*, RJE BTZUN CHOS KYI RGYAL MTSAN GYI GSUNG ZIN BRIS SU BKOD PA LEGS BSHAD GSER GYI PHRENG BA ZHES BYA BA LAS, SKABS LNGA PA, DRUG PA BDUN PA RNAMS KYI MTHA' DPYOD BZHUGS SO,, @01A #, ,RNAM PA THAMS CAD MNGON PAR RDZOGS PAR RTOGS PA THOB PA LA, ZHES SOGS KYI SKABS SU, SBYOR BA DANG, MTHA' DPYAD PA GNYIS LAS, DANG PO NI, RNAM RDZOGS SBYOR BA BSHAD PA'I RJES SU RTZE SBYOR 'CHAD PA'I RGYU MTSAN YOD DE, RTZE SBYOR DE RNAM RDZOGS SBYOR BA LAS BYUNG BA'I RGYU MTSAN GYIS DE LTAR BSHAD PA'I PHYIR, RTAGS SOGS KYI SGO NAS RTZE SBYOR BSTAN PA LA CHOS CAN, DGOS PA YOD DE, RTOGS SLA BA'I CHED YIN PA'I PHYIR, BYAS PA LA KHO NA RE, RTZE SBYOR DE RNAM RDZOGS SBYOR BA'I 'BRAS BU YIN PAR THAL, KHYOD KYI SBYOR BA DE 'THAD PA'I PHYIR, RTAGS KHAS, 'DOD MI NUS TE, DE DE'I BYE BRAG YIN PA'I PHYIR, MA GRUB NA, DER THAL, MTHAR GYIS SBYOR BA DE RNAM RDZOGS SBYOR BA'I BYE BRAG YIN PA'I PHYIR NA, MA KHYAB, RNAM RDZOGS SBYOR BA DE RTZE SBYOR GYI RGYU YIN PAR THAL, DE GNYIS RGYU 'BRAS YIN PA'I PHYIR TE, DE GNYIS KYI RIM PA DE RGYU 'BRAS KYI RIM PA YIN PA'I PHYIR TE, DE GNYIS KYI RIM PA DE DBANG DU BYED PA RGYU 'BRAS KYI RIM PA YIN PA'I PHYIR TE, RNAM BSHAD LAS, DBANG DU BYA BA RGYU 'BRAS DANG, ,ZHES DANG, GSER 'PHRENG LAS, DE LA RNAM KUN DANG RTZE MO NI RGYU 'BRAS YIN LA, ZHES BSHAD PA'I PHYIR, BYAS PA LA KHO NA RE, LAM SHES DE RNAM MKHYEN GYI RGYU YIN PAR THAL, RNAM RDZOGS SBYOR BA DE RTZE SBYOR GYI RGYU YIN PA'I PHYIR, RTAGS KHAS, 'DOD NA, DE RNAM MKHYEN GYI NYER LEN DU GYUR PA'I SHES PA YIN PAR THAL LO, ,'DOD NA, DE CHOS CAN, SEMS CAN @02A *, ,GYI RGYUD KYI SHES PA YIN PAR THAL LO ZHES ZER, YANG KHO NA RE, RNAM RDZOGS SBYOR BA RTZE SBYOR SKAD CIG DANG PO'I RGYU YIN PAR THAL, DE RTZE SBYOR GYI RGYU YIN PA'I PHYIR, RTAGS KHAS, 'DOD NA, DE CHOS CAN, RTZE SBYOR SKAD CIG DANG PO'I NYER LEN DU GYUR PA'I SHES PA YIN PAR THAL LO, ,'DOD NA BYANG SEMS TSOGS LAM PA'I RGYUD KYI SHES PA YIN PAR THAL LO ZER, RNAM BSHAD LAS, SBYOR BA DANG PO GNYIS KYANG SKYE RIM DANG PHYI MA GNYIS KYANG SKYE BA'I RIM PA YIN NO, ,SBYOR BA DANG PO DANG GSUM PA YANG SKYE BA'I RIM PA DANG, MKHYEN GSUM DANG SBYOR BZHI NI BSHAD PA'I RIM PA'O, ,ZHES GSUNGS PAS, 'DI'I DON LA, KHA CIG ,SBYOR BA DANG PO GNYIS KYI RIM PA YANG SKYE BA'I RIM PA DANG, RNAM RDZOGS SBYOR BA DANG SKAD CIG MA'I SBYOR BA GNYIS KYI RIM PA YANG SKYE BA'I RIM PA DANG, RNAM RDZOGS SBYOR BA DANG MTHAR GYIS SBYOR BA GNYIS KYI RIM PA YANG SKYE BA'I RIM PA'O, ,ZER NA, LUGS DANG PO GNYIS 'THAD KYANG PHYI MA MI 'THAD DE, RNAM RDZOGS SBYOR BA THOB NA MTHAR GYIS SBYOR BA THOB PAS KHYAB PA'I PHYIR, 'O NA, LUNG DE'I DON GANG YIN ZHE NA, SKABS BZHI PA'I BSTAN BYA'I GTZO BOR GYUR PA'I RNAM RDZOGS SBYOR BA DANG, SKABS DRUG PA'I BSTAN BYA'I GTZO BOR GYUR PA'I MTHAR GYIS SBYOR BA GNYIS KYI RIM PA DE SKYE BA'I RIM PA YIN, ZHES PA LUNG DE'I DON YIN PA'I PHYIR, BYAS PA LA KHO NA RE, RTZE SBYOR DE RNAM RDZOGS SBYOR BA'I BYE BRAG YIN PAR THAL, THEG CHEN GYI SBYOR BA'I @02B BYE BRAG YIN PA'I PHYIR TE, MTHAR GYIS SBYOR BA DE THEG CHEN GYI SBYOR BA'I BYE BRAG YIN PA'I PHYIR NA MA KHYAB, GNYIS PA MTHA' DPYAD PA LA KHA CIG ,MKHYEN GSUM BSDUS BSGOM RAB TU GYUR PA'I SEMS DPA'I RNAL 'BYOR DE, RTZE SBYOR GYI MTSAN NYID ZER NA, THEG CHEN GYI TSOGS LAM CHEN PO CHOS CAN, MTSON BYA DER THAL, MTSAN NYID DE'I PHYIR, MA GRUB NA, DER THAL, MKHYEN GSUM BSDUS BSGOM THEG CHEN GYI TSOGS LAM CHUNG NGU LAS RAB TU GYUR PA'I SEMS DPA'I RNAL 'BYOR YIN PA'I PHYIR, 'DOD MI NUS TE, TSOGS LAM YIN PA'I PHYIR, KHO NA RE, STONG NYID RTOGS PA'I BSGOMS BYUNG GI SHES RAB KYIS ZIN PA'I SGO NAS MKHYEN GSUM BSDUS BSGOM THEG CHEN GYI TSOGS LAM LAS RAB TU GYUR BA'I SEMS DPA'I RNAL 'BYOR DE, DE'I MTSAN NYID ZER NA, THEG CHEN GYI MTHONG LAM BSDUG BSNGAL CHOS BZOD CHOS CAN, MTSAN NYID DER THAL, MTSON BYA DE'I PHYIR, MA GRUB NA, DER THAL, MTHONG LAM RTZE SBYOR YIN PA'I PHYIR TE, THEG CHEN GYI MTHONG LAM YIN PA'I PHYIR, RTZA BAR 'DOD NA, DE CHOS CAN, MKHYEN GSUM GYI RNAM PA SGOM PA'I SEMS DPA'I RNAL 'BYOR YIN PAR THAL LO, ,'DOD NA, GZHI SHES KYI RNAM PA SGOM PA'I SEMS DPA'I RNAL 'BYOR YIN PAR THAL LO, ,'DOD MI NUS TE, CHOS CAN DE YIN PA'I PHYIR, KHA CIG ,STONG NYID LA DMIGS PA'I BSGOMS BYUNG GI SHES RAB KYIS ZIN PA'I SEMS DPA'I RNAL 'BYOR DE, DE'I MTSAN NYID ZER NA, STONG NYID MNGON SUM DU RTOGS PA'I THEG CHEN GYI TSOGS LAM CHOS CAN, MTSON BYA DER THAL, MTSAN NYID DE'I PHYIR, RTAGS GRUB STE, CHOS CAN DE YIN PA'I PHYIR, 'DOD MI NUS TE, TSOGS LAM YIN PA'I PHYIR, RANG LUGS LA, MKHYEN GSUM BSDUS SGOM @03A *, ,THEG CHEN GYI TSOGS LAM LAS RAB TU GYUR PA'I SHES RAB KYIS ZIN PA'I SEMS DPA'I RNAL 'BYOR DE, RTZE SBYOR GYI MTSAN NYID, DBYE NA, SBYOR LAM RTZE SBYOR SOGS BZHI YOD, SA 'TSAMS THEG CHEN GYI SBYOR LAM DROD NAS RGYUN MTHA'I BAR NA YOD, RMI LAM NA YANG CHOS RNAMS KUN, ,ZHES SOGS KYI SKABS SU GNYIS LAS, DANG PO NI ,RTZE SBYOR THOB PA'I RTAGS BCU GNYIS MDO LAS BSHAD PA YIN TE, RMI LAM NA YANG CHOS RNAMS KUN, ,RMI LAM LTA BUR ZHI LHAG ZUNG 'BREL GYI LTA BA SOGS RTAGS BCU GNYIS MDO LAS, BSHAD PA'I PHYIR, GNYIS PA MTHA' SPYAD PA LA, KHA CIG ,RTZE SBYOR THOB PA'I RTAGS BCU GNYIS THOB PA'I THEG CHEN GYI NGES 'BYED CHA MTHUN DANG PO DE, DROD KYI RTZE SBYOR GYI MTSAN NYID ZER NA, 'DI LA SKYON 'PHEN PA LA KHA CIG ,BSAM GTAN DANG PO BA'I RGYUD KYI THEG CHEN GYI SBYOR LAM DROD KYI YE SHES CHOS CAN, MTSAN NYID DER THAL, MTSON BYA DE'I PHYIR, MA GRUB NA, DER THAL, THEG CHEN GYI SBYOR LAM DROD KYI YE SHES YIN PA'I PHYIR, RTZA BAR 'DOD NA, BSAM GTAN DANG PO BA'I RGYUD LA GNYID YOD PAR THAL LO, ,'DOD MI NUS TE, GZUGS KHAMS PA'I GANG ZAG GI RGYUD LA GNYID MED PA'I PHYIR TE, MDZOD LAS, DE LAS 'GYOD GNYID MI DGE RNAMS, ,BSAM GTAN DANG PO DAG NA MED, ,CES BSHAD PA'I PHYIR NA, MA KHYAB, GZUGS KHAMS PA'I GANG ZAG GI RGYUD LA SHES PA YUL LA 'JUG PA RANG DBANG MED PAR BYED PA'I NYON MONGS CAN GYI GNYID MED KYANG LUS BRTAS PAR BYED PA'I DGE BA'I GNYID YOD PA'I PHYIR TE, BYANG SEMS 'PHAGS PA'I RGYUD LA GNYID SNGA MA DE MED KYANG PHYI MA YOD PA GSER 'PHRENG LAS BSHAD PA BZHIN YIN PA'I PHYIR, DE LTAR MA YIN NA, @03B SBYOR LAM DROD LA GNAS PA'I SEMS DPA' DBANG RNON YIN NA RANG RGYUD LA GNYID MED PAS KHYAB PAR THAL, DE'I PHYIR MI LDOG PA'I RTAGS 'CHAD PA'I SKABS SU, BYAMS LUS SOGS DANG SGRIB PA NI, ,RNAM PA LNGA DANG MI 'GROGS DANG, ,ZHES SBYOR LAM DROD LA GNAS PA'I SEMS DPA' DBANG RNON GYI PHYIR MI LDOG PA'I RTAGS THOB NAS GNYID LA SOGS PA'I SGRIB PA LNGA DANG MI 'GROGS PAR BSHAD PA'I PHYIR, MA KHYAB NA, MDZOD LAS, DE LAS 'GYOD GNYID MI DGE RNAMS, ,BSAM GTAN DANG PO DAG NA MED, ,CES BSHAD NA, GZUGS KHAMS PA'I GANG ZAG GI RGYUD LA GNYID MED PAS KHYAB PA BUD, GONG DU 'DOD NA, BYANG SEMS 'PHAGS PA YIN NA RANG RGYUD LA GNYID MED PAS KHYAB PAR THAL LO, ,'DOD NA, SA BCU LA RMI LAM GYI LTAS MI 'DRA BA BCU BSHAD PA MI 'THAD PAR THAL LO, RANG LUGS KYI SKYON NI, THEG CHEN GYI SBYOR LAM DROD KYI YE SHES SKAD CIG DANG PO CHOS CAN, MTSAN NYID DER THAL, MTSON BYA DE'I PHYIR, MA GRUB NA, DER THAL, CHOS CAN DE YIN PA'I PHYIR, 'DOD NA, DE CHOS CAN, THEG CHEN GYI SBYOR LAM RJES THOB YE SHES THOB PAR THAL LO, ,RANG LUGS SNGA NI, RTZE SBYOR THOB PA'I RTAGS BCU GNYIS PO GANG RUNG THOB PA'I THEG CHEN GYI NGES 'BYED CHA MTHUN DANG PO DE, DROD KYI RTZE SBYOR GYI MTSAN NYID YIN, BYAS PA LA KHO NA RE, THEG CHEN GYI SBYOR LAM CHOS MCHOG CHOS CAN, MTSON BYA DER THAL, MTSAN NYID DE'I PHYIR, THEG CHEN GYI NGAS 'BYED CHA MTHUN DANG PO YIN PA'I PHYIR TE, DE THEG CHEN GYI SBYOR LAM CHOS MTSOG NAS BGRANGS PA'I THEG CHEN GYI NGES 'BYED CHA MTHUN DANG PO YIN PA'I PHYIR NA, MA KHYAB, BSAM GTAN BZHI PA CHOS CAN, BSAM GTAN BZHI PA MA YIN PAR THAL, BSAM GTAN DANG PO YIN PA'I PHYIR TE, BSAM GTAN BZHI PA NAS BGRANGS PA'I BSAM GTAN DANG PO YIN PA'I PHYIR, KHYAB PA KHAS, RTAGS GRUB STE, BSAM GTAN BZHI PA YIN PA'I PHYIR, GZHAN YANG, SA BCU PA CHOS CAN, SA BCU PA MA YIN PAR THAL, SA DANG PO YIN PA'I PHYIR TE, @04A *, ,SA BCU PA NAS BGRANGS PA'I SA DANG PO YIN PA'I PHYIR, KHYAB PA KHAS, RTAGS GRUB STE, CHOS CAN DE YIN PA'I PHYIR, BYAS PA LA KHO NA RE, 'PHAGS LAM THOB MA MYONG BA'I RGYUN ZHUGS ZHUGS PA CHOS CAN, 'PHAGS PA DANG PO MA YIN PAR THAL, 'PHAGS PA BRGYAD PA YIN PA'I PHYIR TE, 'JUG PA LAS, 'DI NI 'PHAGS PA BRGYAD PA JI LTA DE LTAR NYE BAR BSTAN, ZHES BSHAD PA'I PHYIR, 'DOD MI NUS TE, DE RGYUN ZHUGS ZHUGS PA YIN PA'I PHYIR NA MI MTSUNGS SO, ,GZHAN YANG, SA DANG PO DANG SA BZHI PA MI 'GAL BAR THAL, THEG CHEN GYI NGES 'BYED CHA MTHUN DANG PO DANG DE BZHI PA MI 'GAL BA'I PHYIR TE, THEG CHEN GYI SBYOR LAM CHOS MCHOG DE DE GNYIS KA YIN PA'I PHYIR, RTAGS KHAS, ` 'DZAM BU GLING GI SKYE BO SNYED, ,CES SOGS KYI SKABS SU GNYIS LAS, DANG PO NI, RTZE MO'I RTZE SBYOR THOB PA'I SEMS DPA' CHOS CAN, BSOD NAMS RNAM 'PHEL BCU DRUG THOB PA YIN TE, PHYI'I GTZO BOR GYUR PA'I BSOD NAMS RNAM 'PHEL BRGYAD, NANG GTZO BOR GYUR PO'I DE BRGYAD THOB PA'I PHYIR, MTHA' DPYAD PA LA, STONG GSUM GYI SEMS CAN DANG MNYAM PA'I SANGS RGYAS MCHOD PA LAS LHAG PA SOGS PA BSOD RNAMS RNAM 'PHEL BCU DRUG THOB PA'I THEG CHEN GYI NGES 'BYED CHA MTHUN GNYIS PA, RTZE MO'I RTZE SBYOR GYI MTSAN NYID YIN, BYAS PA LA KHO NA RE, THEG CHEN GYI SBYOR LAM BZOD PA CHOS CAN, MTSON BYA DER THAL, MTSAN NYID DE'I PHYIR TE DE THEG CHEN GYI NGES 'BYED CHA MTHUN GNYIS PA YIN PA'I PHYIR TE, THEG CHEN GYI SBYOR LAM CHOS MCHOG NAS BGRANGS PA'I DE GNYIS PA YIN PA'I PHYIR ZER NA, MA KHYAB BO,, ` KUN MKHYEN NYID GSUM CHOS RNAMS KYI, ,ZHES SOGS KYI SKABS SU GNYIS LAS, DANG PO NI, THEG CHEN GYI SBYOR LAM BZOD PA CHOS CAN, BRTAN PA'I RTZE SBYOR YIN TE, THABS SHES KYI RTOGS PA BRTAN PO THOB PA'I THEG CHEN GYI NGES 'BYED CHA MTHUN GSUM PA YIN PA'I PHYIR, GNYIS PA LA MKHYEN GSUM RJES MTHUN PA RDZOGS PA'I SHES RAB DANG GZHAN @04B DON LA MI PHYED BA'I BRTAN PA THOB PA'I THEG CHEN GYI NGES 'BYED CHA MTHUN GSUM PA, BZOD PA'I RTZE SBYOR GYI MTSAN NYID YIN BYAS PA LA KHO NA RE, THEG CHEN GYI SBYOR LAM BZOD PA LA GNAS PA'I SEMS DPAS MKHYEN GSUM RJES MTHUN PA THOB PAR THAL, MTSAN NYID DE'I PHYIR, 'DOD NA, DES SANGS RGYAS KYI SPYAN RJES MTHUN PA THOB PAR THAL LO ZER NA MA KHYAB, 'DOD MI NUS TE, SANGS RGYAS KYI SPYAN RJES MTHUN PA MA MTHA' THOB PA'I SA 'TSAMS SA BRGYAD PA NAS 'JOG PA'I PHYIR BYAS PA LA KHO NA RE, DMAN LAM SNGON DU MA SONG BA'I BYANG SEMS SA BDUN PA BA DES, GZHI SHES KYI RTOGS RIGS RDZOGS PAR THOB PAR THAL, DES MKHYEN GSUM GYI RTOGS RIGS RDZOGS PAR THOB PA'I PHYIR, 'DOD NA, DES NYAN THOS KYI RTOGS RIGS RDZOGS PAR THOB PAR THAL LO ZER NA MA KHYAB, 'DOD MI NUS TE, DMAN LAM SNGON DU MA SONG BA'I BYANG SEMS 'PHAGS PAS NYAN RANG GI RTOGS RIGS RDZOGS PA DANG RNAM MKHYEN THOB PA DUS MNYAM PA'I PHYIR, ` GLING BZHI BA DANG STONG DAG DANG, ,ZHES SOGS KYI SKABS SU GNYIS LAS, DANG PO NI, MDO LAS CHOS MCHOG GI RTZE SBYOR BSTAN PA YIN TE, MDO LAS CHOS MCHOG GI RTZE SBYOR BSOD NAMS MANG POS MTSON NAS BSTAN PA'I PHYIR, MTHA' DPYAD PA LA KHA CIG ,MTHONG LAM SKYED PA'I NUS PA SMIN PA'I CHA NAS TING NGE 'DZIN MTHA' YAS PA LA SEMS KUN TU GNAS PA THOB PA'I THEG CHEN GYI NGES 'BYED CHA MTHUN BZHI BAR DMIGS PA DE, CHOS MCHOG RTZE SBYOR GYI MCHON NYID ZER NA, MTHONG LAM GYI RJES SU BYUNG BA'I THEG CHEN GYI SBYOR LAM CHOS MCHO GA CHOS CAN, MTSAN NYID DER THAL, MTSON BYA DE'I PHYIR TE, CHOS CAN DE'I PHYIR, 'DOD NA, THEG CHEN GYI MTHONG LAM SKYED BYED YIN PAR THAL LO, ,'DOD NA, DE'I SNGA LOGS SU BYUNG BA YIN PAR THAL LO, ,'DOD MI NUS TE, CHOS CAN DE YIN PA'I PHYIR, RANG LUGS NI, RANG GI 'BRAS BUR GYUR PA'I MTHONG LAM SKYED PA'I NUS PA SMIN PA'I CHA NAS TING NGE 'DZIN MTHA' YAS PA LA SEMS KUN TU GNAS PA THOB PA'I THEG CHEN GYI NGES 'BYED CHA MTHUN BZHI PAR DMIGS PA DE, CHOS MCHOG GI RTZE SBYOR @05A *, ,GYI MTSAN NYID, ` 'JUG PA DANG NI LDOG PA LA, ,ZHES SOGS KYI SKABS SU, GNYIS LAS, DANG PO NI, MTHONG SPANG DU GYUR BA'I SHES SGRIB KYI RTOG PA LA GNYIS YOD DE, DER GYUR PA'I SHES SGRIB RTOG PA GZUNG RTOG DANG, DER GYUR PA'I SHES SGRIB 'JUG PA GZUNG RTOG GNYIS YOD PA'I PHYIR, DANG PO DE CHOS CAN, KHYOD LA DGU YOD DE, KHYOD LA YUL GYI SGO NAS DBYE NA DGU YOD PA'I PHYIR, GNYIS PA DE CHOS CAN, KHYOD LA DGU YOD DE, KHYOD LA YUL GYI SGO NAS DGU YOD PA'I PHYIR, BYAS PA LA KHO NA RE, THEG CHEN KYI MTHONG LAM DE, MTHONG SPANG DU GYUR BA'I SHES SGRIB 'JUG PA GZUNG RTOG GI YUL YIN PAR THAL, KHYOD KYI SBYOR BA 'THAD PA'I PHYIR, 'DOD NA, DE DE'I YUL MA YIN PAR THAL, DE DE'I SNANG YUL YANG MA YIN, DE DE'I ZHEN YUL YANG MA YIN PA'I PHYIR NA MA KHYAB, DANG PO DER THAL, DE RTOG PA'I SNANG YUL MA YIN PA'I PHYIR, GNYIS PA DER THAL, DE'I ZHEN YUL MED PA'I PHYIR, MTHA' DPYAD PA LA, KHA CIG ,THEG CHEN GYI LAM 'BRAS BU DANG BCAS PA LA DMIGS NAS 'JUG BYAR BDEN PAR ZHEN PA'I ZHEN RIG DE, SHES SGRIB 'JUG PA GZUNG RTOG GI MTSAN NYID, THEG DMAN GYI LAM 'BRAS BU DANG BCAS PA LA DMIGS NAS LDOG BYAR BDEN PAR ZHEN PA'I ZHEN RIG NGE, SHES SGRIB LDOG PA GZUNG RTOG GI MTSAN NYID ZER NA, DANG PO LA THEG CHEN GYI TSOGS LAM LA DMIGS NAS LONGS SPYAD BYAR BDEN PAR ZHEN BA'I ZHEN RIG CHOS CAN, MTSAN NYID DER THAL, MTSON BYA DE'I PHYIR, MA GRUB NA DER THAL, RANG GI DMIGS YUL DU GYUR PA'I THEG CHEN GYI LAM GYI 'JUG BYA LA DMIGS NAS BDEN PAR ZHEN PA'I ZHEN RIG YIN PA'I PHYIR, 'DOD NA, DE CHOS CAN, THEG CHEN GYI LAM 'BRAS BU DANG BCAS PA KHYOD KYI DMIGS YUL YIN PAR THAL LO, ,'DOD MI NUS TE, KHYOD KYI DMIGS YUL DANG 'DZIN STANGS KYI YUL GNYIS SU PHYE BA'I DMIGS YUL YIN NA THEG CHEN GYI TSOGS LAM YIN DGOS PA'I PHYIR, GNYIS PA LA, NYAN THOS KYI TSOGS LAM LA DMIGS NAS LONGS SPYAD BYAR BDEN PAR @05B ZHEN PA'I ZHEN RIG CHOS CAN, MTSAN NYID DER THAL, MTSON BYA DE'I PHYIR TE, RANG GI DMIGS YUL DU GYUR PA'I THEG CHEN LAM GYI LDOG BYAR BDEN PAR ZHEN PA'I ZHEN RIG YIN PA'I PHYIR, 'DOD NA, DE CHOS CAN, THEG DMAN GYI LAM 'BRAS BU DANG BCAS PA KHYOD KYI DMIGS YUL YIN PAR THAL LO, ,'DOD MI NUS TE, KHYOD KYI DMIGS YUL DANG 'DZIN STANGS KYI YUL GNYIS SU PHYE BA'I DMIGS YUL YIN NA NYAN THOS KYI TSOGS LAM YIN DGOS PA'I PHYIR, KHA CIG ,BYANG SEMS LAM GYI 'JUG BYA LA DMIGS NA SA LONGS SPYAD BYAR BDEN PAR ZHEN PA'I ZHEN RIG DE, SHES SGRIB 'JUG PA GZUNG RTOG GI MTSAN NYID BYANG SEMS LAM GYI LDOG BYA LA DMIGS NAS LDOG BYAR BDEN PAR ZHEN PA'I ZHEN RIG DE, SHES SGRIB LDOG PA GZUNG RTOG GI MTSAN NYID ZER NA, DANG PO LA, THEG CHEN GYI TSOGS LAM LA DMIGS NAS LONGS SPYAD BYAR BDEN PAR ZHEN PA'I ZHEN RIG CHOS CAN, MTSAN NYID DER THAL, MTSON BYA DE'I PHYIR, MA GRUB NA, DER THAL, DE RANG GI DMIGS YUL DU GYUR PA'I BYANG SEMS LAM GYI 'JUG BYA LA DMIGS NAS LONGS SBYANG BYAR BDEN PAR ZHEN PA'I ZHEN RIG YIN PA'I PHYIR TE, CHOS CAN DE'I PHYIR, 'DOD MI NUS TE, BYANG SEMS LAM GYI 'JUG BYA KHYOD KYI DMIGS YUL MA YIN PA'I PHYIR, MTSAN NYID PHYI MA LA NYAN THOS KYI TSOGS LAM LA DMIGS NA LONGS SPYAD BYAR BDEN PAR ZHEN PA'I ZHEN RIG CHOS CAN, MTSAN NYID DER THAL, MTSON BA DE'I PHYIR, RTAGS GRUB STE, RANG GI DMIGS YUL DU GYUR PA'I BYANG SEMS LAM GYI LDOG BYA LA DMIGS NAS LONGS SPYAD BYAR BDEN PAR ZHEN PA'I ZHEN RIG YIN PA'I PHYIR TE, CHOS CAN DE'I PHYIR, 'DOD MI NUS TE, BYANG SEMS LAM GYI LDOG BYA KHYOD KYI DMIGS YUL MA YIN PA'I PHYIR, KHA CIG ,RANG GI DMIGS YUL DU GYUR PA'I 'JUG BYA'I CHOS LA DMIGS NAS 'JUG BYA'I GZUNG BAR BDEN PAR ZHEN PAS RAB TU PHYE BA'I BDEN 'DZIN KUN BRTAGS DE, MTHONG SPANG SHES SGRIB 'JUG PA GZUNG RTOG GI MTSAN NYID, RANG GI DMIGS @06A *, ,YUL DU GYUR PA'I BYANG SEMS LAM GYI 'JUG BYA'I CHOS LA DMIGS NAS 'JUG BYA'I GZUNG BAR BDEN PAR ZHEN PAS RAB TU PHYE BA'I BDEN 'DZIN KUN BRTAGS DE, SKABS 'DIR DNGOS SU BSTAN PA'I MTHONG SPANG SHES SGRIB 'JUG PA GZUNG RTOG GI MTSAN NYID, RANG GI DMIGS YUL DU GYUR PA'I BYANG SEMS LAM GYI LDOG BYA'I CHOS LA DMIGS NAS LDOG BYA'I GZUNG BAR BDEN PAR ZHEN PAS RAB TU PHYE PA'I BDEN 'DZIN KUN BRTAGS DE, MTHONG SPANG SHES SGRIB LDOG PA GZUNG RTOG GI MTSAN NYID, RANG GI DMIGS YUL DU GYUR PA'I BYANG SEMS LAM GYI DOR BYA YANG YIN, DMAN PA'I LAM GYI BLANG BYA YANG YIN PA'I GZHI MTHUN PAR DMIGS NAS BYANG SEMS LAM GYI LDOG BYA'I GZUNG BAR BDEN PAR ZHEN PAS RAB TU PHYE BA'I BDEN 'DZIN KUN BRTAGS DE, SKABS 'DIR DNGOS SU BSTAN PA'I MTHONG SPANG SHES SGRIB LDOG PA GZUNG RTOG GI MTSAN NYID ZER NA, SHES SGRIB 'JUG PA GZUNG RTOG YIN NA, RANG GI DMIGS YUL DU GYUR PA'I BYANG SEMS LAM GYI 'JUG BYA'I CHOS LA DMIGS PAS KHYAB PAR THAL, SHES SGRIB LDOG PA GZUNG RTOG YOD NA RANG GI DMIGS YUL DU GYUR PA'I BYANG SEMS LAM GYI LDOG BYA'I CHOS LA DMIGS PAS KHYAB BA'I PHYIR, RTAGS KHAS, 'DOD NA, NYAN THOS KYI TSOGS LAM LA DMIGS NAS BYANG SEMS LAM GYI 'JUG BYA'I GZUNG BAR BDEN PAR ZHEN PAS RAB TU PHYE BA'I BDEN 'DZIN KUN BRTAG CHOS CAN, DER THAL, DE'I PHYIR, MA GRUB NA, DE CHOS CAN, DER THAL, RANG GI DMIGS YUL DU GYUR PA'I 'JUG BYA'I CHOS LA DMIGS NAS 'JUG BYA'I GZUNG BAR BDEN PAR ZHEN PAS RAB TU PHYE BA'I BDEN 'DZIN KUN BRTAGS YIN PA'I PHYIR, KHYAB PA KHAS, MA GRUB NA, DER THAL, NYAN THOS TSOGS LAM DE 'JUG BYA'I GZUNG BA YIN PA'I PHYIR, DER THAL, DE NYAN THOS TSOGS LAM PA'I 'JUG BYA YIN PA'I PHYIR, RTZA BAR 'DOD MI NUS TE, NYAN THOS KYI TSOGS LAM DE BYANG SEMS LAM GYI 'JUG BYA'I GZUNG BA MA YIN PA'I PHYIR, GZHAN YANG, NYAN THOS KYI TSOGS LAM LA DMIGS NAS BYANG SEMS LAM GYI LDOG BYA'I GZUNG BAR @06B BDEN PAR ZHEN PAS RAB TU PHYE BA'I BDEN 'DZIN KUN BRTAGS CHOS CAN, RANG GI DMIGS YUL DU GYUR BA'I BYANG SEMS LAM GYI LDOG BYA'I CHOS LA DMIGS NAS SDOG BYA'I GZUNG BAR BDEN PAR ZHEN PAS RAB TU PHYE BA'I BDEN 'DZIN KUN BRTAGS YIN PAR THAL, MTHONG SPANG SHES SGRIB LDOG PA GZUNG RTOG YIN PA'I PHYIR, KHYAB PA KHAS, 'DOD NA, NYAN THOS KYI TSOGS LAM CHOS CAN, KHYOD LA DMIGS NAS LDOG BYA'I GZUNG BAR BDEN PAR ZHEN PA'I BDEN 'DZIN KUN BRTAGS YOD PAR THAL LO, ,'DOD NA, DE CHOS CAN, LDOG BYA'I GZUNG BA YIN PAR THAL LO, ,'DOD MI NUS TE, 'JUG BYA'I GZUNG PA YIN PA'I PHYIR, DER THAL, NYAN THOS TSOGS LAM PA'I 'JUG BYA YIN PA'I PHYIR, RANG LUGS LA, RANG GI DMIGS YUL DU GYUR PA'I THEG CHEN LAM GYI 'JUG BYA LA DMIGS NAS LONGS SPYAD BYAR BDEN PAR ZHEN PA'I ZHEN RIG, SHES SGRIB 'JUG PA GZUNG RTOG GI MTSAN NYID, RANG GI DMIGS YUL DU GYUR PA'I THEG CHEN LAM GYI LDOG BYA LA DMIGS NAS LONGS SPYAD BYAR BDEN PAR ZHEN PA'I ZHEN RIG, SHES SGRIB LDOG PA GZUNG RTOG GI MTSAN NYID,` SO SOR SKYE BO 'PHAGS DBYE BAS, ,ZHES SOGS KYI SKABS SU, SBYOR BA NI, SHES SGRIB 'DZIN RTOG CHOS CAN, KHYOD LA DBYE NA GNYIS YOD DE, SHES SGRIB RDZAS 'DZIN RTOG PA DANG, SHES SGRIB BTAGS 'DZIN RTOG PA GNYIS YOD PA'I PHYIR, DE GNYIS KA LA DGU DGU YOD DE, DE GNYIS KA LA YUL GYI SGO NAS DGU DGU YOD PA'I PHYIR, ` DRI MA ZAD DANG MI SKYE BA'I, ,ZHES SOGS GYIS SKABS SU, GNYIS LAS, DANG PO NI, RNAM MKHYEN CHOS CAN, BYANG CHUB CHEN PO YIN TE, ZAD MI SKYE SHES PA'I YE SHES MTHAR THUG YIN PA'I PHYIR, RNAM MKHYEN CHOS CAN, BRAD PA SHES PA'I BYANG CHUB CHEN PO YIN TE, DRI MA ZAD PA DON DAM PAR MED PAR MNGON SUM DU RTOGS PA'I YE SHES MTHAR THUG YIN PA'I PHYIR, RNAM MKHYEN CHOS CAN, MI SKYE SHES PA'I BYANG CHUB CHEN PO YIN TE, DRI MA DON DAM PAR SKYE BA MED PAR MNGON SUM DU RTOGS PA'I YE SHES MTHAR THUG YIN PA'I PHYIR, GNYIS PA LA, KHA CIG, ,DRI MA ZAD MI SKYE BDEN MED DU MNGON SUM DU RTOGS PA'I YE @07A *, ,SHES DE, BYANG CHUB CHEN PO'I MTSAN NYID ZER NA, THEG CHEN GYI MTHONG LAM BAR CHAD MED LAM CHOS CAN, MTSON BYA DER THAL, MTSAN NYID DE'I PHYIR, RTAGS GSAL GNYIS KA GRUB STE, CHOS CAN DE'I PHYIR, KHA CIG, DRI MA ZAD MI SKYE BDEN MED DU MNGON SUM DU RTOGS PA'I MTHAR PHYIN PA'I YE SHES DE, BYANG CHUB CHEN PO'I MTSAN NYID ZER NA, LONG SKU CHOS CAN, MTSAN NYID DER THAL, MTSON BYA DE'I PHYIR TE, 'BRAS BU CHOS SKU YIN PA'I PHYIR, 'DOD NA, DE CHOS CAN, YE SHES YIN PAR THAL LO, ,BYAS PA LA KHO NA TE, NYAN THOS DGRA BCO PA DE NYAN THOS KYI BYANG CHUB CHEN PO YIN PAR THAL, LONG SKU BYANG CHUB CHEN PO YIN PA'I PHYIR NA MA KHYAB, GZHAN YANG, LONG SKU BYANG CHUB CHEN PO YIN PAR THAL, NGO BO NYID SKU DE DE YIN PA'I PHYIR TE, 'GOG PA LA STONG PA NYID SKYE BA DANG 'GAG PA DANG ZHES PA'I THAD KYI RNAM BSHAD LAS, SANGS RGYAS 'PHAGS PA BYANG CHUB CHEN PO YIN PAR BSHAD PA'I PHYIR DANG, RGYUD BLA MA LAS, BZO DANG SKYE BA BYANG CHUB CHE, ZHES SPRUL SKU BYANG CHUB CHEN PO YIN PAR BSHAD PA'I PHYIR, KHA CIG, GNAS SKABS KYI BYANG CHEN MED ZER NA, 'O NA, RNAM BSHAD LAS, MTHA'I BYANG CHEN GYI RGYU YANG STON PA YIN MOD KYI, GNAS SKABS KYI BYANG CHUB CHEN PO MTHONG LAM RTZE SBYOR GYI RGYU STON PA LA NGES PAR SBYAR BAR BYA BA KHO NA'O, ,ZHES BSHAD PA MI 'THAD PAR THAL LO, ,` RANG LUGS LA, DRI MA ZAD MI SKYE BDEN MED DU MNGON SUM DU RTOGS PA'I MTHAR PHYIN PA'I YE SHES DANG LDAN PA DE, BYANG CHUB CHEN PO'I MTSAN NYID, DE LA DBYE NA, SKU GSUM DU YOD, BYAS PA LA KHO NA RE, NGO BO NYID SKU CHOS CAN, MTSAN NYID DER THAL, MTSON BYA DE'I PHYIR, 'DOD NA, DE CHOS CAN, YE SHES DANG LDAN PAR THAL, ,'DOD NA, DE CHOS CAN, SEMS LDAN YIN PAR THAL LO ZER NA, MA KHYAB PO, ,`GZHAN GYI CHOS RNAMS KYANG YOD LA, ZHES SOGS KYI SKABS SU, MTHA' DPYAD PA LA, KHA CIG ,DNGOS SMRA BAS CHOS THAMS CAD BDEN GRUB TU DAM BCAS NAS STON PA SANGS RGYAS KYIS SHES SGRIB SPANGS PAR KHAS BLANGS PA LA, RJE BTZUN BYAMS MGON GYIS MTSAR DU BRTZIS @07B PA'I RGYU MTSAN YOD DO, CHOS THAMS CAD BDEN PAR GRUB NA STON PA SANGS RGYAS KYI SHES SGRIB MA SPANGS DGOS PA'I PHYIR, ZER NA, SEMS TZAM PAS CHOS THAMS CAD BDEN GRUB TU KHAS LEN PAR THAL, SBYOR BA THAD PA'I PHYIR, 'DOD NA, DES KUN BRTAGS BDEN GRUB TU KHAS LEN PAR THAL LO; ;'DOD MI NUS TE, DES DE BDEN MED DU KHAS LEN PA'I PHYIR, RANG LUGS LA, SEMS TZAM PAS SGRIB GNYIS BDEN GRUB TU DAM BCAS NAS STON PA SANGS RGYAS KYIS SHES SGRIB SPANGS PAR KHAS BLANGS PA LA RJE BTZUN BYAMS MGON GYIS MTSAR DU BRTZIS PA'I RGYU MTSAN YOD DE, SGRIB GNYIS BDEN PAR GRUB NA STON PA SANGS RGYAS KYIS SHES SGRIB MA SPANGS DGOS PA'I PHYIR, ` ,DE LA SKYE BA DANG 'JIG PAS STONG PA'I PHYIR, ZHES SOGS KYI SKABS SU GNYIS LAS, DANG PO NI, NYER LEN GYI PHUNG PO CHOS CAN, TSOG RGYUN GANG LA BRTEN NAS BTAGS PA TZAM MA YIN PA'I GANG ZAG GI BDAG GIS STONG STE, SKYE 'JIG CAN YIN PA'I PHYIR, KHYAB STE, GANG ZAG GI BDAG YIN NA SKYE 'JIG MI BYED DGOS PA'I PHYIR, MTHA' DPYAD PA LA, KHA CIG, RNAL 'BYOR GYI SA DE LA GANG ZAG GI BDAG MED RTOGS PA'I RNAL 'BYOR GYIS, GZUNG BA BDEN MED DU RTOGS PA'I RNAL 'BYOR GYIS, 'DZIN PA BDEN MED DU RTOGS PA'I RNAL 'BYOR GYIS, SPROL BRAL RTOGS PA'I RNAL 'BYOR GYI SA DANG BZHI LAS, DANG PO NI, NYAN THOS SDE GNYIS, GNYIS PA SEMS TZAM RNAM BDEN PA, GSUM PA SEMS TZAM RNA RDZUN PA, BZHI PA DBU MA PA LA SBYOR RO, ,ZER NA, GZUNG BA RDZAS GZHAN MA YIN PAR TSAD MAS NGES PA'I GANG ZAG YIN NA, 'DZIN PA RDZAS GZHAN MA YIN PAR TSAD MAS NGES PA'I GANG ZAG YIN PAS MA KHYAB PAR THAL, KHYOD KYI RNAL 'BYOR GYI SA DE LA DE BZHIR 'BYED RIGS PA'I PHYIR, 'DOD NA, DE KHYAB PAR THAL, SNGON PO SNGON SNANG DBANG SHES DANG RDZAS GZHAN MA YIN PAR TSAD MAS NGES PA'I GANG ZAG YIN NA, SNGON SNANG DBANG SHES SNGON PO DANG RDZAS GZHAN MA YIN PAR TSAD MAS NGES PA'I GANG ZAG YIN DGOS PA'I PHYIR, SNGON PO SNGON SNANG DBANG SHES DANG RDZAS GZHAN MA YIN PAR TSAD MAS GRUB PA'I GANG ZAG YIN, SNGON SNANG DBANG SHES SNGON PO @08A *, ,DANG RDZAS GZHAN MA YIN PAR TSAD MAS GRUB PA'I GANG ZAG YIN DGOS PA'I PHYIR, KHA CIG, RNAL 'BYOR GYI SA DE LA SDAR LTAR BZHIR PHYE NAS, GZUNG MED RTOGS ZHES PA GZUNG BA RANG BZHIN MED PAR RTOGS PA LA BYED PA DANG, 'DZIN MED RTOGS ZHES PA, 'DZIN PA RANG BZHIN MED PAR RTOGS PA LA BYED CING, RNAL 'BYOR GYIS DANG PO NYAN THOS SDE PA, GNYIS PA RANG RGYAL, GSUM PA SEMS TZAM PA'I LTA BA LA SBYOR ZER NA, DE MI 'THAD BAR THAL, RANG SANGS RGYAS DANG SEMS TZAM PA GNYIS KYI BSGOM BYA'I GTZO BO'I LTA BA LA MTHO DMAN GYI KHYAD PAR MED PA'I PHYIR, GZHAN YANG, KHYOD KYI RNAL 'BYOR GYI SA DE LA BZHIR 'BYED MI RIGS PAR THAL, CHOS GCIG GI STENG DU BDEN MED TSAD MAS NGES NA CHOS GZHAN GYI STENG DU BDEN PAR YOD MED BLO KHA PHYOGS BTZAM GYIS BDEN MED DU RTOGS NUS PA'I PHYIR TE, BZHI BRGYA PA LAS GANG GIS DNGOS GCIG DE BZHIN NYID MTHONG BA, ,DE YIS DNGOS KUN DE BZHIN NYID DU MTHONG, ,ZHES BSHAD PA'I PHYIR, GZHAN YANG, SEMS TZAM PAS YANG DAG MA YIN PA'I KUN RTOG BDEN MED DU TSAD MAS NGES PAR THAL, DES 'DZIN PA BDEN MED DU TSAD MAS NGES PA'I PHYIR, 'DOD MI NUS TE, DES DE BDEN GRUB TU KHAS LEN PA'I PHYIR TE, DBUS MTHA' LAS, YANG DAG MA YIN KUN RTOG YOD, ,CES PA'I GZHUNG 'DI DE'I RANG GZHUNG RNAM DAG YIN PA'I PHYIR, GZHAN YANG, SEMS TZAM PAS CHOS KYI BDAG 'DZIN BDEN MED DU TSAD MAS DES PAR THAL, DES 'DZIN PA BDEN MED DU TSAD MAS NGES PA'I PHYIR, RTAGS KHAS, 'DOD MI NUS TE, DES CHOS KYI BDAG 'DZIN BDEN GRUB TU KHAS LEN PA'I PHYIR, MKHAS PA KHA CIG GIS BDAG MED RTOGS PA'I RNAL 'BYOR GYI SA LA GSUM DU GRANGS NGES PA YIN TE, GANG ZAG GI BDAG MED RTOGS PA'I RNAL 'BYOR GYIS, GNYIS STONG RTOGS PA'I RNAL 'BYOR GYIS, BDEN MED RTOGS PA'I RNAL 'BYOR GYI SA DANG BCAS PA GSUM DU GRANGS NGES PA'I PHYIR TE, BSGOM BYA BDAG MED LA YANG GSUM DU GRANGS NGES, SPANG BYANG DAG 'DZIN LA YANG GSUM @08B GRANG NGES PA'I PHYIR ZER NA, 'O NA, BDEN MED RTOGS PA'I RNAL 'BYOR GYI SA YIN NA, BDAG MED RTOGS PA'I RNAL 'BYOR GYI SA YIN DGOS PAR THAL, KHYOD KYI DBYE BA 'THAD PA'I PHYIR, 'DOD NA, THEG CHEN GYI MTHONG LAM SDUG BSNGAL CHOS BZOD CHOS CAN, DER THAL, DE'I PHYIR TE, CHOS CAN DE'I PHYIR, 'DOD NA, DES BDAG MED MNGON SUM DU RTOGS PAR THAL, 'DOD PA'I PHYIR, 'DOD NA, BDAG MED DE'I DNGOS GZHAL YIN PAR THAL LO, ,'DOD NA, BDAG MED CHOS CAN, DON DAM BDEN PA YIN PAR THAL LO, ,'DOD MI NUS TE, KUN RDZOB BDEN PA YIN PA'I PHYIR, GZHAN YANG, BDEN 'DZIN YIN NA BDAG 'DZIN YIN DGOS PAR THAL, SPANG BYA BDAG 'DZIN LA GSUM DU GRANGS NGES PA'I PHYIR, 'DOD NA, NYAN THOS DGRA BCOM PAS BDAG 'DZIN MA SPANGS PAR THAL, 'DOD PA GANG ZHIG, DES BDEN 'DZIN MA SPANGS PA'I PHYIR, 'DOD NA, DES 'KHOR BA MA SPANGS PAR THAL LO, ,YANG KHA CIG, GANG ZAG GI BDAG MED MNGON SUM DU RTOGS PA'I RNAL 'BYOR GYI SA DE, RNAL 'BYOR GYI SA DANG PO'I MTSAN NYID ZER NA, BDAG MED RTOGS PA'I NYAN THOS KYI TSOGS LAM CHOS CAN, GANG ZAG GI BDAG MED MNGON SUM DU RTOGS PA'I RNAL 'BYOR GYI SA YIN PA'I THAL, ,RNAL 'BYOR GYI SA DANG PO YIN PA'I PHYIR TE, CHOS CAN DE'I PHYIR, GONG DU 'DOD MI NUS TE, CHOS CAN DE DANG GCIG YIN PA'I PHYIR KHA CIG, BDAGS MED RTOGS PA'I LAM ZHUGS KYI MKHYEN PA DE, RNAL 'BYOR GYI SA DANG PO'I MTSAN NYID, ZER NA RNAM MKHYEN CHOS CAN, RNAL 'BYOR GYI SA DANG PO YIN PAR THAL, MTSAN NYID DE'I PHYIR, YANG KHA CIG, NYAN THOS KYI RTOGS RIGS SU GNAS PA'I MKHYEN PA DE, RNAL 'BYOR GYI SA DANG PO'I MTSAN NYID, ZER NA, NYAN THOS MTHONG LAM PA'I RGYUD KYI THAR PA DON GNYER GYI BLO CHOS CAN, MTSON BYA DER THAL, MTSAN NYID DE'I PHYIR, 'DOD NA, DE CHOS CAN, BDAG MED RTOGS PA'I RNAL 'BYOR GYI SA YIN PAR THAL LO, ,'DOD NA, DE CHOS CAN, GANG ZAG GI BDAG MED RTOGS PAR THAL LO, ,KHA CIG, NYAN THOS KYI SHES RAB KYI RTOGS RIGS SU GNAS PA'I LAM ZHUGS @09A *, ,KYI MKHYEN PA DE, RNAL 'BYOR GYI SA DANG PO'I MTSAN NYID ZER NA, NYAN THOS MTHONG LAM PA'I RGYUD KYI THAR PA DON GNYER GYI BLO CHOS CAN, MTSON BYA DER THAL, MTSAN NYID DE'I PHYIR, 'DOD NA DE CHOS CAN, BDAG MED RTOGS PA'I RNAL 'BYOR GYI SA YIN PAR THAL LO 'DOD NA, DE CHOS CAN, GANG ZAG GI BDAG MED RTOGS PAR THAL LO, ,YANG KHA CIG, NYAN THOS KYI SHES RAB KYI RTOGS RIGS SU GNAS PA'I LAM ZHUGS KYI MKHYEN PA DE, SKABS 'DIR DNGOS SU BSTAN PA'I RNAL 'BYOR GYI SA DANG PO'I MTSAN NYID ZER NA, BYANG SEMS MTHONG LAM PA'I RGYUD KYI 'DUS BYAS MI RTAG PAR RTOGS PA'I BLO CHOS CAN, MTSON BYA DER THAL, MTSAN NYID DE'I PHYIR, RTAGS GRUB STE, CHOS CAN DE'I PHYIR, 'DOD NA, DE GANG ZAG GI BDAG MED RTOGS PA'I RNAL 'BYOR GYI SA YIN PAR THAL LO, ,'DOD NA, 'DUS BYAS MI RTAG PAR RTOGS PA'I BLO YIN NA GANG ZAG GI BDAG MED RTOGS PA'I BLO YIN DGOS PAR THAL, 'DOD PA'I PHYIR, 'DOD NA, 'DUS BYAS MI RTAG PAR TSAD MAS NGES PA'I GANG ZAG YIN NA, GANG ZAG GI BDAG MED TSAD MAS DES PA'I GANG ZAG YIN DGOS PAR THAL, 'DOD PA'I PHYIR, RANG LUGS LA, ZHI LHAG ZUNG 'BREL GYIS ZIN PA'I MNGON RTOGS GANG ZHIG, YON TAN DU MA'I RTEN BYED PA DE, RNAL 'BYOR GYI SA'I MTSAN NYID, DE LA RTEN GYI SGO NAS DBYE NA, NYAN THOS, RANG RGYAL, THEG CHEN GYI RNAL 'BYOR GYI SA DANG GSUM YOD, YUL GYI SGO NAS DBYE NA, GANG ZAG GI BDAG MED RTOGS PA'I RNAL 'BYOR GYI SA, GNYIS STONG RTOGS PA'I RNAL 'BYOR GYI SA, BDEN MED RTOGS PA'I RNAL 'BYOR GYIS, GSUM YOD, SA 'TSAMS TSOGS LAM NAS SANGS RGYAS KYI SA'I BAR NA YOD, RTZOD PA SPONG PA LA KHO NA RE, BYANG SEMS TSOGS LAM PA'I RGYUD KYI GANG ZAG GI BDAG MED RTOGS PA'I MKHYEN PA CHOS CAN, BYANG SEMS KYI RNAL 'BYOR GYI SA YIN PAR THAL, DAM BCA' 'THAD PA'I PHYIR, 'DOD NA, DE BYANG SEMS KYI RNAL 'BYOR GYI SA DANG PO YIN PAR THAL LO, 'DOD NA, DE CHOS CAN, BYANG SEMS KYI SA DANG PO YIN PAR THAL LO, ,NAM @09B KHYAB, ` SNGON PO DANG DE'I BLO DAG LHAN CIG DMIGS PA NGES PA'I PHYIR, ZHES SOGS KYI SKABS SU GNYIS LAS, DANG PO NI, SNGON PO DANG SNGO 'DZIN DBANG MNGON GNYIS CHOS CAN, RDZAS GZHAN MA YIN TE, LHAN CIG DMIGS NGES YIN PA'I PHYIR, MTHA' DPYAD PA LA, KHA CIG, SNGON PA DANG SNGON PO 'DZIN PA'I BLO GNYIS CHOS CAN, RDZAS GZHAN MA YIN TE, LHAN CIG DMIGS NGES YIN PA'I PHYIR ZER NA, 'O NA SNGON PO 'DZIN PA'I BLO YOD NA SNGON PO YOD PAS KHYAB PAR THAL, SNGON PO DANG SNGON PO 'DZIN PA'I BLO GNYIS LHAN CIG DMIGS NGES YIN PA'I PHYIR, 'DOD NA, SNGON PO TSAD MAS MA DMIGS PA'I SA PHYOGS CHOS CAN, DER THAL, DE'I PHYIR, `DE YANG RTEN CING 'BREL BAR 'BYUNG BA'I PHYIR, ZHES SOGS KYI SKABS SU, SBYOR BA 'GOD PA NI, GNYIS MED KYI YE SHES CHOS CAN, BDEN PAR MED DE, RTEN 'BREL YIN PA'I PHYIR, DPER NA SGYU MA BZHIN, 'DI LA BSAL BYA CI YANG MED, ,CES SOGS KYI SKABS SU, GNYIS LAS, DANG PO NI, KHAMS RANG BZHIN GYIS DAG PA 'DI LA BDAG GNYIS SNGAR YANG GSAR DU BSAL BAR BYAR MED DE, DE LA BDAG GNYIS SNGAR YOD MA MYONG BA'I PHYIR, DE LA BDAG MED GNYIS SNGAR MED GSAR DU GZHAG PAR BYA BA MED DE, BDAG GNYIS MED PA DE BDAG MED GNYIS KYI RANG BZHIN YIN PA'I PHYIR, BYANG SEMS 'PHAGS PA'I RGYUD KYI STONG NYID MNGON SUM DU RTOGS PA'I SHES RAB CHOS CAN, YANG DAG PA'I LTA BA YIN TE, GNAS LUGS MNGON SUM DU RTOGS PA'I LTA BA YIN PA'I PHYIR, THABS SHES KHYAD PAR CAN GYIS ZIN PA'I SGO NAS GNAS LUGS RTOGS PA'I LTA BA BSGOMS PA LA CHOS CAN, DGOS PA YOD DE, SANGS RGYAS KYI GO 'PHANG THOB PAR BYA BA'I CHED YIN PA'I PHYIR, MTHA' DPYAD PA LA, 'DI LA BSAL BYA CI YANG MED, ,CES PA'I GZHUNG 'DI MNGON RTOGS RGYAN GYI RANG GZHUNG YIN, BYAS PA LA, KHO NA RE, DE YIN NA DE'I RANG GZHUNG YIN DGOS PAR THAL, DAM BCA' 'THAD PA'I PHYIR, 'DOD NA, RGYUD BLA MA'I NANG TSAN DU GYUR PA'I, 'DI LA BSAL BYA CI YANG MED, ,CES PA'I @010A *, ,GZHUNG CHOS CAN, DER THAL, DE'I PHYIR TE, DE YONG PA'I PHYIR NA MA KHYAB, GZHAN YANG, THEG BSDUS KYI NANG TSAN DU GYUR PA'I, 'DI LA BSAL BYA CI YANG MED, ,CES PA'I GZHUNG CHOS CAN, DER THAL, DE'I PHYIR TE, DE YOD PA'I PHYIR NA, MA KHYAB BO, ,SBYIN PA LA SOGS RE RER NI, ,ZHES SOGS KYI SKABS SU GNYIS LAS, DANG PO NI, THEG CHEN GYI MTHONG LAM BAR CHAD MED LAM CHOS CAN, MTHONG LAM RTZE SBYOR YIN TE, MTHONG SPANG RTOG PA'I SA BON DNGOS SU 'JOMS BYED KYI THEG CHEN GYI BDEN PA MNGON RTOGS YIN PA'I PHYIR, MTHA' DPYAD PA LA KHA CIG, MTHONG SPANG RTOG PA'I SA BON DNGOS SU 'JOMS BYED KYI THEG CHEN GYI BDEN PA MNGON RTOGS DE, MTHONG LAM RTZE SBYOR GYI MTSAN NYID, ZER NA, THEG CHEN GYI MTHONG LAM RNAM GROL LAM CHOS CAN, MTSAN NYID DER THAL, MTSON BYA DE'I PHYIR, 'DOD NA DE CHOS CAN, THEG CHEN GYI MTHONG LAM BAR CHAD MED LAM YIN PAR THAL LO, ,'DOD MI NUS SO, ,KHA CIG, DE SKABS 'DIR DNGOS SU BSTAN PA'I MTHONG LAM RTZE SBYOR GYI MTSAN NYID, ZER NA, THEG CHEN GYI MTHONG LAM RTZE SBYOR CHOS CAN, MTSAN NYID DER THAL, MTSON BYA DE'I PHYIR, 'DOD MI NUS TE, THEG CHEN GYI MTHONG LAM RNAM GROL LAM KHYOD YIN PA'I PHYIR, RANG LUGS LA, MTHONG SPANG RTOG PA'I SA BON GYI DNGOS GNYEN BYED PA'I RIGS SU GNAS PA'I THEG CHEN GYI BDEN PA MNGON RTOGS DE, MTHONG LAM RTZE SBYOR GYI MTSAN NYID YIN, DE NAS SENG DGE RNAM BSGYINGS PA'I, ,ZHES SOGS KYI SKABS SU, KHA CIG, THEG CHEN GYI MTHONG LAM RNAM GROL LAM LA GNAS PA'I SEMS DPA' CHOS CAN, MNYAM GZHAG TU SENG DGE RNAM PAR BSGYINGS PA'I TING NGE 'DZIN LA SNYOMS PAR 'JUG PA'I RGYU MTSAN YOD DE, MTHONG SPANG SGRIB GNYIS LA 'JIGS PA MED PAR BYA BA'I CHED YIN PA'I PHYIR, BYANG SEMS MTHONG LAM PAS RJES THOB KYI GNAS SKABS SU RTEN 'BREL LUGS 'BYUNG LUGS LDOG TU SGOM PA LA CHOS CAN, DGOS PA YOD DE, BDEN BZHI'I GNAS LUGS KHONG DU @010B CHUD PAR BYA BA'I CHED YIN PA'I PHYIR, ZER NA, 'O NA, THEG CHEN GYI MTHONG LAM RNAM GROL LAM LA GNAS PA'I SEMS DPA' DE, MTHONG SPANG SGRIB GNYIS KYI 'JIGS PA DANG BCAS PAR THAL, SBYOR BA SNGA MA 'THAD PA'I PHYIR, 'DOD MI NUS TE, MTHONG SPANG SGRIB GNYIS MA LUS PAR SPANGS, PA'I SEMS DPA' YIN PA'I PHYIR, GZHAN YANG, BYANG SEMS MTHONG LAM PAS BDEN BZHI'I GNAS LUGS KHONG DU MA CHUD PAR THAL, ,SBYOR BA PHYI MA 'THAD PA'I PHYIR, 'DOD MI NUS TE, STONG NYID MNGON SUM DU RTOGS PA'I BYANG SEMS 'PHAGS PA YIN PA'I PHYIR, RANG LUGS LA MTHONG LAM RTZE SBYOR LA GNAS PA'I SEMS DPA' CHOS CAN, SPANG BYA LA DBANG BYED PA'I BYED LAS DANG LDAN PA YIN TE, MNYAM GZHAG TU SENG DGE RNAM PAR BSGYINGS PA'I TING NGE 'DZIN LA MNYAM PAR BZHAG NAS RJES THOB KYI GNAS SKABS SU RTEN 'BREL LUGS MTHUN DANG, LUGS MI MTHUN RTOG PAR BYED PA'I THEG CHEN KYI BDEN PA MNGON RTOGS LA GNAS PA'I SEMS DPA' YIN PA'I PHYIR, KHA CIG, THEG CHEN GYI MTHONG LAM RNAM GROL LAM DE SENG DGE RNAM PAR BSGYINGS PA'I TING NGE 'DZIN YIN ZER NA, DE CHOS CAN, TING NGE 'DZIN YIN PAR THAL, DAM BCA' 'THAD PA'I PHYIR, 'DOD NA, SEMS BYUNG YIN PAR THAL LO, ,'DOD MI NUS TE, KHYOD DANG GTZO SEMS KYI GZHI MTHUN YOD PA'I PHYIR,` 'GOG DANG BCAS PA'I SNYOMS 'JUG DGUR, ZHES SOGS KYI SKABS SU GNYIS LAS, DANG PO NI, BYANG SEMS SGOM LAM PA'I RGYUD KYI THOD RGAL GYI TING NGE 'DZIN LA SNYOMS PAR 'JUG PA'I YE SHES CHOS CAN, SGOM LAM RTZE SBYOR YIN TE, SGOM SPANG RTOG PA'I SA BON GYI DNGOS GNYEN BYED PA'I RIGS SU GNAS PA'I THEG CHEN GYI RJES LA MNGON RTOGS YIN PA'I PHYIR, MTHA' DPYAD PA LA, KHA CIG, `SGOM SPANG RTOG PA'I DNGOS GNYEN BYED PA'I THEG CHEN GYI RJES LA MNGON RTOGS DE, SGOM LAM RTZE SBYOR GYI MTSAN NYID, ZER NA, SA GNYIS PA'I BAR CHAD MED LAM CHOS CAN, MTSAN NYID DER THAL, MTSON BYA DE'I PHYIR, RTAGS GRUB STE, THEG CHEN GYI SGOM LAM YIN PA'I PHYIR, 'DOD NA @11A *, ,SGOM SPANG RTOG PA SPANGS PA'I BYANG SEMS SA GSUM PA BA YOD PAR THAL LO, ,BYAS PA LA, KHO NA RE, DE CHOS CAN, SGOM SPANG RTOGS PA'I DNGOS GNYEN BYED PA'I THEG CHEN GYI RJES LA MNGON RTOGS YIN PAR THAL, RANG GI NGO SKAL GYI SGOM SPANG RTOG PA'I DNGOS GNYEN BYED PA'I THEG CHEN GYI RJES LA MNGON RTOGS YIN PA'I PHYIR NA MA KHYAB, KHA CIG ,RANG GI NGO SKAL GYI SPANG BYAR GYUR PA'I SGOM SPANG RTOG PA'I DNGOS GNYEN BYED PA'I THEG CHEN GYI RJES LA MNGON RTOGS DE, DE'I MTSAN NYID, ZER NA, BYANG SEMS SGOM LAM PA'I RGYUD KYI KUN RDZOB SEMS BSKYED CHOS CAN, MTSAN NYID DER THAL, MTSON BYA DE'I PHYIR, 'DOD NA, DE CHOS CAN, SGOM LAM BAR CHAD MED LAM YIN PAR THAL LO,, ` ,,MDOR BSDUS RGYAS DANG SANGS RGYAS KYI, ,ZHES SOGS KYI SKABS SU, SBYOR BA 'GOD PA NI, MDO RGYAS KYI GSUNG RAB BRJOD BYA DANG BCAS PA CI RIGS PA LA DMIGS NAS LONGS SPYAD BYAR BDEN PAR ZHEN PA'I BDEN 'DZIN LHAN SKYES CHOS CAN, SGOM SPANG 'JUG PA BZUNG RTOG GI MTSAN NYID YIN TE, DE'I 'JOG BYED YIN PA'I PHYIR, DE LA DBYE NA DGU YOD DE, YUL GYI SGO NAS DGU YOD PA'I PHYIR, MTHA' DPYAD PA LA, KHA CIG ,MDO RGYAS KYI GSUNG RAB BRJOD BYA DANG BCAS PA LA DMIGS NAS LONGS SPYAD BYAR BDEN PAR ZHEN PA'I BDEN 'DZIN LHAN SKYES DE, SGOM SPANG 'JUG PA GZUNG RTOG GI MTSAN NYID YIN ZER NA, THEG CHEN GYI MTHONG LAM LA DMIGS NAS LONGS SPYAD BYAR BDEN PAR ZHEN PA'I BDEN 'DZIN LHAN SKYES CHOS CAN, MTSAN NYID DER THAL, MTSON BYA DE'I PHYIR, RTAGS GRUB STE, LEGS PA'I LAM NI RNAM GSUM LA, ,GZUNGS BA'I RNAM RTOG 'DI GCIG STE, ,ZHES PA'I DON GRUB PA'I PHYIR, 'DOD NA, DE CHOS CAN, MDO RGYAS KYI GSUNG RAB BRJOD BYA DANG BCAS PA KHYOD KYI DMIGS YUL DANG 'DZIN STANG KYI YUL GNYIS SU PHYE BA'I KHYOD KYI DMIGS YUL YIN PAR THAL LO, ,'DOD NA, MDO RGYAS KYI GSUNG RAB BRJOD BYA DANG BCAS PA CHOS CAN, THEG CHEN GYI MTHONG LAM YIN PAR THAL LO, ,YAMS @11B NAD 'DI RNAMS ZAD NAS NI, ,ZHES SOGS KYI SKABS SU GNYIS LAS, DANG PO NI, BYANG SEMS RGYUN MTHA' BA CHOS CAN, THEG PA GSUM GYI SPANGS RTOGS KYI RIGS MTHA' DAG RANG RGYUD LA LDAN PA'I RGYU MTSAN YOD DE, DE LTAR LDAN PA'I 'GAL RKYEN DANG BRAL ZHING MTHUN RKYEN TSANG BA'I SEMS DPA' YIN PA'I PHYIR, 'GAL RKYEN DANG BRAL BA'I DPE NI, NAD PA RIMS NAD LEGS PAR SBYANGS NAS DGA' BA'I DBUGS PHYIN PA THOB PA BZHIN, MTHUN RKYEN TSANG BA'I DPE NI, RGYA MTSO CHEN PO LA CHU BO BZHI NGANG GIS 'DU BA BZHIN NO, ,MTHA' DPYAD PA LA, KHA CIG ,THEG CHEN GYI SGOM LAM CHEN PO'I CHEN PO LA GNAS PA'I SEMS DPA' CHOS CAN, THEG PA GSUM GYI SPANGS RTOGS KYI RIGS MTHA' DAG RANG RGYUD LA LDAN PA'I RGYU MTSAN YOD DE, DE LTAR LDAN PA'I MTHUN RKYEN TSANG ZHING 'GAL RKYEN YAMS NAD DANG 'DRA BA'I BDEN 'DZIN GYI RTOG PA ZAD PAR SPANGS PA'I SEMS DPA' YIN PA'I PHYIR, ZER NA, 'O NA, DES BDEN 'DZIN GYI RTOG PA SPANGS PAR THAL, SBYOR BA 'THAD PA'I PHYIR, RTAGS KHAS, 'DOD NA, DES BDEN 'DZIN SPANGS PAR THAL LO, ,BYAS PA LA, KHO NA RE, BDEN 'DZIN GYI RNYOG PA DANG BDEN 'DZIN GNYIS LA SMOD DKA' SLA'I KHYAD PAR MED PAR THAL, BDEN 'DZIN GYI RTOG PA SPANGS PA'I GANG ZAG YIN NA BDEN 'DZIN SPANGS PA'I GANG ZAG YIN DGOS PA'I PHYIR, 'DOD NA, BDEN 'DZIN DANG DE'I BAG CHAGS GNYIS LA SPONG DKA' SLA'I KHYAD PAR MED PAR THAL LO, ,NA MA KHYAB, 'DOD NA, BDEN 'DZIN MNGON GYUR PA DANG BDEN 'DZIN GYI SA BON GNYIS SPONG DKA' SLA'I KHYAD PAR MED PAR THAL LO,, ` STONG GSUM SKYE BO NYAN THOS DANG, ,ZHES SOGS KYI SKABS SU GNYIS LAS, DANG PO NI RGYUN MTHA'I BAR CHAD MED LAM CHOS CAN, BAR CHAD MED PA'I RTZE SBYOR YIN TE, MKHYEN GSUM BSDUS SGOM RAB TU GYUR PA'I SHES RAB KYIS ZIN PA'I SEMS DPA'I RNAL 'BYOR MTHAR THUG GANG ZHIG ,RANG 'BRAS RNAM MKHYEN DNGOS SU SKYED BYED YIN PA'I PHYIR, MDO LAS, @12A *, ,BAR CHAD MED PA'I RTZE SBYOR BSOD NAMS MANG POS MTSON PAR BSTAN PA'I RGYU MTSAN YOD DE, DE'I 'BRAS BUR GYUR PA'I RNAM MKHYEN DE BSOD NAMS MANG PA'I RGYU MTSAN GYIS DE LTAR BSTAN PA'I PHYIR, MTHA' DPYAD PA LA, KHA CIG ,MKHYEN GSUM GYI RNAM PA SGOM PA'I SEMS DPA'I RNAL 'BYOR GANG ZHIG ,RNAM MKHYEN NI DNGOS SU SKYED BYED DE, BAR CHAD MED PA'I RTZE SBYOR GYI MTSAN NYID, ,ZER NA, RGYUN MTHA'I BAR CHAD MED LAM CHOS CAN, MKHYEN GSUM GYI RNAM PA SGOM PA'I SEMS DPA'I RNAL 'BYOR YIN PAR THAL, MTSON BYA DE'I PHYIR, 'DOD NA, GZHI SHES KYI RNAM PA SGOM PA'I SEMS DPA'I RNAL 'BYOR YIN PAR THAL LO, ,'DOD MI NUS TE, CHOS CAN DE'I PHYIR, KHA CIG ,MKHYEN GSUM BSDUS SGOM RAB TU GYUR PA'I SHES RAB KYIS ZIN PA'I SEMS DPA'I RNAL 'BYOR GANG ZHIG ,RANG 'BRAS RNAM MKHYEN DNGOS SU SKYED BYED DE, BAR CHAD MED PA'I RTZE SBYOR GYI MTSAN NYID, ZER NA, THEG CHEN GYI SBYOR LAM CHOS CAN, MTSON BYA DER THAL, MTSAN NYID DE'I PHYIR, RTAGS GRUB STE, DE'I DNGOS 'BRAS SU GYUR PA'I RNAM MKHYEN YOD PA'I PHYIR, 'DOD NA, RGYUN MTHA'I YE SHES YIN PAR THAL LO, ,KHA CIG, MKHYEN GSUM BSDUS SGOM RAB TU GYUR PA'I SHES RAB KYIS ZIN PA'I SEMS DPA'I RNAL 'BYOR MTHAR THUG GANG ZHIG ,SHES SGRIB KYI DNGOS GNYEN BYED PA DE, BAR CHAD MED PA'I RTZE SBYOR GYI MTSAN NYID, ZER NA, RGYUN MTHA'I BAR CHAD MED LAM PA'I RGYUD KYI KUN RDZOB SEMS BSKYED CHOS CAN, ZUR PHYI MA DER THAL, MTSON BYA DE'I PHYIR, 'DOD MI NUS TE, KUN RDZOB SEMS BSKYED YIN PA'I PHYIR, KHA CIG ,DE BAR CHAD MED PA'I RTZE SBYOR MA YIN ZER NA, SGOM LAM BAR CHAD MED LAM LA GNAS PA'I SEMS DPA'I RGYUD KYI MKHYEN PA YIN NA SGOM LAM RTZE SBYOR YIN MI DGOS PAR THAL, BAR CHAD MED PA'I RTZE SBYOR LA GNAS PA'I SEMS DPA'I RGYUD KYI MKHYEN PA YIN NA, BAR CHAD MED PA'I RTZE SBYOR YIN PAS MA @12B KHYAB PA'I PHYIR, MA GRUB NA, RGYUN MTHA'I BAR CHAD MED LAM PA'I RGYUD KYI KUN RDZOB SEMS BSKYED CHOS CAN, DER THAL, DE'I PHYIR, KHA CIG ,RGYUN MTHA'I BAR CHAD MED LAM PA'I RGYUD LA KUN RDZOB SEMS BSKYED MED ZER NA, 'O NA, DE'I RGYUD LA BSOD NAMS KYI TSOGS SU GYUR PA'I MKHYEN PA MED PAR THAL LO, ,'DOD NA, LONGS SKU DE RANG GI RGYUR GYUR PA'I BSOD NAMS KYI TSOGS LAS MA BYUNG BAR THAL LO, ,'DOD NA, YE SHES CHOS SKU DE RANG GI RGYUR GYUR PA'I YE SHES KYI TSOGS LAS BYUNG BA MA YIN PAR THAL LO, ,'DOD NA, RIN CHEN PHRENG BA LAS CHOS KYI SKU NI MDOR BSDUS NA, ,RGYAL PO YE SHES TSOGS LAS 'KHRUNGS, ,ZHES BSHAD PA MI 'THAD PAR THAL LO, ,KHA CIG ,MKHYEN GSUM BSDUS SGOM RAB TU GYUR PA'I SEMS DPA'I RNAL 'BYOR MTHAR THUG GANG ZHIG ,RANG 'BRAS RNAM MKHYEN DNGOS KYI NYER LEN GYI SGO NAS SKYED BYED DE, BAR CHAD MED PA'I RTZE SBYOR GYI MTSAN NYID, ZER NA, RGYUN MTHA'I BAR CHAD MED LAM SKAD CIG DANG PO CHOS CAN, ZUR PHYI MA DER THAL, MTSON BYA DE'I PHYIR, 'DOD MI NUS TE, KHYOD DANG KHYOD KYI NYER LEN LAS BYUNG BA'I RNAM MKHYEN GNYIS KYI BAR DU RGYUN MTHA'I YE SHES SKAD CIG GNYIS PAS CHOD PA'I PHYIR, RANG LUGS LA, MKHYEN GSUM BSDUS SGOM RAB TU GYUR PA'I SHES RAB KYIS ZIN PA'I SEMS DPA'I RNAL 'BYOR MTHAR THUG GANG ZHIG ,RANG GI 'BRAS BUR GYUR PA'I RNAM MKHYEN DNGOS SU SKYED BYED DE, ,BAR CHAD MED PA'I RTZE SBYOR GYI MTSAN NYID, DE DANG RGYUN MTHA'I YE SHES GNYIS DON GCIG ,BYAS PA LA, ,KHO NA RE, RGYUN MTHA'I YE SHES SKAD CIG DANG PO CHOS CAN, ZUR PHYI MA DER THAL, MTSON BYA DE'I PHYIR, 'DOD MI NUS TE, KHYOD DANG KHYOD KYI 'BRAS BUR GYUR PA'I RNAM MKHYEN GNYIS KYI BAR DU RGYUN MTHA'I YE SHES SKAD CIG GNYIS PAS CHOD PA'I PHYIR, ZER NA, MA GRUB STE, DNGOS PO YIN NA RANG GI 'BRAS BUR GYUR PA'I RNAM MKHYEN DNGOS SU SKYED BYED YIN DGOS PA'I @13A *, ,PHYIR, KHA CIG ,MKHYEN GSUM BSDUS SGOM RAB TU GYUR PA'I SHES RAB KYIS ZIN PA'I SEMS DPA'I RNAL 'BYOR MTHAR THUG GANG ZHIG ,RANG GI 'BRAS BUR GYUR PA'I RNAM MKHYEN NYER LEN GYI SGO NAS SKYED BYED DE, DE'I MTSAN NYID ZER NA, BYANG CHUB SEMS DPA' CHOS 'PHAGS KYI RGYUD KYI RGYUN MTHA'I BAR CHAD MED LAM CHOS CAN, ZUR PHYI MA DER THAL,MTSON BYA DE'I PHYIR, RTAGS GRUB STE, CHOS CAN DE'I PHYIR, 'DOD NA, DE CHOS CAN, KHYOD KYI 'BRAS BUR GYUR PA'I RNAM MKHYEN DE KHYOD KYI NYER LEN BYAS PA LA BRTEN NAS BYUNG BAR THAL LO, ,'DOD NA, DE'I 'BRAS BUR GYUR PA'I RNAM MKHYEN CHOS CAN, STON PA SH'AKYA THUB PA'I RGYUD LA KHYOD MED PAR THAL LO, ,'DOD NA, DE CHOS CAN, STON PA SH'AKYA THUB PA'I RGYUD LA KHYOD KYI 'BRAS BUR GYUR PA'I RNAM MKHYEN YOD PAR THAL, KHYOD DNGOS PO YIN PA'I PHYIR, ` DMIGS PA 'THAD DANG DE YI NI, , ZHES SOGS KYI SKABS SU GNYIS LAS, DANG PO NI, SKABS 'DIR BSTAN GYI BSAL BYA LOG SGRUB CHOS CAN, KHYOD LA BCU DRUG YOD DE, DE LA YUL GYI SGO NAS BCU DRUG YOD PA'I PHYIR, MTHA' DPYAD PA LA KHA CIG ,BDEN GNYIS 'GAL BAR 'DZIN PA'I SA BON DANG MNGON GYUR CI RIGS PAS BSDUS PA, SKABS 'DIR BSTAN GYI BSAL BYA LOG SGRUB KYI MTSAN NYID ZER NA, BDEN GNYIS 'GAL BAR 'DZIN PA'I BLO CHOS CAN, MTSON BYA DER THAL, MTSAN NYID DE'I PHYIR, 'DOD NA, LOG SHES YIN PAR THAL LO, ,'DOD NA, BDEN GNYIS MI 'GAL BAR THAL LO, ,KHA CIG ,MTSAN NYID DE SKABS 'DIR BSTAN GYI BSAL BYA LOG RTOG GI MTSAN NYID ZER NA, SKABS 'DIR BSTAN GYI DE YIN NA SHES PA YIN PAS MA KHYAB PAR THAL, DAM BCA' 'THAD PA'I PHYIR, KHA CIG ,BDEN GNYIS NGO BO GCIG LA GZHI MTHUN DU 'DUR MI RUNG BAR 'DZIN PA'I SA BON DANG MNGON GYUR CI RIGS PAS BSDUS PA DE, SKABS 'DIR BSTAN GYI DE'I MTSAN NYID ZER NA, BDEN GNYIS NGO BO GCIG LA GZHI MTHUN DU 'DUR RUNG BAR THAL, DAM BCA' 'THAD PA'I PHYIR, 'DOD NA, BDEN GNYIS GZHI MTHUN DU 'DUR RUNG BAR THAL LO,, @13B 'DOD NA, BDEN GNYIS KYI GZHI MTHUN YOD PAR THAL LO, ,YANG KHA CIG GIS, BDEN BAR MED PA DANG THA SNYAD DU YOD PA GNYIS 'GAL BAR 'DZIN PA'I SA BON DANG MNGON GYUR CI RIGS PAS BSDUS PA DE, DE'I MTSAN NYID ZER NA, SEMS TZAM PAS BDEN PAR MED PA DANG THA SNYAD YOD PA GNYIS 'GAL BAR KHAS LEN PAR THAL, DAM BCA' 'THAD PA'I PHYIR, 'DOD MI NUS TE, DES KUN BRTAGS BDEN PAR MED CING, THA SNYAD DU YOD PAR KHAS LEN PA'I PHYIR, RANG LUGS LA, SKABS 'DIR BSTAN GYI BDEN GNYIS NGO BO GCIG TU 'DUR MI RUNG BAR 'DZIN PA'I SA BON DANG MNGON GYUR CI RIGS PAS BSDUS PA DE, SKABS 'DIR BSTAN GYI BSAL BYA LOG SGRUB KYI MTSAN NYID, DE LA DBYE NA BCU DRUG YOD, BYAS PA LA KHA CIG GIS, SEMS TZAM PAS SKABS 'DIR BSTAN GYI BDEN GNYIS NGO BO GCIG TU 'DUR MI RUNG BAR KHAS LEN PAR THAL, MTSAN NYID DE 'THAD PA'I PHYIR, 'DOD NA, DES BDEN GNYIS NGO BO GCIG TU KHAS MI LEN PAR THAL, 'DOD PA'I PHYIR, ZER NA MA KHYAB, DE BAS NA KUN RDZOB DANG DON DAM PA'I SGO CAN GYI KLAN KA LA, ZHES SOGS KYI SKABS SU GNYIS LAS, DANG PO NI, RANG DANG GZHAN GYI DON PHUN SUM TSOGS PA DON DU GNYER BA'I BYANG CHUB SEMS DPA' CHOS CAN, BDEN GNYIS KYI RNAM DBYE LA MKHAS PA SNGON DU BTANG NAS BAR CHAD MED PA'I TING NGE 'DZIN RGYUD LA BSKYED PAR BYA BA YIN TE, LOG RTOG BCU DRUG BSAL NAS BAR CHAD MED PA'I RTZE SBYOR RGYUD LA SKYED PAR BYED PA YIN PA'I PHYIR, BDEN GNYIS KYI RNAM DBYE LA MKHAS PAR BYA DGOS TE, KUN RDZOB SGO CAN GYI KLAN KA LA DON DAM GYI SGO NAS LAN GDAB DGOS, DON DAM SGO CAN GYI KLAN KA LA KUN RDZOB KYI SGO NAS LAN GDAB DGOS PA'I PHYIR, GNYIS PA LA GNYIS LAS, DANG PO NI, KHA CIG GI ,BAR CHAD MED PA'I RTZE SBYOR DANG RNAM MKHYEN GYI DMIGS PA CHOS CAN, DON DAM PAR YOD PAR THAL THA SNYAD DU YOD PA'I PHYIR, ZHES PA LTA BU SKABS 'DIR BSTAN GYI KUN RDZOB SGO CAN GYI KLAN KA DANG, DE CHOS CAN, THA SNYAD DU MED PAR THAL, DON DAM PAR MED PA'I PHYIR ZHES PA LTA BU SKABS 'DIR BSTAN GYI DON DAM SGO CAN GYI KLAN KA YIN ZER NA, THAL 'GYUR DE DBU MA PA LA GNOD BYED YANG DAG TU 'JUG @14A *, ,PAR KHAS LEN PA'I DNGOS SMRA BA YOD PAR THAL, DAM BCA' 'THAD PA'I PHYIR, 'DOD MI NUS TE, BYE BRAG SMRA BAS KYANG DE KHAS MI LEN MDO SDE PAS KYANG DE KAS MI LEN, SEMS TZAM PAS KYANG DE KHA MI LEN PA'I PHYIR, DANG PO GRUB STE, BYE BRAG SMRA BA'I LUGS LA THAL 'GYUR DE'I KHYAB PA TSAD MAS MA GRUB PA'I PHYIR, DER THAL, DES BUM PA THA SNYAD DU YOD CING, DON DAM PAR MED PAR KHAS LEN PA'I PHYIR, DE SKAD DU, MDZOD LAS, GANG LA BCOM DANG BLO YI GZHAN, ,BSAL NA DE BLO MI 'JUG PA, ,BUM CHU BZHIN DU KUN RDZOB TU, ,YOD DE DON DAM YOD GZHAN NO, , ZHES GSUNGS PA'I PHYIR, GNYIS PA GRUB STE, MDO SDE PAS SPYI MTSAN THA SNYAD DU YOD CING, DON DAM PAR MED PAR KHAS LEN PA'I PHYIR, GSUM PA GRUB STE, SEMS TZAM PAS KUN BRTAGS THA SNYAD DU YOD CING DON DAM PAR MED PAR KHAS LEN PA'I PHYIR, ` RANG LUGS LA, DBU MA PA'I KUN RDZOB KYI KHAS BLANGS RTAG SU BKOD NAS, DON DAM SUN 'BYIN PA'I SUN 'BYIN LTAR SNANG DE, SKABS 'DIR BSTAN GYI KUN RDZOB SGO CAN GYI KLAN KA'I MTSAN NYID, DPER NA SA BON CHOS CAN, BLO LA SNANG BA'I DBANG GIS BZHAG PA MA YIN PAR YUL RANG GI THUN MONG MA YIN PA'I SDOD LUGS KYI NGOS NAS MYU GU SKYED PAR THAL, RANG GI SDOD LUGS KYI NGOS NAS MYU GU SKYED PAR BYED PA'I PHYIR, ZHES PA LTA BU DANG, DBU MA PA'I DON DAM GYI KHAS BLANGS RTAGS SU BKOD NAS KUN RDZOB SUN 'BYIN PA'I SUN 'BYIN LTAR SNANG DE, SKABS 'DIR BSTAN GYI DON DAM SGO CAN GYI KLAN KA'I MTSAN NYID, , DPER NAS BON CHOS CAN, RANG GI SDOD LUGS KYI NGOS NAS MYU GU SKYED PAR MI BYED PAR THAL, BLO SNANG BA'I DBANG GI BZHAGS PA MA YIN PAR YUL RANG GI THUN MONGS MA YIN PA'I SDOD LUGS KYI NGOS NAS MYU GU SKYE PAR MI BYED PA'I PHYIR, ZHES PA LTA BU'O, ,RJE BTZUN CHOS KYI RGYAL MTSAN DPAL BZANG PO'I GSUNGS ZIN BRIS SU BKOD PA LEGS BSHAD GSER GYI PHRENG BA ZHES BYA BA LAS, SKABS LNGA PA'I RGAL LAN RE SHIG BSHAD ZIN TO,, ,,*, ,RTZE MO'I MNGON PAR RTOGS PA THOB PA, ZHES SOGS KYI SKABS SU GNYIS LAS, DANG PO NI, RTZE SBYOR BSHAD PA'I @14B RJES SU MTHAR GYIS PA'I SBYOR BA 'THAD PA'I RGYU MTSAN YOD DE, RTZE SBYOR THOB PA'I BYANG SEMS SBYOR LAM PAS MKHYEN GSUM GYI RNAM PA LA BRTAN PA THOB DON DU RIM GYIS SGOM PA'I RGYU MTSAN GYIS DE LTAR BSHAD PA'I PHYIR, MTHA' DPYAD PA LA KHA CIG ,MKHYEN GSUM GYI RNAM PA RIM GYIS SGOM PA'I SEMS DPA'I RNAL 'BYOR DE, MTHAR GYIS PA'I SBYOR BA'I MTSAN NYID ZER NA, BYA RDZOGS KYI THUNG MTHA'I SKAD CIG MA GCIG LA MKHYEN GSUM GYI RNAM PA BRGYA BDUN CU RTZA SUM RIM GYIS DNGOS YUL DU BYED PA'I SEMS DPA'I RNAL 'BYOR CHOS CAN, MTSON BYA DER THAL, MTSAN NYID DE'I PHYIR, 'DOD NA, DE CHOS CAN, MKHYEN GSUM GYI RNAM PA LA BRTAN PA MA THOB PAR THAL LO, ,'DOD MI NUS TE, CHOS CAN DE'I PHYIR, KHA CIG ,MKHYEN GSUM GYI RNAM PA LA BRTAN PA 'THOB DON DU DE'I RNAM PA RIM GYIS SGOM PA'I SEMS DPA'I RNAL 'BYOR DE, DE'I MTSAN NYID ZER NA, THEG CHEN GYI MTHONG LAM BSDUG BSNGAL CHOS BZOD CHOS CAN, MTSAN NYID DER THAL, MTSON BYA DE'I PHYIR, 'DOD NA, DE CHOS CAN, MKHYEN GSUM GYI RNAM PA DNGOS YUL DU BYED PA'I SEMS DPA'I RNAL 'BYOR YIN PAR THAL LO, ,'DOD NA, DE'I DNGOS YUL, DU GYUR PA'I KUN RDZOB BDEN PA YOD PAR THAL LO, KHA CIG ,CHOS BCU GSUM GYIS ZIN PA'I SGO NAS MKHYEN GSUM GYI RNAM PA LA BRTAN PA 'THOB DON DU DE'I RNAM PA RIM GYIS SGOM PA'I SHES RAB KYIS ZIN PA'I SEMS DPA'I RNAL 'BYOR DE, DE'I MTSAN NYID ZER NA, STONG NYID MA RTOGS PA'I BYANG SEMS TSOGS LAM PA'I RGYUD KYI KUN RDZOB SEMS BSKYED CHOS CAN, MTSAN NYID DER THAL, MTSON BYA DE'I PHYIR, DER THAL, MKHYEN GSUM GYI RNAM PA LA BRTAN PA 'THOB DON DU MKHYEN GSUM GYI RNAM PA RIM GYIS SGOM PA'I SHER RAB KYIS ZIN PA'I SEMS DPA'I RNAL 'BYOR YIN PA'I PHYIR; 'DOD NA, DE CHOS CAN, STONG NYID RTOGS PA'I SHES RAB KYIS ZIN PAR THAL LO, ,KHA CIG ,THEG CHEN GYI TSOGS LAM YIN NA MTHAR GYIS PA'I SBYOR BA YIN PAS MA KHYAB ZER NA, DE KHYAB PAR THAL, DE YIN NA MKHYEN GSUM GYI RNAM PA LA BRTAN PA 'THOB DON DU MKHYEN GSUM @15A *, ,GYIS RNAM PA RIM GYIS SGOM PA'I SHES RAB KYIS ZIN PA'I SEMS DPA'I RNAL 'BYOR YIN DGOS PA GANG ZHIG ,DE YIN NA MTHAR GYIS PA'I SBYOR BA YIN DGOS PA'I PHYIR, DANG PO GRUB STE, DE YIN NA MKHYEN GSUM GYIS RNAM PA BSDUS NAS SGOM PA'I SHES RAB KYIS ZIN PA'I SEMS DPA'I RNAL 'BYOR YIN DGOS PA'I PHYIR, BYAS PA LA KHO NA RE, STONG NYID MA RTOGS PA'I BYANG SEMS TSOGS LAM PA CHOS CAN, MTHAR GYIS SBYOR BA THOB PAR THAL, THEG CHEN GYI TSOGS LAM THOB PA'I PHYIR, KHYAB PA KHAS, 'DOD NA, DE CHOS CAN, DNGOS MED NGO BO NYID KYI MTHAR GYIS SBYOR BA THOB PAR THAL LO, NA MA KHYAB, ,'DOD NA, STONG NYID RTOGS PAR THAL LO, ,KHA CIG ,THEG CHEN GYI TSOGS LAM THOB NA MTHAR GYIS SBYOR BA THOB PAS MA KHYAB PAR THAL, RNAM RDZOGS SBYOR BA THOB NA DE THOB PAS MA KHYAB PA'I PHYIR TE; RNAM RDZOGS SBYOR BA DANG MTHAR GYIS SBYOR BA GNYIS KYI RIM PA DE RGYU 'BRAS DON GYI RIM PA YIN PA'I PHYIR TE, RNA BSHAD LAS, SBYOR BA DANG PO DANG, GSUM PA YANG SKYE BA'I RIM PA YIN NO, ZHES BSHAD PA'I PHYIR NA MA KHYAB STE, DE'I DON SKABS BZHI PA'I BSTAN BYA'I GTZO BOR GYUR PA'I RNAM RDZOGS SBYOR BA DANG, SKABS DRUG PA'I BSTAN BYA'I GTZO BOR GYUR PA'I MTHAR GYIS SBYOR BA GNYIS KYI RIM PA DE SKYE BA'I RIM PA YIN ZHES PA'I DON YIN PA'I PHYIR, RANG LUGS LA, MKHYEN GSUM GYI RNAM PA LA BRTAN PA THOB DON DU MKHYEN GSUM GYI RNAM PA RIM GYIS SGOM PA'I SHES RAB KYIS ZIN PA'I SEMS DPA'I RNAL 'BYOR DE, MTHAR GYIS SBYOR BA'I MTSAN NYID, DE LA DBYE NA BCU GSUM YOD, SA MTSAMS THEG CHEN GYI TSOGS LAM NAS RGYUN MTHA'I SNGA LOGS KYI BAR NA YOD, ,SBYIN PA SHES RAB BAR DAG DANG, ZHES SOGS KYI SKABS SU GNYIS LAS, DANG PO NI, THEG CHEN GYI TSOGS LAM CHOS CAN, MTHAR GYIS PA'I SBYOR GYI BA YIN TE, CHOS BCU GSUM GYIS ZIN PA'I SGO NAS MKHYEN GSUM GYI RNAM PA LA BSTAN PA 'THOB DON DU MKHYEN GSUM GYI RNAM PA RIM GYIS SGOM PA'I SHES RAB KYIS ZIN PA'I SEMS DPA'I RNAL 'BYOR YIN PA'I PHYIR, BYAS PA LA KHA CIG ,THEG @15B CHEN GYI TSOGS LAM CHOS CAN, CHOS BCU GSUM GYIS ZIN PAR THAL, DAM BCA' 'THAD PA'I PHYIR, 'DOD NA, DE CHOS CAN, SBYIN PA'I PHAR PHYIN GYIS ZIN PAR THAL LO, ,NA MA KHYAB, 'DOD NA, SLOB LAM NA DE YOD PAR THAL LO, ,RJE BTZUN CHOS KYI RGYAL MTSAN DPAL BZANG PO'I GSUNG ZIN BRIS SU BKOD PA LEGS BSHAD GSER GYI PHRING BA ZHES BYA BA LAS, SKABS DRUG PA'I BRGAL LAN RE SHIG RDZOGS SO,, ,,*, ,MTHAR GYIS PA'I MNGON PAR RTOGS PA RNAM PAR SGOM PA NI, ZHES SOGS KYI SKABS SU, GNYIS LAS DANG PO NI, MTHAR GYI SBYOR BA BSHAD PA'I RJES SU SKAD CIG MA'I SBYOR BA 'THAD PA'I RGYU MTSAN YOD DE, MTHAR GYIS SBYOR BA LAS SKAD CIG MA'I SBYOR BA 'BYUNG BA'I RGYU MTSAN GYIS DE LTAR BSHAD PA'I PHYIR, DE YANG 'BYUNG BA YIN TE, BYA RDZOGS KYI THUNG MTHA'I SKAD CIG MA GCIG LA RNAM PA BRGYA BDUN CU RTZA GSUM RIM GYIS DNGOS YUL DU BYED PA'I NUS PA 'THOB PA'I PHYIR DU RNAM PA BRGYA BDUN CU RTZA GSUM RIM GYIS SGOM PA'I SEMS DPA'I RNAL 'BYOR LAS, BYA RDZOGS KYI THUNG MTHA'I SKAD CIG MA GCIG LA RNAM PA BRGYA BDUN CU RTZA GSUM DNGOS YUL DU BYED PA'I SEMS DPA'I RNAL 'BYOR 'BYUNG BA'I PHYIR, BYANG SEMS RGYUN MTHA' BAS DE LTAR BYED NUS PA YIN TE, DES BSKAL PA GRANGS MED GSUM DU MKHYEN GSUM GYI RNAM PA BSGOMS ZIN PA'I PHYIR, SKAD CIG MA'I SBYOR BA CHOS CAN, KHYOD LA DBYE NA, BZHI YOD DE, RNAM PAR SMIN PA'I SKAD CIG MA'I SBYOR BA SOGS BZHIR YOD PA'I PHYIR, MTHA' DPYAD PA LA, KHA CIG ,SA BDUN PA'I YE SHES DE RNAM PAR SMIN PA MA YIN PA'I SKAD CIG MA'I SBYOR BA DANG, SA BRGYAD PA'I YE SHES DE RNAM PA SMIN PA'I SKAD CIG MA'I SBYOR BA DANG, SA DGU PA'I YE SHES DE MTSAN NYID MED PA'I SKAD CIG MA'I SBYOR BA DANG, SA BCU PA'I YE SHES DE GNYIS SU MED PA'I SKAD CIG MA'I SBYOR BA YIN ZER NA, SA BDUN PA'I YE SHES CHOS CAN, RANG GI 'BRAS BUR GYUR PA'I YE SHES CHOS SKU'I DNGOS KYI NYER LEN YIN PAR THAL, SKAD CIG MA'I SBYOR BA BZHI PO GANG RUNG YIN PA'I PHYIR, KHYAB STE, 'GREL PAR, SKAD CIG MA GCIG PA'I NGON PAR RDZOGS PAR BYANG CHUB PA RNAM PAR SGOM PA'I @16A *, ,SKAD CIG MA GNYIS PA LA CHOS KYI SKUR MNGON PAR RDZOGS PA BYANG CHUB PA YIN TE, ZHES BSHAD PA'I PHYIR, RTZA BAR 'DOD MI NUS TE, MA DAG SA'I YE SHES YIN PA'I PHYIR, GZHAN YANG, SA BRGYAD PA'I YE SHES CHOS CAN, SEMS DPA'I RNAL 'BYOR MTHAR THUG YIN PAR THAL, SKAD CIG MA'I SBYOR BA YIN PA'I PHYIR, KHYAB STE, RTZA BAR DE MTHA' ZHES PA DANG, 'GREL PAR, DE NAS KHYAD PAR DU 'GROR MED PA'I YANG DAG PAR SKAD CIG MA GCIG PA'I MNGON PAR RDZOGS PA BYANG CHUB PA NI, THAMS CAD MKHYEN PA NYID GSUM GYI MTHAR THUG PA'I GNAS SKABS YIN NO; ;ZHES BSHAD PA'I PHYIR, GZHAN YANG, SKAD CIG MA'I SBYOR BA BZHI PO NGO BO GCIG LA, LDOG PA THA DAD DU PHYE BA MA YIN PAR THAL, DAM BCA' RNAMS 'THAD PA'I PHYIR, 'DOD MI NUS TE, RTZA BAR, MTSAN NYID KYIS NI RNA PA BZHI, ZHES DANG, 'GREL PAR, DE YANG MTSAN NYID KYI RNAM PA BZHI YOD PAS, ZHES BSHAD PA'I PHYIR, RANG LUGS LA, RGYUN MTHA'I YE SHES YIN NA SKAD CIG MA'I SBYOR BA YIN PAS KHYAB, RGYUN MTHA'I BAR CHAD MED LAM SKAD CIG MA'I SBYOR BA BZHI GA YIN, BYAS PA LA KHO NA RE, SA BCU PA NA RNAM PAR SMIN PA MA YIN PA'I SKAD CIG MA'I SBYOR BA MED PAR THAL, DE NA RNAM PAR SMIN PA MA YIN PA'I YON TAN MED PA'I PHYIR NA MA KHYAB, MA GRUB NA, DER THAL, DE'I YON TAN YIN NA RNAM PAR SMIN PA'I YON TAN YIN DGOS PA'I PHYIR TE, DE'I SEMS BSKYED YIN NA RNAM PAR SMIN PA'I SEMS BSKYED YIN DGOS PA'I PHYIR, KHA CIG ,SKAD CIG MA'I SBYOR BA LA RNAM PAR SMIN PA MA YIN PA'I SKAD CIG MA'I SBYOR BA SOGS BZHIR GRANGS NGES ZER NA, DE MI 'THAD PAR THAL, BYA RDZOGS KYI SKAD CIG MA'I THUNG MTHA' GCIG LA MKHYEN GSUM GYI RNAM PA BRGYA BDUN CU RTZA GSUM RIM CAN DU DNGOS YUL DU BYED PA'I SEMS DPA'I RNAL 'BYOR DE SKAD CIG MA'I SBYOR BA GANG ZHIG ,DE SKAD CIG MA'I SBYOR BA BZHI PO GANG YANG MA YIN PA'I PHYIR, DANG PO MA GRUB NA, DE CHOS CAN, DER THAL, MKHYEN GSUM GYI RNAM PA LA BRTAN PA THOB PA'I SEMS DPA'I RNAL 'BYOR YIN PA'I PHYIR TE, CHOS CAN DE'I PHYIR, RTAGS GRUB STE @16B DE YOD PA'I PHYIR, GZHAN YANG, SKAD CIG MA'I SBYOR BA LA BZHIR GRANGS MA NGES PAR THAL, RGYUN MTHA'I BAR CHAD MED LAM PA'I RGYUD KYI KUN RDZOB SEMS BSKYED DE SKAD CIG MA'I SBYOR BA GANG ZHIG ,SKAD CIG MA'I SBYOR BA BZHI PO GANG RUNG MA YIN PA'I PHYIR, DANG PO GRUB STE, RGYUN MTHA'I YE SHES YIN PA'I PHYIR, GNYIS PA MA GRUB NA, DE CHOS CAN, RGYUN MTHA'I BAR CHAD MED LAM YIN PAR THAL LO, ,MA GRUB PA DE'I PHYIR, SKAD CIG MA'I SBYOR BA BZHI PO NGO BO GCIG TU BSHAD PA'I DON LA, MKHAS PA KHA CIG ,SKAD CIG MA'I SBYOR BA BZHI PO YIN KHYAB MNYAM YIN LA, MTSAN NYID MED PA'I SKAD CIG MA'I SBYOR BA DE BYANG SEMS KYI RTOGS RIGS YIN ZHING, ,DES STONG NYID MNGON SUM DU RTOGS, GNYIS SU MED PA'I SKAD CIG MA'I SBYOR BA DE RANG RGYAL GYI RTOGS RIGS YIN ZHING, DES GZUGS 'DZIN RDZAS THA DAD KYIS STONG PAR MNGON SUM DU RTOGS KYANG DE GNYIS MI 'GAL TE, DPER NA, GANG ZAG GI BDAG MED RTOGS PA'I SANGS RGYAS KYI YE SHES DE NYAN THOS KYI RTOGS RIGS YIN ZHING, STONG NYID RTOGS PA'I SANGS RGYAS KYI YE SHES DE BYANG SEMS KYI RTOGS RIGS YIN KYANG SANGS RGYAS KYI YE SHES GNYIS YIN KHYAB MNYAM YIN PA BZHI NO, ,DES NA RNAM PAR SMIN PA MA YIN PA'I ZAG MED KYI YON TAN GYI RIGS RNAMS MNGON DU BYED NUS PA'I SEMS DPA'I RNAL 'BYOR MTHAR THUG DE, RNAM PAR SMIN PA MA YIN PA'I SKAD CIG MA'I SBYOR BA'I MTSAN NYID, RNAM PAR SMIN PA'I ZAG MED KYI YON TAN GYI RIGS RNAMS MNGON DU BYED NUS PA'I SEM DPA'I RNAL 'BYOR MTHAR THUG DE, RNAM PAR SMIN PA'I SKAD CIG MA'I SBYOR BA'I MTSAN NYID, DON DAM PAR MTSAN NYID MED PAR MNGON SUM DU RTOGS NUS PA'I SEMS DPA'I RNAL 'BYOR MTHAR THUG DE, MTSAN NYID MED PA'I SKAD CIG MA'I SBYOR BA'I MTSAN NYID, GZUNG 'DZIN RDZAS GZHAN GYIS STONG PAR MNGON SUM DU RTOGS NUS PA'I SEMS DPA'I RNAL 'BYOR MTHAR THUG DE, GNYIS SU MED PA'I SKAD CIG MA'I SBYOR BA'I MTSAN NYID, RGYUN MTHA'I YE SHES DANG SKAD CIG MA'I SBYOR BA DON CIG ,RGYUN MTHA'I YE SHES THAMS CAD KYI NUS @17A *, ,BA BZHI THOB PAS SKAD CIG MA'I SBYOR BA BZHI NGO BO GCIG YIN ZHES GSUNGS, DE RNAMS LA DPYAD NA GNYIS SU MED PA'I SKAD CIG MA'I SBYOR BA CHOS CAN, MNGON SUM YIN PAR THAL, GNYIS STONG MNGON SUM DU RTOGS PA'I MKHYEN PA YIN PA'I PHYIR, RTAGS KHAS, 'DOD NA, SOS, DE CHOS CAN, DE MA YIN PAR THAL, BYANG SEMS RGYUN MTHA' BA'I RGYUD KYI KUN RDZOB SEMS BSKYED KHYOD YIN PA'I PHYIR, MA GRUB NA, DE CHOS CAN, DER THAL, RGYUN MTHA'I YE SHES YIN PA'I PHYIR, GZHAN YANG, GNYIS SU MED PA'I SKAD CIG MA'I SBYOR BA CHOS CAN, RANG RGYAL GYI RTOGS RIGS SU MI GNAS PAR THAL, STONG NYID MNGON SUM DU RTOGS PA'I SEMS DPA'I RNAL 'BYOR YIN PA'I PHYIR, KHO NA RE, GNYIS SU MED PA'I SKAD CIG MA'I SBYOR BA YIN NA, GNYI STONG MNGON SUM DU RTOGS PAS KHYAB STE, RNAM BSHAD LAS, RGYUN MTHA'I BAR CHAD MED LAM CHOS CAN, GNYIS SU MED PA'I SKAD CIG SBYOR YIN TE, GZUNG 'DZIN GYI CHOS RNAMS RDZAS THA DAD KYIS STONG PA GNYIS SU MED PA'I DE NYID SKAD CIG GCIG GIS MTHONG BA'I RNAL 'BYOR MTHAR THUG YIN PA'I PHYIR, ZHES BSHAD PA'I PHYIR NA MA KHYAB, DE'I DON GNYIS SU MED PA'I SKAD CIG MA'I SBYOR BA DE, GNYIS STONG MNGON SUM DU RTOGS PA'I SHES RAB KYIS ZIN ZHES PA'I DON YIN PA'I PHYIR, DE LTAR MA YIN NA SLOB LAM NA BLO GCIG GIS BDEN GNYIS GCIG CAR DU MNGON SUM DU RTOGS PA YOD PAR THAL LO, ,'DOD NA, RGYUN MTHA'I BAR CHAD MED LAM GYIS GNYIS STONG MNGON SUM DU RTOGS PAR THAL LO, ,'DOD PA'I PHYIR, RANG LUGS LA, BYA RDZOGS KYI SKAD CIG MA'I THUNG MTHA' GCIG LA ZAG MED RNAM PAR SMIN PA MA YIN PA'I CHOS GCIG MNGON DU BYAS PA NA DE DANG RIGS MTHUN PA THAMS CAD MNGON DU BYED NUS PA'I SHES SGRIB KYI DNGOS GNYEN DU GYUR PA'I SEMS DPA'I RNAL 'BYOR DE, RNAM PAR SMIN PA MA YIN PA'I SKAD CIG MA'I SBYOR BA'I MTSAN NYID, DE'I SKAD CIG MA GCIG LA ZAG MED RNAM PAR SMIN PA'I CHOS GCIG MNGON DU BYAS PA NA DE DANG RIGS MTHUN PA THAMS CAD MNGON DU BYED NUS PA'I SHES SGRIB KYI DNGOS GNYEN DU GYUR BA'I SEMS @17B DPA'I RNAL 'BYOR RNAM PAR SMIN PA'I SKAD CIG MA'I SBYOR BA'I MTSAN NYID, STONG NYID MNGON SUM DU RTOGS PA'I SGO NAS SHE SGRIB KYI DNGOS GNYEN DU GYUR PA'I SEMS DPA'I RNAL 'BYOR DE, MTSAN NYID MED PA'I SKAD CIG MA'I SBYOR BA'I MTSAN NYID, GNYIS STONG MNGON SUM DU RTOGS PA'I SHES RAB KYIS ZIN PA'I SGO NAS SHES SGRIB KYI DNGOS GNYEN BYED PA'I SEMS DPA'I RNAL 'BYOR DE, GNYIS SU MED PA'I SKAD CIG MA'I SBYOR BA'I MTSAN NYID, RGYUN MTHA'I BAR CHAD MED LAM DE DE BZHI GA YIN, SA MTSAMS RGYUN MTHA' KHO NA NA YOD BYAS PA LA KHO NA RE, BYA RDZOGS KYI SKAD CIG MA'I THUNG MTHA' GCIG LA RNAM PA BRGYA BDUN CU RTZA GSUM RIM GYIS DNGOS YUL DU BYED PA'I SEMS DPA'I RNAL 'BYOR CHOS CAN, SEMS DPA'I RNAL 'BYOR MTHAR THUG YIN PAR THAL, SKAD CIG MA'I SBYOR BA YIN PA'I PHYIR, 'DOD NA DE CHOS CAN, KHYOD LAS KHYAD PAR DU 'PHAGS PA'I SEMS DPA'I RNAL 'BYOR MED PAR THAL LO, ,'DOD MI NUS TE, RGYUN MTHA'I SBYOR BA'I LAM YIN PA'I PHYIR ZER NA, RGYUN MTHA'I BAR CHAD MED LAM SKAD CIG DANG PO CHOS CAN, SEMS DPA'I RNAL 'BYOR MTHAR THUG YIN PAR THAL, SKAD CIG MA'I SBYOR BA YIN PA'I PHYIR, 'DOD NA, DE CHOS CAN, KHYOD LAS KHYAD PAR DU 'PHAGS PA'I SEMS DPA'I RNAL 'BYOR MED PAR THAL LO, 'DOD MI NUS TE, RGYUN MTHA'I BAR CHAD MED LAM SKAD CIG GNYIS PA YOD PA'I PHYIR, KHYAB PA KHAS, SBYIN PA LA SOGS RE RES KYANG, ,ZHES SOGS KYI SKABS SU, SBYOR BA 'GOD PA NI, RGYUN MTHA'I BAR CHAD MED LAM CHOS CAN, RNAM PAR SMIN PA MA YIN PA'I SKAD CIG MA'I SBYOR BA YIN TE, MTSAN NYID DANG PO DE'I PHYIR, GANG TSE CHOS DKAR THAMS CAD KYI, ,ZHES SOGS KYI SKABS SU SBYOR BA 'GOD PA NI, RGYUN MTHA'I BAR CHAD MED LAM CHOS CAN, RNAM PAR SMIN PA'I SKAD CIG MA'I SBYOR BA YIN TE, MTSAN NYID GNYIS PA DE YIN PA'I PHYIR, SBYIN PA LA SOGS SPYOD PA YIS, ,ZHES SOGS KYI SKABS SU, SBYOR BA 'GOD PA NI, RGYUN MTHA'I BAR CHAD MED LAM CHOS CAN, MTSAN NYID MED PA'I SKAD CIG MA'I SBYOR BA YIN TE, MTSAN NYID @18A *, ,GSUM PA DE YIN PA'I PHYIR, RMI LAM DANG NI DE MTHONG NYID, CES SOGS KYI SKABS SU, SBYOR BA 'GOD PA NI, RGYUN MTHA'I BAR CHAD MED LAM CHOS CAN, GNYIS SU MED PA'I SKAD CIG MA'I SBYOR BA YIN TE, MTSAN NYID BZHI PA DE YIN PA'I PHYIR, RJE BTZUN CHOS KYI RGYAL MTSAN DPAL BZANG PO'I GSUNG ZIN BRIS SU BKOD PA LEGS BSHAD GSER GYI PHRENG BA ZHES BYA BA LAS, SKABS BDUN PA'I DKA' GNAD KYI MTHA' DPYOD MDOR BSDUS BSHAD ZIN TO,, ,,SHER PHYIN MAN NGAG SNYING PO'I DKA' BA'I GNAD, ,LUNG RIGS LAM NAS DRANGS TE MA NOR BAR, ,GSAL MDZAD CHOS KYI RGYAL MTSAN DE'I BZHED SROL, ,BRGYUD 'DZIN DANG BCAS BSKAL BRGYAR DAR RGYAS SHOG, ,,RNAM GROL ZHI BA'I RGYA MTSOR RO GCIG TU, ,GZHOL BA'I MTHA' LAS CHOS TSUL DAL 'BABS KLUNG, ,TSIG GI GZEGS MA RES KYANG DUG GSUM GYI, ,DRI MA YONGS 'KHRUD LEGS BSHAD BDUD RTZI 'DI, ,DPAR DU BSKRUN PA'I RNAM DKAR PHUNG PO'I MTHUS, ,YANG DAG CHOS KYI SGO MO STONG PHRAG BRGYA, ,GDANGS TE RGYUD LNGA'I 'GRO BA MA LUS PA; ;NGES LEGS NOR BU'I MDZOD LA DBANG 'BYOR SHOG ,CES PA 'DI YANG SER BYES LHO DGE BSHES BLO BZANG LAGS NAS BSKUL MA MDZAD DE CHAB MDO BA DMAN BSOD NAMS NAS RGYU SBYAR TE BAR DU BSKRUN PA'I DGE BSDO'I SMON TSIG TU SH'A KYA'I DGE SBYONG CHOS SMRA BA NGAG DBANG BLO BZANG BSTAN 'DZIN RGYA MTSOS SBYAR BA'O,, ,,DGE LEGS 'PHEL,, SRAB MANGGA LAm