` DRI BA GSUM PA, RGYAL BA'I YUM LAS STON PA DANG, ZHES PA'I RGYAL BA'I
YUM GANG YIN ZHE NA, RGYAL BA'I YUM NI,

@30A *, ,MNGON RTOGS RGYAN LAS, GZHI LAM 'BRAS BU'I SHER PHYIN DANG,
RGYUD BLA MA LAS KYANG, SHES RAB NI SANGS RGYAS CHOS BSKYED MA
DANG, ZHES BDAG MED RTOGS PA'I SHES RAB RGYAL

BA'I YUM DU GSUNGS PAS, DE NYID DNGOS BSTAN BRJOD BYA'I GTZO BOR
BYED PA'I GZHUNG SHER PHYIN LA'ANG YUM RGYAS 'BRING BSDUS GSUM ZHES
RGYAL BA'I YUM GYI THA SNYAD MDZAD PA DE'O, ,DE LAS STON PA DANG

CHOS LA RIM GRO BSKYED PAR GSUNGS TSUL NI, BRDA THABS KYI SGO NAS
GSUNGS PAS GO CHES DKA' BA ZHIG STE, JI LTAR ZHE NA, YUM RGYAS PA'I
GLENG GZHI'I SKABS LAS, DE NAS DE'I TSE BCOM LDAN 'DAS NYID

KYIS GDAN SENG GE'I KHRI BSHAMS NAS, SKU DRANG POR BSRANGS TE,
DGONGS PA MNGON DU BZHAG NAS SKYIL MO KRUNG BCAS TE BZHUGS SO,
,ZHES GSUNGS PA 'DI YIN TE, LAM RIM CHEN MO LAS, STON PA

DANG CHOS LA RIM GRO BSKYED PA NI, RGYAL BA'I YUM GSUNG PA NA, BCOM
LDAN 'DAS NYID KYIS GDAN BSHAMS PA SOGS MDZAD PA LTAR, CHOS NI
SANGS RGYAS RNAMS KYI'ANG BKUR BA'I ZHING YIN PAS CHOS LA

GUS PA CHEN PO DANG, STON PA'I YON TAN DANG BKA' DRIN RJES SU DRAN
TE GUS PA BSKYED BAR BYA'O, ,ZHES DANG, SHER PHYIN GSAL SGRON LAS
KYANG, DE NAS RGYAL PO'I KHAB BYA RGOD PHUNG PO ZHES BYA BA, TSES

@30B BRGYAD DANG BCO LNGA SOGS LA DKAR PHYOGS KYI LHA RNAMS 'DU
BAR MDZAD PA SOGS NGO MTSAR RMAD DU BYUNG BA'I GNAS, RIN PO CHE
BRTZEGS PA 'DRA BA'I RI'I DBANG PO DER GSHEGS NAS, PHYI RABS KYI GDUL

BYA RNAMS LA LAM TSUL BZHIN DU SGRUB PA LA DON NYUNG BA, BYA BA
NYUNG BA, KHENGS PA MED PAR DBEN PA'I GNAS SU RANG G-YOG RANG GIS
BYAS TE, RTZE GCIG TU BSGRUB PA BYA DGOS SO, ,ZHES 'DOMS PA DANG,

CHOS SPYI DANG KHYAD PAR SHER PHYIN GYI CHOS NI RGYAL BA RNAMS KYIS
KYANG MCHOD PA'I GNAS YIN NO, ,ZHES 'DOMS PA SOGS DGOS PA MANG PO
GZIGS NAS, RANG NYID KYI GDAN SENG GA'I KHRI RANG NYID KYIS

GSHOM PAR MDZAD, CES RGYAL BA'I DGONGS PA BKRAL TE GSUNGS PA LTAR
RO,,