@10B ` LUS LONGS SPYOD DGE RTZA GSUM RE RE LA BTANG BSRUNG DAG
SPEL BZHI BZHIS PHYE BA'I BCU GNYIS PO DE'I NANG DU BYANG SEMS
KYI BSLAB BYA MTHA' DAG 'DU BAR BLO SBYONG BLO BZANG DGONGS
RGYAN DANG, BCU GNYIS

PO DE THAMS CAD SGOM YIN PAR LAM RIM CHEN MOR GSUNGS PA TZAM
LAS SO SO'I NGOS 'DZIN GSAL BAR BKOD PA ZHIG RJE YAB SRAS RJES
'BRANGS DANG BCAS PA'I GZHUNG DU YOD PA SNGON CHAD MA MTHONG
BAR MA ZAD 'DI'I RTZA BA'I RGYA GZHUNG

BSLAB BTUS RTZA 'GREL YANG ZHAL MA MJAL BAS TSUL 'DI LTAR RO
ZHES BSLAB STON 'BUL RGYU NGES 'DRONGS SHIG MED MOD, 'ON KYANG
BYANG BDAG RNAM RGYAL GRAGS BZANG GIS MDZAD PA'I SDOM GSUM
GSAL BA'I ME LONG ZHES PA ZHIG TU

MTHONG BA LAS RANG BLOR ZIN TSOD TZAM DPYAD PA'I GZHIR 'BUL
NA, GZHAN DON GYI DGOS PA CHEN PO YOD CING RANG GI SNYING
RJE'I RTZAL RDZOGS PA'I TSE LUS DNGOS SU GTONG PA SOGS DANG,
GZHAN DU LUS LA GRU'I BLO BZHAG STE, ZAS GOS

GNAS MAL SMAN DANG, RIG SNGAGS SOGS KYIS BSRUNG BA DANG, LUS
KYI NA TSA'I RGYU LAS NGAN RNAMS STOBS BZHI'I BSHAGS PA DANG,
RANG LUS LA ZHEN PA'I 'DOD CHAGS MI SDUG PA BSGOMS PAS DAG PAR
BYED PA DANG, BYANG CHUB MA

THOB KYI BAR GYI RDZOGS BYANG SGRUB PA'I LUS RTEN GYI RGYUR
TSUL KHRIMS BSRUNG BA DANG MCHOD RTEN LA SKU DKAR GSOL BA SOGS
LA 'BAD DE LUS SPEL BA DANG, SNGAR YOD KYI LONGS SPYOD 'OS
'GAB GZHAN LA GTONG BA DANG, LHAG

@11A *, ,MA RNAMS ME CHU SOGS KYIS CHUD 'DZA'@ BA LAS BSRUNG BA
DANG, SNGAR MED GSAR DU SGRUB PA'I TSE LOG 'TSOD@ NGA TSOD BUN
BSKYED ZHING LAS PHYUGS KYI 'TSO SKYONG SOGS KYIS MA SPAGS PAR
DAG PAR BYED PA DANG,

THABS SHES KHYAD PAR CAN GYIS ZIN PAR BYAS NAS SBYIN PA RGYA
CHEN PO BTAB STE LONGS SPYOD SPEL BA DANG, SNGAR YOD KYI DGE
BA RNAMS SEMS CAN LA GTONG BA DANG, DGE BA 'JOMS PA'I RGYU
'GYOD PA DANG KHONG KHRO SOGS BSRUNG BA DANG

DGE BA GSAR DU GSOG PA'I TSE BYANG CHUB KYI SEMS KYIS KUN NAS
BSLANGS NAS BSAGS TE DAG PAR BYED PA DANG, DGE BA BGYIS PA LA
DGA' BA BSGOM PA DANG BSNGO BAS RGYAS BTAB STE DGE RTZA SPEL
BA YIN TSOD LAGS, 'ON KYANG LAM

RIM MYUR LAM DU BSLAB BTUS KYI DGE BA BSRUNG BA'I SKABS KYI
TSIGS BCAD DRANGS PA 'DI LA BRTAGS NA, BSLAB BTUS SU GSAL BAR
BZHUGS TSOD 'DUG PAS 'DI YANG GZHUNG 'DI 'BYOR NA DE NAS
MKHYEN PAR MDZOD MDZOD, ,MANGGA LAm