[#THE FOLLOWING TEXT HAS INCOMPLETE SECTIONS, WHICH ARE ON ORDER] *, ,BSTAN BCOS MNGON PAR RTOGS PA'I RGYAN 'GREL PA DANG BCAS PA'I RNAM BSHAD RNAM PA GNYIS KYI DKA' BA'I GNAD GSAL BAR BYED PA LEGS BSHAD SKAL BZANG KLU DBANG GI ROL MTSO ZHES BYA BA LAS SKABS DANG PO'I SPYI DON BZHUGS SO, , @01A #, ,NA MO GU RU A'ARYA MEE TRA YE, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN 'GREL PA DANG BCAS PA'I RGYA CHER BSHAD PA LEGS BSHAD GSER GYI PHRENG BA ZHES BYA BA DANG RNAM BSHAD SNYING PO'I RGYAN CES BYA BA GNYIS KYI DKA' BA'I GNAD GSAL BAR BYED PA LEGS BSHAD SKAL BZANG KLU DBANG GI ROL MTSO ZHES BYA BA, BLA MA DANG RJE BTZUN BYAMS PA MGON PO'I ZHABS LA GUS PA CHEN POS PHYAG 'TSAL ZHING SKYABS SU MCHI'O, ,BRTZE BA CHEN POS DUS THAMS CAD DU RJES SU GZUNG DU GSOL LO, , @02A *, ,RNAM MANG GDUL BYA'I KHAMS DANG BSAM PA KUN, ,RNAM KUN MKHYEN PA'I SPYAN GYIS LEGS GZIGS NAS, ,RNAM GSUM CHOS KYI 'KHOR LO BSKOR MDZAD PA, , RNAM 'DREN THUB PA'I DBANG POR GUS PHYAG 'TSAL, ,RGYAL BA KUN GYI MKHYEN BRTZE GCIG BSDUS PA, ,RGYAL SRAS THU BO SEMS DPA'I TSUL BZUNG STE, ,RGYAL BA'I CHOS KYI SRID LA DBANG BSGYUR BA, ,RGYAL TSAB DAM PA'I ZHABS LA GUS PAS 'DUD, ,GANG LA BRTEN NAS YUM DON RGYA MTSO YI, ,'JUG NGOGS CHE DER BDE BLAG GROL BA'I GRU, ,RGYAL YUM RGYAN 'DI GANG GI THUGS RJE YIS, ,'GRO LA SNANG MDZAD 'PHAGS PA THOGS MED DANG, ,SANGS RGYAS GNYIS PAR RAB GRAGS DBYIG GI GNYEN, ,RAB DGA'I SA THOB 'PHAGS PA RNAM @02B GROL SDE, ,DE YIS RJES BZUNG BTZUN PA GROL SDE DANG, ,MCHOG SDE 'DUL BA'I SDE DANG RNAM SNANG MDZAD, ,SLOB DPON SENG BZANG SANGS RGYAS YE SHES ZHABS, ,YON TAN BSHES GNYEN LO CHEN RIN CHEN BZANG, ,ZLA BA BZANG PO DHI RA BA LA DANG, , BSTAN SKYONG 'BUM PHRAG GSUM PA RDOG LO'I ZHABS, ,'BRE AAR GZHON NU TSUL KHRIMS SHES RAB 'BUM, ,BYANG CHUB 'BUM DANG GNYAL ZHIG 'JAM RDOR DANG, ,BZANG RING DAR TSUL BRTZON 'GRUS RDO RJE DANG, ,BO DONG RIN CHEN BRTZON 'GRUS SENG GE DANG; ;TSAD MA'I SKYES BU BU STON THAMS CAD MKHYEN, ,MKHAS PA NYA DBON RJE BTZUN RED MDA' PA, ,LA SOGS RGYA BOD MKHAS PA'I SKYE BO LA, ,BDAG CAG SGO GSUM GRUS PAS PHYAG 'TSAL LO, ,KHYAD PAR LUGS 'DIR BKA' DRIN MNYAM MED PA'I, ,SKAD GNYIS SMRA BA KUN GYI MCHOG GYUR PA, ,RDOG LO BSTAN PA'I NYI MA KHU DPON LA, ,SGO GSUM GUS PA CHEN POS PHYAG 'TSAL LO, ,RGYAL BA'I BKA' DANG DGONGS 'GREL MKHAS PA'I GSUNG, ,SGRA DON JI BZHIN LEGS BSGYUR GANGS CAN 'DIR, ,'GRO LA THAR PA'I LAM MCHOG GSAL MDZAD PA, ,SPRUL PA'I CHOS RGYAL LO PAn RNAMS LA 'DUD, ,MDO RGYUD LUNG GI CHU KHUR CIR YANG 'DZIN, ,DRI MED RIGS PA'I GLOG PHRENG DRAG TU 'KHYUG ,STONG NYID 'BRUG SGRA'I GAD RGYANGS MTHON PO CAN, ,BLO BZANG DBYAR SKYES DBANG PO DE LA 'DUD, ,RGYAL BA GNYIS PA'I RGYAL TSAB DAR MA'I ZHABS, ,MKHAS GRUB BSTAN PA'I NYI MA DGE LEGS DPAL, ,GANGS CAN BSTAN PA'I MNGA' BDAG DGE 'DUN GRUB, ,KUN MKHYEN GNYIS PA CHOS @03A *, ,'BYOR DPAL BZANG DANG, ,'JAM DBYANGS RNAM 'PHRUL CHOS KYI RGYAL MTSAN ZHABS, ,DE SRAS MTHU BO DPAL 'BYOR RGYAL MTSAN DANG, ,BKA' DRIN MNYAM MED BDE LEGS MTSAN CAN TE, ,LUGS 'DI'I BRGYUD PA'I BLA MA RNAMS LA 'DUD, , RANG NYID TSE RABS KUN TU 'DRIS PHYIR DANG, ,RANG DANG SKAL MNYAM GZHAN LA'ANG PHAN PA'I PHYIR, ,MDO RGYAN 'GREL BA'I RNAM BSHAD RNAM GNYIS KYI, ,DKA' BA'I GNAD RNAMS GSAL BAR BYED PA YI, ,MDO DANG RTZA 'GREL SBYOR BA'I CHU GTER CHE, , LEGS BSHAD YID BZHIN NOR BUS RAB TU GTAMS, ,SKAL BZANG KLU DBANG DGA' BA'I RNAM 'GYUR GYIS, ,ROL PA'I MTSO CHEN BDAG GIS BRI BAR BYA, ` ,DE LA 'DIR BSTAN BCOS MNGON PAR RTOGS PA'I RGYAN 'DI 'CHAD PA LA, BSTAN BCOS KYI SNGON DU 'GRO BA SPYIR BSHAD PA DANG, SKABS SU BABS PA'I BSTAN BCOS DNGOS BSHAD PA GNYIS, DANG PO LA, RGYAN GYI BSHAD BYA'I RTZA BA'I MDO NGOS GZUNG BA DANG, RGYAN GYIS MDO DON JI LTAR BKRAL BA'I TSUL DANG, RGYAN LA 'GREL PA JI LTAR BYUNG TSUL DANG, 'GREL PA GANG GI RJES SU 'BRANGS NAS MNGON RTOGS RGYAN JI LTAR 'CHAD PA'I TSUL DANG BZHI LAS, DANG PO NI, CHOS KYI RJE THUB PA'I DBANG PO DE NYID KYIS DANG POR BYANG CHUB MCHOG TU THUGS BSKYED, BAR DU BSKAL CHEN GRANGS MED GSUM GYI TSOGS BSAGS, MTHAR MNGON PAR RDZOGS PAR SANGS RGYAS TE, 'JIG TSOGS LA LTA BA'I RI BO NYI SHU MTHO LA BRLING PAS NGOS KUN NAS BSKOR ZHING MA RIG PA'I MUN PA STUG PO CAN, LTA BA NGAN PA SNA TSOGS PA'I 'KHRI SHING GIS THAR PA'I LAM @03B BSGRIBS LA, PHRA RGYAS KYI DRUG GI LJON SHING SDUG BSNGAL GYI 'BRAS BU YID DU MI 'ONG BA STER BAS DKRIGS PA, SRID PA'I CHU KLUNG CHEN POS YONGS SU 'KHYUD PA'I 'KHOR BA'I 'BROG DGON PA CHEN PO LAS LUS CAN MTHA' DAG BSGRAL TE NYID KYIS SKU NYAMS SU BSTAR BA'I 'BRAS BU MCHOG LA 'GOD PAR MDZAD NAS, SRID PA'I SDUG BSNGAL BRGYA PHRAG GZHOM PA'I THABS SU SKAL BA DANG LDAN PA'I GDUL BYA RNAMS LA CHOS JI SNYED CIG BKA' STZAL PA RNAMS KYI NANG NAS CHES SHIN TU ZAB PA DANG LDAN PA NI RGYAL BA KUN GYI BGROD PA GCIG PA'I LAM SHES RAB KYI PHA ROL TU PHYIN PA'I MDO SDE RIN PO CHE 'DI NYID YIN TE, MDO LAS, SH'A RI'I BU CHOS THAMS CAD RNAM PA THAMS CAD DU MNGON PAR RDZOGS PAR 'TSANG RGYA BAR 'TSAL BAS SHES RAB KYI PHA ROL TU PHYIN PA LA BSLAB PAR BYA'O, , ZHES DANG, MJUG YONGS SU GTAD PA'I LE'UR, KUN DGA' BO SHES RAB KYI PHA ROL TU PHYIN PA 'DI 'JIG RTEN NA JI SRID DU SPYOD PA DE SRID DU DE BZHIN GSHEGS PA BZHUGS PAR RIG PAR BYA'O, ,KUN DGA' BO DE SRID DU DE BZHIN GSHEGS PAS CHOS STON PAR RIG PAR BYA'O, ,ZHES GSUNGS PA'I PHYIR, DE RNAMS KYI NANG NAS 'DI'I BSHAD BYA RTZA BA'I MDO LA SNGA RABS PA KHA CIG ,DE LA YUM SRAS BCU BDUN DU YOD DE, YUM DRUG ,SRAS BCU GCIG TU YOD PA'I PHYIR, YUM DRUG NI, 'BUM, NYI KHRI, KHRI BRGYAD STONG PA, SHES RAB KHRI BA, BRGYAD STONG PA, MDO SDUD PA RNAMS YIN LA, DE RNAMS LA YUM ZHES BRJOD PA'I RGYU MTSAN YOD DE, DE RNAMS BRJOD BYA MNGON PAR RTOGS PA BRGYAD DU PHYE NAS STON PA'I SHER PHYIN GYI MDO YIN PA'I RGYU MTSAN @04A *, ,GYIS DE LTAR BRJOD PA'I PHYIR, SRAS BCU GCIG NI, SHER PHYIN BDUN BRGYA PA, LNGA BRGYA PA, SUM BRGYA PA, TSUL BRGYA LNGA BCU PA, LNGA BCU PA, SGO NYER LNGA PA, RAB RTZAL RNAM GNON GYIS ZHUS PA, KO'U SHI KAS ZHUS PA, SHER PHYIN YI GE NYUNG NGU, SHER PHYIN YI GE GCIG MA, SHES RAB SNYING PO RNAMS YIN LA, DE RNAMS LA SRAS ZHES BRJOD PA'I RGYU MTSAN YOD DE, DE RNAMS BRJOD BYA MNGON PAR RTOGS PA BRGYAD DU PHYE NAS MI STON PAR BRJOD BYA PHYOGS RE BA TZAM STON PA'I SHER PHYIN GYI MDO YIN PA'I RGYU MTSAN GYIS DE LTAR BRJOD PA'I PHYIR, ZHES ZER NA, SHER PHYIN GYI MDO LA BCU BDUN GYIS GRANGS NGES BYED PA MI 'THAD DE, DE GRANGS NYUNG BA'I SKYON YANG YOD, DE GRANGS MANG BA'I SKYON YANG YOD PA'I PHYIR, DANG PO GRUB STE, SHER PHYIN NYI MA'I SNYING PO, ZLA BA'I SNYING PO, KUN TU BZANG PO, LAG NA RDO RJE, RDO RJE RGYAL MTSAN GYIS ZHUS PA RNAMS DER MA 'DUS PA'I PHYIR, GNYIS PA GRUB STE, KHRI BRGYAD STONG PA LA LE'U GYA BDUN YOD PA'I MDO SDUD PA DE'I LE'U GYA BZHI PA YIN PAS, DE ZUR BAR 'DREN NA LE'U GZHAN RNAMS LA YANG MTSUNGS PA'I PHYIR, AAR CHEN PO DANG PHYIS KYI MKHAS PA KHA CIG ,LUGS DE BKAG NAS DE LA DGUR YOD DE, RGYAS PA'I RGYAS PA SHER PHYIN BAM PO LNGA BRGYA PA, RGYAS PA'I 'BRING BAM PO BZHIR RGYA PA, RGYAS PA'I BSDUS PA STONG PHRAG BRGYA PA, 'BRING GI RGYAS PA STONG PHRAG NYI SHU LNGA PA, 'BRING GI 'BRING KHRI BRGYAD STONG PA, 'BRING GI BSDUS PA SHES RAB KHRI PA, BSDUS PA'I RGYAS PA BRGYAD STONG PA, BSDUS PA'I 'BRING SHER PHYIN @04B BAM PO BCO BRGYAD PA, BSDUS PA'I BSDUS PA MDO SDUD PA RNAMS SU YOD PA'I PHYIR, ZHES ZER BA RIGS PA SNGA MAS KHEGS SO, ,KHO NA RE, MDO SDUD PA KHRI BRGYAD STONG PA'I NANG TSAN DU GSUNGS PA LO TZTSA BA RNAMS KYIS GLEGS BAM BONG DU BSGYUR BA'I TSE BKOD PA YIN GYI, DE KHRI BRGYAD STOD PA'I NANG TSAN MA YIN TE, BCOM LDAN 'DAS KYIS 'KHOR BZHI PO DE DAG YANG DAG PAR RAB TU DGA' BAR MDZAD PA'I PHYIR, ZHES GSUNGS PA'I THAD KYI SDUD 'GREL LAS, RGYAS PAR BSTAN ZIN PA'I RJES DE MA THAG NAS, ZHES KHRI BRGYAD STONG PA LA SOGS PA GSUNGS ZIN PA'I RJES SU MDO BSDUS PA GSUNGS PAR BSHAD PA'I PHYIR ZER NA MI 'THAD DE, DE LTAR NA KHRI BRGYAD STONG PA LA SHLOO KA KHRI TSO GCIG DANG STONG PHRAG BRGYAD MA TSANG BAS LO TZTSA BA RNAMS SHLOO KA'I GRANGS TZAM LA YANG 'KHRUL BAR THAL BA'I SKYON YOD PA'I PHYIR, GZHAN YANG, BSDUS PA LA GSUM DU 'BYED TSUL DE MI 'THAD DE, MDO BRGYAD STONG PA LA BAM PO NYER BZHI YOD PAR MDO DE NYID LAS 'BYUNG BAS SKABS 'DIR BAM TSAD LA MI MTHUN PA MED PA'I PHYIR, ` RANG LUGS NI, YUM RGYAS 'BRING BSDUS GSUM PO 'DI NYID 'DI'I BSHAD BYA RTZA BA'I MDO YIN TE, 'GREL PAR, RGYAL BA'I YUM RNAM PA GSUM CHAR LAS KYANG BRJOD PAR BYA BA NYID DU BSTAN PA, ZHES DANG, LA LA LAS DON GZHAN LAS TSIG ,GZHAN LAS RNAM GRANGS MING GIS TE, ,MKHAS PA RNAMS KYIS YUM KUN LAS, ,DON BSDUS DE TZAM SHES PAR BYA, ,ZHES GSUNGS PA'I PHYIR, GNYIS PA LA KHA CIG ,SHER PHYIN GYI MDO'I DGONGS 'GREL DU GYUR PA'I SHING RTA'I SROL 'BYED DE LA BZHIR @05A *, ,YOD DE, RIGS TSOGS DRUG ,MNGON RTOGS RGYAN, BRGYAD STONG DON BSDUS, GZHUNG 'GREL GNOD 'JOMS RNAMS SU YOD PA'I PHYIR, ZHES ZER, DE YANG MI 'THAD DE, BRGYAD STONG DON BSDUS KYIS THOGS MED KYI RJES SU 'BRANGS NAS SHER PHYIN GYI MDO'I DGONGS PA 'GREL, GZHUD 'GREL GNOD 'JOMS KYIS KLU SGRUB KYI RJES SU 'BRANGS NAS SHER PHYIN GYI MDO'I DGONGS PA 'GREL PA'I PHYIR, DANG PO GRUB STE, BRGYAD STONG DON BSDUS LAS, SHES RAB PHA ROL PHYIN PA NI, ,BSTAN PA GSUM LA YANG DAG BRTEN, ,BRTAGS PA DANG NI GZHAN DBANG DANG, ,YONGS SU GRUB PA KHO NA'O, ,MED CES BYA LA SOGS TSIG GIS, ,BRTAGS PA THAMS CAD 'GOG PAR BYED, ,SGYU MA LA SOGS DPE RNAMS KYIS, , GZHAN GYI DBANG NI YANG DAG BSTAN, ,RNAM PAR BYANG BA BZHI YIS NI, ,YONGS SU GRUB PA RAB TU BSGRAGS, ,SHES RAB PHA ROL PHYIN PAR NI, ,SANGS RGYAS RNAMS KYIS GZHAN BSTAN MED, ,CES NGO BO NYID GSUM GYI MDO 'GREL THEG BSDUS SOGS THOGS MED KYI GZHUNG JI LTA BA BZHIN DU BSHAD PA'I PHYIR, GNYIS PA GRUB STE, GNOD 'JOMS SOGS SU STONG NYID BCU DRUG GI BSHAD PA BYED PA'I TSE RTZA SHE'I LUNG DRANGS NAS BSHAD PA MDZAD PA'I PHYIR, DE YANG SLOB DPON PHYOGS GLANG GIS BRGYAD STONG PA'I DON TSAN SO GNYIS SU BSDUS NAS STON PA LA BRGYAD STONG DON BSDUS MDZAD PA YIN TE, SO GNYIS NI, DE NYID LAS, RTEN DANG DBANG DU BYA BA DANG, ,LAS NI SGOM PA DANG BCAS PA, ,RAB DBYE RTAGS DANG LTUNG BA DANG, ,PHAN YON BCAS @05B PAR YANG DAG BRJOD, ,CES GSUNGS PA LTAR, RAB DBYE LA STONG NYID BCU DRUG ,SGOM PA LA RNAM G-YENG GI RTOG PA BCU'I GNYEN POR BCU, RTEN, DBANG DU BYA BA, LAS, RTAGS, LTUNG BA, PHAN YON DANG DRUG RNAMS SO, ,DE LA RTEN NI STON PA'O, ,DBANG DU BYA BA NI BYANG SEMS DANG NYAN THOS KYI 'KHOR RO, ,LAS NI YUM LA JI LTAR SPYOD PA'O, ,RTAGS NI BDUD LAS DANG PHYIR MI LDOG PA'I RTAGS SO, ,LTUNG BA NI SHER PHYIN SPANGS NA NGAN SONG DU SKYE BA'O, ,PHAN YON NI STONG GSUM RIN PO CHE SNA BDUN GYIS BKANG NAS BYIN PA BAS SHER PHYIN 'BRI BA SOGS BSOD NAMS CHE BA'O, ,'O NA GZHUNG 'GREL GNOD 'JOMS DE GANG GIS MDZAD CEN, 'DI LA YUM GSUM GYI GZHUNG 'GREL GNOD 'JOMS ZHES PA YE SHES SDES BSGYUR BA ZHIG DANG, 'BUM RKYANG BA'I GZHUNG 'GREL GNOD 'JOMS ZHES PA 'GYUR BYANG MED PA ZHIG YOD PA'I PHYI MA RGYAL PO KHRI SRONG LDE BTZAN GYIS MDZAD PA YIN TE, 'PHANG THANG GI DKAR CHAG TU, BTZAN PO KHRI SRONG LDE BTZAN GYIS MDZAD PA'I 'PHAGS PA SHES RAB KYI PHA ROL TU PHYIN PA 'BUM GYI RGYA CHER 'GREL, ZHES GSUNGS PA'I PHYIR, DANG PO DE LA MI MTHUN PA MANG DU 'BYUNG YANG, SNGA MA RNAMS LA KHA CHE MA CHE BA'I SDES MDZAD PAR GRAGS PA LTAR YIN NAM SNYAM STE DPYAD PAR BYA'O, ,DES NA YUM RGYAS 'BRING GNYIS KHRI BRGYAD STONG PA DANG GSUM GYI RGYA CHER BSHAD PA GZHUNG 'GREL GNOD 'JOMS KYIS SGO GSUM DANG RNAM GRANGS BCU GCIG GI SGO NAS YUM 'GREL PAR BYED PA YIN LA, DE LA SGO GSUM NI, GLENG GZHI'I SKABS PHYE BA'I RJES LA SH'A RI'I BU LA, ZHES PA NAS BRTZON PAR BYA'O, ,ZHES PA'I @06A *, ,BAR GYIS MGO SMOS PAS GO BA RNAMS LA GANG GIS GANG GI PHYIR GANG LA JI LTAR SLOB TSUL BZHI STON PA BSDUS TE BSTAN PA'I SGO, DE NAS RNAM MKHYEN RDZOGS PA'I BAR GYIS RNAM PAR SPROS NAS GO BA RNAMS LA RNAM MKHYEN LAS BRTZAMS TE, RNAM PAR MI RTOG PA'I SHER PHYIN BZUNG NAS DON DAM PA'I TSUL DU STON PA 'BRING DU BSTAN PA'I SGO, DE NAS YONGS SU RDZOGS PA'I BAR GYIS DRANGS DGOS PA'AM, TSIG LA 'CHEL BA RNAMS KYI DON DU LAM SHES LAS BRTZAMS TE, RNAM PAR RTOG PA DANG BCAS PA DANG RNAM PAR MI RTOG PA'I SHER PHYIN BZUNG NAS KUN RDZOB DANG DON DAM PA'I TSUL DU BSTAN PA RGYAS PAR BSHAD PA'I SGO'O, ,RNAM GRANGS BCU GCIG NI DANG POR SH'A RI'I BU LA BKA' STZAL NAS BSHAD PA'I RNAM GRANGS GCIG GO ,DE NAS RAB 'BYOR GYIS RGYAS PAR BSHAD PA NI GNYIS PA'O, ,DE NAS BRGYA BYIN DANG, DE NAS RAB 'BYOR DANG, BYAMS PA DANG, RAB 'BYOR DANG, BRGYA BYIN DANG, RAB 'BYOR DANG, BYAMS PA DANG, RAB 'BYOR DANG, DE NAS KUN DGA' BO LA BKA' STZAL NAS YONGS SU GTANG PA'O, ` ,RANG LUGS LA SHER PHYIN GYI MDO'I DGONGS 'GREL DU GYUR PA'I SHING RTA'I SROL 'BYED DE LA GNYIS SU YOD DE, MGON PO KLU SGRUB KYIS JI LTAR BKRAL BA'I TSUL DANG, RJE BTZUN BYAMS MGON GYIS JI LTAR BKRAL BA'I TSUL GNYIS SU YOD PA'I PHYIR, GSER PHRENG LAS, DNGOS BSTAN STONG NYID KYI DON RIGS TSOGS DRUG DANG, SHUGS BSTAN STONG NYID BSHAD PA NA GDUL BYA'I RGYUD LA MNGON RTOGS SKYE BA'I @06B RIM PA RNAMS RGYAN GYIS BKRAL BAS, RJE BTZUN DANG KLU SGRUB ZHABS GNYIS KYIS SHER PHYIN 'GREL TSUL GNYIS SU BYUNG NGO, ,ZHES BYA BAR YANG GNAS SO, ,ZHES GSUNGS PA'I PHYIR, DE LA DANG PO NI, RGYAL BA MYA NGAN LAS 'DAS TSUL BSTAN NAS LO BZHI BRGYA LON PA NA, RGYAL BA'I MDO RGYUD DU MA NAS LUNG BSTAN PA'I SHING RTA CHEN PO DPAL MGON 'PHAGS PA KLU SGRUB DE NYID 'JIG RTEN DU BYON NAS, SHER PHYIN GYI MDO'I DNGOS BSTAN STONG NYID KYI RIM PA DE NYID RIGS PA'I RNAM GRANGS MTHA' YAS PA'I SGO NAS GTAN LA 'BEBS PA LA RIGS TSOGS DRUG DANG, DE KHO NA NYID LUNG GI SGO NAS GTAN LA 'BEBS PA LA MDO KUN LAS BTUS BA MDZAD DO, ,KLU SGRUB LUNG BSTAN TSUL YOD DE, LANG GSHEGS LAS, LHO PHYOGS BE TA'I YUL DU NI, ,DGE SLONG DPAL LDAN ZHES GRAGS PA, ,DE MING KLU ZHES 'BOD PA DES, ,YOD DANG MED PA'I PHYOGS 'JIG PA, ,NGA YI BSTAN PA 'JIG RTEN DU, ,BLA MED THEG CHEN RAB BSHAD NAS, ,RAB TU DGA' BA'I SA BSGRUBS TE, ,BDE BA CAN DU DE 'GRO'O, ,ZHES GSUNGS PA'I PHYIR, RIGS TSOGS DRUG PO DE GANG ZHE NA, 'DI LA YUL RTEN 'BYUNG GI DE KHO NA NYID GTAN LA 'BEBS PA'I GZHUNG BZHI, YUL CAN STONG NYID RTOGS PA'I LTA BA THAR PA THOB PA'I LAM GYI RTZA BAR STON PA'I GZHUNG GNYIS LAS, DANG PO LA YANG, DGAG BYA BDEN GRUB GTZO BOR 'GOG PA'I GZHUNG GNYIS, BDEN PAR MED KYANG BYA BYED 'THAD TSUL STON PA'I GZHUNG GNYIS LAS, DANG PO GNYIS YOD DE, DNGOS SMRA BA RNAMS KYI GANG ZAG DANG CHOS KYI BDAG TU SGRO 'DOGS PA'I BSGRUB @07A *, ,BYA BDEN DNGOS 'GOG PA RTZA SHE DANG, DE'I SGRUB BYED RTOG GE'I TSIG DON BCU DRUG 'GOG PA ZHI BA MO RNAM 'THAG GNYIS SU MDZAD PA'I PHYIR, GNYIS PA GNYIS YOD DE, RAB BYED BDUN PAR SKYE GNAS 'JIG GSUM BRTAG PA LAS 'PHROS NAS BDEN PAR MED KYANG BYA BYED 'THAD TSUL SPYIR STON PA STONG NYID BDUN CU PA DANG, RAB BYED DANG POR RKYEN BRTAGS PA LAS 'PHROS NAS BDEN PAR MED KYAD DGAG SGRUB KYI RNAM GZHAG 'THAD TSUL STON PA LA RTZOD BZLOG MDZAD PA'I PHYIR, GNYIS PA LA, RIN CHEN PHRENG BA DANG, RIGS PA DRUG CU PA GNYIS MDZAD PA YIN TE, 'JUG PA'I RGYA CHER 'GREL LAS, BDEN GNYIS KYI TSUL DE LTAR DU RTOGS PA NI SANGS RGYAS THOB PA LTA CI SMOS 'KHOR BA LAS GROL BA LA YANG MED MI RUNG NGO ZHES GZHUNG GNYIS KYIS STON PAS, ZHES DANG, 'KHOR BA LAS GROL BA LA YOD MED KYI MTHAR LTA BA SPANGS PA'I LAM DGOS PA NI GZHUNG GZHAN GNYIS KYIS STON TE, ZHES GSUNGS PA'I PHYIR, GNYIS PA NI, THUB PA CHEN PO CHOS KYI DBYINGS SU SNYOMS PAR ZHUGS PA'I TSUL BSTAN NAS LO DGU BRGYA LON PA NA, THOGS MED SKU MCHED 'JIG RTEN DU BYON LA, DE YANG SLOB DPON 'PHAGS PA THOGS MED CES BYA BA SNGON RGYAL BA DU MA LA LHAG PAR BYA BA BYAS SHING DGE BA'I RTZA BA RGYA CHEN PO BSKYED PA, DA LTA YANG SANGS RGYAS DANG BYANG CHUB SEMS DPA'I MGON GYIS YONGS SU BZUNG ZHING BLO GROS KYI MTHU GZHAN LAS KHYAD ZHUGS PA, THUB PA SANGS RGYAS BCOM LDAN 'DAS KYI BSTAN PA'I KHUR BZHES PA'I SMON LAM LEGS @07B PAR GRUB CING, DRANG NGES KYI MDO'I DGONGS PA RDZOGS PAR 'GREL PAR LUNG BSTAN PA DE NYID KYIS PHYI RABS KYI GDUL BYA RNAMS THEG PA CHEN PO'I SDE SNOD RGYA MTSO LTA BU LTA BA LA MGRON PO PHYOGS BSLAD PA BZHIN DU GYUR TE, TSIG SNGA PHYI'I 'BREL TZAM YANG KHONG DU CHUD PAR DKA' NA DO NA MCHOG TU GYUR PA RNAMS LTA CI SMOS PAR GZIGS SHING, RANG NYID KYANG THUB PA'I GSUNG GI GSANG BA THAMS CAD LA LKOG TU GYUR PAR MKHYEN NAS, THUB PA'I GSUNG GI GSANG BA THAMS CAD LA LKOG TU MA GYUR PA'I SPYAN MNGA' BA'I RGYAL TSAB DAM PA DE MNYES PAR BYAS NA CI 'DOD PA'I DON 'GRUB BO SNYAM DU DGONGS NAS SGRUB PA LA ZHUGS PAS ZHAL MNGON SUM DU GZIGS TE, BCOM LDAN 'DAS KYI RDZU 'PHRUL LA BRTEN NAS DGA' LDAN LA BYON NAS LHA'I DRO SKAD GCIG GAM, MI LO LNGA BCU'I BAR DU CHOS GSAN PAS GSUNG RAB MTHA' DAG GI DGONGS PA RDZOGS PAR RTOGS NAS, 'DZAM BU GLING PA'I GDUL BYA RNAMS RJES SU GZUNG BA'I PHYIR DAM PA'I CHOS KYI SKYES KYANG GNANG STE, 'BYED RNAM PA GNYIS, RGYAN RNAM PA GNYIS, THEG PA CHEN PO RGYUD BLA MA'I BSTAN BCOS RNAMS GNANG BA'I PHYIR, DE LTAR NA THOGS MED LUNG GANG DU BSTAN SNYAM NA, 'JAM DPAL RTZA RGYUD LAS, THOGS MED CES BYA'I DGE SLONG NI, ,BSTAN BCOS DE NI DON LA MKHAS, ,MDO SDE NGES DON DRANG PA'I DON, ,RNAM PA MANG PO RAB TU 'BYED, ,'JIG RTEN RIG PA STON BDAG NYID, ,GZHUNG 'BYED DANG TSUL CAN DU 'GYUR, ,DE YI RIG PA SGRUB PA NI, S'A LA'I PHO NYA MO ZHES BYA, ,DE YI SNGAGS KYI MTHU YIS NI, ,BLO NI BZANG @08A *, ,PO SKYE BAR 'GYUR, ,BSTAN PA YUN RING GNAS BYA'I PHYIR, ,MDO YI DE NYID DON SDUD BYED, ,LO NI BRGYA DANG LNGA BCUR 'TSO, ,DE LUS ZHIG NAS LHA YUL 'GRO, ,'KHOR BA RNAMS SU 'KHOR BA NA, ,YUN RING BDE BA RJES MYONG NAS, , BDAG NYID CHEN PO MTHAR BGYIS TE, ,BYANG CHUB DAM PA 'THOB PAR 'GYUR, ,ZHES GSUNGS PAS LUNG BSTAN TO, ,'O NA BYAMS CHOS LNGA PO DES MDO DON 'GREL TSUL DE GANG ZHE NA, 'DI LA YANG DNGOS BSTAN STONG NYID KYI RIM PA DANG, SBAS DON MNGON RTOGS KYI RIM PA 'GREL TSUL GNYIS LAS, DANG PO NI, RE ZHIG ZAB MO'I DON RDZOGS PAR STON PA'I SNOD DU MI RUNG BA'I GDUL BYA THEG CHEN GYI RIGS CAN DU MA RJES SU GZUNG BA'I PHYIR DU 'KHOR LO THA MA'I RJES SU 'BRANGS NAS SHER PHYIN GYI MDO'I DNGOS BSTAN STONG NYID KYI RIM PA DE NYID SEMS TZAM GYI TSUL DU 'GREL PAR BYED PA LA, THEG PA CHEN PO'I MDO SDE'I RGYAN DANG, 'BYED RNAM PA GNYIS GSUNGS, THEG PA CHEN PO'I RIGS CAN DBANG PO MCHOG TU GYUR PA RNAMS LA DANG PO NYID NAS BSTAN PAR BYA BA CHOS THAMS CAD BDEN PAS STONG ZHING DON DAM PA'I BDEN PA SPROS PA'I MTHA' THAMS CAD DANG BRAL BA SHER PHYIN GYI MDO'I DNGOS BSTAN STONG NYID KYI RIM PA DE NYID MGON PO KLU SGRUB KYIS JI LTAR BKRAL PA DANG MTHUN PAR DBU MA PA'I TSUL DU 'GREL ZHING KHYAD PAR DU DE BZHIN GSHEGS PA'I SNYING PO'I MDO DANG YUM RGYAS 'BRING BSDUS GSUM DGONGS PA GCIG TU 'GREL PA LA THEG PA CHEN PO'I RGYUD BLA MA GSUNGS, GNYIS PA NI, @08B SHER PHYIN GYI MDO'I SNYING PO'I DON DNGOS SU BSTAN PA'I SHUGS LA GDUL BYA'I RGYUD LA MNGON PAR RTOGS PA SKYE TSUL GYI RIM PA DE NYID SA 'OG GI GTER LTAR SHIN TU RTOGS DKA' ZHING RTOGS NA DON CHE BAR GZIGS NAS DE NYID GSAL BAR BYED PA LA RJE BTZUN GYIS GTER GYI KHA BYANG LTA BU'I MAN NGAG BSTAN BCOS MNGON RTOGS RKYAN MDZAD PA YIN NO, ,GSUM PA LA, SPYIR MNGON RTOGS RGYAN LA 'GREL PA RGYA GAR MAR GRAGS PA NYI SHU RTZA GCIG YOD DE, DE LA MDO RGYAN SBYAR BA'I 'GREL PA BCU GNYIS DANG, MA SBYAR BA'I 'GREL PA DGU RNAMS SU YOD PA'I PHYIR, DANG PO GRUB STE, NYI KHRI DANG SBYAR BA BZHI, BRGYAD STONG PA DANG SBYAR BA GSUM, MDO SDUD PA DANG SBYAR BA GSUM, 'BUM RKYANG PA DANG SBYAR BA GCIG ,'BUM NYI KHRI BRGYAD STONG PA STE YUM GSUM GA DANG SBYAR BA GCIG RNAMS SU YOD PA'I PHYIR, DANG PO GRUB STE, 'PHAGS PA GROL SDES MDZAD PA'I NYI KHRI SNANG BA, BTZUN PA GROL SDES MDZAD PA'I NYI KHRI RNAM 'GREL, SLOB DPON SENG GE BZANG POS MDZAD PA'I NYI KHRI LE'U BRGYAD MA, SH'AN TI PAS MDZAD PA'I NYI KHRI DAG LDAN RNAMS SU YOD PA'I PHYIR, GNYIS PA GRUB STE, SLOB DPON GYIS MDZAD PA'I RGYAN SNANG, SH'AN TI PAS MDZAD PA'I SNYING PO MCHOG ,AA BHYA K'A RAS MDZAD PA'I GNAD KYI ZLA 'OD RNAMS SU YOD PA'I PHYIR, GSUM PA GRUB STE, SLOB DPON SENG GE BZANG POS MDZAD PA'I SDUD PA'I DKA' 'GREL RTOGS SLA, SANGS RGYAS YE SHES ZHABS KYIS MDZAD PA'I SDUD PA'I DKA' 'GREL, KHA CHE DHA RM'A SHR'IS MDZAD PA'I SHER PHYIN MDZOD KYI LDE @09A *, ,MIG RNAMS SU YOD PA'I PHYIR, BZHI PA GRUB STE, KHA CHE DHA RM'A SHR'IS MDZAD PAR GRAGS PA'I STONG PHRAG BRGYA PA'I BSHAD PA DE DE YIN PA'I PHYIR, LNGA PA NI, JO BO SMRi TIS MDZAD PAR GRAGS PA'I YUM GSUM DO NA BRGYAD KYIS MTHUN PAR BSTAN PA DE DE YIN NO, ,GNYIS PA GRUB STE, SLOB DPON SENG GE BZANG POS MDZAD PA'I 'GREL PA DON GSAL, CHOS KYI BSHES GNYEN GYIS MDZAD PA'I ? 'GREL BSHAD TSIG GSAL, GSER GLING PAS MDZAD PA'I RTOG GE'I SNANG BA, SHER 'BYUNG BLO GROS, JO BO, GZHON NU DPAL GSUM GYIS MDZAD PA'I BSDUS DON GSUM, RATNA K'I RTI'I GRAGS CHA, KHA CHE BUDDHA SHR'I'I SHES RAB SGRON ME'I ? AA BHYA K'A RA'I THUB PA DGONGS RGYAN RNAMS SU YOD PA'I PHYIR, KHA CIG ;PHYI MA 'DI RGYAN GYI 'GREL PAR MI 'THAD DE, 'DI THUB PA'I GSUNG RAB SPYI'I DGONGS 'GREL YIN PA'I PHYIR NA, SKYON MED DE, 'DI'I LE'U PHYI MA GSUM PA LA'ANG ? CHER MNGON RTOGS RGYAN GYI DON RNAMS BSTAN PAS NA, DE RGYAN GYI 'GREL PAR BGRANGS PA'I PHYIR, KHA CIG ,'DI MDO RGYAN SBYAR BA'I 'GREL PA YIN TE, 'DIR GANG ZAG LA SOGS PA 'GA' ZUNG MDO DANG SBYAR BA'I PHYIR NA MA KHYAB STE, ? BDAN PHAL CHER MDO DANG MA SBYAR BAR BSHAD PA'I PHYIR, KHA CIG ,SHER PHYIN MDZOD KYI LDE MIG MDO RGYAN SBYAR BA'I 'GREL PA MA YIN TE, DER MDO TSIG DNGOS SU MA DRANGS PA'I PHYIR NA MA KHYAB STE, DER MDO SDUD PA'I DON TSAN RNAMS SO SOR CHAD DE MNGON RTOGS RGYAN DANG SBYAR NAS GSUNGS PA'I PHYIR, DE DAG GI @09B NANG NAS DHA RM'A SHR'IS MDZAD PAR GRAGS PA'I 'BUM GYI 'GREL PA 'DI RGYA 'GREL MA YIN TE, 'DIS GLENG GZHI DANG MCHOD BRJOD SBYAR NAS, DE YANG, GLENG GZHI RGYAS PAR BKA' STZAL DON MCHOG RNAMS, SDUD PAR MDZAD LA MCHOD BRJOD TSIGS BCAD MDZAD, ,CES PA'O, ,ZHES SHES BYED DU DRANGS PA 'DI BSTAN BCOS RIN CHEN SGRON ME LAS 'BYUNG BA GANG ZHIG ,DE 'DRA BA DE BA RE THOS PA DGAS MDZAD PAR MKHAS PA RNAMS LA GRAGS PA'I PHYIR, GZHAN YANG, DE MI 'THAD DE, DER YUM CHEN MO LA BAM PO SUM BRGYA, ZHES BAM GRANGS KYI BSHAD PA DANG, GDAMS DAG GI SKABS SU, MKHAS PA PAndI T'I LUGS KYIS SGRO 'DOGS PHYI RU GCOD, LTA RTOG PHYI RU BYED, YUL DPYAD PAS DE 'DZIN GYI 'KHRUL BA LDOG PAR 'DOD, KU SU LU'I LUGS KYIS SGRO 'DOGS NANG DU GCOD, LTA RTOG NANG DU BYED, RANG NGO RANG GIS RTOGS PA GCIG LA SKYE DGOS, ZHES SOGS RGYA GAR MKHAS PA'I LUGS LA MI 'BYUNG BA'I BOD TSIG DU MA 'BYUNG BA'I PHYIR, BZHI PA 'GREL PA GANG GI RJES SU 'BRANG BA NI, 'O NA MNGON RTOGS RGYAN LA 'GREL PA DE TZAM YOD NA, RANG NYID 'GREL PA GANG GI RJES SU 'BRANGS NAS MNGON RTOGS RGYAN 'CHAD PA YIN ZHE NA, RGYAL BA'I SRAS PO SENG GE BZANG POS MDZAD PA'I 'GREL PA DON GSAL GYI RJES SU 'BRANGS NAS 'CHAD PA YIN TE, 'GREL PA 'DI TSIG NYUNG ZHING DON 'DRIL LA DON GSAL BAS NA 'GREL PA GZHAN LAS KHYAD DU 'PHAGS PA'I PHYIR, ` GNYIS PA SKABS SU BABS PA'I BSTAN BCOS DNGOS BSHAD PA LA, 'O NA 'GREL PA 'DI'I RJES SU @10A *, ,'BRANGS NAS MNGON RTOGS RGYAN 'CHAD TSUL DE GANG ZHE NA, 'DI 'CHAD PA LA GSUM, RJOD BYED DON LDAN GYI MTSAN DANG, BRJOD BYA DE LDAN GYI GZHUNG DANG, GANG GIS BSGYUR BA'I 'GYUR BYANG BSHAD PA DANG GSUM LAS, DANG PO LA; DNGOS DANG, ZHAR BYUNG GNYIS LAS, DANG PO NI, RGYA GAR SKAD DU, AA BHI SA MA YA AA LAm K'A RA N'A MA PRA DZNY'A PA RA MI TA AU PA DE SHA SH'A STRA PRI TTI, BOD SKAD DU, ZHES SOGS KYIS 'CHAD, 'DI LA YANG MTSAN BSGYUR BA DANG, MTSAN BSHAD PA DANG, DGOS PA DANG GSUM LAS, DANG PO NI, RGYA GAR NI GRONG KHYER CHEN PO DRUG YOD PA'I YUL LA 'DOD RGYAL DU BRDA BYAS PA YIN LA, GRONG KHYER DRUG NI, 'DUL BA CHIG LE'UR BYAS PA LAS, MNYAN YOD GNAS BCAS TZAM PA KA, BA RA t'A SI YANGS PA CAN; ;RGYAL PO'I KHAB NI DRUG PA STE, ,'DI DAG GRONG KHER CHEN POR SHES, ,ZHES GSUNGS PA LTAR RO, ,YUL DER SKAD RIGS CHEN PO BZHI YOD DE, ZUR CHAG GI SKAD, SHA ZA'I SKAD, YUL MI RANG BZHIN PA'I SKAD, SA SKRi TA'I SKAD DANG BZHI YOD PA'I PHYIR, DE'I NANG NAS SA SKRi TA'I SKAD DU BSTAN BCOS 'DI'I MTSAN LA, AA BHI SA MA YA, ZHES SOGS 'BYUNG LA, DE BOD SKAD DU BSGYUR NA, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN CES BYA BA'I 'GREL PA, ZHES 'BYUNG STE, AA BHI SA MA YA NI, MNGON PAR RTOGS PA, AA Lm K'A RA NI, RGYAN, N'A MA NI, ZHES BYA BA, PRA DZNY'A PA RA MI TA NI, SHER PHYIN, AUR DE SHA NI, MAN NGAG SH'A STRA NI, BSTAN BCOS, PRi TTI, ZHES PA NI, 'GREL PA'I SKAD DOD @10B YIN PA'I PHYIR, GNYIS PA LA, BSTAN BCOS 'DI CHOS CAN, KHYOD LA SHES RAB KYI PHA ROL TU PHYIN PA ZHES BRJOD PA'I RGYU MTSAN YOD DE, KHYOD KYIS GZHUNG SHER PHYIN GYI DGONGS PA 'GREL PAR BYED PAS NA DE LTAR BRJOD PA'I PHYIR, KHYOD LA MAN NGAG CES BRJOD PA'I RGYUN MTSAN YOD DE, KHYOD MDO DON BDE BLAG TU RTOGS PA'I MAN NGAG STE THABS YIN PAS NA DE LTAR BRJOD PA'I PHYIR, KHYOD LA BSTAN BCOS ZHES BRJOD PA'I RGYU MTSAN YOD DE, 'CHOS SKYOB KYI YON TAN GNYIS DANG LDAN PA'I NGAG RNAM DAG YIN PAS NA DE LTAR BRJOD PA'I PHYIR, KHYOD LA MNGON PAR RTOGS PA ZHES BRJOD PA'I RGYU MTSAN YOD DE, KHYOD KYIS DON MNGON PAR RTOGS PA BRGYAD BRJOD BYAR BYED PAS NA DE LTAR BRJOD PA'I PHYIR, DE CHOS CAN, KHYOD LA RGYAN CES BRJOD PA'I RGYU MTSAN YOD DE, DPER NA RANG BZHIN GYI RGYAN SKYES BU'I LUS BZANG PO LA, 'JOS BYED KYI RGYAN GDU BU LA SOGS PAS SPRAS PA DE NYID GSAL BYED KYI RGYAN ME LONG LA SOGS PA'I NANG DU SHAR BA NA DGA' BA'I RGYAN 'DOD PA PO DGA' BSKYED PA BZHIN DU, RANG BZHIN GYI RGYAN YUM GYI LUS BZANG PO LA MDZES BYED KYI RGYAN DNGOS BRGYAD DON BDUN CUS SPRAS PA DE NYID GSAL BYED KYI RGYAN BSTAN BCOS 'DI'I NANG DU SHAR BA NA, DGA' BA'I RGYAN LTA BA PO LA DGA' BA SKYED PAS NA DE LTAR BRJOD PA'I PHYIR, DE LTAR YANG, MDO SDE'I RGYAN LAS, GZUGS RGYAN RANG BZHIN YON TAN LDAN PA ME LONG NANG SONG BA, ,MTHONG BA'I DBANG GIS MI RNAMS RAB TU DGA' BA'I MCHOG SKYED PA, ,DE BZHIN LEGS GSUNGS RTAG TU RANG BZHIN YON TAN @11A *, ,LDAN PA YI, ,CHOS KYANG DON RNAMS PHYE BS MKHAS RNAMS 'DI NA DGA' MCHOG SKYED, ,CES GSUNGS PA'I PHYIR, 'GREL PA 'DI CHOS CAN, KHYOD LA 'GREL PA ZHES BRJOD PA'I RGYU MTSAN YOD DE, KHYOD KYIS BSTAN BCOS MNGON RTOGS RGYAN GYI TSIG DON GNYIS KYI NANG NAS DON GYI CHA GTZO BOR 'GREL PAR BYED PAS NA DE LTAR BRJOD PA'I PHYIR, GSUM PA NI, BSTAN BCOS KYI DANG POR RGYA SKAD SMOS PA LA CHOS CAN, DGOS PA YOD DE, SKANG LA BAG CHAGS 'JOG PA DANG, RGYUD LA BYIN RLABS 'BYUNG BA DANG, BSTAN BCOS KHUNGS BTZUN PAR BYA BA SOGS KYI DGOS PA YOD PA'I PHYIR, BOD SKAD SMOS PA CHOS CAN, DGOS PA YOD DE, LO PAn RNAMS LA BYAS PA SHES SHING DRIN DU GZO BA'I CHED YIN PA'I PHYIR, GNYIS KA SMOS PA LA CHOS CAN, DGOS PA YOD DE, SKAD GNYIS KYI RNAM DBYE BDE BLAG TU RTOGS PA'I CHED YIN PA'I PHYIR, ` GNYIS PA LA, GZHUNG TSAD RTOGS PA'I YAN LAG TU BAM GRANGS DANG, 'GYUR MTHAR PHYIN PA'I YAN LAG TU PHYAG BYAS PA DANG GNYIS LAS, DANG PO NI, BAM PO DANG PO ZHES BSHAD, DON NI, BSTAN BCOS 'DI LA BAM PO LNGA YOD PA'I DANG PO 'DI NI 'CHAD PA LA, BAM PO ZHES BRJOD PA'I RGYU MTSAN YOD DE, DPER NA RTZVA'I PHUNG PO MANG PO PHYOGS GCIG TU BSDUS PA LA RTZVA'I BAM PO ZHES BRJOD PA LTAR, GZHUNG GI CHA MANG PO PHYOGS GCIG TU BSDOMS PAS NA DE LTAR BRJOD PA'I PHYIR, SPYIR BAM TSAD LA MI MTHUN PA DU MA YOD DE, SHLOO KA BDUN BRGYA RE LA BAM PO RER BYAS PA DANG, YUM @11B RGYAS 'BRING BSDUS GSUM LTA BU SUM BRGYA RE LA BAM PO RE BYAS PA DANG, SHES RAB SNYING PO LTA BU NYER LNGA LA BAM POR BYAS PA SOGS DU MA YOD PA'I PHYIR, SKABS 'DIR NI SHLOO KA SUM BRGYA RE LA BAM PO RE RE BYAS PA YIN TE, 'DI'I RGYA DPE LA SHLOO KA STONG LNGA BRGYA ZHES 'BYUNG ZHING, BOD DPER BAM PO LNGAR BYAS PA'I PHYIR, DES NA BSTAN BCOS KYI DANG POR BAM GRANGS SMOS PA CHOS CAN, DGOS PA YOD DE, BSTAN BCOS KYI GZHUNG TSAD LA SGRO SKUR SPANG BAR BYA BA'I CHED YIN PA'I PHYIR, GNYIS PA NI, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,ZHES BSHAD, DON NI, LO TZTSA BAS BSTAN BCOS KYI THOG MAR SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,ZHES PA'I 'GYUR PHYAG SMOS PA CHOS CAN, DGOS PA YOD DE, 'GYUR MTHAR PHYIN PAR BYA BA'I CHED YIN PA'I PHYIR DANG, SNGON GYI CHOS RGYAL RNAMS KYI BKAS BCAD DANG MTHUN PAR BSTAN BCOL 'DI LHAG PA'I TING NGE 'DZIN GYI BSLAB PA BRJOD BYA'I GTZO BOR BYED PA'I MDO SDE'I SDE SNOD DU SHES PAR BYA BA'I CHED YIN PA'I PHYIR, GNYIS PA BRJOD BYA DE LDAN GYI GZHUNG BSHAD PA LA, GZHUD SPYI'I GRANGS DANG, GZHUNG DNGOS BSHAD PA'O, ,DANG PO NI, GZHUNG 'CHAD PA'I THOG MAR GZHUNG GI MTSAMS SO SOR BSHAD PA DANG, GZHUNG DES RANG GI RTZA BA JI LTAR BSHAD PA BSTAN NA, DKYUS SA BSTAN PA'I RTA BZHIN DU 'CHAD PA DANG NYAN PA RNAMS KYI BLO MI 'KHRUG CING DON RNAMS SO SOR GO BAR 'GYUR BAS, RTZA BAS DON DU ZHIG GIS MDO DON BKRAL BA DANG, 'GREL PAS RTZA BA JI LTAR BKRAL BA'I RIM @12A *, ,PA RNAMS JI LTA BU ZHE NA, RTZA BAS MDO DON BSHAD THABS YAN LAG LNGA'I SGO NAS BSHAD PA YIN TE, RNAM BSHAD RIGS PA LAS, MDO DON SMRA BA DAG GIS NI, ,DGOS PA BSDUS PA'I DON BCAS DANG, ,TSIG DON BCAS DANG MTSAMS SBYAR BCAS, ,BRGAL LAN BCAS TE BSNYAD PAR BYA, ,ZHES GSUNGS PA LTAR YIN PA'I PHYIR, DE YANG MDO DON GYI CHE PA THOS NAS NYAN PA DANG 'DZIN PA LA GUS PA BSKYED PA'I CHED DU THOG MAR MDO DON DGOS DON GYI SGO NAS 'CHAD PA LA, RNAM PA THAMS CAD MKHYEN NYID LAM, ,ZHES SOGS GSUNGS, MDO DON BDE BLAG TU RTOGS PA'I DGOS DON DE YANG BSDUS DON LUS RNAM BZHAG LA RAG LAS PAS NA, SHES RAB PHA ROL PHYIN PA NI, ,ZHES SOGS KYIS MDO DON BSDUS DON GYI SGO NAS 'CHAD PAR BYED, DNGOS BRGYAD DON BDUN CU'I BSDUS DON DE YANG TSIG DON YAN LAG RGYAS BSHAD LA RAG LAS PAS, SEMS BSKYED PA NI GZHAN DON PHYIR, ,ZHES SOGS KYIS MDO DON TSIG DON GYI SGO NAS 'CHAD PAR BYED, TSIG DON GYI GO RIM RNAMS 'BREL BA NI MTSAMS SBYOR LA RAG LAS PAS, DE NAS THAMS CAD SHES PA NYID, ,CES DANG, DE NAS SENG GE RNAM BSGYINGS PA'I, ,ZHES PA RNAMS KYIS MDO DON MTSAMS SBYOR GYI SGO NAS 'CHAD PAR BYED, CES KHA CIG BZHED, RIGS PA SNGA PHYI MI 'GAL BA NI BRGAL LAN LA RAG LAS PAS, CHOS KYI DBYINGS LA DBYER MED PHYIR, ,ZHES DANG, DNGOS PO BRJOD DU MED PA LA, ,ZHES DANG, GZHAN GYI CHOS RNAMS KYANG YOD @12B LA; ;ZHES SOGS 'GA' ZHIG GIS MDO DON BRGAL LAN GYI SGO NAS BSHAD CING, BRGAL LAN PHAL CHER SHUGS LA BSTAN PA YIN NO, ,'O NA BRGAL BA DANG LAN GNYIS YOD PAS BSHAD THABS YAN LAG DRUG TU 'GYUR RO ZHE NA MI 'GYUR TE, RNAM BSHAD RIGS PAR BRGAL BA DANG LAN GNYIS GCIG TU BYAS PA NA BRGAL BA'I LAN GDAB PA'I DON GYI PHYIR RO, ,ZHES GSUNGS PA'I PHYIR, DE LTAR YANG RNAM BSHAD RIGS PAR, MDO DON CHE BA NYID THOS NAS, ,NYAN PA DANG NI 'DZIN PA LA, ,NYAN PA PO DE GUS BYED PAS, ,THOG MAR DGOS PA BRJOD PAR BYA, ,DE SGRUB DE NI BSDUS DON LAS, ,BSDUS PA'I DON NI TSIG DON LAS, ,GO RIM RIMS PA SNGA PHYI DAG ,MI 'GAL BA NI GNYIS LAS SO, ,ZHES GSUNGS PA'I PHYIR, DES NA MDO DON GYI BSHAD THABS KYI YAN LAG DANG PO GSUM DNGOS SU BSTAN NAS, MTSAMS SBYOR SHUGS LA BSTAN LA, BRGAL LAN PHAL CHER SHUGS LA BSTAN CING, SHUGS BSTAN DE RNAMS SLOB DPON GYIS 'GREL PAR GSAL BAR BYAS PA YIN LA, SHUGS BSTAN GYI MTSAMS SBYOR DANG PO NI, 'PHAGS PA BYAMS PA, ZHES SOGS YIN LA, DE YANG SLOB DPON CHOS BSHES NI SKABS DANG PO LA MTSAMS SBYOR SO DRUG ,GNYIS PA LA NYI SHU, GSUM PA LA BCU BZHI, BZHI PA LA SO LNGA, LNGA PA LA NYER BDUN, DRUG PA LA GCIG ,BDUN PA LA LNGA, BRGYAD PA LA BCU GSUM, BAR BA LA GCIG ,BSDUS PA LA GCIG STE BSNGOMS NA BRGYA DANG NGA GSUM YOD, DE YANG SKABS KYI DANG POR BSTAN PA BRGYAD NI SKABS KYI GO RIM NGES PA'I MTSAMS @13A *, ,SBYOR YIN ZHING, MTSAMS SBYOR GZHAN RNAMS CI RIGS PA'O, ,ZHES GSUNGS, DE MI RIGS TE, MTSAMS SBYOR GYI RIM PA 'DI DAG SLOB DPON GYIS TSIG ZIN DRANGS PA YIN NAM, DON THOB DRANGS PA YIN, DANG PO LTAR NA MI 'THAD DE, SKABS DANG PO LA MTSAMS SBYOR NYER LNGA LAS MED PAS GRANGS MANG BAR 'GYUR LA, BZHI PA LA SO DRUG DANG, BRGYAD PA LA SO DRUG YOD PAS GRANGS NYUNG BA'I SKYON YOD PA'I PHYIR, GNYIS PA LTAR NA, DANG PO SO DRUG GI DON THOB DE GANG LA BYED, GAL TE DMIGS RNAM RGYAS BSHAD LA MTSAMS SBYOR GCIG LAS MED KYANG NGES 'BYED BZHI YONG PAS MTSAMS SBYOR BZHI THOB CING SA'I YONGS SBYONG LAS BDUN PA'I YONGS SBYONG DANG PO DANG BCAS, SA BRGYAD KYI MTSAMS SBYOR BRGYAD THOB PAS SO DRUG YIN NO, ,ZHE NA, 'O NA GZUNG RTOG DANG 'DZIN RTOG GNYIS KYIS KYANG MTSAMS SBYOR GNYIS THOB PAR THAL, DAM BCA' 'THAD PA'I PHYIR, GZHAN YANG, SKABS GNYIS PA LA NYI SHU DANG, BZHI PA LA SO LNGA LAS GRANGS MANG BA SMOS DGOS PAR THAL, SKABS GNYIS PA'I NYAN RANG GI NGES 'BYED BZHI TSAN GNYIS DANG, SKABS BZHI PA'I NGES 'BYED BZHI LA YANG MTSAMS SBYOR BZHI BZHI DON GYIS THOB PA'I PHYIR, RTAGS SONG, DES NA PHYIS KYI MKHAS PA RNAMS KYANG DPYOD PA MED PAR DANG PO LA SO DRUG ,CES SOGS, RANG LUGS SU MDZAD PA MI 'THAD DE, SLOB DPON CHOS BSHES KYIS BSHAD PA DE PAndI TA THUGS MNYAM PAR MA BZHAG PA'I TSIG YIN PA'I PHYIR, DE LTA BU LA DPYANG MI BZOD PAR SNANG BA'I @13B PHYIR; 'O NA RTZA BAS MDO DON 'CHAD TSUL DE LTAR YIN NA, 'GREL BAS RTZA BA 'CHAD TSUL GANG ZHE NA, RTZA BAS MDO DON BSHAD THABS YAN LAG LNGA'I SGO NAS BSHAD PA BZHIN DU 'GREL PAS KYANG RTZA BA BSHAD THABS YAN LAG LNGA'I SGO NAS 'CHAD PAR BYED DE, SHES RAB PHA ROL PHYIN PA LA, ,ZHES SOGS KYIS RTZA BA BSHAD THABS YAN LAG LNGA'I SGO NAS BSHAD PA LA 'JUG PA'I BYA BA DE BSTAN NAS, BSHAD THABS YAN LAG LNGA'I SGO NAS 'CHAD TSUL DNGOS DE STON PA LA, 'PHAGS PA BYAMS PA ZHES SOGS GSUNGS PA'I PHYIR, ` GNYIS PA GZHUNG DNGOS 'CHAD PA LA, RTZOM PA LA 'JUG PA'I BYA BA, BRTZAM BYA GZHUNG GI RANG BZHIN, BRTZAMS PA MTHAR PHYIN PA'I TSUL DANG GSUM LAS, DANG PO LA, 'GREL PA RTZOM PA LA 'JUG PA DANG; RTZA BA RTZOM PA LA 'JUG PA'I BYA BA GNYIS LAS, DANG PO LA, DGOS PA DANG LDAN PA'I PHYAG 'TSAL BA DANG, SLOB DPON SNGA MAS GZHUNG JI LTAR PHYE TSUL, RANG GI BLO'I CHE BA BSTAN PA, BRTZAMS PA LA GZHAN 'JUG RIGS PAR GDAMS PA, KHENGS BSKYANGS TE RTZOM PA'I RGYU BRJOD PA DANG LNGA LAS, DANG PO NI, SLOB DPON GYIS 'GAL PA RTZOM PA'I THOG MAR GZHUNG LAM 'BRAS BU SHER PHYIN GSUM LA PHYAG 'TSAL ZHING MCHOD BRJOD MDZAD PA DE STON PA LA, SHES RAB PHA ROL PHYIN PA LA, ,GUS PHYAG 'TSAL, ,ZHES GSUNGS, DGOS PA CI'I PHYIR DU PHYAG 'TSAL ZHE NA, MNGON RTOGS RGYAN YUM GSUM GA'I RGYAN DU 'GREL BA'I 'GREL PA RTZOM PA MTHAR PHYIN PA'I CHED DU PHYAG 'TSAL ZHES RTZOM PAR DAM BCA' DE STON PA LA, DE'I RGYAN TSIG LE'UR @14A *, ,BYAS PA DAG ,KUN GYI RGYAN DU 'GYUR BAR NI, ,RNAM PAR DBYE PHYIR, ZHES GSUNGS, RONG t'IK PAS 'BREL PA 'DI MDO RGYAN SBYAR BA'I 'GREL PA YIN TE, KUN GYI RGYAN DU 'GYUR BAR NI, ,ZHES DANG, RGYAL BA'I YUM RNAM PA GSUM CHAR LAS KYANG, ZHES SOGS DANG, 'PHAGS BZHI'I MNGON RTOGS BSDUS TSUL GYI SKABS SU YUM GSUM GA'I LUNG SHES BYED DU DRANGS PA'I PHYIR, ZHES ZER BA MI 'THAD DE, DE LTAR NA 'GREL PA 'DI DBUS MTHA' DANG RGYAN SBYAR BA'I 'GREL PA SOGS SU 'GYUR TE, SKABS LNGA PA'I 'GREL PAR, CHOS KYI DBYINGS LAS MA GTOGS PAR, ,'DI LTAR CHOS YOD MA YIN TE, ,ZHES DBUS MTHA'I LUNG SHES BYED DU DRANGS SHING, SKABS BZHI PA'I 'GREL PAR, 'JIG RTEN SNA TSOGS LAS LAS SKYES, ,ZHES SOGS MDZOD KYI LUNG SHES BYED DU DRANGS PA SOGS DU MA YOD PA'I PHYIR, DES NA SLOB DPON GYIS 'GREL PA RTZOM PA'I THOG MAR GZHUNG LAM 'BRAS BU SHER PHYIN GSUM LA MCHOD BRJOD MDZAD PA CHOS CAN, DGOS PA YOD DE, RGYA CHER ROL PA'I MDO LAS, BSOD NAMS RNAM SMIN BDE STER SDUG BSNGAL THAMS CAD SEL, ,BSOD NAMS LDAN PA'I MI YI BSAM PA RNAMS KYANG 'GRUB, ,BDUD BCOM NAS NI BYANG CHUB MYUR DU REG PAR 'GYUR, ,MYA NGAN LAS 'DAS ZHI BA BSIL BA'I DNGOS PO 'ANG THOB, ,CES GSUNGS PA LTAR, YUL KHYAD PAR CAN SHER PHYIN LA PHYAG BTZAL BAS BSOD NAMS DPAG MED RGYUD LA SKYE LA, DE'I MTHUS BSOD NAMS MIN PA SOGS KYI BAR CHAD ZHI STE RTZOM PA MTHAR @14B PHYIN PAR 'GYUR BA'I PHYIR DANG, 'JIG RTEN NA DAM PA RNAMS BYA BA CHEN PO LA 'JUG PA'I THOG MAR YUL KHYAD PAR CAN LA PHYAG MCHOD BYED LA, 'DIR YANG YUL KHYAD PAR CAN LA MCHOD BRJOD BYAS PAS GDUL BYA RNAMS KYIS 'DI NI DAM PA'O ZHES RTOGS PAR 'GYUR BA'I DGOS PA YOD PA'I PHYIR, RTZOM PAR DAM BCA' MDZAD PA CHOS CAN, DGOS PA YOD DE, RTZOM PA MTHAR PHYIN PAR BYA BA'I CHED YIN PA'I PHYIR, DE LTAR YANG SHES RAB SDONG BU LAS, DAM PA MANG PO KHAS 'CHE MI BYED LA, ,GAL TE DKA' BAS KHAS NI BLANGS GYUR NA, ,RDO LA RI MO BRIS PA LTA BUR NI, ,SHI YANG GZHAN DU BYED PAR MI 'GYUR RO, ,ZHES GSUNGS PA LTAR RO, ,DES NA TSIGS BCAD 'DIS 'GREL PA 'DI'I DGOS SOGS CHOS BZHI BSTAN TE, RKAD PA DANG POS NYID DGOS DANG, GSUM PAS DGOS PA DANG, DAM BCAS BRJOD BYA DNGOS SU BSTAN NAS, 'BREL BA SHUGS LA BSTAN PA YIN PA'I PHYIR, DES NA 'GREL PA 'DI CHOS CAN, KHYOD KYI BRJOD BYA YOD DE, BSTAN BCOS MNGON RTOGS RGYAN DE KHYOD KYI BRJOD BYA YIN PA'I PHYIR TE, DE KHYOD KYI BSHAD BYA YIN PA'I PHYIR, DE CHOS CAN, KHYOD KYI DGOS PA YOD DE, KHYOD LA BRTEN NAS MNGON RTOGS RGYAN YUM GSUM GA'I RGYAN DU RTOGS PA DE KHYOD KYI DGOS PA YIN PA'I PHYIR, DE CHOS CAN, KHYOD KYI NYID DGOS YOD DE, KHYOD KYI CHED DU BYA BA'I GDUL BYAS KHYOD LA BRTEN NAS MNGON RTOGS RGYAN YUM GSUM GA'I RGYAN DU RTOGS PA LA BRTEN NAS, THOS BSAM GYIS ZHUGS TE MTHAR SHER PHYIN THOB PA DE KHYOD KYI NYID DGOS YIN PA'I @15A *, ,PHYIR; DE CHOS CAN, KHYOD KYI 'BREL BA YOD DE, KHYOD KYI NYID DGOS KHYOD KYI DGOS PA LA 'BREL, DE KHYOD DANG 'BREL BA DE KHYOD KYI 'BREL BA YIN PA'I PHYIR, GNYIS PA LA, KHO NA RE, KUN GYI RGYAN DU 'GYUR BAR NI, , ZHES MNGON RTOGS RGYAN YUM GSUM GA'I RGYAN DU 'GREL BA'I 'GREL PA RTZOM MI RIGS TE, KHYOD LA 'GREL PA RTZOM PA'I PHYI NANG GI MTHUN RKYEN MA TSANG BA YIN PA'I PHYIR, ZER NA SKYON MED DE, SPYIR BSTAN BCOS RTZOM PA'I PHUN SUM TSOGS PA'I RGYU DE LA YANG DAG PAR RDZOGS PA'I SANGS RGYAS NAS BZUNG STE DAM PA BAR MA CHAD PA'I GDAMS NGAG DANG LDAN PA, SHES BYA RIG PA'I GNAS LNGA LA MKHAS PA SOGS NANG GI RKYEN BSTAN BCOS KYI DON MTHA' DAG RTOGS PA'I SHES RAB DANG LDAN PA, YI DAM LHA'I ZHAL GZIGS SHING GSUNG GI GNANG BA THOB PA DANG GSUM YOD PA LAS, SLOB DPON SENG GE BZANG PO DE GSUM DANG LDAN PA'I PHYIR, DE YANG DANG PO DE DANG LDAN TE, YANG DAG PAR RDZOGS PA'I SANGS RGYAS NAS BYAMS PA, DE LA THOGS MED KYIS DNGOS SU GSAN PA'I MAN NGAG RIM PAR BRGYUD DE SLOB DPON DBYIG GNYEN DANG, 'PHAGS PA GROL SDE DANG, BTZUN PA GROL SDE'I BAR GYI MAN NGAG DANG LDAN PA'I PHYIR, ZHES PHYI'I RKYEN DGE BA'I BSHES GNYEN GYI MAN NGAG DANG LDAN TSUL DE 'CHAD PA LA, 'GRO LA CHAGS PAS KUN CHAGS MDZAD, ,CES SOGS SHLOO KA BZHI GSUNGS TE, RNAM BSHAD SNYING PO'I RGYAN LAS, SLOB DPON BZHI'I BSHAD PA'I TSUL GYIS NI YANG DAG PAR RDZOGS PA'I @15B SANGS RGYAS NAS BZUNG STE, DAM PA BAR MA CHAD PA'I MAN NGAG DANG LDAN PAR BSTAN PA YIN NO, ,ZHES GSUNGS, 'DI LA THOGS MED KYIS RNAM BSHAD MDZAD TSUL DANG, DBYIG GNYEN GYIS BKROL TSUL DANG, 'PHAGS PAS PHYE TSUL, BTZUN PAS RNAM BSHAD BYAS TSUL DANG BZHI LAS, DANG PO NI, 'GRO LA CHAGS PAS KUN CHAGS MDZAD, ,CES SOGS KYIS 'CHAD, GNYIS PA NI, 'GRO DON RTZA LAG DBYIG GI GNYEN, ,ZHES SOGS KYIS 'CHAD, GSUM PA NI, 'PHAGS PA'I KHONGS SU GTOGS PA YI, ,ZHES SOGS KYIS 'CHAD, BZHI PA NI, DE YI 'OG TU RNAM GROL SDE, ,ZHES SOGS KYIS 'CHAD, KHA CIG ,'PHAGS PA THOGS MED KYIS MDZAD PA'I DE NYID RNAM NGES DE MDO RGYAN SBYAR BA'I 'GREL PA YIN ZER BA MI 'THAD DE, MDO RGYAN SBYAR BA'I 'GREL PA BCU GNYIS DANG, MA SBYAR BA'I 'GREL PA DGU ZHES MKHAS PA RNAMS LA GRAGS SHING, MDO RGYAN SBYAR BA'I THOG MA NYI KHRI SNANG BA NAS 'DZIN PAR MKHAS PA RNAMS LA GRAGS PA LTAR 'THAD PA'I PHYIR, DE LTAR MA YIN NA; BSTAN BCOS CHEN PO'I RNAM BSHAD MDZAD, ,CES PA'I SKABS KYI BSTAN BCOS DE MNGON RTOGS RGYAN LA BYED DGOS LA, DE LTAR NA, BSTAN BCOS MTHA' DAG 'DI DE LTAR, ,ZHES DANG, BSTAN BCOS MTHA' DAG MA RNYED PAR, ,ZHES PA'I BSTAN BCOS RNAMS KYANG MNGON RTOGS RGYAN LA BYED DGOS PAR THAL BA'I SKYON YOD PA'I PHYIR DANG, SHER 'BYUNG GI BSDUS DON LAS KYANG, 'PHAGS PA DANG SLOB DPON DAG GIS MNGON PAR RTOGS PA DANG SBYAR BA LAM BLTOS PAR BSHAD @16A *, ,PA'I PHYIR DANG, ZHES DE NYID RNAM NGES MDO RGYAN MA SBYAR BA'I 'GREL PAR GSAL BAR BSHAD PA'I PHYIR, KHA CIG ,DE NYID RNAM NGES DE NYI KHRI KHO NA'I 'GREL PA YIN GSUNGS PA MI THAD DE, GSER PHRENG LAS, 'DI LA NYI KHRI DE NYID RNAM NGES ZER BA NI BRTAG DGOS SO, ,ZHES GSUNGS PA'I PHYIR, GZHAN YANG, BSTAN BCOS CHEN PO'I RNAM BSHAD MDZAD, ,CES PA'I BSTAN BCOS DE NYI KHRI KHO NA LA BYED RIGS PAR THAL, DAM BCA' 'THAD PA'I PHYIR, 'DOD MI NUS TE, DE YUM RGYAS 'BRING BSDUS GSUM LA BYED RIGS PA'I PHYIR TE, 'GREL BSHAD TSIG GSAL LAS, NGES PA'I TSIG GI TSUL GYIS NA BSTAN BCOS TE, DE YANG KHYAD PAR CAN RGYAL BA'I YUM RNAMS SO, ,ZHES GSUNGS PA LTAR 'THAD PA'I PHYIR; GSUM PA NI, KHO NA RE, KHYOD KYI 'GREL PA RTZOM MI RIGS TE, SLOB DPON SNGA MA'I 'GREL PA YOD PAS ZLOS SKYON DU 'GYUR RO ZHE NA SKYON MED DE, MKHAS PA SNGA MA BZHI'I 'GREL PA LAS TSIG DON CI RIGS PAR RNYED CING, SHES RAB CAN DBYIG GNYEN DANG, DAD PA CAN GROL SDE LA SOGS PA 'GA' ZHIG KHO NAS MA RNYED PA'I YUM DON MTHA' DAG KHO BOS RNYED CING RNYED PA LTAR 'GREL BA BRTZAM PA'I PHYIR, ZHES NANG GI RKYEN BSTAN BCOS KYI DON MTHA' DAG RTOGS PA'I SHES RAB DANG LDAN TSUL DE 'CHAD PA LA, DE LTAR MKHAS PAS SNANG BYAS SHING, ,ZHES SOGS SHLOO KA GCIG GSUNGS, BZHI PA NI, DES NA SLOB DPON SENG GE BZANG PO CHOS CAN, KHYOD KYIS 'GREL PA RTZOM RIGS TE, YANG DAG @16B PAR RDZOGS PA'I SANGS RGYAS BYAMS PA MGON PO'I ZHAL MNGON SUM DU GZIGS TE, 'GREL PA RTZOM PA'I GSUNG GI GNANG BA THOB PA'I PHYIR, RGYU MTSAN DE'I PHYIR NA PHYIR BAS KYI GZUR GNAS RNAMS 'GREL PA 'DI LA 'CHAD NYAN GYI SGO NAS 'JUG RIGS SO, ,ZHES 'CHAD PA LA, DE LTAS SHIN TU RNYED DKA' BA, ,ZHES SOGS SHLOO KA GCIG GSUNGS, LNGA PA NI, 'O NA KHYOD KYIS MDO DANG BSTAN BCOS KYI DON MTHA' DAG MNGON SUM DU RTOGS NAS BSTAN BCOS BRTZAMS PA YIN NAM ZHE NA, YUM DON MTHA' DAG KHO BO CAG GI MNGON SUM GYI SPYOD YUL MA YIN YANG 'GREL PA RTZOM PA LA SPRO BA SKYE BA'I RGYU MTSAN YOD DE, RANG GZHAN LA PHAN GDAGS PAR 'DOD PA'I BSAM PAS KUN NAS BSLANGS TE 'GREL PA BRTZAM PA YIN PA'I PHYIR, ZHES KHENGS BSKYUNGS TE SPRO BA BSKYED PA'I RGYU MTSAN 'CHAD PA LA, RNAM PA KUN TU BDAG GI NI, ,ZHES SOGS SHLOO KA GCIG GSUNGS, GNYIS PA RTZA BA RTZOM PA LA 'JUG PA'I BYA BA LA, GDUL BYA DANG BA BSKYED PA'I YAN LAG MCHOD BRJOD, RTOG LDAN BSTAN BCOS LA 'JUG PA'I YAN LAG DGOS 'BREL DANG GNYIS LAS, DANG PO LA, DNGOS DANG, RTZOD PA SPONG BA GNYIS, DANG PO LA MTSAMS SBYOR, RTZA BA, 'GREL PA DANG GSUM LAS, DANG PO NI, 'PHAGS PA BYAMS PA ZHES SOGS KYIS 'CHAD, GNYIS PA NI, NYAN THOS ZHI BA 'TSOL RNAMS, ZHES SOGS KYIS 'CHAD, GSUM PA NI, TSIGS SU BCAD PA 'DIS NI, ZHES SOGS KYIS 'CHAD, GNYIS PA DE LTAR PHYAG 'TSAL BA DANG, ZHES SOGS KYIS 'CHAD, DE @17A *, ,YANG DAG PO NI, RJE BTZUN BYAMS MGON GYIS BSTAN BCOS RTZOM PA'I THOG MAR YUM LA MCHOD BRJOD MDZAD PA CHOS CAN, DGOS PA YOD DE, RANG NYID SKYES BU DAM PA'I SPYOD PA DANG MTHUN PAR BYA BA DANG, GDUL BYA GZHAN DAG YUM LA DANG BA BSKYED PA'I CHED YIN PA'I PHYIR, ZHES MTSAMS SBYOR GYI SGO NAS 'CHAD PA LA, 'PHAGS PA BYAMS PA RANG NYID DAM PA'I SPYOD PA DANG MTHUN PAR RAB TU STON PAS, ZHES SOGS GSUNGS, 'DI LA YANG, DGOS DON; BSDUS DON, MTSAMS SBYAR DANG GSUM LAS, DANG PO LA, RANG DON GYI DGOS PA DANG, GZHAN DON GYI DGOS PA GNYIS LAS, DANG PO NI, 'PHAGS PA BYAMS PA RANG NYID DAM PA'I SPYOD PA DANG MTHUN PAR RAB TU STON PAS, ZHES PAS 'CHAD, GNYIS PA NI, GZHAN DAG BCOM LDAN 'DAS MA YON TAN RIN PO CHE PHUL DU DBYUNG DU MED CING DPAG TU MED PA'I 'BYUNG GNAS LA DON GYIS 'JUG PAR BYA BA'I PHYIR RAB TU DANG BA BSKYED PA'I CHED DU, ZHES PAS 'CHAD, GNYIS PA NI, YUM LA YON TAN JI LTA BA BZHIN DU BRJOD PA SNGON DU 'GRO BA CAN GYI PHYAG 'TSAL BA, ZHES PAS 'CHAD, GSUM PA NI, RE SHIG DANG POR, ZHES PAS BSTAN NO, ,DES NA GZHUNG 'DI'I DON LA, PHYOGS SNGA MA DGOD PA DANG, DE DGAG PA DANG, SNYING PO BSDUS TE BSTAN PA DANG GSUM LAS, DANG PO LA, GSER PHRENG SOGS SU MCHOD BRJOD KYI GZHUNG RANG DON GYI DGOS PA LA SBYAR NAS BSHAD PA LA, RONG t'IK PA NA RE, MCHOD BRJOD KYI NGAG RANG DON GYI DGOS PA LA SBYOR @17B BA MI 'THAD DE, RJE BTZUN BYAMS PA LA RANG DON DON GNYER GYI BLO MED PA'I PHYIR DANG, GZHAN BSTAN BCOS LA 'JUG PA'I CHED KHO NAR SNANG BAS SO, ,ZHES ZER, GNYIS PA DE 'GOG PA LA, SNYING PO'I RGYAN LAS, RJE BTZUN LA RANG DON DON GNYER MED PAR 'DOD PAS SOGS NI THEG PA CHEN PO'I GZHUNG LA NGAL BA ZHIB TU MA BYAS PA YIN TE, RJE BTZUN MNGON PAR RDZOGS PAR SANGS RGYAS PA'I DBANG DU BYED NA THUN MONG BA DANG THUN MONG MA YIN PA'I SKABS MA PHYED PA YIN LA, BYANG CHUB SEMS DPA'I DBANG DU BYED NA NI RANG DON YONGS SU RDZOGS PHA LA CHOS SKU DGOS PAR MA MTHONG NA RANG DON DU ZHI BA RKYANG BAS CHOG PAR 'DZIN PA MI ZLOG LA, DE MA ZLOG NA THEG CHEN SEMS BSKYED KYI MTSAN NYID YONGS SU MI RDZOGS PAR 'GYUR TE, RANG DON CHOS SKU LA DON GNYER SA BCU PA'I GNAS SKABS SU MI DGOS PA'I PHYIR DANG, SANGS RGYAS KYI SKU LA RANG DON GYI SKU DANG GZHAN DON GYI SKU GNYIS SU PHYE BA LA YANG DGOS PA MED PAR 'GYUR RO, ,ZHES GSUNGS, DON NI, RONG t'IK PA'I RTZOD PA DE MI 'THAD DE, DE LTAR SMRA BA DE RJE BTZUN BYAMS PA SANGS RGYAS YIN PA'I DBANG DU BYAS PA YIN NAM, DE BYANG CHUB SEMS DPA' YIN PA'I RGYU MTSAN GYIS DE LTAR SMRA BA YIN, DANG PO LTAR NA, RJE BTZUN SANGS RGYAS YIN PA'I RGYU MTSAN GYIS MCHOD BRJOD KYI NGAG RANG DON GYI DGOS PA LA SBYOR BA MI 'THAD DE, RJE BTZUN LA RANG DON DON GNYER GYI BLO MED PA'I PHYIR, ZHES SMRA BA THEG PA CHEN PO'I GZHUNG LA NGAL BA ZHIB TU MA BYAS PA YIN TE, MCHOD BRJOD KYI NGAG GDUL BYA THUN MONG BA RJES SU @18A *, ,GZUNG BA'I PHYIR DU GSUNGS PA GANG ZHIG ,GDUL BYA THUN MONG BA'I NGOR DE SANGS RGYAS MA YIN PA'I PHYIR, DE'I NGOR DE SANGS RGYAS YIN NA, GDUL BYA THUN MONG BA'I NGOR DE SANGS RGYAS MIN LA, DNGOS PO'I GNAS TSOD LA DE SANGS RGYAS YIN PA'I THUN MONG BA DANG THUN MONG MA YIN PA'I SKABS MA PHYED PA'I SKYON DU 'GYUR BA'I PHYIR, GNYIS PA LTAR NA, RJE BTZUN BYAMS PA DES RANG DON YONGS SU RDZOGS PA LA CHOS SKU DGOS PAR MA MTHONG BAR THAL, DE BYANG CHUB SEMS DPA' GANG ZHIG ,DE'I RGYUD LA RANG DON DON GNYER GYI BLO MED PA'I PHYIR, 'DOD NA, DES RANG DON DU ZHI BA RKYANG PAS CHOG PAR 'DZIN PAR THAL LO, ,'DOD NA, DE'I RGYUD LA THEG CHEN SEMS BSKYED KYI MTSAN NYID YONGS SU RDZOGS PA GCIG MED PAR THAL LO, ,GZHAN YANG, DE'I RGYUD LA RANG DON DON GNYER GYI BLO YOD PAR THAL, DES BCU PA BA GANG ZHIG ,SA BCU PA BA'I RGYUD LA DE YOD PA'I PHYIR, DANG PO DON GYIS SONG, GNYIS PA GRUB STE, DE'I RGYUD LA RANG DON CHOS SKU DON GNYER GYI BLO YOD PA'I PHYIR, KHYAB STE, RANG DON CHOS SKU DE RANG DON GYI SKU YIN PA'I PHYIR, MA GRUB NA, SANGS RGYAS KYI SKU LA RANG DON GYI SKU DANG, GZHAN DON GYI SKU GNYIS SU PHYE BA LA DGOS PA MED PAR THAL, MA GRUB PA DE'I PHYIR, ZHES PA'I DON NO, ,DES NA 'DI DANG, RGYUD BLA MA'I DAR t'IK LAS, DE LTAR GSUNGS PA DE YANG GDUL BYA THUN MONG BA 'GA' ZHIG RJES SU GZUNG BA'I PHYIR DU YIN GYI NGES PA'I DON DU NI MA YIN TE, BCOM LDAN 'DAS BYAMS PA NYID CHOS KYI @18B SKUR MNGON PAR RDZOGS PAR SANGS RGYAS ZIN TO, ,ZHES PA DANG, SNGAGS RIM CHEN MO LAS, DE DAG DNGOS PO'I GNAS TSOD LA SANGS RGYAS KYANG, SANGS RGYAS KYI MDZAD PA GDUL BYA LA THUN MONG DU MI STON PA MI 'GAL TE, ZHING 'DIR STON PA'I 'KHOR DU BYON PA'I BYAMS PA LA SOGS PA BZHIN NO, ,ZHES GSUNGS PA RNAMS KYI DON YANG 'DI 'BA' ZHIG GO ,GSUM PA NI, RJE BTZUN GYIS 'DIR MKHYEN GSUM GYI YON TAN BRJOD PA'I SGO NAS YUM LA BSTOD PHYAG MDZAD PA LA DGOS PA YOD DE, DKON MCHOG TA LA'I GZUNGS LAS, DAD PA SNGON 'GRO MA LTAR SKYED PA STE, ,YON TAN THAMS CAD SRUNG ZHING SBEL PAR BYED, ,CES DANG, DAD PA'I RTZA BA RAB BRTAN BYA, ,ZHES GSUNGS PA LTAR, DAD PA DKAR CHOS THAMS CAD KYI SNGON DU 'GRO DGOS PA DE SHES PAR BYA BA'I CHED YIN PA'I PHYIR TE, THEG PA CHEN PO'I LAM 'BRAS BU DANG BCAS PA LA DAD PA SHUGS DRAG PO YOD NA DES 'DUN PA SHUGS DRAG DRANGS NAS THOS BSAM SGOM GSUM SOGS LA 'JUG PAR 'GYUR ZHING DAD PA SNGON DU MA SONG NA, 'JIG RTEN PHYI MA PHAN CHAD KYI DON DU LAM NYAMS SU LEN PA'I BLO RNAL MA MI SKYE BAR GZIGS NAS LAM LA 'JUG PAR 'DOD PA RNAMS KYIS THOG MAR MTHA'I 'BRAS BU SANGS RGYAS DKON MCHOG DANG, MKHYEN GSUM GYIS BSDUS PA'I CHOS DKON MCHOG DANG, DE GNYIS TSUL BZHIN DU SGRUB PA'I DGE 'DUN DKON MCHOG RNAMS LA ZLOG TU MED PA'I DAD PA BSKYED PAR BYA'O SNYAM DU DGONGS NAS 'DIR MCHOD BRJOD MDZAD PA YIN PA'I PHYIR, KHA CIG ,RNAM BSHAD KYI 'PHUL @19A *, ,MTSAMS LA, MCHOD BRJOD KYI NGAG RANG DON GYI DGOS PA LA SBYOR BA MI 'THAD DE, RJE BTZUN LA RANG DON DON GNYER GYI BLO MED PA'I PHYIR NA RTAGS MA GRUB, RJE BTZUN BYAMS PA SKYE BA GCIG THOGS KYI BYANG CHUB SEMS DPA' YIN PA'I PHYIR, DE YIN PA'AM, DE SANGS RGYAS YIN PA GANG RUNG GANG ZHIG ,DE SANGS RGYAS MA YIN PA'I PHYIR, GNYIS PA MA GRUB NA, DE MTHONG LAM THOB PA'I TSE DE LA LONGS SKU MNGON DU BYAS PA'I GANG ZAG YIN PAR THAL, DE SANGS RGYAS GANG ZHIG ,MTHONG LAM PAR GYUR PA'I RJE BTZUN BYAMS PA YOD PA'I PHYIR TE, BYANG CHUB SEMS DPAR GYUR PA'I RJE BTZUN BYAMS PA YOD PA'I PHYIR TE, BYAMS SEMS NYE BA'I SRAS BRGYAD YOD PA'I PHYIR, RTZA BAR 'DOD NA, SKABS 'DI'I THUN MONG BA PHAR PHYIN THEG PA DANG, THUN MONG MA YIN PA SNGAGS BLA MED KYI THEG PA LA BYED PA'I KHYAD PAR MI 'THAD PAR THAL, MTHONG LAM THOB PA'I TSE DE LA LONGS SKU MNGON DU BYAS PA'I GANG ZAG YOD PA'I PHYIR, ZHES ZER BA MI 'THAD DE, SKABS 'DIR PHAR PHYIN THEG PA LAS MCHOG TU GYUR PA'I SNGAGS BLA MED KYI THEG PA SGRA JI BZHIN DU KHAS BLANG DU RUNG BAR THAL, THUN MONG BA DANG THUN MONG MA YIN PA'I DON DE 'THAD PA'I PHYIR, 'TSANG RGYA BA LA BSKAL CHEN GRANGS MED GSUM DU TSOGS BSAGS MI DGOS PAR THAL, TSE GCIG LUS GCIG LA 'TSAD RGYA NUS PA'I LAM MA ZHUGS KYI GANG ZAG YOD PA'I PHYIR TE, 'DOD PA DE'I PHYIR, GZHAN YANG, MTHONG LAM PAR GYUR PA'I RJE BTZUN @19B BYAMS PA YIN NA, RGYAN RTZOM PA PO'I RJE BTZUN BYAMS MGON DANG TSE GCIG GIS BSDUS PAS KHYAB PAR THAL, MTHONG LAM PAR GYUR PA'I RJE BTZUN BYAMS PA YOD PA GANG ZHIG ,RGYAN RTZOM PA PO'I RJE BTZUN BYAMS PA SANGS RGYAS YIN NA, MTHONG LAM THOB PA'I TSE DE LA LONGS SKU MNGON DU BYAS PA'I GANG ZAG YIN DGOS PA'I PHYIR, RTAGS KHAS, 'DOD NA, 'TSANG RGYA BA LA BSKAL CHEN GRANGS MED GSUM DU TSOGS BSAGS MI DGOS PAR THAL, MTHONG LAM THOB PA'I TSE DE LA SA BCU PA THOB PAR NGES PA'I MTHONG LAM PA YOD PA'I PHYIR TE, RGYAN RTZOM PA PO'I RJE BTZUN BYAMS MGON DE SA BCU PA BA GANG ZHIG ,DE DANG TSE GCIG GIS BSDUS PA'I BYANG SEMS MTHONG LAM PA YOD PA'I PHYIR TE, MTHONG LAM PAR GYUR PA'I RJE BTZUN BYAMS PA YOD PA GANG ZHIG ,DE YIN NA DE DANG TSE GCIG GIS BSDUS PAS KHYAB PA'I PHYIR, RTAGS KHAS, GZHAN YANG, RJE BTZUN BYAMS PA DE MA 'ONGS PA NA 'DZAM BU'I GLING DU BYON PA'I TSE SRID PA THA MA PA'I BYANG SEMS YIN PAR THAL, DE DA LTA SKYE BA GCIG THOGS KYI BYANG SEMS YIN PA'I PHYIR, RTAGS KHAS, 'DOD NA, DE'I TSE DE RTEN DE LA 'TSANG RGYA BAR THAL LO, ,KHA CIG ,SKABS 'DI'I THUN MONG BA NYAN THOS SDE GNYIS DANG, THUN MONG MA YIN PA DBU SEMS GNYIS LA BYED DE, GSER PHRENG LAS, TSUL 'DI LTAR NA BCU GNYIS PO THAMS CAD KYANG SANGS RGYAS KYI MDZAD PA STE THUN MONG MA YIN PA'I LUGS SO, ,THEG PA THUN MONG BA LTAR NA KUN BTUS SOGS SU BSHAD PA LTAR DANG PO DGU BYANG SEMS DANG, PHYI MA GSUM SANGS RGYAS @20A *, ,KYI MDZAD PA STE, ZHES GSUNGS PA DANG, RNAM BSHAD KYI LUNG 'DI GNYIS DON GCIG PA'I PHYIR, ZHES ZER BA MI 'THAD DE, MCHOD BRJOD KYI CHED DU BYA BA'I GDUL BYA NYAN THOS SDE GNYIS MED PA'I PHYIR, KHA CIG ,RJE BTZUN BYAMS PA SANGS RGYAS KYANG MA YIN, BYANG CHUB SEMS DPA' YANG MA YIN LA, RGYAN RTZOM PA PO'I RJE BTZUN BYAMS PA SANGS RGYAS YIN ZER BA DANG, KHA CIG ,BYANG CHUB SEMS DPA' YIN ZER BA GNYIS KA MI 'THAD DE, RJE BTZUN BYAMS PA YIN NA, RGYAN RTZOM PA PO'I RJE BTZUN BYAMS PA YIN DGOS PA'I PHYIR TE, RJE BTZUN BYAMS PA DE DE YIN PA'I PHYIR TE, MNGON RTOGS RGYAN DE RJE BTZUN BYAMS MGON GYIS BRTZAMS PA'I BSTAN BCOS YIN PA'I PHYIR, KHO NA RE, RJE BTZUN BYAMS PA SANGS RGYAS MA YIN TE, DE DANG BYANG CHUB SEMS DPA'I GZHI MTHUN YOD PA'I PHYIR, BYANG SEMS NYE BA'I SRAS BRGYAD KYI NANG TSAN DU GYUR PA'I RJE BTZUN BYAMS PA ZHES PA'I MING CAN DE RJE BTZUN BYAMS PA YIN TE, DE YOD PA'I PHYIR NA MA KHYAB STE, KUN DGA' BO DE DGRA BCOM PA MA YIN PAR THAL, DE DANG RGYUN ZHUGS KYI GZHI MTHUN YOD PA'I PHYIR TE, SHER PHYIN GYI MDO'I GLENG GZHI'I 'KHOR DU BYUNG BA'I KUN DGA' BO'I MING CAN GYI RGYUN ZHUGS DE KUN DGA' BO YIN PA'I PHYIR TE, DE YOD PA'I PHYIR, GSUM PA SONG, KHA CIG ,RGYAN RTZOM PA PO'I RJE BTZUN BYAMS PA DE MCHOG GI SPRUL SKU YIN TE, SKYE BA MNGON PAR SKYE BA'I MDZAD PA LA GNAS PA'I GANG ZAG DE MCHOG GI SPRUL SKU YIN PA'I PHYIR TE, DE'I MDZAD PA DE MCHOG GI SPRUL SKU'I @20B MDZAD PA YIN PA'I PHYIR ZER NA MA KHYAB, RTAGS GRUB STE, MDZAD PA BCU GNYIS PO THAMS CAD DE YIN PA'I PHYIR, KUN BTUS KYI DAR t'IK LAS, 'DI RNAMS GANG ZAG GANG YANG RUNG BA'I DBANG DU BYAS PA MA YIN GYI MCHOG GI SPRUL SKU KHO NA'I DBANG DU BYAS PA'O, ,ZHES GSUNGS PA'I PHYIR, ZER NA, DRI ZA'I RGYAL PO RAB DGA' 'DUL BA'I PHYIR DU PI LBANG MKHAN GYI GZUGS SU SPRUL PA'I DE BZHIN GSHEGS PA DE MCHOG GI SPRUL SKU YIN PAR THAL, DE'I MDZAD PA DE MCHOG GI SPRUL SKU'I MDZAD PA YIN PA'I PHYIR, KHYAB PA KHAS, RTAGS GRUB STE, DE STON PA SH'AKYA THUB PA'I MDZAD PA YIN PA'I PHYIR, 'DOD MI NUS TE, DE BZO BO SPRUL SKU YIN PA'I PHYIR, GZHAN YANG, DE MCHOG GI SPRUL SKU MA YIN TE, DE SKYE BA SPRUL SKU YIN PA'I PHYIR TE, DAM PA TOG DKAR PO SKYE BA SPRUL SKU YIN PA'I PHYIR TE, RGYUD BLA MA'I DAR t'IK LAS, 'DAD PA KHAMS SU THOG MAR SKYE BA'I TSUL STON PA DGA' LDAN DU LHA'I BU DAM PA TOG DKAR PO LTA BUR MNGON PAR SKYE BA DANG, DE NAS MDZAD PA BCU GNYIS KYI DANG PO DGA' LDAN GYI GNAS NAS 'DZAM BU'I GLING DU 'PHO BA DANG, ZHES GSUNGS PA'I PHYIR, KHO NA RE, DE CHOS CAN, MCHOG GI SPRUL SKU YIN PAR THAL, MA 'ONGS PA NA BSKAL PA BZANG PO 'DI LA MCHOG GI SPRUL SKU'I MDZAD PA STON PAR 'GYUR BA'I SPRUL SKU YIN PA'I PHYIR NA MA KHYAB, KHO NA RE, DE MCHOG GI SPRUL SKU YIN PAR THAL, SANGS RGYAS BYAMS PA MCHOG GI SPRUL SKU YIN PA'I PHYIR NA MA KHYAB, MGON PO BYAMS PA DE BYANG CHUB SEMS DPA'I TSUL BZUNG BA'I TSE, BYANG CHUB SEMS DPA' @21A *, ,BYAMS PA ZHES BYA YI, RJE BTZUN BYAMS PA ZHES MI BYA LA, DE DGA' LDAN DU BZHUGS PA'I TSE RJE BTZUN BYAMS PA ZHES BYA YI, SANGS RGYAS BYAMS PA ZHES MI BYA LA, DE MA 'ONGS PA NA MDZAD PA BCU GNYIS KYI TSUL BSTAN PA'I TSE SANGS RGYAS BYAMS PA ZHES BYA YI, RJE BTZUN BYAMS PA ZHES MI BYA BA YIN PA'I PHYIR, KHO NA RE, RJE BTZUN BYAMS PA DE MA 'ONGS PA'I SANGS RGYAS SU THAL, DE SANGS RGYAS YIN PA'I PHYIR, 'DOD MI NUS TE, MA 'ONGS PA NA 'TSANG RGYA 'GYUR YIN, PA'I CHA NAS KYANG DE MA 'ONGS PA'I SANGS RGYAS MA YIN, DE MA 'ONGS PA DANG SANGS RGYAS KYI GZHI MTHUN YIN PA'I CHA NAS KYANG DE MA 'ONGS PA'I SANGS RGYAS MA YIN PA'I PHYIR NA MA KHYAB, DE CHOS CAN, MA 'ONGS PA'I SANGS RGYAS YIN PAR THAL, MA 'ONGS PA NA BSKAL PA BZANG PO 'DI LA MCHOG GI SPRUL SKU'I MDZAD PA STON PAR 'GYUR BA'I SKYE BA MNGON PAR SKYE BA'I MDZAD PA LA GNAS PA'I GANG ZAG YIN PA'I PHYIR RO, ` ,NYAN THOS ZHI BA 'TSOL RNAMS, ZHES SOGS KYI SKABS SU GZHUNG DES YUM MKHYEN GSUM LA MCHOD BRJOD MDZAD NA, DE'I TSUL JI LTA BU ZHE NA, 'DI LA BSTOD PA DANG, PHYAG 'TSAL PA GNYIS LAS, DANG PO LA, MKHYEN GSUM GYI YON TAN GYI SGO NAS BSTOD PA NI, NYAN THOS ZHI BA 'TSOL RNAMS, ZHES SOGS RKANG PA GSUM GYIS 'CHAD, 'PHAGS BZHI'I YUM BYED TSUL GYI SGO NAS BSTOD PA NI, NYAN THOS BYANG CHUB SEMS DPA'I TSOGS BCAS SANGS RGYAS KYI NI YUM DE LA, ZHES PAS 'CHAD, PHYAG 'TSAL BA NI, PHYAG 'TSAL ZHES PAS 'CHAD, @21B DANG PO LA YANG GZHI SHES LA BSTOD PA, LAM SHES LA BSTOD PA, RNAM MKHYEN LA YON TAN GYI SGO NAS BSTOD PA DANG GSUM LAS, DANG PO LA, MNGON RTOGS RIGS SO SOR 'BYED PAR BYED PA'I RNAM GZHAG GI RTEN NI, NYAN THOS ZHI BA TSOL RNAMS ZHES PAS 'CHAD, THABS GZHI SHES DE, KUN SHES NYID KYIS, ZHES PAS 'CHAD, THABS DE LA BRTEN NAS THOB PA'I 'BRAS BU DE, NYER ZHIR 'KHRID MDZAD GANG YIN DANG, ,ZHES PAS 'CHAD, GNYIS PA LA, MNGON RTOGS RIGS SO SOR 'BYED PA'I RNAM GZHAG GI RTEN DE STON PA LA, 'GRO LA PHAN PAR BYED RNAMS, ZHES GSUNGS, THABS LAM SHES DE STON PA LA, LAM SHES NYID KYIS, ZHES GSUNGS, 'DI'I 'BRAS BU DE STON PA LA, 'JIG RTEN DON SGRUB MDZAD PA GANG, ,ZHES GSUNGS, GSUM PA LA, MNGON RTOGS RIGS SO SOR 'BYED PA'I RNAM GZHAG GI RTEN DANG SKYE BA'I RTEN GNYIS KA'I DBANG DU BYAS PA NI, THUB RNAMS, ZHES PAS 'CHAD, THABS RNAM MKHYEN DE 'CHAD PA LA, GANG DANG YANG DAG LDAN PAS, ZHES GSUNGS, DE'I 'BRAS BU DE STON PA LA, RNAM PA KUN LDAN SNA TSOGS 'DI GSUNGS PA, ,ZHES GSUNGS, DES NA SKABS 'DIR MTHA' DPYAD PA LA, MKHYEN GSUM GYI GO RIMS, GRANGS NGES, YUM SRAS KYI DON, BSTOD YUL GYI MKHYEN GSUM NGOS GZUNG BA DANG BZHI LAS, DANG PO LA, RONG t'IK PAS, MCHOD BRJOD KYI SKABS SU DANG POR GZHI SHES LA BSTOD PA DE MCHOD BRJOD GLENG GZHI LE'U'I 'GREL PA YIN PAS, DE'I GO RIM DANG MTHUN PAR BSTOD PA'AM, YANG NA @22A *, ,GDUL BYA NYAN THOS KYI RIGS CAN RJES SU GZUNG BA'I PHYIR DU DA LTAR BSTOD PA'I PHYIR, ZHES ZER, BCOM LDAN RIGS RAL GYIS DMAN MCHOG GI RIMS PA'I DBANG DU BYAS PA YIN GSUNG, RONG t'IK PAS, GDUL BYA THEG PA GSUM GYI LAM LA RIM GYIS 'JUG PA'I RIM PA DANG MTHUN PAR BSTOD PA YIN GSUNG, DANG PO MI 'THAD DE, MCHOD BRJOD GLENG GZHI DANG SBYAR BA'I BSHAD PA 'PHAGS SENG GNYIS KAS MA MDZAD PA YIN TE, 'PHAGS PAS 'PHRIN LAS KYI SKABS SU GLENG GZHI'I BSHAD PA MDZAD, SLOB DPON GYIS DGOS 'BREL GYI SKABS SU MDZAD PA'I PHYIR DANG, MDO'I GLENG GZHI'I SKABS NAS DNGOS SU BSTAN PA'I GZHI SHES KYI RTEN GYI GANG ZAG YIN NA, MCHOD BRJOD KYI SKABS NAS DNGOS SU BSTAN PA'I GZHI SHES KYI RTEN GYI GANG ZAG YIN PAS MA KHYAB PA'I PHYIR TE, DANG PO LA DGRA BCOM PA DU MA YOD, GNYIS PA DE YIN NA THEG DMAN SLOB PA YIN DGOS PA'I PHYIR, GNYIS PA YANG MI 'THAD DE, MCHOD BRJOD KYI CHED DU BYA BA'I GDUL BYA THEG DMAN GYI RIGS CAN MED PA'I PHYIR, GSUM PA YANG MI 'THAD DE, GDUL BYAS LAM NYAMS LEN GYI DGOS PA KHYAD PAR CAN GYI DON DU MCHOD BRJOD KYI GO RIM 'DI LTAR MDZAD PA'I PHYIR, BZHI PA YANG MI 'THAD DE, GDUL BYA THEG CHEN GYI RIGS CAN GYI GANG ZAG LAM LA 'JUG PA'I RIM PA STON PA'I SKABS 'DIR DE LTA BU'I RIM PA BSTAN PA LA DGOS PA MED PA'I PHYIR, KHA CIG ,LAM SHES THOB PA LA GZHI SHES THOB PA SNGON DU 'GRO DGOS PAS MI RTAG SOGS BCU @22B DRUG RTOGS PA'I YE SHES THOB PA SNGON DU 'GRO DGOS PA'I RGYU MTSAN GYIS DE LTAR BSTONG BA YIN, ZHES ZER BA MI 'THAD DE, LAM SHES RGYUD LA SKYE KHA MA'I GANG ZAG YIN NA, GZHI SHES THOB PAS MA KHYAB PA'I PHYIR, RANG LUGS LA, KHO NA RE, BSTAN BCOS LUS KYI SKABS SU, DANG POR RNAM MKHYEN BSTAN PA MI 'THAD PAR THAL, DE MCHOD BRJOD KYI GO RIM DE DANG MI MTHUN PA'I PHYIR, ZER NA SKYON MED DE, RGYAN GYI CHED DU BYA BA'I GDUL BYAS LAM NYAMS SU LEN PA'I RIM PA DANG MTHUN PAR SKABS 'DIR DANG POR GZHI SHES LA BSTOD LA, BSTAN BCOS LUS KYI SKABS SU GDUL BYA 'BRAS BU LA SPRO BA BSKYED PA'I PHYIR DANG POR RNAM MKHYEN BSHAD PA YIN PA'I PHYIR, DANG PO GRUB STE, SKABS GSUM PAR BSTAN PA'I SKYES BU 'BRING DANG THUN MONG BA'I LAM LA BLO MA SBYANGS PAR, SNYING RJE CHEN PO MTSAN NYID TSANG BA GCIG RGYUD LA MI SKYES, DE MA SKYES NA THEG CHEN SEMS BSKYED DANG LAM SHES SOGS RGYUD LA MI SKYE BAS, SKYES BU CHEN PO'I LAM RIM RGYUD LA SKYE BA LA SKYES BU 'BRING DANG THUN MONG BA'I BSAM PA SBYONG BA SNGON DU 'GRO DGOS PA DE SHES PAR BYA BA'I PHYIR DU, SKABS 'DIR DANG POR GZHI SHES LA BSTONG PA YIN PA'I PHYIR, GNYIS PA NI, SKABS 'DIR DNGOS SU BSTAN PA'I YUM LA MKHYEN PA GSUM DU GRANGS NGES TE, DE LA DE GSUM DU DBYER YOD, DE LA DE GSUM LAS GRANGS MANG MI DGOS SHING, DE LA DE GSUM LAS GRANGS NYUNG NA MI 'DU BA'I PHYIR, KHA CIG ,SKABS 'DIR DNGOS SU BSTAN PA'I YUM LA 'PHAGS RGYUD KYI MKHYEN PAS @23A *, ,KHYAB STE, SKABS 'DIR DNGOS SU BSTAN PA'I YUM LA MKHYEN PA GSUM DU GRANGS DES PA'I PHYIR, ZER BA MI 'THAD DE, NYAN THOS MTHONG LAM RNAM GROL LAM PA PA'I YUM DE TSIGS RKANG DANG PO'I SKABS NAS DNGOS SU BSTAN PA'I YUM DANG, THEG CHEN MTHONG LAM RNAM GROL LAM PA PA'I YUM DE TSIGS RKANG GNYIS PA'I SKABS NAS DNGOS SU BSTAN PA'I YUM DANG, MCHOG GI SPRUL SKU'I YUM DE TSIGS RKANG GSUM PA'I SKABS NAS DNGOS SU BSTAN PA'I YUM YIN PA'I PHYIR, DANG PO GRUB STE, DES DE DNGOS SU BSTAN PA'I PHYIR, RTAGS SLA, 'DOD MI NUS TE, NYAN THOS KYI SBYOR LAM KHYOD YIN PA'I PHYIR, GNYIS PA GRUB STE, DES DE DNGOS SU BSTAN PA'I PHYIR, 'DOD MI NUS TE, BYANG SEMS KYI SBYOR LAM KHYOD YIN PA'I PHYIR, KHA CIG ,DE LA DE GSUM DU GRANGS NGES TE, TSOGS SBYOR RNAMS GZHI SHES DANG, LAM SHES GANG RUNG DU 'JOG PA'I PHYIR, ZHES ZER BA MI 'THAD DE, NYI SNANG LAS, 'PHAGS PA'I GANG ZAG THAMS CAD KYI DBANG DU MDZAD NAS THAMS CAD MKHYEN PA NYID GSUM GYI THUN MONG MA YIN PA'I YON TAN NYE BAR 'GOD PA SNGON DU 'GRO BAS SHES RAB KYI PHA ROL TU PHYIN PA LA PHYAG 'TSAL LO, ,ZHES MKHYEN GSUM GANG RUNG LA 'PHAGS RGYUD KYI MKHYEN PAS KHYAB PAR GSUNGS PA'I PHYIR, GSUM PA NI, 'PHAGS PA DE'I YUM YIN NA, 'PHAGS PA DE'I RGYU YIN PAS KHYAB, MKHYEN PA DE'I SRAS YIN NA, MKHYEN PA DE'I 'BRAS BU YIN PAS KHYAB STE, SANGS RGYAS LA SOGS PA BSKRUN PAR @23B MDZAD PA NI, ZHES DANG, RNAM BSHAD SNYING PO'I RGYAN LAS, YUM DANG SRAS NI BSKYED BYA SKYED BYED DU SHES PAR BYA'O, ,ZHES GSUNGS, BZHI PA NI, MKHYEN GSUM 'PHAGS BZHI'I YUM YIN ZER NA, RNAM MKHYEN SANGS RGYAS 'PHAGS PA'I YUM YIN PAR THAL, DAM BCA' 'THAD PA'I PHYIR, 'DOD NA, DE SANGS RGYAS 'PHAGS PA'I SKYED BYED YIN PAR THAL, DE'I YUM YIN PA'I PHYIR, 'DOD MI NUS TE, DE DANG DUS MNYAM YIN PA'I PHYIR, KHA CIG ,RANG SRAS 'PHAGS BZHI'I BZHED DON SGRUB NUS KYI 'PHAGS RGYUD KYI MKHYEN PA, MCHOD BRJOD KYI YUL DU GYUR PA'I YUM GYI NGO BO YIN ZER NA, MI 'THAD DE, RNAM MKHYEN GYI SRAS SU GYUR PA'I 'PHAGS BZHI MED PA'I PHYIR TE, DER GYUR PA'I NYAN THOS 'PHAGS PA MED PA'I PHYIR; MA GRUB NA, DE CHOS CAN, KHYOD KYI SRAS SU GYUR PA'I NYAN THOS 'PHAGS PA MED PAR THAL, KHYOD 'BRAS YUM YIN PA'I PHYIR, KHO NA RE, RNAM MKHYEN GYI SRAS SU GYUR PA'I NYAN THOS 'PHAGS PA YOD PAR THAL, SANGS RGYAS 'PHAGS PA'I SRAS SU GYUR PA'I DE YOD PA'I PHYIR TE, SRAS SGRA GCAN 'DZIN DE SH'KYA THUB PA'I SRAS YIN PA'I PHYIR TE, DE'I SRAS YOD PA'I PHYIR NA MA KHYAB, KHA CIG ,MCHOD BRJOD KYI YUL DU GYUR PA'I YUM YIN NA, SKABS 'DIR DNGOS SU BSTAN PA'I MCHOD BRJOD KYI YUL DU GYUR PA'I YUM YIN PAS KHYAB ZER NA, RANG RGYAL GYI MTHONG LAM CHOS CAN, DER THAL, DE'I PHYIR, 'DOD MI NUS TE, SKABS 'DIR SHUGS LA BSTAN PA'I PHYIR TE, NYAN THOS DANG DE'I PHYOGS SU BSLAN PA @24A *, ,ZHES GSUNGS PA'I PHYIR, RANG LUGS LA, THAMS CAD SHES PA NYID NI GZUGS LA SOGS PA'I CHOS LA MI RTAG PA LA SOGS PA'I RTEN CAN, ZHES GSUNGS PA LTAR, MI RTAG SOGS BCU DRUG MNGON SUM DU RTOGS PA'I YE SHES DE GZHI SHES DANG, LAM SHES PA NYID NI THEG PA THAMS CAD KYIS NGES PAR 'BYUNG BA DANG, ZHES GSUNGS PA LTAR, THABS SHES KHYAD PAR CAN GYIS ZIN PA'I THEG CHEN 'PHAGS PA'I MKHYEN PA LAM SHES DANG, RNAM PA THAMS CAD MKHYEN PA NYID NI CHOS THAMS CAD SKYE BA MED PA LA SOGS PA'I RTEN CAN, ZHES GSUNGS PA LTAR, CHOS THAMS CAD BDEN PA'I SKYE MED DU MNGON SUM DU RTOGS PA MTHAR PHYIN PA'I YE SHES RNAM MKHYEN YIN NO, ,'O NA DE'I 'OG DE MA THAG TU, GZHI DANG LAM DANG RNAM PA SKYE BA MED PAR YONGS SU SHES PA, ZHES GSUNGS PA DANG 'GAL LO, ,ZHE NA, SKYON MED DE, LJON PA RTA MGO CAN GYIS ZHUS PA'I MDO LAS, PHA NI THABS LA MKHAS PA STE, ,MA NI SHES RAB PHA ROL PHYIN, ,ZHES SHES RAB KYI CHA THUN MONG BA'I RGYU DE LA MA ZHES DANG, THABS KYI CHA THUN MONG MA YIN PA'I RGYU DE LA PHA ZHES BRJOD PA LTAR, YUM GYI LDOG PA NGOS GZUNG BAR BZHER NAS, GZHI SHES KYI GTZO BO GZHI GANG ZAG GI BDAG GIS SKYE BA MED PAR MNGON SUM DU RTOGS PA'I YE SHES DANG, LAM SHES KYI GTZO BO LAM GSUM BDEN PA'I SKYE BA MED PAR MNGON SUM DU RTOGS PA'I YE SHES SU BSTAN PA TZAM YIN GYI, YUM DANG MKHYEN PA LA BDAG MED RTOGS PAS KHYAB PAR BSTAN PA MA YIN PA'I PHYIR RO, , @24B DES NA RANG SRAS 'PHAGS PA'I BZHED DON SGRUB NUS KYI MKHYEN PA, MCHOD BRJOD KYI YUL DU GYUR PA'I YUM GYI MTSAN NYID YIN, DE LA DBYE NA LAM LNGA GSUM BCO LNGA YOD, GZHUNG DON NI, GZHI SHES CHOS CAN, BYED LAS KHYAD PAR CAN DANG LDAN TE, RANG SRAS NYAN RANG SLOB PA 'PHAGS PA RNAMS NYER ZHIR KHRID PAR BYED PA'I 'PHAGS RGYUD KYI MKHYEN PA YIN PA'I PHYIR, LAM SHES CHOS CAN, BYED LAS KHYAD PAR CAN DANG LDAN TE, RANG SRAS BYANG SEMS 'PHAGS PAS GDUL BYA RIGS CAN GSUM GYI DON SGRUB PA'I BDAG RKYEN DU GYUR PA'I 'PHAGS RGYUD KYI MKHYEN PA YIN PA'I PHYIR, RNAM MKHYEN CHOS CAN, BYED LAS KHYAD PAR CAN DANG LDAN TE, MCHOG GI SPRUL SKUS GDUL BYA RIGS CAN GSUM LA CHOS 'KHOR RDZOGS PAR SKOR BA'I BDAG RKYEN DU GYUR PA'I 'PHAGS RGYUD KYI MKHYEN PA YIN PA'I PHYIR, RJE BTZUN BYAMS MGON CHOS CAN, MKHYEN GSUM LA PHYAG 'TSAL BA YIN TE, DE'I YON TAN BRJOD PA'I SGO NAS DE LA GUS PAS 'DUD PA YIN PA'I PHYIR, ` GSUM PA 'GREL PA'I DON 'CHAD TSUL LA, SNGA 'GREL GYI 'PHROS DON DANG, RTZA BA'I TSIG DON BSHAD PA DANG GNYIS LAS, DANG PO LA, DGOS DON LAS 'PHROS PA'I DON DANG, BSDUS DON LAS 'PHROS PA'I DON GNYIS LAS, DANG PO LA YANG GNAS SKABS KYI DGOS PA DANG, MTHAR THUG GI DGOS PA DANG, DE DAG GIS GRUB PA'I DON NO, ,DANG PO LA, THOS PA'I DGOS PA, DAD PA'I DGOS PA, GUS PA'I DGOS PA DANG GSUM LAS, DANG PO NI, 'O NA MTSAMS SBYAR DU, GZHAN DAG DANG BA @25A *, ,BSKYED PA'I CHED DU ZHES BSHAD NA, GZHAN DAG NI GANG, DANG BA SKYE TSUL DE JI LTA BU ZHEN, GZHAN DAG CES PA GNYIS TSIG YIN LA, DANG BA SKYE TSUL GNYIS SU YOD DE, DBANG RTUL DANG BA SKYE TSUL DANG, DBANG RNON DANG BA SKYE TSUL GNYIS SU YOD PA'I PHYIR, 'O NA MCHOD BRJOD KYI TSIGS BCAD 'DIS MKHYEN GSUM GYI THUN MONG MA YIN PA'I YON TAN BRJOD PA LA DGOS PA CI YOD CE NA, DE LA DGOS PA YOD DE, DE THOS PA LA BRTEN NAS RGYAN GYI CHED DU BYA BA'I GDUL BYA DBANG RTUL DAD PA'I RJES SU 'BRANG BA RNAMS YUM LA DANG BA SKYED PAR 'GYUR BA'I PHYIR, ZHES 'CHAD PA LA, TSIGS SU BCAD PA 'DIS NI 'DI'I CHE BA'I BDAG NYID PHUL DU BYUNG BA DANG LDAN PA BRJOD DE, DE THOS NAS RE ZHIG DAD PA'I RJES SU 'BRANG BA RNAMS NI 'DI LA THE TSOM MED PAR MYUR DU RAB TU DANG BA SKYE'O, ,ZHES GSUNGS, DGOS PA DE TZAM DU ZAD DAM ZHE NA, MA YIN TE, DE THOS PA LA BRTEN NAS RGYAN GYI CHED DU BYA BA'I GDUL BYA DBANG RNON CHOS KYI RJES SU 'BRANG BA RNAMS KYANG, YUM GYI NGO BO DANG NUS PA LA DANG BA SKYE BAR 'GYUR BA'I PHYIR, ZHES 'CHAD PA LA, CHOS KYI RJES SU 'BRANG BA RNAMS KYANG GCIG DANG DU MA'I NGO BO NYID DANG BRAL BA'I PHYIR, ZHES SOGS GSUNGS, DE YANG DBANG RNON DANG BA SKYE BA'I RGYU MTSAN DE STON PA LA, CHOS KYI RJES SU 'BRANG BA RNAMS KYANG GCIG DANG DU MA'I NGO BO NYID DANG BRAL BA'I PHYIR, ZHES BYA BA LA SOGS PA'I TSAD MAS GZHI DANG LAM DANG RNAM PA SKYE BA MED PA'I YONGS SU SHES PA TSIGS SU @25B BCAD PA'I DON GYI MTSAN NYID KYI YUM LA GNOD PA MA MTHONG NAS, ZHES GSUNGS, DE YUM GYI NGO BO LA DANG BA SKYE TSUL STON PA LA, SHES RAB KYI PHA ROL TU PHYIN PA THAMS CAD MKHYEN PA NYID GSUM GYI BDAG NYID TSUL GSUM PA CAN GDON MI ZA BAR SRID PA NYID DO, ,ZHES NGES PAR BZUNG NAS DE LA RAB TU DANG BA SKYED PAR BYED PA NYID DO, ,ZHES GSUNGS, DE YUM GYI NUS PA LA DANG BA SKYE TSUL DE STON PA LA, SANGS RGYAS LA SOGS PA BSKRUN PAR MDZAD PA NI GDON MI ZA BAR SRING PA NYID DO, ,ZHES NGES PAR BZUNG NAS DE LA RAB TU DANG BA SKYED PAR BYED PA NYID DO, ,ZHES GSUNGS, 'O NA DBANG RTUL DANG BA SKYE TSUL GYI SKABS SU, 'DI LA, ZHES DANG, DBANG RNON GYI SKABS SU DE LA ZHES SMOS PA'I DON GANG ZHE NA, DE'I DON YOD DE, GZHUNG DE GNYIS MCHOD BRJOD KYI TSIGS BCAD LA NYE RING GI DBANG GIS DE LTAR SMOS PA'I PHYIR, 'O NA DE GNYIS KYI SKABS SU RAB TU DANG BA ZHES SMOS PA'I DON GANG ZHE NA, NGE'I DON YOD DE, RAB DANG PO DE DANG BA CHEN PO LA 'JUG CING, RAB GNYIS PA DE LDOG TU MED PA'I DANG BA LA 'JUG PA'I PHYIR, GNYIS PA DANG PA'I DGOS PA NI, RAB TU DANG BA SKYE BA'I CHED DU, ZHES 'CHAD NA, RGYAN GYI CHED DU BYA BA'I GDUL BYA GNYIS PO DES MCHOD BRJOD KYI TSIGS BCAD THOS PA LA BRTEN NAS YUM LA DANG BA SKYED PA LA DGOS PA CI YOD CE NA, DE LA DGOS PA YOD DE, DE LA BRTEN NAS DE GNYIS KYIS MKHYEN GSUM BRJOD BYAR BYED PA'I GSUNG RAB LA 'DZIN PA LA SOGS PA'I DON DU GUS PAR 'GYUR BA'I PHYIR, @026A *, ,ZHES 'CHAD PA LA, DE LA RAB TU DANG BAS KYANG DE'I YON TAN MNGON PAR 'DOD PA'I GANG ZAG GNYIS KA YANG DE DANG DE LA BRTEN PA'I GSUNG RAB LA RNAM PA THAMS CAD DU GZUNG BA LA SOGS PA'I DON DU SHIN TU GUS PAR BYED DO, ,ZHES GSUNGS, GSUM PA GUS PA'I DGOS PA NI, DE LTAR GUS PA LA DGOS PA CI YOD CE NA, DE LA DGOS PA YOD DE, DE LA BRTEN NAS THOS BSAM SGOM GSUM GYI SHES RAB RNAMS RIM GYIS SKYE BAR 'GYUR BA'I PHYIR, ZHES 'CHAD PA LA, DES NAS THOS PA LAS BYUNG BA LA SOGS PA'I SHES PA SKYE BA'I RIM GYIS, ZHES GSUNGS, GNYIS PA MTHAR THUG GI DGOS PA NI, DE LTAR MCHOD BRJOD KYI TSIGS BCAD THOS PAS DANG BA, DE LAS DON GNYER GYI 'DUN PA; DE LAS THOS BSAM GYIS ZHUGS PA LA, DGOS PA CI YOD CE NA, DE LA BRTEN NAS MTHAR LEGS PA'I MCHOG RNAM MKHYEN 'THOB PAR 'GYUR GYI, ZHES 'CHAD PA LA, LEGS PA'I MCHOG 'THOB PAR 'GYUR RO, ,ZHES GSUNGS, GSUM PA DE DAG GIS GRUB PA'I DON NI, MCHOD BRJOD KYI NGAG LA BRTEN NAS GDUL BYA YUM LA DANG BA'I DAD PA CHOS CAN, RANG GI 'BRAS BUR GYUR BA'I RNAM MKHYEN GYI RGYU'I GTZO BO YIN TE, KHYOD LA BRTEN NAS GDUL BYA YUM LA GUS PA'I SGO NAS THOS BSAM GYIS 'JUG LA, DE LA BRTEN NAS GDUL BYAS LEGS PA'I MCHOG RNAM MKHYEN 'THOB PAR 'GYUR BA DE'I PHYIR, ZHES 'CHAD PA LA, DE'I PHYIR BCOM LDAN 'DAS MA LA RAB TU DANG BA NI LEGS PA THAMS CAD 'THOB PA'I RGYU'I GTZO BO @026B YIN NO, ,ZHES GSUNGS, RONG t'IK PA NA RE, DGOS DON LA DNGOS KYI DGOS DON DANG, BSDUS PA'I DGOS DON GNYIS LAS, DANG PO NI, DE THOS NAS, ZHES SOGS KYIS 'CHAD, GNYIS PA NI, DE LA RAB TU DANG BAS KYANG, ZHES SOGS KYIS 'CHAD, CES ZER BA MI 'THAD DE, KHYED LTAR NA DBANG RNON MCHOD BRJOD MTHONG BA TZAM GYI RGYU MTSAN GYIS DANG BA SKYE BAR 'GYUR NA, DBANG RNON DANG BA SKYE BA RGYU MTSAN LA BLTOS PAS GNOD PA MA MTHONG BA'I RGYU MTSAN YIN GYI; MCHOD BRJOD KYI LUNG TZAM RGYU MTSAN DU BYAR MI RUNG BA'I PHYIR, DBANG RNON GYIS LUNG DON LA DPYAD PAS DAG NAS SHIN TU LKOG GYUR LA LUNG SGRUB BYED DU KHAS LEN PA GANG ZHIG ,DPYAD GSUM GYIS DAG PA'I LUNG DE NYAN THOS ZHI BA ZHES SOGS RANG GI BSTAN BYA'I DON LA MI SLU BA'I RTAGS YANG DAG MA YIN PA'I PHYIR TE, MKHYEN GSUM SHIN TU LKOG GYUR MA YIN PA'I PHYIR, DE LTAR YANG CHOS KYI RJES SU 'BRANG BA RNAMS KYANG, ZHES DANG, TSIGS SU BCAD PA'I DON GYI MTSAN NYID KYIS YUM LA GNOD PA MA MTHONG NAS, ZHES DANG, DE LA RAB TU DANG BA SKYED PAR BYED PA NYID DO, ,ZHES GSUNGS PA'I PHYIR RO, ,KHO NA RE, RGYAN GYI CHED DU BYA BA'I GDUL BYA DBANG RNON YUM LA DANG BA BSKYED NAS THOS BSAM SGOM GSUM GYIS 'JUG PAR BSHAD PA MI 'THAD PAR THAL, DES GZHI LAM RNAM GSUM BDEN PA'I SKYE MED DU TSAD MAS GRUB NAS BSGOMS PAR BYAS PAS BSGOM BYA'I DON MNGON SUM DU RTOGS PA'I 'PHAGS PA'I GO 'PHANG YOD PAR TSAD MAS GRUB @027A *, ,PA'I PHYIR, MA GRUB NA, GZHI DANG LAM DANG RNAM PA SKYE BA MED PAR YONGS SU SHES PA, ZHES SOGS KYIS DE DANG BA SKYE BA'I RGYU MTSAN GCIG BSTAN PA BUD DO, ,ZHE NA, BDEN GRUB KYI GCIG DANG BDEN GRUB KYI DU MA GANG RUNG DANG BRAL BA'I RTAGS KYIS GZHI LAM RNAM GSUM BDEN PA'I SKYE MED DU GRUB PA'I PHYOGS KHYAB TSAD MAS NGES SHING, DE GSUM BDEN MED DU RTOGS ZIN GOMS PAR BYAS PAS BSGOM BYA'I DON LA GSAL SNANG 'BYUNG BAR GRUB NUS PA'I GANG ZAG YIN NA, MNGON RTOGS RGYAN LA THOS BSAM SGOM GSUM GYIS MI 'JUG PAS KHYAB PAR THAL, KHYOD KYI RTZA PA'I THAL 'GYUR LA KHYAB 'BREL YOD PA'I PHYIR, 'DOD NA, DE YIN NA MNGON RTOGS RGYAN LEGS PAR SHES PA'I GANG ZAG YIN DGOS PAR THAL LO, ,'DOD NA, DE'I RTAGS KYIS DE SGRUB KYI PHYI RGOL DU GYUR PA'I NYAN THOS TSOGS LAM PA CHOS CAN, DER THAL, DE'I PHYIR, RTAGS GRUB STE, CHOS CAN DE YOD PA'I PHYIR, 'O NA GZHI DANG LAM DANG RNAM PA SKYE BA MED PA, ZHES GSUNGS PA'I SKYE MED GSUM GA BDEN PA'I SKYE MED LA BZHED DAM ZHEN, MKHYEN PA PHYI MA GNYIS KYIS GSUM GA BDEN PA'I SKYE BA MED DU RTOGS KYANG, GZHI SKYE BA MED PAR YONGS SU SHES PA, ZHES PAS, CHOS KYI BDAG MED PHRA MO RTOGS PAS KHYAD PAR DU BYAS PA'I GZHI SHES BSTAN PA MA YIN TE, SLOB LAM NA DE 'DRA'I GZHI SHES MED PA'I PHYIR, DES NA DE'I DON MCHOD BRJOD KYI TSIGS RKANG DANG PO 'DIS GZHI GANG ZAG GI BDAG GIS SKYE BA MED PAR @027B MNGON SUM DU RTOGS PA'I GZHI SHES BSTAN PA'I DON YIN NO, ,KHA CIG ,RANG GI MTSAN NYID KYIS GRUB PA DON DAM DPYOD BYED KYI RTAGS KYI DGAG BYA'I CHOS YIN ZER BA MI 'THAD DE, RANG GI MTSAN NYID KYIS GRUB PA YOD PA'I PHYIR TE, DE YOD PAR SLOB DPON SENG GE BZANG POS KHAS LEN PA'I PHYIR, DE DBU MA RANG RGYUD PA YIN PA'I PHYIR, GZHAN YANG, DE YOD PAR THAL, GZHAN SKYE YOD PA'I PHYIR TE, DON DAM PAR GZHAN SKYE MED CING THA SNYAD DU GZHAN SKYE YOD PAR KHAS LEN PA'I RANG RGYUD PA YOD PA'I PHYIR TE, DE LTAR 'JUG 'GREL LAS BSHAD PA'I PHYIR, KHO NA RE, BLO LA SNANG BA'I DBANG GIS BZHAG PA MA YIN PAR RANG NGOS NAS GRUB PA, DON DAM DPYOD BYED KYI RTAGS KYI DGAG BYA'I CHOS MA YIN PAR THAL, RTOG PAS BTAGS TZAM MA YIN PAR RANG NGOS NAS GRUB PA DE RANG GI MTSAN NYID KYIS GRUB PA'I DON YIN PA'I PHYIR NA, BUM PA'I DON SPYI CHOS CAN, RTOG PAS BTAGS TZAM MA YIN PAR RANG NGOS NAS GRUB PAR THAL, RANG GI MTSAN NYID KYIS GRUB PA'I PHYIR, RTAGS KHAS, 'DOD MI NUS TE, RTOG PAS BTAGS TZAM YIN PA'I PHYIR, GZHAN YANG, RTOG PAS BTAGS TZAM DANG RANG GI MTSAN NYID KYIS GRUB PA'I GZHI MTHUN SEMS TZAM PAS 'JOG SHES PAR THAL, DE 'DRA'I GZHI MTHUN RANG RGYUD PAS 'JOG SHES PA'I PHYIR, ZER NA MA KHYAB, 'DOD MI NUS TE, DES KUN BTAGS RANG GI MTSAN NYID KYIS MA GRUB PAS RTOG PAS BTAGS TZAM DU 'DOD, GZHAN DBANG YONGS GRUB RANG GI MTSAN NYID KYIS GRUB @028A *, ,PAS RTOG PAS BTAGS TZAM MA YIN PAR 'DOD PA'I PHYIR, GZHAN YANG, DON DAM PAR GRUB NA, DON DAM YIN PAS MA KHYAB PAR THAL, RANG GI MTSAN NYID KYIS GRUB NA, RANG MTSAN YIN PAS MA KHYAB PA'I PHYIR NA MA KHYAB, MA GRUB NA, SHES BYA CHOS CAN, DER THAL, DE'I PHYIR, KHO NA RE, LAM RIM LAS, SHES PA YIN NA RANG GI MTSAN NYID KYIS GRUB DGOS PAS SHES PA YIN PA'I YUL CAN LA YANG LOG GNYIS SU MI 'BYED LA, ZHES GSUNGS PA MI 'THAD PAR THAL, KUN RDZOB LA RANG GI MTSAN NYID KYIS GRUB PA'I KUN RDZOB DANG, RANG GI MTSAN NYID KYIS MA GRUB PA'I KUN RDZOB GNYIS SU 'BYED MI RIGS PA'I PHYIR NA, BDEN PAR GRUB NA BDEN GRUB YIN PAS MA KHYAB PAR THAL, RDZAS SU GRUB NA RDZAS YOD YIN PAS MA KHYAB PA'I PHYIR, KHYAB PA KHAS, MA GRUB NA, GANG ZAG CHOS CAN, DER THAL, DE'I PHYIR, GZHAN YANG, LAM RIM GYI LUNG DES LOG PA'I KUN RDZOB YIN NA, RANG GI MTSAN NYID KYIS MA GRUB PAS KHYAB PAR BSTAN PAR THAL, DES KUN RDZOB LA RANG GI MTSAN NYID KYIS GRUB PA'I KUN RDZOB DANG, RANG GI MTSAN NYID KYIS MA GRUB PA'I KUN RDZOB GNYIS SU YOD PAR BSTAN PA'I PHYIR, RTAGS KHAS, 'DOD NA, ME LONG NANG GI BYAD BZHIN GYI GZUGS BRNYAN CHOS CAN, RANG GI MTSAN NYID KYIS MA GRUB PAR THAL, LOG PA'I KUN RDZOB YIN PA'I PHYIR, KHA CIG ,GZHI LAM RNAM GSUM CHOS CAN, BDEN PAR MED DE, BDEN PA'I GCIG TU YANG MED, BDEN PA'I DU MAR YANG @028B MED PA'I PHYIR, DE CHOS CAN , BDEN PA'I GCIG TU MED DE, CHA BCAS YIN PA'I PHYIR, KHYAB STE, CHA BCAS YIN NA SNANG TSUL LA RANG GI CHA SHAS RNAMS DANG NGO BO THA DAD DU SNANG YANG GNAS TSUL LA RANG GI CHA SHAS RNAMS DANG NGO BO GCIG TU GRUB PAS KHYAB, DE YIN NA BRDZUN PA YIN PAS KHYAB, DE YIN NA BDEN PA MA YIN PAS KHYAB, DE YIN NA BDEN GRUB KYI GCIG MA YIN PAS KHYAB PA'I PHYIR, DE CHOS CAN, CHA BCAS YIN TE, YOD PA GANG ZHIG ,CHA BCAS DANG CHA MED DNGOS 'GAL YIN; CHA MED SHES BYA LA MI SRID PA'I PHYIR ZER NA, BDEN PA'I GCIG MED PAR THAL, DAM BCA' 'THAD PA'I PHYIR, 'DOD MI NUS TE, BUM PA'I CHOS NYID DE BDEN PA'I GCIG YIN PA'I PHYIR TE, DE BDEN PA DANG GCIG GI GZHI MTHUN YIN PA'I PHYIR, DE BZHIN DU BDEN PA DANG DU MA'I GZHI MTHUN YANG YOD DE, BUM PA'I CHOS NYID DANG KA BA'I CHOS NYID GNYIS PO DE BDEN PA DANG DU MA'I GZHI MTHUN YIN PA'I PHYIR TE, BDEN PA GANG ZHIG ,DU MA YIN PA'I PHYIR, GZHAN YANG, BUM PA'I CHOS NYID CHOS CAN, SNANG TSUL LA RANG GI CHA SHAS RNAMS DANG NGO BO THA DAD DU SNANG YANG GNAS TSUL LA RANG GI CHA SHAS RNAMS DANG NGO BO GCIG TU GRUB PAR THAL, CHA BCAS YIN PA'I PHYIR, KHYAB PA KHAS, 'DOD NA, RDZUN PA YIN PAR THAL LO, ,KHYAB PA KHAS, 'DOD MI NUS TE, BDEN PA YIN PA'I PHYIR, YANG DE CHOS CAN, GNAS TSUL LA GRUB PAR THAL, GNAS TSUL LA RANG GI CHA SHAS RNAMS DANG NGO BO GCIG TU GRUB PA'I PHYIR, RTAGS KHAS, 'DOD NA, GNAS @029A *, ,LUGS SU GRUB PAR THAL LO, ,'DOD NA, BDEN PAR GRUB PAR THAL LO, ,KHO NA RE, DE CHOS CAN, GNAS TSUL LA GRUB PAR THAL, DNGOS PO'I GNAS TSOD LA GRUB PA'I PHYIR, ZER NA MA KHYAB, RONG t'IK PA NA RE, , YOD NA GCIG DANG DU MA GANG RUNG GIS KHYAB PA 'JAL BA'I TSAD MAS, BDEN PAR YOD NA BDEN PA'I GCIG DANG BDEN PA'I DU MA GANG RUNG DU MA KHYAB PAR 'DZIN PA'I SGRO 'DOGS GCOD PA YIN NO, ,ZER NA, BYAS NA MI RTAG PAS KHYAB PA 'JAL BA'I TSAD MAS, SGRA BYAS NA MI RTAG PAS MA KHYAB PAR 'DZIN PA'I SGRO 'DOGS GCOD PAR THAL, DAM BCA' 'THAD PA'I PHYIR, 'DOD NA, DES SGRA LA RTAG 'DZIN GYI SGRO 'DOGS GCOD PAR THAL LO, ,'DOD NA, BYAS PA'I RTAGS LAS SGRA MI RTAG RTOGS KYI RJES DPAG GIS SGRA RTAG 'DZIN GYI SGRO 'DOGS GSAR DU MI GCOD PAR THAL LO, ,KHA CIG ,DAM BCA' 'THAD PAR THAL, YOD PA YANG YIN, GCIG DANG DU MA GANG RUNG MA YIN PA'I GZHI MTHUN 'GOG BYED KYI TSAD MA DES, BDEN PAR YOD PA YANG YIN BDEN PA'I GCIG DANG BDEN PA'I DU MA GANG RUNG MIN PA YANG YIN PA'I GZHI MTHUN PA YOD PAR 'DZIN PA'I SGRO 'DOGS BCAD PA'I PHYIR, GZUGS KYI STENG DU YOD PA YANG YIN, GCIG DANG DU MA GANG RUNG MIN PA YANG YIN PA'I GZHI MTHUN 'GOG BYED KYI TSAD MAS, GZUGS BRNYAN GYI STENG DU BDEN PAR YOD PA YANG YIN, BDEN PAR GRUB PA'I GCIG DANG BDEN PAR GRUB PA'I DU MA GANG RUNG MIN PA YANG YIN PA'I GZHI MTHUN @029B PA YOD PAR 'DZIN PA'I SGRO 'DOGS GCOD PA'I PHYIR TE, RNAM BSHAD LAS, GZHI GZUGS BRNYAN GYI STENG DU GCIG DANG DU MA PHAN TSUN SPANGS 'GAL DU NGES PA'I TSAD MA DES GCIG DANG DU MA'I PHUNG SUM MI SRID PAR RTOGS PAR DES PAS NA GZHI GZHAN GYI STENG DU BDEN GRUB KYI GCIG DANG BDEN GRUB KYI DU MA'I PHUNG SUM MI SRID PAR RTOGS PAR NGES PA YIN NO, ,ZHES GSUNGS PA'I PHYIR NA MA KHYAB STE, DE'I DON 'OG TU 'CHAD DO, ` ,RANG LUGS LA, SLOB DPON GYIS BZHED PA'I RTAGS KYI DGAG BYA'I CHOS NGOS GZUNG BA DANG, DE GZHI GZHAN GYI STENG DU 'GOG BYED KYI RIGS PA BSHAD PA'O, ,DANG PO NI, BLO LA SNANG BA'I DBANG GIS BZHAG PA MA YIN PAR RANG GI THUN MONG MA YIN PA'I SDOD LUGS KYI NGOS NAS GRUB PA DE, DON DAM DPYOD BYED KYI RTAGS KYI DGAG BYA'I CHOS YIN TE, GANG ZAG DANG PHUNG PO DE LTAR GRUB NA, DON DAM DPYOD BYED KYI RIGS PAS DPYAD BZOD CING 'PHAGS PA'I MNYAM GZHAG GIS GZIGS DGOS PA'I PHYIR TE, DPER NA SGYU MA MKHAN GYI RDE'U SHIN RTA GLANG DU SPRUL BA'I TSE, RDE'U SHING BU SOGS RTA GLANG DU SNANG BA NA DE NYID BLO 'KHRUL BA'I DBANG GIS BZHAG PA MA YIN PA'I PHYIR, RDE'U SHING BU SOGS KYI RANG NGOS NAS GRUB PA YIN NA, DE DAG GI RIGS 'DRA SDA MA'I LAG RJES SU 'GYUR BAS MIG MA BSLAD PA RNAMS KYIS KYANG MTHONG DGOS PA BZHIN NO, ,DE LTAR YANG, BDEN GNYIS LAS, JI LTAR SNANG BZHIN NGO BO'I PHYIR, ,'DI LA DPYAD PA MI 'JUG GO ,RNAL 'BYOR DPYOD PAR BYED NA DON, , @030A *, ,GZHAN DU SONG BAS GNOD PAR 'GYUR, ,ZHES GSUNGS, GZHAN YANG, DE DE YIN PA'I PHYIR TE, BLO LA SNANG BA'I DBANG GIS BZHAG PA'I YOD PA DE KUN RDZOB TU YOD PA'I DON YIN PA'I PHYIR TE, DBU MA SNANG BA LAS, DE'I PHYIR DE DAG GI BSAM PA'I DBANG GIS DNGOS PO BRDZUN PA'I NGO BO THAMS CAD NI KUN RDZOB TU YOD PA KHO NA'O, ,ZHES DANG, 'JUG t'IK LAS, DBU MA SNANG BAR KUN RDZOB TU YOD TSUL GSUNGS PA'I LDOG PHYOGS KYI YOD PA NI DON DAM PAR BDEN GRUB TU YOD PAR SHES PAS, ZHES DANG, BDEN GNYIS LAS, JI LTAR SNANG BA DE KHO NA, ,KUN RDZOB GZHAN NI CIG SHOS SO, ,ZHES GSUNGS PA'I PHYIR, DES NA BDEN PAR GRUB PA, DON DAM PAR GRUB PA, YANG DAG PAR GRUB PA SOGS MED KYANG, RANG GI MTSAN NYID KYIS GRUB PA, RANG NGOS NAS GRUB PA, RANG BZHIN GYIS GRUB PA, RDZAS SU GRUB PA SOGS YOD DO, ,GNYIS PA LA, SPYIR BDAG MED GTAN LA 'BEBS PA'I RIGS PA LA DU MA YOD DE, CHOS RNAMS KYI NGO BO LA DPYOD PA GCIG DU BRAL KYI GTAN TSIGS, RGYU LA DPYOD PA RDO RJE GZIGS MA'I GTAN TSIGS, 'BRAS BU LA DPYOD PA YOD MED SKYE 'GOG GI GTAN TSIGS, RGYU 'BRAS GNYIS KA LA DPYOD PA MU BZHI SKYE 'GOG GI GTAN TSIGS, RIGS PA'I RGYAL PO RTEN 'BREL GYI GRTAN TSIGS RNAMS SU YOD PA'I PHYIR, DANG PO DE 'OG TU 'CHAD, GNYIS PA NI, MYU GU CHOS CAN, DON DAM PAR MI SKYE STE, DON DAM PAR BDAG DANG, GZHAN DANG, GNYIS KA DANG, RGYU MED GANG RUNG LAS MI SKYE BA'I @030B PHYIR TE, RTZA BA SHES RAB LAS, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYE BA NAM YANG YOD MA YIN, ,ZHES GSUNGS PA'I PHYIR, GSUM PA NI, MYU GU CHOS CAN, DON DAM PAR MI SKYE STE, RANG GI RGYU'I DUS SU YOD PAR YANG MI SKYE, RANG GI RGYU'I DUS SU MED PAR YANG DON DAM PAR MI SKYE BA'I PHYIR TE, DBU MA SNANG BA LAS, YOD PA RNAM PAR MIS SKYE STE, ,MED PA NAM MKHA'I PADMO BZHIN, ,ZHES GSUNGS PA'I PHYIR, BZHI PA NI, MYU GU CHOS CAN, DON DAM PAR MI SKYE STE, RGYU DU MAS 'BRAS BU GCIG KHO NA DON DAM PAR SKYED PA YANG MA YIN, RGYU DU MAS 'BRAS BU DU MA KHO NA DON DAM PAR SKYED PA YANG MA YIN, RGYU GCIG GIS 'BRAS BU DU MA KHO NA DON DAM PAR SKYED PA YANG MA YIN, RGYU GCIG GIS 'BRAS BU GCIG KHO NA DON DAM PAR SKYED PA YANG MA YIN PA'I PHYIR TE, BDEN GNYIS LAS, DU MAS GCIG GI DNGOS MI BYED, ,DU MAS DU MA BYED PA'ANG MIN, ,GCIG GIS DU MA'I DNGOS MI BYED, ,GCIG GIS GCIG BYED PA YANG MIN, ,ZHES GSUNGS PA'I PHYIR, LNGA PA NI, MYU GU CHOS CAN, BDEN PAR MED DE, RTEN 'BREL YIN PA'I PHYIR, DPER NA, GZUGS BRNYAN BZHIN, ZHES PA LTA BU'O, ,DE RNAMS KYI NANG NAS, GTAN TSIGS DANG PO DE 'CHAD PA LA, RTAGS 'GOD PA DANG, TSUL SGRUB PA GNYIS LAS, DANG PO NI, GZHI LAM RNAM GSUM CHOS CAN, BDEN PAR MA GRUB STE, BDEN GRUB KYI GCIG DANG BDEN GRUB GYI DU MA GANG RUNG DU MA GRUB PA'I PHYIR, DPER NA, GZUGS BRNYAN BZHIN, @31A *, ,ZHES PA LTA BU YIN TE, DBU MA RGYAN LAS, BDAG DANG GZHAN SMRA'I DNGOS 'DI DAG ,YANG DAG PAR NI GCIG PA DANG, ,DU MA'I RANG BZHIN BRAL BA'I PHYIR, ,BDEN PAR MED DE GZUGS BRNYAN BZHIN, ,ZHES GSUNGS PA'I PHYIR, GNYIS PA LA PHYOGS CHOS SGRUB PA DANG, KHYAB PA SGRUB PA GNYIS LAS, DANG PO LA, BDEN PA'I GCIG BRAL DU SGRUB PA DANG, BDEN PA'I DU BRAL DU SGRUB PA GNYIS LAS, DANG PO NI, GZHI LAM RNAM GSUM CHOS CAN, BDEN PAR GRUB PA'I GCIG TU MED DE, CHA BCAS YIN PA'I PHYIR, DE CHOS CAN, CHA BCAS YIN TE, YOD PA GANG ZHIG ,CHA MED SHES BYA LA MI SRID, CHA BCAS CHA MED DANG DNGOS 'GAL YIN PA'I PHYIR, CHA MED SHES BYA LA SRID PA 'GOG PA'I TSAD MA DE GANG ZHE NA, CHA BCAS KYI RTAGS KYIS GZHI LAM RNAM GSUM BDEN GRUB KYI GCIG MIN PAR GRUB PA'I RJES DPAG TSAD MAS NGES PA LA TSAD MA GSUM SNGON DU 'GRO DGOS TE, DE LA RTAGS KYI MTSAN GZHI CHA BCAS NGES PA'I TSAD MA DANG, BDEN GRUB KYI GCIG MIN PA BDEN GRUB KYI GCIG DANG DNGOS 'GAL DU NGES PA'I TSAD MA, CHA BCAS DANG BDEN GRUB KYI GCIG GI GZHI MTHUN 'GOG BYED KYI TSAD MA GSUM SNGON DU 'GRO DGOS PA'I PHYIR, DE RNAMS KYI NANG NAS TSAD MA GSUM PA 'DI RTOGS DKA' BAS, DE BSHAD NA, CHA BCAS DANG BDEN GRUB KYI GCIG GI GZHI MTHUN YOD NA, BUM PA CHOS CAN, RANG 'DZIN RTOG PA LA RANG GI CHA SHES RNAMS DANG NGO BO THA DAD DU SNANG BA DANG, RANG GI @31B CHA SHAS RNAMS DANG NGO BO GCIG TU GRUB PAR THAL, RANG 'DZIN RTOG PA LA RANG GI CHA SHAS RNAMS DANG NGO BO THA DAD DU SNANG BA GANG ZHIG ,RANG GI CHA SHAS RNAMS DANG NGO BO GCIG YIN PA'I PHYIR, MA GRUB NA, BUM PA CHA BCAS MA YIN PAR THAL LO; ;RTZA BAR 'DOD NA, BUM PA CHOS CAN, BRDZUN PAR GRUB PAR THAL LO, ,KHYAB STE, SNANG LUGS LA NGO BO THA DAD DU SNANG YANG SDOD LUGS LA NGO BO GCIG TU GRUB PA BRDZUN PAR GRUB PA'I SDOD LUGS LA MI 'GAL YANG BDEN PAR GRUB PA'I SDOD LUGS LA 'GAL BA'I PHYIR, DE'I RGYU MTSAN YANG CHA CAN DANG CHA DU MA CHOS CAN, THA DAD DU MED PAR THAL, THA DAD DU YOD NA, THA DAD DU 'PHAGS PA'I MNYAM GZHAG GIS GZIGS DGOS PA LAS, DES THA DAD DU MA GZIGS PA'I PHYIR, DANG PO GRUB STE, THA DAD DU YOD NA BDEN PAR GRUB PA'I THA DAD YIN DGOS, DE YIN NA DE'I GZIGS NGOR THA DAD YIN DGOS PA'I PHYIR, DANG PO DER THAL, SNANG LUGS LA NGO BO THA DAD DU SNANG YANG SDOD LUGS LA NGO BO GCIG TU GRUB PA DANG, BDEN PAR GRUB PA'I GZHI MTHUN YIN PA'I PHYIR, GNYIS PA GRUB STE, DE YIN NA DE KHO NA NYID DU GRUB DGOS PA'I PHYIR, RTZA BAR 'DOD NA, CHA DU MA CHOS CAN, GCIG TU THAL, GRUB CING CHA CAN DANG THA DAD DU MED PA'I PHYIR, 'DOD MI NUS TE, KHYOD GCIG YIN PA LA KHYOD DU MAR 'JAL BA'I TSAD MAS GNOD PA'I PHYIR, CHA CAN CHOS CAN, DU MAR THAL, GRUB CING CHA DU MA DANG THA DAD DU YOD PA'I PHYIR, 'DOD MI NUS TE, KHYOD DU MA YIN PA LA KHYOD GCIG TU 'JAL BA'I TSAD MAS GNOD @32A *, ,PA'I PHYIR, RIGS PA 'DI LA BRTEN NAS CHA BCAS DANG BDEN GRUB KYI GCIG GI GZHI MTHUN KHEGS TE, DE LA BRTEN NAS CHA CAN DANG CHA DU MA THA DAD DU YOD NA THA DAD DU 'PHAGS PA'I MNYAM GZHAG GIS GZIGS DGOS PA DE KHEGS, DE KHEGS PAS DE GNYIS BDEN GRUB KYI THA DAD YIN PA DE KHEGS, DE KHEGS PAS CHA BCAS DANG BDEN GRUB KYI GCIG GI GZHI MTHUN KHEGS PA'I PHYIR, DON BSDU NA, GZHI LAM RNAM GSUM CHOS CAN, BDEN GRUB KYI GCIG TU MED DE, CHA BCAS YIN PA'I PHYIR, KHYAB STE, BDEN GRUB KYI GCIG YIN NA GANG LA'ANG BLTOS MED KYI GCIG YIN DGOS, DE YIN NA CHA BCAS MA YIN DGOS PA'I PHYIR, DE CHOS CAN, CHA BCAS YIN TE, GZHI GRUB PA GANG ZHIG ;CHA MED SHES BYA LA MI SRID, CHA BCAS CHA MED DANG DNGOS 'GAL YIN PA'I PHYIR, GNYIS PA LA, DE CHOS CAN, BDEN GRUB KYI DU MAR MED DE, BDEN GRUB KYI GCIG TU MED PA'I PHYIR, KHYAB STE, DU MA GCIG LA BLTOS NAS BZHAG DGOS PA'I PHYIR, GNYIS PA KHYAB PA SGRUB PA NI, BDEN GRUB KYI GCIG DANG BDEN GRUB KYI DU MA GANG RUNG DANG BRAL BA'I RTAGS KYIS, GZHI LAM RNAM GSUM BDEN MED DU TSAD MAS NGES PA LA TSAD MA GSUM SNGON DU 'GRO DGOS TE, DE LA DE GANG RUNG DANG BRAL BA NGES BYED KYI TSAD MA, BDEN MED BDEN GRUB DANG DNGOS 'GAL DU NGES PA'I TSAD MA, DE GANG RUNG DANG BRAL BA DANG BDEN GRUB KYI GZHI MTHUN 'GOG BYED KYI TSAD MA GSUM SNGON DU 'GRO DGOS PA'I PHYIR, TSAD MA PHYI @32B MA 'DI RTOGS DKA' BAS BSHAD NA GZHI GZUGS BRNYAN GYI STENG DU GCIG DANG DU MA GNYIS PHAN TSUN SPANGS 'GAL GYI DNGOS 'GAL DU NGES PA'I TSAD MA LA BRTEN NAS BDEN GRUB KYI GCIG DANG BDEN GRUB KYI DU MA GANG RUNG DANG BRAL BA DANG BDEN GRUB KYI GZHI MTHUN 'GOG NUS TE, TSAD MA DE'I BYED PA LA BRTEN NAS BAR DU TSAD MA GZHAN BRGYUD PA LA BLTOS MI DGOS PAR, DE 'DRA'I GZHI MTHUN MI SRID PAR RTOGS NUS PA'I PHYIR, DES NA RGYAN GYI CHED DU BYA BA'I GDUL BYA DBANG RNON CHOS CAN, YUM GYI NGO BO LA DANG BA SKYE TSUL YOD DE, YUM MKHYEN GSUM YOD PAR TSAD MAS GRUB PA'I SGO NAS YUM LA DANG BA SKYE BA'I PHYIR, YUM GYI NUS PA LA DANG BA SKYE TSUL YOD DE, MKHYEN GSUM DE RANG SRAS 'PHAGS PA'I BZHED DON PHUN TSOGS GRUB NUS SU TSAD MAS GRUB PA'I SGO NAS YUM LA DANG BA SKYE BA'I PHYIR, GZHI LAM RNAM GSUM CHOS CAN, BDEN PAR MED DE, BDEN GRUB KYI GCIG DANG BDEN GRUB KYI DU MA GANG RUNG DU MED PA'I PHYIR, BDEN GRUB KYIS GCIG DANG BDEN GRUB KYI DU MA GANG RUNG DU MED PA GZHI LAM RNAM GSUM BDEN MED DU GRUB PA'I THA SNYAD 'BA' ZHIG SGRUB KYI RTAGS YANG DAG YIN TE, DE LTAR DU SKAL BZANG MIG 'BYED LAS BSHAD CING, DBU MA RGYAN GYI DKA' 'GREL LAS; RMONGS PA RNAMS LA NGO BO NYID MED PA NYID KYI THA SNYAD BYAR RUNG BA 'DI RAB TU GRUB PA'I PHYIR DAM BCA' PHYOGS GCIG GI GTAN TSIGS YIN TE, DPER NA DMIGS PA'I MTSAN NYID KYIS GRUB PAR 'GYUR BA LAS DMIGS PA MED PA'I @33A *, ,PHYIR; ZHES GSUNGS PA LTA BU YIN PAS, ZHES GSUNGS PA'I PHYIR, KHO NA RE, DE CHOS CAN, DE SGRUB KYI RANG BZHIN MA DMIGS PA'I RTAGS YANG DAG YIN PAR THAL, DE SGRUB KYI 'BREL ZLA MA DMIGS PA'I RTAGS YANG DAG GANG ZHIG ,DE SGRUB KYI THA SNYAD 'BA' ZHIG SGRUB KYI RTAGS YANG DAG YIN PA'I PHYIR, 'DOD MI NUS TE, DE SGRUB KYI KHYAB BYED MA DMIGS PA'I RTAGS YIN PA'I PHYIR TE, RGYAN SNANG LAS, GANG DAG GCIG DANG DU MA'I RANG BZHIN MA YIN PA DE DAG NI, DON DAM PA'I RANG BZHIN DU YOD PA MA YIN TE, SGYU MA LA SOGS PA'I NGO BO NYID LTA BU'O, ,BDAG DANG GZHAN GYIS SMRAS PA'I DNGOS PO RNAMS KYANG GCIG DANG DU MA'I RANG BZHIN MA YIN PA ZHES BYA BA NI KHYAB PAR BYED PA MA DMIGS PA YIN PAS, ZHES GSUNGS PA'I PHYIR ZHES ZER, ` GNYIS PA BSDUS DON GYI 'PHROS DON BSHAD PA NI, MTSAMS SBYAR DU RE ZHIG DANG POR YUM LA YON TAN JI LTA BA BZHIN DU BRJOD PA SNGON DU 'GRO BA CAN GYI PHYAG 'TSAL BA, ZHES BSHAD NA, NYAN THOS ZHI BA, ZHES SOGS KYI MCHOD BRJOD 'DIS YUM LA BSTOD PA DE YUM GYI PHYOGS MTHA' DAG LA BSTOD PA YIN NAM, PHYOGS GCIG KHO NA LA BSTOD PA YIN, DANG PO LTAR NA, SBYOR BZHI DANG CHOS SKU LA DNGOS SU MA BSTOD PAS GRANGS NYUNG BAR 'GYUR LA, GNYIS PA LTAR NA, GTZO BO RNAM MKHYEN LTA BU GCIG KHO NA LA BSTOD PAS CHOG MOD, CI'I PHYIR MKHYEN PA GSUM CHAR BSTOD YUL DU SMOS SHE NA, MKHYEN @33B GSUM GYI YON TAN GYI SGO NAS YUM LA BSTOD PA LA BSTOD YUL LA GRANGS MANG NYUNG GI SKYON MED DE, DE LTAR BSTOD PA LA RGYU MTSAN DANG DGOS PA GNYIS YOD PA'I PHYIR, DE LTAR BSTOD PA'I RGYU MTSAN YOD DE, RGYAN GYI CHED DU BYA BA'I GDUL BYAS MNGON PAR RTOGS PA BRGYAD KYI RNAM PA THAMS CAD MKHYEN GSUM GYI BSGOM BYA'I RNAM PAR BSDUS NAS NYAMS SU LEN DGOS PA'I RGYU MTSAN GYIS DE LTAR BSTOD PA'I PHYIR, ZHES 'CHAD PA LA, DE LA THAMS CAD MKHYEN PA NYID GSUM GYIS NI DON BRGYAD BSDUS LA, DE LTAR THUGS LA BZHAG NAS SHES RAB KYI PHA ROL TU PHYIN PA LA BSTOD DO, ,ZHES GSUNGS, DE LTAR BA STOD PA LA DGOS PA YOD DE, MKHYEN GSUM GYIS RANG SRAS 'PHAGS PA'I BZHED DON PHUN TSOGS SGRUB NUS SO, ,ZHES SHES PAR BYA BA'I CHED YIN PA'I PHYIR, ZHES 'CHAD PA LA, DE DAG KYANG SHES RAB KYI PHA ROL TU PHYIN PA YIN ZHING, DES KYANG 'CHAD PAR 'GYUR BA'I TSUL GYIS DON THAMS CAD PHUN SUM TSOGS PA YIN NO, ,ZHES DE LTAR THUGS LA BZHAG NAS THAMS CAD MKHYEN PA NYID GSUM GYI SGO NAS SHES RAB KYI PHA ROL TU PHYIN PA LA BSTOD DO, ,ZHES GSUNGS, 'O NA, KYANG SNGA PHYI GNYIS SMOS PA'I DGOS PA GANG ZHE NA, DE YANG YOD DE, SNGA MAS MKHYEN GSUM GYIS MNGON PAR RTOGS PA BRGYAD BSDUS PAS MKHYEN GSUM MCHOD BRJOD KYI YUL DU GYUR PA'I YUM YIN PAR MA ZAD, MNGON PAR RTOGS PA BRGYAD KYANG MCHOD BRJOD KYI YUL DU GYUR PA'I YUM YIN ZHES BSTAN LA, KYANG GNYIS PAS NI MKHYEN GSUM GYI @34A *, ,YON TAN BRJOD PA'I SGO NAS YUM LA BSTOD PA LA RGYU MTSAN YOD PAR MA ZAD DGOS PA YANG YOD CES BSTAN PA'I PHYIR, DES NA MKHYEN GSUM GYIS MNGON PAR RTOGS PA BRGYAD BSDUS PA YIN TE, MKHYEN GSUM RDZOGS PAR NYAMS SU BLANGS NA MNGON PAR RTOGS PA BRGYAD RDZOGS PAR NYAMS SU BLANGS PAR 'GYUR BA DANG, MKHYEN GSUM 'DOD BYA'I YON TAN CAN DU MTHONG NA, MNGON PAR RTOGS PA BRGYAD 'DOD BYA'I YON TAN CAN DU MTHONG BAR 'GYUR BA'I PHYIR, DES NA MKHYEN GSUM GYI RNAM PA NYAMS LEN GYI SBYOR BAS MNGON PAR RTOGS PA BRGYAD KYI RNAM PA NYAMS LEN GYI SBYOR BAR BSDUS PA DE, MKHYEN GSUM GYIS MNGON PAR RTOGS PA BRGYAD BSDUS PA'I DON YIN NO, , KHO NA RE, MKHYEN GSUM GYIS MKHYEN GSUM BSDUS PAR THAL, MKHYEN GSUM GYIS MNGON PAR RTOGS PA BRGYAD BSDUS PA'I PHYIR, 'DOD NA, MKHYEN GSUM MKHYEN GSUM DANG BSDU BYA SDUD BYED YIN PAR THAL LO, ,'DOD NA, DE DE DANG THA DAD YIN PAR THAL LO, ,ZER NA MA KHYAB STE, PHUNG KHAMS SKYE MCHED GSUM PHUNG KHAMS SKYE MCHED GSUM DANG THA DAD YIN PAR THAL, DE DE DANG BSDU BYA SDUD BYED YIN PA'I PHYIR TE, PHUNG KHAMS SKYE MCHED GSUM GYIS PHUNG KHAMS SKYE MCHED GSUM BSDUS PA'I PHYIR TE, DES CHOS THAMS CAD BSDUS PA'I PHYIR TE, MDZOD LAS, PHUNG PO DANG NI SKYE MCHED DANG, ,KHAMS GCIG GIS NI THAMS CAD BSDUS, ,ZHES GSUNGS PA'I PHYIR, KHO NA RE, MNGON PAR @34B RTOGS PA BRGYAD SDUD BYED KYI MKHYEN GSUM YOD PAR THAL, MKHYEN GSUM GYIS DE BRGYAD BSDUS PA'I PHYIR, 'DOD NA, DE SDUD BYED KYI RNAM MKHYEN YOD PAR THAL LO, ,'DOD NA, RNAM RDZOGS SBYOR BA RNAM MKHYEN GYIS BSDUS PAR THAL LO, , ZER NA, MKHYEN GSUM SDUD BYED KYI MNGON PAR RTOGS PA BRGYAD YOD PAR THAL, MNGON PAR RTOGS PA BRGYAD KYIS MKHYEN GSUM BSDUS PA'I PHYIR, KHYAB PA KHAS, DER THAL, DE DE BRGYAD KYI NANG TSAN YIN PA'I PHYIR, 'DOD NA, SNGAR BZHIN RIGS 'GRE'O, ,DE BZHIN DU, BUM PA SDUD BYED KYI KA BUM GNYIS YOD PAR THAL, BUM PA KA BUM GNYIS KYIS BSDUS PA'I PHYIR, KHYAB PA KHAS, DE DER THAL, DE DE'I NANG TSAN YIN PA'I PHYIR, KHO NA RE, MKHYEN GSUM GYIS RNAM RDZOGS SBYOR BA BSDUS PAR THAL, DES SBYOR BZHI BSDUS PA'I PHYIR, 'DOD NA, RNAM RDZOGS SBYOR BA CHOS CAN, LAM BDEN GYIS BSDUS PAR THAL LO, ,'DOD NA, DE CHOS DKON MCHOG YIN PAR THAL, LAM BDEN GYIS BSDUS PA'I RNAM BYANG BDEN PA YIN PA'I PHYIR NA, SHES BYA CHOS CAN, DE LAM BDEN GYIS BSDUS PAR THAL, THEG CHEN GYI TSOGS LAM LAM BDEN GYIS BSDUS PA'I PHYIR, DE LAM BDEN GYI 'KHOR YIN PA'I PHYIR TE, KUN BTUS LAS, LAM GYI BDEN PA GANG ZHE NA, LAM GANG GIS SDUG BSNGAL YONGS SU SHES PA DANG, KUN 'BYUNG SPANG BA DANG, 'GOG PA MNGON DU BYED PA DANG, LAM SGOM PA STE 'DI NI LAM GYI BDEN PA'I MTSAN NYID MDOR BSDUS PA'O, ,YANG LAM RNAM PA LNGA STE, @35A *, ,TSOGS KYI LAM DANG, SBYOR BA'I LAM DANG, MTHONG BA'I LAM DANG, SGOM PA'I LAM DANG, MTHAR PHYIN PA'I LAM MO, ,ZHES DANG, DE'I THAD KYI 'GREL BSHAD RGYAL PO SRAS LAS, 'DI YANG LAM GYI BDEN PA 'KHOR DANG BCAS PA'I SKABS LAS RIG PAR BYA STE, ZHES GSUNGS PA'I PHYIR, KHO NA RE, THEG CHEN GYI TSOGS LAM DU GYUR PA'I TSOR BA DE LAM BDEN GYI 'KHOR DU GYUR PA'I TSOR BA YIN PAR THAL, DE DE'I 'KHOR YIN PA'I PHYIR NA MA KHYAB, KHA CIG GIS, MKHYEN GSUM MTSON BYED KYI CHOS SUM CUS MNGON PAR RTOGS PA BRGYAD BSDUS PA DE, MKHYEN GSUM GYIS MNGON PAR RTOGS PA BRGYAD BSDUS PA'I DON YIN, ZER NA, MI 'THAD DE, RJE BTZUN GYIS DE SUM CU'I YON TAN BRJOD PA'I SGO NAS YUM LA BSTOD PA MA YIN PA'I PHYIR, KHA CIG ,MNGON PAR RTOGS PA BRGYAD PO GANG RUNG YIN NA, MKHYEN GSUM GANG RUNG YIN PAS KHYAB PA DE DE'I DON YIN ZER NA, MI 'THAD DE, MKHYEN GSUM GANG RUNG LA 'PHAGS RGYUD KYI MKHYEN PAS KHYAB PA'I PHYIR, RONG t'IK PA NA RE, 'PHAGS BZHI'I MNGON PAR RTOGS PA MKHYEN GSUM DU BZHAG ,DE MKHYEN GSUM GYIS BSDUS, CHOS SKU RNAM MKHYEN GYIS BSDUS PA DE DE'I DON YIN NO, ,ZER BA MI 'THAD DE, MKHYEN GSUM GYIS MNGON PAR RTOGS PA BRGYAD BSDUS PA DE DE'I DON DU MI RIGS PA'I PHYIR, KHA CIG ,MKHYEN GSUM NI DUS GSUM GYI 'PHAGS PA THAMS CAD KYI RGYUD DANG 'BREL BAS RGYA CHE, SBYOR BZHI DANG CHOS SKU RGYAN GYI CHED DU BYA @35B PA'I GDUL BYA KHO NA'I RGYUD LA YOD PAS RGYA CHUNG BAS, RGYA CHE BA MKHYEN GSUM GYIS RGYA CHUNG BA SBYOR BA BZHI DANG CHOS SKU BSDUS PA DE DE'I DON YIN TE, DPER NA RGYA MTSOS CHU THIG BSDUS PA BZHIN, ZHES ZER BA MI 'THAD DE, DE GSUM GYIS BRGYAD BSDUS PA'I DON MIN LA, GSUM GYIS LNGA BSDUS PA'I DON YIN PA'I PHYIR, DUS GSUM GYI 'PHAGS PA RNAM MKHYEN DANG LAM SHES RANG RGYUD LA SKYED PA RNAMS KYIS, SBYOR BZHI DANG YE SHES CHOS SKU NGES PAR RANG RGYUD LA SKYED PAR BYED DGOS PA'I PHYIR DANG, DE LAS LDOG STE KHAS BLANGS KYANG GNOD PA DE MED PA'I PHYIR, KHA CIG ,MKHYEN GSUM NI SBYOR BZHI DANG CHOS SKU'I RANG BZHIN YIN LA, SBYOR BZHI DANG CHOS SKU NI MKHYEN GSUM GYI GNAS SKABS YIN PAS, RANG BZHIN MKHYEN GSUM GYIS GNAS SKABS SBYOR BZHI DANG CHOS SKU BSDUS PA DE DE'I DON YIN TE, DPER NA RANG BZHIN SOR MO'I NANG DU GNAS SKABS THAL MO DAD KHU TSUR BSDUS PA BZHIN NO, ,ZHES ZER BA MI 'THAD DE, MKHYEN GSUM SBYOR BA ZHI'I RANG BZHIN YIN NA, SBYOR BZHI YANG MKHYEN GSUM GYI RANG BZHIN YIN DGOS PA'I PHYIR DANG, SBYOR BZHI MKHYEN GSUM GYI GNAS SKABS LA BZHAG PA'I SBYOR BA YIN NA, BYANG SEMS SBYOR LAM PA'I RGYUD LA MKHYEN GSUM YOD PAR THAL BA'I SKYON YOD PA'I PHYIR, ` GNYIS PA RTZA BA'I TSIG DON BSHAD PA LA, MTSAMS SBYAR DU, RE ZHIG DANG POR YUM LA YON TAN JI LTA BA BZHIN DU BRJOD PA SNGON DU 'GRO BA CAN GYI PHYAG 'TSAL BA, ZHES BSHAD NA, NYAN THOS ZHI BA, ZHES SOGS KYIS @036A *, ,MKHYEN GSUM GYI YON TAN GYI SGO NAS YUM LA BSTOD NA BSTOD PHYAG MDZAD TSUL DE GANG ZHE NA, 'DI LA SO SO'I YON TAN BRJOD PA DANG, BSDUS TE PHYAG 'TSAL BA GNYIS LAS, DANG PO LA, GZHI SHES KYIS NYER ZHIR KHRID TSUL, LAM SHES KYIS 'JIG RTEN GYI DON SGRUB TSUL, RNAM MKHYEN GYIS CHOS 'KHOR SKOR BA'I BDAG RKYEN BYED TSUL BSHAD PA DANG GSUM LAS, DANG PO LA, GZHI SHES SGOM PA'I RTEN GYI GANG ZAG ,THABS GZHI SHES KYI NGO BO; THABS DE LA BRTEN NAS 'BRAS BU MNGON DU BYED TSUL DANG GSUM LAS, DANG PO NI, NYAN THOS DANG DE'I PHYOGS SU BSLAN PA RNAM PAR THAR PA CUNG ZAD TZAM ZHIG GIS LHAG PA RIM PA GCIG GIS BSTAN PA RANG SANGS RGYAS KYANG STE, MYA NGAN LAS 'DA' BAR 'DOD PA RNAMS, ZHES PAS 'CHAD, GNYIS PA NI, GZHI THAMS CAD SKYE BA MED PAR YONGS SU SHES PA NYID KYIS, ZHES PAS 'CHAD, GSUM PA NI, PHUNG PO DANG BCAS PA DANG PHUNG PO MED PA'I MTSAN NYID KYI MYA NGAN LAS 'DAS PA RNAM PA GNYIS THOB PAR MDZAD PA GANG YIN PA DANG, ZHES PAS 'CHAD, GNYIS PA LA YANG GSUM LAS, DANG PO NI, BYANG CHUB SEMS DPA' 'KHOR BA JI SRID PAR 'GRO BA'I DON BYED PA RNAMS, ZHES PAS 'CHAD, GNYIS PA NI, LAM THAMS CAD SKYE BA MED PAR RTOGS PA'I NGO BO NYID KYIS, ZHES PAS 'CHAD DO, ,GSUM PA NI, 'GRO BA MTHA' DAG GI DON SGRUB PAR MDZAD PA GANG YIN PA DANG, ZHES PAS 'CHAD, GSUM PA LA YANG GSUM LAS, DANG PO NI, @036B CHOS 'KHOR SKOR BA PO'I RTEN GYI GANG ZAG DE STON PA LA, SANGS RGYAS YANG DAG PAR BSDAMS PA'I SKU CAN RNAL 'BYOR CAN GYI DBANG PHYUG GI GTZO BO RNAMS, ZHES GSUNGS, GNYIS PA MCHOG GI SPRUL SKUS CHOS 'KHOR SKOR BA'I THABS RNAM MKHYEN DE STON PA LA, RNAM PA THAMS CAD SKYE BA MED PAR THUGS SU CHUD PA GANG DANG LDAN NA, ZHES GSUNGS, GSUM PA RNAM MKHYEN RGYUD LA SKYES PA'I 'BRAS BU DE STON PA LA, SPYOD PA'I GNYEN POR CHOS KYI 'KHOR LO MA LUS PA RNAM PA THAMS CAD BSKOR BAR MDZAD PA, ZHES GSUNGS, 'O NA, MA LUS PA DANG THAMS CAD GNYIS KA SMOS PA LA ZLOS SKYON YOD DO, ,ZHES NA, SKYON MED DE, THAMS CAD CES PAS BRJOD 'DOD KYI DPANG GIS BRJOD BYA PHYOGS RE BA LA YANG ZER BAS DE LTA BU'I NYI TSE BA MA YIN PAR BSTAN PA'I PHYIR DU, MA LUS PA DANG THAMS CAD GNYIS KA SMOS PA'I PHYIR, ZHES GSER PHRENG LAS BSHAD DO, ,RNAM BSHAD LTAR NA SKYON MED DE, MA LUS PA ZHES PA NI RJOD BYED GSUNG RAB LA 'JUG LA, THAMS CAD CES PA BRJOD BYA LA 'JUG PA'I PHYIR, SANGS RGYAS BCOM LDAN 'DAS RNAMS LA RNAL 'BYOR CAN GYI DBANG PHYUG GI GTZO BO ZHES BRJOD PA'I RGYU MTSAN YOD DE, NYAN RANG BYANG SEMS RNAMS DBANG PHYUG LA SOGS PA LAS RNAL 'BYOR LHAG PAS RNAL 'BYOR CAN GYI DBANG PHYUG CES BYA LA, DE GSUM LAS SPANGS RTOGS LHAG PAS NA SANGS RGYAS BCOM LDAN 'DAS RNAMS LA RNAL 'BYOR CAN GYI DBANG PHYUG GI GTZO BO ZHES BSHAD PA'I PHYIR, GNYIS PA BSDUS TE PHYAG 'TSAL BA NI, SANGS @037A *, ,RGYA, RGYAS NYAN THOS LA SOGS PAS YONGS SU BSKOR BA DE SGRUB PAR BYED PA NYID KYI YUM DE LA PHYAG 'TSAL LO, ,ZHES PAS 'CHAD, 'DI'I BSKOR CES PA'I DON NI, SANGS RGYAS NYAN THOS RANG RGYAL BYANG SEMS TE SRAS BZHIS YONGS SU BSKOR BA DE RNAMS KYI BZHED DON SGRUB PAR BYED PA'I YUM MKHYEN PA GSUM LA PHYAG 'TSAL, ZHES PA'I DON YIN TE, SHES RAB SGRON MER, NYAN THOS NYID DANG BYANG CHUB SEMS DPA' NYID DANG SANGS RGYAS NYID KYIS YONGS SU BSKOR BA DE LTA BU SGRUB PAR BYED PA NYID KYI DE DAG GI YUM SHER PHYIN LA PHYAG 'TSAL, ZHES GSUNGS PA DANG, NYI KHRI RNAM 'GREL LAS, SANGS RGYAS NYAN THOS BYANG CHUB SEMS DPA'I TSOGS LDAN, ZHES GSUNGS PAS NA, RTZA BA'I LDAN PA'AM BCAS PA'I DON 'GREL PAR BSKOR BA LA BSHAD PA'I PHYIR, YUM SRAS LA GTZO 'KHOR GYI THA SNYAD BYAS PAS CHOG STE, MKHYEN PA GSUM PO DES RANG SRAS 'PHAGS PA RNAMS KYI BZHED DON PHUN TSOGS SGRUB PAR BYED PA'I PHYIR, SNYING PO'I RGYAN LAS, SANGS RGYAS NYAN THOS BYANG CHUB SEMS DPA' LA SOGS PAS YONGS SU BSKOR BA STE BZHED DON SGRUB PAR BYED PA NYID KYI YUM DE LA PHYAG 'TSAL, ZHES GSUNGS PA MA GTOGS GSAL BAR MA BSHAD DO, ,DE DAG GI NANG NAS, ` NYAN THOS DANG DE'I PHYOGS SU BSLAN PA, ZHES SOGS KYI SKABS SU, MYA NGAN LAS 'DAS PA RNAM PA GNYIS 'THOB PAR MDZAD PA GANG YIN PA DANG, ZHES BSHAD NA, LHAG BCAS MYANG 'DAS DANG, LHAG MED MYANG 'DAS @037B KYI KHYAD PAR DE JI LTA BU ZHE NA, 'DI LA NYAN THOS SDE PA'I LUGS, SEMS TZAM PA'I LUGS, THAL 'GYUR PA'I LUGS, RANG RGYUD PA'I LUGS DANG BZHI LAS, DANG PO LA, LHAG BCAS LHAG MED KYI DON PHUNG PO'I RGYUN LOG MA LOG GI GNAS SKABS LA LHAG MED DANG LHAG BCAS KYI KHYAD PAR 'JOG STE, RIGS PA DRUG CU PA'I 'GREL PAR, DE LA PHUNG PO'I LHAG MA DANG BCAS PA NI PHUNG PO TZAM DU ZAD DE NYON MONGS PA'I 'CHING BA LAS GROL BA YIN, PHUNG PO'I LHAG MA MED PA NI PHUNG PO'I RGYUN CHAD PA'I MTSAN NYID YIN PAS, ZHES NYAN THOS SDE PAS 'DOD PAR GSUNGS PA'I PHYIR, MYANG 'DAS KYI NGO BO SO SOR BRTAGS 'GOG TU BYE MDO GNYIS KAS 'DOD DO, ,GNYIS PA NI, LHAG BCAS LHAG MED KYI DON SNGAR BZHIN DANG, MYANG 'DAS KYI NGO BO CHOS DBYINGS SU 'DOD DE, BSDU BAR, CHOS KYI DBYINGS SHIN TU RNAM PAR DAG PA'I NGO BO, ZHES BSHAD CING, BYED BSHAD 'GREL PAR, PHUNG PO LHAG MA DANG BCAS PA DANG PHUNG PO LHAG MA MED PA'I MYA NGAN LAS 'DAS PA'I DBYINGS NI SO SOR BRTAGS PA'I 'GOG PA'O, ,ZHES GSUNGS PA'I PHYIR, LUGS 'DI DAG GIS LHAG MED MYANG 'DAS KYI TSE PHUNG PO RGYUN CHAD PAR 'DOD PAS, THEG PA CHE CHUNG GI LHAG BCAS MYANG 'DAS LA SPANGS PA'I KHYAD PAR 'DOD KYANG LHAG MED MYANG 'DAS LA DE MI 'DOD DE, THEG DMAN GYI LHAG MED MYANG 'DAS KYI TSE LAM GYIS SPANGS PA'I SGRIB GNYIS ZAD PA MED KYANG SGRIB PA'I RTEN MED PAS SGRIB GNYIS RANG GI NGANG GIS LOG PAR 'DOD PA'I PHYIR TE, BSDU BAR, PHUNG PO'I @038A *, ,LHAG MA DANG BCAS PA'I MYA NGAN LAS 'DAS PA'I DBYINGS LA GNAS PA LA NI SGRIB PA DANG BCAS PA DANG, SGRIB PA MED PA'I RNAM PAR BZHAG PA YOD KYI, PHUNG PO'I LHAG MA MED PA'I MYA NGAN LAS 'DAS PA'I DBYINGS LA GNAS PA LA NI SGRIB PA RNAM PAR BZHAG PA MED DO, ,DE CI'I PHYIR ZHE NA, MTSAN MA DANG GNAS NGAN LEN THAMS CAD KYI THAMS CAD DU RGYUN CHAD CING 'GAGS PA'I PHYIR TE, ZHES GSUNGS PA'I PHYIR, DE LTAR YIN KYANG NYAN RANG DGRA BCOM DANG DE BZHIN GSHEGS PA KHYAD MED DU MI 'GYUR TE, DE GNYIS LA GZHAN DON BYED MI BYED KYI KHYAD PAR YOD PA'I PHYIR TE, THEG DMAN PA RNAMS KYIS SNGON GZHAN DON BYED PA'I SMON LAM MA BTAB CING RANG BZHIN GYIS RIGS DMAN PAS; SLAR MI LDANG BA'I TSUL GYIS ZHI BA PHYOGS GCIG PAR ZHUGS PA'I PHYIR TE, BSDU BAR, GAL TE DE LA SGRIB PA MED DE, JI LTAR DE BZHIN GSHEGS PA LA MI MNGA' BA DE KHO NA BZHIN DU DGRA BCOM PA LA YANG SGRIB PA MED PA YIN NA CI'I PHYIR DGRA BCOM PA YANG DE BZHIN GSHEGS PA'I MDZAD PA MI BYED CE NA, SMRAS PA, SNGON SMON LAM GOMS PA MED PA'I PHYIR DANG, DE LTA BU'I RIGS CAN YIN PAS DE'I PHYIR, DGRA BCOM PA NI LDANG BA'I BSAM PA MED PA KHO NAR YONGS SU MYA NGAN LAS 'DAS PAS NA DE'I PHYIR MI BYED DO, ,ZHES GSUNGS PA'I PHYIR, GSUM PA NI, LHAG BCAS LHAG MED KYI DON BDEN SNANG GI LHAG MA DANG BCAS MA BCAS LA 'DOD CING, NGO BO CHOS DBYINGS SU 'DOD DO, ` ,BZHI BA LA, @038B MTSAN NYID, DBYE BA, SA MTSAMS GSUM LAS, DANG PO NI, NYON SGRIB ZAD PAR SPANGS PA'I SO SOR BRTAGS 'GOG ,MYANG 'DAS KYI MTSAN NYID, GNYIS PA LA SGRAS BRJOD RIGS KYI SGO NAS DBYE NA, RANG BZHIN GYI MYANG 'DAS, MI GNAS PA'I MYANG 'DAS, LHAG BCAS MYANG 'DAS, LHAG MED MYANG 'DAS DANG BZHI LAS, DANG PO NI, CHOS THAMS CAD BDEN PAS STONG PA'I STONG NYID LTA BU, DE DANG DON DAM BDEN PA GNYIS DON GCIG ,GNYIS PA NI, SGRIB GNYIS ZAD PAR SPANGS PA'I SO SOR BRTAGS 'GOG LTA BU, DE DANG SANGS RGYAS KYI SA'I 'GOG BDEN DON GCIG ,GSUM PA NI, THEG DMAN GYI MYANG 'DAS GANG ZHIG ,SDUG BSNGAL GYI PHUNG PO LHAG MA DANG BCAS PA, LHAG BCAS MYANG 'DAS KYI MTSAN NYID, DPER NA KHAMS GSUM GANG RUNG GI RTEN CAN GYI NYAN THOS DGRA BCOM PA'I RGYUD KYI 'GOG BDEN LTA BUM BZHI PA NI, DE GANG ZHIG ,DE DANG BRAL BA, LHAG MED MYANG 'DAS KYI MTSAN NYID, DPER NA DAG ZHING GI RTEN CAN GYI NYAN THOS DGRA BCOM PA'I RGYUD KYI 'GOG BDEN LTA BU, DES NA GZUGS SKU GNYIS LA LHAG BCAS MYANG 'DAS KYI SGRAS STON PA'I RGYUN MTSAN YOD DE, NYON SGRIB MA LUS PAR SPANGS SHING PHUNG PO LNGA DANG BCAS PA'I RGYU MTSAN GYIS DE LTAR BRJOD PA'I PHYIR, CHOS SKU LA LHAG MED MYANG 'DAS KYI SGRAS BRJOD PA'I RGYU MTSAN YOD DE, NYON SGRIB MA LUS PAR SPANGS SHING PHUNG PO LNGA DANG BRAL BA'I RGYU MTSAN GYIS DE LTAR BRJOD PA'I PHYIR TE, DE LTAR YANG SLOB DPON KLU'I BSHES GNYEN GYIS MDZAD PA'I SKU GSUM @039A *, ,LA 'DUG PA'I SGOR, PHUNG POR BCAS PA'I MYA NGAN 'DAS, ,THUB SKU GNYIS LA BRJOD PA YIN, ,PHUNG PO KUN DANG BRAL BA'I PHYIR, ,CHOS KYI SKU LA PHUNG PO MED, ,CES DANG, GSER 'OD DAM PA LAS, SKU DE GNYIS LA DGONGS TE, SANGS RGYAS BCOM LDAN 'DAS RNAMS PHUNG PO LHAG MA DANG BCAS PA'I MYA NGAN LAS 'DAS PA ZHES BYA'O, ,CHOS KYI SKU LA DGONGS TE, PHUNG PO LHAG MA MED PA'I MYA NGAN LAS 'DAS PA ZHES BYA'O, ,ZHES GSUNGS PA'I PHYIR, GSUM PA NI, DGRA BCOM PA MTHA' DAG GI RGYUD LA YOD DO, ,KHO NA RE, GZUGS MED KYI RTEN CAN GYI NYAN THOS DGRA BCOM PA'I RGYUD KYI 'GOG BDEN CHOS CAN, SDUG BSNGAL GYI PHUNG PO LHAG MA DANG BCAS PAR THAL, LHAG BCAS MYANG 'DAS YIN PA'I PHYIR, RTAGS KHYAB KHAS, 'DOD NA, GZUGS MED NA SDUG BSNGAL GYI PHUNG PO YOD PAR THAL LO, ,'DOD NA, DE NA SDUG BSNGAL YOD PAR THAL, 'DOD PA'I PHYIR NA MA KHYAB STE, DE NA MING YOD PAR THAL, DE NA MING GI PHUNG PO YOD PA'I PHYIR, KHYAB PA KHAS, DER THAL, DE NA PHUNG PO PHYI MA BZHI YOD PA'I PHYIR, KHO NA RE, LHAG BCAS MYANG 'DAS CHOS CAN, ZAG BCAS KYI PHUNG PO DANG BCAS PAR THAL, SDUG BSNGAL GYI PHUNG PO DANG BCAS PA'I PHYIR, 'DOD NA; ZAG PA DANG BCAS PAR THAL, 'DOD PA'I PHYIR NA MA KHYAB, 'DOD NA, ZAG BCAS SU THAL LO, ,'DOD MI NUS TE, ZAG MED YIN PA'I PHYIR TE, 'GOG BDEN YIN PA'I PHYIR, KHA CIG ,LHAG BCAS MYANG 'DAS LA GNAS BA'I NYAN @039B THOS DGRA BCOM PA'I RGYUD LA LAS KYI KUN 'BYUNG YOD ZER BA MI 'THAD DE, DE'I RGYUD LA 'PHEN BYED KYI LAS KYI KUN 'BYUNG YANG MED, 'GRUB BYED KYI LAS KYI KUN 'BYUNG YANG MED PA'I PHYIR, DANG PO GRUB STE, DE'I RGYUD LA 'PHEN BYED KYI LAS MED PA'I PHYIR, GNYIS PA GRUB STE, DE'I RGYUD LA 'GRUB BYED KYI LAS MED PA'I PHYIR, KHA CIG ,NYON SGRIB MA LUS PAR SPANGS PA'I DE BZHIN NYID, MYANG 'DAS KYI NGO BOR 'DOD PA MI RIGS TE, NYAN THOS DGRA BCOM PA'I RGYUD KYI 'GOG BDEN DANG, STONG NYID MA RTOGS PA'I NYAN THOS DGRA BCOM PA'I RGYUD KYI CHOS NYID DANG, RANG BZHIN RNAM DAG GI CHAR GYUR PA'I NGO BO NYID SKU RNAMS KYIS MA NGES PA'I PHYIR, KHA CIG ,SDUG BSNGAL GYI PHUNG PO LHAG MA DANG BCAS PA'I MYANG 'DAS, LHAG BCAS MYANG 'DAS KYI NGO BOR 'JOG PA MI RIGS TE, LHAG BCAS MYANG 'DAS LA GNAS PA'I NYAN THOS DGRA BCOM TSE DE LA THEG CHEN LAM DU ZHUGS PA'I BYANG SEMS TSOGS LAM PA'I RGYUD KYI 'GOG BDEN DE LHAG BCAS MYANG 'DAS MA YIN PA'I PHYIR; KHA CIG ,THEG DMAN DGRA BCOM SKU TSE'I 'DU BYED BTANG BA'I GNAS SKABS KYI MYANG 'DAS, LHAG MED MYANG 'DAS SU 'DOD PA YANG MI 'THAD DE, DE LA SKU TSE'I 'DU BYED BTANG BA'I THEG DMAN GYI DGRA BCOM YOD PAR THAL BA SOGS KYI SKYON YOD PA'I PHYIR DANG, THEG DMAN DGRA BCOM MED PA'I DUS SU DE YOD PAR THAL BA'I SKYON YOD PA'I PHYIR, KHA CIG ,DMAN PA'I MYANG 'DAS MYANG 'DAS MA YIN TE, SANGS RGYAS MA THOB BAR DU MYANG 'DAS THOB PA MED PA'I PHYIR TE, RGYUD @040A *, ,BLA MAR, GANG PHYIR DE NI CHOS SKU DE NI DE BZHIN GSHEGS, ,DE NI 'PHAGS PA'I BDEN PA DON DAM MYANG NGAN 'DAS, ,DE'I PHYIR NYI DANG ZER BZHIN YON TAN DBYER MED PAS, ,SANGS RGYAS NYID LAS MA GTOGS MYA NGAN 'DAS PA MED, ,CES DANG, DES NA SANGS RGYAS MA THOB BAR, ,MYA NGAN 'DAS PA MI 'THOB STE, ,'OD DANG 'OD ZER SPANGS NAS NI, ,NYI MA LTA BAR MI NUS BZHIN, ,ZHES GSUNGS PA'I PHYIR ZER NA SKYON MED DE, SANGS RGYAS MA THOB BAR SGRIB GNYIS ZAD PAR SPANGS PA'I MYANG 'DAS MA 'THOB PA LUNG DE'I DON YIN PA'I PHYIR TE, DE'I 'GREL PAR, CHAGS PA MED PA DANG THOGS PA MED PA'I YE SHES KYI GZIGS PA MNGA' BA'I DE BZHIN GSHEGS PA MA THOB PAR SGRIB PA THAMS CAD LAS RNAM PAR GROL BA'I MYA NGAN LAS 'DAS PA'I DBYINGS RTOGS PA MNGON DU BYED PA MED DE, 'OD DANG 'DOD ZER MA MTHONG BAR NYI MA'I DKYIL 'KHOR MI MTHONG BA BZHIN NO, ,ZHES GSUNGS PA'I PHYIR, GZHUNG DON RTZA BA'I TSIGS RKANG GSUM PA'I DE 'GOD DO, ` ,RNAM PA THAMS CAD SKYE BA MED PAR THUGS SU CHUD PA, ZHES SOGS KYI SKABS SU, 'O NA, CHOS KYI 'KHOR LO MA LUS PA RNAM PA THAMS CAD BSKOR BAR MDZAD PA, ZHES BSHAD NA, CHOS KYI 'KHOR LO DE JI LTA BU ZHE NA, 'DI LA MTHA' CUNG ZAD DPYAD PA DANG, RANG LUGS GZHAG PA GNYIS LAS, DANG PO LA, KHA CIG ,STON PAS GSUNGS PA'I DAM CHOS, CHOS 'KHOR GYI MTSAN NYID, ZER NA, 'GREL PA DON GSAL CHOS CAN, CHOS 'KHOR DU THAL, MTSAN NYID 'THAD PA'I PHYIR, MA GRUB NA, STON PAS GSUNGS @040B PA'I DAM CHOS YIN NA, STON PA'I GSUNG YIN DGOS PAR THAL, MA GRUB PA DE'I PHYIR, 'DOD NA, THEG CHEN GYI MTHONG LAM CHOS CAN, DER THAL, DE'I PHYIR, CHOS 'KHOR YIN PA'I PHYIR, KHYAB PA KHAS, RTZA BAR 'DOD NA, DE CHOS CAN, LUNG GI CHOS 'KHOR DU THAL, CHOS 'KHOR GANG ZHIG ,LUNG YIN PA'I PHYIR, 'DOD NA, BKA' YIN PAR THAL LO, ,KHA CIG ,BSHAD PAS GDUL BYA'I RGYUD LA 'PHO BYA DANG 'PHO BYED GANG RUNG DU GYUR PA'I RNAM DKAR GYI YON TAN, CHOS 'KHOR GYI MTSAN NYID, ZER NA, DE LA KHA CIG ,RNAM MKHYEN CHOS CAN, MTSAN NYID DER THAL, CHOS 'KHOR YIN PA'I PHYIR, 'DOD NA, BSHAD PAS GDUL BYA'I RGYUD LA 'PHO BAR THAL LO, ,'DOD MI NUS TE, MDO LAS, THUB RNAMS SDIG PA CHU YIS MI 'KHRU ZHING, , 'GRO BA'I SDUG BSNGAL PHYAG GIS MI SEL LA, ,NYID KYI RTOGS PA GZHAN LA 'PHO MIN TE, ,CHOS NYID BDEN PA BSTAN PAS GROL BAR 'GYUR, ,ZHES GSUNGS PA'I PHYIR, ZER NA MA KHYAB STE, DE'I DON STON PA SH'AKYA THUB PA LTA BU'I RGYUD KYI RNAM MKHYEN DE, , DE'I CHED DU BYA BA'I GDUL BYA'I RGYUD LA 'PHO MI NUS PA LUNG DE'I DON YIN PA'I PHYIR, KHA CIG ,SANGS RGYAS KYI BSTAN PAR GTOGS PA'I DAM CHOS, CHOS 'KHOR GYI MTSAN NYID, SANGS RGYAS KYI BSTAN PAR GTOGS PA'I LUNG, LUNG GI CHOS 'KHOR KYI MTSAN NYID, GDUL BYA'I RGYUD LA SKYE PAR 'GYUR BA'I MNGON RTOGS KYI RIGS SU GNAS PA'I LAM ZHUGS KYI MKHYEN PA, RTOGS PA'I CHOS 'KHOR GYI MTSAN NYID YIN ZER NA, LAM MA ZHUGS KYI GANG ZAG GI RGYUD KYI SO THAR GYI SDOM PA CHOS CAN, @41A *, ,CHOS 'KHOR DU THAL, MTSAN NYID DE'I PHYIR TE, SANGS RGYAS KYI BSTAN PA YIN PA'I PHYIR, RTAGS GRUB STE, DE YOD PA'I PHYIR, 'DOD NA, RTOGS PA'I CHOS 'KHOR DU THAL, CHOS 'KHOR GANG ZHIG ,SHES PA YIN PA'I PHYIR, 'DOD NA, LAM ZHUGS KYI MKHYEN PA YIN PAR THAL LO, ,GZHAN YANG, CHOS 'KHOR LA LUNG GI CHOS 'KHOR DANG RTOGS PA'I CHOS 'KHOR GNYIS SU GRANGS MA NGES PAR THAL, LAM MA ZHUGS KYI GANG ZAG GI RGYUD KYI BSLAB PA GSUM PO DE CHOS 'KHOR GANG ZHIG ,DE DE GANG RUNG MA YIN PA'I PHYIR, DANG PO 'DOG ,GNYIS PA SLA, RTZA BAR 'DOD MI NUS TE, MDZOD LAS, STON PA'I DAM CHOS RNAM GNYIS TE, ,LUNG DANG RTOGS PA'I BDAG NYID DO, ,ZHES GSUNGS PA'I PHYIR, KHO NA RE, LAM MA ZHUGS KYI GANG ZAG GI RGYUD LA BSLAB PA GSUM GYIS BSDUS PA'I CHOS 'KHOR YOD PAR THAL, DE'I RGYUD LA SDE SNOD GSUM GYIS BSDUS PA'I CHOS 'KHOR YOD PA'I PHYIR NA MA KHYAB, KHA CIG ,BKA' DANG SPANGS RTOGS GANG RUNG GIS BSDUS PA'I DAM CHOS, CHOS 'KHOR GYIS MTSAN NYID ZER NA, 'GOG BDEN CHOS CAN, CHOS 'KHOR DU THAL, MTSAN NYID DE'I PHYIR, SPANGS PAS BSDUS PA'I DAM CHOS YIN PA'I PHYIR TE, CHOS CAN DE'I PHYIR, 'DOD NA, RNAM DKAR GYI YON TAN DU THAL LO, , 'DOD NA, DGE BA YIN PAR THAL LO, ,'DOD NA, 'DUS MA BYAS KYI DGE BA YIN PAR THAL LO, ,'DOD NA, RANG BZHIN GNAS RIGS DGE BA YIN PAR THAL LO, ,'DOD NA, 'KHOR BA MI DGE BA YIN PAR THAL LO, ,'DOD NA, KHAMS GONG GI SAS @41B BSDUS KYI MI DGE BA YOD PAR THAL LO, ,'DOD NA, MDZOD LAS, DE LAS 'GYOD GNYED MI DGE RNAMS, ,BSAM GTAN DANG PO DAG NA MED, ,CES GSUNGS PA MI 'THAD PAR THAL LO, ,GZHAN YANG, 'GOG BDEN CHOS CAN, 'KHOR LOS SGYUR BA'I RGYAL PO'I 'KHOR LO RIN PO CHE DANG BYED LAS CHOS MTSUNGS PAR THAL, CHOS 'KHOR YIN PA'I PHYIR, 'DOD NA, DE RANG GI MI MTHUN PHYOGS 'JOMS BYED DU THAL LO, ,KHO NA RE, RNAM MKHYEN CHOS CAN, RANG GI MI MTHUN PHYOGS 'JOMS BYED YIN PAR THAL, 'KHOR LO RIN PO CHE DANG BYED LAS CHOS MTSUNGS PA'I PHYIR, KHYAB PA KHAS, 'DOD NA, DE'I MI MTHUN PHYOGS YOD PAR THAL LO, ,'DOD NA, DE'I SPANG BYA YOD PAR THAL LO, ,ZER NA MA KHYAB, KHO NA RE, 'GOG BDEN CHOS CAN, RTOGS PA'I CHOS 'KHOR YIN PAR THAL, RTOGS PA'I CHOS DKON MCHOG YIN PA'I PHYIR NA MA KHYAB, KHA CIG ,BDEN BZHI DNGOS KYI BRJOD BYA'I GTZO BOR BYAS NAS STON PA'I MDO, BKA' DANG PO BDEN BZHI'I CHOS 'KHOR GYI MTSAN NYID, STONG NYID DNGOS KYI BRJOD BYA'I GTZO BOR BYAS NAS STON PA'I MDO, BKA' BAR BA MTSAN NYID MED PA'I CHOS 'KHOR GYI MTSAN NYID ZER BA MI 'THAD DE, BDEN BZHI DNGOS KYI BRJOD BYA'I GTZO BOR BYED PA'I SHER PHYIN GYI MDO DE 'KHOR LO DANG PO MA YIN PA'I PHYIR TE, DE THEG CHEN THUN MONG MA YIN PA'I MDO YIN PA'I PHYIR, DE BZHIN DU LUNG PHRAN TSIGS KYI NANG TSAN DU GYUR PA'I K'ATY'A YA NA LA GDAMS PA'I MDO NGES STONG NYID DNGOS KYI BRJOD BYA'I GTZO BOR BYAS NAS BSTAN KYANG, DE 'KHOR LO BAR @42A *, ,BA MA YIN PA'I PHYIR TE, DE THEG CHEN THUN MONG MA YIN PA'I BSTAN BCOS MA YIN PA'I PHYIR, DES STONG NYID DNGOS SU BSTAN TE, RTZA SHE LAS, BCOM LDAN DNGOS DANG DNGOS MED PA, ,MKHYEN PAS K'ATY'A YA NA YI, ,GDAMS DAG LAS NI YOD PA DANG, ,MED PA GNYIS KA DGAG PAR MDZAD, ,CES GSUNGS PA'I PHYIR, DES BDEN BZHI DNGOS KYI BRJOD BYA'I GTZO BOR BYAS NAS STON PA'I THEG DMAN GYI MDO, 'KHOR LO DANG PO'I MTSAN NYID, CES ZER BA SOGS KYANG KHEGS PAR SHES PAR BYA'O, ,KHO NA RE, LUNG PHRAN TSEGS KYI NANG TSAN DU GYUR PA'I K'ATY'A YA NA LA GDAMS PA'I MDO DE THEG DMAN THUN MONG MA YIN PA'I MDO MA YIN PAR THAL, DE THEG CHEN GYI MDO YIN PA'I PHYIR, KHYAB STE, THEG PA CHE CHUNG GNYIS KYI MDO 'GAL BA'I PHYIR TE, RANG GI CHED DU BYA BA'I GDUL BYA THEG CHEN GYI RIGS CAN LA GTZO BOR DGONGS NAS GSUNGS PA'I MDO DANG, RANG GI CHED DU BYA BA'I GDUL BYA THEG DMAN GYI RIGS CAN LA GTZO BOR DGONGS NAS GSUNGS PA'I MDO GNYIS 'GAL BA'I PHYIR, ZER NA MI 'THAD DE, BCOM LDAN 'DAS KYI MDO CHOS CAN, RANG GI CHED DU BYA BA'I GDUL BYA THEG CHEN GYI RIGS CAN LA GTZO BOR DGONGS NAS GSUNGS PA'I MDO MA YIN PAR THAL, RANG GI CHED DU BYA BA'I GDUL BYA THEG DMAN GYI RIGS CAN LA GTZO BOR DGONGS NAS GSUNGS PA'I MDO YIN PA'I PHYIR, KHYAB PA KHAS, RTAGS GRUB STE, KHYOD MDO GANG ZHIG ,KHYOD KYI CHED DU BYA BA'I GDUL BYA THEG DMAN GYI RIGS CAN YOD PA'I PHYIR, RTAGS SLA, BSAL BA @42B DES RIGS 'GRE'O, ,GZHAN YANG, THEG PA CHE CHUNG GI MDO MI 'GAL TE, GSUNG RAB YAN LAG BCU GNYIS KYI NANG TSAN DU GYUR PA'I GTAN LA DBAB PAR BSTAN PA'I SDE DE THEG PA CHE CHUNG THUN MONG BA'I SDE SNOD YIN PA'I PHYIR TE, KUN BTUS LAS, GTAN LA DBAB PAR BSTAN PA'I SDE NI GNYIS KA'I YANG CHOS MNGON PA'I SDE SNOD DO, ,ZHES GSUNGS PA'I PHYIR, KHA CIG ,DUS DANG POR GSUNGS PA'I MDO, 'KHOR LO DANG PO'I MTSAN NYID DU 'JOG PA YIN TE, DRANG NGES RNAM 'BYED LAS, SHUGS LA GNAS PA'I DON DE NYID DUS KYI RIM PA'I SGO NAS 'KHOR LO GSUM DANG SBYAR BA'I DRANG NGES SU 'GYUR TSUL, ZHES GSUNGS PA'I PHYIR NA MA KHYAB STE, DE NI DANG POR WA RA n'A SIR LNGA SDE LA GSUNGS PA'I BDEN BZHI'I CHOS 'KHOR DANG, BAR DU BYA RGOD PHUNG PO'I RIR GSUNGS PA'I SHER PHYIN GYI MDO DANG, THA MAR YANGS PA CAN DU GSUNGS PA'I LEGS PAR RNAM PAR BYE BA'I CHOS 'KHOR GSUM DUS KYI RIM PA'I SGO NAS 'JOG PA'I DON YIN PA'I PHYIR, DE LTAR MA YIN NA, DRANG NGES RNAM 'BYED LAS, DGONGS 'GREL LAS 'KHOR LO RIM PA GSUM GSUNGS PA NI, 'KHOR GYI 'DU THEBS DANG STON PA'I SKU TSE'I TSIGS LA SOGS PA'I NGOS NAS 'JOG PA MA YIN GYI, ZHES GSUNGS PA MI 'THAD PAR THAL, 'KHOR LO GSUM GYI KHYAD PAR DUS TSIGS KYI SGO NAS 'JOG RIGS PA'I PHYIR TE, KHYOD KYI MTSAN NYID 'THAD PA'I PHYIR, MTSAN NYID DE LTAR 'JOG PA DANG, 'DUL BA LUNG SDE BZHI 'KHOR LO DANG PO'I MTSAN GZHIR 'DOD PA NANG 'GAL TE, 'DUL BA RUNG MTHUN GYI MDO @43A *, ,DE DUS DANG POR GSUNGS PA'I MDO YIN PAR THAL, DE 'KHOR LO DANG PO YIN PA'I PHYIR, KHYAB PA KHAS, 'DOD MI NUS TE, DE STON PA MYA NGAN LAS 'DA' KHAR GSUNGS PA'I PHYIR, RTAGS GRUB STE, 'DUL BA LUNG SDE BZHI PO DE DE YIN PA'I PHYIR, DE LTAR YANG, DRANG NGES RNAM 'BYED LAS, STON PA MYA NGAN LAS 'DA' KHAR 'DUL BA RUNG MTHUN ZHES BYA BA MDOR BSDUS SU GRAGS PA GCIG GSUNGS KYANG DE 'DIR NGES DON DU STON PA MA YIN LA, ZHES GSUNGS PA'I PHYIR, DES MTSON NAS DUS DANG POR GSUNGS PA'I SHER PHYIN GYI MNGO CHOS CAN, 'KHOR LO DANG POR THAL, MTSAN NYID DE'I PHYIR, DE DER THAL, DE YOD PA'I PHYIR TE, STON PA MNGON PAR RDZOGS PAR SANGS RGYAS PA'I PHYI LO DPAL LDAN 'BRAS SPUNGS KYI MCHOD RTEN DU DUS 'KHOR RTZA RGYUD GSUNGS PA GANG ZHIG ,DE DANG DUS MNYAM DU BYA RGOD PHUNG PO'I RIR SHER PHYIN GYI MDO GSUNGS PA'I PHYIR, DANG PO GRUB STE, DUS 'KHOR 'GREL CHEN LAS, SA GA'I NYA'I SKYA RENGS 'CHAR BA'I TSE BCOM LDAN 'DAS SH'A KYA THUB PA MNGON PAR RDZOGS PAR SANGS RGYAS TE, CHOS KYI 'KHOR LO BSKOR ZHING THEG PA GSUM BSTAN PAR MDZAD NAS, ZLA BA BCU GNYIS PA NAG PA'I NYA LA SHR'I DH'A NA KA tA KAR CHOS KYI DBYINGS GSUNG GI DBANG PHYUG GI DKYIL 'KHOR GSUNGS, ZHES GSUNGS PA'I PHYIR, GNYIS PA GRUB STE, DUS 'KHOR RTZA RGYUD LAS, STON PAS BYA RGOD PHUNG PO RU, ,SHES RAB PHA ROL PHYIN TSUL BSTAN, ,MCHOD RTEN DPAL LDAN @43B 'BRAS SPUNGS SU, ,DE BZHIN GSANG SDAGS TSUL GSUNGS PA, ,ZHES GSUNGS PA'I PHYIR, GZHAN YANG, DE BZHIN GSHEGS PA'I SNYING PO'I MDO CHOS CAN, 'KHOR LO DANG PO YIN PAR THAL, DUS DANG POR GSUNGS PA'I MDO YIN PA'I PHYIR TE, STON PA SANGS RGYAS NAS LO BCU PA LA GSUNGS PAR MDO'I GLENG GZHI LAS 'BYUNG BA'I PHYIR, 'DOD MI NUS TE, DE DGONGS 'GREL LAS GSUNGS PA'I 'KHOR LO BAR BA DANG, GZUNGS RGYAL GYI 'KHOR LO THA MA YIN PA'I PHYIR, GZHAN YANG; MTSAN NYID DE MI 'THAD DE, STON PAS CHOS 'KHOR GSUM CIG CAR DU GSUNGS PA'I PHYIR DANG, DE THEG PA CHE CHUNG GI MDO CIG CAR DU GSUNGS PA'I PHYIR, DANG PO GRUB STE, GSANG BA BSAM GYIS MI KHYAB PA'I MDO LAS, ZHI BA'I BLO GROS DE LA GANG GI TSE; BCOM LDAN 'DAS GSUNG 'DI SKAD DU, KOOndI N+YA, MIG MI RTAG GO ,ZHES BKA' STZAL PA DE LA MI RTAG PA'I SGRAS 'DUL BA RNAMS KYIS NI MIG MI RTAG GO ,ZHES THOS SO, ,SDUG BSNGAL GYI SGRAS 'DUL BA RNAMS KYIS NI MIG SDUG BSNGAL LO, , ZHES THOS SO, ,ZHES GSUNGS PA'I PHYIR, GNYIS PA GRUB STE, MDO SDE'I RGYAN LAS, SNGAR LUNG MA BSTAN LHAN CIG 'BYUNG, ,SPYOD YUL MA YIN GRUB PA DANG, ,ZHES DANG, DE'I THAD KYI 'GREL BAR, LHAN CIG 'BYUNG ZHES PA NI NYAN THOS THEG PA CHEN PO DANG DUS MNYAM PAR STON PA YIN GYI PHYIS NI MA YIN NO, ,ZHES GSUNGS PA'I PHYIR, KHO NA RE, STON PAS MDZAD PA BCU GNYIS KYI TSUL CIG CAR DU BSTAN PAR THAL, DES CHOS 'KHOR GSUM CIG CAR DU BSKOR BA'I PHYIR, 'DOD NA, DES @44A *, ,KHYIM NA GNAS PA'I MDZAD PA DANG RAB TU BYUNG BA'I MDZAD PA CIG CAR DU BSTAN PAR THAL LO, ,'DOD NA, KHYIM PA DANG RAB BYUNG GI GZHI MTHUN YOD PAR THAL LO, ,ZER NA MA KHYAB BO, ,KHO NA RE, STON PAS RGYAS 'BRING BSDUS GSUM CIG CAR DU GSUNGS PA DANG, DE CHOS PHUNG BRGYAD KHRI BZHI STONG CIG CAR DU GSUNGS PA DANG, DES 'DUL BA LUNG SDE BZHI CIG CAR DU GSUNGS PAR THAL, DES CHOS 'KHOR GSUM CIG CAR DU GSUNGS PA'I PHYIR NA, THOG MTHA' GNYIS LA MA KHYAB, KHA CIG ,RANG GI BSTAN DON SGRA JI BZHIN DU KHAS BLANG DU RUNG BA'I MDO DE, NGES DON GYI MDO'I MTSAN NYID, DE LTAR MI RUNG BA'I MDO, DRANG DON GYI MDO'I MTSAN NYID, ZER NA, 'DUS BYAS MI RTAG PAR STON PA'I MDO CHOS CAN; DES DON GYI MDO YIN PAR THAL, MTSAN NYID DE'I PHYIR, RTAGS GRUB STE, 'DUS BYAS MI RTAG PA YIN PA'I PHYIR, 'DOD MI NUS TE, 'DUS BYAS MI RTAG PA DRANG DON YIN PA'I PHYIR, KHA CIG ,DON DAM BDEN PA DNGOS BSTAN BSTAN BYA'I GTZO BOR BYAS NAS STON PA'I MDO, DES DON GYI MDO'I MTSAN NYID DANG, KUN RDZOB BDEN PA DNGOS BSTAN BSTAN BYA'I GTZO BOR BYAS NAS STON PA'I MDO, DRANG DON GYI MDO'I MTSAN NYID ZER NA, SHES RAB SNYING PO CHOS CAN, DES DON GYI MDO YIN PAR THAL, MTSAN NYID DE'I PHYIR, RTAGS GRUB STE, 'KHOR LO BAR BA YIN PA'I PHYIR, KHYAB STE, DGONGS 'GREL LAS, STONG PA NYID SMOS PA'I RNAM PAS, ZHES GSUNGS PA'I PHYIR, KHO NA RE, DRAD DON DNGOS KYI BSTAN @44B BYA'I GTZO BOR BYED PA'I NGES DON GYI MDO YOD PAR THAL, NGES DON DNGOS KYI BRJOD BYA'I GTZO BOR BYED PA'I DRANG DON GYI MDO YOD PA'I PHYIR NA MA KHYAB, DE BZHIN DU KUN RDZOB BDEN PA BSTAN BYA'I GTZO BOR BYAS NAS STON PA'I MDO YIN NA, DRANG DON GYI MDO YIN PAS MA KHYAB STE, BRGYAD STONG PAS DE LTAR BSTAN PA'I PHYIR TE, DES MNGON PAR RTOGS PA BRGYAD BSTAN BYA'I GTZO BOR BYAS NAS BSTAN PA'I PHYIR TE, DES DE SHUGS LA BSTAN BYA'I GTZO BOR BYAS NAS BSTAN PA'I PHYIR TE, DES SBAS DON MNGON RTOGS KYI RIM PA BSTAN BYA'I GTZO BOR BYAS NAS BSTAN PA'I PHYIR, KHO NA RE, BRGYAD STONG PA CHOS CAN, KUN RDZOB BDEN PA DNGOS KYI BSTAN BYA'I GTZO BOR BYAS NAS BSTAN PAR THAL, LHAG PA SHES RAB KYI BSLAB PA DE LTAR BSTAN PA'I PHYIR NA MA KHYAB STE, RTZA BA SHES RAB CHOS CAN, GSAL BA DER THAL, 'DUS BYAS BDEN MED DU GRUB PA'I RIGS PA DE LTAR BSTAN PA'I PHYIR, KHYAB PA KHAS, KHO NA RE, BRGYAD BSTONG PA CHOS CAN, KUN RDZOB BDEN PA DNGOS BSTAN BSTAN BYA'I GTZO BOR BYAS NAS BSTAN PAR THAL, KHYOD KYI DNGOS BSTAN BSTAN BYA'I GTZO BOR GYUR PA'I KUN RDZOB BDEN PA YOD PA'I PHYIR NA MA KYAB STE, MNGON RTOGS RGYAN GYI SKABS DANG PO CHOS CAN, KHYOD KYIS LAM SHES DNGOS BSTAN BSTAN BYA'I GTZO BOR BYAS NAS BSTAN PAR THAL, KHYOD KYI DNGOS BSTAN BSTAN BYA'I GTZO BOR GYUR PA'I LAM SHES YOD PA'I PHYIR, KHYAB PA KHAS, RTAGS GRUB STE, RNAM MKHYEN DE DE YI PA'I PHYIR, DES MTSON NAS GZHAN YANG @45A *, ,SHES PAR BYA'O, ,KHA CIG ,DON DAM YANG DAG 'PHAGS ZHUS KYI LE'U NGES DON GYI MNGO YIN ZER NA, 'DOD DAG LAS BSTAN PA'I DOGS GCOD RGYAS PAR DRANG NGES RNAM 'BYED KYI THAD DU BSHAD PAS DER SHES PAR BYA'O, , KHA CIG ,GZUNGS RGYAL NAS GSUNGS PA'I GDUL BYA BKRI BA'I RIM PA GSUM PO DE LA 'KHOR LO GSUM GYI THA SNYAD MI BYED ZER BA MI 'THAD DE, DE BZHIN GSHEGS PA'I SNYING PO'I MDO DE DE NAS BSHAD PA'I 'KHOR LO THA MA YIN PA'I PHYIR TE; RGYUD BLA MAR YANG, SLAR YANG BLA MA'I RGYUD 'DIR NI, ,NYES PA LNGA DAG SPANGS PA'I PHYIR, ,ZHES PA'I THAD KYI DAR t'IK LAS, SLAR YANG BLA MA'I RGYUD DE RGYUD PHYI MA 'KHOR LO THA MA DE BZHIN GSHEGS PA'I SNYING PO'I MDO 'DIR NI, ZHES GSUNGS PA'I PHYIR, ` GNYIS PA RANG LUGS LA CHOS 'KHOR SPYI'I RNAM GZHAG BSHAD PA DANG, LUNG GI CHOS 'KHOR BYE BRAG TU BSHAD PA GNYIS LAS, DANG PO LA, NGO BO, DBYE BA, DRANG NGES KYI DON, CHOS PHUNG GI TSA, SKOR CHUL, SGRA BSHAD PA'O, ,DANG PO NI, BYED BRAG SMRA PA KHA CIG ,MTHONG LAM KHO NA CHOS 'KHOR DU 'DOD DE, LNGA SDE'I RGYUD LA MTHONG LAM SKYE SP'AI TSE, LHA RNAMS KYI AA LA LA DENG 'DZAM BU'I GLING DU CHOS KYI 'KHOR LO BSKOR RO, , ZHE BSHAD PA'I PHYIR, BYE BRAG SMRA PA KHA CIG ,MTONG LAM KHO NA CHOS 'KHOR DU 'DOD DE, 'KHOR LO RIM PO CHE DANG CHOS MTSUNGS PA MTHONG LAM KHO NA LA YOD PA'I PHYIR TE, MTHONG LAM GYI BDEN PA MNGON SUM DU RTOGS PAS 'KHOR @45B LO MYUR DU 'GRO BA DANG CHOS MTSUNGS PA'I PHYIR DANG, KHAMS GONG MA'I BDEN PA LA DMIGS PAS MTHO BA LA 'PHAR BA DANG CHOS MTSUNGS, KHAMS 'OG MA'I BDEN PA LA DMIGS PAS DMA' BA LA 'BAB PA DANG CHOS MTSUNGS, BAR CHAD MED LAM GYIS SPANG BYA'I SA BON GCOD PAS MA RGYAL BA LAS RGYAL BA DANG CHOS MTSUNGS, RNAM GROL LAM GYIS BRAL THOB 'DZIN PAS RGYAL BA RNAL DU 'GOD PA DANG CHOS MTSUNGS PA'I PHYIR, ZHES 'DOD, BTZUN PA DBYANGS SGROG NA RE, 'PHAGS LAM YAN LAG BRGYAD KHO NA CHOS 'KHOR YIN TE, 'KHOR LO RIN PO CHE DANG CHOS MTSUNGS PA DE KHO NA LA YOD PA'I PHYIR TE, YANG DAG PA'I LTA BA, RTOG PA, RTZOL BA GSUM NI GCOD PAR BYED PA'I RTZIBS DANG CHOS MTSUNGS TE, DE GSUM SHES RAB GYI BSLAB PA YIN PAS, RANG GI MI MTHUN PHYOGS 'JOMS PAR BYED PA'I PHYIR, NGAG ;LAS KYI MTHA', 'TSO BA GSUM NI RTEN PAR BYED PA'I LTE BA DANG CHOS MTSUNGS TE, DE GSUM TSEL PHRIMS KYI BSLAB PA YIN PAS BSLAB PA GZHAN GNYIS KYI RTEN BYED PA'I PHYIR, DRAN PA DANG, TING NGE 'DZIN GNYIS SDUD PAR BYED PA'I MU KHYUD DANG CHOS MTSUNG TE, DE GNYIS TING NGE 'DZIN GYI BSLAB PA'I NANG DU 'DU BAS SEMS DMIGS PA LAS SDUD BYED YIN PA'I PHYIR; ZHES 'DOD DE, MDZOD LAS, CHOS KYI 'KHOR LO MTHONG BA'I LAM, ,MYUR BAR 'GRO SOGS RTZIBS SOGS KYIS, ,ZHES GSUNGS PA'I PHYIR, ` RANG LUGS NI, BKA' DANG LAM ZHUGS PA'I MNGON PAR RTOGS PAR GANG RUNG GIS @46A *, ,BSDUS PA'I RNAM DKAR GYI YON TAN, CHOS 'KHOR GYI NGO BO, GNYIS PA NI, DE LA LUNG GI CHOS 'KHOR DANG, RTOGS PA'I CHOS 'KHOR GNYIS SU YOD, SANGS RGYAS KYIS BKAS BSDUS PA'I RNAM DKAR GYI YON TAN; DANG PO'I MTSAN NYID, DBYE NA, SANGS RGYAS KYI BKAS BSDUS PA'I SDE SNOD GSUM DANG, GSUNG RAB YAN LAG BCU GNYIS YOD, GSUNG RAB YAN LAG BCU GNYIS NI, 'GREL CHEN LAS, MDO SDE DBYANGS BSNYAD LUNG BSTAN DANG; ;TSIGS BCAD CHED BRJOD RTOGS PA BRJOD, ,DE LTAR BYUNG DANG GLENG GZHI DANG, ,SHIN TU RGYAS PA SKYES RABS BCAS, ,GTAN LA PHAB RMAD BYUNG CHOS TE, ,DE LTAR YAN LAG BCU GNYIS GSUNGS, ,ZHES GSUNGS SHING, DE YANG BSDU NA; SDE SNOD GSUM DU 'DU STE, DANG PO LNGA PO DE THEG DMAN GYI MDO SDE'I SDE SNOD DU 'DU, RTOGS BRJOD, DE LTAR BYUNG BA, GLENG GZHI, SKYES RABS BZHI NI 'DUL BA'I SDE SNOD DANG, RMAD DU BYUNG BA, SHIN TU RGYAS PA GNYIS NI THEG CHEN GYI MDO SDE'I SDE SNOD DANG, GTAN LA PHAB PA NI GNYIS KA'I MNGON PA'I SDE SNOD DU 'DU BA'I PHYIR, MDO SDE KHA CIG TU, GSUNG RAB YAN LAG DGU ZHES 'BYUNG BA NI GTZO BO GLENG GZHI'I SDE DANG, 'KHOR RTOGS BRJOD DANG, DE LTAR BYUNG BA, SKYES RABS KYI SDE DANG BCAS PA GTZO BO BZHI GCIG TU 'DREN PA YIN TE, DE LTAR LANG GSHEGS KYI 'GREL PAR BSHAD PA'I PHYIR, YANG DE LA BKA' DANG PO BDEN BZHI'I CHOS 'KHOR, BAR BA MTSAN NYID MED PA'I CHOS 'KHOR, THA MA @46B LEGS PAR RNAM PAR PHYE BA'I CHOS 'KHOR DANG GSUM LAS, BDEN BZHI DNGOS KYI BRJOD BYA'I GTZO BOR BYAS NAS STON PA'I THEG DMAN THUN MONG MA YIN PA'I MDO, DANG PO'I MTSAN NYID, CHOS KYI 'KHOR LO'I MDO LTA BU, STONG NYID DNGOS KYI BRJOD BYA'I GTZO BOR BYAS NAS STON PA'I THEG CHEN THUN MONG MA YIN PA'I MDO, GNYIS PA'I MTSAN NYID, DE LA DRANG NGES KYI CHA GNYIS YOD DE, SHES RAB SNYING PO DRANG DON DANG, RGYAS 'BRING BSDUS GSUM NGES DON GYI MDO YIN PA'I PHYIR; MTSAN NYID GSUM LA SEMS TZAM PA'I 'DOD PA LTAR GYI BDEN PAR YOD MED KYI KHYAD PAR GSAL BAR PHYE NAS STON PA'I SEMS TZAM PA'I THUN MONG MA YIN PA'I MDO, GSUM PA'I MTSAN NYID, MDO SDE DGONGS 'GREL LTA BU, LAM ZHUGS KYI MNGON PAR RTOGS PAS BSDUS PA'I RNAM DKAR GYI YON TAN, RTOGS PA'I CHOS 'KHOR GYI NGO BO, DBYE NA, LAM ZHUGS KYI MNGON PAR RTOGS PAS BSDUS PA'I BSLAB PA GSUM YOD, GSUM PA NI, STONG NYID DNGOS KYI BRJOD BYA'I GTZO BOR BYAS NAS STON PA'I SGRA JI BZHIN DU KHAS BLANG DU RUNG BA'I MDO, NGES DON GYI MDO'I MTSAN NYID, KUN RDZOB BDEN PA DNGOS KYI BRJOD BYA'I GTZO BOR BYED PA'I MDO DANG, SGRA JI BZHIN DU KHAS BLANG DU MI RUNG BA'I MDO GANG RUNG DU DMIGS PA, DRANG DON GYI MDO'I MTSAN NYID, BZHI BA NI, BYE BRAG SMRA BA KHA CIG ,SHLOO KA STONG PHRAG DRUG DRUG LA CHOS PHUNG RE RE'I TSAD DU 'JOG STE, SH'A RI'I BUS MDZAD PA'I CHOS KYI PHUNG PO ZHES PA'I BSTAN BCOS DE CHOS PHUNG GCIG GI TSAD YIN PAS DE LA DE @47A *, ,LTAR YOD PA'I PHYIR, ZHES ZER, KHA CIG ,PHUNG KHAMS SKYE MCHED LAS BRTZAMS PA'I GTAM RGYUD CHA TSANG BA RE STON PA'I GSUNG RAB LA CHOS PHUNG RE RE'I TSAD DU 'JOG GO ,ZHES ZER TE, MDZOD LAS, KHA CIG BSTAN BCOS TSAD CES ZER, ,PHUNG PO LA SOGS GTAM RE YIN, ,ZHES GSUNGS, RANG LUGS NI, NYON MONGS PA RE RE'I GNYEN PO CHA TSANG BA RE STON PA'I GSUNG RAB LA CHOS PHUNG RE RE'I TSAD DU 'JOG STE, MDZOD LAS, SPYOD PA RNAMS KYI GNYEN POR NI, ,CHOS KYI PHUNG PO MTHUN PAR GSUNGS, ,ZHES DANG, RGYAN SNANG LAS, MDOR NA, GAD DU 'DOD CHAGS LA SOGS PA BRGYAD KHRI BZHI STONG LA SPYOD PA RE RE'I GNYEN PO RDZOGS PAR STON PA'I GZHUNG CI RTZAM GYIS YONGS SU RDZOGS PAR 'GYUR BA DE TZAM GYI GZHUNG GI TSOGS LA CHOS KYI PHUNG PO ZHES BYA'O, ,ZHES DANG, 'DIR YANG, SPYOD PA'I GNYEN POR CHOS KYI 'KHOR LO MA LUS PA RNAM PA THAMS CAD BSKOR BAR MDZAD PA, ZHES GSUNGS PA'I PHYIR, KUN BTUS LTAR NA CHOS PHUNG RE LA SHLOO KA STONG PHRAG RE RE, SPYIR BSDOMS NA TSIGS BCAD BYE BA BRGYAD DANG, 'BUM PHRAG BZHI BCUR YOD DO, ,TSIGS BCAD LA YANG MI MTHUN PA MANG YANG, RANG LUGS LA TSEG PAR RGYA YIG GI DBANG DU BYAS NA SO GNYIS DANG, BOD YIG GI DBANG DU BYAS NA NYER BRGYAD RE LA TSIGS BCAD RE RE BYA'O, ,THEG CHEN THUN MONG MA YIN PA'I DBANG DU BYAS NA GLANG PO CHES LA RAB BRTAN GYIS BKUR BAR 'OS PA'I SNAG TSAS CHOS KYI PHUNG PO GCIG 'BRI BAR NUS SO, ,ZHES GSUNGS, @47B DE LTAR NA, 'DZAM BU'I GLING 'DIR DE TZAM MI SNANG BA CI YIN ZHE NA, 'JIG RTEN GYI KHAMS GZHAN RNAMS DANG, KLU RNAMS KYI GNAS NA BZHUGS TE 'JIG RTEN GYI MUN PA SEL BAR BYED PA YIN TE, SLOB SPRINGS LAS, BSTAN PA RIN CHEN MCHOG LTAR BZANG LA 'PHAN MED PA, ,RNAM PAR DAG TSUL GANG YIN KLU MGO'I GDENGS KA CAN, ,CHEN PO RNAMS KYIS GTZUG GI RGYAN BZHIN GUS MNOS NAS, ,SA YI GTING NA GNAS PA'I RAB RIB SEL BAR MDZAD, ,CES GSUNGS PA'I PHYIR, LNGA PA NI; STON PAS CHOS 'KHOR GSUM CIG CAR DU'ANG GSUNGS, RIM CAN DU YANG GSUNGS TE, DES CIG CAR DU BSKOR PA'I CHOS 'KHOR GSUM YANG YOD PA'I PHYIR, RTAGS SLA'O, ,DRUG PA NI, SANGS RGYAS BCOM LDAN 'DAS KYIS GDUL BYA'I RGYUD KYI MI MTHUN PHYOGS GCOD PA'I PHYIR DU GSUNGS PA'I BKA' DANG LAM ZHUGS KYI MNGON PAR RTOGS PAS BSDUS PA'I DAM CHOS RNAMS CHOS CAN, KHYOD LA CHOS 'KHOR ZHES BRJOD PA'I RGYU MTSAN YOD DE, KHYOD CHOS KYANG YIN, 'KHOR LOS SGYUR BA'I RGYAL PO'I 'KHOR LO RIN PO CHE DANG BYED LAS CHOS MTSUNGS PA YANG YIN PA'I RGYU MTSAN GYIS DE LTAR BRJOD PA'I PHYIR, DE DANG MTSUNGS PA YIN TE, 'KHOR LOS SGYUR PA'I RGYAL PO'I 'KHOR LO RIN PO CHE DE YUL GZHAN NAS GZHAN DU RIM GYIS 'PHO ZHING, RANG GI MI MTHUN PHYOGS LAS RGYAL BAR BYED PA LTAR, KHYOD RNAMS KYANG GDUL BYA'I RGYUD LA RIM GYIS 'PHO ZHING 'DOD CHAGS LA SOGS PA'I MI MTHUN PHYOGS LAS RGYAL BAR BYED PA'I PHYIR, DE LTAR YANG, GZHI BSDU @48A *, ,BAR; BCOM LDAN 'DAS KYIS KYANG KUN SHES KO'U DI N+YA'I RGYUD LA KUN SHES PA'I CHOS NYID DANG MTHUN PAR BSKOR LA, DE YANG GZHAN LA MTHUN PAR BSKOR BAR 'GYUR BA DANG, DE DAG KYANG GZHAN DAG LA MTHUN PAR BSKOR BAR 'GYUR TE, DE BAS NA GCIG NAS GCIG TU BRGYUD DE MTHUN PAR BSKOR BA'I DON GYIS 'KHOR LO ZHES BYA'O, ,YANG DAG PA'I LTA BA LA SOGS PA'I CHOS KYI RANG BZHIN YIN PAS NA CHOS KYI 'KHOR LO'O, ,ZHES GSUNGS BA LTAR RO; ;GNYIS PA LUNG GI CHOS 'KHOR BYE BRAG DU BSHAD PA LA, 'KHOR LO RIM PA GSUM GYI MING GI THA SNYAD DNGOS SU GSUNGS PA DON ZAB DGONGS PA NGES 'GREL LAS 'BYUNG BA'I TSUL DANG, 'KHOR LO RIM PA GSUM GYI MING GI THA SNYAD DNGOS SU MA GSUNGS KYANG GDUL BYA BKRI BA'I RIM PA GSUM GYI SGO NAS STON PA 'PHAGS PA GZUNGS KYI DBANG PHYUG RGYAL PO'I MDO LAS GSUNG TSUL GNYIS LAS, DANG PO LA, BSHAD BYA'I MDO 'GOD PA DANG, MDO'I DON BSHAD PA GNYIS LAS; DANG PO NI, MDO SDE DGONGS 'GREL LAS, BCOM LDAN 'DAS KYIS DANG POR YUL WAR n'A SIR DRANG SRONG SMRA BA RI DVAGS KYI NAGS SU NYAN THOS KYI THEG PA LA YANG DAG PAR ZHUGS PA RNAMS LA 'PHAGS PA'I BDEN PA BZHI'I RNAM PA BSTAN PAS, CHOS KYI 'KHOR LO NGO MTSAR RMAD DU BYUNG BA SNGON LHAR GYUR PA 'AM MIR GYUR BA SUS KYANG MTHUN PAR 'JIG RTEN NA MA BSKOR BA GCIG RAB TU BSKOR TE, BCOM LDAN 'DAS KYIS CHOS KYI 'KHOR LO RAB TU BSKOR BA DE YANG BLA NA @48B MCHIS PA, SKABS MCHIS PA, DRANG BA'I DON, RTZOD PA'I GZHI'I GNAS SU GYUR PA LAGS, BCOM LDAN 'DAS KYIS CHOS RNAMS KYI NGO BO NYID MA MCHIS PA NYID LAS BRTZAMS, SKYE BA MA MCHIS PA DANG, 'GAG PA MA MCHIS PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA NYID LAS BRTZAMS NAS THEG PA CHEN PO LA YANG DAG PAR ZHUGS PA RNAMS LA STONG PA NYID SMOS PA'I RNAM PAS CHES RO MTSAR RMAD DU BYUNG BA'I CHOS KYI 'KHOR LO GNYIS PA BSKOR TE, BCOM LDAN 'DAS KYIS CHOS KYI 'KHOR LO BSKOR BA DE YANG BLA NA MCHIS PA, SKABS MCHIS PA, DRANG BA'I DON, RTZOD PA'I GZHI'I GNAS SU GYUR PA LAGS KYI, BCOM LDAN 'DAS KYIS CHOS RNAMS KYI NGO BO NYID MA MCHIS PA NYID LAS BRTZAMS, SKYE BA MA MCHIS PA DANG, 'GAG PA MA MCHIS PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA NYID LAS BRTZAMS NAS THEG PA THAMS CAD LA YANG DAG PAR ZHUGS PA RNAMS LA LEGS PAR RNAM PAR PHYE BA DANG LDAN PAS NGO MTSAR RMAD DU BYUNG BA'I CHOS KYI 'KHOR LO GSUM PA BSKOR TE, BCOM LDAN 'DAS KYIS CHOS KYI 'KHOR LO BSKOR BA 'DI NI BLA NA MA MCHIS PA, SKABS MA MCHIS PA, DES PA'I DON LAGS KYI, RTZOD PA'I GZHI'I GNAS SU GYUR PA MA LAGS SO, ,ZHES GSUNGS, GNYIS PA LA, MDO'I TSIG DON BSHAD PA DANG, DRANG NGES KYI 'DOD TSUL BSHAD PA GNYIS LAS, DANG PO LA, GRUB DON DANG PO DANG, BAR BA DANG, THA MA'I TSIG DON BSHAD PA @49A *, ,DANG GSUM LAS, DANG PO NI, DUS DANG POR LNGA SDE LA GSUNGS PA'I BDEN BZHI'I CHOS 'KHOR CHOS CAN, KHYOD GSUNG PA PO'I STON PA DANG GNAS DANG DUS LA SOGS PA YOD DE, STON PA SH'A KYA THUB PAS DUS DANG POR YUL WA RA n'A SIR DRANG SRONG LHUNG BA RI DVAGS RGYU BA'I TSAL DU KHYOD GSUNGS PA'I PHYIR, DE CHOS CAN, KHYOD KYI CHED DU BYA BA'I GDUL BYA YOD DE, NYAN THOS KYI RIGS CAN BYE BRAG SMRA BA DANG MDO SDE PA SOGS DE YIN PA'I PHYIR, DE CHOS CAN, KHYOD KYI BRJOD BYA YOD DE, 'PHAGS PA'I BDEN PA BZHI PO DE DE YIN PA'I PHYIR, DE CHOS CAN, KHYOD LA BLA NA MA CHIS PA ZHES BRJOD PA'I RGYU MTSAN YOD DE, KHYOD KYI GONG NA NGES DON GYI MDO GZHAN YOD PA'I PHYIR, KHYOD LA SKABS MA CHIS PA ZHES BRJOD PA'I RGYU MTSAN YOD DE, KHYOD KYI SGRA JI BZHIN PA LA RGOL BA GZHAN GYI KLAN KA'I SKABS YOD PA'I PHYIR, KHYOD LA DRANG BA'I DON ZHES BRJOD PA'I RGYU MTSAN YOD DE, KHYOD KYI SGRAS ZIN GYI DON DE GZHAN DU DRAD DGOS PA'I PHYIR, KHYOD LA RTZOD BA'I GZHI'I GNAS SU GYUR PA LAGS ZHES BRJOD PA'I RGYU MTSAN YOD DE, KHYOD KYIS MTSAN NYID GSUM LA BDEN PAR YOD MED KYI KHYAD PAR TSIG ZIN LA MA PHYE BAS DON LA MI MTHUN PA'I RTZOD PA 'BYUNG BA'I RGYU MTSAN GYIS DE LTAR BRJOD PA'I PHYIR, GNYIS PA NI, 'KHOR LO BAR PA CHOS CAN, KHYOD KYIS BRJOD BYA YOD DE, KUN BTAGS KYIS BSDUS PA'I CHOS RNAMS RANG GI MTSAN NYID KYIS MA GRUB CING, GZHAN DBANG DANG YONGS GRUB KYIS BSDUS PA'I CHOS @49B RNAMS RANG GI MTSAN NYID KYIS GRUB PA DE DE YIN PA'I PHYIR, DE CHOS CAN, KHYOD KYI CHED DU BYA BA'I GDUL BYA YOD DE, MDO GZHAN GYIS DGONGS PA BKRAL BA LA MI LTOS PAR MTSAN NYID MED PA'I CHOS 'KHOR GYI DGONGS PA RDZOGS PAR RTOGS NUS PA'I GDUL BYA THEG CHEN GYI RIGS CAN DBANG RNOD DE DE YIN PA'I PHYIR, DE CHOS CAN, KHYOD LA STONG PA NYID SMOS PA'I RNAM PAS ZHES BRJOD PA'I RGYU MTSAN YOD DE, KHYOD KYIS NGO BO NYID GSUM GYI RNAM GZHAG DE SGRAS ZIN LA MA BSTAN PAR SHUGS BSTAN BSTAN BYA'I GTZO BOR BYAS NAS BSTAN PAS DE LTAR BRJOD PA'I PHYIR, DE LTAR YANG RGYA NAG 'GREL CHEN LAS, MI MNGON PA'I RNAM PAS, ZHES GSUNGS PA'I PHYIR, BLA NA MA CHIS PA ZHES SOGS KYI DON YANG SDANG BZHIN NO, ,GSUM PA NI; 'KHOR LO THA MA CHOS CAN, KHYOD KYI BRJOD BYA YOD DE, KUN BTAGS KYIS BSDUS PA'I CHOS RNAMS RANG GI MTSAN NYID KYIS MA GRUB CING, GZHAN DBANG DANG YONGS GRUB KYIS BSDUS PA'I CHOS RNAMS RANG GI MTSAN NYID KYIS GRUB PA DE DE YIN PA'I PHYIR, DE CHOS CAN, KHYOD KYI CHED DU BYA BA'I GDUL BYA DE LA THEG PA THAMS CAD LA YANG DAG PAR ZHUGS PA ZHES BRJOD PA'I RGYU MTSAN YOD DE, DE LA THEG PA CHE CHUNG GI RIGS CAN GNYIS KA YOD PAS DE LTAR BRJOD PA'I PHYIR, DE CHOS CAN, KHYOD LA LEGS PAR RNAM PAR PHYE BA ZHES BRJOD PA'I RGYU MTSAN YOD DE, KHYOD KYIS MTSAN NYID GSUM LA RANG GI MTSAN NYID KYIS GRUB MA GRUB KYI KHYAD PAR GSAL BAR PHYE NAS BSTAN PA'I RGYU MTSAN GYIS DE LTAR BRJOD PA'I PHYIR, DE CHOS CAN, KHYOD @50A *, ,LA BLA NA MA MCHIS PA ZHES BRJOD PA'I RGYU MTSAN YOD DE, KHYOD KYI GONG NA NGES DON GYI MDO GZHAN MED PA'I RGYU MTSAN GYIS DE LTAR BRJOD PA'I PHYIR, DE CHOS CAN, KHYOD LA SKABS MA MCHIS PA ZHES BRJOD PA'I RGYU MTSAN YOD DE, KHYOD KYI SGRA JI BZHIN PA LA RGOL BA GZHAN GYI KLAN KA'I SKABS MED PAS NA DE LTAR BRJOD PA'I PHYIR, DE CHOS CAN, KHYOD LA NGES PA'I DON ZHES BRJOD PA'I RGYU MTSAN YOD DE, KHYOD KYI SGRAS ZIN GYI DON GZHAN DU DRAD MI DGOS PAR SGRA JI BZHIN DU KHAS BLANG DU RUNG BA'I RGYU MTSAN GYIS DE LTAR BRJOD PA'I PHYIR, KHYOD LA RTZOD PA'I GZHI'I GNAS SU GYUR PA MA LAGS ZHES BRJOD PA'I RGYU MTSAN YOD DE, KHYOD KYIS NGO BO NYID GSUM LA RANG GI MTSAN NYID KYIS YOD MED KYI KHYAD PAR GSAL BAR PHYE NAS BSTAN PAS DON LA MI MTHUN PA'I RTZOD PA MI 'BYUNG PA'I RGYU MTSAN GYIS DE LTAR BRJOD PA'I PHYIR, 'DI NI BLA NA MA MCHIS PA ZHES PA'I NYE TSIG SMOS PA'I MTSAN GZHIR DON DAM YANG DAG 'PHAGS ZHUS KYI LE'U 'DI NYID 'DZIN PA YIN GYI, MDO SDE DGONGS 'GREL RIL PO 'DZIN PA MI 'THAD DE, MDO DER, DGONGS PA NGES 'GREL, CHOS 'PHAGS, BLO GROS RNAM DAG ,RAB 'BYOR, BLO GROS YANGS PA, YON TAN 'BYUNG GNAS, DON DAM YANG DAG 'PHAGS, BYAMS PA, SPYAN RAS GZIGS, 'JAM DBYANGS TE SA BCU'I DBANG PHYUG GI BYANG SEMS KYI TSUL BZUNG BA'I STON PA'I 'KHOR RNAM PA BCUS STON PA LA DRI BA MI 'DRA BA RE RE MDZAD PA'I DRIS LAN GZHAN RNAMS 'DI'I MTSAN @50B GZHIR 'BREL MED DE, BCOM LDAN 'DAS KYIS MTSAN NYID GSUM LA BDEN PAR YOD MED KYI KHYAD PAR GSAL BAR PHYE NAS LAN MDZAD PA DON DAM YANG DAG 'PHAGS ZHUS KYI LE'U KHO NA LA YOD KYI GZHAN RNAMS SU MED PA'I PHYIR, GNYIS PA LA; MDO 'DI'I DON LA SHING RTA CHEN PO RNAMS KYI BZHED PA MI 'DRA BA DU MA BYUNG STE, 'PHAGS PA THOGS MED GYIS THEG CHEN GYI RIGS CAN DU MA RJES SU GZUNG BA'I PHYIR DU RNAM PAR RIG PA TZAM GYI SHING RTA'I SROL PHYE BA'I RJES SU 'BRANGS PA'I SEMS TZAM PA RNAMS NI, MDO 'DI LAS 'KHOR LO GSUM GYI DRANG NGES 'DI LTAR DU PHYE BA DANG, MTHAR THUG THEG PA GSUM DU GSUNGS PA RNAMS SGRA JI BZHIN PAR BZHED LA, 'PHAGS PA THOGS MED KYI RGYUD BLA MA'I 'GREL PAR BKRAL BA DANG, KLU SGRUB KYI RJES 'BRANG GI THAL 'GYUR PA RNAMS NI MDO SDE 'DI LAS DRANG NGES 'DI LTAR PHYE BA SGRA JI BZHIN PA MA YIN TE, 'KHOR LO THA MA LA DRANG DON GYI MDOS KHYAB PA DANG, 'KHOR LO BAR BA LA NGES DON GYI MDOS KHYAB PA DANG, 'KHOR LO DANG PO LA DRANG NGES KYI CHA GNYIS SU YOD PAR BZHED CING, RANG RGYUD PA RNAMS KYIS 'KHOR LO DANG PO DANG THA MA GNYIS LA DRANG DON GYI MDOS KHYAB PA DANG, BAR BA LA DRANG NGES KYI CHA GNYIS SU YOD PAR BZHED PA'I PHYIR, DBU SEMS GNYIS SHER PHYIN GYI MDO'I DRANG NGES KYI KHYAD PAR MI 'DRA YANG, GRUB DON GYI MDO TSAN GNYIS PA'I SKABS NAS BSTAN PA'I 'KHOR LO BAR PA'I MTSAN GZHIR BZHED PA LA KHYAD PAR MED DE, SEMS TZAM PA RNAMS KYIS RGYAS 'BRING BSDUS GSUM DE DE'I SKABS NAS @51A *, ,DNGOS SU BSTAN PA'I 'KHOR LO BAR PA'I MTSAN GZHIR BZHED CING DRANG DON GYI MDOR BZHED KYI, DBU MA PA RNAMS KYIS DE DE'I SKABS NAS DNGOS SU BSTAN PA'I 'KHOR LO BAR PA'I MTSAN GZHIR BZHED CING NGES DON GYI MDOR BZHED PA'I PHYIR, ZHI BA 'TSO YAB SRAS KYI LUGS LA, MDO SDE DGONGS 'GREL DBUM PA'I BKA' YIN TE, DE YUM RGYAS 'BRING BSDUS GSUM DES DON GYI MDOR GZHUNG GTZUGS NAS BSGRUB PA'I PHYIR DU GSUNGS PA'I DBU MA PA'I BKA' YIN PA'I PHYIR TE, KUN BTAGS DON DAM PAR RANG GI MTSAN NYID KYIS MA GRUB PA DGONGS 'GREL LAS KUN BTAGS MTSAN NYID NGO BO NYID MED PAR GSUNGS PA'I DON DU SLOB DPON LEGS LDAN 'BYED BZHED PA BZHIN DU, SLOB DPON 'DIS KYANG GANG ZAG DANG PHUNG PO BDEN PAR GRUB PA KUN BTAGS YIN LA, DE LA NGO BO CUNG ZAD KYANG MED PA KUN BTAGS MTSAN NYID NGO BO NYID MED PA'I DON DU DGONGS 'GREL LAS GSUNGS PAR BZHED PA'I PHYIR TE, DBU MA SNANG BA LAS, DE'I DON DU BCOM LDAN 'DAS KYIS SKYE BA MED PA LA SOGS PA GSUNGS PA YANG DON DAM PA'I DBANG DU MDZAD NAS BSHAD PA KHO NAR RJOD CING NGO BO NYID MED PA RNAM PA GSUM GYI DGONGS PA BSTAN NAS DBU MA'I LAM MTHA' GNYIS DANG BRAL BAR RAB TU GSAL BA'I PHYIR NGES PA'I DON KHO NAR GZHUNG 'DZUGS PAR MDZAD DO, ,ZHES GSUNGS PA'I PHYIR, DE LTAR YIN YANG, DE NGES DON GYI MDO MA YIN TE, NGES DON GYI MDO LA SGRA JI BZHIN @51B PAS KHYAB PA'I PHYIR TE, DE NYID LAS, NGES PA'I DON KYANG GANG LA BYA ZHEN TSAD MA DANG BCAS PA DANG DON DAM PA'I DBANG DU MDZAD NAS BSHAD PA GANG YIN PA STE, DE NI DE LAS LOGS SHIG TU GZHAN GYIS GANG DU YANG DRANG BAR MI NUS, ZHES GSUNGS PA'I PHYIR, 'PHAGS SENG GNYIS KYI LUGS LA, DE DBU MA PA'I BKA' MA YIN TE, DE SEMS TZAM PA'I THUN MONG MA YIN PA'I BKA' YIN PA'I PHYIR, RGYAS PAR NI DRANG NGES RNAM 'BYED KYI MTHA' DPYOD DU BSHAD ZIN PAS DER BLTA'O, ` ,GNYIS PA GZUNGS RGYAL GYIS GSUNGS PA'I TSUL LA BSHAD BYA'I MDO 'GOD PA, DE'I DON BSHAD PA GNYIS LAS, DANG PO NI, MDO DE NYID LAS, RIGS KYI BU 'DI LTA STE, DPER NA NOR BU MKHAN MKHAS PA NOR BU SBYONG TSUL LEGS PAR SHES PA DES NOR BU RIN PO CHE'I RIGS NAS YONGS SU MA DAG PA'I NOR BU RIN PO CHE BLANGS TE, LAN TSVA'I KHU BA RNON POS SPANGS TE SKRA'I RE BA'I YONGS SU SBYONG BAS SBYONG BAR BYED DO, ,DE TZAM GYIS BRTZON PA 'DOR PA YANG MA YIN TE; DE'I 'OG TU ZAS KYI KHU BA RNON POS SPANGS NAS PAL GYI LA BA'I YONGS SU SBYONG BAS SBYONG BAR BYED DO, ,DE TZAM GYIS BRTZON PA DOR BA YANG MA YIN TE, DE'I 'OG TU SMAN CHEN PO'I KHU BAS SPANGS NAS RAS SRAB MO'I YONGS SU SBYONG BAS SBYONG BAR BYED DO, ,YONGS SU SBYANGS TE DRI MA DANG BRAL BA NA BEE t'U RYA'I RIGS CHEN PO ZHES BYA'O, ,RIGS KYI BU DE BZHIN DU DE BZHIN GSHEGS PAS KYANG YONGS SU MA DAG PA'I SEMS CAN GYI KHAMS MKHYEN NAS, MI RTAG PA DANG, SDUG BSNGAL @52A *, ,BA DANG, BDAG MED PA DANG, MI GTZANG BAS YID 'BYUNG BA'I GTAM GYIS 'KHOR BA LA DGA' BA'I SEMS CAN RNAMS 'KHOR BA LAS SKYOB BSKYED PAR MDZAD DE, 'PHAGS PA'I CHOS 'DUL BA LA 'DZUD PAR MDZAD DO, ,DE TZAM GYIS DE BZHIN GSHEGS PAS BRTZON PA 'DOR BA YANG MA YIN TE, DE'I 'OG TU STONG PA NYID DANG, MTSAN MA MED PA DANG, SMON PA MED PA'I GTAM GYIS DE BZHIN GSHEGS PA'I TSUL RTOGS PAR MDZAD DO, ,DE TZAM GYIS DE BZHIN GSHEGS PAS BRTZON PA 'DOR PA YANG MA YIN TE, DE'I 'OG TU PHYIR MI LDOG PA'I 'KHOR LO'I GTAM 'KHOR GSUM YONGS SU DAG PA'I GTAM GYIS RANG BZHIN SNA TSOGS PA'I RGYU CAN GYI SEMS CAN RNAMS DE BZHIN GSHEGS PA'I YUL LA 'DZUD PAR MDZAD DO, ,ZHUGS PAR GYUR NAS DE BZHIN GSHEGS PA'I CHOS NYID DU RTOGS PA NA BLA NA MED PA'I YON GNAS CHEN PO ZHES BRJOD PA YIN PA'I PHYIR ZHES BYA'O, ,ZHES GSUNGS, GNYIS PA LA, MDO'I TSIG DON BSHAD PA DANG, DON BSDUS TE BSHAD PA GNYIS LAS, DANG PO LA, DPE BSHAD PA DANG, DON BSHAD PA GNYIS LAS, DANG PO NI, NOR BU MKHAN MKHAS PAS NOR BU SBYONG BA'I TSUL DE LA GSUM YOD DE, DANG POR NOR BU RIN PO CHE'I RIGS RGYA MTSO CHEN PO'I 'JIM RDUL LA SOGS PAS YONGS SU MA DAG PA'I GONG BU BLANGS TE, LAN TSVA'I KHU BA STE RGYA CHE'I CHU LA SPANGS TE SKRA'I RE BAS YONGS SU SBYONG BAR BYED, DE TZAM GYIS BRTZON PA MI 'DOR LA, DE'I 'OG TU ZAS RNON PO STE NYA KHUL @52B SPANGS NAS PAL GYI LA BA STE SNAM BU SRAB MOS YONGS SU SBYONG BAR BYED, DE TZAM GYIS BRTZON PA MI 'DOR BAR, DE'I 'OG TU SMAN CHEN PO'I KHU BA STE DNGUL CHUL SPANGS TE RAS SRAB MOS YONGS SU SBYONG BAR BYED DO, ,YONGS SU SBYANGS TE DRI MA DANG BRAL BA NA BEE t'U RYA'I RIGS CHEN PO ZHES BRJOD PA YIN PA'I PHYIR, GNYIS PA NI, DPE'I SKABS SU NOR BU SBYONG TSUL GSUM GSUNGS PA LTAR, DE BZHIN GSHEGS PAS GDUL BYA BKRI BA'I RIM PA DE LA YANG GSUM YOD DE, THOG MAR SKYES BU CHUNG NGU DANG THUN MONG BA'I BSAM PA 'JIG RTEN PHYI MA PHAN CHAD KYI BLO RGYUD LA SKYES PA'I GANG ZAG LA NYER LEN GYI PHUNG PO SKAD CIG GIS 'JIG PA'I MI RTAG PA DANG, LAS NYON GYI GZHAN DBANG DU GYUR PA'I SDUG BSNGAL BA DANG, RANG GI NGO BOR GYUR PA'I GANG ZAG GI BDAG MED PA DANG, 'KHOR BA MI GTZANG BA'I DONG DU LHUNG BAS MI GTZANG BAS YID 'BYUNG BA'I GTAM GYIS 'KHOR BA LA DGA' BA'I SEMS CAN 'KHOR BA LAS SKYO BA BSKYED NAS, 'PHAGS PA'I CHOS 'DUL BA STE BSLAB PA RIN PO CHE GSUM NYAMS SU LEN PA LA 'DZUD PAR MDZAD DO, ,DE TZAM GYIS BRTZON PA MI 'DOR BAR, DE'I 'OG TU CHOS RNAMS KYI NGO BO RGYU 'BRAS GSUM BDEN PAS STONG PA'I STONG BA NYID DANG, MTSAN MA MED PA DANG, SMON PA MED PA'I GTAM GYIS DE BZHIN GSHEGS PA'I TSUL TE GNAS LUGS RTOGS PA LA 'DZUD PAR MDZAD DO, ,DE TZAM GYIS BRTZON PA MI 'DOR BAR, DE'I 'OG TU PHYIR MI LDOG PA'I 'KHOR LO'I GTAM LAS BYA BYED SOGS 'KHOR GSUM YONGS SU DAG PA BDEN PAS STONG PA'I GTAM @53A *, ,GYIS KHAMS DANG MOS PA STE RANG BZHIN SNA TSOGS PA'I RGYU CAN GYI SEMS CAN RNAMS, DE GZHIN GSHEGS PA'I TSUL TE THABS KYI CHA RGYA CHEN POS ZIN PA'I CHOS NYID RTOGS PA'I LAM LA 'DZUD PAR MDZAD DO, ,ZHUGS PAR GYUR NAS DE BZHIN GSHEGS PA'I CHOS NYID RTOGS PA NA BLA NA MED PA'I YON GNAS CHEN PO ZHES BRJOD PA YIN PA'I PHYIR, GNYIS PA NI, MDO 'DIS GNAS SKABS THEG PA GSUM GYI LAM LA 'JUG PA'I LAM NYAMS LEN GYI RIM PA DANG, DANG PO NYID NAS THEG CHEN DU RIGS NGES PA'I GANG ZAG GI LAM NYAMS LEN GYI RIM PA GNYIS BSTAN LA, DANG PO'I DBANG DU BYAS NA, RIM PA DANG POS RGYU SMIN PAR BYAS NAS, GNYIS PAS 'KHOR BA LAS GROL BAR BYAS, GSUM PAS THEG CHEN LAM DU BKRI BAR BYED, GNYIS PA'I DBANG DU BYAS NA, DANG POS RGYUD SMIN PAR BYAS, GNYIS PAS ZAB PA'I LAM RIM DANG, GSUM PAS RGYA CHE BA'I LAM RIM BSTAN LA, RIM PA DANG PO DANG GNYIS PA'I SKABS NAS BSTAN PA'I BDAG MED LA KHYAD PAR YOD DE, DANG PO DE GANG ZAG GI BDAG MED PHRA MO DANG, GNYIS PA DE CHOS KYI BDAG MED PHRA MO LA BYED PA'I PHYIR, KHO NA RE, RIM PA GNYIS PAS ZAB PA'I LAM RIM DANG, GSUM PAS RGYA CHE BA'I LAM RIM BSTAN PA MI 'THAD DE, STONG NYID RTOGS PA'I LTA BA RANG RGYUD LA BSKYED PA'I SDON DU THABS KYI CHA RGYA CHEN POS ZIN PA 'GRO DGOS PA'I PHYIR NA MI 'THAD DE, DBU MA RGYAN LAS, YANG DAG SHES 'TSOL SNGON BTANG STE, ,DON DAM RNAM PAR NGES GYUR NAS, ,LTA @53B NGAN THIBS GNAS 'JIG RTEN LA, ,SNYING RJE KUN TU BSKYED NAS SU, ,ZHES GSUNGS PA LTAR THEG CHEN GYI RIGS CAN DBANG RNON GYIS DANG POR STONG NYID RTOGS PA'I LTA BA RANG RGYUD LA BTZAL, DE RJES SU BYANG CHUB MCHOG TU SEMS BSKYED PA GANG ZHIG ,RIM PA 'DI YANG GTZO BO'I GDUL BYA'I DBANG DU BYAS NAS GSUNGS PA'I PHYIR, GZHUNG DON RTZA BA'I TSIGS RKANG GSUM PA'I DES 'GRE'O, ` ,'DIR SNYING PO'I RGYAN GYI LUGS GNYIS PA RTOG LDAN BSTAN BCOS LA 'JUG PA'I YAN LAG DGOS 'BREL BSHAD PA LA, BSTAN BCOS BRTZAMS PA LA DGOS MED KYI DOGS PA SO SOR BSAL NAS BRJOD BYA MKHYEN GSUM SBYI'I RNAM GZHAG BSHAD PA DANG, MDO DANG ZLOS PA'I SKYON SPANGS NAS DGOS PA YOD PAR SGRUB PA DANG GNYIS, DANG PO LA, RTZOD PA DANG, LAN GNYIS LAS, DANG PO LA, RTZOD LAN 'DI DAG 'GREL PA GANG DU BKOD PA DANG, MCHOD BRJOD DANG DGOS 'BREL GYI GZHUNG GANG YIN DPYAD PA, RTZOD PA PO DNGOS SU YOD MED DANG, JI LTAR RTZOD PA'I TSUL LO, ,DANG PO NI, NYI SNANG, RNAM 'GREL, RGYAN DANG, 'GREL PA 'DI DANG BZHIR BKOD DO, ,GNYIS PA NI, AAR CHEN PO DANG, 'BUM PHRAG GSUM PA SOGS DGOS 'GREL GYI GZHUNG DU MDZAD, LO CHEN MCHOD BRJOD KYI GZHUNG DU MDZAD, LEGS BSHAD GSER PHRENG LAS, MCHOD BRJOD KYI RTZOM PAR DAM BCA' LAS 'PHROS NAS, DGOS 'GREL GYI MTSAMS SBYAR GYI SDON DU BKOD PA'I PHYIR, ZHES LO CHEN GYI BZHED PA 'THAD PAR GSUNGS, GSUM PA NI, @54A *, ,RTZOD PA PO DNGOS SU YOD DAM MED, YOD NA MDO LA RTZOD DAM, BSTAN BCOS LA RTZOD, DANG PO LTAR NA MI 'THAD DE, MDO LAS MKHYEN GSUM KHYAD GZHIR BZUNG NAS STONG NYID RGYAS PAR GTAN LA BAB ZIN PA'I PHYIR; GNYIS PA LTAR NA BSTAN BCOS RDZOGS PAR MTHONG NAS RTZOD DAM, MCHOD BRJOD TZAM ZHIG MTHONG NAS RTZOD DAM, CUNG ZAD KYANG MA MTHONG BAR RTZOD, GSUM PA LTAR NA MI 'THAD DE, DE LTAR PHYAG 'TSAL BA DANG, ZHES SOGS GSUNGS PA 'BREL MED DU 'GYUR BA'I PHYIR, DANG PO LTAR NA BRJOD BYA GANG STON SHES NAS YANG CI'I PHYIR RTZOD, GNYIS PA LTAR NA, RJE BTZUN GYIS MCHOD BRJOD TZAM ZHIG BRTZAMS MA THAG TU DE 'DRA BA'I DOGS PA SKYE BA'I GANG ZAG DE SU ZHIG YIN, MCHOD BRJOD KYIS MKHYEN GSUM GYI SGO NAS YUM LA BSTOD PA LA BSTOD YUL DANG MTHUN PAR BSTAN BCOS KYI LUS SU BRJOD BYAR BYED DGOS PA'I NGES PA MED LA, GAL TE YOD NA YANG MKHYEN GSUM BRJOD BYAR BYED PA SHES BZHIN DU GANG BRJOD BYAR BYED CES PA RTOGS PA DANG MI LDAN PA'I DRI BA YIN PAS DE LTA BU'I BRGAL LAN BSTAN BCOS 'DIR 'ONG DON MED LA, RTZOD PA PO DNGOS SU MED KYANG SLOB DPON GYIS DOGS PA KHONG LA GNAS PA BSU BA YIN NO, ,ZHE NA; RGYAN SNANG LAS, KHA CIG NA RE, ZHES SOGS DANG, GZHAN DAG NA RE, ZHES SOGS GSUNGS PA'I DON GANG YIN BRJOD DGOS LA, RGEL BA 'DI DAG GANG LAS 'PHROS PA YANG BRJOD DGOS PA'I PHYIR, ZHES ZER, 'DI LA KHA CIG ,MCHOD @54B BRJOD KYI SKABS SU MKHYEN GSUM GYI SGO NAS YUM LA BSTOD NAS MNGON RTOGS RGYAN RTZOM PAR DAM BCAS PA LA RTZOD PA MI 'THAD DE, MNGON RTOGS RGYAN RTZOM PAR GO NA MNGON PAR RTOGS PA BRGYAD BRJOD BYAR BYED PA'I BSTAN BCOS RTZOM PAR GO DGOS PA'I PHYIR, ZHES ZER BA MI 'THAD DE, NYI SNANG LAS, PHYAG 'TSAL ZHES BRJOD NAS DE NAS MNGON PAR RTOGS PA'I RGYAN GYIS NYE BAR BSHAD PAR BYA'O SNYAM DU DGONGS NAS 'DI LTAR BSHAD PA BYED PAS, 'DI NI MNGON PAR RTOGS PA'I RGYAN GYIS NYE BAR BSHAD PA YIN SNYAM DU DGONGS PA CI'I PHYIR ZHE NA, RNAM PA THAMS CAD MKHYEN NYID LAM, ,ZHES SOGS GSUNGS PAS, PHYAG 'TSAL BA NYE BAR BKOD PA'I TSIGS SU BCAD PA 'DI'I DON YOD PAR BSTAN PA YIN, 'DI SKAD KYANG BRJOD PAR BYA STE, CI MNGON PAR RTOGS PA'I RGYAN GYIS GZHI BSDUS SAM, ZHES SOGS DANG, 'DIR YANG, DE LTAR PHYAG 'TSAL BA DANG BSTOD PA SNGON DU 'GRO BA CAN GYIS, ZHES SOGS GSUNGS PA DANG 'GAL BA'I PHYIR, RANG LUGS NI; DE LTAR RGOL PA'I GANG ZAG DNGOS SU YOD NA, MKHYEN GSUM BRJOD BYAR BYED PA YID DPYOD KYIS NGES NAS, MKHYEN GSUM GTAN LA 'BEBS PA LA DE'I DMIGS PA GZHI GNYEN RNAM GSUM GTAN LA 'PHEBS DGOS, DE LTAR NA 'CHAD 'GYUR GYI MDO DANG ZLOS PAR 'GYUR RO, ,ZHES RTZOD PA YIN ZHING, DOGS PA SKYE BA'I GZHI NI MCHOD BRJOD YIN LA, DE YANG BRTAG PA MTHA' BZUNG TZAM YIN GYI DE LTAR RGOL BA'I GANG ZAG DNGOS SU MED DE, DOGS PA'I GTZO BO NI MKHYEN @55A *, ,GSUM RDZOGS PAR GTAN LA 'BEBS NA MDO DANG ZLOS PAS BSTAN BCOS RTZOM PA DGOS MED DU THAL BA DKOS 'GREL GYI MTSAMS SBYAR DU 'BYUNG BA 'DI NYID YIN LA, DE'I MTHA' DPYOD PA'I YAN LAG TU YA GYA LA RE RE RJOD PAR BYED PA LA RTZOD PA SPONG BA 'DI NYID YIN ZHING, 'GREL CHEN DANG YANG MI 'GAL LO, ,DE LTAR RGOL BA'I GANG ZAG DNGOS SU BYUNG NA SUN 'BYIN 'DI DAG 'PHEN ZHES PA'I DON YIN PA'I PHYIR, DON BSDU NA MCHOD BRJOD KYI SKABS SU MKHYEN GSUM LA DNGOS SU BSTOD NAS SHUGS LA MNGON RTOGS RGYAN RTZOM PAR DAM BCAS PA LA, DE LTAR PHYAG 'TSAL BA DANG, BSTOD PA SNGON DU 'GRO BA CAN GYI BSTAN BCOS MNGON RTOGS RGYAN RTZOM NA, CHOS RAB TU RNAM 'BYED KYI SHES RAB BSKYED PA'I PHYIR DU GZHI KHO NA BRJOD BYAR BYED DAM, SPANG BYA MI MTHUN PHYOGS SPANG BA'I PHYIR DU GNYEN PO KHO NA DANG, SHES BYA MA LUS PAR SHES PA'I PHYIR DU RNAM PA KHO NA RJOD PAR BYED, DANG PO LTAR NA CHOS MNGON PA'I MDO DANG ZLOS PAR 'GYUR TE; CHOS MNGON PA'I MDO LAS GZHI PHUNG KHAMS SKYE MCHED RNAMS KYI RNAM GZHAG GTAN LA PHAB ZIN PA'I PHYIR, GNYIS PA LTAR NA, 'DIS SPANG BYA KUN NAS NYON MONGS PHYOGS KYI DNGOS PO CUNG ZAD KYANG BRJOD BYAR MA BSDUS PAR THAL LO, , 'DOD NA, 'DI LA BRTEN NAS SPANG GNYEN GYI RNAM GZHAG KHONG DU CHUD PA MED PAR THAL LO, ,GSUM PA LTAR NA, RNAM PA GZHI BCAS KHO NA BRJOD BYAR BYED DAM, GZHI MED KHO NA BRJOD BYAR BYED, DANG PO LTAR NA, CHOS MNGON PA DANG ZLOS PAR @55B 'GYUR LA, GNYIS PA LTAR NA NI, PHUNG PO MI RTAG PA LA SOGS PA'I GZHI DANG 'BREL BA'I DON BSTAN BCOS 'DI BAS CUNG ZAD KYANG MA BSTAN PAR THAL LO, ,'DOD NA, 'DIS 'JUG YUL DON GNYER CAN GYI SKYES BU LA NYE BAR MKHO BAR DON CUNG ZAD KYANG MA BSTAN PAR THAL LO, ,'DOD NA, BSTAN BCOS 'DI BRTZAMS PA LA DGOS PA MED PAR THAL LO, ,ZHES RTZOD PA LA, DE LTAR PHYAG 'TSAL BA DANG BSTOD PA SNGON DU 'GRO BA'I BSTAN BCOS MNGON PAR RTOGS PA'I RGYAN GZHI DANG GNYEN PO DANG, RNAM PA RNAMS LAS GANG YANG RUNG BA ZHIG BSDUS PA MDZAD NA, PHYOGS DANG PO LTAR NA NI 'BAD PA DON MED PA YIN TE, SHES RAB KYI PHA ROL TU PHYIN PA 'DI LAS NI MTSAN NYID KYI BSTAN BCOS DAG LAS MI SMOS PA'I GZHI GANG YIN PA DE 'BYUNG BA NI MI 'THAD DO, ,GNYIS PA LTAR NA YANG RNAM PAR BYANG BA'I DNGOS PO TZAM BSDUS PA'I PHYIR KUN NAS NYON MONGS PA'I DNGOS PO MA BSDUS PAS DE GANG GI GNYEN PO YIN PA KHONG DU CHUD PAR MI 'GYUR RO, ,GSUM PA LTAR NA YANG RNAM PA GZHI MED PA TZAM ZHIG BSDUS PA'I PHYIR DON RTOGS PA MED PAS CUNG ZAD KYANG MA BSHAD PA'I PHYIR DON MED PA YIN NO SNYAM DU GZHAN DAG SEMS PAR 'GYUR BA MA YIN NAM ZHE NA, ZHES GSUNGS PA'I PHYIR, GNYIS PA LAN LA, LAN DNGOS DANG, SHES BYED KYI LUNG 'GOD PA DANG, BSDU BYA GSUM NGOS GZUNG BA DANG, DE DAG GIS GRUB PA'I DON BSDU PA'O, ,DANG PO NI, BSTAN BCOS MNGON PAR RTOGS PA'I RGYAN GYIS GZHI GNYEN RNAM GSUM GANG RUNG RE RE KHO NA BRJOD BYAR BYAS PA'I SGO NAS MDO DANG ZLOS PA'I @56A *, ,SKYON YOD PA DE NI MA YIN TE, 'DIS MKHYEN GSUM GTAN LA 'BEBS PAR BZHED NAS DE'I DMIGS PA GZHI GNYEN RNAM PA GSUM GA BRJOD BYAR GTAN LA 'BEBS PA'I PHYIR, MKHYEN GSUM GTAN LA 'BEBS PA'I RGYU MTSAN YOD DE, 'PHAGS BZHI'I MNGON RTOGS MTHA' DAG GTAN LA 'BEBS PA'I PHYIR, KHYAB STE, MKHYEN GSUM GYIS 'PHAGS BZHI'I MNGON RTOGS MTHA' DAG BSDUS PA'I PHYIR, ZHES LAN 'DEBS PA LA, DE NI MA YIN TE, GANG GI PHYIR NYAN THOS DANG RANG SANGS RGYAS DANG BYANG CHUB SEMS DPA' DANG, BLA NA MED PA'I SANGS RGYAS RNAMS KYI GO RIMS JI LTA BA BZHIN THAMS CAD MKHYEN PA NYID GSUM GYIS MNGON PAR RTOGS PA MTHA' DAG BSDUS PAS NA, PHYOGS GSUM CHAR GYIS KYANG BSDUS PA'I PHYIR, ZHES GSUNGS, GNYIS PA NI, 'O NA, MKHYEN GSUM GYIS 'PHAGS BZHI'I MNGON RTOGS BSDUS NA DE GANG GIS 'GRUB CE NA, 'DI LA YUM BAR MA'I SHES BYED 'GOD PA DANG, BSDUS PA'I SHES BYED 'GOD PA DANG, RGYAS PA'I SHES BYED KHA 'PHANGS PA'O, ,DANG PO LA, BSTAN BSHAD GNYIS LAS, DANG PO NI, 'DI LTAR RGYAL BA'I YUM BAR MA LAS, RAB 'BYOR THAMS CAD SHES PA NYID NI NYAN THOS DANG RANG SANGS RGYAS RNAMS KYI YIN NO, ,LAM SHES PA NYID NI BYANG CHUB SEMS DPA' RNAMS KYI YIN NO, ,RNAM PA THAMS CAD MKHYEN PA NYID NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI YIN NO, ,ZHES @56B GSUNGS, GNYIS PA LA, GZHI SHES KYIS NYAN RANG 'PHAGS PA'I MNGON RTOGS BSDUS TSUL DANG, LAM SHES KYIS BYANG SEMS 'PHAGS PA'I MNGON RTOGS BSDUS TSUL DANG, RNAM MKHYEN GYIS SANGS RGYAS 'PHAGS PA'I MNGON RTOGS BSDUS TSUL DANG GSUM LAS, DANG PO LA, DRI BA DANG, LAN GNYIS LAS, DANG PO NI, BCOM LDAN 'DAS CI'I SLAD DU THAMS CAD 'TSAL BA NYID NYAN THOS DANG RANG SANGS RGYAS RNAMS KYI LAGS, ZHES BSHAD, GNYIS PA NI, RAB 'BYOR THAMS CAD NI PHYI DANG NANG GI CHOS RNAMS JI SNYED PA 'DI TZAM YIN LA DE DAG KYANG NYAN THOS DANG RANG SANGS RGYAS RNAMS KYIS SHES KYI, LAM THAMS CAD KYIS KYANG MA YIN LA RNAM PA THAMS CAD DU YANG MA YIN PAS DE'I PHYIR NYAN THOS DANG RANG SANGS RGYAS RNAMS KYI NI THAMS CAD SHES PA NYID CES BYA'O, ,ZHES BSHAD, GNYIS PA LA YANG GNYIS LAS, DANG PO NI, BCOM LDAN 'DAS CI'I SLAD DU LAM KYI RNAM PA 'TSAL BA NYID BYANG CHUB SEMS DPA' RNAMS KYI LAGS, ZHES BSHAD, GNYIS PA NI, RAB 'BYOR BYANG CHUB SEMS DPA' RNAMS KYIS NI NYAN THOS KYI LAM GANG YIN PA DANG, ZHES BSHAD, GSUM PA LA YANG GNYIS LAS, DANG PO NI, BCOM LDAN 'DAS CI'I SLAD DU RNAM PA THAMS CAD MKHYEN PA NYID DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI LAGS, ZHES BSHAD, GNYIS PA NI, RAB 'BYOR RNAM PA GANG DAG DANG, RTAGS GANG DAG DANG, MTSAN MA GANG DAG GIS CHOS RNAMS RAB TU BRJOD PA'I RNAM PA DE DAG DANG, @57A *, ,RTAGS DE DAG DANG, MTSAN MA DE DAG DE BZHIN GSHAGS PAS THUGS SU CHUD DE DE'I PHYIR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI NI RNAM PA THAMS CAD MKHYEN PA NYID CES BYA'O; ;ZHES BSHAD, GNYIS PA NI, DE BZHIN DU MDOR BSDUS PA LAS KYANG NYAN THOS KYI SA LA SLOB PAR 'DOD PAS KYANG ZHES BYA BA LA SOGS PA GSUNGS LA, ZHES BSHAD, GSUM PA NI, RGYAS PA LAS KYANG RGYA CHER GSUNGS SO, ,ZHES GSUNGS, GSUM PA LA, GZHI SHES, LAM SHES, RNAM MKHYEN NGOS GZUNG BA DANG GSUM LAS, DANG PO NI, YUM PAR MAR, THAMS CAD SHES PA NYID NI, ZHES SOGS DANG, BSDUS PAR, NYAN THOS KYI SA LA SLOB PAR 'DOD PAS, ZHES SOGS DANG; RGYAS PAR, RGYUN TU ZHUGS PA'I SA LA SLOB PAR 'DOD PAS, ZHES SOGS KYI TSIG DON BSHAD PA'I SGO NAS GZHI SHES DE KHYAD PAR GSUM LDAN DU STON PA LA, DE LA THAMS CAD SHES PA NYID NI GZUGS LA SOGS PA'I CHOS LA MI RTAG PA LA SOGS PA'I RTEN CAN 'BRAS BU BDAG TU RMONGS PA SPANGS PA CAN YIN NO, ,ZHES GSUNGS, YUM BAR MAR, LAM SHES PA NYID NI, ZHES SOGS DANG, BSDUS PAR, BYANG CHUB SEMS DPA'I SA LA SLOB PAR 'DOD PAS, ZHES SOGS DANG; RGYAS PAR, SA RAB TU DGA' BA LA SLOB PAR 'DOD PAS, ZHES SOGS KYI TSIG DON BSHAD PA'I SGO NAS LAM SHES DE KHYAD PAR GSUM LDAN DU STON PA LA, LAM SHES PA NYID NI THEG PA THAMS CAD KYIS NGES PAR 'BYUNG BA DANG, DE KHO NA @57B NYID MNGON DU MI BYED PA'I RTEN CAN 'BRAS BU SEMS CAN MA BSDUS PA SDUD PAR BYED PA LA SOGS PAR BYED PA CAN YIN NO, ,ZHES GSUNGS, YUM BAR MAR, RNAM PA THAMS CAD MKHYEN PA NYID NI, ZHES SOGS DANG, BSDUS BAR, DE BZHIN GSHEGS PA'I SA LA SLOB PAR 'DOD PAS, ZHES SOGS DANG, RGYAS PAR, STOBS BCU LA SLOB PAR 'DOD PAS, ZHES SOGS KYI TSIG DON BSHAD PA'I SGO NAS RNAM MKHYEN DE KHYAD PAR GSUM LDAN DU STON PA LA, RNAM PA THAMS CAD MKHYEN PA NYID NI CHOS THAMS CAD SKYES PA MED PA'I RTEN CAN 'BRAS BU NAM MKHA'I KHAMS KYI MTHAS GTUGS PAR SEMS CAN GYI DON RGYUN MI 'CHAD PA DANG, YANG DAG PA NYID KYI MTHA' RTOGS PA DANG, BAG CHAGS KYI MTSAMS SBYAR BA NYID SPANGS PA CAN YIN NO, ,ZHES GSUNGS, BZHI PA DE DAG GIS GRUB PA'I DON BSDUS NAS 'CHAD PA LA, DE LTAR BAS NA MNGON PAR RTOGS PA'I RGYAN NI GZHI DANG GNYEN PO DANG RNAM PA MTHA' DAG BSDUS PAS MNGON PAR RTOGS PA RIL PO'I RIM THOGS PAR BSTAN PA YIN NO, ,ZHES BYA BA 'DI 'THAD PA YIN NO, ,ZHES GSUNGS, 'DI DAG GI DON LA KHA CIG ,GZHI SHES NYAN RANG 'PHAGS PA KHO NA'I MNGON RTOGS DANG, LAM SHES BYANG SEMS 'PHAGS PA KHO NA'I MNGON RTOGS DANG, RNAM MKHYEN SANGS RGYAS 'PHAGS PA KHO NA'I MNGON RTOGS YIN ZER BA MI 'THAD DE, SEMS BSKYED SOGS CHOS BCU LAM GYI GZHIR BYAS NAS DE LA GNAS SKABS BRGYAD DU PHYE BA THEG PA CHEN PO'I GANG ZAG GI NYAMS SU BLANG BYAR 'GREL CHEN LAS GSUNGS, 'DIR YANG, MNGON PAR @58A *, ,RTOGS PA BRGYAD BYANG CHUB SEMS DPAS NYAMS SU MYONG BAR GSUNGS PA'I PHYIR, DANG PO GRUB STE, RGYAN SNANG LAS, JI SKAD DU BRJOD PAR BYA BA 'PHAGS PA SHES RAB KYI PHA ROL TU PHYIN PA STONG PHRAG BRGYA PA LA SOGS PA'I MDO'I DON BYANG CHUB KYI SEMS DANG GDAMS NGAG LA SOGS PA'I RANG BZHIN GNAS SKABS BRGYAD KYI DBYE BAS PHYE BA THAMS CAD, CES GSUNGS PA'I PHYIR, GNYIS PA GRUB STE, 'DI NYID LAS, BYANG CHUB SEMS DPA' RANG DANG GZHAN GYI DON PHUN SUM TSOGS PA SGRUB PA CI LA YANG RAG MA LAS PAR CHAS PA DAG KHO NAS NYAMS SU MYONG BA DANG, ZHES SOGS GSUNGS PA'I PHYIR, RANG LUGS NI, RNAM GZHAG GI RTEN 'CHAD PA TZAM GYI DBANG DU BYAS NA GZHI SHES NYAN RANG 'PHAGS PA'I MNGON RTOGS DANG, THEG PA GSUM GYI LAM GSUM RDZOGS PAR SGOM PA'I LAM SHES BYANG SEMS 'PHAGS PA'I MNGON RTOGS DANG, RNAM RTOG MTSAN MAS BSDUS PA'I CHOS THAMS CAD MNGON SUM DU RTOGS PA'I YE SHES DE, SANGS RGYAS 'PHAGS PA'I MNGON RTOGS YIN TE, NYAN RANG SLOB PA 'PHAGS PAS NYER ZHI TZAM DON DU GNYER BA LA THABS GZHI SHES DGOS SHING, DE TZAM GYIS SGRUB NUS, BYANG SEMS 'PHAGS PAS GDUL BYA RIGS CAN GSUM GYI DON SGRUB PA LA THABS LAM SHES DGOS SHING, DE TZAM GYIS SGRUB NUS, MCHOG GI SPRUL SKUS CHOS 'KHOR BSKOR BA LA THABS RNAM MKHYEN DGOS SHING DE LA BRTEN NAS CHOS 'KHOR BSKOR NUS PA'I PHYIR, DE RNAMS KYI NANG NAS, ` RAB 'BYOR BYANG CHUB SEMS DPA' @58B RNAMS KYIS NI NYAN THOS KYI LAM GANG YIN PA DANG, ZHES SOGS KYI SKABS SU, GZHUNG 'DI'I DON LA YANG, SHES RAB LA GDAMS PA DANG, THABS LA GDAMS PA DANG, DON BSDU BA DANG GSUM LAS, DANG PO DE STON PA LA, RAB 'BYOR BYANG CHUB SEMS DPA' RNAMS KYIS NI NYAN THOS KYI LAM GANG YIN PA DANG, RANG SANGS RGYAS KYI LAM GANG YIN PA DANG, SANGS RGYAS KYI LAM GANG YIN PA'I LAM THAMS CAD BSKYED PAR BYA ZHING LAM THAMS CAD SHES PAR BYA'O, ,DE DAG KYANG YONGS SU RDZOGS PAR BYA ZHING, DE DAG GIS LAM GYI BYA BA YANG BYA LA, ZHES GSUNGS, GNYIS PA DE STON PA LA, SMON LAM YONGS SU RDZOGS PAR MA BYAS PA DANG, SEMS CAN RNAMS YONGS SU SMIN PAR MA BYAS PA DANG, SANGS RGYAS KYI ZHING YONGS SU MA SBYANGS PAR DE DAG GIS YANG DAG PA'I MTHA' MNGON SUM DU NI MI BYA'O, ,ZHES GSUNGS, GSUM PA DE STON PA LA, DE'I PHYIR BYANG CHUB SEMS DPA' RNAMS KYI NI LAM GYI RNAM PA SHES PA NYID CES BYA'O, ,ZHES GSUNGS, DON NI, BYANG SEMS 'PHAGS PA CHOS CAN, KHYOD KYI MNGON RTOGS LAM SHES KYIS BSDUS PA YIN TE, KHYOD THABS SHES KHYAD PAR CAN GNYIS DANG LDAN PA'I RGYAL SRAS 'PHAGS PA YIN PA'I PHYIR, DE CHOS CAN, THABS KHYAD PAR CAN DANG LDAN TE, 'DIR BSTAN YANG DAG MTHA' MNGON DU BYED PA'I DUS DANG DUS MA YIN PA LA MKHAS PA'I RGYAL SRAS 'PHAGS PA YIN PA'I PHYIR, DE CHOS CAN, SHES RAB KHYAD PAR CAN DANG LDAN TE, THEG PA GSUM GYI SPANGS RTOGS KYI RIGS RNAMS RANG RGYUD LA SGRUB @59A *, ,PA LA MKHAS PA'I RGYAL SRAS 'PHAGS PA YIN PA'I PHYIR, ` MTHA' DPYAD PA LA, LAM GSUM SO SO'I NGO BO NGOS GZUNG BA, 'DIR BSTAN BSKYED BYA'I LAM DANG, SHES BYA'I LAM GYI KHYAD PAR BSHAD PA, NYAN RANG GI SPANGS RTOGS KYI RIGS RDZOGS PA'I TSAD BSHAD PA, RDZOGS SMIN SBYANGS GSUM BYAS PA'I TSAD BSHAD PA, 'DIR MSTAN YANG DAG MTHA' NGOS BZUNG NAS DE MNGON DU BYAS PA'I TSAD BSHAD PA'O, ,DANG PO NI, GANG ZAG GI BDAG MED MNGON SUM DU RTOGS PA'I YE SHES DE, NYAN THOS KYI LAM GANG YIN PA DANG, ZHES PA'I SKABS NAS DNGOS SU BSTAN PA'I NYAN THOS KYI LAM DANG, GNYIS STONG MNGON SUM DU RTOGS PA'I YE SHES DE, RANG SANGS RGYAS KYI LAM GANG YIN PA DANG; ZHES PA'I SKABS NAS DNGOS SU BSTAN PA'I RANG SANGS RGYAS KYI LAM DANG, BDEN MED MNGON SUM DU RTOGS PA'I YE SHES DE, SANGS RGYAS KYI LAM GANG YIN PA DANG, ZHES PA'I SKABS NAS DNGOS SU BSTAN PA'I SANGS RGYAS KYI LAM YIN TE, NYAN THOS SLOB PA 'PHAGS PAS GANG ZAG GI BDAG MED MNGON SUM DU RTOGS PA'I YE SHES BSGOMS PA LA BRTEN NAS MTHAR KHYAB PA 'DU BYED KYI SDUG BSNGAL NYE BAR ZHI BA'I NYER ZHI DE THOB PAR BYED, RANG RGYAL SLOB PA 'PHAGS PAS GNYIS STONG MNGON SUM DU RTOGS PA'I YE SHES BSGOMS PA LA BRTEN NAS MTHAR DE THOB PAR BYED, BYANG SEMS 'PHAGS PAS CHOS KYI BDAG MED MNGON SUM DU RTOGS PA'I YE SHES BSGOMS PA LA BRTEN NAS MTHAR DE THOB PAR BYED PA'I PHYIR, @59B RONG t'IKA PAS, GANG ZAG GI BDAG MED MNGON SUM DU RTOGS PA'I YE SHES DE, SHES PAR BYA BA'I NYAN THOS KYI LAM YIN KYANG, NYAN THOS KYI LAM MA YIN, ZHES ZER BA SOGS NI MI 'THAD DE, NYAN THOS KYI LAM YIN NA, NYAN THOS RANG RGYUD KYIS BSDUS PAS KHYAB PAR THAL, DAM BCA' 'THAD PA'I PHYIR, 'DOD MI NUS TE, BYANG SEMS 'PHAGS PA'I RGYUD LA DE YOD PA'I PHYIR TE, BYANG SEMS 'PHAGS PAS NYAN THOS KYI LAM RANG RGYUD LA BSKYED PA'I SGO NAS SHES PAR BYED PA'I PHYIR TE, LAM THAMS CAD BSKYED PAR BYA ZHING LAM THAMS CAD SHES PAR BYA'O, ,ZHES GSUNGS PA'I PHYIR, GZHAN YANG, RANG RGYAL GYI LAM YIN NA, RANG RGYAL RANG RGYUD KYIS BSDUS PAS KHYAB PAR THAL, NYAN THOS LA DE'I PHYIR, 'DOD NA, RANG RGYAL GYI SLOB LAM CHOS CAN, DER THAL, DE'I PHYIR, 'DOD NA, RANG RGYAL SLOB PA YOD PAR THAL LO, ,'DOD NA, GRUB MTHA' DANG 'GAL, KHO NA RE, GANG ZAG GI BDAG MED MNGON SUM DU RTOGS PA'I YE SHES DE NYAN THOS KYI LAM MA YIN TE, DE NYAN THOS KYI BGROD BYA'I LAM YANG MA YIN, DE DE'I BGROD BYED KYI LAM YANG MA YIN PA'I PHYIR NA MA KHYAB, DANG PO MA GRUB NA, DE NYAN THOS KYI MI SLOB LAM YIN PAR THAL LO, ,GNYIS PA MA GRUB NA, DE DE'I SLOB LAM YIN PAR THAL LO, ,GZHAN YANG; GANG ZAG GI BDAG MED RTOGS PA'I RNAM MKHYEN DE NYAN THOS KYI LAM YIN PAR THAL, GANG ZAG GI BDAG MED RTOGS PA'I YE SHES DE DE YIN PA'I PHYIR, RTAGS KHAS, 'DOD NA, NYAN THOS KYI THEG PA YIN PAR THAL, 'DOD PA'I PHYIR NA MA @60A *, ,KHYAB STE, RIM PA LTAR SHES PAR BYA BA'I NYAN THOS KYI LAM LA SBYAR NAS 'KHOR GSUM BYA'O, ,DAR t'IKA GI RJES 'BRANG KHA CIG ,NYAN THOS KYI LAM YIN NA, NYAN THOS RANG RGYUD KYIS BSDUS PAS KHYAB PA SOGS KHAS LEN PA MI 'THAD DE, NYAN THOS KYI LAM SGOM PA'I BYANG SEMS YOD PA'I PHYIR TE, THEG PA GSUM GYI LAM RDZOGS PAR SGOM PA'I BYANG SEMS YOD PA'I PHYIR TE, DE LTAR RTEN LA SOGS PA BRJOD NAS LAM SHES PA NYID KYI SKABS SU LAM THAMS CAD RDZOGS PAR BYA DGOS PAS NYAN THOS KYI LAM, ZHES DANG, DE'I RNAM BSHAD LAS, RNAM MKHYEN THOB PAR BYED PA LA THEG PA GSUM GYI LAM THAMS CAD RDZOGS PAR BYA DGOS PAS, ZHES GSUNGS PA'I PHYIR, GZHAN YANG, BYANG SEMS 'PHAGS PAS RANG RGYAL GYI LAM MIG SHES KYIS GZUGS LA LTA BA'I TSUL GYIS SHES PAR BYED PAR THAL, DES DE SHES PAR BYA TSUL GCIG YOD PA GANG ZHIG ,DES DE RANG RGYUD LA BSKYED PA'I SGO NAS SHES PAR BYED PA MA YIN PA'I PHYIR, GNYIS PA SONG, DANG PO GRUB STE, LAM THAMS CAD BSKYED PAR BYA ZHING LAM THAMS CAD SHES PAR BYA'O, ,ZHES GSUNGS PA'I PHYIR, 'DOD NA, RNAM BSHAD LAS, RTOGS PA 'DIS BSDUS PA'I GZHI SHES KYANG RNAM GZHAG GI RTEN RANG SANGS RGYAS LA RNAM PAR BZHAG KYANG BYANG CHUB SEMS DPA'I RGYUD LA YANG SKYE BAS RANG SANGS RGYAS KYI LAM SHES PA'I TSUL MIG GIS GZUGS LA LTA BA'I TSUL GYIS GO BAR MI BYA'O, ,ZHES GSUNGS PA MI 'THAD PAR THAL LO, ,DE @60B BZHIN DU RNAM BSHAD LAS, GZUNG BA BDEN MED DU MNGON SUM DU RTOGS PA'I YE SHES DE NYID LA RANG SANGS RGYAS KYI LAM ZHES BYA LA, DE NYID RANG SANGS RGYAS KYI RGYUD LA YOD PA NI DE'I SKYE MCHED DRUG GI CHOS NYID LA BRTEN LA, BYANG CHUB SEMS DPA'I RGYUD LA YOD PA NI DE'I RANG BZHIN GNAS RIGS LA BRTEN PA'O, ,ZHES BYANG CHUB SEMS DPA'I RGYUD LA RANG SANGS RGYAS KYI LAM YOD PAR BSHAD PA DANG, YANG DE NYID LAS, SKYES BU CHEN PO'I LAM GYI RIM PA RGYUD LA SKYE BA LA SKYES BU 'BRING GI BSAM PA SKYED BA SNGON DU 'GRO DGOS PAR SHES PAR BYA BA'I CHED DU YIN NO, ,ZHES SOGS MTHA' YAS PA GSUNGS SO, ,KHO NA RE, LAM YIN NA, SANGS RGYAS KYI LAM YIN DGOS PAR THAL, SANGS RGYAS KYI LAM YIN NO, SANGS RGYAS RANG RGYUD KYIS BSDUS PAS MA KHYAB PA'I PHYIR, RTAGS KHAS, 'DOD NA, THEG CHEN GYI TSOGS LAM CHOS CAN, DER THAL, DE'I PHYIR, 'DOD NA, SANGS RGYAS 'PHAGS PA'I LAM YIN PAR THAL, 'DOD PA'I PHYIR NA MA KHYAB, 'DOD NA, 'PHAGS LAM YIN PAR THAL LO, ,KHO NA RE, DE CHOS CAN, SANGS RGYAS KYI SLOB LA MA YIN PAR THAL, SANGS RGYAS KYI LAM GANG ZHIG ,SANGS RGYAS KYI MI SLOB LAM MA YIN PA'I PHYIR, 'DOD NA, SANGS RGYAS KYI SLOB LAM YOD PAR THAL LO, ,'DOD NA, SANGS RGYAS SLOB PA YOD PAR THAL LO, ,ZER NA, SANGS RGYAS NYAN THOS YOD PAR THAL, SANGS RGYAS KYI NYAN THOS KYI LAM YOD PA'I PHYIR, KHYAB PA KHAS, DER THAL, SANGS RGYAS KYI @61A *, ,NYAN THOS YOD PA'I PHYIR, KHO NA RE, GANG ZAG GI BDAG MED RTOGS PA'I RNAM MKHYEN CHOS CAN, THEG DMAN GYI LAM YIN PAR THAL, NYAN THOS KYI LAM YIN PA'I PHYIR, 'DOD NA, THEG CHEN GYI GANG ZAG DANG THEG DMAN GYI GANG ZAG MI 'GAL BAR THAL, DE GNYIS KYI LAM MI 'GAL BA'I PHYIR NA MA KHYAB, DES MTSON NAS, DGE BSNYEN GYI SDOM PA YIN NA, DGE BSNYEN RANG RGYUD KYIS BSDUS PAS KHYAB PAR THAL BA SOGS RIGS 'GRE BYA TSUL SHES PAR BYA'O, ,GNYIS PA LA KHA CIG ,'DIR BSTAN SHES BYA'I LAM DANG, BSKYED BYA'I LAM GNYIS MI GCIG STE, LEGS BSHAD GSER PHRENG LAS, BSKYED BYAR BSHAD PA'I LAM 'OG MA GNYIS BTAGS PA BA DANG, SHES BYAR BSHAD PA'I LAM GSUM GA MTSAN NYID PA YIN NO, ,ZHES GSUNGS PA'I PHYIR, ZHES ZER, RANG LUGS NI, DE GNYIS DON GCIG STE, BYANG SEMS 'PHAGS PAS 'DIR BSTAN NYAN RANG GI LAM RGYUD LA BSKYED PA'I SGO NAS SHES PAR BYED PA YIN PA'I PHYIR TE, LAM THAMS CAD BSKYED PAR BYA ZHING LAM THAMS CAD SHES PAR BYA'O, ,ZHES GSUNGS PA'I PHYIR, GSUM PA LA, DMAN LAM SNGON DU MA SONG BA'I BYANG SEMS 'PHAGS PAS NYAN RANG GI SPANGS RTOGS KYI RIGS RDZOGS PA DANG SANGS RGYAS PA DUS MNYAM STE, DES NYON SGRIB SPANGS PA'I DGRA BCOM PA THOB PA DANG, SHES SGRIB SPANGS PA'I DE BZHIN GSHEGS PA THOB PA DUS MNYAM PA'I PHYIR TE, KUN BTUS LAS, DES BYANG CHUB THOB PA NA NYON @61B MONGS PA DANG SHES BYA'I SGRIB PA GNYIS CIG CAR DU SPONG ZHING, CIG CAR DGRA BCOM PA DANG DE BZHIN GSHEGS PAR 'GYUR RO, ,DES NYON MONGS PA MA SPANGS SU ZIN KYANG SMAN DANG SNGAGS KYIS BSAD PA'I DUG LTA BU DANG, SRID NYON SPANGS PA'I DGRA BCOM PA LTAR DES SA THAMS CAD DU NYON MONGS PA'I NYES PA SKYED PAR MI BYED DO, ,ZHES GSUNGS PA'I PHYIR, NYAN THOS KYI SPANGS RTOGS KYI RIGS RDZOGS NA RANG RGYAL GYI DE RDZOGS PAS MA KHYAB STE, NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PAS NYAN THOS KYI SPANGS RTOGS KYI RIGS RDZOGS KYANG DES RANG RGYAL GYI DE MA RDZOGS PA'I PHYIR TE, DES GZUGS PHYI ROL DON 'DZIN GYI RTOG PA MA SPANGS PA'I PHYIR, 'O NA NYI SNANG LAS, GZHAN YANG RGYUN TU ZHUGS PA NAS RANG SANGS RGYAS KYI SA'I BAR GYI SHES PA DANG SPANG BA GANG YIN PA DE NI MI SKYE BA'I CHOS LA BZOD PA THOB PA'I BYANG CHUB SEMS DPA'I BZOD PA'O, ,BZOD PA NI GANG ZHE NA, SDUG BSNGAL LA CHOS SHES PA'I BZOD PA'O, ,'DI GANG LAS SHES SHE NA LAM GZHAN KHYAD PAR CAN YOD PA YIN NA, RIGS DANG, DBANG PO DANG, TSOGS KHYAD ZHUGS PAR 'GYUR PA'I PHYIR, BYANG CHUB SEMS DPA'I BZOD PA'I BYED PAR GZHAN RNAMS KYI RTOGS PA'I BYED PA MA LUS PA 'DUS PAR 'GYUR PA'I PHYIR, DE DAG GI SHES PA DANG SPONG BA GANG YIN PA DE NI DE'I BZOD PA YIN GYI RTOGS PA'I TSAD 'DI TZAM NI MA YIN NO, ,ZHES BYA BA NI RNAM GRANGS GZHAN YIN NO, ,ZHES GSUNGS PA'I DON GANG ZHE NA, BYANG SEMS SBYOR LAM PAS @62A *, ,NYAN RANG LTAR NYON SGRIB SPANG BYA'I GTZO BOR BYAS NAS DANG POR NYON SGRIB MA LUS PAR SPONG NUS PA'I DUS PA YOD PA DE DE'I DON YIN TE, BYANG SEMS MTHOR LAM PA LA CHOS THAMS CAD BDEN MED DU RIGS PA'I RNAM GRANGS MTHA' YAS PA'I SGO NAS RTOGS PA NYAN RANG LAS KHYAD ZHUGS PA'I STENG DU, THEG CHEN GYI RIGS LA GNAS PA DANG, BSOD NAMS KYI TSOGS RGYA CHEN PO LAS KYANG KHYAD ZHUGS PA'I PHYIR, ZHES PA'I DON NO, ,MKHAS PA KHA CIG , NYAN RANG GI SPANGS RTOGS KYI RIGS SA DANG PO NAS RDZOGS, SPANGS PA SA BRGYAD PA NAS RDZOGS TE, SA BRGYAD PAR NYON YID GNAS GYUR PAS NYON SGRIB ZAD PAR SPANGS PA'I PHYIR, ZHES GSUNGS PA DANG, RONG t'IK PAS, SA DANG PO NAS NYAN RANG GI SPANGS RTOGS GNYIS KA RDZOGS TE, NYON SGRIB LA 'KHOR BAR 'CHING BYED KYI NYON SGRIB DANG, BAG LA NYAL GYI NYON SGRIB GNYIS LAS SNGA MA SA DANG PO NAS KYANG SPANGS, PHYI MA NYAN THOS DGRA BCOM PAS KYANG MA SPANGS PA'I PHYIR, DES MA RIG BAG CHAGS KYI SA LAS YID KYI RANG BZHIN GYI LUS LEN PA'I PHYIR, ZHES ZER BA MI 'THAD DE, NYON YID MED PA'I PHYIR TE, RNAM SHES TSOGS BRGYAD MED PA'I PHYIR TE, RNAM SHES TSOGS DRUG LAS MANG BA YUM GYI MDO LAS MA GSUNGS PA'I PHYIR DANG, SLOB DPON GYIS THEG CHEN GYI SGOM SPANG NYON MONGS LA BCU DRUG GI DBYE BA BYAS NAS SA DANG PO NAS SA BCU PA'I BAR GYI BAR CHAD MED LAM GYIS SPONG NUS SU GSUNGS PA'I PHYIR TE, 'GREL CHEN LAS, DE BAS NA SA DANG PO'I SKAD @62B CIG MA DANG PO NI MTHONG BA'I LAM YIN LA, DE LAS GZHAN SKAD CIG GNYIS PA LA SOGS PA NAS RDO RJE LTA BUR BRJOD PA'I BAR CHAD MED PA'I LAM GANG LA DE MA THAG TU SANGS RGYAS KYIS SA KUN TU 'OD THOB PAR 'GYUR BA'I DANG 'DI THAMS CAD NI CHOS KYI DBYINGS MCHOG GI DON LA SOGS PA SO SOR RTOGS PAR SGOM PA'I LAM YIN PAR BSHAD DO, ,DE YANG NYON MONGS PA BCU DRUG CI RIGS PAR SPONG NGO, ,'DI LTA STE, 'DOD CHAGS DANG, ZHE SDANG DANG, NGA RGYAL DANG, MA RIG PA DANG, 'JIG TSOGS LA LTA BA DANG, MTHAR 'DZIN PAR LTA BA STE, 'DOD PA NA SPYOD PA DRUG GO ,DE DAG NYID LAS ZHE SDANG MA GTOGS GZUGS DANG GZUGS MED PA NA SPYOD PA BCU YIN NO, ,DE LAM THONG BA DANG SGOM PA'I LAM GYI YONGS SU SPYONG PA'I CHOS KYI DBYE BAS RAB TU DGA' BA LA SOGS PA'I SA BCUR RNAM PAR BZHAG GO ,ZHES GSUNGS PA'I PHYIR DANG, NYI SNANG LAS KYANG, RTOGS PA'I CHAD 'DI TZAM MA YIN NO, ,ZHES BYA BA NI RNAM GRANGS GZHAN YIN NO, ,ZHES SA DANG POR NYAN RANG GI SPANGS RTOGS KYI RIGS MA RDZOGS PAR GSUNGS PA'I PHYIR DANG, KHYAD PAR LUGS PHYI MA MI 'THAD DE, NYAN THES DGRA BCOM PAS BAG LA NYAL GYI NYON SGRIB SPANGS PAR THAL, DES NYON SGRIB LHAN SKYES KYIS BON SPANGS PA'I PHYIR TE, NYAN THOS KYI MTHONG LAM RJES SHES DES NYON SGRIB KUN BTAGS KYI SA BON SPANGS PA'I PHYIR TE, DES SKYABS GNAS YANG DAG LA THE TSOM ZA BA'I THE TSOM GYI SA BON ZAD PAR SPANGS PA'I PHYIR TE, NYAN THOS KYI MTHONG LAM RJES BZOD DE, DNGOS GNYEN BAR CHAD MED LAM YIN PA'I @63A *, ,PHYIR; NYAN THOS KYI MTHONG LAM RJES BZOD PA DE'I RGYUD LA DE'I DNGOS GNYEN YOD PA'I PHYIR, MA GRUB NA, NYAN THOS SLOB PA 'PHAGS PA RNAMS DGE 'DUN DKON MCHOG TU BZHAG TU MI RUNG BAR THAL, SKYABS GNAS YANG DAG LA THE TSOM ZA BA'I THE TSOM GYI SA BON GYI DNGOS GNYEN RGYUD LA SKYE MA MYONG BA'I SLOB PA 'PHAGS PA YIN PA'I PHYIR TE, MA GRUB PA DE'I PHYIR, GZHAN YANG, DAM BCA' DE MI 'THAD DE, MA RIG BAG CHAGS KYI SA DE NYON SGRIB MA YIN PA'I PHYIR TE, DE SHES SGRIB YIN PA'I PHYIR, GAL TE KHO BO CAG KYANG BAG LA NYAL GYI NYON SGRIB SHES SGRIB TU 'DOD DO ZHE NA, NYON SGRIB LA DE GNYIS SU 'BYED MI RIGS PAR THAL, DAM BCA' 'THAD PA'I PHYIR, GZHAN YANG, KUN BTUS LAS, NYON MONGS PA DANG SHES BYA'I SGRIB PA CIG CAR DU SPONG, ZHES GSUNGS PA MI 'THAD PAR THAL, DMAN LAM SNGON DU MA SONG BSA'I BYANG 'PHAGS KYIS NYON SGRIB DANG SHES SGRIB CIG CAR DU MI SPONG BA'I PHYIR, GAL TE NGES SHES SGRIB DANG NYON SGRIB KYI BAG CHAGS CIG CANG DU SPONG BA'I DON YIN ZHE NA, DPER NA SPANGS PA'I DGRA BCOM PA LTAR, ZHES PA'I SKABS KYI NYON SGRIB DE YANG NYON SGRIB KYI BAG CHAGS LA BYED RIGS PAR THAL, NYON MONGS PA DANG ZHES PA'I NYON MONGS DE DE LA BYED RIGS PA'I PHYIR RO, ,KHA CIG ,DMAN LAM SNGON DU MA SONG BA'I BYANG SEMS 'PHAGS PAS NYAN RANG GI SPANGS RTOGS RDZOGS PA DANG SANGS RGYAS PA DUS MNYAM ZER NA, DMAN LAM SNGON DU MA SONG BA'I SANGS RGYAS 'PHAGS PA'I RGYUD @63B LA NYAN RANG GI SPANGS RTOGS YOD PAR THAL, DAM BCA' DE'I PHYIR, 'DOD MI NUS TE, NYAN RANG GI SPANGS RTOGS GANG RUNG YIN NA, NYAN RANG GI RGYUD KYIS BSDUS PAS KHYAB PA'I PHYIR, BZHI PA NI, SANGS RGYAS KYI ZHING KHYAD PAR CAN GYI GDUL, BYA'I CHED DU DAM BCA' BA'I SMON LAM GYI DON 'GRUB PA'I RGYU'I DGE RTZA'I NUS PA YONGS SU RDZOGS PAR BYAS PA DE SMON LAM YONGS SU RDZOGS PA'I TSAD DANG, RANG GANG DU SANGS RGYAS PA'I SANGS RGYAS KYI ZHING DER GDUL BYA RNAMS MNGON PAR SHES PA LNGA DANG MI LDAN PA MED PAR MA GYUR PA DE SRID DU BDAG 'TSANG MI RGYA'O, ,ZHES DAM BCA' BA'I SMON LAM GYI RGYU'I DGE RTZA'I NUS PA YONGS SU RDZOGS PA DE, RGYAL BA 'OD DPAG MED LTA BU SPRUL SKU'I DBANG DU BYAS PA'I SMON LAM YONGS SU RDZOGS PA'I TSAD DANG, BDAG GANG DU SANGS RGYAS PA'I SANGS RGYAS KYI ZHING DER 'KHOR THEG CHEN 'PHAGS PA SHA STAG GIS BSKOR BA 'BYUNG BAR MA GYUR PA DE SRID DU BDAG SANGS MI RGYA'O, ,ZHES DAM BCA' BA'I SMON LAM GYI DON 'GRUB PA'I RGYU'I BGE RTZA'I NUS PA YONGS SU RDZOGS PA DE, LONGS SKU'I DBANG DU BYAS PA'I SMON LAM YONGS SU RDZOGS PA'I TSAD YIN NO, ,ZHING BYE BA PHRAG BRGYAR SKU'I BKOD PA BYE BA PHRAG BRGYA DANG, SKU RE RE'I 'KHOR DU SEMS CAN GRANGS LAS 'DAS PAL TSIGS SU BCAD PA RE RES 'PHAGS PA'I GO 'PHANG LA 'GOD PAR NUS PA'I SMON LAM GYI DON 'GRUB PA'I RGYU'I DGE RTZA'I NUS PA YONGS SU RDZOGS PA DE, SEMS CAN YONGS SU SMIN PAR BYAS PA'I TSAD DANG, LONGS SPRUL GYI ZHING KHYAD PAR @64A *, , CAN 'GRUB PA'I RGYU'I DGE RTZA'I NUS PA YONGS SU RDZOGS PA DE, SANGS RGYAS KYI ZHING YONGS SU SBYANGS PA'I TSAD YIN NO, ,RNAM BSHAD LAS, SPRUL SKU'I DBANG DU BYAS NA RGYAL BA 'OD DPAG MED KYIS BDAG SANGS RGYAS PA'I SANGS RGYAS KYI ZHING DER MNGON PAR SHES PA LNGA DANG MI LDAN PA MED PAR MA GYUR PA DE SRID DU BDAG SANGS MI RGYA'O, ,ZHES DAM BCAS PA LTA BU SPRUL SKU'I ZHING KHYAD PAR CAN GYI CHED DU DAM BCAS PA DANG, ZHES GSUNGS PA'I DON LA KHA CIG ,RNAM BSHAD LAS DE LTAR GSUNGS PA SGRA JI BZHIN PA MA YIN TE, BDE BA CAN GYI RTEN CAN GYI GANG ZAG YIN NA, MNGON PAR SHES PA LNGA DANG LDAN PAS MA KHYAB PA'I PHYIR TE, DE'I RTEN CAN GYI RGYUN ZHUGS DANG PHYIR 'ONG YOD PA'I PHYIR NA MI 'THAD DE, BDE BA CAN GYI RTEN CAN GYI NYAN THOS SLOB PA MED PA'I PHYIR TE, DE 'DRA'I LHAG BCAS MYANG 'DAS PA MED PA'I PHYIR TE, BDE BA CAN DU SDUG BDEN MED PA'I PHYIR TE, KUN BTUS LAS, YONGS SU DAG PA'I 'JIG RTEN GYI KHAMS 'DI DAG NI SDUG BSNGAL GYI BDEN PA MA YIN PAR YONGS SU BLTA BAR BYA'O, ,DE DAG NI LAS DANG NYON MONGS PAS BSKYED PA MA YIN, LAS DANG NYON MONGS PA'I DBANG GIS BYUNG BA MA YIN GYI SMON LAM DANG DGE BA'I RTZA BA'I STOBS LAS BYUNG BA DAG GO ,ZHES DAG PA'I ZHING GI SNOD BCUD THAMS CAD SDUG BDEN MA YIN PAR GSUNGS PA'I PHYIR, KHA CIG ,CHOS NYID DE BZHIN NYID LA MNYAM PAR BZHAG BZHIN PA'I NGANG NAS GZHAN DON 'BAD MED @64B LHUN GRUB TU BYED PA NI SMON LAM RDZOGS PA'I TSAD YIN ZER, DE 'GOG PA LA RNAM BSHAD LAS, SMON LAM RDZOGS PA'I TSAD CHOS NYID LA MNYAM PAR BZHAG BZHIN DU GZHAN DON 'BAD MED LHUN GRUB TU BYED PA LA 'CHAD PA NI, CHOS SKU MTHOB PAR DU CHOS SKU MNGON DU MI BYA'O, ,ZHES PA'I DON DU 'GYUR BAS DOGS PA'I GNAS MED LA, ZHES GSUNGS, DE'I DON LA KHA CIG , MCHOG GI SPRUL SKUS DMAN LAM SNGON DU MA SONG BA'I BYANG SEMS 'PHAGS PA LA CHOS SKU MA THOB BAR DU CHOS SKU MNGON DU MI BYA'O, ,ZHES GDAMS PA STER RIGS PAR THAL, DES DE LA RDZOGS SMIN SBYANGS GSUM MA BYAS PAR YANG DAG MTHA' MNGON DU MA BYED CIG CES GDAMS PA STER RIGS PA GANG ZHIG ,RDZOGS SMIN SBYANGS GSUM BYAS BA'I GANG ZAG YIN NA YANG CHOS SKU MNGON DU BYAS PA'I GANG ZAG YIN DGOS, YANG DAG MTHA' MNGON DU BYAS PA'I GANG ZAG YIN NA YANG DE DGOS PA'I PHYIR, DANG PO SLA, GNYIS PA GRUB STE, DE YIN NA CHOS NYID LA MNYAM PAR BZHAG BZHIN DU GZHAN DON 'BAD MED LHUN GRUB TU BYED PA'I GANG ZAG YIN DGOS, DE YIN NA DE LTAR DGOS PA'I PHYIR, DANG PO GRUB STE, SMON LAM RDZOGS PA' TSAD DE 'THAD PA'I PHYIR, GNYIS PA 'BUD DO, ,ZHES ZER BA MI 'THAD DE, DES DE LA DE GSUM MA BYAS PAR CHOS SKU MNGON DU MA BYED CIG CES GDAMS RIGS PAR THAL, DES DE LA DE GSUM MRDZOGS PAR YANG DAG MTHA' MNGON DU MA BYED CIG CES GDAMS RIGS PA GANG ZHIG ,YANG DAG MTHA' MNGON DU BYAS PA'I GANG ZAG YIN NA, CHOS SKU MNGON DU BYAS @65A *, ,PA'I GANG ZAG YIN DGOS PA'I PHYIR, KHYAB PA KHAS, DANG PO DNGOS, GNYIS PA 'BUD, RANG LUGS KYI LUNG DON 'OG TU 'CHAD DO, ,KHA CIG ,GZHAN DON DU RDZOGS BYANG THOB PAR GYUR CIG CES DAM BCAS PA'I SMON LAM GYI DON GRUB PA DE, SMON LAM YONGS SU RDZOGS PA'I TSAD DANG, RANG GI SKU DNGOS KYI GDUL BYA GNYEN PO DNGOS SU SKYE RUNG DANG, SPANG BYA DNGOS SU SPONG RUNG DU BYAS PA DE SEMS CAN SMIN PAR BYAS PA'I TSAD DANG, SANGS RGYAS RANG SNANG LA ZHING DAG PA RAB 'BYAMS PA'I ZHIG TU SNANG BA DE, SANGS RGYAS KYI ZHING YONG SU SBYANGS PA'I TSAD YIN ZER NA, BYANG SEMS RGYUN MTHA' PA CHOS CAN, TSAD DANG PO DER THAL, SMON LAM YONG SU RDZOGS PAR BYAS PA'I PHYIR TE, RDZOGS SMIN SBYANGS GSUM BYAS PA'I PHYIR, CHOS CAN DE'I PHYIR, 'DOD NA, GZHAN DON DU RDZOGS BYANG THOB PAR THAL LO, ,STON PA SH'KYA THUB PA CHOS CAN, TSAD GNYIS PA DER THAL, SEMS CAN SMIN PAR BYAS PA'I PHYIR, 'DOD NA, DE'I SKU DNGOS KYI GDUL BYA YIN NA GNYEN PO DNGOS SU SKYE RUNG DANG SPANG BYA DNGOS SU SPONG RUNG YIN DGOS PAR THAL LO, ,'DOD NA, DE YIN NA LAM ZHUGS KYI GANG ZAG YIN DGOS PAR THAL LO, ,GZHAN YANG, SEMS CAN SMIN PA DANG SEMS CAN SMIN PAR BYAS PA DON GCIG PAR THAL, DAM BCA' 'THAD PA'I PHYIR, 'DOD NA, BYANG SEMS MTHONG LAM PA CHOS CAN, SEMS CAN SMIN PAR BYAS PAR THAL, SEMS CAN SMIN PA YIN PA'I PHYIR TE, BYANG SEMS 'PHAGS PA YIN PA'I PHYIR, GZHAN @65B YANG; MA DAG PA'I ZHING SANGS RGYAS LA MI SNANG BAR THAL, TSAD GSUM PA 'THAD PA'I PHYIR, 'DOD NA, DE SANGS RGYAS 'PHAGS PA LA SNANG BAR THAL, KUN MKHYEN YE SHES LA SNANG BA'I PHYIR, RTAGS SLA, KHA CIG ,RDZOGS SMIN SPYANGS GSUM BYAS PA'I GANG ZAG YIN NA, SANGS RGYAS 'PHAGS PA YIN PAS KHYAB STE, SMON LAM RDZOGS PAR BYAS PA'I GANG ZAG YIN NA, SANGS RGYAS 'PHAGS PA YIN DGOS PA'I PHYIR TE, DE YIN NA MA RIG BAG CHAGS KYIS SPANGS PA'I GANG ZAG YIN DGOS PA'I PHYIR TE, RNAM BSHAD LAS, BAR BA NI ZHING BYE BA PHRAG BRGYAR SKU'I BKOD PA DE SNYED DANG SKU RE RE'I 'KHOR DU SEMS CAN GRANGS LAS 'DAS PA LA TSIGS SU BCAD PA RE RES 'PHAGS PA'I GO 'PHANG LA 'GOD PAR NUS PA NI JI SRID DU KUN SLONG GI RTOG PA YOD PA DE SRID DU MI NUS PAS DE 'DRA DUS GCIG TU LAN CIG BYED PA YANG 'BAD MED LHUN GRUB TU BYED PA LA RAG LAS SHING, MA RIG BAG CHAGS KYIS DANG ZAG PA MED PA'I LAS KYANG SPANGS NAS SLAR MI LDANG BA'I TSUL GYIS ZHI BA'I DBYINGS SU SNYOMS PAR 'JUG PA LA BLTOS PA YIN NO, ,ZHES GSUNGS PA'I PHYIR NA MA KHYAB STE, DE 'DRA BYED BZHIN PA'I GANG ZAG YIN NA, MA RIG BAG CHAGS KYI SA SPANGS PAS KHYAB PA DE DE'I DON NO, ,KHA CIG ,RANG NYID 'TSANG RGYA 'GYUR GYI SANGS RGYAS KYI ZHING KHYAD PAR CAN 'GRUB PA'I RGYU'I NUS PA YONGS SU RDZOGS PA DE, SANGS RGYAS KYI ZHING YONGS SU SBYANGS PA'I TSAD YIN ZER NA, STON PA SH'KYA THUB PA CHOS CAN, TSAD DER THAL, SANGS RGYAS KYI ZHING YONGS SU SPYANGS PA'I PHYIR @66A *, ,'DOD NA, KHYOD 'TSANG RGYA 'GYUR GYI SANGS RGYAS KYI ZHING YOD PAR THAL LO, ,'DOD NA, KHYOD 'TSANG RGYA 'GYUR YIN PAR THAL LO, ,KHO NA RE, RANG NYID SANGS RGYAS PA'I SANGS RGYAS KYI ZHING YOD NA, RANG NYID SANGS RGYAS YIN DGOS PAR THAL, RANG NYID 'TSANG RGYA 'GYUR GYI SANGS RGYAS KYI ZHING YOD NA RANG NYID 'TSANG RGYA 'GYUR YIN DGOS PA'I PHYIR NA MA KHYAB, LNGA PA NI, KHYAB PA 'DU BYED KYI SDUG BSNGAL NYE BAR ZHI BA'I NYER ZHI 'DIR BSTAN YANG DAG MTHA' YIN, ZHI BDE DES THUGS 'PHROGS PA'I SGO NAS NYER ZHI DE LA RANG GI BSAM NGO LA BLTOS TE SLAR MI LDANG BA'I TSUL GYIS MNYAM PAR BZHAG PA DE, THEG DMAN GYI DBANG DU BYAS PA'I 'DIR BSTAN YANG DAG MTHA' MNGON DU BYAS PA'I TSAD DANG, DE DANG RDZOGS SMIN SBYANGS GSUM MA BYAS PAR 'DIR BSTAN YANG DAG MTHA' MNGON DU BYAS PA DON GCIG STE, RNAM BSHAD LAS, 'DI NI KHYAB PA 'DU BYED KYI SDUG BSNGAL NYE BAR ZHI BA'I NYER ZHI DE NYID YIN LA, NYAN RANG DGRA BCOM ZHI BA'I DBYINGS SU SNYOMS PAR ZHUGS PA RNAMS KYIS SNYOMS PAR ZHUGS PA'I SLA ROL TU ZHI BA'I BDE BA DES THUGS 'PHROGS NAS BSAM NGO LA BLTOS TE SLAR MI LDANG BA'I TSUL GYIS BSKAL PA'I BAR DU ZHI BA'I DBYINGS SU SNYOMS PAR ZHUGS PA NI THEG PA DMAN PA'I RIGS CAN NYID KYI DBANG DU BYAS PA'I YANG DAG PA'I MTHA' MNGON DU BYAS PA'I DON NO, ,ZHES GSUNGS PA'I PHYIR, NYER ZHI DE LA DNGOS GNAS LA SLAR MI LDANG @66B PA'I TSUL GYIS MNYAM PAR BZHAG PA NI, THEG CHEN GYI DBANG DU BYAS PA'I 'DIR BSTAN YANG DAG MTHA' MNGON DU BYAS PA'I DON NO, ,DE DANG RDZOGS SMIN SBYANGS GSUM BYAS RJES SU 'DIR BSTAN YANG DAG MTHA' MNGON DU BYAS PA DON GCIG ,'DIR BSTAN YANG DAG MTHA' YIN NA, KHYAD CHOS GSUM DANG LDAN PA GCIG YIN DGOS TE, DE YIN NA DMAN LAM SNGON DU MA SONG BA'I BYANG SEMS 'PHAGS PAS RDZOGS SMIN SBYANGS GSUM MA BYAS PAR RANG NYID MNGON DU BYED NUS PA, RDZOGS SMIN SBYANGS GSUM MA BYAS PA'I SNGA ROL DU RANG NYID MNGON DU BYED NUS KYANG MI BYED PA, DES DE GSUM BYAS RJES SU RANG NYID MNGON DU BYED PAS KHYAB PA'I PHYIR, DANG PO GRUB STE, RNAM BSHAD LAS, DUS DE'I BAR DU SU GANG GIS YANG DAG MTHA' MNGON DU BYED NUS PA GCIG MI SRID NA SKABS 'DIR DE LTA BU'I GDAMS PA BYIN PA LA DGOS PA MED PAR SHES PAR BYA'O, ,ZHES GSUNGS PA'I PHYIR, GNYIS PA GRUB STE, DE NYID LAS, DE YANG BRTAG PA MTHA' BZUNG TZAM YIN GYI, SA BRGYAD PA THOB NAS CHOS GSUM MA RDZOGS PA'I BAR DU YANG DAG PA'I MTHA' MNGON DU BYED PA GA LA SRID, CES GSUNGS PA'I PHYIR, GSUM PA GRUB STE, DE NYID LAS, CHAD PA'I MYANG 'DAS LA BYED PA YANG RDZOGS SMIN SBYANGS GSUM BYAS NAS MNGON DU BYA BA'I DON DU BSTAN PA DANG 'GAL BA'I PHYIR RO, ,ZHES GSUNGS PA'I PHYIR, SPYIR BTAD DANG DMIGS BSAL GYI DON NI, DE DAG GIS LAM GYI BYA BA YANG BYA LA, ZHES PAS SPYIR BTANG NAS, LAM GSUM PO DE DAG GI BYA BA @67A *, ,MTHA' DAG BYA'AM SNYAM NA, RDZOGS SMIN SBYANGS GSUM MA BYAS PAR YANG DAG PA'I MTHA' MNGON DU MI BYA'O, ,ZHES DMIGS KYIS BSAL BA YIN TE, DPER NA, MDO'I GLENG GZHI'I SKABS SU, THAMS CAD KYANG DGRA BCOM PA, ZAG PA ZAD PA, ZHES SBYIR BTANG NAS, GANG ZAG GCIG MA GTOGS PA NI ZHES DMIGS KYIS BSAL BA BZHIN NO, ,YANG RNAM BSHAD LAS, YANG DAG PA'I MTHA' DE BZHIN NYID TZAM LA BYAS NAS DE MNGON DU BYAS PA'I DON DE LAS SLAR MI LDANG PA'I TSUL GYIS MNYAM PAR BZHAG PA LA BYED PA DANG, CHOS NYID DRI BRAL GYI 'GOG PA YANG DAG PA'I MTHA' DANG, DE THOB PA DE MNGON DU BYAS PA'I DON DU BZHED PA RNAMS SANGS RGYAS MA THOB BAR DU SANGS RGYAS MNGON DU MI BYA'O, ,ZHES PA'I DON DU 'GYUR BAS 'THAD PAR DKA'O, ,ZHES GSUNGS PA'I DON NI, RONG t'IK SOGS t'IK SNGA MA RNAMS SU CHOS NYID LA MNYAM PAR BZHAG BZHIN DU GZHAN DON 'BAD MED LHUN GRUB TU BYED NUS PA SMON LAM RDZOGS PA'I TSAD DANG, CHOS NYID DE BZHIN NYID 'DIR BSTAN YANG DAG MTHA' DANG DE LA SLAR MI LDANG BA'I TSUL GYIS MNYAM PAR BZHAG PA 'DIR BSTAN YANG DAG MTHA' MNGON DU BYAS PA'I DON YIN ZHES GSUNGS PA GNYIS LA NANG 'GAL 'DZIN PA YIN TE, LUNG 'DI DANG GONG GI SMON LAM MA RDZOGS PA'I TSAD, CES SOGS GSUNGS PA GNYIS KYI DON NI, MCHOG GI SPRUL SKUS DMAN LAM SNGON DU MA SONG BA'I BYANG SEMS 'PHAGS PA LA SANGS RGYAS MA THOB BAR DU SANGS RGYAS MNGON DU MI BYA'O, ,ZHES GDAMS PA STER BAR RIGS PAR THAL, DES DE LA RDZOGS SMIN SBYANGS @67B GSUM MA BYAS PAR 'DIR BSTAN YANG DAG MTHA' MNGON DU MI BYA'O, ,ZHES GDAMS PA STER BAR RIGS PA GANG ZHIG ,DE GSUM MNGON DU BYAS PA'I GANG ZAG YIN NA YANG SANGS RGYAS MNGON DU BYAS PA'I GANG ZAG YIN DGOS, 'DIR BSTAN YANG DAG MTHA' MNGON DU BYAS PA'I GANG ZAG YIN NA YANG DE YIN DGOS PA'I PHYIR, DANG PO SLA, GNYIS PA GRUB STE, SMON LAM RDZOGS PA'I GANG ZAG LA DE DGOS PA'I PHYIR TE, SMON LAM RDZOGS PA'I TSAD DE 'THAD PA'I PHYIR, GSUM PA GRUB STE, DE YIN NA CHOS NYID DE BZHIN NYID LA SLAR MI LDANG BA'I TSUL GYIS MNYAM PAR BZHAG PA'I GANG ZAG YIN DGOS, DE YIN NA CHOS NYID DE BZHIN NYID MNGON DU BYAS PA'I GANG ZAG YIN DGOS, DE YIN NA CHOS SKU MNGON DU BYAS PA'I GANG ZAG YIN DGOS PA'I PHYIR, DANG PO DNGOS, GNYIS PA 'DUD DO, ,KHA NA RE, BYANG SEMS RGYUN MTHA' PA CHOS CAN, THAL 'GYUR PHYI MA DER THAL, DE'I PHYIR TE, DE MNGON DU BYAS PA'I GANG ZAG YIN PA'I PHYIR NA MA KHYAB, GZHAN YANG, DE CHOS CAN, THAL 'GYUR DANG PO LA DER THAL, DE'I PHYIR, DE LA MNYAM PAR BZHAG PA GANG ZHIG ,MNYAM GZHAG DE LAS SLAR LDANG MI SRID PA'I PHYIR NA MA KHYAB STE, DE CHOS CAN, RANG RGYUD LA SGRIB PA SKYE MI RUNG GI CHOS CAN DU BYAS PA'I GANG ZAG YIN PAR THAL, GANG ZAG GANG ZHIG ,RANG RGYUD LA SGRIB PA SKYE MI SRID PA'I PHYIR, KHYAB PA 'GRIG ,GZHAN YANG; GLO BUR DRI BRAL GYI 'GOG PA CHOS CAN, RDZOGS SMIN SBYANGS GSUM MA BYAS PAR KHYOD MNGON DU BYAS PA'I GANG ZAG YOD PA DANG, BYANG SEMS 'PHAGS PAS RDZOGS SMIN SBYANGS GSUM MA BYAS PAR KHYOD MNGON DU BYED NUS PAR THAL, KHYOD 'DIR @68A *, ,BSTAN YANG DAG MTHA' YIN PA'I PHYIR, RTAGS KHAS, 'DOD MI NUS TE, NGO BO NYID SKU YIN PA'I PHYIR, KHO NA RE, SANGS RGYAS 'PHAGS PA'I RGYUD KYI 'DIR BSTAN YANG DAG MTHA' CHOS CAN, BYANG SEMS 'PHAGS PAS RDZOGS SMIN SBYANGS GSUM MA BYAS PAR KHYOD MNGON DU BYED NUS PAR THAL, KHYOD 'DIR BSTAN YANG DAG MTHA' YIN PA'I PHYIR, KHYAB PA KHAS, DER THAL, DE YOD PA'I PHYIR, DE'I RGYUD LA DE YOD PA'I PHYIR NA MA KHYAB STE, SANGS RGYAS 'PHAGS PA'I RGYUD KYI RANG NYID THOB NA LAM BDEN THOB PAR 'JOG NUS, RANG NYID MA THOB NA LAM BDEN MA THOB PAR 'JOG NUS PA'I LAM BDEN YOD PAR THAL, DE'I RGYUD LA DE YOD PA'I PHYIR, KHYAB PA KHAS, MA GRUB NA, DE 'DRA'I LAM BDEN YIN NA SANGS RGYAS 'PHAGS PA'I RGYUD LA MED PAS KHYAB PAR THAL, MA GRUB PA DE'I PHYIR, 'DOD NA, LAM BDEN CHOS CAN, DER THAL, DE'I PHYIR, RTZA BAR 'DOD NA, DE KHO KHO RANG DU THAL, KHO YOD PA'I PHYIR, 'DOD NA, RANG NYID THOB NA LAM BDEN THOB PAS 'JOG NUS, RANG NYID MA THOB NA LAM BDEN MA THOB PAS KHYAB PAR THAL, KHYOD DE 'DRA'I LAM BDEN YIN PA'I PHYIR, 'DOD NA, BYANG 'PHAGS CHOS CAN, DER THAL, DE'I PHYIR, KHA CIG ,'DIR BSTAN YANG DAG MTHA' DE LA GSUM YOD DE, NYON SGRIB SPANGS PA'I SPANGS PA DE, NYAN THOS KYI LAM GANG YIN PA DANG, ZHES PA'I SKABS NAS BSTAN PA'I YANG DAG MTHA' DANG, GZUGS PHYI ROL DON 'DZIN GYI RTOG PA SPANGS PA'I SPANGS PA DE, RANG SANGS RGYAS KYI LAM GANG YIN PA DANG, ZHES PA'I SKABS NAS BSTAN PA'I YANG DAG MTHA' DANG, SHES @68B SGRIB SPANGS PA'I SPANGS PA DE, SANGS RGYAS KYI LAM GANG YIN PA DANG, ZHES PA'I SKABS NAS BSTAN PA'I YANG DAG MTHA' YIN PA'I PHYIR, DE 'DIR BSTAN GDAMS DON GTZO BOR GYUR PA'I YANG DAG MTHA' MA YIN, DES NA THEG DMAN DGRA BCOM KHYAB PA 'DU BYED KYI SDUG BSNGAL NYE BAR ZHI BA'I NYER ZHI LA RANG GI BSAM NGO LA BLTOS TE SLAR MI LDANG BA'I TSUL GYIS MNYAM PAR BZHAG PA DE THEG DMAN GYI 'DIR BSTAN YANG DAG MTHA' MNGON DU BYAS PA'I CHOD DANG, SA BCU PA BAS SANGS RGYAS THOB PA NA ZHI BA DES THUGS 'PHROGS PA MA YIN PAR NYER ZHI DE LA SLAR MI LDANG BA'I TSUL GYIS MNYAM PAR BZHAG PA DE, BYANG SEMS KYI 'DIR BSTAN YANG DAG MTHA' MNGON DU BYAS PA'I TSAD YIN ZHES ZER NA, SHES SGRIB SPANGS PA'I SPANGS PA CHOS CAN, KHYOD DE DAG GIS YANG DAG PA'I MTHA' MNGON DU NI MI BYA'O, ,ZHES PA'I SKABS NAS BSTAN PA'I YANG DAG MTHA' YIN PAR THAL, KHYOD 'DIR BSTAN YANG DAG MTHA' YIN PA'I PHYIR, RTAGS KHAS, 'DOD NA, 'DIR BSTAN GDAMS DON GTZO BOR GYUR PA'I YANG DAG MTHA' YIN PAR THAL LO, ,GZHAN YANG, NYON SGRIB SPANGS PA'I SPANGS PA CHOS CAN, KHYOD MNGON DU BYAS PA DANG DUS MNYAM DU 'DIR BSTAN YANG DAG MTHA' MNGON DU BYAS PA'I THEG DMAN GYI GANG ZAG YOD PAR THAL, KHYOD MNGON DU BYAS PA'I THEG DMAN GYI GANG ZAG YOD, KHYOD 'DIR BSTAN YANG DAG MTHA' YIN PA'I PHYIR, 'DOD NA, LHAG BCAS MYANG 'DAS LA GNAS PA'I NYAN THOS DGRA BCOM PAS 'DIR BSTAN YANG DAG MTHA' MNGON DU BYAS PAR THAL LO, ,GZHAN YANG, THEG DMAN DGRA BCOM PAS RANG GI BSAM @69A *, ,NGO LA LTOS TE NYER ZHI DE LA SLAR MI LDANG BA'I TSUL GYIS MNYAM PAR BZHAG PAR THAL, DE LTAR BZHAG PA DE THEG DMAN GYI 'DIR BSTAN YANG DAG MTHA' MNGON DU BYAS PA'I TSAD YIN PA'I PHYIR, RTAGS KHAS, 'DOD NA, THEG DMAN GYI GANG ZAG GIS 'DIR BSTAN YANG DAG MTHA' MNGON DU BYAS PAR THAL, 'DOD PA'I PHYIR, KHYAB PA KHAS, GZHAN YANG, SA BCU PA BA SANGS RGYAS PA'I TSE NYER ZHI DES THUGS 'PHROGS PA MA YIN PAR DE LAS SLAR MI LDANG BA'I TSUL GYIS MNYAM PAR BZHAG PAR THAL LO, ,TSAD GNYIS PA DE 'THAD PA'I PHYIR, 'DOD NA, BYANG SEMS KYIS 'DIR BSTAN YANG DAG MTHA' MNGON DU BYAS PAR THAL, 'DOD PA'I PHYIR, KHYAB PA KHAS, KHO NA RE, DMAN LAM SNGON DU MA SONG BA'I BYANG SEMS 'PHAGS PAS RDZOGS SMIN SBYANGS GSUM MA BYAS PAR RANG GI THOB BYAR GYUR PA'I 'DIR BSTAN YANG DAG MTHA' MNGON DU BYED NUS PAR THAL, DES DE GSUM MA BYAS PAR 'DIR BSTAN YANG DAG MTHA' MNGON DU BYED NUS PA'I PHYIR, 'DOD MI NUS TE, DE NGO BO NYID SKU YIN PA'I PHYIR TE, DE'I THOB BYA'I MYANG 'DAS DE MI GNAS PA'I MYANG 'DAS YIN PA'I PHYIR, MA GRUB NA, DE CHOS CAN, KHYOD KYI THOB BYAR GYUR PA'I DE DER THAL, KHYOD BYANG CHUB SEMS DPA' YIN PA'I PHYIR ZER NA MA KHYAB, KHA CIG ,KHYAB PA 'DU BYED KYI SDUG BSNGAL NYE BAR ZHI BA'I NYER ZHI DE 'DIR BSTAN YANG DAG MTHA' DANG, DE THOB PA 'DIR BSTAN YANG DAG MTHA' MNGON DU BYAS PA'I DON YIN, ZER NA, LHAG MED MYANG 'DAS THOB PA'I SA BRGYAD PA BA CHOS CAN, DE DER THAL, DE THOB PA'I GANG ZAG YIN @69B PA'I PHYIR, 'DOD NA, THEG CHEN GYI DBANG DU BYAS PA'I 'DIR BSTAN YANG DAG MTHA' MNGON DU BYAS PA'I GANG ZAG TU THAL, 'DIR BSTAN YANG DAG MTHA' MNGON DU BYAS PA'I THEG CHEN GYI GANG ZAG YIN PA'I PHYIR, KHO NA RE, DES DE MNGON DU BYAS PAR THAL, DE MNGON DU BYAS PA'I BYANG 'PHAGS YOD PA'I PHYIR TE, RNAM BSHAD LAS, NYAN RANG ZHI BA'I DBYINGS LAS LANGS NAS THEG PA CHEN POR ZHUGS PA RNAMS KYIS BAR BAR DU YANG DAG PA'I MTHA' MNGON DU BYED KYANG SNGON GOMS PA'I DBANG TZAM DU ZAD KYI, 'DI LA DUS YUN RING DU MNYAM PAR GZHAG PAR BYA'O SNYAM PA'I BLO'I 'PHEN PA CUNG ZAD KYANG MED PAR SHES PAR BYA'O, ,ZHES GSUNGS PA'I PHYIR NA MA KHYAB STE, LHAG MED MYANG 'DAS THOB PA'I BYANG SEMS RNAMS SNGON GOMS PA'I STOBS KYIS KHYAB PA 'DU BYED KYI SDUG BSNGAL NYE BAR ZHI BA'I NYER ZHI DE LA BAR BAR DU MNYAM PAR BZHAG PA YOD PA LUNG DE'I DON YIN PA'I PHYIR, GZHAN YANG, DE 'DRA'I SA BRGYAD PA BA DE CHOS CAN, RDZOGS SMIN SBYANGS GSUM MA BYAS PAR 'DIR BSTAN YANG DAG MTHA' MNGON DU BYAS PAR THAL, DE MNGON DU BYAS PA'I SEMS CAN YIN PA'I PHYIR, 'DOD NA, DUS MA YIN PAR DE MNGON DU BYAS PA'I GANG ZAG TU THAL LO, ,'DOD MI NUS TE, DE MNGON DU BYAS PA'I DUS DANG DUS MA YIN PA LA MKHAS PA'I RGYAL SRAS 'PHAGS PA YIN PA'I PHYIR, KHO NA RE, DE CHOS CAN, DE MNGON DU BYAS PA'I GANG ZAG YIN PAR THAL, THEG DMAN LAM DU DE MNGON DU BYAS PA'I GANG ZAG YIN PA'I PHYIR TE, THEG DMAN GYI LHAG MED MYANG 'DAS KYI GNAS SKABS SU DE MNGON DU BYAS @70A *, ,PA'I GANG ZAG YIN PA'I PHYIR TE, THEG DMAN GYI LHAG MED MYANG 'DAS THOB MA THAG TU DE MNGON DU BYAS PA'I GANG ZAG YIN PA'I PHYIR NA MA KHYAB STE, LHAG MED MYANG 'DAS THOB PA'I RJES THOB LA GNAS PA'I NYAN THOS DGRA BCOM PA CHOS CAN, KHYAB PA 'DU BYED KYI SDUG BSNGAL NYE BAR ZHI BA'I NYER ZHI LA SLAR MI LDANG BA'I TSUL GYIS MNYAM PAR BZHAG PA'I GANG ZAG TU THAL, THEG DMAN LAM DU DE LTAR MNYAM PAR BZHAG PA'I GANG ZAG YIN PA'I PHYIR TE, THEG DMAN GYI LHAG MED MYANG 'DAS KYI GNAS SKABS SU DE LTAR MNYAM PAR BZHAG PA'I GANG ZAG YIN PA'I PHYIR TE, DE THOB MA THAG TU DE LTAR MNYAM PAR BZHAG PA'I GANG ZAG YIN PA'I PHYIR, 'KHOR GSUM, KHO NA RE, DE 'DRA'I SA BRGYAD PA BA DES 'DIR BSTAN YANG DAG MTHA' MNGON DU BYAS PA DANG, RNAM MKHYEN THOB PA DUS MNYAM PAR THAL, DES DE MNGON DU BYAS PA'I PHYIR NA MA KHYAB, 'DOD NA, DES DE MNGON DU BYAS PA, RNAM MKHYEN THOB PA, LHAG MED MYANG 'DAS THOB PA GSUM DUS MNYAM PAR THAL, 'DOD PA GANG ZHIG ,DES DE MNGON DU BYAS PA DANG LHAG MED MYANG 'DAS THOB PA DUS MNYAM PA'I PHYIR, KHO NA RE, KHYAB PA 'DU BYED KYI SDUG BSNGAL NYE BAR ZHI BA'I NYER ZHI THOB PA DANG DUS MNYAM DU 'DIR BSTAN YANG DAG MTHA' MNGON DU BYAS PA'I THEG DMAN GYI GANG ZAG MED DE, DE MNGON DU BYED PA LA NYER ZHI DE THOB PA SNGON DU 'GRO DGOS PA'I PHYIR TE, RNAM BSHAD LAS, NYAN RANG ZHI BA'I DBYINGS SU SNYOMS PAR 'JUG PA DANG, ZHES SOGS GSUNGS PA'I PHYIR NA MA KHYAB STE, LHAG @70B BCAS MYANG 'DAS PA DE SKU TSE 'PHO KHAR ZAG BCAS KYI LUS 'DI BOR NAS DAG PA'I ZHING DU PADMA'I SBUBS SU YID KYI RANG BZHIN GYI LUS BLANGS TE NYER ZHI DE LA MNYAM PAR GZHAG PAR BYA'O SNYAM DU 'PHEN PA BTANG BA LA BRTEN NAS DER SKYES PA DANG DUS MNYAM DU DE LA RTZE GCIG TU MNYAM PAR 'JOG PA'I DON YIN PA'I PHYIR, NYER ZHI DE MA THOB PAR NYER ZHI DES THUGS 'PHROGS PA MI 'GAL TE, STOBS SOGS KYI YON TAN MA THOB BAR DES THUGS 'PHROGS PA MI 'GAL BA BZHIN NO, ,DE 'DRA'I NYER ZHI'I DBYINGS LA RTZE GCIG TU MNYAM PAR BZHAG PA'I MNYAM GZHAG DE MA THOB PAR SKABS 'DI'I ZHI BA'I BDE BA THOB PA MI SRID DE, ZHI BA'I BDE BA DES THUGS 'PHROGS ZHES PA'I BDE BA DE MNYAM GZHAG GI SHIN SBYANGS KYI BDE BA LA BYED RIGS PA'I PHYIR; ` GNYIS PA MDO DANG ZLOS PA SPANGS NAS DGOS PA YOD PAR SGRUB PA LA, MTSAMS SBYAR BA, RTZA BA, 'GREL PA'O, ,DANG PO NI, KHO NA RE, MDO DANG BSTAN BCOS KYI BRJOD BYA LA KHYAD PAR MED BPAR THAL, MDO LAS KYANG GZHI GNYEN RNAM PA GSUM GA BRJOD BYAR BSTAN, BSTAN BCOS SU YANG DE LTAR BSTAN PA'I PHYIR, 'DOD NA, MDO DANG ZLOS PA'I SKYON YOD PAR THAL LO, ,'DOD NA, BSTAN BCOS 'DI BRTZAMS PA LA DGOS PA MED PAR THAL LO, ,ZHES RTZOD PA'I SGO NAS, MTSAMS SBYOR BA LA; SKYE BO BLO GROS DMAN PA DAG BCOM LDAN 'DAS RGYAS PA DANG 'BRING DANG MDOR BSDUS PA LA DAD PA'I SEMS CAN LA PHAN 'DOGS PAR BZHED PA THUGS RJE CAN NYID KYIS RGYAL BA'I YUM DE DANG DE LAS MNGON PAR RTOGS PA BRGYAD KYI RIM PA SHES RAB @71A *, ,KYI PHA ROL TU PHYIN PA'I DON MTHA' DAG GSAL BAR MDZAD PA MA YIN NAM, BCOM LDAN 'DAS 'PHAGS PA MA RGYAL PA LAS RGYAL BAS KYANG DE BSTAN PA LA DON CI ZHIG YOD SNYAM DU DOGS PA BSAL BA'I PHYIR, DON LA THE TSOM BSKYED PA NYID KYI 'JUG PA'I YAN LAG RANG GI BSTAN BCOS KYI BRJOD PAR BYA BA, ZHES GSUNGS, GNYIS PA NI, BSTAN BCOS MNGON RTOGS RGYAN GYI DGOS SOGS CHOS BZHI NGOS BZUNG BA'I SGO NAS MDO DON DGOS DON GYI SGO NAS BSHAD PA LA, RNAM PA THAMS CAD MKHYEN NYID LAM, ,ZHES SOGS GSUNGS, DE YANG, RNAM PA THAMS CAD MKHYEN NYID LAM, ,STON PAS 'DI LAS BSHAD PA GANG, ,ZHES PAS BRJOD BYA DE BSTAN, GZHAN GYIS MYONG BA MA YIN TE, ,ZHES PAS BRJOD BYA'I KHYAD PAR DE BSTAN, CHOS SPYOD BCU YI BDAG NYID KYI, ,MDO DON DRAN PA LA BZHAG NAS, ,BLO DANG LDAN PAS MTHONG 'GYUR, ZHES PAS NYID DGOS DE BSTAN, BDE BLAG TU NI RTOGS PA ZHES, ,BYA BA RTZOM PA'I DGOS PA YIN, ,ZHES PAS DGOS PA BSTAN CING, 'BREL BA SHUGS LA BSTAN PA YIN TE, BYA BA RTZOM PA'I DGOS PA YIN, ,ZHES PAS DGOS PA DANG 'BREL BA SHUGS LA BSTAN, PHYIR; ;ZHES PAS NYING DGOS DANG DGOS PA'I 'BREL BA SHUGS LA BSTAN PA'I PHYIR, GSUM PA NI, GZHUNG 'DI TSIG DON GYI SGO NAS BSHAD PA LA, RNAM PA THAMS CAD MKHYEN PA NYID NI SANGS RGYAS NYID KYI LAM STE, DER RTOGS PA THAMS CAD NYE BAR MTSON BA LHUR LEN PA YIN NO, ,ZHES PA NAS, GDUL BYA RNAMS KYIS BDE BLAG TU @71B RTOGS PAR 'GYUR BA NI BSTAN BCOS RTZOM PA'I DGOS PA YIN NO, ,ZHES PA'I BAR GSUNGS, DE YANG RNAM PA THAMS CAD MKHYEN PA NYID NI SANGS RGYAS NYID KYI LAM STE, MNGON PAR RTOGS PA THAMS CAD NYE BAR MTSON PA LHUR LEN PA YIN NO, ,BCOM LDAN 'DAS CHO 'PHRUL RNAM PA GSUM CHAR GYIS 'GRO BA MTHA' DAG LA RJES SU STON PAR MDZAD PA DE NYID KYIS RGYAL BA'I YUM RNAM PA GSUM CHAR LAS BRJOD PAR BYA BA NYID DU BSTAN PA GANG YIN PA, ZHES PAS BRJOD BYA BSTAN, RJOD PAR BYED PA DANG BRJOD PAR BYA BA DAG THABS DANG THABS KYIS BSGRUB PAR BYA BA'I TSUL GYIS 'BREL BAR MDZAD PA, ZHES PAS 'BREL BA DE BSTAN, PHYI ROL PA DANG CIG SHOS KYI 'DOD CHAGS DANG BRAL BA LA SOGS PA CHOS THAMS CAD BDAG MED PA LA GOMS PAR MA BYAS PA RNAMS KYIS THOS PA LAS BYUNG BA LA SOGS PA'I SHES PA'I RIM GYIS MA MYANGS PA DE, ZHES PAS BRJOD BYA'I KHYAD PAR DE BSTAN, BYANG CHUB SEMS DPA' RANG DANG GZHAN GYI DON PHUN SUM TSOGS PA SGRUB PA CI LA YANG MA RAG PAR CHAS PA DAG KHO NAS NYAMS SU MYONG BA SHIN TU GSAL BAS BZHAG PA'I BAG CHAGS LAS BYUNG BA'I DRAN PA'I SHES PA LA SHER PHYIN GYI MDO'I DON MA LUS PA MNGON PAR RTOGS PA BRGYAD KYI BDAG NYID BYANG CHUB KYI SEMS DANG SBYIN PA LA SOGS PA BSGRUB PA'I SPYOD PA LEGS PAR BZHAG NAS CHOS KYI DBYINGS KUN TU 'GRO BA LA SOGS PA RTOGS PA'I MTSAN NYID SA RAB TU DGA' BA LA SOGS PA RTOGS PA'I RIM PAS RNAM PA THAMS CAD MNGON SUM DU BYED PAR 'GYUR BA ZHES BYA BA, ZHES PAS NYING DGOS DE BSTAN NO, ,DGOS PA'I YANG DGOS @72A *, ,PA'I CHED DU MNGON PAR 'DOD PA'I SHER PHYIN 'DI'I DON BYANG CHUB KYI SEMS DANG SGRUB PA LA SOGS PA'I MTSAN NYID GDUL BYA RNAMS KYIS BDE BLAG TU RTOGS PAR 'GYUR BA NI BSTAN BCOS RTZOM PA'I DGOS PA YIN NO, ,ZHES PAS DGOS PA DE BSTAN PA YIN NO, ,DGOS DON GYI SGO NAS 'CHAD PA LA, DON LA THE TSOM BSKYED PA NYID KYIS 'JUG PA'I YAN LAG ,CES GSUNGS, BSDUS DON GYI SGO NAS 'CHAD PA LA, RANG GI BSTAN BCOS KYI BRJOD PAR BYA BA DANG, DGOS PA DANG DGOS PA'I YANG DGOS PA DANG 'BREL BA KHONG NA YOD PA RNAMS GSUNGS TE, ZHES DANG, BRGAL LAN NI, DE LTAR PHYAG 'TSAL BA DANG, ZHES SOGS KYIS BSTAN NO, ,DAG DON NI, BSTAN BCOS KYI DANG POR DGOS 'BREL GYI DAG BKOD PA CHOS CAN, DGOS PA YOD DE, RTOG LDAN BSTAN BCOS LA 'JUG PA'I BGEGS BZHI BZLOG NAS, DGOS SOGS CHOS BZHI DANG LDAN PA'I BSTAN BCOS LA GDUL BYA RNAMS THOS BSAM GYIS 'JUG PAR BYA BA'I CHED YIN PA'I PHYIR, BGEGS BZHI NI, BSTAN BCOS 'DI CHOS CAN, BRTZAM PAR BYA BA MA YIN PAR THAL, DGOS PA MED PA'I PHYIR, DPER NA, BYA ROG SO RTOG GI BSTAN BCOS BZHIN, DE CHOS CAN, BRTZAM PAR BYA BA MA YIN PAR THAL, DGOS PA YOD KYANG DGOS PA DE SGRUB MI NUS PA'I PHYIR, DPER NA, 'JOG PO'I GTZUG RGYAN LEN PA'I BSTAN BCOS BZHIN, DGOS PA SGRUB NUS KYANG NYING DGOS GYA NOM PA MED PA'I PHYIR, DPER NA, MA BAG MAR LEN PA'I BSTAN BCOS BZHIN, NYING DGOS YOD KYANG THABS DE BSTAN BCOS DANG MA 'BREL BA'I PHYIR, @72B DPER NA, MTHO RIS KYI DON DU PHYUGS KYI MCHOD SPYIN BYED PA BZHIN NO, ` ,DES NA 'DI'I SKABS SU MTHA' DPYAD PA LA, DGOS SOGS CHOS BZHI'I RNAM GZHAG DANG, DGOS SOGS CHOS BZHI DANG LDAN PA'I BKA' DANG BSTAN BCOS KYI RNAM GZHAG BSHAD PA'O, ,DANG PO LA, SPYIR DGOS SOGS CHOS BZHI LA DBYE NA, NGAG TZAM LA YOD PA, DGOS 'BREL NGAG LA YOD PA, BSTAN BCOS LUS LA YOD PA'I DGOS SOGS CHOS BZHI RNAMS SU YOD LA, DANG PO LA, NGAG DON MTHUN THAMS CAD LA DGOS SOGS CHOS BZHI YOD DE, DPER NA, BUM PAR CHU LONGS SHIG CES PA'I NGAG LTA BU LA MTSON NA, BUM PAR CHU LEN PA NGAG DE'I BRJOD BYA DANG, NGAG DE LA BRTEN NAS PHA ROL POS DON GO BA NGAG DE'I DGOS PA, DE LTAR GO BA LA BRTEN NAS SKYES BU SKOM NAD DANG BRAL BA NGAG DE'I NYING DGOS, DE GSUM PHYI MA PHYI MA SNGA MA SNGA MA LA 'BREL BA DE NGAG DE'I 'BREL BA YIN PA'I PHYIR, GNYIS PA LA, DGOS 'BREL NGAG GI DGOS SOGS CHOS BZHI YOD DE, BSTAN BCOS LUS KYI DGOS SOGS CHOS BZHI PO DE DE'I BRJOD BYA, 'DI LA BRTEN NAS BSTAN BCOS LUS LA DGOS SOGS CHOS BZHI YOD PAR RTOGS PA DE DE'I DGOS PA, DE LA BRTEN NAS GDUL BYA BSTAN BCOS LA ZHUGS PA DE DE'I NYING DGOS, DE GSUM PHYI MA PHYI MA SNGA MA SNGA MA LA 'BREL BA NI DE'I 'BREL BA YIN PA'I PHYIR, GSUM PA LA, BSTAN BCOS MNGON RTOGS RGYAN CHOS CAN, KHYOD KYI BRJOD BYA YOD DE, PHYI ROL BA DANG NYAN RANG SOGS KYIS JI LTA BA BZHIN DU MA RTOGS PA'I STON PAS RGYAS 'BRING BSDUS GSUM LAS BSHAD PA'I DNGOS PO @73A *, ,BRGYAD PO DE KHYOD KYI BRJOD BYA YIN PA'I PHYIR, KHYOD KYI DGOS PA YOD DE, KHYOD LA BRTEN NAS KHYOD KYI CHED DU BYA BA'I GDUL BYAS MDO DON BDE BLAG TU RTOGS PA DE KHYOD KYI DGOS PA YIN PA'I PHYIR, KHYOD KYI NYING DGOS YOD DE; KHYOD KYI GDUL BYAS KHYOD LA BRTEN NAS MDO DON BDE BLAG TU RTOGS SHING GOMS PA'I STOBS KYIS SA BCU RIM GYIS BGROD DE MTHAR RNAM MKHYEN THOB PA DE DE YIN PA'I PHYIR, KHYOD LA 'BREL BA YOD DE, KHYOD KYI NYID DGOS KHYOD KYI DGOS PA LA, DE KHYOD KYI BRJOD BYAL; DE KHYOD LA 'BREL BA DE KHYOD KYI 'BREL BA YIN PA'I PHYIR RO, ,'O NA, CHOS SPYOD BCU YI BDAG NYID KYI, ,ZHES 'CHAD NA, CHOS SPYOD BCU PO DE GANG ZHE NA, KHA CIG ,DBUS MTHA' LAS, YI GE 'BRI MCHOD SBYIN PA DANG, ,NYAN DANG KLOG DANG LEN PA DANG, ,'CHAD DANG KHA TON BYED PA DANG, ,DE SEMS PA DANG SGOM PA STE, ,CHOS SPYOD BCU PO'I BDAG NYID NI, ,BSOD NAMS PHUNG PO DPAG TU MED, ,CES GSUNGS PA LTAR 'DOD KYANG, RANG LUGS NI, SBYIN SOGS PHAR PHYIN BCU PO DE SKABS 'DI'I CHOS SPYOD BCUR BZHED PA YIN TE, DE LTAR DU 'GREL BSHAD GNYIS DANG SHER 'BYUNG GI BSHAD PA RTZA BA'I DGONGS PAR GSER PHRENG LAS BSHAD PA'I PHYIR, ` GNYIS PA LA, BSHAD BYA BKA'I RNAM GZHAG BSHAD PA, 'CHAD BYED BSTAN BCOS KYI RNAM GZHAG BSHAD PA, BKA' DANG BSTAN BCOS KYI BYED LAS, BKA' DANG BSTAN BCOS 'GAL MI 'GAL DPYAD PA'O, ,DANG PO LA, MTSAN NYID, DBYE BA, SGRA BSHAD PA DANG GSUM LAS, DANG PO NI, KHYAD CHOS BZHI DANG LDAN PA'I SANGS RGYAS KYI @73B GSUNG RAB, BKA'I MTSAN NYID, KHYAD CHOS BZHI NI BRJOD BYA MTHO RIS DANG THAR PA SOGS KYI YON TAN DANG LDAN PA, RJOD BYED TSIG GI SKYON MTHA' DAG DANG BRAL BA, BYED LAS KHAMS GSUM GYI NYON MONGS SOGS SPANG BYA CI RIGS SPONG PHYIR DU GSUNGS PA; DGOS PA NYON MONGS PA DANG SDUG BSNGAL ZHI BA'I PHAN YON STON PAR MDZAD PA RNAMS YIN PA'I PHYIR TE, RGYUD BLA MA LAS, GANG ZHIG DON LDAN CHOS DANG NYER 'BREL ZHING, ,KHAMS GSUM KUN LA NYON MONGS SPONG PHYIR GSUNGS, ,ZHI BA'I PHAN YON STON PAR MDZAD PA GANG, ,DE NI DRANG SRONG GSUNG YIN LDOG PA GZHAN, ,ZHES GSUNGS PA'I PHYIR, GNYIS PA NI, BKA' LA RJOD BYED KYI SGO NAS GSUNG RAB YAN LAG BCU GNYIS YOD, BRJOD BYA'I SGO NAS SDE SNOD RIN PO CHE GSUM DANG, DRANG NGES KYI MDO GNYIS SU YOD, CHED DU BYA BA'I GDUL BYA'I SGO NAS THEG PA CHE CHUNG GI MDO GNYIS YOD, BDAG RKYEN GYI SGO NAS ZHAL NAS GSUNGS PA'I BKA', RJES SU GNANG BA'I BKA', BYIN GYIS BRLABS BA'I BKA' DANG GSUM YOD, DANG PO NI, MDO SDUD PA LTA BU, GNYIS PA NI, GLENG GZHI'I LE'U LTA BU, GSUM PA LA SKU'I SGO NAS BYIN GYIS BRLABS PA'I BKA' MDO SDE SA BCU PA LTA BU, GSUNG GI SGO NAS BYIN GYIS BRLABS PA MA SKYES DGRA'I 'GYOD SEL GYI MDO LTA BU, THUGS KYI SGO NAS BYIN GYIS BRLABS PA'I BKA' LA THUGS TING NGE 'DZIN GYIS BYIN GYIS BRLABS PA SHER SNYING GI NANG TSAN DU GYUR PA'I GZUGS STOD PA'O, ,ZHES SOGS LTA BU, THUGS BDEN PA'I STOBS KYIS BYIN GYIS BRLABS PA, LHA'I RNGA PO CHE'I SGRA LAS BYUNG BA'I BKA' LTA BU, THUGS YE SHES KYIS BYIN GYIS @74A *, ,BRLABS PA GNOD SPYIN SOGS KYI DAG LAS CHOS KYI SGRA 'BYUNG BA LTA BU'O, ,GSUM PA NI, BRGYAD STONG PA CHOS CAN, KHYOD LA BKA' ZHES BRJOD PA'I RGYU MTSAN YOD DE, LEGS PAR BSHAD PA'I NGAG YIN PA'I RGYU MTSAN GYIS DE LTAR BRJOD PA'I PHYIR, GNYIS PA LA YANG GSUM LAS, DANG PO NI, 'CHOS SKYOB KYI YON TAN GNYIS DANG LDAN PA'I RIGS SU GNAS PA'I NGAG RNAM DAG ,NANG PA SANGS RGYAS PA'I BSTAN BCOS RNAM DAG GI MTSAN NYID YIN, RTZOM PA PO RNAM G-YENGS MED PA'I YID CAN GYIS BKA'I DGONGS 'GREL DU BRTZAMS PA'I RIGS SU GNAS PA'I RAB TU PHYE BA'I NGAG RNAM DAG GANG ZHIG ,THAR PA THOB PA'I LAM DANG RJES SU MTHUN PA, BKA' DANG BSTAN BCOS GNYIS SU PHYE BA'I BSTAN BCOS RNAM DAG GI MTSAN NYID YIN TE, RGYUD BLA MA LAS, GANG ZHIG RGYAL BA'I BSTAN PA 'BA' ZHIG GIS, ,DBANG BYAS RNAM G-YENG MED YID CAN GYIS BSHAD, ,THAR PA THOB PA'I LAM DANG RJES MTHUN PA, ,DE YANG DRANG SRONG BKA' BZHIN SPYI BOS BLANGS, ,ZHES GSUNGS PA'I PHYIR, RIGS GNAS SMOS PA LA DGOS PA YOD DE, SGRA'I BSTAN BCOS KA L'A PA DE NANG PA SANGS RGYAS PA'I BSTAN BCOS RNAM DAG TU BSDU BAR BYA BA'I CHED YIN PA'I PHYIR, GNYIS PA BSTAN BCOS LA DBYE NA, BKA' SPYI'I DGONGS PA 'GREL PA'I BSTAN BCOS DANG, BKA' SO SO'I DGONGS 'GREL GYI BSTAN BCOS GNYIS LAS, DANG PO LA, RJOD BYED RNAM PAR DAG BYED DANG, BRJOD BYA RNAM PAR DAG BYED KYI BSTAN BCOS GNYIS LAS, DANG PO NI, SGRA'I BSTAN BCOS, MING GI MNGON BRJOD, @74B SNYAN NGAG DANG, SDEB SBYOB GYI BSTAN BCOS LTA BU, GNYIS PA NI, TSAD MA SDE BDUN LTA BU, GNYIS PA LA, 'KHOR LO DANG PO'I, BAR BA'I, THA MA'I DGONGS 'GREL GYI BSTAN BCOS DANG GSUM LAS, DANG PO LA, 'KHOR LO DANG PO'I LTA BA'I CHA DANG, SPYOD PA'I CHA GTZO BOR 'GREL BA'I BSTAN BCOS GNYIS LAS, DANG PO NI, MNGON PA SDE BDUN, BYE BRAG BSHAD MDZOD CHEN MO, MDZOD RTZA 'GREL RNAMS LTA BU, GNYIS PA NI, MDO RTZA BA LTA BU, GNYIS PA LA YANG LTA SPYOD GNYIS LAS, DANG PO LA, DNGOS BSTAN GYI CHA GTZO BOR 'GREL PA RIGS TSOGS DRUG DANG, SBAS DON GYI CHA GTZO BOR 'GREL BA MNGON RTOGS RGYAN LTA BU, GNYIS PA NI, SPYOD 'JUG LTA BU, GSUM PA LA YANG LTA BA'I CHA GTZO BOR 'GREL BA CHOS DBYINGS RNAM 'BYED DANG, DBUS MTHA'I RNAM 'BYED LTA BU; SPYOD PA'I CHA GTZO BOR 'GREL PA MDO SDE'I RGYAN TE, DER MA ZAD 'PHAGS PA THOGS MED KYIS MDZAD PA'I SA SDE LNGA, SDOM RNAM PA GNYIS, DBYIG GNYEN GYIS MDZAD PA'I PRA KA RA nA STE RAB TU BYED PA SDE BRGYAD RNAMS SU YOD LA, SA SDE LNGA YANG YOD DE, SA'I DNGOS GZHI, SA'I GZHI BSDU BA, RNAM GRANGS BSDU BA, RNAM PAR BSHAD PA'I SGO BSDU BA, GTAN LA DBAB PA BSDU BA RNAMS SU YOD PA'I PHYIR, SDOM RNAM PA GNYIS YOD DE, THEG PA THUN MONG BA'I SDOM KUN LAS BTUS PA, THEG CHEN THUN MONG MA YIN PA'I SDOM THEG BSDUS GNYIS SU YOD PA'I PHYIR, PRA KA RA nA SDE BRGYAD KYANG YOD DE, NYI SHU PA, SUM CU PA, RNAM BSHAD RIGS PA, LAS GRUB PA'I RAB BYED, PHUNG PO LNGA'I RAB BYED, RTEN 'BREL MDO 'GREL, DBUS MTHA'I 'GREL PA, MDO SDE'I @75A *, ,RGYAN GYI 'GREL PA RNAMS SU YOD PA'I PHYIR, YANG BSTAN BCOS LA BYED LAS KYI SGO NAS, 'THOR BA SDUD PA, 'KHRUGS PA GO RIMS SU SDEB PA, SPAS BA GSAL BAR BYED PA'I BSTAN BCOS DANG GSUM LAS, DANG PO NI; TSAD MA KUN LAS BTUS PA LTA BU, GNYIS PA NI, MDO RTZA BA LTA BU, GSUM PA NI, MNGON RTOGS RGYAN LTA BU, DE LA DMAN MCHOG GI SGO NAS LTAR SNANG DRUG ,YANG DAG GSUM DANG DGUR YOD DE, RNAM BSHAD RIGS PA LAS, DON MED DON LOG DON DANG LDAN, ,NGAN G-YO BRTZE BRAL SDUG BSNGAL SPONG, ,THOS RTZOD SGRUB PA LHUR LEN PA, ,BSTAN BCOS DRUG BRAL GSUM DU 'DOD, ,CES GSUNGS PA'I PHYIR, DE LA DANG PO NI, BYA ROG SO RTOG GI BSTAN BCOS LTA BU, GNYIS PA NI, SKYE BA SNGA PHYI MED PAR STON PA'I BSTAN BCOS LTA BU, GSUM PA NI, MNGON RTOGS RGYAN LTA BU, BZHI PA NI, PHYI ROL PA'I SGYOGS DANG, 'KHRUL 'KHOR GYI BSTAN BCOS LTA BU, LNGA PA NI, MTHO RIS KYI DON DU PHYUGS KYI MCHOD SBYIN BYED PA'I BSTAN BCOS LTA BU, DRUG PA NI, MNGON RTOGS RGYAN LTA BU, BDUN PA NI, PHYI ROL PA'I RIGS BYED KYI BSTAN BCOS LTA BU, BRGYAD PA NI, PHYI ROL PA'I RTOG GE'I BSTAN BCOS LTA BU, DGU PA NI, MNGON RTOGS RGYAN LTA BU, YANG DE LA RIG PA'I GNAS LNGA STON PA'I BSTAN BCOS LNGA YANG YOD DE, BZO RIG PA GTZO BOR STON PA SH'A RI'I BUS MDZAD PA'I THIG RTZA LTA BU, GSO BA RIG PA GTZO BOR STON PA SLOB DPON DPA' POS MDZAD PA'I SMAN DPYAD YAN LAG BRGYAD PA LTA BU, SGRA RIG PA GTZO BOR @75B STON PA GZHON NU KA RTI KAS MDZAD PA'I SGRA DON KAL'A PA DANG, TZANDRA PA LTA BU, GTAN TSIGS RIG PA GTZO BOR STON PA TSAD MA SDE BDUN LTA BU, NAD RIG PA GTZO BOR STON PA MNGON RTOGS RGYAN LTA BU RNAMS SU YOD PA'I PHYIR, DES NA GROL BA DON GNYER GYIS RIG PA'I GNAS LNGA LA MKHAS PAR BYA DGOS TE, PHYI RGOL TSAR GCOD PA LA, GTAN TSIGS RIG PA DANG, SGRA RIG PA SHES DGOS, GDUL BYA RJES SU 'DZIN PA LA BZO RIG PA DANG, GSO BA RIG PA DGOS, BDAG NYID RIG PA'I GNAS LA MKHAS PAR BYED PA LA, DE BZHI KA SHES DGOS, GROL BA THOB PA LA NAD RIG PA SHES DGOS PA'I PHYIR TE, MDO SDE'I RGYAN LAS, RIG PA'I GNAS LNGA DAG LA BRTZON PAR MA BYAS NA, ,'PHAGS MCHOG GIS KYANG THAMS CAD MKHYEN NYID MI 'GYUR BAS, ,DE LTA BAS NA GZHAN DAG TSAR GCOD RJES 'DZIN DANG, ,BDAG NYID KUN SHES BYA PHYIR DE LA DE BRTZON BYA, ,ZHES GSUNGS PA'I PHYIR, GSUM PA NI, BSTAN BCOS MNGON RTOGS RGYAN CHOS CAN, KHYOD LA BSTAN BCOS ZHES BRJOD PA'I RGYU MTSAN YOD DE, GDUL BYA'I SHES RGYUD NYON MONGS PA'I DGRA LAS 'CHOS SHING, 'KHOR BA DANG NGAN SONG GI SDUG BSNGAL LAS SKYOB PAR BYED PA'I 'CHOS SKYOB KYI YON TAN GNYIS DANG LDAN PA'I RGYU MTSAN GYIS DE LTAR BRJOD PA'I PHYIR, DE LTAR YANG RNAM BSHAD RIGS PA LAS, NYON MONGS DGRA RNAMS MA LUS 'CHOS PA DANG, ,NGAN 'GRO'I SRID LAS SGYOB BYED GANG YIN PA, ,'CHOS SKYOB YON TAN PHYIR NA BSTAN BCOS TE, ,GNYIS PO 'DI DAG GZHAN GYI LUGS LA MED, ,CES GSUNGS PA'I PHYIR, GSUM PA NI, BKA' BSTAN BCOS @76A *, ,BYED LAS KHYAD PAR CAN DANG LDAN TE, BKA' DANG BSTAN BCOS KYI 'CHAD NYAN BYAS PA LA BRTEN NAS, 'JIG RTEN GYI KHAMS 'DIR SANGS RGYAS KYI BSTAN PA YUN RING DU GNAS PAR 'GYUR BA'I PHYIR TE, LHA'I BUS ZHUS PA'I MDO LAS, CHOS RNAMS THAMS CAD BKA' DANG BSTAN BCOS GNYIS SU 'DU, ,LEGS PAR GSUNG DANG DE YI DGONGS 'GREL PA, ,DE YI DBANG GIS SH'A KYA'I BSTAN PA YANG, ,'JIG RTEN KHAMS 'DIR YUN RING GNAS PAR 'GYUR, ,ZHES GSUNGS PA'I PHYIR, BZHI PA NI, BKA' BSTAN BCOS GNYIS SU PHYE BA'I BKA' DANG BSTAN BCOS 'GAL YANG, SPYIR BKA' DANG BSTAN BCOS MI 'GAL TE, BKA' YIN NA BSTAN BCOS YIN DGOS PA'I PHYIR TE, BKA' BSTAN BCOS YIN PA'I PHYIR TE, DE SGRUB PA LHUR LEN PA'I BSTAN BCOS YIN PA'I PHYIR TE, GTAN LA DBAB PA BSDU BA LAS, DE LA SGRUB PA LHUR LEN PA'I BSTAN BCOS GANG ZHE NA, 'DI LTA STE, RGYAL BA'I BKA' NYID DO, ,ZHES GSUNGS PA'I PHYIR, KHO NA RE, BKA' YIN NA BKA'I DGONGS 'GREL MA YIN DGOS PAR THAL, DE YIN NA, BKA' DANG BSTAN BCOS GNYIS SU PHYE BA'I BSTAN BCOS MA YIN DGOS PA'I PHYIR NA MA KHYAB, 'DOD NA, MDO SDE DGONGS 'GREL CHOS CAN, DER THAL, DE'I PHYIR, 'DOD MI NUS TE, 'KHOR LO DANG PO GNYIS KYI DGONGS 'GREL YIN PA'I PHYIR, KHO NA RE, BKA' GSUNG PA PO YIN NA, BKA' DANG BSTAN BCOS GNYIS SU PHYE BA'I BSTAN BCOS RTZOM PA PO MA YIN DGOS PAR THAL, RTAGS SNGA MA DE'I PHYIR NA MA KHYAB, 'DOD NA, SH'A RI'I BU @76B CHOS CAN, DER THAL, DE'I PHYIR, RTAGS GRUB STE, BYIN GYIS BRLABS PA'I BKA' YOD PA'I PHYIR TE, RGYAN SNANG LAS, DE NAS BCOM LDAN 'DAS LA LHA RNAMS KYI DBANG PO BRGYA BYIN GYIS 'DI SKAD CES GSOL TO, ,ZHES BYA BA LA SOGS PA NI, BCOM LDAN 'DAS KYIS RJES SU GNANG BA NYID KYI BKA' SDUD PA PO RNAMS KYIS YANG DAG PAR BYAS PA'I PHYIR, SANGS RGYAS KYI BKAR BKA' MA YIN PA BCUG PA'I NYES PA'I GO SKABS RGYANG RING BA NYID DU BYAS SO, ,ZHES GSUNGS PA'I PHYIR, 'DOD MI NUS TE, DES BRTZAMS PA'I CHOS KYI PHUNG PO ZHES PA'I BSTAN BCOS YOD PA'I PHYIR, KHA CIG ,BSTAN BCOS MNGON RTOGS RGYAN GYI CHED DU BYA BA'I GDUL BYA'I RGYUD LA BSTAN BCOS MNGON RTOGS RGYAN YOD ZER NA, MI 'THAD DE, BSTAN BCOS MNGON RTOGS RGYAN YIN NA, RJE BTZUN BYAMS MGON RANG RGYUD KYIS BSDUS PAS KHYAB PA'I PHYIR, RTAGS 'BUD DO, ,KHO NA RE, DE YOD PAR THAL, SLOB DPON SENG GE BZANG PO'I RGYUD LA DE YOD PA'I PHYIR TE, DE'I RGYUD KYI, SEMS BSKYED PA NI GZHAN DON PHYIR, ,ZHES PA'I GZHUNG TSIG DE BSTAN BCOS MNGON RTOGS RGYAN GYI GZHUNG TSIG YIN PA'I PHYIR TE, DE YOD PA'I PHYIR NA MA KHYAB STE, DE'I RGYUD KYIS BSDUS PA'I ZHAL NAS GSUNGS PA'I BKA' YOD PAR THAL, DE'I RGYUD KYI RAB 'BYOR BYANG CHUB SEMS DPA' RNAMS KYIS NI NYAN THOS KYI LAM GANG YIN PA DANG, ZHES PA'I GZHUNG TSIG DE DE YIN PA'I PHYIR TE, DE YUM BAR MA'I MDO TSIG YIN PA'I PHYIR TE, DE YOD PA'I PHYIR, KHYAB PA SONG, DE LA SOGS PA MANG PO SHES PAR BYA'O, ,GZHAN YANG, @77A *, ,BYANG 'PHAGS KYI RGYUD KYI, SKYES BU RANG BZHIN MA YIN RNAM 'GYUR MIN, ,ZHES PA'I GZHUNG TSIG DE PHYI ROL PA'I GZHUNG YIN PAR THAL, DE 'DRA YOD PA GANG ZHIG ,SLOB DPON SENG GE BZANG PO'I RGYUD KYI, SEMS BSKYED PA NI GZHAN DON PHYIR, ,ZHES PA'I GZHUNG TSIG DE BSTAN BCOS MNGON RTOGS RGYAN GYI GZHUNG TSIG YIN PA'I PHYIR, RTAGS KHAS, 'DOD NA, DE CHOS CAN, BSTAN BCOS RNAM DAG YIN PAR THAL, BYANG 'PHAGS KYI RGYUD KYI BSTAN BCOS YIN PA'I PHYIR; 'DOD MI NUS TE, PHYI ROL PA'I GZHUNG YIN PA'I PHYIR, GSER PHRENG LAS, BKA' DANG BSTAN BCOS SOGS GDUL BYA'I RGYUD KYIS BSDUS PA'I SHES PA YIN TE, RGYAN SNANG LAS, DE BAS NA GDUL BYA'I SHES PA SGRAR SNANG BA'I RANG BZHIN NYID YIN PAS BSTAN PA NYAN PA PO'I SKYE BO DANG 'BREL BA YIN TE, SHES RAB KYI PHA ROL TU PHYIN PA'I YE SHES KYI BDAG PO LAS SKYES PA'I PHYIR, SANGS RGYAS BCOM LDAN 'DAS RNAMS KYIS CHOS BSTAN PA YIN, ZHES BYAS NAS MCHOD PAR BYA BA DE BZHIN DU, ZHES GSUNGS, RE ZHIG DPYAD NA, SANGS RGYAS RANG RGYUD KYIS BSDUS PA'I BKA' MED PAR THAL, BKA' DANG BSTAN BCOS GDUL BYA'I RGYUD KYIS BSDUS PA'I SHES PA YIN PA'I PHYIR, 'DOD MI NUS TE, SANGS RGYAS RANG RGYUD KYIS BSDUS PA'I GSUNG DBYANGS YAN LAG DRUG CU YOD PA'I PHYIR, GZHAN YANG, BKA' CHOS CAN, KHYOD THOS PA'I NYAN SHES MED PAR THAL, KHYOD SHES PA YIN PA'I PHYIR, 'DOD NA, THOS BYUNG GI SHES RAB MED PAR THAL LO, , @77B GZHAN YANG, 'GREL CHEN GYI LUNG DES BKA' BSTAN BCOS SHES PAR BSTAN PA MA YIN TE, 'GREL CHEN LAS, TSIG DANG NGAG GI TSOGS KYIS BSDUS PA'I GZHUNG DANG, ZHES GZHUNG SHER PHYIN TSIG DANG NGAG GIS BSDUS PAR BSHAD PA'I PHYIR, GZHAN YANG, NGAG MA SMRAS PAR BSTAN BCOS RTZOM PA MED PAR THAL, BSTAN BCOS YIN NA RJOD BYED KYI SGRA RANG MTSAN PA YIN DGOS PA'I PHYIR, RTAGS KHAS, 'DOD NA, BSE RU LTA BU'I RANG RGYAL GYIS SGRA MED LUS KYI RNAM 'GYUR GYI SGO NAS CHOS STON PA MED PAR THAL, 'DOD PA'I PHYIR NA MA KHYAB, KHA CIG ,'CHOS SKYOB KYI YON TAN GNYIS DANG LDAN PA'I NGAG RNAM DAG ,BSTAN BCOS RNAM DAG GI MTSAN NYID, ZER NA, MNGON MTHO'I GO 'PHANG YOD PAR TSAD MAS GRUB PA'I PHYI ROL PAS BRTZAMS PA'I MNGON MTHO'I GO 'PHANG YOD PAR STON PA'I PHYI ROL PA'I BSTAN BCOS CHOS CAN, MTSAN NYID DER THAL, BSTAN BCOS RNAM DAG YIN PA'I PHYIR, DE DER THAL, DE MNGON MTHO'I GO 'PHANG YOD PAR DAM BCAS PA'I DAM BCA' DE DAM BCA' YANG DAG YIN PA'I PHYIR, MA GRUB NA, DE CHOS CAN, DE DER THAL, KHYOD RANG GI ZHEN DON DAM BCA' BA PO'I GANG ZAG GI TSAD MAS GRUB PA'I DAM BCA' YIN PA'I PHYIR TE, CHOS CAN DE'I PHYIR, RTZA BAR 'DOD MI NUS TE, PHYI ROL PA'I BSTAN BCOS YIN PA'I PHYIR, KHA CIG ,GDUL BYA'I NYON MONGS SPONG PHYIR DU GSUNGS PA'I SANGS RGYAS KYI GSUNG, BKA'I MTSAN NYID ZER BA MI 'THAD DE, BKA'I CHED DU BYA BA'I GDUL BYA YIN NA, NYON MONGS SPANGS DGOS KYI GANG ZAG YIN PAS @78A *, ,MA KHYAB PA'I PHYIR TE, DER GYUR PA'I NYAN THOS DGRA BCOM YOD PA'I PHYIR, GZHAN YANG, SH'A RI'I BU'I NGAG TU GYUR PA'I SANGS RGYAS KYI BKA' CHOS CAN, SANGS RGYAS KYI GSUNG YIN PAR THAL, SANGS RGYAS KYI BKA' YIN PA'I PHYIR, 'DOD NA, GSUNG DBYANGS YAN LAG DRUG CU'I YON TAN DANG LDAN PAR THAL, 'DOD PA'I PHYIR, KHYAB STE, MDO SDE'I RGYAN LAS, BDE GSHEGS GSUNG NI MTHA' YAS PAS, ,YAN LAG DRUG CU BSAM MI KHYAB; ;CES GSUNGS PA'I PHYIR, DES MTSON NAS GZHAN YANG SHES PAR BYA'O, ` ,GNYIS PA BRTZAM BYA GZHUNG GI RANG BZHIN BSHAD PA LA, RGYAS PA LA DAD PA LA BRGYAD DU DBYE BA DANG, 'BRING LA DAD PA LA DRUG TU DBYE BA DANG, BSDUS PA LA DAD PA LA GSUM DU DBYE BA'O, ,DANG PO LA, LUS KYI SGO NAS MDOR BSTAN PA, YAN LAG GI SGO NAS RGYAS PAR BSHAD PA GNYIS LAS, DANG PO LA, MTSAMS SBYAR BA DANG, NGAG NYE BAR 'GOD PA DANG, BSDUS TE BSTAN PA DANG, TSIG DON GZHAN MI 'CHAD PA'I RGYU MTSAN DANG BZHI LAS, DANG PO NI, SHES RAB PHA ROL PHYIN PA NI, ,ZHES TSIGS BCAD BCO LNGA MNGON RTOGS RGYAN GYI LUS RNAM GZHAG TU GSUNGS PA CHOS CAN, DGOS PA YOD DE, DKYUS SA MTHONG BA'I KHA LO PAS RTA LEGS PAR TSAR GCOD NUS PA BZHIN DU, RGYAS BSHAD DU BSTAN BCOS KYI DON DBYE BA RNAMS MA 'DZINGS PAR 'CHAD PA POS 'CHAD SLA BA DANG, DKYUS SA BSTAN PA'I RTA TSAM TSOM MED PAR RGYUGS PA BZHIN DU NYAN PA PO'I GDUL BYA RNAMS KYIS RGYAS BSHAD @78B KYI DON TSAN RNAMS MA 'DZINGS PA'I SGO NAS BDE BLAG TU RTOGS PAR BYA BA'I DGOS PA YOD PA'I PHYIR, ZHES 'CHAD PA LA, DE LTAR 'BREL BA LA SOGS PA BSNYAD NAS GDUL BYA RNAMS KYIS BDE BLAG TU RTOGS PAR BYA BA'I PHYIR DANG, BSTAN BCOS KYI DON RNAM PAR DBYE BA BYAS PA YANG MA 'DZINGS PA NYID KYIS BSHAD PAR BYA SLA BAR GZIGS NAS, TSIG LE'UR BYAS PA BCO LNGAS MDO DANG RGYAS PAR BSTAN PAS SHES RAB KYI PHA ROL TU PHYIN PA'I LUS RNAM PAR BZHAG PA GSUNGS TE, ZHES GSUNGS, DE YANG 'BREL BA LA SOGS PA BSNYAD NAS ZHES PAS, MTSAMS SBYAR BSTAN NAS, DGOS DON GYI SGO NAS 'CHAD PA LA, GDUL BYA RNAMS KYIS, ZHES SOGS GSUNGS, 'DI'I SKABS SU LUS RNAM GZHAG LA, LUS KYI MTSAN NYID, DBYE BA, NGES TSIG DANG GSUM LAS, DANG PO NI, YAN LAG DU MA TSOGS PA DE, LUS KYI NGO BO YIN TE, TSOGS DANG LUS DANG 'DUS PA NI, ,RNAM GRANGS DAG STE, ZHES GSUNGS PA LTAR RO, ,GNYIS PA NI, RIGS THIGS KYI 'GREL PAR, RAB TU BYED PA'I LUS NI GNYIS TE SGRA DANG DON NO, ,ZHES GSUNGS PA LTAR, TSIGS BCAD BCO LNGA PO DE NI RJOD BYED KYI LUS DANG, DNGOS PO BRGYAD DANG, DON BDUN CU NI BRJOD BYA'I LUS YIN NO, ,GSUM PA NI, NGO BO NYID DU GRUB PA DANG, BSAGS PA DANG, YAN LAG LA KHYAB PA DANG, DE'I RTEN BYED PAS LUS ZHES BYA'O, ` ,GNYIS PA LA LUS MDOR BSTAN PA DANG, RGYAS PAR BSHAD PA'O, ,DANG PO LA, BSHAD BYA 'CHAD BYED MDOR BSTAN PA DANG, 'CHAD BYED KYI RKANG GRANGS RGYAS PAR BSHAD PA'O, ,DANG PO @79A *, ,NI; SHES RAB PHA ROL PHYIN PA NI, ,DNGOS PO BRGYAD KYIS YANG DAG BSHAD, ,CES 'CHAD, DE YANG 'PHROS NI, 'PHAGS PA LTAR NA MCHOD BRJOD KYI SKABS SU SHER PHYIN LA BSTOD PA LA BSTOD YUL GYI SHER PHYIN DE GANG ZHE NA, DE STON PA LA, GZHUNG 'DI GSUNGS TE, NYI SNANG LAS, SHES RAB KYI PHA ROL TU PHYIN PA DE GANG ZHES BYA BA 'DI BRJOD PAR BYA'O, ,ZHES BSHAD PA, SHES RAB PHA ROL PHYIN PA NI, ,DNGOS PO BRGYAD KYIS YANG DAG BSHAD, ,CES GSUNGS PA'I PHYIR, SLOB DPON LTAR NA, BDE BLAG TU NI RTOGS PA ZHES, ,BYA BA RTZOM PA'I DGOS PA YIN, ,ZHES RGYAN LA BRTEN NAS MDO DON BDE BLAG TU RTOGS PA MNGON RTOGS RGYAN RTZOM PA'I DGOS PAR BSTAN PA LA, 'O NA, BSTAN BCOS 'DIS MDO DON BSHAD TSUL DE GANG ZHE NA, 'CHAD BYED GZHUNG SHER PHYIN DE LA RJOD BYED SKABS BRGYAD DANG, DE'I BSHAD BYA LA DNGOS PO BRGYAD DU PHYE NAS MDOR BSTAN GYI SGO NAS 'CHAD PA LA, GZHUNG 'DI GSUNGS SO, ,GNYIS PA NI, DNGOS PO BRGYAD PO DE GANG ZHE NA, DE'I RKANG GRANGS TZAM NGOS 'DZIN PA LA, RNAM KUN MKHYEN NYID LAM SHES NYID, ,DE NAS THAMS CAD SHES PA NYID, ,RNAM KUN MNGON RDZOGS RTOGS PA DANG, ,RTZE MOR PHYIN DANG MTHAR GYIS PA, ,SKAD CIG GCIG MNGON RDZOGS BYANG CHUB, ,CHOS KYI SKU DANG, ZHES GSUNGS, DE RNAMS KYI GRANGS STON PA LA, DE RNAMS BRGYAD, ,CES GSUNGS, GNYIS PA NI, DNGOS PO BRGYAD PO DE YANG DON BDUN CU'I SGO NAS RGYAS PAR 'CHAD PA LA, SEMS BSKYED @79B PA DANG GDAMS NGAG DANG, ,ZHES SOGS GSUNGS, 'O NA, GZHUNG SHER PHYIN RGYAS 'BRING BSDUS GSUM LA RJOD BYED KYI SKABS BRGYAD DU 'BYED NA DBYED TSUL DE GANG ZHE NA, DE'I TSUL YOD DE, RGYAS 'BRING BSDUS GSUM GYI RAB 'BYOR GYI LE'US RNAM MKHYEN BSTAN NAS, RNAM MKHYEN DE NYID MTSON BYED KYI CHOS BCUR PHYE BA'I SGO NAS, RNAM KUN MKHYEN NYID, CES PA RGYAS PAR BSHAD PA LA, SEMS BSKYED PA DANG GDAMS NGAG DANG, ,ZHES PA NAS, THUB PA'I RNAM KUN MKHYEN PA NYID, , CES PA'I BAR GSUNGS, MTHA' GNYIS RNAM DAG GI LE'US LAM SHES BSTAN NAS, LAM SHES DE NYID MTSON BYED KYI CHOS BCU GCIG TU PHYE BA'I SGO NAS, LAM SHES NYID, ,CES PA RGYAS PAR BSHAD PA LA, MOG MOG POR BYED LA SOGS DANG,, ZHES PA NAS, LAM SHES NYID NI DE 'DRAR BSHAD, ,CES PA'I BAR GSUNGS, SPYOD PA KHYAD PAR CAN GYI LE'US GZHI SHES BSTAN NAS, GZHI SHES DE NYID MTSON BYED KYI CHOS DGUR PHYE BA'I SGO NAS, DE NAS THAMS CAD SHES PA NYID, ,CES PA RGYAS PAR BSHAD PA LA, SHES PAS SRID LA MI GNAS SHING, ,ZHES PA NAS, KUN SHES NYID DU 'DOD, ,CES PA'I BAR GSUNGS, DE BZHIN NYID KYI LE'US RNAM RDZOGS SBYOR BA BSTAN NAS, RNAM RDZOGS SBYOR BA DE MTSON BYED KYI CHOS LA BCU GCIG TU PHYE BA'I SGO NAS, RNAM KUN MNGON RDZOGS RTOGS PA DANG, ,ZHES PA RGYAS PAR BSHAD PA LA, RNAM PA SBYOR BAR, ZHES PA NAS, BCAS PA YIN, ,ZHES PA'I BAR GSUNGS, BSLAB PA YONGS SU DAG PA'I LE'US RTZE SBYOR BSTAN NAS, RTZE SBYOR MTSON BYED @80A *, ,KYIS CHOS LA BRGYAD DU PHYE BA'I SGO NAS, RTZE MOR PHYIN DANG, ZHES PA RGYAS PAR BSHAD PA LA, DE YI RTAGS DANG, ZHES PA NAS, RTZE MO'I MNGON RTOGS, ZHES PA'I BAR GSUNGS, BSLAB PA LA RIM GYIS 'JUG PA'I LE'US MTHAR GYIS SBYOR BA BSTAN NAS, MTHAR GYIS SBYOR BA MTSON BYED KYI CHOS LA BCU GSUM DU PHYE BA'I SGO NAS, MTHAR GYIS PA, ,ZHES PA'I DON RGYAS PAR BSHAD PA LA, MTHAR GYIS PA ,RNAM GSUM RNAM BCU, ZHES GSUNGS, BSLAB PA YONGS SU RDZOGS PA'I LE'US SKAD CIG MA'I SBYOR BA BSTAN NAS, SKAD CIG SBYOR DE NYID MTSON BYED KYI CHOS BZHIR PHYE BA'I SGO NAS, SKAD CIG GCIG MNGON RDZOGS BYANG CHUB, ,CES PA RGYAS PAR BSHAD PA LA, SKAD CIG MA, ,GCIG GI MNGON RDZOGS BYANG CHUB PA, ,MTSAN NYID KYIS NI RNAM PA BZHI, ,ZHES GSUNGS, BSLAB PA'I 'BRAS BU'I LE'US 'BRAS BU'I CHOS SKU BSTAN NAS, 'BRAS BU CHOS SKU DE NYID MTSON BYED KYI CHOS BZHIR PHYE BA'I SGO NAS, CHOS KYI SKU DANG, ZHES PA RGYAS PAR BSHAD PA LA, NGO BO NYID LONGS RDZOGS BCAS DANG, ,DE BZHIN GZHAN PA SPRUL PA NI, ,CHOS SKU MDZAD PA DANG BCAS PA, ,RNAM PA BZHIR NI YANG DAG BRJOD, ,CES GSUNGS, GSUM PA BSDUS TE BSTAN PA NI, DE LA TSIG LE'UR BYAS PA DANG PO GNYIS KYIS NI, DNGOS PO BRGYAD BSDUS PA'I PHYIR MDOR BSTAN PA YIN NO, ,TSIG LE'UR BYAS PA BCU GSUM GYIS NI, DE DAG NYID KYI DON BSDUS NAS RGYAS PAR BSHAD DE, DE LTAR NA BSDUS PA DANG RGYAS PAR BSHAD PA'I PHYIR LEGS @80B PAR BSHAD PA YIN NO, ,ZHES 'CHAD, BZHI PA TSIG DON GZHAN MI 'CHAD PA'I RGYU MTSAN STON PA LA, BSDUS PA'I DON GYI TSIG LE'UR BYAS PA RNAMS NI, BSTAN BCOS MDZAD PA NYID KYIS SEMS BSKYED PA NI GZHAN DON PHYIR, ZHES BYA BA LA SOGS PA 'CHAD PAR 'GYUR BA'I BSTAN BCOS MTHA' DAG GIS 'CHAD PAS, DE DAG RNAM PAR BSHAD PAS BSHAD PAR BSAMS TE ZLOS PA'I NYES PAR 'GYUR DU DOGS NAS RNAM PAR MA DKROL LO, ,ZHES GSUNGS, DE DAG GI NANG NAS, ` SHES RAB PHA ROL PHYIN PA NI, ,ZHES SOGS KYI SKABS SU, BSHAD BYA'I LUNG 'GOD PA DANG, DE'I DON BSHAD PA GNYIS LAS, DANG PO LA, 'GREL CHEN LAS, DE LTAR NA THOS PA DANG BSAM PA DANG SGOM PA'I RANG BZHIN GYI SHES PA SKYE BA'I RIM GYIS RNAM PA THAMS CAD MKHYEN PA'I YE SHES RTOGS PA'I PHYIR PHA ROL TE, RAB GYI MTHAR 'GRO BA YIN PAS NA PHA ROL TU PHYIN PA'O, ,DE YANG SHES RAB CES BYA BA NI CHOS RAB TU RNAM PAR 'BYED PA'I MTSAN NYID SHES RAB KYI PHA ROL TU PHYIN PAS NA SHES RAB KYI PHA ROL TU PHYIN PA STE, SANGS RGYAS BCOM LDAN 'DAS KYIS GNYIS SU MED PA'I YE SHES SGYU MA LTA BU NI DNGOS YIN LA, DE THOB PA DANG RJES SU MTHUN PA NYID KYIS NA TSIG DANG NGAG GI TSOGS KYI GZHUNG DANG, MTHONG BA LA SOGS PA'I MTSAN NYID CAN GYI LAM LA YANG SHES RAB KYI PHA ROL TU PHYIN PA ZHES BYA BA NI BTAGS PA'O, ,DE YANG SLOB DPON PHYOGS KYI GLANG PO'I ZHAL SNGA NAS KYI, SHES RAB PHA ROL PHYIN GNYIS MED, ,YE SHES DE NI DE BZHIN GSHEGS, ,BSGRUB BYA'I DON DE DANG LDAN PAS, ,GZHUNG LAM DAG LA DE SGRA YIN, ,ZHES BSHAD PA @81A *, ,YIN NO, ,DE'I PHYIR DE DANG 'BREL BA NYID KYIS GZUGS BRNYAN DANG BRAL BA RNAM PA GSUM GA YANG SHES RAB KYI PHA ROL TU PHYIN PA NYID DO, ,ZHES NGES PAR BZUNG BA YIN TE, GTZO BO'I DBANG DU BYAS PA YIN NO, ,DE RNAMS NYID KYI MA YIN TE, DE MED NA MI 'BYUNG BA'I PHYIR 'DI NI BYANG CHUB GSUM GA'I DBANG DU BYAS PA'I PHYIR, DE LTAR YANG, 'DI NYID LAS, NYAN THOB KYI SA LA SLOB PAR 'DOD PAS KYANG SHES RAB KYI PHA ROL TU PHYIN PA 'DI MNYAN PAR BYA'O, ,ZHES BYA BA LA SOGS 'CHAD PAR 'GYUR RO, ,ZHES GSUNGS, GNYIS PA LA, SHER PHYIN GYI SGRA BSHAD PA DANG, DNGOS BTAGS KYI KHYAD PAR, SHES BYED KYI LUNG 'GOD, DE LA RTZOD PA SPONG BA'O, ,DANG PO NI, DE LTAR, ZHES PA NAS, PHA ROL TU PHYIN PA STE, ZHES PA'I BAR GYIS 'CHAD, DON NI SANGS RGYAS 'PHAGS PA'I RGYUD KYI STONG NYID MNGON SUM DU RTOGS PA'I SHES RAB CHOS CAN, KHYOD LA SHES RAB CES BRJOD PA'I RGYU MTSAN YOD DE, KHYOD CHOS RAB TU RNAM 'BYED KYI BLO YIN PA'I PHYIR, DE CHOS CAN; KHYOD LA PHA ROL TU PHYIN PA ZHES BRJOD PA'I RGYU MTSAN YOD DE, CHOS RAB TU RNAM 'BYED KYI BLO GANG ZHIG ,RANG RGYU THOS BSAM SGOM GSUM MTHAR PHYIN PA'I YE SHES YIN PA'I PHYIR, GNYIS PA NI, SANGS RGYAS, ZHES PA NAS, BTAGS PA'O; ;ZHES PA'I BAR GYIS 'CHAD, DON NI SHER PHYIN LA DNGOS BTAGS KYI KHYAD PAR YOD DE, 'BRAS BU SHER PHYIN DE SHER PHYIN DNGOS DANG, GZHUNG LAM GNYIS KYI SHER PHYIN DE SHER PHYIN BTAGS PA BA YIN PA'I PHYIR, DES NA KHYAD CHOS @81B BZHIS KHYAD PAR DU BYAS PA'I MTHAR THUG GI MKHYEN PA, SHER PHYIN GYI MTSAN NYID, DE LA SGRAS BRJOD RIGS KYI SGO NAS DBYE NA, SNYING PO DON GYI SHER PHYIN, GZHUNG, LAM, 'BRAS BU SHER PHYIN DANG BZHI YOD DE, DANG PO NI, CHOS THAMS CAD BDEN PAS STONG PA'I STONG NYID LTA BU, GNYIS PA NI, 'BRAS BU SHER PHYIN BRJOD BYAR BYED PA'I SHER PHYIN GYI MDO DANG, DE'I DGONGS 'GREL DU GYUR PA'I BSTAN BCOS RNAM DANG RNAMS LTA BU'O, ,GSUM PA NI, RANG GI THOB BYAR GYUR PA'I 'BRAS BU SHER PHYIN THOB BYED KYI THABS SU GYUR PA'I SEMS DPA'I RNAL 'BYOR, LAM SHER PHYIN GYI MTSAN NYID, DE DANG SEMS DPA'I RNAL 'BYOR DON GCIG ,BZHI PA NI, RANG THOB BYED KYI THABS SU GYUR PA'I LAM SHER PHYIN SGOM STOBS KYIS THOB PA'I MTHAR THUG GI MKHYEN PA, 'BRAS BU SHER PHYIN GYI MTSAN NYID, RNAM MKHYEN CHOS CAN, KHYAD CHOS BZHI DANG LDAN TE, RTEN GYI KHYAD PAR SANGS RGYAS 'PHAGS PA KHO NA'I RGYUD LA YOD PA, RNAM PA'I KHYAD PAR GNYIS SU MED PA, NGO BO'I KHYAD PAR YE SHES YIN PA, DGAG BYA DANG BRAL BA'I KHYAD PAR BDEN STONG SGYU MA LTA BU YIN PA'I PHYIR, GSUM PA NI, DE YANG, ZHES PA NAS, BSHAD PA YIN NO, ,ZHES PA'I BAR GYIS 'CHAD, DON NI SHER PHYIN GYI DNGOS BTAGS KYI KHYAD PAR DE 'THAD PA YIN TE, DE LTAR DU SLOB DPON PHYOGS KYI GLANG POS BRGYAD STONG DON BSDUS SU BSHAD PA'I PHYIR, DE YANG YIN TE, SHES RAB PHA ROL PHYIN, CES PAS, MTSON BYA SHER PHYIN DE BSTAN NAS, DE'I DON 'CHAD PA LA, DNGOS YIN LA, ZHES GSUNGS, @82A *, ,GNYIS MED, ,YE SHES DE NI, ZHES GSU MTSAN NYID DE BSTAN NAS, DE'I DON 'CHAD PA LA, GNYIS SU MED PAS YE SHES SGYU MA LTA BU NI, ZHES GSUNGS, DE BZHIN GSHEGS, ,ZHES PAS RTEN GYI KHYAD PAR DE BSTAN NAS; DE'I DON 'CHAD PA LA, SANGS RGYAS BCOM LDAN 'DAS KYI, ZHES GSUNGS, BSGRUB BYA'I DON DE DANG LDAN PAS, ,GZHUNG LAM DAG LA DE SGRA YIN, ZHES PAS, GZHUNG SHER PHYIN LA SHER PHYIN DU 'DOGS PA'I RGYU MTSAN DE BSTAN NAS, DE'I NGON 'CHAD PA LA, DE THOB PA DANG RJES SU MTHUN PA NYID KYIS NA TSIG DANG NGAG GI TSIG GZHUNG LA YANG SHES RAB KYI PHA ROL TU PHYIN PA ZHES BYA BA NI BTAGS PA'O, ,ZHES GSUNGS, BSGRUB BYA'I DON DE DANG LDAN PAS, ,GZHUNG LAM DAG LA DE SGRA YIN, , ZHES PAS, LAM SHER PHYIN LA SHER PHYIN DU 'DOGS PA'I RGYU MTSAN DE BSTAN NAS, DE'I DON 'CHAD PA LA, MTHONG BA LA SOGS PA'I MTSAN NYID CAN GYI LAM LA YANG SHES RAB KYI PHA ROL TU PHYIN PA ZHES BYA BA NI BTAGS PA'O, ,ZHES GSUNGS, DON BSDU NA, GZHUNG SHER PHYIN CHOS CAN, KHYOD LA SHER PHYIN ZHES BRJOD PA'I RGYU MTSAN YOD DE, KHYOD KYIS 'BRAS BU SHER PHYIN BRJOD BYAR BYED PA'I RGYU MTSAN GYIS DE LTAR BRJOD PA'I PHYIR, DE LTAR BTAGS PA LA DGOS PA YOD DE, 'BRAS BA SHER PHYIN THOB PAR 'DOD PA RNAMS KYIS GNAS SKABS SU GZHUNG SHER PHYIN LA THOS BSAM BYA DGOS SO, ,ZHES SHES PAR BYA BA'I CHAD YIN PA'I PHYIR, DNGOS LA GNOD BYED YOD DE, THOS BSAM SGOM GSUM MTHAR PHYIN PA'I YE SHES MA YIN @82B PA'I PHYIR, LAM SHER PHYIN LA SHER PHYIN ZHES 'DOGS PA'I RGYU MTSAN YOD DE, DE 'BRAS BU SHER PHYIN THOB GYED KYI THABS YIN PA'I PHYIR, DE LTAR BTAGS PA LA DGOS PA YOD DE, 'BRAS BU SHER PHYIN THOB PAR 'DOD PA RNAMS KYIS LAM SHER PHYIN NYAMS SU BLANG DGOS SO, ,ZHES SHES PAR BYA BA'I CHED YIN PA'I PHYIR, DNGOS LA GNOD BYED YOD DE, SNGAR BZHEN NO, ,BZHI BA NI, DE'I PHYIR ZHES SOGS KYIS BSHAD, DON NI, RTEN GYI GANG ZAG THEG PA CHEN PO DANG 'BREL BA'I RGYAS 'BRING BSDUS GSUM GZHUNG SHER PHYIN DNGOS, THEG DMAN GYI MDO RNAMS DE'I GZUGS BRNYAN, RTEN GYI GANG ZAG THEG PA CHEN PO DANG 'BREL BA'I SLOB LAM RNAMS LAM SHER PHYIN DNGOS DANG, THEG DMAN GYI SLOB LAM RNAMS DE'I GZUGS BRNYAN YIN; RTEN GYI GANG ZAG THEG PA CHEN PO DANG 'BREL BA'I MI SLOB LAM RNAMS 'BRAS BU SHER PHYIN DNGOS DANG, THEG DMAN GYI MI SLOB LAM RNAMS DE'I GZUGS BRNYAN YIN NO, ,'O NA, SKABS 'DIR THEG CHEN GYI GZHUNG LAM 'BRAS BU GSUM KHO NA GTAN LA 'BEBS PA'I RGYU MTSAN GANG ZHE NA, GTAN LA DBAB BYA'I GTZO BO'I DBANG DU BYAS PA YIN GYI, THEG DMAN GYI DE GSUM GTAN LAM 'BEBS PA MIN TE, THEG DMAN GYI DE GSUM MED NA THEG CHEN GYI DE GSUM MI 'BYUNG BAS BYANG CHUB GSUM GA'I DBANG DU BYAS PA'I PHYIR, GANG DU GTAN LA 'BEBS NA, THEG PA GSUM CHAR THOB PA'I RGYU, ,ZHES PA'I BSHAD BYA RTZA BA'I MDOR, NYAN THOS KYIS LA SLOB PAR 'DOD PAS KYANG, ZHES SOGS KYIS BSHAD PA'I PHYIR, GZHUNG DON NI, @83A *, ,BSTAN BCOS MNGON RTOGS RGYAN CHOS CAN, SHER PHYIN GYI MDO'I DON YANG DAG PAR BSHAD PA YIN TE, KHYOD KYIS SHER PHYIN GYI MDO RGYAS 'BRING BSDUS GSUM LA BRJOD BYED SKABS BRGYAD DANG BRJOD BYA LA DNGOS PO BRGYAD DU PHYE BA'I SGO NAS PHYIN CI MA LOG PAR BSHAD PA'I PHYIR, KHO NA RE, RJE BTZUN BYAMS PAS SHER PHYIN GYI MDO'I DON YANG DAG PAR RTOGS PAR THAL, SBYOR BA 'THAD PA'I PHYIR, 'DOD NA, DES YANG DAG PAR GRUB PAR THAL, 'DOD PA'I PHYIR NA MA KHYAB STE, DUS GSUM CIG CAR DU GRUB PAR THAL, SANGS RGYAS 'PHAGS PAS DUS GSUM CIG CAR DU RTOGS PA'I PHYIR, KHYAB PA SONG, KHO NA RE, DUS GSUM CIG CAR DU SANGS RGYAS 'PHAGS PAS RTOGS PAR THAL, SANGS RGYAS 'PHAGS PAS DUS GSUM CIG CAR DU RTOGS PA'I PHYIR NA MA KHYAB, KHA CIG ,SPROS BRAL MNGON SUM DU RTOGS PA'I YE SHES GANG ZHIG ,MI GNAS PA'I MYANG 'DAS SU PHYIN ZIN DANG PHYIN BYED GANG RUNG, SHER PHYIN GYI MTSAN NYID ZER NA, SLOB LAM NA SHER PHYIN YOD PAR THAL, MTSAN NYID 'THAD PA'I PHYIR, 'DOD NA, LAM SHER PHYIN DU THAL LO, ,'DOD NA, SHER PHYIN CHOS CAN, MI GNAS PA'I MYANG 'DAS SU PHYIN ZIN PAR THAL, DE DANG DER PHYIN BYED GANG RUNG GANG ZHIG ,GNYIS PA MA YIN PA'I PHYIR, DANG PO DNGOS, GNYIS PA GRUB STE, RNAM MKHYEN KHYOD YIN PA'I PHYIR, RTZA BAR 'DOD MI NUS TE, LAM SHER PHYIN KHYOD YIN PA'I PHYIR, KHO NA RE, SLOB LAM NA SHER PHYIN YOD PAR THAL, @83B SLOB LAM NA BSLAB PA GSUM YOD PA'I PHYIR, KHYAB STE, MDO SDE'I RGYAN LAS, BSLAB GSUM DBANG DU MDZAD NAS NI, ,RGYAL BA'I PHA ROL PHYIN PA DRUG ,CES GSUNGS PA'I PHYIR NA MA KHYAB STE, NYAN THOS DGRA BCOM PA'I RGYUD LA SHER PHYIN YOD PAR THAL, DE'I RGYUD LA BSLAB PA GSUM YOD PA'I PHYIR, KHYAB PA KHAS, KHO NA RE, LAM SHER PHYIN CHOS CAN, SHER PHYIN YIN PAR THAL, SHER PHYIN PHAL PA YIN PA'I PHYIR, RTAGS GRUB STE, BRGYAD STONG DON BSDUS KYI 'GREL PAR, SHES RAB KYI PHA ROL TU PHYIN PA'I SGRA 'DI NI RNAM PA GNYIS TE, GTZO BO DANG PHAL BA'O, ,GTZO BO NI GNYIS SU MED PA'I YE SHES SO, ,PHAL BA NI GZHUNG DANG LAM GYI RANG BZHIN NO, ,ZHES GSUNGS PA'I PHYIR NA, MA KHYAB STE, SHER PHYIN ZHES PA'I SGRA DE 'BRAS BU SHER PHYIN LA MING GTZO BO DNGOS MING DU 'JUG LA, GZHUNG LAM GNYIS LA MING PHAL BA BTAGS MING DU 'JUG PA DE DE'I DON YIN PA'I PHYIR, GZHAN YANG, SLOB LAM NA SHER PHYIN MED PAR THAL, SHES RAB KYI PHA ROL TU PHYIN PA, ZHES PA'I PHA ROL DE SGRIB GNYIS SPANGS PA'I GNAS SKABS LA BYED RIGS PA'I PHYIR TE, 'JUG 'GREL LAS, DE LA PHA ROL NI GANG 'KHOR BA'I RGYA MTSO'I PHAR 'GRAM MA MDOGS TE, NYON MONGS PA DANG SHES BYA'I SGRIB PA MA LUS PA SPANGS PA'I RANG BZHIN MNGA' PA'I SANGS RGYAS NYID DO, ,DER SON PA NI DER PHYIN PA RO, ,ZHES GSUNGS PA'I PHYIR, KHA CIG ,LAM SHER PHYIN GYI MA MTHA'I SA MTSAMS THEG CHEN GYI MTHONG LAM NAS 'JOG STE, RGYAN SNANG LAS, MTHONG BA LA SOGS PA'I MTSAN NYID CAN GYI LAM, ZHES @84A *, ,GSUNGS PA'I PHYIR NA MA KHYAB STE, GO SGRUB KYI MA MTHA'I SA MTSAMS THEG CHEN GYI MTHONG LAM DANG TSOGS SGRUB KYIS MTSAMS THEG CHEN GYI SGOM LAM NAS 'JOG RIGS PAR THAL, MTHONG BA DANG SGOM PA DANG KHYAD PAR GYI LAM GYI NGO BO NYID SGRUB PA'I MTSAN NYID GO CHA DANG TSOGS DANG NGES PAR 'BYUNG BA RNAMS, ZHES GSUNGS PA'I PHYIR, KHYAB PA KHAS, GZHAN YANG, SDUD 'GREL LAS, DANG PO SBYOR BA LA SOGS PA'I MTSAN NYID KYI LAM STE, DON DU SBYOR BA GNYIS NYID KYI GTZO BO MA YIN PA'I SHES RAB KYI PHA ROL TU PHYIN PA'O, ,ZHES GSUNGS PA MI 'THAD PAR THAL, THEG CHEN GYI TSOGS SBYOR RNAMS LAM SHER PHYIN MA YIN PA'I PHYIR, KHA CIG ,SANGS RGYAS 'PHAGS PA'I MIG SHES SOGS SHER PHYIN MA YIN ZER NA, RGYAN SNANG LAS, DE'I PHYIR SANGS RGYAS NYID KYI GNAS SKABS NA YANG, MI SHES PA KUN SHES PA'I DBANG PO SPANGS TE YID KYI BLO DANG 'DRA BAR DBANG PO'I BLOS YUL LA YONGS SU SPYOD DE DE'I PHYIR SANGS RGYAS KYI MKHYEN PA THAMS CAD YUL THAMS CAD PAR 'DOD DO, ,ZHES GSUNGS PA MI 'THAD PAR THAL, DAM BCA' 'THAD PA'I PHYIR, KHO NA RE, SLOB LAM NA SHER PHYIN YOD PAR THAL, BYANG CHUB SEMS DPA'I RGYUD LA SHER PHYIN YOD PA'I PHYIR TE, DE'I RGYUD KYI SBYIN PA'I PHAR PHYIN YOD PA'I PHYIR TE, RNAM BSHAD LAS, SHER PHYIN LA SHES RAB KYIS KHYAB PAR 'DOD PA NI SGRA BSHAD PA DANG 'JUG PA'I KHYAD PA YIN LA, BYANG CHUB SEMS DPA'I SBYIN PA'I PHAR PHYIN LA YANG 'DIS PHA @84B ROL TU PHYIN PAR BYED PA NI SHER PHYIN ZHES PA'I SGRA BSHAD DU YOD PA'I PHYIR, ZHES GSUNGS PA'I PHYIR, NA MA KHYAB STE, SHER PHYIN LA SHES RAB KYIS MA KHYAB STE, SHES RAB KYI SGRA BSHAD DU YOD NA SHES RAB YIN PAS MA KHYAB PA'I PHYIR TE, SHER PHYIN GYI SGRA BSHAD DU YOD NA SHER PHYIN YIN PAS MA KHYAB PA'I PHYIR TE, BYANG CHUB SEMS DPA'I RGYUD KYI SBYIN PA'I NYAMS LEN LA SHER PHYIN GYI SGRA BSHAD DU YOD KYANG DE SHER PHYIN MA YIN PA'I PHYIR, DE LA SHER PHYIN GYI SGRA BSHAD DU YOD DE, 'DIS PHA ROL TU PHYIN PAR BYED PAS NA DE LA SHER PHYIN GYI SGRA BSHAD DU YOD PA'I PHYIR, ZHES PA'I DON NO, ` ,RNAM KUN MKHYEN NYID LAM SHES NYID, ,CES SOGS KYI SKABS SU, MDOR BSTAN, DNGOS PO BRGYUD KYI YANG DAG BSHAD, ,CES 'CHAD NA, YUM RGYAS 'BRING BSDUS GSUM GYI BRJOD BYA'I GTZO BO LA DNGOS PO BRGYAD DU GRANGS NGES PA'I DON DE GANG, YUM RGYAS 'BRING BSDUS GSUM GYI KHYAD PAR JI LTA BU ZHE NA, RGYAS 'BRING BSDUS GSUM LA KHYAD PAR YOD DE, BRJOD BYA PHUNG PO LNGAR BSDUS SHING; RJOD BYED KYI TSIG KYANG BSDUS PA NI BSDUS PA DANG, DON RGYAS LA TSIG NYUNG ZHING BSDUS PAS NA 'BRING DANG, DE GNYIS KA RGYAS PA NI RGYAS PAR 'JOG PA YIN PA'I PHYIR, RGYAS PA DE YANG 'GRES RKANG BRGYA RTZA BRGYAD DU PHYE NAS STON PA YIN LA, 'GRES RKANG BRGYA RTZA BRGYAD KYANG YOD DE, KUN NAS NYON MONGS PHYOGS KYI 'GRES RKANG LNGA BCU RTZA GSUM, RNAM BYANG PHYOGS KYI 'GRES RKANG LNGA BCU RTZA LNGA YOD PA'I PHYIR, DANG PO GRUB STE, PHUNG PO LNGA, DBANG PO DRUG ,YUL DRUG ,RNAM PAR SHES @85A *, ,PA DRUG ,REG PA DRUG ,TSOR BA DRUG ,KHAMS DRUG ,RTEN 'BREL YAN LAG BCU GNYIS RNAMS SU YOD PA'I PHYIR, GNYIS PA GRUB STE, SPYOD PA'I LAM PHA ROL TU PHYIN PA DRUG ,LTA BA'I LAM STONG NYID BCO BRGYAD DE NYER BZHI; RNAL 'BYOR GYI LAM BYANG PHYOGS SO BDUN GYI SDE TSAN BDUN, ZHI GNAS KYI LAM 'PHAGS PA'I BDEN PA BZHI, BSAM GTAN BZHI, TSAD MED PA BZHI, GZUGS MED PA'I SNYOMS PAR 'JUG PA BZHI, RNAM PAR THAR PA BRGYAD, MTHAR GYIS GNAS PA'I SNYOMS PAR 'JUG PA DGU ,LHAG MTHONG GI LAM RNAM THAR SGO GSUM, YON TAN KHYAD PAR CAN GYI LAM MNGON PAR SHES PA, TING NGE 'DZIN, GZUNGS KYI SGO, 'BRAS BU'I LAM STOBS BCU, MI 'JIGS PA BZHI, SO SOR YANG DAG PAR RIG PA BZHI, BYAMS PA CHEN PO, SNYING RJE CHEN PO, SANGS RGYAS KYI CHOS MA 'DRES PA BCO BRGYAD, GANG ZAG GI LAM RGYUN ZHUGS, PHYIR 'ONG, PHYIR MI 'ONG, DGRA BCOM PA, RANG SANGS RGYAS, THAMS CAD SHES PA NYID, LAM GYI RNAM PA SHES PA NYID, RNAM PA THAMS CAD MKHYEN PA NYID RNAMS SU YOD PA'I PHYIR, YUM GYI MDO'I BRJOD BYA DNGOS PO BRGYAD DU GRANGS NGES PA YIN TE, NYAMS SU BLANG BYA'I YUL LA MKHYEN PA GSUM DU GRANGS NGES, NYAMS SU LEN BYED KYI LAM LA SBYOR BA BZHIR GRANGS NGES; NYAMS SU BLANGS PA'I 'BRAS BU LA 'BRAS BU CHOS SKUR GRANGS NGES PA'I PHYIR, DANG PO GRUB STE, RGYAN GYI CHED DU BYA BA'I GDUL BYAS LAM NYAMS SU LEN PA'I RIM PA'I DBANG DU BYAS NAS KYANG DE LA DE GSUM DU GRANGS NGES, 'PHAGS BZHI'I @85B YUM BYED TSUL GYI SGO NAS KYANG DE LA DE GSUM DU GRANGS NGES PA'I PHYIR, DANG PO GRUB STE, DES RNAM MKHYEN RANG RGYUD LA BSKYED PA LA THEG PA GSUM GYI LAM GSUM RDZOGS PAR SGOM PA'I LAM SHES THOB PA SNGON DU 'GRO DGOS, DE LA YANG GZHI SHES KYI RNAM PA MI RTAG SOGS BCU DRUG RTOGS PA'I YE SHES SGOM PA SNGON DU 'GRO DGOS PA'I PHYIR, RTZA RTAGS GNYIS PA GRUB STE, NYON SGRIB DANG SHES SGRIB MA LUS PAR SPOD PA LA MKHYEN GSUM GYI RNAM BA RDZOGS PAR SGOM DGOS PAS, DE LA YANG MKHYEN GSUM GYI RNAM PA LA DBANG THOB DON DU SGOM PA RNAM RDZOGS SBYOR BA DANG, DBANG THOB NAS SGOM PA RTZE SBYOR GNYIS SU NGES PAS DE GNYIS BZHAG ,'BRAS BU CHOS SKU DNGOS SU THOB PA LA DE'I SBYOR BA'I GNAS SKABS SU MI RTAG PA LTA BU GCIG YID LA BYAS PA NA GZHAN RNAMS LA RTZOL BA MI DGOS PAR BYA RDZOGS KYI SKAD CIG MA'I THUNG MTHA' GCIG LA YID YUL DU 'CHAR THUB PA GCIG DGOS LA, DE LA DE'I SNGA ROL DU MKHYEN GSUM GYI RNAM PA LA RTZOL BAS RIM CAN DU SGOM PA'I MTHAR GYIS SBYOR PA THOB PA SNGON DU 'GRO DGOS PAS SBYOR BA PHYI MA GNYIS BZHAG PA'I PHYIR, 'O NA MKHYEN GSUM GYI GO RIM 'DI LTAR BSHAD PA'I RGYU MTSAN CI YIN ZHE NA, CHOS SKU'I MTSAMS SBYAR GYI 'GREL CHEN LAS, GANG GI TSE SGYU DANG G-YO THAMS CAD RNAM PAR SPANGS PA LA SOGS PA'I YID LA BYED PA RNAMS JI SKAD DU BSHAD PA'I SHES RAB KYI PHA ROL TU PHYIN PA 'DI LA, SGYU MA DANG 'DRA BA NYID RJES SU RIG PAR BYED PA DANG, LAM GYI RNAM PAR SHES PA NYID KYIS RNAM PAR DPYOD PA DANG, THAMS CAD SHES PA NYID KYIS @86A *, ,'JUG PA DANG, RNAM PA KUN MNGON PAR RDZOGS PAR RTOGS PAS RTOGS PAR BYED PA DANG, RTZE MO'I MNGON PAR RTOGS PAS SEMS PA DANG, MTHAR GYIS PA'I MNGON PAR RTOGS PAS 'JAL BA DANG, SKAD CIG MA'I MNGON PAR RTOGS PAS NYE BAR RTOGS PAR 'GYUR BA DANG, CHOS KYI SKUR MNGON PAR RDZOGS PAR BYANG CHUB PAS KYANG BSGOM PAR 'GYUR BA DE'I TSE BYANG CHUB SEMS DPA' 'DI LA CHOS KYI SKU'I YON TAN DANG, LONGS SPYOD RDZOGS PA'I SKU'I MTSAN NYID KYI SANGS RGYAS KYI ZHING DANG, SPRUL PA'I SKU RANG GI NGO BO SANGS RGYAS KYI CHOS BLA NA MED PA 'PHRIN LAS DANG BCAS PA YONGS SU RDZOGS BA RNYED DKA' BAR MI 'GYUR BAS ZHES BYA BA NI TSIG DON YIN NO, ,ZHES GSUNGS, DON NI, RGYU 'BRAS DON GYI RIM PA'I DBANG DU BYAS NA, DANG POR GZHI SHES BSHAD RIGS TE, RGYAN GYI CHED DU BYA BA'I GDUL BYAS SEMS BSKYED SOGS CHOS BCU MNGON SUM DU RTOGS PA'I RNAM MKHYEN RANG RGYUD LA SKYED PA LA THEG PA GSUM GYI LAM SHES PA'I LAM SHES THOB PA SNGON DU 'GRO DGOS, DE LA MI RTAG SOGS BCU DRUG RTOGS PA'I SKYES BU 'BRING DANG THUN MONG BA'I BSAM PA SPYOD PA SNGON DU 'GRO DGOS PA'I PHYIR, 'DIR NI BSHAD PA'I RIM PA'I DBANG DU BYAS NAS DANG POR RNAM MKHYEN BSHAD PA YIN, RGYAN GYI CHED DU BYA BA'I GDUL BYAS 'BRAS BU RNAM MKHYEN GYI PHAN YON MTHONG NAS LAM NYAMS SU LEN PA LA SPRO BA BSKYED PAR BYA BA'I PHYIR DU DANG POR RNAM MKHYEN BSHAD PA YIN PA'I PHYIR, DPER NA, TSONG BAS TSONG GI KHE PHOG MTHONG NAS TSONG @86B LA 'JUG PA DANG, ZHING PAS LO TOG GI PHAN YON MTHONG NAS SO NAM LA 'JUG PA BZHIN NO, ,MKHYEN GSUM DANG SBYOR BZHI'I RIM PA YANG BSHAD PA'I RIMS PA'I DBANG DU BYAS TE, RGYU 'BRAS DON GYI RIM PA LTAR NA, DANG POR SBYOR BZHI 'CHAD DGOS PA'I PHYIR TE, MKHYEN GSUM THOB PA LA SBYOR BZHI THOB PA SNGON DU 'GRO DGOS PA'I PHYIR, 'O NA, DNGOS PO BRGYAD PO DE GANG ZHE NA, SEMS BSKYED SOGS CHES BCU MNGON SUM DU RTOGS PA MTHAR PHYIN PA'I YE SHES, RNAM MKHYEN GYI MTSAN NYID, DBYE NA, SHES BYA'I RNAM PA MA LUS PAR MKHYEN PA'I LDOG CHA NAS PHYE BA'I RNAM MKHYEN DANG, RGYU 'BRAS GTZO BO'I CHOS BCU MNGON SUM DU RTOGS PA'I LDOG CHA NAS PHYE BA'I RNAM MKHYEN GNYIS SU YOD, SA MTSAMS SANGS RGYAS KYI SA KHO NAR YOD, RANG RGYUD LDAN GYI GANG ZAG GI RGYUD KYI STONG NYID MNGON SUM DU RTOGS PA'I SHES RAB KYIS ZIN PA'I THEG CHEN 'PHAGS PA'I MKHYEN PA DE, LAM SHES KYI MTSAN NYID, DBYE NA, NYAN THOS KYI LAM SHES PA'I LAM SHES, RANG RGYAL GYI LAM SHES PA'I LAM SHES; BYANG SEMS KYI LAM SHES PA'I LAM SHES DANG GSUM, SA MTSAMS THEG CHEN GYI MTHONG LAM NAS SANGS RGYAS KYI SA'I BAR DU YOD, THEG DMAN GYI RTOGS RIGS SU GNAS PA'I 'PHAGS RGYUD KYI MKHYEN PA, GZHI SHES KYI MTSAN NYID, DBYE NA, MI MTHUN PHYOGS KYI GZHI SHES DANG, GNYEN PO PHYOGS KYI GZHI SHES GNYIS SU YOD, SA MTSAMS 'PHAGS PA MTHA' DAG GI RGYUD LA YOD, MKHYEN GSUM GYI RNAM PA SGOM PA'I SHES RAB KYIS ZIN PA'I SEMS DPA'I RNAL 'BYOR, RNAM RDZOGS @87A *, ,SBYOR BA'I MTSAN NYID, DBYE NA, BRGYA BDUN CU RTZA GSUM YOD, SA MTSAMS THEG CHEN GYI TSOGS LAM NAS RGYUN MTHA'I BAR DU YOD, MKHYEN GSUM BSDUS SGOM THEG CHEN GYI TSOGS LAM LAS RAB TU GYUR PA'I SHES RAB KYIS ZIN PA'I SEMS DPA'I RNAL 'BYOR, RTZE SBYOR GYI MTSAN NYID, DBYE NA BZHI YOD, SA MTSAMS THEG CHEN GYI SBYOR LAM DROD NAS RGYUN MTHA'I BAR DU YOD, MKHYEN GSUM GYI RNAM PA LA BRTAN PA THOB DON DU MKHYEN GSUM GYI RNAM PA RIM GYIS SGOM PA'I SHES RAB KYIS ZIN PA'I SEMS DPA'I RNAL 'BYOR GANG ZHIG ,RGYUN MTHA'I SNGA LOGS TSUN CHAD KYIS BSDUS PA, MTHAR GYIS SBYOR BA'I MTSAN NYID, DBYE NA, BCU GSUM YOD, SA MTSAMS THEG CHEN GYI TSOGS LAM NAS RGYUN MTHA'I SNGA LOGS KYI BAR DU YOD, BYA RDZOGS KYI SKAD CIG MA'I THUNG MTHA' GCIG LA MKHYEN GSUM GYI RNAM PA BRGYA BDUN CU RTZA GSUM DNGOS YUL DU BYED PA'I NUS PA THOB PA'I SEMS DPA'I RNAL 'BYOR MTHAR THUG ,SKAD CIG SBYOR GYI MTSAN NYID, DBYE NA BZHI YOD, SA MTSAMS RGYUN MTHA' KHO NAR YOD, MKHYEN GSUM GYI RNAM PA SGOM STOBS KYIS THOB PA'I 'BRAS BU MTHAR THUG ,'BRAS BU CHOS SKU'I MTSAN NYID, DBYE NA BZHI YOD, SA MTSAMS SANGS RGYAS KYIS KHO NAR YOD, 'O NA, DNGOS PO BRGYAD PO DE MTSON BYED KYI CHOS BDUN CU PO DE GANG ZHE NA, RNAM MKHYEN MTSON BYED KYI CHOS LA BCU YOD DE, SEMS BSKYED, GDAMS NGAG ,THEG CHEN GYI SBYOR LAM, SGRUB PA'I RTEN RANG BZHIN GNAS RIGS SGRUB PA'I DMIGS PA, SGRUB PA'I CHED DU BYA BA, @87B GO SGRUB, 'JUG SGRUB, TSOGS SGRUB, NGES 'BYUNG SGRUB PA RNAMS SU YOD PA'I PHYIR, LAM SHES MTSON BYED KYI CHOS LA BCU GCIG YOD DE, LAM SHES KYI YAN LAG, NYAN THOS KYI LAM SHES PA'I LAM SHES, RANG RGYAL GYI LAM SHES PA'I LAM SHES; THEG CHEN GYI MTHONG LAM, THEG CHEN GYI SGOM LAM GYI BYED PA, MOS PA SGOM LAM MOS PA'I PHAN YON, BSNGO BA SGOM LAM, RJES SU YI RANG SGOM LAM, SGRUB PA SGOM LAM, RNAM DAG SGOM LAM RNAMS SU YOD PA'I PHYIR, GZHI SHES MTSON BYED KYI CHOS LA DGU YOD DE, SHES PAS SRID LA MI GNAS PA'I LAM SHES, SNYING RJES ZHI LA MI GNAS PA'I LAM SHES, 'BRAS YUM LA RING BA'I GZHI SHES, DE LA NYE BA'I GZHI SHES, MI MTHUN PHYOGS KYI GZHI SHES, GNYEN PO'I PHYOGS KYI GZHI SHES; GZHI SHES KYI SBYOR BA, GZHI SHES SBYOR BA'I MNYAM NYID, NYAN THOS KYI RTOGS RIGS SU GNAS PA'I MTHONG LAM RNAMS SU YOD PA'I PHYIR, RNAM RDZOGS SBYOR BA MTSON BYED KYI CHOS LA BCU GCIG YOD DE, RNAM RDZOGS SBYOR BA'I BSGOM BYA'I RNAM PA SBYOR BA SBYOR BA'I YON TAN, SBYOR BA'I SKYON, SBYOR BA'I MTSAN NYID, THEG CHEN GYI THAR PA CHA MTHUN, THEG CHEN GYI NGES 'BYED CHA MTHUN, PHYIR MI LDOG PA'I RTAGS, SRID ZHI MNYAM NYID KYI SBYOR BA, ZHING DAG SBYOR BA, THABS MKHAS SBYOR BA RNAMS SU YOD PA'I PHYIR, RTZE SBYOR MTSON BYED KYI CHOS LA BRGYAD DU YOD DE, RTAGS BCU GNYIS PO DANG LDAN PA'I RTZE SBYOR, BSOD NAMS RNAMS PAR 'PHEL BA'I RTZE SBYOR, BRTAN PA'I RTZE SBYOR, SEMS KUN TU GNAS PA'I RTZE SBYOR, MTHONG LAM @88A *, ,RTZE SBYOR, SGOM LAM RTZE SBYOR, BAR CHAD MED PA'I RTZE SBYOR, BSAL BYA LOG SGRUB DANG BCAS PA RNAMS SU YOD PA'I PHYIR, MTHAR GYIS SBYOR BA MTSON BYED KYI CHOS LA BCU GSUM DU YOD DE, DE LA PHAR PHYIN DRUG GI MTHAR GYIS SBYOR BA DRUG, RJES DRAN DRUG GI DE DRUG ,DNGOS MED NGO BO NYID KYI DE DANG BCU GSUM YOD PA'I PHYIR, SKAD CIG SBYOR MTSON BYED KYI CHOS LA BZHI YOD DE, DE LA RNAM PAR SMIN PA MA YIN PA'I SKAD CIG SBYOR DANG, RNAM PAR SMIN PA'I SKAD CIG SBYOR DANG, MTSAN NYID MED PA'I SKAD CIG SBYOR DANG, GNYIS SU MED PA'I SKAD CIG SBYOR DANG BZHI YOD PA'I PHYIR, 'BRAS BU CHOS SKU MTSON BYED KYI CHOS LA BZHI YOD DE, DE LA NGO BO NYID SKU, LONGS SKU, SPRUL SKU, YE SHES CHOS SKU MDZAD PA 'PHRIN LAS DANG BCAS PA RNAMS SU YOD PA'I PHYIR, 'DI DAG GI MTSAN NYID DANG, DBYE BA SOGS RGYAS PAR 'OG TU RANG RANG GI SKABS SU 'CHAD DO, ,'DI DAG GIS ZLOS PA SPONG BA LA 'PHAGS PA'I LUGS DANG, SLOB DPON GYI LUGS GNYIS LAS; SLOB DPON GYI BZHED PA NI SKABS BZHI PAR 'CHAD LA, 'PHAGS PA LTAR NA SGRUB PA DANG, SBYOR BA DANG, GANG ZAG DANG, RTOG PA DANG, SGOM LAM DANG, MTHONG LAM DANG, SBYOR LAM LA ZLOS PA SPANG BA'O, ,DANG PO NI, GDAMS NGAG GI SKABS SU SGRUB DANG, ZHES DANG, SGRUB PA BZHI RNAMS ZLOS PAR 'GYUR TE, SGRUB PA KHYAD PAR MED PA YANG YANG BSTAN PA'I PHYIR RO ZHE NA, SKYON MED DE, DANG PO DE GDAMS NGAG GI BRJOD BYA'I CHA NAS YIN LA, GNYIS PA DE SGRUB PA RANG GI @88B NGO BO DANG, DBYE BA BSTAN PA YIN PA'I PHYIR, GNYIS PA NI, GZHI SHES KYI SBYOR BA DANG, RNAM KUN GYI SBYOR BA GNYIS YANG ZLOS PAR 'GYUR RO ZHE NA, SKYON MED DE, DANG PO DE BZHI GANG ZAG BDAG GI SKYE MED DU RTOGS NAS SGOM PA NYE RANG GI SBYOR BA ZLOG NAS 'PHEN BYED YIN LA, GNYIS PA SKYE MED GSUM GA BSDUS NAS SGOM PA YIN PA'I PHYIR, GSUM PA NI, SKABS DANG POR GANG ZAG NYID SHU BSHAD PA DANG, GNYIS PAR, MOG MOG POR BYED LA SOGS DANG, ,ZHES DANG, RTEN GYI BSE RU LTA BU'I LAM, ,ZHES DANG, SKABS BZHI PAR, SANGS RGYAS RNAMS LA LHAG PAR BYAS, ,ZHES DANG, SLOB PA PHYIR MI LDOG PA'I TSOGS, ,ZHES GSUNGS PA RNAMS ZLOS PAR 'GYUR RO, ,ZHE NA SKYON MED DE, DANG PO DE DKON MCHOG GSUM BSHAD PA'I SKABS KYI DGE BDUN DKON MCHOG YIN LA, GNYIS PA DE, LAM SHES SKYE BA'I RTEN DANG, GSUM PA DE, RANG RGYAL GYI LAM GYI RTEN GYI GANG ZAG DANG, BZHI PA DE, YUM NYAN PA'I SNOD RUNG GI GANG ZAG DANG, LNGA PA DE, PHYIR MI LDOG PA'I RTEN NGOS GZUNG BAR BYA BA'I CHED YIN PA'I PHYIR, BZHI PA LA, SKABS DANG POR SBYOR LAM GYI RTOG PA BZHI BSTAN PA DANG, SKABS LNGA PAR MTHONG SPANG RTOG PA DANG, SGOM SPANG RTOG PA BZHI TSAN GNYIS BSHAD PA LA ZLOS SKYON YOD DO, ,ZHE NA, SKYON MED DE; DANG PO DE, THEG CHEN GYI SBYOR LAM GYI KHYAD CHOS SU BSTAN, GNYIS PA DE, THEG CHEN GYI MTHONG LAM GYI SPANG BYAR BSTAN, GSUM PA DE, THEG CHEN GYI SGOM LAM GYI SPANG BYAR BSTAN PA YIN PA'I PHYIR, DE BZHIN DU GNYEN PO'I TSOGS SGRUB KYI @89A *, ,SKABS SU, RTOG PA BRGYAD BSTAN PA DANG YANG MI ZLOS TE, DE NI GNYEN PO'I TSOGS KYI DBYE BA BSTAN PA'I PHYIR DU BSTAN PA YIN PA'I PHYIR, LNGA BA LA, SKABS RNAMS SU SGOM LAM YANG YANG BSTAN PAS ZLOS SKYON YOD DO ZHE NA, LAM SHES SU BSHAD PA'I SGOM LAM NI, LAM THAMS CAD BSKYED PAR BYA ZHING, YANG DAG PA'I MTHA' MNGON DU MI BYA ZHES 'BYUD BAS MTHA' GNYIS LA MI GNAS PA'I CHA NAS BSTAN, SKABS BZHI PAR, SGOM PA'I LAM NI ZAB PA STE, , ZHES PA NI PHYIR MI LDOG PA'I RTAGS KYI SGO NAS BSTAN, SKABS LNGA PAR, SGOM LAM BSHAD PA NI SGOM SPANG RTOG PA'I GNYEN PO'I CHA NAS BSTAN, GDAMS NGAG GI SKABS SU, SGOM ZHES BYA LA, ZHES GSUNGS PA NI, GDAMS NGAG GI BRJOD BYA'I CHA NAS BSTAN, GNYEN PO'I TSOGS SGRUB TU SGOM PA'I LAM ZHES GSUNGS PA NI, GNYEN PO'I TSOGS KYI DBYE BA SHES PA'I PHYIR DU BSTAN PA YIN, DRUG PA LA, SKABS RNAMS SU MTHONG LAM YANG YANG BSTAN PA LA ZLOS SKYON YOD DO, , ZHE NA, SKYON MED DE, GDAMS NGAG GI SKABS SU MTHONG LAM DANG, ZHES GSUNGS PA NI, GDAMS NGAG GI BRJOD BYA'I CHA NAS BSTAN, TSOGS SGRUB KYI SKABS SU, MTHONG LAM DANG, ZHES BSHAD PA NI GNYEN PO'I TSOGS KYI DBYE BA SHES PA'I PHYIR DU BSTAN, SKABS GNYIS PAR NI MTHA' GNYIS LA MI BRTEN PA'I MTHONG LAM BSTAN, SKABS GSUM PAR THEG DMAN GYI SA LAS 'DA' BAR BYA BA'I MTHONG LAM BSTAN, SKABS BZHI PAR, MTHONG BA'I LAM LA BZOD PA DANG, @89B ZHES GSUNGS PA NI PHYIR MI LDOG PA'I RTAGS KYI SGO NAS BSTAN, SKAD CIG MA NI BCU DRUG GIS, ,ZHES PAS NI NYAN RANG LAS KHYAD PAR DU 'PHAGS PAR BSTAN, SKABS LNGA PAR MTHONG LAM BSTAN PA NI MTHONG SPANG RTOG PA'I GNYEN PO'I CHA NAS BSTAN PA YIN PA'I PHYIR, BDUN PA NI, SKABS RNAMS SU SBYOR LAM YANG YANG BSTAN PAS KYANG ZLOS SKYON YOD DO, ,ZHES NA, SKYON MED DE, SKABS DANG POR THEG CHEN GYI SBYOR LAM BSTAN PA NI, DMIGS RNAM RGYU GSUM LDAN CHOS RTOG PA YONGS 'DZIN CHE 'BRING CHUNG GSUM GYI DBYE BA STE KHYAD CHOS DRUG GI SGO NAS NYAN RANG GI SBYOR LAM LAS KHYAD PAR DU 'PHAGS PAR BSTAN, SKABS GNYIS PAR NGES 'BYED BZHI TSAN GNYIS BSTAN PA NI, NYAN THOS KYI LAM SHES PA'I LAM SHES KYI SKABS SU DMIGS PA GZUGS SOGS LA DMIGS NAS RNAM PA STONG NYID DBYER MED PA LA SOGS PA'I RNAM PAR BSTAN, RANG RGYAL GYI LAM SHES PA'I LAM SHES KYI SKABS SU, DMIGS PA CHOS THAMS CAD BTAGS PA TZAM LA DMIGS NAS RNAM PA BTAGS PA DANG MI 'GAL BAR CHOS NYID STON PA'I RNAM PA CAN LA SOGS PAR BSTAN PA YIN PAS, DE GSUM LA SNGA MA SNGA MA LAS PHYI MA PHYI MA DMIGS RNAM MI 'DRA BA'I PHYIR, SKABS BZHI PAR, DRO BA RNAMS KYI DMIGS PA 'DIR, ,ZHES SOGS SU BSTAN PA NI DMIGS PA SEMS CAN DANG, RNAM PA SEMS MNYAM PA LA SOGS PA'I SGO NAS DMIGS PAS MI ZLOS LA, SKABS LNGA PAR, SBYOR LAM BSTAN PA NI RTZE SBYOR GYI BSTAN PA YIN PAS MI ZLOS PA'I PHYIR, 'DI DAG NI 'PHAGS PA'I BZHED PA GSER @90A *, ,PHRENG DU BKOD PA'O, ` ,GNYIS PA YAN LAG GI SGO NAS RGYAS PAR BSHAD PA LA, TSIG LE'UR BYAS PA DANG 'BREL BA'I DON GZHAN BSHAD PA DANG, TSIG LE'UR BYAS BA NYID KYI DON BSHAD PA'O, ,DANG PO LA, MDO DANG JI LTAR SBYAR BA DANG, SBYOR TSUL LA RTZOD PA SPANG BA'O, ,DANG PO NI, GAL TE BSTAN BCOS MNGON RTOGS RGYAN 'DIS MDO'I DON KUN BSDUS PA YIN NA, CI'I PHYIR 'DIR GLENG GZHI DANG, RJE BTZUN GYIS ZHUS BA, ,RTAG DUS KYI LE'U, CHOS 'PHAGS KYI LE'U, SHER PHYIN YONGS SU GTAD PA'I LE'U RNAMS MA BSDUS SHE NA, GLENG GZHI MA BSDUS PA'I RGYU MTSAN YOD DE, DE NI YUM 'DI GSUNGS PA'I TSE 'KHOR 'DUS TSUL LA SOGS PA STON PAS GO SLA LA, DE LTAR DU GDUL BYA RNAMS KYIS RANG GIS RTOGS NUS BZHIN DU YANG DE STON PA LA DGOS PA MED PA'I PHYIR, RJE BTZUN NYID KYIS ZHUS PA 'DIR MA BSDUS PA'I RGYU MTSAN YOD DE, DE NI THEG PA GCIG DANG RIGS GCIG TU STON PA YIN LA, DE YANG 'JAM DPAL GYI MAN NGAG LA SOGS PA'I MDO SNGE DU MA DANG, DPU MA'I RTZA BA LA SOGS PAR GSAL BAR MDZAD PAS 'DIR BSTAN MI DGOS PA'I PHYIR, ZHES CHOS BSHES BZHENG, RTAG DUS DANG CHOS 'PHAGS KYI LE'U GNYIS MA BSDUS PA'I RGYU MTSAN YOD DE, DE GNYIS SLOB MA DANG DGE BA'I BSHES GNYEN GYI RNAM THAR BSTAN PA YIN PAS, DE YANG MA 'ONGS PA RNAMS LA DE LTAR SLOB PA'I CHED DU SPON BYUNG BA BSTAN PA YIN PAS GO SLA BA LA DGONGS PA YIN PA'I PHYIR, YONGS GTAD KYI LE'U BSDUS MI DGOS TE @90B DE NI SHER PHYIN LA GCES SPRAS BYA BA'I PHYIR DU GZHUNG YONGS SU GTAD PA TZAM YIN PA'I PHYIR, GZHAN YANG, BAR PAR DU GANG ZAG LUNG BSTAN PA DANG SNGON RABS LA SOGS PA 'GA' ZHIG MA BSDUS PA'I RGYU MTSAN YOD DE, DE RNAMS GO SLA PA LA DGONGS NAS MA BSDUS PA'I PHYIR, DE LA LE'U PHYI MA GSUM PO DE GO SLA PA LA DGONGS NAS MA BSDUS PAR RGYAN SNANG DANG, GNAD KYI ZLA 'OD GNYIS LAS GSAL BAR BSHAD DO, ,BYAMS PAS ZHUS PA BSLAB PA RAB TU DBYE BA'I LE'US NI LE'U BRGYAD MA DANG DAG LDAN SNYING PO MCHOG ZLA 'OD RNAMS SU PHYIN CI LOG SPONG BA LA 'GOD PA'I 'PHRIN LAS DANG SBYAR BAS, BYAMS ZHUS RGYAN GYIS MA BSDUS PAS LE'U BZHI PO DE RGYAN GYIS MA BSDUS SO, ,'O NA GLENG GZHI RGYAN GYIS MA BSDUS NA, 'PHAGS PAS 'DI SKAD CES BYA BA LA SOGS PA SKABS 'BYED PA NAS, BRTZAMS TE YONGS SU RDZOGS PA'I BAR GYI DNGOS PO RNAMS GCIG TU BSDUS NA, RNAM PA THAMS CAD MKHYEN PA NYID LA SOGS PA CHOS KYI SKU MDZAD PA DANG BCAS PA'I MTHAR THUG PA DNGOS PO BRGYAD DU 'GYUR RO, ,ZHES GSUNGS PA DANG 'GAL LO, ,ZHE NA; SKYON MED DE, DE NI RTOGS DKA' BA'I DBU ZHABS KYI DON TZAM BSDUS PA LA DGONGS PA YIN PA'I PHYIR, 'PHAGS PAS, GLENG GZHIR PHYOGS BCU'I DE BZHIN GSHEGS PAS PADMA'I SKYES BSKUR BA DANG, BYANG SEMS GZHAL DU MED PA 'DUS PAR GSUNGS PA NI SEMS BSKYED LA SOGS PA'I SHER PHYIN BSHAD PA RDZOGS PA'I BAR GYI 'JIG RTEN THAMS CAD BYIN GYIS BRLABS PA, SEMS CAN DU MA LA DMIGS NAS SEMS @91A *, ,BSKYED PA DANG, SANGS RGYAS MANG BOR BSTAN PA LA SOGS PA'I CHED DU YIN NO, ,ZHES GSUNGS PA'I PHYIR, DES NA MCHOD BRJOD DANG GLENG GZHI SBYOR BA MA YIN TE, MCHOD BRJOD DANG DGOS 'BREL GNYIS RKYAN GYIS MDO BSHAD PA'I SNGON 'GRO YIN GYI MDO'I BSHAD PA DNGOS MA YIN PA'I PHYIR, DPER NA 'GREL PA 'DI'I, SHES RAB PHA ROL PHYIN PA LA, ,ZHES SOGS RGYAN GYI 'GREL PA MA YIN PA BZHIN NO, ,KHO NA RE, SKYON MED DE, RGYAN 'DI'I RTZA BA'I MDO JI LTAR 'BYUNG TSUL STON PAS SBYOR RIGS PA'I PHYIR NA, LE'U PHYI MA GSUM LA YANG SBYOR RIGS PAR THAL, DE GSUM GYIS SHER PHYIN SNGON JI LTAR BTZAL TSUL DANG, DE JI LTAR GTOD TSUL STON PA'I PHYIR, KHA CIG ,YONGS GTOD, DE YI RGYU NI YONGS GTOD DANG; ;ZHES PAS BSDUS, GLENG GZHI NI, SANGS RGYAS ZHING NI DAG PA NYID, ,CES PAS BSDUS, RTAG CHOS GNYIS YONGS 'DZIN GYIS BSDUS, ZHES ZER BA MI 'THAD DE, YONGS GTAD GNYIS YOD PA'I DANG PO DE NI YONGS GTAD DANG, ZHES PAS BSDUS LA, THA MA NI RTAG DUS KYIS DKA' BAS BTZAL BA DE'I PHYIR YANG ZUNGS SHIG ,CES GSUNGS PA'I PHYIR, GZHAN YANG, SNOD KHYAD PAR CAN NA BZHUGS NAS THEG CHEN GSUNGS PA'I GLENG GZHI THAMS CAD DANG, NOR BZANG GIS BLA MA BSTEN PA'I TSUL LA SOGS PA THAMS CAD KYANG RGYAN GYIS BSDUS PAR THAL, GLENG GZHIR ZHING DAG PAR BSHAD PA TZAM DANG CHOS 'PHAGS SLOB DPEN DANG, RTAG TU DU SLOB MA YIN PA TZAM GYIS DE DAG GIS BSDUS PA'I PHYIR, RTAGS KHAS, @91B GNYIS PA SBYOR TSUL LA RTZOD PA SPONG BA LA, KHO NA RE, RGYAN DANG MDO SBYAR NAS 'CHAD MI RIGS TE, MDO KHA CIG SGRA JI BZHIN YIN PAS SBYAR RUNG, KHA CIG SGRA JI BZHIN MIN YANG RGYU MTSAN SNANG BAS SBYAR RUNG YANG, BYANG CHUB RGYAS BSHAD KYIS SEMS BSKYED GNYIS PA BSTAN PAR 'DOD PA LTA BU MDO DES DON DE STON PA LA NGES BYED MED PA DANG, DROD KYI SKABS SU BUD MED DU MI SKYE BAR BRJOD PA LTA BU DANG, RGYAN DU DON YOD PA GLEGS BAM KHA CIG TU MDO MI SNANG BA'I PHYIR, ZHES ZER NA, MDO SBYAR BA'I RGYU MTSAN MED PA LTAR SNANG BA RNAMS NI DE DAG TU SBYAR BA'I RGYU MTSAN GNYIS YOD PAS SBYAR RUNG STE, RIM PA BZHIN SBYAR RIGS PA RNAMS SBYAR BA NA LHAG MA RNAMS DE DANG SBYOR BAR SHUGS LA GO BAR 'GYUR BA'I PHYIR DANG, DE BZHIN GSHEGS PAS RJE BTZUN LA DE LTAR SBYAR BA'I LUNG MNGA' BA'I PHYIR, DE YANG YIN TE, RJE BTZUN RGYAL TSAB TU DBANG BSKUR BAS DAM PA'I CHOS MDZOD GZHAN GYIS LTA BA'I GNAS MA YIN PA LA PA'I LUNG GIS DBANG BSGYUR BA YIN PA'I PHYIR DANG, DRONG DANG BUD MED DU MI SKYE BAR BSTAN PA LTA BU'I RGYAN GYI SGRAS MA ZIN PA RNAMS NI ZLAS BSDUS TE BSTAN PA'I PHYIR, GZHAN YANG, KHA CIG ,GCO BO BSDUS PAS 'KHOR ZHAR LA BSDUS PA YIN TE, DPER NA RGYAL PO 'KHOR BCAS GSHEGS PA LA RGYAL PO GSHEGS ZHES BRJOD PA LTA BU YIN PA'I PHYIR; MDO KHA CIG ,SKABS BRGYAD KYI KHONGS SU BSTAN YANG GO SLA BA'I CHA MA BSDUS PA YIN TE, DPER NA, SRID MO GANG G'A'I LHA MO BSKAL PA SKAR MA LTA BU LA DE BZHIN GSHEGS PA GSER GYI ME TOG TU 'TSANG RGYA BAR LUNG BSTAN PA DANG, DGE SLONG BRGYA PHRAG @92A *, ,DRUG CU BSKAL BA SKAR MA LTA BU LA ME TOG BKRAM PA ZHES BYA BA'I DE BZHIN GSHEGS PA TSE BSKAL PA STONG PHRAG NYI SHU NYI SHU THUB BA SHA STAG TU 'TSANG RGYA BAR LUNG BSTAN PA LTA BU YIN PA'I PHYIR, MNGON RTOGS RGYAN DU DON YOD PA MDO'I GLEGS BAM KHA CIG TU MI SNANG BA NI, GZHUNG RAB TU RGYAS PA 'DI SGRUB PAR DKA' BA DANG, LNGA BRGYA'I THA MA LA 'GRO BA RNAMS KYI BLO'I STOBS BRI BAS LUNG TSIG NYAMS PAR ZAD KYI 'DI LA LOG PAR BSTAN PA'I DRI MA MED DE, RJE BTZUN GYIS YUM DE LTAR GTAN LA PHAB PA'I PHYIR, ZHES SLOB DPON CHOS BSHES 'CHAD PA LTAR LEGS SO, ,'DI DAG NI BDAG NYID CHEN PO MA TI BHA DRA KI RTI'I LEGS BSHAD DO, ` ,GNYIS PA TSIG LE'UR BYAS PA NYID KYI DON 'CHAD PA LA, SHES BYA MKHYEN GSUM GYI YAN LAG RGYAS PAR BSHAD PA DANG, NYAMS LEN SBYOR BZHI'I YAN LAG RGYAS PAR BSHAD PA DANG, 'BRAS BU CHOS SKU'I YAN LAG RGYAS PAR BSHAD PA DANG GSUM LAS, DANG PO LA, THOB BYA RNAM MKHYEN GYI YAN LAG RGYAS PAR BSHAD PA DANG, THOB BYED LAM SHES RGYAS PAR BSHAD PA, LAM SHES RNAM PAR DAG BYED GZHI SHES KYI YAN LAG RGYAS PAR BSHAD PA'O, ,DANG PO LA, 'BREL BKOD PAS MTSAMS SBYAR, MTSON BYED KYI CHOS RGYAS PAR BSHAD PA, SKABS BSDU PA'O, ,DANG PO NI, SKABS BRGYAD KYI DANG POR DNGOS PO BRGYAD KYI NANG NAS RNAM MKHYEN BSHAD PA'I RGYU MTSAN CI YIN ZHE NA, DE'I RGYU MTSAN YOD DE, RNAM MKHYEN DE BYANG SEMS KYI THOB BYA MTHAR THUG YIN PAS GDUL BYAS 'BRAS BU RNAM MKHYEN GYI PHAN YON MTHONG NAS LAM NYAMS @92B SU LEN PA LA SPRO BA BSKYED PAR BYA BA'I CHED YIN PA'I PHYIR, ZHAS MTSAMS SBYOR BA LA, DE LTAR BSDUS PA'I DON KUN BSTAN NAS BYANG CHUB SEMS DPA' BYANG CHUB RJES SU THOB PAR 'DOD PAS 'BRAS BU YIN PA'I PHYIR, RNAM PA THAMS CAD MKHYEN PA NYID THOB PAR BYA DGOS PAS DANG POR RNAM PA THAMS CAD MKHYEN PA NYID DE SDUD PA'I TSIG LE'UR BYAS PA RNAM PAR BSHAD PA'I SGO NAS BSHAD PAR BZHED DE, ZHES GSUNGS, RGYAN SNANG LAS KYANG, DE LA 'BRAS BU STAN PAS BYANG CHUB DON DU GNYER BA'I BYANG CHUB SEMS DPA' SEMS BSKYED PA LA SOGS PA RNAM PA THAMS CAD YONGS SU SHES PAR BYED PA'I PHYIR NA, DANG POR RNAM PA THAMS CAD MKHYEN PA NYID BRJOD DO, ,ZHES GSUNGS, SPYIR MTSAMS SBYAR LA BSHAD PA YONGS SU RDZOGS PA'I MTSAMS SBYAR DANG, BSHAD PA LA 'JUG PA'I MTSAMS SBYAR DANG, DRI BAS LAN 'DREN PA'I MTSAMS SBYAR GSUM LAS, 'DIS DANG PO GNYIS KA BSTAN, ` GNYIS PA MTSON BYED KYI CHOS RGYAS PAR BSHAD PA LA, LAM GYI RANG BZHIN SEMS BSKYED BSHAD PA DANG, SEMS BSKYED DE DAG BYED KYI GDAMS DAG NOD PA DANG, GDAMS NGAG GI 'BRAS BU NGES 'BYED YAN LAG BSHAD PA DANG, GDAMS DON PHYIN CI MA LOG PAR SGRUB PA'I SGRUB PA BSHAD PA'O, ,DANG PO LA GNYIS, MTSAN NYID DANG, RAB DBYE'O, ,DANG PO LA GNYIS, MTSAN NYID DNGOS DANG, DE MDO DANG SBYAR BA'O, ,DANG PO LA, MTSAMS SBYAR, RTZA BA, 'GREL PA GSUM LAS, DANG PO NI, RNAM MKHYEN MTSON BYED KYI CHOS BCU'I THOG MAR SEMS BSKYED @93A *, ,'CHAD PA'I RGYU MTSAN YOD DE, RGYAN GYI CHED DU BYA BA'I GDUL BYAS RNAM MKHYEN THOB PA LA BSAM PA'I KHYAD PAR 'DI LTA BU GCIG DGOS SO ZHES SHES PAR BYA BA'I CHED YIN PA'I PHYIR, ZHES MTSAMS SBYOR BA LA, SEMS BSKYED PA RANG GI NGO BO DMIGS PA DANG BCAS PA, ZHES GSUNGS, YANG NA, RNAM MKHYEN 'CHAD PA'I THOG MAR SEMS BSKYED NAS 'CHAD KYI RGYU MTSAN YOD DE, SEMS BSKYED SOGS CHOS BCUS RNAM MKHYEN MTSON PA BSTAN PAR BYA BA'I CHED YIN PA'I PHYIR, MTSON TSUL YANG, RNAM BSHAD LAS, RGYUS 'BRAS BU MTSON TSUL LA CUNG ZAD BSHAD DU YOD KYANG, 'GREL CHEN DU YUL GYIS YUL CAN MTSON PAR SHIN TU GSAL TE, ZHES GSUNGS, DON NI, SEMS BSKYED SOGS CHOS BCUS RNAM MKHYEN MTSON TSUL YOD DE, RGYUS 'BRAS BU MTSON PA'I TSUL GYIS MTSON PA YIN PA'I PHYIR TE, DANG POR THEG CHEN DU RIGS SAD PA SNGON DU BTANG NAS BYANG CHUB MCHOG TU SEMS BSKYED DE, GDAMS PA DANG RJES SU GDAMS PA NYAN PA'I DON SGOM PAS STONG NYID LA DMIGS PA'I SGOM BYUNG GI SGRUB PA KHYAD PAR CAN THOB CING, DE YANG DMIGS PA CHOS THAMS CAD LA DMIGS NAS CHED DU BYA BA CHEN PO GSUM GYI CHED DU SGRUB PA BZHI NYAMS SU BLANGS PAS MTHAR RNAM MKHYEN THOB PAR 'GYUR ZHES MTSON PA YIN PA'I PHYIR, ZHES GSUNGS, DE LTAR CUNG ZAD BSHAD DU YOD KYANG, SKABS 'DIR CHOS BCUS YUL GYIS YUL CAN MTSON PA'I TSUL GYIS MTSON PA YIN TE, RGYAN SNANG LAS, DE BZHIN GSHEGS PA DANG 'BREL BA RJES SU SGRUB PAR 'DOD @93B PA NYID KYI SPYOD PAR 'GYUR BA'I RNAM PA THAMS CAD MKHYEN PA NYID KHO NA SEMS BSKYED PA LA SOGS PA'I RANG BZHIN RGYU DANG 'BRAS BU'I BDAG NYID KYI SGO NAS 'DIR YANG DANG YANG DU BZLAS PA'I PHYIR NA GZHUNG 'DI'I LE'U YIN NO, ,ZHES DANG, RGYU DANG 'BRAS BU MA LUS PA THUGS SU CHUD PA LA LTOS NAS DE BZHIN GSHEGS PA RNAMS KYI RNAM PA THAMS CAD MKHYEN PA NYID CES BRJOD PA YIN NO, ,ZHES GSUNGS PA'I PHYIR, DE LTAR MTSON TSUL YANG YOD DE, DANG POR BYANG CHUB MCHOG TU SEMS BSKYED DE; SGRUB PA'I GDAMS NGAG NYAN, GDAMS NGAG GI DON TSUL BZHIN DU NYAMS SU BLANGS PAS RIGS KYI NYES DMIGS BZHI PHAL CHER DANG BRAL NAS RIGS SAD, RIGS LA DMIGS PA'I BSGOMS BYUNG GI MYONG BA SKYES TE, DE YANG DMIGS PA BCU GCIG LA DMIGS NAS SGRUB PA BZHI NYAMS SU BLANGS PAS MTHAR CHEN PO GSUM MNGON SUM DU RTOGS PA'I YE SHES DE RNAM MKHYEN YIN NO, ZHES MTSON PA YIN PA'I PHYIR, GNYIS PA LA, KHO NA RE, CHOS BCU'I THOG MAR SEMS BSKYED DE 'CHAD NA, 'CHAD TSUL GANG ZHE NA, 'DI LA MDO LAS GSUNGS TSUL, BSTAN BCOS KYIS 'GREL TSUL GNYIS LAS, DANG PO NI, YUM BAR MA'I MDO LAS, GLENG GZHI'I LE'U RDZOGS MA THAG TU, DE NAS BCOM LDAN 'DAS KYIS TSE DANG LDAN PA SH'A RI'I BU LA BKA' STZAL PA, SH'A RI'I BU BYANG CHEN CHOS THAMS CAD RNAM PA THAMS CAD DU MNGON PAR RDZOGS PAR 'TSANG RGYA BAR 'TSAL BAS SHER PHYIN LA BRTZON PAR BYA'O, ,ZHES SOGS GSUNGS, GNYIS PA NI, MDO DE'I DON BSHAD PA'I SGO NAS @94A *, ,THEG CHEN SEMS BSKYED DE MTSAN NYID KYI SGO NAS MDOR BSTAN GYI TSUL GYIS 'CHAD PA LA, SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, ,CES GSUNGS, DE YANG SEMS BSKYED PA NI, ZHES PAS MTSON BYA DANG, GZHAN DON PHYIR, ,YANG DAG RDZOGS PA'I BYANG CHUB 'DOD, ,CES PAS MTSAN NYID DE BSTAN, GSUM PA LA, MTSAN NYID DNGOS DANG, RTZOD PA SPONG BA'O, ,DANG PO LA, NGO BO, DBYE BA, SEMS BSKYED TSUL GSUM LAS, DANG PO NI, GZHAN DON PHYIR, ,YANG DAG RDZOGS PA'I BYANG CHUB 'DOD, ,CES PA'I DON 'CHAD PA LA, GZHAN GYI DON DU YANG DAG PAR RDZOGS PA'I BYANG CHUB 'DOD PA'I MTSAN NYID, CES GSUNGS, GNYIS PA DE STON PA LA, SMON PA DANG 'JUG PA'I NGO BO NYID RNAM PA GNYIS SO, ,ZHES GSUNGS, GSUM PA NI, SEMS BSKYED PA NI ZHES PA'I DON 'CHAD PA LA, SANGS RGYAS SU GRUB NAS GZHAN GYI DON GYI PHYIR SKAL BA JI LTA BA BZHIN DU 'BAD PAR BYA'O, ,ZHES SEMS BSKYED PA, ZHES GSUNGS GNYIS PA LA RTZOD PA DANG, LAN GNYIS LAS, DANG PO NI, KHO NA RE, GZHAN DON DU YANG DAG PAR RDZOGS PA'I BYANG CHUB DON GNYER GYI 'DUN PA CHOS CAN, SEMS BSKYED MA YIN PAR THAL, SEMS BYUNG YIN PA'I PHYIR, 'DOD NA, SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, ,CES GSUNGS PA DANG 'GAL LO, ZHES PA'I RGOL BA DE STON PA LA, YANG DAG PAR RDZOGS PA'I BYANG CHUB 'DOD PA NYID NI DE DON DU GNYER BA DGE BA'I CHOS LA 'DUN PA SEMS @94B LAS BYUNG BA YIN LA, SEMS BSKYED PA NI SEMS YUL KHYAD PAR DU 'PHAGS PA SNANG BA CAN 'BYUNG BA MA YIN NAM, JI LTAR NA DE SEMS BSKYED PA YIN PAR 'GYUR ZHE NA, ZHES GSUNGS, GNYIS PA LA, RGYU'I MING GIS 'BRAS BU LA BTAGS PA DANG; GROGS KYI MING GIS GROGS CAN LA BTAGS PA GNYIS LAS, DANG PO NI, RTZOD PA DE'I SKYON MED DE, THEG CHEN SEMS BSKYED DE RANG GI RGYUR GYUR PA'I GZHAN DON DON DU GNYER BA'I 'DOD PA LAS BYUNG BAS NA DE LA 'DOD PA'I MING GIS BTAGS PA YIN PA'I PHYIR, ZHES 'CHAD PA LA, BDEN MOD KYI 'ON KYANG 'DIR DGE BA'I CHOS LA 'DUN PA'I MTSAN NYID DON DU GNYER BA YOD NA BYANG CHUB KYI SEMS BSKYED PAS RGYUS 'BRAS BU BSTAN PA YIN TE, ZHES GSUNGS, DE LTAR BTAGS PA LA DGOS PA YOD DE, GZHAN DON DON DU GNYER PA'I BYANG CHUB SEMS DPA'I RGYUD LA DGE BA'I CHOS MTHA' DAG 'PHEL BAR 'GYUR RO, ,ZHES SHES PAR BYA BA'I CHED YIN PA'I PHYIR, ,ZHES 'CHAD PA LA, DE LTAR DON DU GNYER BA'I BYANG CHUB SEMS DPA'I DGE BA'I CHOS THAMS CAD 'PHEL BAR 'GYUR RO, ,ZHES SHES PAR BYA BA'I PHYIR NYE PAR BTAGS PA LA BRTEN PA YIN PAS NYES PA MED DO, ,ZHES GSUNGS, DNGOS LA GNOD BYED NI, BDEN MOD KYI ZHES PA NYID KYIS STON NO, ,GNYIS PA NI, LAN GYI RNAM PA GCIG TU NA THEG CHEN SEMS BSKYED LA BYANG CHUB 'DOD PA'I MING GIS 'DOGS PA'I RGYU MTSAN YOD DE, DE RANG GI GROGS SU GYUR PA'I BYANG CHUB DON GNYER GYI 'DOD PA DE DANG MTSUNGS LDAN YIN PAS DE LTAR BTAGS PA YIN PA'I @95A *, ,PHYIR; ZHES 'CHAD PA LA, RNAM PA GCIG TU NA SMON LAM NI DON DU GNYER BA STE, YANG DAG PAR RDZOGS PA'I BYANG CHUB 'DOD PA NYID YIN LA, DE DANG LHAN CIG SPYOD PA'I SEMS BSKYED PA DE'I SGRAR BSTAN PA NI, ZHES GSUNGS, BTAGS PA LA DGOS PA YOD DE, BYANG CHUB SEMS DPA'I RGYUD LA BYANG CHUB DON GNYER GYI 'DOD PA DANG MTSUNGS LDAN GYI SEMS DE SKYE'O, ,ZHES SHES PAR BYA BA'I CHED YIN PA'I PHYIR, ZHES 'CHAD PA LA, DE LTAR NA BYANG CHUB SEMS DPA' RNAMS LA SMON LAM DANG LDAN PA'I SEMS DE SKYE'O, ,ZHES BYA BAR SHES PAR BYA BA'I PHYIR YIN NO, ,ZHES GSUNGS, DNGOS LA GNOD BYED SNGAR BZHIN NO, ,GNYIS PA MDO DANG SBYAR BA LA DRI BAS MTSAMS SBYAR, MDO YIS LAN BSTAN, DRIS LA NA DES GRUB PA'I DON, MDO GZHAN MA BKOD PA'I RGYU MTSAN DANG BZHI LAS, DANG PO NI, GZHAN DON PHYIR, ,YANG DAG RDZOGS PA'I BYANG CHUB 'DOD, ,CES 'CHAD NA; YANG GANG 'DOD PA'I BDAG NYID BYANG CHUB DE NI GANG YIN, DE THEG CHEN SEMS BSKYED KYI THOB BYA'I YUL DU 'JOG PAR GANG LAS SHES ZHES DANG, GANG GI DON DU SEMS BSKYED PA GZHAN GYI DON NI GANG, DE THEG CHEN SEMS BSKYED KYI CHED DU BYA BA'I DMIGS YUL DU 'JOG PAR GANG LAS SHES, ZHES PA'I DRI BA DE STON PA LA, YANG GANG 'DOD PA'I BDAG NYID DANG GANG GI DON DU SEMS BSKYED PA YANG DAG PAR RDZOGS PA'I BYANG CHUB DE NI GANG YIN GZHAN GYI DON NI GANG YIN, @95B ZHE NA, ZHES GSUNGS, GNYIS PA NI, BYANG CHUB THOB BYA'I YUL DANG GZHAN DON CHED DU BYA BA'I YUL YIN PAR MDO LAS BSTAN PA DANG, BYANG CHUB DANG GZHAN DON LA DMIGS PA MDO NAS BSTAN TSUL GNYIS LAS, DANG PO NI, BYANG CHUB THOB BYA'I YUL DANG GZHAN DON CHED DU BYA BA'I YUL DU YUM RGYAS 'BRING BSDUS GSUM GA LAS BSTAN PA YIN TE, DE YUM PAR MA LAS DE LTAR BSTAN PA BZHIN DU RGYAS BSDUS GNYIS LAS KYANG DE BZHIN DU BSTAN PA YIN PA'I PHYIR, ZHES 'CHAD PA LA; DE DANG DE NI MDO BZHIN DU, ,BSDUS DANG RGYAS PA'I SGO NAS BRJOD, ,CES GSUNGS, GNYIS PA LA, BYANG CHUB DANG, GZHAN DON THEG CHEN SEMS BSKYED KYI DMIGS YUL DU MDO NAS BSTAN TSUL GNYIS LAS, DANG PO NI, THEG CHEN SEMS BSKYED KYI DMIGS YUL BYANG CHUB MDO LAS BSTAN PA YIN TE, MDO LAS DE RGYAS BSDUS GNYIS KYI SGO NAS BSTAN PA YIN PA'I PHYIR TE, SH'A RI'I BU 'DI LA BYANG CHEN CHOS THAMS CAD RNAM PA THAMS CAD DU MNGON PAR RDZOGS PAR 'TSANG RGYA BAR 'DOD PAS SHER PHYIN LA BSLAB PAR BYA'O, ,ZHES PAS BYANG CHUB DE THABS KYI SGO NAS MDOR BSTAN NAS, DE RGYAS PAR 'CHAD PA LA, DE NAS CHE DANG LDAN PA SH'A RI'I BUS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHEN CHOS THAMS CAD RNAM PA THAMS CAD DU MNGON PAR RDZOGS PAR 'TSANG RGYA BAR 'DOD PAS JI LTAR SHER PHYIN LA BRTZON PAR BGYI, BCOM LDAN 'DAS KYIS BKA' STZAL PA, SH'A RI'I BU 'DI LA BYANG CHEN GNAS MED PA'I TSUL GYIS SHER PHYIN LA GNAS TE, @096A *, ,SBYIN PA DANG, GTONG BA DANG, YONGS SU LEN PA MI DMIGS PA'I PHYIR YONGS SU GTONG BA MED PA'I TSUL GYIS SBYIN PA'I PHA ROL TU PHYIN PA DANG, LTUNG BA DANG MI LTUNG BA MI DMIGS PA'I PHYIR TSUL KHRIMS DANG, 'KHRUGS PA MED PA'I PHYIR BZOD PA DANG, LUS DANG SEMS KYI BRTZON 'GRUS NYAMS PA MED PA'I PHYIR BRTZON 'GRUS DANG, RO MYANG BA MED PA'I PHYIR BSAM GTAN DANG, SHES RAB DANG SHES RAB 'CHAL BA MI DMIGS PA'I PHYIR SHES RAB KYI PHA ROL TU PHYIN PA YONGS SU RDZOGS PAR BYA'O, ,ZHES GSUNGS, DE'I DON 'CHAD PA LA, RGYAL BA'I YUM RNAM PA GSUM CHAR LAS KYANG SHER PHYIN DANG, SBYIN PA LA SOGS PA THAMS CAD SBYIN PAR BYA BA DANG, SBYIN PA DANG, LEN PA PO LA SOGS PA MI DMIGS PA BSGRUB PAR BYA'O, ,ZHES SHES PAR BYED PA'I DON CAN DANG, ZHES GSUNGS, GNYIS PA NI, THEG CHEN SEMS BSKYED KYI DMIGS YUL GZHAN DON DE MDO LAS BSTAN TE, DE MDO LAS RGYAS BSDUS GNYIS KYI SGO NAS BSTAN PA YIN PA'I PHYIR TE, MDO LAS, SH'A RI'I BU GZHAN YANG BYANG CHEN PHYOGS BCU RE RE ZHING GANG G'A'I KLUNG GI BYE MA SNYED KYI 'JIG RTEN GYI KHAMS KYI SEMS CAN JI SNYED PA DE DAG THAMS CAD SKAL BA JI LTA BA BZHIN DU PHUNG PO LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DA' BAR 'DOD PAS SHER PHYIN 'DI NYID SGRUB CING BSLAB PAR BYA'O, ,ZHES PAS DE'I DMIGS YUL GZHAN DON DE MDOR BSTAN NAS, DE NYID RGYAS PAR 'CHAD PA LA, DE BZHIN DU SEMS CAN SER SNA @096B CAN RNAMS SBYIN PA LA 'GOD PAR 'DOD PA, TSUL KHRIMS 'CHAL BA RNAMS TSUL KHRIMS LA, GNOD SEMS MANG BA RNAMS PA ZOD PA LA, LE LO CAN RNAMS BRTZON 'GRUS LA, SEMS RNAM PAR G-YENG BA RNAMS BSAM GTAN LA, SHES RAB 'CHAL BA RNAMS SHES RAB PHUN SUM TSOGS PA LA 'GOD PAR 'DOD PAS SHER PHYIN LA BSLAB PAR BYA'O, ,ZHES GSUNGS PA'I PHYIR, ZHES 'CHAD BA LA, SEMS CAN THAMS CAD SKAL BA JI LTA BA BZHIN DU MYA NGAN LAS 'DAS PA DANG, SER SNA CAN LA SOGS PA RNAMS SBYIN PA LA SOGS PA LA 'GOD PAR 'DOD PAS SHER PHYIN 'DI NYID LA BSGRUB PAR BYA'O, ,ZHES BYA BA LA SOGS PA RAB TU STON PA LHUR BYED PA'I NGAG GIS MDO'I DON DANG MI 'GAL BAR BSDUS PA DANG RGYAS PA'I SGO NAS YANG DAG PAR RDZOGS PA'I BYANG CHUB DANG GZHAN GYI DON BSTAN TE, ZHES GSUNGS, GSUM PA DRIS LAN DES GRUB PA'I DON BSHAD PA NI, THEG CHEN SEMS BSKYED CHOS CAN, KHYOD KYIS GZHAN DON DANG BYANG CHUB LA DMIGS PA YIN TE, DE GONG DU MDO BZHI LAS SGRUB PA DE'I PHYIR, ZHES 'CHAD PA LA, DE LTAR NA SEMS BSKYED PA NI GZHAN GYI DON GYI PHYIR YANG DAG PAR RDZOGS PA'I BYANG CHUB 'DOD PA'I BDAG NYID YIN PAR SHES PAR BYA'O, ,ZHES GSUNGS, BZHI PA MDO GZHAN MA BKOD PA'I RGYU MTSAN NI, SLOB DPON SENG GE BZANG PO CHOS CAN, KHYOD KYIS GZHAN DON DANG BYANG CHUB GNYIS THEG CHEN SEMS BSKYED KYI DMIGS YUL DU STON PA'I YUM GYI MDO LAS GZHAN BLO GROS MI BZAD PA'I MDO DANG, SDONG PO BKOD PA'I @097A *, ,MDO SOGS THEG CHEN SEMS BSKYED STAN PA'I MDO RNAMS KHUNGS SU MI 'DREN PA'I RGYU MTSAN YOD DE, TSIG MANG DU DOGS NAS DE LTAR MA DRANGS PA YIN PA'I PHYIR, ZHES 'CHAD PA LA, GTZUG LAG GI GZHUNG SKABS KYI DON STON PA LHUR LEN PA NI THAMS CAD LAS KYANG GSUNGS MOD KYI TSIG MANG DU DOGS NAS KHUNGS NYID DU MA BRIS SO, ,ZHES GSUNGS, GNYIS PA SEMS BSKYED KYI RAB DBYE STON PA LA, MTSAMS SBYAR BA, RTZA BA, 'GREL PA DANG GSUM LAS; DANG PO NI, DE LTAR SEMS BSKYED KYI NGO BO DE BSHAD NAS, DA NI BAR SKABS KYI TSIGS BCAD GNYIS GSUNGS PA CHOS CAN, DGOS PA YOD DE, SEMS BSKYED DE'I RAB DBYE 'CHAD PAR BYED PA YIN NO, ,ZHES MTSAMS SBYOR BA LA, DE LTAR SEMS BSKYED PA DMIGS PA DANG RANG GI NGO BO DANG BCAS PA BRJOD NAS, DE NI DE'I RAB TU DBYE BA RNAM PA NYI SHU RTZA GNYIS BAR SKABS KYI TSIGS SU BCAD PA, ZHES GSUNGS, GNYIS PA LA, 'O NA, THEG CHEN SEMS BSKYED KYI DBYE PA NYI SHU RTZA GNYIS PO DA JI LTA BU ZHE NA, DE STON PA LA, DE YANG SA GSER ZLA BA ME, ,ZHES SOGS SHLOO KA GNYIS GSUNGS, GSUM PA LA YANG, NGO BO BSHAD PA DANG, DON BSDU BA DANG, SA MTSAMS DANG GSUM, DANG PO LA, 'O NA THEG CHEN SEMS BSKYED KYI DMIGS YUL GNYIS MDO LAS GSUNGS PA YIN NA, DBYE BA MDO LAS GSUNGS SAM ZHE NA, DE GSUNGS PA YIN TE, DANG PO 'DUN PA DANG MTSUNGS LDAN GYIS LTA BU'I SEMS BSKYED DE GONG DU DRANGS PA'I BYANG CHUB MDOR BSTAN @097B GYI MDO LAS BSTAN NAS, DE'I DON BSHAD PA LA, DE YANGS, ZHES GSUNGS, DE NYID TSIG DON GYI SGO NAS BSHAD PA LA, 'DUN PA DANG, ZHES DANG, GO RIMS BZHIN DU SA DANG, CHOS DKAR PO THAMS CAD KYI GZHI'I DNGOS PO DANG, ZHES GSUNGS, BYANG CHUB RGYAS BSHAD KYI MDO DES, BSAM PA DANG MTSUNGS LDAN GYI GSER LTA BU'I SEMS BSKYED DE BSTAN NAS, DE'I DON BSHAD PA LA, GSER, ZHES DANG, BSAM PA DANG, ZHES DANG, GSER BZANG PO DANG, ZHES DANG, BYANG CHUB KYI BAR DU MI 'GYUR BA DANG, ZHES GSUNGS, MDO DE GNYIS KYIS SEMS BSKYED DE GNYIS DI LTAR BSTAN ZHE NA, DE BSTAN PA YIN TE, MDO SNGA MAS THEG CHEN SEMS BSKYED DE SPYIR SANGS RGYAS DANG DE'I RGYU'I CHOS DKAR PO CAN GYI RGYUR BSTAN PAS SA LTA BU DANG, PHYI MA NI PHYIN DRUG GI THABS DANG LDAN PAR BSTAN PAS PHYIN DRUG GI SGO NAS TSE 'DI LA BDE BA DANG PHYI MA LA PHAN PAS BSAM PA NI GSER LTA BU YIN PA'I PHYIR RO, ,LHAG PA'I BSAM PA DANG MTSUNGS LDAN GYI ZLA BA TSES PA LTA BU'I SEMS BSKYED DE BSTAN PA LA, DE BZHIN DU SH'A RI'I BU BYANG CHEN SHER PHYIN LA GNAS TE DRAN PA NYE BAR BZHAG PA BZHI YONGS SU RDZOGS PAR BYA'O, ,ZHES PA NAS, BTANG SNYOMS CHEN PO BSGOM PAR BYA'O, ,ZHES PA'I BAR GSUNGS, DE'I DON BSHAD PA LA, ZLA BA, ZHES DANG, DE NYID TSIG DON GYI SGO NAS BSHAD PA LA, LHAG PA'I BSAM PA DANG, ZHES DANG, ZLA BA TSES PA DANG, ZHES DANG, DGE BA'I CHOS MTHA' DAG RNAM PAR 'PHEL BAR 'GYUR BA DANG, ZHES GSUNGS, SBYOR BA DANG MTSUNGS LDAN GYI ME LTA BU'I SEMS @098A *, ,BSKYED DE STON PA LA, THAMS CAD SHES PA NYID LA SHES PA DANG MTHONG BAS RNAM PAR BLTAS NAS 'DA' BAR 'DOD PA'I BYANG CHEN SHER PHYIN BSGOM PAR BYA'O, ,ZHES PA NAS, TING NGE 'DZIN GYI SGOM PA THOB PAR 'DOD PA'I BYANG CHEN SHER PHYIN BSGOM PAR BYA'O, ,ZHES PA'I BAR GSUNGS, DE'I DON 'GREL BA LA, ME, ,ZHES GSUNGS, DE NYID TSIG DON GYI SGO NAS BSHAD BA LA, SBYOR BA DANG, ZHES DANG, ME DANG, ZHES DANG, THAMS CAD MKHYEN PA NYID GSUM GYI SGRIB PA'I BUD SHING SREG PA DANG, ZHES GSUNGS, SBYIN PA'I PHAR PHYIN DANG MTSUNGS LDAN GYI GTER CHEN PO LTA BU'I SEMS BSKYED STON PA LA, SEMS CAN SER SNA CAN SBYIN PA LA 'GOD PAR 'DOD PA DANG, NYAN THOS KYIS DANG, RANG SANGS RGYAS KYI THEG PA'I RIGS KYI BU DANG RIGS KYI BU MO SBYIN PA GTONG BA THAMS CAD KYI DGE BA'I RTZA BA DE THAMS CAD RJES SU YI RANG BA DANG LDAN PA'I SEMS BSKYED PA GCIG GIS ZIL GYIS GNON PAR 'DOD PA'I BYANG CHEN SHER PHYIN LA BSLAB PAR BYA'O, ,ZHES GSUNGS, DE'I DON BSHAD PA LA, GTER DANG, ZHES GSUNGS, DE NYID TSIG DON GYI SGO NAS BSHAD PA LA, SBYIN PA DANG, ZHES DANG, GTER CHEN PO DANG, ZHES DANG, SEMS CAN THAMS CAD TSIM PAR BYED PA DANG, ZHES GSUNGS, TSUL KHRIMS KYI PHAR PHYIN DANG MTSUNGS LDAN GYI RIN PO CHE'I 'BYUNG KHUNGS KYI GNAS LTA BU'I SEMS BSKYED STON PA LA, TSUL KHRIMS 'CHAL BA RNAMS TSUL KHRIMS LA 'GOD PAR 'DOD PA DANG, NYAN THOS @098B DANG RANG SANGS RGYAS KYI THEG PA'I ZHES SOGS GSUNGS, DE'I DON BSHAD PA LA, RIN CHEN 'BYUNG GNAS, ZHES GSUNGS, DE NYID TSIG DON GYI SGO NAS BSHAD PA LA, TSUL KHRIMS DANG, RIN PO CHE'I 'BYUNG KHUNGS GYI GNAS DANG YON TAN RIN PO CHE'I RTEN GYI DNGOS PO DANG, ZHES GSUNGS, BZOD PA'I PHAR PHYIN DANG MTSUNGS LDAN GYI RGYA MCHO CHEN PO LTA BU'I SEMS BSKYED STON PA LA, GNOD SEMS CAN RNAMS BZOD PA LA, ZHES SOGS GSUNGS, DE'I DON 'CHAD PA LA; MTSO, ,ZHES GSUNGS, DE NYID TSIG DON GYI SGO NAS BSHAD PA LA, BZOD PA DANG, RGYA MTSO CHEN PO DANG, MI 'DOD PA THAMS CAD THOG TU BAB PAS MI 'KHRUG PA DANG, ZHES GSUNGS, BRTZON 'GRUS KYI PHAR PHYIN DANG MTSUNGS LDAN GYI RDO RJE LTA BU'I SEMS BSKYED STON PA LA, LE LO CAN RNAMS BRTZON 'GRUS LA, ZHES SOGS GSUNGS, DE'I DON 'CHAD PA LA, RDO RJE, ZHES GSUNGS, DE NYID TSIG DON GYI SGO NAS BSHAD PA LA, BRTZON 'GRUS DANG, RDO RJE DANG, YID CHES PA BRTAN PAS MI PHYED PA DANG, ZHES GSUNGS, BSAM GTAN GYI PHAR PHYIN DANG MTSUNGS LDAN GYI RI PO LTA BU'I SEMS BSKYED STON PA LA, SEMS RNAM PAR G-YENG BA RNAMS BSAM GTAN LA, ZHES SOGS GSUNGS, DE'I DON 'CHAD PA LA, RI, ZHES GSUNGS, DE NYID TSIG DON GYI SGO NAS BSHAD PA LA, BSAM GTAN DANG, RI'I RGYAL PO DANG, DMIGS PA'I RNAM PAR G-YENG BAS MI BSKYOD PA DANG, ZHES GSUNGS, SHES RAB KYI PHAR PHYIN DANG MTSUNGS LDAN GYI SMAN LTA BU'I SEMS BSKYED STON PA LA, SHES RAB @099A *, ,'CHAL BA RNAMS SHES RAB LA, ZHES SOGS GSUNGS, DE'I DON 'CHAD PA LA, SMAN, ZHES GSUNGS, DE NYID TSIG DON GYI SGO NAS BSHAD PA LA, SHES RAB DANG, SMAN DANG, NYON MONGS PA DANG SHES BYA'I SGRIB PA'I NAD RAB TU ZHI BA DANG, ZHES GSUNGS, THABS KYI PHAR PHYIN DANG MTSUNGS LDAN GYI DGE BA'I BSHES GNYEN LTA BU'I SEMS BSKYED STON PA LA, DGE BA'I SEMS BSKYED PA GCIG TZAM YANG THABS MKHAS PAS THAMS CAD MKHYEN PA NYID DU BSNGOS PAS GZHAL DU MED CING GRANGS MED PAR BYA BAR 'DOD PAS BYANG CHEN SHER PHYIN LA BSLAB PAR BYA'O, ,ZHES PA NAS, SKYES BU CHEN PO'I MTSAN SUM CU RTZA GNYIS SGRUB PAR 'DOD PAS BYANG CHEN SHER PHYIN LA BSLAB PAR BYA'O, ,ZHES PA'I BAR GSUNGS, DE'I DON 'CHAD PA LA, BSHES GNYEN DANG, ,ZHES GSUNGS, DE NYID TSIG DON GYI SGO NAS BSHAD PA LA, THABS MKHAS PA DANG, DGE BA'I BSHES GNYEN DANG, GNAS SKABS THAMS CAD DU SEMS CAN GYI DON YONGS SU MI GTONG BA DANG, ZHES GSUNGS, SMON LAM GYI PHAR PHYIN DANG MTSUNGS LDAN GYI YID BZHIN GYI NOR BU LTA BU'I SEMS BSKYED STON PA LA, SH'A RI'I BU GZHAN YANG BYANG CHEN SANGS RGYAS KYI SKU SGRUB PAR 'DONG PAS SHER PHYIN LA BSLAB PAR BYA'O, ,ZHES PA NAS, DGE BA'I RTZA BA GANG GIS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LA BKUR STIR BYA BA DANG, BLA MAR BYA BA DANG RIM GROR BYA BAR 'DOD PAS BDAG GI DGE BA'I RTZA BAS DE DANG DER YANG DAG PAR 'GRUB PAR GYUR CIG SNYAM PAS SHER PHYIN LA @099B BSLAB PAR BYA'O, ,ZHES PA'I BAR GSUNGS, DE'I DON 'CHAD PA LA, YID BZHIN NOR BU, ZHES GSUNGS, DE NYID TSIG DON GYI SGO NAS BSHAD PA LA, SMON LAM DANG, YID BZHIN GYI NOR BU DANG, JI LTAR SMON PA'I 'BRAS BU 'GRUB PA DANG, ZHES GSUNGS, STOBS KYI PHAR PHYIN DANG MTSUNGS LDAN GYI NYI MA LTA BU'I SEMS BSKYED STON PA LA, SH'A RI'I BU GZHAN YANG BYANG CHEN ZAS DANG, SKOM DANG, DRI DANG, PHRENG BA DANG, ME TOG DANG, BDUG SPOS DANG, PHYE MA DANG, BYUG PA DANG, MAL CHA DANG, STAN DANG, KHYIM DANG; NOR DANG, 'BRU DANG, RGYAN DANG, RIN PO CHE DANG, NOR BU DANG, MU TIG DANG, BEE d'URYA DANG, MAN SHEL DANG, BYU RU DANG, SA LE SPRA MA DANG, DNGUL DANG, SKYED MOS TSAL DANG, RGYAL SRID LA SOGS PA YO BYAD RNAMS KYIS YID LA BSAM PA YONGS SU RDZOGS PAR 'DOD PAS SHER PHYIN LA BSLAB PAR BYA'O, ,ZHES PA NAS, BYANG CHEN PHYOGS BCU'I SANGS RGYAS BCOM LDAN 'DAS GANG DAG YIN PA DANG DE DAG GIS BDAG GI BSNGAGS PA BRJOD PAR 'DOD PAS SHER PHYIN LA BSLAB PAR BYA'O, ,ZHES PA'I BAR GSUNGS, DE'I DON 'CHAD PA LA, NYI MA, ZHES GSUNGS, DE NYID TSIG DON GYI SGO NAS BSHAD PA LA, STOBS DANG, NYI MA DANG, GDUL BYA YONGS SU SMIN PAR BYED PA DANG, ZHES GSUNGS, YE SHES KYI PHAR PHYIN DANG MTSUNGS LDAN GYI SGRA DBYANGS SNYAN PA LTA BU'I SEMS BSKYED STON PA LA, SH'A RI'I BU GZHAN YANG BYANG CHEN NANG STONG PA NYID LA SLOB PAR 'DOD PAS SHER PHYIN LA BSLAB PAR BYA'O, ,ZHES PA NAS, DE BZHIN DU BSAM GTAN GYI PHA ROL TU PHYIN PAR YANG PHUN SUM TSOGS PA DRUG PO THAMS CAD YONGS @100A *, ,SU RDZOGS PAR 'GYUR RO, ,ZHES PA'I BAR GSUNGS, DE'I DON 'CHAD PA LA, GLU; ,ZHES GSUNGS, DE NYID TSIG DON GYI SGO NAS BSHAD PA LA, YE SHES KYI PHA ROL TU PHYIN PA DANG, CHOS KYI SGRA DBYANGS SNYAN PA DANG, GDUL BYA 'DUN PAR BYED PA'I CHOS STON PA DANG, ZHES GSUNGS, MNGON SHES DANG MTSUNGS LDAN GYI RGYAL PO LTA BU'I SEMS BSKYED STON PA LA, SH'A RI'I BU GZHAN YANG BYANG CHEN SEMS BSKYED PA GCIG GI SHAR PHYOGS KYI 'JIG RTEN GYI KHAMS GANG G'A'I KLUNG GI BYE MA SNYED DU 'DA' BAR 'DOD PA DANG, DE BZHIN DU LTO DANG, ZHES PA NAS ZAG PA ZAD PA'I MNGON SHES MNGON DU BYA BAR 'DOD CING YANG DAG PA'I MTHA' MNGON DU YANG MI BYED PAR 'DOD PAS KYANG SHER PHYIN LA BSLAB PAR BYA'O, , ZHES PA'I BAR GSUNGS, DE'I DON 'CHAD PA LA, RGYAL PO, ZHES GSUNGS, DE NYID TSIG DON GYI SGO NAS BSHAD PA LA, MNGON PAR SHES PA DANG, RGYAL PO CHEN PO DANG, MTHU THOGS PA MED PAS GZHAN GYI DON SGRUB PA DANG, ZHES GSUNGS, BSOD NAMS DANG YE SHES DANG MTSUNGS LDAN GYI BANG MDZOD LTA BU'I SEMS BSKYED STON PA LA, SH'A RI'I BU GZHAN YANG BYANG CHEN PHYOGS BCU RE RE ZHING 'JIG RTEN GYI KHAMS GANG G'A'I KLUNG GI BYE MA SNYED KYI 'JIG RTEN GYI KHAMS NA SANGS RGYAS BCOM LDAN 'DAS NYAN THOS DANG, BYANG CHUB SEMS DPA'I DGE 'DUN DANG BCAS PA JI SNYED CIG ZHUGS PA DE DAG THAMS CAD BSOD SNYOMS GCIG GIS KHYAB PAR BYA BAR 'DOD PAS SHER PHYIN LA BSLAB PAR BYA'O, ,ZHES PA NAS, PHUNG PO MA LUS PA'I MYA @100B NGAN LAS 'DAS PA'I DBYINGS KYI BAR LA 'DA' BAR 'DOD PAS SHER PHYIN LA BSLAB PAR BYA'O, ,ZHES PA'I BAR GSUNGS, DE'I DON 'CHAD PA LA, MDZOD DANG, ZHES GSUNGS, DE NYID TSIG DON GYI SGO NAS BSHAD PA LA, BSOD NAMS DANG YE SHES DANG, BANG MDZOD DANG, BSOD NAMS DANG YE SHES KYI TSOGS MANG PO'I MDZOD LTA BU DANG, ZHES GSUNGS, BYANG CHUB KYI PHYOGS DANG MTSUNGS LDAN GYI LAM PO CHE LTA BU'I SEMS BSKYED STON PA LA, SH'A RI'I BU GZHAN YANG BYANG CHEN SANGS RGYAS BCOM LDAN 'DAS 'DAS PA DANG, MA BYON PA DANG, DA LTAR BYUNG BA RNAMS KYI SANGS RGYAS KYI YON TAN THAMS CAD RJES SU THOB PAR 'DOD PAS, ZHES PA NAS, CHOS RNAMS KYI SKYE BA MED PA RJES SU THOB PAR 'DOD PAS KYANG SHER PHYIN LA BSLAB PAR BYA'O, ,ZHES PA'I BAR GSUNGS, DE'I DON 'CHAD PA LA, LAM PO CHE, ,ZHES GSUNGS, DE NYID TSIG DON GYI SGO NAS BSHAD PA LA, BYANG CHUB KYI PHYOGS DANG MTHUN PA'I CHOS DANG, LAM PO CHE DANG, 'PHAGS PA THAMS CAD GSHEGS SHING RJES SU GSHEGS PA DANG, ZHES GSUNGS, SNYING RJE DANG LHAG MTHONG DANG MTSUNGS LDAN GYI BZHON PA LTA BU'I SEMS BSKYED STON PA LA, SH'A RI'I BU GZHAN YANG BYANG CHEN NYAN THOS DANG RANG SANGS RGYAS THAMS CAD KYI SNGON DU 'GRO BAR 'DOD PAS, ZHES PA NAS, ,GANG DAG DE YANG PHYOGS BCU'I 'JIG RTEN GYI KHAMS KUN NAS SANGS RGYAS BCOM LDAN 'DAS BZHUGS SHING 'TSO SKYONG BA'I SANGS RGYAS BCOM LDAN 'DAS RNAMS KYI SANGS RGYAS KYI ZHING MTHONG BAR 'DOD PAS KYANG SHER PHYIN LA BSLAB PAR BYA'O, ,ZHES PA'I BAR GSUNGS, DE'I DON @101A *, ,'CHAD PA LA, BZHON PA, ZHES GSUNGS, DE NYID TSIG DON GYI SGO NAS 'CHAD PA LA, SNYING RJE DANG, LHAG MTHONG DANG, BZHON PA DANG, 'KHOR BA DANG MYA NGAN LAS 'DAS PA GANG DU YANG MI LTUNG BAR BDE BLAG TU 'GRO BA DANG, ZHES GSUNGS, GZUGS DANG SPOBS PA DANG MTSUNGS LDAN GYI BKOD MA'I CHU LTA BU'I SEMS BSKYED STON PA LA, SH'A RI'I BU GZHAN YANG BYANG CHEN PHYOGS BCU RNAMS SU SANGS RGYAS BCOM LDAN 'DAS KYIS BSHAD PAR GYUR PA DANG, 'CHAD PA DANG, 'CHAD PAR 'GYUR BA GANG JI SNYED PA 'DI LTA STE, MDO DANG, DBYANGS KYIS BSNYAD PA DANG, LUNG BSTAN PA DANG, TSIGS SU BCAD PA DANG, CHED DU BRJOD PA DANG, GLENG GZHI DANG, RTOGS PA BRJOD PA DANG, DE LTAR BYUNG BA DANG, SKYES PA'I RABS DANG, SHIN TU RGYAS PA DANG, CHES RMAD DU BYUNG BA DANG, GTAN LA BABS PAR BSTAN PA DANG, NYAN THOS DANG RANG SANGS RGYAS KYIS THOS PA GANG YIN PA DE DAG THAMS CAD GZUNG BAR 'DOD PA DANG, BCAD BAR 'DOD PA DANG, BKLAG PAR 'DOD PA DANG, KUN CHUB PAR 'DOD PA DANG, DE BZHIN DU SGRUB PAR 'DOD PA DANG, GZHAN DAG LA RGYA CHER YANG DAG PAR STON PAR 'DOD PAS SHER PHYIN LA BSLAB PAR BYA'O, ,ZHES PA NAS, STENG GI PHYOGS KYI 'JIG RTEN GYI KHAMS SU SANGS RGYAS BCOM LDAN 'DAS RNAMS KYIS GANG CUNG ZAD BSHAD PAR GYUR PA DANG, 'CHAD PA DANG, 'CHAD PAR 'GYUR BA DE THAMS CAD GZUNG BAR 'DOD PA DANG, BCANG PAR 'DOD PA DANG, KLAG PAR 'DOD PA DANG, DE BZHIN DU SGRUB @101B BAR 'DOD PA DANG, GZHAN DAG LA RGYA CHER YANG DAG PAR STON PAR 'DOD PAS SHER PHYIN LA BSLAB PAR BYA'O, ,ZHES PA'I BAR GSUNGS, DE'I DON 'CHAD PA LA, BKOD MA'I CHU DANG NI, ,ZHES GSUNGS, DE NYID TSIG DON GYI SGO NAS 'CHAD PA LA; GZUNGS DANG SPOBS PA DANG, ZHES DANG, BKOD MA'I CHU DANG, ZHES DANG, THOS PA DANG MA THOS PA'I CHOS 'DZIN PAS MI ZAD PA DANG, ZHES GSUNGS, 'O NA BKOD MA'I CHU DANG CHU MIG LA KHYAD PAR GANG YOD CE NA, DE YOD DE, SA'I DNGOS GZHI LAS; CHU MIG NI GLO NAS CHU 'BYUNG BA GANG YIN PA'O, ,BKOD MA'I CHU NI CHU GYEN DU 'BYUNG BA GANG YIN PA STE, ZHES GSUNGS PA'I PHYIR, CHOS KYI DGA' STON DANG MTSUNGS LDAN GYI SGRA SNYAN PA LTA BU'I SEMS BSKYED STON PA LA, SH'A RI'I BU GZHAN YANG BYANG CHEN SHAR PHYOGS KYI 'JIG RTEN GYI KHAMS GANG G'A'I KLUNG GI BYE MA SNYED DAG NA MUN PA MUN NAG SMAG TU GYUR PA GANG DU NYI MA DANG ZLA BA DAG GIS 'OD KYI GNAS MED PA GANG YIN PA DE DAG SNANG BAR BYED PAR 'DOD PAS SHER PHYIN LA BSLAB PAR BYA'O, ,ZHES PA NAS; STENG GI PHYOGS KYI 'JIG RTEN GYI KHAMS GANG G'A'I KLUNG GI BYE MA SNYED RNAMS SU SEMS CAN GANG DAG SANGS RGYAS KYI ZHING SNA TSOGS SU SKYE BAR 'GYUR BA DE DAG THAMS CAD LA SANGS RGYAS KYI SGRA DANG CHOS KYI SGRA DANG DGE 'DUN GYI SGRA SGROG PAR 'DOD PA DANG SEMS CAN DE DAG YANG DAG PA'I LTA BA LA 'GOD PAR 'DOD PAS SHER PHYIN LA BSLAB PAR BYA'O, ,ZHES PA'I BAR GSUNGS, DE'I DON 'CHAD PA LA, SGRA SNYAN, ZHES GSUNGS, DE NYID TSIG DON GYI SGO NAS 'CHAD PA LA, CHOS KYI @102A *, ,DGA' STON DANG, SGRA SNYAN PA DANG, THAR PA 'DOD PA'I GDUL BYA LA SNYAN PAR SGROG PA DANG, ZHES GSUNGS, BGROD PA GCIG PA'I LAM DANG MTSUNGS LDAN GYI CHU BO LTA BU'I SEMS BSKYED STON PA LA, SH'A RI'I BU GZHAN YANG BYANG CHEN SHAR PHYOGS KYI 'JIG RTEN GYI KHAMS GANG GLA'I KLUNG GI BYE MA SNYED KYI SANGS RGYAS KYI ZHING THAMS CAD NA MUN PA'I MTHUS LHANG NGER GYUR PA'I SEMS CAN GANG DAG YIN PA DE DAG MIG GIS GZUGS MTHONG BAR BYA'O, ,ZHES PA NAS, BLA NA MED PA YANG DAG PAR RDZOGS PA'I SANGS RGYAS LA 'GOD PAR 'DOD PAS SHER PHYIN LA BSLAB PAR BYA'O, ,ZHES PA'I BAR GSUNGS, DE'I DON 'CHAD PA LA, CHU BO; ZHES GSUNGS, DE NYID TSIG DON GYI SGO NAS 'CHAD PA LA, BGROD PA GCIG PA'I LAM DANG, CHU BO'I RGYUN DANG, GZHAN GYI DON BYA BA THA MI DAD PA DANG, ZHES GSUNGS, CHOS SKU DANG MTSUNGS LDAN GYI SPRIN LTA BU'I SEMS BSKYED STON PA LA, SH'A RI'I BU GZHAN YANG BYANG CHEN DE BZHIN GSHEGS PA'I SPYOD LAM STON PAR 'DOD PA DANG, DE BZHIN GSHEGS PA'I SPYOD PA DANG TSUL KHRIMS RNAM PAR DAG PA DANG, DE BZHIN GSHEGS PA'I CHOS SKU'I 'PHRIN LAS DANG, GSUNG GI 'PHRIN LAS DANG, THUGS KYI 'PHRIN LAS THAMS CAD YE SHES KYIS SNGON DU 'GRO BAS YONGS SU DAG PA DANG, GLANG PO CHE'I LTA STANGS KYIS LTA BAR 'DOD PAS SHER PHYIN LA BSLAB PAR BYA'O, ,ZHES PA NAS, SH'A RI'I BU DE LTAR BYANG CHEN SEMS CAN RNAMS YONGS SU SMIN PA'I RGYUR, 'DOD PA'I YON TAN LNGA PO RNAMS @102B NYE BAR LEN PA RNAMS YIN NO, ,ZHES PA'I BAR GSUNGS, DE'I DON 'CHAD PA LA, SPRIN RNAMS KYI, ,ZHES GSUNGS, DE NYID TSIG DON GYI SGO NAS 'CHAD PA LA, CHOS KYI SKU DANG LDAN PA NI, ZHES DANG, SPRIN LTA BU STE, ZHES DANG, DGA' LDAN GYI GNAS NA BZHUGS PA LA SOGS PA KUN TU STON PAR RUNG BA NYID KYI GRANGS BZHIN NO, ,ZHES GSUNGS, 'O NA, GLANG PO CHE'I LTA STANGS KYIS LTA BAR 'DOD PAS, ZHES PA'I DON GANG ZHE NA, DE'I DON YOD DE, STENG NA 'DUG PA LA BKYED DE MI LTA, 'OG NA 'DUG PA LA BTUD DE MI LTA, G-YAS G-YON NA 'DUG PA LA MIG BZUR TE MI LTA, RGYAB TU 'DUG PA LA 'JINGS PA BSGYUR TE MI LTA, THAG RING PO NA 'DUG PA LA BSGRIMS TE MI LTA, THAG NYE BA NA 'DUG PA LA BSGRIMS PA MED PAR YANG MI LTA BAR JI LTAR 'DUG PA'I SPYOD LAM DANG, JI LTAR LTA BA'I MIG GIS 'JIG RTEN GYI KHAMS THAMS CAD DU SEMS CAN DANG CHOS THAMS CAD LA LTA BA NI GLANG PO CHE'I LTA STANGS KYIS LTA BA'I DON YIN PA'I PHYIR TE, DE LTAR YUM GSUM GNOD 'JOMS LAS GSUNGS PA'I PHYIR, GNYIS PA DON BSDU BA LA, DE LTAR NA DE YANG SA GSER ZLA BA ME ZHES BYA BA LA SOGS PAS SEMS BSKYED PA NYI SHU RTZA GNYIS BSHAD PA YIN NO, ,ZHES GSUNGS, GSUM PA SA MTSAMS STON PA LA, DE LA DANG PO GSUM NI CHUNG DU DANG 'BRING DANG CHEN PO NYID KYIS LAS DANG PO PA'I SAS BSDUS SO, ,DE'I 'OG TU GCIG NI SA DANG PO LA 'JUG PA'I LAM GYIS BSDUS SO, ,DE'I 'OG TU BCU NI RAB TU DGA' BA LA SOGS PAS BCUS BSDUS TE, MTHONG BA DANG SGOM PA'I @103A *, ,LAM GYI SPYOD YUL CAN YIN NO, ,DE'I 'OG TU LNGA NI KHYAD PAR GYI LAM GYIS BSDUS SO, ,DE'I 'OG TU SEMS BSKYED PA GSUM NI SBYOR BA DANG DNGOS DANG MJUG GI SGO NAS SANGS RGYAS KYI SAS BSDUS TE, DE LTAR NA SEMS BSKYED PA'I RAB TU DBYE BA NI LAS DANG PO PA'I SA NAS BZUNG STE SANGS RGYAS KYI SA'I BAR GYIS BSDUS PA YIN NO, ,ZHES GSUNGS, 'O NA, 'DI'I KHYAD PAR GYI LAM DE GANG LA BYED CE NA, KHA CIG ,SA BCU GA'I KHYAD PAR GYI LAM LA BYED PA MI 'THAD DE; RGYAN SNANG LAS, 'DI DAG GI RIM PA RNAMS DON GYI RIM PAR BSHAD PA'I PHYIR, DES NAS BCU PA'I KHYAD PAR GYI LAM LA BZHAG GO ,'O NA, THA MA GSUM SBYOR BA DANG DNGOS DANG MJUG GSUM PO DE GANG LA BYED CE NA, DE'I SBYOR BA RGYUN MTHA' LA BYED CING, DNGOS GZHI SANGS RGYAS KYI SA'I MNYAM GZHAG DANG, RJES SANGS RGYAS KYI SA'I RJES THOB LA BYED DO, ,DE YANG DNGOS BSTAN GYI DBANG DU BYAS KYI, SPRIN LTA BU'I SEMS BSKYED RGYUD LDAN GYI BYANG SEMS MED PA MA YIN TE, MDO SDE'I RGYAN LAS, RGYAL SRAS RNAMS KYI SEMS BSKYED NI, ,SPRIN DANG 'DRA BA NYID DU BSTAN, ,ZHES GSUNGS PA'I PHYIR, ` SKABS 'DIR MTHA' DPYAD PA LA, THEG CHEN SEMS BSKYED KYI RTEN BSHAD PA DANG, BRTEN PA THEG CHEN SEMS BSKYED KYI RANG BZHIN BSHAD PA GNYIS LAS, DANG PO LA, LUS RTEN BSHAD PA DANG, SEMS RTEN BSHAD PA GNYIS LAS, DANG PO NI, THEG CHEN SEMS BSKYED DE THEG PA CHEN PO LA MOS SHING, SANGS RGYAS THOB PAR 'DOD PA'I 'GRO BA @103B RIGS DRUG GA'I RTEN LA DNGOS SU GSAR DU SKYE BA YOD DE, MDO LAS, DE TSE LHA MI STONG PHRAG BRGYAS, ,BYANG CHUB TU NI SEMS BSKYED DO, ,ZHES GSUNGS PA DANG, LAM SHES KYI MDO LAS, LHA'I BU GANG DAG GIS BLA NA MED PA YANG DAG PAR RDZOGS PA'I BYANG CHUB TU SEMS MA BSKYED PA DE DAG GIS KYANG BLA NA MED PA YANG DAG PAR RDZOGS PA'I BYANG CHUB TU SEMS BSKYED PAR BYA'O, ,ZHES DANG, KLU'I RGYAL PO RGYA MTSOS ZHUS PA'I MDO LAS, KLU NYI KHRI CHIG STONG GIS BYANG CHUB MCHOG TU SEMS BSKYED PAR GSUNGS PA DANG, ZA MA TOG BKOD PA'I MDO LAS, 'PHAGS PA 'JIG RTEN DBANG PHYUG GIS YI DVAGS MANG PO BDEN PA MTHONG BA LA BKOD PAR GSUNGS PA'I DON BDEN PA MTHONG BA'I RGYU THEG CHEN SEMS BSKYED LA BKOD PA LA 'CHAD RIGS SHING BDAG CAG GI STON PAS SNGON DMYAL BA'I RTEN LA SEMS BSKYED PAR DRIN LAN BSAB PA'I MDO LAS GSUNGS PA'I PHYIR DANG, BYANG SEMS SO SKYE 'GA' ZHIG LAS DBANG GIS NGAN SONG DU SKYE BA LEN PA YOD PA'I PHYIR TE, MDO SDE'I RGYAN LAS, BLO LDAN RNAMS KYI LAS DANG NI, ,GZHAN YANG SMON LAM DAG DANG NI, ,TING NGE 'DZIN DANG DBANG 'BYOR BA'I, ,DBANG GIS SKYE BAR 'DOD PA YIN, ,ZHES GSUNGS PA'I PHYIR, 'O NA, MDZOD 'GREL LAS, GSUM NI MI RNAMS KYI NANG KHO NA DANG GLING GSUM DAG NA 'PHEN BAR BYED KYI GZHAN LA NI MA YIN TE, CI RIGS PAR SHES RAB DANG SKYO BA MED PA'I PHYIR, ZHES GSUNGS PA DANG 'GAL LA ZHE NA MI 'THAD DE, DE NI GTZO CHE BA'I DBANG DU BYAS PA'I PHYIR, DE RNAMS KYI RTEN LA 'JUG SDOM GSAR DU SKYE @104A *, ,BA YOD DE, DE'I RTEN LA SMON SEMS GSAR DU SKYE BA YOD PA GANG ZHIG ,MTSUNGS PA'I PHYIR, DE LTAR YANG LAM RIM LAS, LHA KLU LA SOGS LUS DANG BSAM PA'I SGO NAS SMON SEMS SKYE RUNG BA THAMS CAD 'DI'I RTEN DU RUNG YANG, ZHES GSUNGS PA'I PHYIR, 'JUG SDOM RGYUD LA SKYE BA LA THEG CHEN SEMS BSKYED RGYUD LA SKYE DGOS SAM ZHE NA, THEG CHEN SEMS BSKYED MTSAN NYID TSANG BA GCIG MA SKYES KYANG 'JUG SDOM THOB PA YOD DE, THEG CHEN SEMS BSKYED LA RTZOL BCAS KYI MYONG BA TZAM SKYES PA'I GANG ZAG DE, 'JUG SDOM LEN PA'I RTEN DU RUNG BA GANG ZHIG ,DE MTSAN NYID TSANG BRGYUD LA SKYE BA LA DE LA RTZOL MED KYI MYONG BA THON DGOS PA'I PHYIR, DANG PO GRUB STE, DE 'DRA BA DE SMON SEMS CHOGS LEN PA'I RTEN DU RUNG BA'I PHYIR TE, LAM RIM LAS, LEN PA'I RTEN NI SNGAR BSHAD PA LTAR GYI LAM GYI RIM PA LA BLO SBYANGS PAS BYANG CHUB KYI SEMS LA YID 'GYUR GYI MYONG BA CUNG ZAD GCIG RNYED PA LA BSHAD PA YIN NO, ,ZHES GSUNGS PA'I PHYIR DANG, SPYIR SNGAR BSHAD PA LTAR MYONG BA MA SKYES KYANG THEG PA CHEN PO'I BSLAB BYA'I BYA BA RNAMS SHES SHING THEG CHEN LA MOS PA BRTAN NAS SNGON DU SEMS BSKYED PA DANG SDOM PA CHOGS BZUNG NAS, DE NAS BYANG CHUB KYI SEMS SBYONG BA YANG YOD DO, ,SPYOD 'JUG LAS SNGON DU SDOM PA BZUNG NAS DE'I BSLAB BYA PHYIN DRUG NYAMS LEN GYI SKABS SU BYANG CHUB KYI SEMS SBYONG LUGS RNAMS RGYAS BAR GSUNGS PA LTA BU'O, ,ZHES GSUNGS BA'I PHYIR, GNYIS PA GRUB STE, DE NYID @104B LAS; DE LTAR SNYING RJE CHEN PO BSGOMS PA'I STOBS KYIS 'GRO BA MA LUS PAR DRANGS PAR DAM BCAS NAS BLA NA MED PA YANG DAG PAR RDZOGS PA'I BYANG CHUB KYI SEMS BSGRIMS MI DGOS PAR SKYE STE, ZHES GSUNGS PA'I PHYIR, 'DIS BYANG CHUB KYI SEMS BSKYED PA'I TSAD KYANG SHES PAR BYA'O, ,ZHES SGOM RIM GYI SHES BYED DANG BCAS TE BYANG CHUB KYI SEMS SKYES PA'I TSAD BSHAD PA'I PHYIR TE, LAM SGRON LAS, SO SO THAR PA RIGS BDUN GYI, ,RTAG TU SDOM GZHAN LDAN PA LA, ,BYANG CHUB SEMS DPA'I SDOM PA YI, ,SKAL BA YOD KYI GZHAN DU MIN, ,ZHES GSUNGS PA 'DIS 'JUG SDOM SKYE BA'I RTEN LA SO THAR GYI SDOM LDAN DGOS PAR BSTAN PA MA YIN TE, DE NI 'JUG SDOM LEN PA'I RTEN KHYAD PAR BA LA DGONGS PA'I PHYIR, DE'I 'GREL PAR; LAN PA'I RTEN KHYAD PAR CAN GYI DBANG DU BYAS NA, ZHES GSUNGS PA'I PHYIR, KHO NA RE, NGAN 'GRO'I RTEN LA SNYING RJE TSAD MED GSAR DU SKYE BA YOD PAR THAL, DE'I RTEN LA SNYING RJE CHEN PO GSAR DU SKYE BA YOD PA'I PHYIR NA MA KHYAB, GNYIS PA NI, THEG CHEN SEMS BSKYED KYI SEMS RTEN DU GYUR PA'I 'DOD SEMS, BSAM GTAN GYI NYER BSDOGS, BSAM GTAN GYI DNGOS GZHI SOGS CI RIGS PAR YOD DE, THEG CHEN SEMS BSKYED THOB NA BSAM GTAN GYI NYER BSDOGS THOB PAS KHYAB PA'I PHYIR TE, DE THOB NA ZHI LHAG ZUNG 'BREL THOB PAS KHYAB PA'I PHYIR TE, RNAM BSHAD LAS, SBYOR BA ZHES PA NI ZHI LHAG ZUNG DU 'BREL BA'I DON BSTAN PA'O, ,ZHES GSUNGS PAS, RNAM RDZOGS SBYOR BA THOB NA ZHI LHAG ZUNG 'BREL THOB PAS KHYAB PAR @105A *, ,BSTAN PA MI 'THAD DE, DE NI GTZO CHE BA LA DGONGS PA'I PHYIR, GNYIS PA, BRTEN SEMS BSKYED KYI RANG BZHIN BSHAD PA LA, RGYU; NGO BO; DBYE BA, PHAN YON, SEMS BSKYED TSUL DANG LNGA LAS, DANG PO NI, BSLAB BTUS SU, SANGS RGYAS KYI SKU MTHONG NAS 'DI LTA BU THOB NA SNYAM DU SEMS BSKYED PA DANG, SANGS RGYAS BYANG SEMS KYI MTHU BSAM GYIS MI KHYAB PA MTHONG ZHING THOS PA DANG, THEG CHEN GYI BSTAN PA NUB PA LA MA BZOD PA DANG, SEMS CAN SDUG BSNGAL GYIS MNAR BA MTHONG NAS MA BZOD PAR SEMS BSKYED PA'I TSUL BZHI GSUNGS LA, BYANG SAR, RIGS PHUN SUM TSOGS PA DANG, DGE BA'I BSHES GNYEN GYIS ZIN PA, SNYING RJE CHE BA, 'KHOR BA'I SDUG BSNGAL GYIS 'JIGS PA STE RGYU BZHI DANG; DE BZHIN GSHEGS PA DANG BYANG CHUB SEMS DPA'I CHO 'PHRUL MTHONG ZHING THOS PA DANG, THEG CHEN GYI SDE SNOD THOS PA, THEG CHEN GYI CHOS NUB TU NYE BA MTHONG BA, SKABS 'DIR SEMS CAN NYON MONGS PAR MTHONG BA STE RKYEN BZHI DANG, RANG STOBS, GZHAN STOBS, RGYU'I STOBS, SBYOR BA'I STOBS TE STOBS BZHI LAS SKYES PAR BSHAD LA, DKON MCHOG SGRON ME'I MDO LAS, RGYAL DANG RGYAL PA'I CHOS LA DAD GYUR CING, ,RGYAL SRAS RNAMS KYI SPYOD LA DAD BYED PA, ,BYANG CHUB BLA NA MED LA DAD BYED NAS, ,SKYES BU CHEN PO RNAMS KYI SEMS SKYE'O, ,ZHES RGYAL BA LA DMIGS PA'I DAD PA, RGYAL SRAS KYI SPYOD PA, RDZOGS BYANG GI PHAN G-YON MTHONG NAS DAD PA DANG GSUM LAS SKYE BAR BSHAD PA NI RGYU MTSAN MTHA' DPYAD PA'I YAN LAG YIN @105B LA; SKABS 'DIR BSTAN GYI THEG CHEN SEMS BSKYED LA RANG GI NYER LEN DU GYUR PA'I SNYING RJE CHEN PO LAS BYUNG BA GCIG DGOS TE, MDO SDE'I RGYAN LAS, DE YI RTZA BA SNYING RJER 'DOD, ,CES GSUNGS PA'I PHYIR, GNYIS PA NI, RANG GI GROGS SU GYUR PA'I GZHAN DON DU RDZOGS PA'I BYANG CHUB DON GNYER GYI 'DUN PA DANG MTSUNGS LDAN DU BYUNG ZHING, THEG CHEN LAM GYI 'JUG SGOR GYUR PA'I LAM GYI RIGS SU GNAS PA'I THEG CHEN GTZO BO YID KYI RNAM RIG KHYAD PAR CAN DE, THEG CHEN SEMS BSKYED KYI NGO BO YIN TE, RNAM BSHAD LAS, GZHAN DON DU YANG DAG PAR RDZOGS PA'I BYANG CHUB DON GNYER GYI 'DUN PA DANG MTSUNGS LDAN DU BYUNG BA'I SEMS KHYAD PAR CAN, ZHES DANG, DRIS LAN RGYAL SRAS 'JUG DOGS LAS, THEG CHEN SEMS BSKYED KYI MTSAN NYID NI GZHAN DON DU YANG DAG PAR RDZOGS PA'I BYANG CHUB DON GNYER GYI 'DUN PA DANG MTSUNGS LDAN GYI SEMS SO, ,ZHES GSUNGS PA'I PHYIR, MTSAN NYID KYI ZUR DU THEG CHEN GYI GTZO BO YID KYI ZHES THEG CHEN SMOS PA'I DGOS PA YOD DE, LAM MA ZHUGS KYI GANG ZAG GI RGYUD KYI GZHAN DON DU RDZOGS BYANG DON GNYER GYI 'DUN PA DANG MTSUNGS LDAN GYI SEMS KHYAD PAR CAN, THEG CHEN SEMS BSKYED YIN PA GCAD PAR BYA BA'I CHED YIN PA'I PHYIR, DER GTZO BO YID KYI RNAM RIG SMOS PA LA DGOS PA YOD DO, SANGS RGYAS 'PHAGS PA'I THUGS RGYUD KYI MIG GI RNAM PAR SHES PA DE RANG GI GROGS SU GYUR PA'I GZHAN DON DU RDZOGS BYANG DON GNYER GYI 'DUN PA DANG MTSUNGS LDAN DU BYUNG BA'I THEG CHEN GYI GTZO BO RNAM @106A *, ,RIG YIN, DE THEG CHEN SEMS BSKYED MA YIN PAS DE THEG CHEN SEMS BSKYED YIN PA GCAD PAR BYA BA'I CHED YIN PA'I PHYIR, DANG PO DE YIN TE, DE'I GROGS SU GYUR PA'I DE YOD PA'I PHYIR TE, DE'I 'KHOR DU BYUNG BA'I DE YOD PA'I PHYIR TE, DE'I 'KHOR DU BYUNG BA'I 'DUN PA YOD PA'I PHYIR TE, DE'I 'KHOR DU BYUNG BA'I YUL NGES LNGA KA YOD PA'I PHYIR, MA GRUB NA, DE CHOS CAN, KHYOD KYI 'KHOR DU BYUNG BA'I DE YOD PAR THAL, KHYOD SANGS RGYAS KYI SA'I GTZO BO SEMS YIN PA'I PHYIR, YANG DE'I ZUR DU THEG CHEN LAM GYI 'JUG SGO ZHES SMOS PA LA DGOS PA YOD DE, SANGS RGYAS 'PHAGS PA'I RGYUD KYI GANG ZAG GI BDAG MED MNGON SUM DU RTOGS PA'I YID KYI RNAM PAR SHES PA DE DE 'DRA BA'I THEG CHEN GYI GTZO BO YID KYI RNAM RIG YIN KYANG, THEG CHEN SEMS BSKYED YIN PA GCAD PAR BYA BA'I CHED YIN PA'I PHYIR, DER RIGS GNAS SMOS PA LA DGOS PA YOD DE, THEG CHEN GYI TSOGS LAM 'BRING YAN CHAD KYI SEMS BSKYED RNAMS THEG CHEN LAM GYI 'JUG SGOM YIN PAS DE RNAMS THEG CHEN SEMS BSKYED DU BSDU BAR BYA BA'I CHED YIN PA'I PHYIR, DE RNAMS THEG CHEN LAM GYI 'JUG SGOM YIN TE, DE THOB PA DANG DUS MNYAM DU THEG CHEN GYI LAM DU ZHUGS PA'I GANG ZAG MED PA'I PHYIR, DES NA THEG CHEN SEMS BSKYED DE KHYAD CHOS BZHI DANG LDAN TE, GZHAN DON GYI BYA DKA' LA SPRO BA CHE BA, SBYOR BA'I BRTZON 'GRUS KYI SGO NAS RTZOM PA CHE BA, RANG GZHAN LA PHAN BDE SGRUB PAS DON CHE BA, BYANG CHUB CHEN PO @106B YANG DAG PAR BSGRUBS PAS 'BYUNG BA CHE BA'I KHYAD CHOS BZHI DANG LDAN TE, MDO SDE'I RGYAN LAS, SPRO BA CHE DANG RTZOM PA CHE, ,DON CHE BA DANG 'BYUNG BA CHE, ,BYANG CHUB SEMS DPA' SEMS DPA' CHE, ,DE NA GNYIS LDAN PA'I SEMS 'BYUNG BA, ,ZHES GSUNGS PA'I PHYIR, KHA CIG ,RANG GI GROGS SU GYUR PA'I GZHAN DON DU RDZOGS BYANG LA DMIGS PA'I 'DUN PA DANG MTSUNGS LDAN DU BYUNG BA'I THABS KHYAD PAR CAN GYI RTOGS RIGS SU GNAS PA'I THEG CHEN GYI GTZO BO YID KYI RNAM RIG THEG CHEN SEMS BSKYED KYI MTSAN NYID ZER BA MI 'THAD DE, SANGS RGYAS 'PHAGS PA'I RGYUD KYI SNYING RJE CHEN PO DANG MTSUNGS LDAN DU BYUNG BA'I GTZO BO SEMS DE MTSAN NYID DE YIN KYANG DE THEG CHEN SEMS BSKYED MA YIN PA'I PHYIR, RTAGS SLA'O, ,KHA CIG SANGS RGYAS THOB 'DOD KYI BSAM PA'I RIGS 'DRA PHYI MAR PAR GYUR PA'I THEG CHEN GTZO BO YID KYI RNAM RIG ,THEG CHEN SEMS BSKYED KYI MTSAN NYID, GZHAN DON DU RDZOGS BYANG LA DMIGS SHING GROGS 'DOD PA DANG MTSUNGS LDAN DU BYUNG BA'I THEG CHEN GYI GTZO BO YID KYI RNAM RIG DE SPYOD PA'I RTEN GYA DBANG DU BYAS PA'I THEG CHEN SEMS BSKYED KYI MTSAN NYID, RANG GI DMIGS YUL DU GYUR PA'I KUN RDZOB DANG SANGS RGYAS KYI GZHI MTHUN YOD BAR GYUR BA'I THEG CHEN SEMS BSKYED DE, THEG CHEN KUN RDZOB SEMS BSKYED KYI MTSAN NYID, BYANG SEMS TSOGS LAM PA'I RGYUD KYI RANG BZHIN RNAM DAG GI CHAR GYUR PA'I NGO BO NYID SKU LA DMIGS NAS DE THOB PAR 'DOD PA'I 'DOD PA DANG MTSUNGS LDAN DU BYUNG BA'I THEG CHEN SEMS BSKYED DE, KUN RDZOB SEMS @107A *, ,BSKYED MA YIN ZER NA, THEG CHEN SEMS BSKYED YIN NA SANGS RGYAS THOB 'DOD KYI BSAM PA'I RIGS 'DRA PHYI MA YIN DGOS PAR THAL, MTSAN NYID DANG PO DE 'THAD PA'I PHYIR, 'DOD NA, DE'I RGYUR GYUR PA'I THEG CHEN SEMS BSKYED CHOS CAN, DER THAL, DE'I PHYIR, GZHAN YANG, SANGS RGYAS 'PHAGS PA'I RGYUD KYI GANG ZAG GI BDAG MED MNGON SUM DU RTOGS PA'I YID KYI RNAM PAR SHAS PA CHOS CAN, MTSON BYA GNYIS PA DER THAL; MTSAN NYID DE'I PHYIR, GZHAN DON DU RDZOGS BYANG LA DMIGS PA GANG ZHIG ,GNYIS PA DE'I PHYIR, DANG PO GRUB STE, RNAM MKHYEN YIN PA'I PHYIR, GNYIS PA GRUB STE, SANGS RGYAS 'PHAGS PA'I RGYUD KYI GTZO BO SEMS YIN PA'I PHYIR; GZHAN YANG, BYANG SEMS TSOGS LAM PA'I RGYUD KYI DE 'DRA'I SEMS BSKYED CHOS CAN, KUN RDZOB SEMS BSKYED YIN PAR THAL, MTSAN NYID DE'I PHYIR, RANG GI DMIGS YUL DU GYUR PA'I KUN RDZOB DANG SANGS RGYAS KYI GZHI MTHUN YOD PA GANG ZHIG ,GNYIS PA DE'I PHYIR, DANG PO GRUB STE, RDZOGS BYANG DE DE 'DRA'I GZHI MTHUN YIN PA'I PHYIR TE, DE KHYOD KYI DMIGS YUL GANG ZHIG ,DE KUN RDZOB DANG SANGS RGYAS KYI GZHI MTHUN YIN PA'I PHYIR, DANG PO GRUB STE, KHYOD KYI GZHAN DON DU RDZOGS BYANG LA DMIGS PA'I PHYIR TE, KHYOD SPYOD PA'I RTEN GYI DBANG DU BYAS PA'I SEMS BSKYED YIN PA'I PHYIR, KHYAB PA KHAS, DE DER THAL, DE YOD PA'I PHYIR, GSUM PA DBYE BA LA, DPE'I SGO NAS, SA MTSAMS KYI SGO NAS, BSKYED @107B TSUL GYI SGO NAS, PHRA RAGS KYI SGO NAS, NGO BO'I SGO NAS, SGRAS BRJOD KYI SGO NAS DBYE BA DANG DRUG ,DANG PO LA, DPE'I SGO NAS SA LTA BU NAS, SPRIN LTA BU'I BAR NYER GNYIS YOD DE, DE YANG SA GSER ZLA BA ME, ,ZHES SOGS DANG, MDO SDE'I RGYAN LAS; SKYED PA SA DANG MTSUNGS PA STE, GZHAN NI BZANG PO'I GSER DANG 'DRA, ,ZLA BA YAR GYI TSES PA BZHIN, ,GZHAN NI ME DANG 'DRA SHES BYA, ,ZHES SOGS GSUNGS PA'I PHYIR, GNYIS PA LA, MOS SPYOD KYI SKABS SU MOS PAS SPYOD PA'I SEMS BSKYED, MA DAG SA BDUN DU LHAG BSAM DAG PA'I SEMS BSKYED, DAG PA SA GSUM DU RNAM PAR SMIN PA'I SEMS BSKYED, SANGS RGYAS KYI SAR SGRIB PA SPANGS PA'I SEMS BSKYED DANG BZHI YOD DE, MDO SDE'I RGYAN LAS, SEMS BSKYED DE NI SA RNAMS LA, ,MOS DANG LHAG BSAM DAG PA DANG, ,RNAM PAR SMIN PA GZHAN DU 'DOD, ,DE BZHIN SGRIB PA SPANGS PA'O, ,ZHES GSUNGS PA'I PHYIR, GSUM PA LA, DANG POR RANG NYID SANGS RGYAS NAS DE RJES SEMS CAN THAMS CAD SANGS RGYAS KYI SAR 'GOD PAR 'DOD PA RGYAL PO LTA BU'I SEMS BSKYED, DANG POR SEMS CAN THAMS CAD SANGS RGYAS KYI SAR BKOD NAS DE RJES RANG NYID SANGS RGYAS PAR 'DOD PA PHYUGS RDZI LTA BU'I SEMS BSKYED, RANG NYID SEMS CAN THAMS CAD DANG MNYAM DU 'TSANG RGYA BAR 'DOD PA MNYAN PA LTA BU'I SEMS BSKYED DANG GSUM DU YOD, BZHI PA LA, PHRA RAGS KYI SGO NAS RAGS PA BRDA LAS BYUNG BA DANG, PHRA BA CHOS NYID KYI STOBS KYIS THOB PAR SEMS BSKYED GNYIS @108A *, ,LAS; DANG PO NI, MDO SDE'I RGYAN LAS, GROGS STOBS RGYU STOBS RTZA BA'I STOBS, ,THOS STOBS DGE BA GOMS PA LAS, ,MI BRTAN PA DANG BRTAN 'BYUNG BA, ,GZHAN GYI BSTAN PA'I SEMS BSKYED BSHAD, ,CES GSUNGS PA LTAR, GROGS DGE BA'I BSHES GNYEN GYI STOBS LAS BYUNG BA MI BRTAN PA DANG, RGYU RIGS KYI STOBS LAS BYUNG BA BRTAN PA DANG, SNGON DGE BA GOMS PA'I STOBS BRTAN PA DANG, MANG DU THOS PA'I STOBS BRTAN PA DANG, TSE 'DIR DGE BA GOMS PA'I STOBS LAS BYUNG BA'I SEMS BSKYED RNAMS SU YOD DO, ,GNYIS PA NI, DON DAM SEMS BSKYED LTA BU'O, ,LNGA PA LA, SMON PA SEMS BSKYED, 'JUG PA SEMS BSKYED GNYIS LAS, DE GNYIS KYI KHYAD PAR YANGS THOB MA THOB KYI SGO NAS MI 'JOG STE, SA MA THOB PA'I RGYUD LA 'JUG SEMS YOD PA'I PHYIR, DE'I RGYUD LA 'JUG SDOM YOD PA GANG ZHIG ,MTSUNGS PA'I PHYIR, DANG PO GRUB STE, BSLAB BTUS SU, CI SAR MA CHUD PA RNAMS LA BYANG CHUB SEMS DPA'I SDOM PA'I DBANG DU BYAS PA YOD DAM ZHE NA YOD PA NYID DU RIG PAR BYA STE, DPER NA KA LA BING KA'I PHRU GU SGO NGA'I NANG NA SKAD 'DON PA BZHIN NO, ,ZHES GSUNGS PA'I PHYIR, DE GNYIS KYI KHYAD PAR 'JUG SDOM THOB MTHOB KYI SGO NAS KYANG MI 'JOG STE, 'JUG SDOM THOB LA NYAMS PA'I BYANG SEMS KYI RGYUD KYI SEMS BSKYED DE 'JUG SDOM THOB PA'I SEMS BSKYED YIN KYANG SMON SEMS YIN PA'I PHYIR, SPYOD PA NYAMS LEN GYI BYA BAS ZIN MA ZIN GYI SGO @108B NAS MI 'JOG STE, BYANG 'PHAGS KYI RGYUD KYI SMON SEMS RNAMS SPYOD PA NYAMS LEN GYI BYA BAS ZIN PA'I PHYIR TE, RNAM BSHAD LAS, SA THOB NAS SEMS BSKYED SPYOD PA DANG BRAL BA MI SRID CING, ZHES GSUNGS PA'I PHYIR, 'JUG SDOM RGYUD LA LDAN MI LDAN GYI SGO NAS MI 'JOG STE, THEG CHEN MTHONG LAM BAR CHAD MED LAM PA'I RGYUD KYI SEMS BSKYED DE 'JUG SDOM RGYUD LDAN GYI GANG ZAG GI RGYUD KYI SEMS BSKYED YIN ZHING, SMON SEMS YIN PA'I PHYIR, DE DER THAL, DE YOD PA'I PHYIR, DE'I RGYUD LA GZHAN DON DU RDZOGS BYANG THOB 'DOD KYI BLO YOD PA'I PHYIR TE, DE GZHAN DON DU RDZOGS BYANG THOB PHYIR DU STONG NYID LA RTZE GCIG TU MNYAM PAR BZHAG PA'I GANG ZAG YIN PA'I PHYIR, SPYOD PA NYAMS LEN GYI BYA BA MNGON GYUR PAS ZIN MA ZIN GYI SGO NAS KYANG 'JOG PA MI 'THAD DE, THEG CHEN MTHONG LAM BAR CHAD MED LAM PA'I RGYUD KYI SEMS BSKYED DE SPYOD PA NYAMS LEN GYI BYA BA MNGON GYUR PAS ZIN PA'I PHYIR TE, DE'I RGYUD LA DE MNGON GYUR PA YOD PA'I PHYIR TE, DE'I RGYUD LA SHER PHYIN NYAMS LEN GYI BYA BA MNGON GYUR PA YOD PA'I PHYIR, KHO NA RE, DE'I RGYUD LA KUN RDZOB SEMS BSKYED MNGON GYUR DU YOD PAR THAL, DE'I RGYUD KYI DE BLO MNGON GYUR PA YIN PA'I PHYIR TE, DE DMIGS RNAM 'DZIN PA'I SHES PA YIN PA'I PHYIR NA MA KHYAB, KHA CIG ,TSIG GSAL LAS, SMON PA ZHES BYA BA NI SMON LAM TZAM DU ZAD DE TSOGS BSAGS PA LAS SEMS DE BSKYED PA'I TSE G-YANG DAG PAR BLANGS PAR BYANG MA BYAS PA'O, ,'JUG PA ZHES BYA BA NI DGE BA'I BSHES GNYEN @109A *, ,MNYES PAR BYAS TE YANG DAG BAR BLANGS PA LAS BYUNG BA'I SEMS BSKYED PA NAS BRTZAMS TE, ZHES GSUNGS PA'I DON DU BSAMS NAS, DE GNYIS KYI KHYAD PAR CHOGS THOB MA THOB LA BYED PA MI 'THAD DE, SMON SEMS LEN PA'I CHO GA YOD PA'I PHYIR TE, SANGS RGYAS CHOS DANG TSOGS KYI MCHOG RNAMS LA, ,ZHES SOGS DE YIN PA'I PHYIR, KHA CIG ,THEG CHEN MTHONG LAM BAR CHAD MED LAM PA'I RGYUD LA KUN RDZOB SEMS BSKYED MED PAR 'DOD PA MI 'THAD DE, RGYUN MTHA'I BAR CHAD MED LAM PA'I RGYUD LA DE YOD PA'I PHYIR TE, DE'I RGYUD LA SNYING RJE CHEN PO YOD PA'I PHYIR TE, RNAM MKHYEN SKAD CIG DANG PO LA GNAS PA'I SANGS RGYAS 'PHAGS PA'I RGYUD KYI THEG CHEN SEMS BSKYED DE RANG GI DNGOS KYI NYER LEN DU GYUR PA'I SNYING RJE CHEN PO LAS BYUNG BA'I PHYIR, MA GRUB NA, DE CHOS CAN, DE DER THAL, THEG CHEN SEMS BSKYED YIN PA'I PHYIR, KHYAB STE, MDO SDE'I RGYAN LAS, DE YI RTZA BA SNYING RJER 'DOD, ,CES GSUNGS PA'I PHYIR, GZHAN YANG, DE'I RGYUD LA KUN RDZOB DNGOS YUL DU BYED PA'I BLO MED PAR THAL, DAM BCA' 'THAD PA'I PHYIR, 'DOD MI NUS TE, DE'I RGYUD LA 'DUS BYAS MI RTAG PAR RTOGS PA'I BLO YOD PA'I PHYIR TE, DE 'DUS BYAS MI RTAG PAR KHAS LEN BA'I GANG ZAG YIN PA'I PHYIR, DES NA DE GNYIS KYI KHYAD PAR NI, BSLAB BTUS SU, BYANG CHUB KYI SEMS DE NI RNAM PA GNYIS TE, BYANG CHUB TU SMON PA'I SEMS DANG, BYANG CHUB TU CHAS PA'I SEMS SO, ,SDONG PO BKOD PA'I MDO LAS @109B GSUNGS PA, SEMS CAN GANG BLA NA MED PA YANG DAG PAR RDZOGS PA'I BYANG CHUB TU SEMS SMON PA DE DAG KYANG DKON NO, ,DE BAS KYANG GANG BLA NA MED PA YANG DAG PAR RDZOGS PA'I BYANG CHUB TU CHAS PA'I SEMS SHIN TU DKON NO, ,ZHES GSUNGS PA LTA BU'O, ,ZHES GSUNGS PA DANG, SGOM RIM LAS, 'GRO BA MTHA' DAG LA PHAN PA'I PHYIR SANGS RGYAS SU GYUR CIG CES GANG THOG MAR DON DU GNYER BA NI SMON PA'I SEMS SO, ,GANG PHAN CHAD SDOM PA BZUNG NAS TSOGS RNAMS LA ZHUGS PA NI 'JUG PA'I SEMS SO, ,ZHES DANG, SPYOD 'JUG LAS, BYANG CHUB SEMS NI MDOR BSDU NA, ,RNAM PA GNYIS SU SHES BYA STE, ,BYANG CHUB SMON PA'I SEMS DANG NI, ,BYANG CHUB 'JUG PA NYID YIN NO, ,ZHES DANG, 'GRO BAR 'DOD DANG 'GRO BA YI, ,BYE BRAG JI LTAR SHES PA LTAR, ,DE BZHIN MKHAS PAS 'DI GNYIS KYI, ,BYE BRAG RIM BZHIN SHES PAR BYA, ,ZHES GSUNGS PA LTAR, THEG CHEN SEMS BSKYED LA SMON 'JUG GNYIS SU DBYE BA'I DE GNYIS KYI KHYAD PAR NI, DPER NA, GRONG KHYER DER 'GRO BAR BYA'O SNYAM PA GZHIR BYAS LA, GOM PA POR BA SOGS LUS KYI 'GRO BA'I BYA BAS DNGOS SU ZIN MA ZIN GNYIS YOD PA LTAR, THEG CHEN SEMS BSKYED GZHIR BYAS LA, SPYOD PA NYAMS LEN GYI BYA BAS DNGOS SU ZIN MA ZIN GNYIS YOD PA LA, SNGA MA 'JUG SEMS DANG PHYI MA SMON SEMS SU 'JOG LA, 'JUG SDOM BLANGS NAS SPYOD PA LA SLOB PA'I TSE SMON SEMS MED PA LUNG DE'I DON MA YIN TE, 'JUG SDOM BZUNG BA'I RJES SU SPYOD PA LA SLOB PA LA BLOS 'JUG TSUL GNYIS YOD PAS DE THOB PA'I @110A *, ,GANG ZAG GI RGYUD LA DE GNYIS KA YOD PA'I PHYIR, 'JUG SDOM THOB RJES SU SBYIN SOGS SPYOD PA DNGOS SU NYAMS SU LEN BZHIN PA'I DUS NA RNAM MKHYEN DON GNYER GYI DRAN 'DUN DU RE BAS DNGOS SU ZIN PA SEMS BSKYED SPYOD PA NYAMS LEN GYI BYA BAS DNGOS SU ZIN PA'I DON YIN TE, RNAM BSHAD LAS, GTONG BA'I SEMS PA SPEL BA'I RNAM PA SHAR BA'I DUS NYID NA RNAM MKHYEN DON GNYER GYI DRAN 'DUN DU RE BA YOD PA NI SPYOD PA NYAMS LEN GYI BYA BAS DNGOS SU ZIN PA'I DON YIN LA, DE LTA BU MED PA'I DUS NA DE DNGOS SU MA ZIN PA'O, ,ZHES GSUNGS PA'I PHYIR, DES NA SMON SEMS TSOGS LAM NAS RGYUN MTHA'I BAR DU YOD PAR KHAS BLANGS PA LA NYES PA MED PAR MNGON TE, RGYUN MTHA' PA'I RGYUD LA STONG NYID MNGON SUM DU RTOGS PA'I BLO MNGON GYUR DU YOD KYANG, DE'I RGYUD KYI THEG CHEN SEMS BSKYED DE SPYOD PA NYAMS LEN GYI BYA BAS DNGOS SU MA ZIN PA'I SEMS BSKYED YIN PA'I PHYIR TE, DE RNAM MKHYEN DON GNYER GYI DRAN 'DUN DU RE PAS DNGOS SU MA ZIN PA'I SEMS BSKYED YIN PA'I PHYIR TE, DE'I RGYUD LA THEG CHEN SEMS BSKYED YOD KYANG, DE'I RGYUD LA RNAM MKHYEN DON GNYER GYI DRAN 'DUN DU RE BA DNGOS SU MED PA'I PHYIR, 'JUG SDOM THOB PA'I RJES SU SPYOD PA NYAMS SU LEN BZHIN PA'I DUS NA YANG RNAM MKHYEN DON GNYER GYI DRAN 'DUN DU RE BA DES DNGOS SU MA ZIN PA'I SEMS BSKYED SKABS DU MAR 'BYUNG BA'I PHYIR, DE LTAR YANG RNAM BSHAD LAS, SMON SEMS @110B TSOGS LAM NAS BZUNG STE SA THOB NAS KYANG KHAS BLANGS PA LA NYES PA MED PAR MNGON TE, SA THOB NAS STONG PA NYID KYI DON MNGON SUM DU RTOGS KYANG DES DNGOS SU MA ZIN PA'I SEMS BSKYED SKABS DU MAR 'BYUNG BA'I PHYIR, ZHES DANG, LAM RIM LAS, STONG PA NYID KYI TING NGE 'DZIN LA MNYAM PAR BZHAG PA'I TSE BYANG CHUB KYI SEMS DE DNGOS SU MED KYANG DE'I RTZIS ZIN PA MI 'GAL TE, ZHES GSUNGS PA'I PHYIR, DES NA, SMON 'JUG GANG RUNG YANG YIN SPYOD PA NYAMS LEN GYI BYA BAS DNGOS SU MA ZIN PA YANG YIN PA'I GZHI MTHUN PA, SMON PA SEMS BSKYED KYI MTSAN NYID, DE GANG RUNG YANG YIN SPYOD PA NYAMS LEN GYI BYA BAS DNGOS SU ZIN PA YANG YIN PA'I GZHI MTHUN PA, 'JUG PA SEMS BSKYED KYI MTSAN NYID, DANG PO'I SA MTSAMS THEG CHEN GYI TSOGS LAM NAS RGYUN MTHA'I BAR DU YOD, GNYIS PA'I SA MTSAMS DE NAS SANGS RGYAS KYI SA'I BAR DU YOD, DE LTAR YANG SPYOD 'JUG LAS, BYANG CHUB SMON PA'I SEMS LAS NI, ,'KHOR TSE 'BRAS BU CHER 'BYUNG YANG, ,JI LTAR 'JUG PA NYID BZHIN DU, ,BSOD NAMS RGYUN CHAGS 'BYUNG BA MIN, ,ZHES GSUNGS PA'I PHYIR, KHO NA RE, STONG NYID RTOGS PA'I SHES RAB KYIS DNGOS SU MA ZIN PA'I SEMS BSKYED RGYUD LDAN GYI SA BRGYAD PA PA YOD PAR THAL, SPYOD PA NYAMS LEN GYI BYA BAS DNGOS SU MA ZIN PA'I SEMS BSKYED RGYUD LDAN GYI DE YOD PA'I PHYIR, 'DOD NA, BDEN 'DZIN MNGON GYUR PA RGYUD LDAN GYI DE YOD PAR THAL LO, ,ZER NA MA KHYAB, KHO NA RE, SEMS CAN GCIG GI @111A *, ,RGYUD LA YID KYI RNAM PAR SHES PA RDZAS THA DAD PA GNYIS CIG CAR DU YOD PAR THAL, THEG CHEN GYI MTHONG LAM BAR CHAD MED LAM PA'I RGYUD LA THEG CHEN SEMS BSKYED YOD PA'I PHYIR, 'DOD MI NUS TE, MDO LAS, SEMS CAN RNAMS NI RNAM PAR SHES PA'I RGYUD RE RE BA'O, ,ZHES GSUNGS PA'I PHYIR NA MA KHYAB STE, YID KYI RNAM PAR SHES PA RIGS MTHUN RDZAS THA DAD PA DU MA CIG CAR DU MNGON GYUR DU RGYUD LDAN GYI SEMS CAN MED PA LUNG DE'I DON YIN PA'I PHYIR, KHA CIG ,RTZA BAR MA KHYAB STE, THEG CHEN SEMS BSKYED DE SEMS BSKYED DE SEMS BYUNG YIN PA'I PHYIR TE, BYANG SAR, BYANG CHUB SEMS DPA' RNAMS KYI SMON LAM NI SEMS BSKYED PA'O, ,ZHES DANG, MDO SDE'I RGYAN LAS, BRTAN PA RNAMS KYI SMON LAM NI, ,SEMS PA 'DUN DANG BCAS PA STE, ,ZHES DANG, DE'I 'GREL BAR, YON TAN GSUM DANG GNYIS LA DMIGS PA'I 'DUN PA DANG LDAN PA'I SEMS PA NI SEMS BSKYED PA ZHES BYA'O, ,ZHES GSUNGS PA'I PHYIR NA MA KHYAB STE, DES THEG CHEN SEMS BSKYED LA SMON LAM DANG 'DUN PA'I MING GIS BTAGS NAS BSTAN PA TZAM YIN PA'I PHYIR TE, MDO SDE'I RGYAN LAS, SPRO BA CHE DANG RTZOM PA CHE, ,ZHES SOGS KYIS THEG CHEN SEMS BSKYED DE GTZO SEMS SU BSTAN PAR RGYAN SNANG LAS GSUNGS PA'I PHYIR, NYI SNANG LAS, SEMS BSKYED PA ZHES BYA BA NI SEMS NI RNAM PAR SHES PA STE RNAM PAR RIG PA'O RNAM PAR RIG PA DE YANG GANG ZHE NA, YID KYI RNAM PAR SHES PA STE, ZHES GSUNGS @111B PA'I PHYIR, KHA CIG ,GONG GI MDO DE'I DON YID KYI RNAM PAR SHES PA RDZAS THA DAD DU MA MNGON GYUR DU CIG CAR DU RGYUD LDAN GYI SEMS CAN MED PAR 'CHAD PA DANG, YID KYI RNAM PAR SHES PA RIGS MTHUN RDZAS THA DAD BA DU MA CIG CAR DU MNGON GYUR DU MED PAR 'CHAD PA MI 'THAD DE, BDEN 'DZIN MNGON GYUR PA RGYUD LDAN GYI BYANG SEMS KYI RGYUD LA BDEN 'DZIN DU GYUR PA'I YID KYI RNAM PAR SHES PA DANG, THEG CHEN SEMS BSKYED GNYIS KA CIG CAR DU MNGON DU GYUR DU YOD PA'I PHYIR DANG, GTONG SEMS SPEL BZHIN PA'I BYANG SEMS KYI RGYUD LA GTONG SEMS KYI NGO BOR GYUR PA'I YID KYI RNAM SHES GCIG DANG, THEG CHEN SEMS BSKYED KYI NGO BOR GYUR PA'I YID KYI RNAM SHES GNYIS CIG CAR DU MNGON GYUR DU YOD PA GANG ZHIG ,DE GNYIS RIGS MTHUN YIN PA'I PHYIR RO, ,DRUG PA LA, SGRAS BRJOD KYI SGO NAS DBYE NA, DON DAM SEMS BSKYED DANG, KUN RDZOB SEMS BSKYED GNYIS SU YOD LA, DANG PO LA, MTSAN NYID, DBYE BA, SA MTSAMS, SGRA BSHAD, KHYAD CHOS SO, ,DANG PO NI, DON DAM SEMS BSKYED DANG, KUN RDZOB SEMS BSKYED GANG RUNG GANG ZHIG ,RDZOGS BYANG GI GNAS LUGS LA GNYIS SNANG NUB CING SHES RAB KHYAD PAR CAN GYI RTOGS RIGS SU GNAS PA'I THEG CHEN 'PHAGS PA'I GTZO BO YID KYI RNAM RIG DON DAM SEMS BSKYED KYI MTSAN NYID, MTSAN NYID KYI ZUR DU GANG RUNG SMOS PA LA DGOS PA YOD DE, SANGS RGYAS 'PHAGS PA'I RGYUD KYI GANG ZAG GI BDAG MED MNGON SUM DU RTOGS PA'I YID KYI RNAM PAR SHES PA DE @112A *, ,DON DAM SEMS BSKYED YIN PA GCOD PAR BYA BA'I CHED YIN PA'I PHYIR, THEG CHEN 'PHAGS PA SMOS PA LA DGOS PA YOD DE, NYAN THOS DGRA BCOM GYI RTOGS PA SNGON DU SONG BA'I BYANG SEMS TSOGS LAM PA'I RGYUD KYI STONG NYID MNGON SUM DU RTOGS PA'I YID KYI RNAM PAR SHES PA DE DE YIN PA GCOD PAR BYA BA'I CHED YIN PA'I PHYIR, SHES RAB KHYAD PAR CAN SMOS PA LA DGOS PA YOD DE, SANGS RGYAS 'PHAGS PA'I RGYUD KYI KUN RDZOB SEMS BSKYED DE DE YIN PA GCOD PAR BYA BA'I CHED YIN PA'I PHYIR, GNYIS PA NI, DE LA DBYE NA, SA DANG PO NAS SANGS RGYAS KYI SA'I BAR BCU GCIG TU YOD DO, ,GSUM PA NI, SA MTSAMS SA DANG PO NAS 'JOG STE, MDO SDE'I RGYAN LAS, DE YI RAB DGA' KHYAD PAR 'PHAGS, ,ZHES DANG, RNAM BSHAD LAS, DE YANG MTHONG LAM THOB PA YAN CHAD NA YOD KYI SO SO SKYE BO LA MED DE, ZHES GSUNGS PA'I PHYIR, BZHI PA NI, DON DAM PA'I CHOS LA DMIGS PAS NA DE SKAD CES BYA LA; DE YANG SGRA BSHAD TZAM LA KHYAB PA MI 'CHA'O, ,LNGA PA LA NGES TSIG GI SGO NAS MDOR BSTAN, RNAM GZHAG GI SGO NAS RGYAS PAR BSHAD PA'O, ,DANG PO LA, DON DAM SEMS BSKYED CHOS CAN, DON DAM PA'I SA ZHES BYA STE, RDZOGS PA'I SANGS RGYAS RAB TU MNYES PAR GYUR PA DANG, BSOD NAMS DANG YE SHES KYI TSOGS RAB TU BSAGS PA DANG, CHOS LA RNAM PAR MI RTOG PA'I YE SHES SKYES PA'I PHYIR TE, MDO SDE'I RGYAN LAS, RDZOGS PA'I SANGS RGYAS RAB MNYES BYAS,, @112B BSOD NAMS YE SHES TSOGS RAB BSAGS, ,CHOS LA MI RTOG YE SHES NI, ,SKYE PHYIR DE NI DAM PAR 'DOD, ,CES GSUNGS PA'I PHYIR, DE CHOS CAN, RAB DGA' KHYAD PAR DU 'PHAGS PA DANG LDAN TE, CHOS DANG, ,SEMS CAN DANG, RANG GZHAN GYI BYA BA DANG, THOB BYA MCHOG RNAMS LA SEMS MNYAM PA BRNYES PA'I PHYIR, DANG PO GRUB STE, CHOS THAMS CAD BDEN MED DU RTOGS PA'I PHYIR, GNYIS PA GRUB STE, SEMS CAN GYI DON LA 'JUG PA'I PHYIR, GSUM PA GRUB STE; RANG GZHAN GYI SDUG BSNGAL ZAD PAR 'DOD PA'I PHYIR, BZHI PA GRUB STE, RANG NYID DANG SANGS RGYAS CHOS BDAG GIS STONG PA GNYIS NGO BO DBYER MED DU RTOGS PA'I PHYIR, DE LTAR YANG DE NYID LAS, CHOS DANG SEMS CAN RNAMS LA NI; ;DE YI BYA BA SANGS RGYAS NYID, ,MCHOG LA SEMS MNYAM BRNYES PA'I PHYIR, ,DE YI RAB DGA' KHYAD PAR 'PHAGS, ,ZHES GSUNGS PA'I PHYIR, GNYIS PA NI, DON DAM SEMS BSKYED CHOS CAN, KHYAD PAR DRUG DANG LDAN TE, SKYE PA'I KHYAD PAR, RGYA CHE BA'I KHYAD PAR, SPRO BA'I KHYAD PAR, BSAM PA DAG PA'I KHYAD PAR, SA LHAG MA RNAMS LA MKHAS PA'I KHYAD PAR, SPANG BYA LA NGES PAR 'BYUNG BA'I KHYAD PAR DANG LDAN PA'I PHYIR TE, MDO SDE'I RGYAN LAS, SKYE BA RGYA CHEN DE LA SPRO, ,BSAM PA YANG NI DAG PA DANG, ,LHAG MA DAG LA MKHAS PA DANG, ,NGES PAR 'BYUNG BAR SHES PAR BYA, ,ZHES GSUNGS PA'I PHYIR, DES NA, THEG CHEN SEMS BSKYED CHOS CAN, KHYAD CHOS DU MA DANG LDAN TE, RGYU @113A *, ,DANG BCAS PA'I KHYAD PAR, BSAM PA'I KHYAD PAR, MOS PA'I KHYAD PAR, DMIGS PA'I KHYAD PAR, 'GRO TSUL GYI KHYAD PAR, RTEN GYI KHYAD PAR, NYES DMIGS KYI KHYAD PAR, MI MTHUN PHYOGS KYI KHYAD PAR, PHAN YON GYI KHYAD PAR SPANG BYA LA NGES PAR 'BYUNG 'DOD KYI KHYAD PAR, MTHAR THUG GI KHYAD PAR RNAMS DANG LDAN PA'I PHYIR, DANG PO GRUB STE, SNYING RJE'I RTZA BA LAS BYUNG BA'I PHYIR TE, MDO SDE'I RGYAN LAS, DE YI RTZA BA SNYING RJER 'DOD, ,CES GSUNGS PA'I PHYIR, GNYIS PA GRUB STE, RTAG TU SEMS CAN LA PHAN PAR SEMS PA'I PHYIR TE, DE NYID LAS, RTAG TU SEMS CAN PHAN PAR SEMS, ,ZHES GSUNGS PA'I PHYIR, GSUM PA GRUB STE, THEG CHEN GYI CHOS LA MOS PA'I PHYIR TE, DE NYID LAS, CHOS LA CHOS DANG, ZHES GSUNGS PA'I PHYIR, BZHI PA GRUB STE, THEG CHEN GYI YE SHES 'TSOL BAR DMIGS PA'I PHYIR TE, DE NYID LAS, DE BZHIN DE'I, ,YE SHES 'TSOL BAR DMIGS PA'O, ,ZHES GSUNGS PA'I PHYIR, LNGA PA GRUB STE, SA GONG NAS GONG DU 'DUN PA'I STOBS KYIS 'GRO BA'I PHYIR TE, DE NYID LAS, GONG DU 'DUN PAS 'GRO BA STE, ,ZHES GSUNGS PA'I PHYIR, DRUG PA GRUB STE, BYANG CHUB SEMS DPA'I SDOM PA RGYA CHEN PO LA BRTEN PA'I PHYIR TE, DE NYID LAS, SDOM PA RGYA CHEN DE YI RTEN, ,ZHES GSUNGS PA'I PHYIR, BDUN PA GRUB STE, THEG CHEN GYI LAM 'GOG PA DE DE'I NYES DMIGS YIN PA'I PHYIR TE, DE NYID LAS, LAM 'GOG PA NI, ZHES GSUNGS PA'I PHYIR, BRGYAD PA GRUB STE, THEG DMAN @113B GYI SEMS KUN SLONG ZHING DANG DU LEN PA DE DE'I MI MTHUN PHYOGS YIN PA'I PHYIR TE, DE NYID LAS, MI MTHUN PHYOGS, ,SLONG ZHING DANG DU LEN PA'O, ,ZHES GSUNGS PA'I PHYIR, DGU PA GRUB STE, BSOD NAMS DANG YE SHES KYI RANG BZHIN GYI DGE BA 'PHEL BA'I PHAN YON DANG LDAN PA'I PHYIR TE, DE NYID LAS, BSOD NAMS YE SHES RANG BZHIN GYI, ,DGE BA 'PHEL BA DE'I PHAN YON, ,ZHES GSUNGS PA'I PHYIR, BCU PA GRUB STE, PHA ROL TU PHYIN PA DRUG LA SBYOR ZHING NYAMS SU LEN PAR BYED PA'I PHYIR TE, DE NYID LAS, PHA ROL PHYIN LA RTAG SBYOR BA, ,DE NI NGES PAR 'BYUNG BAR BRJOD, ,CES GSUNGS PA'I PHYIR, BCU GCIG PA GRUB STE, SO SO RANG GI SKABS DANG SBYOR BAS MTHAR THUG PAR 'GYUR BA'I PHYIR TE, DE NYID LAS, 'DI YI MTHAR THUGS YIN TE, ,SO SO RANG GI DER SPYOD PAS, ,BYANG CHUB SEMS DPA'I SEMS BSKYED PA, ,ZHES GSUNGS PA'I PHYIR, BZHI PA LA, THEG CHEN SEMS BSKYED DE PHAN YON KHYAD PAR CAN DU MA DANG LDAN TE, 'DI THEG CHEN LAM GYI 'JUG SGO DAM PA YIN PA DANG, DE LA BRTEN NAS BSOD NAMS RGYUN CHAGS SU 'BYUNG BA DANG, NGAN 'GRO'I RGYU SNGAR BSAGS 'DAG CING PHYI MA 'PHRO CHAD PA DANG, BDE 'GRO'I RGYU GSAR DU BSAG CING, SNGAR BSAGS GONG 'PHEL DU BYED PA DANG, DGE BA SNGAR BSAGS RNAMS GSER 'GYUR GYI RTZIS LCAGS SRANG STONG PHRAG MANG PO GSER DU BSGYUR BA LTAR, BLA MED RDZOGS BYANG GI RGYUR 'GYUR BAS ZAD PA'I MTHA' MED PA DANG, RTEN GYI GANG ZAG JI LTAR DMAN YANG SEMS @114A *, ,BSKYED PA'I SKAD CIG GNYIS PA NAS 'GRO BA LHA MI THAMS CAD KYI PHYAG MCHOD KYI GNAS SU 'GYUR BA RNAMS DANG LDAN PA'I PHYIR, DANG PO GRUB STE, BYANG CHUB SEMS 'GREL LAS, BYANG CHUB SEMS NI MA BSKYED PAR, , SANGS RGYAS NAM YANG MI THOB CING, ,'KHOR BAR GZHAN DON SGRUB PA YI, ,THABS GZHAN YOD PA MA YIN NO, ,ZHES DANG, RIN CHEN PHRENG BA LAS, BDAG NYID DANG NI 'JIG RTEN 'DI, ,BLA MED BYANG CHUB THOB 'DOD NA, ,DE YI RTZA BA BYANG CHUB SEMS ZHES GSUNGS PA'I PHYIR, GNYIS PA GRUB STE, SPYOD 'JUG LAS, GANG NAS BZUNG STE SEMS CAN KHAMS, ,MTHA' YAS RAB TU SGROL BA'I PHYIR, ,MI LDOG PA YI SEMS KYIS SU, ,SEMS DE YANG DAG BLANGS GYUR PA, ,DE NAS BZUNG STE GNYID LOG GAM, ,BAG MED GYUR KYANG BSOD NAMS SHUGS, ,RGYUN MI CHAD PA DU MA ZHIG ,NAM MKHA' MNYAM PAR RAB TU 'BYUNG, ,ZHES GSUNGS PA'I PHYIR, GSUM PA GRUB STE, SPYOD 'JUG LAS, SDIG PA STOBS CHEN MI BZAD BYAS NA YANG, , DPA' LA BRTEN NAS 'JIGS PA CHEN PO LTAR, ,GANG LA BRTEN NAS YUD KYIS 'GROL 'GYUR BA, ,DE LA BAG CAN RNAMS KYIS CIS MI RTEN, ,ZHES DANG, SDIG PA STOBS CHEN SHIN TU MI BZAD PA, ,DE NI RDZOGS PA'I BYANG CHUB SEMS MIN PA, , DGE GZHAN GANG GIS ZIL GYIS GNON PAR 'GYUR, ,ZHES DANG, DE NI DUS MTHA'I ME BZHIN SDIG CHEN RNAMS, ,SKAD CIG RE RER SREG PAR BYED PAR 'GYUR, ,ZHES DANG, BYAMS PA'I RNAM PAR THAR PA'I MDO LAS, RIGS KYI BU 'DI @114B LTA STE; DPER NA RDO RJE RIN PO CHE NI CHAG KYANG GSAR GYI RGYAN KHYAD PAR DU 'PHAGS PA THAMS CAD ZIL GYIS GNON CING RDO RJE RIN PO CHE'I MING YANG MI 'DOR LA DBUL BA THAMS CAD RNAM PAR BZLOG GO ,RIGS KYI BU DE BZHIN DU THAMS CAD MKHYEN PAR SEMS BSKYED PA'I RDO RJE RIN PO CHE NI NAN TAN DANG BRAL YANG NYAN THOS DANG RANG SANGS RGYAS KYI YON TAN GYI GSER GYI RGYAN THAMS CAD ZIL GYIS GNON CING BYANG CHUB SEMS DPA'I MING YANG MI 'DOR LA 'KHOR BA'I DBUL BA THAMS CAD RNAM PAR BZLOG GO ,ZHES GSUNGS PA'I PHYIR, BZHI PA DANG LNGA PA GRUB STE, SPYOD 'JUG LAS, GSER 'GYUR RTZI YI RNAM PA'I MCHOG LTA BU, ,MI GTZANG LUS 'DI BLANGS NAS RGYAL BA'I SKU, ,RIN CHEN RIN THANG MED PA BSGYUR BAS NA; ;BYANG CHUB SEMS ZHES BYA BA RAB BRTAN GZUNG, ,ZHES DANG, DGE BA GZHAN KUN CHU SHING JI BZHIN DU, ,'BRAS BU SPYAD PAS ZAD PAR 'GYUR BA NYID, ,BYANG CHUB SEMS KYI LJON SHING RTAG PAR YANG, ,'BRAS BU SPYAD PAS MI ZAD 'PHEL BAR 'GYUR, ,ZHES DANG, DPAL SBYIN GYI MDO LAS, BYANG CHUB SEMS KYI BSOD NAMS GANG, ,GAL TE DE LA GZUGS MCHIS NA, ,NAM MKHA'I KHAMS NI KUN GANG STE, ,DE NI DE BAS LHAG PAR GYUR, ,ZHES GSUNGS PA'I PHYIR, DRUG PA GRUB STE; SPYOD 'JUG LAS, BYANG CHUB SEMS BSKYED GYUR NA SKAD CIG GIS, ,'KHOR BA'I BRTZON RAR BSDAMS PA'I NYAM THAG RNAMS, ,BDE GSHEGS RNAMS KYI SRAS ZHES BRJOD BYA ZHING, ,'JIG RTEN LHA MIR BCAS PA'I PHYAG BYAR 'GYUR, , @115A *, ,ZHES GSUNGS PA'I PHYIR, LNGA PA SEMS BSKYED TSUL LA, BYANG CHUB KYI SEMS BSKYED TSUL, SEMS BSKYED PA'I TSAD, CHOGS GZUNG TSUL LO, ,DANG PO LA, JO BO'I LUGS DANG, RGYAL SRAS ZHI BA LHA'I LUGS GNYIS LAS, DANG PO LA, RGYU 'BRAS MAN NGAG BDUN GYI SGO NAS BLO SBYONG BAR GSUNGS TE, MAR SHES NI, BSHES SPRINGS LAS, MA YI THUG MTHA' RGYA SHUG TSIG GU TZAM, ,RIL BUS BGRANGS KYANG SA YIS LANG MI 'GYUR, ,ZHES GSUNGS PA LTAR, SEMS CAN GCIG GIS BDAG GI MA DE'I YANG MAR BYAS PA'I GRANGS STONG GSUM GYI SA'I RDUL RIL BU RGYA SHUG GI TSIG GU TZAM DU BYAS TE BGRANGS KYANG BGRANGS MI CHOD PAR GSUNGS PA LTAR, SEMS CAN THAMS CAD BDAG GI MA BYAS PA SHA STAG YIN SNYAM DU BSGOM, DRIN DRAN NI, BSHES SPRINGS LAS, RE RES RGYA MTSO BZHI LAS LHAG PA YI, ,'O MA 'THUNG STED DUNG SO SO YI, ,SKYE BO'I RJES SU 'BRANG BA'I 'KHOR BA BAS, ,DE BAS CHES MANG NYID DU BTUNG 'TSAL LO, ,ZHES GSUNGS PA LTAR, BDAG GI MA BYAS PAR MA ZAD, MA BYAS RIS KYI BDAG GI BDE BA GRUB, SDUG BSNGAL BSAL BZHIN NU ZHOS BSKYANGS BSHA STAG YIN SNYAM DU BSGOM PAR BYA'O, ,DRIN GZO BA NI SLOB SPRANGS LAS, NYE DU 'KHOR BA'I RGYA MTSO'I KHONGS SU CHUD GYUR PA, ,KLONG GI NANG DU LHUNG BA LTA BUR SNANG BZHIN DU, ,SKYE 'CHI 'PHOS PAS NGO MA SHES PA DE BOR NAS, ,GAL TE GCIG THAR BYED NA DE LAS KHREL BOR MED, ,CES GSUNGS PA LTAR, BDAG GIS @115B SEMS CAN THAMS CAD KYI BDE BA SGRUB CING SDUG BSNGAL SEL BA'I THABS LA 'BAD DGOS TE, SEMS CAN 'DI DAG THAMS CAD NI BDAG GI BDE BA SGRUB CING SDUG BSNGAL BSAL BA'I DRIN CAN SHA STAG YIN SNYAM DU BSGOM PAR BYA'O, , YID 'ONG GI BYAMS PA NI, SEMS CAN THAMS CAD LA DMIGS NAS DRIN CAN 'DI THAMS CAD BDE BA DANG PHRAD NA 'PHRAD PAR GYUR CIG ,'PHRAD PAR BYA'O SNYAM DU BSGOM PAR BYA'O, ,DE LTA BU'I BYAMS PA DE PHAN YON DANG LDAN TE, TING NGE 'DZIN RGYAL PO LAS, BYE BA KHRAG KHRIG DKRIGS PA'I ZHING DAG NA, ,MCHOD PA RNAM MANG DPAG MED JI SNYED PAR, ,SKYES MCHOG RNAMS LA DE YIS RTAG MCHOD PAS, ,BYAMS PA'I SEMS KYI GRANGS DANG CHAR MI PHOD, ,CES GSUNGS PA'I PHYIR, SNYING RJE CHEN PO NI DE LTA BU'I SEMS CAN THAMS CAD LA DMIGS NAS DRIN CAN 'DI RNAMS SDUG BSNGAL GYIS MNAR BA SNYING RJE SNYAM DU YID 'KHUL 'KHUL GYI BAR DU BSGOM PAR BYA'O, ,LHAG BSAM RNAM DAG NI, DE'I RJES DE THAMS CAD KYI SDUG BSNGAL 'DI BDAG GCIG PUS BSAL BAR BYA'O SNYAM DU YID 'KHUL GYI BAR DU BSGOM PA'O, ,DE DRUG PO DE RGYU'I MAN NGAG DRUG GO ,'BRAS BU THEG CHEN SEMS BSKYED NI DE LTAR BLO SBYANGS PA'I RJES SU SEMS CAN THAMS CAD KYI SDUG BSNGAL SEL BA DANG, BDE BA SGRUB PA'I THABS DE LTAR BDAG LA MI 'DUG STE, YANG DAG PAR RDZOGS PA'I SANGS RGYAS KHO NA LA YOD PAR RTOGS PA'I SGO NAS BDAG GIS SEMS CAN THAMS CAD 'KHOR BA'I SDUG BSNGAL LAS BSGRAL TE SANGS RGYAS @116A *, ,KYI SA LA 'GOD PA'I PHYIR YANG DAG PAR RDZOGS PA'I SANGS RGYAS THOB PAR BYA'O SNYAM DU DAM BCA' BAR BYED PA YIN NO, ,GNYIS PA NI, BDAG GZHAN BRJE PA'I SGO NAS BLO SBYANGS PA YIN LA, DE YANG BDAG GCES 'DZIN GYI BLO DOR NAS GZHAN GCES PAR 'DZIN PA YIN TE, BDAG GI BDE BA THAMS CAD SEMS CAN THAMS CAD LA SMIN PAR GYUR CIG ,SEMS CAN THAMS CAD KYI SDUG BSNGAL THAMS CAD BDAG LA SMIN PAR GYUR CIG , SNYAM DU BSGOM PAR BYA BA YIN PA'I PHYIR TE, SPYOD 'JUG LAS, GANG ZHIG BDAG DANG GZHAN DAG NI, ,MYUR DU BSKYAB PAR 'DOD PA DES, ,BDAG DANG GZHAN DU BRJE BYA BA, ,GSANG BA'I DAM PA SPYAD PAR BYA, ,ZHES DANG, 'JIG RTEN BDE BA JI SNYED PA, ,DE KUN GZHAN BDE 'DOD LAS BYUNG, ,'JIG RTEN SDUG BSNGAL JI SNYED PA, ,DE KUN BDAG BDE 'DOD LAS BYUNG, ,ZHES GSUNGS PA'I PHYIR, GNYIS PA SEMS BSKYED PA'I TSAD NI, BYANG CHUB KYI SEMS MAN NGAG BZHIN DU SBYANGS PA LA BRTEN NAS YID LEGS PAR 'KHUL THUB PA'I MYONG BA KHYAD PAR CAN SKYES PA NI, THEG CHEN SEMS BSKYED SKYES PA'I TSAD YIN TE, DE NI BU RAM GYI SHUN PA'I NANG GI RO MNGAR BA DANG 'DRA LA, MYONG BA KHYAD PAR CAN MA SKYES GONG GI GZHAN DON DU RDZOGS BYANG THOB PAR 'DOD PA'I BSAM PA NI, BU RAM SHING GI SHUN PA'I RO MNGAR BA TZAM DANG 'DRA STE, LHAG BSAM BSKUL BA'I MDO LAS, BU RAM SHING SHUN SNYING PO CI YANG MED, ,DGA' BAR @116B BYA BA'I RA NI NANG NA 'DUG ,SHUN PA ZOS PA'I MIS NI BU RAM RO, ,ZHIM PO RNYED PAR NUS PA MA YIN NO, ,JI LTAR SHUN PA DE BZHIN SMRA BA STE, ,RO LTA BU NI DE LA DON SEMS YIN, ,DE LTA BAS NA SMRA LA DGA' SPONGS LA, ,RTAG TU BAG YOD BYAS LA DON SEMS SHIG ,CES GSUNGS PA'I PHYIR, GSUM PA LA, BLANG PA'I YUL, RTEN GYI GANG ZAG ,JI LTAR BLANG BA'I CHO GA'O, ,DANG PO NI, GONG MA RNAMS SMON SEMS DANG LDAN ZHING DE'I BSLAB BYA LA GNAS PAS MI CHOG GI ,'JUG SDOM DANG LDAN PA GCIG DGOS PAR BZHED DO, ,GNYIS PA NI, LHA KLU SOGS LUS DANG BSAM PA'I SGO NAS SMON SEMS SKYE RUNG BA THAMS CAD 'DI'I RTEN DU RUNG YANG 'DI NI LAM SGRON 'GREL PAR 'KHOR BA'I YID 'BYUNG BA 'CHI BA MI RTAG PA DRAN PA SHES RAB DANG SNYING RJE CHE BA, ZHES GSUNGS PA LTAR RO, ,GSUM PA LA, SBYOR DNGOS MJUG GSUM LAS, DANG PO NI, SKYABS 'GRO KHYAD PAR CAN BYA BA DANG, GNAS BRGYAN CING, RTEN BKRAM, MCHOD PA BSHAMS, GSOL BA BTAB CING SKYABS 'GRO'I BSLAB BYA LA TSUL BZHIN DU BSLAB PAR BYA'O, ,GNYIS PA NI, SLOB DPON GYI MDUN DU TZOG PUR 'DUG STE, THAL MO SBYAR NAS, PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL LAM, SLOB DPON DGONGS SU GSOL, BDAG MING 'DI ZHES BGYI BAS SKYE BA 'DI DANG SKYE BA GZHAN DANG GZHAN DAG TU SBYIN PA'I RANG BZHIN DANG, TSUL KHRIMS KYI RANG BZHIN @117A *, ,DANG; SGOM PA'I RANG BZHIN GYI DGE BA'I RTZA BA BDAG GIS BGYIS PA DANG, BGYID DU STZAL BA DANG BGYIS PA LA RJES SU YI RANG BA'I DGE BA'I RTZA BA 'DIS JI LTAR SNGON DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS DANG SA CHEN PO LA RAB TU BZHUGS PA'I BYANG CHUB SEMS DPA' CHEN PO RNAMS KYIS BLA NA MED PA YANG DAG PAR RDZOGS PA'I BYANG CHUB TU THUGS BSKYED PAR MDZAD PA DE BZHIN DU, BDAG MING 'DI ZHES BGYI BAS KYANG DUS 'DI NAS BZUNG STE JI SRID BYANG CHUB KYI SNYING PO LA MCHIS KYI BAR DU BLA NA MED PA YANG DAG PAR RDZOGS PA'I BYANG CHUB TU SEMS BSKYED PAR BGYI'O, ,MA GROL BA RNAMS GROL BAR BGYI'O, ,DBUGS MA PHYIN PA RNAMS DBUGS DBYUNG BAR BYA'O, ,YONGS SU MYA NGAN LAS MA 'DAS PA RNAMS YONGS SU MYA NGAN LAS 'DA' BAR BGYI'O, ,ZHES LAN GSUM BRJOD DE BLANG NGO, ,SLOB DPON MA RNYED NA, SEMS BSKYED KYI CHO GA JO BOS MDZAD PA LAS; DE LTAR SLOB DPON MED KYANG BDAG NYID BYANG CHUB TU SEMS BSKYED PA'I CHO GA NI DE BZHIN GSHEGS PA SH'AKYA THUB PA DANG PHYOGS BCU'I DE BZHIN GSHEGS PA THAMS CAD YID LA BSAMS TE, PHYAG 'TSAL BA DANG MCHOD PA'I PHYIR CHO GA LA SOGS PA BYAS NAS GSOL BA GDAB PA DANG, SLOB DPON ZHES BYA BA'I CHIG SPANGS PA'I SKYABS SU 'GRO BA LA SOGS PA'I GO RIMS SNGA MA BZHIN BYA'O, ,ZHES GSUNGS PA LTAR BYA'O, ,GSUM PA NI, SLOB DPON GYIS @117B SMON SEMS KYI BSLAB BYA RNAMS SLOB MA LA BRJOD PAR BYA, DES KYANG SLOB DPON GYIS GSUNGS PA'I BSLAB BYA RNAMS DANG, GZHAN YANG, BYANG SEMS KYI SDE SNOD DGONGS 'GREL DANG BCAS PA LA THOS BSAM TSUL BZHIN DU BYAS PA'I SGO NAS NYES SPYOD MTHA' DAG SPONG BA DANG, DGE TSOGS MTHA' DAG RANG NYID KYIS SGRUB CING GZHAN YANG DE LA 'GOD PA DANG, DE LA ZHUGS PA RNAMS LA DGE BA'I LEGS PA BRJOD CING YID KYIS RJES SU YI RANG BSGOMS SHING RANG GZHAN GYI DGE RTZA THAMS CAD BYANG CHUB KYI SEMS MA THOB PA THOB PA DANG, THOB PA MI NYAMS SHING GONG NAS GONG DU 'PHEL BA'I PHYIR DU NYIN LAN GSUM MTSAN LAN GSUM DU BSNGO BA DANG SMON LAM RNAM PAR DAG PAS RGYAS GDAB PAR BYA'O, ` , GNYIS PA SEMS BSKYED DAG BYED GDAMS NGAG BSHAD PA LA, MTSAMS SBYAR BA DANG, DON BSHAD PA GNYIS LAS, DANG PO NI, LUS RNAM GZHAG TU, SEMS BSKYED PA DANG GDAMS NGAG DANG, ,ZHES BSHAD NA, SEMS BSKYED KYI RJES SU GDAMS NGAG 'CHAD PA'I RGYU MTSAN DE GANG ZHE NA, DE'I RGYU MTSAN YOD DE, THEG CHEN SEMS BSKYED KYI 'DOD PA'I YUL DU 'PHANGS PA'I RNAM MKHYEN THOB PA LA GDAMS NGAG THOB PA SOGS KYIS NYAMS SU LEN DGOS SO, ,ZHES SHES PAR BYA BA'I CHED YIN PA'I PHYIR, ZHES MTSAMS SBYOR BA LA, DBYE BA ZHAR LA BRJOD NAS DA LTAR BYANG CHUB KYI SEMS DANG PO LA SOGS PA BSKYED PA'I BYANG CHUB SEMS DPA' DUS JI LTA BA BZHIN DU DON DU @118A *, ,GNYER BAR BYED PA'I BYANG CHUB KYI SEMS BSKYED PA DANG, DES 'PHANGS PA'I CHOS 'GRUB PAR BYA BA'I PHYIR YON TAN THOB PA YONGS SU BSRUNGS PA'I DON GYIS MNGON PAR 'PHEL BAR BYA BA'I PHYIR 'DOMS PA NI GDAMS NGAG STE, ZHES GSUNGS, GNYIS PA LA, GDAMS NGAG SPYIR BSTAN PA DANG, RTOGS DKA' BA BYE BRAG TU BSHAD PA GNYIS LAS, DANG PO LA, BSTAN BSHAD, MJUG BSDU BA'O, ,DANG PO NI, GDAMS NGAG NI, , BCU YI BDAG NYID SHES PAR BYA, ,ZHES PAS BSTAN, GNYIS PA LA, SGRUB PA RANG GI NGO BO LA GDAMS PA, SGRUB PA'I DMIGS PA BDEN BZHI LA GDAMS PA, RTEN DKON MCHOG GSUM LA GDAMS PA, SGRUB PA PHUN SUM TSOGS PA'I RGYU LA GDAMS PA DANG BZHI LAS, DANG PO NI, SGRUB DANG, ZHES BSHAD, GNYIS PA NI, BDEN PA RNAMS DANG NI, ,ZHES BSHAD, GSUM PA NI, SANGS RGYAS LA SOGS DKON MCHOG GSUM, ,ZHES BSHAD, BZHI PA LA, SGRUB PA'I MI MTHUN PHYOGS SPONG BA, SGRUB PA GZHAN GYI DRING LA MI 'JOG PA, SGRUB PA'I YON TAN THAMS CAD RDZOGS PA, SGRUB PA MTHAR THUG PA'I RGYU LA GDAMS PA'O, ,DANG PO NI, SPYOD 'JUG LAS, LE LO NGAN LA ZHEN PA DANG, ,SGYID LUG BDAG NYID BRNYAS PA'O, ,ZHES GSUNGS PA LTAR, SNYOMS LAS 'DZIN PA'I LE LO SPONG BYED MA ZHEN PA'I BRTZON 'GRUS LA GDAMS PA, SGYID LUG PA'I LE LO SPONG BYED YONGS SU MI NGAL BA'I BRTZON @118B 'GRUS LA GDAMS PA, BDAG NYID LA BRNYAS PA'I LE LO SPONG BYED LAM YONGS SU 'DZIN PA'I BRTZON 'GRUS LA GDAMS PA DANG GSUM LAS, DANG PO NI, MA ZHEN, ZHES BSHAD, GNYIS PA NI, YONGS SU MI NGAL DANG, ,ZHES BSHAD, GSUM PA NI, LAM NI YONGS SU 'DZIN PA DANG, ,ZHES BSHAD, GNYIS PA NI, SPYAN LNGA DANG NI, ZHES BSHAD, GSUM PA NI, MNGON SHES KYI, ,YON TAN DRUG DANG, ZHES BSHAD, BZHI PA LA, MTHONG LAM LA GDAMS PA DANG, SGOM LAM LA GDAMS PA GNYIS LAS, DANG PO NI, MTHONG LAM DANG, ,ZHES BSHAD, GNYIS PA NI, SGOM ZHES BYA LA, ZHES BSHAD, GSUM PA MJUG BSDU BA NI, DE LTAR BYANG CHUB KYI SEMS DANG, ZHES PA NAS, DE DAG NI GDAMS NGAG GI SKABS SU RTEN 'DI TZAM KHO NAS DON THAMS CAD PHUN SUM TSOGS PAR 'GYUR BAS GDAMS NGAG NI RNAM PA BCU'O, ,ZHES GSUNGS, GNYIS PA RTOGS DKA' BA BYE BRAG TU BSHAD PA LA, DBANG PO RTUL DANG RNON PO DAG , CES SOGS GSUNGS, DE RNAMS KYI NANG NAS DBYE BA ZHAR LA BRJOD NAS GDAMS NGAG STE, ZHES PA'I SKABS SU, MTHA' DPYAD PA LA, THEG CHEN GYI GDAMS NGAG NYAN PA'I RTEN, RGYU GANG LA BRTEN NAS NYAN PA, YUL GANG LA NYAN PA; GDAMS NGAG GI NGO BO, SA MTSAMS DANG LNGA LAS, DANG PO NI, SPYIR THEG CHEN GYI GDAMS NGAG NYAN PA'I LAM MA ZHUGS GANG ZAG NYAN THOS BYANG CHUB SEMS DPA' RNAMS YOD LA, THEG CHEN GYI TSOGS LAM CHEN PO THOB NAS SANGS @119A *, ,RGYAS DNGOS LA GDAMS NGAG NYAN NUS TE, DE LTAR BYANG CHUB KYI SEMS DANG PO LA SOGS PA SEMS BSKYED PA'I BYANG CHUB SEMS DPA' DUS JI LTA BA BZHIN DU DON DU GNYER BAR BYED PA, ZHES DANG, MDO SDE'I RGYAN LAS, BSAM GTAN LA THOB MNGON PAR SHES, ,MNGON PAR SGRUB PA'I SGO NAS NI, ,SANGS RGYAS DPAG TU MED PA LA, ,MCHOD PA'I PHYIR DANG NYAN PA'I PHYIR, ,'JIG RTEN KHAMS NA KUN TU 'GRO, ,ZHES GSUNGS PA'I PHYIR, MCHOG GI SPRUL SKU LA THEG CHEN GYI GDAMS NGAG DNGOS SU NYAN PA'I LAM MA ZHUGS KYI GANG ZAG YOD DE, LAM SHES KYI MDO LAS, LHA'I BU GANG DAG GIS BLA NA MED PA YANG DAG PAR RDZOGS PA'I BYANG CHUB TU SEMS MA BSKYED PA DE DAG GIS BLA NA MED PA YANG DAG PAR RDZOGS PA'I BYANG CHUB TU SEMS BSKYED PAR BYA'O, ,ZHES GSUNGS PA'I PHYIR, GNYIS PA NI, THEG CHEN GYI TSOGS LAM CHEN PO THOB NAS CHOS RGYUN GYI TING NGE 'DZIN LA BRTEN NAS MCHOG GI SPRUL SKU LAS GDAMS NGAG DNGOS SU NYAN PA YIN TE, MDO SDE'I RGYAN LAS, DE TSE CHOS KYI RGYUN LAS NI, ,SANGS RGYAS RNAMS LAS ZHI GNAS DANG, ,YE SHES YANGS PA THOB BYA'I PHYIR, ,GDAMS NGAG RGYA CHEN NOD PAR 'GYUR, ,ZHES GSUNGS PA'I PHYIR, 'O NA; CHOS RGYUN GYI TING NGE 'DZIN GANG ZHE NA, 'DI LA NGO BO, SGRA BSHAD, SA MTSAMS DANG GSUM LAS, DANG PO NI, GSER PHRENG LAS, MTSAN NYID NI GANG LA MNYAM PAR BZHAG NA RGYAL BA RNAMS LAS GSUNG RAB KYI TSIG DON GRANGS LAS 'DAS PA 'DZIN @119B PAR NUS PA'I DRAN PA DANG, TING NGE 'DZIN MTSUNGS LDAN DANG BCAS PA'O, ,ZHES GSUNGS PA DANG, RNAM BSHAD LAS, LAM 'OG MA RNAMS KYIS SANGS RGYAS DNGOS SU MTHONG BA DANG, DE LA CHOS THOS PA'I SGRIB BYED RAGS PA PHAL CHER SBYANGS NAS MCHOG GI SPRUL SKU LAS GDAMS NGAG DNGOS SU NYAN PA'I NUS PA KHYAD PAR CAN SKYES PA'I ZHI LHAG ZUNG 'BREL GYI TING NGE 'DZIN NI, CHOS RGYUN GYI TING NGE 'DZIN GYI MTSAN NYID, DE'I RGYUR BSKAL PA DU MAR TSOGS BSAGS PA DANG LDAN PA DANG, TSUL KHRIMS RNAM PAR DAG PA DANG, THEG PA CHEN PO'I RIGS DANG LDAN PA DANG, THOS PA MANG BA DANG, RIGS KYI NYES DMIGS BZHI PHAL CHER DANG BRAL BA DGOS, ZHES GSUNGS PA LTAR RO, ,GNYIS PA NI, CI'I PHYIR CHOS RGYUN GYI TING NGE 'DZIN ZHES BYA ZHE NA, CHOS GSUNG RAB KYI TSIG DON GRANGS LAS 'DAS PA RGYUN BAR MA CHAD PAR 'DZIN NUS PA'I TING NGE 'DZIN YIN PAS NA DE LTAR BRJOD PA'I PHYIR, GSUM PA NI, RGYAN SNANG LAS, TSOGS LAM PA NYID DU SEMS LAS SU RUNG BAR GYUR NA GANG ZHIG THOS PAS TSIG DANG DON MA LUS PAR 'DZIN PAR NUS PA'I CHOS KYI RGYUN ZHES BYA BA'I TING NGE 'DZIN 'THOB LA, ZHES GSUNGS PA LTAR, THEG CHEN GYI TSOGS LAM CHEN PO NAS SANGS RGYAS KYI SA'I BAR DU YOD DO, ,GSUM PA NI, PHYOGS BCU NA BZHUGS PA'I SANGS RGYAS DANG, ZHES GSUNGS PA LTAR, THEG CHEN GYI GDAMS NGAG STON PA'I SANGS RGYAS BYANG SEMS NYAN RANG LAM MA ZHUGS KYI DGE BA'I BSHES GNYEN SOGS @120A *, ,DU MA YOD, BZHI PA NI, THEG CHEN SEMS BSKYED KYI CHED DU GNYER BYA'I THABS MA NOR BAR STON PA'I THEG CHEN GYI NGAG DE, THEG CHEN GYI GDAMS NGAG GI MTSAN NYID, DBYE NA, GDAMS PA'I THEG CHEN GYI GDAMS NGAG DANG, RJES BSTAN KYI THEG CHEN GYI GDAMS NGAG GNYIS LAS, THOB ZIN GYI YON TAN 'PHEL PHYIR DU GDAMS PA'I THEG CHEN GYI GDAMS NGAG ,DANG PO'I MTSAN NYID, SNGAR MA THOB PA'I YON TAN GSAR DU THOB PHYIR DU 'DOMS PA'I THEG CHEN GYI GDAMS NGAG DE, GNYIS PA'I MTSAN NYID YIN TE, NYI KHRI RNAM 'GREL LAS, DE LA DON DU GNYER BA'I DON THOB PA'I BYA BA NYE BAR STON PA NI GDAMS PA DANG RJES SU BSTAN PA YIN TE, THOB ZIN PA'I YON TAN YONGS SU SBYONG BA'I DON GYIS MI NYAMS PAR BYED PA NI GDAMS NGAG YIN LA, DE'I 'OG TU MA THOB PA THOB PAR BYED PAS NA, RJES SU BSTAN PA YIN NO, ,ZHES GSUNGS PA'I PHYIR, 'GREL PA 'DI LTAR NA GO RIMS BZLOG STE 'JOG DGOS TE, DES 'PHANGS PA'I CHOS 'GRUB PAR BYA BA'I PHYIR YON TAN THOB PA YONGS SU BSRUNG BA'I DON GYIS MNGON PAR 'PHEL BAR BYA BA'I PHYIR 'DOMS PA NI GDAMS NGAG STE, ZHES GSUNGS PA'I PHYIR, KHA CIG ,THEG CHEN SEMS BSKYED KYI CHED DU GNYER BYA'I THABS MA NOR BAR STON PA'I THEG CHEN GYI NGAG RNAM DAG ,THEG CHEN GYI GDAMS NGAG GI MTSAN NYID ZER NA MI 'THAD DE, GZHAN DBANG DANG YONGS GRUB BDEN GRUB @120B TU STON PA'I SEMS TZAM PA'I BSTAN BCOS CHOS CAN, MTSAN NYID DER THAL, MTSON BYA DE'I PHYIR, 'DOD NA, NGAG RNAM DAG YIN PAR THAL LO, ,'DOD MI NUS TE, GZHAN DBANG DANG YONGS GRUB BDEN PAR MA GRUB PA'I PHYIR; KHA CIG ,DE 'DRA BA'I SANGS RGYAS KYI GSUNG RAB DE, DE'I MTSAN NYID ZER NA, 'GREL PA DON GSAL CHOS CAN, MTSAN NYID DER THAL, MTSON BYA DE'I PHYIR TE, THEG CHEN GYI BSTAN BCOS RNAM DAG YIN PA'I PHYIR, LNGA PA NI, THEG CHEN SEMS BSKYED THOB PA'I DBANG DU BYAS NA, THEG CHEN GYI TSOGS LAM NAS SANGS RGYAS KYI SA'I BAR DU YOD DE, SHIR 'BYUNG GI BSDUS DON LAS, LAS DANG PO PA'I SA NAS BZUNG STE DE SANGS RGYAS KYI SA'I BAR DU GDAMS NGAG GI BYANG CHUB KYIS SEMS SGRUB PA RNAM PAR DAG PA YIN NO, ,ZHES GSUNGS PA'I PHYIR, RGYUN MTHA'I BAR CHAD MED LAM PA DE GDAMS NGAG DNGOS SU NYAN PA PO MA YIN TE, DES CHOS NYID LA RTZE GCIG TU MNYAM PAR BZHAG BZHIN PA'I NGANG NAS RNAM MKHYEN MNGON PAR 'DU BYED PA'I PHYIR TE, TSIG GSAL LAS, BAR CHAD MED PA'I LAM LA NI DE DON DU GNYER BA MI BYED DE, RANG BYUNG GI YE SHES SKYED PAR NUS PA'I PHYIR, ZHES GSUNGS PA'I PHYIR, KHA CIG , SRID PA THA MA'I BYANG SEMS KYIS GDAMS NGAG DNGOS SU MI NYAN TE, MDO LAS, NYER 'GRONG NI SANGS RGYAS TE, ,NGA LA SLOB DPON SU YANG MED, ,CES GSUNGS PA'I PHYIR NA MA KHYAB STE, SRID PA THA VMA'I TSE BYANG CHUB MNGON DU BYED PA'I TSE SLOB @121A *, ,DPON GZHAN GYI GDAMS NGAG LA MI LTOS PA LUNG DE'I DON YIN PA'I PHYIR, DE LTAR MA YIN NA SANGS RGYAS KYI ZHING BRJOD DU MED PA'I YANG BRJOD DU MED PA'I RDUL PHRA RAB KYI GRANGS DANG MNYAM PA'I YON TAN SDE TSAN BCU GNYIS THOB PA'I SRID PA THA MA'I BYANG SEMS MED PAR THAL, DE DANG GRANGS MNYAM PA'I SANGS RGYAS LA THEG CHEN GYI GDAMS NGAG NYAN PA'I DE MED PA'I PHYIR, NGAG DON NI, MCHOG GI SPRUL SKUS RANG GI CHED DU BYA BA'I GDUL BYA BYANG SEMS TSOGS LAM PA LA THEG CHEN GYI GDAMS NGAG GSUNGS PA CHOS CAN, DGOS PA YOD DE, DES SNGAR MA THOB PA'I YON TAN GSAR DU THOB PA DANG, THOB ZIN GYI YON TAN RNAMS MI NYAMS SHING GONG NAS GONG DU 'PHEL BAR BYA BA'I CHED YIN PA'I PHYIR, KHO NA RE, NYAN THOS KYI NGAG TU GYUR PA'I THEG CHEN GYI MDO CHOS CAN, THEG CHEN GYI NGAG YIN PAR THAL, THEG CHEN GYI GDAMS NGAG YIN PA'I PHYIR, 'DOD MI NUS TE, THEG DMAN GYI NGAG YIN PA'I PHYIR TE, NYAN THOS KYI NGAG YIN PA'I PHYIR NA, THAL 'GYUR GNYIS PA LA MA KHYAB, KHO NA RE, NGAG MA SMRAS PAR GDAMS NGAG STON PA MED PAR THAL, GDAMS NGAG YIN NA, DAG YIN DGOS PA'I PHYIR, 'DOD NA, NGAG MA SMRAS PAR CHOS STON PA MED PAR THAL LO, ,ZER NA MA KHYAB, GZHAN YANG, GDAMS NGAG YIN NA, RANG RGYU SKYES BU'I BYED PA LCE RKAN LAS BYUNG BAS KHYAB PAR THAL, DE YIN NA NGAG YIN PAS KHYAB PA'I PHYIR NA MA KHYAB BO, ` ,'O NA; @121B SGRUB DANG, ZHES PA RTZA 'GREL GYIS SGRUB PA RANG GI NGO BO LA 'DOMS PA'I GDAMS NGAG 'CHAD NA 'CHAD TSUL DE GANG ZHE NA, 'DI LA MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO LA SGRUB PA'I NGO BO DANG KHYAD PAR GNYIS LAS, DANG PO NI, GONG DU SEMS BSKYED KYI SKABS SU BYANG CHEN SHER PHYIN LA SPYOD PAR BYA BA MANG DU GSUNGS PA LAS 'PHROS NAS, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA SH'A RI'I BUS 'DI SKAD CES GSOL TO, ,BCOM LDAN 'DAS JI LTAR BYANG CHEN SHER PHYIN LA SPYOD PAR BGYI, DE SKAD CES GSOL BA DANG, BCOM LDAN 'DAS KYIS TSE DANG LDAN PA SH'A RI'I BU LA 'DI SKAD CES BKA' STZAL TO, ,SH'A RI'I BU 'DIS BYANG CHEN SHER PHYIN LA SPYOD PA'I TSE BYANG SEMS YOD BZHIN DU BYANG CHUB SEMS DPA' YANG DAG PAR RJES SU MI MTHONG NGO, ,ZHES PA NAS, SH'A RI'I BU DE LTAR SPYOD PA'I BYANG CHEN SHER PHYIN LA SPYOD PA YIN NO, ,ZHES PA'I BAR GYIS 'CHAD, GNYIS PA NI, SH'A RI'I BU GAL TE 'DZAM BU'I GLING 'DIR DGE SLONG SH'A RI'I BU DANG, MO'U 'GAL GYI BU DANG, ZHES PA NAS, SANGS RGYAS KYI CHOS MA 'DRES PA BCO BRGYAD RNAMS KYI SBYIN PA PO YIN NA, ZHES PA'I BAR GYIS BSTAN, GNYIS PA MDO DE'I DON BSHAD PA'I SGO NAS SGRUB PA RANG GI NGO BO LA 'DOMS PA'I GDAMS NGAG STON PA LA, SGRUB DANG, ZHES GSUNGS, DE NYID TSIG DON GYI SGO NAS 'CHAD PA LA, BYANG CHUB @122A *, ,KYI SEMS KYI RAB TU DBYE BA, ZHES SOGS GSUNGS, DE LA YANG, SHES RAB LA GDAMS PA DANG, THABS LA GDAMS PA GNYIS LAS, DANG PO NI, MDO TSAN DANG PO'I DON BSHAD PA'I SGO NAS SHES RAB LA GDAMS PA DE STON PA LA, BYANG CHUB KYI SEMS KYI RAB TU DBYE BA KUN RDZOB DANG DON DAM PA'I BDEN PA LAS MI 'DRA' BAS MI DMIGS PA'I TSUL GYIS 'JUG PAR BYA'O, ,ZHES SLOB PA SGRUB PA LA 'DOMS PA DANG, ZHES GSUNGS, GNYIS PA NI, MDO TSAN GNYIS PA DE'I DON BSHAD PA'I SGO NAS THABS LA GDAMS PA DE STON PA LA, BYANG CHUB KYI SEMS KYI RAB TU DBYE BA JI SKAD BSHAD PA SGRUB PA LA NYAN THOS LA SOGS PA DANG THUN MONG MA YIN PA MI DMIGS PA'I TSUL GYIS 'JUG PAR BYA'O, ,ZHES SLOB PA SGRUB PA LA 'DOMS PA DANG, ZHES GSUNGS, DE YANG MDO DANG PO'I, BYANG CHUB SEMS DPA' YOD BZHIN DU, ZHES PAS, KUN RDZOB BDEN PA BSTAN LA, BYANG CHUB SEMS DPA' YANG DAG PAR RJES SU MI MTHONG NGO, ,ZHES PAS DON DAM BDEN PA BSTAN PA YIN TE, DANG POS, BYANG CHUB SEMS DPA' THA SNYAD DU YOD PA DANG, PHYI MAS, DON DAM PAR MED PAR BSTAN PA'I PHYIR, MDO TSAN GNYIS PA'I DON BSHAD PA LA; DNGOS BSTAN GYI DON BSHAD PA DANG, SHUGS BSTAN GYI DON BSHAD PA GNYIS LAS, DANG PO NI, NYAN RANG GI STONG NYID RTOGS PA'I SHES RAB LAS, BYANG CHUB SEMS DPA'I STONG NYID RTOGS PA'I SHES RAB KHYAD PAR DU 'PHAGS PA @122B YIN TE, NYAN THOS MI SLOB PA'I MING CAN SH'A RI'I BU DANG MO'U 'GAL GYI BU GNYIS MCHOG ZUNG GCIG LTA BU YIN LA, DE GNYIS DANG SPANGS RTOGS CHA 'DRA BA'I NYAN THOS MI SLOB PA RNAMS KYIS 'DZAM BU'I GLING 'DIS MTSON NAS PHYOGS BCU'I 'JIG RTEN GYI KHAMS YONGS SU GANG BAR GYUR KYANG, DE DAG GIS STONG NYID RTOGS PA'I SHES RAB BSKAL PA MANG POR BSGOMS PA'I BSOD NAMS LAS, BYANG CHEN NYIN GCIG STONG NYID RTOGS PA'I SHES RAB SGOM PA BSOD NAMS CHES KHYAD PAR DU 'PHAGS PA YIN PA'I PHYIR TE, BYANG CHUB SEMS DPA' RNAMS KYIS STONG NYID SGOM PA DE SEMS CAN THAMS CAD MI GNAS PA'I MYANG 'DAS LA 'GOD PA'I PHYIR DU YIN LA, NYAN RANG RNAMS KYI DE DE LTAR MA YIN PA'I PHYIR, GNYIS PA NI, NYI SNANG LAS, NGES PAR 'BYED PA'I CHA DANG MTHUN PA BZHI PO RNAMS MTHONG BA DANG SGOM PA'I LAM DAG LAS GO RIMS BZHIN DU, 'DAM BU'I TSAL LTAR LAS DANG NYON MONGS PA'I GNOD PA CHUNG DU YANG MI BZOD PA DANG, 'OD MA'I TSAL ME MTSON DAG GIS GCOD DKA' BA BZHIN DU LAS DANG NYON MONGS PA DRAG PO'I GNOD PA DANG PHRAD KYANG DGE BA'I RTZA BA MI CHAD PA DANG, BU RAL SHING DANG 'DRA PAR GNAS SKABS GZHAN THOB KYANG NGAN SOGS CHAD PA'I PHYIR BDE 'GRO'I SKYE BA RGYUN MCHAD PA'I SBYOR BAS CHOS BSGOM PA'I MNGAR BA LAS MI 'DA' BA NYID DANG, SMIG MA DANG 'DRA BAR MYUR DU MNGON PAR RTOGS PA'I PHYIR MTHONG BA'I LAM RTOGS PAR BYED PA NYID DANG, 'BRAS DANG 'DRA BAR 'PHAGS PA'I @123A *, ,GANG ZAG RNAMS KYI RTOGS PA'I 'BRAS BU MCHOG NYID YIN PA DANG, JI LTAR MTHONG LAM LA MNGON DU PHYOGS PAR BYED PA'I PHYIR TIL DANG 'DRA BAR ME TOG LA SOGS PA'I DNGOS PO THA MI DAD DU ZIN KYANG DUS GZHAN DU SGOM PA LAS SPANGS PA'I KHYAD PAR MTHONG BA'I DBANG DU BYAS NAS DE DRUG PA RNAMS YIN PAR SHES PAR BYA'O, ,ZHES GSUNGS, DON NI SNGAR GYI MDO DES SHUGS LA 'THOB BYA'I RTOGS PA'I CHOS DRUG BSTAN LA, DES NA NYAN THOS KYI SBYOR LAM DROD DE 'DAM BU DANG 'DRA STE, 'DAM BU GNOD PA CHUNG DU YANG MI BZOD PA BZHIN DU, 'DIS KYANG LAS NYON GYI GNOD PA CHUNG DU YANG MI BZOD PA'I PHYIR, RTZE MO NI 'OD MA DANG MTSUNGS TE, 'OD MA DE ME MTSON GYIS GCAD DKA' BA BZHIN DU, 'DI THOB NAS LOG LTAS DGE RTZA GCOD MI NUS PA'I PHYIR, BZOD PA BU RAM SHING DANG 'DRA STE, BU RAM SHING DE MNGAR BA'I RANG BZHIN YIN PA LTAR 'DI THOB NAS BDE 'GRO'I SKYE BA RGYUN MI CHAD PA'I SGO NAS CHOS SGOM PA'I MNGAR BA LAS MI 'DA' BA'I PHYIR, CHOS MCHOG SMIG MDANG 'DRA STE, SMIG MAS RANG GI SHUN PA MYUR DU GCOD PA BZHIN DU, 'DIS KYANG MTHONG LAM MYUR DU RTOGS PAR BYED PA'I PHYIR, MTHONG LAM 'BRAS DANG MTSUNGS TE, 'JIG RTEN 'CHAGS PA'I TSE 'BRAS DE LO THOG THAMS CAD KYI THOG MAR 'BYUNG BA LTAR, DE 'PHAGS PA'I RTOGS PA'I SA RNAMS KYI MCHOG STE DANG PO YIN PA'I PHYIR, SGOM LAM TIL @123B DANG 'DRA STE, TIL DE ME TOG DANG SDONG BU SOGS RIGS THA MI DAD KYANG NUS PA LA MI 'DRA BA'I KHYAD PAR YOD PA BZHIN DU, STONG NYID MNGON SUM DU RTOGS PA'I MTHONG LAM DANG SGOM LAM GNYIS LA NGO BO MI 'DRA BA'I DBYE BA MED KYANG; SPANG BYA SPONG BA'I NUS PA LA MI 'DRA BA'I KHYAD PAR YOD PA'I PHYIR, 'O NA; TSAL SMOS PA'I DON CI YIN ZHE NA, DBANG PO RNO 'BRING RTUL GSUM GYI DROD LA SOGS PA NANG TSAN THA DAD KYANG DROD LA SOGS PAR RIGS GCIG PAR SHES PAR BYA BA'I CHED YIN PA'I PHYIR TE, NYI SNANG LAS, TSAL SMOS PA'I DON CI YIN ZHE NA, GANG ZAG GI KHYAD PAR RNAMS KYI DBANG PO'I KHYAD PAR LA SOGS PA YIN YANG, DRO BAR 'GYUR BA LA SOGS PA RNAMS KYI RIGS THA MI DAD BAR SHES PAR BYA BA YIN TE, DON MANG PO RTOGS PA NI DPE GCIG GIS CHOG PAR 'GYUR RO, ,ZHES GSUNGS PA'I PHYIR, 'AM SMOS PA'I DGOS PA YOD DE, PHYI MA PHYI MA DRANG PAR BYA BA'I CHED YIN PA'I PHYIR, 'O NA THA MAR 'AM SMOS PA MI 'THAD DE, DES PHYI MA DRANG RGYU MED PA'I PHYIR NA, RTAGS MA GRUB STE, ,'PHAGS PA'I GANG ZAG RNAMS KYI MTHONG CHOS LA BDE PAR GNAS PA'I DPE GZHAN DRANG BAR BYA BA'I CHED YIN PA'I PHYIR TE, NYI SNANG LAS, RE SHIG 'AM ZHES BYA BA'I SGRA SNGA MA SNGA MA SMOS PA NI DES PHYI MA PHYI MA DRANG BAR BYA BA'I DON DU YIN TE, 'O NA TE, THA MAR 'AM SMOS PA NI CI'I DON DU YIN ZHE NA 'PHAGS PA'I GANG ZAG RNAMS KYI MTHONG CHOS LA BA DE BAR GNAS @124A *, ,PA SHES PAR BYED PA'I PHYIR, DPE GZHAN DRANG BAR BYA BA'I DON DU YIN NO, ,ZHES GSUNGS PA'I PHYIR, DE YANG DON LA THOB PA YIN GYI TSIG ZIN LA THA MAR SMOS PA MED, TIL GYI TSAL LTAR YONGS SU GANG BAR GYUR KYANG, ZHES GSUNGS PA'I PHYIR, DE LTAR YANG GSER PHRENG LAS, DE LTAR 'GYUR BA 'DI RNAMS LA THA MAR 'AM SMOS PA MI SNANG, ZHES GSUNGS, BYANG CHEN SHER PHYIN NYIN GCIG SGOM PA'I ZHES GSUNGS PA'I BYANG CHEN DE GANG ZHE NA, DE SEMS DANG PO BSKYED PA, SPYOD PA LA ZHUGS PA, PHYIR MI LDOG PA, SKYE BA GCIG GIS THOGS PA DANG BZHI LAS, BZHI PA LA BYED PA MI 'THAD DE, SA BCU PAR SANGS RGYAS DANG SPANGS RTOGS CHA 'DRA BAR BSHAD PAS NYAN RANG LAS KHYAD ZHUGS PAR RTOGS SLA BA'I PHYIR, DE LTAR YANG NYI SNANG LAS, RE ZHIG BZHI PA MA YIN TE, SA BCU PA LA NI DE BZHIN GSHEGS PA NYID YIN NO, ,ZHES GSUNGS PA'I PHYIR, PHYIR MI LDOG PA SA RGYAD PA PA LA BYED PA MI 'THAD DE, DER DGONGS PA CAN GYI MYANG 'DAS MNGON DU BYED PA BKAG PAS DE DE LAS KHYAD ZHUGS PAR RTOGS SLA BA'I PHYIR TE, NYI SNANG LAS, GSUM PA NI MA YIN TE, SA BRGYAD PA LA NI DE'I DGONGS PA CAN GYI MYA NGAN LAS 'DAS PA BKAG PA NYAN THOS THAMS CAD LAS SHES PA KHYAD ZHUGS PA'I PHYIR ZHES GSUNGS, SPYOD PA LA ZHUGS PA MA DAG SA BDUN LA GNAS PA LA BYED PA MI 'THAD DE, SA DANG POR NYAN RANG GI SPANGS RTOGS KYI BYED PA 'DUS PAR GSUNGS PAS DE DE LAS @124B KHYAD ZHUGS PAR RTOGS SLA BA'I PHYIR TE, NYI SNANG LAS, GNYIS PA YANG MA YIN TE, DE YANG DE RNAMS LAS RTOGS PA KHYAD PAR 'PHAGS PA'I PHYIR, ZHES GSUNGS, DE'I LAN STON PA LA, NYI SNANG LAS, DE BAS NA YONGS SU MI NYAMS PA'I CHOS CAN BRDA LAS BYUNG BA'I SEMS DANG PO BSKYED PA'I BYANG CHUB SEMS DPA'I SKABS DANG POR SEMS BSKYED PAR GSUNGS PA GANG YIN PA DE NYID 'DIR MNGON PAR BZHED PAR MNGON NO, ,ZHES GSUNGS, DON NI, MDO LAS DE LTAR GSUNGS PA'I BYANG SEMS DE, BYANG SEMS PHYI MA GSUM PO DE KHO NA LA BYED PA MI 'THAD DE, SEMS DANG PO BSKYED PA'I BYANG SEMS LA DON DAM PA'I BYANG SEMS DANG BRDA LAS BYUNG BA'I SEMS DANG PO BSKYED PA GNYIS YOD PA'I PHYI MA DE YANG 'DI'I SKABS KYI BYANG SEMS YIN PA'I PHYIR, DE PHYI MA 'DI KHO NA LA BYED PA MI 'THAD DE, SNGAR BSHAD PA'I BYANG SEMS BZHI PO DE YANG 'DI'I SKABS KYI BYANG SEMS YIN PA'I PHYIR TE, SGRUB DANG, ZHES SOGS PA'I SGRUB PA DE DE BZHI GA'I RGYUD LA YOD PA'I PHYIR, DE LTAR YANG GSER PHRENG LAS, SGRUB PA 'DI BYANG SEMS DE BZHI BA'I LAM YIN PAS DE DAG KUN BTUS LAS BSTAN PA YIN PA MI 'GAL BAR DGONGS PAR SEMS SO, ,ZHES GSUNGS, RE ZHIG BZHI PA NI MA YIN TE; ZHES SOGS GSUNGS PA DANG MI 'GAL TE, DE PHYOGS SNGA STON PA'I GZHUNG YIN GYI RANG GZHUNG MA YIN PA'I PHYIR, 'O NA; SA BRGYAD PA LA NI DE'I DGONGS PA CAN GYI MYA NGAN LAS 'DAS PA BKAG PAS, ZHES GSUNGS PA'I DON GANG @125A *, ,ZHE NA; DE'I DON NI, RNAM BSHAD LAS, THAMS CAD SHES PA NYID LA MTHONG BAS BLTAS NAS 'DA' BA DANG, ZHES DANG, GZHON NU'I SA LAS 'DA' BAR 'DOD PA'I SHES PA DANG MTHONG BAS 'DA' BA DANG GNAS NAS 'DA' BA GNYIS LA DANG PO BYANG CHUB SEMS DPAS NYAN RANG GIS MTHONG SGOM GYI SKABS SU SHES MTHONG GIS BLTAS NAS 'DA' BA DE YIN LA, GNYIS PA NI PHYIR MI LDOG PA'I SA BRGYAD PA PA STE, DE LAS 'DA' BA'I DON NI SA BRGYAD PAR BRTAG PA MTHA' BZUNG GI TSUL GYIS SANGS RGYAS RNAMS KYIS MA BSKUL NA DES DE MA THAG TU 'GRO BA'I DON RGYUN BCAD NAS ZAG PA MED PA'I DBYINGS SU SNYOMS PAR 'JUG PAR 'GYUR BAS SANGS RGYAS KYIS BSKUL TE SA BRGYAD PA LA RGYUN CHAGS SU SNYOMS PAR 'JUG PAR 'GYUR KYANG MNGON DU BYED PA LAS 'DA' BA'I DON NO, ,ZHES GSUNGS, DON NI, SA BRGYAD PA PA LA SANGS RGYAS KYIS RJES THOB TU BSOD NAMS KYI TSOGS RGYA CHEN PO GSOG PA LA MA BSKUL NA DES DUS MA YIN PAR MNGON DU BYED PAR 'GYUR BA'I KHYAB PA 'DU BYED KYI SDUG BSNGAL NYE BAR ZHI BA'I DBYINGS DE DGONGS PA CAN GYI MYANG 'DAS YIN, DES NA RNAM BSHAD LAS DE LTAR GSUNGS PA'I ZAG MED KYI DBYINGS DE DE 'DRA'I NYER ZHI'I DBYINGS DE LA BYED RIGS TE, 'DI'I ZAG MED KYI DBYINGS DE RDZOGS SMIN SBYANG GSUM MA BYAS PAR YANG DAG PA'I MTHA' MNGON DU MA BYED CIG CES PA'I SKABS KYI YANG DAG MTHA' DE LA BYED RIGS PA'I PHYIR TE, @125B DE'I THAD KYI RNAM BSHAD LAS, BYANG CHUB SEMS DPA' DMAN LAM SNGON DU MA SONG BA RNAMS KYIS CHOS GSUM MA RDZOGS PAR DU YANG DAG PA'I MTHA' MNGON DU BYED NUS SAM, MNGON DU BYAS NA TSUL JI LTA BU ZHE NA, MNGON DU BYED PAR 'DOD NA THEG PA CHEN PO'I MTHONG LAM THOB MA THAG PA'I RJES DE NAS NUS NAS BRGYAD PA LA LTA CI SMOS, 'ON KYANG SA BDUN PA MAN CHAD DU DOGS PA CHUNG LA, SA BRGYAD PAR DOGS PA CHE BAS SA BRGYAD PA THOB NAS RGYAL BA RNAMS KYIS 'GOG PA LAS SLONG BAR MDZAD, DE YANG BRTAG PA MTHA' BZUNG TZAM YIN GYI, ZHES SOGS DANG, BRTAG PA MTHA' BZUNG GI TSUL GYIS, ZHES SOGS GSUNGS PA GNYIS DON GCIG PA'I PHYIR TE, NYI SNANG LAS, 'DIR DAM PA'I CHOS PADMA DKAR PO TSAD MAR MDZAD PA NA JI LTAR 'PHAGS PA SH'A RI'I BU LA SOGS PA'I BYANG CHEN RNAMS LA NYAN THOS KYI YONGS SU MYA NGAN LAS 'DAS PA'I RNAM PAR DAG PA GSUNGS PA DE BZHIN DU 'DIR YANG DGONGS PA CAN GYI MYA NGAN LAS 'DAS PA YIN PAR SHES PAR BYA STE, DUS DE'I BAR DU 'GRO BA'I DON RGYUN BCAD PA'I PHYIR, ZHES GSUNGS PA'I DON GANG ZHE NA, SH'A RI'I BU LA SOGS PA'I BYANG SEMS RNAMS LA NYAN THOS KYI MYANG 'DAS BTAGS PA BA YIN PA BZHIN DU 'DI YANG DGONGS PA CAN GYI MYANG 'DAS DE MYANG 'DAS BTAGS PA PA YIN ZHES PA'I DON YIN NO, ,DES 'DIR TSAL DRUG GI DPES STON PA'I RGYU MTSAN YOD DE, TSAL DE RNAMS 'THUG PA'I DPE YIN PAS GANG BA'I DON YIN @126A *, ,PA'I PHYIR, GNOD 'JOMS SU 'THUG PA DANG MTHO BA LA CHE 'BRING CHUNG GSUM DU BYAS NAS, 'THUG MTHO CHE BA GNYIS 'DAM 'OD GNYIS DANG, DE 'BRING GNYIS BUR SMIG GNYIS DANG, 'THUG MTHO CHUNG BA GNYIS 'BRAS TIL GNYIS DANG SBYAR NAS SNGA MA SNGA MA 'THUG ,PHYI MA PHYI MA SRAB PAR BSHAD KYANG, MDO DANG BSGRIGS NA SNGA MA SNGA MA LAS PHYI MA PHYI MA 'THUG PA 'GRIG STE, NYAN THOS MANG POS GANG BA MTSON PA LA DES 'DAM GCAN 'DI RNAMS BYUNG BA'I PHYIR, ` DES NA SKABS 'DIR MTHA' DPYAD PA LA, BDEN GNYIS KYI DBYE GZHI, GRANGS NGES, DBYE BA SO SO'I RANG BZHIN, SGRA BSHAD PA, GCIG DANG THA DAD BRTAGS PA, SHES PA'I PHAN YON, MA SHES PA'I NYES PA DANG BDUN LAS, DANG PO NI, BDEN GNYIS KYI DBYE GZHI YANG YOD DE, SHES BYA DE DE YIN PA'I PHYIR, GNYIS PA NI, SHES BYA LA BDEN PA GNYIS SU GRANGS NGES TE, YAB SRAS MJAL BA'I MDO LAS, 'DI LTAR, DE BZHIN GSHEGS PAS KUN RDZOB DANG DON DAM PA'I BDEN PA GNYIS THUGS SU CHUD DE SHES PAR BYA BA YANG KUN RDZOB DANG DON DAM PA'I BDEN PA DE GNYIS SU ZAD DO, ,ZHES GSUNGS PA'I PHYIR, GSUM PA LA, DON DAM BDEN PA DANG, KUN RDZOB BDEN PA GNYIS LAS, DANG PO NI, RANG MNGON SUM DU RTOGS PA'I MNGON SUM GYI TSAD MAS GNYIS SNANG NUB PA'I TSUL GYIS RTOGS PAR BYA BA, DON DAM BDEN PA'I @126B MTSAN NYID, DE LA STONG GZHI'I SGO NAS DBYE NA, STONG NYID NYI SHU DANG, BCO BRGYAD DANG, BCU DRUG SOGS SU BSHAD KYANG BRJOD TSUL TZAM MA GTOGS, NGO BOS BYAS PA'I DBYE BA MED DE, DE RNAMS DGAG BYA BDEN GRUB BKAG TZAM GYI MED DGAG TU RIGS GCIG PA'I PHYIR, DON DAM TZAM LA SGRAS BRJOD RIGS KYI SGO NAS DBYE NA, YUL CAN DON DAM DANG, YUL DON DAM GNYIS LAS, DANG PO LA, SGRAS BRJOD RIGS KYI SGO NAS, RNAM GRANGS PA'I DANG, RNAM GRANGS PA MA YIN PA'I YUL CAN DON DAM GNYIS LAS, DANG PO NI, BDAG MED RTOGS PA'I RIGS SHES RJES DPAG LTA BU, GNYIS PA NI, DON DAM GZIGS PA'I 'PHAGS PA'I MNYAM GZHAG YE SHES LTA BU'O, ,GNYIS PA LA, RNAM GRANGS PA'I DANG, RNAM GRANGS PA MA YIN PA'I YUL DON DAM GNYIS LAS, DANG PO NI, MYU GU DANG BDAG MED KYI TSOGS DON LTA BU, GNYIS PA NI, MYU GU BDEN PAS STONG PA'I STONG NYID LTA BU, DE LTAR YANG, STONG THUN LAS, BDEN MED LTA BU'I MED DGAG DON DAM DNGOS DANG, BDEN MED DANG MYU GU TSOGS PA'I MA YIN DGAG LTA BU NI MTHUN PA'I DON DAM DU 'JOG PAS YUL DANG YUL CAN GNYIS KA LA 'BYED TSUL SHES DGOS SO, ,ZHES GSUNGS, 'O NA; BDEN GNYIS LAS, SKYE BA LA SOGS BKAG PA YANG, ,YANG DAG PA DANG MTHUN PA'I PHYIR, ,DON DAM YIN PAR KHO BOS 'DOD, ,CES GSUNGS PA DANG, DBU MA RGYAN LAS, DAM PA'I DON DANG MTHUN PA'I PHYIR, ,'DIR NI DAM PA'I DON ZHES BYA, ,YANG DAG DU @127A *, ,MA SPROS PA YI, ,TSOGS RNAMS KUN LAS DE GROL YIN, ,ZHES DANG, DBU MA SNANG BAR, DE LTAR NA SKYE BA MED PA 'DI YANG DON DAM PA DANG MTHUN PA'I PHYIR DON DAM PA ZHES BYA YI, DNGOS SU NI MA YIN TE, DNGOS SU NI YANG DAG PA SPROS PA THAMS CAD LAS 'DAS PA'I PHYIR, ZHES PA'I DON GANG ZHE NA, 'DI LA BSTAN BYA'I GTZO BO YUL CAN GYI DBANG DU BYAS TE BSHAD PA DANG, ZHAR BYUNG YUL GYI DBANG DU BYAS TE BSHAD PA GNYIS LAS, DANG PO LA; YUL CAN DON DAM DNGOS DANG MTHUN PA'I YUL CAN DON DAM PA GNYIS LAS, DANG PO NI, GANG GI GZIGS DON GNYIS SNANG GI SPROS PA MA LUS PAR LOG PA'I SGO NAS DE KHO NA NYID MNGON SUM DU RTOGS PA'I RIG SHES KYI RTOGS MED NI YUL CAN DON DAM DNGOS YIN LA, DE KHO NA NYID DON SPYI'I TSUL GYIS RTOGS PA'I RIGS SHES RJES DPAG NI RANG GI BLO NGOR BDEN 'DZIN GYI SPROS PA GCOD NUS KYANG GNYIS SNANG GI SPROS PA GCOD MI NUS PAS MTHUN PA'I YUL CAN DON DAM YIN KYANG, YUL CAN DON DAM DNGOS MA YIN ZHES PA'I DON NO, ,GNYIS PA NI, MYU GU BDEN MED DE MYU GU BDEN MED DU RTOGS PA'I RIGS SHES RJES DPAG GI NGOR BDEN 'DZIN GYI SPROS PA GCOD PA'I DON DAM YIN KYANG, DE'I NGOR GNYIS SNANG GI SPROS PA GCOD PA'I DON DAM DNGOS MA YIN ZHING 'PHAGS PA'I MNYAM GZHAG GI NGO BOR GNYIS SNANG GI SPROS PA DANG BRAL BA'I DON DAM PA DANG RJES SU MTHUN @127B PA'I DON DAM YIN, ZHES PA'I DON NO, ,KHA CIG ,MTHAR THUG DPYOD PA'I RIGS SHES KYI RNYED DON, DON DAM BDEN PA'I MTSAN NYID DU 'DOD PA MI 'THAD DE, GZHI GRUB NA DE'I RNYED DON YIN DGOS PA'I PHYIR, GZHI GRUB NA JI LTA BA RTOGS PA'I RNAM MKHYEN GYI RNYED DON YIN DGOS PA'I PHYIR, KHA CIG ,DE'I DNGOS KYI RNYED DON ZER NA MI 'THAD DE, BDEN MED RTOGS PA'I RIGS SHES RJES DPAG GI BDEN MED KYI DON SPYI DNGOS SU RTOGS PA'I PHYIR DANG, DES RANG GI GZHAL BYA DNGOS SU RTOGS PA'I PHYIR, KHA CIG ,MTHAR THUG DPYOD PA'I RIGS SHIS KYI RNYED DON GANG ZHIG ,DE KHYOD LA BLTOS TE MTHAR THUG DPYOD PA'I RIGS SHES SU SONG BA ZER BA MI 'THAD DE, BUM PA LA BLTOS TE MTHAR THUG DPYOD PA'I RIGS SHES SU SONG BA YOD PA'I PHYIR TE, DE LA BLTOS TE MTHAR THUG DPYOD PA'I RIGS SHES YOD PA'I PHYIR, DE LA BLTOS TE GNAS LUGS MTHAR THUG YOD PA'I PHYIR, KHA CIG ,RANG MNGON SUM DU RTOGS PA'I MNGON SUM TSAD MAS GNYIS SNANG NUB PA'I TSUL GYIS RTOGS PAR BYA BA GANG ZHIG ,SGRUB PA'I RNAM PAR RTOGS BYA MA YIN PA ZER NA, SDOR SNANG DBANG SHES DE MNGON SUM DU RTOGS PA'I MNGON SUM GYI TSAD MAS GNYIS SNANG NUB PA'I TSUL GYIS RTOGS PAR BYA BA YIN PAR THAL, MTSAN NYID KYI ZUR DU SGRUB PA'I RNAM PAR RTOGS BYA MA YIN PA SMOS PA LA DGOS PA YOD PA'I PHYIR, 'DOD NA, SDOR SNANG DBANG SHES MA YIN PA LAS LOG PA DE YANG DER THAL LO, ,'DOD NA, @128A *, ,DE CHOS CAN, DON DAM BDEN PAR THAL, MTSAN NYID DE'I PHYIR, DANG PO SLA, GNYIS PA GRUB STE, DGAG PA YIN PA'I PHYIR, KHO NA RE, RNAM MKHYEN MA YIN PA LAS LOG PA CHOS CAN, DER THAL, DE'I PHYIR, 'DOD NA, CHOS CAN DE YIN PAR THAL, SGRUB PA'I RNAM PAR TSAD MAS RTOGS PAR BYA BA YIN PA'I PHYIR NA MA KHYAB, DER THAL, SGRUB PA'I RNAM PA YIN PA'I PHYIR, GSUM PA NI, RANG MNGON SUM DU RTOGS PA'I MNGON SUM GYI TSAD MAS GNYIS SNANG DANG BCAS PA'I SGO NAS RTOGS PAR BYA BA, KUN RDZOB BDEN PA'I MTSAN NYID, DE LTAR YANG SPYOD 'JUG LAS, KUN RDZOB DANG NI DON DAM STE, ,'DI NI BDEN PA GNYIS SU 'DOD, ,DON DAM BLO YI SPYOD YUL MIN, ,BLO NI KUN RDZOB YIN PAR 'DOD, ,CES GSUNGS, DE LA SGRAS BRJOD RIGS KYI SGO NAS DBYE NA, YANG DAG KUN RDZOB DANG, LOG PA'I KUN RDZOB GNYIS SU YOD, YANG DAG KUN RDZOB DANG LOG PA'I KUN RDZOB GANG RUNG GANG ZHIG ,RANG SNANG YUL DU BYED PA'I BLO LA SNANG BA LTAR MA GRUB PAR 'JIG RTEN RANG GA PAS RTOGS MI NUS PA, YANG DAG KUN RDZOB KYI MTSAN NYID, DPER NA, GZUGS DANG NAM MKHA' LA SOGS PA LTA BU, DE GANG ZHIG ,DE LTAR MA GRUB PAR 'JIG RTEN RANG GA PAS RTOGS NUS PA DANG RANG NYID THA SNYAD DU YOD PA LA TSAD MAS GNOD PA DA BAB PA GANG RUNG, LOG PA'I KUN RDZOB KYI MTSAN NYID, DPER NA ME LONG NANG GI BYAD BZHIN GYI GZUGS BRNYAN DANG, GANG ZAG GI BDAG LA SOGS PA @128B LTA BU, DE LTAR YANG, BDEN GNYIS LAS, SNANG DU 'DRA YANG DON BYED DAG ,NUS PA'I PHYIR DANG MI NUS PHYIR, ,YANG DAG YANG DAG MA YIN PA, ,KUN RDZOB GNYIS KYI DBYE BA BYAS, ,ZHES DANG, DE'I 'GREL PAR, SHES PA LA GSAL BAR SNANG BA'I RNAM PA SNANG BA CAN DU 'DRA YANG JI LTAR SNANG BA BZHIN DU DON BYED PA LA MI SLU BA DANG BSLU BA'I KHYAD PAR SHES PAR BYAS TE, CHU LA SOGS PA DANG, SMIG RGYU LA SOGS PA YANG DAG PA DANG YANG DAG PA MA YIN PA RTOGS SO, ,ZHES GSUNGS, KHO NA RE, SANGS RGYAS KYI YE SHES CHOS CAN, MTSAN NYID DER THAL, KUN RDZOB BDEN PA YIN PA'I PHYIR, 'DOD MI NUS TE, DES GNYIS SNANG NUB PA'I TSUL GYIS RTOGS PAR BYA BA YIN PA'I PHYIR, SANGS RGYAS KYI YE SHES KYIS DE LTAR RTOGS PAR BYA BA YIN PA'I PHYIR TE, DES KHYOD DNGOS SU RTOGS PA GANG ZHIG ,DES KHYOD GNYIS SNANG DANG BCAS PA'I SGO NAS MA RTOGS PA'I PHYIR NA MA KHYAB STE, TSAD MA CHOS CAN, DER THAL, DE'I PHYIR, DANG PO GRUB STE, GZHI GRUB PA'I PHYIR, GNYIS PA MA GRUB NA; TSAD MA DANG THA DAD DU THAL LO, ,RTZA BAR 'DOD NA, DE CHOS CAN, TSAD MA LA RANG RIG TU THAL LO, ,DE BZHIN DU SHES PA CHOS CAN, MTSAN NYID DER THAL, KUN RDZOB BDEN PA YIN PA'I PHYIR, 'DOD MI NUS TE, DES GNYIS SNANG NUB PA'I TSUL GYIS RTOGS PAR BYA BA YIN PA'I PHYIR TE, DE DE NYAMS SU MYONG BA'I RANG RIG GIS DE LTAR RTOGS PAR BYA BA YIN PA'I PHYIR NA MA KHYAB, GANG ZAG GI BDAG MED CHOS CAN, MTSAN NYID DER THAL, KUN RDZOB BDEN PA YIN PA'I PHYIR, 'DOD MI NUS TE, NYAN THOS @129A *, ,KYI MTHONG LAM BAR CHAD MED LAM GYIS DE LTAR RTOGS PAR BYA BA YIN PA'I PHYIR NA MI 'THAD DE, GANG ZAG MI RTAG PA LA GNYIS SNANG NUB PA'I BLO YOD PAR THAL, GANG ZAG RTAG PAS STONG PA LA DE'I PHYIR TE, GANG ZAG RTAG GCIG RANG DBANG CAN GYI STONG PA LA DE'I PHYIR, GANG ZAG GI BDAG MED LA DE YOD PA'I PHYIR, RTAGS KHAS, KHA CIG ,MNGON SUM LA SNANG BA LTAR DON BYED NUS PA'I KUN RDZOB TU DMIGS PA, YANG DAG KUN RDZOB DANG, DE LTAR MI NUS PA'I KUN RDZOB TU DMIGS PA, LOG PA'I KUN RDZOB KYI MTSAN NYID DU 'DOD PA MI 'THAD DE, DNGOS PO YIN NA DE LTAR DON BYED NUS PA YIN DGOS PAR THAL, BUM PA DE DE YIN PA'I PHYIR TE, DE YANG DAG KUN RDZOB YIN PA'I PHYIR, KHYAB PA KHAS, RTAGS GRUB STE, DE DANG, CHU DE DE YIN PA'I PHYIR, RTAGS SLA, 'DOD NA, SMIG RGYU CHOS CAN, DER THAL, DE'I PHYIR, RTAGS GRUB STE, RGYAN SNANG LAS, SMIG RGYU NI NYI MA'I 'OD ZER KHYAD PAR CAN NO, ,ZHES GSUNGS PA'I PHYIR, 'DOD NA, DE YANG DAG KUN RDZOB TU THAL LO, ,'DOD MI NUS TE, LOG PA'I KUN RDZOB YIN PA'I PHYIR, GZHAN YANG DE MI 'THAD DE, GANG ZAG GI BDAG MED DANG NAM MKHA' SOGS YANG DAG KUN RDZOB YIN PA'I PHYIR, KHA CIG ,KUN RDZOB BDEN PA GANG ZHIG ;RANG GI MTSAN NYID KYIS GRUB PA, YANG DAG KUN RDZOB DANG, DE GANG ZHIG ,DER MA GRUB PA, LOG PA'I KUN RDZOB KYI MTSAN NYID DU 'DOD PA MI 'THAD DE, BYAD BZHIN GYI GZUGS BRNYAN DANG, SMIG RGYU LA SOGS PA RANG GI MTSAN NYID KYIS @129B GRUB LA, GANG ZAG GI BDAG DANG, RI BONG GI RVA SOGS LOG PA'I KUN RDZOB YIN PA'I PHYIR, KHA CIG ,DE GANG ZHIG ,STONG NYID MA RTOGS PA'I SNGA ROL DU RANG NYID SNANG BA LTAR RTOGS MI NUS PA, YANG DAG KUN RDZOB DANG, DE GANG ZHIG ,DE LTAR RTOGS NUS PA LOG PA'I KUN RDZOB KYI MTSAN NYID DU 'DOD PA MI 'THAD DE, GZUGS DE STONG NYID MA RTOGS PA'I SNGA ROL DU RANG NYID SNANG BA LTAR MA GRUB PAR RTOGS NUS PA YIN PA'I PHYIR TE, GZUGS SNANG BA LTAR MA GRUB PAR RTOGS PA'I GANG ZAG YIN NA, STONG NYID RTOGS PAS MA KHYAB PA'I PHYIR TE, STONG NYID MA RTOGS PA'I RANG RGYAL DGRA BCOM PAS DE SNANG BA LTAR MA GRUB PAR RTOGS PA'I PHYIR TE, DES TSUR MTHONG GI RGYUD KYI GZUGS 'DZIN DBANG SHES 'KHRUL SHES SU RTOGS PA'I PHYIR TE, DES GNYIS STONG MNGON SUM DU RTOGS PA'I PHYIR, KHO NA RE, DE SNANG BA LTAR MA GRUB PAR RTOGS PA'I GANG ZAG YIN NA, STONG NYID RTOGS PA'I GANG ZAG YIN DGOS PAR THAL, GZUGS SNANG BA LTAR MA GRUB PA GZUGS KYI GNAS LUGS YIN PA'I PHYIR TE, DE'I GNAS LUGS YOD PA'I PHYIR NA MA KHYAB, GZHAN YANG, DE RTOGS NAS STONG NYID MA RTOGS PA'I GANG ZAG CHOS CAN, GZUGS SNANG BA LTAR BDEN MED DU RTOGS PAR THAL, GZUGS SNANG BA LTAR MED PAR RTOGS PA'I PHYIR, 'DOD NA, DE BDEN PAR SNANG BA LTAR MA GRUB PAR RTOGS PAR THAL, 'DOD PA'I PHYIR NA MA KHYAB, KHA CIG ,KUN RDZOB BDEN PA YIN NA, SNANG BA LTAR MA GRUB PAS MA KHYAB STE, SHES PA DE SNANG BA LTAR GRUB PA'I PHYIR TE, DE RANG @130A *, ,NYAMS SU MYONG BA'I RANG RIG LA SNANG BA LTAR GRUB PA'I PHYIR NA MA KHYAB, KHO NA RE, RNAM MKHYEN LA SNANG BA CHOS CAN, SNANG BA LTAR MA GRUB PAR THAL, KUN RDZOB BDEN PA YIN PA'I PHYIR, 'DOD NA, RNAM MKHYEN CHOS CAN, KHYOD LA SNANG BA SNANG BA LTAR GRUB PAR THAL, KHYOD MA 'KHRUL BA'I SHES PA YIN PA'I PHYIR NA MA KHYAB, GZHAN YANG, MTSAN NYID DE MI 'THAD DE, BDEN GRUB DE LOG PA'I KUN RDZOB YIN PA GANG ZHIG ,STONG NYID MA RTOGS PA'I SNGA ROL TU DE SNANG BA LTAR MA GRUB PAR RTOGS MI NUS PA'I PHYIR, DE DER MA GRUB PAR RTOGS NA STONG NYID RTOGS PAS KHYAB PA'I PHYIR, BZHI PA NI, BUM PA'I CHOS NYID CHOS CAN, KHYOD LA DON DAM BDEN PA ZHES BRJOD PA'I RGYU MTSAN YOD DE, BLO DON DAM PA MA 'KHRUL BA 'PHAGS PA'I MNYAM GZHAG YE SHES KYI GZIGS NGOR BDEN PA'I RGYU MTSAN GYIS DE LTAR BRJOD PA'I PHYIR, BUM PA CHOS CAN, KHYOD LA KUN RDZOB BDEN PA ZHES BRJOD PA'I RGYU MTSAN YOD DE; BLO KUN RDZOB PA DBANG SHES KYI DOR BDEN GYI DON LA RDZUN PAS DE LTAR BRJOD PA'I PHYIR, DBANG SHES CHOS CAN, KHYOD LA BLO KUN RDZOB PA ZHES BRJOD PA'I RGYU MTSAN YOD DE, DE KHO NA NYID MTHONG BA LA SGRIB PAR BYED PA'I BLO YIN PAS DE LTAR BRJOD PA'I PHYIR, LNGA PA NI, SPYIR GCIG LA, RDZAS GCIG DANG, NGO BO GCIG DANG, BDAG NYID GCIG DANG, DON GCIG DANG, LDOG PA GCIG DANG, THA DAD LA, RDZAS THA DAD, NGO BO THA DAD, RANG BZHIN THA DAD, DON THA DAD, LDOG @130B PA THA DAD, GCIG BKAG PA'I THA DAD SOGS DU MA GSUNGS, 'DIR NGO BO GCIG LA LDOG PA THA DAD PA BYAS PA MI RTAG PA LTA BUR GNAS TE, BDEN PAR MED PA DANG, KUN RDZOB TU YOD PA GNYIS NGO BO GCIG LA LDOG PA THA DAD YIN PA'I PHYIR TE, KUN RDZOB TU YOD PA LAS KYANG BDEN STONG NGO BO GZHAN MA YIN, BDEN STONG LAS KYANG KUN RDZOB TU YOD PA NGO BO GZHAN MA YIN PA'I PHYIR TE, BDEN STONG DU YOD PA DE NYID KUN RDZOB TU YOD PA DANG NGO BO GCIG ,KUN RDZOB TU YOD PA DE NYID BDEN STONG DANG NGO BO GCIG YIN PA'I PHYIR, SHES RAB SNYING PO LAS, GZUGS STONG PA'O, ,STONG PA NYID GZUGS SO, ,GZUGS LAS STONG PA NYID GZHAN MA YIN, STONG PA NYID LAS KYANG GZUGS GZHAN MA YIN NO, ,ZHES DANG, BYANG CHUB SEMS 'GREL LAS, KUN RDZOB LAS NI THA DAD PAR, ,DE NYID DMIGS PA MA YIN TE, ,KUN RDZOB STONG PA NYID DU BSHAD, ,STONG NYID KHO NA KUN RDZOB STE, ,MED NA MI 'BYUNG NGES PA'I PHYIR, ,BYAS DANG MI RTAG PA BZHIN NO, ,ZHES DANG, DGONGS 'GREL LAS, 'DU BYED KHAMS DANG DON DAM MTSAN NYID RNAMS, ,GCIG DANG THA DAD BRAL BA'I MTSAN NYID DE, ,GCIG DANG THA DAD DU NI GANG RTOG PA, ,DE DAG TSUL MIN LTA LA ZHUGS PA YIN, ,ZHES DANG, DBUS MTHAR, THA DAD GCIG PA'I MTSAN NYID MIN, ,ZHES GSUNGS PA'I PHYIR, DES NA, RNAM BSHAD LAS, BDEN GNYIS GCIG YIN NA DGONGS 'GREL LAS GSUNGS PA'I NYES PA BZHIR 'GYUR LA, NGO BO THA DA DA YIN NA YANG NYES PA BZHIR 'GYUR BAS NGO BO GCIG LA LDOG PA THA DAD @131A *, ,PA'O; ;ZHES GSUNGS PA'I DON NI, DGONGS 'GREL LAS SEMS TZAM PA RANG LUGS KYI BDEN GNYIS GCIG YIN PA LA GNOD BYED BZHI, NGO BO THA DAD YIN PA LA GNOD BYED BZHI GSUNGS NAS BDEN GNYIS NGO BO GCIG LA LDOG PA THA DAD DU SGRUB CING, DE BZHIN DU DBU MA'I SKABS 'DIR DBU MA PA RANG LUGS LA BDEN GNYIS NGO BO GCIG LA LDOG PA THA DAD DU SGRUB PA YIN TE, DPER NA, CHOS KYI DBYINGS LAS MA GTOGS PAR, ,'DI LTAR CHOS YOD MA YIN TE, ,ZHES PA'I CHOS DBYINGS DE DBUS MTHA' NAS GSUNGS PA'I CHOS DBYINGS LA MI BYED PA'I PHYIR TE, CHOS THAMS CAD BDEN PAS STONG PA'I STONG NYID LA BSHAD PA BZHIN NO, ,GNOD BYED NI, BUM PA DANG BUM PA BDEN STONG GCIG YIN NA, BUM PA BDEN STONG CHOS CAN, SO SO SKYE BO'I MNGON SUM GYI GZHAL BYA YIN PAR THAL, BUM PA DANG GCIG YIN PA'I PHYIR, DE CHOS CAN, KHYOD LA DMIGS PA'I CHAGS SOGS NYON MONGS SKYE BA YOD PAR THAL, KHYOD BUM PA DANG GCIG YIN PA'I PHYIR, DE CHOS CAN, RNAL 'BYOR PA RNAMS KYIS BUM PA MTHONG BA LAS LOGS SU KHYOD SGOM PA'I 'BAD RTZOL BYAS PA LA DGOS PA MED PAR THAL, KHYOD BUM PA DANG GCIG YIN PA'I PHYIR, DE CHOS CAN, KHYOD KYI KHA DOG DANG DBYIBS LA SOGS PA'I DBYE BA YOD PAR THAL, KHYOD BUM PA DANG GCIG YIN PA'I PHYIR, DE GNYIS NGO BO THA DAD YIN NA, BUM PA CHOS CAN, KHYOD BDEN STONG 'JAL BA'I TSAD MAS BUM PA LA BDEN PAR 'DZIN PA'I SGRO @131B 'DOGS MI GCOD PAR THAL, KHYOD BUM PA BDEN STONG DANG NGO BO THA DAD YIN PA'I PHYIR, BUM PA BDEN STONG CHOS CAN, KHYOD BUM PA'I CHOS NYID MA YIN PAR THAL, KHYOD BUM PA DANG NGO BO THA DAD YIN PA'I PHYIR, BUM PA CHOS CAN, KHYOD BUM PA BDEN GRUB KYI DGAG GZHI YIN PAR THAL, KHYOD BUM PA BDEN STONG DANG NGO BO THA DAD YIN PA'I PHYIR, SANGS RGYAS 'PHAGS PA'I RGYUD LA BUM PA BDEN STONG DU 'JAL BA'I TSAD MA DANG, BUM PA BDEN STONG BUM PA DANG NGO BO THA DAD DU 'JAL BA'I TSAD MA GNYIS YOD PAR THAL, BUM PA BDEN STONG BUM PA DANG NGO BO THA DAD YIN PA'I PHYIR, DRUG PA NI, BDEN GNYIS KYI GNAS TSUL SHES PAS PHAN YON KHYAD PAR CAN DANG LDAN TE, RGYAL BA'I BKA'I DON LA MI RMONGS SHING, TSOGS GNYIS RLABS CHEN BSAGS NAS RGYAL BA'I YON TAN RGYA MTSO'I PHA ROL MCHOG TU 'GRO BA YIN PA'I PHYIR TE, BDEN GNYIS LAS, BDEN GNYIS RNAM DBYE SHES PA DAG ,THUB PA'I BKA' LA MI RMONGS TE, ,DE DAG MA LUS TSOGS BSAGS NAS, 'JIG RTEN PHA ROL DAG TU 'GRO, ,ZHES DANG, 'JUG PAR, KUN RDZOB DE NYID GSHOG YANGS DKAR PO RGYAS GYUR PA, ,NGANG PA'I RGYAL PO DE NI SKYE BO NGANG PA YI, ,MDUN DU BDAR NAS DGE BA'I RLUNG GI SHUGS STOBS KYIS; ;RGYAL BA'I YON NYAN RGYA MTSO'I PHA ROL MCHOG TU 'GRO, ,ZHES GSUNGS PA'I PHYIR DANG, BYANG CHUB SEMS 'GREL LAS, CHOS RNAMS STONG PA NYID SHES NAS, ,LAS DANG 'BRAS BU RTOGS PA GANG, ,RMAD BYUNG BAS KYANG 'DI RMAD BYUNG, , @132A *, ,NGO MTSAR BAS KYANG 'DI NGO MTSAR, ,ZHES GSUNGS PA'I PHYIR, BDUN PA NI, BDEN GNYIS KYI GNAS TSUL LA RMONGS PA NI NYES PA DU MA'I 'BYUNG GNAS YIN TE, K'ATYA YA NA LA GDAMS PA LAS, K'ATY'A YA NA GANG GI PHYIR, 'JIG RTEN 'DI NA PAL CHER YOD PA NYID DANG MED PA NYID LA MNGON PAR ZHEN TE, DE'I DBANG GIS SKYE BA DANG, RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUGS PA LAS YONGS SU MI GROL LO, ,ZHES BDEN GRUB YOD PAR ZHEN PA DANG, KUN RDZOB TU MED PAR ZHEN PA SGRO SKUR GYI LTA NGAN YIN PAS DE'I DBANG GIS SDUG BSNGAL SNA TSOGS MYONG BAR GSUNGS PA'I PHYIR DANG, RTZA BA SHES RAB LAS, GANG DAG BDEN PA DE GNYIS KYI, ,RNAM DBYE RNAM PAR MI SHES PA, ,DE DAG SANGS RGYAS BSTAN PA NI, ,ZAB MO'I DE NYID RNAMS MI MTHONG, ,ZHES DANG, 'JUG PAR, DE GNYIS RNAM DBYE GANG GIS MI SHES PA, ,DE NI RNAM RTOG LOG PA'I LAM NGAN ZHUGS, ,ZHES DANG, LEGS LDAN 'BYED KYIS, YANG DAG KUN RDZOB RNAMS KYI SKAS, ,MED PAR YANG DAG KHANG PA YI, ,STENG DU 'DZEG PAR BYA BA NI, ,MKHAS LA RUNG BA MA YIN NO, ,ZHES GSUNGS PA'I PHYIR, KHA CIG ,CHOS THAMS CAD YOD PA YANG MA YIN, MED PA YANG MA YIN, GNYIS KA YANG MA YIN, GNYIS KA MA YIN PA YANG MA YIN PA GNAS LUGS MTHAR THUG YIN TE, MDO LAS, CHOS THAMS @132B CAD YOD PA YANG MA YIN, MED PA YANG MA YIN, GNYIS KA YANG MA YIN, GNYIS KA MA YIN PA YANG MA YIN, ZHES GSUNGS PA'I PHYIR DANG, DKON MCHOG BRTZEGS PAR, 'OD SRUNG YOD CES BYA BA NI MTHA' GCIG GO ,MED CES BYA BA NI MTHA' GNYIS SO, ,MTHA' DE GNYIS SPANGS PA NI DBU MA'I LAM MO, ,ZHES GSUNGS PA'I PHYIR, ZER BA MI 'THAD DE, LUNG DANG PO'I DON NI, CHOS THAMS CAD DON DAM PAR YOD PA MA YIN PA BDEN PAR MA GRUB, THA SNYAD DU MED PA MA YIN PA YANG DER MA GRUB, DON DAM PAR YOD PA DANG THA SNYAD DU MED PA GNYIS KA YIN PA YANG BDEN PAR MA GRUB, DE GNYIS KA MA YIN PA YANG BDEN PAR MA GRUB CES PA'I DON DANG, GNYIS PA'I DON NI BDEN PAR YOD PAR LTA BA RTAG LTA DANG, THA SNYAD DU MED PAR LTA BA CHAD LTA YIN PAR BSTAN PA'I PHYIR, DE LTAR MA YIN NA, CHOS THAMS CAD CHOS CAN, YOD PA YIN PAR THAL, MED PA MA YIN PA'I PHYIR, KHYAB STE, RANG BZHIN GYIS MED PA MA YIN NA RANG BZHIN GYIS MED PA MA YIN DGOS PA'I PHYIR TE, RTZOD BZLOG LAS, RANG BZHIN MED PA NYID LOG NA, ,RANG BZHIN NYID DU RAB GRUB 'GYUR, ,ZHES GSUNGS PA'I PHYIR, GZHAN YANG, BDEN STONG LA BYA BYED LAS GSUM MI RUNG BAS KHYAB PAR THAL, CHOS THAMS CAD BDEN STONG MA YIN PA'I PHYIR, RTAGS KHAS, 'DOD NA, RTZA BA SHES RAB LAS, GAL TE 'DI DAG KUN STONG NA, ,'BYUNG BA MED CING 'JIG PA MED, ,'PHAGS PA'I BDEN PA BZHI PO RNAMS, ,KHYOD LA MED PAR THAL BAR 'GYUR, ,ZHES GSUNGS PA 'DI RANG GZHUNG DU THAL LO, ,'DOD NA, GAL @133A *, ,TE 'DI KUN MI STONG NA, ,'BYUNG BA MED CING 'JIG PA MED, ,'PHAGS PA'I BDEN PA BZHI PO RNAMS, ,KHYOD LA MED PAR THAL BAR 'GYUR, ,ZHES GSUNGS PA 'DI PHYOGS SNGA MA'I GZHUNG DU THAL LO, ,GZHAN YANG, RTZA BA SHES RAB LAS, GANG LA STONG PA NYID RUNG BA, ,DE LA THAMS CAD RUNG BAR 'GYUR, ,ZHES SOGS GSUNGS PA MI 'THAD PAR THAL, BDEN STONG LA BYA BYED MI RUNG BA'I PHYIR, GZHAN YANG, GZUGS MED PAR THAL, MDO LAS, GZUGS MED, SGRA MED, CES SOGS GSUNGS PA'I PHYIR, KHYAB PA KHAS, 'DOD MI NUS TE, GZUGS SOGS PHUNG PO LNGA YOD PA'I PHYIR TE, PHUNG PO DANG KHAMS DANG SKYE MCHED THAMS CAD YOD DO, ,ZHES GSUNGS PA'I PHYIR, KHYAB PA KHAS, GZHAN YANG, CHOS THAMS CAD YOD PA YANG YIN, MED PA YANG YIN, GNYIS KA YANG YIN, GNYIS KA MA YIN PA YANG YIN PAR THAL, CHOS THAMS CAD YOD PA YANG MA YIN, MED PA YANG MA YIN, GNYIS KA YANG MA YIN, GNYIS KA MA YIN PA YANG MA YIN PA'I PHYIR, RTAGS KHAS, GZHAN YANG, LUNG MA BSTAN GYI LTA BA BCU BZHI PO DE YANG DAG PA'I LTA BA YIN PAR THAL, CHOS THAMS CAD YOD PA YANG MA YIN, MED PA YANG MA YIN, GNYIS KA YANG MA YIN, GNYIS KA MA YIN PA YANG MA YIN PAR LTA BA'I LTA BA DE YANG DAG PA'I LTA BA YIN PA'I PHYIR, GZHAN YANG, LAS 'BRAS KYI RNAM GZHAG MI 'THAD PAR THAL, DE YOD PA MA YIN PA'I PHYIR, KHYAB STE, YOD PA DE YOD PA MA YIN PA DANG DNGOS 'GAL YIN PA'I PHYIR, GZHAN YANG, RGYANG 'PHEN GYI LTA BA DE @133B LTA BA RNAM DAG TU THAL, SKYE BA SNGA PHYI YOD PA MA YIN PAR LTA BA DE LTA BA RNAM DAG YIN PA'I PHYIR, KHA CIG ,RNAM KUN MCHOG LDAN GYI STONG NYID BDEN GRUB TU YOD CING, KUN GTAGS DANG GZHAN DBANG LA SOGS PA MED PAR 'DOD PA MI 'THAD DE, GZHAN DBANG YOD PA'I PHYIR TE, PHA ROL TU PHYIN PA DRUG YOD PA'I PHYIR, DE DRUG DANG LDAN PA'I STONG NYID BDEN GRUB TU YOD PAR THAL, DAM BCA' 'THAD PA GANG ZHIG ,RNAM KUN MCHOG LDAN GYI STONG NYID RTOGS PA'I YE SHES YIN NA, PHYIN DRUG NYAMS LEN GYI SPYOD PA KHYAD PAR CAN DANG LDAN PA'I SGO NAS STONG NYID MNGON SUM DU RTOGS PA'I YE SHES YIN DGOS PA'I PHYIR TE, MDO LAS, RNAM PA KUN GYI MCHOG DANG LDAN PA'I STONG PA NYID GANG ZHE NA, SBYIN PA MA TSANG BA MED PA DANG, TSUL KHRIMS MA TSANG BA MED PA DANG, BZOD PA MA TSANG BA MED PA DANG, BRTZON 'GRUS MA TSANG BA MED PA DANG, BSAM GTAN MA TSANG BA MED PA DANG, SHES RAB MA TSANG BA MED PA DANG, ZHES SOGS GSUNGS PA'I PHYIR, GZHAN YANG, YAN LAG LNGA DANG LUS SPYI GANG YANG MI SHES PA'I LHA BZO BAS 'KHOR LOS SGYUR BA'I RGYAL PO'I GZUGS PHUN SUM TSOGS PA 'BRI SHES PAR THAL, PHAR PHYIN DRUG NYAMS LEN GYI SPYOD PA MA TSANG BA'I RNAM KUN MCHOG LDAN GYI STONG NYID MNGON SUM DU RTOGS PA'I YE SHES DE'I YUL DU GYUR PA'I DE LTA BU'I STONG NYID YOD PA'I PHYIR, KHYAB PA KHAS, 'DOD MI NUS TE, DE RNAMS NGES DON DU SBYAR NAS RIGS LAM DU MA'I SGO NAS BSHAD PA LA, RGYUD BLA MA LAS, JI LTAR RI MO 'BRI BYED PA, ,GZHAN DANG GZHAN LA MKHAS PA DAG ,CES @134A *, ,PA NAS, SBYIN DANG TSUL KHRIMS BZOD LA SOGS, ,RNAM PA KUN GYI MCHOG LDAN PA'I, ,STONG PA NYID NI GZUGS SU BRJOD, ,CES PA'I BAR GSUNGS PA'I PHYIR, GZHUNG DON NI, BYANG CHEN YOD BZHIN DU BYANG CHEN YANG DAG PAR RJES SU MI MTHONG NGO, ,ZHES SOGS KYI MDO CHOS CAN, SGRUB PA RANG GI NGO BO LA 'DOMS PA YIN TE, YUL BDEN PA GNYIS LAS MI 'DA' BAR YUL CAN THABS SHES ZUNG 'BREL GYI SGO NAS NYAMS SU LONGS SHIG ,CES 'DOMS PA'I MDO TSIG YIN PA'I PHYIR, GAL TE 'DZAM BU'I GLING 'DIR, ZHES SOGS KYI MDO CHOS CAN, SGRUB PA'I THUN MONG MA YIN PA'I KHYAD PAR LA 'DOMS PA YIN TE, RANG NYID 'BA' ZHIG GI PHYIR DU THEG DMAN YID BYED KYI BSAM PA DANG MA 'DRES PAR SGRUB PA NYAMS SU LONGS SHIG ,CES 'DOMS PA'I MDO TSIG YIN PA'I PHYIR, 'O NA; BDEN PA RNAMS DANG NI, ,ZHES PAS SGRUB PA'I DMIGS PA LA 'DOMS PA DE 'CHAD NA DE'I TSUL GANG ZHE NA, 'DI LA MDO LAS GSUNGS TSUL DANG, BSTAN BCOS KYIS 'GREL TSUL DANG, MTHA' DPYAD PA'O, ,DANG PO NI, GONG DU BYANG CHEN SHER PHYIN LA BRTZON PAR BYA BA MANG DU GSUNGS PA LAS 'PHROS NAS, DE SKAD CES BKA' STZAL PA DANG, TSE DANG LDAN PA SH'A RI'I BUS BCOM LDAN 'DAS LA 'DI SKAD CES GSOL TO, , BCOM LDAN 'DAS BYANG CHEN JI LTAR SHER PHYIN LA BRTZON PAR BGYI, SH'A RI'I BU 'DI LA BYANG CHEN GZUGS STONG PA NYID LA BRTZON NA BRTZON ZHES BYA'O, ,ZHES SOGS GSUNGS, ^ GNYIS PA NI, MDO DE'I DON BSHAD PA LA, BDEN PA @134B RNAMS DANG NI, ,ZHES GSUNGS ZHING, DE NYID TSIG DON GYI SGO NAS BSHAD PA LA, SDUG BSNGAL LA GZUGS LA SOGS LA 'BRAS BUR GYUR PA'I STONG PA NYID DANG, ZHES SOGS GSUNGS, 'DI LA YANG SO SOR BSHAD PA DANG, DON BSDU PA GNYIS LAS, DANG PO LA, 'BRAS BU SDUG BSNGAL BDEN PA, RGYU KUN 'BYUNG BDEN PA, 'BRAS BU 'GOG BDEN DANG, RGYU LAM BDEN LA GDAMS PA DANG BZHI LAS, DANG PO NI, MDO LAS, GZUGS STONG PA NYID LA BRTZON NA BRTZON ZHES BYA'O, , ZHES PA NAS, RNAM PAR SHES PA LA BRTZON ZHES BYA BA'AM MI BRTZON ZHES BYA BAR YANG DAG PAR MI MTHONG NGO, ,ZHES PA'I BAR GYIS 'CHAD, DE YANG PHUNG PO LNGA, SKYE MCHED BCU GNYIS, KHAMS BCO BRGYAD, BDEN PA BZHI, RTEN 'BREL YAN LAG BCU GNYIS STONG NYID NYI SHU DANG SBYAR NAS GSUNGS ZHING, 'BUM DANG, KHRI BRGYAD STONG PAR, STONG NYID BDUN PO 'DI DAG LA BRTZON NA BRTZON ZHES BYA'O, ,ZHES PA'I DON NI, GNOD 'JOMS SU, PHUNG PO, KHAMS, BDEN PA, RTEN 'BREL, CHOS THAMS CAD, 'DUS BYAS, 'DUS MA BYAS RNAMS RANG BZHIN GYIS STONG PA NYID BDUN LA BSHAD DO, ,MDE DE'I DON 'GREL PAR 'CHAD PA LA, SDUG BSNGAL LA GZUGS LA SOGS PA 'BRAS BUR GYUR PA'I STONG PA NYID DANG, SHER PHYIN DAG DE BZHIN NYID KYI NGO BOR RANG BZHIN GCIG GO ,ZHES BYA BA DANG, ZHES GSUNGS, DON NI, GZUGS STONG PA NYID LA ZHES SOGS KYI MDO CHOS CAN, SDUG BSNGAL BDEN PA LA 'DOMS PA YIN TE, DE LA SHES BYAR BDEN ZHEN DGAG PA'I PHYIR DU 'DOMS PA'I @135A *, ,MDO TSIG YIN PA'I PHYIR, GNYIS PA NI, MDO LAS, GZUGS SKYE BA'I CHOS CAN NAM 'GAG PA'I CHOS CAN DU YANG DAG PAR RJES SU MI MTHONG NGO, ,ZHES PA NAS, RNAM PAR SHES PA NYID STONG PA NYID STONG PA NYID NI RNAM PAR SHES PA'O, ,ZHES PA'I BAR GYIS 'CHAD, DE'I DON BSHAD PA LA, KUN 'BYUNG BA LA STONG PA NYID DANG GZUGS LA SOGS PA RGYUR GYUR BA DAG THA MI DAD PA NYID KYIS GZUGS LA SOGS PA NI KUN 'BYUNG BA DANG 'GOG PA DANG KUN NAS NYON MONGS PA DANG RNAM PAR BYANG BA'I CHOS CAN MA YIN NO, ,ZHES BYA BA DANG, ZHES GSUNGS, DON NI , GZUGS SKYE BA'I CHOS CAN NAM, ZHES SOGS KYI MDO CHOS CAN, KUN 'BYUNG BDEN PA LA GDAMS PA YIN TE, DE LA SPANG BYAR BDEN PAR ZHEN PA DGAG PA'I PHYIR DU 'DOMS PA'I MDO TSIG YIN PA'I PHYIR, GSUM PA NI, MDO LAS, DE CI'I PHYIR ZHE NA, SH'A RI'I BU STONG PA NYID NI MI SKYE MI 'GAG CING KUN NAS NYON MONGS PA MA YIN, RNAM PAR BYANG BA MA YIN, 'GRIB PA MA YIN, 'PHEL BA MA YIN, 'DAS PA MA YIN, MA 'ONGS PA MA YIN, DE LTAR BYUNG BA MA YIN NO, ,ZHES PA NAS, SH'A RI'I BU BYANG CHEN SHER PHYIN LA SPYOD PA'I TSE, DE LTAR BRTZON NA NI BRTZON, ZHES BRJOD PAR BYA'O, ,ZHES PA'I BAR GYIS BSTAN, DE'I DON BSHAD PA LA, 'GOG PA LA STONG PA NYID SKYE BA DANG, 'GAG PA DANG, KUN NAS NYON MONGS PA DANG, RNAM PAR BYANG BA DANG, NYAMS PA DANG, 'PHEL BA LA SOGS PA DANG BRAL BA LA NI, GZUGS MED PA NAS, MA RIG PA SKYE BA YANG MED, MA RIG PA 'GAG PA @135B YANG MED, SANGS RGYAS KYANG MED, BYANG CHUB KYI BAR DU YANG MED DO, ,ZHES BYA BA DANG, ZHES GSUNGS, DON NI, STONG NYID MI SKYE, ZHES SOGS KYI MDO CHOS CAN, 'GOG BDEN LA GDAMS PA YIN TE, DE LA THOB BYAR BDEN ZHEN DGAG PA'I PHYIR DU 'DOMS PA'I MDO TSIG YIN PA'I PHYIR, BZHI PA NI, MDO LAS, SH'A RI'I BU GZHAN YANG BYANG CHEN DE LTAR SHER PHYIN LA SPYOD PA'I TSE BDAG NYID LA SPYIN PA'I PHA ROL TU PHYIN PA DER BRTZON ZHES BYA BA'AM, MI BRTZON ZHES BYA BAR YANG DAG PAR RJES SU MI MTHONG NGO, , ZHES PA NAS, SH'A RI'I BU BYANG CHEN DE LTAR BRTZON PA NI SHER PHYIN LA BRTZON ZHES BRJOD PAR BYA'O, ,ZHES PA'I BAR GYIS BSTAN, DE'I DON BSHAD PA LA, LAM LA SBYIN PA LA SOGS PA'I PHA ROL TU PHYIN PA DANG BDAG NYID DAM NANG STONG PA NYID LA SOGS PA NI, PHYI STONG PA NYID LA SOGS PA DANG, SNGON GYI MTHA' DANG, PHYI MA'I MTHA' DAG PHAN TSUN LDAN PA DANG MI LDAN PA MA YIN PA NYID DU SGRUB BO, ,ZHES GSUNGS, 'DI LA YANG, BDAG NYID CHEN PO LO CHEN NI, LAM GYI NGO BO RNAM PAR MI RTOG PA'I TSUL NGES 'BYIN LA GDAMS PA DANG GSUM DU BSDUS PA LTAR, DANG PO NI, BYANG CHEN SHER PHYIN LA SPYOD PA'I TSE BDAG NYID LA, ZHES SOGS KYIS DE'I DON LA LA ZHES SOGS TSIGS RKANG GNYIS KYIS BYANG CHEN SHER PHYIN LA SPYOD PA'I TSE STONG PA NYID LA STONG PA NYID KYIS SBYOR BAR MI BYED DE STONG PA NYID KYI RNAL 'BYOR LAM YIN NO, ,ZHES SOGS KYIS BSTAN, DE'I DON NI NANG STONG PA NYID LA SOGS PA NI, ZHES SOGS TSIG GSUM GYIS SHER PHYIN LA SPYOD PA'I TSE, SNGON GYI MTHA', PHYI MA'I MTHA' SBYOR BAR MI BYED, CES SOGS KYIS BSTAN, DE'I DON @136A *, ,BSHAD PA LA, SNGON GYI MTHA' DANG, ZHES SOGS GSUNGS, DON NI, BDAG NYID LA, ZHES SOGS KYI MDO CHOS CAN, LAM BDEN LA GDAMS BA YIN TE, DE RGYUD LA BRTEN BYAR BDEN ZHEN DGAG PA'I PHYIR DU 'DOMS PA'I MDO TSIG YIN PA'I PHYIR, GNYIS PA NI, ZHES BSTAN PA BDEN PA LA 'DOMS PA DANG, ZHES BRJOD, GSUM PA LA, NGES TSIG ,GRANGS NGES, GO RIMS, SO SO'I RANG BZHIN, GCIG DANG THA DAD BRTAG PA, KHYAD CHOS BCU DRUG NGOS GZUNG BA'O, , DANG PO NI, 'DI BZHI LA BDEN PA ZHES BRJOD PA'I RGYU MTSAN YOD DE, 'DI'I KHYAD CHOS RNAMS GSUNG RAB LAS BSTAN PA LTAR DON LA GNAS, 'DI NYID RTOGS ZIN GOMS PAR BYAS PAS SGRIB PA RNAM PAR DAG PAR 'GYUR BA'I PHYIR TE, BSDU BA LAS, BDEN PA'I DON GANG ZHE NA, SMRAS PA BSTAN PA DANG MI MTHUN PA MED PA'I MTSAN NYID KYI DON DANG, DE MTHONG NA RNAM PAR DAG PA'I RGYUR 'GYUR BA'I DON NI BDEN PA'I DON NO, ,ZHES GSUNGS PA'I PHYIR, 'DI LA 'PHAGS PA'I BDEN PA BZHI ZHES BRJOD PA'I RGYU MTSAN YOD DE, 'PHAGS PAS GZIGS PA'I KHYAD CHOS BCU DRUG DON LA GNAS PA'I PHYIR TE, NYAN SAR, 'PHAGS PA RNAMS KYIS DE DAG DE KHO NA LTAR YIN PAR BDEN PA'I SGOM PA YANG DAG PA JI LTA BA BZHIN DU MKHYEN CING GZIGS KYI, BYIS PA RNAMS KYIS MI MTHUN PA YANG DAG PA JI LTA BA BZHIN DU MI SHES MI MTHONG BAS NA DE'I PHYIR 'PHAGS PA'I BDEN PA RNAMS ZHES BYA'O, ,ZHES GSUNGS PA'I PHYIR, GNYIS PA NI, 'PHAGS PA'I BDEN PA LA BZHIR GRANGS NGES PA'I RGYU @136B MTSAN YOD DE, THAR PA TZAM DON DU GNYER BA'I GTAN LA DBAB BYA'I GTZO BO LA DE BZHIR GRANGS NGES PA'I PHYIR, DE'I GTAN LA DBAB BYA'I GTZO BO LA KUN NAS NYON MONGS PHYOGS KYI GTZO BO SDUG KUN GNYIS SU GRANGS NGES, RNAM BYANG PHYOGS KYI GTZO BO LA 'GOG LAM GNYIS SU GRANGS NGES PA'I PHYIR, 'KHOR BAR 'JUG LDOG GI RGYU 'BRAS LA BZHI PO DER GRANGS NGES PA YIN TE, 'KHOR BA LA YANG RGYU 'CHID BYED KUN 'BYUNG BDEN PA, 'BRAS BU BCINGS PA SDUG BSNGAL BDEN PA GNYIS SU GRANGS NGES, RNAM BYANG LA YANG 'KHOR BA LAS GROL BAR BYED PA'I THABS LAM BDEN DANG, GROL BA'I 'BRAS BU'I NGO BO 'GOG BDEN GNYIS SU GRANGS NGES PA'I PHYIR, GSUM PA NI, RGYU 'BRAS DON GYI RIM PA DANG BSTUN NAS KUN 'BYUNG DANG LAM BDEN DANG POR BSTAN NAS, SDUG BDEN DANG 'GOG BDEN PHYIS BSTAN PAR BYA BA YIN TE, SDUG BDEN RANG RGYU KUN 'BYUNG BDEN PA LAS BYUNG ZHING, 'GOG BDEN LAM BDEN GYI STOBS KYIS THOB PA YIN PA'I PHYIR, 'DIR YUL CAN MNGON PAR RTOGS PA'I RIM PA DANG MTHUN PAR GO RIMS 'DI LTAR STON PA'I RGYU MTSAN YOD DE, THOG MAR 'KHOR BA SPYI DANG BYE BRAG GI NYES DMIGS LEGS PAR BSAMS NAS SDUG BSNGAL LAS 'BRAL 'DOD KYI BLO SKYE DGOS, DE SKYES PA NA SDUG BSNGAL DANG BRAL BAR BYED NUS SAM MI NUS, SDUG BSNGAL LA YANG RGYU YOD DAM MED, RGYU DE YANG RTAG GAM MI RTAG SNYAM DU KUN 'BYUNG LA RTOG PAR BYED, DE LTAR RTOG PA NA RTEN 'BREL YAN LAG BCU GNYIS KYI NANG TSAN GYI LAS DANG NYON @137A *, ,MONGS PA GNYIS SDUG BSNGAL GYI RGYUR KHONG DU CHUD NAS DE LA SPONG 'DOD KYI BLO SKYE BAS, SDUG BDEN DANG PO DANG KUN 'BYUNG GNYIS PAR BSTAN, DE LTAR KUN 'BYUNG SPONG NUS SU MTHONG BA NA 'GOG PA MNGON DU BYED NUS SU MTHONG BAR 'GYUR BAS, DE MDON DU BYED PA LA YANG LAM RGYUD LA BRTEN CING GOMS PAR BYAS PA LA RAG LAS PAS, 'GOG BDEN DUS GSUM PA DANG LAM BDEN DUS BZHI PAR BSTAN PA YIN PA'I PHYIR, DPER NA, NAD PA 'GA' ZHIG DANG POR NAD DE NYID SHES PAR 'DOD PA DANG, DE RJES NAD KYI RGYU SPONG BAR 'DOD PA DANG, DE RJES NAD DE LAS GROL BAR 'DOD PA DANG, DE RJES SMAN BSTEN PAR 'DOD PA BYUNG BA BZHIN NO, ,DE LTAR YANG RGYUD BLA MAR, NAD NI SHES BYA NAD KYI RGYU NI SPANG BYA LA, ,BDE GNAS THOB BYA SMAN NI BSTEN PAR BYA BA LTAR, ,SDUG BSNGAL RGYU DANG DE 'GOG PA DANG DE BZHIN LAM, ,SHES BYA SPANG BYA REG PAR BYA ZHING BSTEN PAR BYA, ,ZHES GSUNGS PA'I PHYIR, BZHI PA LA, MDOR BSTAN PA DANG, RGYAS PAR BSHAD PA GNYIS LAS, DANG PO NI, 'PHAGS PA'I BDEN PA DE LA BZHI YOD DE, KUN BTUS LAS, BDEN PA RNAM PAR NGES PA GANG ZHE NA, 'PHAGS PA'I BDEN PA BZHI PO DAG STE, SDUG BSNGAL BA DANG, KUN 'BYUNG BA DANG, 'GOG PA DANG; LAM MO, ,ZHES GSUNGS PA'I PHYIR, GNYIS PA LA, KHA CIG ,RANG RGYU KUN 'BYUNG BDEN PA'I RNAM SMIN GYI 'BRAS BUR GYUR PA'I ZAG BCAS, SDUG BDEN GYI MTSAN NYID, RANG 'BRAS SDUG BDEN GYI RNAM SMIN GYI RGYUR GYUR PA'I @137B ZAG BCAS, KUN 'BYUNG BDEN PA'I MTSAN NYID DU 'DOD PA MI 'THAD DE, MA DAG PA'I SNOD KYI 'JIG RTEN DE RNAM SMIN GYI 'BRAS BU MA YIN PA'I PHYIR TE, RNAM SMIN GYI 'BRAS BU YIN NA, GANG ZAG GI RGYUD KYIS BSDUS DGOS PA'I PHYIR TE, MDZOD RTZA BA LAS, SEMS CAN BRJOD, CES GSUNGS PA'I PHYIR DANG, MI DGE BA'I LAS DE YANG RNAM SMIN GYI 'BRAS BU MA YIN PA'I PHYIR TE, ZAG BCAS SU GYUR BA'I DE YIN NA LUNG MA BSTAN YIN DGOS PA'I PHYIR TE, MDZOD RTZA BA LAS, RNAM SMIN LUNG DU MA BSTAN CHOS, ,ZHES GSUNGS PA'I PHYIR DANG, BSAM GTAN GNYIS PAR SKYE BA 'PHEN BYED KYI LAS KYI KUN SLONG DU GYUR PA'I MA RIG PA DE RNAM SMIN GYI RGYU MA YIN TE, DE LUNG DU MA BSTAN PA GANG ZHIG ,ZAG BCAS SU GYUR PA'I RNAM SMIN GYI RGYU LA MI DGE BA DANG, DGE BA ZAG BCAS GNYIS SU GRANGS NGES PA'I PHYIR, DANG PO GRUB STE, KHAMS GONG GI SAS BSDUS KYI NYON MONGS YIN PA'I PHYIR, KHYAB STE, MDZOD RTZA BA LAS, GONG MA THAMS CAD LUNG MA BSTAN, ,ZHES GSUNGS PA'I PHYIR; GNYIS PA GRUB STE, MDZOD RTZA BA LAS, RNAM SMIN RGYU NI MI DGE DANG, ,DGE BA ZAG BCAS RNAMS KHO NA, ,ZHES GSUNGS PA'I PHYIR, KHA CIG ,MI RTAG SDUG BSNGAL STONG BDAG MED BZHI'I TSOGS DON, SDUG BDEN GYI MTSAN NYID ZER BA MI 'THAD DE, NYAN THOS DGRA BCOM PA'I RGYUD KYI MI SHES PA KUN SHES PA'I DBANG POR GYUR BA'I TSOR BA SDUG BSNGAL DE SDUG BDEN MA YIN ZHING, MTSAN NYID DE YIN PA'I PHYIR, RTAGS GRUB STE, DE YOD PA'I PHYIR, KHA CIG ,KUN NAS NYON MONGS @138A *, ,PHYOGS KYI BDEN PA GANG ZHIG ,RNAM GROL DON GNYER GYI SKYES BUS NAD LTAR SHES PAR BYA BA, SDUG BSNGAL BDEN PA'I MTSAN NYID, DE GANG ZHIG ,DES NAD KYI RGYU LTAR SPANG BAR BYA BA, KUN 'BYUNG BDEN PA'I MTSAN NYID, RNAM BYANG PHYOGS KYI BDEN PA GANG ZHIG ,DES SMAN LTAR BSTEN BAR BYA BA, LAM BDEN GYI MTSAN NYID, DE GANG ZHIG ,DES NAD DANG BRAL BA LTAR MNGON DU BYA BA, 'GOG BDEN GYI MTSAN NYID ZER BA MI 'THAD DE, KUN 'BYUNG BDEN PA YIN NA, SPANG BYA YIN PAS MA KHYAB PA'I PHYIR TE, KHAMS GONG MA'I SKYE BA 'PHEN BYED KYI ZAG BCAS DGE BA'I LAS DE SPANG BYA MA YIN PA'I PHYIR TE, DE DGE BA YIN PA'I PHYIR DANG, RNAM MKHYEN DE DE'I NAD DANG BRAL BA LTAR MNGON DU BYA BA YIN PA'I PHYIR TE, DE DE'I THOB BYA MTHAR THUG YIN PA'I PHYIR, KHA CIG ,SDUG BDEN DANG LAM BDEN MI 'GAL TE, GSER PHRENG DU, 'GOG BDEN DANG GZHAN GSUM GCIG PA BKAG PA'I THA DAD YIN LA, GZHAN GSUM GYI 'PHAGS PA'I MNYAM GZHAG LAM BDEN DANG SDUG BDEN RDZAS THA DAD LA RJES THOB KYI LAM BDEN NI SDUG BDEN DANG MI 'GAL LO, ,SDUG KUN GNYIS KYANG KUN 'BYUNG LA SDUG BDEN GYIS KHYAB LA, SDUG BDEN LA DES MA KHYAB STE, DPER NA, KUN GZHI'I RNAM SHES DANG, SNOD KYI 'JIG RTEN DANG, DBANG PO LNGA DANG, GZHAN YANG MA SGRIB LUNG MA BSTAN ZAG BCAS RNAMS LTA BU'O, ,ZHES ZER BA MI 'THAD DE, LAM BDEN DANG SDUG BSNGAL MI 'GAL BA LUNG DE'I DON YIN PA'I PHYIR, DE LTAR MA YIN NA, DE @138B GNYIS 'GAL BAR THAL, KUN NAS NYON MONGS PHYOGS KYI BDEN PA DANG RNAM BYANG PHYOGS KYI BDEN PA 'GAL BA'I PHYIR TE, SHES SGRIB KUN NAS NYON MONGS GZUNG RTOG DANG, RNAM BYANG GZUNG RTOG 'GAL BA'I PHYIR TE, RGYAN SNANG LAS, 'DI GNYIS PHAN TSUN RNAM PAR GCOD PA'I RANG BZHIN YIN PAS 'DI GNYIS THA DAD PA'O, ,ZHES GSUNGS PA'I PHYIR, KHO NA RE, NGES PA'I RGYUN ZHUGS SRID PA LAN BDUN PA PA'I RGYUD KYI YID KYI RNAM PAR SHES BA CHOS CAN, LAM BDEN MA YIN PAR THAL, SDUG BDEN YIN PA'I PHYIR, KHYAB PA KHAS, DER THAL, LAS NYON GYIS GZHAN DBANG DU GYUR PA'I GANG ZAG YIN PA'I PHYIR, DER THAL, NGES PA'I RGYUN ZHUGS SRID PA LAN BDUN PA PA DE DE YIN PA'I PHYIR, MA GRUB NA, DE CHOS CAN, DER THAL, LAS NYON GYI DBANG GIS 'DOD PAR RIGS MTHUN GYI SKYE SRID LAN BDUN LEN PAR NGES PA'I GANG ZAG YIN PA'I PHYIR NA, MA KHYAB, KHA CIG ,ZAG BCAS 'BRAS DUS KYI CHAR GYUR PA, SDUG BDEN GYI MTSAN NYID; ZAG BCAS RGYU DUS KYI CHAR GYUR PA, KUN 'BYUNG BDEN PA'I MTSAN NYID, ZER NA MI 'THAD DE, KUN 'BYUNG BDEN PA DE SDUG BSNGAL BDEN PA YIN PA'I PHYIR, DES NA SDUG KUN GANG RUNG LA SPANG BYAS MA KHYAB STE, NYAN THOS SBYOR LAM PA DANG, KHAMS GONG GI SKYE BA 'PHEN BYED KYI ZAG BCAS DGE BA'I LAS RNAMS SDUG BDEN YIN PA'I PHYIR, KHA CIG ,LAS DANG NYON MONGS PA GANG RUNG LA BRTEN NAS BYUNG BA'I ZAG BCAS KYI PHUNG POR DMIGS PA, SDUG BDEN GYI @139A *, ,MTSAN NYID, SDUG BSNGAL BDEN PA 'BRAS BU DANG PO GSUM GANG RUNG GI SGO NAS 'BYIN PAR BYED PA'I ZAG BCAS KYI SHES PAR DMIGS PA, KUN 'BYUNG BDEN PA'I MTSAN NYID DU 'JOG PA MI 'THAD DE, DMAN LAM SNGON DU MA SONG BA'I SA GSUM PA PA'I RGYUD KYI NYON MONGS DE DANG PO YIN ZHING, DE SDUG BSNGAL BDEN PA MA YIN PA'I PHYIR, DE MTSAN NYID DE YIN ZHING, DE KUN 'BYUNG BDEN PA YANG MA YIN PA'I PHYIR, DANG PO GRUB STE, DE'I RGYUD LA SDUG BDEN MED PA'I PHYIR TE, RGYUD BLA MA LAS, 'PHAGS PAS 'CHI DANG RGA BA DANG, ,NA BA'I SDUG BSNGAL RTZAD NAS SPANGS, ,LAS DANG NYON MONGS DBANG GIS SKYE, ,DE LA DE MED PHYIR DE MED, ,CES GSUNGS PA'I PHYIR, SDUG BDEN YIN NA, 'KHOR BA YIN PAS MA KHYAB STE, LHAG BCAS MYANG 'DAS PA'I RGYUD KYI GZUGS PHUNG DE SDUG BDEN YIN PA'I PHYIR, KUN 'BYUNG BDEN PA LA SEMS BYUNG GIS MA KHYAB STE, DE DANG GTZO BO SEMS KYI GZHI MTHUN YOD PA'I PHYIR, LAS KYI KUN 'BYUNG BDEN PA DANG NYON MONGS PA'I KUN 'BYUNG BDEN PA GANG RUNG LA SEMS BYUNG GIS KHYAB BO, ` ,DES NA RANG LUGS LA, BDEN PA LA BZHI YOD PA'I, DANG PO NI, KUN NAS NYON MONGS PHYOGS KYI BDEN PA GANG ZHIG ,MI RTAG PA DANG, SDUG BSNGAL BA DANG, DON GZHAN GYI BDAG GIS STONG PA, RANG GI NGO BOR GYUR PA'I GANG ZAG GI BDAG MED PA BZHIS KHYAD PAR DU BYAS PA'I RAB TU PHYE BA, SDUG BDEN GYI MTSAN NYID, DBYE NA MA DAG PA'I SNOD BCUD KYI 'JIG RTEN GNYIS SU @139B YOD DE, KUN BTUS LAS, SDUG BSNGAL GYI BDEN PA GANG ZHE NA, SEMS CAN SKYE BA DANG SKYE BA'I GNAS KYIS KYANG SHES PAR BYA'O, ,ZHES GSUNGS PA'I PHYIR, YANG DE LA SDUG BSNGAL GYI SDUG BSNGAL, 'GYUR BA'I SDUG BSNGAL, KHYAB PA 'DU BYED KYI SDUG BSNGAL DANG GSUM LAS, DANG PO NI, MKHAL MA'I ZUG GZER LA SOGS PA'I TSOR BA LTA BU, GNYIS PA NI, ZAS ZHIM PO LA SRED NAS RO MYANGS PA'I TSOR BA LTA BU, GSUM PA NI, NYER LEN GYI PHUNG PO LNGA LTA BU, GNYIS PA NI, DE GANG ZHIG ,RGYU KUN 'BYUNG RAB SKYE RKYEN BZHIS KHYAD PAR DU BYAS PA'I RAB TU PHYE BA, KUN 'BYUNG BDEN PA'I MTSAN NYID, DBYE NA, LAS KYI KUN 'BYUNG BDEN PA DANG, NYON MONGS PA'I KUN 'BYUNG BDEN PA GNYIS YOD DE, KUN BTUS LAS, KUN 'BYUNG BA'I BDEN PA GANG ZHE NA, NYON MONGS PA DANG DE'I DBANG GIS BYUNG BA'I LAS SO, ,ZHES GSUNGS PA'I PHYIR, DANG PO LA DBYE NA, 'KHOR BAS BSDUS PA'I BSOD NAMS KYI LAS, BSOD NAMS MA YIN PA'I LAS, MI G-YO BA'I LAS DANG GSUM YOD, DANG PO LA, MIR SKYE BA 'PHEN BYED KYI LAS DANG, 'DOD LHAR SKYE BA 'PHEN BYED KYI LAS DANG GNYIS LAS, DANG PO LA GLING BZHI'I MIR SKYE BA 'PHEN BYED KYI LAS BZHI YOD, GNYIS PA LA, 'DOD LHA RIGS DRUG TU SKYE BA 'PHEN BYED KYI LAS DRUG YOD, GNYIS PA LA, NGAN SONG GSUM DU SKYE BA 'PHEN BYED KYI LAS GSUM DU YOD, GSUM PA LA, GZUGS KHAMS DANG, GZUGS MED KHAMS SU SKYE BA 'PHEN BYED KYI LAS GNYIS LAS, DANG PO LA, BSAM GTAN DANG PO, GNYIS @140A *, ,PA; GSUM PA, BZHI PAR SKYE BA 'PHEN BYED KYI LAS BZHI LAS, DANG PO LA, TSANGS RIS, TSANGS PA MDUN NA 'DON, TSANGS CHEN DU SKYE BA 'PHEN BYED KYI LAS GSUM DU YOD, GNYIS PA LA, 'OD CHUNG, TSAD MED 'OD, 'OD GSAL DU SKYE BA 'PHEN BYED KYI LAS GSUM DU YOD, GSUM PA LA, DGE CHUNG, TSAD MED DGE ,DGE RGYAS SU SKYE BA 'PHEN BYED KYI LAS GSUM DU YOD, BZHI PA LA, SPRIN MED, BSOD NAMS SKYE, 'BRAS BU CHE BA, MI CHE BA, MI GDUNG BA, GYA NO MA SNANG BA, SHIN TU MTHONG BA, 'OG MIN DU SKYE BA 'PHEN BYED KYI LAS BRGYAD DU YOD, GNYIS PA LA NAM MKHA' MTHA' YAS SKYE MCHED, RNAM SHES MTHA' YAS, CI YANG MED, SRID RTZER SKYE BA 'PHEN BYED KYI LAS BZHI YOD, GNYIS PA LA RTZA NYON DRUG DANG, NYE NYON NYI SHU YOD, DANG PO NI, 'DOD CHAGS, KHONG KHRO, NGA RGYAL, NYON MONGS CAN GYI MA RIG PA, NYON MONGS CAN GYI LTA BA, NYON MONGS CAN GYI THE TSOM RNAMS SU YOD PA'I PHYIR, GNYIS PA GRUB STE, KHRO BA; KHON DU 'DZIN PA, 'CHAB PA, 'TSIG PA, PHRAG DOG ,SER SNA, G-YO; SGYU; RGYAGS PA, BRNAB SEMS, KHREL MED PA, NGO TSA MED PA, RMUGS PA, RGOD PA, MA DAD PA, LE LO; BAG MED, BRJED NGAS, SHES BZHIN MA YIN PA, RNAM PAR G-YENG BA RNAMS SU YOD PA'I PHYIR, GSUM PA LA, RNAM BYAD PHYOGS KYI BDEN PA GANG ZHIG ,'GOG PA ZHI BA GYA NOM NGES 'BYUNG BZHIS KHYAD PAR DU BYAS PA'I RAB TU PHYE BA, 'GOG BDEN GYI MTSAN NYID, DBYE NA, DNGOS BTAGS SO @140B SOR MA PHYE BA'I DBANG DU BYAS NAS, ZAB PA'I 'GOG PA, BRDA'I 'GOG PA, DON DAM PA'I 'GOG PA, YONGS SU MA RDZOGS PA'I 'GOG PA, YONGS SU RDZOGS PA'I 'GOG PA, RGYAN MED PA'I 'GOG PA, RGYAN DANG BCAS PA'I 'GOG PA, LHAG BCAS KYI 'GOG PA, LHAG MED KYI 'GOG PA, KHYAD PAR DU 'PHAGS PA'I 'GOG PA DANG BCU YOD DE, KUN BTUS LAS, 'GOG PA'I BDEN PA GANG ZHE NA, ZAB PA DANG, BRDA DANG, DON DAM PA DANG, YONGS SU MA RDZOGS PA DANG, YONGS SU RDZOGS PA DANG, RGYAN MED PA DANG, RGYAN DANG BCAS PA DANG, LHAG MDANG BCAS PA DANG, LHAG MA MED PA DANG, KHYAD PAR DU 'PHAGS PA DANG, ZHES GSUNGS PA'I PHYIR, DANG PO NI, THEG CHEN 'PHAGS PA'I RGYUD KYI 'GOG BDEN LTA BU, GNYIS PA NI, 'JIG RTEN PA'I LAM GYI 'DOD NYON MNGON GYUR PA RE SHIG SPANGS PA'I SPANGS PA LTA BU, GSUM PA NI, 'PHAGS PA'I RGYUD KYI 'GOG BDEN LTA BU, BZHI PA NI, THEG DMAN SLOB PA'I RGYUD KYI 'GOG BDEN LTA BU, LNGA PA NI, THEG DMAN DGRA BCOM PA'I RGYUD KYI 'GOG BDEN LTA BU, DRUG PA NI, SHES RAB RKYANG BA'I CHA LAS RNAM GROL GYI LHAG BCAS MYANG 'DAS LTA BU, BDUN PA NI, GNYIS KA'I CHA LAS RNAM GROL GYI LHAG MED MYANG 'DAS LTA BU, BRGYAD PA NI, SHES RAB RKYANG BA'I CHA LAS RNAM GROL GYI LHAG BCAS MYANG 'DAS LA GNAS PA'I NYAN THOS DGRA BCOM PA'I 'GOG BDEN LTA BU, DGU PA NI, GNYIS KA'I CHA LAS RNAM GROL GYI LHAG MED MYANG 'DAS LA GNAS PA'I NYAN THOS DGRA BCOM PA'I 'GOG [#DATA APPARENTLY MISSING HERE] @142A *, ,CAN YIN PA'I PHYIR, DON GZHAN GYI BDAG GIS STONG PA'I RNAM PA ZHES BYA STE, DBANG SGYUR BA PO'I BDAG DON GZHAN MED PA'I PHYIR, BDAG MED PA'I RNAM PA ZHES BYA STE, RANG DBANG BA'I BDAG GI NGO BOR MA GRUB PA'I PHYIR; YAN LAG BCU GNYIS KYI NANG TSAN DU GYUR PA'I LAS DANG SRED PA CHOS CAN, RGYU'I RNAM PA ZHES BYA STE, RANG 'BRAS SDUG BSNGAL GYI RTZA BA YIN PA'I PHYIR, KUN 'BYUNG BA'I RNAM PA ZHES BYA STE, RANG 'BRAS SDUG BSNGAL YANG DANG YANG DU SKYED BYED YIN PA'I PHYIR, RAB SKYE'I RNAM PA ZHES BYA STE, RANG 'BRAS SDUG BSNGAL SHUGS DRAG SKYED BYED YIN PA'I PHYIR, SRID PA'I SRED PA CHOS CAN, RKYEN GYI RNAM PA ZHES BYA STE, RANG 'BRAS SDUG BSNGAL GYI LHAN CIG BYED RKYEN YIN PA'I PHYIR; GNYEN PO'I STOBS KYIS SDUG BSNGAL GTAN ZAD PA'I BRAL BA CHOS CAN, 'GOG PA'I RNAM PA ZHES BYA STE, SDUG BSNGAL SPANGS PA'I BRAL BA YIN PA'I PHYIR, ZHI BA'I RNAM PA ZHES BYA STE, NYON MONGS SPANGS PA'I BRAL BA YIN PA'I PHYIR, GYA NOM PA'I RNAM PA ZHES BYA STE, PHAN BDE'I NGO BOR GYUR PA'I THAR PA YIN PA'I PHYIR, NGES PAR 'BYUNG BA'I RNAM PA ZHES BYA STE, SLAR MI LDOG PA'I THAR PA YIN PA'I PHYIR, GANG ZAG GI BDAG MED MNGON SUM DU RTOGS PA'I YE SHES CHOS CAN; LAM GYI RNAM PA ZHES BYA STE, THAR PAR BGROD PAR BYED PA'I LAM GYI RIGS SU GNAS PA'I PHYIR, RIG PA'I RNAM PA ZHES BYA STE, NYON MONGS PA'I DNGOS GNYEN DU DGOS PA'I PHYIR, SGRUB PA'I RNAM PA ZHES BYA STE, SEMS KYI GNAS LUGS PHYIN CI @142B MA LOG PAR SGRUB PA'I PHYIR, NGES PAR 'BYIN PA'I RNAM PA ZHES BYA STE, SDUG BSNGAL GTAN ZAD DU BYED PA'I LAM YIN PA'I PHYIR, ` 'O NA; SANGS RGYAS LA SOGS DKON MCHOG GSUM, ,ZHES PAS SGRUB PA'I RTEN LA 'DOMS PA'I GDAMS NGAG 'CHAD TSUL DE GANG ZHE NA, 'DI LA MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, SH'A RI DVA TI'I BU GZHAN YANG SHER PHYIN LA SPYOD PA'I TSE GZUGS LA RNAM PA THAMS CAD MKHYEN PA NYID SBYOR BAR MI BYED DE, 'DI LTAR GZUGS NYID YANG DAG PAR RJES SU MI MTHONG NGO, ,ZHES SOGS GSUNGS, GNYIS PA NI, MDO'I DON BSHAD PA LA, SANGS RGYAS LA SOGS DKON MCHOG GSUM, ,ZHES GSUNGS, DE NYID TSIG DON GYI SGO NAS 'CHAD PA LA, SANGS RGYAS LA SANGS RGYAS DANG, ZHES SOGS GSUNGS, 'DI LA YANG SO SOR BSHAD PA DANG, DON BSDU BA GNYIS, DANG PO LA, SANGS RGYAS DKON MCHOG ,CHOS DKON MCHOG ,DGE 'DUN DKON MCHOG LA GDAMS PA DANG GSUM LAS, DANG PO NI, BYANG CHEN SHER PHYIN LA SPYOD PA'I TSE GZUGS LA, ZHES PA NAS, BYANG CHUB SEMS DPA'I RNAM PA THAMS CAD MKHYEN PA NYID NI BYANG CHUB BO, ,SH'A RI DVA TI'I BU BYANG CHEN DE LTAR BRTZON ZHES BRJOD PAR BYA'O, ,ZHES PA'I BAR GYIS BSTAN, DE'I DON BSHAD PA LA, SANGS RGYAS LA SANGS RGYAS DANG BYANG CHUB DAG MTSAN NYID GCIG PA NYID KYIS SANGS RGYAS SU BYED PA'I CHOS KYI MTSAN NYID RNAM PA THAMS CAD MKHYEN PA NYID MI DMIGS PA LA GZUGS LA SOGS PA MI SBYOR BAS, @143A *, ,DMIGS PAR BYA BA DANG DMIGS PAR BYED PA MNYAM PA NYID DU SHES PA ZHES BYA BA DANG, ZHES GSUNGS, DON NI, GZUGS LA RNAM PA THAMS CAD MKHYEN PA NYID ME SBYOR ZHES SOGS KYI MDO CHOS CAN, SANGS RGYAS DKON MCHOG LA GDAMS PA YIN TE, DE LA SKYABS GNAS YANG DAG TU BDEN ZHEN DGAG PA'I PHYIR DU 'DOMS PA'I MDO TSIG YIN PA'I PHYIR, GNYIS PA NI, SH'A RI DVA TI'I BU GZHAN YANG BYANG CHEN SHER PHYIN LA SPYOD PA'I TSE, GZUGS DNGOS PO YOD CES BYA BAR YANG DAG PAR RJES SU MI MTHONG NGO, ,GZUGS DNGOS PO MED CES BYA BAR YANG DAG PAR RJES SU MI MTHONG NGO, ,ZHES PA NAS, SHES RAB 'CHAL BA'I SEMS MI SKYED DO, ,ZHES PA'I BAR GYIS BSTAN, DE'I DON 'CHAD PA LA, CHOS LA THAMS CAD MKHYEN PA NYID GSUM GYIS BSDUS PA'I GZHI DANG GNYEN PO DANG RNAM PA MTHA' DAG BSDUS PA DAG GIS BSDUS PA'I CHOS THAMS CAD NGO BO NYID MED DO ZHES BYA BA DANG, ZHES GSUNGS, DON NI, GZUGS DNOGS PO YOD CES BYA BAR MI SBYOR RO, ,ZHES SOGS KYI MDO CHOS CAN, CHOS DKON MCHOG LA GDAMS PA YIN TE, DE LA MNGON DU BYA BAR BDEN ZHEN DGAG PA'I PHYIR DU 'DOMS PA'I MDO TSIG YIN PA'I PHYIR, GSUM PA LA; GONG DU SHER PHYIN LA SPYOD PA'I BYANG CHEN MANG DU GSUNGS PA LAS 'PHROS NAS, DE SKAD CES BKA' STZAL PA DANG, TSE DANG LDAN PA SH'A RI DVA TI'I BUS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHEN @143B SHER PHYIN LA GNAS PA 'DIS GNAS PA DE GANG NAS SHI 'PHOS TE 'DIR SKYE BA LAGS, 'DI NAS SHI 'PHOS NAS GANG DU SKYE BAR 'GYUR BA LAGS, DE SKAD CES GSOL BA DANG, BCOM LDAN 'DAS KYIS TSE DANG LDAN PA SH'A RI DVA TI'I BU LA 'DI SKAD CES BKA' STZAL TO, ,SH'A RI'I BU BYANG CHEN SHER PHYIN 'DIS GNAS PA DE NI, ZHES SOGS KYIS BSTAN, DE'I DON 'CHAD PA LA, DGE 'DUN LA SANGS RGYAS DKON MCHOG GI KHONGS SU GTOGS PA NYID KYI DGRA BCOM PA MA GTOGS PA 'BRAS BU LA GNAS PA DANG ZHUGS PA'I BYE BRAG GIS SKYES BU CHEN PO BDUN PO RANG SANGS RGYAS DANG LHAN CIG BRGYAD PO DBANG PO RTUL PO LA SOGS PA'I BYE BRAG GIS GRANGS NYI SHUR 'CHAD PA BYANG CHUB SEMS DPA' 'PHAGS PA SLOB PA PHYIR MI LDOG PA RNAMS LA SKYE BA MED PA NYID DU 'JUG PAR BYA'O ZHES LUNG 'BOGS PA, ZHES GSUNGS, DON NI, BYANG CHEN GANG NAS SHI 'PHOS NAS 'DIR SKYES PA, ZHES SOGS KYI MDO CHOS CAN, DGE 'DUN DKON MCHOG LA GDAMS PA YIN TE; DE LA LAM SGRUB PA'I ZLA GROGS SU BDEN ZHEN DGAG PA'I PHYIR DU 'DOMS PA'I MDO TSIG YIN PA'I PHYIR, GNYIS PA NI, DKON MCHOG GSUM LA 'DOMS PA DANG, ZHES PAS 'CHAD, ` SKABS 'DIR MTHA' DPYAD PA LA, RGYUD BLA MA LAS GSUNGS TSUL DANG, MDO SDE'I RGYAN LAS GSUNGS TSUL DANG, NYAMS SU LEN PA'I RIM PA LA SBYOR TSUL DANG GSUM LAS, DANG PO LA, THUN MONG MA YIN PA'I DKON MCHOG GSUM NGOS GZUNG BA DANG, SKYABS SPYI'I RNAM GZHAG @144A *, ,BSHAD PA, KUN RDZOB PA'I SKYABS DANG DON DAM PA'I SKYABS KYI KHYAD PAR BSHAD PA, DKON MCHOG GI SGRA DON BSHAD PA DANG BZHI LAS, DANG PO NI, 'DUS MA BYAS LA SOGS PA'I YON TAN BRGYAD DANG LDAN PA'I MTHAR THUG GI SKYABS GNAS, SANGS RGYAS DKON MCHOG GI MTSAN NYID, DBYE NA, KUN RDZOB PA'I SANGS RGYAS DKON MCHOG DANG, DON DAM PA'I SANGS RGYAS DKON MCHOG GNYIS LAS, DANG PO NI, GZUGS SKU GNYIS LTA BU, GNYIS PA NI, NGO BO NYID SKU DANG YE SHES CHOS SKU LTA BU YIN TE, RGYUD BLA MA LAS, BDAG NYID KYI NI SBYOR BA'I GNAS, ,DAM PA'I DON GYI SKU YIN TE, ,DRANG SONG RNAMS KYI BRNGA YI SKU, ,PHA ROL PHUN SUM TSOGS PA'I GNAS, ,ZHES GSUNGS PA'I PHYIR, SANGS RGYAS DKON MCHOG CHOS CAN, YON TAN BRGYAD DANG LDAN TE, SKYE 'JIG DANG BRAL BA 'DUS MA BYAS PA'I YON TAN, 'BAD RTZOL NYE BAR ZHI BA LHUN GYIS GRUB PA'I YON TAN, RANG SNANG YUL DU BYED PA'I BLO LA SNANG BA LTAR RJOD BYED KYI SGRA DANG RNAM PAR RTOG PAS JI LTA BA BZHIN DU RTOGS MI NUS PA'I YON TAN, JI LTA BA DANG JI SNYED PA MKHYEN PA'I YON TAN, BRTZE BA'I YON TAN, NUS PA'I YON TAN, RANG DON GYI YON TAN, GZHAN DON GYI YON TAN RNAMS DANG LDAN PA'I PHYIR TE, DE NYID LAS, 'DUS MA BYAS SHING LHUN GYIS GRUB, ,GZHAN GYI RKYEN GYIS RTOGS MIN PA, ,MKHYEN DANG BRTZE DANG NUS PAR LDAN, ,DON GNYIS LDAN PA'I SANGS RGYAS NYID, ,CES GSUNGS PA'I PHYIR, DE YANG BSDU NA GNYIS SU 'DUS TE, @144B DANG PO GSUM RANG DON GYI YON TAN DANG, PHYI MA GSUM GZHAN DON GYI YON TAN YIN TE, DE NYID LAS, DANG PO GSUM NI RANG DON TE, ,PHYI MA GSUM NI GZHAN DON YIN, ,ZHES GSUNGS PA'I PHYIR, BSAM DU MED PA LA SOGS PA'I YON TAN BRGYAD PO GANG RUNG DANG LDAN PA'I 'PHAGS RGYUD KYI RNAM BYANG BDEN PA, CHOS DKON MCHOG GI MTSAN NYID, DBYE NA, SGRAS BRJOD RIGS KYI SGO NAS KUN RDZOB PA'I CHOS DKON MCHOG DANG, DON DAM PA'I CHOS DKON MCHOG GNYIS LAS, DANG PO NI, GSUNG RAB YAN LAG BCU GNYIS LTA BU, GNYIS PA NI, 'GOG BDEN DANG LAM BDEN LTA BU, THEG CHEN GYI CHOS DKON MCHOG CHOS CAN, YON TAN BRGYAD DANG LDAN TE, MU BZHIR RTOG GE PA'I BLOS JI LTA BA BZHIN DU BSAM DU MED PA'I YON TAN, LAS NYON GNYIS CI RIGS PA MED PA, TSUL MIN YID BYED KYI RNAM PAR RTOG PA MED PA, LAM GYI NGO BO SGRIB PA DANG MA 'DRES PAS DAG PA, GSAL BA JI LTA BA DANG JI SNYED PA RIG PA, MI MTHUN PHYOGS KYI GNYEN PO BYED PA'I YON TAN, GANG ZHIG LA CHAGS PA DANG BRAL BA'I 'GOG BDEN GYI YON TAN, GANG GIS CHAGS PA DANG BRAL BAR BYED PA LAM BDEN GYI YON TAN RNAMS DANG LDAN PA'I PHYIR TE, DE NYID LAS, BSAM MED GNYIS MED RTOG MED PA, ,DAG GSAL GNYEN PO'I PHYOGS NYID KYIS, ,GANG ZHIG GANG GIS CHAGS BRAL BA; ;BDEN GNYIS MTSAN NYID CAN DE CHOS, ,ZHES GSUNGS PA'I PHYIR, DE YANG BSDU NA GNYIS SU 'DU STE, DANG PO GSUM 'GOG BDEN GYI YON TAN DANG, PHYI MA GSUM LAM BDEN GYI YON TAN YIN PA'I PHYIR TE, DE NYID LAS, CHAGS BRAL GNYIS @145A *, ,NI 'GOG PA DANG, ,LAM GYI BDEN PA DAG GIS BSDUS, ,ZHES GSUNGS PA'I PHYIR, RIG GROL GYI YON TAN BRGYAD PO GANG RUNG DANG LDAN PA'I 'PHAGS PA'I GANG ZAG ,DGE 'DUN DKON MCHOG GI MTSAN NYID, DBYE NA, SGRAS BRJOD RIGS KYI SGO NAS KUN RDZOB PA'I DGE 'DUN DKON MCHOG DANG, DON DAM PA'I DGE 'DUN DKON MCHOG GNYIS LAS, DANG PO DANG, 'PHAGS PA'I GANG ZAG DON GCIG ,GNYIS PA NI, 'GOG BDEN DANG, LAM BDEN LTA BU'O, , THEG CHEN GYI DGE 'DUN DKON MCHOG CHOS CAN, YON TAN BRGYAD DANG LDAN TE, JI LTA BA RIG PA'I YON TAN, JI SNYED PA RIG PA'I YON TAN, NANG RIG PA'I YON TAN, RANG GI NGOS SKAL GYI CHAGS THOGS DMAN GSUM CI RIGS PAS DAG PA'I YON TAN GSUM, RIG PA'I YON TAN, GROL BA'I YON TAN DANG BRGYAD YOD PA'I PHYIR TE, DE NYID LAS, JI LTA JI SNYED NANG GI NI, ,YE SHES GZIGS PA DAG PA'I PHYIR, ,BLO LDAN PHYIR MI LDOG PA'I TSOGS, ,BLA MED YON TAN DANG LDAN NYID, , CES GSUNGS PA'I PHYIR, DE YANG BSDU NA GNYIS SU 'DU STE, DANG PO GSUM RIG PA'I YON TAN, PHYI MA GSUM GROL BA'I YON TAN DU 'DU BA YIN PA'I PHYIR, KHA CIG ,'DUS MA BYAS LA SOGS PA'I YON TAN BRGYAD PO GANG RUNG DANG LDAN PA'I SKYABS GNAS MTHAR THUG ,SANGS RGYAS DKON MCHOG GI MTSAN NYID ZER NA MI 'THAD DE, SANGS RGYAS DKON MCHOG YIN NA, DE BRGYAD KA DANG LDAN PAS MA KHYAB PAR THAL, MTSAN NYID 'THAD PA'I PHYIR, 'DOD MI NUS TE, GZUGS SKU @145B GNYIS 'DUS MA BYAS KYI YON TAN DANG LDAN, NGO BO NYID SKU MKHYEN BRTZE NUS GSUM GYI YON TAN DANG LDAN PA'I PHYIR, DANG PO GRUB STE, DE SPANGS PA'I YON TAN DANG LDAN PA'I PHYIR, GNYIS PA GRUB STE, DE ZAG MED KYI YE SHES SDE TSAN NYER GCIG DANG LDAN PA'I PHYIR, KHA CIG ,RIG GROL GYI YON TAN BRGYAD DANG LDAN PA'I 'PHAGS PA'I GANG ZAG ,DGE 'DUN DKON MCHOG GI MTSAN NYID DU 'DOD PA MI 'THAD DE, DMAN LAM SNGON DU MA SONG BA'I THEG CHEN MTHONG LAM BAR CHAD MED LAM PA DE DE BRGYAD DANG MI LDAN PA'I PHYIR TE, DE GROL BA'I YON TAN DANG MI LDAN PA'I PHYIR, KHA CIG ,SANGS RGYAS 'PHAGS PA DE DGE 'DUN DKON MCHOG MA YIN TE, DE THEG CHEN DGRA BCOM YIN PA'I PHYIR, KHYAB STE, DGE 'DUN LA SANGS RGYAS DKON MCHOG GI KHONGS SU RTOGS PA NYID KYI DGRA BCOM PA MA GTOGS PA, ZHES GSUNGS PA'I PHYIR NA MA KHYAB STE, THEG CHEN DGRA BCOM YIN NA, 'DIR BSTAN GDAMS YUL DU GYUR BA'I DGE 'DUN DKON MCHOG MA YIN DGOS PA LUNG DE'I DON YIN PA'I PHYIR; DE LTAR MA YIN NA MTHAR THUG GI DKON MCHOG GSUM MED PAR THAL, SANGS RGYAS 'PHAGS PA DE DGE 'DUN DKON MCHOG MA YIN PA'I PHYIR, 'DOD NA, RGYUD BLA MA LAS, DRI BCAS DE BZHIN NYID DANG DRI MA MED, ,DRI MED SANGS RGYAS YON TAN RGYAL BA'I MDZOD, ,GANG LAS DKON MCHOG DGE BA GSUM 'BYUNG BA, ,DON DAM GZIGS PA RNAMS KYI YUL NYID DO, ZHES DANG, DKON MCHOG GSUM PO 'DI YI RIGS, ,THAMS CAD GZIGS PA RNAMS KYI YUL, ,ZHES DANG @146A *, ,DE'I DAR t'IK LAS, DON BSDU NA, 'DIR DNGOS SU BSTAN PA'I DKON MCHOG NI SA DANG PO YAN CHAD KYI DBANG DU BYAS SHING, MTHAR THUG GI DKON MCHOG GSUM DU BSGRUBS PAS, THEG PA THUN MONG PAR THAL BA'I SKYON MED DE, ZHES GSUNGS PA MI 'THAD PAR THAL LO, ,GZHAN YANG, MTHAR THUG GI SKYABS GSUM MED PAR THAL, MTHAR THUG GI DKON MCHOG GSUM MED PA'I PHYIR, 'DOD NA, SKYABS GSUM PO DE GNAS SKABS KYI SKYABS SU THAL LO, , 'DOD NA, SKYABS GSUM RGYUD LDAN GYI SLOB PA YOD PAR THAL LO, ,KHO NA RE, DGE 'DUN DKON MCHOG MTHAR THUG GI SKYABS SU THAL, SKYABS GSUM PO DE DE YIN PA'I PHYIR NA MA KHYAB, KHA CIG ,SKYABS GSUM YIN PA MED ZER NA, MI 'THAD DE; SANGS RGYAS 'PHAGS PA'I YID KYI RNAM PAR SHES PA DE SANGS RGYAS DKON MCHOG DANG, CHOS DKON MCHOG ,DGE 'DUN DKON MCHOG GSUM GA YIN PA'I PHYIR, DANG PO GRUB STE, SANGS RGYAS YIN PA'I PHYIR, GNYIS PA GRUB STE, LAM BDEN YIN PA'I PHYIR, GSUM PA GRUB STE, 'PHAGS PA'I GANG ZAG YIN PA'I PHYIR TE, YID KYI RNAM PAR SHES PA GANG ZAG YIN PA'I PHYIR TE, RTOG GE 'BAR BA LAS, KHO BO CAG YID KYI RNAM PAR SHES PA LA BDAG GI SGRA DNGOS SU 'DOGS TE; 'DI LTAR RNAM PAR SHES PA YANG SRID PA LEN PA'I PHYIR BDAG YIN NO, ,ZHES DANG, SHES RAB SGRON ME LAS, RNAM PAR SHES PA BDAG TU KHAS BLANGS NAS, DON DAM PAR BDAG MED PAR DAM BCAS PA LA DAM BCA'I SKYON DU MI 'GYUR @146B BA NYID, CES DANG, RGYAN SNANG LAS, JES PA'I TSIG GI TSUL GYIS RGYUN NYING GANG ZAG GCIG GO ,ZHES GSUNGS PA'I PHYIR, KHA CIG ,KUN RDZOB PA'I DGE 'DUN DKON MCHOG DANG, DON DAM PA'I DGE 'DUN DKON MCHOG 'GAL ZER NA MI 'THAD DE, BYANG 'PHAGS YIN NA, DON DAM PA'I DGE 'DUN DKON MCHOG YIN DGOS PA'I PHYIR TE, DE YIN NA DON DAM PA'I BYANG CHUB SEMS DPA' YIN DGOS PA'I PHYIR TE, DON DAM SEMS BSKYED THOB PA'I BYANG CHUB SEMS DPA' LA DE LTAR DGOS PA'I PHYIR TE, 'JUG PA LAS, DE NAS BZUNG STE DE NI THOB PAR GYUR PA YI, ,BYANG CHUB SEMS DPA' ZHES BYA'I SGRA NYID KYIS BSNYAD DO, ,ZHES GSUNGS PA'I PHYIR, GNYIS PA NI, RGYUD BLA MA LAS, STON PA BSTAN PA SLOB DON GYIS, ,THEG PA GSUM DANG BYED GSUM LA, ,MOS PA GSUM GYIS DBANG BYAS NAS, ,SKYABS GSUM RNAM PAR BZHAG PA YIN, ,ZHES GSUNGS, DON NI, SPYIR GSUNG RAB LAS SKYABS GSUM GYI RNAM GZHAG GSUNGS PA CHOS CAN, DGOS PA YOD DE, THEG CHEN LAM DU ZHUGS PA RNAMS KYI RANG GI THOB BYA'I SANGS RGYAS 'BRAS BU'I SKYABS DANG, GZHAN RGYUD LA GRUB ZIN PA'I SANGS RGYAS RGYU'I SKYABS DANG, RIGS CAN GZHAN GNYIS KYI YANG RGYU'I SKYABS DANG, LAM LA MA ZHUGS KYANG SANGS RGYAS DKON MCHOG LA MCHOD PA DANG BKUR STI BYED PA LA SOGS PA'I MCHOG TU BYA BA BYED PAR MOS PA RNAMS KYI DBANG DU BYAS NAS SANGS RGYAS DKON MCHOG SKYABS SU RNAM PAR BZHAG ,RANG RGYAL GYI RIGS CAN LAM DU ZHUGS PA RNAMS KYI THOB BYA'I 'BRAS BU @147A *, ,DANG; LAM DU MA ZHUGS KYANG DAM PA'I CHOS LA MCHOG TU BYA BA BYED PAR MOS PA RNAMS KYI DBANG DU BYAS NAS CHOS DKON MCHOG SKYABS SU RNAM PAR BZHAG ,NYAN THOS KYI RIGS CAN LAM DU ZHUGS PA RNAMS KYI THOB BYA'I 'BRAS BU DANG, LAM LA MA ZHUGS KYANG DGE 'DUN DKON MCHOG LA MCHOG TU BYA BA BYED PAR MOS PA RNAMS KYI DBANG DU BYAS NAS DGE 'DUN DKON MCHOG SKYABS SU RNAM PAR BZHAG PA YIN PA'I PHYIR, RTAGS GSUM GA GRUB STE, SANGS RGYAS DKON MCHOG DE RKANG GNYIS RNAMS KYI MCHOG ,CHOS DKON MCHOG DE 'DOD CHAGS DANG BRAL BA RNAMS KYI MCHOG ,DGE 'DUN DKON MCHOG DE TSOGS RNAMS KYI MCHOG YIN PA'I PHYIR, KHA CIG ,RGYUN MTHA' BA'I RGYUD LA 'BYUNG 'GYUR GYI RNAM MKHYEN DE DE'I 'BRAS SKYABS YIN ZER NA, DE LA KHA CIG ,DE CHOS CAN, DE'I DUS SU MED PAR THAL, DE'I 'BRAS SKYABS YIN PA'I PHYIR, 'DOD MI NUS TE, SA BON LAS SKYE BZHIN PA'I MYU GU SA BON GYI DUS SU YOD PA'I PHYIR TE, DE YOD, DE MYU GU'I DUS SU MED PA'I PHYIR, DANG PO GRUB STE, SA BON 'GAG BZHIN PA DANG MYU GU SKYE BZHIN PA DUS MNYAM PA'I PHYIR NA MA KHYAB, GNYIS PA MA GRUB NA, MYU GU DE RANG DUS SU SKYE BZHIN PAR THAL LO, ,ZHES ZER NA, SA BON LAS SKYE BZHIN PA'I MYU GU MED DE, DE LTAR MA YIN NA, DE KHO KHO RANG DU THAL, DE YOD PA'I PHYIR, 'DOD NA, MYU GU YIN NA SA BON LAS SKYE BZHIN PA YIN DGOS PAR THAL LO, ,DES NA RGYUN MTHA' PA'I RGYUD LA 'BYUNG @147B 'GYUR GYI RNAM MKHYAN DE DE'I 'BRAS SKYABS YIN CING DE'I RGYUD LA SKYE BZHIN PA'I RNAM MKHYEN DE DE MA YIN PA'I PHYIR TE, DE MED PA'I PHYIR, KHA CIG ,BYANG SEMS TSOGS LAM PA DANG RGYUD THA DAD DU GYUR PA'I DKON MCHOG GSUM PO DE DE'I RGYU'I SKYABS YIN ZER BA MI 'THAD DE, DE DANG RGYUD THA DAD DU GYUR PA'I DE MED PA'I PHYIR TE, DE 'DRA'I SANGS RGYAS 'PHAGS PA MED PA'I PHYIR, SANGS RGYAS 'PHAGS PA YIN NA, DE DANG RGYUD GCIG YIN DGOS PA'I PHYIR TE, BYANG SEMS TSOGS LAM PA DE DANG RGYUD GCIG YIN PA'I PHYIR, BYANG SEMS TSOGS LAM PA YIN NA, DE DANG RGYUD GCIG YIN DGOS PA'I PHYIR TE, SEMS CAN YIN NA DE YIN DGOS PA'I PHYIR, KHO NA RE, NYAN THOS DGRA BCOM PA CHOS CAN, DER THAL, DE'I PHYIR, 'DOD NA, SANGS RGYAS 'PHAGS PA DE DANG RGYUD GCIG YIN PAR THAL LO, ,'DOD NA, DE CHOS CAN, NYAN THOS DGRA BCOM PA'I RTOGS PA SNGON DU SONG BA'I GANG ZAG TU THAL, DE DANG RGYUD GCIG TU GYUR PA'I SANGS RGYAS 'PHAGS PA YIN PA'I PHYIR NA MA KHYAB STE, LHA'I DBANG PO BRGYA BYIN CHOS CAN, STON PA SH'AKYA THUB PA'I GO 'PHANG MNGON DU BYED NGES YIN PAR THAL, DE DANG RGYUD GCIG YIN PA'I PHYIR, KHYAB PA KHAS, DER THAL, STON PA SH'AKYA THUB PA DE DANG RGYUD GCIG YIN PA'I PHYIR TE, DE SNGON LHA'I DBANG PO BRGYA BYIN GYI SKYE BA BLANGS MYONG BA'I PHYIR, KHA CIG ,RGYAL PO NGA LAS NUS DE DA LTAR GYI DUS SU STON PA SH'AKYA THUB PA YIN ZER NA, DE CHOS CAN, STON PA SH'AKYA THUB PA YIN PAR THAL, DA LTAR @148A *, ,GYI DUS SU DE YIN PA'I PHYIR, KHO NA RE, DAM BCA' DER THAL, DE STON PA SH'AKYA THUB PA'I DUS SU DE YIN PA'I PHYIR TE, DE DE'I DUS SU DER GYUR PA'I PHYIR NA MA KHYAB, GZHAN YANG, STON PA SH'AKYA THUB PA DE RGYAL PO NGA LAS NUS KYI DUS SU RGYAL PO NGA LAS NUS SU THAL, RGYAL PO NGA LAS NUS STON PA SH'AKYA THUB PA'I DUS SU STON PA SH'AKYA THUB PA YIN PA'I PHYIR, 'DOD NA, DE CHOS CAN, DE'I DUS SU STON PA SH'AKYA THUB PA'I RGYU YIN PAR THAL, DE'I DUS SU RGYAL PO NGA LAS NUS YIN PA'I PHYIR, 'DOD MI NUS TE, DE'I DUS SU STON PA SH'AKYA THUB PA KHYOD KYI RGYU YIN PA'I PHYIR, KHA CIG ,MDUN GYI SKYES BU LAN 'DEBS PA PO DANG RGYUD GCIG TU GYUR PA'I SANGS RGYAS 'PHAGS PA DE DA LTAR MED; ZER NA, DE DA LTAR YOD PAR THAL, DE'I 'BRAS SKYABS MTHAR THUG TU GYUR PA'I DKON MCHOG GSUM PO DE DA LTAR YOD PA'I PHYIR, KHO NA RE, RGYAL PO NGA LAS NUS CHOS CAN, DA LTAR GYI DUS SU SEMS CAN YIN PAR THAL, SEMS CAN YIN PA'I PHYIR, KHYAB STE, SANGS RGYAS 'PHAGS PA YIN NA, DA LTAR GYI DUS SU SANGS RGYAS 'PHAGS PA YIN DGOS PA'I PHYIR ZER NA, MDUN GYI SKYES BU LAN 'DEBS PA PO SANGS RGYAS PA'I SANGS RGYAS 'PHAGS PA CHOS CAN, DER THAL, DE'I PHYIR, 'DOD NA, MDUN GYI SKYES BU LAN 'DEBS PA PO DA LTAR GYI DUS SU SANGS RGYAS ZIN PAR THAL, 'DOD PA'I PHYIR ZER, KHA CIG GIS, GANG ZAG DE'I 'BRAS SKYABS SU GYUR PA'I SANGS RGYAS 'PHAGS PA YIN NA, @148B GANG ZAG DE'I DUS SU MED PAS KHYAB, ZER NA, SANGS RGYAS 'PHAGS PA DANG DUS MNYAM DU GYUR PA'I BYANG SEMS TSOGS LAM PA CHOS CAN, DER THAL, DE'I PHYIR, RTAGS GSAL SLA'O, ,GSUM PA LA KUN RDZOB PA'I SKYABS DANG, DON DAM PA'I SKYABS GNYIS LAS, DANG PO NI, RGYUD BLA MA LAS, SPANG PHYIR BSLU BA'I CHOS CAN PHYIR, ,MED PHYIR 'JIGS DANG BCAS PA'I PHYIR, ,CHOS RNAM GNYIS DANG 'PHAGS PA'I TSOGS, ,GTAN GYI SKYABS MCHOG MA YIN NO, , ZHES GSUNGS PA'I PHYIR, DON NI, GDUL BYA'I RGYUD KYIS BSDUS PA'I GSUNG RAB YAN LAG BCU GNYIS CHOS CAN, MTHAR THUG GI SKYABS MA YIN TE, LUNG DON MNGON PAR RTOGS PA MTHAR THUG PA'I TSE GZINGS LTAR DU SPANG BAR BYA BA YIN PA'I PHYIR TE; MDO SDE'I RGYAN LAS, DON SHES PAS NI CHOS RNAMS KUN, ,GZINGS DANG 'DRA BA NYID DU RIGS, ,ZHES DANG, RGYUD BLA MA'I 'GREL BAR, CHOS NI RNAM PA GNYIS TE, BSTAN PA'I CHOS DANG, RTOGS PA'I CHOS SO, ,DE LA BSTAN PA'I CHOS NI MDO SDE LA SOGS PA BSTAN PA BRJOD PA STE MIR DANG TSIG DANG YI GE'I TSOGS KYIS BSDUS PA'O, ,DE YANG LAM MNGON PAR RTOGS PA MTHAR THUG PA'I PHYIR GZINGS LTA BU'O, ,ZHES BSHAD, ZHES GSUNGS, SLOB PA'I RGYUD KYI LAM BDEN CHOS CAN; MTHAR THUG GI SKYABS MA YIN TE, RANG GI GZIGS NGOR RANG NYID DRI MA MTHA' DAG DANG BRAL BA LTAR SNANG YANG DRI MA MTHA' DAG DANG MA BRAL BA'I RDZUN PA SLU BA'I CHOS CAN YIN PA'I PHYIR, DE CHOS CAN, MTHAR THUG GI SKYABS MA YIN TE, @149A *, ,DRI MA DANG BCAS PA'I GNAS SKABS LAS DRI MA DANG BRAL BA'I GNAS SKABS GZHAN DU 'GYUR DGOS PA'I MI RTAG PA YIN PA'I PHYIR, DE LTAR YANG DE NYID LAS, RTOGS PA'I CHOS NI RGYU DANG 'BRAS BU'I DBYE BAS RNAM PA GNYIS TE, 'DI LTA STE, LAM GYI BDEN PA DANG 'GOG PA'I BDEN PA STE, GANG GIS DANG GANG RTOGS PA ZHES BYA BAS SO, ,DE LA LAM NI 'DUS BYAS KYI MTSAN NYID DU GTOGS LA, 'DUS BYAS KYI MTSAN NYID DU GTOGS PA ZHES BYA BAS SO; ;DE LA LAM NI 'DUS BYAS KYI MTSAN NYID DU GTOGS LA, 'DUS BYAS KYI MTSAN NYID DU GTOGS PA GANG YIN PA DE NI RDZUN PA SLU BA'I CHOS CAN NO, ,GANG RDZUN PA SLU BA'I CHOS CAN DE NI MI BDEN PA, GANG MI BDEN PA DE NI MI RTAG PA, GANG MI RTAG PA DE NI SKYABS MA YIN NO, ,ZHES GSUNGS, LHAG MED MYANG 'DAS CHOS CAN, MTHAR THUG GI SKYABS MA YIN TE, NYON MONGS PA DANG SDUG BSNGAL MED PA TZAM GYIS RAB TU PHYE BA YIN PA'I PHYIR TE, DE NYID LAS, LAM DU MA GTOGS PA'I 'GOG PA GANG YIN PA DE YANG NYAN THOS KYI TSUL GYI MAR ME RGYUN CHAD PA BZHIN DU NYON MONGS PA DANG SDUG BSNGAL MED PA TZAM GYIS RAB TU PHYE BA MED PA NI SKYABS SAM SKYABS MA YIN PAR 'GYUR BA LAS 'OS PA MA YIN NO, , ZHES GSUNGS PA'I PHYIR, SA BCU PA BA DANG NYAN RANG DGRA BCOM PA RNAMS CHOS CAN, MTHAR THUG GI SKYABS MA YIN TE, SHES SGRIB KYI 'JIGS PA DANG BCAS PA'I PHYIR TE, DE NYID LAS, DGE 'DUN ZHES BYA BA NI THEG PA GSUM DANG @149B LDAN PA'I TSIG BLA DVAGS SO, ,DE YANG RTAG TU 'JIGS PA DANG BCAS PA DE LA SKYABS SU SONG BA NGES PAR 'BYUNG BA 'TSOL BA BSLAB PA DANG BCAS PA BLA NA MED PA YANG DAG PAR RDZOGS PA'I BYANG CHUB LA ZHUGS PA MA YIN NO, ,JI LTAR 'JIGS PA DANG BCAS SHE NA, GANG GI PHYIR DGRA BCOM PA YANG SRID ZAD PA RNAMS KYANG BAG CHAGS MA SPANGS PA'I PHYIR RTAG TU RGYUN MI CHAD PAR 'DU SHES THAMS CAD LA MI ZAD PAR 'JIGS PA'I 'DU SHES NYE BAR GNAS PAR 'GYUR TE, DPER NA, RAL GRI GDENGS PA'I GSHED MAS SKYES BU LA BYA BA BZHIN, DES NA DE DAG KYANG GTAN DU MED PA'I NGES PAR 'BYUNG BA MA YIN NO, ,SKYABS NI SKYABS 'TSOL BAR RIGS PA YIN NO, ,ZHES GSUNGS PA'I PHYIR, GNYIS PA NI, 'O NA; DON DAM PA'I SKYABS DE GANG ZHE NA, DE YOD DE, SANGS RGYAS NYAG GCIG MTHAR THUG PA'I SKYABS YIN PA'I PHYIR TE, DE NI BDEN GNYIS KYI YON TAN MTHAR PHYIN PA'I CHOS KYI RTEN CAN YIN PA'I PHYIR TE, RGYUD BLA MA LAS, DAM PA'I DON DU 'GRO BA YI, , SKYABS NI SANGS RGYAS NYAG GCIG YIN, ,THUB PA CHOS KYI SKU CAN PHYIR, ,ZHES GSUNGS PA'I PHYIR, LON MTHAR THUG GI SKYABS LA DKON MCHOG GSUM MA TSANG BAR 'GYUR RO, ,ZHE NA; DE LA DE GSUM TSANG STE, SKYABS GSUM GYI ZLAS PHYE BA'I TSOGS DGE 'DUN DE YANG SANGS RGYAS THOB PA NA SKYABS DE'I MTHAR THUG PAR 'GYUR BA'I PHYIR TE, DE NYID LAS, TSOGS KYANG DE YI MTHAR THUG PHYIR, ,ZHES DANG, GSER PHRENG LAS, TSOGS KYANG DE YI MTHAR THUG PHYIR, , @150A *, ,ZHES MTHAR THUG GI SKYABS LA DKON MCHOG GSUM MA TSANG NGAM SNYAM PA'I LOG RTOG GCAD PA'I PHYIR DU GSUNGS, ZHES GSUNGS PA'I PHYIR, DES NA KHYOD YIN PA'AM KHYOD KYI NANG TSAN DU GYUR PA'I DON DAM PA'I SKYABS MED PA GANG ZHIG ,DNGOS PO'I GNAS TSOD LA LAM GYI BGROD PA MTHAR MTHUG PA'I SKYABS, KUN RDZOB PA'I SKYABS KYI MTSAN NYID, DE DANG GNAS SKABS KYI SKYABS DON GCIG ,DNGOS PO'I GNAS TSOD LA LAM GYI BGROD PA MTHAR THUG PA'I SKYABS, DON DAM PA'I SKYABS KYI MTSAN NYID, DE DANG MTHAR THUG GI SKYABS DON GCIG ,RONG t'IK PA NA RE, LUNG GI CHOS DKON MCHOG CHOS CAN, MTHAR THUG GI SKYABS MA YIN TE, DON MNGON PAR RTOGS PA MTHAR THUG PA'I TSE GZINGS LTAR SPANG BAR BYA BA YIN PA'I PHYIR, SLOB PA'I LAM BDEN CHOS CAN, MTHAR THUG GI SKYABS MA YIN TE, BRDZUN PA SLU BA'I CHOS CAN YIN PA'I PHYIR, SLOB PA'I 'GOG BDEN CHOS CAN, MTHAR THUG GI SKYABS MA YIN TE, MED DGAG YIN PA'I PHYIR, SLOB PA 'PHAGS PA CHOS CAN, MTHAR THUG GI SKYABS MA YIN TE, SHES SGRIB KYI 'JIGS PA DANG BCAS PA'I PHYIR, ZHES ZER NA, LUNG GI CHOS DKON MCHOG YIN NA, MTHAR THUG GI SKYABS MA YIN DGOS PAR THAL, DAM BCA' 'THAD PA'I PHYIR, 'DOD NA, SANGS RGYAS RANG RGYUD KYIS BSDUS PA'I BKA' CHOS CAN, DER THAL, DE'I PHYIR, GZUGS SKU GNYIS CHOS CAN, DAM BCA' GNYIS PA LA, DER THAL, DE'I PHYIR, 'DUS BYAS YIN PA'I PHYIR, @150B KHYAB STE, RTZA BA SHES RAB LAS, 'DUS BYAS THAMS CAD SLU BA'I CHOS, ,DES NA DE DAG BRDZUN PA YIN, ,ZHES GSUNGS PA'I PHYIR, NGO BO NYID SKU CHOS CAN, DAM BCA' GSUM PA LA, DER THAL, DE'I PHYIR, DE GSUM GA LA 'DOD NA, MTHAR THUG GI SKYABS MED PAR THAL LO, ,DE LTAR YANG, RNAM BSHAD LAS, KHA CIG 'DUS BYAS YIN NA MTHAR THUG GI SKYABS MA YIN PAS KHYAB PAR BSTAN PAR 'DOD PA NI SANGS RGYAS KYI LAM BDEN DANG GZUGS SKU RNAM PA GNYIS MTHAR THUG GI SKYABS YIN PA 'GOG PA'I LOG RTOG GI THA CHAD DU SHES PAR BYA LA RGYANG RING DU SPANG BAR BYA'O, ,ZHES DANG, MED DGAG GTAN TSIGS SU 'GOD PA SOGS NI DON MA RTOGS BZHIN DU RNAM GZHAG BYED PA NI SANGS RGYAS KYI BSTAN PA DRI MA CAN DU 'GYUR BAS GTANG SNYOMS SU BZHAG NA MDZES SO, ,ZHES GSUNGS, KHO NA RE, LAS RGYU 'BRAS CHOS CAN, BRDZUN PA SLU BA'I CHOS CAN YIN PAR THAL, 'DUS BYAS YIN PA'I PHYIR, 'DOD NA, BSLU BAR THAL, 'DOD PA'I PHYIR NA MA KHYAB, 'DOD NA, DE BRDZUN PAR THAL, BRDZUN PA YIN PA'I PHYIR NA MA KHYAB, DE CHOS CAN, BDEN PA YIN PAR THAL, BDEN PA'I PHYIR NA MA KHYAB, DE CHOS CAN, MI SLU BA YIN PAR THAL, MI SLU BA'I PHYIR NA MA KHYAB STE, RI BONG RVA CHOS CAN, MA 'ONGS PA YIN PAR THAL, MA 'ONGS PA'I PHYIR, KHYAB PA KHAS, SANGS RGYAS KYI BKA' CHOS CAN, BDEN PA YIN PAR THAL, BDEN PA'I PHYIR, KHYAB PA KHAS, KHA CIG ,GZUGS SKU GNYIS KUN RDZOB PA'I @151A *, ,SKABS DANG, THEG CHEN GYI MTHONG LAM DON DAM PA'I SKABS YIN ZER NA MI 'THAD DE, KUN RDZOM PA'I SKABS YIN NA, GNAS SKABS KYI SKYABS YIN DGOS, DON DAM PA'I SKYABS YIN NA, MTHAR THUG GI SKYABS YIN DGOS PA'I PHYIR, BZHI PA NI, DKON MCHOG GSUM CHOS CAN, KHYOD LA DKON MCHOG RIN PO CHE ZHES BJOD PA'I RGYUN MTSAN YOD DE, YID BZHIN GYI NOR BU RIN PO CHE DANG CHOS MTHUN RNAM PA DRUG YOD PAS DE LTAR BRJOD PA'I PYIR, CHOS MTHUN DRUG YOD DE, 'JIG RTEN DU 'BYUNG BA DKON, DRI MA MED, MDO SHES LA SOGS PA'I MTHU DANG LDAN, BSAM PA DGE BA'I RGYAN RNAMS KYI MCHOG TU GYUR PA DANG, YON TAN RNAMS KYI MCHOG TU GYUR PA DANG, CHAGS SDANG GIS GZHAN DBANG DU MI 'GYUR BA'I PHYIR TE, RGYUD BLA MA LAS, 'BYUNG BA DKON PHYIR MED PYIR, MTHU LDAN PHYIR DANG 'JIG RTEN GYI, ,RGYAN GYUR PHYIR DANG MCHOG NYID PYIR, ,'GYUR BA MED PHYIR DKON CHOG NYID, ,CHES GSUNGS PA'I PHYIR, GNYIS PA MDO SDE'I RGYAN LAS GSUNGS TSUL NI, CHE BA LNGA LDAN GYI SKABS MDOR BSTAN PA, DE NYID RGYAS PAR BSHAD PA, THEG CHEN GYI SKYABS 'GRO MCHOG TU SGRUB PA DANG GSUM LAS, DANG PO NI, THEG PA MCHOG GI PHYIR SKYABS SU SONG BA GANG YIN PA DE CHOS CAN, SKYABS SU SONG BA RNAMS KYI NANG NAS MCHOG CHES BYA STE, DMIGS PA KUN TU 'GRO BA, SGRUB PA KHAS LEN CHE BA, RTOGS @151B PA'I MCHOG THOB PA, NYAN RANG ZIL GYIS GNOD PA, DBYE BA'I RANG BZHIN GYI SGO NAS KYAD PAR DU 'PHAGS PA YIN PA'I PHYIR TE, DMO SDE'I RGYAN LAS, KUN TU 'GRO DANG KHAS LEN RTOGS DANG ZIL GNOD PAR, ,DBYE BA'I RANG BZHI DON RNAM BZHI YI KHYAD PAR GYIS, ,THEG PA MCHOG PHYIR DKON MCHOG SKYABS RAR SONG BA GANG, ,DE NI SKYABS SU SONG BA RNAMS KYI CHOG CES BYA, ,ZHES GSUNGS PA'I PHYIR, GNYIS PA LA LNGA YOD PA'I DBANG PO NI, BLO LDAN RGYAL SRAS PHAGS PA CHOS CAN, SEMS CAN KUN TU 'GRO BA YIN TE, SEMS CAN THAMS CAD 'KHOR BA LAS BSRAL BA'I PHYIR ZHUGS BA YIN PA'I PHYIR, DE CHOS CAN, THEG PA KUN TU 'GRO BA YIN TE, TEHG PA GSUM GYI LAM NYAMS SU LEN PA LA MKHAS PA'I PHYIR, DE CHOS CAN, YE SHES KUN TU 'GRO BA YIN TE, BDAG MED GNYIS KA LA MKHAS PA DANG LDAN PA'I PHYIR, DE CHOS CAN, MYANG 'DAS KUN TU 'GRO BA YIN TE, SRID ZHI'I CHOS KYI BDAG GIS STONG PAR RO CIG TU RTOGS PA'I PHYIR, DE 'DRA'I BLO LDAN DE SKABS 'DIR DMIGS PA KUN TU 'GRO BAR SHES PAR BYA STE, DE LTAR BSGRUBS ZIN PA'I PHYIR TE, DE NYID LAS, GANG ZHIG SEMS CAN THAMS CAD BSGRAL BAR ZHUGS PA DANG, THEG PA YE SHES KUN TU 'GRO LA MKAS PAR LDAN, ,GANG ZHIG MYA NGAN 'DAS LA 'KHOR ZHI RI GCIG PA, ,DE 'DRA'I BLO LDAN DE 'DIR KUN 'GROR SHES PAR BYA, ,ZHES GSUNGS PA'I PHYIR, RGYAL SRAS 'PHAGS PA CHOS CAN, DGA' BA MANG POS BYANG CHUB @152A *, ,MCHOG DON DU GNYER TE, DE'I YON TAN SHES PA'I SMES DPA' YIN PA'I PHYIR, DE CHOS CAN, SGRUB PA'I KHYAD PR DANG LDAN STE, SKYO BA MED PAR GZHAN DON GYI DKA' BA YANG DAG PAR SPYOD NUS PA'I PHYIR, DE CHOS CAN, THOB PA'I KHYAD PAR DANG LDAN TE, RNAM PAR SANGS RGYAS NAS SANGS RGYAS KUN DANG SPANG RTOGS MNYAM PAR 'GYUR PA YIN PA'I PHYIR, BLO LDAN DE NI KAS LEN MCHOG TU SHES PAR BYA STE, DE LTAR BSGRUB ZIN PA'I PHYIR TE, DE NYID LAS, GNAG ZHIG DGA' BA MANG POS BYANG CHUB MCHOG DON GNYER, ,GANG ZHIG SKYO BA MED PAR DKA' BA YANG DAG SPYOD, ,GANG ZHIG RNAM SANGS RGYAS NAS SANGS RGYAS KUN MNYAM 'GYUR, ,BLO LDAN DE NI KHAS LEN MCHOG TU SHES PAR BYA, , ZHES GSUNGS PA'I PHYIR, GSUM PA NI, RGYAL SRAS 'PHAGS PA CHOS CAN, RTOGS PA'I KHYAD PAR DANG LDAN TE, BSOD RNAMS KYI PHUNG PO CHEN PO THOB, SRID PA GSUM GYI BLA MAR GYUR, SRID PA'I BDE BA THOB, SDUG BSNGAL GYI PHUNG PO CHEN PO RAB TU ZHI BAR BYED, BLO CHOG MI RTOG YE SHES KYI BDE BA THOB PA'I PHYIR, DE CHOS CAN, DE CHOS CAN, 'BRAS BU'I KHYAD PAR LDAN TE, CHOS MANG PO'I PHUNG PO MA CHOG RAB RTAG PA'I SKU STE STOBS SOGS DGE BA'I TSOGS BSAGS, SGRIB GNYIS KYI BAG CHAGS BZLOG CING SRID PA DANG ZHI BA'I MTHA' LAS RNAM PAR 'GROL BA THOB PA'I PHYIR TE, DE NYID LAS, BSOD NAMS PHUNG CHEN SRID GSUM BLA MA SRID PA'I BDE BA DANG, ,SDUG BSNGAL PHUNG PO CHEN POR BZHI BLO MCHOG BDE BA DANG, ,CHOS MANG @152B PHUNG PO MCHOG RAB RTAG PA'I SKU STE DGE BA'I TSOGS, ,BDAG CHAGS BZLOG CING SRID DANG ZHI LAS RNAM PAR GROL BA THOB, ,CHES GSUNGS PA'I PHYIR, BZHI PA NI, RGYAL SRAS 'PHAGS PA CHOS CAN, NYAN RANG GI CHOGS RNAMS ZIL GYIS GNOD PA YIN TE, DE LAS DGE BA'I RTZA BA RGYA CHE BA DANG, DON CHE BA DANG, MTHA' YAS PA RTAG TU RGYUN MI 'CHAD PA DANG, ZAD MI SHES PA'I YON TAN DANG LDAN PA'I PHYIR, DGE BA BZHI PO DE NI CHOS CAN, BYED LAS GSUM DANG LDAN TE, 'JIG RTEN PA DANG, 'JIG RTEN LAS 'DAS PA'I SEMS CAN YONGS SU SMIN PAR BYED PA, YON TAN LA DBANG 'BYOR BA RNYED PA, LHAG MED DU YON TAN ZAD MI SHES PAR BYED PA'I PHYIR TE DE NYID LAS, BLO LDAN YAN THOS TSOGS BCAS DGE BA RGYA CHE DON CHE DANG, , MTHA' YAS RTAG RGYUM MI 'CHAD ZAD MI SHES PAS ZIL GIS GNOD, ,DGE BA DE YANG 'JIG RTEN 'JIG RTEN MA YIN YONG SMIN BYED, ,DBANG 'BYOR RNYED PA DE NI PHUNG PO ZHI PO ZHI BAS ZAD MI SHES, ,ZHES GSUNGS PA'I PHYIR, LNGA PA NI, THEG PA CHEN PO'I SKYABS 'GRO 'DI CHOS CAN, NGO BO'I DON DANG LDAN TE, SANGS RGYAS MCHOG NYID KYI DNGOS PO 'DOD PAS, DE SKYABS SU KHAS LEN PAR BYED PA'I PHYIR, DE CHOS CAN, RGYU'I DON DANG LDAN TE, SNYING BRTZE BA LAS BYUNG BAR RIG PAR BYA BA YIN PA'I PHYIR, DE CHOS CAN, 'BRAS BU DON DANG LDAN TE, RNAM PA KUN MKHYEN PA NYID THOB PAR BYED PA'I PHYIR, BYED LAS DANG LDAN TE, SEMS CAN THAMS CAD PHAN BDE LA 'GOD CING GZHAN DON GYI DKA' SPYAD LA SKYOB MED PAR @153A *, ,BYED PA'I PHYIR YON TAN DU MA DANG LDAN TE, SPANG BYA LA NGES PAR 'BYUNG, TSOGS GNYIS STON PA'I YON TAN DANG LDAN PA'I PHYIR, DBYE NA GNYIS SU YOD DE, RAGS PA BRDA LAS BYUNG BA, BRA BA CHOS NYID KYI STOBS KYIS THOB PA GNYIS YOD PA'I PHYIR, BLO LDAN RNAMS KYI SKYABS 'GRO 'DI NI THEG DMAN GYI SKYABS 'GRO LAS MCHOG TU GYUR PA YIN TE, DE LTAR BSGRUBS ZIN PA'I PHYIR TE, DE NYID LAS, 'DI NI DE DNGOS 'DOD PAS KHAS LEN DE YANG SNYING BRTZE LAS RIG BYA, ,DE LAS RNAM PA KUN MKYEN PHAN DANG DKA' LA SKYO BA MED, ,NGES PAR 'BYUNG LA THEG PA KUN GYI STON PA'I YON TAN RTAG TU LDAN, ,BRDA DANG CHOS NYID THOB PA'I BLO LDAN RNAMS KYI DKYABS 'GRO 'DI MCHOG YIN, ,ZHES GSUNGS PA'I, GSUM PA, THEG PA CHEN PO LA SKYABS SU SONG BA 'GI CHOS CAN, RANG DON GYI CHE BA DANG LDAN TE, TSAD MED PA'I YON TAN 'PHEL BAR 'GYUR BA YIN PA'I PHYIR, GZHAN DON GYI CHE BA DANG LDAN TE, 'GRO LA SNYING RJES KHYAB PAR BYED PA'I PHYIR, SBYOR BA'I KHYAD PAR DANG LDAN TE, MTSUNGS PA MED PA'I 'PHAGS PA CHEN PO'I CHOS RGYAS PAR MDZAD PA'I PHYIR TE, DE NYID LAS, SKYABS SU 'GRO BA 'DIR SONG DON CHEN LDAN, ,DE NI TSAD MED YIN TAN 'PHEL BAR 'GYUR, ,'GRO BA 'DI LA SNYING RJE'I BSAM PAS KHYAB, ,MTSUNGS MED 'PHAGS CHEN CHOS KYANG RGYAS PAR BYED, ,CHES GSUNGS PA'I PHYIR, GSUM PA, NYAMS SU @153B LEN PA'I RIM PA LA SBYOR BA LA, YUL GANG LA BRTEN NAS, RGYU GANG LA BRTEN NAS, TSUL JI LTAR SKYABS SU 'GRO BA, SKYABS SU SONG BA'I PHAN YON, SKYABS SU SONG NAS BSLAB PAR BYA BA'I RIM PA'O, ,DANG PO NI, GROL BA DON GNYER CAN RNAMS KYI BLA NA MED PA'I SKYABS GNAS MTHAR THUG NI DKON MCHOG RIN PO CHE YIN TE, MDO SDE RGYAL MTSAN DAM PA LAS, ,'JIGS PAS SKRAG PA'I MI RNAMS NI, ,PHAL CHER RI DANG NAGS TSAL DANG, ,KUN DGA' NI MCHOD KYI, , LJONG SHING RNAMS LA SKYABS 'GRO STE, ,SKYABS DE GTZO BO MA YIN ZHING, ,SKYABS DE CHOG GYUR MA KYIN LA, ,DKYABS DE LA NI BRTEN NAS KYANGM, SDUG BSNGAL KUN LAS MI 'GROL GYIS, ,GANG TSE GANG ZHIG SANGS RGYAS DANG, ,CHOS DANG DGE 'DUN SKYABS SONG BA, ,SDUG BSNGAL SDUG BSNGAL KUN 'BYUNG DANG, ,SDUG BSNGAL YANG DAG 'DAS BA DANG, ,PHAGS LAM YAN LAG BRGYAD BDE BA, ,MYA NGAN 'DAS PAR 'GRO 'GYUR DANG, ,ZHES SOGS DANG, SPYOD 'JUG LAS, GTZO BO RGYAL BA 'GRO BA'I MGON, , ZHES SOGS DANG, BSTOD PA BRGYA LNGA BCU PA LAS, ,GANG ZHIG LA NI NYES PA KUN, ,GTAN NAS YONG YE MI MNGA' ZHING, ,GANG LA RNAM PA THAMS CAD DU, ,YON TAN THAMS CAD LDAN GYUR PA, ,GAL TE SEMS ZHIG YOD NA NI, ,DE NYID LA NI SKYABS 'GRO ZHING, ,ZHES DANG, SKYABS 'GRO BDUN CU PA LAS, ,SANGS RGYAS CHOS DANG DGE 'DUN NI, ,THAR PA 'COD PA RNAMS KYI SKYABS, ,ZHES GSUNGS PA'I PHYIR, DES NA, DKON MCHOG GSUM PO CHOS CAN, GROL BA DON GNYER GYI SKYABS SU 'ONG TE, RANG NYID @154A *, ,'JIGS PA MTHA' DAG DANG BRAL, GZHAN 'JIGS PA MTAH' DAG LAS GROL PA'I THABS LA MKHAS, GZHAN LA THUGS RJE CHEN PO NYE RING MED PAR KUN LA 'JUG CING, LUS CAN MTHA' DAG GI MGON SKYABS DANG DPUNG GNYEN DAM PA MDZAD PA'I PHYIR, GNYIS PA SKYABS 'GRO'I RGYU YOD DE, RANG NYID DU SDUG BSNGAL MTHA' DAG GIS 'JIGS SHING, DE LAS SKYOB PA'I NUS PA DKON MCHOG RIN PO CHE GSUM LA YOD PAR SHES PA NI, SKYABS SU 'GRO BA'I RGYU PHUN SUM TSOGS PA YIN TE, DE LA BRTEN NAS SKYABS SU 'GRO BA'I BLO GDON MI ZA BAR 'BYUNG BA'I PHYIR, GSUM PA SKYABS SU 'GRO BA'I TSUL LAM NGO BO YOD DE, RGYU GNYIS PO DE LA BRTEN NAS DKON MCHOG GSUM LA BSAM PA THAG PA NAS SDUG BSNGAL MTHA' DAG LAS DKYOBS PAR BLO LINGS KYIS SGYUR ZHING DAM BCA' LA KHAS LEN PAS RAB TU PHYE BA'I RIGS SU GNAS PA, SKYABS 'GRO'I NGO BO YIN PA'I PHYIR TE, SPYOD 'JUG LAS, BDAG NI 'JIGS PAS RNAM SKRAG NAS, ,KUN TU BZANG LA BDAG NYID 'BUL, ,ZHES SOGS GSUNGS PA'I PHYIR RO, ,DE LA NGO BO'I SGO NAS LUS NGAG GI YID GSUM GYI SKYABS 'GRO GSUM YOD, MTSAN GZHI NI LUS KYI PHYAG SOGS SO, ,DE LA DMAN MCHOG GI SGO NAS SKYES BU CHUNG 'BRING CHEN PO'I DE GSUM DU YOD, DANG PO NI, RANG NYID NGAN 'GRO'I SDUG BSNGAL TZAMS LAS THAR PA'I PHYIR SKYABS SU 'GRO BA LTA BU, GNYIS PA NI, RANG NYID 'KHOR BA'I SDUG BSNGAL LAS THAR PA'I PHYIR DU DE LA SKYABS SU SONG BA LTA BU, GSUM PA NI, SEMS @154B CANN 'KHOR BA'I SDUG BSNGAL LAS THAR PA'I PHYIR DU DKON MCHOG GSUM LA SKYABS SU 'GRO BA LTA BU'O, ,SA MTSAMS KYI SGO NAS, RGYU DUS KYI SKYABS 'GRO DANG, 'BRAS DUS KYI SKYABS 'GRO GNYIS YOD DE, DANG PO NI, SEMS CAN GYI RGYUD KYI SKYABS 'GRO LTA BU, ,GNYIS PA NI, SANGS RGYAS KYI SA'I SKYABS 'GRO LTA BU'O, ,PHRA RAGS KYI SGO NAS BRDA RNAMS LAS BYUNG BA'I SKYABS 'GRO DANG, CHOS NYID KYI STOBS KYIS THOB PA'I DE GNYIS LAS, DANG PO NI MKHAN SLOBS LA SOGS PA GZHAN GYIS BSTAN PA'I RJES SU BZUNG BA'I SKYABS 'GRO LTA BU'O, ,GNYIS PA NI, SNGON SKYABS 'GRO BYAS BA'I BAG DPHYAGS GLO BUR DU 'CHAR BA LAS BYUNG BA DANG, CHOS NYID KYI GZUGS RTOGS PA'I MTHUN LAS BYUNG BA'I SKYABS 'GRO LTA BU'O, ,BZHI PA PHAN YON NI, SKYABS SU SONG BA PHAN YON KHYAD PAR CAN DANG LDAN TE, SDIG LTUNG MTHA' DAG 'JOMS PAR BYED, TSOGS GNYIS RLABS PO CHE RDZOGS PAR BYED, NYER 'TSE THAMS CAD LAS SKYOBS PA DANG, SO THAR GYI SDOM PA SOGS YON TAN GSAR DU THOB PAR BYED PA DANG, THOB ZIN MI NYAMS PAR SPEL BA DANG, RIGS SAD PAR BYED PA, BYANG CHUB MYUR DU THOB PAR BYED PA LA SOGS PA'I YON TAN DANG LDAN PA'I PHYIR, JI LDAD DU YANG, SKYABS SONG BSOD NAMS GZUGS MCHIS NAS, ,STONG GSUM 'DI YANG SNOD DU CHUNG, ,RGYA MTSO CHEN PO CHU YI GTER, ,PHUL GYIS GZHAL BAR GAL NUS, ,ZHES GSUNGS PA'I PHYIR, LNGA PA LA, SO SO'I BSLAB BYA DANG, THUN MONG PA'I BSLAB BYA GNYIS LAS, DANG PO LA, DGAG PA'I BSLAB BYA DANG, @155A *, ,SGRUB PA'I BSLAB BYA GNYIS LAS, DANG PO NI, MYANG 'DAS KYI MDO LAS, GANG ZHIG GSUM LA SKYABS 'GRO BA, ,DE NI YANG DAG DGE BSNYEN TE, NAM DU'ANG LHA NI GZHAN DAG LA, ,SKYABS SU SONG BA MA YIN, NO, ,DMA PA'I CHOS LA SKYABS 'GRO BA, ,'TSE ZHING GSOD PA'I SEMS DANG BRAL, ,DGE 'DUN LA YANG SKYABS 'GRO BA, ,MU STEGS CAN DANG 'GROGS MI BYA, ,ZHES GSUNGS PA LTAR RO, ,GNYIS PA NI, BSHES SBRING LAS, JI LTAR BDE GSHEGS SKU GZUGS SHING LA SOGS, ,BGYIS PA JI 'DRA YANG RUNG MKHAS PAS MCHOD, ,CHES GSUNGS PA LTAR RO, ,GNYIS PA NI, DKON MCHOG GSUM LA RANG GI SROG LAS KYANG GCES PAR BZUNG BA'I SGO NAS RGYUN LDAN DU DRAN PA DANG, PHYAG DANG MCHOD PA LA SOGS PA GUS PAR BYA ZHING, MA DAD PA'I SEMS SKAD CIG TZAM YANG MI 'BYUNG BA LA BSLABS PAR BYA STE, DE LTAR BYAS PAS BDE LEGS THAMS CAD KYI GZHI TSUGS PAR 'GYUR BA'I PHYIR TE, RJE BDAG NYID CHEN POS KYANG, SKYED DGU 'JIGS RUNG 'KHOR BA'I G-YANG SA RU, ,GROGS MED GCIG PU KUN TU RGYU BA NA, ,DKON MCHOG GSUM DANG 'DRA BA'I SKYABS GNAS MED, ,DE PHYIR BSAM PA THAG PAS SKYABS SU SONG, ,ZHES GSUNGS PA'I PHYIR, ` 'O NA, MA ZHEN ZHES PAS BYA BA NGAN ZHEN GYI LE LO SPONG BYED MA ZHEN PA'I BRTZON 'GRUS LA GDAMS PA DE 'CHAD NA, DE'I TSUL GANG ZHE NA, 'DI LA MDO LAS GSUNGS TSUL DANG, BSTAN BCOS KYIS 'GREL @155B TSUL GNYIS LAS, DANG PO NI, DGE 'DUN DKON MCHOG LA GDAMS PA'I SKYABS SU, BYANG CHEN KHA NA MA THOB PA DANG BCAS PA'I LUS DANG NGAG DANG YID KYI LAS RNAMS KYI GO SKABS MI BYED DO, ,ZHES GSUNGS PA LAS 'PHROS NAS, DE SKAD CES BKA' STZAL PA DANG, TSE DANG LDAN PA SHA' RI DAV TI'I BUS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHEN LUS KYI KHA NA MA THOB PA DANG BCAS PA GANG LAGS, DE SKAD CES GSOL PA DANG, BCOM LDAN 'DAS KYIS TSE DANG LDAN PA SHA' RI DVA TI'I BU LA 'DI SKAD CES BKA' STZAL TO, ,SHA' RI DAV TI'I BU 'DI LA BYANG CHEN 'DI SNYAM DU GANG GI LUS KYI YANG DAG PAR BRTZON PA'I LUS DE NI GANG YIN, GANG GIS NGAG GI LAS GANG GIS YID KYI LAS YANG DAG PAR BRTZON PA'I YID DE NI GANG YIN SNAM PA 'DI NI SHA' RI DVA TI'I BU BYANG CHEN LUS DANG NGAG YID KYI LAS BRTZON PA KHA MA MA THOB PA DANG BCAD PA'O, ,ZHES PA NAS SHA' RI DVA TI'I BU BYANG CHUB SEMS LAM 'DI LA 'GRO ZHING PHA ROL TU PHYIN PA DRUG PO RNAMS LA SPYOD PA NI THUB PAR DKA' BA YIN PA'I PHYIR RO, ,ZHES PA'I BAR GYIS BSTAN, GNYIS PA MDO'I DON BSHAD PA LA, MA ZHE NA, ZHES GSUNGS, DE NYID TSIG DON GYI SGO NAS BSHAD PA LA, BRTZON 'GRUS BTZAMS PA NYID KYIS JI SKAD BSHAD PA'I DON LA NAN TAN BYED PA LAS, LUS LA SOGS PA'I BSOD NYAMS NYID KYIS LA LA MNGON PAR ZHEN PAR 'GYUR BAS MA ZHEN PA LA LUS LA SOGS PA NOG BO NYID MED PAR BSTAN PA'I MDOMS PA DANG, ZHES GSUNGS, DON NI, SHA' @156A *, ,RI DVA TI'I BU 'DI LA BYANG CHEN 'DI SNYAM DU ZHES SOGS KYI MDO CHOS CAN, SGO GSUM BYA BA NGAN PA LAM ZHEN PA'I BRTZON 'GRUS LA GDAMS PA YIN TE, LUS NGAG YID GSUM GYI BSOD NYAMS DE BDE BA SKYE BA LA ZHEN PAR 'GYUR PA'I LE LO SPONG PHYIR DU LUS NGAG SOGS BDEN MED DU MTSUNGS PAR GDAMS PA'I MDO TSIG YIN PA'I PHYIR, 'O NA; YONGS SU MI NGAL DANG, ,ZHES PAS SKYID LUG PA'I LE LO SPONG BYED YONGS SU MI NGAL BA'I BRTZON 'GRUS LA GDAMS PA DE 'CHAD TSUL GANG ZHE NA, 'DI LA MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, PHA ROL TU PHYIN PA DRUG PO RNAMS SPYOD PA NI THUB PAR MI NUS PA BZHIN NO, ,ZHES GSUNGS PA LAS 'PHROS NAS, BCOM LDAN 'DAS BYANG CHEN TSUL JI LTAR SPYOD PA RNAMS GZHAN THAMS CAD KYI THUB PA MA MCHIS PA LAGS, BCOM LDAN 'DAS KYIS BKA' STZAL PA, ZH'A RI DVA TI'I BU GZHAN YANG BYANG CHEN PHA ROL TU PHYIN PA DRUG LA SPYOD PA'I TSE, GZUGS SU MI RLOM PA DANG, ZHES PA NAS, LUS GANG DANG LDAN PA'I LHA DANG BCAS PA'I 'JIG RTEN NANG NAS PADMAR 'GYUR BA DE LTAR BU'I LUS YONGS SU 'DZIN PAR MI 'GYUR BA DAG KYANG YOD DO, ,ZHES PA'I BAR GYIS BSTAN, GNYIS PA DE'I DON 'CHAD PA LA, YONGS SU MI NGAL DANG; ;ZHES GSUNGS, DE NYID TSIG DON GYI SGO NAS 'CHAD PA LA, DUS YUN RING MO ZHIG TU GOMS PAR BYAS KYANG 'DOD PA'I DON MA GRUB NA DNGANGS PA'I RANG BZHIN CAN YONGS SU SKYO BAR 'GYUR BAS YONGS SU NGAL BA MED PA LA, GZUGS LA @156B SOGS PA NA NAS YANG DAG PAR RDZOGS PA'I BYANG CHUB KYI BAR LA RLOM PA MED PA NYID DU BSTAN PA'I GDAMS NGAG DANG, ZHES GSUNGS, DON NI, PHYIN DRUG LA SPYOD PA'I TSE GZUGS SU MI RLOM PA DANG, ZHES SOGS KYI MDO CHOS CAN, YONGS SU NGAL BA MED PA'I BRTZON 'GRUS LA GDAMS PA YIN TE, GZUGS NAS RDZOGS BYANG GI BAR GYI CHOS THAMS CAD BDEN MED DU MTSUNGS PAR BSTAN PA'I SGO NAS DUS YUN RING POR SGRUB PA NYAMS SU LEN PA LA SKYO NGAL SEL BA'I PHYIR DU 'DOMS PA'I MDO TSIG YIN PA'I PHYIR, 'O NA; LAM NI YONGS SU 'DZIN PA DANG, ,ZHES PAS BDAG NYID LA BRNYAS PA'I LE LO SPONG BYED LAM YONGS SU 'DZIN PA'I BRTZON 'GRUS LA GDAMS PA 'CHAD TSUL DE GANG ZHE NA, 'DI LA MDO LAS GSUNGS TSUL BSTAN BCOS KYIS 'GREL TSUL GNYIS LAS, DANG PO NI, TSE DANG LDAN PA SH'A RI DVA TI'I BUS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHEN THAMS CAD MKHYEN PA'I YE SHES DE GANG LAGS, BCOM LDAN 'DAS KYIS BKA' STZAL PA, SH'A RI DVA TI'I BU BYANG CHEN YE SHES GANG DANG LDAN PAS SHAR PHYOGS KYI 'JIG RTEN GYI KHAMS GANG G'A'I KLUNG GI BYE MA SNYED KYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GANG GANG G'A'I KLUNG GI BYE MA SNYED KYANG MTHONG NGO, ,DE DAG GIS CHOS STON PA LA YANG NYAN NO, ,ZHES PA NAS, SANGS RGYAS KYI CHOS THAMS CAD DU YANG RLOM PA MED PA YIN NO, ,ZHES PA'I BAR GYIS BSTAN, GNYIS PA DE'I DON 'CHAD PA LA, LAM NI YONGS SU 'DZIN PA DANG, ZHES GSUN GSUNGS, DE NYID TSIGS @157A *, ,DON GYI SGO NAS 'CHAD PA LA, PHYOGS BCU NA BZHUGS PA'I SANGS RGYAS LA SOGS PA LA DON RE RE'I PHYIR LAM GYI LUNG MOD PAR BYA NA SEMS ZHUM PAR 'GYUR BAS LAM YONGS SU BZUNG BA LA CHOS RNAMS RANG BZHIN GYIS MA SKYES PA NYID DU BSLAB PA'I GDAMS NGAG DANG, ZHES GSUNGS, DON NI, BYANG CHEN YE SHES GANG LAGS, ZHES SOGS KYI MDO CHOS CAN, THEG CHEN GYI LAM YONGS SU 'DZIN PA'I BRTZON 'GRUS LA GDAMS PA YIN TE, CHOS THAMS CAD BDEN PA'I SKYE BA MED PAR BSTAN PA'I SGO NAS PHYOGS BCU'I SANGS RGYAS BYANG SEMS LA DON RE RE'I PHYIR LAM SGRUB PA'I LUNG NOD PAR BYA DGOS NA DE LTA BU BDAG GIS MI NUS SO, ,ZHES SEMS ZHUM PAR GYUR PA'I LE LO SPEL BA'I PHYIR DU 'DOMS PA'I MDO TSIG YIN PA'I PHYIR, CHOS THAMS CAD BDEN PA'I SKYE MED DU BSTAN PA'I GDAMS NGAG LA BSLABS PAS SEMS ZHUM PA SEL BA'I RGYU MTSAN YOD DE, DE LA BSLABS PAS NA CHOS THAMS CAD KYI GNAS LUGS LA BSLAB PAR 'GYUR PA'I PHYIR, 'O NA; SPYAN LNGA DANG NI, ZHES PAS SGRUB PA GZHAN GYI DRING LA MI 'GOG PA'I RGYU SPYAN LNGA LA GDAMS PA DE 'CHAD NA 'CHAD TSUL DE GANG ZHE NA, 'DI LA MDO LAS GSUNGS TSUL BSTAN BCOS KYIS 'GREL TSUL, MTHA' DPYAD PA DANG GSUM LAS, DANG PO NI, SH'A RI DVA TI'I BU BYANG CHEN GANG DAG MIG LNGA RAB TU THOB PAR 'DOD PA DANG SBYONG BAR 'DOD PA YOD DE, MIG LNGA RAB TU THOB PA DANG SBYONG BA GANG ZHE NA, 'DI LTA STE, SH'I MIG DANG, LHA'I MIG DANG, @157B SHES RAB KYI MIG DANG, CHOS KYI MIG DANG, SANGS RGYAS KYI MIG GO ,SH'A RI'I BUS GSOL PA, BCOM LDAN 'DAS BYANG CHEN SH'I MIG YONGS SU DAG PA GANG LAGS, ZHES SOGS KYIS BSTAN, GNYIS PA DE'I DON 'CHAD PA LA, SPYAN LNGA DANG NI; ZHES GSUNGS, DE NYID TSIG DON GYI SGO NAS 'CHAD PA LA, SHA'I MIG DANG, ZHES SOGS GSUNGS, 'DI LA TSIG DON DNGOS DANG, MJUG BSDU BA GNYIS LAS, DANG PO LA, MI GI SGO NAS GDAMS PA DANG, DON GYI SGO NAS GDAMS PA DANG, JI LTAR GDAMS PA'I TSUL GSUM LAS, DANG PO NI, 'DI LTA STE, SHA'I MIG DANG, LHA'I MIG DANG, SHES RAB GYI MIG DANG, CHOS KYI MIG DANG, SANGS RGYAS KYI MIG GO ,ZHES GSUNGS PA'I DON 'CHAD PA LA, SHA'I MIG DANG RNAM PAR SMIN PA LAS BYUNG BA'I LHA'I DANG SHES RAB DANG CHOS DANG SANGS RGYAS KYI SPYAN, ZHES GSUNGS, GNYIS PA LA LNGA LAS, DANG PO NI, SHA'I SPYAN LA GDAMS PA NI, MDO LAS, BCOM LDAN 'DAS KYIS BKA' STZAL PA, SH'A RI DVA TI'I BU BYANG CHEN SHA'I MIG GIS DPAG TSAD BRGYA MTHONG BA YOD DO, ,ZHES PA NAS, STONG GSUM GYI 'JIG RTEN GYI KHAMS THONG BA YOD DO, ,ZHES PA'I BAR GYIS BSTAN, DE'I DON 'CHAD PA LA, GRANGS JI LTA BA BZHIN DU DNGOS PO SO SOR NGES BA DANG, ZHES GSUNGS, GNYIS PA LHA'I SPYAN NI, SH'A RI'I BUS GSOL PA, BCOM LDAN 'DAS BYANG CHEN LHA'I MOG YONGS SU DAG PA GANG LAGS, ,BCOM LDAN 'DAS KYI BKA' STZAL PA, SH'A RI'I BU RGYAL PO CHEN PO BZHI'I RIGS KYI @158A *, ,LHA RNAMS KYI LHA'I MIG GANG YIN PA DE NI BYANG CHUB SEMS DPAS RAB TU SHES SO, ,ZHES SOGS KYI DON 'CHAD PA LA, SEMS CAN THAMS CAD KYI 'CHI 'PHO BA DANG SKYE BA DANG, ZHES GSUNGS, GSUM PA SHES RAB KYI SPYAN NI, SH'A RI'I BUS GSOL PA, BCOM LDAN 'DAS BYANG CHEN SHES RAB KYI MIG YONGS SU DAG PA GANG LAGS, BCOM LDAN 'DAS KYIS BKA' STZAL PA, SH'A RI'I BU BYANG CHEN SHES RAB KYI MIG DANG LDAN PAS 'DUS BYAS SAM 'DUS MA BYAS SAM, DGE BA'AM MI DGE BA'AM, KHA NA MA THOB BA DANG BCAS PA'AM, KHA NA MA THO BA MED PA'AM, ZAG PA DANG BCAS PA'AM, ZAG PA MED PA'AM, NYON MONGS PA DANG BCAS PA'AM, NYON MONGS PA MED PA'AM, 'JIG RTEN PA'AM, 'JIG RTEN LAS 'DAS PA'AM, KUN NAS NYON MONGS PA'AM, RNAM PAR BYANG BA YANG RUNG STE, CHOS GANG YANG RAB TU MI SHES PA DANG, ZHES SOGS KYIS BSTAN, DE'I DON 'CHAD PA LA, CHOS THAMS CAD LA RNAM PAR MI RTOG PA DANG, ZHES GSUNGS, BZHI PA CHOS KYI SPYAN NI, SH'A RI DVA RI'I BUS GSOL PA, BCOM LDAN 'DAS BYANG CHEN CHOS KYI MIG YONGS SU DAG PA GANG LAGS, BCOM LDAN 'DAS KYIS BKA' STZAL PA, SH'A RI'I BU BYANG CHEN CHOS KYI MIG NI GANG ZAG 'DI DI DAD PA'I RJES SU 'BRANG BA'O, ,ZHES SOGS KYIS BSTAN, DE'I DON 'CHAD PA LA, 'PHAGS PA'I GANG ZAG THAMS CAD RTOGS PA DANG, ZHES GSUNGS, LNGA PA SANGS RGYAS KYI SPYAN LA GDAMS PA NI, SH'A RI'I @158B BUS GSOL PA, BCOM LDAN 'DAS BYANG CHEN SANGS RGYAS KYI MIG YONGS SU DAG PA GANG LAGS, BCOM LDAN 'DAS KYIS BKA' STZAL PA, SH'A RI'I BU BYANG CHEN BYANG CHUB KYI SEMS KYI RJES LA RDO RJE LTA BU'I TING NGE 'DZIN LA MNYAM PAR BZHAG NAS, SEMS KYI SKAD CIG GCIG DANG LDAN PA'I SHES RBA KYIS RNAM PA THAMS CAN MKHYEN PA NYID RJES SU MTHONG BA GANG YIN PA DE NI DE BZHIN GSHEGS PA'I STOBS BCU DANG LDAN PA YIN, MI 'JIGS PA BZHI DANG, SO SO YANG DAG PAR RIG PA BZHI DANG, SANGS RGYAS KYI CHOS MA 'DRES PA BCO BRGYAD DANG, BYAMS PA CHEN PO DANG, SNYING RJE CHEN PO DANG LDAN PA YIN, MIG GANG GIS BYANG CHEN RNAM PA THAMS CAD DU MA MTHONG BA'AM, MA THOS PA'AM, MA BSAM PA'AM, RNAM PAR MA SHES PA CI YANG MED PA STE, SH'A RI'I BU 'DI NI BYANG CHEN BLA NA MED PA'I RDZOGS BYANG DU MNGON PAR SANGS RGYAS PA'I SANGS RGYAS KYI MIG YONGS SU DAG PA'O, ,ZHES PA'I BAR GYIS BSTAN, DE'I DON 'CHAD PA LA, CHOS THAMS CAD RNAM PA THAMS CAD DU MNGON PAR RDZOGS PAR BYANG CHUB PA'I YUL CAN RNAMS, ZHES GSUNGS, DE DAG GI DON BSDUS TE STON PA LA, SH'A RI DVA TI'I BU DE LTAR BYANG CHEN MEG LNGA YONGS SU SBYONG BAR 'DOD PA DANG RAB TU THOB PAR 'DOD PAS PHYIN DRUG LA BSLAB PAR BYA'O; ;ZHES GSUNGS, GSUM PA STON PA LA, DE BZHIN NYID DU RO GCIG PA NYID DU SGRUB PO ZHES SLOB BA, ZHES GSUNGS, GNYIS PA STON PA LA, SPYAN LNGA LA 'DOMS PA DANG, ZHES GSUNGS, GSUM PA LA MTSAN NYID, DBYE BA, SA @159A *, ,MTSAMS, RGYU; RGYU LAS SKYE BA'I DGOS PA DANG LNGA LAS, DANG PO NI, RANG GI BDAG RKYEN DU GYUR PA'I BSAM GTAN GYI DNGOS GZHI'I SEMS LA BRTEN LAS BYUNG ZHING RANG YUL MNGON SUM DU MTHONG BAS RAB TU PHYE BA'I RIGS SU GNAS PA'I RIG PA, SPYAN GYI MTSAN NYID, GNYIS PA LA LNGA LAS, SPYAN LNGA'I NANG TSAN GANG ZHIG ,RANG GI THUN MONG MA YIN PA'I BDAG RKYEN DU GYUR PA'I SHA'I MIG LA BRTEN NAS DPAG TSAD BRGYA'I GZUGS PHRA RAGS MNGON SUM DU MTHONG BA'I RIG PA, SHA'I SPYAN GYI MTSAN NYID, DE GANG ZHIG ,DER GYUR PA'I LHA'I MIG LA BRTEN NAS SEMS CAN GYI 'CHI 'PHO BA DANG SKYE BA MNGON GSUM MTHONG BA'I RIG PA, LHA'I SPYAN GYI MTSAN NYID, DE GANG ZHIG , RNAM PAR MI RTOG PA'I YE SHES SU DMIGS PA, SHES RAB KYI SPYAN GYI MTSAN NYID, DE GANG ZHIG ,'PHAGS PA'I GANG ZAG GI DBANG PO RNO RTUL GYI RIM PA JI LTA BA BZHIN DU RTOGS PA'I MKHYEN PA, CHOS KYI SPYAN GYI MTSAN NYID, DE GANG ZHIG ,CHOS THAMS CAD MNGON SUM DU RTOGS PA'I MTHAR PHYIN PA'I YE SHES, SANGS RGYAS KYI SPYAN GYI MTSAN NYID, KHO NA RE, SHA'I SPYAN YIN NA, SHES PA YIN DGOS PAR THAL, MTSAN NYID DE'I PHYIR, 'DOD MI NUS TE, SHA'I MIG DE DE YIN PA'I PHYIR TE,, DE YOD PA'I PHYIR NA MA KHYAB STE, SHA'I MIG YUL CAN MA YIN PA'I PHYIR, KHO NA RE, SHA'I MIG GIS GZUGS MTHONG BAR THAL, LHA'I MIG GIS GZUGS MTHONG BA'I PHYIR TE, RNAM BSHAD LAS, TSE 'DIR BSAM GTAN BSGOM @159B PA'I MNGON PAR 'DU BYED PA LAS BYUNG BA'I LHA'I MIG NI BSKAL PA DANG MA BSKAL BA'I GZUGS PHRA RAGS THAMS CAD MTHONG BA BSGOMS PA LAS BYUNG BA'I MNYAM GZHAG GI SAS BSDUS PA'I GZUGS CAN DANG PA YIN PA, MNGON PAR SHES PA NI DES BDAG RKYEN BYAS PA LA BRTEN NAS CHOS GNYIS DANG MTSUNGS PAR LDAN PA'I YID KYI SHES PA'O, ,ZHES GSUNGS PA'I PHYIR NA MA KHYAB STE, LHA'I MIG GIS DE 'DRA'I GZUGS MTHONG BA'I MNGON SHES KYI BDAG RKYEN BYED PA'I DON YIN PA'I PHYIR, KHA CIG ,SPYAN DANG PO DBANG SHES YIN TE, DE LTAR MA YIN NA, SPYAN LNGA PO GANG RUNG LA YID SHES KYIS KHYAB PAR THAL, DE GNYIS YID SHES YIN PA'I PHYIR, RTAGS KHAS, 'DOD NA, SANGS RGYAS KYI MIG SHES CHOS CAN; DER THAL, DE'I PHYIR, SANGS RGYAS KYI SPYAN YIN PA'I PHYIR, CHOS THAMS CAD MNGON SUM DU RTOGS PA'I PHYIN PA'I YE SHES YIN PA'I PHYIR NA MA KHYAB, KHO NA RE, CHOS KYI SPYAN GYI MTSAN NYID MI 'THAD DE, THEG CHEN GYI MTHONG LAM PAR CHAD MED LAM CHOS KYI SPYAN YIN PA'I PHYIR DANG, LUNG GI CHOS KYI SPYAN YOD PA'I PHYIR, DANG PO GRUB STE, MDO LAS, 'DOD PA DANG GZUGS KYI LHA'I BU BYE BA PHRAG BRGYAS CHOS RNAMS LA CHOS KYI MIG RDUL MED CING DRI MA DANG BRAL BA RNAM PAR DAG PA THOB BO, ,ZHES PA'I CHOS KYI MIG DE MTHONG LAM LA BYED DGOS PA'I PHYIR NA MA KHYAB, GNYIS PA GRUB STE, RGYAN SNANG LAS, GSUNG RAB YAN LAG BCU GNYIS LA THOGS PA MED PAR 'JUG PA NI CHOS KYI SPYAN NO, ,ZHES @160A *, ,GSUNGS PA'I PHYIR, ZHES ZER, DES NA, SHA'I SPYAN DPAG TSAD BRGYA NAS STONG GSUM TSUN CHAD KYI GZUGS PHRA RAGS KYI YUL CAN DU MDO LAS GSUNGS NA, 'DI'I YUL STONG GSUM TSUN CHAD DU NGES SAM ZHE NA, STONG GSUM TSUN CHAD NGES PAR YUL DU BYED PAS MA KHYAB STE, DPAG TSAD BRGYA'I GZUGS TZAM MTHONG BA NAS, STONG GSUM GYI STONG CHEN PO'I GZUGS MTHONG BA'I BAR CI RIGS YOD PA'I PHYIR, DES NA DPAG TSAD BRGYA NAS STONG GSUM TSAN CHAD CI RIGS PA YUL DU NGES PAR NYI SNYANG LAS GSUNGS TE, DE NYID LAS, DE NI RNAM PAR SMIN PA LAS BYUNG BA NYID YUL SO SOR NGES PA YIN PA'I PHYIR, SHA'I MIG NI BDAG PO'I 'BRAS BU'I YUL CAN YIN LA, DE YANG STONG GSUM GYI STONG CHEN PO'I 'JIG RTEN GYI KHAMS KYIS BSDUS PA YIN PA'I PHYIR, ZHES GSUNGS PA'I PHYIR, DES NA LUNG DES RGYU MTSAN GNYIS BSTAN YUL DE LTAR NGES PA'I RGYU MTSAN YOD DE, SHA'I SPYAN NI LAS KYI RNAM PAR SMIN PA LAS BYUNG BA'I PHYIR, ZHES PA DANG, SHA'I SPYAN DE NI BDAG 'BRAS KYI YUL CAN YIN PA'I PHYIR, ZHES PA GNYIS BSTAN PA'I PHYIR, DE LA KHYAB PA YOD PA'I RGYU MTSAN NI, SPYIR YUL LNGA PO 'DI, DBANG PO LNGA'I BDAG 'BRAS SAM DBANG 'BRAS YIN TE, NANG DU DBANG PO LNGA GRUB PA'I DBANG GIS PHYI ROL TU YUL LNGA 'GRUB PA'I PHYIR, KHA CIG ,SHES RAB KYI SPYAN LA BDAG MED PHRA RAGS GANG RUNG MNGON SUM DU RTOGS PAS KHYAB ZER BA MA YIN TE, THEG CHEN GYI MTHONG @160B LAM PAR TSAD MAD LAM GYIS DE GANG RUNG MNGON SUM DU MA RTOGS PA'I PHYIR TE, DE GANG RUNG DE'I DNGOS GZHAL MA YIN PA'I PHYIR TE; LHA'I SPYAN LA YANG SEMS CAN THAMS CAD KYI 'CHI 'PHO BA SOGS MNGON SUM DU RTOGS PAS MA KHYAB STE, DE LA NUS MTHU CHE CHUNG GI KHYAD PAR YOD PA'I PHYIR, KHO NA RE, RANG GI BDAG RKYEN DU GYUR PA'I MIG DBANG GZUGS CAN PA LA BRTEN NAS DPAG TSAD BRGYA'I GZUGS PHRA RAGS MNGON SUM DU MTHONG BA'I RIG PA, SHA'I SPYAN GYI MTSAN NYID, RANG GI BDAG RKYEN DU GYUR PA'I BSAM GTAN BZHI PA THOB PA'I GANG ZAG GI RGYUD KYI MIG DBANG GZUGS CAN PA LA BRTEN NAS STONG GSUM TSAN CHAD KYI GZUGS MNGON SUM DU MTHONG BA'I RIG PA, ,LHA'I SPYAN GYI MTSAN NYID, ZER NA, DANG PO LA, BYANG SEMS TSOGS LAM PA'I RGYUD KYI SHA'I SPYAN CHOS CAN, MTSAN NYID DER THAL, MTSON BYA DE'I PHYIR, 'DOD NA, DBANG SHES SU THAL LO, ,'DOD NI NUS TE, TSUL MTHONG GI RGYUD KYI DBANG SHES KYIS PHRA RAGS TSAD BSKAL GYI GZUGS MI MTHONG BA'I PHYIR TE, RNAM 'GREL LAS, BAR CHOD LA SOGS YOD NA YANG, ,DBANG SHES BLO NI SKYE BAR 'GYUR, ,ZHES GSUNGS PA'I PHYIR, GNYIS PA LA, BYANG SEMS SBYOR LAM PA'I RGYUD KYI LHA'I SPYAN CHOS CAN, MTSAN NYID DER THAL, LHA'I SPYAN YIN PA'I PHYIR, 'DOD NA, DBANG SHES SU THAL LO, ,'DOD NA, LHA'I MIG GI MNGON SHES DBANG SHES YIN PAR THAL LO, ,KHA CIG ,RANG GI BDAG RKYEN DU GYUR PA'I ZHI LHAG ZUD 'BREL GYI TING NGE 'DZIN LA BRTEN NAS GZUGS LAS @161A *, ,GZHAN PA'I RANG YUL DU GYUR PA'I KUN RDZOB BDEN PA NGONS SUM DU RTOGS PA'I RIG PA, CHOS KYI SPYAN GYI MTSAN NYID, ZER NA, RGYUN ZHUGS ZHUGS PA'I RGYUD KYI NYAN THOS KYI MTHONG LAM BAR CHAD MED LAM CHOS CAN; MTSON BYA DER THAL, MTSAN NYID DE'I PHYIR, 'DOD NA, CHOS KYI SPYAN THOB PA'I RGYUN ZHUGS ZHUGS PA YOD PAR THAL LO, ,'DOD NA, 'PHAGS PA'I GANG ZAG PO RNON RTUL GYI RIM PA JI LTA BA BZHIN DU MNGON SUM DU RTOGS PA'I RGYUN ZHUGS ZHUGS PA YOD PAR THAL LO, ,'DOD NA, GZHAN SEMS SHES PA'I MNGON SHES RGYUD LDAN GYI DE YOD PAR THAL LO, ,GSUM PA NI, RNAM BSHAD LAS, SHA'I SPYAN TSOGS LAM NAS DANG, LHA'IK SPYAN SBYOR LAM NAS DANG, SHES RAB KYI SPYAN MTHONG LAM MNYAM GZHA NAS, CHOS KYI SPYAN MTHONG LAM RJES THOB NAS DANG, SANGS RGYAS KYI SPYAN SANGS RGYAS KYI SA DANG, RJES MTHUN PA SA BRGYAD PA YOD DO, ,ZHES GSUNGS, DON NI, DMAN LAM SNOGN DU SONG BA'I THEG CHEN GYI TSOGS LAM GYI SKABS SU SHA'I SPYAN THOB PA DANG, THEG CHEN GYI SBYOR LAM GYI GNAS SKABS SU LHA'I SPYAN THOB PA DANG, THEG CHEN GYI MTHONG LAM MNYAM GZHAG YE SHES NAS SHES RAB KYI SPYAN THOB PAS KHYAB PA DANG THEG CHEN GYI MTHONG LAM RJES THOB YE SHES NAS CHOS KYI SPYAN THOB PAS KHYAB PAR GSUNGS PA DANG, SANGS RGYAS KYI SPYAN MTSAN NYID PA SANGS RGYAS KYIS DANG RJES MTHUN PA SA BRGYAD PA NAS THOB PA YIN TE, GSER PHRENG LAS, 'ON KYANG LHA'I SPYAN TSOGS LAM NAS THOB PA LA SKYON @161B MED LA, SA BRGYAD PA'I YONGS SBYONG GI SKABS SU SANGS RGYAS KYI SPYAN THOB PAR GSUNGS PAS RJES MTHUN PA DE NAS YOD DE, ,ZHES GSUNGS, DE RNAMS GTZO CHE BA'I DBANG DU BYAS KYI NGES BZUNG GI SA MTSAMS DE NAS 'JOG PA MA YIN TE, LHA'I SPYAN THOB PA'I LAM MA ZHUGS KYI GANG ZAG KYANG YOD, CHOS KYI SPYAN THOB PA'I NYAN THOS LA SOGS PA YANG YOD PA'I PHYIR, DANG PO GRUB STE, BSAM GTAN BZHI PA'I RTEN CAN GYI LAM MA ZHUGS KYI GANG ZAG YOD PA'I PHYIR, GNYIS PA GRUB STE, 'PHAGS PA'I GANG ZAG GI DBANG PO RNON RTUL GYI RIMS PA JI LTA BA BZHIN DU SHES PA'I NYAN THOS LA SOGS PA YOD PA'I PHYIR TE, GZHAN SEMS SHES PA'I MNGON SHES THOB PA'I DE YOD PA'I PHYIR, BZHI PA NI, MDO LAS, BYANG CHEN MIG LNGA YONGS SU SBYONG BAR 'DOD PA DANG, RAB TU THOB PAR 'DOD PAS PHA ROL TU PHYIN PA DRUG LA BSLAB PAR BYA'O, ,ZHES GSUNGS PA LTAR PHA ROL TU PHYIN PA DRUG LA SLOB PA DANG, RDZU 'PHRUL GYI RKANG PA SGOM PA LA SOGS PA RNAMS YIN NO, ,LNGA PA NI, RNAM BSHAD LAS, SPYAN LNGA PO 'DI DAG DANG LDAN NA SHA'I SPYAN GYIS STONG GSUM TSUN CHAD KYI CHOS STON PA'I DGE BA'I BSHES GNYEN DANG, RANG GI GDUL BYA LA SOGS PA GANG NA GNAS PA JI LTA BA BZHIN DU SHES SHING, GNYIS PAS GDUL BYA GANG DU SHI 'PHOS SHING SKYE BA SHES PA DANG, GSUM PAS GDUL BYA GDUL BA'I THABS GNAS LUGS KYI DON MNGON SUM DU SHES SHING, BZHI PAS GROGS DANG CHOS BSTAN PAR BYA BA'I GDUL BYA DBANG PO RNON RTUL BYE BRAG RNAMS LEGS PAR SHES PA DANG, LNGA PA @162A *, ,RJES MTHUN PA TZAM THOB NAS YANG SHES BYA JI SNYED PA PHAL CHER SHES NAS SGRUB PA LA NANG NAS BSKUL ZHING BZHAN GYI DRING MI 'JOG PAR RANG DBANG DU SGRUB PA LA 'JUG PA YIN NO, ,ZHES GSUNGS PA LTAR YIN LA, , DON BSDU NA, SPYAN LNGA RGYUD LA BSKYED PA CHOS CAN, DGOS PA YOD DE, THEG CHEN GYI SGRUB PA NYAMS SU LEN PA LA GZHAN GYI DRING MI 'JOG PAR SGRUB PA LA RANG DBANG DU 'JUG PA SOGS KYI DGOS PA YOD PA'I PHYIR, SPYAN LNGA LA BRTAN PA LA DE LTAR 'GYUR BA'I DGOS PA YOD DE, DE LA BRTEN NAS THEG CHEN GYI SGRUB PA NYAMS SU LEN PA'I MTHUN RKYEN BRTEN TSUL DANG, 'GAL RKYEN SPONG TSUL RANG STOBS KYIS BDE BLAG TU RTOGS PAR 'GYUR BA'I PHYIR, THEN CHEN GYI SGRUB PA NYAMS SU LEN PA'I MTHUN RKYEN DE LA DU MA YOD DE, BSHES SPRINGS LAS, MTHUN PAR GYUR PA'I YUL NA GNAS PA DANG, ,SKYES BU DAM PA RNAMS LA BRTEN PA DANG, BDAG GI LEGS SMON SNGON YANG BSOD NAMS BGYIS, ,'KHOR LO CHEN PO BZHI NI KHYOD LA MNGA', ,ZHES GSUNGS PA LTAR YOD PA'I PHYIR, DE LA MTHUN PA'I YUL YOD DE, MDO SDE'I RGYAN LAS, BLO LDAN GANG DU SGRUB PA'I YUL, ,LEGS PAR RNYED DANG GNAS BZANG DANG, ,SA BZANG BA DANG GROGS BZANG DANG, ,RNAL 'BYOR BDE BA'I YO BYAD LDAN, ,ZHES GSUNGS PA LTAR YOD PA'I PHYIR, BSTEN BYA'I SKYES BYA DAM PA YANG YOD DE, DE NYID LAS, BYANG CHUB SEMS DPA' THOS MANG DANG, ,BDEN MTHONG SMRA MKHAS BRTZE BA CAN, ,SKYE MED SKYES BU DAM PA NI, CHEN PO YIN @162B PAR SHES PAR BYA, ,ZHES GSUNGS PA LTAR DGOS PA'I PHYIR, SMON LAM BTAB TSUL YOD DE, DE NYID LAS, DMIGS PA BZANG DANG STON PA BZANG, ,THABS BZANG BA DANG NGES 'BYUNG DANG, ,SBYOR BA BZANG PO'I BDAG NYID KYI, ,YANG DAG SMON LAM YIN PA'I PHYIR; ;ZHES GSUNGS PA LTAR, DMIGS PA BZANG PO THEG CHEN LA DMIGS, STON PA BZANG PO TSOGS SPEL, THABS BZANG PO ZHI LHAG BSGOMS, NGES 'BYUNG BZANG PO CUNG CAD TZAM GYIS CHOG PAR 'DZIN, SBYOR BA BZANG PO BDAG NYID KYI RTAG SBYOR DANG GUS BYOR RGYUN DU BRTEN PAR SMON LAM BTAB DGOS PA'I PHYIR, SNGON BSOD NAMS GSAGS TSUL YANG YOD DE, DE NYID LAS, DGA' DANG DAL BAR SKYE BA DANG, ,NAD MED DANG TING 'DZIN, ,RNAM PAR 'BYED PA'I BYED RGYU NI, ,SNGON CHAD BSOD NAMS BYAS PA NYID, CES GSUNGS PA LTAR YIN DGOS PA'I PHYIR, ,GZHUNG DON NI, BYANG CHEN CHA'I MIG GI ZHES SOGS KYI MDO CHOS CAN, SPYAN LNGA LA GDAMS PA YIN TE, SPYAN LNGA YUL YUL CAN DANG BCAS PA RNAMS KYI SA MTHO DMAN DANG YON GCIG PA NYID DU THOB BO, ,ZHES 'DOMS PA'I MDO TSIG YIN PA'I PHYIR, 'O NA; SHA'I SPYAN GYI SKABS SU, DPAG TSAD BRGYA MTHONG BA YOD DO, ,ZHES SOGS SMOS PA'I RGYU MTSAN GANG ZHE NA, DE YOD DE, BYANG SEMS KYI SA MTHO MAN DANG YON TAN CHE CHUNG GI RIM PAS DE LTAR BSTAN PA'I PHYIR, LHA RNAMS KYI LHA'I MIG BYANG SEMS KYIS SHES PAR GSUNGS PA'I DON YOD DE, DE DAG GIS MIG DANG DE'I YUL DANG, LHA DE DAG GI BSAM GTAN DANG TING NGE 'DZIN RNAMS BYANG SEMS @163A *, ,KYI LHA'I MIG GIS SHES PAR 'GYUR BA'I PHYIR, 'DOD GZUGS KYI LHA RNAMS KYI LHA'I MIG GIS BYANG SEMS KYI LHA'I MIG MI SHES PAR GSUNGS PA'I DON YOD DE, DE DAG GIS BYANG SEMS KYI LHA'I SPYAN CI 'DRA BA DANG DE'I SPYOD YUL LA SOGS PA SHES PAR MI NUS PA'I PHYIR, 'O NA GNAS GTZANG GI LHA RNAMS KYIS DE SHES MI NUS PA MED DE, DE RNAMS 'PHAGS PA KHO NAR NGES PA'I PHYIR NA, SKYON MED DE, DE NI GNAS GTZANG GI RTEN CAN GYI THEN GYI 'PHAGS PA LA DGONGS PA YIN PA'I PHYIR; `'O NA; MNGON SHES KYI, ,YON TAN DRUG DANG, ZHES PAS SGRUB PA'I YON TAN THAMS CAD RDZOGS PA'I RGYU MNGON SHES DRUG LA GDAMS PA'I GDAMS NGAG 'CHAD TSUL GANG ZHE NA, 'DI LA YANG MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, SH'A RI TI'I BU SHER PHYIN 'DI LA SPYOD PA'I BYANG CHEN MNGON SHES KYI PHA ROL TU PHYIN PA THOB STE, ZHES SOGS KYIS BSTAN, GNYIS PA DE'I DON 'CHAD PA LA, MNGON SHES KYI, ,YON TAN DRUNG DANG, ZHES GSUNGS, DE NYID TSIG DON GYI SGO NAS 'CHAD PA LA, RDZU 'PHRUL DANG, ZHES SOGS GSUNGS, 'DI LA YANG MING GI SGO NAS GDAMS PA DANG, DON GYI SGO NAS GDAMS PA DANG, JI LTAR GDAMS PA'I TSUL, MJUG BSDU BA'O, ,DANG PO NI, 'O NA,; MNGON SHES DRUG DANG, ZHES 'CHAD NA, DE GANG ZHE NA, DE STON PA LA, RDZU 'PHRUL DANG, LHA'I RNA BA DANG, GZHAN GYI SEMS SHES PA DANG, SNGON GYI GNAS RJES SU DRAN PA DANG, MNGON PAR 'DU BYED PA LAS BYUNG BA LHA'I MIG DANG, ZAG PA ZAD PA SHES PA'I MNGON PAR SHES PA @163B ZHES GSUNGS, GNYIS PA LA DRUNG YOD PA'I RDU 'PHRUL GYI MNGON SHES LA GDAMS PA NI, SH'A RI'I BU SHER PHYIN 'DI LA SPYOD PA'I BYANG CHEN MNGON PAR SHES PA'I PHA ROL TU PHYIN PA THOB STE RDZU 'PHRUL GYI RNAM PA DU MNYAMS SU MYONG BAR BYED DO, ,DE NI SA CHEN PO 'DI YANG RAB TU G-YO BAR BYED CING GCIG TU 'GYUR RO, ,ZHES SOGS KYIS BSTAN, DE'I DON 'CHAD PA LA, SA G-YO BA LA SOGS PA DANG, ZHES GSUNGS, LHA'I RNA BA'I MNGON SHES NI, DE NI LHA'I RNA BA'I KHAMS RNAM PAR DAG PA MI LAS 'DAS PAS, LHA DANG MI GNYIS KA'I SGRA THOS TE, ZHES SOGS KYIS BSTAN, DE'I DON 'CHAD PA LA, 'JIG RTEN GYI KHAMS THAMS CAD NA GNAS PA'I SGRA CHUNG NGU DANG CIG SHOS THOS PA DANG, ZHES GSUNGS, GZHAN SEMS SHES PA'I MNGON SHES NI, DES SEMS CAN PHA ROL DANG GANG ZAG PHA RO GYI SEMS SEMS KYIS YANG DAG PA JI LTA BZHIN RAB TU SHES SO, ,ZHES SOGS KYIS BSTAN, DE'I DON 'CHAD PA LA, GZHAN GYI SEMS 'DOD CHAGS DANG BCAS PA YONGS SU SHES PA DANG, ZHES GSUNGS, SNGON GNAS RJES DRAN GYI MNGON SHES NI, DE NI SNGON GYI GNAS RJES SU DRAN PA'I MNGON PAR SHES PAS SKYE BA GCIG KYANG RJES SU DRAN NO, ,,ZHES SOGS KYIS BSTAN DE'I DON 'CHAD PA LA, RANG DANG GZHAN GYI TSE RABS SNGA MA DU MRJES SU DRAN PA DANG, ZHES GSUNGS, LHA'I MIG GI MNGON SHES NI, DE LHA'I MIG RNAM PAR DAG PA MI LAS 'DAS PAS SEMS CAN 'CHI 'PHO BA DANG, SKYE BA DANG, MDOG SKUG PA DANG, MI SDUG PA DANG, BZANG BA DANG, NGAN PA DANG, LAS JI LTA BA BZHIN @164A *, ,DU BDE 'GRO DANG NGAN 'GROR NYE BAR 'GRO BA RNAMS RAB TU SHES TE, ZHES SOGS KYIS BSTAN, DE'I DON 'CHAD PA LA, GZUGS THAMS CAD MTHONG BA DANG, ZHES GSUNGS, ZAG PA ZAD PA'I MNGON SHES LA GDAMS PA NI; DE MI SKYE BA MNGON DU BYED PA'I MNGON PAR SHES PA'I MNGON PAR BSGRUBS TE, NYAN THOS KYIS 'AM RANG SANGS RGYAS KYI SAR MI LTUNG ZHING, BLA MED RDZOGS BYANG DU MNGON PAR SANGS RGYAS PAR BYA'O SNYAMS PA MA GTOGS CHOS GZHAN 'GA' LA YANG SMON PAR MI BYED DO, ,ZHES SOGS KYIS BSTAN, DE'I DON 'CHAD PA LA, NYON MONGS PA DANG SHES BYA'I SGRIB PA SPONG BAR BYED PA RNAMS, ZHES GSUNGS, DE LTAR DON BSDUS NAS GDAMS PA LA, SH'A RI'I BU BYANG CHEN SHER PHYIN LA SPYOD PAS MNGON PAR SHES PA DRUG YONGS SU RDZOGS PAR BYED PA DANG, YONGS SU DAG PAR BYED DO, ,ZHES GSUNGS, GSUM PA STON PA LA, GZOD MA NAS ZHI NYID DU SBYAR BAR BYA'O, ,ZHES GSUNGS, BZHI PA STON PA LA, MNGON PAR SHES PA DRUG LA 'DOMS PA DANG, ZHES GSUNGS GZHUNG DON NI BYANG CHEN MNGON SHES KYI PHA ROL TU PHYIN PA THOB BO, ZHES SOGS KYI MDO CHOS CAN, MNGON PAR SHES PA DRUG LA GDAMS PA YIN TE, MNGON PAR SHES PA DRUG GIS THA SNYAD DU YUL GZIGS PA'I NUS PA BSTAN NAS, DE DRUG PO DON DAM PAR CES 'DOMS PA'I MDO TSIG YIN PA'I PHYIR, MTHA' DPYAD PA LA, MNGO SHES KYI RTEN, BRTEN PA MNGON SHES KYI RANG BZHIN, SA MTSAMS, RGYU; DGOS PA, KHYAD PAR DANG DDRUG LAS, DANG PO NI, MNGON SHES DANG PO LNGA RANG GI BDAG @164B RKYEN DU GYUR PA'I BSAM GTAN GYI DNGOS GZHI CI RIGS LA BRTEN NAS SKYE BA YIN TE, KUN BTUS LAS, PHYI ROL PA'AM, NYAN THOS SAM BYANG CHUB SEMS DPA' YANG RUNG STE DAG PA'I BSAM GTAN RNAMS LA BRTEN NAS TSAD MED PA RNAMS 'GRUB BO, , TSAD MED PA RNAMS JI LTAR MNGON PAR SHES PAR RNAMS DE BZHIN NO, ,ZHES GSUNGS PA'I PHYIR, DRUG PA RAB MTHA'I BSAM GTAN LA BRTEN NAS SKYE BA YIN TE, DE NYID LAS, YON TAN LHAG MA RNAMS NI, NYAN THOS SAM BYANG CHUB SEMS DPA' 'AM DE BZHIN GSHEGS PAS KYANG RUNG STE RAB KYI MTHAR PHYIN PA'I BSAM GTAN BZHI PA LA BRTEN NAS 'GRUB BO, ,ZHES GSUNGS PA'I PHYIR, MNGON SHES DRUG KA GZUGS MED KYI DNGOS GZHI LA MI BRTEN TE, DE NYID LAS, MNGON SHES DRUG KA BSAM GTAN LA BRTEN NAS; ZHES GSUNGS PA LA DGOS PA YOD PA'I PHYIR, GNYIS PA NI, RANG GI BDAG RKYEN DU GYUR PA'I BSAM GTAN GYI DNGOS GZHI'I SEMS LA BRTEN NAS RANG YUL MNGON SUM DU MTHONG BAS RAB TU PHYE BA'I RIGS SU GNAS PA, MNGOS SHES KYI MTSAN NYID, DBYE NA DRUG YOD DE, MNGON SHES DRUG GI NANG TSAN GANG ZHIG, SA G-YO BA DANG GCIG TU SGYUR ZHING MANG POR SPRUL BA LA SOGS PA BYED PAR NUS PA'I RIG PA, RDZU 'PHRUL GYI MNGON SHES KYI MTSAN NYID, RDZU 'PHRUL TZAM LA DBYE NA LAS LAS BYUNG BA, SNGAGS LAS BYUNG BA, SMAN LAS BYUNG BA, TING NGE 'DZIN BSGOMS PA LAS BYUNG BA DANG BZHI LAS, DANG PO NI, MI'I RDZU 'PHRUL LTA BU DANG, 'KHOR LOS SGYUR BA'I RGYAL PO DANG, SRIN PO DANG, SHA ZA 'GA' ZHIG LA YOD PA'I RDZU 'PHRUL LTA BU, GNYIS PA NI SNGAGS 'GA' ZHIG BGRANGS PA'I @165A *, ,MTHUS RDZU 'PHRUL STON NUS PA LTA BU, GSUM PA NI,SMAN 'GA' ZHIG BCANGS PA TZAM GYIS RDZU 'PHRUL STON NUS PA LTA BU, BZHI PA NI, SKABS 'DIR DNGOS SU BSTAN PA'I RDZU 'PHRUL GYI MNGON SHES LTA BU, DE GANG ZHIG, RANG GI BDAG RKYEN DU GYUR BA'I LHA'I RNA BA LAS SKYES SHING 'JIG RTEN GYI KHAMS KYI SGRA PHRA RAGS SHES PA, LHA'I RNA BA'I MNGON SHES KYI MTSAN NYID, LHA'I RNA BA TZAM LA DBYE NA, SKYES NAS THOB PA, LAS LAS BYUNG BA, TING NGE 'DZIN LAS SKYES BA DANG GSUM LAS, DANG PO NI, BSAM GTAN BZHI PA PA'I RGYUD KYI LHA'I RNA BA LTA BU, GNYIS PA NI, 'KHOR LOS SGYUR BA'I RGYAL PO'I DE LTA BU, GSUM PA NI, SKABS 'DIR BSTAN GYI DE LTA BU, KHA CIG, MTSAN NYID KYI ZER PHYI MA LA TING NGE 'DZIN SHES RAB MTSUNGS LDAN DANG BCAS PA ZHES SNON BA MA YIN TE, RDZU 'PHRUL GYI MNGON SHES SU GYUR PA'I SHES RAB MTSUNGS LDAN DU BYUNG BA'I SHES RAB MED PA'I PHYIR, DE GANG ZHIG, GZHAN GYI SEMS 'DOD CHAGS DANG BCAS MA BCAS SOGS SHES PA'I RIGS SU GNAS PA, GZHAN SEMS SHES PA'I MNGON SHES KYI MTSAN NYID, RIGS GNAS SMOS PA LA DGOS PA YOD DE, PHYI ROL BA'I RGYUD KYI GZHAN SEMS SHES PA'I MNGON SHES DE GZHAN GYI SEMS 'DOD CHAGS DANG BCAS MA BCAS SOGS RTOGS MI NUS PA'I PHYIR TE, DES DE 'DOD CHAGS DANG BRAL BA DE RTOGS MI NUS PA'I PHYIR, GZHAN SEMS SHES PA TZAM LA DBYE NA, SKYES NAS THOB PA DANG, LAS LAS BYUNG BA DANG, RIG BYED LAS SHES PA DANG, TING NGE 'DZIN LAS BYUNG BA BZHI LAS, DANG PO NI 'DOD LHA DANG 'DRE PHAL CHER LTA BU, GNYIS PA @165B NI, BAR SRID PA LTA BU, GSUM PA NI, RTOG GE BA MKHAS PA LTA BU, BZHI PA NI SKABS 'DIR BSTAN GYI DE LTA BU, DE GANG ZHIG, RANG GZHAN GYI TSE RABS SNGA MA DU MA RJES SU DRAN PA'I RIGS SU GNAS PA, SNGON GNAS RJES DRAN GYI MNGON SHES KYI MTSAN NYID, RIGS GNAS SMOS PA LA DGOS PA YOD DE, SNGAR BZHIN, SNGON GNAS RJES DRAN TZAM LA DBYE NA SNGAR BZHIN GSUM LAS, DANG PO NI, LHA 'DRE PHAL CHER LTA BU, GNYIS PA NI DMYAL BA PA LTA BU,, GSUM PA NI, SKABS 'DIR BSTAN GYI MNGON SHES LTA BU, DE GANG ZHIG, RANG GI BDAG SKYEN DU GYUR PA'I LHA'I MIG LA BRTEN NAS SKYES SHING 'JIG RTEN GYI KHAMS KYI GZUGS PHRA RAGS MNGON SUM DU MTHONG BA, LHA'I MIG GI MNGON SHES SU MI 'THAD DE, DE GNYIS YID SHES YI PA'I PHYIR, DE GNYIS RANG GI THUN MONG MA BZHI PA'I LHA LTA BU, GNYIS PA NI 'KHOR LOS SGYUR RGYAL LTA BU, GSUM PA NI SKABS 'DIR BSTAN GYI DE LTA BU'O, ,LHA'I MIG DANG RNA BA'I MNGON SHES 'DI NYID DBANG SHES SU 'THAD DE, DE GNYIS YID SHES YIN PA'I PHYIR, DE GNYIS RANG GI THUN MONG MA YIN A BDAG RKYEN DU GYUR PA'I BSAM GTAN GYI DNGOS GZHI'I SEMS LAS SKYES PA'I SHES PA YIN PA'I PHYIR, DE LTA MA YIN NA TSUR MTHONG GI RGYUD KYI GTAN BZHI PA'I SAS BSDUS KYI LHA'I MIG GI MNGON SHES MED PAR THAL, LHA'I MIG GI MNGON SHES DBANG SHES GANG ZHIG, DE'I RGYUD LA BSAM GTAN GNYIS PA YAN CAD KYI SAS BSDUS KYI DBANG SHES MED PA'I PHYIR, DE'I RGYUD LA DE YAN CAD KYI SAS BSDUS KYI DPYOD GNYIS MED PA'I PHYIR, KHO NA RE, TSUR MTHONG GI RGYUD KYI LHA'I MIG GI MNGON SHES DE [#DATA INCOMPLETE HERE]