*, ,DGE TSUL GYI BSLAB BYA'I SDOM TSIG BZHUGS SO,,

@01A #, ,NA MO MU NI AINDRA YA, ,GANG GI BKA' BZHIN BSGRUBS BYAS
NA, ,'DI PHYI'I DON RNAMS MA LUS PA, ,BDE BLAG NYID DU STZOL
MDZAD PA'I, ,THUB PA'I DBANG PO LA PHYAG 'TSAL, ,RNYED

DKA' DAL BA'I RTEN THOB CING, ,RGYAL BA'I BSTAN PA LA ZHUGS NAS,
,DGE TSUL SDOM PA THAB RNAMS KYIS, ,BSRUNG BA BSRUNG BA'I THABS
'GA' ZHIG ,LUNG LAS GSUNGS PA BZHIN DU BRI, ,LEGS

TSOGS RTZA BA ZLA MED PA, ,BLA MA MCHOG LA BRTEN BYAS NAS, ,BYA
BA THAMS CAD ZHU KHYED CING, CHOS MTHUN BKA' LAS 'DA' MI BYA,
,DRAN DANG SHES BZHIN BAG YOD DANG, ,NGO TSA KHREL YOD LDAN PA

YIS, ,BSLAB LA YID CHES DAD GUS BYA, ,SO THAR BCAS MTSAMS STON
PA YI, ,'DUL BA'I GZHUNG LA TSUL BZHIN SPYAD, ,TSUL KHRIMS RNAM
PAR DAG PA LA, ,PHAN YON BSAM LAS 'DAS PA

DANG, ,TSUL KHRIMS NYAMS PAR GYUR NA NI, ,MNAR MED 'GRO ZHING
KUN NAS PHUNG, ,DE PHYIR PHAN YON NYES DMIGS LA, ,NGES PA DRANGS
TE YANG YANG BSAM, ,MI MTHUN PHYOGS RNAMS MA SHES NA, ,BSLAB

@02A *, ,PA BSRUNG TSUL MI SHES PAS, ,RANG GIS JI LTAR KHAS
BLANGS LAS, ,'DAS PA'I LTUNG BA 'DI LTA STE, ,DGE SLONG LTUNG BA
SDE LNGA PO, ,DGE TSUL RNAMS LA BLANGS 'DAS DANG, ,LHUNG MED

PHYOGS MTHUN GSUM 'GYUR TE, ,RTZA BA BZHI DANG YAN LAG DRUG
,NYAMS PA RNAMS GSUM DANG BCAS RNAMS, ,BLANGS 'DAS LTUNG BA BCU
GSUM YIN, ,'CHANG GNYIS 'BRAL BA ZLA 'JOG DANG, ,DGON PA'I

'BRAL BA GSOG 'JOG BYED, ,RIN CHEN RAG DANG ME LA REG ,SPANGS
ZAS RKO BYIN LEN MED, ,GSOG 'JOG ZA BA NUB LHAG NYAL, ,SA BON
'JOMS DANG 'DUN PA BSGYUR, ,MI SMRAS 'GRO DANG LJON SHING

'DZEG ,RTZVA SNGON MI GTZANG 'DOR BA RNAMS, ,LTUNG MED PHYED
DANG BCO BRGYAD YIN, ,MTHUN PA KHA CIG MA GTOGS PA, ,RAB BYUNG
GSO SBYONG GZHI DANG NI, ,DGAG DBYE DBYAR DANG KO LPAGS DANG,
,SMAN

DANG GOS DANG SRAS BRKYANG DANG, ,KOO SH'AMBHA DANG LAS KYI
GZHI, ,DMAR SER CAN DANG GANG ZAG DANG, ,SPO DANG GSO SBYONG
BZHAG PA DANG, ,GNAS MAL DANG NI RTZAD PA DANG, ,DGE 'DUN DBYEN
TE GZHI BCU

? (DE LTAR BLANGS 'DAS LTUNG MED DANG,,)

@02B BDUN, ,RNAM 'BYED LAS GSUNGS LTUNG BA RNAMS, ,PHYOGS MTHUN
BSDAM BYA'I NYES PA STE, ,RTAGS DANG SLONG DANG SNOD DANG NI,
,LONGS SPYOD PHYAR G-YER 'DOD PA DANG, ,GNOD PA DANG NI GNAS PA
DANG, ,MA GUS

MI SBYONG GZHI BCUR 'DU, ,SLANGS 'DAS LTUNG BA BCU GSUM PO,
,DBYE NA BLANGS 'DAS SO DRUG STE, ,MI'AM MIR CHAGS GSOD PA DANG,
,SROG CHAGS DANG BCAM CHUS 'DEBS DANG, ,SROG CHAGS DANG BCAS

CHUR SPYOD DANG, ,BSAM BZHIN DUD 'GRO GSONG PA DANG, ,RIN THANG
TSANG BA'I NOR RKU DANG, ,MI TSANGS PAR NI SPYOD PA DANG, ,MI
CHOS BLA MA'I RDZUN SMRA DANG, ,PHAM PAS SKUR 'DEBS GZHI MED
DANG, ,PHAM PAS BAG

TZAM SKUR 'DEBS DANG, ,DGE 'DUN DBYEN NI BYED PA DANG, ,DE
'DRA'I RJES SU PHYOGS PA DANG, ,BAG MED SPYOD PAS KHYIM SUN
DANG, ,SHES BZHIN RDZUN TSIG SMRA BA DANG, ,BSHES NGOR BYAS ZHES
SKUR 'DEBS DANG, ,ZHAL

TA BA LA 'PHYA BA DANG, ,ZAS PHYIR CHOS STON ZHES SMRA DANG,
,LHAG MAS DGE SLONG SKUR 'DEBS DANG, ,KHYAD GSOD TSIG GIS BSLAB
SPONG DANG, ,TSOD MAS 'BRAS CHEN 'GEBS PA DANG, ,MYOS 'GYUR KHU
BA CHAD

'THUNG DANG, ,DAG NAS GLU DBYANGS LAN PA DANG, ,RKANG PAS BRO
GAR BYED PA DANG, ,SNA CHAGS ROL MO BYED PA DANG, ,MGUL RNA SOGS
LA RGYAN 'DOGS DANG, ,BZHIN GYI KHA DOG TSON SGYUR DANG, ,SPOS
DRIS LUS LA

@03A *, ,BYUG PA DANG, ,PHRENG BA MGO LA 'CHING BA DANG, ,RIN
CHEN KHRI LA 'DUG PA DANG, ,RIN CHEN STAN LA 'DUG PA DANG,
,MTHON PO'I KHRI LA 'DUG PA DANG, ,MTHON PO'I STAN LA 'DUG PA
DANG, ,PHYI DRO KHA

ZAS ZA BA DANG, ,GSER DNGUL BDAG GIR LEN PA DANG, ,KHYIM PA'I
RTAGS SPONG LAS NYAMS DANG, ,RAB BYUNG RTAGS BLANGS LAS NYAMS
DANG, ,MKHAN POR GSOL BTAB LAS NYAMS SO, ,DE LTAR BLANGS 'DAS

SO DRUG GI ,NYES PA RNAMS NI SHES BYAS NAS, ,SROG GI PHYIR YANG
SPANG BAR BYA, ,DE LAS RTZA PA'I LTUNG BA BZHI, ,GSOR MI ZUNG BA
BYUNG NA NI, ,TA LA'I RTZE MO BCAD PA LTAR, ,SDOM PA GTAN NAS
GTONG BAR 'GYUR

PHYI DRO'I KHA ZAS LA SOGS PA'I, ,NYES PA BYUNG BA RNAMS LA NI,
,SNGAR BYAS LAS LA 'GYOD SEMS DANG, ,PHYIN CHAD MI BYED SDOMS
SEMS KYIS, ,DGE SLONG RNAM DAG DRUNG 'DUG TE, ,LTUNG BA'I MING
RIGS BRJOD NAS

NI, ,BSHAGS PA LAN GSUM SNYING NAS BYA, ,BLANGS 'DAS SO DRUG GIS
BSDUS PA'I, ,LTUNG BA DNGOS GZHI MA YIN PA'I, ,PHYOGS MTHUN NYES
PA RNAMS LA NI, ,'GYOD DANG SDOMS SEMS YANG YANG BYA, ,BSLAB PA
YONGS

SU SPYOD PA NI, ,GSO SBYONG DBYAR GNAS DGAG DBYE STE, ,GZHI GSUM
SGO NAS RANG RGYUD SBYONG, ,BDE BAR GNAS PA'I RKYEN BSTEN PA,
,ZAS GOS GNAS MAL SMAN RNAMS LA, ,'DOD ZHEN CHEN POS 'TSOL BA
DANG,

@03B HA CANG CHOG MI SHES PA SPANG, ,DGE BA'I SBYOR BA LHUR LEN
TSE, ,SER SNAS LONGS SPYOD MI NUS PA, ,NGAL ZHING DUB PA'I MTHA'
YANG SPANG, ,MDOR NA MGON PO KLU SGRUB KYIS, ,MNGON MTHO NGES
LEGS MA LUS PA'I, ,RTZA BA TSUL KHRIMS

YIN PAR GSUNGS, ,SNYING NAS CHOS BZHIN BYED 'DOD PA'I, DGE TSUL
RNAMS KYI BSLAB PA'I GNAS, ,STON PA'I 'DUL BA'I GZHUNG LUGS
MCHOG ,SUM BRGYA PA DANG K'A RI KA, ,'JAM MGON BLA MA YAB SRAS
KYI, ,LEGS BSHAD

MAN NGAG TSOGS RNAMS LA, ,MKHAS PA BSTEN NAS TSUL BZHIN SBYANG,
,THUB PA'I BSTAN LA ZHUGS RNAMS KYIS, ,RANG GI NOR BU YONGS DOR
NAS, ,MCHED BU'I GOR MA GZUGS LEGS DAG ,LEN PA'I NGAL BA DOR
BYOS LA, ,TSUL KHRIMS

NOR BU RIN CHEN LA, ,GCES SPRAS BYI DOR GYIS SHIG CES, ,KUN LA
BDAG GIS PHAN PAR SBYANG, ,'DIR 'BAD DGE BA'I MTHU STOBS KYIS,
,BDAG DANG 'GRO BA MA LUS PA, ,TSUL KHRIMS GRU CHEN LA BRTEN
NAS, ,RNAM GROL

GLING DU PHYIN GYUR CIG ,(CES DGE TSUL GYI BSLAB BYA'I SDOM TSIG
'DI YANG YONGS 'DZIN PAntI TA CHEN PO'I GSUNG LA GZHI BYAS,
SPYAN SNGA BLO GROS RGYAL MTSAN SOGS KYI LEGS BSHAD KYIS KHA
BSKANG TE, RANG GI NU BO DGE TSUL YE SHES CHOS RGYAL SOGS NAS
BSKUL

DOR SH'AKYA'I DGE SLONG DHARMA BHA DRAS SU BRIS SU BGYIS PA'O,
,MANGGA LAm), , ,,