*, ,RJE BTZUN CHOS KYI RGYAL MTSAN DPAL BZANG PO'I GSUNG ZIN BRIS SU BKOD PA LAS BSAM GZUGS KYI MTHA' DPYOD BZHUGS SO, , @01A #, ,BSAM GTAN GZUGS MED LA, 'JUG PA'I SGRUB PA THEG CHEN LA, 'DZEG PA YIN PAR SHES PAR BYA, ,ZHES SOGS KYI SKABS SU, BSAM GTAN GZUGS MED BSHAD PA LA, RGYU NGO PO; 'BRAS BU GSUM LAS, DANG PO LA, GANG LA SKYE BA LUS RTEN DANG, GANG LAS SKYES PA SEMS RTEN BSHAD PA GNYIS, DANG PO NI, KHA CIG ,NGAN SONG GSUM DANG SGRA MI SNYAN PA'I RTEN LA BSAM GTAN DANG, GZUGS MED KYI DNGOS GZHI'I SNYOMS 'JUG GSAR DU SKYE BA MED DE, DE RNAMS RNAM SMIN GYI SGRIB PA SHAS CHEN PO DANG LDAN PA'I PHYIR, LHA MIN GYI RTEN LA, DE GSAR DU SKYE BA MED DE, DE RNAMS PHRAG DOG GI SGRIB PA SHAS CHEN PO DANG LDAN PA'I PHYIR, MTSAMS MED BYAS PA'I GANG ZAG GI RTEN LA DE GSAR DU SKYE BA MED DE, DE LAS KYI SGRIB PA SHAS CHEN PO DANG LDAN PA'I PHYIR, ZER NA, SKYON 'PHEN PA KHA CIG ,NGAN SONG GI RTEN LA BSAM GTAN GYI DNGOS BZHI'I SNYOMS 'JUG GSAR DU SKYE BA YOD PAR THAL, DE'I RTEN LA SNYING RJE TSAD MED GSAR DU SKYE BA YOD PA GANG ZHIG ,SNYING RJE TSAD MED YIN NA RANG GI BDAG RKYEN DU GYUR PA'I BSAM GTAN GYI DNGOS GZHI LA BRTEN NAS BYUNG BAS KHYAB PA'I PHYIR, DANG PO MA GRUB NA, DER THAL, DE'I RTEN LA SNYING RJE CHEN PO GSAR DU SKYE BA YOD PA'I PHYIR, ZER NA MA KHYAB, MA GRUB NA, DER THAL, DE'I RTEN LA @02A #, ,THEG CHEN SEMS BSKYED GSAR DU SKYE BA YOD PA'I PHYIR, RANG LUGS LA, MTSAMS MED BYAS PA'I RTEN LA BSAM GTAN GYI DNGOS GZHI'I SNYOMS 'JUG GSAR DU SKYE BA MED PAR THAL, DAM BCA' 'THAD PA'I PHYIR, 'DOD NA, MTSAMS MED BYAS PA'I RTEN LA, BSAM GTAN GYI SNYOMS 'JUG GSAR DU SKYE BA MED PAR THAL, 'DOD PA'I PHYIR, ZER NA MA KHYAB, 'DOD NA, RGYAL PO MA SKYES DGRA DES BSAM GTAN GYI SNYOMS 'JUG MA THOB PAR THAL LO, 'DOD MI NUS TE, DES BSAM GTAN GYI NYER BSDOGS THOB PA'I PHYIR TE, DES RGYUN ZHUGS KYI 'BRAS BU THOB PA'I PHYIR, KHA CIG ,NGAN SONG GSUM DANG SGRA MI SNYAN PA RNAMS BSAM GTAN GZUGS MED KYI DNGOS GZHI'I SNYOMS 'JUG SNGAR MED GSAR DU SKYE BA DANG, SKYES ZIN GNAS PA'I RTEN DU MI RUNG STE, DE RNAMS RNAM SMIN GYI SGRIB PA SHAS CHEN PO DANG LDAN PA'I PHYIR, 'DU SHES MED PA DANG SRID RTZE'I RTEN LA DE GSAR DU SKYE BA MED DE, DE RNAMS KYI RGYUD LA YID KYI SHES PA MED PA'I PHYIR, ZER NA, NGAN SONG BA'I RTEN LA BSAM GTAN GZUGS MED KYI DNGOS GZHI'I SNYOMS 'JUG YOD PAR THAL, DUD 'GRO'I RTEN LA DE YOD PA'I PHYIR TE, DUD 'GRO'I RTEN CAN GYI BYANG 'PHAGS KYI RGYUD LA DE YOD PA'I PHYIR, DUD 'GRO'I RTEN CAN GYI BYANG @02B 'PHAGS YOD PA'I PHYIR TE, BSAM BZHIN DU DUD 'GROR SKYE BA BLANGS PA'I BYANG 'PHAGS YOD PA'I PHYIR TE, BSAM BZHIN DU 'KHOR BAR SKYE BA BLANGS PA'I BYANG 'PHAGS YOD PA'I PHYIR, KHO NA RE, DUD 'GRO'I RTEN CAN GYI BYANG 'PHAGS DE DUD 'GRO YIN PAR THAL, DE YOD PA'I PHYIR NA MA KHYAB, KHA CIG ,DE DUD 'GRO YIN ZER NA, DE'I LUS DE DUD 'GRO'I LUS YIN PAR THAL, DE DUD 'GRO YIN PA'I PHYIR, 'DOD MI NUS TE, DE RNAM SMIN GYI LUS MA YIN PA'I PHYIR TE, YID KYI RANG BZHIN GYI LUS YIN PA'I PHYIR TE, BYANG 'PHAGS KYI LUS YIN PA'I PHYIR, KHA CIG ,DE'I LUS DE DUD 'GRO'I LUS KYI GZUGS BRNYAN YIN ZER BA MI 'THAD DE; DE'I BYAD BZHIN DE DUD 'GRO'I BYAD BZHIN GYI GZUGS BRNYAN YIN PAR THAL, DE'I LUS DE DUD 'GRO'I LUS KYI GZUGS BRNYAN YIN PA'I PHYIR, RTAGS KHAS, 'DOD NA, DE CHOS CAN, BYAD BZHIN GYI GZUGS BRNYAN DU THAL LO, ,'DOD MI NUS TE, BYAD BZHIN YIN PA'I PHYIR, KHO NA RE, DE DUD 'GRO'I GZUGS BRNYAN DU THAL, RGYUD BLA MA'I 'GREL BA LAS, 'KHOR BA NI ZAG PA MED PA'I DBYINGS NA KHAMS GSUM GYI GZUGS BRNYAN GYI YID KYI RANG BZHIN GYI LUS GSUM YIN TE, ZHES GSUNGS PA'I PHYIR NA MA KHYAB, GZHAN YANG, 'DU SHES MED PA'I GANG ZAG CHOS CAN, KHYOD KYI RGYUD LA GANG ZAG GI BDAG 'DZIN MED PAR THAL, KHYOD KYI RGYUD LA YID KYI SHES PA MED PA'I PHYIR, RTAGS KHAS, 'DOD NA, DE'I RGYUD LA RTEN 'BREL YAN LAG BCU GNYIS KYI NANG TSAN DU GYUR PA'I MA RIG PA MED PAR THAL LO, ,'DOD MI NUS TE, DE LAM MA ZHUGS KYI GANG @03A *, ,GANG ZAG YIN PA'I PHYIR, GZHAN YANG, DE'I RGYUD LA SKYE SEMS DANG 'CHI SEMS GANG RUNG MED PAR THAL, DE'I RGYUD LA YID KYI SHES PA MED PA'I PHYIR, KHYAB STE SKYE SEMS DANG 'CHI SEMS GANG RUNG YIN NA, YID KYI SHES PA YIN DGOS PA'I PHYIR, DER THAL, MDZOD LAS, CHAD DANG MTSAMS SBYOR 'DOD CHAGS BRAL, ,NYAMS DANG 'CHI 'PHO SKYE BA RNAMS, ,YID KYI RNAM SHES KHO NAR 'DOD, ,CES GSUNGS PA'I PHYIR, GZHAN YANG, DE'I RGYUD LA RANG RIG MED PAR THAL, DE'I RGYUD LA YID SHES MED PA'I PHYIR, 'DOD NA, DE CHOS CAN, KHYOD KYI RGYUD LA RANG RIG YOD PAR THAL, KHYOD GANG ZAG YIN PA'I PHYIR, KHA CIG ,'DOD PA LA SOGS PA 'OG MA 'OG MA'I RTEN LA GONG MA GONG MA'I SNYOMS 'JUG GSAR DU SKYE BA YOD CING, RANG SA'I RTEN LA RANG SA'I SNYOMS 'JUG GSAR DU SKYE BA MED DE, RANG SA NA RANG SA'I SNYOMS 'JUG MA NYAMS PAR YOD PA'I PHYIR, GONG SA'I RTEN LA 'OG SA'I SNYOMS 'JUG GSAR DU SKYE BA MED DE, GONG SA NA RANG SAS BSDUS PA'I RANG GI 'OG SA LAS MCHOG TU GYUR PA'I SNYOMS 'JUG YOD PA'I PHYIR, GONG MA'I RTEN LA 'OG SA'I SNYOMS 'JUG SPYIR BTANG LA MNGOD DU BYED PA MED DE, DE BYAS PA LA DGOS PA MED PA'I PHYIR, DMIGS BSAL LA YOD DE, SRID RTZE'I RTEN LA CI YANG MED KYI SNYOMS 'JUG MNGON DU BYED PA YOD PA'I PHYIR, SRID RTZE'I RTEN CAN GYI PHYIR MI 'ONG GIS CI YANG MED KYI SEMS LA BRTEN NAS SRID RTZE LA CHAGS BRAL BYED PA'I PHYIR TE, MDZOD LAS, BSAM GTAN GZUGS MED RANG DANG NI, 'OG SA'I RTEN CAN 'OG DGOS MED, ,SRID RTZER 'PHAGS PAS CING YANG MED, ,MNGON SUM BYAS NAS ZAG PA ZAD, ,CES GSUNGS PA'I PHYIR, ZER NA, GONG SA'I RTEN LA 'DOD PA'I SNYOMS 'JUG MNGON DU BYED PA YOD PAR THAL, DE'I RTEN LA 'OG SA'I SNYOMS 'JUG MNGON @03B DU BYED PA YOD PA GANG ZHIG ,GZUGS KHAMS DANG GZUGS MED KHAMS GANG RUNG YIN NA, GONG SA YIN DGOS PA'I PHYIR, 'DOD NA, 'DOD PA'I SNYOMS 'JUG YOD PAR THAL LO, ,BYAS PA LA, KHO NA RE, GONG MA'I RTEN LA 'OG SA'I SNYOMS 'JUG MNGON DU BYED PA YOD PAR THAL, BSAM GTAN GNYIS PA'I RTEN LA BSAM GTAN DANG PO'I SNYOMS 'JUG MNGON DU BYED PA YOD PA'I PHYIR NA MA KHYAB, GZHAN YANG, BSAM GTAN GNYIS PA'I RTEN LA BSAM GTAN DANG PO'I SNYOMS 'JUG MNGON DU BYED PA MED PAR THAL, SPYIR BTANG DMIGS BSAL GYI DON DE 'THAD PA'I PHYIR, 'DOD NA, DE YOD PAR THAL, BSAM GTAN GNYIS PA BA'I RGYUD LA BSAM GTAN DANG PO'I SNYOMS 'JUG YOD PA'I PHYIR TE, BSAM GTAN GNYIS PA'I RTEN CAN GYI BYANG SEMS SA DRUG PA BA'I RGYUD LA DE YOD PA'I PHYIR, GZHAN YANG, BSAM GTAN GNYIS PA BA'I RGYUD LA BSAM GTAN DANG PO'I SNYOMS 'JUG YOD PAR THAL, DE'I RGYUD LA BSAM GTAN DANG PO'I SEMS YOD PA'I PHYIR, DE'I RGYUD KYI MIG GI RNAM PAR SHES PA DE BSAM GTAN DANG PO'I SEMS YIN PA'I PHYIR TE, MDZOD LAS, GNYIS PA SOGS NA LUS MIG DANG, ,RNA BA'I RNAM SHES RNAM RIG SLONG, ,GANG YIN DE NI DANG POR GTOGS, ,ZHES GSUNGS PA'I PHYIR, GZHAN YANG; BSAM GTAN GNYIS PA BA'I RGYUD LA BSAM GTAN DANG PO'I SEMS YOD PAR THAL, BSAM GTAN GNYIS PA NAS BSAM GTAN DANG POR 'CHI 'PHO KA MA'I GANG ZAG DE'I RGYUD LA BSAM GTAN DANG PO'I SEMS YOD PA'I PHYIR, DE'I RGYUD LA DE'I SHES PA YOD PA'I PHYIR, DE'I RGYUD LA BSAM GTAN DANG PO'I RNAM SMIN 'GRUB BYED KYI LAS YOD PA'I PHYIR, MA GRUB NA, DE CHOS CAN, DER THAL, KHYOD LAS NYON GYIS BSAM GTAN DANG POR SKYE BA LEN KHA MA'I GANG ZAG YIN PA'I PHYIR, KHA CIG , @04A *, ,RANG SA'I RTEN LA RANG SA'I SNYOMS 'JUG GSAR DU SKYE BA YOD PAR THAL, BSAM GTAN DANG PO'I RTEN LA BSAM GTAN DANG PO'I SNYOMS 'JUG GSAR DU SKYE BA YOD PA'I PHYIR, BSAM GTAN DANG PO BA'I RGYUD KYI BSAM GTAN DANG PO'I DNGOS GZHI'I SNYOMS 'JUG DE DE'I RTEN LA GSAR DU SKYES PA'I PHYIR NA MA KHYAB, DER THAL, DE GSAR DU SKYES PA'I PHYIR, GZHAN YANG, DE 'DOD PA'I RTEN LA GSAR DU SKYES PAR THAL, DE GSAR DU SKYES, DE BSAM GTAN DANG PO'I RTEN LA GSAR DU MA SKYES PA'I PHYIR, 'DOD NA, DE 'DOD PA'I RTEN LA SKYES PAR THAL LO, ,'DOD NA, DE'I 'DOD PA'I RTEN LA YOD PAR THAL LO, ,ZER NA, 'GOG PA DANG POR MI'I NANG DU, ,ZHES GSUNGS PA MI 'THAD PAR THAL, KHAMS GONG MA'I RTEN LA 'GOG SNYOMS GSAR DU SKYE BA YOD PA'I PHYIR, MA GRUB NA, DER THAL, DE'I RTEN CAN GYI GANG ZAG GI RGYUD KYI 'GOG SNYOMS DE DE'I RTEN LA GSAR DU SKYES PA'I PHYIR, KHYAB PA KHAS, DER THAL, DE GSAR DU SKYES PA'I PHYIR, GZHAN YANG, GONG NA MTHONG LAM MED, CES GSUNGS PA MI 'THAD PAR THAL, KHAMS GONG MA'I RTEN LA MTHONG LAM GSAR DU SKYE BA YOD PA'I PHYIR, DE'I RTEN LA LAM SHES GSAR DU SKYE BA YOD PA'I PHYIR TE, DE'I RTEN CAN GYI BYANG 'PHAGS KYI RGYUD KYI LAM SHES DE'I RTEN LA GSAR DU SKYES PA'I PHYIR, KHYAB PA KHAS, DER THAL, DE GSAR DU SKYES PA'I PHYIR, GZHAN YANG, 'DOD PA'I RTEN CAN GYI LONGS SKU YOD PAR THAL, 'DOD PA'I RTEN LA GSAR DU SANGS RGYAS PA'I GANG ZAG YOD PA'I PHYIR, DE'I RTEN LA RNAM MKHYEN GSAR DU THOB PA YOD PA'I PHYIR TE; DE'I RTEN CAN GYI SANGS RGYAS 'PHAGS PA'I RGYUD KYI RNAM MKHYEN DE 'DOD PA'I RTEN LA GSAR DU THOB PA'I PHYIR, KHYAB PA KHAS, DER THAL, DE GSAR DU SKYES PA'I PHYIR, GZHAN YANG, BSAM GTAN DANG PO'I RTEN LA DE'I NYER BSDOGS @04B SGOM PA YOD PAR THAL, DE'I RTEN LA DE'I NYER BSDOGS GSAR DU SKYE BA YOD PA'I PHYIR, 'DOD NA, BSAM GTAN DANG PO BA'I RGYUD LA DE'I NYER BSDOGS YOD PAR THAL LO, ,'DOD MI NUS TE, BSAM GTAN DANG PO BA YIN NA BSAM GTAN DANG, PO'I DNGOS GZHI THOB PAS KHYAB PA'I PHYIR, GZHAN YANG, SRID RTZE'I RTEN LA CI YANG MED KYI NYER BSDOGS GSAR DU SGOM PA YOD PAR THAL, DE'I RTEN LA CI YANG MED KYI SNYOMS 'JUG GSAR DU SKYE BA YOD PA'I PHYIR, SRID RTZE'I RTEN CAN GYI PHYIR MI 'ONG GI RGYUD KYI CI YANG MED KYI SNYOMS 'JUG DE, DE'I RTEN LA GSAR DU SKYES PA'I PHYIR, KHYAB PA KHAS, DER THAL, DE GSAR DU SKYES PA'I PHYIR, 'DOD NA, DE'I RTEN LA CI YANG MED DU SKYE 'GYUR GYI LAS GSAR DU BSAGS PA YOD PAR THAL LO,, 'DOD NA, DE'I RTEN LA 'PHEN BYED KYI LAS GSAR DU BSAGS PA YOD PAR THAL LO, ,'DOD NA, SRID RTZE'I SAS BSDUS KYI YAN LAG BCU GNYIS KYI NANG TSAN DU GYUR PA'I MA RIG PA YOD PAR THAL LO, ,'DOD MI NUS TE, DE YIN NA CI YANG MED MAN CHAD KYI SAS BA SDUS YIN DGOS PA'I PHYIR, BYAS PA LA KHO NA RE, SRID RTZE'I RTEN LA CI YANG MED GYI SNYOMS 'JUG GSAR DU SKYE BA YOD PAR THAL, DE'I RTEN LA GANG ZAG GI BDAG MED MNGON SUM DU RTOGS PA'I CI YANG MED KYI SNYOMS 'JUG GSAR DU SKYE BA YOD PA'I PHYIR, ZHES ZER NA, MA KHYAB ZER SNANG YANG, SRID RTZE'I RTEN LA GSAR DU SKYE RGYU'I GANG ZAG GI BDAG MED MNGON SUM DU RTOGS PA'I CI YANG MED KYIS DNGOS GZHI'I SNYOMS 'JUG YOD PA LA DGONGS SAM SNYAM MO, , SPYIR GANG ZAG GI BDAG MED MNGON SUM DU RTOGS PA'I CI YANG MED KYI SNYOMS 'JUG GSAR DU SKYE BA'I RTEN CAN GYI GANG ZAG YIN NA, CI YANG MED KYI SNYOMS 'JUG GSAR DU SKYE BA'I RTEN CAN GYI GANG ZAG YIN DGOS PAR THAL, KHYOD KYI SGRUB @05A *, ,BYED DE 'THAD PA'I PHYIR, 'DOD NA, DMAN LAM SNGON DU MA SONG BA'I SBYOR LAM CHOS MCHOG CHEN PO'I SKAD CIG THA MA LA GNAS PA'I SEMS DPA' CHOS CAN, BSAM GTAN GYI DNGOS GZHI'I SNYOMS 'JUG GSAR DU SKYE BA'I RTEN CAN GYI GANG ZAG YIN PAR THAL, STONG NYID MNGON SUM DU RTOGS PA'I DE GSAR DU SKYE BA'I RTEN CAN GYI GANG ZAG YIN PA'I PHYIR, KHYAB PA KHAS, DED THAL, DMAN LAM SNGON DU MA SONG BA'I THEG CHEN GYI MTHONG LAM GSAR DU SKYE BA'I RTEN CAN GYI GANG ZAG YIN PA'I PHYIR, 'DOD MI NUS TE, BSAM GTAN GYI DNGOS GZHI'I SNYOMS 'JUG THOB LA MA NYAMS PA'I GANG ZAG YIN PA'I PHYIR, KHA CIG ,SKYE 'PHAGS KYI DBANG DU BYAS NA LAM MA ZHUGS KYI DBANG DU BYAS PA DANG LAM ZHUGS KYI DBANG DU BYAS PA GNYIS LAS, DANG PO NI, BSAM GZUGS BRGYAD KA THOB PA'I LAM MA ZHUGS KYI GANG ZAG YOD DE, DE THOB PA'I PHYI ROL PA YOD PA'I PHYIR, GNYIS PA LA, THEG CHEN GYI DBANG DU BYAS PA DANG THEG DMAN GYI DBANG DU BYAS PA GNYIS, DANG PO LA, BSAM GTAN GYI DNGOS GZHI'I SNYOMS 'JUG MA THOB PA'I SBYOR LAM RTZE MO MAN CHAD LA GNAS PA'I SEMS DPA' YOD DE, NGAN SONG DU SKYE BA LEN PA'I DE YOD PA'I PHYIR, THEG CHEN GYI SBYOR LAM BZOD PA NAS CHOS MCHOG 'BRING MAN CHAD LA GNAS PA'I SEMS DPA' YIN NA, BSAM GTAN DANG PO'I DNGOS GZHI'I SNYOMS 'JUG THOB PAS KHYAB KYANG BSAM GTAN GNYIS PA'I DE THOB PAS MA KHYAB STE, DE GANG RUNG LA GNAS PA'I SEMS DPA' GZUGS KHAMS SU LAS NYON KYIS SKYE BA LEN PA YOD PA'I PHYIR, CHOS MCHOG CHEN PO LA GNAS PA'I SEMS DPA' YIN NA, BSAM GZUGS BRGYAD KA THOB PAS KHYAB STE, DE YIN NA KHAMS GSUM PO GANG RUNG DU @05B LAS NYON GYIS SKYE BA MI LEN PAS KHYAB PA'I PHYIR, GNYIS PA LA, RGYUN ZHUGS DANG PHYIR 'ONG GANG RUNG YIN NA, BSAM GTAN GYI DNGOS GZHI MA THOB PAS KHYAB STE, DE GANG RUNG YIN NA, 'DOD PA LA 'DOD CHAGS DANG MA BRAL BAS KHYAB PA'I PHYIR, PHYIR MI 'ONG DANG DGRA BCOM GANG RUNG YIN NA, DANG PO'I DNGOS GZHI'I SNYOMS 'JUG THOB PAS KHYAB STE, DE GANG RUNG YIN NA, ,BSAM GTAN DANG PO'I NYER BSDOGS KYI STOBS KYIS 'DOD PA LA 'DOD CHAGS DANG BRAL BAS KHYAB PA'I PHYIR; DE GANG RUNG YIN NA, BSAM GTAN DANG PO'I DNGOS GZHI THOB PAS KHYAB KYANG, GNYIS PA'I DNGOS GZHI'I SNYOMS 'JUG THOB PAS MA KHYAB STE, DE MA THOB PA'I DE YOD PA'I PHYIR, ZHES ZER, 'O NA, BSNGAGS 'OS BSNGAGS PA STOD LAS, KHYOD KYI BSTAN PA'I RJES SU 'GRO BA, ,BSAM GTAN DNGOS GZHI MA THOB KYANG, ,BDUD KYI MIG RAS BCA' BZHIN DU, ,SRID PA DAG NI LDOG PAR BGYID, ,CES GSUNGS PA MI 'THAD PAR THAL, BSAM GTAN GYI DNGOS GZHI MA THOB PAR NYON MONGS SPANGS PA'I GANG ZAG MED PA'I PHYIR, MA GRUB NA SONG, DGRA BCOM THOB MA THAG PA'I SPANG BYA CIG CAR BA'I NYAN THOS DGRA BCOM PA DE YIN PAR THAL, DE YOD PA'I PHYIR, 'DOD NA, DES BSAM GTAN GYI DNGOS GZHI'I SNYOMS 'JUG MA THOB PAR THAL; 'DOD PA'I PHYIR, 'DOD NA, DE THOB PAR THAL, DGRA BCOM PA YIN PA'I PHYIR, 'KHOR GSUM GZHAN YANG, DE 'DRA'I DGRA BCOM GYIS BSAM GTAN GNYIS PA'I DNGOS GZHI'I SNYOMS 'JUG THOB PAR THAL, DES BSAM GTAN DANG PO'I DE THOB PA GANG ZHIG SPANG BYA CIG CAR BA'I NYAN THOS DGRA BCOM PA'I RGYUD KYI BSAM GTAN DANG PO'I DNGOS GZHI'I SNYOMS 'JUG YIN NA, BSAM GZUGS BRGYAD KA YIN DGOS PA'I PHYIR TE, DE YIN NA BSAM GTAN GNYIS PA'I DNGOS GZHI'I SNYOM @06A *, ,'JUG YIN DGOS PA'I PHYIR, MA GRUB NA, SPANG BYA CIG CAR BA'I NYAN THOS DGRA BCOM DES BSAM GTAN DANG PO'I DNGOS GZHI'I SNYOMS 'JUG THOB RJES SU BSAM GTAN GNYIS PA'I DNGOS GZHI'I SNYOMS 'JUG THOB PHYIR DU; BSAM GTAN GNYIS PA'I NYER BSDOGS SGOM PAR THAL, MA GRUB PA DE'I PHYIR, 'DOD NA, DES DE'I PHYIR DU DE'I NYER BSDOGS YID BYED DRUG PO GANG RUNG GCIG SGOM PAR THAL, 'DOD PA'I PHYIR, KHYAB STE, DE'I NYER BSDOGS ZAG MED MED PA'I PHYIR, 'DOD NA, DE'I RGYUD LA DE DRUG PO GANG RUNG YOD PAR THAL LO, ,'DOD NA, DE'I RGYUD LA BSAM GTAN GNYIS PA'I NYER BSDOGS SBYOR BA MTHA'I YID BYED YOD PAR THAL LO, ,'DOD NA, ,DE'I RGYUD LA 'JIG RTEN PA'I SGOM SPANG DU GYUR PA'I BSAM GTAN DANG PO'I NYON MONGS CHUNG NGU'I CHUNG NGU'I DNGOS GNYEN BYED PA'I BSAM GTAN GNYIS PA'I NYER BSDOGS YOD PAR THAL LO, ,GZHAN YANG, BSAM GTAN GNYIS PA'I DNGOS GZHI'I SNYOMS 'JUG YIN NA, RANG GI NYER LEN DU GYUR PA'I BSAM GTAN GNYIS PA'I NYER BSDOGS LAS BYUNG BAS KHYAB PAR THAL, SPANG BYA CIG CAR BA'I NYAN THOS DGRA BCOM PAS BSAM GTAN DANG PO'I DNGOS GZHI THOB PA'I TSE BSAM GTAN GNYIS PA'I DNGOS GZHI'I SNYOMS 'JUG MA THOB PA'I PHYIR, 'DOD NA, BSAM GTAN DANG PO'I DNGOS GZHI'I SNYOMS 'JUG YIN NA RANG GI NYER LEN DU GYUR PA'I BSAM GTAN DANG PO'I NYER BSDOGS LAS BYUNG BAS KHYAB PAR THAL, 'DOD PA'I PHYIR, 'DOD NA, CHOS NYID KYI STOBS KYIS THOB PA'I BSAM GTAN DANG PO'I DNGOS GZHI'I SNYOMS 'JUG CHOS CAN, DER THAL, DE'I PHYIR, 'DOD MI NUS TE, CHOS CAN DE'I PHYIR, GZHAN YANG, 'DOD NYON DGU PA'I DNGOS GNYEN BAR CHAD MED LAM LA BRTEN NAS PHYIR MI 'ONG GI 'BRAS BU THOB MA THAG PA'I @06B PHYIR MI 'ONG CHOS CAN, BSAM GTAN DANG PO'I DNGOS GZHI'I SNYOMS 'JUG THOB PAR THAL, PHYIR MI 'ONG YIN PA'I PHYIR, KHYAB PA KHAS, 'DOD NA, DES BSAM GTAN DANG PO'I NYER BSDOGS SBYOR BA MTHA'I YID BYED LA BRTEN NAS BSAM GTAN DANG PO'I DNGOS GZHI'I SNYOMS 'JUG THOB PAR THAL, 'DOD PA GANG ZHIG, DES DE'I NYER BSDOGS MI LCOGS MED LA BRTEN NAS DE MA THOB PA'I PHYIR, MA GRUB NA, 'DOD NYON DGU PA'I DNGOS GNYEN LA BRTEN NAS DGRA BCOM THOB MA THAG PA'I SPANG BYA CIG CAR BA'I DGRA BCOM GYI DE LA BRTEN NAS DE THOB PAR THAL, 'DOD PA'I PHYIR, 'DOD NA, DES 'DOD NYON DGU PA'I DNGOS GNYEN PAR CHAD MED LAM LA BRTEN NAS DE THOB PAR THAL LO, ,'DOD NA, DES SRID NYON DGU PA'I DNGOS GNYEN BAR CHAD MED LAM LA BRTEN NAS SRID RTZE'I DNGOS GZHI'I SNYOMS 'JUG THOB PAR THAL LO, ,RTZA PAR 'DOD NA, DES BSAM GTAN DANG PO'I NYER BA SDOGS SBYOR BA MTHA'I YID BYED LA BRTEN NAS PHYIR MI 'ONG GI 'BRAS BU THOB PAR THAL LO, ,'DOD MI NUS TE, DES 'DOD NYON DGU PA'I DNGOS GNYEN BAR CHAD MED LAM LA BRTEN NAS DE THOB PA'I PHYIR, GZHAN YANG, BYANG SEMS SBYOR LAM PA YIN NA BSAM GTAN GYI DNGOS GZHI'I SNYOMS 'JUG THOB PAS KHYAB PAR THAL, TSOGS LAM CHEN PO LA GNAS PA'I SEMS DPA' YIN NA, BSAM GTAN GYI DNGOS GZHI'I SNYOMS 'JUG THOB PAS KHYAB PA'I PHYIR TE, DE YIN NA CHOS RGYUN GYI TING NGE 'DZIN THOB PAS KHYAB PA'I PHYIR, MDO SDE'I RGYAN LAS, DE TSE CHOS KYI RGYUN LAS NI, ,SANGS RGYAS RNAMS LAS ZHI GNAS DANG, ,YE SHES YANGS PA THOB BYA'I PHYIR, ,GDAMS NGAG RGYA CHEN NOD PAR 'GYUR, ,ZHES GSUNGS PA'I PHYIR, GZHAN YANG, LAS NYON GYI DBANG GIS YI DVAGS SU SKYE @07A *, ,BA LEN PA'I BYANG SEMS SBYOR LAM PA YOD PAR THAL, DE'I DBANG GIS DAN SONG DU SKYE BA LEN PA'I DE YOD PA'I PHYIR, RTAGS KHAS, 'DOD NA, 'TSO BA'I YO BYAD KYIS 'PHONGS PA'I BYANG SEMS SBYOR LAM PA YOD PAR THAL LO, ,'DOD MI NUS TE, BYANG SEMS SBYOR LAM PA YIN NA, RIGS KYI NYES DMIGS BZHI DANG BRAL BAS KHYAB PA'I PHYIR, SKABS 'DI'I THEG CHEN SGRUB PA'I RTEN RANG BZHIN GNAS RIGS DE THEG CHEN GYI SBYOR LAM DROD NAS BZHAG PA LA RGYU MTSAN YOD PA'I PHYIR, GNYIS PA LA, KHA CIG ,BSAM GTAN GYI DNGOS GZHI'I SNYOMS 'JUG 'THOB BYED KYI THABS SU GYUR PA'I BSAM GTAN GYI SAS BSDUS KYI DGE BA'I RIG PA DE, BSAM GTAN GYI NYER BSDOGS KYI MTSAN NYID ZER NA, BSAM GTAN GNYIS PA'I NYER BSDOGS CHOS CAN, MTSAN NYID DER THAL, MTSON BYA DE'I PHYIR TE, CHOS CAN DE'I PHYIR, 'DOD NA, BSAM GTAN GYI DNGOS GZHI'I SNYOMS 'JUG MA THOB PAR THAL LO, ,'DOD MI NUS TE, BSAM GTAN DANG PO'I DNGOS GZHI'I SNYOMS 'JUG THOB PA'I PHYIR, CHOS CAN DE'I PHYIR, KHA CIG ,RANG GI THOB BYAR GYUR PA'I BSAM GTAN GYI DNGOS GZHI 'THOB BYED KYI THABS SU GYUR PA'I BSAM GTAN GYI SAS BSDUS KYI DGE BA'I RIG PA DE, DE'I MTSAN NYID ZER NA; BYANG SEMS 'PHAGS PA'I RGYUD KYI BSAM GTAN GYI DNGOS GZHI'I SNYOMS 'JUG CHOS CAN, MTSON BYA DER THAL, MTSAN NYID DE'I PHYIR, DER THAL, DE'I THOB BYAR GYUR PA'I BSAM GTAN GYI DNGOS GZHI'I SNYOMS 'JUG YOD PA'I PHYIR TE, SANGS RGYAS 'PHAGS PA'I RGYUD KYI DE DE YIN PA'I PHYIR, 'DOD MI NUS TE, BSAM GTAN GYI DNGOS GZHI'I SNYOMS 'JUG YIN PA'I PHYIR, KHA CIG ,RANG GI THOB GYUR PA'I BSAM GTAN DANG PO'I DNGOS GZHI'I SNYOMS 'JUG THOB BYED KYI @07B THABS SU GYUR PA'I DGE SEMS RTZE GCIG PA MTSUNGS LDAN DANG BCAS PA DE BSAM GTAN DANG PO'I NYER BSDOGS KYI MTSAN NYID ZER NA, 'DOD SEMS RTZE GCIG PA'I TING NGE 'DZIN CHOS CAN, MTSON BYA DER THAL, MTSAN NYID DE'I PHYIR; CHOS CAN DE'I PHYIR, KHYAB STE, BSAM GTAN DANG PO'I NYER BSDOGS YIN NA DE YIN DGOS PA'I PHYIR, RTAGS KHAS, 'DOD NA, DE BSAM DANG PO'I SAS BSDUS SU THAL LO, ,'DOD MI NUS TE, CHOS CAN DE'I PHYIR, KHA CIG , 'DOD PA LA 'DOD CHAGS DANG BRAL BYED KYI THABS SU GYUR PA'I BSAM GTAN DANG PO'I SAS BSDUS KYI DGE SEMS RTZE GCIG PA MTSUNGS LDAN DANG BCAS PA DE, BSAM GTAN DANG PO'I NYER BSDOGS KYI MTSAN NYID, ZER NA, DGRA BCOM THOB MA THAG PA'I SPANG BYA CIG CAR BA'I NYAN THOS DGRA BCOM PA'I RGYUD KYI RNAM GROL LAM CHOS CAN, MTSAN NYID DER THAL, MTSON BYA DE'I PHYIR, CHOS CAN DE'I PHYIR, 'DOD MI NUS TE, CHOS CAN DE'I PHYIR, KHA CIG ,BSAM GTAN GYI DNGOS GZHI'I SNYOMS 'JUG THOB DON DU DMIGS RNAM YONGS SU SBYONG BA'I THABS KYI DGE BAS BSDUS PA'I RIG PA DE, BSAM GTAN GYI NYER BSDOGS KYI MTSAN NYID, BSAM GTAN DANG PO'I DNGOS GZHI THOB DON DU DE'I DMIGS RNAM YONGS SU SBYONG BA'I THABS KYIS BSDUS PA'I RIG PA DE, BSAM GTAN DANG PO'I NYER BSDOGS KYI MTSAN NYID, ZER NA, SPANG BYA CIG CAR BA'I RGYUN ZHUGS ZHUGS PA'I RGYUD KYI NYAN THOS KYI MTHONG LAM BAR CHAD MED LAM CHOS CAN, MTSAN NYID DER THAL, MTSON BYA DE'I PHYIR, DE DER THAL, DE RGYUN ZHUGS ZHUGS PA'I RGYUD KYI MKHYEN PA YIN PA'I PHYIR, 'DOD NA, ZHI RAGS KYI RNAM PA CAN YIN PAR THAL, 'DOD PA'I PHYIR, 'DOD MI NUS TE, BAR CHAD MED LAM YIN PA'I @08A *, ,PHYIR; GZHAN YANG, BSAM GTAN DANG PO'I NYER BSDOGS ZAG MED MED PAR THAL, MTSAN NYID DE 'THAD PA'I PHYIR, KHA CIG ,RANG GI YAN LAG GIS MA ZIN CING RANG GI THOB BYAR GYUR PA'I BSAM GTAN GYI DNGOS GZHI'I SNYOMS 'JUG 'THOB BYED KYI THABS SU GYUR PA'I BSAM GTAN GYI SAS BSDUS KYI DGE BA'I RIG PA DE, BSAM GTAN GYI NYER BA SDOGS KYI MTSAN NYID, DES BSAM GTAN DANG PO SOGS LA'ANG RIGS 'GRE, ZER NA, TING NGE 'DZIN GNAS KYI YAN LAG DANG LDAN PA'I BSAM GTAN DANG PO'I NYER BSDOGS MED PAR THAL, MTSAN NYID DE 'THAD PA'I PHYIR, 'DOD NA, RNAM PA SHAD SNYING PO'I RGYAN LAS, DE YANG YID LA BYED PA DANG PO ZHI GNAS MTSAN NYID PA DE NI; 'OG SA LAS 'DOD CHAGS DANG BRAL BAR BYED PA'I GNAS KYI YAN LAG TU SHES PAR BYA'O, ,ZHES GSUNGS PA MI 'THAD PAR THAL LO, ,GZHAN YANG, GNYEN PO'I YAN LAG DANG LDAN PA'I BSAM GTAN DANG PO'I NYER BSDOGS MED PAR THAL, MTSAN NYID DE 'THAD PA'I PHYIR, 'DOD NA, DE YOD PAR THAL, BSAM GTAN DANG PO'I NYER BSDOGS RAB TU DBEN PA YID BYED NAS GNYEN PO'I YAN LAG THOB PA'I PHYIR TE, GNYEN PO'I YAN LAG DANG LDAN PA'I BSAM GTAN DANG PO'I NYER BSDOGS RAB TU DBEN PA YID BYED YOD PA'I PHYIR TE, 'JIG RTEN PA'I SGOM SPANG DU GYUR PA'I 'DOD NYON CHEN PO'I DNGOS GNYEN BYED PA'I NUS PA THOB PA'I DE YOD PA'I PHYIR, KHA CIG ,RANG SA'I SAS BSDUS KYI DNGOS GZHI'I SNYOMS 'JUG 'THOB BYED KYI THABS SU GYUR PA'I BSAM GTAN GYI SBYOR BA'I SAS BSDUS KYI DGE BA'I RIG PA DE, BSAM GTAN GYI NYER BSDOGS KYI MTSAN NYID, DES BSAM GTAN DANG PO SOGS LA'ANG RIGS 'GRE, ZER NA, BSAM GTAN DANG PO'I NYER BSDOGS CHOS CAN, MTSAN @08B NYID DER THAL, MTSON BYA DE'I PHYIR, 'DOD NA, KHYOD KYI SAS BSDUS KYI BSAM GTAN DANG PO'I DNGOS GZHI'I SNYOMS 'JUG YOD PAR THAL, 'DOD PA'I PHYIR, 'DOD MI NUS TE, BSAM GTAN GYI DNGOS GZHI'I SNYOMS 'JUG YIN NA BSAM GTAN DANG PO'I NYER BSDOGS KYI SAS BSDUS MA YIN DGOS PA'I PHYIR, BYAS PA LA KHO NA RE, BSAM GTAN DANG PO'I NYER BSDOGS CHOS CAN, MTSAN NYID DER THAL, KHYOD BSAM GTAN DANG PO'I SAS BSDUS GANG ZHIG, KHYOD BSAM GTAN DANG PO'I DNGOS GZHI'I SNYOMS 'JUG 'THOB BYED KYI BSAM GTAN GYI SBYOR BA YIN PA'I PHYIR NA MA KHYAB STE, RANG RGYAL DGRA BCOM PA'I 'BRAS BU MNGON DU BYED PAR NGES PA'I SPANG BYA GCIG CAR PA'I RGYUN ZHUGS CHOS CAN, ,KHYOD SRID PA THA MA'I TSE SLOB DPON GZHAN GYIS GAD MAS DAG LA MI LTOS PAR 'DOD PA'I RTEN LA RANG GI BYANG CHUB MNGON DU BYED PAR NGES PA'I GANG ZAG TU THAL, KHYOD THEG DMAN GYI GANG ZAG GANG ZHIG ,KHYOD SRID PA THA MA'I TSE SLOB DPON GZHAN GYI GDAMS NGAG LA MI LTOS PAR 'DOD PA'I RTEN LA THEG DMAN GYI BYANG CHUB MNGON DU BYED PAR NGES PA'I GANG ZAG YIN PA'I PHYIR, KHYAB PA KHAS, DANG PO SLA GNYIS PA GRUB STE, DE DE'I TSE DE LA MI LTOS PAR 'DOD PA'I RTEN LA RANG RGYAL GYI BYANG CHUB MDON DU BYED PAR NGES PA'I GANG ZAG YIN PA'I PHYIR, 'DOD MI NUS TE, NYAN THOS YIN PA'I PHYIR, KHA CIG ,BSAM GTAN DANG PO'I NYER BSDOGS MTSAN NYID SO SOR RIG PA YID BYED DE, BSAM GTAN DANG PO'I NYER BSDOGS KYI THOG MA YIN ZER NA, DE LA SKYON 'PHEN PA KHA CIG ,DE CHOS CAN, BSAM GTAN DANG PO'I NYER BSDOGS KYI THOG MA MA YIN PAR THAL, KHYOD KYI SNGON DU BSAM GTAN DANG PO'I NYER BSDOGS KYI SAS BSDUS PA'I ZHI GNAS 'GRO DGOS PA'I PHYIR TE, , @09A *, ,KHYOD DE'I SAS BSDUS PA'I LHAG MTHONG YIN PA'I PHYIR, ZER BA MI 'THAD DE, DE'I GNAS SKAS SU ZHI LHAG ZUNG 'BREL MA THOB PA'I PHYIR TE, RNAM BSHAD LAS, LHAG MA THONG THOG MA THOB PA NI MOS PA LAS BYUNG BA'I YID BYED DE SGOM BYUNG NGO, ,ZHES GSUNGS PA'I PHYIR, GZHAN YANG, DE CHOS CAN, SHES RAB YIN PAR THAL, LHAG MTHONG YIN PA'I PHYIR, 'DOD NA, SEMS BYUNG YIN PAR THAL LO, ,'DOD MI NUS TE, DER GYUR PA'I GTZO BO SEMS YOD PA'I PHYIR, BYAS PA LA KHO NA RE, DE CHOS CAN, SEMS BYUNG YIN PAR THAL, KUN 'GRO LNGA PO GANG RUNG YIN PA'I PHYIR TE, YID BYED YIN PA'I PHYIR TE, CHOS CAN DE'I PHYIR, ZER NA, SKYES BU TSAD MA YIN NA, TSAD MA YIN DGOS PAR THAL LO, ,RANG LAN NI, DE CHOS CAN, KHYOD BSAM GTAN DANG PO'I NYER BSDOGS KYI THOG MA MA YIN PAR THAL, KHYOD KYI SNGON DU ZHI GNAS KYIS BSDUS PA'I BSAM GTAN DANG PO'I NYER BSDOGS 'GRO DGOS PA'I PHYIR, KHYOD LHAG MTHONG GIS BSDUS PA'I BSAM GTAN DANG PO'I NYER BSDOGS YIN PA'I PHYIR, MKHAS PA KHA CIG ,BSAM GTAN DANG PO'I NYER BSDOGS MTSAN NYID SO SOR RIG PA YID BYED DE 'DOD PA'I SAS BSDUS YIN GSUNG PA MI 'THAD DE, DE BSAM GTAN GYI SAS BSDUS YIN PA'I PHYIR, DE BSAM GTAN SA DRUG GANG RUNG YIN PA'I PHYIR TE, BSAM GTAN DANG PO'I NYER BSDOGS YIN PA'I PHYIR, GZHAN YANG, DE YIN NA 'DOD PA'I SAS BSDUS YIN DGOS PAR THAL, DE 'DOD PA'I SAS BSDUS YIN PA'I PHYIR, 'DOD NA, BSAM GTAN DANG PO'I NYER BSDOGS MTSAN NYID SO SOR RIG PA YID BYED DU GYUR PA'I BSAM GTAN DANG PO'I SKYE BA @09B 'PHEN BYED KYI LAS CHOS CAN, DER THAL, DE'I PHYIR, DE YOD PA'I PHYIR, BSAM GTAN DANG PO'I SKYE BA 'PHEN BYED KYI LAS YIN NA BSAM GTAN DANG PO'I NYER BSDOGS YIN DGOS PA'I PHYIR, 'DOD MI NUS TE, BSAM GTAN DANG PO'I SAS BSDUS YIN PA'I PHYIR, DE'I SKYE BA 'PHEN BYED KYI LAS YIN PA'I PHYIR, KHYAB STE, SA GZHAN GYI LAS KYIS SA GZHAN GYI RNAM SMIN GYI PHUNG PO 'PHEN PA MED PA'I PHYIR, KHO NA RE, DE 'DOD PA'I SAS BSDUS SU THAL, DE MNYAM PAR MA BZHAG PA'I SAS BSDUS YIN PA'I PHYIR TE, NYAN SA LAS, MNYAM PAR MA BZHAG PA'I SA BA'I YID LA BYED PA DAG GIS 'DOD PA RNAMS LA RAGS PA'I MTSAN NYID DANG, BSAM GTAN DANG PO LA ZHI BA'I MTSAN NYID DU SO SOR RTOG PAR BYED PA DE NI SO SOR RIG PA YID LA BYED PA ZHES BYA STE, ZHES GSUNGS PA'I PHYIR NA MA KHYAB STE, DE'I DON BSAM GTAN DANG PO'I NYER BSDIGS MTSAN NYID SO SOR RIG PA YID BYED DES MNYAM PAR MA BZHAG PA'I SA PA'I NYES DMIGS YID LA BYED PA DAG GIS 'DOD PA LA RAGS PA DANG, BSAM GTAN DANG PO LA ZHI BA'I RNAM PAR THOS BSAM GYIS DPYOD PAR BYED PA LUNG DE'I DON YIN PA'I PHYIR, DE LTAR MA YIN NA BSAM GTAN DANG PO'I NYER BSDOGS MTSAN NYID SO SOR RIG PA YID BYED DE MNYAM GZHAG GI SAS BSDUS SU THAL, 'GREL BA RGYAL SRAS MA LAS, MNYAM PAR BZHAG PA'I SA PA'I YID LA BYED PA DAG GIS 'DOD PA LA RAGS PA LA SOGS PAR LTA BA'I PHYIR RAGS PA DANG, DE MED PA'I PHYIR BSAM GTAN DANG PO LA SOGS PA ZHI BA'I MTSAN NYID DU SO SOR DPYOD PAR BYED PA DE NI, SO SOR RIG PA YID LA BYED PA ZHES BYA STE, DE NI THOS PA DANG BSAM PA 'DRES MAR RIG PAR BYA'O, ,ZHES GSUNGS PA'I PHYIR, KHO NA RE, DE CHOS CAN, SGOM BYUNG GI BLO YIN PAR THAL, MNYAM @10A *, ,GZHAG GIS SAS BSDUS YIN PA'I PHYIR, KHYAB STE, MDZOD LAS, MNYAM PAR BZHAG PA'I DGE BA NI, SGOM PA 'O ZHES GSUNGS PA'I PHYIR NA MA KHYAB, 'DOD MI NUS TE, THOS BSAM 'DRES MA'I BLO YIN PA'I PHYIR, DE NI THOS PA DANG, ZHES GSUNGS PA'I PHYIR, KHA CIG, DE CHOS CAN, THOS BYUNG GI BLO DANG SEMS BYUNG GI BLO'I GZHI MTHUN YIN PAR THAL, DE 'DRES MA'I BLO YIN PA'I PHYIR, ZHES ZER BA MI 'THAD DE, BSAM GTAN DANG PO'I NYER BSDOGS MOS PA YID BYED CHOS CAN, ZHI GNAS DANG LHAG MTHONG GI GZHI MTHUN YIN PAR THAL, ZHI LHAG ZUNG 'BREL GYI BLO YIN PA'I PHYIR, KHYAB PA KHAS, KHO NA RE, DE YIN NA MNYAM GZHAG GI SAS BSDUS YIN DGOS PAR THAL, DE DE YIN PA'I PHYIR, 'DOD NA, DER GYUR PA'I THOS BYUNG GI BLO CHOS CAN, DER THAL, DE'I PHYIR, 'DOD MI NUS TE, MNYAM PAR MA BZHAG PA'I SAS BSDUS YIN PA'I PHYIR, THOS BYUNG GI BLO YIN PA'I PHYIR NA MA KHYAB, KHA CIG, DE 'DOD PA'I SAS BSDUS SU THAL, 'DOD PA'I SAS BSDUS KYI DE YOD PA'I PHYIR, 'DOD PA'I SAS BSDUS KYI BSAM GTAN DANG PO'I NYER BSDOGS YOD PA'I PHYIR, 'DOD PA'I SAS BSDUS KYI ZHI GNAS YOD PA'I PHYIR NA MA KHYAB, KHA CIG ,DE MED ZER BA MI 'THAD DE, DE YOD PAR THAL, DE'I SAS BSDUS KYI ZHI LHAG ZUNG 'BREL GYI LAM YOD PA'I PHYIR, 'DOD PA'I SAS BSDUS KYI THEG CHEN GYI SGOM LAM BAR CHAD MED LAM YOD PA'I PHYIR, 'DOD PA'I SEMS SU GYUR PA'I DE YOD PA'I PHYIR, DE KHAMS GSUM SA DGU LA BRTEN NAS SKYE BAR 'GREL CHEN LAS BSHAD PA'I PHYIR, KHA CIG ,BSAM GTAN DANG PO'I NYER BSDOGS MI LCOGS MED YIN NA, BSAM GTAN DANG PO'I NYER BSDOGS KYI THOG MA'I ZHI GNAS 'BA' ZHIG GIS BSDUS PAS KHYAB, @10B ZER NA, DE MA KHYAB PAR THAL, SPANG BYA CIG CAR BA'I RGYUN ZHUGS DES BSAM GTAN DANG PO'I NYER BSDOGS MI LCOGS MED LA BRTEN NAS KHAMS GSUM GYI NYON MONGS CIG CAR DU SPONG BA GANG ZHIG ,ZHI LHAG ZUNG 'BREL MA THOB PAR KHAMS GSUM GYI NYON MONGS CIG CAR DU SPONG MI NUS PA'I PHYIR, KHO NA RE, MDZOD 'GREL LAS, NYER BSDOGS KYI DANG PO NI MI LCOGS PA MED STE, DE NI DAG PA BA YANG YIN LA ZAG PA MED PA YANG YIN NO, ,ZHES BSHAD PA MI 'THAD PAR THAL, MA KHYAB DE'I PHYIR NA MA KHYAB STE, NYER BSDOGS MI LCOGS MED PA NYER BSDOGS BRGYAD KYI DANG PO YIN ZHING, BSAM GTAN DANG PO'I NYER BSDOGS LA DAG PA BA DANG ZAG MED GNYIS YOD PA LUNG DE'I DON YIN PA'I PHYIR, KHO NA RE, BSAM GTAN DANG PO'I NYER BSDOGS MI LCOGS MED PA YIN NA, BSAM GTAN DANG PO'I NYER BSDOGS KYI THOG MA'I ZHI GNAS YIN DGOS PAR THAL, DE YIN NA BSAM GTAN DANG PO'I NYER BSDOGS YID BYED DRUG PO GANG RUNG MA YIN DGOS PA'I PHYIR NA MA KHYAB, KHA CIG ,BSAM GTAN DANG PO'I NYER BSDOGS MI LCOGS MED DE BSAM GTAN DANG PO'I NYER BSDOGS KYI THOG MA'I ZHI GNAS DANG, DE'I NYER BSDOGS MTSAN NYID SO SOR RIG PA YID BYED KYI STENG NAS MI 'JOG DE; DE'I GNAS SKABS SU ZHI LHAG ZUNG 'BREL MA THOB PA'I PHYIR, DES NA, BSAM GTAN DANG PO'I NYER BSDOGS MOS PA YID BYED NAS SBYOR BA MTHA'I YID BYED KYI BAR LA 'JOG PA YIN NO, ,ZER NA, BSAM GTAN DANG PO'I NYER BSDOGS MI LCOGS MED DU GYUR PA'I NYER BSDOGS RAB TU DBEN PA YID BYED YOD PAR THAL, DAM BCA' 'THAD PA'I PHYIR, 'DOD NA, SPANG BYA GCIG CAR PA'I RGYUN ZHUGS ZHUGS PA'I RGYUD KYI BSAM GTAN DANG PO'I NYER BSDOGS MI LCOGS MED DU GYUR PA'I BSAM @11A *, ,GTAN DANG PO'I NYER BSDOGS RAB TU DBEN PA YID BYED YOD PAR THAL LO, ,'DOD NA, DE'I RGYUD KYI MTHONG LAM BAR CHAD MED LAM DU GYUR PA'I DE YOD PAR THAL LO, ,'DOD NA, DE CHOS CAN, KHYOD RANG GI NGO BSKAL GYI 'JIG RTEN PA'I SGOM SPANGS SU GYUR PA'I 'DOD NYON CHEN PO'I DNGOS GNYEN YIN PAR THAL, KHYOD BAR CHAD MED LAM DU GYUR PA'I BSAM GTAN DANG PO'I NYER BSDOGS RAB TU DBEN PA YID BYED YIN PA'I PHYIR, RTAGS KHAS, 'DOD NA, KHYOD KYI NGO BSKAL GYI SPANG BYAR GYUR PA'I SGOM SPANGS NYON MONGS YOD PAR THAL LO, ,'DOD MI NUS TE, MTHONG LAM YIN PHYIR, RTAGS KHAS, GZHAN YANG, DAM BCA' DE MI 'THAD PAR THAL, BSAM GTAN DANG PO'I NYER BSDOGS MI LCOGS MED YIN NA, ZHI RAGS KYI RNAM PA CAN MA YIN DGOS, BSAM GTAN DANG PO'I NYER BSDOGS YID BYED DRUG PO GANG RUNG YIN NA ZHI RAGS KYI RNAM PA CAN YIN DGOS PA'I PHYIR, GNYIS PA 'BUD DO, ,BYAS PA LA KHO NA RE, DE YIN NA NYER BSDOGS ZAG MED YIN DGOS PAR THAL, DE YIN NA ZHI RAGS KYI RNAM PA CAN MA YIN DGOS PA'I PHYIR, RTAGS KHAS ZER NA MA KHYAB, 'DOD NA, SBYOR LAM STAN GCIG LA GNAS PA'I SPANG BYA CIG CAR BA'I RGYUN ZHUGS ZHUGS PA'I RGYUD KYI BSAM GTAN DANG PO'I NYER BSDOGS MI LCOGS MED CHOS CAN, DER THAL, DE'I PHYIR, MA GRUB NA, DE DER THAL, DE YOD PA'I PHYIR, 'DOD NA, 'PHAGS RGYUD KYI NYER BSDOGS YIN PAR THAL, 'DOD PA'I PHYIR, KHYAB STE, BSAM GTAN GYI DNGOS GZHI'I SNYOMS 'JUG ZAG MED YIN NA 'PHAGS RGYUD KYI BSAM GTAN GYI DNGOS GZHI'I SNYOMS 'JUG YIN DGOS PA'I PHYIR, MDZOD LAS, ZAG MED 'JIG RTEN 'DAS PA'O, ,ZHES GSUNGS PA'I PHYIR, KHO NA RE, SPANG BYA CIG CAR BA'I RGYUN @11B ZHUGS ZHUGS PA'I RGYUD KYI SDUG KUN GNYIS LA RAGS PA DANG 'GOG LAM GNYIS LA ZHI BA'I RNAM PAR BLTAS NAS SGOM PAR BYED PA'I MKHYEN PA CHOS CAN, ZHI RAGS KYI RNAM PA CAN GYI BSAM GTAN DANG PO'I NYER BSDOGS MA YIN PAR THAL, BSAM GTAN DANG PO'I NYER BSDOGS MI LCOGS MED YIN PA'I PHYIR, ,BDEN PA'I RNAM PA CAN GYI BSAM GTAN DANG PO'I NYER BSDOGS YIN PA'I PHYIR, CHOS CAN DE'I PHYIR, 'DOD NA, DE YIN PAR THAL, BDEN BZHI LA ZHI RAGS SU BLTAS NAS SGOM PAR BYED PA'I BSAM GTAN DANG PO'I NYER BSDOGS YIN PA'I PHYIR NA MA KHYAB, RE ZHIG DOGS PA NI, BSAM GTAN DANG PO'I NYER BSDOGS YID LA BYED PA'I LAS DANG PO THOB, NYON MONGS RNAM SPYONG GI BSAM GTAN DANG PO'I NYER BSDOGS MA THOB PA'I GANG ZAG GI RGYUD KYI BSAM GTAN DANG PO'I NYER BSDOGS YIN NA, BSAM GTAN DANG PO'I NYER BSDOGS LAS DANG PO'I YID BYED YIN PAS MA KHYAB PAR THAL, BSAM GTAN DANG PO'I NYER BSDOGS SBYOR BA MTHA'I YID BYED THOB, DE'I SBYOR BA MTHA'I 'BRAS BU YID BYED MA THOB PA'I GANG ZAG GI RGYUD KYI BSAM GTAN DANG PO'I NYER BSDOGS YIN NA, DE'I NYER BSDOGS SBYOR BA MTHA'I YID BYED YIN PAS MA KHYAB PA'I PHYIR NA MA KHYAB, MA GRUB NA, MTHONG LAM GYI SNGA ROL DU 'JIG RTEN PA'I SGOM SPANGS SU GYUR PA'I 'DOD NYON BRGYAD PA SPANGS PA'I 'BRAS BU THOD RGAL BA'I PHYIR 'ONG ZHUGS PA'I RGYUD KYI NYAN THOS KYI MTHONG LAM BAR CHAD MED LAM CHOS CAN, DER THAL, DE'I PHYIR, DE DER THAL, DE 'DRA'I ZHUGS PA DES BSAM GTAN DANG PO'I SBYOR BA MTHA'I YID BYED THOB, DE'I SBYOR BA MTHA'I 'BRAS BU YID BYED MA THOB PA'I PHYIR, DANG PO MA GRUB NA, DE CHOS CAN, DER THAL, DE LA BRTEN NAS 'JIG RTEN PA'I @12A *, ,SGOM SPANGS SU GYUR PA'I 'DOD NYON BRGYAD PA SPANGS PA'I PHYIR, MTHONG LAM GYI SNGA ROL DU DE SPANGS PA'I PHYIR, DE DER THAL, DE YOD PA'I PHYIR, DE'I SNGA ROL DU DE SPANGS PA'I 'BRAS BU THOD RGAL BA'I PHYIR 'ONG YOD PA'I PHYIR, DE 'DRA'I PHYIR 'ONG 'BRAS GNAS TSE GCIG BAR CHAD GCIG PA YOD PA'I PHYIR, MDZOD 'GREL LAS, SNGON RNAM PA GSUM DANG BZHI PA SPANGS BA'AM, BDUN DANG BRGYAD SPANGS PA 'BRAS BU THOB PA NI JI SRID DU 'BRAS BU KHYAD PAR CAN GYI LAM MNGON DU MA BYAS PA DE SRID DU RIGS NAS RIGS SU SKYE BA 'AM BAR CHAD GCIG PA MA YIN NO, ,ZHES GSUNGS PA'I PHYIR, RTZA RTAGS GNYIS PA GRUB STE, PHYIR 'ONG ZHUGS PA YIN PA'I PHYIR, RTZA BAR 'DOD NA, DE CHOS CAN, DE MA YIN PAR THAL, BSAM GTAN DANG PO'I NYER BSDOGS MI LCOGS MED YIN PA'I PHYIR, BAR CHAD MED LAM DU GYUR PA'I BSAM GTAN DANG PO'I NYER BSDOGS YIN PA'I PHYIR, KHA CIG, BSAM GTAN DANG PO'I NYER BSDOGS MOS PA YID BYED THOB PA DANG, LHAG MTHONG THOB PA, SGOM BYUNG GI BLO THOB PA RNAMS DUS MNYAM ZER NA, BSAM GTAN DANG PO'I NYER BSDOGS MOS PA YID BYED MA THOB BAR, LHAG MTHONG THOB PA MED PAR THAL, DAM BCA' 'THAD PA'I PHYIR, 'DOD NA, DE YOD PAR THAL, DE MA THOB PAR BSAM GTAN DANG PO'I NYER BSDOGS MI LCOGS MED THOB PA YOD PA'I PHYIR, DE YIN NA DE'I NYER BSDOGS YID BYED DRUG PO GANG RUNG MA YIN DGOS PA'I PHYIR, GZHAN YANG, DAM BCA' DE MI 'THAD PAR THAL, BSAM GTAN DANG PO'I NYER BSDOGS KYI THOG MA'I ZHI GNAS LA GNAS PA'I GANG ZAG DES SGOM BYUNG GI BLO THOB PA'I PHYIR, DES MNYAM GZHAG GI SAS BSDUS KYI DGE BA THOB PA'I PHYIR, KHYAB STE, MDZOD LAS, MNYAM PAR BZHAG @12B PA'I DGE BA NI, SGOM PA'O ZHES GSUNGS PA'I PHYIR, KHO NA RE, MNYAM GZHAG GI SAS BSDUS KYI DGE BA YIN NA, SGOM BYUNG GI BLO YIN DGOS PAR THAL, MNYAM PAR BZHAG PA'I DGE BA NI, ,SGOM PA'O ZHES GSUNGS PA'I PHYIR NA MA KHYAB, KHO NA RE; DAM BCA' DE 'THAD PAR THAL, RNAM BSHAD LAS, LHAG MTHONG THOG MAR THOB PA NI MOS PA LAS BYUNG BA'I YID BYED DE SGOM BYUNG NGO, ,ZHES GSUNGS PA'I PHYIR NA MA KHYAB STE, DE'I DON BSAM GTAN DANG PO'I NYER BSDOGS MTSAN NYID SO SOR RIG PA YID BYED LA GNAS PA'I GANG ZAG DES BSAM GTAN DANG PO'I NYER BSDOGS MOS PA YID BYED THOB PA, LHAG MTHONG THOB PA, 'DOD PA LA RAGS PA DANG, BSAM GTAN DANG PO LA ZHI BA'I MTSAN NYID DU SO SOR DPYOD PAR BYED PA'I SGOM BYUNG GI MYONG BA THOB PA RNAMS DUS MNYAM PA DE'I DON YIN PA'I PHYIR, KHA CIG ,RANG GI DMIGS PA LA 'BAD MED LHUN GRUB TU 'JUG NUS PA'I TING NGE 'DZIN DE ZHI GNAS KYI MTSAN NYID ZER NA, 'DOD SEMS RTZE GCIG PA'I TING NGE 'DZIN CHOS CAN, MTSON BYA DER THAL, MTSAN NYID DE'I PHYIR, CHOS CAN DE'I PHYIR, 'DOD NA, SHIN SBYANGS KYI BDE BAS ZIN PAR THAL LO, ,'DOD MI NUS TE, CHOS CAN DE'I PHYIR, KHO NA RE, DE SHIN SBYANGS KYI BDE BAS ZIN PAR THAL, DE DANG MTSUNGS LDAN GYI SHIN SBYANGS KYI BDE BA YOD PA'I PHYIR TE, DGE SEMS YIN NA RANG GI 'KHOR DU GYUR BA'I SHIN SBYANGS KYI BDE BA YOD DGOS PA'I PHYIR, MDZOD LAS, DAD DANG BAG YOD SHIN TU SBYANGS, BTANG SNYOMS NGO TSA SHES KHREL YOD, ,RTZA BA RNAM GNYIS MI 'TSE DANG, ,BRTZON 'GRUS RTAG TU DGE LA BYUNG, ,ZHES GSUNGS PA'I PHYIR NA MA KHYAB STE, DBANG SHES YIN NA RTOG PA CAS DPYOD BCAS YIN DGOS PAR THAL, MDZOD LAS, RTOG DANG DPYOD DANG BCAS PA NI, RNAM PAR @13A *, ,SHES PA'I KHAMS LNGA YIN, ,ZHES GSUNGS PA'I PHYIR, KHA CIG ,LUS SEMS SHIN SBYANGS KYI BDE BAS ZIN PA'I SGO NAS, RANG GI DMIGS PA LA 'BAD MED LHUN GRUB TU 'JUG PA'I TING NGE 'DZIN ZHI GNAS KYI MTSAN NYID ZER NA, GZUGS MED KHAMS PA'I GANG ZAG GI RGYUD KYI ZHI GNAS CHOS CAN, MTSAN NYID DER THAL, MTSON BYA DE'I PHYIR, 'DOD NA, DE NA LUS SEMS SHIN SBYANGS YOD PAR THAL LO, ,'DOD NA, DE NA REG BYA YOD PAR THAL LO, , KHYAB STE, LUS SHIN SBYANGS YIN NA REG BYA YIN DGOS PA'I PHYIR, DBUS MTHA'I 'GREL PA LAS, LUS KYI REG BYA'I KHYAD PAR DGA' BAS ZIN NA LUS SHIN TU SBYANGS PAR RIG PAR BYA STE, ZHES GSUNGS PA'I PHYIR, RTZA BAR 'DOD NA, DE NA GZUGS YOD PAR THAL LO, ,KHA CIG, SHIN SBYANGS KYIS ZIN PA'I SGO NAS RANG GI DMIGS PA LA 'BAD MED LHUN GRUB TU 'JUG PA'I BLO, ZHI GNAS KYI MTSAN NYID, ZER NA, ZHI GNAS DANG MTSUNGS LDAN GYI GTZO BO'I SEMS CHOS CAN, MTSON BYA DER THAL, MTSAN NYID DE'I PHYIR, 'DOD NA, TING NGE 'DZIN DU THAL, KHYAB STE, MDO SDE DKON MCHOG SPRIN LAS, ZHI GNAS NI SEMS RTZE GCIG PA'O, ,LHAG MTHONG NI YANG DAG PAR SO SOR RTOG PA'O, ,ZHES DANG, LAM RIM LAS, YANG DAG PA'I TING NGE 'DZIN LA BRTEN NAS SEMS 'JOG PA ZHI GNAS DANG, CHOS RAB TU RNAM PAR 'BYED PA'I SHES RAB LA LHAG MTHONG DU GSUNGS TE, ZHES GSUNGS PA'I PHYIR, KHA CIG ,ZHI GNAS KYI ? NAS RANG GI DMIGS PA LA SO SOR DPYOD PAR BYED PA'I SHES RAB LHAG MTHONG GI MTSAN NYID ZER NA, BSAM GTAN DANG PO'I NYER BSDOGS MTSAN NYID SO SOR RIG PA YID BYED DU GYUR PA'I SHES RAB CHOS CAN, MTSON BYA DER THAL, @13B MTSAN NYID DE'I PHYIR TE, CHOS CAN DE'I PHYIR, 'DOD NA, ,RANG GI DMIGS PA LA DPYAD STOBS KYIS DRANGS PA'I SHIN SBYANGS KYIS ZIN PA'I SGO NAS RANG YUL LA SO SOR DPYOD PAR BYED PA'I SHES RAB TU THAL LO, ,'DOD MI NUS TE, CHOS CAN DE'I PHYIR, KHA CIG ,DPYAD STOBS KYIS DRANGS PA'I LUS SEMS SHIN SBYANGS KYI BDE BAS ZIN PA'I SGO NAS RANG GI DMIGS PA LA SO SOR DPYOD PAR BYED PA'I SHES RAB DE, LHAG MTHONG GI MTSAN NYID ZER NA, GZUGS MED KHAMS PA'I GANG ZAG GI RGYUD KYI LHAG MTHONG CHOS CAN, MTSAN NYID DER THAL, MTSON BYA DE'I PHYIR, 'DOD NA, SNGAR BZHIN 'GOG ,KHA CIG ,DPYAD STOBS KYIS DRANGS PA'I SHIN SBYANGS KYIS ZIN PA'I SGO NAS RANG YUL LA SO SOR DPYOD PAR BYED PA'I BLO, LHAG MTHONG GI MTSAN NYID ZER NA, DE DANG MTSUNGS LDAN GYI GTZO BO SEMS CHOS CAN, MTSON BYA DER THAL, MTSAN NYID DE'I PHYIR, 'DOD NA, SHES RAB DU THAL LO, ,KHA CIG ,BSAM GTAN DANG PO'I NYER BSDOGS YID BYED DRUG PO DE LAM BZHIR 'DU STE, BSAM GTAN DANG PO'I NYER BSDOGS MTSAN NYID SO SOR RIG PA YID BYED DAD MOS PA YID BYED GNYIS SBYOR LAM DANG, RAB TU DBEN PA YID BYED DANG, SBYOR BA MTHA'I YID BYED GNYIS BAR CHAD MED LAM DANG, DPYOD PA YID BYED KHYAD PAR GYI LAM DANG, DGA' BSDUD PA YID BYED LAM BZHI CHAR GYIS BSDUS PA'I PHYIR, ZER NA, BSAM GTAN DANG PO'I NYER BSDOGS RAB TU DBEN PA YID BYED CHOS CAN, KHYOD RGYUD LDAN GYI PHYI ROL PA MED PAR THAL, KHYOD BAR CHAD MED LAM YIN PA'I PHYIR, KHA CIG ,BSAM GTAN DANG PO'I NYER BSDOGS DANG TSOR BA BDE BA'I GZHI MTHUN YOD ZER NA, DE MED PAR THAL, NYER BSDOGS KYI TSOR BA YIN NA, TSOR BA BTANG SNYOMS @14A *, ,YIN DGOS PA'I PHYIR, MDZOD LAS, DAG PA BDE MIN SDUG BSNGAL MIN, ,ZHES GSUNGS PA'I PHYIR, KHO NA RE, GSER 'PHRENG LAS, LUNG DE DRANGS NAS 'DI LA NYER BSDOGS KYI TSOR BA BTANG SNYOMS SU BSHAD PA NI, 'DIR MI GZUNG NGO, ,ZHES GSUNGS PA MI 'THAD PAR THAL, NYER BSDOGS KYI TSOR BA YIN NA, TSOR BA BTANG SNYOMS YIN DGOS PA'I PHYIR NA MA KHYAB, KHA CIG ,BSAM GTAN DANG PO'I NYER BSDOGS DANG TSOR BA BDE BA'I GZHI MTHUN YOD PAR THAL, BSAM GTAN DANG PO'I NYER BSDOGS DGA' BA SDUD PA YID BYED DU GYUR PA'I TSOR BA BDE BA YOD PA'I PHYIR, DE LA DGA' BA SDUD PA ZHES BRJOD PA'I RGYU MTSAN YOD PA'I PHYIR, ZER NA, 'O NA, BSAM GTAN BZHI PA'I NYER BSDOGS DGA' BA SDUD PA'I YID BYED DU GYUR PA'I TSOR BA BDE BA YOD PAR THAL, DE LA DE LTAR RJOD PA LA RGYU MTSAN YOD PA'I PHYIR, KHYAB PA KHAS, 'DOD MI NUS SO, ,GZHAN YANG, LAM RIM CHEN MO LAS, TSOR BA SIM PA'I RNAM PA CAN GYI DGA' BA DE NI SKABS 'DIR BSGRUB PAR BYA BA'I TING NGE 'DZIN GYI 'BRAS BU LA 'BYUNG YANG, BSAM GTAN DANG PO'I NYER BSDOGS KYIS BSDUS PA'I TING NGE 'DZIN DANG MTSUNGS LDAN DANG MI 'BYUNG ZHING, ZHES GSUNGS PA MI 'THAD PAR THAL; DAM BCA' 'THAD PA'I PHYIR, KHA CIG ,BSAM GTAN DANG PO'I NYER BSDOGS YIN NA DE'I SNYOMS 'JUG MA YIN DGOS TE, RNAM BSHAD SNYING PO'I RGYAN LAS, BSAM GTAN DANG GZUGS MED BSHAD PA LA, RGYU NGO BO 'BRAS BU, ZHES GSUNGS PA'I PHYIR, ZHES ZER NA, RGYUN ZHUGS ZHUGS PA'I RGYUD KYI NYAN THOS KYI MTHONG LAM BAR CHAD MED LAM CHOS CAN, BSAM GTAN DANG PO'I SNYOMS 'JUG MA YIN PAR THAL, DE'I NYER BSDOGS YIN PA'I PHYIR, @14B CHOS CAN DE'I PHYIR, RTZA BAR 'DOD NA, DE CHOS CAN, KHYOD DE YIN PAR THAL, KHYOD SNYOMS 'JUG GANG ZHIG ,KHYOD SNYOMS 'JUG YIN NA, KHYOD DE'I DE YIN DGOS PA'I PHYIR, DANG PO DER THAL, KHYOD SNYOMS 'JUG ZAG MED YIN PA'I PHYIR TE, KHYOD NYAN THOS KYI BAR CHAD MED LAM YIN PA'I PHYIR, ` RANG LUGS BZHAG PA NI, BSAM GTAN GZUGS MED KYI DNGOS GZHI'I SNYOMS 'JUG BSHAD PA LA, RGYU NGO BO 'BRAS BU GSUM LAS, DANG PO LA, GANG LA SKYE BA LUS RTEN BSHAD PA DANG, GANG LA BRTEN NAS SKYES PA'I SEMS RTEN DRUG DANG BCAS PA'I RTEN LA DE GSAR DU SKYE BA YOD DE, DE'I DANG, SA GONG 'OG GI RTEN GYI DBANG DU BYAS PA DANG, SKYE 'PHAGS KYI RTEN GYI DBANG DU BYAS PA GSUM, DANG PO NI, NGAN SONG GSUM DANG, SGRA MI SNYAN PA'I RTEN LA BSAM GTAN GZUGS MED KYI DNGOS GZHI'I SNYOMS 'JUG GSAR DU SKYE BA MED DE, DE RNAMS BSAM GTAN GZUGS MED KYI DNGOS GZHI'I SNYOMS 'JUG GSAR DU SKYE BA'I BGEGS SU GYUR PA'I RNAM SMIN GYI SGRIB PA SHAS CHEN PO DANG LDAN PA'I PHYIR, LHA MA YIN DANG ZA MA MA NING GI RTEN LA DE GSAR DU SKYE BA MED DE, DE RNAMS DER GYUR PA'I PHRAG DOG GI SGRIB PA SHAS CHEN PO DANG LDAN PA'I PHYIR; DES NA GLING GSUM GYI SKYES PA BUD MED 'DOD LHA RIGS DRUG DANG BCAS PA'I RTEN LA DE GSAR DU SKYE BA YOD DE, DE'I RTEN LA DE GSAR DU SKYE BA'I MTHUN RKYEN TSANG ZHING 'GAL RKYEN DANG BRAL BA YOD PA'I PHYIR, GNYIS PA NI 'DOD PA LA SOGS PA SA 'OG MA 'OG MA'I RTEN LA GONG MA GONG MA'I SNYOMS 'JUG GSAR DU SKYE BA YOD DE, 'DOD PA'I RTEN LA BSAM GTAN DANG PO'I DNGOS GZHI'I SNYOMS 'JUG GSAR DU SKYE BA YOD PA NAS CI YANG MED KYI RTEN LA @15A *, ,SRID RTZE'I DE GSAR DU SKYE BA YOD PA'I PHYIR, RANG SA'I RTEN LA RANG SA'I SNYOMS 'JUG GSAR DU SKYE BA MED DE, BSAM GTAN DANG PO'I RTEN LA BSAM GTAN DANG PO'I SNYOMS 'JUG GSAR DU SKYE BA MED PA NAS, KYANG, BSAM GTAN GNYIS PA'I DE MA THOB PA'I 'PHAGS PA YOD DE, PHYIR, DE'I RTEN LA DE'I NYER BSDOGS SGOM PA MED PA'I PHYIR, BSAM GTAN GNYIS PA'I RTEN LA BSAM GTAN DANG PO'I SNYOMS 'JUG MNGON DU BYAS PA YOD DE, BSAM GZUGS BRGYAD THOB PA'I BSAM GTAN GNYIS PA BA YOD PA'I PHYIR, GSUM PA LA BSAM GTAN DANG PO'I DNGOS GZHI THOB PA'I SO SKYE YOD DE, BSAM GZUGS BRGYAD KA THOB PA'I SO SKYE YOD PA'I PHYIR TE, SRID RTZER SKYE BA LEN MA MYONG BA'I SEMS CAN MED PA'I PHYIR, BSAM GTAN DANG PO'I DNGOS GZHI MA THOB PA'I 'PHAGS PA YOD DE, RGYUN ZHUGS ZHUGS 'BRAS, PHYIR 'ONG ZHUGS 'BRAS, 'DOD NYON DGU PA'I DNGOS GNYEN BAR CHAD MED LAM LA BRTEN NAS PHYIR MI 'ONG GI 'BRAS BU THOB MA THAG PA'I PHYIR MI 'ONG 'BRAS GNAS, DGRA BCOM THOB MA THAG PA'I SPANG BYA CIG CAR BA'I DGRA BCOM 'BRAS GNAS GANG RUNG YIN NA, BSAM GTAN DANG PO'I DNGOS GZHI'I SNYOMS 'JUG MA THOB DGOS PA'I PHYIR, BSAM GTAN DANG PO'I DNGOS GZHI THOB KYANG, BSAM GTAN GNYIS PA'I DE MA THOB PA'I 'PHAGS PA YOD DE, ZHI RAGS GYI RNAM PA CAN GYI 'JIG RTEN PA'I LAM LA BRTEN NAS PHYIR MI 'ONG GI 'BRAS BU THOB MA THAG PA'I GANG ZAG DES BSAM GTAN DANG PO'I DE THOB KYANG, BSAM GTAN GNYIS PA'I DE MA THOB PA'I PHYIR, BYANG SEMS YIN NA BSAM GTAN GYI NYER BSDOGS THOB PAS KHYAB STE, DE YIN NA ZHI LHAG ZUNG 'BREL THOB PAS KHYAB PA'I PHYIR, @15B TSOGS LAM CHEN PO YAN CHAD LA GNAS PA'I SEMS DPA' YIN NA RNAMS RANG GI 'OG SA LAS 'DOD CHAGS DANG BRAL BYED YIN CING, YIN NA CHOS RGYUN GYI TING NGE 'DZIN THOB PAS KHYAB PA'I PHYIR, GNYIS PA LA NYER BSDOGS KYI RNAM GZHAG SPYIR BSTAN PA, BSAM GTAN DANG PO'I NYER BSDOGS BYE BRAG TU BSHAD PA, NYER BSDOGS LHAG MA RNAMS KYANG DE DANG MTSUNGS PAR BSTAN PA GSUM, DANG PO NI SPYIR NYER BSDOGS LA BRGYAD YOD DE, BSAM GTAN DANG PO'I NYER BSDOGS NAS, SRID RTZE'I NYER BSDOGS KYI BAR BRGYAD YOD PA'I PHYIR, NYER BSDOGS KYI TSOR BA YIN NA TSOR BA BTANG SNYOMS YIN PAS KHYAB CING, NYER BSDOGS PHAL CHER DAG PA BA DANG BSAM GTAN DANG PO'I NYER BSDOGS LA DAG PA BA DANG ZAG MED GNYIS YOD DE, BSAM GTAN DANG PO'I NYER BSDOGS LA BRTEN NAS RANG GI NGO SKAL GYI SPANG BYA'I SA BON SPONG BA YOD PA'I PHYIR, SDE PA KHA CIG, DE LA DAG PA BA ZAG MED, NYON MONGS CAN GSUM DU YOD ZER, ,DE SKAD DU YANG MDZOD LAS, DE DAG LA NI NYER BSDOGS BRGYAD, ,DAG PA BDE MA NI SDUG BSNGAL MIN, ,DANG PO 'PHAGS PA'ANG ZHES BSHAD PA'I PHYIR, RANG LUGS NI NYER BSDOGS NYON MONGS CAN MED DE, NYER BSDOGS RNAMS RANG GI 'OG SA LAS 'DOD CHAGS DANG BRAL BYED YIN CING, NYER BSDOGS NYON MONGS CAN GYIS DE DANG BRAL BAR BYED MI NUS PA'I PHYIR, NYER BSDOGS KYI SAS BSDUS SHING RANG GI THOB BYAR GYUR PA'I BSAM GTAN GYI DNGOS GZHI'I SNYOMS 'JUG 'THOB BYED KYI THABS SU GYUR PA'I BSAM GTAN GYI SAS BSDUS KYI DGE BA'I RIG PA DE, BSAM GTAN GYI NYER BSDOGS KYIS TSAN NYID, DBYE NA BZHI, NYER BSDOGS KYI SAS BSDUS SHING RANG GI THOB BYAR GYUR PA'I @16A *, ,GZUGS MED KYI DNGOS GZHI'I SNYOMS 'JUG 'THOB BYED KYI THABS SU GYUR PA'I GZUGS MED KYI SAS BSDUS KYI DGE BA'I RIG PA DE, GZUGS MED KYI NYER BSDOGS KYI MTSAN NYID, DBYE NA BZHI, GNYIS PA BSAM GTAN DANG PO'I NYER BSDOGS BYE BRAG TU BSHAD PA LA, MTSAN NYID, DBYE BA, SO SO'I RANG BZHIN, YID BYED DRUG 'JIG RTEN PA'I LAM BZHIR BSDU TSUL LO, ,DANG PO NI, NYIR BSDOGS KYI SAS BSDUS SHING, RANG GI THOB BYAR GYUR PA'I BSAM GTAN DANG PO'I DNGOS GZHI'I SNYOMS 'JUG 'THOB BYED KYI THABS SU GYUR PA'I BSAM GTAN DANG PO'I SAS BSDUS KYI DGE BA'I RIG PA DE, DE'I MTSAN NYID, DBYE NA BSAM GTAN DANG PO'I NYER BSDOGS YID LA BYED PA LAS DANG PO BA DANG, NYON MONGS RNAM SBYONG GI BSAM GTAN DANG PO'I NYER BSDOGS GNYIS YOD DE, NYAN SA LAS, DE LA YID LA BYED PA'I LAS DANG PO BAS NI, RTZE GCIG TU BYA BA NYID LA JI SRID DU YID LA BYED PA MA THOB CING, SEMS RTZE GCIG PA NYID LA MA REG GI BAR DU LAS DANG PO BA YIN NO, ,DE LA NYON MONGS RNAM PAR SBYONG BA'I LAS DANG PO PA NI YID LA BYED PA THOB PA NYON MONGS PA RNAMS LAS SEMS SBYONG BAR 'DOD PA'I MTSAN NYID SO SOR RIG PA'I YID LA BYED PA GANG YIN PA LAS BRTZAMS SHING LEN PA LA GOMS PA GANG YIN PA STE, ZHES GSUNGS PA'I PHYIR, NYON MONGS RNAM SBYONG GI BSAM GTAN DANG PO'I NYER BSDOGS THOB PA LAB BSAM GTAN DANG PO'I NYER BSDOGS YID LA BYED PA'I LAS DANG PO 'THOB PA SNGON DU 'GRO DGOS TE, NYON MONGS RNAM SBYONG GI BSAM GTAN DANG PO'I NYER BSDOGS DANG, LHAG MTHONG GIS BSDUS PA'I BSAM GTAN DANG PO'I NYER BSDOGS DON GCIG ,BSAM GTAN DANG PO'I NYER BSDOGS YID LA BYED PA'I LAS DANG PO BA DANG, ZHI GNAS 'BA' ZHIG GIS BSDUS PA'I @16B BSAM GTAN DANG PO'I NYER BSDOGS DON GCIG LHAG MTHONG GIS BSDUS PA'I BSAM GTAN DANG PO'I NYER BSDOGS THOB PA LA, ZHI GNAS KYIS BSDU SA PA'I BSAM GTAN DANG PO'I NYER BSDOGS THOB PA SNGON DU 'GRO DGOS PA'I PHYIR TE, NYER BSDOGS KYIS BSDUS PA'I LHAG MTHONG THOB PA LA ZHI GNAS THOB PA SNGON DU 'GRO DGOS PA'I PHYIR, SPYOD 'JUG LAS, ZHI GNAS RAB TU LDAN PA'I LHAG MTHONG GIS, ,NYON MONGS RNAM PAR 'JOMS PAR SHES BYA STE, THOG MAR ZHI GNAS BTZAL BYA ZHES DANG, DKON MCHOG BRTZEGS PA LAS, TSUL KHRIMS LA NI GNAS NAS TING NGE 'DZIN THOB TE, TING NGE 'DZIN THOB NAS KYANG SHES RAB SGOM PAR BYED, CES DANG, SGOM RIM BAR PA LAS, DE LTA BAS NA SGRIB PA MTHA' DAG SPANGS NAS YONGS SU DAG PA'I YE SHES 'BYUNG BAR 'DOD PAS, ZHI GNAS LA GNAS NAS SHES RAB BSGOM PAR BYA'O, ,ZHES GSUNGS PA'I PHYIR, 'O NA, LHAG MTHONG THOB PA LA ZHI GNAS SNGON DU 'GRO DGOS NA, ZHI GNAS SGRUB TSUL DE GANG ZHE NA 'DI LA DBUS MTHA' LAS GSUNGS TSUL DANG, MDO SDE RGYAN DANG KUN BTUS LAS GSUNGS TSUL GNYIS, DANG PO NI NYES PA LNGA'I GNYEN POR SPONG BA'I 'DU BYED BRGYAD BSTEN PA'I SGO NAS ZHI GNAS SGRUB PA YIN TE, DBUS MTHA' LAS, NYES PA LNGA SPONG 'DU BYED BRGYAD, BSTEN PA'I RGYU LAS BYUNG BA'O, ,ZHES GSUNGS PA'I PHYIR, GNYIS PA NI, SEMS GNAS PA'I THABS DGU LA PA RTEN NAS ZHI GNAS SGRUB PAR GSUNGS TE KUN BTUS LAS, ZHI GNAS GANG ZHEN, 'DI LTA STE, NANG NYID LA SEMS 'JOG PA DANG, RGYUN DU 'JOG PA DANG, SLAN STE 'JOG PA DANG, NYE BAR 'JOG PA DANG, DUL BAR BYED PA DANG, ZHI BAR BYED PA DANG, RNAM PAR ZHI BAR BYED DANG, RTZE GCIG TU BYED PA DANG, MNYAM PAR 'JOG PA'O, ,ZHES GSUNGS, NANG @17A *, ,NYID DU 'JOG PA NI, DANG POR LHA SKU LA SOGS PA DMIGS PA GANG YANG RUNG BA LA SEMS GTAD DE SGOM PAR BYED PA'I TING NGE 'DZIN LA 'JOG ,GNYIS PA NI, DMIGS PA 'PHRO MTHUD DE SGOM PAR BYED PA'I TING NGE 'DZIN GCIG LA 'JOG ,GSUM PA NI, SEMS SNGAR GYI DMIGS PA LAS G-YENG BA'I TSE SLAR YANG SEMS SNGAR GYI DMIGS PA LA GTAD DE SGOM PAR BYED PA'I TING NGE 'DZIN GCIG LA 'JOG ,BZHI PA NI, DMIGS PA GONG 'PHEL DU BTANG STE SGOM PAR BYED PA'I TING NGE 'DZIN GCIG LA 'JOG ,LNGA PA NI, TING NGE 'DZIN SGOM PA'I TSE BYID BA BYUNG NA TING NGE 'DZIN GYI YON TAN BSAM PA'I SGO NAS TING NGE 'DZIN SGOM PA LA DGA' BA'I SPRO PA BSKYED DE SEMS DMIGS PA LA 'DZIN PAR BYED PA'I TING NGE 'DZIN GCIG LA BYED, DRUG PA NI, TING NGE 'DZIN SGOM PA'I TSE RGOD PA BYUNG BA NA RNAM G-YENG GI NYES DMIGS YID LA BSAM PA'I SGO NAS TING NGE 'DZIN SGOM PA LA MI DGA' BA ZHI BAR BYAS TE, SEMS DMIGS PA LA 'DZIN PAR BYED PA'I TING NGE 'DZIN GCIG LA BYED, BDUN PA NI, TING NGE 'DZIN SGOM PA'I TSE BA RNA BA SEMS DANG YID MI BDE BA BYUNG BA NA DE MA THAG ZHI BAR BYAS TE GOM PAR BYED PA'I TING NGE 'DZIN LA BYED, BRGYAD PA NI, 'BAD RTZOL DANG BCAS PA'I SGO NAS RANG GI DMIGS PA LA JI LTAR 'DOD 'DOD DU 'JOG PA'I TING NGE 'DZIN LA BYED, DGU PA NI, 'BAD MED LHUN GRUB TU RANG GI DMIGS PA LA JI LTAR 'DOD 'DOD DU 'JOG PA'I TING NGE 'DZIN LA BYED, 'DI LA 'DOD SEMS RTZE GCIG PA'I TING NGE 'DZIN ZHES KYANG BYA, 'BAD MED LHUN GRUB TU RANG GI DMIGS PA LA JI LTAR 'DOD 'DOD DU MNYAM PAR BZHAG PA'I NGANG NAS SHIN SBYANGS KYIS ZIN PA'I BDE BA THOB PA ZHI GNAS THOB PA DANG, BSAM GTAN DANG PO'I NYER BSDOGS THOB PA DANG, SGOM BYUNG GI BLO THOB PA DANG, GONG SA'I SHES PA THOB PA RNAMS DUS MNYAM @17B ZHES BYA STE, MDO SDE RGYAN LAS DMIGS PA LA NI SEMS GTAD NAS, DE RGYUN RNAM PAR G-YENG MI BYA, ,RNAM G-YENG MYUR DU RTOGS BYAS NAS, ,DE LA SLAR NI BSLAN PAR BYA, ,BLO LDAN GONG NAS GONG DU YANG, ,SEMS NI NANG DU BSDU BAR BYA, ,DE NAS YON TAN MTHONG PA'I PHYIR, ,TING NGE 'DZIN LA SEMS 'DUL LO, ,RNAM G-YENG NYES PA MTHONG BA'I PHYIR, ,DE LA MI DGA' ZHI BAR BYA, ,CHAGS SEMS YID MI BDE LA SOGS, ,LANGS PA DE BZHIN ZHI BAR BYA, ,DE NAS SDOM BRTZON CAN GYIS NI, ,SEMS LA MNGON PAR 'DU BYED BCAS, ,RANG GI RANG GIS 'BYUNG BA THOB, ,DE GOMS PA LAS 'DU MI BYED, ,DE NAS DE YI LUS DANG SEMS, ,SHIN TU SBYANGS PA CHE THOB NAS, ,YID LA BYED DANG BCAS CES BYA, ,DE YI DE NI SPEL BYAS NAS, ,'PHEL BA RING DU 'GRO BA YI, ,DNGOS GZHI'I GNAS PA DE THOB BO, ,ZHES GSUNGS PA'I PHYIR, DE YANG, DMIGS PA LA NI SEMS GTAD NAS, ,ZHES PAS, NANG NYID DU 'JOG PA DE BSTAN, DE RGYUN RNAM PAR G-YENG MI BYA, ,ZHES PAS, RGYUN DU 'JOG PA DE BSTAN, RNAM G-YENG MYUR DU RTOGS BYAS NAS, , DE LA SLAR NI BSLAN PAR BYA, ,ZHES PAS, BSLAN STE 'JOG PA DE BSTAN, BLO LDAN GONG NAS GONG DU YANG, SEMS NI NANG DU BSDU BAR BYA ZHES PAS NYE BAR 'JOG PA DE BSTAN, DE NAS YON TAN MTHONG BA'I PHYIR, ,TING NGE 'DZIN LA SEMS 'DUL LO, ,ZHES PAS; DUL PAR BYED PA DE BSTAN, RNAM G-YENG NYES PA MTHONG BA'I PHYIR, ,DE LA MI DGA' ZHI BAR BYA, ,ZHES PAS, ZHI BAR BYED PA DE BSTAN CHAGS SEMS YID MI BDE LA SOGS, ,ZHES SOGS RKANG PA GNYIS KYIS NI, ,RNAM PAR ZHI BAR BYED PA DE BSTAN, DE NAS SDOM BRTZON CAN GYIS NI, ,ZHES SOGS RKANG PA GSUM GYIS NI, ,RTZE GCIG TU 'DZAG PA DE BSTAN, DE GOMS PA LAS 'DU MI BYED, ,CES PAS, MNYAM PAR 'JOG PA DE BSTAN, DE NAS DE YI LUS DANG SEMS, ,ZHES SOGS RKANG PA GSUM GYIS, @18A *, ,ZHI GNAS DANG BSAM GTAN DANG PO'I NYER BSDOGS THOB PA'I 'TSAMS DE BSTAN, DE YI DE NI SPEL BYAS NAS, ,ZHES SOGS RKANG PA GNYIS KYIS, BSAM GTAN DANG PO'I NYER BSDOGS LHAG MA RNAMS BSTAN CING, DNGOS GZHI'I GNAS PA DES THOB BO, ,ZHES PAS, BSAM GTAN DANG PO'I DNGOS GZHI'I SNYOMS 'JUG BSTAN PA YIN NO, ,KHO NA RE, LHAG MTHONG THOB PA LA ZHI GNAS THOB PA SNGON DU 'GRO DGOS NA, KUN BTUS LAS, LA LAS NI LHAG MTHONG THOB PA YIN GYI ZHI GNAS NI MA YIN TE, DE LHAG MTHONG LA BRTEN NAS ZHI GNAS LA BRTZON PAR BYED DO, ,ZHES PA DANG 'GAL LO ZHE NA, SKYON MED DE, BDEN BZHI MNGON SUM DU RTOGS PA'I BSAM GTAN DANG PO'I NYER BSDOGS KYIS BSDUS PA'I LHAG MTHONG LA BRTEN NAS BDEN BZHI MNGON SUM DU RTOGS PA'I BSAM GTAN DANG PO'I DNGOS GZHI'I SNYOMS 'JUG GIS BSDUS PA'I ZHI GNAS SGRUB DGOS PA LUNG DE'I DON YIN PA'I PHYIR, DE SKAD DU YANG SA'I DNGOS GZHI LAS, GZHAN YANG, SDUG BSNGAL RNAS LAM GYI BAR DU YANG DAG PA JI LTA BA BZHIN DU RAB TU SHES LA BSAM GTAN DANG PO LA SMOS PA NI MA SPOB STE, DE 'DUG MA THAG TU SEMS 'JOG STE, CHOS RAB TU RNAM PAR 'BYED PAR MI BYED DO, ,DE LHAG PA'I SHES RAB DE NYID LA BRTEN NAS LHAG PA'I SEMS LA SBYOR PAR BYED DO; ,ZHES GSUNGS, 'O NA, ZHI GNAS KYI NGO BO DE GANG ZHE NA, SHIN SBYANGS KYIS ZIN PA'I SGO NAS RANG GI DMIGS PA LA 'BAD MED LHUN GRUB TU 'JOG PA'I TING NGE 'DZIN, ,ZHI GNAS KYI MTSAN NYID, CI'I PHYIR ZHI GNAS ZHES BYA ZHEN, SEMS PHYI ROL GYI YUL LA 'PHRO BA ZHI NAS NANG DU DMIGS PA LA RTZE GCIG TU GNAS PAS NA, DE LTAR BRJOD PA'I PHYIR, ZHI GNAS KYI DANG NAS RANG GI DMIGS PA LA DPYAD STOBS KYIS DRANGS PA'I SHIN SBYANGS KYIS ZIN PA'I SGO NAS RANG YUL LA SO SOR DPYOD @18B PAR BYED PA'I SHES RAB DE LHAG MTHONG GI MTSAN NYID, CI'I PHYIR LHAG MTHONG ZHES BYA ZHE NA, LHAG PA DE DMIGS PA KHYAD PAR DU MTHONG BA'I RGYU MTSAN GYIS BRJOD PA'I PHYIR, NYON MONGS RNAM SBYONG GI BSAM GTAN DANG PO'I NYER BSDOGS LA DBYE NA BSAM GTAN DANG PO'I NYER BSDOGS MTSAN NYID SO SOR RIG PA'I YID BYED NAS, SBYOR BA MTHA'I YID BYED KYI BAR DRUG YOD DE, DE SKAD DU LANG, KUN BTUS LAS, YID LA BYED PA BDUN GYIS BSAM GTAN DANG PO LA SNYOMS PAR 'JUG STE, YID LA BYED PA BDUN GANG ZHE NA, MTSAN NYID RAB TU RIG PA'I YID LA BYED PA DANG, MOS PA LAS BYUNG BA DANG, RAB TU DBE NA PA DANG, DGA' BA BSDUS PA DANG, DPYOD PA DANG, SBYOR BA MTHA' DANG, SBYOR BA MTHA'I 'BRAS BU YID LA BYED PA'O, ,ZHES GSUNGS, BSAM GTAN DANG PO'I SBYOR BA MTHA'I 'BRAS BU YID BYED DANG, NYER BSDOGS KYI GZHI MTHUN YOD DAM ZHE NA, MDZOD PA'I LUGS LA YOD DE, BSAM GTAN DANG PO'I SBYOR PA MTHA'I 'BRAS BU YID BYED DE LA NYER BSDOGS DANG DNGOS GZHI'I TSOR BA GNYIS SU YOD PA'I PHYIR TE, NYAN THOS DBANG RTUL GYI RGYUD KYI BSAM GTAN DANG PO'I SBYOR BA MTHA'I 'BRAS BU YID BYED BSAM GTAN DANG PO'I NYER BSDOGS DANG, NYAN THOS DBANG RNON GYI RGYUD KYI DE DE'I DNGOS GZHI'I SNYOMS 'JUG YIN PA'I PHYIR, BSAM GTAN DANG PO'I NYER BSDOGS DANG DNGOS GZHI'I TSOR BAS MI MTSUNGS PAS, NYAN THOS DBANG RTUL GYI RGYUD KYI DE BSAM GTAN DANG PO'I DNGOS GZHI'I NGO BOR BSKYED MI NUS, NYAN THOS DBANG RNON GYI DE DE LTAR BSKYED NUS PA'I PHYIR, BSAM GTAN BZHI PA'I NYER BSDOGS DANG SBYOR BA MTHA'I 'BRAS BU YID BYED KYI GZHI MTHUN MED DE, BSAM GTAN BZHI PA'I NYER BSDOGS DANG DNGOS GZHI SA MTSUNGS PAS, NYAN THOS DPANG RTUL GYI BSAM GTAN BZHI PA'I SBYOR BA MTHA'I 'BRAS BU YID BYED DE BSAM GTAN BZHI PA'I DNGOS GZHI'I @19A *, ,SNYOMS 'JUG GI NGO BOR SKYED NUS PA'I PHYIR TE, MDZOD LAS, SA GSUM RGYAL LA BSAM GTAN NAM, NYER BSDOGS LAS MTHA'I RNAM GROL LAM, ,GONG MA'I NYER BSDOGS LAS MIN 'PHAGS, ,BRGYAD KYIS RANG GONG SA LAS RGYAL, ,ZHES GSUNGS PA'I PHYIR, RANG LUGS NI, BSAM GTAN DANG PO'I NYER BSDOGS DANG SBYOR BA MTHA'I 'BRAS BU YID BYED KYI GZHI MTHUN MED DE, DE'I SBYOR BA MTHA'I 'BRAS BU'I YID BYED YIN NA, DE'I DNGOS GZHI'I SNYOMS 'JUG YIN DGOS PA'I PHYIR, DE YIN NA BSAM GTAN DANG PO'I DNGOS GZHI'I SNYOMS 'JUG YIN DGOS KYANG, BSAM GTAN DANG PO'I DNGOS GZHI'I SNYOMS 'JUG YIN NA, DE YIN MI DGOS TE, PHRA BA CHOS NYID KYI STOBS KYIS THOB PA'I BSAM GTAN DANG PO'I DNGOS GZHI'I SNYOMS 'JUG DANG, SPANG BYA CIG CAR BA'I NYAN THOS DGRA BCOM PA'I RGYUD KYI BSAM GTAN DANG PO'I DNGOS GZHI'I SNYOMS 'JUG RNAMS BSAM GTAN DANG PO'I SBYOR BA MTHA'I 'BRAS BU YID BYED MA YIN PA'I PHYIR TE, DE YIN NA RANG GI NYER LEN DU GYUR PA'I BSAM GTAN DANG PO'I NYED BSDOGS SBYOR BA MTHA'I YID BYED LAS BYUNG BAS KHYAB PA'I PHYIR, SO SO'I RANG BZHIN NI, BSAM GTAN DANG PO'I NYER BSDOGS YID LA BYED PA'I LAS DANG PO BA NI SEMS GNAS PA'I THABS DGU LA BRTEN NAS RANG GI DMIGS PA LA JI LTAR 'DOD 'DOD DU 'JOG PA'I ZHI GNAS RKYANG PA RGYUN CHAGS PA CIG LA BYED, ZHI GNAS DE'I DANG NAS 'DOD PA LA RAG PA DANG, BSAM GTAN DANG PO LA ZHI BA'I MTSAN NYID DU THOS BSAM GYIS DPYOD PAR BYED CING, DE LTAR DA PHYAD STOBS KYIS DRANGS PA'I LUS SEMS SHIN SBYANGS KYI BDE BAS MA ZIN PA'I LHAG MTHONG RJES MA THUN BA GCIG LA BSAM GTAN DANG PO'I NYER BSDOGS MA TSAN NYID SO SOR RIG PA YID BYED DU 'JOG DE LTA BU'I MTSAN @19B NYID SO SOR RIG PA YID BYED DE GOMS PAR BYAS PA LA BRTEN NAS, 'DOD PA LA RAGS PA DANG, BSAM GTAN DANG PO LA ZHI PA'I RNAM PAR SO SOR RTOG PA'I SHES RAB KYIS DPYOD PAR BYED CING, DE LTAR DPYAD STOBS KYIS DRANGS PA'I LUS SEMS SHIN SBYANGS KYI BDE BAS ZIN PA NA BSAM GTAN DANG PO'I NYER BSDOGS MOS PA YID BYED THOB PA DANG, GANG ZAG DES LHAG MTHONG THOB PA ZHI LHAG ZUNG 'BREL THOB PA, 'DOD PA LA RAGS PA DANG, BSAM GTAN DANG PO LA ZHI BA'I RNAM PAR SO SOR RTOG PA'I SHES RAB KYIS DPYOD PAR BYED PA'I SGO MA BYUNG GI BLO THOB PA RNAMS DUS MNYAM, DE LTA BU'I ZHI LHAG ZUNG 'BREL GYI TING NGE 'DZIN GOMS PAR BYAS PA LA BRTEN NAS, 'JIG RTEN PA'I SGOM SPANG DU GYUR PA'I 'DOD NYON CHEN PO'I CHEN PO'I DNGOS GNYEN BYED PA'I NUS PA THOB PA NA, BSAM GTAN DANG PO'I NYER BSDOGS RAB TU DBEN PA YID BYED THOB PAR 'JOG ,DE LA DRUG YOD DE, 'JIG RTEN PA'I SGOM SPANG DU GYUR PA'I 'DOD NYON CHEN PO SKOR GSUM GYI RIM PA BZHIN DU DNGOS GNYEN BYED PA'I 'JIG RTEN PA'I BAR CHAD MED LAM CHUNG DU SKOR GSUM DANG, DE GSUM RIM BZHIN DU SPANGS PA'I 'JIG RTEN PA'I SGOM LAM RNAM GROL LAM CHUNG DU SKOR GSUM TE DRUG YOD PA'I PHYIR, DE'I RJES SU 'JIG RTEN PA'I SGOM SPANG DU GYUR PA'I 'DOD NYON 'BRING GI CHEN PO'I DNGOS GNYEN BYED NUS PA'I NUS BA THOB PA NA, BSAM GTAN DANG PO'I NYER BSDOGS DGA' BA SDUD PA YID BYED 'THOB PAR 'JOG ,DE LA DRUG YOD DE, 'JIG RTEN PA'I SGOM SPANG DU GYUR PA'I 'DOD NYON 'BRING SKOR GSUM GYI RIM BZHIN DU DNGOS GNYEN BYED PA'I 'JIG RTEN PA'I SGOM LAM BAR CHAD MED LAM 'BRING SKOR GSUM DANG, DE GSUM RIM BZHIN DU SPANG PA'I 'JIG RTEN PA'I SGOM LAM RNAM GROL LAM 'BRING SKOR GSUM TE DRUG YOD @20A *, ,PA'I PHYIR, DE LTAR 'JIG RTEN PA'I SGOM SPANG DU GYUR PA'I 'DOD NYON DRUG PA SPANGS PA NA, 'DOD NYON SPANGS SAM SNYAM PA 'BYUNG BAS NYON MONGS SKYE SLA BA'I MTSAN MA YID LA BYAS TE, 'DOD NYON SPANGS SAM MA SPANGS SNYAM DU DPYOD PAR BYED PA'I YID BYED CIG LA BSAM GTAN DANG PO'I NYER BSDOGS DPYOD PA DE NYID 'JOG ,DE LTAR DPYAD PAS 'DOD NYON CHUNG DU SKOR GSUM MA SPANGS PAR MTHONG NAS 'JIG RTEN PA'I SGOM SPANG DU GYUR PA'I 'DOD NYON CHUNG NGU'I CHEN PO'I DNGOS GNYEN BYED PA'I NUS PA THOB PA NA, BSAM GTAN DANG PO'I NYER BSDOGS SBYOR BA MTHA'I YID BYED THOB PAR 'JOG ,DE LA LNGA YOD DE 'JIG RTEN PA'I SGOM SPANG DU GYUR PA'I 'DOD NYON CHUNG DU SKOR GSUM GYI RIM BZHIN DU DNGOS GNYEN BYED PA'I 'JIG RTEN PA'I SGOM LAM BAR CHAD MED LAM CHEN PO SKOR GSUM DANG, 'JIG RTEN PA'I SGOM SPANG DU GYUR PA'I 'DOD NYON CHUNG NGU'I CHEN PO DANG CHUNG NGU'I 'BRING GNYIS RIM PA BZHIN DU SPANGS PA'I 'JIG RTEN PA'I SGOM LAM RNAM GROL LAM CHEN PO'I CHUNG DU DE'I 'BRING GNYIS TE LNGA YOD PA'I PHYIR, BSAM GTAN DANG PO'I NYER BSDOGS SBYOR BA MTHA'I YID BYED DU GYUR PA'I 'JIG RTEN PA'I SGOM LAM RNAM GROL LAM CHEN PO'I CHEN PO MED DE, BSAM GTAN DANG PO'I NYER BSDOGS SBYOR BA MTHA'I YID BYED LA BRTEN NAS 'JIG RTEN PA'I SGOM SPANG DU GYUR PA'I 'DOD NYON CHUNG NGU'I CHUNG DU SPANGS PA NA, BSAM GTAN DANG PO'I SBYOR BA MTHA'I 'BRAS BU YID BYED THOB PA'I PHYIR, DE LTAR YANG NYAN SA LAS, DE LA MTSAN NYID SO SOR RIG PA'I YID LA BYED PAS NI SPANG BAR BYA BA GANG YIN PA YANG YONGS SU SHES PAR BYED THOB PAR BYA BA GANG YIN PA DE YANG YONGS SU NGES PAR BYED CING SPANG PAR BYA BA SPANGS PA DANG, THOB PAR BYA BA THOB PAR BYA BA'I PHYIR SEMS GTANG @20B PAR YANG BYED DO, ,MOS PA LAS BYUNG BA'I YID LA BYED PAS NI SPANG BAR BYA BA DANG THOB PAR BYA BA'I PHYIR YANG DAG PAR BRTZON PAR SBYOR BAR BYED DO, ,RAB TU DBEN PA YID LA BYED PAS NI NYON MONGS CHEN PO SPONG BAR BYED DO, ,DGA' BA SDUD PA YID LA BYED PAS NI NYON MONGS PA'I RNAM PA 'BRING SPONG BAR BYED DO, ,DPYOD PA YID LA BYED PAS NI, MNGON PA'I NGA RGYAL MED PA LA SEMS 'JOG PAR BYED DO, ,SBYOR BA MTHAR THUG PA'I YID LA BYED PAS NI NYON MONGS PA'I RNAM PA CHUNG NGU SPONG BAR BYED DO, ,SBYOR BA MTHAR THUG PA'I 'BRAS BU YID LA BYED PAS NI RNAM PA DE DAG BSGOM PA'I 'BRAS BU NYAMS SU MYONG BAR BYED DO, ,ZHES GSUNGS PA'I PHYIR, SNGAR BSHAD PA'I YID BYED DRUG PO DE 'JIG RTEN PA'I LAM RNAM PA BZHIR 'DU BA YIN TE, YID BYED DANG PO GNYIS 'JIG RTEN PA'I SBYOR BA'I LAM DANG, RAB TU DBEN PA YID BYED DANG SBYOR BA MTHA'I YID BYED GNYIS BAR CHAD MED LAM DANG, DPYOD PA YID BYED KHYAD PAR CAN GYI LAM DANG, DGA' BA BSDUD PA YID BYED 'JIG RTEN PA'I LAM RNAM PA BZHI CHAR GYIS BSDUS PA'I PHYIR, DE LTAR YANG BSDU BA LAS, MTSAN NYID SO SOR RIG PA DANG MOS PA YID LA BYED PA NI SBYOR BA'I LAM GYIS BSDUS PA YIN NO, ,RAB TU DBEN PA DANG SBYOR BA MTHAR THUG PA GNYIS NI BAR CHAD MED LAM KYIS BSDUS PA YIN NO, ,DGA' BSDUD PA NI LAM RNAM PA BZHI CHAR GYIS BSDUS PA YIN NO, ,DPYOD PA YID LA BYED PA NI KHYAD PAR GYI LAM GYIS BSDUS PA KHO NA YIN NO, ,ZHES GSUNGS PA'I PHYIR, NYER BSDOGS LHAG MA RNAMS KYANG DE DANG MTSUNGS PAR BSTAN PA NI, DE BZHIN DU BSAM GTAN GNYIS PA NAS SRID RTZE'I PAR LA YANG YID BYED DRUG DRUG TU SHES PAR BYA STE, KUN BTUS LAS, BSAM GTAN DANG PO LA JI LTA BAR 'DU SHES MED MIN GYI SKYE MCHED KYI BAR LA @21A *, ,YANG DE BZHIN NO, ,ZHES GSUNGS PA'I PHYIR, BSAM GTAN GNYIS PA LTA BU LA MTSON NA, BSAM GTAN DANG PO LA RAGS PA DANG, GNYIS PA LA ZHI BA'I MTSAN NYID DU BLTAS NAS SGOM PAR BYED PA'I BSAM GTAN GNYIS PA'I NYER BSDOGS ZHI GNAS 'BA' ZHIG PA DE LA BSAM GTAN GNYIS PA'I NYER BSDOGS YID LA BYED PA'I LAS DANG POR 'JOG ,BSAM GTAN DANG PO LA RAGS PA DANG, GNYIS PA LA ZHI BA'I MTSAN NYID DU SO SOR DPYOD PAR BYED CING DE LTAR DPYAD STOBS KYIS DRANGS PA'I LUS SEMS SHIN SBYANGS KYI BDE BAS MA ZIN PA'I YID BYED CIG LA BSAM GTAN GNYIS PA'I NYER BSDOGS MTSAN NYID SO SOR RIG PA YID BYED DU 'JOG, DE LTAR DPYAD CING DPYAD STOBS KYIS DRANGS PA'I LUS SEMS SHIN SBYANGS KYI BDE BAS ZIN PA NA DE'I NYER BSDOGS MOS PA YID BYED THOB PAR 'JOG ,DE LTA BU GCIG GOMS PAR BYAS PA LAS 'JIG RTEN PA'I SGOM SPANG DU GYUR PA'I BSAM GTAN DANG PO'I NYON MONGS CHEN PO'I CHEN PO'I DNGOS GNYEN BYED PA'I NUS PA THOB PA NA DE'I NYER BSDOGS RAB TU DBEN PA YID BYED DE THOB PAR 'JOG ,DE LA DRUG YOD DE, DES GZHAN LHAG MA RNAMS LA YANG SHES PAR BYA'O, ,GNYIS PA NGO BO LA DPYAD PA LA, KHA CIG ,BSAM GTAN GYI DNGOS GZHI'I SAS BSDUS KYI SNYOMS 'JUG DE, BSAM GTAN GYI DNGOS GZHI SNYOMS 'JUG GI MTSAN NYID, GZUGS MED LA RIGS 'GRE ZER NA, RE ZHIG 'DU SHES MED PA'I SNYOMS 'JUG CHOS CAN, MTSO BYA DER THAL, MTSAN NYID DE'I PHYIR, MA GRUB NA, DER THAL, BSAM GTAN GYI DNGOS GZHI'I SAS BSDUS PA GANG ZHIG ,SNYOMS 'JUG YIN PA'I PHYIR, DANG PO DER THAL, DE BSAM GTAN GYI SAS BSDUS YIN PA'I PHYIR TE, DE BSAM GTAN BZHI PA'I SAS BSDUS YIN PA'I PHYIR, MDZOD LAS, DE BZHIN 'DU SHES MED @21B SNYOMS 'JUG ,BSAM GTAN MTHA' MAR 'BYUNG 'DOD PAS, ,ZHES GSUNGS PA'I PHYIR, GNYIS PA DER THAL, CHOS CAN DE'I PHYIR, RTZA BAR 'DOD MI NUS TE, CHOS CAN DE'I PHYIR, GNYIS PA LA, 'GOG PA'I SNYOMS 'JUG CHOS CAN, GZUGS MED KYI DNGOS GZHI'I SNYOMS 'JUG YIN PAR THAL, GZUGS MED KYI DNGOS GZHI'I SAS BSDUS PA GANG ZHIG ,SNYOMS 'JUG YIN PA'I PHYIR, DANG PO DER THAL, DE GZUGS MED KYI SAS BSDUS PA YIN PA'I PHYIR TE, DE SRID RTZE'I SA SA BSDUS PA YIN PA'I PHYIR TE, MDZOD LAS, 'DI GNAS DON DU SRID RTZER SKYE, ,ZHES GSUNGS PA'I PHYIR, GNYIS PA DER THAL, MTHAR GYIS GNAS PA'I SNYOMS 'JUG YIN PA'I PHYIR, DE DER THAL, MTHAR GYIS GNAS PA'I SNYOMS 'JUG DGU YOD PA'I PHYIR, KHA CIG GIS, ,YAN LAG GI SGO NAS RANG GI 'OG SA LAS 'DAS PA'I DGE SEMS RTZE GCIG PA MTSUNGS LDAN DANG BCAS PA DE BSAM GTAN GYI SNYOMS 'JUG GI MTSAN NYID ZER NA, BSAM GTAN GYI NYER BSDOGS CHOS CAN, MTSAN NYID DER THAL, MTSON BYA DE'I PHYIR, DER THAL, BSAM GTAN GYI NYER BSDOGS YIN PA'I PHYIR, 'DOD MI NUS TE, CHOS CAN DE'I PHYIR, KHA CIG GIS, YAN LAG GI SGO NAS RANG GI 'OG SA LAS 'DA' BAR BYED PA'I DGE SEMS RTZE GCIG PA MTSUNGS LDAN DANG BCAS PA DE, BSAM GTAN GYI SNYOMS 'JUG GI MTSAN NYID ZER NA, BSAM GTAN DANG PO'I DNGOS GZHI'I SNYOMS 'JUG CHOS CAN, MTSAN NYID DER THAL, MTSON BYA DE'I PHYIR, 'DOD MI NUS TE, CHOS CAN DE'I PHYIR, KHA CIG GIS, YAN LAG GI SGO NAS RANG GI 'OG SA LAS 'DAS PA'I DGE SEMS RTZE GCIG PA MTSUNGS LDAN DANG BCAS PA DE, RGYU SNYOMS 'JUG GI BSAM GTAN GYI DNGOS GZHI'I SNYOMS 'JUG GI MTSAN NYID ZER NA, BYANG SEMS 'PHAGS PA'I RGYUD KYI BSAM GTAN DANG PO'I @22A *, ,DNGOS GZHI'I SNYOMS 'JUG CHOS CAN, MTSON BYA DER THAL, MTSAN NYID DE'I PHYIR, CHOS CAN DE'I PHYIR, 'DOD NA, SDUG BSNGAL BDEN PA YIN PAR THAL LO, 'DOD MI NUS TE, CHOS CAN DE'I PHYIR, KHA CIG GIS, RANG GI 'PHANG BYAR GYUR PA'I 'BRAS BU SKYE BA'I BSAM GTAN 'PHEN BYED DU GYUR PA'I BSAM GTAN GYI SNYOMS 'JUG DAG PA BAR DMIGS PA DE, RGYU SNYOMS 'JUG GI BSAM GTAN GYI MTSAN NYID, DBYE NA DE'I NYER BSDOGS DANG DNGOS GZHI'I SNYOMS 'JUG GNYIS YOD, TSE RABS GZHAN DU RGYU SNYOMS 'JUG GI BSAM GTAN BSGOMS PA LA BRTEN NAS THOB PA'I SKYES STOBS KYI CHOS 'BRAS BU SKYE BA'I BSAM GTAN GYI MTSAN NYID, DBYE NA TSE RABS GZHAN DU RGYU SNYOMS 'JUG GI BSAM GTAN BSGOM PA'I RGYU MTHUN GYI 'BRAS BU, RNAM SMIN GYI 'BRAS BU, BDAG PO'I 'BRAS BU DANG GSUM YOD, DANG PO NI, SDUG BSNGAL GYI BDEN PAR GYUR PA'I GZUGS KHAMS PA'I GANG ZAG LTA BU, GNYIS PA NI, GZUGS KHAMS PA'I GANG ZAG GI RGYUD KYI RNAM SMIN GYI NGO BOR GYUR PA'I PHUNG PO LNGA LTA BU, ,GSUM PA NI, GZUGS KHAMS PA'I GZHAL YAS KHANG LTA BU, SDUG BSNGAL BDEN PAR GYUR PA'I GZUGS KHAMS PA'I GANG ZAG DE 'BRAS BU SKYE BA'I BSAM GTAN YIN GYI, GZUGS KHAMS PA'I GANG ZAG YIN NA 'BRAS BU SKYE PA'I BSAM GTAN YIN PAS MA KHYAB STE, 'BRAS BU SKYE BA'I BSAM GTAN DU GYUR PA'I GANG ZAG YIN NA LAS NYON GYIS 'KHOR BAR SKYE BA LEN PAS KHYAB PA'I PHYIR, ZHES ZER, RGYU SNYOMS 'JUG GI BSAM GTAN DANG 'BRAS BU SKYE BA'I BSAM GTAN 'GAL LAM MI 'GAL ZHE NA, KHA CIG ,'GAL TE, DANG PO YIN NA RANG GI 'OG SA'I RTEN CAN YIN PAS KHYAB, GNYIS PA DE YIN NA RANG SA'I RTEN CAN YIN PAS KHYAB PA'I PHYIR, ZER NA, KHA CIG, DANG PO 'THAD KYANG PHYI MA MI 'THAD DE, @22B BSKAL PA 'JIG PA'I TSE CHOS NYID KYI STOBS KYIS THOB PA'I 'DOD KHAMS PA'I GANG ZAG GI RGYUD KYI BSAM GTAN DANG PO'I DNGOS GZHI'I SNYOMS 'JUG DE 'BRAS BU SKYE BA'I BSAM GTAN YIN PA'I PHYIR, ZHES ZER BA DANG, KHA CIG, DE GNYIS 'GAL TE, DANG PO YIN NA SBYOR BYUNG YIN DGOS, PHYI MA YIN NA SKYES THOB YIN DGOS PA'I PHYIR, ZER NA, DE YANG MI 'THAD DE, DANG PO LA BSKAL PA 'JIG PA'I TSE CHOS NYID KYI STOBS KYIS THOB PA'I 'DOD KHAMS PA'I GANG ZAG GI RGYUD KYI BSAM GTAN DANG PO'I DNGOS GZHI'I SNYOMS 'JUG GIS MA KHYAB PA'I PHYIR, ZHES BKAG NAS, DES NA DE GNYIS MI 'GAL TE, BSKAL PA 'JIG PA'I TSE CHOS NYID KYI STOBS KYIS THOB PA'I ZHI GNAS SOGS DE GNYIS KA YIN PA'I PHYIR; ZHES ZER BA RNAMS MI 'THAD DE, BSAM GTAN DANG PO'I SKYE BA 'GRUB BYED KYI LAS SU GYUR PA'I BSAM GTAN DANG PO'I SNYOMS 'JUG CHOS CAN, MTSAN NYID DER THAL, MTSON BYA DE'I PHYIR TE, CHOS CAN DE'I PHYIR, 'DOD NA, DE BSAM GTAN DANG PO'I SKYE BA 'PHEN BYED KYI LAS SU GYUR PA'I BSAM GTAN GYI SNYOMS 'JUG DAG PA BA YIN PAR THAL, 'DOD PA DE LA RGYU MTSAN YOD PA'I PHYIR, 'DOD NA, DE CHOS CAN, KHYOD BSAM GTAN DANG PO'I SKYE BA 'PHEN BYED KYI LAS SU THAL, 'DOD PA GANG ZHIG ,LAS YIN PA'I PHYIR, 'DOD MI NUS TE, DE'I SKYE BA 'GRUB BYED KYI LAS YIN PA'I PHYIR, GZHAN YANG, DE CHOS CAN, DE'I NYER BSDOGS YIN PAR THAL, DE'I SKYE BA 'PHEN BYED KYI LAS YIN PA'I PHYIR, RTAGS KHAS, 'DOD MI NUS TE, DE'I DNGOS GZHI'I SNYOMS 'JUG YIN PA'I PHYIR, GZHAN YANG, SDUG BDEN DU GYUR PA'I GZUGS KHAMS PA'I GANG ZAG YIN NA 'BRAS BU SKYE BA'I BSAM GTAN YIN PAS KHYAB PAR THAL, @23A *, ,KHYOD KYI DAM BCA' DE'I KHYAD PAR 'THAD PA'I PHYIR, 'DOD NA, GZUGS SU NYER 'GRO'I PHYIR MI 'ONG SKYE 'DA' BA DANG RGYUD GCIG TU GYUR PA'I GZUGS KYI SKYE SRID LA GNAS PA'I PHYIR MI 'ONG CHOS CAN, DER THAL, DE'I PHYIR, DE LAS NYON GYI GZHAN DBANG DU GYUR PA'I GANG ZAG GANG ZHIG ,SDUG BDEN DANG GZUGS KHAMS PA'I GANG ZAG GI GZHI MTHUN YIN PA'I PHYIR, RTZA BAR 'DOD NA, DE CHOS CAN, LAS NYON GYIS 'KHOR BAR SKYE BA LEN PAR THAL, 'DOD PA'I PHYIR, KHYAB PA KHAS, 'DOD MI NUS TE, ,TSE DE LA MYANG 'DAS MNGON DU BYED DES YIN PA'I PHYIR, GZHAN YANG BSKAL PA 'JIG PA'I TSE CHOS NYID KYI STOBS KYI THOB PA'I 'DOD KHAMS PA'I GANG ZAG GI RGYUD KYI BSAM GTAN DANG PO'I SKYE BA 'GRUB BYED KYI LAS SU GYUR PA'I BSAM GTAN DANG PO'I DNGOS GZHI'I SNYOMS 'JUG CHOS CAN, SKYES STOBS KYI CHOS YIN PAR THAL, 'BRAS BU SKYE BA'I BSAM GTAN YIN PA'I PHYIR, RTAGS KHAS, 'DOD NA, BSKAL PA 'JIG PA'I TSE 'DOD KHAMS PA'I GANG ZAG YIN NA BSAM GTAN DANG PO'I SNYOMS 'JUG THOB PAS KHYAB PAR THAL LO, ,GZHAN YANG BSAM GTAN GNYIS PA NAS SHI 'PHOS NAS BSAM GTAN DANG POR SKYE BA LEN KHA MA'I GANG ZAG GI RGYUD KYI BSAM GTAN DANG PO'I SKYE BA 'GRUB BYED KYI LAS SU GYUR PA'I BSAM GTAN DANG PO'I DNGOS GZHI'I SNYOMS 'JUG CHOS CAN, RANG GI 'OG SA'I RTEN CAN DU THAL, RGYU SNYOMS 'JUG GI BSAM GTAN YIN PHYIR, KHYAB PA KHAS, DER THAL, CHOS CAN DE'I PHYIR; 'DOD NA, 'DOD PA'I RTEN CAN DU THAL, BSAM GTAN DANG PO'I DNGOS GZHI'I SNYOMS 'JUG GANG ZHIG ,RANG GI 'OG SA'I RTEN CAN YIN PA'I PHYIR, GZHAN YANG, BSAM GTAN DANG PO NAS BSAM GTAN DANG POR SKYE BA LEN KHA MA'I GANG ZAG @23B GI RGYUD KYI BSAM GTAN DANG PO'I DNGOS GZHI'I SNYOMS 'JUG CHOS CAN, RANG GI 'OG SA'I RTEN CAN DU THAL, RGYU SNYOMS 'JUG GI BSAM GTAN YIN PA'I PHYIR, KHYAB PA KHAS, RTAGS GSAL GRUB ZIN, BSAM GTAN BZHI PA NAS LAS NYON GYIS GZUGS KHAMS SU SKYE BA LEN PA MED PAR THAL, BSAM GTAN BZHI PA'I RTEN LA RGYU SNYOMS 'JUG GI BSAM GTAN MED PA'I PHYIR TE, DE'I RTEN LA RGYU SNYOMS 'JUG GI BSAM GTAN DANG PO NAS BZHI PA'I BAR GANG RUNG MED PA'I PHYIR, DANG PO MA GRUB NA, BSAM GTAN BZHI PA BA'I RGYUD KYI RGYUD SNYOMS 'JUG GI BSAM GTAN DANG PO'I DNGOS GZHI'I SNYOMS 'JUG CHOS CAN, RANG GI 'OG SA'I RTEN CAN YIN PAR THAL, RGYU SNYOMS 'JUG GI BSAM GTAN YIN PA'I PHYIR, KHYAB PA KHAS, 'DOD NA, 'DOD PA'I RTEN CAN DU THAL LO, ,GNYIS PA MA GRUB NA, BSAM GTAN BZHI PA BA'I RGYUD KYI RGYU SNYOMS 'JUG GI BSAM GTAN BZHI PA'I DNGOS GZHI'I SNYOMS 'JUG CHOS CAN, RANG GI 'OG SA'I RTEN CAN DU THAL, RGYU SNYOMS 'JUG GI DE YIN PA'I PHYIR, 'DOD MI NUS TE, RANG SA'I RTEN CAN YIN PA'I PHYIR, KHO NA RE, RGYU SNYOMS 'JUG GI BSAM GTAN YIN NA RANG GI 'OG SA'I RTEN CAN YIN DGOS PAR THAL, DE'I NYER BSDOGS YIN NA DE YIN DGOS PA'I PHYIR NA MA KHYAB BO, ,KHA CIG ,RGYU SNYOMS 'JUG GI BSAM GTAN DANG 'BRAS BU SKYE BA'I DE GNYIS 'GAL TE, DANG PO YIN NA DGE BA YIN DGOS, PHYI MA YIN NA LUNG MA BSTAN YIN DGOS PA'I PHYIR, DANG PO GRUB STE, SNYOMS 'JUG DGE BA RTZE GCIG PA, ZHES GSUNGS PA'I PHYIR, GNYIS PA GRUB STE, DE YIN NA TSE RABS GZHAN DU RGYU SNYOMS 'JUG GI BSAM GTAN BSGOMS PA'I RNAM SMIN GYI 'BRAS BU YIN DGOS, RNAM SMIN GYI 'BRAS BU YIN NA LUNG MA BSTAN @24A *, ,YIN DGOS PA'I PHYIR TE, RNAM SMIN LUNG DU MA BSTAN CHOS, ,ZHES GSUNGS PA'I PHYIR, ZER NA, TSE RABS GZHAN DU RGYU SNYOMS 'JUG GI BSAM GTAN BSGOMS PA'I RGYU MTHUN GYI 'BRAS BUR GYUR PA'I 'BRAS BU SKYE BA'I BSAM GTAN MED PAR THAL, DAM BCA' 'THAD PA'I PHYIR, 'DOD NA, RNAM BSHAD LAS, GNYIS PA NI, SKYE BA GZHAN DU RGYU SNYOMS 'JUG GI BSAM GTAN BSGOMS PA'I RNAM SMIN DANG RGYU MTHUN GYI 'BRAS BUR GYUR PA DE TSANGS RIGS NAS 'OG MIN GYI BAR GYI SEMS CAN GYI RGYUD KYI SKYES STOBS KYIS CHOS RNAMS SO, ,ZHES GSUNGS PA MI 'THAD PAR THAL LO, ,GZHAN YANG, BSAM GTAN DANG PO'I RTEN CAN GYI SO SKYE'I RGYUD KYI BSAM GTAN DANG PO'I DNGOS GZHI'I SNYOMS 'JUG DAG PA BA CHOS CAN, RGYU SNYOMS 'JUG GI BSAM GTAN MA YIN PAR THAL, 'BRAS BU SKYE BA'I BSAM GTAN YIN PA'I PHYIR, KHYAB PA KHAS, DER THAL, BSAM GTAN DANG PO'I SKYES STOBS KYI CHOS YIN PA'I PHYIR, DE DER THAL, BSAM GTAN DANG PO'I RTEN CAN GYI GANG ZAG YIN NA BSAM GTAN DANG PO'I DNGOS GZHI'I SNYOMS 'JUG THOB PAS KHYAB PA'I PHYIR, RTZA BAR 'DOD NA, DE CHOS CAN, DE YIN PAR THAL, BSAM GTAN DANG PO'I SNYOMS 'JUG GANG ZHIG, ,RANG 'BRAS SDUG BSNGAL BDEN PA SKYED BYED KYI 'KHOR BAS BSDUS PA'I CHOS YIN PA'I PHYIR, KHA CIG ,'BRAS BU SKYE BA'I BSAM GTAN YIN NA RANG SA'I RTEN CAN YIN PAS KHYAB ZER NA, BSAM GTAN BZHI PA'I RTEN CAN GYI SO SO SKYE PO'I RGYUD KYI BSAM GTAN DANG PO'I DNGOS GZHI'I SNYOMS 'JUG CHOS CAN, DER THAL, DE'I PHYIR, BSAM GTAN BZHI PA'I SKYES STOBS KYI CHOS YIN PA'I PHYIR, DE DER @24B THAL; BSAM GTAN BZHI PA'I RTEN CAN GYI GANG ZAG YIN NA BSAM GTAN DANG PO'I DNGOS GZHI'I SNYOMS 'JUG THOB PAS KHYAB PA GANG ZHIG ,BSAM GTAN BZHI PA'I RTEN CAN GYI GANG ZAG GI RGYUD KYI BSAM GTAN BZHI PA'I DNGOS BZHI DE DE'I SKYES STOBS KYI CHOS YIN PA'I PHYIR, RTZA BAR 'DOD NA, DE CHOS CAN, DE MA YIN PAR THAL, BSAM GTAN BZHI PA PA'I RGYUD KYIS BSDUS PA GANG ZHIG ,KHYOD BSAM GTAN DANG PO'I DNGOS GZHI'I SNYOMS 'JUG DAG PA BA YIN PA'I PHYIR, KHA CIG ,RTOG DPYOD GNYEN PO'I YAN LAG DANG LDAN PA'I SGO NAS 'DOD PA LA 'DOD CHAGS DANG BRAL BAS RAB TU PHYE BA'I DGE SEMS RTZE GCIG PA MTSUNGS LDAN DANG BCAS PA GANG ZHIG ,DBEN PA LAS SKYES PA'I DGA' BA DE PHAN YON GYI YAN LAG TU LDAN PA DE, BSAM GTAN DANG PO'I DNGOS GZHI'I SNYOMS 'JUG GI MTSAN NYID, NAD RAB TU DANGS BA GNYEN PO'I YAN LAG DANG LDAN PA'I SGO NAS RTOG DPYOD LA 'DOD CHAGS DANG BRAL BAS RAB TU PHYE BA'I DGE SEMS RTZE GCIG PA MTSUNGS LDAN DANG BCAS PA GANG ZHIG ,TING NGE 'DZIN LAS SKYES PA'I DGA' BDE PHAN YON GYI YAN LAG TU LDAN PA DE, BSAM GTAN GNYIS PA'I DNGOS GZHI'I SNYOMS 'JUG GI MTSAN NYID, DRAN SHES BZHIN BTANG SNYOMS GSUM GNYEN PO'I YAN LAG TU LDAN PA'I SGO NAS DGA' BA LA 'DOD CHAGS DANG BRAL BAS RAB TU PHYE BA'I DGE SEMS RTZE GCIG PA MTSUNGS LDAN DANG BCAS PA GANG ZHIG; DGA' BAS DBEN PA'I BDE BA PHAN YON GYI YAN LAG TU LDAN PA DE, BSAM GTAN GSUM PA'I DNGOS GZHI'I SNYOMS 'JUG GI MTSAN NYID, DRAN PA DANG BTANG SNYOMS YONGS DAG GNYEN PO'I YAN LAG TU LDAN PA'I SGO NAS @25A *, ,BDE BA LA 'DOD CHAGS DANG BRAL BAS RAB TU PHYE BA'I DGE SEMS RTZE GCIG PA MTSUNGS LDAN DANG BCAS PA GANG ZHIG, TSOR BA BTANG SNYOMS PHAN YON GYI YAN LAG TU LDAN PA DE, BSAM GTAN BZHI PA'I DNGOS GZHI'I SNYOMS 'JUG GI MTSAN NYID, SBYOR BA'I DUS SU GZUGS DANG THOGS PA'I 'DU SHES RAGS PA YOD PAR MTHONG NAS 'DU SHES DE NYID YANG DANG YANG DU BSHIG CING, CHOS THAMS CAD NAM MKHA' LTAR MTHA' YAS SO SNYAM DU SGOM PA LA BRTEN NAS, DNGOS GZHI'I DUS SU DE MNGON DU GYUR PA'I DGE SEMS RTZE GCIG PA MTSUNGS LDAN DANG BCAS PA DE, NA MA MKHA' MTHA' YAS KYI DNGOS GZHI'I SNYOMS 'JUG GI MTSAN NYID, SBYOR BA'I DUS SU CHOS THAMS CAD NI NAM MKHA' LTAR MTHA' YAS SO SNYAM PA DE NYID DGAG BYAR BYAS NAS CHOS THAMS CAD RNAM SHES LTAR MTHA' YAS SO SNYAM DU SGOM PA LA BRTEN NAS DNGOS GZHI'I DUS SU DE MNGON DU GYUR PA'I DGE SEMS RTZE GCIG PA MTSUNGS LDAN DANG BCAS PA DE, RNAM SHES MTHA' YAS KYI DNGOS GZHI'I SNYOMS 'JUG GI MTSAN NYID, ,SBYOR BA'I DUS SU GZUNG BYA CI YANG MED SNYAM DU BSGOMS PA LA BRTEN NAS DNGOS GZHI'I DUS SU DE MNGON DU GYUR PA'I DGE SEMS RTZE GCIG PA MTSUNGS LDAN DANG BCAS PA DE, CI YANG MED KYI DNGOS GZHI'I SNYOMS 'JUG GI MTSAN NYID, SBYOR BA'I DUS SU 'DU SHES RAGS PA NI NAD DANG 'BRAS DANG ZUG RNGU'O, ,'DU SHES MED PA NI KUN NAS NYON MONGS PA'O, ,'DU SHES MED MIN NI ZHI BA'O, ,GYA NOM PA'O SNYAM DU BSGOMS PA LA BRTEN NAS DNGOS GZHI'I DUS SU DE MNGON DU GYUR PA'I DGE SEMS RTZE GCIG PA MTSUNGS LDAN DANG BCAS PA DE, SRID RTZE'I DNGOS @25B GZHI'I SNYOMS 'JUG GI MTSAN NYID CES ZER, DE LA SKYON 'PHEN PA KHA CIG NA RE, MTSAN NYID DANG PO DE MI 'THAD PAR THAL, RTOG DPYOD GNYEN PO'I YAN LAG DANG LDAN PA'I BSAM GTAN DANG PO'I DNGOS GZHI'I SNYOMS 'JUG MED PA'I PHYIR TE, BSAM GTAN DANG PO'I DNGOS GZHI'I SNYOMS 'JUG THOB NA GNYEN PO'I YAN LAG BTANG ZIN PAS KHYAB PA'I PHYIR, DE THOB NA 'DOD PA LA 'DOD CHAGS DANG BRAL ZIN PAS KHYAB PA'I PHYIR, GZHAN YANG, RTOG DPYOD GNYEN PO'I YAN LAG DANG LDAN PA'I BSAM GTAN DANG PO'I DNGOS GZHI'I SNYOMS 'JUG MED PAR THAL, 'JIG RTEN PA'I SGOM SPANG DU GYUR PA'I 'DOD NYON GYI DNGOS GNYEN BYED PA'I BSAM GTAN DANG PO'I DNGOS GZHI'I SNYOMS 'JUG MED PA'I PHYIR, ZHES ZER NA, 'O NA YAN LAG LNGA DANG LDAN PA'I BSAM GTAN GYI DNGOS GZHI'I SNYOMS 'JUG MED PAR THAL, DE DANG LDAN PA'I BSAM GTAN DANG PO'I DE MED PA'I PHYIR, RTAGS KHAS; 'DOD NA, MDZOD 'GREL LAS, TING NGE 'DZIN NI YAN LAG KYANG YIN LA BSAM GTAN YANG YIN NO, ,LHAG MA RNAMS NI YAN LAG DAG YIN NO ZHES GRAG GO, YAN LAG BZHI PA'I DMAG JI LTA BA YAN LAG LNGA PA'I BSAM GTAN YANG DE DANG 'DRA'O, ,ZHES GSUNGS PA MI 'THAD PAR THAL, 'DOD PA'I PHYIR, GZHAN YANG, RNAM MKHYEN DE SHES SGRIB KYI GNYEN PO BYED PA'I YON TAN DANG MI LDAN PAR THAL, RTOG DPYOD GNYEN PO'I YAN LAG TU LDAN PA'I BSAM GTAN DANG PO'I DNGOS GZHI'I SNYOMS 'JUG MED PA'I PHYIR, RTAGS KHAS, 'DOD MI NUS TE, DE GNYEN PO'I YAN LAG DANG LDAN PA'I PHYIR TE, LAM BDEN YIN PA'I PHYIR, KHYAB STE, DAG GSAL GNYEN PO'I PHYOGS NYID KYI, , @26A *, ,ZHES GSUNGS PA'I PHYIR, RANG LUGS KYIS SKYON NI, BSAM GTAN DANG PO'I DNGOS GZHI'I SNYOMS 'JUG KHYAD PAR CAN CHOS CAN, MTSAN NYID DANG PO'I ZUR DANG PO DER THAL, MTSON BYA DE'I PHYIR, 'DOD NA, KHYOD KYI YAN LAG TU GYUR PA'I RTOG DPYOD GNYIS SU PHYE BA'I RTOG PA YOD PAR THAL LO, ,'DOD MI NUS TE, CHOS CAN DE'I PHYIR, KHYAB STE, MDZOD LAS, RTOG MED BSAM GTAN KHYAD PAR CAN, ,ZHES GSUNGS PA'I PHYIR, GZHAN YANG, DE CHOS CAN, DBEN PA LAS SKYES PA'I DGA' BDE PHAN YON GYI YAN LAG TU LDAN PAR THAL, MTSON BYA DANG PO DE'I PHYIR, 'DOD MI NUS TE, TSOR BA BTANG SNYOMS KYI SA PA YIN PA'I PHYIR, MDZOD LAS, RNAM GSUM BDE MIN SDUG BSNGAL MIN, , ZHES GSUNGS PA'I PHYIR, GZHAN YANG, SANGS RGYAS 'PHAGS PA'I RGYUD KYI BSAM GTAN GNYIS PA'I DNGOS GZHI'I SNYOMS 'JUG CHOS CAN, MTSAN NYID GNYIS PA DER THAL, MTSON BYA DE'I PHYIR, 'DOD MI NUS TE, SHES SGRIB SPANGS PA'I MKHYEN PA YIN PA'I PHYIR, GZHAN YANG, SANGS RGYAS 'PHAGS PA'I RGYUD KYI BSAM GTAN BZHI PA'I DNGOS GZHI'I SNYAMS 'JUG CHOS CAN, TSOR BA BTANG SNYOMS PHAN YON GYI YAN LAG TU LDAN PAR THAL, BSAM GTAN BZHI PA'I DNGOS GZHI'I SNYOMS 'JUG YIN PA'I PHYIR, 'DOD NA, SANGS RGYAS 'PHAGS PA'I RGYUD KYI TSOR BA BTANG SNYOMS YOD PAR THAL LO, ,'DOD MI NUS TE, DE'I RGYUD KYI TSOR BA YIN NA, TSO RAB BDE BA YIN DGOS PA'I PHYIR, GZHAN YANG ` DE'I RGYUD KYI NAM MKHA' MTHA' YAS KYI DNGOS GZHI'I SNYOMS 'JUG CHOS CAN, MTSAN NYID DER THAL, MTSON BYA DE'I PHYIR, 'DOD NA, CHOS THAMS CAD NAM MKHA' LTAR MTHA' YAS PAR THAL, 'DOD PA GANG ZHIG ,RNAM MKHYEN YIN PA'I PHYIR, @26B GZHAN YANG, DE'I RGYUD KYI CI YANG MED KYI DNGOS GZHI'I SNYOMS 'JUG CHOS CAN, MTSAN NYID GSUM PA DER THAL, MTSON BYA DE'I PHYIR, 'DOD NA, GZUNG BYA CI YANG MED PAR THAL, 'DOD PA GANG ZHIG ,RNAM MKHYEN YIN PA'I PHYIR, GZHAN YANG ` DE'I RGYUD KYI SRID RTZE'I DNGOS GZHI'I SNYOMS 'JUG CHOS CAN, MTSAN NYID BZHI PA DER THAL, MTSON BYA DE'I PHYIR, 'DOD NA, 'DU SHES MED MIN ZHI BA DANG, GYA NOM DU THAL, 'DOD PA GANG ZHIG ,RNAM MKHYEN YIN PA'I PHYIR, RTAGS RNAMS DER THAL, DE YOD PA'I PHYIR, DE'I RGYUD LA BSAM GZUGS BRGYAD KA YOD PA'I PHYIR, DE YOD PAR THAL, DE'I RGYUD LA MTHAR GNAS SNYOMS 'JUG DGU YOD PA'I PHYIR TE, DE'I RGYUD KYI MTHAR GNAS SNYOMS 'JUG DGU LA SNYOMS PAR 'JUG PA'I YE SHES CHOS SKU YOD PA'I PHYIR TE, MTHAR GYIS NI, SNYOMS 'JUG DGU YI BDAG NYID DANG, CHOS KYI SKU ZHES BRJOD PA YIN, ZHES GSUNGS PA'I PHYIR, KHA CIG ,RTOG DPYOD GANG RUNG GNYEN PO'I YAN LAG TU LDAN PA'I SGO NAS 'DOD PA LA 'DOD CHAGS DANG BRAL BA'I DGE SEMS RTZE GCIG PA MTSUNGS LDAN DANG BCAS PA GANG ZHIG ,DGA' BA DE DANG TSOR BA BTANG SNYOMS GANG RUNG PHAN YON GYI YAN LAG TU LDAN PA DE, BSAM GTAN DANG PO'I DNGOS GZHI'I SNYOMS 'JUG GI MTSAN NYID, DE LA DBYE NA, BSAM GTAN DANG PO'I DNGOS GZHI'I SNYOMS 'JUG TZAM PO BA DANG KHYAD PAR CAN GNYIS, DANG PO'I MTSAN NYID NI, RTOG DPYOD GNYEN PO'I YAN LAG TU LDAN PA'I SGO NAS 'DOD PA LA 'DOD CHAGS DANG BRAL BA'I DGE SEMS RTZE GCIG PA MTSUNGS LDAN DANG BCAS PA GANG ZHIG ,DGA' BDE PHAN YON GYI YAN LAG TU LDAN PA DE, DANG PO'I MTSAN NYID, DPYOD PA GNYEN PO'I YAN LAG DANG LDAN PA'I SGO NAS RTOG PA LA 'DOD CHAGS DANG @27A *, ,BRAL BA'I DGE SEMS RTZE GCIG PA MTSUNGS LDAN DANG BCAS PA GANG ZHIG ,TSOR BA BTANG SNYOMS PHAN YON GYI YAN LAG DANG LDAN PA DE GNYIS PA'I MTSAN NYID ZER NA, BSAM GTAN DANG PO'I DNGOS GZHI'I SNYOMS 'JUG CHOS CAN, RTOG DPYOD GANG RUNG GNYEN PO'I YAN LAG TU LDAN PAR THAL, BSAM GTAN DANG PO'I DNGOS GZHI'I SNYOMS 'JUG YIN PA'I PHYIR, KHYAB PA KHAS, 'DOD NA, KHYOD KYI YAN LAG TU GYUR PA'I RTOG DPYOD GANG RUNG DE KHYOD KYI YAN LAG TU THAL LO, ,'DOD NA, DE'I YAN LAG TU GYUR PA'I RTOG DPYOD GANG RUNG CHOS CAN, DE'I YAN LAG MA YIN PAR THAL, RTAG PA YIN PA'I PHYIR, GZHAN YANG, BSAM GTAN DANG PO'I DNGOS GZHI'I SNYOMS 'JUG TZAM PO BA DANG KHYAD PAR CAN GNYIS KA CHOS CAN, MTSAN NYID DANG PO'I ZUR PHYI MA DER THAL, MTSON BYA DE'I PHYIR, 'DOD MI NUS TE, DGA' BA DE PHAN YON GYI YAN LAG TU YANG MI LDAN, TSOR BA BTANG SNYOMS PHAN YON GYI YAN LAG TU YANG MI LDAN PA'I PHYIR, DANG PO MA GRUB NA, BSAM GTAN DANG PO'I DNGOS GZHI'I SNYOMS 'JUG KHYAD PAR CAN DE, DGA' BDE PHAN YON GYI YAN LAG TU LDAN PAR THAL, MA GRUB PA DE'I PHYIR, PHYI MA RIGS 'GRE, SKYON 'PHEN PA KHA CIG ` BSAM GTAN DANG PO'I DNGOS GZHI'I SNYOMS 'JUG KHYAD PAR CAN YIN NA, RTOG DPYOD GNYEN PO'I YAN LAG TU MI LDAN PAS KHYAB PAR THAL, MTSAN NYID PHYI MA GNYIS 'THAD PA'I PHYIR, 'DOD NA, SGRA DON 'GRES RUNG DU 'DZIN PA'I RTOG PAR GYUR PA'I BSAM GTAN DANG PO'I DNGOS GZHI'I SNYOMS 'JUG KHYAD PAR CAN CHOS CAN, DER THAL, DE'I PHYIR, MA GRUB NA, DE DE YIN PAR THAL, DE YOD PA'I PHYIR, 'DOD NA, DE CHOS CAN, KHYOD RTOG PA GNYEN PO'I YAN LAG TU LDAN PAR @27B THAL ` KHYOD KYI YAN LAG TU GYUR PA'I RTOG PA YOD PA'I PHYIR TE, KHYOD KYI YAN LAG TU GYUR PA'I DPYOD PA DE KHYOD KYI YAN LAG TU GYUR PA'I RTO KA PA YIN PA'I PHYIR, DE KHYOD KYI YAN LAG YIN PA GANG ZHIG ,RTOG PA YIN PA'I PHYIR NA, 'DIR MA KHYAB, YANG DE CHOS CAN, KHYOD KYI YAN LAG TU GYUR PA'I SHES PA MED PAR THAL, KHYOD KYI YAN LAG TU GYUR PA'I RTOG PA YANG MED, KHYOD KYI LAG TU GYUR PA'I RTOG MED KYI SHES PA YANG MED PA'I PHYIR, DANG PO DNGOS, GNYIS PA MA GRUB NA, KHYOD DANG MTSUNGS LDAN GYI RTOG MED KYI SHES PA YOD PAR THAL, MA GRUB PA GANG ZHIG ,KHYOD KYI YAN LAG YIN NA, KHYOD DANG MTSUNGS LDAN YIN DGOS PA'I PHYIR, YANG DE CHOS CAN, KHYOD KYI YAN LAG TU GYUR PA'I RTOG PA YOD PAR THAL, KHYOD KYI YAN LAG TU GYUR PA'I SGRA DON 'DRES RUNG DU 'DZIN PA'I RTOG PA YOD PA'I PHYIR NA MA KHYAB STE, RTOG MED BSAM GTAN KHYAD PAR CAN, ,ZHES GSUNGS PA MI 'THAD PAR THAL, RTOG DPYOD GNYEN PO'I YAN LAG TU LDAN PA'I BSAM GTAN DANG PO'I DNGOS GZHI'I SNYOMS 'JUG KHYAD PAR CAN YOD PA'I PHYIR, MA GRUB NA SONG, DER THAL, SGRA DON 'DRES RUNG DU 'DZIN PA'I RTOG PAR GYUR PA'I BSAM GTAN DANG PO'I DNGOS GZHI'I SNYOMS 'JUG KHYAD PAR CAN DE DE YIN PA'I PHYIR, MA GRUB NA, DER THAL, KHYOD BSAM GTAN DANG PO'I DNGOS GZHI'I SNYOMS 'JUG KHYAD PAR CAN GANG ZHIG ,KHYOD KYI YAN LAG TU GYUR PA'I RTOG DPYOD GNYIS YOD PA'I PHYIR TE, KHYOD KYI YAN LAG TU GYUR PA'I DPYOD PA DE KHYOD KYI YAN LAG TU GYUR PA'I RTOG DPYOD GNYIS KA YIN PA'I PHYIR TE, DE KHYOD KYI YAN LAG TU GYUR PA'I RTOG PA GANG ZHIG ,DE KHYOD KYI YAN LAG TU GYUR PA'I DPYOD PA YIN PA'I PHYIR, RTAGS KHAS, KHA CIG ,BSAM GTAN DANG PO'I @28A *, ,DNGOS GZHI'I SNYOMS 'JUG TZAM PO BA CHOS CAN, MTSAN NYID GNYIS PA'I ZUR DANG PO DER THAL, MTSON BYA DE'I PHYIR, 'DOD NA, KHYOD RTOG DPYOD GNYIS GNYEN PO'I YAN LAG TU LDAN PAR THAL LO, ,'DOD NA, DE CHOS CAN, RTOG DPYOD GNYIS KHYOD KYI GNYEN PO'I YAN LAG TU THAL, ZER NA, MA KHYAB, 'DOD NA, RTOG DPYOD GNYIS KA CHOS CAN, KHYOD BSAM GTAN GYIS SA BSDUS YIN PAR THAL, KHYOD BSAM GTAN DANG PO'I DNGOS GZHI'I SNYOMS 'JUG TZAM PO BA'I GNYEN PO'I YAN LAG YIN PA'I PHYIR ZER NA, BSAM GZUGS BRGYAD LA 'GOG PA SPEL NAS LUGS MTHUN DU SNYOMS PAR 'JUG PA'I YAR 'OD THOD RGAL GYI DNGOS GZHI'I SNYOMS 'JUG CHOS CAN, 'GOG PA DE KHYOD KYI SPEL CHOS SU THAL, KHYOD, 'GOG PA SPEL NAS SNYOMS PAR 'JUG PA'I THOD RGAL GYI SNYOMS 'JUG YIN PA'I PHYIR, MA KHYAB NA, BSAM GTAN DANG PO'I DNGOS GZHI'I SNYOM 'JUG TZAM PO PA DE RTOG DPYOD GNYEN PO'I YAN LAG TU LDAN NA RTOG DPYOD GNYIS PO DE DE'I YAN LAG YIN PAS KHYAB PA YOD PAR BUD, 'DOD NA, 'GOG PA DE THOD RGAL GYI TING NGE 'DZIN GYI GNAS SU THAL, 'DOD PA'I PHYIR, 'DOD NA, DE THOB PA'I GANG ZAG YIN NA THOD RGAL GYI TING NGE 'DZIN THOB PA'I GANG ZAG YIN DGOS PAR THAL LO, ,SKYON 'PHEN PA KHA CIG ,BSAM GTAN DANG PO'I DNGOS GZHI'I SNYOMS 'JUG TZAM PO BA'I YAN LAG TU GYUR PA'I RTOG PA CHOS CAN, RTOG DPYOD GNYEN PO'I YAN LAG TU LDAN PAR THAL, BSAM GTAN DANG PO'I DNGOS GZHI'I SNYOMS 'JUG TZAM PO BA YIN PA'I PHYIR, DE DER THAL, YAN LAG BZHI BA'I DMAG JI LTA BA BZHIN DU, ZHES GSUNGS PA'I PHYIR, 'DOD NA, KHYOD KYI YAN LAG TU GYUR PA'I RTOG DPYOD GNYIS SU PHYE BA'I RTOG PA YOD PAR THAL LO, ,'DOD NA, KHYOD DANG MTSUNGS LDAN GYI RTOG @28B PA YOD PAR THAL LO, ,'DOD MI NUS TE, KHYOD RTOG PA YIN PA'I PHYIR, GZHAN YANG, BSAM GTAN DANG PO'I DNGOS GZHI'I SNYOMS 'JUG TZAM PO PA'I YAN LAG TU GYUR PA'I RTOG PA DE RTOG PA THUG MED YIN PAR THAL, DE'I YAN LAG TU GYUR PA'I RTOG PA DE DE'I YAN LAG TU GYUR PA'I RTOG PA YIN PA'I PHYIR, ZER NA, SDOR SNANG DBANG SHES NYAMS SU MYONG BA'I RANG RIG DE RANG RIG THUG MED DU THAL, DE NYAMS SU MYONG BA'I RANG RIG DE RANG RIG NYAMS SU MYONG BA'I RANG RIG YIN PA'I PHYIR, KHYAB PA 'GRIG ` KHA CIG ,BSAM GTAN DANG PO'I DNGOS GZHI'I SNYOMS 'JUG TZAM PO BA CHOS CAN, KHYOD RTOG DPYOD GNYEN PO'I YAN LAG TU LDAN PAR THAL, CHOS CAN DE'I PHYIR, KHYAB PA KHAS, 'DOD NA, KHYOD KYI YAN LAG TU GYUR PA'I RTOG DPYOD GNYIS SU PHYE BA'I RTOG PA YOD PAR THAL LO, ,'DOD NA, DE CHOS CAN, KHYOD RANG GI YAN LAG TU GYUR PA'I RTOG DPYOD GNYIS SU PHYE BA'I RTOG PA DE DANG MTSUNGS LDAN RNAM PA LNGA MTSUNGS YIN PAR THAL, KHYOD KYI YAN LAG TU GYUR PA'I DE YOD PA'I PHYIR, 'DOD NA, KHYOD SEMS RTZID PA'I RNAM PA CAN GYI BLO YIN PAR THAL, 'DOD PA GANG ZHIG ,KHYOD KYI YAN LAG TU GYUR PA'I RTOG PA DE SEMS RTZING BA'I BLO YIN PA'I PHYIR TE, MDZOD LAS, RTOG DANG DPYOD PA RTZING ZHIB NYID, , ZHES GSUNGS PA'I PHYIR, 'DOD NA, KHYOD KYI YAN LAG TU GYUR PA'I RTOG DPYOD GNYIS SU PHYE BA'I DPYOD PA YOD PAR THAL, KHYOD RTOG DPYOD GNYEN PO'I YAN LAG TU LDAN PA'I PHYIR, 'DOD NA, KHYOD RANG GI YAN LAG TU GYUR PA'I RTOG DPYOD GNYIS SU PHYE BA'I DPYOD PA DE DANG MTSUNGS LDAN RNAM PA LNGA MTSUNGS SU THAL LO, ,'DOD NA, KHYOD SEMS ZHIB PA'I RNAM CAN GYI BLO YIN PAR THAL, 'DOD PA GANG ZHIG ,KHYOD KYI YAN LAG TU GYUR PA'I DPYOD PA DE SEMS ZHIB PA'I RNAM PA CAN BLO YIN PA'I @29A *, ,PHYIR TE, MDZOD LAS, RTOG DANG DPYOD PA RTZING ZHIB GNYIS, ,CES GSUNGS PA'I PHYIR, 'DOD MI NUS TE, SEMS RTZING PA'I RNAM PA CAN YIN PA'I PHYIR ZER NA MA KHYAB, RNAM MKHYEN CHOS CAN, SEMS RTZING BA'I RNAM PA CAN MA YIN PAR THAL, SEMS ZHIB BA'I RNAM PA CAN GYI BLO YIN PA'I PHYIR TE, KHYOD SEMS ZHIB PA'I RNAM PA SHAR BA'I BLO YIN PA'I PHYIR, 'DOD MI NUS TE, SEMS RTZING BA'I RNAM PA SHAR BA'I BLO YIN PA'I PHYIR, GZHAN YANG, MIG SHES SU GYUR PA'I TSOR PA BDE BA MED PAR THAL, GZUGS 'DZIN MIG GI RNAM PAR SHES PA'I 'KHOR DU BYUNG BA'I TSOR BA BDE BA MED PA'I PHYIR, MA GRUB NA SONG, GZUGS 'DZIN MIG GI RNAM PAR SHES PA CHOS CAN, KHYOD RANG GI 'KHOR DU BYUNG BA'I TSOR BA PA BDE BA DANG MTSUNGS LDAN RNAM PA LNGA MTSUNGS YIN PAR THAL, KHYOD KYI 'KHOR DU BYUNG BA'I TSOR BA BDE BA YOD PA'I PHYIR, 'DOD NA, KHYOD GZUGS YID 'ONG GI RNAM PA CAN GYI BLO YIN PAR THAL, 'DOD PA GANG ZHIG ,DE GZUGS YID 'ONG GI RNAM PA CAN GYI BLO YIN PA'I PHYIR TE, MIG SHES SU GYUR PA'I TSOR BA BDE BA YIN PA'I PHYIR, 'DOD NA, MIG SHES SU GYUR PA'I TSOR BA SDUG BSNGAL MED PAR THAL, GZUGS 'DZIN MIG GI RNAM PAR SHES PA'I 'KHOR DU BYUNG BA'I TSOR BA SDUG BSNGAL MED PA'I PHYIR, MA GRUB NA SONG, DE CHOS CAN, KHYOD RANG GI 'KHOR DU BYUNG BA'I TSOR BA SDUG BSNGAL DANG MTSUNGS LDAN RNAM PA LNGA MTSUNGS YIN PAR THAL, KHYOD KYI 'KHOR DU BYUNG BA'I TSOR BA SDUG BSNGAL YOD PA'I PHYIR, 'DOD NA, KHYOD GZUGS YID MI 'ONG GI RNAM PA CAN GYI BLO YIN PAR THAL, 'DOD PA GANG ZHIG ,DE GZUGS YID MI 'ONG GI RNAM PA CAN GYI BLO YIN PA'I PHYIR, 'DOD MI NUS TE, GZUGS YID 'ONG GI RNAM PA CAN GYI BLO YIN PA'I PHYIR, KHYAB PA KHAS, KHA CIG , @29B BSAM GTAN DANG PO'I SNYOMS 'JUG GANG ZHIG ,RANG GI 'OG SA 'DOD PA LA 'DOD CHAGS DANG BRAL BAS RAB TU PHYE BA'I RIGS SU GNAS PA, BSAM GTAN DANG PO'I DNGOS GZHI'I SNYOMS 'JUG GI MTSAN NYID, BSAM GTAN GNYIS PA'I SNYOMS 'JUG GANG ZHIG ,RANG GI 'OG SA BSAM GTAN DANG PO LA, ZHES SOGS GZHAN RNAMS LA YANG RIGS 'GRE ZHES ZER NA BSAM GTAN DANG PO'I SNYOMS 'JUG GANG ZHIG ,'DOD PA LA 'DOD CHAGS DANG BRAL NA, MTSAN NYID DANG PO'I ZUR PHYI MA DE YIN DGOS PAR THAL, MTSAN NYID DANG PO DE 'THAD PA'I PHYIR, 'DOD NA, DGRA BCOM THOB MA THAG PA'I SPANG BYA CIG CAR PA'I NYAN THOS DGRA BCOM PA'I RGYUD KYI RNAM GROL LAM CHOS CAN, DER THAL, DE'I PHYIR, 'DOD NA, DE CHOS CAN, MTSON BYA DANG PO DER THAL ` MTSAN NYID DE'I PHYIR, 'DOD MI NUS TE, DE'I NYER BSDOGS YIN PA'I PHYIR, GZHAN YANG, BSAM GTAN DANG PO'I DNGOS GZHI'I SNYOMS 'JUG YIN NA BSAM GTAN GNYIS PA'I DE MA YIN DGOS PAR THAL, MTSAN NYID DE 'THAD PA'I PHYIR, 'DOD NA, SANGS RGYAS 'PHAGS PA'I RGYUD KYI BSAM GTAN DANG PO'I DNGOS GZHI'I SNYOMS 'JUG CHOS CAN, DER THAL, DE'I PHYIR, 'DOD MI NUS TE, SANGS RGYAS 'PHAGS PA'I RGYUD KYI BSAM GZUGS BRGYAD KA YIN KHYAB MNYAM YIN PA'I PHYIR, TE ` DE'I RGYUD KYI PHAR PHYIN BCU GA YIN KHYAB MNYAM YIN PA'I PHYIR TE, RNAM MKHYEN YIN NA DE BCU GA YIN DGOS PA'I PHYIR TE, DE YIN NA SHER PHYIN YIN DGOS PA'I PHYIR, KHO NA RE, SANGS RGYAS 'PHAGS PA'I RGYUD KYI SBYIN SOGS BCU YIN KHYAB MNYAM YIN PAR THAL, DE'I RGYUD KYI PHAR PHYIN BCU YIN KHYAB MNYAM YIN PA'I PHYIR NA MA KHYAB, YANG KHO NA RE, SANGS RGYAS 'PHAGS PA'I RGYUD KYI BSAM GTAN DANG PO'I DNGOS GZHI'I SNYOMS 'JUG CHOS CAN, BSAM GTAN GNYIS PA'I GONG @30A *, ,SA YIN PAR THAL, BSAM GTAN GSUM PA'I DNGOS GZHI YIN PA'I PHYIR, 'DOD MI NUS TE, DE'I 'OG SA YIN PA'I PHYIR TE, BSAM GTAN DANG PO'I DNGOS GZHI'I SNYOMS 'JUG YIN PA'I PHYIR, RTAGS KHAS, ZHES ZER NA, BSAM GTAN DANG PO'I DNGOS GZHI'I SNYOMS 'JUG YIN NA NANG RAB TU DNGAS PA GNYEN PO'I YAN LAG TU MI LDAN PAS KHYAB PAR THAL, DE YIN NA BSAM GNYIS PA'I DNGOS GZHI'I SNYOMS 'JUG MA YIN DGOS PA'I PHYIR, 'DOD NA, DE YIN NA RTOG DPYOD KYI RTOG PA DANG BCAS PAS KHYAB PAR THAL LO, ,'DOD NA, SANGS RGYAS 'PHAGS PA'I RGYUD KYI BSAM GTAN DANG PO'I DNGOS GZHI'I SNYOMS 'JUG CHOS CAN, DER THAL, DE'I PHYIR, GZHAN YANG, BSAM GTAN GSUM PA'I DNGOS GZHI'I SNYOMS 'JUG YIN NA DRAN PA DANG BTANG SNYOMS YONGS DAG GNYEN PO'I YAN LAG TU MI LDAN PAS KHYAB PAR THAL, DE YIN NA BSAM GTAN BZHI PA'I DNGOS GZHI'I SNYOMS 'JUG MA YIN DGOS PA'I PHYIR, 'DOD NA, DE YIN NA BSAM GTAN GYI SKYON BRGYAD LAS MA GROL BAS KHYAB PAR THAL LO, ,'DOD NA, SANGS RGYAS 'PHAGS PA'I RGYUD KYI BSAM GTAN GSUM PA'I DNGOS GZHI'I SNYOMS 'JUG CHOS CAN, DER THAL, DE'I PHYIR, DES NA SPANG BYA CIG CAR BA'I NYAN THOS DGRA BCOM PA'I RGYUD KYI BSAM GTAN GZUGS MED KYI DNGOS GZHI'I SNYOMS 'JUG BRGYAD, YIN KHYAB MNYAM YIN BYAS PA LA KHO NA RE, SPANG BYA CIG CAR BA'I NYAN THOS DGRA BCOM PA'I RGYUD KYI SRID RTZE'I DNGOS GZHI'I SNYOMS 'JUG TU GYUR PA'I LAM ZAG MED YOD PAR THAL, DE'I RGYUD LA BSAM GTAN DANG PO'I DNGOS GZHI'I SNYOMS 'JUG TU GYUR PA'I DE YOD PA GANG ZHIG, DE'I RGYUD KYI SRID RTZE'I DNGOS GZHI'I SNYOMS 'JUG DANG DE'I RGYUD KYI BSAM GTAN DANG PO'I DNGOS GZHI'I SNYOMS @30B 'JUG GNYIS YIN KHYAB MNYAM YIN PA'I PHYIR, 'DOD NA, 'GREL CHEN LAS, GANG YANG 'DOD PA KHAMS DANG SRID RTZE NA, BYANG CHUB LAM GYI YAN LAG SPANGS ZHES BYA BA NI THABS LA MI MKHAS PA YIN PA'I PHYIR, NYAN THOS KYI DBANG DU BYAS PA YIN GYI DE DANG 'DI LA 'GAL BA MED DO, ,ZHES BYA BA NI KHA CIG GO, ZHES GSUNGS PA MI 'THAD PAR THAL, 'DOD PA'I PHYIR NA MA KHYAB STE, THEG DMAN GYI GRUB MTHA'I DBANG DU BYAS NA SRID RTZE'I SEMS DANG LAM ZAG MED KYI GZHI MTHUN MED KYANG THEG CHEN GYI GRUB MTHA'I DBANG DU BYAS NA DE YOD PA LUNG DE'I DON YIN PA'I PHYIR, DE LTAR MA YIN NA LUNG DE'I DON MA GRUB THAL, 'DOD SEMS DANG LAM ZAG MED KYI GZHI MTHUN YOD PA'I PHYIR TE, 'DOD PA'I SAS BSDUS KYI THEG DMAN GYI MI SLOB LAM YOD PA'I PHYIR, NYAN THOS DGRA BCOM PA'I RGYUD KYI SO THAR GYI SDOM PA DE DE YIN PA'I PHYIR, MA GRUB NA, DE CHOS CAN, DER THAL, 'DOD PA'I SAS BSDUS GANG ZHIG ,PHYI MA YIN PA'I PHYIR, DANG PO DER THAL, SO THAR GYI SDOM PA YIN PA'I PHYIR, GNYIS PA DER THAL, NYAN THOS TSOGS LAM PA'I RGYUD KYI SO THAR GYI SDOM PA DE TSOGS LAM YIN PA'I PHYIR TE, KUN BTUS LAS, TSOGS KYI LAM GANG ZHE NA, SO SO'I SKYE BO'I TSUL KHRIMS DANG, DBANG PO'I SGO SDOM PA DANG, ZHES GSUNGS PA'I PHYIR, KHO NA RE, SPANG BYA CIG CAR BA'I NYAN THOS DGRA BCOM PA'I RGYUD KYI BSAM GTAN DANG PO'I DNGOS GZHI'I SNYOMS 'JUG DE BSAM GTAN DANG PO'I DNGOS GZHI'I SNYOMS 'JUG TZAM PO BA DANG KHYAD PAR CAN GNYIS KA YIN PAR THAL, DE BSAM GZUGS BRGYAD KA YIN PA'I PHYIR, 'DOD NA ` DE CHOS CAN, RTOG BCAS DPYOD BCAS KYI BSAM GTAN GYI SNYOMS 'JUG YIN PAR THAL, BSAM GTAN DANG PO'I DNGOS GZHI'I SNYOMS 'JUG TZAM PO BA YIN PA'I PHYIR NA MA KHYAB, 'DOD MI NUS TE, RTOG MED DPYOD PA CAS KYI DE YIN PA'I PHYIR TE, @31A *, ,BSAM GTAN DANG PO'I DNGOS GZHI'I SNYOMS 'JUG KHYAD PAR CAN YIN PA'I PHYIR, 'DI'I LAN LA, KHA CIG, SPANG BYA CIG CAR BA'I NYAN THOS DGRA BCOM PA'I RGYUD KYI BSAM GTAN DANG PO'I DNGOS GZHI'I SNYOMS 'JUG LA TZAM KHYAD GNYIS KYI DBYE BA MED DE, BSAM GTAN DANG PO'I DNGOS GZHI'I SNYOMS 'JUG ZAG MED LA DE MED PA'I PHYIR, RTOG DPYOD GNYEN PO'I YAN LAG TU LDAN PA'I BSAM GTAN DANG PO'I DNGOS GZHI'I SNYOMS 'JUG ZAG MED MED PA'I PHYIR, ZHES ZER BA MI 'THAD DE, ZAG MED SA DGU MED PAR THAL, BSAM GTAN DANG PO'I DNGOS GZHI'I SNYOMS 'JUG TZAM BO BAR GYUR BA'I LAM ZAG MED MED PA'I PHYIR, GZHAN YANG, SPANG BYA CIG CAR BA'I NYAN THOS DGRA BCOM DES BSAM GTAN DANG PO'I DNGOS GZHI'I SNYOMS 'JUG THOB RJES SU BSAM GTAN GNYIS PA'I DNGOS GZHI THOB DON DU BSAM GTAN GNYIS PA'I NYER BSDOGS SGOM PA YOD PAR THAL, DES BSAM GTAN DANG PO'I DNGOS GZHI'I SNYOMS 'JUG THOB PA'I DUS SU BSAM GTAN GNYIS PA'I DNGOS GZHI MA THOB PA'I PHYIR, 'DOD NA, DES DE'I RJES SU BSAM GTAN GNYIS PA'I NYER BSDOGS YID BYED DRUG RIM CAN DU SGOM PA GCIG YOD PAR THAL, 'DOD PA GANG ZHIG, DE'I NYER BSDOGS ZAG MED MED PA'I PHYIR, 'DOD NA, DE'I RGYUD LA 'JIG RTEN PA'I BAR CHAD MED LAM GYIS BSDUS PA'I BSAM GTAN GNYIS PA'I NYER BSDOGS YOD PAR THAL, 'DOD PA'I PHYIR, 'DOD NA, DE'I RGYUD LA 'JIG RTEN PA'I SGOM SPANG DU GYUR PA'I BSAM GTAN DANG PO'I NYON MONGS KYI DNGOS GNYEN BYED PA'I BSAM GTAN GNYIS PA'I NYER BSDOGS YOD PAR THAL, 'DOD PA'I PHYIR, KHO NA RE, DE'I RGYUD KYI BSAM GTAN DANG PO'I DNGOS GZHI'I SNYOMS 'JUG CHOS CAN, KHYOD KYI GONG SA MED PAR THAL, KHYOD SRID RTZE'I DNGOS GZHI'I SNYOMS 'JUG YIN PA'I @31B PHYIR NA MA KHYAB, 'DOD MI NUS TE, KHYOD CHOS CAN DE DANG GCIG YIN PA'I PHYIR, YANG KHO NA RE, SRID RTZE'I DNGOS GZHI'I SNYOMS 'JUG GI GONG SA YOD PAR THAL, SPANG BYA CIG CAR BA'I NYAN THOS DGRA BCOM PA'I RGYUD KYI SRID RTZE'I DNGOS GZHI'I SNYOMS 'JUG GI GONG SA YOD PA'I PHYIR, MA GRUB NA, DER THAL, DE'I RGYUD KYI BSAM GTAN GYI DNGOS GZHI'I SNYOMS 'JUG GI DE YOD PA GANG ZHIG, DE GNYIS YIN KHYAB MNYAM YIN PA'I PHYIR NA MA KHYAB STE, SANGS RGYAS 'PHAGS PA'I RGYUD KYI STONG NYID MNGON SUM DU RTOGS PA'I MKHYEN PA NYAN THOS KYI RTOGS RIGS SU GNAS PAR THAL, DE'I RGYUD KYI GANG ZAG GI BDAG MED MNGON SUM DU RTOGS PA'I MKHYEN PA NYAN THOS KYI RTOGS RIGS SU GNAS PA GANG ZHIG, DE GNYIS YIN KHYAB MNYAM YIN PA'I PHYIR, KHYAB PA KHAS, KHA CIG, ZAG MED KYI BSAM GZUGS BRGYAD YIN KHYAB MNYAM YIN ZER NA, BSAM GTAN DANG PO'I DNGOS GZHI'I SNYOMS 'JUG THOB PA'I GANG ZAG YIN NA, BSAM GTAN GNYIS PA'I DE THOB PA'I GANG ZAG YIN DGOS PAR THAL, BSAM GTAN DANG PO'I DNGOS GZHI'I SNYOMS 'JUG THOB PA'I PHYIR MI 'ONG YIN NA, BSAM GTAN GNYIS PA'I DE THOB PA'I PHYIR MI 'ONG YIN DGOS PA'I PHYIR, MA GRUB NA SONG, BSAM GTAN DANG PO'I DNGOS GZHI'I SNYOMS 'JUG THOB BSAM GTAN GNYIS PA'I DE MA THOB PA'I PHYIR MI 'ONG GI RGYUD KYI GANG ZAG GI BDAG MED MNGON SUM DU RTOGS PA'I MKHYEN PA CHOS CAN, BSAM GTAN GNYIS PA'I DNGOS GZHI'I SNYOMS 'JUG ZAG MED YIN PAR THAL, ,BSAM GTAN DANG PO'I DNGOS GZHI'I SNYOMS 'JUG ZAG MED YIN PA'I PHYIR, KHYAB PA KHAS, DER THAL, GANG ZAG GI BDAG MED MNGON SUM DU RTOGS PA'I MKHYEN PA GANG ZHIG, BSAM GTAN DANG PO'I DNGOS GZHI'I SNYOMS 'JUG YIN PA'I PHYIR, DANG PO DNGOS PHYI MA @32A *, ,DER THAL, DE DE'I NYER BSDOGS MA YIN PHYIR, RTZA BAR 'DOD NA, DE 'DRA BA'I PHYIR MI 'ONG CHOS CAN, KHYOD KYI BSAM GTAN GNYIS PA'I DNGOS GZHI'I SNYOMS 'JUG ZAG MED THOB PAR THAL, KHYOD KYI RGYUD KYI GANG ZAG GI BDAG MED MNGON SUM DU RTOGS PA'I MKHYEN PA DE BSAM GTAN GNYIS PA'I DNGOS GZHI'I SNYOMS 'JUG YIN PA'I PHYIR, GZHAN YANG, RGYUN ZHUGS ZHUGS PA'I RGYUD KYI NYAN THOS KYI MTHONG LAM BAR CHAD MED LAM CHOS CAN,, SRID RTZE'I SNYOMS 'JUG ZAG MED YIN PAR THAL, BSAM GTAN DANG PO'I SNYOMS 'JUG ZAG MED YIN PA'I PHYIR, KHYAB PA KHAS, DER THAL, DE'I NYER BSDOGS ZAG MED YIN PA'I PHYIR, 'DOD NA SLA, KHO NA RE, SPANG BYA CIG CAR BA'I NYAN THOS DGRA BCOM PA'I RGYUD KYI RNAM GROL LAM CHOS CAN, SPANG BYA CIG CAR BA'I NYAN THOS DGRA BCOM PA'I RGYUD KYI SRID RTZE'I SNYOMS 'JUG YIN PAR THAL, DE'I RGYUD KYI BSAM GTAN DANG PO'I SNYOMS 'JUG YIN PA'I PHYIR, KHYAB STE, DE'I RGYUD KYI BSAM GZUGS BRGYAD YIN KHYAB MNYAM YIN PA'I PHYIR ZER NA MA KHYAB, RTAGS GRUB STE, DE'I RGYUD KYI BSAM GTAN DANG PO'I DNGOS GZHI'I SNYOMS 'JUG NAS SRID RTZE'I DNGOS GZHI'I SNYOMS 'JUG GI BAR YIN KHYAB MNYAM YIN PA'I PHYIR; KHA CIG, BSAM GTAN GYI RAB MTHA' YIN NA BSAM GTAN BZHI PA'I DNGOS SNYOMS 'JUG YIN PAS KHYAB ZER NA, DE MA KHYAB PAR THAL, BSAM GZUGS BRGYAD LA RAB MTHA' YOD PA'I PHYIR, GNYIS PA RANG LUGS NI, BSAM GTAN GZUGS MED KYI NGO BO LA, DNGOS KYI DON, DBYE BA, PHYE BA SO SO'I DON BSHAD PA'O, ,DANG PO LA, RGYU SNYOMS 'JUG GI BSAM GTAN GZUGS MED BSHAD PA DANG, 'BRAS BU SKYE BA'I BSAM GTAN GZUGS MED BSHAD PA GNYIS, DANG PO NI, @32B YAN LAG GI SGO NAS RANG GI 'OG SA LAS 'DAS PA'I BSAM GTAN GYI DNGOS GZHI'I SAS BSDUS KYI DGE BA'I RIG PA, BSAM GTAN GYI DNGOS GZHI'I SNYOMS 'JUG GI MTSAN NYID, BSAM GTAN GYI DNGOS GZHI'I SNYOMS 'JUG GANG ZHIG, RANG 'BRAS SDUG BSNGAL BDEN PA SKYED BYED KYI 'KHOR BAS BSDUS PA'I CHOS, RGYU SNYOMS 'JUG GI BSAM GTAN GYI DNGOS GZHI'I SNYOMS 'JUG GI MTSAN NYID, DMIGS PA'I SGO NAS RANG GI 'OG SA LAS 'DAS PA'I GZUGS MED KYI DNGOS GZHI'I SAS BSDUS KYI DGE BA'I RIG PA DE, GZUGS MED KYI DNGOS GZHI'I SNYOMS 'JUG GI MTSAN NYID, GZUGS MED KYI DNGOS GZHI'I SNYOMS 'JUG GANG ZHIG, RANG 'BRAS SDUG BSNGAL BDEN PA SKYED BYED KYI 'KHOR BAS BSDUS PA'I CHOS, RGYU SNYOMS 'JUG GI GZUGS MED KYI DNGOS GZHI'I SNYOMS 'JUG GI MTSAN NYID, DES NA BSAM GTAN RNAMS LA YAN LAG GI SGO NAS RANG GI 'OG SA LAS 'DAS PA ZHES RJOD PA'I RGYU MTSAN YOD DE, DE'I DNGOS GZHI'I SNYOMS 'JUG GONG MA GONG MA RNAMS 'OG MA 'OG MA'I YAN LAG RAGS PA RNAMS LAS NGES PAR 'BYUNG ZHING, DE RNAMS LA YAN LAG MI 'DRA BA'I DBYE BA YOD PA'I RGYU MTSAN GYIS DE LTAR BRJOD PA'I PHYIR, GZUGS MED GYI DNGOS GZHI'I SNYOMS 'JUG RNAMS LA, DMIGS PA'I SGO NAS RANG GI 'OG SA LAS 'DAS PA ZHES BRJOD PA'I RGYU MTSAN YOD DE, DE'I DNGOS GZHI'I SNYOMS 'JUG GONG MA GONG MA RNAMS 'OG MA 'OG MA'I DMIGS PA RAGS PA RNAMS LAS NGES PAR 'BYUNG ZHING; DE RNAMS LA DMIGS PA MI 'DRA BA'I KHYAD PAR YOD CING, YAN LAG MI 'DRA BA'I KHYAD PAR MED PA'I RGYU MTSAN GYIS DE LTAR BRJOD PA'I PHYIR, GNYIS PA NI, TSE RABS GZHAN DU RGYU SNYOMS 'JUG GI BSAM GTAN SGOM PA'I RNAM SMAN @33A *, ,GYI 'BRAS BU DANG, RGYU MTHUN GYI 'BRAS BU GANG RUNG GIS BSDUS PA'I SKYES THOB KYI CHOS, ,'BRAS BU SKYE BA'I BSAM GTAN GYI MTSAN NYID, DPER NA, TSANGS RIS NAS 'OG MIN GYI BAR GYI SEMS CAN GYI RGYUD KYI SKYES STOBS KYI CHOS LTA BU, TSE RABS GZHAN DU RGYU SNYOMS 'JUG GI GZUGS MED BSGOMS PA'I RNAM SMIN GYI 'BRAS BU DANG RGYU MTHUN GYI 'BRAS BU GANG RUNG GIS BSDUS PA'I SKYES STOBS KYI CHOS, 'BRAS BU SKYE BA'I GZUGS MED MTSAN NYID, DPER NA, GZUGS MED RIGS BZHIR SKYES PA'I SEMS CAN GYI RGYUD KYI SKYES STOBS KYI CHOS LTA BU'O, ,DES NA RGYU SNYOMS 'JUG GI BSAM GTAN DANG 'BRAS BU SKYE BA'I BSAM GTAN GNYIS; 'GAL LAM ZHEN, MI 'GAL TE, DE LA MU BZHI YOD PA'I PHYIR TE, RGYU SNYOMS 'JUG GI BSAM GTAN YIN LA, 'BRAS BU SKYE BA'I BSAM GTAN MA YIN PA'I MU, 'BRAS BU SKYE BA'I BSAM GTAN YIN LA, GCIG SHOS MA YIN PA'I MU, GNYIS KA YIN PA'I MU, GNYIS KA MA YIN PA'I MU BZHIR YOD PA'I PHYIR, DANG PO NI, 'DOD PA'I RTEN CAN GYI SO SO'I SKYE PO'I RGYUD KYI BSAM GTAN DANG PO'I DNGOS BZHI'I SNYOMS 'JUG DAG PA BA LTA BU, GNYIS PA NI, GZUGS KHAMS PA'I GANG ZAG GI RGYUD KYI RNAM SMIN GYI NGO BOR GYUR PA'I GZUGS PHUNG LTA BU, GSUM PA NI, BSAM GTAN DANG PO'I RTEN CAN GYI SO SO SKYE BO'I RGYUD KYI BSAM GTAN DANG PO'I DNGOS GZHI'I SNYOMS 'JUG DANG, BSAM GTAN BZHI PA'I RTEN CAN GYI SO SO SKYE BO'I RGYUD KYI BSAM GTAN GYI DNGOS GZHI'I SNYOMS 'JUG LTA BU, BZHI PA NI SLA, GNYIS PA DBYE BA LA, GONG SA'I DNGOS GZHI'I SNYOMS 'JUG DE LA BRGYAD YOD DE, BSAM GTAN DANG PO'I @33B DNGOS GZHI NAS, SRID RTZE'I DNGOS GZHI'I SNYOMS 'JUG GI BAR BRGYAD YOD PA'I PHYIR, DES NA BSAM GTAN DANG PO NAS CI YANG MED KYI BAR LA NYON MONGS CAN, DAG PA BA, ZAG MED GSUM DU YOD DE, MDZOD LAS, DE LTAR SNYOMS 'JUG DNGOS GZHI'I RDZAS, ,RNAM PA BRGYAD BDUN RNAM PA GSUM, ,ZHES GSUNGS PA'I PHYIR, MNGON PA GONG 'OG GNYIS LAS SRID RTZE'I DNGOS GZHI'I SNYOMS 'JUG ZAG MED MED PAR BSHAD DE, KUN BTUS LAS; 'DU SHES MED 'DU SHES MED MIN SKYE MCHED NI, 'DU SHES KYI RGYU BA YONGS SU MI GSAL BA'I PHYIR 'JIG RTEN PA NYID DE, DE'I PHYIR MTSAN MA MED PA ZHES BYA'O, ,ZHES DANG, 'GREL CHEN LAS, 'DOD PA KHAMS DANG SRID RTZE NA, , BYANG CHUB LAM GYI YAN LAG SPANGS, ,ZHES GSUNGS PA'I PHYIR, MNGON PA GONG 'OG GNYIS LTA BUS, ,DE LTAR BSHAD KYANG, RANG LUGS NI, SRID RTZE'I DNGOS GZHI'I SNYOMS 'JUG ZAG MED YOD DE, THEG CHEN GYI SGOM LAM BAR CHAD MED LAM GSAR DU SKYE BA'I SEMS RTEN DU GYUR PA'I SRID RTZE'I DNGOS GZHI'I SNYOMS 'JUG ZAG MED YOD PAR 'GREL CHEN LAS BSHAD PA'I PHYIR, DE BZHIN DU THEG DMAN GYI LAM ZAG MED DANG SRID RTZE'I SEMS KYI GZHI MTHUN YOD DE, SPANG BYA CIG CAR BA'I NYAN THOS DGRA BCOM PAS BSAM GTAN DANG PO'I DNGOS GZHI'I SNYOMS 'JUG THOB PA'I TSE, DE'I NGO BOR GYUR PA'I BSAM GZUGS BRGYAD KA THOB PA'I PHYIR, GSUM PA PHYE BA SO SO'I DON BSHAD PA LA, BSAM GZUGS BRGYAD SO SO'I NGO BO BSHAD PA, SNYOMS 'JUG NYON MONGS CAN BSHAD PA, DAG PA BA BSHAD PA, ZAG MED BSHAD PA, BSAM GTAN GYI YAN LAG BSHAD PA, GZUGS MED KYI DMIGS PA BSHAD PA'O, , @34A *, ,DANG PO NI, RANG GI 'OG SA 'DOD PA LA 'DOD CHAGS DANG BRAL BA'I RIGS SU GNAS PA'I BSAM GTAN DANG PO'I DNGOS GZHI'I SAS BSDUS KYI DGE BA'I RIG PA, BSAM GTAN DANG PO'I DNGOS GZHI'I SNYOMS 'JUG GI MTSAN NYID, DBYE NA, TZAM KHYAD GNYIS, BSAM GTAN DANG PO'I DNGOS GZHI'I SNYOMS 'JUG GANG ZHIG, TSOR BA BDE PA'I SA BA'I RIGS SU GNAS PA DE TZAM PO BA'I MTSAN NYID, DE GANG ZHIG, TSOR BA BTANG SNYOMS GYI SA PA'I RIGS SU GNAS PA DE KHYAD PAR CAN GYI MTSAN NYID, DE LA TZAM KHYAD GNYIS SU BYED PA'I RGYU MTSAN YOD DE, DE'I YAN LAG TU GYUR PA'I RTOG PA LA 'DOD CHAGS DANG BRAL NAS, DE'I YAN LAG TU GYUR BA'I DPYOD PA LA 'DOD CHAGS DANG MA BRAL BA'I BSAM GTAN DANG PO'I DNGOS GZHI'I SNYOMS 'JUG YOD PA'I RGYU MTSAN GYIS DE LTAR 'BYED PA'I PHYIR, BSAM GTAN GNYIS PA YAN CHAD KYI DNGOS GZHI'I SNYOMS 'JUG LA TZAM KHYAD GNYIS SU MI 'BYED DE, BSAM GTAN GNYIS PA'I DNGOS GZHI'I SNYOMS 'JUG GI YAN LAG RNAMS NANG PHAN TSUN LA 'DOD CHAGS DANG BRAL DKA' SLA'I KHYAD PAR MED PA'I PHYIR, RANG GI 'OG SA BSAM GTAN DANG PO LA 'DOD CHAGS DANG BRAL BA'I RIGS SU GNAS PA'I BSAM GTAN GNYIS PA'I DNGOS GZHI'I SAS BSDUS KYI DGE BA'I RIG PA, BSAM GTAN GNYIS PA'I DNGOS GZHI'I SNYOMS 'JUG GI MTSAN NYID, DES GZHAN RNAMS LA RIGS 'GRE, RANG GI 'OG SA CI YANG MED PA LA 'DOD CHAGS DANG BRAL BA'I RIGS SU GNAS PA'I SRID RTZE'I DNGOS GZHI'I SAS BSDUS KYI DGE BA'I RIG PA, SRID RTZE'I DNGOS GZHI'I SNYOMS 'JUG GI MTSAN NYID, GNYIS PA SNYOMS 'JUG NYON MONGS CAN BSHAD PA LA, GANG LA @34B NYON MONGS PAR BYA BA'I GZHI, GANG GIS NYON MONGS PAR BYA BA'I CHOS, JI LTAR NYON MONGS PAR BYED PA'I TSUL DANG GSUM LAS, DANG PO NI, BSAM GTAN GZUGS MED KYI DNGOS GZHI'I SNYOMS 'JUG DAG PA BA RNAMS YIN TE, MDZOD LAS, 'JIG RTEN PA YI DGE BA NI, ,DAG PA DE NI DES MYONG BYA, ,ZHES GSUNGS PA'I PHYIR, GNYIS PA LA BZHI YOD DE, SRID PA LTA BA NGA RGYAL, MA RIG PA RNAMS SU YOD PA'I PHYIR TE, KUN BTUS LAS, LUNG DU MA BSTAN PA'I RTZA BA BZHI PO, SRED PA DANG, LTA BA DANG, NGA RGYAL DANG, MA RIG PA STE, ZHES DANG, MDZOD LAS, GZHAN MIN BZHI ZHES NYI 'OG PA, ,DE DAG SRED LTA NGA RGYAL RMONGS, ,ZHES GSUNGS PA'I PHYIR, DES NA, KUN BTUS LAS, LUNG DU MA BSTAN ZHES SMOS PAS DGE BA DANG MI DGE BA GNYIS KYIS NYON MONGS PAR MI BYED PA DE BSTAN, DES NA MI DGE BAS NYON MONGS PAR MI BYED DE, KHAMS GONG NA MI DGE BA MED PA'I PHYIR, RTZA BA BZHI PO ZHES SMOS PAS, ,KHONG KHROS NYON MONGS PAR MI BYED PA DE BSTAN, DES NA KHONG KHROS NYON MONGS PAR MI BYED DE, KHAMS GONG NA KHONG KHRO MED PA'I PHYIR, GSUM PA NI, BSAM GTAN GYI DNGOS GZHI'I SNYOMS 'JUG DAG PA BA LA MNYAM PAR BZHAG PA'I TSE SNYOMS 'JUG GI BDE BA LA RO MYONG GI SRED PA SKYES TE, PHYIS SNYOMS 'JUG DE SRED PA DE DANG MTSUNGS LDAN DU GYUR PA NI SRED PAS NYON MONGS PAR BYED PA'I TSUL DANG, YANG DE LA MNYAM PAR BZHAG PA'I TSE MNGON SHES KYI MTHUS SNGON DANG PHYI MA'I MTHA' 'GA' ZHIG MTHONG BA NA, BDAG DANG 'JIG RTEN RTAG PA'O SNYAM PA'I LTA BA NGAN PA SKYES TE, PHYIS SNYOMS 'JUG DE LTA BA DE DANG MTSUNGS LDAN DU GYUR PA NI LTA BAS NYON MONGS PAR BYED PA'I TSUL DANG, DE LA MNYAM PAR BZHAG @35A *, ,PA'I TSE BDAG GIS NI SNYOMS 'JUG 'DI THOB KYI GZHAN GYIS NI MA THOB BO SNYAM PA'I SEMS KHENGS PAS NGA RGYAL SKYES DE, PHYIS SNYOMS 'JUG DE NGA RGYAL DE DANG MTSUNGS LDAN DU GYUR PA NI, NGA RGYAL GYIS NYON MONGS PAR BYED PA'I TSUL DANG, DE LA MNYAM PAR BZHAG PA'I TSE MA RIG PA'I DBANG GIS BDAG GIS THOB PA'I SNYOMS 'JUG 'DI THAR LAM YIN NAM MIN SNYAM PA'I THAR LAM LA THE TSOM SKYE STE, PHYIS SNYOMS 'JUG DE MA RIG PA DANG MTSUNGS LDAN DU GYUR PA NI, MA RIG PAS NYON MONGS PAR BYED PA'I TSUL YIN NO, ,'O NA, SNYOMS 'JUG NYON MONGS CAN RNAMS SNYOMS 'JUG YIN NAM, ZHE NA, MA YIN TE, SNYOMS 'JUG YIN NA DGE BA YIN DGOS, DE RNAMS NYON MONGS CAN YIN PA'I PHYIR, DANG PO DER THAL, SNYOMS 'JUG DGE BA RTZE GCIG PA, ZHES GSUNGS PA'I PHYIR, GZHAN YANG, BSAM GTAN GYI SNYOMS 'JUG NYON MONGS CAN RNAMS SNYOMS 'JUG MA YIN TE, DE RNAMS DE'I YAN LAG DANG YANG MI LDAN PA'I PHYIR TE, MDZOD LAS, NYON MONGS CAN LA DGA' BDE DANG, ,RAB DANG SHES BZHIN DRAN PA DANG, ,BTANG SNYOMS DRAN PA DAG PA MED, ,CES GSUNGS PA'I PHYIR, KHO NA RE, SNYOMS 'JUG NYON MONGS CAN RNAMS SNYOMS 'JUG MA YIN NA, DE LTAR SNYOMS 'JUG DNGOS GZHI'I RDZAS, ,RNAM PA BRGYAD BDUN RNAM PA GSUM, ,ZHES SNYOMS 'JUG GI DBYE BAR BSHAD PA DANG 'GAL LO ZHES ZER NA SKYON MED DE, DE RNAMS SNYOMS 'JUG GI RDZAS RGYUN TZAM YIN PAS, DE LA SNYOMS 'JUG GI MING GIS BTAGS NAS BSTAN PA YIN PA'I PHYIR, DPER NA, SA BON RUL BA DE SA BON MIN KYANG SA BON GYI MING GIS BTAGS PA BZHIN NO, ,MDZOD 'GREL LAS, NYON MONGS CAN JI LTAR @35B BSAM GTAN YIN ZHE NA LOG PAR SEMS PA'I PHYIR, HA CANG THAL BAR 'GYUR RO ZHE NA MA YIN TE, DE DANG RIGS MTHUN PA KHO NA LA DE'I MING DU BTAGS PA'I PHYIR TE, DPER NA, SA BON RUL BA BZHIN NO, ,ZHES GSUNGS, SNYOMS 'JUG GI RDZAS RGYUN GANG ZHIG, RANG SA'I NYON MONGS PAS BSLAD PA DE, SNYOMS 'JUG NYON MONGS CAN GYI MTSAN NYID, GSUM PA BSAM GTAN GYI SNYOMS 'JUG DAG PA BSHAD PA LA, BSAM GTAN GYI DNGOS GZHI'I SNYOMS 'JUG GANG ZHIG; 'JIG RTEN PA'I DGE BAS BSDUS PA, BSAM GTAN GYI DNGOS GZHI'I SNYOMS 'JUG DAG PA BA'I MTSAN NYID, DBYE NA, DE DAG PA BA NYAMS PA CHA MTHUN, GNAS PA CHA MTHUN, KHYAD PAR CHA MTHUN, DES 'BYED CHA MTHUN DANG BZHI; DANG PO NI, BSAM GTAN GYI DNGOS GZHI'I SNYOMS 'JUG DAG PA BA GANG ZHIG, RANG GI MJUG THOGS SU RANG SA'I NYON MONGS DANG RANG GI 'OG SA'I NYON MONGS GANG RUNG SKYE BA DANG RJES SU MTHUN PA DE, NYAMS PA CHA MTHUN GYI MTSAN NYID, DE GANG ZHIG, RANG GI MJUG THOGS SU RANG SA'I DNGOS GZHI'I SNYOMS 'JUG DAG PA BA GZHAN SKYE BA DANG RJES SU MTHUN PA DE, GNAS PA CHA MTHUN GYI MTSAN NYID, DE GANG ZHIG, RANG GI MJUG THOGS SU RANG GI GONG SA'I DNGOS GZHI'I SNYOMS 'JUG DAG PA BA GZHAN SKYE BA DANG RJES SU MTHUN PA DE KHYAD PAR CHA MTHUN GYI MTSAN NYID, DE GANG ZHIG RANG GI MJUG THOGS SU DNGOS GZHI'I SNYOMS 'JUG ZAG MED SKYE BA DANG RJES SU MTHUN PA DE NGES 'BYED CHA MTHUN GYI MTSAN NYID YIN TE, MDZOD LAS, DAG PA NYAMS PA CHA MTHUN SOGS, ,RNAM BZHI DE NI GO RIM BZHIN, ,NYON MONGS SKYE DANG RANG SA DANG, ,GONG DANG ZAG MED RJES MTHUN PA'O, ,ZHES GSUNGS PA'I PHYIR, GZUGS MED KYI DNGOS GZHI' @36A *, ,SNYOMS 'JUG GANG ZHIG, 'JIG RTEN PA'I DGE BAS BSDUS PA DE, GZUGS MED KYI DNGOS GZHI'I SNYOMS 'JUG DAG PA BA'I MTSAN NYID, YANG BSAM GTAN GYI DNGOS GZHI'I SNYOMS 'JUG DAG PA BA LA DBYE NA, BSAM GTAN DANG PO NAS BZHI PA'I BAR BZHI YOD, BSAM GTAN DANG PO'I DNGOS GZHI'I SNYOMS 'JUG GANG ZHIG, 'JIG RTEN PA'I DGE BAS BSDUS PA, DE'I DNGOS GZHI'I SNYOMS 'JUG DAG PA PA'I MTSAN NYID, DBYE NA BZHI YOD DO, ,MTSAN NYID NI SRID RTZE'I BAR DU YANG SNGA MAS RIGS 'GRE, KHYAD PAR NI, SRID RTZE'I DNGOS GZHI'I SNYOMS 'JUG DAG PA BA KHYAD PAR CHA MA THUN MED DE, SRID RTZE LA GONG SA MED PA'I PHYIR, KHA CIG, MNGON PA GONG 'OG GNYIS KYI LUGS LA SRID RTZE'I DNGOS GZHI'I SNYOMS 'JUG DAG PA BA NGES 'BYED CHA MTHUN MED DE, SRID RTZE'I SEMS DANG THEG DMAN GYI LAM ZAG MED KYI GZHI MTHUN MED PA'I PHYIR, ZER BA MI 'THAD DE, MNGON PAR GONG 'OG LTAR NA YANG, SRID RTZE'I DNGOS GZHI'I SNYOMS 'JUG DAG PA BA NGES 'BYED CHA MTHUN YOD PAR THAL, RANG GI MJUG THOGS DE MA THAG TU SNYOMS 'JUG ZAG MED SKYE BA DANG RJES SU MTHUN PA'I SRID RTZE'I DNGOS GZHI'I SNYOMS 'JUG DAG PA BA YOD PA'I PHYIR TE, RANG GI MJUG THOGS DE MA THAG TU CI YANG MED KYI DNGOS GZHI'I SNYOMS 'JUG ZAG MED SKYE BA DANG RJES SU MTHUN PA'I SRID RTZE'I DNGOS GZHI'I SNYOMS 'JUG DAG PA BA YOD PA'I PHYIR TE, SRID RTZE'I RTEN CAN GYI PHYIR MI 'ONG DES CI YANG MED KYI SEMS LA BRTEN NAS SRID RTZE LA CHAGS BRAL BYED PA'I PHYIR TE, MDZOD LAS, BSAM GTAN GZUGS MED RANG DANG NI, ,ZHES SOGS GSUNGS PA'I PHYIR, BZHI PA SNYOMS 'JUG ZAG @36B MED BSHAD PA LA, BSAM GTAN GYI DNGOS GZHI'I SNYOMS 'JUG GANG ZHIG, 'JIG RTEN LAS 'DAS PA'I DGE BAR DMIGS PA DE, DE'I DNGOS GZHI'I SNYOMS 'JUG ZAG MED KYI MTSAN NYID, GZUGS MED KYI DNGOS GZHI'I SNYOMS 'JUG GANG ZHIG ,'JIG RTEN LAS 'DAS PA'I DGE BAR DMIGS PA DE DE'I DNGOS GZHI'I SNYOMS 'JUG ZAD MED KYI MTSAN NYID YIN TE, MDZOD LAS, ZAG MED 'JIG RTEN 'DAS KYI YIN, ,ZHES GSUNGS PA'I PHYIR; LNGA PA BSAM GTAN GYI YAN LAG BSHAD PA LA, DBYE BA, BSDU BA, SO SO'I NGO BO NGOS BZUNG BA'O, DANG PO NI, BSAM GTAN GYI YAN LAG DE LA BCO BRGYAD YOD DE, BSAM GTAN DANG PO'I YAN LAG LNGA, GNYIS PA'I BZHI; GSUM PA'I LNGA, BZHI PA'I BZHI RNAMS SU YOD PA'I PHYIR, DANG PO LA LNGA YOD DE, GNYEN PO'I YAN LAG RTOG DPYOD GNYIS, PHAN YON GYI YAN LAG DBEN PA LAS SKYES PA'I DGA' BDE GNYIS, GNAS KYI YAN LAG TING NGE 'DZIN RNAMS SU YOD PA'I PHYIR, GNYIS PA'I YAN LAG BZHI YOD DE, GNYEN PO'I YAN LAG NANG RAB TU DANG BA DANG, PHAN YON GYI YAN LAG TING NGE 'DZIN LAS SKYES PA'I DGA' BDE GNYIS, GNAS KYI YAN LAG TING NGE 'DZIN RNAMS SU YOD PA'I PHYIR, GSUM PA'I YAN LAG LNGA YOD DE, GNYEN PO'I YAN LAG DRAN PA SHES BZHIN BTANG SNYOMS GSUM, PHAN YON GYI YAN LAG DGA' BAS DBEN PA'I BDE BA'I DBANG PO, GNAS KYI YAN LAG TING NGE 'DZIN RNAMS SU YOD PA'I PHYIR, BZHI PA'I YAN LAG LA BZHI YOD DE, GNYEN PO'I YAN LAG DRAN PA DANG BTANG SNYOMS YONGS DAG GNYIS, PHAN YON GYI YAN LAG TSOR BA BTANG SNYOMS, GNAS KYI YAN LAG TING NGE 'DZIN RNAMS SU YOD @37A *, ,PA'I PHYIR TE, MDZOD LAS, DANG PO LA LNGA RTOG DPYOD DANG, ,DGA' DANG BDE DANG TING 'DZIN RNAMS, ,GNYIS PA LA NI YAN LAG BZHI, ,RAB DANG DANG NI DGA' LAS SOGS, ,GSUM PA LA LNGA BTANG SNYOMS DANG, DRAN DANG SHES BZHIN BDE DANG GNAS, ,MTHA' NA BZHI DRAN BTANG SNYOMS DANG, ,BDE MIN SDUG MIN TING 'DZIN RNAMS, ,ZHES GSUNGS PA'I PHYIR, GNYIS PA LA BSDU BA NI, MDZOD PA'I LUGS DANG, KUN BTUS KYI LUGS GNYIS; DANG PO NI, BSAM GTAN GYI YAN LAG DE LA MING GI SGO NAS BCO BRGYAD DU DBYE BA DE, RDZAS KYIS BSDU NA BCU GCIG TU 'DU BA YIN TE, RTOG DPYOD GNYIS, DGA' BDE GNYIS, TING NGE 'DZIN, NANG RAB TU DANG BA, DRAN SHES BZHIN BTANG SNYOMS GSUM, TSOR BA SEMS TSOR BDE PA'I DBANG PO, TSOR BA BTANG SNYOMS KYI DBANG PO RNAMS SU 'DU BA'I PHYIR, RANG LUGS NI, KUN BTUS KYI RJES SU 'BRANG ZHING, DE'I LUGS LA, BSAM GTAN GYI YAN LAG RNAM PA DGUR 'DU STE DGA' BDE GNYIS NGO BO GCIG CING, NANG RAB TU DANG BA DRAN SHES BZHIN BTANG SNYOMS GSUM LAS RDZAS GZHAN MA YIN PA'I PHYIR, GZHAN YANG, BSAM GTAN GYI LAN LAG RNAMS GSUM DU YANG 'DU STE GNOD PA SPONG BA GNYEN PO'I YAN LAG ,PHAN PA SGRUB PA PHAN YON GYI YAN LAG ,TING NGE 'DZIN GNAS KYI YAN LAG DANG GSUM DU 'DU BA'I PHYIR, DE YANG YIN TE, BSAM GTAN DANG PO'I YAN LAG TU GYUR PA'I RTOG DPYOD GNYIS, GNYIS PA'I YAN LAG TU GYUR PA'I NANG RAB TU DANG BA, GSUM PA'I YAN LAG TU GYUR PA'I DRAN SHES BZHIN BTANG SNYOMS GSUM BZHI PA'I YAN LAG TU RGYUR PA'I DRAN PA DANG BTANG SNYOMS YONGS DAG RNAMS GNOD PA SPONG BA GNYEN PO'I YAN LAG TU 'DU, BSAM @37B GTAN DANG PO'I YAN LAG TU GYUR PA'I DBEN PA LAS SKYES PA'I DGA' BDE GNYIS GNYIS PA'I YAN LAG TU GYUR PA'I TING NGE 'DZIN LAS SKYES PA'I DGA' BDE GNYIS, GSUM PA'I YAN LAG TU GYUR PA'I YAN LAG TU GYUR PA'I DGA' BAS DBEN PA'I BDE PA'I DBANG PO, BZHI PA'I YAN LAG TU GYUR PA'I TSOR BA BTANG SNYOMS RNAMS PHAN YON GYI YAN LAG TU 'DU, BZHI KA'I TING NGE 'DZIN RNAMS GNAS KYI YAN LAG TU 'DU BA'I PHYIR, DANG PO GRUB STE, BSAM GTAN DANG PO'I YAN LAG TU GYUR PA'I RTOG DPYOD GNYIS NAS BZHI PA'I YAN LAG TU GYUR PA'I DRAN PA DANG BTANG SNYOMS YONGS DAG GI BAR RNAMS RANG RANG GI NYER BSDOGS KYI SKABS KYI GNYEN PO'I RGYUN YIN PA'I PHYIR, GNYIS PA GRUB STE, BSAM GTAN DANG PO'I YAN LAG TU GYUR PA'I DGA' BDE GNYIS NAS, BZHI PA'I YAN LAG TU GYUR PA'I TSOR BA BTANG SNYOMS KYI BAR RNAMS GNYEN POS SPANG BYA SPANG BA'I PHAN YON GYI YAN LAG YIN PA'I PHYIR, GSUM PA GRUB STE, TING NGE 'DZIN RNAMS KYIS GNYEN PO'I YAN LAG DANG, PHAN YON GYI YAN LAG RNAMS KYI RTEN BYED PA'I PHYIR, RTAGS GSUM KA GRUB STE, KUN BTUS LAS, GNYEN PO'I YAN LAG DANG PHAN YON GYI YAN LAG DANG DE GNYIS KA'I GNAS KYI YAN LAG GI PHYIR RO, ,ZHES GSUNGS PA'I PHYIR, GSUM PA SO SO'I NGO BO NGOS BZUNG BA LA, BSAM GTAN DANG PO'I YAN LAG TU GYUR PA'I RTOG DPYOD GNYIS SU PHYE BA'I RTOG PA NI, RANG YUL LA RTZID BA'I RNAM PAS 'JUG PA'I SEMS BYUNG GCIG LA BYED, DE'I YAN LAG TU GYUR PA'I RTOG DPYOD GNYIS SU PHYE BA'I DPYOD PA NI RANG YUL LA ZHIB PA'I RNAM PAS 'JUG PA'I SEMS BYUNG GCIG LA BYED DE, MDZOD LAS, RTOG DANG DPYOD PA RTZID ZHIB NYID, ,ZHES DANG, KUN BTUS @38A *, ,LAS; RTOG PA GANG ZHE NA, SEMS PA'AM, SHES RAB LA BRTEN NAS, KUN TU 'TSOL BA'I YID KYIS BRJOD PA STE, DE NI SEMS RTZID BA'O, ,DPYOD PA GANG ZHEN, SEMS PA'AM, SHES RAB LA BRTEN NAS SO SOR RTOG PA'I YID KYIS BRJOD PA STE, DE NI SEMS ZHIB PA'O, ,ZHES GSUNGS PA'I PHYIR, DES NA BSAM GTAN DANG PO'I YAN LAG TU GYUR PA'I RTOG PA DE, SEMS RTZID BA'I RNAM PA CAN DANG, DE'I YAN LAG TU GYUR PA'I DPYOD PA DE SEMS ZHIB PA'I RNAM PA CAN YIN NA, DE GNYIS BSAM GTAN DANG PO'I DNGOS GZHI'I SNYOMS 'JUG TZAM PO BA'I YAN LAG TU LDAN PAR 'GAL LO, ,ZHE NA, SKYON MED DE, BSAM GTAN DANG PO'I YAN LAG TU GYUR PA'I RTOG PA DES RANG DANG MTSUNGS LDAN GYI BSAM GTAN DANG PO'I DNGOS GZHI'I SNYOMS 'JUG TZAM PO BA DE HA CANG RTZID BAR MI BYED, ,DE'I YAN LAG TU GYUR PA'I DPYOD PA DES RANG DANG MTSUNGS LDAN GYI BSAM GTAN DANG PO'I DNGOS GZHI'I SNYOMS 'JUG TZAM PO BA DE HA CANG ZHIB PAR MI BYED PA YIN PA'I PHYIR, DPER NA, MAR GSAR PA CHU GRANG MO'I NANG DU BCUG STE NYI MA'I 'OD ZER LA BZHAG PA'I TSE NYI MAS HA CANG TSA BAR MI BYED CHUS HA CANG GRANG BAR MI BYED PA BZHIN NO, ,MDZOD PA'I LUGS LA, BSAM GTAN DANG PO'I YAN LAG TU GYUR PA'I DGA' BA NI DER GYUR PA'I TSOR BA YID BDE GCIG LA 'JOG STE, MDZOD LAS, LUNG RNAM GNYIS PHYIR DGA' YID BDE, ,ZHES GSUNGS PA'I PHYIR; DE'I YAN LAG TU GYUR PA'I BDE PA NI SHIN SBYANGS KYI BDE BA LA BYED DE, MDZOD LAS, DANG PO NI, SHIN TU SBYANGS PA BDE BA YIN, ,ZHES GSUNGS PA'I PHYIR, RANG LUGS NI, BSAM GTAN DANG PO'I YAN LAG TU GYUR PA'I TSOR BA @38B SIM PAR MYONG BA DE CHOS CAN, BDE BA ZHES BRJOD PA'I RGYU MTSAN YOD DE, RANG RGYUD LDAN GYI GANG ZAG GI RGYUD KYI DBANG PO RTEN BCAS LAS RUNG DU BYED PA'I RGYU MTSAN GYIS DE LTAR BRJOD PA'I PHYIR, DE CHOS CAN, DGA' BA ZHES BRJOD PA'I RGYU MTSAN YOD DE, RANG DANG MTSUNGS LDAN GYI RNAM SHES 'KHOR BCAS DGA' BA RNAMS KYIS TSIM PAR BYAS PA'I SGO NAS SEMS LAS RUNG DU BYED PA'I RGYU MTSAN GYIS DE LTAR BRJOD PA'I PHYIR RO, ,DE SKAD DU YANG, NYAN SA LAS, GZUGS KYI LUS DANG, YID KYI LUS KYI TSOR PA'I BDE BA DANG SHIN TU SBYANGS PA'I BDE BA SO SOR MYONG BAR BYED PAS NA, DE'I PHYIR BDE BA LUS KYIS MYONG LA, ZHES GSUNGS PA'I PHYIR, BSAM GTAN DANG PO'I YAN LAG TU GYUR PA'I TING NGE 'DZIN NI DE DANG MTSUNGS LDAN GYI SEMS SEMS BYUNG RNAMS DMIGS PA GCIG LA SDUD PAR BYED PA'I BSAM GTAN DANG PO'I YID BYED CIG LA BYED, BYE BRAG SMA BA NA RE, BSAM GTAN DANG PO'I YAN LAG TU GYUR PA'I TING NGE 'DZIN DE, BSAM GTAN DANG PO'I DNGOS GZHI'I SNYOMS 'JUG KYANG YIN, DE'I YAN LAG KYANG YIN, DE LAS GZHAN PA'I YAN LAG RNAMS DE'I YAN LAG YIN KYANG DE'I DNGOS GZHI'I SNYOMS 'JUG MA YIN PA'I PHYIR, ZHES ZER, RANG LUGS NI, BSAM GTAN DANG PO'I YAN LAG TU GYUR PA'I RTOG PA NI YAN LAG LNGA PA'I BSAM GTAN DANG PO'I DNGOS GZHI'I SNYOMS 'JUG MIN KYANG, DE'I DNGOS GZHI'I SNYOMS 'JUG YIN TE, YAN LAG BZHI PA'I DMAG GI NANG TSAN DU GYUR PA'I RTA PA'I DMAG DE YAN LAG BZHI PA'I DMAG MIN KYANG, DMAG YIN PA BZHIN YIN PA'I PHYIR, DE SKAD DU YANG, MDZOD 'GREL LAS, TING NGE 'DZIN NI YAN LAG KYANG YIN LA BSAM GTAN YANG YIN NO, ,LHAG MA RNAMS NI @39A *, ,YAN LAG DAG YIN NO ZHES GRAG GO, YAN LAG BZHI PA'I DMAG JI LTA BAR YAN LAG LNGA PA'I BSAM GTAN YANG DE DANG 'DRA LA, ZHES GSUNGS PA'I PHYIR, BSAM GTAN GNYIS PA'I YAN LAG TU GYUR PA'I NANG RAB TU DANG BA DE GANG ZHE NA, BYE BRAG SMRA BA NA RE, BSAM GTAN DANG PO LAS NGES PAR 'BYUNG BA'I YID CHES PA'I DAD PA LA BYED, ZHES ZER, DE SKAD DU YANG, MDZOD LAS, RAB TU DANG BA DAD PA YIN, ZHES GSUNGS PA'I PHYIR, RANG LUGS NI, BSAM GTAN GNYIS PA'I LAN LAG TU GYUR PA'I DRAN SHES BZHIN BTANG SNYOMS GSUM PO DE DE'I YAN LAG TU GYUR PA'I NANG RAB TU DANG BA YIN TE, BSDU PA LAS, DE'I NANG YONGS SU DANG PA'I CHOS KYI NGO BO NYID GANG ZHE NA ,SMRAS PA, DRAN PA DANG, SHES BZHIN DANG, BTANG SNYOMS KYI NGO BO NYID DO, ,ZHES GSUNGS PA'I PHYIR, DE'I YAN LAG TU GYUR PA'I DGA' BDE GNYIS NGO BO GCIG YIN TE, DE'I YAN LAG TU GYUR PA'I TSOR BA SIM PAR MYONG BA DES RANG RGYUD LDAN GYI GANG ZAG GI RGYUD KYI DBANG PO RTEN BCAS DE LAS RUNG DU BYED PA'I CHA NAS BDE BA DANG, RANG DANG MTSUNGS LDAN GYI RNAM SHES 'KHOR BA CES DGA' BA RNAMS KYIS TSIM PAR BYED PA'I SGO NAS DGA' BAR BZHAG PA'I PHYIR; TING NGE 'DZIN NI RANG DANG MTSUNGS LDAN GYI SEMS SEMS BYUNG RNAMS DMIGS PA GCIG LA SDUD PAR BYED PA'I BSAM GTAN GNYIS PA'I YID BYED CIG LA BYED, BSAM GTAN GSUM PA'I YAN LAG TU GYUR PA'I BDE BA NI; DGA' BA'I KUN DKRIS DANG BRAL BA'I SEMS TSOR BDE BA'I DBANG PO LA BYED, DE'I YAN LAG TU GYUR PA'I DRAN PA NI, DGA' BA'I KUN DKRIS LDOG PA'I DMIGS RNAM MI BRJED PAR 'DZIN PA'I BSAM GTAN GSUM PA'I YID @39B BYED CIG LA BYED, DE'I SHES BZHIN NI BYING RGOD 'BYUNG MI 'BYUNG RTOG PA'I BSAM GTAN GSUM PA'I YID BYED GCIG LA BYED, BTANG SNYOMS NI RTOG DPYOD GNYIS DANG DGA' BA'I SKYON DANG BRAL BA'I SGO NAS MI MNYAM PA MED PAR RANG GI DMIGS PA LA RTZE GCIG TU 'JOG PA'I 'DU BYED BTANG SNYOMS GCIG LA BYED, TING NGE 'DZIN NI SNGAR DANG 'DRA, BSAM GTAN DANG POR DRAN SHES BZHIN BTANG SNYOMS YOD KYANG YAN LAG TU MA SMROS, GNYIS PAR DE GSUM LA RANG MING GIS MA SMOS, GSUM PAR DE GSUM LA MING RANG GI SMOS PA'I RGYU MTSAN GANG ZHE NA, DE'I RGYU MTSAN YOD DE, BSAM GTAN DANG POR RTOG DPYOD KYI RNYOG MA DANG BCAS PA DANG, GNYIS PAR DGA' BA'I KUN DKRIS DANG BCAS, GSUM PA DE DANG BRAL BA'I RGYU MTSAN GYIS DE LTAR RJOD PA'I PHYIR, DE SKAD DU YANG, BSDU BA LAS, DE LA BSAM GTAN DANG PO LA NI DRAN PA DANG, SHES BZHIN DANG, BTANG SNYOMS DAG ,RTOG PA DANG, DPYOD PA'I SGO DAG GIS MNGON PAR BSGRUBS PAS NA DE'I PHYIR YOD KYANG MA SMROS SO, ,BSAM GTAN GNYIS PA LA NI NGO BO NYID LAS LAS BYED PA DAG YIN YANG SEMS DGA' BA'I NYON MONGS PAS KUN NAS DKRIS PA YIN PAS DE'I PHYIR NANG YONGS SU DANG BA'I MING GIS BSTAN TO, BSAM GTAN GSUM PA LA NI SEMS KYI NYE BA'I NYON MONGS PA DE DANG BRAL BA'I PHYIR, RANG GI MTSAN NYID DE KHO NAS BSTAN TE, ZHES SO, ,BZHI PA NI, BSAM GTAN BZHI PA'I YAN LAG TU GYUR PA'I DRAN PA DANG BTANG SNYOMS GNYIS LA YONGS DAG GIS SGRAS STON PA'I RGYU MTSAN YOD DE, DE BSAM GTAN GYI SKYON BRGYAD LAS GROL BA'I RGYU MTSAN GYIS DE LTAR BRJOD PA'I PHYIR, DE'I SKYON BRGYAD NI, RTOG DPYOD GNYIS, DBUGS @40A *, ,'BYUNG RDUB GNYIS, ZAG BCAS KYI TSOR BA BDE BA DANG YID BDE GNYIS, SDUG BSNGAL DANG YID MI BDE GNYIS RNAMS YIN TE, MDZOD LAS, SKYON BRGYAD LAS NI GROL BA'I PHYIR, BZHI PA G-YO BA MED PA YIN, RTOG DANG DPYOD DANG DBUGS DAG DANG, BDE BA LAS SOGS BZHI YIN NO, ,ZHES GSUNGS PA'I PHYIR, BSAM GTAN BZHI PA'I YAN LAG TU GYUR PA'I SHES BZHIN MI 'JOG PA'I RGYU MTSAN YOD DE, DER BYING RGOD 'BYUNG MI 'BYUNG RTOG MI DGOS PA'I PHYIR TE, BSAM GTAN BZHI PA DE SKYON BRGYAD LAS GROL BA'I PHYIR, BSAM GTAN BZHI PA'I DNGOS GZHI'I SNYOMS 'JUG DE TSOR BA BTANG SNYOMS PHAN YON GYIS YAN LAG TU LDAN YANG DE YIN NA DE LDAN MI DGOS PA'I PHYIR TE, BDE BA CAN GYI RTEN CAN GYI GANG ZAG GI RGYUD KYI BSAM GTAN BZHI PA'I DNGOS GZHI'I SNYOMS 'JUG DE TSOR BA BTANG SNYOMS PHAN YON GYI YAN LAG TU MI LDAN PA'I PHYIR TE, ZHING BKOD KYI MDO LAS, KUN DGA' PO ZHING DE NA BDE BA YANG MA YIN SDUG BSNGAL YANG MA YIN PA'I TSOR BA'I SGRA YANG MED NA SDUG BSNGAL GYI SGRA DAG LTA GA LA YOD, ZHES GSUNGS PA'I PHYIR, GZHAN YANG, DE MI DGOS TE, SANGS RGYAS 'PHAGS PA'I RGYUD KYI BSAM GTAN BZHI PA'I DNGOS GZHI'I SNYOMS 'JUG DE DANG MI LDAN PA'I PHYIR TE, TSOR BA RNAMS KYI NANG NAS TSOR BA BDE BA MCHOG YIN PA'I PHYIR, BSAM GTAN BZHI PO LA MI 'DRA BA'I KHYAD PAR CI YOD CEN YOD DE, TING NGE 'DZIN YONGS DU RDZOGS MA RDZOGS DANG, PHAN 'DOGS PA YONGS SU RDZOGS MA RDZOGS DANG, YONGS SU DAG PA YONGS SU RDZOGS MA RDZOGS KYI KHYAD PAR YOD PA'I PHYIR TE, BSDU BA LAS, BSAM GTAN DANG PO DANG GNYIS PA LA KHYAD PAR CI YOD CE NA, SMRAS PA TING NGE 'DZIN YONGS SU RDZOGS @40B PA'I KHYAD PAR YOD DO, ,GNYIS PA DANG GSUM PA LA KHYAD PAR CI YOD CE NA, SMRAS PA, PHAN 'DOGS PA YONGS SU RDZOGS PA'I KHYAD PAR YOD DO, ,BSAM GTAN GSUM PA DANG BZHI PA LA KHYAD PAR CI YOD CE NA, SMRAS PA, YONGS SU DAG PA YONGS SU RDZOGS PA'I KHYAD PAR YOD DO, ,ZHES GSUNGS PA'I PHYIR, BSAM GTAN BZHI PO DE LA MI 'DRA BA'I KHYAD PAR YOD KYANG, 'GAL BA NI MA YIN TE, SANGS RGYAS 'PHAGS PA'I RGYUD KYI BSAM GTAN GYI DNGOS GZHI'I SNYOMS 'JUG YIN NA BSAM GZUGS BRGYAD KA YIN DGOS PA'I PHYIR, DE'I RGYUD KYI DRAN PA NYER GZHAG YIN NA, BYANG PHYOGS SO BDUN PO THAMS CAD YIN DGOS PA'I PHYIR, BSAM GTAN BZHI PO RNAMS NI, ZAG BCAS KYI TSOR BA BDE SDUG MNGON 'GYUR BA PHRA RAGS LAS NGES PAR 'BYUNG BA TSOR BAR BYED KYI, ZAG BCAS KYI TSOR BA BTANG SNYOMS LAS NGES PAR 'BYUNG BA TSOR PA MI BYED DE, SO SO'I SKYE BO RANG GA BA RNAMS KYI 'DU BYED KYI SDUG BSNGAL LA SDUG BSNGAL GYI RANG BZHIN TU RTOG PAR DKA' BA'I PHYIR; ZAG BCAS KYI TSOR BA BDE SDUG MNGON 'GYUR BA PHRA RAGS LAS NGES PAR 'BYUNG BA'I DBANG DU BYAS NAS BSAM GTAN BZHI BZHAG PA YIN TE, ZAG BCAS KYI TSOR BA SDUG BSNGAL RAGS PA YID MI BDE DANG SDUG BSNGAL PHRA BA SDUG BSNGAL GYI GNAS NGAN LEN DANG BDE BA RAGS PA YID BDE DANG, PHRA BA BDE PA'I DBANG PO LAS NGES PAR 'BYUNG BA'I DBANG DU BYAS NAS RIM PA BZHIN DU BSAM GTAN BZHIR BZHAG PA'I PHYIR, ZAG BCAS KYI 'DU SHES PHRA RAGS LAS NGES PAR 'BYUNG BA'I DBANG DU BYAS NAS, GZUGS MED BZHIR BZHAG PA YIN TE, ZAG BCAS KYI 'DU SHES DE LA, THOGS PA'I 'DU SHES DANG NANG RNAM SHES LA BKRA BAR 'DZIN PA'I 'DU SHES GNYIS @41A *, ,YOD CING, DANG PO LA PHYI ROL GYI GZUGS LA THOGS PA'I 'DU SHES DANG, GNYEN PO NAM MKHA'I 'DU SHES GNYIS, NANG RNAM SHES LA BKRA BAR 'DZIN PA LA SPANG BYA RNAM SHES LA BRTEN PA DANG, GNYEN PO CI YANG MED KYI 'DU SHES GNYIS TE BZHI LAS NGES PAR 'BYUNG BA'I DBANG DU BYAS NAS, GZUGS MED BZHIR RIM PA BZHIN DU BZHAG PA'I PHYIR, 'BRAS BU NI, BSAM GTAN DANG PO'I DNGOS GZHI'I SNYOMS 'JUG CHUNG 'BRING CHEN PO GSUM BSGOMS PA LA BRTEN NAS, RIM PA BZHIN DU TSANGS RIS, TSANGS PA MDUN NA 'DON, TSANGS CHEN RNAMS KYI SKYE BA GRUB PAR BYED, GNYIS PA'I SNYOMS 'JUG CHUNG 'BRING CHEN PO GSUM BSGOMS PA LA BRTEN NAS RIM PA BZHIN DU 'OD CHUNG, TSAD MED 'OD, 'OD GSAL RNAMS KYI SKYE BA DE 'GRUB PAR BYED, GSUM PA'I SNYOMS 'JUG CHUNG 'BRING CHEN PO GSUM BSGOMS PA LA BRTEN NAS RIM PA BZHIN DU, DGE CHUNG, TSAD MED DGE, DGE RGYAS RNAMS KYI SKYE BA 'GRUB PAR BYED, BZHI PA'I DNGOS GZHI'I SNYOMS 'JUG DE RNAMS RIM PA BZHIN DU BSGOMS PA LA BRTEN NAS, SPRIN MED, BSOD NAMS SKYES, 'BRAS BU CHE BA RNAMS SU SKYE, BSAM GTAN GYI SPEL SGOM LNGA BYAS PA LA BRTEN NAS GNAS GTZANG LNGA RNAMS SU SKYE, NAM MKHA' MTHA' YAS SKYE MCHED KYI DNGOS GZHI'I SNYOMS 'JUG DAG PA BA CHUNG 'BRING CHEN PO GSUM BSGOMS PA LA BRTEN NAS GZUGS MED NAM MKHA'I SKYE BA BZANG NGAN 'BRING GSUM DU SKYE, DES PHYI MA RNAMS LA RIGS 'GRE, SKYE BA BZANG NGAN GYI KHYAD PAR NI, TSE RING THUNG DANG, NYON MONGS MANG NYUNG SOGS LA 'JOG, GZHUNG 'DI GANG LAS 'PHROS NA GONG DU GO CHA'I SGRUB PA BSHAD NAS, DE RJES SU 'JUG SGRUB BSHAD PA LA, 'O NA, DE @41B LA DU YOD CE NA, DE 'CHAD PA LA 'DI BYUNG, DON NI, 'JUG SGRUB CHOS CAN, KHYOD LA DBYE NA DGU YOD DE, BSAM GTAN GZUGS MED LA 'JUG PA'I SGRUB PA NAS, RNAM MKHYEN LA 'JUG PA'I KHYOD KYI BAR DGU YOD PA'I PHYIR, , ,,SHER PHYIN MAN NGAG SNYING PO'I DKA' BA'I GNAD, ,LUNG RIGS LAM NAS DRANGS TE MA NOR BAR, ,GSAL MDZAD CHOS KYI RGYAL MTSAN DE'I BZHES SROL, ,BRGYUD 'DZIN DANG BCAS BSKAL BRGYAR DAR RGYAS SHOG , ,,DGE LEGS 'PHEL,, ` ,,RNAM GROL ZHI BA'I RGYA MTSOR RO GCIG TU, ,GZHOL BA'I MTHA' YAS CHOS TSUL DAL 'BAB KLUNG, ,TSIG GI GZEGS MA RES KYANG DUG GSUM GYI, ,DRI MA YONGS 'KHRUD LEGS BSHAD BDUD RTZI 'DI, ,DPAR DU BSKRUN PA'I RNAM DKAR PHUNG PO'I MTHUS, ,YANG DAG CHOS KYI SGO MO STONG PHRAG BRGYA, ,GDANGS TE RGYUD LNGA'I 'GRO BA MA LUS PA, ,NGES LEGS NOR BU'I MDZOD LA DBANG 'BYOR SHOG ,CES 'DZAM GLING YANGS PA'I KHYON LA 'TSE MED ZHI BA'I LAM STON RNAM 'DREN SH'AKYA SENGGE'I RING LUGS SGO KUN NAS RGYAS PA SOGS 'PHRAL YUL LEGS TSOGS DU MA'I CHED DU DMIGS, ,NANG BSTAN GRUB MTHA' RIS MED KYI GSUNG RAB DAG DPAR DU BSKRUN DANG BSKRUN 'GYUR DANG BRI BRKO LEGS PAR GRUB PA'I DGE BSNGO'I SMON TSIG TU SH'AKYA'I DGE SBYONG CHOS SMRA BA NGAG DBANG BLO BZANG BSTAN 'DZIN RGYA MTSOS SBYAR BA'O,, ` PHYI LO 1988 LOR SER BYES DPE MDZOD NAS PAR SHING GSAR DU BSKRUN PA DGE'O,, ,,DGE LEGS 'PHEL,, SARBA MNGGA LAm, ,