@001 *, ,'PHAGS PA 'JAM DPAL GZHON NUR GYUR PA LA PHYAG 'TSAL LO,, BYAMS DANG SNYING RJE 'GRO PHAN THUGS RJE'I RTZIG RMANG BRTAN, , RLABS CHEN SPYOD PA PHYIN DRUG BSDU BZHI'I BANG RIM MTHO, , SKU GSUM NOR BU'I PHO BRANG MKHA' DBYINGS SU ROL PA'I, , MNYAM MED STOBS BCU'I BDAG PO'I ZHABS PAD GTZUG GIS MCHOD, , GSUNG RAB RGYA MTSO CHE LA MNGA' BSGYUR BA, , THEG MCHOG NOR MDZOD 'DZIN PA'I GDENG KA CAN, , SA GSUM SNYAN PAR GRAGS PA'I SEMS DPA' CHE, , 'PHAGS YUL MKHAS GRUB RNAMS LA PHYAG 'TSAL LO, , SUN 'BYIN MTSON RNON STONG GIS LOG SMRA'I TSOGS, , RMEG MED BCOM NAS MI SMRA'I BRTUL ZHUGS BKOD, , LAM BZANG 'KHRID MDZAD PHYOGS GLANG CHOS GRAGS SOGS, , RIGS PA'I DBANG PHYUG RNAMS LA GUS PAS 'DUD, , LUS SROG YAL BAR DOR NAS 'PHAGS YUL DU, , MNYES PA GSUM GYIS PAn GRUB DU MAR BSTEN, , 'GRO BA'I MUN PA SEL BA'I RIGS LAM MIG , SBYIN MDZAD SKAD GNYIS SMRA BA RNAMS LA 'DUD, , TSAD MA MDO DANG SDE BDUN GZHUNG RNAMS LA, , THAR 'DOD SKYES BU'I NYER MKHO MED CES PA'I, , LOG RTOG BKAG STE GROL BA DON GNYER GYI, , NOR MDZOD SGRUB PA'I YAB SRAS BRGYUD PAR GUS, @002 SNGON GOMS MTHU YIS GSUNG RAB DGONGS 'GREL BCAS, , RNAM DPYOD BLO GROS BSRUBS LAS NYING KHU'I BCUD, , YID MUN SKYE BO'I MGRIN PAR 'DREN MKHAS PA, , BRTZE CHEN BSHES GNYEN DBANG POS RTAG SKYONGS SHIG , SNGON RABS MKHAS PA'I TSAD MA'I GZHUNG CHEN MTSO, , BRJOD BYA GTING MTHA' DPOG DKA' DOR LA NYE, , BDAG BLO'I KU SHA RTZE MOS CHU THIGS TZAM, , BLANGS TE SKAL MNYAM BYIN PAS ZLOS MI 'GYUR, , GZHUNG CHEN MKHA' DBYINGS 'PHUR NUS GSHOG RGYAS SHING, , RNAM DPYOD RAB TU RGYAS LA 'DI MI DGOS, , BLO GROS GZU BOR MI GNAS PHYOGS 'DZIN MKHAN, , GZHAN SKYON KHO NA MTHONG LA 'DIS MI PHAN, , DENG DUS BYA MANG DPE KLOG MA KHOMS DANG, , THAMS CAD 'DOD KYANG LE LO GSUM GYIS BCOM, , RIGS PA'I LCAGS MDA' 'BEN LA PHOG MI NUS, , BDAG 'DRA 'GA' LA PHAN PA SRID SNYAM BRIS, , 'ON KYANG RIGS LAM SRID PA'I RTZE MOR BSNYEGS, , BYIS BLO BUNG BA'I GZUGS BZHIN MA MNYAM PAS, , LONG BA'I RI MO BZHIN SONG NONGS PA KUN, , BRTZE LDAN MKHAS DBANG RNAMS KYIS LHUG POR 'CHOS, , @003 ZHES MCHOD PAR BRJOD PA DANG BRTZAMS PAR DAM BCA' BA'I TSIG GIS SNGUN BSUS TE 'DIR GANG BRJOD PAR BYA BA'I GTZO BO NI, RIGS PA'I DBANG PHYUG DPAL CHOS KYI GRAGS PAS MDZAD PA'I LUS LTA BU'I BSTAN BCOS GSUM GYI NANG NAS RGYAS PA'I BSTAN BCOS TSAD MA RNAM 'GREL YIN ZHING, DE BSHAD PA LA BZHI LAS, SPYIR TSAD MA'I SKOR GYI RGYA GAR MKHAS PA'I GZHUNG JI TZAM YOD PA DANG, DE DAG BOD KYI LO TZ'A BA GANG GIS BSGYUR BA, BOD KYI MKHAS PA RNAMS KYIS MDZAD PA'I TSAD MA'I SKOR GYI RNAM GRANGS, BYE BRAG TU RGYAS PA'I BSTAN BCOS TSAD MA RNAM 'GREL GYI DON CUNG ZAD GTAN LA 'BEBS PA DANG BZHI LAS,, DANG PO TSAD MA'I SKOR GYI RGYA GAR MKHAS PA'I GZHUNG JI TZAM YOD PA NI, 'PHAGS YUL DU TSAD MA'I GZHUNG GTAN LA 'BEBS PA'I THOG MAR SLOB DPON PHYOGS KYI GLANG POS TSAD MA KUN LAS BTUS DANG RIGS SGOR, TSAD MA MDO'I RANG 'GREL, DUS GSUM BRTAG PA DMIGS BRTAG RTZA 'GREL, PHYOGS CHOS 'KHOR LO BCAS DANG SLOB DPON DBANG PHYUG SDES BRTZAMS PA'I KUN BTUS 'GREL PA YOD PA 'DRA YANG BOD DU MA BSGYUR, SLOB DPON CHOS KYI GRAGS PAS MDZAD PA'I TSAD MA KUN LAS BTUS KYI DON RNAM PAR 'GREL BA'I RNAM 'GREL DANG, TSAD MA RNAM NGES, TSAD MA RIGS THIGS TE LUS LTA BU'I BSTAN BCOS GSUM, TSAD MA RNAM 'GREL GYI RANG DON LE'U LAS 'PHROS PA GTAN TSIGS THIGS PA DANG, 'BREL BA BRTAG PA GNYIS, MNGON SUM LE'U LAS 'PHROS PA RGYUD GZHAN GRUB PA, GZHAN DON LE'U LAS 'PHROS PA RTZOD PA'I RIGS PA STE 'PHROS PA YAN LAG LTA BU'I BSTAN BCOS BZHI BCAS TSAD MA SDE BDUN NO, ,TSAD MA RNAM 'GREL GYI LE'U DANG PO LA RANG 'GREL YOD, SLOB DPON LHA DBANG BLOS MDZAD PA'I TSAD MA RNAM 'GREL @004 GYI LE'U PHYI MA GSUM GYI 'GREL PA, LE'U DANG PO'I RANG 'GREL DANG BSDOMS PAS SHO LO KA STONG PHRAG BCU GNYIS YOD, DE RNAMS LA TSAD MA STONG PHRAG BCU GNYIS PA'ANG ZHU, DE DAG THAMS CAD KYI 'GREL BSHAD SLOB DPON SH'AKYA BLOS MDZAD PA'I 'GREL BSHAD BAM PO DRUG CU RTZA GSUM, SLOB DPON YE SHES BZANG POS TSAD MA RNAM NGES KYI 'GREL BSHAD MDZAD, SLOB DPON SHES RAB 'BYUNG GNAS SBAS PAS TSAD MA RGYAN MDZAD, (RGYAN MKHAN PO'ANG ZER,) DE'I SLOB MA SLOB DPON RGYAL BA CAN GYIS MDZAD PA'I TSAD MA RGYAN GYI 'GREL BSHAD, SLOB DPON DUL BA LHAS MDZAD PA'I DMIGS BRTAG GI RGYA CHER 'GREL, RTZOD RIGS KYI 'GREL PA, GTAN TSIGS THIGS PA'I 'GREL PA, SLOB DPON CHOS MCHOG GIS MDZAD PA'I 'JIG RTEN PHA ROL GRUB PA DANG, TSAD MA RNAM NGES KYI 'GREL PA 'THAD LDAN CHE CHUNG GNYIS, SLOB DPON KA MA LA SH'I LAS MDZAD PA'I TSAD MA RIGS THIGS KYI 'GREL PA, SLOB DPON SH'ANTA RAKshI TAS MDZAD PA'I RTZOD RIGS KYI 'GREL PA, SLOB DPON RGYAL BA DBANG POS MDZAD PA'I TSAD MA KUN BTUS KYI 'GREL BSHAD, SLOB DPON DZA MA RIS MDZAD PA'I TSAD MA RGYAN GYI 'GREL BSHAD, SLOB DPON NYI MA SBAS PAS MDZAD PA'I TSAD MA RNAM 'GREL GYI LE'U DANG PO DANG GNYIS PA GNYIS KYI 'GREL PA, BRAM ZE BDE BYED DGA' BAS MDZAD PA'I TSAD MA RNAM 'GREL GYI 'GREL PA, KHA CHE DZNY'A NA SHR'ISA MDZAD PA'I TSAD MA RNAM 'GREL GYI tIKA CHEN SOGS BSDOMS NA BOD SKAD DU BSGYUR BA'I TSAD MA'I GZHUNG GRANGS DRUG CU RTZA GCIG YOD,, @005 GNYIS PA TSAD MA'I GZHUNG DE DAG DUS GANG LA LO TZ'A BA GANG GIS BSGYUR BA NI, BOD DU BSTAN PA SNGA DAR DANG PHYI DAR GNYIS LAS SNGA DAR SKABS SLOB DPON THON MI SAm BHO tA SOGS KYIS MDO SDE ZA MA TOG DANG DPANG SKONG PHYAG BRGYA PA SOGS NYUNG SHAS LAS TSAD MA'I BSTAN BCOS SOGS MA BSGYUR, CHOS RGYAL KHRI SRONG LDE BTZAN SKABS LO TZ'A BA BRGYA PHRAG DU MA RGYA GAR DU BTANG STE MDO RGYUD BKA' BSTAN MANG PO BOD SKAD DU BSGYUR, LHAG PAR SKA COG ZHANG GSUM DANG BI RO TZA NA RNAMS KYIS TSAD MA RNAM NGES DANG RIGS THIGS SOGS GZHUNG MANG PO BOD SKAD DU BSGYUR, TSAD MA KUN LAS BTUS DANG TSAD MA RNAM 'GREL SOGS 'GA' SHAS BSTAN PA SNGA DAR SKABS MA BSGYUR, BSTAN PA PHYI DAR SKABS LO CHEN RIN CHEN BZANG POS RGYA GZHUNG BOD SKAD DU BSGYUR BA SHIN TU MANG, DE BZHIN DU GCIG MJUG GNYIS MTHUD KYIS LO TZ'A BA BKA' DRIN CAN RNAmS KYIS BKA' BSTAN DU MA BOD SKAD DU BSGYUR NAS BSTAN PA SNGA DAR LAS KYANG PHYI DAR RGYAS PAR GYUR, LHAG PAR LO TZ'A BA GRAGS 'BYOR SHES RAB DANG, RMA DGE BA BLO GROS, NAG TSO TSUL KHRIMS RGYAL BA, LHA CHOS KYI RIN CHEN; MAR THUNG DAD PA SHES RAB, DGE BSNYEN SENG GE RGYAL MTSAN, RNGOG BLO LDAN SHES RAB, BAnDE NAM MKHA', TING NGE 'DZIN BZANG PO, BYANG CHUB SHES RAB, CHOS KYI SHES RAB, PA TSAB NYI MA GRAGS, ZANGS DKAR 'PHAGS PA SHES RAB, 'BRO SENG DKAR, DGA' BA RDO RJE, SH'AKYA 'OD, DPAL MCHOG RDO RJE, SHES RAB BRTZEGS, ZHI BA 'OD, BLO GROS BRTAN PA RNAMS KYIS TSAD MA'I BSTAN BCOS RNAMS BOD SKAD DU BSGYUR, TSAD MA KUN LAS BTUS SGYUR MKHAN NI DGE BSNYEN SENG GE RGYAL MTSAN YIN, TSAD MA RNAM 'GREL NI RMA DGE BA BLO GROS DANG, RNGOG BLO LDAN SHES RAB, SA SKYA KUN DGA' RGYAL MTSAN GSUM GYIS BSGYUR BA DANG BCOS PA SOGS GNANG STE DA LTA'I DUS SU 'CHAD NYAN GYI GTZO BOR MDZAD DO, , @006 GSUM PA BOD RANG GI RTZOM CHOS TSAD MA'I SKOR, RNGOG BLO LDAN SHES RAB KYIS TSAD MA LA 'CHAD NYAN MDZAD PA LAS TSAD MA'I SKOR GYI GZHUNG MDZAD MED, CHA PA CHOS KYI SENGGES TSAD MA'I GZHUNG LA 'CHAD NYAN RGYA CHER MDZAD; BSDUS GRVA ZHES PA'I GZHUNG MDZAD, DE NI TSAD MA'I BSTAN BCOS LA 'JUG PA'I SGO LTA BU YIN, DE'I NANG DON NI, KHA DOG DANG DBYIBS, YIN LOG MIN LOG RGYU 'BRAS CHUNG BA, SPYI BYE BRAG, RDZAS LDOG 'GAL 'BREL SOGS BLO GSAR PA RNAMS KYI SGO 'BYED DANG, YANG DRUG SGRA RTZI TSUL, DGAG GZHI RTZI TSUL, DRIS 'PHANGS KYI RNAM GZHAG SOGS BLO 'BRING BA RNAMS KYIS SLOB RGYU DANG, YANG THAL 'GYUR DANG, GZHAN SEL, SEL 'JUG SGRUB 'JUG RGYU 'BRAS CHE BA SOGS BLO RAB RNAMS KYIS SLOB RGYU YIN, DE DAG LA RIGS LAM CHUNG 'BRING CHE GSUM ZHES THAL SNYAD BYAS, SA SKYA PAnTI TAS TSAD MA RIGS GTER MDZAD, DE LA RAB BYED BCU GCIG YOD DE, DANG PO YUL BRTAGS PA, GNYIS PA BLO BRTAGS PA, GSUM PA SPYI DANG BYE BRAG BRTAGS PA, BZHI PA SEL 'JUG SGRUB 'JUG BRTAGS PA, LNGA PA BRJOD BYA RJOD BYED BRTAGS PA, DRUG PA 'BREL BA BRTAGS PA, BDUN PA 'GAL BA BRTAGS PA, BRGYAD PA MTSAN NYID BRTAGS PA, DGU PA MNGON SUM BRTAGS PA, BCU PA RANG DON RJES DPAG BRTAGS PA, BCU GCIG PA GZHAN DON RJES DPAG BRTAGS PA STE BCU GCIG GO, DE LA RANG 'GREL YOD, RJE TZONG KHA PAS MDZAD PA'I TSAD MA SDE BDUN LA 'JUG PA'I SGO DON GNYER YID KYI MUN SEL DANG, TSAD MA'I LAM KHRID, RGYAL TSAB THAMS CAD MKHYEN PA DAR MA RIN CHEN GYIS MDZAD PA'I TSAD MA RNAM 'GREL GYI RNAM BSHAD THAR LAM GSAL BYED DANG, TSAD MA RNAM NGES KYI tIKA CHEN, TSAD MA RIGS THIGS KYI RNAM BSHAD, TSAD MA KUN BTUS KYI RNAM BSHAD BCAS, MKHAS GRUB SMRA BA'I NYI MA DGE LEGS DPAL BZANG @007 GIS MDZAD PA'I TSAD MA RNAM 'GREL GYI tIKA CHEN RIGS PA'I RGYA MTSO DANG, TSAD MA SDE BDUN RGYAN YID KYI MUN SEL, MNGON SUM LE'U'I tI KA BCAS DANG, RGYAL MCHOG SKU 'PHRENG DANG PO RJE DGE 'DUN GRUB KYIS MDZAD PA'I TSAD MA RNAM 'GREL GYI LE'U BZHI'I BSDUS DON DANG, TSAD MA RIGS PA'I RGYAN, 'JAM DBYANGS GTZANG PA BDUN BRGYUD GYI SRAS DGA' LDAN KHRE THOG BRGYAD PA RJE SMON LAM DPAL BAS MDZAD PA'I TSAD MA RNAM 'GREL GYI tI KA, SE RVA RJE BTZUN CHOS KYI RGYAL MTSAN GYIS MDZAD PA'I RNAM 'GREL LE'U DANG PO'I MTHA' DPYAD DANG, 'BRAS RTOGS DANG PO DANG 'BRAS RTOGS GNYIS PA, LE'U BZHI PA'I MTHA' DPYOD, MNYAN BYA ZUR BKOL, DGA' LDAN KHRI THOG BCO LNGA PA PAn CHEN BSOD NAMS GRAGS PAS MDZAD PA'I TSAD MA RNAM 'GREL GYI MTHA' DPYOD DGONGS PA RAB GSAL, RJE BTZUN PA'I SLOB MA RTA NAG DGE 'DUN BLO BZANG GIS MDZAD PA'I RNAM 'GREL tI KA PAn CHEN LEGS PA DON GRUB KYIS MDZAD PA'I RNAM 'GREL GYI 'GREL PA, SHANTI PAS MDZAD PA'I RNAM 'GREL GYI RNAM BSHAD, MKHAS GRUB SBYIN PA DAR RGYAS KYIS MDZAD PA'I RTAGS RIGS, AA MDO 'JAM DBYANGS BZHAD PA NGAG DBANG BRTZON 'GRUS KYIS MDZAD PA'I TSAD MA RNAM 'GREL GYI MTHA' DPYOD, SHAR PHYOGS BSTAN PA'I SGRON MI CO NE GRAGS PA BSHAD SGRUB KYIS MDZAD PA'I RTAGS RIGS DANG BLO RIG KUN MKHYEN MCHOG LHA 'OD ZER GYIS MDZAD PA'I BSDUS GRVA DANG RTAGS RIGS BLO RIG BSE NGAG DBANG BKRA SHIS KYIS MDZAD PA'I BSDUS GRVA, MI NYAG DGE BSHES TSUL KHRIMS RNAM RGYAL GYIS MDZAD PA'I RTAGS RIGS; DBYANGS CAN DGA' BA'I BLO GROS KYIS MDZAD PA'I RTAGS SDOM DANG BLO SDOM, GZHAN SEL GYI RNAM GZHAG KLONG RDOL BLA MA NGAG DBANG BLO BZANG GIS MDZAD PA'I TSAD MA MING GI RNAM GRANGS, PHUR LCOG BYAMS PA RGYA MTSOS MDZAD PA'I RTAGS RIGS DANG BLO RIG RIGS LAM 'PHRUL GYI LDE MIG BCAS DANG, GZHAN YANG, KUN @008 MKHYEN RONG STON PAS MDZAD PA'I TSAD MA RNAM NGES KYI DKA' 'GREL, GO'U BSOD NAMS SENGGE'I MDZAD PA'I TSAD MA RNAM 'GREL GYI RGYA CHER 'GREL DANG TSAD MA RIGS GTER GYI DGONGS DON GSAL BAR BYED PA SOGS YOD, MDOR NA DBUS GTZANG DANG; MDO SMAD, SOG YUL RNAMS SU TSAD MA RIG PA'I GZHUNG BRJOD KYIS MI LANG BA LTA BU YOD KYANG 'DIR MA BRIS SO, , BZHI PA BYE BRAG TU RGYAS PA'I BSTAN BCOS TSAD MA RNAM 'GREL GYI DON CUNG ZAD GTAN LA 'BEBS PA, DE LA GNYIS LAS, DANG PO MDZAD PA PO'I CHE BA BRJOD PA LA GSUM, SLOB DPON PHYOGS KYI GLANG PO'I CHE BA BRJOD PA DANG, GZHUNG DE NYID KYI MDZAD PA PO DPAL LDAN CHOS GRAGS KYI CHE BA BRJOD PA, SLOB DPON LHA DBANG BLO LA SOGS PA'I CHE BA BRJOD PA'O,, DANG PO NI, SLOB DPON PHYOGS KYI GLANG PO ZHES BYA BA SA GSUM NA MTSAN SNYAN PAR GRAGS PA LOG PAR SMRA BA'I 'DAM BU'I TSAL MTHA' DAG LHAG MED DU 'JOMS PAR MDZAD CING SKAL LDAN GYI SLOB MA 'GA' LA RIGS PA'I RNAM GRANGS MTHA' YAS PA BSTAN NAS BLO KHA 'BYED PA, RANG DANG GZHAN GYI GRUB MTHA' RGYA MTSO'I PHA ROL DU SON PA'I BDAG NYID CHEN PO DE'I 'KHRUNGS YUL RGYA GAR LHO PHYOGS GRONG 'KHYER SENGGA PAKTA ZHES PA'I KANYTZI'I YUL DANG NYE BA ZHIG TU BRAM ZE'I RIGS SU SKU 'KHRUNGS, PHAL CHER DUS RABS DRUG PA'I 'JUG TZAM NAS DUS RABS BDUN PA'I MGO TZAM DU NGES, BOD RGYAL SRONG BTZAN SGAM PO'I DUS SU'ANG BZHUGS YOD PAR GRAGS, SLOB DPON DBYIG GNYEN DANG BOD RGYAL LHA THO THO RI'I DUS MTSUNGS PA'ANG BSHAD 'DUG PHYOGS KYI GLANG PO NI DBYIG GNYEN GYI DNGOS SLOB @009 YIN PA KUN GYIS MTHUN PAR BSHAD, CHUNG NGU'I DUS SU BRAM ZE RIG BYED DANG MU STEGS PA'I GRUB MTHA' LA SBYANGS PAS MKHAS PA PHUN DU PHYIN, 'KHOR BA'I SDUG BSNGAL LA YID SUN TE BRAM ZE'I DANG LONGS SPYOD SLOB 'KHOR MTHA' DAG LA MA CHAGS PAR GNAS MA BU'I SDE PA'I MKHAN PO N'AGA DAtDA STE GLANG PO BYIN ZHES PA LAS RAB TU BYUNG ZHING MTSAN PHYOGS KYI GLANG POR GSOL, THEG DMAN GYI SDE SNOD GSUM LA BSLABS PAS MKHAS PAR GYUR, MKHAN PO LA 'KHOR BA LAS GROL BA'I GDAMS PA ZHUS PAS MKHAN POS, PHUNG PO DANG DE NYID GZHAN NYID GANG DU'ANG BRJOD DU MED PA'I BDAG 'TSOL BA'I GDAMS PA BYIN NAS BSGOM DU BCUG PAS DE 'DRA'I BDAG DE JI TZAM BTZAL YANG MA RNYED DE, NYIN MOR DKAR KHUNG THAMS CAD BSAL, MTSAN MOR PHYOGS BZHIR MAR ME GSAL POR SPAR, LUS GCER PUR PHYUNG NAS PHYI NANG THAMS CAD LA YANG YANG BLTAS NAS BZHUGS PA LA MI GZHAN GYIS MTHONG STE MKHAN PO GLANG PO BYIN LA BSHAD PAS MKHAN POS PHYOGS GLANG LA DE LTAR BYAS PA CI YIN DRIS PA NA PHYOGS GLANG GIS BDAG NI BLO RTUL ZHING BLO GROS DMAN PAS MKHAN POS BSTAN PA'I BDAG DE NYID MA MTHONG STE DE'I PHYIR SGRIB BYED KYIS BSGRIBS SAM SNYAM STE PHYI NANG KUN TU LTA BA YIN ZHUS PAS MKHAN PO YID MA RANGS NAS, KHO BO'I GRUB MTHA' LA ZUR ZA BA KHYOD 'DIR MA 'DUG CIG CES BSKRAD, MKHAN PO DE NYID RIGS PAS SUN DBYUNG BAR NUS KYANG RANG GI MKHAN POR RGOL BA 'OS MA YIN NO SNYAM NAS PHYAG 'TSAL NAS PHYIR BYON, THEG PA CHEN PO'I SDE SNOD 'TSOL BA'I BSAM PAS SLOB DPON DBYIG GNYEN GYI DRUNG DU BYON, DE'I DRUNG NAS THEG PA CHE CHUNG GI SDE SNOD MTHA' DAG GSAN NAS SBYANG, MTHAR THEG PA CHEN PO'I MDO SDE LNGA BRGYA THUGS LA BZUNG NAS KHA TON MDZAD, RDO RJE'I SLOB DPON ZHIG LAS RJE BTZUN 'JAM DPAL DBYANGS KYI DBANG DANG BZLAS LUNG GSAN NAS BSGRUBS PAS @010 RJE BTZUN 'JAM DBYANGS ZHAL GZIGS, RJE BTZUN LAS GDAMS PA ZAB MO RNAMS THOB; AO dI BI SHA'I YUL GYI NAGS TSAL SHIN TU DBEN PA'I PHYOGS GCIG BHO TA SA LA'I BRAG PHUG TU BSAM GTAN LA RTZE GCIG TU GNAS SO, ,LO 'GA' SONG BA NA DPAL N'A LAndARA MU STEGS BRAM ZE PU DU RA DZA YA ZHES BYA BA RANG GI LHA MNGON SUM MTHONG BA RTOG GE LA SHIN TU BYANG BA GZHAN GYIS THUB PAR DKA' BA ZHIG DANG, MU STEGS GZHAN MANG POS RTZOD PAR BYUNG BA LA SANGS RGYAS PAR PAndI TA RNAMS RTZOD PAR MA NUS TE AO dI BEE SHA'I YUL NAS SLOB DPON PHYOGS KYI GLANG PO GNAS 'DIR RTZOD PA LA SPYAN DRANGS, SLOB DPON GYIS MU STEGS KYI GTZO BO DE LAN GSUM GYI BAR RTZOD PAS PHAM PAR MDZAD, MU STEGS GZHAN YANG RIGS PAS PHAM PAR MDZAD DE NANG PAR BCUG N'A LAndA'I DGE 'DUN RNAMS LA SDE SNOD GSUM GYI CHOS BSHAD, RNAM RIG PA'I BSTAN BCOS THOR BU BRGYA RTZA RTZOM PAR MDZAD, SLAR YANG AO dI BI SHA'I YUL DU BYON NAS SNGAR GYI GNAS SU BSAM GTAN LA BZHUGS SO, ,DUS NAM ZHIG NA, RIGS PA'I MIG DANG BRAL BA'I 'GRO BA RNAMS LA THUGS BRTZE BA DANG; RANG GI THUN MONG MA YIN PA'I BLO GROS KYI MTHU LAS BYUNG BA RTOG GE'I TSUL LUGS 'DI LA SNGAR BRTZAMS PA'I BSTAN BCOS RNAMS 'THOR BA BZHIN DU GYUR PAS PHYOGS GCIG TU BYA BAR DGONGS TE TSAD MA KUN LAS BTUS KYI MCHOD BRJOD, TSAD MAR GYUR PA 'GRO LA PHAN BZHED PA, ,STON PA BDE GSHEGS SKYOBS LA PHYAG 'TSAL TE, ,ZHES PA'I TSIGS BCAD RDO THAL GYIS BRAG LA BRIS PA NA 'JIG RTEN KHAMS SU 'OD GYI SNANG BA CHEN PO BYUNG ZHING SA G-YO BA DANG, SGRA CHEN PO GRAGS PAS BRAM ZE NAG POS MNGON SHES KYIS GANG GI MTHU YIN SNYAM DU BRTAGS PAS PHYOGS GLANG GIS TSIGS BCAD BRIS PA'I MTHU YIN PAR SHES NAS SLOB DPON BSOD SNYOMS LA GSHEGS PA'I SHUL DU RDZU 'PHRUL GYIS 'ONGS TE LAN GNYIS BAR BSUBS, @011 SLOB DPON GYIS KU RE DANG KYAL KA'I PHYIR YIN NA MA BSUBS, RTZOD PAR 'DOD NA GZUGS STON DANG RTZOD PAR BGYI'O ZHES MCHOD BRJOD DANG MNYAM DU BRIS NAS BSOD SNYOMS LA GSHEGS PA'I SHUL DU MU STEGS PA 'ONGS NAS YI GE MTHONG BAS RTZOD 'DOD NAS BSDAD, SLOB DPON GYIS LAN GSUM GYI BAR DU PHAM PAR MDZAD, SLOB DPON GYIS DA KHYOD BSTAN PA LA ZHUGS SHIG GSUNGS PAS MU STEGS THUB RGYAL NAG POS SNGAGS BZLAS PA'I THAL BA SLOB DPON LA GTOR BAS SLOB DPON GYI YO BYAD RNAMS TSIG LUS KYANG TSIG LA KHAD PAR NYE BAR BYUNG STE THUGS SHIN TU SKYO NAS BDAG GIS SEMS CAN GCIG GI DON YANG MA NUS NA SEMS CAN THAMS CAD KYI DON GA LA NUS SNYAM NAS THOD LE KOR NAM MKHAR 'PHANGS, NAM ZHIGS LA LHUNG BA NA SEMS BSKYED BTANG STE RANG NYID GCIG PU THAR PAR BYA'O DGONGS PAS THOD LE KOR MA LHUNG BAS SPYAN NAM MKHAR GZIGS PAS RJE BTZUN 'JAM DBYANGS KYIS THOD LE KOR BSNAMS NAS BU MA BYED MA BYED, SKYE BO THEG PA DMAN DANG 'PHRAD LAS BLO GROS NGAN PA SKYE STE, KHYOD KYIS BSTAN BCOS 'DI LA MU STEGS TSOGS KYIS GNOD MI NUS PAR SHES, KHYOD KYI SANGS RGYAS MA THOB BAR DU DGE BA'I BSHES SU BDAG 'GYUR GYI, PHYI MA'I DUS NA 'GRO BA KUN GYI MIG GCIG TU NI 'DI 'GYUR RO,, ZHES GSUNGS PA LA SLOB DPON GYIS KYANG SNYING STOBS CHER BSKYED DE TSAD MA KUN LAS BTUS RDZOGS PAR BRTZAMS NAS SKYE BO RNAMS LA BLO GROS KYI MIG BYIN, LAN GCIG CUNG SNYUN PAR GYUR TE GRONG KHYER DU BSOD SNYOMS SLONG STE NAGS THANG ZHIG TU BZHUGS PAS YUR GYIS MNAL DU SONG, MNAL LAM DU SANGS RGYAS MANG PO ZHAL GZIGS SHING TING NGE 'DZIN BRGYA PHRAG BRNYES, LHA RNAMS KYIS ME TOG GI CHAR PHAB, NAGS KYI ME TOG RNAMS KYANG 'DUD PAR GYUR, GLANG CHEN RNAMS KYIS BSIL GRIB TU BYED CING YOD PA LAS YUL DE'I RGYAL BLON 'KHOR BCAS SKYO @012 BSANGS LA 'ONGS PAS SLOB DPON DANG MJAL NAS NGO MTSAR SKYES, ROL MO'I SGRA BSGRAGS PAS MNAL SAD PA NA RGYAL POS, KHYED PHYOGS KYI GLANG PO YIN NAM ZHES DRIS, DE LTAR 'DOGS GSUNGS, RGYAL PO 'KHOR BCAS KYIS PHYAG 'TSAL; DE NAS LHO PHYOGS SU BYON TE MU STEGS PA'I SMRA BA NGAN PA RNAMS RIGS PAS TSAR BCAD, SNGON GYI SLOB DPON RNAMS KYIS BTZUGS PA'I CHOS GZHI NYAMS PA RNAMS SOR CHUD PAR MDZAD, SLAR YANG AO dI BI SHA'I YUL DU BYON NAS RGYAL PO 'KHOR BCAS SANGS RGYAS KYI BSTAN PAR BCUG BRAM ZE ZHIG GIS SBYIN BDAG BYAS NAS GTZUG LAG KHANG BCU DRUG BZHENGS, DGE BDUN GYI SDE CHEN PO LA CHOS GZHI DU MA BTZUGS TE SDE SNOD GSUM GYI 'CHAD NYAN MDZAD, YUL DER MUshdI HA RI TA KA ZHES PA'I AA RU RA'I SDONG PO KHYAD PAR 'PHAGS PA NAD THAMS CAD GSO BAR NUS PA ZHIG YOD PA LA DUS NAM ZHIG GI TSE SKAM PAR GYUR TE SLOB DPON GYIS BDEN MTHU BRJOD PAS ZHAG BDUN NAS SNGON BZHIN DU SOR CHUD PAS SKYE BO KUN YID CHES THOB, SLOB DPON 'DIS RGYAL BA'I BSTAN PA LA PHYAG RJES BLA NA MED PA MDZAD, AO dI BI SHA'I BRAG PHUG TU SKU GSHEGS SO, SLOB DPON DE'I CHOS 'BREL GYI SLOB MA SA STENG KHYAB, PHYI BZHIN 'BRANG BA'I SLOB MA GCIG KYANG MA BZUNG SBYANGS PA'I YON TAN BCU GNYIS LA GNAS PAR GYUR TO, ,GSUNG RTZOM MANG YANG TSAD MA DANG 'BREL BA'I GZHUNG DMIGS BRTAG RTZA 'GREL DANG, TSAD MA MDO, RIGS SGO, MDO'I RANG 'GREL, DUS GSUM BRTAG PA, PHYOGS CHOS 'KHOR LO RNAMS YOD; SLOB DPON DE NYID LA SLOB DPON DBYIG GNYEN GYI SLOB MA'I NANG NAS TSAD MA RANG LAS MKHAS PA ZHES YONGS SU GRAGS, SLOB DPON PHYOGS GLANG GI SLOB MA'I GTZO BO SLOB DPON DBANG PHYUG SDE NI SLOB DPON PHYOGS KYI GLANG PO LAS TSAD MA KUN BTUS SOGS GSAN NAS KHAS LEN 'DZIN @013 MTSAMS SOGS MTHUN YANG MU STEGS PA DANG RTZOD PAS KHAS LEN SHOR NAS RTAGS YANG DAG GI MTSAN NYID TSUL DRUG YIN PA 'JOG RJES KHYAB DANG LDOG KHYAB GNYIS KYI MTSAN NYID SO SOR YANG, MTHUN PHYOGS LA MTHONG TZAM DE RJES KHYAB DANG, MI MTHUN PHYOGS LA MA MTHONG TZAM DE LDOG KHYAB KYI MTSAN NYID DU 'JOG PA SOGS PHYOGS KYI GLANG PO'I DGONGS PA DANG MI MTHUN PA MANG DU SMRAS PA MA ZAD, LDOG KHYAB NGES PA LA MI MTHUN PHYOGS LA MA MTHONG BA TZAM GYIS CHOG GI MI MTHUN PHYOGS LA MED PAR NGES DGOS NA MI MTHUN PHYOGS MTHA' DAG LA MED PAR NGES PA LA MI MTHUN PHYOGS MTHA' DAG NGES DGOS PAS, PHYIR RGOL YANG DAG GIS MI MTHUN PHYOGS MTHA' DAG MA NGES KYANG RJES KHYAB DANG LDOG KHYAB GRUB PA'I PHYIR, DES NA MI MTHUN PHYOGS LA MA MTHONG BA TZAM LDOG KHYAB TU BZHAG PA RIGS SO ZHES SMRAS, RANG GI SLOB MA DPAL CHOS KYI GRAGS PA LA'ANG DE LTAR BSTAN, CHOS KYIS GRAGS PAS PHYOGS GLANG GI DGONGS PA JI LTA BA BZHIN GZIGS NAS DBANG PHYUG SDE LA DGAG PA MDZAD PA SOGS 'OG TU CHOS GRAGS KYI RNAM THAR SKABS SU BSHAD DO, , GNYIS PA GZHUNG DE NYID KYI MDZAD PA PO DPAL LDAN CHOS GRAGS KYI CHE BA BRJOD PA LA, RANG GZHAN GYI MKHAS DBANG 'BUM GYI DBUS SU MI 'JIGS SENGGE'I SGRA CHEN PO'I NGA RO BSGRAGS PA LOG PAR SMRA BA MU STEGS RI DVAGS KYI TSOGS THAMS CAN DNGANGS 'JIGS DRAG POS SPOBS PA ZHUM NAS MGO BO SHING GI YAL GA LTAR SMAD PAR BYAS TE CI GSUNG LHUR LEN GUS 'DUD KYI RNAM PAS ZHABS KYI MTHE PO LA RAB TU GTUGS SHING DE DAG LA CHOS DANG CHOS MIN 'BYED PA'I BLO GROS KYI MEG BYIN PAR MDZAD PA'I 'JIG RTEN GSUM DU SNYAN GRAGS KYI BA DAN CHES CHER G-YO BA MDO SNGAGS KYI GSUNG RAB MTHA' DAG LA DBANG BSGYUR BA SMRA BA'I NYI MA'I 'OD ZER GYIS @014 MI SHES PA'I MUN PA MTHA' DAG RGYANG RING DU BSKRAD PAR MDZAD PA'I SLOB DPON DPAL LDAN CHOS KYI GRAGS PA ZHES YONGS SU GRAGS PA DE'I 'KHRUNGS YUL NI, RGYA GAR LHO PHYOGS RGYAL DBANG GTZUG GI NOR BU ZHES PA'AM, TRI MA LA'I YUL DU SPYI LO'I DUS RABS BDUN PA'I MGO TZAM ZHIG LA SKU 'KHRUNGS, YAB NI BRAM ZE'I RIGS MU STEGS KUN TU RGYU RONYANDRANA ZHES PA DE YIN, CHUNG NGU'I DUS NAS SKYES STOBS SHES RAB KYI DPAL 'BAR BA, BLO GROS KYI 'JUG PA SHIN TU MYUR BA ZHIG YOD, RANG GI YAB DANG MU STEGS PA'I MKHAS PA PAndI TA DU MA LAS THUN MONG BA'I RIG GNAS GSO BA RIG PA DANG, BZO RIG PA, SGRA RIG PA; GTAN TSIGS RIG PA SOGS DANG, MU STEGS PA'I REG BYED YAN LAG DANG BCAS PA LA SBYANGS BRTZON GNANG BAS YUN RING MA 'GOR BAR KUN LA MKHYEN PA RGYAS PAS, YAB DANG YUL DER GNAS PA'I BRAM ZE RNAMS KYIS MGRIN GCIG TU, BRAM ZE'I RIG BYED RNAM BZHI'I 'O MA'I MTSOR, , SNGON MED BLO GROS TSA ZER RAB TU 'PHROS, , GZHON NU'I MTSO SKYES 'DAB MA STONG DU 'GYED, , BLO GSAL BUNG BA TSOGS KUN 'DUS PAR GYUR, , ZHES BSTOD, DE LTA BU'I GZHON NU DES NAM ZHIG GI DUS NA SANGS RGYAS KYI GSUNG RAB RNAMS GZIGS ZHIB GNANG BAS SNGON GYI BAG CHAGS BZANG PO SAD PAS SANGS RGYAS DANG CHOS LA SNYING THAG PA NAS YID RANG NAS GSER DANG RAG LTAR RGYAL BAS GSUNG PA'I CHOS NI RGYAB RTEN GYI RIGS PA MTHA' YAS PA DANG LDAN ZHING 'THAD PA DANG, MU STEGS PA'I STON PAS GSUNGS PA RNAMS SGRUB BYED KYI RIGS PA DANG MI LDAN ZHING MI 'THAD PAR GZIGS NAS SANGS RGYAS KYI BSTAN PA LA GZHAN GYI G-YAM LA RGYUGS PA LTA BU MA YIN PAR RANG STOBS KYIS SHIN DU MOS PAR GYUR TO,, @015 'DAM LAS SKYES KYANG SHEL LTAR RAB TU DVANGS, , SA LU'I SA BON NAS MYUG 'BYUNG MI SRID, , RIN CHEN GSER NI RAG TU 'GYUR MI SRID, , SEMS DPA' CHEN PO PHAL PAS 'BRID MI 'GYUR, , YONGS SU GOMS PAS BAG CHAGS MTHU BRTAN ZHING, , RNAM DPYOD BLO GROS GSER GYI LDE MIG GIS, , RGYAL BA'I GSUNG RAB BANG MDZOD SGO DBYE BAS, , LEGS BSHAD RIN CHEN THUGS 'PHROG BRAM ZE'I RIG , SBUN PA KHYER BA BZHIN DU BLO YIS DOR, , DE NAS NANG PA'I SLOB DPON DANG MA 'PHRAD PAS SDOM PA BLANG MED NA'ANG RTAGS TZAM LA'ANG GUS PAR GYUR NAS NANG PA'I DGE BSNYEN GYI CHA LUGS SU BSGYUR NAS BZHUGS PA NA YAB DANG BRAM ZE RNAMS KYIS CHA LUGS DE LA MA RANGS NAS GZHAN DU BSKRAD PAR BYA, , JI LTAR SPREL TSOGS MI BZUNG NAS, , MJUG MA MED PAR 'PHYA BA LTAR, , DRANG PO'I LAM DU 'JUG PA LA, , G-YO SGYU CAN GYIS MTHA' LHUNG ZER, , CHOS KYI GRAGS PAS KYANG NGANG PA PAD MTSOR 'JUG PA LTAR DGA' BDE RAB TU RGYAS SHING BZHIN 'DZUM BAG DANG BCAS NAS YUL DBUS SU BYON, NANG PA'I PAndI TA SLOB DPON CHOS SKYONG ZHES PA LAS SANGS RGYAS KYI BSTAN PA'I SGOR ZHUGS, CHOS KYI RGYAL MTSAN BSGRENGS, CHOS MA YIN PHYOGS RNAMS BSNYIL NAS BSTAN PA'I NYI MA BSUS PA'I SKYA RENGS GSAR PA ZHIG TU GYUR TO, DE NAS SANGS RGYAS KYI @016 GSUNG RAB RNAMS LA ZHIB TU SBYANGS NAS SDE SNOD GSUM LA SHIN TU MKHAS PAR GYUR, MDO SDE DANG GZUNGS SNGAGS BSDOMS PAS CHOS TSAN LNGA BRGYA THUGS LA BZUNG NAS KHA TON MDZAD, RTOG GE'I BSTAN BCOS MANG PO LA SBYANGS KYANG THUGS MA TSIM PAR SLOB DPON PHYOGS GLANG GI MDZAD PA'I TSAD MA KUN LAS BTUS LA MKHAS PAR 'DOD NAS PHYOGS GLANG GI SLOB MA SU BZHUGS PA 'DRI ZHIB MDZAD PAS SLOB DPON DBANG PHYUG SDE BZHUGS PAR MKHYEN NAS DE'I DRUNG DU BCAR, TSAD MA KUN BTUS KYI KHRID ZHUS, TSAR GCIG GSAN PAS DBANG PHYUG SDE DANG MNYAM, TSAR GNYIS GSAN PAS PHYOGS GLANG DANG MNYAM, TSAR GSUM PA GSAN PA NA SLOB DPON DBANG PHYUG SDES KYANG PHYOGS GLANG GI DGONGS PA JI LTA BA BZHIN MA RTOGS PAR GZIGS NAS SLOB DPON LA ZHUS PAS SLOB DPON THUGS RAB TU MNYES NAS KHYOD NI SHES RAB CHEN PO PHYOGS KYI GLANG PO DANG 'DRA, KHO BO NI PHYOGS GLANG GI DGONGS PA PHRA MO RNAMS JI BZHIN MA RNYED PA 'DUG PAS GRUB MTHA' NONGS PA THAMS CAD KHYOD KYIS 'CHOS SHING, NGA'I KHAS BLANG LA'ANG PHYOGS SNGA BLANGS TE SUN DBYUNG LA TSAD MA KUN LAS BTUS KYI DON MA NOR BAR BKRAL BA'I 'GREL PA ZHIG GYIS SHIG CES BLA MA'I BKA'I GNANG BA BSTZAL TO, , CHU SHING SKYED TSAL DGA' BDE'I RTZE ROL SPANGS, , LJON SHING GTZANG MA'I DGA' TSAL CI DGAR ROL, , GZHAN GYIS DKA' SPYAD YUN RING BGROD PA'I LAM, , 'BAD PA CHUNG NGUS PHA ROL SON PA LAGS, , BLA MA'I CI GSUNGS BKA' BZHIN SGRUB DGOS KYANG, , MI RIGS SMRA LA BLO GROS BRTAGS NAS DOR, , LHAG PAR BKA' YI GNANG BA THOB PA LA, , MA BSGRUB NYES DMIGS 'BYUNG 'GYUR SMROS CI DGOS, , @017 MKHA' LDING DBANG POS MKHA' DBYINGS 'PHUR BA'I TSAD, , RGOD KYANG GZHAL BAR MI NUS BYA GZHAN CI, , RIGS LAM MKHA' DBYIBS GSHOG GNYIS BRKYANGS PA'I KHYUNG, , BRAM ZE RIG BYED BYE 'US RJES MI BSNYEGS, , DE NAS SLOB DPON GYIS PHYOGS LAS RNAM PAR RGYAL BA LA YI DAM GYI LHA ZHIG BSTEN DGOS PAR DGONGS TE SNGAGS KYI RDO RJE'I SLOB DPON tEm ? GI ZHES PA LA DPAL HE RU KA'I DBANG ZHUS NAS SGRUB PA LA ZHUGS PAS LHAG PA'I LHA DPAL HE RU KA ZHAL GZIGS NAS YI DAM GYI LHAS KHYOD LA DNGOS GRUB CI 'DOD GSUNGS PA LA BDAG LA PHYOGS LAS RNAM PAR RGYAL BA'I DNGOS GRUB 'TSAL LO ZHUS PAS YI DAM GYI LHA DE'I ZHAL NAS HA HA H'Um H'Um GSUNGS TE MI SNANG BAR GYUR, SLOB DPON BDAG NYID CHEN POS DGOS DON THAMS CAD 'GRUB PAR DGONGS NAS YI DAM GYI LHA LA BSTOD PA RGYUN CHAGS MDZAD, DPAL 'KHOR LO SDOM PA'I SGRUB THABS SHIG KYANG MDZAD RUNG BOD SKAD DU MA BSGYUR,, JI LTAR NOR 'DOD DED DPON MKHAS LA BRTEN, , GRU GZINGS ZHUGS NAS RIN CHEN GLING DU CHAS, , DGOS 'DOD 'BYUNG BA'I RIN THANG MED PA'I NOR, , BRNYES NAS RANG YUL LOG PA'I DGA' BA BZHIN , DAD 'DUN MA YIS BSKUL 'DED SNYING DU BCANG, , RTAG GUS SBYOR BA'I BRTZON 'GRUS RTA LA CHIBS, , MCHOG THUN DNGOS GRUB RIN CHEN GRONG MCHOG TU, , RNAM DPYOD THOGS MED NOR RNYED CIS MI DGA', , @018 DE NAS DE TZAM GYIS KYANG MA TSIM PAR MU STEGS PA'I GRUB MTHA'I GSANG TSIG MTHA' DAG MA SHES NA DE'I KHAS LEN DAM BCA' YONGS SU DGAG MI NUS PAR DGONGS TE KHOL PO'I CHA LUGS SU BRDZUS TE MU STEGS PA'I GRUB MTHA'I GSANG TSIG MTHA' DAG LA MKHAS PA SU YOD SNYAM DU DGONGS PA NA, DE DUS RGYA GAR LHO PHYOGS SU MU STEGS PA'I GRUB MTHA' THAMS CAD LA SHIN TU MKHAS PA, THUN MONG BA'I RIG GNAS YONGS RDZOGS THUGS LA SHAR BA STON PA GZHON NU ROL PA'AM GZHON NU MA LEN ZER BA DE BZHUGS PA MKHYEN NAS SLOB DPON DE'I DRUNG DU PHEBS, STON PA DE NI SA ZHING MANG BA, BA LANG MA HE SOGS PHYUGS MANG BA, BRAN PHO MO LNGA BRGYA RE, ZHO SHAS 'CHO BA SHIN TU MANG, THA NA STON PA DE'I CHUNG MA DANG PHRU GU SOGS KYIS KYANG RIG BYED LA SBYANGS LA MU STEGS PA'I GRUB MTHA'I GSANG TSIG STON NUS, SLOB DPON CHOS GRAGS KYIS DKA' NGAL KHYAD DU BSAD NAS BRAN PHO DANG BRAN MO THAMS CAD KYI LAS BSGRUBS PAS GZHON NU ROL PA CHUNG MA DANG BCAS PA SHIN TU MGU BAR GYUR, STON PA GZHON NU ROL PAS SLOB DPON LA KHYOD KYIS DKA' BA'I LAS DE TZAM BYAS PA LA RE 'DUN CI YOD GSUNGS PA LA, SLOB DPON GYIS; MU STEGS PA'I GRUB MTHA' NYAN PAR 'DOD GSUNGS, GZHON NU ROL PAS MU STEGS PA'I GRUB MTHA' THAMS CAD GSANG TSIG DANG BCAS PA BSTAN; CHUNG MA DANG BU RNAMS KYIS KYANG RANG GIS GANG SHES RNAMS SLOB DPON LA STON BSTAN, SHIN TU GSANG BA'I 'DOD SPYAD KYI DUS SU BSTAN PA RNAMS KYANG SLOB DPON GYIS GSAN NAS GSANG TSIG YONGS SU RDZOGS PA MKHYEN NO,, DE NAS SLOB DPON GYIS STON PA GZHON NU ROL PA LA ZAS GOS SOGS YON GYIS THUGS TSIM PAR MDZAD, RJES SU CHUNG MA BU DANG BCAS PA'ANG TSIM PAR MDZAD NOR LHAG MA RNAMS BRAM ZE DE DAG LA STON MO RGYA CHER GNANG NAS STON PA GZHON NU @019 ROL PA 'KHOR DANG BCAS PA THAMS CAD THUGS MGU BAR MDZAD DE MTSAN MOR BROS SO, DMA' SAR SKYES DNGOS SNA TSOGS BYUNG BA BZHIN, , BRAN DU BLANGS TE RIG GNAS THAMS CAD BZHES, , RMA KHAR PHAN PA'I KHYI TSIL SPYOD PA BZHIN, , RANG BSTAN BSRUNG PHYIR LTA NGAN BSTAN BCOS SLOB, , 'JIG PA'I CHOS CAN LUS DANG LONGS SPYOD KUN, , RIG GNAS DON DU PHANGS MED BTANG BA DE, , PHAL PAS MI NUS DAM PA'I SPYOD TSUL YIN, , MKHAS BLUN 'BYED BYED MTSAMS KYANG DE YIN NO, , DE NAS SLOB DPON LHO PHYOGS G'A KA GU HA ZHES PA'I TSOGS 'DUS CHEN PO PHO BRANG DANG BCAS YOD SA DER PHEBS NAS YUL DE'I RGYAL PO DRU%MA? RI BU ZHES BYA BA DE LA SGO YIG BTANG STE YUL 'DI NA NGA LA RTZOD PAR NUS PA SU YOD GSUNGS PAS DER GZEGS ZAN GYI GRUB MTHA' 'DZIN PA'I MKHAS PA BRAM ZE KA NA GUBTA DANG, GZHAN YANG MKHAS PA LNGA BRGYA TZAM 'DUS TE SLOB DPON LA RTZOD PAS SLOB DPON GYIS MKHAS PA DE DAG THAMS CAD ZLA BA GSUM GYI RING LA RTZOD PAS PHAM PAR MDZAD DE MTHA' DAG SANGS RGYAS KYI BSTAN PA LA BCUG , YUL DE'I RGYAL PO'ANG SLOB DPON GYI ZHABS LA GTUd, BRAM ZE DE DAG GI NANG NAS LONGS SPYOD CHE BA LNGA BCU LA NANG PA'I CHOS GZHI RE 'DZUd SU BCUG STE RGYAL BA'I BSTAN PA SNGAR MED PA'I SAR BSTAN PA GSAR DU BTZUd, SNYAN PA'I GRAd PA'I GTAm RLUNG GIS KHYER TE STON PA GZHON NU ROL PA 'KHOR DANG BCAS PA'I SNYAN LAM DU SON PA SNYING DU DUG MDA' PHOG PA BZHIN DU GYUR TE ZHE SDANG GI ME 'BAR, NGA RGYAL GYI RI BO GYEN DU LANGS, PHRAG DOG GI SRA THAG BCINGS; YID BLONG BLONG DU GYUR, GNYID MI 'ONG, ZAS KYI BRO MI MYONG, KHRO GNYER @020 BSDUS PA'I RNAM 'GYUR DRAG PO'I SGO NAS BU DANG CHUNG MA G-YOG 'KHOR RNAMS LA, , DGRA BOS RANG RE'I 'KHOR DU BRAN G-YOG BRDZUS, , BRAM ZE GSANG TSIG RIN CHEN 'KHYER NAS BROS, , BDAG CAG MTSON RTZE RANG LA TSUR BSTAN PAS, , RANG SDE'I TSUL LUGS 'JOMS PA GOR MA CHAG , , BDAG CAG 'PHRAL DU RIG PA'I MTSON BRDAR NAS, , G'A KA GU HAR DGRA BO'I RTZOD ZLAR 'DONG, , GAL TE PHA ROL PHAM PAR MA BYAS NA, , 'O SKOL BSTAN RMANG BSHIG PAR NYE BAR SLEBS, , ZHES SMRAS NAS RANG GI 'KHOR MKHAS PAR GRAGS PA LNGA BRGYA KHRID NAS G'A KA GU HA'I TSOGS 'DUS CHEN POR CHAS SO, YUL DE'I RGYAL PO DRU:MA RI BU LA GZHON NU ROL PAS BDAG DANG CHOS GRAGS GNYIS RTZOD KYI, GAL TE RTZOD PAS NGED RGYAL NA CHOS GRAGS LNGA LAM DU GTONG ZHIG , GAL TE CHOS KYI GRAGS PA RGYAL NA RGYAL POS BDAG LNGA PA'I LAM DU GTONG BAR MDZOD CES BSGOS, SLOB DPON BDAG NYID CHEN POS BRAM ZE DE DAG LA SHIN TU SNYING BRTZE BAR DGONGS NAS GZHON NU ROL PA RGYAL NA BDAG GSOD KYANG RUNG CI GAR MDZOD CIG , GAL TE BDAG RGYAL NA GZHON NU ROL PA SOGS BRAM ZE GCIG LA'ANG GNOD PA MED PAR MDZOD CIG GSUNGS, BRAM ZE ZHE SDANG DBANG SONG BDAG GZHAN 'JOMS, , SLOB DPON SNYING RJES 'GRO BA MA LUS SKYOBS, , NYON MONGS SKYON DANG SNYING RJE'I YON TAN GNYIS, , GANG LA SDANG DANG GANG LA GUS 'OS LTOS, , GANG LA SEMS KYI RIN CHEN DAM PA DE, , @021 SKYES PA DE YI SKU LA PHYAG 'TSAL LO, , GANG LA GNOD PA BYAS KYANG BDE 'BREL BA, , BDE BA'I 'BYUNG GNAS DE LA SKYABS SU MCHI'O, , DE NAS SUS RGYAL NA'ANG DE'I LUGS LA 'JUG RGYU'I RGYAN BZHAG NAS PHYI NANG GI GRUB MTHA' LA RTZOD, STON PA GZHON NU ROL PA RANG GI THUN MONG MA YIN PA'I DAM BCA' LNGA BRGYA DE DAG RE RE LA SLOB DPON CHOS KYI GRAGS PAS GNOD BYED KYI RIGS PA LNGA BRGYA RE GNAM LCAGS KYI THOG LTAR PHEBS PAS GZHON NU ROL PA'I DAM BCA' RNAMS PHYAG DAR KHROD KYI PHUNG PO RLUNG GIS 'KHYER BA LTAR SONG NAS GZHON NU ROL PA SMRA BA'I SGO BTZUMS TI YID 'JIGS PA DANG ZHUM PAR GYUR RANG GI DAM BCA' LA SOM NYI BYUNG STE, , LCAGS LTAR SRA BA'I DAM BCA' LNGA BRGYA LA, , PHYIR RGOL GANG GIS SUN 'BYIN MI NUS PA, , CHOS KYI GRAGS PA'I RIGS LAM GNAM LCAGS MDAS, , LHAG MED BCOM PAS BDAG NI YID MUG GYUR, , ZHES SMRAS NAS SANGS RGYAS KYI BSTAN PA LA ZHUGS PAS MTSAN NYID DANG LDAN PA GCEG LA GNOD NA DE'I RIGS THAMS CAD LA YID BRTAN MED PAR 'GYUR BA BZHIN GZHON NU ROL PA'I 'KHOR RNAMS KYANG SANGS RGYAS KYI BSTAN PA LA ZHUGS RAB TU BYUNG STE CHOS BZHIN DU SKYONG BA'I DGE SBYONG DU GYUR TO, ,GZHAN YANG GCER PU PA RA HU PRA TI DANG, DPYOD PA BA BHRI KAm RA GUHYA DANG, BRAM ZE KU M'A RANDANA DANG, MU STEGS PA'I RTZOD PA'I KHYU MCHOG KAm tA D'A RO RU SOGS DANG, 'BIGS BYED KYI RI BO'I KHONGS NA GNAS PA'I RGOL BA THAMS CAD KYANG SUN PHYUNG STE MI SMRA BA'I BRTUL ZHUGS LA BKOD DO, ,SLAR YANG SLOB DPON DRA BA LI'I YUL DU BYON, YUL DE NA @022 BDAG LA RTZOD PAR 'DOD PA SU YOD CES DRIL BSGRAGS PAS DER GNAS PA'I MU STEGS PA PHAL CHER GZHAN DU BROS, 'GA' ZHIG GIS RTZOD PAR MI NUS PAR SHES NAS SLOB DPON GYI ZHABS LA MGO BOS GTUGS TE KHAS BLANGS, YUL DER SNGON GYI CHOS GZHI NYAMS PA RNAMS SLAR GSO GNANG, SLOB DPON RANG NYID NAGS SU BYON TE BSAM GTAN LA RTZE GCIG TU BZHUGS SO, , GANGS KYI RI BO 'DRA BA'I LAG LDAN DBANG PO YANG, , RI DVAGS RGYAL PO KHROS PA'I SBAR MOS MGO BOR BZHAG , DE TSE NGA RGYAL RI BO BSNYEL TE SNA RING BKUR, , BA LANG PHYUGS TSOGS KUN KYANG BAG PHEBS SDOD NUS SAM, , BYI'U KHYU KHRA GCIG DBANG MED 'DED PA BZHIN, , TSOGS 'DUS DBUS SU SENGGE'I SGRA BSGRAGS PAS, , LTA YANG MI NUS DPAG TSAD BRGAL NAS BROS, , WA SKYES RI DVAGS TSOGS RNAMS SNYING YANG GAS, , DE NAS DUS GZHAN ZHIG NA RGYA GAR BYANG PHYOGS DPAL N'A LANdARA MU STEGS PA'I MKHAS PA SAm GA RA A'A TZA RYAS NANG PA'I MKHAS PA RNAMS DANG RTZOD PA 'ONG GI SUS RGYAL BA DE'I BSTAN PA LA ZHUGS RGYU'I DAM BCA' BAR BYED DO ZHES DRIL BSGRAGS PAS; N'A LANd'I MKHAS PA RNAMS DE MA THAG KHAS MA LEN PAR SANG PHOD NA RTZOD DO ZHES DUS BTAB STE PAndI TA RNAMS KYIS RGYA GAR LHO PHYOGS NA BZHUGS PA'I DPAL CHOS KYI GRAGS PA LA GSOL BA BTAB PAS SLOB DPON GYIS KYANG MNYES BZHIN DU ZHAL GYIS BZHES, DUS LA BABS PA NA N'A LANdA'I DGE 'DUN RNAMS KYIS GZAB RGYAS DANG BCAS TE SPYAN DRANGS N'A LANdAR ZHABS SEN 'KHOD, RGYAL PO RAB GSAL GYI W'A RA nA S'IR PHYI NANG GI MKHAS PA THAMS CAD BSDUS, RTZOD PA'I SKABS RGYAL PO @023 'KHOR DANG BCAS PA DPANG DU BTZUGS, MU STEGS PA'I MKHAS PA SAm GA RA A'A TZARYA ? LA MU STEGS PA'I MKHAS PA RNAMS KYIS BSKOR, NANG PA'I MKHAS PA RNAMS SLOB DPON CHOS KYI GRAGS PA LA BSKOR, CHOGS PA STONG PHRAG DU MA'I DBUS SU KHRI'I STENG DU BZHUGS NAS RTZOD PA LA PHYOGS PA NA SAm GA RA A'A TZARYA NA RE, GAL TE NGED RGYAL NA KHYOD RNAMS MU STEGS PA'I GRUB MTHA' LA ZHUGS PA'AM YANG NA CHU BO GANGGAR MCHONG PA GDAM KHA GYIS, KHYOD RGYAL NA KHO BO CAG CHU BO GANGGA LA MCHONG STE 'CHI BAR BYED ZER RO, DE NAS PHYI NANG GI GRUB MTHA'I GNAD DON LA RTZOD PAS SLOB DPON CHOS KYI GRAGS PAS SAm GA RA A'A TZARYA LAN GRANGS MANG PO'I BAR PHAM PAR MDZAD DE MTHAR MI SMRA BA'I BRTUL ZHUGS LA BKOD PAR MDZAD, SAm GA RA A'A TZARYAS CHU BO GANGGARA MCHONG BAR BRTZAMS PA NA SLOB DPON CHOS GRAGS KYIS SNYING BRTZE BAS ZLOG KYANG MA NYAN PAR KHO RANG GI SLOB MA BHA tdA AA TZARYA LA KHYED KYIS DE RNAMS LA RTZOD PA GYIS LA RGYAL BAR BYED, NGA KHYOD KYI BU LA SKYES NAS SANGS RGYAS PA DE DAG PHAM PAR BYA'O ZER NAS CHU BO GANGGAR MCHONG STE 'CHI BA'I DUS BYAS SO, MU STEGS PA'I 'KHOR BRGYA PHRAG DU MA RNAMS NANG PA LA BCUG GO DE NAS BHAtdA ? A'A TZARYAS LO GSUM GYI BAR RANG GI LHAG PA'I LHA MNYES PAR BYAS, SLAR YANG LO GSUM GYI BAR SANGS RGYAS PA 'GOG BYED KYI THABS LA SBYANGS NAS LO BDUN PAR DPAL CHOS KYI GRAGS PA DANG RTZOD PAS BHAtdA A'A TZARYA SHIN TU PHAM PAR GYUR NAS SLOB DPON GYIS BZLOG KYANG MA NYAN PAR CHU BO GANGGAR MCHONG STE TSE'I DUS BYAS SO, DE'I BU THU BO DANG SAm GA RA A'A TZARYA'I SKYE BA DANG, DE'I 'KHOR RNAMS SHAR PHYOGS SU BROS SO; BRAM ZE DRANG PO'I BLO CAN STONG PHRAG LHAG TZAM RGYAL BA'I BSTAN PA LA ZHUGS, BRAM ZE DE DAG GIS RANG RANG GI 'BYOR PA DANG BSTUN NAS MA GA DHA DANG BCOM BRLAG SO SOR NANG PA'I CHOS GZHI LNGA BRGYA LNGA BCU BTZUGS, DRANG SRONG MA TAm GA'I NAGS @024 SU SGRUB PA LA ZHUGS, 'BIGS BYED RI BO'I KHONGS NA LJONGS RGYU ZHING MTHAR RGYAL PO ME TOG KUN TU RGYAS PA ZHES BYA BA'I PHO BRANG DU BYON, RGYAL POS KHYOD SU YIN ZER BA LA SLOB DPON GYIS SPOBS PA DANG LDAN PA'I SGO NAS,, SHES RAB CAN NI PHYOGS KYI GLANG PO STE, , TZANDA GO M'I BRJOD PA RNAM PAR DAG , SNYAN NGAG DPA' BO LAS BYUNG SDEB SBYOR MKHAS, , PHYOGS LAS RNAM PAR RGYAL BA NGA MIN SU, , ZHES GSUNGS PA NA RGYAL PO HA LAS TE, KHYED CHOS KYI GRAGS PA ZHU BA DE YIN NAM GSUNGS, CHOS KYI GRAGS PAS, DE LTAR ZER GSUNGS SO, ,DE NAS RGYAL PO DE SHIN TU DAD NAS GTZUG LAG KHANG BRTZIGS BSNYEN BKUR RGYA CHER ZHUS, SLOB DPON GYIS TSAD MA SDE BDUN LJAGS RTZOM MDZAD DE, , GAL TE CHOS KYI GRAGS PA YI, , SMRA BA'I NYI MA NUB PA NA, , CHOS KYI GNYID LOG YANG NA SHI, , CHOS MA YIN RNAMS DA GDOD LONGS, , ZHES 'JIGS MED SENGGE'I NGA RO'I SGRA GRAGS, YI GE LA BRIS NAS RGYAL PO'I SGO KHANG DU BKRAMS SO, YUL DER SLOB DPON GYI DRUNG DU BCAR NAS RGYAL BA'I BSTAN PA LA ZHUGS PA DGE SLONG KHRI GNYIS BYUNG, CHOS GZHI LNGA BCU LHAG TZAM BTZUGS; DE NAS MTHA' KHOB YUL GRU DZIR BYON NAS MU STEGS PA RNAMS SANGS RGYAS KYI BSTAN PA LA BTZUD, GO TA P'U RI ZHES PA'I GTZUG LAG KHANG BZHENGS, YUL DE NA YOD PA'I MU STEGS PA RNAMS YID MA RANGS NAS SLOB DPON GYI BZHUGS GNAS LA ME BRGYAB STE PHYOGS KUN TSIG PAR GYUR PA NA SLOB DPON GYI RDZU 'PHRUL LA BRTEN NAS NAM MKHAR DPAG TSAD GCIG GI BAR DU BYON NO, DE LA BLA MA RDO RJE GDAN PAS; RGOL BA TSAR GCOD MKHA' LA GSHEGS, ZHES GSUNGS SO, , JI LTAR DUG CAN GRONG KHYER YID 'ONG ZAS, , SKYE BO BLO LDAN BKRES KYANG ZA MI 'GYUR, , RIN CHEN 'BYUNG GNAS RGYA MTSOR GEGS MANG YANG, , RTAG TU TSONG PA NOR 'DOD 'TSANG SHIG SHIG , DPYAD GSUM RNAM PAR DAG PA'I SHES RAB GRIS, , GZEGS ZAN GRUB MTHA'I SDONG PO RTZA BA BCAD, , PHYOGS KUN RGYAS PA'I YAN LAG MTHA' DAG KYANG, , BSER BUS 'KHYER BA'I STON DUS SHING LO BZHIN, , @025 GSER 'GYUR CHUNG NGUS LCAGS SRANG STONG PHRAG KYANG, , RIN THANG MED PA RIN CHEN BSGYUR BA BZHIN, , YA RABS GCIG GIS RTZUB SPYOD MI KHRI STONG, , LTA SPYOD RNAM DAG ZHI 'JAM CAN DU BSGYUR, , DUS SKABS DER SNGAR SLOB DPON GYIS RTZOD PAS PHAM PAR GYUR PA MU STEGS PA SAm GA RA A'A TZARYAS RANG GI SLOB MA'I BUR SKYES PA DE SKYE BA SNGA MA LAS KYANG BLO SHIN TU RNO BA RANG GI LHAG PA'I LHA'I LUS RDZOGS PAR STON PA DE LO BCO BRGYAD LA SON PAS; CHOS KYI GRAGS PA DANG RTZOD PAR 'DOD NAS WA RA nA SIR BRAM ZE LNGA BRGYA DANG BCAS TE LHAGS SO, ,SKYE BO STONG PHRAG DU MA'I DBUS SU SLOB DPON GYIS RTZOD PAS MU STEGS PA DE SHIN TU PHAM PAR GYUR, KHO PAS GANG GIS KYANG BZLOG MA NUS PAR CHU BO GANGGAR MCHONG STE TSE'I DUS BYAS, 'KHOR BRAM ZE LNGA BRGYA YOD PA RNAMS MANG CHE BA SANGS RGYAS KYI BSTAN PAR BZHUGS DUS DE'I TSE BRAM ZE BIRYA SIHA DANG, DE BA BIRYA KA RA, DE BA SIDHA GSUM POS SLOB DPON GYI DRUNG DU BCAR TE DRANG PO'I SEMS KYIS PHYI NANG GI GRUB MTHA' LA BRGAL BRTAG MANG DU BYAS, SLOB DPON GYIS DE DAG LA CHOS DANG CHOS MIN RNAM PAR 'BYED PA'I RIGS LAM GYI MIG BYIN NAS BRAM ZE DE GSUM PO SNGAR RANG GI KHAS BLANG RNAMS BYA SPU RLUNG GIS 'KHYER BA BZHIN DU SONG, SLOB DPON GYI ZHABS RDUL SPYI BOR BLANGS TE NANG PA'I BSTAN PA LA ZHUGS, TSAD MA SDE BDUN LA TSUL BZHIN DU SBYANGS PAS SHIN TU MKHAS PAR GYUR NAS BYANG PHYOGS KHA CHE'I YUL DU TSAD MA SDE BDUN DAR KHYAB TU SPEL LO, ,DE NAS SLOB DPON GYIS RGYA GAR LHO PHYOGS NA YUL DE'I RGYAL BLON DU MA LA CHOS BSTAN, SANGS RGYAS KYI BSTAN PA LA BCUG BSOD NAMS KYI ZHING DU DGE 'DUN GYI SDE MANG DU BTZUGS SO, ,DE YAN LA SLOB DPON RANG GIS BZHENGS PA'I LHA KHANG BRGYA @026 RTZA TZAM LON YOD GZHAN LA BSKUL NAS BZHENGS SU BCUG PA NI DE BAS MANG, DUS DE'I TSE SNGAR GYI SAm GA RA A'A TZARYA'I SKYE BA GSUM PA BLO GROS KYI RTZAL SNGA MA GNYIS LAS KYANG CHES CHER MYUR BA, RANG GI LHAG PA'I LHAS RTAG TU GZUGS BSTAN NAS RIG PA SLOB CING, DUS 'GA' LUS LA DNGOS SU ZHUGS NAS, RIG GNAS GANG LA'ANG THOGS MED SMRA BA, SPOBS PA'I NGA RGYAL MTHO BA, RGOL BA GANG GIS KYANG RTZOD ZLA 'GRAN DKA' BA ZHIG BYUNG, DES CHOS KYI GRAGS PA DANG RTZOD PAR 'DOD CES DRIL BSGRAGS, BRAM ZE GZHAN RNAMS KYIS SNGON LA PAndI TA GZHAN RNAMS DANG RTZOD PA GYIS LA DA GDOD CHOS GRAGS DANG RTZOD NA LEGS ZHES ZHUS KYANG MA NYAN PAR NGED PAndI TA GZHAN RNAMS DANG RGYAL NA'ANG SNYAN PA'I GRAGS PA MI 'THOB CHOS KYI GRAGS PA DANG RGYAL NA PHYOGS LAS RNAM PAR RGYAL BAR 'GYUR RO ZER NAS RGYA GAR LHO PHYOGS SU SONG, CHOS KYI GRAGS PA DANG MJAL, PHAN TSUN BSTAN PA DPANG DU BTZUGS TE RTZOD PAS SLOB DPON CHOS KYI GRAGS PA RGYAL, MU STEGS PA SAm GA RA A'A TZARYA'I SKYE BA GSUM PA DE YANG YID RAB TU MUG STE RGYAL BA'I BSTAN PA LA ZHUGS, CHOS KYI GRAGS PA LA SHES NAS DAD PA THOB BO,, SKYES RABS GSUM GYI BAR DU LHA BSNYEN BYED, , RIGS PA'I GNAM LCAGS 'BUM DU BKYES NA PHOB, , CHOS KYI GRAGS PA'I DAM BCA'I 'BEN MA GNOD, , YID MUG GANG GI ZHABS RTUL SPYI BOR BLANGS, , LCE BRGYAR SPRUL NAS RTZOD RIGS BRGYA STONG GIS, , GANG GI KHAS LEN GO KHRAB CHA TZAM LA'ANG, , GNOD PAR MI NUS GUS PA'I BRTUL ZHUGS BLANGS, , RIGS PA'I DBANG PHYUG DPA' BO KHYOD MIN SU, , @027 DE DANG CHABS CIG BRAM ZE MANG PO SANGS RGYAS KYI BSTAN PA LA ZHUGS NAS BSTAN PA'I SBYIN BDAG BYAS, SLOB DPON GYIS KA LINGGAR GTZUG LAG KHANG BZHENGS NAS DER BZHUGS, YUL DE'I SKYE BO MANG PO DAD PA DANG SKYABS 'GRO SOGS LA BKOD DO, , LOG PAR 'PHYAN PA'I SKYE 'GRO DU MA LA, , CHOS MIG BYIN PAS BSTAN PA'I SGO LA ZHUGS, , GTAN GYI 'DUN MA'I SA BON BTAB PA'I ZHING, , DGE 'DUN 'DU BA'I SGO YANG MANG DU PHYE, , RGOL NGAN RIGS PAS TSAR BCAD BSTAN LA BCUG , DAD PA CAN LA BLANG DOR TSUL BZHIN BSTAN, , 'BREL TSAD DON LDAN GNAS SKABS MTHAR THUG GI , DON LA SBYAR TE CHOS KYI DBYINGS SU GSHEGS, , DE NAS SKU TSE MTHAR PHYIN RGYAL BA'I BSTAN PA LA BYA BA MDZAD, GDUL BYA'I THA MA RDZOGS, GNAS DER DGONGS PA CHOS DBYINGS SU GSHEGS SO, ,SLOB MA RNAMS KYIS SKU GDUNG DUR KHROD DU SPYAN DRANGS PAS NAM MKHAR ME TOG GI CHAR BABS, , DRI NGAD LDANG BAS RGYA MTSO'I GOS CAN LA KHYAB, SA DER ZHAG BDUN GYI BAR ROL MO'I SGRA GRAGS, GDUNG RUS RNAMS RDO'I GONG BUR 'DRIL BA LAS RUS PA'I RNAM PA MED, DUS YUN RING PO'I BAR DU DGONGS RDZOGS KYI DUS STON MDZAD SROL YOD DO, ,SLOB DPON DE'I SKU TSE'I RING LA DGE TSUL DANG DGE SLONG GI SDOM PA BLANGS NAS BSTAN PA TSUL BZHIN DU SKYONG BA'I SKYES BU DANG BSLAB PA'I GZHI LNGA KHAS LEN NAS DGE BSNYEN DU BCUG PA 'BUM LHAG TZAM BYUNG, SLOB DPON DANG CHOS KYI 'BREL BA YOD PA SA STENG KHYAB, RANG DANG LHAN CIG TU PHYI BZHIN 'BRANG BA LNGA LAS LHAG PA MI BZUNG, DGE 'DUN GYI SDE DANG GTZUG LAG KHANG STONG PHRAG BRGAL @028 BA BZHENGS, PHYIR RGOL BA BCU LA DUS GCIG TU GSUNG LAN THEBS PAR NUS, GSANG SNGAGS KYI LAM DU ZHUGS NAS GRUB PA THOB PA'I RNAL 'BYOR PA CHEN PO'ANG YIN TE BLA MA RDO RJE GDAN PA LA ZHAL GZIGS PA'I GRUB THOB BRGYAD CU YOD PA'I NANG NAS RGOL NGAN TSAR GCOD MKHA' LA GSHEGS ZHES PA DE YIN PA GONG DU BRIS ZIN, DE LTA BU'I MKHAS GRUB GNYIS LDAN GYI SKYES BU CHEN PO DE NYID KYIS RGYAL BA'I BSTAN PA RIN PO CHE MA DAR BA'I YUL DU DAR BAR MDZAD, NYAMS PA'I YUL DU GSO BAR MDZAD, MA NYAMS PA'I YUL DU SPEL BAR MDZAD DE SKU TSE HRIL POR LUS NGAG YID GSUM MTHA' DAG BSTAN PA'I ZHABS 'DEGS SU 'BUL BAR GNANG NGO, , SKYES RABS DU MAR RIGS LAM GOMS PA'I MTHUS, , GZHON NU'I DUS NAS RNAM DPYOD SPOBS PA BRNYES, , RGYAL BA'I BSTAN LA RAB DGA' DGE BSNYEN GYI, , CHA LUGS TZAM LA'ANG GUS SHING LAD MO MDZAD, , NAM MKHA' LDING GI PHRU GU GSHOG BRKYANGS NAS, , RANG 'DOD GNAS SU 'PHUR TE RTZE DGAR ROL, , KLU RGYAL GDENGS GA 'JOMS BYED MCHU SDER BRDAR, , LTO 'PHYE'I KHA RLANGS GNYEN PO MCHOG TU GYUR, , DE BZHIN SMRA BA'I SENG GI LUS PHRA YANG, , SHES BYA'I MKHA' LA BLO GROS GSHOG BRKYANGS NAS, , MU STEGS LTO 'PHYE'I LTA BA'I KHA RLANGS KUN, , RTZOD RIGS SDER MOS LTA NGAN DUG RTZA BCOM, , SHIN TU BGROD DKA' NOR BU'I GRONG KHYER DU, , DED DPON MKHAS PAS GRU GZINGS BRTAN POR BCOS, , @029 GTING MTHA' BRAL BA'I RGYA MTSO'I LAM BRGYUD DE, , BDE BLAG SON ZHING DGOS 'DOD MA LUS LON, , DE BZHIN DPOG DKA' PHYI NANG DAM BCA'I GNAD, , SMRA DBANG DED DPON RNAM DPYOD GRUR BCOS NAS, , GRUB MTHA'I GSANG TSIG PHRA MO'I MTSO LAM BRGYUD, , GSANG BA NOR BU'I DO SHAL MGUL DU 'CHANG, , DE LTAR SMRA BA'I NYI MA'I 'OD ZER GYIS, , CHOS MIN MUN PA BSAL NAS BLANG DOR MIG , BYIN MDZAD DAD CAN 'GRO LA LAM BZANG BSTAN, , KLAN KA 'TSOL MKHAN RNAMS LA THAL NGAG GI , GNAM LCAGS THOG GIS RGOL NGAN KLAD PA GAS, , BSLAB PA 'DOD RNAMS SO THAR KHRIMS LA SBYAR, , DAD LDAN BSOD NAMS SA BON 'DEBS PHYIR DU, , MCHOG GSUM 'DUS PA'I DGE 'DUN SDE MANG BTZUGS, , CHOS DANG ZANG ZING 'TSO BA'I YO BYAD SBYAR, , BSTAN PA'I SBYIN BDAG CHEN PO'ANG DE NYID DO, , CHOS GZHI BSGO BA'I DGE BSKOS NYID YIN NO, , CHOS KYI BDUD RTZI'I CHAR 'BEBS SLOB DPON NO, , GSUM PA SLOB DPON LHA DBANG BLO LA SOGS PA'I RNAM PAR THAR PA BRJOD PA LA,, SLOB DPON LHA DBANG BLO NI CHUNG NGU'I DUS NAS BLO RNO ZHING GSUNG RAB LA GOM PA CHE BA ZHIG YOD, RGYAL BA'I BSTAN PA LA RAB TU BYUNG STE THOS BSAM TSUL BZHIN @030 DU MDZAD, CHOS KYI GRAGS PA DANG MJAL NAS RANG GI SLOB MA SH'AKYA BLO DANG MNYAM POR SLOB DPON CHOS KYI GRAGS PA LA TSAD MA SDE BDUN RDZOGS PAR GSAN, CHOS KYI GRAGS PAS RNAM 'GREL LE'U DANG PO'I RANG 'GREL LJAGS RTZOM GNANG STE LE'U GNYIS PA MAN CHAD LHA DBANG BLO LA RTZOM PAR BSKUL, LHA DBANG BLOS KYANG SLOB DPON GYI BKA' BZHIN BRTZAMS NAS GZIGS SU PHUL BAS SLOB DPON THUGS MA MNYES NAS CHUR BKRUS, YANG BLO BSGRIMS NAS BRTZAMS ZIN TE PHUL BAS SLOB DPON GYIS MER BSREGS, SLAR YANG RIG PA SHIN TU BSGRIMS NAS BRTZAMS TE MJUG TU, PHAL CHER SKAL BA MED NYID DANG, , DUS LA'ANG SDOD PA MED PA'I PHYIR, , GOMS PA'I PHYIR NI MDOR BSDUS NAS, , DKA' 'GREL 'DI NI 'DIR BYAS SO, , ZHES BRIS TE PHUL BAS SLOB DPON GYIS 'GROS DANG TSIG ZUR GYIS MTSON PA'I GNAD DON RNAMS MA BYUNG BAR 'DUG STE, TSIG GIS DNGOS SU BSTAN PA'I DON RNAMS BYUNG 'DUG GSUNG NAS BZHAG SLOB DPON CHOS KYI GRAGS PAS NGA'I RIG PA 'DI DPYIS PHYIN PA SUS KYANG SHES PAR MI 'DUG DGONGS TE TSAD MA RNAM 'GREL GYI 'JUG TU, RGYA MTSO LA NI CHU BO BZHIN DU RANG GI LUS LA THIM ZHING NUB PA NYID DU 'GYUR, ZHES PA'I TSIG BCUG GO, SH'AKYA BLO NI LHA DBANG BLO DANG SLOB DPON CHOS GRAGS GNYIS KA'I SLOB MA YIN, CHOS GRAGS LA YANG TSAD MA SDE BDUN GSAN, GTZO BOR LHA DBANG BLO LA TSAD MA'I RIG PA GSAN NAS MKHAS PAR GYUR, TSAD MA RNAM 'GREL GYI LE'U BZHI DANG LE'U DANG PO'I RANG 'GREL BCAS DANG, LHA DBANG BLO'I LE'U PHYI MA GSUM GYI 'GREL PA BCAS LA 'GREL BSHAD SHIN TU RGYA CHE BA ZHIG MDZAD, DAM BCA' KHAS LEN THAM @031 CAD LHA DBANG BLO DANG MTHUN NO, ,LHA SH'AKA GNYIS PO TSAD MA SDE BDUN GYI DGONGS PA 'GREL MKHAN THOG MA YIN NO,, SLOB DPON DUL BA LHA NI GRUB CHEN NAG PO SPYOD PA DANG GRUB THOB LHAN SKYES ROL PA DANG DUS MTSUNGS SU BYON, DPAL NA LANdA'I PAndI TA YIN, TSAD MA SDE BDUN LA 'GREL PA MDZAD, BOD DU BYON PA'I SLOB DPON ZHI BA 'TSO'I BLA MA YIN,, ZHI BA 'TSO NI BTZAN PO KHRI SRONG LDE BTZAN GYIS BOD DU GDAN DRANGS, DE'I SLOB MA KA MA LA SHI LAS TSAD MA'I BSTAN BCOS MDZAD,, BRAM ZE BDE BYED DGA' BAS KYANG TSAD MA RNAM 'GREL GYI 'GREL PA MDZAD,, SLOB DPON CHOS MCHOG GIS RNAM NGES KYI 'GREL PA 'THAD LDAN CHE CHUNG MDZAD,, RGYAN MKHAN POS TSAD MA RGYAN MDZAD,, DZA MA RIS TSAD MA RGYAN GYI 'GREL BSHAD MDZAD DO,, GNYIS PA, TSAD MA RNAM 'GREL GYI GZHUNG DON GTAN LA 'BEBS PA, DE YANG THAR LAM GSAL BYED KYI SA BCAD JI LTA BA BZHIN 'DZIN NA RTZA BA'I TSIG 'GREL SBYAR BDE BA DANG BLO YUL DU 'CHAR BDE BA SOGS DGOS PA DU MA MTHONG NAS DE BZHIN DU BSGRIG PAR BYA'O,, DE LA GNYIS, GZHUNG SPYI'I BSDUS DON BSHAD PA DANG MTHA' DPYAD PA'O,, DANG PO LA GSUM, MTSAN GYI DON DANG, 'GYUR GYI PHYAG, MTSAN CAN GYI GZHUNG DON GSUM LAS, DANG PO DANG GNYIS PA GNYIS NI LO TZ'A BAS GSAR DU BCUG PA LAS GZHUNG DNGOS MIN,, @032 GSUM PA MTSAN CAN GYI GZHUNG DON LA GSUM, BSHAD PA LA 'JUG PA DANG; BSHAD PA NYE BAR DGOD PA, BSHAD PA MTHAR PHYIN PA'I TSUL DANG GSUM LAS, DANG PO NI TSAD MA RNAM 'GREL GYI MCHOD BRJOD DANG, RTZOM PAR DAM BCA' BA GNYIS YIN LA, DE GNYIS NI LE'U BZHI GA'I THUN MONG BA'I GZHUNG YIN, MCHOD BRJOD LA GZHUNG GI BRJOD BYA DANG MTHUN PAR RTZOM PA PO SO SO'I BSTOD PHYAG GI YUL SNA TSOGS SHIG YOD KYANG, BSTAN BCOS 'DIS TSAD MA KUN BTUS DANG MTHUN PAR THUB PA SANGS RGYAS BCOM LDAN 'DAS LA BSTOD PHYAG MDZAD KYANG BSTOD PHYAG MDZAD LUGS MI 'DRA STE TSAD MA KUN BTUS KYI SKABS SU STON PA LAM GANG NAS BYON TSUL BRJOD PA'I SGO NAS YIN LA 'DIR DON GNYIS PHUN TSOGS MNGA' BA'I SGO NAS BSTOD PHYAG MDZAD, RTZOM PAR DAM BCA' BA NI GZHUNG 'DI MTHAR PHYIN PA'I PHYIR YIN TE, SKYES BU DAM PA RNAMS NI DAM BCA' BA'I DON 'DOR BA MED PA'I PHYIR, SKYE BO PHAL CHER PHAL LA ZHES PA'I TSIGS BCAD DES NYON MONGS DUG GSUM NGA RGYAL PHRAG DOG SOGS KYIS RANG RGYUD SMAD PAR BYAS SHING GZHAN LA 'PHYA BAR BYED PA'I SKYE BO DE DAG LA DNGOS SU PHAN 'DOGS PAR DKA' BAR DGONGS NAS BSTAN BCOS 'DI BRTZAMS TE GZHAN LA MTHA' GCIG TU PHAN SNYAM PA'I BSAM PA MED PA DNGOS SU BSTAN YANG DE DAG LAS LDOG PA'I BLO GZU BOR GNAS PA DANG, DON GNYER CHE BA, LEGS NYES 'BYED NUS PA'I BLO GROS KYIS RTZAL DANG LDAN PA DAG LA PHAN PA'I SEMS PA DANG LDAN PA'I SGO NAS BRTZAMS PA SHUGS LA BSTAN, DE NI TSAD MA RNAM 'GREL BRTZAMS ZIN NAS GLENG GZHI BYUNG BAR BRTEN BCUG PAR GRAG GLENG GZHI JI LTAR BYUNG YOD PA 'OG TU 'CHAD PAR BYA'O,, @033 GNYIS PA BSHAD PA NYE BAR DGOD PA NI GZHUNG DNGOS GZHI YIN LA PHYOGS CHOS DE CHAS KHYAB PA YI, ZHES PA NAS, MED PA CAN GYI TSOGS PA BZHIN, ZHES PA'I BAR GZHUNG YONGS RDZOGS YIN PAS ZHIB TU 'CHAD PAR 'GYUR, GSUM PA BSHAD PA MTHAR PHYIN PA'I TSUL NI GZHUNG NYUNG BAS GONG DU LEN NAS 'CHAD PA LA,, BLO YI NUS PA CHUNG BA MED PA DE DAG GIS KYANG ZAB MO'I DE NYID RTOGS MED CAN, BRTZON 'GRUS SHIN TU LHAG PAR GYUR PA DE DAG GIS KYANG MCHOG GI DE NYID MTHONG MED LDAN,, 'GRO BA RNAMS LA MTSUNGS PAR LEGS BSHAD SLAR 'DZIN BYED PA MI RNYED PA CAN KHO BO'I GZHUNG,, RGYA MTSO LA NI CHU BO BZHIN DU RANG GI LUS LA THIM ZHING NUB PA NYID DU 'GYUR,, TSUL DANG TSUL MIN RNAM PAR 'BYED MKHAS LTA BA NGAN PA'I TSANG TSING BSREGS,, 'PHAGS PA NYID KYIS RJES SU BZUNG BAS YANG DAG RIG PA'I LAM STON PA,, GZHUNG LUGS NYIN BYED YON TAN BRGYA LDAN BLO NGAN NYID SPONG 'JIGS PA SPANGS,, DE LTA MOD KYI BLO MIG RNAM DAG MKHAS PA'I PADMO RGYAS BYED YIN,, ZHES PA'I TSIGS BCAD DANG POS TSAD MA RNAM 'GREL GYI RIGS LAM PHRA MO RNAMS PHYI RABS KYI GDUL BYAS JI BZHIN RTOGS PAR MI NUS PAS RTZOM PA PO RANG NYID KYI BLO'I RGYA MTSOR THIM ZHING NUB PAR 'GYUR BAR BSTAN CING, TSIGS BCAD GNYIS PAS BSTAN BCOS KYI DON ZAM MO RTOGS PA'I MKHAS PA RNAMS KYIS BLO GROS KYI PAD MO KHA 'BYED DE RNAM DPYOD KYI SHES RAB MCHOG GIS LTA NGAN MTHA' DAG RING DU SKROD NUS PAR GSUNGS SO,, @034 GONG GI SA BCAD GNYIS PA BSHAD PA NYE BAR DGOD PA ZHES PA'I SA BCAD 'DI NI GONG GSAL GYI MCHOD BRJOD DANG, RTZOM PAR DAM BCA' BA, BSHAD PA MTHAR PHYIN PAR BSTAN PA'I GZHUNG TSAN GSUM PO PHUD PA'I RNAM 'GREL GYI TSIG MTHA' DAG YIN,, DE LA GNYIS, THAR PA DANG DER BGROD PA'I LAM RANG GIS NGES PA'I THABS DANG; NGES NAS GZHAN RJES SU 'DZIN PA'I THABS GNYIS SU 'DU, SA BCAD DANG PO DE LE'U DANG PO GSUM DANG, GNYIS PA DE LE'U BZHI PAR 'CHAD,, DANG PO LA GSUM, LKOG GYUR NGES PA'I THABS DANG, NGES BYA'I THAR PA DANG THAMS CAD MKHYEN PA DANG DER BGROD PA'I LAM BSHAD PA DANG, MNGON GYUR NGES PA'I THABS SO, ,SA BCAD DANG PO RNAM 'GREL LE'U DANG PO DANG, GNYIS PA LE'U GNYIS PA, GSUM PA LE'U GSUM PAS BSTAN, DANG PO LA GNYIS, RJES DPAG GI RTEN GTAN TSIGS BSHAD PA DANG, LOG RTOG BLUN PO'I RTAGS SU BSTAN PA'O, ,DANG PO SHIN TU MANG BAS 'OG TU ZHIB PAR 'CHAD DO, ,GNYIS PA LOG RTOG BLUN PO'I RTAGS SU BSTAN PA NI LE'U DANG PO'I RJOGS MTSAMS SU,, RIG BYED TSAD MA DANG NI 'GAS BYED SMRA, , KHRUS LAS CHOS 'DOD DANG NI RIG SMRAS DREGS, , SDIG PA GZHOM PHYIR GDUNG BA RTZOM ZHES PA, , BLUN PO SHES RAB 'CHAL BA'I RTAGS LNGA YIN, , ZHES PA'I TSIGS BCAD DES DPYOD PA BA LA SOGS PA RNAMS PHYOGS GCIG LA MI BSLU BA'I RIG BYED TSAD MAR 'DOD PA DANG, BDAG LA SOGS RTAG PA 'GAS 'BRAS BU BYED PA, 'BAB STEGS KYI KHRUS BYAS PA LAS CHOS 'PHEL BA, YON TAN @035 MED KYANG BRAM ZE RIGS YIN ZHES PA TZAM LAS DREGS PA, SEMS KYI SDIG PA GZHOM PHYIR MDUNG RTZE GSUM PAR MCHONG BA SOGS GDUNG BA KUN LA BRTZON PA BCAS RTAGS LNGA DANG LDAN PA RNAMS NI SHES RAB 'CHAL BA'I BLUN PO YIN PAR BSTAN PA'O,, SA BCAD DANG PO LA GSUM, GTAN TSIGS YANG DAG GI MTSAN NYID DANG MTSAN GZHI, DBYE BA, MTSAN GZHI LA MTSAN NYID NGES BYED KYI MTSAN MA BSHAD PA'O,, DANG PO, TSAD MA RNAM 'GREL NI TSAD MA KUN LAS BTUS SOGS DANG GO RIM MI 'DRA BAR RJES DPAG DANG POR BSHAD CING DE YANG RTAGS LA BRTEN NAS SKYE DGOS PAS THOG MAR TSUL GSUM YIN PA RTAGS YANG DAG GI MTSAN NYID DANG, RTAGS YANG DAG LA GSUM KHO NAR NGES PA DANG, GSUM DU GRANGS NGES PA'I RGYU MTSAN, 'BREL BA LA GNYIS SU NGES PA DANG, TSUL GSUM MA YIN PA'I RTAGS RNAMS RTAGS LTAR SNANG DU BSTAN PA LA,, PHYOGS CHOS DE CHAS KHYAB PA YI, , GTAN TSIGS DE NI RNAM GSUM NYID, , MED NA MI 'BYUNG NGES PHYIR RO, , GTAN TSIGS LTAR SNANG DE LAS GZHAN, , ZHES PA'I GZHUNG DE BYUNG, GNYIS PA GTAN TSIGS KYI DBYE BA LA, GSUM DU DBYE BA DANG, GSUM NYID DU NGES PAR SGRUB PA'O,, DANG PO NI 'BRAS RANG MA DMIGS PA'I RTAGS GSUM LAS, RTAGS KYI BSGRUB BYA LA DGAG SGRUB GNYIS SU NGES PAS, SGRUB PA GO BYED KYI RTAGS LA 'BRAS RANG GNYIS YOD PA LAS, GANG DU BZUNG RGYU'I RTAGS CHOS GNYIS RGYU 'BRAS YIN PA DE 'BRAS RTAGS DANG, DE GNYIS RANG BZHIN GCIG YIN PA DE RANG BZHIN GYI RTAGS SO, RTAGS KYI BSGRUB BYA DGAG PA GO BYED DE DGAG RTAGS SAM MA DMIGS PA'I RTAGS ZHES BYA,, @036 RGYU LA RANG BZHIN JI SNYED CIG , MED NA MI 'BYUNG 'BRAS BU NI, ,GTAN TSIGS, ZHES TSIG PHYED DANG GSUM PO DES 'BRAS BU GANG YIN RANG GI RGYU RKYEN TSANG NA 'BYUNG LA MA TSANG NA MI 'BYUNG BA'I 'BRAS BU DE 'BRAS BU'I GTAN TSIGS YIN ZHES BSTAN, RTAGS DE RANG GI NGO BO GRUB TZAM NAS GANG DU BZUNG RGYU'I BSGRUB BYA'I CHOS DE DANG RANG BZHIN GCIG TU 'BREL BA DE RANG BZHIN GYI RTAGS YANG DAG YIN ZHES BSTAN PA LA,, RANG BZHIN YOD TZAM DANG, , 'BREL BA CAN GYI NGO BO YANG, , ZHES TSIG PHYED DANG GNYIS 'BYUNG, MA DMIGS PA'I RTAGS LA MI SNANG BA MA DMIGS PA DANG SNANG RUNG MA DMIGS PA'I RTAGS GNYIS, TSAD MA RNAMS NI MI 'JUG PA, , MED LA MI 'JUG 'BRAS BU CAN, , ZHES PA DES CHOS GANG YIN YANG RANG GIS TSAD MAS MA DMIGS PA LA DE YOD MED SOGS MTHA' GCOD MI RIGS ZHES BSTAN,, GTAN TSIGS BYE BRAG LA LTOS NAS, , 'GA' ZHIG MED SHES 'BRAS BU CAN, , ZHES PA DES CHOS GANG YIN YANG RANG LA SNANG RUNG DU YOD PA DE RANG GIS MA DMIGS NA DE MED PAR BSGRUB NUS PA'I SNANG RUNG MA DMIGS PA'I RTAGS BSTAN, 'GAL DANG 'BRAS BU DAG GRUB DANG, , RGYU DANG NGO BO BLTAR RUNG BA'I, , BDAG NYID DANG NI MA GRUB PA, , MED DON CAN MI DMIGS RNAM BZHI, , @037 ZHES PA'I TSIGS BCAD DES SNANG RUNG MA DMIGS PA'I RTAGS BZHI'I MTSAN GZHI DANG DBYE BA DNGOS SU BSTAN TE 'GAL BA'I RANG BZHIN RTAGS SU BKOD NAS 'GAL ZLA 'GOG PA RANG BZHIN 'GAL DMIGS DANG, 'GAL BA'I 'BRAS BU RTAGS SU BKOD NAS 'GAL ZLA 'GOG PA 'GAL 'BRAS DMIGS PA GNYIS, RGYU MED PA RTAGS SU BKOD NAS DE'I 'BRAS BU MED PA SGRUB PA'I RGYU MA DMIGS PA DANG, GZHI DE TSAD MAS MA DMIGS PA RTAGS SU BKOD DE GZHI DE MED PAR SGRUB PA RANG BZHIN MA DMIGS PA'I RTAGS TE BZHI BSTAN TO, RTZA BAS SHUGS LA BSTAN PA GNYIS YOD DE RANG BZHIN 'GAL DMIGS KYIS 'PHANGS PA'I KHYAB BYED 'GAL DMIGS DANG; RANG BZHIN MA DMIGS PAS 'PHANGS PA'I KHYAB BYED MA DMIGS PA GNYIS SO, DE GNYIS RTZA BAR DNGOS SU MA BSTAN YANG RANG 'GREL LAS DNGOS SU GSUNGS SO, SNANG RUNG MA DMIGS PA'I RTAGS KYI RTZOD SPANG NI, DE DANG 'GAL BA YI NI RGYU, , DMIGS PA'I SBYOR BA GANG YIN DE, , RGYU MTSAN DAG NI 'GAL BA NYID, , MED NA 'KHRUL PA CAN YIN NO, , ZHES PA'I TSIGS BCAD SHO LO KA GCIG GIS BSTAN TE GONG DU 'GAL 'BRAS DMIGS PA'I RTAGS DU BAS GRANG REG 'GOG NUS NA ME'I RGYU YOD PA'I RTAGS LAS GRANG REG 'GOG PAR NUS DGOS, DE LTA NA BUD SHING YOD SAR GRANG REG MED DGOS PA'I PHYIR NA RTAGS DE 'KHRUL PA CAN GYI GTAN TSIGS SU BSTAN NAS, MED NA ZHES PA'I TSIG GI NUS PAS MES GRANG 'BRAS 'GOG PA'I RGYU 'GAL DMIGS DANG, DU BAS GRANG 'BRAS 'GOG PA RGYU DANG 'GAL BA'I 'BRAS BU DMIGS PA GNYIS SHUGS LA 'PHANGS SO,, @038 'GAL 'BRAS LA YANG YUL DANG NI, , DUS LA SOGS LA LTOS PAR 'DOD, , GZHAN DU 'KHRUL 'GYUR MI GRANG BA, , SGRUB PA LA NI THAL BA BZHIN, , ZHES PA'I TSIGS BCAD DES DU BAS GRANG REG 'GOG PA LA'ANG DU BA YOD TZAM GYIS MI CHOG PAR YUL DANG DUS DANG GNAS SKABS KYI KHYAD PAR SOGS DU MA DANG LDAN PA DGOS ZHES BSTAN NO,, GNYIS PA GSUM NYID DU NGES PAR BSGRUB PA LA GNYIS, YANG DAG GI KHYAD PAR GSUM DU MA 'DUS PA DGAG PA DANG, LTAR SNANG GI KHYAD PAR YANG DAG TU 'DUS PA DGAG PA'O, DANG PO SNGA PHYI LA BRTEN PA'I RTZOD SPANG NI, RGYU TSOGS PA LAS 'BRAS SKYE BA, , RJES SU DPOG PA GANG YIN PA, , DON GZHAN LA NI MI LTOS PHYIR, , DE NI RANG BZHIN YIN PAR BRJOD, , CES PA'I TSIGS BCAD DES BSTAN TE RTAGS YANG DAG LA GSUM DU MA NGES PA'I SKYON MED DE NAS SA CHU LUD DROD GSHER TSOGS PA TSANG BA'I ZHING DES RANG 'BRAS NAS KYI MYU GU SKYE RUNG SGRUB PA'I RANG BZHIN GYI RTAGS YIN ZHES BSTAN PA'I PHYIR, TSOGS PA'I 'BRAS BU NUS PA RNAMS, , 'GYUR BA DANG 'BREL 'BRAS BU LA, , MA NGES PA NI NYID YIN TE, , GEGS BYED PA DAG SRID PHYIR RO, , @039 ZHES PA'I TSIGS BCAD DES TSOGS PA TSANG BA'I ZHING YIN NA'ANG NUS PA 'GYUR BA DANG 'BREL NAS MYU GU BSKYED DGOS PAR BSTAN NO, DUS MNYAM LA BRTEN PA'I RTZOD SPANG NI, TSOGS PA GCIG LA RAG LUS PA'I, , GZUGS LA SOGS PA ROS RTOGS PA, , RGYU CHOS RJES SU DPOG PA STE, , DU BAS BUD SHING 'GYUR BA BZHIN, , NUS PA 'JUG PA MED PAR NI, , RO MED DE NYID GZHAN GYI RGYU, , DE LTAR 'DAS DUS GCIG RNAMS RTOGS, , DE NI 'BRAS BU'I RTAGS LAS SKYES, , ZHES PA'I TSIGS BCAD SHO LO KA GNYIS PO DES RJES DPAG GNYIS SKYES NA RTAGS GNYIS BKOD DGOS PA MA YIN TE RGYU CHOS RJES DPOG GI 'BRAS RTAGS GCIG LA BRTEN NAS BU RAM GYI RO SNGA MA'I STENG GI BUR GZUGS PHYI MA BSKYED PA'I NUS PA DANG BUR GZUGS DA LTA BA RTOGS PA'I RJES DPAG GNYIS SKYES PA'I PHYIR, DPER NA, DU BA'I RTAGS LAS ME YOD PA DANG BUD SHING 'GYUR BA BSKYED PA'I NUS PA YOD PAR RTOGS PA'I RJES DPAG GNYIS SKYE BA BZHIN NO ZHES BSHAD, GNYIS PA LTAR SNANG GI KHYAD PAR YANG DAG TU 'DUS PA DGAG PA LA, GZHAN DAG GIS BKOD PA'I RTAGS LHAG LDAN DU BSTAN PA NI, RGYU MA TSOGS PAS 'BRAS BU NI, , RJES SU DPOG PA GANG YIN DE, , LHAG MA DANG LDAN NUS MED PHYIR, , @040 LUS LAS 'DOD CHAGS RJES DPOG BZHIN, , MI MTHUN PHYOGS LA MA MTHONG BA, , TZAM GYIS 'BRAS SPYI MTHONG BA LAS, , GTAN TSIGS SHES PA TSAD LTAR SNANG, , TSIGS LAS CHAGS CAN LA SOGS BZHIN, , ZHES PA'I TSIGS BCAD SHO LO KA GNYIS POS LUS RGYAS PA DANG, DBANG PO DVANGS BA, BLO GSAL BA LAS 'DOD CHAGS RJES SU DPOG PA BZHIN DU RGYU MA TSOGS PA'I RTAGS LAS 'BRAS BU DPOG PA LHAG LDAN GYI GTAN TSIGS YIN PAR BSTAN PA'I PHYIR, DE BSGRUB PA NI, MI MTHUN PHYOGS LA MA MTHONG BA, , TZAM GYIS 'KHRUL PA MED PA MIN, , 'KHRUL PA SRID PA CAN NYID PHYIR, , PHRU BA'I 'BRAS NI TSOS PA BZHIN, , ZHES PA'I TSIGS BCAD DES DPER NA, PHRU BA'I 'BRAS LHAG MA CHOS CAN TSOS PA YIN TE, TSOS PA'I 'BRAS DANG PHRU BA GCIG GI NANG DU BTZOS PAR MTSUNGS PA'I PHYIR ZHES PA BZHIN DU MI MTHUN PHYOGS LA MA MTHONG BA TZAM GYIS RTAGS MA 'KHRUL BA MA YIN PA'I PHYIR ZHES PA'O,, LHAG LDAN GYI MING DON NI, GANG ZHIG MA MTHONG BA TZAM GYIS, , LDOG PA RAB TU STON BYED PA, , DE NI THE TSOM RGYU YIN PHYIR, , DE LA LHAG MA LDAN ZHES BRJOD, , @041 CES PA DES MTHUN PHYOGS MI MTHUN PHYOGS GANG RUNG LA MTHONG YANG, DE GNYIS GANG RUNG LA THE TSOM ZA BA DE LHAG LDAN DU BRJOD PA'I PHYIR,, GSUM PA MTSAN GZHI LA MTSAN NYID NGES BYED KYI TSAD MA RGYAS PAR BSHAD PA LA GNYIS, RTAGS KYI LDOG KHYAB 'GRUB PA 'BREL BA LA LTOS PAR BSTAN PA DANG, 'BREL BA DE NYID NGES BYED KYI TSAD MA BSHAD PA'O,, DANG PO LA GSUM, MI MTHUN PHYOGS LA MA MTHONG TZAM GYIS LDOG KHYAB 'GRUB PAR 'DOD PA DGAG PA DANG, BKAG PAS GRUB PA'I DON DANG, MJUG BSDU BA'O, DANG PO LA, LDOG KHYAB 'GRUB PA 'BREL BA LA LTOS PA SLOB DPON PHYOGS GLANG BZHED PA DANG, MI BZHED PA LA 'GAL BA BSTAN PA DANG, MA MTHONG TZAM LDOG KHYAB TU 'DOD PA'I GZHAN SDE DGAG PA DANG GSUM MO,, DANG PO LDOG KHYAB 'GRUB PA 'BREL BA LA LTOS PA SLOB DPON PHYOGS GLANG GIS BZHED PA BSTAN PA NI, GTAN TSIGS KYI NI TSUL GSUM LA'ANG, DE YIS MA GRUB BZLOG DON DANG, , 'KHRUL BA CAN GYI GNYEN POR NI, , NGES PA BRJOD PAR MDZAD PA YIN, , ZHES PA'I TSIGS BCAD DES TSUL GSUM GYI MTSAN NYID LA NGES BRJOD MDZAD PA NI, 'GAL MA NGES MA GRUB PA'I GTAN TSIGS GSUM GYI GNYEN POR SHES PA'I CHED DU BRJOD PA'I PHYIR, GNYIS PA MI BZHED PA LA 'GAL BA BSTAN PA LA GNYIS, SLOB DPON GYI BRJOD PA 'KHRUL PAR THAL BA DANG, MNGON GSUM GYI GNOD PA BSTAN PA'O, DANG POR THAL BA DRUG YOD PA LAS, @042 1 RIGS SGO'I NGAG NYAMS PAR THAL BA NI, 'KHRUL PA CAN GYI GNYEN POR NI, , MI MTHUN CHOS BRJOD GANG YIN PA, , GAL TE MA MTHONG 'BRAS CAN DE, , DE MA SMROS KYANG RTOGS PAR 'GYUR, , MED CES BYA BA'I TSIG GIS KYANG, , DE MED KHO NA MIN GAL TE, , JI LTAR MED RIGS DE BRJOD NA, , DE TSE MED CES BYA BAR RTOGS, , ZHES TSIGS BCAD SHLOO KA GNYIS POS PHYOGS GLANG GIS RIGS SGO LAS MA NGES PA'I GTAN TSIGS KYI GNYEN POR CHOS MI MTHUN SBYOR GYI SGRUB NGAG BRJOD LA SLOB DPON DBANG PHYUG SDE KHYOD LTAR NA MI MTHUN PHYOGS LA MA MTHONG TZAM GYIS LDOG KHYAB GRUB PAS DE LTAR BRJOD PA LA DGOS PA MED PA'I PHYIR, MA MTHONG BA DE NYID GO BA'I PHYIR SGRUB NGAG BRJOD MI DGOS TE, SNGAR NAS MA MTHONG BA YIN LA SGRUB NGAG MA SMOS KYANG MA MTHONG BA DE NYID GRUB PA'I PHYIR, RANG LUGS LTAR NA, SGRUB NGAG DE LA BRTEN NAS RTAGS MI MTHUN PHYOGS LA MED PA RTOGS PAR 'GYUR TE NGAG DES 'BREL BA BRJOD PAS, 'BREL BA GO BAS LDOG KHYAB KYI DON LDOG GO BA 'GYUR BA'I PHYIR RO,, 2 THAL BA GNYIS PA, PHYOGS GLANG GIS LHAG LDAN 'KHRUL PA CAN DU GSUNGS PA MI 'THAD PAR THAL BA NI, GAL TE MA MTHONG BAS LDOG 'GYUR, , CI STE LHAG LDAN 'KHRUL CAN YIN, , @043 ZHES PA'I TSIG RKANG GNYIS POS SHING THOG LHAG MA RNAMS CHOS CAN, RO MNGAR DANG LDAN PA YIN TE, SNGAR ZOS PA'I SHING THOG DANG SHING PHUNG DE LAS SKYES PA MTSUNGS PA'I PHYIR ZHES PA'I RTAGS DE LHAG LDAN 'KHRUL PA CAN DU TSAD MA KUN BTUS RANG 'GREL LAS BSHAD PA MI 'THAD PAR THAL, DBANG PHYUG SDE KHYOD LTAR NA RTAGS MI MTHUN PHYOGS LA MA MTHONG TZAM DE LA'ANG YOD PAS LDOG KHYAB GRUB DGOS PA'I PHYIR ZHES PA'O,, 3 THAL BA GSUM PA, LDOG PA CAN TZAM DU BSHAD PA GTAN TSIGS YANG DAG TU THAL BA NI, LDOG PA CAN YANG GTAN TSIGS 'GYUR, , ZHES PA DES, SROG LDAN CHOS CAN, GSON LUS BDAG BCAS SU SGRUB PA'I GTAN TSIGS SU THAL, BDAG MED LA MA MTHONG TZAM YOD PA'I PHYIR, 'DOD NA, KUN BTUS RANG 'GREL DANG 'GAL LO ZHES PA'O,, 4 THAL BA BZHI PA, LDOG PA LA THE TSOM ZA BA RTAGS YANG DAG MA LOG PAR THAL BA NI, MA GRUB SBYAR BA BRJOD BYA MIN, , ZHES BSTAN TE LDOG PA LA THE TSOM ZA BA'I RTAGS MA NGES PA'I GTAN TSIGS SU BRJOD PA MI RIGS PAR THAL, MI MTHUN PHYOGS LA MA MTHONG TZAM DE LA'ANG YOD PA'I PHYIR, 'DOD NA, KUN BTUS RANG 'GREL DANG 'GAL, 5 THAL BA LNGA PA, KHYAD PAR MNYAN BYA RTAGS SU RIGS PAR THAL BA NI, KHYAD PAR RNAM PAR GCOD PA YIS, , GTAN TSIGS SU 'GYUR MA MTHONG PHYIR, , TSAD MA GZHAN GYIS GNOD CE NA, , @044 DE NI MA MTHONG LAS MED MIN, , DE BZHIN DU NI GZHAN LA YANG, , TSAD MA GZHAN GYIS GNOD PA SRID, , CES PA DES MNYAN BYA DE SGRA MI RTAG PA DANG RTAG PA GNYIS KA SGRUB PA'I LDOG KHYAB GRUB PAR THAL, MI MTHUN PHYOGS LA MA MTHONG TZAM GNYIS KA LA YOD PA'I PHYIR; 'DOD NA, KUN BTUS RANG 'GREL DANG 'GAL LO ZHES PA'O, 6 THAL BA DRUG PA, SLOB DPON PHYOGS GLANG GIS BYE BRAG PA'I SBYOR BA BKAG PA MI RIGS PAR THAL BA NI, MA MTHONG PHYIR REG MTHONG BA LA, , MI LDAN 'KHRUL PA MED PA CAN, , ZHES PA DES, MTHONG BA'I SA CHU ME GSUM PO LA REG BYA BTANG SNYOMS PA MI LDAN TE, MA MTHONG BA'I PHYIR ZHES PA'I RTAGS DE LDOG KHYAB GRUB PAR THAL, MA MTHONG TZAM GYIS LDOG KHYAB GRUB PA'I PHYIR, 'DOD NA, RLUNG GI RAB BYED DANG 'GAL LO ZHES PA'O,, GNYIS PA MNGON SUM GYI GNOD PA BSTAN PA, YUL LA SOGS PA'I KHYAD PAR LAS, , RDZAS LA NUS PA THA DAD SNANG, , DE LA GCIG MTHONG GZHAN LA DE, , YOD PAR NGES PA RIGS MA YIN, , ZHES PA DES, 'O MA BCUS PA'I ZHING LAS SKYES PA'I SKYU RU RA CHOS CAN, RO MNGAR DANG LDAN TE, SKYU RU RA YIN PA'I PHYIR ZHES PA'I RTAGS DE LDOG KHYAB GRUB PAR THAL, MA MTHONG TZAM YOD PA'I PHYIR, 'DOD NA, YUL DUS SO NAM LA @045 SOGS PA'I 'DU BYED KYI KHYAD PAR LAS SKYU RU RA'I RO MNGAR SKYUR DANG NUS PA CHE CHUNG SOGS MNGON SUM LA MTHONG BAS, GCIG LA MNGAR BAR MTHONG NA GZHAN LA MNGAR BAS MA KHYAB BO ZHES PA'O,, GSUM PA, MA MTHONG TZAM LDOG KHYAB TU 'DOD PA GZHAN SDE DGAG PA, BDAG DANG SA LA SHES YOD SOGS, , MED PAR RAB SGRUB BYED MIN PA'I, , MA DMIGS GANG YIN DE KHO NA, , GTAN TSIGS MED SGRUB YIN NAM CI, , ZHES PA DES, GSON LUS LA BDAG DANG, SA LA SHES PA, 'O MA LA ZHO SOGS MED PAR SGRUB NUS PAR THAL, MA MTHONG BA TZAM YOD PA'I PHYIR ZHES PA'O, ,DE YANG BYE BRAG PAS GSON LUS LA BDAG MA MTHONG YANG YOD PAR 'DOD; SROG LDAN BDAG MED LA MA MTHONG BAS MED PAR 'DOD PA 'GAL BA DANG, RGYANG 'PHEN GYIS, 'BYUNG BZHI LA SHES PA MA MTHONG YANG YOD PAR 'DOD, TSIG SMRA BA KUN MKHYEN LA MA MTHONG BAS MED PAR 'DOD PA 'GAL BA DANG, GRANGS CAN PAS; 'O MA LA ZHO MA MTHONG YANG YOD PAR 'DOD, 'DUS SHING BSAGS PA BDAG MED LA MA MTHONG BAS MED PAR 'DOD PA 'GAL BA BSTAN NO,, GNYIS PA BKAG PA'I GRUB PA'I DON LA GSUM, KHYAB PA 'GRUB PA RTAGS MI MTHUN PA MTHA' DAG MED PAR NGES PA LA BLTOS PAR GRUB PA DANG, DE LA BLTOS KYANG MI MTHUN PHYOGS MTHA' DAG GRUB MI DGOS PA DANG, THOG MAR DE SGRUB RTAGS GNYIS LA BRTEN PAS GRUB PA'I DON NO,, DANG PO LA GNYIS, KHYAB PA 'BREL BA LA BLTOS PAR GRUB, MI LTOS NA HA CANG THAL BA'O,, @046 KHYAB PA 'BREL BA BLTOS PAR GRUB PA LA, DE PHYIR DE TZAM DANG 'BREL BA'I, , NGO BO NYID KYIS NGO BO NYID, , LDOG PAR 'GYUR BA'AM RGYU YIS NI, , 'BRAS BU 'KHRUL PA MED PA'I PHYIR, , ZHES PA'I TSIGS BCAD DES GONG DU BSHAD PA'I GZHUNG DAG GIS MA MTHONG TZAM GYIS LDOG KHYAB GRUB PA KHEGS PA DE'I PHYIR 'BREL YUL LOG PA'I STOBS KYIS 'BREL BA PO LOG PAR 'GYUR RO ZHES BSTAN, GNYIS PA, DE LA MI LTOS NA HA CANG THAL BA NI, 'BREL BA MED KYANG LDOG KHYAB GRUB NA MI DE LA RTA LDOG PAS PHYUGS KYANG LDOG PAR THAL LO, ,YANG NA, MI DE LA PHYUGS YOD NA RTA YOD PAS KHYAB PAR THAL, 'BREL MED LA RJES KHYAB GRUB PA'I PHYIR ZHES 'CHAD PAR,, DE LTA MIN NA GCIG LOG PAS, JI LTAR GZHAN NI LDOG PAR 'GYUR, , MI LA RTA MI BDOG CES TE, , PHYUGS KYANG BDOG PA MIN NAM CI, , DE BZHIN GCIG GCIG NYE BA'I PHYIR, , JI LTA GZHAN NI NYE BAR 'GYUR, , MI LA PHYUGS NI BDOG CES TE, , DE BZHIN RTA YANG BDOG GAM CI, , ZHES PA'I BAR BYUNG BA'I PHYIR, GNYIS PA DE LA LTOS KYANG MI MTHUN PHYOGS MTHA' DAG GRUB MI DGOS PA NI, @047 DE PHYIR CHOS MI MTHUN DPE LA, , NGES PAR 'DI LA GZHI MI 'DOD, , DE DAG MED NA'ANG DE MED CES, , BRJOD PA LAS KYANG DE RTOGS PHYIR, , ZHES PA DES, RTAGS KYI LDOG KHYAB GRUB PAR RTAGS DE MI MTHUN PHYOGS MTHA' DAG LA MED PAR NGES DGOS KYANG MI MTHUN PHYOGS MTHA' DAG NGES MI DGOS ZHES BSTAN PA'O,, 'BREL BA STON PA'I GDUL BYA NGOS BZUNG BA, DPE LA DE YI NGO BO DANG, , RGYU DNGOS DE DAG MI SHES LA, , STON TE MKHAS PA RNAMS LA NI, , GTAN TSIGS 'BA' ZHIG BRJOD PAR ZAD, , CES PA DE 'BREL BA SHES PA'I YAN LAG TU BSTAN PA NI, 'BREL BA MA SHES PA'I PHYIR RGOL LA 'BREL BA SHES PA'I CHED DU BSTAN DGOS PA DANG SHES ZIN MA BRJED PA LA PHYOGS CHOS MA SHES NA GTAN TSIGS 'BA' ZHIG BRJOD DGOS PA'I PHYIR, 'BREL BA SHES ZIN MA BRJED KYANG KHYAB PA GNYIS LA DRAN PA BSKYED PA'I YAN LAG TU KHYAB PA GANG RUNG BRJOD DGOS TE GCIG GO BAS KHYAB PA GNYIS KA GO BAR 'GYUR BA BSTAN PA NI, DE NYID KYI PHYIR 'BREL SHES NA, , GNYIS LAS GANG YANG RUNG SMRAS PAS, , DON GYIS GO BAS GCIG SHOS LA, , DRAN PA YANG DAG SKYE BAR 'GYUR, , ZHES SO,, @048 DE PHYIR RGYU DANG RANG BZHIN DAG , MED PAS 'GA' ZHIG BSGRUB PA'I YANG, , GTAN TSIGS YIN TE DMIGS PAR NI, , RIGS LDAN DE MI DMIGS PA YANG, , DE LTAR MI DMIGS 'DI RNAM GSUM, , BSHAD KYANG RNAM PA DU MA STE, , DE DANG DE 'GAL LA SOGS PA, , MA RTOGS RTOGS DBYE'I SBYOR SGO NAS, , ZHES PAS NI, THOG MAR SGRUB RTAGS GNYIS LA BRTEN PA'I GRUB PA'I DON BSHAD PA STE KHYAB PA'I RTZA BA 'BREL BA NGES PA LA LTOS PA'I PHYIR NA RGYU MA DMIGS PA DANG, KHYAB BYED MA DMIGS PA, RANG BZHIN MA DMIGS PA GSUM PO DES RANG GI 'BRAS BU DANG KHYAB BYA RANG BZHIN MED PAR SGRUB PA'I RTAGS YANG DAG YIN NO ZHES BSTAN PA DANG, MA DMIGS PA'I RTAGS BSDUS NAS GSUM DU BSHAD KYANG DE LAS MANG BA 'GAL DMIGS LA SOGS PA SBYOR BA'I SGO NAS DBYE RUNG NGO,, GSUM PA, DON BSDU BA NI, RGYU DANG 'BRAS BU'I DNGOS PO 'AM, , RANG BZHIN NGES PAR BYED PA LAS, , MED NA MI 'BYUNG NGES PA STE, , MA MTHONG LAS MIN MTHONG LAS MIN, , GZHAN DU GZHAN NA GZHAN DAG DANG, , NGES PAR YOD PA'I NGES PA GANG, , DON GZHAN RGYU MTSAN CAN GYI CHOS, , @049 YIN NA GOS LA TSOS BZHIN NO, , CHOS DON GZHAN GYI RGYU MTSAN CAN, , YIN PAR GYUR NA DE BZHIN NYID, , PHYIS 'BYUNG PHYIR NA RGYU NYID MIN, , 'BRAS BU NA YANG GA LA NGES, , ZHES PA'I BAR TE 'BRAS RTAGS DANG RANG BZHIN RTAGS SOGS LA 'BREL BA NGES PA LA LTOS DGOS PA DANG, MI LTOS NA HA CANG THAL BA'I DON BSDU BA NI, DU BA YOD NA ME YOD PA'I MA KHYAB PAR THAL BA DANG, BYAS NA MI RTAG PA'I MA KHYAB PAR THAL BA SOGS SKYON DU MAR BSTAN,, GNYIS PA, 'BREL BA DE NYID NGES BYED KYI TSAD MA BSHAD PA LA GNYIS, SGRUB RTAGS KYI 'BREL BA NGES BYED DANG, DGAG RTAGS KYI 'BREL BA NGES BYED DO, , DANG PO LA GNYIS, RGYAS PAR BSHAD PA DANG, DON BSDU BA'O,, DANG PO LA GNYIS, 'BRAS BU DANG, RANG BZHIN RTAGS KYI 'BREL BA NGES BYED DO,, DANG PO LA RGYAS PAR BSHAD PA DANG, DON BSDU BA'O,, DANG PO LA MTHA' DPYAD PA DANG, TSIG DON NO,, 'BRAS RTAGS KYI 'BREL BA NGES BYED KYI TSAD MA RGYAS PAR BSHAD PA NI,, ME YI 'BRAS BU DU BA STE, , 'BRAS BU CHOS KYI RJES 'JUG PHYIR, , DE MED PAR NI DE YOD NA, , RGYU DANG LDAN PA LAS 'DAS 'GYUR, , RGYU MED GZHAN LA MI LTOS PHYIR, , RTAG TU YOD PA'AM MED PAR 'GYUR, , @050 DNGOS PO RNAMS NI RES 'GA' ZHIG , 'BYUNG BA LTOS PA LAS YIN NO, , ZHES PA'I TSIGS BCAD GNYIS POS, DU BA DE MES PHAN BYED DU MED PAR MI 'BYUNG BAS ME'I 'BRAS BU YIN PA DANG, MES PHAN BYED DU MED PAR DU BA YOD NA DE RGYU MED PAR 'GYUR BA DANG, RGYU MED NA RTAG TU YOD PA'AM NAM YANG MED PAR 'GYUR BA SOGS BSTAN NO,, DON BSDU BA NI, GAL TE BRGYA BYIN SPYI BO ME'I, , RANG BZHIN YIN NA DE NYID ME, , 'ON TE DE ME'I RANG BZHIN MIN, , JI LTAR DE LAS DU BA 'BYUNG, , DU BA RGYU YI RANG BZHIN ME, , DE YI NUS PA BYE BRAG LDAN, , DU BA DU BA'I RGYU MIN LAS, , 'BYUNG NA DE NI RGYU MED 'GYUR, , RJES SU 'GRO DANG LDOG PA LAS, , GANG ZHIG GANG GI RJES 'GROR MTHONG, , DE YI RANG BZHIN DE RGYU CAN, , DE PHYIR MI MTHUN LAS MI 'BYUNG, , ZHES PA'I BAR TE GROG MA'I TSANG DU MA DANG LDAN PA'I GROG MKHAR LA BRGYA BYIN ZHES BTAGS TE DU BA SNGAR MED GSAR DU SKYE BA'I RANG BZHIN YIN NA ME'I RANG BZHIN DU THAL BA DANG, ME'I RANG BZHIN MIN NA, DU BA SKYE BA'I RANG BZHIN MA YIN PAR @051 THAL BA BRJOD PA DANG, SPYI'I DON BSDU BA NI, DU BA DE NYID RGYU MED DANG, MI MTHUN PA'I RGYU LAS BYUNG BA MA YIN TE, MES PHAN 'DOGS BYED YOD MED KYI RJES SU 'GRO BA DANG LDOG PA LAS SKYES PA'I PHYIR ZHES PA'O, BSDU BA TSIGS SU BCAD PA'O ZHES PA NI RANG 'GREL GYI TSIG SHOR BA'O,, GNYIS PA, RANG BZHIN RTAGS KYI 'BREL BA NGES BYED KYI TSAD MA RGYAS BAR BSHAD PA LA BZHI, 'BREL BA NGES BYED KYI TSAD MA MDOR BSTAN PA DANG, RANG BZHIN RTAGS KYI PHYOGS CHOS MA GRUB PA SPONG BA'I SGO NAS KUN RDZOB DANG DON DAM GYI RNAM GZHAG BSHAD PA DANG, RANG BZHIN RTAGS KYI SBYOR BA DPER BRJOD DANG, 'BREL BA NGES BYED RGYAS PAR BSHAD NAS MA NGES PA SPONG BA'O,, DANG PO NI, ` RANG BZHIN LA YANG MED MI 'BYUNG, , YOD PA TZAM DANG 'BREL BA YIN, , DE MED NA NI YOD PA'I BDAG , MED 'GYUR THA DAD MED PHYIR RO, , ZHES PA LTAR BYAS PA YOD TZAM NAS MI RTAG PA'I RANG BZHIN DU RJES SU 'GRO BA DANG; MI RTAG PA LDOG STOBS KYIS BYAS PA LDOG PAR 'GYUR BA DE DE GNYIS KYI 'BREL BA DON LDOG BSTAN PA'I PHYIR,, GNYIS PA RANG BZHIN RTAGS KYI PHYOGS CHOS MA GRUB PA SPONG PA'I SGO NAS KUN RDZOB DANG DON DAM GYI RNAM GZHAG BSHAD PA LA MDOR BSTAN DANG RGYAS BSHAD GNYIS, DANG PO LA MTHA' DPYAD PA DANG TSIG DON GNYIS YOD PA LAS DANG PO RE ZHIG ZHOG TSIG DON LA, DNGOS PO'I GNAS LUGS DANG, YUL CAN BLO'I 'DZIN STANGS DANG; BLO DES YUL DE JI LTAR RTOGS PA'I TSUL LO,, @052 DANG PO, DNGOS PO'I GNAS LUGS NI,, GANG PHYIR DNGOS KUN RANG BZHIN GYIS, , RANG RANG NGO BO LA GNAS PHYIR, , MTHUN DNGOS GZHAN GYI DNGOS DAG LAS, , LDOG PA LA NI BRTEN PA CAN, , DE PHYIR GANG DANG GANG LAS DON, , LDOG PA DE YI RGYU CAN GYI, , RIGS DBYE, ZHES PA'I TSIGS BCAD SHO LO KA PHYED DANG GNYIS BSTAN TE DNGOS PO KUN RANG DANG DNGOS PO RIGS MTHUN PA RANG MA YIN SOGS DANG, RIGS MI MTHUN MA BYAS RTAG PA SOGS LAS LDOG PA'I LDOG PA DU MAR DBYE RUNG BA BSTAN PA'I PHYIR, , GNYIS PA, YUL CAN BLO'I 'DZIN STANGS NI, DE YI KHYAD PAR GYIS, , RTOGS 'GYUR BA DAG RAB TU BYED, , CES PAS BSTAN TE GZHI GCIG LA LDOG PA DU MAR DBYE RUNG BAS LDOG PA DE DAG PHRA RAGS DBANG GIS RIM GYIS RTOGS PAR 'GYUR BA YIN NO,, GSUM PA BLO DES YUL DE JI LTAR RTOGS PA'I TSUL NI,, DE PHYIR KHYAD PAR GANG ZHIG CHOS, , GANG GIS GO BAR 'GYUR BA DES, , DE LAS GZHAN GYIS NUS MA YIN, , DES NA THA DAD RNAM PAR GNAS, , @053 ZHES PA DES KHYAD CHOS RNAMS RIM GYIS RTOGS PAR 'GYUR BAS DE'I PHYIR BYAS PA GO BA'I BLO DE NYID KYIS MI RTAG PA MA GO BAS BYAS MI RTAG RDZAS GCIG YIN YANG TSAD MA'I YUL DU THA DAD DU GNAS PA'O, GNYIS PA RGYAS BSHAD LA GNYIS, SGRUB PA'I SGRA RTOG SEL BA'I YUL CAN DU RGYAS PAR BSGRUB PA DANG, DGAG PA'I SGRA RTOG RNAM GCOD KYI YUL CAN DU 'BAD PA MED PAR GRUB PA'I TSUL LO, DANG PO LA GSUM, SGRA RTOG SGRUB PA KHO NA LA 'JUG PA DGAG PA DANG, GZHAN SEL LA 'JUG PAR SGRUB PA, DE LA RTZOD PA SPONG BA'O; DANG PO LA GNYIS, CHOS CAN 'JAL BA'I TSAD MA DE LAS TSAD MA GZHAN DANG SGRA GZHAN 'JUG PAR BSGRUB PA DANG, DE GRUB NA GZHAN SEL GYI YUL CAN DU GRUB PAR BSTAN PA'O, DANG PO LA SPYIR BSTAN PA DANG, BYE BRAG TU BSTAN PA'O, DANG PO LA GSUM, THAL BA DGOD PA DANG, RANG LA MTSUNGS PA SPANG BA DANG, DON BSDU BA'O,, DANG PO NI, DON GYI RANG GI NGO BO GCIG , BDAG NYID MNGON SUM YIN PA LA, , TSAD MA RNAMS KYIS BRTAG BYA GANG, , MA MTHONG CHA GZHAN CI ZHIG YOD, , CES PA DES SGRA RTOG SGRUB 'JUG YIN NA SGRA 'DZIN NYAN SHES KYI SGRA'I CHOS KUN MTHONG BA BZHIN DU DES DRANGS PA'I NGES SHES KYANG SGRA'I CHOS KUN NGES DGOS PAS SGRA'I MI RTAG PA SOGS RTOGS PA'I TSAD MA RNAMS DON MED PAR 'GYUR RO ZHES PA'O,, GNYIS PA, RANG LA MTSUNGS PA SPANG BA NI, GZUGS CHOS MTHUN PA MTHONG BA LAS, , NYA PHYIS LA DNGUL RNAM PA LTAR, , @054 GAL TE 'KHRUL PA'I RGYU MTSAN GYIS, , YON TAN GZHAN SBYOR MI BYED NA, , ZHES PA DES NYA PHYIS LA DNGUL DU SGRO 'DOGS PA LTAR PHYI NANG GI 'KHRUL RGYUS SGRA LA RTAG PA SOGS SU SGRO 'DOGS PAS TSAD MA PHYI MA DON MED PA MA YIN ZHES BSTAN, GSUM PA DON BSDU BA NI, DE PHYIR DNGOS PO MTHONG BA YIS, , YON TAN MTHA' DAG MTHONG BA NYID, , 'KHRUL PAS NGES PAR MI BYED PAS, , SGRUB PA RAB TU 'JUG PA YIN, , ZHES PAS SGRA 'DZIN MNGON SUM GYIS SGRA'I CHOS KUN MTHONG YANG MA NGES PAS SGRA MI RTAG PAR SGRUB PA'I NGAG DANG RTAGS LA SOGS PA DGOS SO,, GNYIS PA BYE BRAG TU BSTAN PA LA GNYIS, SGRA RTOG GZHAN SEL BA'I YUL CAN MIN PA LA GNOD PA BSTAN PA DANG, SGRO 'DOGS MNGON GYUR MED NA SEL BA'I YUL CAN DU 'GAL BA SPONG BA'O,, DANG PO NI, RJES SU DPAG PA LAS KYANG DNGOS, , 'DZIN NA CHOS GCIG NGES GYUR PAS, , CHOS KUN 'DZIN TE SEL BA LA, , NYES PA 'DI NI THAL MI 'GYUR, , DE PHYIR DE LTAR RTAGS SEL BA'I, , YUL CAN YIN PAR RAB TU BSGRAGS, , GZHAN DU CHOS CAN GRUB GYUR NA, , @055 DE LAS MA GRUB GZHAN CI YOD, , CES PA'I TSIGS BCAD GNYIS POS, SGRA NGES PA'I NGES SHES MA ZAD SGRA MI RTAG RTOGS PA'I RJES DPAG KYANG SGRUB 'JUG YIN NA, SGRA'I CHOS KUN RTOGS PAR THAL BA DANG, SEL BA SMRA BA LA NYES PA DE MI 'JUG STE, TSAD MA SO SOS SGRO 'DOGS SO SOR GCOD KYI, GCIG GIS KUN MI GCOD PA DANG, SGRA RTOG SEL 'JUG TU KHAS LEN PA LA NYES PA MED KYI, SGRUB 'JUG TU 'DOD PA LA CHOS CAN TSAD MAS GRUB PA NA BSGRUB BYA'ANG GRUB PAR THAL LO, , GNYIS PA, SGRO 'DOGS MED NA SEL BA'I YUL CAN DU 'GAL BA SPANG BA NI, MTHONG BA 'GA' LA'ANG SHES PA GANG, , SPYI YI DON CAN RNAM RTOG PA, , GZHAN GYI CHA SGRO MA BTAGS PA, , DE TZAM SEL BA'I SPYOD YUL CAN, , NGES PA DANG NI SGRO 'DOGS YID, , GNOD BYA GNOD BYED NGO BO'I PHYIR, , 'DI NI SGRO 'DOGS DBEN PA LA, , 'JUG CES BYA BAR SHES PA YIN, , ZHES TSIGS BCAD GNYIS KYI, MNGON SUM GYIS DRANGS PA'I SPYI 'DZIN SHES PA DES, RANG NYID BYED PA MA NYAMS PA'I BAR LA RANG GI LOG PHYOGS KYI SGRO 'DOGS KYI ZHEN GCOD NUS PAS SEL 'JUG TU BZHAG PA DANG, DE 'DRA'I NGES SHES DE DANG LOG PHYOGS GNYIS DNGOS SU GNOD BYA GNOD BYED YIN PAS SGRO 'DOGS KYI ZHEN YUL MED PA LA 'JUG PAR BZHAG GO, @056 GNYIS PA, DE GRUB NA GZHAN SEL GYI YUL CAN DU GRUB PAR BSTAN PA LA GSUM; SGRA RTOG SEL BA'I YUL CAN DU GRUB PA, SGRUB 'JUG DGAG PA, DE'I LAN DGAG PA'O,, DANG PO NI, CHA SHAS SGRO 'DOGS JI SNYED PA, , DE BSAL PHYIR NA NGES PA DANG, , SGRA YANG DE SNYED KHO NA DES, , DE DAG SPYOD YUL THA DAD CAN, , ZHES PAS, SGRA RTOG SEL 'JUG YIN TE, SGRA 'DOGS RE RE LA SGRA DANG NGES SHES RES GCOD DGOS KYI, CIG CAR DU GCOD MI NUS PA'O, , GNYIS PA, SGRUB 'JUG DGAG PA NI, GZHAN DU DNGOS PO GCIG PU BA, , SGRA 'AM BLO GCIG GIS KHYAB NA, , GZHAN YUL MA YIN DE YI PHYIR, , RNAM GRANGS PA NI NYID DU 'GYUR, , ZHES PAS, SGRA RTOG SGRUB 'JUG YIN NA, SGRA'I BYAS PA ZHES PA'I SGRAS SGRA'I MI RTAG PA'ANG BRJOD DGOS PAS BYAS PA DANG SGRA MI RTAG PA BRJOD PA'I SGRA GNYIS MING RNAM GRANGS PAR 'GYUR RO ZHES PA'O,, GSUM PA, DE'I LAN DGAG PA LA GNYIS, KHYAD PA RE RE KHO NA LA SGRUB 'JUG TU 'DOD PA DGAG PA DANG, RTOG PAS KUN GZUNG YANG MA NGES PA DGAG PA'O; DANG PO LA RGYAS BSHAD DANG DON BSDU BA'O,, @057 DANG PO NI, GANG GI LTAR NA BLOS KHYAD PAR, , SNA TSOGS CAN DON THA DAD 'DZIN, , KHYAD PAR SNA TSOGS LA PHAN PA'I, , YAN LAG NUS LAS DBYER MED PA'I, , BDAG NYID BDAG NYID KUN BZUNG NA, , PHAN BYA'I BYE BRAG GANG MA NGES, , ` DE DAG BDAG NYID LA 'BREL PHYIR, , GCIG SHES NA NI GNYIS KA BZUNG, , ` CHOS PHAN NUS RNAMS THA DAD NA, , DE DAG DE'I CI YIN GAL TE, , DE YIS DE DAG LA PHAN MED, , DE LTA YIN NA THUG MED 'GYUR, , ZHES TSIGS BCAD GSUM POS, BYE BRAG PAS SGRA DANG SGRA'I KHYAD CHOS RNAMS RDZAS THA DAD CING KHYAD CHOS NANG PHAN TSUN YANG RDZAS THA DAD PAS, KHYAD CHOS GCIG BRJOD NA KUN BRJOD MI DGOS, GCIG BZUNG NA KUN BZUNG MI DGOS PAS SGRA BLO RNAM GRANGS PAR 'GYUR BA'I NYES PA MED DO ZHE NA, 'O NA SGRA DE RANG GI KHYAD CHOS RNAMS DANG DON GZHAN YIN NAM MIN, DANG PO LTAR NA DON GZHAN RTEN BRTEN PA LA RGYU 'BRAS YIN DGOS PAS, SGRA DES RANG GI KHYAD CHOS RNAMS LA PHAN 'DOGS DGOS, DE 'DRA'I PHAN 'DOGS PA'I NUS PA DANG SGRA GNYIS NGO BO GCIG YIN NA, SGRA NGES PA'I NGES SHES SGRA'I KHYAD CHOS KUN NGES PAR THAL, KHYAD CHOS DE DAG LA PHAN 'DOGS PA'I NUS PA SGRUB PA'I SGO NAS BZUNG ZHING NGES PA'I PHYIR TE, SGRA SGRUB PA'I SGO NAS NGES PA'I PHYIR; KHYAB STE, DE GNYIS RDZAS GCIG YIN PA'I PHYIR, KHYAD GZHI KHYAD CHOS @058 GNYIS GCIG NGES NA GNYIS KA NGES DGOS PA'O, SGRA DANG KHYAD CHOS DE DAG LA PHAN PA'I NUS PA GNYIS RDZAS THA DAD YIN NA, NUS PA DE LA'ANG KHYAD CHOS DE DAG LA PHAN PA'I NUS PA RDZAS GZHAN YOD DGOS PAS THUG MED DU 'GYUR RO ZHES PA'O,, GNYIS PA DON BSDU BA NI, ` GCIG LA PHAN BYED BZUNG NA NI, , DE LA MTHONG NA MA MTHONG BA, , PHAN PA GZHAN MIN DE YI PHYIR, , DE BZUNG NA NI THAMS CAD BZUNG, , ZHES PA DES, SGRA DANG SGRA'I KHYAD CHOS RNAMS GRUB BDE DBYER MED KYI RDZAS GCIG YIN PAS, SGRA'I KHYAD CHOS GCIG SGRUB PA'I SGO NAS BZUNG NA DE'I KHYAD CHOS KUN BZUNG DGOS SO ZHES DON BSDU BA'O, , GNYIS PA, RTOGS PA KUN BZUNG YANG MA NGES PA DGAG PA NI,, ` GAL TE 'KHRUL PA LDOG PA'I PHYIR, , BZUNG BA LA YANG GZHAN 'DOD NA, , DE NI RNAM GCOD YUL CAN GRUB, , DE LAS GZHAN PA'ANG DE DANG 'DRA, , SGRO 'DOGS MED PA'I YUL LA NI, , 'JUG PHYIR GZHAN YANG NGO BO GANG, , NGES PA RNAMS KYIS MA NGES PA, , DE NI JI LTAR DE YUL YIN, , ` KHYAD PAR CHA SHAS RNAM SPANGS PA, , MNGON SUM GYIS NI BZUNG BA LA'ANG, , @059 KHYAD PAR GANG LA RTOGS PA YI, , RKYEN YOD DE NI RTOGS PAR 'GYUR, , ZHES TSIGS BCAD BZHIS, GZHAN SDE GANG LA LA ZHIG GIS, SGRA DANG DE'I CHOS RNAMS RDZAS THA MI DAD PAS GCIG BZUNG BA NA KUN BZUNG YANG 'KHRUL RGYUS NGES MA NUS PAS 'KHRUL PA DE LDOG PA'I PHYIR, NGES SHES SNGA MAS BZUNG ZIN YANG TSAD MA GZHAN 'JUG GO ZHE NA, 'O NA NGES SHES SNGA MA DE SEL 'JUG TU GRUB BO, NGES SHES PHYI MA'ANG SEL 'JUG TU GRUB STE RANG GI SGRO 'DOGS KYI ZHEN YUL DBEN PA LA 'JUG PA'I NGES PA YIN PA'I PHYIR, NGES SHES KYIS BZUNG YANG MA NGES PA 'GAL TE NGES SHES YUL LA SGRUB 'JUG KHAS BLANGS PAS SO, SGRA 'DZIN MNGON SUM SGRA DANG GRUB BDE DBYER MED KYI CHOS RNAMS BZUNG MA BZUNG CHA SHAS RNAM PAR SPANGS NAS BZUNG YANG RTOGS MI DGOS TE GANG LA MTHUN RKYEN TSANG BA DE RTOGS PA'O, , GNYIS PA, DE GRUB NA GZHAN SEL GYI YUL CAN DU GRUB PAR BSTAN PA LA GSUM; LOG LDOG DANG SPYI GSAL MTSUNGS PA'I RTZOD SPANG DANG, GZHAN SEL GYI SPYI NGOS BZUNG BA DANG, BRDA'I YUL NGOS BZUNG BA'O, DANG PO LA, SEL BA SMRA BA LA NYES PA MED PA DANG, SGRA DNGOS DBANG GIS 'JUG PA LA NYES PA YOD PA DANG; DES NA BRJOD 'DOD KYI DBANG GIS 'JUG RIGS PA'O, DANG PO LA LAN DNGOS DANG, DE LA RTZOD SPONG DANG, NYES PA MED PA'I DON BSDU BA'O,, DANG PO NI, DE LA'ANG GZHAN LAS LDOG PA DANG, , GZHAN LAS LOG PA ZHES BYA BA'I, , ` SGRA DANG NGES PA NYID DANG NI, , BRDA YI RJES SU BYED PA YIN, , @060 ZHES PAS, RTA LAS LDOG PA DANG, BA GLANG MA YIN PA LAS KYANG LOG PAS LOG LDOG SPYI BYE BRAG GNYIS SGRA DANG RTOG PA'I YUL DU THA DAD KHO NAR GNAS PA DE YUL RDZAS THA DAD PA'I DBANG GIS MA YIN PAR BRDA THA DAD PA'I RJES SU BYED PA TZAM YIN NO, , GNYIS PA, DE LA RTZOD SPONG LA GNYIS, RNAM DBYE THA DAD MI 'THAD PAR THAL BA SPANG BA DANG, SGRA THA DAD DU SMOS PA'I DGOS PA'O, , DANG PO NI, ` GNYIS KAS GCIG GCIG BRJOD MOD KYI, , BRJOD BYA'I GZHAN GYI KHYAD PAR GYIS, , RNAM DBYE THA DAD BYED PA YIS, , THA DAD DON BZHIN SGRUB PAR BYED, , CES PAS, CHOS DANG CHOS CAN BRJOD PA'I SGRA GNYIS KAS LDOG PA GCIG BRJOD NUS PA DANG, DE GNYIS RDZAS THA DAD MA YIN YANG SGRAS RDZAS THA DAD LTA BUR DANG; BLO LA RDZAS THA DAD LTA BUR GO BA NI BRJOD BYA RDZAS THA DAD LA GOMS PA CHE BAS DE LTAR GO BA'O,, GNYIS PA, SGRA THA DAD SMOS PA'I DGOS PA LA GSUM, CHOS CHOS CAN THA DAD PA 'DOD PA'I RJES SU BYED PAR BSTAN PA DANG, RDZAS THA DAD ZHEN YUL BYED KYANG DE DANG 'DRA BAR BSTAN PA DANG, SGRA'I SBYOR TSUL JI LTAR BYAS KYANG 'DRA BAR BSTAN PA'O,, DANG PO NI, KHYAD PAR GZHAN NI SPONG BA DANG, , MI SPONG BA DAG DE GNYIS KYI, , BRDA YI BYE BRAG RTOGS PA PO'I, , 'DOD PA'I RJES SU BYED PA'I GZHI, , @061 ZHES PA'I CHOS BRJOD KYI SGRAS YUL DE NYID KHYAD CHOS GZHAN GYI RTEN DU RUNG BA BLO YUL DU SPONG BA DANG, CHOS CAN BRJOD PA'I SGRAS YUL DE NYID DE LTAR MI SPONG BA DE YUL DNGOS DBANG GIS MIN PAR 'DOD PA'I RJES SU 'JUG PA TZAM YIN NO,, GNYIS PA NI, KUN LA RDZAS DANG DNGOS BRJOD PA'I, , SGRA YI KHYAD PAR 'DI NYID DO, , DE PHYIR DE DAG BRJOD BYA LA, , KHYAD PAR 'GA' YANG YOD MA YIN, , ZHES PAS, CHOS DANG CHOS CAN BRJOD PA'I SGRA GNYIS RDZAS THA DAD LTA BUR GO BAR BYAS KYANG BRJOD BYA LA RDZAS THA DAD YOD PA MA YIN TE, DON GCIG NYID BRDA THA DAD PA'I BRJOD TSUL TZAM YIN PA'I PHYIR,, GSUM PA, SGRA'I SBYOR TSUL JI LTAR BYAS KYANG DE DANG 'DRA BA NI, DON DE SHES PAR BYED 'DOD PAS, , DE LA PHAN PA'AM BYED LDAN NAM, , GAL TE GZHAN GYIS BRJOD KYANG RUNG, , DE LAS KHYAD PAR GZHAN MED DO, , ZHES PAS CHOS DANG CHOS CAN SHES PAR 'DOD NAS SGRA'I SBYOR TSUL JI LTAR BYAS KYANG BRJOD BYA RDZAS THA DAD DU 'GYUR BA MA YIN PAR, KHYAD PAR GZHAN SPONG MI SPONG TZAM LAS GZHAN MED DO,, GSUM PA, NYES PA MED PA'I DON BSDU BA NI, DE PHYIR GZHAN SEL YUL LA NI, , DE LDAN PHYOGS LA BRJOD PA BSAL, , @062 ZHES PAS GZHAN SEL SGRA'I YUL DU 'DOD PA LA, CHOS DANG CHOS CAN RDZAS THA DAD DU 'DOD PA'I PHYOGS LA BRJOD PA'I NYES PA MED DO,, GNYIS PA, SGRA DNGOS DBANG GIS 'JUG PA LA NYES PA GSUM BSTAN PA NI,, RIGS DANG DE DANG LDAN PA DAG , THA DAD NYID NA NYES PAR 'GYUR, , GANG DAG GI TSIG DNGOS PO'I DBANG, , LHUR BRJOD BRJOD 'DOD MI BRTEN PA, , DE DAG LA NI DRUG PA DANG, , TSIG DBYE LA SOGS KLAN KA RIGS, , ZHES TSIG RKANG DRUG GIS RIGS DANG DE DANG LDAN PA'I GSAL BA RNAMS RDZAS THA DAD DU 'DOD PA LA PHYOGS GLANG GIS BSHAD PA'I NYES PA GSUM 'GYUR RO, , BRDA SPROD PA DANG SPYOD PA BA DE DAG LA RNAM DBYE DRUG PA DANG MANG TSIG LA SOGS PA MI RUNG BA'I KLAN KA 'JUG STE TSIG RNAMS BRJOD 'DOD DBANG GIS MIN PAR DNGOS DBANG GIS LHUR BLANGS NAS BRJOD PA'I PHYIR,, GSUM PA, SGRA RNAMS BRJOD 'DOD DBANG GIS 'JUG RIGS PA LA DNGOS DANG, GZHAN LA MANG TSIG SOGS MI RUNG BA'I RGYU MTSAN NO,, DANG PO NI, PHYI ROL DON LA MI LTOS PA'I, , TSIG GANG SMRA POS JI LTA BU, , RJOD BYED NYID DU NGES BYED PA, , DE DE BZHIN DU RJOD BYED YIN, , @063 ZHES SGRA RNAMS PHYI ROL DON GYI DBANG GIS MIN PAR BRJOD 'DOD PA'I DBANG GIS BRJOD PAR 'DOD PA'I SEL PA SMRA BA LA MANG TSIG SOGS MI RUNG BA'I KLAN KA MI 'JUG PA'O,, GNYIS PA NI, BTZUN MO RNAMS GRONG DRUG LA SOGS, , THA DAD DNGOS MIN BZHAG PA'AM, NAM MKHA'I RANG BZHIN MKHA' NYID CES, , BYA BA 'DI LA RGYU CI YOD, , CES PAS SGRA DNGOS DBANG GIS 'JUG NA SGRA 'JUG PA LTAR DNGOS POR GNAS DGOS PAS, BUD MED GCIG LA BTZUN MO RNAMS ZHES PA DANG, GRONG DRUG LA KHANG BZANG GI PHRENG BA ZHES PA DANG, NAM MKHA'I RANG BZHIN ZHES PA'I DRUG SGRA SOGS SBYAR DU MI RUNG BAR 'GYUR ZHES PA'O,, GNYIS PA, GZHAN SEL GYI SPYI NGOS BZUNG BA LA GNYIS, YUL SPYI'I GNAS TSUL DANG, DE SNANG GI BLO'I 'JUG TSUL LO, ,DANG PO LA, KUN RDZOB BDEN PA'I KUN RDZOB KYI SGRA BSHAD DANG, DE LA SNANG BA BSAM NGO'I BDEN PA TZAM DU BSGRUB PA DANG, DON DAM DU BDEN PA DGAG PA DANG, DES NA DE 'DZIN 'KHRUL PAR BSGRUB PA DANG, 'KHRUL PA GZHI MED DU 'BYUNG BA THAL BA SPONG BA'O,, DANG PO NI, THA DAD DNGOS RNAMS LA BRTEN NAS, DON GCIG TU NI SNANG BA'I BLO, , GANG GI RANG GI NGO BO YIS, , GZHAN GYI NGO BO SGRIB BYED PA, , SGRIB BYED DES BDAG THA DAD KYANG, , THA DAD PA NYID BSGRIBS PA YIS, , @064 DNGOS RNAMS NGO BO 'GA' ZHIG GIS, , THA DAD MIN PA LTA BUR SNANG, , ZHES PA'I TSIG BRGYAD KYIS, SHING GI SPYI 'DZIN GYI BLO DES SHING GI DE KHO NA NYID MTHONG BA LA SGRIB BYED KYI BLO KUN RDZOB DANG, SHING GSAL RNAMS RDZAS THA DAD KANG SPYI BLO LA RDZAS THA DAD MIN PAR SNANG BA NI SPYI BLO DES SHING GSAL RDZAS THA DAD SNANG BA LA SGRIB PAR BYAS PA'O,, GNYIS PA, DE LA SNANG BA BSAM NGO BDEN PA TZAM DU SGRUB PA NI, DE LA BSAM PA'I DBANG GIS NI, , SPYI YOD PAR NI RAB TU BSGRAGS, , ZHES PAS, SHING 'DZIN RTOG PA LA SNANG BA SHING GI DON SPYI DE SHING 'DZIN RTOG PA'I DBANG GIS BZHAG PA TZAM MO,, GSUM PA, DON DAM BDEN PA BKAG PA LA, DNGOS DANG SHES PA'I RDZAS PHYI ROL GYI SPYI YIN PA DGAG PA GNYIS LAS,, DANG PO NI, DE YIS JI LTAR KUN BRTAGS PA, , DE NI DAM PA'I DON DU MED, , GSAL BA RNAMS NI RJES MI 'GRO, , RJES 'GRO GZHAN NI SNANG BA MED, , CES PAS, SHING GI SPYI BLOS KUN BRTAGS PA'I SHING GI DON SPYI DE DAM PA'I DON DU MED PA, DE SHING GSAL RNAMS DANG RDZAS GCIG DANG RDZAS THA DAD GANG DU'ANG MED PAR BSGRUB PA'O,, GNYIS PA, SHES PA'I RDZAS PHYI ROL GYI SPYI YIN PA DGAG PA NI, , SHES LAS THA DAD MA YIN PA, , @065 JI LTAR DON GZHAN 'BRANG BAR 'GYUR, , ZHES PA'I TSIG GNYIS DES SHING GI DON SPYI DE SHING 'DZIN RTOG PA'I RDZAS YIN NA PHYI ROL GYI GSAL BA LA RJES SU MI 'GRO BAR 'GYUR RO ZHES BSTAN,, BZHI PA, DE 'DZIN 'KHRUL PAR BSGRUB PA NI, , DES NA DON LA BDAG GCIG TU, , 'DZIN PA'I RNAM RTOG 'DI LOG PA, , ZHES PAS SHING GSAL GYI DON RNAMS SHING GI RIGS GCIG TU 'DZIN PA'I SHING GI SPYI BLO DE 'KHRUL SHES YIN ZHES PA'O,, LNGA PA, 'KHRUL PA GZHI MED DU THAL BA SPANG PA LA GSUM, 'KHRUL GZHI NGOS BZUNG BA DANG, DU MAS 'BRAS BU GCIG BSKYED PA'I DPER RKYEN GSUM DGOD PA DANG, SMAN DGOD PA,, DANG PO NI, MING DON GANG LDAN PHAN TSUN DU, , THA DAD 'DI YI SA BON YIN, , ZHES PAS, SHING GSAL RDZAS THA DAD PA RNAMS SHING 'DZIN RTOG PA'I BRGYUD RGYU YIN ZHES PA'O, , GNYIS PA, DU MAS 'BRAS BU GCIG BSKYED PA'I DPER RKYEN GSUM BKOD PA NI,, GCIG RTOGS DON SHES LA SOGS PA, , DON GCIG SGRUB LA 'GA' ZHIG NI, , THA DAD YIN YANG RANG BZHIN GYIS, , NGES TE DBANG PO LA SOGS BZHIN, , @066 ZHES PAS SHING GSAL RNAMS RDZAS THA DAD YIN YANG THUN MONG BA'I 'BRAS BU GCIG BSKYED NGES TE, SHING GI SPYI 'DZIN RTOG PA DANG, SHING 'DZIN DBANG PO MNGON SUM BSKYED PA'I PHYIR, DPER NA, MIG GI DBANG PO SOGS BZHIN NO,, GSUM PA, SMAN DGOD PA NI, DPER SMAN KHA CIG THA DAD KYANG, , LHAN CIG PA'AM SO SO YIS, , RIMS LA SOGS PA ZHI BYED PAR, , MTHONG GI GZHAN GYIS MA YIN BZHIN, , ZHES PAS DPER NA, SMAN PAR PA TA LA SOGS PA SPYI DON GZHAN MED PA'I RDZAS THA DAD YIN YANG RIMS NAD ZHI BA'I 'BRAS BU GCIG BYUNG BA BZHIN DU, DU MAS GCIG BSKYED PA LA SPYI DON GZHAN MI DGOS SO,, KHYAD PAR MED PHYIR SPYI MA YIN, , DE DAG ZHING SOGS THA DAD KYANG, , KHYAD PAR MED PAR THAL 'GYUR PHYIR, , BRTAN PAS PHAN 'DOGS MED PHYIR YANG, , ZHES PAS SPYI DON GZHAN GYI DBANG GIS NAD ZHI BA YIN NA SMAN NUS PA THA DAD MED PAR THAL BA DANG, ZHING DANG SO NAM NUS PAS SMAN BZANG NGAN DU MI 'GYUR BAR THAL LO,, GNYIS PA, DE SNANG GI BLO'I 'JUG TSUL LA GSUM, SPYI BLO 'JUG TSUL MDOR BSTAN PA DANG, RGYAS PAR BSHAD PA, DON BSDU BA'O,, DANG PO NI, RANG BZHIN DE 'DZIN RNAM RTOG BLO, , DON MED KYANG DE DON CAN 'DRA, , @067 DE YI 'BRAS CAN MING DON LAS, , THA DAD MTHAR THUG SKYE BA GANG, DE LA NGO BO PHYI ROL DANG, , GCIG LTA GZHAN LAS LOG LTA BUR, , SNANG BA GANG YIN BRTAG PA YI, , YAN LAG MED PHYIR DE NYID MIN, , ZHES PA'I TSIGS BCAD GNYIS TE, SHING GI RANG BZHIN 'DZIN PA'I RTOG PA DE RGYU MED DANG MI MTHUN PA'I RGYU LAS MI 'BYUNG STE, SHING GSAL LA BRGYUD NAS SKYES SHING DON RANG MTSAN THOB PA'I YUL CAN YIN PAS SO, SPYI 'DZIN LA SNANG BA'I PHYI ROL GYI SHING LTA BU DANG, GCIG LTA BU DANG SHING MA YIN LAS LOG PA LTA BUR SNANG BA GANG YIN PA NI SHING DE NYID MIN TE, RTOG PAS BTAGS PA TZAM LAS SHING GI DON BYED MI NUS PA'I PHYIR,, GNYIS PA, RGYAS PAR BSHAD PA LA GSUM, SPYI DANG GZHI MTHUN SOGS KYI THA SNYAD 'JUG PA'I TSUL DANG, THA SNYAD DE DAG 'JUG PA'I RGYU MTSAN DANG, RNAM GZHAG DE DAG BYAS PA'I DGOS PA'O,, DANG PO NI, SHES LA YOD PA'I DON DE RNAMS, , 'DI LTAR LDOG PA'I NGO BO CAN, , DES NA THA DAD MIN LTA BUR, , DE NYID GZHAN LAS LOG PAR YANG, , SNANG STE DE LA SPYI DANG NI, , GZHI MTHUN SPYOD YUL CAN DAG GI , @068 SHES PA DANG NI BRJOD PA YIS, , THA SNYAD NOR DON CAN RGYAS BYED, , DNGOS PO RNAMS KYI DE KUN YANG, PHAN TSUN MED LA BRTEN PA STE, , DES NA GZHAN SEL YUL CAN DANG, , GANG LA DNGOS DANG 'BREL YOD PA, , DNGOS PO RNYED PA'I RTEN YIN TE, , RJES DPAG JI SKAD BSHAD JI BZHIN, , 'KHRUL PAR 'DRA YANG GZHAN LAS MIN, , MAR ME'I 'OD LAS NOR BU BZHIN, , ZHES TSIGS BCAD BZHIS, RTOG PA LA YOD PA'I SHING MA YIN LAS LOG PAR SNANG BA DE SPYI'I THA SNYAD RGYAS PAR BYED PA DANG, SHA PA MA YIN PA LAS LOG PA DE GZHI MTHUN GYI THA SNYAD RGYAS PAR BYED, SHES BRJOD KYI THA SNYAD DE DAG KYANG 'KHRUL PA YIN YANG RANG MTSAN THOB PA MI 'GAL BA DANG, DNGOS PO DANG BRGYUD NAS 'BREL BA YOD PA'I THA SNYAD DON MTHUN YIN NA DNGOS PO RANG MTSAN THOB PAS KHYAB BO, 'KHRUL PAR 'DRA YANG DON THOB MI THOB GNYIS YOD DE, SGRA RTAG 'DZIN GYIS DON MI THOB; SGRA MI RTAG RTOGS PA'I RJES DPAG DON THOB PA'I PHYIR, MAR ME'I 'OD LAS NOR BU MI THOB PA BZHIN NO,, GNYIS PA, THA SNYAD DE DAG 'JUG PA'I RGYU MTSAN NI, DE LA DU MA'ANG 'BRAS GCIG CAN, , DE 'BRAS CAN MIN GZHAN RTEN CAN, , @069 BRJOD DANG SHES PAS GCIG NYID DU, , THA SNYAD RAB TU 'JUG PAR BYED, , DE BZHIN GCIG KYANG DU MA BYED, , DE DNGOS YONGS SU BSTAN PA'I PHYIR, , DE 'BRAS CAN MIN DON LAS NI, , THA DAD PAS CHOS SNA TSOGS SHES, , ZHES TSIGS BCAD GNYIS TE, SHING GSAL DU MA RNAMS LA SHING GI THA SNYAD 'JUG STE, SHING MA YIN PA LAS LOG PAR MTSUNGS PA'I PHYIR, SHA PA LTA BU LA GZHI MTHUN GYI THA SNYAD 'JUG STE, SHING MA YIN PA LAS KYANG LOG SHA PA MA YIN PA LAS KYANG LOG PA'I LDOG CHOS SNA TSOGS CAN DU TSAD MAS SHES PA'I PHYIR,, GSUM PA, RNAM GZHAG DE DAG BYAS PA'I DGOS PA LA GSUM, SPYI GZHI MTHUN RTOG PA LA GRAGS PA BZHIN DU BZHAG PA DANG, BZHAG PA'I DGOS PA DANG, RANG MTSAN KHO NA YIN PA DGAG PA'O,, DANG PO NI, SGRA DON 'DI DANG GZHI MTHUN NYID, , YOD PA MIN YANG JI LTA BUR, , GRAGS PA BZHIN DU BRJOD PA STE, , DNGOS LA 'DI NI MI SRID DO, , CHOS DANG CHOS CAN RNAM GZHAG DANG, , THA DAD THA DAD MIN CI 'DRA, , DE NYID DON NI MA BRTAGS PAR, , 'JIG RTEN JI LTAR GRAGS DE LA, , @070 DE BZHIN KHO NAR BRTEN NAS NI, , BSGRUB BYA SGRUB PA KUN BZHAG PA, , DAM PA'I DON LA 'JUG BYA'I PHYIR, , MKHAS PA RNAMS KYIS BYAS PA YIN, , ZHES TSIGS BCAD GSUM POS, SGRA'I DON BSHAD MA THAG LDOG PA CHIG RKYANG DANG LOG PA GNYIS TSOGS DE CHOS CAN, RTOG PA LA JI LTAR SNANG BA LTAR DNGOS PO LA MI SRID DE, DON DAM MIN YANG 'JIG RTEN NA GRAGS PA BZHIN DU BRJOD PA'I PHYIR, CHOS DANG CHOS CAN GYI RNAM GZHAG DANG, THA DAD THA DAD MIN PA GZHI MTHUN DANG SPYI DE RNAMS DNGOS PO GNAS PA BZHIN DU BZHAG PA MIN YANG, RTOG PA LA GRAGS PA BZHIN BSGRUB BYA SGRUB BYED SOGS MKHAS PA RNAMS KYIS BYAS PA LA DGOS PA YOD DE, GNAS SKABS DANG MTHAR THUG GI DON LA GROL BA DON GNYER 'JUG PA'I CHED YIN PA'I PHYIR,, GSUM PA, RANG MTSAN YIN PA DGAG PA LA, RANG MTSAN DU MI RIGS PA DANG; SGRA DON DU MI RIGS PA GNYIS,, DANG PO NI, DAM PA'I DON GYI DON RNAMS NI, , RANG GIS 'DRE DANG THA DAD MED, , DE LA NGO BO GCIG PA DANG, , DU MA BLO YIS BSLAD PA YIN, , ZHES PAS, RDZAS GCIG DANG RDZAS THA DAD SOGS BLO 'KHRUL PAS BSLAD CING BTAGS PA YIN TE, DAM PA MA 'KHRUL BA BZUNG DON 'DRI BA MED PAR GNAS, RDZAS GCIG RDZAS THA DAD DU MED PA'I PHYIR,, @071 GNYIS PA, SGRA DON DU MI RIGS PA NI, DE SPYI KHYAD PAR ZHES BYA BA'I, , BYE BRAG 'DI NI BLO DON LA, , DE NYID LA GZHAN LAS LDOG PAS, , CHOS KYI BYE BRAG RAB TU BRTAG , BSGRUB BYA SGRUB PAR RTOG PA LA, , DNGOS PO MTHONG BA NYAMS PA'I PHYIR, , KHYAD PAR SPYI DANG 'DRES PA 'DIR, , RANG GI MTSAN NYID GZUNG BYA MIN, , DE NI SPYI DANG KHYAD PAR GYI, , RNAM SOGS CIR YANG GZUNG BYA MIN, , BYE BRAG KHYAD PAR MANG PO RNAMS, , DE GCIG LA NI MI RUNG PHYIR, , ZHES TSIGS BCAD GSUM POS, RDZAS GCIG LA'ANG YUL SO SO LA LTOS NAS SPYI DANG BYE BRAG 'BYED PA'I CHA 'DI NI, RTOG BLO LA SNANG BA LTAR GNAS LA, DE LTAR 'BYED PA'I LDOG PA DU MAR DBYE RUNG BA DANG 'BYED PA'I GZHI RANG MTSAN YIN YANG, DE LA PHYE BA'I CHOS CAN SOGS THA DAD PA'I CHA SPYI MTSAN DU 'DOD, BSGRUB BYA SGRUB BYED LA RTOG PA'I BLO'I SNANG BA RANG MTSAN MA YIN TE, BLO DE RANG MTSAN BZUNG YUL DU NUS PA NYAMS PA'I PHYIR, RJES DPAG GI BZUNG BYA RANG MTSAN GCIG PU DE LA SPYI DANG BYE BRAG CHOS CHOS CAN SOGS SPYI YANG RANG MTSAN MA YIN LA, BYAS MI RTAG SOGS LDOG CHOS KYI KHYAD PAR RNAMS RTOG PAS BTAGS PA TZAM DU GRUB BO, , @072 GSUM PA, DON BSDU BA NI, DE YI NGO BO KUN LAS LOG , DE DE BZHIN DU RTOGS BYED PA'I, , SGRA YOD MA YIN RTOG PA YANG, , SPYI NYID DU NI 'JUG PHYIR RO, , ZHES PAS, SGRA'I KHYAD PAR THAMS CAD DUS GCIG TU BRJOD PA'I SGRA DANG RTOG PA'I RTOGS PA MED DE, SGRA DE RANG MA YIN PA LAS LOG PA'I LDOG PA DU MA YOD PA'I PHYIR, , GSUM PA, BRDA'I YUL GTAN LA DBAB PA LA, SGRUB PA KHO NA BRDA'I YUL YIN PA DGAG PA DANG, GZHAN SEL BRDA'I YUL DU BSGRUB PA DANG, SPYI DON GZHAN BKAG PA MI 'THAD PA'I RTZOD SPANG NGO, ,DANG PO LA, DE MIN RNAM PAR BCAD PA LA MI LTOS PA'I GSAL BA RKYANG PA MI RUNG, SPYI RKYANG PA MI RUNG, SPYI DANG BCAS PA'I GSAL BA BRDA'I YUL DU MI RUNG BA'O, , DANG PA NI, SGRA RNAMS KYIS NI BRDAR BTAGS STON, , DE NI THA SNYAD CHED DU BYAS, , DE TSE RANG GI MTSAN NYID MED, , DES NA DE LA BRDAR MA YIN, , ZHES PAS THUN MONG MA YIN PA'I MING GI SGRA RNAMS KYIS NI RANG GANG LA BTAGS PA'I DON DE GO BA DANG, BRDA SBYAR BA'I DGOS PA NI THA SNYAD KYI DUS SU DON GO BA'I CHED DU YIN, THA SNYAD KYI DUS SU BRDA DUS KYI RANG MTSAN 'GAGS NAS MED PAS, DE MIN RNAM PAR BCAD PA LA MI LTOS PAR GSAL BA RANG MTSAN LA BRDA SBYAR BA MA YIN NO, , @073 GNYIS PA, SPYI RKYANG PA BRDA'I YUL DU MI RUNG BA NI, CI NAS SKYES BU DON BYED PAR, , NUS PA SHES NAS DE BSGRUB PHYIR, , 'JUG PAR 'GYUR ZHES DON RNAMS LA, , RJOD PAR BYED PA SBYOR BAR BYED, , DE LA RIGS DON BYED RUNG MIN, , ZHES TSIG LNGAS BRDA SBYAR BA'I DGOS PA NYAN PA PO'I GANG ZAG GIS YUL DE DON BYED PA'I NUS PAR SHES NAS DE BSGRUB PA'I PHYIR 'JUG PAR 'GYUR LA, RIGS DON GZHAN LA DGOS PA DE BSGRUB MI NUS PA'O, , GSUM PA, SPYI DANG LDAN PA'I GSAL BA BRDA'I YUL DU MI RUNG BA NI, DE LDAN NUS PA DE YANG NI, , CI PHYIR DNGOS SU SBYOR MI BYED, , GAL TE MTHA' YAS PHYIR 'DI MTSUNGS, , DE BYED DE BYED MA YIN LAS, , LOG PAR MTSUNGS LA CIS MA BYAS, , DE LDAN NYES MTSUNGS PHYIR ZHE NA, , BLA STE RIGS GZHAN MI DGOS SO, , ZHES PA'I TSIG BDUN DES SPYI LDAN GYI GSAL BA LA BRDA SBYOR RO ZHE NA, GSAL BA KHO NA LA SBYOR RIGS PAR THAL, SPYI DON GZHAN MI SRID PA'I PHYIR, SPYI DON GZHAN MED NA GSAL BA MTHA' YAS PAS SBYAR MI NUS NA SPYI LDAN GYI GSAL BA LA'ANG SBYOR MI RIGS PAR THAL, DE LA'ANG MTSUNGS PA'I PHYIR TE, SPYIS GSAL BA LA NYUNG BA BYED MI NUS PA'I PHYIR, BA GLANG MA YIN PA LAS LOG PA @074 MTSUNGS PA'I GZHAN SEL LA BRDA MA BYAS PAR SPYI DON GZHAN BRDA'I YUL DU 'DOD CES DRIS PAS, RANG DBANG MED PHYIR DE LDAN MIN ZHES NYES PA MTSUNGS PA'I PHYIR ZHE NA, NYES PA MI MTSUNGS MOD, MTSUNGS KYANG RIGS DON GZHAN MI DGOS PAR GZHAN SEL BRDA'I YUL DU 'DOD NA DON GO BA'I PHYIR, , GNYIS PA, GZHAN SEL BRDA'I YUL DU BSGRUB PA NI, DE LAS GZHAN PA YONGS SPANGS NAS, , 'JUG 'GYUR ZHES KYANG SGRA BRJOD DE, , DE YIS DE DAG RNAMS LAS 'DI, , MI GCOD NA NI DE JI LTAR, , GAL TE 'DI LA RNAM GCOD YOD, , SGRA RNAMS DGOS PA DE TZAM DU, , ZAD PA MIN NAM KHYED LA DER, , SPYI GZHAN GYIS NI CI ZHIG BYA, , ZHES PA'I TSIG BRGYAD DES BRDA SBYOR BAR RNAM BCAD KYI DGOS PA DON DE LAS GZHAN PA YONGS SU SPANGS NAS DON DE THUN MONG MA YIN PA LA 'JUG PAR 'GYUR BA'I PHYIR, BRDA SBYOR BA'I DGOS PA DE LTAR YIN LA BUM PA ZHES PA'I BRDA SBYAR BA NA, BUM MA YIN MI GCOD NA BUM PA MI GO LA, BCAD NA SPYI DON GZHAN MI DGOS PAR BRDA SBYAR BA'I DGOS PA BSGRUB NUS PA'I PHYIR, GSUM PA, SPYI DON GZHAN BKAG PA MI 'THAD PA'I RTZOD SPANG LA GSUM, SPYI DON GZHAN MED NA NGO SHES KYI BLO MI 'THAD PA SPANG BA DANG, SPYI 'DZIN SPYI LAS SKYE BA DGAG SPYI SGRA DON LA MI BSLU BA BSTAN PA'O, , @075 DANG PO NI, GSAL BA RNAMS NI THA DAD KYANG, , BYA BA DE DANG DE BYED PA'I, , DON RNAMS MTHONG NAS GZHAN MTHONG YANG, , DE LAS GZHAN DANG BRAL BA YI, , YUL CAN GYI NI SGRA RNAMS KYIS, , LHAN CIG SBYAR NAS NGO SHES BYED, , CES TSIG DRUG DES SPYI DON GZHAN MED NA'ANG SNGA PHYI LHAN CIG TU SBYAR NAS NGO SHES TE, DON SNGA MA RNAMS MTHONG BA'I SGRA RTOG GOMS PA'I DBANG GIS DE LTAR MTHONG BA'O, , GNYIS PA, SPYI 'DZIN SPYI LAS SKYE BA DGAG PA LA GSUM, SPYI 'DZIN SPYI 'BA' ZHIG LAS SKYE BA DGAG PA, SPYIS PHAN BTAGS PA'I GSAL BAS BSKYED PA DGAG PA, GSAL BAS PHAN BTAGS PA'I SPYIS BSKYED PA DGAG PA'O, , DANG PO, THAL BA DGOD PA NI, , GZHAN GYI LTAR NA'ANG BLO DE NI, , SPYI NI 'BA' ZHIG NYID LAS MIN, , RTAG TU DE TZAM RNAM SHES NA, , GSAL BA MI SHES THAL 'GYUR PHYIR, , DE YI TSE NA NAM YANG NI, , DE LDAN 'BREL BA MA BZUNG PHYIR, , DE DANG LDAN NGES MI 'GYUR BA'I, , DE LA JI LTAR THA SNYAD 'DOGS, , @076 ZHES TSIG BRGYAD PO DES, BYE BRAG PA GZHAN GYI LTAR NA'ANG SPYI BLO DE NI SPYI 'BA' ZHIG BZUNG DON DU BYAS PA MI 'THAD DE, BLO DE LA GSAL BA'I RNAM PA SHAR BA'I PHYIR, SPYI DE TZAM RNAM PA SHAR NA, GSAL BA MI SHES PAR 'GYUR LA, SPYI DANG GSAL BA'I 'BREL BA MI SHES PAR 'GYUR MI SHES NA GSAL BA RNAMS SPYI DANG LDAN PA MA NGES PA 'GYUR LA, DES NA SPYI DANG LDAN PA'I SGO NAS GSAL BA LA THA SNYAD 'DOGS MI NUS PAR 'GYUR RO, , GNYIS PA, SPYIS PHAN BTAGS PA'I GSAL BAS BSKYED PA DGAG PA NI, , GAL TE DNGOS GCIG GROGS BYED PA'I, , GSAL RNAMS SHES PA'I RGYU ZHE NA, , DNGOS PO GCIG DES DE RNAMS KYI, , THA DAD PA NYID SEL TAM CI, , THA DAD PHYIR YANG DE RNAMS LA, , GCIG GI RNAM SHES RGYUR MI 'DOD, , GAL TE DU MA'ANG GCIG LTOS NAS, , THA DAD MIN BLO SKYED CE NA, , DE DAG SO SO MED PAR YANG, , DE GCIG GIS KYANG BSKYED BYA BA'I, , BLO LA DE RNAMS NUS MED PHYIR, , BLO YIS 'DZIN PA MED PA YIN, , SNGO SOGS MIG GI RNAM SHES LA, , NUS PA SO SOR MTHONG BA'I PHYIR, , @077 TSOGS LA'ANG NUS GRUB GSAL BA LA, , JI LTAR YANG NI DE LTAR MIN, , ZHES TSIGS BCAD BZHIS, GAL TE SPYI DNGOS PO GCIG GIS GROGS BYED PA'I GSAL BA RNAMS SPYI BLO'I RGYU YIN, SPYI KHO NAS SHES PA MI BSKYED PAS SKYON MED CE NA, SPYI DES GSAL BA DU MA THA DAD PA'I CHA BSAL BAR THAL, DES GSAL BA DU MA SHES PA GCIG GI RGYUR BSKYED PA'I PHYIR, GAL TE GONG DU BSHAD PA DES GANG LA'ANG LTOS MED DU GSAL BA RNAMS 'BRAS BU GCIG MI BSKYED PA YIN GYI GSAL BA DU MA'ANG SPYI LA LTOS NAS 'BRAS BLO GCIG BSKYED CE NA, GSAL BA SNGA MA RNAMS SPYI BLO LA GZUNG DON GYI SGO NAS PHAN 'DOGS PA MED PAR THAL, GSAL BA SNGA MA RNAMS PHAN BYED DU MED PAR GSAL BA PHYI MA DANG LHAN GCIG PA'I SPYI GZUNG DON DU BYAS NAS BSKYED PA'I PHYIR, SPYI BLO LA GSAL BA YOD MED LA MA LTOS PAR GZUNG RNAM SHAR BAS SPYI BLO'I GZUNG DON MA YIN NO, YANG SNGON PO MED PA'ANG MIG SHES BSKYED PAS SNGON PO DE BSKYED PA'I NUS PA MED PAR 'GYUR RO ZHE NA, MI MTSUNGS TE; SNGO SER RNAMS RANG 'DZIN MIG SHES LA NUS PA SO SOR YOD, GSAL BA RNAMS YOD MED LA SPYI BLO LA RNAM PA MI 'DRA BA 'CHAR RGYU MED DO, , GSUM PA, GSAL BAS PHAN BTAGS PA'I SPYIS BSKYED PA DGAG PA LA, THAL BA DGOD PA, DE'I LAN DGAG PA, SPYI DON GZHAN KHEGS PA DRAN PA LA SBYAR BA'O, DANG PO NI, GAL TE DE DAG GANG RUNG LA, , LTOS NAS DES NUS 'BA' ZHIG MIN, , DE DAG DE GCIG LA PHAN NA, , JI LTAR BLO GCIG NYID LA MIN, , @078 'DI DE RNAMS KYI 'BRAS BUR 'GYUR, , PHAN 'DOGS GANG YIN BSKYED PA YIN, , ZHES TSIG DRUG DES, GAL TE GSAL BA RE GROGS SU YOD PAS SPYI DES SPYI 'DZIN BSKYED NUS KYI DE GCIG PUS BSKYED PA MED CE NA, GSAL BA RNAMS SPYI DON GZHAN GCIG BSKYED PAR 'GYUR LA, GSAL BA DU MAS 'BRAS BU THUN MONG BA GCIG BSKYED PAR KHAS BLANGS PA DANG 'GAL, PHAN 'DOGS BYED RGYU'I MTSAN NYID YIN PAS GSAL BA RNAMS SPYI DE'I RGYUR 'GYUR RO, , GNYIS PA, DE'I LAN DGAG PA NI,, GAL TE THA DAD MI SNANG BLO, , THA DAD RNAMS LA MI 'DOD NA, , BLO YI SNANG BA THA DAD DE, , DE DAG MTSUNGS ZHES 'DZIN PHYIR RO, , GAL TE DE DAG MTSUNGS NA NI, , JI LTAR THA DAD BLOS GZUNG BYA, , 'BRAS BU GCIG 'DRA DE DAG GI , 'BRAS BLO DE YANG THA DAD DO, , ZHE NA GCIG TU RTOGS RGYU'I PHYIR, , BLO NI THA DAD MED PA YIS, , BLO GCIG RGYU YI DNGOS PO YIS, , GSAL BA RNAMS KYANG THA MI DAD, , DE'ANG DE 'BRAS CAN MIN BRAL, , @079 ZHES TSIG BCU GSUM DES, GAL TE SPYI BLO LA DU MA'I RNAM PAR SHAR NA SPYI BLO MI 'GYUR BA LA DU MAS 'BRAS BU GCIG BSKYED PA YOD DO ZHE NA, SPYI BLOS GSAL BA RNAMS MTSUNGS SO ZHES 'DZIN PAS SNANG BA THA DAD PA SHAR DGOS SO,, KHYAB PA MED DE, MTSUNGS PAR 'DZIN NA THA DAD MIN PA DANG THA DAD GNYIS KA GZUNG DGOS PAS THA DAD KHO NA JI LTAR GZUNG ZHE NA, BUM GSAL DU MA RNAMS 'BRAS BU 'DRA BA GCIG GI SGO NAS MTSUNGS PA YIN GYI, SPYI DON GZHAN GYI SGO NAS MTSUNGS PA MA YIN NO, BUM GSAL RNAMS RANG 'DZIN DBANG SHES THA DAD DO ZHE NA, DBANG SHES DE DAG RIGS THA MI DAD DE, BUM GSAL RNAMS RIGS GCIG TU RTOGS PA'I SPYI BLO'I RGYU YIN PAS SO, BUM GSAL RNAMS DE MIN RNAM PAR BCAD PA LA MI LTOS PA'I SPYI'ANG MA YIN NO, , GSUM PA, SPYI DON GZHAN KHEGS PA DRAN PA LA SBYAR BA NI, DE LAS GZHAN PA RJES 'GRO BA'I, , DNGOS MA MTHONG PHYIR BKAG PHYIR YANG, , BRDA NI DE RIGS DON CAN YIN, , ZHES TSIGS GSUM DES, SPYI DON GZHAN YOD NA MTHONG DGOS PA LAS MA MTHONG BA'I PHYIR, SNGAR RIGS PAS BKAG PA'I PHYIR, RJES 'GRO GZHAN NI SNANG BA MED CES PA LTAR RO, BRDA DON MED PA MA YIN TE, GZHAN SEL GYI DON CAN YIN NO, , GSUM PA SPYI SGRA DON LA MI BSLU BA RGYAS PAR BSHAD PA NI, ` DE BYED MIN LA DE BYED DANG, , 'DRA BA'I NGO BOR SNANG BA CAN, , DNGOS PO THA DAD DNGOS TZAM GYI, , SA BON CAN DON MED PA'I BLO, , @080 SKYED PAR BYED PA'ANG DE MI BYED, , YONGS SPANGS YAN LAG NGO BO'I PHYIR, , DNGOS PO THA DAD RTEN CAN PHYIR, , DON LA MI SLU YOD PAR 'DOD, , DE PHYIR GZHAN SEL YUL CAN TE, , DE BYED BRTEN PA'I NGO BO'I PHYIR, , ZHES TSIG BCUS SPYI 'DZIN MI SNANG BA DON BYED MI NUS NA, BRDA BYAS KYANG RANG MTSAN LA MI BSLU BA MI 'GYUR TE, SGRA DES SPYI BLO KHO NA'I RGYU BYED PA'I PHYIR ZHE NA; SGRAS SNANG YUL LA 'KHRUL BA'I RTOG BLO BSKYED KYANG, RANG MTSAN THOB PA'I NUS PA YOD DE, DE MIN RNAM BCAD KYI SGO NAS 'JUG PA'I PHYIR DANG, RANG MTSAN LA BRGYUD NAS BRTEN PA'I THA SNYAD DON MTHUN YIN PA'I PHYIR, KHYOD LAS SKYES PA'I RTOG PA DES DON SPYI DON DANG 'DRA BA'I NGO BOR SNANG YANG, GZHAN SEL GYI YUL CAN YIN PAS SO, BUM PA ZHES PA'I SGRA DES CHU SKYOR GYI DON MI BYED PA SPANGS NAS, DON DE BYED PA LA BRGYUD NAS BRTEN PA'O, , GSUM PA GZHAN SEL GYI 'JUG TSUL LA RTZOD PA SPANG BA LA GSUM, RTOG PA PHAN TSUN BRTEN PAR THAL BA SPANG, RJOD BYED KYI TSIG LA RNAM GCOD KYI YUL CAN GYIS MA KHYAB PAR THAL BA SPANG, DNGOS PO SGRAS BRJOD NA SGRA DANG TSAD MA PHYI MA DON MED DU THAL BA SPANG BA'O, ,DANG PO LA NYES PA YOD PA DGAG PA DANG, NYES PA MED PAR SGRUB PA'O, , DANG PO NI, SHING MA YIN LAS LDOG PA YIS, , SHING DON 'DZIN NA GNYIS PO DAG , @081 PHAN TSUN BRTEN PAS GCIG 'DZIN PA, , MED NA GNYIS KA MI 'DZIN 'GYUR, , DE YI PHYIR NA BRDAR BTAGS PA, , MI SRID DO ZHES KHA CIG SMRA, , DE DAG GI NI BRDAR 'DOGS PA, , SHING MIN RNAM PAR GCOD DAM MIN, , GAL TE RNAM GCOD SHING GI DON, , 'DZIN PA MED NA JI LTAR SHES, , BRDA LAS DE DAG MI SEL NA, , THA SNYAD 'DOGS PAR BYED PA RNAMS, , DE YONGS SPANGS NAS 'JUG PAR NI, , MI 'GYUR SHING GI KHYAD PAR BZHIN, , GAL TE GZHAN BKAG MI SGRUB PAR, , MDUN GNAS GCIG GCIG RAB BSTAN NAS, , 'DI SHING YIN ZHES BRDA BYED LA, , THA SNYAD 'DOGS PA'I TSE NA YANG, DE RTOGS 'GYUR LA DE YI PHYIR, , NYES PA 'DI NI MED SNYAM NA, , 'DI YANG SHING YIN 'DI KHO NA, , ZHES BYA'I THAL BA LDOG PA MED, , CES PA'I TSIG NYER GNYIS DES, STON PA GZHON NU MA LEN LA SOGS PA KHA CIG KHYED SEL BA SMRA BA, SGRA RTOG DE MIN RNAM PAR BCAD PA'I SGO NAS 'JUG @082 DGOS NA, SHING DANG SHING MA YIN GNYIS RTOGS PA PHAN TSUN BRTEN DGOS TE; SHING SHES PAR SHING MA YIN BCAD PA'I SGO NAS SHES DGOS, DE LTAR SHES PAR GCAD BYA SHING MA YIN SHES DGOS, DE SHES PA LA GCAD BYA'I SHING SHES DGOS PAS, DE GNYIS THOG MAR GCIG 'DZIN PA MED, DUS GCIG TU'ANG MI 'DZIN PAS, GZHAN SEL KHAS LEN PA LAS, SPYI DON GZHAN KHAS BLANG NA MDZES SO ZHES SMRA'O, ,MGO MTSUNGS KHYED LTAR NA GZHI DE LA SHING GI BRDA 'DOGS PA NA, DE MIN RNAM PAR GCOD DAM MIN, GCOD NA SHING 'DZIN PA'I GONG DU SHING MA YIN 'DZIN PAR 'GYUR LA, MI GCOD NA SGRA LAS SHING MA YIN SPANGS NAS SHING GI DON LA MI 'JUG DGOS TE, DPER NA, SHING ZHES PA'I SGRA DES SENG LDENG SPANGS NAS SHA PA KHO NA LA MI 'JUG PA BZHIN NO, ,'DI SHING YIN ZHES SGRUB PA'I SGO NAS 'JUG NA'ANG SHING RTOGS PAR 'GYUR RO ZHE NA, SPYI DON GZHAN BRDA'I YUL DU 'DOD PA LA NYES PA YOD DE, SBYOR TSUL LA, 'DI YANG SHING YIN ZHES MI LDAN RNAM GCOD DU SBYOR NA SNGAR GYI NYES PA GNYIS PAR 'GYUR, 'DI KHO NA SHING YIN ZHES GZHAN LDAN RNAM GCOD DU SBYOR NA SNGAR GYI NYES PA DANG POR 'GYUR RO, , GNYIS PA NYES PA MED PAR BSGRUB PA NI, GCIG RTOGS ZHES BYA'I SHES PA NI, , GCIG LA GNAS PA'I RTOGS PA POS, , DE DANG DE MIN RGYU DON RNAMS, , BDAG NYID RNAM PAR 'BYED PAR BYED, , BLO DE LA NI YOD PA'I DNGOS, , BLO RGYU NYID DU SNANG BA DANG, , RGYU MIN NGO BO BRAL BA DANG, , @083 NGO BO GCIG 'DRAR BDAG NYID KYIS, , THA DAD PAR NI SHES 'GYUR BAS, , THA DAD PA LA SKAD SBYOR TE, , DE LAS DE RTOGS 'GYUR BA'I BLO, , 'KHRUL PAS DNGOS PO GCIG LTAR RTOGS, , ZHES TSIG BCU GNYIS DES, SHING GI DON RNAMS RIGS GCIG TU RTOGS PA'I GANG ZAG GIS BRDA'I SNGA ROL NAS YAL GA LO 'DAB DANG LDAN MI LDAN GNYIS ME 'BAR BYED DANG ME 'BAR BYED MIN PA SO SOR SHES ZIN LA, BRDA SBYAR BA NA RTOGS PA PHAN TSUN BRTEN PA'I SKYON MED DE, YAL GA LO 'DAB DANG LDAN PA LA SHING DU SNANG ZHING, DE DANG MI LDAN PA LA SHING MIN PA NYID DU SHES PAR 'GYUR RO, , GZHAN SEL BRDA'I YUL DU 'DOD PA LA SKYON MED DE, GZHAN LDAN RNAM GCOD SNYING PO YOD PA'I SGO NAS 'DE SHING YIN ZHES BRDA SBYAR LA, BRDA'I SNGA ROL RIGS GNYIS SO SOR SHES PA'I PHYIR, BRDA DUS NA BRDA SBYAR BA NA SPYI DON GZHAN MED KYANG THA SNYAD KYI DUS SU GO STE, BLO 'KHRUL PA'I DBANG GIS GSAL BA SNGA PHYI GCIG PA LTAR ZHEN PA'I PHYIR,, GNYIS PA RJOD BYED TSIG LA RNAM GCOD YUL CAN GYI MA KHYAB PAR THAL BA SPANGS PA LA GNYIS, GZHAN SEL GYI SGRA BYE BRAG PA LA SEL 'JUG GIS MA KHYAB PAR THAL BA SPANG BA DANG, SEL BA'I SGRA'I RANG LDOG LA DES MA KHYAB PAR THAL BA SPANGS PA'O, DANG PO, BLO DON 'GA' LAS RNAM BZLOG NAS, , DON 'GA' ZHIG LA 'JUG BYA'I PHYIR, , SGRA NI RAB TU SBYOR BYED DE, , DE DON NGES PAR GZUNG PHYIR RO, , @084 GZHAN DU SBYOR BA DON MED 'GYUR, , DES NA SHES BYA LA SOGS TSIG , THA SNYAD DU NI 'JOG RNAMS LA, , RNAM PAR GCOD PA 'GA' ZHIG YOD, , CES TSIG BRGYAD DES, 'GA' ZHIG GIS, BUM PA ZHES PA'I SGRAS BUM MA YIN GCOD RGYU YOD KYANG, SHES BYA ZHES PA'I SGRAS SHES BYA MA YIN PA GCOD RGYU MED PAS SEL 'JUG MIN ZHE NA, RJOD BYED KYI SGRA RNAMS NYAN PA PO'I BLOS MI 'DOD PA'I DON 'GA' LAS LDOG NAS 'DOD PA'I DON LA 'JUG CHED YIN LA, GZHAL BYA DANG, SHES BYA LA SOGS PA'I BRJOD PA'I SGRA RNAMS RNAM GCOD YOD DE SHES BYA SOGS MA YIN PA LAS LDOG PA BRJOD DO,, GNYIS PA SEL BA'I SGRA RANG LDOG LA DES MA KHYAB PA SPANG BA LA GSUM, BRDA'I YUL NGOS BZUNG, DE PHYOGS GLANG GI BZHED PAR BSTAN, LUNG GI DON BSHAD PA'O,, DANG PO NI, GANG ZHIG GANG LAS THA DAD PA, , DE RNAM BZLOG NAS DE DAG LAS, , THA DAD KHYAD PAR MTSUNGS PA'I RGYU, , RNAM PA SNANG BA CAN LA 'GOD, , CES TSIG BZHIS, SHING 'DZIN RTOG PA LA SHING MA YIN LAS LOG PAR SNANG BA CAN SHING GSAL LA SHING GI BRDA SBYAR BA LA SKYON MED DE, SHING MA YIN RNAMS LDOG STE SHING GI BRDA 'GOD PA'I PHYIR,, GNYIS PA PHYOGS GLANG GIS BZHED PAR BSTAN PA NI, DE NYID GZHAN LAS LDOG PA YIS, , DNGOS PO DE YI CHA 'GA' ZHIG , @085 RTOGS 'GYUR ZHES PAS RAB TU BSHAD, , CES TSIG GSUM PO DES, GZHAN SEL BRDA'I YUL DU PHYOGS GLANG GIS BZHED DE, DON GZHAN LAS LDOG PA YIS DNGOS PO DE'I CHA 'GA' ZHIG RTOGS PAR 'GYUR, ZHES SOGS LUNG GSUM GYIS BSHAD DO, ,LUNG DANG POS RANG MA YIN BCAD PA'I SGO NAS YUL RTOGS DGOS PAR BSTAN, GNYIS PAS RANG MA YIN BKAG PAS KHYAD PAR DU BYAS PA BSTAN, GSUM PAS DES NA GZHAN SEL GYI YUL CAN DU BSTAN NO,, GSUM PA LUNG GI DON BSHAD PA NI, 'DI LA'ANG NGO BO CUNG ZAD MED, , SGRA RNAMS LAS DE RTOGS NYID KYIS, , GZHAN BZLOG RTOGS 'GYUR DE LA NI, , 'GA' YIS KHYAD PAR DU BYAS PA, , RTOGS PAR 'GYUR BA GZHAN 'GA' MED, , SGRA GNYIS BYED PA'ANG MA YIN TE, , PHAN TSUN YOD PA MIN PHYIR 'DI, , DNGOS MED DNGOS PO LDAN NYID DU, , MTHONG BA BLO YIS BSLAD PA YIN, , DE NYID PHYIR 'DI DON DAM MIN, , GZHAN DU DNGOS PO LAS LDOG PA, , DNGOS POR MI 'GYUR 'DI 'DI LAS, , THA DAD CES NI RJOD PHYIR RO, , @086 ZHES TSIG BCU GSUM DES, BLO'I GZHAN SEL 'DI LA'ANG NGO BO CUNG ZAD KYANG MED DE RTOGS PAS BTAGS TZAM YIN PA'I PHYIR, PHYI ROL DNGOS PO CHA 'GA' SGRA DON DU MI 'GYUR TE, ZHES PA'I SGRA LAS SHING DNGOS SU RTOGS PAS DON GYI GZHAN SEL SHUGS LA RTOGS PAS SO, ,DE LTAR RTOGS PAS RTOG PA DES LDOG PA DON GZHAN YUL DU MI BYED DE, LDOG PA DON GZHAN MED PA'I PHYIR, SHING BRJOD PA DANG SHING MA YIN GCOD PA'I SGRA GNYIS MI DGOS PAR SHING ZHES PA'I SGRAS SHING MA YIN GCOD NUS SO, ,SHING DANG SHING MA YIN GNYIS PHUNG GSUM MED PA'I 'GAL BA YIN PA'I PHYIR, SHING MA YIN LAS LOG PA SNANG BA DE, RTOG PAS BSLAD CING BTAGS PA YIN LA DON DAM DU MED DO, GZHAN DU SHING MA YIN LAS LOG PAR SNANG BA DE SHING YIN NA SHING MA YIN LAS LOG PAR 'GYUR RO,, GSUM PA DNGOS PO SGRAS BRJOD NA SGRA DANG TSAD MA PHYI MA DON MED DU THAL BA SPANG PA LA GNYIS, SGRA DANG TSAD MA SNGA PHYI YUL THA DAD DU BSTAN PA, SEL BA SMRA BA LA THA SNYAD KUN 'THAD PA'O, , DANG PO NI, 'DRES PA'I DON GCIG GCOD PA NA, , SGRA 'AM RTAGS NI GCIG PU YIS, , BYA BYED DE LA BCAD PA YI, , DNGOS PO'I BRJOD BYA CI YANG MED, , GANG GI RJOD PAR BYED PA LAS, , MA LUS PAR NI RTOGS 'GYUR BA, , DNGOS PO'I NUS PA YIN NGES NA, , 'BRAS BU DU MA RTEN GCIG 'GYUR, , @087 ZHES TSIG BRGYAD DES, RTOG NGOR SGRA DANG 'DRES PA'I RTAG PA GCOD PA NA, SGRA MI RTAG CES PA'I SGRA DANG DE SGRUB KYI RTAGS NI, SGRA RTAG 'DZIN GYI SGRO 'DOGS GCOD KYI, DNGOS PO KUN BRJOD BYA DANG NUS YUL DU BSTAN PA MA YIN, DE LTAR BRJOD PA DANG BSGRUB PA NI DNGOS DBANG GIS MA YIN PAR BRDA'I DBANG GIS YIN NO, BYAS MI RTAG BRJOD PA'I SGRA RTEN GCIG LA 'BRAS BU DU MA'I BYA BA BYED PA'O,, GNYIS PA SEL BA SMRA BA LA THA SNYAD KUN 'THAD PA LA GNYIS, SEL BA SMRA BA LA GZHI MTHUN SOGS 'THAD PA, DNGOS DBANG GIS 'JUG PA LA MI 'THAD PA'O,, DANG PO NI, RNAM GCOD GCIG GCIG STON PA NA, , GANG TSE GZHAN MI SPONG BAR GNAS, , DES NI DE KHYAB GCIG PU'ANG SNANG, , DE TSE BLO YI NGOR BYAS NAS, , GZHI MTHUN PA NI NYID DU 'GYUR, , SGRA NI RNAM GCOD BYED PA NA, , DNGOS PO'I CHOS LA REG 'GYUR BA, , DE NI DE LA YOD CES BYA'O, , DNGOS PO GCIG NI RJOD BYED MIN, , BLO LA SNANG MIN SNANG RUNG LA, , DNGOS PO MED PAS NGES PHYIR RO, , DE PHYIR GZHAN SEL YUL CAN GYI, , SGRA RNAMS DANG NI BLO NYID KYANG, , SPYI YI YUL CAN DU BSTAN TE, , DNGOS LA DE DAG MI SRID PHYIR, , @088 ZHES TSIG BCO LNGAS, GANG GI TSE SNGON PO SGRAS RNAM GCOD STON PA NA, AUTPA LA MI SPANG MI SGRUB, AUTPALA'I SGRAS KYANG DE LTAR LA AUTPALA SNGON PO ZHES BRJOD PA NA RTOG NGOR GZHI MTHUN DU 'GYUR GYI RDZAS THA DAD GZHI GCIG LA LDAN PA MA YIN; AUTPA LA SNGON PO'I ME TOG DE SNANG BA LTAR AUTPA LA YANG YIN SNGON PO YANG YIN PA'I GZHI MTHUN YIN YANG RANG MTSAN MI THOB PA'I SKYON MED DE RANG MTSAN THOB PA'I NUS PA SGRA DE LA YOD PAS SGRA DES DNGOS PO LA REG PAR 'GYUR RO, ,SPYI GZHAN DNGOS PO BA BRJOD PAS RANG MTSAN MI THOB STE, SPYI GZHAN MED PAS SO, DE LA GZHI MTHUN SOGS MI 'THAD DO,, GNYIS PA DNGOS DBANG GIS 'JUG PA LA MI 'THAD PA LA GSUM, GZHI MTHUN MI SRID PA, SPYI SGRA MI 'THAD PA, SPYI BLO MI 'THAD PA'O,, DANG PO NI, DNGOS PO'I NGO BO GCIG NYID PHYIR, , NGO BO THA DAD BLO GANG LAS, , GCIG NI RJES SU 'GRO LDOG GI , DON GCIG SPYOD YUL CAN MA YIN, , THA DAD GYUR NA DBYER MED PA'I, , THA SNYAD DAG KYANG RGYU MED 'GYUR, , LDOG PA KUN LA YOD PA'I PHYIR, , THAL 'GYUR NYES PA DE DAG MED, , DE YI 'BRAS BU YONGS BSTAN PHYIR, , THA DAD 'BRAS BU GCIG DAG LA, , RGAN POS SGRA GCIG BRDAR BYAS PA, , DE YI 'BRAS BU MED PA CAN, , @089 LDOG PA YI NI RGYU CAN YIN, , THA DAD PA DAG BSTAN PA NI, , DKA' DANG MI NUS 'BRAS MED PHYIR, , DNGOS PO LA MIN DNGOS PO KUN, , RANG RANG NGO BO LA GNAS PHYIR, , KHRA BO YI NI NGO BO GANG, , DE NI SER SKYA LA YOD MIN, , DE 'BRAS YIN MIN LAS BZLOG PA, , GNYIS KA LA YANG YOD PA YIN, , DON LA THA DAD MED PAR YANG, , SGRA YI THA DAD MI RIGS SO, , DE PHYIR DE 'BRAS 'DOD NA YANG, , DE 'BRAS MED LAS THA DAD NYID, , DPER NA MIG LA SOGS PAS GZUGS, , RNAM SHES GCIG GI 'BRAS BU TZAM, , GANG PHYIR KHYAD PAR MED 'BRAS DE, , STON PA DAG NI SRID PAR 'GYUR, , 'GA' ZHIG CIG CAR KUN RTOGS PHYIR, , DE YI NGO BO SPYI LAS NI, , THA DAD MED DU ZIN NA YANG, , BRDA LAS BYUNG BA BSNYAD PAR BYA, , @090 ZHES TSIG SO GSUM DES, GRANGS CAN GYI LUGS DGAG PA NI, KHYED LTAR NA, SNGO SER NGO BO GCIG PAS BLO MA 'KHRUL BA LA SO SOR MI SNANG BAR 'GYUR, 'DOD NA, SNGON PO'I RANG BZHIN SER PO LA RJES SU 'GRO BA DANG LDOG PA GNYIS KA YIN PAR THAL, BLO MA 'KHRUL BAS SO SOR DMIGS, DE GNYIS NGO BO GCIG PA'I PHYIR; 'DOD MI RIGS TE, GZHI GCIG LA RJES SU 'GRO LDOG YIN PA MI SRID PA'I PHYIR, BYE BRAG PA DGAG PA NI, KHYOD LTAR NA SPYI GSAL RDZAS THA DAD PAS, GZHI MTHUN GYI THA SNYAD RGYU MED DU 'GYUR, SEL BA SMRA BA LA, THAL 'GYUR NYES PA DE DAG MED DE, RIGS MTHUN MI MTHUN KUN LAS LDOG PA KUN LA YOD PA'I PHYIR, BUM GSAL RNAMS LA RGAN PO BRDA SHES PAS BUM PA ZHES BRDAR BYAS PA'I DGOS PA, CHU SKYOR BA 'BRAS BU BSTAN PA'I CHED DU'O, ,GZHAN SEL MED NA, GSAL BA SO SOR BRDA SBYAR DGOS LA, DE MI 'THAD DE, GSAL BA MTHA' YAS PA DANG DE DAG MIG SHES LA BSTAN DKA' BA DANG, RANG GI NGO BO GZHAN DANG MA 'DRES PAR GNAS PA'I PHYIR DANG, THA SNYAD KYI DUS SU'ANG DON MI GO BA'I PHYIR, BA GLANG KHRA BO'I NGO BO DE SER SKYA LA MED, BA GLANG SER SKYA'I NGO BO GANG YIN PA DE KHRA BO LA MED KYANG, BA GLANG MA YIN PA LAS LOG PA DE GNYIS KA LA THUN MONG DU YOD PAS, THUN MONG DU SPYI SGRA 'JUG PA'I PHYIR, SPYI DON GZHAN MED NA'ANG SPYI SGRA 'JUG GI SGRA THA DAD KHO NAR MI DGOS SO, BZHO BKAL DON GNYER RNAMS GZHAN SEL 'DOD DGOS TE DE'I 'BRAS BU 'DOD PAS SO, DPER NA MIG LA SOGS PA RKYEN GSUM POS 'BRAS BU GCIG BSKYED NUS PAS SPYI SGRA THUN MONG BA GCIG 'JUG LA, RKYEN GSUM SPYI SGRA GCIG GIS STON PA NI, RGYU TSOGS KUN DUS GCIG TU MING GCIG GIS RTOGS PA'I CHED DU YIN NO, @091 GNYIS PA DNGOS DBANG GIS 'JUG PA LA MI 'THAD PAR BSTAN PA LA GNYIS, 'DOD PA BRJOD PA DANG, DE DGAG PA'O,, DANG PO NI, GAL TE GCIG GNAS PA YI PHYIR, , MANG PO DAG LA MNYAN PA GCIG , CES TSIG GNYIS DES GAL TE GSAL BA RNAMS LA SPYI GZHAN DNGOS PO GCIG GNAS PA'I PHYIR, MNYAN PA THUN MONG BA GCIG 'JUG CE NA,, GNYIS PA DE DGAG PA LA MDOR BSTAN DANG, RGYAS BSHAD GNYIS, DANG PO NI, GNAS PA RTEN RNAM GSAL BA YIN, , DE LTAR DE LA MI RIGS SO, , ZHES TSIG GNYIS DES, SPYI DON GZHAN GSAL BA LAS RDZAS THA DAD PA'I SGO NAS GSAL BAS SPYI GSAL BAR BYAS PA MI RIGS TE, RTAG DNGOS YIN PA'I PHYIR; GNYIS PA RGYAS BSHAD LA, RTEN DU MI 'THAD PA DANG, GSAL BYED DU MI 'THAD PA'O, DANG PO NI, RTAG LA PHAN 'DOGS MED PA'I PHYIR, , RTEN MIN LHUNG BA'I TSUL CAN GYI, , RGYA SHUG SOGS LA'ANG DE YI YUL, , SKYED PA 'KHAR GZHONG SOGS PAS NUS, , DE YANG DE LA MI SRID DO, DE MED NA YANG GNAS PA'I PHYIR, , GNAS MIN DE YANG MI RIGS TE, , THA DAD THA DAD MIN PA YI, , RNAM PAR DPYOD PAS MI RIGS NYID, , @092 CES TSIG DGUS, GSAL BA RNAMS SPYI DON GZHAN LA MI PHAN PAS DE'I DON GZHAN GYI RTEN MA YIN PA'O, MKHAR GZHONG DES RANG NANG GI RGYA SHUG LA PHAN 'DOGS TE, MKHAR GZHONG MED NA THUR DU LHUNG BA'I TSUL CAN YIN PA LA, RGYA SHUGS RIGS 'DRA SNGA MA RNAMS PHYI MA GOS ? MTSUNGS PAR BSKYED NUS PA'I PHYIR, GSAL BA RNAMS SPYI DE'I GRUB ZIN GNAS PA'I RTEN YANG MA YIN TE, SPYI DE RTAG DNGOS YIN PA'I PHYIR, SPYI DON GZHAN GSAL BA DANG RDZAS GCIG THA DAD DPYAD NA MI BZOD PA NI RDZAS THA DAD NA MI GNAS PAR 'GYUR, RDZAS GCIG NA GNAS PA'I NGO BOR GNAS BYED MI DGOS PAR 'GYUR RO,, GNYIS PA LA, MI PHAN PA'I GSAL BYED MI 'THAD PA DANG, SPYI'I GSAL BYED TZAM GYIS SPYI LDAN DU MI 'THAD PA'O,, DANG PO NI, BDAG LA RNAM SHES SKYED RUNG BA'I, , DON DU GZHAN GYI NGOR BYED GANG, , GSAL BYA YIN LA RUNG NYID KYI, , BYED PA PO YANG RGYU RU 'DOD, , 'DI NI SNGA NAS RUNG NYID NA, , DE LA LTOS PA MI RUNG STE, , 'GYUR BA MED PA'I PHYIR DE NI, , SPYI LDAN PA LAS GANG LAS YIN, , MIG SMAN SOGS BZHIN GSAL BA LAS, , DBANG PO'ANG 'DU BYED MA YIN TE, , DE NI YOD MED DUS DAG LA, , RTOGS PA THA DAD MED PHYIR RO, , @093 ZHES TSIG BCU GNYIS DES, GSAL BA RNAMS SPYI DON GZHAN GYI GSAL BYED MA YIN TE, GSAL BYED SNGA NAS RANG 'DZIN SHES PA BSKYED RUNG NYID DU GNAS DGOS PA'I PHYIR TE, SPYI DE RTAG DNGOS YIN PA'I PHYIR, 'DOD NA, SPYI DE CHOS CAN; RANG 'DZIN SHES PA BSKYED PA LA GSAL BA LA MI LTOS PAR THAL LO, ,KHYOD 'GYUR BA MED PAS GSAL BA LAS GSAL MI DGOS SO, ,GSAL BYA GSAL BYED NI, MUN KHUNG GI BUM GZUGS DE BDAG LA DMIGS PA'I RNAM SHES BSKYED RUNG BA SGRON 'OD LA LTOS PAS DE'I GSAL BYAR GYUR PA BZHIN NO, ,GSAL BYA GSAL BYED KYI TSUL DE LTAR YIN PA LA, GSAL BA RNAMS SPYI'I GSAL BYED DU MI 'THAD PAR MA ZAD DBANG PO GSAR DU 'DU BYED LA'ANG MI RIGS TE, GSAL BA RNAMS YOD MED KYI DUS DAG LA MIG SHES KYI RTOGS PA MI 'DRA BA MED PA'I PHYIR, MIG SMAN GYIS MIG DBANG LA PHAN PA'I NUS PA YOD DO,, GNYIS PA SPYI'I GSAL BYED TZAM GYIS SPYI LDAN DU MI 'THAD PA NI, RIGS RNAMS KYI NI GSAL BYED KYANG, , GAL TE RIGS DANG LDAN 'DOD NA, , SGRON ME LA SOGS GSAL BYED NI, , BA LANG NYID SOGS DE LDAN 'THOB, , CES TSIG BZHIS, GAL TE RIGS GSAL BYED YIN PA TZAM GYIS RIGS DON GZHAN DANG LDAN PA 'DOD NA SGRON 'OD KYANG BA GLANG NYID DANG LDAN PAR 'GYUR RO, , GSUM PA SPYI BLO MI 'THAD PA LA, SPYI'I NGO BO DGAG PA, SGRUB BYED LTAR SNANG DU BSTAN PA, RANG LA RTZOD PA SPONG BA'O, ,DANG PO LA, SPYIR DGAG PA, GZEGS ZAN GYI LUGS GNYIS SO SOR DGAG PA'O,, @094 DANG PO NI, GANG DAG RIGS NI GSAL BA LAS, , GZHAN NAM GZHAN MIN YOD NYID DE'I, , SNGON MED GSAL BA RNAMS LA NI, , SPYI YI BLO GROS JI LTAR YIN, , GCIG LA YOD PA MTHONG BA NI, , GZHAN LA MTHONG BA MI SRID PHYIR, , GZHAN NYID MIN NA RJES 'GRO MED, , GZHAN NYID NA YANG RTEN MIN PHYIR, , ZHES TSIG BRGYAD DES, GRANGS CAN PAS RIGS GSAL BA LAS RDZAS THA MI DAD PAR 'DOD PA DANG, BYE BRAG PAS RIGS NI GSAL BA LAS RDZAS THA DAD DU 'DOD PA GANG DAG SNGON MED GSAR BYUNG GI GSAL BA LA 'DI'O SNYAM PA'I BLO MI SKYE BAR THAL, SNGAR BYUNG GI GSAL BA LA YOD PAR MTHONG BA DE GZHAN LA MTHONG BA MED DE, SPYI CHA MED YIN PA'I PHYIR, GSAL BA SNGA MA DANG RDZAS GZHAN MIN NA GSAL BYUNG GI GSAL BA LA RJES 'GRO MED, SNGA MA DANG RDZAS GZHAN NA DE LA BRTEN PA MED PAR 'GYUR RO,, GNYIS PA GZEGS ZAN GYI LUGS GNYIS SO SOR DGAG PA LA, GSAL BA'I BAR NA SPYI MED PA'I LUGS DGAG PA DANG YOD PA'I LUGS DGAG PA'O,, DANG PO NI, MI 'GRO DE NA YOD PA'ANG MIN, , PHYIS YOD CHA DANG LDAN PA'ANG MIN, , RTEN SNGA MA NI YONGS MI 'DOR, , KYE MA PHONGS PA'I RGYU NYID YIN, , @095 GZHAN LA GNAS PAR GYUR PA NI, , RANG GI GNAS LA MI G-YO ZHING, , DE LAS GNAS GZHAN SKYE BA LA, , GNAS NA SHIN TU RIGS PAR LDAN, , GANG NA DNGOS DE GNAS GYUR PA, , DER NI 'BREL BA'ANG MA YIN LA, , DE DAG YUL CAN LA KHYAB PA, , CI GA DE NI NGO MTSAR CHE, , ZHES TSIG BCU GNYIS DES, GSAL BA PHYI MA LA SPYI MED PAR THAL, SNGA MA LA YOD PA'I SPYI DE LA RJES SU MI 'GRO ZHING SPYI LA CHA SHAS MED PA'I PHYIR, SPYI SNGA NAS YOD PA'ANG MIN TE, GSAL BA MED PA'I PHYIR, GSAL BA'I RJES SU SPYI YOD PA'ANG MIN, SPYI CHA GCIG SNGA MAR GNAS CHA GCIG PHYI MAR 'KHOS PA'ANG MIN, SPYI RIL PO PHYI MAR 'PHOS PA'ANG MIN TE, SPYI RTEN SNGA MA MI 'DOR BA'I PHYIR, RJES SU BRTZE BAS KYE MA SPYI 'JUG TSUL DE SPYI PHONGS PA'I RGYU YIN NO, ,GZHAN SNGA MA LA GNAS PA'I SPYI NI RANG GI GNAS LAS MI G-YO ZHING SPYI LA CHA MED PAS GNAS GZHAN DU GSAL BA LA SPYI GNAS PA MI RIGS SO, ,SPYI DE NI GSAR BYUNG GI GSAL BA LA KHYAB PA NGO MTSAR CHE STE, GSAR BYUNG GI GSAL BA YOD SA DER SNGA NAS KHYOD YOD PA MA YIN PA'I PHYIR, GNYIS PA GSAL BA'I BAR NA SPYI YOD PA DGAG PA NI, ` GAL TE KUN NA RIGS YOD NA, , GCIG TU GSAL BAS DE GSAL NYID, , THA DAD MED PHYIR KUN DU MTHONG, , @096 DE YANG GSAL BA LA LTOS MIN, , GSAL BYED RTOGS PA MA YIN NA, , GSAL BYA YANG DAG RTOGS PA MIN, , SPYI DANG DE DANG LDAN PA DAG , CI YI PHYIR NA BZLOG PAR 'DOD, , CES TSIG BRGYAD DES, DPE LU KAS, GAL TE KHO BOS LTAR NA GSAL BA YOD MED YUL KUN TU'ANG SPYI DE YOD PAS SKYON MED CE NA SPYI DON GZHAN DE CHA MED YIN PAS, YUL GCIG TU GSAL BAS YUL KUN TU GSAL BA MTHONG BAR THAL LO, GSAL BA MTHONG NAS SPYI GSAL BAR BYAS PA LA BLTOS PA'ANG MA YIN TE, SPYI MTHONG BA'I SGO NAS GSAL BA LA SGRA BLO 'JUG DGOS PA 'DOD PAS, SPYI GSAL BYED DANG GSAL BA DE'I GSAL BYA RGYU KHAS BLANGS PAS, GSAL BYED RTOGS NAS GSAL BYA RTOGS DGOS PA 'THAD KYI, LDOG NAS 'DOD MI RIGS PA'I PHYIR,, GNYIS PA SGRUB BYED LTAR SNANG DU BSTAN PA LA, SGRUB BYED MA NGES, SKYON SPONG MI 'THAD, GZHAN SEL SGRA BLO'I RGYUR RIGS PA'O,, DANG PO NI, THA DAD MED DON MED PA YANG, , 'TSOD PA PO SOGS BRJOD PA YIN, , ZHES TSIG GNYIS POS, SGRA BLO 'JUG PA LA SPYI DON GZHAN MI DGOS TE, 'BRAS 'TSED PA'I SKYES BU DU MA LA 'TSED PA PO ZHES SGRA BLO 'JUG PA'I PHYIR, , GNYIS PA SKYON SPONG MI 'THAD PA LA, THABS 'DZUGS PA'I LAS DON GZHAN SPYI BLO'I SGRA RTOG GI RGYUR MI 'THAD, SKYES BU LA YOD PA'I SPYI GZHAN DER MI 'THAD PA'O,, DANG PO NI, THA DAD PHYIR NA LAS RGYU MIN, , 'DI YI RIGS MIN LAS 'BREL PHYIR, , @097 MNYAN PA GZHAN GYI RGYU MTSAN PHYIR, , LAS DANG GNAS PA YOD MA YIN, , 'BREL BA MED PHYIR SGRA YI RGYU, , SPYI YIN MI RIGS MIN PA MIN, , HA CANG THAL PHYIR LAS MED NA'ANG, , SHES RJOD DAG GI MA YIN TE, , RGYU MTSAN CAN MIN THOB PHYIR RO, , RJES 'GRO MED PHYIR NUS PA'ANG MIN, , ZHES TSIG BCUS, SKYES BU SO SOR YOD PA'I LAS DE DAG RJAS THA DAD PA'I PHYIR; GCIG GI SGRA RTOG 'JUG PA'I RGYU MA YIN, DE DAG LA LAS NYID CES PA'I CHA MED KYI SPYI YOD PAS YIN NO ZHE NA MI RIGS TE, LAS LA 'PHROD 'DU 'BREL GYI SKYES BU LA MA YIN, 'TSED PA NYID CES PA'I MNYAN PA GZHAN LAS LA 'JUG PA'I RGYU YIN PA'I PHYIR, LAS DGAG PA'I SKYE BU DU MA LA SPYI SGRA MI 'JUG PAR THAL; LAS KYANG DGAG NAS MED PA'I PHYIR, LAS KYI SPYI DE LAS DGAG PA'I SKYES BU LA SPYI SGRA 'JUG PA'I RGYU MA YIN PAR THAL, DE BRGYUD NAS KYANG 'BREL BA MED PA'I PHYIR, 'BREL BA MED KYANG SGRA RTOG GI RGYU YIN NA HA CANG THAL BA'I PHYIR, DA LTA MED NA'ANG LAS MA DGAG PA'I DUS KYI LAS SHES BRJOD KYI RGYU YIN PA'ANG MI 'THAD DE, SGRA BLO 'JUG PA'I DNGOS KYI RGYU MED PAR 'GYUR, SKYES BU DU MA LA YOD PA'I LAS KYI NUS PA RNAMS THUN MONG DU RJES SU 'GRO BA'I SPYI MED PAS DE DAG SKYES BU DU MA LA SGRA BLO 'JUG PA'I RGYU MIN NO, , @098 GNYIS PA SKYES BU LA YOD PA'I SPYI GZHAN DER MI 'THAD PA NI, GAL TE 'TSED PO NYID SOGS SPYI, , DANG PO NYID DU DE YOD SOGS, , BZHIN DU GSAL 'GYUR MIN NA NI, , KHYAD PAR MED PHYIR PHYIS MI 'GYUR, , BYA BAS PHAN 'DOGS LTOS GSAL BYED, , YIN NA 'GYUR MED LTOS PA MED, , 'DI NI PHUL BYUNG YOD NA YANG, , SKAD CIG NYID PHYIR BYA GANG LAS, , ZHES TSIG BRGYAD DES, SPYI DON GZHAN 'TSED PA PO SOGS DANG PO NAS 'PHROD 'DU 'GREL BA'I TSUL DU YOD NA SKYES TZAM NYID NAS 'TSED PA PO'I SNYAM PA'I BLO SKYE BAR THAL, DE LTAR 'GYUR BA'I DNGOS RGYU SPYI YOD PA'I PHYIR, DANG PO NAS MED NA PHYI 'BRAS 'TSED PA'I DUS NA'ANG DE LTAR SKYE BAR MI 'GYUR, THAB 'DZUD PA SOGS BYA BAS SKYES BU LA PHAN PAS SPYI'I GSAL BYED DU 'GYUR BA YIN NA SKYES BU RKYEN GYI 'GYUR BAS SKYES MA THAG PA'I SKYES BU DE SKAD CIG MA YIN PAR THAL, DUS PHYIS 'BRAS 'TSED PA'I BYA BAS 'GYUR DU YOD PAS SO,, GSUM PA GZHAN SEL SGRA BLO'I RGYUR GYUR PA NI, THA DAD MTSUNGS PA YIN NA RIGS, , NYE BA GANG GIS 'BA' ZHIG LA, , RAB 'JUG GZHAN LA MIN DE NYID, , SGRA DANG SHES PA'I RGYU YIN NO, , @099 ZHES PA DES, SPYI DON GZHAN MED NA'ANG, SHES BRJOD KYI RGYU YOD DE, SHING DANG BA GLANG SPYI GZHAN MED PA'I THA DAD DU MTSUNGS NA'ANG, DE GNYIS LA SO SOR SGRA 'JUG GCIG GI SGRAS GZHAN LA MI 'JUG GO, GSUM PA RANG LA RTZOD PA SPONG BA LA, GRANGS CAN GYI LUGS DE DGAG PA DANG, RIGS PA DES GCER BU PA'ANG KHEGS PA BSTAN PA'O, ,DANG PO LA 'DOD PA BRJOD PA, DE DGAG PA'O, DANG PO NI, GAL TE LDOG PA SPANGS PA YI, , DNGOS PO'I RJES 'GRO GZHAN MED NA, , GCIG GI 'BRAS BU GZHAN GYIS MIN, , SHIN TU THA DAD PHYIR ZHE NA, , GAL TE BDAG NYID GCIG PA YIS, , DU MA 'BRAS BU GCIG BYED NA, , ZHES TSIG DRUG DES, GAL TE DE MA YIN LAS LDOG PA'I GZHAN SEL SPANGS PA'I DNGOS PO RNAMS LA RJES SU 'GRO BA'I SPYI GZHAN MED NA, SA BON DANG, SA SOGS RANG BZHIN THA DAD PAS 'BRAS BU THUN MONG BA GCIG BSKYED PA MED DGOS SHE NA, 'O NA KHYOD KYI 'DOD PA GANG YIN ZHES DRIS PAS, GAL TE SA BON DANG SA SOGS KYI RANG BZHIN GNYIS BDAG NYID GCIG PAS 'BRAS BU GCIG BSKYED PA'O ZHE NA,, GNYIS PA DE DGAG PA LA, RGYU DU MA DON MED DU THAL BA DANG, RGYU 'BRAS 'CHOL BAR THAL BA, 'JUG PA 'CHOL BAR THAL BA'O, ,DANG PO LA, LHAN CIG BYED RKYEN DON MED DU THAL BA DANG, RGYU 'BRAS NGES MED DU THAL BA SPANG BA'O,, @100 DANG PO LA, THAL BA DGOD PA NI,, BDAG NYID GCIG LA'ANG DE YOD PHYIR, , LHAN CIG BYED PA DON MED 'GYUR, , THA DAD MED PA'I NGO BO DE, , MI 'GRO KHYAD PAR RNAM NGES BRAL, , GCIG DANG BRAL NA 'BRAS MED PHYIR, , BYE BRAG RNAMS LAS DE DAG 'BYUNG, , DON BYED NUS PA GANG YIN PA, , DE NYID DON DAM YOD PA YIN, , DE YANG RJES 'GRO MED GANG ZHIG , RJES 'GRO DE LAS 'BRAS MI 'BYUNG, , ZHES TSIG BCUS, SA BON GYI BDAG NYID LA MYU GU BSKYED PA'I NUS PA YONGS SU RDZOGS PA YOD NA LHAN CIG BYED PA DON MED DU THAL LO, ,THA DAD MED PA'I SPYI DE SA BON LA RJES SU MI 'GRO BA DANG BRAL, CHU LUD SOGS KHYAD PAR RNAMS SA BON DANG LDAN PA'I NGES PA DANG BRAL BA'I PHYIR, SA BON LAS MYU GU BSKYED PA LHAN CIG BYED PA'I BYE BRAG LA BLTOS NAS BYUNG STE, DE DAG GCIG DANG BRAL NA'ANG MI 'BYUNG BA'I PHYIR, DON BYED NUS PA DANG DON DAM BDEN PA GCIG PAS SPYI GTZO BO DE MA YIN NO, ,CHU LUD SOGS PHAN TSUN RJES SU MI 'GRO, DE DAG LA RJES SU 'GRO BA'I SPYI RTOG PAS BTAGS TZAM YIN PAS 'BRAS BU MI 'BYUNG NGO,, GNYIS PA RGYU 'BRAS 'CHOL BAR THAL BA LA, RANG BZHIN THA DAD LA NYES PA MED PA, RANG BZHIN GCIG LA NYES PA YOD PA, THA DAD LA NYES PA MED PA'I DON BSDU BA'O,, @101 DANG PO NI, DE NA BDAG NYID THA DAD KYANG, , 'GA' ZHIG RGYU YIN GZHAN PA MIN, , ZHES TSIG GNYIS DES, GTZO BO BKAG PA DES NA, NAS KYI SA BON LAS DE LTAR MI 'BYUNG BA NI, SA BON GNYIS PO NYER LEN GYI NUS PA SO SOR NGES PA'I PHYIR RO,, GNYIS PA RANG BZHIN GCIG PA LA NYES PA YOD PA LA HA CANG THAL BA DANG, RANG LA MTSUNGS PA SPANG BA'O,, DANG PO NI, RANG BZHIN 'DI YIN THA DAD PA, , MED NA CIG CAR SKYE 'JIG 'GYUR, , DE LAS THA DAD PAS DE LTAR, , MI 'GYUR ZHE NA GCIG 'JIG TSE, , BDAG GNAS NA NI DE YI MIN, , DES NA SPYI KHYAD BLOR MI 'GYUR, , ZHES TSIG DRUG DES, NAS DANG SA LU SA BON GNYIS SKYE 'JIG CIG CAR 'GYUR BAR THAL, DE GNYIS RANG BZHIN THA DAD PA MED PA'I GCIG YIN PA'I PHYIR, GTZO BO DE LAS SKYES PA'I SA BON RNAMS THA DAD PAS NYES PA DE LTAR MI 'GYUR ZHE NA, RNAM 'GYUR 'JIG PA'I TSE GTZO BO RTAG DNGOS GNAS PAS, DE'I RANG BZHIN MA YIN NO, DES NA DE GNYIS LA SPYI DANG KHYAD PAR GYI BLOR MI 'GYUR BAR THAL, DE GNYIS RANG BZHIN THA DAD YIN PA'I PHYIR,, GNYIS PA RANG LA MTSUNGS PA SPANG BA LA, SEL BA DANG MTSUNGS PA SPANG BA BA DANG, LHAN CIG BYED RKYEN DON MED DU THAL BA DANG MTSUNGS PA SPANG BA'O,, @102 DANG PO LA TSIG DON DANG, GZHAN SEL NGOS GZUNG BA'O,, DANG PO NI, LDOG PA NGO BO NYID MED PHYIR, , GNAS DANG MI GNAS RTOG PA MIN, , SPYI YI BLO YANG BSLAD PA YIN, , DE PHYIR SUN DBYUNG PA YANG MED, , CES TSIG BZHIS MED DGAG GI GZHAN SEL DE GSAL BA 'JIG PA'I TSE GNAS MI GNAS BRTAGS PAS SUN DBYUNG NUS PA MED DE, NGO BO CUNG ZAD KYANG MED PA'I SPYI YIN PA'I PHYIR, BLO'I GZHAN SEL YANG SUN DBYUNG DU MED DE BLOS BSLAD PA'I SGRA DON TZAM YIN PA'O, ,DON GYI GZHAN SEL YANG BRTAG PA GNYIS KYIS SUN DBYUNG DU MED DO,, GNYIS PA LHAN CIG BYED RKYEN DON MED DU THAL BA DANG MTSUNGS PA SPONG BA NI, DE YI SKYED BYED NGO BO GANG, , DE LAS GZHAN PAS JI LTAR SKYED, , THA DAD KHYAD PAR NYID SKYED BYED, , DE LA THA DAD MIN PA'ANG YOD, , CE NA DES DE SKYED MIN BRJOD, , SNANG BA'ANG GZHAN LA MI BRTEN PAS, , THA DAD BYED YIN DE NYID DON, , DE NI GZHAN LAS LOG PA YIN, , DE NI RGYU DANG 'BRAS BUR BSHAD, , DE NI RANG GI MTSAN NYID 'DOD, , @103 DE NI BLANG DOR 'BRAS CAN PAS, , SKYES BU THAMS CAD 'JUG PA YIN, , ZHES TSIG BCU GNYIS DES, MYU GU SKYED BYED KYI SA BON LAS NGO BO THA DAD PA'I CHU LUD SOGS DON MED DU THAL, DE LAS NGO BO GZHAN PAS JI LTAR BSKYED DE MI BSKYED DO ZHE NA, MYU GU BSKYED BYED SA BON DANG CHU LUD SOGS NGO BO THA DAD KHO NAS MYU GU BSKYED PAR BYED DO, ,DE RNAMS DANG NGO BO THA MI DAD PA'I GTZO BO'ANG BSKYED PAR BYED DO ZHE NA, GTZO BOS 'BRAS BU BSKYED PA MIN PA BSHAD ZIN TO, ,SA MYUG SOGS BLO MA 'KHRUL BA LA SNANG BA'ANG RANG BZHIN THA DAD KHO NAR SNANG BA'I PHYIR DANG, BLO MA 'KHRUL BAS RDZAS THA DAD DU DMIGS PA DE RDZAS THA DAD PA'I 'JOG BYED DO,, KHYAD PAR RANG MTSAN DE NI RIGS MI MTHUN GZHAN LAS LOG PA DANG, RGYU 'BRAS 'THAD PA DANG, RANG GI MTSAN NYID DU 'DOD RIGS KYI GTZO BO DER MI RIGS SO,, 'BRAS BU DON GNYER GYI SKYES BU'I 'JUG BYA YANG RANG MTSAN DANG, DE NI BLANG DOR GYI 'BRAS BU BSKYED PA CAN YIN GYI GTZO BO RTAG DNGOS DE LTAR MI NUS PA'I PHYIR,, GSUM PA THA DAD LA NYES PA MED PA'I DON BSDU BA NI, JI LTAR THA DAD MED KHYAD MED, , NA YANG THAMS CAD KUN SGRUB MIN, , DE BZHIN THA DAD KHYAD MED NA'ANG, , THAMS CAD KUN GYI SGRUB BYED MIN, , THA DAD NA YANG DNGOS PO YI, , CHOS NYID KYIS 'GA' BYED POR 'GYUR, , ZHES TSIG DRUG DES, GRANGS CAN KHYOD KYIS JI LTAR RGYU 'BRAS KUN GTZO BO'I NGANG DU RANG BZHIN GCIG TU GNAS NA'ANG, GNAS SKABS RGYU 'BRAS SO SOR @104 'DOD PA BZHIN DU GSAL BA RNAMS RDZA THA DAD DU KHYAD PAR MED NA'ANG RGYU KUN GYIS 'BRAS BU KUN SGRUB BYED MIN PAR THAL, RGYU 'BRAS KYI RNAM DBYE SO SOR NGES PA'I PHYIR, THAL CHOS SNGA MA LA RANG MTSAN RNAMS RDZAS THA DAD YIN NA'ANG, DNGOS PO'I CHOS NYID KYI RGYU 'GA' ZHIG GIS 'BRAS BU 'GA' ZHIG SKYED PA'I PHYIR, GNYIS PA RGYU 'BRAS 'CHOL BAR THAL BA LA, RGYU 'BRAS LA BYA BYED 'CHOL BAR THAL BA DANG,, SPYI GSAL GCIG DANG THA DAD 'CHOL BAR THAL BA'O,, DANG PO NI, THA DAD MED NA'ANG GCIG NYID KYI, , BYED DANG MI BYED 'GAL BAR 'GYUR, , THA DAD YOD DE'I PHYIR BYA MED, , CE NA LHAN CIG BYED MI BYED, , 'ON TE RIM BZHIN BYED PO NYID, , DE CI DNGOS DE NYID KYI 'AM, , ZHES TSIG DRUG DES RNAM 'GYUR RNAMS GTZO BO'I NGANG DU RANG BZHIN GCIG PA'I PHYIR SA BON GCIG RANG 'BRAS MYU GU'I RGYU BYED PA DANG MYU GU GZHAN GYI RGYU MI BYED PA 'GAL BAR 'GYUR RO, ,YANG GTZO BO RANG BZHIN DU GCIG YIN NA'ANG GNAS SKABS THA DAD PAS SA LU SA BON GYIS NAS KYI MYU GU MI BSKYED CE NA, LHAN CIG BYED RKYEN CHU LUD SOGS KYANG NAS MYUG MI SKYE BAR THAL, NAS KYI SA BON DANG GNAS SKABS THA DAD PA'I PHYIR, NAS KYI SA BON DE NYID DUS GZHAN GYI TSE SA LU'I SA BON DU GYUR NAS RIM BZHIN 'BRAS BU KUN BYED POR YANG MI 'THAD DE, DNGOS PO RNAMS KYI GO RIM DE NI GTZO BOS BYAS PA MA YIN NO,, GNYIS PA SPYI GSAL GCIG DANG THA DAD 'CHOL BAR THAL BA NI, DE LDAN DNGOS PO SHIN TU NI, , @105 THA DAD THA DAD MED 'GYUR BA'AM, , 'DRA DANG MI 'DRA'I BDAG NYID CAN, , RNAM GRANGS PHAN TSUN THA DAD 'GYUR, , DE YANG THA DAD 'GYUR ZHE NA, , BDAG NYID GANG GIS DE DAG GI , KHYAD PAR SPYI ZHES BYA BA DES, , GAL TE DE DAG THA DAD NA, , THA DAD NYID 'GYUR DE LTA NA'ANG, , JI LTAR BUM SOGS PHAN TSUN BZHIN, , SPYI DANG KHYAD PAR DU 'DOD PA'ANG, , SPYI DANG KHYAD PAR CAN MI 'GYUR, , ZHES TSIG BCU GNYIS DES RNAM 'GYUR RNAMS GTZO BO'I RANG BZHIN DU GCIG NA DE LDAN RNAMS THA DAD MED PAR 'GYUR BAR THAL BA DANG, YANG NA GTZO BO YANG SHIN TU THA DAD PAR 'GYUR BA DANG 'DRA BA GTZO BO MI 'DRA BA'I RNAM 'GYUR RNAMS PHAN TSUN THA DAD DU 'GYUR BA DANG, DE YANG 'DOD NA, DE GNYIS SPYI DANG KHYAD PAR ZHES BYA BA RDZAS THA DAD NYID DU 'GYUR BA DANG, DE YANG YIN NA, BUM SNAM SOGS GCIG LA GCIG GI BLO MI SKYE BA BZHIN DU, GTZO BO DANG RNAM 'GYUR YANG SPYI DANG KHYAD PAR GYI BLO MI SKYE BAR 'GYUR RO,, GSUM PA 'JUG PA 'CHOL BAR THAL BA LA, RANG LA 'JUG PA 'CHOL BA NYES PA MED PA, GZHAN LA YOD PA'O,, DANG PO NI, GANG GI BDAG NYID MDUN BYAS NAS, , BSGRUB BYA DE 'BRAS 'DOD PA CAN, , @106 SKYES BU 'DI NI 'JUG PAR 'GYUR, , DE RTEN THA DAD THA DAD MED, , DPYAD BYA RANG BDAG NYID THA DAD, , LDOG PA MTSUNGS PA 'DI DAG NI, , ZHES TSIG DRUG DES, BZHO BKAL DON GNYER GYI SKYES BU 'DI NI, RANG GI 'BRAS BU SGRUB RTEN LA DPYAD PAR BYA RIGS NA YANG GSAL BA LA 'JUG RIGS KYI GTZO BO DON DU GNYER MI RIGS TE, BA GLANG MNGON SUM GYI MDUN DU BYAS NAS 'JUG RIGS PA'I PHYIR, GTZO BO MED KYANG 'JUG PA 'CHOL BA'I NYES PA MED DE, RIGS MTHUN RIGS MI MTHUN KUN LAS LDOG PA MTSUNGS PA NYID KYI PHYIR, GNYIS PA GZHAN LA DGOD PA NI, KHYOD KYI LUGS LA ME 'DOD PA CHUR 'JUG PA, CHU 'DOD PA MER 'JUG PA SOGS THAL BAR 'GYUR TE, DE GNYIS RANG BZHIN GCIG YIN PA'I PHYIR, ME CHU SKYE 'JIG SO SOR NGES PAS PHAN TSUN RJES SU 'GRO BA MED DO ZHES PA, YOD NYID DNGOS PO RJES 'GRO MED, 'JUG PA LA SOGS THAL 'GYUR PHYIR; ZHES 'CHAD,, GNYIS PA RIGS PA DES GCER BU BA'ANG KHEGS PAR BSTAN PA LA, RIGS PA SNGA MAS KHEGS PAR BSTAN PA DANG, THUN MONG MA YIN PA'I RIGS PA BSTAN PA'O, DANG PO NI, DE NYID KYI NI 'DZEMS MED PA, , MUN SBRUL GANG CI'ANG RUNG SMRA BA, , DE DAG KYANG NI BSAL BA YIN, , MTHA' GCIG PA NI SRID PHYIR RO, , ZHES TSIG BZHIS, ME CHU RDZAS THA DAD DU SGRUB PA'I RIGS PA DE NYID KYIS, GCER BU'I BRTUL ZHUGS 'DZIN PA'I 'DZEMS MED PA SNGA MO ZHOR 'GYUR ZHING MI @107 'GYUR RO ZHES MUN SBRUL GANG CI'ANG RUNG BA BLANG DOR BYA MI RUNG BA SMRA BA DE DAG KYANG BSAL BA'O, SNGA ZHO RDZAS THA DAD PA SRID PHYIR RO,, GNYIS PA LA, DON LA 'JUG PA 'CHOL BAR THAL BA, YUL CAN SGRA BLO THA DAD MI SRID PAR THAL BA'O,, DANG PO NI, THAMS CAD GNYIS KA'I NGO BO NYID, , DE YI KHYAD PAR BSAL BA'I PHYIR, , ZHO 'THUNG ZHES NI BSKUL BA NA, , CI PHYIR RNGA MO LA MI RGYUG , 'ON TE PHUL BYUNG 'GA' ZHIG YOD, , GANG GIS KHYAD PAR 'JUG 'GYUR NA, , DE NYID ZHO YIN DE GZHAN LA, , MED PHYIR GNYIS KA MIN GZHAN MIN, , ZHES TSIG BRGYAD DES, ZHO 'THUNG ZHES BSKUL BA NA, RNGA MO 'THUNG BA LA RGYUG RIGS PAR THAL, DNGOS PO THAMS CAD RANG DANG RANG MA YIN GNYIS KA'I NGO BO NYID YIN PAS DE'I THA DAD PA'I KHYAD PAR BSAL ZHING SPANGS PA'I PHYIR, 'ON TE ZHO LA PHUL BYUNG GI KHYAD 'O MA'I RNAM 'GYUR 'GA' ZHIG YOD PAS ZHO LA 'JUG PAR 'GYUR GYI GZHAN LA MIN ZHE NA, 'O NA, 'O MA'I RNAM 'GYUR DE ZHO YIN PAR 'GYUR BAR THAL LO, 'DOD NA, RNGA MO DE ZHO RNGA GNYIS KA LAS GZHAN DU 'GYUR BAR THAL LO, GNYIS PA YUL CAN SGRA BLO 'JUG PA MI SRID PAR THAL BA NI, THAMS CAD KUN BDAG NYID YIN NA, , BLO SGRA THA DAD PAR MI 'GYUR, , @108 THA DAD BSDUS PAR SMRA BA LA, , DE MED PHYIR NA MI SRID 'GYUR, , ZHES TSIG BZHIS, DNGOS PO RNAMS LA SGRA BLO THA DAD MI 'JUG PAR THAL, DNGOS PO THAMS CAD BDAG NYID GCIG YIN PA'I PHYIR, GNAS SKABS THA DAD RANG BZHIN GCIG TU BSDUS PAR SMRA BA'I GCER BU BA LA THA DAD GCIG TU BSDUS PA MI SRID PAR 'GYUR RO, ,GNYIS PA DGAG PA'I SGRA RTOG SEL BA'I YUL CAN DU 'BAD MED SGRUB PA LA TSIG DON DANG, DE NYID NGES PAR BSGRUB PA'O,, DANG PO NI, DNGOS MED NGO BO MED PA'I PHYIR, , NGO BO BRJOD PA DPYAD BYA NYID, , MA YIN SGRA NI DE DAG NYID, , RNAM GCOD RJOD PAR BYED PAR GRUB, , CES TSIG BZHIS DNGOS MED BRJOD PA'I SGRAS SGRUB PA'I SGO NAS 'JUG GAM, SEL BA'I SGO NAS 'JUG GAM ZHES DVOGS PA SKYE RIGS PA MIN TE, DE MA YIN RNAM PAR BCAD PA'I SGO NAS BRJOD PA'I PHYIR ZHES BSHAD DO,, GSUM PA RANG BZHIN RTAGS KYI SBYOR BA DPER BRJOD PA LA, GTAN TSIGS DPER BRJOD PA DANG, DE LA RTZOD PA SPANG BA, SBYOR BA'I DBYE BA'O,, DANG PO NI, RANG BZHIN KHYAD PAR BYE BRAG LA, , LTOS PA'AM 'ON TE 'BA' ZHIG PA, , BSGRUB BYA SGRUB PA'I PHYIR BRJOD DE, 'JIG LA 'BRAS DANG YOD NYID BZHIN, , ZHES TSIG BZHIS, RANG GI BSGRUB BYA SGRUB PA'I PHYIR DU BRJOD PA'I RANG BZHIN GYI GTAN TSIGS LA GNYIS YOD DE, SGRA 'JIG PAR BSGRUB PA LA 'BRAS BU RTAGS @109 SU BKOD PA DANG, DNGOS PO YOD PA NYID RTAGS SU BKOD PA'I RTAGS GNYIS YOD LA; DANG PO DE, KHYAD PAR LTOS PA BA DANG, 'BA' ZHIG PA DAG PA GNYIS SU YOD PA'I PHYIR,, GNYIS PA DE LA RTZOD PA SPANG BA NI, GAL TE GTAN TSIGS YOD RANG BZHIN, , YOD PA JI LTAR BSGRUB BYA MIN, , KHYAD PAR RJES 'GRO MED PA NI, , GTAN TSIGS BSGRUB BYA DAG LAS NYAMS, , YOD PA'I KHYAD PAR TZAM DU NI, , BSGRUB BYA SPYI YI CHOS CAN LA, , DON 'GA' ZHIG YANG 'GRUB MI 'GYUR, , 'DI 'DRA BA YANG BKAG PA MED, , KHYAD PAR BSGRUB BYAR BZUNG NA 'DIR, , GTAN TSIGS RJES 'GRO MED CAN 'GYUR, , YOD PA BSGRUB BYA YIN NA DE, , KHYAD PAR DAG NI BSGRUB BYAR 'GYUR, , DE YI KHYAD PAR GZUNG MED PAR, , DNGOS PO TZAM NA SGRUB PA NA, , DE TZAM KHYAB BYED BSGRUB BYA YI, , RJES SU 'GRO BA NYAMS PA MED, , MA GRUB PA LA YOD CHOS MED, , GNYIS KA LA BRTEN 'KHRUL PA CAN, , @110 MED PA'I CHOS NI 'GAL YIN NA, , YOD DE JI LTAR BSGRUB BYAR 'GYUR, , ZHES TSIG RKANG NYI SHUS, GAL TE DNGOS POR YOD PA RANG BZHIN GYI GTAN TSIGS SU RIGS NA, GTZO BO YOD PAR SGRUB PA'I BSGRUB BYA'I CHOS SU'ANG RIGS PAR 'GYUR BA LA, KHYOD KYIS YOD TZAM GRUB ZIN LA YOD PA'I KHYAD PAR BSGRUB BYA'I CHOS SU BZUNG NA, GTZO BO DANG YOD PA'I KHYAD PAR BSGRUB BYA LAS NYAMS PAR 'GYUR RO ZHES PA'I SKYON NI KHYOD KYI GTAN TSIGS LA'ANG MTSUNGS SO ZHE NA, GRANGS CAN GYIS BKOD PA'I KHYAD PAR RNAMS RJES SU 'GRO BAR MTHONG BA DE, GTZO SNANG LA YOD PA'I KHYAD PAR DNGOS PO YOD PA TZAM DU BSGRUB PA'AM, SPYIR YOD TZAM SGRUB PA YIN, DANG PO LTAR NA, GTAN TSIGS RJES 'GRO MED PA DANG, GNYIS PA LTAR NA GRANGS CAN GYI MNGON PAR 'DOD PA'I DON 'GA' YANG MED PA'I PHYIR, MA GRUB NA, ME SNANG YOD PAR BSGRUB PAS ME YOD PAR SGRUB NUS PAR THAL LO, SANGS RGYAS PA LA'ANG DE BKOD PA'I DON MED PAR THAL, SANGS RGYAS PAS BSGRUB BYA DE 'DRA BA'I BKAG PA MED PA'I PHYIR, YOD PA'I KHYAD PAR DNGOS PO BSGRUB BYA'I CHOS SU BZUNG NA GTAN TSIGS DE KHYAB PA MED PA CAN DU THAL LO, YOD PA BSGRUB BYA'I CHOS YIN NA, YOD PA'I KHYAD PAR BSGRUB BYA'I CHOS YIN DGOS, YOD TZAM SGRUB PA LA DGOS PA PA MED PA'I PHYIR, KHO BO CAG LA DNGOS PO DE'I KHYAD PAR MED PAR DNGOS PO TZAM SGRUB BYED DU BKOD PA NA BSGRUB BYA'I CHOS KYI RJES 'GRO'I KHYAB PA NYAMS PA'I SKYON MED DO, ,MTSAN NYID LNGA LDAN GYI GTZO BO'I SNANG BA DE DANG DNGOS POR YOD PA'I TSOGS DON RTAGS YANG DAG GI BSGRUB BYAR MI 'GYUR BAR THAL, RTAGS SU GANG BKOD KYANG LTAR SNANG LAS MA 'DAS PA'I PHYIR, DON BYED NUS PA LTA BU BKOD NA PHYOGS CHOS MA GRUB PAS MA GRUB PA'I GTAN TSIGS DANG, DNGOS PO YOD MED GNYIS @111 KA'I KHYAB BYED SHES BYA LTA BU BKOD NA KHYAB PA 'KHRUL PA CAN DANG, DON BYED NUS STONG GI CHOS LTA BU BKOD NA 'GAL BA'I GTAN TSIGS SU 'GYUR RO,, GSUM PA SBYOR BA'I DBYE BA NI, RANG BZHIN SGRUB PA GO BYED YIN, , DE LA KHYAB BYED NGES PA YIN, , RANG BZHIN NGES PA GO BYA YIN, , 'DI LDOG PA NA DE LDOG BYED, , DPER NA MI RTAG NYID BYAS PA'AM, , MA BYAS PAS NA MI 'JIG BZHIN, , ZHES TSIG DRUG DES BYAS PA DE SGRA MI RTAG PAR SGRUB PA'I GO BYED MI RTAG PA DE SGRA'I STENG DU GO BYA YIN TE, MI RTAG PA LDOG PA TZAM GYIS BYAS PA LDOG PA'I PHYIR, DPER BRJOD NA, BYAS NA MI RTAG PAS KHYAB, DPER NA BUM PA BZHIN; SGRA YANG BYAS SO ZHES PA'I CHOS MTHUN SBYOR GYI SGRUB NGAG DANG, MI 'JIG PA YIN NA MA BYAS PA YIN PAS KHYAB, DPER NA 'DUS MA BYAS KYI NAM MKHA' BZHIN SGRA NI BYAS ZHES PA DE CHOS MI MTHUN SBYOR GYI SGRUB NGAG YIN,, BZHI PA 'BREL BA NGES BYED KYI TSAD MA RGYAS PAR BSHAD NAS MA NGES PA SPANG BA LA 'BREL BA SGRUB PA'I RTAGS DGOD, PHYOGS CHOS BSGRUB, DON BSDU BA'O,, DANG PO NI, RGYU MED PHYIR NA 'JIG PA NI, , RANG GI NGO BOS RJES 'BREL NYID, , CES PA'I TSIG GNYIS DES BYAS PA RANG GRUB TZAM NAS 'JIG PA RANG GI NGO BO NYID KYI RANG CHAS SU 'BREL TE RGYU RIGS GZHAN MED PAR KHYOD BSKYED PA'I RGYU DE NYID KYIS KHYOD 'JIG PA'I LAG RJES BYAS PA'I PHYIR,, @112 GNYIS PA PHYOGS CHOS BSGRUB PA NI, DNGOS PO LTOS DANG BCAS RNAMS NI, , NGES PAR 'GYUR BA MED PAR MTHONG, , DE RGYU MANG PO YOD NA YANG, , 'GA' ZHIG LA NI MI SRID 'GYUR, , ZHES TSIG BZHIS, SNAM BU'I DNGOS POR SER POR 'GYUR BA PHYIS 'BYUNG GI TSON LA LTOS PA DANG BCAS PA NI RANG GRUB TZAM NAS SER PO MA YIN PA BZHIN DU, BYAS PA YANG RANG NYID 'JIG PA PHYIS 'BYUNG GI RGYU LA LTOS NA 'JIG NGES MA YIN PAR 'GYUR, 'JIG RGYU MANG PO YOD PAS PHYIS BYUNG GI RGYU LA LTOS KYANG 'JIG NGES YIN NO ZHE NA MI RIGS TE, 'O NA PHYIS 'BYUNG GI RGYU DANG MA 'PHRAD PA'ANG SRID PAS BYAS PA 'GA' ZHIG 'JIG MI SRID PAR 'GYUR RO,, GSUM PA DON BSDU BA NI, DE NA 'BRAS GNAS MED PA'I PHYIR, , 'JIG PA RGYU LDAN SMRA RNAMS KYI, , 'JIG PA'I RGYU NI THAMS CAD DAG , 'KHRUL BA NYID DU BSHAD PA YIN, , DE RGYU NUS PA MED PHYIR YANG, , 'DI NI NGO BO NYID KYIS 'GYUR, , GANG LA 'GYUR ZHES BYA DES LAS, , GZHAN LA'ANG NGO BO NYID KYIS 'GYUR, , ZHES TSIG BRGYAD POS DES NA, THO BA SOGS YOD NA BUM PA'I 'JIG PA GNAS PA'I NGES PA MED PA'I PHYIR, PHYIS BYUNG GI THO BA SOGS BUM PA'I 'JIG @113 RGYU MA YIN NO, DNGOS PO'I 'JIG PA PHYIS BYUNG GI RGYU DANG LDAN PA SMRA BA RNAMS KYI 'JIG PA'I RGYU THAMS CAD 'KHRUL BA NYID DU BSHAD PA STE DNGOS PO'I 'JIG PA DNGOS PO'I CHOS NYID YIN PA'I PHYIR, PHYIS BYUNG GI THO BA SOGS BUM PA'I 'JIG PA DE'I RGYU MA YIN TE, DE BSKYED PA'I NUS PA MED PA'I PHYIR, GLOG SOGS NGO BO NYID KYIS 'JIG PAR 'GYUR BA MNGON SUM GYIS MTHONG BAS, GANG LA 'JIG PA MNGON SUM GYIS MTHONG BAS GZHAN LKOG GYUR SGRA MI RTAG PA'ANG NGO BO NYID KYIS 'JIG PAR 'GYUR RO,, RTZA BA'I SA BCAD GNYIS PA DON BSDU BA NI, DES NA DNGOS PO YUL CAN GYI, , RJES SU DPOG GANG RNAM GNYIS TE, , 'BRAS DANG NGO BO DE DAG LAS, , RANG BSGRUB BYA LA 'BREL DES PHYIR, , ZHES TSIG BZHIS, 'BREL BA NGES BYED KYI TSAD MA RGYAS PAR BSTAN PA DES NA; BSGRUB BYA DNGOS PO'I YUL CAN GYI RJES SU DPOG PA'I RTEN GTAN TSIGS GANG YIN PA DE, 'BRAS RANG GI RTAGS GNYIS SU NGES TE, 'BRAS BU DANG, KHYAB BYA DE DAG LAS RANG GI BSGRUB BYA'I CHOS RGYU DANG KHYAB BYED LA 'BREL BA NGES SHING GZHAN MED PA'I PHYIR,, GNYIS PA DGAG RTAGS KYI 'BREL BA NGES BYED LA, DNGOS DANG, RTZOD SPANG NGO, DANG PO LA, MI SNANG BA MA DMIGS PA DANG, SNANG RUNG MA DMIGS PA'I 'BREL BA NGES BYED DO,, DANG PO LA, BYED PA 'JUG PA'I YUL NGOS BZUNG BA DANG, DE BSGRUB PA'O, @114 DANG PO NI, 'JUG PA BLO SNGON CAN NYID PHYIR, , DE YI NGO BO MI DMIGS NA, , 'JUG PAR MI BYED CES BYA BAS, , MI DMIGS PA NI TSAD MAR BSHAD, , CES TSIG BZHIS, GANG ZAG DE'I RGYUD LA SHA ZA YOD NGES KYI THA SNYAD DON MTHUN 'JUG PA DE, SHA ZA DMIGS BYED KYI BLO TSAD MA SNGON DU 'GRO BA CAN NYID KYI PHYIR; DE DMIGS BYED KYI TSAD MA MED PA DE THA SNYAD DON MTHUN MI 'JUG PAR SGRUB PA'I TSAD MAR BSHAD PA YIN NO,, GNYIS PA, DE BSGRUB PA NI,, BSTAN BCOS SKABS DANG 'BREL MED DANG, , DON RNAMS DBANG PO LAS 'DAS PA, , RTAGS MED PA CAN DE RNAMS NI, , MI DMIGS PHYIR NA JI LTAR MED, , YOD MED NGES PA'I 'BRAS CAN MIN, , PHYIR NA TSAD MA NYID MI 'GYUR, , ZHES TSIG DRUG DES, BSKAL DON 'GA' ZHIG BSTAN BCOS RTZOM BA'I SKABS DANG 'BREL MED DU 'GYUR BA'I PHYIR, BSKAL DON RNAMS YOD KYANG SO SKYE'I DBANG PO MNGON SUM GYI YUL LAS 'DAS PA DANG, BSKAL DON YOD KYANG GANG ZAG DE'I NGOR SGRUB RTAGS GNYIS LA BRTEN PA'I RJES DPAG GIS DMIGS PAS MA KHYAB PAR THAL, DE'I NGOR DE SGRUB PA'I SGRUB RTAGS MED PA CAN YIN PA'I PHYIR, BSKAL DON DE RNAMS NI GANG ZAG DE'I TSAD MAS MI DMIGS PA'I PHYIR NA JI LTAR MED PAR BSGRUB NUS, MI SNANG BA MA DMIGS PA'I RTAGS DES BSKAL DON YOD PA DANG MED @115 PA BSGRUB PA GANG LA'ANG TSAD MA NYID DU MI 'GYUR TE, YOD PA DANG MED PA'I 'BRAS BU CAN MIN PA'I PHYIR,, GNYIS PA SNANG RUNG MA DMIGS PA NI, RTAGS KYI PHUL BYUNG YOD PA CAN, , LA LA TSAD MA DAG TU 'GYUR, , RANG BZHIN SHES BYED MI SHES LA, , RIGS PA 'DI NI BRJOD PA YIN, , RGYU MI SHES NA 'BRAS BU NI, , MED PA NYID DU SGRUB PAR BYED, , DON GYI RANG BZHIN RTAGS CAN LA, , RANG BZHIN MI DMIGS PA YANG YIN, , GAL TE GTAN TSIGS 'GA' ZHIG GIS, , DE MED PA NI RTOGS PAR 'GYUR, , SNANG RUNG MTHONG BA MED PA'I RGYU, , MI SRID PA NI GYUR PA NA, , SNANG RUNG DNGOS PO MA DMIGS PA'I, , DNGOS PO MED PA RTOGS PAR 'GYUR, , 'GAL BA'I DNGOS PO YOD NA YANG, , DE YOD PA LA GNOD BYED PHYIR, , DE DANG 'GAL BA DMIGS PA NI, , MED PA NYID DU NGES PAR 'GYUR, , @116 ZHES TSIG BCO BRGYAD DES, MA DMIGS PA'I RTAGS LA MED NGES SGRUB PA LA TSAD MA NYID DU 'GYUR BA YOD DE RTAd KYI PHUL BYUNG SNANG RUNG GI RTAd DE YIN PA'I PHYIR, SNGAR BSHAD PA'I RIGS PA NI, RANG GI RANG BZHIN YOD KYANG GANG ZAG 'GA' ZHIG GI SHES BYED GANG GIS KYANG MI SHES PAS DE LTAR BRJOD PA'I PHYIR, RGYU ME MED PA DE 'BRAS BU DU BA MED PAR SGRUB PA'I RGYU MA DMIGS PA DANG, KHYAB BYED KYI RANG BZHIN MI DMIGS PA DE KHYAB BYA DON GYI RANG BZHIN MED PAR SGRUB PA'I RTAGS YIN NO, ,GAL TE RGYU DANG KHYAB BYED MA DMIGS PA TSAD MAS MA GRUB PA'I SKYON MED PAR THAL, RANG BZHIN MA DMIGS PA'I GTAN TSIGS 'GA' ZHIG LA BRTEN NAS RTOGS PA'I PHYIR, SNANG RUNG BUM PA MTHONG BA'I RGYU SGRIB BYED SOGS MI SRID PA GYUR NA, SNANG RUNG GI BUM PA'I DNGOS PO MA DMIGS PA'I RTAGS LAS, GZHI 'GAR BUM PA'I DNGOS PO MED PA RTOGS PAR 'GYUR TE, BUM PA YOD NA SNANG DU RUNG BA'I PHYIR; DGAG BYA'I CHOS DE DANG 'GAL BA DMIGS PA'I RTAGS KYANG GZHI 'GAR DGAG BYA'I CHOS DE MED PA NYID DU GO BYED YANG DAG TU NGES PAR 'GYUR TE, DGAG BYA'I CHOS DANG 'GAL BA'I DNGOS PO ME NYE BAR YOD NA, GRANG REG RGYUN CHAGS SU MI GNAS PA YIN NO,, GNYIS PA RTZOD SPANG LA, DGAG RTAGS KYI GRANGS NGES LA RTZOD SPANG DANG, MI SNANG BA MA DMIGS PA'I RTAGS LA BYE BRAG TU RTZOD PA SPANG BA'O,, DANG PO LA, GTZO BO ZHES PA'I SGRA'I DON NGOS BZUNG, DE DGAG MI NUS PAR BSTAN, DE LA LUNG 'GAL SPANG BA'O, DANG PO LA RTOG PAS BTAGS PA TZAM DU BSTAN PA DANG, DE RANG MTSAN DU GRUB PA BKAG NAS MJUG BSDU BA'O, DANG PO NI, THOG MED BAG CHAGS LAS BYUNG BA'I, , RNAM PAR RTOG PAS YONGS BSGRUB PA, , @117 YOD MED GNYIS KA LA BRTEN PA, , SGRA DON CHOS NI RNAM PA GSUM, , DE DNGOS NYER LEN MED PA CAN, , SGRUB LA DE MI DMIGS PA NA, , DE LTAR GTAN TSIGS DE NYID NI, , MED PA MA YIN SGRA SBYOR PHYIR, , ZHES TSIG BRGYAD POS, THOG MED BAG CHAGS LAS BYUNG BA'I RNAM PAR RTOG PAS YONGS SU BSGRUBS SHING SGRO BTAGS PA'I SGRA DON DE GTZO BO ZHES PA'I SGRA'I BRJOD BYA YIN NO, ,SGRA DON CHOS NI RNAM PA GSUM DU 'GYUR TE YOD PA DANG, MED PA DANG; GNYIS KA LA BRTEN PA'I RTOG PA'I SNANG YUL RNAMS SU YOD PA'I PHYIR, GTZO BO SNANG BA DE GTZO BO RANG MTSAN GYI DNGOS PO'I NYER LEN CAN DU MED PAR BSGRUB PA LA RTAGS YOD DE, DE 'DRA'I NYER LEN CAN DU YOD NA DMIGS SU RUNG BA LAS MA DMIGS PA DE GTAN TSIGS YIN PA'I PHYIR, GTZO BO SNANG BA DE MED PA MA YIN TE; GTZO BO ZHES PA'I SGRA SBYOR BA MTHONG BA'I PHYIR,, GNYIS PA DE RANG MTSAN GYIS GRUB PA BKAG NAS MJUG BSDU BA NI, DON DAM GCIG TU 'JUG NYID CAN, , MTHONG BA'I BYE BRAG THA DAD PA'I, , DON RNAMS LA NI SGRA RNAMS NI, , RGYU MED CAN 'JUG MI 'GYUR DANG, , 'DAS DANG MA SKYES PA LA YANG, , TSIG 'GA' ZHIG KYANG BRDZUN PA YIN, , @118 DON CAN NYID DU MI 'GYUR PHYIR, , DE DAG BLO DON YUL CAN 'DOD, , CES TSIG BRGYAD POS, RTOG PA'I 'JUG YUL MTHA' GCIG TU DON DAM GZUNG YUL DU 'JUG PA CAN YIN NA, PHYI NANG GI MTHONG BA'I TSUL THA DAD PA'I BYE BRAG GI CHOS CAN DON RE RE BA RNAMS LA SGRA MI 'DRA BA MI 'JUG PAR 'GYUR TE DE LTAR 'JUG PA'I RGYU MED PA CAN YIN PA'I PHYIR, 'DAS MA 'ONGS PA LA'ANG DE LTAR MI 'JUG PAR 'GYUR BA THAL BA DANG, TSIG 'GA' ZHIG KYANG RDZUN PA'I DON CAN NYID DU MI 'GYUR BAR THAL, SGRA DON DNGOS POR GRUB PA'I PHYIR, RTOG PA KUN BLOS BTAGS PA'I DON GZUNG YUL CAN DU 'DOD RIGS SO,, GNYIS PA DE DGAG MI RIGS PA LA SGRA DON DGAG MI RIGS PA DANG, BSGRUB RIGS KYANG DON DU GNYER BA'I GTZO BO MIN PA'O,, DANG PO LA, TSIG DON DANG, MTHA' DPYAD PA'O,, DANG PO NI, SGRA DON BSNYON PA SGRUB PA LA, , CHOS KYI RTEN NI BSAL BA'I PHYIR, , TSOGS PA BSGRUB BYAR MI 'GYUR LA, , YAN GAR CHOS NI GRUB PA YIN, , ZHES TSIG BZHIS GTZO BO'I SGRA DON MED DO ZHES BSNYON NA, RTAGS DE'I CHOS DANG CHOS CAN GYI TSOGS DON BSGRUB BYAR MI 'GYUR TE, BSGRUB BYA'I CHOS KYI RTEN CHOS CAN BSAL BA'I PHYIR, BSGRUB BYA'I CHOS YAN GAR BA BSGRUB BYA MA YIN TE, DPE'I STENG DU GRUB ZIN PA YIN PA'I PHYIR,, @119 GNYIS PA BSGRUB RIGS KYANG DON DU GNYER BA GTZO BO MIN PA NI, SGRA DON BSNYON PA MED RNAMS KYIS, , YOD MED PHYOGS KYI BYE BRAG GIS, , DNGOS PO NYID NI DPYAD BYA STE, , 'DI LAS 'BRAS 'BYUNG RAG LAS PHYIR, , DON BYED NUS PA MA YIN LA, , DON GNYER BRTAGS PAS CI ZHIG BYA, , MA NING GZUGS BZANG MI BZANG ZHES, , 'DOD LDAN RNAMS KYIS BRTAGS CI PHAN, , ZHES TSIG BRGYAD POS, SGRA DON MED DO ZHES BSNYON PA MED PA'I BTZO BSREG DON GNYER RNAMS KYIS ME'I DNGOS PO YOD MED PHYOGS KYI BYE BRAG GIS DPYAD PAR BYA STE, ME 'DI LAS 'DOD BYA'I 'BRAS BU 'BYUNG BA RAG LAS PA'I PHYIR, DON BYED MI NUS NA 'BRAS BU DON GNYER RNAMS KYIS BTAGS PA'I DGOS PA MED DO,, 'DOD LDAN 'KHRIG PA DON GNYER RNAMS KYIS MA NING GZUGS BZANG MI BZANG BRTAGS PA'I DGOS PA MED PA BZHIN NO,, GSUM PA, LUNG 'GAL SPANG BA NI, RTOG PA'I SHES PA'I YUL NYID KYIS, , SGRA YI DON NI BRTAGS PA YIN, , DNGOS RTEN MA GRUB 'DI CHOS SU, , RIG PA SMRA BAS GSUNGS PA YIN, , ZHES TSIG BZHIS, SGRA DON DE RTOG PA'I SHES PA'I GZUNG YUL YIN PAS, BTAGS PA ZHES BRJOD PA YIN, SGRA DON DE GTZO BO DNGOS PO BA'I RTEN CAN DU MA @120 GRUB PA 'DI DE'I KHYAD CHOS SU SGRUB BZHED NAS SLOB DPON PHYOGS GLANG GIS BTAGS PA'I CHOS MA DMIGS PA ZHES RIGS DE SMRA BA'I PHYIR, GNYIS PA MI SNANG BA MA DMIGS PA'I RTAGS LA BYE BRAG TU RTZOD PA SPANG BA LA, TSIG RANG GI ZHEN PA'I BRJOD BYA SGRUB BYED YIN PA SO SOR DGAG PA DANG, SPYIR DGAG PA, DON BSDU BA'O,, DANG PO LA, SKYES BU'I TSIG ZHEN PA'I BRJOD BYA SGRUB BYED YIN PA DGAG PA DANG; MA BYAS PA'I RIG BYED DGAG PA'O,, DANG PO LA, TSIG TZAM DGAG PA DANG, KHYAD PAR CAN GYI TSIG DGAG PA'O,, DANG PO LA, DGAG PA DNGOS DANG, 'GAL BA SPANG BA'O,, DANG PO NI, SGRA RNAMS DNGOS DANG LHAN CIG RGYU, , MED NA MED 'BYUNG NYID MED PHYIR, , DE LAS DON GRUB MIN DE DAG , SMRA PO'I BSAM PA STON PAR BYED, , CES TSIG BZHIS, BRJOD BYED KYI SGRA RNAMS KHYOD KYI ZHEN PA'I BRJOD BYA'I DNGOS PO DANG MED NA MI 'BYUNG BA'I 'BREL BA MED PAS, LUNG DE RANG GI ZHEN PA'I BRJOD BYA'I DON GRUB PA MA YIN YANG SMRA BA PO'I BSAM PA TSAD MA'I YUL DU RTOGS PAR BYED NUS SO,, GNYIS PA 'GAL BA SPANG BA NI, YID CHES TSIG NI MI BSLU BA'I, , SPYI LAS RJES SU DPAG PA NYID, , CES TSIG GNYIS KYIS, PHYOGS GLANG GIS DE LTAR GSUNGS PA DE, SHIN LKOG STON PA'I SANGS RGYAS KYI GSUNG DE, GZHAL BYA'I GNAS GNYIS STON PA'I GSUNG @121 DANG MTSUNGS PA'I SPYI'I RTAGS LAS RANG GI BSTAN BYA'I DON LA ME BSLU BAR RJES SU DPAG PA'O,, ZHES MDOR BSTAN NAS, DE NYID RGYAS PAR BSHAD PA LA TSAD MAR GYUR PA'I LUNG NGOS GZUNG BA DANG, DE TSAD MA YIN PA'I RGYU MTSAN, DE TSAD MAR SGRUB PA'I DGOS PA'O,, DANG PO NI, 'BREL BA DANG NI RJES MTHUN THABS, , SKYE BU'I DON NI RJOD BYED NGAG , YONGS BRTAGS DBANG DU BYAS YIN GYI, , DE LAS GZHAN PA'I DBANG BYAS MIN, , ZHES TSIG BZHIS, 'KHOR BA 'JUG LDOG GIS BSDUS PA'I BLANG TOR LA PHAN 'DOGS PA'I 'BREL BA DANG, MNGON MTHO NGES LEGS BSGRUB PA RJES SU MTHUN PA'I THABS DANG, SKYES BU MNGON PAR 'DOD PA'I DON RJOD BYED NGAG GANG YIN PA DE TSAD MAR GZUNG BAR BYA BA BSTAN GYI DE LAS GZHAN PA'I DBANG DU BYAS PA MA YIN, KHAS LEN PA YANG YONGS SU BRTAGS NAS DPYAD PA DAG PA'I DBANG DU BYAS PA YIN GYI DPYAD PA MA DAG PA'I KHAS LEN PA MIN NO, , GNYIS PA DE TSAD MAR YIN PA'I RGYU MTSAN NI, MTHONG DANG MA MTHONG DNGOS PO YI, , DON DE DAG LA MNGON SUM DANG, , RJES SU DPAG RNAM GNYIS KYIS KYANG, , GNOD MED 'DI YI MI SLU BA'O, , ZHES TSIG BZHIS, KHYAD CHOS GSUM LDAN GYI LUNG DE DAG TSAD MA YIN PA'I RGYU MTSAN NI, MTHONG BA MNGON GYUR DANG, MTHONG BA LKOG GYUR GYI DON BSTAN @122 PA LA MNGON SUM TSAD MA DANG, MNGON RTOGS RJES DPAG GIS GNOD PA MED PA DANG; MA MTHONG BA SHIN LKOG STON PA LA RANG TSIG SNGA PHYI 'GAL BA MED PA DANG DNGOS SHUGS 'GAL BA MED PA DE, LUNG DE MI BSLU BA'I RGYU MTSAN YIN NO,, GSUM PA TSAD MAR SGRUB PA'I DGOS PA NI, YID CHES TSIG NI MI SLU BA'I, , SPYI LAS 'DI YUL LKOG GYUR NA'ANG, , GO SKABS MED PA'I PHYIR BLO NI, , RJES SU DPAG PA NYID DU GSUNG, , BLANG DANG DOR BYA'I DE NYID NI, , THABS BCAS RAB TU NGES PA YIS, , GTZO BO'I DON LA MI SLU'I PHYIR, , GZHAN LA RJES SU DPAG PA YIN, , ZHES TSIG BRGYAD POS, YID CHES KYI TSIG SHIN TU LKOG GYUR STON PA'I SANGS RGYAS KYI GSUNG 'DI'I YUL SHIN TU LKOG GYUR NA'ANG, TSAD MAS GRUB STE GZHAL BYA DANG PO GNYIS STON PA'I GSUNG DANG MI SLU BAR MTSUNGS PA'I SPYI'I RTAGS LAS RTOGS NUS PA'I PHYIR, RJES SU DPAG PA NYID DU GSUNG STE SHIN LKOG DE LA MNGON STOBS TSAD MA 'JUG PA GO SKABS MED PA'I PHYIR, BLANG BYA 'GOG LAM GNYIS DANG, DOR BYA SDUG KUN GNYIS THABS DANG BCAS PA DNGOS STOBS KYI TSAD MAS RAB TU NGES PA YIN PAS GTZO BO DON BDEN BZHI BSTAN PA LTAR MI SLU BAR DNGOS STOBS KYI GRUB PA'I PHYIR, GZHAN SHIN SKOG GI DON LA SANGS RGYAS KYIS JI LTAR GSUNGS PA LTAR RJES SU DPAG PAR BYA BA'I YIN NO,, @123 GNYIS PA KHYAD PAR CAN GYI TSIG DGAG PA LA, GZHAN DAG GI LUNG TSAD MAR KHAS LEN PA'I THABS DGAG PA, 'THAD PA'I PHYOGS BZHAG PA'O,, DANG PO NI, SKYES BU PHUL BYUNG LA LTOS PA, , JI BZHIN DON DU GZHAN KYIS SHES, , GAL TE PHUL DU BYUNG BA DE, , SHES PAR NUS NA DON 'DI 'DOD, , 'DI NI 'DI LTA'AM MIN NO ZHES, , GZHAN LA SKYON LDAN SKYON MED PA'AM, , TSAD MA RNAMS NI RNYED DKA'I PHYIR, , RTOGS DKA' ZHES NI GZHAN GYIS SHES, , ZHES TSIG BRGYAD POS KHA CIG GIS, SKYES BU PHUL DU BYUNG BA NYES PA KUN ZAD DES SMRAS PA LA LTOS PA'I TSIG DE JI LTA BA BZHIN GYIS DON CAN DU GZHAN GYIS SHES PAS TSAD MAR KHAS LEN NO ZHE NA, GAL TE PHUL BYUNG GI SKYES BU DE'I GSUNGS PA'I GSUNG RAB LA BRTEN NAS SKYES BU DE NYES ZAD KYIS SKYES BUR 'DOD RIGS LA DE'I GSUNG LA MA BRTEN PAR SKYES BU DE TSAD MA'I SKYES BUR SHES NUS NA, DES GANG SMRAS TSAD MAR 'DOD RIGS DGOS PAR 'GYUR BA'I PHYIR, DE LA MA BLTOS PAR SKYES BU 'DI NI SKYON YON GYIS RNAM PA 'DI LTA BU DANG LDAN PA'AM MIN NO ZHES PA'I GANG ZAG GZHAN LA SKYON DANG LDAN PA DANG SKYON MED PA RTOGS PA'I TSAD MA RNAMS NI RNYED DKA' ZHING MI RNYED PA'I PHYIR NA SKYES BU DE'I GSUNG RAB GTAN LA MA PHAB PAR DE NYES ZAD KYI SKYES BUR RTOGS DKA' ZHES GZHAN SLOB DPON GYIS SHES SO,, GNYIS PA 'THAD PA'I PHYOGS BZHAG PA LA, NYES ZAD KYIS SKYES BU SGRUB PA'I RTAGS DGOD, THAR PA LA YID BRTAN MI RUNG BA'I RTZOD PA SPANG, @124 NYES PA'I RTZA BA NGOS GZUNG BA'O, DANG PO NI, 'GRIB DANG PHUL BYUNG BRTEN PA KUN, , MI MTHUN PHYOGS DANG BCAS NYID PHYIR, , DE GOMS PA LAS BDAG 'GYUR BAS, , LA LA ZAG PA ZAD PAR 'GYUR, , ZHES TSIG BZHIS, SKYES BU LA LA ZAG PA ZAD PA 'GYUR BA YOD DE, BDAG MED RTOGS PA'I SHES RAB DE GOMS PA LAS BLO DE'I BDAG NYID DU 'GYUR BA YOD PA'I PHYIR, CHAGS SOGS NYON MONGS RNAMS SHES RAB DE 'PHEL NA 'GRIB PA DANG, 'GRIB NA PHUL BYUNG DU SKYE BA LA BRTEN PA'I TSUL GYIS MI MTHUN PHYOGS SHES RAB DE'I GNOD BYED DANG BCAS PA NYID KYIS PHYIR, GNYIS PA THAR PA LA YID BRTAN MI RUNG BA'I RTZOD PA SPONG BA, 'TSE BA MED DANG YANG DAG DON, , NGO BO NYID LA PHYIN LOG GIS, , 'BAD DU ZIN KYANG MI BZLOG STE, , BLO NI DE PHYOGS 'DZIN PHYIR RO, , ZHES TSIG BZHIS, NYES ZAD KYI SKYES BUS 'KHOR BA'I 'TSE BA THAMS CAD MED PA DANG, BDAG MED MNGON SUM DU RTOGS PA'I SHES RAB DE YANG DAG PA'I DON MTHAR THUG PA MNGON SUM DU RTOGS SHING SEMS KYI NGO BO NYID LA 'BRAL MI RUNG DU ZHUGS PAS, BLO PHYIN CI LOG GIS 'BAD DU ZIN KYANG SPANGS PA LDOG PA MED DO, GSUM PA NYES PA'I RTZA BA NGOS GZUNG NA NI,, NYES PA RNAM PA THAMS CAD DAG, , 'JIG TSOGS LTA LAS SKYES PA YIN, , @125 DE MA RIG DER DE LA CHAGS, , DE LAS ZHES SDANG LA SOGS 'BYUNG, , DE NYID KYIS NA NYES RNAMS KYI, , RGYU NI GTI MUG YIN PAR GSUNG, , GZHAN LAS 'JIG TSOGS LTA BA STE, , DE SPANGS PA NA SPONG PHYIR RO, , ZHES TSIG BRGYAD POS, NYES PA CHAGS SOGS KYI RNAM PA THAMS CAD DAG RGYU MED DANG MI MTHUN PA'I RGYU LAS MI 'BYUNG STE, RANG RGYU 'JIG TSOGS LTA BA LAS SKYES PA'I PHYIR, 'JIG LTA DE MA RIG PA YIN, DE LAS BDAG DE LA CHAGS PA DANG; ;ZHE SDANG LA SOGS PA 'BYUNG NGO, NYES PA RNAMS KYI RTZA BA'I RGYU NI GTI MUG YIN, MDO GZHAN LAS BSHAD PA DANG YANG MTHUN TE 'JIG LTA DE SPANGS PA NA, NYES PA KUN SPANGS PAR NUS PA'I PHYIR, 'DI NAS SA BCAD DANG MA SBYAR BAR RTZA TSIG KHO NA 'BREL BAR BYED DO, GNYIS PA RIG BYED TSAD MA DGAG PA LA, RIG BYED PA DAG GIS TSIG LOG PA STON PA'I RGYU CHAGS SOGS NYES PA RNAMS SKYES BU LA BRTEN PAS TSIG RNAMS RDZUN PA YIN, SKYES BU LA MA BRTEN PA'I TSIG RNAMS BDEN PA'I DON CAN YIN ZHES PA LA, , TSIG RNAMS LOG PA NYID KYI RGYU, , NYES RNAMS SKYES BU LA BRTEN PHYIR, , SKYES BU MA BYAS BDEN DON CAN, , ZHES NI LA LA BRJOD PAR BYED, , CES GSUNGS, MGO MTSUNGS, TSIG RNAMS BDEN PA NYID KYI RGYU, , @126 YON TAN SKYES BU LA BRTEN PHYIR, , SKYES BU MA BYAS LOG PA'I DON, , CI MIN ZHES NI GZHAN DAG BRJOD, , CES PAS, TSIG BDEN PA STON PA'I RGYU SNYING RJE SOGS SKYES BU LA BRTEN PAS, SKYES BUS MA BYAS PA'I TSIG RNAMS LOG PA NYID DU BRJOD PAR BYA'O,, DON SHES BYED PA DAG GI RGYU, , BRDA NI SKYES BU LA BRTEN PAS, , TSIG RNAMS SKYES BUS BYAS MIN YANG, , DE PHYIR LOG PA NYID DU SRID, , 'BREL BA SKYES BUS BYAS MIN NA, , BRDA RIG MED PAR RTOGS PAR 'GYUR, , BRDA LAS DE NI GSAL YIN NA, , BRTAGS PA GZHAN DAG NUS MED 'GYUR, , ZHES TSIG BRGYAD POS, RIG BYED KYI TSIG RNAMS SKYES BUS BYAS PA MIN YANG DON LOG PA STON SRID DE, KHYOD LAS DON GO BA'I RGYU SKYE BU LA BRTEN PA'I PHYIR, RIG BYED SGRA DON GYI 'BREL BA SKYES BUS BYAS PA MIN NA RIG BYED KYI SGRA THOS PA TZAM GYIS BRJOD BYA RDZOGS PAR GO BAR 'GYUR RO, ,NGAG GI BRDA LAS NYAN PO BLO YUL DU GSAL DGOS NA, 'BREL BA DNGOS PO GZHAN BTAGS PA LA DGOS MED DU 'GYUR RO, RTZA BAR, , TSIG RNAMS DON GCIG LA NGES NA, , DON GZHAN RTOGS PAR MI 'GYUR RO, , DON DU MA DANG MNGON 'BREL NA, , @127 'GAL BA GSAL BAR BYED PA YIN, , SKYES BU MA BYAS PA NYID KYANG, , KUN TU BRTAGS PA DON MI 'GYUR, , THA DAD RNAMS LA 'BREL BA YANG, , RNAM PAR BZHAG PHYIR GTAN TSIGS BRJOD, , CES TSIG BRGYAD DES, RIG BYED KYI TSIG RNAMS DON GCIG KHO NAR NGES NA, 'CHAD PA POS BSHAD KYANG DON GZHAN RTOGS PAR MI 'GYUR, 'DOD NA, TSIG GCIG LA 'CHAD PA POS THA DAD PA BSHAD NA, GANG RUNG GCIG LA GO BA CHUNG ZAD KYANG MI SKYES BAR 'GYUR, DON DU MA DANG 'BREL NA, RIG BYED KYI NGAG RANG GI BRJOD BYA'I DON PHYIN CI LOG KYANG GO BAR THAL, ,BRDA'I DON DU MA DANG 'BREL BA'I PHYIR; TSAD MAR SGRUB PA'I DON DU SKYES BUS MA BYAS PA SGRUB BYED BRTAG PA DON MED DU 'GYUR RO, ,RIG BYED SGRA DON 'BREL PA DNGOS PO MED DE, DE YOD NA TSAD MA'I YUL DU BZHAG PA'I PHYIR DU GTAN TSIGS YANG DAG BRJOD DGOS SO, RIG BYED KYI TSIG RNAMS SKYES BUS LEGS PAR MA BYAS PA KHAS LEN PA NA RNAM PA KUN TU BRJOD BYA'I DON STON PA'I NUS MED DU 'GYUR RO, ,SKYES BU'I BRJOD 'DOD KYI LEGS PAR BYAS PA KHAS LEN NA, RIG BYED KYI GRUB MTHA' 'DI NI GLANG CHEN GYI KHRUS DANG 'DRA BAR 'GYUR TE, SKYES BUS BYAS PA DANG MA BYAS PA GNYIS KA KHAS LEN PA'I PHYIR, RIG BYED KYI SGRA DON GYI 'BREL BA LA RTAG PA'I DNGOS PO YOD PA MIN TE, 'BREL BA CAN RIG BYED KYI SGRA MI RTAG PA'I PHYIR, BRJOD BYA'I DON DANG RJOD BYED SGRA GNYIS 'BREL BA DE BRDA TZAM GYIS BZHAG PA DE'I PHYIR, SKYES BU'I BLO RTOG PA YIS LEGS PAR BRTAGS NAS BYAS PA'O, RIG BYED KYI SGRA RNAMS SNGAR BYUNG GI GSAL BA ZHIG NA'ANG GSAR BYUNG GI DON DANG LHAN CIG TU 'BREL BA SKYES @128 ZHE NA, MI THAD DE, DE SNGAR GSAR BYUNG GI DON DANG 'BREL MED RANG BZHIN DE RNAM PAR LDOG PAR 'GYUR BA LAS, DE YANG MI RIGS TE, RIG BYED KYI SGRA RNAMS RTAG DNGOS YIN PAS SO, KHO BO CAG LA NYES PA DE MED DE, 'BREL BA RTOG PAS RNAM PAR BRTAGS PA TZAM DU KHAS LEN PA'I PHYIR, GAL TE RTEN 'BREL BA CAN 'JIG NA'ANG, BRTEN PA 'BREL BA MI 'JIG STE, DPER NA, GSAL BA 'JIG NA'ANG RIGS MI 'JIGS PA DANG 'DRA'O ZHE NA RGYU MTSAN GANG GIS GSAL BA DE RIGS KYI DON GZHAN GYI RTEN DU 'DOD PA MI RIGS PAR 'GYUR TE, RTAG PA RNAMS LA RTEN GYIS PHAN 'DOGS PA'I NUS PA MED PA'I PHYIR, MUN KHUNG GI BUM GZUGS DE, RANG 'DZIN SHES PA SKYES PAR BYED PA'I LHAN CIG BYED PA YI RGYU DBANG PO DANG YID BYED RNAMS TSOGS PA'I TSE SGRON 'OD DES BUM GZUGS LA DMIGS PA'I SHES PA SKYED RUNG NYID DU BYED PAS NA, RIGS PA SHES PAS SGRON ME'I 'OD KYIS BUM GZUGS SOGS GSAL BAR 'DOD PA'O, GSAL BYA GSAL BYED KYI TSUL DE LTAR YIN PA LA, SGRA DON GYI 'BREL BA DE 'GYUR BA MED PA DANG, SNGA PHYI'I KHYAD MED PA'I PHYIR, SGRA DON GI 'BREL BA DE GSAL BAR 'DOD PA MI RIGS SO; GANG GI PHYIR NA, GSAL BYED SGRA DON DES, 'BREL BA DE LA PHAN PA'I DON CI ZHIG BYED DE BYAS SO, SGRA DON GYI 'BREL BA DNGOS PO NYID DU GYUR MOD KYANG, 'BREL BA DE SGRA DON DNGOS PO BA NYID DANG RDZAS THA DAD NA, BLO MA 'KHRUL BA LA SNA TSOGS PA GSUM DU SNANG BA 'GYUR BAR THAL, RDZAS THA DAD PA YOD PA'I PHYIR, RDZAS THA DAD PA MIN NA, SGRA DON DE NYID KYI RDZAS SU 'GYUR RO, DE LTA NA DON GZHAN NYAMS SO, ,RDZAS GCIG THA DAD 'DI LAS GZHAN PA'I DNGOS PO YOD PA MA YIN PA'I PHYIR, DE NA 'BREL BA RTOGS PAS BYAS PA TZAM YIN PAR THAL, BRJOD BYA RJOD BYED KYI DNGOS PO'I NGO BO LAS 'BREL BA RDZAS THA DAD PA'I PHYIR, SGRA DON GYI @129 'BREL BA DE, DE GNYIS LAS LTOS MED DU YOD PA'I RDZAS YIN DE 'DRA 'BREL BA DE SGRA DON GNYIS LA RAG MA LUS PAR 'GYUR, 'AM GYI SGRAS 'BREL BA DE SGRA DON DANG RDZAS GCIG TU 'DRIS PA'I 'BREL BA JI LTAR 'GYUR TE RDZAS THA DAD PA'I PHYIR, 'BREL BA DNGOS PO BA DES RIG BYED KYI YI GE LA YOD NA, MING TSIG DANG MA 'BREL BA YI GE RNAMS BRJOD BYA'I DON DANG 'BREL BA DNGOS PO BA MED PAR THAL, BRJOD BYA'I DON STON PA'I NUS PA MED PA'I PHYIR, 'DI NI MING TSIG DANG MA 'BREL BA'I YI GES STON PA'I NUS PA MED PA STON PA'O, ,RIG BYED KYI NGAG TSIG SOGS BRJOD BYA'I DON DANG DNGOS PO BA 'BREL BA JI LTA BUR NA 'JUG PAR GYUR TE MI 'GYUR TE; RANG GI BRJOD BYA'I DON DANG RJOD BYED KYI CHA DE RTOG PAS KUN RTAGS PA'I DNGOS MED YIN PA'I PHYIR RO, RIG BYED SKYES BUS MA BYAS TE, ,BYED PA RNAMS MI DRAN PA'I PHYIR, ,YIN NA'ANG TSAD MAR 'DOD DO ZHE NA, SPYOD PA DE, LOG RTOG NGAN PA'I MUN PAS KHYAB PAR 'GYUR, LTAR SNANG 'DI LA'ANG 'DI KHO NA'O ZHES RJES SU BRJOD PA YOD PA DES NA'I PHYIR, SPYOD PA BA 'GA' ZHIG GIS, JI LTAR RIG BYED 'DON PA'I SKYES BU 'DI, SLOB DPON GZHAN LAS MA THOS PA NI, YI GE DANG TSIG GI BKOD PA DAG BRJOD NUS MED, DE LTAR GZHAN LA'ANG, SLOB DPON GZHAN LA MA LTOS PAR BRJOD NUS MED PAS, RIG BYED 'DON PA PO THOG MED DU GRUB, RTAGS DE LAS RIG BYED TSAD MAR GYUR PA DANG, SKYES BUS MA BYAS PA GRUB BO ZHE NA, SKYES BUS SPEL BA YI GZUNG GZHAN YANG SLOB DPON SNGA MA'I MAN NGAG LA MA BRTEN PAR DA LTA 'DON PA PO GANG GIS MTHONG STE MA MTHONG BAS DE YANG TSAD MAR RJES SU DPOG PAR 'GYUR RO, ,RGYU SKYES BU DNGOS SU MA MTHONG BA CAN RIG BYED GZHAN YANG RANG RGYU SKYES BU DE LAS SKYES PAR YANG DAG PAR SHES TE; DNGOS SU MTHONG BA'I RIG BYED DANG MTSUNGS PA'I PHYIR, KHYAB STE, ME DANG @130 BUD SHING BZHIN DU 'BRAS BU'I RIGS GANG SKYES BU GANG LAS GRUB PA DE DANG KHYAD PAR MED PA'I PHYIR, SKYES BUS BYED PA'I NGAG DANG THUN MONG MA YIN PA'I KHYAD PAR MA BSTAN PAR RIG BYED TSAD MAR DANG SKYES BUS MA BYAS PAR GRUB PA'I GTAN TSIGS RAB TU SPROS PA GANG YIN DE DAG THAMS CAD KHYAB PA 'KHRUL PA CAN DU 'GYUR BAR THAL; DE LA RIG BYED YI GE DANG 'JIG RTEN PA'I YI GE GNYIS SKYES BU'I 'BRAS BU MTSUNGS PAR MTHONG BA'I PHYIR, RNAM PA KUN TU RIG BYED THOG MED DU GRUB PAR GYUR MED NA'ANG, DE LTAR SKYES MIN KHO NAR BRTEN PA CAN MA YIN, DE LTA NA, MIS BYAS PA GZHAN YANG MI LA MI BTEN ZHING, SKYES BUS MA BYAS PA NYID DU 'GYUR BA DE'I PHYIR, 'DI LTAR, KLA KLO SOGS MA BAG MAR LEN PA'I THA SNYAD DANG, RGYANG PHAN PAS LAN 'BRAS MED PAR SMRA BA'I TSEG RNAMS KYANG THOG MED YIN PA'I PHYIR, SKYES BUS MA BYAS PA NYID DU 'GYUR RO, ,RIG BYED TSAD MAR SGRUB PA'I CHED DU DE SKYES BUS MA BYAS PAR GRUB PA'I YON TAN CI ZHIG YOD DE, GONG GI LOG TSIG DAG KYANG SKYES BUS MA BYAS PA GRUB PA'I PHYIR, RIG BYED KYI TSIG RNAMS BRJOD BYA MTHA' GCIG TU NGES PA LA THE TSOM DAG KYANG SKYES PAR THAL, 'CHAD PA PO MI MTHUN PA DU MA'I 'DU BYED KYI KHYAD PAR RNAMS LA MI MTHUN PA DU MA SBYOR BA MTHONG BA'I PHYIR, RIG BYED KYI YI GE RNAMS 'JIG RTEN PA'I YI GE GZHAN DANG TSAD MA YIN MIN SKYES BUS BYAS MA BYAS KHYAD MED PAS NA, SKYES BUS MA BYAS PAS TSAD MAR 'GRUB PA'I 'BRAS BU CI YANG MED PAR 'GYUR RO, ,RIG BYED NGAG NI RIG BYED KYI YI GE LAS RDZAS THA DAD YOD PA MIN TE, YOD NA DMIGS SU RUNG BA LAS MA DMIGS PA'I PHYIR, RIG BYED KYIS NGAG YAN LAG DU MA'I BDAG NYID YIN NA, CHA DE RNAMS PHAN TSUN THA DAD PAS RE RE NAS DON STON PA'I NUS PA MED NA, RIG BYED KYI NGAG DE DON LA GO BA SKYES @131 PA'I DNGOS PO CAN MIN BZHIN DU YOD PA'I DNGOS PO CAN DU BTAGS PAR 'GYUR RO, DPER NA, BRAM ZE KHYE'U LA SENG GE NYID DU BTAGS PA SOGS BZHIN NO, ,CHA RE RE NAS BRJOD BYA DON STON PA'I NUS PA CAN YIN NA, KHYOD RTAG PA YIN PAS KHYOD KYI CHA SNGA PHYI RNAMS PHAN TSUN LTOS PA MI SRID, MI SRID NA BRJOD BYA GO BA'I CHED DU CHA SNGA PHYI DU MA NYID DU BTAGS PA LOG PAR 'GYUR, KHYOD KYI CHA SHAS KYI YAN LAG GCIG RTOGS PAS KYANG, RIG BYED KYI NGAG GI DON DAG RDZOGS PAR RTOGS PAR 'GYUR; CHA CHAS RE RE NAS DON STON PA'I NUS PA YOD PA'I PHYIR, RIG BYED KYI NGAG THAMS CAD CIG CAR THOS PA'ANG MA YIN TE, ZHAG ZLA LO SOGS DUS KYI KHYAD PAR MI RUNG BAR 'GYUR, RIG BYED KYI NGAG RTAG PA CHA MED GCIG YIN NA'ANG SNGA PHYI RIM GYIS RTOGS PA MI SRID PAR 'GYUR, RIG BYED CHA MED NGAG DE, MI RTAG PA YIN NA, DE SKYES BUS BYAS PA YIN PAR THAL, BRJOD 'DOD KYI RTZOL BA LAS BYUNG BA LAS MA 'DAS PA'I PHYIR, RTAG PA YIN NA YANG, DUS RTAG PAR DMIGS PAR THAL, THOS PA GANG ZHIG , SGRIB G-YOGS KYI NYAMS PA MI SRID PA'I PHYIR, GAL TE LHAN CIG BYED RKYEN 'GA' ZHIG MA TSANG BAS DUS RTAG TU THOS PA MIN ZHE NA, RIG BYED KYI SGRA THOS PA CI NAS KYANG GZHAN LA LTOS PA YIN PA SLA STE, DE RTAG PA'I RANG BZHIN DU NGES PA DAG NI 'GAL BA YIN PAR 'GYUR TE, RKYEN GZHAN LA BLTOS PAS SO, ,NGAG DE DAG YUL THAMS CAD DU KHYAB BYED MIN NA, THAMS CAD DU NYAN SHES KYIS DMIGS PAR MI 'GYUR, KHYAB BYED YIN NA, RIG BYED KYI SGRA NYAN PA'I DBANG PO MA NYAMS PA'I SKYES BU THAMS CAD KYIS CIG CAR THOS SHING DMIGS PA DAG TU 'GYUR BAR THAL, NYAN SHES KYI GZUNG DON GANG ZHIG RTAG KHYAB TU YOD PA'I PHYIR, 'CHAD PA PO'I KHYAD PAR GYIS THOS RUNG DU 'DUS BYAS PA DMIGS PA YIN NA'ANG, RIG BYED KYI NGAG RKYEN GANG GIS KYANG 'DUS BYAS PA MI 'THAD PAR THAL, 'GYUR @132 MED YIN PA'I PHYIR, DBANG PO'I RKYEN GYIS LEGS PAR BYAS PA DES THOS PAR 'GYUR BA YIN GYI GZHAN GYIS MA YIN TE, RNA BA'I DBANG POS SGRA THOS PA'I NUS PA THA DAD PA'I PHYIR ZHE NA, RIG BYED KYI SGRA'I TSOGS PA DU MA YI CA CO CIG CAR DU JI LTAR THOS PA 'GYUR BA MI 'THAD DE, RNA BA'I DBANG PO SGRA RE RE KHO NA 'DZIN BYED DU NGES PA'I PHYIR, DE LA GAL TE BRJOD BYA MA STON PA'I SGRA YAN GAR BA DU MA DUS CIG TU 'DZIN PA YIN GYI, RJOD BYED KYI SGRA DU MA DUS CIG TU THOS PA MA YIN NO ZHE NA, YUL GCIG TU RIG BYED 'CHAD PA PO DU MAS CIG CAR BSHAD PA'I TSE, SGRA TZAM LAS RDZAS THA DAD PA'I RJOD BYED YOD DO ZHES 'DI LA SHIN TU CHES DAD PAR BYA BA TZAM YIN GYI DON LA MED DE, DMIGS SU RUNG BA LAS MA DMIGS PA'I PHYIR; SGRA GZHAN DAG GANG YANG MI 'DON PAR RIG BYED GCIG KHO NA 'DON PA NA YANG; RDZAS THA DAD PA'I RJOD BYED THOS DGOS NA JI LTAR YANG THOS PA MED PA'I PHYIR; YANG NA, RNA BA'I DBANG PO SGRA RE RE THOS PA'I NUS PA NGES PA'I PHYIR, JI LTAR SGRA TZAM LAS RDZAS THA DAD PA'I RJOD BYED RTOGS PAR MI 'GYUR BA'I PHYIR, SGRA TZAM DON STON MI NUS PA'I NYES PA GANG DANG GANG GIS KYANG SGRA TZAM RJOD BYED DU MI 'DOD PA'I NYES PA DE JI LTAR RJOD BYED LA'ANG YOD PA'I PHYIR, RJOD BYED LA SNGA PHYE'I CHA YOD PA SGRA TZAM DAG GI GSAL BAR BYA BA YIN PA'I PHYIR, GAL TE YI GE SNGA PHYI BKOD PA'I RIM PA KHYAD PAR CAN SKYES BUS MA BYAS PA'I NGAG YIN NO ZHE NA, DE SKYES BUS MA BYAS PA MA YIN PAR THAL, SKYES BUS BYAS PA'I YI GE DANG RDZAS THA DAD MED PA'I PHYIR, YI GE DE DAG GO RIM RNAM PAR BZHAG PA'ANG MED PAR THAL; RTAG PA YIN PAS, GO RIM GZHAN NI 'GAL BA'I PHYIR, RIG BYED KYI SGRA RNAMS CHA SHAS MED PA'I YUL THAMS CAD DU KHYAB PA DANG, DUS RTAG PAR YOD PA BRJOD PA'I PHYIR, MDUN NAS RGYAB TU 'GRO BA LTA BU YUL GYI GO RIM DANG SNGA DRO @133 MED PA PHYI DRO YOD PA LTA BU'I DUS KYI GO RIM MED DO, ,MI RTAG PA DANG KHYAB BYED MA YIN PA'ANG MI RUNG BAR THAL, DE'I SKYON YANG SNGAR BRJOD ZIN PA'I PHYIR, RIG BYED KYI YI GE RIM PA RNAMS LCE RKAN LA SOGS PAS GRUB ZIN GSAL BAR BYAS PA'ANG MA YIN TE, RTAG PA LA RKYEN GYIS GSAL BAR BYED PA SNGAR BSAL ZIN PA'I PHYIR; RIG BYED KYI YI GE GO RIM DE DAG LCE RKAN SOGS BYED PA RNAMS KYIS BSKYOD PA'I BYA BA NYID LAS GSAR DU GRUB PA'I PHYIR NA, DE'I 'BRAS BU NYID DU GRUB PA'O, ,'BRAS BUR 'DOD DO ZHE NA, BYED PA PO NYER LEN LAS 'BYUNG BA DANG 'DI BSKYED TSUL KHYAD PAR CI YANG MED PAR THAL, GSAL BYED TZAM LAS GZHAN LCE RKAN LAS SNGAR MED GSAR DU GRUB PA'I PHYIR, KHYAB STE, RANG NYID SHES PA'I SGO NAS RIGS 'DRA GRUB ZIN PA'I GSAL BYA'I DON GZHAN DE 'DZIN GYI BLO'I RGYUR BYED PA GSAL BYED DU 'DOD RIGS PA'I PHYIR, DPER NA SGRON 'OD MUN KHUNG GI BUM GZUGS BZHIN NO, ,RIG BYED KYI NGAG DE BYED PA LCE RKAN SOGS LAS GSAR DU BYUNG NA LCE RKAN SOGS TSOGS PA YIS BYA BA'I SNGAR MED GSAR PA'I 'BRAS BU NYID YIN DGOS SO, ,GSAL BYED TZAM GYI RGYU LA RIGS 'DRA SNGAR MED GSAR DU BYED PA MI SRID PA'I PHYIR, GAL TE KHYOD KYI LTAR NA LCE RKAN GYIS SGRA DE'I NGO BO THOS PA'I SGRIB BYED DANG BRAL BA TZAM GSAL BYED YIN ZHE NA, MI 'THAD DE, SGRIB BYED DANG BRAL TZAM DE DNGOS POR MED PA NA DE LA BYED PO LCE RKAN SOGS RGYU CHOGS KYI NUS PA 'JUG RUNG DU GA LA 'GYUR, LCE RKAN GYIS SGRA BSKYED TSUL DANG KHYAD MED PA'I PHYIR; RGYU GZHAN DAG KYANG GSAL BYED TZAM THOB PAR 'GYUR, DE BZHIN DU NI KHAS LEN NO ZHE NA, RGYU RNAMS KUN DON MED NYID DU THAL, NGO BO SNGAR MED GSAR DU BSKYED PA MI SRID, DE MED NA GSAL BYED KYI RGYU YANG MI 'THAD DO, ,'DI'O ZHES NGO SHES PA DANG, YOD ZIN DON LA SBYOR BA SOGS KYI GTAN TSIGS GANG YIN @134 PA DANG STE'U SOGS KYI DPE LAS SGRA RTAG PAR SGRUB PAR BYED PAR 'DOD DO ZHE NA, DNGOS PO RNAMS RTAG PAR SGRUB PA'I MTHUN DPE MED PA CAN YIN TE, SKAD CIG GIS 'JIG PA'I PHYIR, DNGOS PO RTAG PAR SGRUB PA'I RTAGS NGAN GZHAN YANG SUN DBYUNG BAR BYA'O, ,RIG BYED KYI SGRA NYAN SHES LA GSAR DU GSAL BAR SNANG BA DE GSAL BA'I DON YIN NO ZHE NA, DE LTA NA NYAN SHES RTAG PAR 'GYUR BAS SKYES BU LA MI BRTEN, RIGS MTSUNGS PA'I BLO GZHAN YANG SKYES BU LA MI BRTEN PAR 'GYUR NA DE NYID TSAD MA DU MA DANG 'GAL TE, SPYOD PA BA CHOS CAN, BLO SKYES BU'I RTEN CAN MIN PAR KHAS LEN PA LA, BLO SKYES BU'I YON TAN DU KHAS BLANGS PAS GNOD PA DANG; BDE SDUG SKYES BU LA BRTEN PAR RANG RIG MNGON SUM GYIS GRUB PAS, KHAS BLANGS DE LA GNOD PA DANG, DBANG YID LAS SKYES PAR SGRUB PA'I RJES DPAG KYANG GNOD PA DANG, GRAGS PAS KYANG CIG CAR GNOD PA'I PHYIR, RIG BYED KYI YI GE RNAMS LAS RDZAS THA DAD PA'I RIM PA'ANG SKYES BUS MA BYAS PA'I NGAG TU MI 'THAD DO, ,GSAL BAR DPYAD NAS BKAG ZIN TO, ,YI GE'I GO RIM DE NI RTOGS PAS CHOS DU MA LA SGRO BTAGS PAS NA, JI LTAR SKYES BU'I RTEN CAN MIN PA MI RIGS SO, ,RANG YOD TZAM NAS 'JIG PA RANG CHAS SU RJES SU 'BREL BA CAN NYID KYI PHYIR, RIG BYED KYI SGRA NI MI RTAG PA NYID YIN NO, ,ME LAS SHING GI 'JIG PA SHING LAS DON GZHAN PHYIS SKYE BAS PHYIS BYUNG GI RGYU LA LTOS SO ZHE NA, MES BSREG RJES SU SHING MTHONG BA NYID DU 'GYUR TE SHING 'JIG PA'I RDZAS SU MED PA'I PHYIR, PHYIS BYUNG GI 'JIG PA DE NYID SHING 'DI'I 'JIG PA YIN PAS PHYIS BYUNG SHING MI SNANG ZHE NA, JI LTAR PHYIS BYUNG GI 'JIG PA DON GZHAN DE NI GZHAN SHING GI 'JIG PA GA LA 'GYUR, DE SHING GI 'JIG PA YIN YANG BLA STE MES BSREG RJES SU CI'I PHYIR SHING MI SNANG, 'JIG PA DON GZHAN DES BZUNG ZHING ZIL GYIS @135 GNON PAS MI SNANG ZHE NA, DE LTAR MA YIN PAR THAL, GANG GI PHYIR NA 'JIG PA DON GZHAN DE YIS SHING MI SGRIB PA'I PHYIR, SHING GI 'JIG PA DON GZHAN DE 'JIG PA CAN YIN TE, RANG RGYU LAS SKYE BA'I PHYIR, 'DOD NA KHYOD KYI SKAD CIG GNYIS PA DER KHYOD ZHIG PAR THAL, 'DOD NA, DUS GZHAN DU SHING MTHONG BAR THAL, SHING MI MTHONG BA'I RGYU SHING GYI DON GZHAN 'JIG PA ZHIG PA'I PHYIR, ZHIG 'JIG GCIG TU 'DOD PA NI BDAG NYID CHEN PO'I DGONGS PA MIN NO, ,GAL TE NAG PA GSOD BYED BSAD PA NA, BSAD ZIN GYI NAG PA SLAR 'BYUNG BA MIN PA JI BZHIN DU 'DI LA'ANG SHING GI 'JIG PA ZHIG KYANG SLAR SHING MI 'BYUNG BA SNGA MA DE BZHIN YIN ZHE NA, DE GNYIS DPE DON MI MTSUNGS TE, NAG PA BSAD RJES SU MI DE BSAD KYANG NAG PA'I GSOD BYED BSAD PA NYID MA YIN PA'I PHYIR, NAG PA'I GSOD BYED NAG PA'I BSAD PA BSKYED BYED YIN DGOS SO, ,SHING GI 'JIG PA SHING ZHIG PA'I CHA YIN PAR KHAS BLANGS, NAG PA GSOD BYED NAG PA BSAD PA SROG 'GAGS PA'I CHA MA YIN NO DES NA SHING NYID SHING GI 'JIG PA'I RDZAS NYID DU 'GYUR STE, SHING GI 'JIG PA SHING LAS RDZAS GZHAN NYID MA YIN PAR DE DANG GRUB BDE RDZAS GCIG YIN PA'I PHYIR, PHYIS 'BYUNG GI ME LA SOGS PA SHING GI 'JIG PA RGYU MIN TE, DE MED NA'ANG SHING GI 'JIG PA BYUNG BA'I PHYIR, RDZAS GCIG THA DAD DE LAS GZHAN PA'I DNGOS PO'I RNAM PA'ANG MED DO, BUM PA'I 'JIG PA RGYU MED DU 'BYUNG BA CAN YIN NA'ANG, RTAG TU YOD DGOS LA, DE LTAR NA BUM PA'I DNGOS PO DANG DE'I 'JIG PA DNGOS PO MED PA DAG LHAN CIG DUS MNYAM YOD PAR 'GYUR RO ZHE NA, BUM PA'I ZHIG PA DE DNGOS POR MED PAS RTAG RDZAS GANG LAS YIN TE MA YIN NO, ,DNGOS PO 'JIG PA MED PAR THAL, DNGOS PO'I NGO BOR GYUR PA'I 'JIG PA MED, PHYIS 'BYUNG GI 'JIG PA'ANG KHAS MA @136 BLANGS PA'I PHYIR ZHE NA, BUM PA LAS PHYIS 'BYUNG GI BUM PA'I 'JIG PA MED PAR KHAS BLANGS PA LA, BUM PA'I 'JIG PA YI MED PAR THAL BAR 'GYUR BA GNOD BYED MI RUNG STE, GANG GI PHYIR NA, BUM PA'I DNGOS PO PHYIS 'BYUNG GI 'JIG PA YIS 'JIG PA DAG TU MI 'DOD DE, DNGOS PO KUN PHYIS 'BYUNG GI 'JIG RGYU GZHAN LA LTOS MED KYIS RANG GI NGANG GIS 'JIG PA'I PHYIR, DE SHES PA'I DON DU, RANG GI RGYU LAS 'JIG SKYES NA ZHES BSHAD PA'I PHYIR, DNGOS PO DUS GNYIS PAR MI SDOD PA'I GNAS SKABS DE RGYU MED CAN DU BSHAD DO, ,SEMS KYIS DNGOS PO DANG DE'I 'JIG PA THA DAD DU SGRO BTAGS NAS DRUG SGRA SBYAR BA'O, KHYED LTAR NA'ANG BUM PA ZHIG PA BUM PA RANG NYID KYI RGYU LAS GRUB ZIN DU YOD PAR THAL, BUM PA'I 'JIG PA BUM PA RANG GI RGYU LAS GRUB ZIN PA'I PHYIR, 'DOD NA, ZHIG RJES SU MTHONG BAR THAL BA LA SOGS PA'I RNAM RTOG 'DI NI MTSUNGS SHE NA, BUM PA'I ZHIG PA BUM PA DANG RDZAS GCIG DANG THA DAD DU BRTAGS PA DE YI SGO NAS NYES PA CUNG ZAD DU YANG 'GYUR BA MED DE, KHYOD BUM PA MED PAR GYUR PA TZAM ZHIG GI DNGOS MED YIN PA'I PHYIR; BUM PA'I ZHIG PA RDZAS YOD DU 'DOD PA LA RDZAS GCIG THA DAD BRTAGS NA, RNAM RTOG 'DI 'BYUNG BAR 'GYUR TE, 'JIG PA PHYIS 'BYUNG GI RGYUS SGRUB PAR 'DOD PA'I LUGS NGES PAR DNGOS PO DANG RDZAS GCIG TU 'BREL DGOS PA'I PHYIR, BUM PA ZHIG NAS MED PA YIN ZHES GSUNGS PA NI, BUM PA ZHIG NAS BUM PA'I DNGOS PO GRUB PA MIN ZHES BYA BA MED DGAG TZAM BRJOD PA'I PHYIR, BUM PA LAS PHYIS 'BYUNG GI THO BA SOGS KYI DNGOS PO GANG CHOS CAN, BUM PA'I 'JIG PA 'GA' ZHIG DON GZHAN GYI LTOS PAR 'GYUR BA MI 'THAD DE, BUM PA'I 'JIG PA LA PHAN PA'I BYA BA CUNG ZAD KYANG MI BYED PA'I PHYIR, KHYAB STE, GAL TE PHAN PA'I BYA BA CUNG ZAD CIG YOD NA, DON GZHAN DE LA LTOS PAR 'GYUR BA 'THAD PA'I PHYIR, RGYU @137 LAS 'JIG PA SKYE BAR BSTAN PA DES NI, CHOS CAN DNGOS PO'I 'JIG PA RGYU MED CAN YIN PA'I RGYU MTSAN GYIS DNGOS PO MA SKYES PA LAS SNGAR 'JIG PAR 'GYUR BAR THAL BA DANG, SNGAR YOD PA NYID DANG, 'JIG PA YIN PA'I SKYON HA CANG THAL BA BSAL BA YIN TE, DNGOS PO'I 'JIG PA RANG RGYU LAS SKYES BAR BSTAN PA'I PHYIR, JI LTAR SKYE LDAN GYI BUM PA SOGS 'GA' ZHIG NYID THOGS BCAS NYID 'DOD KYANG BLO LA SOGS PA THOGS MED YIN PA DE BZHIN DU, SKYE LDAN GYI BUM PA SOGS 'JIG PA YIN YANG, SKYE LDAN MIN PA'I DNGOS PO NAM MKHA' SOGS 'JIG PA MIN PAS DNGOS PO YIN NA 'JIG PAS KHYAB PA MA NGES SO ZHE NA, DPE DON MI MTSUNGS TE, 'BRAS BLO DANG BUM PA'I RANG BZHIN THOGS BCAS THOGS MED SO SOR NGES PA STE, DE LTAR BSKYED PA'I RGYU YI RANG BZHIN SO SOR NGES PA'I PHYIR, DNGOS PO LA RTAG MI RTAG NGO BO THA DAD DU MED DE, THA DAD DU SKYES PA'I RGYU RNAMS MED CING DNGOS PO 'JIG PAR SKYES PAS KHYAB PA NYID KYI PHYIR, RIG PA DES SGRA DON DE RNAMS KYI 'BREL BA RTAG DNGOS BSAL BA YIN NO, RIG BYED KYI SGRA YI NGO BO NYID KYIS DON STON PA'I NUS PA'ANG SNGAR BSHAD PA'I 'BREL BA DNGOS PO BA 'GOG PA'I SKYON GYIS BSAL BA YIN, 'DI NI SPYOD PA BAS RIG BYED KYI SGRA BRDA MA SBYAR YANG DON STON PA'I NUS PA YOD PAR 'DOD PA 'GOG PA'O, SKYES BUS MA BYAS PA'I PHYIR ZHES BYA BA'I GTAN TSIGS DE NYID RIG BYED KYI SGRA JI LTAR BSTAN PA BZHIN GYI DON SHES PA'I YANG DAG SHES PA KHO NA'I RGYUR SGRUB BYED YANG DAG MIN PAR THAL, SKYES BU'I NYES PAS BYAS PA'I SKYON MED PA'I ZLA BA'I 'OD ZER DANG ME SOGS RNAM PA GZHAN DU 'KHRUL SHES KYI RGYUR MTHONG BAS MA NGES PA'I PHYIR, YANG RIG BYED KYI NGAG DE NI YANG DAG SHES PA NYID KYI RGYUR MI 'GYUR BAR THAL, MA BYAS PAR 'DOD RIGS PA'I PHYIR, KHYAB STE, RTAG PA DAG LAS DNGOS PO'I NUS PA'I DBANG GIS 'BRAS BU @138 'GA' YANG SKYE BA YOD PA MA YIN PA'I PHYIR, RNAM RTOG BAG CHAGS LAS BYUNG BA'I RTOG PA DES SGRO BTAGS PA'I SPYOD YUL CAN NAM MKHA' LA RTOG PA'I BLO DAG GZUNG DON GYI SPYOD YUL CAN MA YIN TE 'KHRUL SNANG 'GA' ZHIG LA DMIGS NAS DE LAS SKYE BAR 'GYUR BA'I PHYIR, GAL TE SKYES BUS MA BYAS PA'I TSIG NI BDEN PA'I DON CAN KHO NA YIN TE, SKYES BUS BYAS PA DAG LOG PA'I DON CAN NYID DU NGES PA'I PHYIR, DE NI LDOG KHYAB GCIG BU CAN GYI GTAN TSIGS YIN NO ZHE NA, GTAN TSIGS DE NI MI MTHUN PHYOGS LA YOD PAR DOGS PAR 'GYUR GYI, DE LA MED NGES KYI LDOG KHYAB SGRUB PA'I GNOD PA CAN GYI GTAN TSIGS MA BSTAN PAS SO, ,LUS CAN YIN MIN GNYIS LTA BU'I DNGOS PO 'GAL BA DAG LA YANG SHES BYAS THUN MONG DU KHYAB PAR BYED PA MTHONG BA'I PHYIR, SKYES BUS BYAS PA MTHONG BAS DES MA BYAS PA DGAG MI NUS SO, ,MI MTHUN PHYOGS KUN LA MED PA PHYIR RGOL GYIS MI DMIGS PAS MI 'GRUB PAR THAL, DE'I SGRUB BYED BSHAD ZIN TO, ,RTAGS MI MTHUN PHYOGS LA MED PA'ANG MA GRUB, YOD PA'ANG MA MTHONG BAS LDOG PA LA THE TSOM ZA, BYAS PA CHOS CAN, SGRA MI RTAG BSGRUB PA'I SGRUB BYED YANG DAG YIN TE, TSUL GSUM NGES SHES 'BRAS BU CAN GYI TSAD MA'I SHES PA YIS GRUB PAR 'GYUR BA'I PHYIR, TSUL GSUM GANG ZHE NA RJES 'GRO'I KHYAB PA DANG, BSGRUB BYA'I CHOS CAN LA 'GOD TSUL LTAR YOD PA NYID DANG, MI MTHUN PHYOGS LA MED PAS LDOG PA'I KHYAB PA RNAMS YIN NO, RTAGS GANG LA BSGRUB BYA'I CHOS KYI MI MTHUN PHYOGS LAS BZLOG PAR NGES PA NYID BRJOD PA'I RTAGS DE NYID NI 'DI'I CHOS MTHUN PA KHO NA LA YOD PAR 'GYUR BA DES NA YI PHYIR, LDOG KHYAB GRUB PA'I GTAN TSIGS THAMS CAD RJES 'GRO'I KHYAB PA CAN DU NGES SO, ,ZHI BA LA SOGS PA'I SNGAGS RNAMS YI GE GZHAN LA MED PA'I 'BRAS BU SGRUB BYED YIN TE, SKYES BU NUS MTHU GRUB PA 'GA' @139 YIS BRDA BYAS PA'I DBANG NYID YIN PA'I PHYIR, CI STE YI GE'I DNGOS PO'I NUS PA KHO NA'I DBANG GIS YIN ZHE NA, LOG PA GZHAN LA'ANG DUG ZHI BA'I NUS PA SOGS YOD PAR 'GYUR BAR THAL, YI GE'I NGO BO KHYAD PAR MED PA'I PHYIR, YI GE LAS DON GZHAN NYID DU GYUR PA YI BKOD PA'I RIMS PA SNGAGS SU MI 'THAD DE, DE 'DRA'I BKOD PA'ANG SNGAR NI BSAL BA YIN PA'I PHYIR, SNGAGS DON DU ZHI BA SOGS RTAG TU 'GRUB PAR 'GYUR BAR THAL, DNGOS PO NUS PA'I DBANG GIS 'BRAS BU 'BYIN PA'I PHYIR, 'BRAS BU 'BYIN PA CHO GA BYAS PA LA LTOS NA, YI GE KHO NAS 'BRAS BU 'BYIN PA'I NUS MED DU 'GYUR RO, ,GAL TE SNGAGS KYI DNGOS PO'I NUS PA KHO NA 'BRAS BU 'BYIN PA DE 'DRA BA NA, RIG SNGAGS DE NI MI KUN GYI 'BRAS BU SGRUB BYED DU 'GYUR RO, ,RIG SNGAGS DE NI RKYEN GYIS LEGS PAR BYAS PA MIN PA'I PHYIR, BYED PA PO RIGS KYI KHYAD PAR LA'ANG LTOS MI RUNG, DNGOS PO RKYEN GYIS 'DUS BYAS PA YIN YANG DNGOS PO'I RGYU RIGS GCIG DANG THA DAD KYIS 'BRAS BU RIGS GCIG THA DAD BYED DGOS PA YIN GYI, RIGS BZANG NGAN GYIS BSGYUR NUS PA MA YIN RIGS SOGS BYED PA PO'I KHYAD PAR LAS SNGAGS KYI NUS PA SO SOR NGES PA MA YIN, RIGS BZANG NGAN YANG BRDA LA LTOS SO, BRAM ZE YANG BYA BA CI ZHIG BYED NAS SNGAGS BYED PA POR 'GYUR BA MIN TE, SNGAGS RKYEN GYIS KHYAD PAR BYAR MED PA CAN YIN PA'I PHYIR, GAL TE GSAR DU MI BSKYED PA YIN GYI, GRUB ZIN MNGON PAR GSAL BAR BYED PA TZAM SBYOR BA YIN NA'ANG MI 'THAD DE, RTAG PA RKYEN GYIS GSAL BA GONG DU BSAL ZIN PA'I PHYIR, GAL TE SNGAGS BZLAS PA'I RKYEN GANG LAS SNGAGS SGRA THOS PA'I BLO DE SNGAGS SGRA GSAL BA YIN LA, DE NI DUG ZHI BA SOGS 'BRAS BU 'BYIN PAR SBYOR BA YIN NO ZHE NA, SNGAGS MI BZLAS PA'I NYAN PA PO'ANG 'BRAS BU 'BREL BA 'GYUR BAR THAL, @140 SMRA BA PO SNGAGS SGRA GSAL BA'I NYAN SHES 'BRAS BU DE'I RGYU YIN PA GANG ZHIG, RIGS PA MTSUNGS PA'I PHYIR, MNGON PAR GSAL MIN SNGAGS SGRA DAG GI BYED PA LCE RKAN LA SOGS PA RNAMS KYI SBYOR BA SHUB BUS BZLAS CAN YID KYI BZLAS PA SOGS DON MED DU 'GYUR BAR THAL, ZHI SOGS KYIS 'BRAS BU STER BA'I SNGAGS SGRA NI RNA BA'I SHES PA KHO NA'I SPYOD YUL YIN PA'I PHYIR, BRGYUD PA'I SNGAGS SGRA RANG MTSAN PA DE LAS YID BLO BSKYED PA NYID KYI PHYIR YID BZLAS KYI YID BLO DE'ANG SNGAGS SGRA GSAL BA YIN ZHE NA, GAL TE YID BLO DE SNGAGS SGRA GZUNG DON CAN YIN PA MI 'GRUB STE, RTOG PA'I BTAGS PA'I GZUNG YUL GYI RJES SU 'GRO BA YIN PA'I PHYIR, KHO BO CAG LTAR NA, SGRA 'BYIN PA DANG YID BZLAS SOGS LAS 'BRAS BU 'BYIN PA MI 'GAL TE, SNGAGS KYI BRDA BYED RNAMS KYIS SGRA RANG MTSAN DANG YID LA SHAR BA'I SPYI'I RANG BZHIN RNAMS SO SOR MA PHYE BAR 'BRAS BU 'BYIN PA'I NGO BO GCIG TU BRJOD 'DOD PAS KUN NAS BSLANGS NAS BRDA BRJOD PA'I PHYIR, DNGOS PO KHO NAS 'BRAS BU 'BYIN PA MA YIN NO, ,GAL TE YI GE LAS DON GZHAN PA'I GO RIM MED NA, RA SA: DANG, SA RA: ZHES THOS PA LAS RO DANG MTSO GO BA'I 'BRAS BU THA DAD MED PAR 'GYUR RO ZHE NA MI 'THAD DE, DE LTAR GO BA'I YI GE GO RIM SKYES BU RTEN CAN LA YOD PA'I PHYIR, YI GE DE GNYIS NI SNGA MA SNGA MA KUN SLONG GI SHES PA LAS PHYI MA PHYI MA KUN SLONG GI SHES PA RIM CAN DU SKYE LA, KUN SLONG GI SHES PA LAS SGRA'I GO RIM SKYE'O, YI GE DE DAG DNGOS 'BRAS KYI GO RIM YOD DE, YI GE SNGA PHYI DE'I KHYAD PAR CAN GYI YI GE DE DAG NI RANG 'DZIN RNA BA'I SHES PA'I GZUNG DON DU BYAS NAS RIM CAN DU NGES PAR 'GYUR BA YIN PA'I PHYIR, RGYU'I GO RIM YANG, SNGA MA SNGA MA KUN SLONG GI SHES PA LAS PHYI MA PHYI MA KUN SLONG GI SHES PA RIM CAN DU SKYE BA'O, ,YI GE DE DAG THOS PA MYUR MIN DAL BUS THOS PA NA, @141 SNGA MA DE DRAN PA LA LTOS NAS PHYI MA PHYI MA'I BDAG NYID LA DRAN PA BSKYED PAR BYED PA'I PHYIR, YI GE DE DAG GO RIM SKYES BUS BYAS PA NYID YIN TE, DE DAG RANG BSKYED PA'I RGYU'I SEMS DANG RANG 'DZIN PA DANG DRAN PA'I 'BRAS BU'I SEMS KYI KHA CIG GI RGYU DANG KHA CIG GI 'BRAS BU NYID KYI GO RIM DAG NI YIN LA DE SKYES BUS BYAS PA'I PHYIR, YI GE'I NGO BO DE DAG LA KHYAD PAR CUNG ZAD MED PA MA YIN TE, TSIG SNGA MA DANG TSIG PHYI MA DE DAG LA RDZAS GZHAN NYID GNAS PA DE'I PHYIR, BYED PA PO'I KUN SLONG GI 'DU BYED LAS SNGA PHYI THA DAD DU SKYES PA'I PHYIR, DE DAG LHAN CIG TU SBYAR BA NA, BRDA'I DBANG GIS RO MTSO THA DAD DU GO BA'I 'BRAS BU'I KHYAD PAR BYED PA'I PHYIR, YI GE RNAMS KYI GO RIM DE'ANG RTAG PA MA YIN TE, SKYES BUS 'DOD PAS SPEL BAR BYED PA LAS 'JUG CING SKYE BA'I PHYIR, KHYAB STE, SKYES BU'I 'DOD PA DANG MI 'GAL BAR GRUB PA CAN GYI GO RIM YIN NA RTAG PAR GNAS PA 'GAL BA'I PHYIR, RIG BYED KYI YI GE DANG SKYES BU GNYIS RGYU 'BRAS SU GRUB STE, 'JIG RTEN PA'I YI GE BZHIN NO, ,RIG BYED KYI YI GE'I GO RIM KUN SKYES BU LAS SKYE BA STE, ME GCIG BUD SHING LAS SKYE BAR GRUB PA NA RIGS MTSUNGS PA'I RIGS PA LAS ME GZHAN YANG DE DANG 'DRA 'O, ,SNGAGS ZHES PA'I YI GE'I GO RIM GSAR DU BYED PA'I NGANG TSUL CAN GYI SKYES BU CHOS CAN, GZHAN DANG THUN MONG MIN PA NYID DU GRUB STE, SNGAGS KYI CHO GA SOGS SHES SHING 'BRAS BU 'BYIN NUS PA'I MTHU DAG DANG LDAN PA'I PHYIR, THA MAL PA'I SKYES BU GZHAN LA DE DAG MED PA'I PHYIR, GANG YANG NAM MKHA' LDING GI RGYUD RIG PA'I SKYES BU 'GA' ZHIG GIS GSANG SNGAGS 'GA' ZHIG BYED PAR 'GYUR BA LAS DUG ZHI BA SOGS DE DAG KYANG GTZO BO RGYUD RTZOM PA PO DE MTHU LAS GRUB PA'I PHYIR, DER THAL, DES BSHAD PA'I DAM TSIG LA SOGS PA'I RIGS PA'I RJES SU 'JUG PA YIN PA'I PHYIR, SNGAGS KYI 'BRAS BU @142 'BYUNG BAR 'DOD CING GRUB MTHA' 'CHA' BA'I SKYES BU DES SNGAGS RNAMS SPYIR BYAS PA DANG SKYES BUS BYAS PA BRJOD PAR BYA'O, ,SKYES BU LA DBANG PO LAS 'DAS PA'I DON MTHONG NUS MED DU SGRUB BYED NI SKYES BU KHYAD PAR CAN SGRUB PA'I RIGS PA 'DI NYID KYIS NI BSAL BA YIN NO, ,BLO DANG DBANG PO DANG LDAN PA DANG NGAG SMRA BA DANG SKYES BU NYID YIN PA LA SOGS PA SGRUB BYED DU GANG BRJOD PA DES, SKYES BU NGAG SMRA BA DE DBANG PO LAS 'DAS PA'I DON MTHONG BA'I NUS MED DU SGRUB PA'I TSAD MA STE RTAGS LTAR SNANG DANG LHAG LDAN GYI GTAN TSIGS YIN PAS RTAGS DE DAG LAS JI BZHIN DON RTOGS PA YOD PA MA YIN NO, ,RIG BYED KYI SGRA NI KHO BOS DON 'DI BRJOD PAR BYED PAS ZUNGS ZHIG 'DI KHO BO'I DON MIN ZHES BRJOD PAR MI BYED PA'I PHYIR, RIG BYED KYI DON 'DI SKYES BUS BTAGS PA STE SPYOD PA BAS DE LTAR 'DOD LA SPYOD PA BA DE YANG 'DOD CHAGS LA SOGS PA LDAN PA'I PHYIR, RGYAL DPOG PA DE GCIG PUS RIG BYED KYI DON DE NYID RIG LA GZHAN GYIS MIN PA'I KHYAD PAR YANG NI SU YIS BYAS PA MI 'THAD DE RGYAL DPOG PA DE BZHIN DU SKYES BU NYID LA SOGS PA RTAGS KYI RNAM PA 'GAS KYANG KHYED CI, RIG BYED KYI DON SHES PA DANG LDAN PA'I GZHAN 'GAS MI 'DOD PA MIN NO, ,GAL TE 'CHAD PA PO MANG YANG GANG GI TSE RIG BYED BRJOD BYA LA MI BSLU BA'I MING DON GYI 'BREL PA MNGON SUM TSAD MA YIS GRUB PA DES RIG BYED KYI DON RIG PA PO'I ZHE NA, SHIN TU LKOG GYUR LHA LA SOGS PA RNAMS RGYAL DPOG PA'I MNGON SUM TSAD MA 'JAL BYED DU 'JUG SRID PA YIN NO, ,LUNG TSAD MA'I MTSAN NYID DU SKYES BUS BYAS PA MIN ZHES BSHAD PA DON MED MIN TE, GANG GI TSIG RANG GI BSTAN BYA LA MI BSLU BA MNGON SUM TSAD MA YIS GRUB PA'I SKYES BU DE YIS BYAS PA'I TSIG DE LUNG TSAD MA ZHES THOB RIGS PA DE'I PHYIR, GAL TE SHIN TU LKOG GYUR GYI DON LUNG TSAD MA MED PAR NI @143 MNGON SUM GYIS SHES SRID NA, DBANG PO LAS 'DAS PA'I DON RIG PA'I SKYES BU 'GA' YOD DO ZHES MNGON PAR 'DOD RIGS PAR 'GYUR RO, ,RIG BYED KYI DON SPYOD PA BA RANG NYID KYIS MI SHES PAR THAL, BDAG NYID 'DOD CHAGS SOGS DANG LDAN PA'AM SKYES BU GZHAN LAS KYANG RIG BYED DON RIG PA MIN PAR THAL, DE YANG CHAGS SOGS DANG LDAN PA'I PHYIR, RIG BYED RANG NYID LAS KYANG GZHAN LA LTOS MED DU DE RIGS PAR BYED PA MIN PAR THAL, THOS BSAM GYIS DON GO DGOS PA'I PHYIR, RIG BYED KYI SGRA SNGAGS KYIS SBYANGS PA'I MAR ME'I NANG DU LDUGS PA KHO NA'I DON CAN DU TSAD MA GANG LAS KYANG RTOGS PA MED DE, DE RTOGS PA'I THABS MED PA'I PHYIR, DES NA MTHO RIS 'DOD PAS ME LA SBYIN SREG SPYIN PA LA 'JUG CES THOS PA'I AAGNI PA'I SGRAS KHYI SHA ZA ZHES BYA BA DE, KHYOD KYI BRJOD BYA'I DON MIN ZHES PA 'DI LA TSAD MA GANG YANG MED DE BRDA SBYAR BA'I TSE DE LA'ANG RJOD BYED DU 'JUG PA'I PHYIR, SNGAGS NI AAGNI HOTR'mDZU HU YAD TI ZHES PA DE YIN, 'JIG RTEN PA'I TSIG LAS SGRA DE'I DON DE KHO NA LA RAB TU GRAGS PAS DON DE KHO NA SHES SO ZHE NA DE LA GRAGS PA DE SNA TSOGS DON CAN YIN PAS GANG GIS SGRA'I DON 'DI KHO NA YIN LA, GZHAN MA YIN PA'I RNAM PAR DBYE BA MI NUS, DE LA DBANG PO LAS 'DAS PA'I DON MTHONG BA'I NUS PA MED PA'I PHYIR, GRAGS PA'I DBANG GIS 'DI KHO NA'I DON YIN PA DANG, GZHAN MA YIN PA RNAMS DBYE MI RUNG BAR THAL, GRAGS PA MIN PA'I DON MTHO RIS DANG LHA MO LA SOGS PA'I SGRA DE LAS LOG PAR BRJOD PA MTHONG BA'I PHYIR, RTZA BA DE 'DRA'I SGRA GZHAN RIG BYED 'GREL PA DAG LA NI CHOS CAN RTZA BA DON DES SGRUB PA'I NUS PA MED PAR THAL, DES DON DE 'DOD PA LA; RTZA BA DE 'DRA BA'I SKYON GYI RNAM RTOG 'JUG PA NYID DU 'GYUR BA'I PHYIR, SPYOD PA BA KHYOD NI, SLAR YANG 'JIG RTEN GYI GRAGS PA DE LAS RIG BYED KYI DON @144 RTOGS PAR 'DOD PA 'DI NI CI ZHIG YIN, GRAGS PA DAG KYANG MI RNAMS KYI RTOG PA DANG DES BSKYED PA'I TSIG GIS BSDUS LA, TSIG DE YANG TSAD MAR MI 'DOD PAR DE SGRUB BYED YIN PA LA SDANG BA'I PHYIR, GAL TE DE'I DON DE KHO NA LA 'JUG PAR GRAGS PA LAS BRGAL NAS KHYI SHA ZA BA LA 'JUG PAR RTOG PA LA RGYU CI YOD CE NA, SBYIN SREG BYED PA AAGNI BA'I SGRA'I DON DER 'DZIN PA LA RGYU MTSAN CI YANG YOD PA MED DE, 'JIG RTEN NA RAB TU GRAGS PA SGRUB BYED TSAD MA NYID MIN PA'I PHYIR, GRAGS PA NYID KYIS SGRA'I DON NGES PAR 'DOD PA LA DVOGS PA BSKYED PAR BYED DE, GANG GI PHYIR NA, DE LA GO'U ZHES PA LA SOGS PA'I SGRA RNAMS RE RE'ANG DON SNA TSOGS PA LA 'JUG PA NYID DU MTHONG BA'I PHYIR, SGRA RNAMS DON GCIG KHO NA LA 'JUG PA'I NGES BYED YANG DAG MA MTHONG BA DAG GI PHYIR, DON GZHAN DU 'JUG PA MI SRID PA'I RGYU MTSAN MED PA'I PHYIR, LUNG DE DON STON NUS PA CAN YIN PA'I PHYIR, LUNG GI SGRA RANG NYID LAS KYANG BRJOD BYA'I DON MTHA' GCIG TU NGES PAR 'DOD PA LA DVOGS PA BSKYED PAR 'GYUR BA'O, ,RIGS BYED KYIS RANG GI BRJOD BYA'I DON MTHA' GCIG TU NGES PA RGYAL DPOG PA LA BSHAD, RGYAL DPOG PAS NGED SPYOD PA BA LA BSHAD DO ZHE NA, SKYES BU G-YON CAN 'GA' ZHIG LAM NI 'DI YIN NO ZHES SDONG DUM 'DI NI SMRA BAR 'GYUR RO ZHES SMRA BA DANG, GZHAN GYIS GANG LA YANG MA BSNYAD PAR BDAG NYID KYI LAM 'DI YIN ZHES SMRA BA GNYIS; SKYES BU'I 'DOD PAR SMRAS MA SMRAS KYI KHYAD PAR MED PAR THAL, SKYES BU GNYIS KYIS MI MTHUN PAR SMRAS SHING SDONG DUM LA LAM STON PA'I NUS PA MED PA'I PHYIR; DPE DE BZHIN DU, RGYAL DPOG PAS RIG BYED LA BSNYAD BTAGS NAS, RIG BYED KYI DON NGES SMRAS PA DANG, GZHAN GYIS GANG LA'ANG MA BSNYAD PAR RIG BYED KYI DON SMRAS PA DE DAG BYE BRAG BRTAN PAR GYIS TE MED PAR GYUR RO, ,BRDA @145 SBYAR NA DON THAMS CAD LA 'JUG TU RUNG BA'I PHYIR, DON GCIG KHO NA'I GSAL BYED DU NGES PA GANG LAS YIN TE MA YIN NO, ,BRJOD 'DOD KYIS BZHAG PA'I DON GYI NGES PA MA GTOGS PAR NANG GIS KYANG BRDA LA MA LTOS SHING DBANG PO LAS 'DAS PA'I DON SHES PA MI 'THAD PA'I PHYIR, BRJOD 'DOD DE BRJOD BYA'I DON SO SOR NGES PA'I RGYU YIN TE, BRJOD 'DOD LA SNANG BA'I DON DE KHO NA BRJOD PA'I PHYIR, BRDA NI DON SO SOR NGES PA DE'I GSAL BYED YIN TE, LUS NGAG GI RNAM RIG GIS BLO YUL DU GSAL DGOS PA'I PHYIR, DON SO SOR NGES PA'I RGYU DE NI SKYES BUS BYAS PA MIN LA MED PA'I PHYIR, RIG BYED DE DON GCIG KHO NA CAN DU NGES PA GANG LAS KYANG MI 'THAD DO, ,BRDA LA MI LTOS PAR RANG BZHIN GYI DON SO SOR NGES PA YIN ZHE NA, 'CHAD PO GZHAN GYI DON GZHAN BSHAD PA DES KYANG GO BA CUNG ZAD KYANG BSKYED MI RUNG BAR THAL BA DANG, DON 'DI'O ZHES BRDA BYAS PA YANG DON MED PA CAN NYID DU 'GYUR BAR THAL LO, SKYON MED DO, ,BRDA LAS RJOD BYED RNAMS RANG BZHIN GYIS DON LA 'BREL BA'I KHYAD PAR GSAL BAR BYED PAS DON MED MIN NO ZHE NA, RIG BYED KYI SGRAS DON GCIG KHO NA GSAL BA'I NGES PA'ANG GANG LAS YIN TE MIN NO, , DON GANG LA 'DOD PA RANG RGYUD PAS RANG DGAR SBYAR BA'I PHYIR, RIG BYED KYI SGRA DE LA NGO BO NYID KYIS DON SO SOR NGES PA ZHES BYA BA GANG LA YIN TE MA YIN NO, , DES NA AAGNI BA'I SGRA SPYOD PA BA'I 'DOD PA KHO NA'I GSAL BYED DU MI 'GYUR BAR THAL DE BRDA'I DBANG GI DON DU MA LA 'JUG TU RUNG BA NYID KYI PHYIR, SPYOD PA BA GZHAN DAG ,GANG GI PHYIR RIG BYED KYI PHYOGS GCIG YIN PA ME GRANG BA ZLOG BYED YIN PA DANG, ZLA BA BCU GNYIS LO YIN ZHES PA'I RIG BYED KYI NGAG BDEN PA BZHIN DU, MTHO RIS 'DOD PAS MO LA SBYIN SREG BYA'O, ,ZHES SOGS RIG BYED KYI NGAG GZHAN YANG DE DANG 'DRA BAR BDEN PA'I DON CAN YIN NA ZHES DE SKAD ZER RO, , @146 RIG PA SHES PA'I PHYOGS GLANG GIS 'DI 'DRA SGRUB BYED YANG DAG YIN PA BKAG STE 'DI DANG MTSUNGS PA CAN DU BSTAN PA'I PHYIR, DER THAL, SHING TOG LHAG MA 'DI RNAMS CHOS CAN, RO MNGAR POR 'DRA STE, NGO BO GZUGS SMUG PO MTSUNGS PA'I PHYIR, PHRU NANG GI 'BRAS LHAG MA 'DI RNAMS CHOS CAN, CHOS PA YIN TE, SNGAR ZOS PA'I 'BRAS DANG SNOD GCIG GI NANG DU BTZOS PA'I PHYIR, ZHES PA'ANG LHAG LDAN 'KHRUL PA CAN DU BSTAN PA'O, ,RIG BYED KYI NGAG DES TSAD MAS BKAG PA'I DON BRJOD PAR THAL, SKYES BU RTAG PA LAS BYED PA PO NYID DANG RNAM SMIN LONG SPYOD PA PO NYID DU BRJOD PA'I PHYIR DNGOS PO RNAMS RTAG PAR BSTAN PA'I PHYIR DANG, DBANG PO LAS 'DAS PA'I SPYI DON GZHAN SOGS DBANG PO'I GZUNG BYAR BSTAN PA'I PHYIR; DNGOS PO RNAMS RGYU MI MNYAM PA RTAG PA RGYUR BRJOD PA DANG, GNAS PA MI MNYAM PA GRUB ZIN RKYEN GYIS GNAS PA DANG, 'JIG PA MI MNYAM PA PHYIS BYUNG GI RGYUS 'JIG PAR BSTAN PA'I PHYIR, GZHAN YANG TSAD MA DANG 'GAL BA DAG NI RJOD PAR BYED PAR THAL, TSAD MA RNAM GNYIS RNAM PAR GSAL ZHING BKAG PA'I SPYOD YUL LAM, LUNG LA BRTEN PA'I RJES DPAG DANG GNAS BRJOD PAR BYED PA'I PHYIR, DES NA RIG BYED BDEN PA'I DON CAN DU KHAS LEN PA G-YEM MA MU COR GYI BDAG PO LAS RGYAL BA DANG MTSUNGS TE, TSAD MA DANG 'GAL BA KUN TU MA BSAL ZHES BSTAN BCOS KYI DON 'BREL BA DANG RJES MTHUN THABS DANG, SKYES BU'I GNAS SKABS DANG MTHAR THUG GI DON MA BSTAN PAR PHYOGS GCIG LA MI SLU BA TZAM GYIS BDEN PA'I DON CAN GYI BSTAN BCOS YIN NO ZHES KHAS LEN PA'I PHYIR, GAL TE PHYOGS GCIG LA MI SLU BA DE LTAR GRUB PA TZAM GYIS RIG BYED KUN TSAD MAR SGRUB NA NGAG SMRA BA SKYES BU 'DI LA TSAD MA MIN PA'I TSIG CI YANG MED PAR THAL, PHYOGS GCIG LA MI SLU BA TZAM YOD PA'I PHYIR, DER THAL, SKYES BU MANG DU SMRA BA LA BDEN PA'I DON @147 CAN GCIG MED PA MIN PA'I PHYIR, RJOD BYED KYI SGRA RNAMS RJOD PA PO'I BRJOD 'DOD TZAM LA BRTEN CING GNAS PAS 'BYUNG BA'I PHYIR, RANG GI ZHEN PA'I BRJOD BYA DANG RANG BZHIN NAM RGYU 'BRAS GANG YANG MIN, DES NA, DE DANG 'BREL BA MED DO, ,KHYAB STE 'BREL BA GNYIS PO 'DI LAS RNAM PAR BZLOG PAS KYANG 'KHRUL PA MED PA'I 'BREL BA YOD PA MIN NO, ,RJOD BYED RNAMS KYIS DON BRJOD PA LA 'JUG PA NI, BRJOD BYA'I DON TSAD MAS MTHONG BAS BYED PAS DON LA BRGYUD NAS 'BREL LO ZHE NA, RTAG MI RTAG PHAN TSUN DAG 'GAL BA'I DON NI SGRA LTA BU GCIG LA GZHI MTHUN DU 'GYUR BA JI LTAR YANG MI 'THAD DO, ,DES NA, LUNG DE LAS RTOGS PA PO'I ZHEN DON GYI RNAM PA 'GA' YANG NGES NUS PA MA YIN, LUNG DANG ZHEN PA'I BRJOD BYA'I DNGOS PO RNAMS MED NA MI 'BYUNG BA'I 'BREL BA MI GRUB PA'I PHYIR, LUNG DE NI LOG NA YANG DON GYI DNGOS PO MED PA 'GRUB PAR MI 'GYUR RO, ,DE GNYIS 'BREL BA MED PA DE'I PHYIR, DES NA BSKAL DON MA DMIGS PAS MED NGES SU 'BRAS BU CAN DU MI 'GRUB STE, DON DE YOD KYANG PHYIR RGOL GYI DMIGS PA'I NGES PA MED PA'I PHYIR, KHO BO CAG GIS, BDEN BZHI'I GNAS LUGS LA SOGS PA LKOG GYUR DANG, BLA SOGS MNGON GYUR GYI GNAS RNAMS LA DPYAD PA DAG CING, SHIN LKOG LA'ANG RANG TSIG 'GAL BA SOGS MED PA'I DPYAD PA DAG NAS SHIN LKOG BSTAN PA'I LUNG RANG GI BSTAN BYA'I DON LA MI SLU BAR RJES SU DPOG PA YIN GYI, PHYOGS GCIG LA MI SLU BA BDEN PAS YUL KUN LA MI SLU BA DPOG PA MA YIN, GZHAL BYA'I GNAS GNYIS LA LUNG GNOD SGRUB TU KHAS LEN PA MIN NO, ,MI SNANG BA'I MA DMIGS PA'I GTAN TSIGS LA LOG PAR RTOG PA DGAG PA'I YAN LAG TU RIG BYED TSAD MA YIN PA 'GOG PAR MDZAD DO, ,LOG RTOG BLUN PO'I RTAGS SU BSTAN PA GONG DU BSHAD ZIN TO, TSAD MA RNAM 'GREL GYI TSIG LE'UR BYAS PA'I LE'U DANG PO'I 'BRU 'GREL RDZOGS SO,, ,, @148 ` GNYIS PA MTHA' DPYOD PA LA, ,RTOG PA'I DRA BA RNAM BSAL CING, ZHES SOGS KYI GZHUNG DES, MCHOD BRJOD KYI GZHUNG DANG, BSTAN BCOS KYI LUS RNAM GZHAG GNYIS KA YIN, DRA BA NI DPE DON GNYIS KYI BSHAD, GANG ZAG DANG CHOS KYI BDAG TU 'DZIN PA GNYIS NI LUS CAN RNAMS 'KHOR BAR 'CHING BYED KYI GTZO BO YIN PAS DRA BA ZHES BRJOD, ZAB PA'I SKU JI LTA BA RTOGS PA'I RNAM MKHYEN DANG, RGYA CHE BA'I SKU JI SNYED PA RTOGS PA'I RNAM MKHYEN 'JOG PA DANG, LONGS SKU DANG, SPRUL SKU 'JOG PA SOGS RANG RANG GI RGYU MTSAN RE YOD, KUN TU BZANG PO GZUGS SKU GNYIS BZHAG PA DANG BYANG SEMS KUN TU BZANG PO BZHAG PA'ANG YOD, 'OD ZER 'PHROS PA GSUNG GI 'PHRIN LAS GDUL BYA KUN LA KHYAB PA'I DON YIN, PHYAG 'TSAL LO NI GUS PAS 'DUD PA'I TSUL LO, ,RKANG PA DANG POS RANG DON SPANGS PA PHUN TSOGS DANG, RKANG PA GNYIS PAS RANG DON RTOGS PA PHUN TSOGS, RKANG PA GSUM PAS GZHAN DON PHUN TSOGS, RKANG PA BZHI PA'I PHYED KYI DES SGRUB PA'I 'PHRIN LAS PHUN TSOGS BSTAN PA YIN NO, ,THUB PA SANGS RGYAS BCOM LDAN 'DAS CHOS CAN; RANG DON SPANGS PA PHUN TSOGS DANG LDAN TE, BDAG 'DZIN GNYIS BAG CHAGS DANG BCAS PA SPANGS PA'I PHYIR, RANG DON RTOGS PA PHUN TSOGS DANG LDAN TE; ZAB PA DANG RGYA CHE BA'I CHOS MA LUS PA MKHYEN PA'I PHYIR, GZHAN DON PHUN TSOGS DANG LDAN TE, GDUL BYA LA DNGOS SU SNANG BA'I GZUGS SKU MTHAR THUG BRNYES PA'I PHYIR, 'PHRIN LAS PHUN TSOGS DANG LDAN TE GSUNG GI 'OD ZER GYIS SEMS CAN THAMS CAD KYIS RGYUD SMIN PAR BYAS PA'I PHYIR, GZHUNG 'DIS SANGS RGYAS 'PHAGS PA'I RGYUD LA YE SHES MED PAR 'DOD PA BSAL BA'O, ,YANG NA, THUB PA SANGS RGYAS BCOM LDAN 'DAS LA SKU GSUM 'PHRIN LAS DANG BCAS PA MNGA' BA'I SGO NAS BSTOD PHYAG MDZAD DE, RTOG PA'I DRA BA ZHES PA NGO BO NYID SKU DANG, @149 ZAB CING ZHES PA LONGS SKU, RGYA CHE ZHES PA SPRUL SKU, KUN TU BZANG PO ZHES RKANG PA PHYED GNYIS GZHAN DON PHUN TSOGS 'PHRIN LAS DANG BCAS PA BSTAN PA'I PHYIR, TSAD MA RNAM 'GREL LE'U DANG GNYIS KYIS BDAG MED BSHAD PA'I SKABS SU GANG ZAG GI BDAG MED TZAM LAS MA BSTAN YANG MCHOD BRJOD KYI GZHUNG 'DIS CHOS KYI BDAG MED PHRA MO YANG BSTAN PA NI BSTAN BCOS 'DI THEG PA CHEN PO THUN MONG MA YIN PA'I BSTAN BCOS SU BSGRUB NUS SO, ,CHOS KYI BDAG 'DZIN LUS CAN 'CHING BAR BYED PA YIN YANG 'KHOR BA'I RTZA BA MA YIN PAR 'DOD DGOS, DES NA 'KHOR BA'I GZHI RTZA YIN NA, 'KHOR BA'I RTZA BA YIN PAS MA KHYAB BO, ,GNYIS STONG GI DE KHO NA NYID RANG RGYAL 'PHAGS PA'I SPYOD YUL MA YIN PAR BSTAN PA NI SEMS TZAM PA'I 'DOD PA YIN, DBU MA RANG RGYUD PAS RANG RGYAL DANG SEMS TZAM PA GNYIS LTA BA MTHUN PAR BSHAD, LUGS 'DI LA RANG RGYAL GYI THUN MONG MA YIN PA'I SPANG BYA'I GTZO BO BZHAG DKA' BAS, RGYUN ZHUGS KYI RTOGS PA SNGON DU SONG BA'I RANG RGYAL MTHONG LAM BAR CHAD MED LAM DANG RNAM GROL LAM GYI RNAM DBYE MA BYAS NA MDZES SO, ,'O NA, NYAN RANG GNYIS LA RTOGS PA MTHO DMAN MED PAR 'GYUR RO ZHE NA, TSOGS RGYA CHE CHUNG GI DBYE BA TZAM YOD DO, ,MCHOD BRJOD KYI GZHUNG 'DIS RTOG GE'I TSIG DON BRGYAD BSTAN PA'I CHA NAS BSTAN BCOS LUS RNAM BZHAG YIN PAR 'DOD PAS, BRGYAD NI, , RJES DPAG YANG DAG LTAR SNANG GNYIS, MNGON SUM YANG DAG LTAR SNANG GNYIS; SGRUB NGAG YANG DAG LTAR SNANG GNYIS, SUN 'BYIN YANG DAG LTAR SNANG GNYIS TE BRGYAD YOD PA'I DANG PO BZHI LE'U DANG PO GSUM DANG, PHYI MA BZHI LE'U BZHI PAR BSTAN, DANG PO BZHI TSAD MA RNAM 'GREL GYI CHED DU BYA BA'I GDUL BYAS RANG NYID KYIS GZHAL BYA NGES PA'I THABS DANG, PHYI MA BZHI DES 'DUL @150 BYA GZHAN RJES SU 'DZIN PA'I THABS SU 'DU BA YIN TE, RJES DPAG DANG MNGON SUM TSAD MAS, LKOG GYUR DANG MNGON GYUR JI LTA BA BZHIN RTOGS NAS, SGRUB NGAG DANG, SUN 'BYIN GNYIS KYIS GZHAN GYI RGYUD LA RJES DPAG DANG MNGON SUM BSKYED PAR BYED PA'I PHYIR, DPER NA, SGRA MI RTAG RTOGS PA'I RJES DPAG TSAD MA RANG RGYUD LA BSKYED PA LA TSUL GSUM TSANG BA'I RTAGS LA BRTEN DGOS SHING, DE LA'ANG TSUL GSUM TSAD MAS NGES DGOS, DE NGES BYED MNGON RJES KYI TSAD MA DGOS PA'I PHYIR, RANG NYID KYIS SGRA MI RTAG NGES RJES SUN 'BYIN YANG DAG GI SGO NAS, SGRA RTAG PAR 'DZIN PA'I 'DZIN PA KUN BTAGS BZLOG PA DANG, SGRUB NGAG YANG DAG LA BRTEN NAS MTHA' GNYIS SU 'DZIN PA'I THE TSOM BSAL BAR BYED PA'I PHYIR, SGRA RTAG PAR 'DZIN PA'I RTAG 'DZIN KUN BTAGS RGYUD LA LDAN PA'I GANG ZAG CIG LA CHA RKYEN GZHAN TSANG NA SNGA RGOL YANG DAG GIS, SGRA CHOS CAN, MA BYAS PAR THAL, RTAG PA'I PHYIR, ZHES BKOD PA NA, SGRA RTAG PAR KHAS LEN PA DOR NAS THE TSOM BSKYED PAR BYED, DE RJES, BYAS NA MI RTAG PAS KHYAB, DPER NA BUM PA BZHIN, SGRA YANG BYAS SO ZHES SGRUB NGAG BKOD PAS THE TSOM DE YANG BSAL NAS, TSUL GSUM CIG CAR DU DRAN PA'I DRAN SHES BSKYED, DE RJES SGRA CHOS CAN, MI RTAG STE, BYAS PA'I PHYIR, ZHES PA'I RTAGS BKOD PA LAS SGRA MI RTAG RTOGS KYI RJES DPAG BSKYED PA'I PHYIR, DE THAMS CAD RJES DPAG TSAD MA DE BSKYED PA'I YAN LAG YIN NO, ,RTZOM PAR DAM BCA' BA NI, TSAD MA SDE BDUN RANG 'GREL DANG BCAS PA BRTZAMS ZIN NAS SNGON SROL BZHIN PAndI TA RNAMS LA BRIMS PAS PHAL CHER GYIS MA GO NYUNG SHAS KYIS SHES NA'ANG PHRAG DOG GIS KHYI'I MJUG MAR BTAGS PAS SLOB DPON YID MUG STE, SKYE BO PHAL CHER PHAL LA CHAGS SHING SHES RAB RTZAL MED PAS NA LEGS BSHAD RNAMS, ZHES SOGS TSIGS BCAD @151 GCIG TSAD MA RNAM 'GREL GYI MGOR GSAR DU BCUG PAR GRAGS KYANG, MI 'THAD DE; RTZOM PAR DAM BCA' PA'I DGOS PA, BSTAN BCOS RTZOM PAR MTHAR PHYIN PA'I CHED DU YIN LA, BSTAN BCOS RDZOGS PAR BRTZAMS ZIN NAS DE 'DRA BA'I DAM BCA' BA LA DGOS PA MED PA'I PHYIR, DAM PA RNAMS KYIS BYA BA GANG LA 'JUG PA LA THOG MAR DE LTAR DAM BCA' BA NA, DE LAS 'GONGS PA MI BYED PA'I PHYIR, DES NA SKYE BO PHAL CHER ZHES SOGS RNAM 'GREL GYI MGOR THOG MA NAS BRTZAMS PA'O, PHRAG DOG CES PA'ANG SLOB DPON PHYOGS GLANG LA PHRAG DOG GI DRI MAS SDANG BA DANG, LEGS BSHAD KYANG TSAD MA KUN LAS BTUS LA GO DGOS, KUN LAS BTUS GZHAN LA PHAN PA RGYA CHEN PO DE TZAM MA BYUNG BAS, CHOS KYI GRAGS PA BDAG GIS KUN BTUS KYI RNAM 'GREL MDZAD PAS, KUN LAS BTUS PHAN PA RGYA CHEN POR GYUR PA DANG; BDAG NYID CHEN PO LA DMIGS PA'I PHRAG DOG GI DRI MA ZHI BA DANG SHES RAB KYI RTZAL DANG LDAN ZHING, NYIS BSHAD DOR NAS LEGS BSHAD DON DU GNYER BA BLO GZU BOR GNAS PA'I SKAL LDAN RNAMS NYAN PA'I SNOD RUNG DU BSTAN PA'O, , DE LTA BU'I GDUL BYA LA 'CHAD PAR BYA BA NI TSAD MA'I BSTAN BCOS KYI NANG NAS TSAD MA RNAM 'GREL YIN, TSAD MA SDE BDUN MDO DANG BCAS PA NANG RIG PAR SGRUB PA TSAD MA'I BSTAN BCOS, NANG RIG PA MA YIN PAR 'DOD PA MI RIGS TE, GROL BA DON GNYER GYI SKYES BU RNAMS KYI NANG PAR 'JUG PA'I SGO NI SKYABS GNAS DKON MCHOG GSUM LA SNYING NAS SKYABS SU 'GRO BA'I SKYABS 'GRO YIN ZHING, BSTAN BCOS 'DIS SKYABS DANG SKYABS MIN RIGS PA YANG DAG GI LAM NAS DRANGS TE NGES PA GTING TSUGS PA'I SGO NAS SKYABS SU 'GRO DGOS PAR BSTAN, THEG PA CHE CHUNG GNYIS KA'I BLANG DOR GNAS KYI 'JUG LDOG BDEN BZHI MI RTAG SOGS TSAD MA'I LAM NAS DRANGS TE RGYAS PAR GTAN LA 'BEBS TSUL BSHAD PA YANG NANG RIG PA @152 MIN NA, DE LAS GZHAN PA'I NANG RIG PA'I BSTAN BCOS GA LA RNYED, NANG RIG PA ZHES PA SHES RGYUD NYON MONGS PA DANG KHA BRAL BA'I THABS GTZO BOR BSTAN PA ZHIG LA BYED DGOS SHING TSAD MA'I GZHUNG RNAMS KYIS NYON MONGS BAG CHAGS DANG BCAS PA SPONG BA'I THABS DAM PA BDAG MED GNYIS RTOGS PA'I SHES RAB BSTAN BYA'I GTZO BOR BYAS NAS BSTAN PA'I PHYIR, TSAD MA RIG PA YIN PA TZAM GYIS NANG RIG PA MA YIN PAR MI 'GYUR TE, TSAD MA RIG PA DANG GTAN TSIGS RIG PA ZHES PA RGYU MTSAN RIGS PA LA ZER BA YIN ZHING, RGYAL BA'I YUM SHER PHYIN GI MDO SDE RIN PO CHE LA'ANG; SUN 'BYIN DANG GTAN TSIGS DU MA'I SGO NAS ZAB MO GTAN LA 'BEBS SNANG BAS, NANG RIG PA MA YIN PAR 'GYUR RO, ,DES NA NANG RIG PA DANG GTAN TSIGS RIG PA GNYIS KA YIN NO, ,LE'U GO RIM NI, KUN LAS BTUS LE'U DRUG DANG, (MNGON SUM LE'U, RANG DON LE'U, GZHAN DON LE'U, DPE BRTAG PA, SEL BA BRTAG PA, LTAG CHOD BRTAG PA,) TSAD MA RNAM 'GREL LE'U BZHI; (RANG DON RJES DPAG GYI LE'U, TSAD MAR GRUB PA'I LE'U, MNGON SUM GYI LE'U, GZHAN DON RJES DPAG GI LE'U,) BZHAG PAR GNYIS KA PHAN TSUN 'DUS PA STE, TSAD MA RNAM 'GREL GYI GTAN LA DBAB BYA'I GTZO BO KUN BTUS MCHOD BRJOD KYI SKABS SU BSTAN PA'I STON PA TSAD MAR SGRUB PA NYID LA BYAS NAS LE'U ZUR DU MDZAD PAS, TSAD MA GRUB PA'I LE'U ZHES BYA, RANG DON SOGS KUN BTUS DANG MTSUNGS; DPE BRTAG PA DANG, SEL BA BRTAG PA GNYIS RANG DON LE'UR 'DUS, LTAG CHOD BRTAG PA GZHAN DON LE'UR 'DUS TE BZHIR MDZAD PA YIN, KUN BTUS DANG; TSAD MA RNAM NGES SKABS SU MNGON SUM DANG POR BSHAD PA GDUL BYA'I RGYUD LA SKYE BA'I RIM PA'I DBANG DU BYAS SHING, 'DIR LOG RTOG DGAG PA GTZO BOR BYAS NAS BSHAD DE SLOB DBON PHYOGS GLANG GIS BSHAD PA'I TSAD MA'I MTSAN NYID SOGS @153 RNAM PAR BZHAG PA NI RIGS PA DANG LDAN PA DANG GZHAN SDE SOGS KYIS DE DAG BZHAG PA NI RIGS PA DANG MI LDAN PA'O ZHES 'BYED DGOS LA, DE DAG RNAM PAR 'BYED PA'ANG RJES DPAG LA RAG LAS PA'I PHYIR NA RANG DON RJES DPAG DANG POR BSHAD PA YIN; 'O NA TSAD MA RNAM NGES KYANG RANG DON RJES DPAG DANG POR BSHAD RIGS PAR THAL, ZHE NA RNAM 'GREL GYIS LOG RTOG DE BSAL MI NUS NA, RNAM NGES LAS BSHAD KYANG BSAL MI NUS LA, RNAM 'GREL GYIS, LOG RTOG BSAL ZIN NA, RNAM NGES SU DGOS PA GZHAN MED PAS MNGON SUM DANG POR BSHAD NA RIGS SO,, SDE BDUN GYI DANG PO'ANG RNAM 'GREL YIN PAS LOG RTOG RGYAS PAR SEL BA'I DBANG DU BYAS PA'O, KHA CIG GIS, SDE BDUN 'BREL GCIG LA BRTZAMS PA YIN PAS, THOG MAR BZHAG PA MI RAGS SO ZER NA, 'BREL GCIG LA BRTZAMS NA'ANG 'GO 'DI NAS 'TSUNGS ZER BA ZHIG DGOS PA'I PHYIR, LE'U'I GO RIM LA 'PHAGS YUL GYI MKHAS PA RNAMS KYANG MI MTHUN TE, SLOB DPON NYI MA SBAS PAS, LHA DBANG BLO'I RJES SU 'BRANGS NAS, RANG DON LE'U DANG POR BYAS, SLOB DPON YA MA RIS, RGYAL GYI RJES SU 'BRANGS NAS, TSAD MA GRUB PA'I LE'U DANG POR BYAS, DA LTA'I GLEGS BAM LA RANG DON LE'U DANG POR YOD PAS, RANG DON LE'U DANG POR BSHAD PAR BYA'O, ,GTAN TSIGS DE NI RNAM GSUM NYID, CES PA'I RGYAS BSHAD, RGYU LA RANG BZHIN JI SNYED CIG , CES SOGS KYI GZHUNG LA BRTEN NAS, RTAGS YANG DAG LA GSUM DU GRANGS NGES PA, TSAD MAS MA NGES NA, GRANGS NGES PA'I RGYAS BSHAD KYI GZHUNG MA YIN PAR 'GYUR, NGES NA 'BREL BA NGES PA SNGON DU SONG BAR THAL, GSUM DU GRANGS NGES PA TSAD MAS NGES PA'I PHYIR, KHYAB STE 'BREL BA GNYIS SU NGES PA DE, RTAGS YANG DAG LA GSUM DU GRANGS NGES PA'I RGYU MTSAN DU BKOD PA'I PHYIR, 'DOD NA, GTAN TSIGS KYI NI TSUL GSUM LA'ANG, @154 ZHES SOGS KYI GZHUNG RNAMS DON MED PAR 'GYUR TE, RKANG PA GNYIS PA'I RGYAS BSHAD LA BRTEN NAS 'BREL BA NGES ZIN PA'I PHYIR ZHE NA, RKANG PA GNYIS PA'I RGYAS BSHAD LA BRTEN NAS 'BREL BA TSAD MAS NGES NUS PA YIN YANG, GRANGS NGES 'BREL BA RGYAS PAR 'CHAD PA, RKANG PA GSUM PA'I RGYAS BSHAD KYI GZHUNG RNAMS YIN PAS DON MED PAR MI 'GYUR RO, ,YANG RKANG PA DANG PO GSUM GYI DON RTOGS PA NA, TSUL GSUM DANG RTAGS YANG DAG MING DON GYI 'BREL BA BSTAN PAS, TSUL GSUM MA YIN PA RTAGS LTAR SNANG DU BSTAN ZIN PA'I PHYIR, RKANG PA BZHI PA DON MED PAR 'GYUR RO ZHE NA, 'DI LA 'CHAD TSUL GSUM BYUNG STE, RTAGS CHOS KYI 'BREL BA GRUB PA LAS GZHAN RTAGS LTAR SNANG YIN ZHES PA DANG, CHUL GSUM GRUB PA LAS GZHAN RTAGS LTAR SNANG YIN ZHES PA DANG, 'BRAS RANG MA DMIGS PA GSUM PO LAS GZHAN RNAMS RTAGS LTAR SNANG YIN ZHES PA LAS THA MA DE 'THAD GSUNG; YANG DAG DANG LTAR SNANG SO SOR SHES PA SDEB SBYOR BDE BA'I CHED DU THA MAR BSTAN GYI TSAD MAS NGES PA'I RIM PA LAS MA YIN NO, ,DE LA DPYAD GZHI CHE STE; RTAG PA BYAS STONG DU MA NGES PAR BYAS PA MI RTAG PA KHO NA LA YOD PA MI NGES PA DPER BYAS TE, LTAR SNANG TSUL GSUM DANG MI LDAN BA MA NGES PAR TSUL GSUM YANG DAG KHO NA LA YOD PAR MI NGES PA DON LA SBYAR BAS, DPE DON GNYIS KAR TSIG SKYON SOGS MI SRID PAR MA ZAD, 'OG TU'ANG BYAS PA MI RTAG PA KHO NA LA YOD PAR NGES PA LA RTAG PA BYAS STONG DU NGES PA SNGON DU SONG DGOS PAR GSUNGS PA LTAR DGONGS PA GCIG TU BABS PAS 'OG TU DPYAD PAR BYA'O, ,PHYOGS SGRA TSAD MA'I BSTAN BCOS DE DAG GIS, TSUL GSUM SO SO'I MING 'DOGS TSUL 'DI LTAR TE, TSUL DANG POR, PHYOGS CHOS DANG, GNYIS PAR RJES KHYAB GSUM PAR LDOG KHYAB KYI MING BTAGS PA DE LA NGES TSIG GI STENG NAS GO BDE BA'I CHED DU @155 YIN PA LA, DVOGS SLONG MANG DU BYUNG STE, PHYOGS DANG BSGRUB BYA DPAG BYA RNAMS DON GCIG YIN PA TSAD MA'I GZHUNG GI DON DU NGES SHING DANG GZHI CHOS CAN SOGS LA PHYOGS KYI MING BTAGS MING DU 'JUG PA DANG, CHOS DANG CHOS CAN GYI TSOGS DON LA PHYOGS KYI MING DNGOS MING DU 'JUG PA'ANG, CHOS DANG CHOS CAN GNYIS PHYOGS MA YIN YANG PHYOGS GCIG YIN PAS DE LTAR BTAGS TE, DPER NA, RAS YUG GI PHYOGS GCIG TSIG PA LA RAS YUG TSIG CES BRJOD PA LTA BU YIN, DES NA RTAGS TSUL DANG PO 'CHAD PA NA, RTZOD GZHI LA PHYOGS KYI SGRAS BSTAN PA MI RIGS PAR THAL, PHYIR RGOL YANG DAG GIS TSUL GSUM GRUB PA GANG ZHIG PHYOGS MA GRUB PA'I PHYIR, PHYOGS MA GRUB PAR 'DOD NA, RTAGS DE PHYOGS KYI CHOS SU MA GRUB PAR THAL, PHYOGS MA GRUB PA'I PHYIR, GRUB NA BSGRUB BYA GRUB PAR THAL, PHYOGS GRUB PA'I PHYIR, 'DOD NA, BSGRUB BYA MA GRUB PA GRUB PA'I PHYIR DU RTAGS BKOD PA MA YIN PAR THAL, 'DOD NA, RTAGS YANG DAG MA YIN PA THAL LO, DES NA RTZOD GZHI LA PHYOGS KYI SGRA MA SMROS PAR CHOS CAN GYI SGRA BRJOD NA RIGS SO ZHES PA'O, RANG LUGS KYIS CHOS CAN GYI SGRA BRJOD NA'ANG SKYON YOD PA'I PHYIR TE, CHOS CAN GYI SGRA, RTZOD GZHI DANG, MTHUN DPE MI MTHUN PA'I CHOS CAN GSUM LA NYE BA'I MIG SHES KYI GZUNG BYA SGRA MI RTAG PA DANG RTAG PAR SGRUB PA LA TSUL DANG PO GRUB PA MI KHEGS PA'I PHYIR, MI KHEGS NA, MIG SHES KYI GZUNG BYA CHOS CAN, SGRA MI RTAG PA SGRUB PA'I TSUL DANG PO GANG ZHIG TSUL GSUM YIN PAR THAL, SGRA MI RTAG PA SGRUB PA'I TSUL DANG PO GANG ZHIG TSUL PHYI MA GNYIS YIN PA'I PHYIR, RTAGS DANG PO KHAS BLANGS LA SONG, PHYI MA TSAD GRUB YIN NO ZHES BRJOD, YANG GZHAN GYIS, MIG SHES KYI GZUNG BYA SGRA MI RTAG PAR SGRUB PA'I RJES KHYAB YIN NA, SGRA RTAG PAR SGRUB PA'I RJES KHYAB YOD PA YANG KHAS LEN @156 DGOS TE, DPE GNYIS KYI CHOS SU 'GYUR BA'I MIG SHES KYI GZUNG BYA SGRA RTAG PA DANG MI RTAG BAR SGRUB PA LA TSUL DANG PO GRUB PA MI KHEGS LA, DE LTAR NA TSUL TSUL GSUM LA YANG DAG GIS KHYAB PA SGRUB PA'I NUS PA MED PAR 'GYUR RO ZHES GNYIS KAR PHYOGS GCIG TU GSUNGS PA'I PHYIR DANG, GAL TE MIG SHES KYI GZUNG BYA, SGRA MI RTAG PA SGRUB PA'I RJES KHYAB YIN NA CHOS DANG SKAD CIG MA MA YIN PA'I GZHI MTHUN DE, SGRA RTAG PAR SGRUB PA'I RJES KHYAB YIN DGOS TE, RGYU MTSAN MTSUNGS PA'I PHYIR, DE YIN NA, DNGOS PO RTAG PAR SGRUB PA'I RJES KHYAB YOD PA THAL, 'DOD NA, DNGOS PO RTAG PAR SGRUB PA'I MTHUN DPE YOD PAR THAL, 'DOD NA, ,DPE MED CAN YIN DNGOS RNAMS NI, ,SKAD CIG GIS NI 'JIG PHYIR RO, ,ZHES DANG, DAM BCA' LA TSAD MAS GNOD NA, DAM BCA' DE SGRUB PA'I RJES KHYAB MED DGOS PA, GAL TE GTAN TSIGS YOD RANG BZHIN, ZHES SOGS KYI SKABS SU BSHAD PA'I PHYIR, DPER NA, GRANGS CAN PAS, MTSAN NYID LNGA LDAN GYI GTZO BO YOD PAR SGRUB 'DOD NAS RTAGS GANG BKOD KYANG RJES KHYAB MA GRUB PAR BSTAN PA BZHIN NO ZHAS BRJOD, KHO BO'I RNAM RTOG LA 'CHAR TSUL NI, GONG DU PHYOGS SNGA'I 'DOD PA BKOD ZIN PA LTAR, PHYOGS SNGA DE'I LUGS LA, PHYOGS KYI CHOS SU GRUB NA, PHYOGS GRUB DGOS PA'I SGRUB BYED BKOD PA DON MED DU 'GYUR BA YIN NA, 'O NA, SGRA CHOS CAN, MI RTAG STE, BYAS PA'I PHYIR, ZHES PA'I RTAGS DE'I PHYIR RGOL YANG DAG CHOS CAN, SGRA MI RTAG PAR SGRUB PA'I BSGRUB BYA TSAD MAS NGES PAR THAL, MI RTAG PA BSGRUB BYA'I CHOS SU NGES PA'I PHYIR, MA GRUB NA, BSGRUB BYA'I CHOS MA NGES PAR THAL 'DOD NA, DE SGRUB KYI PHYIR RGOL YANG DAG MA YIN PAR THAL LO, ,RTZA BAR 'DOD NA, BSGRUB BYA MA NGES PA NGES PA'I PHYIR DU RTAGS BKOD BA DON MED PAR THAL, BSGRUB BYA NGES ZIN PA'I PHYIR TE, @157 BSGRUB BYA'I CHOS SU GRUB PA NGES PA'I PHYIR, KHYAB STE, PHYOGS KYI CHOS SU GRUB PA NGES NA, PHYOGS NGES DGOS PA KHAS LEN PA'I PHYIR, DER THAL, RTZOD GZHI LA PHYOGS KYI SGRAS BSTAN PA MI RIGS PA'I RGYU MTSAN YOD PA'I PHYIR, GZHAN YANG, CHOS CAN GYI SGRAS BRJOD NA, CHOS CAN YIN DGOS PAR THAL, PHYOGS KYI SGRAS STON NA PHYOGS YIN DGOS PA'I PHYIR, 'DOD NA, MTHUN DPE CHOS CAN DANG, MI MTHUN DPE CHOS CAN GNYIS RE RE NAS CHOS CAN, CHOS CAN YIN PAR THAL, CHOS CAN GYI SGRAS BRJOD PA'I PHYIR, 'DOD NA, KHAS BLANGS DANG 'GAL, MA GRUB NA, MTHUN DPE CHOS CAN BRJOD NA, CHOS CAN BRJOD PAS MA KHYAB PAR THAL, MA GRUB PA DE'I PHYIR, 'DOD NA, SGRA MI RTAG PA BRJOD NA, SGRA BRJOD PAS MA KHYAB PAR THAL, 'DOD NA, GNYIS KAS GCIG GCIG BRJOD MOD KYI, ZHES SOGS DANG 'GAL BA'I PHYIR, GZHAN YANG MTHUN PHYOGS MI MTHUN PHYOGS GANG RUNG RTOGS NA PHYOGS RTOGS PAS KHYAB PAR THAL, PHYOGS CHOS RTOGS NA, PHYOGS RTOGS PAS KHYAB PA'I PHYIR, RTAGS KHAS, 'DOD NA, PHYIR RGOL YANG DAG GSHAGS, GZHAN YANG; PHYOGS CHOS ZHES PA'I SGRAS PHYOGS DNGOS GNAS PA BRJOD NA, MTHUN DPE CHOS CAN ZHES PA'I SGRAS CHOS CAN DNGOS GNAS PA BRJOD DGOS PA KUN NAS MTSUNGS PA'I PHYIR, PHYOGS KYI SGRA BRJOD MI RIGS NA, CHOS CAN GYI SGRA YANG BRJOD MI RIGS PAR 'GYUR BAS RTAGS TSUL DANG PO 'CHAD PA'I SKABS SU PHYOGS KYI SGRAS STON NA SKYON MED DO, BYAS RTAGS KYI SGRA MI RTAG PAR SGRUB PA'I PHYIR RGOL YANG DAG CHOS CAN, DE SGRUB KYI PHYOGS TSAD MAS NGES PAR THAL, BYAS PA DE SGRUB KYI PHYOGS KYI CHOS SU TSAD MAS NGES PA'I PHYIR ZER NA MA KHYAB, PHYIR RGOL YANG DAG YIN NA, PHYOGS TSAD MAS MA GRUB PAS KHYAB ZER NA, TSAD MAS DMIGS PA'I RTAGS KYIS PHYOGS YOD PAR SGRUB PA'I PHYIR RGOL YANG DAG CHOS CAN, DER THAL, DE'I PHYIR, 'DOD NA, @158 DE SGRUB KYI CHOS CAN TSAD MAS MA GRUB PA'I PHYIR RGOL YANG DAG YOD PAR THAL LO, YANG PHYIR RGOL YANG DAG YIN NA, DE SGRUB KYI PHYOGS TSAD MAS MA GRUB PAS KHYAB ZER NA, DE SGRUB KYI PHYOGS CHOS CAN, GANG ZAG GI BDAG MED YIN TE, YOD MED GANG RUNG YIN PA'I PHYIR, ZHES PA'I PHYIR RGOL YANG DAG CHOS CAN, DER THAL; DE'I PHYIR, DER THAL, DE 'DRA'I PHYIR RGOL YANG DAG YOD PA'I PHYIR, DE 'DRA'I RTAGS YANG DAG YOD PA'I PHYIR, YANG BYAS PA PHYOGS KYI CHOS SU NGES NA; PHYOGS TSAD MAS NGES PAS KHYAB PAR THAL, BYAS PA SGRA MI RTAG PA'I CHOS SU NGES NA, SGRA MI RTAG PA TSAD MAS NGES DGOS PA'I PHYIR ZER NA MA KHYAB, MA GRUB NA, DER THAL, BYAS PA MI RTAG PA'I CHOS SU NGES NA, MI RTAG PA NGES DGOS PA'I PHYIR, DER THAL, BYAS PA SGRA'I CHOS SU NGES NA, SGRA NGES DGOS PA'I PHYIR; MA GRUB NA, CIG SHES NA NI GNYIS KA GZUNG, ,ZHES GSUNGS PA'I PHYIR, SGRA MI RTAG PAR SGRUB PA'I PHYOGS ZHES PA'I SGRAS, SGRA DANG MI RTAG PA RE RE LA BTAGS MING DU 'JUG PA YIN ZHE NA, 'O NA, DE SGRUB KYI PHYOGS DANG, MI RTAG PA'I GZHI MTHUN MED PAR THAL, PHYOGS ZHES PA'I SGRA MI RTAG PA LA BTAGS MING DU 'JUG PA'I PHYIR, KHYAB STE, ,RANG DBANG MED PHYIR DE LDAN MIN, ,BTAGS PA'I PHYIR DANG MI SRID PHYIR, ZHES GSUNGS PA'I PHYIR, 'DOD NA, SGRA MI RTAG PA CHOS CAN, DE GNYIS KYI GZHI MTHUN MA YIN PAR THAL LO, ,'DOD MI NUS TE, SGRA MI RTAG PA RANG MTSAN YIN PA'I PHYIR TE, ,RJES DPAG JI SKAD BSHAD JI BZHIN, ZHES SOGS GSUNGS PA'I PHYIR, DE SGRUB KYI PHYOGS YIN PAR THAL, DE SGRUB KYI BSGRUB BYA YANG DAG YIN PA'I PHYIR, DER THAL, SGRA MI RTAG PA DANG, SGRA'I MI RTAG PA GNYIS KA BSGRUB BYA GANG DAG YIN PA'I PHYIR, DER THAL, ,MTSUNGS PA BSGRUB BYA NYID YIN NA, ,GNYIS PO PHAN TSUN KHYAD PAR CAN, ZHES GSUNGS PA'I @159 PHYIR; YANG SGRA MI RTAG PAR SGRUB PA'I PHYOGS ZHES PA'I SGRA DES DE SGRUB KYI BSGRUB BYA LA DNGOS MING DANG, DE SGRUB KYI CHOS DANG CHOS CAN GNYIS LA BTAGS MING DU 'JUG PA YIN ZHE NA, DE SGRUB KYI BSGRUB BYA CHOS CAN, DE SGRUB KYI PHYOGS YIN PAR THAL, 'DOD PA'I PHYIR, 'DOD NA, DE CHOS CAN, SGRA DANG MI RTAG PA'I TSOGS DON YIN PAR THAL, 'DOD PA'I PHYIR, 'DOD MI NUS TE, YAN GAR BA YIN PA'I PHYIR, DER THAL, SGRA MI RTAG PA CHOS CAN, SGRA MI RTAG PAR SGRUB PA'I BSGRUB BYA YIN TE, DE SGRUB KYI NGO BO DON SOGS CHOS LNGA TSANG BA YIN PA'I PHYIR, ZHES PA'I RTAGS DE'I CHOS YAN GAR BA YIN PA'I PHYIR, GZHAN YANG DE SGRUB KYI PHYOGS DE CHOS CAN, DE SGRUB KYI BSGRUB BYA YIN PAR THAL, DE SGRUB KYI PHYOGS YIN PA'I PHYIR, 'DOD NA, CHOS DANG CHOS CAN GYI TSOGS DON YIN PAR THAL ZER NA, DE LA GNYIS LAS; BSGRUB BYA YANG DAG YIN NA CHOS DANG CHOS CAN GYI TSOGS DON YIN PAS KHYAB PAR 'DOD PA DANG, MA KHYAB PAR 'DOD PA GNYIS YOD PAS PHYI MA LTAR NA, MA KHYAB CES LAN 'DEBS, DANG PO LTAR NA, RTAGS MA GRUB CES LAN 'DEBS DGOS; DE LA DNGOS MING DU 'JUG NA DE'I DNGOS MING YIN PAS KHYAB ZER NA, SHING ZHES PA'I SGRA CHOS CAN, SHA PA'I DNGOS MING YIN PAR THAL, SHA PANG LA DNGOS MING DU 'JUG PA'I PHYIR, DER THAL, SHA-PA SHING YIN PA'I PHYIR, 'DOD MI NUS TE, SHING GI DNGOS MING YIN PA GANG ZHIG SHING DANG SHA PA GNYIS SPYI DANG BYE BRAG YIN PA'I PHYIR, DE'I DNGOS MING YIN NA, DEL DNGOS MING DU 'JUG PAS KHYAB ZER NA, MI LA KHYI SKYAG CES PA'I MING DE LA DNGOS MING DU 'JUG PAR THAL, DE'I DNGOS MING YIN PA'I PHYIR, DER THAL, KHYI SKYAG CES PA'I MING DE MI DE LA THOG MAR BRDA SBYAR BA'I MING GANG ZHIG , DE LAS MI DE 'KHRUL MED DU GO NUS PA'I PHYIR, 'DOD MI NUS TE, KHYI SKYAG CES PA'I DNGOS MING @160 'JUG PA'I MI MED PA'I PHYIR, GZHI DE'I BTAGS MING YIN NA, DE LA BTAGS MING DU 'JUG PAS KHYAB ZER NA, SHES BYA ZHES PA'I MING CHOS CAN, MI ZHIG LA BTAGS MING DU 'JUG PAR THAL, MI ZHIG GI BTAGS MING YIN PA'I PHYIR, DER THAL, SHES BYA ZHES BTAGS PA'I MI YOD PA'I PHYIR, 'DOD MI NUS TE, SHES BYA MA YIN PA'I MI MED PA'I PHYIR, BTAGS MING DANG BTAGS MING DU 'JUG PA GNYIS KA YIN PA NI, SENG GE ZHES PA'I SGRA DE, BRAM ZE KHYE'U SNA NYAG LA BTAGS MING DU 'JUG PA DANG, BTAGS MING GNYIS KA YIN PA'I PHYIR, 'DRA 'BREL GANG YANG MED PA'I SGO NAS KHYI RGAN RGYA BO LA SENG GE BTAGS PA'I TSE, DE'I BTAGS MING MA YIN YANG, DE LA BTAGS MING DU 'JUG PA'I PHYIR, DA NI DKYUS LA 'JUG PAR BYA STE, CHOS CAN GYI SGRA SMROS PA YANG MI RIGS TE, SKYON DE DAG 'JUG PA'I PHYIR, GANG DAG GIS DE MI 'JUG STE, CHOS CAN GYI SGRA RTZOD GZHI KHO NA LA 'JUG PA'I PHYIR, DER THAL, MTHUN DPE CHOS CAN LA 'JUG NA; RJES KHYAB BSTAN PA'I NGAG DANG ZLOS PA'I SKYON DANG, MI MTHUN DPE CHOS CAN LA 'JUG NA, LDOG KHYAB BSTAN PA'I NGAG DANG 'GAL BA'I SKYON DU 'GYUR BA'I PHYIR; DANG PO GRUB STE, RJES KHYAB BSTAN PA'I SGRAS, MTHUN PHYOGS KHO NA LA YOD PAR BSTAN PA NA, MTHUN DPE LA YOD PAR BSTAN PA DANG, TSUL DANG PO BSTAN PA'I SKABS SU RTAGS MTHUN DPE LA YOD PAR BSTAN PA GNYIS DGOS PA GZHAN MED PA'I LAN GNYIS BSTAN PA ZLOS SKYON YIN PA'I PHYIR, DER THAL, DGOS MED KYI LEGS SO LEGS SO BRJOD PA LTA BU YIN PA'I PHYIR, GNYIS PA GRUB STE, CHOS CAN GYI SGRAS MI MTHUN DPE BZUNG NA, TSUL DANG PO BSTAN PA NA, MI MTHUN DPE LA YOD PAR BSTAN DGOS PAS LDOG KHYAB BSTAN PA'I SGRAS, MI MTHUN PHYOGS MTHA' DAG LA MED PAR BSTAN PA'I PHYIR, DE GNYIS SGRA 'GAL BAR 'GYUR BA'I @161 PHYIR; ZHES PA'O, RANG LUGS KYIS, 'O NA, PHYOGS KYI SGRAS BSGRUB BYA BZUNG NA, RTAGS DE BSGRUB BYA MA GRUB PA BSGRUB PA'I PHYIR DU BSTAN PAS DE DANG 'GAL BA'I SKYON DANG, BSGRUB BYA'I CHOS BZUNG NA, RJES KHYAB BSTAN PA'I SGRA DANG BZLOS PA'I SKYON DU 'GYUR BA'I PHYIR, MTSUNGS SO ZHES PA'O, DES NA TSUL DANG PO 'CHAD PA NA, PHYOGS CHOS ZHES SMROS RIGS TE, SKYON MED PA'I PHYIR, DER THAL, PHYOGS CHOS ZHES PA'I PHYOGS SGRA BSGRUB BYAR SBYAR NA, RTAGS BSTAN PA'I SGRA DANG 'GAL TE, RTAGS BSTAN PA NA, BSGRUB BYA GRUB PA'I CHED DU BSTAN; PHYOGS CHOS ZHES PA'I PHYOGS DE BSGRUB BYAR BZUNG NA, BSGRUB BYA GRUB ZIN PAR BSTAN DGOS PAS 'GAL BA'I PHYIR, BSGRUB BYA'I CHOS BZUNG NA, RJES KHYAB BSTAN PA'I TSE BSGRUB BYA'I CHOS LA YOD PAR BSTAN LA, PHYOGS CHOS BRJOD PA'I TSE, BSGRUB BYA'I CHOS LA YOD PAR BSTAN DGOS NA, RGYU MTSAN DANG DGOS PA GZHAN MED PAS ZLOS SKYON DU 'GYUR BA'I PHYIR, 'O NA, SHES RAB SNYING PO DANG, 'JAM DPAL MTSAN BRJOD KYI NANG TSAN DU GYUR BA'I LEGS SO LEGS SO ZHES BRJOD PA'I SGRA CHOS CAN, SGRA ZLOS PA'I SKYON YIN PAR THAL, 'DOD MI NUS TE SANGS RGYAS KYI GSUNG YIN PA'I PHYIR, YANG, PHA MA GSOD BYAR YIN ZHES PA DANG SROG GCOD SPANG DGOS ZHES PA GNYIS SGRA 'GAL BA'I SKYON YIN PAR THAL, 'DOD MI NUS TE, SANGS RGYAS KYI GSUNG YIN PA'I PHYIR ZHE NA, MI 'DRA STE, SANGS RGYAS KYI YI GE NA GCIG GSUNG PA YIN NA YANG DGOS PA RE YOD PA'I PHYIR RO, BYAS PA MI RTAG PA KHO NA LA YOD PAR GRUB NA, BYAS PA BUM PA LA YOD PAR GRUB MI DGOS TE, BYAS PA'I RTAGS KYIS BUM PA MI RTAG PAR SGRUB PA'I RJES KHYAB GRUB NA, BSGRUB BYA GRUB MI DGOS PA'I PHYIR, MTHUN PHYOGS KHO NA LA YOD PAR GRUB NA, MTHUN DPE LA YOD PAR GRUB PA KHAS LEN YANG, @162 MTHUN DPE BUM PA LA YOD PAR GRUB PAS KHYAB PA SU YIS KHAS BLANG YOD DAM DPYAD PAR BYA'O, ,TSAD MA KUN BTUS KYI TSIG ,RJES DPAG BYA DANG DE MTSUNGS LA, , YOD DANG MED LA MED PA'O, ,ZHES BYUNG LA, YOD DANG MED LA MED PA NI, NGES PA, ZHES PA DE, 'GYUR GZHAN ZHIG LAS BYUNG BA YIN NAM DPYAD PAR BYA, MDOR NA, GTAN TSIGS KYI MTSAN NYID 'CHAD PA'I SKABS SU, RTZOD GZHI LA CHOS CAN GYI SGRAS SMOS NA GONG GSAL GYI SKYON MANG LA, PHYOGS KYI SGRAS SMOS NA SKYON MED PA DANG, SKYON BRJOD PAR BYAS KYANG, BDE BLAG TU SPONG BAR NUS SO, RTAGS YANG DAG LA GSUM DU DBYE BA NI, 'BRAS RANG MA DMIGS PA GSUM MO, BSGRUB BYA GANG SGRUB PA'I CHA NAS RTAGS SU 'JOG LA, BSGRUB BYA YANG DGAG PA DANG, SGRUB PA GNYIS LAS, BSGRUB BYA SGRUB PA SGRUB PA'I RTAGS LA, GANG BZUNG RGYU'I SGRUB BYA'I CHOS DANG, GANG BZUNG RGYU'I RTAGS GNYIS NGO BO THA DAD RGYU 'BRAS YIN PA DE 'BRAS RTAGS DANG, GANG DU BZUNG RGYU'I RTAGS CHOS GNYIS RANG BZHIN GCIG PA DE LA RANG BZHIN GYI RTAGS DANG, BSGRUB BYA DGAG PA, SGRUB PA DE LA MA DMIGS PA'I RTAGS SU BZHAG YANG NA, RTAGS KYI BSGRUB BYA LA DGAG SGRUB GNYIS SU NGES LA, SGRUB PA GO BAR BYAS PA LA'ANG BSGRUB BYA'I CHOS DANG NGO BO THA DAD DANG THA MI DAD GNYIS SU NGES PAS DANG PO LA 'BRAS BU RTAGS SU 'JOG NA DPYAD GZHI CUNG ZAD YOD DE, DU BA DE DU LDAN LA LA ME YOD PAR SGRUB PA'I SGRUB BYA'I CHOS DANG NGO BO THA DAD DANG DE'I 'BRAS BU YIN PAR THAL, 'DOD NA, RTAGS DE'I DNGOS KYI BSGRUB BYA'I CHOS DU BA'I RGYU YIN PAR THAL, 'DOD NA, DON BYED NUS PA YIN PAR THAL LO, 'DOD MI NUS TE, BSGRUB BYA'I CHOS RTAG PA YIN PA TSAD MA'I GZHUNG GI SPYI SKAD YIN PA'I PHYIR, YANG DU BA'I RTAGS KYIS DU LDAN LA LA ME YOD PAR BSGRUB PA'I DNGOS KYI BSGRUB BYA'I CHOS RTAG PA YIN KYANG, DU BA DE GANG @163 BZUNG RGYU'I DNGOS KYI BSGRUB BYA'I CHOS DANG NGO BO THA DAD YIN PAS SKYON MED ZER NA, 'O NA, DU BA CHOS CAN, ME YOD PA DANG NGO BO THA DAD YIN PAR THAL, BSAM DON DE'I PHYIR, 'DOD NA, ME YOD PA DANG NGO BO THA DAD PA'I 'BREL BA GRUB PA THAL LO, ,'DOD MI NUS TE, ME YOD PA RTAG PA YIN PA'I PHYIR, GZHAN YANG DU LDAN GYI LA LA CHOS CAN, ME YOD DE, DU BA YOD PA'I PHYIR, ZHES PA'I RTAGS DE, 'BRAS BU'I RTAGS MA YIN PAR THAL, RANG BZHIN GYI RTAGS YIN PA'I PHYIR, DER THAL, BSGRUB BYA'I CHOS DANG NGO BO THA MI DAD PA'I RTAGS YIN PA'I PHYIR YANG SKYON MED DE, GZUNG RGYU'I BSGRUB BYA'I CHOS DANG NGO BO THA MI DAD PA LA; RANG BZHIN GYI RTAGS ZER NA, DU BA CHOS CAN, DU LDAN GYI LA LA ME YOD PAR SGRUB PA'I RANG BZHIN GYI RTAGS YIN PAR THAL, GANG DU BZUNG RGYU BSGRUB BYA'I CHOS ME YOD PA DANG NGO BO THA MI DAD PA'I PHYIR, 'DOD MI NUS TE, DE SGRUB KYI 'BRAS RTAGS YIN PA'I PHYIR TE, DE SGRUB KYI RGYU DNGOS SGRUB KYI 'BRAS RTAGS YIN PA'I PHYIR TE, 'BRAS RTAGS LNGA YOD PA'I PHYIR, GANG BZUNG RGYU'I ME YOD PA DE, DE SGRUB KYI DNGOS KYI BSGRUB BYA'I CHOS YIN PAR THAL, ME MED PA DE SGRUB KYI DNGOS KYI DGAG BYA'I CHOS YIN PA'I PHYIR, KHYAB STE, GANG BZUNG RGYU'I SGRUB CHOS DGAG CHOS GNYIS DNGOS 'GAL YIN DGOS PA'I PHYIR, ME MED PA DE SGRUB KYI DGAG BYA'I CHOS MA YIN GYI, ME MA YIN PA DE SGRUB KYI DNGOS KYI DGAG BYA'I CHOS YIN ZER NA, 'O NA, DU LDAN LA'I STENG DU ME MA YIN PA KHEGS PAR THAL, ME MA YIN PA DE SGRUB KYI DGAG BYA'I CHOS YIN PA'I PHYIR, DER THAL, DGAG BYA'I CHOS MA KHEGS PAR BSGRUB BYA'I CHOS 'GRUB MI NUS PA'I PHYIR, 'DOD NA, LA'I STENG DU DU BA KHEGS PAR THAL, ME MA YIN BA KHIGS PA'I PHYIR, KHYAB STE, KHYAB BYED BKAG NA, KHYAB BYA KHEGS DGOS PA'I PHYIR, 'DOD MI NUS TE, @164 LA'I STENG DU DU BA YOD PA'I PHYIR TE, RTAGS DE'I PHYOGS CHOS GRUB PA'I PHYIR, GZHAN YANG, ME YOD PA DE SGRUB KYI BSGRUB BYA'I CHOS YIN PAR THAL, LA'I ME YOD PA DE SGRUB KYI BSGRUB BYA YIN PA'I PHYIR, ME YOD PA DE SGRUB KYI BSGRUB BYA'I CHOS MIN NA, DU LDAN LA'I ME YOD PA CHOS DANG CHOS CAN GYI TSOGS DON 'JOG MI THUB PA'I PHYIR, RTAGS DE'I DNGOS KYI BSGRUB BYA'I CHOS LA ME TZAM BZHAG NA, ME MA YIN PA DGAG BYA'I CHOS SU MI 'DOD BZHIN DU KHAS LEN DGOS PAS GONG GI SKYON RNAMS 'JUG ME YOD PA BZHAG NA, DU BA YOD PA RTAGS SU 'JOG DGOS TE MTSUNGS PA'I PHYIR, 'JOG NA, ME YOD DANG DU YOD GNYIS RANG BZHIN GCIG PAS RTAGS DE RANG BZHIN GYI RTAGS YANG DAG YIN DGOS SNYAM STE DPYAD PAR BYA'O, DES NA DU LDAN GYI LA LA CHOS CAN, ME YOD DE DU BA YOD PA'I PHYIR, ZHES BKOD PA NA, ME YOD DANG, DU YOD RTAGS CHOS BZUNG BA DE LA RANG BZHIN GYI RTAGS DANG, ME DU GNYIS RTAGS CHOS SU BZUNG BA DE LA, 'BRAS RTAGS SU KHAS LEN DGOS PAR 'GYUR BAS 'JOG DKA' BA'O, YANG DU LDAN GYI LA CHOS CAN, GRANG REG GI STONG BA'I ME YOD DE, DU BA YOD PA'I PHYIR, ZHES PA'I RTAGS DE 'BRAS RTAGS DANG, RANG BZHIN GYI RTAGS GANG YIN DPYAD, RTAGS SU DU BA NYID BZUNG BA YIN NA, BSGRUB BYA'I CHOS SU'ANG ME NYID BZUNG DGOS PAS DE LTAR NA ME MA YIN PA DGAG BYA'I CHOS SU BZUNG DGOS SHING DE LTAR BZUNG NA GONG DU BSHAD PA'I SKYON 'JUG LA, ME YOD PA BSGRUB BYA'I CHOS YIN NA, DU BA YOD PA'ANG RTAGS SU CIS MI 'JOG STE MTSUNGS PA'I PHYIR, 'JOG NA ME YOD DANG DU YOD GNYIS RANG BZHIN GCIG PAS RTAGS DE RANG BZHIN GYI RTAGS SU BZHAG CHOG STE, GANG BZUNG RGYU'I RTAGS CHOS GNYIS RANG BZHIN GCIG YIN PA'I PHYIR, YANG, DU LDAN LA LA CHOS CAN, GRANG REG GI STONG PA'I ME YOD DE, DU BA YOD PA'I PHYIR, ZHES PA'I RTAGS DE, @165 'BRAS RTAGS DANG, MA DMIGS PA'I RTAGS GANG YIN, 'BRAS RTAGS YIN NA SGRUB RTAGS YIN DGOS PAS, GRANG REG GI STONG PA'I ME DGAG PA YIN PA'I PHYIR; MA DMIGS PA'I RTAGS YIN NA DGAG RTAGS YIN DGOS PAS, 'BRAS RTAGS MA YIN DGOS, DU BA ME'I 'BRAS BU YIN PA BZHIN DU, GRANG REG GI STONG BA'I ME'I 'BRAS BU'ANG YIN PA'I PHYIR, 'BRAS RTAGS YANG DAG BSHAD PA LA RANG 'GREL GYI DVOGS PA LNGA BKOD PA DE LA, ME LAS DU BA SKYA BO SKYE BAR MTHONG BAS SKYA BO ME GO BYED YIN PAR THAL, 'DOD MI NUS TE, ME LOG PAS SKYA BO LOG PA MA NGES PA'I PHYIR ZHES BKOD PA LA, ME LAS DU BA SKYA BO SKYE BAR MTHONG NAS; DU BA SKYA BO ME GO BYED DU THAL ZER NA 'DOD PA YIN LA, SKYA BO ME GO BYED DU THAL ZER NA MI 'DOD CES PA'O, ,ME LAS DU BA SKYA BO SKYES KYANG, ME LAS SKYA BO MI SKYED PA KHAS LEN DGOS, SHAR PHYOGS KYI ZHING LAS RANG 'BRAS MYU GU SKYES KYANG MYU GU MI SKYE BAR KHAS LEN DGOS, BYAMS PA'I MA LAS BU BYAMS PA SKYES KYANG BU MI SKYE BAR 'DOD DGOS PAS, 'JUG PA'I MCHOD BRJOD KYI SKABS SU NYAN RANG THUB DBANG LAS 'KHRUNGS PA LA SOGS PA MANG PO ZHIG YOD PA RNAMS DPYAD PAR BYA'O, DU BA YOD DUS ME 'GAGS, ME YOD DUS DU BA MA SKYES PAS ME DU GNYIS 'BREL BA JI LTAR GRUB ME'I DUS NA'ANG MA GRUB, DU BA'I DUS NA'ANG MA GRUB PA'I PHYIR ZHE NA, ME DU GNYIS KA CHA SHAS SU LDAN PA'I DUS NA DE GNYIS 'BREL BA GRUB PA'I PHYIR, 'O NA, ME DU GNYIS KA'I CHA SHAS SU LDAN PA'I DUS DER, ME DU GNYIS KA YOD PAR THAL, 'DOD NA, ME GRUB PA'I DUS YIN PAR THAL, 'DOD PA'I PHYIR ZER NA MA KHYAB, 'DOD NA, DU BA 'GAG DUS YIN PAR THAL LO,, YANG DE 'DRA BA'I DUS DE, ME DGAG DUS SU YOD PAR THAL, DU BA'I DUS SU YOD PA'I PHYIR, 'DOD MI NUS TE, DUS DE ME GRUB DUS YIN PA'I PHYIR ZER @166 NA MA KHYAB, RTAGS DER THAL, ME DU GNYIS KA'I GRUB DUS YIN PA'I PHYIR, DER THAL, ME DU GNYIS 'BREL BA GRUB DUS YIN PA'I PHYIR, KHYAB STE, ME DU RE RE'I DUS SU DE GNYIS KYI 'BREL BA MA GRUB PAR KHAS LEN PA'I PHYIR, YANG ME DU BZHIN DU MA BU GNYIS RGYU 'BRAS SU KHAS LEN DGOS PAS MA GRUB DUS BU MA SKYES; BU GRUB DUS MA MA 'GAG PA KHAS LEN DGOS, DE LTAR NA, MA BU LHAN CIG TU GNAS PA'I DUS MED PAR 'GYUR RO, ,YANG, MYU GU MYU GU'I SKAD CIG SNGA PHYI GSUM GA'I DUS SU YOD PAR 'DOD PAS, MYU GU SKAD CIG GNYIS PA'I DUS SU MYU GU 'DZIN PA'I MIG SHES GRUB DGOS LA, MYU GU SKAD CIG GNYIS PA'I DUS MYU GU 'GAGS PAR THAL, MYU GU 'DZIN PA'I MIG SHES GRUB ZIN PA'I PHYIR, MA KHYAB NA, RGYU 'BRAS YIN PA 'BUD, MA GRUB NA, MYU GU SKAD CIG DANG PO DANG, MYU GU 'DZIN PA'I MIG SHES SKAD CIG DANG PO GNYIS RGYU 'BRAS MA YIN PAR THAL, 'DOD NA, MYU GU 'DZIN PA'I MIG SHES SKAD CIG DANG PO'I DMIGS RKYEN MED PAR THAL LO, ,MYU GU DE, MYU GU 'DZIN PA'I MIG SHES KYI DMIGS RKYEN YIN NA, DE 'DRA MIG SHES SKAD CIG GNYIS PA LA MYU GU RANG 'DRA'I RNAM PA MA BSTAN PAR THAL, SKAD CIG NYID PHYIR 'DAS PA YI, ,DON MTHONG YOD PA MA YIN ZHING, ,ZHES GSUNGS PA'I PHYIR, SO SKYE DBANG SHES LA, DON RIG 'DAS PA, ZHES SMRAS PA'I DGOS PA YOD PA'I PHYIR, DA NI DKYUS LA 'JUG PAR BYA STE, RGYU 'BRAS LA BSKYED BYA SKYED BYED YOD KYANG, GO BYA GO BYED MI RUNG STE, DU BA'I RTAGS LAS ME GO BAR BYAS PA NA, ME DANG GRUB BDE RDZAS GCIG PA'I MI RTAG PA YANG GO BAR THAL, ME LAS SKYES PA BZHIN DU ME'I MI RTAG PA LAS KYANG SKYES PA'I PHYIR ZHES RTZOD PA'O, ,ME DE SO SKYE DBANG MNGON GYI SPYOD YUL YIN ZHING ME'I MI RTAG PA SO SKYE LA LKOG GYUR YIN PA'I PHYIR, ME LAS SKYES PA YIN PA'I RGYU MTSAN GYIS @167 ME GO BYED DU 'DOD MIN GYI ME MA YIN PA LAS LOG PA SOGS ME LA YOD PA'I RANG BZHIN JI SNYED CIG YOD PA THAMS CAD MED NA MI 'BYUNG BA'I 'BRAS BU DU BA LTA BU NI DU LDAN LA'I STENG DU ME GO BYED KYI RTAGS YANG DAG YIN ZHES PA'I DON YIN, RANG BZHIN GYI RTAGS YANG DAG BSHAD PA LA, SGRUB RTAGS GANG ZHIG LA GANG DU BZUNG RGYU'I RTAGS CHOS NGO BO GCIG PA DE, RANG BZHIN GYI RTAGS YANG DAG YIN, BYAS MI RTAG GNYIS NGO BO GCIG YIN PAR BSTAN, DE GNYIS NGO BO GCIG YIN TSUL, BYAS MI RTAG GNYIS MING SO SO BA TZAM MA GTOGS DON LA MI 'DRA BA MED PA STE, BYAS PA YOD TZAM DU SKYES PA'I RGYU'I NUS PA THOGS MED DE NYID MI RTAG PA YOD TZAM DU BSKYED PA'I RGYU BYED PA GCIG SHOS LA'ANG MTSUNGS PA'I PHYIR, YOD TZAM ZHES PAS PHYIS BYUNG GI RGYU LA RAG LAS PA BCAD DE, DPER NA, SA BON MYU GU'I NGO BOR 'GYUR BA LA CHU LUD SOGS KYI RKYEN LA LTOS KYI RANG GRUB TZAM NAS MYU GU'I NGO BOR MI 'GYUR BA BZHIN NO, SKABS 'DIR BYAS MI RTAG NGO BO GCIG YIN PA'I RGYU MTSAN SKYED BYED KYI RGYU PHAR YIN TSUR YIN BKOD PA LTA BU ZHIG SNANG YANG DE TZAM GYI NGO BO GCIG YIN PAR 'JOG MI NUS TE, MA GCIG LAS SKYES PA'I PHRU GU DU MA DANG, SHING GI SDONG PO GCIG LAS SKYES PA'I YAL GA DU MA, LAS GCIG LAS SKYES PA'I RNAM SMIN DU MA RNAMS NGO BO GCIG YIN PAR THAL BA SOGS KYI NYES PA DU MA 'BYUNG BA'I PHYIR; YANG NYER LEN GYI RGYU GCIG LAS SKYES PA ZER NA, SA BON 'BRU GCIG LAS 'BRAS BU'I 'BRU BRGYA THAM PA SKYES PA MNGON SUM GYIS GRUB PAS, 'BRAS BU DE DAG NGO BO GCIG YIN PAR THAL, NYER LEN GCIG LAS SKYES PA'I PHYIR, DES NA, BLA MA SANGS RGYAS THAMS CAD KYI NGO BO YIN ZHES PA DANG, BLA MA YI DAM NGO BO GCIG YIN ZHES PA DANG, BYAS MI RTAG NGO BO GCIG YIN ZHES PA RNAMS GO DON MI 'DRA STE, BYAS MI RTAG GNYIS DNGOS MING SO SO NAS YOD PA DANG SGRA RTOG THA DAD @168 PA'I YUL DU GRUB KYANG SO SKYE MNGON SUM LA RDZAS SO SO NAS 'CHAR RGYU MED PA'O,, BUM PA DANG MI RTAG PA GNYIS NGO BO GCIG YIN PA NI BUM PA RANG NYID GRUB TZAM NAS 'JIG PA'I NGO BO GRUB PA LA BYED KYI, BDEN GNYIS NGO BO GCIG YIN TSUL YANG, DON GCIG LA BLOS 'JAL TSUL GYIS DBANG GYI KUN RDZOB PA'I NGO BO DANG, DON DAM PA'I NGO BO GNYIS BYUNG NGO, ,RGYU GCIG LAS BSKYED DGOS PA MIN, BUM PA SNANG TZAM NAS MNGON GSUM DE LA MI RTAG PA SNANG BA STE, BLO DE LA BUM PA SNANG TSUL LAS LOGS SU MI RTAG PA SNANG TSUL MED PA'I PHYIR, RANG BZHIN GYI RTAGS YANG DAG GI MTSAN NYID NI, KHYOD DE SGRUB KYI SGRUB RTAGS YANG DAG GANG ZHIG KHYOD KYI RTAGS KYI DNGOS KYI BSGRUB BYA'I CHOS DANG KHYOD GNYIS BDAG NYID GCIG PA DE YIN, DE LA DBYE NA, KHYAD PAR LTOS PA BA'I RANG BZHIN GYI RTAGS DANG, KHYAD PAR DAG PA BA'I RANG BZHIN GYI RTAGS GNYIS YOD, RTZOL BYUNG ZHES PA'I SGRAS, SKYES BU'I RTZOL BA DNGOS SU BRJOD PA DANG, BYAS PA ZHES PA'I SGRAS BYED PA PO SHUGS LA 'PHEN, DNGOS PO ZHES PA'I SGRAS, DNGOS ? SHUGS GANG LA'ANG BYED CHOS MA 'PHEN NO, ,DNGOS PO ZHES PA'I SGRAS, BYED CHOS 'PHEN PAR THAL, DON BYED NUS PA 'PHEN PA'I PHYIR ZER NA, MA KHYAB STE, MTSON BYA YIN TSAD RANG BRJOD PA'I SGRAS, RANG GI MTSAN NYID 'PHEN DGOS PA'I PHYIR, DE TZAM GYIS RANG GI BYED CHOS 'PHEN PA GA LA 'JOG DNGOS POR YOD PA CHOS CAN, SGRA MI RTAG PAR SGRUB PA'I KHYAD PAR DAG PA BA'I RANG BZHIN GYI RTAGS YIN PAR THAL, ,'JIG LA 'BRAS DANG YOD NYID BZHIN, ,ZHES GSUNG PA'I PHYIR ZER NA MA KHYAB, 'DOD MI NUS TE, DNGOS PO YOD PA ZHES PA'I SGRAS YOD PA DNGOS SU 'PHEN PA'I PHYIR; DER THAL, BDAG MED YOD PA YOD PA ZHES PA'I SGRAS, RTAGS SLA, 'JIG LA 'BRAS DANG YOD NYID BZHIN, ,ZHES PA DANG MI 'GAL TE, DNGOS PO ZHES PA'I SGRA, YANG BA'I DBANG DU BYAS NA YOD PA LA 'JUG DOG PA'I DBANG DU @169 BYAS NA 'DUS BYAS LA 'JUG PAS 'DIR YOD PA ZHES PA DNGOS PO LA GO DGOS, RTAGS BKOD PA'I TSE, SGRA CHOS CAN, MI RTAG STE, DNGOS PO YIN PA'I PHYIR ZHES BKOD NA BDE'O, ,MA DMIGS PA'I RTAGS BSHAD PA LA, MA DMIGS PA'I RTAGS YANG DAG GI MTSAN NYID NI, DE SGRUB KYI RTAGS YANG DAG GANG ZHIG KHYOD KYI RTAGS KYI DE SGRUB KYI DNGOS KYI BSGRUB BYA'I CHOS SU BZUNG BYA YANG YIN, DGAG PA YANG YIN PA'I GZHI MTHUN SRID PA DE YIN, DE LA DBYE NA MI SNANG BA MA DMIGS PA DANG, SNANG RUNG MA DMIGS PA DANG GNYIS YOD, MI SNANG BA MA DMIGS PA'I RTAGS YANG DAG GI MTSAN NYID NI, KHYOD MA DMIGS PA'I RTAGS YANG DAG GANG ZHIG DE SGRUB KYI DGAG BYA'I CHOS SU BTAGS PA'I DON DE PHYIR RGOL GYI MNGON SUM LA SNANG DU MI RUNG BA DE YIN, DE LA DBYE NA BZHI YOD PA LAS MI SNANG BA RGYU MA DMIGS PA'I RTAGS DE, RTAGS LOG CHOS LOG GNYIS RGYU 'BRAS YIN NAM MIN, YIN NA, SHA ZA BSKAL DON DU SONG BA'I GANG ZAG GI RGYUD LA SHA ZA NGES BYED KYI DPYAD SHES DANG, TSAD MA GNYIS YOD PAR THAL, DE GNYIS RGYU 'BRAS YIN PA'I PHYIR, 'DOD NA SLA, RGYU 'BRAS MIN NA RGYU MA DMIGS PAR 'GRO LUGS JI LTAR YIN, DPER NA, ME MED MTSAN ME'I RGYA MTSO NA CHOS CAN, DU BA MED DE, ME MED PA'I PHYIR ZHES PA'I RTAGS DE'I RTAGS LOG CHOS LOG GNYIS RGYU 'BRAS YIN PA LTA BU'O, ,YANG, RTAGS LOG CHOS LOG RGYU 'BRAS YIN TE; SHA ZA NGES BYED KYI TSAD MA DANG, SHA ZA NGES BYED KYI DPYAD SHES GNYIS RGYU 'BRAS YIN PA'I PHYIR ZER NA, 'O NA, SHA ZA NGES BYED KYI TSAD MA MED PA DE RGYU MA DMIGS PA'I RTAGS YIN PAR THAL, 'DOD PA'I PHYIR, 'DOD NA, SHA ZA NGES BYED KYI TSAD MA MED PAR THAL, 'DOD NA, SHA ZA MED PAR THAL, 'DOD MI NUS TE, SPYIR SHA ZA YOD PA'I PHYIR, DER THAL, DGAG BYA'I CHOS SU @170 BTAGS PA'I DON DE SPYIR YOD DE YOD KYANG SKABS KYI PHYIR RGOL LA SNANG DU MI RUNG BA YIN PA'I PHYIR, DES NA, SHA ZA NGES BYED KYI TSAD MA DANG, SHA ZA NGES BYED KYI DPYAD SHES GNYIS RGYU 'BRAS YIN YANG, RTAGS DE'I RTAGS LOG CHOS LOG MIN, SHA ZA BSKAL DON DU SONG BA'I GANG ZAG GI RGYUD LA SHA ZA NGES BYED KYI DPYAD SHES DNAG, DE'I RGYUD LA SHA ZA DMIGS BYED KYI TSAD MA GNYIS RTAGS LOG CHOS LOG YIN NA'ANG RGYU 'BRAS MA YIN PAS, RTAGS DE RGYU MA DMIGS PA DANG, 'BREL ZLA MA DMIGS PAR SONG TSUL DPYAD DO, YANG SHA ZA NGES PA'I DPYAD SHES RGYUD LA GRUB MA THAG PA'I GANG ZAG GI RGYUD LA SHA ZA DMIGS BYED KYI TSAD MA 'GAG GAM MA 'GAG 'GAG NA, GANG ZAG DE'I RGYUD LA SHA ZA NGES PA'I DPYAD SHES MED PAR THAL, SHA ZA DMIGS BYED KYI TSAD MA MED PA'I PHYIR, KHYAB STE, ME SNANG BA MA DMIGS PA'I RTAGS KYI KHYAB PA JI LTAR 'GRUB, MA GRUB NA, SHA ZA DMIGS BYED KYI TSAD MA CHOS CAN, RANG GI 'BRAS BU GRUB MA THAG PA'I DUS NA 'GAG PAR THAL; 'DUS BYAS YIN PA'I PHYIR, KHYAB BYED MA DMIGS PA'I RTAGS LA, MDUN GYI GZHI 'DIR CHOS CAN, SHA ZA BSKAL DON DU SONG BA'I GANG ZAG GIS SHA ZA YOD CES DAM BCA' MI RIGS TE, SHA ZA DMIGS BYED KYI TSAD MA MED PA'I PHYIR ZER NA GONG DU BSHAD PA'I RIGS PA'I GNOD BYED DU BABS, SHA ZA YOD CES DAM BCA' MI RIGS TE, GANG ZAG DES SHA ZA TSAD MAS MA DMIGS PA'I PHYIR ZHES BKOD NA 'GRIG SNYAM, 'O NA, SHA ZA BSKAL DON DU SONG BA'I GANG ZAG GIS SHA ZA YOD CES DAM BCA' MI RIGS TE, GANG ZAG DES SHA ZA TSAD MAS MA DMIGS PA'I PHYIR, ZHES PA'I RTAGS DE, KHYAB BYED MA DMIGS PA YIN NA, SHA ZA NGES PA'I DPYAD SHES RGYUD LA GRUB MA THAG PA'I GANG ZAG CHOS CAN, SHA ZA YOD CES DAM BCA' MI RIGS PAR THAL, GANG ZAG DES SHA ZA TSAD MAS MA DMIGS @171 PA'I PHYIR, DER THAL, GANG ZAG DE'I RGYUD LA SHA ZA NGES PA'I TSAD MA MED PA'I PHYIR ZER NA MA KHYAB, RTAGS DE DAG 'GOD PA'I SKABS SU, SNGA RGOL PHYI RGOL DANG SHA ZA BSKAL DON DU SONG BA'I GANG ZAG RNAMS GANG YIN ZHE NA PHYI RGOL YANG DAG DE SHA ZA BSKAL DON DU SONG BA'I GANG ZAG YIN TE, SHA ZA NYID DGAG BYA'I CHOS SU BTAGS PA'I DON LA BZHAG PA'I RGYU MTSAN YOD PA'I PHYIR, SKABS KYI PHYIR RGOL DES, MDUN GYI GZHI 'DIR SHA ZA BSKAL DON DU SONG YANG, SPYIR SHA ZA BSKAL DON MIN PA'ANG MI RIGS TE, GANG ZAG DES SPYIR SHA ZA BSKAL DON DU SONG BA'I PHYIR, MDUN GYI GZHI 'DIR SHA ZA BSKAL DON DU SONG BA'I GANG ZAG DE; SPYIR SHA ZA BSKAL DON SONG BAR KHAS LEN RIGS PA'I PHYIR, DON GYI RTAGS LA SBYAR NA, MDUN GYI GZHI 'DIR KUN MKHYEN BSKAL DON DU SONG BA'I NANG PA'I GANG ZAG DES, KUN MKHYEN YOD CES DAM BCA' MI RIGS PAR THAL, KUN MKHYEN TSAD MAS MAS MA NGES PA'I PHYIR, 'DOD NA, GANG ZAG DES DKON MCHOG GSUM YOD PAR DAM BCA' MI RIGS PAR THAL, 'DOD NA, DKON MCHOG GSUM SKYABS GNAS YANG DAG TU KHAS LEN MI RIGS PAR THAL LO, DE BZHIN DU TSAD MA'I SKYES BU DANG LAS 'BRAS, NGAN 'GRO BA SOGS LA'ANG RIGS 'GRE, RANG LUGS LA, TSAD MA RNAMS NI ZHES PA DE LUNG GI TSAD MA'ANG 'DUS PAR GSUNGS PA'I DE LA BSAM NA GO BA RNYED, NYER LEN GYI PHUNG PO CHOS CAN, GANG ZAG GI BDAG TU MED DE, YANG GANG ZAG GI BDAG TU TSAD MAS MA DMIGS PA'I PHYIR ZHES PA'I RTAGS DE SNANG RUNG MA DMIGS PA DANG, DGAG BYA'I CHOS DE YOD KYANG PHYIR RGOL LA SNANG MI RUNG BAR BZHAG PA LA, DE 'DRA BA'I RTAGS DE CHOS CAN; MI SNANG BA MA DMIGS PA'I RTAGS YIN PAR THAL, MTSAN NYID DE'I PHYIR, SNANG RUNG MA DMIGS PA YIN ZER NA, DE CHOS CAN, DE SGRUB KYI PHYIR RGOL LA DE @172 SGRUB KYI DGAG BYA'I CHOS SNANG DU RUNG BAR THAL, 'DOD PA DE'I PHYIR, 'DOD NA, PHYIR RGOL DE LA GANG ZAG GI BDAG SNANG DU RUNG BAR THAL, 'DOD NA, PHYIR RGOL DE; GANG ZAG GI BDAG MED TSAD MAS NGES PAR THAL ZHES PA'O, DE 'DRA'I RTAGS DE, MI SNANG BA MA DMIGS PA'I RTAGS SU KHAS LEN CHOG SNYAM DU DVOGS SO; ;SNANG RUNG MA DMIGS PA'I RTAGS BSHAD PA LA, MA DMIGS PA'I RTAGS GANG ZHIG DE SGRUB KYI DGAG BYA'I CHOS SU BTAGS PA'I DON DE YOD NA, SKABS KYI PHYIR RGOL LA SNANG DU RUNG BA DE, SNANG RUNG MA DMIGS PA'I RTAGS KYI MTSAN NYID, DE LA 'BREL ZLA SNANG RUNG DANG, 'GAL ZLA SNANG RUNG GNYIS, SNANG RUNG GI RTAGS GANG ZHIG DE SGRUB KYI DGAG BYA'I CHOS SU BTAGS PA'I DON DE'I 'BREL ZLA BKAG PA RTAGS SU SBYAR BA DE, SNANG RUNG GI 'BREL ZLA MA DMIGS PA'I RTAGS KYI MTSAN NYID, DE LA BZHI YOD, SNANG RUNG GI 'BREL ZLA MA DMIGS RTAGS GANG ZHIG DGAG BYA'I CHOS SU BTAGS PA'I DON DE'I RGYU BKAG PA RTAGS SU SBYAR BA, SNANG RUNG GI RGYU MA DMIGS PA'I RTAGS KYI MTSAN NYID, DE GANG ZHIG DGAG BYA'I CHOS SU BTAGS PA'I DON DE'I KHYAB BYED BKAG PA RTAGS SU SBYAR BA; SNANG RUNG GI KHYAB BYED MA DMIGS PA'I RTAGS KYI MTSAN NYID, DE GANG ZHIG DGAG BYA'I CHOS SU BTAGS PA'I DON DE'I RANG BZHIN BKAG PA RTAGS SU SBYAR BA, SNANG RUNG GI RANG BZHIN MA DMIGS PA'I RTAGS KYI MTSAN NYID, DE GANG ZHIG DGAG CHOS SU BTAGS PA'I DON DE'I DNGOS 'BRAS BKAG PA RTAGS SU SBYAR BA, DNGOS 'BRAS MA DMIGS PA'I RTAGS KYI MTSAN NYID, MTSAN GZHI RIM PA BZHIN, ME MED MTSAN MO'I RGYA MTSOR CHOS CAN, DU BA MED DE, ME MED PA'I PHYIR, SHING MED PA'I BRAG RDZONG NA CHOS CAN, SHA PA MED DE, SHING MED PA'I PHYIR, BUM PA TSAD MAS MA DMIGS PA'I SA PHYOGS NA CHOS CAN, BUM PA MED DE, BUM PA TSAD @173 MAS MA DMIGS PA'I PHYIR, DU BA MED PA'I SA PHYOGS NA CHOS CAN, DU BA'I DNGOS RGYU MED DE, DNGOS 'BRAS DU BA MED PA'I PHYIR, ZHES PA'O, RTAGS PHYI MA DE LA DPYAD GZHI YOD DE, RTAGS DE 'BREL ZLA MA DMIGS PA YIN PAS, DGAG BYA'I CHOS KYI 'BREL ZLA BKAG PA RTAGS SU SBYAR BA DGOS TE, 'BREL ZLA MA DMIGS PA'I RTAGS KYI MTSAN NYID DE'I PHYIR, DGAG BYA'I CHOS KYI 'BREL ZLA BKAG PA RTAGS SU SBYAR BA YIN NA, DU BA CHOS CAN, DU BA'I DNGOS RGYU'I 'BREL ZLA YIN PAR THAL, 'DOD NA, DU BA'I DNGOS RGYU DU BA DANG 'BREL BA THAL, 'DOD NA, DU BA'I DNGOS RGYU DU BA LA LTOS PAR THAL, 'DOD NA, DU BA'I DNGOS RGYU DU BA'I 'BRAS BU YIN PAR THAL, DU BA LA DON GZHAN PA'I TSUL GYIS LTOS PA'I PHYIR; KHYAB STE, RTZA BAR, LTOS PHYIR 'BRAS BU NYID DU BRJOD, CES GSUNGS PA'I PHYIR DANG, DON GZHAN GYI BRTEN BRTEN PA LA RGYU 'BRAS MA GTOGS MED PAR YANG NAS YANG DU GSUNGS PA'I PHYIR, DU BA'I DNGOS RGYU DU BA DANG MA 'BREL NA, DNGOS 'BRAS MA DMIGS PA'I RTAGS DE CHOS CAN, 'BREL BA RANG DBANG CAN GYI RTAGS YIN PAR THAL, DU BA DU BA'I DNGOS RGYU DANG 'BREL YANG, DU BA'I DNGOS RGYU DU BA DANG MA 'BREL BA'I PHYIR, KHYAB STE, RGYU DANG KHYAB BYED MA DMIGS PA GNYIS 'BREL BA RANG DBANG CAN GYI RTAGS SU BZHAG PA'I RGYU MTSAN YOD PA'I PHYIR, DER THAL; 'BREN BA RANG DBANG CAN GYI RTAGS LA RGYU KHYAB BYID MA DMIGS PA GNYIS SU NGES PA'I PHYIR, MA GRUB NA, DE LTAR MI DMIGS 'DI RNAM GSUM, ZHES PA'I THAD KYI 'GREL PAR DE LTAR GSUNGS PA'I PHYIR, DES NA, DU BA'I DNGOS RGYU DU BA DANG 'BREL BAR KHAS LEN PA DANG, MA 'BREL BAR KHAS LEN PA GNYIS YOD CING GNYIS KA LA'ANG SGRUB BYED KYI LUNG RIGS PA DU MA YOD DE, KHO BO'I RNAM RTOG LA 'CHAR TSUL NI 'JUG PA LAS, SKYE BA DE NI BYED PO MED PAR RIGS PA'I @174 NGO BO'ANG MIN, CES GSUNGS PA LTAR, MYU GU SKYE BZHIN PA'I DUS SU MYU GU MED KYANG MYU GU'I SKYE BA'I BYA BA YOD PAS, BYA BA DE BYED PA PO MYU GU LA LTOS PA DANG, MYU GU'I KHYAD CHOS KYANG YIN PAS KHYAD GZHI MYU GU LA LTOS DGOS PA'I PHYIR, RGYU 'BRAS BU LA LTOS PAR KHAS LEN PA DE THAL 'GYUR BA'I KHYAD CHOS YIN PA SKABS 'DIR KHAS LEN PA MIN NAM SNYAM, THAL 'GYUR BAS SA BON MYU GU LA LTOS PA'ANG 'DOD KYANG, GZHAN RNAMS KYIS KHAS MI LEN NO, SNANG RUNG GI 'GAL ZLA DMIGS PA'I RTAGS LA SNANG RUNG GI RTAGS YANG DAG GANG ZHIG DE SGRUB KYI DGAG BYA'I CHOS SU BTAGS PA'I DON DE'I 'GAL ZLA DMIGS PA RTAGS SU SBYAR BA DE, SNANG RUNG GI 'GAL ZLA DMIGS PA'I RTAGS KYI MTSAN NYID, DBYE BA 'DOD TSUL LA DU MA ZHIG SNANG STE, BCU DRUG 'DOD PA DANG, BCU GNYIS 'DOD PA, DRUG TU 'DOD PA SOGS YOD KYANG, PHYI MA SDE BDUN GYI DGONGS PA YIN TE, RNAM 'GREL RANG 'GREL DANG, RNAM NGES, RIGS THIGS RNAMS LAS GSAL BAR GSUNGS PA'I PHYIR, DRUG NI, RANG BZHIN 'GAL DMIGS DANG, 'GAL 'BRAS DMIGS PA, RGYU 'GAL DMIGS, KHYAB BYED 'GAL DMIGS, 'BRAS BU 'GAL DMIGS, RGYU DANG 'GAL BA'I 'BRAS BU DMIGS PA 'O, MTSAN GZHI RIM PA BZHIN DU, ME STOBS CHEN POS KHYAB PAR NON PA'I SHAR GYI GZHIR CHOS CAN, GRANG REG RGYUN CHAGS SU GNAS PA MED DE, ME STOBS CHEN POS KHYAB PAR NON PA'I GZHI YIN PA'I PHYIR, ZHES BKOD PA DANG, SHAR PHYOGS KYI ME CHOS CAN, GRANG REG DANG GNOD MED DU LHAN CIG TU MI GNAS TE, ME YIN PA'I PHYIR ZHES BKOD PA'ANG YOD, DANG PO DE LA TSA BA CHOS CAN, GRANG BA MED PAR THAL BA DANG, LHO PHYOGS TSA BA DANG LDAN PA'I GZHIR CHOS CAN, BYANG PHYOGS NA KHYAG ROM MED PAR THAL, 'DOD NA, TSA DMYAL CHOS CAN, GRANG DMYAL MED @175 PAR THAL BA SOGS 'PHEN NO, GNYIS PA DE LA, GRANG REG DANG LHAN CIG TU ME RDUL PHRA MO YOD DAM MED, YOD NA, DE CHOS CAN, GRANG REG DANG GNOD MED DU LHAN CIG MI GNAS TE, ME YIN PA'I PHYIR, MED NA RDUL RDZAS BRGYAD BSDUS KYI GONG BU YOD DAM MED SOGS DPYAD, YANG GRANG REG DANG GNOD MED DU LHAN CIG GNAS PA'I ZAD PAR GYI ME MED PAR THAL, 'DOD NA, GRANG REG GI GO SAR ZAD PAR GYIS MES MA KHYAB PAR THAL, 'DOD NA, ZAD PAR GYI ME DE GZUGS CAN GYI GO SA THAMS CAD DU MA KHYAB PAR THAL LO, ZAD PAR GYI ME DE ME MA YIN NA TSA ZHING BSREG PA YIN NAM MIN, DANG PO LTAR NA, ME MA YIN PA 'BUD, PHYI MA LTAR NA, ZAD PAR GYI ME SPRUL PA'I DGOS PA MED PAR THAL LO, ZAD PAR GYI ME'I GO SAR CHU 'GOG PA MED PA'I PHYIR, ME STOBS CHEN POS KHYAB PAR NON PA'I SHAR GYI GZHIR CHOS CAN, KHA BA'I REG BYA RGYUN CHAGS SU GNAS PA MED DE, ME STOBS CHEN POS KHYAB PAR NON PA'I GZHI YIN PA'I PHYIR, ZHES PA KHYAB BYED 'GAL DMIGS DANG ME STOBS CHEN POS KHYAB PAR NON PA'I SHAR GYI GZHIR CHOS CAN, GRANG 'BRAS SPU LONGS BYED RGYUN CHAGS SU GNAS PA MED DE, ME STOBS CHEN POS KHYAB PAR NON PA'I GZHI YIN PA'I PHYIR, ZHES RGYU 'GAL DMIGS DANG; DU BA DRAG PHYUR BAS KHYAB PAR NON PA'I SHAR GYI GZHIR CHOS CAN, GRANG REG RGYUN CHAGS SU GNAS PA MED DE, DU BA DRAG PHYUR BAS KHYAB PAR NON PA'I GZHI YIN PA'I PHYIR, ZHES PA 'GAL 'BRAS DMIGS PA DANG, DU BA DRAG PHYUR BAS KHYAB PAR NON PA'I SHAR GYI GZHIR CHOS CAN, GRANG 'BRAS SPU LONG BYED RGYUN CHAGS SU GNAS PA MED DE, DU BA DRAG PHYUR BAS KHYAB PAR NON PA'I GZHI YIN PA'I PHYIR, ZHES PA RGYU DANG 'GAL BA 'BRAS BU DMIGS PA DANG, ME STOBS CHEN POS KHYAB PAR NON PA'I GZHIR CHOS CAN, GRANG RIG DNGOS RGYU NUS PA THOGS @176 MED MED DE, ME STOBS CHEN POS KHYAB PAR NON PA'I GZHI YIN PA'I PHYIR, ZHES PA DNGOS 'BRAS 'GAL DMIGS YIN NO, DON GYI RTAGS NI, BDAG MED MNGON SUM RTOGS PA'I SHES RAB DANG LDAN PA'I MTHONG LAM PA CHOS CAN, KHYED KYI RGYUD LA BDAG 'DZIN RGYUN CHAGS SU GNAS PA MED DE, BDAG MED MNGON SUM DU RTOGS PA'I GANG ZAG YIN PA'I PHYIR, ZHES SOGS RE RE NAS BKOD CHOG GANG ZAG GI BDAG 'DZIN LA GNOD PA NA DE'I 'BRAS BU SDUG BSNGAL GYI PHUNG PO LA GNOD TSUL GYIS RGYU 'GAL DMIGS SU BZHAG DGOS PAS BDAG MED MNGON SUM DU RTOGS PA'I MTHONG LAM PA'I RGYUD LA BDAG 'DZIN GYI 'BRAS BU SDUG BSNGAL GYI PHUNG PO MED PAR THAL, 'DOD MI NUS TE, SDUG BSNGAL BDEN PA YOD PA'I PHYIR, DER THAL, RGYUN ZHUGS SRID PA LAN BDUN PA BA'I RGYUD LA SDUG BSNGAL GYI PHUNG PO YOD PA'I PHYIR, YANG ME'I 'BRAS BU DU BA DRAG PHYUR BAS GRANG REG 'GOG NUS PA BZHIN DU, BDAG MED RTOGS PA'I SHES RAB KYI 'BRAS BUS KYANG, BDAG 'DZIN 'GOG PAR BZHAG DGOS TE, DPE DON MTSUNGS PA'I PHYIR, 'GOG PAR NUS NA, RTAGS GSAL GANG BKOD DPYAD PAR BYA'O, 'GAL DMIGS LA RTZOD PA SPANG BA LA, MES GRANG REG 'GOG PA LA RTZOD PA MED KYANG, ME'I 'BRAS BU DU BAS GRANG REG 'GOG PA LA RTZOD DE 'BRAS BUS GRANG REG 'GOG NUS NA ME'I RGYUS KYANG GRANG REG 'GOG NUS DGOS TE, ME'I RGYU 'BRAS GNYIS ME LA NYE RING MED PA'I PHYIR, DES NA BUD SHING DANG LDAN PA'I SHAR GYI GZHIR CHOS CAN, GRANG RIG RGYUN CHAGS SU GNAS PA MED DE, BUD SHING DANG LDAN PA'I GZHI YIN PA'I PHYIR, ZHES PA'ANG RANG BZHIN DANG 'GAL BA'I RGYU DMIGS PA'I RTAGS YANG DAG YIN PAR THAL ZHES PA'O, LAN LA BUD SHING DANG GRANG REG GNYIS LHAN CIG MI GNAS 'GAL MIN PAS, RTAGS DE 'KHRUL PA CAN GYI RTAGS YIN ZHES BSTAN NAS, RGYU 'GAL DMIGS DANG, RGYU @177 RGYU DANG 'GAL BA'I 'BRAS BU DMIGS PA GNYIS SHUGS LA 'PHANGS SO, RANG 'GREL GYIS GNYIS KHA BSKANGS PA NI, KHYAB BYED 'GAL DMIGS DANG, KHYAB BYED MA DMIGS PA GNYIS YIN PA 'GREL PAR BLTAS NA SHES, DNGOS 'BRAS 'GAL DMIGS DANG, DNGOS 'BRAS MA DMIGS PA GNYIS RNAM NGES SU GSUNGS, PHAN TSUN SPANG 'GAL LA BRTEN PA'I DGAG RTAGS LE'U GSUM PA DANG, RIGS THIGS LAS GSUNGS, DE LTAR NA SNANG RUNG MA DMIGS PA'I RTAGS LA BCU GCIG KHO NA 'DOD DO, TZAN DAN GYI MES GRANG REG 'GOG PA'I RTAGS YOD NA'ANG, RANG BZHIN 'GAL DMIGS KYI RTAGS SU 'DUS PA DANG MES GRANG REG 'GOG PA LAS TZAN DAN GYI MES GRANG REG 'GOG PA LOGS SU BGRANG MI DGOS PA'I PHYIR, RTAGS YANG DAG LA GSUM GRANGS NGES PA BSHAD PA LA, YANG DAG GI KHYAD PAR GSUM DU MA 'DUS PA DGAG PA LA RTZOD PA NI, RGYU LAS 'BRAS BU DPOG PA'I RTAGS YOD LA, GSUM DU MA 'DUS TE, RGYU RTAGS SU BKOD PAS 'BRAS RTAGS MA YIN, RTAGS CHOS RDZAS THA DAD PAS RANG BZHIN GYI RTAGS MA YIN, BSGRUB BYA'I CHOS DGAG PA MA BZUNG BAS MA DMIGS PA'I RTAGS MA YIN NO ZER NA, RGYU'I RTAGS LAS 'BRAS BU 'BYUNG RUNG BSGRUB PA YIN NAM, 'BYUNG NGES BSGRUB PA YIN, DANG PO LTAR NA GSUM DU MA 'DUS PA'I SKYON MED DO, RANG BZHIN GYI RTAGS YANG DAG YIN PA'I PHYIR TE; DPER NA, NAS SA CHU LUD DROD GSHER TSOGS PA TSANG BA'I SHAR GYI ZHING CHOS CAN; RANG 'BRAS NAS KYI MYU GU 'BYUNG RUNG STE, DE 'DRA'I TSOGS PA TSANG BA'I ZHING YIN PA'I PHYIR ZHES PA DE RTAGS CHOS RANG BZHIN GCIG YIN PA'I PHYIR, 'BYUNG NGES BSGRUB NA, KHYAB PA MA NGES PA STE, DE 'DRA'I ZHING NA, RANG 'BRAS NAS KYI MYU GU BSKYED PAS KHYAB PA MA NGES PA'I PHYIR, DER THAL, DE 'DRA'I ZHING LA MYU GU BSKYED PA LA GEGS BYED SRID PA'I PHYIR, NAS SA CHUD LUD DROD GSHER TSOGS PA TSANG @178 BA'I ZHING YIN NA, RANG 'BRAS NAS KYI MYU GU BSKYED NGES YIN PAS KHYAB ZER NA, 'O NA DE 'DRA'I KHYAB PA TSAD MAS NGES PAR THAL, 'DOD MI NUS TE, DE 'DRA'I KHYAB PA LA THE TSOM DANG BCAS PA YIN PA'I PHYIR, YANG, NAS SA CHUD LUD DROD GSHER TSOGS PA TSANG BA'I ZHING YANG YIN, RANG 'BRAS NAS KYI MYU GU MI SKYED PA'ANG YIN PA'I GZHI MTHUN YOD PAR THAL, NAS SA CHU LUD DROD GSHER TSOGS PA TSANG BA'I ZHING YIN NA; RANG 'BRAS NAS KYI MYU GU BSKYED NGES YIN PAS MA KHYAB PA'I PHYIR, 'DOD NA, MDUN GYI GZHI 'DIR SHA ZA'ANG YIN YOD PA'ANG YIN PA'I GZHI MTHUN YOD PAR THAL, 'DOD NA DE 'DRA'I GZHI MTHUN CHOS CAN, BSKAL DON MA YIN PAR THAL, YOD PA'I PHYIR, RTZA BAR MA GRUB NA, MA NGES PA NI NYID YIN TE, ZHES SOGS DANG 'GAL BA'I PHYIR, DE NA MDUN GYI GZHI 'DIR, SHA ZA YOD PA'ANG SRID MED PA'ANG SRID KYANG SHA ZA YOD PA KHAS LEN MI DGOS PA BZHIN DU, NAS SA CHU LUD DROD GSHER TSOGS PA TSANG BA'I ZHING DER RANG 'BRAS MYU GU BSKYED PA'ANG SRID MI SKYED PA'ANG SRID PAS ZHING DE DANG MYU GU MI SKYED PA'I GZHI MTHUN SRID PA TSAD MAS GRUB KYANG, GZHI MTHUN TSAD MAS GRUB MI DGOS, YANG DE 'DRA'I GZHI MTHUN YOD PAR THAL, DE 'DRA GZHI MTHUN SRID PA'I PHYIR TE, DE 'DRA'I GZHI MTHUN SRID PA YOD PA'I PHYIR ZER NA MA KHYAB, DE 'DRA'I GZHI MTHUN YOD PA SRID KYANG GZHI MTHUN KHAS LEN MI DGOS TE, MDUN GYI GZHI 'DIR SHA ZA YOD PA SRID KYANG, MDUN GYI GZHI 'DIR SHA ZA SRID PAR KHAS LEN MI DGOS PA'I PHYIR, YANG SKAD CIG GNYIS PAR SA BON BYA ROG GIS 'DON PAR NGES PA'I NAS SA CHU LUD DROD GSHER TSOGS PA TSANG BA'I ZHING DE CHOS CAN, RANG 'BRAS NAS KYI MYU GU BSKYED NGES YIN PAR THAL, DE 'DRA'I ZHING YIN PA'I PHYIR ZER NA, CHOS CAN LA THE TSOM ZA BA'I LAN 'DEBS DGOS SO, DUS MNYAM LA BRTEN PA'I RTZOD SPANG NI, BU RAM GYI ROD LTA BA'I @179 RTAGS LAS BU RAM GYI GZUGS DA LTA BA RTOGS PA'I RJES DPAG SKYE BAR MTHONG BAS, RO DA LTA BA DE, GZUGS DA LTA BA SGRUB PA'I RTAGS YANG DAG TU 'DOD DGOS, DE 'DRA'I RTAGS DE GSUM DU MA 'DUS PA'I RTAGS YIN TE, RTAGS CHOS RGYU 'BRAS MIN PAS 'BRAS RTAGS MA YIN, RTAGS CHOS RDZAS THA DAD PAS RANG BZHIN GYI RTAGS MA YIN, BSGRUB BYA'I CHOS LA DGAG PA MED PAS MA DMIGS PA'I RTAGS MA YIN PA'I PHYIR, ZHES RTZOD, LAN LA, RO DA LTA BA'I RTAGS LAS GZUGS DA LTA BA RTOGS PA'I RJES DPAG SKYES KYANG, RO DA LTA BA DANG GZUGS DA LTA BA GNYIS RTAGS DANG RTAGS CAN DU KHAS LEN MI DGOS TE, DE 'DRA'I RJES DPAG DE RGYU CHOS RJES DPOG GI RTAGS LA BRTEN NAS SKYE BA'I PHYIR ZHES PA'O, DE LA DVOGS PA 'DI YOD DE RGYU CHOS RJES DPOG GI RTAGS LAS BU RAM GYI GZUGS RTOGS PA'I RJES DPAG SKYE BA BZHIN DU, RTAGS DE LAS BU RAM GYI DRI DANG REG BYA RTOGS PA'I RJES DPAG DAG KYANG SKYE BAR GYUR TE, DE DAG KYANG TSOGS PA GCIG LA RAG LAS PA'I 'BREL BA GRUB PA'I PHYIR, SKYES NA RTAGS GCIG LA BRTEN NAS RJES DPAG BZHI SKYE BAR GYUR RO, YANG BU RAM GYI RO GZUGS GNYIS RDZAS THA DAD YIN PA'I RGYU MTSAN GANG YIN, SKYE MCHED SO SO BA YIN PA'I PHYIR ZER NA, BU RAM GYI TSOGS PA NA YOD PA'I RO GZUGS GNYIS BU RAM DANG RDZAS GCIG YIN NAM THA DAD YIN, RDZAS GCIG NA, BU RAM DE GZUGS KYI SKYE MCHED YIN NAM, RO'I SKYE MCHED YIN, DANG PO LTAR NA, BU RAM DANG BU RAM GYI RO GNYIS CHOS CAN, RDZAS THA DAD YIN PAR THAL, SKYE MCHED SO SO BA YIN PA'I PHYIR, PHYI MA LTAR NA BU RAM DANG BU RAM GYI GZUGS GNYIS RDZAS THA DAD YIN PAR THAL, SKYE MCHED SO SO BA YIN PA'I PHYIR, RTAGS KHYAB GNYIS KA KHAS, GSAL BA GNYIS KAR 'DOD MI NUS TE, TSOGS PA DANG TSOGS PA CAN YIN PA'I PHYIR, KHYAB STI TSOGS @180 PA DANG TSOGS PA CAN RDZAS THA DAD DU 'DOD PA NI TSOGS RGYUN 'JOG MI SHES PA'I LOG RTOG YIN PA'I PHYIR, AUTPALA DANG DE'I DRI GNYIS RDZAS GCIG TU KHAS LEN PA DAG TSOGS PA DANG TSOGS PA CAN YIN PA LA DGONGS PA'I PHYIR, RTAGS LTAR SNANG BSHAD PA LA, DE SGRUB KYI RTAGS SU BKOD PA GANG ZHIG DE SGRUB KYI TSUL GSUM MA YIN PA, DE SGRUB KYI RTAGS LTAR SNANG GI MTSAN NYID, DE LA 'GAL MA NGES MA GRUB PA'I RTAGS GSUM LAS SKABS 'DIR MA NGES PA'I GTAN TSIGS BSHAD DO, ,DE SGRUB KYI PHYOGS CHOS GANG ZHIG ,DE SGRUB KYI KHYAB PA RNAL MAR YANG MA NGES KHYAB PA PHYIN CI LOG TU YANG MA NGES PA DE, DE SGRUB KYI MA NGES PA'I RTAGS KYI MTSAN NYID, MA NGES PA'I RTAGS LA THUN MONG BA DANG THUN MONG MA YIN PA GNYIS LAS THUN MONG BA LA, DNGOS KYI MA NGES PA DANG, LHAG LDAN MA NGES GNYIS SO,, DE SGRUB KYI MA NGES PA'I GTAN TSIGS GANG ZHIG PHYOGS CHOS CAN DU SONG BA'I GANG ZAG GIS MTHUN PHYOGS DANG, MI MTHUN PHYOGS GANG RUNG LA YOD PAR NGES PA DE, DE SGRUB KYI THUN MONG BA'I MA NGES PA'I RTAGS KYI MTSAN NYID, DE SGRUB KYI THUN MONG BA'I MA NGES PA'I GTAN TSIGS GANG ZHIG PHYOGS CHOS CAN DU SONG BA'I GANG ZAG GIS MTHUN PHYOGS DANG, MI MTHUN PHYOGS GNYIS KA LA YOD PAR NGES PA DE, DE SGRUB KYI DNGOS KYI MA NGES PA'I GTAN TSIGS KYI MTSAN NYID, SGRA CHOS CAN, MI RTAG STE, GZHAL BYA YIN PA'I PHYIR ZHES PA'I RTAGS DE, RTAG MI RTAG GNYIS KA LA KHYAB BYED DU 'JUG PA DANG, SGRA CHOS CAN, RTZOL BYUNG YIN TE, MI RTAG PA'I PHYIR ZHES PA'I RTAGS DE, MTHUN PHYOGS LA KHYAB BYED DANG, MI MTHUN PHYOGS LA RNAM GNYIS SU 'JUG PA DANG, SGRA CHOS CAN RTZOL BYUNG MA YIN TE, MI RTAG PA'I PHYIR ZHES PA'I RTAGS DE MI MTHUN PHYOGS LA KHYAB BYED DANG, MTHUN PHYOGS LA RNAM GNYIS SU 'JUG PA, SGRA CHOS CAN, MI RTAG STE, MTSON BYA @181 YIN PA'I PHYIR ZHES PA'I RTAGS DE, MTHUN PHYOGS MI MTHUN PHYOGS GNYIS KA LA RNAM GNYIS SU 'JUG PA'I RTAGS YIN NO, DE SGRUB KYI THUN MONG PA'I MA NGES PA'I GTAN TSIGS GANG ZHIG PHYOGS CHOS CAN DU SONG BA'I GANG ZAG GIS MTHUN PHYOGS DANG MI MTHUN PHYOGS GANG RUNG LA YOD PAR NGES SHING, GANG RUNG LA THE TSOM GYI LDOG PA DANG BCAS PA DE, DE SGRUB KYI LHAG LDAN GYI GTAN TSIGS KYI MTSAN NYID; DE LA YANG DAG LHAG LDAN DANG 'GAL BA'I LHAG LDAN GNYIS, DE SGRUB KYI LHAG LDAN GYI GTAN TSIGS GANG ZHIG PHYOGS CHOS CAN DU SONG BA'I GANG ZAG GIS DE SGRUB KYI MTHUN PHYOGS LA YOD PAR NGES SHING, MI MTHUN PHYOGS LA THE TSOM GYI LDOG PA DANG BCAS PA DE, DE SGRUB KYI YANG DAG LHAG LDAN GYI MA NGES PA'I GTAN TSIGS KYI MTSAN NYID, DE SGRUB KYI LHAG LDAN GYI GTAN TSIGS GANG ZHIG PHYOGS CHOS CAN DU SONG BA GANG ZAG GIS, DE SGRUB KYI MI MTHUN PHYOGS LA YOD PAR NGES SHING, MTHUN PHYOGS LA THE TSOM DANG BCAS PA DE, DE SGRUB KYI 'GAL BA'I LHAG LDAN GYI GTAN TSIGS KYI MTSAN NYID, DANG PO'I MTSAN GZHI, SKYES BU PHA ROL PO CHOS CAN, 'DOD CHAGS DANG BCAS PA YIN TE, NGAG SMRA BA'I PHYIR, GNYIS PA'I MTSAN GZHI NI, SKYES BU PHA ROL PO CHOS CAN, 'DOD CHAGS DANG BRAL BA YIN TE, NGAG SMRA BA'I PHYIR ZHES PA'O, THUN MONG MA YIN PA'I GTAN GTAN TSIGS LA, MTSAN NYID DANG, DBYE BA GNYIS, DANG PO MA NGES PA'I GTAN TSIGS GANG ZHIG PHYOGS CHOS CAN DU SONG BA'I GANG ZAG GIS, DE SGRUB KYI MTHUN PHYOGS DANG MI MTHUN PHYOGS GANG LA'ANG MA NGES PA DE, DE SGRUB KYI THUN MONG MA YIN PA'I MA NGES PA'I GTAN TSIGS KYI MTSAN NYID, SGRA CHOS CAN, RTAG STE, MNYAN BYA YIN PA'I PHYIR, ZHES PA'I RTAGS DE MTHUN PHYOGS LA MED NAS MA MTHONG BA DANG, SGRA CHOS CAN, MI RTAG STE, MNYAN BYA YIN PA'I PHYIR ZHES PA'I RTAGS @182 DE; MI MTHUN PHYOGS LA MED NAS MA MTHONG ZHING MTHUN PHYOGS LA YOD KYANG MA NGES PA'I GTAN TSIGS, SKYES BU PHA ROL PO CHOS CAN, LHA LAS TSE 'PHOS PA YIN TE, MIG DANG LDAN PA'I PHYIR ZHES PA'I RTAGS DE, MTHUN PHYOGS DANG MI MTHUN PHYOGS GNYIS KA LA YOD KYANG YOD PA LTAR MA NGES PA'I RTAGS YIN, ZHAR LA; 'GAL BA'I GTAN TSIGS 'CHAD PA LA, DE SGRUB KYI PHYOGS CHOS GANG ZHIG KHYAB PA PHYIN CI LOG TU NGES PA DE, DE SGRUB KYI 'GAL RTAGS KYI MTSAN NYID, DBYE NA, CHOS KYI NGO BO SGRUB PA'I 'GAL RTAGS DANG, SGRAS ZIN GYI CHOS KYI KHYAD PAR SGRUB PA'I 'GAL RTAGS, SGRAS ZIN GYI CHOS CAN GYI KHYAD PAR SGRUB PA'I 'GAL RTAGS, SGRAS ZIN GYI CHOS CAN GYI NGO BO SGRUB PA'I 'GAL RTAGS DANG BZHI YOD; MTSAN GZHI RIM PA BZHIN DU, SGRA CHOS CAN, RTAG STE, BYAS PA'I PHYIR ZHES PA DANG PO, MIG SOGS CHOS CAN, 'DUS PA MA YIN PA'I YUL CAN GZHAN DON BYED DE, 'DUS BSAGS YIN PA'I PHYIR ZHES PA GNYIS PA, MIG SOGS 'DUS PA MA YIN PA'I YUL CAN CHOS CAN, GZHAN DON BYED DE, 'DUS BSAGS YIN PA'I PHYIR ZHES PA GSUM PA, DNGOS GYUR GYI NAM MKHA' CHOS CAN; RTAG STE, 'DUS MA BYAS YIN PA'I PHYIR ZHES PA BZHI PA'O, DANG PO DE LA DE LTAR BRJOD PA'I RGYU MTSAN, RTAG PA DE, DE SGRUB KYI CHOS KYI NGO BO DANG, DE SGRA'I STENG DU SGRUB PA'I RTAGS YIN PAS DE LTAR BRJOD PA'I PHYIR, GNYIS PA NI, SGRAS ZIN LA GZHAN DON BYED PA DE, DE SGRUB KYI BSGRUB BYA'I CHOS KYI NGO BO DANG, 'DUS PA MA YIN PA'I YUL CAN DE, GZHAN DON BYED PA DANG NGO BO THA DAD PA'I TSUL GYIS BRJOD PAS, SGRAS ZIN LA CHOS KYI KHYAD PAR DANG, DE MIG SOGS KYI STENG DU SGRUB PA'I 'GAL RTAGS YIN PAS NA DE LTAR BRJOD PA'I PHYIR, GSUM PA NI, MIG SOGS CHOS CAN GYI NGO BO DANG, SGRAS ZIN LA 'DUS PA MA YIN @183 PA'I YUL CAN DANG NGO BO THA DAD PA'I TSUL DU BRJOD PAS SGRAS ZIN LA CHOS CAN GYI KHYAD PAR DANG, DE MIG SOGS KYI STENG DU SGRUB PA'I 'GAL RTAGS YIN PAS DE LTAR BRJOD PA'I PHYIR, BZHI PA NI, NAM MKHA' CHOS CAN GYI NGO BO DANG, DNGOS GYUR GYI NAM MKHA' ZHES PA'I SGRAS DNGOS PO DE NAM MKHA' DANG NGO BO GCIG PA'I TSUL GYI BRJOD PAS DNGOS PO DE SGRAS ZIN LA CHOS CAN GYI NGO BO DANG, DE NAM MKHA'I STENG DU SGRUB PA'I 'GAL RTAGS YIN PAS, DE LTAR BRJOD PA'I PHYIR, MA GRUB PA'I GTAN TSIGS BSHAD PA LA, DE SGRUB KYI RTAGS SU BKOD PA GANG ZHIG DE SGRUB KYI PHYOGS CHOS MA GRUB PA, DE SGRUB KYI MA GRUB PA'I GTAN TSIGS KYI MTSAN NYID, DE LA DON LA LTOS NAS MA GRUB PA LA BRGYAD LAS, CHOS CAN GYI NGO BO MED NAS MA GRUB PA'I GTAN TSIGS NI, GANG ZAG GI BDAG CHOS CAN, MI RTAG STE; BYAS PA'I PHYIR ZHES PA DANG, RTAGS KYI NGO BO MED PAS MA GRUB PA'I GTAN TSIGS NI SKYES BU 'DI CHOS CAN, SDUG BSNGAL BA YIN TE, RI BONG GI RVAS PHUG PA'I PHYIR ZHES PA DANG, GZHI RTAGS GNYIS KA LA MED NAS MA GRUB PA NI GANG ZAG GI BDAG CHOS CAN, THAMS CAD LA KHYAB PA YIN TE, GANG ZAG GI BDE SDUG KUN LA DMIGS PA'I PHYIR ZHES PA DANG, CHOS CAN GYI PHYOGS GCIG LA RTAGS MED NAS MA GRUB PA NI, LJON SHING CHOS CAN, SEMS LDAN YIN TE, MTSAN MO LO MA KHUMS TE NYAL PA'I PHYIR ZHES PA DANG, RTAGS KYI PHYOGS GCIG CHOS CAN LA MED NAS MA GRUB PA NI, ZLA BA GNYIS SNANG GI DBANG SHES CHOS CAN, MNGON SUM YIN TE, RTOG BRAL MA 'KHRUL BA'I SHES PA YIN PA'I PHYIR ZHES PA DANG, RTAGS CHOS THA DAD MED NAS MA GRUB PA NI, SGRA CHOS CAN, MI RTAG STE, MI RTAG PA'I PHYIR ZHES PA DANG, GZHI RTAGS THA DAD MED NAS MA GRUB PA NI, SGRA CHOS CAN, MI RTAG STE, SGRA YIN PA'I PHYIR ZHES PA DANG, GZHI CHOS THA DAD MED NAS MA GRUB @184 PA NI, MI RTAG PA CHOS CAN, MI RTAG STE, BYAS PA YIN PA'I PHYIR ZHES PA DANG; BLO LA LTOS NAS MA GRUB PA BZHI LAS, SHES 'DOD MED NAS MA GRUB PA NI; SGRA MI RTAG PAR NGES ZIN MA BRJOD PA'I NGOR, SGRA CHOS CAN, MI RTAG STE; BYAS PA YIN PA'I PHYIR ZHES PA DANG, CHOS CAN GYI NGO BO LA THE TSOM ZA NAS MA GRUB PA NI, BSKAL DON SHA ZA'I BUM PA CHOS CAN, MI RTAG STE, BYAS PA YIN PA'I PHYIR ZHES PA DANG, RTAGS KYI NGO BO LA THE TSOM ZA NAS MA GRUB PA NI; DU BA YOD MED THE TSOM ZA BZHIN DU DU LDAN GYI LA LA CHOS CAN, ME YOD DE, DU BA YOD PA'I PHYIR ZHES PA DANG, GZHI RTAGS KYI 'BREL PAR THE TSOM ZA NAS MA GRUB PA NI, RMA BYA'I SGRA GANG NA GRAGS MA NGES BZHIN DU RI SUL GSUM GYI DBUS MA NA CHOS CAN, RMA BYA YOD DE RMA BYA'I SGRA GRAGS PA'I PHYIR ZHES PA DANG, RGOL BA LA LTOS NAS MA GRUB PA LA GSUM, SNGA RGOL DANG, PHYIR RGOL GNYIS KA LA LTOS NAS MA GRUB PA NI, SANGS RGYAS PA'I NGOR, BLO BDE CHOS CAN, SEMS MED YIN TE, SKYE 'JIG CAN YIN PA'I PHYIR ZHES PA DANG, SHING CHOS CAN, SEMS LDAN YIN TE, SHUN PA BSHUS NA 'CHI BA'I PHYIR ZHES PA DANG, SGRA CHOS CAN, MI RTAG STE, MIG SHES KYI GZUNG BYA YIN PA'I PHYIR ZHES PA'O, ,BYAS MI RTAG GI 'BREL BA BSHAD PA LA, SLOB DPON PHYOGS GLANG GIS TSUL GSUM GYI MTSAN NYID KYI ZUR DU NGES BRJOD MDZAD DE, ,RJES DPAG BYA DANG DE MTSUNGS LA, ,YOD DANG MED LA MED PA NI, ,NGES PA ZHES BRJOD, DGOS PA NI, BYAS PA SGRA MI RTAG PAR SGRUB PA'I 'GAL MA NGES MA GRUB PA'I GTAN TSIGS KYI GNYEN POR RTOGS PA'I CHED YIN PA'I PHYIR, BYAS PA MI RTAG PA KHO NA LA 'JUG PAR NGES PA LA TSAD MA GSUM DGOS PAR BSHAD PA DANG, GONG DU'ANG DE LTAR BSHAD PAS YI GE NOR BA GA LA SRID, BYAS NA MI RTAG PAS KHYAB PA NGES PA DANG, BYAS PA MI RTAG PA @185 KHO NA LA YOD PAR NGES PA LA RTAG PA LA BYAS PA MED PAR NGES DGOS TE, RTAG PA LA BYAS PA YOD PAR DVOGS PA'I GANG ZAG LA BYAS PA MI RTAG PA KHO NA LA YOD DAM ZHES DRIS NA, 'DOD LAN MI 'THAD PA'I PHYIR, GZHI GRUB NA DNGOS PO YIN PAS KHYAB PAR 'DOD PA'I GANG ZAG GIS, DNGOS PO MI RTAG PA KHO NA LA YOD PAR RTOGS PA SRID PAR THAL, DNGOS PO MI RTAG PA LA YOD PAR RTOGS PA SRID PA'I PHYIR; MA GRUB NA, SHES BYA MI RTAG PA LA YOD PAR RTOGS NA, SHES BYA MI RTAG PA KHO NA LA YOD PAR RTOGS PAS KHYAB PAR THAL, 'DOD NA, SHES BYA MI RTAGS PA LA YOD PAR RTOGS PA'I GANG ZAG MED PAR THAL, 'DOD NA, SHES BYA MI RTAG PA LA RJES SU 'GRO BA RTOGS PA'I GANG ZAG MED PAR THAL, 'DOD NA, SHES BYA MI RTAG PA'I SPYIR RTOGS PA'I GANG ZAG MED PAR THAL, 'DOD NA, SHES BYA MI RTAG PA'I SPYI MA YIN PAR THAL LO, 'DOD MI NUS TE, SHES BYA RTAG MI RTAG GNYIS KA'I SPYI YIN PA'I PHYIR, GZHAN YANG SKYES BU PHA ROL PO CHOS CAN, CHAGS BCAS YIN TE, NGAG SMRA BA'I PHYIR ZHES PA'I RTAGS DE YANG DAG LHAG LDAN DU SONG BA'I RGOL BA DE CHOS CAN, KHYOD KYI NGAG SMRA BA DE CHAGS BCAS KHO NA LA YOD PAR RTOGS PAR THAL, NGAG SMRA BA CHAGS BCAS LA YOD PAR RTOGS PA'I PHYIR, DER THAL; RGOL BA DE LA RTOGS DE, YANG DAG LHAG LDAN DU SONG BA'I PHYIR, 'DOD MI NUS TE, DE 'DRA'I RGOL BA DES, NGAG SMRA BA CHAGS BRAL LA YOD MED THE TSOM DANG BCAS PA'I PHYIR TE, MI MTHUN PHYOGS LA THE TSOM GYI LDOG PA DANG BCAS PA'I PHYIR, DER THAL, RTAGS DE YANG DAG LHAG LDAN GYI GTAN TSIGS YIN PA'I PHYIR, GZHAN YANG, MI RTAG PA'I LDOG PHYOGS LA BYAS PA YOD MED MTHA' MA CHOD PAR, BYAS PA MI RTAG PA KHO NA LA YOD CES KHAS LEN MI NUS PA'I PHYIR, DPER NA, MI MA YIN LA SMRA SHES DON GO YOD PAR KHAS LEN PA'I GANG ZAG DE LA, @186 SMRA SHES DON GO BA DE MI KHO NA LA YOD DAM DRIS PA NA, YOD CES KHAS LEN MI NUS PA MNGON SUM GYIS GRUB PA'I PHYIR, DPER NA, SPRUL SKU NGOS 'DZIN GYI SROL LUGS DE, BOD KHO NA LA YOD DAM ZHES DRIS PA NA, BOD MA YIN PA LA SROL DE YOD MED SNGON LA BSAM NAS MED PAR MTHA' CHOD PA NA, GZHIS NAS BOD KHO NA LA YOD CES LAN 'DEBS DGOS PA'I PHYIR, DE LA 'GA' ZHIG GIS, RTAG PA MA BYAS PA KHO NA LA YOD PAR NGES PA LA'ANG BYAS PA RTAG STONG DU NGES DGOS PAR THAL; BYAS PA MI RTAG PA KHO NA LA YOD PAR NGES PA LA, RTAG PA BYAS STONG DU NGES DGOS PA'I PHYIR ZER NA, 'DOD PA KHO NA'O, RTAG PA MA BYAS PA KHO NA LA YOD PAR NGES PA DANG, RTAG NA MA BYAS PAS KHYAB PA NGES PA LA BYAS PA RTAG STONG DU NGES DGOS, RTAG PA MA BYAS PA LA YOD PAR NGES PA DANG, RTAG PA MA BYAS PAR NGES PA TZAM LA BYAS PA RTAG STONG DU NGES MI DGOS PAR PHAN TSUN GNYIS KAR 'DRA'O, GZHAN YANG, BYAS PA RANG NYID GRUB TZAM NAS 'JIG NGES SU RTOGS PA'I TSAD MA DE LA, TSAD MA GSUM GYI DOD THUB NGES PAR YOD PA RIGS RGYAN LAS GSUNGS PAS DE LA RTAG PA LA BYAS PA 'GOG PA'I TSAD MA JI LTAR TSANG BSAM DGOS PA ZHIG GO KHO BO'I BLO GROS KUN SHA'I RTZE MO BZHIN, ,TSAD MA'I GZHUNG LUGS RGYA MTSO GTING MTHA' BRAL, ,'ON KYANG MKHAS DBANG GSER RI'I TSOGS RNAMS KYIS, ,BRTZER DGONGS BDAG GI BGO SKAL 'JOG GAM SNYAM, , DE NI DKYUS LA 'JUG PAR BYA STE, PHYOGS GLANG GI SLOB MA SLOB DPON DBANG PHYUG SDE DANG; GZHAN SDE RNAMS KYIS TSUL GSUM SO SO'I MTSAN NYID KYI ZUR DU NGES BRJOD MDZAD PA MA DGONGS PAR MI MTHUN PHYOGS LA MA MTHONG BA TZAM GYIS LDOG KHYAB DANG, MTHUN PHYOGS LA MTHONG TZAM GYIS RJES KHYAB TU 'DOD NAS MI MTHUN PHYOGS LA MED PAR NGES DGOS NA, MI MTHUN PHYOGS MTHA' DAG PHYIR RGOL LA SNANG DU MI RUNG @187 BA'I PHYIR, BYAS PA RTAG PA LA MED PAR NGE PA LA, RTAG PA NGES DGOS PAS, MI MTHUN PHYOGS LA MA MTHONG BA LDOG KHYAB TU 'DOD KYI MED PAR NGES PA MI DGOS SO SNYAM PA'O, DE DAG GIS RTAGS YANG DAG GI MTSAN NYID, TSUL DRUG 'DOD DE; PHYOGS CHOS DANG, MTHUN PHYOGS LA MTHONG TZAM GYIS RJES KHYAB DANG, MI MTHUN PHYOGS LA MA MTHONG TZAM GYIS LDOG KHYAB DANG, TSUL GSUM TSAD MAS NGES PA DANG, LDOG PHYOGS SGRUB PA'I TSAD MA MED PA DANG, DAM BCA' LA TSAD MAS GNOD PA MED PA'I YUL CAN DANG DRUG GO RNAM 'GREL MDZAD PA POS, MI DMIGS PA THAMS CAD NI MED PA RTOGS PAR BYED PA MA YIN NO, DE'I PHYIR GCIG LOG PAS GZHAN LDOG PAR 'DOD PAS NI, DE GNYIS RANG BZHIN 'BREL BA 'GA' ZHIG KYANG 'DOD PAR BYA DGOS SO, DE LTA MA YIN NA GTAN TSIGS GO BAR BYED PA MA YIN PAR 'GYUR RO ZHES DANG, 'BREL BA MED PAR RJES SU 'GRO BA DANG LDOG PA NGES PA MED DE, DES NA DE NYID STON PAR MDZAD PA NA NGES PA BSHAD PA YIN NO, ZHES SOGS GSUNGS PAS, SPYIR 'BREL BA GTAN LA PHAB PA LAS, RTAGS GSUM GYI RNAM DBYE KHAS BLANG DGOS TE, ME DU'I 'BREL BA BSGRUB PA LAS, 'BRAS RTAGS DANG, RGYU MA DMIGS PA DANG, SHING SHA PA GNYIS KYI 'BREL BA SGRUB PA LAS, KHYAB BYED MA DMIGS PA DANG, BYAS MI RTAG GI 'BREL BA SGRUB PA LAS RANG BZHIN GYI RTAGS KHAS BLANG DGOS PA'I PHYIR, DES NA, RGYU 'BRAS KYI 'BREL BA SGRUB PA'ANG 'BRAS BU DANG MA DMIGS PA'I RTAGS LA LTOS DGOS LA, NGO BO GCIG PA'I 'BREL BA SGRUB PA LA RANG BZHIN GYI RTAGS LA BRTEN DGOS, RTAGS YANG DAG LA GSUM DU NGES PA'ANG, 'BREL BAR GNYIS SU NGES PA LA LTOS PA'I PHYIR; BYAS MI RTAG GI 'BREL BA MA NGES PAR BYAS RTAGS KYI SGRA MI RTAG PAR SGRUB PA'I RJES SU 'GRO LDOG GI KHYAB PA NGES PA MI SRID LA, 'BREL BA NGES PAR YANG BYAS PA MI RTAG PA DANG THA DAD MI RTAG PA LDOG STOBS KYIS BYAS PA LDOG PA NGES DGOS @188 PAS; DE TSAD MA GANG GIS NGES SHE NA, BYAS MI RTAG GI THA DAD RANG RIG MNGON SUM GYIS SHUGS LA GRUB CING, ZUR PHYI MA GNOD PA CAN GYI RTAGS LA BRTEN NAS BSGRUBS PA STE, RTAG PA BYAS STONG DU RTOGS PA'I TSAD MA'O, DE LA, KHYAD GZHI NGOS NAS KYANG DPYAD MI GZOD, KHYAD CHOS BYAS STONG GI NGOS NAS DPYAD NA'ANG DPYAD MI GZOD PA STE, DANG PO RTAG PA BYAS STONG DU RTOGS PA'I TSAD MA DES RTAG PA'I GSAL BA'I DBYE BA MTHA' DAG LA BYAS STONG GI KHYAB PA NGES SAM MA NGES; NGES NA, 'DUS MA BYAS KYI NAM MKHA' YANG BYAS STONG GIS KHYAB PA NGES PAR 'GYUR BAS, NAM MKHA' CHOS CAN, MA BYAS PA YIN TE, RTAG PA'I PHYIR ZHES PA DE RTAGS YANG DAG MA YIN PAR 'GYUR BA LAS, DE RTAGS YANG DAG YIN PA'I PHYIR, KHYAD CHOS KYI NGOS NAS DPYAD NA RTAG PA BYAS STONG DU NGES PA'I TSAD MA DES, RTAG PA BYAS PA'I GSAL BA'I DBYE BA MTHA' DAG GIS STONG PAR NGES SAM MA NGES, NGES NA, DE 'DRA'I TSAD MA DES, RTAG PA SGRA DANG BUM PA SOGS RE RE NAS MA YIN PAR RTOGS PAR 'GYUR BAR THAL BA'I SKYON YOD PA'I PHYIR, MA NGES NA DE 'DRA'I TSAD MA DES, RTAG PA BYAS PA'I GSAL BA 'GA' ZHIG LA YOD PAR DVOGS PAR 'GYUR RO ZHE NA, RTAG PA BYAS STONG DU RTOGS PA'I TSAD MA DES, RTAG PA BYAS PA'I LDOG PAS KHYAD PAR DU BYAS PA'I GSAL BA'I DBYE BA MTHA' DAG GIS STONG PAR RTOGS, BYAS PA RTAG STONG DU RTOGS PA'I TSAD MA DES KYANG BYAS PA RTAG PA'I LDOG PA'I KHYAD PAR DU BYAS PA'I GSAL BA'I DBYE BA MTHA' DAG GIS STONG PAR RTOGS KYANG, BYAS PA NAM MKHAS STONG PA SOGS SU RTOGS MI DGOS PA'I PHYIR, DE LA'ANG, RTAG PA BYAS STONG DU RTOGS PA'I TSAD MA CHOS CAN, RTAG PA SGRA'I BYAS STONG DANG, BUM PA'I BYAS STONG SOGS SU RTOGS PAR THAL, RTAG PA BYAS STONG DU RTOGS PA'I PHYIR, 'DOD NA, DE 'DRA'I TSAD MA DES, RTAG PA SGRA'I @189 BYAS PA DANG, BUM PA'I BYAS PA SOGS SU 'DZIN PA'I SGRO 'DOGS DU MA CHOD PAR THAL, 'DOD NA, TSAD MA SO SOR SGRO 'DOGS SO SOR GCOD KYI GCIG GIS KUN MI GCOD PA'I PHYIR, MA GRUB NA CHA SHAS SGRO 'DOGS JI SNYED PA, ZHES SOGS DANG 'GAL BA'I PHYIR, SGRO 'DOGS RIGS MTHUN YIN PAS SKYON MED DO ZHE NA, 'O NA RTAG PA SGRA'I BYAS PAR 'DZIN PA'I SGRO 'DOGS DANG, RTAG PA BUM PA'I BYAS PAR 'DZIN PA'I SGRO 'DOGS GNYIS RIGS MTHUN PAR THAL, TSAD MA GCIG GIS GCOD PA'I SGRO 'DOGS YIN PA'I PHYIR, 'DOD NA, RTAG PA SGRAR 'DZIN PA'I SGRO 'DOGS DANG, RTAG PA BUM PAR 'DZIN PA'I SGRO 'DOGS GNYIS KYANG RIGS MTHUN YIN PAR THAL LO, ,'DOD MI NUS TE, BYAS PA NAM MKHA'I RTAG PAR 'DZIN PA'I SGRO 'DOGS DANG BYAS PA SGRA'I RTAG PAR 'DZIN PA'I SGRO 'DOGS GNYIS RIGS MI MTHUN PA'I PHYIR, MA GRUB NA, BYAS PA RTAG STONG DU RTOGS PA'I RJES DPAG DE BYAS PA SGRA'I RTAG STONG DU RTOGS PA'I TSAD MA YIN PAR THAL, 'DOD NA, DE 'DRA'I TSAD MA DE BYAS PA SGRA'I RTAG PAR 'DZIN PA'I RTAG 'DZIN DANG 'DZIN STANGS DNGOS 'GAL YIN PAR THAL, 'DOD NA, DE 'DRA'I TSAD MA DE DANG 'DZIN STANGS DNGOS 'GAL DU SONG BA'I SGRO 'DOGS GRANGS MED YOD PAR THAL, 'DOD NA, TSAD MA GCIG DANG 'DZIN STANGS DNGOS 'GAL DU SONG BA'I SGRO 'DOGS DU MA DANG, SGRO 'DOGS GCIG DANG 'DZIN STANGS DNGOS 'GAL DU SONG BA'I TSAD MA DU MA KHAS LEN DGOS PAS HA CANG THAL BAR 'GYUR RO, ,YANG BYAS PA RTAG STONG DU RTOGS PA NA, BYAS PA'I GSAL BA'I DBYE BA MTHA' DAG LA RTAG STONG GIS KHYAB PA MA NGES NA, BYAS NA MI RTAG PAS KHYAB PA NGES PA'I TSAD MA CHOS CAN, BYAS PA'I GSAL BA'I DBYE BA MTHA' DAG LA RTAG STONG GIS KHYAB PA MA NGES PAR THAL; 'DOD NA, BYAS PA'I GSAL BA 'GA' ZHIG LA RTAG PAR 'DZIN PA'I SGRO @190 'DOGS CHOD DAM MA CHOD, CHOD NA, BYAS PA'I GSAL BA 'GA' ZHIG LA RTAG PAR SGRO MI 'DOGS PAR THAL LO, ,MA CHOD NA TSAD MA DE LAS GZHAN PA'I DE 'DRA'I SGRO 'DOGS GCOD BYED KYI TSAD MAR YOD PAR THAL LO, BYAS PA RTAG STONG DU RTOGS PA'I TSAD MA DES, BYAS NA MI RTAG PAS KHYAB PA RTOGS SAM MA RTOGS, RTOGS NA, BYAS RTAGS KYI SGRA MI RTAG PAR SGRUB PA'I PHYIR RGOL YANG DAG CHOS CAN, BYAS PA'I GSAL BA MTHA' DAG LA MI RTAG PAS KHYAB PAR RTOGS PAR THAL, 'DOD NA, BYAS PA'I GSAL BA MTHA' DAG LA RTAG 'DZIN GYI SGRO 'DOGS CHOD PAR THAL, 'DOD NA, SGRA LA RTAG 'DZIN GYI SGRO 'DOGS CHOD PAR THAL, 'DOD NA, SGRA MI RTAG PAR KHAS LEN PAR THAL, 'DOD MI NUS TE, SGRA MI RTAG PA LA THE TSOM DANG BCAS PA'I PHYIR; DER THAL, SGRA MI RTAG PA LA DON 'GYUR GYI THE TSOM DANG BCAS PA'I PHYIR, DER THAL SGRA CHOS CAN, MA BYAS PAR YIN PAR THAL, RTAG PA'I PHYIR ZHES PA'I THAL 'GYUR DES, SGRA RTAG PA MTHA' GCIG TU 'DZIN PA'I LO RTOG BSAL NAS, SGRA MI RTAG PA LA THE TSOM 'DREN PA'I PHYIR, DER THAL, SGRUB BYED 'PHEN PA'I THAL GYUR GYI BYED LAS DE LTAR 'THAD PA'I PHYIR, GZHAN YANG, PHYIR RGOL YANG DAG DE'I RGYUD KYI BYAS NA MI RTAG PAS KHYAB PAR RTOGS PA'I TSAD MA DES SGRA RTAG 'DZIN LA DNGOS SU GNOD PAR THAL, SGRA RTAG PAR 'DZIN PA'I RTAG 'DZIN GYI SGRO 'DOGS DNGOS SU GCOD BYED YIN PA'I PHYIR, MA GRUB NA, 'KHOR GSUM KHAS, 'DOD NA, SGRA RTAG 'DZIN LHAN SKYES SKYE BA'I GO SKABS BCOM PAR THAL, 'DOD PA'I PHYIR, KHYAB STE, DNGOS SU GNOD BYA GNOD BYED KYI DON YOD PA'I PHYIR, 'DOD NA, GNOD BYA GNOD BYED NGO BO PHYIR, ,ZHES SOGS KYI RTZA 'GREL RNAMS DANG 'GAL BA'I PHYIR; GZHAN YANG SGRA CHOS CAN, MA BYAS PAR THAL, RTAG PA'I PHYIR ZHES PA'I THAL 'GYUR YANG DAG TU SONG BA'I PHYIR RGOL YANG DAG DE CHOS CAN, KHYOD KYI @191 SGRA LA RTAG 'DZIN GYI SGRO 'DOGS CHOD PAR THAL, KHYED KYI RGYUD LA BYAS NA MI RTAG PA'I KHYAB PA RTOGS PA'I TSAD MA YOD PA'I PHYIR DANG, KHYOD KYI RGYUD LA BYAS RTAGS KYI SGRA MI RTAG PAR SGRUB PA'I RJES KHYAB 'JAL BA'I TSAD MA YOD PA'I PHYIR, PHYI RGOL DE'I RGYUD KYI RJES KHYAB 'JAL BA'I TSAD MAS SGRA LA RTAG 'DZIN GYI SGRO 'DOGS MA CHOD NA, BYAS RTAGS KYIS SGRA MI RTAG PAR SGRUB PA'I PHYI RGOL RNAM DAG GI RGYUD KYI RJES KHYAB 'JAL BA'I TSAD MAS SGRA MI RTAG PA LA SGRO 'DOGS CHOD PA LA RGYU MTSAN YANG DAG MI RNYED PA'I PHYIR, RTZA BAR 'DOD NA, SGRA RTAG PAR MTHA' CIG TU KHAS LEN PA MA YIN PAR THAL LO, ,DES NA RJES KHYAB 'JAL BA'I TSAD MAS BSGRUB BYA LA SGRO 'DOGS CHOD PAR GSUNGS PA DANG, MA CHOD PAR GSUNGS PA GNYIS YOD PA'I GANG 'DIR BRTAG PAR BYA'O, ,DON BYED NUS PA TSAD MAS NGES NAS, DNGOS PO'I THA SNYAD SHES PA NA, DNGOS PO TSAD MAS NGES PA 'JOG DGOS PA LTAR, BYAS PA MI RTAG PA KHO NA LA YOD PAR NGES NAS DE LA RJES KHYAB CES THA SNYAD SBYAR BA NA, BYAS RTAGS KYI SGRA MI RTAG PAR SGRUB PA'I RJES KHYAB NGES PA'I DON YIN DGOS TE, MTSAN MTSON YIN PA MTSUNGS PA'I PHYIR, DE YIN NA, BYAS RTAGS KYIS SGRA MI RTAG PAR SGRUB PA'I RJES KHYAB NGES PA LA, RTAG PA LA BYAS PA LDOG PA NGES DGOS 'DUG BSAM PAR BYA'O, ,BYAS RTAGS KYIS SGRA MI RTAG PAR SGRUB PA'I MTHUN PHYOGS KHO NA LA YOD PA NYID DU TSAD MAS NGES PA DE, BYAS RTAGS KYIS SGRA MI RTAG PAR SGRUB PA'I RJES KHYAB KYI MTSAN NYID YIN LA, DE NGES PA NA RJES KHYAB KYI DON TSAD MAS NGES PA YIN DGOS, DON TSAD MAS NGES NAS THA SNYAD SBYAR BA TZAM LA RJES KHYAB NGES DGOS PA'I PHYIR, GZHAN YANG, BYAS RTAGS KYIS SGRA MI RTAG PAR SGRUB PA'I RJES SU 'GRO LDOG GI KHYAB PA GRUB PA LA, BYAS MI RTAG GI 'BREL BA NGES DGOS LA; DE NGES PA LA, RTAG PA BYAS STONG DU NGES DGOS SO ZHE NA 'O NA, @192 MI RTAG PA NGES PA LA, RTAG PA NGES PA SNGON DU 'GRO DGOS PAR THAL, MI RTAG PA NGES PA LA, SKAD CIG MA DANG MI RTAG PA'I 'BREL BA NGES DGOS PA GANG ZHIG DE NGES PA LA, 'BREL BA'I DON LDOG NGES PA SNGON DU 'GRO DGOS PA'I PHYIR, RTZA BAR 'DOD NA, MI RTAG PA NGES PA LA, RTAG PA NGES PA SNGON DU 'GRO MI DGOS PAR THAL, RTAG PA NGES PA LA, MI RTAG PA NGES PA SNGON DU 'GRO DGOS PA'I PHYIR, DER THAL, RTAG PA NGES PA LA, RTAG PA LDOG PA'I GZHI LA CHOS DANG SKAD CIG MA MA YIN PA'I GZHI MTHUN PA LDOG PA NGES DGOS PA'I PHYIR, DER THAL RTAG PA NGES PA LA, SKAD CIG MA MA YIN PA'I CHOS DANG, RTAG PA'I 'BREL BA NGES DGOS PA'I PHYIR, DE NGES PA LA SKAD CIG MA MA YIN PA'I CHOS DE RTAG PA DANG THA DAD RTAG PA LDOG PA'I GZHI LA SKAD CIG MA MA YIN PA'I CHOS LOG PA NGES DGOS PA'I PHYIR; DE NGES PA LA, MI RTAG PA SKAD CIG MA MA YIN PA'I CHOS KYIS STONG PA NGES DGOS PA'I PHYIR, DES NA, SGRA NGES PA LA SGRA DANG MNYAN BYA MING DON GYI 'BREL BA NGES DGOS PA LTAR, MI RTAG PA NGES PA'ANG, SKAD CIG MA DANG MI RTAG PA GNYIS KYI MING DON GYI 'BREL BA NGES DGOS PA KHAS LEN DGOS SHING, DE LTAR NA RTAG PA LA'ANG MTSUNGS PA'I PHYIR, RTAG MI RTAG GNYIS RTOG PA PHAN TSUN BRTEN PAR THAL BA KHAS LEN DGOS SO, ,DE BZHIN DU DNGOS PO DANG, DNGOS MIN GNYIS LA'ANG RTOG PA PHAN TSUN BRTEN PAR THAL BA 'PHEN NUS PAS, DE DAG GI LAN JI LTAR 'DEBS BSAM PAR BYA'O, ,LUNG 'GAL BSHAD PA LA, SLOB DPON DBANG PHYUG SDE NA RES RJES SU 'GRO LDOG GI KHYAB PA NGES PA LA 'BREL BA NGES PA LA LTOS MI DGOS PAR BZHED PAS, DE LA SLOB DPON PHYOGS GLANG GI LUNG DANG 'GAL LO ZHES PA'O, ,DE LA, THAL BA DRUG LAS DANG POR, RIGS SGO'I NGAG NYAMS PAR THAL BA NI, 'KHRUL PA CAN MA NGES PA'I GNYEN POR CHOS MI MTHUN @193 SPYOR GYI SGRUB NGAG BRJOD PA MI RIGS PAR THAL, DE LA DGOS PA MED PA'I PHYIR, 'DOD NA RIGS SGO LAS, RI ZHIG 'GAL BA DANG MA NGES PA'I GTAN TSIGS KYI GNYIN POR, GNYIS KA BRJOD PA GANG YIN PA DE NI RIGS SO, ,ZHES GSUNGS PA DANG 'GAL, SKABS DE DAG GI RTZA 'GREL RNAMS SU, CHOS MI MTHUN SBYOR GYI SGRUB NGAG GIS MI MTHUN PHYOGS LA RTAGS LDOG PA'I RIGS PA YANG DAG BSTAN TE, 'BREL BA BSTAN PA'I PHYIR, SGRUB NGAG DES 'BREL BA JI LTAR BSTAN, 'BREL BA DE; MI MTHUN PHYOGS LA RTAGS MED PAR GO BA'I RTAGS JI LTAR YIN, SGRUB NGAG DES, RTAG NA MA BYAS PAS KHYAB, DPER NA, NAM MKHA' BZHIN, SGRA NI BYAS SO ZHES BRJOD PA NA, BYAS PA MI RTAG PA BRJOD PAR THAL, BYAS PA MI RTAG PA DANG 'BREL BA BRJOD PA'I PHYIR, 'DOD NA, RTAG NA MA BYAS PAS KHYAB PA BRJOD NA, BYAS NA MI RTAG PAS KHYAB PA BRJOD PAS KHYAB PAR THAL, 'DOD NA, KHYAB PA GNYIS PO DE, RJOD BYED GCIG GI DNGOS SHUGS KYI BRJOD BYA YIN PAR THAL, 'DOD NA, KHYAB PA GNYIS PO DE SGRA DE'I RJES SU 'BRANG BA'I RTOG PA DE'I DNGOS SHUGS KYI RTOGS BYA RTOGS BYED YIN PAR THAL LO, ,GZHAN YANG, BYAS MI RTAG GI 'BREL BA DE, MI MTHUN PHYOGS LA RTAGS MED PAR SGRUB PA'I GTAN TSIGS YIN PAR THAL, 'DOD MI NUS TE, 'BREL BA RTOGS NA, MI MTHUN PHYOGS LA RTAGS MED PAR RTOGS PAS KHYAB PA'I PHYIR, DER THAL, 'BREL BA RTOGS NA 'BREL BA'I DON LDOG RTOGS PAS KHYAB PA'I PHYIR, YANG CHOS MI MTHUN SBYOR GYI SGRUB NGAG GIS DGAG BYA'I CHOS LA RTAGS 'GOG PAS 'KHRUL PA CAN MA NGES PA'I GTAN TSIGS KYI GNYEN POR SONG BA YIN ZER NA, 'O NA DGAG BYA'I CHOS LA RTAGS MED PA'I RTAGS YIN NA, MA NGES PA'I RTAGS MA YIN PAS KHYAB PAR THAL, 'DOD NA, SGRA CHOS CAN, MI RTAG STE, MNYAN BYA YIN PA'I PHYIR @194 ZHES PA'I RTAGS CHOS CAN, MA NGES PA'I RTAGS MA YIN PAR THAL LO, ,'DOD MI NUS TE, THUN MONG MA YIN PA'I MA NGES PA'I RTAGS YIN PA'I PHYIR, DGAG BYA'I CHOS LA RTAGS 'GOG PAR THAL, RTAG PA LA MNYAN BYA 'GOG PA'I PHYIR; DER THAL, RTAG PA LA MNYAN BYA MED PA'I PHYIR, GNYIS PA LHAG LDAN KHRUL PA CAN DU GSUNGS PA MI 'THAD PAR THAL BA NI, SHING PHUNG 'DI LAS SKYES PA'I SHING THOG LHAG MA THAMS CAD CHOS CAN, RO MNGAR DANG LDAN TE, SNGAR ZOS PA'I SHING THOG DANG GZUGS SMUG POR MTSUNGS PA DANG, SHING PHUNG 'DI LAS SKYES PAR MTSUNGS PA'I PHYIR ZHES PA'I RTAGS DE, LHAG LDAN 'KHRUL PA CAN DU GSUNGS PA MI RIGS PAR THAL, DE LA'ANG MA MTHONG BA TZAM YOD PA'I PHYIR, 'DOD NA, MI 'THAD DE, MDO RANG 'GREL LAS, CI STE GZUGS LA SOGS PA MTSUNGS PAS RO LA SOGS PA GDON MI ZA BAR MTSUNGS PAR 'GYUR BA DE YANG RIGS PA MA YIN NO,, ZHES PA DANG 'GAL, GSUM PA LDOG PA CAN TZAM DU BSHAD PA RTAGS YANG DAG TU THAL BA NI, GSON LUS CHOS CAN, BDAG BCAS YIN TE, SROG LDAN YIN PA'I PHYIR ZHES PA DE YANG RTAGS YANG DAG YIN PAR THAL, MA MTHONG BA TZAM YOD PA'I PHYIR; 'DOD NA, MI 'THAD DE, MDO RANG 'GREL LAS, BDAG LTAR MTSUNGS PA'I BUM PA LA SOGS PA BDAG MED NYID DU MA GRUB STE, MA DMIGS PA NI THE TSOM GYI RGYU YIN NO, ,ZHES PA DANG 'GAL, MDO RANG 'GREL GYI TSIG DE GO DKA' BAS KHO BOS 'DI LTAR 'GREL TE, RIG PA CAN PAS, BUM PA BDAG MED LA MA MTHONG YANG, BDAG MED PAR 'DOD LA, SROG LDAN BDAG MED LA MA MTHONG BA TZAM GYIS BDAG BCAS SU KHAS BLANGS PAS, SROG LDAN BDAG BCAS YIN PA LTAR RGYU MTSAN MTSUNGS PAS BUM PA LA SOGS PA'ANG BDAG MED NYID DU MA GRUB STE, BDAG MED LA MA DMIGS PA TZAM NI, DE LA THE TSOM GYI RGYU YIN PA'I PHYIR ZHES @195 PA'O; ;RANG LUGS LA, THAR LAM GSAL BYED LAS NI SROG LDAN GYI RTAGS KYIS GSON LUS BDAG BCAS SU SGRUB PA'I RTAGS, BDAG BLTAR MI RUNG BA'I PHYIR BUM PA LA SOGS ZHES BYUNG DE, THUN MONG MA YIN PA'I MA NGES PA'I GTAN TSIGS YIN TE, 'KHRUL PA NYID KYIS MNYAN BYA DANG, SROG SOGS 'DI NI MTSUNGS PAR GYUR; ZHES GSUNGS PA'I PHYIR, BZHI PA LDOG PA LA THE TSOM ZA BA RTAGS YANG DAG YIN PAR MA LOG PAR THAL BA NI, SLOB DPON GYIS LDOG PA LA THE TSOM ZA BA'I RTAGS RNAMS LTAR SNANG DU BRJOD PA MA YIN PAR THAL, MA MTHONG BA TZAM GRUB NA LDOG KHYAB GRUB PAS KHYAB PA'I PHYIR, 'DOD NA, MI 'THAD DE, MDO RANG 'GREL LAS, PHYOGS KYI CHOS NI RGOL BA DANG PHYIR RGOL BA GNYIS KA LA NGES PAR BZUNG NGO, ,DE BZHIN DU MTHUN PA'I PHYOGS LA YOD PA DANG MED PA LA SOGS PA DAG LA YANG CI RIGS PAR BRJOD PAR BYA'O ZHES PA DANG 'GAL, DON NI, KUN BTUS LAS, PHYOGS CHOS MTHUN PHYOGS YOD MED DANG, RNAM GNYIS RE RE DAG LA YANG, RNAM GSUM MI MTHUN PHYOGS LA'ANG, YOD MED RNAM PA GNYIS PHYIR RO,, ZHES PA'I SKABS SU, PHYOGS CHOS CAN GYI GTAN TSIGS DGU BSHAD PA LA GZHAN DON SGRUB RTAGS KYI PHYOGS CHOS RGOL PHYI RGOL GNYIS KA LA MA GRUB NA PHYOGS CHOS MA GRUB DANG PHYOGS CHOS CAN DGU'I NANG GI 'GAL RTAGS GNYIS PO'I RJES SU 'GRO LDOG GI KHYAB PA RGOL PHYI RGOL GNYID KA LA MA GRUB PAS KHYAB PA MA GRUB PA DPE DON SBYOR BA DANG, GZHAN DON SGRUB RTAGS KYI PHYOGS CHOS RGOL PHYI RGOL GANG RUNG LA MA GRUB NA PHYOGS CHOS MA GRUB PA DANG, DGU'I NANG GI DNGOS KYI MA NGES PA BZHI PO RJES SU 'GRO LDOG GI KHYAB PA RGOL PHYI RGOL GANG RUNG LA MA GRUB PAS KHYAB PAS MA GRUB PA DPE DON SBYOR BA DANG, GZHAN DON SGRUB RTAGS KYI PHYOGS CHOS RGOL PHYI RGOL GANG RUNG LA THE TSOM ZA NAS MA GRUB NA PHYOGS CHOS MA GRUB PA DANG, DGU'I NANG GI THUN MONG MA @196 YIN PA'I GTAN TSIGS KYI KHYAB PA RGOL PHYI RGOL GNYIS KA LA THE TSOM ZA NAS KHYAB PA MA GRUM PA DPE DON SBYOR RIGS LA GZHAN DON SGRUB RTAGS KYI GZHI MA GRUB CHOS CAN DU BZUNG NA PHYOGS CHOS MA GRUB PA DANG, DGU'I NANG GI YANG DAG GNYIS PO GZHI MA GRUB MI MTHUN DPER BZUNG YANG LDOG KHYAB MA GRUB PA GNYIS DPE DON DU MI SBYOR TE GZHI MA GRUB MI MTHUN DPER BZUNG BA'I RTAGS YANG DAG YOD PA'I PHYIR TE MI RTAG PA MA YIN NA BYAS PA MA YIN PAS KHYAB, DPER NA NAM MKHA'I PAD MA BZHIN; SGRA NI BYAS SO ZHES PA'I SGRUB NGAG YANG DAG YOD PA'I PHYIR, DE LA DGOS PA 'DI YOD DE, DE SGRUB KYI RTAGS SU BKOD PA GANG ZHIG, DE SGRUB KYI TSUL GSUM MA YIN PA DE DE SGRUB KYI RTAGS LTAR SNANG GI MTSAN NYID MIN NA GTAN TSIGS LTAR SNANG DE LAS GZHAN, ZHES PA DANG 'GAL LA, YIN NA MTSAN GZHI GCIG GI STENG DU MTSON SBYOR RNAM DAG YOD DGOS PAS, RI BONG RVAS PHUG PA CHOS CAN, DE SGRUB KYI RTAGS LTAR SNANG YIN TE, DE SGRUB KYI RTAGS SU BKOD PA GANG ZHIG DE SGRUB KYI TSUL GSUM MA YIN PA'I PHYIR ZHES PA DE RTAGS YANG DAG DU KHAS LEN RIGS PA'I PHYIR, LNGA PA, KHYAD PAR MNYAN BYA RTAGS SU RIGS PAR THAL BA NI, KHYAD PAR MNYAN BYA CHOS CAN, SGRA RTAGS PA DANG MI RTAG PA GNYIS KA SGRUB PA'I RTAGS YANG DAG YIN PAR THAL, DE SGRUB KYI PHYOGS CHOS GANG ZHIG MTHUN PHYOGS MI MTHUN PHYOGS GNYIS KA LA MA MTHONG PA TZAM YOD PAS LDOG KHYAB GRUB PA'I PHYIR, 'DOD NA MI 'THAD DE, MDO RANG 'GREL LAS, KHYAD PAR NI RNAM PAR GCOD PA'I GTAN TSIGS MA YIN NO, ,ZHES PA DANG 'GAL, MNYAN BYA MI RTAG PA SNGAR RTOGS DE'I RJES SU MNYAN BYA DANG SGRA GNYIS MING DON GYI 'BREL BA SHES, DE'I RJES SU SGRA MI RTAG PAR NGES PA YOD GSUNGS PA DE, RAGS PA'I MI RTAG PA LA ZER BA YIN, MNYAN BYA RAGS PA'I MI RTAG PA RTOGS PA TZAM @197 LA MNYAN BYA MI RTAG PA RTOGS PAR 'JOG MI NUS SO, ,DRUG PA, SLOB DPON GYIS BYE BRAG PA'I SBYOR BA BKAG PA MI RIGS PAR THAL BA NI, BYE BRAG PAS MTHONG BA'I SA CHU ME GSUM PO LA REG BYA BTANG SNYOMS PA MI LDAN TE, MA MTHONG BA'I PHYIR ZHES PA'ANG LDOG KHYAB GRUB PAR THAL, MA MTHONG BA TZAM YOD PA'I PHYIR; 'DOD NA MI 'THAD DE, RLUNG GI RAB TU BYED PA LAS, GAL TE MA MTHONG BA TZAM GYIS MTHONG BA DAG LA 'GOG PAR BYED NA DE YANG RIGS PA MA YIN NO, ,ZHES PA DANG 'GAL, DE NI BYE BRAG PAS MTHA' GZHAN 'GOG PA'I RIGS PA STE, GRANG MIN DROD MIN GYI REG BYA BTANG SNYOMS PA DE, RLUNG GI YON TAN DU SGRUB 'DOD NAS, SA CHU ME GSUM LA 'GOG PA DANG, 'BYUNG BA'I YON TAN DU SGRUB PA NA, RLUNG GI YON TAN NAM SNYAM DU BSAMS SO, ,GONG GI DRUG PO DE DBANG PHYUG DE LA LUNG GNOD BYED DU BSTAN PA MA YIN TE, DNGOS RTOGS YUL LA LUNG GIS GNOD SGRUB BYED PA MI RIGS PA'I PHYIR, SLOG DPON DBANG PHYUG SDES, GONG GI THAL BA DE DAG LA KHYAB MED KYI LAN 'DEBS TE, MA MTHONG BA TZAM GYIS LDOG KHYAB GRUB KYANG RTAGS YANG DAG MA YIN PAR KHAS LEN PA'I PHYIR, DER THAL, RTAGS YANG DAG YIN NA, TSUL DRUG DGOS PA 'DOD PA'I PHYIR, DE LA, SLOB DPON CHOS KYI GRAGS PAS, GNOD BYED GANG GIS 'GOG PA BSAM DGOS SO,, MNGON SUM GYIS GNOD PA BSTAN PA NI, 'O MAS GCUS PA'I ZHING LAS SKYES PA'I SKYU RU RA CHOS CAN, RO MNGAR DANG LDAN TE, SKYU RU RA YIN PA'I PHYIR ZHES PA'ANG LDOG KHYAB GRUB PAR THAL, MA MTHONG BA TZAM YOD PA'I PHYIR, 'O MAS GCUS PA'I ZHING PA RNAMS KYIS SKYU RU RA DE SGRUB KYI MI MTHUN PHYOGS LA MA MTHONG BA YIN YANG, YUL GZHAN PA BA RNAMS KYI MI MTHUN PHYOGS LA MTHONG NGO ZHE NA, 'O NA, 'O MAS GCUS PA'I ZHING PA RNAMS KYI NGOR LDOG KHYAB GRUB PA'I SKABS YOD @198 PAR THAL LO, ,'BREL BA RANG DBANG CAN DANG, RANG DBANG CAN MA YIN PA GNYIS KYI NGOS 'DZIN, RGYU DANG KHYAB BYED MA DMIGS PA GNYIS 'BREL BA RANG DBANG CAN YIN TE, CHOS LOG RTAGS LOG DANG 'BREL ZHING RTAGS LOG CHOS LOG DANG MA 'BREL BA'I PHYIR, RANG BZHIN MA DMIGS PA'I RTAGS DE 'BREL BA RANG DBANG CAN MA YIN TE, RTAGS LOG CHOS LOG DANG 'BREL, CHOS LOG RTAGS LOG DANG YANG 'BREL BA'I PHYIR, RANG BZHIN MA DMIGS PA'I RTAGS DE DGAG GZHI DANG DGAG BYA'I CHOS SHES PA GCIG LA SNANG DU RUNG LA, GONG DU RANG BZHIN MA DMIGS PA'I RTAGS 'JUG TSUL GNYIS PA ZHIG KYANG BSTAN PAS, DE DGAG GZHI DANG SHES PA GCIG LA 'BREL MI RUNG BA BSHAD CING, BUM PA TSAD MAS MA DMIGS PA'I SA PHYOGS NA CHOS CAN, BUM PA MED DE, BUM PA TSAD MAS MA DMIGS PA'I PHYIR ZHES PA'I RTAGS DER 'JOG NA, DE 'DRA'I RTAGS DE CHOS CAN, DGAG GZHI DANG DGAG BYA'I CHOS GNYIS SHES PA GCIG LA SNANG DU MI RUNG BAR THAL, 'DOD MI NUS TE, SHES PA GCIG LA SNANG DU RUNG BA'I RANG BZHIN MA DMIGS PA'I RTAGS YIN PA'I PHYIR, DES NA, RANG BZHIN MA DMIGS PA'I RTAGS 'JUG TSUL GNYIS PA ZHIG BSTAN TE, BUM PA TSAD MAS MA DMIGS PA'I SA PHYOGS NA CHOS CAN; BUM PA'I REG BYA MED DE, BUM PA'I REG BYA TSAD MAS MA DMIGS PA'I PA'I PHYIR ZHES PA'I RTAGS DE YIN PA'I PHYIR, DON SGRUB KYI RTAGS DANG THA SNYAD SGRUB KYI RTAGS BSHAD PA LA, KHYOD DE SGRUB KYI RTAGS YANG DAG GANG ZHIG ,KHYOD KYI RTAGS KYI DE SGRUB KYI DNGOS KYI BSGRUB BYA'I CHOS KYANG YIN MTSAN NYID KYANG YIN PA'I GZHI MTHUN SRID PA DE, KHYOD DE SGRUB KYI DON SGRUB KYI RTAGS YANG DAG GI MTSAN NYID; KHYOD DE SGRUB KYI RTAGS YANG DAG GANG ZHIG, KHYOD KYI RTAGS KYI DE SGRUB KYI DNGOS KYI BSGRUB BYA'I CHOS KYANG YIN, MTSON BYA YANG YIN PA'I GZHI MTHUN @199 SRID PA DE, KHYOD DE SGRUB KYI THA SNYAD SGRUB KYI RTAGS YANG DAG GI MTSAN NYID, DON SGRUB KYI RTAGS LA GSUM YOD DE, DU LDAN GYI LA LA CHOS CAN, TSA ZHING SREG PA YOD DE, DU BA YOD PA'I PHYIR ZHES PA DE 'BRAS RTAGS DANG, SGRA CHOS CAN, SKAD CIG MA YIN TE, BYAS PA'I PHYIR ZHES PA DE RANG BZHIN GYI RTAGS DANG, ME MED MTSAN MO'I RGYA MTSOR CHOS CAN, TSA ZHING SRED PA MED DE, TSA ZHING SREG PA TSAD MAS MA DMIGS PA'I PHYIR ZHIS PA DE MA DMIGS PA'I RTAGS YIN, THA SNYAD SGRUB KYI RTAGS LA GSUM YOD DE, GONG BZHIN YIN PA'I PHYIR, DU LDAN GYI LA LA CHOS CAN, ME YOD DE, DU BA YOD PA'I PHYIR, ZHES PA 'BRAS RTAGS DANG, SGRA CHOS CAN, MI RTAG STE; BYAS PA'I PHYIR ZHES PA RANG BZHIN GYI RTAGS DANG, ME MED MTSAN MO'I RGYA MTSOR CHOS CAN, DU BA MED DE, DU BA TSAD MAS MA DMIGS PA'I PHYIR ZHES PA MA DMIGS PA'I RTAGS YIN PA'I PHYIR, YANG DON 'BA' ZHIG SGRUB KYI RTAGS YANG DAG DANG, THA SNYAD 'BA' ZHIG SGRUB KYI RTAGS DANG, DON DANG THA SNYAD GNYIS KA SGRUB KYI RTAGS GSUM YOD DE, SGRA CHOS CAN, SKAD CIG MA YIN TE, BYAS PA YIN PA'I PHYIR ZHES PA DON 'BA' ZHIG SGRUB KYI RTAGS DANG; SGRA CHOS CAN, MI RTAG STE SKAD CIG MA YIN PA'I PHYIR ZHES PA DE THA SNYAD 'BA' ZHIG SGRUB KYI RTAGS DANG, SGRA MI RTAG PA DANG SKAD CIG MA GNYIS KAR SHES 'DOD ZHUGS PA'I GANG ZAG GI NGOR, SGRA CHOS CAN, SKAD CIG MA YIN TE, BYAS PA YIN PA'I PHYIR ZHES PA DE, DON DANG THA SNYAD GNYIS KA SGRUB PA'I RTAGS YIN PAR RANG RE'I RTAGS RIGS LAS BSHAD PA DANG, RIGS RGYAN LAS, RGYU DANG KHYAB BYED MA DMIGS PA GNYIS DON DANG THA SNYAD GNYIS KA SGRUB PA'I RTAGS DANG, RANG BZHIN MA DMIGS PA THA SNYAD 'BA' ZHIG SGRUB LA @200 BZHAG ;TSAD MA YID KYI MUN SEL LAS, DE DANG 'GAL BAR BSHAD YIG CHA GZHAN LAS; DON DANG THA SNYAD GNYIS KAR SGRUB PA'I RTAGS YIN PA MED CES GSUNG, RTAGS RIG LAS, SKAD CIG MA'I 'BRAS BUR GYUR PA'I GZUGS CHOS CAN, MI RTAG STE, SKAD CIG MA'I 'BRAS BU YIN PA'I PHYIR, ZHES PA'I RTAGS DE, THA SNYAD SGRUB KYI 'BRAS RTAGS SU BSHAD 'DUG PAS, 'O NA SKAD CIG MA'I RGYUR GYUR PA'I GZUGS CHOS CAN, MI RTAG STE, SKAD CIG MA'I RGYU YIN PA'I PHYIR, ZHES PA'I RTAGS DE CHOS CAN, RTAGS YANG DAG YIN PAR THAL, 'DOD NA, 'BRAS RANG MA DMIGS PA'I RTAGS GSUM PO GANG RUNG YIN PAR THAL, 'DOD MI NUS TE, RGYU RTAGS SU BKOD PA'I RTAGS YIN PA'I PHYIR, RTAGS YANG DAG MA YIN NA, SKAD CIG MA'I 'BRAS BUR GYUR PA'I GZUGS CHOS CAN, MI RTAG STE, SKAD CIG MA'I 'BRAS BU YIN PA'I PHYIR ZHES PA'I RTAGS CHOS CAN, RTAGS YANG DAG MA YIN PAR THAL, MTSUNGS PA'I PHYIR, 'DOD MI NUS TE, BYAS PA'I 'BRAS BUR GYUR PA'I GZUGS CHOS CAN, MI RTAG STE, BYAS PA'I 'BRAS BU YIN PA'I PHYIR ZHES PA'I RTAGS DE 'BRAS RTAGS YANG DAG GANG ZHIG , GONG DANG MTSUNGS PA'I PHYIR, DES NA, 'BRAS BU BSGRUB BYA'I CHOS DANG, DE'I RGYU RTAGS SU BKOD PA'I RTAGS YANG DAG CIG YOD NA, RTAGS GZHAN BZHI PA MI 'DOD BZHIN DU KHAS LEN DGOS PAS, DE NI RNAM GSUM NYID, CES PA DANG DNGOS SU 'GAL LO, ,KHO BO NI, MI RTAG PA'I RGYU KHO KHO RANG MA YIN PAR 'DOD NA GNOD BYED DE DAG MED PAR MA ZAD RDZAS GCIG RDZAS THA DAD LA DPYOD PA'I SKABS SU'ANG ZIN MTSAMS BDE BAS DE LTAR KHAS BLANG NA SKYON MED DO SNYAM STE 'ON KYANG DPYAD PAR BYA'O, ,RANG BZHIN RTAGS KYI 'BREL BA NGES BYED KYI TSAD MA RGYAS PAR BSHAD PA LA, RANG BZHIN RTAGS KYI 'BREL BA'I RANG LDOG DANG DON @201 LDOG GNYIS TE, BYAS PA RANG YOD TZAM NAS MI RTAG PA'I RANG CHAS SU 'BREL BA DE RANG LDOG DANG, BYAS PA MI RTAG PA DANG THA DAD, MI RTAG PA LDOG STOBS KYIS BYAS PA LDOG PA DE 'BREL BA'I DON LDOG YIN, BYAS MI RTAG GNYIS PHAN TSUN 'BREL BA GRUB PAS, RANG DBANG CAN MA YIN PA'I 'BREL BA DANG, ME DU GNYIS 'BREL BA RANG DBANG CAN TE 'BREL YUL ME LA DBANG YOD LA, 'BREL BA PO DU BA LA DBANG MED PA DANG, DE BZHIN DU SHA PA DANG SHING, SA BON DANG MYU GU; RDZA MKHAN DANG RDZA MA, MA DANG BU SOGS LA'ANG 'DRA'O, ,MI RTAG PA'I RGYU CHOS CAN, MI RTAG PA DANG 'BREL BAR THAL, MI RTAG PA DANG THA DAD, MI RTAG PA LDOG STOBS KYIS MI RTAG PA'I RGYU LDOG PA'I PHYIR, DER THAL, MI RTAG PA LDOG PA'I GZHI YIN NA, MI RTAG PA'I RGYU LDOG PA'I GZHI YIN DGOS PA'I PHYIR, 'DOD NA, MI RTAG PA DANG 'BREL BA GNYIS PO GANG RUNG GRUB PAR THAL, 'DOD PA'I PHYIR, KHYAB STE, MED NA MI 'BYUNG NGES PHYIR RO, ,ZHES GSUNGS PA'I PHYIR, GZHAN YANG; MI RTAG PA LDOG STOBS KYIS MI RTAG PA'I RGYU LDOG PAR THAL, MI RTAG PA LDOG STOBS KYIS RGYU LDOG PA'I PHYIR, DER THAL, MI RTAG PA DANG RGYU GNYIS GRUB BDE DBYER MED KYE RDZAS GCIG YIN PA'I PHYIR, RTZA BAR MA KHYAB NA KHYAB PAR THAL, SPYIR RGYU KHEGS NA, MI RTAG PA'I RGYU YANG KHEGS DGOS PA'I PHYIR, DER THAL, RTAG PA RGYUS STONG PAR RTOGS PA NA, RTAG PA MI RTAG PA'I RGYUS STONG PAR RTOGS DGOS PA'I PHYIR, MA GRUB NA, RTAG PA BYAS PAS STONG PAR RTOGS PA NA, RTAG PA SGRA'I BYAS PAS STONG PAR RTOGS DGOS PA 'BUD, SPYIS STONG PAR NGES NA BYE BRAG GIS STONG PAR NGES PAS KHYAB PA LA SONG, GZHAN YANG, MI RTAG PA LDOG STOBS KYIS MI RTAG PA'I DNGOS RGYU LDOG PAR THAL, MI RTAG PA'I DNGOS RGYU MI RTAG PA DANG 'BREL @202 BA'I PHYIR TE, DU BA'I DNGOS RGYU DU BA DANG 'BREL BA'I PHYIR, GZHI GANG ZHIG NA, MI RTAG PA'I DNGOS RGYU MED DE, DNGOS 'BRAS MI RTAG PA MED PA'I PHYIR ZHES PA'I RTAGS DE DNGOS 'BRAS MA DMIGS PA'I RTAGS YIN PA'I PHYIR RO,, RANG BZHIN RTAGS LA 'PHROS PA'I DOGS PA SKYE TSUL LA, BYAS MI RTAG GNYIS RDZAS GCIG TU KHAS LEN PA NA, BYAS PA'I RDZAS DANG, MI RTAG PA'I RDZAS GNYIS GCIG YIN DGOS SNYAM NAS, SGRA CHOS CAN, MI RTAG STE, BYAS PA'I PHYIR ZHES PA'I RTAGS, RDZAS SU GRUB PA'I BYAS PA RTAGS YIN NAM, RTOG PAS BTAGS TZAM GYI BYAS PA RTAGS SU BKOD, DANG PO LTAR NA DE 'DRA'I RTAGS DE CHOS CAN, MA GRUB PA'I GTAN TSIGS YIN PAR THAL, RTAGS CHOS THA DAD MED PA'I RTAGS YIN PA'I PHYIR, DER THAL, BYAS PA'I RDZAS DANG, MI RTAG PA'I RDZAS GNYIS GCIG YIN PA'I PHYIR ZHES PA DANG, RTOG PAS BTAGS TZAM GYI BYAS PA RTAGS SU BKOD NA DE 'DRA'I RTAGS DE CHOS CAN, KHYAB PA 'GAL BA'I GTAN TSIGS YIN PAR THAL, RTAGS SU BKOD PA'I DON DE YIN NA, MI RTAG PA YIN PA 'GAL BA'I PHYIR ZHES PA'O, ,LAN NI, BYAS MI RTAG RDZAS GCIG YIN NA, BYAS PA'I RDZAS DANG MI RTAG PA'I RDZAS GCIG YIN MI DGOS PA'I PHYIR DANG BYAS MI RTAG NGO BO GCIG YIN YANG, BYAS PA'I NGO BO DANG, MI RTAG PA'I NGO BO THA DAD YIN PA'I PHYIR, DER THAL, BYAS MI RTAG GNYIS NGO BO GCIG YIN NA'ANG LDOG PA THA DAD YIN PA'I PHYIR, BYAS MI RTAG GI THA DAD DE RTOG PAS BTAGS TZAM DU GRUB STE, RANG MTSAN GYIS GRUB NA DNGOS PO'I GNAS TSUL GYIS THA DAD YIN DGOS PAS RDZAS THA DAD DU GRUB DGOS SO, ,RTOG PAS BTAGS PA'I THA DAD DU 'DOD PA LA, YUL DNGOS PO'I GNAS TSUL GYI DBANG GIS THA DAD DU KHAS BLANGS DGOS PA MED DE, BYAS MI RTAG THA DAD DE, @203 SGRA'I BRJOD TSUL TZAM DANG, RTOG PA'I SNANG YUL TZAM DU BZHAG PA'I PHYIR, DOGS PA DE LTAR SKYE BA'I RGYU MTSAN NI, GZHUNG 'DI'I THUN MONG MA YIN PA'I BDEN GNYIS KYI RNAM GZHAG PHYIN CI MA LOG PAR 'JOG MA SHES PAS LAN ZHING BDEN GNYIS KYI RNAM GZHAG JI BZHIN NGES PA'ANG SHIN TU DKA' STE, KUN RDZOB DANG DON DAM GYI RNAM GZHAG GCIG KHAS LEN NA, CIG SHOS SUN 'BYIN NAS GZHI GCIG GI STENG DU 'DU MI RUNG BA'I 'GAL 'DU 'BA' ZHIG TU 'GYUR BA'I PHYIR, BDEN GNYIS TSUL BZHIN DU 'JOG MA SHES NA, YANG NA RANG MTSAN RTOG PA'I GZUNG YUL DU KHAS LEN, YANG NA, SPYI MTSAN TSAD MA'I GZHAL BYA MA YIN PAR 'DOD PAS RGYANG 'PHEN DANG 'DRA BAR 'GYUR RO, NANG SDE GRUB MTHA' SMRA BA BZHI'I NANG NAS, BYE BRAG SMRA BAS, ,GANG LA BCOM DANG BLO YI GZHAN, BSAL NA DE BLO MI 'JUG PA, ZHES PA'I SKABS SU BSHAD PA DANG 'DRA, MDO SDE PA'I LUGS KYI BDEN GNYIS NI, ,GZHAL BYA GNYIS PHYIR TSAD MA GNYIS, DON BYED NUS DANG MI NUS PHYIR, ,DE DAG RANG SPYI'I BSHAD MTSAN NYID DE, ZHES PA DANG, DE YIS JI LTAR KUN BTAGS PA, ,DE NI DAM PA'I DON DU MED, ,DE LA BSAM PA'I DBANG GIS NI, ,SPYI YOD PA NI RAB TU BSGRAGS, ZHES PA DANG, ,GANG GI RANG GI NGO BO NYID, ,GZHAN GYI NGO BO SGRIB BYED PA, SGRIB BYED DE DAG THA DAD KYANG; ZHES SOGS KYIS BSTAN PAS, DPER NA, BUM PA DE DON DAM BDEN PA DANG BUM PA'I DON SPYI DE KUN RDZOB BDEN PA YIN PA DE GNYIS RTOG PA'I YUL DU GCIG LTA BUR SNANG NAS DON RANG MTSAN BUM PA SNANG YUL DU BYED PA LA SGRIB PAR BYAS; BUM 'DZIN RTOG PA LA BUM PA MA YIN PA LAS LOG PAR SNANG BA DE BUM PA'I DON SPYI DANG SPYI MTSAN YIN PAS, RANG MTSAN YIN PA 'GOG DGOS, DE BKAG PA NA, BUM PA RANG MTSAN DE YANG KHEGS NAS RANG MTSAN 'JOG MI SHES, @204 BUM PA RANG MTSAN DU BSGRUB PA NA RTOG PA LA BUM PAR SNANG BA'I SPYI MTSAN DE YANG RANG MTSAN DU SONG NAS 'GOG MI THUB PAR 'GYUR BA DE, LUGS 'DI'I RTOGS DKA' BA'I GNAD YIN, RANG MTSAN RTOG PA'I GZUNG YUL DU KHAS LEN NA, RTOG PA SGRUB 'JUG TU GYUR NAS, SGRA NGES PA'I RTOG PA DES SGRA'I CHOS KUN NGES PAR 'GYUR BAS TSAD MA PHYI MA RNAMS DON MED PAR 'GYUR, SGRA RTOG SEL 'JUG TU KHAS LEN NA, SGRA RTOG DE DAG RANG MTSAN LA YE MA REG PAR SGRA RTOG RNAMS RLOM PA 'BA' ZHIG GO SNYAM DU BSAMS, RTOG PAS BTAGS TZAM GYI CHOS LA SKYON MED GZHAL BYA SGRUB BYED SPYI THA DAD SOGS 'JOG MI SHES NA, LUGS 'DI'I GNAD MI RTOGS SO, ,NGO BO NYID MED PAR SMRA BA'I LUGS KYI DPER BRJOD PA NI, GZUGS SGRA LA SOGS PA'I YUL LNGA PO, DBANG SHES LNGA PO RANG RANG LA RANG GI MTSAN NYID KYI GRUB PAR SNANG ZHING SNANG BA LTAR MA KHEGS NA, DON DAM BDEN PA MI RTOGS, DE MA RTOGS NA, GZUGS SGRA SOGS KUN RDZOB BDEN PAR MI RTOGS LA, GZUGS SGRA LA SOGS PA RANG GI MTSAN NYID KYIS GRUB PA BKAG PA NA, DON BYED NUS PA'I GZUGS SGRA SOGS KYANG BLO NGOR KHEGS PAR 'GYUR TE, CHAD LTA 'BA' ZHIG TU 'GYUR BAS, BDEN GNYIS KYI RNAM GZHAG 'JOG DKA', DES NA, GZUGS SGRA LA SOGS PA RNAMS DBANG SHES LA RANG GI MTSAN NYID KYIS GRUB PAR SNANG ZHING SNANG BA LTAR MA GRUB PA DE DON DAM BDEN PA DANG, GZUGS SOGS DBANG SHES LA SNANG BA LTAR DON BYED NUS PA RNAMS KUN RDZOB BDEN PA YIN LA, DPE DE BZHIN DU, LUGS 'DIR NI, DNGOS PO RANG GI MTSAN NYID KYIS MA GRUB NA, RGYU 'BRAS KYI BYA BA BYED MI NUS LA; SPYI MTSAN RNAMS RTOG PA LA RANG GI MTSAN NYID KYIS GRUB PAR SNANG ZHING, SNANG BA LTAR GRUB PA MA KHEGS NA KUN RDZOB TU MI 'GRUB PAS, BDEN GNYIS KYI RNAM @205 GZHAG RGYAS PAR MDZAD DO, ,DA NI, LUGS 'DIR NI, ZHES PA'I LUGS DE, MDO SDE PA'I LUGS LA BYED DAM, SEMS TZAM PA'I LUGS LA BYED, DANG PO LTAR NA; MDO SDE PA'I LUGS LA, RTOG PA LA BUM PA MA YIN PA LAS LOG PAR SNANG BA DE, RANG GI MTSAN NYID KYIS MA GRUB PAR THAL, 'DOD PA'I PHYIR, 'DOD MI NUS TE, BYANG SA'I DNGOS BSTAN GYI SGRO 'DOGS 'GOG YUL DON SMRA SDE GNYIS YIN LA, DE GNYIS KYIS BYANG SA'I DNGOS BSTAN GYI SGRO 'DOGS 'THAD LDAN DU KHAS LEN PA'I PHYIR, GZHAN YANG LUGS 'DIR ZHES PA'I LUGS DE, THOGS MED SKU MCHED DANG BLO BRTAN GYI GZHUNG DANG MTHUN PA MA YIN PAR THAL, MDO SDE PA'I THUN MONG MA YIN PA'I LUGS YIN PA'I PHYIR, 'DOD MI NUS TE, SA SDE SKOR DANG DBYIG GNYEN DANG BLO BRTAN GYI GZHUNG LAS BYUNG BA DANG MTHUN PA'I PHYIR, SEMS TZAM PA'I LUGS YIN ZER NA, THA SNYAD TZAM DU YOD PA KUN RDZOB BDEN PA DANG, DON BYED NUS PA'I GZHI MTHUN YOD PAR THAL, SEMS TZAM PAS, DON BYED NUS PA KUN RDZOB BDEN PAR KHAS LEN PA'I PHYIR, DER THAL, DON DAM PA LA YONGS GRUB YIN DGOS PA'I PHYIR TE, RNAM DAG SPYOD YUL RNAM GNYIS TE, GCIG PU KHO NA BRJOD PA YIN, ZHES GSUNGS PA'I PHYIR, 'DOD MI NUS TE, THA SNYAD TZAM DU YOD PA'I KUN RDZOB DANG, DON BYED NUS PA'I GZHI MTHUN KHAS LEN NA, LUGS 'DI'I DON MA RTOGS PAR GSUNGS PA'I PHYIR, YIG CHA 'GA' ZHIG GIS, MDO SDE PA'I LUGS LA GZHI GRUB NA RANG GI MTSAN NYID KYIS GRUB PAS KHYAB PAS, SKABS 'DIR BUM PA'I DON SPYI RANG GI MTSAN NYID KYIS MA GRUB PAR NAN GYIS SGRUB PA'I PHYIR NA, SKABS 'DIR SEMS TZAM PA'I LUGS LA BYED DGOS GSUNGS, YANG 'GA' ZHIG GIS, MDO SDE PA'I LUGS LA BYAS KYANG, BUM PA'I DON SPYI @206 RANG GI MTSAN NYID KYI MA GRUB PAR GSUNGS PA NI, DON DAM PAR GRUB PA LA DGONGS NAS GSUNGS ZHES BZHED, GONG GI LUGS GNYIS KA YANG, MDO SDE PA'I LUGS LA, GZHI GRUB NA, RANG GI MTSAN NYID KYI GRUB PAS KHYAB PA ZHAL GYIS BZHES PA DE LA BKA' GDAMS PA'I DGE BSHES PO TO BA'I RNAM SPRUL DGA' LDAN KHRI THOG 22 MKHAS GRUB CHEN PO DGE 'DUN BSTAN PA DAR RGYAS KYI DRANG NGES SPYI MTHA' DPYOD LAS, MDO SDE PA'I LUGS LA, GZHI GRUB NA, RANG GI MTSAN NYID KYI GRUB PAS MA KHYAB PAR KHAS LEN TE, MDO SDE PA'I LUGS LA SPYI MTSAN RANG GI MTSAN NYID KYIS MA GRUB PAR KHAS LEN PA'I PHYIR, 'O NA, SEMS TZAM PA'I LUGS DANG 'DRA BAR 'GYUR RO ZHE NA MI 'DRA STE, NGO BO DANG KHYAD PAR LA KUN BTAGS PA'I KUN BTAGS, MDO SDE PAS RANG GI MTSAN NYID KYIS GRUB PAR KHAS LEN PA'I PHYIR, DER THAL, SNGON 'DZIN MIG SHES LA SNGON PO SNANG TSUL GSUM YOD PA LAS, SEMS TZAM PAS SNANG TSUL THA MA PHYIN CI LOG GI SNANG TSUL DU 'DOD CING, MDO SDE PAS SNANG TSUL GSUM GA SNANG TSUL DON MTHUN DU 'DOD PA'I PHYIR TE, SNGO 'DZIN MIG SHES SNANG YUL LA MA 'KHRUL BAR 'DOD PA'I PHYIR TE, SNGO 'DZIN MIG SHES MNGON SUM TSAD MAR 'DOD PA'I PHYIR, GANG DAG GIS, MDO SDE PA'I LUGS LA, GZHI GRUB NA, RANG GI MTSAN NYID KYIS GRUB PAS KHYAB PAR THAL, MDO SDE SPYOD PA'I DBU MA PA'I LUGS LA GZHI GRUB NA RANG GI MTSAN NYID KYIS GRUB PAS KHYAB PA'I PHYIR ZER NA MA KHYAB, DER THAL, SLOB DPON LEGS LDAN 'BYED KYIS LUGS LA GZHI GRUB NA, RANG GI MTSAN NYID KYIS GRUB PAS KHYAB PA'I PHYIR, 'O NA, SEMS TZAM PA'I LUGS LA GZHI GRUB NA, RANG GI MTSAN NYID KYIS GRUB PAS KHYAB PAR THAL, RNAL 'BYOR SPYOD PA'I DBU MA PA'I LUGS LA, GZHI GRUB NA RANG GI MTSAN NYID KYIS GRUB PAS KHYAB PA'I PHYIR, RTAGS KHYAB KHAS @207 DES NA, MKHAS GRUB CHEN PO'I YIG CHA LTAR NA, SKABS 'DIR, MDO SDE PA'I 'DOD PA LTAR KHAS LEN YANG, TSIG LA SNON PA MI DGOS SO,, MKHAS GRUB DE'I SKABS DANG PO'I MTHA' DPYOD LAS, GZHI GRUB NA RANG GI MTSAN NYID KYIS GRUB PAS MA KHYAB PA'I MU LA 'GOG BDEN BZHAG PA DANG, SPYI DON LAS KUN BTAGS LA DOGS PA CUNG ZAD YOD GSUNGS PA RNAMS CUNG MA BDE BAR 'DUG DBU MA RANG BRGYUD PA'I LUGS LA, GZHI GRUB NA, RANG GI MTSAN NYID KYIS GRUB PAS KHYAB PAR THAL, SLOB DPON LEGS LDAN 'BYED KYIS GZHI GRUB NA RANG GI MTSAN NYID KYIS GRUB PAS KHYAB PA 'DOD, ZHI 'TSO YAB SRAS KYIS KYANG, GZHI GRUB NA RANG GI MTSAN NYID KYIS GRUB PAS KHYAB PA KHAS LEN PA'I PHYIR ZER NA MA KHYAB, KHYAB PAR THAL, RANG RGYUD PA'I SHING RTA'I SROL 'BYED LEGS LDAN 'BYED DANG, RNAL 'BYOR SPYOD PA'I RANG RGYUD PA'I SHING RTA SROL 'BYED ZHI 'TSO 'JOG PA'I PHYIR ZER NA'ANG MA KHYAB, RTZA BAR 'DOD MI NUS TE, 'GOG BDEN 'GOG BDEN ZHES PA'I THA SNYAD 'JUG PA'I GZHI RANG GI MTSAN NYID KYIS MA GRUB PA'I PHYIR, DER THAL; RANG RGYAL MTHONG LAM 'GOG PA CHOS BZOD KYI GZHAL BYA ZHIG YOD PA'I PHYIR, ` DA NI, DKYUS LA 'JUG PAR BYA STE, YUL DUS RANG BZHIN MA 'DRES PAR GNAS PA RANG MTSAN GYI DON MA YIN TE, MDO SDE PAS RANG MTSAN GYI DON DU GANG 'DOD PA DE, NGO BO NYID MED PAR SMRA BAS, DON DAM LA DPYOD PA'I RTAGS KYI DGAG BYAR 'DOD LA, YUL DUS RANG BZHIN MA 'DRES PAR GNAS PA'I DNGOS PO NGO BO NYID MED PAR SMRA BA RNAMS KYIS KYANG 'DOD PA'I PHYIR, YUL MA 'DRES PA'I DON YANG BUM PA LTA BU SHAR LA REG PA'I CHA NUB LA MA REG PA LA BYED KYI, SHAR NA YOD NA NUB NA MED PAS KHYAB PA YUL MA 'DRES PA'I DON MA YIN NO, DUS MA 'DRES PA'I DON YANG, SNGA DRO'I DNGOS PO PHYI DRO'I DUS SU MED PA LA BYED KYI, SNGA DRO YOD @208 NA PHYI DRO MED PAS KHYAB PA DUS MA 'DRES PA'I DON MA YIN NO, RANG BZHIN MA 'DRES PA'I DON YANG, MI'I NGO BO DE NYID, DUD 'GRO LA YOD PA'I NGO BO MA YIN PA LA BYED KYI, MI LA YOD NA, DUD 'GRO LA MED PA'I KHYAB PA NI, RANG BZHIN MA 'DRE PA'I DON MA YIN NO, ,RTOG PAS BTAGS TZAM MIN PA YUL RANG NGOS NAS GRUB PA DE; RANG MTSAN GYI DON LDOG ,GONG DU BSHAD PA DE SEMS TZAM PA'I LUGS LA BYED NA, 'DIR YANG SEMS TZAM PA'I LUGS LA BYED DGOS PAS, SEMS TZAM PA'I LUGS LA, YONGS GRUB RANG MTSAN YIN NAM SPYI MTSAN YIN, RANG MTSAN DANG DNGOS PO DON GCIG YIN MIN SOGS DPYAD PAR BYA'O, ,TSAD MA YID KYI MUN SEL DANG, RIGS RGYAN GNYIS SU MDO SDE PAS RANG MTSAN GYI DON LDOG TU GANG 'DOD PA DE, DBU MA THAL 'GYUR BAS DON DAM LA DPYOD PA'I RTAGS KYI DGAG BYAR BZHED PAR 'DOD GSUNGS, 'O NA, RTOG PAS BTAGS TZAM MIN PAR YUL RANG NGOS NAS GRUB PA DE CHOS CAN, THAL 'GYUR BAS DON DAM LA DPYOD PA'I RTAGS KYI DGAG BYAR BZHED PAR THAL, 'DOD NA, DE GZHI GANG GI STENG DU KHEGS NA, THAL 'GYUR BA'I LTA BA GO BAR 'GYUR BAR THAL, 'DOD NA, MDO BSDE PA CHOS CAN, THAL 'GYUR BA'I LTA BA GO BAR THAL, NAM MKHA'I STENG DU RTOG PAS BTAGS TZAM MIN PAR YUL RANG NGOS NAS GRUB PA KHEGS PA'I PHYIR, DER THAL, NAM MKHA' RANG MTSAN MA YIN PAR RTOGS PA'I PHYIR, DER THAL, NAM MKHA' SPYI MTSAN DU RTOGS PA'I PHYIR RO,, ` DNGOS PO'I GNAS LUGS BSHAD PA LA, KHA CIG GIS, BYAS MI RTAG NGO BO GCIG YIN NA, BYAS RTAGS KYIS SGRA MI RTAG PAR SGRUB PA'I RTAGS DE RTAGS CHOS THA DAD MED PA'I MA GRUB PA'I GTAN TSIGS SU 'GYUR RO ZHES PA'O, ,LAN LA, MNYAN BYA LTA BU GCIG LA'ANG LDOG PA DU MAR DBYE RUNG BAS, BYAS MI RTAG GNYIS NGO BO GCIG YIN YANG, SGRA RTOG GI YUL DU SO SOR GNAS PA'I PHYIR, @209 DAM BCA'I PHYOGS GCIG RTAGS SU BKOD PA MA YIN TE, BYAS PA ZHES PA'I SGRA DES BYAS PA GO BAR BYED KYI MI RTAG PA GO BAR MI BYED, MI RTAG PA ZHES PA'I SGRA DES; MI RTAG PAR GO BAR BYED KYI BYAS PA GO BAR MI BYED PAS, TSAD MA'I YUL DU SO SOR GNAS PA YIN, SGRA GCIG PU LA'ANG SGRA MA YIN LAS LDOG PA DANG, BYAS PA MA YIN PA LAS LDOG PA SOGS DU MAR DBYE RUNG STE, RANG RGYU LAS SKYES PA'I PHYIR, DNGOS PO'I GNAS LUGS NI, RANG GI NGO BO GZHAN DANG MA 'DRES PAR GNAS SHING RANG MA YIN KUN LAS LOG PA'I LDOG PA SNA TSOGS PA DE DAG GO, LDOG PA DE DAG YOD PAR BRTEN NAS BYAS MI RTAG SOGS NGO BO GCIG KYANG LDOG PA THA DAD PAS, RANG BZHIN RTAGS KYI PHYOGS CHOS MA GRUB PA'I SKYON SPONG BAR NUS SO, ,BYAS MI RTAG GI THA DAD CHOS CAN, THA DAD MTSAN NYID PA MA YIN TE, RTOG PAS BTAGS TZAM YIN PA'I PHYIR, ZHES PA'I RTAGS DE'I KHYAB PA GRUB PA'I TSAD MA ZHIG YOD NA, TSAD MA DE NYID KYIS, 'BREL MED DU GRUB DGOS TE, TSAD MA DES, RTOG PAS BTAGS TZAM YIN NA; THA DAD MTSAN NYID PA MA YIN PAS KHYAB PA GRUB DGOS, DE GRUB NA, RTOG PAS BTAGS TZAM DANG, THA DAD MTSAN NYID PA MA YIN PA GNYIS CHOS CAN, 'BREL BA MED PAR THAL, THA DAD MTSAN NYID PA MA YIN PA'I PHYIR TE, RTOG PAS BTAGS TZAM YIN PA'I PHYIR ZHES PA'O, ,BYAS MI RTAG THA DAD RANG RIG MNGON SUM GYIS SHUGS LA GRUB STE, BYAS PA 'JAL BA'I TSAD MA DANG, MI RTAG PA 'JAL BA'I TSAD MA GNYIS, RANG RIG MNGON SUM GYIS DNGOS SU 'JAL BA'I STOBS KYIS BYAS MI RTAG GI THA DAD SHUGS LA GRUB BO, ,DES NA, BYAS MI RTAG THA DAD DU RTOGS NA BYAS MI RTAG GNYIS RTOGS DGOS SAM MI DGOS SHE NA; GANG ZAG LA DGOS, BLO LA MI DGOS, RANG RIG MNGON SUM GYIS BYAS @210 MI RTAG THA DAD RTOGS KYANG BYAS MI RTAG RTOGS MI DGOS SO, ` ,SEL 'JUG DANG, SGRUB 'JUG BSHAD PA LA, RANG YUL LA CHA SHAS SU PHYE NAS 'JUG PA SEL 'JUG GI MTSAN NYID, RANG YUL LA CHA SHAS SU MA PHYE BAR 'JUG PA SGRUB 'JUG GI MTSAN NYID BZHAG PA DANG, YANG BRDA'I DBANG GIS BZHAG PA, SEL 'JUG GI MTSAN NYID, DNGOS DBANG GIS 'JUG PA, SGRUB 'JUG GI MTSAN NYID DU BZHAG PA'ANG YOD, DANG PO LA, SKYON 'DI LTAR BRJOD DE, RNAM MKHYEN CHOS CAN, SEL 'JUG YIN PAR THAL, RANG YUL LA CHA SHAS SU PHYE NAS 'JUG PA'I PHYIR, DER THAL, YOD PA GANG ZHIG ,YOD NA RNAM MKHYEN GYIS 'JAL DGOS PA'I PHYIR, GZHAN YANG RJES DPAG CHOS CAN, SGRUB 'JUG YIN PAR THAL, RANG YUL LA CHA SHAS MA PHYE BAR 'JUG PA'I PHYIR, DER THAL, YUL GYI CHA SHAS MTHA' DAG RTOGS PA'I PHYIR, KHYAB STE, SGRA NGES PA'I NGES SHES KYIS SGRA'I BYAS MI RTAG SOGS NGES NA SGRUB 'JUG TU THAL BA'I SKYON BRJOD PA'I PHYIR, GNYIS PA LA SKYON 'DI LTAR BRJOD DE, ZLA GCIG ZLA GNYIS SU SNANG BA'I DBANG SHES CHOS CAN, DNGOS DBANG GI SGO NAS 'JUG PAR THAL, SGRUB 'JUG YIN PA'I PHYIR, 'DOD NA, DNGOS PO'I GNAS TSUL LA ZLA GNYIS YOD PAR THAL, 'DOD PA'I PHYIR, KHYAB STE, GZHAN SDES, SGRA DNGOS DBANG GIS 'JUG PAR 'DOD PA LA SGRAS BRJOD PA LTAR DNGOS PO'I GNAS TSUL LA YOD DGOS PA'I SKYON BRJOD PA'I PHYIR, DER THAL, BTZUN MO RNAMS GRONG DRUG LA SOGS, ,ZHES SOGS GSUNGS PA'I PHYIR ZHES PA'O,, KHO BO NI 'DI LTAR 'DOD DE, RANG YUL GCIG SNANG BA'I STOBS KYIS YUL DE DANG GRUB BDE DBYER MED KYI CHOS KUN SNANG BA DE, SGRUB 'JUG GI MTSAN NYID, RANG YUL GCIG LA 'JUG STOBS KYIS YUL GZHAN LA 'JUG MI NUS PA DE, SEL 'JUG GI MTSAN NYID, RTOG MED KYI SHES PA YIN NA, SGRUB 'JUG YIN PAS KHYAB, @211 SKRA SHAD 'DZAG SNANG GI DBANG SHES KYANG SKRA SHAD LA SGRUB 'JUG YIN PA'I PHYIR, SKRA SHAD SNANG STOBS KYIS, SKRA SHAD MA YIN PA LAS LOG PA SOGS SNANG BA'I PHYIR, SGRA RTAG 'DZIN RTOG PA'ANG SEL 'JUG YIN TE, SGRA RTAG PA SNANG BA'I STOBS KYIS GZHAN LA 'JUG PA MED PA'I PHYIR, SGRA RNAMS KYANG RANG GI BRJOD BYA GCIG BRJOD STOBS KYIS GZHAN BRJOD PA MED PA'I PHYIR, RJOD BYED KYI SGRA DANG RTOG PA GANG RUNG LA SEL 'JUG GIS KHYAB BO, ,GANG ZAG DANG SGRUB 'JUG GI GZHI MTHUN YOD PA MA ZAD, GANG ZAG DANG SEL 'JUG GI GZHI MTHUN YANG KHAS LEN TE, BDAG MED DON SPYI'I TSUL GYIS RTOGS PA'I GANG ZAG GI RGYUD KYI BDAG MED RTOGS PA'I YID KYI RNAM SHES DE, SEL 'JUG DANG GANG ZAG GI GZHI MTHUN YIN PA'I PHYIR, DER THAL, DE SEL 'JUG GANG ZHIG ,GANG ZAG YIN PA'I PHYIR, DANG PO DER THAL, RTOG PA YIN PA'I PHYIR, PHYI MA DER THAL, MTHONG LAM BAR CHAD MED LAM PA'I RGYUD KYI YID KYI RNAM SHES DE GANG ZAG YIN PA'I PHYIR, DER THAL, LONGS SKU'I RGYUD KYI YID KYI RNAM SHES GANG ZAG YIN PA'I PHYIR, DE RTOG PA MA YIN ZHE NA, BDAG MED DON SPYI'I TSUL GYIS RTOGS PA'I GANG ZAG GI RGYUD KYI YID KYI RNAM SHES CHOS CAN, RTOG PA YIN PAR THAL, BDAG MED DON SPYI'I TSUL GYIS RTOGS PA'I BLO YIN PA'I PHYIR, MA GRUB NA, DER THAL, BAR CHAD MED LAM PA'I RGYUD KYI YID KYI RNAM SHES BDAG MED MNGON SUM DU RTOGS PA'I BLO YIN PA'I PHYIR, BDAG MED MNGON SUM DU RTOGS PA'I RNAL 'BYOR MNGON SUM RNAMS SGRUB 'JUG YIN TE, BDAG GIS DBEN PA'I 'DUS BYAS SNANG BA'I STOBS KYIS DE DANG GRUB BDE DBYER MED KYI 'DUS BYAS MTHA' DAG SNANG BA'I PHYIR, DER THAL, SDE BDUN YID KYI MUN SEL DANG TSAD MA RIGS RGYAN, YIG CHA RNAMS LAS, BDAG MED RTOGS PA'I RNAL 'BYOR MNGON SUM GYIS BDAG GIS DBEN PA'I 'DUS BYAS DNGOS SU RTOGS NAS @212 BDAG MED SHUGS LA RTOGS PAR GSUNGS PA'I PHYIR, DE PHYIR DNGOS PO MTHONG BA YI, ,YON TAN MTHA' DAG MTHONG BA NYID, ,CES SOGS KYIS YUL DUS RANG BZHIN GANG LA LTOS TE GRUB BDE RDZAS GCIG YIN NA, GCIG SNANG BA'I MNGON SUM LA CIG SHOS SNANG BA'I MNGON SUM DGOS PAR GSUNGS, SKABS 'DIR KHYAB MNYAM RDZAS GCIG DANG GRUB BDE RDZAS GCIG GRUB BDE DBYER MED KYI RDZAS GCIG BCAS YOD PA LAS, BUM PA DANG BUM PA'I DON SPYI GNYIS KHYAB MNYAM RDZAS GCIG YIN YANG; RDZAS GCIG MA YIN, BUM PA'I REG BYA DANG BUM PA GNYIS, GRUB BDE RDZAS GCIG YIN TE, SKYE 'GAG GNAS GSUM CIG CAR BYED PA'I PHYIR, BUM PA DANG BUM PA'I MI RTAG PA GNYIS GRUB BDE DBYER MED KYI RDZAS GCIG YIN TE, BUM PA SNANG BA'I MNGON SUM YIN NA, BUM PA'I MI RTAG PA SNANG BA'I MNGON SUM YIN DGOS LA, CIG SHOS LA'ANG DE LTAR YIN PA'I PHYIR, YANG BUM PA GRUB PA'I DUS YIN NA, BUM PA'I MI RTAG PA GRUB PA'I DUS YIN DGOS, CIG SHOS LA'ANG DE LTAR DGOS, YANG BUM PA'I RANG BZHIN YIN NA, BUM PA'I MI RTAG PA'I RANG BZHIN YIN DGOS, CIG SHOS LA'ANG DE LTAR DGOS PA'I PHYIR, MNGON SUM LA SNANG BA GANG ZHIG SO SOR MI SNANG BA DE RDZAS GCIG GI DON YIN, 'GA' ZHIG GIS AU TPA LA'I DRI DANG, AUTPA LA GNYIS RDZAS GCIG TU 'DOD, tIG CHEN RIGS PA'I RGYA MTSOR, BUM 'DZIN MIG SHES YIN NA, BUM PA'I GZUGS 'DZIN DGOS PA GSUNGS, BUM PA'I CHOGS PA NA YOD PA'I RDUL RDZAS RNAMS BUM PA DANG RDZAS GCIG YIN NA, MNGON SUM SO SO'I YUL DU GRUB PA DANG 'GAL, RDZAS THA DAD YIN NA, TSOGS PA DANG TSOGS PA CAN RDZAS THA DAD DU 'DOD MI RIGS PAR GSUNGS PA DANG 'GAL, RDZAS THA DAD KYI DON, BLO MA 'KHRUL BAS RDZAS THA DAD DU DMIGS PA BZHAG NA, RDZAS THA DAD DU YOD PA, RDZAS THA DAD PA'I DON YIN ZER BA DANG 'DRA @213 BAS GO RGYU CHER MI 'DUG MNGON SUM LA SO SOR SNANG BA DE RDZAS THA DAD PA'I DON YIN ZER NA, MNGON SUM GCIG LA SO SOR SNANG BA LA ZER RAM, MNGON SUM SO SOR SNANG BA LA ZER, DANG PO LTAR NA, GZUGS SGRA GNYIS CHOS CAN, MNGON SUM LA SO SOR MI SNANG BAR THAL, MNGON SUM GCIG LA SO SOR MI SNANG BA'I PHYIR, DER THAL, MIG SHES LA GZUGS SNANG YANG, SGRA MI SNANG, NYAN SHES LA SGRA SNANG YANG GZUGS MI SNANG BA'I PHYIR, KHA CIG GIS MNGON SUM TSAD MA DANG, RNAM MKHYEN LA SO SOR SNANG BA'I PHYIR ZHE NA, BUM PA'I GZUGS DANG BUM PA GNYIS CHOS CAN, MNGON SUM LA SO SOR SNANG BAR THAL, 'DOD NA, RDZAS THA DAD YIN PAR THAL LO, ,GZHAN YANG, MNGON SUM GCIG LA SNANG BA LA MI BYED PAR THAL, 'BYUNG SEMS THA DAD NGES PHYIR RO, ,ZHES PA'I SKABS 'BYUNG SEMS GNYIS RDZAS THA DAD YIN TE, MNGON SUM LA SO SOR SNANG BA'I PHYIR, DER THAL, 'BYUNG BA NI DBANG SHES LA SNANG LA, SEMS NI RANG RIG LA SNANG BA'I PHYIR ZHES PA'I SGRUB BYED LA BLTAS NA SHES, RTZA BA'I GNYIS PA, MNGON SUM SO SOR YOD PA LA BYED NA, BUM PA DANG, BUM PA'I REG BYA GNYIS RDZAS THA DAD DU 'DOD DGOS PAS, DE GNYIS CHOS CAN, RDZAS THA DAD MA YIN PAR THAL, TSOGS PA DANG TSOGS PA CAN YIN PA'I PHYIR, KHYAB STE, TSOGS PA DANG, TSOGS PA CAN RDZAS THA DAD DU 'DOD PA NI TSOGS RGYUN 'JOG MI SHES PA YIN PA'I PHYIR DANG, AUTPA LA'I DRI AUTPA LA DANG RDZAS GCIG DU 'DOD PA DANG YANG 'GAL BA'I PHYIR, DES NA; RDZAS GCIG DANG THA DAD LA DPYAD GZHI CHE TZAM YOD DE 'OG TU 'CHAD DO,, GNOD BYA GNOD BYED KYI DON, BLO DE'I BYED PA MA NYAMS PA'I BAR DU RANG GI LOG PHYOGS KYI ZHEN YUL RNAM PAR BCAD NAS DE SKYE BA'I GO SKABS BCOM PA STE, DPER NA, SGRA MI RTAG RTOGS PA'I TSAD MA'I BYED PA MA NYAMS PA'I BAR LA, SGRA RTAG 'DZIN @214 SKYE BA'I GO SKABS BCOM PA LTA BU'O, ,DE LA DOGS PA 'DI YOD DE, SGRA MI RTAG RTOGS PA'I RJES DPAG TSAD MA RANG RGYUD LA YOD PHYIN CHAD GANG ZAG DE'I RGYUD LA SGRA RTAG 'DZIN SKYE BA YOD DAM MED, YOD NA SGRA MI RTAG RTOGS PA'I RJES DPAG CHOS CAN; SGRA RTAG 'DZIN LA DNGOS SU GNOD BYED MA YIN PAR THAL, 'DOD NA, SNGON 'DZIN MNGON SUM GYIS DRANGS PA'I SNGON PO NGES PA'I NGES SHES CHOS CAN, SNGON PO SNGON PO MA YIN PAR 'DZIN PA'I LOG RTOG LA DNGOS SU GNOD BYED MA YIN PAR THAL LO, ,'DOD NA, GNOD BYA GNOD BYED NGO BO'I PHYIR, ,DE NI SGRO 'DOGS DBEN PA LA, ,'JUG CES BYA BA BSHAD PA YIN, ,ZHES PA DANG 'GAL, MI SKYE NA, GANG ZAG DE'I RGYUD LA SGRA RTAG 'DZIN SKYE BA YOD PAR THAL, DE'I RGYUD LA SGRA RTAG 'DZIN LHAN SKYES SKYE BA YOD PA'I PHYIR, MA GRUB NA, 'O NA, SGRA MI RTAG RTOGS PA'I RJES DPAG CHOS CAN, SGRA RTAG 'DZIN LHAN SKYES LA DNGOS SU GNOD PAR THAL, 'DOD NA, SGRA MI RTAG RTOGS PA'I RJES DPAG DES SGRA RTAG 'DZIN KUN BTAGS LA DNGOS SU GNOD KYANG SGRA RTAG 'DZIN LHAN SKYES LA DNGOS SU GNOD BYED MA YIN PAR 'DOD PA MI RIGS PAR THAL LO, ,RANG RE'I YIG CHA SKABS BZHI PA'I SPYI MTHA' DPYOD GNYIS NANG BLTAS NA, SGRA MI RTAG PAR RTOGS PA'I RJES DPAG GIS, SGRA RTAG 'DZIN LA DNGOS SU GNOD DE, DE DANG DMIGS PA GCIG LA DMIGS NAS RNAM PA 'DZIN STANGS DNGOS 'GAL DU ZHUGS PA'I BLO YIN PA'I PHYIR, DES MTSON NAS SGRA RTAG 'DZIN LHAN SKYES LA'ANG 'DRA'O, ,BDAG MED RTOGS PA'I SHES RAB KYANG BDAG 'DZIN LA DNGOS SU GNOD, GNYEN PO YIN NA RANG GI DMIGS PA'I CHOS LA PHYIN CI LOG TU SGRO 'DOGS PA'I SGRO 'DOGS LA DNGOS SU GNOD BYED YIN PAS KHYAB BO, ,TSAD MA SO SOS SGRO 'DOGS SO SOR GCOD KYI GCIG GIS KUN MI GCOD PAR GSUNGS PAS, 'O NA, BYAS PA RTAG STONG DU NGES @215 PA'I TSAD MA DE CHOS CAN, SGRO 'DOGS GCIG KHO NA GCOD PAR THAL, 'DOD NA, BYAS PA RTAG PAR 'DZIN PA'I SGRO 'DOGS GCIG PO GCOD PAR THAL, 'DOD NA, FBYAS PA NAM MKHA'I RTAG PA SOGS RTAG PA'I GSAL BA'I DBYE BA MTHA' DAG GI GRANGS DANG MNYAM PA'I SGRO 'DOGS MI CHOD PAR THAL, 'DOD NA, TSAD MA DES BYAS PA RTAG PA'I GSAL BA'I DBYE BA MTHA' DAG GAS STONG PAR MA NGES PAR THAL, 'DOD MI NUS TE, SPYIS STONG PAR NGES NA BYE BRAG GIS STONG PAR NGES PAS KHYAB PA DANG 'GAL, 'DOD NA, BYAS PA RTAG PA'I GSAL BA'I DBYE BA MTHA' DAG GIS STONG PAR NGES KYANG SGRO 'DOGS MA CHOD PA MI SRID PA'I PHYIR, GZHAN YANG, BYAS PA RTAG STONG DU RTOGS PA'I RJES DPAG CHOS CAN, SGRA RTAG PAR 'DZIN PA'I RTAG 'DZIN GYIS SGRO 'DOGS CHOD PAR THAL, 'DOD NA, BYAS PA MI RTAG PAR RTOGS PA'I RJES DPAG DES, BYAS PA RTAG PAR 'DZIN PA'I SGRO 'DOGS DANG, SGRA RTAG PAR 'DZIN PA'I SGRO 'DOGS GNYIS KA CHOS PAR THAL LO, ,MA CHOD NA GONG DU RJES KHYAB 'JAL BA'I TSAD MAS, BSGRUB BYA LA SGRO 'DOGS CHOD PAR ZHAL GYIS BZHES PA'I PHYIR, GZHAN YANG, RJES KHYAB 'JAL BA'I TSAD MA RGYUD LA LDAN PA'I GANG ZAG GI RGYUD LA BSGRUB BYA LA SGRO 'DOGS PA MED PAR THAL, 'DOD MI NUS TE, BYAS NA MI RTAG PAS KHYAB PA 'JAL BA'I TSAD MA RGYUD LA LDAN PA'I GANG ZAG GIS SGRA RTAG PAR SGRO 'DOGS PA DU MA YOD PA'I PHYIR, DER THAL, SGRA MI RTAG PAR SGRUB PA'I PHYI RGOL YANG DAG GI RGYUD LA SGRA RTAG PAR SGRO 'DOGS PA YOD PA'I PHYIR, DER THAL, GANG ZAG DE'I RGYUD LA SGRA RTAG MI RTAG THE TSOM ZA BA YOD PA'I PHYIR, SGRA BLO RNAM GRANGS PAR THAL BA NI, SGRA RTOG SEL 'JUG LAS GZHAN SGRUB 'JUG YIN NA, BYAS PA BRJOD PA'I SGRA DANG MI RTAG PA BRJOD PA'I SGRA GNYIS CHOS CAN, SGRA RNAM GRANGS PAR THAL, DE GNYIS YUL GZHAN MA YIN PAR @216 BRJOD BYA DANG DGOS PA THA DAD MED PA'I RJOD BYED THA DAD TZAM YIN PA'I PHYIR ZHES PA'I THAL 'GYUR DER KHYAB PA YOD PAR THAL, 'DOD NA, DGOS MED KYI LEGS SO LEGS SO ZHES PA'I SGRA DE CHOS CAN, SGRA RNAM GRANGS PA YIN PAR THAL, DGOS PA DANG BRJOD BYA THA DAD MED PA'I RJOD BYED THA DAD TZAM YIN PA'I PHYIR, KHYAB PA KHAS; RTAGS DER THAL, SGRA ZLOS SKYON YIN PA'I PHYIR, MA GRUB NA, DER THAL, SGRA ZLOS SKYON GYI MTSAN GZHI DE YIN PA'I PHYIR, RTZA BAR 'DOD NA, DE CHOS CAN, MING RNAM GRANGS PA YIN PAR THAL, SGRA RNAM GRANGS PA YIN PA'I PHYIR MA KHYAB NA, tIG CHEN RIGS PA'I RGYA MTSO LA SONG, MING RNAM GRANGS PA YANG ZLA BA ZHES PA DANG, 'OD DKAR CAN, RI BONG CAN, BSIL ZER CAN ZHES PA'I SGRA DE DAG GANG LA BRTEN NA'ANG, ZLA BA THUN MONG MA YIN PA GO NUS PAS, ZLA BA'I DNGOS MING RNAM GRANGS PA ZER, BCU DRUG CHA ZHES PA'I SGRA DE LAS ZLA BA THUN MONG MA YIN PAR GO NUS PAR THAL, ZLA BA'I DNGOS MING YIN PA'I PHYIR, KHYAB PA DNGOS MING GI MTSAN NYID LA SONG, RTAGS GRUB STE, ZLA BA'I DNGOS MING YIN PAR MNGON BRJOD KYI BSTAN BCOS LAS BYUNG BA'I PHYIR, RTZA BAR 'DOD NA, MI GCIG GIS DE LTAR GO NUS NA, GO NUS PAS KHYAB PAR THAL, 'DOD NA, TZAN DRA ZHES PA'I SGRA CHOS CAN, ZLA BA'I DNGOS MING YIN PAR THAL, MING DE LA BRTEN NAS ZLA BA GO NUS PA YOD PA'I PHYIR, 'DOD NA, NA RA ZHES PA'I SGRA DE'ANG MI'I DNGOS MING YIN PAR THAL, 'DOD NA, NA RA ZHES PA'I THA SNYAD MI SHES PA'I GANG ZAG GIS NA RA ZHES PA'I SGRA LAS MI GO NUS PAR THAL, 'DOD NA, MI'I THA SNYAD MA SHES PAS MI GO BA YOD PAR THAL, 'DOD NA, SGRA'I THA SNYAD MA SHES PAS SGRA GO BA YOD PAR THAL, 'DOD NA, SGRA GO BA LA SGRA MNYAN BYA'I THA SNYAD DANG; MNYAN BYA SGRA'I DON SHES MI DGOS PAR THAL, 'DOD NA, KHYAD PAR @217 RNAM PAR GCOD PA YI, ZHES SOGS LA SONG, YUL SO SOR RANG GI THUN MONG MA YIN PA'I MING SNA TSOGS PA DE DAG DNGOS MING 'JOG DGOS NA DNGOS PO GCIG LA DNGOS MING KHRI STONG YOD PAR KHAS LEN DGOS SO, ,DE LTAR MA YIN TE, CHOS DE'I DNGOS MING YIN NA, BRDA SBYOR MKHAN GYIS THOG MAR BRDA SBYAR BA DGOS SO ZHE NA, DE YANG, DE LTAR TE YUL GCIG GI SKAD DU THOG MAR SBYAR BA'I BRDA LA ZER NA, GONG GI RIGS PAS GNOD LA, DUS KYI THOG MAR BRDA SBYAR BA'I MING ZHIG LA 'JOG NA, RANG RE'I BOD SKAD KYI ZLA BA'I DNGOS MING SOGS CHOS DE DANG DE'I DNGOS MING MA YIN PAR KHAS LEN DGOS, DE'I GONG DU ZLA BA SOGS KYI DNGOS MING GRUB ZIN PA'I PHYIR, MING DE LA BRTEN NAS DON DE GO NUS PA DANG; 'GA' ZHIG SANGS RGYAS ZHES PA'I MING LA BRTEN NAS GO NUS PA'ANG YOD PAS, DE DAG GI DNGOS MING YIN PAR THAL BA'I SKYON YOD DO, ,YUL SO SO'I LOG SKAD DE DAG LA BRTEN NAS DNGOS PO DE GO MI NUS NA, BOD SKAD LA BRTEN NAS KYANG GO MI NUS PA MTSUNGS LA, GO NUS NA, YUL RE RE LA DNGOS PO DE'I DNGOS MING RE YOD PAR 'GYUR BAS DNGOS PO BUM PA LTA BU GCIG LA'ANG, DNGOS MING STONG PHRAG YOD PAR THAL BA BZLOG TU MED DE, DE DAG BDAG NYID LA 'BREL PHYIR; ZHES PA'I SKABS, BYE BRAG PA SOGS KYIS, SGRA RTOG DNGOS DBANG GIS 'JUG NA, SGRA BLO RNAM GRANGS PAR THAL BA'I NYES PA MED DO, SGRA'I KHYAD CHOS DE DAG SGRA DANG RDZAS THA DAD CING KHYAD CHOS NANG PHAN TSUN YANG RDZAS THA DAD CING, BLOS KYANG KHYAD CHOS RE RE KHO NA 'DZIN PA'I PHYIR, GCIG NGES NA, KHYAD CHOS KUN NGES DGOS PA MA YIN NO ZHE NA, 'O NA, SGRA DE RANG GI KHYAD CHOS RNAMS KYI RTEN YIN NAM MIN, YIN NA, SGRA CHOS CAN, RANG GI KHYAD CHOS DE DAG GI RGYU @218 YIN PAR THAL, DE DAG GI DON GZHAN GYI RTEN YIN PA'I PHYIR, DER THAL, DON GZHAN GANG ZHIG RTEN PA'I PHYIR, RTAGS GNYIS KAR KHAS, 'DOD NA, SGRA DE RANG GI KHYAD CHOS DE DAG LA PHAN 'DOGS PAR THAL, DE DAG GI RGYU YIN PA'I PHYIR, 'DOD NA, DE DAG LA PHAN 'DOGS PA'I NUS PA DANG, SGRA GNYIS GRUB BDE DBYER MED KYI RDZAS GCIG YIN NAM MIN, YIN NA SGRA NGES PA'I NGES SHES CHOS CAN, SGRA'I KHYAD CHOS KUN NGES PAR THAL, KHYAD CHOS DE DAG LA PHAN 'DOGS PA'I NUS PA NGES PA'I PHYIR, DER THAL, NUS PA DE DANG GRUB BDE DBYER MED KYI SGRA NGES PA'I PHYIR, RTZA BAR KHYAB PA YOD DE, PHAN GDAGS BYA MA NGES PAR DE LA PHAN 'DOGS BYED DU NGES MI NUS PA'I PHYIR, ME DU BA'I PHAN 'DOGS BYED DU NGES PA LA, PHAN 'DOGS BYA'I DU BA NGES DGOS PA'I PHYIR, DER THAL, SGRA BYAS PA'I KHYAD GZHIR NGES NA BYAS PA NGES DGOS, BYAS PA SGRA'I KHYAD CHOS SU NGES NA SGRA YANG BLO DE NYID KYIS NGES DGOS PA'I PHYIR TE RTZA BAR, DE DAG BDAG NYID LA 'BREL PHYIR, GCIG SHES NA NI GNYIS KA GZUNG, ZHES GSUNGS PA'I PHYIR, DE LA 'DI LTAR TE SDUG BDEN NGES NA, DE KUN 'BYUNG GI 'BRAS BUR NGES DGOS, DE NGES NA KUN 'BYUNG NGES DGOS, KUN 'BYUNG NGES NA'ANG DE SDUG BDEN GYI RGYUR NGES DGOS, DE NGES NA KUN 'BYUNG YANG BLO DE NYID KYIS NGES DGOS PAR 'GYUR BAS, SDUG KUN GNYIS RIM CAN DU RTOGS PA MED PAR THAL, GCIG RTOGS NA GNYIS KA RTOGS DGOS PA'I PHYIR, RTAGS KHYAB KHAS, 'DOD NA, SDUG BDEN DANG POR BSTAN NAS KUN 'BYUNG GNYIS PAR BSTAN PA DE TSAD MAS NGES PA'I RIM PA'I DBANG DU BYAS PA MA YIN PAR THAL, 'DOD NA, LE'U GNYIS PAR SONG, DE BZHIN DU LAM BDEN DANG 'GOG BDEN GNYIS LA'ANG SHES PAR BYA'O, ,GONG DU PHYOGS SGRA'I SKABS BSGRUB BYA'I CHOS SU NGES NA BSGRUB BYA NGES DGOS PAR THAL, @219 MI RTAG PA'I CHOS SU NGES NA, MI RTAG PA NGES DGOS PA'I PHYIR, DER THAL, SGRA'I CHOS SU NGES NA, SGRA NGES DGOS PA'I PHYIR, 'KHOR GSUM KHAS, RTZA BAR 'DOD NA, SGRA MI RTAG PAR SGRUB PA'I PHYIR RGOL RNAM DAG CHOS CAN, SGRA MI RTAG PAR SGRUB PA'I BSGRUB BYA TSAD MAR NGES PAR THAL, MI RTAG PA DE SGRUB BYA'I CHOS SU TSAD MAS NGES PA'I PHYIR, DER THAL, RTAGS CHOS DON GSUM TSAD MAS NGES PA'I PHYIR, 'DOD MI NUS TE, DE SGRUB KYI PHYIR RGOL YANG DAG YIN PA'I PHYIR, RTOG PA RNAMS KYI GZUNG YUL RANG RIG MNGON SUM GYI GZHAL BYAR RIGS PA SMRA BAS YANG NAS YANG DU GSUNGS PA'I PHYIR RO ZHES PA DES, NGES SHES KYI GZUNG YUL LA NGES YUL GYIS MA KHYAB PA'I SGRUB BYED DU BKOD LA, DE LTAR NA RTOG PA'I GZUNG YUL RTOG PA RANG NYID KYIS MA NGES TE, RTOG PA NYAMS SU MYONG BA'I RANG RIG MNGON SUM GYI GZHAL BYA YIN PA'I PHYIR ZHES SGRUB BYED DU BKOD LA, DE LTAR NA, BYAS MI RTAG GI THA DAD CHOS CAN, BYAS MI RTAG SO SOR RTOGS PA'I RTOG PA'I NGES YUL MA YIN PAR THAL, RTOG PA DE GNYIS NYAMS SU MYONG BA'I RANG RIG MNGON SUM GYI GZHAL BYA YIN PA'I PHYIR, RTAGS GONG DU KHAS, 'DOD NA, BYAS MI RTAG 'JAL BA'I TSAD MAS BYAS MI RTAG THA DAD MA RTOGS NA DE GNYIS THA DAD DU MED DGOS PAR GSUNGS PA'I PHYIR, GZHAN YANG RTOG PA YIN NA, RANG GI GZUNG YUL RANG RIGS MNGON GSUM GYIS RTOGS PAS KHYAB PAR THAL, RTOG PA RNAMS KYIS GZUNG YUL RANG RIGS MNGON SUM GYI GZHAL BYA YIN PA'I PHYIR, 'DOD NA, DUS MTHA'I SKAD CIG MAR GYUR PA'I RTOG PA CHOS CAN, DER THAL, DE'I PHYIR, RTAGS SLA, 'DOD MI NUS TE, DE 'DRA'I RANG RIG GI GZHAL BYA MED PA'I PHYIR, DER THAL, RANG RIG DE SNANG LA MA NGES PA YIN PA'I PHYIR, DER THAL, TSUR MTHONG GI RGYUD KYI GZUGS 'DZIN YID MNGON NYAMS MYONG GI RANG RIG DE SNANG LA MA NGES PA YIN PA'I PHYIR, DER THAL, @220 SNANG LA MA NGES PAR GYUR PA'I RANG RIG YOD PA'I PHYIR, MA GRUB NA, LE'U GSUM PAR SONG, GZHAN YANG SHES PA YIN NA, RANG GI NGO BO LA MNGON SUM YIN PAS KHYAB PAR 'DOD PA RNAMS KYIS LAN 'DEBS DKA' LA GSUNGS PA DE LA DPYAD GZHI 'DI YOD DE, RANG RIG 'DOD PA RNAMS KYIS SHES PA RANG NYID KYIS RANG NYID RTOGS PA LTA BU ZHIG MDO BSTAN BCOS KUN LA GSUNG NGO, ,SGRA DNGOS DBANG GIS 'JUG PA MIN PA'I RGYU MTSAN, LDOG PA DANG LOG PA GNYIS KHYAB CHE CHUNG YOD PA DANG SGRA RTOG GI YUL DU THA DAD YOD KYANG YUL RDZAS THA DAD PA'I DBANG GIS MA YIN PAR RTOG PAS BZHAG PA TZAM DU BSTAN, CHOS CHOS CAN BRJOD PA'I SGRA GNYIS PO LDOG PA GCIG LA'ANG SGRAS BRJOD TSUL GYIS MI 'DRA BA'I GO RGYU YOD PAR BSTAN, CHOS CAN BRJOD PA'I SGRA DANG, KHYAD PAR GZHAN MI SPONG BA'I SGRA GNYIS DON GCIG, CHOS BRJOD PA'I SGRA DANG, KHYAD PAR GZHAN SPONG BA'I SGRA GNYIS DON GCIG YIN, GZHI GCIG LA LTOS NAS DE GNYIS 'GAL YANG SPYIR MI 'GAL TE, SGRA'I MI RTAG CES PA'I SGRA DE MI RTAG PA LA LTOS NA CHOS CAN BRJOD PA'I SGRA DANG, SGRA LA LTOS NAS CHOS BRJOD PA'I SGRA YIN PA'I PHYIR, YANG SGRA MI RTAG PA ZHES PA'I SGRA DANG, SGRA'I MI RTAG CES PA'I SGRA GNYIS SGRA LA LTOS NAS GCIG CHOS CAN BRJOD PA'I SGRA DANG GCIG CHOS BRJOD PA'I SGRA YIN YANG, SGRA'I LDOG PA GCIG PU BRJOD PA LA 'DRA BAS, GNYIS KAS GCIG GCIG BRJOD MOD KYIS, ZHES GSUNGS LA, DPYAD GZHI CUNG ZAD YOD DE, BUM PA BDAG MED CES PA'I SGRA DANG, BUM PA'I BDAG MED CES PA'I SGRA GNYIS CHOS CAN, LDOG PA GCIG BRJOD PAR THAL, 'DOD PA'I PHYIR, 'DOD NA, SGRA DE GNYIS KYIS CHOS CAN BUM PA BRJOD PAR THAL, 'DOD NA, BUM PA BDAG MED CHOS CAN, MA YIN DGAG YIN PAR THAL, RANG BRJOD PA'I SGRAS CHOS GZHAN BUM PA BRJOD PA'I PHYIR, RTAGS KHAS KHYAB STE, @221 NYER LEN GYI PHUNG PO BDAG MED CES PA'I SGRAS NYER LEN GYI PHUNG PO BRJOD NA, NYER LEN GYI PHUNG PO BDAG MED MA YIN DGAG TU THAL BAR 'GYUR BA'I PHYIR, MA GRUB NA, PHAR PHYIN SKABS DANG POR SONG, GZHAN YANG BUM PA BDAG MED CES PA'I SGRA DES BUM PA BRJOD PAR THAL, DE KHYAD GZHI, KHYAD CHOS BRJOD PA'I SGRA YIN PA'I PHYIR, DER THAL, RJOD BYED KYI SGRA YIN NA KHYAD GZHI, KHYAD CHOS SBYAR NAS STON PA'I MNYAN BYA YIN DGOS PA'I PHYIR, DER THAL, RJOD BYED KYI SGRA'I MTSAN NYID GCIG YOD PA'I PHYIR, GZHAN YANG, RTA LAS LDOG PA ZHES PA'I SGRA DES CHOS GZHAN GANG YANG MA BRJOD PAR THAL, RTA LAS LDOG PA DE MED DGAG YIN PA'I PHYIR, RTAGS SLA, 'DOD NA RTAG PA LAS LDOG PA ZHES PA'I SGRAS RTAG PA MA YIN PA MA BRJOD PAR THAL, 'DOD NA RTAG PA LAS LDOG PA ZHES PA'I SGRAS MI RTAG PA MA BRJOD PAR THAL, 'DOD NA, RTAG PA LAS LDOG PA RTOGS PA'I RTOG PAS MI RTAG PA MA RTOGS PAR THAL, 'DOD NA RTAG PA RNAM GCOD LA KHEGS NA, MI RTAG PA YONGS GCOD LA GRUB PAS MA KHYAB PAR THAL LO, ,'DOD MI NUS TE, SGRA RTAG PAR KHEGS NA SGRA MI RTAG PA YONGS SU GRUB DGOS PA'I PHYIR, SEL BA SMRA BA LA MANG TSIG DANG GCIG TSIG SOGS RUNG STE, RJOD BYED KYI SGRA RNAMS 'DOD PA'I DBANG GIS 'JUG PA'I PHYIR, GZHAN SDE LA THA SNYAD DE DAG MI RUNG BAR THAL, SGRA RTOG DNGOS DBANG GIS 'JUG PAR 'DOD PA'I PHYIR, RIGS PA 'DIR BLTAS NA, ZLA GCIG ZLA GNYIS SU SNANG BA DANG; GANGS RI SNGON POR SNANG BA SKRA SHAD 'DZAG SNANG GI DBANG SHES RNAMS RANG YUL LA DNGOS DBANG GI SGO NAS 'JUG NA YUL DE DANG DE YIN DGOS PAR 'GYUR, DE LTAR MA YIN NA, GZHAN SDES SGRA DNGOS DBANG GI 'JUG PAR KHAS LEN PA LA, BUD MED GCIG LA BTZUN MO RNAMS ZHES PA'I SGRA DANG, GRONG KHYER DRUG LA KHANG BZANG GI PHRENG BA ZHES PA'I SGRA 'JUG TU MI RUNG BAR THAL, BUD MED GCIG PU DE @222 MANG PO MA YIN PA'I PHYIR DANG, GRONG KHYER DRUG PO GCIG MA YIN PA'I PHYIR ZHES PA 'BREL MED DU 'GYUR RO, ,YANG GRONG KHYER DRUG LA SDUD PA YON TAN DON GZHAN ZHIG YOD PAS GCIG TSIG 'JUG CE NA, DE LTAR NA GRONG KHYER RDZAS YIN DGOS PA LAS MA YIN PA'I PHYIR TE, GRONG NI RDUL RIGS MI MTHUN PA TSOGS PA YIN PA'I PHYIR, KHYAB STE, RIGS MI MTHUN RNAMS RTZOM MED PHYIR, ZHES PA RTZA BA'I GRUB MTHA' YIN PA'I PHYIR, BUM PA LA SOGS PA RDZAS YIN NAM MIN, RDZAS YIN NA BSHAD MA THAG PA'I RIGS PA DANG 'GAL, MA YIN NA, BUM PA GCIG BUM PA MA YIN PAR KHAS LEN PA'I RGYU MTSAN GANG YIN BRTAG ,DE BZHIN DU BYE BRAG PAS MI GCIG MI MA YIN PA DANG, MI GNYIS MI MA YIN PAR 'DOD PA SOGS LA'ANG BRTAG PAR BYA'O,, ` SHING 'DZIN RTOG PA BSHAD PA LA, SHING 'DZIN RTOG PA DES, DE KHO NA NYID MTHONG BA LA SGRIB PAR BYED PA'I BLO KUN RDZOB PA ZHES BYA STE, SHING GI SGRA DON GZUNG YUL DU BYAS PAS SHING GSAL GYI THUN MONG MA YIN PA'I DON MTHONG BA LA SGRIB PA'I PHYIR; 'ON KYANG, SPYI BLO DE KUN RDZOB PA'I SGRA BSHAD PA TZAM LAS RANG GI NGO BO DON DAM BDEN PA YIN, SHING GSAL RDZAS THA DAD YIN YANG BLO DE LA MI SNANG, BLO DE LA SHING GSAL GANG SNANG YANG SHING GI DON SPYI DANG 'DRES NAS SNANG BA LAS SHING GSAL GZUNG YUL DU MI BYED DO, ,DE YIS JI LTAR KUN BRTAGS PA, ZHES SOGS KYI SKABS, RTZA BA'I RTAGS GCIG DANG, RTAGS SGRUB KYI RIGS PA GNYIS BSTAN; RTZA BA'I RTAGS DE LA, GSAL BA RANG MTSAN CHOS CAN, DER THAL, DE'I PHYIR, GSAL BA RANG MTSAN RANG DANG RDZAS GCIG TU KHAS LEN PA LA GO RGYU DE TZAM MED DO, ,RTAGS 'DI DAG GI PHYOGS CHOS DANG KHYAB PA SGRUB TSUL NI, SHING GI SPYI BLO CHOS CAN, MA 'KHRUL BAR THAL, KHYOD KYI SNANG YUL RANG MTSAN YIN PA'I @223 PHYIR ZHES DANG, YANG DE CHOS CAN, KHYOD KYI SNANG YUL RANG MTSAN MA YIN TE, KHYOD 'KHRUL SHES YIN PA'I PHYIR, ZHES PAR 'GYUR BAS, GANGS RI SNGON SNANG GI DBANG SHES SOGS RANG GI SNANG YUL RANG MTSAN YIN NAM MIN, YIN NA, KHYOD MA 'KHRUL BAR THAL, KHYOD KYI SNANG YUL RANG MTSAN YIN PA'I PHYIR, MA YIN NA, SPYI MTSAN SNANG YUL DU BYED PA'I RTOG MED KYI SHES PA YOD PAR THAL LO, ,GCIG LTA GZHAN LAS LOG LTA BU, SNANG BA GANG YIN BTAGS PA YI, ZHES SOGS KYI SKABS; SHING 'DZIN RTOG PA LA SHING MA YIN LAS LOG PAR SNANG BA DE DNGOS POR 'GOG PA'I RIGS PA GTZO BO ZHIG BSTAN TE, SHING 'DZIN RTOG PA LA SHING MA YIN PA LAS LOG PAR SNANG BA CHOS CAN, SHING YIN PAR THAL, SHING 'DZIN RTOG PA MA 'KHRUL BA'I PHYIR, 'DOD NA SHING 'DZIN RTOG PA GANG NA YOD PA DER SHING YOD PAS KHYAB PAR THAL, 'DOD NA, SHING GIS PHONGS PA'I GANG ZAG MI SRID PAR THAL LO ZHES PA'O, ,DE LA DPYAD GZHI 'DI YOD DE, SHING 'DZIN DBANG MNGON LA SHING SNANG BA DE SHING YIN NAM MIN, YIN NA, SHING 'DZIN MNGON SUM GANG LA YOD PA'I MI DE LA SHING GIS PHONGS PA MI SRID PAR THAL, SHING 'DZIN MNGON SUM LA SHING SNANG BA DE SHING YIN PA'I PHYIR, 'DOD NA, GSER 'DZIN MNGON SUM GANG LA YOD PA DER GSER GYIS PHONGS PA MI SRID PAR THAL LO, ,SHING 'DZIN MNGON SUM LA SHING SNANG BA SHING YIN TE, SNGON 'DZIN MNGON SUM LA SNGON PO SNANG BA SNGON PO YIN PAR MNGON SUM tIKA SOGS LAS GSUNGS PA'I PHYIR, RJES DPAG JI SKAD BSHAD JI BZHIN, ZHES PA'I SKABS, SGRA MI RTAG PA RTOGS PA'I RJES DPAG SGRA MI RTAG PA 'THOB CES PA DE, RTOGS PAR BYED PA MNGON, NOR BU'I 'OD LAS NOR BU THOB CES PA RNYED PA LA GO RGYU 'DRA, RNAM MKHYEN MI RTAG PAR RTOGS PA'I RJES DPAG CHOS CAN, RNAM MKHYEN MI RTAG PAR THOB PA'I YUL CAN YIN PAR THAL, @224 'DOD NA, RNAM MKHYEN THOB PA'I YUL CAN YIN PAR THAL, 'DOD NA, SO SO SKYE BOR RNAM MKHYEN THOB PA YOD PAR KHAS LEN DGOS PAS MI MDZES SO, SGRON MA'I 'DO LAS NOR BU 'DZIN PA'I BLO DANG, NOR BU'I 'OD LAS NOR BU 'DZIN PA'I BLO ZHES PA GNYIS; 'OD GNYIS PO NOR BU YIN PAR 'DZIN PA LA BYED DAM, 'OD DE LAS NOR BU YOD PAR RTOGS PA LA BYED, DANG PO LTAR NA, BLO GNYIS PO CHOS CAN, BSLU BA MTSUNGS PA YIN PAR THAL, LOG SHES YIN PA MTSUNGS PA'I PHYIR, RTAGS DER THAL, LOG SHES YIN NA RANG GI ZHEN YUL LA BSLU BAS KHYAB PA'I PHYIR, DER THAL, LOG SHES YIN NA RANG GI ZHEN YUL LA 'KHRUL BAS KHYAB PA'I PHYIR, 'DOD NA, BLO DE GNYIS 'KHRUL PAR MTSUNGS NA BSLU BAR MTSUNGS PAS MA KHYAB PA'I DPER GZHAG PA MA YIN PAR THAL LO, DE LA, RGYAN MKHAN POS MNGON SUM DU BZHED PA DANG, LHA SH'AKA GNYIS RJES DPAG TSAD MAR BZHED PA SOGS MI 'DRA BA'I KHYAD PAR RIGS RGYAN DU BSHAD, YID KYI MUN SEL LAS SLOB DPON GSUM GA MTHUN PAR BSHAD, RGYAN MKHAN POS MNGON SUM DU 'DOD PA DE, NOR BU MTHONG BA'I BLO 'DREN BYED KYI NOR 'OD 'DZIN PA'I MNGON SUM LA ZER, LHA SH'AKA GNYIS KYIS RJES DPAG TSAD MAR 'DOD PA DE, NOR 'OD LAS NOR BU 'DZIN PA'I BLO RJES DPAG TU 'DOD DE, DU BA'I RTAGS LAS ME RTOGS PA'I RJES DPAG SKYE BA LTA BU LA ZER, DPYAD GZHI 'DI YOD DE, NOR BU'I 'OD DANG LDAN PA'I GZHI NA CHOS CAN, NOR BU YOD DE, NOR BU'I 'OD YOD PA'I PHYIR ZHES PA LAS MA 'DAS, DE LTAR NA, GZHI DER NOR 'OD YOD PAR NGES NAS NOR BU YOD PAR MA NGES PAR 'GYUR BAS, GZHI DE SHING DU GYUR PA'I SHA PA NGES NA, GZHI DE SHING NGES DGOS PA'I RGYU MTSAN GANG YIN, RIGS RGYAN LA SONG, RIGS RGYAN LAS; RGYAN LA DGAG PA 'DI LTAR MDZAD DE, DE 'DRA BA'I BLO DE CHOS CAN, MNGON SUM TSAD MA MA YIN PAR THAL, NOR 'OD NOR BUR 'DZIN PA'I BLO DE MNGON @225 SUM TSAD MA MA YIN PA'I PHYIR, DER THAL, LOG SHES YIN PA'I PHYIR, SGO GSEB NA NOR BU YOD PAR 'DZIN PA'I BLO CHOS CAN, MNGON SUM TSAD MA MA YIN PAR THAL, SGO GSEB NA NOR BU MED PA'I PHYIR, NOR BU'I 'OD MTHONG BA'I DBANG SHES CHOS CAN, MNGON SUM TSAD MA MA YIN PAR THAL, SGRO 'DOGS DNGOS SU SKYED BYED YIN PA'I PHYIR, DER THAL, NOR 'OD NOR BUR 'DZIN PA'I BLO DNGOS SU SKYED BYED YIN PA'I PHYIR ZHES PA'O, ,DE LA DPYAD GZHI YOD DE NOR BU'I 'OD 'DZIN PA'I BLO MNGON SUM TSAD MA MA YIN NA, NOR 'OD LA DBANG SHES TSAD MA MED PAR THAL, 'DOD NA, NOR BU'I 'OD DE GZUGS KYI SKYE MCHED MA YIN PAR THAL, 'DOD NA, NYI 'OD GZUGS KYI SKYE MCHED MA YIN PAR THAL, 'DOD MI NUS TE, NYI 'OD MIG SHES KYI GZUNG BYA YIN PA'I PHYIR, GZHAN YANG NOR 'OD 'DZIN PA'I BLO DE NOR 'OD NOR BUR 'DZIN PA'I SGRO 'DOGS DNGOS SU SKYED BYED MA YIN PAR THAL, MNGON SUM TSAD MA YIN PA'I PHYIR, MA GRUB NA, NYI 'OD 'DZIN PA'I DBANG MNGON CHOS CAN, NYI 'OD NYI MAR 'DZIN PA'I SGRO 'DOGS DNGOS SU SKYED BYED YIN PAR THAL, 'DOD NA, ME 'OD 'DZIN PA'I MIG SHES CHOS CAN, ME 'OD MER 'DZIN PA'I SGRO 'DOGS DNGOS SU SKYED BYED YIN PAR THAL, 'DOD NA ME'I KHA DOG YIN MIN THE TSOM ZA DUS KYI THAG RING PO'I DMAR LAM PA 'DZIN PA'I MIG SHES DE YANG SGRO 'DOGS DNGOS SU SKYED BYED YIN PAR THAL LO, ,'DOD MI NUS TE, TSAD MA YIN PA'I PHYIR TE, GZHAN LAS NGES KYI TSAD MA YIN PA'I PHYIR, YANG LHA SH'AKA GNYIS KYI 'DOD PA LA, RIGS RGYAN LAS 'DI LTAR DGAG STE, GZHI DER NOR 'OD YOD PAR NGES NAS SPYIR NOR BU YOD MED THE TSOM ZA BA MI SRID PA'I PHYIR ZHES PA DER, ME'I 'BRAS BU YOD PAR NGES NA ME YOD PAR NGES PAS KHYAB BAM MA KHYAB, DANG PO LTAR NA SA BON MA NGES PAR SA BON GYI 'BRAS BU MYU GU @226 MNGON SUM GYIS NGES NUS PA'I PHYIR, RANG LUGS LTAR NA, RJES DPAG 'KHRUL SHES YIN YANG TSAD MA YIN PA'I DPER BKOD PA MIN GYI 'KHRUL SHES YIN YANG MI BSLU BA YIN PA'I DPER BKOD PA YIN NO, ,DE LA'ANG DPYAD GZHI YOD DE, DE 'DRA'I BLO CHOS CAN, NOR BU LA MI BSLU BA MA YIN PAR THAL, DE LA LOG SHES YIN PA'I PHYIR, DER THAL, NOR BU'I 'OD NOR BUR 'DZIN PA'I BLO YIN PA'I PHYIR, LOG SHES DANG MI BSLU BA'I BLO GNYIS GZHI MTHUN BZHAG NA MI MDZES SO SNYAM STE DPYAD PAR BYA'O, ,SBYOR LAM SKABS STONG NYID RTOGS PA'I THEG CHEN SBYOR LAM DROD SOGS BZHI PO STONG NYID LA BCAD SHES YIN TE, STONG NYID LA BLO RIG BDUN PO GANG RUNG YIN LA TSAD MA GNYIS MA YIN PA SLA, YID DPYOD THE TSOM, LOG SHES SNANG LA MA NGES PA RNAMS MA YIN TE, STONG NYID LA MI BSLU BA YIN PA'I PHYIR ZHES BKOD NA, NOR 'OD NOR BUR 'DZIN PA'I BLO DE YANG 'DRA'O, ,GZHAN YANG, LA'I DU BA NGES PA'I MNGON SUM DE, LA'I ME LA MI BSLU BA BZHAG DGOS PA DANG, SGRA BYAS PAR NGES PA'I TSAD MA SGRA MI RTAG PA LA MI BSLU BA BZHAG DGOS PA SOGS HA CANG THAL BAR 'GYUR RO,, ` ,BRDA'I YUL BSHAD PA, BYE BRAG PAS SPYI DON GZHAN BRDA'I YUL DU 'DOD DE, DKAR ZAL LA BA GLANG GI BRDA SBYAR BA NA DKAR ZAL GYI STENG GI BA GLANG NYID BRDA'I YUL DU SONG BAS PHYIS NAG SGUR MTHONG BA NA BA GLANG DU GO BAR NUS LA, RTA LA SOGS PA GZHAN MTHONG BA NA BA GLANG DU MI GO BA NI, BA GLANG LA SPYI DE YOD LA RTA LA SPYI DE MED PA'I PHYIR ZHES PA'O, ,DKAR ZAL DANG NAG SGUR GNYIS LA KHYAD PAR MED PAS GCIG LA BRDA SBYAR BA NA GNYIS KAR GO NUS SO, ,SPYI DE LA KHYAB PA'I SPYI DANG, NYI TSE BA'I SPYI GNYIS YOD, YOD PA NYID DANG PO DANG, BA GLANG NYID GNYIS PA'O,, GRANGS CAN PA YANG, SPYI GTZO BO ZHES PA SHES BYA THAMS CAD LA KHYAD PAR MED PA @227 RDUL MUN SNYING STOBS GSUM CHA SNYOMS PA'I NUS PA'I NGO BOR GYUR PA THA MAL PA'I MNGON SUM GYIS MI MTHONG BA DE NYID DKAR ZAL LA BA GLANG GI BRDA SBYAR BA NA BRDA'I YUL DU SONG STE, PHYIS NAG SGUR SOGS MTHONG BA NA BA GLANG DU GO BAR 'GYUR RO,, GNYIS PA DE DAG DGAG PA NI, DKAR ZAL LA BA GLANG GI BRDA SBYAR BA NI, DKAR ZAL GYI STENG DU NOG SOGS DANG MI LDAN PA BA GLANG YIN PA BKAG GAM MA BKAG, BKAG NA BA GLANG MA YIN PA LAS LOG PA BRDA'I YUL DU 'GYUR BAS DE MIN RNAM PAR BCAD PA LA MI LTOS PA 'GAL ZHING, MA BKAG NA, THA SNYAD KYI DUS SU'ANG NOG SOGS MI LDAN PA BA GLANG DU DOGS PA SKYE BAS BRDA BYAS PA DGOS MED DU 'GYUR RO, ,RANG GI LUGS LA'ANG, BRDA SBYAR BA DE MIN RNAM PAR GCOD PA LA MI LTOS NA BRDA DUS KYI DON DE NYID THA SNYAD KYI DUS SU KHAS LEN DGOS SO,, BRDA SBYOR TSUL NI GZHI DKAR ZAL LA BA GLANG ZHES BRDA SBYAR BA NA, DKAR ZAL GCIG PU DE'I STENG NA LDOG PA CHE CHUNG GNYIS, BRDA'I YUL DU SONG STE, DKAR ZAL MA YIN PA LAS LOG PA DANG, BA GLANG MA YIN PA LAS LDOG PA GNYIS BRDA'I ZHEN YUL YIN, DE LA DKAR ZAL LA BA GLANG GI BRDA SBYAR BA NA, BA GLANG MA YIN PA LAS LOG PA BRDA'I YUL DU 'GYUR BAS, BRDA DE'I RJES SU 'BRANG BA'I RTOG PA DES DKAR ZAL BA GLANG DU RTOGS PA DANG, BA GLANG MA YIN PA LAS LOG PA'ANG RTOGS DGOS PAS, RTOG PA DE DGAG RTOG SGRUB RTOG GANG YIN DPYAD, DKAR ZAL BA GLANG DU SGRUB PA'I RTAGS DE BA GLANG MA YIN PA LAS LOG PA'ANG SGRUB PAR THAL, 'DOD NA SGRA MI RTAG PAR SGRUB PA'I RTAGS DE, SGRA RTAG PA MA YIN PAR SGRUB PAR THAL, 'DOD NA, RTAGS DE'I BSGRUB BYA LA DGAG PA DANG, SGRUB PA GNYIS YOD PAR THAL, 'DOD NA, RTAGS DE DGAG RTAGS DANG, SGRUB RTAGS GNYIS KA YIN PAR THAL LO, GZHAN YANG DGAG RTAGS LA BRTEN PA'I RJES DPAG @228 GIS DGAG GZHI 'JAL BA YOD PAR THAL, DKAR ZAL RTOGS PA'I PHYIR, DER THAL, TSOGS PA CHE CHUNG GNYIS BRDA'I YUL DU 'DOD PA'I PHYIR, 'DOD NA LE'U BZHI PA'I RNAM BSHAD LAS, DGAG RTAGS LA BRTEN PA'I RJES DPAG GIS DGAG GZHI 'JAL BAR 'DOD PA NI, RTAGS GSUM GYI RNAM DBYE MI SHES PA'O ZHES GSUNGS; YANG YIG CHA 'GA' ZHIG TU DGAG RTAGS LA BRTEN PA'I RJES DPAG GIS DGAG BZHI 'JAL BAR YOD PAR THAL, DU LDAN GYI LA LA ME MA YIN PA LAS LOG PA YOD PAR SGRUB PA'I RTAGS LA BRTEN PA'I RJES DPAG GIS DU LDAN GYI LA RTOGS PA'I PHYIR ZHES PA'O, ,DES NA THAR LAM GSAL BYED KYI LUNG DE'I DON, NYER LEN GYI PHUNG PO BDAG MED DU SGRUB PA'I RTAGS LA BRTEN PA'I RJES DPAG GIS NYER LEN GYI PHUNG PO MA RTOGS ZHES PA'I DON NO, 'ON KYANG BUM PA BDAG MED RTOGS PA'I RJES DPAG GIS BUM PA MA RTOGS NA DBU MA PA'I LUGS LA MYU GU BDEN MED RTOGS PA'I RJES DPAG GIS KYANG MYU GU MA RTOGS PAR 'GYUR BAS, DE LTAR NA, RTEN 'BREL GYIS RTAGS LAS MYU GU BDEN MED SGRUB PA'I GTAN TSIGS DES RTAG CHAD KYI MTHA' GNYIS CIG CAR BSAL LUGS JI LTAR YIN BRJOD DGOS SO, ,RNAM BSHAD LAS, BSGRUB BYA'I CHOS KYI LDOG PA GCIG PU DE NYID GZHI RAGS PA BUM PA DANG SBYAR NAS MNGON SUM GYIS NGES NA RAGS PA'I MI RTAG PA DANG, GZHI PHRA BA DANG SBYAR NAS RTAGS LAS NGES DGOS NA PHRA BA'I MI RTAG PAR 'GYUR TE, DPER NA; RANG GRUB PA'I DUS LAS DUS GNYIS PAR MI SDOD PA DE TSES GCIG DANG TSOGS NA RANG GRUB DUS DE YUD TZAM SUM CU'I YUN TSAD DU 'GYUR LA, DUS KYI THUNG BA'I MTHAR THUG PA DANG TSOGS NA KHEM PA GCIG GI DUS SU 'GYUR BA BZHIN NO, ,ZHES GSUNGS PAS, DPER NA MI RTAG BA DE KHANG PA SKAD CIG THA MA LTA BU GZHI RAGS PA DANG SBYAR NA RAGS PA'I MI RTAG PA DANG GZHI PHRA BA SGRA DANG SBYAR NA PHRA BA'I MI RTAG @229 PAR 'GYUR BAS KHANG PA SKAD CIG THA MA'I MI RTAG PA DE RAGS PA'I MI RTAG PA YIN; 'ON KYANG KHANG PA'I SKAD CIG THA MA CHOS CAN, MI RTAG STE, BYAS PA YIN PA'I PHYIR ZHES MI BKOD DE, BYAS PA MI RTAG PAR NGES NAS KHANG PA'I SKAD CIG THA MA MI RTAG PAR SGRUB DGOS KYI GANG ZAG MED PA'I PHYIR TE, PHRA BA'I MI RTAG PAR NGES NA RAGS PA'I MI RTAG PAR NGES NUS PA'I PHYIR RO, ,DES NA ZHIG PA LA MNGON DU PHYOGS PA'I KHANG PA'I SKAD CIG THA MA CHOS CAN, RANG GRUB DUS KYI SKAD CIG GNYIS PAR MI SDOD DE, YUN THUNG BA'I DNGOS PO YIN PA'I PHYIR ZHES BKOD NA MI RTAG PA GSAR SGRUB TU BZHAG PA LA SKYON MED SNYAM YANG DPYAD PAR BYA'O, , RANG GRUB DUS KYI SKAD CIG GNYIS PAR MI SDOD CES PA'I RANG GRUB DUS DE, TSES GCIG LA SBYAR NA YUD TZAM SUM CUR 'GYUR ZHES PA DE TSES GCIG YUD TZAM SUM CU'I BAR GNAS LA DE NAS ZHIG PA'I DON YIN PA LAS GZHAN GO RGYU MED, DE DANG 'DRA BA DBU MA RTZA SHES tIKA CHEN DU'ANG GSAL, RANG RE'I YIG CHA SKABS BZHI PA'I MTHA' DPYOD LAS RGYUN LDAN GYI DNGOS PO YIN NA, RANG GI SKAD CIG SNGA PHYI GSUM GYI DUS SU YOD PAS KHYAB CES PA DANG YANG MTHUN LA RIGS PAS KYANG 'PHUL NUS TE, ZLA BA GCIG DANG TSES GCIG LA YUN RING THUNG DGOS PA'I PHYIR, SKABS BRGYAD PA'I SKABS SU LONGS SKU DUS 'KHOR BA JI SRID BAR BZHUGS PAR BSHAD PA DANG YANG 'GRIG ,DE LA DPYAD GZHI CUNG YOD DE, ZHAG SUM CU'I CHA SHAS DANG LDAN PA'I ZLA BA GCIG DE, TSES GCIG NAS GNAM GANG BAR DU GNAS SAM MI GNAS, GNAS NA, TSES GCIG GI DUS NA ZHAG SUM CU YOD PAR THAL BA DANG, DE BZHIN DU TSES GNYIS NAS GNAM GANG BAR LA'ANG RIGS 'GRE'O; ;RNAM BSHAD THAR LAM GSAL BYED LAS, SKAD CIG LNGA'I YUN NA GNAS PA'I SKAD CIG MA ZHIG YOD NA, SKAD CIG GSUM PA'I DUS SU'ANG, DE YOD @230 DGOS PAS SKAD CIG MA BRGYAD DU 'GYUR PA'I SKYON BTANG 'DUG ,CHA BCAS KYI DNGOS PO YIN NA, RANG GI CHA SHAS SNGA PHYI MTHA' DAG GI DUS SU YOD DGOS PA SKABS BZHI PA'I MTHA' DPYOD LAS GSUNGS PA DANG, DON LA YANG BUM PA DANG BUM PA SKAD CIG DANG PO LA YUN RING THUNG YOD DGOS PAS, BUM PA DE BUM PA'I SKAD CIG DANG PO'I DUS SU GRUB PAR THAL, 'DOD PA'I PHYIR, 'DOD NA, SKAD GNYIS PA'I DUS SU 'GAG PAR THAL, 'DOD PA'I PHYIR, MA KHYAB NA, RNAM 'GREL RTZA BA LAS, SKAD CIG NYID PHYIR 'DAS PA YI, ,DON MTHONG YOD PA MA YIN ZHING, ,ZHES SOGS DANG 'GAL BA'I PHYIR, GZHAN YANG, BUM PA'I SKAD CIG GNYIS PA DANG BUM 'DZIN MIG SHES DUS MNYAM DU GRUB PA'I BUM PA'I SKAD CIG GNYIS PA'I DUS DE CHOS CAN, BUM PA 'GAGS PAR THAL, BUM 'DZIN MIG SHES SKYE BA'I DUS YIN PA'I PHYIR, GONG GI RTZA BA'I DAM BCA' LA, DNGOS PO MTHA' DAG SKAD CIG MA YIN PAS SKAD CIG GCIG LAS MED PAR KHAS LEN NA, BUM PA'I SKAD CIG GNYIS PA NAS BUM PA 'GAG DOGS, DE BZHIN DUS GZHAN LA'ANG MTSUNGS PAS TSES GCIG DE, YUD TZAM DANG PO'I DUS SU YOD LA, YUD TZAM GNYIS PA'I DUS SU 'GAG PAR 'GYUR RO, DE LTAR NA, DE LA RJES SU MI 'GRO BAR THAL LO, ,TSES GCIG 'GAG PA DANG YUD TZAM DANG PO 'GAG PA DUS MNYAM ZHAG GCIG 'GAGS PA DANG ZLA BA GCIG 'GAGS PA DUS MNYAM PA DGOS, BSKAL PA DANG SKAD CIG 'GAGS PA DUS MNYAM PAR 'GYUR BA SOGS MTHA' YAS SO, , RTOGS PA PHAN TSUN BRTEN PA'I THAL BA'I SKABS SU RNAM BSHAD LAS, GZHI DE SHING DU NGES PA'I BLOS SHING MA YIN LAS LOG PAR MA NGES NA RTOGS PA PHAN TSUN BRTEN PA'I SKYON SPONG MI NUS LA, DNGOS SU NGES NA DGAG SGRUB KYI RTOGS PA'I KHYAD PAR DBYE DKA' BAS SHUGS RTOGS SO, ,ZHES PA DE LA, SHA PA SHING DU NGES PA'I BLOS @131 SHING MA YIN LAS LOG PAR MA NGES NA, RTOGS PA PHAN TSUN BRTEN PA'I SKYON SPONG MI NUS, DNGOS SU NGES NA, DE 'DRA'I RTOG PA CHOS CAN, DGAG RTOG YIN PAR THAL, DGAG PA'I RNAM PA SHAR BA'I RTOG PA YIN PA'I PHYIR, DER THAL, SHING MA YIN LAS LOG PAR DNGOS SU RTOGS PA'I PHYIR ZHES PAR SONG BAS, DE LTAR NA, SHING 'DZIN RTOG PA SGRUB RTOG YIN PAS SHING MA YIN LAS LOG PAR DNGOS SU MA RTOGS PAR 'GYUR RO, ,'O NA, RANG BZHIN DE 'DZIN RNAM RTOG BLO, ,DON MED KYANG DE DON CAN 'DRA, ZHES SOGS KYI SKABS SHING 'DZIN RTOG PA LA SHING GSAL RANG MTSAN YANG SHING MA YIN LAS LOG PAR SNANG, RANG LA RGYANG CHAD TU SNANG BA'I SHING GI DON SPYI DE YANG SHING MA YIN LAS LOG PAR SNANG BAS, SHING MA YIN LAS LOG PA YIN PA DANG MA YIN PA GNYIS RTOG PA LA SHING MA YIN LAS LOG PAR 'DRES NAS SNANG ZHING, SO SOR MI SNANG ZHES GSUNGS PAS, SHING 'DZIN RTOG PA CHOS CAN, DGAG RTOG YIN PAR THAL, SHING GSAL RNAMS SHING MA YIN LAS LOG PAR SNANG BA'I SGO NAS RTOGS PA'I PHYIR, MA GRUB NA 'GAL, 'DOD NA, DE CHOS CAN, DGAG RTOG MA YIN PAR THAL, SGRUB RTOG YIN PA'I PHYIR TE, SGRUB PA'I RNAM PAR SHAR BA'I BLO YIN PA'I PHYIR, GZHAN YANG, SHING 'DZIN RTOG PA LA SHING MA YIN LAS LOG PAR SNANG BA DE SHING GSAL MTHA' DAG LA RJES SU 'GRO BA'I SPYI YIN PA'ANG GSUNGS PAS, SHA PA DE SHING 'DZIN RTOG PA LA SHING MA YIN LAS LOG PAR SNANG BA YIN DGOS, DE LTAR NA, SHING 'DZIN RTOG PA DGAG RTOG TU THAL BAR 'GYUR, GZHAN YANG, SHING GSAL RNAMS SHING 'DZIN RTOG PA LA SNANG DGOS NA SHING 'DZIN RTOG PA DES SHA PA'ANG SNANG, SHUG PA'ANG SNANG NA RTOG PA GCIG LA GSAL BA RDZAS THA DAD PA GRANGS MED SNANG DGOS PAS HA CANG THAL BA'O, ,RANG RE'I SBYOR LAM MTHA' DPYOD LAS, BUM PA BDEN PAR 'DZIN @132 PAR BDEN 'DZIN DE SGRUB RTOG DANG, STONG NYID BDEN PAR 'DZIN PA'I BDEN 'DZIN DGAG RTOG TU BZHAG PAR BLTAS NA DMIGS YUL GYI SGO NAS 'JOG PA DANG, SKABS BZHI PA'I MTHA' DPYOD LUNG MA BSTAN GYI LTA NGAN SKABS SU SGRUB PA'I RNAM PA SHAR BA'I RTOG PA SGRUB RTOG DANG, DGAG PA'I RNAM PA'I SHAR BA'I RTOG PA DGAG RTOG TU BZHAG PAR BLTAS NA RNAM PA'I SGO NAS 'JOG DGOS PAR 'DRA, SHING 'DZIN RTOG PAS SHING MA YIN LAS LOG PAR MA RTOGS NA ZHES PA DE, SHING MA YIN LAS LOG PA MA RTOGS NA ZER DGOS PA 'DRA SNYAM STE DPYAD PAR BYA'O, ,MNGON SUM LA RANG MTSAN RNAMS YUL DUS RANG BZHIN MA 'DRES PAR SNANG YANG RANG MTSAN RNAMS YUL DUS RANG BZHIN MA 'DRES PA DE MNGON SUM LA MI SNANG BA'I KHYAD PAR BYED PA'I PHYIR; DE BZHIN DU, SHING 'DZIN RTOG PA LA SHING MA YIN LAS LOG BAR SNAN YANG; SHING MA YIN LAS LOG PA DE SHING 'DZIN RTOG PA LA MI SNANG BAR KHAS LEN RIGS PA'I PHYIR, SHING MA YIN LAS LOG PAR SNANG BA DE NYID, PHYOGS GLANG GIS BRDA'I YUL DU BSHAD DE ZHES PA, RNAM 'GREL RTZA BAR, ,DE NYID GZHAN LAS LDOG PA YIS, DNGOS PO DE YI CHA 'GA' ZHIG, RTOGS 'GYUR ZHES PAS RAB TU BSHAD, CES PA'I DON DU 'GREL LO, ,'O NA SHING MA YIN LAS LOG PAR SNANG BA DE CHOS CAN, SHING ZHES PA'I BRDA'I YUL YIN PAR THAL, 'DOD PA'I PHYIR, 'DOD NA, DE CHOS CAN, SHING ZHES PA'I BRDA'I YUL MA YIN PAR THAL, SREG PA LA SOGS PA'I DON BYED MI NUS PA'I PHYIR, KHYAB STE, BA GLANG ZHES PA'I BRDA'I YUL YIN NA, BZHO BKAL SOGS KYI DON BYED NUS PAS KHYAB PA'I PHYIR, MA GRUB NA, RNAM 'GREL RTZA BAR, CI NAS SKYES BU DON BYED PAR, NUS PA SHES NAS DE BSGRUBS PHYIR, ZHES SOGS GSUNGS PA'I PHYIR, DE'I THAD KYI THAR LAM GSAL BYED LAS, RIGS DON GZHAN CHOS CAN, BA GLANG ZHES PA'I SGRA KHYOD LA @133 DNGOS MING DU SBYOR BAR MI BYED DE, BZHO BKAL LA SOGS PA'I DON BYED MI NUS PA'I PHYIR, ZHES GSUNGS SO, ,MI LDAN RNAM GCOD KYI SGRA DANG, GZHAN LDAN RNAM GCOD KYI SGRA'I KHYAD PAR LE'U BZHE PAR, CHOS KYI TSIG PHRAD THA DAD PAR ZHES SOGS KYI SKABS SU BSHAD, RTOGS PA PHAN TSUN BRTEN PAR THAL BA SPANG BA'I SKABS; 'DI YANG SHING YIN ZHES MI LDAN RNAM GCOD DU SBYOR NA SNGAR GYI NYES PA GNYIS PAR 'GYUR ZHES GSUNGS PA DANG, RNAM 'GREL RTZA BA LAS KYANG, 'DI YANG SHING YIN 'DI KHO NA, ,ZHES BYA'I THAL BA LDOG PA MED, CES GSUNGS PAS, SHA PA 'DI YANG SHING YIN ZHES PA'I BRDA SBYOR BA NA ME LDAN RNAM GCOD LAS MA 'DAS PAS; SHING MA YIN DE YONGS SU SPANGS NAS SHING LA 'JUG PAR MI 'GYUR BAR THAL; MI LDAN RNAM GCOD DU 'JUG PA'I PHYIR ZHES PA YIN, DE LTAR NA, SGRA YANG BYAS ZHES PA'I SGRAS, MA BYAS PA YONGS SU SPANGS NAS SGRA BYAS PA LA MI 'JUG PAR THAL, MI LDAN RNAM GCOD DU 'JUG PA'I PHYIR, DER THAL, 'DI YANG SHING YIN ZHES PA'I SGRA DE ME LDAN RNAM GCOD DU 'JUG PA'I PHYIR, 'DOD NA, DES BYAS PA MA GO BAR THAL LO, ,'DOD NA, SGRA MI RTAG PAR SGRUB PA'I CHOS MTHUN SBYOR GYI SGRUB NGAG DES, SGRA BYAS PA MA BRJOD PAR THAL LO, ,GZHAN YANG, SKABS 'DIR 'DI YANG SHING YIN ZHES PA'I MI LDAN RNAM GCOD DU 'JUG PA DANG, 'DI KHO NA SHING YIN ZHES GZHAN LDAN RNAM GCOD DU 'JUG PA GNYIS LAS MED PAR GSUNGS, 'O NA, SGRA DE GNYIS LA TSIG PHRAD NGES PAR SBYAR DGOS PAR THAL, 'DOD PA'I PHYIR; 'DOD MI NUS TE, LE'U BZHI PA LAS, DE SBYAR MED KYANG BRJOD 'DOD LAS; DE DON NYID NI RTOGS PAR 'GYUR, ZHES SOGS DANG 'GAL, DPER NA, NAG PA 'PHONG SKYEN ZHES PA DANG, SRID SGRUB 'PHONG SKYEN ZHES PA GNYIS TSIG PHRAD SBYAR BA MED KYANG, MI LDAN RNAM GCOD KYI SGRA DANG, GZHAN @134 LDAN RNAM GCOD KYI SGRA YIN PA'I PHYIR, DER SGRA RNAMS BRJOD 'DOD KYI KUN SLONG GI RJES SU 'BRANG BA YIN PA'I PHYIR TE, RNAM 'GREL RTZA BAR, SGRA RNAMS BRJOD 'DOD RJES 'BRANG PHYIR, ZHES PA DE, RANG LUGS SU SBYAR BA LA, tIKA CHEN RIGS PA'I RGYA MTSO LAS, DGAG PA MDZAD YOD, tIKA CHEN RANG LUGS LA, GZHAN LA 'PHANGS PA'I THAL BA LA SBYAR, , ` GSAL BYA GSAL BYED SKOR, RNAM 'GREL RTZA BAR, BDAG LA RNAM SHES SKYED RUNG BA'I, DON DU GZHAN GYI NGOR BYED GANG, GSAL BYA YIN LA RUNG NYID KYI, BYED PA PO YANG RGYU RU 'DOD, CES SOGS KYIS, SGRON 'OD DANG MUN KHUNG GI BUM GZUGS GSAL BYA GSAL BYED DANG RGYU 'BRAS SU BSTAN PAS DOGS DPYOD CUNG YOD DE; MUN KHUNG GI BUM GZUGS CHOS CAN, RANG 'DZIN RNAM SHES SKYA BA LA SGRON 'OD LA LTOS PAR THAL, 'DOD PA'I PHYIR, 'DOD MI NUS TE, NYI 'OD LA BRTEN NAS KYANG RANG 'DZIN RNAM SHES SKYE RUNG BA'I PHYIR, MA GRUB NA MNGON SUM DANG 'GAL, GZHAN YANG, SGRON 'OD KHEGS NA MUN KHUNG GI BUM GZUGS KHEGS PAS KHYAB PAR THAL; SGRON 'OD DE MUN KHUNG GI BUM GZUGS KYI RGYU YIN PA'I PHYIR, KHYAB STE, ME KHEGS PA'I GZHI YIN NA, DU BA KHEGS PA'I GZHI YIN PAS KHYAB PA'I PHYIR, 'DOD NA, MUN KHUNG NA CHOS CAN, DER THAL, DE'I PHYIR, DER THAL, MUN KHUNG GI BUM GZUGS MUN KHUNG NANG YOD CING, SGRON 'OD SNANG BA DANG MI LDAN PA'I GZHI NA MED PA'I PHYIR, GZHAN YANG SGRON 'OD LA BRTEN NAS MUN KHUNG GI BUM GZUGS BYUNG BAR THAL, 'DOD PA'I PHYIR, 'DOD NA, SGRON 'OD LAS MUN PA BYUNG BAR THAL LO, GZHAN YANG, SGRON 'OD MA BYUNG GONG DU MUN KHUNG GI BUM GZUGS SNGON LA GRUB CING DE LA SGRON 'OD KYIS GSAL BAR BYAS PA NA RANG 'DZIN RNAM SHES SKYE RUNG NYID DU BYED PA'I PHYIR, GZHAN YANG, SGRON 'OD DE MUN KHUNG GI BUM @235 GZUGS KYI RGYU YIN NA, SNANG BA DE MUN PA'I RGYU YIN DGOS PAR 'GYUR BAS HA CANG THAL LO, DES NA, GSAL BYA GSAL BYED LA RGYU 'BRAS YIN DGOS PA NI GONG 'OG KUN DU LAN DU MAR BSTAN CING, MUN KHUNG GI BUM GZUGS DANG SGRON 'OD GNYIS RGYU 'BRAS MI RUNG BAS GSAL BYA GSAL BYED MA YIN NO, RNAM BSHAD KYI LUNG DE'I DON NI, SGRON 'OD CHOS CAN, RANG GI GSAL BYAR GYUR PA'I MUN KHUNG GI BUM GZUGS KYI RGYU YIN TE, DE 'DRA'I BUM GZUGS LA DMIGS PA'I RNAM SHES BSKYED PAR BYED PA'I PHYIR, ZHES PA'O, DE LA'ANG DOGS PA 'DI YOD DE, DU BA'I RTAGS LAS DU LDAN LA LA ME YOD PAR RTOGS PA'I TSAD MA SKYES BAS, DU BA LA'I ME GSAL BYED YIN PAR THAL, DE LA DMIGS PA'I RNAM SHES SKYE RUNG NYID DU BYED PA'I PHYIR, DE BZHIN DU BYAS PA SGRA MI RTAG PA'I GSAL BYED YIN PAR THAL BA SOGS 'PHEN NO, BUM PA ZHES PA'I SGRA LAS BUM PA LA DMIGS PA'I RNAM SHES SKYE RUNG BA MNGON SUM GYIS GRUB PAS, BUM PA ZHES PA'I SGRA DE BUM PA'I RGYU YIN PAR THAL BA SOGS 'PHEN NO, RNAM RTZAR, GCIG DANG BRAL NA'ANG 'BRAS MED PHYIR, BYE BRAG RNAMS LAS NGES PAR 'BYUNG, ZHES SOGS KYI SKABS, SA BON GYIS MYU GU BSKYED PA LHAN CIG BYED RKYEN GYI BYE BRAG RNAMS LA LTOS NAS NGES PAR 'BYUNG STE, KHYOD MYU GU'I RGYU GANG ZHIG LHAN CIG BYED RKYEN GCIG DANG BRAL NA'ANG KHYOD LAS 'BRAS BU MYU GU 'BYUNG BA MED PA'I PHYIR ZHES BKOD, DE LA DOGS PA YOD DE, SA BON GYIS MYU GU BSKYED PA SA BON RANG NYID GRUB TZAM NAS RANG CHAS SU YOD DE, SA BON RANG NYID GRUB TZAM NAS MYU GU BSKYED PA'I NGO BOR GRUB PA'I PHYIR, DER THAL, TSES GCIG RANG GRUB TZAM NAS TSEM GSUM BSKYED PA'I NGO BOR GRUB PA'I PHYIR, TSES GCIG GIS TSES GSUM BSKYED PA TSES GNYIS LA LTOS NA, TSES GNYIS TSES GCIG GI RGYUR 'GYUR DGOS PA BZHIN DU SA BON @236 GYES MYU GU BSKYED PA CHU LUD LA LTOS NA CHU LUD SOGS SA BON GYI RGYU YIN DGOS PA MTSUNGS PA'I PHYIR, MAS BU BSKYED PA PHA LA MA LTOS PA DANG TSE 'DI'I GANG ZAG PHYI MAR BDE 'GROR BSKYED PA TSUL KHRIMS BSRUNG BA LA MA LTOS PA, PHYI MAR LONGS SPYOD 'BYUNG BA SBYIN PA LA MA LTOS PA SOGS HA CANG THAL BAR 'GYUR BAS, SBYIN PAS LONGS SPYOD KHRIMS KYIS BDE, ZHES SOGS KYI GZHUNG 'DI, DPYAD GSUM GYIS DAG PA'I LUNG MA YIN PAR 'GYUR RO, DE BZHIN DU BYANG SEMS TSOGS LAM PA SANGS RGYAS PA LA TSOGS GNYIS BSAGS PA LA MA LTOS PA DANG, NYAN THOS TSOGS LAM PA THAR PA 'THOB PA LA BDAG MED RTOGS PA LA MA LTOS PA SOGS SKYON DU MA 'BAB PA'I PHYIR RO, GRANGS CAN SOGS KYI LUGS LA, GRANGS CAN PAS SPYI GTZO BO RTAG DNGOS DANG CHA MED DU KHAS LEN ZHING, SA MYUG SOGS RANG BZHIN GCIG TU KHAS LEN PA LA, SA MYUG SOGS CIG CAR SKYE ZHING 'JIG PAR 'GYUR BA'I THAL BA 'PHANGS PA LA GRANGS CAN PAS, GZHAN SEL KHAS LEN PA LA'ANG NYES PA DE DAG MTSUNGS SO ZHE NA, MI TSUNGS TE, SPYI CHA BCAS SU KHAS LEN PAS GSAL BA 'JIG PA'I TSE 'JIG MI 'JIG BRTAGS NAS SUN DBYUNG MI NUS SO, GZHAN SEL DANG DGAG PA DON GCIG ,GZHAN SEL LA GSUM YOD PA LAS, MED DGAG GI GZHAN SEL GSAL BA 'JIG PA'I TSE MI 'JIG STE, MED DGAG TZAM YIN PA'I PHYIR, BLO'I GZHAN SEL YANG, GSAL BA 'JIG PA'I TSE MI 'JIG STE, SGRA DON TZAM YIN PA'I PHYIR, DON GYI GZHAN SEL GSAL BA 'JIG PA'I TSE 'JIG MI 'JIG CHA GNYIS YOD PA'I PHYIR, DE LA GZHAN SEL GSUM GYI RNAM GZHAG SHES DGOS PAS DE BSHAD PA LA, GZHI BUM PA LA BUM MA YIN MED PA BUM PA'I MED DGAG GI GZHAN SEL DANG, BUM 'DZIN RTOG PA LA BUM PA MA YIN PA LAS LOG PAR SNANG BA DE BUM PA'I BLO'I GZHAN SEL DANG, BUM PA MA @237 YIN PA LAS LOG PA BUM PA'I DON GYI GZHAN SEL YIN, GZHAN LA'ANG RIGS 'GRE'O, ,KHA CIG BLO MA YIN PA LAS LOG PA CHOS CAN, BLO'I GZHAN SEL YIN PAR THAL, BUM PA MA YIN PA LAS LOG PA BUM PA'I GZHAN SEL YIN PA'I PHYIR ZER NA MA KHYAB, BUM 'DZIN RTOG PA LA BUM PA MA YIN LAS LOG PAR SNANG BA CHOS CAN; SHES PA'I GZHAN SEL YIN PAR THAL, BLO'I GZHAN SEL YIN PA'I PHYIR ZER NA MA KHYAB, DER THAL, BLO DANG SHES PA DON GCIG YIN PA'I PHYIR ZER NA'ANG MA KHYAB, 'O NA, MED DGAG MA YIN PA LAS LOG PA CHOS CAN, MED DGAG GI GZHAN SEL YIN PAR THAL, BUM PA MA YIN PA LAS LOG PA BUM PA'I GZHAN SEL YIN PA'I PHYIR MTSUNGS SO, ,'DOD NA, MED DGAG YIN PAR THAL, 'DOD MI NUS TE, MA YIN DGAG YIN PA'I PHYIR, GZHAN YANG, SHES PA MA YIN PA LAS LOG PA CHOS CAN, BLO'I GZHAN SEL YIN PAR THAL, SHES PA'I GZHAN SEL YIN PA'I PHYIR, DER THAL, SHES PA'I DON GYI GZHAN SEL YIN PA'I PHYIR, MTSUNGS SO, ,BUM PA LA BUM MA YIN MED PA BUM PA'I MED DGAG GI GZHAN SEL DU BZHAG PA LA, BUM PA LA BUM MA YIN MED PA CHOS CAN, MED DGAG GI GZHAN SEL MA YIN PAR THAL, DE RTOGS PA NA BUM PA RTOGS DGOS PA'I PHYIR, RANG GI LUGS LA, BUM PA DANG BUM MA YIN GYI GZHI MTHUN MED PA DE BUM PA'I MED DGAG GI GZHAN SEL YIN GSUNGS, DE LA'ANG, BUM PA DANG BUM MA YIN GZHI MTHUN MED PA RTOGS PA LA BUM PA RTOGS DGOS PA'I PHYIR, DER THAL, BUM PA DANG RTAG PA'I GZHI MTHUN MED PA RTOGS PA LA BUM PA RTOGS DGOS PA'I PHYIR TE, BYAS PA DANG RTAG PA'I GZHI MTHUN MED PA RTOGS PA LA BYAS PA RTOGS DGOS PA'I PHYIR TE, BYAS PA DANG RTAG PA'I GZHI MTHUN MED PA RTOGS PA DANG, BYAS PA LA RTAG PA KHEGS PA, @238 BYAS PA MI RTAG PA RTOGS PA SOGS DON GCIG PA'I PHYIR, BYAS PA DANG RTAG PA'I GZHI MTHUN MED PA RTOGS PA DANG, BYAS PA LA RTAG PA MED PA RTOGS PA GNYIS DON GCIG NA, BUM PA DANG BUM MA YIN GZHI MTHUN MED PA RTOGS PA DANG, BUM PA LA BUM MA YIN MED PA RTOGS PA GNYIS KYANG DON GCIG DGOS PA'I PHYIR, RNAM BSHAD LAS GSUNGS PA LTAR BUM PA LA BUM MA YIN MED PA BUM PA'I MED DGAG GI GZHAN SEL DU 'DOD DO,, ` GRANGS CAN GYI LUGS LA, SHES BYA NYER LNGA DANG, RANG BZHIN DANG RNAM 'GYUR GNYIS LA MU BZHI BSHAD PA STE, SHES BYA NYI SHU RTZA LNGA PO DES 'KHOR BA 'JUG LDOG GI RIM PA SHES NUS PA DANG, RANG BZHIN DANG RGYU DANG GTZO BO RNAMS DON GCIG LA, 'BRAS BU DANG, RNAM 'GYUR DON GCIG TU BSHAD, 'KHOR BAR 'JUG PA'I RIM PA NI, RDUL MUN SNYING STOBS GSUM CHA SNYOMS PA'I NUS PA'I NGO BOR GYUR PA'I SPYI GTZO BO DE LAS BLO'AM CHEN PO ZHES PA SHES RIG GI SKYES BU'I GZUGS BRNYAN SHAR BA DANG NGOS GCIG LA SKYES BU'I LONGS SPYOD BYA SHES BYA NYER GSUM SHAR BA ME LONG NGOS GNYIS PA LTA BU ZHIG YOD, DE LAS NGA RGYAL DANG, DE LAS GZUGS SOGS DE TZAM LNGA, DE LAS DBANG PO BCU GCIG DANG, 'BYUNG BA LNGA 'BYUNG LA SKYES BUS LONGS SPYOD PAR BYED DO, SPYI GTZO BO NI RGYU GZHAN LAS MA SKYES PAS RANG BZHIN KHO NA YIN LA, DBANG PO BCU GCIG DANG, 'BYUNG BA LNGA NI RNAM 'GYUR GZHAN MI SKYES PAS RNAM 'GYUR KHO NA DANG, CHEN PO DANG NGA RGYAL DE TZAM LNGA STE BDUN NI GTZO BO LAS SKYES SHING, RANG LAS KYANG DBANG PO BCU GCIG DANG, 'BYUNG BA LNGA SOGS SKYES PAS RANG BZHIN DANG RNAM 'GYUR GNYIS KA YIN NO, BDAG SHES RIG GI SKYES BU GNYIS KA MA YIN PA'I MU STE BZHI'O, ,BDAG DANG GTZO BO KHA MA BRAL BA JI SRID DU 'KHOR BAR 'KHOR LA RNAL 'BYOR PAS 'KHOR BA'I SDUG @239 BSNGAL LA YID SUN TE LHA'I MIG BSKYED DE BLTAS PA NA SPYI GTZO BO DE 'KHOR BA'I RTZA BAR MTHONG STE, GTZO BO LAS RNAM 'GYUR GSAR DU MI SPROS, SNGAR BYUNG ZIN PA RNAMS RIM PAS DBANG PO BCU GCIG DANG, 'BYUNG BA LNGA, DE TZAM LNGA LA THIM, DE TZAM LNGA NGA RGYAL DANG, NGA RGYAL BLO'AM CHEN PO LA, CHEN PO SPYI GTZO BO LA THIM ZHING; RNAL 'BYOR PAS GTZO BO LA CHED DU BLTAS PAS GTZO BO NGO TSA BAR GYUR TE NAM MKHA' LA 'JA' LTAR YAL NAS SHES RIG GI SKYES BU GCIG KHO NA LUS PA NA THAR PA THOB PA YIN, DE 'DRA BA'I SHES RIG GI SKYES BU DE NI BCINGS GROL KUN GYI GZHIR GYUR PA 'KHOR 'DAS GNYIS KYI SKABS SU YOD PA RTAG GCIG RANG DBANG CAN DU 'DOD, SPYI GTZO BO NI KUN GYI BYED PA PO YIN PAS DE SGRUB PA'I GTAN TSIGS SANGS RGYAS PA LA DKOD DE, KHYAD PAR TSAD PHYIR RJES 'GRO PHYIR, ,NUS PA'I SGO NAS 'JUG PA'I PHYIR, ,RGYU DANG 'BRAS BU DBYER YOD PHYIR, , 'JIG RTEN SNA TSOGS DBYER MED PHYIR, ,MI GSAL BA YI RGYU YOD DO, ZHES PA'O,, SANGS RGYAS PAS, 'JIG LA 'BRAS DANG YOD NYID BZHIN, ZHES PA'I SKABS KHYAD PAR DAG PA BA'I RANG BZHIN GYI GTAN TSIGS SU YOD PA NYID BKOD PA LA, GRANGS CAN PAS, MTSAN NYID LNGA LDAN GYI GTZO BO CHOS CAN YOD DE, KHYAD PAR RNAMS RJES SU 'GRO BA MTHONG BA'I PHYIR ZHES PA'ANG GTAN TSIGS YANG DAG TU 'GYUR RO ZHES RTZOD, YOD CES PA DE, SPYIR YOD TZAM LA BYED NA, GRANGS CAN PAS, YOD DE ZHES PA'ANG YOD TZAM LA BYED DGOS, YOD PA'I KHYAD PAR DNGOS PO YOD PA LA BYED NA CIG SHOS KYANG DE LA BYED DGOS TE MTSUNGS PA'I PHYIR, YOD PA TZAM SGRA MI RTAG SGRUB PA'I RTAGS SU MI 'THAD PAS YOD PA'I KHYAD PAR DNGOS POR YOD PA BYED DGOS KYI, BKOD PA'I TSE DNGOS POR YOD PA'I PHYIR, ZHES MI BKOD DE, DE LTAR NA KHYAD PAR LTOS PA BA'I RTAGS SU 'GYUR RO, YOD PA ZHES PA'I SKAD DON @240 SGRA YANGS DOG GNYIS SU PHYE NAS DOG PA LA BYED NA DNGOS PO DANG YOD PA DON GCIG PA LA DGONGS NAS SLOB DPON GYIS YOD NYID BZHIN ZHES GSUNGS PA YIN ZHES TSAD MA YID KYI MUN SEL NANG GSAL, YIG CHA DAG GIS DNGOS PO YIN PA'I PHYIR, ZHES BKOD DGOS KYI DNGOS POR YOD PA DANG, YOD PA GANG BKOD KYANG SKYON 'JUG PA'I PHYIR, TSAD MA RIG RGYAN BZHIN NO, DE LA RTZOD PA 'DI BYUNG STE, GRANGS CAN PA NA TE, 'JIG LA 'BRAS DANG YOD NYID BZHIN, ZHES PA'I SKABS DNGOS POR YOD PA RTAGS SU BKOD NAS 'JIG PAR SGRUB PA LA, KHO BO CAG KYANG MTSAN NYID LNGA LDAN GYI GTZO BO CHOS CAN, DNGOS POR YOD DE, KHYAD PAR RNAMS RJES SU 'GRO BA MTHONG BA'I PHYIR ZHES PA'ANG RTAGS YANG DAG TU THAL, DNGOS POR YOD PA DE, GTAN TSIGS SU RIGS NA, BSGRUB BYA'I CHOS SU JI LTAR RIGS PA MIN ZHES RTZOD PA LA, GAL TE GTAN TSIGS YOD RANG BZHIN, ZHES SOGS BYUNG, RANG LUGS KYI LAN NI, GRANGS CAN KHYOD KYIS GTAN TSIGS SU BKOD PA'I KHYAD PAR RNAMS RJES SU 'GRO BA MTHONG BA DE CHOS CAN, MTSAN NYID LNGA LDAN GYI GTZO BO SNANG BA LA, YOD TZAM DANG, YOD PA'I KHYAD PAR DNGOS POR YOD PA GANG RUNG YIN PAR THAL, 'DOD NA, DE GNYIS GANG YIN, YOD PA TZAM BSGRU 'DOD NAS KHYOD RTAGS SU BKOD NA, GRANGS CAN PA'I MNGON PAR 'DOD PA'I DON GANG YANG MI 'GRUB BA DANG SANGS RGYAS PAS KYANG BSGRUB BYA DE 'DRA BA BKAG PA MED PA'I PHYIR ZHES PA LA, YOD PA'I KHYAD PAR TZAM DU NI, BSGRUB BYA SPYI YI CHOS CAN LA, DON 'GA' ZHIG KYANG 'GRUB MI 'GYUR, 'DI 'DRA BA YANG BKAG PA MED, CES BYUNG BA'I PHYIR, YOD PA'I KHYAD PAR DNGOS PO BSGRUB BYA'I CHOS SU GZUNG BA YIN ZHE NA, KHYAD PAR RNAMS RJES SU 'GRO BAR MTHONG BA'I GTAN TSIGS CHOS CAN, MTSAN NYID LNGA LDAN GYI GTZO BOR SNANG BA DNGOS POR SGRUB PA'I RJES KHYAB MA GRUB PAR THAL, PHYOGS CHOS GANG @241 ZHIG; DAM BCA' LA TSAD MA'I BSAL BA YOD PA'I PHYIR, ZHES PA LA, KHYAD PAR BSGRUB BYAR BZUNG NA 'DIR, GTAN TSIGS RJES 'GRO MED CAN 'GYUR, YOD PA BSGRUB BYA YIN NA DE, ,KHYAD PAR DAG NI BSGRUB BYAR 'GYUR, ZHES BYUNG, RNAM BSHAD LAS; RTAGS DE'I PHYOGS CHOS GRUB NA KHYAB PA MI GRUB, KHYAB PA GRUB NA PHYOGS CHOS MI GRUB STE DAM BCA' LA TSAD MAS GNOD PA'I PHYIR, PHYOGS KHYAB GNYIS KA GRUB NA, SGRA DON DNGOS POR KHAS LEN DGOS PAR 'GYUR RO, ,ZHES GSUNGS PA LA LTAS NA, MIG SHES KYI GZUNG BYAS SGRA MI RTAG PAR SGRUB PA'I RJES KHYAB MA YIN PAR 'DOD PA 'THAD PAR SNANG, DE BZHIN DU SGRA RTAG PAR SGRUB PA'I RJES KHYAB MED PAR 'DOD PA'ANG MTHUN TE, GAL TE, SGRA RTAG PAR SGRUB PA'I RJES KHYAB YOD NA, GTZO BO'I SGRA DON DNGOS POR SGRUB PA'I RJES KHYAB KHAS LEN CHOG PAR SNANG STE, GTZO BO SGRA DON DNGOS POR SGRUB PA'I RJES KHYAB MED DE DAM BCA' LA TSAD MAS GNOD PA'I PHYIR ZHES PA SGRA RTAG PA LA'ANG MTSUNGS, SGRA RTAG PAR SGRUB PA'I PHYOGS KHYAB GNYIS KA YOD NA, SGRA RTAG PAR KHAS LEN DGOS PA'ANG MTSUNGS SO, ,BLA MA RJE BTZUN PA'I GSUNGS DE RNAM BSHAD KYI DGONGS PA RANG MTHUN PAR 'DUG SNYAM YANG, PHYOGS SGRA'I SKABS SU MIG SHES KYI GZUNG BYAS SGRA MI RTAG PAR SGRUB PA'I RJES KHYAB TU TSAD GRUB BYAS 'DUG PAS DPYOD LDAN RNAMS KYIS DPYAD PAR BYA'O, RIGS PA'I DBANG PHYUG DGONGS PA'I RGYA MTSO CHE, ,MUN BLO'I SBAL PA'I NUS RTZAL MI MNYAM YANG, ,BZHAG PAR MI NUS CHU THIGS TZAM ZHIG 'THUNG, ,DE TZAM TSIM PAR MA GYUR NA YANG ZAD, , ` ,'BREL BA SGRUB BYED KYI RTAGS, 'GOD PA'I SKABS SU BYAS PA RANG GRUB TZAM NAS 'JIG PA'I CHOS CAN DU GRUB PAR SGRUB PA LA, SKAD CIG MA LNGA'I DUS SU MI 'JIG PAR GNAS PA'I BYAS PA ZHIG YOD ZER, 'O NA, DE SKAD CIG BZHI PA'I DUS SU'ANG MI 'JIG PA'I RDZAS SU YOD DAM MED, YOD NA @242 SKAD CIG MA DGU'I BAR GNAS PAR THAL BA DANG, MED NA SKAD CIG DANG PO'I DUS SU YOD LA GNYIS PA'I DUS SU MED PAR KHAS LEN DGOS PAS, 'DUS BYAS YIN NA SKAD CIG MA GCIG LAS MI GNAS PAS KHYAB PAR SGRUB 'DUG, DE LTAR NA, RANG RE'I YIG CHA SKABS BZHI PA'I MTHA' DPYOD DANG, RTZA SHES tIKA CHEN SOGS DANG 'GAL LO SNYAM, DE TZAM DU MA ZAD, RNAM MKHYEN DANG, LONGS SKU SOGS LA 'DUS BYAS KYI MTSAN NYID JI LTAR TSANG, 'GA' ZHIG GIS, RNAM MKHYEN SOGS KYI RGYUN BSKAL PA'I BAR DU GNAS KYANG NGO BO SKAD CIG MA GCIG LAS LHAG PA MI GNAS ZHES ZER YANG, DE DAG GI RGYUN RTAG PAR THAL BA'I SKYON 'JUG, RGYUN MI RTAG PA YIN NA RGYUN YANG SKAD CIG LAS MI GNAS DGOS SO, ,RTZA BAR, 'DI NI NGO BO NYID KYIS 'GYUR, GANG LA 'GYUR ZHES BYA DE LAS, GZHAN LA'ANG NGO BO NYID KYIS 'GYUR, ZHES BYA BA DE MI RTAG PA GSAR SGRUB KYI RIGS PA BZANG SHOS SHIG BSTAN PAR 'DRA STE DE'I THAD KYI RANG 'GREL LAS, DES 'DI 'GA' ZHIG LA YOD PA MTHONG BA NA LTOS PA MED PA NYID KYI PHYIR, RANG BZHIN GYIS 'GYUR TO,, DE LTAR GZHAN DAG LA YANG RANG BZHIN GYIS 'BYUNG BA CAN YIN TE, KHYAD PAR MED PA'I PHYIR ZHES GSUNGS, RNAM BSHAD LAS KYANG, GLOG LA SOGS PA 'DI NI CHOS CAN, NGO BO NYID KYIS 'JIG PAR 'GYUR TE, DE LTAR MNGON SUM GYIS DMIGS PA'I PHYIR, GANG LA 'JIG PA MNGON SUM GYIS MTHONG BA NGO BO NYID KYIS 'JIG PAR 'GYUR ZHES BYA BA DE LAS GZHAN LKOG GYUR GYI DNGOS PO LA'ANG CHOS CAN NGO BO NYID KYIS 'JIG PAR 'GYUR TE, MNGON SUM GYIS MTHONG BA'I DNGOS PO DANG 'JIG TSUL MTSUNGS PA'I PHYIR, YANG NA, 'JIG PA 'DI NI DNGOS PO RNAMS LA NGO BO NYID KYIS GRUB PAR 'GYUR TE, RANG GI RGYU LAS 'JIG PA'I NGANG TSUL CAN DU 'BYUNG BA'I PHYIR SBYAR TO, ,ZHES BSTAN PAS, GLOG 'JIG PA DE MI RTAG PA @243 RAGS PA DE DPER BYAS NAS NYER LEN GYI PHUNG PO MI RTAG PA'ANG NGO BO NYID KYIS 'JIG PAR SGRUB BO, ,NYER LEN GYI PHUNG PO CHOS CAN, RANG GRUB TZAM NAS 'JIG PAR NGES TE, RANG NYID 'JIG PA PHYIS BYUNG GI RGYU GZHAN LA LTOS MED KYI DNGOS PO YIN PA'I PHYIR, DPER NA, GLOG BZHIN ZHES PA'O, ,YIG CHA 'GA' ZHIG LAS, RTAGS DE'I PHYI RGOL YANG DAG YIN NA, RTAGS DE'I RTAGS CHOS DON GSUM TSAD MAS NGAS PAS MA KHYAB PAS, MYU GU CHOS CAN, BDEN PAR MED DE, RTEN 'BREL YIN PA'I PHYIR, DPER NA ME LONG NANG GI BYAD BZHIN GYI GZUGS BRNYAN BZHIN ZHES PA'I RTAGS DE BDEN MED GSAR SGRUB KYI RTAGS SU 'DOD, RANG RE'I YIG CHAR; PHYI RGOL YANG DAG YIN NA, RTAGS DE'I BSGRUB BYA'I CHOS TSAD MAS NGES DGOS PAR BZHED DO,, ` 'BRAS RANG GI RTAGS GNYIS KYI DON BSDU BA, RNAM RTZAR, DES NA DNGOS PO'I YUL CAN GYI, ,RJES SU DPOG GANG RNAM GNYIS TE, ,'BRAS DANG NGO BO DE DAG LAS, ,RANG SGRUB BYA LA 'BREL DES PHYIR, ,ZHES PA DES, 'BRAS RANG GI RTAGS KYI 'JUG BSDU BA STE, DNGOS PO YUL CAN ZHES PA SGRUB PA'I YUL CAN DU GO DGOS, SGRA MI RTAG PA DGAG PAR KHAS LEN NA DE DANG 'GAL SNYAM, MA DMIGS PA'I RTAGS KYI MJUG BSDU BA, GZHI DE LA SGRA DANG SHES PA'I THA SNYAD 'JUG PA LA GZHI DE RTOGS PA'I TSAD MA SNGON DU 'GRO DGOS PAR, 'JUG PA BLO SNGON CAN GYI PHYIR, ZHES SOGS DANG, TSAD MA RNAMS NI MI 'JUG PA; ZHES PA'I RANG 'GREL DU YOD PA SHES PA DANG, SGRA DANG THA SNYAD DGAG PA'I 'BRAS BU CAN YIN TE, DE DAG NI DMIGS PA SNGON DU 'GRO BA CAN YIN PA'I PHYIR ZHES SOGS GSUNGS, DE LA, SHA ZA NGES PA'I TSAD MA RGYUD LA GRUB MA THAG PA'I GANG ZAG DES SHA ZA YOD CES DAM BCA' MI RIGS PAR THAL, SHA ZA NGES PA'I @244 TSAD MA SNGON DU MA SONG BA'I PHYIR, RTAGS KHYAB KHAS, 'DOD NA, GANG ZAG DE CHOS CAN; SHA ZA YOD CES DAM BCA' BA MI RIGS TE, SHA ZA NGES PA'I TSAD MA MED PA'I PHYIR ZHES BKOD RGYU MED LA, SHA ZA NGES PA'I TSAD MA SNGON DU MA SONG BA'I PHYIR ZHES BKOD NA, RGYU MA DMIGS PA'I RTAGS SU SONG TSUL GANG YIN, GAL TE 'DOD NA, ,DU BAS DBEN PA'I SA PHYOGS NA CHOS CAN, DU BA MED DE, MI SNGON DU MA SONG BA'I PHYIR ZHES PA'ANG RGYU MA DMIGS PAR 'GYUR, DE LTAR NA, 'BRAS RTAGS LNGA YOD PA BZHIN DU RGYU MA DMIGS PA'ANG LNGA YOD PAR 'GYUR BAS GZHUNG GANG LAS BSHAD YOD DAM, DU BA DANG, ME SNGA MA SNGON DU SONG BA GNYIS RANG BZHIN GCIG PAS, DU BA'I 'BREL YUL MA SNGON DU SONG BA BKAG PA'I RTAGS SU SBYAR BA YIN PA'I PHYIR NA, RANG BZHIN MA DMIGS PA'I RTAGS SU BZHAG PA'ANG RIGS SO SNYAM,? BSTAN BCOS SKABS DANG 'BREL MED DANG, DON RNAMS DBANG PO LAS 'DAS PA, ,ZHES SOGS KYI SKABS SU BSKAL DON 'GA' ZHIG BSTAN BCAS KYI BRJOD BYA MIN PA DANG, RGYA MTSO'I GTING GI RDO BA SOGS NYER MKHO MED PAS MA BRJOD PA DANG, SKYES BU'I RNAM RTOG GI GRANGS SOGS BRJOD BYAR BSTAN MI NUS PAR BSHAD PAS, GZHI GRUB NA BSTAN BCOS KYI BRJOD BYA YIN PAS MA KHYAB PAR THAL BA SOGS 'PHANGS NA LAN JI LTAR 'DEBS, RNAM BSHAD LAS, GZHUNG RKANG PA GNYIS PO 'DI NI ZHES PA, GAL TE GTAN TSIGS 'GA' ZHIG GIS,, DE MED PA NI RTOGS PAR 'GYUR, ,ZHES PA 'DI YIN NO, DPAL LDAN CHOS KYI GRAGS PAS; MA DMIGS PA'I RTAGS LA GNYIS KHO NAR GRANGS NGES PAR GSUNGS PA LA, MU STEGS PA 'GA' ZHIG GIS, KHYOD KYI GRANGS NGES DE MI RIGS PAR THAL; GNYIS PO GANG RUNG MA YIN PA'I MA DMIGS PA'I RTAGS YOD PA'I PHYIR, DER THAL, GTZO BO CHOS CAN MED DE, TSAD MAS MA DMIGS PA'I PHYIR ZHES PA'I RTAGS DE YIN PA'I PHYIR, DER THAL, RTAGS YANG DAG GSUM PO GANG RUNG GANG @245 ZHIG; 'BRAS RANG GNYIS GANG RUNG MA YIN PA'I PHYIR, DANG PO DER THAL, RTAGS YANG DAG YIN PA'I PHYIR, MA KHYAB NA SLA, MA GRUB NA, SLOB DPON PHYOGS GLANG GIS, GTZO BO LA SOGS PA NI YOD PA MA YIN TE, MA DMIGS PA'I PHYIR ZHES GSUNGS PA'I PHYIR ZHES PA'O, ,RANG LUGS KYI LAN THOGS MED BAG CHAGS LAS BYUNG BA'I, ZHES SOGS SBYAR, GAL TE, SPYI GTZO BO YOD NA, YOD PA MA YIN TE ZHES PA'I DAM BCA' DANG 'GAL, MED NA GTZO BO ZHES PA'I SGRA SBYOR MI RIGS PAR 'GYUR TE BRJOD BYA MED NA RJOD BYED JI LTAR 'JUG SKABS 'DIR YOD DAM MED CES PA DE DNGOS PO LA BYED DGOS SO, ,GTZO BO MED KYANG RTOGS PAS BTAGS PA'I SGRA DON YOD PAS SGRA SBYOR BA LA SKYON MED, DNGOS ZIN LTAR NA, GTZO BO CHOS CAN DU BZUNG BA LTAR SNANG, RNAM 'GREL LTAR NA GTZO BO DANG DE'I SNANG BA GNYIS NYER LAN CAN DANG NYE BAR LEN PA PO 'GOG PA LTAR SNANG, MKHAS PA'I DBANG PO KA MA LA SH'I LAS PHYOGS GLANG CHOS GRAGS GNYIS KYI DGONGS PA GCIG TU DGONGS NAS, GTZO BO CHOS CAN, RNAM 'GYUR SNA TSOGS KYI NYER LEN CAN DU MED DE, DE LTAR MA DMIGS PA'I PHYIR ZHES PA'O, ,GTZO BO RANG MTSAN CHOS CAN BZUNG NAS 'GOG DGOS PAR BSTAN, RTAGS TSAD MAS NGES PA'I GZHI NI GTZO BO'I SNANG BA NYID YIN, GZHI MA GRUB CHOS CAN DU BZUNG YANG, CHOS CAN GZHI GRUB STE, RTAGS CHOS DON GSUM TSAD MAS GRUB DGOS PA'I PHYIR, GANG ZAG GI BDAG 'GOG PA'I TSE'ANG, GANG ZAG GI BDAG CHOS CAN DU BZUNG DGOS PAR TSAD MA YID KYI MUN SEL DU GSUNGS SO, ,'ON KYANG DE NYID LAS, RTAGS YANG DAG YIN NA CHOS CAN GZHI GRUB PAS MA KHYAB PAR GSUNGS TE, DE NYID LAS, KHA CIG NA RE, RTAGS YANG DAG GI SHES 'DOD CHOS CAN YIN NA GZHI GRUB PAS KHYAB STE, GZHAN DU NA CHOS CAN GZHI MA GRUB PA'I STENG DU RTAGS YOD PAR TSAD @246 MAS NGES PA MI SRID PAS PHYOGS CHOS MA GRUB PA'I NYES PA DANG, GZHI CHOS CAN KHEGS NA DE DANG CHOS TSOGS PA'ANG KHEGS PAS DAM BCA' TSAD MAS BSAL BA'I NYES PAR 'GYUR RO ZER RO, ,DE NI MI 'THAD DE, PHUNG PO DANG MTSAN NYID MI MTHUN PA'I RANG RKYA THUB PA'I RDZAS YOD DU GYUR PA'I BDAG MED PAR SGRUB PA'I RTAGS KYI CHOS CAN GZHI MA GRUB PA YIN PA'I PHYIR, 'DI LA KHA CIG GANG ZAG TZAM CHOS CAN DU BYAS NAS KHYOD PHUNG PO DANG MTSAN NYID MI MTHUN PA'I RANG RKYA THUB PA'I RDZAS YOD DU GYUR PA'I BDAG TU MED DE ZHES 'GOD PAS SKYON MED DO ZHES ZER TO, ,DE YANG ME 'THAD DE GANG ZAG DE LTA BU'I BDAG TU MED PAR BSGRUBS PA TZAM GYI DE LTA BU'I BDAG RANG LDOG NAS YOD PA MI KHEGS PA'I PHYIR RO, ,YANG BLUN PO KHA CIG DE LTA BU'I BDAG GI SGRA DON CHOS CAN YIN NO, ,ZHES ZER BAS NI DE LTA BU'I BDAG GI SGRA DON MED PAR KHAS BLANGS PA YIN PAS RANG GI MTSANG BSGRAGS PA YIN NO, ,GZHAN DAG NI DE LTA BU'I GANG ZAG GI BDAG CHOS CAN, MED DE, PHUNG PO DANG RANG BZHIN GCIG THA DAD GANG DU'ANG TSAD MAS MA DMIGS PA'I PHYIR ZHES 'GOD PA'I SHES 'DOD CHOS CAN NI PHYIR RGOL GYI GANG ZAG RANG RKYA BA DANG DER SNANG BA'I SGRA DON GCIG TU 'KHRUL NAS SHES 'DOD ZHUGS SHING, DER SNANG BA'I SGRA DON GYI STENG DU RTAGS TSAD MAS GRUB LA GANG ZAG RANG RKYA BA CHOS CAN DU MA BZUNG NA GANG ZAG GI BDAG RANG LDOG NAS MI KHEGS SHING, PHYIR RGOL GYIS DE DANG DER SNANG GI SGRA DON GCIG TU ZHEN NAS 'JUG PAS SGRA DON CHOS CAN DU ME RUNG BA'I SKYON YANG MED DO,, DES NA DE LTA BU'I RTAGS LA GANG ZAG RANG RKYA BA YANG CHOS CAN YIN CING, GANG ZAG RANG RKYA BA'I SGRA DON YANG CHOS CAN YIN NO, ,SGRA DON CHOS CAN DU SGRUB PA NI DE'I SGRA DON DE SGRUB KYI RTAGS KYI SHES 'DOD CHOS CAN YIN PAR THAL, DE SGRUB KYI PHYIR RGOL GYIS DE DANG SGRA DON GCIG TU 'KHRUL PA LA SHES 'DOD ZHUGS SHING, PHYIS @247 KYANG DE DANG DER SNANG GI SGRA DON GCIG TU ZHEN NAS 'JUG LA, DE SGRUB KYI RTAGS DE LTA BU'I SGRA DON GYI STENG DU TSAD MAS GRUB PA'I PHYIR RO, ,BYAS PAS SGRA MI RTAG PAR SGRUB PA LA ME MTSUNGS TE, SGRA'I SGRA DON LA BYAS PA MA GRUB PA'I PHYIR, DES NA RTAGS YANG DAG YIN NA SHES 'DOD CHOS CAN GZHI GRUB PAS KHYAB LA, RTAGS YANG DAG GI SHES 'DOD CHOS CAN YIN NA GZHI GRUB PAS MA KHYAB PA YIN NO ZHAS BZHED DO, ,'DI LA YANG BRTAG PA 'DI YOD DE, DE LTA BU'I RTAGS DANG BSGRUB BYA'I CHOS SU BDAG DE LTA BU MED DE, BDAG DE LTA BU PHUNG PO DANG RANG BZHIN GCIG THA DAD GANG DU'ANG MA GRUB PA'I PHYIR ZHES SBYOR RAM, 'ON TE, MED DE, RANG BZHIN GCIG THA DAD GANG DU YANG MA GRUB PA'I PHYIR RO ZHES PA TZAM ZHIG 'GOD, DANG PO LTAR NA DAM BCA' NYID BSGRUB BYA'I CHOS SU 'GYUR RO, ,GNYIS PA LTAR NA, DE LTA BU'I BDAG GI SGRA DON CHOS CAN MED PAR THAL, PHUNG PO DANG RANG BZHIN GCIG THA DAD GANG DU YANG MA GRUB PA'I PHYIR, 'KHOR GSUM DNGOS SO ZHES DANG, YANG DE NYID LAS, RANG LUGS NI DE LTA BU'I RTAGS KYI SHES 'DOD CHOS CAN NI DE LTA BU'I BDAG KHO NA YIN LA, CHOS CAN GZHI MA GRUB PA'I SKYON YANG MED DE, DE LTA BU'I RTAGS LA NI CHOS CAN DANG MED NGES KYI TSOGS DON BSGRUB BYA YIN PAS CHOS CAN GZHI MA GRUB PA NYID DAM BCA' TSAD MAS BSGRUB PA'I SGRUB BYED YIN LA, CHOS CAN GZHI GRUB NA DAM BCA' TSAD MAS BSAL BAR 'GYUR BA'I PHYIR RO, ,'DI LTAR CHOS CAN DE GZHI GRUB NA CHOS CAN DE DANG MED NGES KYI TSOGS DON GZHI GRUB DGOS PA'I PHYIR TE, GZHI GRUB NA RI BONG GI RVA MED NGES YIN PAS KHYAB PA BZHIN NO, ,RTAGS PHYOGS CHOS MA GRUB PA'I SKYON YANG MED DE, BDAG DE LTA BU'I TSAD MAS MA GRUB KYANG; BDAG DE LTA BU PHUNG PO DANG RANG BZHIN GCIG THA DAD GANG DU YANG MA DMIGS PA TSAD MAS GRUB PA'I PHYIR TE, SHES BYA THAMS CAD DE YIN PA'I PHYIR, CHOS @248 CAN ZHES PA'ANG BLO NGOR DGAG CHOS DANG BSGRUB CHOS RTAGS KYI DGAG SGRUB BYED PA'I GZHIR GYUR PA YIN PAS CHOS CAN ZHES BYA'I, DON STENG NAS KHYAD GZHI KHYAD CHOS GNYIS SU BYAS PA'I KHYAD GZHI LTA BUR YOD NAS MA YIN NO, ,DES NA GZHI MA GRUB KYANG RTAGS NGES PA'I SHES 'DOD CHOS CAN YIN PA MI 'GAL TE GZHI MA GRUB KYANG KHYAB PA NGES PA'I MTHUN DPE YIN PA MI 'GAL BA BZHIN NO, ,DES NA CHOS CAN GZHE MA GRUB PAS DAM BCA' TSAD MAS BSAL BA DANG, PHYOGS CHOS MA GRUB PAR 'GYUR RO ZHES PA LA LAN 'DI LTAR SMRA BAR BYA'I NGAL BA GZHAN GYIS DUB PAR MI BYA'O,, DON 'DI NI SLOB DPON KA MA LA SH'I LAS GSAL BAR BSHAD DO, ,ZHES RGYAS PAR GSUNGS SO, ,THAR LAM GSAL BYED DANG, YIG CHA RNAMS KYIS MGRIN GCIG TU RTAGS YANG DAG YIN NA SHES 'DOD CHOS CAN YOD PAS KHYAB PA DANG RTAGS YANG DAG GI SHES 'DOD CHOS CAN YIN NA, YOD PAS MA KHYAB PAR GSUNGS, TSAD MA RIGS RGYAN LAS, SKYES BU CHOS CAN, SDUG BSNGAL BA YIN TE, RI BONG RAS PHUG PA'I PHYIR ZHES BKOD PA'I TSE RI BONG RAS PHUG PA CHOS CAN, DE SGRUB KYI LTAR SNANG YIN TE, DE SGRUB KYI RTAGS SU BKOD PA GANG ZHIG DE SGRUB KYI TSUL GSUM MA YIN PA'I PHYIR ZHES PA'I RTAGS DE SGRUB RTAGS YIN PAR GSUNGS, BLA MA RJE BTZUN PA CHEN POS DE LA DGAG PA MDZAD DE, DE LTAR NA, TSAD MAS MA DMIGS PA DE GANG ZAG GI BDAG MED PAR SGRUB PA'I RTAGS YANG DAG TU THAL BAR SKYON BTANG, GANG ZAG GI BDAG CHOS CAN, MED DE TSAD MAS MA DMIGS PA'I PHYIR ZHES BKOD NA SDE BDUN RGYAN LTAR NA RTAGS YANG DAG TU BZHAG CHOG STE, GANG ZAG GI BDAG DANG MED PA'I TSOGS DON GZHI GRUB PA'I PHYIR RO, DE LTAR NA, BDAG MED YIN NA RTAGS YANG DAG GI SHES 'DOD CHOS CAN YIN PAS KHYAB PA KHAS BLANG DGOS, RTZA BA LAS, CHOS KYI RTEN NI BSAL BA'I PHYIR, ,TSOGS PA BSGRUB BYAR MI 'GYUR NA, , @249 YAN GAR CHOS NI GRUB PA YIN, ZHES SOGS DANG, RANG 'GREL LAS, GAL TE SGRA'I DON KHO NA LA BSNYON NA GTZO BO'I SGRA'I BRJOD PAR BYA BA CHOS CAN NYID LA BTZAL BA'I PHYIR; BSGRUB PAR BYA BA'I CHOS KYI RTEN MED PAR 'GYUR, DE BAS NA 'DI NI RTEN RNAM PAR GCOD PA LA LTOS PA MED PA CAN RTZOD PA'I GZHI MA YIN PA'I PHYIR, NYE BAR 'GOD PAR BYA BA NYID DU MI 'GYUR RO, ZHES SOGS LA BRTEN NAS RTAGS YANG DAG YIN NA SHES 'DOD CHOS CAN YOD PAS KHYAB PAR BSGRUB NUS PAR MA ZAD, RTAGS DE'I BSGRUB BYA'I CHOS YIN NA SKABS KYI PHYI RGOL GYIS BSGRUB BYA MA GRUB PA'I SNGON ROL DU GRUB DGOS PAR BSTAN PAS RTEN 'BREL RTAGS KYI MYU GU BDEN MED DU SGRUB PA'I PHYIR RGOL DES BDEN MED MA RTOGS ZER BA YANG KHEGS SO,, DES NA SGRA CHOS CAN, MI RTAG STE, BYAS PA'I PHYIR ZHES PA'I RTAGS DE MI RTAG PA GSAR SGRUB GA LA YIN, DON BYED NUS PA MA YIN LA, ,DON GNYER BRTAG PAS CI ZHIG BYA, ZHES SOGS KYIS DON BYED MI NUS PA LA 'BRAS BU DON DU GNYER BA RNAMS KYIS BRTAG PA LA DGOS PA MED GSUNGS PA LA, 'DUS MA BYAS KYI NAM MKHA' LA BRTAG TSUL MDO SDUD PAR GSUNGS PA DANG, 'GOG PA GNYIS LA'ANG BRTAG DGOS PA'I PHYIR TE, BDEN BZHI MI RTAG SOGS BCU DRUG LA BRTAG DGOS PA'I PHYIR, DER THAL, SO SOR BRTAG 'GOG CES PA'I RGYU MTSAN YOD PA'I PHYIR, DE BZHIN DU, THAR PA YOD MED DANG, SANGS RGYAS YOD MED, BDAG YOD MED SOGS MTHA' DAG LA SBYAR RO, ,RNAM BSHAD LAS, YANG DER DU BA BKAG PA YIN GYI DU MED BSGRUB PA MIN ZHES SMRA BAS KYANG ZHIB TU MA BRTAG PA STE, DGAG BYA RNAM BCAD LA KHEGS KYANG BKAG PA YONGS GCOD DU MA GRUB NA GNYIS MA YIN GYI PHUNG GSUM MI KHEGS LA; BKAG PA YONGS GCOD LA GRUB KYANG, DGAG BYA RNAM BCAD LA MA KHEGS NA GNYIS YIN GYI PHUNG GSUM MI KHEGS SO ZHES SOGS KYI SKABS SU DU BA @250 DANG DU MED GNYIS RNAM BCAD YONGS GCOD LTA BUR SNANG BAS, 'O NA ME CHOS CAN, DU BA RNAM BCAD LA KHEGS PAR THAL, DU MED YONGS GCOD DU GRUB PA'I PHYIR, MA GRUB NA, DU MED RNAM BCAD LA KHEGS PAR THAL, 'DOD NA, DU BA YONGS GCOD DU GRUB PAR THAL, 'DOD NA, DU BA MA YIN PA RNAM BCAD LA KHEGS PAR THAL; DU BA YONGS GCOD LA GRUB PA'I PHYIR, KHYAB STE, DE GNYIS RNAM BCAD YONGS GCOD YIN PA'I PHYIR TE, DU LDAN LA LA MED YOD PAR SGRUB PA'I BSGRUB BYA'I CHOS SU ME DANG, DGAG BYA'I CHOS SU ME MA YIN PA BZHAG DGOS PA'I PHYIR; DER THAL, DU BA NYID RTAGS SU SONG BA RNAM BSHAD KYI DGONGS PA YIN PA'I PHYIR, YANG RNAM BSHAD LAS SGRO 'DOGS CHOD PA YIN GYI RJES DPAG MA SKYES SO; ZHES KHAS LEN DGOS PAR 'GYUR TE, LUGS DE LA RJES DPAG GI 'DZIN STANG CUNG ZAD KYANG MI RNYED PA'I PHYIR RO, ,ZHES GSUNGS PA DE LA BRTAG PA 'DI YOD DE, YUL DE LA SGRO 'DOGS CHOD NA, YUL DE RTOGS PA'I RJES DPAG SKYES PAS KHYAB PAR THAL, 'DOD NA, BYAS RTAGS KYI SGRA MI RTAG PAR SGRUB PA'I PHYIR RGOL YANG DAG DES SGRA MI RTAG RTOGS PA'I RJES DPAG SKYE BAR THAL; SGRA MI RTAG PA LA SGRO 'DOGS CHOD PA'I PHYIR, DER THAL, RJES KHYAB 'JAL BA'I TSAD MAS BSGRUB BYA LA SGRO 'DOGS CHOD PA'I PHYIR, MA GRUB NA, GONG DU RJES KHYAB 'JAL BA'I TSAD MAS BSGRUB BYA LA SGRO RO ZHE NA 'DOD PA KHO NA'O, ZHES GSUNGS, RJES KHYAB 'JAL BA'I TSAD MAS BSGRUB BYA LA SGRO 'DOGS CHOD PA DANG, MI CHOD PA GNYIS GSUNGS PAS, MI CHOD PAR GSUNGS PA DE, RNAM BSHAD SNYING PO RGYAN DANG MTHUN NO, , ` YID CHES KYI RTAGS, RNAM RTZAR, YONGS BRTAG DBANG DU BYAS YIN GYI, DE LAS GZHAN PA'I DBANG BYAS MIN, ,ZHES SOGS KYI SKABS, DPYAD GSUM GYIS @251 DAG PA'I LUNG DE RANG GI BSTAN BYA'I DON LA MI BSLU BA SGRUB PA DANG, LUNG GZHAN RNAMS DE LTAR MA YIN ZHES BSTAN, DPYAD PA GSUM GYIS DAG TSUL SKABS, RNAM BSHAD LAS MA MTHONG BA SHIN TU LKOG TU GYUR PA YI DON DE DAG JI LTAR BSTAN PA LTAR KHAS BLANGS PA LA LUNG LA BRTEN PA'I RJES DPAG GIS KYANG GNOD PA MED CING, RANG TSIG SNGA PHYI 'GAL BA DANG DNGOS SHUGS 'GAL BAS KYANG GNOD PA MED CES GSUNGS, YANG; YID CHES RJES DPAG GIS GRUB PA MI 'THAD DE DA DUNG DE MA SKYES PA'I PHYIR ZHES GSUNGS PAS, MDOR NA, SHIN TU LKOG GYUR BSTAN PA LA TSIG SNGA PHYI 'GAL BA MED PA DNGOS STOBS RJES DPAG GIS GRUB KYANG SHIN TU LKOG GYUR GRUB MI DGOS PAR GSUNGS PAS, LUNG LA BRTEN PA'I RJES DPAG KYANG MA SKYES PA'I PHYIR NA, LUNG LA BRTEN PA'I RJES DPAG GIS GNOD PA MED PAR SGRUB JI LTAR NUS, GZHAN YANG SHIN LKOG BSTAN PA LTAR KHAS BLANGS PA LA 'GAL BA MED PA RTOGS PA LA SHIN LKOG RTOGS DGOS DANG MI DGOS DPYAD DO, ,LUNG DE'I BSTAN DON MA RTOGS PAR LUNG DE LUNG RNAM DAG YIN PAR RTOGS TSUL MED PA'I PHYIR, SHIN LKOG KHO NA STON PA'I LUNG YOD PAR GSUNGS 'DUG SBYIN PA LAS LONGS SPYOD 'BYUNG BAR STON PA LA SBYIN PA BSTAN DGOS DANG MI DGOS DPYAD, SHIN TU LKOG GYUR BSTAN PA'I BCOM LDAN 'DAS KYI GSUNG CHOS CAN, RANG GI BSTAN BYA'I DON LA MI BSLU BA YIN TE, DPYAD GSUM GYIS DAG PA'I LUNG YIN PA'I PHYIR ZHES PA DE CHOS CAN TSAD MAS GRUB TSUL JI LTAR YIN BSAM PAR BYA'O, ,LUNG DE DPYAD PA GSUM GYIS DAG TSUL SHES PA LA, TSAD MA GSUM GYIS GNOD PA MED PA SHES DGOS, TSAD MA DANG PO GNYIS KYIS GNOD MI GNOD BRTAG PA LA DE GNYIS KYI GZHAL BYA BSTAN PA LTAR DON LA GNAS MI GNAS KYI SGO NAS BRTAG TSUL LAS GZHAN MED PA'I PHYIR, MTHONG BA MNGON GYUR DANG CUNG ZAD LKOG GYUR MA BSTAN NA TSAD MA DANG PO GNYIS KYIS GNOD MA @252 GNOD BRTZI GZHI MED PA'I PHYIR, DPER NA, SGRA RTAG PA BSTAN PA LTAR TSAD MAS GNOD NA TSAD MA DE SGRA RTAG PA MA YIN PAR NGES DGOS PA'I PHYIR, GSUNG DE'I SGRAS ZIN GYI DON LA GNOD PA MTHONG BA TZAM GYIS DPYAD GSUM GYIS MA DAG PAR MI 'GYUR TE, SANGS RGYAS KYI BKA' THAMS CAD DPYAD GSUM GYIS DAG PA SHA STAG YIN PA'I PHYIR, GTZO BO NGES LEGS KYI DON THAR PA DANG THAMS CAD MKHYEN PA'I DON LA BSLU BA MED PAS PHAL PA GNAS SKABS LHA MI'I GO 'PHANG 'THOB PA LA BSLU MI SRID PA'I PHYIR, DPER NA, MAS BU'I SDUG BSNGAL MTHA' DAG SEL BAR 'DOD PAS, BKRES SKOM GYI SDUG BSNGAL SEL BA'I THABS LA MI 'BAD PA GA LA SRID; DON CHEN PO LA ME BSLU NA, CHUNG NGUL BSLU BA DOGS PA MED PA'I PHYIR TE, GTZO BO'I DON LA MI BSLU PHYIR, ,GZHAN LA RJES SU DPAG PA YIN, ,ZHES GSUNGS SKYES BU DE'I GSUNG RAB GTAN LA MA PHAB PAR SKYES BU DE NYES ZAD DU RTOGS MI NUS PAR, GAL TE PHUL DU BYUNG BA DE, SHES PAR NUS NA DON 'DI 'DOD, CES SOGS GSUNGS SO, ,RANG RGYAL DGRA BCOM PAS ZAG PA ZAD PA GANG LA RTEN NAS RTOGS, 'GOG PA LA SNYOM PAR 'JUG PA'I GANG ZAG GI RGYUD KYI RTOGS PA GANG LAS DPOG ,NYES ZAD KYI SKYES BU SGRUB PA'I RTAGS KYI GTZO BOR BDAG MED RTOGS PA'I SHES RAB NGANG GIS SKYE BAR 'GYUR BA DANG, ,SHES RAB DE 'PHEL NA CHAGS SOGS NYON MONGS THAMS CAD LDOG PAR 'GYUR BA DANG, SHES RAB DE LAS LDOG PA'ANG MI SRID PAS NYES PA THAMS CAD ZAD PAR 'GYUR BA YOD DO GSUNGS, LE'U GNYIS PA'I SKABS STON PA'I RTAGS LAS BDE GSHEGS SGRUB PA DANG 'DRA, 'JIG LTA NYON MONGS THAMS CAD KYI RTZA BAR GSUNGS PA DBU MA 'JUG PAR, NYON MONGS SKYON RNAMS MA LUS 'JIG TSOGS LA, ZHES SOGS DANG MTHUN, SLOB DPON THOGS MED SKU MCHED GNYIS KYIS MA RIG PA DANG 'JIG LTA LOGS SU @253 GSUNGS PAS 'KHOR BA'I RTZA BA MA RIG PA DANG DE LAS 'JIG LTA BYUNG BAR BSHAD, 'JIG LTA SPANGS NA NYES PA THAMS CAD SPANGS PAR GSUNGS PAS, MI SHES PA'I RGYU BZHI LA SOGS PA KHAS LEN NAM MI LEN, LEN NA DE DAG NYES PA YIN DGOS PAS NYAN THOS DGRA BCOM PAS MI SHES PA'I RGYU BZHI SPANGS PAR THAL, 'JIG LTA SPANGS PA'I PHYIR, KHYAB STE, DE SPANGS PA NA SPONG PHYIR RO, ,ZHES GSUNGS SO, , ` RIG BYED KYI SKOR, RIG BYED KYI SGRA RNAMS SKYES BUS MA BYAS PA'I RTAG PA DANG; BDEN DON STON PA'I TSIG KHO NA YIN PA DANG, SKYES BUS BYAS PA'I TSIG RNAMS LOG PA KHO NA YIN PAR BSHAD DO, ,DE LA, RIG BYED KYI TSIG KHO NA STON PA YIN ZHES PA'I KHYOD KYI NGAG DE CHOS CAN, LOG PA NYID DU STON PA'I NGAG YIN PAR THAL, SKYES BUS BYAS PA'I TSIG YIN PA'I PHYIR, RIG BYED LA DBYE NA, SNYAN NGAG GI RIG BYED, SRID SRUNG GI RIG BYED, NGES BRJOD KYI RIG BYED, MCHOD SBYIN GYI RIG BYED DANG BZHI YOD, DE DAG KYANG RNAL 'BYOR PAS LHA LA SBYIN SREG BYAS PA LAS PHYI ROL GYI 'BYUNG BA LA SGRA THOS PA SHA STAG GO ,MU STEGS TSANGS PA BA RNAMS KYIS, TSANGS PA'I KHA LAS SKYE DGU'I BDAG PO SKYES, DES MCHOD SBYIN BYED PAR TSANGS PA SPYAN 'DREN PA'I BSU BAR RANG GI BU MO BTANG BAS DE LA TSANGS PA CHAGS TE, KHU BA SHOR BA BLUGS GZAR GYIS BLANGS TE MER BSREGS PA'I DBUS SU DRANG SRONG NGAN SPONG DANG, AAm GI RA SKYES, DE GNYIS KYIS MCHOD SBYIN DANG NGES BRJOD KYI RIG BYED BRTZAMS, KHU BA'I LHAG MA DUR BA'I NANG DU LUS PA LAS DRANG SRONG AA TI BYUNG, DES SNYAN NGAG DANG SRID SRUNG GI RIG BYED BRTZAMS PAR GRAGS, KHA CIG GIS DRANG SRONG DE DAG GIS BTON PA TZAM LAS RTZAMS PA MIN ZHES ZER, PHAL CHE BA DAG RIG BYED NI SUS KYANG MA BYAS PA'I CHA MED RTAG PAR RANG BYUNG NAM MKHA' LTA BU YIN PA 'DOD; RIG BYED KHO NA TSAD MAR 'DOD PA 'DRA STE RIG BYED KYI SGRA RNAMS NI BRJOD @254 BYA NGES CAN YIN GYI 'DOD PA'I DBANG GIS MI 'JUG STE, AAGNI HO TR'A DZU HO, RIG BYED KYI TSIG DE NYID ME LA SNGAGS KYIS SBYANGS PA'I MER LDUGS PA KHO NA LA 'JUG GI KHYI SHA ZA BA SOGS LA 'DOD PA'I DBANG GIS MI 'JUG GO ,MTHO RIS DANG TSANGS PA SGRUB PA'I THABS NI RIG BYED KYI GZHUNG LAS BSHAD PA'I RTA'I MCHOD SBYIN DU 'DOD DO, ,RNAM RTZAR, DPE MED CAN YIN DNGOS RNAMS NI, ,SKAD CIG GIS NI 'JIG PHYIR RO, ,RTAGS NGAN GZHAN YANG SUN DBYUNG BYA, ,ZHES PA'I DNGOS PO RTAG PAR SGRUB PA'I MTHUN DPE YANG DAG MED PA CAN YIN PA DE NI, DNGOS PO RTAG PAR SGRUB PA'I RTAGS THAMS CAD SUN DBYUNG BA YIN PAR BSHAD, BLA MA RJE BTZUN PA CHEN POS, SGRA RTAG PAR SGRUB PA'I RJES KHYAB MED GSUNGS PA DE LA BSAMS, PAn CHEN BSOD NAMS GRAGS PAS, DNGOS PO'I RTAGS KYIS SGRA RTAG PAR SGRUB PA'I MTHUN DPE MED PA LA DGONGS GSUNGS KYANG RNAM BSHAD KYI TSIG DANG MI MTHUN, RTZA BAR, ,NGO SHES PA DANG YOD SBYOR SOGS, ,GANG YIN SGRUB BYED 'DOD NA NI, ZHES PA'I LAN LA SBYAR DGOS PAS DGONGS BA GANG YIN BRTAG RNAM RTZAR, BLO NI SKYES BU'I RTEN CAN MIN, ,KHAS BLANGS MNGON SUM GRAGS PA DANG, ,RJES SU DPAG PAS CIG CAR GNOD, ,CES PA DES, RIG BYED KYI SGRA RTAG PAR KHAS LEN PA DANG, SGRA DE NYAN SHES LA GSAR DU GSAL BAR SNANG BA KHAS LEN PA LA DE LTAR NA; NYAN SHES KYANG RTAG PAR KHAS LEN DGOS PA DANG, BLO GZHAN YANG RTAG PAR 'GYUR BAS, GONG DU CHAGS SOGS NYES PA THAMS CAD SKYES BU LA BRTEN PA DANG SKYES BU'I YON TAN DU KHAS LEN PA DANG DNGOS SU 'GAL, BDE SDUG SKYES BU'I RTEN CAN YIN PAR RANG RIG MNGON SUM GYIS GRUB PAS DNGOS SUM DANG 'GAL, NYAN SHES DBANG YID LAS SKYES PAR SGRUB PA'I DNGOS STOBS RJES DPAG GIS GNOD, GRAGS PAS KYANG GNOD DE ZHES PA'O, ,DE'I DON TSAD MA RIGS RGYAN LAS, RIG @255 BYED KYI SGRA THOS PA'I NYAN SHES CHOS CAN, RTAG DNGOS YIN PAR THAL, RIG BYED KYI SGRA RTAG DNGOS GZUNG DON DU GSAL PA'I PHYIR, 'DOD NA, SKYES BU LA MI BRTEN PAR THAL LO,, 'DOD NA, RGYU MTSAN MTSUNGS PAS BLO THAMS CAD SKYES BU LA MI BRTEN PAR 'GYUR LA, DE 'DOD NA, BLO NI SKYES BU'I BRTEN CAN MA YIN PA'I RTAG PAR KHAS LEN PA LA, KHAS BLANGS MNGON SUM GRAGS PA DANG RJES SU DPAG PAS CIG CAR DU GNOD DO, ,JI LTAR GNOD NA, DPYOD PA BAS BLO RNAMS SKYES BU LA MI BRTEN PAR KHAS BLANGS PAS KHAS BLANGS 'GAL BAS GNOD DE, DPYOD PA BAS BLO THAMS CAD SKYES BU'I YON TAN DU KHAS BLANGS SHING, YON TAN YANG YON TAN CAN LA BRTEN PAR KHAS BLANGS PA'I PHYIR DANG, NYES RNAMS SKYES BU LA BRTEN PHYIR; ZHES NYES PA CHAGS SOGS RNAMS SKYES BU LA BRTEN PAR KHAS BLANGS PA'I PHYIR, BLO NYAN SHES MA BYAS PAR KHAS BLANGS PAS DON LA MNGON SUM GYIS GNOD DE, NYAN SHES DE DBANG YID SOGS RKYEN GSUM TSOGS PA'I SKABS LA LAR SKYE, RKYEN GSUM MA TSOGS NA MI SKYE BAR MYONG BAS GRUB PA'I PHYIR, NYAN SHES SKYES BUS MA BYAS PA'I THA SNYAD LA, DNGOS STOBS RJES DPAG GIS GNOD DE; DE LA RIG BYED KYI SGRA THOS PA'I NYAN SHES CHOS CAN, SKYES BUS BYAS TE, DBANG YID DANG, LCE RKAN GYI RTZOL BA SOGS PHAN 'DOGS BYED DU YOD MED KYI RJES SU 'GRO LDOG BYED PA'I PHYIR, ZHES PA'I RTAGS LA BRTEN PA'I RJES DPAG GIS GNOD PA'I PHYIR, RIG BYED KYI SGRA THOS PA'I NYAN SHES RTAG PA'I NGAG TU KHAS BLANGS PA LA GRAGS PAS GNOD DE, DE LA NGAG THAMS CAD 'DOD PA'I DBANG GIS DON THAMS CAD LA 'JUG RUNG DU RTOGS PA'I GRAGS PA'I RJES DPAG GIS GNOD PA'I PHYIR, ZHES PA'O, DE LA, RIG BYED KYI SGRA RTAG PA YIN NA SGRA DE THOS PA'I NYAN SHES RTAG PAR THAL TSUL JI LTAR YIN, 'DUS MA BYAS KYI NAM MKHA' @256 RTAG PA YIN PAS DE RTOGS PA'I TSAD MA'ANG RTAG PA YIN PAR THAL LO, ,NYAN SHES RTAG PA YIN NA SKYES BU LA MA BRTEN PAR THAL BA DE DPYOD PA BAS KHAS LEN NAM MI LAN, LEN NA KHAS LEN NANG 'GAL YOD, MI LEN NA, THAL BA JI LTAR 'PHANGS, 'GOG BDEN CHOS CAN, SKYES BU LA MA BRTEN PAR THAL, RTAG PA YIN PA'I PHYIR, 'DOD MI NUS TE, SKYES BU'I RGYUD KYIS BSDUS PA'I PHYIR; MA KHYAB NA, NYAN SHES SKYES BU LA BRTEN PA'I TSUL GANG YIN, NYAN SHES DE RKYEN GSUM TSOGS NA SKYE LA MA TSOGS NA MI SKYE BA MYONG BAS GRUB CES PA RANG RIG MNGON SUM GYIS GRUB PA LA BYED DGOS, DE LTAR NA, SNGON 'DZIN MIG SHES RANG GI DMIGS RKYEN LAS SKYE BA RANG RIG MNGON SUM GYIS GRUB PAR THAL, MTSUNGS PA'I PHYIR, 'DOD NA, SNGON 'DZIN MIG SHES CHOS CAN, RANG GI DMIGS RKYEN DANG BCAS PA YIN TE, RANG GI DMIGS RKYEN MED NA MI SKYE BA'I DNGOS PO YIN PA'I PHYIR, ZHES PA'I RTAGS DE RGYU'I KHYAD PAR SGRUB PA'I RTAGS SU GONG DU BSHAD ZIN PA'I PHYIR, LE'U BZHI PAR, MNGON SUM SOGS KYI GZHAL BYA LA, 'JAL BYED SGRA SGRO BTAGS NAS BRJOD, CES SOGS KYI SKABS TSAD MA GSUM GYI GNOD BYA SO SOR BSHAD PAS SKABS DE DANG MI MTHUN NO,, ` YI GE'I 'DOD TSUL SKOR, DPYOD PA BA SOGS KYIS, YI GE RTAG PAR 'DOD PA'I RGYU NI, YI GE'I SKAD DOD AAKshA RA ZHES PA 'GYUR BA MED PA LA 'JUG PAS NA YI GE'I NGO BO ME 'GYUR BAR 'DOD, NANG PA SANGS RGYAS PAS SKAD KYI GDANGS KYI RNAM PA GZHAN DU MI 'GYUR BA'I DON LA 'DOD,, ` ZHIG 'JIG GI SKOR, RTZA BAR, GAL TE GSOD BYED BSAD PA NA, NAG PA SLAR 'BYUNG MEN JI BZHIN, DE LA'ANG DE BZHIN YIN ZHE NA, GSOD BYED BSAD PA NYID MA YIN, ZHES SOGS KYI SKABS, NAG PA BSAD RJES SU MI DE @257 BSAD KYANG NAG PA'I GSOD BYED BSAD PA NYID MA YIN PAR BSHAD DO, ,NAG PA GSOD BYED NAG PA LAS SNGAR BYUNG BA'I RGYU YIN DGOS LA, PHYIS BYUNG BA'I MI DE NAG PA'I RGYU MA YIN PA'I PHYIR ZHES PA'O, ,GZHUNG 'DI NI GZHAN SDES SHING GI 'JIG PA SHING LAS DON GZHAN DU 'DOD PA LA RANG LUGS KYIS, DE LTAR NA MES BSREGS RJES SU YANG SHING MTHONG BA NYID DU 'GYUR RO ZHES SKYON BRJOD DE, SHING GI 'JIG PA SHING LAS DON GZHAN DU GRUB NA, SHING GI 'JIG PA DE 'JIG PA YIN NAM MIN, YIN NA KHYOD RANG GI SKAD CIG GNYIS PA DER KHYOD ZHIG PAR GYUR, 'DOD NA, DUS DER SHING MTHONG BAR THAL, SHING GI 'JIG PA DE MED PA'I PHYIR, DPER NA BUM PA'I SGRIB BYED GOS BSAL BA NA BUM PA MTHONG BA BZHEN NO, ,GZHAN SDES; NAG PA'I GSOD BYED BSAD PA NA, BSAD ZIN GYI NAG PA SLAR 'BYUNG BA MIN PA BZHIN DU SHING GI 'JIG PA ZHIG KYANG SHING SLAR 'BYUNG BA MIN NO ZHES ZER, RANG LUGS KYIS DPE DON MI MTSUNGS PA'I LAN BTAB STE, NAG PA'I GSOD BYED NAG PA'I BSAD PA DE SROG 'GAG PA'I CHA NYID MA YIN, SHING GI 'JIG PA DE SHING ZHIG PA'I CHA YIN PAR KHAS LEN PA'I PHYIR, BRTAG PA 'DI LTAR BYA STE, NAG PA GSOD BYED KYI MI DE NAG PA 'GAG RJES SU MED NA, GSOD BYED SNGON DU GRUB NAS DE RJES GSAD BYA GRUB PAR 'GYUR BAS GSAD BYA DE BSAD PA'I TSE GSOD BYED 'GAGS ZIN PAR THAL, GSOD BYED DE BSAD PA DE'I RGYU YIN PA'I PHYIR, 'DOD NA, BCAS LDAN DGE SLONG GIS SROG CHAGS GCIG BSAD PA NA DGE SLONG DE'I RGYUD LA SROG GCOD KYI LTUNG BA DNGOS GZHI MI 'BYUNG BAR THAL, GSOD BYED KYI DGE SLONG MED PA'I PHYIR, 'DOD MI NUS TE, BSAD BYA SROG 'GAGS PA DANG LTUNG BA BYUNG BA DUS MNYAM PA'I PHYIR, DER THAL, GSOD BYED RANG NYID BSAD BYA'I SNGON DANG MNYAM DU SHI BA LA LTUNG BA DNGOS GZHI BYUNG BA MED PA'I PHYIR, DER THAL, @258 MDZOD LAS, SNGON DANG MNYAM DU SHI BA LA, ,DNGOS MED LUS GZHAN SKYES PHYIR RO, ZHES GSUNGS, DE BZHIN DU GANG ZAG GZHAN BSAD PA LAS GSOD BYED LA NYES CHAD SPRAD PA YOD MED SOGS DPYAD DO, , ` RTZA BA'I SA BCAD GNYIS PA RIG BYED KYI SGRA, RIG BYED KYI SGRA PHYOGS GCIG LA MI SLU BA TZAM GYIS TSAD MAR 'DOD TSUL NI, RNAM RTZAR, ,GANG PHYIR RIG BYED PHYOGS GCIG PHYIR, ,GZHAN YANG DE 'DRA YIN TE DPER, ,MES GRANG BZLOG DAG BDEN PA BZHIN, ,DE SKAD GZHAN DAG ZER RO LO, ,ZHES PA'I RTZOD PA NI, MTHO RIS 'DOD PAS ME LA SBYIN SREG BYA'O, ZHES SOGS KYI RIG BYED NGAG CHOS CAN; BDEN PA'I DON CAN KHO NA YIN TE, RIG BYED KYI PHYOGS GCIG YIN PA'I PHYIR, DPER NA, MES GRANG BA BZLOG BYED YIN ZHES PA DANG, ZLA BA BCU GNYIS LO ZHES PA'I RIG BYED KYI NGAG BDEN PA'I TSIG YIN PA BZHIN NO ZHES DPYOD PA BAS ZER RO,, RANG LUGS KYIS, RO 'DRA NGO BO MTSUNGS NYID PHYIR, ,SNOD GCIG LA YANG TSOS PA BZHIN, ,LHAG LDAN 'KHRUL PA CAN NYID PHYIR, ,RIG PA SHES PAS 'DI 'DRA BKAG CES PA'I LA NA NI, RIG PA SHES PA PHYOGS GLANG GIS 'DI 'DRA SGRUB BYED YANG DAG YIN PA BKAG STE, LHAG LDAN 'KHRUL PA CAN NYID DU MTSUNGS PAR BSTAN PA'I PHYIR; DE YANG, SHING TOG LHAG MA RNAMS CHOS CAN, RO MNGAR DANG LDAN TE, SNGAR ZOS PA'I SHING TOG DANG GZUGS SMUG PO SOGS MTSUNGS PA'I PHYIR ZHES PA DANG, PHRU NANG GI 'BRAS LHAG MA CHOS CAN, TSOS PA YIN TE, SNGAR ZOS PA'I 'BRAS DANG SNOD GCIG NANG BCOS PA MTSUNGS PA'I PHYIR ZHES PA DANG 'DRA BAR BSTAN PA'I PHYER, DE LA, PHA MA GSAD BYAR BSTAN PA'I MDO DE PHYOGS GCIG LA MI BSLU BA DANG, PHYOGS GCIG LA SLU BA YIN MIN SOGS DPYAD, RIG BYED TSAD MAR SGRUB PA'I BSGRUB BYA LA TSAD MAS GNOD PA BSTAN PA NI, RNAM RTZA LAS, SKYES BU RTAG PA BYED PO NYID, DNGOS @259 RNAMS RTAG DANG DBANG PO 'DAS, ,DBANG POS GZUNG BYA DANG DNGOS RNAMS, ,RGYU DANG GNAS 'JIG MI MNYAM DANG, ,GZHAN YANG TSAD MA RNAM GNYIS KYI, RNAM PAR GSAL BA'I SPYOD YUL LAM, ,LUNG LA LTOS PA RJES DPAG DANG, ,'GAL BA DAG NI RJOD BYED PA, ,'GAL BA KUN TU MA BSAL ZHING, ,BSTAN BCOS STON YANG MA BSTAN PAS, DE BDEN DON BCAS KHAS LEN PA, G-YEM MA MU COR GYI RGYAL LO,, ZHES SOGS KYI SKABS, RIG BYED KYI SGRA DE TSAD MAS BKAG PA'I DON BRJOD DE, SKYES BU RTAG PA LAS BYED PA PO DANG RNAM SMIN LONGS SPYOD PA PO BRJOD PA'I PHYIR, DER THAL, DNGOS PO RNAMS RTAG PAR BSTAN PA'I PHYIR DANG, YON TAN DON GZHAN DANG SPYI DON GZHAN SOGS DBANG PO'I GZUNG BYAR BSTAN PA'I PHYIR, RGYU MI MNYAM PA RGYUR BRJOD PA DANG, GNAS PA MI MNYAM PA GRUB ZIN GYI GNAS PA DANG, 'JIG PA MI MNYAM PA PHYIS 'BYUNG GI RGYUS 'JIG PA BRJOD PA DANG, MNGON SUM TSAD MA DANG, DNGOS STOBS RJES DPAG GI TSAD MA RNAM GNYIS DANG 'GAL BA BRJOD PA DANG, YID CHES RJES DPAG DANG YANG 'GAL BA BRJOD PA'I PHYIR, BLO LKOG GYUR DU 'DOD PA LA MNGON SUM GYIS BSAL BA DANG, RIG BYED BDEN PA'I DON CAN LKOG GYUR DU 'DOD PA LA RJES DPAG GIS BSAL BA DANG, KHRUS LA SOGS PA SDIG PA 'DAG BYED DU STON PA LA KHAS BLANGS KYIS BSAL BA LTA BU'O,, DES NA, BDEN PA'I DON CAN YIN PAR 'DOD PA NI G-YEM MA MU COR GYI BDAG PO LAS RGYAL BA DANG MSUNGS TE, TSAD MA DANG 'GAL BA DANG, BSTAN BCOS KYI DON 'BREL BA DANG RJES SU MTHUN PA'I THABS DANG, SKYES BU'I GNAS SKABS DANG MTHAR THUG GI DON MA BSTAN PAR PHYOGS GCIG LA MI SLU BA TZAM GYIS BDEN PA'I DON CAN GYI BSTAN BCOS YIN PAR KHAS LEN PA'I PHYIR RO, ,GZHAN YANG PHYOGS GCIG LA MI SLU BA TZAM GYIS TSAD MAR SGRUB NA, NGAG SMRA BA YIN NA SKYES BU TSAD MA @260 YIN PAS KHYAB PAR THAL, PHYOGS GCIG LA MI SLU BA TZAM YOD PA'I PHYIR, DER THAL; SKYES BU MANG DU SMRA BA LA BDEN PA'I DON CAN MED PA MI SRID PHYIR, RNAM RTZAR, GAL TE DE LTAR TSAD GRUB NA, ,'O NA 'DI LA TSAD MIN CI, ,SKYES BU MANG DU SMRA BA LA,, BDEN PA'I DON GCIG MED PA MIN, ,ZHES GSUNGS SO, , ` SGRA DON 'BREL BA'I SKOR, BRJOD BYED KYI SGRA RNAMS RANG GI ZHEN BA'I BRJOD BYA DANG MED NA MI 'BYUNG BA'I 'BREL BA MED DE, ,LUNG LOG PAS BRJOD BYA MED PAR MI 'GYUR BA'I PHYIR ZHES BSHAD PA LA, RTZA BAR, DE PHYIR DE NI LOG NA YANG,, DNGOS PO MED PAR 'GRUB MI 'GYUR, ,ZHES GSUNGS, 'BREL YUL LDOG NA 'BREL BA PO LDOG PAR 'GYUR BA 'THAD KYI, CIG SHOS MI 'THAD DE, DU BA LDOG PAS ME MI LDOG PA'I PHYIR, RTZA 'GREL DE DAG LA DPYAD PAR BYA'O, , SKABS 'DIR, GZHAL BYA GNAS GNYIS LA LUNG GNOD SGRUB TU KHAS LEN MI RIGS PA DANG, DE LTAR KHAS LEN NA, SHES RAB 'CHAL BA'I RTAGS SU GSUNGS, SLOB DPON DBANG PHYUG SDE LA LUNG DRUG GIS GNOD PA BSTAN DANG MI BSTAN SOGS DPYAD DO, ,YANG TSAD MA'I BCAD DON TSAD MAS 'GOG NA MI RUNG BAR GSUNGS PAS TSAD MAS GNOD NA MED PAS KHYAB PAR 'GYUR, DE LTAR NA SPANG BYA MI MTHUN PHYOGS RNAMS LA TSAD MAS GNOD PA YOD MED SOGS BRTAG DGOS SO, ,SMRAS PA RANG BLO MUN KHENGS BYIS SPYOD NGANG TSUL DREGS TSIG CAN, ,RANG GIS RANG MTSANG BSGRAGS BA'I TSIG TSOGS 'DI BRIS PA, ,RANG RE'I BLO GSAR 'GA' LA PHAN SRID SNYAM PA DANG,, RANG GZHUNG NYAMS PA GSOS DANG CHABS CIG YUN RING 'BAD, ,RIG PA'I DBANG PHYUG DGONGS PA'I RGYA MTSO GTING ZAB CING, ,BYIS PA KU SHAS ZIL THIGS RIGS LAM BDUD RTZI'I CHUS, ,MNGON RJES DMUS LONG RAB RIB BSAL BYED SMAN DU GYUR, YAN LAG BCU GNYIS SRID RTZA GCOD MTSON 'GYUR BAR SHOG SDE BDUN MDO BCAS BRJOD @261 BYA GTAN TSIGS RIGS PA'I MDA', ,RANG GZHAN G-YANG DU LHUNG BYED SGRIB GNYIS 'BEN LA BSNUN, ,BDUD BZHI'I G-YUL LAS RGYAL TE SKU GSUM PHO BRANG NA, ,CHOS KYI RGYAL SRID DBANG BSGYUR NAM MKHA'I JI BZHIN BZHUGS, ,'JIG RTEN GSUM GYI MNGA' BDAG GIS, ,RE ZHIG 'BOD PA MA GYUR NA, ,LE'U PHYI MA'I DON SDUD KYANG,, BRIS PAR 'DOD PAS DE TZAM ZHOG ,TSAD MA RNAM 'GREL GYI DGONGS PA'I RGYAN ZHES BYA BA'I LE'U DANG PO'I MTHA' DPYAD PA RDZOGS SO,, ,, DE YI MTHU LAS TSE RABS KUN TU BDAG , THEG MCHOG 'KHOR LO BZHI DANG MI 'BRAL ZHING, , NGES 'BYUNG BYANG SEMS YANG DAG LTA BA DANG, , RIM GNYIS LAM GYI BGROD PA MTHAR PHYIN SHOG ,