*, ,TSAD MA'I GZHUNG DON 'BYED PA'I BSDUS GRVA'I RNAM GZHAG RIGS LAM 'PHRUL GYI LDE MIG CES BYA BA LAS RIGS LAM CHE BA'I SKOR GYI RNAM PAR BSHAD PA BZHUGS SO, , @56A #, ,BLA MA DANG MGON PO 'JAM DPAL DBYANGS LA PHYAG 'TSAL LO, ,'DIR BSDUS GRVA'I RNAM GZHAG RIGS LAM 'PHRUL GYI LDE MIG LAS, RIGS LAM CHE BA THAL 'GYUR SOGS KYI RNAM GZHAG BSHAD PA LA; ;THAL 'GYUR CHUNG BA ZHAR BYUNG DANG BCAS PA'I RNAM GZHAG BSHAD PA, THAL 'GYUR CHE BA'I RNAM GZHAG BSHAD PA, GZHAN SEL DGAG SGRUB KYI RNAM GZHAG BSHAD PA, SEL 'JUG SGRUB 'JUG GI RNAM GZHAG BSHAD PA'O,, DANG PO LA DNGOS DANG, ZHAR BYUNG GNYIS LAS, DANG PO LA, KHA CIG NA RE, KHYOD RTAGS GSAL DANG BCAS PA'I THAL 'GYUR YIN NA, KHYOD KYI RTAGS GSAL KHYAB GSUM GANG RUNG GRUB PAS KHYAB ZER NA, BUM PA CHOS CAN, RTAG PA YIN PAR THAL, MTSAN NYID YIN PA'I PHYIR ZHES PA'I THAL 'GYUR CHOS CAN, DER THAL, DE'I PHYIR, MA GRUB NA, DE 'DRA'I THAL 'GYUR CHOS CAN, KHYOD RTAGS GSAL DANG BCAS PA'I THAL 'GYUR YIN PAR THAL, KHYOD RTAGS GSAL RTZOD GZHI GSUM KA DANG BCAS PA'I THAL 'GYUR YIN PA'I PHYIR, DER THAL, KHYOD BUM PAS RTZOD GZHI, RTAG PAS GSAL BA, MTSAN NYID KYIS RTAGS BYAS PA'I THAL 'GYUR YIN PA'I PHYIR, RTZA BAR 'DOD NA, DE 'DRA'I THAL 'GYUR CHOS CAN, KHYOD KYI RTAGS GSAL KHYAB GSUM GANG RUNG MA GRUB PAR THAL, KHYOD KYI RTAGS MA GRUB PA GANG ZHIG ,GSAL BA MA GRUB, KHYAB PA MA GRUB PA'I PHYIR, @57A *, ,DANG PO MA GRUB NA, DE 'DRA'I THAL 'GYUR GYI RTAGS MA GRUB PAR THAL, DE 'DRA'I THAL 'GYUR GYI RTAGS LA RTAGS MA GRUB KYI LAN BTAB PA'I TSE, BUM PA MTSAN NYID YIN PA RTAGS MA GRUB CES LAN 'DEBS RIGS PA GANG ZHIG ,BUM PA MTSAN NYID YIN PA RTAGS MA GRUB CES LAN THEBS PA'I PHYIR, RTZA RTAGS GNYIS PA MA GRUB NA, DE 'DRA'I THAL 'GYUR GYI GSAL BA MA GRUB PAR THAL, DE 'DRA'I THAL 'GYUR GYI GSAL BA LA 'DOD LAN BTAB PAS BUM BA RTAG PA YIN PAR 'DOD CES RTZI RIGS PA GANG ZHIG, BUM PA RTAG PA YIN PAR 'DOD CES LAN MI THEBS PA YIN PA'I PHYIR, RTZA RTAGS GSUM PA MA GRUB NA, DE 'DRA'I THAL 'GYUR GYI KHYAB PA MA GRUB PAR THAL, MTSAN NYID YIN NA, RTAG PA YIN PAS KHYAB PA DE 'DRA'I THAL 'GYUR GYI KHYAB PA YIN PA GANG ZHIG ,MTSAN NYID YIN NA, RTAG PA YIN PAS KHYAB PA MA GRUB PA'I PHYIR, DES RTAGS GSAL KHYAB GSUM KA MA GRUB PA DANG, RTAGS GSAL KHYAB GSUM GANG RUNG RE RE MA GRUB PA RNAMS LA RIGS 'GRE BAR BYA'O, ,KHA CIG NA RE, KHYOD THAL 'GYUR GANG ZHIG ,KHYOD KYI RTAGS GRUB NA, KHYOD KYI BKOD TSOD KYI RTAGS GRUB PAS KHYAB ZER NA; ;SGRA CHOS CAN, MI RTAG PA MA YIN PAR THAL, DNGOS PO YIN PA'I PHYIR, ZHES PA'I THAL 'GYUR CHOS CAN, DER THAL, DE'I PHYIR, RTAGS GRUB STE, DE 'DRA'I THAL 'GYUR GYI RTAGS LA RTAGS MA GRUB KYI LAN MI THEBS PA'I PHYIR @57B TE; ;SGRA DNGOS PO YIN PA RTAGS MA GRUB CES LAN MI THEBS PA'I PHYIR, RTZA BAR 'DOD NA, DNGOS PO YIN PAR GRUB PAR THAL, DE 'DRA'I THAL 'GYUR GYI BKOD TSOD KYI RTAGS GRUB PA'I PHYIR, RTAGS KHAS, MA KHYAB NA KHYAB PA YOD PAR THAL, DNGOS PO YIN PA DE DE 'DRA'I THAL 'GYUR GYI BKOD TSOD KYI RTAGS DANG, SGRA DNGOS PO YIN PA DE DE 'DRA'I THAL 'GYUR GYI SONG TSOD KYI RTAGS YIN PA'I PHYIR, DER THAL, RTAGS GSAL RTZOD GZHI GSUM KA DANG BCAS PA'I THAL 'GYUR GANG DANG GANG GI YANG BKOD SONG GI RTAGS NGOS 'DZIN DANG GRUB MA GRUB SOGS 'DI DANG RIGS 'DRA ZHING ,RTZOD GZHI MED CING RTAGS GSAL GNYIS KA DANG LDAN PA'I THAL 'GYUR RNAMS LA YANG SONG TSOD KYI RTAGS MED KYANG BKOD TSOD KYI RTAGS NGOS 'DZIN TSUL DANG GRUB MA GRUB SOGS RIGS 'DRA BA YIN PA'I PHYIR, KHA CIG NA RE, SHES BYA CHOS CAN, KA BA CHOS CAN, BUM PA CHOS CAN, DNGOS PO YIN PAR THAL, DNGOS PO YIN PA'I PHYIR ZHES PA'I THAL 'GYUR GYI GSAL BA LA 'DOD LAN BTAB PAS, SHES BYA CHOS CAN, KA BA CHOS CAN, BUM PA CHOS CAN, DNGOS PO YIN PAR 'DOD CES RTZI RIGS ZER NA, DE MI RIGS PAR THAL, DE 'DRA'I THAL 'GYUR GYI GSAL BA LA 'DOD LAN BTAB PAS; ;KA BA CHOS CAN, BUM PA CHOS CAN, DNGOS PO YIN PAR 'DOD CES RTZI RIGS PA'I PHYIR, DER THAL, DE 'DRA'I THAL 'GYUR DE, SHES BYAS RTZOD GZHI, BUM PA CHOS CAN, KA BA CHOS CAN, DNGOS POS GSAL BA, DNGOS POS RTAGS BYAS @58A *, ,PA'I THAL 'GYUR YIN PA'I PHYIR, DER THAL, CHOS CAN GNYIS NAS BRGYA'I BAR DU BRTZEGS PA'I THAL 'GYUR GANG DANG GANG BKOD KYANG, CHOS CAN DANG PO DE RTZOD GZHIR BZHAG NAS, CHOS CAN LHAG MA GANG YOD GSAL BA LA SBYOR DGOS PA'I PHYIR, YANG KHA CIG NA RE, BUM PA CHOS CAN, YOD PA CHOS CAN, KHYOD KHYOD DANG GCIG YIN PAR THAL, KHYOD YOD PA YIN PA'I PHYIR ZHES PA'I THAL 'GYUR GYI GSAL BA LA 'DOD LAN BTAB PA'I TSE, BUM BA CHOS CAN, YOD PA CHOS CAN, KHYOD KHYOD DANG GCIG YIN PAR 'DOD CES RTZI RIGS ZER NA, DE MI RIGS PAR THAL, DE 'DRA'I THAL 'GYUR GYI GSAL BA LA 'DOD LAN BTAB PA'I TSE, YOD PA CHOS CAN, BUM PA BUM PA DANG GCIG YIN PAR 'DOD CES RTZI RIGS PA'I PHYIR, DER THAL, DE 'DRA'I THAL 'GYUR DE BUM PAS RTZOD GZHI, YOD PA CHOS CAN, KHYOD KHYOD DANG GCIG YIN PAS GSAL BA, KHYOD YOD PAS RTAGS BYAS PA'I THAL 'GYUR YIN PA GANG ZHIG ,KHYOD KHYOD DANG GCIG YIN PAR THAL, ZHES PA'I KHYOD GNYIS PO DE RTZOD GZHI BUM PA LA SBYOR DGOS PA'I PHYIR, KHA CIG NA RE, YOD PA YIN PAR THAL, DNGOS PO YIN PAR THAL, MI RTAG PA YIN PAR THAL, MI RTAG PA YIN PA'I PHYIR ZHES PA'I THAL 'GYUR GYI GSAL BA LA 'DOD LAN BTAB BA'I TSE, YOD PA YIN PAR THAL, DNGOS PO YIN PAR THAL, MI RTAG PA YIN PAR 'DOD CES RTZI RIGS ZER NA, DE MI RIGS PAR THAL, DE 'DRA'I THAL 'GYUR GYI GSAL BA LA 'DOD LAN @58B BTAB BA'I TSE, YOD PA YIN PAR THAL, DNGOS PO YIN PAR 'DOD CES RTZI RIGS PA'I PHYIR, DER THAL, GSAL SBUNGS KYI THAL 'GYUR GANG DANG GANG BKOD PA'I TSE, THAL NGAG GNYIS DANG, RTAGS GCIG BYUNG NA, THAL NGAG GNYIS GSAL BA DANG, THAL NGAG GSUM BYUNG NA, THAL NGAG GNYIS GSAL BA DANG, THAL NGAG GCIG RTAGS, THAL NGAG BZHI BYUNG NA, THAL NGAG GSUM GSAL BA DANG, GCIG RTAGS, THAL NGAG LNGA BYUNG NA GSUM GSAL BA DANG, GNYIS RTAGS, MDOR NA RTAGS GSAL CHA BYUNG CHE MNYAM PAR BGO ZHING, CHA MA BYUNG NA GCIG TZAM GYIS GSAL BA MANG BAR 'JOG DGOS PA'I PHYIR, YANG RANG RES, SHES BYA YIN PAR THAL, DNGOS PO YIN NA, GANG DRAN YIN PAS KHYAB, MA BYAS PA YIN PAR THAL, DNGOS PO YIN NA, YOD MED GANG RUNG MA YIN PAS KHYAB BYAS PA LA KHO NA RE, BUM PA CHOS CAN, GANG DRAN DRAN YIN PAR THAL, SHES BYA YIN PAR THAL DNGOS PO YIN PA'I PHYIR ZER NA 'DOD LAN THEBS PA YIN TE, DE 'DRA'I THAL 'GYUR GYI GSAL BA LA 'DOD LAN BTAB PA'I TSE, GANG DRAN DRAN YIN PAR THAL SHES BYA YIN PAR 'DOD CES RTZI RIGS PA GANG ZHIG ,GANG DRAN DRAN YIN PAR THAL, SHES BYA YIN PA'I PHYIR, DAM BCA' GNYIS PA LA; ;SHES BYA CHOS CAN, YOD MED GANG RUNG MA YIN PAR THAL, MA BYAS PA YIN PAR THAL, DNGOS PO YIN PA'I PHYIR ZER NA KHYAB PA MA GRUB STE, DE 'DRA'I THAL 'GYUR LA KHYAB MED KYI LAN BTAB PA'I TSE, DNGOS PO YIN NA, YOD MED @59A *, ,GANG RUNG MA YIN PAR THAL MA BYAS PA YIN PAS KHYAB PA MED CES LAN 'DEBS RIGS PA GANG ZHIG ,DE LTAR DU LAN THEBS PA'I PHYIR, DANG PO MA GRUB NA, DER THAL, DE 'DRA'I THAL 'GYUR DE, SHES BYAS RTZOD GZHI, YOD MED GANG RUNG MA YIN PAR THAL MA BYAS PAS GSAL BA, DNGOS POS RTAGS BYAS PA'I THAL 'GYUR YIN PA'I PHYIR, RTAGS GNYIS PA SLA, YANG KHA CIG NA RE, RNAM MKHYEN CHOS CAN, SHES BYA YIN PAR THAL, YOD PA YIN PAR THAL, BYAS PA YIN PAR THAL, BLO'I YUL DU BYA RUNG BA YIN PA'I PHYIR ZHES PA'I THAL 'GYUR LA KHYAB PA YOD PA'I BYIR ZHES PA'I THAL 'GYUR GYI RTAGS GRUB PA'I PHYIR ZHES PA'I THAL 'GYUR GYI GSAL BA LA 'DOD LAN BTAB PAS, SHES BYA YIN PAR THAL YOD PA YIN PAR 'DOD CES RTZI RIGS ZER NA, DE MI RIGS PAR THAL, DE 'DRA'I THAL 'GYUR GYI GSAL BA LA 'DOD LAN BTAB PA'I TSE, RNAM MKHYEN SHES BYA YIN PAR 'DOD CES RTZI RIGS PA'I PHYIR, DER THAL, DE 'DRA'I THAL 'GYUR DE, RNAM MKHYEN GYIS RTZOD GZHI, SHES BYAS GSAL BA, YOD PA YIN PAR THAL MAN CHAD KYIS RTAGS BYAS PA'I THAL 'GYUR YIN PA'I PHYIR, YANG KHA CIG GIS, BUM PA CHOS CAN, DNGOS PO YIN PAR THAL, SHES BYA YIN PAR THAL, 'DUS MA BYAS YIN PAR THAL, BYAS PA YIN PAR THAL, YOD PA YIN PA'I PHYIR ZHES PA'I THAL 'GYUR LA KHYAB PA YOD PA'I PHYIR ZHES PA'I THAL 'GYUR GYI GSAL BA LA 'DOD LAN THEBS PA'I PHYIR ZHES PA'I THAL 'GYUR @59B GYI RTAGS GRUB PA'I PHYIR ZHES PA'I THAL 'GYUR GYI GSAL BA LA 'DOD LAN BTAB PA'I TSE, DNGOS PO YIN PAR THAL, SHES BYA YIN PAR THAL, 'DUS MA BYAS YIN PAR 'DOD CES RTZI RIGS ZER NA, DE MI RIGS PAR THAL, DE 'DRA'I THAL 'GYUR GYI GSAL BA LA 'DOD LAN BTAB PA'I TSE, BUM PA DNGOS PO YIN PAR 'DOD CES RTZI RIGS PA'I PHYIR, DE THAL, DER 'DRA'I THAL ,GYUR DE BUM PAS RTZOD GZHI, DNGOS POS GSAL BA, SHES BYA YIN PAR THAL MAN CHAD KYIS RTAGS BYAS PA'I THAL 'GYUR YIN PA'I PHYIR, DER THAL, THAL 'GYUR DE'I PHYIR SGRA GSUM YAS RIM GYIS GSAL BA PHYI MA GSUM MAS RIM NAS SBUBS SU DRANGS PA GANG ZHIG ,DE LTAR SBUBS SU DRANGS PA'I TSE, DNGOS PO DE RTZA BA'I GSAL BAR LUS PA'I PHYIR, DER THAL, GSAL SPUNGS DANG, RTAGS SPUNGS KYI THAL 'GYUR JI LTAR BKOD KYANG, PHYIR SGRA RE RES GSAL BA RE RER SBUBS SU 'DREN LA, PHYIR SGRA JI TZAM YOD NA'ANG RTZA BA'I GSAL BA GCIG PO DE SBUBS SU 'DREN MI THUB PA YIN PA'I PHYIR, DES NA RANG LUGS LA THAL 'GYUR 'GONG TSUL LA LNGA YOD DE, RTAGS CHOS DON GSUM RE RE BA'I 'GOD TSUL, CHOS CAN DU MA BRTZEGS PA'I 'GOD TSUL, GSAL SBUNGS KYI 'GOD TSUL, RTAGS SPUNGS KYI 'GOD TSUL, SBUBS 'TSANG GI 'GOD TSUL DANG LNGA YOD PA'I PHYIR, DANG PO'I MTSAN GZHI YOD DE, BUM PA CHOS CAN, MI RTAG PA YIN PAR THAL, SKAD CIG MA YIN @60A *, ,PA'I PHYIR ZHES PA'I THAL 'GYUR DE DE YIN PA'I PHYIR, GNYIS PA'I MTSAN GZHI YOD DE, BUM PA CHOS CAN, KA BA CHOS CAN, DNGOS PO CHOS CAN, BYAS PA YIN PAR THAL, MI RTAG PA YIN PA'I PHYIR ZHES PA'I THAL 'GYUR DE DE YIN PA'I PHYIR, GSUM PA'I MTSAN GZHI YOD DE, SHES BYA CHOS CAN, MA BYAS PA YIN PAR THAL, RTAG PA YIN PAR THAL, DNGOS MED YIN PAR THAL, DON BYED NUS STONG YIN PA'I PHYIR ZHES PA'I THAL 'GYUR DE DE YIN PA'I PHYIR, BZHI BA'I MTSAN GZHI YOD DE, RNAM MKHYEN CHOS CAN, DNGOS PO YIN PAR THAL, 'DUS BYAS YIN PA'I PHYIR, DON BYED NUS PA YIN PA'I PHYIR, SKAD CIG MA YIN PA'I PHYIR, ZHES PA'I THAL 'GYUR DE DE YIN PA'I PHYIR; LNGA PA SBUBS 'TSANG GI THAL 'GYUR LA GNYIS YOD DE, CHOS CAN SBUBS 'TSANG GI THAL 'GYUR DANG, GSAL BA SBUBS 'TSANG GI THAL 'GYUR GNYIS YOD PA'I PHYIR, DANG PO'I MTSAN GZHI YOD DE, BUM PA CHOS CAN, GZUGS CHOS CAN, SHES BYA CHOS CAN, YOD PA YIN PAR THAL, YOD PA YIN PA'I PHYIR ZHES PA'I THAL 'GYUR GYI RTAGS GRUB PAR THAL, TSAD MAS DMIGS PA YIN PA'I PHYIR ZHES PA'I THAL 'GYUR LA KHYAB PAR YOD PAR THAL, TSAD MAS DMIGS PA YIN PA'I PHYIR ZHES PA'I THAL 'GYUR DE DE YIN PA'I PHYIR, GNYIS PA'I MTSAN GZHI YOD DE, KA BA CHOS CAN, MI RTAG PA YIN PAR THAL, SKAD CIG MA YIN PAR THAL, DNGOS PO YIN PAR THAL, 'DUS BYAS YIN PA'I PHYIR ZHES PA'I THAL 'GYUR GYI @60B RTAGS GRUB PA'I PHYIR, ZHES PA'I THAL 'GYUR LA KHYAB PA YOD PA'I PHYIR ZHES PA'I THAL 'GYUR DE DE YIN PA'I PHYIR, ,` GNYIS PA ZHAR BYUNG LA DRUG SGRA'I RNAM GZHAG BSHAD PA DANG, KHAS LEN SONG TSUL GYI RNAM GZHAG BSHAD PA; ;DGAG GZHI DRIS 'PHANGS KYI RNAM GZHAG BSHAD PA'O, ,DANG PO LA, KHA CIG NA RE, RNAM MKHYEN CHOS CAN, YOD PAR RTOGS PA'I TSAD MA YIN PAR THAL, DNGOS BOR RTOGS PA'I TSAD MA YIN PA'I PHYIR ZHES PA'I THAL 'GYUR GYI GSAL BA LA 'DOD LAN BTAB PAS, RNAM MKHYEN YOD PAR RTOGS PA'I TSAD MA YIN PAR 'DOD CES RTZI RIGS ZER NA, DE MI RIGS PAR THAL, DE 'DRA'I THAL 'GYUR GYI GSAL BA LA 'DOD LAN BTAB PAS, RNAM MKHYEN RNAM MKHYEN YOD PAR RTOGS PA'I TSAD MA YIN PAR 'DOD CES RTZI RIGS PA'I PHYIR, YANG KHA CIG NA RE, RNAM MKHYEN CHOS CAN, DNGOS POR RTOGS PA'I TSAD MA YOD PAR THAL, TSAD MA YIN PA'I PHYIR ZHES PA'I THAL 'GYUR GYI GSAL BA LA 'DOD LAN BTAB PAS, RNAM MKHYEN RNAM MKHYEN DNGOS POR RTOGS PA'I TSAD MA YOD PAR 'DOD CES RTZI RIGS ZER NA, DE MI RIGS PAR THAL, DE 'DRA'I THAL 'GYUR GYI GSAL BA LA 'DOD LAN BTAB PA'I TSE, RNAM MKHYEN DNGOS POR RTOGS PA'I TSAD MA YOD PAR 'DOD CES RTZI RIGS PA'I PHYIR, DER THAL, YOD 'GOD DANG, YIN 'GOD GNYIS LA RTZOD GZHI 'PHAR MI 'PHAR GYI KHYAD PAR YOD @061A *, ,PA'I PHYIR, YANG KHA CIG NA RE, RNAM MKHYEN CHOS CAN, DNGOS POR RTOGS PA'I TSAD MA YIN PAR RTOGS PA'I TSAD MA YIN PAR THAL, DNGOS POR RTOGS PA'I TSAD MA YIN PA'I PHYIR ZHES PA'I THAL 'GYUR GYI GSAL BA LA 'DOD LAN BTAB PA'I TSE, RNAM MKHYEN RNAM MKHYEN DNGOS POR RTOGS PA'I TSAD MA YIN PAR RTOGS PA'I TSAD MA YIN PAR 'DOD CES RTZI RIGS ZER NA, DE MI RIGS PAR THAL, DE 'DRA'I THAL 'GYUR GYI GSAL BA LA 'DOD LAN BTAB PA'I TSE, RNAM MKHYEN DE, RNAM MKHYEN RNAM MKHYEN DNGOS POR RTOGS PA'I TSAD MA YIN PAR RTOGS PA'I TSAD MA YIN PAR 'DOD CES RTZI RIGS PA'I PHYIR, DER THAL, RNAM MKHYEN CHOS CAN, DNGOS POR RTOGS PA'I TSAD MA YIN PAR RTOGS PA'I TSAD MA YIN PAR RTOGS PA'I TSAD MA YIN PAR THAL, DNGOS POR RTOGS PA'I TSAD MA YIN PAR RTOGS PA'I TSAD MA YIN PA'I PHYIR, ZHES PA'I THAL 'GYUR GYI GSAL BA LA 'DOD LAN BTAB PA'I TSE, RNAM MKHYEN DE, RNAM MKHYEN RNAM MKHYEN RNAM MKHYEN DNGOS POR RTOGS PA'I TSAD MA YIN PAR RTOGS PA'I TSAD MA YIN PAR RTOGS PA'I TSAD MA YIN PAR 'DOD CES RTZI RIGS PA'I PHYIR, DER THAL, RNAM MKHYEN GYIS RTZOD GZHI BYAS NAS, DNGOS POR RTOGS PA'I TSAD MA YIN PAR RTOGS PA'I TSAD MA YIN 'GOD BYAS TE, BZHI BRTZEGS NA, RNAM MKHYEN LNGA 'PHAR DGOS LA, LNGA BRTZEGS NA RNAM MKHYEN DRUG 'PHAR DGOS PA SOGS RIGS 'GRE PAR BYA BA YIN PA'I PHYIR, YANG KHA CIG NA RE, @061B RNAM MKHYEN CHOS CAN, DNGOS POR RTOGS PA'I TSAD MA YOD PAR RTOGS PA'I TSAD MA RTAG PAR RTOGS PA'I TSAD MA YIN PAR THAL, TSAD MA YIN PA'I PHYIR ZHES PA'I THAL 'GYUR GYI GSAL BA LA 'DOD LAN BTAB PA'I TSE, RNAM MKHYEN DE RNAM MKHYEN RNAM MKHYEN RNAM MKHYEN DNGOS POR RTOGS PA'I TSAD MA YOD PAR RTOGS PA'I TSAD MA RTAG PAR RTOGS PA'I TSAD MA YIN PAR 'DOD CES RTZI RIGS ZER NA, DE MI RIGS PAR THAL, DE 'DRA'I THAL 'GYUR GYI GSAL BA LA 'DOD LAN BTAB PAS, RNAM MKHYEN RNAM MKHYEN DNGOS POR RTOGS PA'I TSAD MA YOD PAR RTOGS PA'I TSAD MA RTAG PAR RTOGS PA'I TSAD MA YIN PAR 'DOD CES RTZI RIGS PA'I PHYIR, DER THAL, RNAM MKHYEN GYIS RTZOD GZHI BYAS NAS DNGOS POR RTOGS PA'I TSAD MA YOD PAR RTOGS PA'I TSAD MA RTAG PAR RTOGS PA'I TSAD MA CI TZAM BRTZEGS NAS YIN 'GOD BYAS KYANG, RNAM MKHYEN GNYIS LAS 'PHAR MI NUS PA YIN PA'I PHYIR, GNYIS PA KHAS LEN SONG TSUL GYI RNAM GZHAG BSHAD PA LA, KHO NA RE, RTAG DNGOS GANG RUNG YIN PAR THAL, GZHI GRUB PA'I PHYIR ZER NA, 'DOD BYAS PA LA, RTAG PA YIN PAR THAL, RTAG DNGOS GANG RUNG GANG ZHIG ,DNGOS PO MA YIN PA'I PHYIR, PHYI MA MA GRUB NA, 'O NA, RANG RGYU LAS SKYES PA YIN PAR THAL, DNGOS PO YIN PA'I PHYIR, RTAGS KHAS, 'DOD NA, KHYOD KYI RGYU YOD PAR THAL, KHYOD RANG RGYUD LAS SKYES PA YIN PA'I PHYIR, 'DOD NA, KHYOD KHYOD KYI RGYU LA DE BYUNG 'BREL YIN PAR THAL, KHYOD KHYOD KYI RGYU LA 'BREL @062A *, ,BA GANG ZHIG ,KHYOD KHYOD KYI RGYU LA BDAG GCIG 'BREL MA YIN PA'I PHYIR, 'DOD NA, KHYOD KYI RGYU MED NA KHYOD MED DGOS PAR THAL, KHYOD KHYOD KYI RGYU LA DE BYUNG 'BREL YIN PA'I PHYIR, 'DOD NA, RTAG PA CHOS CAN, KHYOD MED PAR THAL, KHYOD KYI RGYU MED PA'I PHYIR, ZER NA, RTZA BAR 'DOD PA YIN NO, ,KHA CIG NA RE, MED PA YIN NA, KHYOD YIN PAR GYUR PA'I RTAG PA YIN PAS KHYAB ZER NA, RTAG PA KHO NA CHOS CAN, DER THAL, DE'I PHYIR, MA GRUB NA, RTAG PA KHO NA MED PAR THAL, DNGOS PO GZHI GRUB PA'I PHYIR, RTZA BAR 'DOD NA, RTAG PA KHO NA YIN PAR GYUR PA'I RTAG PA YIN PAR THAL, RTAG PA YIN PA'I PHYIR, KHA CIG NA RE, YOD MED GNYIS KYI NANG NAS MED PA YIN ZER NA, DE MI 'THAD PAR THAL, YOD MED GNYIS KYI NANG NAS YOD PA YIN PA'I PHYIR, DER THAL, YOD PA YIN PA'I PHYIR, DER THAL, RTAG PA YIN PA'I PHYIR, YANG KHA CIG NA RE, YIN MIN GNYIS KYI NANG NAS MA YIN PA YIN ZER NA, DE MI 'THAD PAR THAL; YIN MIN GNYIS KYI NANG NAS YIN PA YIN PA'I PHYIR, DER THAL, YIN PA YIN PA'I PHYIR, DER THAL, SPYIR GANG YIN DRIS PA NA YOD PA YIN CES LAN 'DEBS DGOS PA'I PHYIR, BYAS PA LA KHO NA RE, MA YIN PA YIN PAR THAL, GANG MIN CES DRIS NA MED PA MIN CES LAN 'DEBS DGOS PA'I PHYIR ZER NA SKYON MED DE, MED PA MIN BYAS PAS YOD PA YIN PAR KHAS BLANGS SONG BA YIN PA'I PHYIR, YANG KHA CIG NA RE, THA DAD DANG THA MI DAD GNYIS KYI NANG NAS @062B THA DAD YIN ZER NA, DE MI 'THAD PAR THAL, THA DAD DANG THA MI DAD GNYIS KYI NAD NAS THA MI DANG YIN PA'I PHYIR, DER THAL, GCIG DANG DU MA GNYIS KYI NANG NAS GCIG YIN PA'I PHYIR, DER THAL, GCIG YIN PA'I PHYIR, DES NA RANG LUGS LA RTAG DNGOS GNYIS KYI NANG NAS RTAG PA DANG, YOD MED GNYIS KYI NANG NAS YOD PA YIN, YIN MIN GNYIS KYI NANG NAS YIN PA YIN, THA DAD DANG THA MI DAD GNYIS KYI NANG NAS THA MI DAD YIN, SPYI BYE BRAG GNYIS KYI NANG NAS BYE BRAG YIN, SHES BYA YIN PAR KHAS BLANGS PAS SPYIR SHES BYA YIN PAR KHAS BLANGS PAR SONG, SHES BYA MA YIN PAR KHAS BLANGS PAS SPYIR SHES BYA MA YIN PAR KHAS BLANGS PAR SONG, SHES BYA YIN PA DANG YIN PA GNYIS KAR KHAS BLANGS PAS, SPYIR SHES BYA DE YIN PA DANG, SHES BYA YIN PA GNYIS KA YIN PAR KHAS BLANGS PAR SONG, DE BZHIN DU SHES BYA MIN PA DANG, MIN PA GNYIS KA YIN PAR KHAS BLANGS PA SOGS RIGS 'GROS KYIS SHES BAR BYA'O,, ` GSUM PA DGAG GZHI DANG DRIS 'PHANGS KYI RNAM GZHAG BSHAD PA LA, DGAG GZHI'I RNAM GZHAG BSHAD PA DANG, DRIS 'PHANGS KYI RNAM GZHAG BSHAD PA GNYIS, DANG PO NI, KHA CIG NA RE, KA BA'I DGAG GZHI CHOS CAN, KHYOD KHYOD DANG GCIG YIN PAR THAL, KHYOD YOD PA'I PHYIR ZHES PA'I THAL 'GYUR GYI GSAL BA LA 'DOD LAN BTAB PAS, KA BA'I DGAG GZHI KA BA'I DGAG GZHI DANG GCIG YIN PAR 'DOD CES RTZI RIGS ZER NA, DE MI RIGS PAR THAL, DE 'DRA'I THAL 'GYUR GYI GSAL BA LA 'DOD LAN BTAB PAS, KA BA'I @063A *, ,DGAG GZHI CHOS CAN GYI STENG DU KA BA'I DGAG GZHI, KA BA'I DGAG GZHI CHOS CAN GYI STENG DU KA BA'I DGAG GZHI DANG GCIG YIN PAR 'DOD CES RTZI RIGS PA'I PHYIR, DER THAL, KA BA'I DGAG GZHI CHOS CAN, KA BA'I DGAG GZHI, YIN PAR THAL, KHYOD YOD PA GANG ZHIG ,KA BA MED PA'I PHYIR ZHES PA'I THAL 'GYUR GYI GSAL BA LA 'DOD LAN BTAB PAS, KA BA'I DGAG GZHI CHOS CAN GYI STENG DU KA BA'I DGAG GZHI, KA BA'I DGAG GZHI CHOS CAN GYI STENG DU KA BA'I DGAG GZHI YIN PAR 'DOD CES RTZI RIGS PA'I PHYIR, DER THAL, KA BA'I DGAG GZHI CHOS CAN, KA BA MED PAR THAL, KA BA'I DGAG GZHI YIN PA'I PHYIR ZHES PA'I THAL 'GYUR GYI GSAL BA LA 'DOD LAN BTAB PAS, KA BA'I DGAG GZHI CHOS CAN GYI STENG DU KA BA, KA BA'I DGAG GZHI CHOS CAN GYI STENG DU MED PAR 'DOD CES RTZI RIGS PA'I PHYIR, DER THAL, KA BA TSAD MAS MA DMIGS PA'I SA PHYOGS CHOS CAN, BYAS PA YIN PAR THAL, SKYES PA YIN PA'I PHYIR ZHES PA'I THAL 'GYUR GYI GSAL BA LA 'DOD LAN BTAB PAS, KA BA TSAD MAS MA DMIGS PA'I SA PHYOGS CHOS CAN GYI STENG DU KA BA TSAD MAS MA DMIGS PA'I SA PHYOGS, KA BA TSAD MAS MA DMIGS PA'I SA PHYOGS CHOS CAN GYI STENG DU BYAS PA YIN PAR 'DOD CES RTZI RIGS PA'I PHYIR, DES RTAGS LA RIGS 'GRE ZHING DGAG GZHI CHOS CAN DU BYAS KYANG DRUG SGRA MED BA'I THAL @063B 'GYUR RNAMS KYI RTAGS GSAL LA LAN 'DEBS TSUL SHES PAR BYA'O, ,KHA CIG NA RE, SGRA'I DGAG GZHI CHOS CAN, DNGOS POR RTOGS PA'I TSAD MA'I DGAG GZHI YIN PAR THAL, RTAG PA YIN PA'I PHYIR ZHES PA'I THAL 'GYUR GYI GSAL BA LA 'DOD LAN BTAB PAS, SGRA'I DGAG GZHI CHOS CAN GYI STENG DU SGRA'I DGAG GZHI, SGRA'I DGAG GZHI CHOS CAN GYI STENG DU DNGOS POR RTOGS PA'I TSAD MA'I DGAG GZHI YIN PAR 'DOD CES RTZI RIGS ZER NA, DE MI RIGS PAR THAL, DE 'DRA'I THAL 'GYUR GYI GSAL BA LA 'DOD LAN BTAB PAS, SGRA'I DGAG GZHI CHOS CAN GYI STENG DU SGRA'I DGAG GZHI, SGRA'I DGAG GZHI CHOS CAN GYI STENG DU SGRA'I DGAG GZHI, SGRA'I DGAG GZHI CHOS CAN GYI STENG DU DNGOS POR RTOGS PA'I TSAD MA'I DGAG GZHI YIN PAR 'DOD CES RTZI RIGS PA'I PHYIR, YANG KHA CIG NA RE, SGRA'I DGAG GZHI CHOS CAN, YOD PA DNGOS POR RTOGS PA'I TSAD MA'I DGAG GZHI YIN PAR THAL, KHYOD YOD PA GANG ZHIG ,YOD PA DNGOS POR RTOGS PA'I TSAD MA MED PA'I PHYIR, ZHES PA'I THAL 'GYUR GYI GSAL BA LA 'DOD LAN BTAB PAS, SGRA'I DGAG GZHI CHOS CAN GYI STENG DU SGRA'I DGAG GZHI, SGRA'I DGAG GZHI CHOS CAN GYI STENG DU YOD PA, SGRA'I DGAG GZHI CHOS CAN GYI STENG DU YOD PA DNGOS POR RTOGS PA'I TSAD MA'I DGAG GZHI YIN PAR 'DOD CES RTZI RIGS ZER NA, DE MI @064A *, ,'THAD PAR THAL, DE 'DRA'I THAL 'GYUR GYI GSAL BA LA 'DOD LAN BTAB PAS, SGRA'I DGAG GZHI CHOS CAN GYI STENG DU SGRA'I DGAG GZHI, SGRA'I DGAG GZHI CHOS CAN GYI STENG DU YOD PA DNGOS POR RTOGS PA'I TSAD MA'I DGAG GZHI YIN PAR 'DOD CES RTZI RIGS PA'I PHYIR, YANG KHA CIG NA RE, BUM PA'I DGAG GZHI CHOS CAN GYI STENG DU YOD PA CHOS CAN, BUM PA'I DGAG GZHI YIN PAR THAL, RTAG PA YIN PA'I PHYIR ZHES PA'I THAL 'GYUR GYI GSAL BA LA 'DOD LAN BTAB PAS, BUM PA'I DGAG GZHI CHOS CAN GYI STENG DU YOD PA, BUM PA'I DGAG GZHI CHOS CAN GYI STENG DU YOD PA CHOS CAN GYI STENG DU BUM PA'I DGAG GZHI YIN PAR 'DOD CES RTZI RIGS ZER NA, DE MI RIGS PAR THAL, DE 'DRA'I THAL 'GYUR GYI GSAL BA LA 'DOD LAN BTAB PAS, BUM PA'I DGAG GZHI CHOS CAN GYI STENG DU YOD PA CHOS CAN GYI STENG DU BUM PA'I DGAG GZHI CHOS CAN GYI STENG DU YOD PA, BUM PA'I DGAG GZHI CHOS CAN GYI STENG DU YOD PA CHOS CAN GYI STENG DU BUM PA'I DGAG GZHI YIN PAR 'DOD CES RTZI RIGS PA'I PHYIR, DES BUM PA'I DGAG GZHI CHOS CAN GYI STENG DU SHES BYA'I RIGS GANG BRTZEGS KYANG RTZI TSUL SHES PAR BYA'O, ,'DI SKOR LA 'GOD RGYU MANG DU 'DUG KYANG TSIG GI SPROS PA CHE DOGS NAS DE TZAM LAS MA BKOD DO,, ` GNYIS PA DRIS 'PHANGS KYI RNAM GZHAG BSHAD PA NI, @064B RANG RES, BUM PA'I DGAG GZHI CHOS CAN, KHYOD KHYOD DANG GCIG YIN PAR THAL, GZHI GRUB PA'I PHYIR, ZHES PA'I THAL 'GYUR GYI GSAL BA LA 'DOD LAN BTAB PAS, BUM PA'I DGAG GZHI CHOS CAN GYI STENG DU BUM PA'I DGAG GZHI, BUM PA'I DGAG GZHI CHOS CAN GYI STENG DU BUM PA'I DGAG GZHI DANG GCIG YIN PAR 'DOD CES RTZI RIGS BYAS PA LA KHO NA RE, BUM PA'I DGAG GZHI CHOS CAN, KHYOD KHYOD DANG GCIG YIN PAR THAL, GZHI GRUB PA'I PHYIR ZHES PA'I THAL 'GYUR GYI GSAL BA LA 'DOD LAN BTAB PAS, BUM PA'I DGAG GZHI CHOS CAN GYI STENG DU BUM PA'I DGAG GZHI, BUM PA'I DGAG GZHI CHOS CAN GYI STENG DU BUM PA'I DGAG GZHI DANG GCIG YIN PAR 'DOD CES RTZI MI RIGS PAR THAL, BDAG MED YIN PA'I PHYIR ZER NA, 'DOD BYAS PA LA, DNGOS 'GAL DU 'GRO ZER NA MI 'GRO STE, SNGAR DRIS PA'I TSE NA DE LTAR YIN KYANG 'DOD LAN BTAB PAS, BUM PA'I DGAG GZHI CHOS CAN GYI STENG DU BUM PA'I DGAG GZHI, BUM PA'I DGAG GZHI CHOS CAN GYI STENG DU BUM PA'I DGAG GZHI DANG GCIG YIN PAR THAL, BUM PA'I DGAG GZHI CHOS CAN GYI STENG DU GZHI GRUB PA'I PHYIR ZHES PA'I THAL 'GYUR GYI GSAL BA LA 'DOD LAN BTAB PAS, BUM PA'I DGAG GZHI CHOS CAN GYI STENG DU BUM PA'I DGAG GZHI CHOS CAN GYI STENG DU BUM PA'I DGAG GZHI, BUM PA'I DGAG GZHI CHOS CAN GYI STENG DU BUM PA'I DGAG GZHI CHOS CAN GYI @065A *, ,STENG DU BUM PA'I DGAG GZHI DANG GCIG YIN PAR 'DOD CES RTZI MI RIGS PAR 'DOD CES RTZI RIGS SHING, DE LTAR BRTZIS PAS DNGOS 'GAL DU MI 'GRO BA YIN PA'I PHYIR, MDOR NA DRIS 'PHANGS KYI KHYAD PAR NI, BUM PA CHOS CAN, RTAG PA YIN PAR THAL ZHES DRIS NA, BUM PA CHOS CAN, RTAG PA YIN PAR 'DOD CES RTZI RIGS SHING 'DOD LAN KYANG THEBS LA, BUM PA CHOS CAN, RTAG PA YIN PAR THAL ZHES 'PHANGS NA BUM PA RTAG PA YIN PAR 'DOD CES RTZI DGOS PAS, 'DOD LAN MI THEBS PA YIN NO, ,DRIS 'PHANGS KYI KHYAD PAR TZAM NI DE LTAR YIN ZHING GZHAN 'DI SKOR RIGS PA'I 'BYUNG GNAS STAG TSANG RVA BSTOD PA'I BSDUS GRVA SOGS NA RGYAS PAR 'DUG PAS DE TZAM LAS MA BRIS SO,, ` GNYIS PA THAL 'GYUR CHE BA'I RNAM GZHAG BSHAD PA LA GNYIS, DNGOS DANG, ZHAR LA RGOL PHYI RGOL DPANG PO GSUM GYI RNAM GZHAG BSHAD PA'O, ,DANG PO LA, DGAG BZHAG SPONG GSUM LAS, DANG PO NI, KHA CIG NA RE, LAN GYIS LDOG PAR MI NUS PA'I THAL NGAG DE, THAL 'GYUR YANG DAG GI MTSAN NYID YIN ZER NA, SGRA CHOS CAN, MA BYAS PAR THAL, RTAG PA YIN PA'I PHYIR ZHES PA'I THAL 'GYUR CHOS CAN, LAN GYIS LDOG PAR MI NUS PA'I THAL NGAG YIN PAR THAL, THAL 'GYUR YANG DAG YIN PA'I PHYIR, KHYAB PA KHAS, MA GRUB NA, DE 'DRA'I THAL 'GYUR CHOS CAN, THAL 'GYUR YANG DAG YIN PAR THAL, RANG RGYUD @065B 'PHEN PA'I THAL 'GYUR YANG DAG YIN PA'I PHYIR, DER THAL, TSUL GSUM 'PHEN NUS KYI THAL 'GYUR YANG DAG YIN PA'I PHYIR, DER THAL, SGRA CHOS CAN, MI RTAG STE, BYAS PA'I PHYIR, ZHES PA'I SBYOR BA YANG DAG 'PHEN NUS KYI THAL 'GYUR YANG DAG YIN PA'I PHYIR, RTZA BAR 'DOD NA, DE 'DRA'I THAL 'GYUR CHOS CAN, LAN GYIS ZLOG PAR MI NUS PA'I THAL DAG MA YIN PAR THAL, LAN GYIS ZLOG PAR NUS PA'I THAL DAG YIN PA'I PHYIR, DER THAL, LAN BTAB NA LAN DON MTHUN THEBS PA'I THAL NGAG YIN PA'I PHYIR, DER THAL, DE 'DRA'I THAL 'GYUR GYI RTAGS LA RTAGS MA GRUB KYI LAN DON MTHUN THEBS PA'I PHYIR, DER THAL, DE 'DRA'I THAL 'GYUR GYI RTAGS LA RTAGS MA GRUB KYI LAN BTAB PA'I TSE SGRA RTAG PA YIN PA RTAGS MA GRUB CES LAN 'DEBS RIGS PA GANG ZHIG ,SGRA RTAG PA MA YIN PA'I PHYIR, KHA CIG NA RE, RANG NYID KYIS 'PHANGS PA'I RANG RGYUD KYI RTAGS YANG DAG YOD PA, THAL 'GYUR YANG DAG GI MTSAN NYID YIN ZER NA, SGRA CHOS CAN, MI RTAG PA YIN PAR THAL, BYAS PA YIN PA'I PHYIR ZHES PA'I THAL 'GYUR CHOS CAN, MTSAN NYID DER THAL, MTSON BYA DE'I PHYIR, MA GRUB NA, DE 'DRA'I THAL 'GYUR CHOS CAN, THAL 'GYUR YANG DAG YIN PAR THAL, RANG RGYUD KYI 'PHEN PA'I THAL 'GYUR YANG DAG YIN PA'I PHYIR, RTZA BAR 'DOD NA, DE 'DRA'I THAL 'GYUR CHOS CAN, RANG RGYUD 'PHEN PA'I THAL 'GYUR @066A *, ,YANG DAG YIN PAR THAL, KHYOD RANG NYID KYIS 'PHANGS PA'I RANG RGYUD KYI RTAGS YANG DAG YOD PA'I THAL 'GYUR YIN PA'I PHYIR, RTAGS KHAS, 'DOD MI NUS TE, KHYOD TSUL GSUM 'PHEN MI NUS PA'I THAL NGAG RNAM DAG YIN PA'I PHYIR, KHA CIG NA RE, RTAGS GSAL GANG RUNG BKOD PA'I NGAG YIN NA, THAL 'GYUR YANG DAG YIN PAS KHYAB ZER NA, SGRA CHOS CAN, MI RTAG STE, BYAS PA'I PHYIR ZHES PA'I SBYOR BA CHOS CAN; DER THAL, DE'I PHYIR, MA GRUB NA, DE 'DRA'I RTAGS SBYOR CHOS CAN, RTAGS GSAL GANG RUNG BKOD PA'I NGAG YIN PAR THAL, BYAS PA RTAGS SU BKOD PA'I NGAG YIN PA'I PHYIR, DER THAL, BYAS PA RTAGS SU BKOD PA'I RTAGS SBYOR RNAM DAG YIN PA'I PHYIR, RTZA BAR 'DOD MI NUS TE, RTAGS SBYOR DANG THAL 'GYUR YANG DAG GI GZHI MTHUN MI SRID PA YIN PA'I PHYIR, KHA CIG NA RE, PHA ROL PO LA MI 'DOD PA'I THAL BA STON PA'I NGAG YIN NA, THAL 'GYUR YANG DAG YIN PAS KHYAB ZER NA, BSTAN BCOS TSAD MA RNAM 'GREL CHOS CAN, DER THAL, DE'I PHYIR, MA GRUB NA, DE CHOS CAN, PHA ROL PO LA MI 'DOD PA'I THAL BA STON PA'I NGAG YIN PAR THAL, KHYOD KYI BSTAN DON DU GYUR PA'I PHA ROL POS MI 'DOD PA'I THAL NGAG RNAM DAG YOD PA'I PHYIR, DER THAL, KHYOD KYI BSTAN DON DU GYUR PA'I SGRA CHOS CAN, MA BYAS PA YIN PAR THAL, RTAG PA YIN PA'I PHYIR ZHES PA'I THAL 'GYUR YOD PA'I PHYIR, RTZA BAR 'DOD @066B NA; BSTAN BCOS TSAD MA RNAM 'GREL CHOS CAN, RTAGS GSAL RTZOD GZHI GSUM KA DANG LDAN PAR THAL, THAL 'GYUR YANG DAG YIN PA'I PHYIR, 'DOD MI NUS TE, KHYOD KYI RTAGS GSAL RTZOD GZHI GSUM KA NGOS 'DZIN RGYU MED PA'I PHYIR, KHA CIG NA RE, THAL 'GYUR YANG DAG YIN NA, SGRUB BYED MI 'PHEN PA'I THAL 'GYUR YANG DAG YIN PAS KHYAB ZER NA, SGRA CHOS CAN, MA BYAS PA YIN PAR THAL, RTAG PA YIN PA'I PHYIR, ZHES PA'I THAL 'GYUR CHOS CAN; DER THAL, DE'I PHYIR, MA GRUB NA, DE 'DRA'I THAL 'GYUR CHOS CAN, THAL 'GYUR YANG DAG YIN PAR THAL, RANG GI CHOS LOG RANG GI SHES 'DOD CHOS CAN GYI STENG DU RANG GI RTAGS LOG SGRUB PA LA TSUL GSUM 'PHEN PA'I THAL NGAG RNAM DAG YIN PA'I PHYIR, DER THAL, RANG GI CHOS LOG BYAS PA'I RTAGS KYIS RANG GI SHES 'DOD CHOS CAN SGRA'I STENG DU RANG GI RTAGS LOG MI RTAG PA SGRUB PA LA TSUL GSUM 'PHEN PA'I THAL 'GYUR YANG DAG YIN PA'I PHYIR, DER THAL, SGRA CHOS CAN, MI RTAG STE, BYAS PA'I PHYIR ZHES PA'I SBYOR BA 'DI, DE 'DRA'I THAL 'GYUR GYI CHOS LOG BYAS PA'I RTAGS KYIS, DE 'DRA'I THAL 'GYUR GYI SHES 'DOD CHOS CAN SGRA'I STENG DU, DE 'DRA'I THAL 'GYUR GYI RTAGS LOG MI RTAG PA SGRUB PA'I SBYOR BA YANG DAG YIN PA'I PHYIR, GNYIS PA RANG LUGS LA, THAL 'GYUR LA MTSAN NYID, DBYE BA, RTAGS CHOS DON GSUM NGOS BZUNG BA, LAN GDAB PA'I TSUL BSHAD PA DANG BZHI, @067A *, ,DANG PO THAL 'GYUR GYI MTSAN NYID YOD DE, THAL 'GYUR DU BKOD PA DE DE YIN PA'I PHYIR, DE LA DBYE NA DU MAR DBYER YOD DE, THAL 'GYUR YANG DAG DANG LTAR SNANG GNYIS SU DBYE BA, BKOD CHOD KYI SGO NAS BZHIR DBYE BA RNAMS SU YOD PA'I PHYIR, THAL 'GYUR YANG DAG GI MTSAN NYID YOD DE, RANG NYID THAL 'GYUR YANG DAG TU SONG BA'I RGOL BA YOD PA YANG YIN, RANG NYID THAL 'GYUR YANG DAG TU SONG PA'I RGOL BAS, RANG NYID LA LAN DON MTHUN MI THEBS PA YANG YIN PA'I GZHI MTHUN PAR GYUR PA'I THAL NGAG RNAM DAG TU DMIGS PA DE DE YIN PA'I PHYIR, DBYE NA GNYIS YOD DE, SGRUB BYED 'PHEN PA'I THAL 'GYUR YANG DAG DANG, SGRUB BYED MI 'PHEN PA'I THAL 'GYUR YANG DAG GNYIS YOD PA'I PHYIR, SGRUB BYED 'PHEN PA'I THAL 'GYUR YANG DAG GI MTSAN NYID YOD DE, THAL 'GYUR YANG DAG GANG ZHIG ,BZLOG DON TSUL GSUM TSANG BA DE DE YIN PA'I PHYIR, SGRUB BYED 'PHEN PA'I THAL 'GYUR YANG DAG YIN NA, RANG NYID KYI SONG TSOD KYI RTAGS RANG 'GOD PA SKABS SU BAB PA'I PHYI RGOL YANG DAG GIS KHAS BLANGS SHING, TSAD MAS MA GRUB PA DANG, KHYAB PA TSAD MAS GRUB CING, DAM BCA' LA TSAD MAS BSAL BA ZHUGS PA GCIG DGOS TE, SGRUB BYED 'PHEN PA'I THAL 'GYUR YANG DAG GANG DANG GANG GI SONG TSOD KYI RTAGS TSAD MAS GRUB NA, DES @67B 'PHANGS PA'I SBYOR BA YANG DAG GI DAM BCA' LA TSAD MAS BSAL BA 'BAB CING, KHYAB PA TSAD MAS MA GRUB NA, DES 'PHANGS PA'I SBYOR BA YANG DAG GI LDOG KHYAB MI 'GRUB LA, DAM BCA' LA TSAD MAS BSAL BA MA ZHUGS NA; DES 'PHANGS PA'I SBYOR PA'I PHYOGS CHOS MI 'GRUB PA'I PHYIR, SGRUB BYED 'PHEN PA 'AM RANG RGYUD 'PHEN PA'I THAL 'GYUR YANG DAG LA DBYE NA GNYIS YOD DE, LDOG PA RANG RIGS 'PHEN PA'I THAL 'GYUR YANG DAG DANG, LDOG PA GZHAN RIGS 'PHEN PA'I THAL 'GYUR YANG DAG GNYIS YOD PA'I PHYIR, DANG PO LDOG PA RANG RIGS 'PHEN PA'I THAL 'GYUR YANG DAG GI MTSAN NYID YOD DE, THAL 'GYUR YANG DAG GANG ZHIG ,LDOG PA RANG RGYUD RANG DANG RIGS GCIG PA 'PHEN PA DE DE YIN PA'I PHYIR, DE LA DBYE NA BZHI YOD DE, RANG BZHIN DANG 'GAL BA'I RANG BZHIN DMIGS PA'I RANG RGYUD 'PHEN PA'I RANG BZHIN DANG 'GAL PA'I RANG BZHIN DMIGS PA'I THAL 'GYUR; RGYU DANG 'GAL BA'I 'BRAS BU DMIGS PA'I RANG RGYUD 'PHEN PA'I RGYU DANG 'GAL PA'I 'BRAS BU DMIGS PA'I THAL 'GYUR, KHYAB BYED DANG 'GAL BA'I KHYAB BYA DMIGS PA'I RANG RGYUD 'PHEN PA'I KHYAB BYED DANG 'GAL BA'I KHYAB BYA DMIGS PA'I THAL 'GYUR, 'GAL KHYAB DMIGS PA'I RANG RGYUD 'PHEN PA'I 'GAL KHYAB DMIGS PA'I THAL 'GYUR DANG BZHI YOD PA'I PHYIR, DANG PO'I MTSAN GZHI YOD DE, ME STOBS CHEN POS KHYAB PAR NON PA'I GZHIR @068A *, ,CHOS CAN, ME STOBS CHEN POS KHYAB PAR NON PA MA YIN PAR THAL, GRANG REG STOBS CHEN POS KHYAB PAR NON PA'I PHYIR ZHES PA'I THAL 'GYUR DE DE YIN PA'I PHYIR, DE 'DRA'I THAL 'GYUR DE CHOS CAN, KHYOD RANG BZHIN DANG 'GAL PA'I RANG BZHIN DMIGS PA'I RANG RGYUD 'PHEN PA'I RANG BZHIN DANG 'GAL BA'I RANG BZHIN DMIGS PA'I THAL 'GYUR YIN PAR THAL, KHYOD KYIS 'PHANGS PA'I ME STOBS CHEN POS KHYAB PAR NON PA DE, ME STOBS CHEN POS KHYAB PAR NON PA'I GZHIR GRANG REG STOBS CHEN POS KHYAB PAR NON PA MA YIN PAR SGRUB PAR BYED PA'I RANG BZHIN DANG 'GAL BA'I RANG BZHIN DMIGS PA'I RANG RGYUD KYI RTAGS YANG DAG YIN PA GANG ZHIG ,KHYOD RANG BZHIN DANG 'GAL BA'I RANG BZHIN DMIGS PA'I THAL 'GYUR YIN PA'I PHYIR, GNYIS PA MA GRUB NA, DE 'DRA'I THAL 'GYUR CHOS CAN, KHYOD RANG BZHIN DANG 'GAL BA'I RANG BZHIN DMIGS PA'I THAL 'GYUR YIN PAR THAL, KHYOD KYI CHOS LOG TU ME STOBS CHEN POS KHYAB PAR NON PA DE SONG, DE'I RANG BZHIN DU TSA ZHING SREG PA STOBS CHEN POS KHYAB PAR NON PA DE SONG, DE DANG 'GAL BAR BSIL RIG STOBS CHEN POS KHYAB PAR NON BA DE SONG, DE'I RANG BZHIN DU GRANG REG STOBS CHEN POS KHYAB PAR NON PA DE SONG, KHYOD GRANG REG STOBS CHEN POS KHYAB PAR NON PA RTAGS SU BKOD PA'I THAL 'GYUR YANG DAG YIN PA'I PHYIR, GNYIS PA'I MTSAN @068B GZHI YOD DE, DU BA DRAG PHYUR BAS KHYAB PAR NON PA'I GZHIR CHOS CAN, DU BA DRAG PHYUR BAS KHYAB PAR NON PA MA YIN PAR THAL, GRANG 'BRAS SPU LONG BYED RGYUN CHAGS SU GNAS PA YOD PA'I PHYIR, ZHES PA'I THAL 'GYUR DE DE YIN PA'I PHYIR, DE 'DRA'I THAL 'GYUR CHOS CAN, RGYU DANG 'GAL BA'I 'BRAS BU DMIGS PA'I RANG RGYUD 'PHEN PA'I RGYU DANG 'GAL BA'I 'BRAS BU DMIGS PA'I THAL 'GYUR YIN PAR THAL, KHYOD KYIS 'PHANGS PA'I DU BA DRAG PHYUR BAS KHYAB PAR NON PA DE, DU BA DRAG PHYUR BAS KHYAB PAR NON PA'I GZHIR, GRANG 'BRAS SPU LONG BYED RGYUN CHAGS SU GNAS PA MED PAR SGRUB PAR BYED PA'I RGYU DANG 'GAL BA'I 'BRAS BU DMIGS PA'I RANG RGYUD KYI RTAGS YANG DAG YIN PA GANG ZHIG ,KHYOD RGYU DANG 'GAL BA'I 'BRAS BU DMIGS PA'I THAL 'GYUR YIN PA'I PHYIR, GNYIS PA MA GRUB NA, DE 'DRA'I THAL 'GYUR CHOS CAN, RGYU DANG 'GAL BA'I 'BRAS BU DMIGS PA'I THAL 'GYUR YIN PAR THAL, KHYOD KYI CHOS LOG TU DU BA DRAG PHYUR BAS KHYAB PAR NON PA DE SONG, DE'I RGYUR ME STOBS CHEN POS KHYAB PAR NON PA DE SONG, DE DANG 'GAL BAR GRANG REG RGYUN CHAGS SU GNAS PA DE SONG, DE'I 'BRAS BUR GRANG 'BRAS SPU LONG BYED RGYUN CHAGS SU GNAS PA DE SONG, KHYOD GRANG 'BRAS SPU LONG BYED RGYUN CHAGS SU GNAS PA RTAGS SU BKOD PA'I THAL 'GYUR YIN PA'I PHYIR, GSUM PA'I MTSAN GZHI YOD DE, @069A *, ,TZAN DAN GYI ME STOBS CHEN POS KHYAB PAR NON PA'I GZHIR CHOS CAN, TZAN DAN GYI ME STOBS CHEN POS KHYAB PAR NON PA MA YIN PAR THAL, KHA BA'I REG PA RGYUN CHAGS SU GNAS PA YOD PA'I PHYIR ZHES PA'I THAL 'GYUR DE DE YIN PA'I PHYIR, DE 'DRA'I THAL 'GYUR DE CHOS CAN, KHYOD KHYAB BYED DANG 'GAL BA'I KHYAB BYA DMIGS PA'I RANG RGYUD 'PHEN PA'I KHYAB BYED DANG 'GAL BA'I KHYAB BYA DMIGS PA'I THAL 'GYUR YIN PAR THAL, KHYOD KYIS 'PHANGS PA'I TZAN DAN GYI ME STOBS CHEN POS KHYAB PAR NON PA DE, TZAN DAN GYI ME STOBS CHEN POS KHYAB PAR NON PA'I GZHIR KHA BA'I REG PA RGYUN CHAGS SU GNAS PA MED PAR SGRUB PAR BYED PA'I KHYAB BYED DANG 'GAL BA'I KHYAB BYA DMIGS PA'I RANG RGYUD KYI RTAGS YANG DAG YIN PA GANG ZHIG ,KHYOD KHYAB BYED DANG 'GAL BA'I KHYAB BYA DMIGS PA'I THAL 'GYUR YIN PA'I PHYIR, GNYIS PA MA GRUB NA, DE 'DRA'I THAL 'GYUR CHOS CAN, KHYOD KHYAB BYED DANG 'GAL BA'I KHYAB BYA DMIGS PA'I THAL 'GYUR YIN PAR THAL, KHYOD KYI CHOS LOG TU TZAN DAN GYI ME STOBS CHEN POS KHYAB PAR NON PA DE SONG, DE'I KHYAB BYED DU ME STOBS CHEN POS KHYAB PAR NON PA DE SONG, DE DANG 'GAL BAR GRANG REG RGYUN CHAGS SU GNAS PA DE SONG, DE'I KHYAB BYAR KHA BA'I REG PA RGYUN CHAGS SU GNAS PA DE SONG, KHYOD KHA BA'I REG PA RGYUN @069B CHAGS SU GNAS PA RTAGS SU BKOD PA'I THAL 'GYUR YIN PA'I PHYIR, RTAGS DANG PO SLA, GNYIS PA MA GRUB NA, ME STOBS CHEN POS KHYAB PAR NON PA DE, TZAN DAN GYI ME STOBS CHEN POS KHYAB PAR NON PA'I KHYAB BYED YIN PAR THAL, DE DE'I SPYI YIN PA'I PHYIR, GSUM PA SLA, BZHI PA MA GRUB NA, KHA BA'I REG PA RGYUN CHAGS SU GNAS PA DE, GRANG REG RGYUN CHAGS SU GNAS PA'I KHYAB BYA YIN PAR THAL, DE DE'I BYE BRAG YIN PA'I PHYIR, BZHI PA'I MTSAN GZHI YOD DE, SGRA CHOS CAN, MA BYAS PA YIN PAR THAL, RTAG PA YIN PA'I PHYIR, ZHES PA'I THAL 'GYUR DE DE YIN PA'I PHYIR, DE 'DRA'I THAL 'GYUR DE CHOS CAN, KHYOD 'GAL KHYAB DMIGS PA'I RANG RGYUD 'PHEN PA'I 'GAL KHYAB DMIGS PA'I THAL 'GYUR YIN PAR THAL, KHYOD KYIS 'PHANGS PA'I BYAS PA DE, SGRA MI RTAG PAR SGRUB PAR BYED PA'I 'GAL KHYAB DMIGS PA'I RANG RGYUD KYI RTAGS YANG DAG YIN PA GANG ZHIG , KHYOD 'GAL KHYAB DMIGS PA'I THAL 'GYUR YIN PA'I PHYIR, GNYIS PA GRUB STE, DE 'DRA'I THAL 'GYUR GYI CHOS LOG TU BYAS PA DE SONG, DE DANG 'GAL BAR MA BYAS PA DE SONG, DE'I KHYAB BYAR RTAG PA DE SONG, KHYOD RTAG PA RTAGS SU BKOD PA'I THAL 'GYUR YIN PA'I PHYIR, DANG PO SLA, GSUM PA MA GRUB NA, RTAG PA DE MA BYAS PA'I KHYAB BYA YIN PAR THAL, MA BYAS PA RTAG PA'I KHYAB BYED YIN PA'I PHYIR TE, KHYOD KYIS RTAG PA LA KHYAB CID KHYOD @70A *, ,LA RTAG PAS MA KHYAB PA'I PHYIR, GNYIS PA LDOG PA GZHAN RIGS 'PHEN PA'I THAL 'GYUR YANG DAG GI MTSAN NYID YOD DE, THAL 'GYUR YANG DAG GANG ZHIG ,LDOG PA RANG RGYUD RANG DANG RIGS MI MTHUN 'PHEN PA DE DE YIN PA'I PHYIR, DE LA DBYE NA, BCU DRUG YOD DE, RGYU DANG 'GAL BA'I RANG BZHIN DMIGS PA'I RANG RGYUD 'PHEN PA'I RANG BZHIN DANG 'GAL BA'I 'BRAS BU DMIGS PA'I THAL 'GYUR, KHYAB BYED DANG 'GAL BA'I RANG BZHIN DMIGS PA'I RANG RGYUD 'PHEN PA'I RANG BZHIN DANG 'GAL BA'I KHYAB BYA DMIGS PA'I THAL 'GYUR, RANG BZHIN DANG 'GAL BA'I 'BRAS BU DMIGS PA'I RANG RGYUD 'PHEN PA'I RGYU DANG 'GAL BA'I RANG BZHIN DMIGS PA'I THAL 'GYUR, KHYAB BYED DANG 'GAL BA'I 'BRAS BU DMIGS PA'I RANG RGYUD 'PHEN PA'I RGYU DANG 'GAL BA'I KHYAB BYA DMIGS PA'I THAL 'GYUR, RANG BZHIN DANG 'GAL BA'I KHYAB BYA DMIGS PA'I RANG RGYUD 'PHEN PA'I KHYAB BYED DANG 'GAL BA'I RANG BZHIN DMIGS PA'I THAL 'GYUR, RGYU DANG 'GAL BA'I KHYAB BYA DMIGS PA'I RANG RGYUD 'PHEN PA'I KHYAB BYED DANG 'GAL BA'I 'BRAS BU DMIGS PA'I THAL 'GYUR, RGYU MA DMIGS PA'I RANG RGYUD 'PHEN PA'I 'BRAS BU DMIGS PA'I THAL 'GYUR, KHYAB BYED MA DMIGS PA'I RANG RGYUD 'PHEN PA'I RANG BZHIN DMIGS PA'I THAL @070B 'GYUR STE BRGYAD DANG, DE DAG LAS LDOG PA 'BRAS BU DANG 'GAL PA'I RANG BZHIN DMIGS PA'I RANG RGYUD 'PHEN PA'I RANG BZHIN DANG 'GAL BA'I RGYU DMIGS PA'I THAL 'GYUR, 'BRAS BU DANG 'GAL BA'I KHYAB BYA DMIGS PA'I RANG RGYUD 'PHEN PA'I KHYAB BYED DANG 'GAL BA'I RGYU DMIGS PA'I THAL 'GYUR, RANG BZHIN DANG 'GAL BA'I RGYU DMIGS PA'I RANG RGYUD 'PHEN PA'I 'BRAS BU DANG 'GAL BA'I RANG BZHIN DMIGS PA'I THAL 'GYUR, KHYAB BYED DANG 'GAL BA'I RGYU DMIGS PA'I RANG RGYUD 'PHEN PA'I 'BRAS BU DANG 'GAL BA'I KHYAB BYA DMIGS PA'I THAL 'GYUR, 'BRAS BU DANG 'GAL BA'I RGYU DMIGS PA'I RANG RGYUD 'PHEN PA'I RGYU DANG 'GAL BA'I 'BRAS BU DMIGS PA'I THAL 'GYUR, 'DI DANG MTSAN GZHI GNYIS KA MI 'GRIGS BA 'DRA YANG RVA STOD BSDUS GRVA SOGS LA YOD PA BZHIN BKOD PA YIN, RGYU DANG 'GAL BA'I RGYU DMIGS PA'I RANG RGYUD 'PHEN PA'I 'BRAS BU DANG 'GAL BA'I 'BRAS BU DMIGS PA'I THAL 'GYUR, 'BRAS BU MA DMIGS PA'I RANG RGYUD 'PHEN PA'I RGYU DMIGS PA'I THAL 'GYUR, RANG BZHIN MA DMIGS PA'I RANG RGYUD 'PHEN PA'I KHYAB BYED DMIGS PA'I THAL 'GYUR DANG BRGYAD DE BCU DRUG YOD PA'I PHYIR, DANG PO'I MTSAN GZHI YOD DE, ME STOBS CHEN POS KHYAB PAR NON PA'I GZHIR CHOS CAN, ME STOBS CHEN POS KHYAB PAR NON PA MA YIN PAR THAL, GRANG 'BRAS SPU LONG @071A *, ,BYED RGYUN CHAGS PA YOD PA'I PHYIR ZHES PA'I THAL 'GYUR DE DE YIN PA'I PHYIR, DE 'DRA'I THAL 'GYUR CHOS CAN, KHYOD RGYU DANG 'GAL BA'I RANG BZHIN DMIGS PA'I RANG RGYUD 'PHEN PA'I RANG BZHIN DANG 'GAL BA'I 'BRAS BU DMIGS PA'I THAL 'GYUR YIN PAR THAL, KHYOD KYIS 'PHANGS PA'I ME STOBS CHEN POS KHYAB PAR NON PA DE, DES KHYAB PAR NON PA'I GZHIR, GRANG 'BRAS SPU LONG BYED RGYUN CHAGS MED PAR SGRUB PAR BYED PA'I RGYU DANG 'GAL BA'I RANG BZHIN DMIGS PA'I RANG RGYUD KYI RTAGS YANG DAG YIN PA GANG ZHIG ,KHYOD RANG BZHIN DANG 'GAL BA'I 'BRAS BU DMIGS PA'I THAL 'GYUR YIN PA'I PHYIR, GNYIS PA MA GRUB NA, DE 'DRA'I THAL 'GYUR CHOS CAN, KHYOD RANG BZHIN DANG 'GAL BA'I 'BRAS BU DMIGS PA'I THAL 'GYUR YIN PAR THAL, KHYOD KYI CHOS LOG TU ME STOBS CHEN POS KHYAB PAR NON PA DE SONG, DE'I RANG BZHIN DU TSA ZHING SREG PA STOBS CHEN POS KHYAB PAR NON PA DE SONG, DE DANG 'GAL BA GRANG REG RGYUN CHAGS PA DE SONG, DE'I 'BRAS BUR GRANG 'BRAS SPU LONG BYED RGYUN CHAGS PA DE SONG, KHYOD GRANG 'BRAS SPU LONG BYED RGYUN CHAGS PA RTAGS SU BKOD PA'I THAL 'GYUR YIN PA'I PHYIR, GNYIS PA'I MTSAN GZHI YOD DE, ME STOBS CHEN POS KHYAB PAR NON PA'I GZHIR CHOS CAN, ME STOBS CHEN POS KHYAB PAR NON PA MA YIN @071B PAR THAL, KHA BA'I REG PA RGYUN CHAGS PA YOD PA'I PHYIR ZHES PA'I THAL 'GYUR DE DE YIN PA'I PHYIR, GSUM PA'I MTSAN GZHI YOD DE, DU BA DRUG PHYUR BAS KHYAB PAR NON PA'I GZHIR CHOS CAN, DU BA DRAG PHYUR BAS KHYAB PAR NON PA MA YIN PAR THAL, GRANG REG RGYUN CHAGS SU GNAS PA YOD PA'I PHYIR ZHES PA'I THAL 'GYUR DE DE YIN PA'I PHYIR, BZHI PA'I MTSAN GZHI YOD DE, DU BA DRAG PHYUR BAS KHYAB PAR NON PA'I GZHIR CHOS CAN, DU BA DRAG PHYUR BAS KHYAB PAR NON PA MA YIN PAR THAL, KHA BA'I REG PA RGYUN CHAGS SU GNAS PA YOD PA'I PHYIR ZHES PA'I THAL 'GYUR DE DE YIN PA'I PHYIR, LNGA PA'I MTSAN GZHI YOD DE, TZAN DAN GYI ME STOBS CHEN POS KHYAB PAR NON PA'I GZHIR CHOS CAN, TZAN DAN GYI ME STOBS CHEN POS KHYAB PAR NON PA MA YIN PAR THAL, GRANG REG RGYUN CHAGS SU GNAS PA YOD PA'I PHYIR, ZHES PA'I THAL 'GYUR DE DE YIN PA'I PHYIR, DRUG PA'I MTSAN GZHI YOD DE, TZAN DAN GYI ME STOBS CHEN POS KHYAB PAR NON PA'I GZHIR CHOS CAN, TZAN DAN GYI ME STOBS CHEN POS KHYAB PAR NON PA MA YIN PAR THAL, GRANGS 'BRAS SBU LONG BYED RGYUN CHAGS SU GNAS PA YOD PA'I PHYIR ZHES PA'I THAL 'GYUR DE DE YIN PA'I PHYIR, BDUN PA'I MTSAN GZHI YOD DE, ME MED MTSAN MO'I RGYA MTSOR CHOS CAN, ME YOD PAR THAL, DU BA YOD PA'I PHYIR ZHES PA'I THAL 'GYUR DE DE YIN PA'I PHYIR, BRGYAD BA'I @072A *, ,MTSAN GZHI YOD DE, SHING GIS DBEN PA'I BRAG RJOD NA CHOS CAN, SHING YOD PAR THAL, SHA BA YOD PA'I PHYIR ZHES PA'I THAL 'GYUR DE DE YIN PA'I PHYIR, GZHAN RNAMS KYI SGRUB BYED GONG GI RIGS 'GROS KYIS SHES NUS SHING, BDUN PA DANG BRGYAD PA'I SGRUB BYED NI, ME MED MTSAN MO'I RGYA MTSOR CHOS CAN, ME YOD PAR THAL, DU BA YOD PA'I PHYIR ZHES PA'I THAL 'GYUR CHOS CAN, RGYU MA DMIGS PA'I RANG RGYUD 'PHEN PA'I 'BRAS BU DMIGS PA'I THAL 'GYUR YIN PAR THAL, KHYOD KYIS 'PHANGS PA'I ME MED PA DE, ME MED MTSAN MO'I RGYA MTSOR DU BA MED PAR SGRUB PAR BYED PA'I RGYU MA DMIGS PA'I RTAGS YANG DAG YIN PA GANG ZHIG ,KHYOD 'BRAS BU DMIGS PA'I THAL 'GYUR YIN PA'I PHYIR, GNYIS PA MA GRUB NA, DE 'DRA'I THAL 'GYUR CHOS CAN, KHYOD 'BRAS BU DMIGS PA'I THAL 'GYUR YIN PAR THAL, KHYOD DU BA RTAGS SU BKOD PA'I THAL 'GYUR YANG DAG YIN PA GANG ZHIG ,DU BA ME'I 'BRAS BU YIN PA'I PHYIR, SHING GIS DBEN PA'I BRAG RDZONG NA CHOS CAN, SHING YOD PAR THAL, SHA PA YOD PA'I PHYIR ZHES PA'I THAL 'GYUR CHOS CAN; KHYAB BYED MA DMIGS PA'I RANG RGYUD 'PHEN PA'I RANG BZHIN DMIGS PA'I THAL 'GYUR YIN PAR THAL, KHYOD KYIS 'PHANGS PA'I SHING MED PA DE, SHING GIS DBEN PA'I BRAG RDZONG DU SHA PA MED PAR SGRUB PAR @072B BYED PA'I KHYAB BYED MA DMIGS PA'I RTAGS YANG DAG YIN PA GANG ZHIG ,KHYOD RANG BZHIN DMIGS PA'I THAL 'GYUR YIN PA'I PHYIR, GNYIS PA MA GRUB NA, DE 'DRA'I THAL 'GYUR CHOS CAN, KHYOD RANG BZHIN DMIGS PA'I THAL 'GYUR YIN PAR THAL, KHYOD SHA PA RTAGS SU BKOD PA'I THAL 'GYUR YANG DAG YIN PA GANG ZHIG ,SHA PA SHING DANG RANG BZHIN GCIG YIN PA'I PHYIR, DE DAG LAS LDOG PA'I THAL 'GYUR BRGYAD PO DE'I MTSAN GZHI YANG RIM PA BZHIN DU BZHAG TU YOD DE, ME STOBS CHEN POS KHYAB PAR NON PA'I GZHIR CHOS CAN, ME STOBS CHEN POS KHYAB PAR NON PA MA YIN PAR THAL, GRANG REG GI DNGOS RGYU'I NUS PA MTHU CAN YOD PA'I PHYIR ZHES PA'I THAL 'GYUR LTA BU DANG PO DANG, TZAN DAN GYI ME STOBS CHEN POS KHYAB PAR NON PA'I GZHIR CHOS CAN, TZAN DAN GYI ME STOBS CHEN POS KHYAB PAR NON PA MA YIN PAR THAL; GRANG REG GI DNGOS RGYU'I NUS PA MTHU CAN YOD PA'I PHYIR ZHES PA'I THAL 'GYUR LTA BU GNYIS PA DANG, ME STOBS CHEN POS KHYAB PAR NON PA'I DNGOS RGYUR GYUR PA'I TSA ZHING SREG PA STOBS CHEN POS KHYAB PAR NON PA'I GZHIR CHOS CAN, DES KHYAB PAR NON PA MA YIN PAR THAL, GRANG REG RGYUN CHAGS SU GNAS PA YOD PA'I PHYIR ZHES PA'I THAL 'GYUR LTA BU GSUM PA DANG, YANG GZHIR DER CHOS CAN, DES KHYAB PAR @073A *, ,NON PA MA YIN PAR THAL, KHA PA'I REG BA RGYUN CHAGS SU GNAS PA YOD PA'I PHYIR ZHES PA'I THAL 'GYUR LTA BU BZHI PA DANG, YANG GZHI DER CHOS CAN, DES KHYAB PAR NON PA MA YIN PAR THAL, GRANG REG GI DNGOS RGYU'I NUS PA THOGS MED YOD PA'I PHYIR, ZHES PA LTA BU LNGA PA DANG, YANG GZHI DER CHOS CAN, DES KHYAB PAR NON PA MA YIN PAR THAL, GRANG 'BRAS SPU LONG BYED RGYUN CHAGS YOD PA'I PHYIR ZHES PA'I THAL 'GYUR LTA BU DRUG PA DANG, DU BAS DBEN PA'I SA PHYOGS NA CHOS CAN, DU BA YOD PAR THAL, DU BA'I DNGOS RGYU YOD PA'I PHYIR ZHES PA'I THAL 'GYUR LTA BU BDUN PA DANG, BUM PA TSAD MAS MA DMIGS PA'I SA PHYOGS CHOS CAN, BUM PA TSAD MAS DMIGS PAR THAL, BUM PA YOD PA'I PHYIR ZHES PA'I THAL 'GYUR LTA BU BRGYAD PA'I MTSAN GZHI YIN PA'I PHYIR, DE RNAMS KYI SGRUB BYED NI GONG GI RIGS 'GROS KYIS SHES PAR BYA'O, ,GNYIS PA SGRUB BYED MI 'PHEN PA'I THAL 'GYUR YANG DAG GI MTSAN NYID YOD DE, THAL 'GYUR YANG DAG GANG ZHIG ,DON BZLOG NA TSUL GSUM MA TSANG BA DE DE YIN PA'I PHYIR MTSAN GZHI YOD DE, SGRA CHOS CAN, MI RTAG PA YIN PAR THAL, BYAS PA YIN PA'I PHYIR ZHES PA'I THAL 'GYUR DE DE YIN PA'I PHYIR, THAL 'GYUR LTAR SNANG GI MTSAN NYID YOD DE, SKABS SU BAB PA'I LAN @073B GYIS LDOG PAR NUS PA'I THAL NGAG DE YIN PA'I PHYIR, MTSAN GZHI YOD DE, SGRA CHOS CAN, RTAG PA YIN PAR THAL, MIG SHES KYIS BZUNG BYA YIN PA'I PHYIR ZHES PA'I THAL 'GYUR DE DE YIN PA'I PHYIR, YANG THAL 'GYUR LA BKOD CHOD KYI SGO NAS DBYE NA BZHI YOD DE, RTAGS KHYAB GNYIS KA MA GRUB PA'I THAL 'GYUR, RTAGS MA GRUB PA'I THAL 'GYUR, KHYAB PA MA GRUB PA'I THAL 'GYUR, RTAGS KHYAB GNYIS KA GRUB PA'I THAL 'GYUR DANG BZHI YOD PA'I PHYIR, DE BZHI SO SO'I MTSAN GZHI RNAMS RIM PA BZHIN DU BZHAG TU YOD DE, SGRA CHOS CAN, GZHAL BYA MA YIN PAR THAL, RTAG PA YIN PA'I PHYIR ZHES PA'I THAL 'GYUR LTA BU DANG PO DANG, SGRA CHOS CAN, MA BYAS PA YIN PAR THAL, RTAG PA YIN PA'I PHYIR ZHES PA'I THAL 'GYUR LTA BU GNYIS PA DANG, SGRA CHOS CAN, RTAG PA YIN PAR THAL, GZHAL BYA YIN PA'I PHYIR ZHES PA'I THAL 'GYUR LTA BU GSUM PA'I MTSAN GZHI YIN CING, RTAGS KHYAB GNYIS KA GRUB PA'I THAL 'GYUR LA, KHYAB RTAGS GNYIS KA TSAD MAS GRUB PA, KHYAB RTAGS GNYIS KA KHAS BLANGS KYIS GRUB PA, RTAGS TSAD MAS GRUB CING KHYAB PA KHAS BLANGS KYIS GRUB PA, KHYAB PA TSAD MAS GRUB CING RTAGS KHAS BLANGS KYIS GRUB PA'I THAL 'GYUR DANG BZHI YOD PA'I PHYIR, DANG PO'I MTSAN GZHI YOD DE, SGRA CHOS CAN, MI RTAG PA YIN PAR THAL, BYAS PA YIN PA'I PHYIR ZHES @074A *, ,PA'I THAL 'GYUR DE DE YIN PA'I PHYIR, DE YANG YIN TE, THAL 'GYUR 'DI 'GOD BA SKABS SU BAB PA'I RGOL BA DES SGRA RTAG PAR KHAS BLANGS NA THAL 'GYUR DE'I RTAGS KHYAB GNYIS KA TSAD MAS GRUB CING DAM BCA' LA KHAS BLANGS KYIS BSAL BA 'BABS PAS THAL 'GYUR 'DI RGOL BA DE LA THAL 'GYUR YANG DAG TU SONG LA, RGOL BA DES SGRA RTAG PAR KHAS MA BLANGS NA RTAGS KHYAB GNYIS KA TSAD MAS GRUB KYANG DAM BCA' LA KHAS BLANGS KYIS BSAL BA MI 'BAB PAS, THAL 'GYUR 'DI RGOL BA DE LA THAL 'GYUR LTAR SNANG DU SONG BA YIN PA'I PHYIR, GNYIS PA'I MTSAN GZHI YOD DE, SGRA MIG SHES KYI BZUNG BYA DANG, MIG SHES KYI BZUNG BYA YIN NA RTAG PA YIN PAS KHYAB PA KHAS LEN PA'I GANG ZAG GI NGOR, SGRA CHOS CAN, RTAG PA YIN PAR THAL, MIG SHES KYI BZUNG BYA YIN PA'I PHYIR ZHES PA'I THAL 'GYUR DE DE YIN PA'I PHYIR, DE YANG YIN TE, DE LTAR KHAS LEN PA'I GANG ZAG DES SGRA MI RTAG PAR TSAD MAS GRUB NA, THAL 'GYUR DE'I RTAGS KHYAB GNYIS KA KHAS BLANGS KYIS GRUB CING, DAM BCA' LA TSAD MAS BSAL BA 'BABS PAS THAL 'GYUR 'DI GANG ZAG DE LA THAL 'GYUR YANG DAG TU SONG LA, GANG ZAG DES SGRA MI RTAG PAR KHAS BLANGS NA, THAL 'GYUR DE'I RTAGS KHYAB GNYIS KA KHAS BLANGS KYIS GRUB CING, DAM BCA' LA KHAS BLANGS KYI BSAL BA YANG 'BABS PAS, GANG @074B ZAG DE LA THAL 'GYUR 'DI THAL 'GYUR YANG DAG TU SONG ZHING, GANG ZAG DES SGRA MI RTAG PAR TSAD MAS KYANG MA GRUB, KHAS BLANGS PA'ANG MIN NA, RTAGS KHYAB KHAS BLANGS KYIS GRUB KYANG, DAM BCA' LA BSAL BA MI 'BABS PAS, GANG ZAG DE LA THAL 'GYUR LTAR SNANG DU SONG BA YIN PA'I PHYIR, GSUM PA'I MTSAN GZHI YOD DE, SGRA BYAS PA DANG, BYAS NA RTAG PAS KHYAB PA KHAS LEN PA'I GANG ZAG GI NGOR, SGRA CHOS CAN, RTAG PA YIN PAR THAL, BYAS PA YIN PA'I PHYIR ZHES PA'I THAL 'GYUR DE DE YIN PA'I PHYIR, DE YANG YIN TE, GANG ZAG DES SGRA MI RTAG PAR TSAD MAS GRUB NA, RTAGS TSAD MA DANG KHYAB PA KHAS BLANGS KYIS GRUB CING, DAM BCA' LA TSAD MAS BSAL BA 'BABS PAS, GANG ZAG DE LA THAL 'GYUR YANG DAG DANG, DE 'DRA'I GANG ZAG DES SGRA MI RTAG PAR KHAS BLANGS NA, RTAGS TSAD MA DANG KHYAB PA KHAS BLANGS KYIS GRUB CING, DAM BCA' LA KHAS BLANGS KYIS BSAL BA 'BABS PAS, GANG ZAG DE LA THAL 'GYUR YANG DAG DANG, GANG ZAG DES SGRA MI RTAG PAR TSAD MAS KYANG MA GRUB, KHAS BLANGS PA'ANG MIN NA, THAL 'GYUR DE'I RTAGS TSAD MA DANG KHYAB PA KHAS BLANGS KYIS GRUB KYANG, DAM BCA' LA BSAL PA MI 'BABS PAS, GANG ZAG DE LA THAL 'GYUR LTAR SNANG DU SONG BA YIN PA'I PHYIR, BZHI PA'I MTSAN GZHI YOD DE, SGRA RTAG PA DANG, RTAG PA YIN NA MA BYAS PA YIN PAS KHYAB @075A *, ,PA KHAS LEN PA'I GANG ZAG GI NGOR, SGRA CHOS CAN, MA BYAS PA YIN PAR THAL, RTAG PA YIN PA'I PHYIR ZHES PA'I THAL 'GYUR DE DE YIN PA'I PHYIR, DE YANG YIN TE, DE 'DRA'I GANG ZAG DES SGRA BYAS PAR TSAD MAS GRUB NA, KHYAB PA TSAD MA DANG, RTAGS KHAS BLANGS KYIS GRUB CING, DAM BCA' LA TSAD MAS BSAL BA 'BABS PAS, GANG ZAG DE LA THAL 'GYUR YANG DAG DANG, GANG ZAG DES SGRA BYAS PAR TSAD MAS KYANG MA GRUB, KHAS KHYAB PA TSAD MA DANG, RTAGS KHAS BLANGS KYIS GRUB CING, DAM BCA' LA KHAS BLANGS KYIS BSAL BA 'BABS PAS, GANG ZAG DE LA THAL 'GYUR YANG DAG DANG, GANG ZAG DES SGRA BYAS PAR TSAD MAS KYANG MA GRUB, KHAS BLANGS PA'ANG MIN NA, KHYAB PA TSAD MA DANG, RTAGS KHAS BLANGS KYIS GRUB KYANG DAM BCA' LA BSAL BA MI 'BABS PAS, GANG ZAG DE LA THAL 'GYUR LTAR SNANG DU GYUR BA YIN PA'I PHYIR, DE LTAR NA THAL 'GYUR LA BKOD TSOD KYI SGO NAS DBYE NA BCU BZHI YOD DE, KHYAB RTAGS GNYIS KA MA GRUB PA DANG, RTAGS MA GRUB PA DANG, KHYAB PA MA GRUB PA DANG, KHYAB RTAGS GNYIS KA TSAD MAS GRUB LA, DAM BCA' LA BSAL BA MED PA DANG, KHYAB RTAGS GNYIS KA KHAS BLANGS KYIS GRUB LA, DAM BCA' LA BSAL BA MED PA DANG, RTAGS TSAD MA DANG KHYAB PA KHAS BLANGS KYIS GRUB LA, DAM BCA' LA BSAL BA MED PA DANG, KHYAB PA TSAD MA DANG RTAGS KHAS BLANGS @075B KYIS GRUB LA, DAM BCA' LA BSAL BA MED PA'I THAL 'GYUR BDUN NI RANG 'GOD YUL GYI RGOL BA LA LTOS TE LTAR SNANG BDUN DANG, RTAGS KHYAB GNYIS KA TSAD MAS GRUB CING DAM BCA' LA KHAS BLANGS KYIS BSAL BA 'BABS PA'I THAL 'GYUR DANG, RTAGS KHYAB GNYIS KA KHAS BLANGS KYIS GRUB CING, DAM BCA' LA TSAD MAS BSAL BA 'BAB PA'I THAL 'GYUR DANG, RTAGS KHYAB GNYIS KA KHAS BLANGS KYIS GRUB CING, DAM BCA' LA KHAS BLANGS KYIS BSAL BA 'BAB PA'I THAL 'GYUR DANG, RTAGS TSAD MA DANG, KHYAB PA KHAS BLANGS KYIS GRUB CING DAM BCA' LA TSAD MAS BSAL BA 'BAB PA'I THAL 'GYUR DANG, RTAGS TSAD MA DANG KHYAB PA KHAS BLANGS KYIS GRUB CING DAM BCA' LA KHAS BLANGS KYIS BSAL BA 'BAB PA'I THAL 'GYUR DANG, KHYAB PA TSAD MA DANG, RTAGS KHAS BLANGS KYIS GRUB CING, DAM BCA' LA TSAD MAS BSAL BA 'BAB PA'I THAL 'GYUR DANG, KHYAB PA TSAD MA DANG, RTAGS KHAS BLANGS KYIS GRUB CING, DAM BCA' LA KHAS BLANGS KYIS BSAL BA 'BAB PA'I THAL 'GYUR BDUN NI RANG 'GOD PA SKABS SU BAB PA'I RGOL BA LA LTOS TE YANG DAG BDUN TE BCU BZHI YOD PA'I PHYIR, SKABS BAB KYI RGOL BA LA LTOS TE YANG DAG BDUN GYI DANG PO LNGA RANG RGYUD MI 'PHEN PA DANG, PHYI MA GNYIS RANG RGYUD 'PHEN PA'I THAL 'GYUR YANG DAG YIN NO, ,GZHAN YANG THAL 'GYUR GANG DANG GANG GI DAM @076A *, ,BCA' LA TSAD MAS BSAL BA 'BAB CES PA'I SKABS KYI TSAD MAS BSAL BA 'BAB TSUL BZHAG TU YOD DE, THAL 'GYUR DE'I BSAL BA LA 'DOD LAN BTAB PAS, KHAS BLANGS PA'I DON TSAD MAS BSAL BA ZHIG LA, THAL 'GYUR DE'I DAM BCA' LA TSAD MAS BSAL BA 'BAB PA ZHES ZER BA YIN CING, DPER NA, SGRA CHOS CAN, RTAG PA YIN PAR THAL, ZHES BKOD PA LTA BU LA 'DOD LAN BTAB NA, SGRA RTAG PAR KHAS LEN DGOS LA, SGRA RTAG PA NI TSAD MAS BSAL BA YIN PA'I PHYIR, THAL 'GYUR DE'I DAM BCA' LA KHAS BLANGS KYIS BSAL BA BAB NA, THAL 'GYUR DE'I DAM BCA' LA TSAD MAS BSAL BA 'BAB DGOS PA YANG MIN TE, DPER NA, SGRA RTAG PAR KHAS BLANGS SHING, BYAS PAR YANG KHAS BLANGS PA LA, SGRA CHOS CAN, RGYU LAS SKYES PA YIN PAR THAL, BYAS PA YIN PA'I PHYIR ZHES PA'I THAL 'GYUR BKOD PA'I TSE, 'DOD LAN BTAB PAS DAM BCA' DE LA KHAS BLANGS KYIS BSAL BA 'BAB KYANG TSAD MAS BSAL BA MI 'BAB PA'I PHYIR, THAL 'GYUR KYI RTAGS TSAD MAS GRUB CES PA NI, THAL 'GYUR DE'I RTAGS THAL 'GYUR DE'I SHES 'DOD CHOS CAN GYI STENG DU TSAD MAS GRUB PA ZHIG LA 'DOD DGOS SO, ,GSUM PA RTAGS CHOS DON GSUM NGOS 'DZIN TSUL YOD DE, THAL 'GYUR GCIG LA @076B MTSON NA, RTAG PA DE, SGRA CHOS CAN, MA BYAS PA YIN PAR THAL, RTAG PA YIN PA'I PHYIR ZHES PA'I THAL 'GYUR DE'I RTAGS DANG, MI RTAG PA DE DE 'DRA'I THAL 'GYUR GYI RTAGS LOG DANG, MA BYAS PA DE DE 'DRA'I THAL 'GYUR GYI THAL CHOS DANG, BYAS PA DE DE 'DRA'I THAL 'GYUR GYI CHOS LOG DANG, SGRA THAL 'GYUR DE'I RTZOD GZHI YIN ZHING, DE GZHAN LA YANG RIGS 'DRA BA YIN PA'I PHYIR, BZHI PA THAL 'GYUR GYI LAN GDAB TSUL BSHAD PA NI, THAL 'GYUR DE'I BSGRUB BYA'I CHOS CHOS CAN GYI STENG DU TSAD MAS GRUB CING, RANG LA KHAS LEN 'GAL BA'I NYES PA MI 'BYUNG TSE, 'DOD CES LAN GDAB PAR BYA ZHING, THAL 'GYUR DE'I RTAGS CHOS CAN GYI STENG DU TSAD MAS MA GRUB CING, RANG LA KHAS LEN 'GAL BA'I NYES PA MI 'BYUNG TSE, RTAGS MA GRUB CES LAN GDAB PAR BYA'O, ,THAL 'GYUR DE'I DNGOS KHYAB TSAD MAS MA GRUB CING RANG GIS KYANG KHAS MA BLANGS NA, KHYAB PA MA GRUB CES LAN GDAB PAR BYA DGOS SO, ,GSUM PA RTZOD PA SPONG BA LA KHO NA RE, SGRA CHOS CAN, MA BYAS PA YIN PAR THAL, RTAG PA YIN PA'I PHYIR ZHES PA'I THAL 'GYUR CHOS CAN, LAN GYIS ZLOG PAR MI NUS PA'I THAL 'GYUR YIN PAR THAL, RANG 'GOD PA SKABS SU BABS PA'I RGOL BAS LAN GYIS ZLOG PAR MI NUS PA'I THAL 'GYUR YIN PA'I PHYIR ZER NA MA KHYAB, RTAGS GRUB STE, SGRA RTAG PA DANG BYAS PAR KHAS BLANGS SHING, RTAG @077A *, ,NA MA BYAS PAS KHYAB PA KHAS LEN PA'I RGOL BAS LAN DON MTHUN MI THEBS PA'I PHYIR, 'DOD MI NUS TSUL GONG DU BSGRUBS ZIN, YANG KHO NA RE, DE 'DRA'I THAL 'GYUR DE CHOS CAN, THAL 'GYUR LTAR SNANG YIN PAR THAL, THAL 'GYUR LTAR SNANG BDUN PO GANG RUNG YIN PA'I PHYIR ZER NA MA KHYAB, MA GRUB NA, DE 'DRA'I THAL 'GYUR CHOS CAN, THAL 'GYUR LTAR SNANG BDUN PO GANG RUNG YIN PAR THAL, RTAGS MA GRUB PA'I THAL 'GYUR YIN PA'I PHYIR, 'DOD MI NUS TE, THAL 'GYUR YANG DAG YIN PA'I PHYIR, DER THAL, RANG RGYUD 'PHEN PA'I THAL 'GYUR YANG DAG YIN PA'I PHYIR, YANG KHO NA RE, SGRA CHOS CAN, RTAG PA YIN PAR THAL; MIG SHES KYI BZUNG BYA YIN PA'I PHYIR ZHES PA'I THAL 'GYUR CHOS CAN, THAL 'GYUR YANG DAG YIN PAR THAL, SGRA MIG SHES KYI BZUNG BYAR KHAS BLANGS, MIG SHES KYI BZUNG BYA YIN NA RTAG PA YIN PAS KHYAB PA KHAS BLANGS, SGRA MI RTAG PAR TSOD MAS MA GRUB KYANG, SGRA MI RTAG PAR KHAS BLANGS PA'I RGOL BA'I NGOR THAL 'GYUR YANG DAG YIN PA'I PHYIR ZER NA MA KHYAB, RTAGS GRUB STE, DE 'DRA'I THAL 'GYUR DE RGOL PA DE LA THAL 'GYUR YANG DAG TU SONG ZHING, RGOL BA DES KYANG LAN GYIS ZLOG PAR MI NUS PA YIN PA'I PHYIR, 'DOD MI NUS TE, THAL 'GYUR LTAR SNANG YIN PA'I PHYIR, YANG KHO NA RE, DE 'DRA'I THAL 'GYUR DE CHOS CAN, @077B RANG NYID THAL 'GYUR YANG DAG TU SONG BA'I RGOL BA YOD PA YANG YIN, RANG NYID THAL 'GYUR YANG DAG TU SONG BA'I RGOL BAS RANG NYID LA LAN DON MTHUN MI THEBS PA YANG YIN PA'I GZHI MTHUN PAR GYUR PA'I THAL NGAG RNAM DAG YIN PAR THAL, DE 'DRA'I GZHI MTHUN PAR GYUR PA'I THAL NGAG YIN PA'I PHYIR ZER NA MA KHYAB, RTAGS GRUB STE, DE DE 'DRA'I GZHI MTHUN PAR GYUR PA GANG ZHIG ,THAL NGAG YIN PA'I PHYIR, DANG PO GRUB STE, DE 'DRA'I THAL 'GYUR DE, RANG NYID THAL 'GYUR YANG DAG TU SONG BA'I RGOL BA YOD PA GANG ZHIG ,RANG NYID THAL 'GYUR YANG DAG TU SONG BA'I RGOL BAS RANG NYID LA LAN DON MTHUN MI THEBS PA YIN PA'I PHYIR; GONG DU 'DOD NA, DE 'DRA'I THAL 'GYUR CHOS CAN, DE 'DRA'I GZHI MTHUN PAR GYUR PA'I THAL NGAG RNAM DAG MA YIN PAR THAL, DE 'DRA'I GZHI MTHUN PA'I THAL NGAG LTAR SNANG YIN PA'I PHYIR, GNYIS PA ZHAR LA, RGOL PHYI RGOL DBANG PO GSUM GYI RNAM GZHAG BSHAD PA LA GNYIS, DNGOS DANG, RTZOD PA BYED PA'I RNAM GZHAG GO, DANG PO NI, SNGA RGOL GYI MTSAN NYID YOD DE, RGOL BA GANG ZHIG ,SGRUB BYED 'GOD PAR KHAS LEN PA'I GANG ZAG DE DE YIN PA'I PHYIR, DE LA DBYE NA GNYIS YOD DE, SNGA RGOL YANG DAG DANG, SNGA RGOL LTAR SNANG GNYIS YOD PA'I PHYIR, DANG PO'I MTSAN NYID YOD DE, SNGA RGOL GANG ZHIG ,RANG GI SGRUB BYED 'GOD @078A *, ,PAR KHAS BLANGS PA'I DON DE GZHAN GYIS SUN 'BYIN MI NUS PA DE DE YIN PA'I PHYIR, GNYIS PA'I MTSAN NYID YOD DE, SNGA RGOL GANG ZHIG ,RANG GI SGRUB BYED 'GOD PAR KHAS BLANGS PA'I DON DE GZHAN GYIS SUN 'BYIN NUS PA DE DE YIN PA'I PHYIR, PHYI RGOL GYI MTSAN NYID YOD DE, RGOL BA GANG ZHIG ,SUM 'BYIN BRJOD PAR KHAS LEN PA'I GANG ZAG DE DE YIN PA'I PHYIR, DBYE NA GNYIS YOD DE, YANG DAG DANG, LTAR SNANG GNYIS YOD PA'I PHYIR, DBANG PO'I MTSAN NYID YOD DE, SNGA RGOL PHYI RGOL RGYAL PHAM SHAN 'BYED PA'I GRVAR ZHUGS PA'I GANG ZAG DE DE YIN PA'I PHYIR, DBYE NA GSUM YOD DE, SHAN 'BYED PA'I DBANG PO; RJES SU BRJOD PA'I DPANG PO, TSAR GCOD PA'I DPANG PO DANG GSUM YOD PA'I PHYIR, MTSAN GZHI RIM PA BZHIN DU BZHAG TU YOD DE, BLO GZU BOR GNAS PA'I SGO NAS RTZOD PA LEGS NYES SO SOR 'BYED PA'I GANG ZAG LTA BU DANG PO DANG, BLO GZU POR GNAS PA'I SGO NAS LEGS NYES SHAN MI 'BYED PAR DE DAG MA 'KHRUG PAR SO SOR BRJOD PA'I GANG ZAG LTA BU GNYIS PA DANG, DE GNYIS KYI NANG NAS LEGS PA LA GZENGS BSTOD PA DANG, NYES PA LA SMAD PA'I SGO NAS GRUB MTHA' DE 'DOR DU 'JUG CING, GRUB MTHA' LA ZHEN PAS MI 'DOR NA YUL NAS SKROD PA LA SOGS PA'I SGO NAS TSAR GCOD PA'I GANG ZAG LTA BU GSUM @078B PA'I MTSAN GZHI YIN PA'I PHYIR, GNYIS PA RTZOD PA BYED PA'I RNAM GZHAG LA, GANG LA RTZOD PA'I GNAS DANG, JI LTAR RTZOD PA'I TSUL DANG, RTZOD PA BYAS PA'I 'BRAS BU DANG GSUM, DANG PO GANG LA RTZOD PA'I GNAS LA GSUM YOD DE, MYONG BAS RTOGS PAR BYA PA'I MNGON 'GYUR DANG, RTAGS LA BRTEN NAS RTOGS PAR BYA BA'I LKOG GYUR DANG, YID CHES PA'I RTAGS LA BRTEN NAS RTOGS PAR BYA PA'I SHIN TU LKOG GYUR DANG GSUM YOD PA'I PHYIR, DE DAG LA RTZOD PA'I GRUB MTHA' YANG GSUM DU YOD DE, YOD PA LA MED PAR 'DZIN PA'I SKUR 'DEBS DANG, MED PA LA YOD PAR 'DZIN PA'I SGRO 'DOGS DANG, YOD MED JI LTA BA BZHIN DU 'DZIN PA'I DBU MA'I GRUB MTHA' DANG GSUM YOD PA'I PHYIR, DE DAG GI NANG NAS LKOG GYUR GTAN LA 'BEBS BYED LA GNYIS YOD DE, SGRUB BYED DANG SUN 'BYIN GNYIS YOD PA'I PHYIR; DANG PO LA GNYIS YOD DE, BSGRUB BYA GO BYED KYI GTAN TSIGS DANG, BSGRUB BYA GZHAN LA 'DOMS BYED KYI SGRUB NGAG GNYIS YOD PA'I PHYIR, GNYIS PA SUN 'BYIN LA YANG GNYIS YOD DE, YANG DAG DANG LTAR SNANG GNYIS YOD PA'I PHYIR, DANG PO YOD DE, GZHAN GYI BLO NGOR RTAGS BKOD PA DANG, RJES SU 'GRO LDOG GANG RUNG BRJOD CING 'DOD PA'I DON LA BSAL PA 'BAB PA'I NGAG LTA BU DE DE YIN PA'I PHYIR, GNYIS @079A *, ,PA SUN 'BYIN LTAR SNANG LA GSUM YOD DE, RTAGS MED PA MTSON CHA KHRI SBYOGS DANG, KHYAB PA MED PA DPA' PO LAG RDUM DANG, GSAL BA MED PA RMA BYA DUG 'JOMS KYI THAL 'GYUR DANG GSUM YOD PA'I PHYIR, GNYIS PA JI LTAR RTZOD PA'I TSUL LA GNYIS YOD DE, RTZOD TSUL DNGOS DANG, RTZOD TSUL GYI YAN LAG GNYIS YOD PA'I PHYIR, ? LO RTZOD TSUL YOD DE, RTZOD PA'I RANG BZHIN RJES PAR BYA BA DANG, BRDA 'PHROD PAR BYA BA'I DON DU CHOG GI LAM SBYONG BAR BYED PA DANG, DES GRUB PA'I SKABS DON SEMS PAR BYED PA RNAMS DE YIN PA'I PHYIR, GNYIS PA DE'I YAN LAG LA BZHI YOD DE, DRI BA DANG LAN 'DEBS PA'I TSUL DANG; RTZOD PA LA MKHAS PA'I RGYU DANG, MDZOS PA'I RGYAN DANG, RTZOD PA'I BSAM PA DANG, RTZOD PA'I DPE DANG BZHI YOD PA'I PHYIR, DANG PO LA GNYIS YOD DE, DRI PA'I TSUL DANG, LAN 'DEBS PA'I TSUL GNYIS YOD PA'I PHYIR; DANG PO RTZOD PA'I TSE DRI BA'I RIGS GSUM YOD DE, KHYAD PAR GYI GZHI 'DRI BA DANG, DE'I STENG DU KHYAD PAR GYI CHOS 'DRI BA DANG, DE'I SGRUB BYED 'DRI BA DANG GSUM YOD PA'I PHYIR, GNYIS PA LAN 'DEBS PA'I TSUL LA GSUM YOD DE, MGO GCIG PA DANG, RNAM PAR PHYE BA DANG, BTANG SNYOMS SU BZHAG PAR BYA BA DANG GSUM YOD PA'I PHYIR, GNYIS PA RTZOD PA LA MKHAS PA'I RGYU DANG, MDZOS PA'I RGYAN BZHAG TU YOD DE, SKYES @079B THOB KYI SHES RAB CHE BA DANG, SGRA TSAD LA BLO SBYANG BA DANG, RANG DANG GZHAN GYI GZHUNG LA LEGS PAR SBYANG PA RNAMS NI RTZOD PA LA MKHAS PA'I RGYU DANG, RTZOD PA'I TSE BZHIN GYI DKYIL 'KHOR 'DZUM PA DANG, DON DANG LDAN ZHING GSAL LA 'JAM PA'I NGAG DANG LDAN PA DANG, SGYID LUG PA DANG, NGA RGYAL MED PA RNAMS NI RTZOD PA MDZOS PA'I RGYAN YIN PA'I PHYIR, GSUM PA RTZOD PA'I BSAM PA LA RTZOD PA'I BSAM PA THA SHAL DANG, PHUL DU BYUNG BA GNYIS YOD DE, PHA ROL PO DMA' BAR 'DOD PA'I ZHE SDANG DANG, RANG NYID MTHO BAR 'DOD PA'I 'DOD CHAGS DANG, RIGS LAM 'DOR BAR 'DOD PA'I G-YO SGYU RNAMS NI RTZOD PA'I BSAM PA THA SHAL DANG, RANG GIS RTOGS PAR 'DOD PA'I GUS PA DANG, GZHAN GYIS LOG RTOG BSAL BAR 'DOD PA'I SNYING RJE DANG, PHA ROL PO LA ZAB MO'I CHOS STON PAR 'DOD PA'I BYAMS PA RNAMS NI RTZOD PA'I BSAM PA PHUL DU BYUNG BA YIN PA'I PHYIR, BZHI PA RTZOD PA'I DPE LA YANG RTZOD PA NGAN PA'I DPE DANG, RNAM PAR DAG PA'I DPE GNYIS YOD DE, RTAB PA'I TSIG DGRA BOS NYE BAR GTUGS PA LTA BU DANG; BZHIN 'GYUR BA'I MDOG MTSON CHA KHA PHYE BA LTA BU DANG, NGA RO MI SNYAN PA SHA ZAS THEBS BA LTA BU RNAMS NI RTZOD PA NGAN PA'I DPE DANG, RANG DANG GZHAN GYI GTI MUG GCOD PA 'KHOR LO LTA BU DANG, SUN @080A *, ,'BYIN PA'I RLUNG GIS MI G-YO BA LHUN PO LTA BU DANG, TSIG DANG DON LA MA RMONGS PA THUB PA'I DBANG PO'I SRAS LTA BU RNAMS NI RTZOD PA RNAM PAR DAG PA'I DPE YIN PA'I PHYIR, GSUM PA RTZOD PA'I 'BRAS BU LA YANG MA DAG PA'I RTZOD PA'I 'BRAS BU DANG, RNAM PAR DAG PA'I RTZOD PA'I 'BRAS BU GNYIS YOD DE, RANG NYID NYON MONGS PAS YID DKRUGS PA DANG, SKYE PO BRGYA PHRAG MANG POS SMOD PAR BYED PA DANG, TSE RABS GZHAN DU RNAM SMIN YID DU MI 'ONG BA MYONG BAR 'GYUR BA RNAMS NI MA DAG PA'I RTZOD PA'I 'BRAS BU DANG, RTOGS PA 'PHEL BAS RANG RGYUD TSIM PA DANG, SNYAN PA'I GRAGS PAS PHYOGS KUN TU KHYAB PA DANG, BSTAN PA BSRUNG BA'I CHOS KYI RGYAL PO THOB PAR 'GYUR BA RNAMS NI RNAM PAR DAG PA'I RTZOD PA'I 'BRAS BU YIN PA'I PHYIR, DE LTAR NA SNGAR BSHAD PA'I RTZOD PA'I SKYON YON SOGS JI LTA BA BZHIN SHES PAR BYAS NAS RTZOD PA'I SKYON GYI RIGS THAMS CAD SPANGS TE, RGYAL BA'I GSUNGS RAB DGONGS 'GREL DANG BCAS PA THAMS CAD KYI TSIG DON MTHA' DAG DGAG SGRUB DANG BRGAL RTAGS SOGS KYI SGO NAS GTAN LA PHAB NA SANGS RGYAS KYI BSTAN PA 'DZIN PAR 'GYUR GYI, RANG NYID MTHO BAR 'DOD PA DANG, PHA ROL PO DMA' BAR 'DOD PA SOGS KUN SLONG PHYIN CI LOG DANG LDAN PA'I SGO NAS @080B DGAG SGRUB DANG BRGAL RTAGS SOGS BYED PA NI THAR PA'I RGYUR MI 'GYUR BAR MA ZAD SLAR YANG 'KHOR BAR 'CHING BYED KYI RGYU CHEN POR 'GYUR BAS NA, BDAG BDE LEGS SU 'DOD PA RNAMS KYIS NI GNAS 'DI DAG LA BLANG DOR MA 'CHUG PAR BYED PA LA SHIN TU GZABS DGOS TE, RIGS RGYAN LAS, DE LTAR NA JI SKAD BSHAD PA'I RTZOD PA'I SKYON RNAMS LEGS PAR SHES PAR BYAS TE, RTZOD PA'I SKYON RNAMS SPANGS NAS BDE PAR GSHEGS PA'I GSUNG RAB KYI DON LA DGAG SGRUB BYAS NAS SANGS RGYAS KYI BSTAN PA 'DZIN PAR 'GYUR PA YIN GYI, KUN SLONG PHYIN CI LOG DANG LDAN PAS DGAG SGRUB BYED PA NI 'KHOR BAR 'CHING BA'I RGYU CHEN POR 'GYUR BA YIN PAS, BDAG LEGS SU 'DOD PA RNAMS KYIS GNAS 'DI DAG LA GZABS PAR BYA'O ZHES GSUNGS PA'I PHYIR, ` GSUM PA GZHAN SEL DGAG SGRUB KYI RNAM GZHAG BSHAD PA LA, DGAG BZHAG SPONG GSUM LAS, DANG PO LA KHA CIG NA RE, CHOS DE'I DON RANG MTSAN GYI GZHAN SEL YIN NA, CHOS DE'I GZHAN SEL YIN PAS KHYAB ZER NA, BLO MA YIN PA LAS LOG PA CHOS CAN, BLO'I GZHAN SEL YIN PAR THAL, BLO'I DON RANG MTSAN GYI GZHAN SEL YIN PA'I PHYIR, KHYAB PA KHAS, MA GRUB NA, BLO CHOS CAN, KHYOD MA YIN PA LAS LOG PA, KHYOD KYI DON RANG MTSAN GYI GZHAN SEL YIN PAR THAL, KHYOD YIN PA SRID PA'I DNGOS PO YIN PA'I PHYIR, @081A *, ,GONG DU 'DOD NA, DE CHOS CAN, RTOG PAS SGRO BTAGS YIN PAR THAL, BLO'I GZHAN SEL YIN PA'I PHYIR, RTAGS KHAS, 'DOD NA, DE CHOS CAN, RTOG PAS SGRO BTAGS MA YIN PAR THAL, SPYI MTSAN MA YIN PA GANG ZHIG ,MED PA MA YIN PA'I PHYIR, DANG PO MA GRUB NA, DE CHOS CAN, SPYI MTSAN YIN PAR THAL, DANG PO MA GRUB PA DE'I PHYIR, 'DOD NA, DE CHOS CAN, SPYI MTSAN MA YIN PAR THAL, RANG MTSAN YIN PA'I PHYIR, MA GRUB NA, DE CHOS CAN, DER THAL, BLO'I DON RANG MTSAN GYI GZHAN SEL YIN PA'I PHYIR, KHA CIG NA RE, CHOS DE'I BLO'I GZHAN SEL YIN NA, CHOS DE'I GZHAN SEL YIN PAS KHYAB ZER NA, DON RANG MTSAN 'DZIN PA'I RTOG PA LA DON RANG MTSAN MA YIN PA LAS LOG PAR SNANG BA CHOS CAN, DON RANG MTSAN GYI GZHAN SEL YIN PAR THAL, DON RANG MTSAN GYI BLO'I GZHAN SEL YIN PA'I PHYIR, KHYAB PA KHAS, MA GRUB NA, DER THAL, BUM 'DZIN RTOG PA LA BUM PA MA YIN PA LAS LOG PAR SNANG BA, BUM PA'I BLO'I GZHAN SEL YIN PA'I PHYIR, MA GRUB NA, BUM PA CHOS CAN, KHYOD 'DZIN RTOG PA LA KHYOD MA YIN PA LAS LOG PAR SNANG BA, KHYOD KYI BLO'I GZHAN SEL YIN PAR THAL, KHYOD BDAG MED YIN PA'I PHYIR, RTZA BAR 'DOD NA, DE CHOS CAN, RANG MTSAN YIN PAR THAL, DON RANG MTSAN GYI GZHAN SEL YIN PA'I PHYIR, 'DOD NA, DE @081B CHOS CAN, RANG MTSAN MA YIN PAR THAL, SPYI MTSAN YIN PA'I PHYIR, MA GRUB NA, DE CHOS CAN, DER THAL, RTAG PA YIN PA'I PHYIR, KHA CIG NA RE, CHOS DE'I MED DGAG GI GZHAN SEL YIN NA, CHOS DE'I GZHAN SEL YIN PAS KHYAB ZER NA, DON RANG MTSAN DANG DON RANG MTSAN MA YIN PA'I GZHI MTHUN PAS STONG PA CHOS CAN, DON RANG MTSAN GYI GZHAN SEL YIN PAR THAL, DON RANG MTSAN GYI MED DGAG GI GZHAN SEL YIN PA'I PHYIR, KHYAB PA KHAS, MA GRUB NA, DON RANG MTSAN CHOS CAN, KHYOD DANG KHYOD MA YIN PA'I GZHI MTHUN PAS STONG PA KHYOD KYI MED DGAG GI GZHAN SEL YIN PAR THAL, KHYOD BDAG MED YIN PA'I PHYIR, GONG DU 'DOD NA, DE CHOS CAN, DON RANG MTSAN GYI GZHAN SEL MA YIN PAR THAL, MED DGAG GI GZHAN SEL YIN PA'I PHYIR, KHA CIG NA RE, CHOS DE'I GZHAN SEL YIN NA, CHOS DE'I GZHAN SEL GSUM PO GANG RUNG YIN PAS KHYAB ZER NA, BUM PA MA YIN PA LAS LOG PA CHOS CAN, DON RANG MTSAN GYI GZHAN SEL GSUM PO GANG RUNG YIN PAR THAL, DON RANG MTSAN GYI GZHAN SEL YIN PA'I PHYIR, KHYAB PA KHAS, MA GRUB NA, DE CHOS CAN, DER THAL, BUM PA'I DON RANG MTSAN GYI GZHAN SEL YIN PA'I PHYIR, RTZA BAR 'DOD NA, BUM PA MA YIN PA LAS LOG PA CHOS CAN, DON RANG MTSAN GYI GZHAN SEL GSUM PO GANG RUNG MA YIN PAR THAL, @082A *, ,DON RANG MTSAN GYI DON RANG MTSAN GYI GZHAN SEL MA YIN PA GANG ZHIG ,DON RANG MTSAN GYI GZHAN SEL PHYI MA GNYIS PO GANG RUNG MA YIN PA'I PHYIR, RTAGS DANG PO MA GRUB NA, BUM PA MA YIN PA LAS LOG PA CHOS CAN, DON RANG MTSAN GYI DON RANG MTSAN GYI GZHAN SEL MA YIN PAR THAL, LDAN MIN 'DU BYED MA YIN PA'I PHYIR TE, BEM PO YIN PA'I PHYIR, RTAGS GNYIS PA MA GRUB NA, BUM PA MA YIN PA LAS LOG PA CHOS CAN, DON RANG MTSAN GYI BLO'I GZHAN SEL DANG, DON RANG MTSAN GYI MED DGAG GI GZHAN SEL GNYIS PO GANG RUNG MA YIN PAR THAL, KHYOD RANG MTSAN YIN PA'I PHYIR, MA KHYAB NA, KHYAB PA YOD PAR THAL; DE GNYIS PO GANG RUNG YIN NA, RTOG PAS SGRO BTAGS YIN DGOS PA'I PHYIR, KHA CIG NA RE, CHOS DE'I GZHAN SEL GSUM KA YOD NA, CHOS DE'I GZHAN SEL LA CHOS DE'I DON RANG MTSAN GYI GZHAN SEL SOGS GSUM DU GRANGS NGES PAS KHYAB ZER NA, DON RANG MTSAN GYI GZHAN SEL LA, DON RANG MTSAN GYI DON RANG MTSAN GYI GZHAN SEL SOGS GSUM DU GRANGS NGES PAR THAL, DON RANG MTSAN GYI GZHAN SEL GSUM KA YOD PA'I PHYIR, KHYAB PA KHAS, MA GRUB NA, DER THAL, DON RANG MTSAN GYI GZHAN SEL GSUM PO RE RE NAS YOD PA'I PHYIR, MA GRUB NA, DER THAL, DON RANG MTSAN MA YIN PA LAS LOG PA, DON RANG MTSAN GYI DON RANG @082B MTSAN GYI GZHAN SEL YIN PA GANG ZHIG ,DON RANG MTSAN 'DZIN PA'I RTOG PA LA DON RANG MTSAN MA YIN PA LAS LOG PAR SNANG BA, DON RANG MTSAN GYI BLO'I GZHAN SEL YIN, DON RANG MTSAN DANG, DON RANG MTSAN MA YIN PA'I GZHI MTHUN PAS STONG PA, DON RANG MTSAN GYI MED DGAG GI GZHAN SEL YIN PA'I PHYIR, RTAGS RE RE NAS SLA, GONG DU 'DOD NA, DON RANG MTSAN GYI GZHAN SEL LA, DON RANG MTSAN GYI DON RANG MTSAN GYI GZHAN SEL SOGS GSUM DU GRANGS MA NGES PAR THAL, DON RANG MTSAN GYI GZHAN SEL GSUM PO GANG RUNG YIN NA, DON RANG MTSAN GYI GZHAN SEL YIN PAS MA KHYAB PA'I PHYIR, MA GRUB NA, DER THAL, DON RANG MTSAN GYI GZHAN SEL PHYI MA GNYIS PO GANG RUNG YIN NA, DON RANG MTSAN GYI GZHAN SEL MA YIN DGOS PA'I PHYIR, MA GRUB NA, DER THAL, DE GNYIS PO GANG RUNG YIN NA, DON RANG MTSAN MA YIN DGOS PA'I PHYIR, MA GRUB NA, DER THAL; DE GNYIS PO GANG RUNG YIN NA, SPYI MTSAN YIN DGOS PA'I PHYIR, KHA CIG NA RE, KHYOD MED NA, KHYOD KYI BLO'I GZHAN SEL MED PAS KHYAB ZER NA, RI BONG RVA CHOS CAN, KHYOD KYI BLO'I GZHAN SEL MED PAR THAL, KHYOD MED PA'I PHYIR, KHYAB PA KHAS, 'DOD NA, RI BONG RVA CHOS CAN, KHYOD KYI BLO RI GZHAN SEL YOD PAR THAL, KHYOD 'DZIN RTOG PA LA KHYOD MA YIN PA LAS LOG PAR SNANG BA, KHYOD KYI BLO'I GZHAN @083A *, ,SEL YIN PA'I PHYIR, MA GRUB NA, DE CHOS CAN, DER THAL, KHYOD 'DZIN RTOG PA LA KHYOD MA YIN PA LAS LOG PAR SNANG BA KHYOD KYI DON SPYI YIN PA'I PHYIR, MA GRUB NA, DE CHOS CAN, DER THAL, KHYOD BDAG MED YIN PA'I PHYIR, KHA CIG NA RE, KHYOD MED NA, KHYOD KYI MED DGAG GI GZHAN SEL MED PAS KHYAB ZER NA, RI BONG RVA CHOS CAN, KHYOD KYI MED DGAG GI GZHAN SEL MED PAR THAL, KHYOD MED PA'I PHYIR, KHYAB PA KHAS, 'DOD NA, RI BONG RVA CHOS CAN, KHYOD KYI MED DGAG GI GZHAN SEL YOD PAR THAL, KHYOD DANG KHYOD MA YIN PA'I GZHI MTHUN PAS STONG PA, KHYOD KYI MED DGAG GI GZHAN SEL YIN PA'I PHYIR TE, KHYOD YOD MED GANG RUNG YIN PA'I PHYIR, KHA CIG NA RE, DGAG PA'I RNAM PA SHAR BA, DGAG PA'I MTSAN NYID ZER NA, RJES DPAG CHOS CAN, DGAG PA YIN PAR THAL, DGAG PA'I RNAM PA SHAR BA YIN PA'I PHYIR, KHYAB PA KHAS; MA GRUB NA, DE CHOS CAN, DER THAL, DGAG PA'I RNAM PA SHAR NAS, DGAG PA LA GSAR DU MI BSLU BA'I RIG PA YIN PA'I PHYIR, MA GRUB NA, DE CHOS CAN, DER THAL, DGAG PA DNGOS SU RTOGS PA'I TSAD MA YIN PA'I PHYIR, KHYAB PA YOD DE, DGAG PA'I RNAM PA SHAR NAS DGAG PA LA GSAR DU MI BSLU BA'I RIG PA DE, DGAG PA DNGOS SU RTOGS PA'I TSAD MA'I 'JOG BYED RNAM DAG YIN PA'I PHYIR TE, DE PHYIR GZHAL BYA RTOGS @083B PA YIS, ,SGRUB BYED GZHAL BYA'I RANG BZHIN NYID, ,CES GSUNGS PA'I PHYIR, GONG DU 'DOD NA, RJES DPAG CHOS CAN, DGAG PA MA YIN PAR THAL, SGRUB PA YIN PA'I PHYIR, MA GRUB NA, DE CHOS CAN, DER THAL; CHOS CAN, DE DANG GCIG YIN PA'I PHYIR, BYAS PA LA KHO NA RE, RJES DPAG YIN NA, DGAG PA MA YIN PAS KHYAB PAR THAL, RJES DPAG DGAG PA MA YIN PA'I PHYIR ZER NA MA KHYAB, 'DOD NA, RJES DPAG MA YIN PA LAS LOG PA CHOS CAN, DGAG PA MA YIN PAR THAL, RJES DPAG YIN PA'I PHYIR, KHYAB PA KHAS, MA GRUB NA, DE CHOS CAN, DER THAL, RJES DPAG MA YIN PA LAS LOG PA YIN PA'I PHYIR, MA GRUB NA, RJES DPAG MA YIN PA LAS LOG PA KHO KHO RANG YIN PAR THAL, KHO YOD PA'I PHYIR, GONG DU 'DOD NA, RJES DPAG MA YIN PA LAS LOG PA CHOS CAN, DGAG PA YIN PAR THAL, MA YIN DGAG YIN PA'I PHYIR, MA GRUB NA, DE CHOS CAN, DER THAL, RANG ZHES BRJOD PA'I SGRAS RANG GI DGAG BYA BKAG SHUL DU RANG GI 'PHANGS BYAR GYUR PA'I CHOS GZHAN SGRUB PA 'PHEN PA'I MA YIN DGAG YIN PA'I PHYIR, MA GRUB NA, DE DER THAL, RJES DPAG MA YIN PA LAS LOG PA ZHES PA'I NGAG DES, RJES DPAG MA YIN PA LAS LOG PA'I DGAG BYA RJES DPAG MA YIN PA DNGOS SU BKAG NAS, RANG GI 'PHANGS BYAR GYUR PA'I CHOS GZHAN SGRUB PA RJES @084A *, ,DPAG SHUGS LA 'PHEN PA'I PHYIR, MA GRUB NA, DER THAL, DE 'DRA'I NGAG DES, RJES DPAG MA YIN PA LAS LOG PA'I DGAG BYA RJES DPAG MA YIN PA DNGOS SU BKAG PA GANG ZHIG , DES RANG GI 'PHANGS BYAR GYUR PA'I CHOS GZHAN SGRUB PA RJES DPAG SHUGS LA 'PHEN PA'I PHYIR, DANG PO MA GRUB NA, DER THAL, DE 'DRA'I NGAG DES, RJES DPAG MA YIN PA DNGOS SU BKAG PA'I PHYIR, MA GRUB NA, RJES DPAG CHOS CAN, KHYOD MA YIN PA LAS LOG PA ZHES PA'I NGAG DES, KHYOD MA YIN PA DNGOS SU BKAG PAR THAL, KHYOD YIN PA SRID PA'I DNGOS PO YIN PA'I PHYIR, GONG GI RTAGS GNYIS PA MA GRUB NA, DE 'DRA'I NGAG DES CHOS GZHAN SGRUB PA RJES DPAG SHUGS LA 'PHEN PAR THAL, DE 'DRA'I NGAG DES RJES DPAG SHUGS LA 'PHEN PA'I PHYIR TE, DE LTAR SHUGS LA BRJOD PA'I PHYIR, MA GRUB NA, RJES DPAG CHOS CAN, KHYOD MA YIN PA LAS LOG PA ZHES PA'I NGAG DES KHYOD SHUGS LA BRJOD PAR THAL, KHYOD YIN PA SRID PA'I SGRUB PA YIN PA'I PHYIR, KHA CIG NA RE, RANG GI DNGOS MING GI MTHAR DGAG TSIG SBYAR BA, DGAG PA'I MTSAN NYID ZER NA, BUM PAS DAG PA'I SA PHYOGS CHOS CAN, MTSAN NYID DER THAL, MTSON BYA DE'I PHYIR, MA GRUB NA, DE CHOS CAN, DER THAL, RANG GI DNGOS MING LA DGAG TSIG @084B SBYAR BA YIN PA'I PHYIR, MA GRUB NA, DE CHOS CAN, DER THAL, RANG GI DNGOS MING LA BUM PAS DAG ZHES PA'I TSIG SBYAR BA'I PHYIR, RTZA BAR 'DOD NA, SA PHYOGS ZHES PA'I TSIG DE DGAG TSIG YIN PAR THAL, BUM PAS DAG PA'I SA PHYOGS DE RANG GI DNGOS MING GI MTHAR DGAG TSIG SBYAR BA YIN PA'I PHYIR, RTAGS DNGOS, 'DOD NA, TSIG YIN NA, DGAG TSIG YIN DGOS PAR THAL, 'DOD PA'I PHYIR, KHA CIG NA RE, RANG GI DNGOS MING GI TSIG ZIN LA DGAG TSIG SBYAR BA'I MTSAN NYID ZER NA, DE LA SKYON 'PHEN PAR KHO NA RE, CHOS NYID CHOS CAN, MTSAN NYID DER THAL, MTSON BYA DE'I PHYIR, MA GRUB NA, DE CHOS CAN, DER THAL; KHYOD LA MNYAM PAR GZHAG PA'I RTOG PA DGAG RTOG YIN PA'I PHYIR, GONG DU 'DOD NA, CHOS NYID RANG GI DNGOS MING GI TSIG ZIN LA DGAG TSIG SBYAR BA'I CHOS MA YIN PAR THAL, CHOS ZHES PA'I TSIG DE YANG DGAG TSIG MA YIN, NYID CES PA'I CHIG DE YANG DGAG TSIG MA YIN PA'I PHYIR ZER NA, RTAGS GNYIS PA MA GRUB STE, NYID CES PA'I TSIG DE DGAG TSIG YIN PA'I PHYIR, MA GRUB NA, DER THAL, DGAG TSIG DE LA, MED TSIG GI DGAG CHIG DANG, STONG TSIG GI DGAG TSIG ,NYID TSIG GI DGAG TSIG SOGS DU MA ZHIG YOD PA'I PHYIR, GZHAN YANG, CHOS NYID CHOS CAN, RANG GI DNGOS MING GI TSIG ZIN LA DGAG TSIG SBYAR BA'I CHOS YIN @085A *, ,PAR THAL, KHYOD ZHES PA'I TSIG DE, KHYOD KYI DNGOS MING YIN PA GANG ZHIG ,KHYOD ZHES PA'I TSIG DE DGAG TSIG YIN PA'I PHYIR, DANG PO MA GRUB NA, DE CHOS CAN, DER THAL, KHYOD YOD PA'I PHYIR, RTAGS GNYIS PA MA GRUB NA, CHOS NYID CHOS CAN, KHYOD ZHES PA'I TSIG DE DGAG TSIG YIN PAR THAL, KHYOD 'DZIN RTOG PA DE DGAG RTOG YIN PA'I PHYIR, MA GRUB NA, DE CHOS CAN, DER THAL, KHYOD DGAG PA YIN PA'I PHYIR, KHA CIG NA RE, SGRUB CHOS DER MA GYUR PA'I CHOS DGAG PA'I MTSAN NYID YIN ZER NA, SGRUB PA MA YIN PA'I CHOS DGAG PA'I MTSAN NYID YIN PAR THAL, DAM BCA' DE'I PHYIR, 'DOD NA, RTAG PA MA YIN PA'I CHOS MI RTAG PA'I MTSAN NYID YIN PAR THAL, 'DOD PA'I PHYIR, 'DOD MI NUS TE, RTAG PA MA YIN PA'I CHOS TSAD MAS NGES PA'I GANG ZAG YIN NA, MI RTAG PA TSAD MAS NGES PA'I GANG ZAG YIN DGOS PA'I PHYIR, MA GRUB NA, DER THAL, SGRA RTAG PA MA YIN PA'I CHOS SU TSAD MAS NGES PA'I GANG ZAG YIN NA, SGRA MI RTAG PAR TSAD MAS NGES PA'I GANG ZAG YIN DGOS PA'I PHYIR, MA GRUB NA, DER THAL, RTAG PA MA YIN PA SGRA MI RTAG PA SGRUB PAR BYED PA'I RTAGS YANG DAG MA YIN PA'I PHYIR, MA GRUB NA SLA'O, ,YANG KHA CIG NA RE, BLOS RANG GI DGAG BYA DNGOS SU BCAD PA'I TSUL GYIS RTOGS PAR BYA BA, DGAG PA'I @085B MTSAN NYID ZER NA, SGRA MI RTAG PA CHOS CAN, MTSON BYA DER THAL, MTSAN NYID DE'I PHYIR, MA GRUB NA, DE CHOS CAN, DER THAL, BLOS RANG GI DGAG BYA SGRA RTAG PA DNGOS SU BCAD PA'I TSUL GYIS RTOGS PAR BYA BA YIN PA'I PHYIR, MA GRUB NA, SHES BYA CHOS CAN, SGRA MI RTAG PA DER THAL, BLOS SGRA MI RTAG PA'I DGAG BYA SGRA RTAG PA DNGOS SU BCAD PA GANG ZHIG ,BLOS SGRA MI RTAG PAR RTOGS PA YIN PA'I PHYIR, DANG PO MA GRUB NA, DER THAL, BLOS SGRA RTAGS PA MA YIN PA DNGOS SU RTOGS PA'I PHYIR, MA GRUB NA, DER THAL, TSAD MAS SGRA RTAG PA MA YIN PA DNGOS SU RTOGS PA'I PHYIR, GNYIS PA MA GRUB NA, BLOS SGRA MI RTAG PA RTOGS PA YIN PAR THAL, SGRA MI RTAG PA BLO'I YUL YIN PA'I PHYIR, SGRA MI RTAG PA BLO'I YUL DU BYA RUNG YIN PA'I PHYIR, RTZA BAR 'DOD NA, SGRA MI RTAG PA CHOS CAN, DGAG PA MA YIN PAR THAL, SGRUB PA YIN PA'I PHYIR, KHA CIG NA RE, DGAG PA GANG ZHIG ,RANG BRJOD PA'I SGRAS RANG GI DGAG BYA BKAG SHUL DU CHOS GZHAN 'PHEN PA DE, MA YIN DGAG GI MTSAN NYID DANG, DGAG PA GANG ZHIG ,RANG BRJOD PA'I SGRAS RANG GI DGAG BYA BKAG SHUL DU CHOS GZHAN MI 'PHEN PA DE, MED DGAG GI MTSAN NYID ZER NA, DE LA KHA CIG GIS, RI BONG RVA CHOS CAN, MTSAN NYID DANG PO MA YIN PAR THAL, MA YIN DGAG MA YIN PA'I PHYIR, MA GRUB NA, DE CHOS CAN, DER THAL, MED PA @86A *, ,YIN PA'I PHYIR, GONG DU 'DOD NA, RI BONG RVA CHOS CAN, RANG BRJOD PA'I SGRAS RANG GI DGAG BYA BKAG SHUL DU CHOS GZHAN MI 'PHEN PA YIN PAR THAL, DE LTAR 'PHEN PA MA YIN PA'I PHYIR ZER NA MA KHYAB, 'DOD NA, DE CHOS CAN, KHYOD DGAG PA YIN PAR THAL LO, ,RANG LUGS KYI SKYON NI, BDAG MED MA YIN PA LAS LOG PA'I BDAG MED CHOS CAN, MTSON BYA DANG PO DER THAL, MTSAN NYID DE'I PHYIR, RTAGS GSAL GNYIS KA SGRUB STE, RANG ZHES BRJOD PA'I SGRAS RANG GI 'PHANGS BYAR GYUR PA'I CHOS GZHAN DGAG PA 'PHEN PA'I MED DGAG YIN PA'I PHYIR, DER THAL, CHOS CAN DE YIN PA'I PHYIR, YANG KHA CIG NA RE, DGAG PA GANG ZHIG ,RANG BRJOD PA'I SGRAS RANG GI DGAG BYA BKAG SHUL DU CHOS GZHAN DNGOS SU 'PHEN PA DE, MA YIN DGAG GI MTSAN NYID, DGAG PA GANG ZHIG ,RANG ZHES BRJOD PA'I SGRAS RANG GI DGAG BYA BKAG SHUL DU CHOS GZHAN DNGOS SU MI 'PHEN PA DE, MED DGAG GI MTSAN NYID YIN NO ZER NA, DE LA SKYON 'PHEN PA KHA CIG GIS LHAS BYIN TSON PO NYIN PAR ZAS MI ZA BA CHOS CAN, RANG ZHES BRJOD PA'I SGRAS RANG GI DGAG BYA BKAG SHUL DU CHOS GZHAN DNGOS SU 'PHEN PA YIN PAR THAL, MA YIN DGAG YIN PA'I PHYIR, MA GRUB NA, DE CHOS CAN, DER THAL, DGAG PA GANG ZHIG , @86B DNGOS PO YIN PA'I PHYIR ZER NA, MI 'THAD DE, DE RTAG PA YIN PA'I PHYIR, RTZA BAR 'DOD NA, LHAS BYIN TSON PO NYIN PAR ZAS MI ZA ZHES PA'I NGAG DES, LHAS BYIN TSON PO MTSAN MO ZAS ZA BA DE DNGOS SU 'PHEN PA YIN PAR THAL; LHAS BYIN TSON PO NYIN PAR ZAS MI ZA BA DE RANG BRJOD PA'I SGRAS RANG GI DGAG BYA BKAG SHUL DU CHOS GZHAN DNGOS SU 'PHEN PA YIN PA'I PHYIR, 'DOD NA, DE 'DRA'I NGAG DES, LHAS BYIN TSON PO MTSAN MO ZAS ZA BA DNGOS SU BRJOD PAR THAL, 'DOD PA'I PHYIR, 'DOD MI NUS SO, ,GZHAN YANG KHYOD KYI MTSAN NYID DE MI 'THAD PAR THAL, RANG BRJOD PA'I SGRAS RANG GI DGAG BYA BKAG SHUL DU RANG GI 'PHANGS BYAR GYUR BA'I CHOS GZHAN SGRUB PA SHUGS LA 'PHEN PA'I MA YIN DGAG GCIG YOD PA'I PHYIR, MA GRUB NA, DER THAL, DGAG PA DON GYIS BSTAN PA DANG, ZHES PA'I GZHUNG GI BSTAN DON GRUB PA'I PHYIR, GZHAN YANG, BDAG MED MA YIN PA LAS LOG PA'I BDAG MED CHOS CAN, MA YIN DGAG YIN PAR THAL, DGAG PA YIN PA GANG ZHIG ,RANG BRJOD PA'I SGRAS RANG GI DGAG BYA BKAG SHUL DU CHOS GZHAN DNGOS SU 'PHEN PA YIN PA'I PHYIR, RTAGS DANG PO GRUB CING, 'DOD MI NUS TE, MED DGAG YIN PA'I PHYIR, RTAGS GNYIS PA MA GRUB NA, BDAG MED MA YIN PA LAS LOG PA'I BDAG MED CHOS CAN, DER THAL, RANG BRJOD PA'I SGRAS RANG GI DGAG BYA BDAG MED MA @87A *, ,YIN PA BKAG SHUL DU CHOS GZHAN DNGOS SU 'PHEN PA YIN PA'I PHYIR, MA GRUB NA, DE CHOS CAN, DER THAL, RANG BRJOD PA'I SGRAS RANG GI DGAG BYA BDAG MED MA YIN PA BKAG SHUL DU CHOS GZHAN BDAG MED DNGOS SU 'PHEN PA YIN PA'I PHYIR, MA KHYAB NA, DE LA KHYAB PA YOD DE, BUM PAS DAG PA'I SA PHYOGS DE, RANG BRJOD PA'I SGRAS RANG GI DGAG BYA BKAG SHUL DU CHOS GZHAN SA PHYOGS DNGOS SU 'PHEN NA, DE RANG BRJOD PA'I SGRAS RANG GI DGAG BYA BKAG SHUL TU CHOS GZHAN DNGOS SU 'PHEN PAS KHYAB PA'I PHYIR, MA GRUB NA, DER THAL, BUM PAS DAG PA'I SA PHYOGS DE, RANG ZHES BRJOD PA'I SGRAS RANG GI DGAG BYA BKAG SHUL DU CHOS GZHAN DNGOS SU 'PHEN PA YIN PA'I PHYIR, MA GRUB NA, BUM PAS DAG PA'I SA PHYOGS CHOS CAN, DER THAL, MA YIN DGAG YIN PA'I PHYIR, KHYAB PA RTZA BA'I MTSAN NYID LA SONG, MA KHYAB MTSAMS KYI RTZA RTAGS MA GRUB NA, BDAG MED MA YIN PA LAS LOG PA'I BDAG MED DE, RANG ZHES BRJOD PA'I SGRAS RANG GI DGAG BYA BDAG MED MA YIN PA BKAG SHUL DU CHOS GZHAN DNGOS SU 'PHEN PA YIN PAR THAL, DES RANG GI DGAG BYA BDAG MED MA YIN PA BKAG PA GANG ZHIG ,DES BDAG MED DNGOS SU 'PHEN PA'I PHYIR, RTAGS GNYIS PA MA GRUB NA, DE DER THAL, BUM PA MA YIN PA LAS LOG PA'I BUM PA @87B ZHES BRJOD PA'I SGRA DES, BUM PA DNGOS SU 'PHEN PA'I PHYIR, KHA CIG NA RE, DGAG PA GANG ZHIG ,RANG BRJOD PA'I SGRAS RANG GI DGAG BYA BKAG SHUL DU CHOS GZHAN SGRUB PA 'PHEN PA DE, ? DGAG GA MTSAN NYID DANG, DGAG PA GANG ZHIG ,RANG BRJOD PA'I SGRAS RANG GI DGAG BYA BKAG SHUL DU CHOS GZHAN SGRUB PA MI 'PHEN PA DE, MED DGAG GI MTSAN NYID YIN ZER NA, BUM PA MA YIN PA LAS LOG PA CHOS CAN, MTSAN NYID DANG PO'I ZUR PHYI MA DER THAL, MA YIN DGAG YIN PA'I PHYIR, MA GRUB NA, DE CHOS CAN, DER THAL, DGAG PA DANG DNGOS PO'I GZHI MTHUN YIN PA'I PHYIR, DGAG PA GANG ZHIG ,DNGOS PO YIN PA'I PHYIR, RTAGS PHYI MA MA GRUB NA, DE CHOS CAN, DER THAL, BUM PA YIN PA'I PHYIR TE, BUM PA MA YIN PA LAS LOG PA YIN PA'I PHYIR, MA GRUB NA, BUM PA MA YIN PA LAS LOG PA KHO KHO RANG YIN PAR THAL, BUM PA BUM PA YIN PA'I PHYIR, RTZA BAR 'DOD NA, BUM PA MA YIN PA LAS LOG PA CHOS CAN, RANG ZHES BRJOD PA'I SGRAS CHOS GZHAN SGRUB PA BRJOD PAR THAL, RANG ZHES BRJOD PA'I SGRAS RANG GI DGAG BYA BKAG SHUL DU CHOS GZHAN SGRUB PA BRJOD PA'I PHYIR, MA GRUB NA, DE CHOS CAN, DER THAL, RANG ZHES BRJOD PA'I SGRAS RANG GI DGAG BYA BKAG SHUL DU CHOS GZHAN SGRUB PA 'PHEN PA'I PHYIR, RTAGS DNGOS, 'DOD NA, BUM PA BRJOD NA, @88A *, ,SGRUB PA BRJOD PAS KHYAB PAR THAL, BUM PA BRJOD PA'I SGRAS CHOS GZHAN SGRUB PA BRJOD PA'I PHYIR, RTAGS KHAS, 'DOD NA, BUM PA TSAD MAS RTOGS PA'I GANG ZAG YIN NA, SGRUB PA TSAD MAS RTOGS PA'I GANG ZAG YIN DGOS PAR THAL, 'DOD PA'I PHYIR, 'DOD MI NUS TE, BUM PA SGRUB PAR MTSON PA'I MTSON SBYOR RNAM DAG 'GOD DGOS KYI GANG ZAG YOD PA'I PHYIR, GZHAN YANG, RTAG DNGOS GNYIS KYIS STOD PA'I BUM PA CHOS CAN, RANG BRJOD PA'I SGRAS RANG GI DGAG BYA BKAG SHUL DU CHOS GZHAN SGRUB PA 'PHEN PA YIN PAR THAL, MA YIN DGAG YIN PA'I PHYIR TE, DGAG PAR GYUR PA'I DNGOS PO YIN PA'I PHYIR, GONG DU 'DOD NA, DE 'DRA'I BUM PA CHOS CAN, RANG BRJOD PA'I SGRAS RANG GI DGAG BYA BKAG SHUL DU CHOS GZHAN SGRUB PA MI 'PHEN PAR THAL, RANG ZHES BRJOD PA'I SGRAS CHOS GZHAN SGRUB PA MI 'PHEN PA'I PHYIR TE, RANG ZHES BRJOD PA'I SGRAS SGRUB PA MI 'PHEN PA'I PHYIR, MA GRUB NA, DE CHOS CAN, DER THAL, KHYOD ZHES BRJOD PA'I SGRAS SGRUB PA MA BRJOD PA'I PHYIR, BYAS PA LA KHO NA RE, RTAG DNGOS GNYIS KYIS STONG PA'I BUM PA CHOS CAN, RANG BRJOD PA'I SGRAS CHOS GZHAN SGRUB PA 'PHEN PAR THAL, RANG BRJOD PA'I SGRAS RANG GI 'PHANGS BYAR GYUR PA'I CHOS GZHAN SGRUB PA 'PHEN PA'I PHYIR ZER NA MA KHYAB, 'O NA, KHO RANG LA, RTAG DNGOS @88B GNYIS KYIS STONG PA'I BUM PA CHOS CAN, KHYOD BRJOD PA'I SGRAS BDAG MED BRJOD PAR THAL, KHYOD BRJOD PA'I SGRAS RANG GI 'PHANGS BYAR GYUR PA'I BDAG MED BRJOD PA'I PHYIR, KHYAB PA KHAS, MA GRUB NA, RTAG DNGOS GNYIS KYIS STONG PA'I BUM PA CHOS CAN, KHYOD BRJOD PA'I SGRAS RANG GI 'PHANGS BYAR GYUR PA'I BDAG MED BRJOD PAR THAL, KHYOD BRJOD PA'I SGRAS RANG GI BRJOD BYAR GYUR PA'I BDAG MED BRJOD PA'I PHYIR, MA GRUB NA, DE CHOS CAN, DER THAL, KHYOD BRJOD PA'I SGRA YOD PA'I PHYIR, GONG DU 'DOD NA, RJOD BYED KYI SGRA YIN NA, BDAG MED BRJOD PAS KHYAB PAR THAL, 'DOD PA'I PHYIR, 'DOD MI NUS TE; BDAG MED MA BRJOD PA'I RJOD BYED KYI SGRA YOD PA'I PHYIR, MA GRUB NA, DER THAL, BDAG MED TSAD MAS MA NGES PA'I GANG ZAG YOD PA'I PHYIR, YANG KHO NA RE, KHYOD KHYOD RANG YIN NA, KHYOD MA YIN PA LAS LOG PA KHYOD MA YIN PA LAS LOG PA YIN PAS KHYAB PAR THAL, BUM PA BUM PA YIN NA, BUM PA MA YIN PA LAS LOG PA BUM PA MA YIN PA LAS LOG PA YIN DGOS PA'I PHYIR ZER NA, MA KHYAB, 'DOD NA, SGRUB PAR GYUR PA'I BUM PA CHOS CAN, KHYOD MA YIN PA LAS LOG PA KHYOD MA YIN PA LAS LOG PA YIN PAR THAL, KHYOD KHYOD RANG YIN PA'I PHYIR, KHYAB PA KHAS, MA GRUB NA, SGRUB PAR GYUR PA'I BUM PA CHOS CAN, SGRUB PAR @89A *, ,GYUR PA'I BUM PA YIN PAR THAL, SGRUB PA DANG BUM PA GNYIS KA YIN PA'I PHYIR, RTZA BAR 'DOD NA, SGRUB PAR GYUR PA'I BUM PA MA YIN PA LAS LOG PA CHOS CAN, SGRUB PAR GYUR PA'I BUM PA MA YIN PA LAS LOG PA MA YIN PAR THAL, SGRUB PAR GYUR PA'I BUM PA MA YIN PA'I PHYIR, MA GRUB NA, DE CHOS CAN, DER THAL, DGAG PAR GYUR PA'I BUM PA YIN PA'I PHYIR, MA GRUB NA, SGRUB PAR GYUR PA'I BUM PA MA YIN PA LAS LOG PA CHOS CAN, DGAG BAR GYUR PA'I BUM PA YIN PAR THAL, DGAG PA DANG BUM PA GNYIS KA YIN PA'I PHYIR, MA GRUB NA DE DER THAL, BUM PA MA YIN PA LAS LOG PA DE, DGAG PA DANG BUM PA GNYIS KA YIN PA'I PHYIR, GONG GI MTSAN NYID DE LA SKYON 'PHEN PA KHA CIG ,KA BUM GANG RUNG GANG ZHIG ,BUM PA MA YIN PA CHOS CAN, MA YIN DGAG YIN PAR THAL, DGAG PA GANG ZHIG ,RANG BRJOD PA'I SGRAS RANG GI DGAG BYA BKAG SHUL DU CHOS GZHAN SGRUB PA 'PHEN PA'I PHYIR, MA GRUB NA, KA BUM GANG RUNG GANG ZHIG ,BUM PA MA YIN PA DE, RANG ZHES BRJOD PA'I SGRAS RANG GI DGAG BYA BKAG SHUL DU CHOS GZHAN SGRUB PA 'PHEN PA YIN PAR THAL, KA BUM GNYIS YOD PA GANG ZHIG ,RGYAL RIGS DANG BRAM ZA'I RIGS GANG RUNG GANG ZHIG ,RGYAL RIGS MA YIN PA DE, RANG ZHES BRJOD PA'I SGRAS RANG GI DGAG BYA BKAG SHUL DU CHOS GZHAN SGRUB PA 'PHEN @89B PA YIN PA'I PHYIR, MA GRUB NA, DER THAL, RGYAL RIGS DANG BRAM ZE'I RIGS GANG RUNG GANG ZHIG ,RGYAL RIGS MA YIN PA ZHES PA'I SGRA DES, RGYAL RIGS BKAG SHUL DU BRAM ZE'I RIGS 'PHEN PA GANG ZHIG ,BRAM ZE'I RIGS SGRUB PA YIN PA'I PHYIR NA MA KHYAB, DANG PO SGRUB STE, DES BRAM ZE'I RIGS SKABS STOBS KYIS 'PHEN PA'I PHYIR TE, GZHI GCIG RGYAL RIGS DANG BRAM ZE'I RIGS GANG RUNG DU NGES ZHING, RGYAL RIGS BKAG PAS BRAM ZE'I RIGS YIN PA SKABS STOBS KYIS NGES NUS PA'I PHYIR, RTZA BAR 'DOD NA, DE CHOS CAN, DE MA YIN PAR THAL, MED DGAG YIN PA'I PHYIR, MA GRUB NA, KA BUM GANG RUNG GANG ZHIG ,BUM PA CHOS CAN, KHYOD MA YIN PA MED DGAG YIN PAR THAL, KHYOD MA YIN PA YOD PA GANG ZHIG ,KHYOD SGRUB PA YIN PA'I PHYIR NA MA KHYAB, KHA CIG NA RE, MA YIN DGAG GI GZHAN SEL LA, DON RANG MTSAN GYI GZHAN SEL DANG, BLO'I GZHAN SEL GNYIS YOD PA LAS, MA YIN DGAG GI GZHAN SEL YANG YIN, DON BYED NUS PA YANG YIN PA'I GZHI MTHUN PA DE, DON RANG MTSAN GYI GZHAN SEL GYI MTSAN NYID YIN ZER NA, MA YIN DGAG GI GZHAN SEL YANG YIN, DON BYED NUS PA YANG YIN PA'I GZHI MTHUN PA CHOS CAN, NGO BO NYID MED PAR SMRA BA'I THAL 'GYUR PAS KHYOD KHAS MI LEN PAR THAL, KHYOD DON RANG MTSAN GYI GZHAN SEL GYI MTSAN NYID YIN PA'I PHYIR, MA KHYAB NA, DE LA KHYAB PA YOD @90A *, ,PAR THAL, DON RANG MTSAN GYI GZHAN SEL GYI MTSAN NYID YIN NA, NGO BO NYID MED PAR SMRA BA'I THAL 'GYUR BAS KHYOD KHAS MI LEN DGOS PA'I PHYIR, RTZA BAR 'DOD NA, NGO BO NYID MED PAR SMRA BA'I THAL 'GYUR BA DES, MA YIN DGAG GI GZHAN SEL YANG YIN, DON BYED NUS PA YANG YIN PA'I GZHI MTHUN PA KHAS LEN PAR THAL, DES RTAGS DNGOS GNYIS KYI STONG BA'I BUM PA DE, DE 'DRA'I GZHI MTHUN DU KHAS LEN PA'I PHYIR TE, DES RTAG DNGOS GNYIS KYIS STONG PA'I BUM PA DE, MA YIN DGAG GI GZHAN SEL DU YANG KHAS LEN, DES RTAG DNGOS GNYIS KYIS STONG PA'I BUM PA DE, DON BYED NUS PAR YANG KHAS LEN PA'I PHYIR, GNYIS PA RANG LUGS BZHAG PA LA, DGAG PA DANG GZHAN SEL GNYIS, BYAS MI RTAG LTA BU'I DON GCIG YIN PA GZHIR BZHAG NAS, MTSAN NYID BSHAD PA DANG, DBYE BA BSHAD PA GNYIS; DANG PO NI, RANG 'DZIN RTOG PAS DGAG BYA DNGOS SU BCAD PA'I TSUL GYI RTOGS PAR BYA BA, RANG NYID DGAG PA YIN PA'I MTSAN NYID, YANG NA, RANG 'DZIN RTOG PAS RANG GI DGAG BYA BCAD PA'I SGO NAS DNGOS SU RTOGS PAR BYA BA, RANG NYID DGAG PA YIN PA'I MTSAN NYID, GNYIS PA DBYE BA BSHAD PA LA, GZHAN SEL LA DBYE NA, MA YIN DGAG GI GZHAN SEL DANG, MED DGAG GI GZHAN SEL GNYIS YOD, DE GNYIS SO @90B SO'I MTSAN NYID NI, RANG ZHES BRJOD PA'I SGRAS RANG GI DGAG BYA BKAG SHUL DU RANG 'DZIN RTOG PA'I GZHAL BYAR 'PHANGS PA YANG YIN, SGRUB PA YANG YIN PA'I GZHI MTHUN PA YOD PA YANG YIN, DGAG PA YANG YIN PA'I GZHI MTHUN PAR DMIGS PA DE, RANG NYID MA YIN DGAG GI GZHAN SEL GYI MTSAN NYID, MA YIN DGAG GI GZHAN SEL DANG MA YIN DGAG GNYIS DON GCIG ,MA YIN DGAG GI GZHAN SEL LA, DON RANG MTSAN GYI GZHAN SEL DANG, BLO'I GZHAN SEL GNYIS YOD, DE SO SO'I MTSAN NYID NI, MA YIN DGAG GI GZHAN SEL YANG YIN, DON DAM PAR DON BYED NUS PA YANG YIN PA'I GZHI MTHUN PAR DMIGS PA DE, DON RANG MTSAN GYI GZHAN SEL GYI MTSAN NYID, MTSAN GZHI NI, BUM PA MA YIN PA LAS LOG PA LTA BU, MA YIN DGAG GI GZHAN SEL YANG YIN, RTOG PAS SGRO BTAGS KYANG YIN PA'I GZHI MTHUN PA BLO'I GZHAN SEL GYI MTSAN NYID, MA YIN DGAG LA DBYE NA, RANG ZHES BRJOD PA'I SGRAS RANG GI 'PHANGS BYAR GYUR PA'I CHOS GZHAN SGRUB PA DNGOS SU 'PHEN PA'I MA YIN DGAG DANG, RANG ZHES BRJOD PA'I SGRAS RANG GI 'PHANGS BYAR GYUR PA'I CHOS GZHAN SGRUB PA SHUGS LA 'PHEN PA'I MA YIN DGAG DANG, RANG ZHES BRJOD PA'I SGRAS RANG GI 'PHANGS BYAR GYUR PA'I CHOS GZHAN SGRUB PA DNGOS SHUGS GNYIS KA @091A *, ,LA 'PHEN PA'I MA YIN DGAG DANG, RANG ZHES BRJOD PA'I SGRAS RANG GI 'PHANGS BYAR GYUR PA'I CHOS GZHAN SGRUB PA SKABS STOBS KYIS 'PHEN PA'I MA YIN DGAG DANG BZHI, MTSAN GZHI NI; RIM PA LTAR DU, BUM PA TSAD MAS MA DMIGS PA'I SA PHYOGS DANG, RI MED PA'I THANG GNYIS DANG PO'I MTSAN GZHI YIN, BUM PA MA YIN PA LAS LOG PA DANG, LHAS BYIN TSON PO NYIN PAR ZAS MI ZA BA GNYIS GNYIS PA'I MTSAN GZHI YIN, NYIN PAR ZAS MI ZA BA'I LHAS BYIN TSON PO RID PA MA YIN PAR YOD PA DE, GSUM PA'I MTSAN GZHI YIN, RGYAL PO DON GRUB RGYAL RIGS DANG BRAM ZE'I RIGS GANG RUNG YIN ZHING, BRAM ZE'I RIGS MA YIN PA DE, BZHI PA'I MTSAN GZHI YIN PA'I PHYIR, BUM PA'I MA YIN DGAG GI GZHAN SEL YANG YIN, RTOG PAS SGRO BTAGS KYANG YIN PA'I GZHI MTHUN PA, BUM PA'I BLO'I GZHAN SEL GYI MTSAN NYID, MTSAN GZHI NI, BUM 'DZIN RTOG PA LA BUM PA MA YIN PA LAS LOG PAR SNANG BA DANG, RTOG PA LA BUM PA MA YIN PA LAS LOG PAR SNANG BA LTA BU'O, ,RANG ZHES BRJOD PA'I SGRAS RANG GI DGAG BYA BKAG SHUL DU RANG 'DZIN RTOG PA'I GZHAL BYAR 'PHANGS PA YANG YIN, SGRUB PA YANG YIN PA'I GZHI MTHUN PA MED PA YANG YIN, @091B DGAG PA YANG YIN PA'I GZHI MTHUN PAR DMIGS PA DE, RANG NYID MED DGAG GI GZHAN SEL GYI MTSAN NYID YIN, MTSAN GZHI NI, BUM PA DANG BUM PA MA YIN PA'I GZHI MTHUN PAS STONG PA LTA BU, MED DGAG DANG MED DGAG GI GZHAN SEL GNYIS DON GCIG ,MED DGAG LA DBYE NA, RANG GI DGAG BYA SHES BYA LA SRID PA'I MED DGAG DANG, RANG GI DGAG BYA SHES BYA LA MI SRID PA'I MED DGAG GNYIS, DE GNYIS SO SO'I MTSAN GZHI YOD DE, BUM PA MED PA DANG, DNGOS PO MED PA GNYIS DANG PO DANG, GANG ZAG GI BDAG MED GNYIS PA YIN PA'I PHYIR, DANG PO'I SGRUB BYED NI, BUM PA MED PA RANG GI DGAG BYA SHES BYA LA SRID PA'I MED DGAG YIN PAR THAL, BUM PA YOD PA BUM PA MED PA'I DGAG BYA YIN PA GANG ZHIG ,BUM PA YOD PA SHES BYA LA SRID PA'I PHYIR, DANG PO MA GRUB NA, DER THAL, BUM PA MED PA ZHES BRJOD PA'I SGRAS, BUM PA MED PA'I DGAG BYA BUM PA YOD PA DNGOS SU BKAG NAS, BUM PA MED PA DNGOS SU BRJOD PA'I PHYIR TE, BUM PA MA YIN PA LAS LOG PA ZHES BRJOD PA'I SGRAS, BUM PA MA YIN PA LAS LOG PA'I DGAG BYA BUM PA MA YIN PA DNGOS SU BKAG NAS, BUM PA MA YIN PA LAS LOG PA DNGOS SU BRJOD PA'I PHYIR TE, BUM PA MA YIN PA ZHES PA'I NGAG DES, DE'I DGAG BYA BUM PA DNGOS SU @092A *, ,BKAG NAS, BUM PA MA YIN PA DNGOS SU BRJOD PA'I PHYIR TE, DE 'DRA'I NGAG DES, BUM PA DNGOS SU BKAG PA GANG ZHIG ,DES BUM PA MA YIN PA DNGOS SU BRJOD PA'I PHYIR, DANG PO MA GRUB NA, BUM PA CHOS CAN, KHYOD MA YIN PA ZHES PA'I NGAG DES, KHYOD DNGOS SU BKAG PAR THAL, KHYOD DNGOS PO YIN PA'I PHYIR, GNYIS PA MA GRUB NA, BUM PA MA YIN PA CHOS CAN, KHYOD ZHES PA'I NGAG DES, KHYOD DNGOS SU BRJOD PAR THAL, KHYOD BDAG MED YIN PA'I PHYIR, DES DNGOS PO MED PA SOGS LA RIGS 'GRE, RI BONG RVA MED PA GNYIS PA YIN PA'I SGRUB BYED NI, RI BONG RVA MED PA, RANG GI DGAG BYA SHES BYA LA MI SRID PA'I MED DGAG YIN PAR THAL, RI BONG RVA YOD PA RI BONG RVA MED PA'I DGAG BYA YIN PA GANG ZHIG ,RI BONG RVA YOD PA SHES BYA LA MI SRID PA'I PHYIR, DANG PO MA GRUB NA, RI BONG RVA CHOS CAN, KHYOD YOD PA KHYOD MED PA'I DGAG BYA YIN PAR THAL, KHYOD MED NGES YIN PA'I PHYIR, GSUM PA RTZOD PA SPONG BA NI, SGRA RTAG PA MA YIN PA CHOS CAN, RANG 'DZIN RTOG PAS RANG GI DGAG BYA DNGOS SU BCAD PA'I TSUL GYI RTOGS PAR BYA BA YIN PAR THAL, DGAG PA YIN PA'I PHYIR, MA GRUB NA, DE CHOS CAN, DER THAL, GZHAN SEL YIN PA'I PHYIR, MA GRUB NA, DE @092B DER THAL, RTAG PA MA YIN PA GZHAN SEL YIN PA'I PHYIR, GONG DU 'DOD NA, SGRA RTAG PA MA YIN PA CHOS CAN, RANG 'DZIN RTOG PAS RANG GI DGAG BYA DNGOS SU BCAD PAR THAL, 'DOD PA'I PHYIR, 'DOD NA, DE CHOS CAN, RANG ZHES BRJOD PA'I SGRAS RANG GI DGAG BYA LA DNGOS SU GNOD PAR THAL, 'DOD PA'I PHYIR ZER NA, 'DIR MA KHYAB, 'DOD NA, SGRA RTAG PA MA YIN PA ZHES PA'I SGRA DES, SGRA RTAG PA LA DNGOS SU GNOD PAR THAL, DES SGRA RTAG PA MA YIN PA'I DGAG BYA LA DNGOS SU GNOD PA'I PHYIR, RTAGS KHAS, 'DOD NA, SGRA RTAG PA MA YIN PAR RTOGS PA'I DNGOS STOBS RJES DPAG GI YUL GYI LOG PHYOGS LA LUNG RNAM DAG GNOD BYED DU 'JUG PAR THAL, SGRA RTAG PA LA, SGRA RTAG PA MA YIN PAR STON PA'I LUNG GNOD BYED DU 'JUG PA'I PHYIR, MA GRUB NA, DER THAL, SGRA RTAG PA LA, SGRA RTAG PA MA YIN PA ZHES BRJOD PA'I SGRA DE GNOD BYED DU 'JUG PA'I PHYIR, MA GRUB NA, DER THAL, SGRA RTAG PA MA YIN PA ZHES PA'I SGRA DES, SGRA RTAG PA LA DNGOS SU GNOD PA'I PHYIR, RTAGS KHAS, RTZA BAR 'DOD NA, SGRA RTAG PA MA YIN PAR RTOGS PA'I DNGOS STOBS RJES DPAG GI YUL LA LUNG SGRUB BYED RNAM DAG TU 'JUG PAR THAL, RTZA BAR 'DOD PA DE'I PHYIR, 'DOD MI NUS TE, RNAM 'GREL LAS, RJES SU DPAG PA'I YUL LA TSIG ,TSAD MA NYID @093A *, ,DU 'DOD MA YIN, ,ZHES PA'I DON GRUB PA'I PHYIR, GZHAN YANG, SGRA RTAG PA MA YIN PAR RTOGS PA'I RTOG PA DES, SGRA RTAG PA DNGOS SU BCAD PAR THAL, SGRA RTAG PA MA YIN PAR RTOGS PA'I RJES DPAG DES, SGRA RTAG PA DNGOS SU BCAD PA'I PHYIR, MA GRUB NA, DER THAL, SGRA RTAG PA MA YIN PAR RTOGS PA'I RJES DPAG DE, SGRA RTAG PA MA YIN PAR DNGOS SU RTOGS PA'I TSAD MA YIN PA'I PHYIR, GONG DU 'DOD NA, SGRA RTAG PA MA YIN PAR RTOGS PA'I RTOG PA DES, SGRA RTAG PA LA DNGOS SU GNOD PAR THAL, DES SGRA RTAG PA DNGOS SU BCAD PA'I PHYIR, 'DOD NA, SGRA RTAG PA MA YIN PA ZHES PA'I SGRA DES; SGRA RTAG PA LA DNGOS SU GNOD PAR THAL, 'DOD PA DE'I PHYIR NA MA KHYAB, 'DOD NA, BSGRUBS ZIN TO, ,KHA CIG ,BUM PA CHOS CAN, SGRUB PA MA YIN PAR THAL, DGAG PA YIN PA'I PHYIR, MA GRUB NA, DE CHOS CAN; DGAG PA YIN PAR THAL, GZHAN SEL YIN PA'I PHYIR, MA GRUB NA, DE CHOS CAN, DER THAL, KHYOD 'DZIN RTOG PA DE, GZHAN SEL GYI YUL CAN YIN PA'I PHYIR, MA GRUB NA, BUM PA CHOS CAN, DER THAL, KHYOD 'DZIN RTOG PA'I YUL YANG YIN, GZHAN SEL YANG YIN PA'I GZHI MTHUN YOD PA'I PHYIR ZER NA MA KHYAB, MA GRUB NA, DE CHOS CAN, DER THAL, KHYOD MA YIN PA LAS LOG PA DE, KHYOD 'DZIN RTOG PA'I YUL YANG @093B YIN; GZHAN SEL YANG YIN PA'I GZHI MTHUN PA YIN PA'I PHYIR TE, KHYOD YIN PA SRID PA'I SHES BYA YIN PA'I PHYIR, GONG DU MA KHYAB MTSAMS LA, RI BONG RVA CHOS CAN, DGAG PA YIN PAR THAL, KHYOD 'DZIN RTOG PA DE, DGAG PA'I YUL CAN YIN PA'I PHYIR, MA GRUB NA, DE CHOS CAN, DER THAL, KHYOD 'DZIN RTOG PA'I YUL YANG YIN, DGAG PA YANG YIN PA'I GZHI MTHUN YOD PA'I PHYIR, KHYAB PA KHAS, MA GRUB NA, DE CHOS CAN; DER THAL, KHYOD KYI DON SPYI MA YIN PA LAS LOG PA DE, DE 'DRA'I GZHI MTHUN PA YIN PA'I PHYIR TE, KHYOD BDAG MED YIN PA'I PHYIR, KHO NA RE, GZHAN SEL LA, DON RANG MTSAN GYI GZHAN SEL DANG, BLO'I GZHAN SEL DANG, MED DGAG GI GZHAN SEL GSUM RNAMS SU MED PAR THAL, DON RANG MTSAN GYI GZHAN SEL MED PA'I PHYIR TE, GZHAN SEL YIN NA, BLO'I GZHAN SEL YIN PAS KHYAB PA'I PHYIR TE, BEM PO YIN NA, BLO'I GZHAN SEL MA YIN PAS KHYAB PA'I PHYIR ZER NA, DE MI 'THAD PAR THAL, GZHAN SEL LA DBYE NA, MA YIN DGAG GI GZHAN SEL DANG, MED DGAG GI GZHAN SEL GNYIS SU YOD CING, MA YIN DGAG GI GZHAN SEL LA, BLO'I GZHAN SEL DANG, DON RANG MTSAN GYI GZHAN SEL GNYIS SU GRANGS NGES PA'I PHYIR, RTAGS GONG DU BSGRUBS ZIN, YANG KHO NA RE, GANG ZAG GI BDAG YOD PAR THAL, DE DGAG PA YIN PA'I PHYIR, MA @094A *, ,GRUB NA, DER THAL, GANG ZAG GI BDAG 'DZIN PA'I RTOG PA DGAG RTOG YIN PA'I PHYIR, ZER NA MA KHYAB, TSIG ZIN 'DI LA DPYAD DGOS SO, ,MA GRUB NA, GANG ZAG GI BDAG CHOS CAN, KHYOD 'DZIN RTOG PA DE, DGAG RTOG YIN PAR THAL, KHYOD 'DZIN RTOG PA DE, RANG YUL DU GYUR PA'I DGAG PA'I RNAM PA SHAR BA'I ZHEN RIG YIN PA'I PHYIR, MA GRUB NA, DE CHOS CAN, DER THAL, KHYOD MED NGES YIN PA'I PHYIR, ZHES ZER, GONG DU 'DOD NA, GANG ZAG GI BDAG MED PAR THAL, GANG ZAG GI BDAG MED YIN PA'I PHYIR, DE LA YANG KHO NA RE, BDAG MED PAR THAL, BDAG MED YIN PA'I PHYIR ZER NA MA KHYAB, MA GRUB NA, DER THAL, DNGOS MED YIN PA'I PHYIR TE, RTAG PA YIN PA'I PHYIR, RTZA BAR 'DOD NA, BDAG YOD PAR THAL, NGA YOD PA'I PHYIR TE, GANG ZAG YOD PA'I PHYIR, BYAS PA LA KHO NA RE; BUM 'DZIN RTOG PA LA BUM PA MA YIN PA LAS LOG PAR SNANG BA, BUM PA'I BLO'I GZHAN SEL MA YIN PAR THAL, BUM 'DZIN RTOG PA LA BUM PA MA YIN PA LAS LOG PAR SNANG BA, GZHAN SEL MA YIN PA'I PHYIR TE, DE MED PA'I PHYIR, MA GRUB NA, DER THAL, BUM 'DZIN RTOG PA LA BUM PA MA YIN PA LAS LOG PAR MI SNANG BA'I PHYIR, MA GRUB NA, DER THAL, BUM 'DZIN RTOG PA LA BUM PA MA YIN PA LAS LOG PA DE @094B MI SNANG BA'I PHYIR ZER NA MA KHYAB, MA GRUB NA, BUM PA MA YIN PA LAS LOG PA CHOS CAN, BUM 'DZIN RTOG PA LA KHYOD KYI RNAM PA SHAR BAR THAL, 'DOD PA'I PHYIR, 'DOD NA, BUM PA CHOS CAN, KHYOD 'DZIN RTOG PA DE, RANG YUL DU GYUR PA'I DGAG PA'I RNAM PA SHAR BA'I ZHEN RIG YIN PAR THAL, KHYOD 'DZIN RTOG PA DE, RANG YUL DU GYUR PA'I BUM PA MA YIN PA LAS LOG PA'I RNAM PA SHAR BA'I ZHEN RIG YIN PA'I PHYIR; RTAGS KHAS, 'DOD NA, BUM PA CHOS CAN, KHYOD DGAG PA YIN PAR THAL, KHYOD YOD PA GANG ZHIG ,KHYOD 'DZIN RTOG PA DGAG RTOG YIN PA'I PHYIR, RTAGS KHAS, 'DOD MI NUS TE, SGRUB PA YIN PA'I PHYIR, BYAS PA LA KHO NA RE, RI BONG RVA 'DZIN RTOG PA LA, RI BONG RVA MA YIN PA LAS LOG PAR SNANG BA, RI BONG RVA'I BLO'I GZHAN SEL MA YIN PAR THAL, RI BONG RVA'I BLO'I GZHAN SEL MED PA'I PHYIR TE, RI BONG RVA'I BLO MED PA'I PHYIR ZER NA MA KHYAB, MA GRUB NA, DER THAL, RI BONG RVA MED PA'I PHYIR, GONG DU 'DOD NA, DE CHOS CAN, KHYOD 'DZIN RTOG PA LA KHYOD MA YIN PA LAS LOG PAR SNANG BA, KHYOD KYI BLO'I GZHAN SEL YIN PAR THAL, KHYOD 'DZIN RTOG PA LA KHYOD MA YIN PA LAS LOG PAR SNANG BA DE KHYOD KYI DON SPYI YIN PA'I PHYIR, KHA CIG ,DE'I GZHAN SEL YOD PAR THAL, RE'I BLO'I GZHAN SEL YOD PA'I PHYIR, 'DOD NA, @095A *, ,MED PA'I GZHAN SEL YOD PAR THAL, RI BONG RVA'I GZHAN SEL YOD PA'I PHYIR, 'DOD NA, MED PA DANG MED PA MA YIN PA'I GZHI MTHUN PAS STONG PA MED PA'I GZHAN SEL YIN PAR THAL, 'DOD PA'I PHYIR, 'DOD NA, DE CHOS CAN, MED PA'I GZHAN SEL MA YIN PAR THAL, YOD PA'I GZHAN SEL YIN PA'I PHYIR, MA GRUB NA, DE CHOS CAN, DER THAL, YOD PA DANG GZHAN SEL GNYIS KA YIN PA'I PHYIR ZER NA MA KHYAB, MA GRUB NA, DE CHOS CAN, DER THAL, GZHAN SEL YIN PA'I PHYIR TE, MED PA'I MED DGAG GI GZHAN SEL YIN PA'I PHYIR, MA GRUB NA, MED PA CHOS CAN, KHYOD DANG KHYOD MA YIN PA'I GZHI MTHUN PAS STONG PA, KHYOD KYI MED DGAG GI GZHAN SEL YIN PAR THAL, KHYOD BDAG MED YIN PA'I PHYIR, MED PA'I GZHAN SEL YOD CES GSUNG TSUL 'DUG PA LA DPYAD PAR BYA'O; ,YANG KHA CIG NA RE, KA BUM GNYIS MA YIN PA LAS LOG PA, KA BUM GNYIS KYI DON RANG MTSAN GYI GZHAN SEL YIN PAR THAL, KA BA MA YIN PA LAS LOG PA, KA BA'I DON RANG MTSAN GYI GZHAN SEL YIN PA GANG ZHIG ,BUM PA MA YIN PA LAS LOG PA, BUM PA'I DON RANG MTSAN GYI GZHAN SEL YIN PA'I PHYIR ZER NA MA KHYAB, DANG PO MA GRUB NA, KA BA CHOS CAN, KHYOD MA YIN PA LAS LOG PA KHYOD @095B KYI DON RANG MTSAN GYI GZHAN SEL YIN PAR THAL, KHYOD YIN PA SRID PA'I DNGOS PO YIN PA'I PHYIR, GNYIS PA LA YANG RIGS 'GRE, GONG DU 'DOD NA, KA BUM GNYIS MA YIN PA LAS LOG PA CHOS CAN, DE'I DON RANG MTSAN GYI GZHAN SEL MA YIN PAR THAL, KHYOD DON RANG MTSAN GYI GZHAN SEL MA YIN PA'I PHYIR TE, KHYOD MED PA'I PHYIR, MA GRUB NA, KA BUM GNYIS CHOS CAN, KHYOD MA YIN PA LAS LOG PA MED PAR THAL, KHYOD KYI YIN PA MED PA'I PHYIR, MA GRUB NA, KA BUM GNYIS CHOS CAN, KHYOD KYI YIN PA MED PAR THAL, KHYOD YIN PA MI SRID PA'I SHES BYA YIN PA'I PHYIR, GZHAN YANG, KA BUM GNYIS MA YIN LAS LOG PA, KA BUM GNYIS KYI DON RANG MTSAN GYI GZHAN SEL YIN PAR THAL, RTAG DNGOS GNYIS KYIS STONG PA'I KA BUM GNYIS, KA BUM GNYIS KYI DON RANG MTSAN GYI GZHAN SEL YIN PA'I PHYIR NA MA KHYAB, MA GRUB NA, KA BUM GNYIS CHOS CAN, RTAG DNGOS GNYIS KYIS STONG PA'I KHYOD DE, KHYOD KYI DON RANG MTSAN GYI GZHAN SEL YIN PAR THAL, KHYOD YIN PA MI SRID PA'I DNGOS PO YIN PA'I PHYIR, BYAS PA LA KHO NA RE, RTAG DNGOS GNYIS KYIS STONG PA'I KA BUM GNYIS CHOS CAN, KHYOD YIN PA MI SRID PA'I DNGOS PO MA YIN PAR THAL, KHYOD YIN PA SRID PA'I DNGOS PO YIN PA'I PHYIR, MA GRUB NA, DE CHOS CAN, DER THAL, KA BA'I DON RANG MTSAN GYI GZHAN @096A *, ,SEL YIN PA'I PHYIR, MA GRUB NA, DE CHOS CAN, DER THAL, KA BA DANG BUM PA GNYIS KA'I DON RANG MTSAN GYI GZHAN SEL YIN PA'I PHYIR ZER NA MA KHYAB, MA GRUB NA, DE CHOS CAN, DER THAL; KA BUM GNYIS KYI DON RANG MTSAN GYI GZHAN SEL YIN PA'I PHYIR, MA GRUB NA, DE DE YIN PAR THAL, KA BUM GNYIS KYI DON RANG MTSAN GYI GZHAN SEL YOD PA'I PHYIR, MA GRUB NA, KA BUM GNYIS CHOS CAN, KHYOD KYI DON RANG MTSAN GYI GZHAN SEL YOD PAR THAL, KHYOD DNGOS PO YIN PA'I PHYIR, DES NA GZHAN SEL GYI RNAM GZHAG GTAN LA PHAB PA LA DGOS PA YOD DE, GANG ZAG GI BDAG MED RTOGS PA'I RJES DPAG GI DNGOS KYI GZHAL BYA YIN NA, MED DGAG YIN PAS KHYAB KYI, MA YIN DGAG DANG, SGRUB PA GANG RUNG MA YIN PA CIG DGOS SO, ,ZHES SHES PAR BYA BA'I CHED YIN PA'I PHYIR, `BZHI PA SEL, 'JUG SGRUB 'JUG GI RNAM GZHAG BSHAD PA LA, KHA CIG NA RE, RANG YUL LA CHA SHAS SU PHYE NAS 'JUG PA'I RIG PA, SEL 'JUG GI MTSAN NYID, RANG YUL LA CHA SHAS SU MA PHYE BAR 'JUG PA'I RIG PA, SGRUB 'JUG GI MTSAN NYID ZER NA, DANG PO LA, BUM PA ZHES BRJOD PA'I SGRA CHOS CAN, MTSAN NYID DER THAL, MTSON BYA DE'I PHYIR, MA GRUB NA, DE CHOS CAN, DER THAL, RJOD BYED @096B KYI SGRA YIN PA'I PHYIR TE, CHOS CAN DE YIN PA'I PHYIR, RTZA BAR 'DOD NA, BUM PA ZHES BRJOD PA'I SGRA CHOS CAN, RANG YUL LA CHA SHAS SU PHYE NAS 'JUG PA'I RIG PA MA YIN PAR THAL, RIG PA MA YIN PA'I PHYIR, MA GRUB NA, DE CHOS CAN, DER THAL, BEM PO YIN PA'I PHYIR, GNYIS PA LA, SANGS RGYAS 'PHAGS PA CHOS CAN, MTSAN NYID DER THAL, MTSON BYA DE'I PHYIR, MA GRUB NA, DE CHOS CAN, DER THAL, SGRUB 'JUG GI SKYES BU YIN PA'I PHYIR TE, CHOS CAN DE YIN PA'I PHYIR, RTZA BAR 'DOD NA, DE CHOS CAN, RANG YUL LA CHA SHAS SU MA PHYE BAR 'JUG PA'I RIG PA MA YIN PAR THAL, RIG PA MA YIN PA'I PHYIR TE, SHES PA MA YIN PA'I PHYIR TE, CHOS CAN DE YIN PA'I PHYIR, RTZA BAR 'DOD NA, DE CHOS CAN, RANG YUL LA CHA SHAS SU MA PHYE BAR 'JUG PA'I RIG PA MA YIN PAR THAL, RIG PA MA YIN NYID; RANG YUL LA CHA SHAS SU MA PHYE BAR 'JUG PA'I RIG PA, SGRUB 'JUG GI BLO'I MTSAN NYID ZER BA LA, SKYON 'PHEN PA KHA CIG ,RTOG PA CHOS CAN, MTSAN NYID DANG PO DER THAL, MTSON BYA DE'I PHYIR, MA GRUB NA, RTOG PA CHOS CAN, SEL 'JUG GI BLO YIN PAR THAL, RTOG PA YIN PA'I PHYIR, RTZA BAR 'DOD NA, RTOG PA CHOS CAN, RANG YUL LA CHA SHAS SU PHYE NAS 'JUG PA'I RIG PA YIN PAR @097A *, ,THAL; 'DOD PA'I PHYIR, 'DOD NA, RTOG PA CHOS CAN, RANG YUL 'GA' ZHIG LA 'JUG ,RANG YUL 'GA' ZHIG LA MI 'JUG PAR THAL, RANG YUL LA CHA SHAS SU PHYE NAS 'JUG PA'I PHYIR ZER NA MA KHYAB, 'DOD NA, RTOG PA CHOS CAN, RANG YUL 'GA' ZHIG LA MI 'JUG PA YIN PAR THAL, 'DOD PA'I PHYIR, 'DOD MI NUS TE, GZHI GRUB NA, KHYOD KYI YUL YIN PAS KHYAB PA'I PHYIR, GONG GI MA KHYAB MTSAMS LA, RANG YUL LA CHA SHAS SU PHYE NAS 'JUG PA'I RIG PA KHO KHO RANG YIN PAR THAL, KHO YOD PA'I PHYIR, 'DOD NA, DE CHOS CAN, RANG YUL LA CHA SHAS SU PHYE NAS 'JUG PAR THAL, 'DOD PA'I PHYIR, 'DOD NA, DE CHOS CAN, RANG YUL 'GA' ZHIG LA 'JUG ,'GA' ZHIG LA MI 'JUG PAR THAL, RANG YUL LA CHA SHAS SU PHYE NAS 'JUG PA'I PHYIR, KHYAB PA KHAS, 'DOD NA, DE CHOS CAN, RANG YUL 'GA' ZHIG LA MI 'JUG PAR THAL, 'DOD PA'I PHYIR, 'DOD NA, DE CHOS CAN, RANG YUL 'GA' ZHIG LA MI 'JUG PA MA YIN PAR THAL, GZHI GRUB NA, KHYOD KYI YUL YIN DGOS PA'I PHYIR, MA GRUB NA, DER THAL, DE YOD PA GANG ZHIG ,GZHI GRUB NA, RTOG PA'I YUL YIN DGOS PA'I PHYIR, KHA CIG NA RE, SGRA RTOG SEL 'JUG YIN ZER NA, DE @097B MA YIN PAR THAL, SGRA SEL 'JUG GI SGRA MA YIN PA'I PHYIR, MA GRUB NA, DER THAL, SGRA DE BRJOD BYED KYI SGRA MA YIN PA'I PHYIR, MA GRUB NA, DER THAL, CHU'I SGRA DE SGRA YIN PA'I PHYIR, KHA CIG NA RE, GZUGS DNGOS SU RTOGS PA'I YUL CAN YIN NA, SGRUB 'JUG YIN DGOS, GZUGS DON SPYI'I TSUL GYI RTOGS PA'I YUL CAN YIN NA, SEL 'JUG YIN DGOS ZER NA, DANG PO LA SO SO'I SKYE BO CHOS CAN; DER THAL, DE'I PHYIR, MA GRUB NA, DE CHOS CAN, DER THAL, KHYOD GZUGS GZUGS 'DZIN MNGON SUM GYIS DNGOS SU RTOGS PA'I YUL CAN YIN PA'I PHYIR, RTZA BAR 'DOD NA, DE CHOS CAN; DE MA YIN PAR THAL, SEL 'JUG YIN PA'I PHYIR TE, GZUGS DON SPYI'I TSUL GYI RTOGS PA'I YUL CAN YIN PA'I PHYIR TE, KHYOD GZUGS GZUGS 'DZIN RTOG PA'I SGO NAS RTOGS PA'I YUL CAN YIN PA'I PHYIR, DES NA RANG GI LUGS LA, DE GNYIS SO SO'I MTSAN NYID DANG, DBYE BA, RTZOD SPONG DANG GSUM LAS, DANG PO LA, RANG YUL LA CHA SHAS SU PHYE NAS 'JUG PA, SEL 'JUG GI MTSAN NYID, DE LA DBYE NA, SEL 'JUG GI SGRA, SEL 'JUG GI BLO, DE'I SKYES BU DANG GSUM LAS DANG PO LA, MTSAN NYID DANG, DBYE BA GNYIS, RANG YUL LA CHA SHAS SU PHYE NAS 'JUG PA'I MNYAN BYA, @098A *, ,SEL 'JUG GI SGRA'I MTSAN NYID, DE LA DBYE NA, DE'I SGRA DON MTHUN DANG, DE'I SGRA DON MI MTHUN GNYIS, RANG YUL LA CHA SHAS SU PHYE NAS, 'JUG PA'I MNYAN BYA DON MTHUN DE; DANG PO'I MTSAN NYID, MTSAN GZHI NI, BUM PA ZHES PA'I SGRA LTA BU, DE 'DRA'I MNYAN BYA DON MI MTHUN DE, GNYIS PA'I MTSAN NYID, MTSAN GZHI NI, RI BONG RVA ZHES PA'I SGRA LTA BU, SEL 'JUG GI SGRA DANG, RJOD BYED KYI SGRA GNYIS DON GCIG ,DE'I SGRA DON MTHUN DANG, RJOD BYED KYI SGRA DON MTHUN GNYIS DON GCIG ,DE'I SGRA DON MI MTHUN DANG, RJOD BYED KYI SGRA DON MI MTHUN GNYIS DON GCIG ,SEL 'JUG GI BLO LA MTSAN NYID DANG, DBYE BA GNYIS, RANG YUL LA CHA SHAS SU PHYE NAS 'JUG PA'I RIG PA, DE'I MTSAN NYID, DE DANG RTOG PA GNYIS DON GCIG ,DE LA DBYE NA, DE'I BLO DON MTHUN DANG, DE'I BLO DON MI MTHUN GNYIS, RANG YUL LA CHA SHAS SU PHYE NAS 'JUG PA'I RIG PA DON MTHUN DE, DE DON MTHUN GYI MTSAN NYID, DE DANG RTOG PA DON MTHUN GNYIS DON GCIG ,MTSAN GZHI NI, DPER NA, BUM 'DZIN RTOG PA LTA BU, RANG YUL LA CHA SHAS SU PHYE NAS 'JUG PA'I RIG PA DON MI MTHUN DE, GNYIS PA'I MTSAN NYID, DE DANG RTOG PA DON MI MTHUN GNYIS DON GCIG ,MTSAN GZHI NI, DPER NA, @098B RI BONG RVA 'DZIN RTOG PA LTA BU, RANG YUL LA CHA SHAS SU PHYE NAS 'JUG PA'I SKYES BU DE, SEL 'JUG GI GANG ZAG GI MTSAN NYID, MTSAN GZHI NI, DPER NA, TSUR MTHONG LTA BU, GNYIS PA SGRUB 'JUG BSHAD BA LA, RANG YUL LA CHA SHAS SU MA PHYE BAR 'JUG PA, DE'I MTSAN NYID, DE LA DBYE NA, DE'I BLO DANG, DE'I SKYES BU GNYIS, DANG PO LA, MTSAN NYID DANG, DBYE BA GNYIS, RANG YUL LA CHA SHAS SU MA PHYE BAR 'JUG PA'I RIG PA, DE'I MTSAN NYID, DE LA DBYE NA, DE'I BLO DON MTHUN DANG, DE'I BLO DON MI MTHUN GNYIS LAS, RANG YUL LA CHA SHAS SU MA PHYE BAR 'JUG PA'I RIG PA DON MTHUN, DANG PO'I MTSAN NYID, DE DANG MNGON SUM GNYIS DON GCIG ,RANG YUL LA CHA SHAS SU MA PHYE BAR 'JUG PA'I RIG PA DON MI MTHUN DE, GNYIS PA'I MTSAN NYID, DE DANG RTOG MED LOG SHES GNYIS DON GCIG ,MTSAN GZHI NI, DPER NA, ZLA BA GNYIS SNANG GI DBANG SHES LTA BU, RANG YUL LA CHA SHAS SU MA PHYE BAR 'JUG PA'I SKYES BU, SGRUB 'JUG GI GANG ZAG GI MTSAN NYID, MTSAN GZHI NI; SANGS RGYAS 'PHAGS PA LTA BU, RTZOD PA SPONG PA LA, KHO NA RE, GONG 'OG KUN TU RTZOD PA'I TSE, ZLA BA GNYIS SNANG GI DBANG SHES ZHES PA, ZLA GCIG ZLA GNYIS SU SNANG BA'I DBANG SHES @099A *, ,ZHES BYA BAR GO DGOS SO, ,DE YANG, ZLA BA GNYIS SNANG GI DBANG SHES CHOS CAN, SGRUB 'JUG GI BLO YIN PAR THAL, RTOG MED LOG SHES YIN PA'I PHYIR, 'DOD NA, DE CHOS CAN, ZLA BA GCIG LA SGRUB 'JUG GI BLO YIN PAR THAL, 'DOD PA GANG ZHIG ,KHYOD SGRUB 'JUG GI BLO YIN NA, KHYOD ZLA BA GCIG LA SGRUB 'JUG GI BLO YIN DGOS PA'I PHYIR, 'DOD NA; DE CHOS CAN, KHYOD LA ZLA BA GCIG SNANG PAR THAL, KHYOD ZLA BA GCIG LA SGRUB 'JUG GI BLO YIN PA'I PHYIR, 'DOD NA, DE CHOS CAN, KHYOD LA ZLA GCIG ZLA GCIG YIN PA SNANG BAR THAL, ZLA GCIG ZLA GCIG YIN PA DANG, ZLA GCIG GNYIS PO DE YUL DUS RANG BZHIN GANG LA LTOS TE GRUB SDE RDZAS GCIG GANG ZHIG ,'DOD PA DE'I PHYIR, DANG PO MA GRUB NA, ZLA GCIG CHOS CAN; KHYOD KHYOD YIN PA DANG, KHYOD GNYIS PO YUL DUS RANG BZHIN GANG LA LTOS TE GRUB SDE RDZAS GCIG YIN PAR THAL, KHYOD ZLA GCIG YIN PA'I PHYIR, GONG DU 'DOD NA, DE 'DRA'I DBANG SHES CHOS CAN, KHYOD LA ZLA GCIG ZLA GCIG YIN PA MI SNANG BAR THAL, KHYOD LA ZLA GCIG ZLA GCIG YIN PAR MI SNANG BA'I PHYIR ZER NA MA KHYAB, 'O NA, KHO RANG LA, ZLA BA GNYIS @099B SNANG BA'I DBANG SHES CHOS CAN, KHYOD LA ZLA GCIG MI SNANG BAR THAL, KHYOD LA ZLA GCIG ZLA GCIG YIN PAR MI SNANG BA'I PHYIR, KHYAB PA 'GRIG ,MA GRUB NA, DE CHOS CAN, DER THAL, KHYOD LA ZLA GCIG ZLA GNYIS SU SNANG BA'I PHYIR, RTZA BAR 'DOD NA, DE CHOS CAN, KHYOD LA ZLA GCIG SNANG BAR THAL, KHYOD LA ZLA GCIG ZLA GNYIS SU SNANG BA'I PHYIR, YANG KHO NA RE, DE CHOS CAN, KHYOD LA ZLA GCIG ZLA GCIG TU SNANG BAR THAL, KHYOD LA ZLA GCIG ZLA GCIG YIN PA SNANG BA'I PHYIR ZER NA MA KHYAB, MA GRUB NA, DER THAL, KHYOD LA ZLA GCIG SNANG BA'I PHYIR, GONG DU 'DOD NA, DE CHOS CAN, KHYOD LA ZLA GCIG ZLA GCIG TU MI SNANG BAR THAL, KHYOD LA ZLA GCIG ZLA GNYIS SU SNANG BA'I PHYIR, MA GRUB NA, DE CHOS CAN, DER THAL, KHYOD ZLA GCIG ZLA GNYIS SU SNANG BA'I DBANG SHES YIN PA'I PHYIR;; ,,^SKYABS MGON RGYAL DBANG SKU PHRENG BCU GSUM PA CHEN PO'I YONGS 'DZIN BYAMS PA TSUL KHRIMS RGYA MTSOS MDZAD PA'I BSDUS GRVA CHE BA'I PAR SHING 'DI BZHIN SER BYES DPE MDZOD KHONGS NAS, 1996 LOR PAR GSAR BSKRUN BGYIS PA'O,,