` DBUS GONG DKAR RGYA MTSO'I SRAS KYI DRI LAN, MKHYEN BRTZE NUS PA'I
RANG GZUGS GTAN GYI SKYABS, ,'JAM MGON BLA MA'I ZHABS

@122B LA GUS BTUD NAS, ,DPYOD LDAN SOM NYI'I DRA BA DUM BU RU, ,GCOD
PA'I DRI LAN MTSON RNON GDENG BAR BYA, ,DPYOD LDAN LHA SRAS MCHOG
NAS JI LTAR BKA' 'DRI STZAL BA'I LAN BLO MIG MI GSAL BAS

GANG SHAR MDOR BSDUS 'BUL BA LA, DANG PO LA DON GYI LAS LA SU SOGS
BDUN 'JUG PA'I DPER BRJOD NI, SHAR PHYOGS SU 'GRO, RDO BAR GZUGS
BRNYAN BYED, MTHA' RU 'KHYOL, RGYA GAR DU 'GRO,

RGYAB TU PHYOGS, MDUN NA RGYU, GZUGS LA LTA, ZHES PA LTA BU, CHED LA
SU SOGS BDUN 'JUG PA'I DPER BRJOD NI, CHOS PHYOGS SU 'BAD, DMAN PAR
BRTZE, BDUD RTZI RU BSGRUB, SHING GCOD

DU STA RE BTZAL, GRUB TU RE, TSOGS NA NOR 'GYED, SHING LA CHU 'DREN,
ZHES PA LTA BU, RTEN GNAS LA SU SOGS BDUN 'JUG PA'I DPER BRJOD NI, SHAR
PHYOGS SU 'OD SNANG, MAR ME LHA GNAS,

LTE BA RU RDZING BCAS, LHA KHANG DU MCHOD RTEN YOD, SA 'OG TU STOBS
LDAN GNAS, GZUGS KHAMS NA TSANGS PA YOD, LCAGS LA GSER 'DUG ,LTA BU;
DE NYID LA SU SOGS LNGA 'JUG PA'I DPER BRJOD

NI; SKYABS SU SHES, SRA BAR BYED, TSE LHA RU BSTEN, 'OD DU 'TSER, GCIG TU
GYUR, LTA BU; TSE SKABS LA SU SOGS BDUN 'JUG PA'I DPER BRJOD NI, TSES
GNYIS SU NYI MA LDOG ,SNGA BAR LDANG,

@123A *, ,NYI MA 'CHAR KHA RU 'GRO, RGYUN DU CHOS KLOG ,RTAG TU SMRA,
GUNG NA MNYAM PAR BZHAG ,SROD LA BDUD BTUL, CES PA LTA BU'O, ,RIN
SPUNGS PAS, PHUN TSOGS LONGS LA

SPYOD GYUR CIG ,CES PA'I LA NI, DE NYID LA 'JUG PA MIN TE, PHUN TSOGS
LONGS SU SPYOD GYUR CIG ,CES PA'I SU DE DE NYID LA 'JUG KYANG, PHUN
TSOGS LONGS LA SPYOD GYUR CIG ,CES PA'I LA DE DE NYID LA MI 'JUG

STE; RJE DKON MCHOG 'JIGS MED DBANG PO'I GSUNG NA, MAndAL SKABS,
SANGS RGYAS ZHING DU DMIGS TE DBUL BAR BGYI, ZHES BRJOD NA, SANGS
RGYAS KYI ZHING DE 'BUL RGYU'I RDZAS DANG, SANGS RGYAS ZHING LA

DMIGS TE DBUL BAR BGYI, ZHES BRJOD NA, SANGS RGYAS KYI ZHING DE 'BUL
SA'I YUL DU 'GRO BAR GSUNGS PA DANG TSUL 'DRA'O, ,DE BZHIN DU, SNANG
LA RANG BZHIN MED, CES PA'I LA YANG, ZHING SOGS DANG

'JUG PA MTHUN PA'I TSIG PHRAD TZAM LAS DE NYID KYI DON MA TSANG
NGAM SNYAM PA LAGS,