@001A *, ,SNYAN NGAG GI DPER BRJOD DANG MTSUNGS PA GSAL BYED KYI
SGRA'I DOGS GCOD BZHUGS,,

@001B *, ,SNYAN NGAG ME LONG GI LE'U GNYIS PA'I DANG POR RANG
BZHIN BRJOD PA'I RGYAN LA BZHI LAS, DANG PO RIGS KYI RANG BZHIN
BRJOD PA NI, PHYI NANG RIG PA'I GNAS RNAMS THUGS SU CHUD, ,

SNGOM GSUM BSLAB BYAR NYES LTUNG DRI MAS DAG ,PHRA RAGS MDZAD PA
BSTAN DANG 'GRO PHAN CAN, ,MTSAN LDAN BLA MA'I TSOGS RNAMS SPYI
BOR MCHOD, ,CES PA'AM, YANG NA, PHYAG ZHABS MTHIL DU 'KHOR

LO'I RI MO BKRA, ,NYI SHU'I SOR MO RIN CHEN DRA BAS 'BREL, ,DBU
YI GTZUG TOR BLTA BAR MI MNGON PA'I, ,RGYAL BA RNAMS KYI SKU LA
BDAG CAG DANG, ,YANG, ZHAL NI GDANGS SHING MCHE BA GTZIGS, ,

LJAGS 'DRIL KHRO GNYER SHIN TU BSDUS, ,DMAR SER DBU SKRA GYEN
BRDZES PA'I, ,KHRO BO'I TSOGS RNAMS GANG BRGYANGS SGROG, ,CES PA
LTA BU, GNYIS PA BYA BA'I RANG BZHIN BRJOD PA NI, MDO SNGAGS

@002A *, ,CHOS KYI SNYING PO KUN BSDUS NAS, ,DBEN PA'I GNAS SU
RTZE GCIG NYAMS BSTAR TE, ,RANG GIS JI LTAR RTOGS PA'I LAM GYI
GNANG, ,'DOMS MDZAD 'JAM MGON BLA MA

TZONG KHA PA, ,ZHES PA'AM, YANG NA, SDIG CAN RNGON PAS NYES MED
RI DVAGS LA, ,NOR SKYOD RBAD NAS BRAG LA DKAR BA'I MTHAR, ,GNAM
RU'I RGYUD LAS 'PHOS PA'I NYAG PHRAN MDE'U, ,SNYING LA

BSNUN NAS GSOD 'DI YA RED, ,ZHES... DANG, YANG, MGAR BAS LCAGS
HRUG SOL BA'I MER, ,BSREGS TE SKAM PAS LEGS BZUNG NAS, ,THO BAS
RDUNG BA'I ZHUN THAR GYIS, ,SPU GRI RNON

PO 'CHOS PAR BYED, ,CES PA LTA BU, GSUM PA YON TAN BRJOD PA'I
RANG BZHIN GYI RGYAN NI, MTSAN LDAN MU DRA'I CHU SKYES REG BYA
YIS, ,PHRA RAGS LAS RLUNG RGYU BA SNYING DBUS SU, ,'DUS NAS

BRJOD BRAL LHAN SKYES BDE CHEN DANG, ,GZHOM MED RDO RJE'I SKU
MCHOG NGANG GIS 'THOB, ,CES PA'AM, YANG NA, BCU DRUG LANG TSO
GSAR LDAN LUS PHRA MA'I, ,MDOG DBYIBS MDZES PA'I LUS

@002B KYI SKYE MCHED DANG, ,MGRIN PA'I LAM LAS BLANGS PA'I SNYAN
'GYUR GLUS, ,TSUR MTHONG SKYES BU'I YID NI 'DOD LDAN BYED, ,CES
DANG, GZHAN YANG, DBYANGS CAN LHA MO'I RGYUD MANG SGRAS, ,SKAL
LDAN RNA BA TSIM BYED CING, ,YID LA SNGON MED

DGA' BA DANG, ,SNYAN NGAG RTZOM PA'I BLO GROS RGYAS, ,ZHES PA
LTA BU, BZHI PA RDZAS BRJOD PA'I RANG BZHIN GYI RGYAN NI, ,GNAG
SNUM DBU SKRA BSIL BUS SKU STOD KHEBS, ,RAB DKAR RUS PA'I PHYAG
RGYA LNGA YIS SPUD, ,G-YAS G-YON PHYAG NA

GRI GUG THOD KHRAG CAN, ,GANG 'DI MKHA' SPYOD DBANG MO MA LAGS
SAM, ,ZHES PA'AM, YANG NA, PHYOGS MTSAMS YUL GRONG MANG POS
BSKOR, ,MDUN RGYAB RKAD PAR DGON SDE DANG, ,RTZE MOR DAR SPUNGS
MTHON PO CAN, ,'DE NI SHEL RTZE'I

RI BO'O, ,ZHES PA LTA BU, GNYIS PA DPE RGYAN LA GSUM, DNGOS KYI
DPER RJOD, SKYON YON GYIS DPER BRJOD, GSAL BYED KYI SGRA'I DPER
BRJOD DO, ,DANG PO LA SUM CU RTZA GNYIS LAS, DANG PO CHOS DEB
NI, MTSAN DPE'I SKU MCHOG RI DBANG

LTA BUR BRJID, ,DRUG CU'I GSUNG NI TSANGS PA'I DBYANGS LTAR
SNYAN, ,MKHYEN BRTZE'I THUGS GSANG RGYA MTSO LTAR ZAB PA'I,
,THUB PA'I DBANG PO PHA LTAR BKA' DRIN CHE, ,ZHES PA'AM, YANG
NA, TSANGS SRAS KHYONG SKU GANGS RI LTA BUR DKAR, ,GSUNG

DBYANGS DRI ZA'I GLING BU BZHIN DU SNYAN, ,MKHYEN PA'I YE SHES
TSIG MNGA'I LAM LTAR YANGS, ,BRTZE BA'I THUGS RJES 'GRO TSOGS
MAS BZHIN SKYONG, ,ZHES PA LTA BU, GNYIS PA DNGOS PO'I DPE NI,
KHRO RGYAL BADZRA BHEE RA'I RTZA BA'I ZHAL, ,DBYAR DU

@003A *, ,MKHA' LA 'KHRIGS PA'I CHAR SPRIN 'DRA, ,DE YI SHES
BYAR LTA BA'I YE SHES SPYAN, ,DUS MTHA'I BSREG ZA 'BAR BA'I TSUL
LA 'GRAN, ,ZHES BA'AM, YANG NA, MKHYEN BAS BLO GTER RJES SU
'CHING, ,BRTZE BAS LAG NA PADMOR 'GRAN, ,NUS PA

GSANG BDAG PHAM MDZAD PA'I, ,'JAM MGON BLA MA SNYING DANG 'DRA,
,ZHES PA LTA BU, GSUM PA LDOG PA'I DPE NI, 'JAM MGON RGYAL BA
GNYIS PA'I MKHYEN RAB BZHIN, ,KU SHA'I RTZE MO MA 'DRES SO SOR
GSAL, ,DE YI RNAM PAR DKAR BA'I 'PHRIN LAS

LTAR; ;G-YAS RU GTZANG PO'I RGYUN LA CHAD PA MED, ,CES PA'AM,
YANG NA, 'JAM MGON CHOS KYI RGYAL PO TZONG KHA PA'I, ,ZAB CING
YANGS BA'I RNAM DPYOD JI BZHIN DU, ,RIN CHEN MA LUS GANG LAS
'BYUNG BA'I GNAS, ,GTING DANG PHA MTHAS DBEN

PA NGO MTSAR CHE, ,ZHES PA LTA BU, BZHI PA PHAN TSUN GYI DPE NI,
GRU 'DZIN BDAG PO'I THUGS RJE JI BZHIN DU, ,RIN CHEN 'BYUNG GNAS
MA YI GTING MTHA' STE, ,RGYA MTSO CHE LTAR 'PHAGS PA'I THUGS RJE
YANG, ,TSU ROL MTHONG BA'I BSAM BRJOD

YUL LAS 'DAS, ,ZHES PA'AM, YANG NA, 'JAM DPAL SNYING PO'I MKHYEN
DPYOD BZHIN, ,ZLA BA'I MA MA GTING DPAG DKA', ,CHU GTER BZHIN DU
MGON PO DE'I, ,BLO GROS PHA MTHA' SU YIS RNYED, ,ZHES PA LTA BU,
LNGA PA DES PA'I DPE NI, RGYAL

SRAS THOGS MED BZANG PO'I THUGS RGYUD KYI, ,'GRO BA KUN LA RJES
SU BRTZE BA'I DPE, ,BU SDUG SROG DANG BRAL BA'I MA NYID LAS,
,GZHAN PA TSANGS PA'I BLOS KYANG RNYED MA YIN, ,ZHES PA LTA BU,
DRUG PA NGES MED KYI DPE NI, RGYAL SRAS THOGS

@003B MED BZANG PO'I SNYING RJE NI, ,'PHAGS MCHOG THUGS RJE'I
GTER DANG RJES SU MTHUN, ,GZHAN YANG NYAMS THAG 'GRO LA CHES
BRTZE GA ,MTHA' DAG GANG GI MTHUN DPER 'OS PA YIN, ,ZHES PA LTA
BU, BDUN PA BSDUS PA'I DPE NI, RATNA BHA DRA 'JIG RTEN DBANG
PHYUG DANG

SNYING RJE CHE LDAN KHO NAS MTSUNGS MIN TE, ,GRU 'DZIN MING DU
GRAGS PA'I RI BO'I SPOR, ,BZHUGS PA'I GNAS MCHOG MDZAD PA 'DI
YIS KYANG, ,ZHES PA LTA BU, YANG NA, DGE SLONG 'PHEL 'DI TSIG
LABS SMRA, ,KHO NAS MKHAS GRUB 'DRA MIN TE

SKYA SER PHO MO GANG 'PHRAD LA, ,SLONG MO SLONG BA 'DI YIS
KYANG, ,ZHES PA LTA BU, BRGYAD PA PHUL BYUNG GYI DPE NI, RATNA
BHA DRA BZHAD LJONGS GRU 'DZIN DANG, ,SPYAN RAS GZIGS DBANG LHO
PHYOGS PO TA LAR, ,BZHUGS PA'I GNAS KYI KHYAD PAR TZAM

NYID LAS, ,GZHAN PA'I RNAM DBYE SHES BYAR SRID MA YIN, ,ZHES PA
LTA BU, DGU PA RAB BRTAGS KYI DPE NI, BLO BZANG GRAGS PA'I
MKHYEN PA DANG MTSUNGS ZHES, ,BRTAN PA'I 'KHOR LO SNYEM PAR MI
'TSAL TE, ,BSKAL BZANG RNAM 'DREN BZHI PA

ZAS GTZANG SRAS, ,DES KYANG SHES BYA MTHA' DAG MKHYEN MIN NAM,
,ZHES PA'AM, YANG NA, RTZI BCUD DKON PA'I DPER 'OS ZHES, ,SA YI
ZLA BA SNYEMS MI 'TSAL, ,GANGS KHROD RGUN GYI ME TOG LA'ANG,
,NGANG TSUL DE DANG LDAN PAS SO, ,

ZHES PA LTA BU, BCU PA RMAD BYUNG GI DPE NI, ZUNG 'JUG MNGON
GYUR RJE BTZUN MI LA YIS, ,ZHI DUL 'DUL BA'I KUN SPYOD LA GNAS
NAS, ,SGRA TSAD RIG PA'I GNAS LA LEGS SBYANGS NA, ,BLO BZANG
GRAGS PA'I DPAL GYI MTHUN DPER 'GYUR, ,

@004A *, ,ZHES PA'AM, YANG NA, NGAG GI DBANG PHYUG RJE BTZUN
'JAM DBYANGS LA, ,MGON PO SPYAN RAS GZIGS KYI THUGS RJE DANG,
,PHYAG NA RDO RJE'I MTHU STOBS LDAN GYUR NA, ,BLO BZANG GRAGS
PA'I DPAL DANG MTSUNGS PAR 'GYUR, ,ZHES PA

LTA BU, BCU GCIG PA RMONGS PA'I DPE NI, BLO BZANG RGYAL BA'I
DBANG PO'I RNAM THAR LA, ,BU RAM SHING PA'I MDZAD PA RDZOGS
SNYAM STE, ,BTZUN MO'I 'KHOR GYIS RNAM PAR ROL PA'I TSUL, ,RTOG
LA NYIN MTSAN PHRENG BA MANG DU 'DAS, ,ZHES PA'AM, YANG

NA; DGE SLONG 'PHEL NYID SLONG MO PAR 'KHRUL NAS, ,RANG GI SGO
KHYIS ZUG CING YANG YANG GTZES, ,MU LTO PA LA DGE SLONG 'PHEL LO
SNYAM, ,DGE TSUL GYIS KYANG MANG JA'I SKAL BA GTANG, ,CES PA LTA
BU, BCU GNYIS PA THE TSOM GYI DPE NI, ZAB MO'I DON

GZIGS 'PHAGS MCHOG KLU SGRUB ZHABS, ,GANGS RIS BSKOR BA'I LJONGS
'DIR PHEBS PA'AM, ,YANG NA YAB RJE BLO BZANG GRAGS PA'I DPAL,
,ZAB MO'I LTA BA 'CHAD SNYAM YID GNYES GYUR, ,CES PA LTA BU,
,BCU GSUM PA GTAN LA PHEBS PA'I DPE

NI; SPROS BRAL GNAS LUGS STON PA'I BSHES GNYEN 'DI, ,MGON PO KLU
SGRUB NYID DU DOGS GYUR KYANG, ZHA SIR COD PAN 'CHAD BA'I GTAN
TSIGS KYIS, ,BLO BZANG GRAGS PA'I DPAL DU NGES PA RNYED, ,CES PA
LTA BU, BCU BZHI PA SBYAR BA'I DPE NI

RGYAL BAS LUNG BSTAN BRTAN PA'I 'KHOR LO YIS, ,RJES BZUNG ZAB
MO'I LTA DANG NYER 'BREL BA'I, ,SNGAGS LAM STON PAS 'JAM DPAL
SNYING PO'I ZHABS, ,KLU SGRUB RDO RJE CAN DANG MTSAN NYID MTHUN,
,ZHES PA LTA BU, ,BCO LNGA PA MNYAM NYID KYI DPE NI,

@004B SNYAN TSIG SMA BA KUN GYI MCHOG ,BSTAN 'DZIN CHOS KYI NYI
MA 'DI, ,MKHAS MCHOG DBYUG PA CAN JI BZHIN, ,'KHRUNGS YUL RGYA
GAR MA YIN NO, ,ZHES PA'AM, YANG NA, MKHAS MCHOG DGE LEGS RNAM
RGYAL GYI, ,BSHAD SBYAR NGAntI'I DGONGS RGYAN 'DI, ,

BKA' 'GREL DBYANGS CAN DGYES PA YI, ,GLU DBYANGS JI BZHIN PAR MA
YIN, ,ZHES PA LTA BU, BCU DRUG PA SMAD PA'I DPE NI, 'PHAGS PA
LHA NI 'DRAN BYED RNAM PAR NYAMS, ,ZLA BA GRAGS PA BA LANG RDZI
RU GYUR, ,DE DAG NYID DANG BLO BZANG GRAGS PA'I DPAL

MTSUNGS PAR MA ZAD KHYAD CHOS DU MAS 'PHAGS, ,ZHES PA LTA BU,
BCU BDUN PA SNGAGS PA'I DPE NI, A'ARYA DE BA MNGAL GYI DRI MAS
DAG ,TZANDRA K'I RTI BSAM BZHIN ZHING 'DIR PHEBS, ,DE DAG NYID
DANG SU DH'I K'I RTI'I MTSAN, ,YON TAN RNAM PA KUN NAS MTSUNGS
MIN

NAM; ;ZHES PA LTA BU, BCO BRGYAD PA BRJOD 'DOD KYI DPE NI, SNYAN
TSIG PHUN TSOGS YON TAN DANG LDAN NAM, ,KHYIM PA'I RTEN GYI
SKYON 'GYUR JI LTAR YANG, ,DGE DBANG NYID DANG RGYAL MCHOG BDUN
PA'I ZHABS, ,MTSUNGS PAR BRJOD 'DOD RNAM RTOG YID

NGOR SHAR, ZHES PA LTA BU, BCU DGU PA 'GAL BA'I DPE NI, THUN
MTSAMS NAM MKHA' GLANG PO DANG, ,GUR KUM RDUL MANG BRTZEGS PA'I
RI, ,ZUR PHUD LNGA PA'I GZUGS KYI SKU, ,'DI GSUM PHAN TSUN RAB
TU 'GAL, ZHES PA LTA BU, NYI SHU PA DGAG

PA'I DPE NI, DBYIBS LEGS RNAM 'BYUR MI LDAN PA'I, ,RAB DMAR BYU
RU'I SDONG PO LA, ,MKHA' SPYOD DBANG MO'I MDZES SKU DANG,
,MTSUNGS PA'I NUS PA GZHAL YANG MED, ,CES PA LTA BU, NYER GCIG
PA DO BSTOD KYI DPE NI, MKHA' SPYOD ZHAL DKYIL

@005A *, ,BUNG BA DANG 'DRA'I SPYAN, ,RGYA SKYEGS ME TOG BUNG BA
DNGOS KYIS MTSAN, ,'ON TE 'DREN BYED YUL DU BDUD RTZI'I CHAR,
,'BEBS LA ME TOG LHAG MIN KUN NAS MNYAM, ,ZHES PA LTA BU, NYER
GNYIS PA DE NYID BRJOD PA'I DPE NI

LEGS SBYAR PHA MTHAR SON 'DI GDONG DRUG LHA, ,MA YIN KARMA SI
TU'I SPRUL SKU STE, ,KUN TU GRAGS 'DI DBYAR SKYES SPRIN GYI
RNGA, ,MA YIN GANG GI SNYAN PAR GRAGS PA'I SGRA, ,ZHES PA LTA
BU, NYER GSUM PA MTHUN MONG MIN PA'I DPE NI, 'PHAGS YUL

DGE DBANG DPA' BOS MTSON MIN PA'I, ,SNYAN 'GYUR TSIG GI MCHOD
SBYIN 'GYED PA'I DPER, ,RANG NYID NYAG GCIG 'OS PA BDO LJONGS
KYI, ,KHAS MCHOG DGE LEGS RNAM PAR RGYAL DE MTSAR, ,ZHES PA LTA
BU, YANG BYANG CHUB LAM GYI RIM PA'I SKYES

BU CHUNG 'BRING GI LAM BRJOD BYAR STON PA LA, NYER GCIG PA NGO
BSTOD KYI DPE NI, 'DREN MCHOG ZAS GTZANG SRAS PO SANGS RGYAS
DNGOS, ,BDAG GI MGON GANG RGYAL BA'I RNAM SPRUL TE, ,'ON KYANG
MDO RGYUD LAM GYI RIM PA KUN, ,'DOMS LA KHYAD PAR MA DMIGS

NGO MTSAR CHE, ,ZHES PA LTA BU, NYER GNYIS PA DE NYID BRJOD PA'I
DPE NI, RNYED PAR DKA' 'DI YID BZHIN DBANG GI RGYAL, ,MA YIN DAL
'BYOR TSANG...BA'I RTEN MCHOG STE, ,SHIN TU NYAM CHUNG 'DI YANG
CHU'I CHU BUR, ,MA YIN SNYIGS DUS SKYE BO'I TSE

SROG GO, ,ZHES PA LTA BU, NYER GSUM PA MTHUN MONG MIN PA'I DPE
NI, PHYOGS BZHI'I RLUNG GIS BUS PA'I RAB 'BAR MER, ,YUN RING
SREGS PA'I MNAR MED DMYAL BA YI, ,BRNAG DKA'I SDUG BSNGAL DPER
'OS SRID PA 'DIR, ,RNYED MIN KHO RANG NYID

@005B DANG 'DRA BAR MTHONG, ,ZHES PA LTA BU, NYER BZHI PA BYUNG
MIN GYI DPE NI, SRID DANG ZHI BA'I LOGS TSOGS YON TAN KUN, ,BYED
PO'I GCIG TU BSDUS LA TZO 'DRI BA'I, ,SLU MED SKYABS KYI MCHOG
GYUR RIN CHEN GSUM, ,MGON DU BZHUGS 'DI AE MA SKAL

BA BZANG, ,ZHES PA LTA BU, NYER LNGA PA SRID MIN GYI DPE NI,
NYIN BYED ZER LAS STUG PO'I MUN PA BZHIN, ,RNAM DKAR RGYU LAS
SDUG BSNGAL TSOR BA DANG, ,RDO BA'I DBUS NAS GSAR PA'I MYU GU
LTAR, ,MI DGE RGYU LA BDE 'BRAS 'BYUNG I SRID, ,CES PA LTA BU,

NYER DRUG PA MANG BA'I DPE NI, SNGON CHAD BAG MED MI DGER SPYAD
KYANG SLAR, ,STOBS BZHI RDZOGS PA'I GNYEN POR 'BAD GYUR NA,
,DGA' BO SOR 'PHRENG MTHONG LDAN BDE BYED BZHIN, ,NGAN PA'I
'BRAS BU CHA TZAM MYONG MA YIN, ,ZHES PA LTA BU, NYER BDUN

PA RNAM 'GYUR GYI DPE NI, MTSAN DPE'I LANG TSO DAR BA'I RNAM
'DREN SKU, ,SRID...ZHI'I LEGS TSOGS DKYIL NAS BTON PA BZHIN,
,RNAM PA THAMS CAD MKHYEN PA'I YE SHES THUGS, ,NYIN MOR BYED
PA'I LTO LAS 'KHRUNGS PA BZHIN, ,ZHES PA LTA BU,

NYER BRGYAD PA 'PHRENG BA'I DPE NI, ,TSUL MIN YID DU BYED LAS
BDAG 'DZIN DANG, ,DE LAS NYON MONGS DE LAS ZAG BCAS LAS, ,DE LAS
RNAM GSUM 'KHOR BA'I SDUG BSNGAL BZHIN, ,BSLAB GSUM RGYU LAS
THAR PA'I BDE BA 'BYUNG, ,ZHES PA LTA

PA'O;; RJE DPAL KHANG PAS, BZHIN LTAR MTSUNGS 'DRA ZIL GNON
'GONGS, ,JI BZHIN DE BZHIN GZUGS BRNYAN MNYAM, ,DPAL 'PHROG TZE
'DRI SKYENGS BYED 'GOG ,'GRON 'KHU RGYAL SDANG PHRAG DOG LHAG
,RJES MTHUN RJES 'GRE RJES SU BYED, ,NYER GSUM 'DI RNAMS MTSUNGS
GSAL SGRA, ,ZHES GSUNGS PA

@006A *, ,LTAR; DBYANGS CAN KHYOD SKU GANGS KYI RI BO BZHIN,
,DRI ZA'I GLING BU STONG LTAR SNYAN PA'I GSUNG, ,MTHA' MED
MKHYEN PA LHA YI LAM DANG MTSUNGS, ,GRANGS MED YON TAN PHUNG
BSKOR TSOGS 'DRA, ,'PHRIN LAS CHEN POS CHUG RGYUN

ZIL GYIS GNON ,BZHIN RAS NYA RGYAS ZLA BA'I MDZES PAR 'GONGS,
,SPRIN LAM J BZHIN DBU SKYES YID DU 'ONG, ,'DZUM DKAR 'PHRO BA
ZLA BA'I 'OD LTA BU, ,MCHU SGROS SHING 'BRAS BIM BA'I GZUGS
BRNYAN CAN, ,LJAGS YUNGS PADMA DMAR PO'I 'DAB

MAR MNYAM, ,MU TIG 'PHRENG BA'I DPAL 'PHROG TSEMS DKAR MDZES,
,AUTPAL 'DAB MAR CO 'DRI'I 'DREN BYED ZUNG, ,YON POR LTA BAS RI
DVAGS SKYENGS PAR BYED, ,SMIN TSUGS DBYIBS LEGS DBANG GZHU'I
MDZES PA 'GOG ,MDZOD SGU RIN CHEN GNYIS

PA'I 'BUR LA 'GRAN, ,SNYAN ZUNG G-YAS 'KHYIL DUNG GI DBYIBS LA
'KHU, ,MGUL PA RAB MDZES BUM PA'I MGRIN LAS RGYAL, ,NU 'BUR CHU
'DZIN GSAR PA'I DPAL LA SDANG, ,PHYAG GRI PAD DKAR SDONG BUR
PHRAG DOG BYED, ,PHYAG SOR LCUG PHRAN

GZHON NU LDEM LAS LHAG ,SKED SKABS PADMA'I SKUD PA'I RJES SU
MTHUN, ,ZHABS ZUNG CHU SHING RKANG 'THUNG RJES...SU 'GRO, LHA
KHYOD 'CHI MED SGEG MO'I RJES SU BYED, ,DE PHYIR GUS PAS BSTOD
LA BLO MCHOG STZOL,, ' SROD DUS 'CHI MED LHA YI LAM

YANGS POR, ,'PHRUL BLON PA WA SANGS DANG RGYU SKAR GYI, ,RGYAL
PO SHAR BA'I 'OD DKAR RAL GRI YIS, ,STUG PO'I MUN TSOGS MING GI
LHAG MAR BYAS, ,ZHES DPER CAN PA SANGS DANG ZLA BA GNYIS TSOGS
PA DPE RAL GRI'I GZUGS SU BKOD PAS KHYAD

@006B PAR GYI GZUGS CAN NO,, ' RDZAS THOG GSAL, ZUR PHUD LNGAS
MTSAN 'JAM MGON LHAG BA'I LHAS, ,MI SHES RMONGS BA'I MUN CHEN
GANG DU BTANG, ,'CHAD RTZOD RTZOM LA THOGS BRAL PHRA 'DZANGS
BLO, ,GANG NA GNAS DE BLANGS SNYAM 'PHYANG MO NYUG ,CES PA'AM,

YANG NA, ZLA TSES GTZUG 'CHANG DBYANGS CAN LHA'I, ,MDZES SKU
'DREN BYED BDUD RTZE STE, ,GSUNG SNYAN SGRA 'DZIN BCUD DU LEN,
,ZAB THUGS YID LA DGA' STON 'GYED, ,CES PA LTA BU, LNGA PA SKOR
BA'I RGYAN LA GSUM LAS, DANG PO DON SKOR NI, SDE SNOD GSUM

DANG RGYUD SDE RNAM BZHI'I DON, ,'CHAD LA ZLA BRAL RJE BTZUN
TZONG KHA PA, ,BSLAB PA GSUM DANG RIM PA GNYIS KYI TSUL, ,BSGOMS
PAS MNGON GYUR BLO BZANG GRAGS PA'I DPAL, ,ZHES PA LTA BU, GNYIS
PA TSIG BSKOR NI, 'DREN PA KUN MCHOG NGAG DBANG

RDO RJE'I ZHABS, ,ME MTHUN TSA GDUNG SKYOB PA'I GDUGS SU BYED,
,RAB DKAR LHAG PA'I BSAM PAS KUN BSLANGS TE, ,TSIG RGYAN BSTAN
PA BDAG GIS GDUGS SU BYED, ,CES PA LTA BU, GSUM PA TSIG DON
GNYIS KA BSKOR BA NI, PAn CHEN NGAnd'I'I

GZHUNG DON JI BZHIN DU, ,GO LAS DHARMA BHA DRA YID DGA' BYED,
,JI LTAR GO BA DE LTAR LHUG PO RU, ,BSHAD PAS SNOD LDAN RNAMS
KYANG YID DGA' BYED, ,CES PA LTA BU, ' 'GOG RGYAN LAS, DANG PO
BYUNG BA 'GOG PA NI, RGYAL BAS TSUR

SHOG GSUNGS PA TZAM NYID KYIS, ,SH'A RI'I BU SOGS BSNYEN PAR
RDZOGS SRID DAM, ,'ON TE SRID PA THA MA'I GDUL BYA DANG, ,RNAM
'DREN BYIN MTHU BSAM PA'I YUL LAS 'DAS, ,ZHES PA LTA BU, GNYIS
PA MNGON GYUR 'GOG PA NI, 'JAM MGON

@007A *, ,BLA MA'I PHYAG SOR AUTPALA STENG, ,YID 'PHROG GLEGS
BAM KHUR GYIS DUD PAS CI, ,GDUL BYA'I YID KYI RMONGS MUN MA LUS
PA, ,YAN LAG DRUG CU'I GSUNG GIS SEL MIN NAM, ,LTA BU, ,GSUM PA
'BYUNG 'GYUR

'GOG PA NI, RJE BTZUN BLA MAS BDAG LA 'CHAD RTZOD DANG, ,RTZOM
PA'I SHES RAB ZAB MO MA STZAL NA, ,ZHVA SREL BSTAN 'DI PHYIR
RGOL MU COR GYIS, ,MING GI LHAG MAR BYED LA SOM NYI BRAL, ,ZHES
PA LTA BU, BZHI PA CHOS 'GOG PA NI,

BRTAN PA'I 'KHOR LO'I ZHAL DKYIL MTHONG TZAM GYIS, ,'CHAD RTZOD
RTZOM PA'I BLO GROS RGYAS 'DI RDZUN, ,BDEN NA 'PHROG BYED DGA'
BAS PAn KYIS, ,SGRA TSAD LUNG DANG RIGS PAS BTUL DE CI, ,ZHES
PA'AM, YANG NA, BCU GNYIS

BDAG PO'I 'OD KYIS BRTAN G-YO'I DNGOS, ,GSAL BAR BYED PA'I GTAM
'DI 'UD GOG TZAM, ,BDEN NA NYIN PAR 'CHI MED LAM PO CHER, ,SKAR
TSOGS SNANG BAR MI 'GYUR 'DI CI GA ,ZHES PA LTA BU, LNGA PA CHOS
CAN 'GOG PA NI, 'JAM

MGON BLA MA SANGS RGYAS YIN MIN ZHES, ,BDEN PA'I DAG GIS BSNYED
PAR MI SPOBS TE, ,DPYAD GSUM DAG PA'I GSUNGS LAS GSANG GSUM GYI,
,PHA MTHA' BDAG 'DRA'I BLO YI YUL MIN PHYIR, ,ZHES PA'AM, YANG
NA, DRANG SRONG CHEN PO R'A

HU LA'I LUS KYIS, ,GO LA'I PHYED LA KHYAB DANG MA KHYAB CES,
,BRJOD PAR DKA' STE MGO DANG MJUG MA'I CHAS, ,ZLA NYI SGRIB PA
TZAM LAS MA MTHONG PHYIR, ,ZHES PA LTA BU, ,DRUG PA RGYU 'GOG PA
NI, NYIN RE BZHIN DU NAD KYI GDUNG BA

@007B 'PHEL, ,SMAN DPYAD MO BON RIM GROS PHAN BSKYED MED, ,GNYEN
BSHES MCHI MAS BRNANGS PAS MTHA' SKOR KYANG, ,SDIG MED SKYE BO
DAG NI 'JIGS MI 'GYUR, ,ZHES PA LTA BU, BDUN PA 'BRAS BU 'GOG PA
NI, ,TSE LA SNON MED RTAG TU MDZAD,

PA DANG, ,RGAN GZHON BAR MA'I GO RIM MA NGES PAR, ,'JIG RTEN
PHYI MA'I GNAS SU 'GRO MTHONG YANG, ,DA DUNG 'CHI BA MI DRAN 'DI
CI LAG ,CES PA LTA BU, ,BRGYAD PA RJES GNANG GI 'GOG PA NI, YID
GCUGS MDZA' BO DAM PA'I LHA CHOS

LA; ;DGYES NA TSANGS SPYOD BSLAB GZHI 'PHRAL DU BZHES, ,GROGS
MED MA BDAG MGYOGS 'GRO'I KHA NAD LAS, ,BABS PA'I DAL GRO'I
GTING DU LCEB LA RING, ,ZHES PA LTA BU, DGU PA DBANG GIS 'GOG PA
NI, GROGS KHYOD DAM PA'I CHOS

KYI SGOR ZHUGS NA, ,RANG GZHAN GTAN GYI MDUN MA KUN 'GRUB CING,
,RGYAL BSTAN MDZES PA'I RGYAN DU'ANG 'GYUR MOD KYI, ,BDAG SEMS
BSRUNG PHYIR KHYIM GYI GNAS 'DIR BZHUGS, ,ZHES PA LTA BU, BCU PA
MA GUS PAS 'GOG

PA NI; BDAG NI ZHVA SER BSTAN LA MCHOG TU GUS, ,DE LAS PHYI ROL
GYUR LA YI MA RANG, ,GROGS KHYOD GRUB MTHA' GANG GI SGOR 'JUG
KYANG, ,RANG GI GSHIS LUGS GSONG POR SMRA BAR ZAD, ,CES PA LTA
BU, ' SRID PA CAN GYI RGYAN

LA GSUM PAS, YONGS GRAGS KYI RGYU BKAG NAS, DANG PO PHYI DUS
STON PA'I SRID PA CAN NI, ,MA RGAD MA BYUGS LHANGS BA'I 'DZIN
LA, ,BKOD MIN SNA TSOGS ME TOG TSOM BU BKRA, MA BOS DU 'DUS PA'I
CHAR SPRIN KHROD, ,DBYU GUS MA

@008A *, ,BSNUN DBYAR RNGA LDIR 'DI MTSAR, ,ZHES PA'AM, YANG NA,
MA BSKUL CHU 'DZIN STUG POS PHYOGS KUN KHYAB, ,MA BRDUNGS SPRIN
GYI SGRA BRGYA RAB TU SGROG ,MA PHABS SBRANG CHAR ZAGS PAS NOR
'DZIN BRLON, ,MA BYUGS

RI KLUNG G-YU MDANGS YID DBANG 'PHROG ,CES PA LTA BU, GNYIS PA
NANG LANG TSO STON PA'I SRID PA CAN NI, MA BKRUS PAR YANG MGO
SKYES DUNG MDOG 'DZIN, ,PIR GYIS MA BRIS GNYER MA'I RI MO 'PHEL,
,MA PHYUNG SO YI 'PHRENG BA KUN LHUNG ZHENG

RGYUD KYIS MA BKUG DUD PA'I LUS 'DIS SKYO, ,ZHES PA LTA BU,
,YANG NA, ZLA ZHUN MA BYUGS ZHAL DKYIL RAB TU DKAR, ,MA BRDUNGS
KHYOD GSUNGS TSANGS SRAS GO NA'I DBYANGS, ,MA BSDUS RIGS CAN
'GRO BA CAN MTHA' DAG 'DU, ,MA 'DZEGS

SPYI BOR 'GYING BA YONGS 'DZIN RJE, ,ZHES PA LTA BU, GSUM PA
RANG GI NGO BO TZAM STON PA'I SRID PA CAN NI, MA BOS DBUS GTZANG
DAG PA'I ZHING DU BYON, ,MA BSKUL THOS BSAM SGOM PA MTHAR PHYIN
MDZAD, ,DGRA ZLA MIN YANG LOG SMRA MTHA' DAG

BTZAM, ,RANG 'DOD BRAL YANG ZHVA SER BSTAN SROL PHYE, ,ZHES PA
LTA BU, ' BSDUS BRJOD KYI RGYAN LA BZHI LAS, DANG PO SPYI'I
BSDUS BRJOD NI, TSANGS SRAS LHA MO'I PHYAG GI KO NA'I DBYANGS,
,'PHREL YUL DGE BA'I SNYAN PA RING DOR NAS, ,

KHA CIG DRI ZA'I BU MO'I GLING BU DAG ,DVAGS BAS MNYAN PA DON
CHEN YIN PAR SEMS, ,ZHES PA LTA BU, GNYIS PA KHYAD GZHI THA DAD
LA KHYAD CHOS MTSUNGS PA'I BSDUS BRJOD NI, BGROD PA RGYUN CHAD
MED PA'I SHING RTAR BRTEN, ,SKYON BRAL

@008B GZI 'OD 'BUM PHRAG RAB TU 'PHRO, ,LUS CAN PHAN BDE SKYED
PA'I NYIN BYED DBANG, ,BDAG CAG GLING BZHI RNAMS KYI SKAL BAR
THOB, ,CES PA LTA BU, GSUM PA KHYAD CHOS THA DAD THA DAD MIN PA
NI, LHA YI RDZING RING RIG PAS CHAS STONG PA'I NGOS, ,DBANG PO'I
GZHU

RIS 'KHYOG PO RNAM PAR BKRA, ,BSNYEN PAR GYUR TSE REG BYA STONGS
PA LA, ,MDZES PA'I GOS SU RE RNAMS SNYING POS DBEN, ,ZHES PA LTA
BU, GSUM PA SNGON MED KYI BSDUS BRJOD NI, BRID DANG GANG BA'I
RNAM 'GYUR MI LDAN ZHING, ,'CHAR NUB BGROD

PA'I MYUR BUL MI STON PA'I, ,RTAG TU NYA GANG GNYIS SKYES DBANG
PO 'DI, ,KU NA'I TSAL YANGS DAG GI DPAL DU SHAR, ,ZHES PA LTA
BU, 'JAM MGON CHOS KYI RGYAL PO TZONG KHA PAR, ,DKA' BZHI PA
ZHES GRAGS KYANG DE MA YIN, ,STONG PHRAG

DKA' GNAS ZHIB MOR LEGS SBYANGS PA'I, ,MKHAS PA'I GO 'PHANGS
MCHOG TU GSHEGS PA LAGS, ,ZHES PA NI CHOS LA BSNYON PA'O, , ZHES
PA 'DI RNAMS BDAG CAG RNAMS LA BKA' DRIN MTSUNGS PA MED PA'I
MKHAS GRUB CHEN PO RJE BTZUN DNGUL CHU BA DHARMA BHA DRA DPAL

BZANG PO'I ZHAL SNGA NAS, SNYAN NGAG ME LONG GI LE'U GNYIS PA'I
ZAB KHRID LAN KHA YAR SNGA PHYIR STZAL BA'I SKABS DPER BRJOD
GSAR RTZOM MDZAD PA RNAMS BKA' 'PHANGS PA RJE DRUNG AA YUR SU
DH'I:SA RANG GZHAN LA PHAN PA'I BLOS KHU BSDUS KYIS CI RNYED
PHYOGS GCIG TU BKOD PA DGE LEGS 'PHEL,, ,,

' MTSUNGS PA GSAL BYED KYI SGRA GZHUNG GIS ZIN PA LA, RIN SPUNGS
'GREL CHEN DU, MDOR BSTAN LA DRUG CU RTZA GSUM, RGYAS BSHAD LA
SDE TSAN DANG POR 'DRA LA DPER BRJOD MED PAR BLTA BCAS THA DAD
DU BYAS TE, DPE DON NGO BO GSAL BA NYER GCIG,

@009A *, ,SDE TSAN GNYIS PAR GZUGS BRNYAN NAS GRIB MA MTSUNGS
PA'I BAR 'DRA BA'I DON GSAL BYED BCO BRGYAD CES 'BYUNG YANG
BGRANG TSUL LA THE TSOM SNANG, SDE TSAN GSUM PAR 'BRU MANG
TSIG...SDUD NAS MI BZOD PAR MTSUNGS

PA GSAL BYED BCO LNGA, SDE TSAN BZHI PAR TSIG RKANG RE GRANGS
RER BGRANGS PAS GSAL BYED KHYAD 'PHAGS DGU STE, BDOMS NA DRUG CU
RTZA LNGA YOD GSUNG YANG DRUG CU RTZA GSUM LAS MI SNANG, DBYANGS
CAN DGYES GLUR MDOR BSTAN

RE GSUM, ,DPER BRJOD RE DRUG ,DON BSDU RE LNGA 'BYUNG BA JI...
YIN BRTAG ,BOD MKHAS PAS, ,MTSUNGS PA GSAL BYED SHONG SPANGS
SOGS KYI DRUG CU RTZA GSUM DANG, SAm GHA SHR'I DRUG CU RTZA
LNGAR BSHAD PAR GSUNGS NAS, SDE TSAN

DANG POR BLTA DANG BCAS SO SOR BYAS TE NYER GNYIS, SDE TSAN
GNYIS PAR GZUGS BRNYAN NAS, MNYAM BYAS BAR BCO BRGYAD, SDE TSAN
GSUM PAR 'BRU MANG TSIG SDUD NAS MI BZOD BAR BCO LNGA, SDE TSAN
BZHI PAR RJES 'GRO DANG RJES

SU 'CHING SO SOR BYAS TE BCUR GSUNGS PA SNGOMS NA DRUG CU RTZA
LNGA 'BYUNG BAS RANG TSIG LA NANG 'GAL MED, DBYANGS CAN NGAG GI
ROL MTSOR, BOD PHYIR BAS PA LA YONGS GRAGS LTAR GZHUNG GI DNGOS
BSTAN GYI GRANGS DRUG

CU RTZA LNGA, RGYA 'GREL GNYIS KYI LUGS BZHIN SDE TSAN GNYIS SU
PHYE BA'I SDE TSAN DANG POR, BZHIN NAS MI BZOD BAR NGA BZHI, SDE
TSAN GNYIS PAR SKAL BZANG 'PHROG BYED NAS RJES SU BYED PA'I BAR
BCU GCIG STE, DE YANG 'GRAN

@009B DANG ZHES PA, 'GRAM PA BUNG BA'I DBYANGS LDAN PA, ,SO
GNYIS 'DI DAG DBYID DANG 'GAL, ,ZHES 'GAL DU BSGYUR, BLTA BCAS
KYI SKAD DOD, SA DRI SHA, MTSAR SDUG LDAN PA'I SMIN MA DAG AUTPA
LA NAGS KLUNG 'DRA BAR MTHONG, ,ZHES 'DRA

BAR MTHONG DU BSGYUR, YANG DAG GZHAL, MTHON MTHING RAL PA'I THOR
COG GIS, ,DBANG SNGON LHUN PO YANG DAG 'JAL, ,ZHES 'JAL DU
BSGYUR, RTZE DGA' ROL PA'I 'DZUM GYI 'PHRENG, ,RAB DKAR KHA BA'I
'OD LA RTOG ,CES RTOG

GI RGYA SKAD KALPA, CHEN PO'I RAL PAR RTAG NYAL BA'I, ,ZHABS SEN
ZLA TSES GZHON NUR SEMS, ,ZHES SEMS SU BSGYAR, DI SH'I YA, MTHUN
GROGS DGA' BA'I 'DZUM MDANGS 'OD, ,ZLA BA'I 'OD LAS DMAN PA
TZAM, ,

ZHES DMAN DANG, DE SHYA, MTSUNGS PA MED PA'I GZI BYIN 'DI, ,NYI
MA'I 'OD LAS CUNG ZAD DMAN, ,ZHES CUNG ZAD DMAN GNYIS DPE DON
SBYOR TSUL SNGON LAS BZLOG PAR MDZAD, A'A DE'I SOGS KHONGS NAS
'GREL PAS BSTAN

PA'I HA HU'I DPER BRJOD, MCHOD RDZAS RNAM PA MANG PO 'DI, ,KUN
BZANG MCHOD PA'I SPRIN RGYA MTSO, ,ZHES DANG, DZ'A TI'I DPER
BRJOD, BRDA SPROD GZHUNG BRGYA SMRA BA KHYOD, ,NGES PAR LHA YI
DRANG SRONG RIGS, ,ZHES GSAR SBYOR MDZAD,

SA WARnA, SRID PA'I NYON MONGS 'DI DAG KUN, ,NAG PO BRTZEGS PA
DANG RIGS MTHUN, ,ZHES RIGS MTHUN DANG, TU LI TOO, NAM MKHA'I
KHYON DANG SEMS CAN KHAMS, ,KHYOD KYI THUGS RJES MTHA' MNYAM
BYAS, ,ZHES MNYAM BYAS

@010A *, ,SU BSGYUR NAS DPER BRJOD SO SOR BSHAD, GANG YANG DMAN
MIN DON CHE NA TSIG, CES PA'I GZHUNG GI KHA 'PHANGS PA MTSON
BYED, RATNA SH'A'I RGYA 'GREL DU CHOS MTHUN PA DANG, CHOS MTHUN
MONG BA DANG, GRIB MA MTSUNGS PA STE GSUM

'BYUNG BA LA DPER BRJOD RE DRANGS NAS 'DI GSUM DANG GONG GI SOGS
KHONGS GNYIS DNGOS BSTAN GYI GRANGS SU MI 'DREN PAR GSUNGS, SDE
TSAN GNYIS PA NI, DPE DON GNYIS MTSUNGS PA BRJED TSUL GYI SGRA
RANG DNGOS NAS RAB BRTAGS KYI RNAM PA GSAL

BA ZHIG STE, RO HA TI, MDZOD SPU'I DKAR BAS ZLA BA DANG,
,MTSUNGS PA LAS KYANG LHAG PAR 'JOGS, ,ZHES MTSUNGS PA LAS LHAG
PAR 'JOGS, ZHES BSGYAR, RJES SU 'GRO BA DANG, RJES SU 'CHING BA
THA DAD DANG, NGANG TSUL DANG, 'GOG PA THA DAD DU PHYI NAS,

GZHUNG GI DNGOS BSTAN DRUG CU RTZA LNGA DANG, RGYA 'GREL LAS
DPER BRJOD PA LNGA STE BDUN CU PO 'DI RNAMS MTSUNGS PA GSAL BYED
KYI SGRA YIN NO, ZHES GSUNGS, 'DI LA KALPA ZHES PA'I SKAD DOD
RTOGS DANG SEMS GCIG TU MA BGRANG...NA 'GRIG PAR MI

SNANG; RIN SPUNGS PA DANG RGYAL MCHOG LNGA PA'I LUGS LTAR SNGE
TSAN PHYI MAR GRANGS DGU YOD PAR BYAS NAS BOD SNGA RABS PA'I
BZHED PA DRUG CU RTZA GSUM 'GRIG PA YIN, ,DBYANGS CAN DGYES
GLUR, ,NGAG GI DBANG PHYUG GI

'GREL PA LAS BSHAD PA BCU GCIG CES PA'I NGAG PA'I DBANG PHYUG DE
RIN SPUNGS NGAG DBANG 'JIG GRAGS LA DGONGS NAS GSUNGS PA YIN
DGOS KYI NGAG DBANG GRAGS PA'I RGYA 'GREL NA MED PA'ANG SHES PAR
BYA'O, ,ZHES KYANG GSUNGS SO, ,