@, ,RJE BTZUN CHOS KYI RGYAL MTSAN DPAL BZANG PO'I GSUNG MKHAS PA'I MGUL RGYAN CES BYA BA SA LAM RNAM GZHAG BZHUGS SO, , @01A #, ,DE LA YE SHES KYI TSOGS DANG, ZHES SOGS KYI SKABS SU, 'O NA, TSOGS SGRUB BCU BDUN GYI NANG NAS YE SHES KYI TSOGS BYE BRAG TU 'CHAD PA'I RGYU MTSAN CI YIN ZHE NA, DE YOD DE, YE SHES KYI TSOGS DE RTOGS DKA' ZHING, RTOGS NA PHAN YON CHEN PO DANG LDAN PAS BYE BRAG TU BSHAD PA'I PHYIR, ZHES 'CHAD PA LA, GZHUNG 'DI BYUNG, 'DI'I SKABS SU, DBU SEMS GNYIS KYI LUGS SO SOR 'GOD PA DANG, DBU MA PA'I LUGS 'THAD PAR SGRUB PA DANG, DE LA KLAN KA SPANGS PA, SEMS TZAM PA'I LUGS BKAG PA, YE SHES KYI DBYE BA GZHAN MI 'CHAD PA'I RGYU MTSAN DANG LNGA, DANG PO NI, SEMS TZAM PAS GZUNG 'DZIN RDZAS GZHAN GYIS STONG PA'I STONG NYID BDEN GRUB DE 'PHAGS PA'I MNYAM GZHAG GIS GZHAL BYAR 'DOD, DBU MA PAS CHOS THAMS CAD BDEN PAS STONG PA'I STONG NYID DE'I GZHAL BYAR 'DOD PA YIN TE, RGYAN SNANG LAS, RNAM PAR MI RTOG PA'I YE SHES 'DI'I DMIGS PA CI YIN ZHE NA, KHA CIG NI STONG PA NYID YIN NO ZHES 'DOD DO, ,GZHAN DAG NI DE CHOS THAMS CAD KYI NGO BO NYID STONG NYID LA DMIGS PAR 'DOD DO, ,CES GSUNGS PA'I PHYIR, GNYIS PA NI, LUGS DE GNYIS KYI NANG NAS GANG 'THAD CE NA, DBU MA PA'I LUGS 'DI NYID 'THAD PA YIN TE, DE'I SGRUB BYED KYI RIGS PA RNAM DAG YOD PA'I PHYIR, 'O NA, DE GANG ZHE NA, 'GREL CHEN LAS, 'DI NYID RIGS PA YIN TE, GANG DANG GANG SHES PA YIN PA DE DANG DE NI CHOS THAMS CAD KYI RANG BZHIN STONG PA NYID LA DMIGS PA YIN TE, @02A *, ,DPER NA RMI LAM DU RTA LA SOGS PA'I NGO BO NYID LA DMIGS PA LTA BU'O, ,RTZOD PA'I GNAS SU GYUR PA RNAM PAR MI RTOGS PA'I YE SHES 'DI YANG SHES PA YIN NO, ,ZHES BYA BA NI RANG BZHIN GYI GTAN TSIGS SO,, DMIGS PA MNGON SUM MA YIN NA, ,DON STONG RAB TU GRUB MA YIN, ,ZHES BYA BAS GTAN TSIGS MA GRUB PA MA YIN LA, MTHUN PA'I PHYOGS LA YOD PAS 'GAL BA MA YIN NO, ,CHOS THAMS CAD KYI RANG BZHIN DE KHO NA NYID DU YOD PA NI PHYIS 'GOG PAR 'GYUR BA'I PHYIR MA NGES PA NYID KYANG MA YIN NO, ,ZHES GSUNGS, DE'I DON NI KHA CIG, SHES PA YIN NA, KHYOD KYI YUL BDEN STONG YIN PAS KHYAB, DPER NA RMI LAM DU RTA GLANG SNANG BA'I SHES PA BZHIN NO, ,RNAM PAR MI RTOG PA'I YE SHES 'DI YANG SHES PA YIN NO, ,ZHES PA'I SGRUB NGAG 'DI DE'I SKABS NAS DNGOS SU BSTAN PA'I RANG BZHIN GYI RTAGS YANG DAG YIN NO, ,ZHE NA, 'O NA, SHES PA DE RNAM PAR MI RTOG PA'I YE SHES RANG YUL BDEN STONG DU SGRUB PAR BYED PA'I RANG BZHIN GYI RTAGS YANG DAG YIN PAR THAL, DAM BCA' 'THAD PA'I PHYIR, 'DOD MI NUS TE, DE'I SGRUB BYA MED DGAG YIN PA'I PHYIR, RANG LUGS NI, GANG SHES PA YIN NA BDEN PAS STONG PA'I RANG YUL LA DMIGS PAS KHYAB, DPER NA, RMI LAM DU RTA GLANG DU SNANG BA'I SHES PA BZHIN NO, ,RNAM PAR MI RTOG PA'I YE SHES 'DI YANG SHES PA YIN NO, ,ZHES PA'I SGRUB NGAG 'DI, DE'I SKABS NAS DNGOS SU BSTAN PA'I SGRUB DAG YIN NO, ,DES NA STONG NYID RTOGS @02B PA'I THEG CHEN GYI MKHYEN PA DE, SKABS 'DIR DNGOS SU BSTAN PA'I YE SHES KYI TSOGS KYI MTSAN NYID, DE LA DBYE NA, TSOGS LAM GYI NGO BOR GYUR PA GSUM, SBYOR LAM GYI NGO BOR GYUR PA GCIG, MA DAGS BDUN GYI NGO BOR GYUR PA RE RE, DAG PA SA GSUM GYI NGO BOR GYUR PA GNYIS GNYIS, SANGS RGYAS KYI SA'I NGO BOR GYUR PA GSUM STE, NYI SHU YOD PA'I PHYIR, GSUM PA NI, KHO NA RE, BDEN STONG CHOS CAN, BDEN PAR MED DE, DMIGS PA YIN PA'I PHYIR, 'DOD NA, MYU GU BDEN MED CHOS CAN KHYOD MED PAR THAL, BDEN PAR MED PA'I PHYIR, 'DI NI DGAG PA GNYIS KYI GNAD MA GE BA'I LUGS SU BYAS PA'I RTZOD PA'O, ,DE LA KHYAB PA MED PAR THAL, LHAS BYIN GSOD BYED KYI MCHOD SBYIN BSAD PAS LHAS BYIN SLAR MI LDOG PA LTAR, MYU GU BDEN MED BDEN PAR GRUB PA BKAG PAS, MYU GU BDEN GRUB SLAR MI LDOG PA BZHIN NO, ,BZHI PA SEMS TZAM PA'I LUGS BKAG PA LA, GZUNG 'DZIN RDZAS GZHAN GYIS STONG PA'I STONG NYID BDEN GRUB DANG GNAS LUGS MTHAR THUG GNYIS KA YIN NO, ,ZER NA, DE CHOS CAN, RDZAS SU GRUB PAR THAL, BDEN PAR GRUB PA'I PHYIR, 'DOD NA, GZUNG 'DZIN TSAD MA DANG RDZAS GCIG DANG RDZAS THA DAD GANG RUNG YIN PAR THAL, 'DOD PA'I PHYIR, 'DOD MI NUS TE, DE DANG RDZAS GCIG YANG MA YIN, RDZAS THA DAD PA YANG MA YIN PA'I PHYIR, DANG PO MA GRUB NA, DE CHOS CAN, DNGOS PO YIN PAR THAL, MA GRUB PA DE'I PHYIR, 'DOD NA, SLOB PA'I MNYAM GZHAG YE SHES KYIS KHYOD LA DMIGS NAS BSGOMS PAS SGRIB PA DAG PAR MI 'GYUR BAR THAL, KHYOD DNGOS PO YIN PA'I PHYIR, PHYI MA MA GRUB NA, DE CHOS CAN, KHYOD GZUNG 'DZIN TSAD MA'I GNAS LUGS MA YIN PAR THAL, PHYI MA MA GRUB PA DE'I PHYIR, LNGA PA, CHOS DBYINGS YE SHES SOGS KYI DBYE BA SKABS 'DIR MI @03A *, ,'CHAD PA'I RGYU MTSAN NI, TSOGS SGRUB BCU BDUN GYI NANG NAS YE SHES KYI TSOGS SGRUB DE 'DIR MDOR BSTAN GYIS GTAN LA 'BEBS PAR BZHED PA'I PHYIR, SA'I TSOGS LAS GANG GI YONGS SU SBYONG BA RDZOGS PAR MA GYUR PA DE SRID DUS DE YIN LA, RDZOGS NAS SA GZHAN YIN PAR SHES PAR BYA'O, ,ZHES SOGS KYI SKABS SU, 'O NA, TSOGS SGRUB BCU BDUN GYI NANG NAS SA'I TSOGS SGRUB BYE BRAG TU 'CHAD PA'I RGYU MTSAN GANG ZHE NA, DE YOD DE, DE'I RJOD BYED KYI TSIG MANG ZHING BRJOD BYA'I DON MANG BAS RTOGS DKA' BA LA DGONGS NAS DE LTAR BSHAD PA'I PHYIR, ZHES BSHAD PA LA GZHUNG 'DI BYUNG, SA'I TSOGS KYI DBYE BA RGYAS PAR 'CHAD PA LA, YONGS SU SBYONG BA RNAMS BCU YI, ,ZHES SOGS GSUNGS, 'DI'I SKABS SU, DGAG GZHAG SPANG GSUM LAS, DANG PO NI, KHA CIG, YON TAN DU MA'I GZHI RTEN DU GYUR PA'I MNGON PAR RTOGS PA, SA'I MTSAN NYID, ZER NA, THEG CHEN GYI TSOGS LAM CHOS CAN, MTSON BYA DER THAL, MTSAN NYID DE'I PHYIR, 'DOD NA, SRA ZHING 'THAS PA YIN PAR THAL, SA YIN PA'I PHYIR, KHYAB STE, MDZOD LAS, SRA GSHER DRO NYID G-YO BA RNAMS, ,'DZIN PA LA SOGS LAS SU GRUB, ,CES GSUNGS PA'I PHYIR, KHA CIG, DE 'DRA'I MNGON RTOGS DE SA LAM GNYIS SU PHYE BA'I SA'I MTSAN NYID ZER NA MI 'THAD PAR THAL, SA LAM GNYIS SU PHYE BA'I SA YIN NA, LAM YIN DGOS, MNGON RTOGS YIN NA, LAM YIN MI DGOS PA'I PHYIR, PHYI MA MA GRUB NA, DER THAL, LAM MA ZHUGS KYI GANG ZAG GI RGYUD LA MNGON RTOGS YOD PA'I PHYIR, DER THAL, DE'I RGYUD LA RTOGS PA'I BSTAN PA YOD PA'I PHYIR, ZER NA MA KHYAB, KHA CIG, DA 'DRA'I LAM ZHUGS KYI GANG ZAG GI RGYUD KYI MNGON RTOGS DE, SA LAM GNYIS SU PHYE BA'I SA'I MTSAN NYID, ZER NA, BUM PA'I CHOS NYID LA RTZE GCIG TU MNYAM PAR BZHAG PA'I THEG CHEN GYI MTHONG LAM BAR CHAD MED @03B LAM CHOS CAN, MTSAN NYID DER THAL, MTSON BYA DE'I PHYIR, 'DOD NA, YON TAN DU MA'I GZHI RTEN YIN PAR THAL, 'DOD PA'I PHYIR, 'DOD NA, KHYOD MED NA YON TAN DU MA MED DGOS PAR THAL, 'DOD PA'I PHYIR, 'DOD NA SLA, KHA CIG, STONG NYID RTOGS PA'I SHES RAB DANG SNYING RJE CHEN POS ZIN PA'I BYANG SEMS 'PHAGS PA'I MNGON RTOGS DE BYANG SEMS KYI SA'I MTSAN NYID ZER NA, THEG CHEN GYI SBYOR LAM CHOS CAN, MTSAN NYID DER THAL, MTSON BYA DE'I PHYIR, MA GRUB NA, DER THAL, BYANG SEMS KYI MOS SPYOD KYI SA YIN PA'I PHYIR, DER THAL, BYANG SEMS SBYOR LAM PA'I RGYUD KYI SEMS SKYED MOS PAS SPYOD PA'I SEMS BSKYED YIN PA'I PHYIR, MDO SDE RGYAN LAS, SEMS SKYED DE NI SA RNAMS LA, ,MOS DANG LHAG BSAM DAG PA DANG, ,RNAM PAR SMIN PA GZHAN DU 'DOD, ,DE NI SGRIB PA SPANGS PA'O, ,ZHES GSUNGS PA'I PHYIR, GZHAN YANG, DE BYANG SEMS KYIS YIN PAR THAL, NYAN THOS KYI SBYOR LAM NYAN THOS KYIS YIN PA'I PHYIR, DER THAL, DMAN PA SA BRGYAD KYI RNAM GZHAG 'THAD PA'I PHYIR, KHO NA RE, BYANG SEMS SBYOR LAM PA BYANG SEMS KYI SA LA GNAS PA'I GANG ZAG YIN PAR THAL, BYANG SEMS KYI SBYOR LAM BYANG SEMS KYI SA YIN PA'I PHYIR, 'DOD NA, SAR GNAS KYI SEMS DPA' YIN PAR THAL, 'DOD PA'I PHYIR, 'DOD NA, BYANG SEMS 'PHAGS PA YIN PAR THAL, 'DOD PA'I PHYIR, ZER NA, RTZA BAR MA KHYAB STE, 'O NA, SANGS RGYAS 'PHAGS PA NYAN THOS LAM ZHUGS KYI GANG ZAG YIN PAR THAL, DE'I RGYUD KYI GANG ZAG GI BDAG MED MNGON SUM DU RTOGS PA'I MKHYEN PA DE NYAN THOS KYI LAM YIN PA'I PHYIR, KHYAB PA KHAS, GZHAN YANG, BYANG SEMS KYI MTHONG LAM BYANG SEMS KYI SA DANG PO MA YIN PAR THAL, BYANG SEMS KYI SBYOR LAM BYANG KYI SA YIN PA'I PHYIR NA MA KHYAB, KHA CIG, SNYING RJE CHEN PO DANG STONG NYID RTOGS PA'I SHES RAB KYIS ZIN PA'I MNGON RTOGS, BYANG SEMS 'PHAGS PA'I SA'I MTSAN NYID ZER NA, STONG NYID MNGON SUM DU RTOGS PA'I NYAN THOS DGRA BCOM PA'I RTOGS PA SNGON DU SONG BA'I THEG CHEN GYI SBYOR LAM CHOS CAN, MTSON BYA DER THAL, @04A *, ,MTSAN NYID DE'I PHYIR, RTAGS GSAL GNYIS KA GRUB STE, CHOS CAN DE YIN PA'I PHYIR, KHA CIG, CHOS NYID LA RTZE GCIG TU MNYAM PAR BZHAG PA'I MNYAM GZHAG YE SHES GANG ZHIG, BDEN 'DZIN KUN BTAGS KYI DNGOS GNYEN BYED PA DE, SA DANG PO'I BAR CHAD MED LAM GYI MTSAN NYID ZER NA, SA DANG PO'I SGOM LAM BAR CHAD MED LAM CHOS CAN, MTSAN NYID DER THAL, MTSON BYA DE'I PHYIR, RTAGS 'OG TU SGRUB, 'DOD NA, KHYOD KYIS BDEN 'DZIN KUN BTAGS MA SPANGS PAR THAL, 'DOD PA'I PHYIR, 'DOD MI NUS TE, CHOS CAN DE'I PHYIR, KHA CIG, DE SA DANG PO'I MTHONG LAM BAR CHAD MED LAM GYI MTSAN NYID ZER NA, BDEN 'DZIN KUN BRTAGS KYI RGYUR GYUR PA'I THEG CHEN GYI MTHONG LAM BAR CHAD MED LAM CHOS CAN, MTSAN NYID DER THAL, MTSON BYA DE'I PHYIR, RTAGS GRUB STE, DE YOD PA'I PHYIR, DE BDEN PAR 'DZIN PA'I BDEN 'DZIN KUN BTAGS YOD PA'I PHYIR, 'DOD NA, BDEN 'DZIN KUN BTAGS KYI DNGOS GNYEN YIN PAR THAL, 'DOD PA'I PHYIR, 'DOD NA, DE DE LA GNOD BYED YIN PAR THAL, 'DOD PA'I PHYIR, 'DOD MI NUS TE, DE DE LA PHAN 'DOGS BYED YIN PA'I PHYIR, DER THAL, DE'I RGYU YIN PA'I PHYIR, KHA CIG, CHOS NYID LA RTZE GCIG TU MNYAM PAR BZHAG PA'I MNYAM GZHAG YE SHES GANG ZHIG, BDEN 'DZIN LHAN SKYES CHEN PO'I CHEN PO'I DNGOS GNYEN BYED PA DE, THEG CHEN GYI SGOM LAM CHUNG NGU'I CHUNG NGU'I MTSAN NYID ZER NA, SA DANG PO'I SGOM LAM BAR CHAD MED LAM CHOS CAN, MTSAN NYID DER THAL, MTSON BYA DE'I PHYIR, RTAGS GRUB STE, KUN BTUS LAS, BYANG CHUB SEMS DPA' RNAMS NI BDEN PA RNAMS MNGON PAR RTOGS PAR BYAS NAS, SA BCU RNAMS SU SGOM PA'I LAM LA SHES BYA'I SGRIB PA'I GNYEN PO'I LAM SGOM GYI, ZHES GSUNGS PA'I PHYIR, 'DOD NA, SA GNYIS PA'I BAR CHAD MED LAM GYIS, BDEN 'DZIN LHAN SKYES CHEN PO'I CHEN PO SPANGS PAR THAL, 'DOD PA'I PHYIR, 'DOD MI NUS TE, DE DE'I DNGOS GNYEN YIN PA'I PHYIR, DER THAL, SA @04B GNYIS PA'I BAR CHAD MED LAM YIN PA'I PHYIR, KHA CIG, SA DANG PO'I BAR CHAD MED LAM GANG ZHIG, RANG DANG RGYUD GCIG TU GYUR PA'I BDEN 'DZIN LHAN SKYES CHEN PO'I CHEN PO'I DNGOS GNYEN BYED PA DE, SA DANG PO'I SGOM LAM BAR CHAD MED LAM GYI MTSAN NYID ZER NA, SA DANG PO'I SGOM LAM BAR CHAD MED LAM CHOS CAN, MTSAN NYID KYI ZUR PHYI MA DER THAL, MTSON BYA DE'I PHYIR, 'DOD NA, SA GNYIS PA'I BAR CHAD MED LAM DES SA DANG PO'I BSGOM LAM BAR CHAD MED LAM DANG RGYUD GCIG TU GYUR PA'I BDEN 'DZIN LHAN SKYES CHEN PO'I CHEN PO SPANGS PAR THAL, 'DOD PA'I PHYIR, 'DOD NA, DES BDEN 'DZIN LHAN SKYES CHEN PO'I CHEN PO SPANGS PAR THAL, 'DOD PA GANG ZHIG, DE YIN NA, DE DANG RGYUD GCIG TU GYUR PA'I DE YIN DGOS PA'I PHYIR, KHA CIG, RANG RGYUD LA LDAN PA'I GANG ZAG GI RGYUD KYI YON TAN DU MA'I RTEN GZHI BYED PA'I SA DANG PO'I YE SHES, SA DANG PO RAB TU DGA' BA'I MTSAN NYID ZER NA, SA DANG PO'I YE SHES CHOS CAN, MTSAN NYID DER THAL, MTSON BYA DE'I PHYIR, DER THAL, CHOS CAN DE'I PHYIR, 'DOD NA, KHYOD RANG RGYUD LDAN GYI GANG ZAG GI RGYUD KYI RTOGS PA'I YON TAN GYI RTEN YIN PAR THAL, 'DOD PA'I PHYIR, 'DOD NA, DE SA DANG PO BA'I RGYUD KYI RTOGS PA'I YON TAN GYI RGYU YIN PAR THAL, 'DOD PA'I PHYIR, 'DOD MI NUS TE, DE GNYIS DUS MNYAM YIN PA'I PHYIR, DER THAL, SA DANG PO'I YE SHES DANG SA DANG PO DUS MNYAM YIN PA'I PHYIR, KHA CIG, STONG NYID LA RTZE GCIG TU MNYAM PAR BZHAG PA'I MNYAM GZHAG YE SHES GANG ZHIG, BDEN 'DZIN KUN BTAGS SPANGS PA DE, SA DANG PO'I RNAm GROL LAM GYI MTSAN NYID ZER NA, SA DANG PO'I RNAM GROL LAM LAS LANGS PA'I RJES SU SLAR YANG STONG NYID LA RTZE GCIG TU MNYAM PAR BZHAG PA'I SA DANG PO'I MNYAM GZHAG YE SHES CHOS CAN, MTSON BYA DER THAL, MTSAN NYID DE'I PHYIR, RTAGS GRUB STE, DE YOD PA'I PHYIR, 'DOD NA, KHYOD DANG MNYAM GZHAG THUN GCIG TU GYUR PA'I SA DANG PO'I MTHONG LAM BAR CHAD MED LAM YOD PAR THAL, 'DOD PA'I @05A *, ,PHYIR, 'DOD MI NUS TE, CHOS CAN DE'I PHYIR, KHA CIG, BDEN 'DZIN KUN BTAGS SPANGS PA'I SA DANG PO'I YE SHES DE, DE'I MTSAN NYID ZER NA, THEG CHEN GYI MTHONG LAM RJES THOB YE SHES CHOS CAN, MTSON BYA DER THAL, MTSAN NYID DE'I PHYIR, DE BZHIN DU, THEG CHEN GYI MTHONG LAM RNAM GROL LAM PA PA'I RGYUD KYI KUN RDZOB SEMS BSKYED CHOS CAN, MTSON BYA DER THAL, MTSAN NYID DE'I PHYIR, 'DOD NA, MNYAM GZHAG YE SHES YIN PAR THAL, 'DOD PA'I PHYIR, KHA CIG, SA DANG PO'I MNYAM GZHAG YE SHES LAS LANGS PA'I SGRA DON 'DRES RUNG DU 'DZIN PA'I ZHEN RIG TU GYUR PA'I SA DANG PO'I YE SHES GANG ZHIG, RANG RGYUD LDAN GYI GANG ZAG GI RGYUD LA MNGON GYUR DU 'BYUNG BA DE, SA DANG PO'I RJES THOB YE SHES KYI MTSAN NYID ZER NA, SLOB PA'I RGYUD KYI RJES THOB YE SHES YIN NA RTOG PA YIN DGOS PAR THAL, MTSAN NYID DE 'THAD PA'I PHYIR, 'DOD MI NUS TE, DE DANG RTOG MED KYI SHES PA'I GZHI MTHUN YOD PA'I PHYIR, LAM t'IK LAS, BSGRUB PA SGOM LAM RJES THOB KYI SKABS SU 'BYUNG YANG, RTEN 'BREL SGYU MA LTA BUR GSAL BAR SNANG BA'I, SGRA DON 'DRES RUNG 'DZIN PA'I RTOG BRAL LO, ,ZHES GSUNGS PA'I PHYIR, 'DI'I DOGS DPYOD MTHONG LAM GYI SKABS SU BYED, KHA CIG, SA DANG PO NAS SA GNYIS PAR 'PHO BA'I TSE RJES THOB NAS MNYAM GZHAG TU 'PHO BA YIN ZER NA, MI 'THAD DE, SA DANG PO NAS GNYIS PAR 'PHO BA'I TSE MNYAM GZHAG NAS MNYAM GZHAG TU 'PHO BA'I PHYIR, DER THAL, DE LTAR 'PHO BA'I TSE BAR CHAD MED LAM NAS RNAM GROL LAM DU 'PHO BA'I PHYIR, DER THAL, SA BCU PA NAS SANGS RGYAS KYI SAR 'PHO BA'I TSE DE LTAR DU 'PHO BA'I PHYIR, GZHAN YANG, SA DANG PO NAS GNYIS PAR 'PHO BA'I TSE BAR CHAD MED LAM NAS RNAM GROL LAM DU 'PHO BAR THAL, SA DANG PO'I SKAD CIG THA MAR SKYES PA'I SA DANG PO'I BAR CHAD MED LAM YOD PA'I PHYIR, DER THAL, SA BCU PA'I SKAD CIG THA MAR SKYES PA'I SA BCU PA'I BAR CHAD MED @05B LAM YOD PA'I PHYIR, MA GRUB NA, DER THAL, RGYUN MTHA'I BAR CHAD MED LAM YOD PA'I PHYIR, GZHAN YANG, SA DANG PO NAS GNYIS PAR 'PHO BA'I TSE DE LTAR 'PHO BAR THAL, SA DANG PO BAS SA DANG PO'I NGO SKAL GYI SGRIB PA SPANGS PA DANG, SA DANG PO NAS GNYIS PAR 'PHO BA DUS MNYAM PA'I PHYIR, DER THAL, DES SA DANG PO'I YONG SBYONG RDZOGS PA DANG SA GNYIS PAR 'PHO BA DUS MNYAM PA'I PHYIR, DER THAL, 'GREL CHEN LAS, SA GANG GIS YONGS SU SBYONG BAR 'GYUR BA'I CHOS GANG YIN PA RNAMS JI SRID MA RDZOGS PA DE SRID DU NI SA DE YIN LA, YONGS SU RDZOGS NAS NI SA GZHAN YIN PAR SHES PAR BYA'O, ,ZHES GSUNGS PA'I PHYIR, GZHAN YANG, SA DANG PO'I SKAD CIG THA MAR SKYES PA'I BAR CHAD MED LAM YOD PAR THAL, SA BDUN PA'I SKAD CIG THA MAR SKYES PA'I BAR CHAD MED LAM YOD PA'I PHYIR, DER THAL, SA BDUN PA BAS RANG NYID MA SPANGS, SA BRGYAD PA BAS RANG NYID SPANGS PA'I SGRIB PA GCIG YOD PA'I PHYIR, DER THAL, SA BDUN PA BA RANG NYID KYI MA DAG, SA BRGYAD PA DE RANG NYID KYIS DAG PA'I SGRIB PA GCIG YOD PA'I PHYIR, DER THAL, SA BDUN PA'I YE SHES DE MA DAG SAR 'JOG, SA BRGYAD PA'I YE SHES DE DAG SAR 'JOG PA'I 'JOG BYED CIG YOD PA'I PHYIR, DER THAL, SA BDUN PA BA DE MA'I MNGAL NA GNAS PA'I DRI MA DANG BCAS, SA BRGYAD PA DE DE DANG BRAL BA DANG CHOS MTSUNGS PAR 'JOG PA'I SGRIB PA GCIG YOD PA'I PHYIR, RGYUD BLA MA LAS, SA BDUN LA RTEN DRI MA NI, ,MNGAL SBUBS DRI MA DAG DANG MTSUNGS, ,MNGAL SBUBS 'BRAL 'DRA MI RTOGS PA'I, ,YE SHES RNAM PAR SMIN PA BZHIN, ,ZHES GSUNGS PA'I PHYIR, GZHAN YANG, SA DANG PO'I SKAD CIG THA MAR SKYES PA'I SA DANG PO'I BAR CHAD MED LAM YOD PAR THAL, SA GNYIS PA'I SKAD CIG DANG POR SKYES PA'I RNAM GROL LAM YOD PA'I PHYIR, MA GRUB NA, SA GNYIS PA'I RNAM GROL LAM YIN NA, RANG GI NYER LEN DU GYUR PA'I SA GNYIS PA'I BAR CHAD MED LAM LAS BYUNG BAS KHYAB PAR THAL, 'DOD PA'I PHYIR, 'DOD NA, SA GNYIS PA'I BAR @06A *, ,CHAD MED LAM YIN NA RANG GI NYER LEN BYAS PA LAS BYUNG BA'I SA GNYIS PA'I RNAM GROL LAM YOD DGOS PAR THAL, 'DOD PA'I PHYIR, 'DOD NA, SA BCU PA'I BAR CHAD MED LAM YIN NA RANG GI NYER LEN BYAS PA LAS BYUNG BA'I SA BCU PA'I RNAM GROL LAM YOD DGOS PAR THAL, 'DOD PA'I PHYIR, 'DOD NA, RGYUN MTHA'I BAR CHAD MED LAM CHOS CAN, DER THAL, DE'I PHYIR, 'DOD NA, SANGS RGYAS 'PHAGS PA'I RGYUD LA SA BCU PA'I RNAM GROL LAM YOD PAR THAL, 'DOD PA'I PHYIR, BYAS PA LA KHO NA RE, SA GNYIS PA'I RNAM GROL LAM YIN NA, RANG GI NYER LEN DU GYUR PA'I SA GNYIS PA'I BAR CHAD MED LAM YOD DGOS PAR THAL, SA DANG PO LA DE'I PHYIR NA, MA KHYAB, GZHAN YANG, SA DANG PO'I BAR CHAD MED LAM YIN NA, RANG GI NYER LEN BYAS PA LAS BYUNG BA'I SA DANG PO'I RNAM GROL LAM YOD DGOS PAR THAL, SA DANG PO'I MTHONG LAM BAR CHAD MED LAM YIN NA, RANG GI NYER LEN BYAS PA LAS BYUNG BA'I SA DANG PO'I MTHONG LAM RNAM GROL LAM YOD DGOS PA'I PHYIR NA MA KHYAB BO, ,'O NA, SA BCU PA'I BAR CHAD MED LAM YIN NA, DE LTAR YOD DGOS PAR THAL, SA DANG PO'I MTHONG LAM BAR CHAD MED LAM LA DE LTAR DGOS PA'I PHYIR, KHYAB PA KHAS, GZHAN YANG, BYANG SEMS TSOGS LAM PA'I RGYUD KYI RJES THOB YE SHES YIN NA, RANG GI NYER LEN DU GYUR PA'I BYANG SEMS KYI TSOGS LAM MNYAM GZHAG YE SHES LAS BYUNG BAS KHYAB PAR THAL, SA GNYIS PA'I RNAM GROL LAM YIN NA, RANG GI NYER LEN DU GYUR PA'I SA GNYIS PA'I BAR CHAD MED LAM LAS BYUNG BAS KHYAB PA'I PHYIR, 'DOD NA, DMAN LAM SNGON DU MA SONG BA'I TSOGS LAM SKAD CIG DANG PO LA GNAS PA'I BYANG SEMS KYI RGYUD KYI KUN RDZOB SEMS BSKYED CHOS CAN, DER THAL, DE'I PHYIR, RTAGS GRUB STE, KHYOD KUN RDZOB SEMS BSKYED MNGON GYUR PA YIN PA'I PHYIR, 'DOD NA, LAM MA ZHUGS KYI GANG ZAG GI RGYUD LA THEG CHEN GYI TSOGS LAM MNYAM GZHAG YE SHES YOD PAR THAL, 'DOD PA'I PHYIR, GZHAN YANG, SA DANG PO BAS SA DANG PO'I SKAD CIG THA MA SKYES PA'I SA DANG @06B PO'I BAR CHAD MED LAM GYI NGOS SKAL GYI SGRIB PA SPANGS PA DANG SA GNYIS PAR 'PHO BA DUS MNYAM PAR THAL, DES SA DANG PO'I SKYON ZAD PAR SPANGS PA DANG, SA GNYIS PAR 'PHO BA DUS MNYAM PA'I PHYIR, DER THAL, DES SA DANG PO'I YONGS SBYONG RDZOGS PA DANG SA GNYIS PAR 'PHO BA DUS MNYAM PA'I PHYIR, KHYAB STE, SA DANG PO'I SKYON ZAD CING YON TAN YONGS SU RDZOGS PA NA, SA DANG PO'I YONGS SBYONG RDZOGS PAR 'JOG PA'I PHYIR, DER THAL, DE'I YONGS SBYONG RDZOGS PA'I DON ZHIG YOD PA'I PHYIR, BYAS PA LA KHO NA RE, SA DANG PO'I SGOM LAM RNAM GROL LAM YOD PAR THAL, SA DANG PO'I SGOM LAM BAR CHAD MED LAM YOD PA'I PHYIR NA, MA KHYAB, 'DOD NA, SA DANG PO'I SGOM LAM BAR CHAD MED LAM DE SA DANG PO'I SKAD CIG THA MAR SKYES PA'I YE SHES MA YIN PAR THAL, 'DOD PA'I PHYIR, KHO NA RE, THEG CHEN GYI SGOM LAM RNAM GROL LAM CHUNG NGU'I CHUNG NGU YIN NA, SA GNYIS PA'I YE SHES YIN DGOS PAR THAL, SA DANG PO'I SGOM LAM RNAM GROL LAM MED PA'I PHYIR, 'DOD NA, THEG CHEN GYI SGOM LAM CHUNG NGU'I CHUNG NGU YIN NA, SA GNYIS PA'I YE SHES YIN DGOS PAR THAL, 'DOD PA'I PHYIR NA MA KHYAB, KHA CIG, SA DANG PO'I SKAD CIG THA MAR SKYES PA'I BAR CHAD MED LAM DANG, THEG CHEN GYI SGOM LAM CHUNG NGU'I CHUNG NGU DON GCIG, SA GNYIS PA'I BAR CHAD MED LAM DANG, THEG CHEN GYI SGOM LAM CHUNG NGU'I 'BRING DON GCIG, SA GSUM PA'I BAR CHAD MED LAM DANG, THEG CHEN GYI SGOM LAM CHUNG NGU'I CHEN PO DON GCIG, DE BZHIN DU, BZHI PA LNGA PA DRUG PA GSUM GYI BAR CHAD MED LAM DANG THEG CHEN GYI SGOM LAM 'BRING SKOR GSUM DON GCIG, SA BDUN PA'I BAR CHAD MED LAM DANG, THEG CHEN GYI SGOM LAM CHEN PO'I CHUNG NGU DON GCIG, SA BRGYAD PA'I BAR CHAD MED LAM DANG THEG CHEN GYI SGOM LAM CHEN PO'I 'BRING DON GCIG, THEG CHEN GYI SGOM LAM CHEN PO'I CHEN PO LA, BDEN 'DZIN CHUNG NGU'I CHUNG NGU'I DNGOS GNYEN DU GYUR PA'I THEG CHEN GYI SGOM LAM CHEN PO'I CHEN PO DANG, DE PHRA ZHING PHRA BA'I DNGOS GNYEN DU GYUR PA'I THEG CHEN GYI SGOM LAM CHEN PO'I CHEN PO GNYIS YOD, DANG PO @07A *, ,DANG SA DGU PA'I SKAD CIG THA MA'I BAR CHAD MED LAM DON GCIG, GNYIS PA DANG RGYUN MTHA'I YE SHES DON GCIG, ZER NA, 'O NA, LAM t'IK LAS, SA DANG PO'I SKAD CIG GNYIS PA NAS SGOM LAM DU BZHAG PA NI, SGOM LAM CHUNG NGU'I CHUNG NGUR 'DU BAS SGOM LAM DGUR GRANGS MA NGES PA'I SKYON MED DE, ZHES GSUNGS PA MI 'THAD PAR THAL, SA DANG PO'I SKAD CIG THA MA'I BAR CHAD MED LAM DANG THEG CHEN GYI SGOM LAM CHUNG NGU'I CHUNG NGU GNYIS DON GCIG YIN PA'I PHYIR, GZHAN YANG, BDEN 'DZIN CHUNG NGU'I CHUNG NGU'I DNGOS GNYEN DU GYUR PA'I SA DGU PA'I BAR CHAD MED LAM YOD PAR THAL, DAM BCA' 'THAD PA'I PHYIR, 'DOD MI NUS TE, DE YIN NA, RGYUN MTHA'I BAR CHAD MED LAM YIN PAS KHYAB PA'I PHYIR, RTAGS 'BUD, KHO NA RE, SA DANG PO BAS SA DANG PO'I YONGS SBYONG MA RDZOGS PAR THAL, DES DE RDZOGS PA DANG SA GNYIS PAR 'PHO PA DUS MNYAM PA'I PHYIR, 'DOD NA, DES DE RDZOGS PAR THAL, DES DE THOB PA'I PHYIR NA MA KHYAB, KHO NA RE, DES DE RDZOGS PAR THAL, DES SA DANG PO'I YON TAN RDZOGS PAR THOB PA'I PHYIR, DER THAL, SA BCU PA BAS SA BCU PA'I YON TAN RDZOGS PAR THOB PA'I PHYIR, DER THAL, SA BCU PA'I YE SHES DE SEMS DPA'I RNAL 'BYOR MTHAR THUG YIN PA'I PHYIR, ZHES ZER NA, 'O NA, SA BCU PA BAS SA BCU PA'I SKYON ZAD PAR SPANGS PAR THAL, DES DE'I YON TAN RDZOGS PAR THOB PA'I PHYIR, 'DOD NA, DES SKYON ZAD PAR SPANGS PAR THAL, 'DOD PA'I PHYIR, KHA CIG, BDAG MED RTOGS PA'I MKHYEN PA DE LAM GYI MTSAN NYID, BDAG MED DON SPYI'I TSUL GYIS RTOGS PA'I MKHYEN PA TSOGS LAM GYI MTSAN NYID, BDAG MED DON SPYI'I TSUL GYIS RTOGS PA'I SGOM BYUNG GTZO BO'I MKHYEN PA, SBYOR LAM GYI MTSAN NYID, BDAG MED MNGON SUM DU GSAR DU RTOGS PA'I MKHYEN PA MTHONG LAM GYI MTSAN NYID, BDAG MED MNGON SUM DU RTOGS ZIN GOMS PAR BYAS PA'I MKHYEN PA, SGOM LAM GYI MTSAN NYID, BDAG MED MNGON SUM DU RTOGS PA MTHAR PHYIN PA'I MKHYEN PA, MI @07B SLOB LAM GYI MTSAN NYID, ZER NA, BYANG SEMS TSOGS LAM PA'I RGYUD KYI KUN RDZOB SEMS BSKYED CHOS CAN, MTSAN NYID GNYIS PA DER THAL, MTSON BYA DE'I PHYIR, 'DOD MI NUS TE, CHOS CAN DE'I PHYIR, GZHAN YANG, DMAN LAM SNGON DU MA SONG BA'I BYANG SEMS SBYOR LAM PA'I RGYUD KYI GZHAN SEMS SHES PA'I MNGON SHES CHOS CAN, MTSAN NYID GSUM PA DER THAL, MTSON BYA DE'I PHYIR, RTAGS SGRUB STE, DE YOD PA'I PHYIR, 'DOD NA, DE CHOS CAN, KHYOD KYIS DON SPYI'I TSUL GYIS RTOGS PA'I CHOS YOD PAR THAL, 'DOD PA'I PHYIR, 'DOD MI NUS TE, MNGON SHES YIN PA'I PHYIR, SKYON GZHAN RNAMS RIGS 'GRE'O, ,GNYIS PA RANG LUGS LA, SA'I RNAM GZHAG DANG, LAM GYI RNAM GZHAG GNYIS LAS, DANG PO NI, MTSAN NYID, DBYE BA, SGRA DON DANG GSUM LAS, DANG PO NI, RANG GI 'BRAS BUR GYUR PA'I YON TAN DU MA'I GZHI RTEN BYED PA'I LAM ZHUGS KYI MNGON PAR RTOGS PA DE, SA LAM GNYIS SU PHYE BA'I SA'I MTSAN NYID, DE LA DBYE NA, THEG DMAN GYI SA DANG, THEG CHEN GYI SA GNYIS, DANG PO NI, RANG GI 'BRAS BUR GYUR PA'I YON TAN DU MA'I GZHI RTEN BYED PA'I THEG DMAN GYI LAM ZHUGS KYI MNGON RTOGS, THEG DMAN GYI SA'I MTSAN NYID, DE LA DBYE NA, BRGYAD YOD DE, RIGS KYI SA BRGYAD PA'I SA MTHONG BA'I SA, BSRABS PA'I SA, 'DOD CHAGS DANG BRAL BA'I SA, BYAS PA RTOGS PA'I SA, NYAN THOS KYI SA, RANG RGYAL GYI SA RNAMS SU YOD PA'I PHYIR, YANG NA DKAR PO RNAM PAR MTHONG BA'I SA GZHAN RNAMS 'DRA, DE YANG BSDU NA, GNYIS SU 'DU BA YIN TE, NYAN RANG GI SA GNYIS SU 'DU BA'I PHYIR, RANG GI 'BRAS BUR GYUR PA'I YON TAN DU MA'I GZHI RTEN BYED PA'I NYAN THOS KYI MNGON RTOGS, NYAN THOS KYI SA'I MTSAN NYID, DE LA DBYE NA, NYAN THOS SO SKYE'I SA DANG, NYAN THOS 'PHAGS PA'I SA GNYIS, DE GANG ZHIG, NYAN THOS SO SKYE'I RGYUD KYIS BSDUS PA'I MNGON PAR RTOGS PA, NYAN THOS SO SKYE'I SA'I MTSAN NYID, DE LA DBYE NA, DE'I TSOGS SBYOR GNYIS LAS, NYAN THOS KYI CHOS MNGON RTOGS, NYAN THOS KYI TSOGS @08A *, ,LAM GYI MTSAN NYID, DE'I DON MNGON RTOGS, DE'I SBYOR LAM GYI MTSAN NYID, DANG PO LA DBYE NA, CHE 'BRING CHUNG GSUM, GNYIS PA LA DBYE NA, DROD SOGS BZHI YOD, SBYOR LAM DANG PO GSUM LA CUNG 'BRING CHEN PO GSUM GSUM STE DGU YOD, RANG GI 'BRAS BUR GYUR BA'I YON RTEN DU MA'I GZHI RTEN BYED PA'I NYAN THOS 'PHAGS PA'I MNGON RTOGS, NYAN THOS 'PHAGS PA'I SA'I MTSAN NYID, DE LA DBYE NA, NYAN THOS KYI MTHONG LAM SGOM LAM MI SLOB LAM GSUM YOD, RANG GI RGYUR GYUR PA'I NYAN THOS KYI SBYOR LAM RDZOGS RJES SU BYUNG ZHING, RANG GI 'BRAS BUR GYUR PA'I NYAN THOS KYI SGOM LAM MA SKYES GONG GI NYAN THOS KYI BDEN PA MNGON RTOGS, NYAN THOS KYI MTHONG LAM GYI MTSAN NYID, DE LA DBYE NA, NYAN THOS KYI MTHONG LAM MNYAM GZHAG YE SHES DANG, RJES THOB YE SHES GNYIS, DE GNYIS GANG RUNG MA YIN PA'I NYAN THOS KYI MTHONG LAM DANG GSUM YOD, RANG YUL DU GYUR PA'I BDAG MED LA RTZE GCIG TU MNYAM PAR BZHAG PA'I NYAN THOS KYI BDEN PA MNGON RTOGS, NYAN THOS KYI MTHONG LAM MNYAM GZHAG YE SHES KYI MTSAN NYID, DE LA DBYE NA, NYAN THOS KYI MTHONG LAM BAR CHAD MED LAM DANG, MTHONG LAM RNAM GROL LAM GNYIS, DE GANG RUNG MA YIN PA'I NYAN THOS KYI MTHONG LAM MNYAM GZHAG YE SHES DANG GSUM YOD, GANG ZAG GI BDAG MED LA RTZE GCIG TU MNYAM PAR BZHAG PA'I NYAN THOS KYI BDEN PA MNGON RTOGS GANG ZHIG, RANG GI NGO SKAL GYI SPANG BYAR GYUR PA'I NYON SGRIB KUN BTAGS KYI DNGOS GNYEN BYED PA, NYAN THOS KYI MTHONG LAM BAR CHAD MED LAM GYI MTSAN NYID, DE LA DBYE NA, NYAN THOS KYI MTHONG LAM BZOD PA BRGYAD YOD, DE GANG ZHIG, RANG 'DREN BYED KYI BAR CHAD MED LAM GYI NGO SKAL GYI SPANG BYAR GYUR PA'I NYON SGRIB KUN BRAG LAS DNGOS SU GROL GNYAN THOS KYI MTHONG LAM RNAM GROL LAM GYI MTSAN NYID, DE LA DBYE NA, NYAN THOS KYI SHES PA BRGYAD YOD, DE GNYIS GANG RUNG MA YIN PA'I MTHONG LAM MNYAM GZHAG YE SHES NI, STONG NYID LA RTZE GCIG TU MNYAM PAR BZHAG PA'I @08B NYAN THOS KYI MTHONG LAM MNYAM GZHAG YE SHES DANG, GNYIS STONG LA RTZE GCIG TU MNYAM PAR GZHAG PA'I NYAN THOS KYI MTHONG LAM MNYAM GZHAG YE SHES LTA BU'O, ,NYAN THOS KYI MTHONG LAM RNAM GROL LAM LAS LANGS PA'I, NYAN THOS KYI BDEN PA MNGON RTOGS GANG ZHIG, RANG RGYUD LDAN GYI GANG ZAG GI RGYUD LA MNGON GYUR DU 'BYUNG BA, NYAN THOS KYI MTHONG LAM RJES THOB YE SHES KYI MTSAN NYID, RTZA BA'I DE GNYIS GANG RUNG MA YIN PA NI, NYAN THOS KYI MTHONG LAM BAR CHAD MED LAM PA DANG, NYAN THOS KYI MTHONG LAM RNAM GROL LAM PA BA'I RGYUD KYI TSAD MED BZHI DANG, THAR PA DON GNYER GYI BLO DANG, NYAN THOS KYI MTHONG LAM RJES THOB PA'I RGYUD KYI STONG NYID MNGON SUM DU RTOGS PA'I MKHYEN PA DANG, GNYIS STONG MNGON SUM DU RTOGS PA'I MKHYEN PA RNAMS LA BYED DO, ,RANG GI RGYUR GYUR PA'I NYAN THOS KYI MTHONG LAM RDZOGS RJES SU BYUNG ZHING, RANG GI 'BRAS BUR GYUR PA'I NYAN THOS KYI MI SLOB LAM MA SKYES GONG GI NYAN THOS KYI RJES LA MNGON RTOGS, NYAN THOS KYI SGOM LAM GYI MTSAN NYID, DE LA DBYE NA, MNYAM RJES GNYIS, DE GNYIS GANG YANG MA YIN PA'I SGOM LAM DANG GSUM YOD, GZHAN RNAMS RIGS 'GRE, NYAN THOS KYI LAM GYI BGROD PA MTHAR PHYIN PA'I NYAN THOS KYI MNGON RTOGS, NYAN THOS KYI MI SLOB LAM GYI MTSAN NYID YIN NO, GNYIS PA NI, RANG GI 'BRAS BUR GYUR PA'I YON TAN DU MA'I GZHI RTEN BYED PA'I RANG RGYAL LAM ZHUGS KYI MNGON RTOGS DE, RANG RGYAL GYI SA'I MTSAN NYID, DE LA DBYE NA, RANG RGYAL SO SKYE'I SA DANG, RANG RGYAL 'PHAGS PA'I SA GNYIS YOD, DANG PO NI, NYAN THOS DANG 'DRA, GNYIS PA NI RANG GI 'BRAS BUR GYUR PA'I YON TAN DU MA'I RTEN BYED PA'I RANG RGYAL 'PHAGS PA'I MNGON RTOGS, RANG RGYAL 'PHAGS PA'I SA'I MTSAN NYID, DE LA DBYE NA, MTHONG LAM SOGS GSUM YOD, RANG GI RGYUR GYUR PA'I RANG RGYAL GYI SBYOR LAM RDZOGS RJES SU BYUNG ZHING, RANG GI 'BRAS BUR GYUR PA'I RANG RGYAL GYI SGOM LAM SKYES GONG GI RANG RGYAL GYI BDEN PA MNGON RTOGS DE, RANG RGYAL GYI MTHONG LAM GYI MTSAN NYID, DBYE @09A *, ,NA; RANG RGYAL GYI MTHONG LAM MNYAM GZHAG YE SHES, RJES THOB YE SHES, DE GNYIS GANG RUNG MA YIN PA'I RANG RGYAL GYI MTHONG LAM DANG GSUM YOD, RANG YUL DU GYUR PA'I BDAG MED LA RTZE GCIG TU MNYAM PAR BZHAG PA'I RANG RGYAL GYI BDEN PA MNGON RTOGS DE, RANG RGYAL GYI MTHONG LAM MNYAM GZHAG YE SHES KYI MTSAN NYID, DBYE NA, BAR CHAD MED LAM, RNAM GROL LAM, DE GNYIS GANG RUNG MA YIN PA'I MTHONG LAM DANG GSUM YOD, GNYIS STONG LA RTZE GCIG TU MNYAM PAR BZHAG PA'I RANG RGYAL GYI BDEN PA MNGON RTOGS GANG ZHIG, RANG GI NGO SKAL GYI SPANG BYAR GYUR PA'I GZUGS PHYI ROL DON 'DZIN GYI RTOG PA KUN BTAGS KYI DNGOS GNYEN BYED PA DE RANG RGYAL GYI MTHONG LAM BAR CHAD MED LAM GYI MTSAN NYID, DBYE NA, BZOD PA BRGYAD YOD, DE GANG ZHIG, RANG 'DREN BYED KYI BAR CHAD MED LAM GYI NGO SKAL GYI SPANG BYA DNGOS SU SPANGS PA DE, RANG RGYAL GYI MTHONG LAM RNAM GROL LAM GYI MTSAN NYID, DBYE NA, MTHONG LAM SHES PA BRGYAD YOD, GZHAN RNAMS RIGS 'GRE, GNYIS PA THEG CHEN GYIS BSHAD PA LA, MTSAN NYID, DBYE BA, 'PHO TSUL, KHYAD PAR GYI CHOS DANG, MING DON DANG LNGA, DANG PO NI, RANG GI 'BRAS BUR GYUR PA'I YON TAN DU MA'I RTEN DU GYUR PA'I THEG CHEN LAM ZHUGS KYI MNGON RTOGS, THEG CHEN GYI SA'I MTSAN NYID, DE LA DBYE NA, BYANG SEMS KYI SA DANG, SANGS RGYAS KYI SA GNYIS YOD, DE 'DRA BA'I RTEN DU GYUR PA'I BYANG SEMS KYI MNGON RTOGS BYANG SEMS KYI SA'I MTSAN NYID, DE LA DBYE NA, BYANG SEMS SO SKYE'I SA DANG, BYANG SEMS 'PHAGS PA'I SA GNYIS YOD, DE 'DRA'I BYANG SEMS SO SKYE'I MNGON RTOGS DE BYANG SEMS SO SKYE'I SA'I MTSAN NYID, DBYE NA, BYANG SEMS KYI TSOGS SBYOR GNYIS YOD, BYANG SEMS KYI CHOS MNGON RTOGS, BYANG SEMS KYI TSOGS LAM GYI MTSAN NYID, DE LA DBYE NA, CHUNG 'BRING CHEN PO GSUM YOD, BYANG SEMS KYI DON MNGON RTOGS, BYANG SEMS KYI SBYOR LAM GYI MTSAN NYID, DE LA DBYE NA, DROD SOGS BZHI, DE RE RE LA CUNG 'BRING CHEN PO GSUM GSUM @09B STE BCU GNYIS YOD, SNYING RJE CHEN PO DANG STONG NYID MNGON SUM DU RTOGS PA'I SHES RAB KYIS ZIN PA'I BYANG SEMS 'PHAGS PA'I MNGON RTOGS DE, BYANG SEMS 'PHAGS PA'I SA'I MTSAN NYID, DE LA DBYE NA, SA DANG PO RAB TU DGA' BA, GNYIS PA DRI MA MED PA, GSUM PA 'OD BYED PA, BZHI PA 'OD 'PHRO BA, LNGA PA SBYANG DKA' BA, DRUG PA MNGON DU GYUR PA, BDUN PA RING DU SONG BA, BRGYAD PA MI G-YO BA, DGU PA LEGS PA'I BLO GROS, BCU PA CHOS KYI SPRIN RNAMS SU YOD PA'I PHYIR, KHA CIG, SBYIN PA'I PHAR PHYIN CHES LHAG PAS ZIN PA'I SA DANG PO'I YE SHES DE, SA DANG PO'I MTSAN NYID ZER NA, MI 'THAD DE, DE 'DRA'I SA DANG PO'I YE SHES MED PA'I PHYIR, DER THAL, SBYIN PA'I PHAR PHYIN THOB PA'I SA DANG PO BA MED PA'I PHYIR, DER THAL, SLOB LAM NA SBYIN PA'I PHAR PHYIN MED PA'I PHYIR, DES NA TSUL KHRIMS KYI PHAR PHYIN YAN CHAD KYI NYAMS LEN LHAG PAR MA THOB CING, PHAR PHYIN BCU'I NANG NAS SBYIN PA'I PHAR PHYIN GYI NYAMS LEN LHAG PAR THOB PA'I SA DANG PO'I YE SHES DE, SA DANG PO RAB TU DGA' BA'I MTSAN NYID, DE BZHIN DU, SA GNYIS PA NAS SA BCU PA'I BAR LA PHAR PHYIN BCU SBYAR NAS MTHAR YE SHES KYI PHAR PHYIN GYIS NYAMS LEN CHES LHAG PAR ZIN PAS RAB TU PHYE BA'I SA BCU'I YE SHES DE, ZHES RIGS 'GRO'O, ,SA RAB TU DGA' BA LA DBYE NA, SA DANG PO'I BAR CHAD MED LAM DANG, SA DANG PO'I RNAM GROL LAM DANG, DE GNYIS GANG RUNG MA YIN PA'I SA DANG PO'I MNYAM GZHAG YE SHES DANG GSUM YOD, CHOS NYID LA RTZE GCIG TU MNYAM PAR BZHAG PA'I SA DANG PO'I MNYAM GZHAG YE SHES GANG ZHIG, RANG GI NGO SKAL GYI BDEN 'DZIN GYI DNGOS GNYEN BYED PA DE, SA DANG PO'I BAR CHAD MED LAM GYI MTSAN NYID, DE LA DBYE NA, MTHONG LAM BAR CHAD MED LAM DANG, SGOM LAM BAR CHAD MED LAM GNYIS, SA DANG PO'I BAR CHAD MED LAM GANG ZHIG, RANG GI NGO SKAL GYI BDEN 'DZIN KUN BTAGS KYI DNGOS GNYEN BYED PA DE, SA DANG PO'I MTHONG LAM BAR CHAD MED LAM GYI MTSAN NYID, DE LA DBYE NA, BZOD PA BRGYAD YOD, DE DANG @10A *, ,THEG CHEN GYI MTHONG LAM BAR CHAD MED LAM DON GCIG, SA DANG PO'I BAR CHAD MED LAM GANG ZHIG, RANG GI NGO SLA GYI BDEN 'DZIN LHAN SKYES KYI DNGOS GNYEN BYED PA DE, SA DANG PO'I SGOM LAM BAR CHED MED LAM GYI MTSAN NYID, DE DANG SA DANG PO'I SKAD CIG THA MAR SKYES PA'I SA DANG PO'I SGOM LAM BAR CHAD MED LAM DON GCIG, CHOS NYID LA RTZE GCIG TU MNYAM PAR BZHAG PA'I YE SHES GANG ZHIG, RANG DANG MNYAM GZHAG THUN GCIG TU GYUR PA'I BAR CAD MED LAM GYI NGO SKAL GYI SGRIB PA SPANG PA'I SA DANG PO'I YE SHES DE, SA DANG PO'I RNAM GROL LAM GYI MTSAN NYID, DBYE NA, THEG CHEN GYI MTHONG LAM SHES PA BRGYAD YOD, DE GNYIS GANG RUNG MA YIN PA NI, GANG ZAG GI BDAG MED LA RTZE GCIG TU MNYAM PAR BZHAG PA'I THEG CHEN GYI MTHONG LAM DANG, GNYIS STONG LA RTZE GCIG TU MNYAM PAR BZHAG PA'I THEG CHEN GYI MTHONG LAM DANG, THEG CHEN GYI MTHONG LAM RJES THOB YE SHES KYI RJES SU SLAR YANG STONG NYID LA RTZE GCIG TU MNYAM PAR BZHAG PA'I SA DANG PO'I YE SHES LTA BU'O, ,SA DANG PO'I RNAM GROL LAM LAS LANGS PA'I THEG CHEN GYI BDEN PA MNGON RTOGS GANG ZHIG, RANG RGYUD LA LDAN PA'I GANG ZAG GI RGYUD LA MNGON GYUR DU 'BYUNG BA DE, SA DANG PO'I RJES THOB YE SHES KYI MTSAN NYID, DE DANG THEG CHEN GYI MTHONG LAM RJES THOB YE SHES DON GCIG, MNYAM RJES GANG RUNG MA YIN PA'I THEG CHEN GYI MTHONG LAM NI THEG CHEN GYI MTHONG LAM BAR CHAD MED LAM PA'I RGYUD KYI KUN RDZOB SEMS BSKYED DANG DE'I RGYUD KYI GANG ZAG GI BDAG MED MNGON DUM DU RTOGS PA'I YE SHES DANG, THEG CHEN MTHONG LAM RJES THOB YE SHES LA GNAS PA'I SEMS DPA'I RGYUD KYI STONG NYID MNGON SUM DU RTOGS PA'I MKHYEN PA LTA BU'O, ,SKYE TSUL NI, CHOS NYID LA RTZE GCIG TU MNYAM PAR BZHAG PA'I THEG CHEN GYI SBYOR LAM CHOS MCHOG CHEN PO'I YE SHES, THEG CHEN GYI MTHONG LAM BAR CHAD MED LAM DANG, THEG CHEN GYI MTHONG LAM RNAM GROL LAM RNAMS, MNYAM GZHAG THUN GCIG LA SKYE, DE'I RJES SU THEG CHEN GYI MTHONG LAM RJES THOB YE SHES SKYE, DE'I RJES SU SA DANG @10B PO'I BAR CHAD MED LAM DANG, RNAM GROL LAM GNYIS GANG RUNG MA YIN PA'I SA DANG PO'I MNYAM BZHAG YE SHES SKYE, DE'I RJES SU SA DANG PO'I SGOM LAM BAR CHAD MED LAM SKYE BA YIN NO, DE DANG SA GNYIS PA'I RNAM GROL LAM MNYAM GZHAG THUN GCIG LA SKYE BA DANG, DE'I RJES SU SA GNYIS PA'I RJES THOB YE SHES SKYE, DE'I RJES SU SA GNYIS PA'I RNAM GROL LAM DANG, BAR CHAD MED LAM GANG RUNG MA YIN PA'I SA GNYIS PA'I MNYAM GZHAG YE SHES SKYE, DE'I RJES SU SA GNYIS PA'I SKAD CIG THA MA'I BAR CHAD MED LAM SKYE BA YIN NO, ,DES LHAG MA RNAMS LA RIGS 'GRE'O, ,GSUM PA SA NAS SAR 'PHO TSUL NI, MNYAM GZHAG NAS MNYAM GZHAG TU 'PHO BA YIN TE, BAR CHAD MED LAM NAS RNAM GROL LAM DU 'PHO BA YIN PA'I PHYIR, SA DANG PO NAS SA GNYIS PAR 'PHO BA'I TSE, SA DANG PO'I BAR CHAD MED LAM NAS SA GNYIS PA'I RNAM GROL LAM DU 'PHO, ,SA BDUN PA NAS SA BRGYAD PAR 'PHO BA'I TSE DE LTAR DU 'PHO BA'I PHYIR, DER THAL, SA BCU PA NAS SANGS RGYAS KYI SAR 'PHO BA'I TSE NA YANG DE LTAR 'PHO BA'I PHYIR, DES NA SA BCU PA'I SKAD CIG THA MAR SKYES PA'I BAR CHAD MED LAM YOD, DE BZHIN DU SA DGU PA'I THOG MAR SKYES PA'I RNAM GROL LAM KYANG YOD PA'I PHYIR, BZHI PA LA PHAR PHYIN LHAG TSUL GYI KHYAD PAR, YON TAN GYI GRANGS 'PHEL BA'I KHYAD PAR, RNAM SMIN GYI SKYE BA LEN TSUL GYI KHYAD PAR, SPANG BYA SPONG TSUL GYI KHYAD PAR, YONGS SBYONG GI KHYAD PAR RO, ,DANG PO NI, SA DANG POR SBYIN PA'I PHAR PHYIN GYI NYAMS LEN LHAG PAR THOB PA NAS BZUNG STE, BCU PAR YE SHES KYI PHAR PHYIR GYI NYAM LEN CHES LHAG PAR THOB PA YIN NO, ,GNYIS PA NI, SA DANG PO'I RJES THOB DU SKAD CIG MA GCIG LA SANGS RGYAS BRGYA'I MTHONG BA, DE DAG GIS BYIN GYI BRLAB PA SHES PA THOB PA, SANGS RGYAS KYI ZHING BRGYAR 'GRO NUS, DE'I ZHING BRGYA SNANG BAR BYED NUS, 'JIG RTEN MI 'DRA BA BRGYA G-YO BAR BYED NUS, BSKAL PA BRGYAR GNAS NUS, BSKAL PA BRGYA'I SNGON DANG MA'I MTHA' LA YANG DAG PAR YE SHES KYI GZIGS PA 'JUG NUS, TING NGE 'DZIN MA'I 'DRA @011A *, ,BA BRGYAL LA SNYOMS PAR 'JUG NUS, CHOS KYI SGO MO MI 'DRA BA BRGYA 'BYED NUS, SEMS CAN BRGYA SMIN PAR BYED NUS, RANG GI LUS BRGYAR SPRUL NUS, RANG GI LUS RE RE'I 'KHOR DU BYANG SEMS 'PHAGS PA BRGYA BRGYAS BSKOR BA BYED NUS PA NAS BZUNG STE, SA GNYIS PAR DE 'DRA BA'I YON TAN STONG PHRAG SDE TSAN BCU GNYIS, SA GSUM PAR 'BUM PHRAG BCU GNYIS, SA BZHI PAR BYE BA BRGYA PHRAG BCU GNYIS, SA LNGA PAR BYE BA STONG PHRAG BCU GNYIS, SA DRUG PAR BYE BA 'BUM PHRAG BCU GNYIS, SA BDUN PAR BYE BA KHRAG KHRIG 'BUM PHRAG BCU GNYIS, SA BRGYAD PAR STONG GSUM GYI RDUL PHRA RAB KYI GRANGS DANG MNYAM PA'I SDE TSAN BCU GNYIS, SA DGU PAR STONG GSUM 'BUM PHRAG BCU'I RDUL PHRA RAB KYI GRANGS DANG MNYAM PA'I YON TAN SDE TSAN BCU GNYIS, SA BCU PAR SANGS RGYAS KYI ZHING BRJOD DU MED PA'I YANG BRJOD DU MED PA'I RDUL PHRA RAB KYI GRANGS DANG MNYAM PA'I YON TAN SDE TSAN BCU GNYIS THOB PA'I PHYIR, GSUM PA NI, SA DANG PO BAS 'DZAM BU'I GLING LA DBANG SGYUR PA'I 'KHOR LOS SGYUR BA'I RGYAL POR SKYE BA LEN, SA GNYIS PA BAS GLING BZHI, SA GSUM PA BAS SUM CU RTZA GSUM, SA BZHI PA BAS 'THAB BRAL, SA LNGA PA BAS DGA' LDAN, SA DRUG PA BAS 'PHRUL DGA', SA BDUN PA BAS GZHAN 'PHRUL DBANG BYED, SA BRGYAD PA BAS STONG SPYI PHUD KYI BDAG PO TSANGS PA CHEN PO, SA DGU PA BAS STONG GNYIS PA'I BDAG PO TSANGS PA CHEN PO, ,SA BCU PA BAS 'OG MIN GYI LHA'I BU DBANG PHYUG CHEN PO'I SKYE BA LEN PA'I PHYIR, BZHI PA NI, MTHONG LAM GYI SKABS SU MTHONG SPANG NYON SGRIB BRGYA DANG BCU GNYIS SPONG, MTHONG SPANG SHES SGRIB BRGYA DANG BRGYAD SPONG LA, MTHONG SPANG DU GYUR PA'I NYON SGRIB BRGYA DANG BCU GNYIS YOD DE, DER GYUR PA'I 'DOD PA'I SAS BSDUS KYI MTHONG SPANG NYON SGRIB BZHI BCU, GONG MA'I SAS BSDUS KYI MTHONG SPANG NYON SGRIB BDUN CU RTZA GNYIS YOD PA'I PHYIR, DANG PO GRUB STE, DER GYUR PA'I 'DOD PA'I SAS BSDUS KYI SDUG BSNGAL MTHONG SPANG NYON SGRIB BCU, KUN 'BYUNG MTHONG SPANG NYON MONGS BCU, @011B 'GEG BA'I DE BCU DANG LAM GYI DE BCU DANG BZHI BCU YOD PA'I PHYIR, DANG PO GRUB STE, DER GYUR PA'I 'DOD CHAGS, KHONG KHRO, NGA RGYAL, NYON MONGS CAN GYI MA RIG PA, THE TSOM NYON MONGS CAN, 'JIG TSOGS LA LTA BA, LOG PAR LTA BA, MTHAR 'DZIN PAR LTA BA, LTA BA MCHOG TU 'DZIN PA, TSUL KHRIMS DANG BRTUL ZHUGS MCHOG 'DZIN RNAMS SU YOD PA'I PHYIR, GZHAN RNAMS RIGS 'GRE, DE SKAD DU YANG, RGYAN SNANG LAS, 'DIR YANG 'DOD CHAGS DANG, KHONG KHRO DANG, NGA RGYAL DANG, MA RIG PA DANG, THE TSOM DANG, 'JIG TSOGS SU LTA BA DANG, LOG PAR LTA BA DANG, MTHAR 'DZIN PAR LTA BA DANG, LTA BA MCHOG TU 'DZIN PA DANG, TSUL KHRIMS DANG RTUL ZHUGS MCHOG TU 'DZIN PA RNAMS 'DOD PA'I KHAMS NA BDEN PA BZHI'I DBYE BAS BZHI BCUR 'GYUR RO, ,ZHES GSUNGS PA'I PHYIR, GNYIS PA NI, GZUGS KYI SAS BSDUS KYI SUM CU RTZA DRUG ,GZUGS MED KYI SAS BSDUS KYI SUM CU RTZA DRUG YOD PA'I PHYIR, DANG PO GRUB STE, DER GYUR PA'I SDUG BSNGAL MTHONG SPANG NYON MONGS SU GYUR PA'I 'DOD CHAGS, NGA RGYAL, NYON MONGS CAN GYI MA RIG PA, THE TSOM NYON MONGS CAN, 'JIG TSOGS LA LTA BA, LOG PAR LTA BA, MTHAR 'DZIN PAR LTA BA, LTA BA MCHOG TU 'DZIN PA, TSUL KHRIMS DANG RTUL ZHUGS MCHOG TU 'DZIN PA STE DGU YOD PA'I PHYIR, DE BZHIN DU PHYI MA RNAMS LA YANG DGU DGU YOD PA'I PHYIR, GZUGS MED LA RIGS 'GRE, DE SKAD DU YANG RGYAN SNANG LAS, DE BZHIN DU, GZUGS DANG GZUGS MED PA'I KHAMS SU NI DE DAG BDEN PA BZHI'I MTHONG BAS SPANG BAR BYA BA, KHONG KHRO BA BRGYAD BTON NAS BDUN CU RTZA GNYIS SO, ,SPYIR BSDOM NA MTHONG BAS SPANG BAR BYA BA'I NYON MONGS PA BRGYA DANG BCU GNYIS SPONG STE, ZHES GSUNGS PA'I PHYIR, RTZA RTAGS GNYIS BA GRUB STE, THEG CHEN GYI MTHONG SPANG DU GYUR PA'I SHES SGRIB BRGYA DANG BRGYAD YOD DE, DER GYUR PA'I 'DOD PA'I SAS BSDUS KYI MTHONG SPANG SHES SGRIB SUM CU RTZA DRUG, GZUGS DANG GZUGS MED KYI SUM CU RTZA DRUG RNAMS SU YOD PA'I PHYIR, DANG PO GRUB STE, 'DOD PA'I SAS BSDUS @012A *, ,KYI MTHONG SPANG SHES SGRIB LDOG PA GZUNG RTOG DGU, 'JUG PA GZUNG RTOG DGU ,RDZAS 'DZIN RTOG PA DGU, BRTAGS 'DZIN RTOG BA DGU RNAMS SU YOD PA'I PHYIR, PHYI MA RNAMS RIGS 'GRE'O, ,GNYIS PA NI, BSGOM SPANG LA, NYON SGRIB DANG SHES SGRIB GNYIS LAS, DANG PO LA BCU DRUG YOD DE, SA DANG PO'I SGOM LAM BAR CHAD MED LAM GYI NGO SKAL GYI SPANG BYAR GYUR PA'I SGOM SPANG NYON MONGS DE LA 'DOD PA'I SAS BSDUS KYI NYON MONGS DRUG ,GONG MA'I SAS BSDUS KYI BCU RNAMS SU YOD PA'I PHYIR, DANG PO GRUB STE, THEG CHEN GYI SGOM SPANG DU GYUR PA'I 'DOD PA'I SAS BSDUS KYI 'DOD CHAGS, ZHA SDANG, NGA RGYAL, MA RIG PA, 'JIGS TSOGS SU LTA BA, MTHAR 'DZIN PAR LTA BA STE DRUG YOD PA'I PHYIR, GNYIS PA GRUB STE, DER GYUR PA'I GZUGS KYI SAS BSDUS LNGA, GZUGS MED KYI SAS BSDUS KYI LNGA RNAMS SU YOD PA'I PHYIR, DANG PO GRUB STE, GZUGS KYI SAS BSDUS KYI 'DOD CHAGS, NGA RGYAL, MA RIG PA, 'JIGS TSOGS SU LTA BA, MTHAR 'DZIN PAR LTA BA RNAMS SU YOD PA'I PHYIR, GNYIS PA RIGS 'GRE'O, ,DE SKAD DU YANG RGYAN SNANG LAS, DE BAS NA SA DANG PO'I SKAD CIG MA DANG PO MTHONG BA'I LAM YIN NO, ,DE LAS GZHAN PA SKAD CIG GNYIS PA LA SOGS PA NAS RDO RJE LTA BUR BRJOD PA'I BAR CHAD MED PA'I LAM GANG LAS DE MA THAG TU SANGS RGYAS KYI SA KUN TU 'OD THOB PA'I BAR 'DI DAG THAMS CAD NI MCHOG GI DON LA SOGS PAR CHOS KYI DBYE BAS SO SOR RTOGS PA'I PHYIR SGOM PA'I LAM YIN PAR BSHAD DO, ,DE LA YANG NYON MONGS PA BCU DRUG CI RIGS PAR RIM GYI SPONG NGO, ,'DI LTA STE, 'DOD CHAGS DANG, ZHE SDANG DANG, NGA RGYAL DANG, MA RIG PA DANG, 'JIGS TSOGS LA LTA BA DANG, MTHAR 'DZIN PAR LTA BA STE, 'DOD PAR SPYOD PA DRUG GO, DE DAG NYID LAS ZHE SDANG BTON NAS GZUGS DANG GZUGS MED PAR SPYOD PA BCU YIN NO, ,ZHES GSUNGS PA'I PHYIR, GNYIS PA GRUB STE, MTHONG BA DANG SGOM PA'I LAM LA YONGS SU SBYOD PA'I CHOS KYI DBYE BAS RAB TU DGA' @012B PA LA SOGS PA'I SA BCUR RNAM PAR BZHAG GO, ZHES GSUNGS PA'I PHYIR, THEG CHEN GYI SGOM SPANG DU GYUR PA'I SHES SGRIB DE LA BRGYA DANG BRGYAD YOD DE, DER GYUR PA'I 'DOD PA'I SAS BSDUS KYI SGOM SPANG SHES SGRIB SUM CU RTZA DRUG ,DER GYUR PA'I GZUGS KYI SAS BSDUS KYI SO DRUG, DER GYUR PA'I GZUGS MED KYI SAS BSDUS KYI SO DRUG RNAMS SU YOD PA'I PHYIR, DANG PO GRUB STE, 'DOD PA'I SAS BSDUS KYI SGOM SPANG SHES SGRIB 'JUG PA GZUNG RTOG DGU, LDOG PA GZUNG RTOG DGU, RDZAS 'DZIN RTOG PA DGU, BTAGS 'DZIN RTOG PA DGU RNAMS SU YOD PA'I PHYIR, DES GZHAN RNAMS LA RIGS 'GRE, LNGA PA NI, RANG GANG LA LDAN PA'I SA DE'I SKYON SEL BAR BYED CING YON TAN RDZOGS PAR BYED PA'I YON TAN DE, SA'I YONGS SBYONG GI MTSAN NYID, DBYE NA DGU YOD, SA DANG PO'I SKYON SEL BAR BYED CING, YON TAN RDZOGS PAR BYED PA'I SA DANG PO'I YON TAN DE, SA DANG PO'I YONGS SBYONG GI MTSAN NYID, DES GZHAN RNAMS RIGS 'GRE, SA BCU LA YONGS SBYONG GI GRANGS KYI KHYAD PAR YOD DE, SA DANG PO LA YONGS SBYONG BCU, GNYIS PA LA BRGYAD, GSUM PA LA LNGA, BZHI PA DANG LNGA PA LA BCU BCU, DRUG PA LA BCU GNYIS, BDUN PA LA NYI SHU, BRGYAD PA LA BRGYAD, DGU PA LA BCU GNYIS RNAMS SU YOD PA'I PHYIR, 'O NA, SA BCU PA'I YONGS SBYONG MED PA YIN NAM ZHE NA, MA YIN TE, SA BCU PA'I SKYON SEL BAR BYED CING YON TAN RDZOGS PAR BYED PA'I SA BCU PA'I YE SHES YOD PA'I PHYIR, SKABS 'DIR SA BCU PA'I YONGS SBYONG DNGOS SU MI STON PA'I RGYU MTSAN YOD DE, SA DGU PA'I YONGS SBYONG DNGOS SU BSTAN PA'I SHUGS LA SA BCU PA'I YONGS SBYONG RTOGS NUS PA'I PHYIR, 'O NA, SA BCU'I YONGS SBYONGS RNAMS SNGAR MA THOB PA'I YON TAN THOB PHYIR DU YONGS SU SBYONG BA YIN NAM, THOB ZIN YONGS SU SBYONG BA YIN, ZHE NA, KHA CIG, MA THOB PA THOB PA'I PHYIR, YONGS SU SBYONG BA YIN TE, DPER NA, CHU 'DREN PA'I YUR BA BZHIN NO, ,ZHES ZER, KHA CIG ,THOB ZIN SBYONG BA YIN TE, DPER NA, KHANG BZANG BYI DOR BYED PA BZHIN NO, ,ZHES ZER NA, DANG PO MI 'THAD DE, SA DANG @013A *, ,PO'I YON TAN YIN NA, SA DANG PO'I DUS SU YOD DGOS PA'I PHYIR, ` LNGA PA LA, SA SPYI'I NGES TSIG DANG, SA SO SO'I NGES TSIG GNYIS LAS, DANG PO NI, SA'I SKAD DOD DU BHA'U MI ZHES PA 'BYUNG LA, NGES TSIG BSNAN PA'I DBANG DU BYAS NA, THEG CHEN GYI MTHONG LAM SOGS LA SA ZHES BRJOD PA'I RGYU MTSAN YOD DE, GDUL BYA 'BYUNG PO DPAG TU MED PA'I SGRIB GNYIS KYI 'JIGS PA MED PA'I RTEN BYED PA DANG, YON TAN GONG NAS GONG DU 'PHEL BAR BYED PA'I RGYU MTSAN GYIS DE LTAR BRJOD PA'I PHYIR, MDO SDE RGYAN LAS, 'BYUNG PO DPAG MED 'JIG MED PHYIR, ,DPAG TU MED PA DE DAG LA, ,PHYI PHYIR GONG DU 'GRO LDAN PHYIR, ,DE DAG NYID NI SAR 'DOD DO, ,ZHES GSUNGS PA'I PHYIR, GNYIS PA NI, SA DANG PO LA, RAB TU DGA' BA ZHES BRJOD PA'I RGYU MTSAN YOD DE, SA DANG PO NAS RDZOGS PA'I BYANG CHUB LA NYE BA DANG SEMS CAN GYI DON 'GRUB PAR MTHONG BA NA, ,DGA' BA KHYAD PAR CAN SKYE BAS DE LTAR BRJOD PA'I PHYIR, ,DE NYID LAS, BYANG CHUB LA NI NYE BA DANG, ,SEMS CAN DON GRUB MTHONG BA LA, ,RAB TU DGA' BA SKYE 'GYUR TE, ,DE PHYIR RAB DGA' ZHES BRJOD DO, ,ZHES GSUNGS PA'I PHYIR, SA GNYIS PA LA DRI MA MED PA ZHES BRJOD PA'I RGYU MTSAN YOD DE, ,DE GNYIS PA NAS 'CHAL PA'I TSUL KHRIMS DANG THEG DMAN YID DBYE KYI RTZOL BA'I DRI MA DANG BRAL BA'I RGYU MTSAN GYIS DE LTAR BRJOD PA'I PHYIR, YANG DE NYID LAS, 'CHAL TSUL RTZOL BA'I DRI BRAL PHYIR, DRI MA MED PA'I SA ZHES BYA, ZHES GSUNGS PA'I PHYIR, SA GSUM PA LA 'OD BYED BA ZHES BRJOD PA'I RGYU MTSAN YOD DE, SA GSUM PA NAS LUS SROG LA YANG MI LTA BAR RANG NYID KYIS KYANG LUNG GI CHOS 'TSOL BA LA 'BAD CING GDUL BYA GZHAN RNAMS CHOS KYI SNANG BAS TSIM PAR BYED PA'I RGYU MTSAN GYIS DE LTAR BRJOD PA'I PHYIR,, ` DE NYID LAS, CHOS KYI SNANG BA CHEN PO NI, ,BYED PA'I PHYIR NA 'OD BYED PA'O, ,ZHES GSUNGS PA'I PHYIR, SA BZHI PA LA 'OD 'PHRO BA ZHES BRJOD PA'I RGYU MTSAN YOD DE, SA BZHI PAR BYANG CHUB KYI PHYOGS DANG MTHUN PA'I CHOS DANG LDAN PA'I SGO @013B NAS RANG GI NGO SKAL GYI SGRIB GNYIS SREG PAR BYED PA'I YE SHES KYI 'OD ME LTAR 'PHRO BA'I RGYU MTSAN GYIS DE LTAR BRJOD PA'I PHYIR, DE NYID LAS, 'DIR NI BYANG CHUB PHYOGS MTHUN CHOS, ,RAB TU PHRO BYED 'OD LTA BU, ,DE DANG LDAN PHYIR SA DE NI, ,GNYIS PO SREG PAS 'OD 'PHRO CAN, , ZHES GSUNGS PA'I PHYIR, SA LNGA PA LA SBYANG DKA' BA ZHES BRJOD PA'I RGYU MTSAN YOD DE, SEMS CAN SMIN PAR BYED PA DANG, ,DE BYED PA'I TSOGS GDUL BYA'I LOG SGRUB BZOD PAR DKA' BA DE LA BLO LDAN BYANG CHUB SEMS DPA'I SA BZHI PA MAN CHAD KYI SBYONG DKA' BA YIN PA LAS LNGA PA 'DIR DE SBYONG NUS PA'I RGYU MTSAN GYIS DE LTAR BRJOD PA'I PHYIR, DE NYID LAS, SEMS CAN RNAMS YONGS SMIN BYED CING, ,RANG GI SEMS KYANG BSRUNG BA'I PHYIR, ,BLO LDAN RNAMS KYIS SPYAD DKA' BA, ,DE PHYIR SBYONG DKA' ZHES BYA'O, ,ZHES GSUNGS PA'I PHYIR, SA DRUG PA LA MNGON DU GYUR PA'I SA ZHES BRJOD PA'I RGYU MTSAN YOD DE RTEN 'BREL LUGS 'BYUNG DU SGOM PA'I 'KHOR BA LAS LDOG PA MNGON DU GYUR, RTEN 'BREL LUGS LDOG TU SGOM PA'I MYANG 'DAS LA MNGON DU GYUR PA'I RGYU MTSAN GYIS DE LTAR BRJOD PA'I PHYIR, DE NYID LAS, SHES RAB PHA ROL PHYIN RTEN NAS, ,'KHOR BA DANG NI MYA NGAN 'DAS, ,GNYIS 'DIR MNGON DU GYUR PA'I PHYIR, ,MNGON DU GYUR BA'I SA ZHES BSHAD, ,ZHES GSUNGS PA'I PHYIR, ,SA BDUN PA LA RING DU SONG BA ZHES BRJOD PA'I RGYU MTSAN YOD DE, LAM RING DU BSGOM PA LA BRTEN NAS MTSAN BCAS RTZOL BCAS KYI LAM MTHAR THUG PA DANG, BGROD PA GCIG PA'I LAM GNYIS 'BREL BA'I RGYU MTSAN GYIS DE LTAR RJOD PA'I PHYIR, ` DE NYID LAS, BGROD GCIG LAM DANG 'BREL BA'I PHYIR, ,RING DU SONG BA'I SAR 'DOD DO, ,ZHES GSUNGS PA'I PHYIR, SA BRGYAD PA LA MI G-YO BA ZHES BRJOD PA'I RGYU MTSAN YOD DE, SA BRGYAD PAR MTSAN MA DANG BCAS PA'I 'DU SHES DANG MTSAN MED RTZOL BCAS KYI 'DU SHES GNYIS KYIS MI G-YO BA STE MED PA'I RGYU MTSAN GYIS DE LTAR BRJOD DE, DE NYID LAS, 'DU SHES GNYIS KYIS MI G-YOS PHYIR, ,MI G-YO SA @014A *, ,ZHES NGES PAR BRJOD, ,CES GSUNGS PA'I PHYIR, SA DGU PA LA LEGS PA'I BLO GROS ZHES BRJOD PA'I RGYU MTSAN YOD DE, SO SO YANG DAG PAR RIG PA'I BLO GROS ZHES BRJOD PA'I BZOD PA THOB PA'I RGYU MTSAN GYIS DE LTAR BRJOD PA'I PHYIR, DE NYID LAS, SO SO YANG DAG RIG BLO BZANG, ,SA DE LEGS PA'I BLO GROS YIN, ,ZHES GSUNGS PA'I PHYIR, SA BCU PA LA CHOS KYI SPRIN ZHES BRJOD PA'I RGYU MTSAN YOD DE, NAM MKHA' LA CHAR SPRIN 'KHRIGS TE CHAR BA BAS NAS 'JIG RTEN PA'I LO TOG RGYAS PAR BYED PA LTAR BYANG SEMS SA BCU PA BA'I SHES RGYAD NAM MKHA' DANG 'DRA BA LA GZUNGS DANG TING 'DZIN LA SOGS PA'I CHOS KYI SPRIN 'KHRIGS NAS CHOS KYI CHAR BAB STE, GDUL BYA'I RGYUD KYI DGE BA'I LO TOG PHUN SUM TSOGS PA RGYAS PAR BYED PA'I RGYU MTSAN GYIS DE LTAR BRJOD PA'I PHYIR TE, DE NYID LAS, SPRIN BZHIN GNYIS KYIS NAM MKHA'I CHOS, ,KHYAB PA'I PHYIR NA CHOS KYI SPRIN, ,ZHES GSUNGS PA'I PHYIR, DON BSDU NA LAM ZHUGS KYI MNGON RTOGS RNAMS CHOS CAN, KHYOD LA SA ZHES BRJOD PA'I RGYU MTSAN YOD DE, RANG GI 'BRAS BUR GYUR PA'I YON TAN DU MA 'I RTEN BYED PA'I RGYU MTSAN GYIS DE LTAR BRJOD PA'I PHYIR, GNYIS PA LA, MTSAN NYID, DBYE BA, MING GI RNAM GRANGS, SGRA BSHAD PA, SKYE TSUL BSHAD PA DANG RNAM PA LNGA, DANG PO NI, NGES 'BYUNG GI BSAM PA BCOS MA MA YIN PAS ZIN PA'I MKHYEN PA DE, LAM GYI MTSAN NYID, GNYIS PA YUL GYIS SGO NAS DBYE NA; TSOGS LAM SOGS LNGA YOD, GNAS SKABS KYI SGO NAS DBYE NA, MNYAM RJES GNYIS DE GNYIS GANG RUNG MA YIN PA'I LAM DANG GSUM, RTEN GYI SGO NAS DBYE NA, NYAN THOS SOGS GSUM, CHOS MNGON PAR RTOGS PA TSOGS LAM GYI MTSAN NYID, DE LA NYAN RANG THEG CHEN GYI TSOGS LAM DANG GSUM YOD, NYAN THOS KYI CHOS MNGON RTOGS, NYAN THOS KYI TSOGS LAM GYI MTSAN NYID, DE LA CHUNG 'BRING CHEN PO GSUM YED, DE RE RE LA DER GYUR PA'I MNGON SUM RJES DPAG DPYAD SHES DANG GSUM YOD, DANG PO NI, @014B NYAN THOS TSOGS LAM PA'I RGYUD KYI MNGON SHES DANG PO LNGA LTA BU, GNYIS PA NI, DE'I RGYUD KYI RTAGS LA BRTEN NAS GANG ZAG GI BDAG MED GSAR DU RTOGS PA'I BLO LTA BU, GSUM PA NI, DE'I RGYUD KYI GANG ZAG GI BDAG MED NGES PA'I NGES SHES LTA BU, DES RANG RGYAL GYI TSOGS LAM LA YANG RIGS 'GRE'O, ,KHYAD PAR NI RANG RGYAL TSOGS LAM PA'I RGYUD KYI GNYIS STONG RTOGS PA'I BLO DANG, GNYIS STONG NGES PA'I NGES SHES LTA BU, DES THEG CHEN GYI TSOGS LAM LA YANG RIGS 'GRE'O, ,KHYAD PAR NI BDAG MED KYI TSA BA LA STONG NYID SBYAR, DON MNGON RTOGS SBYOR LAM GYI MTSAN NYID, DBYE NA, NYAN THOS KYIS BYOR LAM SOGS GSUM YOD, NYAN THOS KYI DON MNGON RTOGS, NYAN THOS KYI SBYOR LAM GYI MTSAN NYID, DBYE NA, DROD SOGS BZHI YOD, DANG PO GSUM LA CHUNG 'BRING CHEN PO GSUM YOD, CHOS MCHOG LA DE MED DE, DE DUS MTHA'I SKAD CIG MA YIN PA'I PHYIR, DER THAL, MDZOD LAS, DE NI SKAD CIG GCIG DE BZHIN, CHOS MCHOG, CES GSUNGS PA'I PHYIR, YANG DBYE NA, MNGON SUM RNGES DPAG DPYAD SHES DANG GSUM, MTSAN GZHI NI GONG DANG 'DRA, DES RANG RGYAL LA YANG RIGS 'GRE'O, ,KHYAD PAR GONG DANG 'DRA, THEG CHEN GYI DON MNGON RTOGS, THEG CHEN GYI SBYOR LAM GYI MTSAN NYID, DBYE NA, DROD SOGS BZHI YOD, DE RE RE LA YANG CHUNG 'BRING CHEN PO GSUM GSUM GYI DBYE BA STE BCU GNYIS YOD, YANG, DER GYUR PA'I MNGON SUM RJES DPAG DPYAD SHES DANG GSUM YOD, MTSAN GZHI SNGAR BZHIN NO, ,BDEN PA MNGON RTOGS MTHONG LAM GYI MTSAN NYID, DBYE NA, NYAN THOS KYI MTHONG LAM SOGS GSUM YOD, NYAN THOS KYI BDEN PA MNGON RTOGS, NYAN THOS KYI MTHONG LAM GYI MTSAN NYID, DBYE BA SOGS BSHAD ZIN, NYAN THOS KYI MTHONG LAM BAR CHAD MED LAM GANG ZHIG, RANG GI NGO SKAL GYI SPANG BYAR GYUR PA'I 'DOD PA'I SAS BSDUS KYI SDUG BSNGAL MTHONG SPANG GI DNGOS GNYEN BYED PA DE, NYAN THOS KYI MTHONG LAM SDUG BSNGAL CHOS BZOD KYI MTSAN NYID, DE GANG ZHIG, DER GYUR PA'I GONG MA'I SAS BSDUS KYI SDUG BSNGAL MTHONG SPANG @015A *, ,NYON SGRIB KYI DNGOS GNYEN BYED PA DE, NYAN THOS KYIS MTHONG LAM SDUG BSNGAL RJES BZOD KYI MTSAN NYID, DES GZHAN RNAMS LA RIGS 'GRE'O, ,NYAN THOS KYI MTHONG LAM BZOD PA BRGYAD GCIG CAR DU SKYE BA YOD DE, SPANG BYA GCIG CAR BA'I RGYUN ZHUGS ZHUGS PA'I RGYUD LA DE LTAR SKYE BA'I PHYIR, RIM CAN DU SKYE BA YOD DE, SPANG BYA RIM GYIS PA'I RGYUD LA DE LTAR SKYE BA'I PHYIR, DES RANG SANGS RGYAS LA REGS 'GRE'O, ,THEG CHEN GYI BDEN PA MNGON RTOGS, THEG CHEN GYI MTHONG LAM GYI MTSAN NYID, DBYE BA BSHAD ZIN, RJES LA MNGON RTOGS, SGOM LAM GYI MTSAN NYID, DBYE NA, NYAN THOS KYI SGOM LAM SOGS GSUM YOD, NYAN THOS KYI RJES LA MNGON RTOGS, NYAN THOS KYI SGOM LAM GYI MTSAN NYID, DBYE NA, MNYAM RJES GNYIS DE GNYIS GANG RUNG MA YIN PA'I NYAN THOS KYI SGOM LAM DANG GSUM YOD, RANG YUL DU GYUR PA'I BDAG MED LA RTZE GCIG TU MNYAM PAR BZHAG PA'I NYAN THOS KYI RJES LA MNGON RTOGS, NYAN THOS KYI SGOM LAM MNYAM GZHAG YE SHES KYI MTSAN NYID, DE LA DBYE NA, NYAN THOS KYI SGOM LAM BAR CHAD MED LAM DANG, RNAM GREL LAM DANG, DE GANG RUNG MA YIN PA'I NYIN THOS KYI SGOM LAM MNYAM BZHAG YE SHES DANG GSUM YOD, GANG ZAG GI BDAG MED LA RTZE GCIG TU MNYAM PAR BZHAG PA'I NYAN THOS KYI RJES LA MNGON RTOGS GANG ZHIG, RANG GI NGO SKAL GYI SPANG BYAR GYUR PA'I SGOM SPANG NYON SGRIB KYI DNGOS GNYEN BYED PA DE, NYAN THOS KYI SGOM LAM BAR CHAD MED LAM GYI MTSAN NYID, DE LA DBYE NA, NYAN THOS KYI SGOM LAM CHUNG NGU'I CHUNG NGU NAS CHEN PO'I CHEN PO'I BAR DGU YOD, RANG GI NYER LEN DU GYUR PA'I RANG DANG MNYAM GZHAG THUN GCIG LA SKYES PA'I NYAN THOS KYI SGOM LAM BAR MED LAM GYI NGO SKAL GYI SGRIB PA LAS GROL BA'I BDAG MED LA RTZE GCIG TU MNYAM PAR BZHAG PA'I NYAN THOS KYI RJES LA MNGON RTOGS, NYAN THOS KYI SGOM LAM RNAM GROL LAM GYI MTSAN NYID, DE LA DBYE NA, NYAN THOS KYI @015B SGOM LAM RNAM GROL LAM CHUNG NGU'I CHUNG NGU NAS CHEN PO'I CHEN PO'I BAR DGU YOD, DES RANG SANGS RGYAS LA RIGS 'GRE'O, ,THEG CHEN GYI RJES LA MNGON RTOGS, THEG CHEN GYI SGOM LAM GYI MTSAN NYID, DE LA DBYE NA, THEG CHEN GYI SGOM LAM MNYAM GZHAG YE SHES SOGS GSUM YOD, DANG PO NI, RANG GI YUL DU GYUR PA'I BDAG MED LA RTZE GCIG TU MNYAM PAR BZHAG PA'I THEG CHEN GYI RJES LA MNGON RTOGS GANG ZHIG ,RANG RGYUD LDAN GYI GANG ZAG GI RGYUD LA MNGON GYUR DU 'BYUNG BA DE, THEG CHEN GYI SGOM LAM MNYAM GZHAG YE SHES KYI MTSAN NYID, DBYE NA, THEG CHEN GYI SGOM LAM BAR CHAD MED LAM SOGS GSUM YOD, CHOS NYID LA RTZE GCIG TU MNYAM PAR BZHAG PA'I THEG CHEN GYI RJES LA MNGON RTOGS GANG ZHIG ,RANG GI NGO SKAL GYI BDEN 'DZIN LHAN SKYES KYI DNGOS GNYEN BYED PA DE, DANG PO'I MTSAN NYID, DBYE NA, CHUNG DU SKOR GSUM, 'BRING SKOR GSUM, CHEN PO SKOR GSUM STE DGU YOD DE, THEG CHEN GYI SGOM LAM BAR CHAD MED LAM GANG ZHIG ,RANG GI NGO SKAL GYI BDEN 'DZIN LHAN SKYES CHEN PO'I CHEN PO'I DNGOS GNYEN BYED PA DE, THEG CHEN GYI SGOM LAM BAR CHAD MED LAM CHUNG NGU'I CHUNG NGU'I MTSAN NYID, DBYE NA, SA DANG PO'I SGOM LAM BAR BCHAD MED LAM DANG, SA GNYIS PA'I SGOM LAM BAR CHAD MED LAM GNYIS YOD, THEG CHEN GYI SGOM LAM BAR CHAD MED LAM CHUNG NGU'I 'BRING DANG SA GSUM PA'I BAR CHAD MED LAM DON GCIG ,DES GZHAN RNAMS LA RIGS 'GRE ,THEG CHEN GYI SGOM LAM MNYAM GZHAG YE SHES GANG ZHIG ,RANG DANG MNYAM GZHAG THUN GCIG LA SKYES PA'I BAR CHAD MED LAM GYI NGO SKAL GYI BDEN 'DZIN LAS GROL BA'I THEG CHEN GYI RJES LA MNGON RTOGS, THEG CHEN GYI SGOM LAM RNAM GROL LAM GYI MTSAN NYID, DBYE NA DGU YOD, THEG CHEN GYI SGOM LAM RNAM GROL LAM CHUNG NGU'I CHUNG NGU DANG, SA GNYIS PA'I SGOM LAM @16A *, ,RNAM GROL LAM DON GCIG, NYON SGRIB SPANGS PA'I MKHYEN PA MI SLOB LAM GYI MTSAN NYID, DBYE NA, NYAN THOS KYI MI SLOB LAM SOGS GSUM YOD, GSUM PA NI, TSOGS LAM, DAD PA'I SA, THAR PA CHA MTHUN, CHOS MNGON RTOGS RNAMS DON GCIG, SBYOR LAM, NGES 'BYED YAN LAG, NGES 'BYED CHA MTHUN, DON MNGON RTOGS RNAMS DON GCIG, MTHONG LAM, BDEN PA MNGON RTOGS, MTHONG LAM PA'I RGYUD KYI MKHYEN PA RNAMS DON GCIG, SGOM LAM, RJES LA MNGON RTOGS, SGOM LAM PA'I MKHYEN PA RNAMS DON GCIG, MI SLOB LAM, DGRA BCOM PA'I MKHYEN PA RNAMS DON GCIG, DES THEG PA SO SO LA SHES PAR BYA'O, ,SGRA BSHAD PA LA, NYAN THOS KYI TSOGS LAM CHOS CAN, KHYOD LA TSOGS LAM ZHES BRJOD PA'I RGYU MTSAN YOD DE, THAR PA THOB PHYIR TSOGS BSAGS PA'I LAM GYI DANG PO YIN PA'I RGYU MTSAN GYIS DE LTAR BRJOD PA'I PHYIR, CHOS MNGON RTOGS ZHES BRJOD PA'I RGYU MTSAN YOD DE, CHOS GSUM GYI TSIG DON GTZO BOR THOS BSAM GYI GTAN LA 'BEBS PA'I SKABS YIN PA'I RGYU MTSAN GYIS DE LTAR BRJOD PA'I PHYIR, DAD PA'I SA ZHES BRJOD PA'I RGYU MTSAN YOD DE, DAD SOGS YUL LNGA LA GTZO BOR MKHAS PA'I GNAS SKABS KYI LAM YIN PA'I RGYU MTSAN GYIS DE LTAR BRJOD PA'I PHYIR, THAR PA CHA MTHUN ZHES BRJOD PA'I RGYU MTSAN YOD DE, NYON SGRIB SPANGS PA'I 'GOG BDEN THAR PA YIN ZHING, NYON SGRIB KUN BTAGS SPANGS PA'I 'GOG BDEN THAR PA'I CHA YIN LA, DE THOB PA DANG RJES SU MTHUN PA'I GNAS SKABS KYI LAM YIN PA'I RGYU MTSAN GYIS DE LTAR BRJOD PA'I PHYIR, NYAN THOS KYI SBYOR LAM CHOS CAN, KHYOD LA SBYOR LAM ZHES BRJOD PA'I RGYU MTSAN YOD DE, BDEN PA BZHI MNGON SUM DU RTOGS PA LA SBYOR BAR BYED PA'I GNAS SKABS KYI LAM YIN PA'I RGYU MTSAN GYIS DE LTAR BRJOD PA'I PHYIR, DON MNGON RTOGS ZHES BRJOD PA'I RGYU MTSAN @16B YOD DE, GSUNG RAB KYI DON BDAG MED PHRA RAGS GANG RUNG LA SGOM BYUNG GIS MYONG BA THON PA'I GNAS SKABS KYI LAM YIN PA'I RGYU MTSAN GYIS DE LTAR BRJOD PA'I PHYIR, NGES 'BYED YAN LAG ZHES BRJOD PA'I RGYU MTSAN YOD DE, MNYAM GZHAG RNAM PAR MI RTOG PA'I YE SHES LA NGES 'BYED CES BYA BA, KHYOD RANG GI 'BRAS BUR GYUR BA'I MNYAM GZHAG RNAM PAR MI RTOG PA'I YE SHES KYI DNGOS KYI NYER LEN YIN PA'I RGYU MTSAN GYIS DE LTAR BRJOD PA'I PHYIR, NGES 'BYED CHA MTHUN, CES PA'I RGYU MTSAN YOD DE, MNYAM GZHAG RNAM PAR MI RTOG PA'I YE SHES LA NGES 'BYED ZHES BYA LA, DE DANG CHA MTHUN PAS DE LTAR BRJOD PA'I PHYIR, THEG CHEN GYI MTHONG LAM BAR CHAD MED LAM DE LTA BU LA, NGES 'BYED, CES BRJOD PA'I RGYU MTSAN YOD DE, MTHONG SPANG LAS NGES PAR 'BYED PA'I LAM YIN PA'I RGYU MTSAN GYIS DE LTAR BRJOD PA'I PHYIR, BYANG SEMS KYI MTHONG LAM LTA BU CHOS CAN, MTHONG BA'I LAM ZHES BRJOD PA'I RGYU MTSAN YOD DE, BDEN BZHI MNGON SUM DU MTHONG BA'I GNAS SKABS KYI LAM YIN PA'I RGYU MTSAN GYIS DE LTAR BRJOD PA'I PHYIR, BDEN PA MNGON RTOGS ZHES BRJOD PA'I RGYU MTSAN YOD DE, BDEN PA MNGON SUM DU GSAR DU RTOGS PA'I GNAS SKABS KYI LAM YIN PA'I RGYU MTSAN GYIS DE LTAR BRJOD PA'I PHYIR, THEG CHEN GYI SGOM LAM LTA BU CHOS CAN, KHYOD LA RJES LA MNGON RTOGS ZHES BRJOD PA'I RGYU MTSAN YOD DE, BDEN PA MNGON SUM DU RTOGS ZIN GYI RGYUN SGOM PAR BYED PA'I GNAS SKABS KYI LAM YIN PA'I RGYU MTSAN GYIS DE LTAR BRJOD PA'I PHYIR, DGRA BCOM PA'I MKHYEN PA CHOS CAN, KHYOD LA MI SPOB LAM ZHES BRJOD PA'I RGYU MTSAN YOD DE, CHAGS BCAS RNAMS KYIS PHYAG BYA BA'I 'OS SU GYUR PA DANG, NYON SGRIB SPANGS PA'I LAM YIN PA'I RGYU MTSAN GYIS DE LTAR BRJOD PA'I PHYIR, LNGA PA NI, GNAS SKABS NYAN THOS SU RIGS DES PA'I GANG ZAG GI RGYUD LA NGAS 'BYUNG GI BSAM PA BCOS MA MA YIN PA SKYES PA NA, DES NYAN THOS KYI TSOGS LAM CHUNG NGU THOB PAR 'JOG, DE'I RJES @17A *, ,SU DE'I RGYUD LA DE 'BRING SKYE, DE'I RJES SU DE'I RGYUD LA DE CHEN PO SKYE, GNAS SKABS NYAN THOS SU RIGS NGES PA'I NYAN THOS KYI TSOGS LAM CHEN PO LA GNAS PA'I NYAN THOS DES, GANG ZAG GI BDAG MED LA DMIGS PA'I LHAG MTHONG NAM THOB PA NA; DES NYAN THOS KYI SBYOR LAM DROD THOB PAR 'JOG, DE'I RJES SU NYAN THOS KYI SBYOR LAM RTZE MO SKYE, DE'I RJES SU SBYOR LAM BZOD PA SKYE, DE'I RJES SU CHOS MCHOG DANG, NYAN THOS KYI MTHONG LAM BAR CHAD MED LAM, NYAN THOS KYI MTHONG LAM RNAM GROL LAM RNAMS MNYAM GZHAG THUN GCIG LA SKYE BA YIN NO, ,GNAS SKABS NYAN THOS SU RIGS NGES PA'I NYAN THOS KYI SBYOR LAM CHOS MCHOG LA GNAS PA'I GANG ZAG DES, GANG ZAG GIS BDAG MED MNGON SUM DU GSAR DU RTOGS PA'I MKHYEN PA NAM THOB PA NA, DES NYAN THOS KYI MTHONG LAM THOB PAR 'JOG, DE 'DRA'I NYAN THOS KYI MTHONG LAM DES GANG ZAG GI BDAG MED RTOGS ZIN GOMS PA LA BRTEN NAS NYON SGRIB CHEN PO'I CHEN PO'I DNGOS GNYEN NAM THOB PA NA, DES NYAN THOS KYI SGOM LAM THOB PAR 'JOG, DES NYON SGRIB NAM SPANGS PA'I TSE, NYAN THOS KYI MI SLOB LAM THOB PAR 'JOG, DES RANG SANGS RGYAS LA RIGS 'GRE'O, ,THEG CHEN RIGS NGES KYI LAM MA ZHUGS KYI GANG ZAG GI RGYUD LA, THEG CHEN SEMS BSKYED NAM SKYES PA NA, DES THEG CHEN GYI TSOGS LAM CHUNG DU THOB PAR 'JOG, THEG CHEN GYI TSOGS LAM NAS THEG CHEN GYI SBYOR LAM DU 'PHO TSUL LA YANG, DMAN LAM SNGON DU MA SONG BA DANG, SONG BA GNYIS LAS, DMAN LAM SNGON DU MA SONG PA'I, TSOGS LAM CHEN PO LA GNAS PA'I SEMS DPA' DES, STONG NYID LA DMIGS PA'I LHAG MTHONG NAM THOB PA NA, THEG CHEN GYI SBYOR LAM DRONG THOB PAR 'JOG, DE 'DRA'I BYANG SEMS SBYOR LAM PA DES STONG NYID MNGON SUM DU RTOGS PA'I MKHYEN PA NAM THOB PA NA, THEG CHEN GYI MTHONG LAM THOB PAR 'JOG, DMAN LAM SNGON DU SONG BA LA, DMAN LAM DU @17B STONG NYID RTOGS MA MYONG BA DANG, DE RTOGS PA GNYIS LAS DMAN LAM DU STONG NYID RTOGS MA MYONG BA'I DMAN LAM SNGON SONG GI BYANG SEMS TSOGS LAM PA DES, STONG NYID LA DMIGS PA'I LHAG MTHONG THOB PA DANG, THEG CHEN GYI SBYOR LAM DROD THOB PA DUS MNYAM, DMAN LAM DU STONG NYID RTOGS MYONG BA LA, DMAN LAM DU STONG NYID RTOGS MYONG BA'I THEG DMAN TSOGS LAM PA'I RTOGS PA SNGON DU SONG BA DANG, DE 'DRA BA'I THEG DMAN SBYOR LAM PA'I RTOGS PA SNGON DU SONG BA GNYIS LAS, DMAN LAM DU STONG NYID RTOGS PA'I THEG DMAN TSOGS LAM PA'I RTOGS PA SNGON DU SONG ZHING, DE 'DRA'I THEG DMAN SBYOR LAM PA'I RTOGS PA SNGON DU MA SONG BA'I BYANG SEMS TSOGS PA DES, STONG NYID LA DMIGS PA'I LHAG MTHONG THOB PA NA, DES THEG CHEN GYI SBYOR LAM THOB PAR 'JOG, DMAN LAM DU; STONG NYID RTOGS MYONG BA'I THEG DMAN SBYOR LAM PA'I RTOGS PA SNGON DU SONG BA'I BYANG SEMS TSOGS LAM PA DES, THEG CHEN GYIS TSOGS LAM GYI GNAS SKABS KYI TSOGS GNYIS CI TZAM BSAGS DGOS PA BSAGS ZIN PA'I SKAD CIG GNYIS PAR DES THEG CHEN GYI SBYOR LAM DROD THOB PAR 'JOG, THEG CHEN GYI SBYOR LAM NAS MTHONG LAM DU 'PHO TSUL LA GNYIS LAS, DMAN LAM SNGON DU SONG BA'I BYANG SEMS GONG DU BSHAD ZIN, DMAN LAM DU STONG NYID RTOGS MA MYONG BA'I BYANG SEMS SBYOR LAM PA DES, STONG NYID MNGON SUM DU GSAR DU RTOGS PA'I TSE, THEG CHEN GYI MTHONG LAM THOB PAR 'JOG, DMAN LAM DU STONG NYID RTOGS PA'I DMAN LAM SNGON SONG LA YANG GNYIS LAS, DMAN LAM DU STONG NYID RTOGS PA'I THEG DMAN SBYOR LAM PA'I RTOGS PA SNGON DU SONG ZHING, DE 'DRA'I THEG DMAN MTHONG LAM PA'I RTOGS PA SNGON DU MA SONG BA'I BYANG SEMS SBYOR LAM PA DES, STONG NYID MNGON SUM DU GSAR DU RTOGS PA'I TSE, THEG CHEN GYI MTHONG LAM THOB PAR 'JOG, DMAN LAM DU STONG NYID RTOGS PA'I THEG DMAN @18A *, ,MTHONG LAM PA'I RTOGS PA SNGON DU SONG BA'I BYANG SEMS SBYOR LAM PA DES, SBYOR LAM GYI GNAS SKABS SU TSOGS GNYIS CI TZAM BSAGS DGOS PA BSAGS ZIN PA'I SKAD GCIG GNYIS PAR THEG CHEN GYI MTHONG LAM THOB PAR 'JOG ,SA DANG PO NAS GNYIS PAR 'PHO TSUL SOGS GONG DU BSHAD ZIN, DAG DON NI, SA'I TSOGS LA ZHES SOGS GSUNGS PA CHOS CAN, DGOS PA YOD DE, SA RAB TU DGA' BA LA SOGS PA'I SA SO SO'I YONGS SPYOD RDZOGS PAR BSTAN PA'I CHED YIN PA'I PHYIR, GSUM PA LA, KHO NA RE, GANG ZAG GI BDAG MED RTOGS PA'I RNAM MKHYEN CHOS CAN, NYAN THOS LAM ZHUGS KYI MKHYEN PA YIN PAR THAL, NYAN THOS KYIS YIN PA'I PHYIR, DER THAL, NYAN THOS KYI LAM YIN PA'I PHYIR, KHYAB STE, SA LAM GNYIS SU PHYE BA'I SA DANG LAM DON GCIG YIN PA'I PHYIR, ZHES ZER NA, MA KHYAB, DE BZHIN DU STONG NYID RTOGS PA'I NYAN THOS KYI MTHONG LAM THEG CHEN LAM ZHUGS KYI MKHYEN PA YIN PAR THAL, DE THEG CHEN GYI SA YIN PA'I PHYIR, KHYAB PA KHAS, DER THAL, DE SANGS RGYAS KYIS YIN PA'I PHYIR, DER THAL, DE'I LAM YIN PA'I PHYIR, ZER NA MA KHYAB, GZHAN YANG GNYIS STONG RTOGS PA'I RNAM MKHYEN CHOS CAN, RANG RGYAL LAM ZHUGS KYI MKHYEN PA YIN PAR THAL, RANG RGYAL GYI SA YIN PA'I PHYIR, DER THAL, DE'I LAM YIN PA'I PHYIR, KHYAB STE, LAM YIN NA, SA LAM GNYIS SU PHYE BA'I SA YIN DGOS PA'I PHYIR, ZER NA MA KHYAB, DE CHOS CAN, NYAN THOS KYI MKHYEN PA YIN PAR THAL, DE'I LAM YIN PA'I PHYIR, KHYAB STE, LAM YIN NA MKHYEN PA YIN DGOS PA'I PHYIR, 'KHOR GSUM, KHO NA RE, NYAN THOS DGRA BCOM PA'I RTOGS PA SNGON DU SONG BA'I THEG CHEN GYI TSOGS LAM DE MI SLOB LAM YIN PAR THAL, DAM BCA' @18B 'THAD PA'I PHYIR, 'DOD MI NUS TE, SLOB LAM YIN PA'I PHYIR, DER THAL, THEG CHEN GYI SLOB LAM YIN PA'I PHYIR, ZER NA MA KHYAB, KHO NA RE, DE CHOS CAN, THEG PA RANG LUGS KYI BSLAB BYA MTHAR PHYIN PA'I LAM YIN PAR THAL, MI SLOB LAM YIN PA'I PHYIR, ZER NA MA KHYAB, 'DOD NA, DE CHOS CAN, THEG CHEN LAM ZHUGS KYI BSLAB BYA MTHAR PHYIN PA'I LAM YIN PAR THAL, 'DOD PA GANG ZHIG, THEG CHEN GYI TSOGS LAM YIN PA'I PHYIR, GZHAN YANG, KHO NA RE, THEG CHEN GYI MTHONG LAM RJES THOB YE SHES LA GNAS PA'I SEMS DPA'I RGYUD KYI STONG NYID MNGON SUM DU RTOGS PA'I MKHYEN PA CHOS CAN, MNYAM RJES GANG RUNG MA YIN PA'I THEG CHEN GYI MTHONG LAM MA YIN PAR THAL, KHYOD THEG CHEN GYI MTHONG LAM MNYAM GZHAG YE SHES YIN PA'I PHYIR, DER THAL, KHYOD MNYAM GZHAG YE SHES GANG ZHIG, KHYOD MNYAM GZHAG YE SHES YIN NA, KHYOD DE YIN DGOS PA'I PHYIR, RTAGS GNYIS PA 'BUD, DANG PO MA GRUB NA, DER THAL, STONG NYID LA RTZE GCIG TU MNYAM PAR BZHAG PA'I YE SHES YIN PA'I PHYIR, DER THAL, DE LA GNYIS SNANG NUB PA'I MKHYEN PA YIN PA'I PHYIR, ZER NA MA KHYAB, SA DGU 'DAS NAS YE SHES NI, ZHES SOGS KYI SKABS SU GNYIS LAS, DANG PO NI, RAB 'BYOR BYANG SEMS KYI SA GANG ZHE NA, 'DI LTAR BYANG SEMS KYI THABS LA MKHAS PAS, ZHES SOGS GSUNGS, GNYIS PA NI, SA DANG PO DGU YONGS SPYOD GI SGO NAS BSHAD NAS, BCU PA MTSAN NYID KYI SGO NAS 'CHAD PA'I RGYU MTSAN CI YIN ZHE NA, DE YOD DE, DE MTSAN NYID KYI SGO NAS BSHAD PA TZAM GYIS RTOGS NUS PA'I PHYIR, ZHES 'TSAMS SBYOR BA LA RGYU'I SA ZHES GSUNGS, SA BCU PA'I NGO BO DE 'CHAD PA LA, SA DGU 'DAS NAS YE SHES ZHES SOGS GSUNGS, RANG @19A *, ,GI 'DA' BYAR GYUR PA'I SA DGU'I RJES SU BYUNG ZHING, MDO LAS SANGS RGYAS KYI SAR SGRA BSHAD NAS STON PA'I SEMS DPA'I RNAL 'BYOR MTHAR THUG DE, SA BCU PA'I MTSAN NYID, DBYE NA, SA BCU PA THOB MA THAG PA'I YE SHES, SKYE BA GCIG THOGS PA'I YE SHES, SRID PA THA MA'I YE SHES RNAMS SU YOD PA'I PHYIR, 'DI LA SANGS RGYAS KYI SA ZHES BTAGS NAS STON PA'I RGYU MTSAN YOD DE, SA BCU PA BA DES RJES THOB TU GDUL BYA'I DON BYED TSUL SANGS RGYAS DANG MNYAM PA RJES MTHUN PA THOB PAS DE LTAR BRJOD PA'I PHYIR,, ` ,,RGYUD BLA MA LAS, BYANG CHUB SEMS DPA'I TSUL 'DI NI, RJES THOB DE BZHIN GSHEGS RNAMS DANG, ,SEMS CAN YANG DAG SGROL BA LA, ,'JIG RTEN NA NI MNYAM PA NYID, CES GSUNGS PA'I PHYIR, KHA CIG, DES GZHAN DON BYED TSUL SANGS RGYAS DANG MNYAM PA THOB ZER NA, MI 'THAD DE, DE NYID LAS, DE LTAR MOD KYI SA RDUL DANG, ,RGYA MTSO BA GLANG RMIG RJES KYI, ,KHYAD PAR GANG YIN SANGS RGYAS DANG, ,BYANG CHUB SEMS DPA'I KHYAD DE NYID, ,ZHES GSUNGS PA'I PHYIR,, ` ,,GSUM PA NI, MTHONG DANG SGOM PA'I LAM DAG LA, ,ZHES SOGS KYI SKABS SU GNYIS LAS, DANG PO NI, RAB 'BYOR GANG 'DI SKAD DU THEG PA CHEN PO DE GANG NA 'BYUNG BAR 'GYUR ZHES SMRA BA NI, DE MI DMIGS PA'I TSUL GYIS, ZHES SOGS GSUNGS, GNYIS PA NI, GNYEN PO'I TSOGS SGRUB BYE BRAG TU 'CHAD PA'I RGYU MTSAN GANG ZHE NA, DE 'CHAD PA LA, GZHUNG 'DI BYUNG, RANG GI NGO SKAL GYI SPANG BYA'I DNGOS GNYEN DU GYUR PA'I THEG CHEN GYI BAR CHAD MED LAM, SKABS 'DIR DNGOS SU BSTAN PA'I GNYEN PO'I TSOGS SGRUB KYI MTSAN NYID, DBYE NA, MTHONG LAM GNYEN PO'I TSOGS SGRUB DANG SGOM LAM GNYEN PO'I TSOGS SGRUB GNYIS, THEG CHEN GYI BAR CHAD MED LAM GANG @19B ZHIG, RANG GI NGO SKAL GYI MTHONG SPANG SHES SGRIB KYI DNGOS GNYEN BYED PA DE, SKABS 'DIR DNGOS SU BSTAN PA'I MTHONG LAM GNYEN PO'I TSOGS SGRUB KYI MTSAN NYID, DBYE NA, MTHONG SPANG SHES SGRIB GZUNG RTOG, 'DZIN RTOG SOGS BZHI'I DNGOS GNYEN DU GYUR PA'I DE BZHI YOD, RANG GI NGO SKAL GYI SGOM SPANG BDEN 'DZIN LHAN SKYES KYI NGOS GNYEN BYED PA DE, SKABS 'DIR DNGOS SU BSTAN PA'I SGOM LAM GNYEN PO'I TSOGS SGRUB KYI MTSAN NYID, DBYE NA, SGOM SPANG BDEN 'DZIN BZHI PO'I DNGOS GNYEN DU GYUR PA'I DE BZHI YOD, CHED DU BYA DANG MNYAM NYID DANG, ,ZHES SOGS KYI SKABS SU, MDO LAS GSUNGS TSUL DANG, BSTAN BCOS KYIS 'GREL TSUL GNYIS, DANG PO NI, THEG PA CHEN PO'I MTSAN NYID SNGAR GSUNGS PA DANG, 'CHAD PAR 'GYUR BA RNAMS CI'I PHYIR, THEG PA CHEN PO ZHES BYA SNYAM PA'I KHOR NA GNAS PA'I DRI BA'I LAN DU, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS, THEG PA CHEN PO ZHES BGYI BA 'DI NI LHA DANG MI DANG LHA MA YIN DU BCAS PA'I 'JIG RTEN ZIL GYIS MNAN TE 'BYUNG BAR 'GYUR BAS DE'I SLAD DU THEG PA CHEN PO ZHES BGYI'O, ,ZHES SOGS GSUNGS, GNYIS PA NI, MDO'I DON 'CHAD PA LA, CHED DU BYA BA DANG, ZHES SOGS GSUNGS, 'O NA, TSOGS SGRUB KYI RJES SU NGES 'BYUNG SGRUB PA 'CHAD PA'I RGYU MTSAN GANG ZHE NA, DE YOD DE, TSOGS GNYIS BSAGS PA LA BRTEN NAS RNAM MKHYEN DU GDON MI ZA BAR NGES PAR 'BYUNG BA'I NGES 'BYUNG SGRUB PA 'BYUNG ZHES 'TSAMS SBYOR BA LA, DE LTAR, ZHES SOGS GSUNGS, KHA CIG, RNAM MKHYEN DU GDON MI ZA BAR NGES PAR 'BYUNG BA'I SEMS DPA'I RNAL 'BYOR, NGES 'BYUNG SGRUB PA'I MTSAN NYID ZER NA, THEG CHEN GYI MTHONG LAM BAR CHAD MED LAM CHOS CAN, DER THAL, DE'I PHYIR, RTAGS GSAL GNYIS KA GRUB STE, @20A *, ,CHOS CAN DE'I PHYIR, RANG LUGS NI, RNAM MKHYEN DU GDON MI ZA BAR NGES PAR 'BYIN PA'I DAG SA'I YE SHES DE, NGES 'BYUNG SGRUB PA'I MTSAN NYID, DBYE NA, BRGYAD YOD, SA 'TSAMS DAG PA SA GSUM KHO NAR YOD, NGES 'BYUNG SGRUB PA CHOS CAN, KHYOD LA DU MA YOD DE, NGES PAR 'BYUNG BA'I SGO NAS BRGYAD YOD PA'I PHYIR,, ,,MNGON 'PHAGS RNAM PA THAMS CAD MKHYEN PA'I SAR, ,'DZEG BYED SA LAM NGO BO BGROD TSUL SOGS, ,TSUL BZHIN 'JOG PA'I LEGS BSHAD YONGS 'DU'I DBANG, ,TSIG DON LO 'DAB 'BRAS BZANG RGYAS GYUR CIG,, ,,SRBA MNGAGA LAm,, ,,