@00 *, ,YAN LAG BDUN PA'I RNAM BSHAD PHAN BDE'I LAM STON ZHES BYA BA
BZHUGS, ,

@01A *, ,NA MO GU RU MANYDZU GHO sh'A YA, BLO BZANG THUB DBANG RDO
RJE 'CHANG CHEN DANG, ,DBYER MED DPAL LDAN BLA MA LA BTUD NAS, ,LAM
BZANG SKYE BA'I LHAN CIG BYED PA'I RKYEN, ,BSAG

SBYANG GNANG BSDUS YAN LAG BDUN PA BSHAD, ,DE YANG BZANG SPYOD
SMON LAM LAS 'BYUNG BA'I YAN LAG BDUN PA'I TSIG DON MDOR BSDUS GO
BDE BAR 'CHAD PA LA BDUN, PHYAG

'TSAL BA, MCHOD PA 'BUL BA, SDIG PA BSHAGS PA, RJES SU YI RANG BA, CHOS
'KHOR BSKOR BAR BSKUL BA, BZHUGS PAR GSOL BA 'DEBS PA, DGE BA BSNGO
BA'O, ,DANG PO LA

GNYIS, MDOR BSTAN PA DANG, RGYAS PAR BSHAD PA'O, ,DANG PO NI, JI SNYED
SU DAG CES SOGS TSIGS BCAD GCIG STE, PHYAG BGYI'O, ZHES BSHAD PA'I
GZHIR DRANG, GANG LA NA

MI YI SENG GE STE SANGS RGYAS KUN LA'O, ,PHYOGS 'DI'I MI KUN 'DUS ZHES
PA LTA BU PHYOGS RE BRJOD PAR YANG KUN GYI SGRA 'JUG PAS SANGS RGYAS
KYANG PHYOGS RE BA TZAM LA PHYAG

@02A *, ,BYA BA YIN NAM ZHE NA, YUL PHYOGS RE BA TZAM MA YIN GYI SHAR
LA SOGS PA'I PHYOGS BCU'I 'JIG RTEN GYI KHAMS JI SNYED CIG YOD PA NA
BZHUGS

PA'I SANGS RGYAS GCIG KYANG MA LUS PA DANG, DUS PHYOGS RE BA TZAM
MA YIN GYI DUS GSUM DU GSHEGS PA STE SNGAR BYON ZIN PA DANG, MA
'ONGS PA NA 'BYON PAR 'GYUR BA

DANG, DA LTAR BYUNG BA'I SANGS RGYAS SU DAG MCHIS LA DE DAG THAMS
CAD LA DMIGS NAS SO, ,GANG GIS NA GANG ZAG SU YIN PA BDAG GIS SO, ,TSUL
JI LTAR NA, GZHAN

GYI G-YAM LA RGYUG LTA BU MA YIN PAR LUS DANG NGAG DANG YID DE
SGO GSUM MA DAD PA'I RNYOG PA DANG BRAL BA'I DRANG PA'I DAD PAS KUN
NAS BSLANG STE'O, SANGS RGYAS LA MI'I

SENG GER BRJOD PA'I RGYU MTSAN NI, MI'I SKYE BAR STON LA, SENG GE LTAR
GZHAN ZIL GYIS GNON CING BAG TSA BA MED PAS SO, ,GNYIS PA RGYAS PAR
BSHAD PA LA GSUM,

@02B LUS KYI PHYAG ,YID KYI PHYAG ,NGAG GI PHYAG GO ,DANG PO NI,
BZANG PO SPYOD PA'I ZHES SOGS TSIGS BCAD GCIG STE, PHYAG 'TSAL LO,
,GANG LAN SGRIB GNYIS KYI DGRA LAS RGYAL BA'I RGYAL BA

KUN LA'O, ,DE YANG PHYOGS RE BA TZAM MIN PAR PHYOGS DANG DUS KYIS
BSDUS PA'I RGYAL BA THAMS CAD DA LTA MIG GIS DNGOS SU MI MTHONG
YANG YID KYI YUL DU MNGON SUM DU BZHUGS PA LTAR

DMIGS NAS SO, ,GANG GIS NA, RANG GI LUS SANGS RGYAS KYI ZHING MA LUS
PA DAG GI RDUL PHRA RAB JI SNYED YOD PA DANG GRANGS MNYAM PAR
SPRUL LA, LUS DE DAG THAMS CAD KYI THAL MO SBYOR

ZHING YAN LAG LNGA SA GZHI LA RAB TU BTUD PA YIS SO, ,TSUL JI LTAR NA,
PHYAG YUL RNAMS KYI BZANG PO'I SPYOD PA LA SMON LAM GYI YUL DU BYED
PA'I DON GNYER GYI 'DUN PA'I STOBS RAB TU

BSKYED PA DAG GIS KUN NAS BSLANGS TE'O, ,GNYIS PA YID KYI PHYAG NI,
RDUL GCIG STENG NA ZHES SOGS TSIGS BCAD GCIG STE, RDUL PHRA RAB GCIG
GI STENG STE GO SA NA YANG, SANGS RGYAS KYI

ZHING MA LUS PA'I RDUL PHRA RAB JI SNYED YOD PA DANG GRANGS MNYAM
PA'I SANGS RGYAS RNAMS 'KHOR SANGS RGYAS KYI CHOS LAS SKYES PA'I SRAS
BYANG CHUB SEMS DPAS BSKOR BA'I DBUS NA DOG PA

@03A *, ,MED PAR BZHUGS PA DAG TU MOS SHING, JI LTAR RDUL PHRA RAB
GCIG GI GO SAR RGYAL BA SRAS BCAS BZHUGS PA DE LTAR CHOS KYI DBYINGS
STONG PA NYID KYIS GANG DU KHYAB PA'I

SNOD BCUD RNAMS MA LUS PA THAMS CAD RGYAL BA SRAS BCAS DAG GIS TIL
GYI GANG BU LTAR BYUR BUR GANG BAR GYUR PA LA, YON TAN RJES SU DRAN
PA'I MOS PA'I YID KYIS 'DUD PA'O, ,LUS

NGAG GI PHYAG LA YID KYI KUN SLONG GTZO BOR SHES PA'I PHYIR BAR GYI
GSAL BYED DU BSTAN GSUNG, GSUM PA NGAG GI PHYAG NI, DE DAG BSNGAGS
PA ZHES SOGS TSIGS BCAD GCIG STE, BSTOD

PAR BGYI'O, ,GANG LA NA, LAM BDE BA NAS 'BRAS BU BDE BAR GSHEGS PA'I
SANGS RGYAS THAMS CAD DO, ,GANG GIS NA, BDAG GIS SO, TSUL JI LTAR NA,
YID YUL DU DMIGS PA'I RGYAL BA

SRAS BCAS DE DAG KUN GYI SKU GSUNG THUGS 'PHRIN LAS KYI YON TAN GYI
BSNGAGS PA BRJOD PAS MI ZAD PA RGYA MTSO CHEN PO'I CHU RDUL DANG
'DRA BA RNAMS, BSTOD DBYANGS 'BYUNG BA'I YAN LAG

STE RGYU RANG GI LUS ZHING RDUL DANG MNYAM PA RE RE LA MGO BO
DPAG TU MED PA DANG, MGO BO RE RE LA LCE RGYA MTSO CHEN PO'I CHU
RDUL LTAR MANG POR SPRUL PA'I SGRA DBYANGS SNYAN PA KUN GYIS RAB TU
BRJOD CING

@03B GSAL BAR BYAS NAS SO, ,GNYIS PA MCHOD PA 'BUL BA LA GNYIS, BLA NA
YOD PA'I MCHOD PA DANG, BLA NA MED PA'I MCHOD PA'O, ,DANG PO NI, ME
TOG DAM PA ZHES SOGS TSIGS BCAD GNYIS TE, MCHOD PAR

BGYI'O, GANG LA NA YID YUL DU DMIGS PA'I RGYAL BA SRAS BCAS MTHA' YAS
PA DE DAG LA NI'O, DNGOS PO GANG GIS NA, BZO'I BKOD PA MCHOG TU
MDZES PAS GZHAN LAS KHYAD PAR DU 'PHAGS PA DANG, RGYU BZANG

BAS MCHOG DANG DAM PAR GYUR PA'I 'JIG RTEN PA'I MCHOD RDZAS YOD DO
COG KUN GYIS SO, ,DE YANG LHA DANG MI'I YUL LA SOGS PA'I SDONG PO
DANG SIL MA'I ME TOG RMAD DU BYUNG BA'I DAM PA RNAMS DANG, ME

TOG DBYIBS DANG KHA DOG SNA TSOGS SPEL TE BRGYUS PA'I 'PHRENG BA
DAM PA RNAMS DANG, RGYUD CAN DANG 'BUD PA DANG RDUNG BA DANG
DKROL BA LAS YID DU 'ONG BA'I SGRA 'BYIN PA'I SIL SNYAN DAM PA RNAMS
DANG,

SPOS DRI ZHIM PO'I LDE KHU GANG DU RGYAL BA RNAMS BZHUGS PA'I SA
GZHI LA RKYANG NUL DU BYUG PAR BYA BA'I BDAG RDZAS DAM PA RNAMS
DANG, TSA GDUNG SKYOB PAR BYED PA'I LHA RDZAS KYI GDUGS MCHOG TU
RGYUR

PA RNAMS DANG, SPOS MAR LA SOGS PA DRI ZHIM ZHING 'OD GSAL BA DANG
NYI ZLA DANG NOR BU RIN PO CHE'I 'OD LA SOGS PA'I MAR ME MCHOG TU
GYUR PA RNAMS DANG, DRI BZANG GI RED BU LA SOGS PA SBYAR BA DANG,

@04A *, ,TZANDAN ? DANG AA KA RU LA SOGS PA SNA GCIG PA'I SPOS SHING
MER BSREGS PA'I BDUG SPOS DAM PA RNAMS DANG, SRAB CING 'JAM LA YANG
BA'I LHA MI'I NA BZA' DAM PA RNAMS DANG, SKU LUS

LA BYUG PAR BYA BA'I STONG GSUM DU DRI NGAD LDANG BA'I DRI BZANG GIS
BSGOS PA'I SPOS CHU MCHOG TU GYUR PA RNAMS DANG, GTOR ZHING BDUG
TU DUD PA'I DRI BZANG GI PHYE MA'I PHUR MA STE THUM POR BYAS PA'I RGYA

DANG DPANGS RI RAB DANG MNYAM PA SOGS SO, ,GNYIS PA BLA NA MED PA'I
MCHOD PA NI, MCHOD PA GANG RNAMS ZHES SOGS TSIGS BCAD GCIG STE,
SANGS RGYAS DANG BYANG CHUB SEMS DPA' MTHU CAN

RNAMS KYI TING NGE 'DZIN GYIS MCHOD RDZAS BZANG RGU SPRUL PA GANG
YIN PA RNAMS NI DE LAS GONG DU GYUR PA'I MCHOD PA GZHAN MED PAS NA
BLA NA MED PA DANG, SANGS RGYAS KYI ZHING THAMS CAD RGYAS

PAR 'GENGS PAS NA RGYA CHE BA STE, MCHOD PA DE DAG GIS RGYAL BA
THAMS CAD LA YANG MCHOD PA'I MOS PA BYA'O, ,LAM RIM CHEN MOR, TSIG
RKANG THA MA GNYIS NI GONG MA DE GNYIS MA TSANG BA THAMS CAD LA
SBYAR

TE PHYAG DANG MCHOD PA RNAMS KYI YUL DANG KUN SLONG STON PA'O,
,ZHES GSUNGS TE, STON TSUL NI, RGYAL BA KUN LA ZHES PAS PHYAG MCHOD
GANG LA 'BUL BA'I YUL DANG, BZANG PO SPYOD LA DAD PA'I STOBS

@04B DAG GIS, ZHES PAS PHYAG MCHOD GANG GIS BYED PA'I KUN SLONG
BSTAN PA'O, GSUM PA SDIG PA BSHAGS PA NI, 'DOD CHAGS ZHE SDANG ZHES
SOGS TSIGS BCAD GCIG STE, RGYU RANG GI SEMS 'DOD CHAGS

DANG ZHE SDANG DANG GTI MUG STE DUG GSUM GYIS SBAGS PA'I GZHAN
DBANG GIS NI, GZHI LUS DANG NGAG DANG DE BZHIN DU YID KYIS KYANG
RUNG STE, RANG BZHIN NI BDAG GIS BGYIS PA STE, DE YANG DNGOS SU RANG

GIS BYA BA DE LA ZHUGS PA DANG, GZHAN BYED DU NGAG GIS BCUG PA
DANG, GZHAN GYIS BYAS PA LA YID KYIS RJES SU YI RANG PA'O, ,DE LTA BU'I
SDIG PA RANG RGYUD LA CI MCHIS PA STE GANG YOD PA DE DAG THAMS

CAD LA NYES DMIGS DRAN PA'I 'GYOD SEMS DANG PHYIN CHAD SDOM SEMS
KYI SGO NAS BDAG GI RGYAL BA SRAS BCAS KYI SPYAN SNGAR SO SOR TE YANG
DANG YANG DU BSHAGS PAR BYA'O, ,BZHI PA RJES SU YI RANG

BA NI, PHYOGS BCU'I RGYAL BA ZHES SOGS TSIGS BCAD GCIG STE, PHYOGS
BCU'I 'JIG RTEN GYI KHAMS NA BZHUGS PA'I RGYAL BA SANGS RGYAS KUN
DANG, SANGS RGYAS KYI THUGS KYI SRAS BYANG CHUB SEMS

DPA' RNAMS DANG, BSE RU LTA BU DANG TSOGS NA SPYOD PA'I RANG RGYAL
RNAMS DANG, SLOB PA RGYU ZHUGS PHYIR 'ONG PHYIR MI 'ONG GSUM DANG,
MI SLOB PA DGRA BCOM PA STE NYAN THOS ZUNG BZHI YA BRGYAD RNAMS
DANG,

@05A *, ,'GRO BA RIGS DRUG GI SO SO SKYE BO STE GANG ZAG LNGA PO
DE KUN GYI BSOD NAMS TE DGE BA'I CHOS CHE CHUNG GANG DANG GANG LA
YANG MI BZOD PA'I PHRAG DOG MED PAR MA ZAD, DE DANG DE DAG

KUN GYI PHAN YON DRAN NAS DBUL PO'I BUS GTER RNYED PA'I PHA LTAR
BDAG YI RANG ZHING DGA' BA BSGOM PA'O, ,LNGA PA CHOS 'KHOR BSKOR BAR
BSKUL BA NI, GANG RNAMS PHYOGS BCU'I ZHES SOGS TSIGS

BCAD GCIG STE, GANG PHYOGS BCU'I 'JIG RTEN GYI KHAMS RNAMS NA BLANG
DOR GYI GNAS BSTAN NAS RMONGS PA'I MUN PA SEL BA'I SGRON ME GANG
DAG ,BYANG CHUB SGRUB PA'I LAM GYI RIM PAR BSLABS PAS

SANGS RGYAS TE DUS GSUM GYI SHES BYA LA MA CHAGS SHING THOGS PA MED
PA'I MKHYEN PA BRNYES NAS RING DU MA LON PA'I 'GRO BA'I MGON PO DE
DAG THAMS CAD LA, BDAG GIS LUS KYANG DE SNYED DU

SPRUL NAS SEMS CAN THAMS CAD LA ZAB PA DANG RGYA CHE BA'I CHOS KYI
'KHOR LO BLA NA MED PA BSKOR BAR BYA BA'I PHYIR DU BSKUL MA GDAB PO,
,DRUG PA BZHUGS PAR GSOL BA 'DEBS PA NI, MYA NGAN 'DAS STON

ZHES SOGS TSIGS BCAD GCIG STE, PHYOGS BCU'I 'JIG RTEN GYI KHAMS NA
GDUL BYA 'GA' ZHIG GI PHYIR MYA NGAN LAS 'DAS TSUL STON PAR GANG
BZHED PA'I SANGS RGYAS DE DAG THAMS CAD LA,

@05B DGOS PA 'GRO BA KUN LA NGES LEGS KYI LAM STON PAS PHUGS SU PHAN
ZHING, MNGON MTHO'I LAM STON PAS GNAS SKABS SU BDE BA BSKYED PA'I
PHYIR DU, DUS BSKAL PA CHEN PO PHYOGS BCU'I SANGS RGYAS

KYI ZHING GI RDUL PHRA RAB KYI GRANGS SNYED DU MYA NGAN LAS MI 'DA'
BAR BZHUGS PAR YANG, BDAG GIS LUS DPAG TU MED PAR SPRUL ZHING THAL
MO RAB TU SBYAR NAS GSOL BA GDAB PAR BGYI'O, ,BDUN PA DGE

BA BSNGO BA NI, PHYAG 'TSAL BA DANG ZHES SOGS TSIGS BCAD GCIG STE,
GONG DU BSHAD PA'I SGO GSUM GUS PAS PHYAG 'TSAL BA DANG, BLA NA YOD
MED KYIS MCHOD PAS MCHOD CING, STOBS BZHIS

SDIG PA BSHAGS PA DANG, GANG ZAG LNGA'I DGE BA LA RJES SU YI RANG BA
DANG, CHOS KYI 'KHOR LO BSKOR BAR BSKUL ZHING, MYA NGAN LAS MI 'DA'
BAR BZHUGS SU GSOL BA YI DGE BAS MTSON NAS BDAG

DANG GZHAN GYIS DGE BA CUNG ZAD TZAM NAS SHIN TU CHEN PO'I BAR,
GANG DANG CI BSAGS PA THAMS CAD, BDAG GIS SEMS CAN THAMS CAD KYI
DON DU RDZOGS PA'I BYANG CHUB THOB PAR BYA BA'I PHYIR DU 'DUN PA

DRAG POS BSNGO BAR BGYI'O, ,DE LTAR YAN LAG BDUN PA DE BSDU NA, BSAG
PA DANG SBYANG BA DANG SPEL ZHING MI ZAD PAR BYED PA'I PHUNG PO
GSUM DU 'DU'O, ,LAM RIM CHEN MO LAS, YAN LAG BDUN PA'I TSIG

@06A *, ,DON BSHAD ZIN PA'I MJUG TU, DE LTAR TSIG DE DAG GI DON GO BAR
BYAS LA, YID GZHAN DU MA YENGS PAR DAL BUS JI SKAD BSTAN PA BZHIN DU
BYAS NA, BSOD NAMS KYI PHUNG PO DPAG

TU MED PA 'DZIN NO, ,ZHES DANG POR TSIG ZIN CING DON GO BA ZHIG DANG,
DE NAS YAN LAG BDUN PA NAM BYED RES KYIS TSIG DAL BUS KHA TON BGYID
CING SEMS MA YENGS PAR TSIG DON GZHUNG LAS 'BYUNG BA

LTAR BSGOMS NA TSAR RE RE LA YANG BSOD NAMS DPAG TU MED PA 'BYUNG
BAR GSUNGS PA 'DI LA NUS PA CI YOD KYIS 'BAD NAS DAL BA'I RTEN LA
SNYING PO DAM PA BLANG BAR BYA'O, SMRAS PA, RNAM 'DREN NYI

MA'I GNYEN GYI GSUNG GSANG BCUD, ,'PHAGS PA GDONG PO BKOD PA'I MDO
SDE LAS, ,'BYUNG BA'I MCHOG DMAN YONGS KYI NYAMS LEN SDOMS, BSAG
SBYANG GNAD BSDUS YAN LAG BDUN PA'I DON, KLU

SGRUB PHYOGS GLANG RGYAN BZANG SH'AKYA'I BSHES, ,GTZANG CHUNG
CHOS GRAGS SGROL BA'I MGON PO DANG, ,YAB RJE RGYAL BA GNYIS PA LA
SOGS PA'I, ,RGYA BOD MKHAS PA'I GZHUNG MANG BLTAS NAS SBYAR, ,DE LAS

BYUNG BA'I DGE TSOGS PAKshU'I KLUNG, ,LEGS SBYANG CHU PHRAN STONG
DANG LHAN CIG TU, ,RNAM MKHYEN RIN CHEN 'BYUNG BA'I GNAS PHYIN NAS,
,MKHA' MNYAM 'GRO BA'I GSOS SU 'GYUR BAR SHOG ,(CES BZANG SPYOD SMON

@06B LAM LAS 'BYUNG BA'I YAN LAG BDUN PA'I DON RNAM PAR BSHAD PA
PHAN BDE'I LAM STON ZHES BYA BA 'DI YANG SDOM BRTZON CHOS KYI SPYAN
LDAN ZHABS DRUNG BLO BZANG CHOS 'PHEL NAS BSKUL NGOR, SH'AKYA'I
DGE SLONG DHARMA BHA DRAS MYOS LDAN GYI LO'I SNON

ZLA BA'I YAR TSES BZANG POR DNGUL CHU'I RI PHUG TU BRIS,, ,,)