@001A *, ,TSAD MA'I GZHUNG DON 'BYED PA'I BSDUS GRVA'I RNAM PAR BSHAD PA RIGS LAM 'PHRUL GYI LDE 'U MIG LAS RIGS LAM CHE BA RTAGS RIGS KYI SKOR BZHUGS SO, , @001B *, ,BLA MA DANG MGON PO 'JAM DPAL DBYANGS LA PHYAG 'TSAL LO, ,'DIR RIGS PA'I SGO 'BYED BSDUS GRVA'I RNAM PAR BSHAD PA RIGS LAM 'PHRUL GYI LDE MIG LAS RIGS LAM CHE BA RTAGS RIGS KYI RNAM BZHAG BSHAD PA LA, TSAD MAR GYUR PA 'GRO LA PHAN BZHED PA, STON PA BDE GSHEGS SKYOB LA PHYAG 'TSAL LO, ,ZHES PA'I GZHUNG 'DIS BDAG CAG GI STON PA PHYI ROL PA'I STON PA LAS KHYAD PAR DU 'PHAGS PA'I STON PA TSAD MAR BSTAN TE, 'GRO LA PHAN BZHED PA, ZHES PAS, RANG RGYU BSAM SBYOR PHUN TSOGS LAS 'KHRUNGS PA'I PHYIR ZHES BSTAN, 'O NA RANG RE'I STON PA LA YON TAN JI LTA BU MNGA' ZHE NA, BDE GSHEGS SKYOB ZHES PAS, RANG DON SPANGS PA PHUN TSOGS DANG, GZHAN DON RTOGS PA PHUN TSOGS GNYIS MNGA' BAS NA SKYOB PA BLA NA MED PAR BSTAN PA YIN TE, RNAM 'GREL LAS, RTOG PA'I DRA BA RNAM BSAL ZHING, ,ZHES GSUNGS PA'I PHYIR, DE LTAR RANG RE'I STON PA NI STON PA TSAD MA, DE'I LUNG RTOGS KYI BSTAN PA NI BSTAN PA RNAM DAG ,DE'I LUNG LAS GSUNG PA'I TSAD MA MNGON RJES GNYIS NI 'JUG BYA'I TSAD MA RNAM DAG , ,RGYU BSAM SBYOR PHUN TSOGS NI NYAMS SU BLANG BYA'I LAM RNAM DAG TU RTOG GE'I TSIG DON BRGYAD KYI SGO NAS SGRUB PAR MDZAD, DES NA SGRUB NGAG DANG, SUN 'BYIN GYI RNAM BZHAG LA MKHAS PA'I SGO NAS RGYAL BA'I BSTAN PA 'DZIN PA DE NI, BSTAN 'DZIN GYI @002A *, ,GTZO BO YIN TE, RIGS GTER LAS, DE LTA SGRUB DANG SUN 'BYIN GYI, ,RIGS PA'I GZHUNG LUGS GANG GIS SHES, ,MKHAS PA DE NI RDZOGS PA YI, ,SANGS RGYAS KYI NI BSTAN PA 'DZIN, ,ZHES GSUNGS PA'I PHYIR, DES NA 'DIR SGRUB NGAG DANG, SUN 'BYIN SOGS KYI RNAM GZHAG BSHAD PA LA, PHYOGS CHOS DE CHOS KHYAB PA YI, ,GTAN TSIGS, ZHES SOGS GSUNGS, GZHUNG 'DI'I SKABS SU GTAN TSIGS BSHAD PA LA; RTAGS KYI MTSAN NYID, RTAGS KYI DBYE BA, RTAGS DPE PHYOGS GSUM GYI SKYON YON BSHAD PA DANG GSUM, DANG PO LA, RTAGS SU BKOD PA, RTAGS KYI MTSAN NYID, DE SGRUB KYI RTAGS SU BKOD PA, DE SGRUB KYI RTAGS KYI MTSAN NYID, YOD MED GANG RUNG YIN NA, DE SGRUB KYI RTAGS YIN PAS KHYAB STE, DE YIN NA, DE SGRUB KYI RTAGS SU BKOD PAS KHYAB PA'I PHYIR TE, RI BONG RVA DE, DE CHOS CAN, MI RTAG STE, RI BONG RVA YIN PA'I PHYIR ZHES PA'I RTAGS SU BKOD PA'I PHYIR, SGRA MI RTAG PAR SGRUB PAR BYED PA'I RTAGS SU BKOD PA, SGRA MI RTAG PAR SGRUB PAR BYED PA'I RTAGS KYI MTSAN NYID, BYAS RTAGS KYI SGRA MI RTAG PAR SGRUB PA'I RTAGS SU BKOD PA, BYAS RTAGS KYI SGRA MI RTAG PAR SGRUB PA'I RTAGS KYI MTSAN NYID, DE BZHIN DU GZHAN LA YANG SBYOR TSUL RIGS 'DRA'O, ,GNYIS PA DBYE BA BSHAD PA LA, RTAGS YANG DAG BSHAD PA, DE'I LDOG PHYOGS @002B RTAGS LTAR SNANG BSHAD PA GNYIS, DANG PO LA, RTAGS YANG DAG GI LTOS GZHI DANG, MTSAN NYID, DBYE BA BSHAD PA DANG GSUM, DANG PO LA, PHYOGS CHOS KYI LTOS GZHI SHES 'DOD CHOS CAN BSHAD PA DANG, KHYAB PA'I LTOS GZHI MTHUN PHYOGS DANG MI MTHUN PHYOGS BSHAD PA GNYIS, DANG PO LA, SHES 'DOD CHOS CAN GYI MTSAN NYID, MTSAN GZHI, ZHAR LA BSGRUB BYA'I CHOS NGOS BZUNG BA DANG GSUM, DANG PO LA, KHYOD BYAS PA'I RTAGS KYIS SGRA MI RTAG PAR SGRUB PA'I RTZOD GZHIR BZUNG BA YANG YIN, KHYOD BYAS PAR TSAD MAS NGES NAS, KHYOD MI RTAG PA YIN MIN LA SHES 'DOD ZHUGS PA'I GANG ZAG SRID PA YANG YIN PA'I GZHI MTHUN PAR DMIGS PA, KHYOD BYAS PA'I RTAGS KYIS SGRA MI RTAG PAR SGRUB PA'I SHES 'DOD CHOS CAN SKYON MED YIN PA'I MTSAN NYID, GNYIS PA MTSAN GZHI NI, SGRA DE DE YIN, DE 'DRA'I SHES 'DOD CHOS CAN DE YIN NA SGRA DANG GCIG YIN PAS KHYAB BO, ,GSUM PA NI, BSGRUB BYA'I CHOS SU BZUNG BA, BSGRUB BYA'I CHOS KYI MTSAN NYID, BDAG MED YIN NA, BSGRUB BYA'I CHOS YIN PAS KHYAB STE, BDAG MED YIN NA, KHYOD SGRA KHYOD DU SGRUB PA'I BSGRUB BYA'I CHOS YIN PAS KHYAB PA'I PHYIR, DES NA BSGRUB BYA'I CHOS YIN NA, CHOS YIN PAS MA KHYAB BO, ,SGRA MI RTAG PAR BSGRUB PA'I BSGRUB BYA'I CHOS SU BZUNG BA, SGRA MI RTAG PAR SGRUB PA'I BSGRUB BYA'I CHOS KYI MTSAN NYID, DE LA DBYE NA, DE SGRUB KYI DNGOS KYI BSGRUB BYA'I @003A *, ,CHOS DANG, DE SGRUB KYI SHUGS KYI BSGRUB BYA'I CHOS GNYIS, MTSAN NYID RIM PA BZHIN, DE SGRUB KYI DNGOS KYI BSGRUB BYA'I CHOS SU BZUNG BA, DE SGRUB KYI DNGOS KYI BSGRUB BYA'I CHOS KYI MTSAN NYID, DE SGRUB KYI SHUGS KYI BSGRUB BYA'I CHOS SU BZUNG BA, DE SGRUB KYI SHUGS KYI BSGRUB BYA'I CHOS KYI MTSAN NYID, MTSAN GZHI RIM PA BZHIN, MI RTAG PA DANG PO DANG, MI RTAG PA MA YIN PA LAS LOG PA GNYIS PA YIN, YANG MI RTAG PA DANG SKAD CIG MA GNYIS RE RE NAS BYAS PA'I RTAGS KYI DE SGRUB KYI DNGOS KYI BSGRUB BYA'I CHOS DANG, DE GNYIS MA YIN PA LAS LOG PA GNYIS RE RE NAS DE SGRUB KYI SHUGS KYI BSGRUB BYA'I CHOS YIN NO, ,SGRA CHOS CAN, MI RTAG STE, BYAS PA'I PHYIR, ZHES BKOD PA'I TSE, SGRA SBYOR BA DE SGRUB KYI RTZOD GZHI, MI RTAG PA DE SGRUB KYI BSGRUB BYA'I CHOS, SGRA MI RTAG PA BSGRUB BYA, BYAS PA RTAGS YANG DAG ,RTAG PA DGAG BYA'I CHOS, SGRA RTAG PA SBYOR BA DE SGRUB KYI DGAG BYAR 'JOG ,DES GZHAN LA YANG RIGS 'GRE, ,SGRUB BYED NI, MI RTAG PA CHOS CAN, KHYOD SGRA MI RTAG PAR SGRUB PA'I DNGOS KYI BSGRUB BYA'I CHOS YIN TE, MTSAN NYID DE'I PHYIR RO, ,SKAD CIG MA CHOS CAN, SGRA MI RTAG PAR SGRUB PA'I DNGOS KYI BSGRUB BYA'I CHOS MA YIN TE, DE SGRUB KYI RTAGS YANG DAG YIN PA'I PHYIR, GNYIS PA KHYAB PA'I LTOS GZHI MTHUN PHYOGS DANG MI PHYOGS GNYIS BSHAD PA LA, DNGOS BSHAD PA DANG, @003B ZHAR LA MTHUN DPE DANG MI MTHUN DPE BSHAD PA GNYIS, DANG PO LA, MTSAN NYID, DBYE BA, SGRA BSHAD 'JUG GI MU BZHI RTZI BA, MTHUN PHYOGS DANG MI MTHUN PHYOGS GNYIS DNGOS 'GAL YIN MIN LA DPYAD PA DANG BZHI, DANG PO LA SGRA MI RTAG PAR SGRUB PA'I BSGRUB TSUL DANG MTHUN PAR MI RTAG PAS MI STONG PA, SGRA MI RTAG PAR SGRUB PA'I MTHUN PHYOGS KYI MTSAN NYID, MI RTAG PA DANG DE SGRUB KYI MTHUN PHYOGS GNYIS YIN KHYAB MNYAM YIN, DE SGRUB KYI BSGRUB TSUL DANG MI MTHUN PAR MI RTAG PAS STONG PA, DE SGRUB KYI MI MTHUN PHYOGS KYI MTSAN NYID, MI RTAG PA MA YIN PA DANG DE GNYIS YIN KHYAB MNYAM YIN, GNYIS PA DE LA DBYE NA, DE SGRUB KYI MED PA MI MTHUN PHYOGS, GZHAN PA MI MTHUN PHYOGS, 'GAL BA MI MTHUN PHYOGS DANG GSUM, RI BONG RVA DANG PO, ,SHES BYA GNYIS PA, RTAG PA GSUM PA YIN, GSUM PA NI, DE SGRUB KYI MTHUN PHYOGS YIN NA, DE SGRUB KYI MTHUN PHYOGS KYI SGRA BSHAD DU YOD PAS KHYAB PA MA ZHE NA, 'DI LA MU GSUM STE, DE SGRUB KYI MTHUN PHYOGS YIN LA, DE SGRUB KYI MTHUN PHYOGS KYI SGRA BSHAD DU MED PA'I MU, GNYIS KA YIN PA'I MU, GNYIS KA MA YIN PA'I MU DANG GSUM, 'DUS MA BYAS KYI NAM MKHA' DE, SGRA RTAG PAR SGRUB PA'I MTHUN PHYOGS YIN LA, DE SGRUB KYI MTHUN PHYOGS KYI SGRA BSHAD DU MED PA'I MU YIN, DE SGRUB PA NI, DE CHOS CAN, DE SGRUB KYI MTHUN PHYOGS YIN PAR THAL, RTAG PA YIN @004A *, ,PA'I PHYIR, DE SGRUB KYI MTHUN PHYOGS KYI SGRA BSHAD DU MED DE, DE DANG SGRA GNYIS RTAG PAR CHOS MI MTHUN PA'I PHYIR, GNYIS KA YIN PA'I MU NI, BUM PA DE SGRA MI RTAG PAR SGRUB PA'I MTHUN PHYOGS DANG, DE SGRUB KYI MTHUN PHYOGS KYI SGRA BSHAD DU YOD PA'I MU GNYIS KA YIN, DE SGRUB PA NI, BUM PA CHOS CAN, DE SGRUB KYI MTHUN PHYOGS YIN PAR THAL, MI RTAG PA YIN PA'I PHYIR, DE CHOS CAN, DE'I SGRA BSHAD DU YOD DE, KHYOD DANG SGRA GNYIS MI RTAG PAR CHOS MTHUN PA'I PHYIR TE, KHYOD KYANG MI RTAG PA YIN, SGRA YANG MI RTAG PA YIN PA'I PHYIR, GNYIS KA MA YIN PA'I MU NI, 'DUS MA BYAS KYI NAM MKHA' DE, SGRA MI RTAG PAR SGRUB PA'I MTHUN PHYOGS MA YIN PA DANG, DE SGRUB KYI MTHUN PHYOGS KYI SGRA BSHAD DU MED PA'I MU GNYIS KA YIN, DE SGRUB PA NI, DE CHOS CAN, DE SGRUB KYI MTHUN PHYOGS MA YIN PAR THAL, MI RTAG PA MA YIN PA'I PHYIR, DE CHOS CAN, DE'I SGRA BSHAD DU MED DE, KHYOD DANG SGRA GNYIS MI RTAG PAR CHOS MI MTHUN PA'I PHYIR TE, KHYOD RTAG PA GANG ZHIG ,SGRA MI RTAG PA YIN PA'I PHYIR, DE SGRUB KYI MTHUN PHYOGS KYI SGRA BSHAD DU YOD LA, DE SGRUB KYI MTHUN PHYOGS MA YIN PA'I MU NI MED DE, DE SGRUB KYI MTHUN PHYOGS KYI SGRA BSHAD DU YOD NA, DE SGRUB KYI MTHUN PHYOGS YIN DGOS PA'I PHYIR, DE SGRUB KYI MTHUN PHYOGS ZHES PA'I PHYOGS DE YIN NA DE SGRUB KYI BSGRUB BYA'I CHOS YIN PAS MA KHYAB STE, SGRA MI RTAG PAR SGRUB PAR @004B BYED PA'I MTHUN PHYOGS ZHES PA'I PHYOGS DANG DE SGRUB KYI MTHUN PHYOGS LA YOD CES PA'I PHYOGS GNYIS MI 'DRA BAR 'JOG DGOS PA'I PHYIR, MA KHYAB NA SLA, MA GRUB NA, DER THAL, SGRA MI RTAG PAR SGRUB PAR BYED PA'I PHYOGS KYI RJES SU DPAG BYA 'AM PHYOGS KYI SGRA'I 'JUG GZHI DE LA GSUM YOD PA LAS, DE SGRUB KYI PHYOGS CHOS ZHES PA'I PHYOGS DE DE SGRUB KYI SHES 'DOD CHOS CAN LA BYED, DE SGRUB KYI MTHUN PHYOGS LA YOD MED CES PA'I PHYOGS DE DANG DE SGRUB KYI KHYAB PA'I 'BREL YUL GYI PHYOGS DE GNYIS DE SGRUB KYI BSGRUB BYA'I CHOS SAM MI RTAG PA'I SPYI LDOG LA BYED KYANG, DE SGRUB KYI MTHUN PHYOGS ZHES PA'I PHYOGS DE LA MI RTAG PA'I SPYI LDOG DANG GZHI LDOG THAMS CAD 'JOG DGOS PA'I PHYIR, DE SGRUB KYI MI MTHUN PHYOGS KYI SGRA BSHAD DU YOD NA, DE SGRUB KYI MI MTHUN PHYOGS YIN PAS KHYAB PA MA ZHE NA, 'DI LA MU GSUM YOD DE, 'DUS MA BYAS KYI NAM MKHA' DE SGRA RTAG PAR SGRUB PA'I MI MTHUN PHYOGS KYI SGRA BSHAD DU YOD LA, DE SGRUB KYI MI MTHUN PHYOGS MA YIN PA'I MU YIN, BUM PA DE SGRA MI RTAG PAR SGRUB PA'I GNYIS KA MA YIN PA'I MU YIN, 'DUS MA BYAS KYI NAM MKHA' DE SGRA MI RTAG PAR SGRUB PA'I MI MTHUN PHYOGS KYI SGRA BSHAD DU YOD LA, DE SGRUB KYI MI MTHUN PHYOGS KYANG YIN PA'I MU YIN, DE SGRUB KYI MI MTHUN PHYOGS YIN LA, DE SGRUB KYI MI MTHUN PHYOGS KYI SGRA BSHAD DU MED PA'I MU NI MED DE, DE SGRUB KYI MI MTHUN PHYOGS YIN NA, DE SGRUB KYI MI @005A *, ,MTHUN PHYOGS KYI SGRA BSHAD DU YOD PAS KHYAB PA'I PHYIR, BZHI PA MTHUN PHYOGS DANG MI MTHUN PHYOGS GNYIS DNGOS 'GAL YIN MIN LA DPYAD PA NI, MTHUN PHYOGS DE NI MI MTHUN PHYOGS DANG DNGOS 'GAL YIN KYANG, MI MTHUN PHYOGS MTHUN PHYOGS DANG DNGOS 'GAL MA YIN TE, MI MTHUN PHYOGS MED PA'I PHYIR, GZHI GRUB NA, MTHUN PHYOGS YIN PAS KHYAB PA'I PHYIR TE, GZHI GRUB NA, RTAGS YANG DAG GI MTHUN PHYOGS YIN PAS KHYAB PA'I PHYIR TE, GZHI GRUB NA, SGRA SHES BYAR SGRUB PA'I RTAGS YANG DAG GI MTHUN PHYOGS YIN PAS KHYAB PA'I PHYIR, DE LA KHO NA RE, MI MTHUN PHYOGS YOD PAR THAL, SGRA MI RTAG PAR SGRUB PAR BYED PA'I MI MTHUN PHYOGS YOD PA'I PHYIR DANG, CHOS MI MTHUN SBYOR GYI SGRUB NGAG YANG DAG KYANG YOD PA'I PHYIR NA MA KHYAB BO, ,GNYIS PA ZHAR LA MTHUN DPE DANG MI MTHUN DPE BSHAD PA LA, MTHUN DPER BZUNG BA, MTHUN DPE'I MTSAN NYID, BDAG MED YIN NA, DE YIN PAS KHYAB STE, GZHI GRUB NA, DE YIN PAS KHYAB, GZHI MA GRUB NA YANG DE YIN PAS KHYAB PA'I PHYIR, DANG PO DER THAL, BUM PA DE DE YIN PA GANG ZHIG ,MTSUNGS PA'I PHYIR, GNYIS PA DER THAL, RI BONG GI RVA DE DE YIN PA GANG ZHIG ,MTSUNGS PA'I PHYIR, DANG PO MA GRUB NA, RI BONG RVA CHOS CAN, DER THAL, SGRA MI RTAG PAR SGRUB PA'I MTHUN DPER BZUNG BA'I PHYIR TE, SGRA CHOS CAN, MI RTAG STE, BYAS PA'I PHYIR, DPER NA KHYOD BZHIN ZHES PA'I SBYOR BA YANG YOD, BYAS NA, MI RTAG PAS KHYAB, DPER NA, @005B KHYOD BZHIN ZHES PA'I SGRUB NGAG KYANG YOD PA'I PHYIR, SGRA MI RTAG PAR SGRUB PA'I MTHUN DPER BZUNG BA, SGRA MI RTAG PAR SGRUB PA'I MTHUN DPE'I MTSAN NYID, BDAG MED YIN NA, DE YIN PAS KHYAB STE, GZHI GRUB NA ZHES SOGS RIGS 'GRE, BYAS PA'I RTAGS LA YANG SBYAR BAR BYA'O, ,MI MTHUN DPER BZUNG BA, MI MTHUN DPE'I MTSAN NYID MA YIN TE, MI MTHUN DPE MED PA'I PHYIR TE, GZHI GRUB NA, MTHUN DPE YANG DAG YIN PAS KHYAB PA'I PHYIR, 'ON KYANG SGRA MI RTAG PAR SGRUB PA'I MI MTHUN DPE YANG DAG NI YOD PA GONG DU BSGRUBS ZIN, GNYIS PA RTAGS YANG DAG GI MTSAN NYID BSHAD PA LA, TSUL GSUM YIN PA, DE'I MTSAN NYID, TSUL GSUM GANG ZHE NA, PHYOGS CHOS, RJES KHYAB, LDOG KHYAB GSUM MO; ,DE RNAMS SO SO'I MTSAN NYID, MTSAN GZHI, SGRUB BYED KYI RIGS PA DANG GSUM, DANG PO NI, DE SGRUB KYI SHES 'DOD CHOS CAN SKYON MED KYI STENG DU 'GOD TSUL DANG MTHUN PAR YOD PA NYID DU TSAD MAS NGES PA, DE SGRUB KYI PHYOGS CHOS KYI MTSAN NYID; DE SGRUB KYI MTHUN PHYOGS KHO NA LA 'GOD TSUL DANG MTHUN PAR YOD PA NYID DU TSAD MAS NGES PA DE, DE SGRUB KYI RJES KHYAB KYI MTSAN NYID, DE SGRUB KYI DNGOS KYI BSGRUB BYA'I CHOS KYI DON LDOG DANG 'BREL STOBS KYIS DE SGRUB KYI MI MTHUN PHYOGS LA 'GOD TSUL DANG MTHUN PAR MED PA NYID DU TSAD MAS NGES PA DE, DE SGRUB KYI LDOG KHYAB KYI MTSAN NYID, 'ON KYANG MTSAN NYID DE LDAG NI GO BA GTZO BOR BYAS PA YIN GYI DER NGES PA NI MA YIN TE, SGRA DE SGRA MI RTAG PAR SGRUB PAR BYED PA'I @06A *, ,MTSAN NYID DE GSUM KA YIN KYANG MTSON BYA DE RNAMS RE RE NAS MA YIN PA'I PHYIR, GZHI LA SBYAR TE RGYAS PAR 'GOD NA, SGRA DE KHYOD KYI RTAGS KYIS SGRA MI RTAG PAR SGRUB PA'I SHES 'DOD CHOS CAN SKYON MED KYANG YIN, KHYOD SGRA DANG PHAN TSUN THA DAD PA'I TSUL GYIS SGRA'I STENG DU 'GOD TSUL DANG MTHUN PAR YOD PA NYID DU TSAD MAS NGES PA, KHYOD SGRA MI RTAG PAR SGRUB PA'I PHYOGS CHOS YIN PA'I MTSAN NYID, KHYOD KYI RTAGS KYIS SGRA MI RTAG PAR SGRUB PA'I RTAGS CHOS GNYIS LDAN GYI MTHUN DPE YANG DAG YOD, KHYOD MI RTAG PA LA 'BREL, KHYOD SGRA MI RTAG PAR SGRUB PA'I MTHUN PHYOGS KHO NA LA 'GOD TSUL DANG MTHUN PAR YOD PA NYID DU TSAD MAS NGES PA KHYOD SGRA MI RTAG PAR SGRUB PA'I RJES KHYAB YIN PA'I MTSAN NYID, KHYOD KYI RTAGS KYIS SGRA MI RTAG PAR SGRUB PA'I RTAGS CHOS GNYIS DANG LDAN PA'I MI MTHUN DPE YANG DAG YOD, KHYOD MI RTAG PA LA 'BREL, KHYOD DE SGRUB KYI MI MTHUN PHYOGS LA MED PA KHO NAR TSAD MAS NGES PA, KHYOD DE SGRUB KYI LDOG KHYAB YIN PA'I MTSAN NYID, MTSAN GZHI NI, BYAS PA DE BYAS PA'I RTAGS KYIS SGRA MI RTAG PAR SGRUB PA'I PHYOGS CHOS, RJES KHYAB, LDOG KHYAB GSUM KA YIN, SGRUB BYED KYI RIGS PA NI, BYAS PA CHOS CAN, SGRA MI RTAG PAR SGRUB PA'I PHYOGS CHOS YIN PAR THAL, MTSAN NYID DE YIN PA'I PHYIR, RTZA RTAGS DANG PO MA GRUB NA, SGRA CHOS CAN, BYAS PA'I RTAGS KYIS SGRA MI RTAG PAR SGRUB PA'I SHES 'DOD @06B CHOS CAN SKYON MED YIN PAR THAL, KHYOD BYAS PA'I RTAGS KYIS SGRA MI RTAGS PAR SGRUB PA'I RTZOD GZHIR BZUNG BA GANG ZHIG, KHYOD BYAS PAR TSAD MAS NGES NAS KHYOD MI RTAG PA YIN MIN LA SHES 'DOD ZHUGS PA'I GANG ZAG SRID PA'I PHYIR, DANG PO DER THAL, SGRA CHOS CAN, MI RTAG STE, BYAS PA'I PHYIR ZHES PA'I SBYOR BA YOD PA'I PHYIR, GNYIS PA DER THAL, SGRA BYAS PAR TSAD MAS NGES NAS SGRA MI RTAG PAR TSAD MAS MA NGES PA'I GANG ZAG YOD PA'I PHYIR, RTZA RTAGS GNYIS PA MA GRUB NA, BYAS PA CHOS CAN, DER THAL, KHYOD SGRA DANG PHAN TSUN THA DAD GANG ZHIG KHYOD SGRA'I STENG DU 'GOD TSUL DANG MTHUN PAR YOD PA NYID DU TSAD MAS NGES PA'I PHYIR, GNYIS PA DER THAL, KHYOD KYI RTAGS KYIS DE SGRUB KYI 'GOD TSUL YIN 'GOD YIN, SGRA KHYOD YIN, SGRA CHOS CAN GYI STENG DU KHYOD YIN PA'I PHYIR, RTAGS RNAMS SLA, BYAS PA CHOS CAN, KHYOD SGRA MI RTAG PAR SGRUB PA'I RJES KHYAB YIN PAR THAL, MTSAN NYID DE YIN PA'I PHYIR, RTZA RTAGS DANG PO DER THAL, BUM PA DE KHYOD KYI RTAGS KYIS SGRA MI RTAG PAR SGRUB PA'I RTAGS CHOS GNYIS LDAN GYI MTHUN DPE YANG DAG YIN PA'I PHYIR, MA GRUB NA, BUM PA CHOS CAN, KHYOD BYAS PA'I RTAGS KYIS DE SGRUB KYI RTAGS CHOS GNYIS LDAN GYI MTHUN DPE YANG DAG YIN PAR THAL, KHYOD BYAS PA'I RTAGS KYIS DE SGRUB KYI MTHUN DPER BZUNG BA GANG ZHIG ,SGRA'I STENG DU BYAS NA MI RTAGS PAS KHYAB PA @07A *, ,TSAD MAS MA NGES PA'I SNGA ROL DU KHYOD KYI STENG DU BYAS NA MI RTAG PAS KHYAB PA TSAD MAS NGES PA'I DE SGRUB KYI PHYI RGOL YANG DAG YOD PA'I PHYIR TE, DE BYAS PA'I BYE BRAG YIN PA'I PHYIR, DANG PO DER THAL, SGRA CHOS CAN, MI RTAG STE, BYAS PA'I PHYIR, DPER NA BUM PA BZHIN ZHES PA'I SBYOR BA YOD PA'I PHYIR, GNYIS PA MA GRUB NA, SHES BYA CHOS CAN, DER THAL, SGRA MI RTAG PAR TSAD MAS MA NGES PA'I SNGA ROL DU BUM PA MI RTAG PAR TSAD MAS NGES PA'I DE SGRUB KYI PHYI RGOL YANG DAG YOD PA'I PHYIR, SGRA MI RTAG PAR SGRUB PA'I PHYI RGOL YANG DAG YOD PA'I PHYIR, SGRA MI RTAG PAR SGRUB PA'I PHYI RGOL YANG DAG DE DE YIN PA'I PHYIR, DE SGRUB KYI PHYI RGOL YANG DAG DES SGRA MI RTAG PAR TSAD MAS MA NGES PA GANG ZHIG ,DE BUM PA MI RTAG PAR TSAD MAS NGES PA'I GANG ZAG YIN PA'I PHYIR, RTAGS GNYIS CHOS CAN GYIS SGRUB, RTZA RTAGS GNYIS PA DER THAL, KHYOD MI RTAG PA LA BDAG GCIG TU 'BREL BA'I PHYIR, RTZA RTAGS GSUM PA DER THAL, KHYOD KYI RTAGS KYIS DE SGRUB KYI 'GOD TSUL YIN 'GOD GANG ZHIG ,SGRUB TSUL YIN SGRUB YIN, KHYOD MI RTAG PA YIN, KHYOD YIN NA, MI RTAG PA YIN DGOS PA'I PHYIR, DANG PO SLA, GNYIS PA DER THAL, KHYOD KYI RTAGS KYIS DE SGRUB KYI SGRUB TSUL YIN SGRUB DANG, YOD GRUB GANG RUNG GANG ZHIG ,PHYI MA MA YIN PA'I PHYIR, DANG PO DER THAL, KHYOD DE SGRUB KYI RTAGS SU BKOD PA'I PHYIR, GNYIS PA MA GRUB NA, BYAS PA SGRA MI @07B RTAG PAR YOD PAR SGRUB PA'I MTHUN PHYOGS LA KHYAB BYED DU 'JUG PA'I RTAGS YIN PAR THAL, DE SGRUB KYI MTHUN PHYOGS LA KHYAB BYED DU 'JUG PA'I RTAGS YOD PA'I PHYIR, 'DOD NA, SHES BYA CHOS CAN, BYAS PA YIN PAR THAL, MI RTAG PA YOD PA'I PHYIR, RTAGS GSUM PA DER THAL, BYAS PA YIN PA'I PHYIR, RTAGS BZHI PA 'BUD DO, ,BYAS PA CHOS CAN, SGRA MI RTAG PAR SGRUB PA'I LDOG KHYAB YIN PAR THAL, MTSAN NYID DE YIN PA'I PHYIR, RTZA RTAGS DANG PO GRUB TE, 'DUS MA BYAS KYI NAM MKHA' DE YIN PA'I PHYIR, RTZA RTAGS GNYIS PA SGRUB ZIN, RTZA RTAGS GSUM PA GRUB STE, MI RTAG PA MA YIN PA LA BYAS PA MED PA'I PHYIR, GSUM PA RTAGS YANG DAG GI DBYE BA BSHAD PA LA, NGO BO'I SGO NAS DBYE BA, BSGRUB BYA'I CHOS KYI SGO NAS DBYE BA, BSGRUB TSUL GYI SGO NAS DBYE BA, BSGRUB BYA'I SGO NAS DBYE BA, MTHUN PHYOGS LA 'JUG TSUL GYI SGO NAS DBYE BA, RGOL BA'I SGO NAS DBYE BA DANG DRUG , DANG PO LA, 'BRAS RTAGS YANG DAG ,RANG BZHIN GYI RTAGS YANG DAG ,MA DMIGS PA'I RTAGS YANG DAG DANG GSUM, DANG PO LA, MTSAN NYID, DBYE BA, MTSAN GZHI'I STENG DU MTSAN NYID NGES BYED KYI TSAD MA BSHAD PA, RTAGS CHOS DON GSUM NGOS BZUNG BA DANG BZHI, DANG PO NI, KHYOD DE SGRUB KYI SGRUB KYI SGRUB RTAGS YANG DAG GANG ZHIG ,KHYOD KYI RTAGS KYIS DE SGRUB KYI DNGOS KYI BSGRUB BYA'I CHOS SU GZUNG BYA YANG YIN, KHYOD KYI RGYU YANG YIN PA'I GZHI MTHUN SRID PA DE, KHYOD DE SGRUB KYI @08A *, ,'BRAS RTAGS YANG DAG YIN PA'I MTSAN NYID, RTZOD PA'I TSE NA, 'BRAS BU'I TSUL GSUM YIN PA, 'BRAS RTAGS YANG DAG GI MTSAN NYID, DE DANG 'DUS BYAS GNYIS DON GCIG ,DE SGRUB KYI 'BRAS BU'I TSUL GSUM YIN PA, DE SGRUB KYI 'BRAS RTAGS YANG DAG GI MTSAN NYID, GO BA DANG SBYAR NA, KHYOD DE SGRUB KYI RTAGS YANG DAG GANG ZHIG KHYOD KYI RTAGS KYIS DE SGRUB KYI DNGOS KYI BSGRUB BYA'I CHOS SU BZUNG BYA'I GTZO BO YANG YIN, KHYOD KYI RGYU YANG YIN PA'I GZHI MTHUN SRID PA DE, KHYOD DE SGRUB KYI 'BRAS RTAGS YANG DAG GI MTSAN NYID, GNYIS PA DE LA DBYE NA, RGYU DNGOS SGRUB KYI 'BRAS RTAGS YANG DAG ,RGYU SNGON SONG SGRUB KYI 'BRAS RTAGS YANG DAG ,RGYU SPYI SGRUB KYI 'BRAS RTAGS YANG DAG ,RGYU KHYAD PAR SGRUB KYI 'BRAS RTAGS YANG DAG ,RGYU CHOS RJES DPOG GI 'BRAS RTAGS YANG DAG DANG LNGA, MTSAN GZHI RIM PA LTAR, DU LDAN GYI LA LA CHOS CAN, ME YOD DE, DU BA YOD PA'I PHYIR, ZHES BKOD PA'I TSE, DU BA DE DU LDAN LA LA ME YOD PAR SGRUB PA'I RGYU DNGOS SGRUB KYI 'BRAS RTAGS YIN, BAR SNANG GI DU BA SNGO LONG PO CHOS CAN, RANG RGYU ME SNGA MA SNGON DU SONG BA YIN TE, DU BA YIN PA'I PHYIR, ZHES BKOD PA'I TSE, DU BA DE BAR SNANG GI DU BA SNGO LONG PO RANG RGYU ME SNGA MA SNGON DU SONG BAR SGRUB PA'I RGYU SNGON SONG SGRUB KYI 'BRAS RTAGS YANG DAG ,NYER LEN GYI PHUNG PO CHOS CAN, RANG RGYU DANG BCAS PA YIN TE, RES 'GA' SKYE PA'I DNGOS PO YIN PA'I PHYIR, ZHES BKOD PA'I TSE, @08B RES 'GA' SKYE BA'I DNGOS PO DE, NYER LEN GYI PHUNG PO RANG RGYU DANG BCAS PAR SGRUB PA'I RGYU SPYI'AM RANG LDOG SGRUB KYI 'BRAS RTAGS YANG DAG ,SNGON SNANG DBANG SHES CHOS CAN, RANG GI DMIGS RKYEN DANG BCAS PA YIN TE, RANG GI DMIGS RKYEN MED PAR MI SKYE BA'I DNGOS PO YIN PA'I PHYIR, ZHES BKOD PA'I TSE, RANG GI DMIGS RKYEN MED PAR MI SKYE BA'I DNGOS PO DE SNGON SNANG DBANG SHES RANG GI DMIGS RKYEN DANG BCAS PAR SGRUB PA'I RGYU'I KHYAD PAR SGRUB KYI 'BRAS RTAGS YANG DAG ,KHA NANG BU RAM GONG BU'I STENG NA CHOS CAN, BU RO SNGA MAS BUR GZUGS PHYI MA SKYED PA'I NUS PA YOD DE, BU RO DA LTA BA YOD PA'I PHYIR, ZHES BKOD PA'I TSE, BU RO DA LTAR BA DE KHA NANG BU RAM GONG BU'I STENG DU BU RO SNGA MAS BUR GZUGS PHYI MA BSKYED PA'I NUS PA YOD PAR SGRUB PA'I RGYU CHOS RJES DPOG GI 'BRAS RTAGS YANG DAG YIN NO, ,YANG DE LA DBYE NA GNYIS YOD DE, DU BA DE DU LDAN LA LA DU BA'I DNGOS RGYU YOD PAR SGRUB PA'I MTHUN PHYOGS LA KHYAB BYED DU 'JUG PA'I 'BRAS RTAGS DANG, DU BA DE DU LDAN LA LA ME YOD PAR SGRUB PA'I MTHUN PHYOGS LA RNAM GNYIS SU 'JUG PA'I 'BRAS RTAGS YIN PA'I PHYIR, DE SGRUB KYI MTHUN PHYOGS LA KHYAB BYED DU 'JUG PA'I DON NI, DU BA'I DNGOS RGYU YOD NA DU BA YOD PAS KHYAB PA'I DON DANG, DE LA RNAM GNYIS SU 'JUG PA'I DON NI, ME YOD NA, DU BA YOD PAS MA KHYAB PA'I DON YIN NO, ,SGRUB BYED NI, DU BA CHOS CAN, KHYOD DU BA DANG LDAN PA'I LA LA ME @09A *, ,YOD PAR BSGRUB PA'I 'BRAS RTAGS YIN TE, KHYOD DE SGRUB KYI RTAGS YANG DAG GANG ZHIG ,KHYOD ME'I 'BRAS BU YIN PA'I PHYIR, ZHES PA NI MTSON PA TZAM MO, ,DU BA DE DU LDAN LA LA ME YOD PAR SGRUB PA'I RTAGS YANG DAG DANG DE SGRUB KYI BKOD TSOD DANG SONG TSOD KYI RTAGS GNYIS KA DANG DU BA'I RTAGS KYIS RTAGS YANG DAG YIN, DU BA YOD PA DE DE SGRUB KYI RTAGS YANG DAG DANG BKOD TSOD KYI RTAGS YIN KYANG, DE SGRUB KYI SONG TSOD KYI RTAGS DANG DU BA'I RTAGS KYIS RTAGS YANG DAG MA YIN, ME DE DU BA'I RTAGS KYIS DE SGRUB KYI BSGRUB BYA'I CHOS DANG BKOD TSOD DANG SONG TSOD KYI BSGRUB BYA'I CHOS YIN, ME YOD PA DE DE SGRUB KYI BSGRUB BYA'I CHOS DANG BKOD TSOD KYI BSGRUB BYA'I CHOS DANG, DU BA'I RTAGS KYIS DE SGRUB KYI BSGRUB BYA'I CHOS YIN KYANG, DE SGRUB KYI SONG TSOD KYI DE MA YIN NO, ,ME TSAD MAS DMIGS PA DANG TSA ZHING BSREG PA GNYIS PO DE RE RE NAS DU LDAN LA LA ME YOD PAR BSGRUB PA'I DNGOS KYI BSGRUB BYA'I CHOS SU GZUNG BYA MA YIN TE, DE SGRUB KYI RTAGS YANG DAG YIN PA'I PHYIR, 'ON KYANG DE GNYIS RE RE NAS DU BA'I RTAGS KYIS DE SGRUB KYI DNGOS KYI BSGRUB BYA'I CHOS SU BZUNG BYA YIN TE, DE'I RTAGS KYIS DE SGRUB KYI DNGOS KYI BSGRUB BYA'I CHOS SU GZUNG BYA YANG YIN MTSAN NYID KYANG YIN PA'I GZHI MTHUN PA YOD PA'I PHYIR RO, ,GNYIS PA RANG BZHIN GYI RTAGS YANG DAG BSHAD PA LA, MTSAN NYID, DBYE BA, MTSAN GZHI DANG GSUM, DANG PO NI, RANG BZHIN GYI TSUL @09B GSUM YIN PA, RANG BZHIN GYI RTAGS YANG DAG GI MTSAN NYID, DE SGRUB KYI RANG BZHIN GYI TSUL GSUM YIN PA, DE SGRUB KYI RANG BZHIN GYI RTAGS YANG DAG GI MTSAN NYID, YANG NA KHYOD DE SGRUB KYI RTAGS YANG DAG GANG ZHIG ,KHYOD KYI RTAGS KYIS DE SGRUB KYI DNGOS KYI BSGRUB BYA'I CHOS SU BZUNG BYA YIN NA, KHYOD DANG BDAG NYID GCIG YIN DGOS PA'I CHA NAS BZHAG PA DE, KHYOD DE SGRUB KYI RANG BZHIN GYI RTAGS YANG DAG GI MTSAN NYID, GNYIS PA DE LA DBYE NA, DE SGRUB KYI KHYAD PAR LTOS PA BA'I RANG BZHIN KYI RTAGS YANG DAG DANG, DE SGRUB KYI KHYAD PAR DAG PA BA'I RANG BZHIN GYI RTAGS YANG DAG GNYIS, DANG PO'I MTSAN NYID NI, DE SGRUB KYI RANG BZHIN GYI RTAGS YANG DAG GANG ZHIG ,RANG BRJOD PA'I SGRAS RANG GI BYED PA PO 'PHEN PA'I CHA NAS BZHAG PA, DANG PO'I MTSAN NYID, DE GANG ZHIG ,RANG BRJOD PA'I SGRAS RANG GI BYED PA PO MI 'PHEN PA'I CHA NAS BZHAG PA, GNYIS PA'I MTSAN NYID, DANG PO LA YANG, RANG GI BYED PA PO DNGOS SU 'PHANGS PA DANG, DE SHUGS LA 'PHANGS PA GNYIS YOD, GSUM PA MTSAN GZHI NI, RTZOL BYUNG DANG, SKYES PA, DUNG SGRA MI RTAG PAR SGRUB PA'I DANG PO DANG, BYAS PA SGRA MI RTAG PAR SGRUB PA'I GNYIS PA, DNGOS PO SGRA MI RTAG PAR SGRUB PA'I KHYAD PAR DAG PA BA'I RANG BZHIN GYI RTAGS YANG DAG GO , YANG SGRA MI RTAG PAR SGRUB PA'I RANG BZHIN GYI RTAGS YANG DAG LA DBYE NA, DE SGRUB KYI MTHUN PHYOGS LA KHYAB BYED DU 'JUG PA'I DE SGRUB KYI RANG BZHIN GYI RTAGS YANG @10A *, ,DAG DANG, DE SGRUB KYI MTHUN PHYOGS LA RNAM GNYIS SU 'JUG PA'I DE SGRUB KYI RANG BZHIN GYI RTAGS YANG DAG GNYIS, MTSAN GZHI RIM PA LTAR, BYAS PA DANG PO DANG, BYAS PA'I BYE BRAG GNYIS PA YIN, DE GNYIS SGRUB PA NI, ,BYAS PA DE DANG PO YIN TE, DE DE SGRUB KYI RANG BZHIN GYI RTAGS YANG DAG GANG ZHIG MI RTAG PA YIN NA, DE YIN PAS KHYAB PA'I PHYIR, BYAS PA'I BYE BRAG GNYIS PA YIN TE, DE DE SGRUB KYI RANG BZHIN GYI RTAGS YANG DAG GANG ZHIG ,MI RTAG PA YIN NA, DE YIN PAS MA KHYAB PA'I PHYIR, ` GSUM PA MA DMIGS PA'I RTAGS YANG DAG BSHAD PA LA, MTSAN NYID, DBYE BA, MTSAN GZHI'I STENG DU MTSAN NYID NGES BYED KYI TSAD MA BSHAD PA DANG GSUM, DANG PO NI, KHYOD DE SGRUB KYI RTAGS YANG DAG GANG ZHIG ,KHYOD KYI RTAGS KYIS DE SGRUB KYI DNGOS KYI SGRUB BYA'I CHOS SU BZUNG BYA YANG YIN, DGAG PA YANG YIN PA'I GZHI MTHUN SRID PA DE, KHYOD DE SGRUB KYI MA DMIGS PA'I RTAGS YANG DAG GI MTSAN NYID, GNYIS PA MA DMIGS PA'I RTAGS YANG DAG LA DBYE NA, MI SNANG BA MA DMIGS PA'I RTAGS YANG DAG DANG, SNANG RUNG MA DMIGS PA'I RTAGS YANG DAG GNYIS, DANG PO NI, MDO LAS, GANG ZAG GIS GANG ZAG GI TSOD GZUNG BAR MI BYA STE, NYAMS PAR GYUR TE RE, ZHES RANG LA MI SNANG BA TZAM GYIS GZHAN LA YON TAN DE LTA BU MED CES 'CHAD MI RIGS PA'I DON STON PA LA, RNAM 'GREL LAS, TSAD MA RNAMS NI MI 'JUG PA, MED LA @10B MI 'JUG 'BRAS BU CAN, ZHES SOGS KYIS BSTAN, DE SGRUB KYI MA DMIGS PA'I RTAGS YANG DAG KYANG YIN, RANG NYID KYI RTAGS KYIS DE SGRUB KYI DGAG BYA'I CHOS SU BRTAGS PA'I DON DE SPYIR YOD KYANG, RANG NYID DE SGRUB KYI PHYOGS CHOS CAN DU SONG BA'I GANG ZAG GI TSAD MA LA MI SNANG BA DE, KHYOD DE SGRUB KYI MI SNANG BA MA DMIGS PA'I RTAGS YANG DAG GI MTSAN NYID, DE LA DBYE NA, DE SGRUB KYI MI SNANG BA'I 'BREL ZLA MA DMIGS PA'I RTAGS YANG DAG ,DE SGRUB KYI MI SNANG BA'I 'GAL ZLA DMIGS PA'I RTAGS YANG DAG GNYIS, MTSAN NYID RIM PA LTAR, KHYOD DE SGRUB KYI MI SNANG BA MA DMIGS PA'I RTAGS YANG DAG KYANG YIN, MED DGAG KYANG YIN PA'I GZHI MTHUN PA, DANG PO'I MTSAN NYID, DE SGRUB KYI MI SNANG BA MA DMIGS PA'I RTAGS YANG DAG KYANG YIN, MA YIN DGAG DANG SGRUB PA GANG RUNG YANG YIN PA'I GZHI MTHUN PA, GNYIS PA'I MTSAN NYID, DANG PO LA DBYE NA, MI SNANG BA'I RGYU, KHYAB BYED, RANG BZHIN MA DMIGS PA'I RTAGS YANG DAG GSUM, MTSAN GZHI RIM PA LTAR, MDUN GYI GZHI 'DIR CHOS CAN, SHA ZA BSKAL DON DU SONG BA'I GANG ZAG GI RGYUD LA SHA ZA NGES PA'I DPYAD SHES DON MTHUN MED DE, SHA ZA BSKAL DON DU SONG BA'I GANG ZAG GI RGYUD LA SHA ZA DMIGS BYED KYI TSAD MA MED PA'I PHYIR, ZHES BKOD PA'I TSE, SHA ZA BSKAL DON DU SONG BA'I GANG ZAG GI RGYUD LA SHA ZA DMIGS BYED KYI TSAD MA MED PA DE, MDUN GYI GZHI 'DIR SHA ZA BSKAL DON DU SONG BA'I GANG ZAG GI RGYUD LA SHA @11A *, ,ZA NGES PA'I DPYAD SHES DON MTHUN MED PAR SGRUB PA'I DANG PO YI NA, SHA ZA YOD PA LA BSKAL DON DU SONG BA'I GANG ZAG GIS SHA ZA YOD PA TSAD MAS MA DMIGS PA DE, MDUN GYI GZHI 'DIR SHA ZA BSKAL DON DU SONG BA'I GANG ZAG GIS SHA ZA YOD CES DAM BCA' MI RIGS PAR SGRUB PA'I GNYIS PA YIN, SHA ZA BSKAL DON DU SONG BA'I GANG ZAG GI RGYUD LA SHA ZA NGES BYED KYI DPYAD SHES DON MTHUN TSAD MAS MA DMIGS PA DE, , MDUN GYI GZHI 'DIR DE 'DRA'I GANG ZAG GI RGYUD LA SHA ZA NGES BYED KYI DPYAD SHES DON MTHUN MED PAR SGRUB PA'I GSUM PA YIN, DGOS PA NI, MDUN GYI GZHI 'DIR LHA'I BAR SRID DANG, SHA ZA YOD MED THE TSOM ZA BA'I SGO NAS BSKAL DON DU SONG BA'I GANG ZAG GIS GZHI 'DIR DE GNYIS YOD CES SAM MED CES THAG GCOD DU MI RUNG BA DPER MDZAD NAS, DON LA GANG ZAG GANG DANG GANG GI SKYON YON RANG GI TSAD MAS MA NGES BZHIN DU SGRO BKUR BYAR MI RUNG BAR SHES PA'I CHED DU'O, ,DE SGRUB KYI DGAG BYA'I CHOS SU BTAGS PA'I DON YIN NA, DE SGRUB KYI DGAG BYA'I CHOS YIN PAS MA KHYAB STE, MDUN GYI GZHI 'DIR SHA ZA BSKAL DON DU SONG BA'I GANG ZAG GI RGYUD LA SHA ZA NGES BYED KYI DPYAD SHES DON MTHUN YOD PA DE DE 'DRA'I DPYAD SHES DON MTHUN MED PAR SGRUB PA'I DGAG BYA'I CHOS SU BTAGS PA'I DON DANG DE'I DGAG BYA'I CHOS GNYIS KA YIN GYI, SHA ZA DANG DE NGES PA'I DPYAD SHES DON MTHUN GNYIS RE RE NAS @11B DE SGRUB KYI DGAG BYA'I CHOS SU BTAGS PA'I DON YIN KYANG DE'I DGAG BYA'I CHOS MA YIN PA'I PHYIR, DANG PO SLA, PHYI MA MA GRUB NA, SHA ZA DANG DE NGES PA'I DPYAD SHES DON MTHUN GNYIS RE RE NAS DE SGRUB KYI DGAG BYA'I CHOS SU BTAGS PA'I DON YIN TE, DE SGRUB KYI PHYI RGOL YANG DAG DES MDUN GYI GZHI 'DIR SHA ZA YOD MED THE TSOM ZA BA'I PHYIR DANG, DES DE 'DRA BA'I DPYAD SHES DON MTHUN YOD MED THE TSOM ZA BA'I PHYIR, DE GNYIS RE RE NAS DE SGRUB KYI DGAG BYA'I CHOS MA YIN TE, SPYIR SHA ZA YOD PA'I PHYIR DANG, DU BA DE MTSAN MO'I RGYA MTSOR DU BA MED PAR SGRUB PA'I DGAG BYA'I CHOS MA YIN PA'I PHYIR, YOD PA DE, MDUN GYI GZHI 'DIR SHA ZA BSKAL DON DU SONG BA'I GANG ZAG GI RGYUD LA SHA ZA NGES BYED KYI DPYAD SHES DON MTHUN MED PAR SGRUB PA'I MI SNANG BA'I 'GAL ZLA DMIGS PA'I RTAGS YANG DAG YIN NO, ,SPYIR BLO LA LTOS PA'I BSKAL DON LA GSUM YOD DE, YUL DANG DUS DANG NGO BO'I BSKAL DON GSUM YOD PA'I PHYIR, DANG PO NI, RANG DANG PHYOGS THAG SHIN TU RING BA NA YOD PA'I SNOD BCUD KYI KHYAD PAR LTA BU, GNYIS PA NI, BSKAL PA 'DAS ZIN PA DANG 'BYUNG BA'I DUS NA JI 'DRA BYUNG BA DANG 'BYUNG BA'I KHYAD PAR LTA BU STE, DE RNAMS NI SPYIR BSKAL DON MI YANG RANG GI BLO LA LTOS PA'I BSKAL DON NO, ,GSUM PA NI, RANG DANG NYE BA NA YOD KYANG NGO BO PHRA BA'I DBANG GIS BSKAL DON DU SONG BA MDUN GYI SHA ZA LTA BU DANG, LHA MI'I BAR SRID PA RNAMS DANG DE'I PHUNG PO LTA @12A *, ,BU'O, ,SNANG RUNG MA DMIGS PA'I RTAGS YANG DAG LA MTSAN NYID DBYE BA GNYIS, DANG PO NI, DE SGRUB KYI MA DMIGS PA'I RTAGS YANG DAG KYANG YIN, DE SGRUB PA LA PHYOGS CHOS CAN DU SONG BA'I GANG ZAG LA DE SGRUB KYI DGAG BYA'I CHOS SU BRTAGS PA'I DON BSKAL DON MIN PA YANG YIN PA'I GZHI MTHUN PA, DE'I MTSAN NYID, DE LA DBYE NA, SNANG RUNG GI 'BREL ZLA MA DMIGS PA'I RTAGS YANG DAG DANG, SNANG RUNG GI 'GAL ZLA DMIGS PA'I RTAGS YANG DAG GNYIS, MTSAN NYID RIM BZHIN, DE SGRUB KYI SNANG RUNG MA DMIGS PA'I RTAGS YANG DAG KYANG YIN, MED DGAG KYANG YIN PA'I GZHI MTHUN PA, DANG PO'I MTSAN NYID, DE SGRUB KYI SNANG RUNG MA DMIGS PA'I RTAGS YANG DAG KYANG YIN, MA YIN DGAG DANG SGRUB PA GANG RUNG YANG YIN PA'I GZHI MTHUN PA, GNYIS PA'I MTSAN NYID, DANG PO LA DBYE NA, SNANG RUNG GI RGYU, KHYAB BYED, RANG BZHIN, DNGOS 'BRAS MA DMIGS PA'I RTAGS YANG DAG DANG BZHI, MTSAN NYID RIM PA LTAR, SNANG RUNG GI RGYU MA DMIGS PA'I TSUL GSUM YIN PA, DANG PO'I MTSAN NYID, DES 'OG MA RNAMS LA RIGS 'GRE, MTSAN GZHI RIM PA LTAR, ME MED PA DE MTSAN MO'I RGYA MTSOR DU BA MED PAR SGRUB PA'I DANG PO DANG, SHING MED PA DE, SHING TSAD MAS MA DMIGS PA'I BRAG RDZONG DU SHA PA MED PAR SGRUB PA'I GNYIS PA YIN, BUM PA TSAD MAS MA DMIGS PA DE, BUM PA TSAD MAS MA DMIGS PA'I SA PHYOGS SU BUM PA MED PAR SGRUB PA'I GSUM PA DANG, DNGOS 'BRAS DU BA MED @12B PA DE, DU BAS DBEN PA'I RTZIG SKOR DU DU BA'I DNGOS RGYU MED PAR SGRUB PA'I BZHI PA YIN NO, ,KHA CIG GIS, ME MED DANG PO DANG, SHING MED GNYIS PA YIN ZER NA, RI BONG RVA CHOS CAN, DU BA MED PAR THAL, ME MED YIN PA'I PHYIR, YANG RI BONG RVA CHOS CAN, SHA PA MED PAR THAL, SHING MED YIN PA'I PHYIR, KHYAB PA KHAS, RTAGS GNYIS KA GRUB STE, GZHI MA GRUB PA'I PHYIR, 'DOD MI NUS TE, DU BA ME'I DNGOS 'BRAS DANG, SHA PA SHING GI KHYAB BYA YIN PA'I PHYIR, SNANG RUNG GI 'GAL ZLA DMIGS PA'I RTAGS YANG DAG LA DBYE NA, LHAN CIG MI GNAS 'GAL LA BRTEN PA'I SNANG RUNG 'GAL DMIGS KYI RTAGS YANG DAG DANG, PHAN TSUN SPANGS 'GAL LA BRTEN PA'I SNANG RUNG 'GAL DMIGS KYI RTAGS YANG DAG GNYIS, DANG PO LA, MTSAN NYID DANG, DBYE BA GNYIS LAS, DANG PO NI, ME STOBS CHEN POS KHYAB PAR NON PA'I SHAR GYI DNGOS PO'I STENG DU GRANGS REG RGYUN CHAGS MED PAR SGRUB PA'I SNANG RUNG 'GAL DMIGS KYI RTAGS YANG DAG KYANG YIN, GRANG REG RGYUN CHAGS DANG LHAN CIG MI GNAS 'GAL YANG YIN PA'I GZHI MTHUN PA DE, ME STOBS CHEN PO'I KHYAB PAR NON PA'I SHAR GYI DNGOS PO'I STENG DU GRANG REG RGYUN CHAGS MED PAR SGRUB PA'I LHAN CIG MI GNAS 'GAL LA BRTEN PA'I SNANG RUNG 'GAL DMIGS KYI RTAGS YANG DAG GI MTSAN NYID, DE LA DBYE NA, RANG BZHIN DANG 'GAL BA'I RANG BZHIN DMIGS PA'I RTAGS YANG DAG, RGYU DANG 'GAL BA'I RANG BZHIN DMIGS PA'I RTAGS YANG DAG, KHYAB BYED DANG @13A *, ,'GAL BA'I RANG BZHIN DMIGS PA'I RTAGS YANG DAG, RANG BZHIN DANG 'GAL BA'I 'BRAS BU DMIGS PA'I RTAGS YANG DAG, RGYU DANG 'GAL BA'I 'BRAS BU DMIGS PA'I RTAGS YANG DAG DANG LNGA, MTSAN GZHI RIM PA LTAR, ME STOBS CHEN POS KHYAB PAR NON PA'I DNGOS PO DE, ME STOBS CHEN POS KHYAB PAR NON PA'I SHAR GYI DNGOS PO'I STENG DU GRANG REG RGYUN CHAGS MED PAR SGRUB PA'I DANG PO DANG, ME STOBS CHEN POS KHYAB PAR NON PA'I DNGOS PO DE, ME STOBS CHEN POS KHYAB PAR NON PA'I SHAR GYI DNGOS PO'I STENG DU GRANG 'BRAS SPU LONG BYED RGYUN CHAGS MED PAR SGRUB PA'I GNYIS PA DANG, ME STOBS CHEN POS KHYAB PAR NON PA'I DNGOS PO DE, ME STOBS CHEN POS KHYAB PAR NON PA'I SHAR GYI DNGOS PO'I STENG DU KHA BA'I REG PA RGYUN CHAGS MED PAR SGRUB PA'I GSUM PA DANG, DU BA DRAG TU PHYUR BAS KHYAB PAR NON PA'I DNGOS PO DE, DU BA DRAG PHYUR BAS KHYAB PAR NON PA'I SHAR GYI DNGOS PO'I STENG DU GRANG REG RGYUN CHAGS MED PAR SGRUB PA'I BZHI PA DANG, DU BA DRAG PHYUR BAS KHYAB PAR NON PA'I DNGOS PO DE, DU BA DRAG PHYUR BAS KHYAB PAR NON PA'I SHAR GYI DNGOS PO'I STENG DU GRANG 'BRAS SPU LONG BYED RGYUN CHAGS MED PAR SGRUB PA'I LNGA PA'I MTSAN GZHI YIN, DE DAG NI BEM POR GYUR BA'I LHAN CIG MI GNAS 'GAL LA BRTEN PA'I 'GAL DMIGS KYI RTAGS YANG DAG YIN LA, SHES PAR GYUR PA'I LHAN CIG MI GNAS 'GAL LA BRTEN PA'I 'GAL DMIGS KYI RTAGS YANG DAG NI, DPER NA, GANG ZAG GI BDAG @13B 'DZIN GYI DNGOS GNYEN DU GYUR PA'I NYAN THOS KYI SGOM LAM BAR CHAD MED LAM CHOS CAN, GANG ZAG GI BDAG 'DZIN DANG GNOD MED DU LHAN CIG TU MI GNAS TE, GANG ZAG GI BDAG 'DZIN GYI DNGOS GNYEN YIN PA'I PHYIR, ZHES BKOD PA LTA BU'O, ,LDAN MIN 'DU BYED DU GYUR PA'I LHAN CIG MI GNAS 'GAL LA BRTEN PA'I 'GAL DMIGS KYI RTAGS YANG DAG NI, SHAR PHYOGS KYI BYA ROG CHOS CAN, 'UG PA DANG GNOD MED DU LHAN CIG TU MI GNAS TE, BYA ROG YIN PA'I PHYIR, ZHES BKOD PA'I TSE NA DE LTA BU'O, ,SGRA RTAG PA MA YIN PAR SGRUB PA'I 'GAL DMIGS KYI RTAGS YANG DAG KYANG YIN, RTAG PA DANG LHAN CIG MI GNAS 'GAL MA YIN PA YANG YIN PA'I GZHI MTHUN PA DE, SGRA RTAG PA MA YIN PAR SGRUB PA'I PHAN TSUN SPANG 'GAL LA BRTEN PA'I SNANG RUNG 'GAL DMIGS KYI RTAGS YANG DAG GI MTSAN NYID, BYAS PA DE, DE'I MTSAN GZHI YIN, MDUN GYI GONG BU RVA CAN RTA MA YIN PAR SGRUB PA'I 'GAL DMIGS KYI RTAGS YANG DAG KYANG YIN, RTA DANG LHAN CIG MI GNAS 'GAL MA YIN PA YANG YIN PA'I GZHI MTHUN PA DE, MDUN GYI GONG BU RVA CAN RTA MA YIN PAR SGRUB PA'I PHAN TSUN SPANG 'GAL LA BRTEN PA'I 'GAL DMIGS KYI RTAGS YANG DAG GI MTSAN NYID, RVA CAN DE DE'I MTSAN GZHI YIN, DE LA DBYE NA, LTOS PAS NGES PA 'GOG PA'I RTAGS YANG DAG DANG, NGES PAS LTOS PA 'GOG PA'I RTAGS YANG DAG GNYIS, MTSAN GZHI RIM PA LTAR, GOS DKAR PO CHOS CAN, RANG GRUB TZAM NAS TSON CAN DU MA NGES TE, @14A *, ,RANG NYID TSON CAN DU 'GYUR BA RANG LAS PHYIS 'BYUNG GI RGYU LA LTOS DGOS PA'I PHYIR, ZHES BRJOD PA'I TSE NA DE DE SGRUB KYI LTOS PAS NGES PA 'GOG PA'I RTAGS YANG DAG YIN, BYAS PA CHOS CAN, RANG NYID 'JIG PA RANG LAS PHYIS 'BYUNG GI RGYU RKYEN GZHAN LA MI LTOS TE, RANG GRUB TZAM NAS 'JIG NGES YIN PA'I PHYIR, ZHES BRJOD PA'I TSE NA, DE DE SGRUB KYI NGES PAS LTOS PA 'GOG PA'I RTAGS YANG DAG YI NA, RIGS PA 'DI LA BRTEN NAS KHA CIG MI RTAG PA DE SGRA BYAS PAR SGRUB PA'I RTAGS YANG DAG MA YIN PAR THAL, BYAS PA DE SGRA MI RTAG PAR SGRUB PA'I RTAGS YANG DAG YIN PA'I PHYIR, ZER BA YANG KHEGS TE, SHES BYA CHOS CAN, RANG GRUB TZAM NAS 'JIG NGES DE, BYAS PA RANG NYID 'JIG PA RANG LAS PHYIS 'BYUNG GI RGYU DON GZHAN LA MI LTOS PAR SGRUB PA'I RTAGS YANG DAG MA YIN PAR THAL, RANG NYID 'JIG PA RANG LAS PHYIS 'BYUNG GI RGYU DON GZHAN LA MI LTOS PA'I DNGOS PO DE, BYAS PAR RANG GRUB TZAM NAS 'JIG NGES SU SGRUB PA'I RTAGS YANG DAG YIN PA'I PHYIR, BYAS PA LA KHO NA RE, RVA CAN CHOS CAN, MDUN GYI GONG BU RVA CAN RTA MA YIN PAR SGRUB BA'I LHAN CIG MI GNAS 'GAL LA BRTEN PA'I 'GAL DMIGS KYI RTAGS YANG DAG YIN PAR THAL, DE SGRUB KYI 'GAL DMIGS KYI RTAGS YANG DAG GANG ZHIG ,RTA DANG RDZAS THA DAD YIN PA'I PHYIR ZER NA MA KHYAB, 'O NA, KHYOD RANG LA, SHES BYA CHOS CAN, RDZAS THA DAD YIN NA LHAN CIG MI GNAS 'GAL YIN DGOS PAR THAL, 'DOD @14B PA'I PHYIR, 'DOD NA, ME DANG DU BA GNYIS CHOS CAN, DER THAL, DE'I PHYIR, 'DOD NA, DE GNYIS CHOS CAN, GNOD BYA GNOD BYED YIN PAR THAL, 'DOD PA'I PHYIR, 'DOD MI NUS TE, PHAN 'DOGS BYA 'DOGS BYED YIN PA'I PHYIR TE, RGYU 'BRAS YIN PA'I PHYIR, MTSAN GZHI'I STENG DU MTSAN NYID NGES BYED KYI TSAD MA BSHAD PA LA, SHA ZA BSKAL DON DU SONG BA'I GANG ZAG GI RGYUD LA SHA ZA DMIGS BYED KYI TSAD MA MED PA CHOS CAN, MDUN GYI GZHI 'DIR SHA ZA BSKAL DON DU SONG BA'I GANG ZAG GI RGYUD LA SHA ZA NGES PA'I DPYAD SHES DON MTHUN MED PAR SGRUB PA'I MA DMIGS PA'I RTA GAS YANG DAG YIN TE, DE DE SGRUB KYI RTAGS YANG DAG GANG ZHIG ,MDUN GYI GZHI 'DIR SHA ZA BSKAL DON DU SONG BA'I GANG ZAG GI RGYUD LA, SHA ZA NGES PA'I DPYAD SHES DON MTHUN MED PA DGAG PA YIN PA'I PHYIR, YANG DE CHOS CAN, DE SGRUB KYI MI SNANG BA MA DMIGS PA'I RTAGS YANG DAG YIN TE, DE SGRUB KYI MA DMIGS PA'I RTAGS YANG DAG GANG ZHIG ,KHYOD DE SGRUB PA LA PHYOGS CHOS CAN DU SONG BA'I GANG ZAG LA SHA ZA BSKAL DON YIN PA'I PHYIR, PHYI MA MA GRUB NA, MDUN GYI GZHI 'DIR SHA ZA BSKAL DON DU SONG BA'I GANG ZAG CHOS CAN, KHYOD LA SHA ZA BSKAL DON YIN PAR THAL, KHYOD CHOS CAN DE YIN PA'I PHYIR, GZHAN YANG SHA ZA BSKAL DON DU SONG BA'I GANG ZAG GI RGYUD LA SHA ZA DMIGS BYED KYI TSAD MA MED PA CHOS CAN, MDUN GYI GZHI 'DIR SHA ZA BSKAL DON DU SONG BA'I GANG ZAG GI RGYUD LA SHA ZA NGES PA'I DPYAD SHES DON MTHUN MED PAR SGRUB PA'I MI SNANG BA'I 'BREL ZLA @15A *, ,MA DMIGS PA'I RTAGS YANG DAG YIN TE, DE SGRUB KYI MI SNANG BA MA DMIGS PA'I RTAGS YANG DAG GANG ZHIG ,DE MED DGAG YIN PA'I PHYIR, SHES BYA CHOS CAN, SHA ZA BSKAL DON DU SONG BA'I GANG ZAG GI RGYUD LA SHA ZA DMIGS BYED KYI TSAD MA MED PA DE, MDUN GYI GZHI 'DIR SHA ZA BSKAL DON DU SONG BA'I GANG ZAG GI RGYUD LA SHA ZA NGES PA'I DPYAD SHES DON MTHUN MED PAR SGRUB PA'I MI SNANG BA'I 'BREL ZLA'I RGYU MA DMIGS PA'I RTAGS YANG DAG YIN TE, DE DE SGRUB KYI MI SNANG BA'I 'BREL ZLA MA DMIGS PA'I RTAGS YANG DAG GANG ZHIG ,SHA ZA DMIGS BYED KYI TSAD MA DE, SHA ZA NGES PA'I DPYAD SHES DON MTHUN GYI RGYU YIN PA'I PHYIR, DES PHYI MA GNYIS LA RIGS 'GRE'O, ,YOD PA CHOS CAN, MDUN GYI GZHI 'DIR SHA ZA BSKAL DON DU SONG BA'I GANG ZAG GI RGYUD LA SHA ZA NGES PA'I DPYAD SHES DON MTHUN MED PAR SGRUB PA'I 'GAL ZLA DMIGS PA'I RTAGS YANG DAG YIN PAR THAL, DE DE SGRUB KYI MA DMIGS PA'I RTAGS YANG DAG GANG ZHIG ,MA YIN DGAG DANG SGRUB PA GANG RUNG YIN PA'I PHYIR TE, SGRUB PA YIN PA'I PHYIR, BYAS PA CHOS CAN, SGRA RTAG PA MA YIN PAR SGRUB PA'I SNANG RUNG MA DMIGS PA'I RTAGS YANG DAG YIN PAR THAL, DE SGRUB KYI MA DMIGS PA'I RTAGS YANG DAG GANG ZHIG ,KHYOD DE SGRUB PA LA PHYOGS CHOS CAN DU SONG BA'I GANG ZAG LA RTAG PA BSKAL DON MA YIN PA'I PHYIR, DANG PO SLA, PHYI MA MA GRUB NA, BYAS PA SGRA RTAG PA MA YIN PAR SGRUB PA LA PHYOGS CHOS CAN DU SONG BA'I GANG ZAG CHOS CAN, KHYOD LA RTAG PA BSKAL DON MA YIN PAR THAL, KHYOD CHOS CAN DE YIN PA'I PHYIR, @15B ME MED PA CHOS CAN, MTSAN MO'I RGYA MTSOR DU BA MED PAR SGRUB PA'I SNANG RUNG GI 'BREL ZLA MA DMIGS PA'I RTAGS YANG DAG YIN TE, DE SGRUB KYI SNANG RUNG MA DMIGS PA'I RTAGS YANG DAG GANG ZHIG ,MED DGAG YIN PA'I PHYIR, SHES BYA CHOS CAN, ME MED PA DE MTSAN MO'I RGYA MTSOR DU BA MED PAR SGRUB PA'I SNANG RUNG GI RGYU MA DMIGS PA'I RTAGS YANG DAG YIN TE, DE DE SGRUB KYI SNANG RUNG MA DMIGS PA'I RTAGS YANG DAG GANG ZHIG ,ME DU BA'I RGYU YIN PA'I PHYIR, DES GZHAN RNAMS LA RIGS 'GRE'O, YANG BYAS PA CHOS CAN, SGRA RTAG PA MA YIN PAR SGRUB PA'I SNANG RUNG GI 'GAL ZLA DMIGS PA'I RTAGS YANG DAG YIN PAR THAL, DE SGRUB KYI SNANG RUNG MA DMIGS PA'I RTAGS YANG DAG GANG ZHIG ,MA YIN DGAG DANG SGRUB PA GANG RUNG YIN PA'I PHYIR TE, SGRUB PA YIN PA'I PHYIR, SHES BYA CHOS CAN, ME STOBS CHEN POS KHYAB PAR NON PA'I DNGOS PO DE, ME STOBS CHEN POS KHYAB PAR NON PA'I SHAR GYI DNGOS PO'I STENG DU GRANG REG RGYUN CHAGS MED PAR SGRUB PA'I LHAN CIG MI GNAS 'GAL LA BRTEN PA'I 'GAL DMIGS KYI RTAGS YANG DAG YIN PAR THAL, DE SGRUB KYI 'GAL DMIGS KYI RTAGS YANG DAG GANG ZHIG ,ME STOBS CHEN POS KHYAB PAR NON PA'I DNGOS PO DE GRANG REG RGYUN CHAGS DANG LHAN CIG MI GNAS 'GAL YIN PA'I PHYIR, BYAS PA CHOS CAN, KHYOD SGRA RTAG PA MA YIN PAR SGRUB PA'I PHAN TSUN SPANG 'GAL LA BRTEN PA'I 'GAL DMIGS KYI RTAGS YANG DAG YIN PAR THAL, KHYOD DE SGRUB KYI 'GAL DMIGS KYI RTAGS YANG DAG GANG ZHIG ,KHYOD @016A *, ,RTAG PA DANG LHAN CIG MI GNAS 'GAL MA YIN PA'I PHYIR TE, KHYOD RTAG PA DANG RDZAS THA DAD MA YIN PA'I PHYIR, RTAGS CHOS DON GSUM NGOS BZUNG BA LA, DAM BCA' BZHAG PA DANG, SGRUB BYED 'GOD PA GNYIS DANG PO NI, ME MED PA DE, ME MED PA'I RTAGS KYIS MTSAN MO'I RGYA MTSOR DU BA MED PAR SGRUB PA'I GTAN TSIGS YIN, ME MED DE DE'I RTAGS KYIS DE SGRUB KYI GTAN TSIG MA YIN, DU BA MED PA DE, ME MED PA'I RTAGS KYIS DE SGRUB KYI SGRUB BYA'I CHOS DANG, DE SGRUB KYI DNGOS KYI SGRUB BYA'I CHOS SU BZUNG BYA GNYIS KA YIN, DU MED DE DE GNYIS KA MA YIN, DES SHING MED SOGS LA RIGS 'DRA'O, ,BUM PA TSAD MAS MA DMIGS PA DE, BUM PA TSAD MAS MA DMIGS PA'I SA PHYOGS SU BUM PA MED PAR SGRUB PA'I GTAN TSIGS YIN, BUM PA MED PA DE, BUM PA TSAD MAS MA DMIGS PA'I RTAGS KYIS DE SGRUB KYI DNGOS KYI SGRUB BYA'I CHOS DANG, DE SGRUB KYI DNGOS KYI SGRUB BYA'I CHOS SU BZUNG BYA GNYIS KA YIN, DES GZHAN RNAMS LA RIGS 'GRE'O,@ ,SHA ZA DE, MDUN GYI GZHI 'DIR SHA ZA BSKAL DON DU SONG BA'I GANG ZAG GI RGYUD LA SHA ZA DES PA'I DPYAD SHES DON MTHUN MED PAR SGRUB PA'I DGAG BYA'I CHOS SU BTAGS PA'I DON YIN KYANG, DE SGRUB KYI DGAG BYA'I CHOS MA YIN, SHA ZA BSKAL DON DU SONG BA'I GANG ZAG GI RGYUD LA SHA ZA NGES PA'I DPYAD SHES DON MTHUN YOD PA DE, DE SGRUB KYI DGAG BYA'I CHOS DANG, DE SGRUB KYI DGAG BYA'I CHOS SU BTAGS PA'I DON GNYIS KA YIN, DU BA DE MTSAN MO'I RGYA MTSOR DU BA MED PAR SGRUB PA'I DGAG @016B BYA'I CHOS SU BTAGS PA'I DON YIN KYANG, DE SGRUB KYI DGAG BYA'I CHOS MA YIN, DER DU BA YOD PA DE, MTSAN MA'I RGYA MTSOR DU BA MED PAR SGRUB PA'I DGAG BYA'I CHOS SU BTAGS PA'I DON DANG, DE SGRUB KYI DGAG BYA'I CHOS GNYIS KA YIN, , RTAG PA DE, SGRA RTAG PA MA YIN PAR SGRUB PA'I DGAG BYA'I CHOS SU BTAGS PA'I DON YIN KYANG, DE SGRUB KYI DGAG BYA'I CHOS MA YIN NO, , ` GNYIS PA RTAGS YANG DAG LA BSGRUB BYA'I CHOS KYI SGO NAS DBYE NA, SGRUB RTAGS YANG DAG DANG, DGAG RTAGS YANG DAG GNYIS, MTSAN NYID RIM PA LTAR, KHYOD DE SGRUB KYI RTAGS YANG DAG GANG ZHIG ,KHYOD KYI RTAGS KYIS DE SGRUB KYI DNGOS KYI BSGRUB BYA'I CHOS SU BZUNG BYA YANG YIN, SGRUB PA YANG YIN PA'I GZHI MTHUN SRID PA, KHYOD DE SGRUB KYI SGRUB RTAGS YANG DAG GI MTSAN NYID, DE LA DBYE NA, 'BRAS RTAGS YANG DAG DANG, RANG BZHIN GYI RTAGS YANG DAG GNYIS YOD, DE GNYIS GANG RUNG YIN NA, SGRUB RTAGS YANG DAG YIN PAS KHYAB, KHYOD DE SGRUB KYI RTAGS YANG DAG GANG ZHIG , KHYOD KYI RTAGS KYIS DE SGRUB KYI DNGOS KYI BSGRUB BYA'I CHOS SU BZUNG BYA YANG YIN DGAG PA YANG YIN PA'I GZHI MTHUN SRID PA, KHYOD DE SGRUB KYI DGAG RTAGS YANG DAG YIN PA'I MTSAN NYID, DGAG RTAGS YANG DAG DANG, MA DMIGS PA'I RTAGS YANG DAG GNYIS DON GCIG ,DE SGRUB KYI DGAG RTAGS YANG DAG DANG, DE SGRUB KYI SGRUB RTAGS YANG DAG 'GAL YANG, DGAG RTAGS YANG DAG DANG, SGRUB RTAGS YANG DAG MI 'GAL TE, BYAS PA DE DE GNYIS KA YIN PA'I PHYIR TE, DE SGRA @017A *, ,RTAG PA MA YIN PAR SGRUB PA'I DGAG RTAGS YANG DAG DANG, SGRA MI RTAG PAR SGRUB PA'I SGRUB RTAGS YANG DAG GNYIS KA YIN PA'I PHYIR, GSUM PA RTAGS YANG DAG LA SGRUB TSUL GYI SGO NAS DBYE NA, DON SGRUB KYI RTAGS YANG DAG, THA SNYAD SGRUB KYI RTAGS YANG DAG, DON 'BA' ZHIG SGRUB KYI RTAGS YANG DAG, THA SNYAD 'BA' ZHIG SGRUB KYI RTAGS YANG DAG, DON DANG THA SNYAD GNYIS KA SGRUB KYI RTAGS YANG DAG DANG LNGA LAS, DE RNAMS SO SO'I MTSAN NYID, MTSAN GZHI, SGRUB BYED KYI RIGS PA DANG GSUM, KHYOD DE SGRUB KYI RTAGS YANG DAG GANG ZHIG ,KHYOD KYI RTAGS KYIS DE SGRUB KYI DNGOS KYI BSGRUB BYA'I CHOS SU BZUNG BYA YANG YIN, MTSAN NYID KYANG YIN PA'I GZHI MTHUN SRID PA, KHYOD DE SGRUB KYI DON SGRUB KYI RTAGS YANG DAG GI MTSAN NYID, DE GANG ZHIG, KHYOD KYI RTAGS KYIS DE SGRUB KYI DNGOS KYI BSGRUB BYA'I CHOS SU BZUNG BYA YANG YIN, MTSON BYA YANG YIN PA'I GZHI MTHUN SRID PA, KHYOD DE SGRUB KYI THA SNYAD SGRUB KYI RTAGS YANG DAG GI MTSAN NYID, DE GANG ZHIG ,KHYOD KYI RTAGS KYIS DE SGRUB KYI DNGOS KYI BSGRUB BYA'I CHOS SU BZUNG BYA YANG YIN, MTSON BYA YANG YIN PA'I GZHI MTHUN MI SRID, MTSAN NYID KYANG YIN PA'I GZHI MTHUN SRID PA, KHYOD DE SGRUB KYI DON 'BA' ZHIG SGRUB KYI RTAGS YANG DAG GI MTSAN NYID, DE GANG ZHIG ,KHYOD KYI RTAGS KYIS DE SGRUB KYI BSGRUB BYA'I CHOS SU BZUNG BYA YANG YIN, MTSAN NYID KYANG YANG YIN PA'I GZHI MTHUN MI SRID, MTSON BYA YANG YIN PA'I GZHI MTHUN SRID PA, KHYOD DE SGRUB KYI THA SNYAD 'BA' ZHIG SGRUB KYI RTAGS YANG DAG GI @017B MTSAN NYID, DE GANG ZHIG ,KHYOD KYI RTAGS KYIS DE SGRUB KYI DNGOS KYI BSGRUB BYA'I CHOS SU BZUNG BYA YANG YIN, MTSAN NYID KYANG YIN PA'I GZHI MTHUN SRID, MTSON BYA YANG YIN PA'I GZHI MTHUN SRID PA, KHYOD DE SGRUB KYI DON DANG THA SNYAD GNYIS KA SGRUB KYI RTAGS YANG DAG GI MTSAN NYID, SKAD CIG MA DE SGRA MI RTAGS PAR SGRUB PA'I THA SNYAD 'BA' ZHIG SGRUB KYI RTAGS YANG DAG YIN KYANG, BYAS PA'I RTAGS KYI DE SGRUB KYI RTAGS YANG DAG MA YIN TE, DE 'DRA'I RTAGS YANG DAG YIN NA, BYAS PA DANG GCIG YIN DGOS PA'I PHYIR, BYAS PA DE SGRA SKAD CIG MAR TSAD MAS GRUB ZIN KYI RGOL BA YANG DAG KYI NGOR SGRA MI RTAG PAR SGRUB PA'I THA SNYAD 'BA' ZHIG SGRUB KYI RTAGS YANG DAG YIN KYANG, SPYIR DE SGRUB KYI DON DANG THA SNYAD GNYIS KA SGRUB KYI RTAGS YANG DAG YIN TE, SGRA SKAD CIG MAR TSAD MAS MA NGES PA'I RGOL BA'I NGOR DON DANG THA SNYAD GNYIS KA SGRUB KYI RTAGS YANG DAG YIN PA'I PHYIR, BZHI PA RTAGS YANG DAG LA BSGRUB BYA'I SGO NAS DBYE NA, DNGOS STOBS KYI RTAGS YANG DAG ,YID CHES KYI RTAGS YANG DAG ,GRAGS PA'I RTAGS YANG DAG DANG GSUM, DE SGRUB KYI RTAGS YANG DAG GANG ZHIG ,DE SGRUB KYI BSGRUB BYA LA DNGOS STOBS KYI RJES DPAG TSAD MA SKYED BYED DE, DANG PO'I MTSAN NYID, DE GANG ZHIG ,DE SGRUB KYI BSGRUB BYA LA YID CHES KYI RJES DPAG TSAD MA BSKYED BYED DE, GNYIS PA'I MTSAN NYID, DE GANG ZHIG , ,DE SGRUB KYI BSGRUB BYA LA GRAGS PA'I RJES DPAG TSAD MA BSKYED BYED DE, GSUM PA'I MTSAN NYID, DANG PO LA, 'BRAS RANG MA DMIGS PA'I RTAGS YANG @018A *, ,DAG GSUM LAS, MTSAN GZHI RIM PA LTAR, DU BA DU LDAN LA LA ME YOD PAR SGRUB PA'I DNGOS STOBS KYI 'BRAS RTAGS YANG DAG ,BYAS PA SGRA MI RTAG PAR SGRUB PA'I DNGOS STOBS KYI RANG BZHIN GYI RTAGS YANG DAG ,ME MED PA DE MTSAN MO'I RGYA MTSOR DU BA MED PAR SGRUB PA'I DNGOS STOBS KYI MA DMIGS PA'I RTAGS YANG DAG YIN, GNYIS PA LA YANG 'BRAS RANG MA DMIGS PA'I RTAGS YANG DAG GSUM LAS, DPYAD GSUM GYIS DAG PA'I LUNG DE, SBYIN PAS LONGS SPYOD KHRIMS KYIS BDE, ZHES PA'I LUNG RANG GI BSTAN BYA'I DON RTOGS PA'I TSAD MA SNGA MA SNGON DU SONG BAR SGRUB PA'I YID CHES KYI 'BRAS RTAGS YANG DAG ,DE DE 'DRA'I LUNG RANG GI BSTAN BYA'I DON LA MI BSLU BAR SGRUB PA'I YID CHES KYI RANG BZHIN GYI RTAGS YANG DAG ,DE DE 'DRA'I LUNG RANG GI BSTAN BYA'I DON LA BSLU BA MA YIN PAR SGRUB PA'I YID CHES KYI MA DMIGS PA'I RTAGS YANG DAG YIN NO, ,GSUM PA LA GNYIS LAS, RTOG YUL NA YOD PA DE, RI BONG CAN LA ZLA BA ZHES PA'I SGRAS BRJOD RUNG DU SGRUB PA'I GRAGS PA'I RANG BZHIN GYI RTAGS YANG DAG ,RTOG YUL NA YOD PA DE, RI BONG CAN LA DNGOS DBANG GIS ZLA BA ZHES PA'I SGRAS BRJOD RUNG MA YIN PAR SGRUB PA'I GRAGS PA'I MA DMIGS PA'I RTAGS YANG DAG YIN NO, LNGA PA RTAGS YANG DAG LA MTHUN PHYOGS LA 'JUG TSUL GYI SGO NAS DBYE NA, MTHUN PHYOGS LA KHYAB BYED DU 'JUG PA'I RTAGS YANG DAG DANG, DE LA RNAM GNYIS SU 'JUG PA'I RTAGS YANG DAG GNYIS LAS, SGRA MI RTAG PAR SGRUB PA'I MTHUN PHYOGS LA KHYAB BYED DU 'JUG PA'I TSUL GSUM @018B YIN PA, DE SGRUB KYI DANG PO'I MTSAN NYID, DE LA RNAM GNYIS SU 'JUG PA'I TSUL GSUM YIN PA, DE SGRUB KYI GNYIS PA'I MTSAN NYID, BYAS PA DANG PO'I MTSAN GZHI DANG, BYAS PA'I BYE BRAG GNYIS PA'I MTSAN GZHI YIN, ` DRUG PA RTAGS YANG DAG LA RGOL BA'I SGO NAS DBYE NA, RANG DON SKABS KYI RTAGS YANG DAG DANG, GZHAN DON SKABS KYI RTAGS YANG DAG GNYIS, ,KHYOD SGRA MI RTAG PAR SGRUB PA'I RTAGS YANG DAG KYANG YIN, KHYOD KYI RTAGS KYIS DE SGRUB KYI PHYI RGOL YANG DAG MED PA YANG YIN PA'I GZHI MTHUN PA, DANG PO'I MTSAN NYID, SNGA RGOL RANG GIS RANG NYID LA BYAS PA SGRA MI RTAG PAR SGRUB PA'I RTAGS SU BKOD DE SGRUB PA'I TSE, BYAS PA SGRA MI RTAG PAR SGRUB PA'I RANG DON SKABS KYI RTAGS YANG DAG YIN, KHYOD DE SGRUB KYI RTAGS YANG DAG KYANG YIN, KHYOD KYI RTAGS KYIS DE SGRUB KYI PHYI RGOL YANG DAG YOD PA YANG YIN PA'I GZHI MTHUN PA, GNYIS PA'I MTSAN NYID, BYAS PA SGRA MI RTAG PAR SGRUB PA'I GZHAN DON SKABS KYI RTAGS YANG DAG YIN NO, KHA CIG GIS, BYAS PA SGRA MI RTAG PAR SGRUB PA'I RANG DON SKABS KYI RTAGS YANG DAG DANG, DE SGRUB KYI GZHAN DON SKABS KYI RTAGS YANG DAG GNYIS KA YIN ZER NA, BYAS PA CHOS CAN, KHYOD KYI RTAGS KYIS SGRA MI RTAG PAR SGRUB PA'I PHYI RGOL YANG DAG MED PAR THAL, KHYOD DE SGRUB KYI RANG DON SKABS KYI RTAGS YANG DAG YIN PA'I PHYIR, 'DOD NA, DE CHOS CAN, DE YOD PAR THAL, KHYOD DE SGRUB KYI GZHAN DON SKABS KYI RTAGS YANG DAG YIN PA'I PHYIR, YANG KHA CIG ,RANG DON SKABS KYI RTAGS YANG DAG MED ZER NA, MI 'THAD DE, BYAS PA SGRA MI RTAG PAR SGRUB @019A *, ,PA'I RANG DON SKABS KYI RTAGS YANG DAG TU SONG PA'I TSE, BYAS PA SGRA MI RTAG PAR SGRUB PA'I RANG DON SKABS KYI RTAGS YANG DAG YIN PA'I PHYIR, GZHAN YANG RANG DON SKABS KYI RTAGS YANG DAG YOD PAR THAL, SGRA MI RTAG PAR SGRUB PA'I RANG DON SKABS KYI RTAGS YANG DAG YOD PA'I PHYIR, MA GRUB NA, SHES BYA CHOS CAN, SGRA MI RTAG PAR SGRUB PA'I RTAGS YANG DAG YIN NA, DE SGRUB KYI RANG DON SKABS KYI RTAGS YANG DAG MA YIN PAS KHYAB PAR THAL, MA GRUB PA DE'I PHYIR, 'DOD NA, BYAS PA SGRA MI RTAG PAR SGRUB PA'I RANG DON SKABS KYI RTAGS YANG DAG TU SONG BA'I TSE, BYAS PA CHOS CAN, DE SGRUB KYI RANG DON SKABS KYI RTAGS YANG DAG MA YIN PAR THAL, DE SGRUB KYI RTAGS YANG DAG YIN PA'I PHYIR, 'KHOR GSUM, GZHAN YANG, BYAS PA SGRA MI RTAG PAR SGRUB PA'I RANG DON SKABS KYI RTAGS YANG DAG MA YIN PAR THAL, DE DE SGRUB KYI GZHAN DON SKABS KYI RTAGS YANG DAG YIN PA'I PHYIR TE, SGRA CHOS CAN, MI RTAG STE, BYAS PA'I PHYIR, ZHES PA'I SBYOR BA DE, GZHAN DON SKABS KYI RTAGS YANG DAG GI SBYOR BA RNAM DAG YIN PA'I PHYIR, DE LA KHO NA RE, BYAS PA'I RTAGS KYIS SGRA MI RTAG PAR SGRUB PA'I PHYI RGOL YANG DAG MED PA'I TSE, BYAS PA'I RTAGS KYIS SGRA MI RTAG PAR SGRUB PA'I PHYI RGOL YANG DAG YOD PAR THAL, BYAS PA SGRA MI RTAG PAR SGRUB PA'I RANG DON SKABS KYI RTAGS YANG DAG TU SONG BA'I TSE, BYAS PA SGRA MI RTAG PAR SGRUB PA'I GZHAN DON SKABS KYI RTAGS YANG DAG YIN PA'I PHYIR ZER NA MA GRUB BO, ,'DOD NA, BYAS PA MED PA'I TSE, BYAS PA YOD PAR THAL, BYAS PA'I RTAGS KYIS SGRA MI RTAG PAR SGRUB PA'I @019B PHYI RGOL YANG DAG MED PA'I TSE, BYAS PA'I RTAGS KYIS SGRA MI RTAG PAR SGRUB PA'I PHYI RGOL YANG DAG YOD PA'I PHYIR, RTAGS KHAS, KHA CIG GIS, RANG DON SKABS KYI RTAGS YANG DAG MED KYANG, BYAS PA SGRA MI RTAG PAR SGRUB PA'I RANG DON SKABS KYI RTAGS YANG DAG TU SONG BA'I TSE, BYAS PA SGRA MI RTAG PAR SGRUB PA'I RANG DON SKABS KYI RTAGS YANG DAG YIN ZER PA MI 'THAD DE, RANG DON SKABS KYI RTAGS YANG DAG YOD PAR THAL, SGRA MI RTAG PAR SGRUB PA'I RANG DON SKABS KYI RTAGS YANG DAG YOD PA'I PHYIR, BYAS PA SGRA MI RTAG PAR SGRUB PA'I RANG DON SKABS KYI RTAGS YANG DAG TU SONG BA'I TSE, BYAS PA YOD PA GANG ZHIG ,DE'I TSE BYAS PA SGRA MI RTAG PAR SGRUB PA'I RANG DON SKABS KYI RTAGS YANG DAG YOD PA'I PHYIR, RTAGS KHAS, GZHAN YANG, SGRA MI RTAG PAR SGRUB PA'I RANG DON SKABS KYI RTAGS YANG DAG YOD PAR THAL, BYAS PA SGRA MI RTAG PAR SGRUB PA'I RANG DON SKABS KYI RTAGS YANG DAG TU SONG BA YOD PA'I PHYIR, BYAS PA DE SGRUB KYI RANG DON SKABS KYI RTAGS YANG DAG TU SONG BA'I GANG ZAG YOD PA'I PHYIR TE, DU BA DU LDAN LA LA ME YOD PAR SGRUB PA'I RANG DON SKABS KYI RTAGS YANG DAG TU SONG BA'I GANG ZAG YOD PA'I PHYIR, YANG SKYE BA SNGA PHYI YOD PAR SGRUB PA'I RTAGS SBYOR NI, SO SKYE 'CHI KHA MA'I SEMS SKAD CIG THA MA CHOS CAN, KHYOD KYI NYER 'BRAS SU GYUR PA'I RIG PA PHYI MA YOD DE, KHYOD CHAGS BCAS RGYUN LDAN GYI RIG PA YIN PA'I PHYIR, DPER NA, DA LTA'I BLO BZHIN, BYIS PA BTZAS MA THAG PA'I BLO CHOS CAN, RANG GI RIGS 'DRA BA'I BLO SNGA MA SNGON DU SONG STE, RIG PA YIN PA'I PHYIR, DPER NA, RGAN PO'I BLO BZHIN @020A *, ,ZHES PA LTA BU'O, ,GNYIS PA RTAGS YANG DAG GI LOG PHYOGS GTAN TSIGS LTAR SNANG BSHAD PA LA, MTSAN NYID DANG, DBYE BA GNYIS, DANG PO LA, DGAG BZHAG GNYIS LAS, DANG PO LA, KHA CIG GIS TSUL GSUM MA YIN PA, GTAN TSIGS LTAR SNANG GI MTSAN NYID ZER NA, MI 'THAD DE, GTAN TSIGS LTAR SNANG MED PA'I PHYIR TE, GZHI GRUB NA, RTAGS YANG DAG YIN PAS KHYAB PA'I PHYIR, GNYIS PA RANG LUGS NI, DE SGRUB KYI TSUL GSUM MA YIN PA, DE SGRUB KYI GTAN TSIGS LTAR SNANG GI MTSAN NYID, GNYIS PA DBYE BA BSHAD PA NI, SPYIR GTAN TSIGS LTAR SNANG MED KYANG, GZHI LA SBYAR NA, DE SGRUB KYI 'GAL BA'I GTAN TSIGS, MA NGES PA'I GTAN TSIGS, MA GRUB PA'I GTAN TSIG DANG GSUM, DANG PO LA, MTSAN NYID, DBYE BA, MTSAN GZHI SGRUB BYED KYI RIGS PA 'GOD PA DANG BZHI, DANG PO NI, SGRA RTAG PAR SGRUB PA'I PHYOGS CHOS KYANG YIN, SGRA RTAG PA MA YIN PAR SGRUB PA'I RJES KHYAB KYANG YIN PA'I GZHI MTHUN PA DE, SGRA RTAG PAR SGRUB PA'I 'GAL RTAGS KYI MTSAN NYID, GNYIS PA DBYE BA NI, MI MTHUN PHYOGS LA KHYAB BYED DU 'JUG PA'I 'GAL RTAGS DANG, MI MTHUN PHYOGS LA RNAM GNYIS SU 'JUG PA'I 'GAL RTAGS GNYIS, GSUM PA MTSAN GZHI NI, BYAS PA SGRA MI RTAG PA MA YIN PAR SGRUB PA'I MI MTHUN PHYOGS LA KHYAB BYED DU 'JUG PA'I 'GAL RTAGS DANG, BYAS PA'I BYE BRAG DE SGRUB KYI MI MTHUN PHYOGS LA RNAM GNYIS SU 'JUG PA'I 'GAL RTAGS YIN, BZHI PA SGRUB BYED 'GOD PA NI, BYAS PA CHOS CAN, SGRA MI RTAG PA MA YIN PAR SGRUB PA'I MI MTHUN PHYOGS LA KHYAB BYED DU @020B 'JUG PA'I 'GAL RTAGS YIN PAR THAL, DE SGRUB KYI 'GAL RTAGS YIN PA GANG ZHIG ,MI RTAG PA YIN NA, KHYOD YIN PAS KHYAB PA'I PHYIR, BYAS PA'I BYE BRAG CHOS CAN, SGRA MI RTAG PA MA YIN PAR SGRUB PA'I 'GAL RTAGS YIN PAR THAL, SGRA RTAG PAR SGRUB PA'I 'GAL RTAGS YIN PA'I PHYIR TE, DE SGRUB KYI PHYOGS CHOS GANG ZHIG ,KHYOD KYI RTAGS KYIS DE SGRUB KYI RJES KHYAB PHYIN CI LOG TU NGES PA'I PHYIR, GZHAN YANG, DE CHOS CAN, SGRA RTAG PAR SGRUB PA'I 'GAL RTAGS YIN PAR THAL, SGRA MI RTAG PAR SGRUB PA'I RTAGS YANG DAG YIN PA'I PHYIR, KHO NA RE, SGRA MI RTAG PAR SGRUB PA'I 'GAL RTAGS YOD PA THAL, SGRA RTAG PAR SGRUB PA'I 'GAL RTAGS YOD PA'I PHYIR ZER NA MA KHYAB, 'DOD MI NUS TE, SGRA MI RTAG PAR SGRUB PA'I GTAN TSIGS LTAR SNANG YIN NA, DE SGRUB KYI MA NGES PA'I GTAN TSIGS DANG, DE SGRUB KYI MA GRUB PA'I GTAN TSIGS GANG RUNG YIN DGOS PA'I PHYIR, KHA CIG GIS, DE SGRUB KYI TSUL GSUM YOD NA, DE SGRUB KYI RTAGS YANG DAG YOD PAS KHYAB CES ZER NA, SHES BYA CHOS CAN, SGRA RTAG PAR SGRUB PA'I RTAGS YANG DAG YOD PAR THAL, SGRA RTAG PAR SGRUB PA'I TSUL GSUM YOD PA'I PHYIR, KHYAB PA KHAS, MA GRUB NA, DER THAL, DE SGRUB KYI PHYOGS CHOS YOD PA GANG ZHIG ,DE SGRUB KYI RJES KHYAB YOD, DE SGRUB KYI LDOG KHYAB YOD PA'I PHYIR, DANG PO GRUB STE, BYAS PA DE SGRA ,RTAG PAR SGRUB PA'I PHYOGS CHOS YIN PA'I PHYIR, MA GRUB NA, DE CHOS CAN, DER THAL, DE SGRUB KYI 'GAL RTAGS YIN PA'I PHYIR TE, SGRA MI RTAG PAR SGRUB PA'I RTAGS YANG DAG YIN PA'I PHYIR, GNYIS PA GRUB STE, CHOS DANG SKAD CIG MA MA YIN PA'I GZHI MTHUN PA DE, SGRA RTAG PAR SGRUB @21A *, ,PA'I RJES KHYAB YIN PA'I PHYIR, MA GRUB NA, DE CHOS CAN, DE THAL, KHYOD KYI RTAGS KYIS DE SGRUB KYI RTAGS CHOS GNYIS LDAN GYI MTHUN DPE YANG DAG YOD PA GANG ZHIG ,KHYOD SGRA RTAG PAR SGRUB PA'I MTHUN PHYOGS KHO NA LA 'GOD TSUL DANG MTHUN PAR YOD PA NYID DU TSAD MAS NGES PA'I PHYIR, DANG PO GRUB STE, 'DUS MA BYAS KYI NAM MKHA' DE, KHYOD KYI RTAGS KYIS DE SGRUB KYI RTAGS CHOS GNYIS LDAN GYI MTHUN DPE YANG DAG YIN PA'I PHYIR, GNYIS PA GRUB STE, KHYOD DE SGRUB KYI MTHUN PHYOGS KHO NA LA 'GOD TSUL DANG MTHUN PAR YOD PA'I PHYIR TE, KHYOD RTAG PA'I MTSAN NYID YIN PA'I PHYIR, GONG GI GSUM PA GRUB STE, CHOS DANG SKAD CIG MA MA YIN PA'I GZHI MTHUN PA DE DE YIN PA'I PHYIR, MA GRUB NA, DE CHOS CAN, SGRA RTAG PAR SGRUB PA'I LDOG KHYAB YIN PAR THAL, KHYOD KYI RTAGS KYIS DE SGRUB KYI RTAGS CHOS GNYIS DANG MI LDAN PA'I MI MTHUN DPE YANG DAG YOD, KHYOD DE SGRUB KYI MI MTHUN PHYOGS LA MED PA KHO NAR TSAD MAS NGES PA'I PHYIR, RTZA BAR 'DOD NA, SGRA CHOS CAN, KHYOD RTAG PAR SGRUB PA'I RTAGS YANG DAG MED PAR THAL, KHYOD RTAG PA MA YIN PA'I PHYIR, KHO NA RE, SGRA RTAG PAR SGRUB PA'I TSUL GSUM YIN PA YOD PAR THAL, DE SGRUB KYI PHYOGS CHOS YIN PA YOD, DE SGRUB KYI RJES KHYAB YIN PA YOD, DE SGRUB KYI LDOG KHYAB YIN PA YOD PA'I PHYIR, ZER NA MA KHYAB BO, ,GNYIS PA MA NGES PA'I GTAN TSIGS BSHAD PA LA, MTSAN NYID DANG, DBYE BA GNYIS, DANG PO NI, SGRA RTAG PAR SGRUB PA'I PHYOGS CHOS KYANG YIN, SGRA RTAG PAR SGRUB PA'I RJES KHYAB MA YIN PA YANG YIN, SGRA RTAG PA @21B MA YIN PAR SGRUB PA'I RJES KHYAB MA YIN PA YANG YIN PA'I GZHI MTHUN PA DE, SGRA RTAG PAR SGRUB PA'I MA NGES PA'I GTAN TSIGS KYI MTSAN NYID, GNYIS PA DBYE BA LA, DE SGRUB KYI THUN MONG MA YIN PA'I MA NGES PA'I GTAN TSIGS DANG, DE SGRUB KYI THUN MONG BA'I MA NGES PA'I GTAN TSIGS GNYIS, DANG PO LA MTSAN NYID DANG, MTSAN GZHI GNYIS LAS, DANG PO NI, KHYOD DE SGRUB KYI MA NGES PA'I GTAN TSIGS GANG ZHIG ,KHYOD DE SGRUB PA LA PHYOGS CHOS CAN DU SONG BA'I GANG ZAG GIS, KHYOD DE SGRUB KYI MTHUN PHYOGS LA YOD PAR MA NGES PA YANG YIN, GANG ZAG DES KHYOD DE SGRUB KYI MI MTHUN PHYOGS LA YOD PAR MA NGES PA YANG YIN PA'I GZHI MTHUN PA DE, KHYOD DE SGRUB KYI THUN MONG MA YIN PA'I MA NGES PA'I GTAN TSIGS YIN PA'I MTSAN NYID, GNYIS PA MTSAN GZHI NI, MNYAN BYA, SGRA MA YIN PA LAS LOG PA, SGRA'I LDOG PA RNAMS RE RE NAS, SGRA RTAG PAR SGRUB PA'I THUN MONG MA YIN PA'I MA NGES PA'I GTAN TSIGS DANG, SGRA MI RTAG PAR SGRUB PA'I THUN MONG MA YIN PA'I MA NGES PA'I GTAN TSIGS GNYIS KA YIN, GNYIS PA THUN MONG PA'I MA NGES PA'I GTAN TSIGS LA, MTSAN NYID, DBYE BA GNYIS LAS, DANG PO NI, KHYOD DE SGRUB KYI MA NGES PA'I GTAN TSIGS GANG ZHIG ,KHYOD DE SGRUB PA LA PHYOGS CHOS CAN DU SONG BA'I GANG ZAG GIS KHYOD DE SGRUB KYI MTHUN PHYOGS LA YOD PAR DES PA DANG, GANG ZAG DES DE SGRUB KYI MI MTHUN PHYOGS LA YOD PAR NGES PA GANG RUNG YANG YIN PA'I GZHI MTHUN PA DE, KHYOD DE SGRUB KYI THUN MONG BA'I MA NGES PA'I GTAN TSIGS KYI MTSAN NYID, GNYIS PA NI, DE LA DBYE NA, DE SGRUB KYI DNGOS KYI MA NGES PA'I @22A *, ,GTAN TSIGS, LHAG LDAN GYI MA NGES PA'I GTAN TSIGS, DE GANG RUNG MA YIN PA'I MA NGES PA'I GTAN TSIGS DANG GSUM LAS, DANG PO LA, MTSAN NYID DANG, DBYE BA GNYIS, DANG PO NI, KHYOD DE SGRUB KYI MA NGES PA'I GTAN TSIGS GANG ZHIG ,KHYOD DE SGRUB PA LA PHYOGS CHOS CAN DU SONG PA'I GANG ZAG GIS, KHYOD DE SGRUB KYI MTHUN PHYOGS DANG, MI MTHUN PHYOGS GNYIS KA LA YOD PAR NGES PA DE, KHYOD DE SGRUB KYI DNGOS KYI MA NGES PA'I GTAN TSIGS YIN PA'I MTSAN NYID, GNYIS PA DBYE BA NI, DE LA DBYE NA, DE SGRUB KYI MTHUN PHYOGS LA KHYAB BYED DANG, MI MTHUN PHYOGS LA KHYAB BYED DU 'JUG PA'I DNGOS KYIS MA NGES PA'I GTAN TSIGS DANG, DE SGRUB KYI MTHUN PHYOGS LA KHYAD BYED DANG, MI MTHUN PHYOGS LA RNAM GNYIS SU 'JUG PA'I DE DANG, DE SGRUB KYI MI MTHUN PHYOGS LA KHYAB BYED DANG, MTHUN PHYOGS LA RNAM GNYIS SU 'JUG PA'I DE DANG, DE SGRUB KYI MI MTHUN PHYOG DANG MTHUN PHYOGS GNYIS KA LA RNAM GNYIS SU 'JUG PA'I DE DANG BZHI, MTSAN GZHI RIM PA LTAR, RI BONG RVA MED PA DE, SGRA RTAG PAR SGRUB PA'I MTHUN PHYOGS LA KHYAB BYED DANG, DE SGRUB KYI MI MTHUN PHYOGS LA YANG KHYAB BYED DU 'JUG PA'I DNGOS KYI MA NGES PA'I GTAN TSIGS DANG, MI RTAG PA DE, DUNG SGRA RTZOL BYUNG DU SGRUB PA'I MTHUN PHYOGS LA KHYAB BYED DANG, MI MTHUN PHYOGS LA RNAM GNYIS SU 'JUG PA'I DE DANG, MI RTAG PA DE, DUNG SGRA RTZOL BYUNG MA YIN PAR SGRUB PA'I MI MTHUN PHYOGS LA KHYAB BYED DANG, MTHUN PHYOGS LA RNAM GNYIS SU 'JUG PA'I DE DANG, DBANG SHES DE, ZLA BA GNYIS SNANG GI DBANG SHES MNGON @22B SUM DU SGRUB PA'I MTHUN PHYOGS DANG, MI MTHUN PHYOGS GNYIS KA LA RNAM GNYIS SU 'JUG PA'I DNGOS KYI MA NGES PA'I GTAN TSIGS YIN, ` GNYIS PA LHAG LDAN GYI MA NGES PA'I GTAN TSIGS LA YANG, MTSAN NYID DANG, DBYE BA GNYIS LAS DANG PO NI, KHYOD DE SGRUB KYI THUN MONG BA'I MA NGES PA'I GTAN TSIGS GANG ZHIG ,KHYOD DE SGRUB PA LA PHYOGS CHOS CAN DU SONG BA'I GANG ZAG GIS, KHYOD DE SGRUB KYI MTHUN PHYOGS LA YOD PAR NGES NAS, MI MTHUN PHYOGS LA YOD MED THE TSOM ZA BA DANG, KHYOD DE SGRUB KYI MI MTHUN PHYOGS LA YOD PAR NGES NAS, MTHUN PHYOGS LA YOD MED THE TSOM ZA BA GANG RUNG YIN PA DE, KHYOD DE SGRUB KYI LHAG LDAN GYI MA NGES PA'I GTAN TSIGS YIN PA'I MTSAN NYID, GNYIS PA DBYE BA NI, YANG DAG LHAG LDAN GYI MA NGES PA'I GTAN TSIGS DANG, 'GAL BA LHAG LDAN GYI MA NGES PA'I GTAN TSIGS GNYIS LAS, KHYOD DE SGRUB KYI LHAG LDAN GYI MA NGES PA'I GTAN TSIGS GANG ZHIG ,KHYOD DE SGRUB PA LA PHYOGS CHOS CAN DU SONG BA'I GANG ZAG GIS, KHYOD DE SGRUB KYIS MTHUN PHYOGS LA YOD PAR NGES NAS, MI MTHUN PHYOGS LA YOD MED THE TSOM ZA BA DE, KHYOD DE SGRUB KYI YANG DAG LHAG LDAN GYI MA NGES PA'I GTAN TSIGS YIN PA'I MTSAN NYID, KHYOD DE SGRUB KYI LHAG LDAN GYI MA NGES PA'I GTAN TSIGS GANG ZHIG ,KHYOD DE SGRUB PA LA PHYOGS CHOS CAN DU SONG BA'I GANG ZAG GIS, KHYOD DE SGRUB KYI MI MTHUN PHYOGS LA YOD PAR NGES NAS, MTHUN PHYOGS LA YOD MED THE TSOM ZA BA DE, KHYOD DE SGRUB KYI 'GAL BA LHAG LDAN GYI MA NGES PA'I GTAN TSIGS YIN PA'I MTSAN NYID, MTSAN GZHI RIM PA LTAR, NGAG SMRA @23A *, ,BA DE, ? KUN MKHYEN LA THE TSOM ZA BA'I GANG ZAG GI NGOR, NGAG SMRA BA'I LHAS BYIN KUN MKHYEN MA YIN PAR SGRUB PA'I DANG PO DANG, YANG DE DE'I NGOR NGAG SMRA BA'I LHAS SPYIN KUN MKHYEN DU SGRUB PA'I GNYIS PA YIN, GSUM PA DE GNYIS GANG RUNG MA YIN PA'I THUN MONG BA'I MA NGES PA'I GTAN TSIGS LA YANG, MTSAN NYID DANG, MTSAN GZHI GNYIS LAS, DANG PO NI, KHYOD DE SGRUB KYI THUN MONG BA'I MA NGES PA'I GTAN TSIGS GANG ZHIG ,KHYOD DE SGRUB PA LA PHYOGS CHOS CAN DU SONG BA'I GANG ZAG GIS, KHYOD DE SGRUB KYI MTHUN PHYOGS KHO NA LA YOD PAR NGES PA DANG, KHYOD DE SGRUB KYI MI MTHUN PHYOGS KHO NA LA MED PAR NGES PA GANG RUNG YIN PA DE, KHYOD DE SGRUB KYI DE GNYIS GANG RUNG MA YIN PA'I THUN MONG BA'I MA NGES PA'I GTAN TSIGS YIN PA'I MTSAN NYID, GNYIS PA MTSAN GZHI NI, BU RO DA LTA BA DE, KHA NANG BU RAM GONG BU'I STENG DU BUR GZUGS DA LTA BA YOD PAR SGRUB PA'I DE GNYIS GANG RUNG MA YIN PA'I THUN MONG BA'I MA NGES PA'I GTAN TSIGS KYI MTSAN GZHI YIN,, ,,GSUM PA MA GRUB PA'I GTAN TSIGS LA, , MTSAN NYID DANG, DBYE BA GNYIS LAS, DANG PO NI, DE SGRUB KYI RTAGS SU BKOD PA GANG ZHIG ,DE SGRUB KYI PHYOGS CHOS MA YIN PA DE, DE SGRUB KYI MA GRUB PA'I GTAN TSIGS KYI MTSAN NYID, GNYIS PA DBYE BA LA, DON LA LTOS NAS MA GRUB PA'I GTAN TSIGS, BLO LA LTOS NAS MA GRUB PA'I GTAN TSIGS, RGOL BA LA LTOS NAS MA GRUB PA'I GTAN TSIGS DANG GSUM LAS, DANG PO LA, RTAGS KYI NGO BO MED NAS MA GRUB PA'I GTAN TSIGS, CHOS CAN GYI NGO BO MED NAS MA GRUB PA'I GTAN TSIGS, RTAGS CHOS THA DAD MED @23B NAS MA GRUB PA'I GTAN TSIGS, GZHI RTAGS THA DAD MED NAS MA GRUB PA'I GTAN TSIGS, GZHI CHOS THA DAD MED NAS MA GRUB PA'I GTAN TSIGS, RTAGS SHES 'DOD CHOS CAN GYI STENG DU 'GONG TSUL DANG MTHUN PAR MED NAS MA GRUB PA'I GTAN TSIGS, GTAN TSIGS KYI PHYOGS GCIG SHES 'DOD CHOS CAN LA MED NAS MA GRUB PA'I GTAN TSIGS DANG BDUN, MTSAN GZHI RIM PA LTAR, SKYES BU CHOS CAN, SDUG BSNGAL BA YIN TE, RI BONG RVAS RBO PHUG PA'I PHYIR, ZHES BKOD PA'I TSE, DE SGRUB KYI DANG PO DANG, RI BONG RVA CHOS CAN, MI RTAG STE, BYAS PA'I PHYIR, ZHES BKOD PA'I TSE, DE SGRUB KYI GNYIS PA DANG, SGRA CHOS CAN, MI RTAG STE, MI RTAG PA YIN PA'I PHYIR, ZHES BKOD PA'I TSE, DE SGRUB KYI GSUM PA DANG, SGRA CHOS CAN, MI RTAG STE, SGRA YIN PA'I PHYIR, ZHES BKOD PA'I TSE, DE SGRUB KYI BZHI PA DANG, SGRA CHOS CAN, SGRA YIN TE, BYAS PA'I PHYIR, ZHES BKOD PA'I TSE, DE SGRUB KYI LNGA PA DANG, SGRA CHOS CAN, MI RTAG STE, MIG SHES KYIS BZUNG BYA YIN PA'I PHYIR, ZHES BKOD PA'I TSE, DE SGRUB KYI DRUG PA DANG, LJON SHING CHOS CAN, SEMS LDAN YIN TE, MTSAN MO LO MA KHUM NAS NYAL BA'I PHYIR, ZHES BKOD PA'I TSE, DE SGRUB KYI BDUN PA YIN NO, ,GNYIS PA BLO LA LTOS NAS MA GRUB PA'I GTAN TSIGS LA, RTAGS KYI NGO BO LA THE TSOM ZOS NAS MA GRUB PA'I GTAN TSIGS CHOS CAN GYI NGO BO LA THE TSOM ZOS NAS MA GRUB PA'I GTAN TSIGS, GZHI RTAGS KYI 'BREL BA LA THE TSOM ZOS NAS MA GRUB PA'I GTAN TSIGS, SHES 'DOD CHOS CAN MED NAS MA GRUB PA'I GTAN TSIGS DANG BZHI, MTSAN GZHI RIM PA LTAR, SHA ZA BSKAL DON DU SONG BA'I GANG ZAG GI NGOR, SGRA CHOS CAN, MI RTAG STE, SHA ZA TSAD MA'I @24A *, ,GZHAL BYA YIN PA'I PHYIR, ZHES BKOD PA'I TSE, DE SGRUB KYI DANG PO DANG, DRI ZA BSKAL DON DU SONG BA'I GANG ZAG GI NGOR, ,DRI ZA'I GLU DBYANGS CHOS CAN, MI RTAG STE, BYAS PA'I PHYIR, ZHES BKOD PA'I TSE, DE SGRUB KYI GNYIS PA DANG, RMA BYA GANG NA YOD ? MA SHES PA'I GANG ZAG GI NGOR, RI SUL GSUM GYI DBUS NA CHOS CAN, RMA BYA YOD DE, RMA BYAS SGRA SGROGS PA YOD PA'I PHYIR, ZHES BKOD PA'I TSE, DE SGRUB KYI GSUM PA DANG, DPAL LDAN CHOS GRAGS KYI NGOR, SGRA CHOS CAN, MI RTAG STE, BYAS PA'I PHYIR, ZHES BKOD PA'I TSE, DE SGRUB KYI BZHI PA YIN NO, GSUM PA RGOL BA LA LTOS NAS MA GRUB PA'I GTAN TSIGS LA, SNGA RGOL LA LTOS NAS MA GRUB PA'I GTAN TSIGS, PHYI RGOL LA LTOS NAS MA GRUB PA'I GTAN TSIGS, SNGA RGOL PHYI RGOL GNYIS KA LA LTOS NAS MA GRUB PA'I GTAN TSIGS DANG GSUM LAS, MTSAN GZHI RIM PA LTAR, GRANGS CAN PAS SANGS RGYAS PA'I NGOR, BLO CHOS CAN, SEMS MED YIN TE, SKYE 'JIG CAN YIN PA'I PHYIR, ZHES BKOD PA'I TSE, DE SGRUB KYI DANG PO DANG, GCER BU PAS, SANGS RGYAS PA'I NGOR, LJON SHING CHOS CAN, SEMS LDAN YIN TE, SHUN BSHUS NA 'CHI BA'I PHYIR, ZHES BKOD PA'I TSE, DE SGRUB KYI GNYIS PA DANG, GRANGS CAN GYIS RGYANG 'PHEN PA'I NGOR, SGRA CHOS CAN, MI RTAG STE, MIG SHES KYIS BZUNG BYA YIN PA'I PHYIR, ZHES BKOD PA'I TSE, DE SGRUB KYI GSUM PA YIN NO, ,'DIR NGES PAR MKHO BA'I 'PHROS DON LA GNYIS, SGRUB DAG BSHAD PA DANG, 'PHROS DON GZHAN BSHAD PA'O, DANG PO LA GNYIS, YANG DAG DANG, LTAR SNANG NGO, ,DANG PO LA DBYE NA, 'BRAS RANG MA DMIGS PA'I SGRUB NGAG GSUM @24B DANG PO LA CHOS MTHUN SBYOR DANG, CHOS MI MTHUN SBYOR GYI SGRUB NGAG GNYIS LAS, DANG PO NI, SBYOR BA BKOD RJES SU, DU BA YOD NA, ME YOD PAS KHYAB, DPER NA, TSANGS MANG BZHIN, DU LDAN GYI LA LA YANG DU BA YOD DO, ZHES PA LTA BU, GNYIS PA NI, ME MED NA, DU BA MED PAS KHYAB, DPER NA, CHU KLUNG BZHIN, DU LDAN GYI LA LA NI DU BA YOD DO ZHES PA LTA BU'O, ,GNYIS PA RANG BZHIN GYI SGRUB NGAG LA CHOS MTHUN SBYOR DANG MI MTHUN SBYOR GNYIS YOD PA LAS, DANG PO NI, BYAS NA, MI RTAG PAS KHYAB, DPER NA, BUM PA BZHIN, SGRA YANG BYAS SO ZHES PA LTA BU, GNYIS PA NI, RTAG NA, MA BYAS PAS KHYAB, DPER NA, 'DUS MA BYAS KYI NAM MKHA' BZHIN, SGRA NI BYAS SO ZHES PA LTA BU'O, ,GSUM PA MA DMIGS PA'I SGRUB DAG LA GNYIS LAS, DANG PO NI, SHING MED NA, SHUG PA MED PAS KHYAB, DPER NA, SHING MED PA'I THANG BZHIN, SHING MA DMIGS PA'I BRAG NGOS NA YANG SHING MED DO, ,ZHES PA LTA BU, GNYIS PA NI, SHUG PA YOD NA, SHING YOD PAS KHYAB, DPER NA, ,NAGS TSAL BZHIN, SHING MA DMIGS PA'I BRAG NGOS NA NI SHING MED DO ZHES PA LTA BU, SPYIR SGRUB NGAG YANG DAG LA, TSUL GSUM DPE DANG BCAS PA LHAG CHAD MED PAR STON PA ZHIG DGOS TE, MTSON TZAM BRJOD NA, SGRA CHOS CAN, MI RTAG STE, BYAS PA'I PHYIR ZHES BKOD NAS, BYAS NA MI RTAG PAS KHYAB, DPER NA BUM PA BZHIN, SGRA YANG BYAS SO ZHES PA'I NGAG 'DIS BYAS NA MI RTAG PAS KHYAB CES PAS RJES KHYAB DNGOS SU BRJOD NAS LDOG KHYAB SHUGS LA 'PHEN CING, SGRA YANG BYAS ZHES PAS CHOS CAN DANG 'BREL BA'I PHYOGS CHOS DNGOS SU BRJOD, DPER NA BUM PA BZHIN ZHES PAS MTHUN DPE DNGOS SU BRJOD PA @25A *, ,LTA BU YIN PA'I PHYIR, PHYOGS CHOS DANG LDOG KHYAB DNGOS SU BRJOD NAS RJES KHYAB SHUGS LA 'PHEN BA NI, RTAG NA MA BYAS PAS KHYAB, DPER NA, NAM MKHA' BZHIN, SGRA NI BYAS SO ZHES BA LTA BU'O, ,'ON KYANG, BYAS NA MI RTAG PAS KHYAB PA DANG, RTAG NA MA BYAS PAS KHYAB PA GNYIS NI, SBYOR BA DE'I RJES KHYAB DANG LDOG KHYAB MA YIN GYI, BYAS PA NYID DE'I RJES KHYAB DANG LDOG KHYAB YIN ZHING, PHYOGS CHOS KYANG YIN TE, DE'I TSUL GSUM YIN PA'I PHYIR RO, ,GNYIS PA 'PHROS DON GZHAN LA, 'O NA, GZHI MA GRUB PA CHOS CAN DU BZUNG BA'I RTAGS YANG DAG YOD DAM MED, YOD NA DE'I PHYOGS CHOS JI LTAR GRUB, MED NA NI, RI BONG RVA CHOS CAN, BDAG MED YIN TE, YOD MED GANG RUNG YIN PA'I PHYIR ZHES PA 'DI, RTAGS SBYOR YANG DAG JI LTAR YIN ZHE NA, 'DI LA BZHED PA MI MTHUN PA YOD KYANG RGYAL TSAB RIN PO CHES NI, SGRUB RTAGS LA GZHI MA GRUB PA RTZOD GZHIR BZUNG BA'I RTAGS YANG DAG MED KYANG, DGAG RTAGS LA DE YOD PAR BSHAD PAS DPYAD RGYU MANG YANG BZHAG GO ,DBU MA'I LUGS KYI RTEN 'BREL GYI RTAGS DANG, CHA CAN GYI RTAGS, GCIG TU BRAL GYI RTAGS, MU BZHI SKYE 'GOG GI RTAGS RNAMS SNGAR BSHAD PA'I RTAGS GSUM GANG RUNG DU 'DUS SAM MA 'DUS ZHE NA, SPYI RTAGS YANG DAG THAMS CAD 'BRAS RANG MA DMIGS PA'I RTAGS GSUM DU 'DUS LA, 'BRAS RANG GI RTAGS ? GNYIS NI GTZO BOR SGRUB RTAGS YIN ZHING, MA DMIGS PA'I RTAGS LA DGAG RTAGS GTZO CHE YANG, DE SGRUB KYI DGAG RTAGS YIN NA, DGAG PA YIN MI DGOS TE, BYAS PA DE SGRUB PA YIN KYANG, DE SGRA MI RTAG PAR SGRUB PAR BYED PA'I RANG BZHIN GYI RTAGS YANG @25B DAG DANG, SGRA RTAG STONG DU SGRUB PAR BYED PA'I MA DMIGS PA'I RTAGS YANG DAG YIN PA'I PHYIR, PHYI MA GRUB STE, DE DE SGRUB KYI 'GAL ZLA DMIGS PA'I RTAGS YANG DAG YIN PA'I PHYIR TE, SGRA CHOS CAN, RTAG PAS STONG STE, BYAS PA YIN PA'I PHYIR, ZHES BKOD PA'I TSE DE LTAR YIN PA'I PHYIR, DBU MA'I LUGS KYI RTEN 'BREL GYI RTAGS NI, DE'I LUGS LA RTEN 'BREL DE DNGOS PO BDEN MED DU SGRUB PA'I 'GAL ZLA DMIGS PA'I RTAGS YIN PAR RJE NYID KYIS BSHAD CING, CHA CAN GYI RTAGS KYANG DE DANG 'DRA'O, ,DE'I LUGS LA BDEN MED SGRUB PA'I RTAGS YANG DAG THAMS CAD KYANG DE SGRUB KYI 'GAL DMIGS SU 'GYUR TE, DE YANG SNANG RUNG MA DMIGS PA'I RTAGS GTZO CHE'O, ,MTSON NA, BUM PA CHOS CAN, BDEN PAR MED DE, BDEN PAR TSAD MAS MA DMIGS PA'I PHYIR, ZHES PA'I RTAGS 'DI LTA BU RANG BZHIN MA DMIGS PA'I RTAGS DANG, BUM PAS DAG PA'I SA PHYOGS NA CHOS CAN, GSER BUM MED DE, BUM PA MED PA'I PHYIR ZHES PA'I RTAGS 'DI LTA BU KHYAB BYED MA DMIGS PA'I RTAGS DANG, MES DBEN PA'I RTZIG SKOR NA CHOS CAN, DU BA MED DE, ME MED PA'I PHYIR ZHES PA'I RTAGS 'DI LTA BU RGYU MA DMIGS PA'I RTAGS DANG, MYU GU CHOS CAN, BDEN PAS STONG STE, RTEN 'BREL YIN PA'I PHYIR ZHES PA'I RTAGS 'DI LTA BU 'GAL ZLA DMIGS PA'I RTAGS YANG DAG YIN PA DE BZHIN DU GZHAN LA SBYAR NAS SHES PAR BYA'O, ,GZHI GCIG LA LTOS PA'I RTAGS GSUM 'GAL YANG SGRUB GZHI SO SO LA LTOS NAS MI 'GAL TE, MTSON NA, SKYES PA DE, MYUR GU RANG GI RGYU LAS BYUNG BAR SGRUB PAR BYED PA'I 'BRAS RTAGS YANG DAG YIN KYANG, MYU GU MI RTAG PAR @26A *, ,SGRUB PA'I RANG BZHIN GYI RTAGS DANG, DE GANG ZAG GI BDAG MED DU SGRUB PAR BYED PA'I MA DMIGS PA'I RTAGS YANG DAG YIN PA'I PHYIR RO, BYAS PA'I RTAGS KYIS SGRA MI RTAG PAR SGRUB PA'I RTAGS CHOS DON GSUM PO SPYI MTSAN RTOG PAS BTAGS TZAM YIN YANG, DE SGRUB KYI RTAGS CHOS DON GSUM PO GANG RUNG YIN NA, RANG MTSAN YIN DGOS TE, DE YIN NA, DNGOS PO YIN DGOS PA'I PHYIR TE, DE SGRUB KYI RTZOD GZHI YIN NA SGRA YIN DGOS PA'I PHYIR TE, DE SGRUB KYI RTZOD GZHI YIN NA SGRA DANG GCIG YIN DGOS SHING, DNGOS KYI SGRUB BYA'I CHOS YIN NA MI RTAG PA YIN DGOS, RTAGS LA BYAS PA NYID DGOS PA'I PHYIR RO, ,DES NA DE SGRUB KYI RTAGS CHOS DON GSUM NI DE SGRUB KYI RTAGS CHOS DON GSUM MIN ZHES BYA STE, DE BZHIN DU GZHAN LA YANG SBYAR NAS SHES PAR BYA DGOS SO, ,` ZHAR BYUNG MTSON SBYOR GYI RNAM GZHAG BSHAD PA LA, DGAG BZHAG GNYIS LAS, DANG PO NI, KHA CIG NA RE, SHUG PA'I KA BA MTSAN GZHI, KA BA YIN PAR MTSON, GDUNG 'DEGS KYI DON BYED NUS PA YIN PA ZHES PA'I MTSON SBYOR 'DI MTSON SBYOR RNAM DAG YIN ZER NA, DE MI 'THAD PAR THAL, SHUG PA'I KA BA TSAD MAS NGES NAS, KA BA TSAD MAS MA NGES PA'I GANG ZAG MED PA'I PHYIR, MA GRUB NA, DER THAL, SHUG PA'I KA BA TSAD MAS NGES PA'I GANG ZAG YIN NA, SHUG PA'I KA BA DE KA BAR TSAD MAS NGES PA'I GANG ZAG YIN DGOS PA'I PHYIR, MA GRUB NA, DE THAL, SHUG PA'I KA BA TSAD MAS NGES PA'I GANG ZAG YIN NA, SHUG PA'I KA BA, SHUG PA'I KA BAR TSAD MAS NGES PA'I GANG ZAG YIN DGOS PA'I PHYIR, YANG KHA CIG NA RE, GSER BUM MTSAN GZHI @26B BUM PA YIN PAR MTSON, LTO LDIR ZHABS ZHUM CHU SKYOR BA'I DON BYED NUS PA ZHES PA'I MTSON SBYOR 'DI MTSON SBYOR RNAM DAG YIN ZER NA, DE MI 'THAD PAR THAL, GSER BUM TSAD MAS NGES NAS, BUM PA TSAD MAS MA NGES PA'I GANG ZAG MED PA'I PHYIR, ZHES SOGS SGRUB TSUL GONG DANG RIGS 'GRE BAR BYA'O, ,YANG KHA CIG NA RE, GSER BUM MTSAN GZHI, BUM PA YIN PAR MTSON, LTO LDIR BA YIN PA ZHES PA'I MTSON SBYOR 'DI MTSON SBYOR RNAM DAG YIN ZER NA, DE MI 'THAD PAR THAL, LTO LDIR BA DE BUM PA'I MTSAN NYID MA YIN PA'I PHYIR, MA GRUB NA, LTO LDIR BA YIN NA, BUM PA YIN DGOS PAR THAL, LTO LDIR BA BUM PA'I MTSAN NYID YIN PA'I PHYIR, RTAGS KHAS, 'DOD NA, BUM PA ZHABS RDOL BA CHOS CAN, BUM PA YIN PAR THAL, LTO LDIR BA YIN PA'I PHYIR, MA GRUB NA, DE CHOS CAN, LTO LDIR BA YIN PAR THAL, LTO LDIR BA YIN PAR MNGON SUM DU GRUB PA'I PHYIR, 'DOD NA, BUM PA'I MTSAN NYID KYI ZUR DU CHU SKYOR BA'I DON BYED NUS PA ZHES SMOS PA LA DGOS PA MED PAR THAL, BUM PA ZHABS RDOL BUM PA YIN PA'I PHYIR, 'DOD MI NUS SO, ,GNYIS PA RANG LUGS BZHAG PA NI, GSER GYI LTO LDIR ZHABS ZHUM CHU SKYOR BA'I DON BYED NUS PA MTSAN GZHI, BUM PA YIN PAR MTSON, LTO LDIR ZHABS ZHUM CHU SKYOR BA'I DON BYED NUS PA ZHES PA'I MTSON SBYOR LTA BU MTSON SBYOR RNAM DAG YIN NO, ,DE YANG DON DE BLO LA SHAR YANG, DE LA THA SNYAD CI 'DOGS MI SHES PA'I NGOR, DON 'DI 'DRA'I RIGS LA, MING GI THA SNYAD 'DI LTAR ZER ZHES BRDA' SBYOR ZHING MTSON PAR BYED DGOS LA, DPER NA GDUNG 'DEGS KYI DON BYED NUS PA BLO LA NGES @27A *, ,ZIN KYANG, DE LA KA BA ZHES PA'I THA SNYAD SBYOR MI SHES PA'I GANG ZAG LA, GDUNG 'DEGS KYI DON BYED NUS PA, KA BA'I MTSAN NYID DAM DON YIN NO ZHES SMRAS PA NA, GDUNG 'DEGS KYI DON BYED NUS PA LA KA BA'O SNYAM DU MING DON GYI 'BREL BA SHES NUS PA LTAR RO, ,DE'I PHYIR MTSAN MTSON GNYIS LAS, MTSAN NYID GO SLA ZHING, DE LA LTOS TE MTSON BYA GO DKA' BA CIG DGOS PA YIN NO, ,GZHAN YANG, SGRA MTSAN GZHI, MI RTAG PA YIN PAR MTSON, SKAD CIG MA YIN PA ZHES PA'I MTSON SBYOR DANG, BUM PA MTSAN GZHI, DNGOS PO YIN PAR MTSON, DON BYED NUS PA YIN PA ZHES PA'I MTSON SBYOR DANG, SNGON 'DZIN DBANG MNGON SKAD CIG DANG PO MTSAN GZHI, TSAD MA YIN PAR MTSON, GSAR DU MI SLU BA'I RIG PA YIN PA ZHES PA'I MTSON SBYOR 'DI RNAMS KYANG MTSON SBYOR RNAM DAG YIN CING, DE'I RIGS 'GROS KYIS GZHAN RNAMS KYANG SHES PAR BYA'O, ,'DI LTAR RTAGS YANG DAG DANG, LTAR SNANG, ZHAR LA MTSON SBYOR GYI RNAM GZHAG BCAS PA BSHAD PA LA CHOS CAN, DGOS PA YOD DE, RIGS PA 'DI DAG GI SGO NAS, BLANG DOR PHYIN CI MA LOG PAR RTOGS SHING NYAMS SU BLANGS BA LA RTEN NAS THAR PA DANG THAMS CAD MKHYEN PAR BGROD PA'I LAM LA BDE BLAG TU 'JUG PA'I CHED YIN PA'I PHYIR, 'DZAM GLING MDZES BYED PHYOGS GLANG CHOS GRAGS KYI, , GZHUNG BZHIN MA NOR GTAN TSIGS RIGS PA YI, ,RNAM BSHAD TSIG NYUNG DON GSAL SGRON ME 'DIS, ,THUB GZHUNG DGONGS DON MA LUS GSAL BYED SHOG ,, ,,(TSAD MA'I GZHUNG DON 'BYED PA'I LDE'U MIG RIGS LAM CHE BA RTAGS RIGS KYI RNAM BZHAG BSHAD PA 'DI NI, 7GONG ? SA SKYABS @27B MGON RGYAL DBANG THAMS CAD MKHYEN GZIGS CHEN PO MCHOG NAS, BSDUS GRVA'I GSAN BZHES BKA' DRIN SKYANGS SKABS YONGS 'DZIN PHUR LCOG PA BYAMS PAS SGRIGS TE PHUL BA'O,,) ` ,,AOm SVA STI, ,BDE GSHEGS BSTAN DANG STON PAR RIGSo TSUL 'BUM, ,YANG DAG LAMo LAS JI BZHIN GTAN LA 'BAD, ,THAR 'DOD RNAM DPYOD 'PHRUL GYI LDE MIG GIS, ,MDO RGYUD MDZOD DKROGS SLAD DU PAR BSKRUN DGES, ,DPAL LDAN 'JAM MGON RING LUGS PADMO'I TSAL, ,RNAM PAR BZHAD PA'I DGE MTSAN NOR 'DZIN KHYAB, ,BLO GSAL MKHAS MANG RKANG DRUG RIG RTZAL GYIS, ,'CHAD RTZOD RTZOM PA'I DBYANGS SNYAN SRID GSUM SGROGS, ,RGYAL KUN SNYING RJE'I BCU DRUG YONGS RDZOGS MGON, ,GSANG GSUM 'OD PHRENG THUB BSTAN KU MUD 'BYED, ,BDUD SDE'I 'DAB CHAGS TSOGS KYANG BAG LDAN GYUR, ,MKHA' KHYAB BSTAN 'GRO'I DPAL MGON RABS GSAL SHOG ,RGYU SBYOR NYID KYANG THEG MCHOG BSHES DANG MJAL, ,ZAB RGYAS GDAMS PA'I NGAGo LA DBANGo 'BYOR TE, ,RLABS CHEN SPYOD PA RGYA MTSO'I 'JING ZHUGS NAS, ,RMAD BYUNG ZUNG 'JUG RDOo RJE'Io SA THOB SHOG ,, ,, (CES PA 'DI YANG SER BYES TRE HOR SKU GSHEGS DGE BSHES NGAG DBANG RDO RJE DE NYID KYI THUGS DGONGS RDZOGS SLAD DANG GSAR ZHUGS SLOB GNYER BA RNAMS KYI GZIGS DPER DGOS GAL CHE BAS 7SKYABS ? MGON RGYAL PA'I YONGS 'DZIN PHUR LCOG BYAMS PA TSUL KHRIMS RGYA MTSOS MDZAD PA'I RIGS LAM CHE GRAS RTAGS RIGS KYI RNAM GZHAG BSHAD PA 'DI NYID PHYI LO CHIG STONG DGU BRGYA @28A *, ,DON BRGYAD LOR SHING PAR GSAR BSKRUN SKABS RJES 'JUG RNAMS KYIS JI LTAR BSKUL BA'I NGOR DGE BSDO'I ? SMON TSIG TU SER BYES TRE HOR BKA' 'GYUR DGE BSHES BLO BZANG THUB BSTAN PAS SBYAR BA'O,, ,,SARBA MANGGALAm, PAR 'DI SER BYES DPE MDZOD KHANG DU BZHUGS, ,