[LS] *, ,PRA TI LI TYA NAB SYA GYA RTH'A RAm MU KTA H'I R'A NVA DRA shtA Rn'A PA N'A MA PI HA RA TI SMA *, ,RTEN 'BREL BSTOD PA'I TSIG DON NYUNG DUR BKROL BA ZAB DON LTA BA'I 'DREN BYED CES BYA BA BZHUGS SO, @01B #, ,NA MO GU RU W'A G'I SHVA RA SVA RA SVA STI, RTEN 'BYUNG STOD PA'I NGA ROS RTAG CHAD KYI, ,SKAD NGAN SGROG PA'I WA SKYES SKRAG MDZAD NAS, ,SNANG STOD KHA BA'I RIL RANG PHYOGS KUN; ;SDUD MDZAD SH'A KYA SENG GER MGOS PHYAG 'TSAL, ,CHER SNYIGS LNGA BDO'I SMAG GIS BYANG PHYOGS 'GRO'I, ,ZAB DON LTA BA'I GO SKABS BKAG GYUR TSE, ,THUGS BSKYED MGYOGS 'GROS DRANGS PA'I TSA ZER CAN, ,BLO BZANG NYIN BYED GANGS CAN DGUNG DU SHAR, ,MGON DES MGON PO MNYAM MED ZAS GTZANG SRAS, ,LHA YI LHA LA RTEN 'BYUNG GSUNGS TSUL LAS, , BSTOD PA'I BSTOD TSIG LEGS BSHAD SNYING PO YI, ,TSIG DON TSIG NYUNG BKROL LA RNA BA BLOGS, ,'DIR RJE THAMS CAD MKHYEN PA BLO BZANG GRAGS PA'I DPAL GYIS SANGS RGYAS @02A *, ,BCOM LDAN 'DAS LA ZAB MO RTEN 'BREL GSUNGS PA'I SGO NAS BSTOD PA, LEGS PAR BSHAD PA'I SNYING PO'I TSIG DON NYUNG NGUR DGROL BA LA GSUM, KLAD KYI DON GZHUNG GI DON, MJUG GI DON NI, ,DANG PO NI, NA MO GU RU MANYDZU GHO sh'A YA, ZHES PAS STON LA, DON NI, RJE BLA MAS BSTOD TSIG RTZOM PA'I 'GOR, 'DOD DON BDE BLAG TU 'GRUB PA'I PHYIR, BLA MA 'JAM PA'I DBYANGS LA PHYAG 'TSAL LO, ,ZHES SGO GSUM DVANG BAS 'DUD PA'O, ,GNYIS PA LA GNYIS, BSTOD PA DNGOS DANG, RTZOM PA'I RGYU MTSAN BSNGO BA DANG BCAS PA'O, , DANG PO LA GSUM, MDOR BSTAN PA, RGYAS PAR BSHAD PA, DON BSDU BA'O, ,DANG PO NI, GANG ZHIG GZIGS SHING ZHES SOGS TSIGS BCAD GCIG GIS STON LA, DON NI, RTEN 'BREL @02B GANG ZHIG RANG GIS GZIGS SHING GZHAN LA GSUNG PA KHO NA YIS MKHYEN PA DANG STON PA BLA NA MED PA YIN LA, DES NA RGYAL BA GO'U TA MA RTEN CING 'BREL PAR 'BYUNG BA GZIGS SHING 'DOMS PA DE LA BDAG 'DUD DO ZHES PA'O, ,GNYIS PA LA GNYIS, RTEN 'GREL GYI SGO NAS BSTOD PA'I RGYU MTSAN DANG, RTEN 'BREL GYI SGO NAS BSTOD PA DNGOS SO, ,DANG PO LA GSUM, RTEN 'BREL 'KHOR BA'I RTZA BA GCOD BYED DU BSTAN PA, RTEN 'BREL BSTAN PA'I SNYING POR BSTAN PA, DES NA RTEN 'BREL GYI SGO NAS BSTOD PA MCHOG TU BSNGAGS PA'O, ,DANG PO NI, 'JIG RTEN RGUD PA ZHES SOGS TSIGS BCAD GCIG GIS STON LA, DON NI, 'JIG RTEN NA CHAGS SOGS KYI RGUD PA JI SNYED YOD PA DE YI RTZA BA GANG ZAG DANG CHOS LA DMIGS NAS BDEN GRUB TU 'DZIN PA'I MA RIG PA STE, RTEN 'BREL RTOGS PA'I SHES RAB KYIS GNAS LUGS GANG ZHIG MTHONG BAS 'KHOR BA'I RTZA BA MA RIG PA DE LDOG PA YIN TE, DE LDOG BYED RTEN CING 'BREL PAR 'BYUNG BAR RGYAL BAS GSUNGS PA'I PHYIR RO ZHES PA'O, ,GNYIS PA NI, DE TSE BLO DANG ZHES SOGS TSIGS BCAD GCIG GIS STON LA, DON NI, RTEN 'BREL 'KHOR BA'I RTZA BA GCOD BYED DU GSUNGS PAR GO BA DE'I TSE BLO GROS DANG LDAN PA'I MKHAS PA YIS RTEN CING 'BREL PAR 'BYUNG BA'I LAM DE NYID, THUB PA KHYOD KYI BSTAN PA'I GNAD DAM SNYING PO MTHAR THUGS NYID DU JI SNYED KHONG @03A *, ,DU CHUD PAR MI 'GYUR TE 'GYUR RO ZHES PA'O, ,GSUM PA NI, DE LTA LAGS NA ZHES SOGS TSIGS BCAD GCIG GIS STON LA, DON NI, RTEN 'BREL 'KHOR BA'I RTZA BA GCOD BYED DANG BSTAN PA'I SNYING PO DE LTA BU LAGS NA, MGON PO BCOM LDAN 'DAS KHYOD LA BSTOD PA'I SGOR NI MKHAS PA SU 'DRA ZHIG GIS BTZAL ZHING BRTAGS KYANG, RTEN NAS 'BYUNG BA GSUNG PA'I SGO NAS BSTOD PA LAS NGO MTSAR BAR GYUR PA CI ZHIG RNYED DE MI SNYED DO ZHES PA'O, ,GNYIS PA RTEN 'BREL GYI SGO NAS BSTOD PA DNGOS LA GNYIS, RTEN 'BREL GZIGS TSUL GYI SGO NAS SPYIR BSTOD PA DANG, GSUNGS TSUL GYI SGO NAS BYE BRAG TU BSTOD PA'O, ,DANG PO LA GSUM, RTEN 'BREL GZIGS SHING GSUNGS PAS STON PA SMRA BA GZHAN LAS KHYAD ZHUGS PAR BSNGAGS PA, RTEN 'BREL JI LTAR GZIGS SHING GSUNGS PA'I TSUL, DON BSDU BA'O, ,DANG PO LA GNYIS, BSTAN PA BLA NA MED PAR SGRUB PA DANG, STON PA BLA NA MED PAR SGRUB PA'O, ,DANG PO LA GNYIS, RTEN 'BREL GSUNGS PA LEGS 'DOMS KYI MCHOG TU BSTAN PA DANG, GSUNGS PA'I RTEN 'BREL SPROS PA'I DRA BA GCOD BYED DU BSTAN PA'O, ,DANG PO NI, GANG GANG RKYEN LA ZHES SOGS TSIG BCAD GCIG GIS STON LA, DON NI, CHOS GANG DANG GANG RKYEN LA RAG LAS PA DE DANG DE RANG BZHIN GYIS GRUB PAS STONG NGO ZHES GSUNG PA 'DI LAS YA MTSAN PA'I LEGS 'DOMS KYI TSUL NI CI ZHING YOD DE @03B MED NGO ZHES PA'O, ,GNYIS PA NI, GANG DU BZUNG BAS ZHES SOGS TSIGS BCAD GCIG GIS STON LA, DON NI, RTEN 'BREL YIN PA'I RGYU MTSAN GYIS BDEN GRUB GANG DU BZUNG BAS NA BYIS PA DNGOS SMRA BA RNAMS RTAG CHAD KYI MTHAR 'DZIN PA'I 'CHING BA MI ZHIG PAR BRTAN PAR BYED PA DE NYID MKHAS PA DBU MA PA RNAMS LA MTHAR 'DZIN GYI SPROS PA YI DRA BA MA LUS PAR GCOD PA'I SGO DAM PA YIN TE, ,RTEN 'BREL YIN PA'I RGYU MTSAN GYIS BDEN MED DU 'DOD PAS SO ZHES PA'O, ,GNYIS PA STON PA BLA NA MED PAR SGRUB PA LA GNYIS, RTEN 'BREL STON PA SMRA BA GZHAN LAS KHYAD ZHUGS TSUL DANG, DE LTA BU'I STON PA BLA NA MED PA LA PHYAG 'TSAL BA'O, ,DANG PO NI, BSTAN 'DI GZHAN DU ZHES SOGS TSIGS BCAD GCIG GIS STON LA, DON NI, ZAB MO RTEN 'BREL GYI BSTAN PA BLA NA MED PA 'DI KHYOD KYI LUGS LAS GZHAN DU YOD PA MA MTHONG BAS NA STON PA ZHES BYA BA NI GO'U TA MA KHYOD GCIG PU NYID DE, DPER NA, WA SKYES LA NI SENG GE'O ZER BA BZHIN DU MU STEGS CAN GSER SKYA DANG GZEGS ZAN SOGS LA'ANG GCAM BU'I STE BCOS MA'I TSIG GIS STON PA DRUG SOGS SU 'BOD MOD KYI MTSAN NYID TSANG BA'I STON PA NI MIN NO ZHES PA'O, ,GNYIS PA NI, AE MA'O STON PA ZHES SOGS TSIGS BCAD GCIG GIS STON LA, DON NI, AE MA'O STE NGO MTSAR BAS KHYOD NI RTEN 'BREL ZAB MO 'DOMS PA'I STON PA BLA NA MED PA DANG, AE MA'O KHYOD NI 'JIGS PA'I SKYABS GNAS BSLU BA MED PA DANG, AE @04A *, ,MA'O KHYOD NI SMRA BA RNAMS KYI NANG NAS MCHOG TU GYUR PA DANG, AE MA'O KHYOD NI PHONGS PA RNAMS KYI MGON PO ZLA DANG BRAL BA YIN LA, DES NA RTEN CING 'BREL PAR 'BYUNG BA LEGS PAR GSUNG BA'I STON PA BLA NA MED PA DE LA BDAG PHYAG 'TSAL LO ZHES PA'O, ,GNYIS PA RTEN 'BREL JI LTAR GZIGS SHING GSUNGS PA'I TSUL LA GSUM, RANG BZHIN STONG PA RTEN 'BREL GYI DON DU GSUNGS TSUL, DE LTAR MA RTOGS NA BSTAN PA'I SNYING PO MI RTOGS PAR BSTAN PA, RTOGS NA STON PA LA TSAD MA'I DAD PA SKYE BAR BSTAN PA'O, ,DANG PO LA GNYIS, RGYAS PAR BSTAN PA DANG, BSDUS TE BSTAN PA'O, ,DANG PO LA GNYIS, STONG PA DANG RTEN 'BREL DON GCIG TU MI 'DOD PAS THUB PA'I BZHED PA MI RTOGS PAR BSTAN PA DANG, STONG PA DANG RTEN 'BREL DON GCIG PA THUB PA'I BZHED PA MCHOG TU SGRUB PA'O, ,DANG PO NI, PHAN MDZAD KHYOD KYIS ZHES SOGS TSIGS BCAD GNYIS KYIS STON LA, DON NI, PHAN PAR MDZAD PA KHYOD KYIS GDUL BYA'I 'GRO BA LA SMON PA'I SLAD DU BKA' STZAL PA'I BSTAN PA'I SNYING PO RANG BZHIN GYIS STONG PA NYID NGES PAR BYED PA'I RGYU MTSAN NAM THABS 'GRAN ZLA MED PA NI, RTEN CING 'BREL PAR 'BYUNG BA'I TSUL TE RTAGS YIN PA LA DNGOS SMRA BAS KHYAB PA 'GAL BA DANG NI, MU STEGS PAS RTAGS MA GRUB PAR MTHONG ZHING 'DOD PA 'DI YIS STON PA KHYOD KYI LUGS BLA NA MED PA 'DI JI LTAR KHONG DU CHUD PAR @04B 'GYUR TE MI 'GYUR RO ZHES PA'O, ,GNYIS PA LA GSUM, RANG BZHIN GYIS STONG PA LA BYA BYED 'THAD CING LDOG PHYOGS LA MI 'THAD PAR BZHED PA, CHOS THAMS CAD RTEN 'BREL YIN PA'I RGYU MTSAN GYIS RANG BZHIN GYIS STONG PAR GSUNGS TSUL, TSUL DES STON PA SMRA BA BLA NA MED PAR GRUB PA'O, ,DANG PO LA GSUM, RANG BZHIN GYIS STONG PA LA BYA BYED 'THAD PAR BZHED PA, LDOG PHYOGS LA MI 'THAD PAS RTAG CHAD DU LTUNG BAR BZHED PA, DES NA RTEN 'BREL MTHONG BA LEGS PAR BSNGAGS PA'O, ,DANG PO NI, KHYOD NI NAM ZHIG CES SOGS TSIGS BCAD GCIG GIS STON LA, DON NI, STON PA KHYOD NI NAM ZHIG GI TSE RANG BZHIN GYIS STONG PA NYID RTEN CING 'BREL PAR 'BYUNG BA'I DON DU MTHONG BA NA, CHOS THAMS CAD RANG BZHIN GYIS NI GDOD MA NAS STONGS PA DANG, GNAS SKABS SU THA SNYAD TZAM DU BYA BYED THAMS CAD 'THAD LDAN SLU MED DU 'JOG PA 'DI MI 'GAL ZHING MTHUN PAR BZHED DO ZHES PA'O, ,GNYIS PA NI, DE LAS LDOG PAR ZHES SOGS TSIGS BCAD GCIG GIS STON LA, DON NI, SNGAR BSHAD PA DE LAS LDOG PAR MTHONG BA NA RANG BZHIN GYIS STONGS PA LA BYA BA BYED PA THAMS CAD MI RUNG ZHING, GNAS SKABS SU RGYU 'BRAS SOGS BYA BA BYED PA DANG BCAS PA LA RANG BZHIN GYIS STONG PA NYID MED PAS NA, MTHAR LTA NYAM NGA BA'I G-YANG DU LTUNG BAR BZHED DO ZHES PA'O, ,GSUM PA NI, DE PHYIR KHYOD KYI ZHES SOGS TSIGS BCAD GCIG GIS STON LA, DON NI, GONG @05A *, ,GI RGYU MTSAN DE'I PHYIR STON PA KHYOD KYI BSTAN PA LA RTEN CING 'BREL PAR 'BYUNG BA'I GNAS LUGS MTHONG BA LEGS PAR BSDAGS SHING, RTEN 'BREL GYI GNAS LUGS DE YANG THA SNYAD DU'ANG KUN TU MED PA DANG RANG BZHIN GYIS NI YOD PAR LTA BAS MTHONG BA MIN NO ZHES PA'O, ,GNYIS PA CHOS THAMS CAD RTEN 'BREL YIN PA'I RGYU MTSAN GYIS RANG BZHIN GYIS STONG PAR GSUNGS TSUL LA BZHI, CHOS THAMS CAD LTOS NAS GRUB PAS RTEN 'BREL DU BSTAN PA, RTEN 'BREL DU GRUB PAS RANG BZHIN GYIS STONG PAR BSTAN PA, RANG BZHIN GYIS GRUB NA MYANG 'DAS SOGS MI RUNG PAR BSTAN PA, GSUNG DE RNAMS LA RGOL BA GZHAN GYIS GLAGS MI RNYED PAR BSTAN PA'O, ,DANG PO NI, BLTOS MED NAM MKHA'I ZHES SOGS TSIGS BCAD GCIG GIS STON LA, DON NI, BSTOS MED KYI CHOS NI NAM MKHA'I ME TOG BZHIN GZHI MA GRUB PA YIN LA DES NA MA BRTEN PA'AM MA BLTOS PAR GRUB PA'I 'DUS BYAS DANG 'DUS MA BYAS KYI CHOS CUNG ZAD KYANG YOD PA MA YIN TE, CHOS THAMS CAD NGO BOS GRUB NA CHOS DE 'GRUB PA 'DUS BYAS RGYU DANG RKYEN TSOGS PA DANG, 'DUS MA BYAS CHA SHAS TSOGS PA LA BLTOS NAS GRUB DGOS PA 'GAL LO ZHES PA'O, ,GNYIS PA NI, DE PHYIR BRTEN NAS ZHES SOGS TSIGS BCAD GCIG GIS STON LA, DON NI, GONG GI RGYU MTSAN DE'I PHYIR BRTEN NAS 'BYUNG BA LAS MA GTOGS PA'I CHOS 'GA' YANG YOD PA MIN @05B PAS NA, STON PA KHYOD KYIS RANG BZHIN GYIS NI STONG PA LAS MA GTOGS PA'I CHOS 'GA' YANG MED PAR GSUNGS SO ZHES PA'O, ,GSUM PA NI, RANG BZHIN LDOG PA ZHES SOGS TSIGS BCAD GCIG GIS STON LA, DON NI, NGO BOS GRUB PA'I RANG BZHIN GZHAN DU LDOG PA MED PA'I PHYIR CHOS RNAMS LA NGO BOS GRUB PA'I RANG BZHIN 'GA' YOD NA MYA NGAN LAS 'DAS PA THOB PA MI RUNG ZHING MTHAR 'DZIN GYI SPROS PA KUN KYANG LDOG PA MED PAR GSUNGS SO ZHES PA'O, ,BZHI PA NI, DE PHYIR RANG BZHIN ZHES SOGS TSIGS BCAD GCIG GIS STON LA, DON NI, GONG GI RGYU MTSAN DE'I PHYIR STON PA KHYOD KYIS CHOS THAMS CAD LA NGO BOS GRUB PA'I RANG BZHIN RNAM PAR BRAL LO ZHES BAG TSA BA MED PA'I SENG GE'I SGRA YIS YANG DANG YANG DU MKHAS PA'I TSOGS SU LEGS PAR GSUNGS PA 'DI LA PHAS RGOL SU YIS 'GOD BAR NUS TE KLAN KA BYA MI NUS SO ZHES PA'O, ,GSUM PA TSUL NGES STON PA SMRA BA BLA NA MED PAR GRUB PA NI, RANG BZHIN 'GA' YANG ZHES SOGS TSIGS BCAD GNYIS KYIS STON LA, DON NI, CHOS GANG GI STENG DU 'ANG RANG BZHIN GYIS GRUB PA 'GA' YANG MED PA DANG, THA SNYAD TZAM DU RGYU 'DI LA BRTEN NAS 'BRAS BU 'DI 'BYUNG NGO ZHES BYA BA LA SOGS PA'I RNAM GZHAG THAMS CAD 'THAD PA GNYIS MI 'GAL BAR MA ZAD GCIG GROGS SU GCIG 'DU BAR GSUNGS PA 'DI KHYOD KYI SMRA BA BLA NA MED PA'I RGYUR 'GRO BA SMOS CI DGOS, RKYEN 'DI @06A *, ,PA TZAM GYI BRTEN NAS 'BYUNG BA'I RGYU MTSAN GYIS DNGOS SMRA BA SOGS RTAG CHAD KYI MTHAR 'DZIN PA'I LTA BA LA MI BRTEN NO ZHES LEGS PAR GSUNGS PA 'DI NI MGON PO KHYOD KYI SMRA BA BLA NA MED PA'I RGYU DAM PA YIN NO ZHES PA'O, ,GNYIS PA BSDUS TE BSTAN PA NI, 'DI KUN NGO BOS ZHES SOGS TSIGS BCAD GNYIS KYIS STON LA, DON NI PHYI NANG GI DNGOS PO 'DI DAG KUN THA SNYAD KYIS BTAGS PA TZAM MA GTOGS BTAGS DON NGO BOS GRUB PAS STONG PA DANG, MA BRTAGS MA DPYAD PAR THA SNYAD TZAM DU RGYU 'DI LAS 'BRAS BU 'DI 'BYUNG BA YI NGES PA GNYIS PO PHAN TSUN DU GEGS MED PAR NI MA ZAD GCIG GIS GCIG SHOS LA NGES PA 'DREN PA'I GROGS BYED PA 'DI LAS NGO MTSAR BAR GYUR PA DANG, 'DI LAS RMAD DU BYUNG BA GANG ZHIG YOD DE MED LA, DES NA ZAB MO RTEN 'BREL GSUNG BA'I TSUL 'DIS THUB PA KHYOD LA BSTOD NA NI BSTOD PA BLA NA MED PAR 'GYUR GYI YON TAN GZHAN GYI SGO NAS BSTOD NA DE TZAM DU BSTOD PAR 'GYUR BA MIN NO ZHES PA'O, ,GNYIS PA DE LTAR MA RTOGS NA BSTAN PA'I SNYING PO MA RTOGS PAR BSTAN PA LA BZHI, RTEN 'BREL KHAS BLANGS NAS STONG PA MI 'DOD PA BZHAD GANG DU BSTAN PA, DNGOS SMRA BAS BSTAN PA'I SNYING PO MA RTOGS PAR BSTAN PA, RANG BZHIN DANG RTEN 'BREL 'GAL BAR BSTAN PA, DES NA CHOS THAMS CAD SGYU MA LTA BUR GSUNG TSUL LO, ,DANG PO NI, RMONGS PAS BRAN DU ZHES SOGS @006B TSIGS BCAD GNYIS KYIS STON LA, DON NI, YID RMONGS PAS LHAG PAR BRAN DU BZUNG BA YIS RGOL BA GANG ZHIG STON PA KHYOD DANG ZHE 'GRAS PA'I MU STEGS CAN DE YIS RANG BZHIN MED PA'I SGRA MI BZOD PAR GYUR PA LA MTSAR DU CI ZHIG YOD DE MED LA, DE BAS STON PA KHYOD KYI GSUNG GI GCES PA'I MDZOD MTHAR THUG PA BRTEN NAS 'BYUNG BAR KHAS BLANGS NAS CHOS THAMS CAD RANG BZHIN GYIS STONG PA NYID DO ZHES PA'I SENG GE'I NGA RO MI BZOD PA'I DNGOS SMRA BA'I SKYE BO 'DI RNAMS LA KHO BO BLO BZANG GRAGS PA CHES NGO MTSAR ZHING KHREL BAR GYUR TO ZHES PA'O, ,GNYIS PA NI, RANG BZHIN MED LA ZHES SOGS TSIGS BCAD GNYIS KYIS STON LA, DON NI, DNGOS PO'I GNAS LUGS RANG BZHIN MED PA LA BKRI BA'I STE 'KHRID PA'I SGO'AM THABS BLA NA MED PA RTEN CING 'BREL 'BYUNG GI MING NYID KYIS NI DNGOS PO RNAMS RANG BZHIN GYIS GRUB PA NYID DU 'DZIN PAR BYED NA DA KO STE DA NI DNGOS SMRA BA'I SKYE BO 'DI RNAMS 'PHAGS MCHOG RNAMS KYIS LEGS PAR BGROD PA'I 'JUG NGOGS ZLA THAMS CAD DANG BRAL BAR GYUR PA STON PA KHYOD DGYES PAR GYUR PA'I STONG NYID RTOGS PA'I LAM BZANG PO DER, THABS GANG ZHIG GIS NI TSUL JI LTAR BKRI BAR BYA STE 'KHRID PAR BYAR MED DO ZHES PA'O, ,GSUM PA NI, RANG BZHIN BCOS MIN ZHES SOGS TSIGS BCAD GCIG GIS STON LA, DON NI, RANG BZHIN GYIS GRUB PA CHU'I TSA BA LTAR GSAR DU BCOS PA MIN PA, BRAN LTAR @07A *, ,GZHAN LA BLTOS PA MED PA DANG, RTEN 'BREL BLTOS NAS GRUB PA DANG GSAR DU BCOS MA GNYIS PO JI LTA BUR NA GZHI GCIG LA MI 'GAL BAR GZHI MTHUN DU 'DU BA NYID DU 'GYUR TE MI 'GYUR RO ZHES PA'O, ,BZHI PA NI, DE PHYIR BRTEN NAS ZHES SOGS TSIGS BCAD GCIG GIS STON LA, DON NI, RGYU MTSAN GONG GI DE'I PHYIR BRTEN NAS 'BYUNG BA'I CHOS GANG YIN PA THAMS CAD NGO BOS GRUB PA'I RANG BZHIN GYIS NI YE GDOD MA NAS RNAM PAR DBEN NAS MED KYANG RANG BZHIN DER GRUB PA LTAR SNANG BAS NA, RTEN 'BYUNG GI CHOS 'DI DAG KUN STON PA KHYOD KYIS SGYU MA JI LTA BA BZHIN DU GSUNGS SO ZHES PA'O, ,GSUM PA RTOGS NA STON PA LA TSAD MA'I NGES SHES SKYE BAR BSTAN PA LA GSUM, DNGOS PO'I GNAS LUGS BSTAN PAS NGES SHES SKYE TSUL, LEGS NYES KYI YON TAN DANG SKYON MTHONG BAS NGES SHES SKYE TSUL, GSUNG GI DON RTOGS BAS BDE BA STER TSUL LO, ,DANG PO LA GNYIS, DNGOS PO'I GNAS LUGS BSTAN PAS GZHAN GYIS KLAN KA MED PA DANG, RTEN 'BYUNG LA RJES SU DPAGS NAS GSUNG GZHAN LA'ANG NGES SHES SKYE TSUL LO, ,DANG PO NI, KHYOD KYIS JI LTAR ZHES SOGS TSIGS BCAD GNYIS KYIS STON LA, DON NI, STON PA KHYOD KYIS GSUNG RAB JI LTAR BSTAN PA LA PHAS KYI RGOL BA 'GA' ZHIG GIS KYANG CHOS MTHUN DU GLAGS MI RNYED PAR GSUNGS PA YANG YID CHES PA'I GNAS SU RTEN 'BYUNG GI GSUNG 'DI NYID KYI @07B RJES SU DPAGS NAS NI LEGS PAR KHUMS TE, RGYU MTSAN CI'I SLAD DU KHUMS PAR GYUR CE NA RTEN 'BREL GYI RIGS PA 'DI NYID BSHAD PAS MTHONG BA MNGON GYUR DANG, MA MTHONG BA LKOG GYUR GYI DNGOS PO RNAMS LA SGRO 'DOGS PA DANG SKUR 'DEBS KYI GO SKABS RGYANGS RING DU MDZAD PA'I PHYIR RO ZHES PA'O, ,GNYIS PA NI, KHYOD KYI SMRA BA ZHES SOGS TSIGS BCAD GCIG GIS STON LA, DON NI, STON PA KHYOD KYI SMRA BA 'GRAN ZLA MED PAR MTHONG BA'I RGYU MTSAN MTHAR THUG PA RTEN 'BYUNG GI LAM 'DI NYID KYIS NI, KHYOD KYI GSUNG RAB GZHAN RNAMS LA YANG TSAD MAR GYUR PA YIN PAR NGES PA SKYE'O ZHES PA'O, ,GNYIS PA LEGS NYES KYI YON TAN DANG SKYON MTHONG BAS NGES SHES SKYE TSUL LA GSUM, STON PA'I BSTAN PA LEGS TSOGS KYI RTZA BAR BSTAN PA, PHYI ROL PA'I LUGS NYES BRGYA'I 'BYUNG GNAS SU BSTAN PA, LEGS NYES DE LTAR RTOGS NAS STON PA LA NGES SHES KYIS GUS TSUL LO, ,DANG PO NI, DON BZHIN GZIGS NAS ZHES SOGS TSIGS BCAD GCIG GIS STON LA, DON NI, GNAS LUGS KYI DON JI LTA BA BZHIN DU GZIGS NAS LEGS PAR GSUNG PA'I STON PA KHYOD KYI RJES SU SLOB PA LA CHAGS SOGS RGUD PA THAMS CAD RGYANGS RING DU GYUR PA YIN TE, NYES TSOGS KUN GYI RTZA BA BDAG TU LTA BA LDOG PA'I PHYIR RO ZHES PA'O, ,GNYIS PA NI, KHYOD KYI BSTAN LAS ZHES SOGS TSIGS BCAD GCIG GIS STON LA, DON NI, STON PA @08A *, ,KHYOD KYI BSTAN PA LAS PHYIR PHYOGS PA'I MU STEGS PAS NI DKA' THUB DANG ME LNGA BSTEN PA SOGS YUN RING PO'I BAR DU NGAL BA BSTEN PAR BYAS KYANG, PHYI PHYIR TE SLAR YANG SKYON CHAGS SOGS RNAMS KHO BO CAG LA SHOG CIG CES BOS PA BZHIN DU GYUR NAS RANG RGYUD LA LHAN SKYES DANG KUN BTAGS KYI BDAG TU LTA BA BRTAN BYED DU SONG BA'I PHYIR RO ZHES PA'O, ,GSUM PA NI, AE MA'O MKHAS PAS ZHES SOGS TSIGS BCAD GCIG GIS STON LA, DON NI, NGO MTSAR BAS AE MA'O MKHAS PAS LEGS NYES 'DI GNYIS KYI KHYAD PAR KHONG DU CHUD PAR GYUR PA DE'I TSE KHA TZAM MIN PAR RKANG GI KHONG NAS NI, STON PA KHYOD KHO NA LA CI'I PHYIR GUS PAR MI 'GYUR TE 'GYUR RO ZHES PA'O, ,GSUM PA GSUNG GI DON RTOGS PAS BDE BA STER TSUL LA GSUM, BDE BA STER TSUL DNGOS BSTAN PA, RANG NYID DMA' DBAB PA, GZENGS BSTOD PA'O, ,DANG PO NI, KHYOD GSUNG DU MA ZHES SOGS TSIGS BCAD GCIG GIS STON LA, DON NI, STON PA KHYOD KYI GSUNG GI DON DU MA LEGS PAR RTOGS PAS CI ZHIG SMOS TE ZER GANG DGOS, GSUNG GI CHA SHAS PHRA MO RE YI DON TZAM LA'ANG 'OL SPYI TZAM GYI NGES PA RNYED PA DE LA'ANG MCHOG GI BDE BA STER RO ZHES PA'O, ,GNYIS PA NI, KYE HUD BDAG BLO ZHES SOGS TSIGS BCAD GCIG GIS SNGON LA, DON NI, YID ...? @08B PA 'DI 'DRA BA'I YON TAN GYI PHUNG PO CHEN PO'I STON PA KHYOD LA DUS YUN RING PO NAS SKYABS SU SONG BAR GYUR KYANG, KHYOD KYI YON TAN GYI CHA SHAS TZAM YANG BDAG LA MA 'TSAL BAR GYUR TO ZHES PA'O, ,GSUM PA NI, ,'O NA KYANG 'CHI BDAG CES SOGS TSIGS BCAD GCIG GIS STON LA, DON NI, DE LTAR YID BYUNG MOD 'O NA KYANG 'CHI BDAG GI KHAR PHYOGS PA'I SROG GI RGYUN NI MA NUB KYI BAR DU, STON PA KHYOD LA RIGS PA YANG DAG LA BRTEN NAS CUNG ZAD YID CHES PA 'DI YANG SKAL BA BZANG NGO SNYAM PA BGYID DO ZHES PA'O, ,GSUM PA DON BSDU BA NI, STON PA'I NANG NA ZHES SOGS TSIGS BCAD GCIG GIS STON LA, DON NI, STON PA'I NANG NA RTEN 'BREL STON PA'I STON PA DANG, SHE RAB KYI NANG NA RTEN 'BREL SHES PA'I SHES PA GNYIS PO DPER NA 'JIG RTEN DAG NA RGYAL BA'I DBANG PO NYID GZHAN LAS KHYAD PAR DU 'PHAGS PA BZHIN DU SHIN TU PHUL DU BYUNG BA LAGS PAR STON PA KHYOD KHO NAS MKHYEN GYI SER SKYA SOGS GZHAN GYIS DE LTAR RTOGS PA MIN NO ZHES PA'O, ,GNYIS PA RTEN 'BREL GSUNG TSUL GYI SGO NAS BYE BRAG TU BSTOD PA LA GSUM, RTEN 'BREL GSUNG TSUL DGOS PA DANG BCAS PA, THUB PAS NAN TAN GYIS BSGRUBS PA'I CHOS TSUL ZAB MO RTOGS PAR BZHED PA 'KHRUNGS TSUL, DE LA BRTEN NAS THUB PA'I DGONGS PA JI LTAR BTZAL BA'O, ,DANG PO LA GSUM, THUB PAS GDUL BYAS MYANG 'DAS THOB PHYIR DU RTEN 'BREL BSTEN TSUL, @09A *, ,DE LTAR BSTAN PA'I BSTAN PA 'DZIN PAR GUS PA'I RGYU MTSAN, GZUNG BYA BSTAN PA RIN PO CHE'I CHE BA BSHAD PA'O, ,DANG PO NI, KHYOD KYIS JI SNYED CES SOGS TSIGS BCAD GCIG GIS STON LA, DON NI, STON PA KHYOD KYIS GSUNG RAB JI SNYED CIG BKA' STZAL PA THAMS CAD BRJOD BYA RTEN 'BREL NYID LAS BRTZAMS TE 'JUG LA, DE YANG GDUL BYAS MYA NGAN LAS 'DAS PA'I GO 'PHANG THOB PA'I PHYIR YIN TE, GDUL BYA'I NYON MONGS PA ZHI THABS SU 'GYUR BA MI MDZAD PA'I GSUNG RAB STON PA KHYOD LA MED DO ZHES PA'O, ,GNYIS PA NI, KYE MA'O KHYOD KYI ZHES SOGS TSIGS BCAD GCIG GIS STON LA, DON NI, KYE MA'O STON PA KHYOD KYI BSTAN PA RIN PO CHE NI, GDUL BYA GANG GI RNA BA'I LAM DU SONG BA'I GDUL BYA DE DAG THAMS CAD TSEGS CHUNG DUS ZHI BA MYANG 'DAS THOB PAR 'GYUR BA'I PHYIR, STON PA KHYOD KYI BSTAN PA 'DZIN PAR MKHAS PA SU ZHIG MI GUS TE GUS SO ZHES PA'O, ,GSUM PA NI, PHAS RGOL MTHA' DAG CES SOGS TSIGS BCAD GCIG GIS STON LA, DON NI, MU STEGS BYED SOGS PHAS KYI RGOL BA MTHA' DAG 'JOMS PA DANG, LTAG DANG 'OG MI MTHUN PA'I 'GEL 'DUS STONGS PA DANG, KHAMS GSUM SKYE DGU'I GNAS SKABS DANG MTHAR THUG GI 'DOD DON GNYIS BDE BLAG TU STER BAR BYED PA'I KHYAD CHOS GSUM DANG LDAN PA'I STON PA KHYOD KYI LUGS BZANG PO 'DIR, KHO BO BLO BZANG @09B GRAGS PA SPRO BA CHES CHER 'PHEL LO ZHES PA'O, ,GNYIS PA THUB PAS NAN TAN GYIS BSGRUBS PA'I CHOS TSUL ZAB MO RTOGS PAR BZHED LA 'KHRUNGS TSUL LA GNYIS, THUB PAS NAN TAN GYIS BSGRUBS TSUL DANG, DE RTOGS PAR BZHED PA 'KHRUNGS TSUL LO, ,DANG PO NI, 'DI YI PHYIR DU ZHES SOGS TSIGS BCAD GCIG GIS STON LA, DON NI, CHOS TSUL ZAB MO 'DI NYID RTOGS PA YI PHYIR DU STON PA KHYOD KYIS NI GNAS SKABS LA LAR SKU LUS DANG LA, ZHAN DAG TU SROG DANG, BU DANG CHUNG MA SOGS SNYING DU SDUG PA'I GNYEN DANG, ZAS GOS BZHON PA SOGS LONGS SPYOD KYI TSOGS RNAMS GRANGS MED PA'I BSKAL PA MANG POR YANG NAS YANG DU BTANG NAS BSGRUBS SO ZHES PA'O, ,GNYIS PA LA GSUM, RTEN 'BYUNG GI CHOS STON PA LAS MA THOS PAS SKAL BA ZHAN TSUL, DES THUGS LA MYA NGAN 'KHRUNGS TSUL, SLAR STON PA NYID KYI GSUNG LA BSAMS PAS ZHI TSUL LO, ,DANG PO NI, GANG GI YON TAN ZHES SOGS TSIGS BCAD GCIG GIS STON LA, DON NI, STONG NYID KYI CHOS GANG GI YON TAN RTOGS PA TZAM GYIS SRID PA'I RTZA BA GCOD PAR MTHONG BA YIS DPER NA, LCAGS KYUS NYA LA JI LTA BA DE BZHIN DU STON PA NYID KYI THUGS LHAG PAR DRANGS PA'I RTEN 'BREL GYI CHOS TSUL ZAB MO DE NI, STON PA KHYOD RANG LAS DNGOS SU MA THOS PAS NA BDAG CAG SKAL BA ZHAN NO ZHES PA'O, ,GNYIS PA NI, DE YI MYA NGAN ZHES SOGS TSIGS BCAD GCIG GIS STON LA, @010A *, ,DON NI, GONG GI SKAL BA ZHAN NO SNYAM PA DE YI MYA NGAN GYI SHUGS KYIS NI, DPER NA, SDUG CING YID DU 'ONG BA'I BU SHI BA LA MA YI YID RJES SU SONG BA JI LTA BA BZHIN DU BSTOD PA PO BDAG GI YID NI GTONG BAR MI BYED DO ZHES PA'O, ,GSUM PA NI, 'DI LA'ANG KHYOD GSUNG ZHES SOGS TSIGS BCAD GCIG GIS STON LA, DON NI, GONG GI TSUL 'DI LA'ANG STON PA KHYOD KYI GSUNG RAB KYI DON LA BSAM PA NA, SKU MTSAN DPE'I DPAL GYIS GZI BRJID RAB TU 'BAR ZHING 'OD KYI DRA BA 'DOM GANG GIS YONGS SU BSKOR BA'I MNYAM MED STON PA DE YIS, GSUNG YAN LAG LNGA DANG LDAN PA'I TSANGS PA'I DBYANGS KYIS GSUNG RAB 'DI NI TSUL 'DI LTAR DU GSUNGS SO SNYAM DU YID KYI ME LONG LA THUB PA'I DBANG PO KHYOD KYI GZUGS BRNYAN GYI NI, RNAM PA SHAR BA TZAM YANG DPER NA, TSA BA YI REG BYAS GDUNGS PA LA ZLA BA'I 'OD ZER SHIN TU BSIL BA BZHIN DU SMAN TE PHAN NO ZHES PA'O, ,GSUM PA DE LA BRTEN NAS THUB PA'I DGONGS PA JI LTAR BTZAL BA LA GSUM, 'TSOL BA'I RGYU MTSAN, BTZAL BA'I TSUL, RNYED PA'I TSUL LO, ,DANG PO NI, DE LTAR RMAD DU ZHES SOGS TSIGS BCAD GCIG GIS STON LA, DON NI, THUB PA'I DGONGS PA 'TSOL BA'I RGYU MTSAN SNGAR BSHAD PA DE LTAR CHOS RMAD DU BYUNG BA YI RTEN 'BREL GYI LUGS BZANG PO DE YANG RGYA BOD KYI MI MKHAS PA'I SKYE BO @010B MKHAS PAR RLOM PA RNAMS KYIS, DPER NA, G-YA' SPANG DU SKYE BA'I RTZVA BAL PA DZA BZHIN DU RNAM PA KUN TU 'KHRUGS SHING 'DZINGS PAR BYAS PAS SO ZHES PA'O, ,GNYIS PA NI, TSUL 'DI MTHONG NAS ZHES SOGS TSIGS BCAD GCIG GIS STON LA, DON NI, GONG GI SNANG TSUL 'DI MTHONG NAS BSTOD PA PO BDAG GIS NI 'BAD PA DU MAS THUB PA'I DGONGS PA 'GREL BA LA TSAD MAR GYUR PA'I RGYA GAR GYI MKHAS PA YI RJES SU 'BRANGS NAS, STON PA KHYOD KYI NI DGONGS PA YANG DANG YANG DU BTZAL LO ZHES PA'O, ,GSUM PA LA GNYIS, RE ZHIG MA RNYED PA'I TSUL DANG, MTHAR RNYED TSUL LO, ,DANG PO NI, DE TSE RANG GZHAN ZHES SOGS TSIGS BCAD GCIG GIS STON LA, DON NI, THUB PA'I DGONGS PA BTZAL BA DE'I TSE RANG RANG GZHAN GYI SDE PA YI GZHUNG LUGS CHES MANG PO DAG LA SBYANGS PA NA, PHYI PHYIR TE SLAR YANG DE DAG GI BSHAD SROL MA MTHUN PA LA BRTAN NAS THE TSOM GYI DRA BA YIS TSO LA BA PO BDAG GI YID NI KUN TU GDUNGS SHING RMONGS SO ZHES PA'O, ,GNYIS PA NI, KHYOD KYI BLA MED CES SOGS TSIGS BCAD GSUM GYIS STON LA, DON NI, STON PA KHYOD KYIS BLA NA MED PA'I THEG PA'I TSUL YOD PA DANG MED PA'I SGRO SKUR GYI MTHA' SPANGS TE RGYAL BA'I YUM JI LTA BA BZHIN DGONGS PA 'GRAL BAR LANG GSHEGS SU LUNG BSTAN PA'I 'PHAGS MCHOG KLU SGRUB KYI GZHUNG LUGS RTZA SHES LA SOGS PA'I KUN DA'I TSAL LTA BU DE, DRI @11A *, ,MA MED PA'I MKHYEN PA'I DKYIL 'KHOR NI RGYAS, GSUNG RAB KYI NAM MKHA' LA THOGS PA MED PAR NI RGYU, GDUL BYA'I RTAG CHAD KYI MTHAR 'DZIN PA'I SNYING GI MUN PA NI SEL, ZAB DON LOG PAR SMRA BA'I RGYU SKAR MA LUS PA ZIL GYIS GNON PA'I DPAL LDAN ZLA BA GRAGS PA'I TSIG GSAL LA SOGS PA'I LEGS BSHAD KYI 'OD ZER DKAR PO'I 'PHRENG BAS GSAL BAR BYAS PA'I RTZA BSHAD KYI DON, BLA MA 'JAM PA'I DBYANGS KYI BKA' DRIN GYIS BLO GROS KYI MIG GIS MTHONG BA'I TSE BLO BZANG GRAGS PA BDAG GI YID KYI GDUNG BA ZHI BA'I NGAL GSO THOB PAR GYUR TO ZHES PA'O, ,GSUM PA DON BSDU BA NI, MDZAD PA KUN LAS ZHES SOGS TSIGS BCAD GCIG GIS STON LA, DON NI, THUB PA'I MDZAD PA KUN LAS GSUNG GI MDZAD PA NI MDZAD PA RNAMS KYI MCHOG YIN CING, GSUNG GI MDZAD PA DE YANG NI RTEN 'BREL GSUNG PA 'DI KHO NA NYID YIN PA'I PHYIR BSTAN PA'I GNAD RIG PA'I MKHAS PA YIS, BSTOD PA 'DI LAS SANGS RGYAS RJES SU DRAN PAR BYOS SHIG CES PA'O, ,GNYIS PA RTZOM PA'I RGYU MTSAN BSNGO BA DANG BCAS PA LA GNYIS, RTZOM PA'I RGYU MTSAN DANG, BSNGO BA'O, ,DANG PO NI, STON DE'I RJES SU ZHES SOGS TSIGS BCAD GCIG GIS STON LA, DON NI, RTEN 'BREL GYI SGO NAS BSTOD PA'I RGYU MTSAN STON PA BLA NA MED PA DE'I RJES @011B SU RAB TU BYUNG BAR GYUR TE, RGYAL BA'I GSUNG RAB MTHA' DAG LA SBYANGS PA MI DMAN PAR CHE ZHING, THOS DON NYAMS LEN GYI RNAL 'BYOR SPYOD PA LA BRTZON PA'I BLO BZANG GRAGS PA ZHES BYA BA'I DGE SLONG MDO RGYUD 'DZIN PA ZHIG ,DRANG SRONG CHEN PO SANGS RGYAS BCOM LDAN 'DAS DE LA TSUL DE LTAR GUS PAS SO ZHES PA'O, ,GNYIS PA LA LNGA, TSE RABS THAMS CAD DU DGE BA'I BSHES GNYEN GYIS RJES SU 'DZIN PAR SMON PA, BSTAN PA'I NGANG TSUL SHES NAS STON PA LA YID CHES PAR SMON PA, LUS SROG LA MI LTA BAR THUB BSTAN 'DZIN PAR SMON PA, RTEN 'BREL ZAB MO'I LUGS 'PHEL THABS LHUR LEN PAR SMON PA, DE LTAR BRTZON PA LA BSTAN SRUNG RNAMS KYIS GROGS MDZAD PAR SMON PA'O, ,DANG PO NI, STON PA BLA NA ZHES SOGS TSIGS BCAD GCIG GIS STON LA, DON NI, STON PA BLA NA MED PA'I BSTAN PA RIN PO CHE DANG MJAL BA'I SKAL BZANG 'DI 'DRA NI BLA MA'I BKA' DRIN YIN PAS, BSTOD PA BGYIS PA'I DGE BA 'DI YANG 'GRO BA MA LUS PA THAMS CAD RJE BTZUN 'JAM DBYANGS LTA BU'I DGE BA'I BSHES GNYEN DAM PA MTSAN NYID DANG LDAN PAS MNYES BZHIN DU RJES SU 'DZIN PA'I RGYU RU BSNGO'O ZHES PA'O, ,GNYIS PA NI, PHAN MDZAD DE YI ZHES SOGS TSIGS BCAD GCIG GIS STON LA, DON NI, 'GRO LA PHAN PAR MDZAD PA'I STON PA DE YI BSTAN PA RIN PO CHE'ANG SRID PA'I MTHAR THUG GI BAR DU, BDUD RIGS @012A *, ,NGAN PAR RTOGS PA'I RLUNG GIS DUS NAM YANG MI G-YO ZHING, BSTAN PA'I LEGS PA'I NGANG TSUL SHES NAS DE GSUNG PA'I STON PA LA YID LHAG PAR CHES PA'I DAD PA RNYED PA'I 'GRO BAS DUS RTAG DU SA STENG THAMS CAD GANG BAR SHOG CIG CES PA'O, ,GSUM PA NI, BRTEN NAS 'BYUNG BAS ZHES SOGS TSIGS BCAD GCIG GIS STON LA, DON NI, BRTEN NAS 'BYUNG BAS DE KHO NA NYID KYI DON GSAL BAR MDZAD PA'I THUB PA'I LUGS BZANG PO 'DI NYID SKYE BA NAS TSE RABS THAMS CAD DU LUS DANG SROG KYANG YAL BAR BTANG NAS 'CHAD RTZOD RTZOM GSUM GYI SGO NAS 'DZIN PA LA DUS SKAD CIG TZAM YANG LHOD CING G-YEL BAR MA GYUR CIG CES PA'O, ,BZHI PA NI, 'DREN PA MCHOG DES ZHES SOGS TSIGS BCAD GCIG GIS STON LA, DON NI, 'DREN PA MCHOG SH'AKYA'I RGYAL PO DES DKA' BA BRGYA PHRAG DPAG MED KYI SGO NAS NAN TAN SNYING POR MDZAD NAS BSGRUBS PA'I BSTAN PA RIN PO CHE 'DI, THABS MKHAS GANG 'DRA ZHIG GI SGO NAS 'PHEL BAR 'GYUR RAB SNYAM PA'I RNAM PAR DPYOD CING RTOG PAS NYIN MTSAN GYI DUS 'DA' BAR SHOG CIG CES PA'O, ,LNGA PA NI, LHAG BSAM DAG PAS ZHES SOGS TSIGS BCAD GCIG GIS STON LA, DON NI, LHAG PA'I BSAM PA RNAM PAR DAG PAS BSTAN PA RGYAS BYED KYI TSUL DER BRTZON PA'I TSE NA TSANGS PA DANG, DBANG PO DANG, @012B 'JIG RTEN SKYONG BA BZHI DANG, LEGS LDAN NAG PO PHYAG DRUG PA LA SOGS PA'I CHOS SKYONG BA'I SRUNG MA MTHU RTZAL CAN RNAMS KYIS KYANG DUS SKAD CIG KYANG G-YEL BA MED PAR RTAG TU GROGS BYED PAR SHOG CIG CES PA'O, ,GSUM PA MJUG GI DON NI, CES SANGS RGYAS BCOM LDAN 'DAS 'JIG RTEN THAMS CAD KYI MA 'DRES PA'I MDZA' BSHES CHEN PO STON PA BLA NA MED PA LA, ZAB MO RTEN CING 'BREL PAR 'BYUNG BA GSUNG PA'I SGO NAS BSTOD PA LEGS PAR BSHAD PA'I SNYING PO ZHES BYA BA 'DI NI, MANG DU THOS PA'I DGE SLONG BLO BZANG GRAGS PA'I DPAL GYIS, GANGS KHROD KYI GANGS RI'I DBANG PO'I DE GUNG RGYAL GYI LHA ZHOL DBEN GNAS LHA'I SDINGS MING GZHAN RNAM PAR RGYAL BA'I GLING ZHES BYA BAR SBYAR BA'I YI GE PA NI NAM MKHA' DPAL LO, ,ZHES PAS STON LA, DON NI, GO SLA BA'I PHYIR MA BRIS SO, ,SMRAS PA, RAB 'BYAMS CHOS PHUNG CHU PHRAN JI SNYED PA, ,CHOS NYID STONG PA'I RGYA MTSOR 'BAB GSUNG NA, ,RAB TU BRJOD DKA' THUB MCHOG YON TAN GYI, ,CHOS KUN RTEN 'BYUNG BSTOD PAR CIS MI 'DUS, ,DE PHYIR BLO BZANG LHA CHEN GTZUG SKYES MKHAR, ,GRAGS PA'I ZLA GZHON DKAR BA'I GZUGS 'DZIN MES, ,GDUL BYA'I BLO MUN BSAL DANG LHAN CIG PAR, ,PHYIR RGOL RTZE DGA'I BLA MA'I RAGS LUS BSREGS, ,MGON DE'I GSUNG PAD 'DAB RGYA DGROL DKA' BA, ,DGE LA 'DUN @013A *, ,PA RGYA MTSO'I PHU PO YI, ,RNAM DPYOD ZER GYIS BKROL TE TSIG DON BCUD, ,MYONG BZHED BHRA MA RA LA SKAL BZANG BYIN, ,DE PHYIR YAN LAG KLU YI GRANGS LDAN PA'I, ,CHU BSREL DRUNG DU NYES MANG TSVA SGO CAN, ,'THUNG LTAR MKHAS PA'I LEGS BSHAD YOD BZHIN DU, ,BLUN RMONGS BDAG 'DRAS TSIG RTZOM GA LA 'OS, ,'ON TANG GSOR RTZES PHUG PA'I BU GA RU, ,LUG BAL SRED BU'ANG THOGS MED 'GRO BA LTAR, ,MKHAS PA'I GSUNG RJES 'BRANGS NAS BDAG GIS 'DIR, ,BRJOD LA BLO GROS LDAN PA SU ZHIG BSHAD, ,MKHAS GZHUNG CHU GTER GANG BLO'I SRUB SHING GIS, ,BSRUBS LAS BYUNG BA'I LEGS BSHAD GA BUR DBANG, ,BLO LDAN BDE 'BYUNG GTZUG TU PHUL BA NA, ,GSER MNGAL BU MO'I RJES SU RKANG PA 'JOG ,'DIR 'BAD DGE LEGS KHA BA'I SA 'DZIN LA, ,NYI 'OD 'KHYUD PA'I MDZES PA 'PHROG BYED DES, ,SKYE 'PHRENG KUN TU MA RIG STUG PO'I MUN, ,BSAL NAS BYANG CHEN BSHUL BZANG DKAR PHYIR BSNGO'O, (,ZHES RTEN 'BREL BSTOD PA'I CHO GA DON NYUNG NGUR BKROL BA ZAB DON LTA BA'I 'DREN BYED CES BYA BA 'DI NI, MANG DU THOS PA'I DGE SLONG MCHOG LHA 'OD ZER DANG, DBYANGS CAN BZHAD PA DGE 'DUN RGYA MTSO'I GSUNG LA BRTEN NAS SNYOM LAS MKHAN GYI DGE SLONG SU DHARME SHVA RAS RANG LO NYER GSUM PA KUN DGA'I LO'I THA SKAR ZLA BA'I DKAR TSES RDZOGS PA GSUM PA'I NYIN, DBEN GNAS DNGUL CHU RI KHROD DU SUG BRIS SU RDZOGS PAR BRIS PA DZA YA LTU,