANG KA BA SHING LO CAN, ,NGA YI SKU GZUGS RNAM GNYIS LA, ,DBU RGYAN 'BUL ZHING MCHOD PA BYED, ,NGA LA GSOL BA RAB BTAB NAS, ,BSTAN PA LO STONG BAR DU GNAS, ,'DI NAS 'PHOS NAS SHAR PHYOGS KYI, ,NGO MTSAR BKOD MDZES 'JIG RTEN DU, ,SENG GE'I NGA RO ZHES BYAR 'GYUR, ,DE LA DAD @386B BYED ZHING DER SKYE, ,ZHING MCHOG DE NI KHYAD PAR 'PHAGS, CES GSUNGS SHING MA GCIG LABS SGRON GYIS MDZAD PA'I MA 'ONGS LUNG BSTAN GYI LE'U LAS KYANG, DE LTA BU'I RGYAL KHRIMS DANG CHOS KHRIMS 'PHYUGS PA'I DUS SU SANGS RGYAS KYI BSTAN PA MUN NAG TU GLOG 'KHYUG PA LTA BU ZHIG 'BYUNG, ZHES GSUNGS LA, BSOD NAMS RGYAN LA SOGS PA'I BU MO BZHIS, DE LTA BU'I BKA' DRIN CAN DE SU LAGS CES SOGS MANG DU ZHUS PA'I MTHAR, BU MO KHYOD KYIS DRIS PA'I BYANG SEMS DE, ,MA 'ONGS BSKAL BZANG SANGS RGYAS BDUN PA YIN, ,DA LTA BYANG CHUB SEMS DPA' SNYING STOBS MCHOG ,SNYIGS DUS LOG SPYOD BYED DUS BOD YUL 'BYUNG, ,DGE SLONG TSUL 'DZIN GRAGS PA'I MTSAN THOGS TE, ,GANG GI ZHING DU SANGS RGYAS PAR GRAGS PA, ,KHRIMS 'CHAL DPAG YAS YANG DAG KHRIMS LA SBYOR, ,THUB NYID SROL BTOD BSTAN PA'I CHA RTAGS 'DZIN, ,BSTAN PA GSAL BAR BYED PA'I DGE SLONG MCHOG , MTHA' YAS RGYUD SDE'I CHOGS LA DBANG BSGYUR ZHING, ,RGYUD SDE RGYA MTSO'I DGONGS PA'I BCUD PHYUNG STE, ,GDUL BYAR GYUR PA'I SKAL LDAN TSIM PAR MDZAD, CES GSAL BAR 'BYUNG NGO, ,GLEGS BAM RIN PO CHE LAS KYANG, MAR ME MDZAD KYANG GNAS MCHOG 'DIR, ,SGROL MAR BCAS TE SPRUL STONG 'GYED, ,SPYAN RAS GZIGS DBANG BZANG POR SPRUL, ,LHAG PAR CHAGS MED BSOD SNYOMS PAS, ,NGA YI MCHOD TSOGS RGYAS PAR BYED, CES DANG, @387A *, ,GZHAN YANG TSONG DPON GYI BU GZHON NU NOR BZANG GI SKYE BA RIM PAR BRGYUD PA MAR PA CHOS KYI DBANG PHYUG NAS RJE TZONG KHA PA YIN PAR KUN MKHYEN CHOS SKYABS BZANG POS, KUN MKHYEN MTSO SNA BA CHEN PO'I RNAM THAR GSOL 'DEBS SU, NOR BZANG DPA' BO SHAR PHYOGS TZONG KHA SOGS, ,SPRUL SKUS 'GRO DON MDZAD PA LHAG PAR GSAL, ZHES SOGS BYUNG ZHING, DER YANG MA ZAD STON PA 'KHOR BCAS KHA CHER PHEBS DUS, KLU'I RGYAL PO MA DROS PAS, DUNG DKAR ZHIG PHUL BA RE ZHIG CHOS DUNG MDZAD, DE NAS DA LTA'I DGE SLONG PADMA'I DAD LDAN 'DI BOD GDONG DMAR CAN GYI YUL DU MDO SNGAGS KYI BSTAN PA RGYAS PAR BYED PA 'ONG BAS DE'I CHOS DUNG DU KUN DGA' BO LA RDZU 'PHRUL GYIS SONG LA, LHAS NAS RGYANG GRAGS 'DI TZAM NAS GTER LA SBOS SHIG CES GSUNGS NAS, GTER BDAG TSOGS BDAG LA BCOL, TSOGS BDAG KYANG SPRE'U'I GZUGS SU YOD PAR 'DUG ,DE'I TSE; DGE SLONG PADMA'I NGAD LDAN GYI SLOB MA DGE SLONG 'BYUNG GNAS 'DIS KYANG, DGE BA LA 'DUN PA RGYA MTSO'I MTHA' CAN DU GYUR NAS MDO SNGAGS KYI BSTAN PA SPEL ZHES LUNG BSTAN MDZAD PA YIN NO, ,ZHES PA 'DI NI LHA SA RAB 'BYAMS PAS BSKUL BA LA BRTEN NAS, CHOS SMRA BA'I BTZUN PA BLO BZANG CHOS KYI RGYAL MTSAN GYIS SBYAR BA'O,, ` ,,MGON PO ZHAL GYI RNAM 'GYUR RNAM PAR DBYE BA BZHUGS, ,NA MO GU RU MANYDZU GHO sh'A YA, DRAN PAS @387B MCHOG STZOL RTZA BA'I BLA MA DANG, ,DBYER MED LHA CHEN DRAG PO GDONG BZHI PAR, ,BTUD NAS DE NYID ZHI RGYAS DBANG DRAG GI ,PHRIN LAS MDZAD PA'I RNAM 'GYUR DBYE BA BRJOD, ,BSNYEN DUS MTHING NAG RTZA ZHAL NYIS BRTZEGS NAG , G-YAS G-YON LJANG NAG PHYAG BZHI DANG PO GNYIS, ,GRI THOD 'OG MA RAL GRI THOD PHRENG ZHABS, ,G-YAS BSKUMS G-YON BRKYANGS YUM BZHI SPYI DANG MTSUNGS, ` ,BSGRUB DUS DBUS BRTZEGS SNGAR BZHIN G-YAS G-YON GNYIS, ,MTHING NAG MTSAN 'GAG RUS PHRENG PHYAG G-YON 'OG ,RTZE GSUM YANG NA 'OG GNYIS RTZE GSUM MDUNG, ,YANG NA G-YAS GNYIS GRI GUG RTZE GSUM DANG, ,G-YON GNYIS THOD PA BUM PA'O LHAG MA RNAMS, ,SPYI DANG 'DRA'O BSANG DUS ZHAL KHRA CAN, ,DAM PA 'GA' ZHIG 'PHAGS MCHOG KLU SGRUB LUGS, ,GDONG BRNYAN PHYAG DRUG PA YANG BSAD MGON BZHED, ` ,GNAD DBAB BKAS GDONG NYIS BRTZEGS G-YAS GNYIS SNGO, ,G-YON GNYIS LJANG GU NYIS BRTZEGS GRI THOD DANG, ,LHAG GNYIS BUM PA RUS PHRENG 'DZIN PA'O, ` ,SPOG CHOG NYI ZLA KHA SBYAR KHRAG MTSO'I DBUS, ,MA HE'I GDAN LA RTZA ZHAL MA HE'I GDONG, ,G-YAS PA LHA ZHAL DKAR PO GLANG PO'I GDONG, ,G-YON PA KLU ZHAL DMAR PO CHU SRIN GDONG, ,RGYAB NGOS GZA' ZHAL NAG PO KHYUNG GI GDONG, ,GRI THOD 'OG GNYIS RAL GRI MDUNG 'DEBS TSUL, ,YUM CHEN BZHI GA NAG MO GZHAN MA 'DRA, ` ,SHIS BSTAN @388A *, ,PA BKAS ZHAL GNAD DBAB BAM, ,YANG NA BSAD MGON JI BZHIN GRI THOD DANG, ,RAL GRI THOD PHRENG MCHAN KHUNG CHANG BUM MO, ` ,'PHAGS MCHOG LUGS BZANG RTZA ZHAL KHRO BO YI, ,G-YAS DKAR GLANG PO G-YON DMAR MA HE RGYAB, ,SENG ZHAL NAG PO'O PHYAG DRUG G-YAS GSUM NA, ,GRI GUG DBYUG THO DGRA STA G-YON GSUM NA, ,THOD PA GLANG LPAGS ZHAGS PA'O BGRAD PAS BZHUGS, ,GSANG YUM 'KHRIL DANG MA 'KHRIL DBYE BAS GNYIS, ,G-YAS SU GTUM MO SNGON MO DAR NAG DANG, ,THOD PA 'DZIN PA'O G-YON DU G-YUNG MO DMAR, ,LU GU RGYUD DANG LCAGS SGROG MDUN RGYAB TU, ,SRIN SING GNYIS NAG GRI THOD 'DZIN PA YIN, ` ,YANG GCIG SENG GDONG STENG ZHAL GZHAN RNAMS MTSUNGS, ,PHYAG BZHI GRI THOD 'OG GNYIS RAL GRI MDUNG, ,AE KA DZ'A N'I SNGON MO PHYAG GNYIS KYIS, ,GRI THOD 'DZIN PAS 'KHYUD PA'I G-YAS G-YUNG SNGO, ,G-YON GTUM LJANG GU MDUN SRIN DMAR MO GSUM, ,GRI THOD RGYAB SRING SER MO GSAL SHING THOD, ,GTZO BO G-YAS BSKUMS G-YON BRKYANGS ROL PAS BZHUGS, ` ,YANG GCIG GTZO BO YAB YUM GZHAN 'DRA ZHING, ,KHYAD PAR GTZO BO ZHABS BZHI LDAN PA DANG, ,G-YAS SU GTUM MO SNGON MO THOD PA DANG, ,DAR NAG G-YON DU G-YUNG NAG LUG RGYUD ZHAGS, ,MDUN RGYAB SRIN SING NAG MO LCAGS SGROG DRIL, ,GDONG BRNYAN LUGS GCIG CHOS 'BYUNG PAD NYI'I DBUS, , @388B MI'U THUNG MTHING NAG RTZA ZHAL KHRO ZHING RNGAMS, ,G-YAS G-YON GLANG CHEN MA HE DKAR DANG DMAR, ,STENG ZHAL SENG GDONG SNGON PO'O PHYAG BZHI YI, ,DANG POS GRI THOD 'PHYAR ZHING G-YAS 'OG MAS, ,MDUNG 'DEBS G-YON 'OG BUM PHRENG THUGS KAR 'DZIN, ,G-YON BRKYANGS KYIS BZHUGS MDUN RGYAB G-YUNG MO DANG, ,GTUM MO SNGO LJANG SINGGHA GLING MA SER, ,SRIN MO DKAR PO'O BZHI GA MI'U THUNG GCER, ,G-YAS PAS DBYUG PA 'PHYAR ZHING G-YON PA RNAMS,, SNYING GAR SDIGS 'DZUB ZHAGS PA ZHABS GNYIS PO, ,ZLUM POR BZHUGS SHING GZHAN MA SPYI DANG 'DRA, ` ,YONGS GRAGS TSE BSGRUB MGON PO LA SOGS PA'I, ,DKAR SER DMAR LJANG MGON PO'I RNAM 'GYUR BZHI, ` ,NAG PO DUG GI SPU GRIR GRAGS PA NI, ,'DAB BRGYAD LTE BAR NYI MA RO STENG DU, ,ZHAL BZHI PHYAG BZHI RTZA ZHAL KHYUNG NAG STENG, ,SENG ZHAL G-YAS DKAR G-YON DMAR 'DZUM DANG BZHAD, ,DMAR SER SKRA BRDZES BSKAM RLON THOD PAS BRGYAN, ,G-YAS GNYIS GRI GUG MI MGO'I COD PAN DANG, ,G-YON GNYIS THOD KHRAG RTZE GSUM ZHABS BRKYANGS BSKUMS, ,YUM BZHI THAMS CAD SER MO GRI THOD 'DZIN, ,SKRA BSHIG THOD RLON NYER GCIG DO SHAL CAN, ,MTSAMS BZHIR LAS MKHAN KHRO MO DMAR MO BZHI, ,ZHAL GCIG PHYAG GNYIS G-YAS PA RAL GRI DANG, ,G-YON PA NYI MA'I ZHAGS PA 'DZIN PAR BSHAD, ` ,KHYUNG ZHAL LUGS GCIG RTZA ZHAL NAG PO YI,, @389A *, ,G-YAS G-YON MTHING NAG RTZA ZHAL SPYI GTZUG NAS, ,THON PA'I KHYUNG ZHAL 'JIGS RUNG PHYAG BZHI YI, ,DANG POS GRI THOD 'OG GNYIS RAL GRI PHRENG, ,STAG SHAM SKYIL KRUNG PHYED PA'I STABS KYIS BZHUGS, ,G-YAS SU MA LAS YUM CHEN NAG MO DANG, ,G-YON DU KshA LAS LCAM MO GNOD SBYIN MO, ,GNYIS KA GRI THOD ZHABS GNYIS BRKYANGS BSKUMS BZHUGS, ` ,YANG GCIG GZHAN 'DRA YUM GNYIS G-YAS G-YON LDOG ` ,BRAM ZE'I ZHAL LDAN ZHAL BZHI'I RNAM 'GYUR GSUM, ,DANG PO RTZA ZHAL MTHING NAG STENG MA SNGO, ,G-YAS ZHAL BRAM ZE G-YON ZHAL LJANG NAG LA, ,PHYAG BZHI GRI THOD RAL GRI DAR NAG 'PHYAR, ` ,YANG GCIG DBUS BRTZEGS NAG DANG LJANG GU STE, ,G-YAS PA BRAM ZE G-YON PA KHRO ZHAL DMAR, ,GRI THOD RAL GRI DAR KHRA 'PHYAR BA'O, ` ,NAG LJANG DMAR DANG SPYI BOR BRAM ZE'I ZHAL, ,GRI THOD RAL GRI DAR MDUNG 'PHYAR BA'O, ` ,BRAM GZUGS THOR COG SMA RA SMIN MA DKAR, ,RAS DKAR AANG RAG KHRI GNYAN GDAN LA 'GYING, ,KHRI GNYAN RVA DUNG KU BA THOD KHRAG G-YON, ,BRAM ZE SHUGS LDAN DKAR PO ZHES SU GRAGS, ` ,YANG GCIG MDOG NAG BRAM GZUGS MCHE BA GTZIGS, ,KHRO GTUM MI RKANG THOD KHRAG RO YI STENG, ,BRKYANGS BSKUMS KYIS BZHUGS RNAM 'GYUR GCIG TU 'DOD, ,CES PA 'DI YANG, RJE THAMS CAD MKHYEN @389B PAS, MGON PO ZHAL GYI RNAM 'GYUR TSANG BA'I ZIN BRIS CIG SKUR CES PA'I BKA' STZAL BZHIN, DGE SLONG BLO BZANG CHOS KYI RGYAL MTSAN GYIS PHUL BA'O,, ,,DPAL LDAN PHYOGS LAS RNAM RGYAL NGAG GI DBANG, ,LUNG RTOGS CHOS KYI DBANG PHYUG BSHAD SGRUB KYI, ,BSTAN PA GSAL MDZAD MKHAS DANG GRUB PA'I GTZO, ,YUN RING ZHABS BRTAN 'PHRIN LAS RGYAS GYUR CIG ,SVASTI, DGE TSOGS KUN LA 'DUN PA'I RNAM DPYOD KYIS, ,TSUL KHRIMS 'PHAGS NOR BDUN GYI MDZOD BZUNG NAS, ,BSTAN DANG 'GRO LA PHAN BDE'I MCHOG STZOL BA, ,DPAL LDAN BLA MA'I ZHABS PAD BRTAN PAR SHOG ,PHUL BYUNG 'GRO BA'I MUN SEL MAR ME MDZAD, ,THAMS CAD GZIGS PA BLO BZANG GRAGS PA'I DPAL, ,MDO SNGAGS CHOS KYI RGYAL MTSAN 'DZIN MDZAD PA'I, ,RNAM 'DREN DAM PA'I ZHABS LA GSOL BA 'DEBS, ,SVASTI, RAB 'BYAMS MDO DANG RGYUD SDE RGYA MTSO'I TSOGS, ,KUN MKHYEN MAR ME MDZAD PA'I YE SHES KYIS, ,GDUL BYA'I MA RIG MUN PA SEL MDZAD PA'I, ,DPAL LDAN AA TI SHA LA GSOL BA 'DEBS, ,RGYAL BA'I MTHU STOBS KUN 'DUS RDO RJE 'DZIN, ,SNYIGS DUS 'GRO LA BRTZE BAS NYER DGONGS NAS, ,NGUR SMRIG 'DZIN PA'I GAR GYIS RNAM ROL PA'I, ,NAM MKHA' RGYAL MTSAN ZHABS LA GSOL BA 'DEBS, ,SPYAN RAS GZIGS DBANG SRONG BTZAN SGAM PO YI, ,THUGS RJE'I @390A *, ,'OD ZER LAS 'KHRUNGS BLA MA MCHOG ,SNYIGS DUS 'GRO BA'I 'DREN PA BLA NA MED, ,SKYABS MGON DAM PA'I ZHABS LA GSOL BA 'DEBS, ,DE NYID THUGS RJE'I DBANG GIS SLAR YANG NI, ,GDUL BYA'I DON DU DKON MCHOG GSUM PO YI, ,BSTAN PA'I RGYAL MTSAN PHYOGS BCUR 'DZIN PA YI, ,BSHES GNYEN DAM PA'I ZHABS LA GSOL BA 'DEBS, CES PA 'DI YANG SH'AKYA'I DGE SLONG BLO BZANG CHOS KYI RGYAL MTSAN GYIS BKRA SHIS LHUN POR SMRAS PA'O,, ` ,,SANGS RGYAS KUN DNGOS RJE BTZUN TZONG KHA PA'I, ,BSHAD SGRUB BSTAN PA'I RGYA MTSO SPEL BA LA, ,PHRIN LAS 'OD DKAR BYE BA 'GYED MKHAS PA, ,SMRA BA'I ZLA BA MCHOG LA GSOL BA 'DEBS, ,SANGS RGYAS BSTAN PA RIN CHEN PADMO'I TSAL, ,DPAL LDAN PHRIN LAS BZANG PO'I GZI BYIN GYIS, ,LEGS PAR GSAL MDZAD GDUL BYA'I MUN SEL BA, ,BSTAN PA'I NYI MA MCHOG LA, ,SANGS RGYAS KUN GYI LUNG RTOGS DAM PA'I CHOS, ,PHRIN LAS BZANG POS RGYAS PAR BYED PA LA, ,'DREN PA'I DGE BA'I BSHES KYI MCHOG GYUR PA, ,YONGS 'DZIN DAM PA'I ZHABS LA, ` ,RNAM DKAR DGE LA 'DUN PA'I RTZIBS STONG LDAN, ,LUNG RIGS BZANG PO'I LTE BA'I NGOS MDZES SHING, ,RMAD BYUNG MDZAD PA'I MU KHYUD LHUN CHAGS PA, ,CHOS KYI 'KHOR LOS BSGYUR LA, ,TSOGS GNYIS SPRIN DKAR BZHON PA LA GNAS SHING, , @390B DPAL LDAN BSLAB GSUM RIM GNYIS 'BYOR PAS MDZES, ,LUNG RIGS RDO RJE'I MCHOG 'DZIN CHOS KYI RJE, ,MTHA' YAS GDUL BYA'I MGON LA, ,BSOD NAMS YE SHES RAB BRTAN KUN DGA'I GZHIR, ,BYANG CHUB SEMS KYI RTZA BA RAB BRTAN ZHING, ,BSLAB GSUM RIM GNYIS YAL GA'I KHYON YANGS PA, ,DPAL LDAN BLA MA'I ZHABS LA GSOL BA 'DEBS, ,KHYOD ZHABS PADMO GDUL BYA'I BSOD NAMS GZHIR, ,RTAG TU MI 'GYUR PHRIN LAS RGYAS PA DANG, ,BDAG SOGS 'GRO KUN SGRIB GNYIS LAS RGYAL TE, ,MYUR DU SANGS RGYAS THOB PAR BYIN GYIS RLOBS, ` ,PHUN TSOGS MKHYEN BRTZE'I NOR BUS YONGS GANG ZHING, ,LHUN GRUB PHRIN LAS BZANG PO'I RLABS PHRENG CAN, ,THUB BSTAN RGYA MTSO'I KHYON LA DBANG BSGYUR BA'I, ,MANG THOS YONGS 'DZIN DAM PA'I ZHABS LA 'DUD, ` ,SVASTI, MTHU STOBS DBANG PHYUG BZANG PO BKRA SHIS DANG, ,KUN MKHYEN BSTAN PA'I NYI MA STOBS LDAN RJE, ,PAD DKAR 'DZIN PA DGE 'DUN RGYA MTSO'I DPAL, ,ZLA MED BLA MA GSUM LA GSOL BA 'DEBS, ,GANGS CAN MGON PO BSOD NAMS RGYA MTSO DANG, ,PHYOGS BCU'I BLO BZANG MTHU STOBS RGYA MTSO'I ZHABS, ,RGYAL BA KUN DNGOS LHAG BSAM GRUB PA'I RJE, ,SKYE DGU'I 'DREN PA GSUM LA, ,TSUL KHRIMS STOBS 'BAR PHRIN LAS 'OD ZER GYIS, ,LUNG RTOGS BKRA SHIS BZANG PO RAB 'BAR BA, ,PHAN BDE'I 'BYUNG GNAS BSTAN PA'I SGRON ME ZHABS, ,BSHES GNYEN DAM PA @391A *, ,GSUM LA, ,'JAM PA'I DBYANGS DNGOS RJE BTZUN NAM MKHA'I MTSAN, ,DON YOD BSHAD SGRUB RGYAL MTSAN 'DZIN PA'I MCHOG ,LUNG RIGS SMRA BA'I SENG GE GRUB PA'I RJE, ,BSTAN PA'I GSAL BYED GSUM LA, ,SANGS RGYAS BSTAN PA RIN CHEN RGYA MTSO'I DPAL, ,BSOD NAMS YE SHES BRTZE CHEN CHOS KYI RJE, ,BLO BZANG CHOS KYI RGYAL MTSAN 'DZIN PA'I MCHOG ,'GRO BA'I BLA MA GSUM LA, ,BLO BZANG PHUN TSOGS NOR BU'I 'OD ZER GYIS, ,RGYAL BA'I BSTAN PA RIN CHEN RGYAS MDZAD PA'I, ,PHRIN LAS DBANG PHYUG BLO BZANG NGAG GI DBANG, ,PHYOGS LAS RNAM RGYAL RNAMS LA GSOL BA 'DEBS, ,'DI YAN GANGS CHEN CHOS 'PHEL GYI BLA BRGYUD GSOL 'DEBS SU GNANG BA'O,, ` ,,DGE 'DUN BSTAN PA DAR BA'I NAM MKHA' LA, ,RLABS CHEN 'PHRIN LAS BZANG PO'I DKYIL 'KHOR RGYAS, ,PHYOGS LAS RNAM PAR RGYAL BA NYI MA'I MGON, ,YONGS 'DZIN RTA BDUN ZHABS LA GSOL BA 'DEBS, ,'DI NI GANGS CHEN BYANG GI BLA MA LO PA CHOS RJE'I SKU BSTOD DU GNANG NGO,, ` ,,AOm BDE LEGS SU GYUR CIG ,SLU MED BLA MA YI DAM DKON MCHOG GSUM,, BDEN TSIG GRUB PA'I DRANG SRONG MCHOG RNAMS DANG, ,MTHU LDAN CHOS SKYONG BSRUNG MA'I TSOGS RNAMS KYIS, ,DENG 'DIR SMON PA 'GRUB PA'I DPANG MDZOD CIG ,SHES RAB STOBS KYIS ZAB DANG RGYA CHE BA'I, ,PHUN @391B TSOGS YON TAN RGYA MTSO'I MCHOG BRNYES PA, ,'GRO LA LAM BZANG STON PA'I DGE BA'I BSHES, ,BGRANG YAS BSKAL PA'I BAR DU ZHABS BRTAN SHOG ,DE YI MTHU LAS MTHA' YAS 'GRO BA RNAMS, ,MI SHES GDUNG BA'I MUN PA KUN SEL BA'I, ,'PHRIN LAS NYIN MOR BYED PA'I 'OD STONG GIS, ,DGE LEGS PAD TSAL MA LUS RGYAS GYUR CIG ,DPAL 'KHOR CHOS SDE'I MKHAN POR GNANG BA YIN NO,, ` ,,NOR 'DZIN RGYAN GYUR DGE LEGS NOR BU'I GLING, ,PHYOGS DUS KUN DU DAR ZHING RGYAS PA DANG, ,MTHONG THOS DRAN REG 'GRO BA THAMS CAD KYANG, ,BLA MED BYANG CHUB DAM PA THOB PAR SHOG ,'DUN LDAN RGYA MTSO YAR NGO'I ZLA LTAR 'PHEL, ,RNAM DAG KHRIMS LDAN LUNG RIGS 'OD STONG GIS, ,THUB BSTAN PAD TSAL BYE BA'I DPAL STER GYIS, ,PHUN TSOGS 'DOD DGU RGYAS PA'I BKRA SHIS SHOG ,'DI NI GANGS CHEN CHOS SDE'I GRVA TSANG ZHIG GI GRVA PA 'DUS 'GYUR GYI ZHAL 'DON DU GNANG NGO;; ` ;;DUS GSUM SANGS RGYAS KUN DANG DBYER MED KYANG, ,GDUL BYA'I DBANG GIS SPRUL PA'I SKUR BSTAN NAS, ,'KHOR BA MA STONGS BAR DU 'GRO 'DREN PA'I, ,BKA' DRIN MNYAM MED ZHABS LA GSOL BA 'DEBS,, SANGS RGYAS KUN GYI MKHYEN BRTZE YE SHES NI, ,NGUR SMRIG GAR GYIS RNAM ROL TZONG KHA PA'I, ,BSTAN PA'I SNYING PO GSAL MDZAD ZHABS PAD MCHOG ,BZANG 'GRO 'DI YI GTZUG NA MDZES GYUR CIG ,'DI YANG RJE NYID KYI @392A *, ,GSUNG NGO,, ` ,,SVASTI, DUS GSUM RGYAL BAS BSNGAGS PA'I BYAMS BRTZE'I GTER, ,DRAN PA TZAM GYIS SRID ZHI'I GDUNG SEL CING, ,MCHOG DANG THUN MONG DNGOS GRUB KUN STZOL BA'I, ,RGYAL TSAB DAM PA'I ZHABS LA GUS PHYAG 'TSAL, ,KHYOD KYI RMAD BYUNG MDZAD PA'I RNAM THAR BZHIN, ,PHUN TSOGS SMON LAM RGYA CHEN BSGRUB PA SOGS, ,DGE TSOGS RGYA MTSOS BDAG GZHAN 'GRO BA KUN, ,DGA' LDAN GNAS SU THOGS MED 'JUG GYUR CIG ,DE NAS BYAMS MGON ZHABS SEN ME TOG GI ,PHRENG MDZES SPYI BO'I RGYAN DANG MI 'BRAL ZHING, ,ZAB RGYAS GSUNG GI BDUD RTZI 'BRAL MED DU, ,BSTEN CING RGYAL SRAS SPYOD PA'I MTHAR PHYIN SHOG ,MA 'ONGS KLU SHING DRUNG DU MGON PO KHYOD, ,BYANG CHUB SNYING POR GSHEGS TSE BDAG CAG RNAMS, ,'DUS PA DANG PO'I 'KHOR GYI GTZOR GYUR TE, ,SGO GSUM SGO NAS KHYOD MNYES GRUB GYUR CIG ,DE TSE MGON KHYOD JI LTAR BZHED PA BZHIN, ,BSTAN DANG 'GRO BA'I DON CHEN KHYER BA LA, ,SA 'DZIN DBUS NA LHUN PO'I DBANG PO LTAR, ,'KHOR DBUS YON TAN TSOGS KYIS MTHO GYUR CIG ,GNAS SKABS KUN TU'ANG BSAM PA'I DON 'GRUB CING, ,KUN MKHYEN BLO BZANG RGYAL BA GNYIS PA YI; ;BSHAD SGRUB DAM CHOS RGYAL MTSAN 'DZIN PA RNAMS, ,PHYOGS BCUR RGYAS SHING RTAG TU GNAS GYUR CIG ,CES PA 'DI YANG CHOS GRVA CHEN PO GANGS CHEN CHOS 'PHEL GYI LUNG RIGS SMRA BA'I RTZA LAG DAM PAR GYUR PA @392B ZHABS DRUNG MKHAN RIN PO CHE BLO BZANG PHYOGS LAS RNAM PAR RGYAL BA SOGS 'GA' ZHIG GIS GTZO MDZAD 'DUS PA RGYA MTSO LTA BUS RGYAL BA BYAMS PA'I BSTAN PA LA BYA BA BYED PA'I PHYIR, 'DI LTA BU ZHIG DGOS CES MGRIN GCIG DBYANGS GCIG GIS BSKUL BA LA BRTEN NAS, CHOS SMRA BA'I BTZUN PA BLO BZANG CHOS KYI RGYAL MTSAN GYIS MA PHAM RGYAL BA'I MDUN SA DGA' LDAN GYI GTZUG LAG KHANG DU SBYAR BA'I YI GE PA NI BIKshU BLO BZANG PHUN TSOGS KYIS BGYIS PA'O,, ` ,,BLA MA YI DAM RNAMS KYI BYIN RLABS DANG, ,MA PHAM RGYAL BA'I DBANG PO'I THUGS RJE'I MTHUS, ,RGYAL BA GNYIS PA'I BSTAN PA RGYAS PA DANG, ,BDAG LA LEGS PAR BRTEN PA'I 'GRO BA KUN, ,GNAS SKABS TSE RING NAD MED BDE SKYID LDAN, ,TSE RABS KUN TU RJE BTZUN ZHABS BSTEN CING, ,GSUNG GI BDUD RTZI NGOMS MED 'THUNG BA DANG, ,BYAMS PA'I BSTAN LA BYA BA BYED PAR SHOG ,CHOS KYI RGYAL MTSAN PHYOGS BCUR TSUGS PAR SHOG ,SA STENG BKRA SHIS KUN GYIS GANG BAR SHOG ,SDUG BSNGAL RNAMS KYI MING YANG MED PAR SHOG ,MAR GYUR 'GRO BAS RNAM MKHYEN MYUR THOB SHOG ,'DI YANG RJE NYID KYI GSUNG NGO,, ,, ` ,SVASTI, TSE RABS KUN TU LHA MI'I 'DREN PA MCHOG ,ZAS GTZANG SRAS DANG RJE BTZUN BLA MA MCHOG ,KUN GYIS 'BRAL MED RJES SU BZUNG BA'I MTHUS, ,DGE LEGS NOR BU'I THEM SKAS RIMS 'DZEGS TE, ,SKU GSUM @393A *, ,GZHAL MED KHANG DU BGROD PAR SHOG ,'DI LTAR BSKRUN PA'I RNAM DKAR SER SBYANGS KYI, ,ME TOG BYAMS MGON BSTAN PA'I RGYAN GYUR TE, ,MA PHAM BZHAD PA'I LJAGS YANGS RGYUD MANGS SGRAS, ,DBUGS DBYUNG BYANG CHUB DAM PAR LUNG STON SHOG ,NOR 'DZIN RGYAN GYUR DGE LEGS NOR BU'I GLING, ,PHYOGS DUS KUN TU DAR ZHING RGYAS PA DANG, ,MTHONG THOS DRAN REG 'GRO BA THAMS CAD KYANG, ,BLA MED BYANG CHUB DAM PA THOB PAR SHOG , ` RIGS GSANG CHEN RGYAL BA RDO RJE 'CHANG, ,ZHING KUN KHYAB SPRUL PA'I RNAM ROL LAS, ,DUS DENG SANG BDAG GI DGE BA'I BSHES, ,RJE GSUM LDAN RDO RJE 'DZIN PA'I TSUL, ,KHYED RING NAS BSTEN PA'I LHA SNYAN DANG, ,THUGS YE SHES GZIGS PA RNAM DAG PAS, ,YID BKA' DRIN DRAN PA'I DAD PA YIS, ,NGAG GDUNG BA'I DBYANGS KYIS GSOL 'DEBS NA, ,MGON THUGS RJE'I SPYAN GYIS LEGS GZIGS NAS, ,BU BDAG SNYING PADMO'I ZE'U 'BRU LA, ,DUS RTAG TU 'BRAL MED BZHUGS NAS KYANG, ,MCHOG THUN MONG DNGOS GRUB MA LUS STZOL, ,ZHING RAB 'BYAMS PHYOGS BCU'I RGYAL BA YI, ,BKA' MDO RGYUD MGRIN PA'I RGYUD MNGAS SGRAS, ,RGYUD SKAL LDAN RDO RJE SLOB MA YI,, DPAL PHUN TSOGS KUN GYI BYED PA PO, ,KHYED MTSAN LDAN BLA MAR GSUNG LAGS PAS, ,DA LUS SROG YAL BAR DOR NAS KYANG, ,SKYABS GZHAN NA MED PA'I BLO LTOS KYIS, ,BDAG BYANG CHUB SNYING POR SKYABS SU MCHI,, @393B DUS DENG NAS SANGS RGYAS MA THOB PAR, ,MGON THUGS RJE'I LCAGS KYUS NYER BZUNG STE, ,RJE KHYED ZHAL BLTA DANG MI 'BRAL ZHING, ,GSUNG LEGS BSHAD BDUD RTZIS BSKYANG DU GSOL, ,MAR NGAN SONG GNAS SU LHUNG GYUR TAM, ,YAR MTHO RIS GNAS SU SKYES KYANG RUNG, ,MI BDAG GI 'DI PHYI'I LEGS TSOGS KUN, ,RJE KHYED MIN RE BA'I SKYABS GZHAN MED, ,PHA BLA MA'I BYIN RLABS MA ZHUGS NA, ,CHOS DKA' SPYAD BZOD STOBS CHER BSKYED KYANG, ,NYAMS RTOGS PA'I YON TAN MI SKYE BAS, ,DA MYUR DU THUGS RJES SKYAB TU GSOL, ,MGON KHYOD KYI BRTZE BAS RJES BZUNG NA, ,KHONG BLO DMAN SKYE BO KUN GYIS KYANG, ,CHOS THEG MCHOG LAM SNA BGROD 'GYUR NA, ,PHA THUGS RJES GZIGS SHIG BKA' DRIN CAN, ,KHONG SANGS RGYAS CHOS DANG DGE 'DUN YANG, ,MGON KHYOD LAS GZHAN DU CANG MA MCHIS, ,DON DE PHYIR TSIG TZAM MA YIN PAR, ,SNYING RUS PA'I GTING NAS GSOL BA 'DEBS, ,DPAL LHUN GRUB BDE CHEN CHOS SKU'I DBYINGS, ,GDANGS 'GAG MED KUN KHYAB LONGS SPYOD RDZOGS, ,SKU CIR YANG SPRUL PA'I ZLOS GAR MKHAN, ,RJE RDO RJE GSUM DBYER MED PA'I ZHABS, ,KHYED THUGS RJE'I MTHU DANG DPUNG BSKYED LAS, ,MI BDAG GI YID LA RE BA'I DON, ,TSE 'DI PHYI'I PHAN BDE MA LUS DANG, ,SGOS NYAMS RTOGS RGYAS PAR BYIN GYIS RLOBS, CES PA 'DI RJE DPON RIN PO CHE'I BKA' STZAL BZHIN, ,RJE BLA MA DAM PA'I BKA' 'BANGS THA CHUNG CHOS KYI @394A *, ,RGYAL MTSAN GYIS DBEN SA CHOS KYI PHO BRANG GI GTZUG LAG KHANG DU SBYAR BA'O,, ` ,,RJE SANGS RGYAS KUN GYI NGO BO NYID, ,PHA 'GRAN ZLA BRAL BA'I TZONG KHA PA, ,MTSAN BRJOD PAR DKA' BA'I BLO BZANG GRAGS, ,MI BDAG GI SPYI GTZUG RGYAN DU BZHUGS, ,KHYED GSON DANG 'DIR 'TSOGS DAD CAN KUN, ,RTEN DAL 'BYOR TSANG BA'I MI LUS 'DI, ,LAR RNYED PAR DKA' ZHING 'JIG PAR SLA, ,DA DON MED MA BYED SNYING PO LONG; ;LHA SA BCU'I DBANG PHYUG 'JAM PA'I DBYANGS, ,BDUD LOG 'DREN 'DUL PHYIR GSHIN RJE'I GSHED, ,DUS SNYIGS MA'I 'GRO BA 'DUL BA'I PHYIR, ,RJE RGYAL BA GNYIS PAR GRAGS PA YIN, ,MGON DE YI MDO SNGAGS DAM PA'I CHOS, ,LAR NYAN ZHING THOS PA TZAM GYIS KYANG, ,DUS YUN RING DGE BA'I BAG CHAGS 'JOG ,YID DGA' BA SGOMS SHIG SKAL LDAN KUN, ,'DI DGE SLONG CHOS KYI RGYAL MTSAN GYIS, ,KHYED 'GRO DON YONGS GRAGS MA nI PA, ,PHYOGS KUN DU 'GRO DON 'PHEL BA'I PHYIR, ,TSIG THOGS PA MED PAR DBYANGS SU BSGRAGS, ,CES PA 'DI YANG MA nI PA 'GRO DON YONGS GRAGS KYIS BSKUL BA LA BRTEN NAS, DGE SLONG BLO BZANG CHOS KYI RGYAL MTSAN GYIS THON GZHIS KAR SBYAR BA'O,, ,,*, ,SVASTI, BDE CHEN CHOS KYI DBYINGS LAS MA G-YOS KYANG, ,MA RUNGS 'DUL PHYIR DRAG MO'I SKUR BSTAN NAS, ,RNAL 'BYOR BU BZHIN @394B SKYONG BA'I DAM TSIG CAN, ,DMAG ZOR RGYAL MO RTEN 'DIR LEGS BZHUGS LA, ,RGYAL MTSAN CHOS RJE DGE LEGS RGYA MTSO YI, ,RTAG TU G-YEL MED MGON DANG SKYABS MDZOD LA, ,'GAL RKYEN BAR CHAD THAMS CAD BSRUNG BA DANG, ,MTHUN RKYEN BSAM PA'I DON KUN 'GRUB PAR MDZOD, ,KHYAD PAR TSE DANG BSOD NAMS DPAL 'BYOR DANG, ,'KHOR DANG LONGS SPYOD BSTAN PA'I BYA BA DANG, ,'GRO DON BSHAD SGRUB 'PHEL ZHING RGYAS PAR MDZOD, CES PA 'DI YANG RJE THAMS CAD MKHYEN PA BLO BZANG CHOS KYI RGYAL MTSAN DPAL BZANG PO'I ZHAL SNGA NAS KYIS MDZAD PA'O,, ` ,,NA MO GU RU MANYDZU GHO sh'A YA, MCHOG DANG THUN MONG DNGOS GRUB KUN, ,STZOL MDZAD BLA MA'I ZHABS BTUD NAS, ,DPAL LDAN RDO RJE NAM GRU MA'I, ,GTOR CHOG RIM PA BRI BAR BYA, DE YANG LHA MO 'DI'I RTEN RDZAS MCHOD GTOR SPYAN GZIGS NANG MCHOD SOGS PHYAG LEN BZHIN BSHAMS, YI DAM GYI BDAG BSKYED SNGON DU 'GRO BAS, NANG MCHOD MCHOD GTOR BSKANG RDZAS RNAMS BYIN GYIS BRLABS TE, RTEN BSKYED PA NI, HR'I: shtR'I: SA BSANGS, SVA BHA WAS STONG PAR SBYANGS, STONG PA'I NGANG LAS KHRAG GI RGYA MTSO RBA KLONG CHAL CHIL G-YO BA'I NANG, ME RLUNG DMAR NAG DRAG TU 'KHRUG PA'I DBUS SU KshA SMUG NAG LAS DPAL LDAN RDO RJE NAM GRU MA SKU MDOG SMUG NAG ZHAL GCIG PHYAG GNYIS KYI G-YAS RTZE GSUM 'BAR BAS MTSAN PA'I RU MTSON DMAR PO DGRA LA @395A *, ,'PHYAR ZHING, G-YON THOD PA DAM NYAMS KYI SNYING DANG KHRAG GIS GANG BA BSNAMS NAS ZHAL DU GSOL BA, 'JIGS PA'I ZHAL GDANGS SHING RNGAMS PA'I MCHE BA GTZIGS PA, DMAR ZHING 'KHRUG PA'I SPYAN GSUM DGRA BGEGS LA SDANG MIG TU BLTA BA, SKU LA KHRAG GI THIG LE, ZHAG GI ZO RIS, THAL CHEN GYI TSOM BUS BRGYAN CING, DAR NAG GI 'JOL BAR LHAB LHUB TU GYON PA, DBU LA LA THOD BDUN 'PHAR GSOL CING; STAG DONG G-YAS DANG, GZIG SHUBS G-YON DU 'CHANG BA SOGS DRAG PO'I CHAS KYIS BRGYAN PA, SHIN TU RNGAMS SHING 'JIGS PA'I NGAR SGRAS STONG GSUM 'GENGS PA'I STAG LA CHIBS SHING, KHROS PA'I SENG GE DKAR MO ROL DU KHRID PA, NANG KYI RKYAL PA, MTSON GYI GRU GU ,BDUD KYI KHRAM BAM, SHO RDE DKAR NAG SOGS BSTAN DGRA RTZAD NAS 'BYIN PA'I CHAS DANG LDAN PA, DE'I MDUN DU GNAM PHUGS G-YAS MTHING NAG ZHAL GCIG PHYAG GNYIS KYI G-YAS GSOD PA'I RAL GRI 'PHYAR ZHING, G-YON ZHAGS PAS DGRA BGEGS 'CHING BA, MCHE BA BSNOL MAR GTZIGS SHING, RAL PA'I THOR CHOG GYEN DU BSGRENG BA, G-YAS SU GCER BU PA GCER BU ME LTAR 'BAR BA'I GZUGS CAN, ZHAL GCIG PHYAG GNYIS KYI G-YAS SROG GCOD KYI GRI GUG GDENGS SHING, G-YON DGRA SNYING DRON MO ZHAL DU GSOL BA, G-YON DU SO KA RA TZA ZHAL GCIG PHYAG GNYIS KYI G-YAS KHRAM SHING 'BAR BAS BSTAN DGRA @395B KHRAM LA 'DEBS SHING, G-YON RGYU ZHAGS DMAR PO 'THEN PA, LCAGS KYI RAL PA RKUD PAR SLEB CING, DMAR POR LDOG PA'I SPYAN GSUM GYIS DGRA RGYUD RTZAD NAS GCOD PA, GZHAN YANG MA MO BDUN, BLON PO BDUN, DREGS PA SDE BRGYAD GDUG PA'I 'KHOR TSOGS RGYA MTSOS BSKOR BA'I GTZO 'KHOR THAMS CAD KYI SPYI BOR AOm, MGRIN PAR A'A: THUGS KAR H'Um GIS MTSAN PAR GYUR, BDAG NYID KYI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS DUR KHROD KAm KA'I TSAL, 'JIGS RUNG ZANGS PHUG KHRAG MTSO KHOL MA NAS, DPAL LDAN LHA MO RDO RJE NAM GRU MA 'KHOR DANG BCAS PA SPYAN DRANGS, BHYOO: CHOS KYI DBYINGS KYI PHO BRANG NAS, ,'JIGS RUNG DRAG MO'I SKUR STON PA'I,, DPAL LDAN RDO RJE NAM GRU MA, ,RDO RJE 'CHANG GI BKA' BSGOS BZHIN, ,RGYAL BA'I BSTAN PA SRUNG BA DANG, ,RNAL 'BYOR 'PHRIN LAS SGRUB PA DANG, ,BSTAN DGRA THAL BAR RLOG PA'I PHYIR, ,GNAS 'DIR MYUR DU GSHEGS SU GSOL,, AOm MAH'A AE KA DZ'A tI SA PA RI W'A RA AEHYA HI, BADZRA SA MA YA DZA: DZA:, DZA: H'Um BAm HO: DAM TSIG PA DANG GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS, DBANG GI LHA RNAMS SPYAN DRANGS, KHYED RNAMS KYIS 'DI LA MNGON PAR DBANG BSKUR DU GSOL, ZHES GSOL BA BTAB PAS, DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHR'I: H'Um, LZHES DBANG BSKUR LUS GANG, DRI @396A *, ,MA DAG ,CHU LHAG MA SPYI GTZUG TU GNAS PA YONGS SU GYUR PA LAS RDO RJE 'JIGS BYED YUM DANG BCAS PAS DBU BRGYAN PAR GYUR, DE NAS MCHOD PA, NANG MCHOD, YIG BRGYA'I BAR DPAL LDAN DMAG ZOR RGYAL MO'I GTOR CHOG BZHIN THUN MONG DU BYED, BSHAGS PA NI, BHYOO: RDO RJE 'CHANG DBANG MAR ME MDZAD DPAL SOGS, ,RTZA BRGYUD BLA MA YI DAM LHA TSOGS DANG, ,BKA' SRUNGS DPAL LDAN RDO RJE NAM GRU MA, ,'KHOR DANG BCAS PA BDAG LA DGONGS SU GSOL, ,BDAG CAG BAG MED NYON MONGS DBANG GYUR PAS, ,PHYI NANG GSANG BA SKU GSUNG THUGS RNAMS KYI, ,DAM TSIG LAS 'DAS NONGS PA CI MCHIS PA, ,BSAM PA THAG PAS 'KHOR DANG BCAS LA BSHAGS, ,CHOS KUN RANG BZHIN GDOD NAS RNAM DAG KYANG, ,RMI LAM BZHIN DU NONGS PA CI MCHIS PA, ,BKA' SRUNGS CHEN MO 'KHOR DANG BCAS PA LA, ,SO SOR BSHAGS PAS SGRIB KUN DAG GYUR CIG , ` ,, THUGS DAM BSKANG BA NI, BHYOO: CHOS DBYINGS BDE BA CHEN PO'I RNAM ROL LAS, ,PHYI NANG GSANG BA'I MCHOD SPRIN RGYA MTSO'I TSOGS, ,'DOD KHAMS DBANG PHYUG 'KHOR BCAS SPYAN LAM DU, ,'BYUNG ZHING RGYAS LA THUGS DAM SKONG GYUR CIG ,GDUG PA'I SNYING KHRAG MCHOD YON MTSO LTAR 'KHYIL, ,DGRA BGEGS DBANG PO'I ME TOG RI LTAR SPUNGS, ,BSUR CHEN DUD PA'I SPRIN PHUNG MKHA' LAM KHYAB, ,PHYOGS KUN GSAL BA'I ZHUN CHEN SGRON ME 'DIS,, @396B DPAL LDAN RDO RJE NAM GRU'I THUGS DAM BSKANGS, ,'KHOR TSOGS DAM CAN RGYA MTSO'I THUGS DAM BSKANG, ,THUGS DAM BSKANGS SHING NYAMS CHAGS SOS GYUR NAS, ,BAR CHAD SEL ZHING DNGOS GRUB STZAL DU GSOL, ,GA BUR DRI LDAN KHRAG ZHAG DRI CHAB DANG, ,DGRA BGEGS SHA RUS SPUNGS PA'I ZHAL ZAS DANG, ,SMAN PHUD BDUD RTZI GSER SKYEMS RGYA MTSO DANG, ,GDANGS SNYAN ROL MO'I BYE BRAG SNA TSOGS KYIS, ,DPAL LDAN, ,G-YANG GZHI'I BLA BRE RGYU RLON LDA LDIS BRGYAN, ,RDO RJE'I GO KHRAB 'JIGS PA'I RU MTSON DANG, ,RI RAB GLING BZHI RIN CHEN BDUN LA SOGS, ,PHYI NANG GSANG RTEN MCHOD SPRIN RGYA MTSO 'DIS, ,DPAL LDAN, ,MDZES PA'I RTA NAG NAM MKHA'I GLOG BZHIN 'GYU, ,G-YAG ROG ZHOL CHEN TSOGS KYANG SPRIN LTAR STIBS, ,LUG NAG SPYI DKAR DAL GYIS 'GRO BA DANG, ,STOBS LDAN BYA NAG KHYUNG LTAR LDING BA 'DIS, ,DPAL LDAN, ,KHYI NAG SNYING DKAR DOM LTAR 'PHYO BA DANG, ,STONG GSUM NGAR SGRAS 'GENGS PA'I STAG CHEN DANG, ,GDONG LNGA'I DBANG PO DRE'U RKYANG SER DANG, ,DMAR CHEN GTOR MA RI LTAR SPUNGS PA 'DIS, ,DPAL LDAN, ,MDOR NA DNGOS BSHAMS YID KYIS SPRUL PA DANG, ,'JIG RTEN 'JIG RTEN 'DAS PA'I DGE TSOGS KYIS, ,BSKRUN PA'I PHUN TSOGS 'DOD DGU'I TSOGS RNAMS DANG, ,GTAN GYI SKYABS BZUNG BLA MED RTEN MCHOG 'DIS, ,DPAL LDAN, ,DE NAS BZLAS PA'I TSE, LHA MO'I THUGS KAR KshA SMUG NAG @397A *, ,GI MTHAR, MAH'A AE KA DZ'A tI DAR MA TI, TRA KA RAKMO KHA MUm TRA A'E KA DZ'A tI RAKMO DE KE DZ'A tI KHA LA H'Um DZA, CES PAS BSKOR BAR BSAM, RANG YI DAM DU GSAL BA'I THUGS KA'I H'Um LAS 'OD ZER 'PHROS, LHA MO'I THUGS RGYUD BSKUL, ZHI RGYAS DBANG DRAG GI LAS RANG DBANG MED PAR SGRUB PAR BSAMS NAS BZLAS PA BYA'O, ,DE NAS GTOR MA 'BUL, BSTOD PA DANG, MJUG CHOG RNAMS RGYAS BSDUS CI RIGS PAR BYA'O, ,DI PAm KA RA'I BKA' SRUNGS MCHOG ,RDO RJE NAM GRU'I GTOR CHOG 'DI, ,BLO BZANG CHOS KYI RGYAL MTSAN GYIS, ,BSDEBS 'DIS SKYE DGU'I DPAL GYUR CIG ,CES PA NI LHA KHANG GRVA TSANG GI DPON SLOB DRAG RIM RNAMS KYIS NAN CHER BSKUL BA LA BRTEN NAS, SH'AKYA'I DGE SLONG BLO BZANG CHOS KYI RGYAL MTSAN GYIS, ,BKRA SHIS LHUN PO'I GZIMS KHANG DU SBYAR BA'O,, *, ,NA MO GU RU MANYDZU GHO sh'A YA, RIGS BRGYA'I KHYAB BDAG DPAL LDAN HE RU KA, RIG 'DZIN GRUB PA'I DBANG PHYUG PADMA 'BYUNG, ,SPRUL PA'I GAR MDZAD BLO BZANG GRAGS PA'I DPAL, ,DBYER MED SKYABS KYI DAM PAR PHYAG 'TSAL LO, ,'DIR BSTAN SRUNGS CHEN MO RDO RJE RAB BRTAN MA'I GSOL KHA GTONG BAR 'DOD PAS, MCHOD GTOR BSANGS RDZAS, MDA' DAR, 'PHYAR DAR SOGS SPYAN GZIGS, GSER SKYEMS DANG BCAS PA TSOGS PAR BYAS TE, SGRUB PA PO STAN BDE BA LA 'DUG STE, HE RU KA SOGS KYI NGA RGYAL DANG @397B LDAN PAS, SNYING KHA RAm SOGS LAN GSUM BRJOD NAS MCHOD GTOR RNAMS BSANGS, SVA BH'A WAS STONG PAR SBYANGS, STONG PA'I NGANG LAS DPAL LDAN RDO RJE RAB BRTAN MA 'KHOR DANG BCAS PA MNYES PAR BYED PA'I DAM RDZAS, MCHOD GTOR, SPYAN GZIGS KYIS SA DANG BAR SNANG GI KHYON YONGS SU GANG BAR GYUR, AOm A'A: H'Um, LAN GSUM GYIS BYIN GYIS BRLABS, SPRO NA ROL MO DBYANGS DANG BCAS PAS 'DI SKAD DO, BHYOO: LHUN GRUB RANG BZHIN BDE BA CHEN PO'I NGANG,, DUS GSUM BDE BAR GSHEGS PA THAMS CAD KYI, ,NGO MTSAR CHOS SKU'I PHO BRANG DAM PA NAS, ,RTZA BRGYUD BLA MA'I TSOGS RNAMS SPYAN 'DREN NO, ,CHOS DBYINGS RANG BZHIN SPROS PA KUN BRAL YANG, ,DAG PA'I MKHA' LA 'JA' TSON RI MO LTAR, ,DKYIL 'KHOR 'KHOR LO BYE BA'I RNAM ROL CAN, ,YI DAM LHA TSOGS THAMS CAD SPYAN 'DREN NO, ,DUS GSUM BDE GSHEGS SRAS DANG 'PHAGS PA'I TSOGS, ,GNAS GSUM DPA' BO MKHA' 'GRO'I LHA TSOGS DANG, ,BSTAN PA BSRUNG PHYIR RNGAMS PA'I CHA BYAD CAN, DAM CAN SRUNG MA'I TSOGS RNAMS SPYAN 'DREN NO, ,SNGON TSE HE RU KA DPAL SPYAN SNGA RU, ,RGYAL BA'I BSTAN DANG BSTAN PA 'DZIN PA RNAMS, ,LEGS PAR SRUNG ZHING SKYONG BAR ZHAL BZHES PA'I, ,RDO RJE RAB BRTAN 'KHOR BCAS SPYAN 'DREN NO, ,BHYOO: SLOB DPON PADMA 'BYUNG GNAS KYIS, ,JI LTAR BKA' BSGOS KHAS BLANGS LTAR, ,DAM BCAS GNYAN PO BDAG BSKUL GYI, ,'PHRIN LAS BSGRUB PHYIR @398A *, ,GSHEGS SU GSOL, ,BOS SO MA CIG SNYAN MA SRA, ,G-YABS SO MA CIG SPYAN MA RTUL, ,BSTEN NO MA CIG SNYING MA RING, ,BSKUL LO MA CIG BANG MA BUL, ,RBAD DO MA CIG MTHU MA CHUNG, ,RNAL 'BYOR BDAG CAG 'KHOR BCAS RNAMS, ,KHYOD LA BSTEN CING GNAS BCAS NA, ,MA G-YEL MA G-YEL MYUR DU BYON, ,BHYOO: RANG GI MDUN DU PAD SDONG YANGS PA'I STENG, ,RIGS KUN KHYAB BDAG RDO RJE 'CHANG DBANG DANG, ,SNGAGS 'CHANG DBANG PO PADMA 'BYUNG GNAS ZHABS, ,SKU GSUM MNGON GYUR BLO BZANG GRAGS PA'I DPAL, ,DBYER MED ZHABS SEN 'OD CHAGS BRTAN PAR BZHUGS, ,'JIGS RUNG KHRAG ZHAG RGYA MTSO 'KHRUG PA'I DBUS, ,MI BZAD DUS KYI 'THOR RLUNG 'TSUB PA'I KLONG, ,RTA RO MI RO BRTZIGS PA'I GDAN KHRI LA, ,'DOD KHAMS GTZO MO DMAR NAG SRIN MO'I GZUGS, ,ZHAL GCIG PHYAG GNYIS RAL GRI THOD KHRAG 'DZIN, ,RES 'GA' NE'U LE'I RKYAL PAS DGOS 'DOD STZOL, ,RLUNG LTAR MGYOGS PA'I DRE'U RKYANG SER STENG, ,RDO RJE RAB BRTAN 'KHOR BCAS BRTAN PAR BZHUGS, ,GANG LA BRTEN NA MCHOG DANG THUN MONG GI ,DNGOS GRUB MA LUS YID BZHIN STZOL MDZAD PA'I, ,BLA MA YI DAM MKHA' 'GRO CHOS SKYONG DANG, ,KHYAD PAR STOBS 'PHROG NAG MO RE MA TI, ,RGYAL BA'I BSTAN SRUNG KUN GYI GTZOR GYUR PA, ,LUS DANG NGAG YID DANG BAS PHYAG BGYI'O, ,KAm LAS BANDHA YANGS PA'I @398B SNOD YANGS SU, ,SHA KHRAG GTOR TSOGS LHUN PO LTAR MTHO ZHING, ,LHA DANG MI'I BZA' BCA'I TSOGS DANG BCAS, ,BDUD RTZIR BSGYUR TE 'KHOR DANG BCAS LA 'BUL, ,CHAL CHIL RLABS PHRENG MKHA' YI LAM 'PHYO BA'I, ,KHRAG ZHAG SER SKYEMS BTUNG BA RGYA MTSOR 'KHYIL, AINTRA N'I LA'I CHU 'DZIN PHANG PHUNG LA, ,'KHU LDAN BDUG PA'I SPRIN TSOGS MKHA' LAM KHYAB, ,ZHUN CHEN SGRON ME TSAR DU DNGAR BA YI, ,GSAL BYED NYI ZLA'I 'OD ZER CI YANG BKRA,, TZANDAN GUR GUM DRIS SBAGS DGRA BGEGS KYI, ,KHRAG ZHAG RGYA MTSO 'JIGS PA'I RBA KLONG 'KHRUG ,RKANG GLING DUNG DANG RNGA BO CHE LA SOGS, ,SNYAN BRJID SGRA DBYANGS DBYAR SKYES RNGA BZHIN SGROG ,MDZES PA'I BA DAN LHA RDZAS BLA BRE DANG, ,MDA' DAR ME LONG DUNG SHOS BRGYAN PA DANG, ,BSTAN DGRA DAM NYAMS 'BYUNG PO'I DGRAR GYUR PA'I, ,NAD RKYAL MTSON GYI GRU GU KHRAM SHING DANG, ,SHO RDE DKAR NAG RAB 'BAR GNAM LCAGS KYI, ,RAL GRI THOD KHRAG RDO RJE BE CON SOGS, ,DPA' BA'I RGYAN CHAS RNAMS KYANG KHYED LA 'BUL, ,RLUNG LTAR MGYOGS PA'I DRE'U RKYANG SER DANG, ,RTA NAG RTING DKAR BAR SNANG GLOG BZHIN 'GYU, ,RDO RJE'I THOG LTAR RNO BA'I RVA LDAN PA'I, ,ZHOL G-YAG KHAM KHRA'I TSOGS RNAMS NGAR ZHING KHRAB, ,DAR TSOGS DAR GYI RGYAN LDAN LUG NAG RNAMS, ,BE d'UR YA LTAR YID 'ONG RVA BZHIS MDZES, ,LCAGS KYI BYA KHRA LA SOGS MKHA' LDING TSOGS, ,RNGAMS ? PA'I SKAD SGROG DAM NYAMS @399A *, ,KLAD LA LDING, ,MI BZAD MCHE BA LDAN PA'I KHYI NAG TSOGS, ,DGRA BGEGS 'BYUNG PO'I SROG LA DOM LTAR 'PHYO, ,GZHAN YANG RIN CHEN BDUN DANG BKRA SHIS BRGYAD, ,'JIG RTEN 'JIG RTEN 'DAS PA'I MCHOD PA'I SPRIN, ,DNGOS BSHAMS YID KYIS SPRUL PA LAS BYUNG BA'I, ,DGES PA BSKYED PHYIR 'KHOR DANG BCAS LA 'BUL, ,LEGS PAR BZHES NAS BDAG CAG MI NOR BCAS, ,SRUNG ZHING SKYOB LAS RTAG TU MA G-YEL BAR,, MI MTHUN RKYEN DANG BAR CHAD ZLOG PA DANG, ,MTHUN RKYEN TSE DANG LONGS SPYOD RGYAS PAR MDZOD, ,BHYOO: BYANG CHUB SHING DANG AA KA RU, ,TZANDAN DKAR DMAR DU RU KA ,GA BUR GUR GUM DZ'A TI DANG, ,SPOS DKAR RGYA SPOS SI HA LA, ,PHYE MAR ZAS SNA'I DUD SPRIN GYIS, ,DPAL LDAN RDO RJE RAB BRTAN MA, ,JO MO TSE RING MCHED LNGA DANG, ,BSTAN SKYONG CHEN MO 'KHOR DANG BCAS, ,YUL LHA GZHI BDAG GNYAN PO BSANGS, ,BHYOO: DPAL LDAN RDO RJE RAB BRTAN MA, ,MING PO KLU CIG THOD DKAR DANG, ,THUGS KYI SPRUL PA YANG GHA GZA', ,'KHOR BCAS BDAG LA SNYAN GSON CIG ,DE RING KHYED LA MCHOD PA 'BUL, ,DE RING RNAL 'BYOR NYAMS CHAGS SKONG, ,DE RING SNGAR GYI GTANG RAG GTONG, ,DE RING PHYI MA'I GSOL 'DEBS 'BUL, ,DE RING SNGON GYI THUGS DAM BSKUL, ,GSANG BDAG PHYAG NA RDO RJE YI, ,SPYAN SNGAR ZHAL BZHES DGONGS MDZOD LAS, ,BSTAN DANG DPAL LDAN BLA MA YI, ,SKU DGRA SEMS CAN YONGS LA @399B 'TSE, ,RNAL 'BYOR BDAG CAG 'KHOR BCAS LA, ,SDANG DGRA GNOD BGEGS CI MCHIS PA, ,LO DANG ZHAG TU MA BZHAG PAR, ,BDUD NAG 'BUM GYIS KHRAM LA THOB, ,BTZAN DMAR STONG GIS SHO RDE KHYE, ,MA MO 'BUM GYIS NAD RKYAL BYO,, MTSON GYI GRU GU SNGO DMAR KHYE, ,BDUD DANG GSHIN RJE'I DMAG DRONGS LA, ,'JIGS RUNG MTSON CHA'I CHAR PA PHOB, ,SPRUL PA'I GCAN ZAN TSOGS RNAMS KYIS, ,SHA KHRAG RUS PA CHEM CHEM ZO, ,THUGS DAM GNYEN PO DE DGONGS LA,, MA G-YEL BCOL BA'I 'PHRIN LAS MDZOD, ,BDAG CAG 'KHOR DANG BCAS PA YI, ,TSE DANG DPAL 'BYOR BSOD NAMS DANG, ,DBANG DANG LONGS SPYOD RGYAS PAR MDZOD, ,NAD GDON LA SOGS MI 'DOD RKYEN, ,SNGON LAS 'PHRAL RKYEN LAS BYUNG GANG, ,BSTAN SRUNGS CHEN MO 'KHOR BCAS RNAMS, ,DRAN PA TZAM GYIS ZHI BAR MDZOD, ,KHAMS GSUM MI NOR ZAS GSUM DANG, ,YID LA 'DOD PA'I DNGOS GRUB KUN, ,KHYOD ZHABS DRAN PA TZAM GYIS KYANG, ,DBANG DU 'DU BA'I 'PHRIN LAS MDZOD, ,MDOR NA BDAG CAG 'KHOR BCAS RNAMS, ,LHA MO KHYOD LA GNYER GTAD PAS, ,MA DANG SRING MO JI BZHIN DU, ,GZHIS DANG BYES RNAMS GANG DU YANG, ,'GRO'AM 'GRENG NGAM 'DUG KYANG RUNG, ,RGYAB DANG MDUN GYI RTEN MA DANG, ,LA DANG 'PHRANG GI BSU MA DANG, ,MUN PA'I NANG GI SGRON ME MDZOD, ,'PHAM MO NAG MO 'DRE 'PHAM MO, ,RGYAL LO DKAR PO LHA RGYAL LO, ,LHA YI LHA MCHOG BCOM LDAN MA, ,RAB @400A *, ,BRTAN LHA MO 'KHOR BCAS RGYAL, CES BSTAN SRUNGS CHEN MO RDO RJE RAB BRTAN MA'I GSOL KHA 'DI, SKYE DGA' NAS DGE 'DUN TSE DBANG RNAM RGYAL PAS GSOL BA NAN CHER BTAB PA'I NGOR, RIG SNGAGS 'CHANG BA'I SDE SNOD 'DZIN PA CHOS KYI RGYAL MTSAN GYIS SHANGS MDO RGOD TSANG GI RI KHROD DU THOGS MED DU SMRAS PA'O,, ` ,,NA MO GU RU MANYDZU GHO sh'A YA, DUS GSUM RGYAL BA'I YUM GCIG MKHA' 'GRO'I GTZO,, 'DOD DGU'I DNGOS GRUB MCHOG STZOL YID BZHIN NOR, ,DPAL LDAN RDO RJE G-YU SGRON 'KHOR DANG BCAS, ,RAB 'BYAMS 'PHRIN LAS BSGRUB PHYIR GSHEGS SU GSOL, ,MDUN DU CHU SKYES NYI ZLA'I GDAN KHRI'I STENG, ,RAB DKAR KHRO 'DZUM RIN CHEN RGYAN MANG MDZES, ,PHYAG G-YAS MDA' DAR ME LONG KHAMS GSUM 'GUGS, ,G-YON PA'I NOR BU'I GZHOD PAS DGOS 'DOD STZOL, ,'JA' TSON LTAR BKRA'I DAR GYI LHAB LHUB CAN, ,TSE RING MCHED LNGA BSTAN MA BCU GNYIS SOGS, ,GNAS GSUM MKHA' 'GRO 'KHOR TSOGS RGYA MTSO'I DBUS, ,SEMS DPA'I SKYIL KRUNG TSUL GYIS DGYES BZHIN BZHUGS, ,PHYI NANG GSANG BA'I MCHOD SPRIN RGYA MTSO DANG, ,RI LTAR SPUNGS PA'I SHA KHRAG GTOR MA'I TSOGS, ,TING 'DZIN SNGAGS DANG PHYAG RGYAS BYIN BRLABS NAS, ,BSTAN SKYONG CHEN MO 'KHOR DANG BCAS LA 'BUL, ,SKABS 'DIR AA K'A ROS GTOR MA 'BUL, AARGHAm SOGS KYIS @400B MCHOD, NANG MCHOD 'BUL, GNAS GSUM MKHA' 'GRO'I DBANG PHYUG BCOM LDAN MA, ,DRAN PA TZAM GYIS BAR CHAD KUN SEL ZHING, ,DNGOS GRUB CHAR LTAR 'BEBS MDZAD DPAL MO CHE, ,RDO RJE G-YU SGRON 'KHOR DANG BCAS LA BSTOD,, PHYI NANG NYER 'TSE MA LUS ZHI BA DANG, ,TSE DANG BSOD NAMS BSHAD SGRUB RGYAS PA DANG, ,SA GSUM SKYE DGU MA LUS DBANG 'DU ZHING, ,SDANG DGRA GDON BGEGS MTHA' DAG TSAR GCOD MDZOD, ,MDOR NA BDAG CAG DENG NAS BYANG CHUB BAR,, LHA MO KHYOD KYIS 'BRAL MED RJES BZUNG NAS, ,MCHOG DANG THUN MONG DNGOS GRUB MA LUS PA, ,BSAM PA JI BZHIN 'GRUB PA'I STONG GROGS MDZOD, CES RDO RJE G-YU SGRON GYI GSOL KHA MDOR BSDUS 'DI YANG BTZUN PA CHOS KYI RGYA MTSAN GYIS SBYAR BA'O,, ,,AOm RIN CHEN MANG SPRUL 'DOD DGU'I CHAR 'BEBS PA'I, ,RGYAL CHEN RNAM MANG THOS SRAS MDUNG DMAR CAN, ,DAD DANG DAM TSIG DBANG GIS SPYAN 'DREN NA, ,RNAL 'BYOR 'PHRIN LAS SGRUB PHYIR GNAS 'DIR GSHEGS, ,MDUN DU YE SHES ME DPUNG 'BAR BA'I KLONG, ,MDUNG DMAR SKU GDUNG 'DZIN 'DZAD KHROS PAS TSUL, ,DBANG GI MDANGS LDAN DPA' BO'I 'DUG STANGS KYIS, ,'KHOR TSOGS RGYA MTSOS BSKOR BA'I DBUS SU BZHUGS, ,DAM RDZAS SPYAN GZIGS LHA RDZAS MCHOD PA'I SPRIN, ,KUN KHYAB BDUD RTZI'I BTUNG BA MTSO LTAR 'KHYIL, ,DMAR CHEN GTOR MA RI RAB LTAR SPUNGS PA, ,RGYAL CHEN 'KHOR BCAS DGYES PA @401A *, ,BSKYED PHYIR 'BUL, CES LAN GSUM MAM YANG NA, AOm MAH'A R'A DZ'A SA PA RI W'A RA AI DAm BA LIm TA KHA KHA KH'A HI KH'A HI, LAN GSUM MAM BDUN GYIS GTOR MA PHUL, AARGHAm SOGS KYIS MCHOD, AOm A'A: H'Um GIS NANG MCHOD PHUL, RAB 'BYAMS RGYAL BA'I BSTAN PA BSRUNG BA'I PHYIR, ,GSHIN RJE LTAR KHROS BSTAN DGRA'I RJES GCOD CING, ,RNAL 'BYOR BU BZHIN SKYONG BA'I DAM TSIG CAN, ,CHOS SKYONG CHEN PO KHYOD LA GUS PAS BSTOD, , BDAG CAG DPON SLOB DGON GNAS BCAS PA LA, ,RTAG TU G-YEL MED BSRUNG ZHING SKYONG BA DANG, ,BSHAD SGRUB LONGS SPYOD BSTAN PA'I BYA BA SOGS, ,YAR NGO'I ZLA LTAR 'PHEL ZHING RGYAS PAR MDZOD, CES RNAM SRAS MDUNG DMAR CAN GYI MCHOD BSTOD 'DI YANG RJE NYID KYIS GNANG BA'O,, ,,H'Um SROG BDAG CHOS SKYONG LCAM DRAL 'KHOR BCAS LA, ,SHAR GLING CHOS SDE CHEN PO'I DGE 'DUN SDE, ,GTZUG LAG KHANG DANG PHYI NANG YO BYAD KUN, ,GNYER DU GTAD DO G-YEL MED GROGS MDZOD CIG , ` ,,DBANG PHYUG BRGYAD LDAN RGYAL BA TZONG KHA PA'I, ,BSHAD SGRUB BSTAN PA SPYI DANG KHYAD PAR DU, ,DPAL LDAN LHUN GRUB BDE CHEN CHOS GRVA CHE, ,PHYOGS DUS KUN DU DAR ZHING RGYAS GYUR CIG , ` ,,AOm 'DOD DGU'I CHAR 'BEBS RNAM MANG THOS SRAS KYI, ,BKA' NYAN GTZO BO RGYAL SBYIN YANG DAG SHES, ,'KHOR BCAS DANG BA'I YID KYIS SPYAN 'DREN NA, ,RNAL @401B 'BYOR 'PHRIN LAS SGRUB PHYIR GSHEGS SU GSOL, ,SPRIN DKAR G-YO 'DRA'I RDZU 'PHRUL RTA YI STENG, ,DAR MDUNG RES 'GA' GSER GRI 'BAR BA BSNAMS, ,G-YON PA BDUD ZHAGS NE'U LES DGOS 'DOD STZOL, ,RDZU 'PHRUL RTA YI STENG DU BRTAN PAR BZHUGS, ,DAM RDZAS PHYI NANG MCHOD PA'I SPRIN 'KHRIGS SHING, ,ZAG MED GSER SKYEMS BDUD RTZI MTSO LTAR 'KHYIL, ,SHA KHRAG GTOR MAS SA GZHI'I KHYON BKANG STE, ,CHOS SKYONG RGYAL SBYIN 'KHOR DANG BCAS LA 'BUL, ,BZHES NAS RGYAL BA GNYIS PA'I BSTAN PA LA, ,LOG PAR SDANG BA'I DGRA BGEGS TSAR CHOD LA, ,'PHRIN LAS RNAM BZHI LHUN GYIS 'GRUB PA DANG, ,BSHAD SGRUB BSTAN PA RGYAS PA'I 'PHRIN LAS MDZOD, ,RI GUD RNAM PAR RGYAL BA'I GLING CHEN PO, ,BLO GSAL MKHAS MANG NOR BUS YONGS GANG ZHING, ,BSHAD SGRUB 'DOD DGU'I LONGS SPYOD PHUN TSOGS KYIS, ,DAR RGYAS SRID MTHA'I BAR DU GNAS PAR MDZOD, CES RTA NAG RI GUD CHOS RGYAL LA MCHOD BSTOD 'DI NI, THOS BSAM GLING GI SLOB DPON PA DGE 'DUN YAR 'PHEL GYIS BSKUL BA LA BRTEN NAS, CHOS SMRA BA'I BTZUN PA BLO BZANG CHOS KYI RGYAL MTSAN GYIS THOGS MED DU SMRAS PA'O,, ` ,,RJE BTZUN SNYAN SHAL KU MUD TA KA'I TSAL, ,MDZES BYED LHA RDZAS 'OD DKAR GYIS 'BYUGS PA'I, ,LEGS PAR SPYAD MTHUS BDAG CAG MNGON SPYOD KYI, ,DPAG BSAM 'BRAS @402A *, ,BU'I KHUR GYIS MDZES GYUR CIG ,MA 'ONGS 'DZAM GLING DBUS SU KLU SHING DRUNG, ,MGON KHYOD BCU GNYIS MDZAD PAS ROL PA'I TSE, ,BDAG KYANG 'KHOR GYI THOG MA NYID GYUR NAS, ,MI PHAM BSTAN PA'I KHUR CHEN KHYER BAR SHOG ,CHOS KYI RGYAL MTSAN MTHONG ZHING THOS PA DANG, ,DRAN REG GYUR PA'I 'GRO BA MA LUS KUN, ,MTHO RIS BDE 'GRO'I RTEN BZANG RIMS BRGYUD NAS, ,SKU GSUM YID BZHIN NOR BU'I DPAL THOB SHOG , 'DI YANG RJE BLA MA NYID KYI GSUNG NGO,, ` ,,'DREN MCHOG SH'AKYA'I RGYAL PO'I SNYAN SHAL DRUNG, ,LHA RDZAS YID 'ONG 'DI PHUL DGE BA'I MTHUS, ,SDOM BRTZON DAM PA BLO BZANG RGYA MTSOS MTSON, ,NAM MKHA' MNYAM PA'I 'GRO BA MA LUS PA, ,SKYE BA KUN DU DAL 'BYOR RTEN THOB CING, ,BSHES GNYEN DAM PAS 'BRAL MED RJES BZUNG NAS, ,LUNG RTOGS CHOS KYI BDAG NYID CHER GYUR TE, ,BLA MED BYANG CHUB MYUR DU THOB PAR SHOG ,'DI YANG RJE NYID KYI GSUNG NGO, ,DPAL LDAN STOBS BCU MNGA' BA BDUD BZHI LAS, ,MA PHAM RGYAL BA'I DBANG PO'I SNYAN SHAL DRUNG, ,LHAN SKYES BDE STONG ROL MTSO YANGS PA LAS, ,LHA RDZAS DAR GYI DRI BSUNG RDZOGS PA YI, ,MCHOD TSOGS GE SAR RGOD PA'I CHU SKYES PHRENG, ,DANG BAS PHUL BA'I RNAM DKAR DGE TSOGS KYIS, ,CHOS BRGYAD 'CHING BA'I SPROS PA KUN BCAD NAS, ,TSE 'DIR SGO GSUM 'KHOR LO KUN GYI @402B BDAG ,LHAN SKYES BDE STONG DBYINGS SU SDOM PAR SHOG ,GO 'PHANG MCHOG DE BSGRUB PA'I MTHUN PA'I RKYEN, ,PHUL BYUNG SHES RAB BRTZON 'GRUS DAM PA'I GROGS, ,TSE DANG BSOD NAMS DAG PA'I 'KHOR LA SOGS, ,LEGS PAR RNYED NAS 'DI NANG 'GAGS PA NA, ,MI PHAM MDUN SAR PADMO'I SNYING PO LA, ,THOGS MED SKYES NAS MI PHAM DRI MA MED, ,'JAM DPAL SNYING PO BCAS RNAMS MNYES BYED SHOG ,DE YI MTHU LAS THEG GSUM DAM CHOS KYI, ,BKA' DRIN MNGON DU GYUR NAS RDO RJE'I LUS, ,THOB NAS 'GRO KUN 'DREN PA'I DPAL GYUR CIG ,NAM ZHIG RDO RJE'I GDAN DU MGON PO KHYOD, ,ZLA MED CHOS KYI BLA MAR GYUR PA NA, ,BDAG KYANG 'KHOR GYI THOG MAR SKYES GYUR NAS, ,KHYOD GSUNG BSGRUBS LAS GO 'PHANG MCHOG THOB SHOG ,'DI YANG RJE BLA MA NYID KYI GSUNG NGO, ,'PHAGS MCHOG SPYAN RAS GZIGS DBANG SNYAN SHAL LA, ,MDZES BYED LHA RDZAS 'DI PHUL DGE BA DANG, ,GZHAN YANG DUS GSUM 'BREL BA'I RNAM DKAR MTHUS, ,BDAG CAG BLO BZANG RGYA MTSO ZHES BGYI BAS, ,THOG DRANGS MAR GYUR 'GRO BA MA LUS PA, ,BYANG CHUB BAR DU DMAN PA'I SKYE BA SPANGS, ,MTHO RIS RTEN THOB DAM PA'I MGON LDAN ZHING, ,DE YI MTHU LAS RNAM DAG NGES 'BYUNG DANG, ,BYANG CHUB SEMS NYID YANG DAG LTA BA DANG, ,RIM GNYIS LAM GYI RTOGS PA MTHAR PHYIN NAS, ,'GRO KUN DON DU SANGS RGYAS MYUR THOB SHOG ,GNAS SKABS KUN TU CHOS BZHIN @403A *, ,BSGRUB PA'I RKYEN, ,TSE DANG NAD MED BDE BA DAM PA DANG, ,'KHOR DANG LONGS SPYOD SNYAN GRAGS DPAL 'BYOR SOGS, ,MA LUS BSAM PA JI BZHIN 'GRUB PAR SHOG ,'DI YANG RJE NYID KYI GSUNG LAS BYUNG BA'O,, ,, CHOS SKU MKHA' DBYINGS MDZES MA'I LANG TSO LA, ,GSAL BAR 'KHYUD PA'I MDZES SDUG RI MO CAN, ,NYIN BYED 'BUM GYI MDANGS LDAN YID 'PHROG PA'I, ,LHA BCAS 'GRO BA'I 'DREN PA SH'AKYA'I GTZO, ,MGON DE'I SKU BRNYAN 'JIG RTEN MDZES PA KUN, ,GCIG TU BGYIS PA'I RJES 'GRO 'DI BSKRUN PAS, ,DKON MCHOG 'PHRIN LAS LHUN GRUB BZHED DON GYI, ,DPAG BSAM 'BRAS BU'I KHUR GYIS MDZES PAR SHOG ,DENG NAS TSE RABS KUN TU THUB DBANG GI ,ZHABS SEN SPYI BO'I RGYAN DU MI 'BRAL ZHING, ,RGYAL SRAS SPYOD PA'I THEM SKAS RIM 'DZEGS TE, ,SKU GSUM GZHAL MED KHANG DU MYUR 'JUG SHOG ,'DI YANG RJE NYID KYI GSUNG LAS BYUNG BA'O,, ,, AOm BDE LEGS SU GYUR CIG ,CHOS RNAMS KUN GYI GDOD MA'I RANG BZHIN DBYER MED BRJOD BRAL CHOS SKU'I LHA YI LAM YANGS POR, ,LHAN CIG SKYES GANG NYAMS BRGYA'I GAR MDZAD LONGS SPYOD RDZOGS PA'I 'JA' TSON RI MOS KUN KHYAB CING, ,SNA TSOGS MIG 'PHRUL JI BZHIN 'CHAR BA'I SPRUL SKU'I BEE d'URA CHU 'DZIN LANG LONG G-YO BA LAS, ,SKAL BZANG 'GRO LA PHAN BDE'I GRU CHAR CI YANG 'BEBS MKHAS SH'AKYA SENG GES @403B MCHOG STZOL ZHIG ,NOR 'DZIN YANGS PA'I BYANG PHYOGS 'DIR, ,BSOD NAMS STOBS KYI DPUNG TSOGS BZHIS, ,'DOD DGUR BSGYUR CING RIS MED KYI, ,RGYAL BA'I BSTAN DANG BSTAN 'DZIN KUN, ,GUS MCHOD CHOS RGYAL MYA NGAN BRAL, ,SNYEMS PA 'GOG GANG CHOS KYI RGYAL, ,PHUN TSOGS RNAM PAR RGYAL BA YI, ,BKA' BZHIN SGRUB PA'I MNGA' GZHUG GTZO, ,BON GONG RDO RJE'I MTSAN CAN GYI, ,MCHOG DANG THUN MONG 'DOD DGU YI, ,YONGS 'DU'I RKANG 'THUNG 'BRAS BZANG GIS, ,MNGON PAR MDZES PAR BYA BA'I PHYIR, ,SRID ZHI'I LEGS SPYAD MA LUS GZUGS CAN DU, ,LEGS PAR BGYIS 'DRA SA GSUM RIN CHEN GCIG ,SLU MED SKYABS MCHOG JO BO RIN PO CHE, ,DGYES BYED SGRON ME RGYUN MI 'CHAD PA'I PHYIR, ,DBANG SNGON MDANGS CHAGS 'O MA'I RGYUN 'DZIN CING, ,NGAR 'JO'I DBYANGS SGROG MDZES PA'I RVA LDAN TSOGS, ,KUN BZANG MCHOD PA'I SPRIN DANG LHAN CIG TU,, LHAG BSAM DAG PAS KUN NAS BSLANGS TE 'BUL, ,DE LAS 'ONGS PA'I RNAM DKAR GANG GA'I RGYUN, ,DUS GSUM LEGS SPYAD NYAL 'GRO'I PHUNG PO DANG, ,LHAN CIG SDOM GANG YID CAN KUN DON PHYIR, ,SKU GSUM YE SHES RGYA MTSOR 'JUG PAR SHOG ,GO 'PHANG MCHOG DER MA REG JI SRID DU, ,MI KHOM BRGYAD DANG SDUG BSNGAL SGRA TZAM YANG, ,RMI LAM DU YANG SGRA 'DZIN YUL 'DAS SHING, ,BDE 'GRO NOR BU'I THEM SKAS RIM 'DZEG SHOG , @404A *, ,'DZEGS NAS DGE BCU'I KHYIM LA RTAG PHYOGS SHOG ,GNAS SKABS 'DIR YANG RGUD PA KUN BRAL ZHING, ,'KHOR G-YOG NOR 'BRU LONGS SPYOD RING PO'I TSE, ,RIGS RGYUD BSOD NAMS STOBS DANG DPAL 'BYOR SOGS, ,RNAM MANG THOS SRAS GRUB PA'I DGA' STON BZHIN, ,PHUN TSOGS LHA LAM MDZOD LA DBANG 'BYOR SHOG ,KHYAD PAR MI DANG MI MIN 'BYUNG PO YIS, ,BSKYED PA'I NAD RIMS DUS MIN 'CHI BA SOGS,, PHYI NANG NYER 'TSE BAR CHAD MA LUS PA, ,THAMS CAD NYE BAR ZHI BA'I DNGOS THOB SHOG ,MCHOG GI TSE DANG RNAM DPYOD RIGS RGYUD DANG, ,MNGA' THANG PHUN TSOGS LHA MI'I DBANG PHYUG RNAMS, ,BSDOMS PA'I PHUN TSOGS LA 'KHU'I 'DOD DGU RNAMS, ,RTAG TU YAR NGO'I ZLA LTAR RGYAS PAR MDZOD, ,SA GSUM SKYE DGU KUN DANG DE DAG GI ,LEGS TSOGS DPAL 'BYOR JI SNYED MCHIS PA SOGS, ,BSAMS PA TZAM GYIS DBANG DU 'DUS NAS KYANG, ,DGE BCU'I DPAL LA YONGS SU 'BYOR BAR SHOG ,KHYAD PAR BSOD NAMS 'DI YIS 'GRO BA KUN, ,GTING ZAB SDUG BSNGAL CHU SRIN 'BYUNG GNAS LAS, ,THABS MKHAS GRU RDZINGS MCHOG GIS SGROL BA YI, ,ZLA MED DED DPON BZANG PO MYUR THOB SHOG ,MDOR NA MCHOG DANG THUN MONG CHOS LDAN GYI, ,BSAM PA'I YONGS 'DU'I LJON PA JI SNYED PA, ,RE BA'I 'BRAS BZANG KHUR GYIS BRJID PA YI, ,BKRA SHIS NYIN @404B MTSAN KUN TU RGYAS PAR SHOG ,'DI YANG RJE BTZUN THAMS CAD MKHYEN PA BLO BZANG CHOS KYI RGYAL MTSAN DPAL BZANG PO'I GSUNG LAS BYUNG BA'O,, ,,MCHOG DGA' SPYAN STONG MNGA' BA LHA LAS RGAN, ,'JIG RTEN SKYONG BA GDENGS CAN GRUB PA'I GTZO, ,KUN GYI ZUR PHUD MDZES PA'I NAGS NANG DU, ,ZHABS SEN PADMO'I GE SAR RGOD PA CAN, ,LHA YI BLA MA RGYAL TSAB MI PHAM MGON, ,GANG GI SNYAN SHAL NOR BU'I ME LONG NGOS, ,MDZES LDAN LHA RDZAS DU GU LA YI GOS, ,GSER SBYANGS BTZO MA'I RI LA NYIN BYED BZHIN, ,ZHAL BZANG MNGON PAR MDZES BYED SA LE SBRAM, ,KUN BZANG MCHOD PA'I TSOGS DANG LHAN CIG TU, ,RNAM DKAR SEMS KYIS BSKRUN PA'I DGE BA'I MTHUS, ,BDAG CAG DENG NAS TSE RABS THAMS CAD DU, ,DAL 'BYOR SDONG PO BSLAB GSUM YAL GAS MDZES, ,RGYAL SRAS SPYOD PA'I ME TOG G-YUR ZA ZHING, ,RIM GNYIS 'BRAS BUS BRJID PA KUN DGA'I SHING, ,THEG MCHOG DPAG BSAM LJON PA NYID GYUR CIG ,'DI SNANG 'GAGS TSE YID DGA' CHOS 'DZIN DU, ,PADMO LAS SKYES KHYOD ZHAL MNGON SUM MTHONG, ,GSUNG GI SBRANG RTZI NGOMS MED 'THUNG BA DANG,, LUNG RTOGS YON TAN PHA MTHAR PHYIN PAR SHOG ,NAM ZHIG KLU SHING DRUNG DU MGON PO KHYOD, ,GRANGS MED 'GRO BA'I BLA MAR GSHEGS PA'I TSE, ,'KHOR GYI THOG MA NYID DU BDAG GYUR NAS, ,KHYOD MNYES BGYID PA 'BA' ZHIG @405A *, ,LHUR LEN SHOG ,'DI YANG RJE NYID KYI GSUNG LAS BYUNG BA'O,, ` ,,SLU MED GTAN GYI SKYABS MCHOG DAM PA'I DRUNG, ,DGE SLONG BLO BZANG RGYA MTSO ZHES BGYI BAS, ,RING NAS DAD PAS NA BZA' YID 'ONG 'DI, ,PHUL BA'I DGES MTSON DUS GSUM DGE BA'I MTHUS, ,'GRO LA PHAN BDE 'BYUNG BA'I SGO GCIG PU, ,BLO BZANG BSTAN PA DAR ZHING RGYAS PA DANG, ,SPYAN RAS GZIGS DBANG THAMS CAD MKHYEN PA DE'I, ,RNAM SPRUL PHYOGS 'DIR MYUR DU PHEBS PA DANG, ,BDAG CAG RNAMS KYANG 'DI NAS BYANG CHUB BAR, ,RGUD PA'I LAM DU NAM YANG MI 'GRO BAR, ,SH'AKYA'I RGYAL PO KHYOD KYIS 'BRAL MED DU, ,RJES SU BZUNG NAS SANGS RGYAS MYUR THOB SHOG ,GNAS SKABS SU YANG DAM CHOS SGRUB PA'I GEGS, ,DUS MIN 'CHI DANG NAD SOGS ZHI BA DANG, ,TSE DANG DPAL DANG NAD MED SHES RAB DANG, ,'DOD PA'I DON KUN BDE BLAG GRUB GYUR CIG ,'DI YANG RJE BLA MA NYID KYI GSUNG LAS BYUNG NGO, ,SKYABS GSUM KUN GYI NGO BO BLA MA LHA, ,LHAN SKYES BDE STONG 'KHOR LO'I ROL PA CHE, ,YI DAM LHA DANG DPAL LDAN MGON PO'I TSOGS, ,BKA' SDOD SRUNG MAR BCAS PA'I ZHABS DRUNG DU,, LHA YI BTZUN PA BLO BZANG RGYA MTSO NAS, ,LHAG BSAM DAG PAS PHUL BA'I DGE TSOGS DES, ,THUB PA'I BSTAN PA DAR ZHING RGYAS PA DANG, ,KHYAD PAR CHOS KYI PHO BRANG 'DI NYID DU, ,RNAM DAG KHRIMS GTZANG DGE 'DUN SDE @405B 'PHEL ZHING, ,CHOS DANG SRID KYI 'BYOR PA RGYAS PAR MDZOD, ,CHED DU BLO BZANG CHOS KYI RGYA MTSO CHE, ,SKU TSE RI DBANG LTA BUR BRTAN PA DANG, ,NAD MED PA DANG BSHAD SGRUB LONGS SPYOD SOGS, ,BZHED PA'I DON RNAMS MA LUS 'GRUB PAR MDZOD, ,KHYAD PAR SDE 'DIR 'DUG NAS NAG CHANG DANG, ,RKU SOGS LKOG TU BAG MED SPYOD BYED PA'I, ,DGE SBYONG GZUGS BRNYAN JI LTAR YIN KYANG RUNG, ,DRAG PO'I CHAD PAS YAL BAR MA BTANG CIG ,SA MA YA, DAM TSIG CHEN PO DRAN PAR GYIS, 'DI YANG RJE BTZUN BLA MA 'DI NYID KYI GSUNG LAS BYUNG BA'O,, ,,AOm SVASTI, BCOM LDAN RJE BTZUN SGROL MA'I LHA KHANG DU, ,MKHA' NGOS YONGS SU KHEBS PA'I BLA RE DANG, ,STOD G-YOGS NA BZA' ME SHEL PHRENG BA'I RGYAN, ,MAndAL GSUM DANG RGYA SKONG CHE LEGS GCIG ,GU GU SHAL DANG GUG TING BDUN CHA RE, ,RAG TING CHE BA GNYIS DANG HOR SBUG CHA, ,DGE SLONG BLO BZANG CHOS KYI RGYAL MTSAN GYIS, ,DANG BA'I SEMS KYIS LEGS PHUL DGE BA'I MTHUS, ,'GRO KUN 'OD DPAG MED KYI ZHABS DRUNG DU, ,SKYES NAS SKU GSUM GO 'PHANG MYUR THOB SHOG ,'DI YANG RJE NYID KYI GSUNG NGO,, ` ,,SVASTI, PHAN BDE'I 'BYUNG GNAS RGYAL BA'I BSTAN, ,DE NYID SNYING PO TZONG KHA PA'I, ,RING LUGS DRI MED NYI 'OD KYIS, ,GDUL BYA'I MKHA' LAM KUN KHYAB NAS, ,THUB BSTAN PAD TSAL RGYAS GYUR CIG ,SDE 'DIR MI DANG MI MIN GYI, ,GNOD TSE'I BSAM SBYOR MI @406A *, ,'BYUNG ZHING, ,BSLAB GSUM RNAM DAG DAM PA'I CHOS, ,KUN 'DZIN 'PHAGS PA'I DGE 'DUN GYIS, ,'DZIN MA'I KHYON KUN GANG BAR SHOG ,DAR COG SER DKAR GNYIS LA'O,, ` ,,AOm BDE LEGS SU GYUR CIG ,LHA JI LTAR RIGS PA'I RJES GNANG ZHU BA BYUNG TSE, ,SLOB MA MDUN DU 'KHOD PA LA 'DI SKAD BRJOD PAR BYA STE, 'O KHYED RNAMS TSE'I DBANG ZHU BA LA, BLA MA LNGA BCU PA LAS, MDUN DU DUL BAR 'DUG PA DANG, ,GOS SOGS TSUL NI BSDAMS PA DANG, ,PUS BTZUGS THAL MO SBYAR BYAS TE, ,NYAN SOGS 'DOD PAS GSOL GSUM GDAB, ,CES GSUNGS PA LTAR GSOL BA LAN GSUM 'DEBS PA 'DI YI RJES ZLOS MDZOD, KUN MKHYEN YE SHES PHUNG PO CAN, ZHES SOGS BYED, DA KHYED RANG RNAMS BSAM PA 'DI BZHIN MDZOD, ,'DI SKAD DU MDO LAS MIR GYUR PA YANG RNYED PAR DKA', DAL 'BYOR PHUN SUM TSOGS PA YANG RNYED PAR DKA', SANGS RGYAS 'BYUNG BA YANG RGYA LAM NA STE, AU DUM WA RA'I ME TOG DPER BRJOD PA BZHIN NO, ,ZHES GSUNGS PA LTAR, SHIN TU DKON PA'I DAL 'BYOR GYI MI LUS THOB, MJAL DKA' BA SANGS RGYAS KYI BSTAN PA DANG MJAL BA'I DUS 'DIR, MI LUS THOB PA DON MED DU MI BTANG BAR SNYING PO CI LON BYED DGOS LA, DE DA LTA NYID DU MA BYAS NA, NAM 'CHI LA NGES PA MED, SHI NAS KYANG GANG DU SKYE RANG DBANG NI MED, LAS DKAR NAG JI LTAR SKYE DGOS, RGYA LA @406B MI DGE'I STOBS KYIS NGAN SONG DU SKYES NA DMYAL BA PA RNAMS LA TSA GRANG, ,YI DVAGS RNAMS LA BKRES SKOM, DUD 'GRO RNAMS LA BKOL SPYAD, LHA MA YIN RNAMS LA PHRAG DOG GI SDUG BSNGAL BZOD DKA' BA YOD, GAL TE BDE 'GROR SKYES KYANG LHA RNAMS LA 'CHI 'PHO LTUNG BYED, MI RNAMS LA SKYE RGA NA 'CHI LA SOGS PA'I SDUG BSNGAL BSAM GYIS MI KHYAB PA YOD, RANG KHO NAR MA ZAD, SEMS CAN THAMS CAD KYANG 'KHOR BAR 'KHYAMS PHYIN CHAD DE LTA BU'I NGANG TSUL CAN YIN CING, SEMS CAN THAMS CAD KYANG DRIN CAN GYI PHA MA SHA STAG YIN PAS, DES NA MAR GYUR NAM MKHA'I MTHA' DANG MNYAM PA'I SEMS CAN THAMS CAD KYI DON DU, MYUR BA MYUR BAR YANG DAG PAR RDZOGS PA'I SANGS RGYAS KYI GO 'PHANG THOB PAR BYA'O SNYAM PA'I BYANG CHUB KYI SEMS DUNG DUNG BA BSKYED PAR MDZOD, DE'I NGANG NAS GNAS KHANG 'DI YANG BDE BA CAN DNGOS YIN SNYAM PA DANG, NGED LHA DE DANG DE DNGOS YIN SNYAM PA DANG, GTOR MA'AM TSE BUM YANG LHA GANG YIN DE'I MNGON RTOGS LTAR GSAL BTAB STE, SLOB MA LA STON DE NAS DKON MCHOG GSUM LA SKYABS SU SONG NAS, BYANG CHUB TU SEMS BSKYED NAS RGYAL SRAS KYI SDOM PA 'DZIN SNYAM PA MDZOD, 'DI'I RJES ZLOS GYIS, DKON MCHOG GSUM LA BDAG SKYABS MCHI, ,ZHES SOGS GSUM BRJOD DE, DNGOS GZHI RJES GNANG SO SO'I KHA BSGYUR BYA'O, ,CES PA 'DI YANG BLA MA @407A *, ,GSAR PA 'GA'I DON DU, BTZUN PA BLO BZANG CHOS KYI RGYAL MTSAN GYIS DGE LDAN DU BKOD PA DGE LEGS 'PHEL,, ,,*, ,RIN CHEN CHOS LEGS LHAG BSAM GYIS, ,PAR 'DI BSGRUBS PA'I RNAM DKAR MTHUS, ,SHE SA BU KHRID SGRIB GNYIS KYI, ,G-YUL LAS MYUR DU RGYAL GYUR CIG ,'DI LTAR BSKRUN PA'I DGE TSOGS KYIS, ,RTAG TU DAL 'BYOR RTEN THOB NAS, ,SA LAM RTOGS PA MTHAR SON TE, , BLA MED BYANG CHUB THOB PAR SHOG , ,,SLU MED MCHOG GSUM DAM PAR MCHOD PA'I SPRIN, ,LHA LAM GANG BA PHUL BA'I DGE BA'I MTHUS, ,SDUG BSNGAL GSUM GYIS MNAR BA'I 'GRO BA KUN, ,BDE BA CAN DU THOGS MED 'JUG GYUR CIG ,CES BDE BA CAN GYI ZHING DU THOGS MED 'JUG PA'I SMON LAM MDOR BSDUS PA 'DI NI, RDO RJE 'CHANG CHEN PO PAn CHEN THAMS CAD MKHYEN PA CHEN POS MDZAD PA YIN PAS DGE, ,,SKYABS GSUM KUN 'DUS RTZA BA'I BLA MA LA, ,GSOL BA 'DEBS SO TSE RABS THAMS CAD DU, ,'BRAL BA MED PAR BRTZE BAS RJES BZUNG NAS, ,SKU GSUM GO 'PHANG THOB PAR BYIN GYIS RLOBS, CES PA 'DI NI DPON PO CHOS KHUR LA GDAMS PA'O,, ,,THUB DBANG RGYAL BA GNYIS PA BLO BZANG GRAGS, ,DBYER MED DRIN CAN RTZA BA'I BLA MA YIS, ,SKYE BA KUN TU 'BRAL MED RJES BZUNG NAS, ,MCHOG DANG THUN MONG DNGOS GRUB MA LUS STZOL, CES PA 'DI NI @407B DPON MO SHES RAB SGRON MA LA GDAMS PA'O,, ` ,,NA MO GU RU LO KE SHVA R'A YA, BOD GANGS RI'I MGON PO SPYAN RAS GZIGS, ,LHA THUGS RJE CHEN POR PHYAG 'TSAL TE, ,CHOS THEG PA CHEN PO'I GSO SBYONG GI ,DON SDOM PA'I RNAM DBYE GSAL BAR BRJOD, DE YANG GNAS 'JOG GI MDO NAS BSHAD PA'I BSNYEN GNAS YAN LAG BRGYAD PA'I SDOM PA DANG, DON ZHAGS KYI RGYUD NAS BSHAD PA'I GSO SBYONG YAN LAG BRGYAD PA'I SDOM PA GNYIS, SPANG BYA YAN LAG BRGYAD SPONG BA TZAM DU MTSUNGS KYANG, GZHAN MA MI 'DRA BA'I KHYAD PAR SHIN TU CHE STE, LEN PA'I YUL MI 'DRA, RTEN GYI KHYAD PAR MI 'DRA, BSAM PA'I KHYAD PAR MI 'DRA, JI LTAR LEN PA'I CHO GA MI 'DRA, BLANGS NAS BSRUNG TSUL MI 'DRA, MTHAR 'BRAS BU MI 'DRA BA'I KHYAD PAR DU MA YOD PA'I PHYIR, DANG PO GRUB STE, SO THAR RIGS BRGYAD KYI NANG TSAN GYI BSNYEN GNAS KYI SDOM PA RANG LAS RGYUD THA DAD PA DGE BSNYEN YAN CHAD SO THAR GYI SDOM LDAN ZHIG GI DRUNG DU LEN DGOS, THEG CHEN GSO SBYONG GI SDOM PA RANG NYID KYIS RTEN GYI DRUNG DU BLANGS KYANG SKYE BA'I PHYIR, GNYIS PA GRUB STE, BSNYEN GNAS YAN LAG BRGYAD PA'I SDOM PA, DGE TSUL SLONG RNAM DAG GI RTEN CAN GYIS LEN DU MI RUNG, THEG CHEN GSO SBYONG GI SDOM PA, DGE SLONG RNAM DAG GIS LEN DU RUNG BA'I PHYIR RO, ,GSUM PA GRUB STE, BSNYEN GNAS KYI SDOM PA NGES 'BYUNG TZAM GYIS KUN NAS BSLANGS PAS SKYE, THEG CHEN GSO SBYONG GI SDOM PA @408A *, ,LEN PA LA NGES PAR BYANG CHUB KYI SEMS BCOS MA TSUN CHAD BSKYED PA SNGON DU 'GRO DGOS PA'I PHYIR, BZHI PA GRUB STE, BSNYEN GNAS KYI SDOM PA SKYABS 'GRO RTZOM BYED DU BYAS NAS, KHAS LEN LAN GSUM BYAS PAS THOB, THEG CHEN GSO SBYONG GI SDOM PA SANGS RGYAS RNAMS KYIS LAM DUS SU GSO SBYONG MDZAD PA DPER BYAS TE, RANG NYID KYANG DE LTA BU'I RNAM THAR GYI RJES SU SLOB PA'I KHAS LEN GSUM BYAS PAS THOB PA'I KHYAD PAR YOD PA'I PHYIR, LNGA PA GRUB STE, BSNYEN GNAS PAS RNAM GSUM DAG PA'I SHA BSRUNG MI DGOS, THEG CHEN GSO SBYONG GI SDOM PA BLANGS NAS, NGES PAR SNGOR DKAR LA GNAS DGOS PA'I PHYIR, THA MA GRUB STE, BSNYEN GNAS PAS THEG PA GANG RUNG DU SEMS BSKYED PA LTAR 'BRAS BU 'GRUB, CIG SHOS KYIS THEG CHEN SEMS BSKYED NYAMS NA MA GTOGS, BLA MED BYANG CHUB THOB PA'I PHYIR RO,, ` ,,LEN PA'I TSUL NI, SNGON DU DGONGS GSOL BYAS, JI LTAR SNGON GYI ZHES PA NAS, GSO SBYONG NGES PAR MDZAD PA DE BZHIN DU, ZHES PA'I BAR DPER BRJOD DE, DE YANG SNGON BYON ZIN PA'I SANGS RGYAS BCOM LDAN 'DAS DE DAG KYANG, SNGON SANGS RGYAS RGYAS PA ZHIG MA YIN, BSHES SPRING LAS, GANG DAG CHOS SNGON BGYIS PA DE DAG KYANG, ,GNAM NAS BABS PA MA LAGS LO TOG BZHIN, ,SA RUM NAS THON MA LAGS DE DAG SNGON, ,NYON MONGS RAG LAS SO SKYE KHO NAR BAS, ZHES @408B GSUNGS PA LTAR YIN KYANG, DE RNAMS KYIS THOG MAR BYANG CHUB TU THUGS BSKYED, 'DI LTA BU'I THEG PA CHEN PO'I GSO SBYONG BZHES NAS YANG DAG PAR BSRUNG BA SOGS LAM LA BSLABS PAS SANGS RGYAS PA YIN, DE BZHIN DU RANG RANG MING 'DI DANG 'DI ZHES BGYI BAS KYANG, THEG CHEN GSO SBYONG GI SDOM PA YANG DAG PAR BLANGS NAS, SANG NYI MA MA SHAR GYI BAR DU BSRUNG SNYAM PA BYED, BSAM PA JI LTA BUS LEN NA, SNGON GYI RGYAL BA RNAMS LTAR SEMS CAN THAMS CAD KYI DON DU LEN, DON JI LTA BU ZHE NA, GNAS SKABS SU PHAN PA PHUN SUM TSOGS PA BSGRUB PA DANG, MTHAR THUG NYON MONGS PA DANG SHES BYA'I SGRIB PA LAS GROL BAR BYA BA'I PHYIR DU'O, ,'O NA GNAS SKABS SU PHAN PA JI LTA BU ZHE NA, NGAN SONG GI SDUG BSNGAL 'JIGS SU RUNG BA DANG, LUS SEMS GDUNG BAR BYED PA'I NAD DANG, DBUL ZHING 'PHONGS PA SOGS SDUG BSNGAL BA'I RGYU MU GE SOGS RGYUN BCAD DE MED PAR BYA BA'I PHYIR DANG, MTHAR THUG GROL BAR BYA BA'I THABS DRAN PA NYE BAR GZHAG PA BZHI LA SOGS PA'I BYANG CHUB KYI PHYOGS KYI CHOS YONGS SU RDZOGS PAR BYA BA DANG, DE LTA BU'I SGO NAS SEMS CAN THAMS CAD KYI GNAS SKABS DANG MTHAR THUG GI DON MTHAR PHYIN PAR BYED PA LA, RANG NYID KYIS RDZOGS PA'I SANGS RGYAS KYI GO 'PHANG THOB DGOS PAS, DE'I PHYIR RANG NYID BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PAR BYA BA'I PHYIR @409A *, ,DU, SDOM PA LEN SNYAM DU BSAMS TE, LAN GSUM RJES ZLOS BYAS ZIN PA'I MTHAR SDOM PA THOB PAS, THABS LEGS BYA'O, ,MJUG BSLAB PA BRJOD PA NI TSIG BCAD LHUG MA GTOGS BSNYEN GNAS JI LTA BU'O, ,BSNYEN GNAS YAN LAG BRGYAD PA DANG, ,THEG PA CHEN PO'I GSO SBYONG GI ,RNAM DBYE LA SOGS BSHAD PA'I TSUL, ,MA 'DRES SO SOR GSAL BAR BSHAD, ,'DI NI BYANG RTZE CHOS KYI RJE, ,DGE 'DUN RNAM RGYAL ZHES BYA BA'I, ,BSTAN PA'I RTZA LAG GANG DE YIS, ,BSKUL TSE CHOS KYI RGYAL MTSAN GYIS, ,THOGS MED BRIS BA'I DGE BA'I MTHUS, ,'GRO KUN BYANG CHUB SEMS LDAN ZHING, ,THEG MCHOG KHRIMS KYIS RGYUD BSDAMS NAS, ,BDEN 'DZIN BAG CHAGS BCAS SPANGS TE, ,THAMS CAD MKHYEN PA MYUR THOB SHOG , ,,DGE'O,, ` ,,THUB DBANG GNYIS PA BLO BZANG GRAGS PA YI, ,MDO SNGAGS CHOS KYI RGYAL MTSAN 'OD 'BAR BAS, ,MTHA' YAS GDUL BYA'I RMONGS PA KUN SEL ZHING, ,PHAN BDE 'DAB BRGYA'I DGA' TSAL RGYAS GYUR CIG ,CES PA 'DI YANG CHOS GRVA CHEN PO BKRA SHIS LHUN PO'I ZUR BZHI'I SLOB DPON RNAMS DANG, CHOS KHRIMS PAS BSKUL BA'I NGOR, DGE SLONG BLO BZANG CHOS KYI RGYAL MTSAN GYIS SBYAR BA'O,, ,,SARBA MANGGA LAm, ` ,AOm SVA STI, RGYAL KUN SPANGS RTOGS YON TAN DBYER MED KYANG, ,RNAM 'DREN GZHAN GYIS 'DUL DKA'I SNYIGS DUS 'DIR, ,THUGS BSKYED PAD DKAR LTA BUR RAB BSNGAGS PA, , @409B SKU BZHI'I DBANG PHYUG SH'AKYA'I RGYAL POR 'DUD, ,THUB GSUNG GAB DKRUGS RGYA YIS BCINGS PA'I MDUD, ,RNAM DPYOD SOR MOS 'GROL LA ZLA BRAL BA, ,'JAM DPAL RDO RJE'I SGYU 'PHRUL TZONG KHA PA'I, ,ZHABS RDUL GTZUG GI RGYAN DU GUS PAS BSTEN, ,GSUNG GI RDO RJE SNANG BA MTHA' YAS KYI, ,BGRANG YAS SGYU 'PHRUL DRA BA'I ROL PA LAS, ,DENG 'DIR NGUR SMRIG ZLOS GAR RAB BSGYUR BA, ,BLO BZANG CHOS KYI RGYAL MTSAN PHYAG GI YUL, ,GANG GI GSUNG GSANG CHOS SBYIN 'DZAD MED PHYIR, ,SNGON CHAD PAR DU BSGRUBS PA'I AA DARSHA, ,GZHAN PHAN KHYAB GDAL CHE BA'I KHA RLANG GIS, ,NONGS PAS 'DREN BYED YUL DU GYUR MIN TSE, ,'PHRINo LASo CHOSo 'BYOR BLAo NAS SLAR 'PHELo BA'I, ,PHO BRANGo GSER SBYANGS BRTZEGS PA'I RGYAL MTSANo CAN, ,SRID NA MNGON MTHOo LHUN POo LTAR BRJID PA'I, ,LUGS GNYIS SROL 'DZIN JAo SAGo MKHANo POo YIS, ,SLAR YANG 'PHRUL GYI MCHOD SBYIN MING GZHI'I GZUGS, ,DBYIBS LEGS PAR DU BSKRUN PA'I RNAM DKAR MTHUS, ,BLOo BZANGo DPALo LDAN BSTANo PA'Io NYIo MAo CHE, ,PHYOGSo LASo RNAMo RGYALo BSKAL BRGYAR ZHABS BRTAN SHOG ,PHUN TSOGS KUN GYI GZHIR GYUR RGYAL BSTAN GYI, ,SNYING PO 'KHRUL BRAL ZHVA SER RING LUGS CHE, ,PHYOGS DUS KUN TU DAR ZHING RGYAS PA DANG, ,'GRO KUN RDZOGS LDAN DPAL LA RTAG SPYOD SHOG ,MCHOD SBYIN 'DI LAS 'ONGS PA'I GLEGS BAM GYIS, ,DZ'A TI'I ME TOG BKRA BA'I ZHING KHAMS NAS, ,DAR ZAB THAGS SU BSKRUN PA'I YUL GRU'I BAR, , @410A *, ,KHYAB CING THOS BSAM BYED POS GANG GYUR CIG ,LHA KLU MNYES SHING YUL PHYOGS THAMS CAD DU, ,CHAR CHU DUS PHEBS RTZI BCUD 'BRAS BU RGYAS, ,'THAB RTZOD RGUD PA'I MING YANG MI GRAG CING, ,'GRO KUN BDE SKYID DPAL LA SPYOD PAR SHOG , (CES PA 'DI YANG RJE BTZUN BLO BZANG CHOS KYI RGYAL MTSAN DPAL BZANG PO'I GSUNG 'BUM CHOS GRVA CHEN PO BKRA SHIS LHUN PO 'DI NYID DU PAR DU BZHUGS PA RNAMS BGRES SKYON GYIS YI GE GSAL MIN STABS SA 'BRUG LO NAS DBU BRTZAMS TE PAR GSAR BRKO BGYIS PA CHU BYA LO NANG LEGS PAR GRUB PA'I DGE BA RDZOGS BYANG DU BSNGO BA'I SMON TSIG TU SBYAR BA'O,,) ,,MANGGA LAm, , [BP]