@01A *, ,CHOS MNGON PA MDZOD KYI 'GREL PA MNGON PA'I RGYAN GYI DKAR CHAG DANG SA BCAD GLENG BRJOD BCAS BZHUGS SO,, @01B *, ,AOm SVA STI, ,GANG GI MTSAN TZAM LAN CIG THOS PAS KYANG, ,MTSAMS MED LAS LA SPYOD PA'I SDIG CAN YANG, ,PHYI MA NGAN 'GRO'I 'JIGS LAS SKYOB MDZAD PA'I, ,MCHIMS RIGS 'JAM DBYANGS ZHABS RDUL SPYI BOS MCHOD, ,DE YANG BOD GANGS CAN GYI GNAS BRTAN CHEN PO MCHIMS 'JAM PA'I DBYANGS KYI GSUNG, CHOS MNGON PA MDZOD KYI TSIG LE'UR BYAS PA'I 'GREL PA MNGON PA'I RGYAN LA SHOG GRANGS 430 DE'I DKAR CHAG LA SHOG GRANGS 5 GLEGS BAM 'DI'I SHOG GRANGS BSDOMS 335 BCAS BZHUGS SO,, ,, ` SKABS STOBS GZHUNG DON 'TSOL BDE'I SA BCAD DGOD PA LA, 'GREL PA MNGON PA'I RGYAN GYI DBU NAS SHOG GRANGS 2 MDUN PHRENG 4 BAR GZHUNG 'DI'I MCHOD BRJOD SOGS, 2 NA 4 RTZA BA'I GZHUNG GI BSHAD PA LA 'JUG PA, 12 NA 6 ZAG BCAS ZAG MED MDOR BSTAN RGYAS BSHAD, 13 RGYAB PHRENG 4 'DUS MA BYAS RGYAS PAR BSHAD PA, 17 NA 1 GNAS BRGYAD KYI SPYI BSHAD, 17 BA 5 KHAMS BSTAN PA'I GNAS LA 'DUS BYAS MDOR BSDUS PA'I RAB DBYE DANG, MING GI RNAM GRANGS, 20 NA 4 PHUNG KHAMS SKYE MCHED KYI RANG BZHIN LA MTSAN GZHI'I @02A *, ,DBYE BA DANG, MTSAN NYID DANG, DGOS PA DANG, GRANGS NGES DANG, GO RIMS NGES PA LNGA BSHAD PA, 36 NA 6 PHUNG KHAMS SKYE MCHED DE GSUM GZHAN YANG 'DIR BSDU BA, 41 NA 4 KHAMS LA RNAM PA'I RAB DBYE NYI SHU RTZA GNYIS YOD KYANG BRJOD BDE BA'I DBANG DU BYAS NA BRGYAD LAS, DANG PO BSTAN YOD LA SOGS PA LNGA BSHAD PA, 43 BA 3 GNYIS PA RTOG BCAS DPYOD BCAS LA SOGS PA'I RNAM PA'I RAB DBYE BSHAD PA, 44 BA 3 GSUM PA DMIGS BCAS LA SOGS PA LNGA BSHAD PA, 46 NA 4 BZHI PA 'BYUNG BA GSUM GYI RNAM PA'I RAB DBYE BSHAD PA, 47 NA 6 LNGA PA RDZAS YOD LA SOGS PA LNGA BSHAD PA, 50 BA 1 DRUG PA MTHONG SPANG LA SOGS PA'I RAB DBYE BSHAD PA, 51 NA 4 BDUN PA LTA BA DANG LTA BA MA YIN PA'I RNAM PA'I RAB DBYE BSHAD PA, 55 NA 3 BRGYAD PA GNYIS KYI SHES PAR BYA BA LA SOGS PA GSUM BSHAD PA NI ZHES PA NAS CHOS MNGON PA MDZOD KYI 'GREL PA MNGON PA'I RGYAN LAS KHAMS BSTAN PA ZHES BYA BA STE GNAS DANG PO'I BSHAD PA'O,, ,,ZHES PA'I BAR RO,, ` 55 BA 6 GNAS GNYIS PA DBANG PO'I RANG BZHIN NGES PAR BYA BA LA, DE'I MTSAN NYID, GRANGS NGES, @02B NGO BO STE GSUM BSHAD PA, 59 BA 1 DBANG PO'I RAB DBYE, 'THOB GTONG LDAN TSUL TE GSUM BSHAD PA, 68 NA 5 'DUS BYAS SKYE TSUL RGYAS PAR BSHAD PA DON DNGOS LA THOGS MAR SPYI'I DON, 70 NA 7 GZUGS CAN SKYE TSUL BSHAD PA, 72 NA 3 GZUGS CAN MA YIN PA'I LHAN CIG SKYE BA'I TSUL LA MTSUNGS LDAN SPYI'I DON DANG GZHUNG GI DON BCAS BSHAD PA, 82 BA 4 MTSUNGS LDAN MA YIN PA'I 'DU BYED BCU BZHI MDOR BSTAN PA, 83 BA 1 BCU BZHI PO SO SO'I RANG BZHIN BSHAD PA LA DGU LAS DANG PO THOB PA BSHAD PA, 87 NA 7 GNYIS PA MA THOB PA BSHAD PA, 89 BA 4 GSUM PA SKAL MNYAM BSHAD PA, 90 NA 5 BZHI PA 'DU SHES MED PA BA BSHAD PA, 90 BA 6 LNGA PA 'DU SHES MED PA'I SNYOMS 'JUG BSHAD PA, 91 BA 4 DRUG PA 'GOGS PA'I SNYOMS 'JUG BSHAD PA, 96 BA 3 BDUN PA SROG GI DBANG PO BSHAD PA, 97 BA 7 BRGYAD PA MTSAN NYID SKYE SOGS BSHAD PA, 99 BA 4 DGU PA MING GI TSOGS LA SOGS PA BSHAD PA DANG, DE DAG GI DON BSDU BA, 101 NA 2 ZHAR LA RGYU RKYEN 'BRAS BU DANG BCAS PA BSHAD PA LAS DANG PO RGYU BSHAD PA, 108 BA 7 GNYIS PA 'BRAS BU BSHAD PA, 111 NA 7 GSUM PA RKYEN BSHAD PA, 118 BA 2 DE MA THAG RKYEN RGYAS PAR STON PA NI ZHES PA NAS CHOS MNGON PA'I MDZOD KYI 'GREL PA MNGON PA'I RGYAN LAS DBANG PO BSTAN PA ZHES BYA BA STE GNAS GNYIS PA'I BSHAD PA'O,, ,,ZHES PA'I BAR RO,, ` 126 NA 7 GNAS GSUM PA SEMS CAN GYI 'JIG RTEN BSTAN PA BSHAD PA LA, DANG PO DE'I DBYE BA BSTAN PA, 129 NA 7 GNYIS PA KHYAD PAR GYI CHOS, 133 NA 2 GSUM PA RNAM GZHAG GIS RGYAS PAR BSHAD PA LA THOG MA SEMS CAN GYI SKYE BA, @03A *, ,141 NA 2 BAR DU GNAS PA'I TSUL LA RTEN 'BREL DANG, ZAS BSHAD PA, 152 BA 2 MTHAR 'CHI BA'I TSUL STON PA LA 'CHI SEMS DANG, TSUL DANG, SHI NAS JI LTAR 'GYUR BA BSTAN PA, 154 NA 7 SNOD KYI 'JIG RTEN GYI RIM PA DANG TSAD DANG, SEMS CAN GYI 'JIG RTEN DANG, TSAD NYID BSHAD PA ZHES SOGS NAS CHOS MNGON PA'I MDZOD KYI 'GREL PA MNGON PA'I RGYAN LAS 'JIG RTEN BSTAN PA ZHES BYA BA STE GNAS GSUM PA'I BSHAD PA'O,, ,,ZHES PA'I BAR RO,, ` 186 NA 1 GNAS BZHI PA LAS BSTAN PA LA LAS KYI RANG BZHIN RNAM PA RIG BYED RGYAS PAR BSHAD PA, 188 NA 1 GNYIS PA RIG BYED MA YIN PA RGYAS PAR BSHAD PA, 191 BA 6 GSUM PA DE DAG GI KHYAD PAR LA NGO BO DANG, SA'I KHYAD PAR DANG, DGE BA DANG MI DGE BA DANG LUNG MA BSTAN GYI DBYE BA BSHAD PA, 194 BA 4 RIG BYED MA YIN PA'I DBYE BA MDOR BSTAN PA DANG, RGYAS PAR BSHAD PA, 197 BA 2 DE DAG LDAN PA'I TSUL, 199 NA 4 THOB TSUL DANG THOB PA'I GZHI SOGS BSHAD PA, 206 BA 1 DE DAG GTONG BA'I RGYU, 210 BA 1 RTEN GYI KHYAD PAR BSHAD PA, 212 BA 1 MDO LAS GSUNG PA'I LAS KYIS DBYE BA BCO LNGA LAS, LAS GSUM TSAN DU DBYE BA, MYONG 'GYUR GYI DBYE BA, DKAR NAG LA SOGS PA BZHIR DBYE BA, THUB PA GTZANG BYED KYI DBYE BA, LEGS SPYAD NYES SPYAD KYI DBYE BA BSHAD PA, 222 BA 1 DGE MI DGE BCUR DBYE BA, LAS 'BRAS BU DANG BCAS PAR DBYE BA, RIGS PA DANG RIGS PA MA YIN PAS BSKYED PA'I DBYE BA, 'PHEN BYED DANG RDZOGS BYED KYI DBYE BA, SGRIB PA GSUM BSHAD PA, 241 BA 1 MTSAMS MED LNGA BSHAD PA, @03B DE DANG NYE BA LNGA BSHAD PA, BSOD NAMS BYA BA'I GZHI GSUM BSHAD PA, CHA MTHUN GSUM BSHAD PA, RIG PAS RAB TU BCUG PA'I LAS TE CHOS MNGON PA'I MDZOD KYI 'GREL PA MNGON PA'I RGYAN LAS LAS BSTAN PA ZHES BYA BA STE GNAS BZHI PA'I BSHAD PA'O,, ,,ZHES PA'I BAR RO,, ` 265 BA 3 GNAS LNGA PA PHRA RGYAS BSTAN PA LA PHRA RGYAS KYI RANG BZHIN LA GNYIS LAS DANG PO PHRA RGYAS KYI DBYE BA BSHAD PA, 276 NA 4 PHRA RGYAS KYI RNAM PA'I RAB DBYE LA KUN 'GRO DANG KUN 'GRO MA YIN PA DANG, ZAG BCAS ZAG MED LA DMIGS PA DANG, RGYAS PA DANG MI RGYAS PA DANG, MI DGE BA DANG LUNG MA BSTAN GYI DBYE BA, MI DGE BA DANG LUNG MA BSTAN GYI RTZA BAR BSHAD PA, 283 BA 1 DE DAG LDAN PA'I TSUL, CHOS DU'I YUL CAN YIN PA DANG, GO RIM, SKYE BA'I RGYU, 290 BA 2 MDO LAS GSUNG PA'I RNAM PA'I DBYE BA BSTAN PA LA, ZAG PA DANG, CHU BO DANG SBYOR BA DANG, NYER LEN DANG, PHRA RGYAS LA SOGS PA'I MING DON DANG, KUN SBYOR DANG, 'CHING BA DANG, NYE BA'I NYON MONGS DANG, KUN DKRIS DANG, DRI MA DANG, DE DAG GI RNAM PA'I RAB DBYE DANG, SGRIB PA LNGA STE BCU GCIG BSHAD PA, 299 BA 7 GNYIS PA PHRA RGYAS JI LTAR SPONG PA'I TSUL DNGOS DANG, ZHAR LA GNYEN PO'I DBYE BA BSHAD PA, 302 BA 5 GSUM PA SPANGS PA'I 'BRAS BU YONGS SHES BSHAD PA NAS CHOS MNGON PA'I MDZOD KYI 'GREL PA MNGON PA'I RGYAN LAS PHRA RGYAS BSTAN PA ZHES BYA BA STE GNAS LNGA PA'I BSHAD PA'O,, ,, ZHES PA'I BAR RO,, ` 307 NA 1 GNAS DRUG PA LAM DANG GANG ZAG BSTAN PA LA MDOR BSTAN DANG, DMIGS YUL BDEN PA BSHAD PA, 311 NA 4 MNGON PAR RTOGS PA'I RIM PA MDOR BSTAN RGYAS BSHAD GNYIS KYI SGO NAS BSHAD @04A *, ,PAS DANG PO TSOGS LAM BSHAD PA, 319 NA 1 SBYOR LAM BSHAD PA, 325 BA 6 MTHONG BA'I LAM BSHAD PA, 329 BA 3 GANG ZAG BSHAD PA LA BRGYAD DU DBYE BA YOD PA DE LA CHAGS BRAL SNGON DU 'GRO BA DANG; MTHAR GYIS PA GNYIS LAS PHYI MA LA YANG RGYUN DU ZHUGS PA BSHAD PA, LAN CIG PHYIR 'ONG BA BSHAD PA, 334 BA 4 PHYIR MI 'ONG BSHAD PA, DGRA BCOM BSHAD PA, 341 BA KHYAD PAR GYI CHOS 'CHAD PA NA, SA DANG LAM GYI KHYAD PAR, ZAD PA DANG MI SKYE BA SHES PA'I KHYAD PAR, 'BRAS BU'I RNAM PAR GZHAG PA'I KHYAD PAR, CHOS KYI 'KHOR LO'I KHYAD PAR, KHAMS DANG DBYE BA'I KHYAD PAR, RIGS DANG NYAMS PA'I KHYAD PAR, DBANG PO 'PHO BA'I KHYAD PAR DANG BDUN BSHAD PA, 352 NA 6 GANG ZAG BDUN DU BSDU BA DANG, GANG ZAG GNYIS SU DBYE BA BSHAD PA, 354 BA 2 MNGON PAR RTOGS PA'I LAM STON PA NA LAM GYI DBYE BA DANG, BYANG CHUB KYI PHYOGS DANG MTHUN PA'I LAM BSHAD PA NAS CHOS MNGON PA'I MDZOD KYI 'GREL PA MNGON PA'I RGYAN LAS LAM DANG GANG ZAG BSTAN PA ZHES BYA BA STE GNAS DRUG PA'I BSHAD PA'O,, ,,ZHES PA'I BAR RO,, ` 363 BA 7 GNAS BDUN PA YE SHES BSTAN PA LA BZOD SHES LTA GSUM GYI KHYAD PAR BSHAD PA, 364 BA 1 SHES PA BYE BRAG TU BSHAD PA LA SHES PA'I NGO BO'I DBYE BA, GRANGS NGES, RNAM PA DANG, SA LA BRTEN PA BSHAD PA, 373 NA 5 SHES PA DE DAG LA DRAN PA NYER GZHAG TU BZHAG PA DANG, DMIGS PA DANG, LDAN PA'I TSUL, THOB PA'I TSUL BSHAD PA, 380 BA 7 DE DAG GI YON TAN BSTAN PA LA THUN MONG MA YIN PA'I YON TAN STOBS BCU DANG, MI 'JIGS PA BZHI, DRAN PA NYE BAR GZHAG PA, THUGS RJE CHEN PO STE BZHI BSHAD @04B PA; 386 NA 6 THUN MONG GI YON TAN MDOR BSTAN NAS RGYAS PAR BSHAD PA LA 'PHAGS PA KHO NA DANG THUN MONGS BA NYON MONGS PA MED PA DANG, SMON GNAS SHES PA, SO SO YANG DAG PAR RIG PA BZHI, 389 BA 2 PHAL CHER BYIS PA DANG THUN MONG BA MNGON PAR SHES PA DRUG LA SOGS PA BSHAD NAS CHOS MNGON PA'I MDZOD KYI 'GREL PA MNGON PA'I RGYAN LAS YE SHES BSTAN PA ZHES BYA BA STE GNAS BDUN PA'I BSHAD PA'O,, ,,ZHES PA'I BAR RO,, ` 398 BA 1 GNAS BRGYAD PA SNYOMS PAR 'JUG PA BSTAN PA LA BSAM GTAN DANG, GZUGS MED BSHAD PA DE LA YANG, DE DAG GI NGO BO, DBYE BA, YAN LAG RNAM PAR BZHAG PA, 'THOB PA'I TSUL BSHAD PA, 409 BA 7 KHYAD PAR GYI CHOS, NYER BSDOGS, TING NGE 'DZIN GYI DBYE BA BSHAD PA, 418 BA 7 DE LA BRTEN PA'I YON TAN BSHAD PA, 426 NA 1 YONGS SU RDZOGS PA'I BYA BA BSTAN NAS CHOS MNGON PA'I MDZOD KYI 'GREL PA MNGON PA'I RGYAN LAS SNYOMS PAR 'JUG PA BSTAN PA ZHES BYA BA STE GNAS BRGYAD PA'I BSHAD PA'O,, ,,ZHES PA'I BAR RO,, SHOG GRANGS 428 RGYAB PHRENG 1 NAS 430 BAR MDZAD BYANG DANG, SPAR SMON BCAS SO,, ,,'DIR CUNG ZAD GLENG BAR BYA BA LA, ` 'DZAM GLING MDZES PA'I RGYAN GCIG KUN MKHYEN GNYIS PA 'PHAGS YUL GYI SLOB DPON CHEN PO MKHAS MCHOG DBYIG GNYEN ZHABS KYI GSUNG, CHOS MNGON PA MDZOD KYI TSIG LE'UR BYAS PAR TSIG RKANG GCIG LHAG GZHUNG TSIG SHO LO KA DRUG BRGYA NYER GCIG GI BDAG NYID CAN DU YOD PA DE'I 'GREL MDZAD YONGS KYI GTZUG GI TOG LTAR MNGON PAR 'PHAGS PA, 'GRO RNAMS SRID MTSO LAS SGROL BA'I DED DPON CHEN PO, GANGS CAN GYI LJONGS SU MNGON PA'I SDE SNOD 'CHAD LA 'GRAN PA'I ZLA @05A *, ,THAMS CAD DANG BRAL BA MKHAS PA'I MCHOG GYUR MCHIMS 'JAM PA'I DBYANGS GANG GI GSUNG, CHOS MNGON PA MDZOD KYI TSIG LE'UR BYAS PA'I 'GREL PA MNGON PA'I RGYAN ZHES BYA BA 'DI NI, RIS SU MA CHAD PA'I BOD KYI CHOS RGYUD YONGS RDZOGS LA BRGYA GO GCIG CHOD DU GDAMS PA'I SPYI GZHUNG LTA BUR LAGS KYANG, DA BAR SPAR GZHI GSAR BSKRUN ZHU MKHAN MA BYUNG BAR BRTEN, DA LAM 'BRAS SPUNGS BLO GSAL GLING DPE MDZOD KHANG NAS PHYI MO LHA LDAN SPAR MA SOR GZHAG THOG PHYI RABS RNAMS 'JUG PA BDE CHED DKAR CHAG SA BCAD SOGS BSNAN TE, DMIGS BSAL 'GRO GRON 'PHAR MA CHED GTONG GIS TSAR GRANGS 300 THAM PA'I SPAR MTHUN YON SBYOR ZHUS PA 'DI'I MTHUS, YUL GRU KUN TU NAD MUG 'KHRUGS RTZOD ZHI ZHING, BOD LJONGS RANG DBANG SNGA SOR CHUD DE GDUL BYA 'DUL BYED TSOM BU GCIG GI DGA' BDE'I DPAL YON LA MYUR DU LONGS SPYOD THUB PA DANG, KHYAD PAR BSTAN PA DE 'DZIN GYI SDE DANG BCAS PAR BKA' DRIN LHAG PAR DU CHE BA MKHAS SHING GRUB PA'I BDAG NYID CHEN PO BLO GLING MKHAN ZUR RIN PO CHE RJE BTZUN PADMA RGYAL MTSAN MCHOG GI YANG SPRUL ZLA ZHAL GSAR PA MYUR DU BZHAD DE GONG MA'I RNAM THAR SKYONG BZHES YONG BA SOGS MDOR NA 'BREL THOG DAG GI 'PHRAL YUN GYI 'DOD RGU YID BZHIN DU 'GRUB PAR GYUR CIG , 'BRAS BLO GLING DPE MDZOD KHANG GIS GSUNG RAB SPAR DU BTAB PA'I RIM PA BSOD GRAGS POD PHRENG NYI SHU PA'I RAB TU BYED PA'O,, ,,BOD RGYAL LO 2113 ME STAG ZLA 7 TSES 10 1986 PHYI ZLA 8 TSES 15 LA,, ,, @01 *, ,CHOS MNGON MDZOD KYI TSIG LE'UR BYAS PA'I 'GREL PA MNGON PA'I RGYAN ZHES BYA BA BZHUGS SO, , {DD} #01A *, ,RGYA GAR SKAD DU, AA BHIDHARMMA KO shA K'A RIK'A BRiTTI AA BHI AA LAm K'A RA N'A MA, BOD SKAD DU, CHOS MNGON PA'I MDZOD KYI TSIG LE'UR BYAS PA'I 'GREL PA MNGON PA'I RGYAN ZHES BYA BA, 'PHAGS PA 'JAM DPAL LA PHYAG 'TSAL LO, ,SHES BYA KUN LA RNAM KUN SHES PA'I YE SHES RGYAS KYANG BDAG GI RNAM PA KUN MA GZIGS, ,THUGS RJE CHE KHYOD 'GRO LA THUGS RJE'I GZHAN DBANG GYUR KYANG 'GA' LA'ANG CHAGS PAR MA GYUR LA, ,BDE BA'I 'BYUNG GNAS GZHAN BDE SGRUB LA BRTZON PAR GYUR KYANG KHYOD NYID RTAG TU MI GA-YO BZHUGS, ,SNA TSOGS GSUNG GIS 'GRO RNAMS CHOS MNGON DRI MED LA SBYOR THUB PA DE LA PHYAG 'TSAL LO, ,SANGS RGYAS GSUNG RAB RGYA MTSO CHE, ,THAR PA'I RIN CHEN GLING 'GRO'I GRU, CHOS MNGON NYID YIN DE YI PHYIR, ,'DI 'CHAD PA LA DGA' BA SKYES, ,GANG PHYIR 'DI NI MKHAS RNAMS KYIS, ,RNAM GRANGS DU MAS BSHAD ZIN MOD, ,NYUNG DANG GSAL BAS RTOGS DKA' RNAMS, ,RTOGS SLA'I PHYIR NI BDAG GIS 'BAD, ,PHAL CHER 'DOD PA MED PHYIR DANG, ,GZHAN YANG BLO GROS GSAL MIN PHYIR, ,YANG NA PHRAG DOG GIS DKRUGS PHYIR, ,DES NA RANG NYID GOMS PHYIR YIN, ,'DI LTAR BDE BAR GSHEGS PA MYA NGAN LAS 'DAS NAS LO STONG DU NYE BA NA RIG PA'I GNAS MA LUS PA THUGS SU CHUD CING RANG DANG GZHAN GYI GZHUNG LUGS RGYA MTSO'I PHA ROL TU SON PAS THUB PA'I {DD} {DD} #02A *, ,GSUNG RAB MA LUS PA'I MIG GCIG PUR GYUR PA SLOB DPON CHEN PO DBYIG GNYEN ZHABS ZHES BYA BA BYUNG STE, DE NI SANGS RGYAS BCOM LDAN 'DAS KYIS 'JAM DPAL RTZA BA'I RGYUD LAS, DE 'OG RNAM PAR GRAGS PA NI, ,LHO YI PHYOGS SU BRAM ZE NI, ,YI GE'I DANG PO BA BSTAN PA, ,SANGS RGYAS BSTAN LA DE GTZO BYED, ,CES LUNG BSTAN PA YIN NO, ,DE LTA BU'I SLOB DPON CHEN PO DES YE SHES LA 'JUG PA LA SOGS PA MNGON PA SDE BDUN DANG, BYE BRAG TU BSHAD PA CHEN PO'I DON RNAMS LEGS PAR BSDUS TE, KHA CHE BYE BRAG TU SMRA BA'I GRUB PA'I TSUL RNAM PAR BSHAD NAS DE DAG GIS RNAM PAR BRTAGS PA'I LUGS LUNG DANG RIGS PA LAS 'ONGS PA MA YIN PA 'GA' ZHIG DGAG PA'I TSIG GI ZUR DANG BCAS PA'I BSTAN BCOS 'DI MDZAD PA YIN NO, ,'DI YANG BSHAD PA LA 'JUG PA DANG, BSHAD PA DGOD PA DANG, YONGS SU RDZOGS PA'I BYA BA GSUM GYIS NGES PAR BYA'O, ,DANG PO LA'ANG GSUM LAS MCHOD PAR BRJOD CING BSHAD PAR DAM BCA' BA NI GANG ZHIG CES BYA BA LA SOGS PA STE, 'DI YANG DON GSUM GYIS NGES PAR BYA STE, DGOS PA DANG, BSDUS PA DANG, TSIG GI DON TO, ,DANG PO LA'ANG GNYIS LAS MCHOD PAR BRJOD PA'I DGOS PA ('I DON,) NI (LA'ANG GNYIS KYI DANG PO MCHOD PAR BRJOD PA,) SANGS ('DI LA GSUM LAS DANG PO,) RGYAS BCOM LDAN 'DAS LA YON TAN BRJOD PA {DD} {DD} @02B SNGON DU 'GRO BA'I PHYAG 'TSAL BA LA NI GNAS SKABS KYI DGOS PA GSUM YOD DE, STON PA'I CHE BA SHES PA DANG, BSOD NAMS 'PHEL BA DANG, DAM PA RNAMS KYI SPYOD PA DANG MTHUN PA'O, ,MTHAR THUG GI DGOS PA NI THAR PA THOB BA NYID YIN NO, ,YANG NA SANGS (DANG MTHAR THUG ,) RGYAS (GNYIS LAS DANG PO LA'ANG) BCOM LDAN 'DAS LA BSTOD PAS NI STON PA'I CHE BA RTOGS PAR BYED CING, PHYAG 'TSAL BAS BSOD NAMS 'PHEL BAR BYED LA, GNYIS KAS DAM PA DANG RJES SU MTHUN ZHING, CHE BA SHES PAS DE LA GUS PAS NGA'I GSUNG RAB LA THOS PA LA SOGS PAS RIM GYIS 'JUG PA DANG, BSOD NAMS 'PHEL BAS RTZOM PA MTHAR PHYIN PA DANG, DAM PAR SHES NAS DE'I BSTAN BCOS LA ZHUGS PAS MTHAR MYANG 'DAS THOB PAS NA THAMS CAD KYI DGOS PA NI THAR PA NYID YIN TE 'GREL PA LAS, BSTAN BCOS BYED PAR 'DOD PAS RANG GI STON PA'I CHE BA'I BDAG NYID SHES PAR BYA BA'I PHYIR DE LA YON TAN BRJOD PA SNGON DU 'GRO BA'I PHYAG 'TSAL BA RTZOM MO ZHES BYA BA DANG, t'I KA LAS PHYAG 'TSAL BA RTZOM PA NI RANG GI BSOD NAMS SPEL BA'I PHYIR RO ZHES BYA BA DANG, RNAM PA GCIG TU NA DAM PA RNAMS KYI SPYOD PA'I RJES SU 'JUG PAR RAB TU BSTAN PA'I PHYIR TE, DAM PA RNAMS KYI SPYOD PA NI MNGON PAR 'DOD PA'I LHA LA MCHOD PA DANG BSTOD PA DANG PHYAG BYAS NAS BYA BA RTZOM PA YIN NO ZHES PA DANG, CHE BA'I BDAG NYID SHES CI DGOS SHE NA, DE LA GUS {DD} #03A *, ,PA BSKYED PA'I PHYIR RO, ,GUS PA BSKYED PA YANG GUS PAR BYAS TE DE'I GSUNG RAB MNYAN PAR BYA BA'I PHYIR RO, ,DE LA GUS PAR BYAS TE MNYAN PA YANG RIM GYIS THOS PA DANG BSAM PA DANG BSGOMS PA LAS BYUNG BA'I SHES RAB BSKYED PA'I PHYIR RO, ,DE BSKYED PA YANG NYON MONGS PA SPANG BA'I PHYIR LA, DE YANG SDUG BSNGAL THAMS CAD NYE BAR ZHI BA'I MTSAN NYID MYANG NGAN LAS 'DAS PA THOB PAR BYA BA'I PHYIR TE DGOS PA NI DER ZAD DO ZHES BSHAD PA'I PHYIR RO, ,BKA' LA GUS NA DE LA BRTEN PA'I BSTAN BCOS LA GUS PA'ANG SHUGS LA 'GRUB STE, DE NI DE'I TSIG DON NYID 'CHAD PA'I PHYIR RO, ,GNYIS PA BSHAD PAR DAM BCA' BA'I DGOS PA (LA GNYIS LAS RANG DON,) NI RTZOM PA MTHAR PHYIN PAR 'GYUR BA YIN TE, SKYES BU DAM PA RNAMS NI DAM BCAS PA'I KHUR MI 'DOR BA'I PHYIR TE, JI SKAD DU, GZHAN DON BRTZE BA CAN RNAMS SROG PHYIR YANG, ,RANG GI NUS PA LHOD PAR MI BYED DE, ,SKYES (LA'ANG GSUM LAS DANG PO,) BU DAM PA KHUR LCI 'KHUR BA DAG ,NYAM BA'I LAM DU NAM YANG 'DOR MI BYED, ,CES GSUNGS PA LTA BU'O, , BSDUS PA'I DON NI TSIGS BCAD 'DIS SANGS RGYAS BCOM LDAN 'DAS LA BSTOD PA SNGON DU 'GRO BA CAN GYI PHYAG 'TSAL BA DANG, BSHAD PAR DAM BCA' BA GNYIS BSTAN PA YIN NO, (,GSUM PA) TSIG GI DON (GZHAN DON NI BSTAN BCOS KYI MTSAN DANG BCAS TE BSTAN PAS 'JUG SGO NGO SHES PA'O,,) LA GANG ZHIG NI SPYI'I SGRA YIN YANG (BYE BRAG LA 'JUG BA'I RGYU SKABS DANG SHUGS DANG LDAN BRAL DANG KHYAD PAR GYI SGRA DANG SBYAR BA BZHI LAS 'DIR NI,) KHYAD PAR GYI SGRA SBYAR BAS SANGS RGYAS BCOM LDAN 'DAS SU SHES TE KUN LA MUN PA GTAN BCOM PA LA SOGS PA'I KHYAD PAR (GNYIS LAS MCHOD YUL NGOS GZUNG BA NI GANG ZHIG DE LA ZHES BSTE DE LA,) GYI SGRA DANG 'BREL BA'I PHYIR DPER NA BRAM ZE RNAMS KYI NANG NAS KHA DOG DKAR SHAM GOS DKAR PO GYON PA GANG YIN PA DE KHRID LAS SHOG CES BRJOD NA BRAM ZE LHA SKYID #03B KHO NA GO BA LTA BU'O, ,DE NYID KYI PHYIR 'GREL PA LAS, GANG ZHIG CES BYA BA NI SANGS RGYAS BCOM LDAN 'DAS KYI DBANG DU BYAS NAS SMRAS PA'O ZHES 'BYUNG NGO ZHES RGYAL PO'I SRAS 'CHAD DO, ,SLOB DPON GANG SPEL NI 'DI NI CHOS MNGON PA 'CHAD PA'I SKABS YIN LA, DE 'CHAD PA NA SANGS RGYAS LAS GZHAN LA BSTOD PA MI BYED PAS SKABS KYI STOBS KYIS SPYI SGRA BYE BRAG LA GO BA DANG, BE'U DANG BCAS PA'I BRUS MA 'ON CIG CES PA LTAR LDAN BRAL GYI STOBS KYIS SPYI SGRA BYE BRAG LA GO BA GNYIS KA YIN PAR 'CHAD MOD KYI 'ON KYANG SKABS KYI STOBS KYIS NI MA YIN TE, DE NI SEN DHA PA 'ON ZHES PA LTA BU KHYAD PAR GYI SGRA MED PA'I RTZOM PA YIN NA, 'DIR NI KHYAD PAR GYI SGRA SBYAR BA'I PHYIR RO, ,KUN LA ZHES BYA BA NI SKYE MCHED BCU GNYIS TE, MDO LAS BRAM ZE THAMS CAD CES BYA BA NI SKYE MCHED BCU GNYIS JI SNYED PA YIN NO ZHES GSUNGS PA'I PHYIR RO, ,MUN BA NI YANG DAG PA'I DON MTHONG BA LA GEGS SU GYUR PA'I PHYIR NYON MONGS PA DANG SHES BYA'I SGRIB PA STE MUN PA DANG 'DRA BA'I PHYIR (DE LA JI LTAR MCHOD PAR BRJOD PA LA BSTOD PA DANG PHYAG GNYIS LAS DANG PO LA GSUM GYI RANG DON LA SPANGS RTOGS GNYIS LAS DANG PO NI,) RO, ,DE LA DANG PO NI 'DOD CHAGS LA SOGS PA'I BDAG NYID YIN LA, GNYIS PA NI THEG CHEN PA LTAR NA GZUNG 'DZIN GNYIS SNANG GI RTOG BA LA 'DOD MOD KYI, NYAN THOS SDE PA DAG GIS NI MA YIN TE, DE NI SANGS RGYAS LA'ANG YOD PAR 'DOD PA'I PHYIR TE, PHYI ROL DON GRUB LAS, RING DANG PHRA SOGS SHES PA LAS, ,RNAL 'BYOR CAN ZHES BYE BRAG (RANG SANGS RGYAS DANG NYAN THOS RNAMS KYANG NYON MONGS PA CAN GYI RMONGS PA DANG BRAL BA'I PHYIR,) DBYE'I, , THAMS CAD MKHYEN MIN THAL 'GYUR PHYIR, ,GNYIS KYI RNAM PA LAS GROL MIN ZHES BYA BA DANG, GNYIS RNAM GROL BA'I SHES PA LA, ,RNAM PA KUN TU KUN RIG CES, ,BYA BA 'DI NI NGO MTSAR CHE, ,DE PHYIR 'DZIN PA'I NGO BOR YOD CES GSUNGS PA'I PHYIR RO, ,DES NA NYON MONGS PA CAN MA YIN PA'I MI SHES PA NI SHES BYA'I SGRIB PA STE, 'GREL PA LAS, 'DI LTAR DE DAG LA SANGS RGYAS KYI CHOS DANG, YUL DANG, DUS SHIN TU BSKAL BA DANG, DON RAB TU DBYE BA MTHA' YAS PA RNAMS LA NYON MONGS PA CAN MA YIN PA'I MI SHES PA YOD PA NYID DO ZHES GSUNGS PA'I PHYIR RO,, ('O NA DE GANG YIN NA, DE NI @04A *, ,MTHA' GZHAN BKAG PA'I RIGS PAS SHES TE, SHES BYA THAMS CAD 'DUS BYAS DANG 'DUS MA BYAS GNYIS SU NGES SHING 'DUS BYAS LA ZAG MED DANG ZAG BCAS GNYIS SU NGES PA LAM 'DUS MA BYAS DANG ZAG MED 'DUS BYAS NI LDONGS PAR MI BYED CING GNYEN PO YIN PAS MUN PA'I BYED PA DANG MTSAN NYID DANG MI LDAN PAS MUN PA YIN LA ZAG BCAS LA'ANG GNYIS LAS NYON MONGS CAN NI MUN PA DANG PO NYID YIN BAS NYON MONGS CAN MA YIN PA DGE BA ZAG BCAS DANG MA BSGRIBS LUNG MA BSTAN GYI BYE BRAG 'OG NAS 'BYUNG BA'I MI SHES PA'I RGYU BZHI PO LTA BU YIN TE,) DE LA SANGS RGYAS KYI CHOS MI SHES PA NI GNAS BRTAN SH'A RI'I BU LA STON PAS KHYOD KYIS DE BZHIN GSHEGS PA'I TSUL KHRIMS KYI PHUNG PO LA SOGS PA SHES SAM ZHES BKA' STZAL PA NA, GSOL PA, MA 'TSAL TO ZHE [text missing] MTHUN PHYOGS LAS, ,LDOG MED DE RGYUS RJES 'GRO CAN, ,RJES 'GRO CAN MIN LDOG MIN NA, ,BDAG MED MA YIN BDAG BCAS MIN, ` ,'JUG LA GANG GI RANG BDAG NYID, ,GANG MED MI 'BYUNG CAN GRUB PA, ,DE PHYIR DE NYID LDOG BYED DE, ,'JUG PA NA YANG 'JUG BYED YIN, ` ,MED NA MI 'BYUNG DE YANG NI, ,SGRUB PAR BYED LA LTOS PA YIN, ` ,'BRAS BU MTHONG DANG MA MTHONG BA, ,DE DAG RGYU DANG 'BRAS BU NYID, ,DE YOD NA YOD DES MED PHYIR, ,DON GZHAN RTOGS PA YOD MA YIN, ,RTAG TU YOD PA'AM MED PA NA, ,DE DAG MED PAR MI SRID PHYIR, , 'BRAS BU'I RANG BZHIN THA DAD RNAMS, ,RGYU RNAMS LAS NI BYUNG BA'I PHYIR, ,DE DAG MED PAR GZHAN LAS BYUNG, ,CI LTAR DES BSKYED RANG BZHIN YIN, ,TSOGS PA'I NUS PA THA DAD PHYIR, ,DNGOS RNAMS SNA TSOGS NGO BO NYID, ,GAL TE THA DAD BYED MIN NA, ,'GRO 'DI NGO BO GCIG TU 'GYUR, ` ,'DI THA DAD BYED THA DAD BYED, ,MIN NA RANG BZHIN GCIG NYID NYAMS, ` ,GCIG NI RANG BZHIN DU MA NA, ` ,ME DANG ME MIN RANG BZHIN GNYIS, ` ,DES NA GZHAN NI DES BSKYED PA'I, ,RANG BZHIN YIN NA DE DE NYID, ,DES BSKYED RANG @149B BZHIN MA YIN NA, ,DE NI DE LAS CI LTAR 'BYUNG, ` ,DE LTAR RGYU DANG 'BRAS BU DAG ,PHAN TSUN RANG BZHIN NGES PA NYID, ,DES NA RANG BZHIN MTHONG BA BZHIN, ,'BRAS MTHONG NA YANG DE RTOGS 'GYUR, ` ,CHU DANG 'O MA RUL 'GYUR BZHIN, ,DU MA LAS GCIG JI LTAR 'GYUR, ` ,GSHER NUS GANG LAS RUL 'GYUR TE, ,GNYI GA'ANG GCIG NYID CI 'DI NI, ,THA DAD GCIG PA'I BDAG NYID DAM, ,THA DAD GSHER NYID JI LTAR YIN, ,RANG RANG NGO BO LA GNAS PHYIR, ,DA YI RANG BZHIN CAN GYI BLO, ,THA DAD MED PHYIR GCIG CES BRJOD, ` ,DE BZHIN ME NI THA DAD KYANG, ,CHA GANG GIS NI MER RTOGS PA'I, ,RTEN YIN DES NI DU BSKYED PA, ,DES NI DE LTAR RTOGS PA YIN, ,MER SHES YAN LAG GZHAN LAS NI, ,LTOS PA NYID LAS BYUNG BA'I PHYIR, ,DU BA DE LA 'KHRUL MED CAN, DE LTAR 'BRAS GZHAN DE BZHIN 'GRUB, ` ,DU BA BUD SHING 'GYUR BA YI, ,YAN LAG RTEN LA MER 'JOG PHYIR, ,GAL TE ME MIN DE DU MIN, ,GAL TE DE DU ME DE NYID, ` ,CI LTAR RANG RGYU LA LTOS NAS, ,RANG BZHIN MED NA MI 'BYUNG BAR, ,SHES BYA 'JIG DANG BYAS PA NYID, ,GONG DU JI SKAD BSHAD BZHIN NO, ` ,LDOG CAN MTSUNGS PAR BSTAN PA'I PHYIR, ,MNYAN BYA NYID NI BRJOD MDZAD LAS, ,GTAN TSIGS MIN NYID RTOGS PA YI, ,TSUL 'DIS THAMS CAD DPAG PAR BYA, ` ,RGYU DANG NGO BO LDOG NYID KYIS, ,DON LDOG PAR NI BRJOD PA LAS, ,MI DMIGS DPE NI GRUB PA'I PHYIR, ,THA DAD PAR NI MA BSHAD DO, ` DE LA'ANG SKYES BU MTHONG MED LAS, ,SROG SOGS LDOG PA MED PA'I PHYIR, ,GTAN TSIGS THE TSOM ZA BSHAD PAS, ,BLTAR RUNG DON LA DE ZHES BSTAN, ` ,'DIS NI DNGOS LA'ANG DNGOS PO'I CHA, ,KHAS BLANGS MED PAR DGAG PA NYID, ,SGRUB BYED SNGA MA DAG GIS NI, ,MA YIN SGRUB PAR BYED PHYIR RO, ` ,DE LA DMIGS RUNG RNAMS KYI NI, ,YOD PA DMIGS PA LAS GZHAN MIN, ,DE PHYIR MI SHES SHES BYA'I PHYIR, ,MI DMIGS DPE GCIG BZHED @150A *, ,PA YIN, ` ,YUL MED PHYIR DER YUL CAN NI, ,SHES BRJOD THE TSOM 'GOG 'GYUR TE, ,DPER NA SREG PAR BYED MIN PHYIR, ,ME MA YIN ZHES BYA BA BZHIN, ,DMIGS SU RUNG BA'I MED PA NI, ,MI DMIGS PA LAS GZHAN MA YIN, ,DE PHYIR DE YOD PA LAS DE'I, ,RGYU MTSAN CAN GYI SGRA SHES SGRUB, ` ,SNANG BA MA MTHONG NA MED CES, ,BYA BA'I THA SNYAD 'DI GRUB PAS, ,DE 'BRAS YIN YANG DE LAS NI, ,BLO SGRA THE TSOM MED PAR 'GRUB, ,YUL YOD NA YANG RMONGS PAS 'DIR, ,GZHAN DAG RJES SU MI BRJOD PA; ,GRUB PA DANG NI CHOS MTHUN LAS, ,BRDA DRAN BYED PA 'BA' ZHIG GO, ,CI LTAR MTHONG DANG MA MTHONG LAS, ,RGYU DANG 'BRAS NYID SGRUB BZHIN TE, ,DE GNYIS LA NI 'BRAS SOGS SGRA, ,THA SNYAD DON DU BKOD PA YIN, ` ,RGYU LAS 'BRAS BU BSGRUBS PAS NA; ,'DI NI RANG BZHIN NANG 'DUS PHYIR, ,GTAN TSIGS RAB DBYE BSHAD PA LAS, ,THA DAD PAR NI DPER MA BSTAN, ,GCIG DMIGS NYAMS SU MYONG BA LAS, ,'DI NI DMIGS SO ZHES BYA 'AM, ,MA DMIGS SO ZHES RTOG CAN GYI, ,BLO NI SKYE BAR 'GYUR BA YIN, ` ,MYONG BA KHYAD PAR CAN NYID LAS, ,DON RNAMS KHYAD PAR CAN DU RTOGS, ,DE LTA'I BDAG NYID CAN MYONG NI, ,'DI NI THA DAD BLO RGYU YIN, ` ,DE PHYIR BLO DBYE RANG NYID LAS, ,GRUB 'GYUR DE DAG GIS DE'I DON, ,DE LTA MIN NA THUG MED PHYIR, ,'GA' YANG THA DAD GRUB MI 'GYUR, ` ,RANG BZHIN KHYAD PAR CAN MYONG LAS, ,GZHAN BSAL PA NI GZHAN MA YIN, ,DE PHYIR DE MI DMIGS PA YANG, ,DE LAS KHYAD PAR CAN DMIGS NYID, ,DES NA MI DMIGS PA 'DI NI, ,RANG NYID MNGON SUM LAS RTOGS PAS, ,RANG NYID TZAM GYIS 'JUG PA CAN, ,DE MED RNAM GZHAG GO BYED YIN, ` ,GZHAN DU DON GYI MED PA NYID, ,MI DMIGS PA LAS RTOGS PAR 'GYUR, ,GZHAN GYIS DMIGS PA MED PA NYID, ,YIN PA'I PHYIR NA THUG MED 'GYUR, ` ,MI SNANG NGES PA MI RUNG PHYIR, ,GZHAN DU GZHAG PA 'GOG @150B 'GYUR DPER, ,SEMS CAN GZHAN LA RTAGS MED PA'I, ,RNAM RTOG LA SOGS MI 'GRUB BZHIN, ,'BRAS BU NGES MED CAN 'DIS NI, ,LDOG PA SGRUB PAR NUS MA YIN, ,NGES PA BSGRUB PHYIR GTAN TSIGS LA, ,DANG PO'I DBANG DU BYAS PA YIN, ,RANG GI SBYOR BA DAG LA DE'I,, RANG GI NGO BO'I SBYOR BA'AM, ,DON LA GNOD BYED NGO BO STE, ,YOD NA YOD PAS MED PHYIR RAM, ,PHAN TSUN THA DAD GRUB PHYIR TE, ,BRTAN DNGOS DANG NI 'JIG PA BZHIN, ,TSAD MA GZHAN GYIS GNOD PHYIR YANG, ,DES GYUR DANG NI LTOS BCAS BZHIN, ,RGYU GZHAN LAS SKYE NYE BAR NI, ,GDON MI ZA BAR GA LA YOD, ,DNGOS PO'I RGYU LAS BYUNG YIN NA, ,BRGYUD PA'I DUB PAS CI ZHIG BYA, ,GAL TE RGYU DES 'JIG PA GZHAN, ,BSKYED PAS DE NI 'JIG 'GYUR NA, ,DNGOS PO DE NYID 'JIG PA YI, ,NGANG DU BSKYED NA CI ZHIG 'GYUR, ,DE NI BDAG NYID GRUB GYUR NA, ,BDAG LA PHAN 'DOGS BYED PA GANG, ,BDAG LA PHAN 'DOGS BYED MIN NA, ,DE YIS LTOS BYA GANG CI ZHIG ,LTOS MED DNGOS PO NAM YANG NI, ,DE LTA MIN PAR CI LTAR 'GYUR, DPER NA DE NYID 'JIG KA MAR, ,SDOD LA BRTEN PAR MI 'DOD BZHIN, ,LTOS PA MED NA SKAD CIG KYANG, ,DNGOS PO YOD MIN 'GYUR ZHE NA, ,DE LTAR GYUR TE DNGOS NYID YIN, ,DNGOS MED DE LTAR CI LTAR 'GYUR, ,GANG DAG DE YOD GZHAN LTOS MED, ,DE DAG DE YOD LA DES YIN, ,'BRAS BU'I LAS LA GEGS BYED PA, ,MED PA CAN GYI TSOGS PA BZHIN,, ` ,,BLO YI NUS PA CHUNG BA MED PA DE DAG GIS KYANG ZAB MO'I DE NYID RTOGS MED CAN, ,BRTZON 'GRUS SHIN TU LHAG PAR GYUR PA DE DAG GIS KYANG MCHOG GI DE NYID MTHONG MED LDAN, ,'GRO BA RNAMS LA MTSUNGS PAR LEGS BSHAD SLAR 'DZIN BYED PA MI RNYED PA CAN KHO BO'I GZHUNG, ,RGYA MTSO LA NI CHU BO BZHIN DU RANG GI LUS LA THIM ZHING NUB PA NYID DU 'GYUR, ,TSUL DANG TSUL MIN RNAM PAR 'BYED MKHAS LTA BA NGAN PA'I TSANG TSING BSREG ,'PHAGS PA NYID KYIS RJES SU BZUNG BAS YANG DAG RIG PA'I LAM STON PA, GZHUNG LUGS NYIN BYED YON TAN BRGYA LDAN BLO NGAN NYID SPONG 'JIGS PA SPANGS,, @151A *, ,DE LTA MOD KYI BLO MIG RNAM DAG MKHAS PA'I PADMO RGYAS BYED YIN, ,TSAD MA RNAM 'GREL LAS GZHAN GYI DON GYI TSIG LE'UR BYAS PA STE LE'U BZHI PA'O,, ` ,,TSAD MA RNAM 'GREL GYI TSIG LE'UR BYAS PA 'DI NI YUL LHO PHYOGS KYI RGYUD DU BYUNG BA GZHUNG LUGS NGAN PA THAMS CAD CHES SHIN TU 'KHRUL PAR 'JUG PA SNYAN PA'I GRAGS PAS SA'I STENG MA LUS PAR KHYAB PA 'GRAN ZLA MED PA'I MKHAS PA CHEN PO, DPAL CHOS KYI GRAGS PAS MDZAD PA RDZOGS SO,, ,,RGYA GAR GYI MKHAN PO SU BH'U TI SHR'I SHANTI DANG, BOD KYI LO TZ'A BA DGE SLONG DGE BA'I BLO GROS KYIS BSGYUR, DPAL LDAN DAM PA'I LAS LA MNGON DGES PA, ,SMAD MED CHE BA'I BDAG CAN RGYAL PO MCHOG ,DGE BA'I THUGS MNGA' NGES PA SA SKYONG BA, ,MI YI BDAG PO DBANG SDE'I BKAS BSKUL NAS, ,BRTZON LDAN LHAG PAR DPYOD LDAN 'CHAD PO DANG, ,NYAN PO RGOL DANG PHYIR RGOL DON NGES DANG, ,'BREL GTAM DGA' STON RGYA CHEN MYONG BYA'I PHYIR, , 'DZAM GLING MKHAS PA'I RGYAN GYUR RGYAN 'DI BSGYUR, ,LTA NGAN KUN SEL GNYIS SU MED PA YI, ,DON DAM RNAM DPYOD LHUR LEN BSTAN BCOS 'DI, ,GZHUNG MANG DON DKA' SGRUB PAR DKA' NA YANG, ,'BRAS BU CHE PHYIR 'BAS PAR RIGS PA YIN, ,LOG PA'I RGYUN PHOGS RJES SU GZHOL GYUR PA, ,LTA BA CHU BO BZLOG PAR DKA' MOD KYI, ,YANG DAG RIG PAS LEGS PAR BRDA SPRAS NA, ,'GA' YI YID LA CI STE 'BAB MI 'GYUR, ,SGRA DON GNYI GA NYAMS SU BDER LON TE, ,MUN SPRUL GYIS NI MA BSLAD LEGS BSGYUR BA, ,SNGON GYI SGYUR BYED DAM PA DE DAG GI, ,DRI TZAM BRO BA DA LTA KHO BOR ZAD, ,DPAL LDAN KHA CHE'I RIG PA BA'I, ,GTZUG GI NOR BU SKAL LDAN NI, ,RGYAL PO ZHES BYA LA THOS NAS, ,BLO LDAN BZANG POS 'DI BSGYUR RO, ,GRONG KHYER CHEN PO DPE MED KYI SHAR PHYOGS NA YUL 'KHOR LO 'DZIN PA ZHES BYA BA, ,GRUB PA'I GNAS SU GRAGS PA'I 'DABS, RNAM PAR RGYAL BA'I ZHING ZHES BYA BAR, KHA CHE'I PAndI TA CHEN PO SKAL LDAN RGYAL PO DANG BOD KYI LO TZ'A BA CHEN PO DGE SLONG BLO LDAN SHES RAB KYIS BSGYUR BA'O, ,DUS PHYIS SA'I STENG NA 'GRAN ZLA THAMS CAD DANG BRAL BA'I MKHAS PA BSOD SNYOMS PA CHEN PO SH'AKYA SHR'I BHA DRA LA SOGS PA RNAMS DANG, SH'AKYA'I SLONG KUN DGA' RGYAL MTSAN DPAL BZANG POS BSGYUR CING ZHUS TE GTAN LA PHAB PA'O,, ,, @151B [BP]