@275A *, ,RI KHROD SPONG BA PA RNAMS KYI KHRIMS SU BCA' BA'I RIM PA 'GRO KUN PHAN BDE'I GZHI BSRUNG ZHES BYA BA BZHUGS SO, , @276A #, ,THAMS CAD MKHYEN PA LA PHYAG 'TSAL LO, ,'GRO KUN DON DU BYAMS DANG SNYING RJES THUGS, ,BYANG CHUB MCHOG TU BSKYED NAS BSKAL MANG BAR, ,LHOD MED BRTZON PAS MTHA' MAR RDZOGS SANGS RGYAS, ,BDEN PA GSUNG BA DE LA PHYAG 'TSAL LO, ,GANG GIS DNGOS SU SGOL BA'I DUS YOL NAS, ,BDAG CAG LHAG MAR LUS PA'I NYAM THAG LA, ,PHAN GNOD RGYAL BA'I BKA' BZHIN 'DOMS MDZAD PA'I, ,RIM BRGYUD RTZA BA'I BLA MAR GUS PHYAG 'TSAL, ,DGE DANG 'DUN PA'I BAR DU BDUD RIS RGYAS, ,DBYEN BCOS MI NUS DGE 'DUN 'DUS PA'I TSOGS, ,MI NYAMS BSRUNG THABS KHRIMS KYI RA BA BRTZIGS, ,DKAR PHYOGS LHA DANG BCAS PAS RTAG TU SKYONGS, ,DE LA 'GRO KUN BSOD NAMS KYI ZHING SA, SKAL LDAN THAR 'DOD KYI MIG 'DREN BYA SA, BSLAB GSUM NGUR SMRIG GI RGYAL MTSAN 'DZIN SA, RI KHROD SPONG BA PA RNAMS KYI SNYAN DU GANG GSOL BA NI, THOG MAR GNAS 'DIR 'PHEL 'GRIB BYUNG TSUL DANG, DE LA KHRIMS SU BCA' BA'I RIM PA GNYIS LAS, ` DANG PO NI, DUS GSUM SANGS RGYAS THAMS CAD KYI YUM CHEN RDO RJE MKHA' 'GRO MA GAN RGYAL DU BZHUGS PA'I GSANG CHU 'KHYIL BA, BYANG GNAM MTSO CHEN MO'I NYIN LA DO CHEN BCO BRGYAD DANG, SRIB LA GDONG CHEN BCO BRGYAD DU YOD PA'I NANG TSAN BYA DOR NAM MKHA' GSUNG GI DE DU GRAGS PA'I DBEN GNAS BKRA SHIS BSAM GTAN GLING 'DI NYID NI, SNGON DUS RJE BTZUN LGA LO PA CHEN POS SGRUB GNAS SU MDZAD CING SKU GDUNG YANG NANG RTEN DU BZHUGS PA BCAS, LUNG DON SGRUB PA BAR CHAD MED PAR MTHAR PHYIN PAR @277A *, ,BYED PA'I GNAS BZANG KHYAD PAR CAN ZHIG YIN 'DUG CING, BAR SKABS ZHIG TU PHYI ROL MU STEGS BYE BRAG PA'I PHYOGS DANG MTHUN PA'I BON DKAR GYIS 'DZIN BSHUL DU LUS PA NA, BSTAN PA'I RGYAL MTSAN 'DZIN PA'I DGE SLONG SPONG BA PA BLO BZANG NOR BU ZHES BGYI BA GNAS 'DIR BYON NAS BON GYI RTEN 'DZUGS SOGS GNAS 'DI DRI MAS SBAGS PA'I NYES SKYON RNAMS BSAL TE, RGYAL BA'I DAM CHOS 'DZIN PA'I SNYING STOBS KYIS 'BUM SGROGS MDZAD PA'I ZHABS YON KHO NA PHYOGS GCIG TU SGRIL NAS LOG 'TSO DANG MA 'DRES PAR RGYAL BA'I BKA' 'GYUR RIN PO CHE GDAN ZHU BRTZAMS PA LA NYE BA NA, SNANG BA MTHA' YAS NGUR SMRIG GAR ROL PAn CHEN THAMS CAD MKHYEN GZIGS CHEN PO 7RJE BTZUN BLO BZANG YE SHES DPAL BZANG PO LA BKA' 'GYUR RIN PO CHE'I 'GRO DON SDE DANG DGON PA GANG LA SKABS BABS KYI THUGS DGONGS BRTAG ZHU BYAS PAR DGON GNAS 'DI RANG DU GDAN ZHU BYAS NA BZANG BA'I RJES YOD MNGON MKHYEN GYIS GZIGS PA'I BKA' LUNG PHYIR PHEBS BYUNG BA NA DE DON LTAR BRTZAMS PA MTHAR PHYIN PAR GYUR TE DA BAR DU 'GRO BA'I MCHOD SDONG CHEN POR MNGON SUM DU BZHUGS PAR MDZAD PA'I BSOD NAMS DANG BKA' DRIN NI BSAM BRJOD LAS 'DAS SHING, GZHAN YANG MCHOD PA'I YO BYAD LA SOGS PA CHOS MTHUN GYI 'TSO BAS MI PHONGS PA'I SBYOR 'JAGS SOGS KYANG MDZAD PAS, DGE SLONG DE NYID NI GNAS GZHI SDE DANG BCAS PA 'DI LA YON 'BYOR MCHOD PA'I GNAS SU STON PA 'KHOR BCAS MNGON SUM DU SPYAN DRANGS NAS BKRA SHIS DANG DGE MTSAN GYIS KHYAB PAR MDZAD PA'I BKA' @278B DRIN DANG MTSUNGS PA ZHIG GO ,DE LTAR PHAN BDE'I RTZA BA RGYAL BA'I BSTAN PA RIN PO CHE GANG LA RAG LAS PA'I DGE 'DUN 'DU BA'I GZHI LEGS PAR GRUB PA NA MI RING BAR PAn CHEN THAMS CAD MKHYEN GZIGS CHEN PO RJE BTZUN BLO BZANG YE SHES KYI GSUNG LAS SKYES PA'I THUGS SRAS MKHAS GRUB GNYIS LDAN GYI SEMS DPA' CHEN PO DKA' CHEN BLO BZANG RIGS GROL DPAL BZANG POS KYANG GNAS 'DIR BYON TE MGON PO PHUG LA SOGS PAR YUN RING BZHUGS NAS TSE GCIG SANGS RGYAS SGRUB NUS KYI RJE 'JAM DPAL SNYING PO'I LAM MCHOG TSANG LA MA NOR BA LA SGRUB PA SNYING POR MDZAD PA SOGS LEGS TSOGS RTEN 'BREL GYI CHE BAS GNAS 'DI'I NYE 'KHOR DANG BCAS PA'I SKYE 'GRO RNAMS KYANG GANG LA BLOS 'GEL GYI RE SA'I SKYABS GNAS MA NOR BA STON PA SANGS RGYAS 'KHOR DANG BCAS PA DANG, RGYAL BA GNYIS PA BLO BZANG GRAGS PA YAB SRAS BRGYUD PA DANG BCAS PA LA TSIG TZAM GYIS GSOL BA 'DEBS PA TSUN CHAD KYIS NYE BAR GYUR NAS BDE LEGS KYI GZHI RTZA MA CHAD PAR GYUR PAS BYIN GYIS BRLABS SHING, LHA RTEN DANG DGE 'DUN RNAMS LA MCHOD RDZAS DANG GDAN BSHAMS PA'ANG MDZAD, DE NAS BAR SKABS SU SNYIGS MA'I RANG RTAGS SHUGS CHES PAS DGE 'DUN RNAMS KYANG THUB PA'I BRTUL ZHUGS 'DZIN PA'I RANG TSUGS MA THUB PAR DGON NANG DU CHANG DANG BUD MED KYI 'DRES LHAD CHE ZHING, THA NA NYAN THOS DGE SBYONG GI CHA LUGS RTAGS TZAM 'DZIN PA YANG MA BZOD PAS KHYIM PA RNAMS KYIS BSNYEN BKUR DANG ZHABS TOG BYED PA LTA ZHOG CHA SMOD SNA TSOGS BYED PA SOGS RANG GZHAN GNYIS 'PHUNG GI LAS NGAN GYI 'BRAS BU MTHONG CHOS SU GYUR PA NA, SLAR YANG SRAS BCAS RGYAL BA RNAMS KYIS THUGS RJES MA BZOD PAS 'GAL SPONG MTHUN SGRUB KYI 'PHRIN LAS RGYUN MI 'CHAD PA'I MTHU LAS KHRIMS LDAN 'DUS PA'I TSOGS DANG BYA BA LAS KYI 'KHOR LO BCAS YAR RGYAS SU GYUR NAS, MTHONG THOS DRAN @279A *, ,REG GI SKYE 'GRO MTHA' DAG SMIN GROL GYI LAM BZANG LA 'KHRID PA'I SKAL BZANG DGA' STON KHYAD PAR CAN 'DI LTA BU BYUNG BA NI DAM PA GONG MA'I BYIN RLABS SNYING LA ZHUGS PAS GDAM DON SGRUB LA GZHOL BA'I SKYES BU CHEN PO DA LTA'I GNAS KYI BLA MA BLO GROS CHOS KYI PHYOGS SU 'PHEL BA MTSAN DON DANG MTHUN PA 'DI NYID KYI BKA' DRIN KHO NA STE, DE YANG BLA MA 'DI NYID DANG POR YUL PHYOGS 'DIR SKYES NAS MI RING BAR KHYIM NAS KHYIM MED PAR RGYAL BA'I BSTAN PA LA RAB TU BYUNG STE SER SNGAGS GRVA TSANG DU ZHUGS NAS DGE 'DUN SPYI'I KHRIMS DANG MA 'GAL BAR BSLAB PA'I GZHI BZUNG 'DON CHOS LA SOGS PA SDE SNOD KYI PHYOGS LA YANG SBYANGS PAS BLA GRVA RNAMS KYI THUGS DANG SPYAN LAM DU BSTAR BAR MDZAD, DE NAS SBYANGS PA'I DGOS DON SNYING POR SGRIL 'DOD KYI BLO PHAL PA TZAM GYIS BLA MA DANG GDAMS NGAG MANG PO BTZAL BA NA, SNGON GYI BZANG PO'I LAS 'BREL KHYAD PAR CAN SAD PAS, DUS GSUM RGYAL BA SRAS BCAS THAMS CAD KYI MKHYEN BRTZE NUS GSUM MTHA' DAG GCIG TU BSDUS PA'I NGO BO THUGS RJES BSKYOD DE THABS MKHAS KYI MDZAD PAS BDAG CAG 'DUL BA LA MCHOG TU BSNGAGS NAS BYON PA GSUM LDAN NGUR SMRIG GI GAR GYI RNAM PAR ROL PA BLO BZANG THUB DBANG RDO RJE 'CHANG DNGOS RJE BTZUN BLO BZANG RNAM GROL PA DPAL BZANG PO DANG MJAL BAS DGA' DAD LHAG PAR SKYES NAS YANG YANG SKU MDUN DU BCAR NAS DAM CHOS KYI BKA' DRIN MANG DU ZHUS SHING, LHAG PAR DAM CHOS 'DOMS PA'I SKABS GANG DU YANG, RGYAL BA'I BKA' DGONGS 'GREL DANG BCAS PA MA LUS PA GANG ZAG GCIG GI NYAMS LEN DU GO RIMS SU BABS PAR GDAMS PAR MDZAD PA'I BKA' GDAM SPYI'I TSUL DANG MTHUN ZHING, KHYAD PAR LUNG RIG PHRA ZHIB KYIS GSUNG RAB KUN GYI DKA' GNAD LHAG MA MA LUS PAR PHIG PAR MDZAD PA'I RJE 'JAM DPAL SNYING PO'I BKA' SROL LAS @280B GZHAN DU MA 'KHYOGS PAR STON PAR MDZAD CING, MDOR NA SKYE BO THA MA LA 'JIG RTEN LUGS KYI BSLAB BYA TZAM MDZAD KYANG, TSUL KHRIMS YANG DAG PAR LDAN PA'I MDO LAS, BUD MED BSTEN DU GA LA RUNG, ,RGYAL PO'I PHO BRANG GA LA DGA', ,DBU BA SNYING PO GA LA YOD, ,LONGS SPYOD RTAG PA GA LA YOD, ,CES GSUNGS PA LTAR GYI MI RUNG BA RAGS PA'I MTHA' RGYA LEGS PAR BKAG PA'I GDAMS NGAG GNAD LA KHEL ZHING SNYING RJE'I BYIN RLABS KYIS SEMS LA PHAN THOGS CHE BAS GANG LA BSTEN NUS SLOB BU RNAMS KYANG BYUNG NA RAB SANGS RGYAS DANG MA BYUNG BYAS KYANG THA MA NGAN SONG DU MI SKYE BA'I CHOS CAN SHA STAG TU NGES PA'I BDAG GI BLA MA'I MDZAD PA RNAM THAR DENG DUS KYI STON PA GZHAN DANG MI 'DRA BA'I THUN MONG MA YIN PA'I KHYAD CHOS, LOG PA'I SHES RAB CAN SUS KYANG MI MTHONG BA'I DKA' GNAD 'DI KHONG DU CHUNG NAS STON PA DANG DAM CHOS LTAR BCOS PA GZHAN THAMS CAD SPANGS NAS MTSAN LDAN GYI BLA MA 'DI MNYES PA'I PHYOGS LA NYIN MTSAN KUN TU BSAM SBYOR THAMS CAD GCIG TU SGRIL NUS KYI LAM GYI RTZA BA'I GNAD LA 'BAD PA DU MAS BRTZON BZHIN DU YOD PA NA, BLA MA MNYES PA'I RANG RTAGS MA NOR BA NGO BSRUNG MI DGOS PA'I SKYON GYI MTSANG THOG LA RGOL BA'I BKA' SLOB KYANG MANG PO MDZAD CING, LHAG PAR MA 'ONGS 'BYUNG 'GYUR GZIGS NAS DA NI BYA DOR RI KHROD 'DIR SDOD LA DA LAM BLANG DOR PHYE NAS 'BAD NUS KYI NANG GI NYER LEN DANG, PHYI'I RKYEN DGE BA'I BSHES GNYEN GYI MGON DANG BCAS PA'I RTEN BZANG YUD TZAM 'DI LA RANG 'DOD LA GZHAN PHAN TSUN CHAD KYI MING BTAGS PA'I 'DU LONGS ZANG ZING MANG PO MA BYED PAR LAM GONG MA RNAMS 'TSOL BA'I BSAM PA DANG MA BRAL BAR, PHRAL DU LAG THOG GAL CHE BA MYUR DU SHI NAS SKYE NYES PA NGAN SONG GI SDUG BSNGAL DANG, DKON MCHOG GI YON TAN RTAG TU BSGOM LA SKYABS 'GRO DANG LAS 'BRAS DGE SBYONG GYI MTHIL DU BGYIS CES BKA' STZAL BYUNG BA NI, RANG YUL YIN KYANG BLA MA DANG BRAL NAS 'GRO MA PHOD CING, LHAG PAR 'CHI BA DANG SDUG BSNGAL YUD TZAM SGOM BLO BYAS KYANG MA 'JIGS PAR @281A *, ,'DUG ZHUS PAS, BLA MA'I GSUNG LA NAN TAN MA BYAS NA SKU DANG MA BRAL YANG LUS KYI SHIG LTAR PHAN THOGS MED, SKYE 'CHI BSAMS KYANG MI 'JIGS PA NI BSAM LUGS BLA MA LA MI RE BA'I DA LTA'I TSOD SGOM LTAR SKYE 'CHI DRAN TZAM DANG, SKYE 'CHI LA PHAR BLTA TSUR BLTA'I NYAMS DANG, CUNG DRAG PAS KYANG DA LTA'I BDE BDE 'JAM 'JAM GYIS RGYAGS PA'I SEMS 'DI MA 'GYUR PAR SDUG BSNGAL DE RNAMS MYONG RTZIS BYAS PAS LAN PA RED, SDUG BSNGAL DE RNAMS THOG TU BABS DUS SKAD CIG LA DA LTA'I RANG SEMS SNANG BA 'KHOR BCAS 'DI 'GYUR NAS, GNAS LUS LONGS SPYOD BGYI BA NYE 'KHOR SEMS DANG BCAS PA THAMS CAD DGRAR LANGS TE, SDUG BSNGAL DE DANG DBYER MED DU SONG NAS YUN RING POR RGYUN MA CHAD PAR MYONG DGOS PAS, DE 'DRA 'JIG RTEN DU SRID PA TZAM GYIS KYANG 'JIGS NA RANG GIS MYUR DU NGES PAR MYONG DGOS PA LA CI'I PHYIR MI 'JIGS BSAM GSUNGS NAS MYONG 'DON GYI GDAM NGAG BSAM GYIS MI KHYAB PA'ANG STZAL ZHING, DE NAS BLOS BCAD KYIS GNAS 'DIR YONG NAS BSAM SPYOD GANG LA YANG BLA MA'I GDAMS NGAG DE DANG GO BSTUN NAS NAN TAN GYIS 'BAD PA MA GTOGS RNYED BKUR GRAGS 'DOD KYIS GRONG DU RGYU ZHING MNGON SHES RDZU 'PHRUL GYIS MTHU NUS CAN DU STON PA SOGS DENG DUS KYI RANG LA GCES SPRAS TZAM YANG MI SHES PA'I ZOB PO RNAMS KYIS RJES 'BRANG MA BYAS PAR DGON GNAS RANG DU BSLAB PA'I GZHI TSUGS ZIN PAR BYAS TE YUN BSRINGS NAS BSDOD CING, RGYUN GCONG RLUNG NAD TSAB CHEN GYIS ZIN PAS SHA RUS LA MI RTEN THAB MED BYUNG DUS KYANG SPYIR KHA ZAS BZANG PO LA SRED PA'I NYES DMIGS DANG, LHAG PAR YUL PHYOGS KYI STABS KYIS DMIGS SHA 'BYUNG NYEN CHE BA DANG, SO THAR NAS NAD PA LA DMIGS SHA YANG GNANG BA'I SKABS YOD KYANG SNYING RJE'I BSAM PAS DMIGS SHA SROG BSDOS BYAS NAS 'DZEMS SHING, RANG LA DMIGS NAS BSAD PAR MTHONG THOS DOGS GSUM DANG BRAL BA'I RNAM GSUM DAG PA'I SHA GZHAN GYI LHAG ROL TZAM GYIS CHOG @282B SHES PAR BYAS PAS, BKA' GDAM GYI GONG MA RNAMS KYI ZHAL NAS, PHUD LA RE CHE NA LHAG TZAM MI RNYED, LHAG LA CHOG SHES NA PHUD LA DBANG CHE GSUNG PA LTAR, DGON GNAS 'DI'I DGE 'DUN RNAMS DANG, SDE'I DPON 'BANGS TSANG MAS RIM GYIS GZHAN DANG MI 'DRA BA'I KHYAD CHOS MTHONG NAS ZAS NOR GYI PHUD KYIS MCHOD CING, DAD GUS KYIS MDUN DU 'KHOR ZHING DNGOS 'BUL SNA TSOGS BYED PA BCAS RANG GIS BLA MA LA JI LTAR BGYIS PA'I LAS KYI RGYU MTHUN MTHONG CHOS SU SMIN PA BYUNG YANG, DE DAG LA YID MA PHYOGS PAS RANG TSUGS MA ZHIG PAR BYAS NAS DNGOS 'BUL RNAMS MA BLANGS SHING, PHRAN TSEGS BYUNG BA RNAMS KYANG 'PHRAL DU BLA MA'I PHYOGS SU PHUL YANG 'DI PHYOGS KYI SER SKYA RNAMS KYIS SKYABS GNAS SU 'DZIN PA BKAG PAS MA THUB CING, DAD RDZAS LA LONGS SPYOD PA SOGS LA 'JIGS NAS, SKYABS GCIG BLA MA RIN PO CHER SDOD GNAS BLA MA'I NYE 'DAB SAM, DE MIN RKYANG RAG SOGS GZHAN ZHIG LA SPOS CHOG PA ZHUS PA NA, GNAS 'DI KHAR BSAM SPYOD MA NYAMS PAR BSDAD NAS DGE 'DUN RNAMS LA CHOS MTHUN GYIS PHAN BTAGS NA RANG GZHAN GNYIS CHAR MTHA' BZANG ZHES GZHAN DON GYI SKABS KYANG CUNG ZAD DBYE BA'I BKA' SLOB BZLOG MED STZAL BA NA, DE NAS BZUNG RANG 'DOD MA 'DRES PA'I SNYING STOBS BSKYED NAS NYE 'KHOR DANG, 'DUN RNAMS LA DGE SDIG BLANG DOR GYI LAS 'BRAS SPYI DANG, KHYAD PAR DGE 'DUN LA SKABS SU BABS PA'I LAS GCIG PU BSTAN PA'I RTZA BA SO SOR THAR PA LAS BRTZAMS TE CHOS KYI 'BEL GTAM YANG YANG ZHUS NAS, DGE 'DUN RNAMS KYANG THUGS RGYUD CHOS KYI PHYOGS LA BAG PHEBS PAR BYAS SHING, LHAG PAR BSHAD PA'I RJES 'JUG LAG LEN DU BSKYANGS NAS SDOM PA LA RTZA LTUNG GI SKYON BYUNG BA DANG, CHANG 'THUNG BA LA SOGS PA BAG MED KYI SPYOD PA PHYIR BZLOG MI BYED PA RNAMS NGO BZUNG DU MA LUS PAR DGE 'DUN GYI KHROD NAS GNAS DBYUNG BYAS NAS RANG GZHAN LA PHAN BTAGS, GZHAN YANG DGON NANG DU PHRAL RKYEN SNA TSOGS LA KHAG BTAGS NAS CHANG DANG BUD MED KYI 'GRIM 'GRUL YANG YANG BYED PA DANG, DUS NA TSOD @283A *, ,LA KHAG BTAGS NAS SKYE BO MANG PA'I 'DU LONGS RGYUN MI 'CHAD PA DANG, SBYIN BDAG SNE LEN GYI CHED DU DGON PA'I NYE 'DABS SU SROG GCOD 'DZEMS MED BYED PA SOGS SDIG DANG SDIG PA'I RKYEN 'GYUR GYI SGO DAM DU BKAG NAS, RAB BYUNG RNAMS KYI RTAGS CHA LUGS DANG 'GRO 'DUG SPYOD LAM SOGS KHYIM PA DANG MI 'DRA BA'I KHYAD CHOS RAGS PA SOGS TSUL MTHUN GYI SGO LEGS PAR PHYE NAS DANG LDAN BSOD NAMS KYI ZHING SAR 'GRO NGES SU BYAS SHING, DE NAS GTZUG LAG KHANG LHA RTEN DANG BCAS PA ZHIG GSOS DANG, DGE 'DUN RNAMS LA YANG SMAN BLA'I MDO CHOG YID BZHIN DBANG RGYAL GSAR 'DZUGS THOG LO LTAR SMAN BLA'I SGRUB MCHOD BDUN PHRAG GCIG GI BSNYEN BKUR THEB RTZA SBYOR 'JAGS GNANG SMIN BYAS SHING THUGS DAM CHOS SPYOD KYI RIGS KYANG MANG PO GSAR 'DZUGS DANG, SNGON YOD KYI 'DON CHOS RNAMS KYANG BSAM LUGS DANG 'DON LUGS TSUN CHAD KYI SGO NAS RANG GZHAN GYI RKYEN SEL RIM GRO TZAM DU MA SONG BAR 'DI PHYI'I BDE LEGS KYI RTZA BAR 'GRO NGES SU BYAS, SDE'I PHYOGS LA YANG SNGON NAS BON LUGS DAR CHES PA DANG 'JIG RTEN MI SKYA RNAMS BSOD RNAMS KYI BSAGS RGYAB DMAN PAS SKYES BU DAM PA DANG PHRAD DKA' ZHING RANG STOBS KYIS PHAN GNOD RGYU 'BRAS LA RMONGS TSAB CHE BAS BYIS PA BSAM MED LTAR 'DOD PA LA GANG BABS 'PHRAL DU LAG LEN DU BTAB NAS TSE 'DIR YANG RANG GZHAN GYI SROG LA THUG PA'I LAS TSAB PO CHE RGYUN MI 'CHAD PAR GSOG PA LA THAMS CAD KYIS PHO RGOD POR RTZI ZHING, NA 'CHI RGUD PA'I MYA NGAN GYI RKYEN DRAG PO BYUNG BA DANG BYUNG DU DOG PA NA YANG, TSANGS PA DANG KHYAB 'JUG SOGS GZUGS DANG 'DOD LHA TZAM YANG MA YIN PA'I RGYAL BTZAN KLU SOGS YI DVAGS GDUG RTZUB CAN MANG PO LA MING SNA TSOGS BTAGS NAS SPYAN 'DREN MCHOD BSTOD KYIS GSOL BA BTAB PA NA, DE DAG TSUR KHA PHYOGS PA TZAM GYIS PHA MA DGRAR MTHONG BZA' MI NANG MI MTHUN PA SOGS BKRA MI SHIS PA MANG PO 'BYUNG YANG, DA @284B DUNG GZHAN ZHIG GIS LAN PAR MTHONG BA SOGS BLANG DOR GO LOG SHA STAG LA SPYOD PA RGYUN 'BYAMS SU LUS PAS 'DI PHYI GNYIS PHUNG GI NYES SKYON RAGS PA RNAMS KYANG THABS MKHAS KYIS BKAG NAS, SKYABS GNAS MTHAR THUG DKON MCHOG GSUM GYI SKYABS 'OG TU TSUD NGES KYI DGE BCU'I LAM LA BKOD PA'I SGO NAS 'DI PHYOGS KYI SER SKYA TSANG MA LA RGYAL BA'I DGONGS PA DANG MTHUN PA'I PHAN BTAGS RGYA MI CHUNG BAR BYAS SHING, DE NAS BLA MA RGYAL BA SRAS BCAS KYI THUGS RJE'I BYIN RLABS SNYING LA ZHUGS NAS PHAN PA LA PHAN PAR NGO SHES TE, DE'I YANG RTZA BA BLA MA 'DI RANG DU MTHONG NAS DGE 'DUN DPON 'BANGS DANG BCAS PAS KHA TZAM MIN PA'I DAD GUS CHER BSKYED NAS DGON GNAS 'DI RANG DU YUN BSRINGS NAS BZHUGS DGOS TSUL BLA MA RANG LA NAN GYIS ZHUS SHING, BDAG CAG KE'U TSANG DPON SLOB GNYIS LA YANG DE LUGS KYI BKA' SLOB MDZAD DGOS TSUL BYUNG BA NA, PHRAN GNYIS KYANG SNYIGS DUS BLA SLOB KYI 'BREL BA BZANG PO 'DI 'DRA SMIN DU YOD PA SNYAM NAS DGA' DAD LHAG PAR 'PHEL ZHING BLA MA RANG LA YANG DE LUGS KYI NGAG BKOD DANG, DGE 'DUN RNAMS DANG BCAS PAR YANG KHYED CAG LA DGE 'DUN GYI LAS SU BYA BA'I RIM PA GCIG TZAM YANG MA TSANG NA DGE 'DUN TSOGS PA RNYED PA'I DGOS DON GANG YANG MI 'BYUNG BAS NGES PAR GSO SBYONG GI LAS CHA LAG TSANG BA ZHIG MI RING BAR TSUGS DGOS ZHES ZHUS PA NA TSANG MAS BSAM SBYOR DAG PAS ZHAL BZHES MDZAD CING, BSTAN PA'I BYA BA DE YANG YUN RING BA'I PHYIR DU DGE 'DUN RANG GI SPYI RDZAS GANG 'BYOR GYI RGYU BYAS, PHRAN GNYIS NAS KYANG 'BAD PA DANG BLANGS KYIS RKYEN SBYAR TE GSO SBYONG GI RTEN DU BDAG CAG GI STON PA MNYAM MED SH'AKYA'I RGYAL PO CHEN PO'I SKU BRNYAN MI CHUNG BA GSAR BSKRUN DANG, DGE 'DUN BSDU BA'I GAndI BCAS PHUL ZHING, SLAR YANG GSUNG MCHOG RDO RJE GCOD PA'I SPAR THUNG CHA TSANG YANG YUL NAS LAS DON MI CHUNG BAR BYAS SHING, GSO SBYONG YANG MING TZAM MIN PAR RGYAL BA'I BSTAN PA LA RGYAL BA RANG NYID SLAR YANG BYON PA DANG @285A *, ,SGO KUN NAS MTSUNGS PA CHOS KYI RGYAL PO TZONG KHA PA CHEN PO'I PHYAG LEN LTAR 'DUL BA 'DZIN PA CHEN PO GRAGS PA RGYAL MTSAN GYIS ZIN BRIS SU BTAB PA'I GZHI GSUM CHO GA NANG LTAR LA BSRES LHAD KYI DRI MAS MA SBAGS PAR GTZANG MAR TSUGS SHING, GZHAN YANG, SNAM SBYAR, BLA GOS, LHUNG BZED, GDING BA LA SOGS PA DGE SLONG SO SO LA MED DU MI RUNG BA'I YO BYAD RNAMS KYI RGYU DANG DNGOS GZHI BYIN RLABS DANG BCAS PA DANG, RAB BYUNG RNAMS LA NAM DU YANG MI 'BRAL BA'I NANG RTEN STON PA RIN PO CHE'I SKU DANG, MAndAL LA SOGS PA TSOGS GSOG LA NYE BAR MKHO BA'I YO BYAD DANG BCAS PA RNAMS KYANG LUNG DANG MI 'GAL BA'I MTSAN LDAN GYI PHYAG SROL LTAR DAR ZHING RGYAS PAR GYUR NAS SANGS RGYAS KYI BSTAN PA SKYON MED LA BKOD PA'I BKA' DRIN 'DI 'DRA BA NI GANG ZAG SO SO'I 'DI PHYI'I DON RE RE BA TZAM 'GRUB PA'I BKA' DRIN PHYOGS RE BA MA YIN PAR SANGS RGYAS DANG SEMS CAN THAMS CAD LA PHAN BTAGS NAS GNAS SKABS THAMS CAD DU BDE DU BCUG PA'I BKA' DRIN BLA NA MED PA ZHIG YIN TE, MDO LAS, SEMS CAN RNAMS LA PHAN PA'I MCHOG NI NGA LA PHAN MCHOG YIN, ,SEMS CAN RNAMS LA GNOD PA'I MCHOG NI NGA LA GNOD MCHOG YIN, ,NGA DANG SEMS CAN RNAMS NI BDE SDUG MTSUNGS LAS NA, ,NGA YI GZUGS KYI SKU 'DI SEMS CAN DON DU SGRUB PA YIN, ,ZHES GSUNGS PA LTAR, SEMS CAN LA GANG PHAN PA NI SANGS RGYAS LA PHAN ZHING, SEMS CAN LA PHAN PA'I THABS KYANG SANGS RGYAS KYI BSTAN PA LAS GZHAN MED PAS NA BSTAN PA 'DI LA PHAN GNOD GANG BYAS PA NI SANGS RGYAS DANG SEMS CAN THAMS CAD LA PHAN GNOD BYAS PAR MKHYEN PAR MDZOD CIG ,DE LTAR DGON GNAS 'DI'I 'PHEL 'GRIB BYUNG TSUL BRIS PA'I DGOS DON YANG, PHYI'I GNAS GZHI LONGS SPYOD DANG DE LA BRTEN PA'I NANG GI BDE BA DANG BCAS PA'I 'PHEL 'GRIB KYANG BSTAN PA KHO NA'I 'PHEL 'GRIB LA LTOS SHING, BSTAN PA DE YANG TSUL BZHIN DU 'DZIN PA'I SKYES @286B BU CHEN PO RE YOD MED LA RAG LAS PAR SHES PA'I CHED DANG, LHAG PAR DE DAG GI BKA' DRIN DRAN NAS PHYIN CHAD BDAG LEGS SU 'DOD PA RNAMS KYIS BKA' DRIN BSAB PA KHO NA'I PHYIR YIN LAGS, DE YANG DNGOS PO 'BUL BA DANG BSTOD PA BYED PA TZAM GYIS MA YIN PAR BKA' SGRUB PA KHO NA LA NAN TAN DU BYAS NAS DRIN LAN BSAB DGOS TE, SKYES RABS LAS, PHAN PA'I LAN DU MCHOD PA BYA BA NI, BSGO BA'I TSIG BZHIN NYAMS SU LEN PA YIN, ,ZHES GSUNGS SHING, DPER NA KHYED CAG BYA DOR BA RNAMS KYI MI TSE GCIG GI MGO MJUG LA YANG TSE STOD KHYIM PA LA PHAR BSTOD NAS SLONG YANG TSUR SMAD NAS MI STER BA LA, CHE SMAD DA LTA'I DUS SU PHAR BKAG KYANG TSUR RE NAS MI THOB THOB BYED PA NI, BSAM SPYOD KHYAD PAR CAN DU BYAS PA'I MTHU DANG, DE YANG BLA MA 'DI'I BKA' DRIN KHO NA LAS BYUNG BA MNGON SUM GYIS GRUB PA 'DI DAG TSUN CHAD KYIS NGES PA DRANGS NAS RANG CAG KYANG BLA MA'I GDAMS NGAG LA 'BAD PAS SKYES BU DAM PAR 'GYUR BA ZHIG DANG, DE'I THABS GCIG PU 'DI PHYI'I LEGS TSOGS KYI RTZA BA LAM STON SKYES BU DAM PA YAL BAR MI 'DOR BA LA 'BAD PA GAL CHE'O,, ,, ` GNYIS PA DE LA KHRIMS SU BCA' BA'I RIM PA LA, KHRIMS DNGOS DANG, ZHANG BYUNG BSHAD PA'O, ,DANG PO LA GSAR 'JUG GI RIM PA DANG, ZHUGS NAS SGRIGS NYAMS SU LEN PA'I RIM PA'O, ,DANG PO NI, TING NGE 'DZIN RGYAL PO'I MDO LAS, JI LTAR RAB TU BYUNG NAS CHOS SPYOD PA, ,JI LTAR ZAS DANG SKOM DANG CHOS GOS DANG, ,ME TOG DANG NI SPOS DANG BYUG PA YIS, ,MI MCHOG RGYAL LA RIM GRO BYAS MA YIN, ,SU DAG BYANG CHUB TU YANG 'DOD MOS SHING, ,SEMS CAN DON DU 'DUS BYAS YONGS SKYO NAS, ,DGON PAR BLTAS NAS GOM PA BDUN BOR NA, ,DE BAS 'DIR NI BSOD NAMS KHYAD PAR 'PHAGS, ,CES PA DANG, SU DAG NAGS KHROD MNGON PAR DGA' BA YI, ,DGE SLONG DES NA BDE BA SHIN TU MYONG, ,ZHES GSUNGS PA LTAR, PHYI'I MCHOD RDZAS MA TSANG BA MED PAS MCHOD PA BYAS KYANG DE TZAM GYIS SANGS @287A *, ,RGYAS LA RIM GRO BYAS PAR MI 'GYUR GYI, DE BAS BYANG CHUB LA MOS SHING GZHAN DON DU 'DUS BYAS KYIS YONGS SU SKYO NAS GRONG LAS RGYANG GRAGS TZAM GYIS 'PHAGS PA'I DGON PA DANG, DE BAS KYANG THAG RING BA'I 'BROG DGOS PA'I PHYOGS SU GOM PA BDUN BOR BA BSOD NAMS KHYAD PAR DU 'PHAGS SHING, DGON GNAS KYI DGE SLONG RNAMS KYIS GZHAN SUS KYANG MI MYONG BA'I 'DU 'DZIS DBEN PA'I CHOS KYI BDE BA'I RO MCHOG MYONG BAR BKA' STZAL BA LTAR, RAB TU BYUNG BA DANG MI BYUNG BA KUN GYIS PHAN YON 'DI DAG BDEN PAR BZUNG NAS RANG GZHAN SU YANG BSAM SBYOR DE LTA BUS RAB TU BYUNG ZHING DGON PA'I PHYOGS SU PHYIN NAS GNAS PA LA YID BSKUL BAR BYA'O, ,DE YANG GSAR ZHUGS SKABS SO SO'I RTEN KHUNG RNAMS GYIS, THOG MAR KHYIM PA GOS DKAR CAN YIN NA MA MTHA' YANG LO BDUN MA LON PA DANG, PHA MA BSAD PA SOGS MTSAMS MED BYAS PA DANG, YID DANG NGAG LA SKYON CHEN PO CHAGS PA'I GLEN LKUGS DANG, SGO GSUM DGE BA LA BSKUL YANG SBYOR MI BZOD PA'I GCOD NAD CAN DANG, ZHA LONG 'ON PA SOGS MI MDZES PA'I RIGS DANG, YUL DANG KHYIM DU JAG RKUN DU GRAGS PA DANG, RNYED PA 'TSOL SLA BA TZAM GYI CHED DU RAB TU BYUNG 'DOD PA SOGS DANG, RAB BYUNG GI RTAGS CAN LA YANG, PHAM PA BYUNG BA DANG, DGON GZHAN NAS GNAS DBYUNG TSAD LDAN BYAS NAS PHUD PA'I RIGS DANG, DGE 'DUN GYI DBYEN DANG, PHAN TSUN DKRUG CING MI 'OS PA'I BYA BA MANG POS GZHAN DU SDOD MA THUB PA'I RIGS DANG, SA RNYING BKA' 'BRUG GI GRVA BTZUN LA YANG RAB BYUNG DANG SDOM PA RNAMS MKHAN PO DANG CHO GA TSAD LDAN KHUNGS MA NAS BLANGS PA YIN MIN SOGS KHO RANG DANG GZHAN DAG LA DNGOS DANG BRGYUD PAS DRI RTOG LEGS PAR BYAS NAS, GONG GSAL GYI BAR CHAD CAN GYI RIGS RNAMS YIN NGES DANG DOGS GZHI CHE BA'I RIGS KYANG DGON GNAS 'DIR 'JUG PA LTA ZHOG ,SO SO NAS RTEN 'KHOR TZAM YANG BYAS MI CHOG CING, BAR CHAD RAGS PA DE RNAMS BRAL NGES SU 'DUG NA RANG LA 'BREL, , @288B CHE CHUNG DANG DNGOS CHAS YOD MED SOGS LA MI BLTA BAR DGON GNAS 'DIR 'JUG PA'I KHAS LEN DANG KHUR LEN MA 'GYANGS PAR GANG DRAG BYED CING, KHO RANG LTOS PAR BCAS PA LA YANG GSAR ZHUGS KYI YO BYAD BSGRIGS DGOS DANG, LHAG PAR ZHUGS NAS CHOS BZHIN BYA BA'I RIM PA RNAMS KYANG BSLAB BYA DANG 'BREL BAR BRJOD, DE NAS KHAG THEG RANG GIS GNAS KYI BLA MA'I SKU MDUN DU PHYIN TE, RTEN 'BREL GYI CHE BAS MJAL DAR DKAR GTZANG PHUL NAS GSAR ZHUGS DE'I YIN TSUL RNAMS DRANG POR BRJOD NAS RI KHROD 'DIR ZHUGS CHOG PA ZHU ZHING, BLA MA NAS KYANG PHYIN CHAD MI RIGS PA'I KHUNG RDOL MI YONG BA'I 'GAN BSKUR NAS DUS SKABS 'TSAMS PAR BCUG CHOG PA'I GNANG BA SBYIN, DE NAS DGE 'DUN SPYI LA ZHU BA'I PHYIR KHA BTAGS DANG BCAS DBU MDZAD DANG SPYI PA GNYIS LA KHAG THEG RANG NAS NGOS PHRAD KYIS GSAR ZHUGS BYAS CHOG PA DANG ZHUGS SGO'I SNYAN GSAN YANG 'BUL ZHING, RAB BYUNG GI RTAGS CHA LUGS GRVA CHAS CHA TSANG DANG CHAB RIL SMYUG SGROG ,CHOS GOS, GDING BA BCAS BZANG NGAN GYI MTHA' DANG BRAL BA NGES PAR BSGRIGS, ,LHUNG BZED, CHU TSAGS, MAndAL SOGS KYANG MA 'GYANGS PAR GANG 'BYOR BYA, GSAR PA DE BZHIN SNGON NAS RAB BYUNG PHYOGS KYI TSUL KHRIMS DANG SDOM PA MA BLANGS PA YIN NA, GNAS KYI BLA MAR SNYAN GSAN PHUL NAS MA 'GYANGS PAR ZHU ZHING, DE NAS ZHUGS SGO YANG MA MTHA' DGE 'DUN RNAMS KYI LJAGS LA SMIN NGES KYI 'TSO BA BZANG PO'I BSNYEN BKUR MANG JA TSOGS THEMS RE'I THOG SKYABS RTEN LHA RDZAS DRI BRAL DANG, SPYI 'JOG TU DNGUL SRANG RE'I TSOD KYI 'BUL 'OS KYI DNGOS PO GANG LCOGS BCAS, RANG GI TSOGS GSOG RTEN 'BREL GYI BSGRIGS SGO MI CHUGS PA'I SLAD DU SLA CHOS SU MA SONG BAR PHUL NAS, SKYABS LA BLOS 'GEL GYI RE LTOS LEGS PAR BYED, DBU MDZAD NAS KYANG GSAR ZHUGS DE'I MING NAS SMOS TE DGE 'DUN RNAMS DANG LHAN CIG CHOS DANG ZANG ZING GI DPAL LA RTAG TU LONGS SPYOD PA DON CHEN DU 'GYUR BA'I SKYABS 'JUG KYANG NAN TAN ZHU, RAB BYUNG DANG SDOM PA MKHAN SLOB GZHAN LAS @289A *, ,ZHUS PA'I DGE TSUL SLONG THAMS CAD KYIS KYANG, 'DUL 'DZIN GYI BSLAB BYA CHEN MO LAS 'BYUNG BA LTAR, GNAS KYI BLA MA LA GNAS BCA' BA'I CHO GA BYAS NAS, SROG GCOD PA LTA BU MI 'OS PAR NGES PA RNAMS DANG, BLA MA RANG GI THUGS LA MNGA' BZHIN PA'I RANG GI RGYUN PA'I DGE SBYOR DANG ZAG PA 'DOR BA SOGS ZHU MI DGOS SHING, DE MIN BYA BAR 'OS MI 'OS THE TSOM ZA BA RNAMS DANG, BYA BAR 'OS PA'I CHOS LDAN GYI RIGS KYANG DMIGS GSAL GANG BYUNG THAMS CAD GNAS KYI BLA MA LA ZHUS NAS BKA' BZHIN DU 'DOR LEN BYED PA 'DI NI, BDAG CAG GI STON PA RANG NYID KYIS, SKAL LDAN THAR PAR BGROD PA'I NYAMS LEN GYI THOG MA NYID DU BKA' STZAL PA ZHIG LAGS NA, STON PA TSAD MAR 'DOD PA'I SKYES BU MKHAS BLUN KUN GYI 'DI LA GAL CHUNG DU MA MDZAD PAR 'BAD DGOS SO,, ,, ` GNYIS PA ZHUGS NAS SGRIGS NYAMS SU LEN PA'I RIM PA NI, DGE SLONG LA RAB TU GCES PA'I MDO LAS, DGE SLONG RANG GI NGO BO BLANGS MA THA RTZA BA BZHI SOGS NYIS BRGYA LNGA BCU PA, ,CHED DU BYA BA RNAM DAG TSUL KHRIMS YIN, ,ZHES DANG, SO SO THAR PA LAS KYANG, BCOM LDAN 'DAS KYI NYAN THOS KYI DGE 'DUN NI, DON NYUNG BA, BYA BA NYUNG BA, ZHES GSUNGS PA LTAR, RANG CAG DGE SLONG DU BYAS PA DANG, BYED PAR NGES PA'I DGE 'DUN DU GYUR NAS DON DU GNYER BYA THAR PA DANG, DE'I CHED DU BYA BA BSLAB PA GSUM DANG, KHYAD PAR SKABS SU BABS PA RNAM DAG TSUL KHRIMS LAS GZHAN MED PAR GSUNGS PA LTAR LAGS SHING, DE YANG GONG DU BSHAD PA'I BLA MA DANG DGE RGAN DGE 'DUN DANG BCAS PA'I PHYI'I GROGS DANG, BDAG LEGS SU 'DOD PA'I BSAM PA DANG, DE'I THABS LA NAN TAN BYED PA'I SBYOR BA PHUN SUM TSOGS PA'I SGO NAS, THOG MAR SDOM PA'I MI MTHUN PHYOGS RAGS RIM NAS NGO SHES PAR BYED PA GAL CHE BAS NA, RTZA BA BZHI'I DANG PO MI TSANGS SPYOD KYI PHAM PA NI, RANG GZHAN 'GRO BA SU'I YANG, KHA DANG BSHANG LAM MO MTSAN TE RMA SGO GSUM PO GANG GI NANG DU, RANG GE SKYES PA'I @290B DBANG PO LAS RUNG BCUG PA'I REG PA'I BDE BA LUS SHES KYIS MYONG ZHING YID SHES KYIS DANG DU BLANGS PA DE'O, ,GNYIS PA MA BYIN LEN GYI PHAM PA NI, MI GZHAN GYIS 'DI NI NGA'I 'O SNYAM DU BLOS BZUNG BA'I RDZAS SKAR LNGA RI BA'I DNGOS PO RANG GIS BRKUS PA DANG, GZHAN RKUR BCUG NAS THOB BLO SKYES PA DE'O, ,GSUM PA SROG GCOD KYI PHAM PA NI, MI'I MNGAL DU CHAGS PA YAN CHAD KYI MI'I 'GRO BA GANG YANG GSOD 'DOD KYIS SBYOR BAS RANG GI SNGA ROL DU SHI BA DE'O, ,BZHI PA BRDZUN SMRA'I PHAM PA NI, RANG GIS MA THOB PA'I MNGON SHES SOGS GONG MA'I YON TAN THOB PAR SMRAS PAS, MI GZHAN GYIS BDEN PAR GO BA DE'O, ,BZHI PO 'DI LAS GCIG BYAS NA YANG BYAS MA THAG TU DGE TSUL SLONG GI SDOM PA SNGAR YOD RTZA BA NAS NYAMS PAS PHYIN CHAD BLANG DU MED PAR 'GYUR BAS RTZA BA'I LTUNG BA ZHES BYA, DES NA DGE TSUL GYI SDOM PA BLANGS MA THAG NAS BZUNG MA SHI'I BAR DU BSAM SBYOR GZHAN THAMS CAD BZHAG NAS, RTZA BA 'DI BZHI PO GANG GIS KYANG MA GOS PA LA 'BAD PA GCIG TU SGRIL BAR BYA ZHING, GAL SRID BSOD NAMS SHIN TU DMAN PA'I STOBS KYIS PHAM PA BYUNG NA, SKYE BA PHYI MA'I NGAN SONG SPYONG PHYIR RANG GIS 'GYOD SEMS DRAG POS MI 'CHAB PAR DE MA THAG TU BLA MA DGE 'DUN LA ZHUS NAS DGE SBYONG GI KHROD DU MI SDOD PAR 'GRO BAR BYA, DE LTAR MI BYED PA'I BDUD KYI SNYING KHAMS CAN BYUNG NA, BLA MA DGE 'DUN NAS SNYING RJE GO LOG GIS MI SKYONG BAR 'JAM RTZUB GANG 'OS KYIS MYUR DU GNAS DBYUNG BYA ZHING, KHAG THEG SOGS DGE 'DUN GYI KHROD NAS DE'I RGYAB BYED PA BYUNG NA, DE LA YANG MA MTHA' MANG JA GCIG DANG DKAR MA SNYAN DAR THOG BRGYA PHYAG BCAS KYI CHAD PA NGES PAR GTONG, GZHAN YANG 'BYUNG NYE BA KHU BA 'BYIN PA DANG, CHAGS SEMS KYIS BUD MED LA REG PA DANG, 'KHRIG TSIG SMRA BA DANG, BUD MED KYIS RANG LA DE 'DRA BYED PA LA SKYON DU MI BLTA BA DANG, PHO MO MTHUN 'JUG BYED PA DANG, DGE SLONG SKYON MED LA PHAM PAS SKUR 'DEBS BYED PA DANG, DGE 'DUN MI MTHUN PA LA KHA PHYOGS ZHE PHYOGS BYED PA DANG, BAG MED KYI SPYOD PAS KHYIM @291A *, ,PA MA DANG PAR BYED PA DANG, MKHAN PO DGE 'DUN GYIS CHOS BZHIN DU TSAR BCAD RJES 'DZIN GNANG BA LA BKA' BLO MI BDE BAR BYED PA DANG, CHOS GOS RNAM GSUM SOGS BYIN RLABS MED PAR 'CHANG BA DANG, BYIN RLABS CAN ZHAG TU 'BRAL BAR BYED PA SOGS DANG, BUD MED LA GOS RNYING 'KHRUR 'JUG PA DANG, MI DGOS BZHIN DU KHYIM PA LAS GOS MANG PO SLONG BA SOGS DANG, GDING BA GSAR PA BYED TSE RNYING PA BYIN RLABS CAN NAS RKYANG KHRU GANG MA SBYAR BA DANG, RING GIS BAL KHUR RGYANG GRAGS LHAG 'KHYER BA SOGS DANG, BYIN RLABS MA BYAS PAR GSER DNGUL SOGS RIN PO CHE LA DGOS MED DU RIG PA DANG, GZHAN REG TU 'JUG PA DANG, BUN BSKYED NYO TSONG MANG PO BYED PA SOGS DANG, DGE SLONG GZHAN LA GOS SOGS BYIN PA 'PHROG PA SOGS DANG, DGE 'DUN DANG GANG ZAG GZHAN LA BSNGOS PA'I RDZAS RANG LA KHA BSGYUR BA DANG, BZA' BTUNG BYIN LEN BYAS PA DUS SU MA BSHIG PAR 'JOG PA DANG, BRDZUN TSIG SMRA BA DANG, DGOS MED DU DGE SLONG GZHAN LA SKYON BRJOD PA DANG, PHAN TSUN MI MTHUN PAR DKRUG PA SOGS DANG, NYE DU MIN PA'I BUD MED LA KHRIMS GROGS MED PAR CHOS STON PA DANG, KHYIM PA SOGS LA DGE SLONG GZHAN GYI SKYON SGROGS PA SOGS DANG, BCAS MTSAMS LA KHYAD GSOD BYED PA DANG, DUS RUNG MA BYAS PAR RDOD THAG DANG, SBYIN BSREG SOGS BYED PA LTA BU SA BON BCOM PA SOGS DANG, PHYI DRO KHA ZAS ZA BA SOGS DANG, BYIN LEN MA BYAS PA ZA BA SOGS DANG, CHU TSAGS MA BYAS PAR SROG CHAGS YOD PA'I CHU LA LONGS SPYOD PA DANG, PHO MO NYAL GSHOM BYED SAR 'DUG 'GRENG BYED PA SOGS DANG, DMAR SER SOGS KYIS KHA MA BSGYUR BA'I GOS DKAR GYON PA SOGS DANG, BSAM BZHIN DU DUD 'GRO CHE CHUNG GANG YIN GSOD PA SOGS DANG, KHRIMS GROGS MED PAR GNYEN MIN PA'I BUD MED DANG LHAN CIG NYAL BA SOGS DANG, DE DANG LHAN CIG RGYANG GRAGS 'DAS NAS 'GRO BA DANG, RKUN MA SOGS DANG BSDEBS NAS @292B 'GRO BA SOGS DANG, CHANG 'THUNG ZHING GZHAN LA BLUD PA SOGS DANG, GZAN SHAM SOGS ZLUM POR MA BGOS PA SOGS DANG, YAR RTZENGS PA DANG, MAR 'JOL BA DANG, LHAG PAR KHYIM DU 'GRO 'DUG GI TSE SGO GSUM LEGS PAR MA BSDAMS PA DANG, CA CO CHER SGROGS PA SOGS DANG, MIG 'DOM GANG TZAM DU MI BLTA BA DANG, RAS GOS SOGS KYIS MGO GA-YOGS PA DANG, SMAD GOS RDZES PA SOGS DANG, LAG GNYIS GNYA' LTAG TU BSNOL BA DANG, 'GRO BA'I TSE MCHONGS PA SOGS DANG, MGO BO BSGYUR BA DANG, LUS GCU BA DANG, LAG PA DBYUG PA DANG, PHAN TSUN DPUNG BA SPRAD PA DANG, LAG SBREL BYED PA DANG, 'DUG PA'I TSE KHYIM PAS DER BZHUGS CES MA LAB PA'I STAN LA 'DUG PA SOGS DANG, RKANG PA DANG, RLA DANG, RKANG MGO BCAS GCIG STENG DU GCIG BSNOL BA SOGS DANG, RKANG PA SO SOR BRKYANGS PA DANG, 'DOMS SNANG BAR 'DUG PA DANG, ZAS LEN PA'I TSE LEGS PAR MA BLANGS PA SOGS DANG, GO RIMS SU MA BLANGS PA DANG, SEMS MA YENGS PAR MA BLANGS PA DANG, ZAS MA 'ONG GONG NAS LHUNG BZED BZED PA SOGS DANG, ZAS KHAM HA CANG CHES PA DANG, CHUNG BA SOGS DANG, ZAS KHA RTZAR MA 'ONGS PAR KHA GDANGS PA DANG, KHA ZAS KYIS BKANG STE GTAM SMRA BA DANG, TZUG TZUG SOGS SGRA BCAS DANG, LCE PHYIR PHYUNG STE DUD 'GRO LTAR ZA BA DANG, 'BRAS SOGS 'BRU RE RE NAS ZA BA DANG, KHA ZAS LA 'PHYA SMOD BYED PA DANG, KHA NANG GI ZAS GA-YAS GA-YON SPO BA DANG, ZHIM 'DOGS KYI RKAN SGRA TOG PA DANG, KHAM 'PHRO BCAD NAS ZA BA DANG, BLDAG PA DANG, 'BYOG PA DANG, SPRUG PA DANG, BSKYOM PA DANG, ZAS LA MCHOD RTEN GYI GZUGS BYAS PA GZHOM NAS ZA BA DANG, GZHAN GYI LTUNG BZED LA 'PHYA BA DANG, LAG PA ZAS KYIS GOS PAS CHU SNOD LA REG PA DANG, 'BAGS CHU DGE SLONG LA 'THOR BA DANG, GANG BYUNG LA PHO BA DANG, LHUNG BZED NANG DU ZAS LHAG 'JOG PA DANG, LHUNG BZED GZHI MED DANG, GAD GA-YANG DANG, DKAN GZAR 'JOG @293A *, ,PA DANG, DE DAG TU BKRU BA DANG, LANG NAS BKRU BA DANG, LHUNG BZED KYIS 'BAB CHU'I RGYUN LAS LDOG STE BCU BA DANG, NYAN PA PO 'DUG PA LA RANG NYID KYIS 'GRENG STE CHOS 'CHAD PA SOGS DANG, MI NA BAR 'GRENG STE BSHAD GCI 'DOR BA DANG, MI NA BAR CHU NANG DANG, RTZVA SNGON GYI STENG DU BSHAD GCI DANG, MCHIL MA DANG, SNABS DANG, SKYUGS PA SOGS 'DOR BA DANG, GZHAN GYIS GNOD PA BYUNG NA MA GTOGS PAR SHING LA 'DOM GANG TZAM LAS MTHO BAR 'DZEGS PA BCAS, 'DIR DNGOS SU SMOS PA DANG, SOGS KHONG DU LUS PA GZHAN RNAMS KYANG NGO 'PHROD NGES SU SHES PAR BYAS NAS NGES PAR BSRUNG DGOS TE, MA BSRUNGS PAR BAG MED DU LUS NA, NYES BYAS CHUNG NGU GCIG KYANG NYIN RE BZHIN YANG YANG BSAGS PAS CHEN POR 'GYUR ZHING, TSE 'DIR YANG BSOD NAMS NYAMS NAS BSHAGS BSDAMS BYED PA SOGS MI DRAN PAS PHAM PA SOGS KYANG BYUNG STE, TSE 'JUG GANG DU PHYIN YANG MI SHIS PA'I MTHA' CHAD ZHIG TU GYUR NAS YA NGA BA NGAN SONG MA SPANGS PAR 'CHI BA'I DUS BYED PAR 'GYUR BAS, DGE SBYONG TSE 'DI BSAMS PA RNAMS KYIS KYANG TSUL 'DI LA GZABS PAR MDZOD CIG ,DA LTA NAS PHYI MA PHAN CHAD KYI BDE BA SGRUB RTZIS YOD NA NI DE BAS KYANG LTUNG BA DE DAG CHE CHUNG GIS PHYI MAR RNAM SMIN DANG, MYONG CHA CHE CHUNG DANG YUN RING THUNG MA GTOGS SDIG LTUNG CHUNG NGU GCIG GIS RNAM SMIN NGAN SONG DANG, MYONG BA RGYU MTHUN NI, LAS GZHAN GYIS MNGON MTHO THOB KYANG NAD MANG TSE THUNG SOGS MI 'DOD PA'I MYONG CHA MANG LA SHUGS DRAG PO BZLOG TU MED PAR MYONG DGOS PA DANG, BYED PA RGYU MTHUN, RANG GIS RANG NYID 'DI PHYIR SDUG TU 'JUG PA'I LAS LA DGA' ZHING SKYEN PAR 'GYUR, BDAG 'BRAS SDOD YUL TSUN CHAD BLOR MI 'BABS PAR 'GYUR ZHING, LHAG PAR RANG GZHAN RTAG TU BDE BAR BYED PA'I LAM DANG BSKAL PA MANG POR MI 'PHRAD PA LA SOGS PA'I NYES DMIGS 'BYUNG, KHA ZAS ZA LEGS PA DANG, GOM PA 'DOR YAG PA TZAM GYI DGE BA CHUNG DUS KYANG, 'DI @294B DANG PHYI MAR GONG DU BSHAD PA LAS LDOG PA'I PHAN YON RNAMS DANG, LHAG PAR BRAL 'BRAS THAR PA DANG THAMS CAD MKHYEN PA YANG 'BYUNG BAS NA, BDE BA 'DOD CING SDUG BSNGAL MI 'DOD PA RNAMS KYIS DGE SDIG LA BLANG DOR BYED PA LAS THABS GZHAN MED DO, ,DES NA DGON PA'I GNAS BRTAN BGRES PA RNAMS KYIS PHAN YON DANG NYES DMIGS BSAMS PA'I RANG STOBS KYIS, SDIG LTUNG DE DAG LA 'DZEMS PA'I NGO TSA DANG, BTZUN GSAR RNAMS KYIS BLA MA DGE 'DUN DGE RGAN DANG BCAS PA LA 'JIGS NAS 'DZEMS PA'I KHREL YOD DANG, THAMS CAD KYIS KYANG BAG ZON CHEN POS BSGRIM NAS DA LTA GANG BSAMS GANG BYED SNYAM DU RTOG PA'I SHES BZHIN BSTEN NAS, SDIG LTUNG GANG 'BYUNG NYE BA NA DE MA THAG DRAN PAS BZUNG NAS SPONG BA GAL CHE'O, ,DE DAG GI NANG NAS KYANG THOG MAR CHANG NI BAG MED KYI GZHIR GYUR PAS RTZA'I ZIL PA TZAM YANG SROG LA THUG KYANG 'THUNG BA LTA ZHOG ,CHOS 'DI PA'I DGE BSNYEN YAN CHAD KYI KYANG GZHAN LA BLUD DU YANG MI RUNG STE, JI LTAR BCOM LDAN 'DAS KYIS SH'AKYA NA BAR GYUR PA DAG LA, DE NYID MA GNANG BA 'DI LTAR, DGE SLONG DAG NGA LA STON PA ZER BA KHYED CAG GIS, CHANG THA NA RTZA MCHOG GIS KYANG MI BLUD MI BTUNG NGO, ,ZHES DANG, MDO RTZA BA LAS KYANG, NAD PAS NI CHANG RTZVA MCHOG GIS KYANG MI BTUNG NGO, ,DGE BSNYEN YAN CHAD KYIS KYANG MI BLUNG DO, ,ZHES GSUNGS PA LTAR LAG LEN LA NGES PAR 'DEBS DGOS SHING, TSOGS 'KHOR SOGS GSANG SNGAGS KYI DAM RDZAS BSTEN PA'I SKABS SU YANG, BDUD RTZI RIL BU DNGOS SAM DE BTAB PA'I DAM RDZAS LA LONGS SPYAD PAS RTZA LTUNG BCU GSUM PA KHEGS NUS KYI, DAM RDZAS LA KHAG BTAGS NAS CHANG NGES PAR 'THUNG DGOS NA GSHAD GCI DANG KHYI SHA SOGS KYANG NGES PAR ZA DGOS SO, ,DES NA RGYUD RDO RJE RTZE MO LAS, PHUNG KHROL KUN GYI RTZA BA YI, ,CHANG NI RNAM PAR SPANG BAR BYA, ,ZHES GSUNGS SHING, DUS 'KHOR SOGS NAS KYANG, CHANG LA DGAG PA DMIGS PHUG PA MDZAD 'DUG PAS, GSANG SNGAGS LA KHAG BTAGS NAS RANG GZHAN PHUNG KHROL KUN GYI RTZA BA LA SBYOR BA'I DA LTA'I SNGAGS @295A *, ,'CHANG RNAMS KYI RJES SU MA 'BRANGS SHIG ,GZHAN YANG RANG LA SKYABS ZHU BA LTAR, LAS KYIS 'KHOR BA'I SEMS CAN CHE CHUNG GANG YANG, RANG GIS DNGOS SU GSOD PA DANG KHYAD MED PAR, GZHAN LA GSOD DU 'JUG PA DANG, GSOD SAR TSONG BA SOGS GTAN NAS MI RIGS TE, DE'I RGYU MTSAN 'PHAGS PA RNAMS KYIS BKA' STZAL BA LTAR BSHAD CI DGOS, RANG CAG GI MNGON SUM DU MTHONG BA LA YANG THA NA LUS KYI SPU DANG LCI BA TSUN CHAD KYIS KYANG PHAN BTAGS BTAGS PA'I DRIN LAN DU SROG MGO TZAM YANG MI 'DON PA 'DI LAS YI MUG PA DANG THABS SDUG PA CI YOD, DES NA DKON MCHOG GI MCHOD PA DANG, RANG GI 'TSO BA SOGS GANG GI PHYIR DU YANG 'DI 'DRA BYAS MI CHOG STE, MCHOD PA 'BUL BA NI DKON MCHOG MNYES PA'I PHYIR YIN LA, 'DI 'DRA DKON MCHOG RANG LA GRI BTZUG PA LAS KYANG MI MNYES SHING, SDIG SDUG MANG POS BSAG BSAGS PA'I NOR RDZAS KYIS, RANG GI KHA ZAS SHA TZAM YANG NYO MI NUS NA GZHAN CI BYED, DE LTAR BSAMS NAS DGE SGRUB GZHAN MA BYUNG YANG, SEMS CAN RNAMS RANG CAG SKYABS GNAS ZHU SA'I LAG TU TSUD PA LA, BSHAS RAR TSUD PA LAS LHAG TZAM GYI NGO SO YOD PA ZHIG CI NAS MDZOD, GZHAN YANG DGE 'DUN NANG PHAN TSUN LA DKRUGS SHING BYED PA DANG, 'THAB RTZOD 'KHRUG SLONG BYED PA DANG, SKYE BO SU LA YANG MING NGAN 'DOGS PA DANG, MING NGAN NAS 'BOD PA DANG, 'PHYA SMROD SNA TSOGS KYI SGO NAS GZHAN GYI LAD MO BYED PA SOGS DON CHUNG LA SDIG CHE BAS RNAM PA KUN TU MI BYA STE, SNGON SANGS RGYAS 'OD SRUNG GI BSTAN PA LA SHED BU SER SKYA ZER BA RIGS GNAS LA MKHAS PA ZHIG BYUNG BA DES MA'I NGAN SLAB LA NYAN NAS, DGE SLONG RNAMS LA KHYI'I MGO CAN SOGS NGAN MING MANG PO BTAGS PAS, SHI MA THAG RGYA MTSO'I NANG DU CHU SRIN LUS BONG SHIN TU CHE BA MGO BRNYAN BCO BRGYAD YOD PA ZHIG TU SKYES NAS SDUG BSNGAL CHEN PO MYONG BZHIN DU, BDAG CAG GI STON PA SH'AKYA THUB PA'I BSTAN PA'I DUS SU YANG YOD PA DANG, 'JIG RTEN GYI KHA @296B NGAG LAS KYANG, DON BZHAD GAD TZAM LA, KHA SDIG RI BO GSOG ZER BA LTAR RO, ,DE DAG LA BLA MA DGE 'DUN NAS KYANG BKOD 'DOMS LEGS PAR MDZAD DGOS SHING, BKAG KYANG GTAN NAS MI NYAN PA BYUNG NA KHAG THEG DANG BCAS PA LA MANG JA'I CHAD LAS DANG, KHO RANG LA DGE 'DUN GYI DBUS SU BRGYA PHYAG LA SOGS PA 'TSAL DU 'JUG ,DE NAS KYANG DA DUNG SDIG LTA'I RIGS MI GTONG BA 'DUG NA GNAS DBYUNG DRAG PO BYA DGOS SO, ,DA NI GAL CHE BA, DUS STABS KYIS PHAN BDE'I RTZA BA SO SOR THAR PA'I BSTAN PA 'DI 'JOMS PA LA BSAM BZHIN DU BDUD SDIG CAN DGE SLONG GI CHA BYAD CAN DU YANG 'BYUNG BAR GSUNGS PA LTAR, GZUGS BRNYAN SNA TSOGS KYIS RDZOGS CHEN DANG SGRUB CHEN LA SOGS PA'I MING CHEN PO BZUNG NAS 'PHO RLUNG GCOD GSUM LA SOGS PA'I SNYAD 'DOGS KYIS, DGE SBYONG GI CHA LUGS RNAMS NYAMS PAR BYED PA DANG, 'DOD CHAGS LAM 'KHYER LA SOGS PA'I SNYAD 'DOGS KYIS, DGE SBYONG GI BSAM PA RNAMS NYAMS PAR BYED PA SOGS, MDOR NA SANGS RGYA BA LA TSUL KHRIMS LA SOGS PA'I DGE RTZA RNAMS MI DGOS SHING, 'DOD CHAGS LA SOGS PA'I NYON MONGS PA THAMS CAD DGOS NGES SU BYED PA'I BDUD KYI SNYING STOBS CAN RJES 'BRANGS DANG BCAS PA MANG ZHING, DE DAG NI BSLU BRING KYANG MKHAS PAS LO MANG POR DKA' SPYAD KYIS GCIG PUR SRAN BTZUGS NAS SDOD PA DANG, DE NAS MI MANG GI KHROD DU RAL PA DANG SEN MO'I BRTUL ZHUGS 'DZIN PA SOGS BYED CING, LHAG PAR RGYAL 'BANGS YUL 'KHOR DANG BCAS PA DBANG DU BSDU 'DOD KYI 'DOD CHEN DRAG POS, THOG MAR 'DOD CHUNG CHOG SHES LTAR BCOS NAS, RANG GI NOR RDZAS RNAMS GZHAN LA STER ZHING, KHYIM PA PHO MO RNAMS LA BLANG DOR MI DGOS PA'I SLA CHOS MANG PO BSTAN NAS, LAS 'BRAS SPYI DANG KHYAD PAR DKON MCHOG GI RTZA BA DGE 'DUN LA MCHOG TU DAD PA LAS NYAMS PAR BYED CING, DE NAS GANG ZAG SO SO NYAMS PAR BYAS PAS KYANG YID MA TSIM PAR, BCOM LDAN 'DAS KYIS, BSTAN RTZA DGE SLONG NYID YIN TE, ZHES BKA' STZAL PA LTAR MTHONG NAS @297A *, ,BSTAN PA RTZA BA NAS NYAMS 'DOD KYIS GTZUG LAG KHANG LHA RTEN DGE 'DUN DANG BCAS PA LA YANG ZHIG GSOS DANG BSNYEN BKUR RGYA MI CHUNG BA LTAR BYAS NAS, GSO SBYONG LA SOGS PA'I DGE 'DUN SPYI'I LAS SU BYA BA'I RIM PA DANG, SDE SNOD LA SBYANGS SHING BSLAB PA LA GCES SPRAS SU BYED PA SOGS, BDAG CAG GI STON PA'I RNAM THAR THUN MONG MA YIN PA 'DZIN PA'I DGE SLONG SO SO'I BSLAB PA RNAMS KHYAD DU BSAD NAS NYAMS PAR BYED PA LA THABS MKHAS SHING MTHU CHE BA MANG PO 'BYUNG YANG, DE DAG LA ZAS DANG GTAM TZAM GYI 'BREL BA 'DOGS PA'I GNAS KYANG MA YIN MOD, 'ON KYANG SNYIGS DUS DBANG BTZAN PAS DE LTAR MA THUB KYANG, SBYIN BDAG DRAG PA GCIG GI TSOD KYI SNE LEN BYAS NAS RANG BABS SU 'JOG PA MA GTOGS, BSLU BRID KYIS BSLUS NAS DE DAG LA YID GTING NAS PHYOGS PA'I SKYABS ZHU BA DANG, CHOS 'BREL BYED PA SOGS LTA ZHOG ,PHYAG DBANG ZHU BA TZAM YANG RNAM PA KUN TU BYAS MI CHOG CING, DE LTAR SHES BZHIN DU DGE 'DUN KHYAD DU BSAD NAS BYED PA BYUNG NA 'PHRAL DU GNAS DBYUNG BYA ZHING, DE 'DRA'I DGE 'DUN LA MI GUS PA'I KHYIM PA LA YANG, NA BA LA SOGS PA'I NYAM THAG PA'I KA MED BYUNG NA MA GTOGS, LONGS SPYOD CHUNG CHUNG LA BLTAS NAS RGYUN PAR GYI 'BREL CHEN PO MI BYA'O, ,'DI NI SNYING RJES RANG GZHAN GYI PHAN BDE'I GZHI RTZA BSRUNG BA YIN GYI, CHAGS SDANG GIS PHYOGS RIS DANG GZHAN LA PHRAG DOG SOGS BGYIS PA NI MA YIN TE, 'GRO LA NYE RING MED PA'I STON PA BCOM LDAN 'DAS RANG NYID KYI BKA' LAS KYANG, LAS 'BRAS BDEN PAR BLTA BA'I LTA BA LAS NYAMS PA NI, SDIG PA'I RTZA BAR GSUNG ZHING, DE 'DRA'I SDIG LTA CAN CHOS BZHIN DU TSAR GCOD DGOS PAR YANG GSUNGS PAS, RANG CAG GIS TSAR GCOD PA MA BYUNG YANG DE DAG GI RJES SU 'BRANG BA GA LA RIGS, NYON MONGS MANG BAS TSUL KHRIMS DANG, CHO GA DANG, 'TSO BA BCAS NYAMS KYANG, LTA BA 'DI MA NYAMS NA DGE RTZA MI CHAD PAS GNAD 'GAG @298B CHE STE, SNGON BKA' GDAMS KYI DGE BSHES GLANG THANG PA'I SLOB MA ZHIG GRA PA LOG KYANG, MI TSANGS SPYOD MA GTOGS, BYIN LEN BYED PA SOGS BSLAB PA GZHAN LEGS PAR BSRUNGS PAS, SHI NAS LHAR SKYES PA LTA BU'O, ,DA NI DE DAG GI DON NYIN RE BZHIN PHYAG LEN DU BSGRIGS PA'I RIM PA NI, DGE SLONG RNAMS NAS SNGA GRO YAR BZHENGS PA DANG, STON PA THUGS RJE CAN DRAN BZHIN DU, MDANGS MA SHI BA LEGS, DE RING GI MDUN MA THAMS CAD TSUL DANG MTHUN PA'I SGO NAS DON CHEN DU 'GYUR BA ZHIG CI NAS BYED SNYAM PA'I 'PHEN PA DANG, DE LTAR BYED NUS PAR BLA MA LHAS BYIN GYIS BRLAB TU GSOL SNYAM PA'I BLOS 'GEL GYI RE LTOS DANG BCAS BZHIN DU, SANGS RGYAS CHOS TSOGS MA LAN GSUM 'DON, DE NAS ME LA REG PA SOGS NGO BO'I SGO NAS MI RUNG YANG DGOS PA'I SGO NAS RUNG BA'I 'DU SHES DANG BCAS SDOM PA 'OG MA GNYIS KYI DUS DRAN BYA ZHING, GSANG SNGAGS KYI SGO NAS TSE DANG BSOD NAMS KYI BAR CHAD BSRUNG BA'I BSRUNG 'KHOR YANG BSGOM, DGE TSUL RNAMS NAS KYANG, BDAG CAG GI STON PA DRAN BZHIN DU LANGS NAS MU NI'I SNGAGS DANG DMIGS BRTZE MA SOGS 'DON ZHING GNAS KHANG LA BYI DOR DANG, LHA RTEN LA MCHOD 'BUL SOGS KYI STA GON BYA, DE NAS NAM LANGS PA LA NYE BA NA, ZHAL TA BAS DGE 'DUN 'DU BA'I GZHI LEGS PAR BSGRIGS NAS TSOGS BRDA 'BUL, DE NAS MA 'GYANGS PAR DGE 'DUN RNAMS SO SO NAS, GDING BA, MAndAL RNAMS 'KHYER TE 'GRO BA'I SPYOD LAM LA DRAN SHES BSTEN NAS PHEBS SHING, TSOGS KHANG LA NYE BA NA MCHIL LHAM PHUD NAS NANG DU 'DUS PA NA, THOG MAR GUS PA'I SPYOD LAM GYIS 'GRENG BZHIN DU, THAMS CAD DU NI SA GZHI DAG ,GSEG MA LA SOGS MED PA DANG, LAG MTHIL LTAR MNYAM BEEd'URYA'I, ,RANG BZHIN 'JAM POR GNAS GYUR CIG ,ZHES SOGS TSIGS BCAD GCIG TZAM GYIS SA GZHI BYIN BRLABS DANG, RNAM DAG CHOS KYI DBYINGS LAS MA GA-YOS KYANG, ,THUGS RJES TSAD MED 'GRO LA PHYOGS BCUR GZIGS, @299A *, ,RGYAL BA KUN GYI 'PHRIN LAS RGYAS MDZAD PA'I, ,DUS GSUM BLA MA 'KHOR BCAS GSHEGS SU GSOL, ,MA LUS SEMS CAN KUN GYI MGON GYUR CING, ,BDUD STE DPUNG BCAS MI BZAD 'JOMS MDZAD LHA, ,DNGOS RNAMS MA LUS YANG DAG MKHYEN GYUR PA'I, ,BCOM LDAN 'KHOR BCAS GNAS 'DIR GSHEGS SU GSOL, ,ZHES PA TZAM GYIS SKYEN 'DREN BYA, KHRUS KYI KHANG PA SHIN TU DRI ZHIM PA, ,SHEL GYI SA GZHI GSAL ZHING 'TSER BA BSTAR, ,RIN CHEN 'BAR BA'I KA BA YID 'ONG LDAN, ,MU TIG 'OD CHAGS BLA RE BRES PA DER, ,ZHES PAS KHRUS KHANG BSKYED, JI LTAR BLTAMS PA TZAM GYI NI, ,LHA RNAMS KYIS NI KHRUS GSOL LTAR, ,LHA YI CHU NI DAG PA YIS, ,DE BZHIN BDAG GIS KHRUS BGYI'O, ,SRAB 'JAM YANG PA LHA YI GOS, ,MI PHYED RDO RJE'I SKU BRNYES LA, ,MI PHYED DAD PAS BDAG 'BUL NA, ,BDAG KYANG RDO RJE'I SKU THOB SHOG ,ZHES PAS KHRUS DANG GOS 'BUL BYA, BDAG DANG 'GRO LA THUGS BRTZE'I PHYIR, ,NYID KYI RDZU 'PHRUL MTHU YIS NI, ,JI SRID MCHOD PA BDAG 'BUL NA, ,DE SRID BCOM LDAN BZHUGS SU GSOL, ,ZHES PAS BRTAN BZHUGS BYA, DE NAS PHYAG 'TSAL BA DANG MNYAM DU AOm NA MO MANYDZU SHRI YE, NA MA: SU SHRI YE, NA MA: AUTTA MA SHRI YE SV'AH'A, ZHES SOGS 'GYUR PHYAG GI SNGAGS DANG, SANGS RGYAS THAMS CAD 'DUS PA'I SKU, ,RDO RJE 'DZIN PA'I NGO BO NYID, ,DKON MCHOG GSUM GYI RTZA BA STE, ,BLA MA RNAMS LA PHYAG 'TSAL LO, ,PHUN TSOGS DGE LEGS BYE BAS BSKRUN PA'I SKU, ,MTHA' YAS 'GRO BA'I RE BA SKONG BA'I GSUNG, ,MA LUS SHES BYA JI BZHIN GZIGS PA'I THUGS, ,SH'AKYA'I GTZO BO DE LA GUS PHYAG 'TSAL, ,BYAMS PA THOGS MED DBYIG GNYEN RNAM GROL SDE, ,MCHOG SDE DUL BA'I SDE DANG GRAGS PA'I SDE, ,SENG BZANG KU SA LI GNYIS GSER GLING PA, ,RGYA CHEN SPYOD PA'I BRGYUD LA X 'JAM DBYANGS YOD MED PHYOGS 'JIG KLU SGRUB DANG, ,ZLA BA GRAGS PA RIG PA'I KHU BYUG CHE, ,SANGS RGYAS DGONGS SKYONGS 'PHAGS PA YAB SRAS TE, ,ZAB MO LTA BA'I BRGYUD LA X THUGS RJE CHEN PO BDE GSHEGS RDO @300B RJE 'CHANG, ,MCHOG GZIGS TE LO PA DANG N'A RO PA, ,DPAL MCHOG dOm BHAm PA DANG AA TI SHA, NYAMS LEN BYIN RLABS BRGYUD LA X GANG GIS BDAG LA RIG PA BSLABS PA DANG, ,MDO RGYUD BSTAN BCOS MAN NGAG RJES BSTAN DANG, ,BSLAB PA NOD DANG DBANG BSKUR BYIN RLABS PA'I, ,DNGOS BRGYUD BLA MA RNAMS LA PHYAG 'TSAL LO, ,ZHES SOGS KYIS BLA MA SDE LNGA'I PHYAG 'TSAL BYA ZHING, DE KHAR BZHUGS NAS, MAndAL 'BUL BZHIN DU, DNGOS BSHAMS YID SPRUL MCHOD PA MA LUS 'BUL, ,THOGS MED NAS BSAGS SDIG LTUNG THAMS CAD BSHAGS, ,SKYE 'PHAGS DGE BA RNAMS LA RJES YI RANG, ,'KHOR BA MA STONG BAR DU LEGS BZHUGS NAS, ,'GRO LA CHOS KYI 'KHOR LO BSKOR BA DANG, ,BDAG GZHAN DGE RNAMS BYANG CHUB CHEN POR BSNGO, ,GLING BZHI NYI ZLA RI RAB RIN CHEN 'DUN, ,RIN CHEN MAndAL KUN BZANG MCHOD PA'I TSOGS, ,BLO YIS BLANGS NAS DKON MCHOG GSUM LA 'BUL, ,THUGS RJES BZHES NAS BYIN RLABS DNGOS GRUB STZOL, ,AI DAm GU RU RATNA MAndAL KHAm NIR YA TA YA MI, ZHES SOGS KYIS YAN LAG BDUN PA MAndAL DANG BCAS PA PHUL NAS, SEMS CAN THAMS CAD BDE BA DANG BDE BA'I RGYU DANG LDAN PAR GYUR CIG ,SEMS CAN THAMS CAD SDUG BSNGAL DANG SDUG BSNGAL GYI RGYU DANG BRAL BAR GYUR CIG ,SEMS CAN THAMS CAD SDUG BSNGAL MED PA'I BDE BA DANG MI 'BRAL BAR GYUR CIG ,SEMS CAN THAMS CAD NYE RING CHAGS SDANG GNYIS DANG BRAL BA'I BTANG SNYOMS LA GNAS PAR GYUR CIG ,ZHES PA DANG, SANGS RGYAS CHOS TSOGS MA LAN GSUM GYI SGO NAS SKYABS 'GRO SEMS BSKYED TSAD MED BZHI DANG BCAS PA NAN TAN BYA, DE NAS BYANG CHUB SEMS MCHOG RIN PO CHE, ,MA BSKYED PA RNAMS BSKYED GYUR CIG ,SKYES PA NYAMS PA MED PAR YANG, , GONG NAS GONG DU 'PHEL BAR SHOG ,PHA MA SEMS CAN THAMS CAD BDE DANG LDAN GYUR CIG ,NGAN 'GRO THAMS CAD RTAG TU STONG BA DANG, ,BYANG CHUB SEMS DPA' GAD NA SU BZHUGS PA, ,DE DAG KUN GYI SMON LAM 'GRUB GYUR CIG ,DPAL LDAN BLA MA'I SKU TSE BRTAN PA DANG, ,MKHA' @301A *, ,MNYAM YONGS LA BDE SKYID 'BYUNG BA DANG, ,BDAG GZHAN MA LUS TSOGS BSAGS SGRIB SBYANGS NAS, ,MYUR DU SANGS RGYAS THOB PAR BYIN GYIS RLOBS, ,ZHES SOGS TSIGS BCAD GSUM GYI MING SO SO'I BSLAB GRAL LTAR, GDING BA BTING GRAL LA 'KHOD NAS, SBYOR CHOS DANG THUN DRUG ,BLA MA RNAMS KYI ZHABS BRTAN GSOL 'DEBS, SMAN BLA RGYAS PA SOGS RGYUN GYI ZHAL 'DON DANG, SBYIN BDAG GI SKU RIM BCAS MANG NYUNG DANG DAL BREL SOGS, DBU MDZAD KHO NA LA BSTUN NAS MGRIN GCIG DBYANGS GCIG GIS GSUNGS DGOS SHING, GSOL JA SOGS KYI GTOD TSAD KYANG, BAR SKABS 'TSAMS PAR DBU MDZAD NAS TING SHAG SOGS KYI BRDA BYED PA MA GTOGS, BAR 'TSAMS MED PAR MI GTONG, GSOL JA DANG PO'I SKABS BZHES KHUG LA SOGS PA'I GSOL ZAS RNAMS SO SO'I MDUN DU BZHAG ,DGE TSUL ZHIG GIS, DGE 'DUN GYI DBUS SU PHYAG GSUM BTZAL NAS GO RIM LTAR BYIN LEN BYA, DE NAS TSOGS THENGS GANG LA YANG, BZA' BTUNG LA LONGS SPYOD PA'I DUS KYI NYES DMIGS RNAMS DRAN BZHIN DU, TSUL DANG MTHUN PAR LONGS SPYOD PA MA GTOGS, ,KHYIM PA TSOGS PA LTAR, YUL DANG RGYAL PO'I GTAM LA SOGS PA'I LOG GTAM DANG, BUD MED DANG LUS KYI SMAD CHA'I GTAM LA SOGS PA'I BTZOG GTAM SMRA BA SOGS DANG, KHA BLTA MIG BLTA SOGS KYIS GZHAN LA 'PHYA BA, LAG PAS RTZAD MO RTZE BA SOGS LUS NGAG GI SPYOD LAM MI MDZES PA'I RIGS RGAN GZHON SUS KYANG GTAN NAS MI BYA ZHING, BZHES CHAS KYANG GRA CAN MA GTOGS MI RUNG, DE YANG ROL BYA SOGS KYIS STABS MA 'GRIGS NA MA GTOGS SA 'DZUGS MI BYA, BZHES KHUG SOGS KYANG SKU GZAN GYI KHUD DU SBAS NAS 'JOG ,GZAN KHYER YANG BSHIG NAS ZLUM POR BGO BA SOGS THAMS CAD KYIS SPYOD LAM MTHUN PAR BYA, GZHAN YANG GLO BUR DU NA BA DANG, 'GRUL PA GAL CAN YONGS PA SOGS KYIS TSOGS GRAL NAS SGOR LANGS BYED DGOS BYUNG YANG, DBU MDZAD LA GUS PA'I @302B SPYOD LAM GYIS RGYU MTSAN DANG 'BREL BAR DGONGS ZHU BYAS TE 'GRO, MANG JA RJES MA'I THOG ,ZHAL TA BA NAS GSUNG BRDA PHUL NAS DGE 'DUN RNAMS KYIS GSUR BSNGOS MDZAD CING, SMON LAM THOG MTHA' BAR DGE MA GSUNGS NAS, MAndAL BSDUS PA 'BUL, YANG SANGS RGYAS CHOS TSOGS MA LAN GSUM DANG, BYANG CHUB SEMS MCHOG MA SOGS TSIGS BCAD GSUM PO 'DON ZHING, DE NAS DBU MDZAD KYIS DMIGS BRTZE MA BSKUL BA DANG, THAMS CAD KYIS CHAB BZHES TE DMIGS BRTZE MA 'DON BZHIN DU GRAL GSHAM NAS RIM GYIS GROL BAR BYA, DE NAS SO SO'I RANG BSHAG TU BGRES PA RNAMS KYIS SBYOR CHOS LAM RIM BLO SBYONG DANG, BLA MA'I RNAL 'BYOR SOGS BYA ZHING, GZHON PA RNAMS KYIS SKYABS 'GRO NAS MGO BRTZAMS TE, SPYAN 'DREN KHRUS GSOL SKOR DANG, SA LAM SKABS GSUM, LAM RIM GSOL 'DEBS, YON TAN GZHI GYUR MA, GNAS BCU BSTAN RGYAS MA, ZHABS BRTAN GSOL 'DEBS SKOR DANG, JO BSTOD, DKON MCHOG RJES DRAN GYI MDO, BSNGO BA YON SBYONG, 'DUL BA RGYA MTSO'I SNYING PO, GSO SBYONG GI 'DON CHA'I SKOR DANG, BLO SBYONG TSIG BRGYAD MA, THABS MKHAS THUGS RJE MA, MKHYEN SRID MA, MKHA' MNYAM MA, NYI GZHON 'CHAR KA MA, SGROL MA SKOR BCAS, LEGS BRIS MA, GDUGS DKAR RGYAS PA BZLOG BCAS, BDE GSHEGS GTZUG TOR MA, RGYAL BA BYE BDUN MA, SHER SNYING, SMON LAM SKOR BCAS, LAM RIM SMON LAM, BSTAN 'BAR MA SOGS THUGS DAM CHOS SPYOD KYI RIM PA DANG, DE NAS BLA MA MCHOD PA TSOGS 'KHOR DANG BCAS PA DANG, SBYOR CHOS, THUN DRUG ,SMAN BLA RGYAS BSDUS, 'PHAGS PA THUGS RJE CHEN PO'I CHO GA CHA TSANG, CHAB GTOR, 'BYUNG GZHI, BRGYA RTZA BCAS DANG, YI DAM RDO RJE 'JIGS BYED KYI BLA BRGYUD, MNGON RTOGS BDAG BSKYED DANG, BUM PA DBANG CHOG ,SMON LAM, SHIS BRJOD CHA TSANG DANG, MGON PO, RNAM SRAS, CHOS RGYAL, LHA MO, LCAM SRING BCAS KYI BSKANG GSO CHA TSANG DANG, GSER ZHUN MA BCAS 'DON CHA RNAMS BLO THOG NAS THON NGES SU 'DZIN SKYONG BYAS TE, 'DON CHA RNAMS THON PA NA, @303A *, ,THOG MAR BSTAN PA LA 'JUG PA'I SGO SKYABS 'GRO'I KHRING, TSOGS GSOG PA MAndAL KYI KHRID, SDIG SGRIB SBYONG BA RDOR SEMS BSGOM BZLAS KYI KHRID, BYIN RLABS 'JUG PA BLA MA'I RNAL 'BYOR GYI KHRID BCAS KHRID CHEN BZHI PO MTSAN LDAN GYI BLA MA LAS MAN NGAG DANG BCAS ZHUS TE SO SO NAS 'BUM THER RE 'GRO NGES BYA, GSAR BU PA RNAMS KYIS KYANG, KA KHA SOGS YI GE 'BRU DENG LA SLOB SBYONG BYAS TE, MDOR NA RGAN GZHON TSANG MAS TSOGS BAR DU YANG, SGO GSUM CHOS PHYOGS LA YAR BSKYED THON NGES SU BYED PA MA GTOGS CHAGS SDANG GZHIR GYUR PA'I PHAR TSOGS TSUR TSOGS KYI 'DU LONGS DANG, PHAR LAB TSUR LAB KYI 'PHROS GTAM MANG PO MI BYA'O, ,DE NAS NYI DROS LA NYE BA NA, YANG SNGAR BZHIN TSOGS NAS, BLA MA SDE LNGA'I PHYAG 'TSAL YAN CHOD ZHOG TSOGS LTAR BYA ZHING, ZHAL 'DON YANG THUN DRUG GIS SNA DRANGS, CHO GA'I 'PHRO DANG, DMIGS GSAL GYI SKU RIM SOGS MED NA, THUGS DAM CHOS SPYOD KYI RIM PA RNAMS, 'DUR RTA GANG 'OS KYIS THUGS RGYUD 'KHUL NGES SU BYAS NAS RE MOS SU BYA ZHING, GROL BA LA NYE BA NA GSUR BSNGOS KYI 'JUG TU BYAMS SMON DANG, BDE SMON GNYIS BAB BLTAS KYIS GSUNG ZHING DE MAN CHAD ZHOG TSOGS NANG LTAR TSOGS THENGS THAMS CAD LA BYA'O, ,TSOGS GROL NAS BGRES PA RNAMS KYIS, NGES 'BYUNG BYANG SEMS KYIS BSKUL BA'I YAS MAR GYI ZHING LA MCHOD SBYIN DU 'GRO NGES KYI CHAB GTOR DANG BRGYA RTZA GTONG ZHING MJUG TU BLO SBYONG TSIGS BRGYAD MA 'DON, DGE PHRUG RNAMS KYANG DGE PHYOGS LA BSKUL GANG MKHAS DANG, DE NAS NYIN PHYED MA ZIN TZAM NAS SO SO'I GUNG TSIGS KYI STA GON BYA, LHUNG BZED GTZANG MAR KHA ZAS GA-YOS SHING, PHUD MCHOD PHYAG SROL LTAR BZHENGS NAS MDUN DU BSHAMS BDAG CAG GI STON PA'I RNAM THAR DANG, DKON MCHOG GSUM GYI YON TAN LA DAD GDUNG SPRO GSUM GYI SGO NAS, SKABS GSUM PA DANG, DKON MCHOG RJES DRAN GYI MDO BCAS 'DON, 'BUL SNGAGS KYI SGO NAS ZHING SO SO LA 'BUL ZHING BSNGO, KHA ZAS RNAMS LA YANG BYIN LEN BYED @304B CING, KHYAD PAR SHA LA BYIN LEN BYED KHAR, RANG GIS BCAD PA LAS BYUNG BA MA YIN NAM ZHES 'DRI ZHING, BYIN LEN BYED PA POS KYANG MA YIN LAGS, SAm BHA BRAPTA ZHES BRJOD NAS BYIN LEN BYED, DE NAS KHA ZAS BZANG MNGAL 'DOD PA CHUNG ZHING NGAN NYUNG GIS CHOG SHES PAR BYAS NAS, GANG LTAR ZAS LA SRED PA MED CING, ZAS LEN DUS DANG, ZA DUS KYI NYES BYAS RNAMS KYIS MA GOS PAR BYAS TE, SANG ZHOG BAR MI LTOGS PA'I TSOD KYIS RAN PAR LONGS SPYOD, DE NAS ZAS MI ZA BAR BLOS BCAD PA DANG, CHU'AM JAS KHA BSHAL TE KHA NANG DU ZAS MA LUS PAR BYAS NAS LHAG ROL GYI CHANG BU DBYUG ,BSNGO BA YON SBYONG DANG, THUN DRUG BCAS 'DON ZHING, DGE TSUL RNAMS KYIS MA 'GYANGS PAR BYIN LEN BSHIG NAS, BZA' BCA'I RIGS RNAMS RUNG KHANG LA SOGS PA'I GNAS SU BSDU BA MA GTOGS, DGE SLONG 'DUG SA'I GNAS SU MI 'JOG ,DGE TSUL SLONG THAMS CAD NAS, TZAM THANG TSUN CHAD KYI PHYI DRO'I KHA ZAS SPONG BA NI SHIN TU 'BREL CHE ZHING, RANG CAG GIS KHAS MA BLANGS PA'I SMYUNG GNAS BRGYA TSAR MANG PO BTANG PA LAS, DE TZAM GYI DKA' SPYAD LA MA LTOS PAR GZHI GCIG LA BRTEN NAS DGE RTZA MANG PO NYIN RE BZHIN DU BYAS CHOG PAS PHAN YON SHIN TU CHE STE, ZAS MID THEB RE'I SBYOR BA DANG, DNGOS GZHI DANG, BSLAB BYA DANG 'GAL BA DANG, DE DAG LA SEMS MA BSRUNG BA'I NYES LTUNG MANG PO DUS GCIG LA KHEGS SHING RIM GYIS GOMS PAS ZAS LA SRED PA DANG BRAL BAR 'GYUR RO, ,GUNG TSIGS TSAR NAS, BGRES GZHON THAMS CAD KYIS BSLAB PA BSRUNGS PA DANG MA BSRUNGS PA'I PHAN YON NYES DMIGS DANG, JI LTAR BSRUNG TSUL BCAS STON PA'I 'DUL GZHUNG SKOR DANG, LAM RIM BLO SBYONG SOGS BYIN RLABS CAN GYI GZHUNG DPE RNAMS LA GUS PA CHEN POS MIG GIS BLTA ZHING, YID KYIS RTOG DPYOD BYAS TE PHAN TSUN CHAGS SDANG MED PA'I CHOS KYI BGRO GLENG BYED PA DANG, MI SHES PA RNAMS GNAS KYI BLA MA SOGS SDE SNOD 'DZIN PA RNAMS LA 'DRI ZHING, DRIS NAS KYANG BLANG DOR LA 'JUG PA 'DI NI, TSE 'DIR YON TAN GYIS MNGON PAR MTHO @305A *, ,ZHING, PHYI MAR YANG DUD 'GRO'I SKYE SGO GCOD PA'I THABS BLA NA MED PA ZHIG YIN NO, ,DE NAS NYI NUB LA NYE BA NA DGONG JA TSOGS SHING, GZHAN GONG LTAR LA, ZHAL 'DON NI DGE 'DUN RNAMS KYI CHOS BZHIN SGRUB PA'I NYER 'TSE ZHI ZHING, LEGS TSOGS RGYAS PA'I ZHABS RIM DU GTZO BOR DMIGS NAS, MCHOD GTOR RNAMS BYIN GYIS BRLABS, GSER ZHUN MA GSUNGS, BSHAGS PA'I MGOR LCOGS NA, BLA MGON DBYER MED MA DANG, GRIB SEL GYI MAN NGAG BCAS MGON PO'I GTOR CHOG NAS 'BYUNG BA LTAR GSUNG ZHING, DE MIN YANG YIG BRGYA NYER GCIG NGES PAR GSUNG DGOS, GTOR BSNGOS KYI MJUG TU RGYAL CHEN BZHI DANG, GZHI BDAG LA GTOR 'BUL BYA, TSOGS GROL KHAR LCOGS NA BZANG SPYOD DANG, DE MIN LAM RIM SMON LAM GSUNGS NAS GONG LTAR GROL, DE NAS SO SO'I RANG SHAG TU YONGS NAS MANG JAS SKU GZUGS LA 'PHROD MIN GYIS KA MED BYUNG NA MA GTOGS, BLO LHAG GIS ME GTONG JA BSKOL SOGS MI BYA BAR, BGRES PA RNAMS KYIS 'KHOR BA SPYI DANG BYE BRAG TSE THUNG 'DI LA ZHEN LOG GIS CHOS KYIS SNA DRANGS TE, THAR PA DANG THAMS CAD MKHYEN PAR BGROD PA'I LAM GYI RIM PAR ZHUGS NAS YI DAM RDO RJE 'JIGS BYED KYI RIM GNYIS KYI RNAL 'BYOR LA BRTZON PAR BYA, DE MTSUNGS GZHON PA RNAMS NAS SKYOR SBYANGS LA 'BAD CING, DE NAS THAMS CAD KYIS DE RING GI SGO GSUM TSUL DANG MTHUN PA RNAMS BLA MA DKON MCHOG GI BKA' DRIN DU BLTAS NAS DAD GUS DRAG POS RDZES 'DZIN GYI GSOL 'DEBS DANG SMON LAM BYA, DGE RTZA YANG RJES SU YI RANG GIS SPEL ZHING, BSNGO BAS MI ZAD PAR BYED, LHAG PAR BSAM SPYOD LA SKYON CHAGS PA RNAMS 'GYOD PA DRAG POS SUN 'BYIN ZHING, SKYABS SEMS LA BRTEN NAS GNYEN PO STOBS CHEN BSKYED DE, PHYIN CHAD MI BYA BA'I SDOM SEMS DANG BCAS STOBS BZHI TSANG NGES KYI SGO NAS, THOG MAR, RNAM DAG CHOS KYI DBYINGS LAS MA GA-YOS KYANG, ,ZHES SOGS DANG, MA LUS SEMS CAN KUN GYI MGON GYUR CING, ,ZHES SOGS KYIS SPYAN @306B 'DREN DANG, JI LTAR BLTAMS PA TZAM GYI NI, ,ZHES SOGS DANG, SRAB 'JAM YANGS PA LHA YI GOS, ,ZHES SOGS KYIS KHRUS GOS 'BUL, BDAG DANG 'GRO LA THUGS BRTZE'I PHYIR, ,ZHES SOGS KYIS BRTAN BZHUGS BYA, PHYAG 'TSAL YUL GYI ZHING RNAMS DANG, 'TSAL BA PO BDAG SOGS SEMS CAN THAMS CAD DANG, MCHOD PA RNAMS DANG BCAS TSAD MA RDUL RE RE'I STENG NA, RDUL THAMS CAD KYI GRANGS DANG MNYAM PA YOD PAR MOS SHING GSAL BAR BSGOM, LHAG PAR RANG RANG GI NYES DMIGS RGYU 'BRAS LA 'JIG PA'I BLO DANG, DKON MCHOG GI YON TAN RGYU 'BRAS LA DAD PA'I BLO DANG, RANG 'DRA'I 'GRO BA RNAMS LA SNYING BRTZE BA'I BLO BCAS TSANG NGES SU BYAS NAS 'GYUR PHYAG GI SNGAGS DANG BCAS PHYAG 'TSAL ZHING, SANGS RGYAS THAMS CAD 'DUS PA'I SKU, ,ZHES SOGS DANG, STON PA SANGS RGYAS RNAMS LA PHYAG 'TSAL LO, , ZHES SOGS DANG, STENG DANG 'OG DANG BAR DAG DANG, ,ZHES SOGS DANG, PHYAG BYAR 'OS PA THAMS CAD LA, ,ZHES SOGS KYI TSIGS BCAD RNAMS 'DON ZHING, DE NAS JI SNYED SU DAG MA BTON NAS, RGYAL BA KUN LA PHYAG 'TSAL MCHOD PAR BGYI, ,ZHES PA'I MTSAMS SU LTUNG BSHAGS TSAR LNGA DANG, LTUNG BA SPYI BSHAGS BCAS BYA ZHING, DE NAS 'DOD CHAGS ZHE SDANG MA MAN CHAD DANG, LAM RIM SMON LAM BCAS 'DON BZHIN DU BRGYA PHYAG 'GRO NGES SU BYA, YUL PHYOGS GRANG BSIL CHES PAS GZUGS BABS DANG MA 'PHROD NA DE LTAR BSDAD NAS BYA, DE MIN RDOR SEMS SGOM BZLAS DANG 'BREL BA'I YIG BRGYA BRGYA TSAR 'DON ZHING, GANG LTAR SDIG LTUNG GI RNAM SMIN MYONG CHA RNAMS DRAN NAS SDOM SEMS RANG STOBS KYIS 'DREN NUS PA'I 'GYOD PA TSAD DU 'KHYOL BAS BSHAGS BSDOM GNAD SMIN BYA ZHING, DE LTAR RGYUN BSRINGS NAS BYAS NA, SDIG LTUNG GANG YANG MI 'DAG PA MI SRID PA'I PHAN YON LA YANG YID CHES NAS DGA' BA BSGOM ZHING, DE LTAR RANG RGYUD GTZANG SENG NGE BAR BYAS NAS NYAL BA LA NYE BA NA, DGE SLONG RNAMS KYIS CHOS GOS RNAM GSUM GNAS KHANG THA DAD DANG, BSNYEN PAR MA RDZOGS PA DANG, SDOM @307A *, ,PA NYAMS PA DANG, ME CHU'I RAB SOGS KYIS BAR MA CHOD PAR RANG DANG NYE SAR BZHAG ,DE NAS SANG ZHOG KYANG SNGA PAR LANGS TE DGE BA'I RIM PA LA 'JUG PA'I 'PHEN PA DANG MA BRAL BAR BYUNG NA SBYONG LAM TZOG PU BA DANG, DE MIN YANG BLA MA BSGOMS BZHIN DU SKU PANG LA MGO BZHAG ,GZHOGS GA-YAS PA PHABS TE TSUL DANG MTHUN PAR NYAL BAR BYA, DE LTAR NYIN ZHAG GCIG GI DGE BA'I RIM PA 'DIS ZLA BA DANG, ZLA BAS LO, LOS MI TSE SKYEL NUS BYUNG NA TSE DANG SGRUB PA MNYAM PA ZHES BYA BA YIN GYI, TSUL KHRIMS KHYAD DU BSAD NAS TING NGE 'DZIN LA RE BA NI NGAN SONG GI SGUB THABS SO, ,SGRUB MCHOD SOGS NYIN THUB YOD NA, GUNG TSIGS TSOGS SKABS SO SO NAS KHRUS SOGS GTZANG SBRA GANG CHE'I THOG ,GSOL LHUNG YANG GCES SPRAS BYED BZHIN DU BSNAMS NAS NYIN PHYED LAS MA YOL BAR SDAR BZHIN TSOGS, ZHAL 'DON BLA MA MCHOD PA GSUNG ZHING, SKABS 'TSAMS ZHIG LA ZHAL TA BAS BZHES KHU PHUL TE, PHUD MCHOD 'BUL BSHAMS DANG, SKABS GSUM PA SOGS ZHAL 'DON RNAMS SO SO'I RANG SHAG TU GANG MDZAD PA LTAR BYA ZHING, DBU MDZAD NAS DGE 'DUN THAMS CAD KYIS 'TSO BA BZHES GRUB TSOD LA CHANG BU DBYUGS TE, AOm AU TZTSI shtA AA SHI BHYA SV'A H'A, ,ZHES SOGS BSNGO BA YON SBYONG RNAMS BYA ZHING, DE MJUG TU SHER SNYING ZLOG BCAS KYANG BYED, PHUD MCHOD 'BUL MTSAMS DANG, KHA ZAS LA LONGS SPYOD MTSAMS CHANG BU DBYUGS MTSAMS SOGS TSANG MA GRONG CHOG SOGS GANG GIS YANG THAMS CAD KYIS DBU MDZAD LA BSTUN NAS SPYOD LAM MTHUN PAR BYA ZHING, GSOL TSIGS LA SHA SOGS YOD NA SHI'I BYIN LEN SKABS GNAS BRTAN BGRES PA'AM DBU MDZAD NAS, BCAD PA LAS BYUNG BA MA YIN NAM, ZHES 'DRI BA DANG, BYIN LEN STOB PA PO GCIG GIS LAN 'DEBS TSUL SOGS SNGAR BZHIN BYA, GSUR BSNGOS KYI MJUG TU SPYOD 'JUG SMON LAM DANG, BLO SBYONG TSIGS BRGYAD MA GANG 'OS GSUNG ZHING GZHAN RNAMS TSOGS DKYUS LTAR BYA, CHO 'PHRUL ZLA BA'I TSES @308B GSUM NAS BZUNG, TSA RTING MA GROL MA THAG CHOS RA TSOGS SHING, DE'I ZHAL 'DON YANG, THOG MAR THABS MKHAS THUGS RJE MA DANG, GNAS BCU BSTAN RGYAS MA GSUNGS, DE NAS PO TA LA YI ZHES SOGS SGROL MA'I SPYAN 'DREN DANG, RJE BTZUN 'PHAGS MA SGROL MA SOGS, YAN LAG BDUN PA BYA, DE NAS SGROL MA BCU GCIG TZAM GANG BYUNG GSUNGS NAS RJE BTZUN BCOM LDAN 'DAS MA ZHES SOGS DANG, LEGS BRIS MA 'DON, GDUGS DKAR RGYAS PA BZLOG BCAS DANG, RGYAL BA BYE BDUN MA GSUNG ZHING, DE NAS NYI GZHON 'CHAR KA MA DANG TSE GZUNGS RING THUNG GNYIS KA GANG 'TSAMS DANG, JI SRID THUB MCHOG MA BCAS GSUNGS NAS, BYUNG NA THAMS CAD DANG, DE MIN YANG DBU MDZAD KYIS PAn ZHVA'AM ZHVA SER TSAD LDAN BZHES NAS BSTAN 'BAR MA DANG, CHOS KYI RGYAL PO TZONG KHA PA'I, ,ZHES SOGS DANG, BDAG DANG GZHAN GYI DUS GSUM DANG, ,'BREL BA'I ZHES SOGS GSUNGS NAS GROL, CHOS RAR 'GRO LONG MED PA BYUNG NA, RGYU MTSAN BRJOD NAS DBU MDZAD LA DGONGS ZHU BYED DGOS SO, ,NYA SHI'I GSO SBYONG SKABS DBU MDZAD NAS, GNAS KYI BLA MA LA GSO SBYONG GI GNANGS BRDA 'BUL, BLA MAS KYANG MDO DANG LAS KYI CHO GA'I YAN LAG BCAS TSIG GCIG KYANG MA 'KHRUL BAR GSO ZHING, GSO SBYONG GI NYIN ZHOG TSOGS GROL BA DANG, DBU MDZAD NAS GTZUG LAG KHANG GI YANG STENG NGAM, DE MIN KUN GYI THOS PA'I THOG STENG ZHIG TU GAndI GUS PA'I SPYOD LAM GYIS SPYAN DRANGS, GDING BA BTING, BLA GOS DANG SNAM SBYAR BRTZEGS TE GYON PHYAG GSUM BTZAL NAS, GAndI DPUNG PA GA-YON PA'I STENG DU MA REG TZAM LAG GA-YON GYIS BTEG NAS BZUNG, DE NAS SHANG TSA DANG BCAS KLU BDUN GYI DBYANGS LTAR SNYAN PA'I GDANGS MTHON NGES SU GRANGS MA NOR BAR LEGS PAR BRDUNG, DE NAS BLA MA DGE 'DUN RNAMS KYANG RANG RANG GI BSLAB PA'I MI MTHUN PHYOGS YONGS SU SBYONG BA'I BSAM PA DANG, CHOS GOS RNAM GSUM SOGS LEGS PAR GYON NAS SPYOD LAM ZHI DUL GYIS GTZUG LAG KHANG DU 'DU ZHING GNAS PAR BYAS NAS, THOG MAR BLA @309A *, ,MAS BSKUL TE GNAS BCU DANG, 'DUL BA RGYA MTSO'I SNYING PO LHAN CIG TU DAL BUS GSUNGS, PHYIR BCOS DBU MDZAD KYIS BSKUL NAS, DE MAN CHAD THAMS CAD GZHI GSUM CHO GA NAS 'BYUNG BA LTAR CHAD LHAG NOR 'KHRUL GYIS MA GOS PAR BYA ZHING, GSO SBYONG 'DI NI RANG GZHAN YUL 'KHOR DANG BCAS PA LA PHAN PA'I GNAS GCIG PU, DGE SBYONG RNAMS KYI THAR PA SGRUB PA'I BYA BA'I RIM PA GCIG PUR GYUR PA YIN PAS, 'DI LA DNGOS SU 'JUG PA'I SKAL BA KHYAD PAR CAN YOD BZHIN DU, 'DI LAS DON DANG BYA BA GAL CHE BA GZHAN YOD PAR BZUNG NAS, DGE 'DUN LA BRTEN PA'I ZANG ZING LA BUNG BA LTAR 'KHOR ZHING, CHOS LA RI DVAGS LTAR BYOL NAS 'GRO BA'I DGE SBYONG GI GZUGS BRNYAN RNAMS NI, BSTAN PA NANG NAS BSHIG PA ZHES BYA BA YIN PAS, DGE TSUL SLONG THAMS CAD NAS GSO SBYONG LA NGES PAR PHEGS DGOS SHING, DGE SLONG NA BA SOGS RKYEN DBANG DRAG POS LUS KYIS DNGOS SU 'DU MA THUB RUNG, SEMS KYIS DGE 'DUN GYI LAS LA GCIG TU 'DUN PAR BYAS NAS, DGE SLONG GCIG LA 'DUN PA DANG YONGS DAG 'BUL BA'I CHO GA BYA ZHING, DES KYANG DGE 'DUN GYI DBUS SU BRJOD, CHO GA DE YANG MI THUB PA'I RKYEN BYUNG NA LAG BRDA TZAM GYIS 'BUL BA YAN CHOD DANG, YANG DGE 'DUN DU MA LONGS PAS GSO SBYONG MA THUB NA, 'DU KHANG DU MCHOD PA BSHAMS NAS DGE SLONG GSUM MAN CHAD GANG YOD KYANG 'DUS NAS GSO SBYONG BYIN RLABS BYA, DE'I TSE BSNYEN MTSAMS YIN NA RANG GI SHAG TU BYIN RLABS BYA BA SOGS GZHI GSUM NAS GSUNGS PA LTAR PHYAG LEN DU 'KHEL BAR BYA ZHING, DE LTAR DGE 'DUN THAMS CAD RI KHROD DU BZHUGS MUS NAS RANG GI SGER DON DU GZHAN LA NYIN 'KHOR GYI 'GRO DGOS BYUNG NA, GNAS KYI BLA MA DANG, DBU MDZAD LA RGYU MTSAN DANG BCAS DGONGS ZHU BYA, TSOGS THENGS RE GNYIS LA YANG 'GRO MI THUB PA BYUNG NA DBU MDZAD LA DGONGS ZHU BYED, ZHAG SDOD KYI RIGS RNAMS BLA MA DBU MDZAD SPYI PA DANG BCAS PA LA DGONGS ZHU MA BYAS PAR PHYIN MI CHOG ,HOR ZLA @310B BZHI PA'I TSES BCO LNGA THON NAS DGE 'DUN RNAMS SDE NANG DU PHEBS PA NA, JI SKAD DU SO SOR THAR PA LAS, JI LTAR BUNG BA ME TOG GI ,KHA DOG DRI LA MI GNOD PAR, ,KHU BA 'JIB NAS 'PHUR BA LTAR, ,DE BZHIN THUB PA GRONG DU RGYU, ,ZHES GSUNGS PA LTAR, BUNG BAS ME TOG GI DRI MDANGS LA MI GNOD PAR KHU BA 'JIB NAS 'GRO BA LTAR, ,RANG CAG KYANG CHAGS SDANG MED PAS KHYIM PA LA MI GNOD PAR, 'PHRAL GYI DGOS DON RANG GI 'TSO BA TZAM BLANGS NAS, DGON PA'I PHYOGS SU MYUR DU 'GRO BA ZHIG DGOS PAS, DE DON THUGS LA BCANG BZHIN DU, 'BRAL SPANGS THUB DBANG RIN PO CHE DANG, CHOS GOS RNAM GSUM, LHUNG BZED DANG CHU TSAGS, GDING BA, MAndAL, BYUNG NA CHOS GZUGS KYI RTEN MKHAR GSIL BCAS MA LUS PAR BSNAMS NAS, GZHAN GYIS MTHONG BTZAM GYIS NANG GI BSAM PA RIG PA'I DAD PA 'DREN NUS SU BYAS NAS PHEBS, SO SO'I SBYIN BDAG GI NANG DANG, GRONG CHOG GIS GANG LA YANG, RANG GI DGE RTZA TSUL KHRIMS MA SHOR BA'I THOG ,GZHAN GYIS BCOL BA'I DGE BA RNAMS LA GA-YO ZOL MED PAR GANG NUS KYIS 'BAD PA MA GTOGS, PHE 'THAG PA DANG, PHYUGS 'TSO BA, 'JIG RTEN GYI DGRA 'DUL BA DANG, GNYEN SKYONG BA SOGS RAB BYUNG LA MI 'OS PA'I LAS RNAMS BCOL YANG RNAM PA KUN TU MI BYA ZHING, LHAG PAR BUD MED LA CHAGS SEMS KYIS REG PA DANG BLTA BA TZAM YANG MI BYA STE, SNGON DGRA BCOM PA GCIG GIS, PHYAG GA-YAS PA LA GCES SPRAS CHEN PO MDZAD PAS GZHAN GYIS DE'I RGYU MTSAN CI YIN ZHUS PAS, , NGAS SKYE BA SNGON MA ZHIG BUD MED LA CHAGS SEMS KYIS LAG PAS REG TZAM BGYIS PAS, DE NAS SKYE BA LNGA BRGYAR LAG RDUM SHA STAG TU GYUR PAS, LAG PA TSANG BA DA RES KHO NA TZAM GSUNGS PA LTAR RO, ,GZHAN YANG RGOD BAG GIS RTZE BA DANG, CA CO SGROG PA SOGS PHYAR GA-YENG GI RIG DANG, LHAG PAR 'JIG RTEN PA'I LHA BSTEN PA DANG, SEMS CAN LA 'TSE BA DANG, SDIG GROGS DANG 'GROGS PA SOGS, SKYABS 'GRO'I BSLAB BYA DANG 'GAL BA'I RIGS RANG GIS BYED PA LTA ZHOG ,GZHAN DAG KYANG DE LAS LDOG PA'I THABS LA GANG MKHAS BYA, DE TZAM GYIS KHYIM PA LA MA PHAN @311A *, ,NA DGE SBYONG BYED PA NGO RE TSA, GZHAN YANG CHOS GOS RNAM GSUM NI, LUS KYI PAGS PA LTAR BCAD BAR GSUNGS SHING, LHUNG BZED KYANG MIG LTAR BCAD BAR GSUNGS PAS, BCA' LAG GZHAN GSOG BSRUNG LA MA YENGS PAR, DE DAG CHAR CHU DANG BRDAB CHAG SOGS KYIS CHUD MA ZOS PAR BYA ZHING, DE'I PHYIR DU DA LTA CHAR BIR GRAGS PA'I DBYAR GYI GOS RAS CHEN TSAD LDAN YANG, HOR ZLA LNGA PA'I TSES BCU DRUG NAS BTZAL ZHING BCAD BAR BYA, LHAG PAR NYA STONG GI DUS SU RANG GI 'DUG GNAS LA BYI DOR DANG, MCHOD PA NGO SO THON PA PHUL NAS CHOS GOS RNAM GSUM GYON TE GSO SBYONG BYIN RLABS BYA ZHING, RGYUN PAR CHOS GOS RNAM GSUM ZHAG TU MA BRAL BAR BYED PA DANG, LHUNG BZED LAS ZAS LA LONGS SPYOD CING, PHUD MCHOD 'BUL BA DANG, BYIN LEN BYED PA SOGS LA GANG LAS KYANG BRTZON PAR BYA ZHING, LHAG PAR SDE'I SPYI RIM SOGS SDEBS TSOGS RNAMS DANG, GZHAN YANG GRA PA BZHI YAN CHOD TSOGS NA ZHOG JA'I PHYAG 'TSAL SKOR DANG, SBYOR CHOS THUN DRUG DANG, MJUG TU GSUR BSNGOS, MAndAL, SKYABS SEMS LAN GSUM DANG, TSIGS BCAD GSUM BCAS 'DON RGYU DANG, DGE TSUL NAS BYIN LEN 'BUL RGYU DANG, GSOL TSIGS SKABS GSOL LHUNG BSNAMS TE, PHUD MCHOD 'BUL BSHAMS KYI ZHAL 'DON SKABS GSUM PA SOGS DANG, MJUG TU BSNGO BA YON SBYONG DANG, BYIN LEN BSHIG PA SOGS PHYAG LEN RAGS PA RNAMS RGYUN TSOGS LTAR BYA, RANG GI GNYEN DANG NOR RDZAS GANG YIN YANG, DE LA HA CANG ZHEN PA CHES DRAGS NA, DGE BA'I MTHUN RKYEN DU 'GRO BA LTA CI, TSE 'DI'I ZAS GOS KYIS GROGS SU YANG MI 'GRO BAR, GZHAN DANG 'THAB RTZOD 'KHRUG LONG SOGS KYI RKYEN DU SONG NAS SHI MA RAN GONG LA SHI DGOS PA SOGS 'BYUNG STE, 'DOD PA'I NYES DMIGS BSHAD PA'I THAD KYI SPYOD 'JUG LAS, 'DIR NI GSOD DANG 'CHING DANG GCOD, ,PHA ROL TU NI DMYAL SOGS SGRUB, ,CES GSUNGS SHING, SHI BA ZHES BYA BA DE YANG MDO LAS, DUS KYI NYEN TE RGYAL PO 'GRO 'GYUR NA, ,LONGS SPYOD MDZA' DANG GNYEN BSHES RJES MI 'BRANG, ,LUS CAN DAG NI GAR @312B DANG GAR 'GRO BAR, ,LAS NI GRIB MA BZHIN DU RJES SU 'BRANG, ,ZHES GSUNGS PA LTAR, GNYEN BSHES LONGS SPYOD LUS DANG BCAS PA'I GSEB NAS, RANG GCIG PU MAR GYI DKYIL NAS SPU BTON PA LTAR 'JIG RTEN PHA ROL TU 'GRO BA NA, DE DAG RJES SU MI 'BRANG BAR, DE DAG GI DON DU BYAS SHING BSAGS PA'I SDIG PA RNAMS RJES SU 'BRANG NAS, SDUG BSNGAL CHE LA RGYUN RING PAR MYONG DGOS PA RNAMS YANG YANG BSAMS NAS, GANG LA YANG 'DOD PA CHUNG ZHING CHOG SHES PAR BYED PA NI SHIN TU GAL CHE'O, ,DE LTAR RANG GI TSUL KHRIMS KYI NOR LA, CHAGS SDANG SOGS NYON MONGS PA'I RKUN PO MA SHOR BAR BYAS NAS SBYIN BDAG GI DAD RDZAS LA LONGS SPYAD NA RANG LA MI GNOD CING SBYIN BDAG LA NI NOR SGRUB KYI THABS MCHOG TU GYUR PAR LUNG RNAM 'BYED LAS GSUNGS SO, ,DE NAS KHYIM DU BLO LHAG MA LUS PAR BYAS TE, 'DOD PA LA PHYI MIG MI BLTA BAR BYUNG NA HOR ZLA BCU PA'I YAR NGO'I GSO SBYONG ZIN NGES DANG, DE MIN YANG ZLA BA DE'I TSES NYER GSUM NYIN DGE TSUL SLONG TSANG MA DGON DU NGES PAR 'DZOMS PAR BYED, CIS KYANG YONG MI THUB PA'I RKYEN DRAG PO DGE 'DUN RNAMS KYI THUGS LA GSAL NGES KYI RIGS BYUNG NA RGYU MTSAN DANG BCAS BLA MA DBU MDZAD SPYI PA BCAS LA DGONGS ZHU BYED CING, DE MIN RANG DGAR BSDAD PA BYUNG NA DGE 'DUN NAS YAR SKAD GTONG ZHING, KHAG THEG DANG BCAS GNYIS KA LA MAD JA RE RE DANG, KHO RANG LA BRGYA PHYAG GI CHAD PA BYA, DA DUNG YAR MI YONG BA SOGS DGE 'DUN GYI BKA' DANG DU MI LEN PAR LNGA MCHOD THAL NA GNAS DBYUNG KYANG BYA, 'DI NAS BZUNG DGE 'DUN DMANGS SDE NANG DU PHEBS MA RAN PAR, SO SO GRONG CHOG LA PHYIN MI CHOG ,SBYIN BDAG NA BA DANG SHI BA LA THUG PA'I RKYEN DRAG PO BYUNG NA SBYIN BDAG NAS KYANG SKU RIM GYI BRDA SPYI PA LA RGYAG PA MA GTOGS SGER BRDA BLANGS MI CHOG ,SPYI PA NAS KYANG SBYIN BDAG RANG GIS MI 'DI DANG 'DI ZHES KHA GSAL BYUNG NA DE RNAMS DANG, DE MIN RGAN GZHON DANG, 'DON CHA'I GO BABS KYIS GTONG LUGS BYED, DE NAS LNGA MCHOD NYIN BLA MA'AM, DBU MDZAD NAS BCA' YIG 'DI BZHIN TSOGS KYI DBUS SU SNYAN SGRON LEGS PAR ZHU ZHING, @313A *, ,LHAG PAR GSAR 'JUG DANG, SGRIGS LAM DNGOS GZHI'I SKOR RNAMS KLOG PA TZAM MA YIN PAR TSOGS GTAM DANG SBREL NAS KUN GYIS BRDA 'PHROD NGES SU BYED PA GAL CHE BAS, DE NYIN MA TSAR YANG ZHAG GSUM GYI BAR KLOG CING, BCA' YIG KLOG MA TSAR BAR DGE 'DUN GYI SPYI DON BYED PA'I SPYI PA GNYIS KYANG TSOGS GTAM RING DGE 'DUN GYI GRAL GSHAM DU 'KHOD NAS, THAMS CAD KYIS YID DANG RNA BA LEGS PAR GTAD DE GSAN DGOS SHING, NA BA SOGS KYI RKYEN DRAG PO BYUNG NA MA GTOGS TSOGS KYI GNANG BA YANG ZHUS MI CHOG CING, DE NAS RGYUN PAR YANG TSOGS GTAM BTANG BA TZAM DU MA BZHAG PAR GNAS KYI BLA MA DANG KHYAD PAR DBU MDZAD NAS GZHAN PHAN DANG BLANGS KYI BSAM PA DRANG POS, SBYOR BA NYE RING DU MA SHOR BAR, DGON PA DANG SDE NANG SOGS GANG DU YANG, BSAM SBYOR LA SKYON CHAGS PA RNAMS LA KHO RANG DANG KHAG THEG BCAS LA BKOD 'DOMS GANG 'OS BYA ZHING, SO SO NAS KYANG RANG DON 'DIS KHUR DU BZHES NAS MDZAD PAS, THUGS RJE DANG BKA' DRIN CAN NO SNYAM PA'I BSAM PA DANG BLANGS KYIS NYAN PA MA GTOGS, BSAM PAS MI 'DOD PA DANG, SBYOR BAS LAN KLOG PA SOGS GTAN NAS MI BYA ZHING, DE LTAR BYED PA BYUNG NA BLA MA DANG DGE 'DUN NAS KHO RANG DANG KHAG THEG BCAS LA CHAD LAS SOGS KYIS TSAR GCOD GANG 'OS BYA ZHING, TSUL BZHIN NYAN PA RNAMS LA TSIG GIS LEGS SO BRJOD PA TSUN CHAD KYIS RJES 'DZIN BYA DGOS TE, 'DUL BA LUNG LAS, BSHAN PA BYED DU BCUG PA NI SLA YI, RAB TU BYUNG ZHING BSNYEN PAR RDZOGS PAR BYAS NAS YAL BAR 'DOR BA NI DE LTA MA YIN NO, ,ZHES GSUNGS SO, ,DBU MDZAD NAS KYANG BSAM SBYOR MI MKHAS PA'I RIGS BYUNG NA, GNAS KYI BLA MAS GO BSHAD BSEB DKROL MDZAD PAS SEL BAR BYA, GANG LTAR TSANG MAS BYA SPU GNON GYI TSUL DU GCIG 'OG GCIG NON GYI SGO NAS DAM CHOS LAG LEN DU BSGRIGS PA'I SGRIGS LAM GONG 'PHEL DU 'GRO BA ZHIG CI NAS MDZAD DGOS SO, ,` GNYIS PA ZHAR BYUNG BDE BAR GNAS PA'I RKYEN GTONG SGO SOGS @314B GYI SKOR BSHAD PA NI, DGA' LDAN LNGA MCHOD CHEN MO NAS SA GA ZLA BA'I BAR GYI RGYUN JA RNAMS DANG, ,DMIGS GSAL HOR ZLA DANG PO'I TSES GSUM NAS, BDUN GCIG GI RING DANG, HOR ZLA BZHI PA'I TSES BRGYAD NAS BDUN GCIG GI RING SMAN BLA'I SGRUB MCHOD SOGS DANG, GZHAN YANG NYIN THUB DANG, TSOGS THENGS KHA YAR BCAS KYI SBYOR 'JAGS KYI GTONG SGO GANG YONG NYAM CHAG TU MA SONG BAR, DGE 'DUN RNAMS KYI LJAGS LA SMIN ZHING, SKU GZUGS LA 'PHROD DES SU SBYAR NAS BZA' BTUNG GI 'TSO BA SO SO'I GO CHOD NGES GTONG DGOS SHING, LHAG PAR RANG CAG CHOS LA RANG STOBS MA RNYED PA'I RING, DAM CAN CHOS SKYONG SANGS RGYAS KYI ZHAL MTHONG BA SOGS MTSAN LDAN RNAMS KYI THUGS DAM SKONG ZHING NYAMS CHAGS GSOS NAS 'PHRIN LAS BCOL BA GAL CHE BAS, SPYI PA NAS MCHOD GTOR RNAMS GTZANG MAR BSHAMS, SO SO NAS ZHAL 'DEBS KYANG BYAS TE, HOR ZLA BCU GNYIS PA'I TSES NYER GSUM NAS BDUN GCIG GI RING, NYIN THUB KYI GTONG SGO'I THOG ,DGE 'DUN RNAMS KYIS BSKANG GSO CHA TSANG GNAD SMIN MDZAD DGOS SHING, LCOGS NA ZLA BA GANG YIN GYI TSES NYER DGU LA DUS GTOR RE YANG BYA, SKAL BA 'GRO KHUNG DANG THOB KHUNG YANG, GNAS KYI BLA MA LA NGO SKAL GCIG DANG, SKAL 'PHAR GNYIS, DBU MDZAD DANG SPYI PA GNYIS SO SOR NGO SKAL RE DANG SKAL 'PHAR RE, BKA' 'GYUR RIN PO CHER RGYUN PAR SKU SKAL RE DANG, SDE NANG DU SPYAN DRANGS PA NA SKU SKAL LNGA RE BCAS 'BUL ZHING, SDE'I SPYI RIM GYI BKA' 'GYUR RIN PO CHE'I SKU SKAL RNAMS SPYI PA GNYIS NAS BSDU, SBYIN BDAG DMIGS BSAL GYI GDAN ZHU BYAS PA RNAMS DANG, RGYUN PAR GYI SKU SKAL SKYABS RTEN SPYI 'JOG GANG BYUNG BCAS DGE 'DUN GYI SPYI RDZAS SU 'JOG ,GZHAN YANG GNAS KYI BLA MA LA MANG JA CI YOD KYI SKAL BA 'BUL ZHING, SPYI PA GNYIS DANG ZHAL TA BA BCAS LA YANG GTOD, DMIGS BSAL BSNYEN MTSAMS SOGS MDZAD PA BYUNG NA, DE'I RING LA MANG JA 'BUL ZHING, NAD KYIS ZIN NAS TSOGS LA MI PHER NGES CAN BYUNG NA GZHAN BTANG NAS, BLA MA DANG @315A *, ,DBU MDZAD SPYI PA BCAS LA, MA DRAG PAR TSOGS SOGS KYI GNANG BA ZHU ZHING, BLA MA DGE 'DUN THAMS CAD NAS KYANG NAD GSO BA'I THABS LA GANG BRTZON MDZAD DGOS TE, 'DUL BA LAS, MKHAN POS KYANG NAD GA-YOG BYA DGOS PAR GSUNGS PAS, NAD GA-YOG MED PA SOGS BYUNG NA, BLA MA DGE 'DUN SPYI NAS NAD GA-YOG CHED DMIGS BSKOS NAS 'JOG ,MA DRAG BAR DU NAD PA NAD GA-YOG GNYIS CHAR LA MANG JA YANG GTONG, GZHAN DGE 'DUN SPYI'I DON YIN NA MA GTOGS, TSOGS LA MI YONG BAR BAG MED SKYID BDE BYAS NAS SDOD PA DANG, SPYI PA SOGS KYIS RANG GI LTOS BCAS YIN PA LA BSAMS NAS, KHYIM PA LA YANG MANG JA GTONG BA NI, 'DUL BA NAS, LCAGS GONG DMAR 'BAR BA KHAR BCUG PA LTAR GSUNGS PAS, DE 'DRA RNAM PA KUN TU MI BYA ZHING, CHOS RA'I PHOG KYANG, BLA MA DANG SPYI PA SO SO LA MI SKAL RE DANG, GZHAN DBU MDZAD NAS RGYUS YOD BYAS TE, CHOS RA NYIN LTAR MA CHAG PA RNAMS LA CHOS PHOGS TSANG MA DANG, NYIN RE TZAM CHAG NA YANG, DE'I TSOD BCAG NAS GTONG LUGS BYED, SPYI PA SO SO'I RING DGE 'DUN GYI GTZUG LAG KHANG LHA RTEN DANG BCAS PA DANG, PHYI'I SRI GCOD 'BUM PA LNGA TSAR DANG, BYANG CHUB 'BUM PA BCAS LA ZHIG GSOS DANG, RGYUN GYI MCHOD PA 'BUL BSHAMS SOGS LA DO GAL CHEN PO BYA ZHING, DGE 'DUN SO SO NAS KYANG, RANG SHAG SPYIL BU LA ZHIG GSOS GANG DRAG DANG, GZHAN RNAMS NAS KYANG SA RDO TSUN CHAD KYIS PHAN THOGS DANG ROG RAM CI NUS BYA, DGE 'DUN GYI GNAS MAL TSOGS GDAN NI, DGE 'DUN RANG NAS KYANG GDING BA MED PAR LONGS MI SPYOD PAR GSUNGS PAS, KHYIM PA SOGS LA 'DING BA DANG, RANG RANG GI PHRAL GYI BED SPYOD BYED PA SOGS MI BYA BAR NYER 'TSAG LEGS PAR BYED, SPYI RDZAS GZHAN RNAMS KYANG BLA MA DBU MDZAD SPYI PA THON ZIN GANG 'DZOM THOG ,'DON 'JUG BYED PA MA GTOGS GCIG TZAM GYIS MI BYA, SPYI SGAM SOGS SPYI PAS NYAR ZHING, LDE MIG DBU MDZAD NAS NYAR RA BYED, @316B DUS MCHOD SO SO'I SKABS BSNYEN BKUR PHRAN BU LA BLTAS NAS, SBYIN BDAG MANG PO LA MGRON BRDA RGYAB STE, DE LA CHED DMIGS KYI SROG GCOD BYED PA SOGS NI, DON MED KYI 'GRO SGO CHE ZHING, RNAM GA-YENG DANG SDIG TSAB CHE BAS, SPYI SGER SUS KYANG GTAN NAS MI BYA, DKON MCHOG LA MCHOD PA DANG, DGE 'DUN LA BSNYEN BKUR, THA NA ZHING KHYAD PAR CAN LA PHYAG SKOR TZAM BYED PAR BSAMS NAS YONGS BA RNAMS LA, SROG GCOD LA 'DZEMS NAS SHA SOGS MED PA'I BAB SEL BTANG NAS, JA 'BRAS SOGS GANG 'BYOR GYIS SNE LEN GANG DRAG BYED, LNGA MCHOD DANG, BCO LNGA MCHOD PA BCAS GNANG CHEN NYIN GNYIS PO DE LA, DGONG PA YANG ZHU MI DGOS, DE MIN RGYUN PAR BUD MED DGON NANG DU YONG MI CHOG CING, BUD MED GTUGS DGOS RIGS BYUNG NA YANG, DGON GSHAM DU KUN GYIS MTHONG SAR BTUGS, RANG GI MA SOGS CIS KYANG DGON NANG DU YONG DGOS BYUNG NA, BLA MA DANG DBU MDZAD SPYI PA BCAS LA DGONG ZHU BYED, DGON NANG DU BUD MED ZHAG SDOD GTAN NAS BYAS MI CHOG ,YANG SKAL 'PHAR SOGS DGE 'DUN GYIS GNANG BA STZAL BA RNAMS MA GTOGS, GZHAN DGE 'DUN LA KHAG BTAGS NAS, PHAR SLONGS PA DANG, TSUR PHUL BA GANG YIN YANG, DGE 'DUN LA NYER MKHO YOD MED DANG, RDZAS RIN THANG CHE CHUNG SOGS GANG LA YANG MA LTOS PAR, 'DUL BA LAS, DGE 'DUN GYI RDZAS PU SA LA'I 'DAB MA ZHES GSUNGS PAS, 'U SU'I 'DAB MA TZAM YAN CHOD GANG BYUNG YANG, 'BUL BA'I DUS LAS MA YOL BAR, ,DGE 'DUN GYI ZHAL DANG PHYAG TU GANG 'OS KYIS 'BUL BA MA GTOGS, RANG GI YIN PA'I 'DU SHES KYIS BDAG GIR BZUNG NA, NYE BA'I MTSAMS MED KYANG 'BYUNG NYE BAS THAMS CAD KYIS 'DZEM CHA GANG CHE MDZAD DGOS TE, SNGON RGYA GAR DU SDE SNOD 'DZIN PA GCIG GIS, DGE 'DUN LA TSUL 'DZUGS PA'I RNYED PA 'TSOL DU BYON TZA NA, TSONG DPON GCIG GIS RIN PO CHE BYIN PAS, KHONG THOB BLO SKYES NAS NYAR 'TSAG BYAS, DE DGE 'DUN RNAMS KYIS KHYER SHOG CES BKUG KYANG, KHYED RNAMS LA PHUL BA NI MIN, NGA RANG LA BYIN PA YIN ZER NAS MA @317A *, ,KHUGS PAS, PHYIS SDE SNOD 'DZIN PA DE DGE 'DUN THAMS CAD 'DUS SA'I RGYA LAM GCIG TU 'BU CHEN PO KHONG NAS ME 'BAR ZHING SDUG BSNGAL LA, PHYI LOGS NAS LUS LA SRIN BU DU MA 'DUS NAS ZA BA GCIG TU SKYES TE, SNGON GYI BAG CHAG KYIS DGE 'DUN 'GRIM TZA NA MGO THEG THEG BYED CING, LO MANG POR SDUG BSNGAL CHEN PO RGYUN MA CHAD PAR MYONG DGOS PA BYUNG BA DANG, BOD DU YANG PHOD MDO BYA BA'I DGON GNAS CHEN PO ZHIG GI GNAS BRTAN GSHIN RJE'I GSHED KYI ZHAL GZIGS PA'I DGE SLONG GCIG SHI NAS MA 'GYANGS BAR, DGE 'DUN RNAMS SROD LA GTOR MA LA TSOGS DUS SU, CHIG CHIL ZER BA'I SGRA MANG PO BYUNG, LHAG PAR DGONG CIG DGE BSNYEN PA GAR SONG ZER BA BYUNG NAS, DGE 'DUN GYIS DRAG SNGAGS MANG PO BZLAS PAS, DE TZAM GYIS DA MI THUB ZER, KHYED SU YIN BYAS PAS, NGA GNAS BRTAN CHEN PO DE YIN ZER RO, ,KHYED RTEN DGE SLONG GCIG LA, YI DAM LHA'I ZHAL MTHONG BA'I GRUB PA BRNYES PA GCIG YIN PA LA, 'DI LTAR 'GYUR BA CI YIN BYAS PAS, DAS YI DAM MTHONG NAS 'DI TZAM RES MI LTO SNYAM NAS DGE 'DUN GYI RDZAS PHUB MA ZHIB MA GANG LA BED SPYAD PAS YI DVAGS SU SKYES PA YIN ZER, DGE BSNYEN GAR YOD 'DRI BA GANG YIN BYAS PAS, DGE 'DUN GTOR MA LA TSOGS TZA NA, NGA GTOR MA LEN PAR RTAG PAR KHANG THOG TU 'ONG, DGE BSNYEN 'DI SEMS BZANG ZHING GTOR MA MA CHAG PAR GTONG BAS NGA LA PHAN PA GCIG YOD PA LA, DE RING CHAG NAS NGAS DRIS PA YIN ZER, KHYED RNAL 'BYOR PA CHEN PO DE YIN NA, SEMS TING NGE 'DZIN LA ZHOG BYAS PAS, DED YI DVAGS LA SEMS SKAD CIG KYANG SDOD PA'I GO SKABS MED ZER BA BYUNG, 'DI 'DRA GCIG RGYA GAR GYI SHR'I NA LENTRAR YANG BYUNG ZHING, GZHAN YANG SANGS RGYAS GNYIS PA SLOB DPON KLU SGRUB TZAM YIN YANG, LAS TSUL BSAM GYIS MI KHYAB PAS, DGE 'DUN GYI GNYER MDZAD DUS, DE RING GI GTONG SGO'I ZHO SANG NYIN GTONG RGYUR BZHAG PAS, DE NUB YI DVAGS SU SKYES PA'I NYAMS KYIS SHIN TU 'O BRGYAL BA BYUNG ZHING, SNGON @318B BYUNG DE RNAMS DA RGYUN BAR GYI GNYEN PO STOBS CHES PAS 'PHRAL DU SMIN NAS RDZOGS PA DANG, LA LA PHYI MAR DUD 'GRO DANG YI DVAGS SU SKYES PA TZAM RED DE, RANG CAG RGYUN PAR GNYEN PO'I PHYOGS GANG LA YANG MDZUB MO 'DZUGS SA MED PA GCIG LA NYES PA 'DI 'DRAS GOS NA, PHYI MA'I DMYAL BA BSGUGS LONG MED PAR TSE 'DI RANG NAS MYONG BA'I MGO TSUGS PA'AM, YANG NA DA DUNG LAS TSAB PO CHE 'DI 'DRAS KHA MA KHENGS PA LTAR MI TSE BSKYAL NAS GSOG PA GANG RUNG LAS MA 'DAS SHING, GANG LTAR YANG SHI MA THAG BAR DO YUD TZAM LAS MED PAR DMYAL BA CHEN PO RANG DU SKYE BA LAS 'OS MA 'DAS PAS, LAS 'BRAS SPYI DANG, KHYAD PAR BLA MA DGE 'DUN LA SOGS PA'I ZHING KHYAD PAR CAN LA BRTEN PA'I LAS NGAN 'DI RNAMS, JI LTAR NYES DMIGS CHE BA'I TSOD KYIS, 'DI RNAMS DNGOS SU SPONG BA LTA CI, SPONG RTZIS BYED PA TZAM GYI DGE BA YANG, RGYAL BA DGYES PA'I LAM BZANG ZHES, SKU BZHENGS PA DANG 'DON PA BTON PA SOGS DGE BA GZHAN GANG LAS KYANG PHAN YON SHIN TU CHE BAR GSUNGS PAS, SPYI PA SOGS DGE 'DUN GYI LAS BYED BYED BZHIN PA DANG, BYED PAR 'GYUR BA RNAMS KYIS, KHA 'DON SOGS DGE BA GZHAN MA BYUNG YANG, BLANG DOR 'DI LA 'PHEN PA SNGON TSUD KYIS BTANG NAS, BAR DU DRAN SHES RGYUN MA CHAD PAR BSTEN PAS MTHAR SKYEL BA NI SHIN TU GAL CHE'O, ,GZHAN YANG LO DUS THIM NAS SPYI PA BRJE MTSAMS LA NYE BA NA, SPYI PA RNYING PA NAS BLA MA DGE 'DUN LA SNYAN GSAN PHUL TE, GNAS KYI BLA MA DANG, DBU MDZAD, BGRES SONG RNAMS LHAN RGYAS NAS, GSAR BA GANG 'OS LA BKO BZHAG BYED, RTZIS SPROS SKABS BLA MA DANG, DBU MDZAD, SPYI PA THON ZIN TSANG MA TSOGS NAS, GTZO BOR SKU GSUNG THUGS RTEN RNAMS DANG, MCHOD RDZAS, ROL CHA TING SOGS MCHOD PA'I YO BYAD NAS MGO BRTZAMS TE, DGE 'DUN GYI SPYI RDZAS PHYI NANG BAR GSUM GANG LA YANG SPOM SPROD BYED PA DANG, SPYI PA GSAR RNYING NGOS SPRAD NAS RANG BABS SU 'JOG PA DANG, MI RIGS PA SEMS LA BZHAG NAS, NGAG TU MI SMRA BA DANG, MED PA LA YOD @319A *, ,SOGS KYIS KHAG 'DOGS BYED PA DANG, YOD PAR SHES BZHIN DU MED CES NGO 'DZIN BYED PA SOGS MI BYA BAR, DNGOS CHAS RAGS PA RNAMS THAMS CAD KYI SPYAN LAM DU BSTAR ZHING, GRANGS TSANG MIN DANG, SKYON BYUNG MIN SOGS ZHIB 'JUG MDZAD NAS, NGO BO STONG PA LA NGO TSAB DANG, SKYON CHAG BYUNG BA LA BAR KHYAD GANG 'TSAMS 'GEL ZHING, ME CHU SOGS RKYEN DRAG POS MA THUB PAR CHUD ZOS PA BYUNG NA, DE DUS KYI SPYI PA DANG, DGE 'DUN GYI SBYI RDZAS THUN MONG NAS BSGRIGS, NOR PHYUGS RNAMS KYANG SPYI PA GSAR RNYING DANG, BGRES SONG GANG 'OS PHYIN NAS, NGO BO DANG GRANGS SOGS MA NOR BAR, RTZIS SPROD LEN BYED CING, RNYING PA NAS CHAD LUS BYUNG NA, TSAB PHER NGES MA 'GYANGS PAR BSGRIGS DGOS SHING, KHA DBYI DANG PHYUGS NAD SOGS KYIS SDEBS SHI LTA BU HA CANG BLOS MI KHYUNG PA BYUNG NA, DE DUS KYI SPYI PA RANG GI DNGOS CHAS GANG YOD KYIS TSAB GANG 'GRIG BYA ZHING, SPYI RDZAS NAS KYANG THU CHA PHRAN BU BYA, TSAB MA 'GRIG RING GSAR PA'I GTONG SGO YANG GANG 'TSAMS DGE 'DUN RNAMS NAS BAB BLTAS BYA, SPYI PA SO SO'I LAS THOG RING, GTONG THEBS SBYOR 'JAGS GSAR BYUNG RNAMS DANG, GTONG SNON LTA BUR RA LUG RE GNYIS PHUL BA RNAMS KYANG, 'BUL MKHAN GYI MING DANG BCAS DGE 'DUN GYI DEB LA GSAR BKOD BYED PA MA GTOGS, SO SOS BDAG BZUNG BYAS MI CHOG ,SPYI NOR GANG LA YANG PHANGS MED KYIS RANG GI SGER DON DU LONGS SPYOD PA SOGS BYUNG NA CHAD PA YANG GANG 'TSAMS 'GEL ZHING, GTONG SGO DANG RTZIS SPROD GANG 'GRIG THOG ,GTONG LHAG SO SO 'THON PA 'BUL BA BYUNG NA DGE 'DUN NAS KYANG DON DANG MTHUN PA'I TSIG GI LEGS SO DANG, GSOL RAS KYANG GANG LCOGS BYA, MDOR NA, BSTAN PA RNYED DANG BKUR STI DANG, ,BCAS TE YUN RING GNAS GYUR CIG ,CES GSUNGS PA LTAR, THAMS CAD KYIS MDZAD SGO TSANG MA BSTAN PA RNYED BKUR DANG BCAS PA YUN RING DU GNAS SHING 'PHEL BA'I THABS SU GANG 'GYUR BYA'O, ,DE LTAR RTZIS SPROD LEGS @320B PAR TSANG BA DANG, SKABS 'TSAMS ZHIG LA, SPYI PA RNYING PA GNYIS SO SO NAS BYUNG NA NYIN THUB RE DANG, DE MIN DGE 'DUN LA BSNYEN BKUR GANG LCOGS THOG SPYI 'JOG MA MTHA' DNGUL SRANG GSUM RE'I TSOD DANG, SKYABS RTEN BCAS PHUL NAS, DGE 'DUN LA BRTEN PA'I BSAM SBYOR MA DAG PA RNAMS LA BZOD GSOL DANG, RJES 'DZIN GYI SKYABS 'JUG BCAS DBU MDZAD NAN TAN ZHU, DE NAS LTUNG BSHAGS BSKUL BA DANG, DE'I RING LA DGE 'DUN GYI GRAL GSHAM DU SO SO NAS PHYAG BTZAL TE BSHAGS BSDAMS BYAS NA SHIN TU DON CHE ZHING, DGE 'DUN NAS KYANG SPYI DON LEGS PAR BYAS PA LA DGYES PA'I NYAMS DANG BCAS TE, THUGS BRTZE BA'I BSAM PAS RTAG PAR RJES SU 'DZIN PA GAL CHE'O, ,DA NI TSUL KHRIMS 'BRAS BU DANG BCAS PA SKYE LA MI NYAMS PAR 'PHEL BA'I THABS NI GNYIS TE, PHYI'I RKYEN THAR PAR 'KHRID NUS KYI BLA MA DANG MJAL NAS RTAG TU DAD GUS KYIS MNYES PAR BYED PA DANG, PHAN YON NYES DMIGS NAS MGO BRTZAMS PA'I CHOS LA NAN TAN GYIS BLO SBYONG BA GNYIS SO, ,DE LTAR BYED PA CHOS LA 'THAD KYANG, 'JIG RTEN LA MI GTUGS SNYAM NA, SPYIR CHOS PA BYA BA 'JIG RTEN PA'I BLO LAS 'DAS PA ZHIG DGOS KYANG, RANG CAG DE'I GZUGS BRNYAN TZAM 'DZIN PA LA YANG, 'TSO BA SOGS KYIS PHONGS DOGS BYA MI DGOS PA DA LTA MNGON SUM DU MTHONG BA 'DI LTAR DANG, MA 'ONGS PA NA YANG KHYIM PA RNAMS SEN MO'I STENG GI RNGUL LA ZHING RMOD KYANG, NGA'I NYAN THOS RNAMS KYI BSOD SNYOMS KYI THABS CHAG PAR MI 'GYUR RO, ,KHYIM PA RNAMS MU TIG BRE RE DANG 'BRU BRE RE BRJE BA BYUNG YANG, NGA'I NYAN THOS RNAMS KYI BSOD SNYOMS KYI THABS CHAG PAR MI 'GYUR RO, ,ZHES STON PA BCOM LDAN 'DAS RANG NYID KYIS BKA' STZAL PA LTAR 'BYUNG BAS, DGE 'DUN THAMS CAD KYIS GANG NAS BSAMS KYANG CHOS LAS MI 'DA' BA'I BSAM PA BRTAN POS SBYOR BA TSUL DANG MTHUN PA'I KHRIMS SU BCA' BA'I RIM PA 'DI DAG LA ZHUGS NAS, RGYAL BA'I BSTAN PA YUN RING DU GNAS SHING SPEL BAR BYA'O, ,DE LTAR LEGS @321A *, ,PAR ZHUGS PA, RIG PAR ZHUGS PA, DRANG POR ZHUGS PA, MTHUN PAR ZHUGS PA BCAS, MTSAN DON DANG LDAN PA'I DGE 'DUN GYI SDE 'DI'I YA GYAL DGE TSUL SLONG GANG YIN YANG, 'JIG RTEN KUN GYIS THAL MO SBYAR ZHING PHYAG BYA BA'I 'OS BSNYEN BKUR SOGS BSOD NAMS KYI DPAL GYI ZHING, YON DNGOS SU SBYONG BA'I SBYIN GNAS CHEN POR GYUR PA YIN PAS, TSUL 'DI YID LA BZHAG NAS DE PHYOGS KYI SKYE BO KUN DANG, KHYAD PAR SANGS RGYAS SNANG BA MTHA' YAS KYIS DGON SDE CHOS BZHIN SKYONG BAR THUGS RJES MNGAGS PA'I LAS KYI BYED PA PO CHEN PO 'DAM BLA MA RIM BYON RNAMS DANG, SDE'I DPON SKYA SOGS TSANG MAS, MGON DANG, SKYABS DANG, DPUNG GNYEN LEGS PAR RNYED DO SNYAM PA'I YID DGA' SPRO DANG BCAS BZHIN DU NUS PA YOD TSAD KYI SBYOR BAS RE SA GZHAN SPANGS PA'I TSUL GYIS SKYABS SU BZUNG NA, GANG BRTZAMS PA'I LAS KYI MTHA' BZANG BAS, RTAG TU BDE NAS BDE BAR 'GRO BA'I BDEN PA RANG GZHAN GYIS MNGON SUM DU MYONG ZHING MTHONG BAR 'GYUR RO, ,DE LTAR PHAN GNOD KYI BLANG DOR SO SOR PHYE NAS PHYAG LEN DKYUS GCIG TU BKOD PA 'DI BZHIN NYAN BSAM SGOM GSUM GYIS YAL BAR MI 'DOR BA'I DGE SBYONG RNAMS DANG, DE 'DRA'I SKAL PA MA THOB KYANG BSAM PA THAG PAS RJES SU YI RANG BA BYED PA'I KHYIM PA TSUN CHAD LEGS PAR SPYOD PA RNAMS DANG, DE LAS BZLOG STE BSAM BZHIN KHYAD DU GSOD PA SOGS NYES PAR SPYOD PA'I SER SKYA RNAMS LA SO SO'I LEGS NYES KYI 'BRAS BU BDE SDUG RANG RANG GIS MYONG BA LAS, GZHAN DU MI 'GYUR BA'I BDEN PA TSE 'DIR MTHONG CHOS SU BSTAN NAS RANG GZHAN MTHA' DAG RGYU 'BRAS KYI BKA' LA GTING NAS YID CHES PA'I DAD PA'I RTZA BA TSUGS TE, GTAN GYI BDE BA'I LO TOG LA LONGS SPYOD PA'I 'PHRIN LAS NI, BLA MA DANG DKON MCHOG RIN PO CHE RNAM PA GSUM DANG, KHYAD PAR 'PHRIN LAS KYI RANG GZUGS DAM CAN CHOS KYI RGYAL PO DANG, RGYAL PO CHEN PO RNAM THOS KYI SRAS, DPAL YE SHES KYI MGON PO PHYAG BZHI PHYAG @322B DRUG ,MA GCIG DPAL LDAN DMAG ZOR GYI RGYAL MO RE MA TI, CHOS SKYONG DREGS PA LCAM SRING SOGS, SNGON SANGS RGYAS MTHONG BA, DAM PA'I CHOS THOS PA, 'PHAGS PA'I DGE 'DUN LA BRTEN PA, BSTAN PA DANG 'KHOR RNAM BZHI SKYONG BAR ZHAL GYIS BZHES PA'I DAM CAN BSRUNG MA'I TSOGS LA YID CHES RE BA'I SEMS KYIS BCOL BA LAGS NA, KUN GYIS BAG YOD PA'I RNAL 'BYOR DU BYA'O,, ,,THAR PA'I GRONG DU 'JUG PA'I BDE BA'I LAM, ,'TSOL BA'I SKAL LDAN SKYES BU RIGS KYI BU, ,RGYAL BA RANG GIS BSTAN PA SO SOR THAR, ,RJES 'JUG GDUL BYA'I STON PAR NAN TAN BSTOD, ,TSUL 'DI MA THOS RMONGS PAR GYUR PA LAS, ,THOS BZHIN BSAM MED LOG PAR GYUR PA NI, ,SDIG CAN SHIN TU YA NGAR GYUR PA STE, ,DE PHYIR THOS BSAM MNGON DU GYUR PA BYA, ,DE YANG MTSAN LDAN BLA MA'I ZHAL LUNG GIS, ,BYIN GYIS BRLABS CING DGON PAR 'DUG NAS BSAM, ,LAG LEN SRAB KYIS 'DOD PA'I KHA LO BSGYUR, ,YANG SRID RNAM PAR GROL BA'I BKA' DRIN THOB, ,DAD DANG THUGS RJE'I RANG GZUGS BLA SLOB GNYIS, ,PHAN TSUN BSKUL BAS SO THAR SNYAN PA'I SGRA, ,SGROGS PA TZAM GYIS DKAR PHYOGS LHA DANG BCAS, , 'KHOR ZHING NYAN PAS YID RAB GSOS PAR SHOG ,ZANG ZING MED PA'I DGE 'DIS 'GRO BA KUN, ,JI SRID CHOS SKUR GCIG TU MA GYUR BAR, ,DE SRID SANGS RGYAS CHOS DANG DGE 'DUN LA, ,SKYABS SONG LUNG RTOGS DAM CHOS 'DZIN PAR SHOG ,KHYAD PAR GNAS 'DIR BLA MA DGE 'DUN GYIS,, SDE SNOD 'CHAD CING BSLAB GSUM 'DZIN PA LA, ,PHYI NANG BAR CHAD NAM YANG MED PA DANG, ,RTAG TU LEGS TSOGS RTEN 'BREL 'GRIG PAR SHOG ,RGYAL BA'I BSTAN PA RGYAL SRAS MTHU CHEN GYIS, ,SNYIGS MA'I DUS 'DIR 'DZIN CING SPEL BA LA, ,THUGS BSKYED MDZAD PA LHUN GYIS GRUB PA YIS, ,BSTAN 'DZIN RGYUN MI 'CHAD PA'I BKRA SHOG ,CES BYANG GNANG MTSO'I NYE 'DABS DBEN GNAS BYA NGOR RI KHROD BKRA SHIS BSAM GTAN GLING GI DGE 'DUN RNAMS KYI KHRIMS SU BCA' BA'I RIM PA 'DI YANG, NGAD STOBS CHOS TSUL LDAN PA DE KHA'I GNAS BLA MA BLO GROS CHOS 'PHEL DANG, DGE 'DUN SPONG BA PA RNAMS KYIS RGYAL BA'I BSTAN PA LA GCES @323A *, ,SPRAS SKYED PA'I LHAG PA'I BSAM PAS NAN GYIS BSKUL BA LTAR, DUS GSUM RGYAL BA SRAS DANG BCAS PA THAMS CAD KYI MKHYEN BRTZE NUS GSUM MTHA' DAG GCIG TU BSDUS PA'I NGO BO THUGS RJES BSKYOD DE THABS MKHAS KYI MDZAD PAS, BDAG CAG 'DUL BA LA BSAM BZHIN BYON PAR BLO BZANG THUB DBANG RDO RJE DNGOS RJE BLA MA BLO BZANG RNAM MGROL DPAL BZANG PO'I ZHAL SLOB JI LTA BA BZHIN DU, GANG DANG LHAN CIG GNAS PA KE'U TSANG SPRUL MING BLO BZANG 'JAM DBYANGS SMON LAM GYIS DBEN GNAS KE'U TSANG RI KHROD DU 'BAD PA CHEN POS SBYAR BA'I YI GE PA NI DBEN SA PA DGE SLONG RNAM RGYAL BKRA SHIS KYIS MA BGYIS PA'O,, SARBA MANGGALAm, @324B