*, ,'JAM DPAL DBYANGS RJE BTZUN CHOS KYI RGYAL MTSAN DPAL BZANG PO'I GSUNG RGYUN SKABS BZHI PA'I MTHA' DPYOD LEGS BSHAD NOR BU'I 'PHRENG BA BZHUGS SO, , @01A *, ,THAMS CAD MKHYEN PA NYID GSUM YONGS SU SHES PA NI, ZHES SOGS KYI SKABS SU, SBYOR BA DANG, MTHA' DPYAD PA GNYIS LAS, DANG PO NI, SKABS DANG PO GSUM DU MKHYEN GSUM GYI RNAM PA BSTAN PA DANG, SKABS 'DIR MKHYEN GSUM GYI RNAM PA BSTAN PA LA ZLOS SKYON MED DE, SKABS DANG PO GSUM DU MKHYEN GSUM GYI RNAM PA SO SOR BSTAN, SKABS 'DIR MKHYEN GSUM GYI RNAM PA BSDUS NAS BSTAN PA'I PHYIR, SKABS 'DIR MKHYEN GSUM GYI RNAM PA BSDUS NAS BSTAN PA CHOS CAN, DGOS PA YOD DE, MKHYEN GSUM GYI RNAM PA BSDUS NAS BSGOM PAR BYA BA'I CHED YIN PA'I PHYIR, BYANG SEMS TSOGS LAM PAS, MKHYEN GSUM GYI RNAM PA BSDUS NAS BSGOM PA CHOS CAN, DGOS PA YOD DE, MKHYEN GSUM GYI RNAM PA LA DBANG THOB PAR BYA BA'I CHED YIN PA'I PHYIR, KHO NA RE, SKABS DANG PO GSUM GYIS MKHYEN GSUM GYI RNAM PA BSTAN PAR THAL, SBYOR BA DE 'THAD PA'I PHYIR, 'DOD NA, SKABS GNYIS PAS MKHYEN GSUM GYI RNAM PA BSTAN PAR THAL, 'DOD PA'I PHYIR NA MA KHYAB, 'DOD NA, SKABS GNYIS PAS RNAM MKHYEN GYI RNAM PA BSTAN PAR THAL, 'DOD PA'I PHYIR, 'DOD NA, SKABS GNYIS PAS RNAM @02A *, ,MKHYEN MTSON BYED KYI CHOS BCU BSTAN PAR THAL, 'DOD PA'I PHYIR, 'DOD NA, SKABS GNYIS PA LAS LOGS SU SKABS DANG PO BRTZAMS PA LA DGOS PA MED PAR THAL, 'DOD PA'I PHYIR, MA KHYAB MTSAMS LA, SHES RAB PHA ROL PHYIN PA NI, ,ZHES SOGS KYI SHO LO KA DANG PO GNYIS KYIS RGYAN GYI LUS RGYAS BSDUS GNYIS KYI SGO NAS BSHAD PAR THAL, SHES RAB PHA ROL PHYIN PA NI, ,ZHES SOGS TSIG LE'UR BYAS PA BCO LNGAS RGYAN GYI LUS RGYAS BSDUS GNYIS KYI SGO NAS BSHAD PA'I PHYIR, KHYAB PA KHAS, DER THAL, RNAM BSHAD SNYING PO RGYAN LAS, DE LTAR NA BA SDUS PA DANG RGYAS PAR BSHAD PA'I PHYIR LEGS PAR BSHAD PA YIN NO, ,ZHES GSUNGS PA'I PHYIR, 'DOD MI NUS TE, DES RGYAN GYI LUS MDOR BSDUS NAS BSTAN PA'I PHYIR TE, DRANGS MA THAG PA'I LUNG DE'I DON GRUB PA'I PHYIR, GNYIS PA MTHA' DPYAD PA LA, KHA CIG ,MKHYEN GSUM GYI RNAM PA LA DBANG THOB PA'I PHYIR DU MKHYEN GSUM GYI RNAM PA BSDUS NAS BSGOM PA'I SEMS DPA'I RNAL 'BYOR, RNAM RDZOGS SBYOR BA'I MTSAN NYID ZER NA, RNAM RDZOGS SBYOR BA YIN NA MKHYEN GSUM GYI RNAM PA LA DBANG MA THOB PAS KHYAB PAR THAL, MTSAN NYID DE 'THAD PA'I PHYIR, 'DOD NA, @02B RTZE SBYOR YIN NA MKHYEN GSUM GYI RNAM PA LA DBANG THOB PAS KHYAB PAR THAL, SKAD CIG MA'I SBYOR BA YIN NA MKHYEN GSUM GYI RNAM PA LA BRTAN PA THOB PAS KHYAB PA'I PHYIR, RTAGS BUD, 'DOD NA, THEG CHEN GYI SBYOR LAM CHOS CAN, MKHYEN GSUM GYI RNAM PA LA DBANG MA THOB PAR THAL, RNAM RDZOGS SBYOR BA YIN PA'I PHYIR, 'DOD NA, DE CHOS CAN, MKHYEN GSUM GYI RNAM PA LA DBANG THOB PAR THAL, RTZE SBYOR YIN PA'I PHYIR, KHYAB PA KHAS, DER THAL, SBYOR LAM RTZE SBYOR YIN PA'I PHYIR, KHA CIG ,MKHYEN GSUM GYI RNAM PA BSDUS NAS BSGOM PA'I SEMS PA'I RNAM 'BYOR, RNAM RDZOGS SBYOR BA'I MTSAN NYID ZER NA, THEG CHEN GYI MTHONG LAM SDUG BSNGAL CHOS BZOD CHOS CAN, MTSAN NYID DER THAL, MTSON BYA DE'I PHYIR, RTAGS GRUB STE, SEMS DPA'I RNAL 'BYOR YIN PA'I PHYIR, 'DOD NA, DE CHOS CAN, GZHI SHES KYI RNAM PA BSGOM PA'I SEMS DPA'I RNAL 'BYOR YIN PAR THAL, 'DOD PA'I PHYIR, 'DOD MI NUS TE, STONG NYID LA GNYIS SNANG NUB PA'I SEMS DPA'I RNAL 'BYOR YIN PA'I PHYIR, MKHAS PA KHA CIG ,THEG CHEN GYI MTHONG LAM SDUG BSNGAL CHOS BZOD DE LAM SHES KYI RNAM PA BSGOM PA'I SEMS DPA'I RNAL 'BYOR MIN ZER NA, SHES BYA CHOS CAN, DES LAM SHES KYI RNAM PA BSGOM PAR THAL, DES STONG NYID RTOGS PA'I YE SHES BSGOM PA'I PHYIR, MA GRUB NA, DE CHOS CAN, KHYOD KYIS STONG NYID RTOGS PA'I YE SHES BSGOM PAR THAL, KHYOD STONG NYID BSGOM PA'I SEMS DPA'I RNAL 'BYOR YIN PA'I PHYIR, KHYAB STE, RNAM BSHAD SNYING PO RGYAN LAS, KHA CIG ,DON RNAM DANG SHES RNAM GNYIS SU PHYE NAS BSGOM BYA GANG YIN MI MTHUN PA SO SOR 'DOD PA LA NI SNYING PO CUNG ZAD KYANG MED DE, MI RTAG PA RTOGS PA'I YE SHES BSGOM BYAR 'DOD PA DES KYANG MI RTAG PA BSGOM BYAR @03A *, ,KHAS LEN DGOS LA, MI RTAG PA BSGOM BYAR 'DOD PA NGES KYANG DE RTOGS PA'I YE SHES BSGOR BYAR KHAS MI LEN NA GZHI STONG BAR 'GYUR BA'I PHYIR RO, ,ZHES GSUNGS PA'I PHYIR, BSDUS BSGOM GYI DON LA MKHAS PA KHA CIG , RNAM PA BRGYA BDUN CU RTZA GSUM BDEN STONG SPROS BRAL DU ZHI LHAG ZUNG 'BREL GYI SBYOR BAS RNAM THAR SGO GSUM DU BSDUS NAS BSGOM PA MKHYEN GSUM BSDUS BSGOM GYI DON YIN ZER BA MI 'THAD DE, NYER LEN GYI PHUNG PO MI RTAG PA DANG SDUG BSNGAL BSOGS RNAM RDZOGS SBYOR BAS BSGOM PA'I PHYIR TE, DON GSAL LAS, RTAG PA LA SOGS PAR 'DZIN PA'I MI MTHUN PA'I PHYOGS GYI GNYEN PO'I CHOS NYID KYI NGO BO NYID MI RTAG PA SOGS LA DMIGS PA'I YE SHES GYI BYE BRAG RNAMS RNAM PA NYID DU RNAM PAR BZHAG PA NI MTSAN NYID DE, ZHES GSUNGS PA'I PHYIR, GZHAN YANG, STONG NYID LA DMIGS PA'I ZHI LHAG ZUNG 'BREL THOB PA'I THEG PA CHEN POR RIGS NGES PA'I BYANG SEMS TSOGS LAM PA YOD PAR THAL, MKHYEN GSUM BSDUS BSGOM GYI DON 'THAD PA'I PHYIR, 'DOD MI NUS TE, DANG PO NYID NAS THEG PA CHEN POR RIGS NGES PA'I BYANG SEMS TSOGS LAM PAS STONG NYID LA DMIGS PA'I LHAG MTHONG THOB PA DANG, DES THEG CHEN GYI SBYOR LAM DROD THOB PA DUS MNYAM YIN PA'I PHYIR, MKHAS PA KHA CIG ,MKHYEN GSUM GYI RNAM PA BDEN STONG SPROS BRAL DU BSDUS NAS BSGOM PA MKHYEN GSUM BSDUS BSGOM GYI DON YIN ZHES GSUNGS PA YANG MI 'THAD DE, BYANG SEMS TSOGS LAM PA YIN NA STONG NYID RTOGS PAS KHYAB PAR THAL, DAM BCA' 'THAD PA'I PHYIR, 'DOD MI NUS TE, THEG CHEN GYI RIGS CAN DAB BRTU LA RNAMS KYIS DANG POR BYANG CHUB MCHOG TU SEMS BSKYED NAS, DE RJES STONG NYID RTOGS PA'I LTA BA RANG RGYUD LA SKYED DGOS PA'I PHYIR, DBU MA @03B RGYAN LAS, YANG DAG DAD PA'I RJES 'BRANGS BA, ,RDZOGS PA'I BYANG CHUB SEMS BSKYED NAS, ,THUB PA'I BRTUL ZHUGS BLANG BYAS STE, ,DE NAS YANG DAG SHES 'TSOL BRTZON, ,ZHES GSUNGS PA'I PHYIR, RANG LUGS NI, MKHYEN GSUM GYI RNAM PA BSDUS NAS BSGOM PA'I SHES RAB KYIS ZIN PA'I SEMS DPA'I RNAM 'BYOR DE, RNAM RDZOGS SBYOR BA'I MTSAN NYID, DBYE NA, BRGYA BDUN CU RTZA GSUM YOD, SA 'TSAMS NI, THEG CHEN GYI TSOGS LAM NAS RGYUN MTHA'I BAR NA YOD, MKHYEN GSUM GYI RNAM PA THAMS CAD ZHI LHAG ZUNG 'BREL GYI SBYOR BAS RNAL 'BYOR PA'I NYAMS LEN DU BSDUS NAS BSGOM PA MKHYEN GSUM BSDUS BSGOM GYI DON YIN NO, ,RTZOD PA SPONG BA LA KHA CIG ,BYANG SEMS KYI SBYOR BA THOB PA LA ZHI LHAG ZUNG 'BREL GYI TING NGE 'DZIN THOB DGOS PAR THAL, MKHYEN GSUM BSDUS BSGOM GYI DON DE 'THAD PA'I PHYIR, 'DOD NA, BYANG CHUB KYI SEMS LA MYONG BA SKYE BA LA ZHI LHAG ZUNG 'BREL GYI TING NGE 'DZIN THOB DGOS PAR THAL, 'DOD PA'I PHYIR, 'DOD NA, LAM RIM LAS; MI RTAG PA DANG 'KHOR BA'I NYES DMIGS DANG BYANG CHUB KYI SEMS SBYONG BA LA YID 'GYUR BA'I MYONG BA SKYE BA YANG ZHIG NAS LA RAG LAS PA HA CANG THAL CHE BAR 'GYUR BA'I PHYIR ZHES GSUNGS PA MI 'THAD PAR THAL, 'DOD PA'I PHYIR ZER NA; THAL 'GYUR GNYIS PA LA MA KHYAB BO, , ` GZHI SHES PA YI BYE BRAG RNAMS, ,ZHES SOGS KYI SKABS SU, SBYOR BA DANG, MTHA' DPYAD PA GNYIS LAS, DANG PO NI, MKHYEN GSUM GANG RUNG GI RNAM PA LEGS PAR SHAR NAS, SGOM PAR BYED PA'I SHES RAB KYIS ZIN PA'I SEMS DPA'I RNAL 'BYOR CHOS CAN, SEMS DPA'I RGYUD KYI GNYEN PO PHYOGS KYI SHES RNAM GYI MTSAN NYID YIN TE, DE'I 'JOG BYED YIN PA'I PHYIR, SKABS 'DIR BSTAN GYI SHES RNAM LA GSUM YOD DE, @04A *, ,GZHI SHES KYI SHES RNAM, LAM SHES KYI SHES RNAM, RNAM MKHYEN GYI SHES RNAM GSUM YOD PA'I PHYIR, GNYIS PA LA KHA CIG ,BYE BRAG RNAM PA'I MTSAN NYID ZER NA, GANG ZAG GI BDAG MED CHOS CAN, MTSAN NYID DER THAL, MTSON BYA DE'I PHYIR, DER THAL, GZHI GRUB PA'I PHYIR, 'DOD MI NUS TE, KHYOD KYI SPYI MED PA'I PHYIR, KHA CIG ,GZHI 'AM SHES PA'I KHYAD PAR GANG ZHIG ,RNAM RDZOGS SBYOR BA'I BSGOM BYAR GYUR PA, RNAM PA'I MTSAN NYID, GZHI'I KHYAD PAR GANG ZHIG DER GYUR PA, DON RNAM KYI MTSAN NYID, SHES PA'I KHYAD PAR GYI CHOS SU GYUR PA'I RIG PA GANG ZHIG ,DER GYUR PA'I SHES RNAM GYI MTSAN NYID, SHES RNAM GANG ZHIG ,BLANGS BYA RNAM BYANG GI PHYOGS SU GTOGS PA, GNYEN PHYOGS SHES RNAM KYI MTSAN NYID, SHES RNAM GANG ZHIG ;DOR BYA KUN NAS NYON MONGS KYI PHYOGS SU GTOGS PA, MI MTHUN PHYOGS KYI SHES RNAM GYI MTSAN NYID ZER NA, GZHI CHOS CAN, GZHI'I KHYAD PAR YIN PAR THAL, DON RNAM YIN PA'I PHYIR, GZHI GRUB PA'I PHYIR, 'DOD NA, DE CHOS CAN, KHYOD KHYOD KYI KHYAD PAR MA YIN PAR THAL, KHYOD BDAG MED YIN PA'I PHYIR, GZHAN YANG, SHES PA CHOS CAN, SHES PA'I KHYAD PAR GYI CHOS SU GYUR PA'I RIG PA YIN PAR THAL, SHES RNAM YIN PA'I PHYIR, KHYAB PA KHAS, MA GRUB NA DER THAL, SHES PA YIN PA'I PHYIR, RTZA BAR 'DOD NA, DE CHOS CAN, DE DANG THA DAD YIN PAR THAL LO, ,MTSAN NYID PHYI MA LA MKHAS PA KHA CIG ,NYAN THOS KYI SBYOR LAM CHOS CAN, MI MTHUN PHYOGS KYI SHES RNAM YIN PAR THAL, MTSAN NYID DE 'THAD PA'I PHYIR, DANG PO SLA, GNYIS PA MA GRUB NA, DE CHOS CAN, DOR BYA KUN NAS NYON MONGS KYI PHYOGS SU GTOGS PAR THAL, SDUG BSNGAL BDEN PA YIN PA'I PHYIR TE, NYAN THOS SBYOR LAM PA DE YIN PA'I PHYIR TE, DE LAS NYON GYI GZHAN DBANG DU GYUR PA'I ZAG BCAS @04B YIN PA'I PHYIR, ZHES GSUNGS NA, NGES PA'I RGYUN ZHUGS SRID PA LAN BDUN PA BA'I MKHYEN PA DE, SDUG BSNGAL BDEN PA YIN PAR THAL, NGES PA'I RGYUN ZHUGS SRID PA LAN BDUN PA BA SDUG BSNGAL BDEN PA YIN PA'I PHYIR, KHYAB PA KHAS, MA GRUB NA DE CHOS CAN, DER THAL, LAS NYON GYIS GZHAN DBANG DU GYUR PA'I ZAG BCAS YIN PA'I PHYIR, KHO NA RE, NYAN THOS KYI SBYOR LAM SDUG BSNGAL BDEN PA YIN PAR THAL, NYAN THOS SBYOR LAM PA'I RGYUD KYI STONG NYID RTOGS PA'I SHES RAB SDUG BSNGAL BDEN PA YIN PA'I PHYIR TE, BYANG SEMS TSOGS LAM PA'I RGYUD KYI STONG NYID RTOGS PA'I SHES RAB SDUG BSNGAL BDEN PA YIN PA'I PHYIR, LAM MA ZHUGS KYI GANG ZAG GI RGYUD KYI STONG NYID RTOGS PA'I SHES RAB SDUG BSNGAL BDEN PA YIN PA'I PHYIR, DE ZAG BCAS KYI SHES PA YIN PA'I PHYIR, ZHES ZER RO, ,KHA CIG ,KHYAD PAR GYI CHOS RNAM PA'I MTSAN NYID ZER NA, RNAM MKHYEN CHOS CAN, RNAM MKHYEN GYI KHYAD CHOS YIN PAR THAL, RNAM MKHYEN GYI RNAM PA YIN PA'I PHYIR, MA KHYAB NA, MTSAN NYID LA DON GYIS DNGOS 'GAL YIN NO, ,MA GRUB NA, DER THAL, RNAM MKHYEN GYI SHES RNAM YIN PA'I PHYIR TE, RNAM MKHYEN YIN PA'I PHYIR, RTZA BAR 'DOD MI NUS TE, CHOS CAN DE DANG GCIG YIN PA'I PHYIR, GZHAN YANG, GANG ZAG GI BDAG 'DZIN CHOS CAN, GANG ZAG GI BDAG GI KHYAD CHOS YIN PAR THAL, GANG ZAG GI BDAG GI RNAM PA YIN PA'I PHYIR, MA KHYAB NA, MTSAN NYID DE 'THAD PAR BUD, MA GRUB NA, DE CHOS CAN, DER THAL, DE'I RNAM PAR SKYES PA'I PHYIR, TE, DE'I RNAM PA SHAR BA'I BLO YIN PA'I PHYIR, RTZA BAR 'DOD MI NUS TE, RTOG PA YIN PA'I PHYIR, GZHAN YANG, GANG ZAG GI BDAG 'DZIN GANG ZAG GI BDAG GI RNAM PA YIN PAR THAL, GANG ZAG GI BDAG GI RNAM PA YOD PA'I PHYIR TE, DE'I RNAM PA CAN GYI BLO @05A *, ,YOD PA'I PHYIR TE, DE'I RNAM PA SHAR PA'I BLO YOD PA'I PHYIR, GZHAN YANG, RNAM MKHYEN 'DZIN PA'I RTOG PA CHOS CAN, RNAM MKHYEN GYI KHYAD CHOS YIN PAR THAL, DE'I RNAM PA YIN PA'I PHYIR, KHYAB PA KHAS, MA GRUB NA ? DE'I RNAM PAR SKYES PA'I PHYIR TE, DE'I RNAM PA SHAR BA'I BLO YIN PA'I PHYIR, RTZA PAR 'DOD MI NUS TE, RTOG PA YIN PA'I PHYIR, GZHAN YANG, RNAM MKHYEN 'DZIN PA'I RTOG PA DE RNAM MKHYEN GYI RNAM PA YIN PAR THAL, BUM PA 'DZIN PA'I RTOG PA BUM PA'I RNAM PA YIN PA'I PHYIR TE, BUM PA'I RNAM PA YOD, BUM PA DE BUM PA'I RNAM PA MA YIN PA'I PHYIR, KHO NA RE, RNAM MKHYEN 'DZIN PA'I RTOG PA CHOS CAN, RNAM MKHYEN GYI SHES RNAM YIN PAR THAL, DE'I RNAM PA YIN PA'I PHYIR, 'DOD NA; RNAM MKHYEN YIN PAR THAL, 'DOD PA'I PHYIR, ZER NA, RNAM MKHYEN GYI NGO NA RNAM YIN NA, DE'I RNAM PA MA YIN DGOS PAR THAL, DE'I RNAM PA YIN NA DE'I SHES RNAM YIN DGOS PA'I PHYIR, RTAGS KHAS, 'DOD NA, RNAM MKHYEN CHOS CAN, DER THAL, DE'I PHYING, MA GRUB NA DER THAL, GZHI GRUB PA'I PHYIR, GZHAN YANG, MKHYEN GSUM GYI RNAM PA YIN NA MKHYEN GSUM YIN DGOS PA 'THAL, MKHYEN GSUM YIN PA YOD, RNAM MKHYEN GYI RNAM PA YIN NA RNAM MKHYEN YIN DGOS PA'I PHYIR, 'DOD NA, MKHYEN GSUM CHOS CAN, DER THAL, DE'I PHYIR, MA GRUB NA DER THAL, MKHYEN GSUM GYI GZUNG RNAM YIN PA'I PHYIR, MA GRUB NA, DE CHOS CAN, KHYOD KHYOD RANG GI GZUNG RNAM YIN PAR THAL, KHYOD GZHAN RIG GI SHES PA YIN PA'I PHYIR, RTZA BAR 'DOD NA, DE CHOS CAN, RNAM MKHYEN YIN PAR THAL, 'DOD PA'I PHYIR, 'DOD NA, BKAG ZIN, GZHAN YANG, LAM BDEN GYI RNAM PA YIN NA, LAM BDEN YIN DGOS PAR THAL, RNAM MKHYEN LA DE'I @05B PHYIR; RTAGS KHAS, 'DOD NA, SDUG BSNGAL BDEN PA'I RNAM PA YIN NA, SDUG BSNGAL BDEN PA YIN DGOS PAR THAL, 'DOD PA'I PHYIR, 'DOD NA, DE'I KHYAD CHOS SU GYUR PA'I STONG PA DANG BDAG MED CHOS CAN, DER THAL, DE'I PHYIR, RTAGS GRUB STE, BDEN BZHI'I RNAM PA MI RTAG SOGS BCU DRUG YOD PA'I PHYIR, 'DOD NA, DNGOS PO YIN PAR THAL, 'DOD PA'I PHYIR, GZHAN YANG, RNAM MKHYEN NYAM SU MYONG BA'I RANG RIG CHOS CAN, RNAM MKHYEN YIN PAR THAL, DE'I RNAM PA YIN PA'I PHYIR, DER THAL, DE'I 'DZIN RNAM YIN PA'I PHYIR, CHOS CAN DE'I PHYIR, RTZA BAR 'DOD NA, SANGS RGYAS 'PHAGS PA'I MIG SHES DE, RNAM MKHYEN YIN PAR THAL LO, ,'DOD NA, DE CHOS CAN, YID SHES YIN PAR THAL, RNAM MKHYEN YIN PA'I PHYIR, KHYAB PA GRUB MTHA' LA KHAS; GZHAN YANG, THEG CHEN GYI MTHONG LAM SDUG BSNGAL CHOS BZOD NYAMS SU MYOD BA'I RANG RIG CHOS CAN, THEG CHEN GYI MTHONG LAM SDUG BSNGAL CHOS BZOD YIN PAR THAL, DE'I RNAM PA YIN PA'I PHYIR, KHYAB PA KHAS, DER THAL, DE'I 'DZIN RNAM YIN PA'I PHYIR TE, CHOS CAN DE'I PHYIR, 'DOD MI NUS TE, RANG RIG YIN PA'I PHYIR, KHO NA RE, RNAM MKHYEN GYI DON RNAM YIN NA, DE'I RNAM PA YIN DGOS PAR THAL, DE'I RNAM PA YIN NA DE'I SHES RNAM YIN PAS MA KHYAB PA'I PHYIR, MA GRUB NA, BUM PA CHOS CAN; DER THAL, DE'I PHYIR, 'DOD NA, DE CHOS CAN, SHES PA'I RNAM PA YIN PAR THAL LO, ,'DOD NA, SHES RNAM YIN PAR THAL, 'DOD PA'I PHYIR ZER NA, 'DI'I LAN 'OG TU 'CHAD DO, ,KHA CIG ,RANG YUL GYI RNAM PA SHAR BA'I SGO NAS RANG GI LOG PHYOGS KYI SGRO 'DOGS LA GNOD BYED KYI LAM ZHUGS KYI MKHYEN PA DE, 'DIR BSTAN GNYAN PHYOGS SHES RNAM KYI MTSAN NYID, DE'I SGO NAS DE LA GNOD BYED KYI 'PHAGS RGYUD KYI MKHYEN PA DE, 'DIR DNGOS SU BSTAN PA'I GNYEN PHYOGS SHES RNAM GYI MTSAN NYID, @06A *, ,DE'I SGO NAS DE LA GNOD BYED KYI BYANG SEMS KYI MKHYEN PA DE, 'DIR BSTAN GTZO BOR GYUR PA'I GNYEN PHYOGS SHES RNAM GYI DON YIN ZER NA, THEG CHEN GYI MTHONG LAM SDUG BSNGAL CHOS BZOD CHOS CAN, RANG YUL GYI RNAM PA SHAR BAR THAL, 'DIR BSTAN GNYEN PHYOGS SHES RNAM YIN PA'I PHYIR, KHYAB PA KHAS, 'DOD NA, DE'I YUL CHOS CAN, DE'I DNGOS YUL YIN PAR THAL, DE LA KHYOD KYI RNAM PA SHAR PA'I PHYIR, RTAGS KHAS, 'DOD NA, DE'I YUL CHOS CAN, DON DAM BDEN PA YIN PAR THAL, 'DOD PA'I PHYIR, 'DOD NA, DE'I YUL YIN NA DON DAM BDEN PA YIN DGOS PAR THAL, 'DOD PA'I PHYIR, 'DOD NA, THEG CHEN GYI MTHONG LAM SDUG BSNGAL CHOS BZOD CHOS CAN, DER THAL, DE'I PHYIR, RTAGS GRUB ZIN, NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA'I RGYUD KYI KUN RDZOB SEMS BSKYED CHOS CAN, MTSON BYA GNYIS PA DER THAL, MTSAN NYID DE'I PHYIR TE, CHOS CAN DE'I PHYIR, 'DOD MI NUS TE, DE GZHI SHES KYANG MA YIN, LAM SHES KYANG MA YIN, RNAM MKHYEN YANG MA YIN PA'I PHYIR, KHYAB STE, SKABS 'DIR DNGOS SU BSTAN PA'I SHES RNAM LA GSUM PO DER GRANGS NGES PA'I PHYIR TE, KUN MKHYEN NYID NI RNAM GSUM PHYIR, ZHES GSUNGS PA'I PHYIR, GZHAN YANG, RNAM MKHYEN CHOS CAN, MTSAN NYID GSUM PA DER THAL, MTSON BYA DE'I PHYIR, RTAGS GRUB STE, KUN MKHYEN NYID NI RNAM GSUM PHYIR, ,ZHES PA 'DIS, RNAM MKHYEN BSTAN BYA'I GTZO BOR BYAS NAS BSTAN PA'I PHYIR TE, DES MKHYEN GSUM BSTAN BYA'I GTZO BOR BYAS NAS BSTAN PA'I PHYIR, RTAGS GRUB STE, MED PA'I RNAM PA NAS BZUNG STE, ZHES PA NAS, SUM CU BDUN DANG SUM CU BZHI, ,SUM CU RTZA DGU DAG DU BZHED, ,CES PA'I BAR GYI GZHUNG 'DI RNAMS KYIS MKHYEN GSUM BSTAN BYA'I GTZO BOR BYAS NAS @06B BSTAN PA'I PHYIR TE, MED PA'I RNAM PA NAS BZUNG STE, ZHES PAS, GZHI SHES KYI SHES RNAM BSTAN BYA'I GTZO BOR BYAS NAS BSTAN, RGYU DANG LAM DANG SDUG BSNGAL DANG, ,ZHES SOGS KYIS LAM SHES KYI SHES RNAM BSTAN BYA'I GTZO BOR BYAS NAS BSTAN PA'I PHYIR; GZHAN YANG, NYAN THOS DGRA BCOM PA'I RTOGS PA SNGON DU SONG BA'I THEG CHEN GYI TSOGS LAM CHOS CAN, MTSON BYA GSUM PA DER THAL, MTSAN NYID DE'I PHYIR, RTAGS GRUB STE, CHOS CAN DE'I PHYIR, 'DOD MI NUS TE, DMAN LAM SNGON DU SONG BA'I THEG CHEN LAM ZHUGS KYI MKHYEN PA YIN PA'I PHYIR, KHYAB STE, MTSAN MED RAB TU SBYIN LA SOGS, ,ZHES PA'I GZHUNG GI BSTAN BYA'I GTZO BOR GYUR PA'I THEG CHEN GYI THAR PA CHA MTHUN YIN NA, DANG PO NYID NAS THEG PA CHEN POR RIGS NGES PA'I BYANG SEMS KYI TSOGS LAM YIN DGOS PA'I PHYIR, RTAGS GRUB STE, RNAM PA THAM CAD RTOGS 'DI LA, ,THAR PA'I CHA DANG MTHUN PAR 'DOD, ,CES 'DI LA ZHES PA'I NYE TSIG SMOS PA LA DGOS PA YOD PA'I PHYIR, KHA CIG ,MKHYEN GSUM GANG RUNG GI RNAM PA SHAR NAS SGOM PAR BYAD PA'I SEMS DPA'I RNAL 'BYOR, GNYEN PHYOGS SHES RNAM GYI MTSAN NYID, ZER NA, RNAM MKHYEN CHOS CAN, MTSAN NYID DER THAL, MTSON BYA DE'I PHYIR, MA GRUB NA, DER THAL, 'PHAGS RGYUD KYI MKHYEN PA YIN PA'I PHYIR, RTZA BAR 'DOD MI NUS TE, CHOS CAN DE'I PHYIR, KHA CIG ,MKHYEN GSUM GANG RUNG GI RNAM PA LEGS PAR SHAR NAS SGOM PAR BYED PA'I SEMS DPA'I RNAL 'BYOR, SEMS DPA'I RGYUD KYI GNYEN PHYOGS SHES RNAM GYI MTSAN NYID, ZER NA, THEG CHEN GYI MTHONG LAM SDUG BSNGAL CHOS BZOD CHOS CAN, MTSAN NYID DER THAL, MTSON BYA DE'I PHYIR, 'DOD MI NUS TE, KHYOD KYI DNGOS YUL DU GYUR PA'I KUN RDZOB BDEN PA MED PA'I PHYIR TE, CHOS CAN DE'I PHYIR, KHO NA RE, RNAM PA LA DON RNAM DANG SHES RNAM @07A *, ,GNYIS SU YOD PA'I DON RNAM BSGOM BYA YIN LA, SHES RNAM BSGOM BYA MA YIN, KHA CIG ,SHES RNAM BSGOM BYA YIN LA DON RNAM BSGOM BYA MA YIN, ZHES ZER, 'DI 'GOG PA LA, RNAM BSHAD SNYING PO RGYAN LAS, DON RNAM DANG SHES RNAM GNYIS SU PHYE NAS BSGOM BYA GANG YIN MI MTHUN PA SO SOR 'DOD PA LA NI SNYING PO CUNG ZAD KYANG MED DE, MI RTAG PA RTOGS PA'I YE SHES BSGOM BYAR 'DOD PA DES KYANG MI RTAG PA BSGOM BYAR KHAS LEN DGOS LA, ZHES SOGS GSUNGS SO, DE'I DON NI; LUGS DANG PO MI 'THAD DE, MI RTAG PA BSGOM PA'I GANG ZAG YIN NA MI RTAG PA RTOGS PA'I BLO BSGOM PA'I GANG ZAG YIN DGOS PA'I PHYIR DANG, SNYING RJE CHEN PO SOGS BSGOM BYA YIN PA'I PHYIR, GNYIS PA YANG MI 'THAD DE, MI RTAG PA BSGOM BYA YIN PA'I PHYIR TE, 'DUS BYAS MI RTAG PAR RTOGS PA'I BLO BSGOM NA 'DUS BYAS MI RTAG PA BSGOM DGOS PA'I PHYIR, GZHAN YANG, MI RTAG PA BSGOM BYA YIN PAR THAL, STONG NYID BSGOM BYA YIN PA'I PHYIR TE, STONG NYID BYANG 'PHAGS KYI BSGOM BYA'I GTZO BO YIN PA'I PHYIR, KHA CIG ,RNAM PA YIN NA SHES RNAM YIN DGOS SO, ,DON RNAM ZHES PA MI RIGS SHING GZHUNG CHEN PO RNAMS SU THA SNYAD DE MI 'BYUNG PA'I PHYIR, ZHES ZER, DE 'GOG PA LA RONG t'IK PA NA RE, DE MI RIGS PA'I PHYIR TE, YUL RNAMS CAN NI THA DAD PAS, ,BLO YI RTOGS PA THA DAD PHYIR, ZHES GSUNGS PAS DON GYI RNAM PA BSTAN PA'I PHYIR DANG, MDO LAS, RNAM PA GANG DAG DANG, RTAGS GANG DAG DANG ZHES PA'I RNAM PA'I SGRAS PHYI ROL GYI DON YANG GZUNG PAR BYA BA YIN PA'I PHYIR, 'ON KYANG 'DIR BSTAN PA NI SHES RNAM KHO NA STE, MI MTHUN PA'I PHYOGS KYI GNYEN POR GSUNGS PA'I PHYIR DANG, MDO LAS, MA MCHIS PA'I PHA ROL TU PHYIN PA DANG, MI GA-YO PA'I PA ROL TU PHYIN PA DANG, ZHES SOGS PHA ROL TU PHYIN PA'I SGRAS GSUNGS PA DANG, BSTAN BCOS @07B LAS; MDOR BSTAN DU YE SHES KYI BYE BRAG TU GSUNG ZHING, RGYAS BSHAD KYIS KYANG DE NYID RGYAS PAR STON PA'I PHYIR, ZHES ZER, LUGS SNGA MA MI 'THAD DE, NYER LEN GYI PHUNG PO MI RTAG PA DE RNAM PA YIN PA'I PHYIR TE, MED PA'I RNAM PA NAS BZUNG STE, ZHES GSUNGS PA'I PHYIR, LUGS GNYIS PA YANG MI 'THAD DE, SHES BYA CHOS CAN, SKABS 'DIR DON RNAM BRGYA BDUN CU RTZA GSUM MA BSTAN PAR THAL, SKABS 'DIR BSTAN GYI RNAM PA YIN NA SHES RNAM YIN DGOS PA'I PHYIR, RTAGS KHAS, 'DOD NA, BSTAN BCOS MNGON RTOGS RGYAN GYIS DON RNAM BRGYA BDUN CU RTZA GSUM MA BSTAN PAR THAL, 'DOD PA'I PHYIR, 'DOD NA, DON RNAM BRGYAD BDUN RTZA GSUM GYI RNAM GZHAG MI 'THAD PAR THAL, 'DOD PA'I PHYIR, GZHAN YANG PHYI ROL GYI DON YOD PAR THAL, MDO LAS, RNAM PA GANG DAG DANG SHES SOGS KYI RNAM PA'I SGRAS PHYI ROL GYI DON BSTAN PA'I PHYIR, RTAGS KHAS, 'DOD MI NUS TE, 'DI NI SEMS TZAM KHO NA YIN GYI, ,PHYI ROL GYI DON NI MED DO ZHES GSUNGS PA'I PHYIR, ,RANG LUGS NI, MKHYEN GSUM GANG RUNG GI RNAM PA LEGS PAR SHAR NAS SGOM PAR BYED PA'I SHES RAB KYIS ZIN PA'I SEMS DPA'I RNAL 'BYOR, SEMS DPA'I RGYUD KYI GNYEN PHYOGS SHES RNAM GYI MTSAN NYID, YANG NA DE SEMS DPA'I RGYUD KYI, SGOM BYED GNYEN PO'I MTSAN NYID, DBYE NA, BRGYA BDUN CU RTZA GSUM YOD, SA MCHIS THEG CHEN GYI TSOGS LAM NAS RGYUN MTHA'I BAR NA YOD, RTZOD PA SPONG BA LA MKHAS PA KHA CIG ,RNAM PA ZHES BYA MTSAN NYID DE, ZHES PA'I RNAM PA MTSON BYA LA BYED RIGS PAR THAL, SKABS 'DIR SEMS DPA'I RGYUD KYI GNYEN PHYOGS SHES RNAM GYI MTSAN NYID 'JOG PA SKABS SU BABS PA'I PHYIR, RTAGS KHAS, 'DOD MI NUS TE, RTZA BAR RNAM PA ZHES BYA MTSAN NYID DE, ,ZHES DANG, NYI SNANG LAS, BYE BRAG NI MI MTHUN PA'I PHYOGS GANG GI GNYEN PO'I MTSAN NYID GANG YIN PA DE, DPER NA, RTAG PAR 'DZIN @08A *, ,PA LA MI RTAG PA LA SOGS PA BZHIN NO ZHES PA DANG, RGYAN SNANG LAS, SHES PA'I BYE BRAG RNAMS RNAM PA NYID DU RNAM PAR GZHAG PA NI SPYI'I MTSAN NYID YIN PAR SHES PAR BYA'O, ,ZHES DANG, DON GSAL LAS, RNAM PA NYID DU RNAM PAR GZHAG PA NI MTSAN NYID DE ZHES DANG, RNAM BSHAD SNYING PO RGYAN LAS, RNAM PA'I MTSAN NYID 'CHAD PA NI, SKABS 'DIR RNAM PA'I DBYE BA RGYAS PAR BSHAD PA 'DIS CI BYED MA SHES PAS GZHUNG 'DI LOG PAR BSHAD PA YIN TE, ZHES DANG, GNYEN PO'I MTSAN NYID KYI YAN LAG CES PA'I RNAM PA DE DAG KYANG, ZHES SOGS GSUNGS PA'I PHYIR, ZER NA, SKYON MED DE, RNAM PA ZHES BYA MTSAN NYID DE, ,ZHES PA'I RNAM PA MTSON BYA LA BYED PAR KHAS BLANGS NA, SKYON DE 'JUG KYANG DE LTAR KHAS MA BLANGS PA'I PHYIR, SKABS 'DIR GNYEN PHYOGS SHES RNAM KYI MTSAN NYID 'JOG BA SKABS SU MA BABS PA'I SKYON MED DE, t'IKKAR, MKHYEN PA GSUM PO GANG RUNG GI RNAM PA LEGS PAR SHAR NAS SGOM BAR BYED PA'I BYANG SEMS KYI YE SHES ZHES BYA BA NI, SKABS 'DIR GNYEN PO'I MTSAN NYID, GNYEN POR 'JOG PA'I LAM SHES KYI RNAM PA DE NI, RIGS BSDU NA RNAM PA GSUM DU 'DOD CES GSUNGS PA'I PHYIR, t'IKKI'I, TSIG 'DI'I DON BSDU NA, RANG GI MI MTHUN PHYOGS 'JO MAS PAR NUS PA'I MKHYEN PA, SKABS 'DIR BSTAN GYI GNYEN PHYOGS SHES RNAM GYI MTSAN NYID, RANG GI MI MTHUN PHYOGS 'JOMS PAR NUS PA'I BYANG SEMS KYI YE SHES, SEMS DPA'I RGYUD KYI GNYEN PHYOGS SHES RNAM GYI MTSAN NYID YIN NO, ,GZHAN YANG, SKABS 'DIR GNYEN PHYOGS SHES RNAM KYI MTSAN NYID 'JOG PA SKABS SU BABS PAR THAL, GZHUNG 'DI SHES RNAM BRGYA BDUN CU RTZA GSUM 'CHAD BYED KYI GZHUNG YIN PA'I PHYIR TE, SHES RNAM BRGYA BDUN CU RTZA GSUM MDOR BSTAN GYI TSUL DU 'CHAD BYED KYI GZHUNG CIG YOD PA'I PHYIR, @08B MED PA'I RNAM PA NAS BZUNG STE, ZHES SOGS KYI SKABS SU, SBYOR BA DANG, MTHA' DPYAD PA GNYIS, DANG PO NI, GZHI SHES KYI SHES RNAM DE LA NYER BDUN YOD DE, BDEN PA DANG PO GSUM LA BRTEN PA'I GZHI SHES KYI SHES RNAM BCU GNYIS DANG, LAM BDEN LA BRTEN PA'I GZHI SHES KYI SHES RNAM BCO LNGA RNAMS SU YOD PA'I PHYIR, GNYIS PA LA KHA CIG ,GZHI SHES KYI DMIGS PA'I CHOS LA LOG PHYOGS SU SGRO 'DOGS PA'I SGRO 'DOGS 'GOG PAR BYED PA'I SEMS DPA'I RNAL 'BYOR, GZHI SHES KYI SHES RNAM KYI MTSAN NYID ZER NA, THEG CHEN GYI TSOGS LAM CHOS CAN, MTSON BYA DER THAL, MTSAN NYID DE'I PHYIR, RTAGS GRUB STE, BYANG SEMS TSOGS LAM PA'I RGYUD LA GZHI SHES KYI RNAM PA BSGOM PA'I SEMS DPA'I RNAL 'BYOR YOD PA'I PHYIR, RTZA BAR 'DOD NA; DE CHOS CAN, GZHI SHES YIN PAR THAL, 'DOD PA'I PHYIR, KHA CIG ,GZHI SHES KYI DMIGS PA'I CHOS LA LOG PHYOGS SU SGRO 'DOGS PA'I SGRO 'DOGS 'GOG PAR BYED PA'I GZHI SHES KYI 'DZIN STANGS SU DMIGS PA DE, GZHI SHES KYI RNAM PA'I MTSAN NYID ZER NA, GZHI SHES 'DZIN PA'I RTOG PA CHOS CAN, GZHI SHES KYI 'DZIN STANGS YIN PAR THAL, DE'I RNAM PA YIN PA'I PHYIR, MA GRUB NA, DER THAL, DE'I RNAM PAR SKYES PA'I PHYIR TE, DE'I RNAM PA SHAR BA'I BLO YIN PA'I PHYIR, RTZA BAR 'DOD NA, DE CHOS CAN, GZHI SHES YIN PAR THAL LO, ,'DOD MI NUS TE, KHYOD RGYUD LDAN GYI LAM MA ZHUGS KYI GANG ZAG YOD PA'I PHYIR TE, GZHI SHES KYI RNAM PA CAN GYI BLO RGYUD LDAN GYI LAM MA ZHUGS KYI GANG ZAG YOD PA'I PHYIR, MA GRUB NA, DE CHOS CAN, KHYOD 'DZIN PA'I RTOG PA RGYUD LDAN GYI LAM MA ZHUGS KYI GANG ZAG YOD PAR THAL, KHYOD BDAG MED YIN PA'I PHYIR, GZHAN YANG, GZHI SHES KYI RNAM PA YIN NA GZHI SHES YIN DGOS PAR THAL, MTSAN NYID DE 'THAD PA'I PHYIR, 'DOD NA, GZHI SHES KYI RNAM PA RGYUD LA LDAN PA'I LAM @09A *, ,MA ZHUGS KYI GANG ZAG MED PAR THAL LO, ,'DOD MI NUS TE, GZHI SHES KYI RNAM PA DANG LDAN PA'I BLO RGYUD LDAN GYI LAM MA ZHUGS KYI GANG ZAG YOD PA'I PHYIR, GZHI SHES KYI RNAM PA CAN GYI BLO RGYUD LDAN GYI LAM MA ZHUGS KYI GANG ZAG YOD PA'I PHYIR TE, GZHI SHES 'DZIN PA'I RTOG PA RGYUD LDAN GYI LAM MA ZHUGS KYI GANG ZAG YOD PA GANG ZHIG ,GZHI SHES 'DZIN PA'I RTOG PA DE GZHI SHES KYI RNAM PA CAN GYI BLO YIN PA'I PHYIR, LAN GYIS LDOG PAR MI NUS PA'I THAL 'GYUR RO, ,KHA CIG ,DMAN PA'I RIGS CAN RJES SU GZUNG BA'I PHYIR DU GTZO BOR BSGOM PAR BYA BA'I 'PHAGS RGYUD KYI MKHYEN PA, GZHI SHES KYI SHES RNAM GYI DON YIN ZER NA, GONG DU BKAG ZIN, SLAR YANG SKYON BRJOD NA, BYANG 'PHAGS KYI RGYUD KYI DMAN PA'I RIGS CAN SDUG BSNGAL DANG BRAL BAR 'DOD PA'I SNYING RJE CHEN PO CHOS CAN, MTSON BYA DER THAL, MTSAN NYID DE'I PHYIR, RTAGS GRUB STE, CHOS CAN DE DANG GCIG YIN PA'I PHYIR, RTZA BAR 'DOD NA, THEG DMAN GYI RTOGS RIGS SU GNAS PAR THAL LO, ,KHO NA RE, THEG DMAN GYI RTOGS RIGS SU GNAS PA'I 'PHAGS RGYUD KYI MKHYEN PA DE, SKABS 'DIR DNGOS BSTAN GYI GZHI SHES KYI SHES RNAM GYI MTSAN NYID ZER NA, SANGS RGYAS 'PHAGS PA'I RGYUD KYI GZHI SHES CHOS CAN, MTSON BYA DER THAL, MTSAN NYID DE'I PHYIR, RTAGS GRUB STE; GZHI SHES YIN PA'I PHYIR, 'DOD MI NAS TE, SKABS 'DIR BSTAN GYI GZHI SHES KYI SHES RNAM DE LA BYANG SEMS 'PHAGS PA'I RGYUD KYI GZHI SHES KYI SHES RNAM DANG, THEG DMAN 'PHAGS PA'I RGYUD KYI GZHI SHES KYI SHES RNAM GNYIS SU GRANGS NGES PA'I PHYIR, TE, DE LA THAMS CAD SHES PA NYID KYI RNAM PA NI NYAN THOS DANG BYANG CHUB SEMS DPA'I BYA BRAG GI GO RIM BZHIN DU ZAG PA MED PA DANG ZAG PA DANG BCAS PA DAG KYANG YIN TE, ZHES GSUNGS PA'I PHYIR, ` ,RANG LUGS NI, GZHI @09B SHES KYI RNAM PA LEGS PAR SHAR NAS BSGOM PAR BYED PA'I SHES RAB KYIS ZIN PA'I SEMS DPA'I RNAL 'BYOR, SEMS DPA'I RGYUD KYI GZHI SHES KYI DMIGS PA'I CHOS LA LOGS PHYOGS SU SGRO 'DOGS PA'I SGRO 'DOGS KYI GNYEN PO'I MTSAN NYID, GZHI SHES KYI SBYOR BA'I BSGOM BYAR GYUR PA'I 'PHAGS RGYUD KYI MKHYEN PA GANG ZHIG ,THEG DMAN GYI RTOGS RIGS SU GNAS PA, GZHI SHES KYI SHES RNAM GYI MTSAN NYID YIN BYAS PA LA MKHAS PA KHA CIG ,RNAM PA ZHES BYA MTSAN NYID DE ZHES PA'I RNAM PA MTSON BYA LA BYED RIGS PAR THAL, SKABS 'DIR GZHI SHES KYI RNAM PA'I MTSAN NYID 'JOG PA SKABS SU BABS PA'I PHYIR, 'DOD NA, RNAM PA ZHES BYA MTSAN NYID DE, ZHES BSHAD PA MI 'THAD PAR THAL, 'DOD PA'I PHYIR, ZHES GSUNGS PA LA LAN SNGAR BTAB ZIN TO,, ` NYON MONGS PA'I SGRIB PA'I GNYEN PO NYID DU, ZHES SOGS KYI SKABS SU, SBYOR BA DANG, MTHA' DPYAD PA GNYIS LAS DANG PO NI, GZHI SHES KYI LAM BDEN GYI RNAM PA LA GSUM YOD DE, NYON SGRIB KYI GNYEN PO'I RIGS SU GNAS PA'I MTHONG LAM ZAG MED GCIG ,GZUGS PHYI ROL DON DU 'DZIN PA'I RTOG PA'I GNYEN PO'I RIGS SU GNAS PA'I SGOM LAM ZAG BCAS GCIG ,GZUGS PHYI ROL DON DU 'DZIN PA'I RTOG PA'I GNYEN PO'I RIGS SU GNAS PA'I MTHONG LAM ZAG MED GCIG RNAMS SU YOD PA'I PHYIR, SKABS 'DIR GZUGS PHYI ROL DON DU 'DZIN PA'I RTOG PA'I GNYEN PO STON PA SKABS SU MA BABS PA'I SKYON MED DE, GZHI SHES KYIS RANG RGYAL 'PHAGS PA'I MNGON RTOGS BSDUS PA'I PHYIR, KHA CIG ,GZHI SHES KYI LAM BDEN GYI RNAM PA LA GSUM YOD DE, NYON SGRIB KYI DNGOS GNYEN DU GYUR PA'I MTHONG LAM ZAG MED GCIG ,SHES SGRIB GZUNG RTOG GI DNGOS GNYEN DU GYUR PA'I SGOM LAM ZAG BCAS GCIG ,SHES SGRIB GZUNG RTOG GI DNGOS GNYEN DU GYUR PA'I MTHONG LAM ZAG MED GCIG @10A *, ,RNAMS SU YOD PA'I PHYIR, ZER BA MI 'THAD DE, NYON SGRIB KYI DNGOS GNYEN DU GYUR PA'I MTHONG LAM ZAG MED MED PAR THAL, DE'I DNGOS GNYEN YIN NA SGOM LAM BAR CHAD MED LAM YIN DGOS PA'I PHYIR, RTAGS BUD, SHES SGRIB GZUNG RTOG GI DNGOS GNYEN DU GYUR PA'I SGOM LAM ZAG BCAS MED PAR THAL DE YIN NA SGOM LAM BAR CHAD MED LAM YIN DGOS PA'I PHYIR, DE'I DNGOS GNYEN DU GYUR PA'I MTHONG LAM ZAG MED MED PAR THAL, DE YIN NA SGOM LAM BAR CHAD MED LAM YIN DGOS PA'I PHYIR; KHO NA RE, STONG NYID LA RTZE GCIG TU MNYAM PAR BZHAG PA'I MNYAM GZHAG YE SHES CHOS CAN, SGOM LAM BAR CHAD MED LAM YIN PAR THAL, SHES SGRIB GZUNG RTOG GI DNGOS GNYEN YIN PA'I PHYIR, DER THAL, BDEN 'DZIN GYI DNGOS GNYEN YIN PA'I PHYIR, DER THAL, BDEN 'DZIN LA DNGOS SU GNOD BYED GANG ZHIG ,DE'I GNYEN PO YIN PA'I PHYIR, NA MA KHYAB STE, BDEN 'DZIN GYI DNGOS GNYEN GANG ZHIG BAR CHAD MED LAM YIN NA, DE'I DNGOS GNYEN BAR CHAD MED LAM YIN DGOS PAR THAL, DE LA DNGOS SU GNOD BYED GANG ZHIG, ,DE'I GNYEN PO YIN NA DE'I DNGOS GNYEN YIN DGOS PA'I PHYIR, RTAGS KHAS, 'DOD NA, THEG CHEN GYI MTHONG LAM SDUG BSNGAL CHOS BZOD CHOS CAN, DER THAL, DE'I PHYIR, DANG PO MA GRUB NA, DE DE'I DNGOS GNYEN YIN PAR THAL, DE STONG NYID LA RTZE GCIG TU MNYAM PAR GZHAG PA'I BYANG SEMS KYI SBYOR LAM MNYAM GZHAG YE SHES DE, BDEN 'DZIN GYI DNGOS GNYEN YIN PA'I PHYIR, RTAGS SONG, GONG DU 'DOD NA, THEG CHEN GYI MTHONG LAM RNAM GROL LAM DES BDEN 'DZIN SPANGS PAR THAL ; ;'DOD PA'I PHYIR, GZHAN YANG, NYON SGRIB KYI DNGOS GNYEN YIN NA GZHI SHES YIN DGOS PAR THAL, SBYOR BA DE 'THAD PA'I PHYIR, 'DOD NA, 'OG TU 'GOG ,KHA CIG ,GZHI SHES KYI LAM BDEN GYI RNAM PA LA GSUM YOD DE, NYON SGRIB @10B KYI DNGOS GNYEN DU GYUR PA'I MTHONG LAM ZAG MED GCIG ,SHES SGRIB GZUNG RTOG GI GNYEN POR GYUR PA'I SGOM LAM ZAG BCAS GCIG ,DE'I GNYEN POR GYUR PA'I MTHONG LAM ZAG MED GCIG YOD PA'I PHYIR ZER NA, SBYOR BA SNGA PHYI GNYIS KA LA SHES BYA CHOS CAN, GZUGS PHYI ROL DON DU 'DZIN PA'I RTOG PA DE, SHES SGRIB GZUNG RTOG YIN PAR THAL, SBYOR BA DE RNAMS 'THAD PA'I PHYIR, 'DOD NA, DE CHOS CAN, RANG GI DMIGS YUL DU GYUR PA'I GZUNG BA LA DMIGS NAS LONGS SPYOD BYAR BDEN PAR ZHEN PA'I BLO YIN PAR THAL, 'DOD PA'I PHYIR, 'DOD NA, BDEN 'DZIN YIN PAR THAL, 'DOD PA'I PHYIR, 'DOD NA, GZUGS PHYI ROL DON GYI STONG PA DON DAM BDEN PA YIN PAR THAL LO, ,GZHAN YANG, NYON SGRIB KYI DNGOS GNYEN BAR CHAD MED LAM YIN NA GZHI SHES YIN DGOS PAR THAL, SBYOR BA DE 'THAD PA'I PHYIR, 'DOD NA, DMAN LAM SNGON DU MA SONG BA'I RGYUN MTHA'I BAR CHAD MED LAM CHOS CAN, DER THAL, DE'I PHYIR, RTAGS GRUB STE, DMAN LAM SNGON DU MA SONG BA'I RGYUN MTHA'I BAR CHAD MED LAM PAS SGRIB GNYIS CIG CAR DU SPONG BA'I PHYIR TE, KUN BTUS LAS, DES BYANG CHUB THOB PA NA, NYON MONGS PA DANG SHES BYA'I SGRIB PA CIG CAR DU SPONG NGO, ,ZHES GSUNGS PA'I PHYIR, RTZA BAR 'DOD MI NUS TE, THEG DMAN GYI RTOGS RIGS SU MI GNAS PA'I PHYIR TE, THEG CHEN GYI SGOM LAM BAR CHAD MED LAM YIN PA'I PHYIR, KHO NA RE, DMAN LAM SNGON DU MA SONG BA'I RGYUN MTHA'I BAR CHAD MED LAM CHOS CAN, GANG ZAG GI BDAG 'DZIN GYI DNGOS GNYEN BAR CHAD MED LAM YIN PAR THAL, ,NYON SGRIB KYI DNGOS GNYEN BAR CHAD MED LAM YIN PA'I PHYIR, RTAGS KHAS, 'DOD NA, GANG ZAG GI BDAG 'DZIN DANG DMIGS PA GCIG LA DMIGS NAS RNAM PA 'DZIN STANGS DNGOS 'GAL DU ZHUGS @11A *, ,PA'I BLO YIN PAR THAL, 'DOD PA'I PHYIR NA, MA KHYAB, 'DOD NA, DE CHOS CAN, GANG ZAG GI BDAG MED KYI RNAM PA CAN GYI BLO YIN PAR THAL, 'DOD PA'I PHYIR, 'DOD NA, SLOB LAM NA BLO GCIG GIS BDEN PA GNYIS CIG CAR DU MNGON SUM DU RTOGS PA YOD PAR THAL, 'DOD PA'I PHYIR NA MA KHYAB MTSAMS LA, GANG ZAG MI RTAG PA MA YIN PAR 'DZIN PA'I RTOG PA'I DNGOS GNYEN BAR CHAD MED LAM CHOS CAN, KHYOD DE DANG 'DZIN STANGS DNGOS SU 'GAL BAR THAL, KHYOD DE'I DNGOS GNYEN BAR CHAD MED LAM YIN PA'I PHYIR, KHYAB PA KHAS, RTAGS GRUB STE, DE'I DNGOS GNYEN BAR CHAD MED LAM YOD PA'I PHYIR TE, GANG ZAG RTAG GCIG RANG DBANG CAN DU 'DZIN PA'I RTOG PA'I DNGOS GNYEN BAR CHAD MED LAM YOD PA'I PHYIR, MA KHYAB NA, 'GAL, MA GRUB NA, DER THAL, GANG ZAG GI BDAG 'DZIN KUN BRTAGS KYI DNGOS GNYEN BAR CHAD MED LAM YOD PA'I PHYIR, RTAGS SLA, RTZA BAR 'DOD NA, DE CHOS CAN, KHYOD GANG ZAG MI RTAG PA'I RNAM PA CAN GYI BLO YIN PAR THAL, 'DOD PA'I PHYIR, 'DOD MI NUS TE, BAR CHAD MED LAM YIN PA'I PHYIR, LHAS BYIN LA DMIGS PA'I KHONG KHRO'I DNGOS GNYEN BAR CHAD MED LAM CHOS CAN, LHAS BYIN LA DMIGS PA'I KHONG KHRO DANG 'DZIN STANGS DNGOS SU 'GAL, BAR THAL, DE DE'I DNGOS GNYEN BAR CHAD MED LAM YIN PA'I PHYIR, KHYAB PA KHAS, RTAGS GRUB STE, CHOS CAN DE YOD PA'I PHYIR TE, RTZA NYON DRUG GI DNGOS GNYEN BAR CHAD MED LAM YOD PA'I PHYIR, NYON SGRIB KYI DNGOS GNYEN BAR CHAD MED LAM YOD PA'I PHYIR, RTZA BAR 'DOD NA, DE CHOS CAN, KHYOD LA LHAS BYIN YID 'ONG DU SNANG BAR THAL, 'DOD PA GANG ZHIG ,LHAS BYIN LA DMIGS PA'I KHONG KHRO LA LHAS BYIN YID MI 'ONG DU SNANG BA'I PHYIR, 'DOD MI NUS TE, BAR CHAD MED LAM YIN PA'I @11B PHYIR; GZHAN YANG, SKABS GNYIS PA'I RNAM BSHAD SNYING PO RGYAN LAS, 'DA' BYED KYI MTHONG LAM DE NYID KYI RNAM PA BCU DRUG SPROS BRAL DU MNGON SUM DU RTOGS KYANG, RNAM PA BCU DRUG RTOGS PA NI MA YIN NO, ,DE NYID KYIS SGRIB GNYIS KUN BRTAGS KYI SA BON ZAD PAR BCOM NAS DE'I RJES SU RNAM PA BCU DRUG MNGON SUM DU RTOGS PA'I 'DA' BAR BYA BA'I MTHONG LAM MNGON GYUR DU SKYE BA YIN NO, ,ZHES DANG, SKABS 'DI'I ttI KAR, SPANG BYA'I SA BON LA DNGOS SU GNOD BYED KYI GNYEN PO STONG NYID RTOGS PA'I SHES RAB YIN KYANG, MKHYEN GSUM GYI RNAM PA LA PHYIN CI LOG TU ZHUGS PA'I SGRO 'DOGS JI SNYED PA DE SNYED KYI GNYEN POR, DE'I DMIGS RNAM GYI LOG PHYOGS 'DZIN PA'I RNAM PA MTHA' DAG ZHI LHAG ZUNG 'BREL, GYI SGO NAS BSGOM PAR BYA BA YIN NO, ,ZHES GSUNGS PA MI 'THAD PAR THAL, DMAN LAM SNGON DU MA SONG BA'I THEG CHEN GYI MTHONG LAM SDUG BSNGAL CHOS BZOD, GANG ZAG GI BDAG 'DZIN KUN BRTAGS KYI DNGOS GNYEN PAR CHAD MED LAM MA YIN, DMAN LAM SNGON DU MA SONG BA'I THEG CHEN GYI SGOM LAM BAR CHAD MED LAM DE, RANG GI NGO SKAL GYI SPANG BYAR GYUR BA'I GANG ZAG GI BDAG 'DZIN LHAN SKYES KYI DNGOS GNYEN BAR CHAD MED LAM MA YIN PA'I PHYIR, RTAGS KHAS, GZHAN YANG; LAM RJES SHES LA GNAS PA'I PHYIR, MI 'ONG DES 'DOD NYON GYI SA BON SPANG BAR 'DOD PA LA DGAG PA BYED MI RIGS PAR THAL, DES SPONG BA LA DE'I DNGES GNYEN BAR CHAD MED LAM THOB MI DGOS PA'I PHYIR, DER THAL, NYON SGRIB SPONG BA LA DE'I DNGOS GNYEN BAR CHAD MED LAM THOB MI DGOS PA'I PHYIR, MA GRUB NA, DMAN LAM SNGON DU MA SONG BA'I SANGS RGYAS 'PHAGS PA CHOS CAN, DER THAL, DER THAL, DE'I PHYIR, 'DOD NA, DMAN LAM SNGON DU MA SONG BA'I RGYUN MTHA'I BAR @12A *, ,CHAD MED LAM NYON SGRIB KYI DNGOS GNYEN BAR CHAD MED LAM YIN PAR THAL, 'DOD PA'I PHYIR, RTAGS KHAS, RE SHIG DGOS PA LA KHO NA RE, DMAN LAM SNGON DU MA SONG BA'I RGYUN MTHA'I BAR CHAD MED LAM LA GNAS PA'I SEMS DPA' CHOS CAN, KHYOD KYIS NYON SGRIB SPANG BYA'I GTZO BOR BYED PAR THAL, KHYOD KYIS NYON SGRIB KYI DNGOS GNYEN BAR CHAD MED LAM BSGOM BYA'I GTZO BOR BYED PA'I PHYIR, DER THAL, NYON SGRIB KYI DNGOS GNYEN DU GYUR BA'I RGYUN MTHA'I BAR CHAD MED LAM BSGOM BYA'I GTZO BOR BYED PA'I PHYIR, ZER NA, 'DIR MA KHYAB STE, DMAN LAM SNGON DU MA SONG BA'I MTHONG LAM SDUG BSNGAL CHOS BZOD LA GNAS PA'I SEMS DPA' CHOS CAN, KHYOD KYIS GANG ZAG GI BDAG 'DZIN KUN BRTAGS SPANG BYA'I GTZO BOR BYED PAR THAL, KHYOD KYIS DE SPANGS PA'I RNAM GROL LAM THOB BYA'I GTZO BOR BYED PA'I PHYIR, DER THAL, DE SPANGS PA'I THEG CHEN GYI MTHONG LAM RNAM GROL LAM THOB BYA'I GTZO BOR BYED PA'I PHYIR, 'KHOR GSUM RIM BZHIN NO, ,GZHAN YANG, SNGAR GYI SBYOR BA DE LA, RANG RGYAL SLOB BA 'PHAGS PA DES, SHES SGRIB GZUNG RTOG SPANG BYA'I GTZO BOR BYED PAR THAL, SBYOR BA DE RNAMS 'THAD PA'I PHYIR, 'DOD NA, DE CHOS CAN, SHES SGRIB SPANG BYA'I GTZO BOR BYED PAR THAL; 'DOD PA'I PHYIR, 'DOD NA, RANG RGYAL DGRA BCOM PAS SHES SGRIB SPANGS PAR THAL, 'DOD PA'I PHYIR, MKHAS PA KHA CIG ,GZHI SHES KYI LAM BDEN GYI RNAM PA LA GSUM YOD DE, NYON SGRIB KYI GNYEN PO'I RIGS SU GNAS PA'I MTHONG LAM ZAG MED GCIG DANG, GZUNG BA CHOS KYI BDAG 'DZIN GYI GNYEN PO'I RIGS SU GNAS PA'I SGOM LAM ZAG BCAS GCIG DANG, DE 'DRA'I MTHONG LAM ZAG MED GCIG RNAMS SU YOD PA'I PHYIR ZER NA, GZUGS PHYI ROL DON DU 'DZIN PA'I @12B RTOG PA DE GZUNG PA CHOS KYI BDAG 'DZIN YIN PAR THAL, SBYOR BA DE 'THAD PA'I PHYIR, 'DOD NA, DE CHOS CAN, CHOS KYI BDAG 'DZIN YIN PAR THAL, GZUNG BA CHOS KYI BDAG 'DZIN YIN PA'I PHYIR, KHYAB STE, 'DZIN PA CHOS KYI BDAG 'DZIN YIN NA CHOS KYI BDAG 'DZIN YIN DGOS PA'I PHYIR, DE LA YANG KHYAB PA YOD DE, GZUNG BA CHOS KYI BDAG 'DZIN DANG, 'DZIN PA CHOS KYI BDAG 'DZIN GNYIS KYI 'DZIN STANGS LA PHRA RAGS KYI KHYAD PAR MED PA'I PHYIR, DER THAL, GZUNG RTOG DANG 'DZIN RTOG GNYIS KYI 'DZIN STANGS LA PHRA RAGS KYI KHYAD BAR MED PA'I PHYIR TE, DE GNYIS PO DE BDEN 'DZIN DU MTSUNGS PA'I PHYIR, GZHAN YANG RANG RGYAL SLOB PA 'PHAGS PA DES, GZUNG BA CHOS KYI BDAG 'DZIN SPANG BYA'I GTZO BOR BYAS NAS SPONG BAR THAL, SBYOR BA DE 'THAD PA'I PHYIR, 'DOD NA, RANG RGYAL DGRA BCOM PAS GZUNG BA CHOS KYI BDAG 'DZIN SPANGS BAR THAL, 'DOD PA'I PHYIR, 'DOD NA, GZUNG BA LA DMIGS NAS BDEN PAR ZHEN PA'I BLO DE GZUNG BA CHOS KYI BDAG 'DZIN MA YIN PAR THAL; 'DOD PA'I PHYIR, 'DOD NA, DE CHOS CAN, DE YIN PAR THAL, KHYOD CHOS KYI BDAG 'DZIN GANG ZHIG KHYOD KYI DMIGS YUL YIN NA, GZUNG 'DZIN GNYIS SU PHYE BA'I GZUNG BA YIN DGOS PA'I PHYIR, GNYIS PA LA MKHAS PA KHA CIG , SKABS 'DIR NYON SGRIB KYI GNYEN PO LA ZAG BCAS ZAG MED MA PHYE BAR, GZUGS PHYI ROL DON DU 'DZIN PA'I RTOG PA'I GNYEN PO LA ZAG BCAS ZAG MED GNYIS SU 'BYED PA'I RGYU MTSAN YOD DE, NYON SGRIB MNYAM GZHAG KHO NAS SPONG ZHING, SHES SGRIB MNYAM RJES GNYIS KAS SPONG BA'I PHYIR ZER BA MI 'THAD DE, RGYUD BLA MA LAS, SGRIB PA GNYIS DANG BRAL BA YI, ,RGYU NI YE SHES GNYIS YIN TE, ZHES BSHAD PA MI 'THAD PAR THAL, KHYOD KYIS DAM BCA' 'THAD PA'I PHYIR, @13A *, ,KHA CIG ,NYON SGRIB KYI GNYEN POR GYUR PA'I LAM ZAG MED DE THEG PA GSUM GA'I GANG ZAG GI RGYUD LA YOD, GZUGS PHYI ROL DON DU 'DZIN PA'I RTOG PA'I GNYER POR GYUR PA'I LAM ZAG MED DE, RANG RGYAL DANG BYANG SEMS GNYIS KA'I RGYUD LA YOD, SHES SGRIB KYI GNYEN POR GYUR PA'I LAM ZAG MED DE BYANG SEMS KHO NA'I RGYUD LA YOD ZER NA, GZUGS PHYI ROL DON DU 'DZIN PA'I RTOG PA'I GNYEN POR GYUR PA'I LAM ZAG MED RGYUD LA LDAN PA'I NYAN THOS MED PAR THAL, DAM BCA' BAR PA 'THAD PA'I PHYIR, 'DOD NA, GNYIS STONG MNGON SUM DU RTOGS PA'I NYAN THOS MED PAR THAL LO, ,'DOD NA, BDEN MED MNGON SUM DU RTOGS PA'I NYAN THOS MED PAR THAL, 'DOD PA'I PHYIR, 'DOD NA, BKAG ZIN, SANGS RGYAS 'PHAGS PA'I RGYUD LA SHES SGRIB KYI GNYEN POR MED PAR THAL, DAM BCA' PHYI MA DE 'THAD PA'I PHYIR, 'DOD NA, RNAM MKHYEN DE GNYEN PO'I YON TAN DANG MI LDAN PAR THAL LO, ,'DOD NA, DE CHOS CAN, DE DANG LDAN PAR THAL, LAM BDEN YIN PA'I PHYIR, KHYAB STE; RGYUD BLA MA LAS, DAG GSAL GNYEN PO'I PHYOGS NYID KYIS, ,ZHES PA'I LUNG DON GRUB PA'I PHYIR, SGRIB GNYIS KYI RNAM GZHAG LA, KHA CIG ,SGRIB PA GANG ZHIG ,GTZO BOR THAR PA THOB PA LA BAR DU GTZOD PAR BYED PA, NYON SGRIB KYI MTSAN NYID, DE GANG ZHIG ,GTZO BOR THAMS CAD MKHYEN PA THOB PA LA BAR DU GCOD PAR BYED PA, SHES SGRIB KYI MTSAN NYID ZER NA, GZUGS PHYI ROL DON DU 'DZIN PA'I RTOG PA CHOS CAN, MTSAN NYID PHYI MA'I ZUR GNYIS PA DER THAL, SHES SGRIB YIN PA'I PHYIR, MA GRUB NA, DE SHES SGRIB YIN PAR THAL, SGRIB PA LA SHES SGRIB DANG NYON SGRIB GNYIS SU GRANGS NGES PA GANG ZHIG ,DE NYON SGRIB MA YIN PA'I PHYIR, DANG PO GRUB STE, DBUS MTHA' LAS, NYON MONGS PA YI SGRIB PA DANG, ,SHES BYA'I SGRIB PA GNYIS SU @13B BSTAN; ;DER NI SGRIB PA THAMS CAD DE, ,DE ZAD NAS NI RNAM PAR GROL, ,ZHES GSUNGS PA'I PHYIR, GNYIS PA MA GRUB NA, DE CHOS CAN, NYAN THOS DGRA BCOM PAS KHYOD SPANGS PAR THAL, KHYOD NYON SGRIB YIN PA'I PHYIR, 'DOD NA, RANG RGYAL DGRA BCOM PA DE NYAN THOS DGRA BCOM PA LAS SPANGS PA'I SGO NAS KHYAD PAR DU 'PHAGS PA MA YIN PAR THAL, 'DOD PA'I PHYIR, 'DOD NA, RNAM PAR THAR PA CUNG ZAD TZAM ZHIG GIS LHAG PA, ZHES GSUNGS PA MI 'THAD PAR THAL, 'DOD PA'I PHYIR, RTZA BAR 'DOD NA; RANG RGYAL DGRA BCOM PA DE THAMS CAD MKHYEN PA YIN PAR THAL, 'DOD PA'I PHYIR, KHO NA RE, GZUGS PHYIR ROL DON DU 'DZIN PA'I RTOG PA CHOS CAN, SHES SGRIB MA YIN PAR THAL, NYON SGRIB YIN PA'I PHYIR, DER THAL, GTZO BOR THAR PA THOB PA LA BAR DU GCOD BYED KYI SGRIB PA YIN PA'I PHYIR, DER THAL, GTZO BOR RANG RGYAL GYI THAR PA THOB PA LA BAR DU GCOD BYED KYI SGRIB PA YIN PA'I PHYIR, ZER NA MA KHYAB STE, BDEN 'DZIN CHOS CAN, GTZO BOR THAR PA THOB PA LA BAR DU GCOD BYED KYI SGRIB PA YIN PAR THAL; GTZO BOR THEG CHEN GYI THAR PA THOB PA LA BAR DU GCOD BYED KYI SGRIB PA YIN PA'I PHYIR, KHYAB PA KHAS, GZHAN YANG, NYAN THOS DGRA BCOM PAS THAR PA THOB PA LA GEGS BYED KYI SGRIB PA MA SPANGS PAR THAL, GZUGS PHYI ROL DON DU 'DZIN PA'I RTOG PA DE, GTZO BOR THAR PA THOB PA LA GEGS BYED KYI SGRIB PA YIN PA'I PHYIR, 'DOD NA, DES THAR PA MA THOB PAR THAL, 'DOD PA'I PHYIR, 'DOD NA, HA CANG THAL LO, ,GZHAN YANG DES NYON SGRIB MA LUS PAR MA SPANGS PAR THAL, DE 'DRA'I RTOG PA DE NYON SGRIB YIN PA'I PHYIR, 'DOD NA SLA, KHO NA RE, SGRIB PA LA GNYIS SU GRANGS MA NGES PAR THAL, SNYOMS 'JUG GI SGRIB PA DE SGRIB PA GANG ZHIG ,DE NYON SGRIB KYANG MA YIN, SHES SGRIB KYANG MA YIN PA'I PHYIR, DANG PO GRUB STE, DE YOD PA'I PHYIR, @14A *, ,GNYIS PA MA GRUB NA, DE CHOS CAN, SHES RAB KYI CHA LAS RNAM GROL GYI NYAN THOS DGRA BCOM PAS KHYOD SPANGS PAR THAL, MA GRUB PA DE'I PHYIR, GSUM PA MA GRUB NA, DE CHOS CAN, GNYIS KA'I CHA LAS RNAM GROL GYI NYAN THOS DGRA BCOM PAS KHYOD MA SPANGS PAR THAL, MA GRUB PA DE'I PHYIR, ZER NA, DMAN PA'I SGRIB PA YIN NA, SGRIB PA YIN DGOS PAR THAL, SNYOMS 'JUG GI SGRIB PA LA DE'I PHYIR, RTAGS KHAS, 'DOD NA, NYAN THOS TSOGS LAM PA'I RGYUD KYI RANG NYID GCIG PU ZHI BDE DON GNYEN GYI BLO CHOS CAN, DER THAL, DE'I PHYIR, RTAGS GRUB STE, DMAN PA'I SGRIB PA'I MTSAN GZHI CIG YOD PA'I PHYIR, 'DOD MI NUS TE, THAR LAM YIN PA'I PHYIR, KHO NA RE, SGRIB PA'I DNGOS GNYEN BAR CHAD MED LAM LA THEG CHEN GYI BAR CHAD MED LAM DANG, THEG DMAN GYI BAR CHAD MED LAM GNYIS SU GRANGS NGES PAR THAL, SGRIB PA LA SHES SGRIB DANG NYON SGRIB GNYIS SU GRANGS NGES PA'I PHYIR, RTAGS KHAS, 'DOD NA, SGRIB PA'I DNGOS GNYIN DU GYUR PA'I THEG DMAN GYI BAR CHAD MED LAM YOD PAR THAL LO, ,'DOD NA, NYAN THOS KYI SGOM LAM RDO RJE LTA BU'I TING NGE 'DZIN DE, SGRIB PA'I DNGOS GNYEN BAR CHAD MED LAM YIN PAR THAL LO, ,'DOD NA, NYAN THOS DGRA BCOM PAS SGRIB PA SPANGS PAR THAL, 'DOD PA'I PHYIR NA, RTZA BAR MA KHYAB; BYANG CHUB DE LA THEG CHEN GYI BYANG CHUB DANG, THEG DMAN GYI BYANG CHUB GNYIS SU GRANGS NGES PAR THAL, SGRIB PA DE LA DE GNYIS SU GRANGS NGES PA'I PHYIR, 'DOD MI NUS TE, NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA'I RGYUD LA BYANG CHUB YOD PA'I PHYIR NA, RTZA PAR MA KHYAB, YANG KHO NA RE, THAR PA YIN NA NYAN THOS KYI THAR PA YIN DGOS PAR THAL, GTZO BOR THAR PA 'THOB PA LA BAR DU GCOD BYED KYI SGRIB PA YIN NA, GTZO BOR NYAN THOS KYI THAR PA THOB PA LA BAR DU @14B GCOD PA'I SGRIB PA YIN DGOS PA'I PHYIR, DER THAL, GZUGS PHYI ROL DON DU 'DZIN PA'I RTOGS PA DE, GTZO BOR THAR PA THOB PA LA BAR DU GCOD PA'I SGRIB PA MA YIN PA'I PHYIR, ZER NA, RTZA BAR MA KHYAB STE, THAR PA YIN NA THEG DMAN GYI THAR PA YIN DGOS PAR THAL, GTZO BOR THAR PA 'THOB PA LA BAR DU GCOD PA'I SGRIB PA YIN NA, GTZO BOR THEG DMAN GYI THAR PA 'THOB PA LA BAR DU GCOD PA'I SGRIB PA YIN DGOS PA'I PHYIR, KHYAB PA KHYAS, KHO NA RE, RANG RGYAL SLOB PA 'PHAGS PA DES SHES SGRIB SPANG BYA'I GTZO BOR BYED PAR THAL, GZUGS PHYI ROL DON DU 'DZIN PA'I RTOG PA DE SHES SGRIB YIN PA'I PHYIR, 'DOD NA, RANG RGYAL DGRA BCOM PAS SHES SGRIB SPANGS PAR THAL LO, ,ZER NA RTZA BAR MA KHYAB STE, KHYOD KYIS SHES SGRIB SPANG BYA'I GTZO BOR BYED PAR THAL, KHYOD KYI SPANG BYA'I GTZO BOR GYUR PA'I SHES SGRIB YOD PA'I PHYIR, ZHES PA'I THAL 'GYUR LA KHYAB PA YOD PAR THAL, RTZA BA'I THAL 'GYUR LA KHYAB PA YOD PA'I PHYIR, 'DOD NA BYANG SEMS MTHONG LAM PA CHOS CAN, KHYOD KYIS THAR PA 'THOB BYA'I GTZO BOR BYED PAR THAL, KHYOD KYIS 'THOB BYA'I GTZO BOR GYUR PA'I THAR PA YOD PA'I PHYIR, KHYAB PA 'GRIG ,MA GRUB NA DER THAL, DER GYUR PA'I MTHAR THUG GI THAR PA YOD PA'I PHYIR, RTZA BAR 'DOD NA SLA, KHO NA RE, GZUGS PHYI ROL DON DU 'DZIN PA'I RTOG PA CHOS CAN, CHOS KYI BDAG 'DZIN YIN PAR THAL, SHES SGRIB RTOG PA YIN PA'I PHYIR, 'DOD NA, BDEN 'DZIN YIN PAR THAL, 'DOD PA'I PHYIR, ZER NA, NYON SGRIB TU GYUR PA'I RTOG PA YIN NA GANG ZAG GI BDAG 'DZIN YIN DGOS PAR THAL, SHES SGRIB TU GYUR PA'I RTOG PA YIN NA, CHOS KYI BDAG 'DZIN YIN DGOS PA'I PHYIR, 'DOD NA SLA, KHO NA RE, BDAG 'DZIN LA GANG ZAG GI BDAG 'DZIN DANG CHOS KYI BDAG 'DZIN GNYIS SU GRANGS NGES PAR THAL, SGRIB PA LA SHES SGRIB DANG NYON SGRIB GNYIS SU GRANGS NGES PA'I PHYIR, 'DOD NA, @15A *, ,CHOS KYI BDAG 'DZIN BDAG 'DZIN YIN PAR THAL LO, ,'DOD NA, DE CHOS CAN, KHYOD KYI ZHEN YUL MED PAR MNGON SUM DU RTOGS NA, BDAG MED MNGON SUM DU RTOGS PAS KHYAB PAR THAL, KHYOD BDAG 'DZIN YIN PA'I PHYIR, 'DOD NA, THEG CHEN GYI MTHONG LAM BAR CHAD MED LAM CHOS CAN, KHYOD KYIS BDAG MED MNGON SUM DU RTOGS PAR THAL, KHYOD KYIS CHOS KYI BDEN 'DZIN GYI ZHEN YUL MED PAR MNGON SUM DU RTOGS PA'I PHYIR, KHYAB PA KHAS, 'DOD NA, BDAG MED KHYOD KYI DNGOS GZHAL YIN PAR THAL LO, ,'DOD NA, BDAG MED CHOS CAN, KHYOD DON DAM BDEN PA YIN PAR THAL LO, ,'DOD NA, DE CHOS CAN, KHYOD DE MA YIN PAR THAL, KHYOD KUN RDZOB BDEN PA YIN PA'I PHYIR, DER THAL, KHYOD NYAN THOS KYI MTHONG LAM BAR CHAD MED LAM GYI DNGOS YUL YIN PA'I PHYIR TE, DES KHYOD MNGON SUM DU RTOGS PA'I PHYIR, MA GRUB NA, DE CHOS CAN, KHYOD KYIS BDAG MED MNGON SUM DU RTOGS PAR THAL, KHYOD KYIS GANG ZAG GI BDAG 'DZIN GYI ZHEN YUL MED PAR MNGON SUM DU RTOGS PA'I PHYIR, KHYAB PA KHAS, RTAGS SLA, ZER NA, RTZA BAR MA KHYAB STE, BDAG 'DZIN YIN NA GANG ZAG GI BDAG 'DZIN YIN DGOS PA'I PHYIR, SKABS 'DI DAG TU MKHAS PA KHA CIG, MED PA'I RNAM PA NAS BZUNG STE, ,ZHES SOGS KYI SKABS NAS DNGOS SU BSTAN PA'I GZHI SHES YIN NA, NYAN THOS KYI RTOGS RIGS SU GNAS PAS KHYAB, ZER NA, CHES MI 'THAD, GNYIS STONG DON SPYI'I TSUL GYIS RTOGS PA'I BYANG SEMS KYI SGOM LAM CHOS CAN, DER THAL, DE'I PHYIR, RTAGS GRUB STE, DE'I PHYIR DE DAG GIS SHES BYA'I SGRIB PA'I GNYEN PO NYID DU SGOM PA'I LAM ZAG PA DANG BCAS PA DANG, ZHES GSUNGS PA'I PHYIR, DE BZHIN DU, GNYIS STONG MNGON SUM DU RTOGS PA'I BYANG SEMS KYI MTHONG LAM CHOS CAN, DER THAL, DE'I PHYIR, RTAGS GRUB STE, ZAG PA MED PA GNYIS YIN PAS ZHES @15B BSHAD PA'I PHYIR, MKHAS PA KHA CIG ,SKABS 'DIR DNGOS SU BSTAN PA'I GZHI SHES YIN NA, NYAN THOS KYI GZHI SHES YIN PAS KHYAB ZER NA, MI 'THAD DE, SKABS 'DIR DNGOS SU BSTAN PA'I BYANG SEMS KYI GZHI SHES YOD PA'I PHYIR TE, RNAM PA'I DON BSDU BAR, THAMS CAD SHES PA NYID NI NYAN THOS DANG BYANG CHUB SEMS DPA'I BYE BRAG GIS, ZHES BSHAD PA'I PHYIR, RANG LUGS NI, NYON SGRIB DANG SHES SGRIB GANG RUNG GANG ZHIG ,GTZO BOR THAR PA THOB PA LA BAR DU GCOD PA'I SGRIB PA'I RIGS SU GNAS PA NYON SGRIB KYI MTSAN NYID, DPER NA, RTZA NYON DRUG DANG, NYE NYON NYI SHU LTA BU, DE GANG RUNG GANG ZHIG ,GTZO BOR THAR PA TZAM THOB PA LA BAR DU GCOD BYED MA YIN PA'I SGRIB PA'I RIGS SU GNAS PA, SHES SGRIB KYI MTSAN NYID, DPER NA, BDEN 'DZIN DANG, GZUGS PHYI ROL DON DU 'DZIN PA'I RTOGS PA LTA BU, RTZOD PA SPONG PA LA, KHA CIG ,SPYIR SHES BYA'I SGRIB PA'I GNYEN POR GYUR PA YIN NO, ,ZHES PA'I SKABS NAS BSTAN PA'I SHES SGRIB YIN NA SHES SGRIB YIN DGOS PAR THAL, GZUGS PHYI ROL DON DU 'DZIN PA'I RTOG PA DE SHES SGRIB YIN PA'I PHYIR, RTAGS KHAS, 'DOD NA, RANG BZHIN GYI MYA NGAN LAS 'DAS PA'I MTSAN NYID CES PA'I SKABS NAS BSTAN PA'I RANG BZHIN GYI MYANG 'DAS YIN NA MYANG 'DAS YIN DGOS PAR THAL, 'DOD PA'I PHYIR NA, MA KHYAB STE, 'GRO LA CHAGS PAS KUN CHAGS MDZAD, ,ZHES SOGS KYI SKABS NAS DNGOS SU BSTAN PA'I CHAGS PA YIN NA CHAGS PA YIN DGOS PAR THAL, BSTAN BCOS CHEN PO'I RNAM BSHAD MDZAD, CES SOGS KYI SKABS NAS DNGOS SU BSTAN PA'I BSTAN BCOS YIN NA BSTAN BCOS YIN DGOS PA'I PHYIR, KHYAB PA KHAS, 'DOD NA, 'PHAGS PA THOGS MED KYI RGYUD KYI SNYING RJE CHEN PO CHOS CAN, DER THAL, DE'I PHYIR, ` ,RGYU DANG LAM DANG SDUG BSNGAL DANG, ,ZHES SOGS KYI SKABS SU, SBYOR BA DANG, MTHA' DPYAD PA GNYIS @16A *, ,LAS; DANG PO NI, LAM SHES KYI SHES RNAM LA SUM CU RTZA DRUG YOD DE, KUN 'BYUNG BDEN PA LA BRTEN PA'I LAM SHES KYI SHES RNAM LA BRGYAD, LAM BDEN LA BRTEN PA'I LAM SHES KYI SHES RNAM LA BDUN, SDUG BSNGAL BDEN PA LA BRTEN PA'I LAM SHES KYI SHES RNAM LA LNGA, 'GOG BDEN LA BRTEN PA'I LAM SHES KYI SHES RNAM LA BCU DRUG YOD PA'I PHYIR, GNYIS PA LA, KHA CIG ,LAM SHES KYIS RTOGS PAR BYA BA LAM SHES KYI RNAM PA'I MTSAN NYID ZER NA, LAM SHES DES RTOGS PAR BYA BA LAM SHES DE'I RNAM PA'I MTSAN NYID YIN PAR THAL, MTSAN NYID DE 'THAD PA'I PHYIR, 'DOD NA, THEG CHEN GYIS MTHONG LAM BAR CHAD MED LAM 'DZIN PA'I RTOG PA CHOS CAN, DES RTOGS PAR BYA BA YIN PAR THAL, DE'I RNAM PA YIN PA'I PHYIR, KHYAB PA KHAS, MA GRUB NA DER THAL, DE'I RNAM PAR SKYES PA'I PHYIR TE, DE'I RNAM PA SHAR PA'I BLO YIN PA'I PHYIR, 'DOD NA, GZHI GRUB NA, DE'I GZHAL BYA YIN DGOS PAR THAL, 'DOD PA'I PHYIR, GZHAN YANG, THEG CHEN GYI MTHONG LAM SDUG BSNGAL CHOS BZOD NYAMS SU MYONG BA'I RANG RIG CHOS CAN, DES RTOGS PAR BYA BA YIN PAR THAL, DE'I RNAM PA YIN PA'I PHYIR TE, DE'I 'DZIN RNAM YIN PA'I PHYIR TE, CHOS CAN DE'I PHYIR, RTZA BAR 'DOD NA, GZHI GRUB NA DE'I GZHAL BYA YIN DGOS PAR THAL, 'DOD PA'I PHYIR, KHA CIG LAM SHES KYI DMIGS PA'I CHOS LA LOG PHYOGS SU SGRO 'DOGS PA'I SGRO 'DOGS 'GOG PAR BYED PA'I YE SHES LAM SHES KYI SHES RNAM KYI MTSAN NYID, ZER NA, THEG CHEN GYI TSOGS LAM CHOS CAN, MTSON BYA DER THAL, MTSAN NYID DE'I PHYIR, DER THAL, LAM SHES KYI RNAM PA SGOM PAR BYED PA'I YE SHES YIN PA'I PHYIR, RTAGS GRUB STE, LAM SHES KYI RNAM PA SGOM PA'I SEMS DPA'I RNAL 'BYOR CIG GZHI GRUB PA'I PHYIR, 'DOD NA, LAM SHES YIN PAR @16B THAL; DE'I SHES RNAM YIN PA'I PHYIR, KHA CIG ,LAM SHES KYI DMIGS PA'I CHOS LA LOGS PHYOGS SU SGRO 'DOGS PA'I SGRO 'DOGS 'GOG PAR BYED PA'I LAM SHES KYI 'DZIN STANG SU TSAD MAS DMIGS PA DE, LAM SHES KYI RNAM PA'I MTSAN NYID ZER NA, LAM SHES 'DZIN PA'I RTOG PA CHOS CAN, MTSAN NYID DER THAL, MTSON BYA DE'I PHYIR, MKHAS PA KHA CIG ,LAM SHES KYI SBYOR BA'I BSGOM BYA'I RNAM PAR GYUR PA'I 'PHAGS RGYUD KYI GNYEN PHYOGS SHES RNAM GANG ZHIG ,BYANG SEMS 'PHAGS PAS GZHAN DON PHUN TSOGS SGRUB NUS KYI MNGON RTOGS KYI RIGS SU GNAS PA, LAM SHES KYI SHES RNAM GYI MTSAN NYID CES GSUNGS NA, GANG ZAG GI BDAG MED MNGON SUM DU RTOGS PA'I THEG CHEN GYI MTHONG LAM CHOS CAN, MTSAN NYID KYI ZUR PHYI MA DER THAL, MTSON BYA DE'I PHYIR, RTAGS GRUB STE, LAM SHES YIN PA'I PHYIR, 'DOD NA, GZHAN DON GTZO BOR SGRUB PA'I MNGON RTOGS KYI RIGS SU GNAS PAR THAL, 'DOD PA'I PHYIR, 'DOD NA, THEGS CHEN GYI RTOGS RIGS SU GNAS PAR THAL LO, ,NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA'I RGYUD KYI STONG NYID RTOGS PA'I MKHYEN PA CHOS CAN, LAM SHES KYI SHES RNAM YIN PAR THAL, MTSAN NYID DE'I PHYIR, KHA CIG RANG RGYUD LDAN GYI GANG ZAG GI RGYUD KYI STONG NYID MNGON SUM DU RTOGS PA'I SHES RAB KYIS ZIN PA'I THEG CHEN GYI MKHYEN PA GANG ZHIG ,LAM SHES KYI SBYOR BA'I SGOM BYAR GYUR PA, LAM SHES KYI SHES RNAM GYI MTSAN NYID ZER NA, DE LA SKYON 'PHEN PA KHA CIG ,GANG ZAG GI BDAG MED MNGON SUM DU RTOGS PA'I THEG CHEN GYI SGOM LAM CHOS CAN, MTSAN NYID KYI ZUR DANG PO DER THAL, MTSON BYA DE'I PHYIR TE, LAM SHES YIN PA'I PHYIR, 'DOD MI NUS TE, KHYOD RGYUD LDAN GYI GANG ZAG GI RGYUD LA STONG NYID MNGON SUM DU RTOGS PA'I SHES RAB MED PA'I PHYIR, RTAGS GRUB @17A *, ,STE, BDEN GNYIS MNGON SUM DU RTOGS PA'I SLOB PA'I GANG ZAG MED PA'I PHYIR NA MI 'THAD DE, GANG ZAG GI BDAG MED MNGON SUM DU RTOGS PA'I SHES RAB RGYUD LDAN GYI GANG ZAG KYANG YIN, STONG NYID MNGON SUM DU RTOGS PA'I SHES RAB RGYUD LDAN GYI GANG ZAG KYANG YIN PA'I GZHI MTHUN PAR GYUR PA'I SLOB PA'I GANG ZAG MED PAR THAL, GANG ZAG GI BDAG MED MNGON SUM DU RTOGS PA'I THEG CHEN GYI SGOM LAM RGYUD LDAN GYI GANG ZAG GI RGYUD LA STONG NYID MNGON SUM DU RTOGS PA'I SHES RAB MED PA'I PHYIR, RTAGS KHAS, 'DOD NA, DE YOD PAR THAL, DMAN LAM SNGON DU MA SONG BA'I BYANG SEMS SGOM LAM PA DE DE 'DRA PA'I GZHI MTHUN PA YIN PA'I PHYIR TE, DE GANG ZAG GI BDAG MED MNGON SUM DU RTOGS PA'I THEG CHEN GYI SGOM LAM RGYUD LDAN GYI GANG ZAG GANG ZHIG DE STONG NYID MNGON SUM DU RTOGS PA'I SHES RAB RGYUD LDAN GYI GANG ZAG YIN PA'I PHYIR, DANG PO DER THAL, KHYOD GANG ZAG GANG ZHIG ,KHYOD KYI RGYUD LA GANG ZAG GI BDAG MED MNGON SUM DU RTOGS PA'I SHES RAB YOD PA'I PHYIR, GNYIS PA YANG DES RIGS 'DRA, GZHAN YANG, BDEN GNYIS MNGON SUM DU RTOGS PA'I SLOB PA'I GANG ZAG YOD PAR THAL, BYANG SEMS MTHONG LAM PAS BDEN GNYIS MNGON SUM DU RTOGS PA'I PHYIR TE, DES KUN RDZOB BDEN PA YANG MNGON SUM DU RTOGS DON DAM BDEN PA YANG MNGON SUM DU RTOGS PA'I PHYIR, RTAGS SLA, KHA CIG ,MKHYEN GSUM GANG RUNG GI RNAM PA SGOM PAR BYED PA'I THEG CHEN SGOM LAM PA'I MKHYEN PA; SKABS 'DIR BSTAN GYI LAM SHES KYI SHES RNAM GYI MTSAN NYID ZER NA, RNAM MKHYEN CHOS CAN, MTSAN NYID DER THAL, MTSON BYA DE'I PHYIR, 'DOD MI NUS TE, RNAM MKHYEN YIN PA'I PHYIR, GNYIS STONG RTOGS PA'I THEG CHEN GYI MTHONG LAM @17B CHOS CAN, MTSON BYA DER THAL, MTSAN NYID DE'I PHYIR, 'DOD MI NUS TE, CHOS CAN DE DANG GCIG YIN PA'I PHYIR, KHA CIG ,SKABS 'DIR DNGOS SU BSTAN PA'I LAM SHES YIN NA RGYU LAM SHES YIN PAS KHYAB ZER NA, LAM SHES CHOS CAN, DER THAL, DE'I PHYIR; KHA CIG BYANG CHUB SEMS DPA'I RGYUD KYI LAM SHES YIN NA SKABS 'DIR DNGOS SU BSTAN PA'I LAM SHES YIN PAS KHYAB ZER NA, NYAN THOS DGRA BCOM PA'I RTOGS PA SNGON DU SONG BA'I BYANG SEMS KYI MTHONG LAM CHOS CAN, DER THAL, DE'I PHYIR; ` ;RANG LUGS NI, LAM SHES KYI RNAM PA LEGS PAR SHAR NAS SGOM PAR BYED PA'I SHES RAB KYIS ZIN PA'I SEMS DPA'I RNAL 'BYOR, SEMS DPA'I RGYUD KYI LAM SHES KYI DMIGS PA'I CHOS LA LOG PHYOGS SU SGRO 'DOGS PA'I SGRO 'DOGS KYI GNYEN PO'I MTSAN NYID, RANG THOB BYED KYI THABS SU GYUR PA'I LAM SHES KYI SBYOR BA BSGOMS STOBS KYIS THOB PA'I THEG CHEN 'PHAGS PA'I RGYUD KYI GNYEN PHYOGS SHES RNAM GANG ZHIG ,BYANG SEMS 'PHAGS PA'I BZHED DON PHUN TSOGS BSGRUB PAR NUS PA; LAM SHES KYI SHES RNAM GYI MTSAN NYID, RTZOD PA SPONG BA LA KHO NA RE, RNAM PA ZHES BYA MTSAN NYID DE, ZHES PA'I RNAM PA MTSON BYA LA BYED RIGS PAR THAL, SKABS 'DIR LAM SHES KYI SHES RNAM KYI MTSAN NYID 'JOG PA SKABS SU BABS PA'I PHYIR; RTAGS KHAS, 'DOD NA, GZHUNG 'DI SGRA JI BZHIN DU KHAS LEN MI RIGS PAR THAL, 'DOD PA'I PHYIR NA, RTZA BAR MA KHYAB BO, ` ,DRAN PA NYER GZHAG NAS BZUNG STE, ,ZHES SOGS KYI SKABS SU, GNYIS LAS, DANG PO, RNAM MKHYEN GYI SHES RNAM LA BRGYA DANG BCU YOD DE, NYAN THOS 'PHAGS PA LA YOD PA DANG RJES SU MTHUN PA'I RNAM MKHYEN GYI SHES RNAM SUM CU RTZA BDUN, BYANG CHUB SEMS DPA' LA YOD PA DANG RJES SU MTHUN PA'I RNAM MKHYEN GYI SHES RNAM SUM CU RTZA BZHI, SANGS @18A *, ,RGYAS LA YOD PA DANG RJES SU MTHUN PA'I RNAM MKHYEN GYI SHES RNAM SUM CU RTZA DGU YOD PA'I PHYIR, MKHAS PA KHA CIG ,RNAM MKHYEN GYI RNAM PA LA BRGYA DANG BCU YOD DE, NYAN THOS 'PHAGS PA LA YOD PA DANG RJES SU MTHUN PA'I RNAM MKHYEN GYI RNAM PA SUM CU RTZA BDUN, BYANG CHUB SEMS DPA' LA YOD PA DANG RJES SU MA MTHUN PA'I RNAM MKHYEN GYI RNAM PA SUM CU RTZA BZHI, SANGS RGYAS 'PHAGS PA KHO NA'I RTOGS RIGS SU GNAS PA'I RNAM MKHYEN GYI RNAM PA SUM CU RTZA DGU YOD PA'I PHYIR, ZHES GSUNGS, RE ZHIG RNAM MKHYEN GYI SHES RNAM DU GYUR PA'I DE BZHIN NYID KYI RNAM PA DE SANGS RGYAS KHO NA'I RTOGS RIGS SU GNAS PAR THAL, SBYOR BA DE 'THAD PA'I PHYIR, 'DOD NA, JI LTA BA RTOGS PA'I RNAM MKHYEN DE SANGS RGYAS KHO NA'I RTOGS RIGS SU GNAS PAR THAL, 'DOD PA'I PHYIR, 'DOD NA, DE CHOS CAN, BYANG SEMS KYI RTOGS RIGS SU MI GNAS PAR THAL, 'DOD PA'I PHYIR, 'DOD NA, BYANG SEMS KYI LAM SHES PA'I LAM SHES MA YIN PAR THAL; 'DOD PA'I PHYIR, GNYIS PA MTHA' DPYAD PA LA, RNAM MKHYEN GYI RTOGS PAR BYA BA RNAM MKHYEN GYI RNAM PA'I MTSAN NYID ZER NA, 'DI LA MKHAS PA KHA CIG ,BUM PA CHOS CAN, RNAM MKHYEN GYI RNAM PA YIN PAR THAL, DES RTOGS PAR BYA BA YIN PA'I PHYIR, 'DOD NA, SHES PA'I RNAM PA YIN PAR THAL LO, ,'DOD NA, SHES RNAM YIN PAR THAL, 'DOD PA'I PHYIR, DES NA RNAM MKHYEN GYI RNAM PA YIN NA RNAM MKHYEN YIN PAS KHYAB, CES GSUNGS, GONG DU DOGS PA BCAD ZIN KYANG, SLAR YANG BCAD NA, SHES BYA CHOS CAN, BDEN 'DZIN GYI RNAM PA YIN NA BDEN 'DZIN YIN DGOS PAR THAL, RNAM MKHYEN LA DE'I PHYIR, 'DOD NA, SANGS RGYAS 'PHAGS PA'I RGYUD LA BDEN 'DZIN GYI RNAM PA MED PAR @18B THAL; 'DOD PA'I PHYIR, 'DOD MI NUS TE, DE'I RGYUD LA BDEN 'DZIN GYI RNAM PA DANG LDAN PA'I BLO YOD PA'I PHYIR TE, DE'I RGYUD LA BDEN 'DZIN GYI RNAM LDAN DU SKYES PA'I BLO YOD PA'I PHYIR, DE'I RGYUD LA BDEN 'DZIN GYI RNAM PA CAN GYI BLO YOD PA'I PHYIR, DE'I RGYUD LA BDEN 'DZIN GYI RNAM PA SHAR BA'I BLO YOD PA'I PHYIR, GZHAN YANG, JI LTA BA MKHYEN PA'I RNAM MKHYEN DE DE BZHIN NYID KYI RNAM PA MA YIN PAR THAL, DE BZHIN NYID KYI RNAM LDAN DU SKYES NA, DE'I RNAM PA YIN PAS MA KHYAB PA'I PHYIR, MA GRUB NA, DER THAL, RNAM MKHYEN GYI RNAM PA SHAR BA'I BLO YIN NA, DE'I RNAM PA YIN PAS MA KHYAB PA'I PHYIR, MA GRUB NA, RNAM MKHYEN 'DZIN PA'I RTOG PA CHOS CAN, DER THAL, DE'I PHYIR, 'DOD NA, RNAM MKHYEN YIN PAR THAL, 'DOD PA'I PHYIR, KHYAR PA KHAS, RTZA BAR 'DOD NA, SANGS RGYAS 'PHAGS PA LA YOD PA DANG RJES SU MTHUN PA'I RNAM MKHYEN GYI SHES RNAM SUM CU RTZA DGU MED PAR THAL, 'DOD PA'I PHYIR, GONG GI MTSAN NYID LA RANG LUGS KYI SKYON NI, LAM SHES KYIS RTOGS PAR BYA BA LAM SHES KYI RNAM PA'I MTSAN NYID DANG, GZHI SHES KYIS RTOGS PAR BYA BA, DE'I RNAM PA'I MTSAN NYID DU 'JOG RIGS PAR THAL, MTSAN NYID DE 'THAD PA'I PHYIR, DOGS PA LHAG MA SBYOR BA'I MTSAN NYID KYI SKABS SU DPYAD, 'DOD NA BKAG ZIN, KHA CIG ,RNAM MKHYEN GYI DMIGS PA'I CHOS LA LOG PHYOGS SU SGRO 'DOGS PA'I SGRO 'DOGS 'GOG PAR BYED PA'I YE SHES DE RNAM MKHYEN GYI SHES RNAM GYI MTSAN NYID ZER NA, THEG CHEN GYI TSOGS LAM CHOS CAN, MTSON BYA DER THAL, MTSAN NYID DE'I PHYIR, DED THAL, RNAM MKHYEN GYI RNAM PA SGOM PA'I SEMS DPA'I RNAL 'BYOR YIN PA'I PHYIR, 'DOD NA, RNAM MKHYEN YIN PAR THAL LO, ,KHA CIG ,RNAM MKHYEN GYI DMIGS PA'I TSES LA LOG PHYOGS SU SGRO 'DOGS PA'I SGRO @19A *, ,'DOGS 'GOG PAR BYED PA'I RNAM MKHYEN GYI 'DZIN STANGS SU DMIGS PA, RNAM MKHYEN GYI RNAM PA'I MTSAN NYID ZER NA, RNAM MKHYEN 'DZIN BA'I RTOGS PA CHOS CAN, RNAM MKHYEN GYI 'DZIN STANGS YIN PAR THAL, RNAM MKHYEN GYI RNAM PA YIN PA'I PHYIR, KHYAB PA KHAS, ` RANG LUGS NI, RNAM MKHYEN GYI RNAM PA LEGS PAR SHAR NAS SGOM PAR BYED PA'I SHES RAB KYIS ZIN PA'I SEMS DPA'I RNAL 'BYOR, SEMS DPA'I RGYUD KYI RNAM MKHYEN GYI DMIGS PA'I CHOS LA LOG PHYOGS SU SGRO 'DOGS PA'I SGRO 'DOGS KYI GNYEN PO'I MTSAN NYID, RANG THOB BYED KYI THABS SU GYUR PA'I RNAM MKHYEN GYI SBYOR BA SGOM STOBS KYIS THOB PA'I SHES RNAM MTHAR THUG GANG ZHIG ,RANG SRAS SANGS RGYAS 'PHAGS PA'I BZHED DON PHUN TSOGS BSGRUB NUS DE, RNAM MKHYEN GYI SHES RNAM GYI MTSAN NYID, RTZOD PA SPONG BA SNGAR BSHAD PA LAS SHES PAR BYA'O, ` DE LA THAMS CAD SHES PA NYID, CES SOGS KYI SKABS SU; SBYOR BA DANG, MTHA' DPYAD PA GNYIS LAS, DANG PO NI, DNGOS PO LA YONGS SU RTOGS PA'I LAM LA BZHI YO DE, LUS DRAN PA NYE PAR GZHAG PA, TSOR BA DRAN PA NYE BAR GZHAG PA, SEMS DRAN PA NYE PAR GZHAG PA, CHOS DRAN PA NYE BAR GZHAG PA RNAMS SU YOD PA'I PHYIR, GNYIS PA LA KHA CIG ,LUS TSOR SEMS CHOS BZHI LA RANG DANG SPYI'I MTSAN NYID GNYIS GNYIS KYIS BRTAGS TE, SGOM PAR BYED PA'I DRAN PA SHES RAB MTSUNGS LDAN DANG BCAS PA, DRAN PA NYER GZHAG GI MTSAN NYID; ZER NA, DRAN PA NYER GZHAG RGYUD LA LDAN PA'I LAM MA ZHUGS KYI GANG ZAG YOD PAR THAL, MTSAN NYID DE 'THAD PA'I PHYIR, 'DOD MI NUS TE, DE YIN NA LAM ZHUGS KYI MKHYEN PA YIN DGOS PA'I PHYIR, ` ,RANG LUGS NI, LUS TSOR SEMS @19B CHOS BZHI LA RANG DANG SPYI'I MTSAN NYID GNYIS GNYIS KYIS BRTAGS TE, SGOM PAR BYED PA'I DRAN PA DANG SHES RAB GANG RUNG GIS BSDUS PA'I LAM ZHUGS KYI MKHYEN PA, DRAN PA NYER GZHAG GI MTSAN NYID, DBYE NA BZHI YOD DE, SA MTSAMS TSOGS LAM NAS SANGS RGYAS KYI SA'I BAR NA YOD, ` DE'I 'OG TU ZHUGS PA LA BRTZON 'GRUS 'BYUNG BAS, ZHES SOGS KYI SKABS SU, SBYOR BA DANG, MTHA' DPYAD PA GNYIS LAS, DANG PO NI, RTZOL BA LAS BYUNG BA'I LAM LA BZHI YOD DE, DGE BA MA SKYES PA BSKYED PA, SKYES PA RNAMS YANG DAG PAR SPEL BA, MI DGE BA MA SKYES PA MI BSKYED PA, SKYES PA RNAMS YANG DAG PAR SPONG BA'I YANG DAG SPONG BA RNAMS SU YOD PA'I PHYIR, KHO NA RE, DGE BA MA SKYES PA SKYES PA YOD PAR THAL, SBYOR BA DE BTHAD PA'I PHYIR, 'DOD NA, DGE BA MA SKYES PA BSKYED BYED YOD PAR THAL, 'DOD PA'I PHYIR, 'DOD MI NUS TE, DGE BA MA SKYES PA RTAG PA YIN PA'I PHYIR, ZER NA, RTZA BAR MA KHYAB, ,KHO NA RE, DGE BA MA SKYES PA BSKYED PAR BYED PA YOD PAR THAL, DE BSKYED PAR BYED PA'I YANG DAG SPONG BA YOD PA'I PHYIR NA MA KHYAB STE, CHOS SKU DANG MTSUNGS LDAN YOD PAR THAL, ??? CHOS SKU DANG MTSUNGS LDAN GYI SEMS BSKYED YOD PA'I PHYIR, KHYAB PA KHAS, 'DOD MI NUS TE, CHO SKU RTAG PA YIN PA'I PHYIR, GZHAN YANG, DGE BA MA SKYES PA BSKYED PAR BYED PA'I YANG DAG SPONG BA YIN NA, DGE BA MA SKYES PA BSKYED PAR BYED PA YIN DGOS PAR THAL, THAL 'GYUR DANG PO LA KHYAB PA YOD PA'I PHYIR, 'DOD NA, BYANG SEMS 'PHAGS PA'I RGYAD KYI DMIGS MED LA DMIGS PA'I SNYING RJE CHOS CAN, DMIGS MED LA DMIGS PAR THAL, DE LA DMIGS PA'I SNYING RJE YIN PA'I PHYIR, KHYAB PA SONG, 'DOD NA, DE CHOS CAN, BDEN MED LA DMIGS PAR THAL, 'DOD PA'I PHYIR, 'DOD MI NUS TE, CHOS CAN DE'I PHYIR, GNYIS PA LA KHA CIG, SPONG GNYEN LA BLANG DOR BYA BAR SPRO BA'I BRTZON 'GRUS DE, YANG DAG SPONG BA'I @20A *, ,MTSAN NYID ZER NA, YANG DAG SPONG BA RGYUD LDAN GYI LAM MA ZHUGS KYI GANG ZAG YOD PAR THAL, MTSAN NYID DE 'THAD PA'I PHYIR, 'DOD MI NUS TE, DE YIN NA LAM ZHUGS KYI MKHYEN PA YIN DGOS PA'I PHYIR, RTAGS BUD, ` RANG LUGS NI; SPANG GNYEN LA BLANG DOR BYED PAR SPRO BA'I BRTZON 'GRUS SU GYUR BA'I LAM ZHUGS KYI MKHYEN PA DE, YANG DAG SPONG BA'I MTSAN NYID, DBYE NA SNGAR LTAR BZHI YOD, SA MTSAMS TSOGS LAM NAS SANGS RGYAS KYI SA'I BAR NA YOD, RTZOD PA SPONG BA LA KHA CIG ,MI DGE BA SKYES PA RNAMS YANG DAG PAR SPONG BA CHOS CAN, KHYOD KYIS DE RNAMS YANG DAG PAR SPONG BAR THAL, KHYOD DE YANG DAG PAR SPONG BA'I YANG DAG SPONG BA YIN PA'I PHYIR, RTAGS KHAS, 'DOD NA, KHYOD YANG DAG PAR YOD PAR THAL, KHYOD KYIS DE RNAMS YANG DAG PAR SPONG BA'I PHYIR NA, MA KHYAB BO, ` ,BRTZON 'GRUS DANG LDAN PAS NA, SEMS LAS SU RUNG BAR BYED PAS, ZHES SOGS KYI SKABS SU, SBYOR BA DANG, MTHA' DPYAD PA GNYIS LAS, DANG PO NI, TING NGE 'DZIN YONGS SU SBYONG BA'I LAM LA BZHI YOD DE, 'DUN PA'I RDZU 'PHRUL GYI RKANG PA DANG, BRTZON 'GRUS KYI RDZU 'PHRUL GYI RKANG PA DANG, SEMS PA'I RDZU 'PHRUL GYI RKANG PA DANG, SPYOD PA'I RDZU 'PHRUL GYI RKANG PA RNAMS SU YOD PA'I PHYIR, GNYIS PA LA KHA CIG ,NYES PA LNGA YI GNYEN POR SPONG BA'I 'DU BYED BRGYAD DANG LDAN PA'I TING NGE 'DZIN, RDZU 'PHRUL GYI RKANG PA'I MTSAN NYID ZER NA, RDZU 'PHRUL GYI RKANG PA DANG LDAN PA'I LAM MA ZHUGS KYI GANG ZAG YOD PAR THAL, MTSAN NYID DE 'THAD PA'I PHYIR, 'DOD MI NUS TE, DE YIN NA LAM ZHUGS KYI MKHYEN PA YIN DGOS PA'I PHYIR, ` ,RANG LUGS NI, NYES PA LNGA YI GNYEN POR SPONG BA'I 'DU BYED BRGYUD DANG LDAN PA'I TING NGE 'DZIN DU GYUR PA'I LAM ZHUGS KYI MKHYEN PA, RDZU 'PHRUL GYI RKANG PA'I MTSAN NYID, DBYE NA BZHI YOD, SA MTSAMS @20B TSOGS LAM NAS SANGS RGYAS KYI SA'I BAR NA YOD, SEMS YONGS SU SBYOR BA BYAS PA LA, ZHES SOGS KYI SKABS SU, SBYOR BA DANG, MTHA' DPYOD PA GNYIS LAS, DANG PO NI, MNGON PAR RTOGS PAR SBYOR BA'I LAM LA LNGA YOD DE, BYANG PHYOGS SO BDUN GYI NANG TSAN DU GYUR PA'I DAD PA'I DBANG PO LA SOGS PA LNGA YOD PA'I PHYIR, GNYIS PA LA KHA CIG ,RANG 'BRAS 'PHAGS LAM BSKYED PA LA RANG DBANG DU GYUR PA'I MKHYEN PA, RNAMS BYANG GI DBANG PO'I MTSAN NYID ZER NA MI 'THAD DE, RNAM BYANG GI DBANG PO RGYUD LDAN GYI LAM MA ZHUGS KYI GANG ZAG YOD PA'I PHYIR TE, DGE SEMS RGYUD LDAN GYI LAM MA ZHUGS KYI GANG ZAG YOD PA GANG ZHIG ,DGE SEMS YIN NA RANG GI 'KHOR DU DAD SOGS DBANG PO LNGA 'BYUNG BAS KHYAB PA'I PHYIR, RTAGS BUD, ` ,RANG LUGS NI, RANG 'BRAS 'PHAGS LAM BSKYED PA LA RANG DBANG DU GYUR PA'I MKHYEN PA, BYANG PHYOGS SO BDUN GYI NANG TSAN DU GYUR PA'I RNAM BYANG GI DBANG PO'I MTSAN NYID, DE LA BYANG PHYOGS SO BDUN GYI NANG TSAN DU GYUR PA'I DAD SOGS DBANG PO LNGA YOD, SA MTSAMS TSOGS LAM CHUNG NGU NAS, SANGS RGYAS KYI SA'I BAR NA YOD, DRO BA LA SOGS PA 'THOB PA LA, ZHES SOGS KYI SKABS SU, SBYOR BA DANG, MTHA' DPYAD PA GNYIS LAS, DANG PO NI, MNGON PAR RTOGS PA DANG 'BREL BA'I LAM LA LNGA YOD DE, BYANG PHYOGS SO BDUN GYI NANG TSAN DU GYUR PA'I DAD PA LA SOGS PA'I STOBS LNGA YOD PA'I PHYIR, GNYIS PA LA KHA CIG ,RANG GI MI MTHUN PHYOGS KYIS BRDZI BAR MI NUS PA'I MKHYEN PA, RNAM BYANG GI STOBS KYI MTSAN NYID ZER NA MI 'THAD DE, RNAM BYANG GI STOBS RGYUD LDAN GYI LAM MA ZHUGS KYI GANG ZAG YOD PA'I PHYIR, DER THAL, BRTZON 'GRUS KYI STOBS RGYUD LA LDAN PA'I LAM MA ZHUGS KYI GANG ZAG YOD PA'I PHYIR, STOBS DRUG RGYUD LDAN GYI LAM MA ZHUGS KYI GANG ZAG YOD PA'I PHYIR TE, ZHI GNAS RGYUD LDAN GYI LAM MA ZHUGS, @21A *, ,KYI GANG ZAG YOD PA'I PHYIR, ` ,RANG LUGS NI, RANG GI MI MTHUN PHYOGS KYIS BRDZI BAR MI NUS PA'I LAM ZHUGS KYI MKHYEN PA, BYANG PHYOGS SO BDUN GYI NANG TSAN DU GYUR PA'I RNAM BYANG GI STOBS KYI MTSAN NYID, DBYE NA LNGA YOD; SA MTSAMS TSOGS LAM CHUNG NGU NAS SANGS RGYAS KYI SA'I BAR NA YOD, BYAS PA LA KHO NA RE, RANG NYID GCIG PU ZHI BDE DON GNYER GYI BLO MNGON DU BYED KHA MA'I THEG CHEN KUN RDZOB SEMS BSKYED CHOS CAN, MTSAN NYID DER THAL, MTSON BYA DE'I PHYIR, RTAGS GRUB STE, BYANG SEMS TSOGS LAM PA'I RGYUD LA RNAM BYANG GI STOBS YOD PA'I PHYIR, 'DOD MI NUS TE, CHOS CAN DE'I PHYIR, ZHES ZER, ` DRO BA LA SOGS PA BZHI RTOGS PA LA, ZHES SOGS KYI SKABS SU, SBYOR BA DANG MTHA' DPYAD PA GNYIS LAS, DANG PO NI, MNGON PAR RTOGS PA'I LAM LA BDUN YOD DE, DRAN PA YANG DAG BYANG CHUB KYI YAN LAG NAS, BTANG SNYOMS YANG DAG BYANG CHUB KYI YAN LAG GI BAR BDUN YOD PA'I PHYIR, GNYIS PA LA KHA CIG ,DANG POR BDEN BZHI'I GNAS LUGS MNGON SUM DU GSAR DU RTOGS PA'I MKHYEN PA, BYANG CHUB KYI YAN LAG GI MTSAN NYID ZER NA, NYAN THOS KYI MTHONG LAM SDUG BSNGAL CHOS BZOD CHOS CAN, MTSAN NYID DER THAL, MTSON BYA DE'I PHYIR, DER THAL, 'PHAGS RGYUD KYI MKHYEN PA YIN PA'I PHYIR, 'DOD MI NUS TE, CHOS CAN DE'I PHYIR, GZHAN YANG, NYAN THOS 'PHAGS PA YIN NA, STONG NYID MNGON SUM DU RTOGS PAS KHYAB PAR THAL, MTSAN NYID DE 'THAD PA GANG ZHIG ,NYAN THOS 'PHAGS PA YIN NA, BYANG CHUB YAN LAG 'THOB PAS KHYAB PA'I PHYIR, ` ,RANG LUGS NI, RANG 'BRAS BYANG CHUB KYI RGYUR GYUR PA'I 'PHAGS RGYUD KYI MKHYEN PA, BYANG CHUB YAN LAG GI MTSAN NYID, DBYE NA BDUN YOD, SA MTSAMS TSOGS LAM NAS SANGS RGYAS KYI SA'I BAR NA YOD, @21B BYAS PA LA KHO NA RE, THEG CHEN GYI MTHONG LAM CHOS CAN, MTSAN NYID DER THAL, MTSON BYA DE'I PHYIR, 'DOD NA, THEG CHEN GYI MTHONG LAM CHOS CAN, BYANG CHUB KYI RGYU YIN PAR THAL, BYANG CHUB KYI RGYUR GYUR PA'I 'PHAGS RGYUD KYI MKHYEN PA YIN PA'I PHYIR, RTAGS KHAS, 'DOD MI NUS TE, BYANG CHUB RTAG PA YIN PA'I PHYIR, ZHES ZER, ` ,BDEN PA MTHONG BA YONGS SU SHES PA LA, ZHES SOGS KYI SKABS SU, SBYOR BA DANG, MTHA' DPYAD PA GNYIS LAS, DANG PO NI, 'PHAGS LAM YAN LAG BRGYAD YOD DE, YANG DAG PA'I LTA BA 'PHAGS LAM YAN LAG NAS, YANG DAG PA'I TING NGE 'DZIN 'PHAGS PA'I LAM YAN LAG GI BAR BRGYAD YOD PA'I PHYIR, GNYIS PA LA KHA CIG ,BDEN BZHI'I GNAS LUGS MNGON SUM DU RTOGS ZIN SGOM PAR BYED PA'I YE SHES DE, 'PHAGS LAM YAN LAG GI MTSAN NYID ZER NA, NYAN THOS KYI MTHONG LAM SDUG BSNGAL CHOS BZOD CHOS CAN, MTSAN NYID DER THAL, MTSON BYA DE'I PHYIR, DER THAL, 'PHAGS RGYUD KYI MKHYEN PA YIN PA'I PHYIR, 'DOD MI NUS TE, CHOS CAN DE'I PHYIR, ` ,RANG LUGS NI RANG 'BRAS 'PHAGS LAM GYI RGYUR GYUR PA'I 'PHAGS RGYUD KYI MKHYEN PA, 'PHAGS LAM YAN LAG GI MTSAN NYID, DBYE NA, BRGYAD YOD, SA MTSAMS TSOGS LAM CHUNG NGU NAS SANGS RGYAS KYI SA'I BAR NA YOD, RTZOD PA SPONG BA LA KHO NA RE, BYANG PHYOGS SO BDUN GYI MA MTHA'I SA MTSAMS TSOGS LAM CHUNG NGU NAS 'JOG MI RIGS PAR THAL, TSOGS LAM CHUNG NGU LA GNAS PA'I NYAN THOS KYI RGYUD LA YANG BYANG PHYOGS SO BDUN MED, TSOGS LAM CHUNG NGU LA GNAS PA'I THEG CHEN DU RIGS NGES KYI BYANG SEMS TSOGS LAM PA'I RGYUD LA YANG BYANG PHYOGS SO BDUN MED PA'I PHYIR ZER NA, MA KHYAB STE, NYAN THOS DGRA BCOM PA'I RTOGS PA SNGON DU SONG BA'I TSOGS LAM CHUNG NGU LA GNAS PA'I SEMS DPA'I RGYUD LA BYANG PHYOGS SO BDUN YOD PA'I @22A *, ,PHYIR; ` ,LAM SHES PA NYID LA GNYEN PO'I LAM, ZHES SOGS KYI SKABS SU, SBYOR BA DANG, MTHA' DPYAD PA GNYIS, DANG PO NI, 'DIR BSTAN GNYEN PO'I LAM CHOS CAN, KHYOD LA GSUM YOD DE, KHYOD LA RANG GI NANG TSAN DU GYUR PA'I RNAM THAR SGO GSUM YOD PA'I PHYIR, GNYIS PA LA, RANG LUGS BZHAG PA DANG, DE LA RTZOD PA SPONG BA GNYIS LAS, DANG PO NI, RANG GI BSAL BYAR GYUR PA'I SGRO 'DOGS KYI ZHEN YUL MED PAR RTOGS PA'I SGO NAS RANG GI BSAL BYAR GYUR PA'I SGRO 'DOGS 'JOMS PAR NUS PAS RAB TU PHYE BA'I MKHYEN PA DE, 'DIR BSTAN GNYEN PO'I LAM GYI MTSAN NYID, DBYE NA, 'DIR BSTAN GNYEN PO'I LAM DU GYUR PA'I RNAM THAR SGO GSUM YOD, SA MTSAMS TSOGS LAM NAS SANGS RGYAS GYI SA'I BAR NA YOD, GNYIS PA LA KHA CIG ,GANG ZAG GI BDAG MED RTOGS PA'I BYANG SEMS KYI TSOGS LAM CHOS CAN, MTSON BYA DER THAL, MTSAN NYID DE'I PHYIR, 'DOD NA, BYANG CHUB SEMS DPA' LA YOD PA DANG RJES SU MTHUN PA'I LAM SHES KYI RNAM PA YIN PAR THAL, 'DOD PA'I PHYIR NA, MA KHYAB BO, ,KHO NA RE, RNAM THAR SGO GSUM GANG RUNG YIN NA GNYEN PO'I LAM YIN PAS KHYAB PAR THAL, SBYOR BA DE 'THAD PA'I PHYIR, 'DOD NA, RNAM PAR THAR PA'I SGO MTSAN MA MED PA CHOS CAN, DER THAL, DE'I PHYIR, 'DOD MI NUS TE, DON DAM BDEN PA YIN PA'I PHYIR, MA GRUB NA, DBUS MTHA' LAS, STONG PA NYID DANG YANG DAG MTHA', ,MTSAN MA MED DANG DON DAM STE, ,CHOS KYI DBYINGS KYI RNAM GRANGS SO, ,ZHES GSUNGS PA MI 'THAD PAR THAL, MA GRUB PA DE'I PHYIR, GZHAN YANG, RNAM PAR THAR PA'I SGO STONG PA NYID KYANG YIN, LAM YANG YIN PA'I GZHI MTHUN PA YOD PAR THAL, SBYOR BA DE 'THAD PA'I PHYIR, 'DOD MI NUS TE, RNAM PAR THAR PA'I SGO STONG PA NYID YIN NA, STONG @22B PA NYID YIN DGOS PA'I PHYIR, MA GRUB NA, DE YIN NA STONG PA NYID MA YIN DGOS PAR THAL, DE YIN NA STONG PA NYID YIN PAS MA KHYAB PA'I PHYIR, 'DOD NA, CHOS RNAMS KYI NGO BO NYID BDEN PAS STONG PA'I STONG NYID CHOS CAN, DER THAL, DE'I PHYIR, MA GRUB NA, DER THAL, CHOS RNAMS KYI NGO BO RGYU 'BRAS GSUM BDEN PAS STONG PA LA RIM PA BZHIN RNAM THAR SGO GSUM DU 'JOG RIGS PA'I PHYIR TE, RNAM THAR SGO GSUM SHES PA DANG, ZHES BSHAD PA'I PHYIR, ZHES ZER DOGS PA'O, ,SPRUL PA'I LAM LA GZUGS KYI 'DU SHES RNAM PAR MA BSHIG PA DANG, ZHES SOGS KYI SKABS SU SBYOR BA DANG, MTHA' DPYAD PA GNYIS LAS, DANG PO NI, SPRUL PA'I LAM LA GSUM YOD DE, GZUGS CAN GZUGS LA LTA BA'I RNAM THAR, GZUGS MED GZUGS LA LTA BA'I RNAM THAR, GEGS SEL SDUG PA'I RNAM THAR RNAMS SU YOD PA'I PHYIR, GNYIS PA LA KHA CIG ,RNAM THAR GSUM PO 'DI GSAR DU SKYE BA'I LUS RTEN YIN NA, MI'I LUS RTEN YIN DGOS TE, MDZOD LAS, GZUGS MED CES BYA KHAMS GSUM GYI; ;RTEN CAN LHAG MA MI LAS SKYES, ,ZHES GSUNGS PA'I PHYIR NA, 'GOG SNYOMS GSAR DU SKYE BA'I LUS RTEN CAN YIN NA MI YIN DGOS PAR THAL, MDZOD LAS, 'GOG PA DANG PO MI'I NANG DU ZHES BSHAD PA'I PHYIR, BYANG 'PHAGS KYI CHED DU BYA BA'I GDUL BYA YIN NA MI YIN DGOS PAR THAL, MNGON RTOGS RGYAN LAS, MI RNAMS KYI NI SKYABS DAG DANG ZHES BSHAD PA'I PHYIR, KHYAB PA SONG, KHA CIG ,GZUGS MED GZUGS LA LTA BA'I RNAM THAR, BSAM GTAN GZUGS MED KYI DNGOS GZHI LA BRTEN NAS SKYE ZER NA MI 'THAD DE, SEMS CAN GYI RGYUD KYI GZUGS MED GZUGS LA BLTA BA'I RNAM THAR DANG, GZUGS MED KYI DNGOS GZHI'I SNYOMS 'JUG GI GZHI MTHUN MED PA'I PHYIR, DER THAL, SEMS CAN GYI RGYUD KYI GZUGS @23A *, ,MED KYI DNGOS GZHI'I SNYOMS 'JUG YIN NA GZUGS KYI RNAM PA CAN MA YIN DGOS PA'I PHYIR, ZHES GSER PHRENG LAS BSHAD DO, KHA CIG ,RANG GI BDAG RKYEN DU GYUR PA'I BSAM GTAN GYI DNGOS GZHI'I SEMS LA BRTEN NAS RNAL 'BYOR PA RANG LA GZUGS CAN MA YIN PA'I 'DU SHES NYE BAR BZHAG STE, PHYI ROL GYI GZUGS RNAMS LA BZANG NGAN SNA TSOGS SU LTA BAR BYED PA'I TING NGE 'DZIN SHES RAB MTSUNGS LDAN DANG BCAS PA GZUGS MED GZUGS LA LTA BA'I RNAM THAR KYI MTSAN NYID ZER NA, SANGS 'PHAGS KYI RGYUD KYI GZUGS MED GZUGS LA LTA BA'I RNAM THAR CHOS CAN, MTSAN NYID DER THAL, MTSON BYA DE'I PHYIR, RTAGS GRUB STE, SANGS 'PHAGS KYI RGYUD LA DE YOD PA'I PHYIR, 'DOD MI NUS TE, SANGS RGYAS 'PHAGS PA'I RGYUD KYI GZUGS MED GZUGS LA LTA BA'I RNAM THAR DE LA SANGS 'PHAGS GZUGS CAN DU SNANG BA'I PHYIR, KHA CIG ,GZUGS SDUG PA SPRUL PA LA DGA' BA DANG, GZUGS MI SDUG PA SPRUL PA LA MI DGA' BA'I NYON MONGS PA'I GNYEN POR GZUGS SNANG THAMS CAD SDUG PAR RO GCIG TU MOS PA'I TING NGE 'DZIN SHES RAB MTSUNGS LDAN DANG BCAS PA'I MKHYEN PA DE, SDUG PA'I RNAM THAR GYI MTSAN NYID ZER NA, SANGS RGYAS 'PHAGS PA'I THUGS RGYUD KYI SDUG PA'I RNAM THAR CHOS CAN, MTSAN NYID DER THAL, MTSON BYA DE'I PHYIR, 'DOD NA, GZUGS SNANG THAMS CAD SDUG PAR RO GCIG PAR THAL, 'DOD PA'I PHYIR, 'DOD NA, GZUGS THAMS CAD YID 'ONG GI GZUGS YIN PAR THAL, 'DOD PA'I PHYIR, 'DOD NA, YID MI 'ONG GI GZUGS MED PAR THAL; 'DOD PA'I PHYIR, ` RANG LUGS NI, RANG GI BDAG RKYEN DU GYUR PA'I RAB MTHA'I BSAM GTAN LA BRTEN NAS SNYOMS 'JUG GI SGRIB PA CI RIGS LAS GROL ZHING, SPRUL BSGYUR SNA TSOGS STON PAR @23B NUS PAS RAB TU PHYE BA'I MKHYEN PA DE, SKABS 'DIR BSTAN GYI SPRUL LAM GYI MTSAN NYID, DBYE NA, GZUGS CAN GZUGS LA LTA BA'I RNAM THAR, GZUGS MED GZUGS LA LTA BA'I RNAM THAR, GEGS SEL SDUG PA'I RNAM THAR RNAMS SU YOD PA'I PHYIR, SA MTSAMS THEG CHEN GYI DBANG DU BYAS NA TSOGS LAM CHEN PO MAN CHAD DANG, THEG DMAN GYI DBANG DU BYAS NA PHYIR MI 'ONG LUS MNGON BYED GNYIS KA'I CHA LAS RNAM PAR GROL BA'I NYAN THOS DGRA BCOM PA'I RGYUD LA YOD PAR GSER 'PHRENG LAS BSHAD DO,, ` ,MTHONG BA'I CHOS LA BDE BAR GNAS PA'I LAM LA, ZHES SOGS KYI SKABS SU, GNYIS LAS, DANG PO NI, MTHONG BA'I CHOS LA BDE BAR GNAS PA'I LAM LA LNGA YOD DE, GZUGS MED KYI RNAM THAR BZHI, 'GOG PA'I RNAM THAR GCIG RNAMS SU YOD PA'I PHYIR, GNYIS PA LA KHO NA RE, 'GOG PA'I RNAM THAR DANG, 'GOG SNYOMS DON GCIG TU GSUNG BA MI 'THAD DE, DANG PO DANG 'DAS LAM GYI GZHI MTHUN YOD PA GANG ZHIG ,'GOG SNYOMS DANG 'DAS LAM GYI GZHI MTHUN MED PA'I PHYIR, RNAM BSHAD SNYING PO RGYAN LAS, RNAM THAR BRGYAD NI BYANG CHUB SEMS DPA' RNAMS KYI 'DAS LAM GYI NGO BOR SKYED NUS PA DANG, 'GOG SNYOMS 'DAS LAM GYI STOBS KYIS 'THOB PAS 'JIG RTEN LAS 'DAS PA'I LAM DU BZHAG GO ,ZHES GSUNGS PA'I PHYIR, ` ,RANG LUGS NI, RNAM THAR THOB ZIN GYI GANG ZAG GI RGYUD KYI RANG SA'I NYON MONGS PAS MA SLAD PA'I MKHYEN PA DE, MTHONG CHOS LA BDE BAR GNAS PA'I LAM GYI MTSAN NYID, DBYE NA, GZUGS MED KYI RNAM THAR BZHI DANG 'GOG PA'I RNAM THAR GCIG DANG LNGA YOD PA'I PHYIR, ` ,'JIG RTEN LAS 'DAS PA'I LAM LA, ZHES SOGS KYI SKABS SU, GNYIS LAS, DANG PO NI, KHA CIG ,'DAS LAM LA DGU YOD DE, BSAM GTAN BZHI, GZUGS MED @24A *, ,BZHI; 'GOG PA'I SNYOMS 'JUG RNAMS SU YOD PA'I PHYIR ZER NA, BSAM GTAN BZHI 'DAS LAM YIN PAR THAL, SBYOR BA DE 'THAD PA'I PHYIR, 'DOD MI NUS TE, DE RGYUD LDAN GYI PHYI ROL PA YOD PA'I PHYIR, DE BZHIN DU GZUGS MED BZHI YANG 'PHEN, 'GOG SNYOMS 'DAS LAM YIN PAR THAL, SBYOR BA DE 'THAD PA'I PHYIR, 'DOD MI NUS TE, DE LDAN MIN 'DU BYED YIN PA'I PHYIR, RTAGS GRUB STE, MDZOD LAS, LDAN MIN 'DU BYED BCU BZHI DANG, KUN BTUS LAS, LDAN MIN 'DU BYED NYER GSUM BSHAD PA'I PHYIR, DANG PO GRUB STE, MDZOD LAS, MI LDAN PA YI 'DU BYED RNAMS, ,THOB DANG MA THOB SKAL MNYAM DANG, ,'DU SHES MED SNYOMS 'JUGS PA DANG, ,SROG DANG MTSAN NYID RNAMS DANG NI, ,MING GI TSOGS LA SOGS PA YANG, ,ZHES SOGS GSUNGS PA'I PHYIR, GNYIS PA GRUB STE, KUN BTUS LAS, SEMS DANG LDAN PA MA YIN PA'I 'DU BYED RNAMS GANG ZHE NA, THOB PA DANG, 'DU SHES MED PA'I SNYOMS PAR 'JUG PA DANG, 'GOG PA'I SNYOMS PAR 'JUG PA DANG, 'DU SHES MED PA DANG, ZHES GSUNGS PA'I PHYIR, KHO NA RE, RNAM MKHYEN CHOS CAN, 'DAS LAM MA YIN PAR THAL, LDAN MIN 'DU BYED YIN PA'I PHYIR, MA GRUB NA, DER THAL, MTSUNGS LDAN MA YIN PA'I 'DU BYED YIN PA'I PHYIR, DER THAL; MTSUNGS LDAN 'DU BYED KYI PHUNG PO DANG, MTSUNGS LDAN MA YIN PA'I 'DU BYED KYI PHUNG PO GANG RUNG GANG ZHIG ,DANG PO MA YIN PA'I PHYIR, DANG PO GRUB STE, DE 'DU BYED KYI PHUNG PO YIN PA'I PHYIR TE, DE PHUNG PO LNGA PO GANG RUNG GANG ZHIG ,DE GZUGS PHUNG YANG MA YIN, TSOR PHUNG YANG MA YIN, 'DU SHES KYI PHUNG PO YANG MA YIN, RNAM PAR SHES PA'I PHUNG PO YANG MA YIN PA'I PHYIR, DANG PO GRUB STE, DNGOS PO YIN PA'I PHYIR, GNYIS PA GRUB STE, SHES PA YIN PA'I PHYIR, GSUM @24B PA DANG BZHI PA GRUB STE, SEMS BYUNG MA YIN PA'I PHYIR, LNGA PA GRUB STE, GTZO SEMS MA YIN PA'I PHYIR, GONG GI RTAGS GNYIS PA GRUB STE, SEMS BYUNG MA YIN PA'I PHYIR, ZER NA, RE ZHIG ,RNAM MKHYEN GTZO SEMS YIN PAR THAL, MIG SHES GTZO SEMS YIN PA'I PHYIR, MA GRUB NA DER THAL, MIG SHES 'KHOR GYI TSOR BA YOD PA'I PHYIR TE, DBANG SHES 'KHOR GYI TSOR BA YOD PA'I PHYIR TE, YID SHES 'KHOR GYI TSOR BA YOD PA'I PHYIR, MA GRUB NA, TSOR BA MED PAR THAL, DBANG SHES 'KHOR GYI TSOR BA YANG MED, YID SHES 'KHOR GYI TSOR BA YANG MED PA'I PHYIR, RTAGS KHAS, KHO NA RE, GTZO SEMS SU GYUR PA'I RNAM MKHYEN DANG, SEMS BYUNG DU GYUR PA'I RNAM MKHYEN GNYIS KA CHOS CAN, 'DAS LAM MA YIN PAR THAL, LDAN MIN 'DU BYED YIN PA'I PHYIR, RTAGS SNGAR BZHIN GRUB, ZER NA, DPYOD DO, ,KHO NA RE, DE GNYIS CHOS CAN, LDAN MIN 'DU BYED MA YIN PAR THAL, SHES PA YIN PA'I PHYIR, MA GRUB NA, DER THAL, SANGS RGYAS 'PHAGS PA'I RGYUD KYI 'GOG SNYOMS SHES PA YIN PA'I PHYIR, MA GRUB NA, DER THAL, DE YE SHES CHOS SKU YIN PA'I PHYIR, RTAG GRUB STE, DE'I RGYUD KYI MTHAR GNAS SNYOMS 'JUG DGU YE SHES CHOS SKU YIN PA'I PHYIR, RTAGS GRUB STE, MTHAR GYIS NI, SNYOMS 'JUG DGU YI BDAG NYID LA, CHOS KYI SKU ZHES BRJOD PA YIN, ZHES GSUNGS PA'I PHYIR, DE BZHIN DU DE 'DAS LAM YIN PAR THAL, BYANG SEMS MTHONG LAM PA'I RGYUD KYI 'GOG SNYOMS DE MTHONG LAM RTZE SBYOR DANG, BYANG SEMS SGOM LAM PA'I RGYUD KYI 'GOG SNYOMS DE SGOM LAM RTZE SBYOR YIN PA'I PHYIR, DANG PO GRUB STE, DE'I RGYUD KYI TING NGE 'DZIN SING GE RNAM BSKYINGS DE DE YIN PA'I PHYIR NA MA KHYAB, MA GRUB NA, DER THAL, DE NAS SENG GE RNAM BSGYINGS PA ZHES GSUNGS PA'I PHYIR, GNYIS PA GRUB STE, DE'I RGYUD KYI SBYOR BA SENG GE RNAM @25A *, ,BSGYINGS DE DE YIN PA'I PHYIR NA MA KHYAB, MA GRUB NA DER THAL, 'GOG DANG BCAS PA'I SNYOMS 'JUG DGUR, ZHES GSUNGS PA'I PHYIR, YANG DE'I RGYUD KYI 'GOG SNYOMS SGOM LAM RTZE SBYOR YIN PAR THAL, DE LTAR GCIG LA SOGS PA POR NAS 'GOG PA'I SNYOMS PAR 'JUG PA LA THUG PA'I BAR DU MI 'DRA BA'I SGO NAS 'GRO BAS NA MI 'DRA BAR 'GRO BA THOD RGAL GYI SNYOMS PAR 'JUG PA LA DBANG BA NYID KYI MTSAN NYID MNGON SUM DU BYED PAS NA SGOM PA'I LAM YIN NO, ,ZHES PA'I DON GRUB PA'I PHYIR, ZER NA, MA KHYAB STE, SANGS RGYAS 'PHAGS PA'I RGYUD KYI NYON MONGS MED PA DE YE SHES CHOS SKU YIN PAR THAL, NYON MONGS MED LA CHOS KYI SKU ZHES BRJOD PA YIN, ZHES GSUNGS PA'I PHYIR, BYANG SEMS SGOM LAM PA'I RGYUD KYI 'DOD SEMS DE; SGOM LAM RTZE SBYOR YIN PAR THAL, DE LTAR GCIG LA SOGS PA BOR NAS, ZHES GSUNGS PA'I PHYIR, KHYAB PA KHAS, 'DOD MI NUS TE, DE'I RGYUD KYI MIG SHES SGOM LAM RTZE SBYOR MA YIN PA'I PHYIR, 'GOG SNYOMS KYI MTHA' DPYOD GZHAN RNAMS ZUR DU 'CHAD DO, ,SHES PA YIN NA LDAN MIN 'DU BYED MA YIN DGOS ZER BA MI 'THAD DE, RANG RIG CHOS CAN, DER THAL, DE'I PHYIR, 'DOD MI NUS TE, MTSUNGS LDAN MA YIN PA'I 'DU BYED KYI PHUNG PO YIN PA'I PHYIR, DER THAL, DE DANG MTSUNGS LDAN 'DU BYED KYI PHUNG PO GANG RUNG GANG ZHIG PHYI MA MA YIN PA'I PHYIR, DANG PO GRUB STE, DE 'DU BYED KYI PHUNG PO YIN PA'I PHYIR TE, DE PHUNG PO LNGA PO GANG RUNG GANG ZHIG DE GZUGS PHUNG YANG MA YIN, TSOR PHUNG YANG MA YIN, 'DU SHES KYI PHUNG PO YANG MA YIN, RNAM PAR SHES PA'I PHUNG PO YANG MA YIN PA'I PHYIR, DANG PO DANG GNYIS PA SLA, GSUM PA DANG BZHI PA GRUB STE, SEMS BYUNG MA YIN PA'I PHYIR TE, RANG RIG YIN PA'I PHYIR, LNGA PA GRUB STE, GTZO SEMS MA YIN PA'I PHYIR TE, RANG RIG YIN PA'I PHYIR, ` ,RANG LUGS KYI SBYOR BA @25B NI; 'JIG RTEN LAS 'DAS PA'I LAM GYI SGRAS BRJOD RIGS LA DGU YOD DE, 'DAS LAM DU GYUR PA'I BSAM GTAN BZHI, DER GYUR PA'I GZUGS MED BZHI, 'GOG PA'I SNYOMS 'JUG RNAMS SU YOD PA'I PHYIR,, ` ,,SANGS RGYAS NYID KYI LAM LA SBYIN PA LA SOGS PA PHA ROL TU PHYIN PA BCU STE, ZHES SOGS KYI SKABS SU SBYOR BA DANG, MTHA' DPYAD PA GNYIS LAS, DANG PO NI, SANGS RGYAS NYID KYI LAM CHOS CAN, KHYOD LA BCU YOD DE, PHAR PHYIN BCU YOD PA'I PHYIR, KHO NA RE, SLOB LAM NA PHAR PHYIN BCU YOD PAR THAL, SBYOR BA DE 'THAD PA'I PHYIR, KHYAB STE, SLOB LAM GYI SBYIN SOGS PHAR PHYIN BCU SKABS 'DI'I SANGS RGYAS NYID KYI LAM YIN PA'I PHYIR TE, THEG CHEN GYI MTHONG LAM BZOD PA BRGYAD, SPONG BA'I LAM LA BAR CHAD MED PA'I LAM ZHES SOGS KYI SKABS NAS DNGOS SU BSTAN PA'I SPONG BA'I LAM YIN PA'I PHYIR, ZER NA, RTZA BAR MA KHYAB BO, ,GNYIS PA LA KHA CIG ,SANGS RGYAS KYI LAM YIN NA, SANGS RGYAS RANG RGYUD KYIS BSDUS PAS KHYAB ZER NA, MI 'THAD DE, SANGS RGYAS KYI SAR BGROD PAR BYED PA'I LAM YIN NA SANGS RGYAS KYI LAM YIN DGOS PA'I PHYIR TE, THAR PAR BGROD PAR BYED PA'I LAM YIN NA, THAR LAM YIN DGOS PA'I PHYIR, BYAS PA LA KHO NA RE, SANGS RGYAS 'PHAGS PA'I SAR BGROD PAR BYED PA'I LAM YIN NA SANGS RGYAS 'PHAGS PA'I LAM YIN DGOS PAR THAL, SANGS RGYAS KYI SAR BGROD PAR BYED PA'I LAM LA DE'I PHYIR, RTAGS KHAS, 'DOD NA, DMAN LAM SNGON DU MA SONG BA'I THEG CHEN GYI TSOGS LAM CHOS CAN, DER THAL, DE'I PHYIR, 'DOD NA, DE CHOS CAN, 'PHAGS LAM YIN PAR THAL, 'DOD PA'I PHYIR NA RTZA BAR MA KHYAB BO, ,DE LA, KHA CIG ,SGRA CHOS CAN, 'PHAGS PA'I MI SHES KYI GZUNG BYA YIN PAR THAL, SANGS RGYAS 'PHAGS PA'I MIG SHES KYI GZUNG BYA YIN PA'I PHYIR, KHYAB PA 'GRIG ,'DOD NA, DE CHOS CAN, MIG SHES KYI GZUNG @26A *, ,BYA YIN PAR THAL LO, ,ZHES ZER, KHO NA RE, NYAN THOS KYI TSOGS LAM CHOS CAN, SANGS RGYAS KYI LAM YIN PAR THAL, DE'I SAR BGROD PAR BYED PA'I LAM YIN PA'I PHYIR, KHYAB PA KHAS, 'DOD NA, THEG CHEN GYI LAM YIN PAR THAL,, 'DOD PA'I PHYIR ZER NA MA KHYAB, YANG KHO NA RE, DMAN LAM SNGON DU MA SONG BA'I BYANG SEMS KYI TSOGS LAM CHOS CAN, SANGS RGYAS KYI SLOB LAM YIN PAR THAL, DE'I LAM GANG ZHIG ,SANGS RGYAS KYI MI SLOB LAM MA YIN PA'I PHYIR, DANG PO KHAS, GNYIS PA SLA; 'DOD NA, SANGS RGYAS SU GYUR PA'I SLOB PA YOD PAR THAL, SANGS RGYAS KYI SLOB LAM YOD PA'I PHYIR, RTAGS KHAS, ZER NA, BYANG SEMS SU GYUR PA'I SPANGS RTOGS MTHAR PHYIN PA'I GANG ZAG YOD PAR THAL, BYANG SEMS KYI SPANGS RTOGS MTHAR PHYIN PA'I LAM YOD PA'I PHYIR, KHYAB PA SONG, MA GRUB NA, DER THAL, SEMS DPA'I RNAL 'BYOR MTHAR THUG YOD PA'I PHYIR, KHO NA RE, SANGS RGYAS SLOB PA YOD PAR THAL, SANGS RGYAS KYI SLOB LAM YOD PA'I PHYIR ZER NA, SANGS RGYAS NYAN THOS YIN PA YOD PAR THAL, ,SANGS RGYAS KYI NYAN THOS KYI LAM YOD PA'I PHYIR, KHYAB PA 'GRIG ,MA GRUB NA, DER THAL, SANGS RGYAS KYI NYAN THOS YOD PA'I PHYIR TE, SANGS RGYAS KYI GDUL BYA YOD PA'I PHYIR, ` ,RNAM PA THAMS CAD MKHYEN PA NYID KYI RNAM PA NI SHIN TU PHUL DU BYUNG BA'I PHYIR, ZHES SOGS KYI SKABS SU GNYIS LAS, DANG PO NI, SANGS RGYAS 'PHAGS PA'I STOBS SOGS SO DGU CHOS CAN, THUN MONG MA YIN PA'I RNAM MKHYEN GYI RNAM PA YIN TE, SHIN TU PHUL DU BYUNG BA MTHAR THUG PA'I MKHYEN PA YIN PA'I PHYIR, BYAS PA LA KHA CIG ,SANGS RGYAS KYI STOBS SOGS SO DGU CHOS CAN, THUN MONG MA YIN PA'I RNAM MKHYEN GYI RNAM PA YIN TE, SHIN TU PHUL DU BYUNG BA MTHAR THUG PA'I MKHYEN PA GANG ZHIG ,SANGS RGYAS KHO NA'I RTOGS RIGS SU GNAS PA'I PHYIR, ZER NA, RE ZHIG ,SANGS RGYAS 'PHAGS PA'I RGYUD KYI DE BZHIN NYID @26B KYI RNAM PA YIN NA SANGS RGYAS KHO NA'I RTOGS RIGS SU GNAS PAS KHYAB PAR THAL, SBYOR BA DE 'THAD PA'I PHYIR, 'DOD NA, JI LTA BA MKHYEN PA'I RNAM MKHYEN CHOS CAN, DER THAL, DE'I PHYIR, RTAGS GRUB STE, SANGS RGYAS 'PHAGS PA'I RGYUD LA RNAM MKHYEN GYI SHES RNAM DU GYUR PA'I DE BZHIN NYID KYI RNAM PA YOD PA'I PHYIR, 'DOD MI NUS TE, DE BYANG SEMS KYI RTOGS RIGS SU GNAS PA'I PHYIR, MA GRUB NA, SANGS RGYAS 'PHAGS PA'I RGYUD LA BYANG SEMS KYI RTOGS RIGS SU GNAS PA'I MKHYEN PA MED PAR THAL, MA GRUB PA DE'I PHYIR, GZHAN YANG, SANGS RGYAS KYI CHOS MA 'DRES PA BCO BRGYAD SANGS KHO NA'I RTOGS RIGS SU GNAS PAR THAL, STOBS SOGS SHES RNAM SO DGU SANGS KHO NA'I RTOGS RIGS SU GNAS PA'I PHYIR, 'DOD NA, SANGS 'PHAGS PA'I THUGS, SA RGYUD KYI BYAMS PA DANG, SNYING RJE CHEN PO SANGS RGYAS KHO NA'I RTOGS RIGS SU GNAS PAR THAL, 'DOD PA'I PHYIR, 'DOD NA, DE RNAMS BYANG SEMS KYI RTOGS RIGS SU MI GNAS PAR THAL LO, ,'DOD NA, SANGS RGYAS 'PHAGS PA'I RGYUD LA BYANG SEMS KYI RTOGS RIGS SU GNAS PA'I MKHYEN PA MED PAR THAL, 'DOD PA'I PHYIR, GNYIS PA LA KHA CIG ,RNAM MKHYEN GYI RNAM PA GANG ZHIG ,RANG GI RIGS 'DRA MTSAN NYID PA 'PHAGS PA 'OG MA'I RGYUD LA YOD PA, THUN MONG BA'I RNAM MKHYEN GYI RNAM PA'I MTSAN NYID DE GANG ZHIG RANG GI RIGS 'DRA MTSAN NYID PA DE LTAR MED PA DE; THUN MONG MA YIN PA'I RNAM MKHYEN GYI RNAM PA'I MTSAN NYID ZER NA, STOBS BCU CHOS CAN, RANG GI RIGS 'DRA MTSAN NYID PA 'PHAGS PA 'OG MA'I RGYUD LA MED PAR THAL, MTSON BYA DE'I PHYIR, RTAGS SLA, 'DOD MI NUS TE, STOBS BCU'I NYER LEN MTSAN NYID PA 'PHAGS PA 'OG MA'I RGYUD LA YOD PA'I PHYIR TE, KHYOD RNAM MKHYEN YIN PA'I PHYIR, KHA CIG ,RNAM MKHYEN GYI RNAM PA GANG ZHIG ,RANG GI SDE TSAN MTSAN NYID PA 'PHAGS PA 'OG MA'I RGYUD LA YOD PA'I RIGS SU GNAS PA, THUN MONG BA'I @27A *, ,RNAM MKHYEN GYI RNAM PA'I MTSAN NYID, DE GANG ZHIG ,RANG GI SDE TSAN MTSAN NYID PA 'PHAGS PA 'OG MA'I RGYUD LA MED PA'I RIGS SU GNAS PA, THUN MONG MA YIN PA'I RNAM MKHYEN GYI RNAM PA'I MTSAN NYID ZER NA, SHES BYA CHOS CAN, BYANG SEMS 'PHAGS PA'I RGYUD LA DRAN PA NYER BZHAG YOD PA'I RGYU MTSAN GYIS SANGS RGYAS 'PHAGS PA'I RGYUD KYI DRAN PA NYER BZHAG DE RANG GI SDE TSAN MTSAN NYID PA 'PHAGS PA 'OG MA'I RGYUD LA YOD PA'I RIGS SU GNAS PAR 'JOG RIGS PAR THAL, DE THUN MONG BA'I RNAM MKHYEN GYI RNAM PA YIN PA'I PHYIR, KHYAB PA KHAS, MA GRUB NA, DER THAL, THUN MONG BA'I RNAM MKHYEN GYI RNAM PA GZHI GRUB PA'I PHYIR, RTZA BAR 'DOD NA, SANGS RGYAS 'PHAGS PA'I RGYUD KYI SO SO YANG DAG PA RIG PA BZHI PO DE, RANG GI SDE TSAN MTSAN NYID PA 'PHAGS PA 'OG MA'I RGYUD LA YOD PA'I RIGS SU GNAS PAR THAL, BYANG SEMS 'PHAGS PA'I RGYUD LA SO SO YANG DAG PA RIG PA BZHI YOD PA'I PHYIR, KHYAB PA KHAS, MA GRUB NA, DER THAL, BYANG SEMS SA DGU PA BA'I RGYUD LA SO SO YANG DAG PAR RIG PA YOD PA'I PHYIR TE, SO SO YANG DAG RIG BLO BZANG, ,SA DE LEGS PA'I BLO GROS YIN, ,ZHES BSHAD PA'I PHYIR, RTZA BAR 'DOD NA, DE CHOS CAN, RANG GI SDE TSAN MTSAN NYID PA 'PHAGS PA 'OG MA'I RGYUD LA MED PA'I RIGS SU GNAS PAR THAL, THUN MONG MA YIN PA'I RNAM MKHYEN GYI RNAM PA YIN PA'I PHYIR, DON LA 'KHOR GSUM YIN NO, ,GZHAN YANG, THUN MONG BA'I RNAM MKHYEN YOD PAR THAL, THUN MONG BA'I RNAM MKHYEN GYI SHES RNAM YOD PA'I PHYIR, MA GRUB NA MTSAN NYID DE 'THAD PAR BUD, 'DOD NA, NYAN THOS DANG THUN MONG BA'I RNAM MKHYEN YOD PAR THAL, 'DOD PA'I PHYIR, 'DOD MI NUS TE, RNAM MKHYEN YIN NA SANGS RGYAS KYI THUN MONG MA YIN PA'I RNAM MKHYEN YIN DGOS PA'I PHYIR, KHA CIG, THUN MONG BA'I RNAM MKHYEN GYI RNAM PA MED ZER BA MI 'THAD DE, THUN MONG BA'I RNAM MKHYEN @27B 'DZIN PA'I RTOG PA DE THUN MONG BA'I RNAM MKHYEN GYI RNAM PA YIN PA'I PHYIR TE, GANG ZAG GI BDAG 'DZIN DE GANG ZAG GI BDAG GI RNAM PA YIN PA'I PHYIR, RTAGS GRUB ZIN, KHA CIG ,THUN MONG MA YIN PA'I RNAM MKHYEN GYI RNAM PA YIN NA SPANGS RTOGS MTHAR PHYIN PA'I SHES RNAM YIN PAS KHYAB ZER BA MI 'THAD DE, DE 'DZIN PA'I RTOG PA DE DE'I RNAM PA YIN PA'I PHYIR, ` ,RANG LUGS NI, RANG 'THOB BYED KYI THABS SU GYUR PA'I RNAM MKHYEN GYI SBYOR BA BSGOMS STOBS KYIS 'THOB PA'I SHES RNAM MTHAR THUG GANG ZHIG ,RANG SRAS SANGS RGYAS 'PHAGS PA'I BZHED DON PHUN TSOGS BSGRUB NUS DE, RNAM MKHYEN GYI SHES RNAM GYI MTSAN NYID, DBYE NA, STOBS BCU, MI 'JIGS PA BZHI, SO SO YANG DAG RIG PA BZHI, SANGS RGYAS KYI CHOS MA 'DRES PA BCO BRGYAD, DE BZHIN NYID KYI RNAM PA RANG BYUNG GI RNAM PA, SANGS RGYAS NYID KYI RNAM PA RNAM SU YOD PA'I PHYIR, RTZOD SPONG LA KHA CIG ,SO SO YANG DAG RIG PA BZHI RNAM MKHYEN GYI SHES RNAM YIN PAR THAL, RNAM MKHYEN GYI SHES RNAM DE LA BDUN PO DER 'BYED RIGS PA'I PHYIR, RTAGS KHAS, 'DOD NA, SA DGU PA BA'I RGYUD LA DE MED PAR THAL, 'DOD PA'I PHYIR, GZHAN YANG, DE BZHIN NYID KYI RNAM PA RNAM MKHYEN GYI SHES RNAM YIN PAR THAL, RNAM MKHYEN GYI SHES RNAM DE LA, SNGAR BSHAD PA'I LAM BDUN PO DER 'BYED RIGS PA'I PHYIR, 'DOD NA, THEG CHEN GYI MTHONG LAM BAR CHAD MED LAM DE DE BZHIN NYID KYI RNAM PA MA YIN PAR THAL, 'DOD PA'I PHYIR, 'DOD MI NUS TE, DE LA DE BZHIN NYID KYI RNAM PA SHAR BA'I PHYIR, ZHES ZER RO, ` ,DE LA NI GNAS DANG GNAS MA YIN PA MKHYEN PA'I STOBS DANG, ZHES SOGS KYIS SKABS SU, SBYOR BA DANG, MTHA' DPYAD PA GNYIS LAS, DANG PO NI, SANGS RGYAS KYI STOBS DE LA BCU YOD DE, GNAS DANG GNAS MA YIN PA MKHYEN PA'I STOBS NAS, ZAG PA ZAD PA MKHYEN PA'I @28A *, ,STOBS KYI BAR BCU YOD PA'I PHYIR, GNYIS PA LA KHA CIG ,RANG GI MI MTHUN PHYOGS ZIL GYIS GNON NUS PAS RAB TU PHYE BA'I MKHYEN PA MTHAR THUG ,STOBS KYI MTSAN NYID ZER BA MI 'THAD DE, STOBS RGYUD LA LDAN PA'I SEMS CAN YOD PA'I PHYIR TE, RNAM BYANG GI DBANG PO RGYUD LA LDAN PA'I BYANG SEMS YOD PA'I PHYIR, ` ,RANG LUGS NI, RANG GI MI MTHUN PHYOGS KYIS BRDZI BAR MI NUS PA'I MKHYEN PA MTHAR THUG DE, SANGS RGYAS KYI STOBS KYI MTSAN NYID, DBYE NA BCU YOD, ` , DA NI SANGS RGYAS SO ZHES BDAG NYID ZHAL GYIS 'CHES PA DANG, ZHES SOGS KYI SKABS SU SBYOR BA DANG, MTHA' DPYAD PA GNYIS, DANG PO NI, MI 'JIGS PA LA BZHI YOD DE, RANG DON SPANGS RTOGS DAM BCAS PA LA MI 'JIGS PA GNYIS, GZHAN DON SPANGS GNYEN DAM BCAS PA LA MI 'JIGS PA GNYIS YOD PA'I PHYIR, GNYIS PA LA, RANG LUGS GZHAG PA DANG, DE LA RTZOD SPONG GNYIS LAS, DANG PO NI, DAM PA'I CHOS STON PA LA 'KHOR GYI NANG DU BAG TSA BA MED PAS RAB TU PHYE BA'I MTHAR THUG GI MKHYEN PA DE, DE 'DRA'I MI 'JIGS PA'I MTSAN NYID, DBYE NA, RANG DON SPANGS RTOGS DAM BCAS PA LA MI 'JIGS PA GNYIS, GZHAN DON SPANGS GNYEN DAM BCAS PA LA MI 'JIGS PA GNYIS RNAMS SU YOD PA'I PHYIR, GNYIS PA LA RNAM BSHAD LAS, DA NI CHOS THAMS CAD RNAM PA THAMS CAD DU MNGON PAR RDZOGS PAR SANGS RGYAS SO, ,ZHES BDAG NYID ZHAL GYIS BZHES PA LA CHOS 'DI THUGS SU MA CHUD DO, ,ZHES CHOS MTHUN GYI RGOL BA MED PA RTOGS PA PHUN TSOGS LA, MI 'JIGS PA DANG, ZHES BSHAD CING, 'DI'I 'THAD KYI MDO LAS KYANG DE LTAR BSHAD PA LA KHA CIG ,LUNG 'DI RNAMS SGRA JI BZHIN DU KHAS BLANGS DU MI RUNG STE, CHOS THAMS CAD SANGS RGYAS PA YOD PAR THAL, CHOS THAMS CAD RNAM PA THAMS CAD DU MNGON PAR RDZOGS PAR SANGS RGYAS PA YOD @28B PA'I PHYIR, RTAGS KHAS, 'DOD NA, KA BA SANGS RGYAS PA YOD PAR THAL, 'DOD PA'I PHYIR ZER NA, RTZA BAR MA KHYAB STE, YANG DAG PAR SANGS RGYAS PA YOD PAR THAL, YANG DAG PAR RDZOGS PA'I SANGS RGYAS YOD PA'I PHYIR, KHYAB PA 'GRIG ,RTAGS SLA, 'DOD NA; YANG DAG PAR GRUB PA YOD PAR THAL, 'DOD PA'I PHYIR, ` RNAM GRANGS DANG CHOS KYI MTSAN NYID DANG, YUL GYI SKAD DANG, ZHIS SOGS KYI SKABS SU SBYOR BA DANG, MTHA' DPYAD PA GNYIS, DANG PO NI, SO SO YANG DAG RIG PA LA BZHI YOD DE BSHAD BYA LA CHAGS THOGS SPANGS PA'I MKHYEN PA GNYIS, 'CHAD BYED LA CHAGS THOGS SPANGS PA'I MKHYEN PA GNYIS YOD PA'I PHYIR, GNYIS PA LA KHA CIG, BSHAD BYA DANG 'CHAD BYED LA CHAGS THOGS SPANGS PAS RAB TU PHYE BA'I MTHAR THUG GI MKHYEN PA, SO SO YANG DAG RIG PA'I MTSAN NYID ZER NA MI 'THAD DE, SA DGU PA BA'I RGYUD LA SO SO YANG DAG RIG PA BZHI YOD PA'I PHYIR, ` ,RANG LUGS NI, RANG GI BDAG RKYEN DU GYUR PA'I RAB MTHA'I BSAM GTAN LA BRTEN NAS BSHAD BYA DANG 'CHAD BYED LA CHAGS THOGS SPANGS PAS RAB TU PHYE BA'I MTHAR THUG GI MKHYEN PA DE, RNAM MKHYEN GYI SHES RNAM DU GYUR PA'I SO SO YANG DAG RIG PA'I MTSAN NYID, DBYE NA BZHI YOD, ` 'DAS PA DANG, MA BYON PA DANG, DA LTAR BYUNG BA LA ZHES SOGS KYI SKABS SU SBYOR BA DANG; MTHA' DPYA' PA GNYIS, DANG PO NI, YE SHES MA 'DRES PA LA GSUM YOD DE, DUS GSUM LA CHAGS THOGS SPANGS PA'I MKHYEN PA GSUM YOD PA'I PHYIR, GNYIS PA LA KHA CIG ,SKYES LA 'GAG PA, 'DAS PA'I MTSAN NYID, DPER NA, MANG POS BSKUR BA'I RGYAL PO LTA BU, SKYES LA MA 'GAG PA DA LTAR BA'I MTSAN NYID DPER NA, DA LTAR GYI MI LTA BU, SKYE BA'I RGYU YOD CING MA SKYES PA MA 'ONGS PA'I MTSAN NYID, DPER NA, DUNG 'KHOR LOS BSGYUR BA'I RGYAL PO LTA BU, 'DI LHA DBANG BLO YI @29A *, ,'GREL PA'I DGONGS PA YIN NO, ,ZER NA, MANG POS BSKUR BA'I RGYAL PO CHOS CAN, SKYES PAR THAL, 'DAS PA YIN PA'I PHYIR, RTAGS KHAS, 'DOD NA, DE CHOS CAN, BYAS PA YIN PAR THAL, 'DOD PA'I PHYIR, 'DOD NA, DE CHOS CAN, MI RTAG PA YIN PAR THAL LO, ,'DOD NA, MI RTAG PA MA YIN PAR THAL, 'GAG PA YIN PA'I PHYIR, MA GRUB NA DER THAL, 'DAS PA YIN PA'I PHYIR, RTAGS KHAS, DUNG 'KHOR LOS BSGYUR BA'I RGYAL PO CHOS CAN, MA SKYES PAR THAL, MA 'ONGS PA YIN PA'I PHYIR, RTAGS KHAS, 'DOD NA, SKYES PAR THAL, BYAS PA YIN PA'I PHYIR TE, DNGOS PO YIN PA'I PHYIR, GZHAN YANG, BUM PA ZHIG PA 'DAS PA YIN PAR THAL, 'DAS PA'I YIN PA YOD PA'I PHYIR, MA GRUB NA DER THAL, 'DAS PA'I MTSAN NYID 'THAD PA'I PHYIR, RTAGS KHAS, 'DOD NA, BUM PA ZHIG BA CHOS CAN, DNGOS PO YIN PAR THAL, SKYES PA YIN PA'I PHYIR, MA GRUB NA DER THAL, 'DAS PA YIN PA'I PHYIR, 'KHOR GSUM, MA 'ONGS PA'I YIN PA YOD PAR THAL, DE'I MTSAN NYID 'THAD PA'I PHYIR, 'DOD NA, BUM PA MA 'ONGS PA DE, MA 'ONGS PA YIN PAR THAL, ,'DOD PA'I PHYIR, 'DOD NA, DE CHOS CAN, KHYOD DNGOS PO YIN PAR THAL, KHYOD SKYE BYED KYI RGYU YOD PA'I PHYIR, MA GRUB NA, DER THAL, KHYOD MA 'ONGS PA YIN PA'I PHYIR, 'KHOR GSUM, MKHAS PA KHA CIG ,RANG NYID DUS GANG DU 'JOG PA DNGOS PO GANG GI RANG DUS LA LTOS NAS BZHAG DGOS PA'I LTOS SAR GYUR PA'I DNGOS PO DE'I RANG DUS SU THAL ZIN PA DE, 'DAS PA'I MTSAN NYID, RANG NYID DUS GANG DU 'JOG PA DNGOS PO GANG GI RANG DUS LA LTOS NAS BZHAG DGOS PA'I LTOS SAR GYUR PA'I DNGOS PO DE'I DUS SU MA SLEBS PA DE, MA 'ONGS PA'I MTSAN NYID, SKYES LA MA 'GAG PA YANG YIN, RANG NYID KYI DON SPYI 'CHAR BA LA RANG DUS SU THAL ZIN PA DANG, RANG DUS SU MA 'ONGS PA'I CHOS GZHAN GYI DON SPYI 'CHAR BA LA @29B LTOS MI DGOS PA YANG YIN PA'I GZHI MTHUN PA DE, DA LTAR BA'I MTSAN NYID ZHES GSUNGS NA 'DAS PA'I YIN PA YOD PAR THAL, MTSAN NYID DANG PO 'THAD PA'I PHYIR, 'DOD NA, BUM PA ZHIG PA DE 'DAS PA YIN PAR THAL, 'DOD PA'I PHYIR, 'DOD NA, DE CHOS CAN, 'DAS PA'I MTSAN NYID DER THAL, KHYOD 'DAS PA YIN PA'I PHYIR, RTAGS KHYAB KHAS, 'DOD NA, KHYOD BUM PA'I DUS SU THAL ZIN PAR THAL, 'DOD PA'I PHYIR, 'DOD NA, BUM PA DE RANG NYID KYI SNGA ROL DU ZHIG ZIN PAR THAL, 'DOD PA'I PHYIR, GZHAN YANG, MA 'ONGS PA'I YIN PA YOD PAR THAL, MA 'ONGS PA'I MTSAN NYID DE 'THAD PA'I PHYIR, 'DOD NA, BUM PA MA 'ONGS PA DE MA 'ONGS PA YIN PAR THAL, 'DOD PA'I PHYIR, 'DOD NA, DE CHOS CAN, MA 'ONGS PA'I MTSAN NYID DER THAL, KHYOD MA 'ONGS PA YIN PA'I PHYIR, RTAGS KHYAB KHAS, 'DOD NA DE BUM PA'I DUS SU MA SLEBS PAR THAL LO, ,'DOD NA, DE BUM PA'I DUS SU THAL ZIN PA MA YIN PAR THAL, 'DOD PA'I PHYIR, 'DOD NA, BUM PA SKYE BZHIN PA DE BUM PA'I DUS SU THAL ZIN PA MA YIN PAR THAL LO, ,'DOD NA BUM PA CHOS CAN, KHYOD SKYE BZHIN PA KHYOD KYI DUS SU THAL ZIN PA YIN PAR THAL, KHYOD DNGOS PO YIN PA'I PHYIR, 'DAS PA'I YIN PA YOD CES KHA 'CHAM DU SMRA BA MI 'THAD DE, SHI BA'I YIN PA YOD PAR THAL, 'DAS PA'I YIN PA YOD PA'I PHYIR, RTAGS KHAS, 'DOD NA, BSKAL PA DANG PO'I MI SHI BA YIN PAR THAL; 'DOD PA'I PHYIR, 'DOD NA, DE CHOS CAN, 'DAS PA YIN PAR THAL, SHI BA YIN PA'I PHYIR, RTAGS KHAS, 'DOD NA, DE CHOS CAN, DNGOS MED YIN PAR THAL, 'DOD PA'I PHYIR, 'DOD MI NUS TE, GANG ZAG YIN PA'I PHYIR, YANG DE CHOS CAN, KHYOD KYI RGYUD LA YI DBANG MED PAR THAL, KHYOD SHI BA YIN PA'I PHYIR, RTAGS KHAS, 'DOD MI NUS TE, KHYOD GANG ZAG YIN PA'I PHYIR, ` ,RANG LUGS NI, DUS DER ZHIG ZIN PA, DUS DER 'DAS PA'I MTSAN NYID, DUS DER SKYES PA DANG, DUS DER MA 'GAGS PA'I @30A *, ,GZHI MTHUN DUS DER DA LTAR BA'I MTSAN NYID, DUS DER 'DAS MA 'ONGS DA LTAR GSUM PO GANG RUNG GANG ZHIG ,DUS DER MA SKYES PA DANG, DUS DER MA 'GAGS PA'I GZHI MTHUN PA DE, DUS DER MA 'ONGS PA'I MTSAN NYID, 'DAS MA 'ONGS KYI MTHA' DPYOD RGYAS PAR GZHAN DU SHES PAR BYA'O, ,DE LTAR NA SANGS RGYAS KYI CHOS MA 'DRES PA BCO BRGYAD KYI RNAM PA DAG DANG, ZHES PA LA SBYOR BA NI, SANGS RGYAS KYI CHOS MA 'DRES PA DE LA BCO BRGYAD YOD DE, SPYOD PAS BSDUS PA DRUG ,RTOGS PAS BSDUS PA DRUG ,'PHRIN LAS KYIS BSDUS PA GSUM, YE SHES KYIS BSDUS PA GSUM RNAMS SU YOD PA'I PHYIR, 'PHAGS PA 'OG MA RNAMS DANG YON TAN GYI SDE TSAN GYI RIGS CUNG ZAD KYANG MA 'DRES PA'I RIGS SU GNAS PAS RAB TU PHYE BA'I MTHAR THUG GI MKHYEN PA, SANGS RGYAS KYI CHOS MA 'DRES PA'I MTSAN NYID, DBYE NA BCO BRGYAD YOD, SANGS RGYAS THAMS CAD KYIS BSHAD PA'I DE BZHIN NYID DANG, ZHES PA'I SKABS SU JI LTA BA MKHYEN PA'I RNAM MKHYEN CHOS CAN, 'DIR BSTAN DE BZHIN NYID KYI RNAM PA YIN TE, DE BZHIN NYID LA SLAR MI LDANG BA'I TSUL GYIS MNYAM PAR BZHAG PA'I YE SHES YIN PA'I PHYIR, KHA CIG, DE BZHIN NYID LA SLAR MI LDANG BA'I TSUL GYIS MNYAM PAR BZHAG PA'I YE SHES, DE BZHIN NYID KYI RNAM PA'I MTSAN NYID, ZER NA, SANGS RGYAS 'PHAGS PA'I RGYUD KYI DE BZHIN NYID KYI RNAM PA CHOS CAN, MTSAN NYID DER THAL, MTSON BYA DE'I PHYIR, RTAGS tIKKAR GSAL, GZHAN YANG, THEG CHEN MTHONG LAM BAR CHAD MED LAM CHOS CAN, MTSAN NYID DER THAL, MTSON BYA DE'I PHYIR, MA GRUB NA, DER THAL; DE DE BZHIN NYID KYI RNAM PAR SKYES PA'I PHYIR TE, DE'I RNAM PA SHAR BA'I BLO YIN PA'I PHYIR, RTZA BAR 'DOD NA, YE SHES CHOS SKU YIN PAR THAL LO, ` ,RANG LUGS NI, SANGS RGYAS THAMS CAD KYIS BSHAD PA'I DE BZHIN NYID LA SLAR MI LDANG BA'I TSUL @30B GYIS MNYAM PAR GZHAG PA'I YE SHES DE, GZHUNG 'DRI'I DNGOS KYI BSTAN BYA'I GTZO BOR GYUR PA'I DE BZHIN NYID KYI RNAM PAR GYUR BA'I RNAM MKHYEN GYI SHES RNAM GYI MTSAN NYID, ` ,CHOS THAMS CAD LA MNGA' BSGYUR BA'I RANG BYUNG DANG, ZHES PA'I SKABS SU RNAM MKHYEN CHOS CAN, RANG BYUNG GI RNAM PA YIN TE, ,CHOS 'KHOR MA LUS PAR BSKOR BA LA DBAD BSGYUR THOB PAS RAB TU PHYE BA'I MTHAR THUG GI YE SHES YIN PA'I PHYIR, CHOS KYI 'KHOR LO MA LUS PAR BSKOR BA LA DBANG BSGYUR THOB PAS RAB TU PHYE BA'I MTHAR THUG GI YE SHES; RANG BYUNG GI RNAM PAR GYUR BA'I RNAM MKHYEN GYI SHES RNAM GYI MTSAN NYID, ` ,RNAM PA THAMS CAD MNGON PAR RDZOGS PAR BYANG CHUB PA'I SANGS RGYAS NYID KYI RNAM PA GSUM STE, ZHES SOGS KYI SKABS SU RNAM MKHYEN CHOS CAN, SANGS RGYAS NYID KYI RNAM PA YIN TE; CHOS THAMS CAD RNAM PA THAMS CAD DU MNGON PAR RTOGS PA MTHAR PHYIN PA'I YE SHES YIN PA'I PHYIR, CHOS THAMS CAD MNGON PAR RTOGS PA MTHAR PHYIN PA'I YE SHES DE, SANGS RGYAS NYID KYI RNAM PAR GYUR BA'I RNAM MKHYEN GYI SHES RNAM GYI MTSAN NYID, KHA CIG, THUN MONG BA'I RNAM MKHYEN GYI SHES RNAM YOD ZER BA MI 'THAD DE, RNAM MKHYEN GYI SHES RNAM YIN NA, THUN MONG MA YIN PA'I RNAM MKHYEN GYI SHES RNAM YIN DGOS PA'I PHYIR TE, DE YIN NA SANGS RGYAS NYID KYI RNAM PAR GYUR PA'I RNAM MKHYEN GYI SHES RNAM YIN DGOS, DE YIN NA THUN MONG MA YIN PA'I RNAM MKHYEN GYI SHES RNAM YIN DGOS PA'I PHYIR, DANG PO GRUB STE, DE YIN NA CHOS THAMS CAD MNGON SUM DU RTOGS PA MTHAR PHYIN PA'I YE SHES YIN DGOS, DE YIN NA SANGS RGYAS NYID KYI RNAM PAR GYUR PA'I RNAM MKHYEN GYI SHES RNAM YIN DGOS PA'I PHYIR, DANG PO BUD, GNYIS PA GZHUNG DANG tIKKAR GSAL, ` ,DE LA CHOS THAMS CAD SHES PA NYID KYI RNAM PA NI, NYAN THOS DANG BYANG CHUB SEMS DPA'I BYE BRAG GIS, ZHES SOGS KYI SKABS SU SBYOR BA DANG, MTHA' DPYAD PA GNYIS, DANG PO NI, NYAN THOS @31A *, ,'PHAGS PA'I RGYUD KYI GZHI SHES KYI RNAM PA NYER BDUN LA, NYON MONGS PA'I ZAG PA MED PA ZHES BRJOD PA'I RGYU MTSAN YOD DE, NYAN THOS SLOB PA 'PHAGS PAS NYON SGRIB SPANG BYA'I GTZO BOR BYAS NAS SPONG BA'I PHYIR, BYANG SEMS 'PHAGS PA'I RGYUD KYI GZHI SHES KYI RNAM PA NYER BDUN DE LA, NYON MONGS PA'I ZAG BCAS ZHES BTAGS NAS BRJOD PA'I RGYU MTSAN YOD DE, BYANG SEMS 'PHAGS PAS NYON SGRIB SPANG BYA'I GTZO BOR BYAS NAS MI SPONG BA'I PHYIR, BYANG SEMS 'PHAGS PA'I LAM SHES KYI SHES RNAM SOR DRUG LA, NYON MONGS PA'I ZAG BCAS SU BTAGS NAS BZHAG PA'I RGYU MTSAN YOD DE, BYANG SEMS 'PHAGS PAS NYON SGRIB SPANG BYA'I GTZO BOR BYAS NAS MI SPONG BAR GZHAN DON BYED PA'I YAN LAG TU BSGYUR PAR BYED PAS NA, DE LTAR BZHAG PA'I PHYIR, RNAM MKHYEN GYI SHES RNAM BRGYA DANG BCU CHOS CAN, ZAG MED KHO NA YIN TE, SGRIB GNYIS BAG CHAGS DANG BCAS PA SPANGS PA'I PHYIR, GNYIS PA LA KHA CIG ,NYAN THOS 'PHAGS PA'I RGYUD KYI GZHI SHES YIN NA NYON MONGS PA'I ZAG MED YIN PAS KHYAB; BYANG CHUB SEMS DPA'I RGYUD KYI GZHI SHES YIN NA NYON MONGS PA'I ZAG BCAS YIN PAS KHYAB ZER NA, NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA'I RGYUD KYI GZHI SHES CHOS CAN, NYON MONGS PA'I ZAG BCAS YIN PAR THAL, BYANG CHUB SEMS DPA'I RGYUD KYI GZHI SHES YIN PA'I PHYIR, KHYAB PA KHAS, 'DOD MI NUS TE, NYON SGRIB MA LUS PAR SPANGS PA'I PHYIR, GZHAN YANG, BYANG SEMS MTHONG LAM PA'I RGYUD KYI GANG ZAG GI BDAG MED MNGON SUM DU RTOGS PA'I MKHYEN PA CHOS CAN, SPANGS BYA YIN PAR THAL, NYON MONGS PA'I ZAG BCAS YIN PA'I PHYIR, DER THAL, BYANG CHUB SEMS DPA'I RGYUD KYI GZHI SHES YIN PA'I PHYIR, KHYAB PA KHAS, KHA CIG RANG RGYAL SLOB PA 'PHAGS PAS NYON SGRIB SPONG BYA'I @31B GTZO BOR BYAS NAS MI SPONG ZER BA MI 'THAD DE, 'DI'I THAD KYI RNAM BSHAD SNYING PO RGYAN LAS, NYAN THOS DANG RANG SANGS RGYAS RNAMS NI NYON MONGS SPANGS BYA'I GTZO BOR BYAS NAS SPONG BAS, DE'I RGYUD KYI GZHI SHES LA ZAG MED CES BYA'O, ,ZHES BSHAD PA MI 'THAD PAR THAL, DAM BCA' 'THAD PA'I PHYIR, KHA CIG, NYAN THOS KYI RGYUD KYI GZHI SHES LA ZAG MED CES BRJOD RIGS TE, NYAN THOS RNAMS KYIS NYON SGRIB SPANGS BYA'I GTZO BOR BYAS NAS SPONG PA'I PHYIR, BYANG CHUB SEMS DPA'I RGYUD KYI GZHI SHES LA ZAG BCAS ZHES BRJOD RIGS TE, BYANG CHUB SEMS DPA' RNAMS KYIS NYON SGRIB SPANGS BYA'I GTZO BOR BYAS NAS MI SPONG BA'I PHYIR ZER NA, NYAN THOS CHOS CAN, KHYOD NYAN THOS SLOB PA YIN PAR THAL, KHYOD NYAN THOS GANG ZHIG ,KHYOD KYIS NYON SGRIB SPANG BYA'I GTZO BOR BYED PA'I PHYIR, 'DOD MI NUS TE, NYAN THOS DGRA BCOM PA DE KHYOD YIN PA'I PHYIR, KHO NA RE, NYAN THOS KYIS NYON SGRIB SPANG BYA'I GTZO BOR BYED PAR THAL, DE'I SPANG BYA'I GTZO BO YOD PA'I PHYIR TE, BYANG SEMS KYI SPANG BYA'I GTZO BO YOD PA'I PHYIR, ZHES ZER, KHA CIG, SHES SGRIB NYAN THOS KYI SPANG BYA'I GTZO BO YIN TE, DE NYAN THOS DGRA BCOM PA'I SPANG BYA'I GTZO BO YIN PA'I PHYIR, DE'I SPANG BYA'I GTZO BO YOD PA'I PHYIR TE, DE'I SPANG BYA YOD PA'I PHYIR, DE SEMS CAN YIN PA'I PHYIR, ZHES ZER BA YOD DO, ` ,SANGS RGYAS RNAMS LA LHAG PAR BYAS, ZHES SOGS KYI SKABS SU, SBYOR BA DANG, MTHA' DPYAD PA GNYIS, DANG PO NI, BYANG SEMS TSOGS LAM PA CHOS CAN, YUM NYAN PA'I SNOD YIN TE, THEG CHEN GYI DGE BA'I BSHES GNYEN GYI MGON DANG BCAS SHING, SNGON SANGS RGYAS RNAMS LA LHAG PAR BYA BA BYAS PA SOGS PHYI NANG GI RKYEN GNYIS DANG LDAN PA'I SEMS DPA' YIN PA'I PHYIR, KHO NA RE, BYANG SEMS TSOGS LAM PA YIN NA YUM NYAN PA'I SNOD RUNG YIN PAS KHYAB PAR THAL, SBYOR @32A *, ,BA DE 'THAD PA'I PHYIR, 'DOD NA, SEMS TZAM PAR GYUR PA'I BYANG SEMS TSOGS LAM PA CHOS CAN, DER THAL, DE'I PHYIR, ZER NA RTZA BAR MA KHYAB, GNYIS PA LA KHA CIG ,SBYOR BA BSGOM PA'I PHYI NANG GI RKYEN GNYIS DANG LDAN PA'I SEMS DPA' DE, SBYOR BA SGOM PA PO'I RTEN GYI GANG ZAG GI MTSAN NYID ZER NA, NYAN THOS TSOGS LAM PA CHOS CAN, MTSAN NYID DER THAL, MTSON BYA DE'I PHYIR, DER THAL, NYAN THOS KYI SBYOR BA SGOM PA PO'I RTEN GYI GANG ZAG YIN PA'I PHYIR, KHA CIG, MTSAN NYID DE, RNAM RDZOGS SBYOR BA SGOM PA PO'I RTEN GYI GANG ZAG GI MTSAN NYID ZER NA, DE LA SKYON 'PHEN PA KHA CIG ,RNAM RDZOGS SBYOR BA SGOM PA PO'I LAM MA ZHUGS KYI GANG ZAG CHOS CAN, MTSAN NYID DER THAL, MTSON BYA DE'I PHYIR, RTAGS GRUB STE, CHOS CAN DE YOD PA'I PHYIR, ZHES BKAGS NAS SKABS 'DIR DNGOS SU BSTAN PA'I SBYOR BA SGOM PA PO'I GANG ZAG YIN NA BYANG CHUB SEMS DPA' YIN PAS KHYAB ZER BA NANG 'GAL TE, SKABS 'DIR DNGOS SU BSTAN PA'I SBYOR BA SGOM PA PO'I LAM MA ZHUGS KYI GANG ZAG CHOS CAN, DER THAL, DE'I PHYIR, RTAGS GRUB STE, DE 'DRA'I GANG ZAG YOD PA'I PHYIR, RNAM RDZOGS SBYOR BA SGOM PA PO'I LAM MA ZHUGS KYI GANG ZAG YOD PA'I PHYIR, RTAGS KHAS, RTZA BAR 'DOD NA SLA, ` ,GZUGS LA SOGS LA MI GNAS PHYIR, , ZHES SOGS KYI SKABS SU, SBYOR BA DANG, MTHA' DPYAD PA GNYIS, DANG PO NI, BYANG SEMS KYI SBYOR BA LA NYI SHU YOD DE, SBYOR BA RANG GI NGO BO'I SGO NAS DBYE BA LNGA, RTEN GYI GANG ZAG GI SGO NAS DBYE BA BRGYAD, SBYOR BA RDZOGS PA'I THABS KYI SGO NAS DBYE BA BZHI, 'BRAS BU DANG DUS KYI SGO NAS GSUM YOD PA'I PHYIR, DANG PO GRUB STE, NGO BO'I SGO NAS MI GNAS PA'I SBYOR BA, GNAS PA BKAG PA'I SBYOR BA, ZAB PA'I SBYOR BA, GTING DPAG DKAG PA'I SBYOR BA, TSAD MED PA'I SBYOR BA RNAMS SU YOD PA'I PHYIR, RTEN GYI @32B GANG ZAG GI SGO NAS DBYE NA, TSOGS CHEN YUN RING RTOGS PA'I SBYOR BA, LUNG BSTAN THOB PA'I SBYOR BA, PHYIR MI LDOG PA'I SBYOR BA, NGES PAR 'BYUNG BA'I SBYOR BA, BAR CHAD MED PA'I SBYOR BA, BYANG CHUB LA NYE BA'I SBYOR BA, MYUR BA'I SBYOR BA, GZHAN DON BYED PA'I SBYOR BA RNAMS SU YOD PA'I PHYIR, SBYOR BA RDZOGS PA'I THABS KYI SGO NAS DBYE NA, 'PHEL 'GRIB MED PA'I SBYOR BA, CHOS DANG CHOS MIN SOGS MI MTHONG BA'I SBYOR BA, GZUGS LA SOGS BSAM GYIS MI KHYAB PA'I SBYOR BA, RNAM PAR MI RTOG PA'I SBYOR BA RNAMS SU YOD PA'I PHYIR, 'BRAS BU DANG DUS KYI SGO NAS DBYE NA GSUM YOD DE, 'BRAS BU RIN CHEN DBYIN BYED KYI SBYOR BA, RNAM PAR DAG PA'I SBYOR BA, SA MTSAMS DANG BCAS PA'I SBYOR BA RNAMS SU YOD PA'I PHYIR, GNYIS PA LA KHA CIG ,YUL YUL CAN GZHI LAM RNAM GSUM BDEN STONG SPROS BRAL DU SGOM PA'I ZHI LHAG ZUNG 'BREL GYI SEMS DPA'I RNAM 'BYOR DE, SKABS 'DIR DNGOS SU BSTAN PA'I BYANG SEMS KYI SBYOR BA'I MTSAN NYID ZER NA, SKABS 'DIR DNGOS SU BSTAN PA'I TSOGS CHEN YUN RING RTOGS DKA' SBYOR BA CHOS CAN, ,MTSAN NYID DER THAL, MTSON BYA DE'I PHYIR, 'DOD MI NUS TE, STONG NYID LA KRAGS PA'I SEMS DPA'I RNAM 'BYOR YIN PA'I PHYIR, RTAGS GRUB STE, SHES RAB KYI PHA ROL TU PHYIN PA LA SKRAGS, PA DANG ZHES BSHAD PA'I PHYIR, KHA CIG ,DE 'DRA BA DE, SKABS 'DIR DNGOS SU BSTAN PA'I GTZO BO SBYOR BA'I MTSAN NYID ZER NA, MI 'THAD DE, NYAN THOS DGRA BCOM PA'I RTOGS PA SNGON DU SONG BA'I THEG CHEN GYI MTHONG LAM SDUG BSNGAL CHOS BZOD CHOS CAN, MTSON BYA DER THAL, MTSAN NYID DE'I PHYIR, 'DOD MI NUS TE, DMAN LAM SNGON DU SONG BA'I THEG CHEN GYI SBYOR BA YIN PA'I PHYIR, ` ,RANG LUGS NI, STONG NYID LA DMIGS PA'I ZHI LHAG BZUNG 'BREL GYI SHES RAB KYIS ZIN PA'I @33A *, ,SKABS 'DIR DNGOS SU BSTAN PA'I SEMS DPA'I RNAL 'BYOR, SKABS 'DIR DNGOS SU BSTAN PA'I GTZO BO SBYOR BA'I MTSAN NYID, DBYE NA BCU DGU YOD, SA MTSAMS THEG CHEN GYI SBYOR LAM DROD NAS RGYUN MTHA'I BAR NA YOD, SKABS 'DIR DNGOS SU BSTAN PA'I SBYOR BA LA NYI SHU YOD, SA MTSAMS THEG CHEN GYI TSOGS LAM NAS RGYUN MTHA'I BAR NA YOD, ` ,BDUD KYI MTHU BCOM LA SOGS PA ZHES SOGS KYI SKABS SU, GNYIS LAS, DANG PO NI, SBYOR BA'I YON TAN LA BCU BZHI YOD DE, SBYOR BA SGOM STOBS KYIS BDUD KYI MTHU BCOM PA SOGS BCU BZHI YOD PA'I PHYIR, GNYIS PA LA KHA CIG ,THEG CHEN GYI SBYOR BA BSGOM STOBS KYIS THOB PA'I PHAN YON, SBYOR BA'I YON TAN GYI MTSAN NYID ZER NA, MI 'THAD DE, NYAN THOS 'PHAGS PA'I RGYUD LA SBYOR BA'I YON TAN YOD PA'I PHYIR TE, DE'I RGYUD LA SBYOR BA YOD PA'I PHYIR, KHA CIG, MTSAN NYID DE, THEG CHEN GYI SBYOR BA'I YON TAN GYI MTSAN NYID ZER NA, THEG CHEN GYI SBYOR BA DANG DUS MNYAM DU GYUR PA'I THEG CHEN GYI SBYOR BA'I YON TAN CHOS CAN; MTSAN NYID DER THAL, MTSON BYA DE'I PHYIR, RTAGS GRUB STE, CHOS CAN DE YOD PA'I PHYIR, RTZA BAR 'DOD NA, DE CHOS CAN, DE MA YIN PA THAL, THEG CHEN GYI SBYOR BA DANG DUS MNYAM PA YIN PA'I PHYIR, ` ,RANG LUGS NI, RANG THOB BYED KYI THABS SU GYUR PA'I THEG CHEN GYI SBYOR BA BSGOM STOBS KYIS THOB PA'I PHAN YON DE, THEG CHEN GYI SBYOR BA'I YON TAN GYI MTSAN NYID, DBYE NA BCU BZHI YOD, SA MTSAMS THEG CHEN GYI TSOGS LAM SKAD CIG GNYIS PA NAS SANGS RGYAS KYI SA'I BAR NA YOD, RTZOD SPONG LA KHA CIG ,RNAM MKHYEN CHOS CAN, MTSON BYA DER THAL, MTSAN NYID DE'I PHYIR, DER THAL, RNAM MKHYEN YIN PA'I PHYIR, RTZA BAR 'DOD NA, DE CHOS CAN, BYANG SEMS KYI YON TAN YIN PAR THAL, 'DOD PA'I PHYIR NA MA KHYAB, YANG DE CHOS CAN, GNAS SKABS @33B KYIS YON TAN YIN PAR THAL, THEG CHEN GYI SBYOR BA'I YON TAN YIN PA'I PHYIR NA, MA KHYAB STE, RNAM MKHYEN CHOS CAN, BYANG SEMS KYI BYED PA YIN PAR THAL, BYANG SEMS KYI SGOM LAM GYI BYED PA YIN PA'I PHYIR, KHYAB PA KHAS, RGYUN MTHA'I YE SHES CHOS CAN, MTHAR THUG GI YUM YIN PAR THAL, SANGS RGYAS 'PHAGS PA'I YUM YIN PA'I PHYIR, KHYAB PA KHAS, SANGS RGYAS 'PHAGS PA CHOS CAN, GNAS SKABS KYI SKYABS YIN PAR THAL, BYANG SEMS KYI SKYABS YIN PA'I PHYIR, KHYAB PA KHAS; YANG KHA CIG ,MTSAN NYID DE MI 'THAD PAR THAL, RANG 'THOB BYED KYI THABS SU GYUR PA'I THEG CHEN GYI SBYOR BA BSGOM STOBS KYIS THOB PA'I PHAN YON RGYUD LA LDAN PA'I LAM MA ZHUGS KYI GANG ZAG YOD PA'I PHYIR TE, THEG CHEN GYI SBYOR BA SGOM PA'I LAM MA ZHUGS KYI GANG ZAG YOD PA'I PHYIR, THEG CHEN SEMS BSKYED SGOM PA'I LAM MA ZHUGS KYI GANG ZAG YOD PA'I PHYIR, ZHES BKAG NAS, KHO RANG GI LUGS LA THEG CHEN GYI SBYOR BA THOB MYONG GI GANG ZAG GI RGYUD KYI THEG CHEN GYI SBYOR BA BSGOM STOBS KYIS THOB PA'I PHAN YON DE, THEG CHEN GYI SBYOR BA'I YON TAN GYI MTSAN NYID CES GSUNGS PA DANG, KHA CIG, RANG THOB BYED KYI THABS SU GYUR PA'I RNAM RDZOGS SBYOR BA BSGOM STOBS KYIS THOB PA'I SEMS DPA'I YON TAN DE, 'DIR BSTAN SBYOR BA'I YON TAN GYI MTSAN NYID DU BZHAG NAS, RNAM RDZOGS SBYOR BA BSGOM PA'I LAM MA ZHUGS KYI GANG ZAG YOD ZER NA, LUGS DANG PO LA RE ZHIG MTSAN NYID DE MI 'THAD PAR THAL, THEG CHEN GYI SBYOR BA THOB MYONG GI GANG ZAG GI RGYUD KYI THEG CHEN GYI SBYOR BA BSGOM STOBS KYIS THOB PA'I PHAN YON RGYUD LA LDAN PA'I LAM MA ZHUGS KYI GANG ZAG YOD PA'I PHYIR TE, DE 'DRA'I GANG ZAG GI RGYUD KYI THEG CHEN GYI SBYOR BA SGOM PA'I LAM MA ZHUGS KYI GANG ZAG YOD PA'I PHYIR, @34A *, ,DER THAL, THEG CHEN GYI SBYOR BA SGOM PA'I LAM MA ZHUGS KYI GANG ZAG YOD PA GANG ZHIG ,THEG CHEN GYI SBYOR BA DANG, DE THOB MYONG GI GANG ZAG GI RGYUD KYI THEG CHEN GYI SBYOR BA GNYIS YIN KHYAB MNYAM YIN PA'I PHYIR, LUGS GNYIS PA YANG MI 'THAD DE, RANG THOB BYED KYI THABS SU GYUR PA'I RNAM RDZOGS SBYOR BA BSGOM BYED KYI BLO LA BRTEN NAS THOB PA'I SEMS DPA'I YON TAN YIN NA 'DIR BSTAN SBYOR BA'I YON TAN YIN DGOS PAR THAL, MTSAN NYID DE 'THAD PA'I PHYIR, 'DOD NA, RNAM RDZOGS SBYOR BA SKAD CIG DANG PO CHOS CAN, DER THAL, DE'I PHYIR, MA GRUB NA, DER THAL, LAM MA ZHUGS KYI GANG ZAG GI RGYUD KYI RNAM RDZOGS SBYOR BA SGOM BYED KYI BLO DE RNAM RDZOGS SBYOR BA SKAD CIG DANG PO THOB BYED KYI THABS YIN PA'I PHYIR, MA GRUB NA DER THAL, LAM MA ZHUGS KYI GANG ZAG GI RGYUD LA RNAM RDZOGS SBYOR BA BSGOM BYED KYI BLO YOD PA'I PHYIR, RTAGS KHAS, 'DOD NA, 'DIR BSTAN SBYOR BA'I YON TAN THOB PA LA RNAM RDZOGS SBYOR BA THOB PA SNGON DU 'GRO MI DGOS PAR THAL, 'DOD PA'I PHYIR, , 'DOD NA, THEG CHEN GYI SGOM LAM GYI BYED PA RGYUD LA SKYE BA LA THEG CHEN GYI SGOM LAM THOB PA SNGON DU 'GRO MI DGOS PAR THAL, 'DOD PA'I PHYIR, KHA CIG, RNAM RDZOGS SBYOR BA SKAD CIG DANG PO THOB BYED KYI THABS SU GYUR PA'I RNAM RDZOGS SBYOR BA YOD PAR THAL, DE SKAD CIG DANG PO DE RANG THOB BYED KYI THABS SU GYUR PA'I RNAM RDZOGS SBYOR BA SGOM BYED KYI BLO LA BRTEN NAS THOB PA'I PHYIR, RTAGS KHAS, 'DOD NA, LAM MA ZHUGS KYI GANG ZAG GI RGYUD LA RNAM RDZOGS SBYOR BA YOD PAR THAL, 'DOD PA'I PHYIR NA, MA KHYAB, YANG KHO NA RE, THEG CHEN GYI SBYOR BA BSGOM STOBS KYIS THOB PA'I YON TAN YIN NA THEG CHEN GYI SBYOR BA'I YON TAN YIN DGOS PAR THAL, MTSAN NYID DE 'THAD PA'I PHYIR, 'DOD NA, THEG CHEN GYI SBYOR BA CHOS CAN, @34B DER THAL, DE'I PHYIR, MA GRUB NA, THEG CHEN GYI SBYOR BA MA SGOM PAR THEG CHEN GYI SBYOR BA THOB PA YOD PAR THAL, MA GRUB PA DE'I PHYIR NA MA KHYAB, RTZA BAR 'DOD NA, DE CHOS CAN, KHYOD KHYOD KYIS YON TAN MA YIN PAR THAL, BDAG MED YIN PA'I PHYIR; ZER NA, THEG CHEN GYI SBYOR BA DE DE'I YON TAN DU GRAGS KYANG ZHIB TU DPYAD NA MI BDE STE, RNAM RDZOGS SBYOR BA SKOR CIG GNYIS PA RGYUD LA SKYES PA DANG, THEG CHEN GYI SBYOR BA'I YON TAN THOB PA DUS MNYAM PA'I PHYIR, KHA CIG RNAM RDZOGS SBYOR BA SKAD CIG DANG PO LA GNAS PA'I SEMS DPA'I RGYUD LA THEG CHEN GYI SBYOR BA'I YON TAN MED PAR THAL, GONG GI SA MTSAMS DE 'THAD PA'I PHYIR, 'DOD NA, DE'I RGYUD LA DE YOD PAR THAL, DE'I RGYUD LA THEG CHEN GYI SBYOR BA'I MI RTOG PA YOD PA GANG ZHIG ,DE THEG CHEN GYI SBYOR BA'I YON TAN YIN PA'I PHYIR, PHYI MA DER THAL, DE DE'I KHYAD CHOS YIN PA'I PHYIR TE, TSAD MA RNAM 'GREL LAS, DE PHYIR DNGOS PO MTHONG BA YIS, ,YON TAN MTHA' DAG MTHONG BA NYID, CES GSUNGS PA'I PHYIR ZER NA MA KHYAB, RE ZHIG SHES BYA CHOS CAN, RNAM RDZOGS SBYOR BA SKAD CIG DANG PO LA GNAS PA'I SEMS DPA'I RGYUD LA THEG CHEN GYI SBYOR BA'I PHAN YON YOD PAR THAL, DE'I RGYUD LA DE'I YON TAN YOD PA'I PHYIR; RTAGS KHAS, 'DOD NA, DE'I RGYUD LA THEG CHEN GYI SBYOR BA'I 'BRAS BU YOD PAR THAL, 'DOD PA'I PHYIR, 'DOD NA, RNAM RDZOGS SBYOR BA DANG DE'I 'BRAS BU DUS MNYAM YIN PAR THAL, 'DOD PA'I PHYIR, YANG KHA CIG, LAM MA ZHUGS KYI GANG ZAG GI RGYUD KYI MNGON MTHO'I GO 'PHANG DE, SANGS RGYAS KYI YON TAN YIN PAR THAL, DE SANGS RGYAS LA BRTEN NAS THOB PA'I PHYIR, KHYAB STE, THEG CHEN GYI SBYOR BA BSGOM PA LA BRTEN NAS THOB PA'I YON TAN YIN NA, THEG CHEN GYI SBYOR BA'I @35A *, ,YON TAN YIN DGOS PA'I PHYIR, RTAGS KHAS, RTZA BAR 'DOD NA, DE CHOS CAN, SANGS RGYAS KYI RGYUD KYIS BSDUS PAR THAL, SANGS RGYAS KYI YON TAN YIN PA'I PHYIR, ZER NA, MI MTSUNGS SO, , ` ,,SKYON NI BCU TSAN BZHIR BCAS PA, ZHES SOGS KYI SKABS SU, SBYOR BA DANG, MTHA' DPYAD PA GNYIS, DANG PO NI, SBYOR BA'I SKYON DE LA BZHI BCU RTZA DRUG YOD DE, SBYOR BA'I 'GAL RKYEN RANG LA BRTEN PA NYI SHU, RANG GZHAN GANG RUNG LA BRTEN PA MTHUN RKYEN MA TSANG BA NYER GSUM, SBYOR BA'I 'GAL RKYEN GZHAN LA BRTEN PA GSUM RNAMS SU YOD PA'I PHYIR, GNYIS PA LA, KHA CIG ,SBYOR BA SKYE BA DANG GNAS PA LA BAR DU GCOD PA'I BDUD LAS DE, SBYOR BA'I SKYON GYI MTSAN NYID ZER NA, BYANG SEMS TSOGS LAM PA'I RGYUD KYI SBYOR BA'I SKYON CHOS CAN, MTSAN NYID DER THAL, MTSON BYA DE'I PHYIR, 'DOD NA, DE CHOS CAN, SBYOR BA SKYE BA LA BAR DU GCOD BYED YIN PAR THAL, 'DOD PA'I PHYIR, 'DOD NA, BYANG SEMS TSOGS LAM PA'I RGYUD LA SBYOR BA SKYE BA LA BAR DU GCOD BYED YOD PAR THAL, 'DOD PA'I PHYIR 'DOD NA, DE'I RGYUD LA SBYOR BA SKYES MA ZIN PAR THAL, 'DOD PA'I PHYIR RO, ` ,RANG LUGS NI, SBYOR BA SKYE BA DANG GNAS PA DANG RDZOGS PA GANG RUNG LA BAR DU GCOD PA'I BDUD LAS DE, SBYOR BA'I SKYON GYI MTSAN NYID, DBYE NA, BZHI BCU RTZA DRUG YOD, SA ,MTSAMS LAM MA ZHUGS NAS SA BDUN PA'I BAR NA YOD, GANG GIS MTSON TE MTSAN NYID DU, ZHES SOGS KYI SKABS SU, SBYOR BA DANG, MTHA' DPYAD PA GNYIS, DANG PO NI, RANG GI THOB BYAR GYUR PA'I 'BRAS BU SHER PHYIN THOB BYED KYI THABS SU GYUR PA'I ZHI LHAG ZUNG 'BREL GYI SEMS DPA'I RNAL 'BYOR CHOS CAN, KHYOD LA MTSAN NYID KYI SGRAS STON PA'I RGYU MTSAN YOD DE, KHYOD KYIS LAM SHER PHYIN GYI RNAL 'BYOR MTSON PAR BYED PAS DE LTAR BRJOD PA'I PHYIR, DE BZHIN GSHEGS PA 'BYUNG BA SOGS GZHI SHES @35B KYI RNAM PA GANG YANG RUNG BA LA DMIGS PA YANG YIN, THEG DMAN GYI RTOGS RIGS SU GNAS PA YANG YIN PA'I GZHI MTHUN PAR GYUR PA'I SEMS DPA'I RNAL 'BYOR CHOS CAN, KHYOD LA MTSAN NYID KYI SGRAS STON PA'I RGYU MTSAN YOD DE, KHYOD KYIS SEMS DPA'I RGYUD KYI GZHI SHES KYI SBYOR BA MTSON PAR BYED PAS DE LTAR BRJOD PA'I PHYIR, STONG NYID MTSAN MA MED PA SOGS, LAM SHES KYI RNAM PA GANG YANG RUNG BA LA DMIGS PA'I SEMS DPA'I RNAL 'BYOR CHOS CAN, KHYOD LA MTSAN NYID KYIS SGRAS STON PA'I RGYU MTSAN YOD DE, KHYOD KYIS LAM SHES KYI SBYOR BA MTSON PAR BYED PAS DE LTAR BRJOD PA'I PHYIR, DE BZHIN GSHEGS PA NYID KYI MTHONG CHOS LA BDE BAR GNAS PA SOGS RNAM MKHYEN GYI RNAM PA GANG YANG RUNG BA LA DMIGS PA'I SEMS DPA'I RNAL 'BYOR CHOS CAN, KHYOD LA MTSAN NYID KYI SGRAS STON PA'I RGYU MTSAN YOD DE, KHYOD KYIS RNAM MKHYEN GYI SBYOR BA MTSON PAR BYED PAS DE LTAR BRJOD PA'I PHYIR, BSAM MI KHYAB SOGS KYIS KHYAD PAR DU BYAS PA'I SEMS DPA'I RNAL 'BYOR CHOS CAN; KHYOD LA MTSAN NYID KYIS SGRAS STON PA'I RGYU MTSAN YOD DE, KHYOD KYIS NYAN RANG GI SBYOR BA LAS KHYAD PAR DU 'PHAGS PA'I SBYOR BA DE MTSON PAR BYED PAS DE LTAR BRJOD PA'I PHYIR, PHAN BDE SKYOB SOGS KYI BYED LAS KHYAD PAR CAN DANG LDAN PA'I SEMS DPA'I RNAL 'BYOR CHOS CAN, KHYOD LA MTSAN NYID KYI SGRAS STON PA'I RGYU MTSAN YOD DE, KHYOD KYIS GZHAN DON SGRUB PA'I BYED LAS KHYAD PAR CAN DANG LDAN PA'I SBYOR BA MTSON PAR BYED PAS DE LTAR BRJOD PA'I PHYIR, SEMS DPA'I RGYUD KYI NGO BO NYID KYI RNAL 'BYOR BCU DRUG CHOS CAN, KHYOD LA MTSAN NYID KYI SGRAS STON PA'I RGYU MTSAN YOD DE, KHYOD SBYOR BA MTSAN PAR BYED PA'I GZHI YIN PA'I RGYU MTSAN GYIS DE LTAR BRJOD PA'I PHYIR, KHA CIG, GANG GIS MTSON DE MTSAN NYID DU, @36A *, ,SHES BYA DE YANG RNAM PA GSUM ZHES SMOS PA LA DGOS PA MED PAR THAL, SBYOR BA DE 'THAD PA'I PHYIR, ZER NA, MTSAN NYID NI RNAM PA BZHIR SHES PAR BYA'O, ,ZHES BSHAD PA MI 'THAD PAR THAL, SBYOR BA DE GZHUNG DE'I DON SBYOR RNAM DAG MA YIN PA'I PHYIR, KHA CIG ,THEG CHEN GYI SBYOR BA'I MTSAN NYID CHOS CAN, KHYOD LA BZHI YOD DE, KHYOD LA SHES MTSAN, KHYAD MTSAN, BYED MTSAN, NGO BO NYID MTSAN RNAMS SU YOD PA'I PHYIR, ZER NA, SHES MTSAN DE THEG CHEN GYI SBYOR BA'I MTSAN NYID YIN PAR THAL, SBYOR BA DE 'THAD PA'I PHYIR, 'DOD NA, THEG CHEN GYI TSOGS LAM CHOS CAN, SHES MTSAN YIN PAR THAL, THEG CHEN GYI SBYOR BA YIN PA'I PHYIR, KHYAB PA KHAS, 'DOD MI NUS TE, MTSAN NYID MA YIN PA'I PHYIR, DES GZHAN RNAMS LA RIGS 'GRE, THEG CHEN GYI SBYOR BA CHOS CAN, KHYOD KYI LDOG PA YIN PA DU MA YOD PAR THAL, KHYOD KYI MTSAN NYID YIN PA DU MA YOD PA'I PHYIR, RTAGS KHAS, GNYIS PA LA KHA CIG ,SNYING RJE CHEN PO DANG STONG NYID RTOGS PA'I SHES RAB SOGS THABS SHES KHYAD PAR CAN GYI RIGS RDZOGS PAS ZIN PA'I SEMS DPA'I RNAL 'BYOR, LAM SHER PHYIN GYI RNAL 'BYOR GYI MTSAN NYID YIN ZER NA, STONG NYID RTOGS MA MYONG BA'I BYANG SEMS TSOGS LAM PA'I RGYUD KYI KUN RDZOB SEMS BSKYED CHOS CAN, MTSAN NYID DER THAL, MTSON BYA DE'I PHYIR, MA GRUB NA, DER THAL, 'BRAS BU SHER PHYIN THOB BYED KYI THABS SU GYUR PA'I ZHI LHAG ZUNG 'BREL GYI SEMS DPA'I RNAL 'BYOR YIN PA'I PHYIR, 'DOD MI NUS TE, CHOS CAN DE'I PHYIR, KHO NA RE, RNAM BSHAD SNYING PO RGYAN LAS, NYON MONGS RTAGS SOGS KYIS DBEN PA'I SEMS DPA'I RNAL 'BYOR BCU DRUG MTSAN GZHI, LAM SHER PHYIN GYI RNAL 'BYOR DU MTSON, SNYING RJE CHEN PO DANG STONG NYID RTOGS PA'I SHES RAB SOGS THABS SHES KHYAD PAR CAN GYI RIGS @36B RDZOGS PAS ZIN PA'I SEMS DPA'I YE SHES SO, ,ZHES BSHAD PA MI 'THAD PAR THAL, MTSAN NYID DE MI 'THAD PA'I PHYIR, ZHES ZER NA MA KHYAB STE, DE LTAR BSHAD PA GO BA RAGS PA'I DBANG DU BYAS PA YIN GYI, LAM SHER PHYIN GYI RNAL 'BYOR GYI MTSAN NYID LUS RNAM BZHAG GI tIKKAR BSHAD PA LTAR KHAS LEN RIGS PA'I PHYIR, KHA CIG ,THEG CHEN GYI SBYOR BA'I NUS PA MTSON BYED KYI RTOGS PA DE THEG CHEN GYI SBYOR BA'I MTSAN NYID KYI MTSAN NYID, DBYE NA, SHES MTSAN, KHYAD MTSAN, BYED MTSAN RNAMS SU YOD PA'I PHYIR ZER NA, THEG DMAN GYI RTOGS RIGS SU GNAS PA'I SEMS DPA'I RNAL 'BYOR CHOS CAN, THEG CHEN GYI SBYOR BA'I MTSAN NYID YIN PAR THAL, KHYOD THEG CHEN GYI SBYOR BA'I NUS PA MTSON BYED KYI RTOGS PA YIN PA'I PHYIR, MA GRUB NA, DER THAL, SHES MTSAN YIN PA'I PHYIR TE, KHYOD SEMS DPA'I RGYUD KYI GZHI SHES KYI SBYOR BA'I SHES MTSAN YIN PA'I PHYIR, RTZA BAR 'DOD NA, THEG CHEN GYI TSOGS LAM CHOS CAN, THEG DMAN GYI RTOGS RIGS SU GNAS PA'I SEMS DPA'I RNAL 'BYOR YIN PAR THAL, KHYOD THEG CHEN GYI SBYOR BA YIN PA'I PHYIR, KHYAB PA KHAS, GZHAN YANG, SHES MTSAN DE MTSAN NYID YIN PAR THAM, THEG CHEN GYI SBYOR BA'I MTSAN NYID LA GSUM PO DER 'BYED RIGS PA'I PHYIR, 'DOD NA, SHES PA'I MTSAN NYID DE MTSAN NYID YIN PAR THAL, 'DOD PA'I PHYIR, KHO NA RE, SKYON SNGA MA MI 'JUG STE, MTSAN MTSON LA KHYAB PA SGO BZHI BRTZI BA GANG LAS KYANG MA BSHAD PA'I PHYIR, GZHAN YANG, MI RTAG PA BUM PA'I SPYI'I MTSAN NYID DANG, LTO LDIR BA BUM PA'I RANG GI MTSAN NYID YIN PAR THAL, BUM PA'I SPYI'I MTSAN NYID DANG, BUM PA RANG GI MTSAN NYID GZHI GRUB PA'I PHYIR, 'DOD NA, KA BA CHOS CAN, BUM PA'I SPYI YIN PAR THAL, MI RTAG PA YIN PA'I PHYIR, KHYAB PA KHYOD KYI LUGS @37A *, ,LA DNGOS 'GAL YIN NO, ,THEG DMAN GYI RTOGS RIGS SU GNAS PA'I SEMS DPA'I RNAL 'BYOR CHOS CAN, KHYOD SHES PA'I MTSAN NYID YIN PAR THAL, SHES MTSAN YIN PA'I PHYIR, KHYAB STE, SHES PA'I MTSAN NYID THAMS CAD MKHYEN PA NYID GSUM GYI DBYE BAS THA DAD PA ZHES BSHAD PA'I PHYIR, 'DOD NA, SGRA RTAG 'DZIN RTOG PA CHOS CAN, THEG DMAN GYI RTOGS RIGS SU GNAS PA'I SEMS DPA'I RNAL 'BYOR YIN PAR THAL, SHES PA YIN PA'I PHYIR, KHYAB PA KHYOD LTAR NA DNGOS 'GAL YIN ZER NA, THAL 'GYUR PHYI MA GNYIS KYI RTZA BAR MA KHYAB, MTSON TSUL LA LO TZTSA BA CHEN PO DANG MKHAS PA KHA CIG ,BYANG SEMS KYI SBYOR BA NYI SHU MTSAN GZHI YIN LA, DE NI GZUGS LA SOGS LA MI GNAS PHYIR, ZHES SOGS KYIS BSTAN, CHOS SKU'I RGYU THUN MONG MA YIN PA'I SBYOR BA MTSON BYA YIN LA, DE NI NYON MONG RTAGS DANG MTSAN MA DANG, ZHES SOGS KYIS BSTAN, DON GNYIS PHUN TSOGS SGRUB BYED KYI SEMS DPA'I RNAL 'BYOR MTSAN NYID YIN LA, DE NI BSAM MI KHYAB SOGS KHYAD PAR GYIS, ZHES SOGS DANG, PHAN DANG BDE DANG SKYOB PA DANG, ZHES SOGS KYIS 'CHAD, MTSAN MTSON GZHI GSUM DANG, MTSAN NYID MTSAN GZHI'I STENG DU NGES BYED KYI BLO NI MTSON PA ZHES BYA LA, DE NI DE BZHIN GSHEGS PA 'BYUNG BA DANG, ZHES SOGS DANG, STONG NYID MTSAN MA MED BCAS DANG, ZHES SOGS DANG, DE NI NYID KYI CHOS BSTAN NAS, ZHES SOGS KYIS 'CHAD, DES NA BYANG SEMS KYI SBYOR BA NYI SHU MTSAN GZHI, CHOS SKU'I RGYU THUN MONG MA YIN PA'I SBYOR BA MTSON, DON GNYIS PHUN TSOGS SGRUB BYED KYI SEMS DPA'I RNAL 'BYOR YIN LA, ZHES MTSON PAR BYA BA YIN NO, ,ZHES GSUNGS, 'DI 'GOG PA LA RNAM BSHAD SNYING PO RGYAN LAS, SNGAR BSHAD PA'I SBYOR BA NYI SHU PO YANG MTSAN @37B GZHIR RUNG MOD KYI, SLOB DPON SENG GE BZANG POS RTZA BA'I DGONGS PA BKRAL BA LTAR NA NI NGO BO NYID KYI MTSAN NYID BCU DRUG GIS MTSAN NYID DANG MTSON BYA GNYIS STON PAR GSAL LA, DE BZHIN DU SHES PA BCU DRUG PO PHRAG GSUM GYIS KYANG MKHYEN PA GSUM GYI SBYOR BA'I MTSAN NYID BSTAN PAR CHES SHIN TU GSAL BAS, MTSAN GZHI LA MTSAN NYID DES BYED KYI TSAD MA BSTAN PAR 'CHAD PA SOGS 'THAD PAR MI SEMS SO, ,ZHES GSUNGS, DE'I DON THAL NGAG TU 'GRIL NA SHES BYA CHOS CAN, NYON MONGS RTAGS DANG MTSAN MA DANG, ZHES SOGS KYIS, MTSON BYA KHO NA BSTAN LA MTSAN NYID MA BSTAN PA MI 'THAD PAR THAL, DES MTSAN NYID DANG MTSON BYA GNYIS KA BSTAN PA'I PHYIR TE, DE LTAR NA NGO BO NYID BCU DRUG GIS JI LTA BA BZHIN DU, THAMS CAD MKHYEN PA NYID GSUM GYI SBYOR BA DAG MTSAN NYID DANG LDAN PA BZHIN DU MTSON PAS BZHI PA NGO BO NYID KYI MTSAN NYID BZHED DO, ,ZHES GSUNGS PA'I PHYIR, DE BZHIN GSHEGS PA 'BYUNG BA DANG, ZHES SOGS KYIS, MTSON BYA YE SHES BSTAN NAS MTSAN NYID MA BSTAN PA MI 'THAD PAR THAL, DE BZHIN GSHEGS PA 'BYUNG BA DANG, ZHES SOGS KYIS, SEMS DPA'I GZHI SHES GYI SBYOR BA'I MTSAN NYID BSTAN, STONG NYID MTSAN MA MED BCAS DANG, ZHES SOGS KYIS; LAM SHES SBYOR BA'I MTSAN NYID BSTAN, DE NI NYID KYI CHOS BSTAN NAS, ZHES SOGS KYIS RNAM MKHYEN SBYOR BA'I MTSAN NYID BSTAN PA'I PHYIR, DANG PO GRUB STE, SHES PA'I RNAM PA'I BYE BRAG BCU DRUG GI, TSUL BZHIN DU THAMS CAD SHES PA NYID KYI SBYOR BA RNAMS JI LTA BA BZHIN DU MTSON PAS NA SHES PA'I MTSAN NYID THAMS CAD SHES PA NYID KYIS BSDUS PA YIN NO, ZHES GSUNGS PA'I PHYIR, GNYIS PA GRUB STE, SHES PA'I RNAM PA'I KHYAD PAR BCU DRUG GI JI LTA BA BZHIN DU LAM SHES PA @38A *, ,NYID KYI SBYOR BA DAG MTSON PAS NA SHES PA'I MTSAN NYID LAM SHES PA NYID KYIS BSDUS PA YIN NO, ,ZHES GSUNGS PA'I PHYIR, GSUM PA GRUB STE, SHES PA'I RNAM PA'I BYE BRAG BCU DRUG GIS JI LTA BA BZHIN DU RNAM PA THAMS CAD MKHYEN PA NYID KYI SBYOR BA DAG MTSON PAS NA SHES PA'I MTSAN NYID RNAM PA THAMS CAD MKHYEN PA NYID KYIS BSDUS PA YIN NO, ,ZHES GSUNGS PA'I PHYIR, YANG SNGA RABS MKHAS PA KHA CIG ,MKHYEN GSUM GYI SBYOR BA MTSON GZHI, SANGS RGYAS SKYE BYED YIN PAR MTSON, SANGS RGYAS KYI RGYUD KYI MKHYEN GSUM SKYE BYED YIN PA ZHES PA SKABS 'DI'I MTSON TSUL YIN, ,ZHES GSUNGS, 'DI 'GOG PA LA, RNAM BSHAD SNYING PO RGYAN LAS, SANGS RGYAS KYI THUGS RGYUD KYI MKHYEN GSUM BSKYED PA MTSAN NYID DU BYAS NAS MKHYEN GSUM SBYOR BA SANGS RGYAS BSKYED BYED DU MTSON PA SOGS KYANG 'PHAGS SENG GNYIS KA'I 'GREL BA'I TSIG DON LA MI GSAL ZHING ZHES SOGS GSUNGS, SHES BYA CHOS CAN, MTSON TSUL DE MI 'THAD PAR THAL, MKHYEN GSUM GYI SBYOR BA TSAD MAS NGES NAS DE RNAM MKHYEN SKYED BYED DU TSAD MAS MA NGES PA MI SRID PA'I PHYIR TE, MKHYEN GSUM GYI SBYOR BA TSAD MAS NGES PA'I GANG ZAG YIN NA DE RNAM MKHYEN GYI RGYUR TSAD MAS NGES PA'I GANG ZAG YIN DGOS PA'I PHYIR, RTAGS BUD, DE LTAR YANG, RNAM BSHAD SNYING PO RGYAN LAS, BYED PA'I MTSAN NYID MTSAN GZHI DANG BCAS PA SANGS RGYAS KYI GZHAN DON PHUN TSOGS SKYE BYED YIN KYANG TSUL DE LTAR DU MTSON PA MA YIN TE, LAM SHER PHYIN GYI RNAL 'BYOR TZAM DANG, MKHYEN PA GSUM GYI SBYOR BA TSAD MAS NGES NAS DE'I RJES SU RNAM MKHYEN GYI RGYUR THAG CHOD PA'I PHYIR RO, ,ZHES GSUNGS, ` ,RANG LUGS NI, RNAM BSHAD SNYING PO RGYAN LAS, GSUNGS PA LTAR BSHAD PAR BYA STE, MTSAN GZHI DANG, @38B MTSON BYA DANG, MTSAN NYID DANG, JI LTAR MTSON TSUL, SA MTSAMS DANG LNGA LAS, DANG PO NI, NYON MONGS RTAGS SOGS KYIS DBEN PA'I SEMS DPA'I RNAL 'BYOR BCU DRUG MTSAN GZHI YIN, DE NI NYON MONGS RTAGS DANG MTSAN MA DANG, ZHES SOGS KYI STAN, GNYIS PA LA SPYI DANG KHYAD PAR GNYIS LAS, DANG PO NI, SBYOR BA'I MTSAN NYID CES PA'I SBYOR BA NI, LAM SHER PHYIN GYI RNAL 'BYOR YIN LA, DE'I MTSAN NYID LA, SBYOR BA'I MTSAN NYID CES BYA'O, ,GNYIS PA BYE BRAG TU BYAS NA, SEMS DPA'I RGYUD KYI GZHI SHES KYI SBYOR BA, LAM SHES KYI SBYOR BA, RNAM MKHYEN GYI SBYOR BA, NYAN RANG GI SBYOR BA LAS KHYAD PAR DU 'PHAGS PA'I SBYOR BA, GZHAN DON SGRUB PA'I BYED LAS KHYAD PAR CAN DANG LDAN PA'I SBYOR BA RNAMS LA SKABS 'DIR MTSON BYA ZHES BSHAD; GSUM PA MTSAN NYID LA SPYI DANG BYE BRAG GNYIS LAS, DANG PO NI, RANG GI THOB BYAR GYUR PA'I 'BRAS BU SHER PHYIN THOB BYED KYI THABS SU GYUR PA'I ZHI LHAG ZUNG 'BREL GYI SEMS DPA'I RNAL 'BYOR LTA BU, GNYIS PA LA DE BZHIN GSHEGS PA 'BYUNG BA SHES PA SOGS GZHI SHES KYI RNAM PA GANG YANG RUNG BA LA DMIGS PA YANG YIN, THEG DMAN GYI RTOGS RIGS SU GNAS PA YANG YIN PA'I GZHI MTHUN PAR GYUR PA'I SEMS DPA'I RNAL 'BYOR DANG, STONG NYID MTSAN MED SOGS LAM SHES KYI RNAM PA GANG YANG RUNG BA LA DMIGS PA'I SEMS DPA'I RNAL 'BYOR DANG, DE BZHIN GSHEGS PA NYID KYIS MTHONG CHOS LA BDE BAR GNAS PA SOGS RNAM MKHYEN GYI RNAM PA GANG YANG RUNG BA LA DMIGS PA'I SEMS DPA'I RNAL 'BYOR DANG, BSAM MI KHYAB SOGS KYIS KHYAD PAR DU BYAS PA'I SEMS DPA'I RNAL 'BYOR DANG, PHAN BDE SKYOB SOGS KYI BYED LAS KHYAD PAR CAN DANG LDAN PA'I SEMS DPA'I RNAL 'BYOR RNAMS MTSAN NYID YIN NO, ,BZHI @39A *, ,PA LA, SPYI'I MTSON TSUL DANG, BYE BRAG GI MTSON TSUL LO, ,DANG PO NI, NYON MONGS RTAGS SOGS KYIS DBEN PA'I SEMS DPA'I RNAL 'BYOR BCU DRUG MTSAN GZHI, LAM SHER PHYIN GYI RNAL 'BYOR DU MTSON, RANG GI THOB BYAR GYUR PA'I 'BRAS BU SHER PHYIN THOB BYED KYI THABS SU GYUR PA'I ZHI LHAG ZUNG 'BREL GYI SEMS DPA'I RNAL 'BYOR YIN PA'O, ,GNYIS PA NI, NYON MONGS RTAGS DANG MTSAN MA DANG ZHES SOGS KYI SKABS NAS DNGOS SU BSTAN PA'I SEMS DPA'I RNAL 'BYOR DANG PO BZHI MTSAN GZHI, SEMS DPA'I RGYUD KYI GZHI SHES SBYOR BA MTSON, DE BZHIN GSHEGS PA 'BYUNG BA SHES PA SOGS GZHI SHES KYI RNAM PA GANG YANG RUNG BA LA DMIGS PAS KHYAD PAR DU BYAS PA YANG YIN, THEG DMAN GYI RTOGS RIGS SU GNAS PA YANG YIN PA'I GZHI MTHUN PAR GYUR PA'I SEMS DPA'I RNAL 'BYOR YIN PA'O, ,DE NI NYON MONGS RTAGS DANG ZHES PAS MTSAN GZHI DE BSTAN, DE BZHIN GSHEGS PA 'BYUNG BA DANG ZHES SOGS KYIS MTSAN NYID DE BSTAN, DKA' DANG NGES PA DANG, ZHES SOGS KYI SKABS NAS DNGOS SU BSTAN PA'I GZHAN DON GYI GO CHA BYA DKA' BA SOGS GRUB PA'I SEMS DPA'I RNAL 'BYOR LNGA MTSAN GZHI, LAM SHES KYI SBYOR BAR MTSON, STONG NYID MTSAN MED SOGS LAM SHES KYI RNAM PA GANG YANG RUNG BA LA, DMIGS PA'I SEMS DPA'I RNAL 'BYOR YIN PA'O, ,DE YANG DKA' DANG ZHES SOGS KYIS MTSAN GZHI DANG, STONG NYID MTSAN MA MED BCAS DANG, ZHES SOGS KYIS MTSAN NYID BSTAN, MI MTHUN THOGS PA MED DANG DE ZHES SOGS KYI SKABS NAS DNGOS SU BSTAN PA'I GZHI LAM GYIS BSDUS PA'I KHYAD PAR SOGS RNAM MKHYEN GYI RNAM PA GANG YANG RUNG BA LA DMIGS PA'I SEMS DPA'I RNAL 'BYOR @39B BDUN MTSAN GZHI, RNAM MKHYEN GYI SBYOR BAR MTSON, DE BZHIN GSHEGS PA NYID KYIS MTHONG CHOS LA BDE BAR GNAS PA SOGS RNAM MKHYEN GYI RNAM PA GANG YANG RUNG BA LA DMIGS PA'I SEMS DPA'I RNAL 'BYOR YIN PA'O, ,MI MTHUN ZHES SOGS KYIS MTSAN GZHI DANG, DE NI NYID KYI CHOS BSTAN NAS ZHES PAS MTSAN NYID DE BSTAN, NYON MONGS RTAGS SOGS KYIS DBEN PA'I SEMS DPA'I RNAL 'BYOR BCU DRUG MTSAN GZHI, NYAN RANG GI SBYOR BA LAS KHYAD PAR DU 'PHAGS PA'I SBYOR BAR MTSON, BSAM MI KHYAB SOGS KYIS KHYAD PAR DU BYAS PA'I SEMS DPA'I RNAL 'BYOR YIN PA'O, ,NYON MONGS RTAGS DANG ZHES SOGS KYI MTSAN GZHI DANG, BSAM MI KHYAB SOGS KHYAD PAR GYI ZHES SOGS KYIS MTSAN NYID BSTAN, NYON MONGS RTAGS SOGS KYIS DBEN PA'I SEMS DPA'I RNAL 'BYOR BCU DRUG MTSAN GZHI, GZHAN DON SGRUB PA'I BYED LAS KHYAD PAR CAN DANG LDAN PA'I SBYOR BAR MTSON, PHAN BDE SKYOB SOGS KYI PHYED LAS KHYAD PAR CAN DANG LDAN PA'I SEMS DPA'I RNAL 'BYOR YIN PA'O, ,NYON MONGS RTAGS DANG, ZHES SOGS KYIS MTSAN GZHI DANG, PHAN DANG BDE DANG SKYOB PA DANG ZHES SOGS KYIS MTSAN NYID BSTAN, SA MTSAMS NI THEG CHEN GYI TSOGS LAM NAS RGYUN MTHA'I BAR NA YOD PA YIN GYIS SNGA RABS PA KHA CIG ,SHES MTSAN SANGS RGYAS KYI SAR 'DOD PA SOGS NI, SKABS 'DIR KHAS MI BLANG NGO, ,RTZOD SPONG LA KHA CIG ,BYANG SEMS KYI SBYOR BA THOB PA LA ZHI LHAG ZUNG 'BREL THOB DGOS PAR THAL, LAM SHER PHYIN GYI RNAL 'BYOR GYI MTSAN NYID DE 'THAD PA'I PHYIR, 'DOD NA, BYANG CHUB KYI SEMS LA YID 'BYUNG BA'I MYONG BA SKYE BA LA ZHI GNAS MTSAN NYID PA THOB DGOS PAR THAL, 'DOD PA'I PHYIR NA @40A *, ,MA KHYAB, KHA CIG ,BYANG SEMS SBYOR LAM PA'I RGYUD KYI BDAG MED RTOGS PA'I SHES RAB CHOS CAN, LAM SHER PHYIN GYI MTSAN NYID DER THAL, MTSON BYA DE'I PHYIR, 'DOD NA, THABS YIN PAR THAL, 'DOD PA'I PHYIR, 'DOD MI NUS TE, SHES RAB YIN PA'I PHYIR NA MA KHYAB STE, SBYIN PA'I GO SGRUB KYI NANG TSAN DU GYUR PA'I SHES RAB CHOS CAN, DER THAL, DE'I PHYIR, RTAGS GRUB STE, CHOS CAN DE YOD PA'I PHYIR TE, SBYIN PA'I SHES RAB KYI GO SGRUB YOD PA'I PHYIR, 'DOD MI NUS TE, SBYIN PA'I GO SGRUB YIN PA'I PHYIR, KHO NA RE, LAM SHER PHYIN CHOS CAN, LAM SHER PHYIN GYI RNAL 'BYOR YIN PAR THAL, LAM SHER PHYIN GYI MTSAN NYID DE'I PHYIR, 'DOD NA, DE CHOS CAN, KHYOD KHYOD KYI RNAL 'BYOR MA YIN PAR THAL, KHYOD BDAG MED YIN PA'I PHYIR ZER NA MA KHYAB STE, BYANG SEMS 'PHAGS PA'I RGYUD LA LAM SHES KYI SBYOR BA MED PAR THAL, BYANG 'PHAGS KYI RGYUD KYI LAM SHES DE LAM SHES KYI SBYOR BA MA YIN PA'I PHYIR, MA GRUB NA DE CHOS CAN, DE'I RGYUD KYI LAM SHES KYI SBYOR BA YIN PAR THAL, MA GRUB PA DE'I PHYIR, 'DOD NA, DE CHOS CAN, KHYOD KHYOD KYI SBYOR BA MA YIN PAR THAL, KHYOD BDAG MED YIN PA'I PHYIR, KHYAB PA SONG, ` ,DE BZHIN GSHEGS PA 'BYUNG BA DANG, ZHES SOGS KYI SKABS SU SBYOR BA DANG MTHA' DPYAD PA GNYIS LAS, DANG PO NI, NYON MONGS RTAGS SOGS BZHI SPONG BA'I SEMS DPA'I RGYUD KYI NGO BO NYID KYI RNAL 'BYOR BZHI CHOS CAN, SEMS DPA'I RGYUD KYI GZHI SHES KYI SBYOR BA YIN TE, DE BZHIN GSHEGS PA 'BYUNG BA SHES PA SOGS GZHI SHES KYI RNAM PA GANG YANG RUNG BA LA DMIGS PA YANG YIN, THEG DMAN GYI RTOGS RIGS SU GNAS PA YANG YIN PA'I GZHI MTHUN PAR GYUR PA'I SEMS DPA'I RNAL 'BYOR YIN PA'I PHYIR, GNYIS PA LA KHA CIG ,DE @40B BZHIN GSHEGS PA 'BYUNG BA ZHES SOGS GZHI SHES KYI RNAM PA GANG YANG RUNG BA LA DMIGS PA'I SEMS DPA'I RNAL 'BYOR, GZHI SHES KYI SBYOR BA'I MTSAN NYID, ZER NA, GANG ZAG GI BDAG MED RTOGS PA'I NYAN THOS KYI SBYOR LAM CHOS CAN, MTSAN NYID DER THAL, MTSON BYA DE'I PHYIR, RTAGS GRUB STE, GANG ZAG GI BDAG MED RTOGS PA'I NYAN THOS KYI MTHONG LAM DE GZHI SHES YIN PA'I PHYIR, KHA CIG ,MTSAN NYID DE'I DON LA, DE BZHIN GSHEGS PA 'BYUNG BA SHES PA SOGS GZHI SHES KYI RNAM PA GANG YANG RUNG BA LA DMIGS PA'I SEMS DPA'I RNAL 'BYOR DE, SEMS DPA'I RGYUD KYI GZHI SHES SBYOR BA'I MTSAN NYID ZER NA, RGYUN MTHA'I BAR CHAD MED LAM CHOS CAN, MTSON BYA DER THAL, MTSAN NYID DE'I PHYIR, DER THAL, DE BZHIN GSHEGS PA 'BYUNG BA SHES PA SOGS BDEN STONG DU MNGON SUM DU RTOGS PA'I YE SHES YIN PA'I PHYIR, 'DOD MI NUS TE, THEG DMAN GYI RTOGS RIGS SU MI GNAS PA'I PHYIR, KHA CIG ,DE BZHIN GSHEGS PA 'BYUNG BA SHES PA SOGS YUL BCU DRUG GANG RUNG GI RNAM PA CAN GYI SEMS DPA'I RNAL 'BYOR DE, SEMS DPA'I RGYUD KYI GZHI SHES SBYOR BA'I MTSAN NYID ZER NA, GNYIS STONG DON SPYI'I TSUL GYIS RTOGS PA'I THEG CHEN GYI SBYOR LAM CHOS CAN, MTSAN NYID DER THAL, MTSON BYA DE'I PHYIR, RTAGS SLA, 'DOD MI NUS TE, CHOS CAN DE DANG GCIG YIN PA'I PHYIR, KHA CIG ,DE SKABS 'DIR DNGOS SU BSTAN PA'I SEMS DPA'I RGYUD KYI GZHI SHES KYI SBYOR BA'I MTSAN NYID ZER NA, NYAN THOS DGRA BCOM PA'I RTOGS PA SNGON DU SONG BA'I BYANG SEMS SBYOR LAM PA'I RGYUD KYI GANG ZAG GI BDAG MED DON SPYI'I TSUL GYIS RTOGS PA'I BLO CHOS CAN, MTSON BYA DER THAL, MTSAN NYID DE'I PHYIR, MA GRUB NA, DER THAL, DE BSDUS PA DANG PHYIR BLTAS DANG @41A *, ,ZHES BSHAD PA'I PHYIR, 'DOD MI NUS TE, DMAN LAM SNGON DU MA SONG BA'I MKHYEN PA YIN PA'I PHYIR, GZHAN YANG, RGYUN MTHA'I BAR CHAD MED LAM CHOS CAN, MTSON BYA DER THAL, MTSAN NYID DE'I PHYIR, DER THAL, 'JIG RTEN DON DAM PAR 'JIG PA MED PAR MNGON SUM DU RTOGS PA'I SEMS DPA'I RNAL 'BYOR YIN PA'I PHYIR TE, 'JIG RTEN DON DAM PAR MED PAR MNGON SUM DU RTOGS PA'I SEMS DPA'I RNAL 'BYOR YIN PA'I PHYIR, RTZA BAR 'DOD NA, THEG DMAN GYI RTOGS RIGS SU GNAS PAR THAL, 'DOD PA'I PHYIR, 'DOD MI NUS TE, CHOS CAN DE'I PHYIR, KHA CIG ,THEG CHEN GYI GZHI SHES SBYOR BA'I SHES MTSAN YIN NA, THEG CHEN GYI SBYOR BA'I SHES MTSAN YIN PAS KHYAB, ZER NA, DE BZHIN GSHEGS PA 'BYUNG BA SHES PA SOGS GZHI SHES KYI RNAM PA GANG YANG RUNG BA LA DMIGS PA YANG YIN, THEG DMAN GYI RTOGS RIGS SU GNAS PA YANG YIN PA'I GZHI MTHUN PAR GYUR PA'I SEMS DPA'I RNAL 'BYOR CHOS CAN, DER THAL, DE'I PHYIR, MA GRUB NA DER THAL, THEG CHEN GYI GZHI SHES KYI SBYOR BA'I MTSAN NYID YIN PA'I PHYIR TE, DE'I MTSAN NYID YOD PA'I PHYIR, RTZA BAR 'DOD NA, THEG CHEN GYI SBYOR BA'I MTSAN NYID YIN PAR THAL, 'DOD PA'I PHYIR; 'DOD NA, BYANG SEMS TSOGS LAM PA'I RGYUD KYI KUN RDZOB SEMS BSKYED CHOS CAN, MTSAN NYID DER THAL, MTSON BYA DE'I PHYIR, DE BZHIN DU THEG CHEN GYI GZHI SHES GYI SBYOR BA'I SHES MTSAN YIN NA, GZHI SHES KYI SBYOR BA'I SHES MTSAN YIN PAS KHYAB ZER NA, DE BZHIN GSHEGS PA 'BYUNG BA SHES PA SOGS GZHI SHES KYI DMIGS PA GANG YANG RUNG BA LA DMIGS PA YANG YIN, THEG DMAN GYI RTOGS RIGS SU GNAS PA YANG YIN PA'I GZHI MTHUN PAR GYUR PA'I @41B SEMS DPA'I RNAL 'BYOR CHOS CAN, DER THAL, DE'I PHYIR, RTAGS GRUB ZIN, 'DOD NA, GANG ZAG GI BDAG MED RTOGS PA'I NYAN THOS KYI SBYOR LAM CHOS CAN, MTSAN NYID DER THAL, GZHI SHES KYI SBYOR BA YIN PA'I PHYIR, KHYAB PA KHAS, ` RANG LUGS NI, DE BZHIN GSHEGS PA 'BYUNG BA SHES PAS SOGS GZHI SHES KYI DMIGS PA GANG YANG RUNG BA LA DMIGS PA YANG YIN, THEG DMAN GYI RTOGS RIGS SU GNAS PA YANG YIN PA'I GZHI MTHUN PAR GYUR PA'I SEMS DPA'I RNAL 'BYOR DE, SEMS DPA'I RGYUD KYI GZHI SHES KYI SBYOR BA'I MTSAN NYID, ,tIKKA'I TSIG ZIN LTAR NA, DE BZHIN GSHEGS PA 'BYUNG BA SHES PA SOGS GZHI SHES KYIS RNAM PA GANG YANG RUNG BA LA DMIGS PAS KHYAD PAR DU BYAS PA'I SEMS DPA'I RNAL 'BYOR DE, SEMS DPA'I RGYUD KYI GZHI SHES KYI SBYOR BA'I MTSAN NYID, RTZOD PA SPONG BA LA KHA CIG ,DE BZHIN GSHEGS PA 'BYUNG BA SHES PA YOD PAR THAL, MTSAN NYID DE RNAMS 'THAD PA'I PHYIR, 'DOD NA, DE BZHIN GSHEGS PA 'BYUNG BA YOD PAR THAL LO, ,'DOD NA, DE BZHIN GSHEGS PA SKYE BA YOD PAR THAL, 'DOD PA'I PHYIR, 'DOD MI NUS TE, DE BZHIN GSHEGS PA RTAG PA YIN PA'I PHYIR, DE BZHIN GSHEGS PA 'BYUNG BA SHES PA GZHI SHES KYI RNAM PA YIN PAR THAL, MTSAN NYID PHYI MA DE 'THAD PA'I PHYIR, 'DOD MI NUS TE, GZHI SHES KYI RNAM PA YIN NA, GZHI SHES KYI 'DZIN STANGS YIN DGOS PA'I PHYIR, ZER NA, MA GRUB BO, ` ,GA-YO BA LA SOGS SHES BYA DANG, ZHES SOGS KYI SKABS SU, SBYOR BA DANG, MTHA' DPYAD PA GNYIS, DANG PO, NI; SEMS GA-YO BA, 'DU BA, BKRAM PA, BCUM PA'I LTA BA RNAMS 'KHRUL GZHI PHUNG PO LA BRTEN NAS BYUNG ZHING, GANG ZAG GI BDAG MED PAR SHES PA'I SEMS DPA'I YE SHES CHOS CAN, SEMS DPA'I RGYUD KYI GANG ZAG GI BDAG MED @42A *, ,PAR SHES PA'I GZHI SHES KYI SBYOR BA'I MTSAN NYID YIN TE, DE'I 'JOG BYED YIN PA'I PHYIR, GNYIS PA LA KHA CIG ,BDAG DANG 'JIG RTEN RTAG PAR LTA BA, MI RTAG PAR LTA BA, GNYIS KA YIN PAR LTA BA GNYIS KA MA YIN PAR LTA BA RNAMS, SNGON GYI MTHA' LA BRTEN PA'I LUNG MA BSTAN GYI LTA BA YIN, BDAG DANG 'JIG RTEN MTHA' DANG LDAN PAR LTA BA, MTHA' DANG MI LDAN PAR LTA BA, GNYIS KA YIN PAR LTA BA, GNYIS KA MA YIN PAR LTA BA RNAMS PHYI MA'I MTHA' LA BRTEN PA'I LUNG MA BSTAN GYI LTA BA DANG, GROL BA'I BDAG GRONGS PHAN CHAD 'BYUNG BAR LTA BA, BDAG GRONGS PHAN CHAD MI 'BYUNG BAR LTA BA, GNYIS KA YIN PAR LTA BA, GNYIS KA MA YIN PAR LTA BA RNAMS MYANG 'DAS LA BRTEN PA'I LUNG MA BSTAN GYI LTA BA YIN, LUS SROG RDZAS GCIG TU LTA BA DANG, RDZAS THA DAD DU LTA BA DE, LUS SROG LA BRTEN PA'I LUNG MA BSTAN GYI LTA BA YIN PA'I PHYIR ZER NA, BDAG DANG 'JIG RTEN MI RTAG PAR LTA BA'I LTA BA CHOS CAN, LUNG MA BSTAN GYI LTA BA MA YIN PAR THAL, KHYOD LTA BA RNAM DAG YIN PA'I PHYIR, RTAGS GRUB STE, BDAG DANG 'JIG RTEN MI RTAG PA YIN PA'I PHYIR, DE BZHIN DU BDAG DANG 'JIG RTEN RTAG MI RTAG GNYIS KA MA YIN PAR LTA BA'I LTA BA CHOS CAN, KHYOD LUNG MA BSTAN GYI LTA BA MA YIN PAR THAL, KHYOD LTA BA RNAM DAG YIN PA'I PHYIR, RTAGS GRUB STE, DE GNYIS KA RTAG MI RTAG GNYIS KA MA YIN PA'I PHYIR, BDAG DANG 'JIG RTEN MTHA' DANG LDAN PA YIN PAR THAL, DE DE DANG MI LDAN PA MA YIN PA'I PHYIR, MA GRUB NA, DE DE DANG MI LDAN PAR LTA BA'I LTA BA DE LTA BA RNAM DAG YIN PAR THAL, MA GRUB PA DE'I PHYIR, 'DOD NA, DE LUNG MA BSTAN GYI LTA BA MA YIN PAR THAL, 'DOD PA'I PHYIR, RTZA BAR 'DOD @42B NA; DE DE DANG LDAN PAR LTA BA'I LTA BA RNAM DAG YIN PAR THAL, 'DOD PA'I PHYIR, 'DOD NA, DE LUNG MA BSTAN GYI LTA BA MA YIN PAR THAL, 'DOD PA'I PHYIR, DES GZHAN RNAMS LA YANG SKYON RIGS 'DRA, LTA BA PHYI MA GNYIS LA KHA CIG, LUS SROG RDZAS THA DAD DU LTA BA'I LTA BA DE LTA BA RNAM DAG MA YIN PAR THAL, DE LTAR LTA BA'I LTA BA DE LUNG MA BSTAN GYI LTA BA YIN PA'I PHYIR, RTAGS KHAS, 'DOD MI NUS TE, LUS SROG RDZAS THA DAD PA YIN PA'I PHYIR TE, LUS SEMS RDZAS THA DAD PA YIN PA'I PHYIR, LUS SEMS RDZAS GCIG MA YIN PA'I PHYIR, MA GRUB NA, LUS ZHIG PA NA SEMS ZHIG PAR THAL, MA GRUB PA DE'I PHYIR, 'DOD NA, SKYE BA PHYI MA MED PAR THAL, 'DOD PA'I PHYIR, ZER BA NI, LEGS PAR MA BRTAGS PA'I BAB CO LA YIN TE, LUS SEMS KYI BDAG NYID MA YIN PAR THAL, DE GNYIS RDZAS THA DAD YIN PA'I PHYIR, 'DOD NA, LUS SHES PA'I BDAG NYID MA YIN PAR THAL LO, ,'DOD NA, GZUGS SHES PA'I BDAG NYID MA YIN PAR THAL, 'DOD PA'I PHYIR, 'DOD NA, GZUGS PHYI ROL GYI DON YIN PAR THAL, 'DOD PA'I PHYIR, LUS SROG RDZAS THA DAD DU 'DOD PA MI 'THAD DE, ,SROG NI RLUNG YIN LA RLUNG LUS GYI BYE BRAG YIN PA'I PHYIR, RANG LUGS KYIS BKAG PA SNGA MA DE RNAMS DE LTAR 'GRO BAR GRAGS LA, LUNG MA BSTAN GYI LTA BA'I DAM BCA' TSUL LA ZHIB TU BRTAGS NA MTHA' GCIG TU 'GRO BA DKA' BAR 'DUG PAS DPYOD PAR BYA'O, , `RANG LUGS NI, SNGON GYI MTHA' LA BRTEN PA'I LTA BA BZHI, PHYI MA'I MTHA' LA BRTEN PA'I LTA BA BZHI, MYANG 'DAS LA BRTEN PA'I LTA BA BZHI, LUS SROG LA BRTEN PA'I LTA BA GNYIS, DANG PO NI, BDAG DANG 'JIG RTEN RTAG PAR BDEN PAR LTA BA, MI RTAG PAR @43A *, ,BDEN PAR LTA BA, GNYIS KA BDEN PAR LTA BA, GNYIS KA MA YIN PAR BDEN PAR LTA BA, RNAMS YIN, GNYIS PA NI, BDAG DANG 'JIG RTEN MTHA' DANG LDAN PAR BDEN PAR LTA BA MTHA' DANG MI LDAN PAR BDEN PAR LTA BA, GNYIS KA YIN PAR BDEN PAR LTA BA, GNYIS KA MA YIN PAR BDEN PAR LTA BA RNAMS YIN, GSUM PA NI, GROL BA'I BDAG GRONGS PHAN CHAD 'BYUNG BA DANG GRONG PHAN CHAD MI 'BYUNG BA DANG, GNYIS KA YIN PA DANG, GNYIS KA MA YIN PAR BDEN PAR LTA BA RNAMS YIN, BZHI PA NI, LUS SROG RDZAS GCIG TU BDEN PAR LTA BA, RDZAS THA DAD DU BDEN PAR LTA BA NYID YIN, DE RNAMS KYI NANG NAS, GANG ZAG GI BDAG DANG 'JIG RTEN RTAG PAR LTA BA DANG, MTHA' DANG MI LDAN PAR SKYE BA PHYI MAR 'JUG PAR LTA BA DANG, DE BZHIN GSHEGS PA GRONGS PHAN CHAD 'BYUNG BAR LTA BA RNAMS GRANGS CAN GYI RGYUD LA YOD, DE RNAMS YUL LA SGRUB PA'I RNAM PAS 'JUG PAS GA-YO BA'I LTA BA ZHES BYA, GANG ZAG GI BDAG DANG 'JIG RTEN MI RTAG PAR LTA BA DANG, MTHA' DANG LDAN PA SKYE BA PHYI MAR MI 'JUG PAR LTA BA DANG, DE BZHIN GSHEGS PA GRONGS PHAN CHAD MI 'BYUNG BAR LTA BA NI, RGYANGS 'PHEN GYI RGYUD LA YOD CING YUL LA DGAG PA SHAS CHE BA'I SGO NAS 'JUG PAS 'DU BA'I LTA BA ZHES BYA, MTHA' DE RNAMS GNYIS KA YIN PAR LTA BA NI GCER BU BA'I RGYUD LA YOD, DGAG SGRUB CHA MNYAM DU 'JUG PAS BKRAM PA'I LTA BA ZHES BYA, MTHA' DE DAG GANG DU'ANG BRJOD DU MED PAR LTA BA NI, GNAS MA BU BA'I RGYUD LA YOD CING DGAG SGRUB GNYIS KA BKAG PA'I RNAM PAS 'JUG PAS BCUM PA'I LTA BA ZHES BYA, LUS SROG RDZAS GCIG TU LTA BA BYE BRAG PA'I RGYUD @43B LA YOD, RDZAS THA DAD DU LTA BA GRANGS CAN GYI RGYUD LA YOD, RTZOD PA SPONG BA LA MKHAS PA KHA CIG ,RGYANG 'PHEN PAS GROL BA'I BDAG KHAS LEN PAR THAL, MYANG 'DAS LA BRTEN PA'I LTA BA BZHI'I MTSAN GZHI 'THAD PA GANG ZHIG BZHI TSAN DE'I LTA BA GNYIS PA RGYANG 'PHEN PA LA SBYOR RIGS PA'I PHYIR, 'DOD NA, RGYANG 'PHEN PAS THAR PA KHAS LEN PAR THAL, 'DOD PA'I PHYIR NA, RTZA BAR MA KHYAB, YANG KHA CIG ,BDAG DANG 'JIG RTEN MI RTAG PAR BDEN PAR LTA BA'I LTA BA CHOS CAN, KHYOD KYI ZHEN YUL MED PAR RTOGS PA'I THEG CHEN GYI MTHONG LAM DE SEMS DPA'I GZHI SHES KYI SBYOR BA YIN PAR THAL, KHYOD 'DIR BSTAN LUNG MA BSTAN GYI LTA BA YIN PA'I PHYIR, 'DOD NA, BDAG DANG 'JIG RTEN MI RTAG PAR BDAG MED DU, RTOGS PA'I THEG CHEN GYI MTHONG LAM DE DE YIN PAR THAL, 'DOD PA'I PHYIR, 'DOD NA, DE CHOS CAN, THEG DMAN GYI RTOGS RIGS SU GNAS PAR THAL, 'DOD PA'I PHYIR; GZHAN YANG, DE BZHIN GSHEGS PA GRONGS PA YOD PAR THAL, SNGAR GYI DAM BCA' DE RNAMS 'THAD PA'I PHYIR, ? 'DOD NA, DE SHI BA YOD PAR THAL LO, ,'DOD MI NUS TE, DES 'CHI BDAG GI BDUD BCOM PA'I PHYIR, ZHES BKAG NAS DE RANG NYID KYI LUGS LA, RTAG PAS KHYAD PAR DU BYAS PA'I BDAG DANG 'JIG RTEN RANG SKYA THUB PA'I RDZAS YOD DU LTA BA'I LTA BA DANG, ? MI RTAG PAS KHYAD PAR DU BYAS PA'I BDAG DANG 'JIG RTEN RANG SKYA THUB PA'I RDZAS YOD DU LTA BA'I LTA BA DANG, ? ,RTAG MI RTAG GNYIS GAS KHYAD PAR DU BYAS PA'I BDAG DANG 'JIG RTEN RANG SKYA THUB PA'I RDZAS YOD DU LTA BA'I LTA BA DANG, @44A *, ,GNYIS KA MA YIN PAS KHYAD PAR DU BYAS PA'I BDAG DANG 'JIG RTEN RANG SKYA THUB PA'I RDZAS YOD DU LTA BA RNAMS SNGON GYI MTHA' LA BRTEN PA'I LTA BA YIN, MTHA' DANG LDAN PAS KHYAD PAR DU BYAS PA'I BDAG DANG 'JIG RTEN RANG SKYA THUB PA'I RDZAS YOD DU LTA BA DANG, DE BZHIN DU MTHA' DANG MI LDAN PA DANG, GNYIS KA YIN PA DANG, GNYIS KA MA YIN PAS KHYAD PAR DU BYAS PA'I BDAG DANG 'JIG RTEN RANG SKYA THUB PA'I RDZAS YOD DU LTA BA RNAMS PHYI MA'I MTHA' LA BRTEN PA'I LTA BA DANG, ,BDEN PAS STONG ZHING SKYE BA PHYI MA PHAN CHAD DU 'BYUNG BAS KHYAD PAR DU BYAS PA'I SO SO SKYE BO THA MAL PA RANG SKYA THUB PA'I RDZAS YOD DU LTA BA DANG, BDEN PAS STONG ZHING SKYE BA PHYI MA PHAN CHAD DU MI 'BYUNG BAS KHYAD PAR DU BYAS PA'I SO SO SKYE BO THA MA LA PA RANG SKYA THUB PA'I RDZAS YOD DU LTA BA DANG, BDEN PAS STONG ZHING SKYE BA PHYI MA PHAN CHAD DU 'BYUNG MI 'BYUNG GNYIS KAS KHYAD PAR DU BYAS PA'I SO SO SKYE BO THA MA LA PA RANG SKYA THUB PA'I RDZAS YOD DU LTA BA DANG, BDEN PAS STONG ZHING SKYE BA PHYI MA PHAN CHAD DU 'BYUNG MI 'BYUNG GNYIS KA MA YIN PAS KHYAD PAR DU BYAS PA'I SO SO SKYE BO THA MAL PA RANG SKYA THUB PA'I RDZAS YOD DU LTA BA RNAMS MYANG 'DAS GYI MTHA' LA BRTEN PA'I LUNG MA BSTAN GYI LTA BA YIN, RDZAS GCIG PAS KHYAD PAR DU BYAS PA'I SKYES BU RANG SKYA THUB PA'I RDZAS YOD DU LTA BA DANG, RDZAS THA DAD PAS KHYAD PAR DU BYAS PA'I SKYE BU RANG SKYA THUB PA'I RDZAS YOD DU LTA BA DE, LUS SROG LA BRTEN PA'I LUNG MA BSTAN GYI LTA BA YIN ZER NA, THOG MAR GZHAN LUGS BKAG PA MI 'THAD DE, GA-YO BA LA SOGS SHES BYA DANG, ZHES PA'I SKABS NAS DNGOS SU BSTAN PA'I BYANG SEMS KYI SBYOR BA YIN NA, GZHI SHES KYI SBYOR BA YIN DGOS PAR @44B THAL; 'DIR BSTAN LUNG MA BSTAN GYI LTA BA YIN NA, RANG NYID KYI ZHEN YUL MED PAR MNGON SUM DU RTOGS PA'I THEG CHEN GYI MTHONG LAM DE GZHI SHES KYI SBYOR BA YIN DGOS PA'I PHYIR, RTAGS KHAS, 'DOD NA, DE BZHIN GSHEGS PA 'BYUNG BA DANG, ZHES SOGS KYI SKABS NAS DNGOS SU BSTAN PA'I BYANG SEMS KYI SBYOR BA YIN NA, GZHI SHES KYI SBYOR BA YIN DGOS PAR THAL, 'DOD PA'I PHYIR, 'DOD NA, 'JIG RTEN DON DAM PAR 'JIG PA MED PAR MNGON SUM DU RTOGS PA'I BYANG SEMS KYI YE SHES CHOS CAN, DER THAL, DE'I PHYIR, RTAGS GRUB STE, 'JIG RTEN 'JIG MED BDAG NYID DANG, ZHES DANG, DE'I THAD KYI RNAM BSHAD LAS, SKABS 'DIR STONG PA NYID KYI RNAM PA CAN BSHAD PA NI, GANG GIS ZIN PA'I LAM DE NYID BSTAN PA YIN GYI, GZHI SHES KYI SBYOR BA'I MTSON BYED NI GZHI SHES KYI RNAM PA CAN DU SHES PAR BYA'O, ,ZHES GSUNGS PA'I PHYIR, 'DOD NA, DE CHOS CAN, THEG DMAN GYI RTOGS RIGS SU GNAS PAR THAL, 'DOD PA'I PHYIR, KHYOD KYI RANG LUGS BZHAG PA DE RNAMS MI 'THAD DE, GRANGS CAN DES BDEN PAS STONG ZHING SKYE BA PHYI MA PHAN CHAD DU 'BYUNG BAS KHYAD PAR DU BYAS PA'I SO SKYE THA MAL PA RANG SKYA THUB PA'I RDZAS YOD DU KHAS LEN PAR THAL, BDEN PAS STONG ZHING SKYE BA PHYI MA PHAN CHAD DU 'BYUNG BAS KHYAD PAR DU BYAS PA'I SO SKYE THA MAL PA RANG SKYA THUB PA'I RDZAS YOD DU LTA BA'I LTA BA DE, MYANG 'DAS LA BRTEN PA'I LTA BA YIN PA GANG ZHIG ,MYANG 'DAS LA BRTEN PA'I LUNG MA BSTAN GYI LTA BA DANG PO GNYIS GRANGS CAN GYI RGYUD LA YOD PA'I PHYIR, DANG PO KHAS, 'DOD NA, GRANGS CAN DES BDEN PAS STONG ZHING, @45A *, ,SKYE BA PHYI MA PHAN CHAD DU 'BYUNG BAS KHYAD PAR DU BYAS PA'I SO SKYE THA MAL PA KHAS LEN PAR THAL LO, ,'DOD NA, DES SO SKYE THA MAL PA BDEN STONG DU KHAS LEN PAR THAL, 'DOD PA'I PHYIR, 'DOD MI NUS TE, DES DE BDEN GRUB TU KHAS LEN PA'I PHYIR, LAN GYIS LDOG PAR MI NUS PA'I THAL 'GYUR RO, ,GZHAN YANG, LUNG MA BSTAN GYI LTA BA BCU BZHI LA 'DZIN STANGS MI MTHUN PA'I KHYAD PAR MI 'THAD PAR THAL, DE BCU BZHI RANG RKYA THUB PA'I RDZAS YOD DU 'DZIN PA'I 'DZIN STANGS CAN YIN PA'I PHYIR, MA GRUB NA, LTA BA BCU BZHI'I MTSAN GZHI 'DZIN TSUL DE 'THAD PAR BUD, YANG MKHAS PA KHA CIG ,GANG ZAG GI BDAG DANG, 'JIG RTEN RTAG PA DANG, MI RTAG PA DANG, GNYIS KA YIN PA DANG, GNYIS KA MA YIN PAR RDZAS YOD DU LTA BA BZHI SNGON GYI MTHA' LA BRTEN PA'I LTA BA, GANG ZAG GI BDAG DANG, 'JIG RTEN MTHA' DANG LDAN PA DANG, MI LDAN PA DANG, GNYIS KA DANG, GNYIS KA MA YIN PAR RDZAS YOD DU LTA BA BZHI, PHYI MA'I MTHA' LA BRTEN PA'I LTA BA DANG, GROL BA'I GANG ZAG GI BDAG GRONGS PHAN CHAD DU 'BYUNG BA DANG, MI 'BYUNG BA DANG, GNYIS KA DANG, GNYIS KA MA YIN PAR RDZAS YOD DU LTA BA BZHI, MYANG 'DAS LA BRTEN PA'I LTA BA, LUS SROG RDZAS GCIG TU BDEN PAR LTA BA, RDZAS THA DAD DU BDEN PAR LTA BA, LUS SROG LA BRTEN PA'I LTA BA YIN ZHES GSUNGS PA MI 'THAD DE, GNAS MA BU BA DES GANG ZAG GI BDAG DANG 'JIG RTEN RTAG MI RTAG GANG DU'ANG BRJOD DU MED PAR RDZAS YOD DU GRUB PAR KHAS LEN PAR THAL, GANG ZAG GI BDAG DANG 'JIG RTEN RTAG MI RTAG GANG DU'ANG BRJOD DU MED PAR RDZAS YOD DU LTA BA'I LTA BA DE, SNGON GYI MTHA' LA BRTEN PA'I LUNG MA BSTAN GYI LTA BA BZHI PA GANG ZHIG ,SNGON GYI MTHA' LA BRTEN PA'I LUNG MA BSTAN GYI LTA BA BZHI PA RANG SDE GNAS MA BU BA'I @45B RGYUD LA YOD PA'I LTA BAR RNAM BSHAD SNYING PO RGYAN LAS BSHAD PA'I PHYIR, 'DOD NA, RANG SDE GNAS MA BU BA DES, SKABS 'DIR BSTAN GYI 'JIG RTEN RANG SKYA THUB PA'I RDZAS YOD DU KHAS LEN PAR THAL, 'DOD PA GANG ZHIG ,SKABS 'DI'I 'JIG RTEN SNOD KYI 'JIG RTEN LA BYED PAR GSER 'PHRENG LAS BSHAD PA'I PHYIR, 'DOD MI NUS TE, DES SNOD KYI 'JIG RTEN BTAGS YOD DU KHAS LEN PA'I PHYIR, DER THAL, DES BUM PA BTAGS YOD DU KHAS LEN PA'I PHYIR, TE; BYE BRAG SMRA BAS BUM PA BTAGS YOD DU 'DOD PA GANG ZHIG ,RGYU MTSAN MTSUNGS PA'I PHYIR, ` STONG NYID MTSAN MA MED BCAS DANG, ,ZHES SOGS KYI SKABS SU, SBYOR BA DANG, MTHA' DPYAD PA GNYIS, DANG PO NI; GZHAN DON GYI GO CHA BYA DKA' BA BSGRUB PA SOGS KYI SEMS DPA'I RGYUD KYI NGO BO NYID KYI RNAL 'BYOR LNGA CHOS CAN, SEMS DPA'I RGYUD KYI LAM SHES KYI SBYOR BA YIN TE, STONG NYID MTSAN MED SOGS LAM SHES KYI RNAM PA GANG YANG RUNG BA LA DMIGS PA'I SEMS DPA'I RNAL 'BYOR YIN PA'I PHYIR, GNYIS PA LA CIG, STONG NYID DER THAL, MTSON BYA DE'I PHYIR, MA GRUB NA, DER THAL, SEMS DPA'I RNAL 'BYOR YIN PA'I LAM PA'I RGYUD KYI KUN RDZOB SEMS BSKYED CHOS CAN, MTSAN NYID DER THAL, MTSON BYA DE'I PHYIR, MA GRUB NA, DER THAL, SEMS DPA'I RNAL 'BYOR YIN PA'I PHYIR; 'DOD MI NUS TE, CHOS CAN DE'I PHYIR, GZHAN YANG, LAM SHES KYI SBYOR BA RGYUD LDAN GYI GANG ZAG YIN NA, STONG NYID RTOGS PAS KHYAB PAR THAL, MTSAN, @46A *, ,NYID DE 'THAD PA'I PHYIR, 'DOD NA, SEMS TZAM PAR GYUR PA'I BYANG SEMS TSOGS LAM PA CHOS CAN, DER THAL, DE'I PHYIR, ` ,RANG LUGS NI, STONG NYID MTSAN MED SOGS LAM SHES KYI RNAM PA GANG YANG RUNG BA LA DMIGS PA'I SEMS DPA'I RNAL 'BYOR DE, LAM SHES KYI SBYOR BA'I MTSAN NYID, YANG NA, STONG NYID MTSAN MED SOGS LAM SHES KYI DMIGS PA GANG YANG RUNG BA LA DMIGS PA'I SEMS DPA'I RNAL 'BYOR DE, LAM SHES KYI SBYOR BA'I MTSAN NYID, RTZOD PA SPONG BA LA, KHA CIG ,STONG NYID MTSAN MED SOGS LAM SHES KYI RNAM PA YIN PAR THAL, MTSAN NYID DANG PO 'THAD PA'I PHYIR, 'DOD MI NUS TE, LAM SHES KYI RNAM PA YIN NA DE'I 'DZIN STANGS YIN DGOS PA'I PHYIR, ZER NA, GONG DU LAN BTAB ZIN TO, ,DE NI NYID KYI CHOS BRTEN NAS, ZHES SOGS KYI SKABS SU, GNYIS LAS, DANG PO NI, GZHI LAM GYIS BSDUS PA'I KHYAD PAR SOGS RNAM MKHYEN GYI DMIGS PA GANG YANG RUNG PA LA DMIGS PA'I SEMS DPA'I RNAL 'BYOR BDUN CHOS CAN, RNAM MKHYEN GYI SBYOR BA YIN TE, DE BZHIN GSHEGS PA NYID KYIS MTHONG CHOS LA BDE BAR GNAS PA SOGS RNAM MKHYEN GYI DMIGS PA GANG YANG RUNG BA LA DMIGS PA'I SEMS DPA'I RNAL 'BYOR YIN PA'I PHYIR, GNYIS PA LA KHA CIG ,DE BZHIN GSHEGS PA NYID KYIS MTHONG CHOS LA BDE BAR GNAS PA SOGS RNAM MKHYEN GYI DMIGS PA BCU DRUG GANG RUNG YUL DU BYED PA'I SEMS DPA'I RNAL 'BYOR TE, RNAM MKHYEN GYI SBYOR BA'I MTSAN NYID ZER NA, THEG CHEN GYI MTHONG LAM SDUG BSNGAL CHOS BZOD CHOS CAN, MTSAN NYID DER THAL, MTSON BYA DE'I PHYIR, 'DOD NA, KHYOD @46B KYI DNGOS YUL DU GYUR PA'I KUN RDZOB BDEN PA YOD PAR THAL, 'DOD PA'I PHYIR, ` RANG LUGS LA, DE BZHIN GSHEGS PA NYID KYIS MTHONG CHOS LA BDE BAR GNAS PA SOGS RNAM MKHYEN GYI RNAM PA GANG YANG RUNG BA LA DMIGS PA'I SEMS DPA'I RNAL 'BYOR DE, RNAM MKHYEN GYI SBYOR BA'I MTSAN NYID, RTZOD PA SPONG BA LA KHA CIG ,DE BZHIN GSHEGS PA NYID KYIS MTHONG CHOS LA BDE BAR GNAS PA RNAM MKHYEN GYI RNAM PA YIN PAR THAL, MTSAN NYID DE 'THAD PA'I PHYIR, 'DOD NA, DE CHOS CAN, RNAM MKHYEN YIN PAR THAL, RNAM MKHYEN GYI RNAM PA YIN PA'I PHYIR ZER NA, MA KHYAB BO, ,BSAM MI KHYAB SOGS KHYAD PAR GYIS, ZHES SOGS KYIS SKABS SU GNYIS LAS, DANG PO NI, NYON MONGS RTAGS SOGS KYIS DBEN PA'I SEMS DPA'I RNAL 'BYOR BCU DRUG CHOS CAN, NYAN RANG GI SBYOR BA LAS KHYAD PAR DU 'PHAGS PA'I SBYOR BA YIN TE, BSAM MI KHYAB SOGS KYIS KHYAD PAR DU BYAS PA'I SEMS DPA'I RNAL 'BYOR YIN PA'I PHYIR, GNYIS PA LA KHA CIG ,BDEN BZHI'I CHOS NYID BSAM GYIS MI KHYAB PA RTOGS PA SOGS KHYAD CHOS BCU DRUG GIS KHYAD PAR DU BYAS PA'I SEMS DPA'I RNAL 'BYOR, NYAN RANG GI SBYOR BA LAS KHYAD PAR DU 'PHAGS PA'I SBYOR BA'I MTSAN NYID ZER NA, BYANG SEMS MTHONG LAM PA'I RGYUD KYI KUN RDZOB SEMS BSKYED CHOS CAN, MTSAN NYID DER THAL, MTSON BYA DE'I PHYIR, MA GRUB NA, DER THAL, SEMS DPA'I RNAL 'BYOR YIN PA'I PHYIR, 'DOD MI NUS TE, KHYOD KYIS CHOS NYID MA RTOGS PA'I PHYIR, ` ,RANG LUGS NI, BSAM MI KHYAB SOGS KYIS KHYAD PAR DU BYAS @47A *, ,PA'I SEMS DPA'I RNAL 'BYOR, NYAN RANG GI SBYOR BA LAS KHYAD PAR DU 'PHAGS PA'I SBYOR BA'I MTSAN NYID, RTZOD PA SPONG BA LA KHA CIG ,BYANG SEMS MTHONG LAM PA'I RGYUD KYI KUN RDZOB SEMS BSKYED CHOS CAN, MTSAN NYID DER THAL, MTSON BYA DE'I PHYIR, 'DOD NA, DES RTOGS GE'I BLOS BSAM GYIS MI KHYAB PA'I CHOS NYID RTOGS PAR THAL, 'DOD PA'I PHYIR NA MA KHYAB, YANG KHO NA RE, GZHUNG 'DIS SEMS DPA'I GZHI SHES SBYOR BA NYAN RANG GI SBYOR BA LAS KHYAD PAR DU 'PHAGS PA'I SBYOR BAR DNGOS SU BSTAN PAR THAL, SBYOR BA DE GZHUNG 'DI'I DON SBYOR RNAM DAG YIN PA'I PHYIR, 'DOD NA, RNAM BSHAD SNYING PO RGYAN LAS, GZHI SHES KYI SBYOR BA TZAM NI, RANG GI LDOG PAS NYAN RANG GI SBYOR BA LAS KHYAD PAR DU BYED MI NUS SHING SBYOR BA GZHAN GNYIS KYI RANG GI NGO BO'I LDOG PAS KHYAD ZHUGS PAR RTOGS PA'I CHED DU DE GNYIS KYIS KHYAD PAR 'PHAGS TSUL BSTAN NAS CIG SHOS KYIS MA BSTAN PA YIN GYI RDZAS GYI SGO NAS NI, SEMS DPA'I RGYUD KYI GZHI SHES KYI SBYOR BA YANG NYAN RANG GI SBYOR BA LAS KHYAD ZHUGS PA YIN PAS, KHYAD PAR 'PHAGS PA MTSON NUS PAR SHES PAR BYA'O, , ZHES BSHAD PA MI 'THAD PAR THAL, 'DOD PA'I PHYIR, ZER NA, RTZA BAR MA KHYAB, YANG KHA CIG ,KHYAD MTSAN YIN NA THEG CHEN GYI SBYOR BA'I KHYAD MTSAN YIN PAS KHYAB ZER NA, NYAN RANG GI SBYOR BA LAS KHYAD PAR DU 'PHAGS PA'I SEMS DPA'I DON MNGON RTOGS CHOS CAN, DER THAL, DE'I PHYIR, DER THAL, NYAN RANG GI SBYOR BA LAS KHYAD PAR DU 'PHAGS PA'I THEG CHEN GYI SBYOR LAM GYI MTSAN NYID YIN PA'I PHYIR, RTZA BAR 'DOD NA @47B DE CHOS CAN, NYAN RANG GI SBYOR BA LAS KHYAD PAR DU 'PHAGS PA'I THEG CHEN GYI SBYOR BA'I MTSAN NYID YIN PAR THAL, 'DOD PA'I PHYIR, 'DOD NA, THEG CHEN GYI MTHONG LAM CHOS CAN, NYAN RANG GI SBYOR BA LAS KHYAD PAR DU 'PHAGS PA'I SEMS DPA'I DON MNGON RTOGS YIN PAR THAL, DE LAS KHYAD PAR DU 'PHAGS PA'I THEG CHEN GYI SBYOR BA YIN PA'I PHYIR, KHYAB PA KHAS, ` ,PHAN DANG BDE DANG SKYOB PA DANG, ZHES SOGS KYI SKABS SU; GNYIS LAS, DANG PO NI, NYON MONGS RTAGS SOGS KYIS DBEN PA'I SEMS DPA'I RNAL 'BYOR BCU DRUG CHOS CAN, GZHAN DON SGRUB PA'I BYED LAS KHYAD PAR CAN DANG LDAN PA'I SBYOR BA YIN TE, PHAN BDE SKYOB SOGS KYI BYED LAS KHYAD PAR CAN DANG LDAN PA'I SEMS DPA'I RNAL 'BYOR YIN PA'I PHYIR, GNYIS PA LA KHA CIG ,BYED MTSAN YIN NA THEG CHEN GYI SBYOR BA'I BYED MTSAN YIN PAS KHYAB ZER NA, SKYON SNGAR GYI RIGS 'GROS LA DPAGS NAS SHES PAR BYA'O, ` ,NYON MONGS RTAGS DANG MTSAN MA DANG, ZHES SOGS KYI SKABS SU SBYOR BA DANG, MTHA' DPYAD PA GNYIS, DANG PO NI, NYON MONGS RTAGS SOGS KYI MTSAN MAS DBEN PA'I SEMS DPA'I RNAL 'BYOR BCU DRUG CHOS CAN, KHYOD LA MTSAN NYID KYI SGRAS STON PA'I RGYU MTSAN YOD DE, KHYOD SBYOR BA MTSON PAR BYED PA'I RGYU MTSAN GYIS DE LTAR BRJOD PA'I PHYIR, NGO BO NYID MTSAN DE LA BCU DRUG YOD DE, GZHI SHES KYI SBYOR BA'I NGO BO NYID MTSAN BZHI, LAM SHES KYI SBYOR BA'I NGO BO NYID MTSAN LNGA, RNAM MKHYEN GYI SBYOR BA'I NGO BO NYID MTSAN BDUN YOD PA'I PHYIR, GNYIS PA LA KHO NA RE, BYANG SEMS @48A *, ,MTHONG LAM PA'I RGYUD KYI GANG ZAG GI BDAG MED RTOGS PA'I MKHYEN PA DE, NYON MONGS RTAGS SOGS KYIS DBEN PA'I SEMS DPA'I RNAL 'BYOR YIN PAR THAL, NGO BO NYID MTSAN DE LA NYON MONGS RTAGS SOGS KYIS DBEN PA'I SEMS DPA'I RNAL 'BYOR BCU DRUG TU 'BYED RIGS PA'I PHYIR, RTAGS KHAS, 'DOD NA, DE CHOS CAN, DE MA YIN PAR THAL, NYON MONGS KYIS DBEN PA'I SEMS DPA'I RNAL 'BYOR MA YIN PA'I PHYIR TE, NYON MONGS DANG BCAS PA'I SEMS DPA'I RNAL 'BYOR YIN PA'I PHYIR NA MA KHYAB, RTAGS GRUB STE, BYANG SEMS MTHONG LAM PA'I RGYUD LA NYON MONGS YOD PA'I PHYIR ZER NA, DE'I LAN NI NYON MONGS RTAGS SOGS KYIS DBEN PA'I SEMS DPA'I RNAL 'BYOR YIN NA NYON MONGS RTAGS SOGS KYIS DBEN PAS MA KHYAB BO, ,GZHAN DON GYI BSGRUB PA BYA DKA' BA SOGS KYIS LAM SHES KYI SBYOR BA'I NGO BO NYID MTSAN LNGA PO DE, NYON MONGS RTAGS SOGS KYIS DBEN PA'I SEMS DPA'I RNAL 'BYOR YIN PAR THAL, NYON MONGS RTAGS SOGS KYIS DBEN PA'I SEMS DPA'I RNAL 'BYOR BCU DRUG YOD PA'I PHYIR, RTAGS KHAS, 'DOD NA, DE LNGA PO CHOS CAN, SEMS DPA'I GZHI SHES KYI SBYOR BA YIN PAR THAL, 'DOD PA'I PHYIR, KHYAB STE, NYON MONGS RTAGS SOGS KYIS DBEN PA'I 'DIR BSTAN SEMS DPA'I RNAL 'BYOR YIN NA, NYON MONGS RTAGS DANG MTSAN MA DANG, ,MI MTHUN PHYOGS DANG GNYEN PO DANG, ,DBEN DANG ZHES SOGS KYI SKABS NAS DNGOS SU BSTAN PA'I SEMS DPA'I RNAL 'BYOR YIN DGOS PA'I PHYIR ZER NA, BRJOD TSUL LA SKYON CUNG ZAD @48B CHAGS PA 'DRA BAS SKYON CUNG ZAD BCAD PAR BYA'O, ` ,MTSAN MED RAB TU SBYIN LA SOGS, ZHES SOGS KYI SKABS SU GNYIS LAS, DANG PO NI, BYANG SEMS TSOGS LAM PA DBANG RNON GYI MKHYEN PA CHOS CAN, SKABS 'DIR DNGOS SU BSTAN PA'I THEG CHEN GYI THAR PA CHA MTHUN YIN TE, RNAM MKHYEN RANG RGYUD LA BSGRUB PAR MKHAS PA'I SEMS DPA'I RGYUD KYI CHOS MNGON RTOGS YIN PA'I PHYIR, GNYIS PA LA KHA CIG ,RNAM MKHYEN RANG RGYUD LA BSGRUB PAR MKHAS PA'I SEMS DPA'I RGYUD KYI CHOS MNGON RTOGS THAR PA CHA MTHUN GYI MTSAN NYID, ZER NA, NYAN THOS KYI LAM DU 'JUG PAR NGES PA'I BYANG SEMS KYI TSOGS LAM CHOS CAN, MTSAN NYID DER THAL, MTSON BYA DE'I PHYIR, 'DOD MI NUS TE, CHOS CAN DE'I PHYIR, KHYAB STE, RNAM PA THAMS CAD RTOGS 'DI LA ZHES PA'I TSIG SMOS PA LA DGOS PA YOD PA'I PHYIR, ` ,RANG LUGS NI, RNAM MKHYEN RANG RGYUD LA BSGRUB PAR MKHAS PA'I SEMS DPA'I RGYUD KYI CHOS MNGON RTOGS, SKABS 'DIR DNGOS SU BSTAN PA'I THEG CHEN GYI THAR PA CHA MTHUN GYI MTSAN NYID, DE LA DBYE NA LNGA YOD, RTZOD PA SPONG BA LA KHO NA RE, NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA'I RGYUD KYI SBYIN SOGS RANG RGYUD LA BSGRUB PAR MKHAS PA'I YE SHES CHOS CAN, MTSON BYA DER THAL, MTSAN NYID DE'I PHYIR, ZHES GSUNGS PA MI 'THAD DE, DMAN LAM SNGON DU SONG BA'I BYANG SEMS TSOGS LAM PA YIN NA, SBYIN SOGS RANG RGYUD LA BSGRUB PAR MKHAS PA'I GANG ZAG MA YIN DGOS PA'I PHYIR TE, MDO SDE RGYAN LAS, DE NYID YANG DANG YANG DU NI, RANG SEMS KUN TU 'JUG @49A *, ,LDAN PAS, ,MYA NGAN 'DAS LA MNGON DGA'I PHYIR, ,RTOGS PA BUL PA YIN PAR 'DOD, ,CES GSUNGS PA'I PHYIR, ` RDZOGS PA'I BYANG CHUB RNON PO YIS, ZHES SOGS KYI SKABS SU GNYIS LAS, DANG PO NI RGYAN GYI CHED DU BYA BA'I GDUL BYA CHOS CAN, KHYOD LA GNYIS YOD DE, KHYOD LA DBANG PO RNO RTUL GNYIS YOD PA'I PHYIR, GNYIS PA LA KHA CIG ,RGYAN GYI CHED DU BYA BA'I GDUL BYAR GYUR PA'I LAM MA ZHUGS KYI GANG ZAG YOD ZER NA, DE MED PAR THAL, DE YIN NA, THEG CHEN LAM ZHUGS KYI GANG ZAG YIN DGOS PA'I PHYIR TE, DGOS 'GREL GYI 'GREL PAR, BYANG CHUB SEMS DPA' RANG DANG GZHAN GYI DON PHUN SUM TSOGS PA, SGRUB PA CI LA YANG MA RIG PAR GNAS SHING RTZOM PA DAG KHO NAS ZHES GSUNGS PA'I PHYIR, GZHAN YANG, DE YIN NA THEG CHEN LAM ZHUGS KYI GANG ZAG YIN DGOS PAR THAL, RDZOGS PA'I BYANG CHUB RNON PO YIS; ,ZHES SOGS KYI SKABS NAS BSTAN PA'I RGYAN GYI CHED DU BYA BA'I GDUL BYA YIN NA BYANG CHUB SEMS DPA' YIN DGOS PA'I PHYIR TE, SANGS RGYAS SOGS DMIGS DAD PA DANG, ZHES SOGS KYI SKABS NAS DNGOS SU BSTAN PA'I DE YIN NA, BYANG CHUB SEMS DPA' YIN DGOS PA'I PHYIR, RTAGS BUD, RGYAN GYI CHED DU BYA BA'I GDUL BYAR GYUR PA'I 'PHAGS PA YOD ZER NA, DER GYUR PA'I THEG CHEN 'PHAGS PA YOD PAR THAL, DAM BCA' 'THAD PA'I PHYIR, 'DOD MI NUS TE, DE YIN NA SA RAB TU DGA' BA MA THOB PAS KHYAB PA'I PHYIR TE, CHOS KYI DBYINGS KUN TU 'GRO BA RTOGS PA'I MTSAN NYID SA RAB TU DGA' BA @49B LA SOGS PA RTOGS PA'I RIM PAS RNAM PA THAMS CAD MNGON SUM DU BYED PAR 'GYUR BA ZHES BSHAD PA'I PHYIR, KHO NA RE, RTZA BA'I DAM BCA' DE YOD PAR THAL, 'PHAGS PA GROL SDE RGYAN GYI CHED DU BYA BA'I GDUL BYA YIN PA'I PHYIR, DER THAL, RGYAN GYI CHED DU BYA BA'I GDUL BYA 'PHAGS PA YOD PA'I PHYIR ZER NA DE DE'I CHED DU BYA BA'I GDUL BYA MA YIN PAR THAL, DE DE'I CHED DU BYA BA'I GDUL BYA DBANG RNON CHOS KYI RJES 'BRANG YANG MA YIN, DBANG RTUL DAD PA'I RJES 'BRANG YANG MA YIN PA'I PHYIR, DANG PO MA GRUB NA, DE CHOS CAN, KHYOD KYIS LAM RJES SHES MA THOB PAR THAL, MA GRUB PA DE'I PHYIR, GNYIS PA MA GRUB NA, DE CHOS CAN, KHYOD KYIS LAM RDZES SHES MA THOB PAR THAL, MA GRUB PA DE'I PHYIR, THAL 'GYUR DE GNYIS LA KHYAB PA YOD DE, NYAN THOS KYI LAM RJES SHES THOB NA DE GNYIS PO GANG RUNG MA YIN DGOS PA'I PHYIR TE, MDZOD LAS, DE TSE DBANG PO RNO RTUL DAG ,DAD PAS MOS DANG MTHONG BAS THOB, ,CES GSUNGS PA'I PHYIR, GZHAN YANG, 'BRAS BU RIM GYIS PA'I PHYIR MI 'OD ZHUGS PA YANG YIN, DBANG RTUL DAD PA'I RJES 'BRANG DANG, ,DBANG RNON CHOS KYI RJES 'BRANG GANG RUNG YANG YIN PA'I GZHI MTHUN YOD PAR THAL, LAM RJES SHES THOB PA'I GANG ZAG YANG YIN, DE GNYIS PO GANG RUNG YANG YIN PA'I GZHI MTHUN YOD PA'I PHYIR, 'DOD NA, MDZOD KYI LUNG DRANGS MA THAG PA DANG 'GAL LO, ,KHA CIG ,RGYAN GYI CHED DU BYA BA'I GDUL BYA BYANG SEMS TSOGS LAM PA DBANG RTUL YIN NA STONG NYID RTOGS PAS MA KHYAB ZER NA, DE KHYAB PAR THAL, DE YIN NA DAD SOGS @50A *, ,YUL LNGA LA MKHAS PA'I SEMS DPA' YIN PAS KHYAB PA'I PHYIR TE, SANGS RGYAS SOGS DMIGS DAD PA DANG, ZHES GSUNGS PA'I PHYIR, KHO NA RE, BYANG SEMS TSOGS LAM PA DBANG RTUL YIN NA; STONG NYID RTOGS PAS KHYAB PAR THAL, RGYAN GYI CHED DU BYA BA'I GDUL BYA BYANG SEMS TSOGS LAM PA DBANG RTUL YIN NA STONG NYID STOGS PAS KHYAB PA'I PHYIR NA MA KHYAB, KHO NA RE, RGYAN GYI CHED DU BYA BA'I GDUL BYA BYANG SEMS TSOGS LAM PA DES THEG CHEN SEMS BSKYED RANG RGYUD LA BSKYED PA'I RJES SU STONG NYID RTOGS PA'I LTA BA RANG RGYUD LA BSKYED PA MA YIN PAR THAL, DE YIN NA STONG NYID RTOGS PAS KHYAB PA'I PHYIR, 'DOD NA, DBU MA RGYAN LAS, YANG DAG DAD PA'I RJES 'BRANG BA, ZHES SOGS BSHAD PA MI ' 'THAD PAR THAL, 'DOD PA'I PHYIR, ZER NA, MA KHYAB, ` DRO BA RNAMS KYI DMIGS PA 'DIR, ZHES SOGS KYI SKABS SU, GNYIS LAS, DANG PO NI, THEG CHEN GYI SBYOR LAM CHOS CAN, SEMS CAN LA DMIGS PA YIN TE, SEMS MNYAM PAR LTA BA SOGS BCU'I SGO NAS SEMS CAN THAMS CAD LA DMIGS PA'I PHYIR, GNYIS PA LA KHA CIG ,GTZO BOR THABS KYI CHOS KHYAD PAR DU BYAS PA'I THEG CHEN GYI DON MNGON RTOGS DE, THEG CHEN GYI NGES 'BYED CHA MTHUN GYI MTSAN NYID ZER BA DANG, KHA CIG ,DE SKABS 'DIR DNGOS SU BSTAN PA'I THEG CHEN GYI NGES 'BYED CHA MTHUN GYI MTSAN NYID ZER NA, THEG CHEN GYI SBYOR LAM MNYAM BZHAG YE SHES CHOS CAN, MTSAN NYID SNGA MA DER THAL, MTSON BYA DE'I PHYIR, GNYIS PA LA NYAN THOS DGRA BCOM PA'I RTOGS PA @50B SNGON DU SONG BA'I BYANG SEMS SBYOR LAM PA'I RGYUD KYI KUN RDZOB SEMS BSKYED CHOS CAN, MTSON BYA DER THAL, MTSAN NYID DE'I PHYIR, 'DOD MI NUS TE, CHOS CAN DE'I PHYIR, ` ,RANG LUGS LA, GTZO BOR THABS KYI CHOS KHYAD PAR DU BYAS PA'I SKABS 'DIR DNGOS SU BSTAN PA'I THEG CHEN GYI DON MNGON RTOGS, SKABS 'DIR DNGOS SU BSTAN PA'I THEG CHEN GYI NGES BYED CHA MTHUN GYI MTSAN NYID, ` ,RNAM PA DANG LAM DANG GZHI THAMS CAD RNAM PAR BSGOM PA'I DBYE BAS, ZHES SOGS KYIS SKABS SU GNYIS LAS, DANG PO NI, SKABS DANG POR SBYOR MTHONG SGOM GSUM BSTAN PA CHOS CAN, RNAM BCAD YONGS GCOD KYI DGOS PA YOD DE, RNAM BCAD LA RNAM MKHYEN GYI RNAM PA TSOGS SBYOR GYI GNAS SKABS 'BA' ZHIG TU BSGOM GYI DE LAS GZHAN DU MI BSGOM SNYAM PA'I LOG RTOG BKAG NAS, YONGS GCOD LA RNAM MKHYEN GYI RNAM PA SBYOR MTHONG SGOM GSUM KA'I GNAS SKABS SU SGOM DGOS SO ZHES SHES PAR BYA BA'I CHED YIN PA'I PHYIR, SKABS GNYIS PAR SBYOR MTHONG SGOM GSUM BSTAN PA CHOS CAN, RNAM BCAD YONGS GCOD KYI DGOS PA YOD DE, RNAM BCAD LA LAM SHES KYI RNAM PAS DANG PO NAS DRUG PA'I BAR 'BA' ZHIG TU SGOM GYI DE LAS GZHAN DU MI SGOM SNYAM PA'I LOG RTOG BKAG NAS, YONGS GCOD LA DE SBYOR MTHONG SGOM GSUM KA'I GNAS SKABS SU SGOM DGOS SO ZHES SHES PAR BYA BA'I CHED YIN PA'I PHYIR, SKABS GSUM PAR DE GSUM BSTAN PA CHOS CAN, RNAM BCAD YONGS GCOD KYI DGOS PA YOD DE, RNAM BCAD LA GZHI SHES KYI RNAM PA SA BDUN PA BPA' ZHIG TU SGOM GYI DE LAS @51A *, ,GZHAN DU MI SGOM SNYAM PA'I LOG RTOG BKAG NAS, YONGS GCOD LA GZHI SHES KYI RNAM PA DE GSUM KA'I GNAS SKABS SU SGOM DGOS SO, ,ZHES SHES PAR BYA BA'I CHED YIN PA'I PHYIR, SKABS BZHI PAR DE GSUM BSTAN PA CHOS CAN, RNAM BCAD YONGS GCOD KYI DGOS PA YOD DE, RNAM BCAD LA RNAM RDZOGS SBYOR BA SA BRGYAD PA 'BA' ZHIG TU SGOM GYI DE LAS GZHAN DU MI SGOM SNYAM PA'I LOG RTOG BKAG NAS YONGS GCOD LA RNAM RDZOGS SBYOR BA DE GSUM CHAR SGOM DGOS SO ZHES SHES PAR BYA BA'I CHED YIN PA'I PHYIR, SKABS LNGA PAR DE GSUM BSTAN PA CHOS CAN, RNAM BCAD YONGS GCOD KYI DGOS PA YOD DE, RNAM BCAD LA RTZE SBYOR SA DGU PA DANG BCU PA'I DKYIL STONG 'BA' ZHIG TU SGOM GYI DE LAS GZHAN DU MI SGOM SNYAM PA'I LOG RTOG BKAG NAS, YONGS GCOD LA RTZE SPYOD DE GSUM KA'I GNAS SKABS SU SGOM DGOS SO ZHES SHES PAR BYA BA'I CHED YIN PA'I PHYIR, SKABS DRUG PAR SBYOR MTHONG SGOM GSUM BSTAN PA CHOS CAN, RNAM BCAD YONGS GCOD KYI DGOS PA YOD DE, RNAM BCAD LA MTHAR GYI SBYOR BAS BCU PA'I DKYIL SMAD 'BA' ZHIG TU SGOM GYI DE LAS GZHAN DU MI SGOM SNYAM PA'I LOG RTOG BKAG NAS, YONGS GCOD LA MTHAR GYI SBYOR BA SBYOR MTHONG SGOM GSUM KA'I GNAS SKABS SU SGOM DGOS SO ZHES SHES PAR BYA BA'I CHED YIN PA'I PHYIR, KHO NA RE, SKABS GSUM PAR SGOM LAM BSTAN PAR THAL, SBYOR BA DE RNAMS 'THAD PA'I PHYIR, 'DOD MI NUS TE, SGOM PA'I LAM NI MA BSTAN TO, ,ZHES GSUNGS PA'I PHYIR, ZER NA, MA KHYAB STE, SKABS GSUM PAR GZHI SHES KYI BSDUS PA'I MTHONG LAM @51B BSHAD ZIN PA'I RJES DE MA THAG TU SGOM LAM MI STON ZHES PA'I DON YIN PA'I PHYIR, DES NA SKABS GSUM PAR THEG CHEN GYI SGOM LAM SHUGS LA BSTAN TE, t'IKKAR, GZHI SHES KYI SKABS SU DON GYIS 'PHANGS PA'I SGOM LAM MO; ;ZHES GSUNGS PA'I PHYIR, GNYIS PA NI, GZHUNG 'DI'I DON LA KHA CIG ,SKABS DANG PO GSUM DU SBYOR MTHONG SGOM GSUM BSTAN PA DANG, SBYOR BA DANG PO GSUM GYI SKABS SU DE GSUM BSTAN PA LA ZLOS SKYON MED DE, SKABS DANG PO GSUM GYI SKABS NAS BSTAN PA'I SBYOR MTHONG SGOM GSUM PO DE SBYOR MTHONG SGOM GSUM MTSAN NYID PA YIN, SBYOR BA DANG PO GSUM GYI SKABS NAS BSTAN PA'I SBYOR MTHONG SGOM GSUM DE SBYOR MTHONG SGOM GSUM BTAGS PA BA YIN PA'I PHYIR TE, RNAM RDZOGS SBYOR BA'I SKABS NAS BSTAN PA'I SBYOR MTHONG SGOM GSUM RIM PA BZHIN DU SA BRGYAD PA'I YE SHES CHUNG 'BRING CHEN PO GSUM YIN, RTZE SBYOR GYI SKABS NAS BSTAN PA'I DE GSUM RIM PA BZHIN DU SA DGU PA'I YE SHES CHUNG 'BRING CHEN PO GSUM YIN, MTHAR GYI SBYOR BA'I SKABS NAS BSTAN PA'I DE GSUM RIM PA BZHIN DU SA BCU PA'I YE SHES CHUNG 'BRING CHEN PO GSUM YIN PA'I PHYIR ZER NA, SBYOR LAM GYI SKABS KYI 'GREL CHEN LAS, DE LTAR 'OG NAS 'CHAD PA'I RTZE MO'I MNGON RTOGS GYIS BSDUS PA'I MTHONG BA DANG BSGOM PA'I LAM GYIS SPANG BAR BYA BA'I RNAM PAR RTOG PA BZHI PO RNAMS KYI GRANGS JI LTA BA BZHIN DU NGES PAR 'BYED PA'I CHA DANG MTHUN PA 'DI DAG KUN NAS, NYON MONGS PA LA BRTEN PAR BRJOD PAR BYA'O, ,ZHES BSHAD PA MI 'THAD PAR THAL, SKABS LNGA PA'I BSTAN BYA'I GTZO BOR GYUR PA'I RTZE SBYOR @52A *, ,YANG YIN MTHONG SPANG RTOG PA'I DNGOS GNYEN BAR CHAD MED LAM YANG YIN PA'I GZHI MTHUN MED PA'I PHYIR, MA GRUB NA DER THAL, SKABS LNGA PA'I BSTAN BYA'I GTZO BOR GYUR PA'I RTZE SBYOR YANG YIN MTHONG LAM RTZE SBYOR YANG YIN PA'I GZHI MTHUN MED PA'I PHYIR, DER THAL, DE'I BSTAN BYA'I GTZO BOR GYUR PA'I SBYOR MTHONG SGOM GSUM RIM PA BZHIN DU SA DGU PA'I YE SHES CHUNG 'BRING CHEN PO GSUM LA BYED RIGS PA'I PHYIR, GZUGS LA SOGS LAS LDOG SOGS RTAGS, ZHES SOGS KYI GZHUNG SBYOR LAM PA PHYIR MI LDOG PA'I RTAGS 'CHAD BYED MA YIN PAR, SGOM LAM PA PHYIR MI LDOG PA'I RTAGS 'CHAD BYED KYI GZHUNG YIN PAR THAL, RNAM RDZOGS SBYOR BA'I SKABS NAS BSTAN PA'I SBYOR LAM THEG CHEN GYI SGOM LAM YIN PA'I PHYIR, MA GRUB NA, DER THAL, DES BRGYAD PA'I YE SHES CHUNG NGU YIN PA'I PHYIR, MTHONG BA'I LAM LA BZOD PA DANG, ZHES SOGS MTHONG LAM PA PHYIR MI LDOG PA'I RTAGS 'CHAD BYED MA YIN PAR SGOM LAM PA PHYIR MI LDOG PA'I RTAGS 'CHAD BYED YIN PAR THAL, RNAM RDZOGS SBYOR BA'I SKABS NAS BSTAN PA'I MTHONG LAM THEG CHEN GYI SGOM LAM YIN PA'I PHYIR, MA GRUB NA DER THAL, DE SA BRGYAD PA'I YE SHES 'BRING YIN PA'I PHYIR, DE NI RGYUN CHAGS YIN PA'I PHYIR, ZHES SOGS KYI SKABS NAS, BSTAN PA'I SA BRGYAD PA'I YE SHES CHEN PO LA THEG CHEN GYI SGOM LAM CHUNG NGU SOGS DGUR GRANGS NGES PAR THAL, RNAM RDZOGS SBYOR BA'I SKABS NAS BSTAN PA'I SGOM LAM SA BRGYAD PA'I YE SHES CHEN PO YIN PA'I PHYIR, 'DOD MI NUS TE, SA BRGYAD PA'I YE SHES YIN NA, THEG CHEN GYI @52B SGOM LAM CHEN PO'I CHUNG NGU YIN DGOS PA'I PHYIR, RMI LAM NA YANG CHOS RNAMS KUN, ZHES SOGS, DROD KYI RTZE SBYOR 'CHAD BYED MA YIN PAR SGOM LAM RTZE SBYOR 'CHAD BYED YIN PAR THAL, RTZE SBYOR GYI SKABS NAS BSTAN PA'I SBYOR LAM THEG CHEN GYI SGOM LAM YIN PA'I PHYIR, MA GRUB NA, DER THAL, DE SA DGU PA'I YE SHES CHUNG NGU YIN PA'I PHYIR, RTAGS KHAS, 'JUG PA DANG NI LDOG PA LA, ZHES SOGS, MTHONG LAM PA PHYIR MI LDOG PA'I RTAGS 'CHAD BYED MA YIN PAR SGOM LAM PA PHYIR MI LDOG PA'I RTAGS 'CHAD BYED YIN PAR THAL, RTZE SBYOR GYI SKABS NAS BSTAN PA'I MTHONG LAM THEG CHEN GYI SGOM LAM YIN PA'I PHYIR, DE SA DGU PA'I YE SHES 'BRING YIN PA'I PHYIR, STONG GSUM SKYE BO NYAN THOS DANG, ZHES SOGS BAR CHAD MED PA'I RTZE SBYOR 'CHAD BYED MA YIN PAR SA DGU PA'I YE SHES CHEN PO 'CHAD BYED YIN PAR THAL, RTZE SBYOR GYI SKABS NAS BSTAN PA'I SGOM LAM SA DGU PA'I YE SHES CHEN PO YIN PA'I PHYIR, DRO BA RNAMS KYIS DMIGS PA 'DIR, ,ZHES SOGS KYI SKABS NAS BSTAN PA'I SBYOR LAM DE SBYOR LAM MTSAN NYID PA YIN PAR THAL, MTSAN MED RAB TU SBYIN LA SOGS, ,ZHES SOGS KYI SKABS NAS BSTAN PA'I TSOGS LAM DE TSOGS LAM MTSAN NYID PA YIN PA'I PHYIR, RTAGS KHAS, 'DOD NA SLA, GZHAN YANG, 'GREL CHEN LAS, SLOB PA PHYIR MI LDOG PA'I DGE 'DUN BSHAD ZIN TO, ,DA NI MI SLOB PA'I DGE 'DUN GYI MTSAN NYID BSTAN PAR BYA STE, ZHES GSUNGS PA'I SLOB PA DE YANG BYANG SEMS SA BRGYAD PA BA LA BYED RIGS, DE'I SKABS KYI MI SLOB PA DE YANG BYANG SEMS SA BRGYAD PA BA LA BYED RIGS PAR THAL, RNAM RDZOGS SBYOR BA'I @53A *, ,SKABS NAS BSTAN PA'I SBYOR MTHONG BSGOM GSUM SA BRGYAD PA'I YE SHES CHUNG 'BRING CHEN PO GSUM LA BYED RIGS PA'I PHYIR, KHO NA RE, SO SKYE'I GNAS SKABS NA BDEN MED MNGON SUM DU RTOGS PA YOD PAR THAL, RANG GZHAN RTEN CAN BDEN SHES PA, ,ZHES SOGS KYI SKABS NAS BSTAN PA'I SBYOR LAM DE SBYOR LAM YIN PA'I PHYIR, SO SKYE'I RGYUD LA SGRIB PA'I SA BON SPONG BA'I DNGOS GNYEN YOD PAR THAL, BAG LA NYAL KUN 'JOMS PA DANG, , ZHES SOGS KYI SKABS NAS BSTAN PA'I SBYOR LAM DE SBYOR LAM YIN PA'I PHYIR, SO SKYE'I GNAS SKABS NAS MKHYEN GSUM GYI CHOS YONGS SU RDZOGS PA YOD PAR THAL, KUN MKHYEN NYID GSUM CHOS RNAMS KYI, ,ZHES SOGS KYIS SKABS NAS BSTAN PA'I SBYOR LAM DE SBYOR LAM YIN PA'I PHYIR, SNGA RABS PA KHA CIG ,SBYIN PA LA SOGS RE RE NI, ZHES SOGS KYI SKABS NAS BSTAN PA'I MTHONG LAM RTZE SBYOR DE MTHONG LAM MA YIN PAR THAL, DE SA BCU PA'I YE SHES YIN PA'I PHYIR, DER THAL, GZHUNG DE'I THAD KYIS 'GREL CHEN LAS, RNAM PA DE LTA BU'I RNAM PAR RTOG PA RNAMS NI SNGON NYID SPANGS PAR GYUR PAS JI LTAR RAB KYI MTHAR THUG PA RTOGS PA'I GNAS SKABS KYIS 'DI LA SPONG BAR BSTAN CE NA, DE NI NYES PA MED DE GANG GI PHYIR DGONGS PA NGES PAR 'GREL BA'I MDO LAS, ZHES GSUNGS PA'I PHYIR, ZER NA, THAL 'GYUR DANG PO GSUM MI 'THAD DE, SO SKYE'I GNAS SKABS NA SGO GSUM DAG PA DANG, ZHING DAG PA DANG, DPA' BAR 'GRO BA'I TING NGE 'DZIN SGOM PA DANG, SANGS RGYAS KYIS MNGON SUM DU LUNG BSTAN PA DANG, BDEN 'DZIN GYI RLOM PA ZAD PA DANG, RNAM PAR MI RTOG PA'I TING NGE 'DZIN YOD PAR THAL, DAG DANG DE DAG @53B MTSAN MA MED, CES DANG, TING 'DZIN DE YI BYED PA NYID, ,LUNG STON PA DANG RLOM PA ZAD, ,GSUM PO PHAN TSUN NGO BO GCIG ,TING 'DZIN RNAM PAR MI RTOG PA, ,ZHES SOGS KYI SKABS NAS BSTAN PA'I SBYOR LAM DE SBYOR LAM YIN PA'I PHYIR, KHYAB PA KHAS, SO SKYE'I GNAS SKABS NA MNYAM GZHAG RNAM PAR MI RTOG PA'I TING NGE 'DZIN YOD PAR THAL, RNAM PAR MI RTOG TING 'DZIN DANG, ,ZHES SOGS KYI SKABS NAS BSTAN PA'I TSOGS LAM DE TSOGS LAM YIN PA'I PHYIR, KHYAB PA KHAS, THAL 'GYUR PHYI MA YANG MI 'THAD DE, LUNG DES MTHONG LAM RTZE SBYOR GYI SPANG BYA RTOG PA MNGON 'GYUR BA SBYOR LAM GYI GNAS SKABS SU SPANGS ZIN PAS RAB KYI MTHAR PHYIN PA MTHONG LAM RTZE SBYOR GYIS MTHONG SPANG RTOG PA SPONG BA MI 'THAD, CES PA'I RTZOD LAN STON PA'I GZHUNG YIN PA'I PHYIR, KHO NA RE, RAB KYI MTHAR PHYIN PA SA BCU PA LA BYED PAS RTZOD LAN DE MI 'THAD DO ZHE NA, RNAM PA THAMS CAD MNGON PAR RDZOGS PAR RTOGS PA THOB PA LA RAB KYI MTHAR PHYIN PA BYUNG BAS ZHES PA'I RAB KYI MTHAR PHYIN PA SA BCU PA LA BYED RIGS PAR THAL, SKABS 'DI'I RAB KYI MTHAR PHYIN PA SA BCU PA LA BYED RIGS PA'I PHYIR, LAN MED DO, ,DE LTAR YANG, tIKKAR, RAB KYI MTHAR PHYIN PA NI RTZE MO'I SBYOR BA TZAM LA ZER GYI SA BCU PA'I YE SHES 'BA' ZHIG LA 'CHAD PA'I DON MA YIN NO, ,ZHES GSUNGS, RGYAS PAR tIKAR GSAL LO, ,KHO NA RE, SBYOR BA DANG PO GSUM GYI SKABS NAS BSTAN PA'I SBYOR LAM DE SBYOR LAM MA YIN PAR THAL, DE ZAG MED YE SHES YIN PA'I PHYIR, DER THAL, YE SHES ZAG PA MED PA CHUNG NGU DANG 'BRING DANG CHEN PO RNAMS ZHES BSHAD @54A *, ,PA'I PHYIR, ZER NA, MA KHYAB STE, DE 'DZIN STANGS LA NYON MONGS KYI ZAG PA MED PA'I DON YIN PA'I PHYIR, KHO NA RE, SBYOR BA DANG PO GSUM GYI SKABS NAS BSTAN PA'I SBYOR MTHONG SGOM GSUM GANG RUNG YIN NA DAG PA'I YE SHES YIN DGOS PAR THAL, DE GSUM GANG RUNG YIN NA KHYAD PAR GYI LAM YIN DGOS PA'I PHYIR TE, RNAM PA THAMS CAD DU KHYAD PAR GYIS BSDUS PA'I ZAG PA MED PA'I YE SHES, ZHES BSHAD PA'I PHYIR; ZER NA MA KHYAB STE, DE NYAN THOS KYI LAM LAS KHYAD PAR DU 'PHAGS PA LA KHYAD PAR GYI LAM ZHES BTAGS NAS BSHAD PA'I PHYIR, DES NA GZHUNG 'DI BZLOS SKYON SPONG BA KHO NA LA SBYOR BA MI 'THAD DE, DE LTAR YIN NA SKABS DANG PO DRUG TU SGOM LAM LAN DRUG BSTAN PA LA BZLOS SKYON YOD PAR THAL, SKABS DANG PO GSUM DU BSTAN PA'I SGOM LAM YANG SGOM LAM MTSAN NYID PA YIN, SBYOR BA DANG PO GSUM GYI SKABS NAS BSTAN PA'I SGOM LAM YANG SGOM LAM MTSAN NYID PA YIN PA'I PHYIR, KHYAB PA KHAS, RTAGS PHYI MA YANG DNGOS 'GAL YIN NO, ,KHA CIG ,SKABS DANG PO GSUM NAS BSTAN PA'I SBYOR MTHONG SGOM GSUM YANG SBYOR MTHONG SGOM GSUM MTSAN NYID PA YIN, SBYOR BA DANG PO GSUM GYI SKABS NAS BSTAN PA'I DE GSUM YANG DE GSUM MTSAN NYID PA YIN ZER BA MI 'THAD DE, SKABS DANG PO GSUM NAS BSTAN PA'I DE GSUM CHOS CAN; SBYOR LAM YIN PAR THAL, SBYOR MTHONG SGOM GSUM YIN PA'I PHYIR, RTAGS KHAS, 'DOD NA, SBYOR LAM MA YIN PAR THAL, MTHONG LAM YIN PA'I PHYIR, DER THAL, DE GSUM KA YIN PA'I PHYIR, RTAGS KHAS, @54B GZHAN YANG, SBYOR MTHONG SGOM GSUM YIN PA YOD PAR THAL, DAM BCA' 'THAD PA'I PHYIR, 'DOD MI NUS TE, DE GSUM 'GAL BA'I PHYIR, NGES 'BYED YAN LAG NAS BZUNG STE, ZHES SOGS KYI SKABS SU GNYIS LAS, DANG PO NI, PHYIR MI LDOG PA'I RTAGS THOB PA'I BYANG SEMS DE LA GSUM YOD DE, PHYIR MI LDOG PA'I RTAGS THOB PA'I BYANG SEMS SBYOR LAM PA DBANG RNON, BYANG SEMS MTHONG LAM PA DBANG 'BRING, DAG SA LA GNAS PA'I SEMS DPA' DBANG RTUL RNAMS SU YOD PA'I PHYIR, GNYIS PA LA KHA CIG ,BYANG SEMS SBYOR LAM PA DBANG RNON CHOS CAN, BLA MED RDZOGS BYANG LAS PHYIR MI LDOG PA YIN TE, GZUGS SOGS LA BDEN ZHEN MNGON GYUR BA LDOG PA SOGS RTAGS ZHE BZHI PO GANG RUNG THOB PA'I SEMS DPA' YIN PA'I PHYIR, BYANG SEMS MTHONG LAM PA DBANG 'BRING CHOS CAN, BLA MED RDZOGS BYANG LAS PHYIR MI LDOG PA YIN TE, GZUGS SOGS LA BDEN ZHEN MNGON GYUR BA LDOG PA SOGS RTAGS ZHE BZHI PO GANG RUNG THOB PA'I SEMS DPA' YIN PA'I PHYIR, SA BRGYAD PA LA GNAS PA'I SEMS DPA' DBANG RTUL CHOS CAN, BLA MED RDZOGS BYANG LAS PHYIR MI LDOG PA YIN TE, RTAGS SNGAR BZHIN ZHES GSUNGS, BYANG SEMS SBYOR LAM PA DBANG RNON CHOS CAN, KHYOD KYIS BYANG SEMS SBYOR LAM PA'I RGYUD KYI RJES THOB LUS NGAG GI SPYOD PA KHYAD PAR CAN THOB PAR THAL, KHYOD GZUGS SOGS LA BDEN ZHEN MNGON GYUR PA LDOG PA SOGS RTAGS ZHE BZHI PO GANG RUNG THOB PA'I SEMS DPA' YIN PA'I PHYIR, 'DOD NA, BYANG CHUB SEMS DPA' DES THEG CHEN GYI MTHONG LAM THOB PAR THAL, 'DOD PA'I PHYIR, 'DOD NA, DE BYANG 'PHAGS @55A *, ,YIN PAR THAL, 'DOD PA'I PHYIR, GNYIS PA LA KHA CIG ,GZUGS SOGS LA BDEN ZHEN MNGON GYUR PA LDOG PA SOGS RTAGS ZHE BZHI PO GANG RUNG THOB PA'I SEMS DPA' DE BLA MED RDZOGS BYANG LAS PHYIR MI LDOG PA'I DGE 'DUN GYI MTSAN NYID ZER NA, SANGS RGYAS 'PHAGS PA CHOS CAN, MTSAN NYID DER THAL, MTSON BYA DE'I PHYIR, MA GRUB NA DER THAL, THEG CHEN MI SLOB PA'I DGE 'DUN DKON MCHOG YIN PA'I PHYIR, 'DOD MI NUS TE, CHOS CAN DE'I PHYIR, DANG PO NYID NAS THEG PA CHEN POR RIGS NGES PA'I BYANG SEMS TSOGS LAM PA CHOS CAN, MTSAN NYID DER THAL, MTSON BYA DE'I PHYIR, RTAGS GRUB TE, CHOS CAN DE'I PHYIR, 'DOD MI NUS TE, PHYIR MI LDOG PA'I RTAGS MA THOB PA'I PHYIR TE, BYANG SEMS TSOGS LAM PA YIN PA'I PHYIR, KHA CIG ,MTSAN NYID DE SLOB PA PHYIR MI LDOG PA'I DGE 'DUN GYI MTSAN NYID ZER NA, DANG PO NYID NAS THEG PA CHEN POR RIGS NGES PA'I BYANG SEMS TSOGS LAM PA CHOS CAN, MTSAN NYID DER THAL, MTSON BYA DE'I PHYIR, DER THAL, CHOS CAN DE'I PHYIR, 'DOD NA, BKAG ZIN, NYAN THOS DGRA BCOM PA'I RTOGS PA SNGON DU SONG BA'I RJES THOB YE SHES LA GNAS PA'I BYANG SEMS SA BRGYAD PA BA CHOS CAN, MTSON BYA DER THAL, MTSAN NYID DE'I PHYIR, MA GRUB NA DER THAL, DAG SA'I RJES THOB LA GNAS PA'I SEMS DPA' YIN PA'I PHYIR, 'DOD MI NUS TE, MI SLOB PA YIN PA'I PHYIR TE, DGRA BCOM PA YIN PA'I PHYIR, NYON SGRIB SPANGS PA'I GANG ZAG YIN PA'I PHYIR, KHA CIG ,GZUGS SOGS LA BDEN ZHEN MNGON GYUR PA LDOG PA SOGS RTAGS ZHE BZHI PO GANG RUNG RGYUD LA THOB PA'I @55B RJES THOB LUS NGAG GI SPYOD PA KHYAD PAR CAN DANG LDAN PA'I SEMS DPA' DE RDZOGS BYANG LAS PHYIR MI LDOG PA'I BYANG SEMS KYI DGE 'DUN GYI MTSAN NYID ZER NA, PHYIR MI LDOG PA'I RTAGS THOB PA'I BYANG SEMS SBYOR LAM PA'I RTOGS PA SNGON DU SONG BA'I MTHONG LAM SDUG BSNGAL CHOS BZOD LA GNAS PA'I SEMS DPA' CHOS CAN, MTSAN NYID DER THAL, MTSON BYA DE'I PHYIR, 'DOD NA, RJES THOB YE SHES LA GNAS PA'I SEMS DPA' YIN PAR THAL, 'DOD PA'I PHYIR, 'DOD MI NUS TE, MNYAM GZHAG YE SHES LA GNAS PA'I SEMS DPA' YIN PA'I PHYIR, KHA CIG ,BYANG SEMS SBYOR LAM PA DBANG RNON YIN NA, SBYOR LAM PA PHYIR MI LDOG PA'I RTAGS THOB PAS KHYAB, BYANG SEMS MTHONG LAM PA DBANG 'BRING YIN NA, MTHONG LAM PA PHYIR MI LDOG PA'I RTAGS THOB PAS KHYAB, ZER NA, DANG PO LA, DROD SKAD CIG DANG PO LA GNAS PA'I SEMS DPA' DBANG RNON CHOS CAN, DER THAL, DE'I PHYIR, 'DOD NA, DE CHOS CAN, KHYOD KYIS BYANG SEMS SBYOR LAM PA'I RGYUD KYI RJES THOB LUS NGAG GI SPYOD PA KHYAD PAR CAN THOB PAR THAL, 'DOD PA'I PHYIR, 'DOD MI NUS TE, CHOS CAN DE'I PHYIR, DE BZHIN DU GNYIS PA LA THEG CHEN GYI MTHONG LAM SDUG BSNGAL CHOS BZOD LA GNAS PA'I SEMS DPA' DBANG 'BRING CHOS CAN, DER THAL, DE'I PHYIR, 'DOD NA, DE CHOS CAN, KHYOD KYIS BYANG SEMS MTHONG LAM PA'I RGYUD KYI RJES THOB LUS NGAG GI SPYOD PA KHYAD PAR CAN THOB PAR THAL, 'DOD PA'I PHYIR, 'DOD MI NUS TE, KHYOD SDUG BSNGAL CHOS BZOD LA GNAS PA'I SEMS DPA' YIN PA'I PHYIR, KHA CIG ,PHYIR MI LDOG PA'I RTAGS THOB PA'I BYANG SEMS MTHONG LAM PA YIN NA, @56A *, ,MTHONG LAM PA PHYIR MI LDOG PA'I RTAGS THOB PAS KHYAB ZER NA, PHYIR MI LDOG PA'I RTAGS THOB PA'I BYANG SEMS SBYOR LAM PA'I RTOGS PA SNGON DU SONG BA'I SDUG BSNGAL CHOS BZOD LA GNAS PA'I SEMS DPA' CHOS CAN, DER THAL, DE'I PHYIR, 'DOD NA, DE CHOS CAN, KHYOD GYIS THEG CHEN MTHONG LAM PA'I RGYUD KYI RJES THOB LUS NGAG GI SPYOD PA KHYAD PAR CAN THOB PAR THAL; 'DOD PA'I PHYIR, 'DOD MI NUS TE, CHOS CAN DE'I PHYIR, KHA CIG, BLA MED RDZOGS BYANG LAS PHYIR MI LDOG PA'I RTAGS THOB PA'I BYANG SEMS TSOGS LAM PA YOD ZER NA, DE MED PAR THAL, DE THOB PA LA THEG CHEN GYI SBYOR LAM THOB DGOS PA'I PHYIR TE, NGES 'BYED YAN LAG NAS BZUNG STE, ZHES BSHAD PA'I PHYIR, KHO NA RE, GZHI SHES KYI MA MTHA'I SA MTSAMS SDUG BSNGAL RTAG PAR MED PAR MNGON SUM DU RTOGS PA NAS 'JOG RIGS PAR THAL, MED PA'I RNAM PA NAS BZUNG STE, ZHES BSHAD PA'I PHYIR, 'DOD NA, NYAN THOS KYIS MTHONG LAM SDUG BSNGAL CHOS BZOD DES SDUG BSNGAL RTAG PAR MED PAR MNGON SUM DU RTOGS PAR THAL, 'DOD PA'I PHYIR NA MA KHYAB, KHO NA RE, BLA MED RDZOGS BYANG LAS PHYIR MI LDOG PA'I RTAGS THOB PA'I BYANG SEMS TSOGS LAM PA YOD PAR THAL, DANG PO NYID NAS THEG PA CHEN POR RIGS NGES PA'I BYANG SEMS TSOGS LAM PA DES RDZOGS BYANG LAS PHYIR MI LDOG PA'I RTAGS THOB PA'I PHYIR, DER THAL, DE RDZOGS BYANG LAS PHYIR MI LDOG PAR SGRUB PA'I RTAGS YOD PA'I PHYIR NA MA KHYAB, MA GRUB NA DER THAL, DE RDZOGS BYANG LAS PHYIR MI LDOG PA'I @56B PHYIR ZER NA, MI 'THAD DE, TSIG GSAL LAS, RANG RGYUD NGES PA'I RGYU MTSAN GTZO BOR MDZAD PA KHA CIG NA RE, THAR PA'I CHA DANG MTHUN PA'I DGE BA'I RTZA BA 'DI YANG PHYIR MI LDOG PAR BRJOD MOD KYI RANG GIS RTOGS PA DANG 'TSAMS PAR GZHAN YID CHES PAR BYED PA'I YON TAN RNAMS 'DI LA MED PAS NA, DE'I PHYIR RANG LA DNGOS PO NGES KYANG NGES PAR BYED PA'I RTAGS BZUNG SLA BA YANG MED PA'I PHYIR, THA SNYAD GDAGS PA'I GZHIR MA GYUR PAS NA 'DI PHYIR MI LDOG PA'I ZHES GANG DU'ANG MA GSUNGS TE, ZHES THEG CHEN TSOGS LAM NAS PHYIR MI LDOG PA YOD KYANG PHYIR MI LDOG PA'I RTAGS THOB PA MED PAR BSHAD PA LEGS PAR BSHAD PA YIN PAR RJE THAMS CAD MKHYEN PAS BSHAD PA'I PHYIR DANG, DE DANG MTHUN PAR RNAM BSHAD SNYING PO RGYAN LAS, GANG ZAG GI KHYAD PAR 'GA' ZHIG RIGS MA NGES PA YIN YANG THEG PA CHEN PO'I TSOGS LAM NAS BZUNG STE LAM GZHAN DU CUNG ZAD KYANG MI 'GRO ZHING THEG PA CHEN PO'I SEMS BSKYED LAS NYAMS PA MI SRID PAS BLA NA MED PA'I BYANG CHUB NGES PAR THOB PAR 'GYUR BA YIN YANG PHYIR MI LDOG PA'I RTAGS DANG LDAN PAR MI GZHAG LA, DE BZHIN DU SBYOR BA'I SNGON DU SNYING RJE DANG, BZOD PA DANG NI MOS PA DANG, ,DGE LA YANG DAG SBYOD PA NI, ,RIGS KYI RTAGS SU SHES PAR BYA, ,ZHES GSUNGS PA LTAR SBYOR BA SGOM PA'I SNGA ROL NAS SEMS CAN LA DMIGS PA'I SNYING RJE CHE BA DANG, BZOD PA RGYA CHE BA DANG LDAN PA DANG, THEG PA CHEN PO'I CHOS RGYA CHEN PO LA MOS PA DANG, SBYIN PA LA SOGS PA'I DGE BA RGYA CHEN PO SPYOD PA DANG LDAN PA NI THEG PA CHEN PO'I RIGS DANG LDAN PA YIN YANG PHYIR MI LDOG PA'I RTAGS THOB PAR MI GZHAG GO, DES @57A *, ,NA 'CHAD PAR 'GYUR BA'I RTAGS DE DAG DANG LDAN PAS NA PHYIR MI LDOG PAR BZHAG LA, DE LA DBANG PO RNON POS NI, SBYOR LAM DROD NAS DANG, 'BRING POS MTHONG LAM DANG, DBANG PO JI LTAR RTUL YANG SA BRGYAD PA NAS THOB PAR RNAM PAR BZHAG GO, ZHES BSHAD PA MI 'THAD PAR THAL, PHYIR MI LDOG PA'I RTAGS THOB PA'I BYANG SEMS TSOGS LAM PA YOD PA'I PHYIR, GZHAN YANG, PHYIR MI LDOG PA'I RTAGS THOB PA'I LAM MA ZHUGS KYI GANG ZAG YOD PAR THAL, THEG PA CHEN POR RIGS NGES PA'I SNYING RJE CHEN PO RGYUD LA LDAN PA'I LAM MA ZHUGS KYI GANG ZAG DES PHYIR MI LDOG PA'I RTAGS THOB PA'I PHYIR, MA GRUB NA DER THAL, DE BAL MED RDZOGS BYANG LAS PHYIR MI LDOG PAR SGRUB PA'I RTAGS YOD PA'I PHYIR, KHYAB PA KHAS, DER THAL, DE RDZOGS BYANG LAS PHYIR MI LDOG PA'I PHYIR, MA GRUB NA, DE CHOS CAN, KHYOD RDZOGS BYANG LAS PHYIR MI LDOG PAR THAL, KHYOD THEG PA GZHAN GYIS BAR MA CHOD PAR RDZOGS BYANG MNGON DU BYED NGES KYI GANG ZAG GANG ZHIG, KHYOD THEG PA CHEN POR RIGS SAD PA'I GANG ZAG YIN PA'I PHYIR, RTZA BAR 'DOD NA, RNAM BSHAD SNYING PO RGYAN GYI LUNG DRANGS MA THAG PA DANG 'GAL LO; ;GZHAN YANG, RDZOGS BYANG LAS PHYIR MI LDOG PA'I BYANG SEMS TSOGS LAM PA YIN NA, TSOGS LAM PA PHYIR MI LDOG PA'I RTAGS THOB PAS KHYAB PAR THAL, DE YIN NA PHYIR MI LDOG PA'I RTAGS THOB PAS KHYAB PA GANG ZHIG, TSOGS LAM PA PHYIR MI LDOG PA'I RTAGS YOD PA'I PHYIR, PHYI MA MA GRUB NA DER THAL, DE THOB PA'I BYANG SEMS TSOGS LAM PA YOD PA'I PHYIR, RTZA BAR 'DOD NA, RDZOGS BYANG LAS PHYIR MI LDOG PA'I BYANG SEMS SBYOR LAM PA YIN NA, SBYOR @57B LAM PA PHYIR MI LDOG PA'I RTAGS THOB PAS KHYAB PAR THAL LO, ,'DOD NA, DROD KYI YE SHES SKAD CIG DANG PO LA GNAS PA'I SEMS DPA' CHOS CAN, DER THAL, DE'I PHYIR, MA GRUB NA DER THAL, BYANG SEMS SBYOR LAM PA YIN PA'I PHYIR, 'DOD NA, DE CHOS CAN, KHYOD KYIS SBYOR LAM RJES THOB YE SHES THOB PAR THAL, 'DOD PA'I PHYIR, 'DOD MI NUS TE, CHOS CAN DE'I PHYIR, YANG KHA CIG, THEG DMAN GYI PHYIR MI LDOG PA'I DGE 'DUN YOD ZER NA, MI 'THAD DE, GNAS SKABS NYAN THOS SU RIGS NGES PA'I NYAN THOS SBYOR LAM PA DE THEG DMAN GYI PHYIR MI LDOG PA'I DGE 'DUN YIN PAR THAL, THEG DMAN GYI DE YOD PA'I PHYIR, 'DOD NA, THEG DMAN GYI PHYIR MI LDOG PA'I RTAGS THOB PA'I DGE 'DUN YOD PAR THAL, THEG DMAN GYI PHYIR MI LDOG PA'I DGE 'DUN YOD PA'I PHYIR, 'DOD NA, GNAS SKABS NYAN THOS SU RIGS NGES PA'I NYAN THOS SBYOR LAM PA DES, THEG DMAN GYI PHYIR MI LDOG PA'I RTAGS THOB PAR THAL, THEG DMAN GYI PHYIR MI LDOG PA'I DGE 'DUN GANG ZHIG, 'DOD PA'I PHYIR, 'DOD NA, DE THEG DMAN GYI BYANG CHUB LAS PHYIR MI LDOG PAR SGRUB PA'I RTAGS YOD PAR THAL, 'DOD PA'I PHYIR, 'DOD NA, DE THEG DMAN GYI BYANG CHUB LAS PHYIR MI LDOG PAR THAL, 'DOD PA'I PHYIR, 'DOD NA, DE CHOS CAN, KHYOD DE LAS PHYIR LDOG PAR THAL, KHYOD THEG CHEN LAM DU 'JUG PA'I PHYIR, KHA CIG, BYANG SEMS SBYOR LAM PA DBANG RNON DANG DBANG RTUL GYIS PHYIR MI LDOG PA'I RTAGS MA THOB, BYANG SEMS MTHONG LAM PA DBANG RTUL GYIS PHYIR MI LDOG PA'I RTAGS MA THOB KYANG, BYANG SEMS SGOM LAM PA YIN NA PHYIR MI LDOG PA'I RTAGS THOB PAS KHYAB STE, RNAM BSHAD SNYING PO RGYAN LAS, DBANG PO JI LTAR RTUL YANG SA BRGYAD PA NAS THOB PAR RNAM @58A *, ,PAR BZHAG, ZHES GSUNGS PA'I PHYIR, DE LTAR MA YIN NA, SANGS RGYAS 'PHAGS PAS BYANG SEMS RGYUN MTHA' BAS THOB PA'I YON TAN THAMS CAD THOB MA MYONG BAR THAL, SA GNYIS PA LA GNAS PA'I SEMS DPA' DBANG RTUL GYIS BYANG SEMS MTHONG LAM PA DBANG 'BRING GIS THOB PA'I TON TAN THAMS CAD THOB MA MYONG BA'I PHYIR NA MA KHYAB, MA GRUB NA, SA GNYIS PA LA GNAS PA'I SEMS DPA' DBANG RTUL GYIS PHYIR MI LDOG PA'I RTAGS THOB PAR THAL, MA GRUB PA GANG ZHIG, BYANG SMES MTHONG LAM PA DBANG 'BRING GIS DE THOB PA'I PHYIR NA, SANGS RGYAS 'PHAGS PAS BYANG SEMS RGYUN MTHA' BAS THOB PA'I YON TAN THAMS CAD MA THOB PAR THAL, BYANG SEMS MTHONG LAM PA DBANG RTUL GYIS BYANG SEMS SBYOR LAM PA DBANG RNON GYIS THOB PA'I YON TAN THAMS CAD MA THOB PA'I PHYIR, KHYAB PA KHAS, MA GRUB NA, BYANG SEMS MTHONG LAM PA DBANG RTUL GYIS PHYIR MI LDOG PA'I RTAGS THOB PAR THAL, MA GRUB PA GANG ZHIG, BYANG SEMS SBYOR LAM PA DBANG RNON GYIS PHYIR MI LDOG PA'I RTAGS THOB PA'I PHYIR, 'KHOR GSUM, GZHAN YANG, SA GNYIS PA LA GNAS PA'I BYANG SEMS DBANG RTUL DE BYANG SEMS MTHONG LAM PA DBANG 'BRING GIS RTOGS PA SNGON DU SONG BA'I GANG ZAG YIN PAR THAL, DES BYANG SEMS MTHONG LAM PA DBANG 'BRING GIS THOB PA'I YON TAN THAMS CAD THOB PA'I PHYIR, 'DOD NA, DE CHOS CAN, KHYOD DE'I RTOGS PA SNGON DU SONG BA'I GANG ZAG MA YIN PAR THAL, KHYOD BYANG SEMS DBANG BRTUL YIN PA'I PHYIR, KHA CIG, THABS SHES KYIS RTOGS PA BRTAN PO THOB NA, SBYOR BA'I SGO NAS PHYIR MI LDOG PA'I RTAGS THOB PAS KHYAB, RANG NYID 'BA' ZHIG GI DON DU THAR PA DON DU GNYER PA'I BLO MNGON GYUR PA SKYE MI @58B SRID PA'I SEMS DPA' YIN NA BSAM PA'I SGO NAS PHYIR MI LDOG PA'I RTAGS THOB PAS KHYAB ZER NA, DAM BCA' SNGA MA LA, THEG CHEN GYI SBYOR LAM BZOD PA LA GNAS PA'I SEMS DPA' DBANG RTUL CHOS CAN, DE THAL, DE'I PHYIR, MA GRUB NA DER THAL, THEG CHEN GYI SBYOR LAM BZOD PA THOB PA'I PHYIR, 'DOD MI NUS TE, PHYIR MI LDOG PA'I RTAGS MA THOB PA'I PHYIR TE, SBYOR LAM PA DBANG RTUL YIN PA'I PHYIR, GNYIS PA LA BYANG SEMS SBYOR LAM PA DBANG RTUL CHOS CAN, DER THAL DE'I PHYIR, RTAGS GRUB STE, RANG NYID 'BA' ZHIG GI DON DU THAR PA DON DU GNYER BA'I BSAM PA MNGON GYUR BA RGYUD LDAN GYI SEMS DPA' MED PA'I PHYIR TE, THEG CHEN SEMS BSKYED DOR PA'I BYANG CHUB SEMS DPA' MED PA'I PHYIR, ROD t'IK PA NA RE, MA DAG SA BDUN GYI SKABS SU SBYOR BA'I SGO NAS PHYIR MI LDOG PA'I RTAGS THOB KYANG, BSAM PA'I SGO NAS DE MA THOB STE, RANG NYID 'BA' ZHIG GI DON DU THAR PA DON DU GNYER BA'I BYANG 'PHAGS YOD PA'I PHYIR TE, RGYUD RDO RJE RTZE MO LAS, JI SRID SA BRGYAD MA THOB PA, ,DE SRID THEG PA DMAN PAS 'JIGS, ,ZHES GSUNGS PA'I PHYIR ZER NA, THEG CHEN SEMS BSKYED LAS NYAMS PA'I BYANG 'PHAGS YOD PAR THAL, RANG NYID 'BA' ZHIG GI DON DU THAR PA DON DU GNYER BA'I BYANG 'PHAGS YOD PA'I PHYIR, KHO NA RE, STONG NYID MNGON SUM DU RTOGS PA'I SHES RAB LAS NYAMS PA'I BYANG 'PHAGS YOD PAR THAL, BDEN 'DZIN MNGON GYUR PA RGYUD LDAN GYI BYANG 'PHAGS YOD PA'I PHYIR, KHYAB PA KHAS ZER NA, MI MTSUNGS TE, STONG NYID MNGON SUM DU RTOGS PA'I SHES RAB LAS NYAMS PA SRID PAR THAL, THEG CHEN GYI SEMS BSKYED LAS NYAMS PA SRID PA'I PHYIR, KHO NA RE, SBYIR LAM BZOD PA LA GNAS PA'I SEMS DPA' @59A *, ,DBANG RTUL CHOS CAN, RANG NYID 'BA' ZHIG GI DON DU THAR PA DON DU GNYER BA'I BSAM PA MNGON GYUR PA SKYE BA'I GO SKABS ZAD PAR BCOM PAR THAL, DE 'DRA'I BSAM PA MNGON GYUR BA SKYE MI SRID PA'I SEMS DPA' YIN PA'I PHYIR, ZER NA, RGYUN MTHA'I BAR CHAD MED LAM RANG RGYUD LA SKYE KHA MA'I GANG ZAG CHOS CAN, SHES SGRIB MNGON GYUR BA SKYE BA'I GO SKABS ZAD PAR BCOM PAR THAL, SHIS SGRIB MNGON GYUR BA RANG RGYUD LA SKYE MI SRID PA'I GANG ZAG YIN PA'I PHYIR, 'DOD NA, SHES SGRIB MNGON GYUR BA SPANGS PAR THAL, 'DOD PA'I PHYIR,` RANG LUGS NI, GZUGS SOGS LA BDEN ZHEN MNGON GYUR BA LDOG PA SOGS RTAGS ZHE BZHI PO GANG RUNG THOB PA'I SEMS DPA' DE PHYIR MI LDOG PA'I RTAGS THOB PA'I BYANG SEMS KYI DGE 'DUN GYI MTSAN NYID, DBYE NA GSUM YOD, SA MTSAMS THEG CHEN GYI SBYOR LAM DROD NAS RGYUN MTHA'I BAR NA YOD, RTZOD PA SPONG BA GO SLA'O,,`,,GZUGS LA SOGS LAS LDOG SOGS RTAGS, ,ZHES SOGS KYI SKABS SU, GNYIS LAS, DANG PO NI, THEG CHEN GYI SBYOR LAM DROD KYI RJE THOB YE SHES LA GNAS PA'I SEMS DPA' DBANG RNON CHOS CAN, RDZOGS PA'I BYANG CHUB LAS PHYIR MI LDOG PA YIN TE, GZUGS SOGS LA BDEN ZHEN MNGON GYUR BA LDOG PA SOGS RTAGS NYI SHU PO GANG RUNG THOB PA'I SEMS DPA' YIN PA'I PHYIR, GNYIS PA LA KHA CIG, DROD LA GNAS PA'I SEMS DPA' DBANG RNON GYIS PHYIR MI LDOG PA'I RTAGS THOB ZER NA, DE CHOS CAN, KHYOD KYIS BYANG SEMS SBYOR LAM PA'I RGYUD KYI RJES THOB LUS NGAG GI SPYOD PA KHYAD PAR CAN THOB PAR THAL, KHYOD KYIS SBYOR LAM PA PHYIR MI LDOG PA'I RTAGS THOB PA'I PHYIR, MA GRUB NA, DES DE THOB PA BUD, 'DOD NA, BYANG @59B SEMS 'PHAGS PAS RGYUN MTHA'I YE SHES THOB PAR THAL, 'DOD PA'I PHYIR, 'DOD NA, DE CHOS CAN, KHYOD BYANG SEMS RGYUN MTHA' BA YIN PAR THAL, KHYOD RGYUN MTHA'I YE SHES THOB PA'I SEMS DPA' YIN PA'I PHYIR, 'DOD MI NUS TE, BYANG SEMS SA GNYIS PA BA DE KHYOD YIN PA'I PHYIR, BYANG SEMS DBANG RNON GYIS DROD NAS PHYIR MI LDOG PA'I RTAGS THOB BYAS PA LA KHO NA RE, BYANG SEMS DBANG RNON CHOS CAN, KHYOD KYIS PHYIR MI LDOG PA'I RTAGS THOB PAR THAL, KHYOD KYIS DROD NAS DE THOB PA'I PHYIR, 'DOD MI NUS TE, BYANG SEMS TSOGS LAM PA DBANG RNON DE KHYOD YIN PA'I PHYIR, ZER NA, RTZA BAR MA KHYAB STE, BYANG SEMS RGYUN MTHA' BA CHOS CAN, KHYOD SANGS RGYAS BAR THAL, KHYOD RANG GI SKAD CIG GNYIS PAR SANGS RGYAS PA'I PHYIR; KHYAB PA KHAS, SBYOR LAM PA PHYIR MI LDOG PA'I RTAGS YOD BYAS PA LA KHO NA RE, SBYOR LAM PA DES RDZOGS BYANG LAS PHYIR MI LDOG PA'I RTAGS THOB PAR THAL, DAM BCA' 'THAD PA'I PHYIR, 'DOD NA, SBYOR LAM PA YIN NA DE THOB PAS KHYAB PAR THAL, 'DOD PA'I PHYIR, 'DOD NA, NYAN THOS SBYOR LAM PA CHOS CAN, DER THAL, DE'I PHYIR, ZER NA RTZA BAR MA KHYAB BO, `MTHONG BA'I CHOS LA BZOD PA DANG, ZHES SOGS KYIS SKABS SU, GNYIS LAS, DANG PO NI, THEG CHEN GYI MTHONG LAM RJES THOB YE SHES THOB PA'I MTHONG LAM PA DBANG 'BRING CHOS CAN, BLA MED RDZOGS BYANG LAS PHYIR MI LDOG PA YIN TE, MNYAM GZHAG SHES BZOD SKAD CIG MA BCU DRUG GIS DRANGS PA'I RJES THOB LUS NGAG GI SPYOD PA KHYAD PAR CAN THOB PA'I SEMS DPA' DBANG 'BRING YIN PA'I PHYIR, GNYIS PA LA RONG t'IK PA NA RE, BYANG SEMS KYI MTHONG LAM MNYAM GZHAG SHES BZOD SKAD CIG MA BCU DRUG PO DE, BYANG SEMS MTHONG LAM PA DBANG 'BRING PHYIR MI LDOG PA'I DGE 'DUN DU @60A *, ,SGRUB BA'I RANG DON SKABS KYI RTAGS DANG, RJES THOB LUS NGAG GI SPYOD PA KHYAD PAR CAN BCU DRUG PO DE BYANG SEMS MTHONG LAM PA DBANG 'BRING PHYIR MI LDOG PA'I DGE 'DUN DU SGRUB PA'I GZHAN DON SKABS KYI RTAGS YANG DAG YIN, BYANG SEMS MTHONG LAM PA DBANG 'BRING RDZOGS PA'I BYANG CHUB LAS PHYIR MI LDOG PAR SGRUB PA'I RTAGS CHOS GNYIS LDAN GYI 'BREL BA DE BYANG SEMS MTHONG LAM PA RANG RGYUD KYI STENG DU TSAD MAS NGES DGOS ZHES ZER, DE LTAR YANG RONG t'IK PAS, RTAGS KYI NGO BO NI MNYAM BZHAG DANG RJES THOB GNYIS TE, PHYIR MI LDOG PAR YID CHES PAR BYED PA'I RGYU MTSAN DE GNYIS KHO NAR ZAD PA'I PHYIR, MNYAM GZHAG NI RTAGS SU MI BZUNG STE, JI LTAR GZHAN YID CHES PAR BYED PA'I YIN ZHES 'BYUNG BAS SO ZHE NA, DE NI GZHAN NGOR MNYAM GZHAG KHO NA RTAGS SU MI 'GYUR BAR STON PA YIN GYI, THAMS CAD DU RTAGS SU 'GOD PA NI, MA YIN TE, RANG NGOR GDON MI ZA BAR RTAGS SU 'GYUR BA'I PHYIR ZHES DANG, YANG RANG DON DANG GZHAN DON GNYIS SU YANG 'GYUR TE, ZHES DANG, GNYIS KA LA YANG KHYAB PA RANG RGYUD LA GTAN LA PHAB DGOS SO ZHES GSUNGS SO, ,'DI LTAR SMRA BA DANG, KHYOD RANG GI RTZA BA'I GRUB MTHA' LA MTHONG LAM LA MNYAM GZHAG GIS KHYAB PAR 'DOD BA NANG 'GAL TE, MNYAM GZHAG SHES BZOD SKAD CIG MA BCU DRUG GIS DRANGS PA'I RJES THOB LUS NGAG GI SPYOD PA KHYAD PAR CAN CHOS CAN, KHYOD KYI RTAGS KYIS BYANG SEMS MTHONG LAM PA DBANG 'BRING RDZOGS PA'I BYANG CHUB LAS PHYIR MI LDOG PAR SGRUB PA'I RTAGS CHOS GNYIS LDAN GYI 'BREL BA DE, BYANG SEMS MTHONG LAM PA RANG RGYUD KYI STENG DU TSAD MAS NGES PAR THAL, KHYOD DE LTAR SGRUB PA'I RTAGS YIN PA'I PHYIR, 'DOD @60B NA; DE CHOS CAN, KHYOD BYANG SEMS MTHONG LAM PA'I RGYUD LA YOD PAR THAL, 'DOD PA'I PHYIR, 'DOD NA, BYANG SEMS MTHONG LAM PA'I RGYUD LA RJES THOB YE SHES YOD PAR THAL, 'DOD PA'I PHYIR, 'DOD NA, MTHONG LAM LA MNYAM GZHAG GIS MA KHYAB PAR THAL, 'DOD PA'I PHYIR, RTZA BA'I RTAGS GRUB STE, DE SGRUB KYI GZHAN DON SKABS KYI RTAGS YANG DAG YIN PA'I PHYIR, MA GRUB NA, DER THAL, RONG t'IK PAS, MNYAM RJES GNYIS LAS GZHAN LA RTAGS SU ZUNG BYA NI, RJES THOB YIN PAS SHES BZOD KYI MING GIS NYE BAR BTAGS NAS RJES THOB KYANG BSHAD DE ZHES BSHAD PA SGRA JI BZHIN DU KHAS LEN RIGS PA'I PHYIR, 'KHOR GSUM GYI 'PHRENG BA 'DI RNAMS LA ROD t'IK PA THAMS CAD KYIS LAN GDAB RGYU 'DUG MI 'DUG LTOS SHIG, GZHAN YANG, BYANG SEMS MTHONG LAM PA DBANG 'BRING CHOS CAN, KHYOD BYANG SEMS MTHONG LAM PA DBANG 'BRING RDZOGS PA'I BYANG CHUB LAS PHYIR LDOG MI LDOG THE TSOM ZA BA'I GANG ZAG YIN PAR THAL, MNYAM GZHAG SHES BZOD SKAD CIG MA BCU DRUG PO DE, KHYOD KYI NGO BOR BYANG SEMS MTHONG LAM PA DBANG 'BRING RDZOGS BYANG LAS PHYIR MI LDOG PAR SGRUB PA'I RANG DON SKABS KYI RTAGS YANG DAG YIN PA'I PHYIR, 'DOD NA, BYANG SEMS MTHONG LAM PA DBANG 'BRING GI RGYUD LA RANG NYID RDZOGS BYANG LAS PHYIR LDOG GAM MI LDOG SNYAM PA'I THE TSOM MNGON GYUR DU YOD PAR THAL, 'DOD PA'I PHYIR, 'DOD NA, MTHONG LAM MNYAM GZHAG YE SHES LA GNAS PA'I SEMS DPA'I RGYUD LA DE 'DRA BA'I THE TSOM MNGON GYUR DU YOD PAR THAL, 'DOD PA GANG ZHIG, MTHONG LAM YIN NA MNYAM GZHAG YIN PAS KHYAB PA'I PHYIR, LAN GYIS LDOG PAR MI NUS PA'I THAL 'GYUR RO, ` ,BYANG CHUB JI LTA DE BZHIN DU, ZHES SOGS KYI SKABS SU, GNYIS LAS, DANG PO @061A *, ,NI; THEG CHEN GYI SGOM LAM DON DAM PAR 'PHEL 'GRIB MED KYANG DES THA SNYAD DU GDUL BYA'I 'DOD DON BSGRUB NUS TE, RTOGS PA YE SHES CHOS SKU DON DAM PAR 'PHEL 'GRIB MED KYANG DES THA SNYAD DU GDUL BYA'I 'DOD DON SGRUB NUS PA'I PHYIR, KHA CIG ,THEG CHEN GYI SGOM LAM BDEN PAR MED KYANG DES THA SNYAD DU GDUL BYA'I 'DOD DON SGRUB NUS TE, RTOGS PA YE SHES CHOS SKU DON DAM PAR MED KYANG DES THA SNYAD DU GDUL BYA'I 'DOD DON SGRUB NUS PA'I PHYIR ZER NA; SEMS TZAM PAS RTOGS PA YE SHES CHOS SKU BDEN MED DU KHAS LEN PAR THAL, SBYOR BA DE 'THAD PA'I PHYIR, 'DOD MI NUS TE, DES DE BDEN GRUB TU KHAS LEN PA'I PHYIR TE, DES SGRIB GNYIS BDEN GRUB TU KHAS LEN PA'I PHYIR TE, GZHAN GYI CHOS RNAMS KYANG YOD LA, ZHES GSUNGS PA'I PHYIR, GNYIS PA NI, KHA CIG ,SKABS 'DI'I 'GREL PAR, CHOS KYI SKU LA SOGS PA'I RANG BZHIN GYI SANGS RGYAS KYI BDAG PO TZAM GYI GDUL BYA'I SKYE BO RNAMS KYI BSOD NAMS DANG YE SHES KYI RJES SU MTHUN PAR DON KHYAD PAR CAN SNANG BA'I SEMS BSKYED PA'I SGO NAS, ZHES SOGS DANG, DE'I THAD KYI tIKKAR, SOGS SGRAS CHOS SKUS LONGS SKU'I BDAG RKYEN DANG LONGS SKUS SPRUL SKU'I BDAG RKYEN BYED PA BSDUD DO ZHES GSUNGS PA LA BRTEN NAS; BYANG SEMS RGYUN MTHA' BAS YE SHES CHOS SKU DANG LONGS SKU SPRUL SKU RNAMS RIM CAN DU MNGON DU BYED ZER BA MI 'THAD DE, DE LTAR 'DOD PA SKABS BRGYAD PA'I tIKKA DANG 'GAL BA'I PHYIR DANG, LUNG DE'I DON NI, YE SHES CHOS SKUS RANG 'BRAS LONGS SKU'I BDAG RKYEN DANG, LONGS SKUS RANG 'BRAS SPRUL SKU'I BDAG RKYEN BYED PA'I DON YIN PA'I PHYIR, `SKYE BA DANG NI 'GAG PA DANG, ,ZHES SOGS KYI SKABS SU, KHA CIG ,BYANG SEMS SGOM LAM PA CHOS CAN, RDZOGS BYANG LAS PHYIR MI LDOG @061B STE, ZAB MO RNAM PA BRGYAD THUGS SU CHUD PAS DRANGS PA'I RJES THOB LUS NGAG GI SPYOD PA KHYAD PAR CAN THOB PA'I SEMS DPA' YIN PA'I PHYIR ZER NA, BYANG SEMS SGOM LAM PA CHOS CAN, KHYOD KYIS DE MA THOB PAR THAL, KHYOD PHYIR MI LDOG PA'I RTAGS THOB PA'I SEMS DPA' MA YIN PA'I PHYIR, PHYIR MI LDOG PA'I RTAGS MA THOB PA'I BYANG SEMS SGOM LAM PA DE KHYOD YIN PA'I PHYIR, ` RANG LUGS NI, RJES THOB YE SHES LA GNAS PA'I BYANG SEMS SA BRGYAD PA BA CHOS CAN, RDZOGS PA'I BYANG CHUB LAS PHYIR MI LDOG PA YIN TE, ZAB MO RNAM PA BRGYAD THUGS SU CHUD PAS DRANGS PA'I RJES THOB LUS NGAG GI SPYOD PA KHYAD PAR CAN DANG LDAN PA'I SEMS DPA' YIN PA'I PHYIR, ZAB MO RNAM PA BRGYAD THUGS SU CHUD PAS DRANGS PA'I RJES THOB LUS NGAG GI SPYOD BA KHYAD PAR CAN THOB PA'I RJES LA MNGON RTOGS LA GNAS PA'I SEMS DPA' DE, PHYIR MI LDOG PA'I RTAGS THOB PA'I BYANG SEMS SGOM LAM PA'I MTSAN NYID, RTZOD PA SPONG BA LA KHA CIG ,SA GSUM PA'I BAR CHAD MED LAM LA GNAS PA'I SEMS DPA' DBANG RNON CHOS CAN, MTSAN NYID DER THAL, MTSON BYA DE'I PHYIR, MA GRUB NA DER THAL, KHYOD KYIS THEG CHEN GYI SGOM LAM RJES THOB YE SHES THOB PA GANG ZHIG ,KHYOD BYANG SEMS SGOM LAM PA DBANG RNON YIN PA'I PHYIR, 'DOD NA, DE CHOS CAN, KHYOD CHOS CAN KUN RDZOB PA THUGS SU CHUD PA'I GANG ZAG YIN PAR THAL, 'DOD PA'I PHYIR, 'DOD MI NUS TE, CHOS NYID LA GNYIS SNANG NUB PA'I SEMS DPA' YIN PA'I PHYIR, ZER NA, SA GSUM PA'I BAR CHAD MED LAM LA GNAS PA'I SEMS DPA'I RGYUD LA CHOS CAN KUN RDZOB PA RTOGS PA'I BLO MED PAR THAL, DE CHOS CAN KUN RDZOB PA THUGS SU CHUD PA'I GANG ZAG MA YIN PA'I PHYIR, 'DOD MI NUS TE, ,DE'I RGYUD LA @62A *, ,SA GSUM PA'I BAR CHAD MED LAM RTOGS PA'I BLO YOD PA'I PHYIR TE, DE'I RGYUD LA DE RTOGS PA'I RANG RIG YOD PA'I PHYIR, DES ZAB MO RNAM PA BRGYAD THUGS SU MA CHUD ZER NA, DES DE THUGS SU CHUD PAR THAL, DES DE BZHIN NYID ZAB MO THUGS SU CHUD PA'I PHYIR TE, DES DE BZHIN NYID THUGS SU CHUD PA'I PHYIR, KHA CIG ,MA KHYAB STE, DE BZHIN NYID ZAB MO KUN RDZOB BDEN PA YIN PA'I PHYIR ZHES ZER BA NI, TSIG TZAM LA 'TSOL BA'O, ` ,CHOS RNAMS RMI LAM 'DRA BA'I PHYIR; ZHES SOGS KYI SKABS SU, GNYIS LAS, DANG BO NI, DAG PA SA GSUM GYI YE SHES CHOS CAN, SRID ZHI MNYAM NYID KYI SBYOR BA YIN TE, SRID ZHI BDEN MED DU MNGON SUM DU RTOGS PA'I SGO NAS RJES THOB KYI GNAS SKABS SU YANG BDEN 'DZIN MNGON GYUR PA SKYE BA'I GO SKABS ZAD PAR BCOM PA'I DAG SA'I YE SHES YIN PA'I PHYIR, SRID ZHI CHOS CAN, BDEN PAR MED DE, RTEN 'BREL YIN PA'I PHYIR, DPER NA, RMIN LAM BZHIN NO, KHO NA RE, LAS 'BRAS MED PAR THAL, LAS, 'BRAS BDEN PA MED PA'I PHYIR NA, MA KHYAB STE, LAS 'BRAS BDEN PAR MED NA DE MED PAR THAL BA LA SOGS PA'I KLAN KA'I LAN, MDO LAS BSTAN CING BSTAN PA LTAR KLAN KA SPON GNUS PA'I PHYIR, GNYIS PA LA KHA CIG, SRID ZHI BDEN STONG DU MNGON SUM DU RTOGS PA'I SEMS DPA'I RNAL 'BYOR, SRID ZHI MNYAM NYID KYI SBYOR BA'I MTSAN NYID ZER NA, THEG CHEN GYI MTHONG LAM SDUG BSNGAL CHOS BZOD CHOS CAN, MTSON BYA DER THAL, MTSAN NYID DE'I PHYIR, RTAGS GRUB STE, CHOS CAN DE'I PHYIR, 'DOD NA, DAG SA'I YE SHES YIN PAR THAL, 'DOD PA'I PHYIR, KHYAB STE, 'GREL CHEN LAS, DA NI MI SLOB PA'I DGE 'DUN GYI MTSAN NYID BSTAN PAR BYA'O, ,ZHES GSUNGS PA'I PHYIR, KHA CIG ,SRID ZHI BDEN STONG DU MNGON SUM DU RTOGS PA'I DAG SA'I RNAL 'BYOR, SRID @62B ZHI'I MNYAM NYID KYI SBYOR BA'I MTSAN NYID ZER NA, BYANG SEMS SA BRGYAD KYI KUN RDZOB SEMS BSKYED CHOS CAN, MTSAN NYID DER THAL, MTSON BYA DE'I PHYIR, RTAGS GRUB STE, DAG SA'I YE SHES YIN PA'I PHYIR, 'DOD NA, MNGON SUM YIN PAR THAL, 'DOD PA'I PHYIR, 'DOD MI NUS TE, RTOG PA YIN PA'I PHYIR, KHA CIG ,DAG SA'I YE SHES GANG ZHIG ,GTZO BOR CHOS SKU'I LAG RJES 'JOG BYED KYI RIGS SU GNAS PA DE, SRID ZHI MNYAM NYID KYI SBYOR BA'I MTSAN NYID ZER NA, SA BRGYAD PA PA'I RGYUD KYI SBYIN PA NYAMS LEN GYI BYA BA CHOS CAN, MTSAN NYID DER THAL, MTSON BYA DE'I PHYIR, DER THAL, DAG SA'I RNAL 'BYOR YIN PA'I PHYIR, 'DOD NA, YE SHES KYI TSOGS YIN PAR THAL, 'DOD PA'I PHYIR, 'DOD NA, BSOD NAMS KYI TSOGS YIN NA; YE SHES KYI TSOGS YIN DGOS PAR THAL, 'DOD PA'I PHYIR, RANG LUGS NI, SRID ZHI BDEN STONG DU MNGON SUM DU RTOGS PA'I SHES RAB KYIS ZIN PA'I SGO NAS RJES THOB KYI GNAS SKABS SU'ANG BDEN 'DZIN MNGON GYUR BA SKYE BA'I GO SKABS ZAD PAR BCOM PA'I DAG SA'I RNAL 'BYOR, SRID ZHI MNYAM NYID KYI SBYOR BA'I MTSAN NYID, SA MTSAMS DA PA SA GSUM NA YOD, RTZOD PA SPONG BA LA, KHO NA RE, SA BRGYAD PA'I YE SHES CHOS CAN, MTSAN NYID DER THAL, MTSON BYA DE'I PHYIR, 'DOD NA, DE CHOS CAN; RJES THOB KYI GNAS SKABS SU BDEN 'DZIN MNGON GYUR PA SKYE BA'I GO SKABS ZAD PAR BCOM PAR THAL, 'DOD PA'I PHYIR, 'DOD NA, DE CHOS CAN, RJES THOB KYI GNAS SKABS SU BDEN 'DZIN MNGON GYUR BA MI SKYE BAR THAL, 'DOD PA'I PHIR NA MA KHYAB, 'DOD MI NUS TE, SA GNYIS PA'I RJES THOB YE SHES LA GNAS PA'I SEMS DPA'I RGYUD LA BDEN 'DZIN MNGON GYUR DU YOD PA'I PHYIR, YANG KHO NA RE,SA BRGYAD BA'I YE SHES CHOS CAN, BDEN 'DZIN MNGON GYUR BA BCOM PA'I YE SHES YIN @63A *, ,PAR THAL, RJES THOB KYI GNAS SKABS SU DE SKYE BA'I GO SKABS ZAD PAR BCOM PA'I DAG SA'I YE SHES YIN PA'I PHYIR, 'DOD NA, BDEN 'DZIN MNGON GYUR BA SPANGS PA'I YE SHES YIN PAR THAL, 'DOD PA'I PHYIR, 'DOD NA, RNAM MKHYEN YIN PAR THAL, 'DOD PA'I PHYIR NA, GONG DU MA KHYAB BO, YANG KHO NA RE THEG CHEN GYI SGOM LAM CHEN PO'I CHUNG NGU LA GNAS PA'I SEMS DPA'I RGYUD LA BDEN 'DZIN MNGON GYUR DU MED PAR THAL, SA BRGYAD PA LA GNAS PA'I SEMS DPA'I RGYUD LA BDEN 'DZIN MNGON GYUR DU MED PA'I PHYIR, MA GRUB NA, MTSAN NYID DE 'THAD PAR BUD, 'DOD MI NUS TE, NYAN THOS KYI SGOM LAM CHEN PO'I CHUNG NGU LA GNAS PA'I NYAN THOS 'PHAGS PA'I RGYUD LA GANG ZAG GI BDAG 'DZIN MNGON GYUR DU YOD PA'I PHYIR NA MA KHYAB BO, ` ,SEMS CAN 'JIG RTEN DE BZHIN DU, ZHES SOGS KYI SKABS SU, GNYIS LAS, DANG PO NI, SA BRGYAD PA'I YE SHES CHOS CAN, ZHING DAG SBYOR BA YIN TE, SANGS RGYAS KYI SNOD BCUD KYI ZHING KHYAD PAR CAN 'GRUB PA'I SMON LAM LA SOGS PA'I DGE RTZA'I NUS PA MTHU CAN DU GYUR PA'I DAG SA'I RNAL 'BYOR YIN PHYIR, KHA CIG, DAG SA'I RNAL 'BYOR GANG ZHIG ,GTZO BOR LONGS SKU'I LAG RJES 'JOG BYED KYI RIGS SU GNAS PA DE, ZHING DAG SBYOR BA'I MTSAN NYID ZER NA, SA BRGYAD PA'I BAR CHAD MED LAM CHOS CAN, MTSAN NYID KYI ZUR PHYI MA DER THAL, MTSON BYA DE'I PHYIR TE, DAG SA'I RNAL 'BYOR YIN PA'I PHYIR, 'DOD MI NUS TE, GTZO BOR YE SHES CHOS SKU'I LAG RJES 'JOG BYED KYI RIGS SU GNAS PA'I PHYIR TE, THEG CHEN GYI SGOM LAM BAR CHAD MED LAM YIN PA'I PHYIR, RANG LUGS NI, RANG GANG DU SANGS RGYAS 'GYUR GYI SANGS RGYAS KYI SNOD BCUD KYI ZHING KHYAD PAR CAN 'GRUB PA'I SMON LAM LA SOGS PA'I DGE RTZA'I NUS PA MTHU CAN DU GYUR PA'I DAG SA'I RNAL 'BYOR, , @63B ZHING DAG SBYOR BA'I MTSAN NYID, SA MTSAMS DAG PA SA GSUM NA YOD, RTZOD PA SPONG BA GO SLA'O, ` ,YUL DANG SBYOR BA CAN 'DI NI, ZHES SOGS KYI SKABS SU, GNYIS LAS, DANG PO NI, THABS MKHAS SBYOR BA LA BCU YOD DE, BDUD BZHI LAS 'DAS PA'I THABS MKHAS SBYOR BA NAS TSAD MED PA'I THABS MKHAS SBYOR BA'I BAR BCU YOD PA'I PHYIR, GNYIS PA LA KHA CIG ,DAG SA'I RNAL 'BYOR GANG ZHIG ,GTZO BOR SPRUL SKU'I LAG RJES 'JOG BYED KYI RIGS SU GNAS PA DE, THABS MKHAS SBYOR BA'I MTSAN NYID ZER NA, SA BRGYAD PA'I BAR CHAD MED LAM CHOS CAN, MTSAN NYID KYI ZUR PHYI MA DER THAL, MTSON BYA DE'I PHYIR, 'DOD MI NUS TE, GTZO BOR YE SHES CHOS SKU'I LAG RJES 'JOG BYED KYI RIGS SU GNAS PA'I PHYIR TE, THEG CHEN GYI SGOM LAM BAR CHAD MED LAM YIN PA'I PHYIR, KHA CIG, 'PHRIN LAS PHUN TSOGS 'GRUB PA'I RGYU'I DGE RTZA'I NUS PA MTHU CAN DU GYUR PA'I SEMS DPA'I RNAL 'BYOR, THABS MKHAS SBYOR BA'I MTSAN NYID ZER NA, MI 'THAD DE, SA BRGYAD PA NA 'PHRIN LAS PHUN TSOGS YOD PA'I PHYIR, ` ;RANG LUGS NI, 'BAD RTZOL RAGS PA ZHI BA'I SGO NAS 'PHRIN LAS LHUN GYIS 'GRUB PA'I DAG SA'I RNAL 'BYOR THABS MKHAS SBYOR BA'I MTSAN NYID, DBYE NA, BCU YOD, SA MTSAMS DAG PA SA GSUM NA YOD, RTZOD PA SPONG BA LA KHO NA RE SA BRGYAD PA'I BAR CHAD MED LAM CHOS CAN, MTSON BYA DER THAL, MTSAN NYID DE'I PHYIR, 'DOD NA, DE CHOS CAN, GTZO BOR SPRUL SKU'I LAG RJES 'JOG BYED YIN PAR THAL, 'DOD PA'I PHYIR NA, MA KHYAB STE, SPRUL SKU'I RJES SU BYUNG BA'I THABS MKHAS SBYOR BA CHOS CAN, DER THAR, DE'I PHYIR, 'DOD NA, DE CHOS CAN, SPRUL SKU'I SNGA ROL DU BYUNG BAR THAL, 'DOD PA'I PHYIR,, ` BAR CHAD KYI CHOS LAS YANG DAG PAR RGAL BAS LHA LA SOGS PA'I BDUD LAS 'DAS PA DANG, @64A *, ,ZHES SOGS KYI SKABS SU, GNYIS LAS, DANG PO NI, SA BCU'I YE SHES CHOS CAN, BDUD BZHI MNGON GYUR PA LAS 'DAS PA YIN TE, BDUD KYIS BAR CHAD BYA BAR NUS PA SOGS BAR CHAD KYI CHOS LAS RNAL 'BYOR GYIS, , STOBS KYI YANG DAG PAR RGAL BA'I DAG SA'I YE SHES YIN PA'I PHYIR, GNYIS PA LA KHA CIG ,RANG RGYU LAS NYON GYI DBANG GIS BYUNG BA'I ZAG BCAS KYI PHUNG BO GANG ZHIG ,GTZO BOR DMAN PA'I LHAG MED MYANG 'DAS THOB PA LA BAR DU GCOD PA'I SGRIB PA'I RIGS SU GNAS PA DE, PHUNG BO'I BDUD KYI MTSAN NYID, SEMS RGYUD RAB TU MA ZHI BAR BYED PA'I SEMS BYUNG GANG ZHIG, GTZO BOR DMAN PA'I LHAG BCAS MYANG 'DAS THOB PA LA BAR DU GCOD PA'I SGRIB PA'I RIGS SU GNAS PA DE, NYON MONGS PA'I BDUD KYI MTSAN NYID, SROG GI DBANG PO RANG DBANG MED PAR 'GAGS PA'I CHA GANG ZHIG ,GTZO BOR GNYIS KA'I CHA LAS RNAM PAR GROL BA'I DGRA BCOM PA THOB PA LA BAR DU GCOD BYED KYI SGRIB PA'I RIGS SU GNAS PA DE, 'CHI BDAG GI BDUD KYI MTSAN NYID, BDUD BZHI'I NANG TSAN GANG ZHIG , BDUD GZHAN BSUM LAS 'DA' BA LA BAR DU GCOD PAR BYED PA, LHA'I BU'I BDUD KYI MTSAN NYID ZER NA, SO SO SKYE BO'I RGYUD KYI NYON MONGS CHOS CAN, PHUNG PO'I BDUD YIN PAR THAL, NYER LEN GYI PHUNG PO YIN PA'I PHYIR, KHYAB STE, NYAN SA LAS, DE LA PHUNG PO'I BDUD NI NYE BAR LEN PA'I PHUNG PO LNGA'O, ,ZHES GSUNGS PA'I PHYIR, 'DOD NA, DE CHOS CAN, GTZO BOR DMAN PA'I LHAG MED MYANG 'DAS THOB PA LA BAR DU GCOD BYED KYI SGRIB PA'I RIGS SU GNAS PA YIN PAR THI LO,, ,'DOD NA, GTZO BOR DMAN PA'I LHAG BCAS MYANG 'DAS THOB PA LA BAR DU GCOD BYED KYI SGRIB PA'I RIGS SU GNAS PAR THAL, NYON MONGS PA'I BDUD YIN PA'I PHYIR, @64B 'DOD NA, DE CHOS CAN, DE MA YIN PAR THAL, PHUNG PO'I BDUD YIN PA'I PHYIR, GZHAN YANG, NYON MONGS DANG MTSUNGS LDAN GYI GTZO SEMS CHOS CAN, SEMS BRGYUD RAB TU MA ZHI BAR BYED PA'I SEMS BYUNG YIN PAR THAL, NYON MONGS PA'I BDUD YIN PA'I PHYIR, KHYAB BA KHAS, MA GRUB NA DER THAL, NYON SGRIB YIN PA'I PHYIR TE, CHOS CAN DE'I PHYIR, 'DOD MI NUS TE, GTZO BO SEMS YIN PA'I PHYIR, NYON MONGS KYI SA BON CHOS CAN, SEMS RGYUD RAB TU MA ZHI BAR BYED PA'I SEMS BYUNG YIN PAR THAL, NYON MONGS PA'I BDUD YIN PA'I PHYIR TE, NYON SGRIB YIN PA'I PHYIR, 'DOD MI NUS TE, LDAN MIN 'DU BYED YIN PA'I PHYIR, LHAG MED MYANG 'DAS LA GNAS PA'I NYAN THOS DGRA BCOM PAS PHUNG PO'I BDUD BCOM PA DANG, GNYIS GA'I CHA LAS RNAM PAR GROL BA'I NYAN THOS DGRA BCOM PAS 'CHI BDAG GI BDUD BCOM PAR THAL, MTSAN NYID DANG PO DANG GSUM PA 'THAD PA'I PHYIR, 'DOD MI NUS TE, PHUNG PO'I BDUD BCOM NA MA RIG BAG CHAGS KYI SA DANG ZAG MED KYI LAS LA BRTEN NAS BYUNG BA'I YID LUS DE SPONG DGOS, 'CHI BDAG GI BDUD BCOm NA BSAM GYIS MI KHYAB PA'I 'CHI 'PHO SPONGS DGOS PA'I PHYIR, 'DOD CHAGS CHOS CAN, LHA'I BU'I BDUD YIN PAR THAL, BDUD GZHI'I NANG MTSAN GANG ZHIG , BDUD GZHUN GSUM LAS 'DA' BA LA BAR DU GCOD BYED YIN PA'I PHYIR, KHYAB PA KHAS, DANG PO GRUB STE, NYON MONGS PA'I BDUD YIN PA'I PHYIR, GNYIS PA GRUB STE, SANGS RGYAS THOB PA LA BAR DU GCOD BYED YIN PA'I PHYIR, 'DOD MI NUS TE, NYON MONGS PA'I BDUD YIN PA'I PHYIR, THEG CHEN GYI MTHONG LAM RNAM GROL LAM LA GNAS PA'I SEMS DPA' YIN NA, 'CHI BDAG GI BDUD BCOM PAS KHYAB PAR THAL, DE YIN NA LAS NYON GYI DBANG GIS 'KHOR BAR SKYE 'CHI SPANGS PAS @65A *, ,KHYAB; 'CHI BDAG GI BDUD YIN NA LAS NYON GYI DBANG GIS SROG GI DBANG PO RANG DBANG MED PAR 'GAG PA'I CHA YIN DGOS PA'I PHYIR, RTAGS PHYI MA DNGOS, 'DOD MI NUS TE, 'CHI BDAG GI BDUD BCOM NA BSAM GYIS MI KHYAB PA'I 'CHI 'PHO SPANGS DGOS PA'I PHYIR, BDUD BZHI BCOM PA'I SA BTSAMS LA, GSER 'PHRENG LAS, NYON MONGS PA'I BDUD SA BRGYAD PA NAS BCOM, 'CHI BDAG GI BDUD LAS NYON GYIS 'CHI 'PHO BA SA DANG BO NAS MED KYANG YID LUS KYIS 'CHI 'PHO BA SANGS RGYAS MA THOB BAR DU MI LDOG PAS, 'CHI BDAG GI BDUD DANG PHUNG PO'I BDUD SANGS RGYAS KYI SA KHO NAR BCOM, LHA'I BU'I BDUD KYANG BDUD GZHAN GSUM LAS 'DA' BA LA BAR DU GCOD PAS SANGS RGYAS KYI SA KHO NAR BCOM PA YIN TE, RGYUD BLA MA LAS, 'CHI MED ZHI PA'I GNAS THOB LA, 'CHI BDUD RGYU BA MED PA'I PHYIR, ZHES THOB PA'I CHOS SKU RTAG PA'I SGRUB BYED DU GSUNGS PA'I PHYIR, ZHES GSUNGS, DE RNAMS KYANG SGRA JI BZHIN DU KHAS MI LEN TE, BYANG SEMS SA BRGYAD PA BA YIN NA NYON SGRIB SPANGS PAS MA KHYAB PA'I PHYIR DANG, PHYIR MI LNGOG PA'I RTAGS THOB NAS LHA'I BU'I BDUD BCOM PA'I PHYIR, RNAM BSHAD SNYING BO RGYAN LAS, BSHAD PA LTAR KHAS LEN PA'I PHYIR, 'OG NAS 'CHAD PA'I RNAM BSHAD SNYING PO RGYAN GYI LUNG DON MA GO BA KHA CIG, THEG DMAN GYI MTHONG LAM THOB NAS, LHA'I BU'I BDUD BCOM STE, DKON MCHOG GSUM LA SHES NAS DAD PA THOB PA'I PHYIR, DMAN PA'I LHAG BCAS MYANG 'DAS THOB NAS NYON MONGS PA'I BDUD MCOM STE, NYON SGRIB MA LUS PAR SPANGS PA'I PHYIR, GNYIS KA'I CHA LAS RNAM PAR GROL BA'I DGRA BCOM THOB NAS 'CHI BDAG GI BDUD BCOM STE, TSE'I 'DU BYED BYIN GYIS RLOBS PA LA DBANG BA'I PHYIR, DMAN PA'I LHAG MED MYANG 'DAS THOB NAS @65B PHUNG PO'I BDUD BCOM STE, LAS NYON GYI DBANG GIS BYUNG BA'I ZAG BCAS KYI PHUNG PO BCOM PA'I PHYIR, PHYIR MI LDOG PA'I RTAGS THOB NAS LHA'I BU'I BDUD BCOM STE, DKON MCHOG GSUM LA SHES NAS DAD PA THOB PA'I PHYIR, SA BRGYAD PA THOB NAS, BDUD GZHAN GSUM RAS PA BCOM STE, RNAM PAR MI RTOG PA'I YE SHES LA DBANG BSGYUR THOB PA'I PHYIR THEG CHEN GYI DBANG DU BYAS NA, BDUD BZHI MA LUS PAR BCOM PA DANG, SANGS RGYAS THOB PA DUD MNYA ZHES ZER, BDUD BZHI MA LUS PAR BCOM PA'I THEG CHEN GYI GANG ZAG YIN NAS SANGS RGYAS 'PHAGS PA YIN DGOS PAR THAL, THEG CHEN GYI DBANG DU BYAS NA BDUD BZHI MA LUS PAR BCOM PA DANG, SANGS RGYAS PA DUS MNYAM PA'I PHYIR, 'DOD NA, LHAG MED MYANG 'DAS LA GNAS PA'I GNYIS KA'I CHA LAS RNAM PAR GROL PA'I NYAN THOS DGRA BCOM PA'I RTOGS PA SNGON DU SONGS BA'I BYANG SEMS TSOGS LAM PA DE, BDUD BZHI MA LUS PAR BCOM PA'I THEG CHEN GYI GANG ZAG YIN PAR THAL, DES DE MA LUS PAR BCOM PA'I PHYIR, MA GRUB NA DER THAL, DES LHA'I BU'I BDUD KYANG BCO,NYON MONGS PA'I BDUD KYANG BCO, 'CHI BDAG BDUD KYANG BCO, PHUNG PO'I BDUD KYANG BCOM PA'I PHYIR, DANG PO MA GRUB NA, DER THAL, DKON MCHOG GSUM LA SHES NAS DAD PA THOB PA'I PHYIR, 'KHOR GSUM, GNYIS BSAM, GNYIS BA MA PA'I PHYIR, RTZA BAR 'DOD NA, DE CHOS CAN, BYANG SEMS MA YIN PAR THAL, SANGS RGYAS YIN PA'I PHYIR DER THAL, BDUD BZHI MA LUS PAR BCOM PA'I THEG CHEN GYI GANG ZAG YIH PA'I PHYIR, 'KHOR GSUM, RONG tI KA PA NA RE, THEG DMAN GYI MTHON @66A *, ,LAM THOB NAS LHA'I BU'I BDUD BCOM STE, DKON MCHOG LA SHES NAS DAD PA THOB PAS YID CHES PA BRTAN PO THOB PA'I PHYIR, LHAG BCAS MYANG 'DAS THOB NAS NYON MONGS PA'I BDUD BCOM STE, 'KHOR BAR 'CHID BYED KYI NYON SGRIB MA LUS PAR SPANGS PA'I PHYIR, RAB MTHA'I BSAM GTAN THOB NAS 'CHI BDAG GI BDUD BTZOM STE, TSE 'DOR LEN LA DBANG THOB PA'I PHYIR, LHAG MED MYANG 'DAS THOB NAS PHUNG PO'I BDUD BCOM STE, NYER LEN PHYI PHUNG PO BOR ZHING LEN PA MED PA'I PHYIR; BYANG SEMS KYIS SBYOR LAM NAS LHA'I BU'I BDUD BCOM STE, DKON MCHOG GSUM LA SHES NAS DAD PA THOB PA'I PHYIR, MTHONG LAM NAS NYON MONGS PA DANG 'CHI BDAG GI BDUD BCOM STE, LAS NYON GYIS SKYE 'CHI SPANGS PA'I PHYIR TE, RGYUD BLA MA LAS; LAS DANG NYON MONGS DBANG GIS SKYE, ,DE LA DE MOD PHYIR DE MED, ,CES PA LTA BU'O, ,SA BRGYAD PA NAS PHUNG PO'I BDUD BCOM STE, RNAM PAR GROL BA'I SKU MNGON DU BYED PA'I NUS PA THOB PA'I PHYIR, ZHES ZER BA MI 'THAD DE, RAB MTHA'I BSAM GTAN THOB PA'I SO SKYE YOD, 'CHI BDAG GI BDUD BCOM PA'I SO SKYE MED PA'I PHYIR, DANG PO GRUB STE, MNGON SHES DANG RDZU 'PHRUL SOGS YON TAN KHYAD PAR CAN GYI RTEN BYED PA'I BSAM GTAN GYI DNGOS GZHI SNYOMS 'JUG THOB PA'I SO SKYE YOD PA'I PHYIR, GZHAN YANG, RAB MTHA'I BSAM GTAN THOB NAS 'CHI BDAG GI BDUD BCOM PA MI 'THAD DE, 'CHI BDAG GI BDUD BCOM PA LA BSAM GYIS MI KHYAB PA'I 'CHI 'PHO SPANGS DGOS PA'I PHYIR, LHAG MED MYANG 'DAS THOB PA'I TSE PHUNG PO'I BDUD BCOM PA MI 'THAD DE, PHUNG PO'I BDUD BCOM NA MA RIG BAG CHAGS KYI SA DANG ZAG MED KYI LAS LA BRTEN NAS BYUNG BA'I YID LUS DE SPANGS DGOS PA'I PHYIR, GZHAN YANG, BYANG SEMS SA DANG PO BAS PHUNG PO'I BDUD BCOM PAR THAL, DES @66B RNAM PAR GROL PA'I SKU MNGON DU BYED PA'I NUS PA THOB PA'I PHYIR, ,KHYAB PA KHAS, DMAN LAM SNGON DU MA SONG BA'I BYANG SEMS SA DANG PO BAS NYON SGRIB SPANGS PAR THAL, DES NYON MONGS PA'I BDUD BCOM PA'I PHYIR, 'DOD NA, GONG DU BKAG ZIN, ` ,RANG LUGS NI, RNAM BSHAD SNYING PO RGYAN LAS, THEG DMAN PA RNAMS MTHONG LAM THOB NAS, LHA'I BU'I BDUD LAS 'DA' ZHING, DGRA BCOM THOB NAS NYON MONGS PA'I BDUD LAS 'DA'O, ,GNYIS KA'I CHA LAS RNAM PAR GROL BA NAS, 'CHI BDAG GI BDUD LAS 'DA' STE, TSE'I 'DU BYED BYIN GYIS RLOBS PA LA DBANG PA'I PHYIR, PHUNG PO'I BDUD LAS LHAG MED MYANG 'DAS THOB NAS 'DA'O, ,THEG PA CHEN PO LA PHYIR MI LDOG PA'I RTAGS THOB PA NAS LHA'I BU'I BDUD LAS 'DA' ZHING, SA BRGYAD PA THOB NAS BDUD GZHAN GSUM RAGS PA LAS 'DA' LA BDUD BZHI MA LUS PAR BCOM PA NI SANGS RGYAS KYI SA NA'O, ,ZHES GSUNGS, DE'I DON LA MKHAS PA KHA CIG ,THEG DMAN GYI MTHONG LAM THOB NAS LHA'I BU'I BDUD BCOM STE, DKON MCHOG GSUM LA SHES NAS DAD PA THOB PA'I PHYIR, DMAN PA'I LHAG BCAS MYANG 'DAS THOB NAS NYON MONGS PA'I BDUD BCOM STE, NYON SGRIB ZAD PAR SPANGS PA'I PHYIR, GNYIS KA'I CHA LAS RNAM PAR GROL BA'I DGRA BCOM THOB NAS 'CHI BDAG GI BDUD RAGS PA BCOM STE, CHO'I 'DU BYED BYIN GYIS RLOS PA LA DBANG PA'I PHYIR, DMAN PA'I LHAG MED MYANG 'DAS THOB NAS PHUNG PO'I BDUD RAGS PA BCOM STE, LAS NYON GYI DBANG GIS BYUNG BA'I ZAG BCAS KYI PHUNG PO BCOM PA'I PHYIR, THEG CHEN GYI DBANG DU BYAS NA PHYIR MI LDOG PA'I RTAGS THOB NAS LHA'I BU'I BDUD BCOM STE, DE NAS DKON MCHOG GSUM LA SHES NAS DAD PA THOB PA'I PHYIR, SA BRGYAD PA THOB NAS BDUD GZHAN GSUM RAGS PA BCOM STE, RNAM PAR MI RTOG PA'I YE SHES LA DBANG BSGYUR THOB @67A *, ,PA'I PHYIR, BDUD BZHI MA LUS PAR BCOM PA DANG SANGS RGYAS PA DUS MNYAM ZHES GSUNGS, 'DI LA DOGS PA 'DI LTAR YOD DE, DKON MCHOG GSUM GYI YON TAN LA TSAD MAS DRANGS PA'I NGES PA RNYED PA'I BYANG SEMS TSOGS LAM PA CHOS CAN, LHA'I BU'I BDUD BCOM PAR THAL, DKON MCHOG GSUM LA SHES NAS DAD PA THOB PA'I PHYIR, KHYAB PA KHAS, MA GRUB NA DER THAL, CHOS CAN DE'I PHYIR, 'DOD MI NUS TE, KHYOD KYIS PHYIR MI LDOG PA'I RTAGS MA THOB PA GANG ZHIG , KHYOD KYIS THEG CHEN GYI MTHONG LAM MA THOB PA'I PHYIR, DMAN LAM SNGON DU MA SONG BA'I BYANG SEMS SA DANG PO BA CHOS CAN, 'CHI BDAG GI BDUD RAGS PA BCOM PAR THAL, TSE'I 'DU BYED BYIN GYIS RLOBS PA LA DBANG THOB PA'I PHYIR, RTAGS GRUB STE; DE'I TSE SKAD CIG MA GCIG KYANG BSKAL BAR GNAS PAR BYIN GYIS RLOB NUS PA'I PHYIR TE, 'JUG PA LAS, ,DE NYID TSE NI BSKAL PA BRGYA GNAS SHING, ZHES GSUNGS PA'I PHYIR, RTZA BAR 'DOD NA, SA BRGYAD PA THOB NAS BDUD GZHAN GSUM RAGS PA LAS 'DA' LA ZHES GSUNGS PA MI 'THAD PAR THAL LO, GZHAN YANG, BYANG SEMS SA GSUM PA BA CHOS CAN, KHYOD KYIS PHUNG PO'I BDUD RAGS PA BCOM PAR THAL, KHYOD KYIS LAS NYON GYI DBANG GIS BYUNG BA'I ZAG BCAS KYI PHUNG PO BCOM PA'I PHYIR, RTAGS GRUB STE, THEG CHEN GYI MTHONG LAM RNAM GROL LAM LA GNAS PA'I SEMS DPA' DES LAS NYON GYIS SKYE 'CHI SPANGS PA'I PHYIR TE, RGYUD BLA MA LAS, 'PHAGS PAS RGA DANG NA BA DANG, 'CHI BA'I SDUG BSNGAL RTZAD NAS SPANGS, ,ZHES GSUNGS PA'I PHYIR, KHO NA RE, BYANG SEMS SA DANG PO BA YIN NA LAS NYON GYI DBANG GIS BYUNG BA'I ZAG BCAS KYI PHUNG PO SPANGS PAS KHYAB PAR THAL, BYANG SEMS SA GNYIS PA BA YIN NA, DE SPANGS PAS KHYAB PA'I PHYIR, RTAGS KHAS @67B 'DOD NA, BYANG SEMS SBYOR LAM PAS THEG CHEN GYIS MTHONG LAM THOB MA THAG PA'I TSE BYANG SEMS MTHONG LAM PA'I RGYUD LA LAS NYON GYI DBANG GIS BYUNG BA'I ZAG BCAS KYI PHUNG PO MED PAR THAL, 'DOD PA'I PHYIR, 'DOD MI NUS TE, BYANG SEMS SBYOR LAM PA'I RGYUD LA DE YOD PA GANG ZHIG, DE GNYIS LUS RTEN GCIG YIN PA'I PHYIR NA, MA KHYAB BO, ,RANG LUGS NI, BDUD BZHI'I NGO BO NGOS BZUNG BA DANG, BDUD BZHI BCOM PA'I SA MTSAMS BSHAD PA'O, ,DANG PO NI, BDUD BZHI'I NANG TSAN GANG ZHIG ,RANG RGYU LAS NYON GYI DBANG GIS BYUNG BA'I ZAG BCAS KYI PHUNG PO DANG, MA RIG BAG CHAGS KYIS DANG ZAG MED KYI LAS LA BRTEN PA GANG RUNG DE, PHUNG PO'I BDUD KYI MTSAN NYID, DPER NA, NYER LEN GYI PHUNG PO LNGA DANG, MA RIG BAG CHAGS KYIS DANG ZAG MED KYI LAS LA BRTEN NAS BYUNG BA'I YID LUS LTA BU, BDUD BZHI'I NANG TSAN GANG ZHIG ,GTZO BOR THAR PA THOB PA LA BAR DU GCOD PA'I SGRIB PA'I RIGS SU GNAS PA DE, NYON MONGS PA'I BDUD KYI MTSAN NYID, DPER NA, RTZA NYON DRUG DANG, NYE NYON NYI SHU, DE DAG GI SA BON LTA BU, BDUD BZHI'I NANG TSAN GANG ZHIG ,SROG GI DBANG PO RANG DBANG MED PAR 'GAG PA'I CHA'I RIGS SU GNAS PA DE, 'CHI BDAG GI BDUD KYI MTSAN NYID, DPER NA, LAS NYON GYI DBANG GIS SROG GI DBANG PO RANG DBANG MED PAR 'GAG PA'I CHA DANG, BSAM GYIS MI KHYAB PA'I 'CHI 'PHO BA LTA BU, BDUD BZHI'I NANG TSAN GANG ZHIG ,BDUD GZHAN GSUM LAS 'DA' BA LA BAR DU GCOD CING 'DOD LHA'I RIGS SU GTOGS PA DE, LHA'I BU'I BDUD KYI MTSAN NYID, DPER NA, GZHAN 'PHRUL DBANG BYED KYI DBANG BDAG PO DGA' RAB DBANG PHYUG LTA BU, GNYIS PA BDUD BZHI BCOM PA'I SA MTSAMS NI, SNGAR DRANGS PA'I RNAM BSHAD SNYING PO RGYAN GYI DON RGYAL TSAB DAM PA'I DGONGS PA @68A *, ,BZHIN DU BSHAD PAR BYA STE, THEG DMAN GYI MTHONG LAM THOB NAS LHA'I BU'I BDUD BCOM STE, SKYABS GNAS LA THE TSOM ZA BA'I THE TSOM GYI SA BON GYI DNGOS GNYEN THOB PA'I PHYIR, DGRA BCOM PA THOB NAS, NYON MONGS PA'I BDUD BCOM STE, NYON SGRIB MA LUS PAR SPANGS PA'I PHYIR, GNYIS KA'I CHA LAS RNAM PAR GROL BA'I THOB NAS LAS NYON GYI DBANG GIS RANG DBANG MED PAR 'CHI BA'I 'CHI BDAG GI BDAG GI BDUD BCOM STE, TSE'I 'DU BYED BYIN GYIS RLOB PA LA DBANG THOB PA'I PHYIR, LHAG MED MYANG 'DAS THOB NAS, LAS NYON GYI DBANG GIS BYUNG BA'I ZAG BCAS KYI PHUNG PO'I BDUD LAS 'DA' STE, DE THOB NAS LAS NYON GYI DBANG GIS BYUNG BA'I ZAG BCAS KYI PHUNG PO SPANGS PA'I PHYIR, THEG CHEN GYI DBANG DU BYAS NA, PHYIR MI LDOG PA'I RTAGS THOB NAS, LHA'I BU'I BDUD LAS 'DA' STE, RDZOGS PA'I BYANG CHUB LAS PHYIR MI LDOG PA'I LUS NGAG GI THA SNYAD KHYAD PAR CAN THOB PA'I PHYIR, SA BRGYAD PA THOB NAS NYON MONGS PA'I BDUD RAGS PA BCOM STE, NYON SGRIB PHAL CHER SPANGS PA'I PHYIR, SA BRGYAD PA THOB NAS PHUNG PO'I BDUD RAGS PA BCOM STE, 'BAD RTZOL RAGS PA LA LTOS PA'I MA RIGS BAG CHAGS KYIS DANG ZAG MED KYI LAS LA BRTEN PA'I YID LUS SPANGS PA'I PHYIR, SA BRGYAD PA THOB NAS 'CHI BDAG GI BDUD RAGS PA BCOM STE, 'BAD RTZOL RAGS PA LA LTOS PA'I BSAM GYIS MI KHYAB PA'I 'CHI 'PHO BA DE SPANGS PA'I PHYIR,, ,,`RGYAL TSAB DAM PA'I DGONGS PA SA 'OG GI GTER BZHIN DU, SHIN TU RTOGS PAR DKA' BA LAG 'THIL DU SKYU RU RA BZHAG PA BZHEN DU GSAL BAR BYAS PA YIN NO, ,DE LTAR DU RNAM BSHAD SNYING PO RGYAN LAS, SA BDUN PA MAN CHAD DU 'BAD PAS BSGRUBS NA, MA RIG BAG CHAGS KYI SA DANG ZAG MED KYI LAS LA BRTEN PA'I YID KYI RANG BZHIN @68B GYI LUS LEN NUS MOD KYI NGAM NGAM SHUGS KYIS 'GRUB PA NI, NYAN RANG DGRA BCOM PA DANG DBANG THOB PA'I BYANG CHUB SEMS DPA' RNAMS YIN PAR SHES PAR BYA'O, ,ZHES GSUNGS, BDUD BZHI MA LUS PAR BCOM PA DANG, SANGS RGYAS BA DUS MNYAM STE, 'CHI BDAG GI BDUD BCOM NA BSAM GYIS MI KHYAB PA'I 'CHI 'PHO SPANGS DGOS, PHUNG PO'I BDUD BCOM NA, MA RIG BAG CHAGS KYI SA DANG ZAG MED KYI LAS LA BRTEN NAS BYUNG BA'I YID LUS DE SPANGS DGOS PA'I PHYIR, RJE BTZUN 'JAM DBYANGS GNYIS PA CHOS KYI RGYAL MTSAN GYI GSUNG RGYUN LAS BYUNG BA'I SKABS BZHI PA'I GZHUNG RNAMS KYI DGONGS DPYOD RAGS RIM ZHIG LEGS PAR GRUB PA'O, ,RJE BTZUN DAM PA BLO BZANG GNYIS PA YI, ,KHA BA CAN GYI BSTAN PA'I SGRON ME YIS, ,BLO YI SNYING MUN SEL BA'I RGYAL MTSAN ZHES, ,SA GSUM MKHAS PA KUN GYI GTZUG RGYAN DES, ,LEGS BSHAD SNYING PO BZHI PA'I SKABS KYI NI, ,MTHA' DPYOD MKHAS PA'I YID 'PHROG 'DI SPROS PA'I, ,DGE BAS RGYAL BA'I BSTAN PA YUN GNAS SHOG , ,,LHAG BSAM RNAM PAR DAG PA'I DAR CHEN 'PHYAR, ,BRTZON 'GRUS LHOD PA MED PA'I RLUNG GIS BSKYOD, ,THOS BSAM BSGOM PA'I GRU GZINGS LEGS BSDAMS NAS, ,LUS CAN 'KHOR BA'I MTSO LAS GROL BAR SHOG , DANG POR RGYA CHEN THOS PA MANG DU BRTZAL, ,BAR DU GZHUNG LUGS THAMS CAD GDAMS PAR SHAR, ,THA MAR NYIN MTSAN KUN TU NYAMS SU BLANGS, ,KUN KYANG BSTAN PA RGYAS PA'I CHED DU BSNGO,, ,, @69A *, ,RNAM GROL ZHI BA'I RGYA MTSOR RO GCIG TU, ,GZHOL BA'I MTHA' YAS CHOS TSUL DAR 'BAB KLUNG, ,TSIG GI GZEGS MA RES KYANG DUG GSUM GYI, ,DRI MA YONGS 'KHRUD LEGS BSHAD BDUD RTZI 'DI, , DPAR DU BSKRUN PA'I RNAM DKAR PHUNG PO'I MTHUS, ,YANG DAG CHOS KYI SGO MO STONG PHRAG BRGYA, ,GDANGS TE RGYUD LNGA'I 'GRO BA MA LUS PA, ,NGES LEGS NOR BU'I MDZOD LA DBANG 'BYOR SHOG ,BOD RGYAL LO, 2115 PHYIR LO 1988 RAB BYUNG SA 'BRUG LO'I SER BYES DPE MDZOD KHANG NAS 'GRO GRON GTANG STE DPAR DU BSKRUN PA'O,, ,,SH'KYA'I DGE SBYONG CHOS SMRA BA NGAG DBANG BLO BZANG BSTAN 'DZIN RGYA MTSOS SBYAR BA'O, ,DPAR 'DI SER BYES GRVA TSANG DRU BZHUGS,