@721A *, ,A'A KLONG RDOL BLA MA RANG NYID KYIS MDZAD PA'I RNAM
THAR DANG MGUR MA SOGS GSUNG THOR BU 'GA' BZHUGS SO,, ,,

@722B

@723A *, ,PHA BLA MA RNAMS LA PHYAG 'TSAL LO, ,BDAG SPYOD PA
BZANG LA YI RANGS DANG, ,GZHAN SPYOD PA NGAN LA MTHOL BSHAGS SU,
,KHYOD RTOGS 'DOD CAN TSO'I BSAM NGOR BRJOD, ,BDAG SKYES SA PHA
YUL MDO KHAMS

YIN, ,GNAS DE YANG CHU GNYIS CHAB KYI MDO, ,RJE 'JAM DPAL SNYING
PO'I SLOB MA'I MCHOG ,SMAD SHES RAB BZANG PO'I GDAN SA CHE,
,THAG MI RING DBEN PHU ZHES BYA NA, ,PHA SNGAGS 'CHANG DBANG
'BUM ZHES BYA DANG, ,MA 'JANG

BZA' 'BUM SKYID RNAM GNYIS LA, ,SRAS SPUN ZLA BU BZHI BU MO
BZHI, ,BDAG LNGA PAR SA MO PHAG LA SKYES, ,LO BDUN PA'I THOG TU
CHOS SGOR ZHUGS, ,GNAS CHAB MDO SRID GSUM RNAM RGYAL DU, ,MTSAN
GA-YU 'BRUG LTAR GRAGS

BYAMS PA'I RJE, ,LO BCU GNYIS LON TSE RAB BYUNG DANG, ,TSIGS
SNGA MA DGE TSUL MNYAM DU BSGRUBS, ,LO BCU BDUN BAR DU PHA MA
LA, ,KLOG 'DRI DANG CHOS SPYOD BSKANG GSO DANG, ,RGYUD 'JIGS
BYED 'DUS PA'I CHO GA

LA, ,DUS NYIN MTSAN BAR MED TSIG TZAM SBYANGS, ,DUS DE SKABS LO
NYES THAN PAS MNAR, ,GNYEN MA BU BCAS PA TSA BA'I RONG, ,BDAG
SPRANG 'KHYAMS PHYIN PAS LO GSUM SONG, ,GNAS DER YANG RTZA BA
SHES RAB

SOGS, ,'DZIN SKYOR SBYANGS MA CHAG PA TZAM BYUNG, ,DUS DE NAS
TSUR 'ONG GDAN SA CHE'I, ,GLING STOD PA 'DUS PA'I SGRUB MCHOD
ZHUGS, ,BRAG GA-YAB RING 'DRA BA'I MNGA' 'OG GI ,MGON DGE 'DUN
BKRA SHIS

ZHABS DRUNG NAS, ,RJE CHOS GRAGS SKU SKYE YIN PA SKAD, ,GTAM
GLENG GZHI

@724B BYUNG BA LA BRTEN NAS, ,SMAD CHU BAR DGON SDE'I YANG DGON
SONG, ,MGON CHU BAR DGE 'DUN BKRA SHIS KYIS, ,BDAG RJES SU BZUNG
STE CHOS KYI GTER, ,GNAS YANG DGON SGRUB SDER LO GCIG BSDAD,
,SEMS DGA'

ZHING SPRO BA YUD TZAM BYUNG, ,SHAR TZONG KHA PA YI LAM RIM
CHUNG, ,MTSAMS LHAG MTHONG YAN DU RGYUG 'BUL BYAS, ,SEMS SPRO BA
TSAD LAS 'DAS PA BYUNG, ,GROGS NGAN PA'I RKYEN GYIS RAB BSKUL
TE, ,RJE DGE 'DUN BKRA

SHIS THUGS KYOG NAS, ,NOR CUNG ZAD TZAM PHYIR 'BUL SDUD
BRDZANGS, ,TSE 'DI PA'I MI DANG 'GROGS 'GROGS NAS, ,TSUL YA RABS
SPYOD PA KUN DANG BRAL, ,RGYUD DUG GSUM CHER 'KHRUGS 'KHOR GYIS
BSKOR, ,GNAS

GRONG MTHAR KHYI RKUN BZHIN DU NYUL, ,KHA BZA' BTUNG BAG MED DUD
'GRO 'DRA, ,NGAG 'CHAL GTAM MI SNYAN SNA TSOGS SGROG ,MA SEMS
CAN RDUNG RDEG BKOL SPYOD BYAS, ,'JU DKA' BA'I DAD ZAS GSHIN ZAS
SOGS, ,SDIG

RI BO LTA BU'I KHUR GYIS NON, ,DBYAR BYANG GI PHYOGS SU PHYIN
TZA NA, ,DGRA JAG RKUN 'PHROG BCOM RLUNG LTAR 'TSUB, ,NOR DA LTA
YOD KYANG DA LTA MED, ,'DI BSAM BZHIN 'KHOR BA'I NGANG TSUL
SKYO, ,DGUN RONG GI PHYOGS SU PHYIN TZA NA, ,NAGS TIB BO GCONG
RONG DUG GI ZAS, ,SROG DA LTA YOD KYANG DA LTA MED, ,'DI BSAM
BZHIN KHO BO SNYING RLUNG LDANG, ,LUS RAB BYUNG GZUGS 'CHANG
KHYIM PA'I SEMS, ,LTO GOS PHYIR SROG TSONG

SDIG DANG SDUG ,THABS DE LTAR SBYOR BA'I GROGS DANG BSHES, ,DUS
NAM YANG 'PHRAD PAR MA GYUR CIG ,NOR 'BUL BA SDUD PA'I CHED DAG
TU, ,SNGON LAS NGAN DBANG GIS 'KHYAMS NA YANG, ,SMAD SPO 'BOR SA
YI THIG

@725A *, ,LE MCHOG ,RJE BSOD NAMS RGYA MTSO'I GDAN SA CHE, ,MGON
RGYAL BA BSKAL BZANG RGYA MTSO SOGS, ,DUS RIM BZHIN 'KHRUNGS
PA'I ZHING GI MCHOG ,DGON LI THANG CHOS SDE CHEN PO RU, ,SGRIG
TSUL BZHIN 'GRIMS NAS BSDUS

GRVA SOGS, ,SBYANGS KHUL DU GNAS NAS LO GSUM BSDAD, ,LO NYER
BZHI LON TSE BOD YUL DBUS, ,RJE RGYAL BA GNYIS PA'I GDAN SA
BZHI, ,RGYUD STOD SMAD GNYIS DANG DRUG PO MJAL, ,YID DGA' ZHING
GUS PAS PHYAG

MCHOD BYAS, ,GZHUNG SDE SNOD GSUM PO SBYANG PHYIR DU, ,DPAL THEG
CHEN GLING GI DGON PA YI, ,BYES CHOS GRVAR LO GRANGS BCO LNGA
RU, ,GZHUNG DBU PHAR 'DUL GSUM RAGS RIM SBYANGS, ,GO DKA' SLA
RAN PA BLO 'BRING

BYUNG, ,DUS DE SKABS BKA' GDAMS BSTAN PA'I BDAG ,RJE MEE TRI'I
MTSAN CAN ZHAL SNGA NAS, ,BDAG SUM CU LON TSE BSNYEN RDZOGS
BSGRUBS, ,MTSAN BRJOD PAR DKA' BA DAM PA DE'I, ,ZHABS PADMA'I
DRUNG DU LEGS

BTUD PAS, ,KHRID 'JAM DPAL ZHAL LUNG TSAR BRGYAD DANG, ,LAM
BYANG CHUB BDE LAM TSAR BDUN THOB, ,RGYUD GSANG BDE 'JIGS GSUM
RIM GNYIS KYI, ,KHRID TSAR GSUM GSUM GYI DGA' STON MYONG, ,DBANG
KUN

RIG MI 'KHRUGS BCU GCIG ZHAL, ,LHA GDUGS DKAR 'JAM DKAR TSE RTA
ZUNG, ,MA LAB KYI SGRON MA'I SGO 'BYED DANG, ,GCOD GDAN THOG
GCIG MA BLO SBYONG DANG, ,RJE RANG GI GSUNG 'BUM BLA MCHOD
KHRID, ,SPRANG

BTZUN PA BDAG GI BGO SKAL LAGS, ,MGON GANGS CAN LHA GCIG PAD
DKAR 'CHANG, ,RJE BLO BZANG BSKAL BZANG RGYA MTSO'I DRUNG,
,ZHABS PADMOR GUS PAS LEGS BTUD PAS, ,GZHUNG BYANG CHUB LAM RIM
CHEN MO'I KHRID, ,

@726B DPAL GSANG BA 'DUS PA'I SMIN BYED DBANG, ,LHA BDE MCHOG
L'U HI PA YI DBANG, ,RGYUD RDO RJE 'PHRENG BA'I DKYIL 'KHOR NI,
,GRANGS BZHI BCU ZHE LNGA'I DBANG CHEN DANG, ,RGYUD MI TRA'I
NANG GI 'JAM DKAR DBANG, ,

BDAG SMIN BYED DGYES PA CHEN POS BSTZAL, ,DPAL GSANG BA 'DUS
PA'I RGYUD 'GREL MCHOG ,MTSAN 'GREL PA BZHI SBRAGS BSHAD KHRID
DANG, ,DPAL GSHIN RJE GSHED PO'I BSKYED RDZOGS DANG, ,MGON SMAN
BLA MTHO BRTZEGS

RJES GNANG DANG, ,BKA' MTSUNGS PA MED PA MDZANGS BLUN DANG,
,GZHUNG CHOS CHUNG BRGYA RTZA RGYAN 'JUG DANG, ,DBU RIGS TSOGS
DRUG DANG MDO BSRE BYAS, ,DPAL RNAM GZHAG RIM PA RIM LNGA DANG,
,GZHUNG BYANG SA

KUN BTUS RTZA 'GREL DANG, ,RJE MKHAS GRUB PA YE STONG THUN DANG,
,RJE'I GSUNG 'BUM 'GA' ZHIG RGYAL BA NYID, ,GANG GSUNGS PA'I
BKA' 'BUM PHAL CHER DANG, ,RJE DGE 'DUN RGYA MTSO'I GSUNG 'BUM
POD,

GRANGS BZHI DANG DGA' LDAN LHA BRGYA'I KHRID, ,SPRANG BTZUN PA
BDAG GI BGO SKAL THOB, ,SHAR MI DBANG GTZUG RGYAN GRUB PA'I
MCHOG ,RJE ROL PA'I RDO RJE'I ZHAL SNGA NAS, ,LHA DRIL BU LUS
DKYIL SMIN BYED DBANG, ,DPAL

BDUD LAS RNAM RGYAL DBANG BZHI DANG, ,DE'I RIM PA DANG PO'I
KHRID RGYUN DANG, ,RJE 'JAM DPAL SNYING PO'I GCES NOR MCHOG ,LAM
KHRID CHEN BRGYAD DANG ZHI KHRO SBRAGS, ,KHRID TSEM BU LUGS DANG
TSE KHRID THOB, ,BYANG

SHAM BHA LA YI ZHING GI GTZO, ,MGON RIGS LDAN RGYAL PO NGUR
SMRIG GAR, ,RJE SPRUL SKU'I TSUL BZUNG PAn CHEN LAS, ,DPAL RGYUD
KYI RGYAL PO DUS 'KHOR LO'I, ,SKU GSUNG THUGS YONGS RDZOGS DKYIL
'KHOR GYI, ,RGYUD SMIN BYED

@727A *, ,DBANG DANG RIM GNYIS LAM, ,RJE BLO GROS CHOS SKYONG
SMON TSIG BZHIN, ,DPYIS PHYIN PA'I ZAB KHRID YANG YANG DANG,
,YUL NYI SHU BZHI DANG SHAM BHA LA'I, ,ZHING BKOD PA LO RGYUS
GSAL BAR BSHAD, ,BKA' DAM DOG CHE

BA DRIL BU PA'I, ,LAM RIM PA GNYIS DANG LTA KHRID GNANG, ,SKYABS
DE YIS BDAG LA DGYES TSOR MDZAD, ,ZHABS SPYI BOR BYIN RLABS LAN
GSUM GNANG, ,SLAR MA 'ONGS DUS NA SHAM BHA LAR, ,MGON KHYOD NYID

DRAG PO 'KHOR LO CAN, ,RJE SA BDAG RGYAL POR GYUR PA'I TSE,
,BDAG SGO GSUM LEGS BYAS DGE TSOGS 'THUS, ,SEMS YID CHES DAD PA
BRTAN THOB PA'I, ,'BANGS GUS LDAN GYUR TE DUS 'KHOR LO'I, ,RGYUD
SMIN BYED

DBANG DANG GROL BYED LAM, ,DPAL RDO RJE THEG PA'I MYUR LAM GYIS,
,MCHOG 'GRUB PA'I SKYABS 'JUG YANG YANG ZHUS, ,TSUL DE BZHIN
'GRUB PA'I BKA' BZHES GNANG, ,RJE 'GRAN GYI DO MED RNAM BZHI
DANG, ,MGON

BLA MA BCU PHRAG GCIG DANG GNYIS, ,YID MI PHYED DAD PAS DAG
SNANG SBYANGS, ,SDIG LTUNG BA THAMS CAD SNYING NAS BSHAGS, ,KHAS
BLANGS PA'I SRUNG SDOM DAG PAR BYAS, ,BLO NGES 'BYUNG BYANG SEMS
YANG DAG LTA, ,LO

NYER GCIG BSGOMS KYANG SKYO SEMS TZAM, ,CHUNG GZHON NU'I DUS NAS
YOD PA DE, ,CUNG DRAG TU MA SONG SO NA GNAS, ,SEMS YID THANG
CHAD PA'I NAM ZHIG DUS, ,PHA MAR PA YUM BCAS SGRUB PA'I GNAS,
,LHO GRO BO

LUNG GI DGON PA RU, ,RDO AA MO LINGGA'I KHRI STENG NA, ,RJE MAR
PA LO TZ'A'I SKU BRNYAN LA, ,BLOS GANG LCOGS MCHOD SPRIN RGYA
MTSO PHUL, ,SEMS RTZE GCIG GSOL BA BTAB PA'I MTHUS, ,SDUG TIL
'BRU TZAM YANG MI 'DOD CING, ,

@728B BDE RI BO TZAM YANG CHOG SHES MED, ,BDAG GZHAN GNYIS KHYAD
PAR MED MTHONG BAS, ,BLO SHUGS DRAG BRTAN PO SKYES PA'I TSE, ,SA
LDEM LDEM 'UR ZHING DGA' BDE SKYES, ,LTAS NGO MTSAR CHEN PO YIN
NAM SNYAM, ,PHYI SNANG

TSUL BDEN PAR 'DUG LAGS KYANG, ,NANG GNAS TSUL STONG PAR SHAR
BA'I BLO, ,DUS NAM YANG 'GYUR LDOG MED PA NI, ,RDOR RI MO BRIS
'DRA MTHONG BA BYUNG, ,THA SNYAD PA'I SNANG STONG GNYIS TSOGS
LA, ,LAS RGYU 'BRAS SKYE

'GAG THAMS CAD 'THAD, ,DPAL BDEN GNYIS 'JOG TSUL TZONG KHA PA'I,
,GSUNG JI MA JI BZHIN NGES SHES DRONGS, ,RANG GZHAN GYI PHAN BDE
SGRUB PA'I THABS, ,BYAMS SNYING RJE'I BYED LAS KUN MTHONG BAS,
,BLO BYANG CHUB

SEMS KYI PHAN YON RNAMS, ,RDZAS LAG MTHIL BZHAG PA BZHIN DU RIG
,DUS GSUM GYI RGYAL BA'I THUGS BCUD KYIS, ,BLO KUN BZANG BUM PA
LEGS PAR BKANG, ,DUS PHYIS KYI BLA MA'I RNAM THAR BZHIN, ,NOR
ZANG

ZING DNGOS PO RNAM DKAR SPEL, ,DNGUL BRE CHEN BRGYA YIS DGE 'DUN
MCHOD, ,SHAR RGYA MO DAR DKAR 'JAM LEGS LA, ,SKYABS THUB PA RIGS
GSUM SGROL MA BCAS, ,GRANGS NYIS KHRI LNGA STONG LHAG BCAS BTAB,
,DUS

DENG NAS BYANG CHUB MA THOB BAR, ,GNAS 'KHOR BA GANG DU SKYES NA
YANG, ,RTEN THEG MCHOG 'KHOR LO BZHI DANG LDAN, ,SEMS 'PHAGS NOR
BDUN GYI RGYAN GYIS BRGYAN, ,RIGS GZUGS SOGS MTHO RIS YON TAN
BDUN, ,

BDAG BLTOS BCAS MTHONG THOS DRAN REG GIS, ,'BREL THOG TSAD KUN
GYIS THOB PAR SHOG ,YID SMON PA SHUGS DRAG YANG YANG BYAS,
,'PHRAL GANG BYUNG ZANG ZING DNGOS CHAS RNAMS, ,TSE 'DI YI GNYEN
'KHOR 'TSO

@729A *, ,SKYONG SOGS, ,DON MED PA'I CHUD ZOS MA SONG PAR, ,YAR
DKON MCHOG MCHOD DANG NGAN SLONG SBYIN, ,LAS RGYU 'BRAS MI MNGON
DBYINGS SU SBAS, ,DGRA JAG RKUN THOB SHOR MED PA DANG, ,NOR 'TSO
SKYONG MA DGOS BDE BA THOB, ,

BDAG DANG PO LO GRANGS NYER GCIG BAR, ,LUNG SDE SNOD GSUM LA
THOS PA BYAS, ,LO NYER GNYIS LON NAS BZHI BCU'I BAR, ,RGYUD RIG
'DZIN SDE SNOD BSAM PA BYAS, ,MTHAR TSE YI 'DU BYED MA GTONG
BAR, ,LAS RGYU

'BRAS BYANG CHUB SEMS MCHOG DANG, ,MDO SNGAGS KYI LAM RIM YID
SBYONG BYAS, ,DE RNAL 'BYOR NGA YI RNAM THAR YIN, ,TSOGS DE LTAR
BSAGS PA'I LEGS BYAS KUN, ,BDAG 'BREL THOG GTZO BYAS MKHA' MNYAM
'GRO, ,ZHING

THAR PA'I GRONG KHYER MA PHYIN BAR, ,MGON DGE BA'I BSHES KYIS
ZIN PA DANG, ,RTEN DAL 'BYOR THOB PA'I RGYU RU BSNGO,, ,,`RGYAL TSAB
BYAMS PA MGON PO DE, ,'DZAM BU GLING DU MA 'PHOS

SHING, ,BCU GNYIS MDZAD PA MA BSTAN KYANG, ,MGON DE'I ZHAL GYI
BUM BZANG LAS, ,LEGS 'ONG SHER PHYIN NGES DON GYI, ,GDAMS PA'I
CHOS TSUL JI SNYED PA, SKAL DMAN SNYIGS DUS DGE SLONG GZUGS,
,BYIS PA'I

SKYE BO KHYOD NYID KYIS, ,NYAN SEMS BSGOMS PAS RANG DBANG DU,
SPYOD BYAR YOD PA NGO MTSAR CHE, ,DE YANG YONGS 'DZIN DAM PA
DANG, ,SBYANGS STOBS SKYES STOBS SHES RAB KYI, ,RTEN 'BREL TSOGS
PA'I 'BRAS RTAGS YIN, ,

RIGS GNAS LNGA DANG SDE SNOD GSUM, ,RGYUD SDE BZHI YI GZHUNG
LUGS DANG, ,NGES 'BYUNG SEMS DANG YANG DAG LTA, ,PHYOGS MTHONG
TZAM GYI GO BA RNYED, ,DE YANG YONGS 'DZIN DAM PA DANG, ,SBYANGS
STOBS SKYES STOBS

@730B SHES RAB KYI, ,RTEN 'BREL TSOGS PA'I 'BRAS RTAGS YIN,
,BDAG GIS 'BRAS RTAGS DE LTAR GO, ,ZHES PA 'DI 'BRAS RTAGS 'GRO
TSUL JI LTAR YIN ZHES DRIS PA'I LAN DU SMRAS PA'O,, ,,` LHA LDAN DBANG

LDAN BYANG GI PHYOGS NGOS NA, ,'DU 'DZIS DBEN
PA'I DAM PA'I SGRUB GNAS SU, ,BYAMS PA'I MTSAN CAN MKHAS PA BLO
LDAN DES, ,YID CAN MTHA' DAG 'PHRAL PHUGS DUS KUN TU, ,'BREL
TSAD

DON LDAN BYA PHYIR GA-YO SGYU DANG, ,BRTZE SEMS BSLU BRID TSOGS
KYIS MGO BSKOR NAS, ,SRID NA MCHIS PA'I DKOR NOR JI SNYED PA,
,PHYOGS GCIG BSAGS PHYIR LAS 'BRAS MDZOD NANG DU, ,SNGA PHYI BAR
MA CHAD PAR THABS

KYIS SBAS, ,'KHOR GSUM MI DMIGS BRTAN POS SGO BCAD NAS, ,RKYEN
NGAN LAM BSGYUR BYAMS PA'I RGYA YIS BTAB, ,AE MA 'DI 'DRA'I GSOG
RUM MKHAS PA LAGS, ,GSOG SRUNG SPEL BA'I 'DZIN SKYONG MA DGOS
SHING, ,

DGRA DANG RKUN POS BCOM PAR MA DOGS PA, ,'DI 'DRA'I MKHAS PA
MTHONG TSE BDAG GIS KYANG, ,BSAM BZHIN BSAM BZHIN RJES SU YI DAD
DO, ,BYIS PA RNAMS NI DE LAS GO BZLOG STE, ,DKA' TSEGS BYAS NAS
BSKRUN PA'I

LONGS SPYOD GNYEN, ,PHUNG DKROL 'THAB 'KHON KUN GYI GZHI RTZA
DANG, ,NGAN SONG GTING RDO'I PHYIR DU SER SNAS BSDAMS, ,AE MA
'DI 'DRA'I MKHAS RMONGS BYA BYED LA, ,MA BRTAG MA DPYAD MCHOG
DMAN MI SHES SHING, ,

LEGS PAR BRTAG TSE GNAM SA BAR BZHIN BYED, ,'DI 'DRA MTHONG BA
YONGS 'DZIN DAM PA'I DRIN, ,CHU SPREL ZLA BA BCU GNYIS PA'I NYER
DGU LA NGAG DBANG BLO BZANG GIS SBYAR BA'O,, ,,

@731A *, , ` 'KHOR BA'I PHUN TSOGS LUS DANG LONGS SPYOD LA,
,ZHEN CHAGS DRAG POS BCINGS PA'I LUS CAN RNAMS, ,MI GTZANG DRI
LA 'KHOR BA'I SBRANG MA BZHIN, ,KUN TU GZIGS PA DAM PA'I NGANG
TSUL YIN, ,ZAS GOS

GNAS MAL SROG 'TSO TZAM GYIS CHOG ,RNYED BKUR GRAGS PA TSE 'DI'I
'DUN MA RNAMS, ,'PHONG PHYIS RDO BZHIN BOR BAR BYED PA DE,
,RGYUN DU SGRUB PA DAM PA'I NGANG TSUL YIN, ,DON MED 'JIG RTEN
LONG GTAM SNA

TSOGS DANG, ,CHAGS SDANG 'PHEL BYED NYE RING PHYOGS LTUNG GTAM,
,RGYUD THAG CHAD PA'I PI WANG JI BZHIN DU, ,SMRA BCAD BYED PA
DAM PA'I NGANG TSUL YIN, ,ZHES PA 'DI YANG DRAN PA GSO PHYIR DU
NGAG DBANG BLO BZANG GIS SMRAS

PA'O,, ,,` BDAG NYID DENG NAS RAB DGA' MA THOB BAR, ,LAS NYON
DBANG GIS SA PHYOGS GAR SKYES KYANG, ,BYANG CHUB SGRUB LA RJES
SU MTHUN PA'I

RKYEN, ,'TSO BA'I YO BYAD MA GTOGS DKAR NAG GI, ,DUG CHUS RANG
RGYUD BSREG CING YON TAN 'GRIB, ,KHENGS DANG NGA RGYAL SDIG SDUG
KUN GYI GZHI, ,RNYED BKUR LONGS SPYOD 'DOD PA'I YON TAN RNAMS,
,TIL

'BRU TZAM YANG 'BYUNG BAR MA GYUR CIG ,BDAG CAG SNYIGS DUS SA
PHYOGS GAR SKYES KYANG, ,MI BSRUN SKYE BO'I TSIG GIS BRNYAS SMOD
KYI, ,GTAM NGAN SNA TSOGS CHAR LTAR 'BAB GYUR KYANG, ,DE LA DGE
BA'I BSHES GNYEN

'DU SHES KYIS, ,LHAG PAR BRTZE ZHING BZOD PA BSGOMS STOBS KYIS,
,NANG DU DGA' BAS YID NI RAB SIM PAS, ,RGYUD 'KHRUGS MED CING
BSTOD BKUR BSNGAGS PA LAS, ,BDE BA BRGYA 'GYUR DU YANG SKYE BAR
SHOG ,

@732B CES PA 'DI NI CHU BYA LOR GUNG WANG GNYIS DMAG 'KHRUGS PA
LA SKYO NAS SMRAS PA'O,, ,,` RTZVA SBUR ME MCHED LTA BU'I DPE
KLOG DANG, ,MOS MNOS TZAM GYIS THOB GRANGS BSAGS PA STE, ,TSOD
MA'I TSVA RAN LTA BA LTA BU 'DI, ,RE ZHIG

BOR LA GZHUNG LUGS THOS BSAM GYIS, ,ZHES RANG GIS RANG LA GDAMS
PA'O,, ,,` DKAR NAG 'DU BYED BZO PA'I BYED PO YI, ,KUN RTOG PIR
GYIS BRIS PA'I 'KHOR 'DAS CHOS, ,MING RKYANG BTAGS YOD RI MO
RNAM BKRA

LA, ,DRAN SHES DPYAD 'JOG SPEL MAS MTHONG BA'I TSE, ,THOG MED
BSAGS GOMS MA RIG MUN PA YI, ,BYED LAS STOBS LDAN KHAMS GSUM BDE
SDUG RNAMS, ,THAMS CAD RANG SEMS LAS KYI RNAM 'PHRUL DU, ,LEGS

PAR GO BAS LAS 'BRAS YID CHES RNYED, ,NGAN RTOG SGRO SKUR MTHA'
BRAL DBU MA'I LAM, ,KLU SGRUB DGONGS PA JI BZHIN KHO BOS RNYED,
,CHOS 'DI DGE BA'I BSHES LA MCHOD PAR 'BUL, ,SGRUB PA'I MCHOD
PAS SGROL MA

MNYES GYUR CIG ,CES PA 'DI NI THEG CHEN GLING GI RDO BCAL 'GRAM
DU SGROL MA'I SKU ZHIG GI MDUN DU DRAN PAS BRIS PA'O,, ,,` PHYI
ROL GTZO BO LUS MED BDAG PO DES, ,MKHYEN PA'I RANG GZUGS

SGRA DBYANGS LHA MO LA, ,SNYAN 'JEBS TSIG GI DRI BA 'DI SKAD
PHUL, ,ZAS GOS GNAS MAL GYIS DBUL DPYA KHRAL GYI, ,SDUG BSNGAL
MA BZOD 'JIGS SKYOB RAB TU BYUNG, ,DGON PAR GNAS PA'I BTZUN PA
PHAL CHER DANG, ,

LAS 'BRAS GO LDOG BYAS PA'I KHYIM PA GNYIS, ,LUS KYI SPYOD PA
NGAG GI SMRA BRJOD DANG, ,SEMS KYI 'CHAR SGO BLANG DOR GNAS KUN
LA, ,PHAN TSUN DBYE BA'I 'BYED CHOS NGOS BZUNG TSE, ,KU SHA'I
RTZE LTAR MA 'DRES SOR

@733A *, ,RTOGS KYI, ,GZU BO'I BLO YIS LEGS PAR BRTAG BYAS
KYANG, ,DGE SBYONG GZUGS BRNYAN SHA TSUGS TZAM ZHIG LAS, ,MA
RNYED NGAG DBANG LHA MO MKHA' LA YIB, ,RANG GZHAN GYI SPYOD TSUL
LA YID 'BYUNG STE THOL BYUNG DU SMRAS PA'O,, ,,

` DRI BA NAM MKHA'I MDZOD 'DZIN BZHUGS, BYANG PHYOGS KHA BA CAN
LJONGS BOD KYI YUL, ,CHOS RGYAL LO PAn BKA' DRIN CAN RNAMS KYIS,
,BKA' DANG MDO RGYUD DU MA GDAN DRANGS SHING, ,'DZIN SKYONG SPEL
NAS RGYAS PAR

MDZAD LAGS KYANG, ,MTHA' 'KHOB YUL DANG SNYIGS MAR SONG BA'I
GSHIS, ,LUNG GI BSTAN PA GSAL BA TZAM ZHIG LAS, ,MA GTOGS SA LAM
BGROD PA DKON MTHONG BAS, ,BLO MUN LUNG RIGS NYI MAS BSAL DU

GSOL, ,SNGON DUS MKHAN SLOB CHOS GSUM SKU DNGOS KYI, ,GDUL BYA
'GA' ZHIG MA GTOGS DE'I RJES 'BRANG, ,GSANG SNGAGS RNYING MA
SNGA PHYIR DAR LAGS KYANG, ,'JIG RTEN MA 'DAS DPAL MGON DON LNGA
YI, ,

'KHOR 'BANGS BCAS KYI BYIN RLABS NYAMS SNANG DANG, ,'PHRIN LAS
PHRAN TSEGS SGRUB DANG RIG PA'I GNAS, ,PHYOGS RE SHES PA MA
GTOGS MDO RGYUD LAS, ,BSHAD PA'I GRUB THOB TSAD LDAN BYUNG BA
MED, ,GRUB DBANG

MAR PA YAB SRAS GNYIS MA GTOGS, ,'BRI STAG 'BRUG PA KARMA KAM
TSANG STE, ,RJES 'JUG SGRUB BRGYUD BSTAN 'DZIN MANG MOD KYANG,
,PHYI NANG THUN MONG ZHI LHAG SHIN SBYANGS LA, ,GSANG SNGAGS BLA
MED BDE STONG DBYER MED

KYI, ,TING 'DZIN RLOM LAS MDO RGYUD TSAD LDAN LAS, ,BSHAD PA'I
LAM LNGA RIM PA LNGA PA YI, ,RLUNG SEMS DBANG BSGYUR GRUB THOB
NGAS MA MTHONG, ,DKAR PO RNAM GSUM DMAR PO RNAM GSUM LAS, ,MA
GTOGS NGOR PA

@734B GONG DKAR TSAL PA SOGS, ,RJES 'JUG RNAMS KYANG SNGAGS KYI
PHYAG LEN DANG, ,TSIG DON PHYOGS RE SHES PAS BLO CHUNG KHENGS,
,DPANG GSHONG PHYVA GTZANG LA SOGS RIG GNAS LA, ,DKA' SPYAD DU
MAS LUNG GI BSTAN PA

'DZIN, ,THOS DANG BSAM PAS RANG GZHAN PHAN BTAGS KYANG, ,SA LAM
THOB PA'I RTAGS MTSAN LDAN PA MED, ,MKHA' 'GRO NI GU MNGA' BDAG
MEE TRI ZHABS, ,GUS BSTEN KHYUNG PO DE SLOB BRTZON 'GRUS GNYIS,
,MA

GTOGS SHANGS PA RIN CHEN BDUN LA SOGS, ,CHOS DRUG NI GU'I RMI
LAM ZA ZIS TSIM, ,MNYAM MED JO BO 'BROM STON RGYAL BA'I 'BYUNG,
,SKU MCHED RNAM GSUM SNE ZUR KHAM LUNG DANG, ,GLANG SHAR 'CHAD
KA LA SOGS

MA GTOGS PA, ,RJES 'JUG RNAMS KYANG THEG CHEN BYANG CHUB SEMS,
,SKYE BA'I SNGA LTAS SNYING RJE'I RIGS SAD LAS, ,SA BCU LAM LNGA
BGROD PA'I SKYES BU NI, ,DKON PAR MTHONG BAS DE LUGS JI BZHIN
YIN, ,LUNG

RIGS NYI MA'I 'OD KYIS GSAL DU GSOL, ,'JAM DBYANGS SRAS PO RJE
BTZUN TZONG KHA PA, ,DBUS KYI RI RGYAL LHUN PO LTA BU 'KHOR,
,GSER GYI RI BDUN LTA BU'I THUGS SRAS BDUN, ,GTZANG GI PAn CHEN
SKU 'PHRENG BZHI

DANG NI, ,DBUS KYI RGYAL BA SKU 'PHRENG DANG GNYIS DANG, ,BZHI
PA BDUN PA DANG NI SKU 'PHRENG BZHI, ,MA GTOGS LUNG GI BSTAN PA
'DZIN PA DANG, ,TSUL BZHIN BSGRUBS PA'I LTA SGOM SPYOD PA YI,
,MKHAS BTZUN BZANG PO'I

SKYES BUS KHYON GANG YANG, ,RANG RGYUD BSLAB SDOM GTZANG MA'I SA
GZHI LA, ,LUNG GI YON TAN TSIG DON 'DZIN MKHAS PA'I, ,'BRAS BU'I
KHUR GYIS BRJID PA'I BSHES GNYEN TZAM, ,MA GTOGS MDO SNGAGS SA
LAM BGROD

@735A *, ,RTAGS RNAMS, ,RANG GIS THOB PA'I RTZOD MED GRUB THOB
NI, ,BLO DMAN BDAG GIS JI TZAM GZUR GNAS KYI, ,BLO YIS DPYAD
KYANG CUNG ZAD NGES MA BYUNG, ,DRI BA'I DON TSAN BDUN LA DRIS
LAN NI, ,TSUL BSTAN TSUL

BZUNG TSOD MI BZUNG RTAGS KYIS, ,DAM PAR SGRUB DANG DAM PA'I
SKYE BA YIS, ,LAM ZHUGS GANG ZAG BSGRUB LA BDAG MI MGU, ,DE LTAR
BYAS NA YUL DBUS SKYES PA YI, ,PHO SKYES DPA' BO MO SKYES DPA'
MO DANG, ,

DE DAG THAMS CAD RIGS GSUM MGON PO DANG, ,SGROL MA'I SPRUL PAR
BDAG GIS BSGRUB PAR NUS, ,SKABS DON PHIGS SHING GZHAN SKYON 'GOG
PA LA, ,MKHAS PA'I MKHAS PA BLO BZANG GRAGS PA LTAR, ,MDO RGYUD
NAS

BSHAD SA LAM BGROD RTAGS RNAMS, ,'DI LA 'DI YOD GSUNGS PAS LOG
RTOG GI, ,BRAG RI GNAM LCAGS RDO RJES GZHOM DU GSOL, ,DE LTAR
MIN PA CHOS BRGYAD PHUG BZHAG NAS, ,TSIG RTZOD NGAN SMRAS SHAGS
NGAN

RGOD PA DANG, ,RANG RGYAL GZHAN PHAM DA LTA'I DKA' RAMS DANG,
,DGE BSHES PHYAG LEN SOR BZHAG GNANG MI RIGS, ,SRIN BU'I 'PHANG
'OD NYI ZLAR 'GRAN PA DANG, ,SBRANG BU'I GSHOG RGYANG NAM MKHA'
LDING LA 'GRAN, ,

BYIS PA'I BYIS PA THA SHAL BDAG GIS ZHUS,, ,,ZHES PA 'DI NI
GTZANG PA RGYA RAS YE SHES RDO RJE'I SGRUB PHUG SNYE THANG KLONG
RDOL DU NGAG DBANG BLO BZANG GIS SBYAR BA'O,, ,,` DRIS LAN NI,

SH'AKYA THUB PA'I BSTAN PA NI, ,BRGYA PHRAG LNGA
BCU DAG TU GNAS, ,DANG PO BRGYA PHRAG BCO LNGA LA, ,'BRAS DUS
YIN PAS 'BRAS THOB CING, ,DGRA BCOM GRUB CHEN BRGYAD CU BYUNG,
,BAR DU BRGYA PHRAG

@736B BCO LNGA LA, ,RGYU DUS YIN PAS RGYU YI LAM, ,ZHI LHAG THOB
PA MANG TZAM BYUNG, ,THA MAR BRGYA PHRAG BCO LNGA NI, ,LUNG DUS
YIN PAS LUNG THOB CING, ,'CHAD NYAN TSIG DON TZAM SHES PA, ,MA
GTOGS DGE 'DUN MI

'BYUNG NGO, ,RTAGS TZAM 'DZIN PA BRGYA PHRAG LNGA, ,RTAGS TZAM
'DZIN PA MA SHES SAM, ,KHYOD KYI BOD YUL GRUB MTHA' LA, ,DPYOD
PA'I 'DRI TSIG 'DI 'DRA BA, ,DBYAR GYI DUS SU CHU KHYAGS SHING,
,DGUN GYI DUS SU ME

TOG RGYAS, ,DPYOD PA'I BSAM PA 'DI 'DRA BA, ,MKHAS PAS MTHONG
TSE RGOD RE BRO, ,ZHES PA 'DI DRI BA NAM MKHA'I TSAD 'DZIN GYI
DRIS LAN GNAM LCAGS RDO RJE YIN, DRIS LAN PADMA CAN GYIS BRIS
PA'O,, ,,

` DRANG NGES RNAM 'BYED DU SEMS TZAM PA'I LUGS 'JOG TSUL DANG
PO'I DBANG DU BYAS NA, GZHAN DBANG DANG YONGS GRUB GNYIS KA DON
DAM DU YOD, DON DAM DU GRUB, 'JOG TSUL GNYIS PA'I DBANG DU BYAS
NA YONG

GRUB GCIG PU DON DAM DU GRUB, GZHAN DBANG KUN RDZOB TU GRUB, KUN
RDZOB TU YOD, KUN BRTAGS GZHI GRUB RNAMS 'JOG TSUL GNYIS KA'I
KUN RDZOB TU YOD, GZHI MA GRUB PA'I KUN BRTAGS RNAMS 'JOG TSUL
GNYIS

PO GANG DU YANG MED ZER DGOS, SEMS TZAM RNAM BDEN PAS, SNGO
'DZIN MIG SHES, SNGON PO RDZAS THA DAD RGYANG CHAD DU SNANG BA'I
CHA LA 'KHRUL BA'I BSLAD PA ZHUGS PA MA

GTOGS, SNGON PO SNGON POR SNANG BA'I CHA, DE KHA DOG TU SNANG
BA'I CHA, DE RAGS PAR SNANG BA'I CHA, DE RANG GI GO SA GNON NUS
SU SNANG BA'I CHA RNAMS LA 'KHRUL PA'I BSLAD PA CUNG ZAD KYANG
MA ZHUGS TE, BAG CHAGS

@737A *, ,BRTAN 'BYUNG GI SNANG TSUL YIN ZER, SEMS TZAM RNAM
RDZUN PAS DE THAMS CAD PHYI DON DU SNANG TSUL YIN, DE PHYI DON
ZER BA'I RVA ZING NGE ZHIG LOGS NA MED PAS DE THAMS CAD 'KHRUL
PA'I BSLAD PA ZHUGS ZER TE, SEMS


TZAM RNAM BDEN RDZUN GNYIS KYI RTZOD GZHI'O,, ,,` RGYAL BA THAMS
CAD MKHYEN PA BSKAL BZANG RGYA MTSO, RJE BYAMS PA'I MTSAN CAN,
PAn CHEN DPAL LDAN YE SHES, LCANG SKYA ROL PA'I RDO RJE,

RJE BTZUN YE SHES RGYAL MTSAN TE, BYANG CHUB SEMS DPA' DE LNGA
LAS BDAG GIS LTA BA'I SKOR CUNG ZAD THOS PA NI, BYE MDO GNYIS,
DBU MA RANG RGYUD PA SDE GNYIS KAS STONG NYID GTAN LA PHAB SKABS
KYI RTAGS YANG DAG GI

DGAG BYA SO SKYE'I DBANG SHES LA MI SNANG STE, DBANG SHES GNOD
PA MED PA LA JI LTAR SNANG BA DE TSAD MAS GRUB ZER, THAL 'GYUR
BAS DBANG SHES KYI SNANG BA DE LA GNYIS YOD DE, RANG NGOS NAS
GRUB PA DGAG DGOS PA GCIG

DANG, 'GRO BA SO SO'I LAS DKAR NAG BSAGS PAS LAS SNANG YID DU
'ONG BA DANG YID DU MI 'ONG BA SNANG BA'I SNANG CHA YANG YIN
PHYI DON YANG YIN PAS TSAD MAS GRUB PA GNYIS YOD GSUNGS, 'ON
KYANG RTOG PAS DE GNYIS

PHYE MI SHES PAS STONG NYID GTAN LA PHAB SKABS MNYAM DU DGAG
DGOS, DE BZHIN GANG ZAG GI BDAG BKAG PA'I SKABS SU 'GOG RGYU'I
BDAG RANG NGOS NAS GRUB PA GCIG DANG, NGA DANG BDAG DANG GANG
ZAG GSUM, DON

GCIG MING GI RNAM GRANGS YIN GSUNGS PA'I LAS 'BRAS KYI RTEN DU
GYUR PA PHUNG PO'I STENG NA RTOG PAS PHAR BTAGS PA'I GANG ZAG
GNYIS YOD KYANG, STONG NYID MA RTOGS PAS DE GNYIS TSIG GI SGO
NAS PHYE STE BRJOD SHES KYANG

@738B RTOG NGO NA PHYE MI SHES PAS BDAG MED RTAGS YANG DAG GIS
GTAN LA PHAB TSE MNYAM DU BKAG NA MA GTOGS GANG ZAG GI BDAG KHEG
MI THUB, BDAG MED RTOGS TSE THA SNYAD TZAM GYI GANG ZAG 'JOG
SHES YONG, CHOS KYI BDAG MED

RTOGS TSE PHYI DON TSAD MAS GRUB PA YANG 'JOG SHES YONG STE,
THAL 'GYUR PA'I LUGS LA GZHI GRUB NA PHYI DON YIN DGOS TE, BLO
YIN PHYIN CHAD DE DANG THA DAD DU SNANG BA'I SNANG CHA RE YOD
PAS SNANG CHA DE KA PHYI DON YIN

GSUNGS, SNGON GYI DAM PA MANG PO ZHIG GIS STONG NYID GTAN LA
PHAB TSE RTOG PA GANG YIN THAMS CAD DGAG DGOS ZER BA DANG, PHYIS
SU DGE LUGS PA KHA

SHAS KYIS THAL 'GYUR BA'I LUGS LA RTOG PAS GANG 'DZIN DANG, GANG
SNANG THAMS CAD RANG NGOS NAS GRUB PA 'DZIN PA DANG SNANG BAS
BDEN 'DZIN YIN 'DRA BSAM 'DUG DE NI RGYAL DBANG THAMS CAD MKHYEN
PAS DGAG BYA

SNANG BA DANG, DGAG BYA ZHEN PA GNYIS KYI KHYAD MA PHYE BA'I
GTAM YIN TE, DGAG BYA MA SNANG BAR SEMS CAN GYIS KUN RDZOB BDEN
PA MJAL LUGS MI YONG, DE LTA BAS NA THAL 'GYUR BAS SEMS CAN GYI
RGYUD KYI KUN RDZOB

RTOGS PA'I BLO LA 'KHRUL SHES KYIS KHYAB GSUNGS PA'I DON DE YIN
NO GSUNGS, DGAG BYA SNANG BA BKAG MI DGOS, BKAG KYANG STONG NYID
MNGON SUM DU RTOGS PA'I NGO DANG SANGS RGYAS KYI SA GNYIS MA
GTOGS KHOG

THUB MI YONG, GTZO BOR DGAG BYA SNANG BA LTAR ZHEN PA BKAG RGYU
YIN GSUNGS SO, ,SANGS RGYAS 'PHAGS PAS KUN RDZOB BDEN PA MA
GZIGS PA'I TSUL GYIS GZIGS, ZHES PA'I DON NI, DMYAL BA'I ME
SANGS RGYAS RANG

@739A *, ,SNANG LA MA GZIGS KYANG LAS NGAN BSAGS PA'I SEMS CAN
LA BLTOS TE DMYAL BA'I ME GZIGS PA YIN, DPER NA RAB RIB CAN LA
SKRA SHAD SNANG YANG, RAB RIB KYI NAD DANG BRAL BAS MA MTHONG BA
BZHIN ZHES GSUNGS

SO, ,MGON PO KLU SGRUB KYIS DBU MA RIGS TSOGS DE'I tIK CHEN, RJE
TZONG KHA PA'I DBU MA'I tIK CHEN RNAMS BAG CHAGS SANG RUNG NGAM
STONG NYID

RTOGS PA ZHIG GIS JI LTA BA BZHIN GO BA MA GTOGS DBU MA'I TSIG
SPYI THOS PAS RIG PA JI LTAR BZANG YANG GO MI YONG GSUNGS, SNGAR
STONG NYID RTOGS MA MYONG BAS BLA MA'I BKA' CHOS RNA BA GTAD NAS
NYAN YID LA YANG YANG

DRAN, RANG GI TSUL KHRIMS DAG PA GNYIS TSOGS NA STONG NYID GO BA
DKA' TSEGS MED, THAL RANG DGAG BYA PHRA MO KHYAD CHER MED DE,
RANG GI BLOS BCOS NAS BZHAG PA MA YIN PA, PHAR NGOS NAS SNGA DUS
RANG NGOS NAS

GRUB PA ZHIG 'DUG BSAM PA DE KHA DGAG BYA PHRA MO YIN, BLOS BCOS
PA'AM BLO LA RAGS MA LAS PA'I YOD PA SHES BYA LA YOD PA MI SRID
DO, ,'O NA GZHI GRUB PA'I GRUB TSAD JI LTAR YIN ZHE NA, 'JIG
RTEN KHYIM PA RANG DGA'

BA DANG, THEG CHEN 'PHAGS PA RNAMS KYI KUN RDZOB BDEN PA 'JOG
TSUL 'DRA STE MA BRTAGS MA DPYAD PA'I BLOS BZHAG TZAM DE KHA
YIN, DBU MA'I GZHUNG THAMS CAD KUN RDZOB 'JOG TSUL DE KHAS KHYAB
DGOS, RJE TZONG KHA

PAS YOD PA'I TSAD DE LA KHYAD CHOS GSUM YANG TSANG DGOS GSUNGS
TE, MTHAR THUG DPYOD PA'I RIGS SHES TSAD MAS MI GNOD, THA SNYAD
DPYOD PA'I TSAD MAS KYANG MI GNOD, THA SNYAD 'JIG RTEN NA'ANG
GRAGS PA GSUM

@740B YIN NO, ,'JIG RTEN KHYIM PAS GANG BZHAG THAMS CAD KHYAD
CHOS DE GSUM TSANG BA'I NGES PA MED, DE RING GI RI DANG SANG GI
RI GNYIS GCIG TU 'DZIN PA SOGS THA SNYAD TSAD MAS GNOD PA MANG
DU YOD, MA BRTAGS MA

DPYAD NAS 'JOG PA DES MA TSIM PAR, RANG NYID MKHAS PAR RLOM NAS
MKHAS KHYAD THON PO BYAS TE BTAGS DON BTZAL NAS 'JOG NA THAL
'GYUR BA'I LUGS KYI KUN RDZOB BDEN PA RNYED MI SRID DE, BTAGS
DON BTZAL BA

TZAM GYIS MTHAR THUG DPYOD PA'I RIG SHES SU SONG STE, BTAGS DON
BTZAL NAS MA RNYED PA DE KHA STONG NYID CES BYA SKAD PO CHE DE
YIN, STONG SANG MED DGAG DE KHAS MA TSIM PAR GZHAN BLO NGOR
'DZIN RGYU ZHIG BYUNG PHYIN, YANG

NA SGRUB PA'AM, MA YIN DGAG GANG RUNG GI RNAM PA SHAR BA YIN PAS
STONG NYID LTA BA'I GOL SAR LHUNG NGO, ,DON DAM PAR MED ZER BA
NI STONG NYID GTAN LA 'BEBS BYED KYI, THOS PA, BSAM PA, SGOM PA
GSUM KA'I YUL DU

KUN RDZOB BDEN PA'AM THA SNYAD BDEN PA MED PA'I DON YIN PAS,
STONG NYID MNGON SUM DU RTOGS PA'I YE SHES KYIS RANG GI GZHAL
BYA STONG NYID YOD MED GANG DU YANG MA MTHONG NGO, ,YOD MED GANG
RIGS GCIG YUL DU BYAS

PHYIN GNYIS SNANG SPROS PA BYUNG TSAR BAS STONG NYID DON SPYI
RTOGS PA'I BLO LA 'GYUR, SPROS PA LA DGAG BYA'I SPROS PA DANG,
GNYIS SNANG SPROS PA GNYIS SU KHA TSON CHOD PAS KUN RDZOB BDEN
PA GANG YIN DE GNYIS SU 'DUS SO, ,

SLAR DGAG BYA'I SPROS PA MA CHOD PA'I STONG NYID RJES DPAG TZAM
GYIS RTOGS TSUL MED DE, RJES DPAG DE YANG SNANG NGOR SPROS PA MA
CHOD KYANG NGES NGOR GNYIS SNANG GI SPROS PA CHOD NAS GNYIS
SNANG NUB DGOS SO, ,BLA MA RNAMS
@741A *, ,KYI BKA' CHOS SKABS RANG GI GO TSUL AATHiI BA NI, GANG
ZAG GI BDAG MED RIGS STOBS KYIS BDAG 'DZIN NAM NGAR 'DZIN LHAN
SKYES SKYE MA THUB PA BKAG PA'I CHA LA BDAG MED PHRA MO'AM THAL
'GYUR BA'I STONG NYID KYANG DE LA

ZER, GANG ZAG MA YIN PA GZHI GRUB TSAD RANG NGOS NAS GRUB PA'AM
YUL STENG NAS YOD PA 'OS MED BYAS NAS CHOS KYI BDAG 'DZIN LHAN
SKYES DANG 'KHOR BA THOG MA MED PA NAS 'DRIS CHE BA'I DBANG DU
'GRO TSAB CHES PAS

NGES MI NUS PA'I TSUL GYIS SONG BA'I BLO PHYIN CI LOG GCIG BKAG
PA'I CHA CHOS KYI BDAG MED PHRA MO ZER, THAL 'GYUR BA'I LUGS
RANG NGOS NAS GRUB PA'I DGAG BYA BKAG NAS NGES NGO LA STONG SANG
MED DGAG RTOGS PA DE, THAL

'GYUR BA'I LUGS KYI STONG NYID RTOGS TSUL SHUGS RDZOGS PA MA YIN
NO, ,'O NA JI LTAR DGOS SHE NA, DE RJES SU DA LTA RANG RE LA
SNANG BA'I PHYI SNOD KYI SA RDO RI BRAG NANG BCUD KYI SKYES PA
BUD MED SOGS SROG CHAGS THAMS

CAD SEMS KYIS BCOS TZAM, RTOG PAS BTAGS TZAM, DBANG SHES LA
SNANG TZAM, DPER NA RMI LAM GYI KHANG KHYIM LTA BU RANG GI BLO
NGOR 'CHAR ZHING, SNANG NGO'I KUN RDZOB BDEN PA BLOS PHAR BTAGS
TZAM DE LA TSUL MIN

YID BYED KYIS KUN NAS BSLANGS TE SDIG PA BSAGS PA 'BRAS BU SDUG
BSNGAL DANG, SNANG NGO'I KUN RDZOB BDEN PA BLOS PHAR BTAGS TZAM
DE LA TSUL BZHIN YID BYED KYIS RGYU BYAS, DGE BA BSGRUBS NA BDE
BA DANG, BDE

SDUG GNYIS RANG GI RGYU LA BLTOS PAS BDE SDUG GNYIS BCOS MA'AM
BLTOS GRUB YIN PA'I RGYU MTSAN GYIS STONG SANG MED DGAG LA SONG,
STONG SANG MED DGAG YIN PA'I RGYU MTSAN GYIS 'BRAS BU RANG NGOS
NAS BSKYED PA MED

@742B KYANG THA SNYAD BLOS BRIS PA'I RI MO TZAM BLOS BCOS TZAM
MAM RGYUS 'BRAS BU BSKYED PA YIN 'DUG BSAM NAS STONG PAS SNANG
BA LA NGES PA DRANGS, SNANG BAS STONG PA LA NGES PA DRANG NAS
LAS 'BRAS LA YID CHES RNYED PA STONG NYID

RTOGS PA'I SHUGS RDZOGS PA THAL 'GYUR BA'I THUN MONG MA YIN PA'I
LTA BA RNYED PA'O, ,DE 'DRA BA THEG PA MTHA' DAG GI LAM BGROD
TSUL YIN LA STONG NYID

NGES SHES JI TZAM SKYES PA DE TZAM DU LAS 'BRAS LA YID CHES NA,
RJE TZONG KHA PAS, DKAR NAG LAS KYANG BSAM PA BZANG NGAN LAGS,
ZHES GSUNGS PA LTAR, LAS 'BRAS SPANG BLANG BYED TSUL GTING DANG
MTHAR THUG PA DANG,

BSAM PA BZANG BA NI BYAMS SNYING RJE BYANG CHUB KYI SEMS YIN PA
SHES NAS BYAMS SNYING RJE BYANG CHUB KYI SEMS GSUM LA THUGS DAM
SNYING POR BYED PA NI THEG PA CHEN PO'I LAM BGROD TSUL SHES RAB
KYI PHA ROL TU PHYIN PA NYAMS SU

LEN TSUL YIN, DE 'DRA BA'I THABS SHES BOR TE SNGAGS KYI BSKYED
RDZOGS ZER BA RTOGS PA SKYE BA YOD 'DRA BSAM NA, SNGAGS KYI GO
BA GTING TSUGS PA ZHIG MA RNYED PA STE, MDO PHYOGS BZANG NA
SNGAGS KYANG SHIN TU BZANG,

MDO PHYOGS 'BRING NA SNGAGS KYANG 'BRING ZHIG LAS MI YONG, MDO'I
THUN MONG LAM SBYANG BYAMS DANG SNYING RJES MA ZIN NA SNGAGS
RKYANG PAR BRTZON PA GNOD SBYIN MI MA YIN GTZANG RIS DPAL MGON
BDUN CU'I BRAN GA-YOG TU

SKYE ZHES BKA' GDAMS GLEGS BAM LAS GSUNGS PAS, MDO NAS BSHAD
PA'I BYAMS SNYING RJE STONG NYID RTOGS PA'I SHES RAB DE YUN RING
PO DKA' TSEGS CHEN PO MI DGOS PAR MYUR DU 'BYONGS RKYEN PA'I
THABS SU RGYUD SDE BZHIS THA

@743A *, ,MAL SNANG ZHEN GCOD, BSKYED RIM GYIS SKYE SHI BAR DO
GSUM THA MAL DU MA SHAR BAR YID NGOR SBYANGS, RDZOGS RIM RTZA
RLUNG THIG LE'I 'PHRUL GYIS SKYE SHI BAR DO GSUM DNGOS GNAS LA
SBYANGS PA, DE LTAR BYAMS SNYING RJE

STONG NYID RTOGS PA'I LAM SHER PHYIN SEMS DPA'I RNAL 'BYOR DE'I
STENG DU SNON PA BRGYAG PA TZAM YIN NO GSUNGS, SANGS RGYAS KYI
SA NA MNYAM BZHAG DE KHO NA NYID KYI SNANG BA ZAD 'GRO

GSUNGS PA'I DON, KUN MKHYEN YE SHES KYIS KUN RDZOB GZIGS PA TZAM
GYIS DE YI KUN RDZOB PA'I GNAS TSUL, DE'I DON DAM PA'I GNAS TSUL
GNYIS CIG CAR DU GZIGS, SEMS CAN GYI BYED PA LTA BU STONG NYID

RTOGS PA'I MNGON SUM TSAD MA ZUR ZHIG NAS BSKYED MI DGOS PA LA
ZER, DON NI STONG NYID DE BDAG 'DZIN YOD RING BDAG 'DZIN BKAG
PA'I CHA LA BLTOS TE YOD LA, BDAG 'DZIN GNYIS SPANGS NA SPANGS
PA DE KHA MA

GTOGS, SANGS RGYAS KYI CHOS SKU LA YE SHES CHOS SKU NGO BO NYID
SKU GNYIS DBYE, NGO BO NYID SKU LA RANG BZHIN RNAM DAG GLO BUR
RNAM DAG GNYIS SU DBYE BA'I RANG BZHIN RNAM DAG DANG, GLO BUR
RNAM DAG ZER BA LOGS NA

NGOS 'DZIN RGYU GTAN NAS MED DO, ,DGAG BYA BKAG PA LA BLTOS TE
STONG NYID YOD, ,DGAG BYA BKAG PA MED NA STONG NYID MED ZER CHOG
CHOS GANG YIN YUL LA BLTOS TE YUL CAN BZHAG YUL CAN LA BLTOS TE
YUL BZHAG

PA 'DI THAL 'GYUR BA'I LUGS SO, ,DE BZHIN DU GNYEN PO BSTEN DGOS
NA SKYON YOD LA, SKYON MED NA GNYEN PO YANG MED DE, SANGS RGYAS
KYI SA NA NYAMS LEN MED SGOM MED LA MNYAM PAR BZHAG PA YOD ZER
BA'I DON DE

@744B YIN, SKYON YOD RING YON TAN SKYON DGAG PA LA BLTOS NAS YON
TAN CHE RU 'GRO RGYU YOD, SKYON MED NA YON TAN CHE RU 'GRO RGYU
MED DE, 'KHOR BA THOG MA MED PA'I SANGS RGYAS PA DANG, DE RING
SANGS RGYAS PA GNYIS YON TAN

CHE CHUNG MED DE, BCOM LDAN 'DAS LA YON TAN RIN PO CHE PHUL DU
BYUNG BA MED PAS PHUL DU DBYUNG DU ZER BA BZANG DU 'GRO RGYU MED
ZER BA YIN, 'ON KYANG SANGS RGYAS LA LAM LA BKOD TSAR BA'I GDUL
BYA MANG NYUNG YOD PA

RIGS PA DANG LUNG GNYIS KAS 'GRUB, DANG PO RIGS PAS GRUB TSUL
THOG MED NAS SANGS RGYAS PA'I SANGS RGYAS GDUL BYA MANG, DE RING
SANGS RGYAS PA'I SANGS RGYAS GDUL BYA LA BLTOS TE NYUNG ZER CHOG
LUNG GIS GRUB STE,

DKON MCHOG BRTZEGS PA LAS, 'JAM DPAL GYIS BSKAL PA GCIG LA SEMS
CAN GYI DON MDZAD PA, SANGS RGYAS BYE BA KHRAG KHRIG BRGYA STONG
GIS SNGAR MA MDZAD DA LTA YANG MI MDZAD MA 'ONGS PA NA MDZAD PAR
MI 'GYUR RO, ,

ZHES GSUNGS PA'I PHYIR, RJE BYAMS PAS, SGYU MA'I RTA GLANG KUN
BRTAGS PA'I GZUGS YIN, RMI LAM GYI RTA GLANG CHOS KYI SKYE MCHED
KYI GZUGS YIN, DE GNYIS KA GZUGS MTSAN NYID PA YIN GSUNGS, RANG
RGYUD PAS MING DU

BTAGS PA TZAM LA BYA BYED RGYU 'BRAS MI 'JOG THAL 'GYUR BAS RGYU
'BRAS BZHAG THUB GSUNGS, SEMS TZAM PAS PHYI DON 'GOG PA'I RIGS
PAS CHA MED BSAGS PA'I

PHYI DON BKAG THUB KYANG, CHA BCAS PHYI DON GTAN 'GOG MI THUB
STE, THA SNYAD PA'I PHYI DON LA THA SNYAD PA'I TSAD MAS GNOD MI
SRID, THAL 'GYUR PAS CHOS CAN MTHUN SNANG BA THA SNYAD DU YOD
PAS KUN RDZOB BDEN PA YIN PHYIN

@745A *, ,'KHRUL PA'I TSAD MAS RNYED DON YIN DGOS PA'I PHYIN CI
LOG PA'I BLO YI RNYED DON YIN GSUNGS, RANG RGYUD PA GNYIS KAS
DGAG BYA DBANG SHES LA GTAN MI SNANG STE, THA SNYAD DU YOD PA'I
YOD PA'I YOD LUGS BZANG SHOS YIN GSUNGS,

THAL 'GYUR PAS SEMS CAN LA KUN RDZOB BDEN PA SNANG PHYIN CHAD
DGAG BYA MA GTOGS SNANG MI SHES PAS SEMS CAN GYI KUN RDZOB SNANG
BA THAMS CAD 'KHRUL SHES YIN, SEMS CAN GYI KUN RDZOB SNANG BA LA
'KHRUL KYANG 'DZIN

STANGS LA MA 'KHRUL BA MANG DU YOD DO, ,'DUS BYAS MI RTAG RTOGS
PA'I BLO SOGS DPAG TU MED PA YOD GSUNGS, RJES THOB SGYU MA LTA
BU'I BLO NI, RANG GI DGAG BYA BDEN SNANG BKAG PA SHUL DU BSGRUB
BYA STONG SANG MED

DGAG MJAL BA'I MA YIN DGAG RTOGS PA'I BLO YIN GSUNGS SO,, ,, `
STOD LUNG YANGS PA CAN NAS PAn CHEN RGYA NAG TU PHEBS BSKYOD
GNANG SKABS SU PHYAG BRIS NGO MA'I GSUNG SHOG GNANG BA'I 'DRA
BSHUS, MTSUNGS PA MED PA'I SLOB DPON

CHOS KYI RJE NGAG DBANG BLO BZANG RIN PO CHER, DGE SLONG DPAL
LDAN YE SHES KYIS NANG SBYAR GYI LAG BRIS 'BUL SNYING, NYID SKU
KHAMS BZANG BAR BZHUGS LAGS SAM, NGAS KYANG BDE ZHING SHAR
PHYOGS RGYA MTSO CHEN

PO'I NGOS SU, RJE BTZUN 'JAM DPAL DBYANGS DANG 'PHAGS PA SPYAN
RAS GZIGS KYI ZHING KHAMS BLTA BA DANG, GRUB PA'I SLOB DPON CHEN
PO LCANG SKYA ROL PA'I RDO RJE DANG MJAL ZHING CHOS KYI DGA'
STON 'GYED PA

DANG, RGYAL PO DPUNG DANG BCAS SHING GRONG KHYER DANG BCAS PA'I
GNAS LUGS LA BLTA BA'I DGA' STON BLTA BA NYAMS SU MYONG PA'I
PHYIR 'GRO BA'I SKABS SU LAGS, GSOL DPON 'DI PA NGED KYI NYE
GNAS KYI MCHOG

@746B YIN PAS TSE BSOD RING DU 'PHEL BA ZHIG NYID NAS NGES PAR
MDZAD DGOS PA LAGS, RTEN BAR MDZOD 'DOMS GSUM YOD PA, BAL tAm
BRGYA THAM PA, SHA KHA RA BCAS PHUL, DE YI 'BYOR LAN BYANG 'DAM
DU JO GDAN RTZE

TSOGS PA'I RTEN GRAS SGROL MA'I GSER SKU PHYAG STABS THUGS KAR
CHOS 'KHOR GYI PHYAG RGYA MDZAD PA PHUL NAS BYANG SHAM BHA LA
SOGS SU SKYES NAS SKYE BA KUN TU RJES SU 'DZIN PA'I SMON LAM
ZHU,, ,,

` RGYA CHEN THOS PA RGYA MTSO MTHAR PHYIN NAS, ,NGES 'BYUNG
BYANG SEMS YANG DAG LTA BA DANG, ,RIM GNYIS LAM GYI RNAL 'BYOR
BRTZON PA YI, ,SGOM CHEN NGAG GI DBANG POR GSOL BA 'DEBS, ,'DI
GUNG RU PHYOGS NGAM SHOD DAR

RGYAS DGON PA'I DGE SLONG GIS BSKUL BA LTAR SBYAR BA'O, ,` AA
RGYA ZHABS DRUNG KLONG RDOL ZUNG GI GSER, ,'DI PHUL BLTOS BCAS
BYANG CHUB SNYING PO'I BAR, ,BDE STONG DBYER MED YE SHES SKYED
BYED PA'I, ,

GTUM MO'I ME LA DBANG BSGYUR THOB PAR SHOG ,'DI NI SA BYI LOR
'BROG RI DGA' LDAN DU GSER SRANG BDUN CU LHAG TZAM LAS MCHOD
KONG GSAR SKRUN GYI ZHAL BYANG DU PHUR BU LCOGS NAS BRIS PA'O,,
,,

` THEG CHEN GLING DU 'BYOR MA THAG TU SMON LAM BTAB PA NI, BDAG
NGAG DBANG BLO BZANG MTHONG THOS DRAN REG GI SEMS CAN THAMS CAD
DENG NAS BYANG CHEN MA THOB BAR DU SA PHYOGS DANG YUL LJONGS
GANG NA SKYES KYANG YUL DE'I RGYAL

PO'AM DBANG SGYUR BA PO, DE DAG SA CHEN PO LA RAB TU BZHUGS PA'I
BLO CHEN RGYAL SRAS BSAM BZHIN DU 'GRO DON LA ZHUGS PA'I RNAM
'PHRUL DAM PA DE DAG DANG 'PHRAD PAR GYUR CIG MA MTHA' YANG YUL
DE'I RGYAL PO 'AM DPON

@747A *, ,RNAMS DKON MCHOG GSUM LA SHES NAS DAD PA DANG LDAN PA
DANG, MNGA' 'BANGS RNAMS BYAMS PAS BSKYANGS PA DANG, YUL 'KHOR
THAMS CAD CHOS DGE BA BCU'I KHRIMS DANG, LAS 'BRAS LA TSUL BZHIN
DU BLANG DOR BYED

PA'I YUL DU SKYE BAR GYUR CIG BDAG GANG DU SKYES PA'I ZHING DER
MI BSRUN PA THAMS CAD SEMS CAN GYI SHA KHRAG LA LONGS SPYOD PA,
MI THEG BZHIN DU KHAL 'GEL BA SOGS SDUG BSNGAL SHUGS DRAG YUN
RING BA BZOD PAR DKA'

BA DE DAG GIS MNAR BZHIN DU MNAR BAR BYED PA RNAMS KYI MING TZAM
YANG MI GRAGS PAR GYUR CIG BDAG GANG DU SKYES PA'I YUL DER PHAN
TSUN 'THAB RTZOD 'KHRUGS LONG DANG, 'GO BA'I RIMS NAD DANG, NAD
GCONG GIS

RGYUN DU MNAR BA DANG, GCAN GZAN SBRUL DUG GI 'JIGS PA DANG THA
NA BYI BA'AM GROGS SBUR PHRA MOS GNAS DANG YO BYAD TZAM LA YANG
'TSE BA MED PAR GYUR CIG BDAG DENG NAS TSE RABS RNAMS SU GAR
SKYES KYANG YUL

PHYOGS DER MI MA RABS RNAMS BKUR ZHING YA RABS KUN YAL BAR DOR
BA DANG, RIN PO CHE SOGS CHE BA DANG LDAN PA'I NOR RNAMS RIN
THANG MED CING, ZAS GOS PHRAN TSEGS NYE TSE BA LA HA CANG MCHOG
TU 'DZIN PA

DANG, STOBS CHE BAS DBANG CHUNG BA RNAMS GNAS NAS BSKRAD PA
DANG, BDOG PA'I ZAS GOS SOGS LONGS SPYOD THAMS CAD 'PHROG PA
RNAMS DUS NAM YANG MI 'BYUNG BAR GYUR CIG BDAG DENG NAS TSE RABS
THAMS CAD DU

DAM PA'I CHOS NUB PA LA NYE ZHING SNYIGS MA LNGA BDO BA'I DUS,
BCUD KYI SEMS CAN RNAMS NYON MONGS DUG GSUM KUN SLONG DRAG PO
RGYUN CHAGS SU 'BYUNG BA DANG, 'GA' ZHIG BSOD NAMS SHIN TU CHUNG
ZHING, BLANG DOR GYI

@748B GNAS RNAMS LA LUG LTAR LKUGS PA'I RANG BZHIN DANG, DKON
MCHOG GSUM LA YID MA CHES SHING, LAS 'BRAS KYI BLANG DOR SOGS LA
LOG PAR LTA BA CAN GYI GROGS MU STEGS PA DANG, SDIG PA'I GROGS
PO RNAMS NAM YANG MI 'BYUNG

BA DANG, BDAG KYANG DE DAG DANG THA NA NYIN GCIG TZAM YANG MI
'GROGS SHING, DE'I DBANG DU 'GRO BA NAM YANG MI 'BYUNG BAR GYUR
CIG DENG NAS TSE RABS THAMS CAD DU BDAG GI CHED DU SGRUB PA'AM,
RANG BZHIN GYI

'BYOR PA'I ZANG ZING GI DNGOS PO BDOG PA CHE CHUNG JI SNYED YOD
PA RNAMS RANG LA PHAN MI THOGS SHING, 'PHROG PA, RKUS PA, STOR
BA, SDIG PA TSABS PO CHE BSAGS PA'I RGYU RKYEN DU 'GRO BA, MI
'DOD BZHIN DU GZHAN

LA STER BA RNAMS RNAM PA KUN TU MI 'BYUNG BAR GYUR CIG MDOR NA
SRID PA'I PHUN TSOGS JI 'DRA BA ZHIG MCHIS PA RNAMS RANG GI SEMS
'GYOD PAR BYED PA'I RTZA BAR MA GYUR CIG MI BSRUN PA'I SKYE BO
'KHOR GA-YOG TU

BKOL ZHING RNAM PA KUN TU DE RNAMS KYIS LOG SGRUB DU MAS YID
DKRUGS SHING NYI MA RE BZHIN SDIG SDUG GTAM NGAN CHAR LTAR DU
BABS PA SOGS DUS NAM YANG MI 'BYUNG BAR GYUR CIG BDAG SKYES PA'I
SA PHYOGS THAMS CAD

KYANG TSE RABS KUN TU BDAG GZHAN RAB TU BYUNG BA RNAMS MKHAN
SLOB KYI SPYAN SNGAR KHAS BLANGS PA'I BSLAB SDOM RNAMS LA MI
BRTZON ZHING RTAGS CHA LUGS TZAM MA GTOGS SEMS DANG LUS NGAG GI
SPYOD PA THAMS CAD KHYIM PA

THA SHAL DANG DBYE BA MI PHYED CING, NOR LONGS SPYOD SOGS LA
SNYING POR 'DU SHES SHING, ZAS GOS GNAS MAL SOGS TSE 'DI SNANG
GI MDUN MA TZAM SGRUB CING, BSGRUB PA LA SPYANG GRUNG DU 'DZIN
PA, CHOG SHES MED

@749A *, ,CING, GZHAN GYI SKYON BRJOD PA LA DGA' BA NGO TSA BRAL
ZHING KHREL MED PA RAB TU BYUNG BA'I GZUGS BRNYAN TZAM 'DZIN PA
DE DAG DANG DUS RTAG TU MI PHRAD CING THA NA MIG YUL DU YANG
MTHONG BAR MA GYUR CIG BDAG DENG

NAS TSE RABS THAMS CAD DU BDAG RGYAL PO'I MNGAG ZHUGS SAM KHYIM
BDAG 'BYOR PA CAN JI 'DRA ZHIG TU SKYES KYANG, 'DOD YON GYIS YID
MYOS TE, KHENGS PA DANG, GRAGS PA DANG, GA-YO SGYU'I BSAM PAS
YID DRANG

POR MI GNAS PA DANG, LUS LAS DRI NGAN 'BYUNG ZHING MI SDUG PA
DANG, MIG RNA SOGS DBANG PO MA TSANG BA DANG, ZHA BO, LAG RDUM,
MDZE CAN, SHA BKRA CAN, ZA MA, MA NING, SMRA BA MI GSAL ZHING HA
CANG

MYUR BA, LKUGS PA, DIG PA, NAD BU CAN, CHUNG MA SRUNG MI BTUB
PAS SEMS 'KHRUGS PA MANG BA DANG, MDOR NA GSHIS NGAN CING, MI
MDZES PA RNAMS RNAM PA KUN TU MI 'BYUNG BAR GYUR CIG, DENG NAS
TSE

RABS KUN TU SGRUB PA LA GZHOL ZHING DBEN PA BSTEN PA'I TSE RJE
BTZUN 'JAM DPAL DBYANGS, SGROL MA SOGS KYIS GANG 'TSAMS KYI SKUR
STON NAS ZAB PA DANG RGYA CHE BA'I MDO SNGAGS THAMS CAD KYI GNAD
'KHRUL PA MED

PAR 'DOMS PA DANG RIG PA'I GNAS THAMS CAD LA BDAG GI BLO THOGS
PA MED PAR GYUR CIG MDOR NA GNAS SKABS KUN TU RGYAL BAS GSUNGS
PA'I SDE SNOD LA THOS BSAM SGOM GSUM BYED PA LA DKA' BA DU MA
SPYAD KYANG

MI NGAL ZHING, RKYEN NGAN CI BYUNG YANG LAM DU BLANGS SHING RANG
GI SEMS SKAD CIG MI GA-YO MI 'KHRUG CING DGE SBYOR MCHOG LA RTAG
TU BAR CHAD MI 'BYUNG ZHING BRTZON PA CHU BO'I RGYUN BZHIN BSTEN
PAR GYUR CIG BDAG GANG

@750B DU SKYES PA'I SA PHYOGS DER RAB TU BYUNG BA RNAMS ZHI
ZHING DUL BA BRDEG KYANG SLAR MI BRDEG GSHE YANG SLAR MI GSHE,
MTSANG 'BRU YANG SLAR MI 'BRU, KHONG KHRO YANG SLAR MI KHRO BA
SOGS DGE SBYONG GI CHOS BZHI DANG

LDAN PA DANG, 'DUN PAS MI 'GRO BA, 'JIGS PAS MI 'GRO BA, CHAGS
PAS MI 'GRO BA, RMONGS PAS MI 'GRO BA DANG, SANGS RGYAS MTHONG
BA, DAM PA'I CHOS NYAN PA, DGE 'DUN LA BSNYEN BKUR

BYED PA DANG MI 'BRAL BAR GYUR CIG BDAG DANG 'GRO BA THAMS CAD
LA PHAN PA'I SEMS DANG, 'JAM PA'I SEMS DANG, LAS SU RUNG BA'I
SEMS DANG, ZHI BA'I SEMS DANG, DUL BA'I SEMS DANG, NYE BAR ZHI
BA'I

SEMS DANG, MNYAM PA'I SEMS DANG, BYAMS PA'I SEMS DANG, 'KHRUG PA
MED PA'I SEMS DANG, RLOM PA MED PA'I SEMS DANG, LEGS PAR RTOGS
PA MANG ZHING DAD PA DANG LDAN PAR GYUR CIG BDAG GIS NOR RDZAS
JI

TZAM MCHIS PA RNAMS CHOS TSUL BZHIN SGRUB PA'I GANG ZAG RNAMS LA
PHANGS MED DU SBYIN PA DANG, PHAN THOGS CHE BA'I ZHING LA MI
BTANG BA'I SER SNA RMI LAM DU YANG MI DRAN PA'I YID BRTAN PO
DANG DUS RTAG TU BAG YOD DANG

LDAN PAS LUS NGAG YID GSUM GYI SPYOD PA JI 'DRA BA ZHIG BYAS
KYANG DNGOS DANG BRGYUD PA'I SGO RANG GZHAN SEMS CAN KUN LA PHAN
PA DANG BDE BA'I RGYUR GYUR CIG, ,,

` GSANG BDE DUS GSUM GYI RTZA RGYUD BSHAD RGYUD RGYA GZHUNG GSER
GYIS BRIS PA'I KHA BYANG SMON TSIG BZHUGS SO, ,DUS 'KHOR BSDUS
RGYUD SNYING PO 'DI SNYE THANG RIN CHEN GLING BLA MAS SKYID SHOD
SMAD LJANG PHU LHA KHANG DPE KHROD NAS@751A *, ,RNYED PA PAn CHEN LA PHUL BAS,
'DI NI RIGS LDAN 'JAM
DPAL GRAGS PA'I DUS 'KHOR BSDUS RGYUD LAS KYANG SHIN TU SNYING
POR BKA' BSDU MDZAD PA BYANG SHAM BHA LAR RIGS KYI BU'AM RIGS
KYI BU MO THAMS CAD KYIS KHA

TON DU KLOG PA BOD KYI BKA' 'GYUR GYI NANG DU MA CHUD PA NGO
MTSAR BYE BA'I 'BYUNG GNAS YIN ZHES, PAn CHEN SKU 'PHRENG BZHI
PA DPAL LDAN YE SHES KYIS GSUNGS PAS, GSANG BDE DUS GSUM GYI
RGYUD GSER GYIS BRIS

PA'I DGE BA 'DI LA BRTEN NAS NGES 'BYUNG BYANG SEMS YANG DAG LTA
BAS GZHI STEGS BYAS NAS, SA CHOG STA GON DKYIL 'KHOR DU 'JUG PA,
BYIS PA LTAR 'JUG PA'I DBANG BDUN, DBANG GONG MA BUM DBANG SOGS
BZHI,

GONG CHEN BUM DBANG SOGS BZHI, RDOR SLOB BDAG PO CHEN PO'I
DBANG, BZA' BA SRUNG BA BSTEN PA'I DAM TSIG GSUM, SKAD CIG GIS
BYANG CHUB PA RNAM PA LNGA, RNAM PA NYI SHU, SGYU 'PHRUL DRA BAS
TE BSKYED RIM BYANG

CHUB BZHI, SOR SDUD, BSAM GTAN, SROG RTZOL, 'DZIN PA, RJES DRAN,
TING 'DZIN TE SBYOR BA YAN LAG DRUG LAM GYI LUS YONGS SU RDZOGS
PA, RIGS LDAN DRAG PO 'KHOR LO CAN GYI MDUN DU SKYES NAS NYAMS
LEN

MTHAR PHYIN PA'I RGYUR 'GYUR ZHIG GU,, ,,` PHYOGS BCU'I ZHING NA
BZHUGS PA'I RGYAL BA DANG, ,KHYAD PAR DPAL LDAN YE SHES DRIN CAN
RJE, ,THUGS RJE'I DBANG GIS BDAG GI TSIG 'DI LA, ,

LEGS PAR DGONGS SHING BYIN GYIS BRLAB TU GSOL, ,DENG NAS TSE
RABS KUN TU BLA MA KHYED, ,GANG DU BZHUGS SHING GANG DU 'TSANG
RGYA BAR, ,DER NI BDAG NYID 'BRAL BA MED SKYE NAS, ,THEG CHEN
GSUNG GI BDUD RTZI MYONG

@752B BAR SHOG ,DE YI MTHU LAS 'GRO BA'I DON GYI PHYIR, ,SKU
BZHI'I BDAG NYID RGYAL BA RDO RJE 'CHANG, ,GO 'PHANG MNGON DU
BYAS NAS SEMS CAN RNAMS, ,DE YI SA LA LEGS PAR 'GOD 'GYUR PHYIR,
,SHER PHYIN MDO SDE

ZAB MO BRGYAD STONG DANG, ,GSANG BA 'DUS PA'I PA'I RTZA RGYUD
BSHAD RGYUD LNGA, ,BSKYED RIM MDO BSRE MDOR BYAS RNAM BZHAG RIM,
,ZLA BA GRAGS PA'I RDOR SEMS SGRUB THABS DANG, ,KLU SGRUB RDZOGS
RIM RIM LNGA RTZA BA DANG, ,A'ARYA

DE BA'I SPYOD BSDUS SGRON ME DANG, ,BDE MCHOG RTZA RGYUD LE'U
NGA GCIG PA, L'U HI PA YI BDE MCHOG BSKYED RIM DANG, ,DRIL BU PA
YI RDZOGS RIM RIM PA LNGA, ,DE YI RTZA SNGAGS 'PHRENG SNGAGS
'DON TSUL DANG, ,DUS 'KHOR BSDUS

RGYUD SNYING PO LE'U LNGA, ,SMON TSIG DANG BCAS RIN CHEN GSER
DNGUL GYIS, ,KLONG RDOL BLA MAS DKA' TSEGS CHEN POS BZHENGS,
,MDOR NA 'DIS MTSON RNAM DKAR DGE BA'I TSOGS, ,JI SNYED BSAGS PA
DE YIS MYUR DU

BDAG ,NOR BU'I BANG MDZOD SHAM BHA LAR SKYES NAS, ,BLA MED LAM
GYI RIM PA MTHAR PHYIN SHOG ,, ,`KLONG RDOL BLA MA NGAG DBANG
BLO BZANG GIS RGYAL BA'I YONGS 'DZIN RIN PO CHE MKHAS

BTZUN YE SHES RGYAL MTSAN LA BKA' 'DRI ZHUS PA, RNAM 'GREL LE'U
GSUM PA'I RNAL 'BYOR MNGON SUM SGRUB PA'I RIGS PA'I SKABS SU, DE
PHYIR YANG DAG YANG DAG MIN, ,GANG GANG SHIN TU GOMS BYAS NA,
,GOMS PA YONGS SU

RDZOGS PA NA, ,BDE GSAL MI RTOG BLO 'BRAS CAN, ,DE'I YANG DAG
MIN PA GANG ZAG GI BDAG 'DZIN DANG, CHOS KYI BDAG 'DZIN GNYIS LA
BYAS NAS, DES GTZO BYAS NAS 'KHOR BAS BSDUS PA'I SNOD BCUD THAMS
CAD

@753A *, ,RTOG MED DBANG SHES LNGA YIS MNGON SUM DU RTOGS PA
DANG, YANG DAG PA'I DON NI GANG ZAG GI BDAG MED DANG, CHOS KYI
BDAG MED GNYIS 'DZIN PA'I DAG PA'I ZHING GI SNOD BCUD THAMS CAD
DBANG SHES LNGA YI

MNGON SUM GYI SPYOD YUL GYUR PA YIN, DE YI DON DE LTAR LAGS SAM
ZHES ZHUS PAR, RIGS PA 'DI GRUB MTHA' BZHI DANG, THEG PA GNYIS
KA'I RNAL 'BYOR MNGON SUM SGRUB PA'I RIGS PA YIN PAS, THAL 'GYUR
PA LA

SBYANG TSE KHYED RANG GI JI LTAR DGONGS PA BZHIN 'THAD CES
GSUNGS, RNAM 'GREL RANG GI DGONGS PA NI YANG DAG MIN PA NI GTAN
NAS MED PA DANG, YANG DAG NI YOD PA ZHIG STE, DE GNYIS GANG RUNG
LA BLO GOMS NA MTHAR

DBANG PO'I MNGON SUM GYIS MTHONG BA LTAR GRUB CES PA'I DON YIN
GSUNGS, YANG PAn CHEN BLO BZANG CHOS KYI RGYAL MTSAN GYI BAR DO
'PHRANG SGROL DU,

GZUNG 'DZIN RNAM RTOG 'KHRUL PA'I GRONG KHYER ZHES PA'I, GZUNG
'DZIN RNAM RTOG 'KHRUL LUGS JI LTAR YIN LAGS ZHUS PAR, GNAS LUGS
MA RTOGS PA'I SEMS CAN RNAMS BDEN 'DZIN GYIS BCINGS TE GZUGS
SGRA

SOGS PHYI GZUNG BA DANG, NANG 'DZIN RTOG LA SHAR BA'I RNAM PA
THAMS CAD RANG BLOS BCOS PA'I RNAM PAR MI 'CHAR BAR YUL RANG
NGOS NAS RTAG RTAG BDEN BDEN BLTOS MED TSUGS THUB TU SNANG
ZHING, DE LA AA 'THAS

KYI ZHEN PAS RNAM PA KUN TU SDUG BSNGAL MYONG BZHIN PA 'DI LAGS
GSUNGS, YANG RGYAL BA RIN PO CHE BSKAL BZANG RGYA MTSO'I DUS
'KHOR GYI TSOGS

@754B 'KHOR DU, LAS SNANG SGYU MA'I GRONG DU RAB RGYU ZHING,
,GTI MUG SGYU MAS BSLUS PA'I RIGS DRUG 'GRO, ,ZHES PA DE YI DON
GANG LAGS ZHUS PAR, DE NI GONG GI GZUNG 'DZIN RNAM RTOG 'KHRUL
PA'I DON DANG 'DRA BA LAS,

LAS DGE BA DANG, MI DGE BA DANG, LUNG MA BSTAN GSUM BSAGS PAS
SNOD BCUD YID DU 'ONG BA DANG MI 'ONG BA BAR MA GSUM MTHONG BA
STONG NYID MA RTOGS PA'I GANG ZAG GIS BDEN GRUB TU MTHONG BA'I
NYES PA THAMS CAD

BSKYED PA GONG DU BSHAD PA DANG MTSUNGS ZHES BKA' LAN GNANG,
YANG PHUR BU LCOG BLA MA BYAMS PAS BKA' CHOS DUS YANG YANG
GSUNGS PA, 'BRUG PA GLING CHEN RAS PA'I NYAMS MGUR LAS, 'KHOR BA
RNAM

RTOG GI DUR KHROD NA, 'JIG RTEN CHOS BRGYAD KYI RO LANGS MKHAN,
DUR KHROD 'JIGS SU RUNG BA ZHIG DE NA GDA', KHYED RO SNYOMS SHIG
MDZAD NA DE RU MDZOD, CES PA'I DON GANG LAGS ZHUS PAR, RNAL
'BYOR PAS

NYAMS GANG SHAR LA RIGS PA'I DPYAD PA MI 'JUG PAR GSUNGS KYANG,
RO LANGS DE RANG GZHAN GNYIS KA LA GNOD PA LTAR, 'JIG RTEN CHOS
BRGYAD KYI GDON CHEN SNYING LA ZHUGS PA'I DENG SANG GI 'GRO BA
PHAL MO CHE DMYAL

BA'I GTING RDO SGRUB PA LHUR LEN PA 'DI RO LANGS KYI DON YIN
'DRA, KLONG RDOL BLA MA RANG GIS DE'I DON BSAM PA LA CHOS BYED
PA THAMS CAD BDE BA SGRUB THABS YIN PA LA, BDE BA SGRUB LUGS MI
MKHAS PAS,

'JIG RTEN CHOS BRGYAD KYI 'DOD PA'I PHYOGS BZHI DON DU GNYER
BAS, 'JIG RTEN CHOS BRGYAD KYI MI 'DOD PA'I PHYOGS BZHI DRANGS
YONG ZHING, DES SRID RTZE NAS MNAR MED BAR GYI 'KHOR BA'I SDUG
BSNGAL THAMS CAD

@755A *, ,SKYED PAR BYED PAS NA DON DER 'DUS BSAM SNYAM, 'JIG
RTEN CHOS BRGYAD LA SPANG GNYEN SBYAR NAS SPONG RGYU MED KYANG,
'DOD PA'I PHYOGS BZHI DANG, MI 'DOD PA'I PHYOGS BZHI MGO SNYOMS
PA LA SPANGS PA'I THA

SNYAD BTAGS PA 'DI KHYED RO SNYOMS SHIG MDZAD NA DE RU MDZOD CES
PA'I DON YIN 'DRA SNYAM, DE YANG SANGS RGYAS KYI RJES SU ZHUGS
PA'I BDE BA SGRUB MKHAN GYIS

BDE BA SGRUB LUGS 'BRING TZAM DE NYAN RANG GNYIS DANG, SHIN TU
MKHAS PA BYANG CHUB SEMS DPA' RNAMS YIN NO, ,BYANG CHUB SEMS
DPA' RNAMS KYI THUGS DAM SNYING PO SEMS BSKYED KYI GROGS MI ZAD
PA BRGYAD CU DANG

SBYAR LUGS NI, NYI KHRI DAG LDAN LAS, SEMS BSKYED BSAM SBYOR
LHAG BSAM DANG, ,PHA ROL PHYIN DRUG TSAD MED DAG ,MNGON PAR SHES
DANG BSDU DNGOS BZHI, ,SO SOR RIG RTON TSOGS GNYIS DANG, ,BYANG
CHUB

PHYOGS MTHUN ZHI GNAS SOGS, ,GZUNGS SOGS CHOS KYI SDOM BZHI
DANG, ,BGROD GCIG THABS LA MKHAS PA 'O, ,ZHES PA'I SEMS BSKYED
DANG, BSAM PA DANG, SBYOR BA DANG, LHAG PA'I BSAM PA DANG, PHA
ROL PHYIN

PA DRUG DANG, TSAD MED PA BZHI DANG, MNGON SHES LNGA DANG, BSDU
BA BZHI DANG, SO SO YANG DAG PAR RIG PA BZHI DANG, CHOS LA RTON
GYI GANG ZAG LA MI RTON, DON LA RTON GYI TSIG 'BRU LA MI RTON,
NGES DON LA

RTON GYI DRANG DON LA MI RTON, YE SHES LA RTON GYI RNAM SHES LA
MI RTON PA STE RTON PA BZHI DANG, TSOGS GNYIS DANG, BYANG CHUB
KYI PHYOGS KYI CHOS SO BDUN DANG, ZHI GNAS LHAG MTHONG GNYIS
DANG, GZUNGS DANG SPOBS

@756B PA GNYIS DANG, 'DUS BYAS THAMS CAD MI RTAG ZAG BCAS THAMS
CAD SDUG BSNGAL, CHOS THAMS CAD BDAG MED, MYANG 'DAS THAMS CAD
ZHI BA STE CHOS KYI SDOM BZHI DANG, BGROD PA GCIG DANG, THABS
MKHAS PA STE

BRGYAD CU BLO GROS MI ZAD PAS BSTAN PA'I MDO LAS BSHAD, ,CES PA
'DI NI KLONG RDOL BLA MA NGAG DBANG BLO BZANG GIS SBYAR BA'O,, ,