@001A *, ,YIG BSKUR RNAM BZHAG MDOR BSDUS BZHUGS SO,, @001B *, ,NA MO GU RU MANYDZUGHO sh'A YA, DE YANG KUN MKHYEN LNGA PA CHEN POS, YA RABS DUS BSTAN DMA' SAR 'BEBS MI RUNG, ,MA RABS CHE SAR BTON NA GNYA' BAR RENGS, ZHES GSUNGS PA LTAR, MCHOG DMAN BAR MA'I KHYAD PAR LEGS PAR PHYED PAR BYAS NAS, DE DANG MTHUN PA'I ZHU 'PHRIN GYI 'BEBS BZOS SOGS BYA DGOS PAS 'DI LA GSUM, MTHO DMAN RIGS MTHUN DBYE BA, DE LA ZHU 'PHRIN JI LTAR 'THOB PA, KHA YIG DANG HUNG LA'I RGYA SDEMS BYED TSUL LO, ,DANG PO NI, MTSAN SMOS TE MTHO DMAN GYI DBYE BA BYAS KYANG, 'GYUR SLA GSHIS NGES PA 'BYUNG DKA' BAS, LHA CHOS YON TAN GYI DBANG DU BYAS NA, RIG GNAS KUN LA THOGS MED KYI PAndI @002A *, ,TA CHEN PO, MDO RGYUD NOR BU'I BANG MDZOD KYIS PHYAG PA'I RAB 'BYAMS SMRA BA'I DBANG PO, RIM GNYIS ZAB MO'I LAM LA 'KHRUL PA DANG BRAL BA'I RDO RJE 'DZIN PA CHEN PO, 'PHAGS PA'I RIGS BZHI LA GNAS PA'I SNGOM BRTZON 'DUL BA 'DZIN PA'I DGE SLONG, SNANG SRID 'KHRUL PA GZHIS PA'I NYAMS RTOGS KYI RNAL 'BYOR PA, BRDA SPROD GTZUG LAG GI 'BYOR PA MI DMAN PA'I SGRA MKHAN, RDZU 'PHRUL SGYU MA'I KHENGS PA 'PHROS PA'I BRIS 'BUR GYI BZO BO, YON TAN KUN GYI GZHI MA YIG RIGS RGYA MTSO'I 'DU BYED MKHAN, LUS CAN GYI SROG 'TSO BAR BYED PA'I CHA'I RIG...BYED LA MKHAS PA'I SMAN PA, TSIG RGYAN RGYA MTSO'I PHA MTHAR SON PA'I SNYAN DNGAGS @002B MKHAN, SKAD RIGS BZHI LA BYANG BA'I ZLO GAR BA, SRID ZHI'I BLANG DOR 'DOMS PA'I SKAR RTZIS PA SOGS DANG, MI CHOS RIGS RUS KYI DBANG DU BYAS NA, SA CHEN CHOS BZHIN DU SKYONG PA'I RGYAL RIGS, RIG BYED RNAM BZHI'I SGO BRGYA 'BYED PA'I BRAM ZE'I RIGS, MKHO...DGU'I TSONG GZONG 'GREMS PA'I RJE'U RIGS, PHYUGS ZHING 'TSO SKYONG LA MKHAS PA'I DMANG RIGS, RNO NGAR MTSON CHA'I BZO BKOD DANG SROG BRAL STER BA'I GDOL RIGS SOGS, 'BUL YUL DANG 'BUL MKHAN GNYIS KA GO 'PHANG GANG LA GNAS LEGS PAR BRTAGS NAS MTHO DMAN GYI RIM PA BYA'O, ,GNYIS PA RA LA ZHU 'PHRIN JI LTAR 'THOB PA LA GNYIS, MOS LUGS KYI DBANG DU BYAS PA DANG, 'JIG RTEN LUGS KYI DBANG DU BYAS PA'O, ,DANG PO LA YANG NANG GSES MTHO DMAN GYI DBYE BA BCU LAS, DANG PO RGYAL BA THAMS CAD MKHYEN PAR 'BUL RGYU 'DRA ZHIG YIN NA, LHAR BCAS... BSTAN 'GRO YONGS KYI GTZUG RGYAN DAM PA RIN PO CHE'I ZHES PA LTA BU 'BUL YUL MTSAN DON GYI BSNGAGS PA RGYAS BSDUS GANG RUNG GI MTHAR ZHABS BRTAN AUTPAL RNAM PAR@003A *, ,BZHAD PA MCHOG GI DRUNG DU, DRUNG ZHU'I 'BEBS MTHO GANG TZAM NAS SGO GSUM GUS PAS SOR BCU SPYI BOR BKOD DE ZHU BA, 'OG TU CHUD NGES BYED, DENG GI DUS SRAS BCAS RGYAS BA KUN GYI MKHYEN BRTZE NUS BA'I RANG GZUGS MA LUS PA GCIG TU 'PHYUR BA'I MTSAN DPA'I SNANG BRNYAN RDO RJE GSUM GYI RANG BZHIN LHA MI'I SKYE DGU MTHA' DAG GI GTZUG RGYAN NOR BU'I DO KAR GYIS BTEG PA'I KHRI 'PHEBS MTHON PO LAS NAM YANG GA-YO BA MED PAR 'TSO ZHING GZHES PA DANG LHAN CIG TU, BKA' SHOG RIN PO CHE GNANG SKYES BZANG PO DANG BCAS BSTZAL BA SPYI BOR PHEBS PAS SA GSUM YID CAN GYI SPYI DPAL DU GYUR PAS SLAR YANG LAG PAD SNYING GAR ZUM, RANG GI GNAS TSUL MED KYANG TSEG CING BYED NA'ANG ZUR TZAM LAS 'BUL YUL GNYAN PAS MI SBOBS, MTSAMS KYI ZHU MCHID CES DON GNYER YOD NA SKABS 'DIR 'GOD, SLAD NAS RIS MED BSTAN 'GRO SPYI DPAL DU ZHABS BUNG 'KHOR LO'I RANG GZUGS...BSKAL BRGYAR BRTAN CING YID CAN SPYI DANG BYE BRAG RNAMS BYANG CHUB BAR DU RJES SU 'DZIN PA'I YE SHES @003B KYI GZIGS PA CHEN POS MI 'DOR NGOS, BKA' STZAL BSLAB STON SKAL LDAN SHING RTA'I KLUNG LTAR MKHYEN LAGS, YIG RTEN BKRA SHIS KHA BTAGS LTA BU ZHIG YONG NA, ZHU YIG 'DEGS MTSAN... TZAM DU LHA RDZAS MANG+GA'I RTEGS CAN GYIS BTEG STE YAR TSES LA BLO BZANG BSTAN PA DAR RGYAS KYIS PHUL BA'I ZHU YIG CES PA LTA BU CHOS GSHAM DU 'BUL BA PO'I DNGOS MING RGYAG CING, ZHU YIG CES PA 'OG TU 'BEBS,, ' GNYIS PA PAn TSAN THAMS CAD MKHYEN PAR MTSON NA, LHAR BCAS SKYER GU'I RNAM 'DREN CHEN PO'I ZHES PA LTA BU YUL GYI BSNGAGS BRJOD MTSAN SMOS KYI MTHAR, ZHABS PAD RIN PO CHE'I DRUNG DU, ,'BEB SO SOR BCU TZAM NAS GUS PAS THAL MO SNYING GAR SBYAR TE ZHU BA, 'OG TU TSUG PA NAS DENG DUS GSANG GSUM MI ZAD PA RGYAN GYI 'KHOR LO BRNYENGS BRAL GDONG LNGAS BTEG PA'I KHRI 'PHANG LAS GA-YO BA MED CING, MKHYEN BRTZE NUS PA'I 'PHRIN LAS KYI 'OD STONG 'GRO BA KUN GYI CHOD PAn DU 'BAR BZHIN PA NAS, BKA' SHOG RIN PO CHE GNANG SKYES DANG BCAS BSTZAL BA SPYI BOR PHEBS PAS BSTAN 'GRO SPYI DANG BYE BRAG TU BKA' DRIN MTSUNGS ZLAS DBEN CING, 'DIR PHRAN BU GANG GI THUGS RJE'I GRIB BSIL LAS LNGA LAM DU MA GYUR TZAM LAGS, MTSAMS ZHU, DON...YOD @004A *, ,NA 'DIR 'GOD, ,SLAD NAS RNAM PA KUN TU YE SHES KYI SKYABS ROL NAS 'DOR MED NGOS, BKA' STZAL BSLAB STON GANG+GA'I RGYAN BZHIN MKHYEN LAGS, ZHU YIG 'DEGS MTSON TZAM DU LHA RDZAS GANGS RI'I MDANGS LDAN GYIS BTEG STE, DKAR TSES LA DGE SLONG DBANG PHYUG CHOS BZANG GIS PHUL BA'I ZHU YIG CES SOGS PHAL CHER GONG DANG CHA MTSUNGS BYED DO, , ' GSUM PA NI, SKYABS GNAS DAM PA CHOS KYI RJE RIN PO CHE'I ZHES PA LTA BU BSNGAGS BRJOD MTSAN SMOS CI RIGS BRJOD PA'I MTHAR ZHABS DRUNG DU, ZHU BA 'OG TU CHUG TZAM NAS, DENG GI...DUS SKU GSUNG THUGS RDO RJE'I RANG BZHIN MCHOG TU BRTAN CING, SKYE 'GRO SMIN GROL GYI LAM BZANG POR 'GOD PA'I 'KHOR LO GSUM GYI 'PHRIN LAS YAR NGO'I ZLA ZHAL LTAR 'PHEL BA'I NGANG NAS 7 BKA' THAM RIN PO CHE GNANG RTEN DANG BCAS PHEBS PA BKA' DRIN BLA LHAG TU CHE, 'DIR PHRAN CHUNG 'BYUNG BA CHA SNYOMS SHING DAM PA'I RNAM THAR YID NAS 'DOR MED...KHUL DU GNAS LAGS, MTSAMS ZHUS NAS DON 'GOD, SLAD CHAR THUGS RJE DANG YE SHES KYI GZIGS PA CHEN PO NAS NAM YANG MI 'DOR NGOS, BKA' MCHID BSLAB STON MTHO RIS KLUNG BZHIN MKHYEN LAGS, @004B ZHU YIG 'DEGS BYED TZAM LA RGYA ZHU SA TSAS LA PHUL BA'I ZHU GI CES ZHIG 'BEBS SO,, ' BZHI PA NI, MDO RGYUD KUN LA THOGS MED SMRA BA'I DBANG PHYUG DAM PA RIN PO CHE'I ZHES PA LTA BU MTSAN GYI BSNGAGS PA GANG RUNG BRJOD MTHAR DRUNG DU, 'BEBS SOR DRUG NAS ZHU BA THOD 'DRONGS NAS 'GOD, DENG DUS SKU RIN PO CHE NYIN MOR BYED PA'I DKYIL 'KHOR RAB TU GSAL ZHING, CHOS PHUNG BRGYAD KHRI'I LEGS BSHAD KYI 'OD SNANG STONG DU 'BAR BAS THUB BSTAN AUTPLA'I TSAL KUN 'BUM PHRAG TU BZHAD PA'I NGANG NAS BKA' THAm RIN PO CHE GNANG RTEN DANG BCAS PHEBS PA BKA' DRIN... GYI DPAL DU CHE, 'DIR YANG 'DU BA SNYOMS LDAN KHUL DU MCHIS LAGS, MTSAMS GSOL NAS DON 'GOD, SLAD CHAR LEGS PAR BSHAD PA'I ZAB CHOS KYI BSLAB STON PHEBS 'OS 'BAB LDAN RGYUN BZHIN MKHYEN LAGS, ZHU YIG RTEN TZAM LA RGYA LDAN BCAS CHOS LA PHUL BA'I ZHU YIG ,CES ZHU YIG PHAB TZAM MO,, ' LNGA PA NI, GNAS BRTAN 'DUL BA 'DZIN PA BSTAN PA'I GSAL BYED CES PA LTA BU'I MTSAN SMOS BSNGAGS PA'I MTHAR RIN PO CHER 'BEBS SOR SNGA NAS, ZHU BA 'OG TU MA CHUG TZAM NAS, DENG YANG TSOGS GNYIS KYI CHU GTER LAS 'ONGS PA'I SKU'I ZLA ZHAL LHAG PAR @005A *, ,GSAL ZHING THOS BSAM LUNG RIGS KYI 'ONG BRGYA 'BAR BZHIN PA NAS, GSUNG SHOG RTEN GNANG BCAS PHEBS PAS BKA' DRIN CHE, 'DIR YANG LUS 'TSO SNYOMS LDAN PHUL DU GNAS LAGS, CHED ZHUS NAS DON 'BRAS 'GOD, SLAD NAS THUGS NYE RDO RJE PHA LAM GYI DRA BA CHANG MED NGOS PHEBS TSOGS PAKshU'I RGYAN BZHIN ZHU ZHU, RGYA ZHUS MED CING ZHU THO RTEN DANG BCAS CHOS LA PHUL BA'I ZHU THO, ZHES ZHUO PHAB TZAM MO,, ' DRUG PA NI, DNGOS MING BSNGAGS PA GANG YANG MED PAR LAGS, ZHES SMOS NGOS, 'BEBS SOR GSUM GSEG 'GROS NAS CHER 'BUL, DENG YANG DGE LEGS RGYA MTSO'I MNGAL KHUR LAS...BLTAMS PA'I SKU 'TSO DE BA DA RU'I LJON PA MCHOG TU RGYAS SHING, ZHI LCAG TING 'DZIN GYI 'BRAS BU GA-YUNG DU ZA BA NAS GSUNG BRIS RTEN GNANG BCAS PHEBS PAS SPRO; 'DIR NGOS KYANG 'DU PHUNG DUS 'DZIN RKYEN GYIS MA REG TZAM DU GNAS, SLAD NAS NYER LEN GYI 'PHROD BZHES SENG MED NAS, SNYING PO'I DON GYI GSUNG 'OS RIM YOD 'TSAL, RTEN LHA RDZAS DANG BCAS CHES LA PHAL ZHES PHUL PHA BA TZAM BYA'O,, ' BDUN PA NI, DGE BA'I BSHES GNYEN CHEN PO'I ZHES PA LTA BU'I DNGOS MING SNYAN SDEBS KYI MTHAR PHYAG TU ZHES PA'I YIG MJUG BSGYUR, 'OG MA'I 'PHRENG @005B THOG GSEG 'GROS CHE TZAM NAS, PHUL DON DENG YANG SKU 'TSO GNYIS 'THUNG DBANG PO'I LUS STOBS LHAG PAR RGYAS SHING, TSUL KHRIMS BSLAB GSUM GYI SKYES BUM BZANGS SU MTHO BA NAS PHYAG BRIS RTEN LDAN 'BYOR BAS YID KYI GSOS SU GYUR, 'DIR YANG 'CHE BA MED NGES THOS BSAM GYI 'JUG PA MI DBEN TZAM DU MCHIS, SLAD NAS RNAM PAR DAG PA' MOL MCHING RIM YOD 'TSAL, RTEN DANG BCAS TSES LA PHUL ZHES THANG BRIS SO,, ' BRGYAD PA NI, DGE SLONG DBANG PHYUG CHOS BZANG, DENG LEGS BYAS SKU 'TSO'I CHU SKYES MCHOG TU RGYAS SHING, MDZAD BZANG 'DAB BRGYA'I 'PHRENG BA PHANG PHUNG DU RKONG BZHIN PA NAS ZHES DNGOS MING LA ZHES CUNG ZAD BTAGS PA'I BKA' MI BCAG GI THAD BRIS NAS, RIM RTAN LDAN 'BYOR PAS LEGS TSOGS CHE, 'DI NA'ANG... 'DU BA'I 'PHEL 'KHRUG CHA SNYOMS NAS, CHOS LDAN GYI BGYI BA LHOD MED KHUL DU GNAS, SLAD CHAR RING MIN GYI 'PHROS 'OS RIM YOD MDZOD, RTEN DANG BCAS TSES LA ZHES PA LTA BU'O, ,DGU PA NI; DGE SLONG DBANG PHYUG CHOS BZANG DENG 'TSO BKO BI DHA RA'I LJON PA LHUN CHAGS SHING, KHYAB TSA YANG LDAN NAS ZHES DNGOS MI DA LA ZHES PHRAN BU DANG MDZAD MDZOD SBYOR BA LAS, NGA BRIS DKYUS @006A *, ,MNAS, YI GE RTEN LDAN 'BYOR PAS LEGS, 'DIR YANG SGYU LUS BDE LDAN NGOS, RNAM DKAR GYI BYA BAR BRTZON KHUL DU GNAS, SLAD MAR NYE BA'I MOL 'OS CHU RGYAN LTAR MDZOD, RTEN DANG BCAS CHOS LA, ZHES PA LTA BU'O,, ' BCU PA NI, DGE SLONG CHOS BZANG BZOL BRAL SA ZLA'I DBANG PO LTAR BZANG ZHING, BAG YOD KHRIMS MTHUN GYI 'OD SNANG GSAL BA NAS ZHES THAD BRIS MING SMOS KYI DKYUS 'GRE NAS, YI GE RTEN LDAN 'BYOR PAS LEGS SHENG SPRO, 'DI NA'ANG 'TSO BA BDE NGOS BGYI 'OS MI DMAN PAR GNAS, SLAD NAS BSRINGS 'OS SINDHU'I KLUNG LTAR GYIS, RTEN DANG BCAS TSES LA, ZHES PA LTA BU'O,, ' GNYIS PA 'JIG RTEN LUGS KYI DBANG DU BYAS PA LA YANG DPER BRJOD KYI RIM PA BCU LAS DANG PO NI, DPAL GNAM SA'I DBANG PHYUG CHOS BZHIN SKYONG BA CHEN PO'I ZHABS RTEN PAD MO DAM PA MCHOG GI DRUNG DU, GUS PA CHEN POS PHYAG DANG BCAS TE ZHU BA, DENG GI DUS NA'ANG LEGS BYAS KYI BGO SKAL MTHA' DAG GCIG TU 'PHYUR BA'I GZUGS SKU'I SNANG BRNYAN GZHOM GZHIG MI MNGA' BAR 'JIG RTEN CHE DGU'I COD PAN GYIS BTEG PA'I KHRI 'PHANGS MTHON PO LAS GA-YO BA MED CING, KHRIMS GNYIS @006B NYI ZLA'I 'OD STONG SRID RTZER 'PHAGS PAS SA GSUM RDZOGS LDAN GYI SNANG BAS KHYAB BZHIN PA NI, 'DZAM GLING CHE DGU'I DPAL YON BLA LHAG TU GYUR PAS BKA' DRIN MCHOG TU CHE, ,'DIR BRAN CHUNG YANG GANG GI BKA' DRIN GYIS BDE BAR 'TSO LAGS, MTSAMS KYI ZHU MCHING CES DON 'BRAS 'DIR 'GOR, SLAD CHAR BRTZE BA CHEN PO'I DBYINGS NAS NAM YANG MI 'DOR NGOS, ,BKA' STZAL BSLAB STON GSER LDAN RGYUN BZHIN MKHYEEN LAGS, ZHU YIG 'DEGS MTSON TZAM DU LHA RDZAS TZAKRA'I RTAGS CAN GYIS BTEG STE TSES BZANG POR, DGE SLONG DBANG PHYUG CHOS BZANG GI PHUL BA'I ZHU YIG CES ZHUGI 'BEBS SO; ; ' GNYIS PA NI, SA DBANG DAM PA MCHOG GI ZHABS PAD RIN PO CHE'I DRUNG DU, GUS PAS ZHU BA, DENG YANG LEGS BYAS KYI DOG PA YONGS SU 'PHYUR BA'I SKU'I SNANG BRNYAN RDO RJE'I KHRI 'PHANGS LAS GA-YO BA MED PAR RGYAL THABS BDE LEGS KYI SGO 'PHANG BRGYA PHRAG TU 'BYED BZHIN PA NI BKA' DRIN BLA LHAG TU CHE, 'DIR PHRAN BU YANG LUS 'TSO ZUG RDUS MA GTZES TZAM DU LAGS, MTSAMS ZHUS DON 'GOD, SLAD NAS BRTZE DBYINGS DAM PA'I LCAGS KYIS MI GTONG BA NAS, BKA' STZAL BSLAB STON NYI ZLA'I BGROD PA LTAR MKHYEN LAGS, ZHU YI @007A *, ,'DEGS RTEN TZAM LA RGYA ZHUS TSES LA, DGE TSUL BLO BZANG TSE RING NAS PHUL BA'I ZHU YIG CES ZHU YIG 'BEBS SO,, ' GSUM PA NI, SDE SRID RIN PO CHE MCHOG GI DRUNG DU, ZHU BA DENG DGE LEGS CHU GTER CHEN PO'I 'JING ZAB LAS BSKRUN PA'I SKU RIN PO CHE BCU DRUG CHA LDAN GYI DKYIL 'KHOR 'KHOR LO RGOL NGAN NGAL 'BAB 'DZIN PAS RGYANGS SRINGS SHING LUGS ZUNG MKHYEN PA'I 'ONG BRGYA 'BAR BZHIN PA NI BKA' DRIN LHAG PAR CHE, 'DIR PHRAN CHUNG YANG MCHOG GSUM DAM PA'I THUGS RJES 'TSE BA MA MCHIS TZAM DU GNAS LAGS, 'TSAMS ZHES ZHES DON 'GOD, SLAD DU'ANG DGONGS KHYIM DAM PA MCHOG NAS MI 'DOR NGOS, BKA' GNANG BSLAB STON TSANGS PA'I RAL KLUNG LTAR MKHYEN LAGS ZHU YIG 'DEGS RTEN TZAM LA RGYA ZHUS, CHOS LA PHUL BA'I ZHU YIG CES ZHU YIG 'BEBS SO,, ' BZHI PA NI, SDE PA RIN PO CHE MKHYEN LDAN MCHOG...GI DRUNG DU, ZHU BA DENG GI DUS TSOGS GNYIS 'O MTSO GSAR PA'I MDZES SKU RNYOG PA DANG BRAL ZHING, GTZUG LAG BYE BA'I RLABS 'PHRENG PHYOGS DUS KUN TU GA-YO BZHIN PAR BZHUGS PA'I SNYAN PA THOS 'DZIN GYI BDUD RTZIR GYUR PAS BKA' @007B DRIN MCHOG TU CHE, 'DIR PHRAN BU YANG LUS KYI CHU SKYES DANG, SNANG SEMS KYI PHUNG BA MA BRAL TZAM DU LAGS, MTSAMS GSOL ZHES DON 'GOD, SLAD CHAR DGONGS KHYIM NAS 'DOR MED NGOS PHEBS 'OS BSLAB STON DAL 'GRO'O RGYUN BZHIN MKHYEEN LAGS, ZHU YIG RTEN TZAM LA RGYA LDAN BCAS TSES LA PHUL BA'I ZHU YIG CES ZHU YIG 'BEBS SO,, ' LNGA PA NI, MKHYEN DBANG MCHOG RIN PO CHER ZHU BA, DENG SKU 'TSO SA SRUNG GNYIS 'THUNG GI DBANG PO LHAG PAR RGYAS SHING, SNYING STOBS 'PHONG RKYEN SNA ZHAGS RING POS PHYOGS GZHAN ZIL GYIS GNON BZHIN PA'I GRAGS SNYAN THOS PAS BKA' DRIN CHE, 'DIR YANG GSAR 'TSE MED PAS SNYOMS LDAN YUL DU MCHIS LAGS, CHED ZHUS ZHES DON 'GOD, SLAD CHAR THUGS NYE 'DOR MED NAS, PHEBS 'OS TSOGS KYANG SA TI'O 'GROS BZHIN ZHU ZHU, ZHOG RTEN DANG BCAS TSES LA PHUL BA'I ZHU SHOG CES ZHUGO PHAB TZAM MO, , ' DRUG PA NI, LAGS CHED 'BUL, DENG LEGS BYAS SKU 'TSO'I RI DBANG MCHOG TU BRTAN CING, LUGS BZANG SPYOD LDAN GYI BA GAM MNGON PAR BKRA BA NI BKA' DRIN CHE, 'DIR YANG 'DU GNAS, CHAD GSOL ZHES DON 'GOD, SLAD NAS GSUNG 'OS @008A *, ,RIM YOD 'TSAL, RTEN DANG BCAS CHOS LA PHUL ZHES PHUL PHAB TZAM MO,, ' BDUN PA NI, GROGS MCHOG DAM PA'I PHYAG TU PHUL DON, DENG SKU 'TSO'I ZLA SNANG LEGS PAR GSAL ZHING, MDZAD BZANG YAR LDAN DU YOD LAGS SAM, 'DIR YANG 'DU PHUNG BRO 'TSAL GYIS MA GOS TZAM DU GNAS, SKABS KYI DON 'BRAS ZHES DON 'GOD, SLAD NAS NYE BA'I LAM BZANG CHAD MED KYIS 'PHROS 'OS GANG G'A'I RGYUN LTAR MDZAD, RTEN DANG BCAS CHES LA PHUL ZHES, PHUL THAD BRIS SO,, ' BRGYAD PA NI, SDE PA BSOD NAMS DAR RGYAS DENG SKU KHAMS CAN NGA NA'I RKANG 'THUNG LHAG PAR RGYAS SHING, LUGS GNYIS MKHYEN DPYOD KYI DRI BA SUNG 'THUL BZHIN PA NAS RI MO MDZAD PA 'BYOR BAS LEGS TSOGS CHE, 'DI NA'ANG SGYU LUS SNYOMS LDAN NGOS GANG SPYI'I BGYI 'OS LHOD MED KHUL DU GNAS, SKABS DON ZHES DON 'GOD, SLAD CHAR RID MIN GYI MAL 'OS RIM YOD MDZOD, RTEN DANG BCAS TSES LA ZHES PA LTA BU'O,, ' DGU PA NI, ZHAL NGO TSE BRTAN LHUN GRUB LUS 'TSO SA ZLA'I DNGOS PO LTAR BZANG NGOS NAS, YI GE MDZAD PA 'BYOR PAS LEGS, 'DIR YANG GZUGS GZHI BDE NGOS, BGYI 'OS SNGAR RGYUN LTAR GNAS, CHED KYI DON 'BRAS 'GOD, SLAD NAS GLING 'OS @008B RIM YANG 'TSAL, RTEN DANG BCAS TSOS LA ZHES PA LTA BU'O,, ' BCU PA NI, DNGOS GRUB RAB BRTAN PA SGYU LUS MDA' LTAR BDE ZHING, KHRIMS MTHUN GYI BGYI BA LHOD MED NAS YI GE RTEN LDAN 'BYOR PAS BLO DGA', 'DI NA'ANG GSAR 'TSES DBEN NGOS, LHAG BSAM KUNDA'I RJES 'GROR MCHIS, CHED DON KHYOD RANG BDAG 'GROS DAG KHUNGS DANG 'BREL PHYIN DE BZHIN YONG 'GRO BAS BLO NGES DANG, SLAD MAS KYANG SRANG 'OS RIM LDAN DU GYIS, RTEN DANG BCAS TSES LA BRIS ZHES PA LTA BU'O, ,GSUM PA KHA YIG DANG HUNG LA'I RGYA SDEMS BYED TSUL NI, (GZHUNG 'DI NYID GANG LAS BTU BA'I PHYI MO YIG BSKUR RNAM GZHAG BTZOR KHA GSAR GYI RNA) RGYAN SOGS SU SHES PAR BYA'O, ,(ZHES PA 'DI YANG SNGA MA NAS BSNGAGS 'OS YON TAN DU MA'I MDZOD 'DZIN TSONG DPON DPAL 'BYOR TSOGS KYIS BSKUL BA LTAR, DGE SLONG DHARAM BHA DRAS BRIS,,) ,