@705A *, ,HA *, ,RIN PO CHE BRTAG THABS MDOR BSDUS BZHUGS SO,,

@706B

@707A *, ,GA-YU RKYANG DRUG DKAR DRUG DMAR BAR GA-YU DANG,
,MCHIN KHA LA SOGS GA-YU LA GTOGS TZAM LNGA, ,SUL MED DREG MED
DRUG DKAR DRUG DMAR GNYIS, ,ZIL GNON GA-YU RKYANG NOR BU SPUG
CES GRAGS, ,

SUL MANG DREG LDAN GA-YU RKYANG MDOG 'DRA YANG, ,RIN THANG CHUNG
ZHING DRUG DKAR DRUG DMAR ZER, ,'BYUNG KHUNGS GANGS CAN BOD KYI
BRAG MA GTOGS, ,'DZAM GLING YUL GRU KUN LAS MI 'BYUNG BSHAD,
,'BRING

DANG NGAN PA YUL GRU KUN NAS THON, ,SANGS RGYAS BYANG SEMS NYA
RU SPRUL PA YI, ,KHOG PA'I NANG NAS MU TIG DMAR PO 'BYUNG, ,DE
LA RAKTA MU TIG CES SU GRAGS, ,WA LU MU TIG GANDA MU TIG DANG,
,SI KA MU TIG RAM

PA MU TIG DANG, ,SA RBA MU TIG SMAD KYI MU TIG DANG, ,RMA LU MU
TIG BCAS TE RIGS BDUN NI, ,GLANG CHEN SBRUL GYI KLAD PA LAS
BYUNG DANG, ,RGYA GAR LHO PHYOGS SHING GI 'DAB MA LA, ,LHA YI
CHAR RGYUN 'BAB LAS BYUNG

BA'AM, ,YANG NA CHAR PA NYA YIS BTUNG BA LAS, ,KHA DOG SNA TSOGS
MU TIG RAB YIN NO, ,PHAL CHER RGYA MTSO'I 'GRAM GYI SROG CHAGS
NI, ,NYA PHYIS RUS PA YOD PA'I KHOG NAS THON, ,CHA YA RTZE ZHES
MU TIG 'BRING PO

YIN, ,KUN GYI THA MA CHU SBUR LAS BYUNG BA, ,CHU YI MU TIG KHONG
STONG GSOL PA YIN, ,MDOG DBYIBS MTSUNGS PA'I NYA PHYIS RDZUS
PA'ANG YOD, ,BYU RU RGYA MTSO'I BYE MA LA, ,NYAL STABS SU NI
SKYES PA YIN, ,BYI

BA'I RVA YIN ZER BA BLUN SKAD YIN, ,DBYE BA BYUR NAG BYUR DKAR
BYUR

@708B DMAR GSUM, ,BYUR NAG BYA ROG MIG 'DRA 'OD ZER 'PHRO, ,BYUR
DKAR DUNG GNYIS CHE CHUNG MNYAM NA YANG, ,BYU RU YANG LA DUNG NI
LCI BA YIN, ,BYUR DMAR MTSAL KHA MA DANG DMAR SKYA DANG, ,KHRAG
MDOG KHRO

TSAG CAN DANG RIGS GSUM YOD, ,SNGA MA BZANG ZHING PHYI MA RIN
THANG CHUNG, ,YAN LAG RGYAS SHING DBYIBS LEGS NOR BU YIN, ,BAD
KAN SMUG PO'I NAD LA PHAN PA YIN, ,MU MEN BRAG DANG CHU CHEN RI
LAS BYUNG, ,

SNGO NAG SNGON PO GSER DANG 'DRES PA BZANG, ,THA MA DKAR GONG
SHAS CHE SHIN TU CHE, ,LAG PAS THEG TSAD KLA KLO'I PHYOGS NAS
'BYUNG, ,RDZUS MA RGYA NAS THON DANG NOR DOGS YOD, ,DUNG NI SROG
CHAGS DUNG RNAMS RJES

BZUNG PHYIR, ,SKYE BA LNGA PAR BYANG SEMS DUNG LA SKYES, ,GA-YAS
'KHYIL GSUNG SKAD THOS PAS NAD RIGS SEL, ,KHYIM DU BCANG NA
'THAB RTZOD MED CING MTHUN, ,GA-YON 'KHYIL DUNG KHRA TSER MA CAN
SOGS YOD, ,

DUNG SKAD YIN PHYIN ROL CHA KUN LAS MTHO, ,NYA PHYIS BZANG BA
BZA' BTUNG GANG BYAS RNAMS, ,DUG TU MI 'GYUR RIN CHEN SNOD DANG
NI, ,DUNG DKAR DBYIBS SOGS RAB 'BRING THA GSUM YOD, ,GSER NI KLU
RGYAL NYA

DANG TSE RING BYA, ,BRUN LAS 'DZAM BU CHU BO'I GSER NI THON,
,RGYA MTSO CHEN PO'I 'GRAM GYI BYE GSER DANG, GU LUD RDO BZHU SA
GSER BYANG 'BROG GSER, ,KHAMS GSER BOD GSER YUL GRU KUN LAS
BYUNG, ,SA LAS THON PA

THIG PO CHE BYUNG NA, ,SA LE SBRAM ZER BYE MA GSER LA MIN,
,BSREG NA DMAR ZHING BRDAR NA SER BA DANG, ,BCAD NA DKAR ZHING
SNGA DRO DMAR BA DANG, ,NYIN GUNG SER ZHING DGONG MO DKAR NA
BZANG, ,RGYA DNGUL SKYON

@709A *, ,MED 'O MA KHA DANG NI, ,HOR DNGUL SHING KHA KHAMS
DNGUL ZHO KHA MA, RGYA SER RGYA GAR BAL PO'I SKYON CAN DANG, ,RA
DNGUL LUG DNGUL RDO YI KHYAD SO YIN, ,YI GE 'BRI DANG DNGUL
SPYAD BCOS RGYU NI, ,SNUM ZHAG PHOG

NAS KHRUS NA SHIN TU DKAR, ,'O KHA ZHO KHA BZANG ZHES MES PO'I
GTAM, ,SPOS SHEL SBUR LEN KHA CHE MONG GOL DANG, ,MNGA' RIS MTSO
NANG MON GYI YUL NAS BYUNG, ,KHA CHE GUR GUM MDOG 'DRA BZANG BA
DANG, ,DKAR

SKYA CHU SBUR 'DRA DANG DMAR NAG NGAN, ,BRDZUS MA GA BUR SPOS
DKAR BSDUS PAS BCOS, ,PHYI YI RGYA MTSO'I BCUD SDUD BZANG SHOS
YIN, ,'DAM SOGS DUG CHU LAS THON NGAN PA YIN, ,SPOS KYI RIGS YIN

BCANGS NA GRIB LA PHAN, ,AO dI BI SHA LAS BYUNG LCAGS NAG NI,
,SHA RUS MA LUS SHING BZHIN GCOD PAR BYED, ,LAN GCIG BSNUN PAS
GLANG CHEN PHYED TSAL BCAD, ,RIN PO CHE YIN GSER DANG RIN THANG
MTSUNGS, ,

RGYA NAG LCAGS BZANG RNO ZHING GYONG MNYEN 'DZOM, ,LCAGS NGAN
NGAR MED BZO RIGS SNA TSOGS GRUB, ,BOD LCAGS DKAR MNYEN LHUNG
BZED RGYU LA BZANG, ,KHAMS KONG LCAGS NGAR SO NAM LAG CHA YIN, ,

SA 'OG GSER BZHIN THON PA RANG BYUNG ZANGS, ,NOR BU DZNYI KshEm
GRAGS PA DE LA'ANG YOD, ,GSER DNGUL ZANGS DANG LCAGS DKAR DANG,
,RDO SHEL ZHA NYE DKAR NAG DANG, ,DNGUL CHU BRGYAD RNAMS BZHU
BTUL

GYIS, ,BCOS MA'I DZNYI KshIm ZHES SU GRAGS, ,LI DKAR LI SER LI
DMAR DANG, ,LI KHRA LI SMUG ROL MO BCOS, ,SKAD SNYAN BYUNG NA
BZANG BA YIN, ,SKAD MED MDOG NAG BAL PO DANG, ,KHAMS BOD LI
BRDZUS SNA TSOGS

@710B 'BYUNG, ,RIN CHEN BSRES PAS GSER ZHAG KHA DOG BRTAG ,ZANGS
NI BAL PO PHYOGS NAS THON PA DANG, ,TSA LA MA 'DRES SNOD SPYAD
RNYING PA DANG, GZHAN 'DRES MED NA MNYEN CING SUL MED BZANG,
,PHYIS SU

GSAR THON SUS MANG GYONG ZHING NGAN, ,MO RAG RDO RAG SER ZHING
GYONG MNYEN LEGS, ,PHO RAG RAG SKYA BCOS PA'I RAG YIN NGAN, ,PAD
SDONG DNGUL 'DRA NGAN PA 'KHAR BA 'DRA, ,LJON DMAR ZANGS 'DRA
STONG DKAR

LCAGS DKAR 'DRA, ,KHRO NAG LCAGS GNYIS MA GTOGS PHYOGS GCIG
BSRES, ,DE LA 'KHAR BA ZER ZHING KUN GYI THA, ,PHYI MA 'DI KUN
DONG RTZE BCOS PA YIN, ,DBUS SU BUG PA BRTOL BAS KHYER BDE
ZHING, ,RGYA GAR

RGYA NAG TSONG CHAS GYA NOM RDZAS, ,LTO GOS GTAM GSUM BSGRUB
PA'I CHA RKYEN YIN, ,DGE BCU TSANG BA'I YUL PHYOGS NI, RTZAM PA
'THAG RDO, KHANG PA'I RTZIG

RDO, ZHING 'DEBS PA'I SA, KHANG PA BCOS RGYU'I SA, ME SHING,
KHANG SHING, 'THUNG CHU, ZHING CHU, KHANG PA'I NYE SKOR DUD 'GRO
'JOG THUB SA GAM 'BROG THAG RING SA RTA PHYUGS STOBS CHEN BZHAG
THUB SA RGYANG

'BROG STE, 'THAG RDO, KHANG RDO, KHANG SA, ZHING SA, KHANG
SHING, BUD SHING, 'THUNG CHU, ZHING CHU, GAM 'BROG RGYANG 'BROG
DE LTAR TSANG NA MIG GI YUL DU GZUGS MDZES PA, RNA BAR SGRA
SNYAN, SNA LA DRI ZHIM,

LCE LA RO MNGAR, LUS LA REG BYA 'JAM PA 'DOD YON LNGA LA CI 'DOD
DU LONGS SPYOD PA, GSER DNGUL RTA GLANG 'BRU GOS DAR 'KHOR
GA-YOG MNGA' THANG RIGS RGYUD RGYAS PAS NOR CHE BA, 'KHOR GA-YOG
GNYEN 'BREL THAMS@711A *, ,CAD KYIS MI DGE BA NGO SHES SHING SPANGS PAS PHYI MA
DMYAL BA YI DVAGS DUD 'GRO SOGS MI KHOM PA'I GNAS BRGYAD LA MI
SKYE BA'I CHOS, MTHAR THUG YUN RING SONG TSE RANG BLTOS BCAS
KHYIM BDAG MGON MED ZAS BYIN

BZHIN, THA MA NYAN RANG, 'BRING BYANG SEMS, RAB SANGS RGYAS KYI
SAR 'GRO NGES PA'I THAR PA STE, RGYAL BA BSKAL BZANG RGYA MTSOS
GSANG 'DUS DBANG CHEN GNANG SKABS RIN CHEN 'BYUNG LDAN GYI DBANG
GI SKABS

THAR PA NOR CHOS 'DOD PA GTER MDZOD RGYAL ZHES PA'I BSHAD PA
GNANG SKABS 'DI NI, SNYAN NGAG MKHAN RNAMS KYIS DPAL LDAN TSANGS
PA SDE BZHI'I BANG MDZOD 'DZIN GSUNGS PA DANG DON GCIG PAS DGE
BCU TSANGS

PA'I YUL DU, 'DOD PA, CHOS, NOR, THAR PA YONGS SU TSANG BA'O,
,ZHES GSUNGS SO, ,ZHES PA 'DI NI KLONG RDOL BLA MA NGAG DBANG
BLO BZANG GIS SBYAR BA'O,, ,,

@712B