` LNGA PA; BTUNG BA DANG, BDUG PA GNYIS MING RKYANG TZAM MA YIN TE, RJE SI TUS, YANG SKABS @125B 'DI DAG TU BYA TSIG GIS GSAL MI DGOS PAR YUL GYI SGRA MTSON NUS PA, GOS SOGS LA BGO BA DANG, RTA LA BCIB PA, CHANG SOGS LA BTUNG BA, SPOS LA BDUG PA, BYA BA LA BRTZAM PA, ZAS LA BZA' BA, BSLAB BYA LA BSLAB PA SOGS DANG, 'CHAD 'GYUR MA NING GI 'JUG PA'I SKABS SU, GDAM BYA LA GDAM PA, RTZA LA GZAN PA, YUL LA BZUNG BA SOGS DANG, MO DANG SHIN TU MO'I 'JUG PA'I SKABS SU'ANG DE 'DRA MANG DU 'BYUNG BA GO DGOS SO, ,ZHES GSUNGS PA'I DGONGS PA'I SNYING PO GSAL BAR BYED PA'O, ,GZHAN GYI DNGOS PO'I DPER BSGYUR RO, ,ZHES PA DANG, BDAG GI DNGOS PO'I DPER GCOD DO ZHES PA LA GCIG PA'I SKYON 'DUG GSUNG BA SHIN TU MA BRTAGS PA STE, BSGYUR RO ZHES PA BSGYUR BAR BYA'O, ,ZHES PA'I DON DANG, GCOD DO ZHES PA GCOD PAR BYED DO, ,ZHES PA'I DON YIN PAS, BYA BA GZHAN DANG BYED PA BDAG LA GCIG SKYON YOD DOGS MED, ,DGAG GO, ZHES PA BYA BYED GNYIS KA'I DPER BRJOD DU BYUNG BAS BDAG GZHAN MI PHYED PA'I DOGS PA 'DUG GSUNG BA THUGS MAD KYANG, SPYIR TSIG GCIG LA DON DU MA DANG, DON GCIG LA MING DU MA 'BYUNG BA MI 'GAL BAR MA ZAD MA NING BDAG GZHAN GNYIS KA LA 'JUG PAS, DGAG GO, ZHES PA YANG, SNGA PHYI'I TSIG GROGS DANG BSTUN NAS, DGAG PAR BYED DO ZHES PA DANG MTHUN @126A *, ,NA BDAG DNGOS DANG, DGAG PAR BYA'O, ,ZHES PA DANG MTHUN NA GZHAN DNGOS SU GO DGOS PA LAGS, GCAD NGO ZHES PA 'DI DUS GSUM GANG DU 'JOG DGOS SHE NA, MA 'ONGS PAR 'JOG DGOS TE, BCAD DO, ,ZHES PA BCAD ZIND TO STE 'DAS PA DANG, GCAD DO ZHES PA GCAD PAR BYA'O STE MA 'ONGS PA DANG, GCOD DO ZHES PA GCOD PAR BYED DO STE DA LTAR BA YIN MOD KYANG 'DI LA 'KHRUL MKHAN MANG PO SNANG NGO,,