*, ,RGYAL BA'I YON TAN MDOR BSDUS PAR BRJOD PA'I GTAM DAD PA'I SGO 'BYED CES BYA BA BZHUGS, @001A #, ,NA MO GU RU MNYDZU GHO sh'A YA, MI MJED ZHING GI RNAM 'DREN SH'AKYA'I TOG ,'DZAM GLING MKHAS PA'I GTZUG RGYAN BLO BZANG GRAGS, ,BDAG BLO'I MUN SEL DRIN CAN BLA MA RJE, ,RNAM GSUM DBYER MED ZHABS LA GUS PHYAG 'TSAL, ,GANG LA BRTEN NAS SKYABS SU 'GRO BA'I RGYU, ,DE LA BRTEN NAS SKYABS SU 'GRO BA'I YUL, ,SKYABS SU SONG TSUL BSLAB BYA'I RIM PA NI, ,KUN GYI RTZA BA RGYAL BA'I YON TAN BRJOD, ,CHAGS SDANG GDON GYIS SHES RGYUD MA DKRUGS SHING, ,RMONGS PA'I 'GRIB KYIS BLO MIG MA BSLAD PAR, , RGYAL BA'I YON TAN SHES PA DON GNYER BA, ,DE DAG RTZE GCIG BSGRIMS TE MNYAN PAR 'TSAL, ,DE YANG BYANG CHUB LAM GYI RIM PA BDE LAM GYI SKYABS 'GRO'I CHOS SKOR LAS, @002A *, ,DE DAG GI SKU GSUNG THUGS 'PHRIN LAS DANG BCAS PA'I YON TAN DRAN BZHIN PA'I SGO NAS, ZHES GSUNGS PA'I DON 'CHAD PA LA BZHI, SKU'I YON TAN DRAN TSUL, GSUNG GI YON TAN DRAN TSUL, THUGS KYI YON TAN DRAN TSUL, 'PHRIN LAS KYI YON TAN DRAN TSUL LO, ,DANG PO LA GNYIS, MTSAN GYI YON TAN DRAN TSUL DANG, DPE BYANG KYI YON TAN DRAN TSUL LO, ,DANG PO NI, MNGON RTOGS RGYAN LAS, PHYAG ZHABS 'KHOR LO'I MTSAN DANG RUS SBAL ZHABS, ,PHYAG DANG ZHABS SOR DRA BAS 'BREL BA DANG, ,PHYAG NI ZHABS BCAS 'JAM ZHING GZHON SHA CHAGS, ,'DI YI SKU NI BDUN DAG MTHO BA DANG, ,SOR MO RING DANG RTING YANGS SKU CHE DRANGS, ,ZHABS 'BUR MI MNGON SPU NI GYEN DU PHYOGS, , @002B BYIN PA AE N+YA YA'I 'DRA PHYAG CING MDZES, ,'DOMS KYI SBA BA SBUBS SU NUB PA'I MCHOG ,PAGS PA GSER MDOG PAGS PA SRAB PA DANG, SPU NI RE RE NAS G-YAS LEGS 'KHRUNGS DANG, ,ZHAL MDZOD SPUS BRGYAN RO STOD SENGGE'I 'DRA, ,'DI YI DPUNG PA'I MGO ZLUM THAL GONG RGYAS, ,'DI LA RO MI ZHIM PA'ANG RO MCHOG SNANG, ,SKU NI N+YA GRO DHA LTAR CHU ZHENG GAB, ,GTZUG TOR DBUR LDAN LJAGS RING MDZES PA DANG, ,TSANGS DBYANGS 'GRAM PA SENGGE'I 'DRA DANG TSEMS, ,SHIN TU DKAR DANG TSAD MNYAM THAGS BZANG DANG, ,GRANGS NI BZHI BCU THAM PA TSANG BA DANG, ,SPYAN NI MTHON MTHING SPYAN RDZI BA MCHOG GI ,'DRA BA 'DI DAG SUM CU RTZA GNYIS MTSAN, ,ZHES GSUNGS PA LTAR BSHAD NA, 1 PHYAG ZHABS 'KHOR LO'I MTSAN NI, SANGS RGYAS RNAMS KYI PHYAG ZHABS KYI MTHIL NA RTZIBS STONG LTE BA MU KHYUD DANG LDAN PA'I 'KHOR LO'I RI MO RUS PA'AM BA SO LA BZO BO MKHAS PAS BRKOS PA DANG 'DRA BAR GSAL ZHING RDZOGS PAS MTSAN PA'O, ,2 RUS SBAL ZHABS NI, ZHABS MTHIL GNYIS MA RNYONGS PA STE SHAS MA KHENGS PA MED PAR RUS SBAL GYI LTO BA BZHIN DU SA LA MNYAM PAR 'JOG PA'O, ,3 PHYAG DANG ZHABS SOR DRA BAS 'BREL BA NI, DANG PA'I RGYAL PO BZHIN @003A *, ,DU PHYAG ZHABS KYI SOR MO RNAMS KYI TSIGS DANG PO NAS BRTZAMS TE, SOR MO'I BAR LA SENG SENG PO YANG MED CING, SOR GDUB LA SOGS PA'I RGYAN YANG 'JUG TU ZUNG BA'I RIN PO CHE'I DRA BAS 'BREL BA'O, ,4 PHYAG NA ZHABS BCAS 'JAM ZHING GZHON SHA CHAGS PA NI, PHYAG ZHABS RNAMS SHING BAL GYI 'DAB MA LTAR REG BYA 'JAM ZHING KHA DOG MDZES PAS GZHON SHA CHAGS BA'O, ,5 'DI YI SKU NI BDUN DAG MTHO BA NI, PHYAG ZHABS KYI RGYAB KYI BOL BZHI, THAL GONG STE PHRAG GONG GNYIS, LTAG PA STE BDUN PO DE SHAS KHENGS PAS GSHONG BU MED PA'O 6 SOR MO RING BA NI, PHYAG ZHABS GNYIS KA'I STE GO SLA'O, ,7 RTING YANGS NI, ZHABS MTHIL LA CHA BZHIR PHYE BA'I BZHI CHA GCIG PHYIR 'PHAGS PAS RTING PA YANGS BA STE RING BA'O, ,SKU CHE DRANG BA NI, SKU NI GZHAN LAS KHRU BDUN TZAM GYIS 'PHAGS PAS CHE ZHING YA YO MED PAS DRANG PA'O, ,9 ZHABS 'BUR MI MNGON PA NI, ZHABS KYI PUS MO'I LHA NGA DANG, MKHRIG MA'I PHYI'I LONG BU CHE'I RUS BA PHYIR 'BUR BA MI MNGON PA'O, ,10 SPU NI GYEN DU PHYOGS PA NI, SKU LAS SKYES PA'I SPU RNAMS KYI RTZE MO RE RE NAS GYEN DU PHYOGS PA'O, ,11 BYIN PA AE N+YA YA'I 'DRA BA NI, RI DVAGS AE N+YA YA STE BSEL SGO'I @003B BYIN PA LTAR RGYAS SHING ZLUM LA RIM GYIS JE PHRAR SONG BAS MDZES PA'O, ,12 PHYAG RING MDZES PA NI, BRLA DRANG POR BZHAG STE MA BTUB KYANG PHYAG GIS PUS MO'I LHA NGAR SLEB PAS RING ZHING GLANG PO'I SNA ZHABS LTAR MDZES PA'O 13 'DOMS KYI SBA BA SPUBS SU NUB PA'I MCHOG NI, RTA MCHOG CANG SHES LTAR 'DOMS KYI SBA BA STE GSANG GNAS SBUBS SU MDZES PAR NUB PA'O, ,PAGS PA GSER MDOG NI, PAGS PA'I MDOG SHIN TU DAG PA'I GSER LTAR DRI MAS DAG CING 'OD GSAL BA'O, ,15 PAGS PA SRAB PA NI, GSER DNGUL SHIN TU SBYANGS PA LTAR PAGS PA 'JAM ZHING SRAB LA RDUL GYIS MA GOS PA'O, ,16 SPU NI RE RE NAS G-YAS LEGS 'KHRUNGS NI, BA SPU'I KHUNG BU RE RE NAS 'JAM ZHING PHRA BA'I BA SPU RE RE 'KHRUNGS TE G-YAS PHYOGS SU 'KHYIL BA'O, ,17 ZHAL MDZOD SPUS BRGYAN LA NI, ZHAL GYI MDZOD DE SMIN MTSAMS KYI THIG LE'I GNAS NA, SPU DKAR BA, 'JAM PA, MNYEN PA, DRANGS NA KHRU GSUM LA SOGS PA'I TSAR 'BYUNG BA, BTANG NA G-YAS SU 'KHYIL BA, RTZE MO GYEN DU PHYOGS PA, SKYU RU RA'I 'BRU TSAD TZAM PA, DNGUL 'BUR GYI RNAM PA LTA BUS BRGYAN PA'O, ,18 RE STOD SENGGE'I 'DRA BA NI, SENG GE LTAR RO STOD JE RGYAS SU SONG BA'I 'PHEL BA CHE BA'O, ,19 'DI YI DPUNG PA'I MGO ZLUM PA NI, GSER GYI BUM PA'I MGRIN PA BZHIN DU DPUNG PA'I MGO STE MGRIN PA SHIN TU ZLUM ZHING LEGS PAR 'BREL LA RTZA'I DRA BA MI MNGON PA'O, ,20 THAL GONG @004A *, ,RGYAS PA NI, THAL GONG STE DPUNG MGO PHAN TSUN GYI BAR GYI BRANG GSER GYI GTAN PA PHYIS PA LTAR YANGS SHING MI MNYAM PA MED PA'O, ,21 'DI LA RO MI ZHIM PA'ANG RO MCHOG SNANG BA NI, LJAGS RLUNG MKHRIS PAD KAN GYIS MA NYAMS PAS RO MI ZHIM PA'I KHA ZAS LA'ANG, RO MCHOG BRGYA LDAN GYI BRO BA SNANG ZHING MYONG BA'O, ,22 SKU NI N+YA GRO DHA LTAR CHU ZHENG GAB PA NI, N+YA GRO DHA ZHES PA'I LJON SHING DAR LA BAB PA LTAR ZHABS NAS DBU GTZUG GI BAR GYI CHU STE SRID DANG, PHYAG 'DOM GYI RTZE MO PHAN TSUN GYI BAR GYI ZHENG TSAD GNYIS GAB MTSUNGS PA'O, ,23 GTZUG TOR DBUR LDAN PA NI, DBU LA ZLUM ZHING KUN NAS MNYAM LA G-YAS SU 'KHYIL BA'I GTZUG TOR BLTAR MI MNGON PA DANG LDAN PA'O, ,24 LJAGS RING MDZES PA NI, LJAGS KYI RTZE MOS SNYAN GYI BUG PA DANG DPRAL BA'I SKRA MTSAMS KYI BAR DU SLEBS PAS RING ZHING AUTPA LA DMAR PO'I MDOG LTAR MDZES PA'O, ,25 TSANGS DBYANGS NI, GSUNG SHES SHING RNAM PAR SHES PAR 'GYUR BA DANG, MNYAN PAR 'OS SHING MI MTHUN PA MED PA DANG, ZAB CING RJES SU SGROGS PA DANG, BTANG MI BRA ZHING RNA BAR SNYAN PA DANG, MA 'KHRUGS SHING GSAL BA'I YAN LAG LNGA LDAN GYI TSANGS PA'I DBYANGS DANG LDAN PA'O, ,26 'GRAM PA SENG GE'I 'DRA BA NI, 'GRAM PA ME LONG GI @004B DKYIL 'KHOR LTAR MTHA' ZLUM LA RGYAS SHING LTA NA SDUG PAS SENGGE'I 'GRAMS PA LTA BU'O, ,29 TSEMS SHIN TU DKAR BA NI, KHA DOG DKAR BA'I KUNDA LTAR MDZES PA'O, ,28 TSAD MNYAM NI, TSEMS RNAMS MTHO DMA' DANG RING THUNG GI TSAD MNYAM PA'O, ,27 THAGS BZANG NI, TSEMS LA BAR MTSAMS MA DOD PAS RE BA'I THAGS LTAR BZANG PA'O, ,30 GRANGS NI BZHI BCU THAM PA TSANG BA NI, MI PHAL PA LTAR NYER BRGYAD DANG SO GNYIS LAS MED PA MA YIN PAR YAN MAN LA NYI SHU NYI SHU YOD PAS TSEMS BZHI BCU THAM PA MNGA' BA'O, ,31 SPYAN NI MTHON MTHING NI, SPYAN GYI DKAR NAG GI CHA MA 'DRES SHING DMAR PO'I RI RI MED PAS NOR BU MTHON KA LTAR MTHING ZHING SNAM PA'O, ,32 SPYAN RDZI BA MCHOG GI 'DRA BA NI, SPYAN GYI STENG 'OG GI RDZI MA'I SPU NYAG RNAMS THAD KA THAD KAR LEGS PAR GZHOL ZHING MA 'DRES PAR GNAS PAS BA LANG KHYU MCHOG GI RDZI MA LTAR MDZES PA'O, ,'DI DAG SUM CU RTZA GNYIS MTSAN, ZHES PA NI, PHYAG ZHABS KYI 'KHOR LO NAS SPYAN RDZIB MCHOG 'DRA BA'I BAR GYI SUM CU RTZA GNYIS PO 'DI DAG NI, RANG GANG LA LDAN PA'I GANG ZAG DE SKYES BU CHEN POR MTSON PAR BYED PA'I MTSAN NYID LTA BU YIN PAS NA MTSAN ZHES BYA'O ZHES PA'O,, ` GNYIS PA DPE BYAD KYI YON TAN DRAN TSUL NI, MNGON RTOGS @005A *, ,RGYAN LAS, THUB PA'I SEN MO ZANGS MDOG DANG, ,MDOG SNUM MTHO DANG SOR MO RNAMS, ,ZLUM RGYAS BYIN GYIS PHRA BA DANG, ,RTZA MI MNGON DANG MDUD PA MED, ,LONG BU MI MNGON ZHABS MNYAM DANG, ,SENGGE GLANG CHEN BYA DANG NI, ,KHYU MCHOG STABS GSHEGS G-YAS PHYOGS DANG, ,MDZES GSHEGS DRANG DANG 'KHRIL BAG CHAGS, ,BYI DOR BYAS 'DRA RIM PAR 'TSAM, ,GTZANG DANG 'JAM DANG DAG PA'I SKU, ,MTSAN NI YONGS SU RDZOGS PA DANG, ,SKU YI KHO LAG YANGS SHING BZANG, ,GOM SNYOMS PA DANG SPYAN GNYIS NI, ,DAG DANG GZHON SHA CAN NYID DANG, ,SKU ZHUM MED DANG RGYAS PA DANG, ,SHIN TU GRIMS PA'I SKU NYID DANG, ,YAN LAG SHIN TU RNAM 'BYES DANG, ,GZIGS PA SGRIB MED DAG PA DANG, ,DKU ZLUM SKABS PHYIN MA RNYONGS DANG, ,PHYANG DE BA DANG LTE BA NI, ,ZAB DANG G-YAS PHYOGS 'KHYIL BA DANG, , KUN NAS LTA NA SDUG PA DANG, ,KUN SPYOD GTZANG DANG SKU LA NI, ,SME BA GNAG BAG MED PA DANG, ,PHYAG NI SHING BAL LTAR 'JAM DANG, ,PHYAG RIS MDANGS YOD ZAB RING DANG, ,ZHAL NI HA CANG MI RING DANG, ,MCHU NI BIMPA LTAR DMAR DANG, ,LJAGS MNYAN PA DANG, ,DMAR DANG 'BRUG GI SGRA NYID DANG, ,GSUNG MNYEN 'JAM DANG MCHE BA ZLUM, ,RNO DANG DKAR DANG MNYAM PA DANG, ,BYIN GYIS PHRA DANG SHANGS MTHO DANG, @005B MCHOG TU DAG PA DAG DANG NI, ,SPYAN YANGS PA DANG RDZI MA STUG ,PADMA'I 'DAB MA 'DRA BA DANG, ,SMIN TSUGS RING DANG 'JAM PA DANG, ,SNUM DANG SPU NI MNYAM PA DANG, ,PHYAG RING RGYAS DANG SNYAN MNYAM DANG, NYAMS PA RNAM PAR SPANGS PA DANG, ,DPRAL BA LEGS PAR 'BYES PA DANG, ,DBYES CHE BA DANG DBU RGYAS DANG, ,DBU SKRA BUNG BA LTAR GNAG DANG, ,STUG DANG 'JAM DANG MA 'DZINGS DANG, ,MI SHOR DRI ZHIM SKYES BU YI, ,YID NI 'PHROG PAR BYED PA DANG, ,DPAL GYI BE'U DANG BKRA SHIS NI, ,SANGS RGYAS DPE BYAD BZANG POR BZHED, ,CES GSUNGS PA LTAR, THUB PA STE LONGS SPYOD RDZOGS PA'I SKU RNAMS, 1 SEN MO ZANGS KYI MDOG LTAR DMAR BA DANG, 2 SIN MO MDOG SNUM PA DANG, 3 SEN MO LA SHANG SHONG MED PAS MTHO BA DANG, 4 SOR MO RNAMS DBYIBS ZLUM PA DANG, 5 SOR MO RNAMS SHA RGYAS PA DANG, 6 SOR MO RNAMS RTZE MO BYIN GYIS PHRA BA DANG, 7 LUS KYI RTZA PHYI NAS MI MNGON PA DANG, RTZA LA MDUD PA MED PA DANG, 9 ZHABS KYI 'KHRIG MA'I NANG GI LONG BU CHUD MI MNGON PA DANG, 10 ZHABS RING THUNG MED PAS MNYAM PA DANG, 11 SENG GE'I STABS SU BRJID PAR GSHEGS PA DANG, 12 GLANG PO CHE'I STABS SU THAD KAR GSHEGS PA DANG, 13 BYA DANG PA'I STABS SU NAM MKHAR GSHEGS PA DANG, SEMS CAN GYI SNA 'DREN PAS 14 KHYU MCHOG GI STABS SU GSHEGS PA DANG, SKOR PHYOGS KYI LAM DANG MTHUN BAR 15 G-YAS @006A *, ,PHYOGS SU LDOG CING 16 GSHEGS PA DANG, LTA NA SDUG CING MDZES PAR GSHEGS PA DANG, MI G-YO BAR DRANG POR GSHEGS PA DANG, SHA RGYAS SHING 'GYING LEGS PAS SKU 'KHRIL BAG CHAGS PA DANG, GCONG ZHING DAG PAS BYI DOR BYAS PA 'DRA BA DANG, RING THUNG DANG SBOM PHRA SOGS THAD KAR MA 'CHOL BAS RIM PAR 'TSAM PA DANG, 21 SKU RNAM PAR DAG PAS GTZANG BA DANG, 22 SKU ROG BYA 'JAM PA DANG, 32 SKU DRI MAS RNAM PAR DAG PA DANG, 24 MTSAN BZANG SUM CU RTZA GNYIS YONGS RDZOGS TSANG BA DANG, 25 SKU'I KHYON CHE BAS KHO LAG YANGS SHING KHYAD PAR BZANG BA DANG, 26 GOM PA CHE CHUNG MED PAS SNYOMS PA DANG, 27 SPYAN GNYIS RA RI SOGS MED PAS RNAM PAR DAG PA DANG, 28 SKU SHIN TU 'JAM ZHING MNYEN PAS GZHON SHA CAN NYID DANG, 29 SKU'I SHA ZHUM PA MED PA DANG, 30 SKU SHA SHIN TU RGYAS PA DANG, 31 SHA MA LHOD PAS SKU SHIN TU GRIMS PA DANG, 32 YAN LAG DANG NYID LAG GI LHU TSIGS RNAMS RING THUNG DANG SBOM PHRA 'TSAM PAS SHIN TU RNAM PAR 'BYES PA DANG, 33 GZIGS PA GLO BUR GYI DRI MA'I RAB RIB MED CING RNAM PAR DAG PA DANG, 34 DKU STE LTE BA'I 'OG PHYOGS KYI RKED SKABS MTSAMS DBYIBS ZLUM PA DANG, 35 RKED PA SKABS PHYED PAS DKU SKABS PHYIN PA DANG, RKED 36 PA HA CANG MI RING BAS DKU MA RNYONGS PA DANG, LTO BA 37 MTHOD DMA' MED PAS @006B PHYAL PHYANG DE BA DANG, 38 LTA BA GTING ZAB CING RING BA DANG, 39 LTE BA'I RI MO G-YAS PHYOGS SU 'KHYIL BA DANG, 40 SPYOD LAM KUN NAS LTA NA SDUG CING MDZES PA DANG, 41 SGO GSUM GYI KUN TU SPYOD PA GTZANG BA DANG, 42 SKU LA SME BA DANG KHA DOG GNAG BAG MED PA DANG, 43 PHYAG SHING BAL LTAR SHIN TU 'JAM PA DANG, 45 PHYAG GI RI MO LA 'OD KYI MDANGS GSAL BAR YOD PA DANG, PHYAG GI RI MO RGYANG RING PO NAS GSAL BAS THAB PA DANG, 46 PHYAG GI RI MO RING BA DANG, 47 ZHAL DKYUS HA CANG MI RING ZHING 'TSAM PA DANG, 48 ZHAL MA CHU NI BIMPA STE GZUGS BRNYAN CAN ZHES PA'I SHING 'BRAS LTAR DMAR ZHING DVANGS PA DANG, 49 LJAGS BDE ZHING MNYEN PA DANG, 50 LJAGS PAD 'DAB LTAR SRAB PA DANG, 51 LJAGS DMAR BA DANG, 52 GSUNG 'BRUG GI SGRA LTAR ZAB PA DANG, 53 GSUNG SNYAN CING MNYEN LA 'JAM PA DANG, 54 MCHE BA DBYIBS ZLUM PA DANG, 55 MCHE BA RTZE RNO BA DANG, 56 MCHE BA MDOG DKAR BA DANG, 57 MCHE BA RING THUNG MNYAM PA DANG, MCHE BA RTZA BA NAS CHA BOD BYIN GYIS PHRA BA DANG, 59 SHANGS KYI GZENGS MTHO ZHING DOD PA DANG, 60 SHUNGS SNABS SOGS KYIS MCHOG TU DAG PA GTZANG PA DANG, 61 SPYAN DKYUS RING ZHING YANGS PA DANG, YAS MAN GYI RDZI 62 MA STUG PA DANG, 63 SPYAN GYI DBYIBS PADMA'I 'DAB MA RANGS PA STE RDZOGS PA LTA BU DANG, SMIN 64 MA G-YAS G-YON 'BREL BAS SMIN TSUGS RING @007A *, ,BA DANG, SMIN 65 MA REG BYA 'JAM PA DANG, SMIN 66 MA MDOG SNAM PA DANG, SMIN 67 MA'I SPU RING THUNG MNYAM PA DANG, 68 PHYAG RING ZHING RGYAS PA DANG, 69 SNYAN RING THUNG DANG CHE CHUNG MNYAM PA DANG, 70 SNYAN GYI DBANG PO SGRA LA 'JUG PA'I BYED PA MA NYAMS PA DANG, 71 DPRAL BA'I SKRA MTSAMS LEGS PAR 'BYES PA STE PHYED PA DANG, 72 DPRAL BAR BYAS TE RGYA KHYON CHE BA DANG, 73 DBU GDUGS LTAR SHIN TU RGYAS PA DANG, 74 DBU SKRA RDO BUNG BA LTAR KHA DOG GNAG PA DANG, 75 BAR MTSAMS MED PAS DBU SKRA STUG PA DANG, 76 DBU SKRA REG BYA 'JAM PA DANG, 77 DBU SKRA PHAN TSUN MA 'DZINGS PA DANG, 78 DBU SKRA MI GSHOR BA STE GYEN DU MA BRJES PA DANG, 79 DBU SKRA DRI ZHIM PAS SKYE BO THAMS CAD KYI YID 'PHROG PA DANG, 80 PHYAG ZHABS KYI MTHE BONG LA RDO RJE'I RI MO LTA BU DPAL BE'U DANG, MTHIL LA RI MO GRU BZHI PA BKRA SHIS DANG, SRIN LAG LA SOGS PA LA RI MO BDUN G-YAS SU 'KHYIL BA G-YUNG DRUNG GIS BRGYAN PA RNAMS SO, ,SANGS RGYAS DPE BYAD BZANG POR BZHED, CES PA NI, SEN MO ZANGS MDOG NAS, DPAL BE'U DANG BKRA SHIS DANG G-YUNG DRUNG GIS BRGYAN PA'I BAR GYI BRGYAD CU PO 'DI DAG SANGS RGYAS RNAMS KYI NANG GI THUGS RGYUD KYI YON TAN RNAMS GZHAN LA GO BAR BYED PA'I PHYI'I DPE LTA BU'I CHA BYAD YIN PAS NA DPE BYAD DU BZHED DO ZHES PA'O,, ` GNYIS PA GSUNG GI YON @007B TAN DRAN TSUL NI, BSTOD SPRIN RGYA MTSO LAS, GSUNG MNYAN 'JAM ZHING YID 'ONG YID DU 'THAD, ,DAG CING DRI MED 'OD GSAL SNYAN LA 'JEBS, ,MNYAN PAR 'OS SHING MI TSUGS SNYAN ZHING DUL, ,MI RTZUB MI BRLAD RAB DUL RNA BAR SNYAN, ,LUS SEMS SNYING NI TSIM BYED DGA' BDE BSKYED, ,GDUNG MED KUN TU SHES BYA RNAM RIG BYA, ,RNAM GSAL DGA' BYED MNGON PAR DGA' BYED CING, ,KUN SHES BYED CING RNAM PAR RIG PAR BYED, ,RIGS SHING 'BREL LA ZLOS PA'I SKYON DANG BRAL, ,SENG GE GLANG CHEN 'BRUG DANG LAG 'GRO'I DBANG, ,DRI ZA KA LA PINGKA TSANGS PA DANG, SHANG SHANG TE'U DBANG PO'I DBYANGS LTAR SNYAN, ,RNGA SGRA MA KHENGS MI DMA' KUN RJES ZHUGS, TSIG ZUR PHYIN CING MA TSANG MED PA DANG, ,MA ZHUM MI ZHEN RAB DGA' KHYAB CING CHUB, ,RGYUN CHAGS 'BREL ZHING DGRA KUN RDZOGS PAR BYED, ,DBANG PO KUN TSIM MA SMAD MI 'GYUR LA, ,MA BRTABS 'KHOR GYI DKYIL 'KHOR KUN TU GRAG ,DUG GSUM SEL BYED BDUD DPUNG TSAR GCOD CING, ,RNAM PA KUN GYI MCHOG DANG LDAN PA 'BYUNG, ,ZHES GSUNGS PA LTAR, 1 GSUNG LAS SU RUNG BAS MNYEN PA DANG, 2 THOS MA THAG TU YID BDE BAR BYED PAS 'JAM PA DANG, 3 DON BZANG PO STON PAS YID DU 'ONG BA DANG, 4 TSIG BZANG POS STON PAS YID DU 'THAD PA DANG, 5 YE SHES CHOS SKU'I BDAG RKYEN LAS BYUNG BAS RNAM PAR DAG PA DANG, 6 NYON SGRIB SPANGS @008A *, ,NAS GSUNGS PAS DRI MA MED PA DANG, 7 'JIG RTEN NA GRAGS PA'I TSIG GIS GSUNGS PAS 'O PA RAB TU GSAL BA DANG, 8 LTA NGAN 'JOMS PA'I STOBS DANG LDAN PAS SNYAN LA 'JEBS PA DANG, 9 'KHOR BA LAS 'BYUNG BAR BYED PAS MNYAN PAR 'OS PA DANG, 10 PHAS RGOL GYIS SUN 'BYIN PAR MA NUS PAS MI TSUGS PA DANG, THAS PA RNAMS YAR DGA' BAR BYED PAS SNYAN PA DANG, 11 NYON MONGS PA 'DUL BAS DUL BA DANG, 12 MTHA' GNYIS SPANGS PA'I BSLAB PA STON PAS MI RTZUB PA DANG, 14 BSLAB PA LAS 'DAS NA THABS GZHAN DANG GZHAN STON PAS MI BRLING PA DANG, 15 GDUL BYA'I BLO DANG 'TSAM PA'I THOG PA STON PAS RAB TU DUL BA DANG, 16 'JAM LA SNYAN PAS YID MA G-YENG PAR NYAN PAS RNA BAR SNYAN PA DANG, 17 SHIN SBYANGS KYI BDE BA BSKYED PAS LUS TSIM PAR BYED PA DANG, 18 RANG SPYI'I MTSAN NYID LA MKHAS PA'I DGA' BA BSKYED PAS SEMS TSIM PAR BYED PA DANG, 19 THE TSOM GYI MI BDE BA SEL BAS SNYING TSIM PAR BYED PA DANG, 20 LOG RTOG SE LA BAS DGA' BA DANG, MA RTOGS PA SEL BAS BDE BA BSKYED PA DANG, 21 GSUNG GI DON BSGRUBS PA LA SLAR 'GYOD PA MI 'BYUNG BAS GDUNG BA MED PA DANG, 22 THOS BYUNG GI SHES RAB BSKYANG PAS KUN TU SHES PAR BYA BA DANG, 23 BSAM BYUNG GI SHES RAB BSKYED PAS RNAM PAR RIG PAR BYA BA DANG, 24 DPE MKHYUD MED PAR @008B STON PAS RNAM PAR GSAL BA DANG, 25 GSUNG LA BRTEN NAS RANG DON RJES SU THOB PA'I 'PHAGS PA RNAMS LA DGA' BA 'BYUNG BAS DGA' BAR BYED PA DANG, 26 SO SKYE RANG DON RJES SU MA THOB PA RNAMS 'THOB PA'I PHYIR GSUNG LA 'JUG 'DOD SKYE BAS MNGON PAR DGA' BAR BYED PA DANG, 27 BSAM GYIS MI KHYAB PA BZHI STON PAS KUN SHES PAR BYED PA DANG, 28 BSAM PAR BYA BA'I CHOS PHUNG KHAMS SKYE MCHED SOGS LEGS PAR STON PAS NA RNAM PAR RIG PAR BYED PA DANG, 29 DPYAD PA GSUM GYIS DGE BAR STON PAS RIGS PA DANG, 30 GDUL BYA'I BLO DANG 'TSAM PAR STON PAS BABS DANG 'BREL BA DANG, 31 DON SO SOR YOD PAS TSIG YANG YANG BYUNG YANG ZLOS PA'I SKYON MED PA DANG, 32 MU STEGS RNAMS SKRAG PAR BYED PAS SENG GE'I SGRA LTA BU DANG, 33 SUB PA DANG 'DZER BA MED PAR YANGS SHING RGYA CHE BAS NA GLANG PO CHE'I SGRA LTA BU DANG, 34 THAG NYE RING LA CHE CHUNG GI KHYAD PAR MI MNGON PAR ZAB PAS 'BRUG GI SGRA LTA BU DANG, 35 'JEBS SHING BTZUN LA 'GRO BA KUN GYIS NYAN PAS NA LAG PAS 'GRO BA KLU'I DBANG PO'I DBYANGS LTA BU DANG, 36 SNYAN ZHING 'JEM PAS DRI ZA'I DBYANGS LTA BU DANG, 37 GSUNG GI RGYUN MI 'CHAD CING SNYAN 'GYUR GZHAN DANG GZHAN DU 'PHE BAS BYA KA LA PINGKA'I DBYANGS LTA BU DANG, 38 YUL THAG RING POR GRAG PAS TSANGS PA'I DBYANGS @009A *, ,LTA BU DANG, 39 DON THAMS CAD 'GRUB PA'I BKRA SHIS KYI SNGA LTAS YIN PAS NA BYA SHANG SHANG TE'U'I DBYANGS LTA BU DANG, 40 LHA DANG BCAS PA'I 'JIG RTEN GYIS GSUNG LAS 'DA' BAR MI NUS PAS LHA'I DBANG PO'I DBYANGS LTA BU DANG, 41 BDUD DANG PHYIR RGOL THAMS CAD LAS RGYAL BA'I SNGON DU 'GRO BAS NA RNGA'I SGRA LTA BU DANG, 42 BSTOD KYANG MCHOG 'DZIN GYI NYON MONGS MED PAS MA KHENGS PA DANG, 43 SMAD KYANG ZHUM PA MED PAS MI DMA' BA DANG, 44 LUNG STON SGRA'I BSTAN BCOS KYI TSUL DANG MTHUN PAS SGRA KUN GYI RJES SU ZHUGS PA DANG, 45 GSUNG PAR 'OS PA LA BSNYEL BA MI MNGA' BAS TSIG ZUR PHYIN PA DANG, 46 SEMS CAN THAMS CAD KYI DON DUS THAMS CAD DU BYED PAS NA MA TSANG BA MED PA DANG, 47 PHYIR RGOL LA 'JIGS PA MED PAS MA ZHUM PA DANG, 48 RNYED BKUR LA CHAGS PA MED PAS MA ZHEN PA DANG, RNYED BKUR LA CHAGS PA MED PAS MA ZHEN PA DANG, 49 YANG YANG 'CHAD PA LA SKYO NGAL MED PAS RAB TU DGA' BA DANG, 50 RIG GNAS THAMS CAD 'BREL BAR STON PAS KHYAB PA DANG, SEMS CAN RNAMS LA DGE BA'I RTZA BA BSKYED CING GNAS LA 'PHEL BAR BYED PAS CHUB PA DANG, 52 DUS RTAG TU 'CHAD PAS RGYUN CHAGS PA DANG, 53 MING TSIG YI GE DU MAS 'CHAD PAS 'BREL BA DANG, 54 GSUNG DBYANGS GCIG NYID 'GRO BA RANG RANG GI SKAD DU GO BAS SGRA KUN RDZOGS PAR BYED PA DANG, DON GCIG BSTAN PAS RANG RANG @009B GI DBANG PO DANG 'TSAM PA'I DON DU MA KHONG DU CHUD PAS DBANG PO KUN TSIR PAR BYED PA DANG, 56 JI LTAR RNGA MA BCAS PA LTAR 'CHAD PAS MA SMAD PA DANG, 57 SEMS CAN SMIN PA'I DUS LAS SKAD CIG KYANG MI YOL BAS MI 'GYUR BA DANG, 58 'CHAD PA LA RINGS PA'I RTAB RTAB PO MED PAS MA BRTABS PA DANG, 59 NYE RING MED PAR DRUNG NA GNAS PA BZHIN DU THOS PAS 'KHOR KUN TU GRAG PA DANG, 60 'DOD CHAGS SEL BAR BYED PA DANG, 61 ZHE SDANG SEL BAR BYED PA DANG, 62 GTI MUG SEL BAR BYED PA DANG, 63 BDUD BZHI LAS RGYAL BAS BDUD DPUNG TSAR GCOD PA DANG, 64 DPE SNA TSOGS DANG SBYAR NAS 'CHAD PAS RNAM PA KUN GYI MCHOG DANG LDAN PAR 'BYUNG BA RNAMS SO, ,BSTOD SPRIN NYID LAS, DE LTAR BZHI YIS LHAG PA'I DRUG CU'I DBYANGS, ZHES GSUNGS PA LTAR GSUNG DBYANGS YAN LAG DRUG CU RTZA BZHI YIN PAS, DGA' BDE BSKYED PA YAN LAG GCIG TU BYED PA GSANG BA BSAM GYIS MI KHYAB PA'I MDO DANG RJE RIN PO CHE'I BZHED PA YIN NO,, ` GSUM PA THUGS KYI YON TAN DRAN TSUL NI, MNGON RTOGS RGYAN LAS, BYANG CHUB PHYOGS MTHUN TSAD MED DANG, ,RNAM PAR MTHAR DANG MTHAR GYIS NI, ,SNYOMS 'JUG DGU YI BDAG NYID DANG, ,ZAD PAR BCU YI BDAG NYID DANG, ,ZIL GYIS GNON PA'I SKYE MCHED NI, ,RAB TU DBYE BAS RNAM BRGYAD DANG, ,NYON MONGS MED DANG SMON MKHYEN DANG, ,MNGON @010A *, ,SHES SO SO YANG DAG RIG ,RNAM PA THAMS CAD DAG BZHI DANG, ,DBANG BCU DANG NI STOBS BCU DANG, MI 'JIGS PA NI BZHI DAG DANG, ,BSRUNG BA MED PA RNAM GSUM DANG, ,DRAN PA NYER GZHAG RNAM GSUM DANG, ,BSNYEL BA MI MNGA'I CHOS NYID DANG, ,BAG CHAGS YANG DAG BCOM PA DANG, ,SKYE LA THUGS RJE CHEN PO DANG, ,THUB PA KHO NA'I MA 'DRES CHOS, ,BCO BRGYAD BSHAD PA GANG YIN DANG, ,RNAM PA THAMS CAD MKHYEN NYID DANG, CHOS KYI SKU ZHES BRJOD PA YIN, ,ZHES GSUNGS PA LTAR, ZAG MED KYI YON TAN SDE TSAN NYI SHU RTZA GCIG STE, DE YANG LUS DANG, TSOR BA DANG, SEMS DANG, TSES TE DRAN PA NYER GZHAG BZHI, MI DGE BA MA SKYES PA MI BSKYED PA DANG, SKYES PA SPONG BA DANG, DGE BA MA SKYES PA BSKYED PA DANG, SKYES PA SPEL BA'I YANG DAG SPONG BA BZHI, 'DUN PA DANG, BRTZON 'GRUS DANG, SEMS DANG, SPYOD PA'I RDZU 'PHRUL GYI RKANG PA BZHI, DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB KYI DBANG PO LNGA, YANG DE RNAMS KYI STOBS LNGA, DRAN PA DANG, SHES RAB DANG, BRTZON 'GRUS DANG, DGA' BA DANG, DGA' BA DANG, SHIN SBYANGS DANG, TING NGE 'DZIN DANG, BTANG SNYOMS YANG DAG BYANG CHUB KYI YAN LAG BDUN, YANG DAG PA'I LTA BA DANG, RTOG PA DANG, DAG @010B DANG, LAS KYI MTHA' DANG, 'TSO BA DANG, RTZOL BA DANG, DRAN PA DANG, TING NGE 'DZIN TE 'PHAGS LAM YAN LAG BRGYAD DANG BCAS PA'I BYANG CHUB KYI PHYOGS DANG MTHUN PA'I CHOS SUM CU RTZA BDUN NI SDE TSAN DANG PO DANG, BYAMS PA DANG, SNYING RJE DANG, DGA' BA DANG, BTANG SNYOMS TE TSAD MED BZHI NI SDE TSAN GNYIS PA DANG, GZUGS CAN GZUGS LA LTA BA DANG, GZUGS MED GZUGS LA LTA BA DANG, SDUG PA DANG, NAM MKHA' MTHA' YAS DANG, RNAM SHES MTHA' YAS DANG, CI YANG MED PA DANG, 'DU SHES MED 'DU SHES MED MIN DANG, 'DU SHES DANG TSOR BA 'GOG PA'I RNAM PAR BRGYAD NI SDE TSAN GSUM PA DANG, BSAM GTAN BZHI, GZUGS MED BZHI, 'GOG BA STE MTHAR GYIS GNAS PA'I SNYOMS 'JUG DGU NI SDE TSAN BZHI PA DANG, SA DANG, CHU DANG, ME DANG, RLUNG DANG, SNGON PO DANG, SER PO DANG, DMAR PO DANG, DKAR PO DANG, NAM MKHA' DANG, RNAM SHES KYI ZAD PAR BCU NI SDE TSAN LNGA PA DANG, NANG GZUGS SU 'DU SHES PAS GZUGS CHUNG NGU DANG CHEN PO ZIL GYIS GNON PA GNYIS DANG, NANG GZUGS MED PAR 'DU SHES PAS GZUGS CHUNG NGU DANG CHEN PO DANG, SNGON PO DANG, SER PO DANG, DMAR PO DANG, DKAR PO ZIL GYIS GNON PA DRUG STE ZIL GYIS GNON PA'I SKYE MCHED BRGYAD NI SDE TSAN DRUG PA DANG, NYON MONGS MED PA'I TING NGE 'DZIN NI SDE TSAN @011A *, ,BDUN PA DANG, SNGON NAS MKHYEN PA NI SDE TSAN BRGYAD PA DANG, LHA'I MIG DANG, LHA'I RNA BA DANG, GZHAN SEMS SHES PA DANG, RDZU 'PHRUL DANG, SNGON GNAS RJES DRAN DANG, ZAG PA ZAD PA'I MNGON SHES TE DRUG NI SDE TSAN DGU PA DANG, CHOS DANG, DON DANG, NGES TSIG DANG, SPOBS PA SO SOR YANG DAG PAR RIG PA BZHI NI SDE TSAN BCU PA DANG, RTEN DANG, DMIGS PA DANG, THUGS DANG, YE SHES DE RNAM PA THAMS CAD YONGS SU DAG PA BZHI NI SDE TSAN BCU GCIG PA DANG, CHE DANG, SEMS DANG, YO BYAD DANG, LAS DANG, SKYE BA DANG, MOS PA DANG, SMON LAM DANG, RDZU 'PHRUL DANG, YE SHES DANG, CHOS LA DBANG BA STE BCU NI SDE TSAN BCU GNYIS PA DANG, GNAS DANG GNAS MA YIN PA DANG, LAS DANG RNAM SMIN DANG, MOS PA SNA TSOGS DANG, KHAMS SNA TSOGS DANG, DPA' BO MCHOG DANG MCHOG MA YIN PA DANG, LAM DANG LAM MA YIN PA DANG, KUN NAS NYON MONGS DANG RNAM PAR BYANG BA DANG, SNGON GYI GNAS RJES SU DRAN PA DANG, 'CHI 'PHO BA DANG SKYE BA DANG, ZAG PA ZAD PA MKHYEN PA'I STOBS TE BCU NI SDE TSAN BCU GSUM PA DANG, RTOGS PA PHUN TSOGS DANG, SPANGS PA PHUN TSOGS DANG, BAR DU GCOD PA'I CHOS BSTAN PA DANG, NGES PAR 'BYUNG BA'I LAM BSTAN PA LA MI 'JIGS PA BZHI NI SDE TSAN BCU BZHI PA DANG, SKU DANG GSUNG @011B DANG THUGS KYI SPYOD PA LA SRUNG BA MED PA GSUM NI SDE TSAN BCO LNGA BA DANG, CHOS GUS PAS NYAN PA LA CHAGS PA DANG, GUS PAS MI NYAN PA LA SDANG PA DANG, 'DRES MA LA CHAGS SDANG GNYIS KA MED PA'I DRAN PA NYE BAR BZHAG PA GSUM NI SDE TSAN BCU DRUG PA DANG, BSNYEL BA MI MNGA' BA'I CHOS NYID NI SDE TSAN BCU BDUN PA DANG, BAG CHAGS YANG DAG PAR BCOM PA NI SDE TSAN BCO BRGYAD PA DANG, SKYE BO RNAMS LA THUGS RJE CHEN PO NI SDE TSAN BCU DGU PA DANG, SKU LA 'KHRUL PA DANG, GSUNG LA CA CO DANG, DRAN PA NYAMS PA DANG, MNYAM PAR MA BZHAG PA DANG, 'KHOR 'DAS THA DAD KYI 'DU SHES DANG, MA BRTAGS PA'I BTANG SNYOMS MI MNGA' BA STE SPYOD PA'I BSDUS PA DRUG ,'DUN PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB DANG, RNAM PAR GROL BA LAS NYAMS PA MI MNGA' BA STE RTOGS PAS BSDUS PA DRUG ,SKU DANG GSUNG DANG THUGS KYI 'PHRIN LAS RNAM PAR DAG PA STE 'PHRIN LAS KYIS BSDUS PA GSUM, 'DAS PA DANG, DA LTAR BA DANG, MA 'ONGS PA'I CHOS LA MKHYEN PA CHAGS THOGS MED PA STE YE SHES KYIS BSDUS PA GSUM DANG BCAS PA'I SANGS RGYAS KYI CHOS MA 'DRES PA GCO BRGYAD NI SDE TSAN NYI SHU PA DANG, RNAM MKHYEN, LAM SHES, GZHI SHES TE RNAM PA THAMS CAD MKHYEN PA NYID GSUM NI SDE TSAN NYER GCIG PA'O,, ` BZHI PA 'PHRIN @12A *, ,LAS KYI YON TAN DRAN TSUL NI, MNGON RTOGS RGYAN LAS, 'GRO RNAMS ZHI BA'I LAS DANG NI, ,BSDU RNAM BZHI LA DGONG PA DANG, ,KUN NAS NYON MONGS BCAS PA YI, ,RNAM PAR BYANG BA RTOGS PA DANG, ,SEMS CAN RNAMS DON JI BZHIN GYI, ,DON DANG PHA ROL PHYIN DRUG DANG, ,SANGS RGYAS LAM DANG RANG BZHIN GYIS, ,STONG PA NYID DANG GNYIS ZAD DANG, ,BRDA DANG DMIGS PA MED PA DANG, ,LUS CAN RNAMS NI YONGS SMIN DANG, ,BYANG CHUB SEMS DPA'I LAM DANG NI, ,MNGON PAR ZHEN PA LDOG PA DANG, ,BYANG CHUB THOB DANG SANGS RGYAS ZHING, ,RNAM PAR DAG DANG NGES PA DANG, ,SEMS CAN DON NI TSAD MED DANG, ,SANGS RGYAS BSTEN SOGS YON TAN DANG, ,BYANG CHUB YAN LAG LAS RNAMS NI, ,CHUD MI ZA DANG BDEN MTHONG DANG, ,PHYIN CI LOG NI SPANGS PA DANG, ,DE GZHI MED PA'I TSUL DANG NI, ,RNAM PAR BYANG DANG TSOGS DANG NI, ,'DUS BYAS 'DUS MA BYAS PA LA, ,THA DAD YONGS SU MI SHES DANG, ,MYA NGAN 'DAS LA DGOD PA STE, ,CHOS KYI SKU YI 'PHRIN LAS NI, ,RNAM PA NYI SHU BDUN DU BZHED, ,CES GSUNGS PA LTAR TE, 'DI LA GSUM, LAM GYI RTEN MNGON MTHO LA 'GOD PA, NGES LEGS KYI RGYU LAM LA 'GOD PA, NGES LEGS KYI NGO BO LAM GYI 'BRAS BU LA 'GOD PA'O, ,DANG PO NI, 1 NGAN 'GRO BA RNAMS KYI @12B SDUG BSNGAL RAB TU ZHI BA'I 'PHRIN LAS KYIS THAR LAM SKYE BA'I DNGOS KYI GDUL BYA LA 'GOD CING, DE'I 'OG TU SRID PA'I 'GRO BA RNAMS TZAM LA MNGON ZHEN ZHI BA'I THAR PA DON GNYER GYI BSAM PA LA 'GOD PA'I 'PHRIN LAS SO, ,GNYIS PA NGES LEGS KYI RGYU LAM LA 'GOD PA LA BZHI, TSOGS LAM LA 'GOD PA, SBYOR LAM LA 'GOD PA, MTHONG LAM LA 'GOD PA, SGOM LAM LA 'GOD PA'O, ,DANG PO LA GSUM, SBYOR BA RNAM DAG LA 'GOD PA, LTA BA RNAM DAG LA 'GOD PA, SPYOD PA RNAM DAG LA 'GOD PA'O, ,DANG PO NI, SBYIN 2 PA DANG, SNYAN SMRA DANG, DON SPYOD DANG, DON MTHUN TE BSDU BA RNAM PA BZHI LA 'GOD PA'I 'PHRIN LAS SO, , GNYIS PA LTA BA RNAM DAG LA 'GOD PA NI, KUN 2 NAS NYON MONGS RGYU DANG 'BRAS BUR BCAS PA'I SDUG KUN GNYIS DOR BYA DANG, RNAM PAR BYANG BA RGYU DANG 'BRAS BUR BCAS PA'I 'GOG LAM GNYIS BLANG BYAR THOS BSAM GYIS RTOGS PA LA 'GOD PA'I 'PHRIN LAS SO, ,GSUM PA SPYOD PA RNAM DAG LA 'GOD PA LA GSUM, GZHAN DON GYI SPYOD PA RNAM DAG LA 'GOD PA, RANG DON GYI SPYOD PA RNAM DAG LA 'GOD PA, GNYIS DON GYI SPYOD PA RNAM DAG LA 'GOD PA'O, ,DANG PO NI, SEMS CAN RNAMS KYI DON JI LTA BA BZHIN SGRUB PA'I THABS GZHAN DON DU BYAMS SOGS TSAD MED BZHI'I RTZA BA CAN GYI BYANG CHUB TU SEMS @13A *, ,BSKYED PA LA 'GOD PA'I 'PHRIN LAS SO, ,GNYIS PA RANG DON GYI SPYOD PA RNAM DAG LA 'GOD PA NI, 5 RGYAL SRAS KYI SPYOD PA PHA ROL TU PHYIN PA DRUG LA SLOB PA LA 'GOD PA'I 'PHRIN LAS SO, , GSUM PA GNYIS DON GYI SPYOD PA RNAM DAG LA 'GOD PA NI, DON GNYIS BSGRUB PHYIR SANGS RGYAS SU BGROD PA'I THABS DGE BA BCU'I LAS KYI LAM LA 'GOD PA'I 'PHRIN LAS SO, ,GNYIS PA SBYOR LAM LA 'GOD PA NI, 6 CHOS THAMS CAD RANG BZHIN GYIS STONG PA NYID DON SPYI'I TSUL GYIS RTOGS SHING GOMS PA LA 'GOD PA'I 'PHRIN LAS SO, ,GSUM PA MTHONG LAM LA 'GOD PA NI, GZUNG 'DZIN GNYIS SNANG GI SPROS PA ZAD PA'I STONG NYID MNGON SUM DU GSAR DU RTOGS PA'I SA DANG PO LA 'GOD PA'I 'PHRIN LAS SO, ,BZHI PA SGOM LAM LA 'GOD PA LA DRUG ,SA GNYIS PA NAS LNGA PA'I BAR LA 'GOD PA, SA DRUG PA LA 'GOD PA, SA BDUN PA LA 'GOD PA, SA BRGYAD PA LA 'GOD PA, SA DGU PA LA 'GOD PA, SA BCU PA LA 'GOD PA'O, ,DANG PO NI, TSUL KHRIMS LA SOGS PA'I PHA ROL TU PHYIN PA BZHIS BSDUS PA'I CHOS THAMS CAD BRDA TZAM BTAGS PA TZAM DU KHONG DU CHUD PA'I SA GNYIS PA NAS LNGA PA'I BAR LA RIM GYIS 'GOD PA'I 'PHRIN LAS SO, ,GNYIS PAS DRUG PA LA 'GOD PA NI, 10 CHOS THAMS CAD DON DAM PAR DMIGS PA MED PAR RTOGS PA'I YE SHES LA @13B 'GOD PA'I 'PHRIN LAS SO, ,GSUM PA SA BDUN PA LA 'GOD PA NI, 11 LUS CAN RNAMS KYI RGYUD SGRIB PA SPONG RUNG DANG GNYEN PO BSKYED RUNG DU YONGS SU SMIN PAR BYED PA LA 'GOD PA'I 'PHRIN LAS SO, ,BZHI PAS BRGYAD PA LA 'GOD PA LA GNYIS, RTOGS PA LA 'GOD PA DANG, SPANGS PA LA 'GOD PA'O, ,DANG PO NI, 12 NYAN RANG DANG MTHUN MONG MIN PA'I BYANG CHUB SEMS DPA'I LAM LA 'GOD PA'I 'PHRIN LAS SO, ,GNYIS PA SPANGS PA LA 'GOD PA NI, CHOS THAMS CAD 13 LA GZUNG 'DZIN DU MNGON PAR ZHEN PA LDOG PA'I SRID ZHI MNYAM NYID KYI SBYOR BA LA 'GOD PA'I 'PHRIN LAS SO, ,LNGA PAS DGU PA LA 'GOD PA NI, 14 BYANG CHUB MA THOB KYANG DE THOB PA DANG 'DRA BA'I SPRUL SKU'I MDZAD PA STON NUS PA LA 'GOD PA'I 'PHRIN LAS SO, ,DRUG PA SA BCU PA LA 'GOD PA LA GSUM, SA BCU PA THOB MA THAG PA LA 'GOD PA, SKYE BA GCIG GIS THOGS PA LA 'GOD PA, SRID PA THA MA LA 'GOD PA'O, ,DANG PO NI, 15 RANG NYID SANGS RGYAS PA'I SNOD BCUD KYI ZHING SNA TSOGS RNAM PAR DAG PA DANG 'OD ZER CHEN PO'I DBANG BSKUR 'THOB PA LA 'GOD PA'I 'PHRIN LAS SO, ,GNYIS BSKYE BA GCIG GIS THOGS PA LA 'GOD PA GSUM NI, 16 SKYE BA PHYI MA DE NYID LA ZHING 'DIR DUS 'DI'I TSE SANGS RGYAS 'DI ZHES BYA BAR 'GYUR BAR NGES PA'I NUS PA DANG, 17 PHYOGS BCU'I SEMS CAN GYI DON TSAD MED PA BYED PA LA SANGS RGYAS RNAMS DANG @14A *, ,MNYAM PA LTA BU DANG, 18 'JIG RTEN GYI KHAMS THAMS CAD DU SANGS RGYAS KYI DRUNG DU 'GRO BA DANG GUS PAS BSTEN PA DANG CHOS NYAN PA DANG BSNYEN BSKUR BA'I YON TAN RNAMS LA RIM PA BZHIN DU 'GOD PA'I 'PHRIN LAS SO, ,GSUM PA SRID PA THA MA LA 'GOD PA LA BZHI, NUS PA LA 'GOD PA, RTOGS PA LA 'GOD PA, SPANGS PA LA 'GOD PA, DAG PA'I RGYU TSOGS LA 'GOD PA'O, ,DANG PO'I GNYIS NI, 19 BYANG CHUB CHEN PO'I YAN LAG STE RGYU TSOGS, DGE BA MA LUS PA RDZOGS PAR BYED PA DANG, 20 LAS 'BRAS KYI 'BREL PA CHUD MI ZA BAS RGYU TSOGS GNYIS KYI LAS KYIS 'BRAS BU RDZOGS BYANG DNGOS SU 'BYIN PAR MTHONG BA LA 'GOD PA'I 'PHRIN LAS SO, ,GNYIS PA RTOGS PA LA 'GOD PA GNYIS NI, 21 BDEN BZHI'I DNGOS PO THAMS CAD YANG DAG PAR MTHONG BA'I JI SNYED PA RTOGS PA DANG, 26 'DUS KYIS 'KHOR BA DANG 'DUS MA BYAS MYANG 'DAS BLANG DOR THA DAD DU YONGS SU NI SHES PA STE MI 'DZIN PAR MNYAM PA NYID DU MTHONG BA'I JI LTA BA RTOGS PA LA 'GOD PA'I 'PHRIN LAS SO, ,GSUM PA SPANGS PA LA 'GOD PA GNYIS NI, ,22 GCAD BDE RTAG BDAG TU 'DZIN PA'I PHYIN CI LOG BZHI MNGON GYUR THAMS CAD SPANGS PA DANG, 23 PHYIN CI LOG TE RNAMS KYI GZHI BDEN 'DZIN SA BON GTAN MED KYI TSUL DU SPANGS PA LA @14B 'GOD PA'I 'PHRIN LAS SO, ,BZHI PA DGE BA'I RGYU TSOGS LA 'GOD PA GNYIS NI, ,24 SRID MTHA'I SKABS KYI SANGS RGYAS KYI RGYU TSOGS DRI MAS RNAM PAR BYANG BA DANG, 25 RNAM PAR BYANG BA'I YON TAN DE DAG SANGS RGYAS KYI RGYU'I TSOGS PAR GNAS PA LA 'GOD PA'I 'PHRIN LAS SO, ,GSUM PA NGES LEGS KYI NGO BO LAM GYI 'BRAS BU LA 'GOD PA NI, 27 MI GNAS PA'I MYA NGAN LAS 'DAS BA DE BZHIN GSHEGS PA'I SA LA 'GOD PA'I 'PHRIN LAS SO, ,DE LTAR SKU'I YON TAN MTSAN SO GNYIS DANG DPE BYAD BRGYAD CU, GSUNG GI YON TAN DBYANGS KYI YAN LAG DRUG CU RTZA BZHI, THUGS KYI YON TAN ZAG MED SDE TSAN NYER GCIG GAM BRGYA ZHE DRUG PO DE RNAMS LEGS PAR SHES NA NI YON TAN DRAN PA'I DAD PA SKYE ZHING, 'PHRIN LAS KYI DBYE BA NYER BDUN PO DE RNAMS LEGS PAR SHES NA NI, RNAM DKAR GYI YON TAN CHE SKYES CHUNG SKYES MTHA' DAG SANGS RGYAS KYI 'PHRIN LAS NYAG GCIG TU MTHONG NAS, BKA' DRIN DRAN PA'I GUS PA SKYE LA, DAD GUS KYI YUL DU GYUR PA'I SANGS RGYAS DE YANG LUNG RTOGS KYI CHOS NYAMS SU BLANGS PA LA BRTEN NAS 'BYUNG ZHING, CHOS DE TSUL BZHIN DU SGRUB PA NI 'PHAGS PA'I GANG ZAG RNAMS YIN PAS NA CHOS DANG DGE 'DUN GNYIS KYANG YON TAN BSAM GYIS MI KHYAB PA DANG LDAN PA YIN PAS RNAM PA KUN TU SKYABS SU @15A *, ,'GRO BA DANG, PHYAG 'TSAL BA DANG, MCHOD PA 'BUL BA SOGS KYI SGO NAS DAL BA'I RTEN LA SNYING PO BLANG BAR BYA'O, ,SMRAS PA, RGYAL BA'I GSANG GSUM YON TAN MTHA' YAS PA'I RGYAL BA KHO NA'I SPYOD YUL YIN MOD KYI, ,RGYAL BA'I GSUNG DANG DE 'GREL LA BRTEN NAS, ,RGYAL BA'I YON TAN CUNG ZAD GTAM DU BYAS, ,BDAG NI THOS NYUNG SBYANGS PA'I STOBS DMAN PAS, ,MA BSHAD LOG BSHAD HA CANG BSHAD PA'I SKYON, ,GANG MCHIS SKYABS GSUM MKHAS PA'I TSOGS LA BSHAGS, ,SGRIB MED TSANGS PA'I DNGOS GRUB STZAL DU GSOL, ,'DIR 'BAD KYIS MTSON SGO GSUM RNAM DKAR MTHUS, ,SA LAM BGROD PA MYUR DU MTHAR PHYIN TE, ,SKYON BRAL YON TAN RDZOGS PA'I SANGS RGYAS SAR, ,RANG NYID PHYIN NAS GZHAN DAG 'GOD PAR SHOG ,CES PA 'DI YANG DHA RMA BHA DRAS BRIS PA'O, ,SARBA MANGGA LAm,, ,, *, ,A'A RYA shA tA MU KHO NO DH'A RA nE NI SMRI TA PRA SA DA D'I PA N'A MA BI DZA H'A RA,,