@685A *, , SA RMI LTAS SNA TSOGS BRTAG THABS BZHUGS SO,, ,,

@686B

@687A *, ,BLA MA SKYABS GSUM KUN 'DUS GTZUG GIS BSTEN, ,MA GCIG
ZAB MO GCOD KYI DMIGS 'BUM LAS, ,GSUNGS PA JI BZHIN 'DIR NI
MTSAN LAM GYI, ,'BRAS BU BZANG NGAN KUN GYI RNAM DBYE BSTAN,
,NAD KYIS

GDUNG PAR GYUR DANG SDUG BSNGAL DANG, ,SHES PA 'KHRUGS DUS MA
YIN LEGS PAR BRTAG ,NAM GYI MTSAN MO THUN GYI GSUM CHA BGOS,
,SROD KYI GSUM CHA SNGA MA'I BAG CHAGS YIN, ,GUNG GI GSUM CHA
BDUD SRIN CHO

'PHRUL YIN, ,THO RANGS GSUM CHA PHYIS 'BYUNG GSAL BYED YIN, ,DE
YANG SROD LA 'BYUNG RNAMS PHAL CHER NI, ,SNGAR BYAS LAS DANG
ZHEN PA GNAS DANG GROGS, ,ZAS DANG GLENG BRJOD NYE DU MDUN GROGS
SOGS, ,NYIN MO

GSUM TSUN DE YI BAG CHAGS 'BYUNG, ,KHYAD PAR SEMS LA CHAGS PA'I
BYA BA YIN, ,BAG CHAGS BYUNG BAS DE NYID YANG YANG RMIS, ,LA LA
TSE RABS SNGON MA'I BYED PA YIN, ,DE LA NGES BZUNG MI 'GRUB SNA
TSOGS 'BYUNG, ,

NAM GYI GUNG THUN GSUM CHA'I DUS TSOD LA, ,'DRE DANG SRIN PO LHA
MIN BDUD LA SOGS, ,RGYU BA'I PHYIR NA BZANG NGAN CI BYUNG YANG,
,DE RNAMS RTZE GCIG 'KHRUG PA'I CHO 'PHRUL YIN, ,DE LA NGES
BZUNG MED PAR MKHAS

PAS BSHAD, ,THO RANGS KHA YIN NAM GYI GSUM CHA LA, ,BZANG NGAN
'BRAS

@688B BU 'BYUNG PHYIR BRTAG PA GCES, ,RI BO MTHON PO'I RTZE LA
'DZEGS PA RMI, ,DE TSE RANG NYID CHEN PO'I SA THOB 'GYUR, ,NYI
MA SPRIN MED SHAR NA BDE SKYID 'BYUNG, ,LO TOG 'BRU DANG RTZI
BCUD RGYAS PA DANG, ,ZAS GOS RNYED DANG

GTER LA LONGS SPYOD PA, ,'DI DAG RMIS TSE NGES PAR 'BRU NOR
'BYUNG, ,GOS BZANG GYON RMI GZHAN GYIS BSNGAGS SHING BKUR, ,GO
CHA GYON RMI NAD DANG GDON MI TSUGS, ,ZHVA BZANG GYON RMI BLA MA
DPON LA BZANG, ,KHANG

BZANG 'DUG NA BKRA SHIS DGE MTSAN 'BYUNG, ,LAG NA MTSON KHYER
PHA ROL DGRAS MI GNOD, ,RGYAN GYIS BRGYAN NA SNYAN GRAGS NGO SO
YOD, ,CHU BO BRGAL NA PHA ROL BDE BAR SLEBS, ,DE NI MCHOG TU
BZANG BAS CI

BSAM 'GRUB, ,ROL MO RNGA CHEN DUNG SOGS BUD CING BRDUNG, ,DE TSE
NGES PAR SA STENG SNYAN GRAGS 'GYUR, ,SENG GE STAG DANG GYI LING
'BRUG LA SOGS, ,ZHON NAS GYEN RGYUG MTHON PO'I SA THOB 'GYUR,
,NOR RNYED PA

DANG GZHAN GYIS BKUR BA SOGS, ,KHRI LA 'DUG NA DPAL 'BYOR SRID
'PHEL LO, ,RO ZHIM CHU 'THUNG TSE RING SHIS PAR 'GYUR, ,MDOR NA
SDUG PA'I GZUGS DANG RO LDAN ZAS, ,SNYAN PA'I GTAM DANG MTHUN
GROGS

'PHRAD PA DANG, ,LEGS PA'I BYA BA JI LTAR RMI 'GYUR ZHING, ,SAD
TSE SEMS BDE DGA' BAS YID GA-YO NA, ,DE TSE NGES PAR DGA' BA'I
'BRAS BU 'BYIN, ,BKRA SHIS TSE RING NAD MED NOR 'PHEL 'GYUR,
,CHOS PA

'GA' ZHIG RNAL 'BYOR BRTZON PA'I TSE, ,YANG YANG GA-YANG DU
LHUNG BA MTHONG BA DANG, ,MTHO DMAN GYEN BKEN CAN DU 'GRO BA
DANG, ,LAM 'PHRANG SHIN TU DOG PAR ZHUGS PA DANG, ,MYA NGAM YI
MUG 'JIGS PA'I

@689A *, ,PHYOGS 'GRO RMI, ,DE NI RANG NYID MTHO RIS THAR PA LA,
,'GRO BA'I LAS KYI SGRIB PA'I RGYU MTHUN YIN, ,BCOM LDAN 'DAS
KYIS MDO LAS DE SKAD GSUNGS, ,BU YUG 'TSUB DANG 'DAM RDZAB BRGAL
ZHING BYING, ,MI GTZANG

SAR RGYUG DRI CAN GOS GYON SOGS, ,MI GTZANG 'GOS DANG MI GTZANG
'BAG PA DANG, ,GRIB DANG MI GTZANG RNYED PA 'BYUNG BA YIN, ,GSER
GYI BYE MA MANG DU LONGS SPYOD DANG, ,RTA BONG SGA MED ZHON DANG
GCER BU SOGS, ,

SNGAR BSAM LAS LA BSHOL BA'I PHYI THAL YIN, ,GOS GYON GONG BA
MED PA NGU BA DANG, ,ZHVA MED ME LONG BLTA DANG GUNG SENG 'GRO,
,DE NI MYA NGAN 'BYUNG BA'I RMI LAM YIN, ,GOS HRUL GYON DANG MI
GTZANG ZA DANG 'THUNG,

LUS LA SROG CHAGS 'BYAR DANG SPYANG KI SOGS, ,SROG CHAGS KYIS
BZUNG BRO NAD 'BYUNG BAR BSHAD, ,NAS YOS SRAN MA SNOD STONG MANG
PO'I TSOGS, MDA' DANG GZHU YI DUM BU RMI BA SOGS, ,MYUR DU MI
KHA 'BYUNG BA'I RMI

LAM YIN, LUS LA MDA' MTSON ZUG DANG DMAG GIS DED, ,SHA 'OD ME
'THOR THOG SER 'BAB PA DANG, ,DONG DU 'GRO SOGS GZHAN GYI PHUR
KHA GNOD, ,LUS BCINGS PA DANG SA 'OG 'GRO BA DANG, ,BTZON DU
BZUNG

ZHING MGO LUS CHOD PA RNAMS, ,RBAD 'DRE GNOD DANG MNAN GTANG
BYUNG BA YIN, ,GCER BU BONG ZHON LHO PHYOGS 'GRO BA DANG, ,ME
TOG DMAR PO SHA STAG RMI BA SOGS, ,TSE YI BAR CHAD 'BYUNG BA'I
SNGA LTAS YIN, ,

GZHAN YANG MI HRENG DKAR DANG BYA DKAR LDING, ,GANGS RI LA SOGS
LHA YI CHO 'PHRUL YIN, ,LHA KHANG RNYING PA LDER TSO ZHIG PA
DANG, ,WA DANG BU CHUNG LA SOGS 'GONG PO YIN, ,SBRUL DANG SBAL
PA SA BDAG SNA TSOGS DANG, ,BU MO

@690B SNGO BSANG NE'U SING LA SOGS PA, ,RMIS TSE DE NI KLU YI
CHO 'PHRUL YIN, ,BRAG DANG RTZI SHING RTA PA DMAG MI SOGS, ,RMIS
TSE DE NI BTZAN GYI CHO 'PHRUL YIN, ,BYIS PA THAL MDOG RMAD DU
BYUNG BA DANG, ,BRAG RONG LA SOGS

THI'U RANG CHO 'PHRUL YIN, ,BAN DE BONG BU SPRE 'U BYI LA RTA,
,KHYI SOGS RMIS TSE RGYAL PO'I CHO 'PHRUL YIN, ,DE RNAMS ZAS
STER MTHUN PAR SMRA BA DANG, ,RGOD CING BLTA BA DGA' BA'I MTSAN
MAR 'GYUR, ,'JIGS

PA'I GZUGS STON SDIG CING KHRO BA SOGS, ,MI DGE'I MTSAN LTAS YIN
ZHES MKHAS PAS GSUNGS, ,BAG CHAGS MED CING SHIN TU YA MTSAN
PA'I, ,RMI LAM BYUNG TSE SAD DUS SEMS DGA' BA, ,DE NI NGES PAR
DGE 'BRAS

BZANG PO 'BYIN, ,SAD TSE MI DGA' MI DGE 'BYUNG BAR 'GYUR, ,'JIGS
SHING SKYI GA-YA' BDUD KYI CHO 'PHRUL YIN, ,YANG BSKYAR DU YANG
MTSAR CAN RMIS PA'I TSE, ,DE NI SNGAGS KYI MTHU 'AM SDE BRGYAD
KYI, ,CHO

'PHRUL GNYIS SU NGES PHYIR LEGS PAR BRTAG ,DE YIS MTSON NAS SHES
RAB LDAN PAS 'BYED, ,SGOM SGRUB BYED TSE GLEGS BAM RNYED PA
RMIS, ,MKHA' LA 'GRO DANG LJON SHING 'DZEGS PA DANG, ,TSIGS BCAD
'CHAD RTZOD

'DRI BA'AM SPOBS PA THOB, ,YID DU 'ONG ZHING BAG PHEBS SKYED MOS
TSAL, ,ME TOG 'BRAS BU LJON SHING LO 'DAB RGYAS, ,ROL MO 'BUD
DKROL SGRA SKAD THON PA DANG, ,RAL GRI RIN CHEN LA SOGS LAG NA
THOGS, ,MDZES PA'I

GOS GYON DGA' BA'I RGYAN GYIS BRGYAN, ,RANG GI DGE SBYOR GNAD DU
'GRO BA'I RTAGS, ,SNGON DU MA MTHONG YUL LJONGS KHANG BZANG
SOGS, ,BLTA ZHING YID 'ONG BU DANG BU MO YIS, ,'DZUM STON ME TOG
'BRAS BU BZA'@691A *, ,BTUNG BYIN, ,RTOGS PA'I YON TAN CHE PHRA 'BYUNG BA'I
LTAS, ,GRU BO BCOS DANG ZAM PA 'DZUGS PA DANG, ,BUM PA GANG
RNYED DOR BA RNYED PA DANG, ,ZLA NYI SHAR DANG MUN PA SANGS PA
RMIS, ,PHAN THOGS GROGS SAM YANG NA GDUL

BYAR BZANG, ,SPRIN LAS CHAR 'BEBS CHAB NANG SDOD PA DANG, ,CHU
CHEN GLO BUR 'BAB RNAMS RNYED PA 'BYUNG, ,'CHI LTAS RMI LAM NGAN
PA 'GA' ZHIG TU, ,BUD MED NAG MO RGYU LTO DRAL BA RMIS, ,RGYA
SKYEGS THAL BA

MCHOD RTEN RI 'DZEGS RMI, ,RNGA MONG KHA LHOR BONG BU KHA SHAR
DANG, SPRE'U KHA BYANG BLTAS NAS ZHON NAS 'GRO ,GOS DMAR GYON
DANG ME TOG DMAR PO 'THUS, ,THANG LA 'GRO DANG THOD BCINGS RMIS
PA 'CHI, ,GSHIN DANG MNYAM

POR CHANG 'THUNG GAR BYED PA, ,DE DAG 'CHI LTAS RMI LAM BRTAG PA
'O, ,YANG GCIG 'CHI BA'I MTSAN MA BRTAG PA NI, ,LUS NGAG YID KYI
'CHI LTAS GSUM DU BSHAD, ,GSHANG GCI 'BAB DUS SBRID PA ZLA BAS
'CHI, ,RNA

BA'I SGRA YAL ZLA BA GSUM NAS 'CHI, ,SEN MO'I KHRAG MED ZLA BA
DRUG NAS 'CHI, ,SKYES PA KHRAG DANG BUD MED KHU BA 'BABS,
,'KHRIG DUS SBRID NA ZLA BA GCIG NA 'CHI, ,DRI CHEN SKYUR DRI
BYUNG NA ZLA DRUG 'CHI, ,RO MI

MYONG NA NYIN ZHAG LNGA NAS 'CHI, ,DRI MI BRO NA NYIN ZHAG GSUM
NAS 'CHI, ,DRI CHEN GRANG NA NYIN ZHAG GCIG NAS 'CHI, ,LAG RKANG
DROD LDOG NYIN ZHAG GNYIS NAS 'CHI, ,SNA RTZE'I SHA KHUM NYIN
ZHAG BDUN NAS 'CHI, ,HAS BTAB

GRANG LA PHUS BTAB DRO GYUR NA, ,ZHAG BCU NAS 'CHI SO SKAM ZLA
DRUG GO ,LCE RTZE MA MTHONG ZLA BA BRGYAD NAS 'CHI, ,SNA RTZE'I
ZUG RNGU ZLA BA BZHI NAS 'CHI, ,LCE DKYIL RI MO NAG BYUNG ZHAG
GNYIS 'CHI, ,MIG 'BRAS GLO BUR

@692B KONG MO ZHAG BZHIR 'CHI, ,MIG 'TSIR 'OD KOR MED NA ZHAG
BRGYAD 'CHI, ,LAG PA SNA RTZER GTAD NAS MIG GNYIS BLTAS, ,GNAM
SA 'BREL THAG CHAD NA ZLA GCIG 'CHI, ,RGYA SKAG LAG MTHIL BYUGS
KYANG CHOS MI LEN, ,NYIN

PAR ZLA BA MTSAN MOR NYI MA MTHONG, ,SNA SBUG GLO BUR GDANGS
DANG BA SKYA CHAGS, ,NYI MAR BSDAD NAS GRIB MA BRTAG PA YI, ,LUS
LA RLANGS MED MAR ME SHI BA YI, ,DRI MI TSOR NA MYUR DU 'CHI
LTAS YIN, ,NGAG GI 'CHI

LTAS RLUNG LTAS 'DIR MA BSHAD, ,SEMS KYI 'CHI LTAS SNGAR GYI
GNAS KHANG DANG, ,SA PHYOGS YUL PHYOGS SKYO NAS 'GRO SNYING
'DOD, ,MI GSHIS BZANG PO NGAN DANG NGAN PA BZANG, ,SPRO THUNG
KHOG YANGS KHOG CHEN SPRO

THUNG 'GYUR, ,ZHIB PA RTZING DANG RTZING PO ZHIB TU SONG, ,SMAN
DANG RGYUD KYI DON BZHIN 'CHI LTAS RDZOGS,, ,,

**********************

` BSTAN 'GYUR NANG GI DRANG SRONG GHARGAS LTAS BRTAG PA RGYAL BA BSKAL BZANG
RGYA MTSOS LEGS PO YIN GSUNGS PAS DE YI NANG GI GCES BSDUS 'GA' ZHIG BZHUGS SO,,
,,

'BYUNG BA TSA GRANG GNYIS PO 'THAB PA'I 'OD, ,RLUNG GIS RAB

BCINGS BAR SNANG 'OD 'KHYIL BA, ,'JA' YI LTAS LA DGE MTSAN BRTAG
PA'I TSUL, ,'KHRUL PA'I DRI SPONG YI GER BKOD PA NI, ,GRONG
KHYER GANG DU 'JA' TSON MANG DU ZUG ,DE DAG RING POR MI THOGS
'JIG PAR BSHAD, ,

PHA ROL GRONG KHYER DMAG GIS SKOR BA'I TSE, ,NYI MA'I DKYIL
'KHOR MNYAM PAR 'JA' SHAR BA, ,DE TSE 'THAB CING PHAN TSUN GNYIS
KA GSOD, ,GA-YUL DU ZHUGS TSE MDUN LAM GA-YAS GA-YON DU, ,'JA'
TSON DU MA

@693A *, ,GYUR GANG 'CHI BAR BRJOD, ,'JA' 'KHYIL SA GA-YOS DANG
BCAS 'JIGS PA 'BYUNG, ,MTSAN MO'I CHA LA 'JA' TSON BYUNG GYUR
NA, ,DE TSE RGYAL PO 'CHI ZHING 'THAB RTZOD DANG, ,NAD DANG MU
GES YUL 'KHOR 'JIG PAR

'GYUR, ,'PHRAL DU SPRUL PA'I 'JA' TSON CHAGS 'JIG PA, ,MTHONG NA
GRONG DANG RGYAL SRID MA LUS 'JIG ,'JA' GZUGS GDUGS DANG RGYAL
MTSAN SHING RTA DANG, ,'KHOR LO DANG SOGS SHIS PA'I RNAM PA CAN,
,GYUR

TSE LO LEGS RGYAL PO RGYAL BYED CING, ,DGE MTSAN DU MAS 'JIG
RTEN DGE BAR 'GYUR, ,DBYUG PA GTUN SHING MDUNG RTZE GZHU YI
DBYIBS, ,SGROGS RUS LTA BU YUL 'KHOR 'JIG PAR 'GYUR, ,MGO THOD
DBYUG THO RUS

SBAL LTA BU DANG, ,CHU SRIN LA SOGS CHU YI SROG CHAGS GZUGS,
,SNANG TSE ME DANG CHU YI GNOD PA 'BYUNG, ,MU GE NAD KYIS 'JIG
PA DU MA SHAR, ,KHA DOG SNA TSOGS RIM PA DU MA'I 'JA', ,CHU LA
SHAR GANG YUL DER CHAR CHEN

'BEBS, ,DKAR PO'I RIM PA MANG NA DGE SBYONG 'CHI, ,ME YI 'OD
LTAR DMAR SER MDOG CHAGS DANG, ,ME TOG DMAR SER GYI NI RTZA BA
LTAR, ,YUL DU 'JA' ZUG DE NA 'JIGS PA 'BYUNG, ,SNGON PO'I MDOG
CAN LO

TOG MA RUNG GYUR, ,SROD LA SHAR DU 'JA' ZUG RGYAL PO DANG, ,NUB
TU MI YI GTZO LA GNOD PAR 'GYUR, ,'JA' TSON KHA DOG LNGA PA SHAR
DU ZUG ,CHAR 'BAB LHO DANG NUB BYANG SHAR BA NI, ,MCHOD 'OS
MCHOD CING

LHO NAS NUB TU ZUG ,RGYAL PO SPRE 'U BSHAN PA'I TSOGS LA GNOD,
,DUS GSUM MTSAMS SU 'JA' ZUG LO DE LEGS, ,GZA' SOGS BZANG BA'I
DUS SU 'JA' ZUG NA, RGYAL PO NYID BDE DGE ZHING RKUN PO 'JOMS,
,DE

@694B NYID RJES SU NYIN BDUN TSUN CHAD DU, CHAR 'BAB NGAN YANG
'BRAS BU DGE BAR BSHAD, ,NAM MKHA'I 'JA'I LTAS BRTAG PA RDZOGS
SO,, ,,

***************************

` SGRA CHEN 'BYUNG BA BRTAG PA BYA TSUL NI, 'BYUNG BA
RLUNG CHEN PHYOGS

NAS RAB GA-YOS TE, ,BAR SNANG DBYINGS LA MI ZAD SGRA BYUNG NA,
,DE LA LTAS KYI MTSAN MA BRTAG PA'I PHYIR, ,GO SLA'I TSIG GIS
DON GNYER CAN LA BRJOD, ,NYI MA SHAR TSE SGRA BYUNG RGYAL SRID
'JIG ,SNGA DRO RIGS NGAN NYI PHYED

BRAM ZE DANG, ,NYI NUB RJE BO'I TSOGS LA MI DGE ZHING, ,THO
RANGS SGRA BYUNG BRAN GYI RIGS LA GNOD, ,NAM PHYED DUS BYUNG
SRIN PO 'PHUNG BAR 'GYUR, ,NAM MKHA'I KHAMS LAS PHAN TSUN GNYIS
PHYOGS NAS, ,SGRA BYUNG 

RA DANG BA LANG MANG DU 'CHI, ,NAM LANGS SGRA BYUNG MGRON PO LA
GNOD 'GYUR, ,SGRA SNYOMS DAL ZHING CHUNG NA 'JIGS PA CHUNG,
,RING ZHING MI SNYAN GNOD PA CHEN PO 'BYUNG, ,DUS GSUM MTSAMS SU
SGRA CHEN BYANG

PHYOGS LHUNG, ,BSHES GNYEN DAM PA DGE SLONG 'CHI BAR 'GYUR,
,LHUN PO'I MTSAMS NAS BYUNG NA MTHA' KHOB DANG, ,LHO DANG BAL
PO'I YUL DU MI DGE 'BYIN, ,SHAR LHO SGRA BYUNG MES 'TSO BA LA
GNOD, ,RING POR SGRA

BYUNG PHYOGS MI SHES PA STE, ,'JIG RTEN NANG NA DPA' BO'I TSOGS
LA GNOD, ,MCHOD 'OS BDEN SGRA DE YI GSUNG LAS BYUNG,, ,,DRANG
SRONG CHEN PO'I ZHABS LA GUS BTUD NAS, ,SNA TSOGS LTAS KYI

'BRAS BU BSHAD PA'I PHYIR, ,GSAL BYED NYIN MO'I 'OD GSAL SBYIN
PAR BYA, ,BLO GSAL RNA BA'I PADMO BYE BAR GYIS, ,KHYI DANG BYA
ROG BZHI MDOR NGU ZHING

@695A *, ,ZUG ,CA CO SGROG TSE PHA ROL DMAG TSOGS 'ONG, ,BYA ROG
BUNG BA GRONG DU TSANG 'CHA' BA, ,DE NI GLO BUR 'JIGS PA 'BYUNG
BAR BSHAD, ,SBRANG BU PHYE MA LEB DANG BYI 'U SOGS, ,YANG THOG
SGO KHANG 'PHYANG MO NYUG CING

'DZEGS, KHYIM DE DGRA YI DMAG GIS RAB TU 'JOMS, ,BYI BA KHVA
SOGS DUS MIN 'KHRIG SPYOD NA, ,RGYAL PO YUL 'KHOR BCAS PA MYUR
DU 'JIG ,SEMS CAN MNGAL SGO PHYIN CI LOG PA NA, ,DE TSE YUL
RNAMS

'KHRUG CING RGYAL PO 'CHI, ,BYA ROG DKAR PO MTHONG TSE MI DGE
'BYUNG, ,SROG CHAGS KHA DOG RIS MIN 'GYUR BA NI, ,YUL BDAG MI
DBANG BCAS KYI 'CHI LTAS YIN, ,GRONG GI DBUS SU BYA ROG KUN 'DUS
NAS, ,PHYI

ROL DONG TSE DE NI SKYES BUS DBEN, ,KHYIM DANG RVA BAR KA K'A'I
SGRA 'BYIN DANG, ,NYI MA LA THAL DRAG TU WA BRGYAL BA, ,MI DANG
RGYAL PO LAS GYUR NYES PA 'BYUNG, ,BYA ROG TSOGS RNAMS SA LA
MCHU BTZUGS TE, ,SGRA MI

GRAGS PAR YUD TZAM 'DUS NAS 'PHUR, ,DE TSE DMAG GI TSOGS RNAMS
RAB TU 'PHUNG, ,SHA ZAN BYA YI KHA NAS SHA LHUNG BA, ,YUL DER
RGYAL PO'I CHAD PA 'BYUNG BAR BRJOD, ,BYA RGOD LA SOGS MI SHA ZA
BA'I BYA, ,KHANG

STENG SGRA SGROG MI BDAG 'CHI BAR BSHAD, ,NYI MA PHYED DUS BA
LANG SLAS DAG TU, ,'UG PA GRAGS TSE RGYAL PO'I 'JIGS PA 'BYUNG,
,SKYED MOS TSAL DU BYA ROG RTZE 'GYUR ZHING, ,THANG DU NGANG PA
RTZE NA YUL DE 'JIG ,

DUS MIN SHING LA 'BRAS BU 'BYUNG BA'I TSE, ,RGYAL PO 'KHOR BCAS
DGRA YIS GSOD PAR BSHAD, ,SHING SKAM YAL 'DAB LO MA SKYE 'GYUR
NA, ,YUL DE'I SKYE BO PHAN TSUN 'KHRUGS PAR BRJOD, ,LJON SHING
LO 'BRAS PHYIN CI

@696B LOG 'BYIN SAR, ,DE NI DE YI BDAG PO MYUR DU 'CHI, ,'CHAR
NUB DUS KYI NYI MA PHYIN CI LOG ,DE DUS RGYAL PO 'BANGS KYIS
GSOD PAR 'GYUR, ,PHYI NANG SROG CHAGS RGYU BA SKAM PA NI, ,RING
POR MI THOGS NAD DANG DMAG

TSOGS 'BYUNG, ,RLUNG ME CHU RLUNG 'KHRUGS NA MI DGE BSHAD,
,MTSON CHA 'GUL DANG ME 'OD CHER MTHONG BA, ,DUS KYI GRANG DRO
GO LOG GYUR SONG NA, NAD DANG MTSON SOGS LO NYES 'BYUNG 'GYUR
ZHING, ,RGYAL PO DMAG BCAS

'JIGS PA DU MA 'BYUNG, ,BA LANG DAG LA MI NI BTZAS GYUR PA, ,YUL
DE BUD MED RNAMS LA GNOD PA 'BYUNG, ,MNGAL NA BU SMRA NGU 'AM
RGOD PA NI, ,YUL KHAMS DE DAG MYUR DU 'JIG PAR BSHAD, ,KHYE 'U
RKANG GCIG PA'AM

GSUM MAM BZHI, ,BTZAS NA RGYAL PO 'CHI 'AM MU GE 'BYUNG, ,MTSAN
GNYIS MA NING SKYE BA'ANG DE BZHIN NO, ,BYA SKYE MCHU DANG MGO
BO MANG PO CAN, ,SKYE BA DE NI YUL DE 'JIG PAR BSHAD, ,LUS GCIG
GDONG

GNYIS MIG GSUM SKYE 'GYUR NA, ,YUL 'KHOR DE NI 'JIG PA MYUR BAR
BSHAD, ,YUL KHAMS DE DAG DMAG GIS 'JOMS PAR BRJOD, ,PHAG GI MGO
CAN BYUNG DANG MA NYID KYIS, ,MA TSOR MNGAL BTZAS MOS LA SO SKYE
DANG,

MGO MED LAG PA GCIG PA SKYE 'GYUR NA, ,YUL 'KHOR DER NI 'JIG PA
DU MA 'BYUNG, ,ME TOG DANG NI SHING TOG 'BRAS BU LAS, ,KHU BA
'DZAG NA RGYAL TSAB LA GNOD 'GYUR, ,BZA' SHING 'BRAS BU RTAG PAR
MDOG BZANG

NGAM, ,KHRAG 'DRA 'DZAG NA NAD DANG MU GE 'BYUNG, ,SKYES SHING
'GRO BA LTAR SNANG YUL DE 'JIG ,'JIG RTEN LHA 'DRE MCHOD TSE
SMRA 'AM 'DZUM, ,YUL DE RGYAL POS BOR TE 'TSE BA 'BYUNG, ,GANG
DER DRI ZA'I GRONG KHYER

@697A *, ,CHAGS GYUR PA'I, ,PHYOGS DE BRTAG LA PHYOGS GCIG
PHYOGS DER NI, ,'JIGS PA 'BYUNG BAR DRANG SRONG GHARGAS BSHAD,
,SNA TSOGS LTAS KYIS 'JIG RTEN BDE SDUG RNAMS, ,GSAL BAR SHES NA
DGE SGRUB SDIG LDOG PA'I, ,

THABS LA 'BAD DE MI DGE LAS THAR MDZOD,, ,,

****************************

` BSTAN 'GYUR NANG GI
MI DPYAD RGYA MTSOS BSTAN PA SOGS DANG, RGYUD KYI DGONGS PA DANG
BSTUN SKYES PA BUD MED BRTAG THABS BZHUGS,, ,,

LO BRGYA THUB PA'I MI LA GNAS SKABS BCU, ,LANGS PA'I MTHU MED
GAN RGYAL NYAL DUS GCIG ,'GRO SDOD THUB NAS RTZED MO RTZE DUS
GNYIS, ,LANG TSO LA BABS 'DOD BDE MYOS DUS GSUM, ,DPA' ZHING
MTHU LDAN

DAR LA BABS PA BZHI, ,SHES RAB STOBS KYI SPOBS PA LDAN PA LNGA,
,LEGS SPYAD NYES SPYOD RNAM DBYE MKHAS PA DRUG ,CHOS KYI GZHUNG
LUGS MA LUS MKHAS PA BDUN, ,DBANG PO 'GRIB CING MTHU CHUNG RGAS
PA

BRGYAD, ,SHIN TU RGAS PA LDANG MI THUB PA DGU ,'CHI BA ZHES
BYA'I GNAS SKABS BCU PA 'O, ,TSAD LDAN MI RNAMS RANG SOR GYIS
GZHAL NA, ,GDONG LA SOR MO BCU BZHI YOD PA DANG, ,BCU GNYIS CAN
DANG ZHENG LA'ANG BCU

GNYIS CAN, ,MKHUR TSOS SOR LNGA 'GRAM MUR SOR BZHI YIN, ,RNA
ZHENG SOR DO SRID LA SOR BZHI YIN, ,BU GAR SOR PHYED SOR GCIG
GANG RUNG NGO, ,MIG DKYUS SOR BZHI MIG ZHENG SOR DO YIN, ,SNA
DKYUS SOR BZHI

SNA RTZER SOR DO 'O, ,MCHU DKYUS SOR BZHI MCHU ZHENG SOR PHYED
LHAG ,AOL KO'AM MA LE SOR DO DKYUS SOR BSUM, ,SKE NAS GSANG GNAS
BAR DU MTHO GSUM MO, ,MTSAN MA SOR LNGA SOR DRUG GNYIS YOD DO,
,BRLA SOR NYE LNGA

@698B BRLA ZHENG SOR BRGYAD DO, ,PUS MO SOR BZHI RJE NGAR MTHO
DO 'O, ,RTING PA SOR LNGA RKANG DKYUS SOR BCU BZHI, ,RKANG ZHENG
SOR BRGYAD MTHE BONG SOR BZHI'O, ,PHRAG PA GA-YAS NAS GA-YON DU
SOR BCO BRGYAD, ,DPUNG MGO NAS

BZUNG SOR RTZER MTHO GSUM MO, ,DE LA BZANG NGAN BRTAG NA 'DI
BZHIN YIN, ,MTHE BONG SNYOM ZHING DMAR NA DPON DU 'GYUR, ,CHE NA
SDUG BSNGAL CHUNG NA RGYAL KHAMS BSKOR, ,MDZUB MO CHUNG NA KUN
DANG 'KHON PAR BYED, ,

GUNG MO RING NA DON NYAMS THUNG NA SDUG ,MTHE'U CHUNG RING NA
DON 'GRUB THUNG NA NYAMS, ,MTHE BONG RING NA SEMS BZANG THUNG NA
NAG ,SEN MO DKAR BA GAS PA DBUL ZHING PHONGS, ,SEN MO KHYOR PA
'KHYAMS SHING SLONG

MO BYED, ,SEN MO SER BA BKUR 'OS GSOD PAR BYED, ,SEN MO DMAR BA
MI YI RJE BOR 'GYUR, ,SOR RTZE RI MO GA-YAS 'KHYIL BU MANG THOB,
,GA-YON 'KHYIL MANG NA BU MO MANG PO 'BYUNG, ,DE GNYIS 'DRES NA
GNYIS KA

MANG PO 'BYUNG, ,MDZUB MO'I TSIGS NI GYEN LA PHYOGS PA DANG, ,RI
MO GSUM YOD PA NI SPUN GYI GRANGS, ,MTHE 'U CHUNG GI RTZA BA
GYEN PHYOGS PA'I, ,RI MO GSUM GSHIB TSE RING YUN RING 'TSO, ,LAG
PA SHA MED RDUL RTZAS GANG BA

DANG, ,SEN MO SER SKYA RTAG TU SDUG BSNGAL 'KHOR, ,LAG PA SER NA
NOR GYI BDAG PO YIN, ,YANG NA RIG GNAS DAG LA MKHAS PAR 'GYUR,
,LAG RING RI MO MANG NA RIG BYED MKHAS, ,RI MO SKE BCAD TSE
THUNG CHAD NA RTZUB, ,LAG

PA RING ZHING SHA RGYAS GRAGS PA THOB, ,SKYES PA LAG PA CHUNG BA
BRAN DANG GA-YOG ,LAG RING DMAR ZHING SNYOMS PAS DBANG PHYUG
THOB, ,GLANG CHEN LTA BUR LUS KUN RGYAS SHING BZANG, ,BDE BAR
'TSO ZHING BSOD NAMS RIGS CAN

@699A *, ,YIN, ,RGYAB MTHO DKAR ZHING SBOM PA DANG, ,RGYAB
GZHUNG RING DANG MNYEN PA DANG, ,DRANG ZHING SHA RGYAS ZLUM
ZHING SNYOMS, ,CHOS NOR DBANG PHYUG THOB PA'I RTAGS, ,SENG GE'I
RGYAB CAN KUN GYIS BKUR BAR BYED, ,

RTA YI RGYAB CAN SKYID SDUG 'DRES MAR SPYOD, ,BRLA SNUM MDZES
SBOM LO BRGYAR 'TSO BA DANG, ,BRLA NI RGYAS SHING SNYOMS PA
DBANG PHYUG THOB, ,BRLA PHRA SKYES PA BU DANG BRAL, ,BRLA BZANG
BUD MED MANG PO THOB, ,BRLA NI HA

CANG SBOM PA NGAN, ,RKANG PA 'PHONG GI SAR REG NAS, ,RTAGS KYI
SAR REG SDUG BSNGAL CHE, ,RTAGS KYIS TSIGS SLEBS BZANG BA YIN,
,SHING LTAR GYONG NA RIGS RGYUD BRLAG ,SOR LNGA LDAN PA SHIN TU
BZANG, ,SBUBS SU NUB NA

TSUL KHRIMS LDAN, ,NOR BU DNGUL MDOG MU TIG MDOG ,GSER MDOG LDAN
NA DBANG PHYUG THOB, ,SNGO SKYA RDUL CAN SDUG BSNGAL CAN, ,DRI
CHU RING 'GRO SGRA CAN BDE, ,GA-YAS STOR BU DANG GA-YON BABS MO,
,SNGON PO

NGAN LA SDUG CING GSON, ,TSANG RA SHA RGYAS BDE BAR 'TSO, ,SHA
SKAM SNGO BA RTAG TU SDUG ,GSUS PA KHYI 'DRA SDUG CING GSON,
,SBRUL DANG NYA 'DRA DKA' THUB NYAMS, ,GSUS PA RI DVAGS STAG
SENG DANG, ,RMA BYA 'DRA NA

PHYUG CING SKYID, ,ZLUM PO GA-YAS 'KHYIL LTE BA BZANG, ,KONG BA
'BRING LA 'BUR THON BZANG, ,BYIN PA PHRA RING SDUG BSNGAL LDAN,
,BYIN PA GLA BA 'DRA NA BZANG, ,BYIN PA SBOM ZHING SNYOMS PA
BZANG, ,LONG BU 'BUR NA

NGAN ZHING 'THAB, ,LONG BU MI MNGON RTA 'DRA BZANG, ,KHYU MCHOG
'GROS CAN NOR DANG LDAN, ,NGANG PA'I 'GROS CAN SEMS RAB BRTAN,
,MGRIN PA MI MDZES NOR LA RLOM, ,MGRIN PA YID 'ONG CHOS DANG
LDAN, ,GLANG CHEN

@700B 'DRA NA RGYAL POR 'GYUR, ,YANG NA BZA' BTUNG MANG DU THOB,
,GDONG RING GDONG ZLUM DON RNAMS 'GRUB, ,RA GDONG SPREL GDONG
NOR DANG LDAN PA'ANG YOD, ,GDONG PA SKAM ZHING KHAM KHUM MANG,
,RDZUN CAN RKUN PO DAG TU

'GYUR, ,YA MCHU SKAM PA SDUG BSNGAL MANG, ,MCHU 'THUG BLUN ZHING
GROGS DANG 'KHON, ,MCHU DMAR SNYOMS PA NOR DANG DBANG PHYUG
THOB, ,'GRAM PA SHA RGYAS YID 'ONG DPON DU 'GYUR, ,NYER BZHI SUM
CU'I SO YOD BDE BAR

'TSO, ,SO GCIG SO YOD PA NI LONGS SPYOD LDAN, ,SO GNYIS SO YOD
RGYAL POR 'GYUR, ,YA SO MA NYAMS NOR GYI BDAG ,DKAR PO RNO RING
MKHAS PAR 'GYUR, ,SO DGU'I SO CAN SDUG CING GSON, ,SO KHYOG PHA
MA GZHON

NAS 'CHI, ,SPRE 'U SO CAN LTOGS PAR GNAS, ,LCE THUNG RDUL CAN
RMONGS SHING GLEN, ,DKAR PO LCE CAN SPYOD PA RTZING, ,SNUM ZHING
LCE DMAR RGYAL POR 'GYUR, ,SER NAG RKAN CAN SDUG CING LTOGS,
,DMAR SMUG RKAN CAN

RIGS MI 'BYUNG, ,RKAN SBUG MI DMAN MTHU STOBS CHE, ,CHIG GTAM
SMRA BA DE NI SDIG PA CAN, ,RTA BONG GLANG GI GDONG CAN SDUG
BSNGAL LDAN, ,NGANG PA 'BRUG GI GDONG CAN NOR DANG LDAN, ,NE
TZO'I GDONG CAN

DAG NI RGYAL POR 'GYUR, ,SNA GDONG 'KHYOG DANG SNA GDONG LEB,
SNA GDONG SBOM DANG THUG PA NGAN, ,SNA GDONG MTHO DANG DBYIBS
MDZES BZANG, ,DPRAL BA CHUNG BA NOR MED DBUL, ,DPRAL BA SNYOMS

PA SDUG BSNGAL CAN, ,GNYER MA THUNG NA NAD DANG BCAS, ,GYEN THUR
RI MO SDUG BSNGAL CHE, ,GNYER MA GNYIS PA DRUG CU GSON, ,GNYER
MA BZHI PA DGU BCU GSON, ,GNYER MA LNGA PA RING DU GSON, ,LNGA@701A *, ,LAS MANG
NA SDUG BSNGAL LDAN, ,GNYER MA MED PA LHA YI
RIGS, ,DPRAL BA CHE ZHING ZLA PHYED 'DRA, ,RI MO RTZE GSUM GYEN
DU PHYOGS, ,NGES PAR DBANG PHYUG THOB PAR 'GYUR, ,MIG 'BOR CHE
NA SDUG BSNGAL

CHE, ,RA LUG MIG CAN 'KHRUG LA REM, ,KHRAG LTAR DMAR BA NAD DANG
BCAS, ,MIG NI RTAG TU MCHI MAS GANG, ,NOR MED SDUG BSNGAL CAN
GYI MIG ,'BYED 'DZUM MANG BA TSE THUNG 'GYUR, ,RTAG TU GA-YO BA
BAG

CHAGS CAN, ,'BYED 'DZUM NYUNG BA RING DU GSON, ,LAN GNYIS 'DZUM
PA GA-YOG TU 'GYUR, ,RDZI MA SKYA BA SDUG BSNGAL CHE, ,RDZI MA
DMAR BA NOR PHYUGS LDAN, ,RDZI MA NAG PA BDE BAR 'TSO, ,MIG
GNYIS KONG BA RING DU

'TSO, ,GRU GSUM MIG CAN RIG PA BZANG, ,RI DVAGS MIG CAN DPON DU
'GYUR, NGANG PA'I MIG CAN NOR DANG LDAN, ,MIG RTZA DMAR NA LONGS
SPYOD THOB, ,MIG KA LOG DANG SER SKYA'I MIG ,RIGS BZANG DBANG
PHYUG

LEGS PAR THOB, ,DKAR NAG 'BYED PA MKHAS SHING GSAL, ,'GRO TSE
LAM POR 'BUR TSUGS BLTA, ,MGO BO GDUGS 'DRA ZLUM ZHING RGYAS,
,BUD MED LTA BUR NU MA RGYAS, ,RNA SHAL RING LA SMRA BRJOD DAL,
,SMRA BA NYUNG

ZHING BDAN PAR SMRA, ,DE 'DRA SKYES BU DAM PA'O,, ,,

**********************

` MI DPYAD
RGYA MTSOS BSTAN PA MA RGYUD DGONGS DON BZHIN DU BUD MED BRTAG
THABS BZHUGS SO,, ,,

BUD MED NGAN PA'I SKYON LNGA NI, ,SKYES PA GZHAN LA SEMS PA
DANG, ,BUD MED GZHAN LA PHRAG DOG CHA, ,BSAM PA NGAN ZHING SER
SNA CHE, ,RTAG TU MI RIGS BYA BYED LNGA, ,RKANG RJES SA LA BZHAG
PA'I TSE, ,MTHE 'U SA LA

@702B MI REG YUGS SAR GYUR, ,SRIN LAG SA LA MI REG 'KHON 'THAB
MANG, ,MDZUB MO SA LA MI REG LOG GA-YEM CAN, ,MTHEB CHEN SBOM PA
SPUN RNAMS 'CHI BAR 'GYUR, ,SEN MO 'KHYOG PA RTAG TU BRAN MOR
'GYUR, ,

RKANG PA 'THUG DANG SRA BA GA-YOG MO YIN, ,RKANG PA SKAM PA RTAG
TU LTOGS PAR 'GYUR, ,LUS LA SHA TSAN NAG PO KHYO DE 'CHI, ,LUS
LA SHA TSAN DKAR MDZES KHYO DPAL CHE, ,NU MA 'KHYOG PO BU BRAL
KHYO YIS

GNOD, ,NU RTZE SKAM PA RTAG TU BDE BA SPANG, ,SNA CHUNG BRAN MO
SNA SRAB KHYO RNAMS 'CHI, ,SNA GDONG RING BA KHOL MO DBUL ZHING
'KHYAMS, ,DMAR SER MIG CAN BU DANG PHA LA'ANG CHAGS, ,MCHU LA
SER KHA YOD

PA LOG GA-YEM DGA', ,YA SO 'KHYOG NA CHUNG NAS MA YANG 'CHI, ,MA
SO 'KHYOG PAS RANG GI BU RNAMS 'CHI, ,SKRA SBOM RING BAS RANG GI
KHYO BO ZA, ,SER SKYA'I SKRA CAN RTAG PAR KHYO DANG 'KHON,
,GZHAN YANG BUD MED

KUN LA NI, ,NYON MONGS MANG DANG 'DOD LA SKAM, ,BLO MI BRTAN
DANG YID BRTAN DKA', ,GA-YO SGYU CHE DANG DBANG PO BRTUL, ,SHES
RAB 'CHAL DANG SPOBS PA ZHAN, ,TSANGS BUG MED DANG MGUL PA DMA',
,NU MA CHE

DANG SHA LHOD PA, ,SKAD GDANGS ZHAN DANG NYAM CHUNG BA, ,'KHOR
GYIS 'JIGS DANG GEGS BYED MANG, ,SEMS SKYON BRGYAD DANG LUS
SKYON BRGYAD, ,BCOM LDAN 'DAS KYIS MDO LAS GSUNGS, ,STONG GSUM
STONG GI 'JIG

RTEN NA, ,CHUNG MA 'DRA BA'I DGRA BO MED, ,'KHOR BA 'DRA BA'I
BTZON RVA MED, ,NYE DU 'DRA BA'I BRTZON SRUNG MED, ,BSHES
SPRINGS LAS, RANG BZHIN DGRA 'BREL GSHED MA LTA BU DANG, ,KHYIM
THAB BRNYAS KYI RJE MO LTA

@703A *, ,BU DANG, ,CHUNG NGU RKU BA CHOM RKUN LTA BU YI, ,CHUNG
MA GSUM PO 'DI DAG RNAM PAR SPANG, ,ZHES GSUNGS, BUD MED YON TAN
BRGYAD DANG LDAN PA NI, ,KHYIM THAB MED KYANG 'DOD PA'I DBANG MI
'GRO, ,KHYO GA GZHAN

SEMS PHRAG DOG MED PA DANG, ,CA COL MED CING BDEN PAR SMRA BA
DANG, ,BSAM PA MTHUN ZHING LOG LTA MED PA DANG, ,RIGS MTHUN BU
DPAL CHE BA BRGYAD RNAMS SO, ,RKANG SOR MNYAM ZHING BAR SENG MED
NA BZANG, ,

GUNG MO SA LA MI REG BLO DANG LDAN, ,LAG SOR GSHIB NAS SLANG NA
BAR SENG MED, ,LAG RIS RGYANG NAS GSAL DANG LAG PA CHUNG, ,SNUM
ZHING DMAR MDANGS MDZES PA DBANG THANG CHE, ,TSANG RA RGYAS
SHING SHAS GANG

BRLA STONG RGYAS, ,'DOM SDUG CHU SKYES MTSAN NYID DRUG LDAN NI,
,RUS SBAL RGYAB MTHO GLANG CHEN ZE LTAR MKHRANG, ,SPU MED SHA
RGYAS ZAB YANG DKAR DMAR LDAN, ,SKED PA PHRA DANG LTE BA GA-YAS
SU 'KHYIL, ,PADMA GE

SAR 'DRA ZHING LTE 'OG TU, ,RI MO PHRED GNYER GNYIS DANG GSUM
YOD BZANG, ,MCHAN KHUNG BA SPU NYUNG ZHING DPUNG BA RGYAS, ,NU
BAR DOG CING NU MA MTHONG ZHING MKHRANG, ,DRANG ZHING SNYOM PA
DKAR BA KHYO BZANG THOB, ,

SNA NI DZA TI'I ZE MA'I ME TOG BZHIN, ,SNA GDONG MTHO ZHING KUN
NAS MDZES PA YIS, ,BDE CHEN THOB CING SA SKYONG RJE MOR 'GYUR,
,LCE DMAR RING ZHING SNUM PA GLU DBYANGS MKHAS, ,RMA BYA KHU
BYUG SKAD 'DRA BTZUN MOR

'GYUR, ,NE TZO NGANG PA'I SKAD 'DRA NOR DANG LDAN, ,PADMA CAN NI
MDOG DKAR PADMA'I DRI, ,PAD 'DAB BZHIN DU DKYUS RING MDZES PA'I
MIG ,MGRIN PA RING ZHING SKRA NI GNAG LA SNUM, ,NU MA TA LA'I
'BRAS 'DRA BZHIN

@704B RAS RGYAS, ,GLANG CHEN MA NI SNA GA-YON YID TZAM GA-YO,
,LUS DANG KHA NAS CHANG GI DRI 'DRA 'BYUNG, ,NU MA 'PHEL KHA CHE
ZHING SBOM LA RGYAS, ,BYIN PA SHA RGYAS KHRO BA SKYEN PA YIN,
,DUNG CAN MA NI KHA DOG SNGO BSANG LA, ,

NU MA CHUNG ZHING GDONG DANG RKANG LAG RING, ,SKEM MIN SBOM MIN
SBRANG RTZI'I DRI DANG LDAN, ,RTZUB CING SHA 'DZER LDAN PA'I
SKYE GNAS CAN, ,RI DVAGS CAN NI DKAR LA DMAR MDANGS LDAN, ,BONG
THUNG SKRA THUNG NU MA DPAL

'BRAS 'DRA, ,'GROS DAL NYA SHA'I DRI LDAN BYIN PA PHRA, ,MAR GYI
SNA RTZE RI DVAGS LTE BA 'DRA, ,GZUGS DANG LANG TSO'I DPAL GYIS
RNAM PAR BRGYAN, ,NGAG 'JAM BLO GSAL SHES RAB DANG LDAN PA, ,LAS
KYI RNAM PAR SMIN PA

NGES PA YIS, ,KUN NAS RGYAS BTAB LTA BUR GNAS PAS BRTAG ,'DI DAG
MDOR BSDUS MGON PO KLU SGRUB KYIS, ,BSHES SPRINGS LAS GSUNGS YA
RABS BUD MED NI, ,SRING MO LTA BUR RJES MTHUN GANG YIN DANG, ,

MDZA' MO BZHIN DU SNYING LA BABS PA DANG, ,MA BZHIN PHAN PAR
'DOD DANG BRAN MO BZHIN, ,DBANG GYUR GANG YIN RIGS KYI LHA BZHIN
BKUR, ,ZHES PA 'DI YANG KLONG RDOL BLA MA NGAG DBANG BLO BZANG
GIS BRIS PA'O,, ,,