@01A *, ,TSAD MA'I GZHUNG DON 'BYED PA'I BSDUS GRVA'I RNAM BZHAG RIGS LAM 'PHRUL GYI LDE MIG CES BYA BA LAS RIGS LAM CHE BA YUL YUL CAN DANG BLO RIG GI RNAM PAR BSHAD PA BZHUGS SO, , @01B #, ,BLA MA DANG MGON PO 'JAM DPAL DBYANGS LA PHYAG 'TSAL LO, ,'DIR TSAD MA'I GZHUNG DON 'BYED PA'I BSDUS GRVA'I RNAM BZHAG RIGS LAM 'PHRUL GYI LDE MIG LAS RIGS LAM CHE BA YUL YUL CAN DANG, BLO RIG GI RNAM BZHAG BSHAD PA LA, KHA CIG NA RE, YUL RIG PA BLO'I MTSAN NYID, BLOS RIG PAR BYA BA YUL GYI MTSAN NYID DU 'JOG ZER NA, TSAD MA CHOS CAN, YUL RIG PA YIN PAR THAL, BLO YIN PA'I PHYIR, MA GRUB NA, TSAD MA CHOS CAN, BLO YIN PAR THAL, RIG PA YIN PA'I PHYIR, RTZA BAR 'DOD NA, TSAD MA CHOS CAN, YUL SHES PA YIN PAR THAL, YUL RIG PA YIN PA'I PHYIR; RTAGS KHAS, 'DOD NA, TSAD MA CHOS CAN, YUL SHES PA MA YIN PAR THAL, YUL DNGOS PO MA YIN PA'I PHYIR, GZHAN YANG, BLO YIN NA, YUL RIG PA'I BLO YIN PAS KHYAB PAR THAL, YUL @02A #, ,RIG PA BLO'I MTSAN NYID YIN PA'I PHYIR, RTAGS KHAS, 'DOD NA, YUL MA RTOGS PA'I GANG ZAG GI RGYUD KYI BLO CHOS CAN, YUL RIG PA'I BLO YIN PAR THAL, BLO YIN PA'I PHYIR, 'DOD NA, YUL MA RTOGS PA'I GANG ZAG GI RGYUD KYI BLO CHOS CAN, KHYOD YUL RTOGS PA'I BLO YIN PAR THAL, YUL RIG PA'I BLO YIN PA'I PHYIR, RTAGS KHAS, 'DOD MI NUS TE, KHYOD YUL MA RTOGS PA'I GANG ZAG GI RGYUD KYI BLO YIN PA'I PHYIR, KHYAB MTHA' DE LTAR GSUNGS 'DUG KYANG, GANG ZAG GI BDAG MED MA RTOGS PA'I GANG ZAG GI RGYUD LA, GANG ZAG GI BDAG MED RTOGS PA'I YID DPYOD YOD CES KHAS LEN DGOS SO, ,GONG GI MTSAN NYID GNYIS PA LA, SKYON 'PHEN PA KHA CIG ,RI BONG RA CHOS CAN, YUL YIN PAR THAL, BLOS RIG PAR BYA BA YIN PA'I PHYIR, BLOS BTAGS PA YIN PA'I PHYIR, MA GRUB NA, DE CHOS CAN, DER THAL, RTOG PAS BTAGS PA @02B YIN PA'I PHYIR, MA GRUB NA, DE CHOS CAN, DER THAL, RANG 'DZIN RTOG PAS BTAGS PA YIN PA'I PHYIR ZER NA, MA KHYAB, 'O NA KHO RANG LA, RI BONG RA CHOS CAN, BLO'I YUL YIN PAR THAL, RANG 'DZIN PA'I BLO'I YUL YIN PA'I PHYIR, KHYAB PA KHAS, MA GRUB NA, RI BONG RVA CHOS CAN, DER THAL, RANG 'DZIN RTOG PA'I YUL YIN PA'I PHYIR, MA GRUB NA, DE CHOS CAN, DER THAL, BDAG MED YIN PA'I PHYIR, YANG KHO NA RE, TSAD MA CHOS CAN, YUL RIG PA YIN PAR THAL, YUL TSAD MAS RIG PA'I PHYIR ZER NA MA KHYAB, MA GRUB NA, DE CHOS CAN, DER THAL, YUL TSAD MAS RIG PAR BYA BA YIN PA'I PHYIR, MA GRUB NA, DE CHOS CAN, DER THAL, YUL GZHAL BYA YIN PA'I PHYIR, KHA CIG NA RE, BLOS MNGON SUM DU RTOGS PAR BYA BA, YUL GYI MTSAN NYID ZER NA, GANG ZAG GI BDAG MED CHOS CAN, BLOS MNGON SUM DU RTOGS PAR BYA BA YIN PAR THAL, YUL YIN PA'I PHYIR, 'DOD NA, GANG ZAG GI BDAG MED CHOS CAN, BLOS MNGON SUM DU RTOGS PAR BYA BA MA YIN PAR THAL, BLOS MNGON DU RTOGS PA MA YIN PA'I PHYIR, MA GRUB NA, DE CHOS CAN, DER THAL, BLO GANG GIS KYANG MNGON SUM DU RTOGS PA MA YIN PA'I PHYIR, DER THAL, MNGON SUM GYIS MNGON SUM DU RTOGS PA MA YIN PA GANG ZHIG ,RJES DPAG GIS MNGON SUM DU RTOGS PA MA YIN PA'I PHYIR, DANG PO MA GRUB NA, DE CHOS CAN, DER THAL, MNGON SUM GYIS MNGON DU GYUR BA'I TSUL GYIS MA RTOGS PA'I PHYIR, MA GRUB NA DE CHOS CAN, DER THAL, MNGON GYUR MA YIN PA'I PHYIR TE, MED DGAG YIN PA'I PHYIR, GONG GI RTAGS GNYIS PA MA GRUB NA, GANG ZAG GI BDAG @03A *, ,MED CHOS CAN, RJES DPAG GIS MNGON SUM DU RTOGS PA MA YIN PAR THAL, RJES DPAG GIS MNGON SUM DU RTOGS PA MED PA'I PHYIR, MA GRUB NA, DER THAL, RJES DPAG RTOG PA YIN PA'I PHYIR, BYAS PA LA KHO NA RE, GANG ZAG GI BDAG MED RJES DPAG GIS MNGON SUM DU RTOGS PA YIN PAR THAL, DE RJES DPAG GIS DNGOS SU RTOGS PA YIN PA'I PHYIR ZER NA MA KHYAB, MA GRUB NA, DE CHOS CAN, DER THAL, RJES DPAG GI DNGOS GZHAL YIN PA'I PHYIR, MA GRUB NA, DE CHOS CAN, DER THAL, GZHI GRUB PA'I PHYIR BYAS PA LA KHO NA RE, GANG ZAG GI BDAG MED CHOS CAN, KHYOD MNGON SUM DU RTOGS PA MED PAR THAL, KHYOD MNGON DU GYUR BA'I TSUL GYI RTOGS PA MED PA'I PHYIR TE, KHYOD MED DGAG YIN PA'I PHYIR, RTAGS KHAS ZER NA, MA KHYAB TE, RNAM MKHYEN GYIS GANG ZAG GI BDAG MED MNGON SUM DU RTOGS PA'I PHYIR TE, DES CHOS THAMS CAD MNGON SUM DU RTOGS PA'I PHYIR, YANG GANG ZAG GI BDAG MED RNAM MKHYEN GYIS MNGON DU GYUR BA'I TSUL GYIS RTOGS PAR THAL, GANG ZAG GI BDAG MED RNAM MKHYEN GYIS MNGON SUM DU RTOGS PA'I PHYIR TE, RNAM MKHYEN GYIS GANG ZAG GI BDAG MED MNGON SUM DU RTOGS PA'I PHYIR ZER NA MA KHYAB BO, ,KHA CIG NA RE, YUL YIN NA, YUL DANG YUL CAN GNYIS SU PHYE BA'I YUL YIN PAS KHYAB ZER NA, RNAM MKHYEN CHOS CAN, DER THAL, DE'I PHYIR, RTAGS SLA, 'DOD NA, RNAM MKHYEN CHOS CAN, YUL DANG YUL CAN GNYIS SU PHYE BA'I YUL MA YIN PAR THAL, YUL DANG YUL CAN GNYIS SU PHYE BA'I YUL CAN YIN PA'I PHYIR, MA GRUB NA, RNAM MKHYEN CHOS CAN, DER THAL, TSAD MA YIN PA'I PHYIR, GZHAN YANG, YUL CAN YIN NA, YUL DANG YUL @03B CAN GNYIS SU PHYE BA'I YUL CAN YIN PAS KHYAB PAR THAL, YUL YIN NA, YUL DANG YUL CAN GNYIS SU PHYE BA'I YUL YIN PAS KHYAB PA'I PHYIR, RTAGS DNGOS, 'DOD NA, BRJOD BYED KYI SGRA CHOS CAN, DER THAL, DE'I PHYIR, MA GRUB NA, BRJOD BYED KYI SGRA CHOS CAN, YUL CAN YIN PAR THAL, KHYOD KYI YUL YOD PA'I PHYIR, GZHAN YANG, BRJOD BYED KYI SGRA YUL CAN YIN PAR THAL, BRJOD BYED KYI SGRA DE RANG YUL LA CHA SHAS SU PHYE NAS 'JUG PA'I MNYAN BYA YIN PA'I PHYIR, MA GRUB NA, DE CHOS CAN, DER THAL, SEL 'JUG GI SGRA YIN PA'I PHYIR TE, BRJOD BYED KYI SGRA YIN PA'I PHYIR, MA KHYAB NA KHYAB PA YOD DE, BRJOD BYED KYI SGRA DANG SEL 'JUG GI SGRA GNYIS DON CIG YIN PA'I PHYIR, GONG DU 'DOD NA, BRJOD BYED KYI SGRA CHOS CAN, YUL DANG YUL CAN GNYIS SU PHYE BA'I YUL CAN MA YIN PAR THAL, YUL DANG YUL CAN GNYIS SU PHYE BA'I YUL YIN PA'I PHYIR TE, DE BEm ? PO YIN PA'I PHYIR TE, SGRA YIN PA'I PHYIR, BYAS PA LA KHO NA RE, SHES PA YIN NA, YUL DANG YUL CAN GNYIS SU PHYE BA'I YUL CAN YIN PAS KHYAB PAR THAL, BEM PO YIN NA, YUL DANG YUL CAN GNYIS SU PHYE BA'I YUL YIN PAS KHYAB PA'I PHYIR ZER NA, 'DOD PA YIN TE, YUL DANG YUL CAN GNYIS SU PHYE BA'I YUL CAN DANG SHES PA DON CIG ,DE GNYIS SU PHYE BA'I YUL DANG SHES PA MA YIN PA'I YOD PA DON CIG TU 'DOD DGOS PA'I PHYIR, BYAS PA LA KHO NA RE, RI BONG RA 'DZIN RTOG PA CHOS CAN, YUL DANG YUL CAN GNYIS SU PHYE BA'I YUL CAN YIN PAR THAL, SHES PA YIN PA'I PHYIR, 'DOD NA, DE CHOS CAN, KHYOD KYI YUL YOD PAR THAL, KHYOD YUL CAN YIN PA'I PHYIR, 'DOD NA, DE CHOS CAN, KHYOD KYI GZHAL BYA YOD PAR THAL, KHYOD KYI YUL YOD PA'I PHYIR ZER NA, MA KHYAB @04A *, ,MA GRUB NA, RI BONG RA 'DZIN RTOG PA CHOS CAN, KHYOD KYI YUL YOD PAR THAL, KHYOD KYI SNANG YUL YOD PA'I PHYIR, DER THAL, RI BONG RVA'I DON SPYI KHYOD KYI SNANG YUL YIN PA'I PHYIR, MA GRUB NA, RI BONG RVA CHOS CAN, KHYOD KYI DON SPYI KHYOD 'DZIN RTOG PA'I SNANG YUL YIN PAR THAL, KHYOD BDAG MED YIN PA'I PHYIR, DE LA KHA CIG GIS, TSAD MA DE, YUL DANG YUL CAN GNYIS SU PHYE BA'I YUL MA YIN PAR THAL, RNAM MKHYEN DE, YUL DANG YUL CAN GNYIS SU PHYE BA'I YUL MA YIN PA'I PHYIR, 'DOD NA, TSAD MA CHOS CAN, YUL DANG YUL CAN GNYIS SU PHYE BA'I YUL YIN PAR THAL, YUL DANG YUL CAN GNYIS SU PHYE BA'I YOD PA YIN PA GANG ZHIG ,YOD PA YIN NA, YUL YIN PAS KHYAB PA'I PHYIR ZER NA MA KHYAB, RANG RIG CHOS CAN, GZUNG BA DANG 'DZIN PA GNYIS SU PHYE BA'I GZUNG BA YIN PAR THAL, DE GNYIS SU PHYE BA'I YOD PA GANG ZHIG ,YOD PA YIN NA, GZUNG BA YIN PAS KHYAB PA'I PHYIR, KHYAB PA 'GRIG ,'DOD MI NUS TE, DE GNYIS SU PHYE BA'I 'DZIN PA YIN PA'I PHYIR TE, RANG RIG YIN PA'I PHYIR, BYAS PA LA KHO NA RE, RANG RIG CHOS CAN, BLO DANG BLO'I YUL DU BYA RUNG GNYIS SU PHYE BA'I BLO'I YUL DU BYA RUNG MA YIN PAR THAL, 'DOD PA'I PHYIR, 'DOD MI NUS TE, BLO DANG SHES BYA GNYIS SU PHYE BA'I SHES BYA YIN PA'I PHYIR, DER THAL, BLO DANG YOD PA GNYIS SU PHYE BA'I YOD PA YIN PA'I PHYIR ZER NA MA KHYAB STE, DE DE GNYIS SU PHYE BA'I BLO YIN PA'I PHYIR RO, ,RANG GI LUGS LA, YUL DANG YUL CAN GNYIS LAS, DANG PO NI, BLOS RIG PAR BYA BA, YUL GYI MTSAN NYID DU 'JOG ,YUL LA DBYE NA, SNANG YUL, ZHEN YUL, 'JUG YUL DANG BCAS PA RNAMS SU YOD, BLO DE'I SNANG YUL DANG BLO DE'I BZUNG YUL DON CIG , @04B GZHI GRUB NA SNANG YUL YIN PAS KHYAB STE, DNGOS PO YIN NA MNGON SUM GYI SNANG YUL YIN PAS KHYAB PA GANG ZHIG ,RTAG PA YIN NA, RTOG PA'I SNANG YUL YIN PAS KHYAB PA'I PHYIR, DANG PO GRUB STE, MNGON SUM GYI SNANG YUL, BZUNG YUL, DNGOS PO RNAMS DON CIG YIN PA'I PHYIR; GZHAN YANG, DNGOS PO YIN NA DNGON SUM GYI SNANG YUL YIN DGOS PAR THAL, DNGOS PO YIN NA MNGON SUM GYIS MNGON DU GYUR PA'I TSUL GYI RTOGS PAR BYA BA YIN DGOS PA'I PHYIR, RTZA RTAGS GNYIS PA GRUB STE, RTOG PA'I SNANG YUL, BZUNG YUL, RTAG PA RNAMS DON CIG YIN PA'I PHYIR, YANG MNGON SUM GYI MJUG YUL DANG MNGON SUM GYI 'DZIN STANGS KYI YUL DON CIG ,RTOG PA'I ZHEN YUL, 'JUG YUL, DE'I 'DZIN STANGS KYI YUL RNAMS DON CIG ,GZHI GRUB NA, RTOG PA DANG RTOG MED KYI SHES PA GNYIS KA'I 'DZIN STANGS KYI YUL YIN PAS KHYAB BO, ,RANG 'DZIN RTOG PA'I 'DZIN STANGS KYI YUL YIN NA, RTOG PA'I 'DZIN STANGS KYI YUL YIN PAS MA KHYAB STE, RI BONG RVA DE RTOG PA'I 'DZIN STANGS KYI YUL MA YIN PA'I PHYIR, DER THAL, DE RTOG PA'I YUL MA YIN PA'I PHYIR TE, DE BLO'I YUL MA YIN PA'I PHYIR TE; DE BLO'I YUL DU BYA RUNG MA YIN PA'I PHYIR, DE CHOS CAN, RANG 'DZIN RTOG PA'I 'DZIN STANGS KYI YUL YIN PAR THAL, BDAG MED YIN PA'I PHYIR, BYAS PA LA KHO NA RE, BUM PA CHOS CAN, RANG 'DZIN RTOG PA'I 'DZIN STANGS KYI YUL YIN PAR THAL, BDAG MED YIN PA'I PHYIR, KHYAB PA KHAS, 'DOD MI NUS TE, RANG 'DZIN RTOG PA'I SNANG YUL YIN PA'I PHYIR TE DE LA SNANG BA'I PHYIR NA MA KHYAB, MA GRUB NA DE CHOS CAN, KHYOD RANG 'DZIN RTOG PA LA SNANG BAR THAL, KHYOD BDAG MED YIN PA'I PHYIR, YANG KHO NA RE, GANG ZAG GI BDAG MED CHOS CAN, DNGOS PO YIN @05A *, ,PAR THAL, MNGON SUM GYI SNANG YUL YIN PA'I PHYIR TE, GANG ZAG GI BDAG MED RTOGS PA'I RNAL 'BYOR MNGON SUM GYI SNANG YUL YIN PA'I PHYIR TE, DE DE LA GSAL BAR SNANG BA'I PHYIR, DER THAL, GANG ZAG GI BDAG MED RTOGS PA'I RJES DPAG GI RGYUN GOMS PAR BYAS PA LAS GOMS BYA'I DON LA GSAL SNANG THOB PA SRID PA'I PHYIR NA MA KHYAB STE, DES DE'I RGYUN GOMS PAR BYAS PA LAS GANG ZAG GI BDAG GI DBEN PA'I 'DU BYED LA GSAL SNANG THOB PAR GYUR BA'I PHYIR TE, DE 'DRA'I RNAL 'BYOR MNGON SUM GYIS GANG ZAG GI BDAG GIS DBEN PA'I 'DU BYED DNGOS SU RTOGS NAS, GANG ZAG GI BDAG MED SHUGS LA RTOGS PA YIN PA'I PHYIR, YANG KHA CIG ,SGRA CHOS CAN, RTAG PA DANG MED PA GANG RUNG YIN PAR THAL, SGRA RTAG 'DZIN RTOG PA'I SNANG YUL DANG ZHEN YUL GANG RUNG YIN PA'I PHYIR, DER THAL, DE'I YUL YIN PA'I PHYIR NA MA KHYAB, RTAGS GRUB STE, DE DE'I DMIGS YUL YIN PA'I PHYIR, YANG KHA CIG ,SNANG NAS RIG PAR BYA BA, SNANG YUL GYI MTSAN NYID ZER NA, 'O NA, BLO DE LA SNANG NAS RIG PAR BYA BA, BLO DE'I SNANG YUL GYI MTSAN NYID YIN PAR THAL, SNANG NAS RIG PAR BYA BA SNANG YUL GYI MTSAN NYID YIN PA'I PHYIR, RTAGS DNGOS, 'DOD NA, SGRA RTAG PA'I DON SPYI CHOS CAN, SGRA RTAG 'DZIN RTOG PA LA SNANG NAS RIG PAR BYA BA YIN PAR THAL, SGRA RTAG 'DZIN RTOG PA'I SNANG YUL YIN PA'I PHYIR, MA GRUB NA, SGRA RTAG PA CHOS CAN, KHYOD KYI DON SPYI KHYOD 'DZIN RTOG PA'I SNANG YUL YIN PAR THAL, KHYOD BDAG MED YIN PA'I PHYIR, GONG DU 'DOD NA, SGRA RTAG PA'I DON SPYI CHOS CAN, SGRA RTAG 'DZIN RTOG PAS RIG PAR BYA BA YIN PAR THAL, DE LA SNANG NAS RIG PAR BYA BA YIN PA'I PHYIR, 'DOD NA, DE CHOS CAN, DES @05B RTOGS PAR BYA BA YIN PAR THAL LO, ,'DOD NA, SGRA RTAG 'DZIN RTOG PAS RTOGS PA YOD PAR THAL LO, ,'DOD NA, SGRA RTAG 'DZIN RTOG PA CHOS CAN, KHYOD KYIS RTOGS PA MED PAR THAL, KHYOD LOG SHES YIN PA'I PHYIR TE, KHYOD RTOG PA LOG SHES YIN PA'I PHYIR, GZHAN YANG BLO DES RIG PAR BYA BA, BLO DE'I YUL GYI MTSAN NYID YIN PAR THAL, 'DOD PA'I PHYIR, 'DOD NA, ZLA GCIG CHOS CAN, ZLA BA GNYIS SNANG GI DBANG SHES KYIS RIG PAR BYA BA YIN PAR THAL, ZLA BA GNYIS SNANG GI DBANG SHES KYI YUL YIN PA'I PHYIR, MA GRUB NA, DE CHOS CAN, DER THAL; DE'I SNANG YUL YIN PA'I PHYIR, MA GRUB NA, ZLA GCIG CHOS CAN, DE'I SNANG YUL YIN PAR THAL, DE LA SNANG BA'I PHYIR, MA KHYAB NA, ZLA BA GNYIS SNANG GI DBANG SHES CHOS CAN, KHYOD LA SNANG NA, KHYOD KYI SNANG YUL YIN DGOS PAR THAL, KHYOD RTOG MED KYI SHES PA YIN PA'I PHYIR; MA GRUB NA, ZLA BA GNYIS SNANG GI DBANG SHES CHOS CAN, RTOG MED KYI SHES PA YIN PAR THAL, DBANG SHES YIN PA'I PHYIR, GONG DU 'DOD NA, ZLA GCIG CHOS CAN, ZLA BA GNYIS SNANG GI DBANG SHES KYIS RTOGS PA YIN PAR THAL, DES RIG PAR BYA BA YIN PA'I PHYIR, RTAGS KHAS SO, ,GNYIS PA YUL CAN LA, MTSAN NYID DANG, DBYE BA GNYIS, DANG PO NI, RANG YUL CI RIGS DANG LDAN PA'I DNGOS PO DE, RANG NYID YUL CAN GYI MTSAN NYID, GNYIS PA DE LA DBYE NA, GANG ZAG DANG, BLO DANG, BRJOD KYI SGRA DANG GSUM, DANG PO LA, RANG GI PHUNG PO LNGA PO GANG RUNG LA BRTEN NAS BTAGS PA'I SKYES BU DE, RANG NYID GANG ZAG GI MTSAN NYID, BDAG DANG NGA DANG GANG ZAG DANG SKYES BU RNAMS DON CIG ,MTSAN GZHI NI, KHAMS GSUM SO SO'I RTEN CAN GYI SKYES BU LTA BU, GNYIS PA BLO LA, MTSAN NYID DANG, DBYE BA GNYIS, DANG PO NI, @06A *, ,RIG PA BLO'I MTSAN NYID, GSAL ZHING RIG PA SHES PA'I MTSAN NYID, BLO RIG PA SHES PA GSUM DON CIG ,GNYIS PA BLO LA DBYE NA, TSAD MA DANG, TSAD MIN GYI BLO GNYIS LAS, DANG PO LA KHA CIG ,MI SLU BA'I RIG PA TSAD MA'I MTSAN NYID ZER NA, DPYAD SHES CHOS CAN, TSAD MA YIN PAR THAL, MI SLU BA'I RIG PA YIN PA'I PHYIR, MA GRUB NA, DE CHOS CAN, DER THAL, RANG GI DPYAD DON THOB BYED KYI RIG PA YIN PA'I PHYIR, MA KHYAB NA, KHYAB PA YOD PAR THAL, RANG GI DPYAD DON THOB BYED KYI RIG PA DE, RANG NYID MI SLU BA'I SHES PA'I MTSAN NYID YIN PA'I PHYIR, RTZA BAR 'DOD NA, DPYAD SHES CHOS CAN, GSAR RTOGS KYI RIG PA YIN PAR THAL, TSAD MA YIN PA'I PHYIR, RTAGS DNGOS, 'DOD NA, DE CHOS CAN, GSAR RTOGS KYI RIGS PA MA YIN PAR THAL, RTOGS ZIN RTOGS PA'I RIG PA YIN PA'I PHYIR TE, CHOS CAN DE YIN PA'I PHYIR, YANG KHA CIG ,RANG GI GZHAL BYA LA MI SLU BA'I RIG PA TSAD MA'I MTSAN NYID ZER NA, DE CHOS CAN, TSAD MA YOD NA, KHYOD YOD PAS KHYAB PAR THAL, KHYOD TSAD MA'I MTSAN NYID YIN PA'I PHYIR, RTAGS KHAS, 'DOD NA, BUM PA CHOS CAN, RANG GI GZHAL BYA LA MI SLU BA'I RIG PA YOD PAR THAL, TSAD MA YOD PA'I PHYIR TE, THAMS CAD MKHYEN PA'I TSAD MA YOD PA'I PHYIR, 'DOD NA, BUM PA CHOS CAN, RANG GI GZHAL BYA LA MI SLU BA'I RIG PA MED PAR THAL, RANG GI GZHAL BYA MED PA'I PHYIR, MA GRUB NA, BUM PA CHOS CAN, DER THAL, KHYOD KYI GZHAL BYA MED PA'I PHYIR TE, KHYOD BEM PO YIN PA'I PHYIR, KHA CIG GIS, RTOG PA DANG BRAL ZHING MA 'KHRUL PA'I GSAR DU MI SLU BA'I RIG PA MNGON SUM TSAD MA'I MTSAN NYID, ZER NA, DE LA KHA CIG GIS RNAM MKHYEN SKAD CIG DANG PO @06B CHOS CAN, MTSON BYA DER THAL, MTSAN NYID DE'I PHYIR, 'DOD NA, MNGON SUM TSAD MA YIN PAR THAL, 'DOD PA'I PHYIR, 'DOD MI NUS TE, MNGON SUM SKAD CIG GNYIS PA MNGON SUM YIN PA'I PHYIR NA MA KHYAB, RANG LUGS KYI SKYON NI, BUM PA CHOS CAN, MTSAN NYID DER THAL, MTSON BYA DE'I PHYIR, RTAGS GSAL SLA, KHA CIG NA RE, RTOG BRAL GYI RIG PA, MNGON SUM GYI TSAD MA'I MTSAN NYID ZER NA, GANGS RI SNGON POR SNANG BA'I DBANG SHES CHOS CAN, MNGON SUM GYIS TSAD MA YIN PAR THAL, RTOG BRAL GYI RIG PA YIN PA'I PHYIR, MA GRUB NA, DE CHOS CAN, DER THAL, RTOG MED KYI SHES PA YIN PA'I PHYIR TE, DBANG SHES YIN PA'I PHYIR, RTZA BAR 'DOD NA, DE CHOS CAN, MNGON SUM GYI TSAD MA MA YIN PAR THAL, MA 'KHRUL BA'I SHES PA MA YIN PA'I PHYIR TE, 'KHRUL SHES YIN PA'I PHYIR, MA GRUB NA, DE CHOS CAN; DER THAL, LOG SHES YIN PA'I PHYIR, RANG LUGS LA, GSAR DU MI SLU BA'I RIG PA TSAD MA'I MTSAN NYID, TSAD MA'I MTSAN NYID KYI ZUR DU GSAR DU DANG MI SLU BA DANG RIG PA ZHES GSUM SMOS PA LA DGOS PA YOD DE, GSAR DU ZHES PAS DPYAD SHES TSAD MA YIN PA GCOD; MI SLU BA ZHES PAS YID DPYOD TSAD MA YIN PA GCOD, RIG PA ZHES PAS DBANG PO GZUGS CAN PA TSAD MA YIN PA GCOD PA YIN PA'I PHYIR, TSAD MA LA DBYE NA, MNGON SUM GYI TSAD MA DANG, RJES SU DPAG PA'I TSAD MA GNYIS YOD, SO SO'I MTSAN NYID MTSAN GZHI SOGS 'OG TU 'CHAD DO, ,RTOG PA DANG BRAL ZHING MA 'KHRUL BA'I RIG PA BLO MNGON SUM PA'I MTSAN NYID, BLO MNGON SUM PA LA DBYE NA, DBANG PO'I MNGON SUM, YID KYI MNGON SUM, RANG RIG MNGON SUM, RNAL 'BYOR MNGON SUM DANG BZHI LAS, DANG PO LA MTSAN NYID DANG, @07A *, ,DBYE BA GNYIS LAS, DANG PO NI, RANG GI THUN MONGS MA YIN PA'I BDAG RKYEN DU GYUR BA'I DBANG PO GZUGS CAN PA LA BRTEN NAS SKYES PA GANG ZHIG ,RTOG PA DANG BRAL ZHING MA 'KHRUL PA'I RIG PA, DBANG MNGON GYI MTSAN NYID, GNYIS PA DE LA DBYE NA, DBANG MNGON DU GYUR BA'I TSAD MA, DPYAD SHES, SNANG LA MA NGES PA'I BLO DANG GSUM LAS, DANG PO NI, GZUGS 'DZIN DBANG MNGON SKAD CIG DANG PO LTA BU'O, ,GNYIS PA NI, GZUGS 'DZIN DBANG MNGON SKAD CIG GNYIS PA LTA BU'O, ,GSUM PA NI, YID SGRA SNYAN PA LA LHAG PAR CHAGS BZHIN PA'I SKYES BU'I RGYUD KYI GZUGS 'DZIN DBANG MNGON LTA BU'O, ,YANG DBANG MNGON LA DBYE NA, GZUGS 'DZIN DBANG MNGON, SGRA 'DZIN DBANG MNGON, DRI 'DZIN DBANG MNGON, RO 'DZIN DBANG MNGON, REG 'DZIN DBANG MNGON DANG LNGA LAS, DANG PO NI, RANG GI THUN MONGS MA YIN PA'I BDAG RKYEN DU GYUR PA'I MIG DBANG DANG, RANG GI DMIGS RKYEN DU GYUR PA'I GZUGS LA BRTEN NAS SKYES PA GANG ZHIG ,RTOG PA DANG BRAL ZHING MA 'KHRUL BA'I RIG PA, GZUGS 'DZIN DBANG MNGON GYIS MTSAN NYID, DE BZHIN DU RANG GI MTHUN MONGS MA YIN PA'I BDAG RKYEN DU GYUR BA'I RNA BA'I DBANG PO DANG, RANG GI DMIGS RKYEN DU GYUR BA'I SGRA LA BRTEN NAS SKYES PA SOGS PHYI MA RNAMS LA'ANG RIGS 'DRA'O, ,GNYIS PA YID MNGON LA MTSAN NYID DANG, DBYE BA GNYIS LAS, DANG PO NI, RANG GI THUN MONG MA YIN PA'I BDAG RKYEN DU GYUR PA'I YID DBANG LA BRTEN NAS SKYES PA GANG ZHIG ,RTOG PA DANG BRAL ZHING MA 'KHRUL BA'I GZHAN RIG GI SHES PA DE, YID MNGON GYI MTSAN NYID, GNYIS PA DE LA DBYE NA, YID MNGON DU GYUR PA'I TSAD MA, DPYAD SHES, SNANG LA MA NGES PA'I BLO DANG GSUM LAS, @07B DANG PO NI, GZHAN SEMS SHES PA'I MNGON SHES SKAD CIG DANG PO LTA BU'O, ,GNYIS PA NI, GZHAN SEMS SHES PA'I MNGON SHES SKAD CIG GNYIS PA LTA BU'O, ,SUM PA NI, YID GZUGS MDZOS PAR LHAG PAR CHAGS BZHIN PA'I SKYES BU'I RGYUD KYI SGRA 'DZIN YID MNGON LTA BU'O, ,GSUM PA RANG RIG MNGON SUM LA, MTSAN NYID DANG, DBYE BA GNYIS LAS, DANG PO NI, 'DZIN RNAM RANG RIG GI MTSAN NYID, RTOG PA DANG BRAL ZHING MA 'KHRUL BA'I 'DZIN RNAM, RANG RIG MNGON SUM GYI MTSAN NYID, GNYIS PA DE LA DBYE NA, RANG RIG MNGON SUM DU GYUR BA'I TSAD MA DBYAD SHES, SNANG LA MA NGES PA'I BLO DANG GSUM LAS, DANG PO NI, ,MIG SHES NYAMS SU MYONG BA'I RANG RIG MNGON SUM SKAD CIG DANG PO LTA BU'O, ,GNYIS PA NI, MIG SHES NYAMS SU MYONG BA'I RANG RIG MNGON SUM SKAD CIG GNYIS PA LTA BU'O, ,GSUM PA NI, GRANGS CAN PA'I RGYUD KYI BDE BA SHES PA YIN PA NYAMS SU MYONG BA'I RANG RIG ,MNGON SUM DANG, BYE BRAG PA'I RGYUD KYI BDE BA SHES PA YIN PA NYAMS SU MYONG BA'I RANG RIG MNGON SUM DANG, RGYANG 'PHEN PA'I RGYUD KYI RJES DPAG TSAD MA YIN PA NYAMS SU MYONG BA'I RANG RIG RNAMS LTA BU'O, ,BZHI PA RNAL 'BYOR MNGON SUM LA MTSAN NYID, DBYE BA GNYIS, DANG PO NI, RANG GI THUN MONG MA YIN PA'I BDAG RKYEN DU GYUR BA'I ZHI LHAG ZUNG 'BREL GYI TING NGE 'DZIN LA BRTEN NAS SKYES PA GANG ZHIG ,RTOG PA DANG BRAL ZHING MA 'KHRUL BA'I 'PHAGS RGYUD KYI GZHAN RIG GI MKHYEN PA DE, RNAL 'BYOR MNGON SUM GYI MTSAN NYID, DE LA DBYE NA, RNAL 'BYOR MNGON SUM DU GYUR PA'I MTSAD MA DANG, DPYAD SHES GNYIS YOD CING, RNAL 'BYOR MNGON SUM DU GYUR BA'I SNANG LA MA NGES PA'I BLO NI MED DE, RNAL 'BYOR MNGON SUM YIN NA RANG GI @08A *, ,GZHAL BYA NGES BAS KHYAB PA'I PHYIR TE, TSAD MA RNAM 'GREL LAS, BLO GROS CHEN POS MTHONG NYID LAS, RNAM PA THAMS CAD NGES PAR BYED, CES GSUNGS PA'I PHYIR, RNAL 'BYOR MNGON SUM DU GYUR PA'I DPYAD SHES YOD KYANG, KUN MKHYEN YE SHES SKAD CIG GNYIS PA LTA BU NI DPYAD SHES MA YIN TE, KUN MKHYEN YE SHES YIN NA, TSAD MA YIN PAS KHYAB PA'I PHYIR TE, RNAM BSHAD THAR LAM GSAL BYED LAS, KHO BOS NI KHA NANG DU PHYOGS NAS JI TZAM BSAMS KYANG, KUN MKHYEN YE SHES LA GSAR RTOGS KYIS MA KHYAB PA MA TSOR RO, ,ZHES PA DANG, TSAD MA YID KYI MUN SEL LAS, TSAD MA LNGA MAS BZUNG BA TZAM GYIS DPYAD SHES SU 'GYUR NA, KUN MKHYEN YE SHES SKAD CIG GNYIS PA YAN CHAD DPYAD SHES SU THAL BA SOGS MTHA' YAS PA'I GNOD BYED YOD KYANG 'OG TU BSTAN PAR BYA'O, ,ZHES GSUNGS PA'I PHYIR; RTOG PA DANG BRAL ZHING GSAR DU MI SLU BA'I RIG PA DE, MNGON SUM GYI TSAD MA'I MTSAN NYID, MNGON SUM GYI TSAD MA LA DBYE NA, RANG RIG MNGON SUM GYI TSAD MA, DBANG PO'I MNGON SUM GYI TSAD MA, YID KYI MNGON SUM GYI TSAD MA, RNAL 'BYOR MNGON SUM GYI TSAD MA DANG BZHI LAS; KHA NANG KHO NAR PHYOGS SHING 'DZIN PA YAN GAR BAR GYUR PA'I RTOG PA DANG BRAL ZHING GSAR DU MI SLU BA'I RIG PA, DANG PO'I MTSAN NYID, RANG GI THUN MONG MA YIN PA'I BDAG RKYEN DU GYUR PA'I DBANG PO GZUGS CAN PA LA BRTEN NAS BYUNG BA'I RTOG PA DANG BRAL ZHING GSAR DU MI MI SLU BA'I RIG PA, GNYIS PA'I MTSAN NYID, DE LA DBYE NA, GZUGS 'DZIN DBANG MNGON GYI TSAD MA SOGS LNGA YOD, RANG GI THUN MONG MA YIN PA'I BDAG RKYEN DU GYUR PA'I YID DBANG LA BRTEN NAS BYUNG BA'I RTOG PA DANG BRAL ZHING GSAR DU MI SLU BA'I RIG PA, GSUM PA'I @08B MTSAN NYID, DE LA DBYE NA, GZUGS 'DZIN YID MNGON GYI TSAD MA SOGS DRUG YOD, RANG GI BDAG RKYEN DU GYUR PA'I ZHI LHA GZUNG 'BREL GYI TING NGE 'DZIN LA BRTEN NAS PHRA BA'I MI RTAG PA DANG, GANG ZAG GI BDAG MED PHRA RAGS GANG RUNG MNGON SUM DU GSAR DU RTOGS PA'I 'PHAGS RGYUD KYI GZHAN RIG GI MKHYEN PA, BZHI PA'I MTSAN NYID, DE LA DBYE NA, PHRA BA'I MI RTAG PA MNGON SUM DU RTOGS PA'I TSAD MA DANG, GANG ZAG GI BDAG MED RAGS PA MNGON SUM DU RTOGS PA'I TSAD MA DANG, GANG ZAG GI BDAG MED PHRA MO MNGON SUM DU RTOGS PA'I TSAD MA DANG GSUM YOD, MNGON SUM LTAR SNANG BSHAD PA LA, MTSAN NYID DANG, DBYE BA GNYIS LAS, DANG PO NI, RANG GI SNANG YUL LA 'KHRUL PA'I RIG PA, MNGON SUM LTAR SNANG GI MTSAN NYID, DE DANG 'KHRUL SHES DON CIG ,GNYIS PA NI, DE LA DBYE NA, BDUN YOD DE, RTOG PA MNGON SUM LTAR SNANG DRUG DANG, RTOG MED MNGON SUM LTAR SNANG GCIG TE BDUN YOD PA'I PHYIR, DANG PO DRUG YOD DE, 'KHRUL PA'I RTOG PA, KUN RDZOB KYI RTOG PA, RJES DPAG GI RTOG PA, RJES SU DPAG PA LAS BYUNG BA'I RTOG PA, DRAN PA'I RTOG PA, MNGON 'DOD KYI RTOG PA RNAMS SU YOD PA'I PHYIR, MTSAN GZHI RIM PA LTAR, ,DANG PO NI, SGRA RTAG 'DZIN RTOG PA LTA BU, GNYIS PA NI, SGRA MI RTAG RTOGS KYI RJES DPAG LTA BU, GSUM PA NI, RTAG 'DZIN SEMS SU GYUR PA'I RTOG PA LTA BU, BZHI PA NI, RJES DPAG GI RJES SU BYUNG BA'I RTOG PA LTA BU, LNGA PA NI, DE RING GI DUS SU 'DAS PA'I DON DRAN PA'I RTOG PA LTA BU, DRUG PA NI, DE RING GI DUS SU MA 'ONG PA'I DON MNGON PAR 'DOD PA'I RTOG PA LTA BU'O, ,RTOG MED MNGON SUM LTAR SNANG LA DU MA YOD DE, YID SHES SU GYUR PA'I DE DANG, DBANG SHES SU GYUR PA'I DE GNYIS LAS, DANG PO'I @09A *, ,MTSAN GZHI GONG DU BSHAD ZIN CING, GNYIS PA LA YANG BZHI YOD DE, 'KHRUL RGYU BRTEN LA YOD PA, 'KHRUL RGYU GNAS LA YOD PA, 'KHRUL RGYU YUL LA YOD PA 'KHRUL RGYU DE MA THAG RKYEN LA YOD PA DANG BZHI YOD PA'I PHYIR, DANG PO NI, MIG RAB RIB KYIS BSLAD PA LTA BU YIN TE, DE LA BRTEN NAS ZLA GCIG ZLA GNYIS SU SNANG BA'I DBANG SHES SKYES PA'I PHYIR, GNYIS PA NI, GRUR ZHUGS PA LTA BU YIN TE, DE LA BRTEN NAS, LJON SHING 'GRO BAR SNANG BA'I DBANG SHES SKYES PA'I PHYIR, GSUM PA NI, 'GAL MED MYUR DU BSKOR BA LTA BU YIN TE, DE LA BRTEN NAS 'GAL MED 'KHOR LOR SNANG BA'I DBANG SHES SKYES PA'I PHYIR, BZHI PA NI, YID ZHE SDANG GI DKRUG PA LTA BU YIN TE, DE LA BRTEN NAS SA GZHI DMAR POR SNANG BA'I DBANG SHES SKYES PA'I PHYIR, RTOG MED LOG SHES, RTOG MED MNGON SUM LTAR SNANG, MED PA GSAL SNANG CAN GYI SHES PA RNAMS DON CIG GO ,RANG GI RTEN RTAGS YANG DAG LA BRTEN NAS DNGOS SU SKYES PA'I GSAR DU MI SLU BA'I GZHAN RIG DE, RJES SU DPAG PA'I TSAD MA'I MTSAN NYID, DE LA DBYE NA, DNGOS STOBS KYI RJES DPAG ,GRAGS PA'I RJES DPAG ,YID CHES KYI RJES DPAG DANG GSUM LAS BYAS RTAGS KYIS SGRA MI RTAG RTOGS KYI RJES DPAG DANG PO'I MTSAN GZHI, RTOG YUL NA YOD PA'I RTAGS LAS RI BONG CAN LA ZLA SGRAS BRJOD RUNG DU RTOGS PA'I RJES DPAG GNYIS PA'I MTSAN GZHI, DBYAD GSUM GYIS DAG PA'I LUNG GIS RTAGS LAS, SBYIN PAS LONGS SPYOD KHRIMS KYIS BDE, ZHES SOGS KYI LUNG RANG GI BSTAN DON MI SLU BAR RTOGS PA'I RJES DPAG LTA BU GSUM PA'I MTSAN GZHI YIN, GRAGS PA'I RJES DPAG LA DNGOS STOBS RJES DPAG GIS KHYAB CING, MNGON SUM YIN NA MNGON SUM GYI TSAD MA YIN PAS MA KHYAB @09B STE; GZUGS 'DZIN DBANG PO'I MNGON SUM SKAD CIG GNYIS PA TSAD MA MA YIN PA'I PHYIR, DER THAL, DE DANG SGRA MI RTAG RTOGS KYI RJES DPAG SKAD CIG GNYIS PA RNAMS DPYAD SHES YIN PA'I PHYIR TE, 'THAD LDAN LAS, MNGON SUM DANG RJES SU DPAG PA'I SKAD CIG DANG PO GNYIS NI TSAD MA YIN LA, DE DAG GI RGYUN DU GYUR PA GRUB BDE THA MI DAD PA'I PHYIR BYI MA RNAMS NI TSAD MA YIN PA SPANGS PA'O, ,ZHES GSUNGS PA'I PHYIR, YANG DE LA SGRAS BRJOD RIGS KYI SGO NAS DBYE NA, RANG DON RJES DPAG DANG GZHAN DON RJES DPAG GNYIS LAS, DANG PO DANG RJES DPAG DON CIG, GNYIS PA DANG SGRUB DAG YANG DAG DON CIG PA'I PHYIR, KHA CIG ,RANG GI RTEN RTAGS YANG DAG DKOD PA LA BRTEN NAS SKYES PA'I RANG GI GZHAL BYA LKOG GYUR LA GSAR DU MI SLU BA'I GZHEN RIG ,RJES DPAG TSAD MA YIN PA'I MTSAN NYID ZER NA, RI BONG RA CHOS CAN, MTSAN NYID DER THAL, MTSON BYA DE'I PHYIR, MA GRUB NA, DE CHOS CAN, RJES DPAG TSAD MA YIN PAR THAL, RJES DPAG RJES SU DPAG PA'I TSAD MA YIN PA'I PHYIR, MA KHYAB NA, KHYAB PA YOD DE, RJES DPAG DANG, RJES SU DPAG PA'I TSAD MA DANG, RANG DON RJES DPAG GSUM DON CIG YIN PA'I PHYIR, ZHAR LA RTAG 'DZIN SEMS BSHAD PA LA, MTSAN NYID DBYE BA GNYIS LAS, DANG PO NI, RANG NYID SGRA BYAS PA DANG, BYAS NA MI RTAG PA'I KHYAB PA GANG RUNG LA MI SLU BA YANG YIN, RANG GI RGYU RKYEN BYAS PA LA BRTEN NAS BYUNG BA'I BYAS PA'I RTAGS KYIS SGRA MI RTAG RTOGS KYI RJES DPAG GI RGYU YANG YIN PA'I GZHI MTHUN PAR GYUR PA'I BYAS PA'I RTAGS KYIS SGRA MI RTAG BAR SGRUB PA'I PHYI RGOL YANG DAG GI RGYUD KYI RIG PA DE, RANG NYID BYAS PA'I RTAGS KYIS SGRA MI RTAG PAR SGRUB PA'I RTAG 'DZIN SEMS KYI MTSAN NYID, GNYIS PA NI, DE LA DBYE NA, SGRA BYAS PAR 'JAL BA'I BYAS PA'I RTAGS KYIS SGRA MI RTAG PAR @10A *, ,SGRUB PA'I RTAG 'DZIN SEMS DANG, BYAS NA MI RTAG PAS KHYAB PA 'JAL BA'I RTAG 'DZIN SEMS GNYIS YOD, MTSAN NYID RIM PA LTAR, RANG NYID SGRA BYAS PA LA MI SLU BA YANG YIN, RANG GI RGYU RKYEN BYAS PA LA BRTEN NAS BYUNG BA'I BYAS PA'I RTAGS KYIS SGRA MI RTAG PAR RTOGS PA'I RJES DPAG GI RGYU YANG YIN PA'I GZHI MTHUN PAR GYUR PA'I BYAS PA'I RTAGS KYIS SGRA MI RTAG PAR SGRUB PA'I PHYI RGOL YANG DAG GI RGYUD KYI RIG PA DANG PO'I MTSAN NYID, RANG NYID BYAS NA MI RTAG PAS KHYAB PA LA MI SLU BA YANG YIN, RANG GIS RGYU RKYEN BYAS PA LA BRTEN NAS BYUNG BA'I BYAS PA'I RTAGS KYIS SGRA MI RTAG PAR RTOGS PA'I RJES DPAG GI RGYU YANG YIN PA'I GZHI MTHUN PAR GYUR PA'I BYAS PA'I RTAGS KYIS SGRA MI RTAG PAR SGRUB PA'I PHYI RGOL YANG DAG GI RGYUD KYI RIG PA GNYIS PA'I MTSAN NYID, DANG PO LA DBYE NA, SGRA BYAS PAR 'JAL BA'I BYAS PA'I RTAGS KYIS SGRA MI RTAG PAR SGRUB PA'I RTAG 'DZIN SEMS SU GYUR PA'I MNGON SUM, RJES DPAG ,DPYAD SHES DANG GSUM LAS, DANG PO NI, BYAS PA'I RTAGS KYIS SGRA MI RTAG PAR SGRUB PA'I PHYI RGOL YANG DAG GI RGYUD KYI SGRA BYAS PAR 'JAL BA'I MNGON SUM LTA BU'O, ,GNYIS PA NI, DE'I RGYUD KYI SGRA BYAS PAR 'JAL BA'I RJES DPAG LTA BU'O, ,GSUM PA NI, DE'I RGYUD KYI SGRA BYAS PAR 'JAL BA'I RJES DPAG SKAD CIG GNYIS PA LA SOGS PA LTA BU'O, ,GNYIS PA LA YANG, BYAS NA MI RTAG PAS KHYAB PA 'JAL BA'I BYAS RTAGS KYIS SGRA MI RTAG PAR SGRUB PA'I RTAG 'DZIN SEMS SU GYUR PA'I MNGON SUM RJES DPAG ,DBYAD SHES DANG GSUM LAS, DANG PO NI, BYAS PA'I RTAGS KYIS SGRA MI RTAG PAR SGRUB PA'I PHYI RGOL YANG DAG GI RGYUD KYI BYAS NA MI RTAG PAS KHYAB PA 'JAL BA'I MNGON SUM LTA BU'O, ,GNYIS PA NI, DE'I RGYUD KYI BYAS NA MI RTAG PAS KHYAB PA 'JAL @10B BA'I RJES DPAG LTA BU'O, ,GSUM PA NI, DE'I RGYUD KYI BYAS NA MI RTAG PAS KHYAB PA 'JAL BA'I RJES DPAG SKAD CIG GNYIS PA LA SOGS PA LTA BU'O, ,YANG TSAD MA LA DBYE NA, RANG LAS DES DANG GZHAN LAS NGES KYI TSAD MA GNYIS ,DE GNYIS SO SO'I MTSAN NYID DANG, DBYE BA GNYIS LAS, DANG PO LA, KHA CIG ,RANG NYID TSAD MA YIN PA RANG NYID KYIS NGES PA'I GSAR DU MI SLU BA'I RIG PA, RANG NYID RANG LAS NGES KYI TSAD MA YIN PA'I MTSAN NYID ZER NA, RANG LAS NGES KYI TSAD MA YIN NA, RANG NYID TSAD MA YIN PA RANG NYID KYIS NGES PAS KHYAB PAR THAL, DAM BCA' 'THAD PA'I PHYIR, 'DOD NA, DE YIN NA, KHYOD KYIS KHYOD NGES PAS KHYAB PAR THAL, 'DOD PA'I PHYIR, 'DOD NA, DE YIN NA, KHYOD KYIS KHYOD RTOGS PAS KHYAB PAR THAL, 'DOD PA'I PHYIR, DOD NA, GZUGS 'DZIN DBANG MNGON CHOS CAN, DER THAL, DE'I PHYIR, KHYAB PA KHAS, 'DOD NA, DE CHOS CAN, KHYOD KYIS GZUGS 'DZIN DBANG MNGON MA RTOGS PAR THAL, KHYOD KYIS GZUGS 'DZIN DBANG MNGON DANG, GZUGS GNYIS KYI NANG NAS GZUGS KHO NA RTOGS PA'I PHYIR TE, KHYOD DE GNYIS KYI NANG NAS GZUGS KHO NA'I YUL CAN DU NGES PA'I PHYIR, YANG KHA CIG ,RANG LAS NGES KYI TSAD MA YIN NA, RANG NYID TSAD MA YIN PAR RANG NYAMS SU MYONG BA'I RANG RIG MNGON SUM GYIS NGES PAS KHYAB ZER NA, SNGON 'DZIN DBANG MNGON CHOS CAN, DER THAL, DE'I PHYIR, KHYAB PA KHAS, RTAGS GRUB STE, RANG LAS NGES KYI TSAD MA DANG, GZHAN LAS NGES KYI TSAD MA GANG RUNG GANG ZHIG ,PHYI MA MA YIN PA'I PHYIR, DANG PO GRUB STE, TSAD MA YIN PA'I PHYIR, GNYIS PA GRUB STE, GZUGS 'DZIN DBANG MNGON GZHAN LAS NGES KYI TSAD MA MA YIN PA'I PHYIR, MA GRUB NA, DE CHOS CAN, DER THAL, @11A *, ,RANG LAS NGES KYI TSAD MA YIN PA'I PHYIR, MA GRUB NA, GZUGS CHOS CAN, KHYOD 'DZIN PA'I DBANG MNGON RANG LAS NGES KYI TSAD MA YIN PAR THAL, KHYOD BEM PO YIN PA'I PHYIR, BYAS PA LA KHO NA RE, DON LA ME'I KHA DOG YIN ZHING ME'I KHA DOG YIN MIN LA THE TSOM ZA DUS KYI RGYANG RING PO'I KHA DOG DMAR LAM PO CHOS CAN, KHYOD 'DZIN PA'I DBANG MNGON RANG LAS NGES KYI TSAD MA YIN PAR THAL, KHYOD BEM PO YIN PA'I PHYIR, ZER NA, CHOS CAN SKYON CAN YIN ZHING, 'DOD MI NUS TE, GZHAN LAS NGES KYI TSAD MA YIN PA'I PHYIR TE, DE'I MTSAN GZHI GCIG YOD PA'I PHYIR, RTZA BAR 'DOD NA, SNGON 'DZIN DBANG MNGON NYAMS SU MYONG BA'I RANG RIG MNGON SUM DES, SNGON 'DZIN DBANG MNGON TSAD MA YIN PA RTOGS PAR THAL, DES DE TSAD MA YIN PAR NGES PA'I PHYIR, RTAGS KHAS, 'DOD MI NUS TE, DES DE SHES PA YIN PAR RTOGS KYANG, DES DE TSAD MA YIN PAR MA RTOGS PA'I KHYAD PAR 'THAD PA'I PHYIR, KHO NA RE, SNGON 'DZIN DBANG MNGON NYAMS SU MYONG BA'I RANG RIG MNGON SUM DES, SNGON 'DZIN DBANG MNGON TSAD MA YIN PAR RTOGS PAR THAL, DES MNGON 'DZIN DBANG MNGON TSAD MA YIN PAR BZUNG BA'I PHYIR ZER NA, MA KHYAB, RTAGS GRUB STE, DES SNGON 'DZIN DBANG MNGON TSAD MA YIN PAR BZUNG YANG, DE TSAD MA YIN PAR MA RTOGS PAS, MA BZUNG BA DANG 'DRA BAR KHAS LEN PA'I PHYIR, GZHAN YANG, SNGON 'DZIN DBANG MNGON NYAMS SU MYONG BA'I RANG RIG MNGON SUM DE, SNGON 'DZIN DBANG MNGON TSAD MA YIN PAR MA RTOGS PAR THAL, DES SNGON 'DZIN DBANG MNGON GYI NGO BO DANG SNGON 'DZIN DBANG MNGON SHES PA YIN PA RTOGS NUS SHING, SNGON 'DZIN DBANG MNGON TSAD MA YIN PA DE RANG LAS PHYIS 'BYUNG GI @11B THA SNYAD PA'I TSAD MA GZHAN LA BRTEN NAS NGES DGOS PA'I PHYIR, RANG LUGS NI, SPYI DON RIG RGYAN LAS, TSAD MA GANG ZHIG ,RANG GI GZHAL BYA'I BDAG NYID YUL STENG DU GNAS PA MED NA, RANG NYID MI 'BYUNG BA LA RANG STOBS KYIS NGES PA 'DREN NUS PA, RANG LAS NGES KYI TSAD MA'I MTSAN NYID, TSAD MA GANG ZHIG ,RANG GI GZHAL BYA'I BDAG NYID YUL STENG DU GNAS PA MED NA, RANG NYID MI 'BYUNG BA LA GZHAN STOBS KYIS DES GNYIS PHA 'DREN DGOS PA DE, GZHAN LAS DES KYI TSAD MA'I MTSAN NYID, CES GSUNGS PA LTAR 'JOG RIG PA YIN NO GNYIS PA DBYE BA BSHAD PA LA, KHA CIG ,RANG LAS NGES DANG, GZHAN LAS NGES KYI TSAD MA GNYIS KA LA, MNGON SUM DANG, RJES SU DPAG PA'I TSAD MA GNYIS YOD ZER NA DE MI 'THAD DE, RANG LAS NGES KYI TSAD MA LA DE GNYIS YOD KYANG, GZHAN LAS NGES KYI TSAD MA YIN NA; MNGON SUM GYI TSAD MA YIN DGOS PA'I PHYIR, GZHAN YANG, DE MI 'THAD DE, MNGON SUM GYI TSAD MA LA DE GNYIS KA YOD KYANG, RJES DPAG YIN NA, RANG LAS NGES KYI TSAD MA YIN DGOS PA'I PHYIR, YANG KHA CIG ,DON LA ME'I KHA DOG YIN ZHING, RTOG PAS ME'I KHA DOG YIN MIN THE TSOM ZA DUS KYI RGYANG RING PO'I KHA DOG DMAR LAM PA 'DZIN PA'I DBANG MNGON DE, GZHAN LAS NGES KYI TSAD MA YIN ZER BA MI 'THAD DE, DON LA ME'I KHA DOG YIN ZHING, RTOG PAS ME'I KHA DOG YIN MIN THE TSOM ZA DUS MED PA'I PHYIR ` DER THAL, RTOG PAS ME'I KHA DOG YIN MIN THE TSOM ZA BA MED PA'I PHYIR TE, ME'I KHA DOG YIN NA, ,RTOG PAS ME'I KHA DOG TU RTOGS PAS KHYAB PA'I PHYIR, RANG LUGS NI, RANG LAS NGES KYI TSAD MA LA DBYE NA, DON BYED SNANG CAN GYI DBANG MNGON GYI TSAD MA, @11A *, ,DON GOMS PA CAN GYI DBANG MNGON GYI TSAD MA, RANG RIG MNGON SUM GYI TSAD MA, RNAL 'BYOR MNGON SUM GYI TSAD MA, RJES SU DPAG PA'I TSAD MA DANG LNGA YOD CING, DE LNGA PO GANG RUNG YIN NA, RANG LAS NGES KYI TSAD MA YIN PAS KHYAB BO,, MTSAN GZHI RIM PA LTAR, DANG PO NI, MES BUS SHING BSREG PA'I DON BYED NUS PAR 'DZIN PA'I DBANG MNGON LTA BU, GNYIS PA NI, BU'I RGYUD KYI PHA'I GZUGS 'DZIN PA'I DBANG MNGON LTA BU, GSUM PA NI, MIG SHES NYAMS SU MYONG BA'I RANG RIG MNGON SUM LTA BU, BZHI PA NI, GZHAN RIG GI YID SHES SU GYUR PA'I RNAM MKHYEN LTA BU, LNGA PA NI, SGRA MI RTAG RTOGS KYI RJES DPAG LTA BU, GZHAN LAS NGES KYI TSAD MA LA SGRA BRJOD RIGS KYI SGO NAS DBYE NA, MNGON SUM DANG PO LA, MNGON SUM YID MA GTAD, MNGON SUM 'KHRUL RGYU CAN DANG GSUM YOD, MTSAN GZHI RIM PA LTAR, DANG PO NI, SNGAR AUTPA LA MTHONG MA MYONG BA'I GANG ZAG GI RGYUD KYI AUTPA LA'I KHA DOG 'DZIN PA'I DBANG MNGON LTA BU'O, ,GNYIS PA NI, YID GZUGS MDZES PA LA LHAG PAR CHAGS BZHIN PA'I SKYES BU'I RGYUD KYI SGRA 'DZIN DBANG MNGON LTA BU'O, ,GSUM PA NI, SMIG RGYU LA CHUR 'DZIN PA'I SGRO 'DOGS DNGOS SU SKYED PAR BYED PA'I SMIG RGYU'I KHA DOG 'DZIN PA'I DBANG MNGON LTA BU'O, ,YANG DE LA SGRAS BRJOD RIGS KYI SGO NAS DBYE NA, SNANG BA RANG LAS NGES SHING, BDEN PA GZHAN LAS NGES KYI TSAD MA SPYI RANG LAS NGES SHING, KHYAD PAR GZHAN LAS NGES KYI TSAD MA, SNANG BA NYID KYANG GZHAN LAS NGES KYI TSAD MAR SONG BA DANG GSUM LAS, DANG PO NI, DON LA ME'I KHA DOG YIN ZHING, ME'I KHA DOG YIN MIN THE TSOM ZA DUS KYI RGYANG RING PO'I KHA DOG DMAR LAm PA 'DZIN PA'I DBANG MNGON LTA BU, GNYIS PA NI, DON LA SHA BA @11B YIN ZHING, SHA BA YIN MIN THE TSOM ZA DUS KYI YAL KA LO 'DAB DANG BCAS PA'I SHING 'DZIN DBANG MNGON LTA BU, GSUM PA NI, KHO BOS SNGON PO MTHONG NGAM MA MTHONG SNYAM PA'I THE TSOM 'DREN PAR BYED PA'I SNGON 'DZIN DBANG MNGON LTA BU'O, ,DE RNAMS LA DNGOS BTAGS KYI KHYAD PAR YOD DE, DANG PO GNYIS GZHAN LAS NGES KYI TSAD MA DNGOS GNAS DANG, PHYI MA DE BTAGS PA DANG, DE'I NANG NAS KYANG, DANG PO DE DON LA ME'I KHA DOG YIN ZHING, ME'I KHA DOG YIN MIN THE TSOM ZA DUS KYI RGYANG RING PO'I KHA DOG DMAR LAM PA LA RANG LAS NGES DANG, DE LA RANG LAS NGES KYI TSAD MA GNYIS KA YIN, ,DE DE 'DRA'I KHA DOG DMAR LAM PA ME'I KHA DOG YIN PA LA GZHAN LAS NGES DANG, DE LA GZHAN LA NGES KYI TSAD MA GNYIS KA YIN KYANG, DE LA TSAD MA MA YIN PA'I PHYIR, MDOR NA, GZHAN LAS NGES KYI TSAD MA YIN NA, TSAD MA YIN PAS KHYAB KYANG, CHOS DE LA GZHAN LAS NGES KYI TSAD MA YIN NA, CHOS DE LA TSAD MA MA YIN PAS KHYAB STE, CHOS DE LA TSAD MA YIN NA, CHOS DE LA RANG LAS NGES KYI TSAD MA YIN PAS KHYAB PA'I PHYIR RO, ,YANG TSAD MA LA SGRAS BRJOD RIGS KYI SGO NAS DBYE NA, SKYES BU TSAD MA, NGAG TSAD MA, SHES PA TSAD MA DANG GSUM YOD DE, DANG PO NI, BSTON PA SANGS RGYAS LTA BU, GNYIS PA NI, BDEN BZHI'I CHOS 'KHOR LTA BU, GSUM PA NI, MNGON SUM DANG RJES DPAG LTA BU'O, ,GRANGS NGES NI, TSAD MA LA, MNGON SUM GYI TSAD MA DANG, RJES SU DPAG PA'I TSAD MA GNYIS SU DBYER YOD CING, DE LAS MANG BA MI DGOS SHING, NYUNG NA MI DUS PA NI, TSAD MA LA DE GNYIS SU GRANGS NGES PA'I DON YIN TE, TSAD MA LA DE GNYIS SU GRANGS NGES PA'I PHYIR, MA GRUB NA, DER THAL, GZHAL BYA LA RANG MTSAN DANG SPYI MTSAN @12A *, ,GNYIS SU GRANGS PA'I PHYIR, RDZAS KYI KHYAD PAR NI, MNGON RJES GNYIS RDZAS GCIG YIN TE, MNGON SUM RJES DPAG DANG RDZAS GCIG YIN PA'I PHYIR, MA GRUB NA, MNGON SUM CHOS CAN, RJES DPAG DANG RDZAS GCIG YIN PAR THAL, RJES DPAG NYAMS SU MYONG BA'I RANG RIG MNGON SUM DANG RDZAS GCIG YIN PA'I PHYIR, MA KHYAB NA, RJES DPAG CHOS CAN, KHYOD NYAMS SU MYONG BA'I RANG RIG MNGON SUM DANG RDZAS GCIG YIN NA, KHYOD DANG RDZAS GCIG YIN DGOS PAR THAL, KHYOD DANG KHYOD NYAMS SU MYONG BA'I RANG RIG MNGON SUM GNYIS YUL DUS RANG BZHIN GANG LA LTOS KYANG GRUB BDE RDZAS GCIG YIN PA'I PHYIR, KHYOD SHES PA YIN PA'I PHYIR, GONG DU MA GRUB NA, MNGON SUM CHOS CAN, KHYOD RJES DPAG NYAMS SU MYONG BA'I RANG RIG MNGON SUM DANG RDZAS GCIG YIN PAR THAL; KHYOD DNGOS PO YIN PA GANG ZHIG ,RJES DPAG NYAMS SU MYONG BA'I RANG RIG MNGON SUM DE KHYOD KYI BYE BRAG YIN PA'I PHYIR, RIGS PA 'DI LA BRTEN NAS RTOG PA DANG RTOG MED KYI SHES PA GNYIS RDZAS GCIG ,'KHRUL SHES DANG, MA 'KHRUL BA'I SHES PA GNYIS RDZAS GCIG ,DBANG SHES DANG, YID SHES GNYIS RDZAS GCIG SEMS DANG, SEMS BYUNG GNYIS RDZAS GCIG ,TSAD MA DANG, TSAD MIN GYI SHES PA GNYIS RDZAS GCIG TU GRUB BO, ,KHA CIG NA RE, RTOG PA'I RDZAS DANG BRAL BA, RTOG BRAL GYI MTSAN NYID ZER NA, RTOG PA NYAMS SU MYONG BA'I RANG RIG MNGON SUM CHOS CAN, RTOG PA'I RDZAS DANG BRAL BA YIN PAR THAL, RTOG BRAL YIN PA'I PHYIR TE, MNGON SUM YIN PA'I PHYIR, RTZA BAR 'DOD NA, DE CHOS CAN, RTOG PA'I RDZAS DANG BRAL BA MA YIN PAR THAL, RTOG PA DANG YUL DUS RANG BZHIN @12B GANG LA LTOS TE GRUB BDE RDZAS GCIG YIN PA'I PHYIR, MA GRUB NA, RTOG PA CHOS CAN, KHYOD NYAMS SU MYONG BA'I RANG RIG MNGON SUM KHYOD DANG YUL DUS RANG BZHIN GANG LA LTOS TE GRUB BDE RDZAS GCIG YIN PAR THAL, KHYOD SHES PA YIN PA'I PHYIR, BYAS PA LA KHO NA RE, DE 'DRA'I MNGON SUM CHOS CAN, RTOG PA'I RDZAS MA YIN PAR THAL, RTOG MED KYI SHES PA'I RDZAS YIN PA'I PHYIR ZER NA MA KHYAB, MA GRUB NA, DE CHOS CAN, DER THAL, RTOG MED KYI SHES PA'I BYE BRAG YIN PA'I PHYIR, DES NA, ,SGRA DON 'DRES RUNG DU 'DZIN PA'I ZHEN RIG DANG BRAL BA DE, RTOG BRAL GYI MTSAN NYID, BYAS PA LA KHO NA RE, MNGON SUM YIN NA, RTOG PA DANG BRAL ZHING MA 'KHRUL BA'I RIG PA YIN PAS KHYAB PAR THAL, RTOG PA DANG BRAL ZHING MA 'KHRUL BA'I RIG PA, BLO MNGON SUM PA'I MTSAN NYID YIN PA'I PHYIR, 'DOD BYAS PA LA, ZLA GCIG ZLA GNYIS SU SNANG BA'I DBANG SHES CHOS CAN, MA 'KHRUL BA'I RIG PA YIN PAR THAL, BLO MNGON SUM PA YIN PA'I PHYIR, MA GRUB NA, DE CHOS CAN, DER THAL, MNGON SUM LTAR SNANG YIN PA'I PHYIR ZER NA MA KHYAB, MA GRUB NA, DE CHOS CAN, DER THAL, MED PA GSAL SNANG CAN GYI SHES PA YIN PA'I PHYIR TE, RTOG MED LOG SHES YIN PA'I PHYIR, BYAS PA LA KHO NA RE, ZLA GCIG ZLA GNYIS SU SNANG BA'I DBANG SHES MED PA CHOS CAN, SHES PA YIN PAR THAL, GSAL SNANG CAN GYI SHES PA YIN PA'I PHYIR ZER NA, 'O NA KHO RANG LA, BUM PA SNGAR MED PA CHOS CAN, DNGOS PO YIN PAR THAL, GSAR SKYES YIN PA'I PHYIR, RTZOD GZHI SKYON CAN GYI LAN 'DEBS SO ZHE NA, SNGA MA LA YANG MTSUNGS PA YIN NO, ,MA GRUB NA, BUM PA CHOS CAN, SNGAR MED GSAR SKYES YIN PAR THAL, GSAR SKYES YIN PA'I @13A *, ,PHYIR TE, DNGOS PO YIN PA'I PHYIR, YANG KHA CIG ,ZLA GCIG ZLA GNYIS SU SNANG BA'I DBANG SHES CHOS CAN, MED PA KHYOD LA SNANG BAR THAL, KHYOD MED PA GSAL SNANG CAN GYI SHES PA YIN PA'I PHYIR ZER NA MA KHYAB STE, ZLA GCIG ZLA GNYIS MED BZHIN DU, KHYOD LA ZLA GCIG ZLA GNYIS SU SNANG BAS NA, MED PA GSAL SNANG CAN DU 'JOG PA'I PHYIR, BYAS PA LA KHO NA RE, DE LA ZLA GCIG SNANG BAR THAL, DE LA ZLA GCIG ZLA GNYIS SU SNANG BA'I PHYIR ZER NA, 'DOD PA YIN NO,, YANG DE LA ZLA GNYIS SNANG BAR THAL, DE LA ZLA GCIG ZLA GNYIS SU SNANG BA'I PHYIR NA MA KHYAB BO, GNYIS PA TSAD MIN GYI SHES PA 'CHAD PA LA, MTSAN NYID DBYE BA GNYIS, DANG PO LA, KHA CIG NA RE, RANG GI ZHEN YUL LA 'KHRUL PA'I RIG PA, TSAD MIN GYI SHES PA'I MTSAN NYID ZER NA, MNGON SUM SKAD CIG GNYIS PA CHOS CAN, RANG GI ZHEN YUL LA 'KHRUL PA'I RIG PA YIN PAR THAL, TSAD MIN GYI SHES PA YIN PA'I PHYIR TE, DPYAD SHES YIN PA'I PHYIR, MA GRUB NA, DE DER THAL, MNGON SUM SKAD CIG DANG PO TSAD MA DANG, MNGON SUM SKAD CIG GNYIS PA DPYAD SHES YIN PA'I KHYAD PAR 'THAD PA'I PHYIR, RTZA BAR 'DOD NA, MNGON SUM SKAD CIG GNYIS PA CHOS CAN, LOG SHES YIN PAR THAL, 'DOD PA'I PHYIR, 'DOD MI NUS TE, GZHI GRUB NA, MNGON SUM SKAD CIG GNYIS PAS RTOGS PAS KHYAB PA'I PHYIR TE, GZHI GRUB NA, RNAM MKHYEN GYIS RTOGS PAS KHYAB PA'I PHYIR, RANG LUGS LA, GSAR DU MI SLU BA MA YIN PA'I RIG PA, TSAD MIN GYI BLO'I MTSAN NYID, GNYIS PA NI, TSAD MIN GYI SHES PA LA DBYE NA, DPYAD SHES, YID DPYOD, SNANG LA MA NGES, THE TSOM, LOG SHES DANG LNGA RNAMS @13B SU YOD, DANG PO NI, RTOGS ZIN RTOGS PA'I RIG PA, DPYAD SHES KYI MTSAN NYID, DPYAD SHES LA DBYE NA, MNGON SUM DPYAD SHES, RTOG PA DPYAD SHES, DE GNYIS GANG RUNG MA YIN PAR GYUR PA'I DPYAD SHES DANG GSUM, DANG PO LA, DBANG MNGON, YID MNGON, RANG RIG MNGON SUM, RNAL 'BYOR MNGON SUM DPYAD SHES, DE BZHI GANG YANG MA YIN PA'I MNGON SUM DPYAD SHES DANG LNGA, MTSAN GZHI RIM PA LTAR, DANG PO NI, SNGON 'DZIN DBANG MNGON SKAD CIG GNYIS PA LTA BU'O, ,GNYIS PA NI, GZHAN SEMS SHES PA'I MNGON SHES SKAD CIG GNYIS PA LTA BU, GSUM PA NI, MIG SHES SOGS NYAMS SU MYONG BA'I RANG RIG MNGON SUM SKAD CIG GNYIS PA LTA BU, BZHI PA NI, MTHONG LAM BAR CHAD MED LAM SKAD CIG GNYIS PA LTA BU, LNGA PA NI, MNGON SUM SKAD CIG GNYIS PA LTA BU'O, ,GNYIS PA RTOGS PA DPYAD SHES LA DBYE NA, MNGON SUM GYIS DRANGS PA'I RTOG PA DPYAD SHES DANG, RJES DPAG GIS DRANGS PA'I RTOG PA DPYAD SHES GNYIS, DANG PO NI, SNGON 'DZIN DBANG MNGON GYIS DRANGS PA'I SNGON PO NGES PA'I NGES SHES DON MTHUN LTA BU, GNYIS PA NI, SGRA MI RTAG RTOGS KYI RJES DPAG SKAD CIG GNYIS PA LTA BU, BYAS PA LA KHO NA RE, YID DPYOD SKAD CIG GNYIS PA CHOS CAN, DPYAD SHES YIN PAR THAL, RTOGS ZIN RTOGS PA'I RIG PA YIN PA'I PHYIR, MA GRUB NA, DE CHOS CAN, DER THAL, RANG GI GZHAL BYA RTOGS ZIN RTOGS PA'I RIG PA YIN PA'I PHYIR, MA GRUB NA, YID DPYOD SKAD CIG GNYIS PA DE, YID DPYOD SKAD CIG GNYIS PA'I GZHAL BYA RTOGS ZIN RTOGS PA'I RIG PA YIN PAR THAL, DES YID DPYOD SKAD CIG GNYIS PA'I GZHAL BYA @14A *, ,RTOGS PA GANG ZHIG ,YID DPYOD SKAD CIG DANG POS KYANG, YID DPYOD SKAD CIG GNYIS PA'I GZHAL BYA RTOGS PA'I PHYIR ZER NA MA KHYAB, RTAGS GNYIS KA MA GRUB ZER NA, YID DPYOD SKAD CIG GNYIS PA'I GZHAL BYA CHOS CAN, YID DPYOD SKAD CIG DANG GNYIS GNYIS KAS RTOGS PAR THAL, YID DPYOD KYIS RTOGS PA'I PHYIR TE, GZHI GRUB PA'I PHYIR, GONG DU 'DOD NA, YID DPYOD SKAD CIG GNYIS PA CHOS CAN, DPYAD SHES MA YIN PAR THAL, RTOGS ZIN RTOGS PA'I RIG PA MA YIN PA'I PHYIR TE, GSAR RTOGS KYI RIG PA YIN PA'I PHYIR TE, YID DPYOD YIN PA'I PHYIR, BYAS PA LA KHO NA RE, YUL MA RTOGS PA'I GANG ZAG GIS YUL RTOGS PAR THAL, DE'I RGYUD KYI BLOS YUL RTOGS PA'I PHYIR, DER THAL, DE'I RGYUD LA YUL RTOGS PA'I BLO YOD PA'I PHYIR ZER NA MA KHYAB, MA GRUB NA; DER THAL, DE'I RGYUD LA YUL RTOGS PA'I YID DPYOD YOD PA'I PHYIR TE, SGRA MI RTAG PAR RTOGS KHA MA'I GANG ZAG GI RGYUD LA SGRA MI RTAG PAR RTOGS PA'I YID DPYOD YOD PA'I PHYIR, DER THAL, SGRA MI RTAG PAR RTOGS PA'I RJES DPAG DE, RANG GI DNGOS KYI NYER LEN SGRA MI RTAG PAR RTOGS PA'I YID DPYOD LAS SKYES PA'I PHYIR TE, DE SGRA MI RTAG PAR RTOGS PA'I RJES SU DPAG PA'I TSAD MA YIN PA'I PHYIR, GNYIS PA YID DPYOD LA, MTSAN NYID DANG, DBYE BA'O, ,DANG PO NI, RANG YUL LA ZHEN PAS SLU BA'I ZHEN RIG DON MTHUN; YID DPYOD KYI MTSAN NYID, DE LA DBYE NA, RGYU MTSAN MED PA'I YID DPYOD, RGYU MTSAN DANG 'GAL BA'I YID DPYOD, RGYU MTSAN MA NGES PA'I YID DPYOD, RGYU MTSAN MA GRUB PA'I YID DPYOD, RGYU MTSAN YOD KYANG GTAN LA MA PHEBS PA'I YID DPYOD DANG @14B LNGA; DANG PO NI, SGRA MI RTAG CES PA'I NGAG TZAM LA BRTEN NAS SGRA MI RTAG PAR 'DZIN PA'I BLO LTA BU STE, SGRA MI RTAG CES PA'I NGAG DES SGRA MI RTAG PA'I DAM BCA' BRJOD KYI, RGYU MTSAN MA BRJOD PA'I PHYIR, GNYIS PA NI, DON BYED NUS STONG GI RTAGS LAS SGRA MI RTAG PAR 'DZIN PA'I BLO LTA BU STE, DON BYED NUS STONG MI RTAG PA DANG 'GAL BA YIN PA'I PHYIR, GSUM PA NI, GZHAL BYA'I RTAGS LAS SGRA MI RTAG PAR 'DZIN PA'I BLO LTA BU STE, GZHAL BYA DE DE SGRUB KYI MA NGES PA'I GTAN TSIGS YIN PA'I PHYIR, BZHI PA NI, MIG SHES KYI GZUNG BYA'I RTAGS LAS SGRA MI RTAG PAR 'DZIN PA'I BLO LTA BU STE, MIG SHES KYI GZUNG BYA DE DE SGRUB KYI MA GRUB PA'I GTAN TSIGS YIN PA'I PHYIR, LNGA PA NI, SGRA BYAS PA DANG, BYAS NA MI RTAG PAS KHYAB PA TSAD MAS MA NGES PAR BYAS RTAGS LAS SGRA MI RTAG PAR 'DZIN PA'I BLO LTA BU STE, BYAS PA SGRA MI RTAG PAR SGRUB PA'I RTAGS YANG DAG YIN KYANG GANG ZAG DES GTAN LA MA PHEBS PA'I PHYIR, KHA CIG NA RE, MYONG BA DANG RANG GI RTEN RTAGS YANG DAG GANG LA YANG MA BRTEN PAR RANG YUL BDEN PA MTHA' GCIG TU GSAR DU NGES PA'I ZHEN RIG DE, YID DPYOD KYI MTSAN NYID ZER NA, YID DPYOD YIN NA MYONG BA LA MA BRTEN PAS KHYAB PAR THAL, MTSAN NYID DE 'THAD PA'I PHYIR, 'DOD NA, MYONG BA'I 'BRAS BUR GYUR PA'I YID DPYOD CHOS CAN, DER THAL, DE'I PHYIR, 'DOD MI NUS TE, MYONG BA LA BRTEN NAS SKYES PA'I PHYIR TE, MYONG BA'I 'BRAS BU YIN PA'I PHYIR, YANG BYAS RTAGS KYIS SGRA MI RTAG PAR SGRUB PAR BYED PA'I RTAGS YANG DAG BKOD PA LA BRTEN NAS SKYES PA'I SGRA MI RTAG PAR RTOGS PA'I YID DPYOD DE MYONG BA DANG RANG GI RTEN RTAGS YANG DAG GANG LA YANG MA BRTEN PAR THAL, @15A *, ,YID DPYOD YIN PA'I PHYIR, KHYAB PA KHAS, 'DOD NA, DE CHOS CAN, RANG GI RTEN RTAGS YANG DAG LA MA BRTEN PAR THAL, 'DOD PA'I PHYIR, 'DOD MI NUS TE, RANG GI RTEN BYAS RTAGS KYI SGRA MI RTAG PAR SGRUB PAR BYED PA'I RTAGS YANG DAG BKOD PA LA BRTEN NAS SKYES PA'I YID DPYOD YIN PA'I PHYIR, MA GRUB NA, DER THAL, DE 'DRA'I YID DPYOD YOD PA'I PHYIR TE, SGRA MI RTAG PAR RTOGS KHA MA'I GANG ZAG GI RGYUD LA, BYAS RTAGS KYIS SGRA MI RTAG PAR SGRUB PAR BYED PA'I RTAGS YANG DAG BKOD PA LA BRTEN NAS SGRA MI RTAG PA SGRA CI TZAM GYI SGO NAS RTOGS PA'I BLO YOD PA GANG ZHIG ,DE 'DRA'I BLO DE YID DPYOD LAS GZHAN MNGON SUM DANG TSAD MA DANG DPYAD SHES GANG DU YANG 'JOG MI RIGS PA'I PHYIR RO, ,KHA CIG NA RE, BUM PA'I DON SPYI DE BUM 'DZIN RTOG PA'I YUL BZHI KA YIN ZER NA BUM PA'I DON SPYI CHOS CAN, BUM 'DZIN RTOG PA'I ZHEN YUL YIN PAR THAL, DE'I YUL BZHI KA YIN PA'I PHYIR, RTAGS KHAS, 'DOD NA, DE CHOS CAN, BUM 'DZIN RTOG PA'I GZHAL BYA YIN PAR THAL, DE'I ZHEN YUL YIN PA'I PHYIR, 'DOD NA, BUM 'DZIN RTOG PA CHOS CAN, KHYOD BUM PA'I DON SPYI LA MA 'KHRUL PA'I BLO YIN PAR THAL LO, 'DOD NA, DE CHOS CAN, KHYOD LA BUM PA'I DON SPYI BUM PAR MI SNANG BAR THAL LO, ,KHA CIG ,BUM 'DZIN RTOG PA DE, BUM PA'I DON SPYI BUM PAR 'DZIN PA'I BLO YIN ZER NA, BUM 'DZIN RTOG PA CHOS CAN, LOG SHES YIN PAR THAL, BUM PA'I DON SPYI BUM PAR 'DZIN PA'I BLO YIN PA'I PHYIR, RTAGS KHAS, 'DOD NA, DE CHOS CAN, LOG SHES MA YIN PAR THAL, BLO DON MTHUN YIN PA'I PHYIR TE, RTOG PA DON MTHUN YIN PA'I PHYIR TE, YID DPYOD YIN PA'I PHYIR, MA GRUB NA, BUM @15B PA CHOS CAN, KHYOD 'DZIN RTOG PA YID DPYOD YIN PAR THAL, KHYOD GZHI GRUB PA'I PHYIR, KHA CIG NA RE, BUM 'DZIN RTOG PA YID DPYOD MA YIN TE, DER GYUR PA'I LOG SHES YOD PA'I PHYIR TE, BUM PA'I DGAG GZHI CHOS CAN GYI STENG GI BUM 'DZIN RTOG PA DE, BUM 'DZIN RTOG PA YIN PA'I PHYIR ZER NA RTAGS MA GRUB STE, 'O NA, BUM PA'I DGAG GZHI CHOS CAN GYI STENG GI BUM PA YOD PAR 'DZIN PA'I BLO DE BUM PA YOD PAR 'DZIN PA'I BLO YIN PAR THAL, 'DOD PA'I PHYIR, 'DOD MI NUS TE, DE BUM PA MED BZHIN DU BUM PA YOD PAR 'DZIN PA'I LOG SHES YIN PA'I PHYIR, GSUM PA NI, RANG GI 'JUG YUL DU GYUR PA'I RANG MTSAN GSAL BAR SNANG BA YANG YIN, RANG GI 'JUG YUL DU GYUR PA'I RANG MTSAN LA NGES PA 'DREN MI NUS PA YANG YIN PA'I GZHI MTHUN PAR GYUR PA'I RIG PA, RANG NYID SNANG LA MA NGES KYI BLO'I MTSAN NYID YIN KYANG, RANG YUL DU GYUR PA'I RANG MTSAN GSAL BAR SNANG BA YANG YIN, RANG YUL DU GYUR PA'I RANG MTSAN LA NGES PA 'DREN MI NUS PA YANG YIN PA'I GZHI MTHUN PA, RANG NYID SNANG LA MA NGES KYI BLO'I MTSAN NYID DU MI 'JOG TSUL SHES PAR BYA STE; GANGS RI SNGON POR SNANG BA'I DBANG SHES DE, RANG GI 'JUG YUL GANGS RI'I KHA DOG DKAR PO LA SNGON POR SNANG BAS NA RANG GI 'JUG YUL DU GYUR PA'I RANG MTSAN GSAL BAR MI SNANG YANG, SNANG YUL GANG RI'I KHA DOG DKAR PO SNGON POR MED BZHIN DU GSAL BAR SNANG BAS RANG YUL RANG MTSAN GSAL BAR SNANG ZHING, DE LA NGES PA 'DREN MI NUS TE, DE LA LOG PAR ZHUGS PA'I PHYIR RO, ,SNANG LA MA NGES KYI BLO'I MTSAN GZHI NI, KHO BOS SNGON PO MTHONG NGAM MA MTHONG SNYAM DU THE TSOM 'DREN PAR BYED PA'I SNGON 'DZIN DBANG @016A *, ,PO'I MNGON SUM DANG, SO SO SKYE BO'I RGYUD KYI GZUGS SOGS DON LNGA 'DZIN PA'I YID MNGON DANG DE NYAMS SU MYONG BA'I RANG RIG LTA BU'O, ,BYAS PA LA KHO NA RE, MNGON SUM GYI TSAD MA CHOS CAN, MTSON BYA DER THAL, MTSAN NYID DE'I PHYIR, MNGON SUM GYIS RANG YUL LA NGES PA 'DREN MI NUS PA'I PHYIR TE, DE NGES SHES MA YIN PA'I PHYIR ZER NA MA KHYAB STE, MNGON SUM GYI TSAD MAS RANG YUL NGES PAR THAL, MNGON SUM GYI TSAD MA RANG YUL LA MI SLU BA'I RIG PA YIN PA'I PHYIR, GONG DU MA GRUB NA, MNGON SUM GYI TSAD MA CHOS CAN, DES SHES MA YIN PAR THAL, RTOG PA MA YIN PA'I PHYIR, DE BZHIN DU, SNGON GNAS RJES DRAN GYI MNGON SHES CHOS CAN, DRAN SHES YIN PAR THAL, RANG YUL DRAN PA'I SHES PA YIN PA'I PHYIR NA YANG MA KHYAB, MA GRUB NA, DER THAL, RANG YUL DU GYUR PA'I SNGON GYI GNAS RJES SU DRAN PA'I SHES PA YIN PA'I PHYIR, 'DOD MI NUS TE, RTOG PA MA YIN PA'I PHYIR TE, MNGON SHES YIN PA'I PHYIR, BZHI PA LA, KHA CIG ,RANG YUL LA DOGS PA, THE TSOM GYI MTSAN GYI ZER NA, RANG YUL LA DOGS PA'I GANG ZAG CHOS CAN, THE TSOM YIN PAR THAL, RANG YUL LA DOGS PA YIN PA'I PHYIR, KHYAB PA KHAS, MA GRUB NA, DE CHOS CAN, DER THAL, RANG YUL LA DOGS PA'I GANG ZAG YIN PA'I PHYIR, MA GRUB NA, DE 'DRA'I GANG ZAG KHO RANG YIN PAR THAL, DE 'DRA'I GANG ZAG YOD PA'I PHYIR, MA GRUB NA, DER THAL; RANG YUL LA 'DOGS PA'I THE ? TSOM RGYUD LDAN GYI GANG ZAG YOD PA'I PHYIR, MA GRUB NA, RANG YUL LA DOGS PA'I THE TSOM CHOS CAN, KHYOD RGYUD LDAN GYI GANG ZAG YOD PAR THAL, KHYOD THE TSOM YIN PA'I PHYIR, RTZA BAR 'DOD NA, RANG YUL LA DOGS PA'I GANG ZAG CHOS CAN, @16B THE TSOM MA YIN PAR THAL, SHES PA MA YIN PA'I PHYIR, KHA CIG, RANG YUL LA DOGS PA'I RIG PA THE TSOM GYI MTSAN NYID ZER NA, THE TSOM DANG MTSUNGS LDAN GYI GTZO SEMS CHOS CAN, MTSON BYA DER THAL, MTSAN NYID DE'I PHYIR, RTAGS SLA, 'DOD MI NUS TE, SEMS BYUNG MA YIN PA'I PHYIR, MA GRUB NA, DE CHOS CAN, DER THAL, GTZO SEMS YIN PA'I PHYIR, GZHAN YANG, THE TSOM DANG MTSUNGS LDAN GYI SEMS KYI 'KHOR DU GYUR PA'I TSOR BA CHOS CAN, THE TSOM YIN PAR THAL, MTSAN NYID DE'I PHYIR, 'DOD NA, DE'I 'KHOR DU GYUR BA'I SEMS BYUNG YIN NA, THE TSOM YIN PAS KHYAB PAR THAL LO, 'DOD MI NUS TE, THE TSOM YIN NA RANG STOBS KYIS MTHA' GNYIS SU DOGS PA'I SEMS BYUNG YIN PAS KHYAB PA'I PHYIR, RANG LUGS NI, RANG STOBS KYI MTHA' GNYIS SU DOGS PA'I RIG PA, THE TSOM GYI MTSAN NYID, THE TSOM DANG MTSUNGS LDAN GYI SEMS DANG, DE'I 'KHOR DU GYUR BA'I TSOR BA SOGS NI, THE TSOM GYI STOBS KYIS DOGS KYI RANG STOBS KYIS MTHA' GNYIS SU DOGS PA MA YIN NO, ,THE TSOM LA DBYE NA, DON 'GYUR GYI THE TSOM, DON MI 'GYUR GYI THE TSOM, CHA SNYOMS PA'I THE TSOM DANG GSUM, DANG PO NI, SGRA MI RTAG GAM SNYAM BA'I THE TSOM LTA BU, GNYIS PA NI, SGRA RTAG GAM SNYAM PA'I THE TSOM LTA BU, GSUM PA NI SGRA RTAG GAM MI RTAG GAM SNYAM PA'I THE TSOM LTA BU'O,, KHA CIG NA RE, LOG SHES DANG THE TSOM 'GAL ZER NA, THE TSOM YIN NA, LOG SHES MA YIN DGOS PAR THAL, DE GNYIS 'GAL BA'I PHYIR, RTAGS KHAS, 'DOD NA, SGRA PHAL CHER RTAG LAS CHE SNYAM DU 'DZIN BA'I THE TSOM CHOS CAN, LOG SHES MA YIN PAR THAL, THE TSOM YIN PA'I PHYIR TE, DON MI 'GYUR GYI THE TSOM YIN PA'I PHYIR, @17A *, ,'DOD NA, DE CHOS CAN, LOG SHES YIN PAR THAL, RTOG PA LOG SHES YIN PA'I PHYIR TE, LOG RTOG YIN PA'I PHYIR, KHYAB STE, LOG RTOG DANG RTOG PA LOG SHES DON CIG YIN PA'I PHYIR TE, SDE BDUN YID KYI MUN SEL LAS, LOG RTOG DANG RTOG PA LOG SHES GNYIS DON CIG CING, ZHES GSUNGS PA'I PHYIR, GZHAN YANG, LOG SHES DANG THE TSOM MI 'GAL BAR THAL, LOG RTOG DANG THE TSOM MI 'GAL BA'I PHYIR, SGRA PHAL CHER RTAG LAS CHE SNYAM PA'I THE TSOM DE, LOG RTOG DANG THE TSOM GNYIS KA YIN PA'I PHYIR, DE LTAR YANG SDE BDUN YID KYI MUN SEL LAS, LOG RTOG THAMS CAD 'DZIN STANGS MTHA' GCIG TU NGES PA'I RNAM PA CAN YIN PAR 'DOD PA NI, MI 'THAD DE, SGRA PHAL CHER RTAG LAS CHE SNYAM DU 'DZIN PA'I RTOG PA LOG RTOG MA YIN PAR THAL BA'I PHYIR RO, ,ZHES DANG, DES NA, LOG RTOG DANG THE TSOM 'GAL BA MIN NO, ,ZHES GSUNGS PA'I PHYIR RO, ,LNGA PA LOG SHES LA, MTSAN NYID DANG DBYE BA GNYIS, DANG PO NI, KHA CIG ,RANG GI ZHEN YUL LA 'KHRUL BA'I RIG PA RANG NYID LOG SHES KYI MTSAN NYID ZER NA, GANGS RI SNGON POR SNANG BA'I DBANG SHES CHOS CAN, MTSAN NYID DER THAL, MTSON BYA DE'I PHYIR, 'DOD NA, DE CHOS CAN, ZHEN RIG YIN PAR THAL, 'DOD PA'I PHYIR, 'DOD MI NUS TE, RTOG MED KYI SHES PA YIN PA'I PHYIR TE, DBANG SHES YIN PA'I PHYIR, RANG LUGS NI, RANG YUL LA PHYIN CI LOG TU ZHUGS PA'I RIG PA, LOG SHES KYI MTSAN NYID, GNYIS PA LOG SHES LA DBYE NA, RTOG PA LOG SHES DANG, RTOG MED LOG SHES GNYIS, DANG PO NI, SGRA RTAG 'DZIN RTOG PA DANG, RI BONG RA 'DZIN RTOG PA LTA BU, GNYIS PA LA YANG, YID SHES DANG, DBANG SHES GNYIS LAS, DANG PO NI, @017B RMI LAM GYI SNGON PO SNGON POR GSAL BAR SNANG BA'I RMI LAM GYI SHES PA LTA BU, DE CHOS CAN, YID SHES, RTOG MED KYI SHES PA, LOG SHES GSUM KA YIN TE, RIM PA BZHIN, RMI LAM GYI SHES PA YIN PA'I PHYIR DANG, SGRA DON 'DRES RUNG DU 'DZIN PA'I ZHEN RIG DANG BRAL PA'I SHES PA YIN PA'I PHYIR DANG, RANG YUL CHOS KYI SKYE MCHED KYI GZUGS SNGON POR MED BZHIN DU SNGON POR 'DZIN PA'I SHES PA YIN PA'I PHYIR, 'ON KYANG RMI LAM LA GNAS PA'I GANG ZAG DE'I NGOR DE DBANG SHES DON MTHUN YIN NO, ,GNYIS PA DBANG SHES SU GYUR PA'I LOG SHES NI, GANGS RI SNGON POR SNANG BA'I DBANG SHES DANG, DUNG DKAR SER POR SNANG BA'I DBANG SHES LTA BU'O, ,YANG BLO RIG LA GSUM DU DBYE BA LA, DON SPYI BZUNG YUL DU BYED PA'I RTOG PA BSHAD PA RANG MTSAN BZUNG YUL DU BYED PA'I RTOG MED MA 'KHRUL BA'I SHES PA BSHAD PA, MED PA GSAL SNANG CAN BZUNG YUL DU BYED PA'I RTOG MING ? 'KHRUL SHES BSHAD PA DANG GSUM, DANG PO LA, MTSAN NYID DBYE BA GNYIS, DANG PO NI, SGRA DON 'DRES RUNG DU 'DZIN PA'I ZHEN RIG ,RTOG PA'I MTSAN NYID, DE YANG SGRA DON ZHES PA'I SGRA NI SGRA SPYI, DON NI DON SPYI, DE GNYIS 'DRES PAR 'DZIN PA NI, DE GNYIS TSOGS PA 'DZIN PA'O, ,RUNG BA SMOS PA LA DGOS PA YOD DE, BRDA LA MA BYANG PA'I SKYES BU'I RGYUD KYI RTOG PA BSDU PA'I DGOS PA YOD PA'I PHYIR TE, DE'I RGYUD KYI RTOG PA DES SGRA DON 'DRES PAR MI 'DZIN KYANG, SGRA DON 'DRES RUNG DU 'DZIN PA TZAM YIN PA'I PHYIR, GNYIS PA RTOG PA LA DBYE NA, SGRA SPYI KHO NA 'DZIN PA'I RTOG PA, DON SPYI KHO NA 'DZIN PA'I RTOG PA, SGRA DON GNYIS KA 'DZIN PA'I RTOG PA DANG GSUM LAS, LTO LDIR ZHABS ZHUM CHU SKYOR GYI DON BYED NUS PA BUM PA YIN PAR MI @018A *, ,SHES PA'I SKYES BU'I RGYUD KYI BUM PA ZHES PA'I SGRA TZAM LA BRTEN NAS SKYES PA'I BUM 'DZIN RTOG PA LTA BU DANG PO DANG, DE'I RGYUD KYI LTO LDIR BA MTHONG BA TZAM LA BRTEN NAS SKYES PA'I LTO LDIR BA 'DZIN PA'I RTOG PA LTA BU GNYIS PA DANG, BUM PA SHES PA'I SKYES BU'I RGYUD KYI BUM 'DZIN RTOG PA LTA BU GSUM PA'I MTSAN GZHI YIN PA'I PHYIR, BUM PA'I SGRA SPYI DANG DON SPYI GANG ZHES NA, RTOG PA DANG PO LA BUM PAR SNANG BA'I SNANG BA NI, SGRA SPYI RKYANG PA YIN, RTOG PA GNYIS PA LA LTO LDIR BA SNANG BA'I SNANG BA NI, DON SPYI RKYANG PA YIN, RTOG PA GSUM PA LA BUM PA 'AM, LTO LDIR BA SNANG BA'I TSE SGRA SPYI DANG DON SPYI GNYIS KA SNANG NGO, ,'O NA, SGRA TZAM LA BRTEN PA'I RTOG PA'I SNANG BA YIN NA SGRA SPYI KHO NA YIN PAS KHYAB BAM ZHE NA, MA KHYAB STE, RI BONG RVA 'DZIN RTOG PA LA, RI BONG RVA RONG NGE BA SNANG BA STE, SGRA TZAM LA BRTEN PA'I RTOG PA'I SNANG BA YIN KYANG, SGRA SPYI KHO NA MA YIN PA'I PHYIR, DER THAL, DE RI BONG RVI'I SGRA SPYI DANG DON SPYI GNYIS KA YIN PA'I PHYIR, YANG RTOG PA LA DBYE NA, MING SBYOR RTOG PA DANG, DON SBYOR RTOG PA GNYIS YOD, LTO LDIR BA 'DI NI BUM PA'O SNYAM DU 'DZIN PA'I RTOG PA DE DE GNYIS KA YIN PA'I PHYIR TE, GO RIM BZHIN DU BUM PA'I MING DON SBYAR NAS 'DZIN PA'I ZHEN RIG YIN PA'I PHYIR DANG, KHYAD GZHI KHYAD CHOS SBYAR NAS 'DZIN PA'I ZHEN RIG YIN PA'I PHYIR, DON SBYOR RTOG PA YIN NA; MING SBYOR RTOG PA YIN PAS MA KHYAB STE, SKYES BU 'DI NI DBYUG PA CAN NO, ,SNYAM DU 'DZIN PA'I RTOG PA DE DON SBYOR RTOG PA YIN PA'I PHYIR TE, DE KHYAD GZHI SKYES BU LA, KHYAD CHOS DBYUG PA SBYAR NAS 'DZIN PA'I RTOG PA YIN PA'I PHYIR, RTOG PA YIN NA @018B DE GNYIS GANG RUNG YIN PAS KYANG MA KHYAB STE, KHYAD GZHI BUM PA TZAM 'DZIN PA'I RTOG PA LTA BU DE GNYIS GANG YANG MA YIN PA'I PHYIR, YANG RTOG PA LA DBYE NA, RTOG PA DON MTHUN DANG, RTOG PA DON MI MTHUN GNYIS, SGRA DON 'DRES RUNG DU 'DZIN PA'I ZHEN RIG DON MTHUN DE, RTOG PA DON MTHUN GYI MTSAN NYID, GZHI GRUB NA, KHYOD 'DZIN PA'I RTOG PA RTOG PA DON MTHUN YIN PAS KHYAB, SGRA DON 'DRES RUNG DU 'DZIN PA'I ZHEN RIG DON MI MTHUN DE, RTOG PA DON MI MTHUN GYI MTSAN NYID, GZHI MA GRUB NA, KHYOD 'DZIN RTOG PA RTOG PA DON MI MTHUN YIN PAS KHYAB BO, GNYIS PA LA MTSAN NYID DBYE BA GNYIS, DANG PO NI, RANG GI SNANG YUL LA MA 'KHRUL BA'I GSAL SNANG CAN GYI RIG PA, RANG NYID RTOG MED MA 'KHRUL BA'I SHES PA YIN PA'I MTSAN NYID, DE DANG BLO MNGON SUM PA GNYIS DON CIG ,DBYE NA, DBANG MNGON, YID MNGON, RANG RIG MNGON SUM, RNAL 'BYOR MNGON SUM DANG BZHI YOD PA GONG DU BSHAD ZIN PAS SHES PAR BYA'O, ,GSUM PA LA MTSAN NYID DBYE BA GNYIS, DANG PO NI, RANG GI SNANG YUL LA 'KHRUL BA'I GSAL SNANG CAN GYI RIG PA, RANG NYID RTOG MED 'KHRUL SHES YIN PA'I MTSAN NYID, DBYE NA, DER GYUR PA'I DBANG SHES, DER GYUR PA'I YID SHES GNYIS, RTOG MED 'KHRUL SHES KYANG YIN, RANG GI THUN MONG MA YIN PA'I BDAG RKYEN DU GYUR PA'I DBANG PO GZUGS CAN PA LA BRTEN NAS SKYES PA YANG YIN PA'I GZHI MTHUN PA DANG PO'I MTSAN NYID, RTOG MED 'KHRUL SHES KYANG YIN RANG GI MTHUN MONG MA YIN PA'I BDAG RKYEN DU GYUR PA'I YID DBANG LA BRTEN NAS SKYES PA YANG YIN PA'I GZHI MTHUN PA GNYIS @019A *, ,PA'I MTSAN NYID, GZHAN YANG BLO LA, RANG RIG DANG, GZHAN RIG GNYIS LAS, DANG PO DANG, KHA NANG KHO NAR ? PHYOGS PA'I SHES PA DON CIG ,GNYIS PA DANG, KHA PHYI BLTAS KYI SHES PA DON CIG ,DBANG MNGON, YID MNGON, RNAL 'BYOR MNGON SUM, RTOG PA RNAMS GNYIS PA'I MTSAN GZHI YIN, DE RNAMS GANG RUNG YIN NA GZHAN RIG GI SHES PA YIN PAS KHYAB, RANG RIG DANG, GZHAN RIG 'GAL BYAS PA LA, KHO NA RE, SANGS RGYAS 'PHAGS PA'I RGYUD KYI RANG RIG CHOS CAN, GZHAN RIG MA YIN PAR THAL, RANG RIG YIN PA'I PHYIR, MA GRUB NA, SANGS RGYAS 'PHAGS PA'I RGYUD KYI RANG RIG RANG RIG YIN PAR THAL, DE'I RGYUD LA RANG RIG YOD PA'I PHYIR TE, DE'I RGYUD KYI YID SHES NYAMS SU MYONG BA'I RANG RIG MNGON SUM DE, DE'I RGYUD KYI RANG RIG YIN PA'I PHYIR, MA GRUB NA, SANGS RGYAS 'PHAGS PA CHOS CAN, KHYOD KYI RGYUD KYI YID SHES NYAMS SU MYONG BA'I RANG RIG MNGON SUM DE, KHYOD KYI RGYUD KYI RANG RIG YIN PAR THAL, KHYOD GZUGS CAN GYI GANG ZAG YIN PA'I PHYIR, RANG RIG DANG GZHAN RIG 'GAL BA 'DI RJE BTZUN GYI SKABS DANG PO'I MTHA' DPYOD NAS GSUNGS PA LTAR BKOD PA YIN ZHING, RANG BZO MIN NO, ,RTZA BAR 'DOD NA, DE CHOS CAN, GZHAN RIG YIN PAR THAL, KHA PHYI BLTAS KYI SHES PA YIN PA'I PHYIR TE, GZUGS SOGS PHYI'I CHOS YUL DU BYED PA'I PHYIR ZER NA MA KHYAB, MA GRUB NA, DE CHOS CAN, GZUGS SOGS PHYI'I CHOS YUL DU BYED PA'I SHES PA YIN PAR THAL, CHOS THAMS CAD YUL DU BYED PA'I MKHYEN PA YIN PA'I PHYIR TE, RNAM MKHYEN YIN PA'I PHYIR, ` YANG BLO RIG LA SEMS DANG @019B SEMS BYUNG GNYIS LAS, RANG YUL GYI NGO BO 'DZIN PA'I SGO NAS BZHAG PA'I GTZO BO'I RNAM RIG DE, GTZO SEMS KYI MTSAN NYID, GTZO SEMS DANG, SEMS DANG, YID DANG, RNAM SHES RNAMS DON GCIG MING GI RNAM GRANGS SO, ,NGO BO'I SGO NAS DBYE NA, MIG GI RNAM SHES NAS YID KYI RNAM PAR SHES PA'I BAR DRUG STE, BSDU NA DBANG PO'I RNAM SHES DANG, YID KYI RNAM SHES GNYIS SU 'DU 'O, ,YID DANG, YID SHES GNYIS LA MU BZHI YOD DE, MIG GI RNAM PAR SHES PA LTA BU YID YIN LA, YID SHES MA YIN PA'I MU DANG, YID KYI RNAM PAR SHES PA'I 'KHOR DU BYUNG BA'I TSOR BA LTA BU YID SHES YIN LA, YID MA YIN PA'I MU, YID KYI RNAM PAR SHES PA LTA BU YID DANG, YID SHES GNYIS KA YIN PA'I MU, MIG GI RNAM PAR SHES PA'I 'KHOR DU BYUNG BA'I TSOR BA LTA BU; YID DANG YID SHES GNYIS KA MA YIN PA'I MU YIN PA'I PHYIR, DE BZHIN DU, YID DANG DBANG SHES GNYIS LA MU BZHI, YE SHES DANG YID SHES GNYIS LA MU BZHI 'JOG TSUL YANG SHES PAR BYA'O, ,RANG YUL GYI KHYAD PAR CI RIGS 'DZIN CING RANG DANG MTSUNGS LDAN GYI GTZO SEMS GANG RUNG GI 'KHOR DU BYUNG BA'I RIG PA, SEMS BYUNG GI MTSAN NYID, SEMS DANG DE'I 'KHOR DU GYUR PA'I SEMS BYUNG RNAMS PHAN TSUN MTSUNGS LDAN RNAM PA LNGA MTSUNGS YIN TE, RTEN DANG DMIGS PA DANG RNAM PA DANG DUS DANG RDZAS RNAMS MTSUNGS PA'I PHYIR TE, GTZO SEMS RTEN DBANG PO GANG LA BRTEN PA DE LA 'KHOR SEMS BYUNG DE BRTEN, GTZO SEMS DMIGS PA GANG LA BRTEN NAS SKYE BA DE LAS 'KHOR SEMS BYUNG SKYE, GTZO SEMS LA YUL GANG GI RNAM PA SHAR BA LTAR 'KHOR SEMS @020A *, ,BYUNG DE LA DE'I RNAM PA SHAR, GTZO SEMS DUS GANG GI TSE SKYES PA DANG MNYAM DU 'KHOR SEMS BYUNG KYANG SKYES, GTZO SEMS DANG 'KHOR SEMS BYUNG RNAMS RDZAS RIGS GCIG GIS KHYAD PAR DU BYAS NAS SKYE YI, RDZAS RIGS THA DAD PAR MI SKYE BA'I PHYIR TE, MDZOD LAS, DON GCIG SEMS DANG SEMS BYUNG RNAMS, ,MTSUNGS PAR LDAN PA'ANG RNAM PA LNGA, ,ZHES GSUNGS PA'I PHYIR, SEMS BYUNG LA DBYE NA NGA GCIG YOD DE, KUN 'GRO LNGA, YUL NGES LNGA, DGE BA BCU GCIG ,RTZA NYON DRUG ,NYE NYON NYI SHU, GZHAN 'GYUR BZHI RNAMS SU YOD PA'I PHYIR, DANG PO LNGA YOD DE, TSOR BA, 'DU SHES, SEMS PA, YID LA BYED PA, REG PA DANG LNGA NI SEMS KUN GYIS 'KHOR DU 'GRO BAS KUN 'GRO ZHES BSHAD PA'I PHYIR TE, DE LNGA PO GANG RUNG GCIG MA TSANG NA, YUL GYI LONGS SPYOD MI RDZOGS PA'I PHYIR TE, TSOR BA MED NA BDE SDUG SOGS MYONG BA MI BYUNG, 'DU SHES MED NA THA SNYAD 'DOGS PA SOGS MED, SEMS PA MED NA YUL LA 'JUG PA MED, YID BYED MED NA DMIGS PA LA SEMS GTOD PA MED, REG PA MED NA TSOR BA BDE SDUG SOGS MI SKYE PA'I PHYIR RO, ,'ON KYANG DE DAG MNGON GYUR DU YOD DGOS PA'I NGES PA MED DE, 'CHI SEMS PHRA MO'I SKABS DANG NYING ? MTSAMS SBYAR MA THAG PA'I DUS DANG 'GOG PA LA SNYOMS PAR ZHUGS PA SOGS KYI TSE TSOR BA SOGS 'GA' ZHIG NI BAG LA ZHA BA'I TSUL GYIS 'JUG PA TZAM YIN PA'I PHYIR, DE RNAMS KYI NANG NAS DANG PO TSOR BA LA MTSAN NYID DANG, DBYE BA GNYIS LAS, DANG PO NI, NYAMS SU MYONG BA'I RAB TU PHYE BA'I RIG PA TSOR BA'I MTSAN NYID, TSOR BA DANG TSOR BA'I PHUNG PO DON @020B GCIG ;GNYIS PA DBYE BA LA, GNYIS SU DBYE BA, GSUM DU DBYE BA, LNGAR DBYE BA DANG GSUM LAS, DANG PO YOD DE, LUS TSOR DANG, SEMS TSOR GNYIS SU YOD PA'I PHYIR, DANG PO DANG, DBANG SHES SU GYUR BA'I TSOR BA, PHYI'I TSOR BA RNAMS DON GCIG , GNYIS PA DANG, YID SHES SU GYUR PA'I TSOR BA, NANG GI TSOR BA RNAMS DON GCIG ,YANG DE LA GNYIS YOD DE, ZANG ZING DANG BCAS PA'I TSOR BA, ZANG ZING MED PA'I TSOR BA GNYIS YOD, DANG PO DANG, THAG BCAS KYI TSOR BA DON GCIG ,GNYIS PA DANG ZAG MED KYI TSOR BA DON GCIG ;GSUM DU DBYE BA YOD DE, TSOR BA BDE SDUG BTANG SNYOMS GSUM YOD PA'I PHYIR, DE YANG BDE BA DANG SDUG BSNGAL GANG RUNG LA TSOR BAS KHYAB KYANG, BTANG SNYOM LA TSOR BAS MA KHYAB STE, BTANG SNYOMS LA TSOR BA BTANG SNYOMS DANG, DGE BA BCU GCIG GI NANG TSAN DU GYUR PA'I 'DU BYED BTANG SNYOMS, TSAD MED BTANG SNYOMS DE GSUM YOD PA'I PHYIR, LNGAR DBYE BA YOD DE, TSOR BA BDE BA DANG, YID BDE, SDUG BSNGAL DANG, YID MI BDE, TSOR BA BTANG SNYOMS DANG LNGA YOD, YID BDE YIN NA, BDE BA YIN PAS KHYAB KYANG, TSOR BA LA LNGAR DBYE BA'I BDE BA MA YIN PAS KHYAB STE, TSOR BA LA LNGAR DBYE BA'I BDE BA YIN NA, LUS TSOR BDE BA YIN DGOS PA'I PHYIR, DE BZHIN DU, YID MI BDE YIN NA, SDUG BSNGAL YIN PAS KHYAB KYANG, TSOR BA LA LNGAR DBYE BA'I SDUG BSNGAL MA YIN PAS KHYAB STE, TSOR BA LA LNGAR DBYE BA'I SDUG BSNGAL YIN NA, LUS TSOR SDUG BSNGAL YIN DGOS PA'I PHYIR, 'DU BYED SOGS PHYI MA RNAMS LA'ANG MNGON PA GONG 'OG LAS SHES PAR BYA'O, ,GNYIS PA YUL NGES LNGA YOD DE, 'DUN PA, MOS PA, @021A *, ,DRAN PA, TING NGE 'DZIN, SHES RAB DANG LNGA NI, YUL SO SOR NGES PAS YUL NGES ZHES BRJOD PA'I PHYIR TE, 'DUN PAS YUL LA 'DUN ZHING DON DU GNYER, MOS PAS DE LA DGA' BAR 'JUG ,DRAN PAS DMIGS RNAM 'DZIN, TING NGE 'DZIN GYIS RTZE GCIG TU GNAS, SHES RAB KYIS SO SOR DPYOD PAR BYED PA'I PHYIR, DANG PO GRUB STE, 'DUN PA, 'DOD PA, DON GNYER RNAMS DON GCIG PAS, CHOS DE LA DON GNYER GYI BDUN PA YOD NA, CHOS DE'I CHED DU BRTZON 'GRUS RTZOM PA 'BYUNG BA'I PHYIR, GSUM PA DGE BA BCU GCIG YOD DE, DAD PA, NGO TSA SHES PA, KHREL YOD, MA CHAGS PA, ZHE SDANG MED PA'I SEMS BYUNG, GTI MUG MED PA'I SEMS BYUNG, RTZON 'GRUS, SHIN TU SBYANGS PA, BAG YOD, BTANG SNYOMS, RNAM PAR MI 'TSE BA RNAMS NI RANG GI LDOG PHYOGS MA DAD PA SOGS LAS LDOG PA'I SGO NAS DGE PAR GYUR PAS DGE PA BCU GCIG ZHES GRANGS NGES KYIS BZHAG PA'I PHYIR, 'ON KYANG BDUD SOGS DAD PA'I YUL MIN PA LA DAD PA DANG, MI DGE BA'I PHYOGS LA BRTZON PA NI DAD PA DANG, BRTZON 'GRUS BTAGS PA BA YIN GYI DE GNYIS DNGOS MIN PAS KHYAD PAR DBYE DGOS SO, ,BZHI BA RTZA NYON DRUG YOD DE, DER GYUR BA'I 'DOD CHAGS, KHONG KHRO, NGA RGYAL, MA RIG PA, THE TSOM NYON MONGS CAN, LTA BA NYON MONGS CAN DANG DRUG NI, NYE NYON RNAMS DANG SRID PA'I RTZA BA CI RIGS BYED PAS NA RTZA NYON ZHES BRJOD PA'I PHYIR, 'DOD CHAGS DANG MA RIG PA GANG RUNG YIN NA, RTZA NYON YIN MI DGOS TE, BYANG 'PHAGS KYI RGYUD KYI DE DAG RTZA NYON MA YIN PA'I PHYIR TE, DE DAG NI SMAN DANG SNGAGS KYIS BCOM PA'I DUG BZHIN DU @021B NUS PA CHUNG BA'I PHYIR RO, ,LNGA PA NYE NYON LA NYI SHU YOD DE, KHRO BA, KHO NA 'DZIN, 'CHAB PA, 'TSIG PA, PHRAG DOG ,SER SNA, SGYU, GA-YO, RGYAGS PA, RNAM 'TSE, NGO TSA MED, KHREL MED, RMUGS PA, RGOD PA, MA DAD PA, LE LO, BAG MED, BRJED NGES, SHES BZHIN MIN PA, RNAM GA-YENG DANG NYI SHU NI RANG RGYU RTZA NYON LAS BYUNG ZHING DE DANG NYE BAS NA, NYE NYON ZHES BRJOD PA'I PHYIR, DRUG PA GZHAN 'GYUR YOD DE, GNYID DANG, 'GYOD PA, RTOG PA, DPYOD PA BZHI NI DGE MI DGE LUNG MA BSTAN GSUM DU 'GYUR SRID PAS DE LTAR DU BRJOD PA'I PHYIR TE, GNYID DUS SU DKON MCHOG LA DAD MA DAD DGE SDIG LA 'GYOD MI 'GYOD SOGS KYIS DE LTAR 'GYUR SRID PA'I PHYIR RO, ,ZHAR LA GRUB MTHA'I 'DOD TSUL NI, BYE BRAG SMRA BA, MDO SDE DPYOD PA'I DBU MA RANG RGYUD PA, THAL GYUR PA RNAMS KYIS MNGON SUM GYI TSAD MA LA, DBANG PO'I MNGON SUM, YID KYI MNGON SUM, RNAL 'BYOR MNGON SUM GSUM DU GRANGS NGES PAR 'DOD PA YIN TE, DE RNAMS KYIS RANG RIG MNGON SUM MI 'DOD PA'I PHYIR, MDO SDE PA, SEMS TZAM PA, RNAL 'BYOR DPYOD PA'I DBU MA RANG RGYUD PA RNAMS KYIS, MNGON SUM GYI TSAD MA LA, DBANG PO'I MNGON SUM, YID KYI MNGON SUM, RANG RIG MNGON SUM, RNAL 'BYOR MNGON SUM DANG BZHIR GRANGS NGES PAR 'DOD, MNGON SUM LA MA 'KHRUL BA'I SHES PAS KHYAB PA MDO SDE PAS KHAS LEN KYANG, SEMS TZAM PAS KHAS MI LEN TE, SEMS TZAM PAS TSUR MTHONG GI RGYUD KYI GZUGS 'DZIN DBANG MNGON 'KHRUL SHES SU KHAS LEN PA'I PHYIR, MA GRUB NA, DES DE KHAS LEN PAR THAL, DES TSUR MTHONG GI RGYUD KYI GZUGS 'DZIN @022A *, ,DBANG MNGON MED PA GSAL SNANG CAN GYI BLOR KHAS LEN PA'I PHYIR TE, SEMS TZAM RANG LUGS LA, PHYI DON MED PA GANG ZHIG ,TSUR MTHONG GI RGYUD GYI GZUGS 'DZIN DBANG MNGON LA GZUGS PHYI ROL DON DU GRUB PAR SNANG BA'I PHYIR, DES SGRA 'DZIN DBANG MNGON SOGS PHYI MA BZHI LA RIGS 'DRA ZHING, RNAL 'BYOR SPYOD PA'I DBU MA RANG RGYUD PA YANG 'DI DANG 'DRA'O, ,MDO SDE PAS MNGON SUM LA MA 'KHRUL PA'I SHES PAS KHYAB PA KHAS LEN TE, DES TSUR MTHONG GI RGYUD KYI GZUGS 'DZIN DBANG MNGON MA 'KHRUL SHES PAR KHAS LEN PA'I PHYIR TE, DES TSUR MTHONG GI RGYUD KYI GZUGS 'DZIN DBANG MNGON LA GZUGS PHYI ROL DON DU SNANG BA BZHIN DU GZUGS PHYI DON DU KHAS LEN PA'I PHYIR, MA GRUB NA, DES DE KHAS LEN PAR THAL, DES PHYI DON KHAS LEN PA'I PHYIR TE, PHYI DON DANG, RANG RIG GNYIS KA BDEN GRUB TU KHAS LEN PA'I THEG DMAN GYI GRUB MTHA' SMRA BA'I GANG ZAG MDO SDE PA'I MTSAN NYID DANG, PHYI DON MI 'DOD KYANG, RANG RIG BDEN GRUB TU KHAS LEN PA'I THEG CHEN GYI GRUB MTHA' SMRA BA'I GANG ZAG SEMS TZAM PA'I MTSAN NYID YIN PA'I PHYIR, DE LTAR YANG GRUB MTHA'I RNAM BZHAG RNAMS LAS GSUNGS PA'I PHYIR, MNGON SUM LA RTOG BRAL GYIS KHYAB PA SOGS MDO SEMS GNYIS DANG, RANG RGYUD PAS 'DOD PA YIN GYI, THAL 'GYUR PAS KHAS LEN PA'I PHYIR, THAL 'GYUR PAS MI SLU PA'I RIG PA TSAD MA'I MTSAN NYID DU KHAS LEN CING, DPYAD SHES LA TSAD MAS KHYAB PA DANG, MNGON SUM GYI TSAD MA LA YANG RTOG PA DANG RTOG MED KYI SHES PA GNYIS KA YOD PAR BZHED PA SOGS BZHED TSUL MI 'DRA BA DU MA YOD PA'I PHYIR TE, RNAM BSHAD @022B RIGS PA'I RGYA MTSO LAS, 'DIR TSAD MA'I MTSAN NYID MI SLU BA NI 'JIG RTEN NA JI LTAR 'JOG PA BZHIN DU BZHED PA LA, ,'JIG RTEN NA GSAR DU MI BSLU BA'I KHYAD MA PHYE BAR SPYIR MI BSLU BA LA TSAD MAR 'JOG PAS, MNGON SUM TSAD MA RTOG MED KYIS DRANGS PA'I DPYAD SHES RNAMS KYANG TSAD MAR BZHED PAR MNGON NO, ,DE'I PHYIR RTOG PA'I TSAD MA LA YANG MNGON SUM GYI TSAD MA YOD DE, ZHES GSUNGS PA'I PHYIR, MNGON SUM BZHI'I GO RIMS YANG DE LTAR DGOS TE, SPYI DON RIGS BRGYAN LAS, MNGON SUM BZHI PO 'DI ? GO RIMS JI LTAR NGES ZHE NA, DE YOD DE, RNAL 'BYOR MNGON SUM 'PHAGS PA KHO NA'I RGYUD LA YOD PAS NA MJUG TU BSTAN, GZHAN GSUM PO SO SKYE DANG, 'PHAGS PA GNYIS KA'I RGYUD LA YOD PAS DANG POR BSTAN, DE'I NANG NAS KYANG, GZHAN RIG GNYIS NYAMS SU MYONG BYA YIN PAS DANG POR BSTAN, RANG RIG NI DE GNYIS KA MYONG BYED YIN PAS MJUG TU BSTAN, DE'I NANG NAS KYANG DBANG MNGON RGYU YIN PAS DANG POR BSTAN, YID MNGON 'BRAS BU YIN PAS DE'I MJUG TU BSTAN PA YIN PA'I PHYIR RO, , ZHES GSUNGS PA'I PHYIR, ` GSUM PA BRJOD BYED KYI SGRA LA, MTSAN NYID DANG, DBYE BA GNYIS, DANG PO NI, BRDA'I DBANG GIS RANG GI BRJOD BYA GO BAR BYED PA'I GNYAN BYA, RANG NYID BRJOD BYED KYI SGRA'I MTSAN NYID, DE LA NGO BO'I SGO NAS DBYE NA, MING TSIG YI GE GSUM MO; DANG PO LA, MTSAN NYID DANG DBYE BA GNYIS, DANG PO NI, RANG GI DON DE GO BAR BYED PA'I GNYAN BYA, RANG NYID MING GI MTSAN NYID, DE LA DBYE NA, DNGOS MING DANG, BTAGS MING GNYIS, DON DE LA 'DOD RGYAL THOG MAR BRDA' SBYAR BA YANG YIN, DON DE'I @023A *, ,MING GI GTZO BO YANG YIN PA'I GZHI MTHUN PAR DMIGS PA, DON DE'I DNGOS MING GI MTSAN NYID, DON DE LA RJES GRUB TU BRDA' SBYAR BA YANG YIN, DON DE'I MING PHAL PA YANG YIN PA'I GZHI MTHUN PAR DMIGS PA, DON DE'I BTAGS MING GI MTSAN NYID, DNGOS MING GI MTSAN GZHI NI, RI DVAGS KYI RGYAL PO LA SENG GE ZHES BRJOD PA'I NGAG LTA BU LA BYED, BTAGS MING LA DBYE NA, 'DRA BA RGYU MTSAN DU BYAS PA'I BTAGS MING DANG, 'BREL PA RGYU MTSAN DU BYAS PA'I BTAGS MING GNYIS, DANG PO'I MTSAN GZHI NI, BRAM ZE'I KHYE'U KHA CHE SNA NYAG LA SENG GE ZHES BRJOD PA'I NGAG LTA BU LA BYED DE, RNAM 'GREL LAS, SENG GE BRAM ZE'I KHYE'U LA, ,DE LTAR BRJOD PA 'ANG 'JIG RTEN YOD, ,CES GSUNGS PA'I PHYIR, GNYIS PA LA NGE BYUNG 'BREL RGYU MTSAN DU BYAS PA'I BTAGS MING DANG, BDAG GCIG 'BREL RGYU MTSAN DU BYAS PA'I BTAGS MING GNYIS YOD PA'I DANG PO LA YANG, RGYU MING 'BRAS LA BTAGS PA'I BTAGS MING DANG, 'BRAS MING RGYU LA BTAGS PA'I BTAGS MING DANG GNYIS, DANG PO'I MTSAN GZHI NI, NYI MA'I 'OD ZER LA NYI MA ZHES BRJOD PA'I NGAG LTA BU, GNYIS PA NI, SGRUB NGAG YANG DAG LA, RJES DPAG CES BRJOD PA'I NGAG LTA BU, GNYIS PA BDAG GCIG 'BREL RGYU MTSAN DU BYAS PA'I BTAGS MING GI MTSAN GZHI NI, RAS YUG GI KHA TSAR TSIG PA LA RAS YUG TSIG CES BRJOD PA'I NGAG LTA BU, ,BYAS PA LA KHO NA RE, RI BONG RVA ZHES BRJOD BA'I SGRA CHOS CAN, BRDA'I DBANG GIS BRJOD BYA GO BAR BYED PA'I MNYAN BYA YIN PAR THAL, BRJOD BYED KYI SGRA YIN PA'I PHYIR, 'DOD NA, DE'I BRJOD BYA YOD PAR THAL LO, ,'DOD NA, DE'I BSTAN DON YOD PAR THAL, 'DOD PA'I PHYIR NA MA KHYAB, 'DOD MI @023B MI NUS TE, DON MED KYI SGRA YIN PA'I PHYIR TE, BYA ROG SO RTOGS KYI BSTAN BCOS DON MED KYI BSTAN BCOS YIN PA'I PHYIR, ,YANG KHO NA RE, NYI MA'I 'OD ZER LA NYI MA ZHES BRJOD PA'I SGRA DE, DE 'BYUNG 'BREL RGYU MTSAN DU BYAS PA'I BTAGS MING MA YIN PAR THAL, NYI MA'I 'OD ZER NYI MA DANG DE BYUNG 'BREL MA YIN PA'I PHYIR TE, DE NYI MA'I 'BRAS BU MA YIN PA'I PHYIR TE, DE DANG RDZAS THA DAD MA YIN PA'I PHYIR TE, DE DANG RDZAS GCIG YIN PA'I PHYIR, MA GRUB NA, ME TOG GI DRI DANG ME TOG GNYIS RDZAS GCIG YIN PA'I PHYIR ZER NA MA KHYAB, MA GRUB NA, ME TOG CHOS CAN, KHYOD KYI DRI DANG KHYOD GNYIS RDZAS GCIG YIN PAR THAL, KHYOD DRI LDAN GYI DNGOS PO YIN PA'I PHYIR, GZHAN YANG, NYI MA'I 'OD ZER NYI MA'I 'BRAS BU YIN PAR THAL, DE NYI MA LAS BYUNG BA'I PHYIR, MA GRUB NA, DER THAL, ZLA BA'I 'OD ZER ZLA BA LAS BYUNG BA'I PHYIR, MA GRUB NA, DER THAL, RGYA MTSO'I RBA RLABS RGYA MTSO LAS BYUNG BA'I PHYIR, MA GRUB NA, DER THAL, 'JUG BA LAS, JI LTAR RLUNG GIS BSKUL BAS RGYA MTSO NI, CHE LAS CHU RLABS BYUNG BA DE BZHIN DU, ZHES GSUNGS PA'I PHYIR, YANG KHO NA RE, NAM MKHA'I 'JA' TSON NAM MKHA' LAS BYUNG BAR THAL, RGYA MTSO'I RBA RLABS RGYA MTSO LAS BYUNG BA'I PHYIR ZER NA MA KHYAB, 'DOD NA, NAM MKHA'I 'JA' TSON NAM MKHA' LAS MA BYUNG BAR THAL, NAM MKHA' LAS BYUNG BA MED PA'I PHYIR, MA GRUB NA, NAM MKHA' CHOS CAN, KHYOD LAS BYUNG BA MED PAR THAL, KHYOD RTAG PA YIN PA'I PHYIR, GNYIS PA TSIG GI MTSAN NYID NI, KHYAD GZHI KHYAD CHOS SBYAR NAS STON PA'I GNYAN BYA DE, TSIG GI MTSAN NYID, MTSAN GZHI NI, RKYE MA 'DUS BYAS RNAMS MI RTAG , @024A *, ,SKYE ZHING 'JIG PA'I CHOS CAN, ZHES PA LTA BU'O, ,GSUM PA NI YI GE'I MTSAN NYID, MING TSIG GNYIS KYI RTZOM GZHIR GYUR PA'I SKAD KYI GDANGS DE, YI GE'I MTSAN NYID, MTSAN GZHI NI, KA SOGS SUM BCU LTA BU, DE LA KHO NA RE YI GE'I BRJOD BYA MED PAR THAL, YI GE RTAG PA YIN PA'I PHYIR TE, MING TSIG YI GE GSUM RTAG PA YIN PA'I PHYIR TE, DE GSUM GA DNGOS MED YIN PA'I PHYIR TE, RNAM 'BREL LAS, TSIG SOGS KUN BTAGS DNGOS MED LA, ,ZHES GSUNGS PA'I PHYIR ZER NA MA KHYAB STE, DE'I DON NI, MING TSIG YI GE GSUM GYI DON NAM BRJOD BYA'I RANG LDOG DNGOS MED YIN ZHES PA'I DON YIN GYI, BRJOD BYED MING TSIG YI GE GSUM DNGOS PO YIN PA'I PHYIR, DER THAL, DE RNAMS RANG GI RGYUR GYUR PA'I SKYES BU'I KUN SLONG GI SHES PA LAS SKYES PA'I PHYIR TE, RNAM 'BREL LAS, YI GE KUN SLONG SHES PA LAS, ,SKYE LA SHES PAS SGRA SKYE'O, ,ZHES GSUNGS PA'I PHYIR, BRJOD BYED KYI SGRA LA BRJOD BYA'I SGO NAS DBYE NA, RIGS BRJOD KYI SGRA DANG, TSOGS BRJOD KYI SGRA GNYIS YOD, DE GNYIS KYI KHYAD PAR LA, KHA CIG, RIGS BRJOD KYI SGRA YIN NA, RANG GI BRJOD BYA'I RIGS THAMS CAD DNGOS SU BRJOD PAS KHYAB, TSOGS BRJOD KYI SGRA YIN NA, RANG GI BRJOD BYA'I TSOGS THAMS CAD DNGOS SU BRJOD PAS KHYAB ZER NA, SHES BYA ZHES BRJOD PA'I SGRA CHOS CAN, RANG GI BRJOD BYA'I RIGS THAMS CAD DNGOS SU BRJOD BAR THAL, RIGS BRJOD KYI SGRA YIN PA'I PHYIR, KHYAB PA KHAS, MA GRUB NA, SHES BYA CHOS CAN, KHYOD ZHES BRJOD PA'I SGRA DE, RIGS BRJOD KYI SGRA YIN PAR THAL, KHYOD RIGS SPYI YIN PA'I PHYIR, GONG DU 'DOD NA, SHES BYA ZHES BRJOD PA'I SGRA CHOS @024B CAN; GSER BUM DNGOS SU BRJOD PAR THAL, SHES BYA DE, GSER BUM GYI RIGS SBYI YIN PA GANG ZHIG, ,KHYOD KYIS RANG GI BRJOD BYA'I RIGS THAMS CAD DNGOS SU BRJOD PA'I PHYIR, RTAGS GNYIS PA KHAS, GZHAN YANG, SHES BYA ZHES BRJOD PA'I SGRA DE, SHES BYA LA SEL 'JUG YIN PAR THAL, DE SHES BYA LA 'JUG PA GANG ZHIG ,DE SHES BYA LA, SGRUB 'JUG MA YIN PA'I PHYIR, DANG PO MA GRUB NA, DE 'DRA'I SGRA DE, DE LA 'JUG PAR THAL, DE 'DRA'I SGRA DE, DE LA DNGOS SU 'JUG PA'I PHYIR, MA GRUB NA, SHES BYA CHOS CAN, KHYOD ZHES BRJOD PA'I SGRA KHYOD LA DNGOS SU 'JUG PAR THAL, KHYOD GZHI GRUB PA'I PHYIR, GONG GI RTAGS GNYIS PA MA GRUB NA, SHES BYA ZHES BRJOD PA'I SGRA DE, SHES BYA LA DNGOS DBANG GIS 'JUG PAR THAL, DE SHES BYA LA SGRUB 'JUG YIN PA'I PHYIR, RTAGS KHAS, 'DOD NA, SHES BYA LA 'JUG PA'I RTOG PA DE YANG, SHES BYA LA DNGOS DBANG GIS 'JUG PAR THAL, 'DOD PA'I PHYIR, 'DOD NA, DNGOS PO 'DZIN PA'I RTOG PA YANG, DNGOS PO LA RANG DBANG GIS 'JUG PAR THAL, SHES BYA LA DE'I PHYIR, 'DOD NA, DNGOS PO DANG DNGOS PO'I DON SPYI GNYIS 'DRES PAR THAL, 'DOD PA'I PHYIR 'DOD MI NUS TE, DE GNYIS 'DRES PA MI SRID PA'I PHYIR, MA GRUB NA, DER THAL, RANG MTSAN DANG SPYI MTSAN GNYIS 'DRES PAR MI SRID PA'I PHYOG RIGS BRJOD KYI SGRA DANG TSOGS BRJOD KYI SGRA'I KHYAD PAR LA MU BZHI YOD DE RIGS BRJOD KYI SGRA YIN LA, TSOGS BRJOD KYI SGRA MA YIN PA'I MU, TSOGS BRJOD KYI SGRA YIN LA, RIGS BRJOD KYI SGRA MA YIN PA'I MU, DE GNYIS KA YIN PA'I MU, DE GNYIS KA MA YIN @025A *, ,PA'I MU DANG BZHI RNAMS SU YOD PA'I PHYIR, MU DANG PO YOD DE, SHES BYA ZHES BRJOD PA'I SGRA DE, RIGS BRJOD KYI YIN PA GANG ZHIG ,DE TSOGS BRJOD KYI SGRA MA YIN PA'I PHYIR, DANG PO BSGRUBS ZIN, GNYIS PA MA GRUB NA, SHES BYA CHOS CAN, KHYOD ZHES BRJOD PA'I SGRA TSOGS BRJOD KYI SGRA MA YIN PAR THAL, KHYOD TSOGS SPYI MA YIN PA'I PHYIR TE, BEM ? PO MA YIN PA'I PHYIR TE, DNGOS PO MA YIN PA'I PHYIR, MU GNYIS PA YOD DE, KA BUM GNYIS ZHES BRJOD PA'I SGRA DE, TSOGS BRJOD KYI SGRA YIN PA GANG ZHIG ,DE RIGS BRJOD KYI SGRA MA YIN PA'I PHYIR, DANG PO MA GRUB NA, KA BUM GNYIS CHOS CAN, KHYOD ZHES BRJOD PA'I SGRA DE TSOGS BRJOD KYI SGRA YIN PAR THAL, KHYOD TSOGS SPYI YIN PA'I PHYIR, RTAGS GNYIS PA MA GRUB NA, KA BUM GNYIS CHOS CAN, KHYOD ZHES BRJOD PA'I SGRA DE, RIGS BRJOD KYI SGRA MA YIN PAR THAL, KHYOD RIGS SPYI MA YIN PA'I PHYIR TE, KHYOD SPYI MA YIN PA'I PHYIR TE, KHYOD KYI BYE BRAG MED PA'I PHYIR, MU GSUM PA YOD DE, BUM PA ZHES BRJOD PA'I SGRA DE, DE GNYIS KA YIN PA'I PHYIR, MA GRUB NA, BUM PA CHOS CAN, KHYOD ZHES BRJOD PA'I SGRA DE, RIGS BRJOD KYI SGRA DANG, TSOGS BRJOD KYI SGRA GNYIS KA YIN PAR THAL, KHYOD SPYI DANG RDUL RDZAS BRGYAD 'DUS KYI GONG BU GNYIS KA YIN PA'I PHYIR, MU BZHI BA YOD DE, RTAG DNGOS GNYIS ZHES BRJOD PA'I SGRA DE, DE GNYIS GANG YANG MA YIN PA'I PHYIR, MA GRUB NA, DE CHOS CAN; DER THAL, RIG BRJOD KYI SGRA MA YIN PA GANG ZHIG ,TSOGS BRJOD KYI SGRA MA YIN PA'I PHYIR, DANG PO MA GRUB NA, RTAG DNGOS GNYIS CHOS CAN, KHYOD ZHES BRJOD PA'I SGRA DE, RIGS BRJOD KYI SGRA MA YIN PAR THAL, KHYOD RIGS SPYI MA YIN PA'I PHYIR, RTAGS @025B GNYIS PA MA GRUB NA, RTAG DNGOS GNYIS CHOS CAN, KHYOD ZHES BRJOD PA'I SGRA DE, ,TSOGS BRJOD KYI SGRA MA YIN PAR THAL, KHYOD TSOGS SPYI MA YIN PA'I PHYIR, MA GRUB NA, RTAG DNGOS GNYIS CHOS CAN, TSOGS SPYI MA YIN PAR THAL, MI 'JIG PA'I CHOS YIN PA'I PHYIR, MTHA' YAS SHES DANG SHES BYA'I GNAS, ,GSAL BYED BLO DANG RIG PA YI, ,RNAM BSHAD TSIG NYUNG 'DIR RTEN GANG, ,RGYA CHEN RIGS LAM RGYAS GYUR CIG ,, ,,CES PA 'DI YANG, ^ GONG SA SKYABS MGON RGYAL BA'I DBANG PO SKU PHRENG BCU GSUM PA CHEN PO MCHOG NAS BSDUS GRA'I BSAN BZHES BKA' DRIN SKYANGS SKABS, YONGS 'DZIN PHUR LCOG BYAMS PA TSUL KHRIMS RGYA MTSO DPAL BZANG POS SGRIGS TE PHUL BA'I NANG TSAN YUL YUL CAN DANG BLO RIG GI SKOR 'DI NI, PHYI LO CHIG STONG DGU BRGYA BDUN CU DON BRGYAD LOR SER BYES DPE MDZOD KHONGS NAS SPYIR RGYAL BSTAN LA SMAN SLAD DANG KHYAD PAR SLOB GNYER LA GSAR ZHUGS RNAMS KYI GZIGS DPER DGOS GAL CHE BAS PAR SHING GSAR BSKRUN BZHUS PA'O, ,'DI'I SHING PAR SER BYES DPE MDZOD KHANG DU BZHUGS,, SARBA MANGGA LAm,, ,,