@001A *, ,YUL GANGS CAN GYI SKAD KYIS BRDA SPROD PA'I BSTAN BCOS SUM CU PA DANG RTAGS GYI 'JUG PA'I RNAM BSHAD MKHAS MCHOG SI TU'I ZHAL LUNG ZHES BYA BA BZHUGS SO,, @001B #, ,NA MO GU RU MANYDZU GHO sh'A YA, YON TAN MCHOG MNGA' SLU MED RIN CHEN GSUM, ,YE SHES ME LONG GTZUG NA ZLA BA DANG, ,RTA DBYANGS BTZUN PA ZLA BA SMBHOtA, ,LA SOGS 'PHAGS BOD MKHAS PA'I TSOGS SPYI DANG, ,KHYAD PAR DAM CHOS 'O MA'I RGYUN BZANG GIS, ,MANG THOS LUNG GI LUS STOBS CHER BSKYED NAS, ,RTOGS PA'I BSAM 'PHEL LAG RTZER SMIN MDZAD PA'I, ,DRIN CAN BLA MA'I TSOGS LA GUS BTUD NAS;; MING TSIG RIN CHEN 'BYUNG GNAS SINDHU'I BDAG ,RIG BYED RNAM BZHI SMA BA'I NYER LAN RGYU, ,BSLAB GSUM MYU GU SKYED BYED RGYA MTSO'I GOS, ,GANG DE MDOR BSDUS TSIG GIS BSHAD PAR BYA, ,DE LA 'DIR YUL GANGS CAN GYI SKAD KYIS BRDA SPROD PA'I BSTAN BCOS KUN GYI MA PHYIR GYUR PA, SUM RTAGS GNYIS KYI TSIG DON CUNG ZAD TZAM BSHAD PA LA GNYIS, SUM CU PA BSHAD PA DANG, RTAGS KYI 'JUG PA BSHAD PA'O, ,DANG PO LA GNYIS, BSTAN BCOS RTZOM PA LA 'JUG PA'I YAN LAG DANG, BSTAN BCOS DNGOS SO, ,DANG PO LA GNYIS, MTSAN DON DANG, 'GYUR PHYAG GO ,DANG PO NI, RGYA GAR SKAD DU ,BY'A KA RA nA MU LA TRIm SHAD N'A MA, BOD SKAD DU, LUNG STON PA RTZA BA SUM CU PA ZHES BYA BA, ZHES PA STE, BY'A KA RA nA LUNG STON PA, M'U LA RTZA BA, TRIm SHAD SUM CU PA, N'A MA ZHES BYA BA'O, ,DE YANG SGRA'I MTSAN NYID LUNG DU STON CING LE'U PHYI MA RNAMS KYI RTEN GZHIR GYUR PA GANG ZHIG GZHUNG TSAD SHLOG SUM@002A *, ,CUR GNAS PAS DE SKAD CES BYA'O, ,'DIR RGYA SKAD SMOS PA NI RGYA GAR MKHAS PA'I BSTAN BCOS LA DPER MDZAD PA GO BA'I CHED DANG, GZHUNG TSAD SHLO KA SUM CU SO GSUM YOD PA LA SUM CU PA ZHES BTAGS PA NI, MCHOD BRJOD DANG RTZOM PAR DAM BCA' SKABS GZHAN DANG MTHUN MONG BA YIN PA LA DGONGS SO, ,GNYIS PA 'GYUR PHYAG NI, NGAG GI DBANG PHYUG 'JAM PA'I DBYANGS LA PHYAG 'TSAL LO, ,ZHES PA STE, BSTAN BCOS 'DI 'PHAGS YUL NAS BSGYUR BA'I BSTAN BCOS KHUNGS MA RNAMS DANG MTSUNGS PAR 'DOMS PA'I DON DU THON MI NYID KYIS BSGYUR BA'I MDO RGYUD RNAMS DANG MTHUN PAR 'PHAGS PA 'JAM DPAL LA 'GYUR PHYAG MDZAD PA'O, ,GNYIS PA BSTAN BCOS DNGOS LA GNYIS, GZHUNG SPYI'I YAN LAG TU MCHOD PAR BRJOD CING BSHAD PAR DAM BCA' BA DANG, SKABS DON SUM CU PA NYID RGYAS PAR BSHAD PA'O, ,DANG PO LA GNYIS, MCHOD PAR BRJOD PA DANG, BSHAD PAR DAM BCA' BA'O, ,DANG PO LA BZHI, DKON MCHOG GSUM LA SPYIR PHYAG 'TSAL BA, BYE BRAG TU 'JAM PA'I DBYANGS LA PHYAG 'TSAL BA, DGOS PA'I DBANG GIS RTAG ZHI BA LA PHYAG 'TSAL BA, DRIN GZO BA'I PHYIR MKHAS PA SPYI DANG BYE BRAG LA PHYAG 'TSAL BA'O, ,DANG PO NI, GANG LA YON TAN MCHOG MNGA' BA'I, ,DKON MCHOG DE LA PHYAG 'TSAL LO, ,ZHES PA STE, GANG ZHIG LA RIm PA BZHIN DON GNYIS MTHAR @002B PHYIN PA DANG, 'GOG LAM GYI BDEN PA GNYIS DANG, RIG GROL GYI YON TAN MCHOG TU GYUR PA MNGA' BA'I SANGS RGYAS DANG, CHOS DANG, DGE 'DUN TE DKON MCHOG GSUM PO DE RNAMS LA SGO GSUM GUS PAS PHYAG 'TSAL LO, ,ZHES PA'AM, YANG NA, PHYAG 'TSAL LO, ,GANG LA NA YON TAN MCHOG MNGA' BA'I DKON MCHOG DE LA'O, ,ZHES BSHAD KYANG RUNG NGO, ,GNYIS PA BYE BRAG TU 'JAM PA'I DBYANGS LA PHYAG 'TSAL BA NI, GANG GIS SGRA DBYANGS KUN GSUNGS PA'I, ,'JAM PA'I DBYANGS LA PHYAG 'TSAL LO, ,ZHES PA STE, GANG GIS SGRA DBYANGS BRJOD PA THAMS CAD GSUNGS PAS GSUNG GI DBANG PHYUG TU GYUR PA, NGAG GI NYES PA'I RTZUB REG DANG BRAL BA'I 'JAM PA'I YON TAN DANG LDAN PA'I GSUNG DBYANGS KYI BDAG NYID DE LA PHYAG 'TSAL LO,, ZHES PA'O, ,DE YANG RJE BTZUN NYID RGYAL BA THAMS CAD KYI MKHYEN RAB KYI NGO BO YIN PA DANG, MKHYEN RAB DE GSUNG DBYANGS KYI RGYU YIN PA DANG, GSUNG NI SGRA DBYANGS BRJOD PA THAMS CAD KYI 'BYUNG KHUNGS YIN PAS 'JAM PA'I DBYANGS NYID SGRA DBYANGS GSUNG PA POR BSTAN TO, ,GSUM PA DGOS PA'I DBANG GIS RTAG ZHI BA LA PHYAG 'TSAL BA NI, GANG GIS MING GZHI SNGON GSUNGS PA, RTAG ZHI BA LA PHYAG 'TSAL LO, ,ZHES PA STE, GANG GIS MING TSIG BRJOD BA KUN GYI GZHIR GYUR PA'I DBYANGS GSAL GYI YI GE SNGON DU GSUNG BA POR 'JIG RTEN NA GRAGS PA LHA'I DBANG PO RTAG TU ZHI BA STE DBANG PHYUG CHEN PO LA PHYAG 'TSAL LO, ,ZHES PA'O, ,DE YANG BRAM ZE RNAMS KYI GZHUNG DU BYED PO NYI SHU RTZA BZHI BSHAD PA LAS YI GE'I BYED PA PO DBANG PHYUG CHEN POR @003A *, ,GRAGS PA DANG SGO BSTUN NAS PHYI ROL PA RNAMS RJES SU GZUNG BA'I SLAD DU YIN PAR GSUNGS SO, ,BZHI PA DRIN GZO BA'I PHYIR MKHAS PA SPYI DANG BYE BRAG LA PHYAG 'TSAL BA NI, SDEB SBYOR LEGS MDZAD MKHAS RNAMS DANG, ,BLA MA LA YANG PHYAG 'TSAL NAS, ,ZHES PA STE, SGRA SKAD KYI BRJOD PA DANG DON SDEB LEGS PAR SBYOR BA'I TSUL STON PA'I SGO NAS TSIG DON GNYIS LA MI RMONG PA'I SHES RAB SKYED NUS PA'I GZHUNG RTZOM ZHING 'DOMS PAR MDZAD PA'I MKHAS PA SPYI DANG, BYE BRAG TU MKHAN PO NYID LA DE LTA'I BYA BA MDZAD PA'I BRAM ZE LI BI KA RA LA SOGS PA'I BLA MA RNAMS LA'ANG PHYAG MDZAD PA STE, NAS NI LHAG BCAS KYI SGRA'O, ,GNYIS PA BSHAD PAR DAM BCA' BA NI, BSLAB PA KUN GYI GZHI 'DZIN CING, ,RIG BYED SMRA BA RNAMS KYI RGYU, ,MING TSIG BRJOD PA KUN GYI GZHI, ,YI GE'I SBYOR BA BSHAD PAR BYA, ,ZHES PA STE, SANGS RGYAS PA'I TSUL KHRIMS DANG, TING NGE 'DZIN DANG, SHES RAB KYI BSLAB PA'I GZHI THAMS CAD LTOS PA'I SGO NAS 'DZIN PAR BYED CING, PHYI ROL PA'I NGES BRJOD DANG, MCHOD SBYIN DANG, SNYAN TSIG DANG, SRID SRUNG STE RIG BYED BZHI YAN LAG DANG BCAS PA'I GZHUNG LUGS MTHA' DAG SMRA BA RNAMS KYI RGYU'ANG YIN LA, SPYIR YI GE LAS MING DANG, MING LAS TSIG DANG, TSIG LAS BRJOD PA 'BYUNG BA'I PHYIR 'JIG RTEN DANG 'JIG RTEN LAS 'DAS PA'I MING TSIG BRJOD PA THAMS CAD KYI GZHIR GYUR PA NI YI GE'I SBYOR BA YIN PAS DE BSHAD PAR BYA'O, ,ZHES PA'O, ,DE YANG BOD KYI YE GE'I SBYOR BA @003B NI BRJOD BYA DANG, GTZUG LAG GNYIS KYI BLANG DOR LA MA RMONGS PA NI DGOS PA DANG, MTHAR THUG RNAM MKHYEN THOB PA NI NYID DGOS DANG, SNGA PHYI 'BREL CHAGS PA NI 'BREL PA'O, ,GNYIS PA SKABS DON GSUM BCU PA NYID RGYAS PAR BSHAD PA LA GNYIS, YI GE'I SBYOR BA RGYAS PAR BSHAD PA DANG, GDAMS NGAG BRJOD PAS MJUG BSDU BA'O, ,DANG PO LA GNYIS, SBYAR BYA YI GE'I RNAM GZHAG BSHAD PA DANG, SBYOR TSUL TSIG PHRAD KYI 'JUG PA BSHAD PA'O, ,DANG PO LA GNYIS, BOD YIG GI DBYANGS GSAL NGOS GZUNG BA DANG, KHYAD PAR GYI DBYE BA BSTAN PA'O, ,DANG PO NI, YI GE A'A LI K'A LI GNYIS, ,A'A LI GSAL BYED AI SOGS BZHI, ,K'A LI SUM CU THAM PA'O, ,ZHES PA STE, SPYIR YI GE LA A'A LI STE AA LA SOGS PA'I 'PHRENG BA DBYANGS YIG DANG, K'A LI STE KA LA SOGS PA'I 'PHRENG BA GSAL BYED KYI YI GE GNYIS SU YOD LA, BYE BRAG TU BOD YIG LA NI, LEGS SBYAR GYI A'A LI'I BYA BA GSAL BAR MTSON PAR BYED PA'I YI GE AI AU AE AO BZHI DANG, K'A LI MTSON PAR BYED PA, KA KHA GA NGA, CA CHA JA NYA, TA THA DAD NA, PA PHA BA MA, TZA TSAD DZA WA, ZHA ZA 'A YA, RA LA SHA SA, HA AA STE SUM CU THAM PA YOD DO, ,ZHES PA'O, ,GNYIS PA KHYAD PAR GYI DBYE BA BSTAN PA LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, DE LA RJES 'JUG BCU YIN TE, ,DE LAS LNGA NI SNGON DU'ANG 'JUG, ,MI 'JUG PA NI NYI SHU'O, ,ZHES PA STE, BSHAD MA THAG PA'I YI GE K'A LI DE DAG LA DBYE NA RJES SU 'JUG PA BCU DANG, RJES 'JUG DE NYID LAS LNGA NI SNGON DU'ANG 'JUG PA YIN PAS SNGON @004A *, ,'JUG LNGA DANG, SNGON RJES GNYIS KAR MI 'JUG PA'I YI GE NYI SHU STE TSAN PA GSUM DU DBYE'O, ,ZHES PA'O, ,GNYIS PA RGYAS PAR BSHAD PA LA GNYIS, DBYE SGO SPYIR BSTAN PA DANG, BYE BRAG SO SOR BSHAD PA'O, ,DANG PO NI, ,K'A LI PHYED DANG BRGYAD SDE NI, ,BZHI BZHI DAG TU PHYE BA LAS, ,ZHES PA STE, K'A LI SUM CU PO DE RNAMS KA SDE DANG, CA SDE DANG, TA SDE DANG, PA SDE DANG, ZHA SDE DANG, RA SDE STE SDE PA TSANGS PO BDUN DANG, HA SDE PHYED DU BYAS NAS PHYED DANG BRGYAD KYI SDE TSAN DU BGOS PA NI, ,SDE PA RE RE LA YI GE BZHI BZHI RU PHYE BA YIN CING, LAS NI 'BYUNG KHUNGS KYI SGRA'O, ,GNYIS PA BYE BRAG SO SOR BSHAD PA LA GSUM, RJES 'JUG BSHAD PA, SNGON 'JUG BSHAD PA, MI 'JUG PA BSHAD PA'O, ,DANG PO NI, ,DANG PO GSUM PA BZHI PA LAS, ,MAS GNYIS DRUG PA'I GSUM PA DANG, ,BDUN PA LAS NI SHA MA GTOGS, ,RJES 'JUG YI GE BCU RU 'DOD, ,CES PA STE, GONG DU RJES 'JUG BCU ZHES BSHAD PA DE GANG ZHE NA, SDE PA DANG PO DANG, GSUM PA DANG, BZHI PA RNAmS KYI MAS KYI YI GE GNYIS GNYIS TE, GA NGA, DA NA, BA MA RNAMS DANG, SDE PA DRUG PA'I GSUM PA 'A DANG, BDUN PA'I SHA MA GTOGS LHAG MA RA LA SA GSUM MO, ,DE'ANG YI GE THAMS CAD KYI RJES SU 'DI DAG 'JUG PA'I PHYIR RJES 'JUG CES BYA ZHING, YI GE'I GRANGS BCU NYID DU NGES PA YIN NO, ,GNYIS PA SNGON 'JUG BSHAD PA NI, RJES 'JUG YI GE BCU NYID LAS, ,DANG PO GSUM PA LNGA PA DRUG ,BDUN PA RNAMS NI SNGON DU'ANG 'JUG ,CES PA STE, GONG DU SNGON 'JUG LNGA ZHES BSHAD PA DE GANG ZHE NA, RJES @004B 'JUG GI YI GE BCU BO DE DAG NYID LAS DANG PO GA ,GSUM PA DA ,LNGA PA BA, DRUG PA MA, BDUN PA 'A RNAMS YIN CING, DE DAG RJES SU 'JUG PAR MA ZAD SNGON DU 'JUG PA'ANG YOD PAS SNGON 'JUG CES KYANG BYA STE, YI GE'I GRANGS LNGA NYID NGES PA YIN NO, ,GSUM PA MI 'JUG PA BSHAD PA NI, MING GZHI GNYIS SAM GSUM SBREL LAM, ,DE LA DBYANGS KYI BZHI LDAN YANG, ,GANG DU 'JUG MIN SBYAR BA'ANG MIN, ,ZHES PA STE, SNGON 'JUG DANG RJES 'JUG BSAL BA'I LHAG MA MING GZHI KHO NA YIN PA, KA KHA, CA CHA JA NYA, TA THA, PA PHA, TZA TSA DZA WA, ZHA ZA YA, SHA, HA AA STE YI GE NYI SHU THAM PA NI, TSEG BAR GCIG TU GNYIS SAM GSUM SBREL BA'AM, ,DE LA DBYANGS AI SOGS GANG RUNG RE SBYAR BA'I BZHI LDAN DU BYAS PA, TZAKA, TSA PHA KHA, WA ZI YA LTA BU GANGS LJONGS SU GRAGS PA'I THA SNYAD GANG LA'ANG 'JUG PA MIN PAS 'DI BZHIN SBYAR BAR RIGS PA'ANG MA YIN NO, ,DE YANG SKABS 'DI'I MING GZHI NI SNGON RJES GNYIS KYI 'JUG YUL DU GYUR PA'I GSAL BYED KYI YI GE YIN LA, DES NA SNGON RJES MING GSUM CI RIGS PAR 'GYUR BA SNGON 'JUG LNGA, RJES MING GNYIS CI RIGS PAR 'GYUR BA RJES 'JUG LHAG MA LNGA, MING GZHI KHO NA YIN PA MI 'JUG PA NYI SHU THAM PA STE GSUM DU DBYER YOD PA LAS 'DIR NI PHYI MA 'CHAD PA'I SKABS SO, ,GNYIS PA SBYOR TSUL TSIG PHRAD KYI 'JUG PA BSHAD PA LA GNYIS, RJES 'JUG LA LTOS PA'I PHRAD RNAM DBYE DANG BCAS PA BSHAD PA DANG, RJES 'JUG LA MA LTOS PA'I PHRAD RANG DBANG CAN BSHAD PA'O, ,DANG PO LA BRGYAD, SLAR BSDU BSHAD PA, LA DON BSHAD PA, AI LDAN GYI RNAM DBYE BSHAD PA, RGYAN SDUD @005A *, ,BSHAD PA, LHAG BCAS BSHAD PA, 'BYED SDUD BSHAD PA, 'BYUNG KHUNGS BSHAD PA, BOD PA'I SGRA BSHAD PA'O, ,DANG PO NI, RJES 'JUG YI GE BCU PO NI, ,MING GANG GI NI MTHAR SBYAR BA, ,DE LA A'A LI BZHI PA SBYAR, ,SLAR BSDU BAR NI SHES PAR BYA, ,ZHES PA STE, SNGAR BSHAD PA'I RJES 'JUG GI YI GE BCU PO DE RNAMS NYID MING TSIG GANG GI MTHAR SBYAR BA YOD KYANG RUNG, DE DAG LA A'A LI BZHI PA AO YIG STE SNA RU SBYAR BA NI, SKABS BAB KYI BRJOD BYA'I DON DE NYID DE TZAM GYIS BSDU BAR SONG BAS SLAR BSDU'I SGRA ZHES SAM, RDZOGS TSIG CES KYANG BYA'O, ,DE YANG GZHUNG GI DNGOS BSTAN RTAG GO ,BZANG NGO, ,YOD DO, ,YIN NO, ,SGRUB GO ,BSAM MO, ,BYA'O, ,'GYUR RO, ,SAL LO, ,BYAS SO, ,ZHES PA LTA BU BCU DANG, DA DRAG GIS THOB PA'I SHUGS BSTAN, GYURAD TO, ,LTA BU GCIG STE BCU GCIG YOD DO, ,GNYIS PA LA DON BSHAD PA NI, RJES 'JUG YI GE BCU RNAMS LAS, ,GANG MING MTHA' NA BCU PA GNAS, ,DE LA A'A LI GNYIS PA SBYAR, ,GANG MING MTHA' NA BRGYAD PA GNAS, ,DE LA GNYIS PA AU YANG SBYAR, ,GANG MING MTHA' NA GSUM PA GNAS, ,DE LA A'A LI GNYIS PA SBYAR, ,BZHI PA DGU PA DNGOS KYANG STE, ,LAS DANG CHED DANG RTEN GNAS DANG, ,DE NYID TSE SKABS LA SGRA YIN, ,ZHES PA STE, RJES 'JUG YI GE BCU PO DE RNAMS NYID LAS, GANG YANG RUNG BA'I MING GI MTHA' NA LA DON GYI RNAM DBYE SBYAR BA'I CHED DU BCU PA SA YIG GNAS PA DE LA A'A LI GNYIS PA AU YIG SBYAR BAS, SU, ZHES GRUB PA DANG, DE BZHIN DU TSEG BAR GCIG NYID DU MED MTHAR BRGYAD PAR YIG SBYAR TE GNAS PA LHA @005B BAR LTA BU DANG, YANG RA YIG DE NYID TSEG BAR PHYES BA LA AU YIG KYANG SBYAR BA'I RU ZHES PA DANG, RJES 'JUG GSUM PA DA YIG GNAS BAR AU YIG SBYAR BA'I DU DANG, RJES 'JUG BZHI PA NA DANG, DGU PA LA GNYIS NI DBYANGS KYIS MA BRGYAD PA'I DNGOS PO NYID DU GNAS PA'ANG STE DNGOS BSTAN DRUG DANG, SHUGS BSTAN TA YIG AU ZHUGS KYI TU BCAS BDUN PO 'DI RNAMS NI, SHAR PHYOGS SU 'GRO LTA BU BYED PA POS BYA BA GANG LA BYED PA'I DON CAN DU SBYAR NA RNAM DBYE GNYIS PA LASU BYA BA'I SGRA DANG, RTAR RTZA BYIN LTA BU BYA BA GANG ZHIG GIS, BYA BA'I YUL DE'AM, DE DANG 'BREL BA'I LAS LA PHAN 'DOGS PAR 'GYUR BA'I DON CAN DU SBYAR NA RNAM DBYE BZHI PA DGOS CHED KYI SGRA DANG, DPRAL BA RU SME BA YOD LTA BU GANG ZHIG GANG LA BRTEN PA'I DON CAN DU SBYAR NA RNAM DBYE BDUN PA RTEN GNAS KYI SGRA DANG, 'OD DU 'TSER LTA BU YUL GANG ZHIG LA BYA BA GANG ZHIG BYED PA'I TSE LAS DANG BYA BA NGO BO GCIG PA'I DON CAN DU SBYAR NA RNAM DBYE GNYIS PA'I BYE BRAG DE NYID KYI SGRA DANG, NYI MA SHAR BA NA CHOS STON LTA BU DUS BRJOD PA'I DON CAN DU SBYAR NA RNAM DBYE BDUN PA'I BYE BRAG TSE SKABS KYI SGRAR SHES DGOS SHING, DE DAG THAMS CAD RNAM DBYER SBYOR BA NA LA SGRA'I 'JUG PA DANG PHAL CHER MTHUN PA DANG MTHA' GSAL BYED YIN PAS LA SGRA ZHES KYANG BRJOD PAR BYA STE, 'ON KYANG NA LA GNYIS DE NYID KYI DON CAN LA NI 'JUG PAR MI 'GYUR TE, SMRA SGO LAS NA'I 'JUG PA BCU BZHI TZAM BSHAD PA'I SKABS SU DE NYID LA 'JUG PA MI 'BYUNG BA DANG, DU LA SOGS PA LA DANG MTHUN, ,DE NYID DAG NI LHAG PA YIN, ZHES GSUNGS @006A *, ,PA'I PHYIR RO, ,GSUM PA AI LDAN GYI RNAM DBYE BSHAD PA LA GNYIS, MNGOR BSTAN PA DANG, RGYAS PAR BSHAD PA'O, ,DANG PO NI, RJES 'JUG YI GE BCU PO LA, ,AI DANG MTHUN LUGS 'DI ZHES BYA, ,ZHES PA STE, RJES 'JUG YI GE BCU PO DE DAG GANG RUNG RJES SU ZHUGS PA'I MING RNAMS LA, AI YIG DANG SBYAR BA'I RNAM DBYE'I PHRANG RNAMS JI LTAR MTHUN PAR SBYOR BA'I LUGS NI 'DI DANG 'DI'O ZHES BSTAN PAR BYA'O, ,ZHES SO, ,GNYIS PA RGYAS PAR BSHAD PA LA GNYIS, 'BREL SGRA BSHAD PA DANG, BYED PA PO'I SGRA BSHAD PA'O, ,DANG PO NI, DANG PO GNYIS LA DANG PO MTHUN, ,GSUM LNGA BCU LA KYA DANG SBYAR, ,BDUN PA NYID LA BDUN PA STE, ,LHAG MA RNAMS LA GYA SBYAR BA, ,DE DAG AI SBYAR 'BREL BA'I SA, ,ZHES PA STE, RJES 'JUG BCU'I DANG PO GA DANG NGA GNYIS GANG RUNG RJES SU ZHUGS PA'I MING RNAMS LA NI, RJES 'JUG DANG PO GA NYID MTHUN ZHING, DE BZHIN DU RJES 'JUG GSUM PA DDANG, LNGA PA BA DANG, BCU PA SA RNAMS RJES SU ZHUGS PA LA KYA DANG SBYAR BA DANG, BDUN PA 'A YIG GI MTHA' CAN RNAMS LA DNGOS SU 'A YIG YOD DAM MED KYANG RUNG BDUN PA 'A NYID SBYAR BA DANG, SHUGS BSTAN 'A MTHA' CAN LA RKANG PA KHA SKONG DGOS PA'I TSE YA YIG SBYAR BA DANG, DE DAG LAS GZHAN LHAG MA NA MA RA LA BZHI PO'I MTHA' CAN RNAMS LA GYA NYID SBYAR BA MTHUN PA BCAS, DE DAG THAMS CAD LA RIM PA BZHIN AI YIG STE GI GU SBYAR BAS, GI, KYI, 'I, YI; GYI RNAMS SU GRUB PA DE RNAMS GANG ZHIG GANG DANG SGRA MTHUN PA'I MING MTHA' SO SO DANG SBYAR BAS, BDAG GI, GANG GI, KHYOD KYI, RGYAB KYI @006B G-YAS KYI, DE'I; DE YI; MDUN GYI, LAM GYI, GSER GYI, DNGUL GYI SOGS SU 'GYUR TE, DE DAG NI RTEN DANG BRTEN PA'AM, YAN LAG DANG YAN LAG CAN SOGS MING DON PHAN TSUN 'BREL BA BRJOD PA'I DON CAN GYI SGRA YIN PAS RNAM DBYE DRUG PA 'BREL BA'I SA ZHES BYA'O, ,GI SOGS DE DAG MI MTHUN PA'I TSIG RGYAN LA 'JUG PA LTA BU GZHUNG 'DIR DNGOS SUM BSTAN PA'I DON GZHAN DANG GZHAN LA 'JUG PA SNGA PHYIR MANG DU SNANG YANG 'DIR GZHUNG GI DNGOS BSTAN TZAM LAS MI 'CHAD PAS SMA SGO SOGS GZHUNG GZHAN DU RTOGS PAR BYA'O, ,GNYIS PA BYED PA PO'I SGRA BSHAD PA NI, DE NYID LA NI BCU PA SBYAR, ,BYED PA PO RU SHES PAR BYA, ,ZHES PA STE, SNGAR BSHAD PA'I RNAM DBYE DRUG PA'I SGRA GI, KYI, 'I, YI, GYI STE LNGA PO DE DAG NYID LA RJES 'JUG BCU PA SA YIG SBYAR BAS GIS, KYIS, 'IS, YIS; GYIS RNAMS SU GRUB PA NI BYA BA LA SBYOR BAR STON PAS NA RNAM DBYE GSUM PA BYED PA PO'I SA RU SHES PAR BYA STE, DPER NA BDAG GIS BSTAN, KHYOD KYIS NYAN, DE'I SA BYIN ,'DI YIS BLANGS, GSER GYIS NYOS LTA BU'O, ,BZHI PA RGYAN SDUD BSHAD PA NI, A'A LI PHYIS NAS GNYIS PA SBYAR, ,TSIG RGYAN GNYIS DANG SDUD PAR 'GYUR, ,ZHES PA STE, GONG DU BSHAD PA'I 'BREL SGRA DE DAG LAS, KYI; 'I; YI; GSUM GYI A'A LI STE GI GU PHYIS NAS SO SOR RJES 'JUG GNYIS PA NGA YIG SBYAR BAS, KYANG, 'ANG, YANG, ZHES GRUB PA DE RNAMS NI, GSAL YANG GSAL, MDZES KYANG MDZES LTA BU TSIG SNGA PHYI MTHUN PAR STON PA'I RGYAN DANG, BTUD KYANG KHRO, MDZA'ANG SLU LTA BU TSIG SNGA PHYI MI MTHUN PAR STON PA'I RGYAN TE TSIG RGYAN GNYIS DANG, MIR MA ZAD LHAS KYANG BTUD @007A *, ,DO LTA BU GZHI'AM DON GZHAN ZHIG LA SDUD CING SBYOR BA'I SGRAR 'GYUR RO, ZHES SO, ,LNGA PA LHAG BCAS BSHAD PA NI, LA DON SU LA AU PHYIS NAS, ,DE LA GSUM PA'I DANG PO SBYAR, ,DE LA A'A LI GSUM PA SBYAR, ,DE NI LHAG MA DANG BCAS PA'O, ,ZHES PA STE, SNGAR BSHAD PA'I LA DON GYI NANG TSAN SU ZHES PA DE'I AU YIG STE ZHABS KYU PHYIS NAS SA ZHES GNAS PA DE LA K'A LI'I SDE PA GSUM PA'I DANG PO TA YIG SBYAR ZHING, DE LA SLAR YANG STENG DU A'A LI GSUM PA STE 'GRENG BU SBYAR BAS, STE ZHES GRUB PA DANG 'OG NAS 'BYUNG BA'I DE DANG, SHUGS BSTAN GYI TE RKYANG BCAS GSUM PO DE RNAMS NI, MING TSIG GANG GI MTHAR SBYAR YANG BSTAN BYA'I LHAG MA 'DREN PA'I DON DU 'GYUR BAS LHAG MA DANG BCAS PA'I SGRA ZHES BYA STE, DE YANG, MDA' 'PHANGS TE PHOG ,PHYAG 'TSAL TE BSHAD, 'PHAR TE 'GRO LTA BU NAS DANG CING SOGS KYI PHRAD DANG 'JUG PA MTHUN PA NI MTSAMS SBYOR DANG, DNGOS PO NI GSUM STE, BAM PO DANG, SHES PA DANG, LDAN MIN 'DU BYED DO LTA BU TSIG SNGA MA'I GSAL BYED DU PHYI MA 'DREN PA NI DAM BCA' DANG, KHYOD NI DPAL TE KHYOD NI MGON, LTA BU LA DANG 'JUG PA MTHUN CING LHAG MA YOD PA TZAM STON PA NI GZHAN 'DREN TE RAGS PA TZAM DBYE NA GSUM DU 'GYUR RO, ,DRUG PA 'BYED SDUD BSHAD PA NI, RJES 'JUG YI GE BCU PO LA, ,DRUG PA SBYAR NA 'BYED SDUD YIN, ,ZHES PA STE ,RJES 'JUG GI YI GE BCU PO DE RNAMS LA DE NYID KYI DRUG PA MA YIG SBYAR BAS, GAM, NGAM, DAM, NAM, BAM, MAM, 'AM, RAM, LAM, SAM RNAMS SU GRUB PA DE DAG DANG, SHUGS BSTAN @007B TAM BCAS BCU GCIG PO RNAMS NI, PHUNG PO NI LNGA STE GZUGS SAM, TSOR BA'AM, 'DU SHES SAM, 'DU BYED DAM, RNAM PAR SHES PA'O LTA BU DBYE GZHI GCIG LAS BYE BRAG SO SOR 'BYED PA DANG, GZUGS SAM, TSOR BA'AM, 'DU SHES SAM, 'DU BYED DAM, RNAM PAR SHES PA NI PHUNG PO'O LTA BU TSIG DON MANG PO PHYOGS GCIG TU SDUD PA'I SGRAR 'JUG PA YIN NO, ,ZHES SO, ,DE YANG YOD DAM MED LTA BU DRI TSIG RNAMS KYANG YOD MED KYI KHYAD PAR 'BYED PA'I TSIG YIN PAS 'BYED PA'I SGRA NYID DU NGES SO, ,BDUN PA 'BYUNG KHUNGS BSHAD PA LA GNYIS, 'BYUNG KHUNGS DNGOS BSHAD PA DANG, DE DGAR SDUD LA 'JUG PA'I TSUL LO, ,DANG PO NI, RJES 'JUG YI GE BCU PO YI, ,BZHI PA DGU PA LA BCU PA, ,SBYAR BA 'BYUNG KHUNGS SA YIN TE, ,ZHES PA STE, RJES 'JUG YI GE BCU PO YI BZHI PA NA DANG, DGU PA LA GNYIS SO SOR BCU PA SA YIG SBYAR BAS, NAS, LAS ZHES GRUB PA NI, SA NAS RTZVA SKYES ,BA LAS 'O MA 'JO, LTA BU CHOS GANG LAS GANG ZHIG BRAL BA'AM 'BYUNG BA STON PA'I DON DU MTSUNGS PAR 'JUG PAS RNAM DBYE LNGA PA 'BYUNG KHUNGS KYI SA YIN CING, TE NI LHAG BCAS SO, ,YANG DU BA LAS MER SHES LTA BU LAS KYI SGRA KHO NA RGYU MTSAN LA 'JUG PA YOD KYANG RNAM DBYE LNGA PA LAS MA 'DAS TE, MER SHES PA'I RGYU MTSAN DE DU BA MTHONG BA LAS BYUNG BAS SO, ,GNYIS PA DE DGAR SDUD LA 'JUG PA'I TSUL NI, DGAR DANG SDUD PA'ANG DE BZHIN YIN, ZHES PA STE, BSHAD MA THAG PA'I NAS DANG LAS KYI SGRA DE DAG 'BYUNG KHUNGS KHO NAR MA ZAD, DGAR GZHI LAS LOGS SU DGAR BA'I DON LA'ANG 'JUG CING, DE LAS NAS KYI SGRA GCIG PU NI MTSAMS 'DZIN @008A *, ,CING SDUD PA'I DON DU'ANG DE BZHIN DU 'JUG PA YIN TE, LHA RNAMS KYI NANG NAS BRGYA BYIN MDZES LTA BU DGAR GZHI DANG DGAR CHOS RIS MTHUN PA LA NAS DANG, LHA LAS MI DMAN LTA BU DGAR GZHI DANG DGAR CHOS RIS MI MTHUN PA LA LAS DANG, GZUGS NAS RNAMS MKHYEN GYI BAR LTA BU SDUD PA LA NAS 'JUG CING DGAR SDUD GNYIS KA YANG RNAM DBYE LNGA PA'I KHONG DU GTOGS TE, DGAR BA NI DGAR GZHI LAS DGAR CHOS BYE BA LTAR SNANG BA DANG, SDUD PA NI THOG MA GANG NAS BRTZAMS PA DE LAS BSDU BYA RNAMS BYUNG BA LTAR SNANG BAS SO, ,BRGYAD PA BOD PA'I SGRA BSHAD PA NI, GANG MING BRJOD PA'I DANG PO RU, ,KYE SBYAR NA NI BOD PA YIN, ,ZHES PA STE, GANG YANG RUNG BA'I MING BRJOD PA'I THOG MAR KYE ZHES SBYAR PA NI, KYE RGYAL PO CHEN PO LTA BU YUL KHYAD PAR CAN LA BOD PA GSAL BAR BYED PA'I SGRA YIN LA, SHUGS BSTAN KVA YE DANG KVA DANG WA YE LTA BU NI YUL DMAN PA LA BOD PA GSAL BYED KYI SGRA YIN NO, ,GNYIS PA RJES 'JUG LA MA STOS PA'I PHRAD RANG DBANG CAN BSHAD PA LA DRUG ,NI SGRA BSHAD PA, DANG SGRA BSHAD PA, DE SGRA BSHAD PA, GANG SGRA BSHAD PA, BDAG SGRA BSHAD PA, DGAG SGRA BSHAD PA'O, ,DANG PO NI, GANG MIN MTHU' DANG MTHUN PA YI, ,BZHI PA LA NI AI SBYAR BA, ,DGAR DANG BRNAN PA'I TSIG TU 'GYUR, ,ZHES PA STE, GANG YANG RUNG BA'I MING TSIG GI MTHA' DANG MTHUN PAR SBYAR RUNG BA'I PHRAD RJES 'JUG BZHI PA NA YIG LA DBYANGS AI SBYAR BAS, NI ZHES GRUB PA DE NI SBYOR DNGOS MJUG GSUM GYI, DANG PO NI, LTA BU DGAR GZHI LAS @008B THA DAD DU DMIGS BSAL NAS DGAR BA'I DON DANG, NGAL BA'I RTEN BZANG PO NI THOB, DGE BA'I BSHES GNYEN DANG NI MJAL, ,BLO GROS KYI MIG DANG NI LDAN LTA BU DON GANG YIN PA DE LA NGES GZUNG DAM NAN TAN DU BRNAN PA'I DON LA'ANG 'JUG PA'I TSIG TU 'GYUR LA, SDOM PA THAMS CAD LDAN PAR NI, ,LTA BU TSIG GI KHA SKONG DU 'JUG PA RNAMS KYANG BRNAN PA'I SGRA NYID YIN NO, ,GNYIS PA DANG SGRA BSHAD PA NI, MING GANG RUNG BA'I BAR BTSAMS SU, ,GSUM PA LA NI GNYIS PA SBYAR, ,DE NI SDUD DANG 'BYED PA DANG, ,RGYU MTSAN TSE SKABS GDAMS NGAG LNGA'O, ,ZHES PA STE, MING TSIG GANG YANG RUNG BA'I BAR MTSAMS RNAMS SU RJES 'JUG GSUM PA DA YIG LA GNYIS PA NGA YIG SBYAR BAS, DANG ZHES GRUB PA DE NI, MIG DANG, RNA BA DANG, SNA DANG LCE DANG, LUS RNAMS NI DBANG PO'O LTA BU TSIG SNGA PHYI PHYOGS GCIG TU SDUD PA DANG, DBANG PO RNAMS NI, MIG DANG, RNA BA DANG, SNA DANG, LCE DANG, LUS SO LTA BU SO SOR 'BYED PA DANG, DU BA MTHONG BA DANG MER SHES SO LTA BU RGYU MTSAN NYID KYI DON DANG, NYI MA PHYED PA DANG CHOS STON DRANGS LTA BU DUS BRJOD PA TSE SKABS KYI DON DANG, YID LA GZUNGS DANG, LTA BU GZHAN LA GDAMS NGAG BRJOD PA'I DON TE, DON LNGA LA 'JUG GO ,ZHES SO, ,GSUM PA DE SGRA BSHAD PA NI, GANG MING GI NI YA MTHA' RU, , GSUM PA LA NI AE SBYAR BA, ,THA SNYAD DBANG DU GSUM YIN TE, ,DNGOS PO'I DBANG DU BZHI RU 'GYUR, ,DUS KYI DBANG DU GNYIS YIN NO, ,ZHES PA STE, GANG YANG RUNG BA'I MING GI YA MTHA' STE THOG MAR RJES 'JUG GSUM PA DA YIG LA DBYANGS AE STE 'GRENG @009A *, ,BU SBYAR BAS, DE ZHES GRUB PA NI, SNGAR MED LA GSAR DU NAN GYIS BTAGS PA'I THA SNYAD TZAM GYI DBANG DU BYAS NAS DBYE NA, DBYE GZHIG KA BA RING PO'O, ,DE PHRA'O, ,DE LA ZUR YOD DO, ,LTA BU BRJOD BYA SPYI'I DON LA MA DPYAD PAR, BRJOD TSUL DE NYID LA THAD KAR BRTAGS PA'I DUS 'DAS PA DANG, DE LAS BYE BA'I YA GYAL, DE LA YI GE BRIS SHIG ,LTA BU 'DRI GZHI DNGOS SU MI GSAL YANG DE SGRA'I SHUL DU SHOG BU LTA BU DON GYI RNAM GRANGS GZHAN ZHIG SBYOR RGYU YOD PAR STON PA'I DON CAN DANG SHING BCAD DE ME LA 'BUD, LTA BU RANG NYID KYI SHUL DU DON GZHAN MI MTSON KYANG BRJOD BYA LHAG MA 'DREN PA TZAM STE GSUM LA 'JUG CING, DBYE TSUL DES DE SGRA'I 'JUG PA THAMS CAD LA KHYAB PA...YIN NO, ,YANG CHOS SPYI'I DNGOS PO'I DON GTZO CHE BA'I DBANG DU BYAS NAS DBYE NA, DE RANG YIN NO, ,LTA BU BDEN PA'I DNGOS PO DANG, DE MA STON CIG ,LTA BU GSANG BA'I DNGOS PO DANG, KHO BO'I GLEGS BAm DE KLOGS SHIG ,LTA BU BDAG GI BA'I DNGOS PO DANG, RDO BA DE 'DEGS NUS SAM, LTA BU BDAG GI BA LAS GZHAN PA PHAR ROL PO'I DNGOS PO STE BZHI LA DUS GSUM GAR 'JUG PAR 'GYUR ZHING, DBYE TSUL DES LHAG BCAS LAS GZHAN PA'I DE SGRA'I 'JUG PA THAMS CAD LA KHYAB BO, ,YANG DUS NYID KYI DBANG DU BYAS NAS DBYE NA, NA NING GI LO DE LA, LTA BU 'DAS PA DANG, SANG NYI MA SHAR BA'I DUS DER 'GRO'O, ,LTA BU MA 'ONGS PA GNYIS LA 'JUG PA YIN CING, DBYE TSUL DES DUS KHO NA BRJOD PA DANG 'BREL BA'I DE SGRA'I 'JUG PA TZAM LA KHYAB PA YIN NO, ,BZHI PA GANG SGRA BSHAD PA NI, GANG MING MRJOD PA'I DANG PO @009B RU, DANG PO LA NI GNYIS PA SBYAR, ,SPYI LA KHYAB PA NYID DU 'GYUR, ZHES PA STE, GANG YANG RUNG BA'I MING BRJOD PA'I DANG POR RJES 'JUG DANG POR RJES 'JUG DANG PO GA LA GNYIS PA NGA SBYAR BAS, GANG ZHES GRUB PA DE NI, GANG ZHIG DANG, GANG DAG DANG, GANG BYED, LTA BU GTZO BOR DON GYI BYE BRAG DMIGS SU MI 'DZIN PAR SPYI LA KHYAB PA'I DON CAN GYI SGRA NYID DU 'GYUR TE, CI DANG JI DANG SU'I SGRA RNAMS DANG YANG 'JUG PA PHAL CHER MTHUN NO, ,LNGA PA BDAG SGRA BSHAD PA NI, GANG MING GI NI MA MTHA' NA, ,PU LING+GA YI SGRA MED PA, ,DE LA PU LING+GA SBYAR NA, ,BDAG PA'I SAR NI SHES PAR BYA, ,ZHES PA STE, GANG YANG RUNG BA'I MING GI MA MTHA' RNAMS SU, ,TZANTRA PA LAS, AUTRA GYI SDE DANG BCAS PA'O, ,ZHES PA LTAR, PU ZHES PA PA SDE DANG, LING+GA ZHES PA RTAGS TE, PA SDE NAS 'BYUNG BA'I PHO RTAGS PA DANG MO RTAGS MA DANG, MA NING GI RTAGS PA GSUM GYI SGRA SNGAR MED PA DE LA GSAR DU PU LING+GA SGRA GSUM PO GANG RUNG SBYAR BA NA, DE NI BDAG PO'I DON GSAL BAR BYED PA'I SAR NI SHES PAR BYA STE, DPER NA, JA PA, CHANG MA, KHA LO SGYUR BA LTA BU DANG, GZHAN YANG, GYOS PO, SGYUG MA, ZLA PO ZHES PA RNAMS KYANG RTAGS GSUM STON PA'I BDAG SGRA YIN LA, BLO CAN DANG, SHES LDAN LTA BU NI GANG ZHIG GANG LA YOD PAR STON PA'I CHA NAS BDAG SGRA DANG 'DRA BAR SNANG YANG, SGRA DE GNYIS BEM PO LA'ANG 'JUG PAS BDAG SGRA DNGOS NI MA YIN NO, ,'ON PA DANG MA GNYIS PHA MO'I RTAGS YIN PAR GRUB KYANG, BA YIG MA NING GI RTAGS YIN PA GANG GI SGRUB CE NA, SMRA SGO LAS, BA NI SPYI RU BZHAG PA STE, ,YUL DUS NGES PAR MA BZUNG PA'O, , @010A *, ,ZA BA BZA' MA ZA PO BZHIN, ,MA NING DAG TU BZHAG PAR BYA ,ZHES PAS SO, ,DRUG PA DGAG SGRA BSHAD PA NI, GANG MING BRJOD PA'I YA MTHA' NA, ,STI LING+GA YI SGRA MED PA, ,DE LA STI LING+GA SBYAR NA, ,DGAG PA'I GNAS SU SHES PAR BYA, ZHES PA STE, GANG YANG RUNG BA'I MING BRJOD PA'I YA MTHA' STE THOG MAR STI LING+GA STE, MO RTAGS KYI SGRA SNGAR BSHAD ZIN PA MA YIG DANG ZHAR GYIS THOB PA MI YIG GNYIS SNGAR MED PA DE LA GSAR DU STI LING+GA SBYAR NI SBYOR YUL GYI DON DE MA YIN PA'AM MED PAR STON PA'I DGAG PA'I GNAS SU SHES PAR BYA STE ,DPER NA, MA MTHONG ,MI RIGS ,ZHES PA LTA BU'O, ,GNYIS PA GDAMS NGAG BRJOD PAS MJUG BSDU BA LA BZHI, TSIGS BCAD 'GROL TSUL LA 'DOMS PA, NYAN PA PO SPRO BSRING BA'I SGO NAS 'DOMS PA, BSLAB TSUL...GO RIM LA 'DOMS PA, GDAMS NGAG SNOD RUNG LA BSTAN DGOS PAR 'DOMS PA'O, ,DANG PO NI, TSIGS SU BCAD PA'I MTSAMS SBYOR RNAMS, ,CUNG ZAD BSDUS PA YOD NA YANG, ,DE NI DE BZHIN SBYAR BAR BYA, ,ZHES PA STE, RGYAL BA'I BKA' BSTAN YAN LAG DANG BCAS PA RNAMS LA, TSIG SU BCAD PA YANG DAG PAR SBYAR BA'I TSE TSIG SDUD MANG BA YIN PAS RNAM DBYE DANG TSIG PHRAD LA SOGS PA'I MTSAMS SBYOR MANG DU BSDUS PA YOD NA LTA CI SMOS, ,CUNG ZAD BSDUS PAR GYUR PA YOD NA YANG, DE NI 'DIR SNGON DU BSTAN PA'I SLAR BSDU LA SOGS PA JI SKAD BSHAD PA DE BZHIN DU BSNAN CING SBYAR TE BSHAD PA'I DON KHONG DU CHUD PAR BYA STE, DPER NA, ZAG BCAS ZAG PA MED CHOS RNAMS, ZHES PA LTA BUR, ZAG PA DANG BCAS PA'I CHOS RNAMS DANG, ZAG PA MED PA'I @010B CHOS RNAMS, ZHES SDUD PA'I SGRA DANG 'BREL SGRA SOGS BSNAN NAS DON RANG GIS BSAM PA DANG GZHAN LA 'CHAD DGOS PA BZHIN NO, ,GNYIS PA NYAN PA PO SPRO BSRING BA'I SGO NAS 'DOMS PA LA GSUM, RJES 'JUG MED MI RUNG DU BSTAN PA, RJES 'JUG SHES PA'I DGOS PA BSTAN PA, DE DON LA DBAB PA'I TSUL BSTAN PA'O, ,DANG PO NI, SNGON 'JUG YOD DAM MED KYANG RUNG, ,MING GZHI'I YI GE GANG YIN LA, ,NYIS 'BREL YOD DAM GSUM 'BREL YOD, ,A'A LI BZHI LAS GANG LDAN YANG, ,RJES 'JUG BCU PO MA ZHUGS NA, ,MING GZHAN SBYOR BA YOD MI SRID, CES PA STE, MING TSIG GI SBYOR BA RNAMS LA GONG DU BSHAD PA'I SNGON 'JUG GI YI GE RNAMS SNGON DU ZHUGS YOD DAM MED KYANG RUNG STE, DPER NA, BKA DANG KA LTA BU DANG, 'PHUL RTEN GYI 'JUG YUL MING GZHI'I YI GE GANG YIN PA RNAMS LA SKA LTA BU NYIS 'BREL YOD DAM, SKYA LTA BU GSUM 'BREL YOD PA DANG, DE DAG LA A'A LI BZHI LAS GANG YANG RUNG BA DANG LDAN PA, BKI; KU; SKE; SKYO; LTA BU RNAMS LA'ANG RJES 'JUG BCU PO GANG YANG RUNG BA ZHIG MA ZHUGS NA, YI GE'I GZUGS DE NYID LAS MING DON GZHAN LA 'JUG CING SBYOR PA NI TSUL 'DI LA NAM YANG SRID PA MA YIN TE, DA LTA SKYO LTA BUS DON LA 'JUG PAR SNANG YANG SKYO' ZHES PA'I 'A MTHA' SKAD GSAR BCAD KYI TSE YI GE ZOR YANG PA'I CHED DU PHYIS PA YIN GYI DON LA THOB THANG MED PA NI MA YIN NO, ,GNYIS PA RJES 'JUG SHES PA'I DGOS PA BSTAN PA NI, RJES 'JUG BCU YI DON SHES NA, ,'DRI DANG KLOG DANG BSHAD RNAMS KYI, ,MTSAMS SBYOR SGRA LA THOGS MED CING, ,'BREL BA SMRA BA'I MCHOG TU 'GYUR, ,GZHAN YANG RJES @011A *, ,'JUG SHES BA YIS, ,DON GYI SBYOR BA MA MTHONG YANG, ,DON DANG MTHUN PA'I SBYOR BA SHES, ,ZHES PA STE, DE LTAR RJES 'JUG BCU'I BYA BA DANG GTZO BOR 'BREL BA'I PHRAD DANG RNAM DBYE LA SOGS PA'I SGRA DON GYI 'JUG TSUL LEGS PAR SHES NA, MDO RGYUD BSTAN BCOS RNAMS YI GER 'BRI BA DANG, BRIS ZIN PA RNAMS BRJOD PA DAG PAR KLOG PA DANG, TSIG DON RGYA CHER BKROL NAS BSHAD PA BYED PA DANG, DER MA ZAD BSTAN BCOS SOGS RTZOM PA DANG, GZHAN GYIS RGOL BA TSAR GCOD PA'I PHYIR RTZOD PA BYED PA LA SOGS PA'I TSE, TSIG DON SNGA PHYI MTSAMS SBYOR BA'I SGRA DON RNAMS LA BLO GROS KYI SNANG BA 'JUG PAR THOGS PA MED CING, TSIG DON SNGA PHYI GO LOG PA DANG, MI 'BREL BA DANG, 'GAL BA LA SOGS PA'I SKYON MED PAR 'THAD PA DANG LDAN CING 'BREL CHAGS PA KHO NA SMRA BA'I MCHOG TU 'GYUR BA DANG, GZHAN YANG RJES 'JUG GI DON TSUL BZHIN SHES PA NGES BSTAN BCOS LA SOGS PA'I DON RNAM PAR 'BYED PA'I SBYOR BA STE, DE'I 'GREL BSHAD SOGS SNGON CHAD MA MTHONG YANG, 'GREL BSHAD SOGS KYI DON DANG MTHUN PA'I TSIG GI SBYOR BA RJES SU DPAGS TE SHES PAR 'GYUR RO, ,ZHES SO, ,GSUM PA DE DON LA DBAB PA'I TSUL BSTAN PA NI, ,RJES 'JUG SBYOR BA MKHAS PA NA, ,LUNG GI DON DANG SBYOR BA DANG, ,BLA MA'I MAN NGAG GSUM SBYAR NAS; ;DON GYI THOG TU DBAB PAR BYA, ZHES PA STE, RJES 'JUG GI SBYOR BA RNAMS LA MKHAS PAR GYUR CING, MTHUN MONG DANG MTHUN MONG MIN PA'I RIG GNAS LA SLOB PAR 'DOD PA DE'I TSE NA, RIG GNAS MTHUN MONG BA DRANG SRONG DANG PAndI TAS BYAS PA'I SGRA TSAD @011B BZO GSO RTZIS SNYAN MNGON SDEB ZLOS GAR GYI BSTAN BCOS DANG, MTHUN MONG MIN PA BCOM LDAN 'DAS KYI GSUNG RAB DGONGS 'GREL DANG BCAS PA'I LUNG GI DON DANG, RJES 'JUG GI SBYOR BA LA MKHAS PA'I RIGS PA DANG, BSLAB BYA'I DON LA MKHAS PA'I BLA MA'I MAN NGAG LEGS PAR MNYAN PA STE GSUM POR PHYOGS GCIG TU LEGS PAR SBYAR TE, SHES PAR 'DOD PA'I GZHUNG DON GANG YIN PA DE'I STENG DU DBAB PA STE BDE BLAG TU RTOGS PAR 'GYUR BA DE LTAR BYA'O, ,ZHES SO, ,DE'ANG GZHUNG DON RTOGS DKA' ZHING 'KHRUL GZHI YOD PA RNAMS LUNG DON DANG SBYOR DGOS PA DANG, LUNG DON ZAB CING RGYA CHE BA RNAMS MAN NGAG GIS 'GROL DGOS PA'I DON TE, TSIG SBYOR PHRA MO RE LA'ANG GSUM GA TSOGS DGOS PA NI MA YIN NO, ,GSUM PA BSLAB TSUL...GO RIM LA 'DOMS PA NI, BSLAB LA BRTZON PA'I GANG ZAG GIS, ,DANG POR NGA RO RNAMS LA SBYANG, ,SNGON 'JUG MING GZHI RJES 'JUG GSUM, ,KLOG GI CHED DU BSLAB PA YIN, ,RJES 'JUG BZHI YI SBYOR BA NI, ,MNYAN BSAM BSTAN PA'I DON DU SBYAR, ,YAN LAG DE DAG MTHU YIS NI, ,'BRAS BU'I CHED DU DON LA DBAB, ,BSLAB PA'I RIM PA 'DI YIS NI, ,GANG ZHIG 'BAD PA CHUNG DUS KYANG, ,SHES RAB MYUR DU GROL BAR 'GYUR, ,DE PHYIR DANG POR 'DI NYID BSLAB, ,DE NAS RGYAS PA'ANG MNYAN BYAS TE, ,BSLAB PA GANG LA DAD PA YI, ,GZHUNG NYID BLA MA DAG LAS MNYAN ZHES PA STE, RIG PA'I GNAS GANG ZHIG BSLAB PAR BYA BA LA BRTZON PAS 'JUG PAR BYED PA'I GANG ZAG LAS DANG PO PA DES NI, THOG MA NYID DU NGA RO ZHES BYA BA YI GE RKYANG PA RNAMS, YI GE'I MDO LAS 'BYUNG BA LTAR RANG RANG GI SKYE GNAS DANG, BYED PA DANG, PHYI NANG GI RTZOL @012A *, ,BA RNAMS DANG MTHUN PA DANG, DBYANGS LDAN RNAMS KYANG SO SO'I NGA RO 'BYUNG TSUL DANG BCAS RE RE NAS KLOG PA'I SGRA GDANGS LA SBYAR BAR BYA ZHING, DE NAS SNGON 'JUG LNGA DANG, 'PHUL RTEN GYI 'JUG YUL MING GZHI SUM CU DANG RJES 'JUG BCU STE, DE GSUM CI RIGS PA TSEG PAR GCIG TU SBYOR BA'I TSUL YANG, BYIS PA BDE 'JUG NAS 'BYUNG BA LTAR KLOG LEGS PAR SHES PA'I CHED DU BSLAB PAR BYA BA YIN PA DANG, KLOG LA BYANG NAS RJES 'JUG STE DER SNGON 'JUG KYANG 'DUS PAS, DE DAG RTAGS 'JUG NAS BSHAD PA LTAR, SGRA DON GANG LA 'JUG PA DANG, YI GE GANG GIS 'JUG PA DANG, TSUL JI LTAR 'JUG PA DANG, DGOS PA CI'I PHYIR 'JUG PA STE RNAM PA BZHI'I SBYOR BA RNAMS NI, BLA MA LAS LEGS PAR BSHAD PA MNYAN PA DANG, DE'I DON RANG NYID KYI TSUL BZHIN DU BSAM PA DANG, RANG GI KHONG DU CHUD NAS GZHAN LA BSTAN PA RNAMS KYI DON DU SBYAR TE MKHAS PAR BSLAB PAR BYA'O, ,KLOG DANG BRDA NGAG GI YAN LAG DE GNYIS KYI MTHUS NI, GANG BSLAB PAR BYA BA DE SHES PA'I 'BRAS BU THOB PAR BYA BA'I SLAD DU DON LA DBAB NAS NYAMS SU BSTAR BAR BYA'O, ,DE LTAR BSLAB PA'I RIM PA 'DIS NI, SKYES BU GANG ZHIG THOS BSAM LA BRTZON BGRUS CHEN PO DANG LDAN PA RNAMS SMOS CI DGOS TE, 'BAD PA CHUNG DU TZAM BYAS PAS KYANG TSIG DON LA RMONGS PA MED PA'I SHES RAB MYUR DU GROL BAR 'GYUR RO, ,RGYU MTSAN DE'I PHYIR MKHAS PAR 'DOD PAR RNAMS KYIS THOG MAR SUM CU PA'I GZHUNG 'DI NYID BSLAB PAR BYA ZHING, 'DI SHES NAS RTAGS 'JUG @012B LA SOGS PA 'DI'I SKABS PHYI MA RNAMS DANG, DE NAS BRDA SPROD PA'I GZHUNG RGYAS PA GZHAN DANG GZHAN RNAMS KYANG MNYAN PAR BYAS NAS KHONG DU CHUD PA NA, THEG PA GSUM GYI GZHIR GYUR PA'I BSLAB PA GANG LA DAD CING SLOB PAR 'DOD PA DE'I GZUNG LUGS YAN LAG DANG BCAS PA NYID BLA MA RNAMS LAS MNYAN PAR BYA'O, ,ZHES SO, ,BZHI PA GDAMS NGAG SNOD RUNG LA BSTAN DGOS PAR 'DOMS PA NI, SLOB DPON DE NYID DU 'DZIN CING, ,LE LO G-YENG BA RNAM PAR SPANGS, ,ZO BZANG DAD PA LA BRTEN PA, , SKYES BU DES NI MYUR RTOGS TE, ,DE LA DUS SU 'DOMS PAR BYA, ,CIG SHOS DE LAS LDOG PA'O, ,ZHES PA STE, BSTAN BCOS 'DI NYID KYI GDAMS NGAG BSTAN DU RUNG BA'I SNOD NI, GDAMS NGAG STON MKHAN GYI SLOB DPON DE LA SLOB DPON DU 'DZIN CING, ZHES DANG BCAS PAS DRIN DU BZO BA DANG, 'GAL RKYEN BSLAB PAR BYA BA'I GNAS DE LA SPRO BA ZHAN PA'I LE LO DANG, BYA BA GZHAN LA 'JUG PA'I G-YENG BA GNYIS SPANGS PA STE, SKYON DE DAG GIS GLAGS MI RNYED PA'I RTAG SBYOR GYI BRTZON 'GRUS DANG LDAN PA DANG, MTHUN RKYEN ZO STE RANG BZHIN BZANG ZHING, BSLAB BYA'I GNAS LA MCHOG TU DAD PA LA BRTEN PA'I GUS SBYOR GYI BRTZON 'GRUS DANG LDAN PA STE, MTSAN NYID GSUM DANG LDAN PA'I SKYES BU DES NI, BSLAB PA DE BYA BA GANG YIN PAR MYUR DU RTOGS PAR 'GYUR BAS, DE LA DUS SHES PAR BYAS NAS DUS SU 'DOMS PAR BYA ZHING, GONG DU BSHAD PA'I SNOD LDAN GYI CIG SHOS SLOB DPON LA MI GUS PA DANG, LE LO DANG G-YENG BA CAN DANG, RANG BZHIN NGAN CING DAD PA MED PA RNAMS NI SNOD DANG MI LDAN PAS, DUS SU 'DOMS PA DE LAS GO LDOG STE RE @013A *, ,ZHIG 'DOMS PAR BYA BA MA YIN MOD, 'ON KYANG PHYI NAS DON DU GNYER ZHING 'DUN PAR GYUR NA LEGS PAR RJES SU BSTAN PAR YANG BYA'O ZHES SO, ,SMRAS PA, AA 'DUS RIG BYED SRAD BU LA BRGYUS PA'I, ,KA 'PHRENG MKHA' ME'I GRANGS 'KHYUD AAKshA RA, ,MING GZHI'I SNGON RJES 'JUG PA'I RNAM 'GYUR CAN, ,TSIG PHRAD RNAM DBYE'I MGUL RGYAN SPEL ZIN NAS, ,SPYI DANG BYE BRAG RTAGS KYI DBYE BA YIS, ,DUS GSUM BDAG GZHAN BYA BYED SGRA DON LA, ,'JUG TSUL SNGON MED LEGS BSHAD MA nI KA'I, ,DO SHAL GZUR GNAS SKYE BO'I RGYAN DU DGOD, ,'GNYIS PA RTAGS KYI 'JUG PA BSHAD PA LA GSUM, MING GZHI'I YI GE SPYI'I RTAGS KYI DBYE BA BSHAD PA, SNGON 'JUG GI RTAGS KYI 'JUG PA BSHAD PA, RJES 'JUG GI RTAGS KYI 'JUG PA BSHAD PA'O, ,DANG PO NI, PHO YI GE 'BA' ZHIG LA, ,SDE PA PHYED DANG BRGYAD GNAS PA'ANG, ,SDE TSAN LNGA RU DRIL BYAS NAS, ,PHO DANG MA NING MO DANG NI, SHIN TU MO DANG BZHI BZHI RU, ,SDE PA BZHI PA YAN CHAD DBYE, ,LHAG MA BCU BZHI GNAS PA LA, ,TZA SOGS GSUM NI CA SOGS SBYAR, ,WA NI BA DANG SBYAR BAR BYA, ,LHAG MA DRUG NI MO RU SBYAR, ,RA LA HA NI MO GSHAM STE, ,AA NI MTSAN MED CES KYANG BYA, ,ZHES PA STE, SPYIR BOD KYI YI GE RNAMS LA PHO MO GNYIS SU DBYE BA'I DBANG DU BYAS NA, DBYANGS YIG MTSON BYED AI AU AE AO BZHI NI SHES RAB KYI RANG BZHIN MO DANG, ,KA NAS A'I MTHAR THUG PA'I GSAL BYED SUM CU PO RNAMS NI THABS KYI RANG BZHIN PHOR SHES PAR BYA'O, ,DES NA PHO'I YI GE 'BA' ZHIG STE @013B GSAL BYED SUM CU PO KHO NA LA, SDE PA PHYED DANG BRGYAD DU GNAS TE, SDE PA DANG PO, KA KHA GA NGA, GNYIS PA, CA CHA JA NYA, GSUM PA, TA THA DA NA, BZHI PA, PA PHA BA MA, LNGA PA, TZA TSA DZA WA, DRUG PA, ZHA ZA 'A YA, BDUN PA, RA LA SHA SA, PHYED PA, HA AA RNAMS SO, ,DE RNAMS SDE TSAN LNGA RU DRIL BA NI, SGRA DRAG PA PHO DANG, RA NA PA MA NING DANG, CUNG ZAD ZHAN PA MO DANG, DE LAS KYANG CHUNG ZAD ZHAN PA SHIN TU MO DANG, SHIN TU ZHAN PA MO GSHAM STE RNAM PA LNGA'O, ,DE'ANG SDE PA DANG PO BZHI PO RNAMS KYI DANG PO, KA CA TA PA RNAMS PHO DANG, GNYIS PA, KHA CHA THA PA RNAMS MA NING DANG, GSUM PA, GA JA DA BA RNAMS MO DANG, BZHI PA, NGA NYA NA MA RNAMS SHIN TU MOR DBYE BAR BYA'O, ,DER MA PHYE BA'I LHAG MA TZA SDE PHYIN, YI GE BCU BZHI GNAS PA LA, TZA LA SOGS PA STE TZA TSA DZA GSUM NI, RIM BZHIN SNGAR BSTAN PA'I CA LA SOGS PA GSUM DANG SBYAR BAR BYA STE, TZA PHO DANG, TSA MA NING DANG, DZA MOR SHES PAR BYA'O, ,DE BZHIN DU WA NI BA DANG SBYAR BAS MO DANG, LHAG MA, ZHA ZA 'A YA SHA SA DRUG KYANG MO'I YI GER SBYAR BAR BYA'O, ,RA LA HA GSUM NI MO GSHAM GYI YI GE ZHES BYA ZHING, AA YIG NI MO GSHAM GYI YI GE YIN PAR MA ZAD RA LA HA GSUM LAS KYANG RTZOL BA SHIN TU ZHAN PA'I PHYIR NA MTSAN MED KYI YI GE ZHES KYANG BYA'O ZHES SO, ,DE YANG GZUNG PHAL MO CHER, MA NING MTSAN MED CES KYANG BYA, ,ZHES 'BYUNG BA NI YI GE NYAMS PA'O, ,GNYIS PA SNGON 'JUG GI RTAGS KYI 'JUG PA BSHAD PA LA GSUM, MING GZHI LAS @014A *, ,SNGON RJES DBYUNG TSUL BSHAD PA, SNGON 'JUG GI RTAGS KYI DBYE BA BSHAD PA, SNGON 'JUG GI RTAGS KYI 'JUG TSUL BSHAD PA'O, ,DANG PO NI, MO YI YI GE'I NANG NAS NI, ,'JUG PA'I YI GE BCU NGA BYUNG BYA, ,'JUG PA BCU YI NANG NAS NI, ,SNGON 'JUG YI GE LNGA DBYUNG BYA, ,ZHES PA STE, MO'I YI GE LA BSHAD MA THAG PA LTAR MO TZAM DANG, SHIN TU MO DANG MO GSHAM STE GSUM DU GNAS PA SO SOR MA PHYE BA'I NANG NAS, SNGAR SUM CU PAR BSHAD PA LTAR, RJES 'JUG GI YI GE GA NGA DA NA BA MA 'A RA LA SA STE BCU PO RNAMS DBYUNG BAR BYA ZHING, DE'I NANG NAS KYANG SNGON 'JUG GI YI GE GA DA BA MA 'A STE LNGA PO RNAMS DBYUNG BAR BYA'O, ,ZHES SO, ,GNYIS PA SNGON 'JUG GI RTAGS KYI DBYE BA BSHAD PA NI, SNGON 'JUG YI GE LNGA PO LA, ,PHO DANG MA NING MO DANG NI, ,SHIN TU MO DANG BZHI RU DBYE, ,ZHES PA STE BSHAD MA THAG PA'I SNGON 'JUG GI YI GE LNGA PO DE LA, MING GZHI DANG SBYAR NAS KLOG PA'I TSE SGRA GDANGS DRAG ZHAN DU 'GYUR BA'I CHA NAS PHO BA YIG DANG, MA NING GA DA GNYIS DANG, MO 'A YIG DANG, SHIN TU MO MA YIG STE BZHIR DBYE BAR BYA'O ZHES SO, ,GSUM PA SNGON 'JUG GI RTAGS KYI 'JUG TSUL BSHAD PA LA GNYIS, MDOR BSTAN PA DANG, RGYAS PAR BSHAD PA'O, , DANG PO NI, DE DAG RE RE'ANG BZHI BYED DE, ,GANG LA 'JUG BYED GANG GIS BYED, ,JI LTAR 'JUG BYED CI PHYIR BYED, ,CES PA STE, SNGON 'JUG GI YI GE PHO SOGS DE DAG RE RE'I 'JUG TSUL LA'ANG RNAM PA BZHI BYED PA STE BYED PA BZHI BZHI'I SGO NAS @014B RTOGS DGOS TE, 'JUG YUL MING GZHI'I YI GE GANG LA 'JUG PAR BYED PA DANG, 'JUG PA PO SNGON 'JUG GI YI GE GANG GIS 'JUG PAR BYED PA DANG, SGRA'I 'JUG TSUL JI LTA BUS 'JUG PAR BYED PA DANG, DGOS PA CI'I PHYIR 'JUG PAR BYED PA RNAMS SO, ,ZHES PA'O, ,GNYIS PA RGYAS PAR BSHAD PA LA GSUM, GANG LA 'JUG PA DANG GANG GIS 'JUG PA MTHUN MONG DU BSHAD PA, JI LTAR 'JUG PA BSHAD PA, CI PHYIR 'JUG PA BSHAD PA'O, ,DANG PO LA GNYIS, DRI BAS MTSAMS SBYAR BA DANG, LAN GYIS BSNYAD PA'O, ,DANG PO NI, GANG LA 'JUG PAR BYED CE NA, ,ZHES PA'O, ,GNYIS PA LAN GYIS BSNYAD PA LA GNYIS, LAN GYIS BSNYAD PA DNGOS DANG, ZHAR BYUNG MI 'JUG PA BSHAD PA'O, ,DANG PO NI, PHO NI PHO DANG MO LA 'JUG, MO NI MO DANG MA NING LA, ,MA NING YANG NI PHO MO LA'O, ,SHIN TU MO NI MA NING DANG, ,MO DANG SHIN TU MO NYID LA'O, ,ZHES PA STE, ,DE LA GANG GIS 'JUG PAR BYED PA PO PHO'I YI GE BA NI, RANG GI SNGE PA MA YIN PA'I MING GZHI'I PHO YIG KA CA TA TZA BZHI DANG, MO YIG, GA NGA JA NYA DA NA DZA ZHA ZA RA SHA SA BCU GNYIS TE BCU DRUG LA 'JUG GO, ,DE BZHIN DU, SNGON 'JUG GI MO 'A YIG NI, MING GZHI'I MO YIG, GA JA DA BA DZA LNGA DANG, MA NING, KHA CHA THA PHA TSA LNGA STE BCU LA 'JUG GO, SNGON 'JUG GI MA NING GA YIG NI, MING GZHI'I PHO YIG CA TA TZA GSUM DANG, MO YIG, NYA DA NA ZHA ZA YA SHA SA BRGYAD DE BCU GCIG LA 'JUG CING, DA YIG NI, MING GZHI'I PHO YIG, KA PA GNYIS DANG @015A *, ,MO YIG, GA NGA BA MA BZHI STE DRUG LA 'JUG GO, SNGON 'JUG GI SHIN TU MO MA YIG NI, MING GZHI'I MA NING, KHA CHA THA TSA BZHI DANG, MO YIG, GA JA DA DZA BZHI DANG, SHIN TU MO, NGA NYA NA GSUM STE BCUIG LA 'JUG GO, ZHES SO, ,DE'ANG BSKYED CES PA LTA BU'I 'PHUL RTEN GYI BA DANG DA'I 'JUG YUL SPYIR SA KA YA GSUM GA YIN KYANG 'JUG YUL GTZO BO NI KA YIG NYID YIN PAS SKABS 'DIR YANG GANG LA 'JUG PA DE 'JUG YUL GTZO BO DE LA BYED DGOS TE, DE LTA MA YIN NA 'GYED CES PA LTA BU'I TSE 'A YIG RANG SDE'I YA YIG LA 'JUG PAR KHAS LEN DGOS PAS SO, ,GNYIS PA ZHAR BYUNG MI 'JUG PA BSHAD PA NI, PHO NI MA NING LA MI 'JUG, MO NI PHO LA 'JUG PA MIN, ,MA NING RANG LA RANG MI 'JUG, RANG GI SDE DANG 'PHRAD PA NA, ,PHO YANG MO LA 'JUG MI 'GYUR, ,MA NING MO YANG DE BZHIN NO, ,ZHES PA STE, SNGON 'JUG GI PHO BA YIG NI, MING GZHI'I MA NING KHA CHA THA PHA TSA RNAMS LA MI 'JUG CING, SNGON 'JUG GI MO 'A YIG DANG, DE'I SHUGS BSTAN SHIN TU MO MA YIG DAG NI, ,MING GZHI'I PHO, ,KA CA TA PA TZA RNAMS LA MI 'JUG PA DANG, SNGON 'JUG GI MA NING GA DA GNYIS NI, MING GZHI'I YANG MA NING, KHA CHA THA PHA TSA RNAMS LA MI 'JUG GO, YANG SNGAR, PHO NI PHO DANG MO LA 'JUG, CES SOGS KYI DMIGS BSAL, SNGON 'JUG RNAmS BZHI TSAN DU PHYE BA'I RANG RANG GI SNGE PA'I MING GZHI RNAMS DANG 'PHRAD PA'I TSE NA, SNGON 'JUG GI PHO BA YIG NI, MING GZHI'I MO BA MA DAG LA MI 'JUG CING, YANG SGRAS PHO YIG PA LA'ANG MI 'JUG PAR BSTAN PA DANG, DE BZHIN DU SNGON 'JUG GI @015B MA NING GA DA GNYIS KYANG RANG SDE'I PHO MO DAG LA MI 'JUG PAS, GA YIG MING GZHI'I KA GA NGA RNAMS DANG, DA YIG MING GZHI'I TA DA NA RNAMS LA MI 'JUG CING, SNGON 'JUG GI MO YIG 'A NI, RANG SDE'I MING GZHI'I MO, ZHA ZA 'A YA RNAMS LA MI 'JUG PA DANG YANG SGRAS SNGON 'JUG GI SHIN TU MO MA YIG NI, RANG SNGE'I MING GZHI'I MA NING PHA DANG, MO BA DANG, SHIN TU MO MA RNAMS LA 'JUG PA MA YIN NO, ,ZHES SO, ,GNYIS PA JI LTAR 'JUG PA BSHAD PA LA GNYIS, DRI BAS MTSAMS SBYAR BA DANG, LAN GYIS BSNYAD PA'O, ,DANG PO NI, JI LTAR 'JUG PAR BYED CE NA, ZHES PA'O, ,GNYIS PA LAN GYIS BSNYAD PA NI, PHO NI DRAG PA'I TSUL GYIS TE, ,MA NING RAN PAR 'JUG PA YIN, ,MO NI ZHAN PA'I TSUL GYIS TE, ,SHIN TU MO NI MNYAM PAS SO, ,ZHES PA STE, SNGON 'JUG GI PHO YIG BA NI, MING GZHI'I YI GI RANG GI 'JUG YUL DU GYUR PA RNAMS LA SGRA DANG BYED RTZOL DRAG PA'I SGO NAS 'JUG PA DANG, MA NING GA NGA GNYIS NI SGRA RTZOL RAN PAR 'JUG PA DANG, MO YIG 'A NI, SGRA RTZOL ZHAN PAS 'JUG PA DANG, SHIN TU MO MA NI, SGRA RTZOL MNYAM PA STE SHIN TU LHOD CING NYAM CHUNG BA'I TSUL GYIS 'JUG PAR BYED DO ZHES SO, ,GSUM PA CI PHYIR 'JUG PA BSHAD PA LA GNYIS, DRI BAS MTSAMS SBYAR BA DANG, LAN GYIS BSNYAD PA'O, ,DANG PO NI, CI PHYIR 'JUG PAR BYED CE NA, ZHES PA'O, ,GNYIS PA LAN GYIS BSNYAD PA NI, PHO NI 'DAS DANG GZHAN BSGRUB PHYIR, ,MA NING GNYIS KA DA LTAR CHED, ,MO NI BDAG DA MA 'ONGS PHYIR, ,SHIN TU MO NI MNYAM PHYIR RO, ,ZHES PA STE, SNGON 'JUG GI PHO YIG BA NI, DGOS PA DUS GSUM LAS, LHA BSGRUB SO, ,LCAGS @016A *, ,GSER DU BSGYURDA TO, ,LTA BU BYED PA PO GZHAN DANG DNGOSU 'BREL BA'I BYA BA BYAS ZIN PA 'DAS PA BSGRUB PA'I PHYIR DANG, DNGOS PO BDAG GZHAN GNYIS LAS, GZHAN TE, BTUNG BA, BDUG PA, BSGRUB BYA, BSGRUB PAR BYA BA, BSGRUB BYA'I LHA, BSGYUR BYA BSGYUR BAR BYA BA, BSGYUR BYA'I LCAGS LTA BU BYED PA PO GZHAN DANG DNGOSU 'BREL BA'I BYA BA'I YUL GYI DNGOS PO DANG, BSGRUB PAR BYA, BSGRUBO, ,BSGYUR BAR BYA, BSGYURO, ,LTA BU BYA BA'I YUL DANG 'BREL BA'I BYA BA GSAL BYED KYI SGRA NYID BSGRUB PA'I PHYIR 'JUGO, SNGON 'JUG GI MA NING GA DA DAG NI, SHING GCOD PA PO, GCOD BYED, SKYON DGAG PA PO, ,DGAG BYED LTA BU BYED PA PO'I DNGOS PO DANG, GCOD PAR BYED, GCOD DO, ,DGAG PAR BYED, DGAG GO, LTA BU BYED PA PO DANG 'BREL BA'I BYED LAS GSAL BYED KYI SGRA GNYIS BDAG GI DNGOS PO DANG, GDAM BA, GZUNG BA, GCAD BYA, GCAD PAR BYA BA, GCAD BYA'I SHING, DGAG BYA, DGAG PAR BYA BA, DGAG BYA'I SKYON LTA BU BYED PA PO GZHAN DANG DNGOSU 'BREL BA'I BYA BA'I YUL GYI DNGOS PO DANG, GCAD PAR BYA, GCADO, ,DGAG PAR BYA, DGAG GO, LTA BU BYA BA'I YUL DANG 'BREL BA'I BYA BA GSAL BYED KYI SGRA GNYIS GZHAN GYI DNGOS PO STE, DNGOS PO BDAG DANG GZHAN GNYIS KA BSGRUB PA'I PHYIR 'JUG PA DANG, DER MA GTOGS PA'I DUS GSUM LAS, GCOD KYIN 'DUG, GCOD BZHIN PA'O, ,DGAG GIN 'DUG , DGAG BZHIN PA'O, ,LTA BU BYED PA PO GZHAN DANG DNGOS SU 'BREL BA'I BYA BA BYED BZHIN PA DA LTAR BA BSGRUB PA'I CHED DU 'JUG STE, DA LTAR BA NI, BYED LAS GSAL BYED KYI SGRA NYID TSIG GROGS KYIS BSGYUR BA'O, ,SNGON 'JUG GI MO YIG 'A NI, MDUD PA @016B 'GROL BA PO, 'GROL BYED, YOS 'THAG PA PO, 'THAG BYED LTA BU BYA BYED THA DAD DU SNANG BA'I BYED PA PO'I DNGOS PO DANG, MDUD PA 'GROL BAR BYED, 'GROL LO, ,YOS 'THAG PAR BYED, 'THAG GO, LTA BU BYED PA PO DANG 'BREL BA'I BYED LAS GSAL BYED KYI SGRA STE, ,DE RNAMS DNGOS PO BDAG YIN PAS DE BSGRUB PA'I PHYIR DANG, 'GROL GYIN 'DUG, ,'THAG BZHIN PA'O, 'GYUR GYIN 'DUG, 'GRUB BZHIN PA'O, ,LTA BU BDAG GZHAN GYI DBYE BAS MA BSDUS PA'I DUS DA LTAR BAR SGRUB PA'I PHYIR DANG, 'KHOR LO 'KHOR BAR 'GYUR, DON 'GRUB PAR 'GYUR, LTA BU, BYED PA PO GZHAN DNGOSU MED PAR BYA BYED THA MI DAD PA LTA BUR SNANG BA'I BYA BA BYED 'GYUR MA 'ONGS PA'I DUS BSGRUB PA RNAMS KYI PHYIR 'JUGO, SNGON 'JUG GI SHIN TU MO MA YIG NI, MKHAS PAR BAS, MKHAS PA, MKHAS PAR BYED, MKHAS BYA, MKHAS PAR BYA, MKHAS PAR GYUR, MKHAS BZHIN PA, MKHAS PAR 'GYUR, LTA BU SNGAR BSHAD PA'I BDAG GZHAN DANG, DUS GSUM GYI BYE BRAG MED PAR THAMS CAD LA MNYAM PA STE MTSUNGS PA NYID BSGRUB PA'I PHYIR 'JUGO, DE YANG DUS GSUM GYI DBYE BAS NI, BYA BYED KYI LAS DANG 'BREL BA'I NGAG GI SBYOR BA THAMS CAD LA KHYAB STE, BYA BA'I LAS THAMS CAD MA 'ONGS PA DANG, BYED PA'I LAS THAMS CAD DA LTAR BA YIN PAS SO, ,BDAG GZHAN GYI DBYE BAS NI, BYA BYED KYI LAS THAMS CAD LA MA KHYAB STE, BYED PA PO GZHAN DANG DNGOSU MA 'BREL BA'I BYA BYED KYI LAS RNAMS LA MA KHYAB PA'I PHYIR RO, ,DES NA BDAG GZHAN GYI DBYE BA MDZAD PA NI, BYED PA PO DANG, BYA BA'I YUL GYI SGRA RNAMS BSDU BA'I PHYIR DU YIN CING, DE'I ZHOR LA BDAG GZHAN @017A *, ,DANG 'BREL BA'I BYA BYED KYI SGRA PHAN TSUN SHED MTSUNGS PA RNAMS KYANG BSDUS PA YIN LA, DUS GSUM GYI DBYE BA MDZAD PA NI, BDAG GZHAN GYI DBYE BAS MA KHYAB PA'I BYA BYED KYI SGRA LHAG MA RNAMS BSDU PA'I PHYIR DU YIN NO, ,'O NA BYED PA PO MED PA'I BYA BYED THA MI DAD PA DE GANG YIN CE NA, BYA BA BYED PA'I GNAS SKABSU BYED PA PO GZHAN DNGOSU MI SNANG BA ZHIG STE, DE YANG BYED PA PO GZHAN MI SNANG ZHES PAS, DPER NA, BDAG 'GRO'O, ,LTA BU'I TSE, 'GRO BA DE BYA TSIG YIN KYANG, 'GRO BYA 'GRO BYED GNYIS KA BDAG YIN PAS, 'GRO BYA LAS GZHAN PA'I 'GRO BYED MED PAS NA 'DI LA BDAG GZHAN GYI DBYE BA'ANG MI BYED PA YIN NO, ,YANG BYA BA BYED PA'I GNAS SKABSU BYED PA PO GZHAN MI SNANG ZHES PAS, DPER NA, RDZA MKHAN GYI 'KHOR LO 'KHOR RO, ,LTA BU'I TSE, DANG POR SKOR BYED GZHAN YOD KYANG, 'KHOR BZHIN PA'I GNAS SKABSU SKOR BYED GZHAN MED PAR RANG GI NGANG GIS 'KHOR BAS GNAS SKABS DER BYA BYED THA MI DAD PA'I CHA NAS BSKOR ZHES MI BRJOD PAR 'KHOR ZHES BRJOD PA YIN NO, ,YANG BYED PA PO GZHAN DNGOS SU MI SNANG ZHES PAS, DPER NA, SKYES BU ZHIG GI MDUN DU LCAGS SHIG RANG BZHIN GYIS GSER DU GYUR PA'I TSE, SKYES BU DE'I BSOD NAMS NYID BYED PA PO GZHAN YIN MOD KYI DE DNGOSU MI SNANG BA DANG LCAGS RANG NYID KYI 'BYUNG BA RNAMS KYI BYED PAS 'GYUR BA'I CHA NAS, LCAGS GSER DU BSGYUR CES MI BRJOD PAR GYUR CES BRJOD PA STE, DE YANG ZHIB TU DPYOD PA'I TSE DNGOS PO'I RANG MTSAN SO SO NAS, RANG GIS RANG LA BYA BA BYED PA 'GAL YANG, SPYI LDOG RAGS PA NAS THA SNYAD TZAM LA 'GAL BA MED DO, ,DE DAG GIS MTSON NAS @017B SKABS 'DIR PHRA ZHING ZHIB PA'I BLOS BRTAG DGOS PA MANG DU SNANG, ,GSUM PA RJES 'JUG GI RTAGS KYI 'JUG PA BSHAD PA LA GNYIS, RJES 'JUG GI RTAGS KYI DBYE BA BSHAD PA DANG, RJES 'JUG GI RTAGS KYI 'JUG TSUL BSHAD PA'O, ,DANG PO LA GNYIS, SPYIR RTAGS GSUM DU DBYE BA DANG, NANG GSES BRGYAD DU DBYE BA'O, ,DANG PO NI, RJES 'JUG YI GE BCU PO LA, ,PHO MO MA NING GSUM DU DBYE, ,ZHES PA STE, RJES 'JUG GI YI GE, GA NGA DA NA BA MA 'A RA LA SA STE BCU PO DE RNAMS LA, PHO YIG, GA DA BA SA BZHI DANG, MO YIG, NGA MA 'A GSUM DANG MA NING, NA RA LA GSUM STE GSUM DU DBYE BAR BYA'O, ,ZHES SO, ,GNYIS PA NANG GSES BRGYAD DU DBYE BA NI, PHO LA SKYES BU RAB 'BRING GSUM, ,MO LA MO DANG SHIN TU MO, ,MA NING 'GYUR DANG MTSAN GNYIS DANG, ,MTSAN MED DAG DANG GSUM DU 'DOD, ,CES PA STE, RJES 'JUG LA RTAGS GSUM DU PHYES PA DE LA, SLAR YANG NANG GSES KYIS BRGYAD DU DBYE STE, PHO YIG BZHI LA GA MTHA' SA'I YANG 'JUG CAN SKYES BU RAB DANG, ,BA MTHA' SA'I YANG 'JUG CAN SKYE BU 'BRING DANG, ,GA DA BA SA'I MTHA' CAN YANG 'JUG MED PA SKYES BU THA MA STE GSUM DU 'DOD PA DANG, MO YIG GSUM LA, NGA MA SA'I YANG 'JUG CAN MO TZAM DANG, NGA MA 'A'I MTHA' CAN YANG 'JUG MED PA SHIN TU MO STE GNYISU 'DOD PA DANG, MA NING GSUM NI, MING GZHI'I PHO YIG GI MTHAR DA'I YANG 'JUG YOD MED GNYIS KA DANG, MO YIG GI MTHAR YANG 'JUG MED PA KHO NA DANG, MA NING GI MTHAR YANG 'JUG YOD PA KHO NA STE, GSUM NI 'GYUR BA MA NING DANG, MING GZHI'I MO YIG GI MTHAR YANG 'JUG YOD PA NI MTSAN GNYIS MA NING DANG, MING GZHI'I MA NING GI MTHAR YANG 'JUG MED PA NI MTSAN MED @018A *, ,NING STE GSUM DU DBYE BAR 'DOD DO ZHES SO, ,GNYIS PA RJES 'JUG GI RTAGS KYI 'JUG TSUL BSHAD PA LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, DE YANG BYED PA BZHI BYED DE, ,GANG LA 'JUG BYED GANG GIS BYED, ,JI LTAR 'JUG BYED CI PHYIR BYED CES PA STE, DE 'ANG RJES 'JUG PHO MO MA NING GSUM PO RE RE LA'ANG BYED PA BZHI BZHI'I SGO NAS 'JUG TSUL SHES PAR BYA STE, 'JUG YUL YI GE GANG LA 'JUG PAR BYED PA DANG, 'JUG PA PO GANG GIS 'JUG PAR BYED PA DANG, TSUL JI LTAR 'JUG PAR BYED PA DANG, DGOS PA CI'I PHYIR 'JUG PAR BYED PA RNAMS KYIS SO, ,ZHES PA'O, ,GNYIS PA RGYAS PAR BSHAD PA LA BZHI, GANG LA 'JUG BA BSHAD PA, GANG GIS 'JUG PA BSHAD PA, JI LTAR 'JUG PA BSHAD PA, CI PHYIR 'JUG PA BSHAD PA'O, ,DANG PO NI, GANG LA YI GE THAMS CAD LA, ,ZHES PA STE, RJES 'JUG GI YI GE BCU PO DE DAG 'JUG YUL GYI YI GE GANG LA 'JUG NA KA NAS YA'I BAR GYI MING GZHI'I YI GE THAMS CAD LA BYE BRAG MED PAR 'JUGO, 'O NA RJES 'JUG GI 'JUG YUL YIN NA, 'DIR BSTAN MING GZHI'I YI GE YIN PAS KHYAB BAM ZHE NA, MA KHYAB STE, CHOS RJES PAn GYIS, MKHAS PA'I KHA RGYAN DU, DAS DAG NI YANG 'JUG PA DAG GO, DA NI NA RA LA RNAMS KYI'O, ,SA NI GA NGA BA MA RNAMS KYI'O, ,ZHES GSUNGS PA'I PHYIR RO, GNYIS PA GANG GIS 'JUG PA BSHAD PA NI, GANG GIS BCU PO DE DAG GIS, ,ZHES PA STE, YI GE THAMS CAD KYI RJESU 'JUG PA PO YI GE GANG DANG GANG ZHIG GIS 'JUG PAR BYED TZA NA, SNGAR BSHAD PA'I RJES 'JUG GI YI GE BCU PO DE DAG GIS 'JUG GO ZHES SO, ,GSUM PA JI LTAR 'JUG PA BSHAD PA LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, JI LTAR RNAM PA GNYIS YIN TE, ,SGRA YI 'JUG @018B TSUL DON GYI TSUL, ,ZHES PA STE, RJES 'JUG RNAMS TSUL JI LTAR 'JUG PA'ANG RNAM PA GNYIS KYI SGO NAS SHES PAR BYA STE, RJES 'JUG ZHUGS TSUL GYI SGRA DRAG ZHAN DU 'GYUR BA SGRA'I 'JUG TSUL DANG, DE LTAR ZHUGS PAS DON CI ZHIG STON PA DON GYI 'JUG TSUL LO, ZHES SO, GNYIS PA RGYAS PAR BSHAD PA LA GNYIS, SGRA'I 'JUG TSUL BSHAD PA DANG, DON GYI 'JUG TSUL BSHAD PA'O, ,DANG PO LA GNYIS, DRAG ZHAN SPYIR 'JUG TSUL BSHAD PA DANG, NANG GSES ZHIB TU 'JUG TSUL BSHAD PA'O, ,DANG PO NI, PHO GSUM MO GNYIS MA NING GSUM, ,DRAG ZHAN BAR MA GSUM DU 'JUG, CES PA STE, RJES 'JUG GI YI GE BCU LAS, PHO SKYES BU RAB 'BRING THA GSUM, MING GZHI'I YI GE GANG LA ZHUGS KYANG BRJOD PA'I SGRA GDANGS DRAG PAR DANG, DE BZHIN DU MO TZAM DANG SHIN TU MO GNYIS ZHUGS NA ZHAN PAR DANG, 'GYUR BA DANG MTSAN GNYIS DANG MTSAN MED MA NING GSUM ZHUGS NA BAR MA STE RAN PAR 'JUG PA YIN NO ZHES SO, ,GNYIS PA NANG GSES ZHIB TU 'JUG TSUL BSHAD PA NI, DRAG PA GSUM NYID NANG PHRAD DAM, ,GAL TE ZHAN PA NANG PHRAD NA, ,DE LA'ANG NANG GI CHA SHAS KYIS, ,DE YANG DRAG ZHAN GNYISU DBYE, ,MA NING GSUM DU GANG GTAGS PA, ,DRAG DANG PHRAD NA DRAG BAR 'GYUR, ,ZHAN DANG PHRAD NA ZHAN PAR 'GYUR, ,GNYIS KA DAG DANG PHRAD GYUR NA, ,DA NI GNYIS KA CAN DU 'GYUR, GNYIS KA DAG DANG MA PHRAD NA, ,GANG DU YANG NI MI 'GYURO, ,DES NA 'GYUR DANG MTSAN GNYIS DANG, ,MTSAN MED DAG DANG GSUM DU 'DOD, ,DE NI SGRA YI 'JUG TSULO, ,ZHES PA STE, GONG DU BSHAD PA LTAR SGRA GDANGS DRAG PA RJES 'JUG PHO YIG LA SKYES BUR BA 'BRING THA GSUM NYID DU DBYE BA NI RJES 'JUG PHAN TSUN NANG 'PHRAD MA 'PHRAD KYIS YIN TE, DAM ZHES PA SDUD PA'I TSIG YIN @019A *, ,PAS GANG SDUD NA NANG GI CHAS DRAG ZHAN GNYISU DBYE BA SDUD PAS, DBYE TSUL NI, SKYES BU RAB 'BRING GNYIS LA NANG 'PHRAD YOD PAS SGRA DRAG PA'I DRAG PA DANG, SKYES BU THA MA LA NANG 'PHRAD MED PAS SGRA DRUG PA'I ZHAN LA GNYI SU DBYE ZHING, DANG PO LA'ANG SKYES BU RAB SGRA SHIN TU DRAG PA DANG, 'BRING DE LAS CUNG ZAD ZHAN PA GNYI SU DBYE BAS NANG GSES GSUM DU 'GYUR TE, DPER NA, SKYOGS, SKYABS, SKAS, SKAD, BKAB, LTA BU'O, ,DE BZHIN DU GAL TE SGRA GDANGS ZHAN PA RJES 'JUG MO YIG LA MO TZAM DANG, SHIN TU MO GNYISU DBYE BA'ANG RJES 'JUG PHAN TSUN NANG 'PHRAD NA STE 'PHRAD MA 'PHRAD KYIS YIN PAS, DE LA'ANG NANG GI CHA SHAS KYIS MO TZAM LA NANG 'PHRAD YOD PAS SGRA ZHAN PA'I DRAG PA DANG, SHIN TU MO LA NANG 'PHRAD MED PAS SGRA ZHAN PA'I ZHAN PA GNYISU DBYE STE, DPER NA, BSKANGS , BSKUMS, SKONG, SKOM, BKA', LTA BU'O, ,SGRA GDANGS BAR MA RJES 'JUG MA NING LA 'GYUR BA DANG, MTSAN GNYIS DANG, MTSAN MED GSUM DU GANG GTOGS PA'I DBYE BA BYAS PA NI, MING GZHIR 'JUG TSUL DANG, RJES 'JUG PHAN TSUN NANG 'PHRAD MA 'PHRAD GNYIS KA'I SGO NAS YIN TE, BSTANDA, BSKORDA, STZALDA, RKUN, BSTAR, BTZAL, LTA BU MING GZHI PHO YIG GI MTHAR YANG 'JUG YOD MED GNYIS KA DANG, PHYI NAD, THARDA, 'PHRULDA, LTA BU MA NING GI MTHAR YANG 'JUG YOD PA GNYIS NI, SGRA GDANGS DRAG PA DANG 'PHRAD PA'I DBANG GIS DRAG PAR 'GYUR BA DANG, 'GRAN, 'GOR, 'GUL, LTA BU MO YIG GI MTHAR YANG 'JUG MED PA NI, SGRA GDANGS ZHAN PA DANG 'PHRAD PA'I DBANG GIS ZHAN PAR 'GYUR BA STE, DES NA DE GNYIS NI 'GYUR BA MA NING DANG, 'DZINDA, 'BYORDA, BSALDA, LTA BU MO YIG GI MTHAR @019B YANG 'JUG YOD PA NI SGRA GDANGS DRAG ZHAN GYIS KA DANG 'PHRAD PA'I DBANG GIS DRAG ZHAN GNYIS KA CAN DU 'GYUR BAS MTSAN GNYIS MA NING DANG, MTHUN, 'THOR, 'KHRUL, LTA BU MA NING GI MTHAR YANG 'JUG MED PA NI, SGRA GDANGS DRAG ZHAN GNYIS KA DANG MA 'PHRAD PA'I DBANG GIS DRAG ZHEN GANG DU'ANG MI 'GYUR BAR SGRA GDANGS MNYAM PAR GNAS PAS MTSAN MED MA NING STE DBYE BA GSUM DU 'DOD DE, DE DAG NI SGRA GDANGS DRAG GZHAN BAR MA GSUM DU 'JUG TSUL GYI DBYE BA YIN NO ZHES SO, GNYIS PA DON GYI 'JUG TSUL BSHAD PA LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, DON NI RNAM PA GNYIS YIN TE, ,SNGA MA GANG LTAR 'GYUR BA DANG, ,PHYI MA GANG LTAR 'GYUR BA'O, ,ZHES PA STE, RJES 'JUG RNAMS DON GANG DANG GANG LA 'JUG PAR 'GYUR BA'I TSUL NI RNAM PA GNYIS YIN TE, SNGA MA RJES 'JUG NYID GANG LA ZHUGS SHING GNAS PA'I MING DE'I DON GANG LTAR TE, JI LTA BU ZHIG TU 'GYUR BA DANG, PHYI MA RJES 'JUG GAM MTHA' DES MING MTHA' LA SOGS PA 'DREN TSUL GYIS DON GANG LTAR 'GYUR BA'O ZHES SO, ,GNYIS PA RGYAS PAR BSHAD PA LA GNYIS, SNGA MA GANG LTAR 'GYUR BA BSHAD PA DANG, PHYI MA GANG LTAR 'GYUR BA BSHAD PA'O, ,DANG PO NI, SNGA MA SNGON 'JUG LNGA BZHIN SBYAR, ,ZHES PA STE, RJES 'JUG RNAMS GANG LA ZHUGS PA'I MING DE NYID MING MTHA' SOGS LA LTOS NAS SNGA MAR GRUB PAS, DES BDAG GZHAN SOGS DON CI ZHIG STON PA NI ,MING DE'I SNGON DU GNAS PA SNGON 'JUG LNGA LAS GANG ZHIG YIN PA DE'I NUS PA DANG JI LTA BA BZHIN DU SBYAR NAS BDAG GZHAN DANG DUS GSUM SOGS GANG YIN RTOGS DGOS TE, DPER NA, 'JOG BYED, BRDEG BYA, BKAG GO, 'GAG PAR 'GYUR, DGAG BZHIN PA @020A *, ,BDAG, BSTOD CIG, LTA BU'O, ,'ON TE SNGON 'JUG MED KYANG, RDEG BYED, SGRUG BYA, PHOG GO, SGUG PAR 'GYUR, RDEG BZHIN PA, RTAG PA, SHOG CIG, LTA BU RJES 'JUG RNAMS BDAG GZHAN DANG DUS GSUM LA 'JUG PA LTA BUR SNANG MOD KYI, ZHUGS, ,GAS SO, ,PHYI NAD TO; LTA BU SA'I 'JUG YANG 'JUG GNYIS KA DANG DA'I YANG 'JUG TZAM KHO NAS 'DAS PA RANG DBANG DU SGRUB PA DANG, 'A MTHA' 'DAS PA LA GTAN NAS MI 'JUG PA'I KHYAD PAR TZAM LAS GZHAN MA TSIG GROGS KYAS BSGYUR BA'I NUS PAS MA GTOGS RJES 'JUG GIS RANG DBANG DU BDAG GZHAN DANG DUS GSUM LA 'JUG PA NI MED DO, ,GNYIS PA PHYI MA GANG LTAR 'GYUR BA BSHAD PA LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, PHYI MA DAG GI 'DREN TSUL NI, ,ZHES PA STE, PHYI MA MING MTHA' DANG RNAM DBYE SOGS KYI THOB THANG GI DON JI LTAR 'JUG PAR 'GYUR BA'I TSUL NI, SNGA MA'I RJES 'JUG DANG, PHYI MA'I BRJOD BYA DAG LA CI RIGS PAR LTOS PA'I SGO NAS 'DREN PA'I PHYIR DE'I TSUL SMOS PA NI, ZHES SO, ,GNYIS PA RGYAS PAR BSHAD PA LA GNYIS, MING MTHA' 'DREN TSUL BSHAD PA DANG, RNAM DBYE SOGS 'DREN TSUL BSHAD PA'O, ,DANG PO NI, PHO YIS PHO YI MING MTHA' DRANG, ,MO YIS MO YI MING MTHA' DRANG, ,MA NING GIS NI MA NING NGO, ,ZHES PA STE, DE YANG, CIG CAR, THAD KA, SGRUB PA, GNYIS KA, MKHYENDA PA, 'BYORDA PA, BSKALDA PA, THUGS KA, BSGRUBS PA, DGONGS PA, GOMS PA, LTA BU, MING SNGA MA'I MTHA'I RJES 'JUG PHO YIG GIS MING DE NYID KYI CHA SHAS YIN PAS MTHAR SBYOR DGOS PA'I MING MTHA' GZHAN GYI MING GZHI'I PHO YIG DRANG BAR BYA ZHING, DE BZHIN DU, GSING MA, THAM GA, DGA' BA, LTA BU MO YIG GIS MING GZHI'I MO'I MING MTHA' DRANG BA, @020B DANG, DGUN KHA, DBYAR KHA, GSAL KHA, LTA BU MA NING GIS MING GZHI'I MA NING GI MING MTHA' DRANG BAR BYA'O ZHES SO, ,DE YANG MING MTHA' RTAGS MTSUNGS KHO NA 'DREN PA LTA BUR GSUNGS PA NI, GTZO CHE BA TZAM LA DGONGS PA YIN PAS DE KHO NAR MA NGES TE, STAG MA, TSAD MA, TSAB MA, LHAS MA, LTA BU PHOS MO DANG, RKANG PA, DAM PA, MNGA' PA, LTA BU MOS PHO DANG, STON MO, BSTAR BA, RGYAL BA, LTA BU MA NING GIS MO DRANGS PA YANG MANG DU 'BYUNG ZHING, DE NYID RTAGS MA MTHUN KYANG BRJOD BDE GTZO BOR BYAS NAS SGRA MTHUN DRANGS PA YIN PAS SUM RTAGS GNYIS KA'I DNGOS BSTAN GYI DGONGS PAR GNAS SO, ,GZHAN YANG SNGAR NA RA LA GSUM YANG 'JUG CAN MA NING DANG, NGA MA YANG 'JUG CAN MOR BZHAG PA NI, 'JUG YANG 'JUG BSDEBS PA'I SGRA GDANGS KYI NUS PA 'CHAD PA'I SKABS DANG, 'DIR DE RNAMS PHO RTAGS SU BZHAG PA NI, YANG 'JUG GI RTAGS KYIS MING MTHA' 'DREN PA SKABS DON YIN PAS MI 'GAL LA, ,GZHAN YANG DKONDA COG ,RINDA CAN, LHANDA CIG, LANDA CIG, THABS CIG , CHABS CIG ,STONG KOR, KLAD KOR, PAD KOR, YUNGS KAR, RGYA GAR, LTA BU BRDA RNYING LA RTAGS MTSUNGS 'DREN PA SHIN TU MANG YANG PHAL CHER SKAD GSAR BCAD KYI ZHUS DAG MANG...BAS NUB PAR MNGON NO, ,GNYIS PA RNAM DBYE SOGS 'DREN TSUL BSHAD PA LA GNYIS, SPYIR 'DREN TSUL BSHAD PA DANG, NANG GSES 'JUG TSUL BSHAD PA'O, ,DANG PO NI, MING MTHA' DE DAG NYID KYIS NI, ,DE NYID RANG GI SGRA MTHUN PA'I, ,CHOS DNGOS LAS DANG BYED PA DANG, ,SBYIN DANG 'BYUNG @021A *, ,KHUNGS 'BRAL PA DANG, ,GNAS DANG BOD PA'I SGRA YANG DRANG, ,GZHAN YANG SLAR BSDU LHAG BCAS DANG, ,'BYED SDUD BSNAN DANG BDAG PO DANG, ,DGAG SGRUB RGYAN DANG DUS LA'ANG 'JUG ,DE DAG SNGA SHUGS 'DREN PAS 'BYUNG, ZHES PA STE, BSHAD MA THAG PA'I MING SNGA PHYI DE DAG NYID KYIS, MING MTHA' DE DAG NYID RANG GI RTAGS MTSUNGS PA'AM BRJOD PA BDE BAS SGRA MTHUN PAR GYUR BA'I RNAM DBYE DANG PO CHOS DNGOS TE NGO BO TZAM BRJOD PA DANG, GNYIS PA LAS SU BYA BA DANG, GSUM BA BYED PA PO'AM BYED PA TZAM DANG, BZHI PA SBYIN PA'I YUL GYIS MTSON NAS CHED DU BYA BA DANG, LNGA PA 'BYUNG KHUNGS DANG, DRUG PA 'BREL PA DANG, BDUN PA GNAS GZHI DANG, BRGYAD PA BOD PA'I SGRA RNAMS KYANG DRANG BAR BYA ZHING, DE BZHIN DU GZHAN YANG RNAM DBYE'I YAN LAG TU GYUR PA'AM, MA GYUR PA'I TSIG PHRAD SLAR BSDU DANG, LHAG BCAS DANG, 'BYED SDUD DANG, BSNAN PA DANG, BDAG PO DANG, DGAG PA DANG, SGRUB PA DANG, TSIG RGYAN DANG, DUS TE TSE SKABS LA 'JUG PA'I SGRA LA SOGS PA DE DAG RNAMS KYANG SNGA MA MING MTHA'I SHUGS KYIS 'DREN PAR BYED PA NA SBYOR TSUL LEGS PAR 'BYUNG BA YIN NO ZHES PA STE, DE DAG LAS DRUG PA 'DREN TSUL SUM CU PAR YANG 'BYUNG LA, GZHAN YANG AI LDAN DANG, LA DON DANG, SLAR BSDU DANG, LHAG BCAS DANG, 'BYED SDUD DANG, BDAG PO DANG, TSIG RGYAN DANG, CING SOGS KYI TSIG PHRAD RNAMS MING SNGA MA'I RJES 'JUG GI SHUGS KYIS SGRA RTAGS GANG RUNG MTHUN PA JI LTAR 'DREN TSUL GYI SDOM TSIG MDOR BSDUS SHIG KHO BOS RANG LO NYER GSUM GYI TSE BKOD ZIN PAS DER SHES PAR BYA'O, ,GNYIS PA NANG @021B GSES 'JUG TSUL BSHAD PA LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, DE DAG NANG GSES GANG 'JUG PA, ,MTHAR SBYAR 'OG MA'I MING DON LAS, ,ZHES PA STE, RNAM DBYE DANG TSIG PHRAD DE DAG GI NANG GSES GANG DANG GANG ZHIG 'JUG BA NA GTZO BOR RNAM DBYE'I PHRAD DANG BCAS BA'I MING TSIG DE'I MTHAR SBYAR RGYU'I MING DON 'OG MA LAS SHES PAR BYA'O, ,ZHES SO, ,GNYIS PA RGYAS PAR BSHAD PA LA GNYIS, RNAM DBYE'I NANG GSES GANG ZHIG 'JUG PA BSHAD PA DANG, PHRAD KYI NANG GSES GANG ZHIG 'JUG PA BSHAD PA'O, ,DANG PO NI, SPYI 'JUG YOD DAM BYED PA YOD, ,DE BZHIN CHED BYED RTEN BYED DANG, ,LAS BYA BLANG BYA BSGRUB PAR BYA, ,SNGON DU 'OS PA GNAS PA'AM, ,ZHES PA STE, DE LA RNAM DBYE'I NANG GSES GANG DANG GANG ZHIG 'JUG PA NI, MING BDUD RTZE LTA BU'I RJES SU GANG ZHIG LTA BU SPYI LA 'JUG PA'I SGRA SOGS YOD NA MING SNGA MA LA RNAM DBYE DANG PO 'JUG PA YIN KYANG BOD SKAD LA DANG PO MTSON BYED KYI SGRA MED PA SHAS CHE BAS BDUD RTZI GANG ZHIG LTA BU'AM, SBYOR NA BDUD RTZI NYID GANG ZHIG LTA BU DANG, YANG MING DE'I MTHAR 'TSO BAR BYED LTA BU BYED PA'I SGRA SOGS YOD NA RNAM DBYE GSUM PA 'JUG PAS BDUD RTZIS 'TSO BAR BYED LTA BU DANG, DE BZHIN DU SBYAR TE, MOS PA LTA BU CHED DU BYED PA'I SGRA YOD NA RNAM DBYE BZHI PA 'JUG PAS BDUD RTZI LA MOS PA LTA BU DANG, YANG RTEN LTA BU RTEN BYED KYI SGRA SOGS YOD NA RNAM DBYE BDUN PA 'JUG PAS BDUD RTZI LA BRTEN LTA BU DANG, YANG BSGYUR LTA BU LAS SU BYA BA'I SGRA YOD NA RNAM DBYE GNYIS PAR 'JUG PAS BDUD RTZIR BSGYUR LTA BU DANG, YANG BLANG BAR BYA, LTA BU BLANG BYA'I SGRA SOGS YOD NA RNAM DBYE LNGA PA 'JUG @022A *, ,PAS BDUD RTZI LAS BLANG BAR BYA LTA BU DANG, YANG RGYA MTSO LTA BU BSGRUB PAR BYA...PA'I SGRA YOD NA RNAM DBYE DRUG PA 'JUG PAS BDUD RTZI'I RGYA MTSO LTA BU DANG, YANG SNGON DU MING BDUD RTZI MA LTA BU YOD LA DE LA'ANG BDAG LA 'CHI MED STZOL LTA BU 'BOD PAR 'OS PA'I DON YOD NA RNAM DBYE DANG PO 'JUG CING BOD PA GSAL BYED KYI SGRA'ANG SBYAR DGOS PAS, BDUD RTZI MA KYE BDAG LA 'CHI MED STZOL, LTA BUR 'GYUR BA SOGS SHES PAR BYA STE, 'AM NI SDUD PA'I TSIG PHRAD DO, ,GZHAN YANG MING MTHA' TZAM GYIS RNAM DBYE 'DREN PA DANG, MING MTHAS MING MTHA' GZHAN DRANGS, DES RNAM DBYE 'DREN PA'ANG YOD DO, ,GZHAN YANG, NGES GZUNG GI SGRA SOGS YOD NA SNGA MAR DANG PO DANG, BSGRUB BYA'I SGRA SOGS YOD NA SNGA MAR GSUM PA DANG, MING MTHA' DE LAS BYUNG BA'I SGRA'AM, DGAR BYA'I SGRA'AM, BSGRUB BYA'I SGRA SOGS YOD NA SNGA MAR LNGA PA DANG, RTEN BYED LTAR SNANG GI BYA TSIG SOGS YOD NA, SNGA MAR BDUN PA 'JUG PA'ANG YOD DE, DPER NA, BDUD RTZI DE, BRJID PAS NYI MA DANG MTSUNGS, SA LAS RTZVA SKYES, MI LAS LHA BZANG, MI RTAG PA LAS DNGOS POR GRUB, MTSON KHAR BSAD CES PA LTA BU'O, ,GNYIS PA PHRAD KYI NANG GSES GANG ZHIG 'JUG PA BSHAD PA NI, GZHAN YANG TSIG DON 'OG MA LAS, ,BSDU RGYU YOD DAM MED PA DANG, ,GONG MA LAS KYANG DE BZHIN TE, ,RNAM GRANGS DAG KYANG BKOD PA LAS, ,BSKYAR BA YOD DAM MED PA DANG, ,PHO SGRA DAG NI MO SGRA DAG ,MING GI MTHA' NA YOD MED DANG, ,RGYAN DU GYUR PA RNAMS LA YANG, ,DON LA BSNYEGS PA YOD MED DANG, ,BSTAN BYA LHAG MA YOD MED DANG, ,TSIG DON RDZOGS DANG @022B MA RDZOGS KYIS, ,DE DAG NANG GSES RNAM PAR DBYE, ,ZHES PA STE, GZHAN YANG MING MTHA' TSIG PHRAD KYI NANG GSES GANG ZHIG 'DREN BAR 'GYUR BA NI, BRJOD 'DOD CAN GYIS GRUB PA RE GNYIS YOD PA MA GTOGS PHAL CHER MING DE'I MTHA' SBYAR RGYU'I TSIG DON 'OG MA LAS SHES DGOS TE, TSIG DON 'OG MA GONG MA DANG MTSUNGS BA LAS, GONG MA BSDU RGYU YOD NA, MING SNGA MA SNGA MA'I MTHAR SDUD PA'I TSIG PHRAD SBYAR DGOS TE, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANG STE, LTA BU DANG, DE BZHIN DU TSIG DON GONG 'OG MTSUNGS PA LAS 'OG MA BSDU RGYU YOD NA 'OG MA SDUD PA'I TSIG PHRAD SBYAR DGOS TE, LHAS KYANG BTUNG NA MIS LTA CI SMOS, LTA BU DANG, MJUG TU BYA TSIG LTA BUR LHAN CIG TU SBREL BA'I PHYIR, TSIG DON SNGA MA RNAMS LA PHYI MA BSNAN DGOS NA'ANG, SDUD PA'I BYE BRAG BSNAN PA'I PHRAD SBYAR DGOS TE, GSER DNGUL ZANGS LCAGS GSHA' TSA'ANG SBYAR, LTA BU DANG, PHYI MAR MING TSIG GI RNAM GRANGS GCIG GA MA GNYIS SAM MANG PO BKOD PA LAS, DE DAG KYANG GAL TE DON BSKYAR BA YOD NA, SNGA MA SNGA MAR RNAM GRANGS KYI 'BYED PA'I PHRAD SBYAR DGOS TE, 'CHI MED DAM, RNAM SAD DAM, MIG MI 'DZUM NI LHA'O, ,LTA BU DANG, TSIG DON GNYIS KA BSKYAR BA YOD NA RNAM GRANGS KYI SDUD PA'I PHRAD DGOS TE, GTUB CING GTUB CING DRAG TU GSOL BAR BYED, LTA BU DANG, MING GI MTHAR PA LTA BU'I PHO SGRA GSAR DU SBYAR YOD NA MING MTHA' DE NYID BDAG PO'I SGRAR 'GYUR BA, RTA PA, SGRUB BA PO, LTA BU DANG, MING GI MTHAR MED, MIN LTA BU'I MO SGRAR GTOGS PA GSAR DU SBYAR YOD NA, MING MTHA' DE NYID DGAG PA'I SGRAR 'GYUR BA, 'CHI MED @023A *, ,LHA MIN, LTA BU DANG, GSAR DU SBYAR BA MA YIN PAR DANG PO NAS MING GI CHA SHAS SU YOD NA PHO MO'I SGRA DE BDAG SGRA DANG DGAG SGAR MI 'GYUR BAR, NGO BO GANG YIN PA DE NYID DU SGRUB PA'I SGRAR 'GYUR BA, DAM PA, BLA MA, LTA BU DANG, TSIG DON SNGA MA DANG CHOS MTHUN PA'I PHYI TSIG GZHI GCIG TU BSDU RGYU YOD NA, SNGA MA LA MTHUN PA'I RGYAN DU GYUR PA'I TSIG PHRAD SBYAR DGOS TE, MDZES KYANG MDZES LA 'OD KYANG 'TSER, LTA BU DANG, SNGA PHYI CHOS MI MTHUN PA GZHI GCIG TU BSDU NA, SNGA MAR MI MTHUN PA'I RGYAN 'JUG STE, KHRO BA SPANGS KYANG DGRA 'JOMS PA, ,LTA BU STE, RGYAN DU GYUR PA'I TSIG PHRAD DE DAG KYANG NGES PAR DON LA BSNYEGS PA YOD NA MI SBYAR DU MI RUNG ZHING, TSIG MDZES BYED TZAM YIN NAM SBYAR KYANG RUNG BA DANG, TSIG DON SNGA MA'I DE MA THAG TU BSTAN BYA LHAG MA YOD NA SNGA MA LA LHAG BCAS KYI PHRAD SBYAR DGOS TE, RGYAS BTAB STE BZHAG LTA BU DANG, TSIG DON SNGA MA'I DE MA THAG TU BSTAN BYA LHAG MA MED PAR RDZOGS NA SLAR BSDU'I PHRAD SBYAR DGOS TE RDZOGS SO, LTA BU RNAM DBYE DANG TSIG PHRAD DE DAG GI NANG GSES GANG DANG GANG ZHIG 'JUG CING DON CI 'DRA ZHIG STON PA RNAM PAR DBYE BAR BYA'O ZHES SO, ,DE YANG RNAM DBYE NI LEGS SBYAR GYI SKAD LA, MING GI MTHAR SBYAR BAS TSIG TU 'GRUB PAR BYED PA'I RKYEN SI SOGS NYER GCIG STE, BOD SKAD LA'ANG LEGS SBYAR DANG BSTUN NAS SNGAR GYI RNAM DBYE BDUN PO DE RNAMS GCIG TSIG NYID DANG, GNYIS TSIG DAG DANG, MANG TSIG RNAMS KYI DBYE BAS NYER GCIG TU 'GYUR ZHING, 'DI RNAMS KYI KHYAD PAR PHRA MO RNAMS SHIN TU 'BYED DKA' BAR SNANG YANG YI GES 'JIGS PAS MA SPROS SO, ,TSIG PHRAD @023B NI, MING TSIG LA MA SBYAR NA RANG STOBS KYIS DON MI STON CING, MING GI THOG MTHA' DANG BAR DU SBYAR NA BRJOD BDE BA DANG, MTSAMS SBYOR BA DANG, DON GSAL BA LA PHAN 'DOGS PA ZHIG STE, 'DI DAG PHAL CHER LEGS SBYAR GYI NIB'A TA STE NGES TSIG GAM MI ZAD PAR GRAGS PA DANG 'DRA'O, ,DE YANG DON GYI LDOG PA KHO NA STON PA'I RNAM DBYE YIN NA TSIG PHRAD YIN PAS KHYAB KYANG, TSIG PHRAD YIN NA DON GYI LDOG PA KHO NA STON PA'I RNAM DBYE YIN PAS MA KHYAB BO, ,BZHI PA CI PHYIR 'JUG PA BSHAD PA LA GNYIS, RJES 'JUG GI DGOS PA DNGOS BSHAD PA DANG, ZHAR BYUNG YI GE'I 'JUG PA SPYI'I DGOS PA BSHAD PA'O, ,DANG PO NI, CI PHYIR 'JUG PAR BYED CE NA, ,YI GE'I KHONGS NAS MING DBYUNG STE, ,MING GI KHONGS NAS TSIG PHYUNG NAS, ,TSIG GIS DON RNAMS STON PAR BYED, ,CES PA STE, RJES 'JUG GI YI GE BCU PO DE RNAMS, DGOS PA CI'I PHYIR DU 'JUG PAR BYED CE NA, SNGON 'JUG DANG DBYANGS YOD MED GANG YANG RUNG BA'I MING GZHI'I YI GE GCIG GAM GNYIS SAM DU MA 'DUS PA YIN YANG RUNG, RJES 'JUG GI YI GE GANG RUNG ZHIG MA ZHUGS NA, DON GYI NGO BO STON PA'I MING DU 'GRUB PA MI SRID PAS YI GE'I KHONGS NAS MING DBYUNG BAR BYA BA'I PHYIR DANG, MING GCIG GAM GNYIS SAM DU MA SBREL DU ZIN KYANG MTSAMS SBYOR BAR BYED PA'O, ,DON GSAL BAR BYED PA'I RNAM DBYE DANG TSIG PHRAD SOGS PHAL CHER RJES 'JUG LAS 'BYUNG ZHING RJES 'JUG LA LTOS PAS DE RNAM SAM ZHUGS NA, DON GYI KHYAD PAR STON PA'I TSIG TU 'GRUB PA MI SRID PAS MING GI KHONGS NAS TSIG DBYUNG BA'I PHYIR 'JUG STE, DE LTA BU'I TSIG GIS 'JIG RTEN DU DON RNAMS BRJOD PAR BYED @024A *, ,PA'I PHYIR DON MTSON PA'I BRJOD PA JI SNYED PA'ANG RJES 'JUG GI YI GE RNAMS 'JUG PA'I DGOS PAR GRUB PO ZHES PA STE, 'DIR YI GE DANG MING DANG TSIG DANG BRJOD PA RNAMS KYI KHYAD PAR BOD SKAD KYI DBANG DU BYAS NAS DBYE...BAR BYA'O, , GNYIS PA ZHAR BYUNG YI GE'I 'JUG PA SPYI'I DGOS PA BSHAD PA LA GNYIS, YI GE'I 'JUG PA RNAMS KYI RANG BZHIN GYI DGOS PA BSHAD PA DANG, YI GE'I 'JUG BSTON PA'I BSTAN BCOS 'DI NYID BRTZAMS PA'I DGOS PA BSHAD PA'O, ,DANG PO LA GNYIS, DGOS PA LDOG PHYOGS NAS BSTAN PA DANG, NYID DGOS LDOG PHYOGS NAS BSTAN PA'O, ,DANG PO NI, MO YI YI GE MED PA NA, ,PHO YIG BRJOD PA MED PAR 'GYUR, ,PHO YIG DE DAG RNAMS LA YANG, ,'JUG PAR BCAS PA MED NA NI, ,MING DANG TSIG KYANG GSAL MI NUS; ;MING TSIG GSAL BA MED NA NI, ,DON RNAMS BRJOD PAR MI 'GYUR RO, ,ZHES PA STE, MO YI YI GE GI GU SOGS A' LI BZHI PO MED NA, PHO YIG KA' LI RNAMS KHO NAS BRJOD PA MED PAR 'GYUR TE, A' LI RNAMS LA LTOS PA'I BRJOD PA DE SNYED MI TSANG BAR 'GYUR BA'I PHYIR DANG, PHO YIG K'A LI DE DAG RNAMS LA'ANG A' LI DANG LDAN MIN JI LTAR YANG 'JUG PAR BCAS PA STE, 'JUG PA'I YI GE BCU MED PAR GYUR NA NI, DON GYI NGO BO STON PA'I MING DANG, KHYAD PAR STON PA'I TSIG KYANG GSAL BAR MI NUS PAR GONG DU BSHAD ZIN PA'I PHYIR DANG, MING DANG TSIG GSAL BAR GYUR PA MED NA NO DON GYI RNAM PAR RANG DANG GZHAN LA MTSON ZHING GO BAR BYED PA'I BRJOD PA RNAMS KYANG MED PAR 'GYUR RO, ,DES NA A' LI RNAMS NI K'A LI'I BRJOD PA YONGS SU RDZOGS PA'I PHYIR DANG, 'JUG PA RNAMS NI MING @024B TSIG GSAL BA'I PHYIR DANG, MING TSIG RNAMS NI DON BRJOD PA'I PHYIR 'JUG PAS YI GE'I SBYOR BA RNAMS NI DGOS PA CHEN PO DANG BCAS PA YIN NO ZHES SO, ,GNYIS PA NYID DGOS LDOG PHYOGS NAS BSTAN PA NI, DE LTAR GYUR NA 'JIG RTEN DU, ,DON MTSON BRJOD PA KUN KYANG MED, ,RIG BYED SMRA BA'ANG YOD MI 'GYUR ,NYAN THOS RANG RGYAL SANGS RGYAS KYI, ,BSLAB PA RNAMS KYANG MED PAR 'GYUR, ,ZHES PA STE, DE LTAR MING TSIG BRJOD PA THAMS CAD MED PAR GYUR NA, 'JIG RTEN 'DIR DON MTSON PAR BYED PA'I BRJOD PA STE LUNG DU STON PA'I SGRA SKAD THAMS CAD MI 'BYUNG BAS, DE LA LTOS PA'I 'JIG RTEN PA DANG MTHUN MONG BA'I BZO GNAS DANG, RTZIS DANG, SNYAN NGAG SOGS RIG BYED SMRA BA RNAMS KYANG YOD PAR MI 'GYUR ZHING, 'JIG RTEN DANG MTHUN MONG MIN PA'I SHES BYA NYAN THOS DANG, RANG SANGS RGYAS DANG, RDZOGS PA'I SANGS RGYAS KYI BSLAB PA RNAMS STON CING SMRA BA'ANG MED PAR 'GYUR BA DE'I PHYIR, MING TSIG BRJOD PA THAMS CAD 'JIG RTEN DU YOD NA NI, 'KHOR 'DAS KYI BLANG DOR MTHA' DAG STON CING SMRA BA 'BYUNG LA, BLANGS DOR LA ZHUGS NA NI GNAS SKABS DANG MTHAR THUG GI DON THAMS CAD 'GRUB PA YIN NO ZHES SO, ,GNYIS PA YI GE'I 'JUG PA STON PA'I BSTAN BCOS 'DI NYID BRTZAMS PA'I DGOS PA BSHAD PA LA GNYIS, DGOS PA DNGOS BSHAD PA DANG, DGOS PA DE 'GRUB PAR SMON PA'O, ,DANG PO NI, JI LTAR 'JIG RTEN SEMS CAN RNAMS, ,PHUNG PO KHAMS DANG SKYED MCHED DANG, ,GRUB MTHA' GZHAN YANG YOD NA YANG, ,RANG NYID KYIS NI MI SHES BZHIN, ,DE BZHIN YI GE'I 'JUG TSUL RNAMS, ,SMRA BA KUN LA GNAS RGYUR KYANG, ,RANG TSUL DE NYID MI SHES PAS, ,DON @025A *, ,LA SBYOR BA GA LA SHES, ,DE PHYIR SMRA BA'I DBANG PHYUG GI ,RJES SMRAS, ZHES BA STE, DPE JI LTAR NA 'JIG RTEN GYI SEMS CAN RNAMS LA, GZUGS SOGS PHUNG BO DANG, MIG GI KHAMS SOGS KHAMS DANG, MIG GI SKYE MCHED SOGS SKYE MCHED RNAMS RANG RANG LA YOD PAR MA ZAD, GRUB PA'I MTHAS BZHAG PA GZHAN YANG GRANGS CAN PA'I DE NYID NYER LNGA DANG, THEG CHEN PA'I RNAM SHES TSOGS BRGYAD SOGS KYANG YOD CING, SNGON NAS LHAN CIG TU 'GROGS PA YIN KYANG, DE LTA BU'I RNAM GZHAG GZHAN GYIS MA BSTAN NA, RANG NYID KYIS MI SHES PA DE BZHIN DU, RANG RANG GI YI GE RNAMS JI LTAR 'JUG PA'I TSUL YANG YUL SO SO'I LUNG STON PA'I SGRA SKAD KYI SMRA BA THAMS CAD LA RANG BZHIN GYIS GNAS PA STE MED BA MI SRID KYANG GZHAN GYIS BRDA MA SPRAD PAR RANG NYID KYIS YI GE RNAMS MING TSIG SOGS LA 'JUG PA'I TSUL DE NYID KYANG MI SHES NA, MING TSIG LA SOGS PA DE RNAMS BYE BRAG PHYA NAS DON LA JI LTAR SBYOR BA'I TSUL GA LA SHES TE MI SHES SO, ,DE BAS NA BLANG DOR MTHA' DAG SHES PA'I RGYU MING TSIG YI GE'I SBYOR BA RNAMS GSAL BAR BYED PA'I BOD SKAD LA MKHO BA'I BSTAN BCOS 'DI NYID 'PHAGS YUL LA SOGS BA'I SMRA BA'I DBANG PHYUG MKHAS PA RNAMS KYI BRDA SPROD PA'I BSTAN BCOS KYI RJES SU 'BRANGS NAS THU MI BDAG GIS BRTZE BAS SMAS PA YIN NO, ,ZHES SO, ,GNYIS PA DGOS PA DE 'GRUB PAR SMON PA NI, 'DI KUN RTOGS GYUR CIG ,CES PA STE, DE LTAR YI GE'I 'JUG PA LA LEGS PAR SBYAR BA'I TSUL 'DI GANGS CAN SKYE BO KUN GYIS RTOGS NAS MING TSIG BRJOD BA THAMS @025B CAD LA RMONGS PA MED PAR SMRA BA'I DBANG PHYUG CHEN POR GYUR CIG CES NYID DGOS DE RNAMS 'GRUB PA'I THUGS SMON MDZAD PA'O,, SMRAS PA, SHA'KYA SENG+GE'I BSTAN LA RAB ZHUGS SHING, ,LAG PA'I MIG LA DBYANGS 'JUG BZHI BCU DANG, ,MTSAMS KYI BGROD BAR 'PHUL RTEN RTZE ZUNG GIS, ,BRGYAN PA'I 'BOD BYA LDAN PA GANG DE YIS, ,GANGS CAN MIG GCIG SAMBHO tA YI GZHUNG, ,GANGS CAN BRDA SPROD PHYI MO SUM RTAGS DON, ,GANGS CAN MKHAS PA KUN GYI LEGS BSHAD BZHIN, ,GANGS CAN BSTAN 'GRO'I DON DU SBYAR MOD KYI, ,RGYAL BSTAN SNANG GTER DUS RIS SGRIB LA NYE, ,DBANG GYUR MKHAS BA'I MTSO SKYES PHAL CHER ZUM, ,GZU LU MA SPYOD PA'I 'BYUNG BYA RANG DGAR RGYU, ,BSIL LJONGS SKYE BO'I GDOD MUN JI LTAR SEL, ,GDUNG SPRUL PHAL CHER 'DOD YON SPYOD LA YENGS, ,SGOM CHEN PHAL CHER ZOG RDZUN BYA BAS BREL, ,MKHAS RLOM PHAL CHER TSONGS ZHING LAS LA SPYOD, ,KYE MA THUB BSTAN SU YIS 'DZIN PAR 'GYUR, ,DON GNYER 'DUN BA'I KARnA GTING NAS 'GAGS, LEGS NYES LTA BA'I TZA KsHU 'GRIB KYIS NON, ,PHYOGS LHUNG GDON GYIS MA NA CHER BRLAMS PA, ,DE DAG LEGS BSHAD N'A DAS CI ZHIG BYA, ,'ON KYANG GZUR GNAS DPYOD LDAN MKHA' NOR GYIS, ,BSKUL TSIG TSA ZER LAN MANG SPROS PA'I TSE, ,LEGS BSHAD SBRANG RTZI SKYUG DANG MI SKYUG GI ,RANG DBANG 'DAB STONG CAN LA YOD MA YIN, ,DE PHYIR 'DIR 'BAD LEGS BYAS 'BAB LDAN MA, ,BRGYA PHRAG GCIG TU BSDOMS PA'I RNAM SAD CHUS, ,RAB RMONGS KHYAB 'JUG RKANG DRE BKRUS LAS SLAR, BYANG CHEN RGYA MTSO'I GSOS SU 'JUG GYUR CIG ,CES YUL GANGS CAN GYI SKAD KYIS BRDA SPROD PA'I BSTAN BCOS SUM CU @026A *, ,PA DANG, RTAGS KYI 'JUG PA'I RNAM BSHAD MKHAS MCHOG SI TU'I ZHAL LUNG ZHES BYA BA 'DI NI, SDOM BRTZON MANG DU THOS BA'I DGE SLONG DZNY'A NA MI TRAS NAN CHEN POS BSKUL MA MDZAD PA LA BRTEN NAS MKHAS GRUB DAM PA NGAG DBANG RDO RJE DPAL BZANG PO'I ZHABS RDUL LA SPYI BOS REG CING, SPEL KHANG PAndI TA CHEN PO'I ZHAL GYI BDUD RTZI CHA SHAS TZAM MYANGS PAS BOD KYI BRDA DAG GI BSTAN BCOS PHAL MO CHE'I DGONGS DON SMRA BA LA MKHAS PA'I MDUN SAR MI ZHUM PA'I SPOBS PA CUNG ZAD THOB PA'I SH'AKYA'I DGE SLONG DHA RMA BHA DRA ZHES BYA BAS SUM RTAGS DANG SMRA SGO DANG MKHAS PA'I KHA RGYAN LA SOGS PA'I BOD KYI BRDA SPROD PA'I BSTAN BCOS RTZA 'GREL MANG PO LA ZHIB TU DPYAD DE, DE DAG GI LEGS CHA MTHA' DAG PHYOGS GCIG TU BTUS NAS RANG LO SO LNGA PA ZAD PA ZHES PA ME STAG LO'I GRO BZHIN ZLA BA'I DKAR TSES DGA' BA DANG PO'I NYIN, GTZANG G-YAS RU BZHAD KYI BYE BRAG DNGUL CHU'I RI KHROD DGA' LDAN RTZE'I SPONG KHANG DU SBYAR BA 'DIS KYANG RGYAL BA'I BSTAN PA RIN PO CHE GANGS CAN GYI LJONGS SU YUN RING DU GNAS PA'I RGYU BYED NUS PAR GYUR CIG ,,