*, ,RJE BTZUN CHOS KYI RGYAL MTSAN DPAL BZANG POS MDZAD PA'I GSUNG ZIN BRIS SU BKOD PA LEGS BSHAD GSER GYI PHRENG BA ZHES BYA BA LAS, SKABS BRGYAD PA'I MTHA' DPYOD BZHUGS SO, , @01A #, ,SKAD CIG MA GCIG PA'I MNGON PAR RDZOGS PA BYANG CHUB PA RNAM PAR BSGOM PA'I SKAD CIG MA GNYIS PA LA CHOS KYI SKUR MNGON PAR RDZOGS PAR BYANG CHUB PA YIN TE, DE YANG NGO BO NYID KYI SKU LA SOGS PA'I DBYE BAS RNAM PA BZHI YIN PAS, ZHES SOGS KYI SKABS SU, SBYOR BA DANG, MTHA' DPYAD BA GNYIS, DANG PO NI, SKAD CIG MA'I SBYOR BA BSHAD PA'I RJES SU 'BRAS BU CHOS SKU 'CHAD PA'I RGYU MTSAN YOD DE, 'BRAS BU CHOS SKU DE SKAD CIG MA'I SBYOR BA BSGOM STOBS KYIS THOB PA'I RGYU MTSAN GYIS DE LTAR BSHAD PA'I PHYIR, 'BRAS BU CHOS SKU CHOS CAN, KHYOD LA DBYE NA BZHI YOD DE, NGO BO NYID SKU, YE SHES CHOS SKU, LONGS SKU, SPRUL SKU DANG BZHI YOD PA'I PHYIR, GNYIS PA NI, KHA CIG ,SKAD CIG MA'I SBYOR BA BSHAD PA'I RJES SU CHOS SKU 'CHAD PA'I RGYU MTSAN YOD DE, CHOS SKU DE DE BSGOM STOBS KYIS THOB PA'I RGYU MTSAN GYIS DE LTAR BSHAD PA'I PHYIR, CHOS SKU CHOS CAN, KHYOD LA DBYE NA BZHI YOD DE, NGO BO NYID SKU, YE SHES CHOS SKU, LONGS SKU, SPRUL SKU DANG BZHI YOD PA'I PHYIR ZER NA, GZUGS SKU GNYIS PA DE CHOS SKU YIN PAR THAL, SBYOR BA 'THAD PA'I PHYIR, 'DOD NA, DE CHOS CAN, GTZO BOR YE SHES KYI TSOGS BSGOM STOBS KYIS THOB PAR THAL LO, KHYAB STE; RIN CHEN PHRENG BA LAS, CHOS KYI SKU STE MDOR BSDU NA, ,RGYAL PO YE SHES TSOGS LAS 'KHRUNGS, ,ZHES BSHAD PA'I PHYIR, RTZA BAR 'DOD MI NUS TE, GTZO BOR BSOD NAMS KYI TSOGS BSGOM STOBS KYIS THOB PA'I PHYIR, KHYAB @02A *, ,STE; RIN CHEN PHRENG BA LAS, SANGS RGYAS RNAMS KYI GZUGS SKU NI, ,BSOD NAMS TSOGS LAS BYUNG BA STE, ,ZHES BSHAD PA'I PHYIR, BYAS PA LA, KHO NA RE, DE GNYIS CHOS CAN, GTZO BOR YE SHES KYI TSOGS BSGOMS STOBS KYIS THOB PAR THAL, GTZO BOR PHAR PHYIN DRUG BSGOMS STOBS KYIS MTHONG BA'I PHYIR TE, GTZO BOR PHAR PHYIN DRUG NYAMS SU BLANGS PA LA BRTEN NAS THOB PA'I PHYIR NA MA KHYAB, KHA CIG ,SLOB LAM NA RNAM MKHYEN SGOM PA YOD PAR THAL, DE NA PHAR PHYIR DRUG SGOM PA YOD PA'I PHYIR TE, DE NA PHAR PHYIN DRUG NYAMS SU LEN PA YOD PA'I PHYIR NA MA KHYAB, RTZA BAR 'DOD NA, RNAM MKHYEN GYI NGO BOR SKYES PA'I RNAM RDZOGS SBYOR BA YOD PAR THAL, RNAM MKHYEN SGOM PA'I RNAM RDZOGS SBYOR BA YOD PA'I PHYIR, RTAGS KHAS, KHYAB STE; RNAM BSHAD LAS, BLO SNYING RJE'I NGO BOR BSKYED PA LA SNYING RJE SGOM ZHES PA LTAR, MKHYEN GSUM GYI RNAM PA SBYOR BA'I NGO BOR BSKYED NAS BSGOM PA YIN GYI, MIG SHES KYIS GZUGS LA BLTA BA BZHIN DU MA YIN NO, ,ZHES BSHAD PA'I PHYIR, KHO NA RE, SHER PHYIN GYI NGO BOR SKYES PA'I RNAM RDZOGS SBYOR BA YOD PAR THAL, DE SGOM PA'I RNAM RDZOGS SBYOR BA YOD PA'I PHYIR TE, DE NYAMS SU LEN PA'I DE YOD PA'I PHYIR NA MA KHYAB, YANG KHO NA RE, SLOB LAM NA RNAM MKHYEN SGOM PA YOD PAR THAL, , DE NA RNAM MKHYEN NYAMS LEN GYI BYA BA YOD PA'I PHYIR NA MA KHYAB, MA GRUB NA, DER THAL, DE NA MKHYEN GSUM NYAMS LEN GYI BYA BA YOD PA'I PHYIR, YANG KHO NA RE, SLOB LAM NA RNAM MKHYEN SGOM PA YOD PAR THAL, LAM MA ZHUGS NA LAM @02B SGOM PA YOD PA'I PHYIR TE, DE NA THEG CHEN SEMS BSKYED SGOM PA YOD PA'I PHYIR NA MA KHYAB, GNYIS PA MTHA' DPYAD PA LA, 'BRAS BU 'GRUB BA'I DUS 'TSAMS DANG SKU'I RNAM BZHAG LA DPYAD PA DANG, DE LA GZHAN GYI LOG RTOG DGAG PA'O, ,DANG PO LA; DGAG GZHAG SPANG GSUM LAS, DANG PO NI, KHA CIG ,RGYUN MTHA'I BAR CHAD MED LAM PAS CHOS NYID LA RTZA GCIG TU MNYAM PAR BZHAG PA'I TSE CHOS CAN, JI SNYED PA CUNG ZAD MI SNANG ZHING, DE'I SKAD CIG GNYIS PAR CHOS CAN JI SNYED PA LAG MTHIL DU SKYU RU RA BZHAG PA LTAR MNGON SUM DU GZIGS PA'I TSE DES RNAM MKHYEN SKAD CIG DANG PO MNGON DU BYAS PA DANG, LONGS SKU MNGON DU BYAS PA DANG, MNGON PAR RDZOGS PAR SANGS RGYAS BA ZHES BRJOD DO ZER NA, RGYUN MTHA'I BAR CHAD MED LAM PAS CHOS CAN JI SNYED PA MNGON SUM DU MA RTOGS PAR THAL, DAM BCA' 'THAD PA'I PHYIR, 'DOD NA, DES CHOS CAN JI SNYED PA MNGON SUM DU RTOGS PAR THAL, DES RGYUN MTHA'I BAR CHAD MED LAM MNGON SUM DU RTOGS PA'I PHYIR TE, DE'I RGYUD LA DE MNGON SUM DU RTOGS PA'I BLO YOD PA'I PHYIR TE, DE'I RGYUD LA DE NYAMS SU MYONG BA'I RANG RIG YOD PA'I PHYIR, RNAM BSHAD LAS, DE NAS SKAD CIG GNYIS PA LA RNAM GROL LAM SKYES PA'I TSE SHES BYA JI LTA BA LA GNYIS SNANG NUB NAS TSUL CHU BZHAG TU SONG BA DE'I GZIGS NGOR SHES BYA JI SNYED PA THAMS CAD LAG MTHIL DU SKYU RU RA BZHAG PA LTAR MNGON SUM DU GZIGS PA DE'I TSE SHES SGRIB ZAD PAR SPANGS PA DANG, YANG DAG MTHA' MNGON DU BYAS PA DANG, CHOS SKU MNGON DU BYAS PA DANG, CHOS THAMS CAD RNAM PA THAMS CAD DU MNGON PAR RDZOGS PA BYANG CHUB PA ZHES BYA'O, ,ZHES GSUNGS, LUNG DE'I DON LA KHA CIG ,RGYUN MTHA'I BAR CHAD MED LAM PAS CHOS NYID MNGON SUM DU RTOGS PA'I GZIGS NGOR SHES BYA JI SNYED PA LAG MTHIL DU SKYU RU RA BZHAG PA LTAR MNGON SUM DU GZIGS PA NA, @03A *, ,DES CHOS SKU MNGON DU BYAS PA'I DON YIN LA, LUNG 'DIS JI LTA BA RTOGS PA'I RNAM MKHYEN GYIS JI LTA BA GZIGS PA'I GZIGS NGOR SHES BYA JI SNYED PA YOD PAR BSTAN ZER NA, DE MI 'THAD PAR THAL, DES DE GZIGS PA'I GZIGS NGOR 'DUS BYAS MED PA'I PHYIR TE, 'JUG PA'I RANG 'GREL LAS, DNGOS PO BYAS PA CAN LAM REG PAR RANG BZHIN 'BA' ZHIG MNGON DU MDZAD PAS DE NYID THUGS SU CHUD PA'I PHYIR SANGS RGYAS ZHES BRJOD DO, ,ZHES BSHAD PA'I PHYIR, BYAS PA LA KHO NA RE, KHYOD DON DAM BDEN PA YIN PAR THAL, JI LTA BA RTOGS PA'I RNAM MKHYEN GYIS JI LTA BA GZIGS PA'I GZIGS NGOR KHYOD YOD PA'I PHYIR, ZHES PA'I THAL 'GYUR LA KHYAB PA YOD PAR THAL, DAM BCA' 'THAD PA'I PHYIR NA MA KHYAB, 'DOD NA, YOD PA CHOS CAN, DER THAL, DE'I PHYIR, KHA CIG ,RNAM BSHAD LAS, SANGS RGYAS NI RTAG TU DE BZHIN NYID LA MNYAM PAR BZHAG PA YIN LA, DE'I GZIGS PA'I NGOR MA GRUB PA'I DON YIN NO ZHE NA, DE YANG MI 'THAD PAR SNGAR BSHAD ZIN TO, ,ZHES BSHAD PA MI 'THAD PAR THAL, JI LTA BA RTOGS PA'I RNAM MKHYEN GYIS JI LTA BA GZIGS PA'I GZIGS NGOR SANGS RGYAS KYI GZUGS SKU MED PA'I PHYIR NA MA KHYAB STE, DE'I DON NI JI LTA RTOGS PA'I RNAM MKHYEN GYIS JI LTA BA GZIGS PA'I GZIGS NGOR SANGS RGYAS KYI CHOS NYID YOD CES PA'I DON YIN PA'I PHYIR, KHA CIG ,BYANG SEMS RGYUN MTHA' BAS DANG POR YE SHES CHOS SKU MNGON DU BYED, DE RJES LONGS SKU, DE RJES SPRUL SKU MNGON DU BYED PA YIN ZER NA, 'O NA, YE SHES KYI TSOGS MTHAR PHYIN PA'I GANG ZAG KYANG YIN, BSOD RNAMS KYI TSOGS MTHAR MA PHYIN PA'I GANG ZAG KYANG YIN PA'I GZHI MTHUN PA GCIG YOD PAR THAL, DAM BCA' 'THAD PA'I PHYIR, KHYAB PA GRUB STE, YE SHES KYI TSOGS MTHAR PHYIN PA @03B DANG; YE SHES CHOS SKU MNGON DU BYAS PA DUS MNYAM, BSOD NAMS KYI TSOGS MTHAR PHYIN PA DANG, LONGS SKU MNGON DU BYAS PA DUS MNYAM PA'I PHYIR, RTZA BAR 'DOD NA, TSOGS GNYIS YONGS SU RDZOGS PAR MA BYAS PA'I SANGS RGYAS 'PHAGS PA YOD PAR THAL LO, BYAS PA LA KHO NA RE, DAM BCA' 'THAD PAR THAL, BYANG CHUB JI LTA DE BZHIN DU, ,ZHES PA'I THAD KYIS RNAM BSHAD LAS, SOGS SGRAS YE SHES CHOS SKU LONGS SKU'I BDAG RKYEN DANG, LONGS SKU SPRUL SKU'I BDAG RKYEN BYED PA SDUD DO, ,ZHES BSHAD PA'I PHYIR NA MA KHYAB STE, LUNG DE'I DON NI, YE SHES CHOS SKUS RANG GI 'BRAS BUR GYUR PA'I LONGS SKU'I BDAG RKYEN DANG, LONGS SKUS RANG GI 'BRAS BUR GYUR PA'I SPRUL SKU'I BDAG RKYEN BYED CES PA'I DON YIN PA'I PHYIR, KHA CIG ,'GREL PA GZHAN DAG NA RE DE DAG GI LTAR NA RNAL 'BYOR PA'I KUN RDZOB TU DON KHYAD PAR CAN SNANG BA BSKYED PA'I SGO NAS ZHES BSHAD PA MI 'THAD DE PAR THAL, YE SHES CHOS SKU DE LONGS SKU'I BDAG RKYEN MA YIN PA'I PHYIR NA MA KHYAB STE, LUNG DES YE SHES CHOS SKU, RANG RGYUD LDAN GYI GANG ZAG LONGS SKUR SANGS RGYA TSUL DANG, SPRUL SKUR SANGS RGYA TSUL DPAG TU MED PA STON ZHES PA'I DON YIN PA'I PHYIR, DE LTAR MA YIN NA KHYOD KYI RTZA BA'I DAM BCA' MI 'THAD PAR THAL, BYANG SEMS RGYUN MTHA' BAS LONGS SKU DANG SPRUL SKU CIG CAR DU MNGON DU BYED PA'I PHYIR TE, RNAM BSHAD LAS, LONGS SKUS BDAG RKYEN BYAS NAS MDZAD PA BCU GNYIS KYI SGO NAS GDUL BYA RJES SU 'DZIN PA'I MCHOG GI SPRUL PA'I SKU DE'I TSE TSOGS PA GCIG TU MED KYANG, SANGS RGYAS KYI SPRUL PA'I SKU'I BYE BRAG 'GA' ZHIG LONGS SPYOD RDZOGS PA'I SKU DANG DNGOS RGYU TSOGS PA TSAR GCIG LA RAG LAS KYI 'BREL PA GRUB PA'I TSUL DU THOB PAR SHES PAR BYA'O, ,ZHES BSHAD PA'I PHYIR, BYAS PA LA KHO NA RE, LONGS SKU DANG DNGOS RGYU TSOGS PA TSAR GCIG LA RAG LAS PA'I 'BREL PA GRUB PA'I SPRUL SKU CHOS CAN, KHYOD SPRUL PA PO'I SANGS RGYAS YOD PAR @04A *, ,THAL, KHYOD SANGS RGYAS KYI SPRUL SKU YIN PA'I PHYIR NA MA KHYAB, 'O NA, DE 'DRA'I KHYAB PA BYE BRAG SMRA BAS KHAS LEN PAR THAL, DE RANG RGYUD PAS KYANG KHAS LEN PA'I PHYIR, RTAGS KHAS, 'DOD NA, DES STON PA SH'AKYA THUB PA SPRUL PA PO'I SANGS RGYAS YOD PAR KHAS LEN PAR THAL LO, ,'DOD NA, DES DE RGYAL PO GZHON NU DON GRUB KYI RTEN LA GSAR DU SANGS RGYAS PAR KHAS MI LEN PAR THAL LO, ,GZHAN YANG LONG SKU DANG DNGOS RGYU TSOGS PA TSAR GCIG LA RAG LAS KYI 'BREL PA GRUB PA'I SPRUL SKU YOD PAR THAL, BYANG SEMS RGYUN MTHA' BA SANGS RGYAS PA'I TSE, DE'I SPRUL PA KHAMS 'OG MA NA YOD PA RNAMS DE DANG DUS MNYAM DU SANGS RGYAS PA'I PHYIR TE, DE SANGS RGYAS PA'I DUS SRID PA'I PHYIR, KHA CIG ,'DOD PA'I RTEN LA GSAR DU SANGS RGYAS PA YOD ZER NA, DE MI 'THAD PAR THAL, PHAR PHYIN THEG PA'I SPYI SKAD DANG 'GAL BA'I PHYIR, DES NA BYANG SEMS RGYUN MTHA' BA SANGS RGYAS PA'I TSE, DE'I SPRUL PA KHAMS 'OG MA NA YOD PA RNAMS 'OG MIN GYI RTEN LA SANGS RGYAS PA YIN NO, ,GNYIS PA RANG LUGS LA, SA BCU PA'I RGYUN MTHA'I BAR CHAD MED LAM GYI GZIGS NGOR CHOS CAN KUN RDZOB PA'I SNANG BA CUNG ZAD KYANG MI 'CHAR TE, DE'I TSE DES BDEN PA GNYIS NGO BO THA DAD DU 'DZIN PA'I DRI MA ZAD PAR MA SPANGS PA'I PHYIR, DES RANG GI SKAD CIG GNYIS PAR SHES BYA JI SNYED PA LAG MTHIL DU SKYU RU RA BZHAG PA LTAR MNGON SUM DU RTOGS PA'I TSE, BYANG SEMS RGYUN MTHA' BAS SHES SGRIB ZAD PAR SPANGS PA DANG, YANG DAG MTHA' MNGON DU BYAS PA DANG, CHOS SKU MNGON DU BYAS PA DANG, CHOS THAMS CAD RNAM PA THAMS CAD DU MNGON PAR RDZOGS PAR BYANG CHUB PA ZHES BYA BA YIN TE, DE'I TSE DES BDEN PA GNYIS NGO BO THA DAD DU 'DZIN PA'I DRI MA ZAD PAR SPANGS PA'I PHYIR, KHA CIG ,BYANG SEMS RGYUN MTHA' BAS YANG DAG MTHA' MNGON DU MA BYAS PAR THAL, DES DE MNGON DU BYAS PA DANG, CHOS SKU MNGON DU BYAS PA DUS MNYAM PA'I PHYIR, 'DOD NA, DES DE MNGON DU @04B BYAS PAR THAL, DES CHOS NYID DE BZHIN NYID MNGON DU BYAS PA'I PHYIR TE, DES DE LA SLAR MI LDANG BA'I TSUL GYIS MNYAM PAR BZHAG PA'I PHYIR TE, DES DE LA SLAR LDANG MI SRID PA'I TSUL GYIS MA NYAM PAR BZHAG PA'I PHYIR TE, DE MNYAM BZHAG DE LAS SLAR LDANG MI SRID PA GANG ZHIG ;DES DE LA MNYAM PAR BZHAG PA'I TSE DE LAS SLAR LDANG BAR BYA'O SNYAM PA'I 'PHEN PA CUNG ZAD KYANG MA BTANG BA'I PHYIR ZER NA MA KHYAB, KHA CIG BYANG SEMS RGYUN MTHA' BAS YANG DAG MTHA' MNGON DU BYAS PA YIN ZER NA, DE MI 'THAD PAR THAL, RNAM BSHAD LAS, YANG DAG PA'I MTHA' DE BZHIN NYID TZAM LA BYAS NAS, DE MNGON DU BYAS PA'I DON DE LA SLAR MI LDANG BA'I TSUL DU MNYAM PAR BZHAG PA LA BYED BA DANG, CHOS NYID DRI BRAL GYI 'GOG PA YANG DAG PA'I MTHAR BYAS NAS, DE THOB PA LA MNGON DU BYAS PAR BZHAG PA RNAMS NI, SANGS RGYAS MA THOB PAR DU SANGS RGYAS MNGON DU MI BYA'O, ,ZHES PA'I DON DU 'GYUR BAS 'THAD PAR DKA'O, ,ZHES BSHAD PA DANG 'GAL BA'I PHYIR, GNYIS PA SKU'I RNAM GZHAG DPYAD PA LA, SKU GSUM SO SO'I MTSAN NYID DBYE BA RANG RANG GI SKABS SU BSHAD LA, 'BRAS BU CHOS SKU SPYI'I DBANG DU BYAS NA, KHA CIG ,SBYOR BZHI PA SGOMS STOBS KYIS THOB PA'I 'BRAS BU MTHAR THUG 'BRAS BU CHOS SKU'I MTSAN NYID DANG, KHA CIG ,MKHYEN GSUM GYI RNAM PA BSGOMS STOBS KYIS THOB PA'I 'BRAS BU MTHAR THUG DE DE'I MTSAN NYID ZER NA, DE MI 'THAD DE, SBYOR BZHI SGOM PA'I SNGON DU BYUNG BA'I RNAM MKHYEN DANG, MKHYEN GSUM GYI RNAM PA SGOM PA'I SNGON DU BYUNG BA'I RNAM MKHYEN RNAMS RIM PA BZHIN DU SKYON DU 'JUG PA'I PHYIR, RANG LUGS LA, RANG 'THOB BYED KYI THABS SU GYUR PA'I MKHYEN GSUM GYI RNAM PA BSGOMS STOBS KYIS THOB PA'I 'BRAS BU MTHAR THUG 'BRAS BU CHOS SKU'I MTSAN NYID, SBYOR BZHI BSGOMS STOBS KYIS THOB PA'I 'BRAS BU MTHAR THUG DE DE'I MTSAN NYID DU 'JOG PA MI 'THAD DE, 'BRAS BU CHOS SKU DE, SBYOR BZHIS MKHYEN GSUM GYI RNAM PA @05A *, ,BSGOMS STOBS KYIS THOB PA'I PHYIR, 'BRAS BU CHOS SKU DE LA DBYE NA, RANG DON DON DAM PA'I SKU, GZHAN DON KUN RDZOB PA'I SKU DANG GNYIS SU YOD, YANG DE LA DBYE NA, NGO BO NYID SKU, LONGS SKU, SPRUL SKU DANG GSUM YOD, YANG DE LA NGO BO NYID SKU, YE SHES CHOS SKU, LONGS SKU, SPRUL SKU DANG BZHIR YOD, YANG DE LA DBYE NA, NGO BO NYID SKU, CHOS SKU, YE SHES CHOS SKU, LONGS SKU SPRUL SKU DANG LNGAR SLOB DPON 'JAM DPAL GRAGS PAS MTSAN BRJOD KYI 'GREL PAR BSHAD, YANG DE LA DBYE NA, NGO BO NYID SKU, LONGS SKU, SPRUL SKU, RNAM SMIN GYI SKU, YE SHES CHOS SKU DANG LNGAR SLOB DPON SGEG PA'I RDO RJES MTSAN BRJOD KYI 'GREL PAR BSHAD PA'I PHYIR, GSUM PA RTZOD PA SPONG BA LA, KHA CIG ,NGO BO NYID SKU CHOS CAN, MTSAN NYID DER THAL, MTSON BYA DE'I PHYIR; 'DOD NA, DE CHOS CAN, 'BRAS BU MTHAR THUG YIN PAR THAL LO, ,'DOD NA, 'BRAS BU YIN PAR THAL LO, ,ZER NA MA KHYAB STE, DE CHOS CAN, 'BRAS BU YIN PAR THAL, 'BRAS BU CHOS SKU YIN PA'I PHYIR, KHYAB PA 'GRIG ,YANG KHA CIG ,LONG SKU'I SEN MO ZANGS MDOG CHOS CAN, MTSAN NYID DER THAL, MTSON BYA DE'I PHYIR, 'DOD NA, SANGS RGYAS YIN PAR THAL LO, ,'DOD NA, SKU BZHI PO GANG RUNG YIN PAR THAL LO, ,'DOD MI NUS TE, GZUGS KYI SKYE MCHED YIN PA'I PHYIR TE, KHA DOG YIN PA'I PHYIR ZER NA, LONG SKU'I DBU SKRA BUNG BA LTAR GNAG DE NAG PO YIN PAR THAL LO, ,DE'I SEN MO ZANGS MDOG DMAR PO YIN PA'I PHYIR TE, DE KHA DOG YIN PA'I PHYIR, 'DOD NA, DE CHOS CAN, NAG PO MED NA KHYOD MED DGOS PAR THAL, KHYOD NAG PO YIN PA'I PHYIR, 'DOD NA, NAG PO TSAD MAS MA DMIGS PA'I SA PHYOGS CHOS CAN, DER THAL, DE'I PHYIR, GZHAN YANG, PAGS PA GSER MDOG DE SER PO YIN PAR THAL, DE'I SEN MO ZANGS MDOG DE DMAR PO YIN PA'I PHYIR, 'DOD NA, RGYAL BA SMAN PA'I RGYAL PO LA PAGS PA GSER MDOG @05B MED PAR THAL LO, ,'DOD NA, DE LA MTSAN BZANG PO SUM CU RTZA GNYIS MED PAR THAL LO, ,DES NA PAGS PA GSER MDOG CES PA PAGS PA'I MDOG LEGS PA'I DON YIN GYI, SER PO MA YIN PAR GSER 'PHRENG LAS BSHAD PA'I PHYIR, GZHAN YANG, BA LANG KHRA BO DE KHRA BO YIN PAR THAL, LONG SKU'I SEN MO ZANGS MDOG DE DMAR PO YIN PA'I PHYIR, 'DOD NA, GANG ZAG DANG KHA DOG GI GZHI MTHUN YOD PAR THAL LO, ,THUB PA'I NGO BO NYID SKU NI, ,ZHES SOGS KYI SKABS SU GNYIS LAS, DANG PO NI, NGO BO NYID SKU CHOS CAN, KHYAD PAR GSUM DANG LDAN PA YIN TE, LDAN PA'I KHYAD PAR, BRAL BA'I KHYAD PAR, NGO BO'I KHYAD PAR DANG LDAN PA'I PHYIR, DANG PO GRUB STE, ZAG MED YE SHES SDE TSAN NYER GCIG DANG LDAN PA'I PHYIR, GNYIS PA GRUB STE, SGRIB GNYIS ZAD PAR SPANGS PA'I PHYIR, GSUM PA GRUB STE, BDEN GRUB KYIS STONG PA'I CHOS DBYINGS YIN PA'I PHYIR, BYAS PA LA KHO NA RE, ZAG PA MED PA'I CHOS GANG DAG ,CES PA'I GZHUNG 'DIS, NGO BO NYID SKU DE, ZAG MED YE SHES SDE TSAN NYER GCIG DANG LDAN PAR DNGOS SU BSHAD PAR THAL, SBYOR BA 'THAD PA'I PHYIR, 'DOD NA, DES NGO BO NYID SKU DNGOS SU BSHAD PAR THAL LO, ,ZER NA MA KHYAB, 'DOD NA, ZAG PA MED PA'I CHOS GANG DAG ,CES PA'I GZHUNG 'DI, BYANG CHUB PHYOGS MTHUN TSAD MED DANG, ZHES PA'I GZHUNG DANG, MDOR BSTAN RGYAS BSHAD KYI GZHUNG YIN PAR THAL LO, ,KHYAB STE, RNAM BSHAD LAS, TSIGS BCAD SNGA PHYI, MDOR BSTAN RGYAS BSHAD DU MI 'DOD PA DES KYANG ZAG PA MED PA'I CHOS GANG DAG ,ZHES PA'I TSIGS BCAD SGRA JI BZHIN DU KHAS BLANGS PA MA YIN NAM ZHE NA MA YIN TE, CHOS KYI DBYINGS KYI NGO BO NYID KYIS ZAG PA MED PA, ZHES BSHAD PA'I PHYIR, ` MTHA' DPYAD PA LA, KHA CIG ,DBYINGS RANG BZHIN RNAM PAR DAG PA LA DGAG BYA GLO BUR GYI DRI MA MTHA' DAG DANG BRAL BAS RAB TU PHYI BA'I DE BZHIN NYID, NGO BO NYID SKU'I MTSAN NYID ZER NA, SANGS RGYAS 'PHAGS PA'I RGYUD KYI 'GOG BDEN CHOS @06A *, ,CAN; MTSAN NYID DER THAL, MTSON BYA DE'I PHYIR, 'DOD NA, DE BZHIN NYID YIN PAR THAL LO, ,'DOD NA, DON DAM BDEN PA YIN PAR THAL LO, ,'DOD MI NUS TE, 'GOG BDEN YIN PA'I PHYIR, KHA CIG ,'GOG BDEN DON DAM BDEN PA YIN, ZER NA, DE CHOS CAN, KHYOD MNGON SUM DU RTOGS NA, DON DAM BDEN PA MNGON SUM DU RTOGS PAS KHYAB PAR THAL, KHYOD 'GOG BDEN DANG GCIG GANG ZHIG ,KHYOD DON DAM BDEN PA YIN PA'I PHYIR, 'DOD NA, STONG NYID MA RTOGS PA'I NYAN THOS DGRA BCOM PA CHOS CAN, DER THAL, DE'I PHYIR, DGRA BCOM PA YIN PA'I PHYIR, KHA CIG ,BUM PA BDEN MED CHOS CAN, KHYOD MNGON SUM DU RTOGS NA DON DAM BDEN PA MNGON SUM DU RTOGS PAS KHYAB PAR THAL, KHYOD DON DAM BDEN PA YIN PA'I PHYIR NA MA KHYAB, 'DOD NA, DGAG GZHI GSHAGS, KHA CIG ,BUM PA CHOS CAN, KHYOD MNGON SUM DU RTOGS NA, GANG ZAG GI BDAG MED MNGON SUM DU RTOGS PAS KHYAB PAR THAL, KHYOD GANG ZAG GI BDAG MED YIN PA'I PHYIR, KHYAB PA 'GRIG ,ZER NA, MI MTSUNGS SO, KHA CIG ,RGYUN MTHA' BAR CHAD MED LAM PA'I RGYUD KYI CHOS NYID CHOS CAN, NGO BO NYID SKU YIN PAR THAL, MTSAN NYID DE 'THAD PA'I PHYIR TE, RGYUN MTHA'I BAR CHAD MED LAM DE, GLO BUR GYI DRI MA MTHA' DAG DANG BRAL BA'I PHYIR TE, DE BDEN 'DZIN DANG BRAL BA'I PHYIR TE, DE BDEN 'DZIN GYI RTOGS PA DANG BRAL BA'I PHYIR ZER NA MA KHYAB, MA GRUB NA DE CHOS CAN, RTOG BRAL YIN PAR THAL, MNGON SUM YIN PA'I PHYIR ZER NA, RGYUN MTHA' BAS CHOS NYID DRI BRAL GYI 'GOG PA THOB PAR THAL, DE'I RGYUD KYI CHOS NYID DE GLO BUR GYI DRI MA MTHA' DAG DANG BRAL PA'I PHYIR, RTAGS KHAS 'DOD NA, RNAM BSHAD LAS, CHOS NYID DRI BRAL GYI 'GOG PA YANG DAG PA'I MTHAR BYAS NAS, DE THOB PA LA MNGON DU BYAS PAR BZHED PA RNAMS NI, SANGS RGYAS MTHOB BAR DU SANGS RGYAS MNGON DU MI BYA'O, ,ZHES PA'I DON DU 'GYUR @06B BAS 'THAD PAR DKA'O, ,ZHES BSHAD PA MI 'THAD PAR THAL LO, ,BYAS PA LA KHO NA RE, BDEN 'DZIN DANG BRAL NA DE DANG BRAL BA'I BRAL BA THOB DGOS PAR THAL, RGYUN MTHA'I BAR CHAD MED LAM DE, BDEN 'DZIN DANG MA BRAL BA'I PHYIR, 'DOD NA, RGYUN MTHA'I BAR CHAD MED LAM CHOS CAN, RTOG PA DANG BRAL BA'I BRAL BA THOB PAR THAL, DE DANG BRAL BA'I PHYIR, KHYAB PA 'GRIG ,ZER NA, MI MTSUNGS SO, ,KHA CIG ,DAG PA GNYIS LDAN GYI 'GOG BDEN MTHAR THUG DE, NGO BO NYID SKU'I MTSAN NYID ZER NA, SANGS RGYAS 'PHAGS PA'I RGYUD KYI CHOS NYID CHOS CAN, MTSAN NYID DER THAL, MTSON BYA DE'I PHYIR, MA GRUB NA, DER THAL, CHOS CAN DE DANG GCIG YIN PA'I PHYIR, 'DOD NA, DE CHOS CAN, 'GOG BDEN YIN PAR THAL LO, ,'DOD NA, KUN RDZOB BDEN PA YIN PAR THAL LO, ,BYAS PA LA KHO NA RE, SANGS RGYAS 'PHAGS PA CHOS CAN, 'GOG BDEN YIN PAR THAL, 'GOG BDEN MTHAR THUG YIN PA'I PHYIR TE, SPANGS PA MTHAR THUG YIN PA'I PHYIR TE, SPANGS PA MTHAR PHYIN PA'I PHYIR NA MA KHYAB, MA GRUB NA, DER THAL, SPANGS RTOGS MTHAR PHYIN PA'I PHYIR TE, DE MTHAR PHYIN PA'I GANG ZAG YIN PA'I PHYIR NA MA KHYAB 'TSAMS LA, BUM PA'I CHOS NYID CHOS CAN, CHOS NYID MTHAR PHYIN YIN PAR THAL, CHOS NYID MTHAR THUG YIN PA'I PHYIR, KHYAB PA KHAS, DER THAL, GNAS LUGS MTHAR THUG YIN PA'I PHYIR, KHA CIG ,DAG PA GNYIS LDAN GYI CHOS NYID KYI SKU DE, DE'I MTSAN NYID ZER NA, SANGS RGYAS 'PHAGS PA'I RGYUD KYI 'GOG BDEN CHOS CAN, MTSAN NYID DER THAL, MTSON BYA DE'I PHYIR, 'DOD NA, CHOS NYID YIN PAR THAL LO, ,BYAS PA LA KHO NA RE, YE SHES CHOS SKU CHOS CAN, DON DAM PA YIN PAR THAL; DON DAM PA'I SKU YIN PA'I PHYIR NA MI MTSUNGS TE, CHOS NYID KYI SKU YIN NA, CHOS NYID YIN DGOS PAR THAL, YE SHES CHOS SKU YIN NA, YE SHES YIN DGOS PA'I PHYIR, KHA CIG ,DAG PA GNYIS LDAN GYI CHOS DBYINGS MTHAR THUG DE, DE'I MTSAN @07A *, ,NYID ZER NA, SANGS RGYAS 'PHAGS PA'I RGYUD KYI 'GOG BDEN CHOS CAN, MTSAN NYID DER THAL, MTSON BYA DE'I PHYIR, 'DOD NA, CHOS DBYINGS YIN PAR THAL LO, ,BYAS PA LA KHO NA RE, NGO BO NYID SKU YIN NA, CHOS NYID YIN DGOS PAR THAL, DE YIN NA MTHAR THUG DPYOD BYED KYI RIG SHES RANG NYID LA MTHAR THUG DPYOD BYED KYI RIG SHES SU SONG BA YIN DGOS PA'I PHYIR TE, BDEN GNYIS RANG 'GREL LAS, RIG PA'I RJES 'BRANG NGO BO'I PHYIR, ZHES BSHAD PA'I PHYIR NA, MA KHYAB STE, DE RANG BZHIN RNAM DAG GI CHAR GYUR PA'I NGO BO NYID SKU LA DGONGS PA'I PHYIR, YANG KHO NA RE, SANGS RGYAS 'PHAGS PA'I RGYUD KYI 'GOG BDEN CHOS CAN, CHOS NYID YIN PAR THAL, CHOS NYID KYI SKU YIN PA'I PHYIR TE, NGO BO NYID SKU YIN PA'I PHYIR, KHYAB STE, 'GREL PAR; SKU LHAG MA GSUM PO DON DAM PAR CHOS NYID KYI NGO BO ZHES BSHAD PA'I PHYIR NA, MA KHYAB STE, DE RANG BZHIN RNAM DAG GI CHAR GYUR PA'I NGO BO NYID SKU LA DGONGS PA'I PHYIR, KHA CIG ,STON PA SH'AKYA THUB PA CHOS CAN, GZUGS YIN PAR THAL, GZUGS SKU YIN PA'I PHYIR, KHYAB PA KHAS, ZER NA MI MTSUNGS SO, ,KHA CIG ,SGRIB GNYIS MA LUS PAR ZAD PAR SPANGS PA'I 'DUS MA BYAS KYI SKU DE, DE'I MTSAN NYID ZER NA, 'BRAS BU CHOS SKU CHOS CAN, MTSON BYA DER THAL, MTSAN NYID DE'I PHYIR, 'DOD MI NUS TE, YE SHES CHOS SKU DANG GZUGS SKU GNYIS PO KHYOD YIN PA'I PHYIR, KHA CIG ,DAG PA GNYIS LDAN GYI 'DUS MA BYAS DE, DE'I MTSAN NYID ZER NA, 'BRAS BU CHOS SKU CHOS CAN, MTSON BYA DER THAL, MTSAN NYID DE'I PHYIR, RTAGS GSAL GNYIS KA GRUB STE, CHOS CAN DE DANG GCIG YIN PA'I PHYIR, RANG LUGS LA DAG PA GNYIS LDAN GYI DBYINGS MTHAR THUG DE, NGO BO NYID SKU'I MTSAN NYID, DE LA DBYE NA, RANG BZHIN RNAM DAG GI CHAR GYUR PA'I NGO BO NYID SKU DANG, BLO BUR RNAM DAG GI CHAR GYUR PA'I NGO @07B BO NYID SKU GNYIS, DANG PO NI, SANGS RGYAS 'PHAGS PA'I RGYUD KYI CHOS NYID LTA BU LA BYED, GNYIS PA NI, DE'I RGYUD KYI 'GOG BDEN LTA BU LA BYED, BYAS PA LA KHO NA RE, SANGS RGYAS 'PHAGS PA'I RGYUD KYI 'GOG BDEN CHOS CAN, MTSAN NYID DER THAL, MTSON BYA DE'I PHYIR; 'DOD NA, DE CHOS CAN, CHOS DBYINGS YIN PAR THAL LO ZER NA MA KHYAB STE, KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS DE, CHOS DBYINGS MA YIN PA'I PHYIR TE, DE DON DAM BDEN PA MA YIN PA'I PHYIR TE, ZHI PA'I DBYINGS LA SNYOMS PAR 'JUG PA'I STONG NYID MA RTOGS PA'I NYAN THOS DGRA BCOM PA YOD PA'I PHYIR, KHO NA RE, SANGS RGYAS 'PHAGS PA'I RGYUD KYI CHOS NYID CHOS CAN, SANGS RGYAS 'PHAGS PA KHO NA'I MNGON SUM GYI SPYOD YUL YIN PAR THAL, NGO BO NYID SKU YIN PA'I PHYIR, KHYAB STE, RGYUD BLA MA LAS; 'BA' ZHIG BAG CHAGS BCAS SPANGS PHYIR, ,ZHES BSHAD PA'I PHYIR, 'DOD MI NUS TE, DE MNGON SUM DU RTOGS PA'I BYANG 'PHAGS YOD PA'I PHYIR ZER NA SKYON MED DE, DE'I DON, NGO BO NYID SKU DE SANGS RGYAS 'PHAGS PA KHO NA'I RGYUD LA YONG CES PA'I DON YIN PA'I PHYIR, DE LTAR YANG RGYUD BLA MA'I DAR t'IKA DANG, GSER 'PHRENG LAS BSHAD PA'I PHYIR, DE MA YIN NA NGO BO NYID SKU YIN NA SANGS RGYAS 'PHAGS PA KHO NA'I MNGON SUM GYI SPYOD YUL YIN PAS MA KHYAB PAR THAL, RANG BZHIN RNAM DAG GI CHAR GYUR PA'I NGO BO NYID SKU, MNGON SUM DU STOGS PA'I BYANG 'PHAGS YOD PA'I PHYIR TE, LAM t'IG LAS, NYAN THOS LA CHOS KYI BDAG MED RTOGS PA YOD PAR 'DOD PA LTAR NA, NYAN THOS 'PHAGS PAS KYANG SANGS RGYAS KYI DON DAM PA'I CHOS KYI SKU MNGON SUM DU RTOGS PA YIN TE, ZHES STONG NYID BDEN MED MNGON SUM DU RTOGS PA'I GANG ZAG YIN NA, RANG BZHIN RNAM DAG GI CHAR GYUR PA'I NGO BO NYID SKU MNGON SUM DU RTOGS DGOS PAR GSUNGS SHING, RGYUD BLA MA'I DAR t'IK LAS, DE DANG MTHUN PAR BSHAD PA'I PHYIR, BYAS PA LA KHO NA RE, SANGS RGYAS KYI CHOS NYID YIN NA NGO @08A *, ,BO NYID SKU YIN DGOS PAR THAL, DE NGO BO NYID SKU YIN PA'I PHYIR NA MA KHYAB, 'DOD NA, SANGS RGYAS BDEN PAS STONG PA CHOS CAN, DER THAL, DE'I PHYIR, MA KHYAB MTSAMS LA, SANGS RGYAS KYI CHOS NYID YIN NA SEMS CAN GYI RGYUD LA MED PAS KHYAB PAR THAL, DE SEMS CAN GYI RGYUD LA MED PA'I PHYIR, KHYAB PA KHAS, MA GRUB NA, SEMS CAN GYI RGYUD LA SANGS RGYAS KYI YON TAN YOD PAR THAL, MA GRUB PA DE'I PHYIR, RTZA BAR 'DOD NA, SANGS RGYAS BDEN PAS STONG PA CHOS CAN, DER THAL, DE'I PHYIR, KHA CIG SANGS RGYAS KYI CHOS NYID NGO BO NYID SKU MA YIN ZER NA, DE DE YIN PAR THAL, DE SANGS RGYAS YIN PA'I PHYIR TE, DE MTHAR THUG GI YON TAN YIN PA'I PHYIR, MA GRUB NA, DE YON TAN MA YIN PAR THAL, DE MTHAR THUG GI YON TAN YANG MA YIN, DE GNAS SKABS KYI YON TAN YANG MA YIN PA'I PHYIR, PHYI MA MA GRUB NA, DE CHOS CAN, SEMS CAN GYI RGYUD LA YOD PAR THAL, MA GRUB PA DE'I PHYIR, KHA CIG ,SANGS RGYAS KYI CHOS NYID YIN NA, SEMS CAN GYI RGYUD LA MED PAS KHYAB ZER NA, SANGS RGYAS BDEN PAS STONG PA CHOS CAN, DER THAL; DE'I PHYIR, 'DOD NA, DE'I RGYUD LA DE YOD PAR THAL, DE'I RGYUD LA SANGS RGYAS BDEN PAR MED PA YOD PA'I PHYIR TE, DE'I RGYUD LA DE MED PA YOD PA'I PHYIR, KHA CIG ,NGO BO NYID SKU YIN NA, SEMS CAN GYI RGYUD LA MED PAS MA KHYAB ZER NA, DE KHYAB PAR THAL, DE YIN NA SANGS RGYAS 'PHAGS PA KHO NA'I RGYUD LA YOD PAS KHYAB PA'I PHYIR TE, RGYUD BLA MA LAS, 'BA' ZHIG BAG CHAGS BCAS SPANGS PHYIR, ZHES BSHAD PA'I PHYIR, KHA CIG ,SANGS RGYAS BDEN PAS STONG PA DE, NGO BO NYID SKU YIN PAR THAL, SEMS CAN GYI RGYUD KYI SEMS BDEN PAS STONG PA DE, RANG BZHIN GNAS RIGS YIN PA'I PHYIR, MA GRUB NA, DE CHOS CAN, DER THAL, RANG GI RTEN CHOS SU GYUR PA'I DRI MA DANG BCAS PA'I SEMS KYI CHOS NYID GANG ZHIG ,GNAS GYUR BA NA NGO BO NYID SKUR 'GYUR RUNG YIN @08B PA'I PHYIR, PHYI MA GRUB STE, RANG BZHIN RNAM DAG GI CHAR GYUR PA'I NGO BO NYID SKUR 'GYUR RUNG YIN PA'I PHYIR TE, DER 'GYUR RUNG GI RIGS SHIG YOD PA'I PHYIR NA MA KHYAB PO, ,SKU LHAG MA GSUM DON DAM PAR CHOS NYID KYI NGO BO ZHES SOGS KYI SKABS SU SBYOR BA NI, DE YANG NGO BO NYID KYI SKU LA SOGS PA'I DBYE BAS BZHI YIN PAS ZHES PA'I SKABS SU, CHOS CAN GYI SKU GSUM CHOS NYID KYI SKU LAS THA DAD DU BSTAN PA LAS, 'PHROS SHING 'PHROS TSUL NI, CHOS CAN GYI SKU GSUM CHOS NYID KYI SKU DANG NGO BO THA DAD YIN, NGO BO GCIG YIN DANG PO LTAR NA, DE GNYIS CHOS DANG CHOS CAN MA YIN PAR 'GYUR LA, GNYIS PA LTAR NA, CHOS CAN GYI SKU GSUM CHOS NYID KYI SKU DANG THA DAD DU BSTAN PA MI 'THAD PAR THAL, DE GNYIS NGO BO GCIG YIN PA'I PHYIR NA, DE'I LAN STON PA LA, SKU LHAG MA GSUM ZHES SOGS KYI GZHUNG 'DI GSUNGS, GZHUNG 'DI'I DON NI, CHOS CAN GYI SKU GSUM CHOS NYID KYI SKU DANG NGO BO THA DAD MA YIN TE, DE GSUM CHOS NYID KYI SKU'I NGO BO YIN PA'I PHYIR, DE GSUM DE DANG NGO BO THA DAD MA YIN KYANG, DE GSUM DE DANG THA DAD DU STON PA'I RGYU MTSAN YOD DE, GDUL BYA'I BSAM PA'I DBANG GIS DE LTAR BSTAN PA'I PHYIR, DE LTAR BSTAN PA LA DGOS PA YOD DE, YE SHES CHOS SKU DE SANGS RGYAS 'PHAGS PA KHO NA'I MNGON SUM GYI SPYOD YUL DANG, LONGS SKU DE BYANG SEMS SA DANG PO BA YAN CHAD KYI SPYOD YUL DANG MCHOG GI SPRUL SKU DE SO SO SKYE BO LAS DAG YAN CHAD KYI MNGON SUM GYI SPYOD YUL DU SHES PAR BYA BA'I CHED YIN PA'I PHYIR, DE DE DANG NGO BO THA DAD MA YIN PAR STON PA'I GZHUNG YOD DE, SHING RTA CHEN PO KLU SGRUB KYI LUGS LA, GANG PHYIR DBEN PAS DBEN GYUR LAS, ,THA MI DAD PA NYID DU 'DOD, ,CES BSHAD PA'I PHYIR, BYAS PA LA KHO NA RE, YE SHES CHOS SKU DE SANGS RGYAS KYI YUL YIN PAR THAL, DAM BCA' 'THAD PA'I PHYIR, 'DOD NA, SANGS RGYAS KYI YUL YOD PAR THAL LO, ,'DOD MI NUS TE, SANGS RGYAS RTAG PA YIN PA'I PHYIR NA MA @09A *, ,KHYAB STE, SANGS RGYAS KYI GSUNG MED PAR THAL, DE RTAG PA YIN PA'I PHYIR, KHYAB PA KHAS, 'DOD NA, SANGS RGYAS KYI BKA' MED PAR THAL LO, ,KHO NA RE, YE SHES CHOS SKU DE SANGS RGYAS LAS GZHAN PA'I GANG ZAG GI MNGON SUM GYI SPYOD YUL MA YIN PAR THAL, DE SANGS RGYAS KHO NA'I MNGON SUM GYI SPYOD YUL YIN PA'I PHYIR, 'DOD MI NUS TE, GZUGS SKU GNYIS KYI MNGON SUM GYI SPYOD YUL YIN PA GANG ZHIG ,DE GNYIS PO SANGS RGYAS LAS GZHAN YIN PA'I PHYIR, GNYIS PA GRUB STE, DE SANGS RGYAS LAS THA DAD YIN PA'I PHYIR ZER NA MA KHYAB, KHA CIG ,YE SHES CHOS SKU DE SANGS RGYAS KHO NA'I MNGON SUM GYI SPYOD YUL YIN PAR THAL, DE DE YIN PA'I PHYIR, 'DOD NA, DE DE LO NA'I YUL YIN PAR THAL LO, ,ZER NA MA KHYAB STE, GANG ZAG GI BDAG MED CHOS CAN, 'PHAGS PA KHO NAS RTOGS PAR THAL, DE KHO NAS MNGON SUM DU RTOGS PA'I PHYIR, KHYAB PA KHAS, MA GRUB NA, DER THAL, DE MNGON SUM DU RTOGS PA'I GANG ZAG YIN NA 'PHAGS PA YIN DGOS PA'I PHYIR, RTZA BAR 'DOD MI NUS TE, DE RTOGS PA'I SO SKYE YOD PA'I PHYIR, MA GRUB NA, DE CHOS CAN, KHYOD RTOGS PA'I SO SKYE YOD PAR THAL, KHYOD GZHI GRUB PA'I PHYIR, DES NA, YE SHES CHOS SKU CHOS CAN, SANGS RGYAS KHO NA'I MNGON SUM GYI SPYOD YUL MA YIN TE, DE KHO NA'I MNGON SUM GYI GZHAL BYA YIN PA'I PHYIR, KHO NA RE, DE SANGS RGYAS KHO NA'I MNGON SUM GYI SPYOD YUL MA YIN TE, BYANG SEMS 'PHAGS PA'I MNGON SUM GYI SPYOD YUL YIN PA'I PHYIR TE, DE'I RGYUD KYI YE SHES CHOS SKU MI RTAG PAR MNGON SUM DU RTOGS PA'I MKHYEN PA LA YE SHES CHOS SKU SNANG BA'I PHYIR, DE YE SHES CHOS SKU LA SGRUB 'JUG YIN PA'I PHYIR, DE DE MI RTAG PA LA SGRUB 'JUG YIN PA GANG ZHIG ,YE SHES CHOS SKU DANG YE SHES CHOS SKU'I MI RTAG PA GNYIS PO DE YUL DUS RANG BZHIN GANG LA LTOS @09B TE; GRUB BDE RDZAS GCIG YIN PA'I PHYIR, DANG PO GRUB STE, DE'I RGYUD LA YE SHES CHOS SKU MI RTAG PAR MNGON SUM DU RTOGS PA'I BLO YOD PA'I PHYIR TE, DE'I RGYUD LA 'DUS BYAS THAMS CAD MI RTAG PAR MNGON SUM DU RTOGS PA'I MKHYEN PA YOD PA'I PHYIR NA, MA KHYAB, 'O NA, DE'I RGYUD KYI YE SHES CHOS SKU MI RTAG PAR MNGON SUM DU RTOGS PA'I MKHYEN PA DE SNANG LA MA NGES PA'I BLO YIN PAR THAL, DE LA YE SHES CHOS SKU MNGON SUM DU SNANG BA GANG ZHIG ,DES DE MNGON SUM DU MA RTOGS PA'I PHYIR, 'DOD NA, 'PHAGS PA'I RGYUD LA SNANG LA MA NGES PA'I BLO YOD PAR THAL LO, ,'DOD MI NUS TE, RNAM 'GREL LAS, BLO GROS CHEN POS MTHONG NYID LAS, ,RNAM PA THAMS CAD NGES PAR BYED, ,CES BSHAD PA'I PHYIR, YANG KHO NA RE, BYANG 'PHAGS KYI RGYUD LA DE MI RTAG PAR MNGON SUM DU RTOGS PA'I MKHYEN PA YOD PAR THAL, DE'I RGYUD LA DE RTAG STONG DU MNGON SUM DU RTOGS PA'I MKHYEN PA YOD PA'I PHYIR NA MA KHYAB, MA GRUB NA, DER THAL, DE'I RGYUD LA DE RTAG GCIG RANG DBANG CAN GYIS STONG PAR MNGON SUM DU RTOGS PA'I MKHYEN PA YOD PA'I PHYIR TE, DE'I RGYUD LA DE GANG ZAG GI BDAG MED MNGON SUM DU RTOGS PA'I MKHYEN PA YOD PA'I PHYIR, BYANG CHUB PHYOGS MTHUN TSAD MED DANG, , ZHES SOGS KYI SKABS SU, GNYIS LAS, DANG PO NI, SANGS RGYAS KYI SA'I ZAG MED YE SHES SDE TSAN NYER GCIG PO CHOS CAN, YE SHES CHOS SKU YIN TE, JI LTA BA DANG JI SNYED PA LA LTOS NAS, GZIGS PA MTHAR THUG PA'I YE SHES YIN PA'I PHYIR, GNYIS PA MTHA' DPYAD PA LA, JI LTA BA DANG JI SNYED PA LA LTOS NAS GZIGS PA MTHAR THUG PA'I YE SHES DE YE SHES CHOS SKU'I MTSAN NYID YIN, BYAS PA LA KHO NA RE, SANGS RGYAS 'PHAGS PA'I RGYUD KYI MIG GI RNAM PAR SHES PA @10A *, ,CHOS CAN, MTSON BYA DER THAL, MTSAN NYID DE'I PHYIR, 'DOD NA, RNAL 'BYOR MNGON SUM YIN PAR THAL LO, ,ZER NA MA KHYAB, KHA CIG ,SANGS RGYAS 'PHAGS PA'I RGYUD KYI DBANG SHES CHOS CAN, MTSON BYA DER THAL, MTSAN NYID DE'I PHYIR, 'DOD NA, YID SHES YIN PAR THAL LO NA MA KHYAB, YANG KHO NA RE, SANGS RGYAS 'PHAGS PA'I RGYUD KYI RANG RIG CHOS CAN, MTSON BYA DER THAL, MTSAN NYID DE'I PHYIR, 'DOD NA, RNAL 'BYOR MNGON SUM YIN PAR THAL LO, NA MA KHYAB; 'DOD NA, GZHAN RIG GI SHES PA YIN PAR THAL LO, 'DOD NA, KHA PHYIR LTAS KYI SHES PA YIN PAR THAL LO, ,'DOD NA, MA YIN PAR THAL, KHA NANG LTAS KYI SHES PA YIN PA'I PHYIR TE, RANG RIG YIN PA'I PHYIR, KHA CIG ,SANGS RGYAS 'PHAGS PA'I RGYUD KYI MTHAR GNAS SNYOMS 'JUG DGU PO DE, YE SHES CHOS SKU YIN ZER NA, 'O NA, DE'I RGYUD KYI 'GOG SNYOMS YE SHES CHOS SKU YIN PAR THAL LO, ,'DOD MI NUS TE, DE SHES PA MA YIN PA'I PHYIR, BYAS PA LA KHO NA RE, DE YE SHES CHOS SKU YIN PAR THAL, MTHAR GYIS NI, SNYOMS 'JUG DGU YI BDAG NYIS LA, ,CHOS KYI SKU ZHES BRJOD PA YIN, ZHES BSHAD PA'I PHYIR, ZER NA, DE'I DON LA KHA CIG ,SANGS RGYAS 'PHAGS PA'I RGYUD KYI MTHAR GNAS SNYOMS 'JUG DGU LA SNYOMS PAR 'JUG PA'I YE SHES DE, YE SHES CHOS SKU YIN PA LUNG DE'I DON YIN ZER NA, 'O NA, DE'I RGYUD LA MTHAR GNAS SNYOMS 'JUG DGU YOD PAR THAL LO, ,'DOD NA, DE'I RGYUD LA 'GOG SNYOMS YOD PAR THAL LO, ,'DOD NA, DE RGYUD LDAN GYI SANGS RGYAS 'PHAGS PA YOD PAR THAL LO, ,'DOD NA, YID KYI RNAM SHES RAGS PA RGYUD LA MI LDAN PA'I SANGS RGYAS 'PHAGS PA YOD PAR THAL LO, ,'DOD MI NUS TE, DE YIN NA, YID KYI RNAM SHES RAGS PA RGYUD LDAN GYI GANG ZAG @10B YIN DGOS PA'I PHYIR TE, DE YIN NA SHES BYA THAMS CAD MNGON SUM DU RTOGS PA'I GANG ZAG YIN DGOS PA'I PHYIR, DES NA RANG LUGS LA, MTHAR GNAS SNYOMS 'JUG DGU LA SNYOMS PAR 'JUG NUS PA'I NUS PA THOB PA'I SANGS RGYAS KYI YE SHES DE YE SHES CHOS SKU YIN PA LUNG DE'I DON YIN PA'I PHYIR, DE LTAR GSER 'PHRENG LAS BSHAD PA'I PHYIR, DES NA YE SHE CHOS SKU DANG, SANGS RGYAS KYI YE SHES GNYIS DON GCIG YIN NO, ,GZHAN DAG NA RE, DE DAG GI LTAR NA, ZHES SOGS KYI SKABS SU, SBYOR BA LA KHA CIG ,KHYAD PAR GSUM LDAN GYI SANGS RGYAS KYI YE SHES CHOS, SANGS RGYAS KYI SKU MA YIN TE, NGO BO NYID SKU, LONGS SKU, SPRUL SKU GSUM PO GANG RUNG MA YIN PA'I PHYIR, KHYAB PA, 'PHAGS PA GROL SDES SANGS RGYAS KYI SKU LA DE GSUM DU GRANGS NGES PAR KHAS BLANGS PA'I STENG DU SONG, DES NA 'PHAGS PA GROL SDES YE SHES CHOS SKU KHAS MI LEN NO, ,ZER NA, DES DE KHAS LEN PAR THAL, DES KHYAD PAR GSUM LDAN GYI SANGS RGYAS KYI YE SHES DE; YE SHES CHOS SKUR KHAS LEN PA'I PHYIR TE, DES DE SANGS RGYAS KYI SKUR KHAS LEN PA'I PHYIR, MA GRUB NA, KHYAD PAR GSUM LDAN GYI SANGS RGYAS KYI YE SHES CHOS CAN, SANGS RGYAS KYI SKU MA YIN PAR THAL, NGO BO NYID SKU, LONGS SKU, SPRUL SKU GSUM PO GANG RUNG MA YIN PA'I PHYIR, ZHES PA'I THAL 'GYUR 'DIS, 'PHAGS PA GROL SDE LA GNOD BYED YANG DAG TU MI 'JUG PAR THAL, DE DE LA MI 'DOD PA THAL BAR 'PHANGS PA MA YIN PA'I PHYIR TE, 'PHAGS PA GROL SDES THAL 'GYUR DE LA 'DOD LAN 'DEBS PA'I PHYIR, DES KHYAD PAR GSUM LDAN GYI SANGS RGYAS KYI YE SHES DE, SANGS RGYAS KYI SKUR KHAS MI LEN PA YIN PA'I PHYIR, RTAGS KHAS, GZHAN YANG, 'PHAGS PA GROL SDES YE SHES CHOS SKU KHAS LAN PAR THAL, STONG @11A *, ,PHRAG BRGYA PA'I MDO LAS, GZUGS KYI SKU DANG CHOS KYI SKU DANG YE SHES KYI SKU MTHONG PAR 'TSAL PAS SHES RAB KYI PHA ROL TU PHYIN PA LA BSLAB PAR BYA'O, ,ZHES PA'I LUNG 'DI SGRA JI BZHIN DU KHAS LEN PA'I PHYIR TE, DES STONG PHRAG BRGYA PA SGRA JI BZHIN DU KHAS LEN PA'I PHYIR, GZHAN YANG, DES DE KHAS LEN PAR THAL, NYI SNANG LAS, YANG GANG RNAM PA THAMS CAD DU RNAM PAR DAG PA'I NGO BO NYID KYI CHOS KYI SKU YIN PA'I ZAG PA MED PA'I CHOS DE RNAMS KYANG GANG ZHIG YIN ZHE NA, BYANG CHUB PHYOGS MTHUN TSAD MED DANG, ,ZHES DANG, NYI KHRI RNAM 'GREL LAS, GANG YANG RNAM PA THAMS CAD DU RNAM PAR DAG PA'I NGO BO NYID KYI CHOS KYI SKU ZAG PA MED PA'I CHOS RNAMS GANG ZHE NA, ZHES BSHAD PA'I PHYIR, GZHAN YANG, DES YE SHES CHOS SKU KHAS LEN PAR THAL, RGYAN SNANG LAS, RTEN CING 'BREL PAR 'BYUNG BA GANG, ,DE NYID KHYOD KYIS STONG PAR BZHED, ,CES BYA PA'I TSUL GYIS GNYIS SU MED PA'I YE SHES KYI BDAG NYID CAN GYI SKU BSTAN PA YIN NO, ,ZHE NA, DE NYID RIGS PA MTSUNGS PA NYID KYIS LONGS SPYOD RDZOGS PA'I SKU DANG SPRUL PA'I SKU LANG LOGS SHIG TU BSTAN PAR BYA BA MA YIN PAR 'GYUR RO, ,ZHES 'PHAGS PA GROL SDE'I 'DOD PA BSKYAR NAS DE LA GNOD BYED 'PHEN PA'I GZHUNG YIN PA'I PHYIR, DES NA GZHUNG 'DIS 'PHAGS PA GROL SDES YE SHES CHOS SKU BZHED PAR GSAL BAR BSTAN PA YIN NO, ,DE LTAR MA YIN NA 'PHAGS PA GROL SDE CHOS CAN, THEG CHEN 'PHAGS PA MA YIN PAR THAL, SKYABS GNAS YANG DAG LA THE TSOM ZA BA'I LOG LTA MNGON GYUR PA RGYUD LDAN GYI GANG ZAG YIN PA'I PHYIR, YE SHES CHOS SKU SKYABS GNAS YANG DAG MA YIN PAR 'DZIN PA'I LOG LTA MNGON GYUR BA RGYUD LDAN GYI GANG ZAG YIN PA'I PHYIR TE, DES YE SHES CHOS SKU SKYABS GNAS YANG DAG TU KHAS MI LEN @11B PA'I PHYIR, RTAGS KHAS, KHA CIG ,'PHAGS PA GROL SDES, YE SHES CHOS SKU KHAS MI LEN PAR THAL, DES MNGON PAR RTOGS PA BRGYAD KYI RNAM GZHAG KHAS MI LEN PA'I PHYIR TE, NYI KHRI'I RNAM 'GREL LAS, MNGON RTOGS BDAG NYID BDUN YIN PHYIR,, SHES RAB PHA ROL PHYIN CES BYA, ,SHES BSHAD PA'I PHYIR NA MA KHYAB STE, DE'I DON NI, 'PHAGS PA GROL SDES MNGON RTOGS RGYAN GYI, BSTAN BYA'I GTZO BOR GYUR PA'I MNGON RTOGS DE LA MKHYEN PA GSUM DANG SBYOR BA BZHI STE BDUN DU GRANGS NGES SHING SKABS BRGYAD PA'I BSTAN BYA'I GTZO BOR GYUR PA'I MNGON RTOGS MED PAR ZHAL GYIS ZHES PA'I DON YIN PA'I PHYIR, GZHUNG 'DI'I DON LA MKHAS PA KHA CIG ,KHYAD PAR GSUM LDAN GYI SANGS RGYAS KYI YE SHES CHOS CAN, SKABS BRGYAD PA'I BSTAN BYA'I GTZO BOR GYUR PA'I SANGS RGYAS KYI SKUS MA BSDUS PAR THAL, DE 'DRA'I SANGS RGYAS KYI SKU DE LA NGO BO NYID SKU, LONGS SKU, SPRUL SKU GSUM DU GRANGS NGES PA GANG ZHIG ,DE NGO BO NYID SKUS KYANG MA BSDUS, GZHAN GNYIS RE RE NAS KYANG MA BSDUS PA'I PHYIR, ZHES PA'I DON YIN ZHING, DES NA 'PHAGS SENG GNYIS KAS GRANGS NGES LA RTZOD PA YIN TE, 'PHAGS PAS SKABS BRGYAD PA'I BSTAN BYA'I GTZO BOR GYUR PA'I SANGS RGYAS KYI SKU DE LA, DE GSUM DU GRANGS NGES PAR BZHED, SLOB DPON GYIS DE LTAR MI BZHED PA'I PHYIR, 'PHAGS SENG GNYIS SANGS RGYAS KYI SKU LA GSUM DU GRANGS NGES MI NGES MI RTZOD DE, ,DE GNYIS KYIS SANGS RGYAS KYI SKU LA DE GSUM DU GRANGS MA NGES PAR BZHED PA'I PHYIR TE, 'PHAGS PAS DE LTAR BZHED PA GANG ZHIG ,SLOB DPON GYIS DE LTAR BZHED PA'I PHYIR, DANG PO GRUB STE, 'PHAGS PAS YE SHES CHOS SKU ZHAL GYIS BZHES PA'I PHYIR ZHES GSUNGS NA, 'O NA, KHYAD PAR GSUM LDAN GYI SANGS RGYAS KYI YE SHES CHOS CAN, SKABS BRGYAD @12A *, ,PA'I BSTAN BYA'I GTZO BOR GYUR PA'I SANGS RGYAS KYI SKUS MA BSDUS PAR THAL, DE LA NGO BO NYID SKU, LONGS SKU, SPRUL SKU GSUM DU GRANGS NGES PA GANG ZHIG ,DE DE GSUM PO GANG RUNG GI SA MA BSDUS PA'I PHYIR ZHES PA'I THAL 'GYUR 'DI LA 'PHAGS PA GROL SDES LAN DON MTHUN ZHIG MI THEBS PAR THAL, THAL 'GYUR 'DI GZHUNG 'DI'I SKABS NAS BSTAN PA'I THAL 'GYUR GANG ZHIG ,'PHAGS PA GROL SDE GZHUNG 'DI'I PHYOGS SNGA SMRA BA PO YIN PA'I PHYIR, 'DOD NA, DES DE THEBS PAR THAL, DES DE LA RTAGS MA GRUB KYI LAN DON MTHUN ZHIG THEBS PA'I PHYIR TE, KHYAD PAR GSUM LDAN GYI SANGS RGYAS KYI YE SHES DE, NGO BO NYID SKUS BSDUS PA GANG ZHIG ,'PHAGS PA GREL SDES DE LTAR BSDUS PAR ZHAL GYIS BZHES PA'I PHYIR, DANG PO GRUB STE, SANGS RGYAS KYI SKU THAMS CAD SKU GSUM DU 'DU BA'I PHYIR TE, DE LTAR YANG RNAM BSHAD LAS BSHAD PA'I PHYIR, RANG LUGS LA, GZHUNG 'DI'I PHYOGS SNGA SMRA BA PO 'PHAGS PA GROL SDE DANG DE'I RJES 'BRANG RNAMS KYIS SANGS RGYAS KYI SKU LA, NGO BO NYID SKU, LONGS SKU, SPRUL SKU GSUM DU GRANGS NGES PAR BZHED, DE 'GOG PAR BYED PA LA GZHUNG 'DI GSUNGS, GZHUNG 'DI'I DON NI, KHYAD PAR GSUM LDAN GYI SANGS RGYAS KYI YE SHES DE SANGS RGYAS KYI SKU MA YIN PAR THAL, SANGS RGYAS KYI SKU LA, NGO BO NYID SKU, LONGS SKU, SPRUL SKU GSUM DU GRANGS NGES PA GANG ZHIG ,DE DE GSUM PO GANG RUNG MA YIN PA'I PHYIR, ZHES PA'I DON YIN ZHING, DES NA 'PHAGS SENG GNYIS KAS GRANGS NGES LA RTZOD PA YIN TE, 'PHAGS PA GROL SDES SANGS RGYAS KYI SKU LA, NGO BO NYID SKU, LONGS SKU, SPRUL SKU GSUM DU GRANGS NGES PAR BZHED, SLOB DPON GYIS DE LTAR MI BZHED PA'I PHYIR, DANG PO GRUB STE, NYI SNANG LAS, DE NI CHOS KYI SKU BRJOD @12B PAR BYA BA YIN LA, DE YANG RNAM PA GSUM DU RIG PAR BYA STE, NGO BO NYID KYI SKU LONGS SPYOD RDZOGS PA'I SKU, SPRUL PA'I SKU'O, ,ZHES BSHAD PA'I PHYIR, GNYIS PA GRUB STE, 'GREL PAR, DE YANG NGO BO NYID KYI SKU LA SOGS PA'I DBYE BAS RNAM PA BZHI YIN PAS, ZHES BSHAD PA'I PHYIR, BYAS PA LA KHO NA RE, 'PHAGS SENG GNYIS KAS GRANGS NGES LA MI RTZOD PAR THAL, 'PHAGS PAS SANGS RGYAS KYI SKU LA, NGO BO NYID KYI SKU, LONGS SKU, SPRUL SKU GSUM DU GRANGS NGES PAR BZHED PA GANG ZHIG ,SLOB DPON GYIS DE LTAR BZHED PAR BSHAD PA'I PHYIR, GNYIS PA GRUB STE, RGYUD BLA MA LAS, DE DBYE ZAB DANG RGYA CHE DANG, ,BDAG NYID CHEN PO YON TAN GYI, ,CHOS KYI RAB DBYE RANG BZHIN LA, ,SOGS PA'I SKU GSUM DAG GIS 'JUG ,CES DANG, MDO SDE RGYAN LAS, SKU GSUM DAG GIS SANGS RGYAS KYI, ,SKU BSDUS PAR NI SHES BYA STE, ,ZHES BSHAD PA SLOB DPON SENG GE BZANG POS SGRA JI BZHIN DU KHAS LEN PA'I PHYIR DANG, RGYAN SNANG LAS, RNAM PA KUN GYI MCHOG TU GYUR PA'I SKU NI GSUM PO NGES PAR THOB PAR SHOG ,CES BSHAD PA'I PHYIR NA MA KHYAB STE, LUNG DANG PO GNYIS KYI DON SANGS RGYAS KYI SKU GSUM DU 'DUS, ZHES PA'I DON YIN ZHING, LUNG PHYI MA'I DON SANGS RGYAS KYI SKU THAMS CAD SKU GSUM DU 'DUS PAR SLOB DPON SENG BZANG GIS ZHAL GYIS BZHES PA'I DON YIN PA'I PHYIR TE, RNAM BSHAD LAS, ZAG PA MED PA'I YE SHES STE TSAN NYI SHU RTZA GCIG GIS BSDUS PA'I YE SHES CHOS KYI SKU NI, SNGAGS KYI PHYOGS NAS KYANG SKU BZHIR GSUNGS LA, RGYAL BA'I SRAS PO SENG GI BZANG POS KYANG SKU BZHI PAR MDZAD PA NI DBYE BA SDU TZAM YIN GYI, SKU GSUM DU MA 'DUS PAR BZHED PA NI MA YIN NO, ,ZHES BSHAD PA'I PHYIR, BYAS PA LA KHO NA RE, SANGS RGYAS KYI @13A *, ,SKU THAMS CAD SKU GSUM DU MA 'DUS PAR THAL, YE SHES CHOS SKU DE SANGS RGYAS KYI SKU GANG ZHIG ,DE SKU DE GSUM PO GANG RUNG MA YIN PA'I PHYIR NA MA KHYAB STE, 'O NA, SANGS RGYAS KYI SKU THAMS CAD SKU BZHIR MA 'DUS PAR THAL, LONGS SKU'I SEN MO ZANGS MDOG DE SANGS RGYAS KYI SKU GANG ZHIG ,DE SKU BZHI PO GANG RUNG MA YIN PA'I PHYIR, KHYAB PA 'GRIG ,YANG KHO NA RE, 'PHAGS PA GROL SDE'I RGYUD KYI SANGS RGYAS KYI SKU LA GSUM DU GRANGS NGES PAR 'DZIN PA'I BLO LOG SHES YIN PAR THAL, 'PHAGS PAS DE LTAR BZHED PA GANG ZHIG ,SANGS RGYAS KYI SKU LA DE GSUM DU GRANGS MA NGES PA'I PHYIR ZER NA MA KHYAB, 'DOD NA, DE SPANG BYA KUN BTAGS YIN PAR THAL LO, ,'DOD NA, DE'I RGYUD LA MTHONG SPANG YOD PAR THAL LO, , 'DOD MI NUS TE, DES MTHONG SPANG SPANGS PA'I PHYIR TE, DES THEG CHEN GYI MTHONG LAM RNAM GROL LAM THOB PA'I PHYIR TE, DES MTHONG LAM THOB PA GANG ZHIG ,DES DE THOB NA, DES DE THOB DGOS PA'I PHYIR, DANG PO GRUB STE, DE 'PHAGS PA YIN PA'I PHYIR; 'PHAGS PA'I KHONGS SU GTOGS PA YI, RNAM PAR GROL BA ZHES BYAS KYANG, ,ZHES BSHAD PA'I PHYIR, MA KHYAB 'TSAMS LA, SEMS MI 'GOD PA NYID LA SOGS, ZHES SOGS KYI GZHUNG 'DIS PHYI NANG GI YONGS 'DZIN GNYIS KA DNGOS SU BSTAN PAR 'DZIN PA'I 'PHAGS PA GROL SDE'I RGYUD KYI BLO DE LOG SHES YIN PAR THAL, 'PHAGS PAS DE LTAR BZHES PA GANG ZHIG ,GZHUNG 'DIS DE LTAR MA BSTAN PA'I PHYIR, KHYAB PA KHAS, BYANG SEMS TSOGS LAM PA'I RGYUD KYI RANG NYID DANG SEMS CAN THAMS CAD DUS MNYAM DU SANGS RGYA BAR 'DOD PA'I BLO DE LOG SHES YIN PAR THAL, DE'I RGYUD LA DE 'DRA'I BLO YOD PA GANG ZHIG ,DE DANG SEMS CAN THAMS CAD DUS MNYAM DU SANGS RGYA BA MA YIN PA'I PHYIR, KHYAB PA 'GRIG DANG PO GRUB @13B STE; DE'I RGYUD LA MNYAN PA LTA BU'I SEMS BSKYED YOD PA'I PHYIR, 'DOD NA, DE'I RGYUD KYI DE 'DRA'I SEMS BSKYED DE LOG SHES YIN PAR THAL LO, ,'DOD MI NUS TE, THAR LAM YIN PA'I PHYIR, RONG d'IKA PA NA RE, SLOB DPON GYIS SANGS RGYAS KYI SKU LA BZHIR GRANGS NGES PAR 'SHAD PA NI MKHAN PO YANG DAG RNAM SNAD MDZAD KYI BZHED PA BSKYAR BA YIN GYI SLOB DPON GYI BZHED PA NI MA YIN NO, ,ZER NA, 'GREL PAR DE YANG NGO BO NYID KYI SKU LA SOGS PA'I DBYE BAS RNAM PA BZHI YIN PAS ZHES DANG, DE LTAR SKU DANG PO BSTAN NAS GNYIS PA, CHOS KYI SKU SPROS PA MED PA'I BDAG NYID, CES DANG, DE LTAR SKU GNYIS PA BSTAN NAS GSUM PA LONGS SPYOD RDZOGS PA'I SKU, ZHES DANG, DE LTA SKU GSUM PA BSTAN NAS BZHI PA SPRUL PA'I SKU ZHES PA'I GZHUNG 'DI SLOB DPON GYI RANG GZHUNG MA YIN PAR THAL, DAM BCA' 'THAD PA'I PHYIR, 'DOD NA, SKABS BRGYAD PA'I 'GREL PA SLOB DPON GYI RANG GZHUNG MA YIN PAR THAL LO, ,'DOD NA, 'GREL PA DON GSAL SLOB DPON GYI RANG GZHUNG MA YIN PAR THAL LO, ,KHA CIG, GZHAN DAG NA RE, ZHES SOGS KYI SKABS NAS BSTAN PA'I THAL 'GYUR DE 'PHAGS PA GROL SDE LA GNOD BYED YANG DAG TU 'JUG PAR THAL, 'PHAGS PA GROL SDE GZHUNG DE'I PHYOGS SNGA SMRA BA PO YIN PA GANG ZHIG GZHUNG DES THAL 'GYUR YANG DAG CIG BSTAN PA'I PHYIR, 'DOD NA, DE LA GNOD BYE YANG DAG TU 'JUG PA'I THAL 'GYUR YANG DAG YOD PAR THAL LO, ,'DOD MI NUS TE, DE CHOS MTHUN GYI RGOL BAS TSAR GCOD MI NUS PA'I PHYIR TE, DE THEG CHEN 'PHAGS PA YIN PA'I PHYIR, ZER NA THAL 'GYUR DE 'PHAGS PA GROL SDE RJES 'BRANG RNAMS LA THAL 'GYUR YANG DAG TU SONG BAR KHAS BLANG DGOS BSAM SNYAM MO,, ` ,,MTSAN NI SUM CU RTZA GNYIS DANG, ,ZHES SOGS KYI SKABS SU GNYIS LAS, DANG PO NI, NGES PA LNGA LDAN GYI GZUGS SKU @14A *, ,MTHAR THUG CHOS CAN, LONGS SKU'I MTSAN NYID YIN TE, DE'I 'JOG BYED YIN PA'I PHYIR, GNYIS PA LA DGAG GZHAG SPONG GSUM LAS, DANG PO NI, KHA CIG, NGES PA LDAN LDAN GYI GZUGS SKU LONGS SKU'I MTSAN NYID, DE DANG MI LDAN PA'I GZUGS SKU SPRUL SKU'I MTAN NYID ZER NA, LONGS SPRUL GNYIS KA CHOS CAN, LONGS SKU YIN PAR THAL, MTAN NYID DE'I PHYIR, DER THAL, NGES PA LNGA DANG LDAN PA GANG ZHIG, GZUGS SKU YIN PA'I PHYIR, DANG PO MA GRUB NA, DE CHOS CAN, SPRUL SKU YIN PAR THAL, MTSAN NYID GNYIS PA DE'I PHYIR TE, DE DANG MI LDAN PA GANG ZHIG ,GZUGS SKU YIN PA'I PHYIR, RANG LUGS LA, NGES PA LNGA LDAN GYI GZUGS SKU MTHAR THUG ,LONGS SKU'I MTSAN NYID, NGES PA LNGA YANG YOD DE, GNAS NGES PA 'OG MIN STUG PO BKOD PA KHO NAR BZHUGS PA, CHOS NGES PA THEG PA CHEN PO'I CHOS 'BA' ZHIG GSUNG PA, 'KHOR NGES PA BYANG SEMS 'PHAGS PA SHA STAG GIS BSKOR BA, SKU NGES PA MTSAN DPE GSAL RDZOGS KYIS SPRAS PA, DUS NGES PA JI SRID 'KHOR BA MA STONG GI BAR DU BZHUGS PA YIN PA'I PHYIR, RTZOD PA SPONG BA LA KHO NA RE, LONGS SKU'I YID KYI RNAM PAR SHES PA CHOS CAN, MTSAN NYID DER THAL, LONGS SKU YIN PA'I PHYIR TE, DE'I NGA YIN PA'I PHYIR NA MA KHYAB, MA GRUB NA, DER THAL, DE LONGS SKU'I MTSAN GZHI YIN PA'I PHYIR TE, GANG ZAG GI YID KYI RNAM PAR SHES PA GANG ZAG YIN PA'I PHYIR TE, RTOG GE 'BAR BA LAS, KHO BO CAG RNAM PAR SHES PA LA THA SNYAD DU BDAG GI SGRAS DNGOS SU 'DOGS TE 'DI LTAR RNAM PAR SHES PA NI YANG SRID PAR SKYE BA LEN PA'I PHYIR BDAG YIN NO, ,ZHES BSHAD PA'I PHYIR, RTZA BAR 'DOD NA, DE CHOS CAN, KHYOD KYI 'KHOR DU GYUR PA'I BYANG 'PHAGS YOD PAR THAL LO, ,'DOD NA, DE CHOS CAN, KHYOD MNGON SUM DU RTOGS @14B PA'I BYANG 'PHAGS YOD PAR THAL LO, ,'DOD MI NUS TE, KHYOD SANGS RGYAS 'PHAGS PA NANG PHAN TSUN KHO NA'I MNGON SUM GYI SBYOD YUL YIN PA'I PHYIR TE, YE SHES CHOS SKU YIN PA'I PHYIR, YANG KHA CIG, GANG ZAG GI BDAG MED CHOS CAN, , LONGS SKU YIN PAR THAL, NGES PA LNGA LDAN GYI GZUGS SKU MTHAR THUG YIN PA'I PHYIR, MA GRUB NA, NGES PA LNGA LDAN GYI GZUGS SKU CHOS CAN, MTHAR THUG YIN PAR THAL, SBYOR BZHI BSGOMS STOBS KYIS THOB PA'I 'BRAS BU MTHAR THUG YIN PA'I PHYIR NA CHOS CAN SKYON CAN GYIS LAN THOB SO, ,MA GRUB NA, DER THAL, 'BRUS BU CHOS SKU YIN PA'I PHYIR, KHA CIG ,SEMS CAN THAMS CAD SANGS RGYAS PA'I DUS KYI LONGS SKU CHOS CAN, MTSAN NYID DER THAL, LONGS SKU YIN PA'I PHYIR, 'DOD NA, DE CHOS CAN, 'KHOR NGES PA BYANG SEMS 'PHAGS PA SHA STAG GIS BSKOR BAR THAL LO, ,'DOD NA, DE'I DUS SU SEMS CAN YOD PAR THAL, DE'I DUS SU BYANG SEMS 'PHAGS PA YOD PA'I PHYIR TE, DE'I DUS SU LONGS SKU'I 'KHOR DU BYUNG BA'I BYANG SEMS 'PHAGS PA YOD PA'I PHYIR NA MA KHYAB, KHA CIG ,DE RING GI DUS KYI LONGS SKU CHOS CAN, DUS NGES PA JI SRID 'KHOR BA MA STONG GI BAR DU BZHUGS PAR THAL, LONGS SKU YIN PA'I PHYIR, 'DOD NA, DE CHOS CAN; SANG GI DUS SU BZHUGS PAR THAL LO ZER NA MA KHYAB, KHA CIG ,LONGS SKU BZHUGS PA'I GNAS 'OG MIN DE, GNAS GTZANG LNGA'I NANG TSAN GYI 'OG MIN YIN ZER NA, DE MA YIN PAR THAL, DE'I NANG TSAN DU GYUR PA'I 'OG MIN GYI RTEN CAN GYI PHYIR MI 'ONG YOD PA GANG ZHIG, GCIG SHOS NA THEG DMAN GANG ZAG MED PA'I PHYIR, DES NA LONGS SKU BZHUGS PA'I GNAS 'OG MIN STAG PO BKOD PA DE GNAS GTZANG LNGA'I NANG TSAN GYI 'OG MIN GYI STENG DU GRONG LAS @15A *, ,DGON PA'I TSUL DU YOD PAR BSHAD DO, ,GANG GIS SRID PA JI SRID PAR, ,ZHES SOGS KYIS SKABS SU GNYIS LAS, DANG PO NI, SPRUL SKU'I RGYUN CHAD PA'I DUS MI SRID DE, 'KHOR BA JI SRID GNAS KYI BAR DU MDZAD PA BCU GNYIS KYI TSUL BSTAN PA'I SPRUL SKU RGYUN MI 'CHAD DU 'BYUNG BA YIN PA'I PHYIR, GNYIS PA LA, NGES PA LNGA DANG MI LDAN PAS RAB TU BYE BA'I MTHAR THUG GI GZUGS SKU SPRUL SKU'I MTSAN NYID, DE LA DBYE NA, BZO PO SPRUL SKU, SKYE BA SPRUL SKU, BYANG CHUB CHEN PO'I SPRUL SKU DANG GSUM LAS, DANG PO NI, STON PAS BZO BO BISHVA KA RMAR SPRUL PA'I SPRUL SKU LTA BU, GNYIS PA NI, STON PA RI DVAGS RU RUR SPRUL PA'I SPRUL SKU LTA BU, GSUM PA NI, BDAG CAG GI STON PA SH'A KYA THUB PA LTA BU, DE YANG YIN TE, MDO SDE RGYAN LAS, BZO DANG SKYE BA BYANG CHUB CHE, ,MYA NGAN 'DA' PAR RTAG STON PA, ,SANGS RGYAS SPRUL PA'I SKU DE NI, ,RNAM PAR GROL BA'I THABS CHEN PO, ,ZHES BSHAD PA'I PHYIR, RTZOD PA SPONG BA LA, KHO NA RE, BYANG SEMS RGYUN MTHA' BAS SPRUL PA'I SPRUL SKU CHOS CAN, MTSAN NYID DER THAL, MTSON BYA DE'I PHYIR, DE YOD PA'I PHYIR NA MA KHYAB, MA GRUB NA, DER THAL, 'JUG PA LAS, BA SPU'I KHUNG BUR BYANG CHUB SEMS RNAMS DANG, ,LHAN CIG RDZOGS SANGS RGYAS SKU BGRANG 'DAS DANG, ,DE BZHIN LHA DANG LHA MIN MI DAG KYANG, ,SKAD CIG SKAD CIG LA NI STON PAR NUS, ,ZHES BSHAD PA'I PHYIR, KHA CIG , STON PA RI BONG DU SPRUL PA' RI BONG DE RI BONG YIN ZER NA, DE'I GZUGS DE RI BONG GI GZUGS YIN PAR THAL, DAM BCA' 'THAD PA'I PHYIR, 'DOD MI NUS TE, SANGS RGYAS KYI SKU YIN PA'I PHYIR, BYAS PA LA KHO NA RE, DE RI BONG YIN PAR THAL, DE MIR SPRUL PA'I MI DE MI YIN PA'I PHYIR NA MA KHYAB STE, 'O NA, RI BONG DANG SANGS RGYAS KYI GZHI MTHUN YOD PAR THAL, MI DANG SANGS RGYAS KYI @15B GZHI MTHUN YOD PA'I PHYIR, KHYAB PA 'GRIG ,GZHAN YANG, STON PA CHUR SPRUL PA'I CHU DE CHU YIN PAR THAL, DES RI BONG DU SPRUL PA'I RI BONG DE RI BONG YIN PA'I PHYIR, RTAGS KHAS, KHA CIG ,SPRUL SKU SANGS RGYAS MA YIN TE, RDO RJE GCOD PA'I MDO LAS, GANG DAG NGA LA GZUGS SU MTHONG, ,GANG DAG NGA LA SGRAR SHES BA, ,LOG PA'I LAM DU ZHUGS PA YI, ,SKYE BO DE DAG NGA MI MTHONG, ,ZHES BSHAD PA'I PHYIR, ZER NA MI 'THAD DE, DE LTAR KHAS LEN NA, MDO DE GSUNG BA PO SANGS RGYAS MA YIN PAR KHAS LEN DGOS PA'I PHYIR, KHA CIG ,SPRUL SKU SANGS RGYAS MA YIN PAR THAL, DE SANGS RGYAS KYI GZUGS BRNYAN YIN PA'I PHYIR TE, BE d'URYA'I SA GZHI GTZANG MA LA, ,BRGYA BYIN GYI LUS KYI GZUGS BRNYAN SHAR BA DE, BRGYA BYIN GYI GZUGS BRNYAN YIN PA BZHIN DU SPRUL SKU SANGS RGYAS KYI GZUGS BRNYAN YIN PA'I PHYIR TE, RGYUD BA MA LAS, JI LTAR BEEd'URYA'I SA GZHI GTZANG MA LA, ,LHA DBANG LUS KYI GZUGS BRNYAN 'CHAR BA LTAR, ,DE BZHIN 'GRO SEMS SA GZHI GTZANG MA LA, ,THUB PA'I DBANG PO'I SKU YI GZUGS BRNYAN 'CHAR, ,ZHES BSHAD PA'I PHYIR NA, MA KHYAB STE, LUNG DE'I DON BEE d'URYA'I SA GZHI GTZANG MA LA BRGYA BYIN GYI LUS KYI GZUGS BRNYAN 'CHAR BA BZHIN DU GA DUL BYA LAS DAG PA'I NGOR SANGS RGYAS KYI SPRUL SKU SNANG ZHES PA'I DON YIN PA'I PHYIR, YANG KHO NA RE, MCHOG GI SPRUL SKU'I SKU DNGOS KYI GDUL BYA YIN NA, GDUL BYA LAS DAG PA YIN DGOS PAR THAL, MCHOG GI SPRUL SKU DE SO SO'I SKYE BO LAS DAG YAN CHAD KYI MNGON SUM GYI SPYOD YUL YIN PA'I PHYIR, 'DOD NA, DGE SLONG LHAS BYIN CHOS CAN, DER THAL, DE'I PHYIR, 'DOD NA, LAS MA DAG PA'I GDUL BYA MED PAR THAL, 'DOD PA'I PHYIR NA MA KHYAB, ,DE BZHIN 'KHOR BA JI SRID 'DI'I, ,ZHES SOGS KYI SKABS SU, ,MTHA' DPYAD PA LA KHA CIG ,YE SHES CHOS SKUS BDAG RKYEN @16A *, ,BYAS PA LA BRTEN NAS BYUNG BA'I RNAM DKAR GYI YON TAN DE, YE SHES CHOS SKU'I PHRIN LAS KYI MTSAN NYID ZER NA, RNAM MKHYEN CHOS CAN, MTSAN NYID DER THAL, MTSON BYA DE'I PHYIR, 'DOD MI NUS TE, DE DANG DUS MNYAM YIN PA'I PHYIR, KHA CIG ,RANG RGYU YE SHES CHOS SKUS BDAG RKYEN BYAS PA LA BRTEN NAS BYUNG BA'I RNAM DKAR GYI YON TAN DE DE'I MTSAN NYID ZER NA, RNAM MKHYEN CHOS CAN, KHYOD KYI RGYU YE SHES CHOS SKUS BDAG RKYEN BYAS PA LA BRTEN NAS BYUNG BA'I RNAM DKAR GYI YON TAN MA YIN PAR THAL, KHYOD KYI RGYUR GYUR PA'I LUNG MA BSTAN YOD PA'I PHYIR, 'DOD NA, DE CHOS CAN, RANG RGYU YE SHES CHOS SKUS BDAG RKYEN BYAS PA LA BRTEN NAS BYUNG BA'I RNAM DKAR GYI YON TAN YIN PAR THAL, YE SHES CHOS SKU'I PHRIN LAS YIN PA'I PHYIR, KHYAB PA KHAS, RANG LUGS LA, RANG GI RGYUR GYUR PA'I YE SHES CHOS SKUS BDAG RKYEN BYAS PA LA BRTEN NAS BYUNG BA'I RNAM DKAR GYI YON TAN DE, YE SHES CHOS SKU'I PHRIN LAS KYI MTSAN NYID, DE LA DBYE NA, BYA BA YUL LA YOD PA'I PHRIN LAS DANG KHYED PA PO LA YOD PA'I PHRIN LAS GNYIS LAS, DANG PO NI, GDUL BYA'I RGYUD KYI DGE BA LTA BU LA BYED, GNYIS PA NI, SANGS RGYAS 'PHAGS PA'I RGYUD KYI DGE BA LTA BU LA BYED, ,DE LA RGYAS PAR DBYE NA NYER BDUN YOD DE, GDUL BYA LAM GYI RTEN LA 'GOD PA'I PHRIN LAS NAS, DE LAM GYI 'BRAS BU LA 'GOD PA'I PHRIN LAS KYI BAR NYER BDUN YOD PA'I PHYIR, BYAS PA LA KHO NA RE, SANGS RGYAS 'PHAGS PA'I RGYUD KYI 'GOG BDEN CHOS CAN, MTSAN NYID DER THAL, MTSON BYA DE'I PHYIR, DER THAL, BYED PA PO LA YOD PA'I PHRIN LAS YIN PA'I PHYIR TE, SANGS RGYAS 'PHAGS PA RANG RGYUD KYIS BSDUS PA'I 'GOG LAM GANG RUNG YIN PA'I PHYIR NA MA KHYAB, 'DOD NA, DGE BA YIN PAR THAL, RNAM DKAR GYI YON TAN YIN PA'I PHYIR, 'DOD NA, 'DUS @16B BYAS YIN PAR THAL, DGE BA YIN PA'I PHYIR, KHA CIG ,NYAN THOS DGRA BCOM PA'I RGYUD KYI 'GOG BDEN CHOS CAN, MTSAN NYID DER THAL, MTSON BYA DE'I PHYIR, MA GRUB NA, DER THAL, BYA BA YUL LA YOD PA'I PHRIN LAS YIN PA'I PHYIR, DER THAL, GDUL BYA'I RGYUD KYIS BSDUS PA'I 'GOGS LAM GANG RUNG YIN PA'I PHYIR NA MA KHYAB, YANG KHA CIG ,SANGS RGYAS CHOS CAN, SANGS RGYAS KYI PHRIN LAS YIN PAR THAL, YE SHES CHOS SKU'I PHRIN LAS YIN PA'I PHYIR TE, MTSAN NYID DE'I PHYIR, DGE BA YIN PA'I PHYIR TE, DON DAM PA'I DGE BA YIN PA'I PHYIR NA MA KHYAB, 'DOD NA, SANGS RGYAS CHOS CAN, SANGS RGYAS DANG THA DAD YIN PAR THAL, SANGS RGYAS KYI PHRIN LAS YIN PA'I PHYIR, BYAS PA LA KHO NA RE, YE SHES CHOS SKU'I PHRIN LAS YIN NA, YE SHES CHOS SKU DANG THA DAD YIN DGOS PAR THAL, SANGS RGYAS LA DE'I PHYIR NA MA KHYAB, 'DOD NA, YE SHES CHOS SKU CHOS CAN, DER THAL, DE'I PHYIR, SBYOR BA 'GOD PA LA, 'PHAGS PAS BZHED PA LTAR NA, SPRUL SKU'I PHRIN LAS RGYUN 'CHAD PA'I DUS MI SRID DE, SPRUL SKU RGYUN CHAD PA'I DUS MI SRID PA'I PHYIR, SLOB DPON GYI BZHED PA LTAR NA, YE SHES CHOS SKU'I PHRIN LAS RGYUN 'CHAD PA'I DUS MI SRID DE, YE SHES CHOS SKU RGYUN 'CHAD PA'I DUS MI SRID PA'I PHYIR, RJE BTZUN CHOS KYI RGYAL MTSAN DPAL BZANG PO'I GSUNG ZIN BRIS SU BKOD PA LEGS BSHAD GSER GYI PHRENG BA ZHES BYA BA LAS, SKABS BRGYAD PA'I MTHA' DPYOD BSHAD ZIN TO,, ,, SHER PHYIN MAN NGAG SNYING PO'I DKA' BA'I GNAD, ,LUNG RIGS LAM NAS DRANGS TE MA NOR BAR, ,GSAL MDZAD CHOS KYI RGYAL MTSAN DE'I BZHED SROL, ,BRGYUD 'DZIN DANG BCAS BSKAL BRGYAR DANG RGYAS SHOG, @17A *, ,RNAM GROL ZHI BA'I RGYA MTSOR RO GCIG TU, ,GZHOL BA'I MTHA' YAS CHOS TSUL LA 'BAB KLUNG, ,TSIG GI GZEGS MA RES KYANG DUG GSUM GYI, ,DRI MA YONGS 'KHRUD LEGS BSHAD BDUD RTZI 'DI, ;DPAR DU BSKRUN PA'I RNAM DKAR PHUNG PO'I MTHUS, ,YANG DAG CHOS KYI SGO MO STONG PHRAG BRGYA, ,GDANGS TE RGYUD LNGA'I 'GRO BA MA LUS PA, ,NGES LEGS NOR BU'I MDZOD LA DBANG 'BYOR SHOG, BOD RGYAL LO 2115 RAB BYUNG BCU BDUN PA'I SA 'BRUG LOR SER BYES DPE MDZOD KHANG NAS 'GRO GRON GTANG STE DPAR DU BSKRUN PA'O, ,SH'AKYA'I DGE SBYONG CHOS SMRA BA NGAG DBANG BLO BZANG BSTAN 'DZIN RGYA MTSOS SBYAR BA'O,, ,,DPAR 'DI SER BYES GRVA TSANG DU BZHUGS,