[#THE FOLLOWING TEXT HAS INCOMPLETE SECTIONS, WHICH ARE ON ORDER] *, ,BY'A KA RA nA'I RTZA BA SUM CU PA DANG, RTAGS KYI 'JUG PA GNYIS BZHUGS SO,, @001 #, ,RGYA GAR SKAD DU, BYA KA RA nA M'U LA TRIm SHAD N'A MA, BOD SKAD DU, LUNG STON PA RTZA BA SUM CU PA ZHES BYA BA, NGAG GI DBANG PHYUG 'JAM PA'I DBYANGS LA PHYAG 'TSAL LO, ,GANG LA YON TAN MCHOG MNGA' BA'I, ,DKON MCHOG DE LA PHYAG 'TSAL LO, ,GANG GIS SGRA DBYANGS KUN GSUNGS PA'I, ,'JAM PA'I DBYANGS LA PHYAG 'TSAL LO, ,GANG GIS MING GZHI SNGON GSUNGS PA, ,RTAG ZHI BA LA PHYAG 'TSAL LO, , SDEB SBYOR LEGS MDZAD MKHAS RNAMS DANG, ,BLA MA LA YANG PHYAG 'TSAL NAS, ,BSLAB PA KUN GYI GZHI 'DZIN CING, ,RIG BYED SMRA BA RNAMS KYI RGYU, ,MING TSIG BRJOD PA KUN GYI GZHI, ,YI GE'I SBYOR BA BSHAD PAR BYA,, YI GE A'A LI K'A LI GNYIS, ,A'A LI GSAL BYED AI SOGS BZHI, ,K'A LI SUM CU THAM PA'O, ,DE LA RJES 'JUG BCU YIN TE, ,DE LAS LNGA NI SNGON DU'ANG 'JUG ,MI 'JUG PA NI NYI SHU'O, ,K'A LI PHYED DANG BRGYAD SDE NI, ,BZHI BZHI DAG TU PHYE BA LAS, ,DANG PO GSUM PA BZHI PA LAS, ,MAS GNYIS DRUG PA'I GSUM PA DANG, ,BDUN PA LAS NI SHA MA GTOGS, ,RJES 'JUG YI GE BCU RU 'DOD, ,RJES 'JUG YI GE BCU NYID LAS,, DANG PO GSUM PA LNGA PA DRUG ,BDUN PA RNAMS NI SNGON DU'ANG 'JUG ,MING GZHI GNYIS SAM GSUM SPREL LAM, ,DE LA DBYANGS KYI BZHI LDAN YANG, ,GANG DU'ANG 'JUG MIN SBYAR BA'ANG MIN, ,RJES 'JUG YI GE @002A *, ,BCU PO NI, ,MING GANG GI NI MTHAR SBYAR BA, ,DE LA A'A LI BZHI PA SBYAR, ,SLAR BSDU BAR NI SHES PAR BYA, ,RJES 'JUG YI GE BCU RNAMS LAS, ,GANG MING MTHA' NA BCU PA GNAS, ,DE LA A'A LI GNYIS PA SBYAR, ,GANG MING MTHA' NA BRGYAD PA GNAS, ,DE LA GNYIS PA AU YANG SBYAR, ,GANG MING MTHA' NA GSUM PA GNAS, ,DE LA A'A LI GNYIS PA SBYAR, ,BZHI PA DGU PA DNGOS KYANG STE, ,LAS DANG CHED DANG RTEN GNAS DANG, ,DE NYID TSE SKABS LA SGRA YIN, ,RJES 'JUG YI GE BCU PO LA, ,AI DANG MTHUN LUGS 'DI ZHES BYA, ,DANG PO GNYIS LA DANG PO MTHUN, ,GSUM LNGA BCU LA KYA DANG SBYAR, ,BDUN PA NYID LA BDUN PA STE, ,LHAG MA RNAMS LA GYA SBYAR BA, ,DE DAG AI SBYAR 'BREL BA'I SA, ,DE NYID LA NI BCU PA SBYAR, ,BYED PA PO RU SHES PAR BYA, ,A'A LI PHYIS NAS GNYIS PA SBYAR, ,TSIG RGYAN GNYIS DANG SDUD PAR 'GYUR, ,LA DON SU LA AU PHYIS NAS, ,DE LA GSUM PA'I DANG PO SBYAR, ,DE LA A'A LI GSUM PA SBYAR, ,DE NI LHAGMA DANG BCAS PA'O, ,RJES 'JUG YI GE BCU PO LA, ,DRUG PA SBYAR NA 'BYED SDUD YIN, ,RJES 'JUG YI GE BCU PO YI; ;BZHI PA DGU PA LA BCU PA, ,SBYAR BA 'BYUNG KHUNGS SA YIN TE, ,DGAR DANG SDUD PA'ANG DE BZHIN YIN, ,GANG MING BRJOD PA'I DANG PO RU, ,KYE SBYAR NA NI BOD PA YIN, ,GANG MING MTHA' DANG MTHUN PA YI, ,BZHI @002B PA LA NI AI SBYAR BA, ,DGAR DANG BRNAN PA'I TSIG TU 'GYUR, ,MING GANG RUNG BA'I BAR MTSAMS SU, ,GSUM PA LA NI GNYIS PA SBYAR, ,DE NI SDUD DANG 'BYED PA DANG, ,RGYU MTSAN TSE SKABS GDAMS NGAG LNGA'O, ,GANG MING GI NI MA MTHA' RU, ,GSUM PA LA NI AE SBYAR BA, ,THA SNYAD DBANG DU GSUM YIN TE, ,DNGOS PO'I DBANG DU BZHI RU 'GYUR, ,DUS KYI DBANG DU GNYIS YIN NO, ,GANG MING BRJOD PA'I DANG PO RU, ,DANG PO LA NI GNYIS PA SBYAR, ,SPYI LA KHYAB PA NYID DU 'GYUR, ,GANG MING GI NI MA MTHA' NA, PU LING+GA YI SGA MED PA, ,DE LA PU LING+GA SBYAR NA, ,BDAG PO'I SAR NI SHES PAR BYA, ,GANG MING BRJOD PA'I YA MTHA' NA, ,STR'I LING+GA YI SGRA MED PA, ,DE LA STR'I LING+GA SBYAR NA, ,DGAG PA'I GNAS SU SHES PAR BYA, ,TSIGS SU BCAD PA'I MTSAMS SBYOR RNAMS, ,CUNG ZAD BSDUS BA YOD NA YANG, ,DE NI DE BZHIN SBYAR BAR BYA, ,SNGON 'JUG YOD DAM MED KYANG RUNG, ,MING GZHI'I YI GE GANG YIN LA, ,NYES 'BREL YOD DAM GSUM 'BREL YOD, ,A'A LI BZHI LAS GANG LDAN YANG, ,RJES 'JUG BCU BO MA ZHUGS NA, ,MING GZHAN SBYOR BA YOD MI SRID, ,RJES 'JUG BCU YI DON SHES NA, ,'DRI DANG KLOG DANG BSHAD RNAMS KYI, ,MTSAMS SBYOR SGRA LA THOGS MED CING, ,'BREL PA SMRA BA'I MCHOG TU 'GYUR, ,GZHAN YANG RJES 'JUG SHES PA YIS, ,DON GYI SBYOR BA MA MTHONG YANG, ,DON DANG MTHUN PA'I SBYOR BA SHES, ,RJES 'JUG SBYOR BA MKHAS PA NA, ,LUNG GI DON DANG SBYOR BA DANG, ,BLA MA'I MAN NGAG GSUM SBYAR NAS, ,DON GYI THOG TU DBANG BAR BYA, ,BSLAB LA BRTZON PA'I GANG @003A *, ,ZAG GIS, ,DANG POR NGA RO RNAMS LA SPYAD, ,SNGON 'JUG MING GZHI RJES 'JUG GSUM, ,KLOG GI CHED DU BSLAB PA YIN, ,RJES 'JUG BZHI YI SBYOR BA NI, ,MNYAN BSAM BSTAN PA'I DON DU SBYAR, ,YAN LAG DE DAG MTHU YIS NI, ,'BRAS BU'I CHED DU DON LA DBAB, ,BSLAB PA'I RIM PA 'DI YIS NI, ,GANG ZHIG 'BAD PA CHUNG DUS KYANG, ,SHES RAB MYUR DU GROL BAR 'GYUR, ,DE PHYIR DANG POR 'DI NYID BSLAB, ,DE NAS RGYAS PA'ANG MNYAN BYAS TE, ,BSLAB PA GANG LA DAD PA YI, ,GZHUNG NYID BLA MA DAG LAS MNYAN, ,SLOB DPON DE NYID DU 'DZIN CING, ,LE LO G-YENG BA RNAM PAR SPANG, ,ZO BZANG DAD PA LA BRTEN PA, ,SKYES BU DES NI MYUR RTOGS TE, ,DE LA DUS SU 'DOMS PAR BYA, ,CIG SHOS DE LAS LDOG PA'O, ,LUNG STON PA RTZA BA SUM CU PA RDZOGS SO,, ' ,,PHO YI YI GE 'BANG ZHIG LA, ,SDE PA PHYED DANG BRGYAD GNAS PA'ANG, ,SDE TSAN LNGA RU DRIL BYAS NAS, ,PHO DANG MA NING MO DANG NI, ,SHIN TU MO DANG BZHI BZHI RU, ,SDE PA BZHI PA YAN CHAD DBYE, ,LHAG MA BCU BZHI GNAS PA LA, ,TZA SOGS GSUM NI CA SOGS SBYAR, ,WA NI BA DANG SBYAR BAR BYA, ,LHAG MA DRUG NI MO RU SBYAR, ,RA LA HA NI MO GSHAM STE, ,AA NI MTSAN MED CES KYANG BYA, ,MO YI YI GE'I NANG NAS NI,, 'JUG PA'I YI GE BCUNG BYUNG BYA, ,'JUG PA BCU YI NANG NAS NI, ,SNGON 'JUG YI GE LNGA DBYUNG BYA, ,SNGON 'JUG YI GE LNGA PO LA, ,PHO DANG MA NING MO DANG NI, ,SHIN TU MO DANG BZHI RU DBYE, ,DE DAG RE RE'ANG BZHI BYED DE, ,,GANG LA 'JUG BYED GANG GIS BYED, ,JI LTAR 'JUG BYED CI PHYIR BYED, ,GANG LA 'JUG @003B BAR BYED CE NA, ,PHO NI PHO DANG MO LA 'JUG ,MO NI MO DANG MA NING LA, ,MA NING YANG NI PHO MO LA'O, ,SHIN TU MO NI MA NING DANG, ,MO DANG SHIN TU MO NYID LA'O, ,PHO NI MA NING LA MI 'JUG ,MO NI PHO LA 'JUG PA MIN, ,MA NING RANG LA RANG MI 'JUG ,RANG GI SDE DANG 'PHRAD PA NA, ,PHO YANG MO LA 'JUG MI 'GYUR, ,MA NING MO YANG DE BZHIN NO, ,JI LTAR 'JUG PAR BYED CE NA, ,PHO NI DRAG PA'I TSUL GYIS TE, ,MA NING RAN PAR 'JUG PA YIN, ,MO NI ZHAN PA'I TSUL GYIS TE, ,SHIN TU MO NI MI MNYAM PAS SO, , CI PHYIR 'JUG PAR BYED CE NA, ,PHO NI 'DAS DANG GZHAN BSGRUB PHYIR, ,MA NING GNYIS KA DA LTAR CHED, ,MO NI BDAG DA MA 'ONGS PHYIR, ,SHIN TU MO NI MNYAM PHYIR RO, ,RJES 'JUG YI GE BCU PO LA, ,PHO MO MA NING GSUM DU DBYE, ,PHO LA SKYES BU RAB 'BRING GSUM, ,MO LA MO DANG SHIN TU MO, ,MA NING 'GYUR DANG MTSAN GNYIS DANG, ,MTSAN MED DAG DANG GSUM DU 'DOD, ,DE YANG BYED PA BZHI BYED DE, ,GANG LA 'JUG BYED GANG GIS BYED, ,JI LTAR 'JUG BYED CI PHYIR BYED, ,GANG LA YI GE THAMS CAD LA,, GANG GIS BCU PO DE DAG GIS, ,JI LTAR RNAM PA GNYIS YIN TE, ,SGRA YI 'JUG TSUL DON GYI TSUL, ,PHO GSUM MO GNYIS MA NING GSUM, ,DRAG ZHAN BAR MA GSUM DU 'JUG ,DRAG PA GSUM NYID NA 'PHRAD DAM, ,GAL TE ZHAN PA NANG PHRAD NA, ,DE LA'ANG NANG GI CHA SHAS KYIS, ,DE YANG DRAG ZHAN GNYIS SU DBYE, ,MA NING GSUM DU GANG GTOGS PA, ,DRAG DANG PHRAD NA DRAG PAR 'GYUR, ,ZHAN DANG PHRAD NA ZHAN PAR 'GYUR, ,GNYIS KA DAG DANG PHRAD GYUR NA, ,DE NI GNYIS KA CAN DU 'GYUR, ,GNYIS KA DAG... [#DATA INCOMPLETE HERE]