TSAD MA RNAM 'GREL GYI DGONGS PA'I RGYAN ZHES BYA BA BZHUGS SO, , BRJOD BYA|- TSAD MA RNAM 'GREL LE'U GNYIS PA'I SPYI MTHA' TSAD MA'I DGONGS RGYAN, RTZOM PA PO|- SER SMAD SPOM RA DGE BSHES YE SHES DBANG PHYUG , 1988 @01 *, ,BU LA BRTZE BA'I MA BZHIN BYAMS CHUS BRLAN KYANG RGOL NGAN LOG RTOG BSREG ;'KHOR 'DAS CHOS RNAMS BDEN STONG MNYAM NYID GZIGS KYANG RGYU 'BRAS BSLU MED 'CHAR, ,DAM PA'I DON DU SKYON YON 'PHEL 'GRIB BRAL YANG NYAMS RTOGS DBYAR CHU BZHIN, ,RGYAS PA'I SNYAN GRAGS BA DAN BZHIN G-YO BSHES GNYEN DAM PA RGYAL GYUR CIG , RANG GI STON PA TSAD MAR BSGRUB DON DU, , THEG PA GSUM GYI SA LAM RIM PA KUN, , 'BRAS BUR DANG BCAS RGYAS PAR 'CHAD PAS 'DI, , RMAD BYUNG ZHIB TU BSLABS TE MYONG BA RIGS, , RANG RGYUD NYAMS RTOGS NAM MKHA'I PAD MA BZHIN, , TSAD MA'I GZHUNG GI BRJOD BYA GTING DPOG DKA', , RGYUS MED LAM LA DMUS LONG RGYU BA LTAR, , SONG YANG BLO GSAR DON GNYER NGOS BSRUNG BRIS, , DE NI LE'U DANG POR RANG DON RJES DPAG RGYAS PAR BSHAD RJES TSAD MA GRUB PA'I LE'U 'CHAD PAR BYED DO, ,DE YANG RTZA BA'I SA BCAD GNYIS PA NGES BYA'I THAR PA DANG THAMS CAD MKHYEN PA DANG DER BGROD PA'I LAM BSHAD PA LA GNYIS, SPYI'I DON DANG, YAN LAG GI DON NO, ,DANG PO LA GSUM, SLOB DPON PHYOGS GLANG GI BSHAD PA DGOD PA DANG, DE'I DON RNAM 'GREL MDZAD PAS JI LTAR BKRAL BA'I TSUL DANG; DE DAG GI DGONGS PA'O, ,DANG PO NI, SLOB DPON PHYOGS GLANG GI BSHAD PA DGOD PA NI, TSAD MA KUN BTUS LAS, TSAD MAR GYUR PA 'GRO LA PHAN BZHED PA, , STON PA BDE GSHEGS SKYOB LA PHYAG 'TSAL TE, , @02 RTOG GE NGAN 'KHRUL 'GRO BA LA BRTZE BAS, , TSAD MA GRUB PA TSUL BZHIN BSHAD PAR BYA, , ZHES MCHOD BRJOD DANG BRTZOMS PAR DAM BCA' BA YIN PAR THAR LAM GSAL BYED DU GSAL BA DE NI, TSAD MA RGYAN DU KUN BTUS MCHOD BRJOD KYI GZHUNG DRANGS PA'O; ;DA LTA'I KUN BTUS SU, TSAD MA BSGRUB PHYIR RANG GI GZHUNG KUN LAS BTUS TE SNA TSOGS 'THOR RNAMS 'DIR GCIG BYA, ZHES GSAL, DANG PO LTAR NA, RTOG GE PA RNAMS LA SNYING BRTZE BAS TSAD MA GRUB PA'I LE'U 'CHAD, CES GZHAN DON GYI DGOS PA DNGOS SU BSTAN, GNYIS PA LTAR NA, STON PA BCOM LDAN 'DAS TSAD MA'I SKYES BUR BSGRUB PHYIR GZHUNG TSAN KHA 'THOR BA RNAMS GZHUNG GCIG TU BYA'O, ,ZHES RANG DON GYI DGOS PA DNGOS SU BSTAN, DANG PO DES, TSAD MA GRUB PA'I LE'U 'CHAD PAR BYA BA DANG, GNYIS PA DES GZHUNG CHUNG SNA TSOGS PA RNAMS PHYOGS GCIG TU BYAS PA BYA BAR BSTAN, PHYI MA DE, SLOB DPON PHYOGS GLANG GI RNAM THAR DANG 'GRIG ,GNYIS PA RNAM 'GREL MDZAD PAS JI LTAR BKRAL BA'I TSUL NI DPAL CHOS KYI GRAGS PAS, MCHOD BRJOD KYI GZHUNG DE'I 'GREL TSUL BSHAD PAS, DE YANG, DON LNGAR BSDUS TE 'CHAD DE, TSAD MAR GYUR PA, 'GRO LA PHAN PA, STON PA, BDE GSHEGS, SKYOB PA DANG LNGA'O, ,DANG PO TSAD MAR GYUR PA DE BSGRUB BYA DANG, GZHAN BZHI PO SGRUB BYED DO, ,DE YANG, MCHOD BRJOD KYI GO RIM DANG MTHUN PAR BSHAD PA LUGS 'BYUNG DANG, DE LAS LDOG PA'I SGO NAS BSHAD PA LUGS LDOG GI BSHAD PA ZHES BYA, TSAD MAR GYUR PA ZHES PA TSAD MAR 'KHRUNGS PA ZHES BYA BA YIN PAR SH'A-KYA BLO'I 'GREL PAR BSHAD, SNGAR TSAD MA MA YIN PA ZHIG PHYIS TSAD MAR GYUR PA'I DON DU GO DGOS TE, MA SKYES PA NI LDOG DON DU, ,GYUR PA NYID GSUNG DE YI PHYIR ZHES GSUNGS SO, ,THAMS @03 CAD MKHYEN PA SKYED BYED KYI RGYU MED PAR 'DZIN PA'I LOG RTOG DANG, DE SHES BYED KYI RGYU MED PAR 'DZIN PA'I LOG RTOG GNYIS YOD PA LAS, DANG PO DGAG PA'I PHYIR LUGS 'BYUNG DANG, GNYIS PA DGAG PA'I PHYIR LUGS LDOG GI BSHAD PA MDZAD, GSUM PA DE DAG GI DGONGS PA NI, STON PA BCOM LDAN 'DAS TSAD MAR GRUB PA NI, GROL BA DON GNYER GYI SKYES BUS MNGON PAR 'DOD PA'I DON BSGRUB PA'I CHED DU'O, ,DE NI STON PA BCOM LDAN GYI GSUNG RAB LA BRTEN NAS, STON PA TSAD MAR SGRUB, STON PA TSAD MA YIN PA YID CHES KYI NGES PA RNYED PA NA, STON PA'I GSUNG JI 'DRA ZHIG MJAL YANG, DE LA YID CHES SKYES NAS RTOG PAR ZHUGS PA DANG, GSUNG RAB DE'I DON LA DPYAD NAS RTOGS PAR 'GYUR BA NA, SNGAR LAS LHAG PA'I DAD PA LHAG PAR SKYE BA'I DGOS PA DANG, GSUNG RAB MTHA' YAS PAS, GZHAN LA'ANG RTOG PA LA ZHUGS PA DANG, DON RTOGS PAR 'GYUR BA'I DGOS PA YOD PA'I PHYIR, DE LA DOGS BSLANG BYUNG STE SKYES BU'I 'DOD DON 'GRUB PA'I CHED DU THUB PA TSAD MAR BSGRUB PA DON MED PAR THAL, MNGON RJES KYI TSAD MA DAG LAS DE 'GRUB PA'I PHYIR ZHE NA, RANG LUGS KYI LAN BTAB PA, DON GANG YANG RUNG BA SGRUB PA'I DON DU THUB PA TSAD MAR BSGRUB PA MA YIN GYI, MNGON MTHO NGES LEGS THABS DANG BCAS PA LA THUB PA NYID TSAD MAR BSTAN PA'I CHED DU DE LTAR SGRUB PA'I PHYIR, YANG, DE'I DON DU'ANG THUB PA TSAD MAR BSGRUB MI DGOS PAR THAL, SKYE BA SNGA PHYI DANG BDEN BZHI'I BLANG DOR GYI GNAS RNAMS DNGOS STOBS RJES DPAG GIS SGRUB PAR KHYED KYIS KHAS BLANGS PA'I PHYIR ZHE NA, RANG LUGS KYI LAN; BCOM LDAN 'DAS KYI GSUNG LA MA BRTEN PAR BDAG MED PHRA MO DANG, MI RTAG PA PHRA MO, ,BDEN BZHI'I BLANG DOR GYI GNAS RNAMS LA RTOG DPYOD TZAM YANG MI 'JUG NA, DNGOS STOBS RJES DPAG GIS GA LA RTOGS, BCOM LDAN @04 'DAS KYI GSUNG RAB LAS, MNGON MTHO NGES LEGS THABS DANG BCAS PA BDAG CAG 'JIG RTEN PA'I MNGON SUM LA THUG GI BAR DU BSTAN PA NA, JI LTAR BSTAN PA LTAR DON LA GNAS MI GNAS BRTAGS PAS BSTAN PA LTAR DU GNAS PAR MTHONG BA NA, BSTAN PA SKYON MED DU MTHONG, DE LAS STON PA BCOM LDAN 'DAS TSAD MAR SHES PA YIN; DE LA DPYAD GZHI YOD DE, SKABS 'DIR, SKYES BUS MNGON MTHO DANG NGES LEGS 'GRUB PA'I CHED DU STON PA TSAD MAR SGRUB PA YIN PAR BSTAN, DE BZHIN DU LAM RIM LAS, SANGS RGYAS LA SKYABS SU 'OS PA'I RGYU MTSAN SHES NAS DES GSUNGS PA'I DAM PA'I CHOS LA'ANG SKYABS SU 'GRO BAR BSTAN, YANG BDEN BZHI'I GNAS LUGS PHYIN CI MA LOG PAR SHES NAS STON PA TSAD MAR BSGRUB DGOS PAR GSUNGS PA DANG, LE'U DANG POR NYES ZAD KYI SKYES BU'I GSUNG LA MA BRTEN PAR NYES ZAD KYI SKYES BUR NGES MI NUS PAR GSUNGS PA DANG, RTEN 'BREL BSTOD PA LAS, BSTAN PA'I NGANG TSUL SHES NAS STON PA LA, ,YID CHES RNYED PA'I RTAG TU GANG BAR SHOG ,CES PA SOGS MANG POS BSTAN PA SKYON MED DU RTOGS NAS STON PA SKYON MED DU BSGRUB DGOS PAR GSUNGS PAS, STON PA TSAD MA'I SKYES BUR NGES PA LA, STON PA'I GSUNG GI BRJOD BYA NGES PA SNGON DU 'GRO DGOS DANG MI DGOS, DGOS NA, STON PA'I GSUNG GI BRJOD BYA THAR PA DANG THAMS CAD MKHYEN PA DANG DER BGROD PA'I THABS DANG BCAS PA RANG GI NGES ZIN PAS, RANG GI MNGON PAR 'DOD PA'I DON BSGRUB PA'I PHYIR DU STON PA TSAD MAR BSGRUB PA DON MED PAR THAL, RANG GI MNGON PAR 'DOD PA'I DON GRUB ZIN PA'I PHYIR, SKRA BZHAR NAS TSES GRANGS RTOG PA BZHIN NO, ,MI DGOS NA, STON PA'I SKU MTHONG BA TZAM GYIS STON PA TSAD MAR SHES PAR THAL, 'DOD NA, STON PA'I SKU MJAL MYONG BA MU STEGS PA SOGS 'PHEN, YANG KHA CIG GIS, @05 STON PA'I GSUNG GI BRJOD BYA MTHA' DAG NGES MI DGOS SHING, BDEN BZHI STON PA'I GSUNG LTA BU GCIG GI BRJOD BYA RTOGS NAS STON PA TSAD MAR GRUB PA YIN ZHE NA, 'O NA, STON PA'I GSUNG GCIG LA MI BSLU BAR NGES NAS STON PA TSAD MAR NGES NUS PAR THAL, 'DOD NA, GSUNG GCIG LA MI BSLU NA, MI BSLU BA YIN PAS KHYAB PAR THAL, 'DOD MI NUS TE, LE'U DANG POR RIG BYED KYI SGRAS PHYOGS GCIG LA MI BSLU BA YOD KYANG DE TZAM GYIS RIG BYED TSAD MAR BSGRUB MI NUS PAR GSUNGS PA'I PHYIR, DER THAL, RTZA BA LAS, SKYES BUS MANG DU SMRA BA LA, BDEN PA'I DON GCIG YOD MED MIN, ,ZHES GSUNGS PA'I PHYIR, MNGON SUM GYIS KYANG 'GRUB NUS TE, SMRA SHES PA ZHIG YIN PHYIN BDEN PA'I TSIG GCIG TZAM SMRA NUS PA'I PHYIR DANG MI G-YO SGYU CAN YIN NA'ANG BDEN PA'I TSIG 'GA' SMRAS BA YOD PA'I PHYIR, GANG ZAG 'GA' ZHIG LO MANG BAR DU MNYAM POR GSHIBS PA'ANG DE'I SHES RGYUD TSOD LEN MI THUB NA GSUNG GCIG KHO NA LA BRTEN NAS BCOM LDAN 'DAS SHES BYA THAMS CAD LA MI BSLU BAR GA LA NGES NUS, DPER NA, SMAN PA MKHAS PA ZHIG GIS, NAD PA'I KHOG PA'I NANG RDO ZHIG 'DUG CES SMRAS PA NA, DE MA THAG SMAN PA DE, MI BSLU BA YIN PAR KHAS LEN RUNG NGAM, NAD PA'I KHOG PA'I NANG RDO YOD PAR RANG GIS NGES NAS GZHI NAS SMAN PA DE'I TSIG DE MI BSLU BA SHES PA 'GYUR BA YIN PA'I PHYIR, DE BZHIN DU, BRJOD BYA'I DON DE MA NGES PAR DE BSTAN PA'I RJOD BYED KYI TSIG DE BDEN PA'I DON CAN DU NGES MI NUS PA MNGON SUM GYIS GRUB PA'I PHYIR, DES NA, SKYES BU DE'I NGAG LA MA BRTEN PAR SKYES BU DE MI BSLU BAR NGES MI NUS SHING, NGAG GCIG LA BRTEN NAS KYANG SKYES BU DE MI BSLU BA NGES MI NUS TE, PHYOGS GCIG LA MI BSLU BA KUN LA YOD CING DE TZAM LA YID BRTAN MED PA'I PHYIR, SKYES BU DE'I NGAG @06 THAMS CAD LA MI BSLU BAR NGES DGOS NA STON PA BCOM LDAN MI BSLU BA NGES PA YANG DE'I GSUNG THAMS CAD JI LTAR BSTAN PA LTAR DON LA GNAS PA NGES DGOS PAS HA CANG THAL BAR 'GYUR BA'I PHYIR, DPER NA, BDAG MED PHYIN CI MA LOG PAR STON NUS PA'I BSHES GNYEN ZHIG 'TSOL BAR 'DOD NAS BRTAG PA NA, BDAG MED PHYIN CI MA LOG PAR STON NUS PA SHES DGOS, DE LTAR SHES PA LA, RANG GIS BDAG MED KYI DON SHES DGOS PA DANG DE SHES NA, BDAG MED STON PA'I BSHES GNYEN 'TSOL BA LA DGOS PA MED PA'I PHYIR, RANG GIS BDAG MED KYI DON MA SHES KYANG, BDAG MED PHYIN CI MA LOG PAR STON NUS PA'I BSHES GNYEN DE LTAR STON NUS PA'I BSHES GNYEN YIN MIN SHES NUS NA, 'O NA, RANG GIS BDEN BZHI'I GNAS LUGS MA SHES KYANG BDEN BZHI'I GNAS LUGS PHYIN CI MA LOG PAR STON PA'I TSAD MA'I SKYES BU RTOGS PA NUS PAR THAL, MTSUNGS PA'I PHYIR, 'DOD NA, BCOM LDAN 'DAS TSAD MA'I SKYES BUR BSGRUB CHED BDEN BZHI GTAN LA 'BEBS PA 'BREL MED YIN PAR THAL LO, ,DE BZHIN DU RNAM MKHYEN RTOGS PA LA CHOS THAMS CAD RTOGS DGOS DANG MI DGOS SOGS DPYOD DO, ,PHAR PHYIN SKABS BZHI PA'I PHYIR MI LDOG PA'I RTAGS KYI SKABS, THEG PA CHEN PO LAM 'BRAS BU DANG BCAS PA PHYIN CI MA LOG PAR STON PA'I NGAG GI THA SNYAD DANG, SEMS CAN SDUG BSNGAL KYIS MNAR BA LA MI BZOD PA'I LUS KYI BA SPU G-YO BA SOGS LUS KYI THA SNYAD LA BRTEN NAS THABS SHES KYI RTOGS PA BRTAN PO DANG LDAN PAR DPOG PAR GSUNGS PAS; THEG PA CHEN PO'I LAM 'BRAS BU DANG BCAS PA PHYIN CI MA LOG PAR STON PA'I NGAG RTOGS BA LA, THEG CHEN LAM 'BRAS BU DANG BCAS PA RTOGS DGOS DANG MI DGOS SOGS KYANG DPYAD, GNYIS PA YAN LAG GI DON LA, THUB PA TSAD MAR BSGRUB PA DANG, DE LA TSAD MA'I SGO NAS BSTOD PA'I DGOS PA'O, , @07 SA BCAD DANG PO DE, TSAD MA BSLU MED CAN SHES PA ZHES PA NAS, GANG PHYIR DES NA TSAD MA NYID CES PA'I BAR 'CHAD, GNYIS PA DE 'CHAD PA LA, DE LTA'I DNGOS STON BSTOD PA NI, ZHES PA NAS, BSTAN PHYIR DE YANG GSAL BAR BSHAD, , CES PA'I BAR BYUNG, THUB PA TSAD MAR BSGRUB PA LA GNYIS, LUGS 'BYUNG GI SGO NAS STON PA LAM GANG NAS BYON PA'I TSUL BSTAN PA DANG, LUGS LDOG GI SGO NAS DE LTAR BYON PA'I SHES BYED BSTAN PA'O, ,DANG PO LA, TSAD MAR GYUR PA'I DON BSHAD PA'I SGO NAS TSAD MA'I SKYES BU'I MTSAN GZHI NGOS GZUNG BA DANG, LHAG MA BZHI BSHAD PA'I SGO NAS TSAD MA'I SKYES BU'I MTSAN NYID DANG, DER BGROD PA'I LAM NGOS GZUNG BA'O, ,DANG PO LA, TSAD MA SPYI'I MTSAN NYID DANG, THUB PA'ANG MTSAN NYID DE DANG LDAN PAR BSTAN PA'O, ,DANG PO LA, MTSAN NYID KYI NGO BO DANG, KHYAD PAR RO, ,DANG PO LA, MTSAN NYID DANG, MTSAN GZHI DANG MTSAN GZHI LA MTSAN NYID NGES BYED DO, DANG PO LA, MI SLU BA NGOS GZUNG BA DANG, DE LA MA KHYAB PA SPANG BA DANG, KHYAB CHES PA SPANG BA'O, ,MI SLU BA NGOS GZUNG BA LA, RTZA BA LAS, TSAD MA BSLU MED CAN SHES PA, DON BYED NUS PAR GNAS PA NI, MI SLU ZHES PA'I TSIG PHYED DANG GSUM STE, SKYES BU'I MNGON MTHO DANG NGES LEGS BSGRUB PA'I THABS DANG BCAS PA NI TSAD MA'I GZHAL BYA YIN ZHING, DE DAG THAMS CAD LA THUB PA NYID MI SLU BA YIN PAS SPYIR TSAD MA'I MTSAN NYID DE GANG ZHE NA, GSAR DU BSLU BA MED PA CAN GYI SHES PA DE, TSAD MA'I MTSAN NYID DANG, MI SLU BA'I DON YANG, BCO BSREG LA SOGS PA'I DON BYED NUS PAR SHES PA DES JI LTAR RTOGS PA LTAR DON LA GNAS PA DE'O, ,DE LA DPYAD GZHI DE YOD DE, RANG RIG MNGON SUM GYIS SHES PA GRUB PA NA, SHES PA DE DANG GRUB SDE RDZAS GCIG PA'I MI SLU BA MA RTOGS PAR GSUNGS PAS, TSAD MA RTOGS NA MI SLU BA @08 RTOGS PAS MA KHYAB PAR THAL, 'DOD MI NUS TE, GSAR DU MI SLU BA'I SHES PA TSAD MA'I MTSAN NYID YIN PA'I PHYIR, THAR LAM GSAL BYED LE'U GSUM PAR, TSAD MA YIN NA RANG MYONG RANG RIG MNGON SUM GYIS RTOGS PAS KHYAB PAR GSUNGS LA; TSAD MA RTOGS NA, MI SLU BA RTOGS PAS KHYAB PA NI MTSAN MTSON GYIS SHES GZHAN YANG SGRA RTOGS NA MNYAN BYA RTOGS PAS MA KHYAB PAR THAL, TSAD MA RTOGS NA MI SLU BA RTOGS PAS MA KHYAB PA'I PHYIR, 'DOD NA, LE'U DANG POR, KHYAD PAR RNAM PAR GCOD PA YI, ZHES SOGS LA SONG, DNGOS PO RTOGS NA, DON BYED NUS PA RTOGS PAS MA KHYAB PAR THAL, 'DOD NA, DNGOS PO BRJOD NA DON BYED NUS PA BRJOD PAS MA KHYAB PAR THAL, 'DOD NA, LE'U DANG POR, 'JIG LA 'BRAS DANG YOD NYID BZHIN, ZHES SOGS DANG 'GAL, GNYIS PA DE LA MA KHYAB PA SPANG BA NI, RTZA BA LAS, SGRA LAS BYUNG BA YANG, MNGON PAR 'DOD PA STON PHYIR RO, ,SMRA BA PO YI BYED PA'I YUL, DON GANG BLO LA RAB GSAL BA, DE LA SGRA NI TSAD MA NYID, DON GYI DE NYID RGYU CAN MIN, ZHES TSIG PHYED DANG DRUG BYUNG, KHA CIG GIS, LAS LA MI SLU BA ZHES PA DE, YUL THOB PA LA ZER, SGRA 'DZIN NYAN SHES CHOS CAN, SGRA THOB PA YIN PAR THAL, SGRA LA MI SLU BA YIN PA'I PHYIR, DER THAL, SGRA LA TSAD MA YIN PA'I PHYIR ZHES RTZOD, RANG LUGS KYIS SGRA GZUNG DON DU BYAS PA LAS BYUNG BA'I NYAN SHES DE, TSAD MA'I MTSAN NYID MA KHYAB PA'I SKYON MED DE, NYAN SHES DE RANG GI GZHAL BYAR MNGON PAR 'DOD PA'I DON GSAR DU RTOGS PA'I SHES PA YIN PA'I PHYIR ZHES PA'O, ,DE NI TSAD MA'I MTSAN NYID MI SLU BA DES, SGRA 'DZIN NYAN SHES LA MA KHYAB PA'I SKYON SPANG BA YIN NO, YANG SGRAS SDUD PA'I GLOG MTHONG BA'I MNGON SUM DANG, SGRA 'DZIN NYAN SHES GNYIS RANG YUL MA THOB PAR GSUNGS PA 'DRA BA ZHIG SNANG BAS LE'U DANG @09 POR RJES DPAG JI SKAD BSHAD JI BZHIN, ,ZHES SOGS SKABS RANG MTSAN THOB PA'I YUL CAN ZHES PA DANG MTHUN MI MTHUN DPYAD, GONG DU BTZO BSREG LA SOGS PA RANG GI JI LTAR GZHAL BA LTAR DON LA GNAS PA NI YUL LA MI SLU BA BZHAG PAS, SGRA 'DZIN NYAN SHES KYANG RANG GI SGRA JI LTAR GZHAL BA LTAR DON LA GNAS PAS YUL LA MI SLU BA YIN, SGRA LA SOGS PA SUS KYANG THOB MI NUS PAS, NYAN SHES LA TSAD MA'I MTSAN NYID MA ZHUGS PAR 'GYUR RO, ,ZHES PA'I DVOGS PA DE GANG GI RGYUD LA YOD, KHA CIG GIS, THOB PA DANG THOS PA YIG NOR YIN ZER YANG, MI 'THAD DE, SGRA 'DZIN NYAN SHES KYI SGRA THOS MI NUS PA'I DVOGS PA MED PA'I PHYIR; KHO BOS DE LTAR 'CHAR TE, ME 'DZIN MNGON SUM DE ME LA MI SLU BA'I DON DE LTAR YIN NA, SGRA BYUNG TSAD MA DE YANG, SGRA YIS BRJOD BYA JI LTAR BRJOD PA LTAR GNAS PA LA BYED DGOS, DE LTAR NA, SGRA RNAMS RANG GI ZHEN PA'I BRJOD BYA DANG 'BREL BA GRUB DGOS PAS, SGRA GANG NA YOD PA DER ZHEN PA'I BRJOD BYA YOD PAR 'GYUR BAS, SGRA 'DZIN NYAN SHES YOD NA SGRA'I ZHEN PA'I BRJOD BYA YOD PAS KHYAB DGOS, DE LTAR NA, SGRA 'DZIN NYAN SHES GANG GI RGYUD LA YOD PA DER SGRA'I BRJOD BYA THOB PAS KHYAB PAR 'GYUR RO ZHES RTZOD PA'O, ,YANG NA, SGRA 'DZIN NYAN SHES DANG, GLOG 'DZIN MIG SHES GNYIS LTA BU, YUN SHIN TU THUNG BA'I YUL LA 'JUG PA YIN PAS, BTZO BSREG LA SOGS PA'I DON BYED PA LTAR, SGRA DANG GLOG LA MED PA'I PHYIR, DBANG SHES DE GNYIS KYIS RANG YUL MA THOB PAR 'GYUR RO ZHES PA'O, ,RANG LUGS KYIS, SKYON MED DE, DBANG SHES DE GNYIS SHIN TU YUN THUNG BA'I YUL LA 'JUG KYANG, SKYES BU'I MNGON PAR 'DOD PA'I DON SGRUB PA'I RANG YUL LA GSAR DU MI SLU BA'I SHES PA YIN PA'I PHYIR, TSAD MA MA YIN PA'I SKYON MED DO ZHES PA'O, ,RNAM BSHAD LAS, YANG NA, GZHUNG SNGA MA'I @10 DON YANG SGRA BYUNG PHYI MA DANG MTHUN PAR SBYAR RO, ,ZHES PA DE, GONG GI RTZOD PA SGRA BYUNG TSAD MA ZHES PA DE, RJOD BYED KYI SGRA RNAMS SMRA BA PO'I BRJOD 'DOD KYI BSAM PA GO BAR BYED PA'I RTAGS YIN PAS, RTAGS DE LAS SMRA BA PO BRJOD 'DOD KYI BSAM PA RTOGS PA'I RJES DPAG LA ZER NA, TSAD MA'I MTSAN NYID MA TSANG BA'I SKYON MED DE ZHES GZHUNG PHYI MA, SMRA BA PO YI BYED PA'I YUL, DON GANG BLO LA RAB GSAL BA, ,DE LA SGRA NI TSAD MA NYID, ,DON GYI DE NYID RGYU CAN MIN, ,ZHES PA DANG SBYAR, BSTAN BCOS LA SOGS PA'I RJOD BYED KYI SGRA RNAMS RANG GI BRJOD BYA DPOG PA'I RTAGS YANG DAG MA YIN TE, DE DANG 'BREL BA GNYIS PO GANG YANG MED PA'I PHYIR, GANG ZHE NA, SGRA DE RNAMS RANG SMRA BA PO'I BSAM PA GO BYED KYI RTAGS YANG DAG YIN PA'I PHYIR ZHES PA'O, ,DE LA DVOGS PA DE YOD DE, BRJOD BYED KYI SGRA RNAMS ZHEN PA'I BRJOD BYA DANG 'BREL BA MED PAR LAN DU MAR GSUNGS PAS, BSTAN BCOS TSAD MA RNAM 'GREL CHOS CAN, SHES BYA DANG 'BREL BA MA GRUB PAR THAL, 'DOD NA, DNGOS PO DANG 'BREL BA MA GRUB PAR THAL, 'DOD NA, GZUGS DANG 'BREL BA MED PAR THAL, 'DOD NA, GZUGS KYI BYE BRAG MA YIN PAR THAL, 'DOD MI NUS TE, GZUGS SGRA DRI RO RIG BYA LNGA GA GZUGS KYI BYE BRAG YIN PA'I PHYIR, RTZA BAR MA KHYAB NA, GZHI GRUB NA, TSAD MA RNAM 'GREL GYI BRJOD BYA YIN PAS MA KHYAB PAR THAL, 'DOD NA, GZHI GRUB NA MNGON RTOGS RGYAN GYI BRJOD BYA YIN PAS KHYAB PA 'BUD, GZHAN YANG, DGOS SOGS CHOS GZHI'I NANG NAS 'BREL BA DE GANG YIN DPYAD, GZHAN YANG TSAD MA RNAM 'GREL GYI BRJOD BYA MED NA, TSAD MA RNAM 'GREL MED PAS MA KHYAB PAR THAL, 'DOD NA, TSAD MA RNAM 'GREL GYI BRJOD BYA LDOG LA TSAD MA RNAM 'GREL MA LDOG PA'I GZHI DE GANG NA YOD, MNGON RTOGS RGYAN DANG, RGYAS 'BRING SDUS GSUM @011 LA'ANG MTSUNGS, TSAD MA RNAM 'GREL LTA BU SHES BYA DANG 'BREL PA GRUB LA RANG GI BRJOD BYA DANG 'BREL BA MA GRUB PA'I RGYU MTSAN RNYED DKA', RANG GI BRJOD BYA DANG BDAG NYID GCIG YIN NA SKYON JI LTAR 'BYUNG BA BRJOD DGOS SO, ,GSUM PA KHYAB CHE BA SPANG PA NI, RTZA BAR, BZUNG BA 'DZIN PHYIR KUN RDZOB NI, MI 'DOD, CES TSIG PHYED DANG GNYIS DES, MI SLU BA SHES PA TSAD MA'I MTSAN NYID DU 'JOG PA LA KHYAB CHES TE, BCAD SHES LA'ANG MTSAN NYID DE YOD PA'I PHYIR ZER BA LA, BLO KUN RDZOB PA DRAN PA BCAD SHES DE, TSAD MA MA YIN TE, RTOGS ZIN PA'I DON DE NYID GZUNG ZHING MI BRJED PAR 'DZIN PA TZAM YIN PA'I PHYIR, tIKA CHEN RIGS PA'I RGYA MTSO LAS NI BLO KUN RDZOB PA DRAN PA BCAD SHES DE, TSAD MA'I MTSAN NYID KHYED LA ZHUGS PAR MI 'GYUR TE, BLO DE NI RANG DBANG DU YUL YONGS SU GCOD PA MA YIN GYI, TSAD MA SNGA MA'I STOBS KYIS YUL LA 'JUG PA YIN PA'I PHYIR ZHES 'GREL; PHYOGS SNGA DES DRAN PA BCAD SHES DE TSAD MA MA YIN KYANG, TSAD MA'I MTSAN NYID KHYOD LA ZHUGS PA'I KHYAB CHES PAR 'GYUR RO ZHES PA LA RANG LUGS KYIS KHYAB CHES PA'I SKYON MED DO, ,ZHES LAN 'DEBS PA YIN GYI, BCAD SHES TSAD MAR 'DOD PA'I PHYOGS SNGAS RTZOD PA MA YIN NO, ,DPYAD GZHI CUNG ZAD YOD DE, SKABS 'DIR TSAD MA'I MTSAN NYID BZHAG PA LA MA KHYAB PA DANG, KHYAB CHES PA RTZOD PA DE, MI SLU BA'I SHES PA TSAD MA'I MTSAN NYID DU BZHAG PA LA RTZOD PA YIN NAM; GSAR DU MI SLU BA'I SHES PA TSAD MA'I MTSAN NYID DU BZHAG PA LA RTZOD PA YIN, DANG PO LTAR NA, MTSAN NYID DE SKYON MED MA YIN PAR THAL, BCAD SHES KYANG MI SLU BA'I SHES PA YIN PA'I PHYIR, GNYIS PA LTAR NA MI RIGS TE, LUNG RIGS GNYIS KA DANG 'GAL BA'I PHYIR, LUNG DANG 'GAL TE, THAR LAM GSAR BYED LAS, MI SLU BA NGOS GZUNG BA DANG, DE LA MA KHYAB PA SPANG BA, @012 KHYAB CHES PA SPANG BA'O, ,ZHES DANG, BTZO BSREG LA SOGS PA RANG GIS JI LTAR GZHAL BA LTAR DON LA GNAS PA NI ME SLU BA YIN LA, ZHES GSUNGS PA'I PHYIR, RIGS PA DANG 'GAL TE, GSAR DU MI SLU BA'I SHES PA TSAD MA'I MTSAN NYID DU BZHAG PA LA, BCAD SHES KYANG TSAD MAR THAL, ZHES PA'I RTZOD PA MI SRID PA'I PHYIR; DES NA tIKA CHEN RIGS PA'I RGYA MTSO LTAR, RANG GI YONGS SU DPYAD PA LTAR GYI GZHAL BYA LA RANG DBANG DU BSLU BA MED PA CAN GYI SHES PA DE NI TSAD MA'I MTSAD NYID DU 'JOG PA LA, RTZOD PA DE BYUNG BA BYAS NA CUNG BDE BA 'DRA, DE LTAR NA, TSAD MA'I MTSAN NYID KYI ZUR DU GSAR RTOGS MA SMROS KYANG CHOG GO,, GNYIS PA MTSAN GZHI, RTZA BAR, BLANG DANG DOR BYA'I DNGOS PO YIN, 'JUG LA DE GTZO YIN PHYIR DANG, YUL RNAMS CAN NI THA DAD PAS, BLO YI RTOGS PA THA DAD PHYIR, DE YOD NA 'DI YOD PHYIR RO ZHES TSIG LNGA DES GONG DU TSAD MA'I MTSAN NYID KYI ZUR DU SHES PA SMRAS PA LA, KHA CIG GIS, MIG SOGS DBANG PO LA BRTEN NAS KYANG DON THOB PA'I PHYIR, TSAD MA YIN DGOS PAS SHES PA JI LTAR YIN ZHES PA LA RANG YUL GYI RNAM PA SHAR BA'I SGO NAS GSAR DU SLU BA MED PA'I BLO DE, TSAD MA YIN TE, TSAD MAS CHOD PA DANG MA CHOD PA'I 'BRAS BU SGRUB BYED KYI GTZO BOR GYUR PA'I SHES PA YIN PA'I PHYIR, DE CHOS CAN, TSAD MAS CHOD PA'I 'BRAS BU SGRUB BYED YIN TE, BLANG DOR GYI DNGOS PO'I 'DOR LEN LA SKYES BU 'JUG PA'I RGYU'I GTZO BO YIN PA'I PHYIR, TSAD MAS MA CHOD PA'I 'BRAS BU SGRUB BYED YIN TE, TSAD MA DE YOD NA YUL RTOGS PA RGYUN MA CHAD DU 'JOG NUS PA 'DI YOD PA'I PHYIR, DER THAL, SGRO 'DOGS GSAR DU GCOD NUS KYI BLO LA YUL GYI RNAM PA THA DAD PA SHAR BAS, YUL THA DAD PA RTOGS PA 'JOG NUS PA'I PHYIR, tIKA CHEN LTAR NA, 'DIS MI SRID PA SPANG BA LA SBYAR, GSUM PA @013 MTSAN GZHI LA MTSAN NYID NGES BYED, RTZA BAR, RANG LAS RANG GI NGO BO RTOGS, THA SNYAD LAS NI TSAD MA NYID, ,BSTAN BCOS RMONGS PA ZLOG BYED YIN, ,ZHES TSIG GSUM DES, TSAD MA'I MTSAN NYID GSAR DU MI SLU BA DE TSAD MA RANG NYID KYIS SAM; GZHAN LA BLTOS, DANG PO LTAR NA, TSAD MA RGYUD LDAN GYI GANG ZAG YIN NA, TSAD MA DANG TSAD MIN GYI RNAM DBYE LA MA RMONGS PAS KHYAB PAR THAL, TSAD MA THAMS CAD GSAR DU MI SLU BA DE RANG NYID KYIS RTOGS PA'I PHYIR, GNYIS PA LTAR NA, NGES BYED KYI TSAD MA DE YANG TSAD MA GZHAN ZHIG LA BLTOS DGOS PAS THUG PA MED PAR 'GYUR RO ZHE NA, RANG LUGS KYIS TSAD MA KUN RANG LAS NGES PA'ANG YOD, GZHAN LAS NGES PA YOD DE, TSAD MA KHA CIG , RANG RIG MNGON SUM GYIS RANG GI NGO BO RTOGS PA NA MI SLU BA'I CHA LA NGES PA RANG STOBS KYIS 'DREN PA DE RANG LAS NGES KYI TSAD MA DANG, TSAD MA KHA CIG PHYIS 'BYUNG BA'I THA SNYAD PA'I TSAD MA LAS MI SLU BA'I CHA RTOGS DGOS PAS NA GZHAN LAS NGES KYI TSAD MA ZER BA YIN, SLOB DPON RGYAN MKHAN PO LTAR NA, TSAD MA DANG TSAN MIN GYI RNAM DBYE DE MTHAR THUG DPYOD PA'I RIG SHES KYI NGOR MED DE, DE'I NGOR GNYIS MED STONG PA TZAM ZHIG YOD PA'I PHYIR, RNAM DBYE DE, DE'I NGOR MED KYANG MA BRTAGS PAR 'JUG PA'I THA SNYAD PA'I TSAD MA LAS TSAD MA DANG TSAD MIN GYI RNAM DBYE 'GRUB PA'I PHYIR ZHES PA'O, ,LHA SH'AKA GNYIS NI RANG GI YUL LA TSAD MA YIN PA'I CHA RANG MYONG RANG RIG GIS RANG STOBS KYIS NGES PA 'DREN NUS PA DE RANG MYONG DANG, RANG GI NGO BO RANG MYONG RANG GIG GIS RTOGS KYANG, RANG NYID TSAD MA YIN PA'I CHA DE THA SNYAD PA'I TSAD MA GZHAN LAS RTOGS DGOS PA DE, GZHAN LAS NGES PA'I TSAD MA ZER, TSAD MA RANG NYID DAM, THA SNYAD PA'I TSAD MA LAS NGES NUS KYANG, TSAD MA DANG TSAD MIN GYI RNAM GZHAG BYED PA NI, RIG BYED TSAD MAR SMRA BA SOGS @014 THAR PA'I THABS LA RMONGS PA LDOG PA'I CHED DU BSTAN BCOS BRTZAMS PA YIN PA'I PHYIR; RANG LAS NGES KYI TSAD MA DANG, GZHAN LAS NGES KYI TSAD MA NI, TSAD MA RNAM NGES KYI RJES SU 'BRANGS NAS SPYI DON RIGS RGYAN LAS, GSAR DU MI SLU BA'I SHES PA GANG ZHIG RANG GI GZHAL BYA'I BDAG NYID YUL STENG DU GNAS PA MED NA TSAD MA RANG NYID MI 'BYUNG BA LA RANG STOBS KYIS NGES PA 'DREN NUS PA DE, RANG LAS NGES KYI TSAD MA DANG, DE LTAR TSAD MA GZHAN GYI STOBS KYIS NGES PA 'DREN DGOS PA DE, GZHAN LAS NGES KYI TSAD MA'I MTSAN NYID 'JOG , RIGS THIGS t'IKKARA GSAR DU MI SLU BA'I SHES PA GANG, RANG GI GZHAL BYA'I DON SNANG BA LTAR DU GRUB PA MED NA RANG NYID MI 'BYUNG BA LA THE TSOM MI 'DREN PA, RANG NGES KYI TSAD MA DANG, THE TSOM 'DREN PA GZHAN NGES KYI TSAD MAR 'JOG ,THAR LAM GSAL BYED LAS, DES NA, MI SLU BA'I CHA RANG STOBS KYIS NGES NA RANG NGES DANG; GZHAN STOBS KYIS NGES NA GZHAN NGES SO ZHES DANG, tIKA CHEN RIGS PA'I RGYA MTSO LAS, KHO BO NI 'DI LTAR 'CHAD DE TSAD MA RNAMS KYI RANG GI NGO BO GZHAL BYA LA MI SLU BA NI RANG MYONG BA'I RANG RIG MNGON SUM LAS RTOGS LA, RANG GIS YONGS SU DPYAD PA'I GZHAL BYA LA MI SLU BA'I SHES PA DE TSAD MA NYID DU RTOGS PA NI TSAD MA DANG TSAD MA MA YIN PA'I THA SNYAD GZHI GANG LA 'JUG PA TSUL BZHIN DU NGES PAR BYAS PA LAS YIN ZHING, ZHES GSUNGS, RNAM NGES DAR tIKA DANG, TSAD MA RIGS RGYAN LAS GSUNGS PA LA 'BRU PHRAN BU BSNAN NAS PAn CHEN YIG CHA LAS GSUNGS PA DER YONGS GRAGS BYED KYI 'DUG , RIGS THIGS t'IKKARA GSUNGS PA DER, CUNG MI BDE BA SNANG YANG, GO RGYU SHIN TU CHE STE DON LA SHA PA YIN ZHING DE YIN MIN THE TSOM ZA DUS KYI SHING 'DZIN DBANG MNGON DES SHA PA LA THE TSOM 'DREN PA'I PHYIR DANG LHA SH'AKA GZHUNG LAS KYANG THE TSOM 'DREN PA GSUNGS PA'I PHYIR TE, @015 SH'AKA 'GREL LAS, GAL TE THE TSOM GYI SGO NAS 'JUG PA YIN NA JI LTAR RTOG PA SNGON DU 'GRO BA CAN ZHES BYA ZHE NA ? 'DI LA 'GAL BA CI YOD, GANG KHO NA NGES PA'I SGO NAS 'JUG PAR 'GYUR BA DE NYID RTOG PA SNGON DU GTOD PA CAN MA YIN NO,, DE LTAR NA 'JUG PAR BYED PA LA DON LA THE TSOM ZA BA DANG DON NGES PA DANG RGYU RNAM PA GNYIS YIN NO, LDOG PA LA YANG DON MED PA LA THE TSOM ZA BA DANG, DON MED PAR NGES PA NYID KHO NA YIN NO ZHES GSUNGS PA'I PHYIR, tIKA CHEN RIGS PA'I RGYA MTSO LAS GSUNGS PA LTAR NA, TSAD MA GCIG LA GZHAL BYA'I SGO NAS GNYIS SU 'GRO TSUL YOD PA 'DRA STE TSAD MA THAMS CAD RANG GI GZHAL BYA LA MI SLU BA NI RANG RIG GIS RTOGS LA, RANG NYID TSAD MA YIN PA DE THA SNYAD PA'I TSAD MAS RTOGS DGOS PAR GSUNGS PAS DES NA, RANG YUL LA MI SLU BA LA RANG LAS NGES DANG RANG NYID TSAD MA YIN PA LA GZHAN LAS NGES SU BZHAG , RJES DPAG TSAD MA YIN NA, RANG LAS NGES KYI TSAD MA YIN PAS KHYAB PA NI TSAD MA'I GZHUNG KUN MTHUN PAR GSUNG, RGYANG PHAN RGYUD KYI DU BA'I RTAGS LAS DU LDAN LA LA ME RTOGS PA'I RJES DPAG DE, RANG MYONG RANG RIG MNGON SUM GYI RTOGS PAR THAL, RANG LAS NGES KYI TSAD MA YIN PA'I PHYIR, RTAGS SLA, KHYAB STE, RNAM BSHAD LAS, MI SLU BA'I CHA RANG STOBS KYIS NGES NA RANG NGES DANG, ZHES GSUNGS PA'I PHYIR DANG; LE'U GSUM PA'I RNAM BSHAD LAS KYANG, RANG MYONG RANG RIG MNGON SUM GYIS MA RTOGS PA'I TSAD MA MED PA'I PHYIR ZHES GSUNGS, 'DOD NA, RGYANG PHAN PA DES RJES DPAG TSAD MA MNGON SUM DU RTOGS PAR THAL, 'DOD MI NUS TE, DES RJES DPAG TSAD MA MED PAR 'DZIN PA'I LOG RTOG MNGON GYUR DU LDAN PA'I GANG ZAG YIN PA'I PHYIR, KHYAB STE, RJES DPAG TSAD MA RTOGS PA'I BLO DANG, RJES DPAG TSAD MA MED PAR 'DZIN PA'I LOG RTOG GNYIS DNGOS SU @016 GNOD BYA GNOD BYED YIN PA'I PHYIR, DER THAL, RJES DPAG TSAD MA RTOGS PA'I BLO DANG 'DZIN STANGS DNGOS 'GAL DU SONG BA'I SGRO 'DOGS YOD PA'I PHYIR, DER THAL, DE 'DRA'I BLO DE GNYEN PO YIN PA'I PHYIR, KHYAB PA PHAR PHYIN SKABS BZHI PA'I GNYEN PO'I SKABS LA SONG, RTZA BA'I THAL 'GYUR LA KHYAB PA YOD DE, GNOD BYA GNOD BYED NGO BO PHYIR ZHES SOGS KYI RTZA 'GREL LAS GSUNGS PA'I PHYIR, GZHAN YANG, RJES DPAG TSAD MA RTOGS NA, RJES DPAG TSAD MA MA YIN PA KHEGS DGOS PAR THAL, SGRA RTOGS NA, SGRA MA YIN PA KHEGS DGOS PA'I PHYIR, MA GRUB NA, LE'U DANG PO'I RNAM BSHAD LAS DE'I DON NI, SGRA NGES PA'I NGES SHES DE SGRA DE SGRA MA YIN LAS LOG PAR GO'AM MA GO, MA GO NA SGRA MA YIN DU 'DZIN PA'I ZHEN YUL RNAM PAR BCAD PA MA GO BAS SGRA YANG MA GO BAR 'GYUR RO,, ZHES GSUNGS PA'I PHYIR, 'DOD NA, RJES DPAG TSAD MA RTOGS NA RJES DPAG TSAD MA MA YIN PA LAS LOG PA RTOGS DGOS PAR THAL, RJES DPAG TSAD MA MA YIN PA KHEGS DGOS PA'I PHYIR, KHYAB STE, RJES DPAG TSAD MA YIN PA DANG MA YIN PA GNYIS RNAM BCAD YONGS GCOD YIN PA'I PHYIR, DER THAL, ME DANG ME MA YIN GNYIS RNAM BCAD YONGS GCOD YIN PA'I PHYIR, DER THAL, TSAD MA SDE BDUN YID KYI MUN SEL 'BRAS RTAGS SKABS SU GSUNGS PA'I PHYIR, GZHAN YANG; NGO BO NYID MED PAR SMRA BA'I THAL 'GYUR BA CHOS CAN, TSAD MA MNGON SUM DU RTOGS PAR THAL, 'DOD NA, TSAD MA DANG GSAR DU MI SLU BA'I SHES PA MING DON GYI 'BREL BA NGES PAR THAL, TSAD MA RTOGS PA'I PHYIR, KHYAB STE, SGRA RTOGS NA SGRA DANG MNYAN BYA MING DON GYI 'BREL BA RTOGS DGOS PA'I PHYIR TE, KHYAD PAR RNAM PAR GCOD PA YI, GTAN TSIGS SU 'GYUR ZHES SOGS KYI RTZA 'GREL LAS GSUNGS PA'I PHYIR, 'DOD NA, TSAD MA LA GSAR RTOGS KYIS @017 KHYAB PAR 'DOD PAR THAL, 'DOD MI NUS TE, BCAS SHES TSAD MAR 'DOD PA'I GANG ZAG YIN PA'I PHYIR RO, ,DE DAG LA DPYAD PAR BYA BA MANG YANG RE ZHIG ZHOG GO, DA NI DKYUS LA 'JUG PAR BYA STE, GNYIS PA MTSAN NYID KYI KHYAD PAR NI RTZA BAR, MA SHES DON GYI GSAL BYED KYANG, RANG GI NGO BO RTOGS 'OG TU, SPYI'I RNAM PAR SHES PA THOB, RANG GI MTSAN NYID MI SHES PA, SHES PA GANG YIN ZHES DGONGS PHYIR, ,RANG GI MTSAN NYID DPYAD PHYIR RO, ,ZHES TSIG DRUG GONG DU BSHAD PA'I MI SLU BA TZAM GYIS TSAD MA'I MTSAN NYID YONGS SU MI RDZOGS TE, SNGAR MA SHES PA'I DON GYI GSAL BYED DE DANG PO'AM GSAR DU SHES PAS KYANG MTSAN NYID KYI ZUR DU SMOS DGOS PA'I PHYIR, DES NA, GSAR DU MI SLU BA'I SHES PA, TSAD MA'I MTSAN NYID YIN NO, ,DON GSAR DU GSAL BYED TSAD MA YIN NA, SNGON PO NGES PA'I BCAD SHES CHOS CAN, TSAD MA YIN PAR THAL, GSAR DU RTOGS PA'I SHES PA YIN PA'I PHYIR, DER THAL, SNGON PO'I DON SPYI GSAR DU RTOGS PA'I SHES PA YIN PA'I PHYIR ZHE NA, SKYON MED DE, SNGON 'DZIN MNGON SUM GYIS SNGON PO RANG GI NGO BO THUN MONG MA YIN PA RTOGS PA'I 'OG TU SNGON PO'I DON SPYI 'DZIN PA'I SPYI'I RNAM PAR SHES PA DE THOB PA YIN GYI DE LA RANG DBANG DU YUL GCOD PA'I MTHU MED DO, ,TSAD MA YIN NA, RANG GI MTSAN NYID SNGAR MA SHES PA GSAR DU SHES PA'AM DE LA BRTEN PA DGOS SO, ,'DIR RANG GI MTSAN NYID CES PA RANG MTSAN LA GO DGOS, 'BRAS BU DON GNYER RNAMS KYIS MTHAR RANG MTSAN GSAR DU SHES PA'I YUL DANG BCAS PA LA 'JUG PAR 'GYUR RO ZHES DGONGS NAS, SPYI 'DZIN TSAD MA DE THABS DANG, MA SHES DON GSAL DE ZUR DU SMOS PA'O, ,'BRAS BU DON GNYER RNAMS KYIS GTZO BO'I DON DU GNYER BYA RANG MTSAN YOD MED KYI PHYOGS GNYIS SU PHYE NAS DPYAD PAR BYA BA YIN PA'I PHYIR, @018 LE'U DANG POR DON BYED NUS PA MA YIN PA, ,DON GNYER BRTAGS PAS CI ZHIG BYA, ZHES PA DANG YANG MTHUN, TSAD MA'I GZHAL BYA YIN NA, RANG MTSAN YIN PAS KHYAB PA BKAG NAS TSAD MA YIN NA RANG MTSAN LA BRTEN PAS KHYAB PA BSTAN NO, ,MA SHES DON GYI GSAL BYED KYANG ZHES PA DE LA DOGS PA DPYAD PA, THAR LAM GSAL BYED DANG, PAn CHEN YIG CHAR, GONG 'OG GNYIS KAR TSAD MA SPYI'I MTSAN NYID BSTAN PAR 'DOD KYANG, MTSAN NYID LDOG PA THA DAD PAR BSTAN PA MA YIN TE, SNGA MAS GSAR RTOGS DNGOS SU MA SMOS, PHYI MAS MI SLU BA DNGOS SU MA SMOS KYANG DON LA GSAR DU MI SLU BA'I RIG PA TSAD MA'I MTSAN NYID YIN PA'I PHYIR; RGYAN GYI BSHAD PA DE LA DGAG PA MDZAD, MKHAS GRUB tIKA CHER LHA DBANG BLO'I BSHAD PA DE MI 'THAD PAR BYAS NAS, RGYAN MKHAN PO'I LUGS DE RANG LUGS SU MDZAD DE DE NYID LAS, DES NA, KHO BO NI PHYOGS 'DI LA GZU BO'I BLOS RNAM PAR DPYAD PA NA GNOD PA MA MTHONG NGO ZHES GSUNGS PA'I PHYIR, TSAD MA YID KYI MUN SEL LAS NI, DE DANG MI MTHUN PAR BSHAD DE RGYAN MKHAN PO'I 'DOD PA LA'ANG DGAG PA MDZAD, RANG LUGS NI, TSAD MA BSLU MED CAN SHES PA ZHES PAS TSAD MA'I MTSAN NYID CHA TSANG BSTAN, MA SHES DON GYI GSAL BYED KYANG ZHES PA DES, TSAD MA'I MTSAN NYID BSTAN PA MIN PAR, TSAD MA YIN NA RANG GI GZHAL BYA SNGAR MA SHES PA GSAR DU SHES PA'I NUS PA DANG LDAN PAS KHYAB PAR BSTAN PA YIN GSUNG; SDE BDUN YID KYI MUN SEL LAS, RGYAN MKHAN PO'I LUGS DE MI 'THAD PAR GSUNG, RANG LUGS CHOS RJES SA PAn GYI RJES SU 'BRANGS, YID KYI MUN SEL DANG tIKA CHEN GNYIS KA YANG RANG GI GZHAL BYA LA RANG DBANG DU YONGS SU GCOD PA'I BSLU BA MED PA'I SHES PA DE, TSAD MA'I MTSAN NYID DU 'JOG , DE LA GO RGYU SHIN TU CHE BAR 'DUG STE, RNAM MKHYEN SKAD CIG GNYIS PA PHAN CHAD @019 TSAD MA YIN MIN DANG MNGON SUM GYIS DRANGS PA'I DRAN PA BCAD SHES RNAMS DON SPYI GSAR DU SNANG YANG TSAD MA YIN MIN GYI DVOGS PA RNAMS BSAL BAR NUS SO,, GNYIS PA THUB PA'ANG MTSAN NYID DE DANG LDAN PAR BSTAN PA LA GNYIS, TSAD MA'I DON BSHAD ZIN DANG SBYAR BA DANG, GYUR PA'I DON BSAD PA'O, ,DANG PO NI, RTZA BAR, DE LDAN BCOM LDAN TSAD MA NYID CES TSIG GCIG , THUB PA BCOM LDAN 'DAS CHOS CAN, CHOS THAMS CAD LA TSAD MA YIN TE, DE THAMS CAD LA GSAR DU MI SLU BA'I SHES PA DE DANG LDAN ZHING DE YIN PA'I PHYIR, GTZO BO NI, RNAM MKHYEN DES JI LTA JI SNYED KYI CHOS RNAMS RANG DBANG DU MNGON SUM GYIS GZIGS PA'I TSAD MA YIN LA, THUB PA'ANG RNAM MKHYEN DE DANG LDAN PAR BSTAN PA'O, ,DE NI, SANGS 'PHAGS KYI RGYUD LA YE SHES MED PAR 'DOD PA'ANG KHEGS SO, ,SKABS 'DIR, THAR LAM GSAL BYED DANG YIG CHA 'GA' ZHIG LAS, RNAM MKHYEN SKAD CIG DANG POS MA GZIGS SHING, RNAM MKHYEN SKAD CIG GNYIS PAS GSAR DU GZIGS PA'I CHOS SHIG YOD PAR GSUNG ZIN LA 'KHOD 'DUG PAS DE LTAR KHAS LEN NA, DE 'DRA'I CHOS DE CHOS CAN, RNAM MKHYEN SKAD CIG DANG POS GZIGS PAR THAL, GZHI GRUB PA'I PHYIR, DER THAL, RNAM MKHYEN SKAD CIG DANG PO CHOS THAMS CAD MNGON SUM DU RTOGS PA'I YE SHES YIN PA'I PHYIR, DER THAL, RNAM MKHYEN YIN PA'I PHYIR, MA KHYAB NA, RNAM PA THAMS CAD MKHYEN NYID LAM ZHES GSUNG, RTZA BAR MA GRUB NA, DE CHOS CAN, GZHI GRUB PAR THAL, RNAM MKHYEN SKAD CIG GNYIS PAS GSAR DU RTOGS PA'I CHOS YIN PA'I PHYIR, MA GRUB NA, KHAS BLANG DANG 'GAL, RANG RE'I YIG CHA BLO RIG LAS, RTOGS ZIN RTOGS PA'I RIG PA, BCAD SHES KYI MTSAN NYID DU BZHAG , YIG CHA GZHAN RNAM; RTOGS ZIN RTOGS PA'I TSAD MIN GYI RIG PA, BCAS SHES KYI MTSAN @020 NYID DU 'JOG , THAR LAM GSAL BYED LAS, KHO BO NI KHA NANG DU PHYOGS NAS JI TZAM BSAMS KYANG, TSAD MA MA YIN PA'I KUN MKHYEN DANG, TSAD MA LA GSAR RTOGS KYIS MA KHYAB PA MA TSOR RO, ,ZHES PA BSAM NA RNAM MKHYEN SKAD CIG GNYIS PA PHAN CHAD RANG YUL GSAR RTOGS YOD PAR GSUNG, RNAM MKHYEN SKAD CIG DANG POS DUS GSUM CIG CAR DU MA GZIGS NA, DUS GSUM CIG CAR DU GZIGS PA'I YE SHES MED PAR 'GYUR RO, ,GZIGS NA 'BYUNG 'GYUR GYI CHOS RNAMS GZIGS DGOS PAS SKAD CIG GNYIS PA PHAN CHAD RTOGS ZIN CING MA GZIGS PA'I CHOS MED PA'I PHYIR, KHO BOS RNAM MKHYEN SKAD CIG DANG PO DANG, DE'I SKAD CIG GNYIS PA GNYIS KYI GZHAL BYA YIN KHYAB MNYAM TU 'DOD DO, ,'O NA RNAM MKHYEN SKAD CIG GNYIS PA CHOS CAN, RTOGS ZIN RTOGS PA'I RIG PA YIN PAR THAL, RNAM MKHYEN SKAD CIG DANG POS RTOGS ZIN PA'I DON KHO NA RTOGS PA'I PHYIR ZER NA MA KHYAB, RNAM MKHYEN SKAD CIG GNYIS PA DES, DE LTAR RTOGS KYANG, SKAD CIG DANG PO'I STOBS KYIS MI 'JUG PAR RANG STOBS KYIS YUL RTOGS PA YIN PA'I PHYIR, GNYIS PA GYUR PA'I DON BSHAD PA LA, GYUR PA SMON PA'I DGOS PA DANG, DE LA RTZOD SPANG NGO, ,DANG PO LA, RTZA BAR MA SKYES PA NI BZLOG DON DU, ,GYUR PA NYID GSUNGS DE YI PHYIR, ,SGRUB BYED LA LTOS TSAD YIN RIGS, ZHES TSIGS GSUM, SLOB DPON PHYOGS GLANG GIS, TSAD MA KUN BTUS KYI MCHOD BRJOD DU TSAD MAR GYUR PA ZHES SMOS PA LA, RNAM BCAD KYI DGOS PA NI, TSAD MA'I SKYES BU DE RANG GI RGYU LAS MA SKYES PA LDOG PA'I DON DU GYUR PA GSUNG PA'I PHYIR, YONGS GCOD KYI DGOS PA NI, THABS SHES KYI SGRUB BYED GOMS PA MTHAR PHYIN PA LA BLTOS NAS TSAD MAR 'KHRUNGS PA GO BA'I CHED YIN PA'I PHYIR, GNYIS PA DE LA RTZOD SPANG BA LA, SHES BYA THAMS CAD @21 BZO SHES PA KUN MKHYEN YIN PA DGAG PA DANG, THAMS CAD KYI GNAS LUGS JI LTAR GNAS PA MNGON SUM DU SHES PA KUN MKHYEN DU BSGRUB PA'O, DANG PO LA, THAMS CAD KYI BYED PO'I DBANG PHYUG GI NGO BO DGAG PA DANG, SGRUB BYED DGAG PA'O; ;DANG PO LA, RTAG PA DGAG PA DANG, MI RTAG PA YIN PA DGAG PA'O, , RTAG PA YIN PA DGAG PA LA, RTZA BAR, TSAD MA RTAG PA NYID YOD MIN, , DNGOS YOD RTOGS PA TSAD PHYIR DANG, , SHES BYA MI RTAG PA NYID KYIS, , DE NI MI BRTAN NYID PHYIR RO, , RIM BZHIN SKYE BA CAN DAG NI, , RTAG LAS SKYE BA MI 'THAD PHYIR, , BLTOS PA MI RUNG BA YI PHYIR, , ZHES TSIG BDUN, GZHAN SDES THAMS CAD KYI BYED PA PO DBANG PHYUG RTAG PA RANG BYUNG GI TSAD MA'I SKYES BU YIN NO ZHE NA, LHA DBANG PHYUG DE THAMS CAD LA TSAD MAR KHAS LEN PAS, YUL DNGOS POR YOD PA RTOGS PA'I TSAD MA YIN DGOS; DE YIN NA, TSAD MA RTAG PA NYID DU YOD PA MIN TE, YUL MI RTAG PA RTOGS PA'I PHYIR, KHYAB STE, YUL SHES BYA MI RTAG PA NYID YIN NA, ,DE 'JAL GYI TSAD MA DE MI BRTAN PA NYID YIN DGOS PA'I PHYIR, YANG DBANG PHYUG NYID RTAG PA YIN NO ZHE NA, DBANG PHYUG GI SHES PA MI RTAG PAR KHAS LEN PAS SKYE BAR KHAS LEN DGOS, SHES PA DE, DBANG PHYUG RTAG PA LAS SKYE BA MI 'THAD DE, SNGA PHYI RIM PA BZHIN DU SKYE BA CAN YIN PA'I PHYIR, RKYEN LA BLTOS NAS KYANG BSKYED PA MA YIN TE, RTAG PA RKYEN LA BLTOS PA MI RUNG BA YIN PA'I PHYIR, @22 tIK CHEN RIGS PA'I RGYA MTSO LAS GSUNGS PA LTAR, YUL MI RTAG PA YIN NA, YUL CAN RTAG PA YIN PA 'GAL GYI, YUL RTAG PA YIN NA'ANG YUL CAN RTAG PA YIN MI DGOS TE, YUL CAN DES, YUL RTOGS PA DE DUS RTAG TU 'JAL LAM RES 'GA' 'JAL, RTAG TU 'JAL NA, YUL DE'ANG RTAG TU YOD PAR 'GYUR BAS MI RTAG PA YIN PA 'GAL, RE 'GA' 'JAL NA, YUL RTOGS PA DE RGYU RKYEN LA BLTOS PAR 'GYUR BAS MI RTAG PA YIN DGOS SO, ,YUL RTAG PA YIN NA'ANG YUL CAN RTAG PA YIN MI DGOS TE, YUL CAN GYIS YUL RTOGS PA RGYU RKYEN LA BLTOS PA'I PHYIR, 'GA' ZHIG GIS SKABS 'DIR THA SNYAD PA'I TSAD MA RTAG PA BKAG PA YIN ZER, 'O NA, DON DAM PA'I TSAD MA CHOS CAN, KHYOD KYI YUL DU MI RTAG PA MED PAR THAL LO, ,GANGS CAN GYI ZHING DU RNAM MKHYEN RTAG PAR KHAS LEN PA'I GRUB MTHA' RNAMS NI, RIGS PA'I DBANG PHYUG GI GZHUNG DE DANG RGYAB 'GAL DU SONG BA YIN NO, ,GNYIS PA MI RTAG PA YIN PA DGAG PA LA, RTZA BAR, RNAM 'GAS PHAN GDAGS BYA MIN PHYIR, ,MI RTAG NA YANG TSAD MED NYID, ,CES TSIG GNYIS, GONG GI RIGS PA DE DAG MI BZOD NAS, DBANG PHYUG MI RTAG PA YIN YANG, 'KHOR BA'I DUS SU CHAGS SOGS NYAMS SU MYONG NAS, DE'I GNYEN PO GOMS PA'I SGRUB BYED LA BLTOS PA MIN PAR, THOG MA NAS CHAGS BRAL DANG KUN MKHYEN YIN NO ZER, DBANG PHYUG RIGS 'DRA SNGA MA LAS SKYES PA'I KUN MKHYEN YIN PA LA SGRUB BYED KYI TSAD MA NYID MED PAR THAL, DBANG PHYUG 'KHOR BA'I GNAS SKABS SU KUN NAS NYON MONGS PAS GNOD PA DANG, RNAM BYANG GI CHOS KYIS PHAN GDAGS PAR BYA BA RNAM PA 'GAS KYANG MIN PA'I PHYIR, tIK CHEN LTAR TSIG DE GNYIS, RTAG PA RKYEN LAS SKYE BA MI RUNG BA'I RGYU MTSAN LA SBYAR NAS, MI RTAG PA BKAG PA LA, DBANG PHYUG MI RTAG PA YIN PAR BDEN @23 MOD KYI KUN MKHYEN YIN PAR MI 'THAD DE ZHES GSUNGS PA LA BLTAS NA, MI RTAG PA YIN PA DGAG PA ZHES PA DE CUNG ZAD MA BDE, GNYIS PA SGRUB BYED DGAG PA LA, SGRUB BYED LTAR SNANG DU BSTAN PA DANG, KUN GYI BYED PA PO YIN PAR TSAD MAS BSAL BA BSTAN PA'O, ,DANG PO LA, MDOR BSTAN DANG, RGYAS BSHAD DO, , DANG PO NI, RTZA BAR, SDOD 'JUG DBYIBS KYI KHYAD PAR DANG, , DON BYED PA LA SOGS PA DAG , , 'DOD PA GRUB PA'AM DPE MA GRUB, , YANG NA THE TSOM ZA BA YIN, , ZHES TSIG BZHI, MU STEGS DBANG PHYUG PA NA RE, 'JIG RTEN SNOD BCUD THAMS CAD DBANG PHYUG GIS BYED PAR BSGRUB 'DOD NAS, 'JIG RTEN GYI GNAS LUS LONGS SPYOD RNAMS CHOS CAN, BYED PA PO'I BLO SNGON DU SONG STE, SDOD CING SDOD CING LAS LA 'JUG PA'I PHYIR, DPER NA, STE'U BZHIN, CHOS CAN DANG GSAL BA SNGAR BZHIN LA, DBYIBS KYI KHYAD PAR DANG LDAN PA'I PHYIR, DPER NA, BUM SOGS BZHIN, DON BYED NUS PA'I PHYIR, DPER NA, DGRA STA BZHIN ZHES GTAN TSIGS GSUM BKOD, GZHAN YANG, MU STEGS PA 'GA' ZHIG GIS TSANGS PA 'JIG RTEN BYED PA POR 'DOD, YANG KHA CIG GIS KHYAB 'JUG BYED PA POR 'DOD, LA LAS, DRANG SRONG NYI MA'I MDOG CAN BYED PA POR 'DOD, DE DAG NI, STON PA THUGS RJE CAN MA BYON GONG DU 'DOD TSUL YIN LA, STON PA 'JIG RTEN GYI KHAMS 'DIR BYON NAS SNOD BCUD THAMS CAD RANG RGYU LAS BYUNG BAR GSUNGS SO, ,SGRUB BYED GSUM PO DE, 'JIG RTEN GYI GNAS LUS LONGS SPYOD RNAMS, STE'U SHING LA RIM PA BZHIN GZHOM PA LTAR, SNGA MA SNGA MAS PHYI MA PHYI @24 MAR 'JUG PA SDOD CING LAS LA 'JUG CES DANG, RDZA MKHAN GYIS RDZA BUM BZOS NAS BUM PA 'THON PA LTAR DANG, RTA RES SHING GCOD PA LTAR DON BYED NUS PA DANG, DPE GSUM GYI SGO NAS BYED PA PO'I BLO SNGON DU SONG BAR SGRUB, DE NI DBANG PHYUG GI BLO YIN PAS 'JIG RTEN BYED PA PO DBANG PHYUG YIN SNYAM PA'O, ,SANGS RGYAS PAS BYED PA PO'I BLO SNGON DU SONG ZHES PA DE, SPYIR BLO TZAM LA ZER NA SANGS RGYAS PAS, 'JIG RTEN GYI GNAS LUS LONGS SPYOD RNAMS RANG GI SEMS PA'I LAS LAS BYUNG BAR KHAS LEN PAS, KHYOD KYI 'DOD PA MI SGRUB, BLO RTAG PA ZHIG SNGON DU SONG BAR BSGRUB 'DOD NA, GTAN TSIG DE'I DPE MA GRUB, BYED PA PO GZHAN ZHIG SNGON DU SONG BAR BSGRUB NA, KHYOD KYI LUGS LA, DBANG PHYUG LA BYED PA PO GZHAN MED PAS MA NGES NAS THE TSOM ZA BA'I PHYIR, ,BSGRUB BYA'I CHOS LA BRTAG PA BYED PA MA GTOGS, RTAGS GCIG LA RTAGS LTAR SNANG GSUM GYI GNOD PA CIG CAR DU 'JUG PA MED GSUNGS SO, ,GNYIS PA RGYAS BSHAD LA, SGRUB BYED KYI DON BRTAGS LA DGAG ,DES RIGS CAN GZHAN YANG KHEGS PA, DES GRUB PA'I DON NO, ,DANG PO LA, DBYIBS KYI DON RTAGS SU MI RUNG BA DANG, DBYIBS KYI SGRA 'JUG PA RTAGS SU MI RUNG BA'O, DANG PO LA, DBYIBS KHYAD PAR CAN PHYOGS CHOS MA GRUB, DBYIBS TZAM MA NGES PA'O, ,DANG PO NI, RTZA BAR, BYIN RLOB YOD MED RJES 'JUG CAN, , DBYIBS SOGS CI 'DRA RAB GRUB PA, , DE LAS RJES SU DPOG GANG YIN, , DE NI RIGS PA NYID YIN NO, , ZHES TSIG BZHI, RANG BYIN GYIS RLOB PA'I SKYES BU YOD MED RJES SU 'JUG PA CAN GYI DBYIBS LDAN SOGS CHOS CAN, 'JIG RTEN GNAS LUS LONGS SPYOD @25 RNAMS SKYES BU'I BLO SNGON DU BTANG NAS BYAS PAR SGRUB PA'I RTAGS YANG DAG MA YIN PAR THAL, BUM SOGS CI 'DRA BA RAB TU GRUB NA, KHYOD LAS DE LTAR RJES SU DPOG PA GANG YIN PA DE NI RIGS PA NYID YIN NA YANG KHYOD KYIS DE SGRUB KYI PHYOGS CHOS MA GRUB PA'I PHYIR, GONG GI RTAGS GSUM BKOD PA DE'I NANG NAS DBYIBS KYI KHYAD PAR DANG LDAN PA'I PHYIR ZHES PA DE, RDZA MKHAN GYIS BUM PA BZOS PA LTAR, RDZA MKHAN YOD MED KYI RJES SU 'JUG PA'I RDZA BUM GYI DBYIBS LTA BU RTAGS SU BKOD NA; 'JIG RTEN GYI GNAS LUS LONGS SPYOD RNAMS DE LTA BU'I DBYIBS DANG LDAN PA MA GRUB BO ZHES PA'O, ,GNYIS PA DBYIBS TZAM MA NGES PA LA, MA NGES PA'I DPE; DES NA HA CANG THAL BA, 'BRAS MTSUNGS KYI LTAG CHOD DU THAL BA SPANG BA'O, , DANG PO LA, RTZA BAR, THA DAD DNGOS LA RAB GRUB PA, , SGRA MTSUNGS THA DAD MED PA'I PHYIR, , RJES DPOG RIGS PA MA YIN TE, , SKYA BO'I RDZAS LAS ME BZHIN NO, , ZHES TSIG BZHI, BUM PA'I DBYIBS DANG DBYIBS TZAM DU THA DAD MED PA'I PHYIR ZHES PA'I RTAGS LAS, DE DAG SKYES BUS BYAS PAR RJES SU DPOG RIGS PA MA YIN TE, DE DAG DBYIBS SKYES BUS BYAS PA'I DBYIBS DANG RGYU RIGS THA DAD KYI DNGOS PO LAS SKYE BAR RAB TU GRUB PA'I PHYIR, DBYIBS TZAM DU THA DAD DU MED DE, DBYIBS ZHES PA'I SGRA 'JUG PAR MTSUNGS PAS SO, ,SKYA BO'I RDZAS LAS ME DPOG PA BZHIN NO, ,DBYIBS DANG LDAN PA TZAM GYIS RDZA MKHAN GYIS BYAS PA'I RDZA BUM DANG 'DRA BA MA YIN ZHES PA'O, ,GNYIS PA HA CANG THAL BA NI, @26 RTZA BAR, DE LTA MIN NA RDZA MKHAN GYIS, , BUM PA LA SOGS 'JIM PA YI, , RNAM 'GYUR 'GA' ZHIG BYED PA'I PHYIR, , GROG MKHAR YANG DES BYAS GRUB 'GYUR, , ZHES TSIG BZHI, RNAM 'GYUR 'GA' ZHIG 'DRA BA TZAM GYIS RDZA BUM DANG MTSUNGS NA, GROG MKHAR YANG RDZA MKHAN GYIS BYAS PAR GRUB PAR 'GYUR RO, , 'BU GROG MA'I TSANG YANG 'JIM PA LAS GRUB PAS RDZA BUM DANG DE GNYIS DBYIBS 'GA' 'DRA BA TZAM GYIS, RDZA MKHAN GYIS BYAS PAR GRUB NA HA CANG THAL ZHES PA'O, , GSUM PA 'BRAS MTSUNGS KYI LTAG CHOD DU THAL BA SPANG BA NI, RTZA BAR, BSGRUB BYA'I RJES 'GRO PHYIR 'BRAS BU, , SPYIS KYANG SGRUB PAR BYAS PA LA, , 'BREL BA CAN NYID THA DAD PHYIR, , THA DAD SKYON BRJOD 'BRAS MTSUNGS 'DOD, , CES TSIG BZHI, KHA CIG GIS, RTAGS SU BKOD PA'I SPYI DANG KHYAD PAR LA BRTAGS NAS SKYON BRJOD PA 'BRAS MTSUNGS KYI LTAG CHOD YIN ZHE NA, RANG LUGS KYIS; BSGRUB BYA SGRUB NUS KYI SPYI RTAGS SU BKOD PA LA, KHYAD PAR LA BRTAGS NAS SUN 'BYIN NA, SUN 'BYIN BRJOD PA PO RANG GIS SGRUB BYED GANG BKOD PA LA YANG NYES PA DE 'JUG PAS 'BRAS MTSUNGS KYI LTAG CHOD YIN GYI, SGRUB BYED LTAR SNANG BKOD PA LA SUN 'BYIN BRJOD PA LTAG CHOD DU 'GYUR BA MA YIN NO, ,DUNG SGRA 'BRAS BUR BSGRUB PA LA, RTZOL BYUNG RTAGS SU BKOD PA'I TSE, RTZOL BA LAS SNGAR YOD GSAL BA RTAGS SU 'GOD NA MA NGES, SNGAR MED GSAR BYUNG 'GOD NA @27 MA GRUB CES PA'I RTZOD PA DE, 'BRAS MTSUNGS KYI LTAG CHOD DU 'DOD RIGS TE, RTZOL BYUNG GI SPYIS KYANG DUNG SGRA 'BRAS BUR SGRUB PAR BYED NUS PA LA 'BREL BA CAN NYID THA DAD LA BRTAGS NAS THA DAD PA'I SKYON BRJOD PA'I LAN LOG YIN PA'I PHYIR, GONG GI DBANG PHYUG SGRUB BYED KYI RTAGS GSUM BKOD PA LA, DBYIBS KYI KHYAD PAR DANG LDAN PA'I PHYIR ZHES PA'I RTAGS DE LA, RDZA BUM GYI DBYIBS DANG 'DRA BA'I DBYIBS SHIG RTAGS SU 'GOD NA, 'JIG RTEN GYI GNAS LUS LONGS SPYOD MTHA' DAG DE LTA BU'I DBYIBS DANG MI LDAN PAS PHYOGS CHOS MA GRUB, SPYIR DBYIBS TZAM GYI RTAGS SU 'GOD NA, SKYES BUS BYAS PA'I DBYIBS DANG LDAN PAR BSGRUB NA MA NGES ZHES PA'I SKYON BYUNG BA LA, GZHAN SDES, DBYIBS DANG LDAN PA RTAGS SU BKOD PA LA, DBYIBS TZAM DANG, DBYIBS KYI KHYAD PAR DANG LDAN PA GNYIS SU PHYES NAS, MA GRUB PA DANG, MA NGES PA'I RTAGS SU THAL BA'I SKYON BRJOD PA DE, 'BRAS MTSUNGS KYI LTAG CHOD YIN ZER BA LA, RANG LUGS KYIS, BSGRUB BYA SGRUB NUS KYI SPYI TZAM RTAGS SU BKOD PA LA KHYAD PAR LA BRTAGS NAS SKYON BRJOD NA 'BRAS MTSUNGS KYI LTAG CHOD ZER BA YIN LA, DE GNYIS MI MTSUNGS ZHES PA'O, ,RTAGS DE LA DPYAD GZHI YOD DE, BSGRUB BYA'I CHOS LA'ANG BRTAG PA BYAS PA DANG, RTAGS LA'ANG BRTAG PA BYAS NAS, BYED PA PO GZHAN ZHIG SNGON DU SONG BAR BSGRUB NA, RANG RGYU SEMS DPA'I LAS LAS SKYE BA SANGS RGYAS PAS GRUB ZIN PAR GSUNGS LA, DE LTAR NA, DBYIBS KYI KHYAD PAR DANG LDAN NA, RANG RGYU BYED PA PO SNGON DU SONG BAS KHYAB PAR THAL, 'DOD NA, 'JIG RTEN GYI GNAS LUS LONGS SPYOD RNAMS CHOS CAN, RANG RGYU BYED PA PO SNGON DU SONG STE, SDOD CING LAS LA 'JUG PA'I PHYIR ZHES PA'I RTAGS DANG, DUNG SGRA CHOS CAN, 'BRAS BU YIN TE, RTZOL BYUNG YIN PA'I PHYIR ZHES PA'I RTAGS GNYIS LA KHYAD PAR MED PAR THAL, RTAGS DANG BSGRUB @28 BYA'I CHOS LA BRTAG PA MA BYED NA GNYIS KAR TSUL GSUM GRUB CING, BRTAGS PA NA GNYIS KAR TSUL GSUM MA GRUB PA'I PHYIR, GZHAN YANG BYED PA PO GZHAN SNGON DU SONG PAR BSGRUB NA DBANG PHYUG NYID KYI MA NGES GSUNGS PAS, LHA DBANG PHYUG CHOS CAN, BYED PA PO GZHAN SNGON DU MA SONG BAR THAL, 'DOD PA'I PHYIR, 'DOD MI NUS TE, RANG RGYU SEMS DPA'I LAS LAS BYUNG BA'I PHYIR, DER THAL, 'DUS BYAS YIN PA'I PHYIR, DER THAL, GANG ZAG YIN PA'I PHYIR, DER THAL, SDOD CING SDOD CING LAS LA 'JUG PA'I PHYIR, MA GRUB NA, DBANG PHYUG NYID KYIS MA NGES NAS ZHES GSUNGS PA DANG 'GAL LO, ,GNYIS PA DBYIBS KYI SGRA 'JUG PA RTAGS SU MI RUNG BA LA, DBYIBS KYI SGRA MTHONG BA TZAM RTAGS SU MI RUNG BA'I DPE DANG, HA CANG THAL BA'O, ,DANG PO NI, RTZA BAR, RIGS KYI KHYAD PAR LA GRUB PA, , SGRA YI SPYI NI MTHONG BA LAS, , SGRUB BYED MI RIGS NGAG LA SOGS, , GO NYID PHYIR NA RVA CAN BZHIN, , ZHES TSIG BZHI, DBYIBS DANG LDAN PA'I RIGS KYI KHYAD PAR BUM PA SOGS LA DBYIBS LDAN GYI SGRA 'JUG PAR GRUB PA DANG MTSUNGS PAR DBYIBS KYI SGRA'I SPYI SBYOR BAR MTHONG BA LAS GNAS LUS SOGS SKYES BUS BYAS PAR BSGRUB PAR MI RIGS TE; DPER NA, GO'U ZHES PA'I SGRA MTHONG BA NYID KYI PHYIR NA, RVA CAN DU SGRUB MI RIGS PA BZHIN NO, ,GNYIS PA HA CANG THAL BA NI, RTZA BAR, RJOD PAR 'DOD PA'I GZHAN DBANG PHYIR, , SGRA RNAMS GANG LA'ANG MED MA YIN, , DE YOD PAS NI DON GRUB NA, , @29 THAMS CAD KYI NI THAMS CAD GRUB, , CES TSIG BZHI, RJOD BYED KYI SGRA RNAMS RJOD 'DOD KYI GZHAN DBANG YIN PA'I PHYIR NA, SGRA RNAM SA PHYOGS GANG NA'ANG MED PA MA YIN NO, , SGRA DE YOD PA TZAM GYIS DON GRUB NA, SKYE BU THAMS CAD KYI 'DOD DON THAMS CAD 'GRUB PAR 'GYUR RO ZHES PA'O, ,GNYIS PA DES RIGS CAN GZHAN YANG KHEGS PA NI, RTZA BAR, 'DI NI SER SKYA LA SOGS KYI, , MI RTAG SOGS PHYIR YANG SEMS MED, , SOGS DANG SHUN PA BSHUS NA NI, , 'CHI PHYIR SEMS LDAN DPYAD PA YIN, , ZHES TSIG BZHI, DBANG PHYUG SGRUB PA'I RTAGS SUN 'BYIN PA'I RIGS PA 'DI NI, SER SKYA BA DANG GCER BU BA LA SOGS PA'I SGRUB BYED LTAR SNANG GZHAN YANG DPYAD NAS 'GOG NUS PA YIN TE, SER SKYA BAS BLO BDE CHOS CAN, SEMS MED BEM PO YIN TE, MI RTAG PA DANG SKYE BA CAN YIN PA'I PHYIR ZHES PA DANG, GCER BU BAS, LJON SHING CHOS CAN, SEMS LDAN YIN TE, SHUN PA BSHUS NA 'CHI BA'I PHYIR ZHES SOGS KYI RTAGS RNAMS 'GOG NUS PA'I PHYIR, 'DIR SER SKYA BA DE GRANGS CAN PA LA ZER, GRANGS CAN PA SHES BYA NYER LNGA'I NANG NAS, BLO DANG BDE BA RNAMS BEM POR 'DOD, SEMS DANG BDAG DANG SHES PA RNAMS RTAG PAR 'DOD PA'O, ,GCER BU BAS, LJON SHING LA SKYE BA DANG 'CHI BA YOD PAS SEMS LDAN DANG, GZHON NU MA'I RKANG PAS REG NA KHA PHYE BA'I ME TOG SOGS SEMS LDAN DU 'DOD DO, ,GSUM PA DE GRUB PA'I DON LA, NGO BO DANG, KHYAD PAR GNYIS LAS, NGO BO GTZO BO'I DPE NI, RTZA BAR, @30 DNGOS PO'I NGO BO MA GRUB NA, , TSUL 'DI GRUB NA MA GRUB KYANG, , KHYAD PAR GNOD BYED MA YIN TE, , SGRA YI NAM MKHA' LA BRTEN BZHIN, , ZHES TSIG BZHI, GTAN TSIGS LA, NGO BO DANG KHYAD PAR GNYIS LAS, NGO BO GTZO STE, RTAGS KYI NGO BO SHES 'DOD CHOS CAN GYI STENG DU MA GRUB NA, MA GRUB PA'I GTAN TSIG SU 'THAD PA YIN GYI, KHYAD PAR GYI CHOS CAN LA MA GRUB KYANG; MA GRUB PA'I SKYON MA YIN TE, DPER NA, BYAS PA'I NGO BO SGRA'I STENG DU 'GOD TSUL DANG THUN PAR GRUB PA NA, KHYAD PAR NAM MKHA'I YON TAN LA MA GRUB KYANG GNOD BYED DU MI 'GYUR BA BZHIN NO, ,BYAS PA SPYI TZAM PA DE, SGRA SPYI TZAM PA'I STENG DU GRUB PA DE PHYOGS CHOS GRUB CING, SGRA'I KHYAD PAR RE RE'I STENG DU MA GRUB KYANG, PHYOGS CHOS MA GRUB PA'I SKYON MED DO, ,MING DON GNYIS KYI NANG NAS DON GTZO STE, BYAS PA CHOS CAN, SGRA DE KHYOD BRJOD PA'I SGRA'I BRJOD BYAR MA GRUB KYANG, KHYOD KYIS SGRA MI RTAG PAR SGRUB PA'I PHYOGS CHOS GRUB STE, DNGOS PO KHYOD SHES 'DOD CHOS CAN SGRA LA 'GOD TSUL DANG MTHUN PAR YOD PA NYID DU GRUB PA'I PHYIR, DPER NA, 'UG PA PA LA SANGS RGYAS PAS 'BYUNG BZHI'I RDUL PHRAN CHOS CAN, MI RTAG STE, LUS CAN YIN PA'I PHYIR ZHES SGRUB BYED DU BSHAD PA BZHIN NO, ,BYE BRAG PA DANG, SANGS RGYAS PA GNYIS LUS CAN ZHES PA'I SGRA SBYOR SA MTHUN SNANG DU MA GRUB STE, BYE BRAG PA NI, BDAG DANG DUS PHYOGS NAM MKHA' BZHI LA BRTEN PA'I YON TAN LA RTAG PA CHEN PO ZER, DE MA GTOGS PA'I RDZAS KYI YON TAN TSAD THAMS CAD LA LUS CAN GYI SGRA 'JUG PAR 'DOD LA, 'BYUNG BZHI'I RDUL PHRAN, LUS CAN DU MI 'DOD KYANG, LUS CAN GYI DON REG BYA @31 CAN NI, 'BYUNG BZHI'I RDUL PHRAN STENG DU 'GOD TSUL DANG MTHUN PAR GRUB PAS DE GNYIS LA MTHUN SNANG DU GRUB CES PA'O, ,DE BZHIN DU BYE BRAG PA RDUL PHRAN THOGS MED DU 'DOD KYANG THOGS BCAS KYI DON GZUGS CAN GZHAN GYI GO SA 'GOGS PA SANGS RGYAS PA DANG 'DRA, DES NA REG BYA CAN CHOS CAN, KHYOD KYI MING LUS CAN ZHES PA DE, BYE BRAG PA'I NGOR 'BYUNG BZHI'I RDUL PHRAN LA MA GRUB KYANG, DE'I NGOR PHYOGS CHOS GRUB STE, MING DE'I NGOR MA GRUB KYANG, DON GRUB PA'I PHYIR, MING DON GNYIS KYI NANG NAS MING MA 'KHRUL KYANG, DON 'KHRUL NA, SGRUB BYED GANG BKOD KYANG LTAR SNANG GSUM PO GANG RUNG LAS MA 'DAS PA'I PHYIR TE, 'BRAS BU DANG KHYAB BYA'I DNGOS PO LAS RGYU DANG KHYAB BYED KYI DNGOS PO GRUB KYI, SGRA TZAM LAS DON MI 'GRUB PA'I PHYIR, DPER NA, BA GLANG KHRA BO CHOS CAN, RVA CAN YIN TE, 'GRO BA'I PHYIR, GLANG PO CHE'I PHRUG GU CHOS CAN, GLANG PO CHE YIN TE; LAG LDAN YIN PA'I PHYIR ZHES PA DE MING MA 'KHRUL YANG DON 'KHRUL BAS PHYOGS CHOS MA GRUB CES PA'O, DE DAG GI RTZA BA NI, SGRA MA GRUB KYANG DNGOS PO NI, , GRUB NA GRUB PAR 'GYUR TE DPER, , 'UG PA PA LA SANGS RGYAS PAS, , LUS SOGS SGRUB BYED BSHAD PA BZHIN, , DE NYID 'KHRUL LA SOGS YIN NA, , SGRA NI 'KHRUL PA MED NA YANG, , SGRUB BYED SKYON LDAN SHES BYA STE, , DNGOS LAS DNGOS PO GRUB PHYIR RO, , 'GRO BA'I PHYIR DANG LAG LDAN PHYIR, , @32 RVA CAN GLANG PO ZHES SGRUB BYED, , 'DI YI SGRA YI BRJOD BYA NI, , GRAGS PA YIN GYIS BRJOD 'DOD MIN, , ZHES PA'I BAR TSIG BCU GNYIS BYUNG, DE YANG, 'BYUNG BZHI'I RDUL PHRAN CHOS CAN, MI RTAG STE, LUS CAN YIN PA'I PHYIR ZHES BKOD NA, MI RIGS TE, BYE BRAG PA'I NGOR RTAGS MA GRUB PA'I PHYIR, MA GRUB NA, SGRA SKAD CIG MAR GRUB CING MI RTAG PAR MA GRUB PA'I GANG ZAG GI NGOR, SGRA CHOS CAN; BYAS PA YIN TE, MI RTAG PA YIN PA'I PHYIR ZHES PA'I RTAGS GRUB PAR THAL LO, DES NA 'BYUNG BZHI'I RDUL PHRAN CHOS CAN, MI RTAG STE, REG BYA CAN YIN PA'I PHYIR ZHES BKOD NAS MING DON GNYIS KYI NANG NAS DON GTZO STE; MING LUS CAN ZHES PA DE 'BYUNG BZHI'I RDUL PHRAN GYI STENG DU MA GRUB KYANG, DE'I DON REG BYA CAN, 'BYUNG BZHI'I RDUL PHRAN GYI STENG DU GNYIS KAS MTHUN SNANG DU GRUB PA'I PHYIR, DE BZHIN DU, BYE BRAG PAS, 'BYUNG BZHI RDUL PHRAN THOGS MED DU KHAS LEN YANG, THOGS BCAS GYI DON, GZUGS CAN GZHAN GYI GO 'GEGS PA; 'BYUNG BZHI'I RDUL PHRAN GYI STENG DU KHAS LEN PAS, 'BYUNG BZHI'I RDUL PHRAN CHOS CAN, MI RTAG STE, GZUGS CAN GZHAN GYI GO 'GEG PA'I PHYIR ZHES PA'ANG 'DRA'O, ,'GRO BA DANG, LAG LDAN ZHES PA RVA CAN DANG GLANG PO CHE'I DNGOS MING YIN PAS MING MA 'KHRUL YANG DON 'KHRUL BAS MA NGES PA'I GTAN TSIGS YIN TE, RA CAN DANG GLANG PO CHE MA YIN PA'I SROG CHAGS GZHAN LA YANG 'GRO BA DANG LAG LDAN YOD PA'I PHYIR ZHES PA DE LA, LAG PA LDAN TSAD LAG LDAN YIN NA, LAG LDAN ZHES PA'I SGRA DE GLANG PO CHE'I DNGOS MING JI LTAR YIN, 'OD DKAR PO YOD TSAD LA 'OD DKAR CAN ZHES PA'I MING 'JUG PAR THAL, LAG PA LDAN TSAD LA LAG LDAN @33 ZHES PA'I MING 'JUG PA'I PHYIR, 'DOD NA, NYI MA YANG 'OD DKAR CAN YIN PAR THAL, BA GLANG YANG LAG LDAN YIN PA'I PHYIR, MA GRUB NA, LAG LDAN YIN NA, GLANG PO CHE YIN PAS KHYAB PAR THAL, 'DOD NA, RTAGS DE'I KHYAB PA NGES PAR THAL LO, ,GZHAN YANG, SMRA SHES DON GO BA YIN NA, MI YIN PAS MA KHYAB PAR THAL BA DANG, GLEN ZHING LKUG PA YIN NA, DUD 'GRO YIN PAS MA KHYAB PAR THAL BA DANG, TSA ZHING SREG PA YIN NA, ME YIN PAS MA KHYAB PAR THAL BA, BRLAN ZHING GSHER BA YIN NA, CHU YIN PAS MA KHYAB PAR THAL BA, SRA ZHING 'THAS PA YIN NA, SA YIN PAS MA KHYAB PAR THAL BA SOGS KYI SKYON YANG 'BYUNG BA'I PHYIR, tIK CHEN RIGS PA'I RGYA MTSO LAS GSUNGS PA LTAR NA LAG PA LDAN PA DE SGRA DE'I BRJOD BYAR BZHAG NAS, DE SROG CHAGS GZHAN LA'ANG YOD PAR MTHONG BA'I PHYIR ZHES 'GREL LO, ,GNYIS PA KUN GYI BYED PA PO YIN PA LA TSAD MAS BSAL BA BSTAN PA LA RTAG PA RGYUR MI RUNG BA, RANG LA MTSUNGS PA SPANG PA'O, , DANG POR THAL BA DGOD PA NI, RTZA BAR, JI LTAR DNGOS DE RGYU YIN PA, , DE LTAR DE NYID GANG GI TSE, , RGYU MIN GANG GIS DE NI RGYUR, , 'DOD LA RGYU MA YIN MI 'DOD, , MTSON DANG SMAN SOGS 'BREL BA LAS, , NAG PA'I RMA DANG 'DRUBS YIN NA, , 'BREL MED SDONG DUM CI YI PHYIR, , RGYU NYID DU NI RTOG MI BYED, , RANG BZHIN KHYAD PAR MED PA NI, , @34 BYED PA YANG NI MI RUNG NGO, , RTAG LA LDOG PA MED PA'I PHYIR, , NUS PA NYID KYANG RTOGS PAR DKA', , GANG DAG YOD NA GANG 'GYUR NYID, , DE DAG LAS GZHAN DE YI RGYU, , RTOG PA YIN NA THAMS CAD LA, , RGYU RNAMS THUG PA MED PAR 'GYUR, , ZHES TSIG BCU DRUG ,GZHAN SDES, DBANG PHYUG YON TAN BRGYAD LDAN PA, DE NI RTAG PA GCIG BU YIS, SNA TSOGS 'DI DAG 'BYIN PAR BYED, CES SMRA BA LA, RANG LUGS KYIS, DBANG PHYUG GI DNGOS PO DE CHOS CAN, RGYU MTSAN GANG GIS RGYUR 'DOD PA'I DUS DE NYID LA RGYU MA YIN DU'ANG 'DOD RIGS TE, JI LTAR NA RGYU YIN PA'I RANG BZHIN DE LTA BU MA 'PHOS BZHIN DU, DUS DE NYID LA RGYU MA YIN PA'I RANG BZHIN DU 'DOD PA'I PHYIR, 'DI NI, DBANG PHYUG RTAG DNGOS SU 'DOD PA'I RKYEN GYIS YIN NO, ,GONG GI KHYAB PA MED NA 'BREL MED KYI SDONG DUM YANG CI'I PHYIR RMA GSOS PA DANG RMA BSKYED PA'I RGYUR 'DOD RIGS PAR THAL LO, , 'DOD MI RIGS TE, MTSON DANG SMAN SOGS KYIS, NAG PA'I LUS LA RMA BSKYED PA DANG, 'DRUBS SHING SOS PA 'THAD KYI, GZHAN MI 'THAD PA'I PHYIR, DBANG PHYUG CHOS CAN, 'BRAS BU KUN GYI BYED PA POR YANG MI RUNG STE, 'BRAS BU MI SKYED PA DANG RANG BZHIN KHYAD PAR MED PA'I PHYIR, DBANG PHYUG GI DNGOS PO DE NI 'BRAS BU LA PHAN 'DOGS PA'I RGYU 'BRAS KYI NUS PA YANG MED DE, RTAG DNGOS YIN PA'I PHYIR, 'BRAS BU LA PHAN 'DOGS PA MED NA YANG, 'BRAS BU DE'I RGYUR 'DOD NA, 'BRAS BU THAMS CAD LA RGYU RNAMS THUG MED DU 'GYUR BAR THAL, @35 RGYU GANG DAG PHAN BYED DU YOD NA 'BRAS BU GANG SKYE BAR 'GYUR BA NYID KYI NUS PA MA MTHONG BA'I DE DAG LAS KYANG 'BRAS BU DE'I RGYUR 'DOD RIGS PA'I PHYIR, DBANG PHYUG RTAG PA YIN NA, 'BRAS BU LA PHAN 'DOGS PA'I NUS PA MED LA, DE LTA NA'ANG 'BRAS BU'I RGYUR 'DOD NA, RGYU 'BRAS THUG MED DU 'GYUR DGOS SO, , DBANG PHYUG GI YON TAN BRGYAD NI, GZUGS PHRA BA'I YON TAN, RAGS PA'I YON TAN, YANG BA'I YON TAN, KHYAB PA'I YON TAN, YANG DAG THOB PA'I YON TAN, RAB TU GSAL BA'I YON TAN, BRTAN PA'I YON TAN, 'DOD DGU 'BYUNG BA'I YON TAN DANG BRGYAD DO, ,GNYIS PA RANG LA MTSUNGS PA SPANG BA NI, RTZA BAR, MYU GU SKYED LA SA LA SOGS, , RANG BZHIN YONGS SU GYUR NAS NI, , RGYU YIN DE LEGS BYAS PA NA, , DE YI KHYAD PAR MTHONG PHYIR RO, , GAL TE JI LTAR YUL DBANG PO, , TSOGS PA KHYAD MED BLO RGYU YIN, , DE LTAR 'DI YIN ZHE NA MIN, , DE LA'ANG KHYAD PAR YOD PHYIR RO, , SO SO SO SOR NUS MED RNAMS, , RANG BZHIN KHYAD PAR MED PAS NA, , TSOGS KYANG NUS PA MED 'GYUR BAS, , DE PHYIR KHYAD PAR GRUB PA YIN, , DE PHYIR SO SOR GANG NUS MED, , TSOGS NA YON TAN SRID 'GYUR BA, , @36 DE DAG RGYU YIN DBANG PHYUG SOGS, , MA YIN KHYAD PAR MED PHYIR RO, , ZHES TSIG BCU DRUG , GZHAN SDE DE DAG GIS, SANGS RGYAS PA LA KHYOD LA'ANG MTSUS PAR 'GYUR TE, SA SOGS MYU GU MI SKYED PA'I SKABS DANG KHYAD MED PAS MYU GU MI SKYED PAR 'GYUR RO ZHE NA, RANG LUGS KYIS, SA DANG CHU SOGS 'GYUR BA MED BZHIN DU MYU GU'I RGYUR MI 'DOD DE, MYU GU MI SKYED PA'I SKABS LAS RANG BZHIN YONGS SU 'GYUR NA, DE'I TSE MYU GU BSKYED PA LA RGYUR 'DOD PA'I PHYIR, 'DI NI SA SOGS RANG NYID GRUB TZAM NAS MYU GU'I RGYUR MI 'DOD PA YIN PAS, DE LTAR NA, TSES GCIG GRUB TZAM NAS TSES GSUM BSKYED PA'I RGYU MA YIN PAR THAL; TSES GSUM SKYED PA LA TSES GCIG TSES GNYIS SU 'GYUR NAS BSKYED DGOS PA'I PHYIR, RTAGS DANG KHYAB PA RNAMS LE'U DANG PO'I SKABS LA SONG, ZHING RMO BA SOGS SO NAM LEGS PAR BYAS NA, STON THOG DE YI KHYAD PAR PHUL DU BYUNG BA MTHONG BA'I PHYIR, GAL TE JI LTAR YUL DANG DBANG PO RNAMS TSOGS PA DANG MA TSOGS PA LA RNAM PA KHYAD PAR MED KYANG, DBANG BLO'I RGYU YIN PA DE LTAR DBANG PHYUG 'DI YANG YIN NO ZHE NA, DBANG PO SOGS LA TSOGS MA TSOGS RNAMS KHYAD PAR MED PA MA YIN PAR THAL, DBANG PO'I RKYEN GYIS DBANG SHES DE LA'ANG GSAL MI GSAL LA SOGS PA'I KHYAD PAR YOD PA'I PHYIR, DE LTA MA YIN NA, RKYEN GSUM TSOGS KYANG DBANG SHES BSKYED PA'I NUS PA MED PAR THAL, MA TSOGS PA'I SO SO SO SOR NUS PA MED PA GANG ZHIG ,TSOGS PA DANG MA TSOGS PA LA RANG BZHIN KHYAD PAR MED PA'I PHYIR, DES NA, RKYEN GSUM TSOGS PA DANG MA TSOGS PA LA KHYAD PAR GRUB STE, DBANG SHES SKYE MI SKYE'I KHYAD PAR MTHONG BA'I PHYIR, DBANG PHYUG SOGS NI, 'BRAS BU KUN GYI RGYU MA YIN TE, 'BRAS BU MI SKYED PA @37 DANG RANG BZHIN KHYAD PAR MED PA'I PHYIR, RGYU SO SO BA RNAMS THUN MONG GI 'BRAS BU BSKYED PA'I NUS PA MED, RGYU TSOGS NA 'BRAS BU'I YON TAN SRID PAR 'GYUR BA DE DANG THUN MONG GI 'BRAS BU'I RGYU YIN PA'I PHYIR, GNYIS PA THAMS CAD KYI GNAS LUGS JI LTAR GNAS PA MNGON SUM DU SHES PA KUN MKHYEN DU BSGRUB PA LA, RTZOD PA DANG, DE DGAG PA'O, ,DANG PO NI, RTZA BAR, TSAD MA LKOG GYUR DON SHES YIN, , DE SGRUB BYED KYANG MED PA'I PHYIR, , NAN TAN BYED PA YOD MA YIN, , ZHES NI KHA CIG RAB TU BRJOD, , CES TSIG BZHI, TSU ROL MDZES PA BA DANG, SPYOD PA BA SOGS KYIS SANGS RGYAS PA LA KHYOD KYIS DBANG PHYUG BKAG PA'I SGRUB BYED RNAMS KHYOD RANG LA'ANG MTSUNGS TE, TSAD MA'I SKYES BU YIN NA, LKOG GYUR GYI DON MA LUS PA SHES DGOS LA DE LTAR KUN MKHYEN DU 'GYUR BA'I SGRUB BYED KYI THABS CUNG ZAD KYANG MED LA, THABS DE YOD KYANG DE LA NAN TAN BYED PA YOD PA MA YIN ZHING, SKYED BYED KYIS RGYU DANG SHES BYED KYI RGYU GNYIS KA MED DO, ,'DI LTAR, MTHU BSAM GYIS MI KHYAB PA DANG SNGAGS DANG SMAN LA SOGS PA SHES PA TZAM GYIS KUN MKHYEN DU MI 'GYUR BAR THAL, DE 'DRA PHYI NANG KUN LA YOD PAS THAMS CAD LA KUN MKHYEN YOD PAR THAL BA'I PHYIR, DBANG SHES KYIS LKOG GYUR GYI DON THAMS CAD MI SHES PAR THAL, BAR DU CHOD PA'I ? YUL LA 'JUG PA'I MTHU MED PA'I PHYIR, YID SHES KYANG DBANG SHES KYI RJES SU 'BRANG BAS MI SHES PA'I PHYIR, LUNG LA BRTEN PA'I RJES DPAG KHAS LEN KYANG, DE SHES PA'I NUS PA MED DE, LUNG DANG BRJOD BYA 'BREL BA MED LA, YOD KYANG MNGON SUM GYIS MI SHES PA'I PHYIR, GZHAN YANG, KUN MKHYEN YOD NA, @38 DES SHES BYA THAMS CAD RIM GYIS SHES SAM CIG CAR DU SHES, DANG PO LTAR NA, SHES BYA LA ZAD MTHA' YOD PAR 'GYUR RO, ,GNYIS PA LTAR NA, 'KHOR BA LA THOG MA YOD PAR THAL, SHES PA GANG DU RDZOGS PA DE THOG MA YIN PA'I PHYIR, DES NA KUN MKHYEN YOD PAR SGRUB PA'I RTAGS MED DE, TSIG LAS GZHAN PA NI MED LA, TSIG PHYOGS GCIG LA MI BSLU BA DE KUN LA YOD PAS DE TZAM GYIS KUN MKHYEN DU MI RUNG KUN LA MI BSLU BA BSGRUB DGOS NA PHYIR RGOL DE NYID KUN MKHYEN DU 'GYUR BAS, DGOS PA MED DO, ,GZHAN SDE DE DAG GI RTZOD PA DE YANG BSAM DGOS PA ZHIG SNANG STE, BDAG CAG GIS RNAM MKHYEN CHOS THAMS CAD CIG CAR DU GZIGS ZHES PA DE, KHA BRGYUD LA SONG BA TZAM LAS, ZHIB TU DPYAD MI 'DUG ,RNAM MKHYEN GYIS SHES BYA THAMS CAD CIG CAR DU GZIGS NA, RNAM MKHYEN GYI SHES BYA GZIGS PA GANG NAS YIN PA DER SHES BYA'I THOG MAR YIN DGOS PAR SNANG BAS 'KHOR BA LA THOG MA YOD PAR THAL, SHES BYA LA THOG MA YOD PA'I PHYIR, DER THAL, KUN MKHYEN YE SHES KYI GZIGS PA GANG NAS YIN PA DE'I GONG DU SHES BYA MED PA'I PHYIR TE, SHES PA MED PA'I PHYIR, RIM GYIS SHES NA, SHES BYA LA ZAD MTHA' YOD DGOS PA'I PHYIR ZHES RTZOD, DE TZAM MA ZAD; SANGS RGYAS PAS SNGAR KUN MKHYEN MA YIN PA ZHIG KUN MKHYEN DU GYUR PA KHAS LEN PAS, KUN MKHYEN THOG MAR GRUB PA KHAS BLANG DGOS, DE LTAR NA, SHES PA THOG MA YOD PAS SHES BYA THOG MAR YOD PAR 'GYUR RO SNYAM DU BSAM MO, , RIGS PA DE LA JI TZAM BSAM KYANG BDAG GI BLO LA BSAM GYIS MI KHYAB PA LAS MA 'DAS TE, 'KHOR BA LA THOG MA'I MTHA' MED PAS SEMS CAN LA'ANG THOG MA'I MTHA' MED, DE MED PAS, SANGS RGYAS LA'ANG THOG MA'I MTHA' MED, DE LTAR, SANGS RGYAS SEMS CAN GNYIS GRUB DUS MNYAM PAS, SANGS RGYAS THAMS CAD @39 SGRIB GNYIS SBYANG TSOGS GNYIS RDZOGS NAS SANGS RGYAS SU GYUR PA JI LTAR YIN, DANG PO'I SANGS RGYAS SHIG KHAS MI LEN NA, SEMS CAN NAS SANGS RGYAS SU GYUR TSUL GANG YIN, DANG PO'I SANGS RGYAS SHIG KHAS LEN NA, DE NYID SEMS CAN GYI GNAS SKABS MED PAR 'GYUR, PHAR PHYIN SKABS GNYIS PA'I SKABS SU'ANG 'DRA STE, SEMS CAN THAMS CAD SANGS RGYAS NGES YIN DANG MIN, YIN NA, SANGS RGYAS PHYI MA RNAMS SEMS CAN NYUNG SHAS KYI DON BYED DGOS PA DANG, SANGS RGYAS 'GA' ZHIG SEMS CAN GYI DON MED PAR 'GYUR, SEMS CAN THAMS CAD SANGS RGYAS NGES MA YIN NA, RIGS CHAD KYI SEMS CAN YOD PAR THAL BA DANG, SANGS RGYAS RNAMS KYI THOG MA'I DAM BCA'I BZHED DON MED PAR 'GYUR RO ZHES PA'O, , DA NI DKYUS LA 'JUG PAR BYA'O, ,GNYIS PA DE DGAG PA LA, KUN MKHYEN 'TSOL BA'I RGYU MTSAN, KUN MKHYEN 'TSOL BA'I TSUL, KUN MKHYEN NGOS GZUNG BA'O, , DANG PO NI, RTZA BAR, MI SHES STON PAR BYED PA LA, , 'KHRUL PAR DVOGS PA CAN RNAMS KYIS, , DE BSHAD NAN TAN BYA BA'I PHYIR, , SHES LDAN 'GA' ZHIG 'TSOL BAR BYED, , CES TSIG BZHI, SDUG BSNGAL ZHI BA'I THABS MI SHES BZHIN DU STON PAR BYED PA'I GANG ZAG 'GA' ZHIG LA STON PAR GZUNG NAS, 'KHRUL LO SNYAM DU DOGS PA CAN RNAMS KYIS, THAR PA'I THABS LEGS PAR SHES PA'I SHES LDAN 'GA' ZHIG TSOL BAR BYED PA'I RGYU MTSAN NI, STON PA DE YIS BSHAD PA'I DON LA NAN TAN BYA BA'I PHYIR YIN NO, ,STON PA YANG DAG DANG YANG DAG MA YIN PA GNYIS SO SOR 'BYED MI NUS NA, 'KHRUL PA DE BZLOG MI NUS LA, 'BYED NUS PA LA SDUG @40 BSNGAL ZHI BA'I THABS RANG GIS SHES PAS 'TSOL MI DGOS SO SNYAM DU DOGS SO, , GNYIS PA KUN MKHYEN TSOL BA'I TSUL NI, RTZA BAR, DE PHYIR DE YI BSGRUB BYA RU, , GYUR PA'I YE SHES RNAM DPYAD BYA'I, , 'DI YIS SRIN BU'I GRANGS MKHYEN PA, , NGED LA 'GAR YANG NYER MKHO MED, , CES STON PA 'DI YIS GROL BA DON GNYER DE'I 'DOD PA'I DON BSGRUB BYA RU GYUR PA'I 'KHOR BA'I 'JUG LDOG GI RIM PA RNAMS MKHYEN NAM MI MKHYEN SNYAM DU, BLANG DOR GYI GNAS MKHYEN PA'I YE SHES YOD MED RNAM PAR DPYAD PAR BYA'I, SRIN BU'I GRANGS MKHYEN PA SOGS YIN MIN THOG MAR DPYAD PAR MI BYA STE, GROL BA DON GNYER NGED LA SRIN BU'I GRANGS MKHYEN PA SOGS NYER MKHO 'GAR YANG MED PA'I PHYIR TE, NGED GROL BA DON GNYER YIN PA'I PHYIR RO, ,BSHES GNYEN TSOL TSUL NI, DE'I YON TAN LA BRTAG PA BYED DGOS SHING, DE YANG BLANG DOR GYI GNAS STON NUS MI NUS BRTAG DGOS, GSUM PA KUN MKHYEN NGOS GZUNG BA NI, RTZA BAR, BLANG DANG DOR BYA'I DE NYID NI, , THABS DANG BCAS PA RIG MDZAD PA, , GANG DE TSAD MA NYID 'DOD KYI, , THAMS CAD RIG MDZAD MA YIN NO, , RING PO MTHONG BA'AM MIN YANG RUNG, , 'DOD PA'I DE NYID MTHONG BA YIN, , GAL TE RING MTHONG TSAD YIN NA, , @41 TSUR SHOG BYA RGOD BSTEN PAR GYIS ZHES, THUB PA BCOM LDAN 'DAS CHOS CAN, GROL BA DON GNYER MTHA' DAG GI TSAD MA NYID DU 'DOD RIGS TE, BLANG BYA 'GOG LAM GNYIS DANG DOR BYA SDUG KUN GNYIS GYIS BSDUS PA RNAMS KYI 'JUG LDOG THABS DANG BCAS PA MNGON SUM DU RIG PA MTHAR PHYIN PA MDZAD PA'I PHYIR, RGYA MTSO'I NANG DU RDO DANG SRIN BU'I GRANGS THAMS CAD RIG PA MDZAD PA TZAM GYIS GROL BA DON GNYER GYI 'DOD PA RDZOGS PA MA YIN NO, ,THAG RING PO MTHONG NGAM MA MTHONG YANG RUNG, STON PA BCOM LDAN 'DAS NI GROL BA DON GNYER LA STON PA RIGS TE, GROL BA DON GNYER GYI 'DOD PA'I DON NYID MTHONG BA YIN PAS SO,, THAG RING PO MTHONG BA TZAM GYIS TSAD MA'I SKYES BUR RIGS NA, BYA RGOD YIN KYANG THAG RING PO MTHONG BAS, GROL BA DON GNYER GYI GANG ZAG LA TSUR SHOG , BYA RGOD SOGS KHYOD KYI STON PAR BSTEN PAR GYIS SHIG CES GDAMS RIGS PAR 'GYUR RO, ,'JIG RTEN NA THAMS CAD BZO SHES PA LA KUN MKHYEN DU GRAGS PA LTAR GROL BA DON GNYER LA BLANG DOR GYI GNAS MA LUS PA MKHYEN PA ZHIG LA KUN MKHYEN DU NGOS GZUNG BA'O, ,TSE 'DIR MA CHAGS PAR PHYI MA PHAN CHAD DON DU GNYER BA ZHIG YIN NA BSHES GNYEN MTSAN NYID DANG LDAN PA ZHIG LA BSAM SBYOR GNYIS KYI SGO NAS TSUL BZHIN DU BSTEN DGOS PA NI GANG LAS KYANG GAL CHE BA YIN ZHING, DE LTA BU'I BSHES GNYEN TSOL BA'I TSUL YANG RANG GI 'DOD PA'I DON DE JI LTA BA BZHIN STON NUS MI NUS BRTAG DGOS PAS BRTAG TSUL YANG RIGS PA'I DBANG PHYUG GIS GSUNGS PA DE SHIN TU 'THAD PA'O, ,'DUL BA'I SDE SNOD NAS GSUNGS PA'I BSHES GNYEN ZHIG TSOL BAR 'DOD NA, BRTAN MKHAS KYI YON TAN DANG LDAN MI LDAN LA BRTAG DGOS PA DANG, BYANG CHUB SEMS DPA'I SDE SNOD LAS BSHAD PA'I BSHES GNYEN TSOL BAR 'DOD NA, THEG PA CHEN PO MDO SDE RGYAN NAS GSUNGS PA'I BSHES GNYEN @42 GYI YON TAN BCU PO YOD MED LA BRTAG ,GSANG SNGAGS KYI BSHES GNYEN TSOL BAR 'DOD NA, RGYUD SDE DANG, BLA MA LNGA BCU PA LAS BSHAD PA LTAR, ,PHYI'I DE NYID BCU DANG, ,NANG GI DE NYID BCU SOGS DANG LDAN MI LDAN LA BRTAGS NAS BSTEN DGOS DE LTAR SHES NAS TSUL BZHIN DU BSTEN NA LEGS TSOGS KUN KYI RTZA BAR GYUR PAS PHAN YON SHIN TU CHE LA, BSHES GNYEN DU BYAS NAS BSTEN TSUL LOG NA NYES DMIGS KYANG BSAM YUL LAS 'DAS TE, RANG RE'I STON PA BCOM LDAN 'DAS KYANG; DE'I NYES PA BRJOD MI NUS PA'I TSUL MDZAD PA'O, ,BSHES GNYEN DE'I YON TAN RIGS PA RNAMS RANG GI BLTAS NA SHES PAR NUS LA, CUNG ZAD PHRA BA 'GA' ZHIG YUN RING TZAM BRTAG PA DANG GZHAN LA 'DRI BA, GRAGS PA SOGS LA BRTEN NAS RTOGS PAR 'GYUR, THAMS CAD SHES MI DGOS KYI SHES KYANG MI NUS TE; DE LTAR SHES NA RTZA BA'I DGOS PA MED PAR 'GYUR BA'I PHYIR, DE NI ZHAR ZHOG TZAM DU'O, ,tIKA CHEN RIGS PA'I RGYA MTSO LAS NI, TSAD MA BSLU MED CAN SHES PA ZHES PA NAS, TSUR SHOG BYA RGOD BSTEN PAR GYIS ZHES PA'I BAR NI, LUGS 'BYUNG LUGS LDOG GNYIS KA'I GZHIR BYAS NAS, SGRUB BYED THUGS RJES GOMS LAS DE ZHES PA NAS LUGS 'BYUNG GI THOG MAR 'DZIN PA GSUNGS LA YID LA SHIN TU 'THAD DE, LUGS 'BYUNG GI RIGS PA BZHI'I NANG NAS THOG MAR THUGS RJE CHEN PO'I SGRUB BYED YIN LA, DE NI SGRUB BYED THUGS RJES GOMS LAS DE ZHES PA NAS 'DZUGS PAR MTHUN SNANG YIN PA'I PHYIR, DE YAN CHAD NI LUGS 'BYUNG LUGS LDOG GNYIS KA'I BSGRUB BYA STON PA TSAD MAR BSHAD NAS, MTSAN NYID GANG DANG LDAN BA'I TSAD MA'I SPYI'I MTSAN NYID DANG, KHYAD PAR DBYE BA DANG LOG RTOG DGAG PA SOGS BSHAD PA YIN PA'I PHYIR, DES NA STON PA BCOM LDAN 'DAS TSAD MA'I SKYES BU YIN PA BSGRUB BYAR BYED NAS DE'I SGRUB BYED LA LUGS 'BYUNG GI RIGS @43 PA BZHI DANG, LUGS LDOG GI RIGS PA BZHI STE BRGYAD BSHAD, LUGS 'BYUNG GI RIGS PA BZHI NI, RTZA BAR, SGRUB BYED THUGS RJES GOMS LAS DE ZHES PA NAS, DE PHYIR TSAD YIN ZHES PA'I BAR 'CHAD, LUGS LDOG GI RIGS PA BZHI NI, RTZA BAR, YANG NA SKYOB, BDEN PA BZHI NI STON MDZAD PA'O,, ZHES PA NAS GANG PHYIR DES NA TSAD MA NYID, ZHES PA'I BAR 'CHAD DO, LUGS 'BYUNG BZHI'I NANG NAS THUGS RJE CHEN PO NI, RTZA BAR, SGRUB BYED THUGS RJES GOMS LAS DE ZHES PA NAS, CHAGS BRAL CHAGS DANG YID LOG BZHIN, ZHES PA'I BAR 'CHAD, LUGS 'BYUNG GI GTAN TSIGS BZHI'I NANG NAS STON PA NI, BRTZE LDAN SDUG BSNGAL GZHOM PA'I PHYIR ZHES PA NAS GNYIS PO 'DI NI RGYU RU BSHAD CES PA'I BAR 'CHAD, LUGS 'BYUNG GI GTAN TSIGS BZHI'I NANG NAS SPANGS PA BDE GSHEGS NI, RTZA BAR, RGYU SPANGS YON TAN GSUM BDE GSHEGS ZHES PA NAS, DE SHES PA YANG GRUB PA YIN ZHES PA'I BAR 'CHAD, LUGS 'BYUNG GI GTAN TSIGS BZHI'I NANG NAS SKYOB PA NI, SKYOB PA NYID GZIGS LAM GSUNGS PA ZHES PA NAS, GZHAN GYI DON DU SBYOR PHYIR RO ZHES PA'I BAR 'CHAD, GONG GI GTAN TSIGS BZHI PO LA BRTEN NAS STON PA TSAD MAR BSGRUB PA NI, RTZA BAR, DE PHYIR TSAD YIN ZHES PA DE YIN NO, ,LUGS LDOG GI GTAN TSIGS BZHI'I DANG POR SKYOB PA'I RTAGS NI, RTZA BAR, YANG NA SKYOB, BDEN PA BZHI NI STON MDZAD PA'O, ZHES PA NAS, BDE BA LAS KYANG 'DOD MI 'GYUR ZHES PA'I BAR 'CHAD, LUGS LDOG GI RTOGS PA BDE GSHEGS NI, SKYOB LAS DE NYID DANG BRTAN DANG ZHES PA NAS, MI SLOB LAS LHAG CES PA'I BAR 'CHAD, LUGS LDOG GI STON PA'I RTAGS NI, RTZA BAR DE YI PHYIR; GZHAN DON MKHYEN SBYOR DE STON PA ZHES PA'I BAR 'CHAD, LUGS LDOG GI BRTZE BA'I SNYING RJE CHEN PO NI, RTZA BAR, DE LAS BRTZE YIN GZHAN DON NGOR, @44 DON GRUB MDZAD PA MI 'DOD PHYIR ZHES PA'I TSIG GNYIS BYUNG, LUGS LDOG GI GTAN TSIGS BZHI LA BRTEN NAS STON PA TSAD MAR BSGRUB PA NI, RTZA BAR, BRTZE BA'I LEGS DANG YE SHES LAS ZHES PA NAS, GANG PHYIR DES NA TSAD MA NYID, CES PA'I BAR 'CHAD, GONG GI RTZA BA'I SA BCAD GNYIS PA STON PA BCOM LDAN 'DAS LA TSAD MA'I SGO NAS BSTOD PA'I DGOS PA NI, RTZA BAR, DE LTA'I DNGOS STON BSTOD PA NI ZHES PA NAS, BSTAN PHYIR DE YANG GSAL BAR BSHAD CES PA'I BAR 'CHAD DO, GNYIS PA LHAG MA BZHI BSHAD PA'I SGO NAS TSAD MA'I SKYES BU'I MTSAN NYID DANG DER BGROD PA'I LAM NGOS GZUNG BA LA, KHYAD PAR GYI CHOS BZHI BSGRUB PA DANG, DE LAS TSAD MAR GRUB PA'O, ,DANG PO LA, BSAM PA PHUN TSOGS NGOS GZUNG BA DANG, DE LAS SBYOR BA PHUN TSOGS SKYE TSUL DANG; DE GNYIS LAS 'BRAS BU PHUN TSOGS GRUB TSUL LO, ,DANG PO LA, BSAM PA PHUN TSOGS DANG PO'I SGRUB BYED DU BSTAN PA DANG, DE MA GRUB PA SPANG BA'O; ;DANG PO NI, RTZA BAR, SGRUB BYED THUGS RJES GOMS LAS DE ZHES PA DES THUGS RJE CHEN PO DE TSAD MA'I SKYES BU SGRUB PAR BYED PA LA, DANG POR SNGON DU SONG STE; 'GRO BA MTHA' DAG SDUG BSNGAL LAS GROL BAR 'DOD PA'I SNYING RJE BSKYED NAS, DE NAS SDUG BSNGAL LAS GROL BA'I THABS GOMS PAR BYAS PAS STON PAR 'GYUR DGOS PA'I PHYIR, DE 'DRA THUGS RJE CHEN PO'ANG RANG GI RIGS 'DRA SNGA MA GOMS PA LAS GRUB PA'I PHYIR, SKABS 'DIR THUGS RJE CHEN PO DANG SNYING RJE CHEN PO GCIG TU BSHAD, DBU MA 'JUG PAR RANG 'GREL LAS, BSOD NAMS DANG YE SHES KYI TSOGS DANG THUGS RJE CHEN PO DANG, RNAM PA THAMS CAD MKHYEN PA LA SOGS PA MED PAS YANG DAG PAR RDZOGS PA'I SANGS RGYAS LAS DMAN PA'I PHYIR NA 'BRING NGO ZHES PA'I LUNG 'DI DRANGS NAS RANG RE'I DBU MA MTHA' DPYOD LAS BYANG CHUB @45 SEMS DPA'I RGYUD LA'ANG THUGS RJE CHEN PO MED PAR BZHED, MDZOD GNAS BDUN PA'I SKABS SNYING RJE CHEN PO DANG THUGS RJE CHEN PO GNYIS LA KHYAD PAR MI 'DRA BA BRGYAD BZHAG PA DANG, THUGS RJE CHEN PO SANGS 'PHAGS KHO NA'I RGYUD LA YOD PAR GSUNGS TE, MDZOD RTZA BA LAS, THUGS RJE CHEN PO KUN RDZOB BLO, ,TSOGS DANG RNAM PA SPYOD YUL DANG, ,MNYAM PA'I PHYIR DANG CHES CHE'I PHYIR, ,THA DAD BYA BA RNAM PA BRGYAD CES GSUNGS PA'I PHYIR, DE DAG LA BLTAS NA, THUGS RJE CHEN PO DANG SNYING RJE CHEN PO GNYIS KHYAD PAR SHIN TU CHE ZHING THUGS RJE CHEN PO THEG PA CHEN PO'I LAM GYI THOG MAR BSGOM PA'I LAM MA YIN NO, DE BZHIN DU, GDAN SA RNAMS KYI YIG CHA PHAL CHE BAR THEG DMAN GYI RGYUD LA SNYING RJE CHEN PO MED PAR GSUNGS KYANG, RANG RE'I YIG CHAR, NYAN THOS DGRA BCOM PA'I RGYUD LA SNYING RJE CHEN PO YOD PA, RGYUD BLA MA'I DAR tIKA DRANGS NAS BSGRUBS, DE YANG, SEMS CAN SDUG BSNGAL LAS SKYOB 'DOD KYI SNYING RJE MED KYANG, SDUG BSNGAL LAS 'BRAL 'DOD KYI SNYING RJE CHEN PO YOD PA GSUNGS, RNAM BSHAD THAR LAM GSAL BYED LAS, SNYING RJE CHEN PO DE NYID THEG PA CHEN PO'I LAM SGOM PA'I THOG MA'I SGRUB BYED YIN PA DANG, ZHES DANG, tIKA CHEN RIGS PA'I RGYA MTSO LAS KYANG, GANG ZHIG 'GRO BA MTHA' DAG SDUG BSNGAL LAS BSGRAL BAR 'DOD PA'I SNYING RJE CHEN PO DE NYID RGYUD LA SKYES PA DE NAS BYANG CHUB SEMS DPA' ZHES BYA BA'I SGRAS BSNYAD PAR BYA BA YIN GYI ZHES DANG, SNYING RJE CHEN PO NYID LUGS 'BYUNG GI SKABS SU THEG CHEN THUN MONG MA YIN PA'I LAM GYI THOG MAR BSHAD PA YIN NO, ,ZHES GSUNGS, YANG DE NYID LAS, 'GRO BA MTHA' DAG SDUG BSNGAL LAS BSGRAL BAR 'DOD PA'I RNAM PA CAN GYI BLO BCOS MA MA YIN PA SNYING THAG PA NAS RGYUD LA SKYE BAR 'GYUR LA, BLO DE NYID LA THUGS RJE CHEN PO'AM SNYING RJE CHEN PO ZHES BYA'O, ,DE NYID RGYUD LA SKYES @46 PA TZAM NAS THEG PA CHEN PO ZHES BYA ZHING, BLO 'DI NI, THAMS CAD MKHYEN PA THOB PA'I RGYUR GYUR PA'I THUN MONG MA YIN PA'I LAM GYI THOG MA YIN LA ZHES GSUNGS PAS, SNYING RJE CHEN PO THEG PA CHEN PO'I LAM GYI THOG MA YIN PA DANG; THUGS RJE CHEN PO DANG SNYING RJE CHEN PO GNYIS MING GI RNAM GRANGS SU BSHAD DO; ;LAM RIM CHEN POR, BLO GROS RGYA MTSOS ZHUS PA'I MDO DRANGS PA LAS, KHYIM BDAG GCIG LA BU SHIN TU SDUG PA ZHIG YOD PA MI GTZANG BA'I DONG DU LHUNG BAS; DE'I MA DANG GNYEN RNAMS KYIS BU DE DONG LAS 'DON PAR 'DOD PA'I SNYING RJE DANG 'DRA BA NYAN RANG LA'ANG YOD LA, DE'I PHA DES BU LA BRTZE BA'I SNYING RJE DANG 'DRA BA NI BYANG SEMS KHO NA LA YOD PAR GSUNGS, DE LA LTA NA, RANG RE'I YIG CHA LAS GSUNGS PA DE 'THAD PAR SNANG STE, MA YIS BU LA BRTZE BA LTA BU'I SNYING RJE NYAN RANG LA'ANG YOD PA'I PHYIR DANG, DE TZAM GYIS SNYING RJE CHEN PO'I MTSAN NYID RDZOGS PA'I PHYIR, 'ON KYANG, SNYING RJE'I SNGON DU GCES SHING PHANGS PA'I YID DU 'ONG BA'I BYAMS PA DANG, DRIN GZO DRIN DRAN, MAR SHES SOGS 'GRO DGOS PAS, NYAN RANG LA DE DAG SGOM PA YOD MED DPYAD DGOS, GNYIS PA DE MA GRUB PA SPANG BA LA RTZOD PA DANG, DE DGAG PA GNYIS, DANG PO NI, RTZA BAR, BLO NI LUS LA BRTEN PA'I PHYIR, GOMS PAS GRUB PA MED CE NA ZHES TSIG GNYIS TE, RGYANG PHAN PA NA RE, SNYING RJE SKYE BA DU MAR GOMS NAS TSAD MA'I SKYES BU 'KHRUNGS PA YIN ZHES PA MI 'THAD DE, SKYE BA SNGA PHYI MED CING YID BLO RTOG PA NI LUS LA BRTEN PA'I PHYIR, DE YANG, CHANG DANG MYOS PA'I NUS PA LTAR, YID BLO LUS KYI YON TAN DANG, RTZIG PA DANG DE'I RI MO LTAR LUS KYI RANG BZHIN DANG; SGRON ME DANG DE'I 'OD LTAR LUS KYI 'BRAS BU'I TSUL GYIS BRTEN NAS LUS ZHIG PA NA YID BLO RTOG PA'ANG ZHIG PAR 'GYUR RO ZHES BSHAD DO, ,tIKA CHEN LAS, @47 DPE DANG GNYIS LDOG NAS BSHAD, TSAD MA RGYAN LAS, BLO NI LUS KYI BDAG NYID DANG; ,LUS 'BRAS LUS GYI YON TAN DANG, ,DE LTAR LUGS GSUM LA BRTEN NAS, GOMS PA GRUB PA MED BAR 'DOD, ,CES SO, ,GNYIS PA DE DGAG PA LA, SKYE BA DU MAR GOMS PA MI SRID PA DGAG PA DANG, GOM PA SRID KYANG MTHA' MED DU 'PHEL BA MI 'THAD PA DGAG PA'O, ,DANG PO LA MDOR BSTAN DANG, RGYAS BSHAD DO,, DANG PO'I RTZA BAR, MA YIN RTEN NI BKAG PHYIR RO, ,ZHES TSIG GCIG BYUNG, RGYAS BSHAD NI, SKYE BA YONGS SU LEN PA NA, ZHES PA NAS, DE 'DRA SGRUB BYED LHAG LDAN 'DOD CES PA'I BAR 'CHAD, GOMS PA SRID KYANG MTHA' MED DU 'PHEL BA MI 'THAD PA DGAG PA NI, GOMS LAS KHYAD PAR 'GYUR NA YANG, ,ZHES PA NAS; ;CHAGS BRAL CHAGS DANG YID LOG BZHIN, ,ZHES PA'I BAR RO,, GZHUNG GI BSDU BA 'CHAD PA'O, ,YID BLO RTOG PA DE, LUS KYI RTEN KHYAD PAR CAN BYAS PA LAS BYUNG BA MA YIN TE, DE 'DRA YIN PA TSAD MAS BKAG CING 'GOG PAR 'GYUR BA'I PHYIR, tIKA CHEN LAS BYUNG BA LTAR, RGYANG PHAN GYIS, YID BLO RTOG PA 'BYUNG BZHI'I BDAG NYID KYI LUS KHO NA LA BRTEN PAR 'DOD PAS DE 'GOG PA YIN GYI SPYIR PHAN TSUN BRTEN PA TZAM MI 'GOG STE, LUS NYID 'BA' ZHIG LAS SKYE MIN ZHES DANG, DE RGYU LHAN CIG BYED PA LAS, ,ZHES SOGS GSUNGS PA'I PHYIR; RGYANG PHAN PA DANG, TSU ROL MDZES PA BA GNYIS MING GI RNAM GRANGS YIN, RTAG SMRAS, CHAD SMRAS GNYIS KYI NANG NAS CHAD SMRAS DANG, SKYE BA SNGA PHYI DANG, DKON MCHOG GSUM DANG, LAS 'BRAS SOGS MED PAR KHAS LEN, DE'I GZHUNG 'DZUGS MKHAN NI, DRANG SRONG 'JIG RTEN MIG CES BYA BA RTOG GE LA SHIN TU SBYANGS PA ZHIG YIN, DES PHYI MA PHAN CHAD KYI BDE BA BSGRUB MI DGOS TE, MAR ME SHI BZHIN TSE 'DI'I MTHA' RDZOGS PA NA LUS DANG RDZAS GCIG PA'I SEMS KYANG RGYUN @48 CHAD PA'I PHYIR TE, SEMS LUS LA CHANG DANG DE'I NUS PA BZHIN LUS KYI RANG BZHIN DANG MAR ME'I 'OD BZHIN LUS KYI 'BRAS BU DANG, RTZIG PA'I RE MO BZHIN LUS KYI YON TAN YIN ZHES PA DANG, GZHAN YANG, PHUR BU BA, MED SMRA PA, LHA'I BLA MA, 'JUG STOBS CAN, NGO BO NYID SMRA BA SOGS KYANG ZER, DRANG SRONG 'JIG RTEN MIG GIS MDZES MA LEGS PAR SPYOD CING ZA BAR GYIS, ,LUS MCHOG 'DAS GANG KHYOD LA DE MI 'BYUNG, ,LUS 'DI 'TSOG PAR GYUR PA TZAM ZHIG STE, ,'JIG PAR SONG BA LDOG PAR MI 'GYUR RO, ,ZHES DANG, JI TZAM DBANG PO SPYOD YUL LA, SKYES BU DE TZAM KHO NAR ZAD, ,CES SOGS MANG NGO, ,RIGS PA NI, SDUG BSNGAL LA SOGS PA CHOS CAN, RGYU MED PAR NGES TE, RES 'GA' BA YIN PA'I PHYIR, DPER NA, TSER MA BZLUM PO RNO BA DANG, RMA BYA MDONG PHRA LA SOGS PA BZHIN NO,, MA SHI BAR DU BDE BAR 'TSO, ,SHI NAS DE YI SPYOD YUL MED, ,LUS KYANG THAL BA BZHIN SONG NAS, ,SLAR 'TSO BAR NI GA LA 'GYUR, ,DE PHYIR SNGA PHYI YOD MA YIN ZHES DANG, ,'CHI 'PHO'I SEMS LA MTSAMS SBYOR MED, ,CES PA DANG, BYIS PA SKYES MA THAG PA'I SEMS NI 'BYUNG BA CHEN PO SEMS MED LAS SHES PA SKYES PA'O, ,TSAD MA YANG MNGON SUM TSAD MA GCIG PU YIN TE, RJES DPAG TSAD MA NI RANG MTSAN DNGOS SU MI 'DZIN PA'I PHYIR TSAD MA MIN NO, ,GTAN TSIGS LA BRTEN NAS KYANG YUL RTOGS MI NUS TE, GTAN TSIGS RNAMS 'KHRUL BA'I PHYIR, MDOR NA, RGYANG PHAN PA DES, MNGON SUM DU MTHONG BA MA GTOGS, LKOG GYUR GYI DON RNAMS KHAS MI LEN, MA MTHONG BA RGYU MTSAN DU BYAS NAS MED PAR KHAS LEN; 'JIG RTEN 'DIR GANG BDE BA ZHIG LA SPYOD DGOS GYIS PHYI MA MED DE MA MTHONG BA'I PHYIR ZHES PA 'O, ,DENG SKABS KYI LTA BA MANG CHE BA RGYANG PHAN PA'I LTA BA DANG 'DRA, TSAN RIG PA RNAMS KYIS RGYU MTSAN LA BRTEN NAS NGES PA MA RNYED KYI @49 BAR DU YOD MED GANG DU'ANG THAG MA CHOD KYANG, RGYU MTSAN LAS THAG CHOD PA'ANG YID BRTAN MI RUNG BA 'GA' ZHIG YOD DE, DUS RABS 'GA' ZHIG GI SNGON LA, RIGS PAS DPYAD NAS MED PAR THAG BCAD ZIN PA'I SNOD BCUD DA LTAR TSAN RIG BZANG DU 'GRO BA'I RKYEN YOD PAR KHAS LEN DGOS PA'ANG YOD PA'I PHYIR DANG, DA DUNG YANG, TSAN RIG JE BZANG DU SONG NAS GSAR RNYED MANG PO YOD SRID PA'I PHYIR; RGYANG PHAN PA'I RIGS PA NI, MU STEGS PA'I GRUB MTHA' THAMS CAD LAS KYANG, 'GOG DKA' ZHING DE MA BKAG BAR DU DES NANG RIG PA LA 'JUG PA'I GEGS KYI GTZO BOR BYAS NAS PHYI MA PHAN CHAD KYI BDE BA DON DU GNYER BA'I GZHI RTZA STOR BAR 'GYUR BA YIN TE, SKYE BA SNGA PHYI YOD PAR MA SHES NA, PHYI MAR NGAN SONG DU 'GRO BAR DOGS NAS SDIG SPANG DGE SGRUB BYED PA MI 'ONG BAS, SKYES BU CHUNG NGU'I LAM DGAG ,YANG DE YOD PAR MA SHES NA SKYE BA THOG MA MED PA NAS 'ONG BA MA SHES PAS, SDUG BSNGAL BRGYAD DANG, SDUG BSNGAL DRUG , SDUG BSNGAL GSUM LA SOGS PA MA SHES PAS SKYES BU 'BRING GI LAM DGAG , DE MA SHES NA, SNYING RJE CHEN PO SKYE BA DU MAR GOMS NAS SANGS RGYAS KYI GO 'PHANG 'THOB PA MI 'ONG BAS SKYES BU CHEN PO'I LAM RNAMS DGAG NAS LEGS TSOGS MTHA' DAG GI SGO DGAG PA 'GYUR, SKYE BA SNGA PHYI YOD PAR TSAD MAS NGES PA DRANGS PA LTA ZHOG ,THOS BYUNG GI SHES RAB TZAM GYIS GO BA BRNYED PA YANG TSE 'DI RING DU MI GNAS PAR PHYI MAR SONG STE, NGAN 'GRO'I 'JIGS PA LA SKRAG NAS SDIG PA 'GOG PA DANG, DGE BA BSGRUB PA LA BRTZON PA DANG, NGAN 'GRO'I SDUG BSNGAL LA 'JIGS NAS DE LAS THAR PA'I SKYABS 'TSOL BA SOGS BYUNG BA DANG, SKYE BA SNGA MA YOD NA, DE'I SNGA MA YANG YOD DGOS PAS 'KHOR BA LA THOG MA MED PA DANG, SKYE BA'I SDUG BSNGAL SOGS DRAN NAS 'KHOR BA LA YID BYUNG BA'I NGES @50 'BYUNG GI BSAM PA SKYE BA DANG, TSE RABS MANG POR RGYUD SNYING RJE BSGOM PA DANG, BYANG CHUB KYI SEMS BSKYED NAS BSKAL PA GRANGS MED GSUM GYI TSOGS GSOG PA SOGS LA YID SPRO BAR 'GYUR BAS, 'DI PHYI'I LEGS TSOGS MTHA' DAG SGO 'BYED PA'I LDE MIG TU GYUR RO, ,DE NI DKYUS LA 'JUG PAR BYA STE, MDOR BSTAN DANG RGYAS BSHAD GNYIS KYI SGO NAS RGYANG PHAN GYI LUGS DGAG PA LA, DANG POR, MA YIN RTEN NI BKAG PHYIR RO, ,ZHES PA DES, LUS KYIS YID BLO RTOG PA'I NYER LEN DANG, LHAN CIG BYED RKYEN KHYAD PAR CAN GYI RTEN MI BYED DE, DE 'DRA'I RTEN YIN PAR TSAD MAS BKAG CING 'GOG PAR 'GYUR BA'I PHYIR, SKYE BA SNGA PHYI SGRUB PA'I RIGS PA DE NI, RNAL 'BYOR MNGON SUM SGRUB PA'I YAN LAG TU YANG SONG STE, BLO GOMS PA RAB GYI MTHAR PHYIN PA LAS, GOMS BYA'I DON LA GSAL SNANG 'THOB PA LA SKYE BA DU MAR GOMS DGOS PA'I PHYIR, MNGON MTHO'I KHYAD PAR 'DOD PA'I LHA DANG TSANGS PA LA SOGS PA 'GA' ZHIG NI SHIN TU LKOG TU GYUR PAS LUNG LA BRTEN NAS RJES SU DPOG PAR BYED PA YIN LA ZHES GSUNGS PA DE LA DE LTAR DVOGS TE, SHIN LKOG TU GYUR PA'I 'DOD LHA DANG TSANGS PA DE, GANG ZAG 'GA' ZHIG GI NGOR SHIN LKOG YIN NAM, SO SO'I SKYE BO THAMS CAD LA SHIN LKOG YIN, DANG PO LTAR NA, GANG ZAG YIN NA SHIN LKOG YIN PAS KHYAB PAR THAL, DE YIN NA GANG ZAG GCIG GYI NGOR SHIN LKOG YIN PAS KHYAB PA'I PHYIR, 'DOD PA'I MI DE YANG 'JIG RTEN GZHAN GYI NGOR SHIN LKOG YIN PA'I PHYIR, MA GRUB NA; 'DOD LHA DE 'JIG RTEN GZHAN GYI NGOR SHIN LKOG MA YIN PAR THAL, 'DOD NA, DE SHIN LKOG YIN PA'I SGRUB BYED MED PAR THAL LO, ,GNYIS PA LTAR NA, DE 'DRA'I 'DOD LHA DANG ? TSANGS PA DE RANG GI NGOR SHIN LKOG YIN PAR THAL, SO SKYE KUN LA SHIN LKOG YIN PA'I PHYIR, RTAGS KHAS, 'DOD MI NUS TE, RANG BLO RANG @51 LA LKOG TU GYUR PA TZAM YANG BKAG NA, RANG NYID RANG LA SHIN LKOG YIN PA NGO MTSAR RO, ,SHIN LKOG TU GYUR PA'I 'DOD LHA DANG TSANGS PA GNYIS RANG NYID KYIS RANG GI GZUGS SEMS GNYIS KA MNGON SUM DU RTOGS PA'I PHYIR, DER THAL, MDUN GYI DAM BCA' BA RANG NYID KYIS RANG NYID MNGON SUM DU RTOGS PA MYONG BAS GRUB PA'I PHYIR, GZHAN YANG DE 'DRA'I 'DOD LHA DANG TSANGS PA GNYIS PO RANG GI DRUNG NA YOD PA'I 'DOD LHA DANG GZUGS KYI LHAS MNGON SUM DU RTOGS PA'I PHYIR, DER THAL, MCHOD SBYIN GYI MDUN NA YOD PA'I LHAS SBYIN GYIS MCHOD SBYIN MNGON SUM DU RTOGS PA'I PHYIR DANG, LEGS BSHAD SNYING POR, RTOG GE 'BAR BA'I LUNG DRANGS PA LAS, LKUGS PA DANG 'ON PA LA SOGS PA BRDA MI SHES PAS KYANG BUM PA LA SOGS PA'I DON SHES SHING, BA LANG LA SOGS PAS KYANG DRI DANG GZUGS LA SOGS PA LAS RANG GZHAN GYI BU SHES NUS PAS MING GI BRDAS BZHAG PA DNGOS PO'I DE KHO NA NYID DU MI GNAS PA RNAL 'BYOR SPYOD PA BA DANG DBU MA PA GNYIS KA LA 'DRA BAR BSHAD PAS SO, ,ZHES GSUNGS PAS, BA LANG GIS KYANG RANG GI BU SHES NUS PAR GSUNGS NAS, 'DOD LHA DANG TSANGS PA SOGS RANG GI RIGS SHES NUS PA SMOS CI DGOS, DE YANG, GZUGS CAN GYI GANG ZAG YIN PHYIN DE'I GZUGS MTHONG BA LA DE MTHONG BAR 'JOG DGOS TE, BA LANG GI GZUGS MTHONG BAS BA LANG MTHONG BAR 'JOG PA'I PHYIR TE, MTSUNGS BDAG LAS BYUNG BA LANG GI ZHES GSUNGS, GANG ZAG GCIG GI NGOR SHIN LKOG YIN PA TZAM GYIS SHIN LKOG TU 'JOG NA, BDAG CAG 'DZAM BU GLING PA'I MI YANG SHIN LKOG YIN PAR 'GYUR TE, GLING GZHAN GYI GANG ZAG SO SO'I SKYE BO RNAMS KYIS BDAG CAG MNGON SUM DU MA RTOGS LA, SGRUB BYED KYI RTAGS GZHAN YANG MED PA'I PHYIR, LUNG KHO NA LA BRTEN DGOS SO, DPER NA, BDAG CAG GIS GLING GZHAN @52 GSUM DANG LHA YUL SOGS LUNG KHO NA LA BRTEN NAS YID CHES PA LAS THABS GZHAN MED PA'I PHYIR RO, ,GNYIS PA DGAG PA RGYAS PAR MDZAD PA LA, SKYE BA SNGA PHYI YOD PA'I SGRUB BYED 'GOD PA DANG, MED PA'I SGRUB BYED DGAG PA'O, ,DANG PO LA, RTAGS DGOD PA DANG, DE LA GNOD PA SPANG BA'O, ,DE'I RTZA BA NI, SKYE BA YONGS SU LEN PA NA, ZHES PA NAS, THAMS CAD TSE NA MTHONG BA NYID, CES PA'I BAR 'CHAD, MED PA'I SGRUB BYED DGAG PA NI, RTZA BAR, THA MA'I SEMS NI SEMS GZHAN DANG, ,ZHES PA NAS, ,DE 'DRA'I SGRUB BYED LHAG LDAN 'DOD, CES PA'I BAR 'CHAD DO, ,DANG PO RTAGS DGOD PA'I RTZA BA NI, ,SKYE BA YONGS SU LEN PA NA, ,ZHES PA NAS, ,PHYIS KYANG DE 'DRAR 'GYUR BA YIN, ,ZHES PA'I BAR 'CHAD, GNYIS PA GNOD PA SPANG BA'I RTZA BA NI, DE YI SHES PAS PHAN 'DOGS PHYIR; ;ZHES PA NAS, ,THAMS CAD TSE NA MTHONG BA NYID, ,CES PA'I BAR RO,, RTAGS NI, RTZA BAR, SKYE BA YONGS SU LEN PA NA, , 'BYUNG RDUB DBANG PO BLO DAG NI, , RANG GI RIGS LA LTOS MED CAN, , LUS NYID 'BA' ZHIG LAS SKYE MIN, , HA CANG THAL PHYIR MTSAMS SBYOR BAR, , NUS LDAN MTHONG BA GANG DE LA, , CI ZHIG YOD 'GYUR GANG MED PA, , GANG GIS PHYI NAS MTSAMS SBYOR MED, , GANG DU DROD GSHER LA SOGS PA, , SKYE BO SKYE BAR MI 'GYUR BA'I, , @53 SA SOGS CHA DE 'GA' YANG MED, , DE PHYIR THAMS CAD SA BON BDAG , , DE PHYIR DBANG SOGS RANG RIGS LA, , LTOS PA MED PAR 'BYUNG YIN NA, , JI LTAR GCIG NI YONGS 'GYUR BZHIN, , KUN 'GYUR KHYAD PAR MED PHYIR RO, , DBANG RNAMS RE RE LA GNOD NA, , YID BLO LA GNOD YOD MA YIN, , 'DI 'GYUR NA NI DE DAG KYANG, , 'GYUR BA BDAG TU MTHONG BA YIN, , DE PHYIR BLO GNAS PA YIN RTEN, , BLO NYID LA NI BRTEN PA 'GA', , DBANG PO RNAMS KYI RGYU YIN PAS, , DE PHYIR BLO LAS DBANG PO YIN, , DE 'DRA'I 'PHEN BYED YOD GYUR NA, , PHYIS KYANG DE 'DRAR 'GYUR BA YIN, , ZHES PAS, BYIS PA SKYE MA THAG PA'I DBUGS 'BYUNG RDUB DANG, DBANG PO DVANGS PA, BLO'I G-YER BAG SOGS CHOS CAN, SKYE BA YONGS SU LEN PA NA RANG GI RIGS 'DRA SNGA MA LA BLTOS MED CAN MA YIN TE, DBUGS 'BYUNG RDUB DANG; DBANG PO DVANGS PA, BLO'I G-YER BAG SOGS DANG LDAN PA'I PHYIR; 'BYUNG BA'I LUS NYID 'BA' ZHIG LAS SKYE BA MIN TE, RIGS 'DRA SNGA MA LAS SKYES PA'I PHYIR, DE LTA MIN NA HA CANG THAL NAS 'BYUNG BA KUN SROG CHAGS @54 SU THAL, YID BLO 'BYUNG BA 'BA' ZHIG LAS SKYE BA'I PHYIR, SKYES MA THAG PA'I RIG PA RANG GI RIGS 'DRA SNGA MA LAS PHYI MA MTSAMS SBYOR BAR NUS PA DANG LDAN PA MTHONG BA DE LA, RGYU LHAG PO CI ZHIG KYANG YOD PAR GYUR PA MI DGOS PA GANG GI PHYIR NA, PHYI NAS KYANG RIG PA PHYI MAR MTSAMS SBYOR BA MED PA MA YIN NO, , GANG DU DROD GSHER LAS SKYES PA LA SOGS PA SKYE BO SKYE BAR MI 'GYUR BA'I SA SOGS 'BYUNG BA'I CHA DE 'GA' YANG MED PA DE'I PHYIR, 'BYUNG BA THAMS CAD SROG CHAGS KYI SA BON GYI BDAG NYID CAN DU 'GYUR RO, ,DE LTAR NA HA CANG THAL BA'O, , DBANG PO DANG BLO LA SOGS PA RNAMS RANG GI RIGS 'DRA SNGA MA LA BLTOS PA MED PAR 'BYUNG BA TZAM LAS SKYES PA DE'I PHYIR, 'BYUNG BA GCIG SROG CHAGS SU 'GYUR BA BZHIN DU 'BYUNG BA KUN SROG CHAGS SU 'GYUR DGOS SO, ,DBANG PO RNAMS RE RE LA GNOD PA YOD NA'ANG YID BLO RTOG PA LA GNOD PA YOD PAS MA KHYAB LA; YID BLO RTOG PA LA MYA NGAN SOGS KYIS GNOD NAS 'GYUR NA DBANG PO DE DAG KYANG 'GYUR BA DAG TU MTHONG BA YIN PA'I PHYIR, YID BLO RTOG PA DE'I RTEN KHYAD PAR CAN GANG ZHIG NA, RANG GI RIGS MTHUN BLO SNGA MA NYID LA BRTEN PA'I SNGON GYI SEMS PA'I LAS 'GA' ZHIG DA LTAR YID BLO GNAS PA'I RTEN YIN PA DE'I PHYIR, YID BLO RTOG PA RTEN MED PA MA YIN NO, YID BLO LAS DBANG PO RNAMS 'BYUNG BA YIN TE, YID BLO SNGA MA 'GA' ZHIG DBANG PO RNAMS KYI 'PHEN BYED KYI RGYU YIN PA DE'I PHYIR, PHYIS 'CHI KHA'I SEMS SOGS KYANG SNGA MA DANG 'DRA BAR RIGS 'DRA PHYI MA MTSAMS SBYOR BA 'GYUR BA YIN TE, RIGS 'DRA DE 'DRA'I 'PHEN BYED KYI RGYU YOD PAR GYUR PA'I PHYIR, RTZA 'GREL DE DAG NI, SKYE BA SNGA PHYI YOD PAR SGRUB PA'I RIGS PA BSTAN PA STE, BYIS PA SKYES MA THAG PA'I DBUGS 'BYUNG RDUB SOGS RANG GI RIGS 'DRA SNGA MA LAS BYUNG BA SGRUB NAS RIGS @55 'DRA SNGA MA DE SKYE BA SNGA MA'I DBUGS 'BYUNG RDUB SOGS YIN PAR SHES, DA LTA'I SKYES MA THAG PA'I DBANG SOGS RNAMS 'BYUNG BA 'BA' ZHIG LAS BYUNG NA, CHU GCIG GI NANG DU 'BU MGO DMAR LUS SER BA ZHIG BYUNG BA DANG, YANG MGO SER LA LUS DMAR BA ZHIG BYUNG BA DANG, SROG CHAGS 'GA' ZHIG CHUNG LA 'GA' ZHIG CHE BA DANG, MI LA'ANG 'GA' ZHIG LUS CHE LA 'GA' ZHIG CHUNG BA DANG, RES 'GA' BLO GROS RNO LA RES 'GA' BRTUL PA SOGS DANG, YANG PHRU GU 'GA' ZHIG SHES RAB DANG BRTZE BA SOGS CHE LA 'GA' ZHIG CHAGS SOGS NYON MONG SHAS CHE BA ? YOD PA SOGS MI 'THAD PAR 'GYUR TE, RANG GI RIGS 'DRA SNGA MA LA BLTOS MI DGOS PAR 'BYUNG BA TZAM LAS SKYE BA'I PHYIR, YANG SROG CHAGS RNAMS 'BYUNG BA 'BA' ZHIG LAS SKYES NA, 'BYUNG BA GCIG SROG CHAGS SU 'GYUR BA NA, 'BYUNG BA KUN SROG CHAGS SU 'GYUR BAR THAL, 'GYUR MI 'GYUR GYI RGYU RKYEN GANG YANG MED PA'I PHYIR, RANG LUGS NI, YID BLO RTOG PA SNGA MA 'GA' ZHIG 'PHEN BYED KYI RGYU BYED PA LAS DA LTAR RNAM SMIN GYIS BSDUS PA'I DBANG PO SOGS BYUNG LA, 'CHI KHA'I YID BLO RTOG PA 'GA' ZHIG GIS RGYU BYED PA LAS PHYI MA'I DBANG SOGS KYANG 'BYUNG BAR 'GYUR BAS PHYI MA YOD PAR SGRUB NUS SO,, DE'I PHYIR, DBANG PO LNGA RE RE LA GNOD NA YID BLO 'GYUR BAS KHYAB PA MED LA, YID BLO LA MYA NGAN DANG 'BYUNG PO SOGS KYIS 'GYUR NA DBANG PO LA GNOD PAS KHYAB PA'I PHYIR, DPER NA, YID LA 'JIGS SKRAG SHUGS DRAG PA'I DUS NA, LCE DBANG GIS RO ZHIM PO MI MYONG BA BZHIN NO, ,'O NA, MIG DBANG NYAMS PA'I STOBS KYIS MIG SHES KYI YUL MI MTHONG BAR 'GYUR LA, DES DBANG GIS YID LA MYA NGAN BYUNG NAS YID BLO RTOG PA 'GYUR BA MNGON SUM DU MTHONG BA'I PHYIR ZHE NA, SKYON MED DE, DE LTAR 'GYUR BA YOD KYANG, DBANG PO NYAMS PA'I STOBS KYIS YID @56 BLO 'GYUR BA MA YIN GYI, MIG DBANG NYAMS PA DES RKYEN BYAS NAS YID LA MYA NGAN GZHAN ZHIG BYUNG MYA NGAN DE JE RGYAS SU SONG BAS YID BLO YANG 'GYUR BA YIN PA'I PHYIR, MIG DBANG NYAMS PA TZAM GYIS YID BLO RTOG PA 'GYUR BA MA YIN TE, BDAG NYID CHEN PO 'GA' ZHIG GIS MIG SBYIN PA BTANG YANG YID LA BDE BA 'BYUNG BA YOD PA'I PHYIR, DE LTAR NA, YID BLO RTOG PA DE, RANG 'BRAS DBANG SOGS KYI LDOG BYED KYI RGYU KHYAD PAR CAN YIN GYI, DBANG PO LA SOGS PA RNAMS RANG 'BRAS YID BLO RTOG PA LDOG BYED KYI RGYU KHYAD PAR CAN MA YIN NO, ,DON BSDUS NA; SKYES MA THAG PA'I RIG PA CHOS CAN, RIG PA SNGA MA SNGON DU SONG STE, RIG PA YIN PA'I PHYIR, DPER NA, DA LTA'I RIG PA BZHIN ZHES PA SKYE BA SNGA MA SGRUB PA DANG, THA MAL PA'I 'CHI KHA'I RIG PA CHOS CAN, RIG PA PHYI MA MTSAMS SBYOR TE, CHAGS BCAS KYI RIG PA YIN PA'I PHYIR, DPER NA, KHA SANG GI RIG PA BZHIN ZHES PA DE SKYE BA PHYI MA SGRUB PA'I RIGS PA'O, ,TSIG LA 'KHRID NA; RIG PA SNGA MA CHOS CAN, RIG PA SNGA MA SNGON DU SONG BAR THAL, RIG PA YIN PA'I PHYIR, RIG PA PHYI MA CHOS CAN, RIG PA PHYI MA MTSAMS SBYOR BAR THAL; CHAGS BCAS KYI RIG PA YIN PA'I PHYIR, RTAGS KHYAB KUN KHAS, 'DOD MI NUS TE, RANG RANG DANG GCIG YIN PA'I PHYIR, DE DAG NI, SLOB DPON KA MA LA SH'I LAS, SKYE BA SNGA PHYI SGRUB PA DANG 'DRA BA YIN TE, DE KHO NA NYID BSDUS PA'I 'GREL PA LAS GANG 'DOD CHAGS DANG BCAS PA'I SEMS YIN PA DE NI, RANG GI NYE BAR BLANG BAR BYA BA'I SEMS GZHAN SKYED PAR NUS PA YIN TE, CHAGS PA DANG BCAS PA'I SNGAR GYI GNAS SKABS KYI SEMS BZHIN, THA MAL PA 'CHI BA'I SEMS KYANG 'DOD CHAGS DANG BCAS PA YIN NO, ,ZHES BYA BA NI RANG BZHIN GYI RTAGS SO ZHES GSUNGS SO, ,GONG GI RTAGS DE GNYIS KYI BSGRUB BYA RTOGS PA NA, @57 SKYE BA SNGA PHYI RTOGS DGOS PAS, SKYE BA SNGA MA DANG, PHYI MA GZHI GANG GI STENG DU RTOGS PA SOGS DPYAD DGOS, GNYIS PA DE LA GNOD PA SPANG BA NI, RTZA BAR, DE YI SHES PAS PHAN 'DOGS PHYIR, , YID NI LUS LA BRTEN PAR BSHAD, , GAL TE DBANG PO MED PAR BLO, , MA YIN DE YANG DE MED PAR, , DE LTA'ANG PHAN TSUN RGYU NYID PAS, , DE PHYIR PHAN TSUN RGYU CAN YIN, , RIM CAN MIN LAS RIM CAN MIN, , KHYAD PAR CAN MIN BLTOS PA'ANG MED, , LUS LAS RIM GYIS BLO 'GYUR NA, , DE YANG RIM PA GSAL BAR BYED, , SKAD CIG SNGA MA SNGA MA NI, , SKAD CIG RE RE SNGON MED DE'I, , RGYU YIN DE YI PHYIR NA RGYU, , THAMS CAD TSE NA MTHONG BA NYID, , CES PAS, STON PA SANGS RGYAS KYIS LUS SEMS GNYIS PHAN TSUN RJES SU BYED PA CAN YIN NO, ,ZHES GSUNGS PAS, YID LUS LA BRTEN PAR BSHAD PA DANG 'GAL LO, ,ZHE NA, SKYON MED DE, STON PAS DE LTAR GSUNGS PA DE NI, LUS DE YI RNAM PAR SHES PAS YID LA PHAN 'DOGS PA YOD PAR BRTEN, YID LUS LA BRTEN PAR BSHAD PA YIN GYI, DNGOS KYI RTEN KHYAD PAR CAN LA DGONGS PA MA YIN PA'I PHYIR, GAL TE DBANG PO MED @58 PAR YID BLO 'BYUNG BA MED PA'I PHYIR YID LUS LA BRTEN NO, ZHE NA, 'O NA, DBANG PO'ANG YID BLO LA BRTEN PAR THAL, YID BLO MED PAR DBANG PO MI 'BYUNG BA'I PHYIR, DBANG PO'ANG YID BLO LA BRTEN PAR 'GYUR RO, ,DE LTA NA'ANG, RGYUN LA BLTOS NAS PHAN TSUN RGYU NYID DU 'GYUR BAR THAL, PHAN TSUN PHAN 'DOGS PA'I PHYIR; PHAN 'DOGS BYED RGYU'I DON YIN PA'I PHYIR, 'DOD NA, LUS SEMS GNYIS PHAN TSUN RGYU CAN YIN PAR THAL LO, LUS RTAG PA YIN NA, LUS LAS YID BLO RIM CAN DU 'BYUNG BA MIN PAR THAL, KHYOD RIM CAN MIN PA'I RTAG PA YIN PA'I PHYIR, RKYEN LA BLTOS NAS RIM CAN DU BSKYED PA'ANG MED DE, RKYEN GYIS KHYAD PAR CAN MIN PA'I PHYIR, LUS KYIS YID BLO SNGA MA RIM CAN DANG TSOGS NAS RIM GYIS YID BLO PHYI MA 'BYUNG BAR 'GYUR GYI LUS GCIG PO LAS SKYE BA MIN, ,ZHE NA, LUS DE'I YANG SNGA PHYI RIM PA GSAL BAR BYED PAR THAL, YID BLO SNGA MA LA BLTOS NAS LUS KYIS YID BLO PHYI MA RIM GYIS BSKYED PA'I PHYIR, 'DOD NA, LUS SKAD CIG SNGA MA SNGA MA NI SNGAR MED PA'I LUS SEMS SKAD CIG PHYI MA RE RE PA DE'I RGYU YIN PAR THAL, KHYOD KYI RTZOD PA DE YI PHYIR, 'DOD NA, 'CHI KHA DANG SKYES MA THAG PA THAMS CAD KYI TSE NA, LUS SEMS PHAN TSUN RGYUR MTHONG BA NYID DU THAL, 'DOD PA'I PHYIR, DE DAG NI, LUS KYIS YID BLO LA GNAS SKABS PHAN 'DOGS PA TZAM YOD KYANG LDOG BYED KYI RGYU KHYAD PAR CAN MA YIN ZHES PA'O, ,LDOG BYED KYI RGYU KHYAD PAR CAN NI, MAR ME LA PHAN GNOD JI TZAM GYIS MAR ME'I 'OD LA 'GYUR LDOG DE TZAM 'GYUR BA LTA BU'O,, GNYIS PA SKYE BA SNGA PHYI MED PA'I SGRUB BYED DGAG PA LA, MDOR BSTAN PA DANG, RGYAS PAR BSHAD PA DANG, DON BSDU BA'O, DANG PO'I RTZA BAR, THA MA'I SEMS NI SEMS GZHAN DANG, ,ZHES PA NAS, DE TZAM GYIS NI LDOG PA MIN, ,ZHES PA'I @59 BAR DANG, GNYIS PA RGYAS PAR BSHAD PA LA, LUS NI GNAS PA NYID NA SEMS, ZHES PA NAS, 'DI NYID LAS NI SKYE BAR 'GYUR, ZHES PA'I BAR 'CHAD, GSUM PA DON BSDU BA NI, DES NA RGYU DANG BRAL BA'I PHYIR, ,ZHES PA NAS, DE 'DRA'I SGRUB BYED LHAG LDAN 'DOD, ,CES PA'I BAR 'CHAD DO, DANG PO MDOR BSTAN PA LA, RTAGS MA NGES PA DANG, DPE MA GRUB PA'O, ,DANG PO NI, THA MA'I SEMS NI SEMS GZHAN DANG, MTSAMS SBYOR BA LA 'GA' CI YOD CES PAS, THA MA 'CHI KHA'I SEMS NI, RIGS 'DRA'I SEMS GZHAN MTSAMS SBYOR BA DANG 'GAL BA CI YANG YOD PA MA YIN PA'I PHYIR, GNYIS PA DPE MA GRUB PA LA, DPE SGRUB BYED KYI TSAD MA MED PA DANG, TSAD MA YOD PAR RTOG PA DGAG PA'O, ,DANG PO NI, RTZA BAR, DGRA BCOM SEMS GANG YIN DE YANG, GANG LAS MTSAMS SBYOR MED PAR 'DOD, ,CES PAS, DGRA BCOM THA MA'I SEMS GANG YIN PA DE YANG, THA MAL PA'I SEMS RIGS 'DRA PHYI MA MTSAMS SBYOR BA MED PAR SGRUB PA'I RTAGS CHOS GNYIS LDAN GYI MTHUN DPE YANG DAG TU 'DOD MI RIGS PAR THAL, DE 'DRA DGRA BCOM PA'I SEMS DE TSAD MA GANG LAS KYANG MA GRUB PA'I PHYIR, SANGS RGYAS PAS BYE BRAG PA LA, DPER NA, YON TAN LA SOGS PA, ZHIG DANG MA SKYE DAG LA BZHIN, ZHES DPER BKOD PA YANG MI RUNG BAR 'GYUR, GNYIS PA TSAD MA YOD PAR RTOG PA DGAG PA LA, LUNG GI SGRUB BYED MI 'THAD, RIGS PA'I SGRUB BYED MI 'THAD PA'O, ,DANG PO NI, RTZA BAR, TSAD MAS MA GRUB DON CAN GYI; GRUB MTHA'I RJES SU 'BRANG NGAM CI, ,ZHES PAS, SANGS RGYAS PA'I LUNG LAS BSHAD PA'I DGRA BCOM THA MA'I SEMS DE SGRUB BYED DU MI RUNG BAR THAL, GRUB MTHA' DE TSAD MAS MA GRUB PA'I DON CAN YIN PA'I PHYIR TE, SANGS RGYAS PA'I LUNG DON 'GOG PAR 'DOD PA'I PHYIR, YANG NA SANGS RGYAS PA'I GRUB MTHA'I @60 RJES SU 'BRANG NGAM CI STE MI 'BRANG BA'I PHYIR, GNYIS PA RIGS PA'I SGRUB BYED MI 'THAD PA LA, RTAGS LA DGAG PA DANG, RTZOD PA SPANG BA, 'BRAS BU LDOG PA'I RGYU KHYAD PAR CAN NGOS GZUNG BA'O, ,DANG PO NI, RTZA BAR, GAL TE DE RGYU BRAL PHYIR NA, , DE NYID 'DIR NI CIS MA BRJOD, , DE BLO BZHIN DU 'DZIN 'GYUR PHYIR, , DBANG PO BCAS LAS YID SHES MIN, , SHES SKYED NUS PA THA DAD PHYIR, , KUN LAS KYANG NI MA YIN NO, , SEMS MED NYID PHYIR GZHAN LAS MIN, , ZHES PAS, DGRA BCOM 'CHI KHA'I SEMS CHOS CAN, RIGS 'DRA MTSAMS MI SBYOR TE, DBUGS 'BYUNG RDUB SOGS DANG BRAL BA'I PHYIR, ZHE NA, RTAGS DE NYID THA MAL PA'I 'CHI SEMS MTSAMS SBYOR BA MED PA'I SGRUB BYED DU 'DIR NI CIS MA BRJOD DE BRJOD 'DOD DO, BRJOD NA MI 'THAD DE, DBANG POS BDAG RKYEN BYED PA LAS YID SHES RTOG PA SKYE BA MIN PAR THAL, GAL TE SKYES NA, GZUGS 'DZIN MIG BLO BZHIN DU GZUGS GSAL BAR 'DZIN PAR 'GYUR BA LAS MI 'DZIN PA'I PHYIR, DBANG PO KUN TSOGS PA LAS YID SHES RTOG PA SKYE BA MIN TE, DBANG PO RNAMS YUL SO SOR 'DZIN PA'I SHES PA BSKYED PA'I NUS PA THA DAD PA'I PHYIR, DER MA ZAD, KUN TSOGS PA LAS SKYE DGOS NA, DBANG PO GCIG MA TSANG NA'ANG YID BLO MI SKYE BAR THAL BAR 'GYUR BA'I PHYIR, SHI BA'I LUS GZHAN LAS KYANG YID BLO BDAG RKYEN BYED PA LAS SKYE BA MIN TE, DE LA NYER LEN SEMS MED PA NYID KYIS PHYIR RO, ,GNYIS PA RTZOD PA SPANG BA NI, RTZA BAR, RGYU GCIG @61 PHYIR NA LHAN CIG GNAS, ,DBANG BZHIN GZUGS DANG RO BZHIN NO, ,DON GYI SGO NAS 'GYUR BA YIN, ,ZHES PAS, 'O NA, LHAN CIG GNAS PA CI YIN ZHE NA, TSOGS PA GCIG PA'I DBANG YID RNAM SMIN RNAMS LHAN CIG TU GNAS SU RUNG STE, SNGON GYI LAS KYI RGYU GCIG LAS SKYE PA'I PHYIR, DPER NA, DBANG PO LNGA BZHIN NO, , RTEN DANG BRTEN PA MED KYANG LHAN CIG GNAS PA'I RO DANG GZUGS BZHIN NO, , KHA CIG GIS DUG SOGS KYIS YID GLONG GLONG POR 'GYUR BAS, LUS YID BLO'I BDAG RKYEN YIN NO ZHE NA, DE NI, BDAG RKYEN BYED PA'I SGO NAS YID 'GYUR BA MA YIN PAR, DON DE DAG DMIGS YUL DU BYAS PA TZAM GYIS 'GYUR BA YIN PA'I PHYIR, DPER NA, DUG ZOS KYANG YID LA MA BSAMS NA YID MI 'GYUR BA MNGON SUM GYIS GRUB PA'I PHYIR, GSUM PA LDOG BYED KYI RGYU KHYAD PAR CAN NGOS GZUNG BA NI, RTZA BAR, RTAG TU DE YI RJES 'JUG PHYIR, , GANG ZHIG YOD PAS PHAN 'DOGS BYED, , DE RGYU DE PHYIR BDUN PA DANG, , SKYES PHYIR ZHES NI BSHAD PA YIN, , 'GA' ZHIG TSE NA SEMS RGYUN LA, , PHAN 'DOGS BYED PA'ANG YIN SLA STE, , BUM SOGS LA NI ME SOGS BZHIN, , DE TZAM GYIS NI LDOG PA MIN, , ZHES PAS, MAR ME'I 'OD DE, RTAG TU MAR ME DE YI DNGOS KYI NYER LEN GYI RJES SU 'JUG PA'I PHYIR, MAR ME GANG ZHIG DE'I 'OD KYI SNGA LOGS SU YOD PA TZAM GYIS 'OD DE LA DNGOS SU PHAN 'DOGS PAR BYED PA'I PHYIR NA, MAR @62 ME DE MAR ME'I 'OD KYI LDOG BYED KYI RGYU KHYAD PAR CAN YIN NO, ,MDO LAS, 'DI YOD NA 'DI 'BYUNG ZHES PA'I RGYU MTSAN GYI BDUN PA DANG, 'DI SKYES PA'I PHYIR, 'DI SKYE ZHES LNGA PA 'BYUNG KHUNGS KYI SGRA BSHAD PA NI, LDOG BYED KYI RGYU KHYAD PAR CAN LA DE 'DRA BA ZHIG DGOS PA'I DON NO, ,DUS 'GA' ZHIG GI TSE NA, LUS DE SEMS RGYUN LA PHAN 'DOGS PA BYED PA'ANG YIN SLA STE, DE TZAM GYIS LUS LOG STOBS KYIS SEMS LDOG PA MIN PAR THAL, RDZAS THA DAD LDOG BYED KYI RGYU KHYAD PAR CAN MIN PA'I PHYIR, DPER NA, RDZA'I BUM PA SOGS LA ME LA SOGS PAS GNAS SKAMS PHAN 'DOGS PA BZHIN NO, ,'O NA, RDZA'I BUM PA LA PHAN 'DOGS BYED KYI ME SOGS CHOS CAN, KHYOD LOG STOBS KYIS RDZA'I BUM PA LDOG PA MA YIN PAR THAL, DE GNYIS RDZAS THA DAD LDOG BYED KYI RGYU KHYAD PAR CAN MA YIN PA'I PHYIR, KHYAB PA RTAGS GONG MA'I SKABS KHAS, 'DOD NA, DE 'DRA ME SOGS CHOS CAN, RDZA'I BUM PA'I RGYU MA YIN PAR THAL, 'BREL BA MED PA'I PHYIR, 'DOD NA, DPER BKOD PA 'BUD, MA GRUB NA, DER THAL, RGYU LOG STOBS KYIS 'BRAS BU MI LDOG PA'I PHYIR, KHYAB STE, 'BREL BA'I DON YOD PA'I PHYIR, GONG GI GZHUNG RTZA 'GRAL DE RNAMS KYIS, THA MAL PA'I 'CHI SEMS DE RIGS 'DRA PHYI MAR MTSAMS SBYOR BA BSGRUBS NAS SKYE BA PHYI MA YOD PAR BSGRUBS PA LA, RGYANG PHAN PA NA RE, GANG 'CHI SEMS YIN PA DE NI RIGS 'DRA PHYI MAR MTSAMS MI SBYOR BAS KHYAB STE, DPER NA, DGRA BCOM THA MA'I 'CHI SEMS DE RIGS 'DRA PHYI MAR MTSAMS MI SBYOR BA KHYOD KYI LUNG LAS BSHAD PA BZHIN NO; ;THA MAL PA'I 'CHI SEMS DE YANG 'CHI SEMS YIN NO, ,ZHES BKOD PA LA, SANGS RGYAS PAS KHYOD KYIS DPER BKOD PA DE TSAD MAS MA GRUB PA'I DON CAN YIN PAS SANGS RGYAS PA'I GRUB MTHA'I RJES SU 'BRANGS NAS BRJOD DAM ZHES DGAG, @63 DE LA, SKABS 'GAR RI BONG GI RVA DANG, MO GSHAM GYI BU DANG, NAM MKHA'I PAD MO SOGS DPER BKOD PAS, PHYOGS SNGA MAS, DE DAG DPER MI RUNG STE, TSAD MAS MA GRUB PA'I PHYIR ZHE NA LAN CI YOD, DE BZHIN DU GRUB MTHA' GONG MA RNAMS KYIS GRUB MTHA' 'OG MA 'OG MA RNAMS KYIS KHAS BLANGS PA DPER BYAS TE GTAN TSIGS BKOD PA YOD PAS, DE DAG LA'ANG GRUB MTHA' 'OG MA RNAMS KYIS DE DAG DPER MI RUNG BAR THAL, KHYOD KYIS 'GOG PAR 'GYUR BA'I PHYIR, ZHES SMRAS PA LA'ANG GANG BRJOD BSAM PAR BYA'O, ,DGRA BCOM THA MA'I SEMS SKABS 'DIR KHAS LEN PAS, DE GANG YIN ZHE NA, LHAG MED DU MYA NGAN LAS 'DA' KHA MA'I SEMS SKAD CIG THA MA DE YIN, DES NYER LEN BYED PA'I SEMS MED PA YIN GYI RANG GI 'BRAS BU LA PHAN 'DOGS PA YIN TE, 'DUS BYAS YIN PA'I PHYIR, MAR ME SHI BA BZHIN DU BEM RIG RGYUN CHAD PAR BSHAD PA'I PHYIR NA, LHAG MED MYANG 'DAS GANG ZAG GANG GI RGYUD LA'ANG MED PA DANG, DE THOB PA'I GANG ZAG MED PA'ANG KHAS BLANG DGOS PAS THOB BYA JI LTAR YIN, NYON MONGS DAG PA'I SEMS 'BA' ZHIG RIGS 'DRA PHYI MAR MTSAMS SBYOR BA YANG MI RIGS TE, SEMS YOD NA GANG ZAG KYANG YOD PA'I PHYIR, KUN MKHYEN YE SHES SOGS LA PHAN 'DOGS PAR BSHAD PA YANG, DE LA DMIGS PA'I RNAM MKHYEN SKYE BA YOD PA LA DGONGS PA YIN GYI, DGRA BCOM THA MA'I SEMS DE KUN MKHYEN YE SHES LA 'GYUR RGYU YOD PA BSHAD PA MA YIN NO, ,MTHAR THUG THEG PA GSUM DU GRUB PAR KHAS BLANGS PHYIN LHAG MED DU MYA NGAN LAS 'DAS PA NA SEMS RGYUN CHAD PAR KHAS LEN DGOS PAS MI BDE BA CHEN PO 'THON, BYE BRAG SMRA BAS, THOB PA 'DUS BYAS PA ZHIG 'DOD KYANG 'JOG DKA' MTHAR THUG THEG PA GCIG TU GRUB PA KHAS LEN NA DGRA BCOM THA MA'I SEMS YOD NA YANG SEMS KYI RGYUN RIGS 'DRA MTSAMS @64 SBYOR BA KHAS LEN CHOG PAS, MU STEGS PA'I RTZOD PA DE 'ONG DON MED DO, , MTHAR THUG THEG PA GSUM DU GRUB PAR KHAS LEN NA, DGRA BCOM THA MA'I SEMS KYI STENG DU 'CHI SEMS DANG RIGS 'DRA PHYI MA MTSAMS MI SBYOR BA GNYIS KAR GRUB PAS RTAGS CHOS GNYIS LDAN GYI MTHUN DPE RU BZHAG PA DE YANG BSAM ZHIB BYED 'OS PA ZHIG 'DUG STE, DE 'DRA'I KHYAB PA SANGS RGYAS PAS KHAS MI LEN KYANG, RTAGS CHOS GNYIS KA DPE'I STENG DU GRUB PAS DE TZAM GYIS MTHUN DPE YANG DAG TU KHAS MI LEN ZER YANG, SANGS RGYAS PAS, MU STEGS PA LA, BYIS PA SKYES MA THAG PA'I RIG PA CHOS CAN, RIG PA SNGA MA SNGON DU SONG STE, RIG PA YIN PA'I PHYIR, DPER NA, DA LTA'I RIG PA BZHIN ZHES PA DE YANG DPE'I STENG DU RTAGS CHOS GNYIS KA YOD PA KHAS LEN YANG KHYAB PA MU STEGS PAS KHAS MI LEN PA'I PHYIR, RTAGS DE GNYIS LA PHYIR RGOL GYIS KHYAB PA KHAS MI LEN PA'ANG 'DRA LA; SNGA RGOL RANG GIS KHYAB PA YOD PA'ANG 'DRA BA'I PHYIR, MTHAR THUG NA NGA NI SANGS RGYAS PA YIN PAS NGED KYIS BKOD PA'I RTAGS DE KHYAB PA YOD CING, KHYOD MU STEGS PA YIN PAS KHYOD KYIS BKOD PA'I RTAGS DER KHYAB PA MED CES PA SONG BAR 'GYUR BAS, DE LTAR NA, RANG NYID RIGS PA SMRA BA KHAS LEN PA DANG 'GAL LA RANG RE'I STON PA THUGS RJE CAN NAS KYANG, DGE SLONG DAG GAM MKHAS RNAMS KYIS, BSREG BCAD BRDAR BA'I GSER BZHIN DU, LEGS PAR BRTAG LA NGA YI BKA', , BLANG PAR BYA YI GUS PHYIR MIN, ,ZHES DANG, GANG ZAG LA MI RTON CHOS LA RTON PA SOGS RTON PA BZHI GSUNGS PA'I PHYIR, DES NA, MU STEGS PA'I RIGS PA DE LA MTHONG CHUNG MIN PAR ZHIB TU BSAM STE SKYE BA PHYI MA MED PAR SGRUB BYED YANG DAG TU RANG LA MA SONG BAR BYED DGOS, GZU BOR BLO GROS LDE MIG GIS, , @65 RANG GZHAN GRUB MTHA'I SGO BRGYAR BYE, , GTING DPOG DKA' BA'I BRJOD BYA'I NOR, , DGOS 'DOD YID BZHIN 'GRUB PAR BYED, , GZHAN LA 'PHYA SMOD SEMS LONG BA, , RANG GI 'DOD PA'I LAM NOR TE, , LTA BA'I G-YANG SAR LHUNG BAR NGES, , DRANG PO'I LAM LA BLO MIG BLTOS, , PHYI ROL MDZES PA BA ZHES SMOD NA YANG, RANG SEMS DE YI GRUB MTHA'I RJES SU SONG, KHA ZHEN GNYIS MED RGYANG PHAN GRUB MTHA' LA, SUN 'BYIN BRJOD DE SKYE BA SNGA PHYI BSGRUB CES PA NI, BAR SKABS KYI TSIGS SU BCAD PA'O, ,CHAGS BCAS KYI RIG PA YIN NA, RIGS 'DRA PHYI MA MTSAMS SBYOR BAS KHYAB PAR THAL, SKYE BA PHYI MA SGRUB PA'I RIGS PA DE'I PHYIR, 'DOD NA, SPANG KHA MA'I 'DOD CHAGS SKAD CIG THA MA CHOS CAN, DER THAL, DE'I PHYIR, RTAGS SLA, 'DOD NA, DE'I RIGS 'DRA PHYI MA YOD PAR THAL, 'DOD MI NUS TE, RIGS 'DRA PHYI MA RGYUN CHAD PA'I PHYIR TE, RIGS 'DRA PHYI MA RGYUN CHAD PA'I TSUL GYIS SPANGS PA'I PHYIR; DE LTA MA YIN NA, NYON MONGS PA THAMS CAD KYANG MTHAR RNAM MKHYEN GYI NGO BOR 'GYUR BA KHAS LEN DGOS SO, ,RIGS 'DRA PHYI MAR MTSAMS SBYOR ZHES PA DE RANG GI NYER 'BRAS SU GYUR PA'I SHES PA ZHIG GI NGO BOR 'GYUR BA DGOS KYI, RIG PA PHYI MA YOD PA TZAM LA MI 'JOG STE, DGRA BCOM THA MA'I SEMS DE RIGS 'DRA PHYI MA MTSAMS MI SBYOR BAR BSHAD PAS SHES SO, ,YANG NA, CHAGS BCAS KYI RIG PA YIN NA RGYUN LDAN GYI RIG PA YIN PAS KHYAB PA LA ZER NA, THA MAL PA'I 'CHI SEMS SKAD CIG THA MA DE, CHAGS BCAS KYI RIG PA MA YIN PAR THAL, @66 'DOD NA, DE RIGS 'DRA PHYI MA MTSAMS SBYOR BAR SGRUB BYED MED PAR 'GYUR RO, , DUS MTHA'I SKAD CIG MAR GYUR PA'I CHAGS BCAS KYI RIG PA YOD MED SOGS DPYAD DO; ;GNYIS PA SKYE BA SNGA PHYI MED PA'I SGRUB BYED DGAG PA RGYAS PAR BSHAD PA LA, LUS BLO'I RTEN KHYAD PAR CAN YIN PA DGAG PA DANG, BKAG PA LA GNOD PA SPANG BA'O; ;DANG PO LA LUS KYIS YID BLO'I RTEN GYI BYA BA BYED TSUL LA BRTAGS LA DGAG PA DANG, RTEN BYED PA'I LUS KYI NGO BO'I RNAM PA LA BRTAGS LA DGAG PA'O, , DANG PO LA SNGA PHYI LA BRTAGS LA DGAG PA DANG, DUS MNYAM LA BRTAGS LA DGAG PA'O, ,DANG PO LA, THAL BA DGOD PA DANG, DE'I LAN DGAG PA, NYER LEN GYI MTSAN NYID NGOS GZUNG BA'O, ,DANG PO NI, RTZA BAR, LUS NI GNAS PA NYID NA SEMS, ,LDOG PA MED PAR THAL BAR 'GYUR, ,ZHES PAS, SHI BA'I LUS LA SEMS LDOG PA MED PAR THAL, SEMS KYI NYER LEN LUS TSANG BAR GNAS PA NYID KYI PHYIR, THAL 'GYUR DE LA KHYAB PA YOD DAM MED, MED NA, THAL 'GYUR YANG DAG MA YIN PAR 'GYUR RO, ,YOD NA, SEMS MED KYI SNYOMS 'JUG GNYIS LA LANGS KHA MA'I GANG ZAG CHOS CAN, KHYOD KYI RGYUD LA SEMS LDOG PA MED PAR THAL, SEMS KYI NYER LEN TSANG BAR GNAS PA'I PHYIR, DE BZHIN DU, MYU GU'I NYER LAN TSANG NA, MYU GU YOD PAS KHYAB PAR THAL BA SOGS DU MA 'PHEN NO; ;KHO BO'I BLO NGOR 'DI LTAR 'CHAR TE, RGYANG PHAN PAS, YID BLO LUS 'BA' ZHIG LAS SKYE BAR 'DOD PAS, SHI BA'I LUS LA'ANG YID BLO'I RGYU TSANG BAR GNAS SHING, GANG LA RGYU TSOGS GRANGS TSANG DE LA 'BRAS BU SKYE BAR NUS PA DNGOS PO'I CHOS NYID YIN PA'I PHYIR, SHI BA'I LUS LA YID BLO'I RGYU TSOGS GRANGS TSANG YOD PAS YID BLO 'BYUNG BA 'DON MI ZA BAR KHAS LEN DGOS SO DGONGS PA'O, , GNYIS PA DE'I LAN DGAG PA LA, MTHUN RKYEN MA TSANG BA'I LAN DGAG PA DANG, @67 'GAL RKYEN GYIS BCOM PA'I LAN DGAG PA'O, ,DANG PO NI, DE YOD YOD DANG DBANG GYUR PHYIR, ,ZHES PA NAS, GANG PHYIR RGYU NI YIN PAR 'DOD, ,ZHES PA'I BAR 'CHAD, GNYIS PA NI, GAL TE SDONG PO LA SOGS BZHIN, ,ZHES PA NAS; DE CES SLAR YANG 'TSO MI 'GYUR, ,ZHES PA'I BAR 'CHAD, DANG PO'I RTZA BA, DE YOD YOD DANG DBANG GYUR PHYIR, , DE LAS 'BYUNG RDUB DE MA YIN, , RLUNG 'BYIN PA DANG 'DREN PA NI, , 'BAD RTZOL MED PAR GANG LAS YIN, , DE DAG PHUL BYUNG 'GRIB PA LAS, , PHUL BYUNG 'GRIB PA THOB PAR 'GYUR, , DE DAG LA YANG THAL BA MTSUNGS, , SEMS RGYU YIN NA MTSUNGS MA YIN, , GNAS PA'I 'PHEN BYED GZHAN DAG KYANG, , GANG PHYIR RGYU NI YIN PAR 'DOD, , CES PAS, RGYANG PHAN PA NA RE, SHI BA'I LUS LA YID BLO'I NYER LEN LUS TSANG BAR GNAS KYANG, MTHUN RKYEN DBUGS MED PAS YID BLO LDOG STE, RGYAL BA BZHIN NO ZHE NA, DBUGS DE YID BLO'I BDAG RKYEN KHYAD PAR CAN MA YIN PAR THAL, YID BLO RTOG PA DE LAS DBUGS 'BYUNG RDUB 'BYUNG GI, DBUGS 'BYUNG RDUB DE LAS YID BLO 'BYUNG BA MA YIN PA'I PHYIR, DER THAL, YID BLO YOD PA'I STOBS KYIS DBUGS DE YOD PA DANG, DBUGS DE DRAG ZHAN DU RGYU BA YID BLO'I RTZOL BAS GZHAN DBANG DU 'GYUR BA'I PHYIR, DER THAL, SKYES BU'I RLUNG @68 PHYIR 'BYIN PA DANG NANG DU 'DREN PA SOGS 'BAD RTZOL SNGON DU SONG BA LAS 'BYUNG GI; DE SNGON DU MA SONG BAR RGYU GANG LAS KYANG DE 'BYUNG BA MA YIN PA'I PHYIR, DBUGS DE DAG PHUL DU BYUNG BA DANG 'GRIB PA LAS YID BLO PHUL DU BYUNG BA DANG 'GRIB PA THOB PAR 'GYUR BAR THAL, DBUGS YID BLO'I BDAG RKYEN KHYAD PAR CAN YIN PA'I PHYIR, DBUGS YID BLO'I BDAG RKYEN YIN NA, DBUGS DE'I RGYU GANG YIN LUS DE DBUGS KYI NYER LEN YIN NA, SHI BA LUS LA'ANG DBUGS DE DAG LDOG PA MED PAR THAL BA MTSUNGS TE, RLUNG DE'I NYER LEN LUS TSANG BAR GNAS PA'I PHYIR, DES NA, SHI BA'I LUS LA NYER LEN DANG MTHUN RKYEN GNYIS KA TSANG BAS YID BLO LDOG PA MED PAR THAL BA SO NA GNAS SO, RANG LUGS LA MI MTSUNGS TE; SEMS SNGA MA DE SEMS PHYI MA'I RGYU YIN NA SHI BA'I LUS LA SEMS MI LDOG PA'I THAL BA MTSUNGS PA MA YIN PAR THAL, LUS SEMS LHAN CIG TU GNAS PA'I 'PHEN BYED KYI LAS GZHAN DAG KYANG DE GNYIS LHAN CIG GNAS PA'I RGYU YIN PAR 'DOD PA'I PHYIR, GNYIS PA 'GAL RKYEN GYIS BCOM PA'I LAN DGAG PA LA, THAL BA DGOD PA DANG, DE'I LAN DGAG PA'O, ,DANG PO NI, RTZA BAR, GAL TE SDONG PO LA SOGS BZHIN, , NYES PAS MI MTHUN LUS RGYU MIN, , SHI BA'I NYES PA NYAMS GYUR TSE, , SLAR YANG 'TSO BA DAG TU 'GYUR, , ZHES PAS, GAL TE 'GA' ZHIG GIS RIG SNGAGS BTAB PA'I SHING GI SDONG BU SOGS ME MI 'BAR BA BZHIN DU NYES PA RLUNG MKHRIS SOGS KYIS SEMS GNAS PA DANG MI MTHUN PAR BYAS PAS SHI BA'I LUS DE SEMS KYI RGYU MA YIN NO ZHE NA, 'O NA, SHI BA'I TSE NA LUS LA SLAR YANG SEMS 'TSO BA DAG TU 'GYUR BAR THAL, @69 LUS GNAS SHING, 'GAL RKYEN NYES PA RNAMS KYANG DUS MNYAM DU NYAMS PAR 'GYUR BA'I PHYIR, GNYIS PA DE'I LAN DGAG PA NI, RTZA BAR, GAL TE ME NI LDOG NA YANG, , SHING GI 'GYUR BA MI LDOG BZHIN, , DE NI LDOG PA MED CE NA, , MA YIN GSO SBYOR YOD PHYIR RO, , SLAR MI 'BYUNG BA 'GA' ZHIG NI, , LA LA 'GYUR BA SKYED PAR BYED, , 'GA' ZHIG LDOG PA YIN PHYIR DPER, , SHING DANG GSER LA ME BZHIN NO, , DANG PO CHUNG YANG LDOG PA MIN, , SLAR LDOG RUNG BAR 'GYUR BYAS GANG, , DE NI SLAR YANG 'BYUNG 'GYUR TE, , GSER GYI SRA BA NYID BZHIN NO, , CUNG ZAD GSO BYA MIN BRJOD PA, , 'CHOS BYED RNYED PA DKA' PHYIR RAM, , TSE ZAD PHYIR RO NYES 'BA' ZHIG , , YIN NA GSO MIN MED PA GNYIS, , SHI BA'I DUG SOGS LDOG PHYIR RAM, , DE YI SOS ZIN BCAD LAS KYANG, , 'GYUR BA'I RGYU DANG BRAL BA NA, , DE CES SLAR YANG 'TSO MI 'GYUR, , @70 ZHES PAS, GAL TE ME LDOG NA YANG SHING GI 'GYUR BA MI LDOG PA BZHIN DU, 'GAL RKYEN NYES PA NAD KYIS 'GYUR BA'I RGYU LOG KYANG, NAD KYI 'GYUR BA CHEN PO SHI BA DE NI LDOG PA MED DO ZHE NA, NAD KYI LDOG TU MI RUNG BA MA YIN PAR THAL, NAD GSO BA DON YOD PA'I PHYIR, MES BYAS PA'I SHING GI 'GYUR BA DANG, NAD KYI SBYOR BA DPE DON MI MTSUNGS PAR THAL, SHING LA MES BYAS PA BZHIN, SLAR MI 'BYUNG BAR 'GYUR BA'I RIGS YIN NA, 'GYUR BA CHUNG YANG LDOG MI SRID, GSER LA ME BZHIN DU 'GA' ZHIG LDOG RUNG DU BYED PA'I RIGS YIN NA, 'GYUR BA CHE YANG LDOG PA'I PHYIR, SHING DANG MTSUNGS NA NAD KYI SBYOR BA RIMS SOGS LDOG MI SRID PAR 'GYUR LA, GSER DANG MTSUNGS NA, 'GYUR BA CHEN PO'ANG LDOG PA'I PHYIR TE, SHING SNA NAG TZAM YANG SHING DU LDOG PA MED, GSER GYI SRA BA CHU BZHIN DU SONG YANG SLAR YANG SRA BA NYID DU LDOG PA'I PHYIR, GSO MI RUNG BA'I NAD BSHAD PA NI, 'CHOS PAR BYED PA'I SMAN DANG SMAN PA RNYED PAR DKA' BA'I PHYIR RAM, KHYOD KYIS ZIN PA'I NAD PA TSE ZAD PA'I DBANG GIS DE LTAR BSHAD KYI, NAD KHO RANG NGOS NAS GSO MI RUNG GI NAD MA YIN NO, ,DE LTAR MIN PAR NAD 'BA' ZHIG 'CHI BA'I RGYU YIN NA, GSO RUNG MIN PA'I NAD MED PA NYID DU THAL, 'GAL RKYEN MED CING MTHUN RKYEN TSANG NA NAD NGES PAR GSO NUS PA'I PHYIR, DUG GIS SHI BA'I LUS DE CES NA SLAR YANG 'TSO BAR MI 'GYUR BA MI 'THAD PAR THAL, NYER LEN LUS GNAS, 'GAL RKYEN SHI BA'I DUG SOGS SNGAGS LA SOGS PAS LDOG PA'I PHYIR RAM, DUG SPRUL DE YIS SOS ZIN PA'I DUG RMA KHAR 'DUS PA BCAD PA LAS KYANG NAD KYI 'GYUR BA'I RGYU DANG BRAL BA'I PHYIR, GSUM PA NYER LEN GYI MTSAN NYID BSHAD PA LA, NYER LEN GYI MTSAN NYID, DE LUS SEMS LA MED PA'O; ;DANG PO NI, RTZA BAR, NYER LEN 'GYUR BA MED PAR NI, ,ZHES PA NAS, @71 'GYUR BA MED PAR BUM SOGS BZHIN, ,ZHES PA'I BAR 'CHAD, GNYIS PA NI, DNGOS GANG 'GYUR BA MED PAR NI, ,ZHES PA NAS, ME DANG ZANGS MA'I KHU NYID BZHIN; ;ZHES PA'I BAR 'CHAD DO, DANG PO NI, NYER LEN 'GYUR BA MED PAR NI, , NYER LEN CAN DAG 'GYUR BAR NI, , BYED PAR MI NUS DPER 'DZIM PA, , 'GYUR BA MED PAR BUM SOGS BZHIN, , ZHES PAS, NYER LEN ZHES PA DE, NYER LEN NGO BO 'GYUR BA MED PAR NYER LEN CAN TE DE'I 'BRAS BU 'GYUR BA BYED MI NUS PAR DE'I NGO BO TZAM GYI MTHUN MONG MA YIN PA'I LAG RJES DNGOS SU 'JOG BYED YIN PA ZHIG DGOS TE, DPER NA, 'DZIM PA 'GYUR BA MED PAR RDZA'I BUM PA SOGS MI 'GYUR BA BZHIN NO, ,GNYIS PA DE LUS SEMS LA MED PAR NI, RTZA BAR, DNGOS GANG 'GYUR BA MED PAR NI, , DNGOS PO GANG ZHIG RNAM 'GYUR BA, , DE DE'I NYER LEN MI RIGS TE, , BA GLANG BA MIN LA SOGS BZHIN, , SEMS DANG LUS KYANG DE BZHIN NO, , DE RGYU LHAN CIG BYED PA LAS, , SKYE BA'I 'BRAS BU LHAN CIG GNAS, , ME DANG ZANGS MA'I KHU NYID BZHIN, , ZHES PAS, RGYU'I DNGOS PO GANG 'GYUR BA MED PAR 'BRAS BU'I DNGOS PO GANG ZHIG RNAM PAR 'GYUR BA'I RGYU DE 'BRAS BU DE'I NYER LEN DU MI RIGS TE, @72 DPER NA, BA GLANG DANG BA MIN LA SOGS PA BZHIN NO, ,SEMS DANG LUS GNYIS KYANG NYER LEN DANG NYER LEN CAN MA YIN PA DE BZHIN NO, ,DE GNYIS KYI NYER LEN PHAN TSUN LHAN CIG BYED RKYEN BYED PA LAS SKYE BA'I PHYIR, DPER NA, ME DANG ZANGS MA'I KHU BA NYID LHAN CIG TU GNAS PA BZHIN NO, ,'DIR BA MIN ZHES PA DE BA GLANG DANG BA 'JO CHEN PO DE LA ZER, TSOGS PA GCIG TU GNAS PA'I GZUGS DRI RO REG BYA RNAMS LHAN CIG TU GNAS KYANG PHAN TSUN RTEN BRTEN PA MA YIN PA LTAR LUS SEMS GNYIS KYANG YIN PAR BSHAD PAS, 'KHAR GZHONG LA RGYA SHUG BRTEN TSUL DE GANG YIN DPYAD, BUM PA'ANG RANG NANG GI CHU LA PHAN 'DOGS PAR BSHAD PAS LUS DE SEMS LA PHAN MI 'DOGS PA'I RGYU MTSAN 'TSOL DGOS SO, ,GNYIS PA DUS MNYAM LA BRTAGS LA DGAG PA LA, DUS MNYAM GYI RTEN DGAG , DES RIGS CAN GZHAN YANG KHEGS PA, DON BSDU BA'O, ,DANG PO LA, THAL BA DGOD, DE'I LAN DGAG , MNGON SUM DANG 'GAL BA SPANG BA'O, ,DANG PO NI, YOD MED DAG LA RTEN MED PHYIR, MA YIN ZHES PAS, YID BLO CHOS CAN, LUS DE KHYOD KYI DUS MNYAM PA'I RTEN MA YIN PAR THAL, KHYOD RDZAS SU YOD PA DANG MED PA DAG LA YANG DUS MNYAM PA'I RTEN RDZAS GZHAN DON MED PA'I PHYIR, GNYIS PA DE'I LAN DGAG PA NI, RTZA BAR, YOD PA'I GNAS RGYU NI, RTEN YID ZHE NA 'DI RTEN MED, , GNAS PA PO LAS GZHAN MIN PHYIR, , GZHAN YIN NA YANG DE RGYU NYID, , DES NI DNGOS PO CI ZHIG BYAS, , 'JIG PA MED PAR THAL BAR 'GYUR, , GAL TE DE 'JIG RGYU LAS 'DOD, , @73 DE LA'ANG THAL BA MTSUNGS PA YIN, , GNAS PA'I RGYUS KYANG CI ZHIG BYAS, , GAL TE 'JIG RGYU PHRAD BAR DU, , DES GNAS 'JIG PA DNGOS CHOS NYID, , YOD PA 'DI GNOD MED PHYIR DANG, , GNAS PA'I RGYU NI CI ZHIG BYA, , ZHES PAS, RGYANG PHAN PAS, LUS DE YID BLO RDZAS SU YOD PA DANG MED PA'I RTEN MA YIN YANG, YID BLO GRUB ZIN GNAS PA'I RTEN YIN NO ZHE NA, LUS 'DI YID BLO'I GRUB ZIN GNAS PA'I RTEN DU MED DE, YID BLO'I GNAS PA PO YID BLO LAS GZHAN MEN PAR RANG RGYU LAS DE'I BDAG NYID DU SKYES PA'I PHYIR, MA GRUB STE, RDZAS GZHAN YIN NO ZHE NA, LUS DES NI KHYOD KYI DNGOS PO GNAS PA'I BYA BA CI ZHIG KYANG BYAS PA MI 'THAD PAR THAL, LUS DE YID BLO LAS RDZAS GZHAN PA'I YID BLO GNAS PA DE'I RGYU NYID YIN PA'I PHYIR, YID BLO CHOS CAN, KHYOD 'JIG PA MED PAR THAL BAR 'GYUR TE, KHYOD GRUB ZIN DUS GNYIS PAR GNAS PA'I PHYIR, GAL TE 'JIG RGYU LAS 'JIG PAR 'DOD PA'O ZHE NA, KHYOD GRUB ZIN GNAS PA LAS PHYIS 'JIG RGYUS 'JIG PA MI 'THAD PAR THAL, DE LA'ANG YID BLO'I 'JIG PA YID BLO DANG RDZAS GCIG DANG THA DAD BRTAGS NA, THAL BA SNGA MA DANG SKYON MTSUNGS PA YIN PA'I PHYIR, GNAS PA'I RGYUS KYANG CI ZHIG BYA DON MED PAR THAL, 'JIG RGYU DANG MA PHRAD NA GRUB ZIN GNAS, 'JIG RGYU DANG PHRAD NA RGYUS GNAS PAR BYED MI NUS PA'I PHYIR, GAL TE GNAS PA'I RGYU MED NA SNGAR NAS 'JIG PAS 'JIG RGYU DANG PHRAD PA'I BAR DU DES GNAS PAR BYED DO ZHE NA, 'JIG PA DNGOS PO'I CHOS NYID DU YOD PA 'DI LA GNOD BYED MED PAR THAL, 'JIG RGYU @74 DANG MA PHRAD PAR YANG 'JIG PA SRID PA'I PHYIR, 'DOD NA, GNAS PA'I RGYUS NI CI ZHIG BYA GRUB ZIN GNAS MI NUS PAR THAL, 'JIG PA DNGOS PO'I CHOS NYID DU 'DOD PA LA GNOD BYED MED PA'I PHYIR, GSUM PA MNGON SUM DANG 'GAL BA SPANG PA NI, RTZA BAR, GAL TE DPER NA CHU SOGS KYI, , RTEN BZHIN ZHE NA 'DI LA'ANG MTSUNGS, , DNGOS RNAMS SKAD CIG RE RE NI, , 'JIG NA DNGOS RGYUN DE LTA BUR, , SKYE RGYU YIN PHYIR DE RTEN YIN, , DE LTA MIN NA RIGS MA YIN, , 'BO BA YIS NI GEGS BYED PHYIR, , CHU SOGS KYI NI RTEN 'GYUR GYI, , 'GRO BA MED CAN YON TAN SPYI, , LAS RNAMS LA NI RTEN CI DGOS, , ZHES PAS, SA PHYOGS CHU SOGS KYI GRUB ZIN GNAS PA'I RTEN DU MNGON SUM GYIS GRUB PA BZHIN DU LUS SEMS GNYIS KYANG YIN NO ZHE NA, SNOD SOGS CHU SOGS KYI GRUB ZIN GNAS PA'I RTEN MA YIN PAR THAL, 'DI LA'ANG DON LA BKOD PA'I NYES PA MTSUNGS PA'I PHYIR, CHU SNOD CHOS CAN, RANG NANG GI CHU'I RTEN YIN TE, SNOD NANG DU CHU'I DNGOS PO RNAMS SKAD CIG RE RER 'JIG PA'I NGANG CAN DE DAG DNGOS PO RGYUN PHYI MA SNGA MA'I DNGOS PO DE LTA BUR YUL GO SA MTSUNGS PAR SKYE BA'I RGYU YIN PA'I PHYIR, SNOD DE RANG NANG GI CHU LA PHAN 'DOGS PA DE LTA MIN NA DON GZHAN GYI RTEN DU RIGS PA MA YIN NO, ,SNOD DE CHOS CAN, RANG NANG @75 GI CHU'I RTEN YIN TE, CHU DE THUR DU 'BO BA YI GEGS BYED PA'I PHYIR, YON TAN DANG, SPYI DANG LAS RNAMS CHOS CAN, KHYOD LA DON GZHAN GYI RTEN CI DGOS TE MI DGOS PAR THAL, SKAD CIG SNGA PHYI GANG DU YANG 'GRO BA MED PA CAN YIN PA'I PHYIR, SKABS 'DIR, SNOD SOGS CHU SOGS KYI DON GZHAN GYI RTEN DANG, SKABS GZHAN DU'ANG 'KHAR GZHONG RGYA SHUG GI DON GZHAN GYI RTEN DU GSUNGS PAS DE LTAR NA, KHANG PA DE, RANG NANG GI KHANG BDAG GI DON GZHAN GYI RTEN DANG, PHYUGS RVA DE RANG NANG GI PHYUGS KYI RTEN DANG BTZON KHANG DE'ANG BTZON PA'I RGYU YIN PA DANG, RLUNG 'KHOR YANG DE NANG GI GANG ZAG GI RGYU YIN PA DANG, GNAM GRU DE RANG NANG GI MI'I RGYU YIN PA SOGS SU 'GYUR TE, DE DAG PHYIR ROL DU LHUNG BA LA GEGS BYED PA'I PHYIR, 'DOD NA, LUS DE'ANG, RANG NANG GI RGYU MA GLO MCHIN SNYING RNAMS KYI RGYU YIN PAR 'GYUR, DE YANG YIN NA, LUS DES SEMS LA PHAN 'DOGS PA LA SKYON CI YOD, LUS MED NA LUS NANG SEMS GNAS MI THUB PAR MNGON SUM GYI GRUB PAS LUS SKAD CIG SNGA MA SNGA MAS RGYUR BYAS NAS SEMS SKAD CIG PHYI MA PHYI MAR SKYE BAR 'GYUR BA'I PHYIR, 'KHAR GZHONG DANG RGYA SHUG DANG MTSUNGS SO, GNYIS PA DES RIGS CAN GZHAN YANG KHEGS PAR BSTAN PA NI, RTZA BAR, 'DI NI 'PHROD PA 'DU BA DANG, , 'PHROD PA 'DU BA CAN RGYU DANG, , RIGS LA SOGS PA RNAMS GNAS NYID, , RTEN MED PHYIR NA BSAL BA YIN, , ZHES PAS, LUS DE SEMS KYI GRUB ZIN GNAS PA'I RTEN 'GOG PA'I RIGS PA 'DIS NI, YON TAN RDZAS LA 'PHROD PA 'DU BA DANG, RDZAS DE YON @76 TAN ? GYI 'PHROD PA 'DU BA CAN GYI RGYU YIN PA BSAL BA YIN TE, GRUB ZIN GNAS PA'I RTEN MED PAR BSTAN PA'I PHYIR, RIGS LA SOGS PA GSAL BA MED PAR YANG RNAM PAR GNAS PA'I PHYIR NA 'PHROD 'DU'I RGYU MED NA'ANG 'PHROD 'DU MED MI DGOS SO, ,GSUM PA DON BSDU BA NI, RTZA BAR, GAL TE GZHAN LAS DNGOS 'JIG NA, , DE YI GNAS RGYU CI ZHIG BYA, , DE GZHAN MED PAR 'JIG NA YANG, , GNAS PA'I RGYU RNAMS NUS MED YIN, , RTEN BCAS THAMS CAD GNAS LDAN DANG, , SKYE BA CAN KUN RTEN BCAS YIN, , DE PHYIR DNGOS PO THAMS CAD NI, , 'GA' ZHIG TSE NA'ANG 'JIG MI 'GYUR, , GAL TE RANG 'JIG NGANG TSUL BDAG, , YIN NA DE GNAS BYED GZHAN GANG, , GAL TE RANG 'JIG NGANG TSUL BDAG , , MIN NA DE GNAS BYED GZHAN GANG, , ZHES PAS, GAL TE DNGOS PO RNAMS PHYIS 'BYUNG GI 'JIG RGYU DGOS NA, DNGOS PO DE'I GNAS RGYU CI ZHIG BYA STE MI DGOS PAR THAL, RGYU GZHAN LAS 'JIG DGOS KYI 'JIG PA'I NGO BOR MA SKYES PA'I PHYIR, 'JIG RGYU GZHAN MED PAR RANG GI NGANG GIS 'JIG NA YANG GNAS PA'I RGYU RNAMS LA GRUB ZIN GNAS PA'I NUS PA MED PA YIN PAR THAL, GNAS PA'I RGYU RNAMS KYIS GRUB ZIN GNAS MI NUS PAR DNGOS PO RANG GI NGANG GIS 'JIG PA'I PHYIR, DNGOS PO THAMS CAD DUS @77 'GA' ZHIG GI TSE NA'ANG 'JIG PAR MI 'GYUR BAR THAL, SKYE BA CAN KUN MTHAR BDAG LA SOGS PA'I RTAG DNGOS KYI RTEN DANG BCAS PA YIN PA'I PHYIR, RTAG DNGOS KYI RTEN BCAS THAMS CAD MI 'JIG PAR GNAS PAS KHYAB PA'I PHYIR, GAL TE DNGOS PO RANG NYID 'JIG PA'I NGANG TSUL CAN GYI BDAG NYID YIN NA, DE'I GNAS BYED GZHAN GANG GRUB ZIN GNAS MI NUS, GAL TE RANG NYID 'JIG PA'I NGANG TSUL CAN MIN NA, DE'I GNAS BYED GZHAN GANG YANG MI DGOS PAR 'GYUR RO, ,DE DAG GIS, LUS SEMS KYI GRUB ZIN GNAS PA'I RTEN DU 'DOD PA LA GNOD BYED BRJOD PA STE, SEMS DE PHYIS 'BYUNG GI RGYU LA BRTEN NAS 'JIG DGOS NA YANG, GRUB ZIN GNAS PA'I RGYUR MI 'THAD, SEMS RANG GI NGANG GIS 'JIG NA'ANG GRUB ZIN GNAS PA'I RTEN MI 'THAD CES PA YIN TE, DANG PO LTAR NA, GRUB ZIN GNAS PA'I RTEN MED NA'ANG PHYIS 'BYUNG GI RGYU DANG MA 'PHRAD BAR DU GNAS LA, DE DANG 'PHRAD NA 'JIG PAR 'GYUR BA'I PHYIR, GNYIS PA LTAR NA, GRUB ZIN GNAS PA'I RGYU RNAMS NUS PA MED PAR THAL, DNGOS PO RANG NYID GRUB TZAM NAS 'JIG PA'I NGO BOR SKYES PA'I PHYIR, ZHES PA'O,, GNYIS PA LHAN CIG BYED RKYEN KHYAD PAR CAN YIN PA DGAG PA LA, LUS KYI PHUL BYUNG 'GRIB MED PAR, ,ZHES PA NAS, MA MTHONG PHYIR NA MED PA MIN, ZHES PA'I BAR 'CHAD, DE LA DGAG PA DNGOS DANG LUS SEMS RDZAS GCIG DGAG PA DANG, 'KHOR BA'I RGYU NGOS GZUNG BA'O, ,DANG PO LUS SHES RAB SOGS KYI BDAG RKYEN YIN PA DGAG PA NI, RTZA BAR, LUS KYI PHUL BYUNG 'GRIB MED PAR, , BLO YI BYED PA'I KHYAD PAR GYIS, , @78 SHES RAB LA SOGS PHUL BYUNG DANG, , 'GRIB PA DAG TU 'GYUR BA YIN, , 'DI NI MAR ME 'OD LA SOGS, , RTEN PA RNAMS LA YOD MA YIN, , DE LAS KYANG 'DI KHYAD 'GYUR TE, , SEMS LA PHAN 'DOGS MED PAR MIN, , ZHES PAS, SHES RAB DANG BRTZE BA SOGS CHOS CAN, LUS DE KHYOD KYI RTEN KHYAD PAR CAN MA YIN TE, LUS KYI PHUL BYUNG DANG 'GRIB PA'I RJES SU BYED PA MED PAR BLO SNGA MA GOMS PA YI KHYAD PAR GYIS PHUL DU BYUNG BA DANG 'GRIB PA DAG TU 'GYUR BA YIN PA'I PHYIR, RTAGS 'DI NI MAR ME'I 'OD LA SOGS PA NYER LEN LUS LA BRTEN PA RNAMS LA YOD PA MA YIN PA'I PHYIR, BCUD LEN SOGS KYIS LUS RGYAS NAS SHES RAB SOGS KHYAD PAR DU 'GYUR BA YANG, LUS RGYAS NAS LUS SHES LA DNGOS SU PHAN BTAGS, LUS SHES DES SHES RAB LA PHAN 'DOGS PA YIN GYI, SEMS LA PHAN 'DOGS PA MED PAR MIN PA'I PHYIR, DE DAG NI MAR ME DANG DE'I 'OD GNYIS RTEN BRTEN PA'I TSUL DE LUS SEMS LA MED PA DANG, LUS SEMS GNYIS DUS MNYAM PA'I RTEN BRTEN PA'ANG MIN ZHES PA'O, ,tIK CHEN RIGS PA'I RGYA MTSOR, GZHUNG 'DIR, LUS YID BLO'I BDAG RKYEN 'GOG PAR SBYAR BA MI 'THAD GSUNGS SO, ,GNYIS PA LUS CHAGS SOGS KYI BDAG RKYEN YIN PA DGAG PA NI, 'GA' TSE CHAGS SOGS RGYAS SOGS KYI, ,ZHES PA NAS, DE LTAR LUS LA YON TAN 'GYUR, ,ZHES PA'I BAR 'CHAD, DE LA CHAGS SOGS LUS LAS DNGOS SU MI SKYE BA DPE DANG BCAS PA NI, RTZA BAR, 'GA' TSE CHAGS SOGS RGYAS SOGS KYI, , @79 'PHEL BA BDE SDUG LAS SKYES YIN, , DE YANG KHAMS SNYOMS LA SOGS PA, , NANG GI DON NI NYE BA LAS, , 'DIS NI 'DUS PA LA SOGS PA, , DRAN PA NYAMS SOGS BSHAD PA YIN, , NANG DON KHYAD PAR LAS SKYES PA'I, , BLO NI 'GYUR BAR BYED PHYIR RO, , DPER RGYU KHYAD PAR 'GA' ZHIG LA, , STAG NYID DANG NI KHRAG LA SOGS, , THOS PA DANG NI MTHONG BA LAS, , RMONGS PA LA SOGS 'BYUNG 'GYUR BZHIN, , ZHES PAS, LUS RGYAS PA LAS 'DOD CHAGS DANG, LUS RGUD PA LAS ZHE SDANG SKYE BAR MTHONG NGO ZHE NA, SO SOR RTOGS PA'I SHES RAB DANG BRAL BA DUS 'GA' ZHIG GI TSE LUS RGYAS RGUD KYI CHAGS SDANG 'PHEL BA DE TSOR BA BDE SDUG LAS DNGOS SU SKYES PA YIN PAS LUS KYI BDAG RKYEN BYED PA MA YIN, BDE SDUG DE YANG KHAMS SNYOMS PA DANG MA SNYOMS PA LA SOGS PA'I NANG GI REG BYA'I DON GZUNG YUL DU NYE BA LAS SKYES PA'I PHYIR, TSUL 'DIS NI 'DUS PA'I RIMS LA SOGS PA LAS DRAN PA NYAMS PA SOGS 'BYUNG BA'I TSUL YANG BSHAD PA YIN TE, DE DAG KYANG NANG GI REG BYA'I DON GZUNG YUL DU YOD PA'I KHYAD PAR LAS SKYES PA'I DBANG BLOS 'GYUR BAR BYED PA TZAM YIN PA'I PHYIR, DPER NA, RGYUD SNGAR MA'I KHYAD PAR 'GA' ZHIG LA STAG BYUNG NGO ZHES PA'I SGRA THOS PA DANG, GZHAN BSAD PA'I KHRAG LA SOGS PA MTHONG BA LAS SEMS RMONGS PA LA SOGS PA 'BYUNG BA @80 'GYUR BA BZHIN NO, SPYOD 'JUG LAS KYANG, LA LA BDAG GI KHRAG MTHONG NA, , DPA' BRTAN LHAG PAR SKYE 'GYUR YOD, , LA LA GZHAN GYI KHRAG MTHONG NA, , BOG CING BRGYAL BAR 'GYUR BA YOD, , DE NI SEMS KYI NGANG BRTAN DANG, , SNGAR MA'I TSUL LAS GYUR PA YIN, , ZHES GSUNGS PA DANG YANG MTHUN, DE DAG NI, LUS LA NAD BYUNG NAS TSOR BA SDUG BSNGAL SKYES, LUS BSIL BA SOGS LAS TSOR BA BDE BA SKYE BA DANG, BDE SDUG DE YANG NANG GI REG BYA YID DU 'ONG MI 'ONG LAS BYUNG ZHING LUS LAS TSOR BA BDE SDUG DNGOS SU MI 'BYUNG BA DANG, BDE SDUG LA BRTEN NAS CHAGS SDANG 'BYUNG BAR 'GYUR YANG NGES PA MED DE, SO SOR RTOGS PA'I SHES RAB DANG LDAN PA RNAMS LA DE LAS LDOG STE, TSOR BA BDE SDUG LAS NGES 'BYUNG GI BSAM PA DANG; SNYING RJE SOGS 'BYUNG BAR 'GYUR RO, ,CHAGS SDANG GNYIS PO DE LUS RGYAS RGUD TZAM GYIS MI 'BYUNG BAR TSUL MIN YID BYED LAS 'BYUNG BAR MNGON SUM DU MTHONG NGO, ,SDAR MA 'GA' ZHIG STAG GIS BSAD PA'I KHRAG MTHONG BA TZAM LAS 'JIGS SKRAG ? NGANG GIS BYUNG BA DANG, 'GA' ZHIG GIS RANG GI LUS LAS BYUNG BA'I KHRAG LA BRTEN NAS DPA' BRTAN LHAG PAR BYUNG BA YANG SEMS KYI 'KHYER STANG YIN PAR SHES SLA BA'I PHYIR, DES NA, LUS KYIS SEMS BDAG RKYEN BYED PA MA YIN NO, ,BDAG RKYEN ZHES PA DBANG PO LA JI TZAM GYI PHAN GNOD BYUNG BA LA DBANG SHES KYANG 'GYUR LDOG DE TZAM 'BYUNG BA ZHIG LA BYED DGOS PAS, LUS LA PHAN GNOD TZAM GYIS SEMS LA PHAN GNOD MI 'BYUNG NGO, LUS SEMS GNYIS NYER @81 LEN DANG NYER LEN CAN DANG, BDAG RKYEN DANG BDAG 'BRAS SOGS GANG YANG MA YIN NO, GNYIS PA DON BSDU BA NI, RTZA BAR, DE PHYIR NGES PAR GANG NYID KYI, , 'DU BYED KYIS NI RJES 'JUG PA'I, , SEMS NI DE MED MI 'BYUNG BA, , DE PHYIR SEMS LA BRTEN PA YIN, , ZHES PAS, SEMS NI SEMS SNGA MA NYER LEN DU MED NA MI 'BYUNG BA DE'I PHYIR; SEMS SNGA MA LA BRTEN PA YIN GYI NYER LEN LUS LA BRTEN PA MA YIN TE, NGES PAR SEMS SNGA MA GANG YANG RUNG BA NYID KYI GOMS PA'I 'DU BYED KYI RJES SU 'JUG PA DE'I PHYIR, GNYIS PA LUS SEMS RDZAS GCIG DGAG PA NI, RTZA BAR, JI LTAR SEMS LA BRTEN BYAS NAS, , THOS SOGS 'DU BYED SEMS LA NI, , DUS GSAL THA DAD MED PA'I PHYIR, , DE LTAR LUS LA YON TAN 'GYUR, , ZHES PAS, LUS SEMS RDZAS GCIG GO ZHE NA, JI LTAR SEMS SNGA MA LA BRTEN PAR BYAS NAS GOMS PA'I THOS PA DANG BSAM PA DANG, BZO LA SOGS PA'I 'DU BYED RNAMS SEMS LA GSAL BAR SNANG BAR 'GYUR LA LUS LA GSAL BAR MI 'GYUR BA'I PHYIR, SEMS LA BAG CHAGS SAD PA'I DUS NA LUS LA DE LTAR MI 'GYUR BAS LUS SEMS GCIG MA YIN NO, ,DE NI, RANG GI SEMS SNGA MAS NYER LEN BYAS PA LAS SEMS PHYI MA 'BYUNG BAR NGES TE, SEMS SNGA MA'I BAG CHAGS SAD PA'I STOBS KYI SEMS PHYI MA LA SNANG BAR GYUR PA RNAMS LUS LA DE LTAR MI SNANG BAS LUS SEMS RDZAS SO SOR YOD PAR BSGRUB NUS SO, GSUM PA @82 'KHOR BA'I RGYU NGOS GZUNG BA LA GNYIS, MNGAL DU SKYE BA LEN PA'I RGYU NGOS GZUNG, DE LA RTZOD PA SPANG BA'O, DANG PO NI, RTZA BAR, BDAG LA CHAGS PA DANG LDAN PAS, , SEMS CAN GZHAN GYIS BKRI MIN PAR, , BDE SDUG DOR THOB 'DOD PAS NA, , DMAN PA'I GNAS NI YONGS SU LEN, , SDUG BSNGAL PHYIN CI LOG BLO DANG, , SRID PA KUN NAS 'CHING BA NI, , SKYE RGYU GANG LA DE MED PA, , DE NI SKYE BAR MI 'GYUR RO, , ZHES PAS, BDAG LA CHAGS PA DANG LDAN PA'I DBANG GIS DBANG PHYUG SOGS 'JIG RTEN BKOD PA PO SEMS CAN GZHAN GYIS DBANG MED DU BKRI BA MIN PAR BDE BA THOB PAR 'DOD PA DANG, SDUG BSNGAL 'DOR BAR 'DOD PA'I SRED PAS MNGAL LA SOGS PA'I DMAN PA'I GNAS SU SKYE BA YONGS SU LEN NO, SDUG BSNGAL LA BDE BAR 'DZIN PA'I PHYIN CI LOG GI BLO DANG, BDE BA THOB 'DOD KYI SRED PA 'KHOR BAR SKYE BA'I RGYU YIN PA'I PHYIR TE, GANG LA LOG SRED DE MED PA'I DGRA BCOM PA DE NI DE ZAD PAR SPANGS PA'I DBANG GIS 'KHOR BAR SKYE BAR MI 'GYUR BA'I PHYIR, THOG MAR BDAG TU 'DZIN PA'I BDAG 'DZIN MA RIG PA'I DBANG GIS BDAG BDE BAR 'DOD PA DANG, SDUG BSNGAL 'DOR BAR 'DOD PA'I SRED PA 'DREN, DE 'DRA'I SRED PA'I DBANG GIS 'GRO BA RIGS DRUG DANG SKYE GNAS BZHI LA SOGS PAR SKYE BA LEN NAS SDUG BSNGAL RGYUN MA CHAD BAR MYONG BAR 'GYUR, DGRA BCOM PAS DE LTA BU'I SRED PA SPANGS PAS SLAR YANG 'KHOR BAR SKYE BA MI LEN NO, ,SKABS 'DIR, @83 RTEN 'BREL LUGS BYUNG LUGS LDOG GNYIS KA BSTAN PA'O, GNYIS PA DE LA RTZOD PA SPANG BA NI, RTZA BAR, GAL TE 'GRO 'ONG MA MTHONG NA, , DBANG PO MI GSAL PHYIR MA MTHONG, , DPER NA MIG MI GSAL BA YIS, , DU BA CHUNG NGU MI MTHONG BZHIN, , LUS CAN YIN YANG PHRA BA'I PHYIR, , 'GA' ZHIG LA LA THOGS MED DE, , CHU BZHIN GSER LA DNGUL CHU BZHIN, , MA MTHONG PHYIR NA MED PA MIN, , ZHES PAS, RGYANG PHAN PA NA RE, SKYE BA GZHAN NAS 'DIR 'GRO 'ONG BYED PA MA MTHONG BA'I PHYIR NA MED PA'O ZHE NA, KHYOD KYIS MA MTHONG BAS MED PAR MI 'GYUR TE, KHYOD DBANG PO MI GSAL BA'I PHYIR, DPER NA, MIG MI GSAL BA YIS DU BA CHUNG NGU MI MTHONG BA BZHIN NO, BAR DO BA SOGS LUS CAN 'GA' ZHIG NI, LUS CAN YIN YANG LA LAR THOGS MED DU 'JUG STE, PHRA ZHING DVANGS BA'I LUS CAN YIN PA'I PHYIR, DPER NA, RDZA SO MA LA CHU BZHIN DANG, GSER LA DNGUL CHU THOGS MED DU 'JUG PA BZHIN NO, ,SHO LO KA DANG POS, RGYANG PHAN GYIS MIG SHES MA MTHONG NA MED MI DGOS PA DANG, PHYI MA DES LUS LA MA THOGS NA MED MI DGOS PA BSTAN, DE LA BAR SRID PA DE THOGS MED YIN NAM THOGS BCAS YIN, DANG PO LTAR NA, BAR SRID PA'I DBANG PO LNGA CHOS CAN, THOGS MED MA YIN PAR THAL, THOGS BCAS YIN PA'I PHYIR, DER GZUGS CAN GYI KHAMS BCU PO GANG RUNG YIN PA'I PHYIR, KHYAB STE, MDZOD LAS, @84 THOGS DANG BCAS PA GZUGS CAN BCU, ,ZHES GSUNGS PA'I PHYIR, GNYIS PA LTAR NA, SKABS DE DANG 'GAL LA, MDZOD LAS KYANG, DBANG PO KUN TSANG THOGS MED LDAN, ,ZHES GSUNGS PA'I PHYIR, RIGS PAS KYANG, THOGS BCAS YIN NA, 'CHI SRID GANG DU 'GAGS PA DE NYID DU BAR SRID 'GRUB DGOS PAS 'DOD PA'I MI'I LUS KYI GO SAR GZUGS KYI LHA'I BAR SRID JI LTAR SHONG, THOGS MED YIN NA'ANG, BAR SRID PA DBANG PO KUN TSANG YIN DGOS PAS, DE'I DBANG PO'I RDUL RNAMS THOGS MED YIN DGOS, DE LTAR NA DBANG PO LA THOGS MED YOD PAR 'GYUR, DE LTAR NA, GZUGS CAN GYI KHAMS BCU PO MTHA' CIG TU BSAGS PAR GSUNGS PAS, RDUL PHRAN BSAGS PA YIN PA'I PHYIR, THOGS MED YIN PA MI 'THAD DO, DE DAG LA CUNG ZAD DPYAD PAR BYA BA YOD KYANG, DE TZAM 'JOG ,GNYIS PA RTEN BYED PA'I LUS KYI NGO BO'I RNAM PA LA BRTAGS LA DGAG PA LA GNYIS, DANG PO LUS RAGS PA'I CHA MED YID BLO'I RTEN KHYAD PAR CAN YIN PA DGAG PA NI, LAG SOGS G-YO NA THAMS CAD DAG ,CES PA NAS, PHYOGS 'DIR GZHAN LA'ANG BRJOD PAR BYA, ,ZHES PA'I BAR 'CHAD, GNYIS PA RDUL PHRAN DE YIN PA DGAG PA NI, MA LUS RGYU NYID YIN NA NI, ,ZHES PA NAS, CI YI PHYIR NA LDOG PA YIN, ,ZHES PA'I BAR 'CHAD, DANG PO LA GNYIS, YAN LAG CAN CHA MED YIN PA DGAG PA NI, LAG SOGS G-YO NA THAMS CAD DAG , CES PA NAS, DE PHYIR TSOGS PA GCIG YOD MIN, ,ZHES PA'I BAR 'CHAD, GNYIS PA BKAG PA LA GNOD PA SPANG BA NI, DU MA NYID NA SNGA MA BZHIN, ZHES PA NAS, PHYOGS 'DIS GZHAN LA'ANG BRJOD PAR BYA, ,ZHES PA'I BAR 'CHAD, DANG POR RTAGS BSGRUB PA NI, RTZA BAR, LAG SOGS G-YO NA THAMS CAD DAG , , @85 G-YO BA 'GYUR PHYIR 'GAL BA CAN, , LAS NI GCIG LA MI RUNG PHYIR, , GZHAN DU THA DAD GRUB PAR 'GYUR, , GCIG BSGRIBS PA NA THAMS CAD DAG , , BSGRIBS PAR 'GYUR BA'AM MA BSGRIBS NA, , MTHONG 'GYUR GCIG TSON GYIS BSGYUR NA, , BSGYUR BA'AM MA BSGYUR RTOGS PAR 'GYUR, , ZHES PAS, BYA BA LA BRTEN PA'I 'GAL 'DU NI, SKYE BU'I LAG PA SOGS YAN LAG CAN GCIG G-YO NA, LUS THAMS CAD KYI YAN LAG CAN DAG G-YO BAR 'GYUR BAR THAL, DE GNYIS CHA MED GCIG YIN PA'I PHYIR, KHYAB PAR THAL, G-YO MI G-YO 'GAL BA CAN GYI LAS NI CHA MED GCIG LA GZHI MTHUN MI RUNG BA'I PHYIR; RTAGS MA GRUB NA, DE LAS GZHAN DU GONG GI DE GNYIS CHA THA DAD CAN DU GRUB PAR 'GYUR BAR THAL, G-YO MI G-YO 'GAL BA 'DUS PA'I PHYIR, MTHONG BA LA BRTEN PA'I 'GAL 'DU NI SKYES BU'I GDONG GCIG BU GOS KYIS BSGRIBS PA NA, LUS THAMS CAD DAG GOS KYIS BSGRIBS PAR SNANG BAR 'GYUR BAR THAL, DE'I YAN LAG CAN GNYIS CHA MED GCIG YIN PA'I PHYIR, 'AM SGRAS YAN LAG GOS KYIS BSGRIBS PA YIN GYI YAN LAG CAN MA BSGRIBS PAS SKYON MED DO ZHE NA, DE'I TSE GDONG GI YAN LAG CAN DE MA BSGRIBS PAR MTHONG BAR 'GYUR BAR THAL, MA BSGRIBS PAR MTHONG RUNG DU YOD PA'I PHYIR, YON TAN LA BRTEN PA'I 'GAL 'DU NI, GDONG GCIG BU SNGON PO'I TSON GYIS KHA BSGYUR NA LUS RIL BOR KHA BSGYUR BAR THAL, CHA MED YIN PA'I PHYIR, 'AM SGRAS, YAN LAG KHA BSGYUR YANG YAN LAG CAN KHA MA BSGYUR RO ZHE NA, 'O NA DE'I TSE KHA @86 BSGYUR BA'I GDONG GCIG DANG MA BSGYUR BA'I GDONG GNYIS SO SOR RTOGS PAR 'GYUR RO, ,'GAL 'DU GSUM PO DE BYE BRAG PAS LUS RAGS PA CHA MED KHAS LEN PA BKAG STE, DE 'DRA'I LUS DE YID BLO'I RTEN BYED PA YANG KHEGS PAR 'GYUR RO, ,G-YO BA DANG ME G-YO BA GNYIS DANG, BSGRIBS PA DANG, MA BSGRIBS PA TSON GYIS KHA BSGYUR BA DANG MA BSGYUR BA RNAMS CHA SO SOR RTOGS PAR 'GYUR BAS CHA MED YIN NA DE LTAR MI RUNG BA'I PHYIR, RANG LUGS LA YANG, GDONG GCIG BU GOS KYIS BSGRIBS PA NA, GDONG GI YAN LAG CAN GYI LUS GOS KYIS BSGRIBS SAM MIN, BSGRIBS NA, GDONG MA MTHONG BA NA, LUS KYANG MA MTHONG BAR THAL, GDONG BSGRIBS PA NA LUS KYANG BSGRIBS PA'I PHYIR, RTAGS KHAS, 'DOD NA, SKYES BU'I RKANG PA MTHONG NA DE'I LUS MTHONG BAS MA KHYAB PAR THAL, 'DOD NA, SKYES BU'I LUS MTHONG NA LUS KYI YAN LAG KUN MTHONG DGOS PAR THAL LO, ,GDONG GI YAN LAG CAN GOS KYIS MA BSGRIBS NA, SKYES BU'I LAG PA G-YO NA, LAG PA'I YAN LAG CAN GYI LUS G-YO BAS MA KHYAB PAR THAL, LAG PA BSGRIBS NA, SKYES BU'I LUS BSGRIBS PA'I MA KHYAB PA'I PHYIR, 'DOD NA, YAN LAG GZHAN RNAMS LA'ANG DE LTAR YIN PAS, SKYES BU'I LUS G-YO BA MED PAR THAL LO, , LAG PA NA BA LA SKYES BU NA BA 'JOG DGOS TE, YAN LAG RE RE NAS DE LTAR MTSUNGS PAS SKYES BU NA BA YANG MED PAR 'GYUR RO, ,LAG PA G-YAS PA GOS KYIS MA BSGRIBS LA G-YON MA GOS KYIS BSGRIBS NA, SKYES BU DE'I LAG PA GOS KYIS BSGRIBS PAR THAL, LAG G-YON MA GOS KYIS BSGRIBS PA'I PHYIR, 'DOD NA, SKYES BU DE LAG PA GOS KYIS MA BSGRIBS PAR THAL, SKYES BU DE'I LAG PA MIG SHES KYIS MTHONG BA'I PHYIR, DER THAL, DE'I LAG PA G-YAS PA MTHONG BA'I PHYIR, LAG PA G-YAS PA GOS KYIS BSGRIBS MED PA'I PHYIR, LAG PA G-YAS PA MTHONG @87 NA LAG PA MTHONG BA MI 'JOG NA, LAG PA G-YON MA LA'ANG MTSUNGS PAS, SKYES BU'I LAG PA MTHONG BA MED PAR 'GYUR RO, GDONG GCIG BU TSON GYIS KHA BSGYUR BA NA GDONG GI YAN LAG CAN GYI LUS KHA MA BSGYUR NA, DE 'DRA'I LUS DE TSON GYIS KHA BSGYUR BA MED PAR 'GYUR, BSGYUR NA DE'I TSE YAN LAG CAN GYI LUS LA TSON GYIS KHA BSGYUR BA DANG, MA BSGYUR BA GNYIS YOD PAR 'GYUR RO, ,DE LTAR NA GNYIS YOD PA BZHIN DU YAN LAG CAN GYI LUS KYANG GNYIS YOD PAR THAL, 'DOD NA, LAG PA GNYIS YOD PA BZHIN DU LUS GNYIS YOD PAR THAL, 'DOD NA, YAN LAG DANG YAN LAG CAN GNYIS GRANGS MNYAM PAR 'GYUR RO, ,GNYIS PA RTAGS DGOD PA NI, RTZA BAR, DE PHYIR TSOGS PA GCIG YOD MIN, ,ZHES PAS, SKYES BU'I LUS CHOS CAN, RAGS PA CHA MED GCIG TU YOD PA MIN TE, KHYOD KYI TSOGS PA NA 'GAL BA DU MA 'DUS PA DE'I PHYIR, DER THAL, G-YO MI G-YO DANG BSGRIBS MA BSGRIBS KHA BSGYUR MA BSGYUR SOGS DU MA 'DUS PA'I PHYIR, BYE BRAG PA LTAR NA LUS RAGS PA CHA MED YIN TE, CHA BCAS YIN NA CHA DANG CHAR PHYE NAS DPYAD NA RDUL PHRAN BSAGS PA TZAM LAS MA 'DAS PAS, BSGRIBS THOGS SOGS MI SRID PAR 'GYUR RO, ,SNYAM DU BSAMS SO, ,SKABS 'DIR, BYE BRAG PA'I 'DOD PA LTAR RAGS PA CHA MED BKAG PA RGYANG PHAN PAS LUS SEMS KYI RTEN KHYAD PAR CAN DU 'DOD PA DE, BYE BRAG PA'I 'DOD PA LTAR GYI LUS DE YIN NAM, RDUL PHRAN TZAM GYI LUS SHIG YIN ZHES DPYAD NAS BKAG PAS PHYIR RGOL GYI GTZO BO NI RGYANG PHAN PA YIN NO, GANG DAG GIS RAGS PA YIN NA RDZAS SU MA GRUB PAS KHYAB PAR 'DOD PA NI, RAGS PA DBANG SHES LA MI SNANG BAR BSAM LA, SNGON 'DZIN MIG SHES LA SNGON PO RNAM PAR SHAR LA SNGON PO RAGS PA YIN YANG DE LA SNGON PO RAGS PA'I RNAM PAR MI SHAR BA @88 KHAS LEN DGOS SO, DE YANG DBANG PO SHES PA LA RANG YUL RAGS PA'I RNAM PAR SHAR NA, DBANG SHES RNAMS 'KHRUL BAR 'GYUR TE, RAGS PA'I RNAM PA CAN DU BLO GANG LA SHAR BA DE CHA DANG CHA BCAS RNAM PA MI 'DRA BAR SHAR DGOS SHING; DE SHAR NA CHA CHA BCAS NGO BO THA DAD PAR SHAR DGOS PA'I PHYIR, LE'U DANG POR, GSAL BA RNAMS NI RJES MI 'GRO, ,RJES 'GRO GZHAN NI SNANG BA MED, CES PA'I SKABS LA SONG, CHA DANG CHA BCAS LA DPYAD NAS BLO'I SNANG BA 'KHRUL PAR BSGRUB TSUL DE, DBU MA DGONGS PA RAB GSAL RANG BRGYUD PA'I SKABS SU SHIN TU GSAL BA ZHIG SNANG NGO, GNYIS PA BKAG PA LA GNOD PA SPANG BA DANG, PHYI DON DBANG SHES KYIS MI RTOGS PAR THAL BA SPANG BA DANG, DES RIGS CAN GZHAN YANG KHEGS PA DANG, YAN LAG CAN DANG DE LA BRTEN PA'I YON TAN BYE BRAG TU DGAG PA'O, ,DANG PO NI, RTZA BAR, DU MA NYID NA SNGA MA BZHIN, , KHYAD MED PHYIR DANG PHRA RAB PHYIR, , RTOGS MED ZHE NA KHYAD MED PAR, , MA GRUB KHYAD PAR CAN RNAMS NI, , DBANG YUL DE PHYIR RDUL PHRAN MIN, , ZHES PAS, BYE BRAG PAS, PHYI DON RAGS PA RANG NYID BSAGS BYED KYI RDUL PHRAN LAS RDZAS THA DAD YIN DGOS TE, DE LTAR MIN NA, RDUL PHRAN DU MA'I GNAS SKABS NYID LAS MA 'DAS LA, DE LTAR NA, SNGA MA RDUL PHRAN RNAMS KHYAD PAR DU GYUR MED PA BZHIN DU PHYI DON RAGS PA'ANG DBANG SHES KYIS RTOGS PA MIN PAR THAL, SNGA MA DANG KHYAD PAR MED PA'I PHYIR DANG, PHRA RAB YIN PA'I PHYIR ZHE NA, SANGS RGYAS PAS, SNGA MA DANG KHYAD PAR MED PA MA GRUB STE, SNGA MA LAS KHYAD PAR @89 CAN DU GYUR PA'I GZUGS RNAMS DBANG SHES KYI GZUNG YUL DU 'GYUR DGOS PA DE'I PHYIR; RTAGS GNYIS PA MA GRUB PA NI, RAGS PA RNAMS DBANG MNGON RANG STOBS KYIS NGES SHES 'DREN NUS PA DE'I PHYIR, RDUL PHRAN MA YIN NO, BYE BRAG PA NI SNGON PO LTA BU PHYI DON RAGS PA RNAMS RDUL PHRAN DU MA BSAGS PA LAS GRUB PAS; BSAGS BYED KYI RDUL PHRAN LAS RDZAS LOGS SU MED NA RDUL PHRAN LAS MA 'DAS LA, DE LTAR NA, DBANG SHES KYIS RDUL PHRAN MI MTHONG BA BZHIN DU SNGON PO RAGS PA YANG MA MTHONG BAR THAL, SNGA MA DANG KHYAD MED PA'I PHRA RAB YIN PA'I PHYIR ZHES PA'O, ,SANGS RGYAS PAS, SNGA MA LA KHYAD PAR GYUR PA'I RAGS PA'I GZUGS RNAMS DBANG SHES KYIS YUL DU GYUR PA YIN GYI, PHRA RAB RNAMS DBANG SHES KYI YUL MA YIN ZHES LAN 'DEBS DGOS KYANG, PHRA RAB LA DBANG MNGON GYI YUL DU GYUR PA ZHIG YOD PAR 'DRA BAR SNANG STE, DBANG PO MNGON SUM GYIS RANG STOBS KYI NGES PA 'DREN MI NUS ZHES SBYAR BA LA DGOS PA YOD PA'I PHYIR, DRANG NGES LEGS BSHAD SNYING POR, SLOB DPON LEGS LDAN 'BYED KYI 'DOD PA BRJOD PA'I SKABS SU GZUGS SGRA LA SOGS PA BSAGS PA'I SKABS RDUL PHRA RAB RE RES KYANG DBANG PO SHES PA'I DMIGS RKYEN BYED PAS DE DAG DBANG SHES LA MI SNANG BA MA YIN NO ZHES, DBANG SHES KYIS RDUL PHRA RAB MTHONG BAR GSUNGS PA DANG, SKABS 'DIR; MA GRUB KHYAD PAR CAN RNAMS NI ZHES PA DANG 'GAL MI 'GAL DPYAD, DE BZHIN DU, MDO SDE PAS, RDUL PHRA RAB CHA MED KHAS LEN PA LTAR LEGS LDAN 'BYED KYANG DE LTAR KHAS LEN PA LHAG MTHONG CHEN POR GSUNGS PAS, SLOB DPON DE'I LUGS CHA BCAS KYI RTAGS LAS BDEN MED SGRUB PA'I PHYOGS CHOS BSGRUB TSUL JI LTAR YIN DPYAD DGOS SO, ,GNYIS PA DES RIGS CAN GZHAN YANG KHEGS PA NI, RTZA BAR, 'DIS NI SGRIB BYED LA SOGS PA, MED PA DAG KYANG BSAL @90 BA YIN, ,ZHES PAS, GONG GI RIGS PA 'DI NI, RAGS PA'I CHA MED MI SRID NA PHYI DON LA SGRIB BYED LA SOGS PA'I NUS PA MED PA DAG KYANG BSAL BA YIN TE; RAGS PA'I CHA MED MED KYANG RDUL PHRAN BSAGS PA'I PHYI DON BYA BA DE DAG BYED PAR BSTAN PA'I PHYIR, GSUM PA YAN LAG CAN DANG DE LA BRTEN PA'I YON TAN BYE BRAG TU DGAG PA LA GNYIS, DBANG SHES KYIS MTHONG BA LA YAN LAG CAN DON GZHAN DGOS NA HA CANG THAL BA DANG, DE LA BSTEN PA'I GRANGS SOGS DON GZHAN DGAG PA, DANG PO'I RTZA BAR, DNGUL CHU GSER DANG 'DRES PA 'AM, , RDO TSON LA SOGS JI LTAR SNANG, , DBANG SOGS SO SOR NUS MED RNAMS, , RTOGS PA DAG NI JI LTAR YIN, , LDAN LAS SHE NA 'DIR THAL MTSUNGS, , GAL TE GSER DANG DNGUL CHU NI, , LDAN PAS SNANG BA YIN ZHE NA, , RTEN MTHONG MED PAR GANG LAS RTOGS, , RO GZUGS LA SOGS LDAN PAR 'GAL, , GAL TE NYE BAR BTAGS PA LAS, , 'DOD NA BLO THA DAD PAR 'GYUR, , JI LTAR 'PHRENG RING ZHES BYAR 'GYUR, , ZHES PAS, DNGUL CHU GSER SOGS DANG 'DRES PA'AM, RDO TSON LA SOGS PA JI LTAR YANG DBANG SHES LA SNANG BA MI 'THAD PAR THAL, DE LA YAN LAG CAN DON GZHAN MED PA'I PHYIR, 'DI NI, BYE BRAG PAS, BSAGS BYED KYI RDUL PHRAN @91 LAS RDZAS THA DAD PA'I RAGS PA'I YAN LAG CAN CHA MED SHIG MED NA, MA BSAGS PA'I RDUL PHRAN DANG KHYAD PAR MED PAR 'GYUR BAS PHYI DON RAGS PA YANG DBANG SHES LA MI SNANG BAR 'GYUR RO ZHES PA'I THAL BA BKAG PA YIN, RDO TSON LA SOGS PA DE DAG RDUL RIGS MI MTHUN TSOGS PA YIN PAS YAN LAG CAN DON GZHAN GYI RDZAS RTZOM PA MI RUNG NGO ZHES PA'O, DBANG PO SOGS RKYEN GSUM PO SO SOR 'BRAS BU THUN MONG BA BSKYED PA'I NUS PA MED, GSUM PO TSOGS KYANG YAN LAG CAN DON GZHAN MED PAS GZUGS RTOGS PA'I DBANG SHES DAG JI LTAR BSKYED PA YIN, RKYEN GSUM PHRAD PA'I LDAN PA LAS DBANG SHES BSKYED PA YANG MI RIGS TE, 'DIR YANG TSOGS MA TSOGS KYI THAL BA DE MTSUNGS PA'I PHYIR, GAL TE GSER DANG DNGUL CHU 'DRES PA 'DIR NI YAN LAG CAN MED KYANG, RDUL RIGS MI MTHUN PHRAD PA'I LDAN PA DBANG SHES LA SNANG BA YIN ZHE NA, DE NI BYE BRAG PA'I GRUB MTHA'I RTZA BAR, RDUL RIGS MI MTHUN PA RNAMS YAN LAG CAN GYI RDZAS RTZOM PA MED KYI RDUL DE DAG PHRAD PA LAS LDAN PA ZHIG SKYES LA DE DBANG SHES LA SNANG BA YIN ZHES KHAS LEN, SANGS RGYAS PAS, RDUL PHRAN DE DAG RTEN DANG, DE DAG PHRAD PA DE LA BRTEN PA YIN PAS, RTEN MA MTHONG BAS RTEN PA MTHONG BA MI SRID CES PA'O, DE LTAR NA, BUM PA MTHONG BA NA BUM PA'I TSOGS PA NA YOD PA'I RDUL PHRAN MTHA' DAG MTHONG DGOS PAR 'GYUR RO, ,BU RAM MTHONG BA'I MNGON SUM CHOS CAN, BU RAM GYI DRI MTHONG BAR THAL, BU RAM MTHONG BA'I PHYIR, KHYAB STE DE GNYIS RTEN BRTEN PA YIN PA'I PHYIR ZER NA LAN JI LTAR 'DEBS, RTEN BRTEN PA MED NA, RDUL PHRAN DANG DE PHRAD PA GNYIS RTEN BRTEN PA YIN TSUL BRJOD DGOS SO, BU RAM DANG DE'I DRI RTEN BRTEN PA YIN NA RGYU 'BRAS YIN PAR THAL, NGO BO THA DAD PA'I RTEN BRTEN PA YIN PA'I PHYIR, KHYAB STE, BRTEN PHYIR 'BRAS @92 BU NYID DU BRJOD, CES GSUNGS PA'I PHYIR, NGO BO GCIG YIN NO ZHE NA, BU RAM GYI RO GZUGS GNYIS NGO BO GCIG YIN PAR THAL LO, ,RO ZHIM PA DANG, GZUGS BZANG BA LA SOGS PA'I YON TAN DANG LDAN PAR 'GAL BAR THAL, DE LDAN PA'I YAN LAG CAN DON GZHAN MED PA'I PHYIR, GAL TE DE LTAR NA YANG, YAN LAG GI RO GZUGS NYID LA NYE BAR BTAGS PA LAS BTUNG BA RO ZHIM PA LA SOGS PA'I THA SNYAD 'DOD DO ZHE NA, BTUNG BA DE LA RO GZUGS SO SOR MA 'DRES PAR SNANG BA'I BLO THA DAD PA SKYES PAR ? 'GYUR GYI THUN MONG DU SBYAR BA LAS BLO SKYES MI SRID PAR 'GYUR RO, JI LTAR ME TOG BRGYA TSAR DU DNGAR BA'I PHRENG BA LA PHRENG BA RING PO ZHES BYA BAR 'GYUR BA MI 'THAD PAR THAL, DE LA YAN LAG CAN DON GZHAN MED LDAN PA YOD KYANG YON TAN LA YON TAN GNYIS PA MI BRTEN PA RTZA BA'I GRUB MTHA' YIN PA'I PHYIR, GNYIS PA DE LA BRTEN PA'I GRANGS SOGS DON GZHAN DGAG PA LA GNYIS, DANG PO RTAGS DGOD PA NI, RTZA BAR, DE LDAN RANG GI NGO BO DANG, BRJOD PA DAG LAS THA DAD PAR, , GRANGS LDAN LAS LA SOGS PA YI, , NGO BO BLO LA MI SNANG NGO, , ZHES PAS, GRANGS SOGS DE DANG LDAN PA'I BUM PA RANG GI NGO BO DANG, BUM PA ZHES BRJOD PA'I SGRA DAG CHOS CAN, KHYOD LAS RDZAS THA DAD PAR BUM PA'I GRANGS DANG LDAN PA DANG LAS LA SOGS PA'I NGO BO MED DE, DE LTAR BLO MA 'KHRUL BA LA MI SNANG BA'I PHYIR, GNYIS PA DE LA GNOD PA SPANG BA LA GNYIS, SGRA THA DAD 'JUG PAS ? DON RDZAS THA DAD GRUB PA DGAG PA NI, RTZA BAR, SGRA SHES DNGOS PO THA DAD PA'I, , @93 RJES 'BRANG RNAM RTOG BTAGS DON CAN, , DPER NA YON TAN LA SOGS PA, , ZHIG DANG MA SKYES DAG LA BZHIN, , GAL TE 'DIR NI BTAGS 'DOD NA, , RGYU MTSAN GANG GI DE 'DOD PA, , DE NI DNGOS PO THAMS CAD LA, , DE DAG GI RGYU CIS ME 'DOD, , GAL TE KUN LA NYER BTAGS MIN, , THA DAD KHYAD PAR GTZO BO ZHES, , BYA NYID GANG LAS THA DAD PA, , ZHES PAS, SGRA DANG SHES PA THA DAD MTHONG BA TZAM GYIS DON RDZAS THA DAD YOD PA MA YIN PAR THAL, BUM PA LAS DON GZHAN PA'I BUM PA'I GCIG MED KYANG, BUM PA GCIG MA YIN PA'I DNGOS PO LAS THA DAD PA'I GZHAN SEL GYI RJES SU 'BRANG BA'I RNAM RTOG GIS BTAGS PA'I DON CAN YIN PA'I PHYIR, DPER NA YON TAN LA YON TAN GZHAN MI BRTEN KYANG SNGON PO GCIG CES PA DANG ZHIG PA DANG MA SKYES PA DAG LA YON TAN DON GZHAN MED KYANG GCIG GNYIS LA SOGS PA THA SNYAD MTHONG BA BZHIN NO, ,GAL TE 'DAS MA 'ONGS LA GRANGS KYI THA SNYAD SBYOR BA 'DIR NI BTAGS MING DU 'DOD DO ZHE NA, DNGOS PO THAMS CAD LA DE DAG GI THA SNYAD BTAGS PA'I RGYUS CI MI 'DOD DE 'DOD RIGS PAR THAL, 'DAS MA 'ONGS LA GRANGS SOGS KYI THA SNYAD DE BTAGS MING DU 'DOD PA'I RGYU MTSAN DNGOS PO KUN LA MTSUNGS PA'I PHYIR, GAL TE KUN LA NYE BAR BTAGS PA LAS 'JUG PA MIN TE, DE LTAR NA DNGOS MING MI SRID PAR 'GYUR RO, ,DES NA, RDZAS THA DAD KHYAD PAR GYI CHOS SU YOD @94 PA LA GTZO BO ZHES DNGOS MING DANG, DES DAG MIN PA DE BTAGS MING NGO ZHE NA, DON GZHAN LA MING 'JUG PA DNGOS MING DANG, GZHAN LA BTAGS MING NGO ZHES BYA BA 'DI NYID RGYU MTSAN GANG LAS KYANG MI 'THAD PAR THAL, RGYU MTSAN MED BZHIN DU BTAGS PA TZAM DU ZAD PA'I PHYIR, DE DAG GIS NI, SGRA DANG SHES PA THA DAD LTA BUR BRJOD PA DANG, THA DAD DU SNANG BA TZAM LA DON RDZAS THA DAD YIN MI DGOS PAR BSTAN PA'O, GNYIS PA DE MA GRUB NA SGRA THA DAD DON MED DU THAL BA SPANG BA LA GNYIS; SGRA THA DAD DON MED DU THAL BA SPANG BA NI, RTZA BAR, MED LA THA DAD DON MED NA, , DON GZHAN RGYU MTSAN CAN MIN YANG, , DKAR LA SOGS PA GRANGS SOGS DANG, , LDAN PA'I SGRA NI RNAM GRANGS MIN, , GAL TE DE LA'ANG DON GZHAN NA, , YON TAN RDZAS NI KHYAD MED 'GYUR, , DON GZHAN MIN YANG LDOG PA YI, , DBYE BAS THA DAD PA YIN TE, , LAS RDZAS MIN PA'I SGRA BZHIN NO, , ZHES PAS, BYE BRAG PAS, BRJOD BYA RDZAS THA DAD MED PA LA SGRA THA DAD SBYAR BA DON MED DE, SBYAR YANG, RNAM GRANGS PA TZAM DU 'GYUR BA'I PHYIR, DKAR PO LAS DON GZHAN PA'I DKAR PO GCIG GNYIS SOGS GRANGS KYI RGYU MTSAN CAN MIN YANG, DKAR PO'I GRANGS SOGS KYI SGRA DANG, GRANGS DE DANG LDAN PA'I DKAR PO LA SOGS PA'I SGRA RNAM GRANGS PA MIN PA'I PHYIR, GAL TE DKAR PO DE LA'ANG GCIG DON GZHAN DANG LDAN ZHE NA, 'O NA, YON TAN DANG RDZAS GNYIS LA @95 KHYAD PAR MED PAR THAL, ? YON TAN LA YON TAN DON GZHAN BRTEN PA'I PHYIR, DER THAL; DKAR PO YON TAN YIN PA GANG ZHIG , DE LA GRANGS GCIG GNYIS SOGS BRTEN PA'I PHYIR, DES NA SGRA RTOG THA DAD 'JUG PA LA 'JUG PA'I RGYU RDZAS THA DAD DGOS PA MA YIN TE, RDZAS DON GZHAN MIN YANG LDOG PA'I DBYE BA THA DAD PA TZAM GYIS SGRA THA DAD 'JUG PA'I PHYIR, DPER NA, LAS LA RDZAS MIN PA DANG, RDZAS LA LAS MIN PA'I KHYAD CHOS DON GZHAN MED KYANG SGRA DE LTAR BRJOD PA BZHIN NO, ,LAS LA RDZAS MIN PA DANG, RDZAS LA LAS MIN PA ZHES SGRA DON MTHUN 'JUG KYANG, LAS DANG DE LA RDZAS MIN PA GNYIS RDZAS THA DAD YIN MI DGOS PA BZHIN NO ZHES PA'I DON YIN NO, GNYIS PA DRUG SGRA MI 'THAD PAR THAL BA SPANG BA LA GNYIS, DANG PO, CHOS DANG CHOS CAN BRJOD PA'I SGRA'I KHYAD PAR NI, RTZA BAR, DNGOS PO BRJOD PA'I SGRA RNAMS KYIS, , GRANGS SOGS DE DANG LDAN PA LAS, , THA DAD BZHIN DU BSTAN GANG DE'ANG, , CHOS GZHAN KHYAD PAR BYED PA YIN, , DE TZAM SHES PAR 'DOD PA LA, , GZHAN KUN 'PHANGS PA MED PAR NI, , LA LA SOR MO'I LDAN PA ZHES, , THA DAD CHOS BZHIN BRJOD PAR BYED, , DON GCIG BRJOD KYANG THAMS CAD NI, , 'PHEN PHYIR SOR MO LDAN 'GYUR ZHES, , CHOS CAN BRJOD PA GRANGS YIN TE, , DE LTA BRDAR NI BYAS PA YIN, , @96 ZHES PAS, DRUG SGRA SBYAR BA'I DGOS PA NI, DNGOS PO STE CHOS BRJOD PA'I SGRA RNAMS KYIS GRANGS SOGS DE DANG LDAN PA'I RLUNG 'KHOR LAS THA DAD BZHIN DU BSTAN PA GANG DE'ANG CHOS CAN, DGOS PA YOD DE RLUNG 'KHOR GYI KHYAD CHOS GZHAN LAS RLUNG 'KHOR GYI GRANGS KHYAD PAR DU GO BAR BYED PA LA SBYAR BA YIN PA'I PHYIR, CHOS BRJOD KYI SGRAS KHYAD PAR GZHAN SPONG BAR BSTAN PA NI, SKABS LA LAR SOR MO YI LDAN PA ZHES BRJOD PA'I SGRA CHOS CAN, SOR MO DE SOR MO'I LDAN PA LAS THA DAD PA'I CHOS BZHIN DU BRJOD PAR BYED PA LA DGOS PA YOD DE, SOR MO'I GSHIBS PA DE TZAM SHES PAR 'DOD PA LA DE SHES PA'I CHED DU LDOG PA GZHAN KUN BLO YUL DU 'PHANGS PA MED PAR DE TZAM ZHIG BRJOD PA'I PHYIR, CHOS CAN BRJOD PA'I SGRA RNAMS KYIS KHYAD PAR GZHAN MI SPONG BA BSTAN PA NI, SOR MO LDAN PAR 'GYUR ZHES PA'I SGRA CHOS CAN, CHOS CAN BRJOD PAR GRAGS PA YIN TE, SOR MO'I KHYAD CHOS DU MA'I NANG NAS GSHIBS PA'I DON GCIG PO BRJOD KYANG KHYAD CHOS GZHAN THAMS CAD BLO YUL DU 'PHEN PA STE MA SPANGS PA'I SGRA YIN PA'I PHYIR, DE LTAR KHYAD CHOS DON GZHAN MED KYANG DON BRDA THA DAD PAR BYAS PA LA DGOS PA YOD DE, DON GCIG PO DE NYID KHYAD PAR GZHAN SPANGS MI SPANGS KYI SGO NAS SHES PA'I CHED DU YIN BYAS PA'I PHYIR, GNYIS PA RIGS BRJOD DANG TSOGS BRJOD KYI SGRA'I KHYAD PAR NI, RTZA BAR, GZUGS SOGS NUS PA'I KHYAD PAR NI, , SPONG BAS DE MTSUNGS 'BRAS BU YI, , RGYU MIN PA NI RNAM GCOD LA, , BUM PA'I SGRA NI 'JUG PAR 'GYUR, , DES NA BUM PA GZUGS SO ZHES, , @97 GZHI GCIG PA CAN SGRA MA YIN, , DES NA 'DI NI RIGS DANG NI, , TSOGS PA BRJOD PA'I KHYAD PAR YIN, , DE SPYI YAN LAG TU BYAS TE, , BUM PA YI NI GZUGS SOGS ZHES, , DE NUS KHYAD PAR STON PAR BYED, , PHYOGS 'DIS GZHAN LA'ANG BRJOD PAR BYA, , ZHES PAS, BYE BRAG PAS, YAN LAG CAN DON GZHAN MED NA YAN LAG TZAM DU 'GYUR BAS BUM PA'I GZUGS ZHES PA MI 'THAD PAR 'GYUR RO ZHE NA, BUM PA ZHES PA'I SGRA YAN LAG CAN DON GZHAN LA 'JUG PA MA YIN TE, BUM PA'I RDUL RDZAS BRGYAD PO DE'I MTSUNGS PA'I 'BRAS BU CHU SKYOR BA YI RGYU MIN PA RNAM PAR GCOD PA'I TSOGS PA LA BUM PA ZHES PA'I SGRA DNGOS MING DU 'JUG PA'I PHYIR, BUM PA'I GZUGS ZHES BRJOD PA'I SGRA DE BUM PA DANG BUM PA'I GZUGS GNYIS GZHI MTHUN PA CAN SGRA MA YIN TE, BUM PA ZHES BRJOD PA'I SGRA DES BUM PA'I GZUGS DRI SOGS RANG 'DZIN SHES PA BSKYED PA'I THUN MONG MA YIN PA'I NUS PA'I KHYAD PAR BRJOD BYAR SPONG BA DES NA'I PHYIR, BUM PA ZHES BRJOD PA'I SGRA DE BUM PA'I GZUGS SOGS LA BLTOS NAS TSOGS BRJOD KYI SGRA DANG, GSER BUM SOGS LA BLTOS NAS RIGS BRJOD KYI SGRA YIN PAS SNGA MA BRJOD BYA SPONG ZHING, PHYI MA MI SPONG BA YIN, DES NA RIGS BRJOD KYI SGRAS RIGS DON GZHAN DANG TSOGS BRJOD KYI SGRAS YAN LAG CAN RDZAS GZHAN NGES PAR BRJOD BYAR BYED PA MA YIN TE, SNGA MAS RIGS CAN BRJOD BYAR MA SPONG PHYI MAS TSOGS PA BRJOD BYAR SPONG BA 'DI NI RIGS BRJOD DANG TSOGS PA BRJOD PA'I KHYAD PAR YIN PA'I PHYIR, BUM PA YI NI GZUGS @98 ZHES BRJOD PA LA DGOS PA YOD DE, DE LTAR BUM PA'I GZUGS KHYAD GZHI DANG TSOGS SPYI BUM PA KHYAD CHOS KYI YAN LAG TU BYAS TE BSTAN PAS, BUM PA'I GZUGS DES RANG 'DZIN SHES PA BSKYED PA'I NUS PA'I KHYAD PAR BLO YUL DU STON PAR BYED PA'I PHYIR, BSHAD MA THAG PA'I PHYOGS 'DIS GZHAN LA'ANG YAN LAG CAN DON GZHAN MED KYANG TZAN DAN GYI DRI ZHES BRJOD PA LA 'GAL BA MED DO ZHES BRJOD PAR BYA'O, ,DE DAG NI, BYE BRAG PAS, YAN LAG CAN DON GZHAN NGES PAR DGOS TE, DE MED NA YAN LAG TZAM DU 'GYUR BAS CHOS BRJOD PA'I SGRA MI 'THAD DE, BUM PA'I GZUGS ZHES PA DANG, TZAN DAN GYI DRI ZHES BRJOD PA'ANG DGOS PA MED DO ZHES PA'O, ,SANGS RGYAS PAS, BUM PA ZHES BRJOD PA'I SGRAS YAN LAG CAN DON GZHAN LA MI 'JUG STE, LTO LDIR BA MA YIN PA LAS LOG PA'I RDUL RDZAS BRGYAD TSOGS PA LA DNGOS MING DU 'JUG PA'I PHYIR, BUM PA'I GZUGS ZHES SGRAS BUM PA DANG DE'I GZHI MTHUN BRJOD PA MA YIN TE, BUM PA ZHES PA'I SGRAS BUM PA'I GZUGS DRI SOGS BRJOD BYAR SPONG BA'I PHYIR, DES NA, BUM PA ZHES PA'I SGRA DES TSOGS PA CAN BRJOD BYAR SPONG LA RIGS CAN BRJOD BYAR MI SPONG BA'O, ,BUM PA'I GZUGS ZHES BRJOD PA'I SGRAS GZUGS BUM PA'I KHYAD GZHI DANG BUM PA KHYAD CHOS SU BSTAN PA'I PHYIR; TSOGS BRJOD KYI SGRA DANG, RIGS BRJOD KYI SGRA GNYIS MU GZHI 'JOG PA'I MU GNYIS PA 'BIGS BYED CES PA'I SGRA BZHAG PA LA RTZOD PA PHRAN BU BYUNG BAS, KA BUM ZHES PA'I SGRA 'JOG NA BDE BAR SNANG, GNYIS PA RDUL PHRAN YID BLO'I RTEN YIN PA DGAG PA GNYIS, DANG PO RDUL PHRAN KUN TSOGS PA YID BLO'I RGYUR DGOS PA DGAG PA NI, RTZA BAR, MA LUS RGYU NYID YIN NA NI, ,YAN LAG GCIG DANG BRAL NA'ANG MIN, ,ZHES PAS, YAN LAG PHRA MO GCIG DANG BRAL NA'ANG, YID BLO SKYE BA MIN PAR THAL, YAN LAG GI CHA MA LUS PA YID BLO'I RGYU NYID DU @99 DGOS PA'I PHYIR, GNYIS PA RE RE RKYANG PAS NUS PA DGAG PA LA GNYIS, THAL BA DGOS PA NI, RTZA BAR, RE RE NUS PA NYID YIN NA'ANG, CIG CAR MANG PO 'BYUNG BAR 'GYUR, ,ZHES PAS, RDUL PHRAN RE RE NAS BLTOS MED DU YID BLO SKYE BA'I NUS PA YOD NA, SKYES BU GCIG GI RGYUD LA DUS GCIG TU YID BLO MANG PO 'BYUNG BAR 'GYUR RO, ,DE NI YID BLO DE RDUL PHRAN GYIS RGYU BYED PA LAS 'BYUNG NA, RDUL PHRAN KUN YID BLO'I RGYUR DGOS NA, THAL BA SNGA MA DANG, RDUL PHRAN RE RE NAS RGYU YIN NA'ANG THAL BA PHYI MA 'PHANGS PAS, SANGS RGYAS PAS, NAS SA CHU LUD DROD GSHER TSOGS PA TSANG BA DE MYU GU'I RGYUR KHAS BLANGS PA LA, DE DAG GCIG DANG BRAL NA'ANG MYU GU SKYE BA MIN PAR THAL BA DANG, RE RE KHO NAS MYU GU BSKYED NUS NA GZHAN RNAMS DON MED DU THAL BA 'PHANGS NA LAN JI LTAR 'DEBS, DE TZAM MA ZAD BYE BRAG PAS, RDUL PHRAN YID BLO'I RGYUR 'DOD KYANG, RDUL PHRAN KUN TSOGS PA YID BLO'I RGYUR DGOS PA'AM, RDUL PHRAN RE RE RKYANG PA YID BLO'I RGYUR KHAS LEN MI DGOS TE, SKYE BA SNGA MA'I LUS DE TSE 'DI'I LUS KYI RGYUR 'DOD KYANG; SNGA MA'I LUS KYI CHA SHAS THAMS CAD 'DI'I LUS KYI RGYUR 'DOD MI DGOS, CHA SHAS GCIG KHO NA'ANG TSE 'DI'I LUS BSKYED PA'I NUS PA MED PA'I PHYIR, SNGA MA'I LUS TSE 'DI'I LUS KYI RGYU MA YIN NA, TSE 'DI NYID KYI SKYE MCHED LNGA, LUS GZHAN SKYED PA'I RGYU NYID YIN ZHES GSUNGS, BYANG SEMS SA BCU PA BA'I RGYUD KYI SEMS DE YE SHES CHOS SKU'I RGYUR KHAS LEN PA LA'ANG GONG GI THAL BA DE MTSUNGS MI MTSUNGS BSAM DGOS SO, ,GNYIS PA DE'I LAN DGAG PA LA, DBUGS KYI RKYEN GYIS CIG CAR DU MA MI SKYE BA DGAG PA DANG, DANG PO LAS CIG CAR SKYES KYANG PHYIS RIGS 'DRA RE RE KHO NA SKYE BA DGAG PA'O, ,DANG PO LA GSUM DBUGS RTAG PA LAS SKYE BA DGAG PA NI, RTZA BAR, @100 DU MA NYID DU MTSUNGS PA'I PHYIR, , 'BYUNG RNGUB DAG NI NGES BYED MIN, , GCIG NYID NA YANG MANG GSAL 'GYUR, , DE RGYU RTAG TU NYE PHYIR RO, , GAL DE DU MA'I RGYU MIN NA, , RIM GYIS KYANG MIN KHYAD MED PHYIR, , DBUGS GCIG LA YANG DON DU MA, , 'DZIN PHYIR DE LAS NGES MA YIN, , DU MA BLO GCIG GIS SHE NA, , DE NI CIG CAR NYID 'GYUR TE, , 'GAL BA MED PHYIR RIM GYIS KYANG, , MI 'GYUR KHYAD PAR MED PHYIR RO, , ZHES PAS, BYE BRAG PA NA RE, GONG GI THAL 'GYUR LA SKYON MED DE NYER LEN RDUL PHRAN MANG PO YOD NA'ANG DBUGS 'BYUNG RNGUB KYI RKYEN MED PAS YID BLO MANG PO DUS GCIG TU MI SKYE ZHE NA, DBUGS 'BYUNG RNGUB DAG CHOS CAN, YID BLO RE RE KHO NA SKYE BAR NGES BYED MIN PAR THAL, LUS DANG 'DRA BA CHA DU MA NYID DU MTSUNGS PA'I PHYIR, BYE BRAG PAS, DBUGS RTAG PA GCIG NYID NO ZHE NA YANG YID BLO MANG PO CIG CAR DU GSAL BAR 'GYUR BAR THAL, DE'I RGYU DBUGS RTAG PA RTAG TU NYE BA'I PHYIR, GAL TE YID BLO GCIG GI YIN GYI DU MA'I RGYU MIN NO ZHE NA, DBUGS 'BYUNG RNGUB CHOS CAN, RIM GYIS KYANG YID BLO DU MA'I RGYU MIN PAR THAL, CIG CAR MIN PA GANG ZHIG , NUS PA'I KHYAD PAR MED PA'I PHYIR, DBUGS CHOS CAN, KHYOD LAS YID BLO RE RE KHO NA SKYE BAR NGES PA MA YIN PAR @101 THAL; KHYOD 'BYUNG RNGUB GANG RUNG GCIG GI YUL LA YANG DON SNGA PHYI DU MA 'DZIN PA'I YID BLO DU MA SKYE BA'I PHYIR, SNGA PHYI DU MA YID BLO GCIG GIS SHES PA YIN GYI; DU MAS SHES PA MIN ZHE NA, YID BLO CHOS CAN, DON SNGA PHYI DU MA DE NI CIG CAR NYID DU SHES PAR 'GYUR BAR THAL, DE LTAR SHES PA LA 'GAL BA MED PA'I PHYIR, RIM GYIS KYANG SHES PAR MI GYUR BAR THAL, RNAM PA'I KHYAD PAR MED PA'I PHYIR, DE DAG NI, LUS DANG DBUGS GNYIS RDUL GYI CHA SHAS DU MA NYID DU MTSUNGS, YID BLO RE RE KHO NA MI SKYE YANG MTSUNGS, DBUGS RTAG PA GCIG KHO NA LAS SKYES NA YID BLO MANG PO DUS GCIG LA SKYE DGOS TE, NYER LEN RDUL PHRAN MANG PO DANG; RKYEN RTAG PA DBUGS KYANG DUS RTAG TU YOD PA'I PHYIR, DBUGS RTAG PA YIN YANG BLO GCIG GI RGYUR NGES KYI DU MA'I MIN ZHE NA, DBUGS RTAG PA YIN NA RIM GYIS DANG CIG CAR GANG LA'ANG NUS PA MED PAS GNYIS KA MI SKYE BAR 'GYUR, DON SNGA PHYI DU MA YID BLO GCIG GIS SHES PA'ANG MI RIGS TE, DE LTAR NA RNAM LDAN DANG RNAM MED GANG RUNG DU SHES DGOS LA, RNAM LDAN DU SHES NA, YID BLO DU MA SKYE BAR 'GYUR TE, DON SNGA PHYI RNAM PA RIM GYIS 'CHAR BA'I PHYIR, RNAM MED DU SHES NA, YUL GI RNAM PA 'CHAR MI DGOS PAS SHES BYA THAMS CAD CIG CAR DU SHES PA LA'ANG 'GAL BA MED PA'I PHYIR, RNAM PA 'CHAR MI DGOS NA, RIM GYIS KYANG SHES PAR MI 'GYUR RO, ,GNYIS PA DBUGS MI RTAG PA LAS SKYE BA DGAG PA LA GNYIS, DBUGS DU MA RIM GYIS 'BYUNG BAS YID BLO RE RE KHO NA BSKYED PA DGAG PA NI, RTZA BAR, RANG RIGS MIN PA'I DUS CAN GYI, , DBUGS KYI SKAD CIG MANG PO DAG , , GAL TE DE 'DRA'I SEMS NYID KYI, , @102 RGYU YIN PAR NI RTOGS BYED NA, , GO RIM LDAN PA'I RGYU MED PAR, , DE DAG RIM LDAN JI LTAR 'GYUR, , RANG RIGS SNGA MA RGYU NYID NA, , DANG PO 'BYUNG BAR MI 'GYUR TE, , DE RGYU DE 'DRA YOD MA YIN, , DBUGS 'BYUNG THA DAD YUL CAN PHYIR, , YOD KYANG DU MA NYID DU NGES, , DE PHYIR BLO NI CIG CAR SKYE, , ZHES PAS, RANG GI RIGS 'DRA SNGA MA LAS 'BYUNG BA MIN PA'I DUS RIM GYI 'BYUNG BA CAN GYI DBUGS KYI SKAD CIG MANG PO DAG SNGA PHYI 'BYUNG BA DE 'DRA BA'I SEMS RE RE NYID KYIS DNGOS RGYU YIN PAR RTOGS PA BYED PAS YID BLO DU MA CIG CAR MI 'BYUNG NGO ZHE NA, DBUGS DE DAG SNGA PHYI RIM LDAN DU JI LTAR YANG 'BYUNG BAR 'GYUR TE MI 'THAD PAR THAL, LUS RTAG PA LAS SKYES PA KHAS LEN PAS GO RIM DANG LDAN PAR BSKYED PA'I NUS PA MED PA'I PHYIR, RANG GI RIGS 'DRA SNGA MA RGYU NYID LAS SKYES SO ZHE NA, DANG PO MNGAL DU SKYE MA THAG DBUGS 'BYUNG BAR MI 'GYUR BAR THAL, DE RANG GI RIGS 'DRA SNGA MA'I RGYU DE 'DRA YOD PA MA YIN PA'I PHYIR; SKYES MA THAG GI DBUGS 'BYUNG RNGUB LA RIGS 'DRA SNGA MA YOD KYANG CHA DU MA CAN NYID DU NGES PAR THAL, GO SA THA DAD DU MA'I YUL NA KHYAB PA CAN YIN PA'I PHYIR, 'DOD NA YID BLO DU MA CIG CAR SKYE BAR THAL, NYER LEN LUS RTAG PA DANG RKYEN DBUGS DU MA NUS PA MA NYAMS PAR TSANG BA'I PHYIR, DE DAG NI, RGYANG PHAN PAS, DBUGS DE RIGS 'DRA LAS BYUNG BA MIN GYI LUS RTAG PA LAS @103 SKYE BA YIN PAS SEMS RE RE KHO NA'I RGYU YIN NO ZHE NA, RTAG PA LA 'BRAS BU RIM GYIS 'BYUNG BA'I NUS PA MED PA'I PHYIR, DBUGS DE DAG SNGA PHYI GO RIM YANG MA NGES SO, ,DBUGS DE RIGS 'DRA SNGA MA LAS SKYES NA, SKYES MA THAG PA'I DBUGS 'BYUNG RNGUB DE LA RIGS 'DRA SNGA MA YOD DGOS PAS SKYE BA SNGA MA MED PAR KHAS LEN PA NYAMS SO, ,SKYES MA THAG PA'I DBUGS 'BYUNG RNGUB LA RIGS 'DRA SNGA MA YOD NA'ANG CHA DU MA YOD DGOS PAS YID BLO DU MA CIG CAR DU SKYE DGOS TE, NYER LEN DANG LHAN CIG BYED RKYEN GNYIS KA TSANG BA'I PHYIR, GNYIS PA CIG CAR 'BYUNG BA'I DU MAS GCIG BSKYED PA DGAG PA NI, RTZA BAR, GAL TE DU MA GCIG DUS CAN, , SEMS GCIG GIS NI RGYU YIN NA, , DBUGS RGYU ZHAN PA LA SOGS SU, , GCIG MA TSANG NA'ANG MI 'BYUNG 'GYUR, , CI STE JI LTAR YOD RGYU YIN, , SHES PA LA YANG KHYAD YOD 'GYUR, , GANG ZHIG GANG GI THA DAD LAS, , THA DAD MIN DE DE 'DRA MIN, , ZHES PAS, GAL TE DBUGS DU MA'ANG DUS GCIG PA CAN GYI SEMS GCIG GI RGYU YIN GYI DU MA'I RGYU MIN NO ZHE NA, 'O NA, DBUGS KYI RGYU BA ZHAN PA LA SOGS PA'I SKABS SU DBUGS RGYU BA DRAG PO LTA BU GCIG MA TSANG NA'ANG YID BLO MI 'BYUNG BAR 'GYUR BAR THAL, DE DAG KUN TSOGS PA YID BLO'I RGYUR DGOS PA'I PHYIR, CI STE MA GRUB STE, DRAG ZHAN JI LTAR YOD PA YID BLO'I RGYU YIN ZHE NA, DBUGS KYI DBANG GIS YID KYI SHES PA LA'ANG GSAL MI GSAL @104 GYI KHYAD PAR YOD PAR 'GYUR BAR THAL, DBUGS DRAG ZHAN RNAMS DE'I NYER LEN YIN PA'I PHYIR, KHYAB STE, 'BRAS BU GANG ZHIG GANG GI 'PHEL 'GRIBS THA DAD LAS THA DAD DU 'GYUR BA MIN PA DE DE'I DNGOS 'BRAS MIN PA'I PHYIR, DE NI DBUGS KYI CHA DU MA RNAMS YID BLO GCIG GI RGYUR DGOS NA, DBUGS DRAG ZHAN GCIG MA TSANG NA DE MI 'BYUNG BAR 'GYUR BA DANG, DBUGS DRAG ZHAN DBANG GIS YID BLO LA GSAL MI GSAL KHYAD PAR YOD PAR 'GYUR TE, DBUGS DE RGYU DANG YID BLO DE NYER 'BRAS YIN PA'I PHYIR, GSUM PA RANG LA NYES PA SPANG BA NI, RTZA BAR, RNAM SHES NUS PA NGES PA'I PHYIR, GCIG NI GCIG GI RGYU YIN TE, RNAM SHES DON GZHAN CHAGS PA YIS, , NUS MED DON GZHAN MI 'DZIN PHYIR, , ZHES PAS, YID BLO RANG GI RIGS 'DRA SNGA MA LAS SKYE BA 'DOD PA LA GONG GI NYES PA DE DAG MI 'BYUNG STE, RNAM SHES GCIG NI RIGS 'DRA GCIG KHO NA'I RGYU YIN PA'I PHYIR, DER THAL, RIGS 'DRA RE RE KHO NA DNGOS SU BSKYED PA'I NUS PA NGES PA'I PHYIR, DER THAL, YID KYI RNAM SHES DON GZHAN GZUGS LA LHAG PAR CHAGS PA YIS DE'I DE LAS DON GZHAN PA'I SGRA MI 'DZIN PA YANG SGRA 'DZIN PA'I DE MA THAG RKYEN GYI NUS PA NYAMS NAS MED PA'I PHYIR, YIG CHA LTAR NA, SGRA MA RTOGS KYANG SGRA 'DZIN PAR KHAS LEN DGOS TE, SGRA 'DZIN NYAN SHES YIN PA'I PHYIR, GNYIS PA DANG PO LUS LAS CIG CAR SKYES KYANG PHYIS RIGS 'DRA RE RE KHO NA SKYE BA DGAG PA NI, RTZA BAR, GAL TE LUS LAS CIG CAR BLO, , SKYES SHING PHYIS NI RANG RIGS LAS, , @105 DES NA LUS KYI NUS PA NI, , CI YI PHYIR NA LDOG PA YIN, , ZHES PAS, GAL TE DANG PO MNGAL DU SKYES MA THAG LUS LAS CIG CAR YID BLO DU MA SKYES SHING, PHYIS NI RANG GI RIGS 'DRA LAS YID BLO RE RE KHO NA SKYE BA NGES PAS PHYIS DU MA CIG CAR SKYE BA MIN NO ZHE NA, LUS KYI NUS PA LAS YID BLO DU MA PHYIS KYANG CIG CAR DU BSKYED PA LDOG PA YIN PA MI 'THAD DE, CI'I PHYIR NA SNGAR DE LTAR BSKYED PA GANG ZHIG RTAG PA YIN PA'I PHYIR, RTZA BA SA BCAD GNYIS PA BKAG PA LA GNOD PA SPANG BA NI, RTZA BAR, GAL TE LUS NI LDOG PA NA, RTEN MIN PHYIR NA SEMS 'BA' ZHIG ,GNAS 'GYUR ZHE NA, ,ZHES PAS, GAL TE SHI BA'I TSE LUS LDOG PA NA SEMS 'BA' ZHIG GNAS PAR 'GYUR TE, LUS SEMS KYI RTEN MIN PA'I PHYIR ZHE NA, RNAM PAR PHYE STE LAN GDAB PA NI, RTZA BAR, GAL TE DE'I, RGYU 'JUG THOB PHYIR SEMS KYI RGYUN, ,GNAS 'GYUR YAN LAG MI 'GYUR NA, ,ZHES PAS, GAL TE TSE 'PHOS MA THAG GZUGS MED DU SKYE 'GYUR GYI 'DOD PA BA DE SHI BA'I TSE SEMS DE LUS LA MI BRTEN PAR YANG GNAS PAR 'GYUR TE, 'CHI KHA'I SEMS DE LUS PHYI MA'I RGYU NUS PA 'JUG PA THOB PHYIR DU DE'I LHAN CIG BYED RKYEN GYI YAN LAG TU MI 'GYUR BA'I PHYIR NA, SEMS KYI RGYUN PHYI MAR GNAS PA'I RGYU KHO NA'O, ,SHI MA THAG 'DOD PAR SKYE 'GYUR GYI GANG ZAG DE NI SEMS LUS LA MI BRTEN PAR GNAS PA MIN TE, 'CHI KHA'I LUS SEMS GNYIS GROGS BYAS NAS PHYI MA'I LUS SEMS LHAN CIG GNAS PAR BSKYED PA'I PHYIR, DE DAG NI, RGYANG PHAN PAS, LUS SEMS GNYIS RTEN BRTEN PA MA YIN NA, SHI BA'I TSE SEMS 'BA' ZHIG GNAS PAR 'GYUR RO ZHE NA, DE LA GNYIS TE, 'DOD PA NAS GZUGS MED DU SKYE BA DER LUS LA MI BRTEN PAR SEMS 'BA' ZHIG @106 GNAS 'DOD PA NAS 'DOD PAR SKYE BA'I TSE 'CHI KHA'I LUS SEMS GNYIS PHYI MA'I LUS SEMS GNYIS KYI RGYU YIN NO ZHES PA'O, ,DBU MA RTZA BA SHES RAB LAS, GAL TE PHUNG PO BDAG YIN NA, ,SKYE DANG 'JIG PA CAN DU 'GYUR, ,ZHES SOGS DANG MI 'GAL BAR JI LTAR BYED BSAM PAR BYA'O, ,TSE PHYI MA'I LUS KYI NYER LEN NGOS GZUNG BA LA GSUM, DNGOS NI, RTZA BAR, TSE 'DI NYID KYI SKYE MCHED LNGA, LUS GZHAN BSKYED PA'I RGYU NYID YIN, ,ZHES PAS, TSE 'DI NYID KYI MIG SOGS SKYE MCHED THA MA LNGA CHOS CAN, TSE PHYI MA'I LUS GZHAN SKYE MCHED LNGA BSKYED PA'I RGYU NYID YIN TE, DE'I NGO BO KHYAD PAR GNYIS KYI NANG NAS NGO BO LAG RJES 'JOG BYED KYI THUN MONG MA YIN PA'I RGYU YIN PA'I PHYIR, TSE 'DI'I DBANG PO LNGA PHYI MA'I DBANG PO'I NYER LEN BYED NUS NA, TSE 'DI'I LUS DE PHYI MA'I LUS KYI NYER LEN DU KHAS LEN DGOS, DE LTAR NA, TSE 'DI'I GZUGS PHUNG DE TSE PHYI MA'I GZUGS PHUNG GI NYER LEN YIN DGOS, BDAG DANG GZUGS PHUNG GNYIS KA TSE PHYI MAR 'GRO BAR THAL; 'DOD PA'I PHYIR, 'DOD NA, GZUGS PHUNG SKYE 'JIG BYED PA BZHIN DU BDAG KYANG SKYE 'JIG BYED PAR THAL, 'DOD NA, PHUNG PO BDAG TU KHAS LEN PA LA GNOD BYED MED PAR THAL LO, ,GNYIS PA GNOD BYED SPANG BA NI, RTZA BAR, DE YI YAN LAG DNGOS PO DANG, , RGYU NYID 'GOG LA MI DMIGS PA, , NGES 'BYED MIN PAR RAB TU BSHAD, , DBANG SOGS KYANG NI LHAG LDAN YIN, , ZHES PAS, 'CHI KHA'I LUS SEMS GNYIS TSE PHYI MA'I SEMS DE'I LHAN CIG BYED PA'I YAN LAG GI DNGOS PO DANG, NYER LEN GYI RGYU NYID 'GOG PA LA RGYANG PHAN GYI MI DMIGS PA TZAM GO BYED YANG DAG MIN TE, PHYIR RGOL GYIS MI DMIGS @107 PA MED NGES GO BYED MED PA RAB TU BSHAD ZIN PA'I PHYIR, DBANG PO YIN PA SOGS KYANG DE 'GOG PA'I RTAGS YANG MIN TE, RJES 'GRO LA THE TSOM GYI LHAG MA DANG LDAN PA YIN PA'I PHYIR, GSUM PA SGRUB BYED DGOD PA NI, RTZA BAR, DBANG PO SNGA MA RANG RIGS LAS, , NUS PA DAG NI MTHONG BA YIN, , 'GYUR BA MTHONG PHYIR GZHAN DANG GZHAN, , SKYE BA DAG KYANG 'GRUB PA NYID, , GAL TE LUS LA DE SKYE NA, , SNGA MA BZHIN DU THAL BAR 'GYUR, , SEMS LAS SHE NA LUS GZHAN YANG, , 'DI NYID LAS NI SKYE BAR 'GYUR, , ZHES PAS, TSE 'DI'I DBANG PO SNGA MA RANG GI RIGS 'DRA LA PHAN 'DOGS PA'I NUS PA DAG NI TSAD MAS MTHONG BA YIN TE, DBANG PO SNGA MA DVANGS RNYOG SOGS LAS PHYI MAR DE LTAR 'GYUR BA MTHONG BA'I PHYIR, DA LTAR PHYI MA'I DBANG PO GZHAN DANG GZHAN RIGS 'DRA LAS SKYE BA DAG KYANG 'GRUB PA NYID YIN TE, DE LTAR GYI DBANG PO DANG SKYE TSUL MTSUNGS PA'I PHYIR, GZHAN DAG GIS, TSE 'DI'I DBANG PO LUS LAS SKYE BA LA, DES PHYI MA'I DBANG PO LUS LAS SKYE BA MI 'GRUB CE NA, MI 'THAD DE, SNGA MA DBUGS LUS LAS SKYE BA DANG SEMS LUS LAS SKYE BA LA BRJOD PA'I NYES PA BZHIN DU THAL BAR 'GYUR BA'I PHYIR, TSE 'DI'I DBANG PO SEMS LAS SKYE'O ZHE NA, PHYI MA'I LUS GZHAN YANG SEMS 'DI NYID LAS NI SKYE BAR 'GYUR BAR THAL, TSE 'DI'I LUS SEMS DANG MTSUNGS PA'I PHYIR, 'DOD NA SKYE BA PHYI MA GRUB BO, ,GONG GI RTZA BA SA BCAD GSUM PA DON BSDU BA NI, RTZA BAR, @108 DES NA RGYU DANG BRAL BA'I PHYIR, , THA MA YI NI SEMS RNAMS KUN, , MTSAMS SBYOR MED PA MIN DE'I PHYIR, , DE 'DRA'I SGRUB BYED LHAG LDAN 'DOD, , CES PAS, LUS YID BLO'I LDOG BYED KYI RGYU KHYAD PAR CAN MA YIN PA DES NA, THA MAL PA DANG, DGRA BCOM THA MA'I SEMS RNAMS KUN CHOS CAN, RIGS 'DRA PHYI MA MTSAMS SBYOR BA MED PA YIN TE, RGYU DBUGS 'BYUNG RNGUB SOGS DANG BRAL BA'I PHYIR DANG, 'CHI SEMS YIN PA'I PHYIR ZHES DGOD PA RTAGS YANG DAG MIN TE, DE LTAR GONG DU BSGRUB PA DE'I PHYIR, 'CHI SEMS YIN PA'I PHYIR ZHES 'DOD PA DE 'DRA'I SGRUB BYED LHAG LDAN DU 'DOD RIGS TE, PHYOGS CHOS GRUB; MI MTHUN PHYOGS LA MA MTHONG TZAM GYIS LDOG PA LA THE TSOM ZA BA'I PHYIR, DE NI GONG DU RGYANG PHAN GYIS, SKYE BA PHYI MA MED PAR BSGRUB PA'I GTAN TSIGS BKOD PA RNAMS RGYAS PAR BKAG PA'I DON BSDU BA'O, ,GNYIS PA SKYE BA DU MAR GOMS PA SRID KYANG MTHA' MED DU 'PHEL BA MI 'THAD PA SPANG BA LA, RTZOD PA NI, RTZA BAR, GOMS LAS KHYAD PAR 'GYUR NA YANG, ,MCHONGS DANG CHU YI DROD BZHIN DU, ,RANG BZHIN LAS 'DAS MIN ZHE NA, ,ZHES PAS, BRTZE BA DANG SHES RAB SOGS GOMS PA LAS CUNG ZAD KHYAD PAR DU 'GYUR NA YANG TSAD CAN GYI RANG BZHIN LAS 'DAS NAS MTHA' MED DU 'PHEL BAR 'GYUR BA MIN TE, DPER NA, MCHONGS PA GOMS PAS CUNG ZAD KHYAD PAR DU 'GYUR NA YANG MTHA' MED DU MI 'PHEL BA DANG, CHU'I DROD MTHAR DMAR 'BAR BAR MI 'GYUR BA BZHIN NO ZHES RTZOD PA'O, ,LAN LA MCHONGS PA DANG CHU'I DROD LA KHYAD PAR CAN GYI RTAGS MED PA DANG, BRTZE SOGS LA YOD PA, DE LA RTZOD PA SPANG BA'O, DANG PO LA, RTAGS KYI KHYAD PAR NGOS @109 BZUNG NAS DE DPE GNYIS LA MED PA DANG KHYAD PAR DE YOD NA MTHA' MED DU 'PHEL BAR THAL BA'O, ,DANG PO NI, RTZA BAR, BYAS TE GAL TE SLAR YANG NI, , 'BAD RTZOL LA NI LTOS 'GYUR RAM, , RTEN MI BRTAN PA NYID 'GYUR NA, , KHYAD PAR DAG NI MI 'PHEL NA, , RANG BZHIN DE 'DRA'ANG MA YIN TE, , DE LA PHAN 'DOGS NUS PA RNAMS, , KHYAD PAR PHYI MA DAG LA NI, , SGRUB PA'I NUS PA MED PHYIR DANG, , RTAG TU RTEN GNAS MA YIN PHYIR, , KHYAD PAR 'PHEL YANG RANG BZHIN NYID, , MIN PHYIR ZHES PAS, BRTZE BA DANG SHES RAB SOGS CHOS CAN, MTHA' MED DU MI 'PHEL BA'I RANG BZHIN DE 'DRA'ANG MA YIN TE, SNGAR GOMS PAR BYAS PA DE SKAD CIG PHYI MA BSKYED PA GAL TE SLAR YANG 'BAD RTZOL LA BLTOS PAR 'GYUR RAM; RTEN MI BRTAN PA NYID DU 'GYUR NA KHYAD PAR DAG MTHA' MED DU MI 'PHEL YANG RANG BZHIN DE 'DRA MIN PA'I PHYIR, MCHONGS PA GOMS PAS CUNG ZAD KHYAD PAR DU 'PHEL YANG MTHA' MED DU 'PHEL BA'I RANG BZHIN NYID MIN TE, MCHONGS PA SKAD CIG SNGA MA LA PHAN 'DOGS PA'I NUS PA'I RTZOL BA RNAMS MCHONGS PA KHYAD PAR PHYI MA DAG LA PHAN PA SGRUB PA'I NUS PA MED PA'I PHYIR, CHU'I DROD KYANG RTAG TU KHYOD KYI RTEN CHU DE GNAS PA MA YIN PAR BSKAMS NAS RGYUN CHAD PA'I PHYIR, RTZOD LAN DE DAG JI LTAR BYUNG TSUL NI, SNYING RJE SKYE BA DU MAR GOMS NAS RAB KYI @110 MTHAR PHYIN PAS SANGS RGYAS PAR 'GYUR BA BSHAD PA LA, RGYANG PHAN PAS, DE LTAR 'GYUR BA MI 'THAD DE SKYE BA DU MA MED PA'I PHYIR, ZHES RTZOD PA BKOD PA RGYAS PAR BKAG KYANG, GOMS PA SRID KYANG MTHA' MED DU MI 'PHEL BA'I DPER MCHONGS PA DANG, CHU'I DROD BKOD, SANGS RGYAS PAS DPE DON GNYIS MI 'DRA STE; MCHONGS PA DANG, CHU'I DROD LA 'BAD RTZOL SNGA MA DE PHYI MA LA MI PHAN PAR 'BAD RTZOL BSKYAR MA LA LTOS DGOS, BRTZE BA DANG SHES RAB SOGS NI DE LTAR MI DGOS PAR 'BAD RTZOL SNGA MA DE'I STOBS KYIS PHYI MA RNAMS NGANG GIS 'BYUNG BA DANG, RTEN GSAL RIG TZAM LA BRTEN PAS BRTEN PA BRTZE SOGS JI TZAM 'PHEL BA DE TZAM RTEN GSAL RIG KYANG 'PHEL BAR 'GYUR LA, CHU'I DROD LTA BU JI TZAM 'PHEL BA TZAM GYIS RTEN CHU MI 'PHEL BAR NYAMS PAR 'GYUR BA'I PHYIR, DPE GNYIS KYI DANG PO LA RTAGS ZUR DANG PO MED PA DANG, GNYIS PA LA RTAGS ZUR GNYIS PA MED DO, ,GNYIS PA KHYAD PAR DE YOD NA MTHA' MED DU 'PHEL BAR THAL BA NI, RTZA BAR, GANG TSE BYAS GYUR PA, YANG RTZOL LA LTOS MI 'GYUR NA, RTZOL GZHAN KHYAD PAR BYED PAR 'GYUR, ,ZHES PAS, MCHONGS PA DANG CHU'I DROD CHOS CAN, MTHA' MED DU 'PHEL BA SRID PAR THAL, GANG GI TSE GOMS PAR BYAS PAR 'GYUR BA YANG RTZOL BA PHYI MA LA BLTOS PAR MI 'GYUR BAR RTZOL BA SNGA MAS RIGS 'DRA PHYI MA GZHAN GONG NAS GONG DU KHYAD PAR DU BYED PAR 'GYUR BA'I PHYIR, YANG NA, BRTZE BA DANG SHES RAB SOGS CHOS CAN, KHYOD GOMS NA MTHA' MED DU 'PHEL BA RANG BZHIN YIN TE, RTEN BRTAN ZHING GOMS ZIN 'BAD RTZOL BSKYAR MA LA MA LTOS PAR RTZOL BA SNGA MAS RIGS 'DRA PHYI MA GONG NAS GONG DU KHYAD PAR DU BYED PAR 'GYUR BA'I PHYIR, DE LA DPYAD GZHI YOD DE, BRTZE BA SNYING RJE CHEN PO LAN GCIG BSGOM NAS DE'I DBANG GIS MTHA' MED DU 'PHEL NA HA CANG SLA BAR 'GYUR @111 BA'I SKYON YOD, LAN DU MAR BSGOM DGOS NA 'BAD RTZOL YANG DE TZAM BYED DGOS PAS DPE DON MI MTSUNGS PA'I RGYU MTSAN CI YIN, GOMS ZIN BSKYAR MA LA BRTEN MI DGOS NA TSE 'DIR SNYING RJE YUN RING BSGOMS PA'I GANG ZAG TSE PHYI MAR 'BAD RTZOL BSKYAR MA LA BLTOS MA DGOS PAR SNYING RJE NGANG GIS 'BYUNG BAR 'GYUR BA LAS DE LTAR MI 'BYUNG BA'I PHYIR, DPYAD DGOS SO, ,GNYIS PA BRTZE BA SOGS LA KHYAD PAR GYI RTAGS GNYIS YOD PA NI, RTZA BAR, SEMS LA BRTZE SOGS GOMS SKYE BA, , RANG GI NGANG GIS 'JUG 'GYUR TE, , ME LA SOGS PAS SHING DAG DANG, , DNGUL CHU DANG NI GSER SOGS BZHIN, , DE PHYIR DE DAG LAS SKYES TE, , NGO BO NYID SKYES YON TAN YIN, , DES NA RTZOL BA PHYI MA DANG, , PHYI MA KHYAD PAR BYED PA YIN, , GANG PHYIR RIGS MTHUN SNGA MA YI, , SA BON LAS NI 'PHEL BA CAN, , BRTZE BA LA SOGS BLO DE DAG, , GOMS PA GYUR NA GANG LA GNAS, , ZHES PAS, BRTZE BA DANG SHES RAB SOGS NI SEMS GSAL RIG TZAM LA BRTEN NAS RANG GI RIGS 'DRA SNGA MA GOMS PA LAS SKYE BAS RTEN BRTAN PA YIN, SKAD CIG SNGA PHYI RE RE NAS RTZOL BA MI 'DRA BA RE RE LA BLTOS PA MA YIN TE, KHYOD GOMS PAR BYAS PAS SEMS LA RANG GI NGANG GIS 'JUG PAR 'GYUR BA'I PHYIR, @112 DPER NA, ME LA SOGS PAS SHING DAG LA THAL BAR SONG GI BAR DU 'JUG PA DANG, DNGUL CHU 'DUL SBYONG LEGS PA GSER LA SOGS PA LA RANG GI NGANG GIS 'JUG PA BZHIN NO, ,RGYAS BSHAD NI, BRTZE BA SOGS CHOS CAN, RTEN BRTAN PA YIN TE, SEMS KYI NGO BO NYID DU SKYES PA'I YON TAN YIN PA'I PHYIR, GOMS PA 'BAD RTZOL SKYAR MA LA MI BLTOS TE, KHYOD GOMS PA RTZOL BA PHYI MA GZHAN GYI RTZOL BA RE RES KYANG RIGS 'DRA DU MA GONG NAS GONG DU KHYAD PAR DU 'PHAGS PA BYED PAR 'GYUR BA YIN PA'I PHYIR, DON BSDU BA, BRTZE BA DANG SHES RAB CHOS CAN, SBYOR BA GNYIS LDAN GYIS GOMS PAR GYUR NA TSAD CAN DU GANG YANG GNAS PA MI 'THAD DE, GANG GI PHYIR NA RANG RIGS SNGA MA YI SA BON LAS GONG NAS GONG DU 'PHEL BA CAN GYI SEMS KYI YON TAN YIN PA'I PHYIR, SKABS 'DIR RNAL 'BYOR MNGON SUM SGRUB BYED KYI RIGS PA GTZO BO ZHIG BSTAN, LE'U GSUM PAR, 'DOD 'JIGS MYA NGAN GYIS BRLAMS DANG, , RKUN PO RMI SOGS KYIS BSLAD PAS, , MDUN NA GNAS PA BZHIN DU NI, , YANG DAG MIN PA MTHONG BAR 'GYUR, ,ZHES DANG, MI GTZANG ZAD PAR SA LA SOGS, , YANG DAG MIN PA'ANG BSGOMS PA YI, , STOBS KYIS SPRUL PA RTOG MED DANG, , GSAL BA SNANG BA CAN DU MTHONG, , DE PHYIR YANG DAG YANG DAG MIN, , GANG GANG SHIN TU BSGOMS GYUR PA, , @113 SGOM PA YONGS SU RDZOGS PA NA, , DE GSAL MI RTOG BLO 'BRAS CAN, , ZHES SOGS KYIS DON YOD MED GANG LA BLOS BSGOMS NA GOMS BYA'I DON LA GSAL SNANG THOB TU YOD PAR GSUNGS, DE LTA NA NYON MONGS PA RNAMS GSAL SNANG 'BYUNG BAR 'GYUR BAS MTHA' MED DU 'PHEL MI 'PHEL DPYAD BYA'I GNAS SU SNANG NGO, ,GSUM PA RTZOD PA SPANG BA LA GNYIS, RKYEN GOMS PA LAS 'PHEL BA LA RTZOD SPANG NI, RTZA BAR, DE LTAR MCHONGS NYID LA MCHONGS MIN, , DE RGYU STOBS DANG 'BAD RTZOL DAG , , NUS PA NGES PA NYID KYI PHYIR, , MCHONGS PA NGES PA'I BDAG NYID YIN, , DE NI DANG PO PHYI NYID DU, , MCHONGS MIN LUS MI MTHUN PA'I PHYIR, , RTZOL BAS RIM GYIS MI MTHUN PA, , BSAL NA RANG STOBS NYID DU GNAS, , ZHES PAS, RKYEN GOMS PA LAS MTHA' MED DU 'PHEL NA MCHONGS PA YANG MTHA' MED DU 'PHEL BAR 'GYUR RO ZHE NA, BRTZE SOGS BZHIN DU MCHONGS PA RIGS 'DRA SNGA MA NYID LAS MCHONGS PA PHYI MA 'BYUNG BA MA YIN TE, RANG GI LUS KYI STOBS DANG 'BAD RTZOL JI TZAM YOD PA DE TZAM LAS 'BYUNG BA'I PHYIR, DES NA MCHONGS PA TSAD NGES PA'I BDAG NYID YIN TE, DE'I RGYU STOBS DANG 'BAD RTZOL DAG MCHONGS PA TSAD CAN DU BSKYED PA'I NUS PA NGES PA NYID KYI PHYIR, MCHONGS PA SBYONG BA'I THA MAL PA DE NI, DANG PO NYID NAS PHYIS MCHONGS PA'I TSAD BZHIN DU @114 MCHONGS PA MIN TE, NAD SOGS KYIS LUS YANG BA DANG MI MTHUN PAR BYAS PA'I PHYIR; RTZOL BAS RIM GYIS MI MTHUN PA BAD KAN SOGS BSAL NAS BYANG NA'ANG MTHA' MED DU MI 'PHEL TE, DE LTAR NA'ANG RANG GI LUS STOBS JI TZAM YOD PA DE'I TSAD NYID DU GNAS PA'I PHYIR, DE DAG GIS, BRTZE BA DANG SHES RAB SOGS MTHA' MED DU 'PHEL BA NI RANG GI RGYU RKYEN GOMS PA LAS SKYE BA YIN PAS SO,, ZHES PA GO BAS, 'O NA, MCHONGS PA YANG RANG GOMS PA LAS SKYE BAS MTHA' MED DU 'PHEL BAR 'GYUR RO ZHES RTZOD PA'O, ,MI 'DRA STE, MCHONGS PA NI SKYES BU'I LUS STOBS DANG 'BAD RTZOL JI TZAM YOD PA DE TZAM DU NGES PA YIN GYIS 'BAD RTZOL SNGA MA DES PHYI MAR 'BAD RTZOL MI DGOS PAR RANG GI NGANG GIS 'BYUNG BA MA YIN, BRTZE SOGS LTAR RIGS 'DRA SNGA MA LAS SKYES NA MCHONGS PA RKANG PA BTEG PA TZAM RGYANG RING POR MCHONGS PAR THAL BA DANG, MI DANG STAG GNYIS GOMS PA MNYAM PA SRID PAS MCHONGS PA MNYAM PA SRID PAR THAL BA'I SKYON YOD PA'I PHYIR; GNYIS PA NYER LEN RIGS 'DRA LAS 'PHEL BA LA RTZOD PA SPANG BA NI, RTZA BAR, BRTZE RANG SA BON LAS BYUNG BA, , GAL TE RANG SA BON RGYU CAN, , MI MTHUN PHYOGS KYI GNOD MED NA, , SEMS LA DE BDAG NYID DU 'GYUR, , 'DI LTAR GOMS PA SNGA MA DANG, , SNGA MA'I SEMS CHOS BRTZE BA DANG, , CHAGS BRAL BLO SOGS GZHAN DAG GI, , GSAL BA YI NI RTZA BA YIN, , @115 GOMS LAS BRTZE BA'I BDAG NYID DE, , CHAGS BRAL CHAGS DANG YID LOG BZHIN, , ZHES PAS, SNYING RJE CHEN PO RANG GI NYER LEN LAS SKYE BA KHAS LEN PA LA, RGYANG PHAN PAS, SEMS CAN THAMS CAD LA SNYING RJE CHEN PO YOD PAR THAL, BRTZE BA LA THOG MA MED CING RANG GI RIGS 'DRA LAS SKYE BA'I PHYIR ZHES RTZOD, BRTZE BA SNYING RJE CHEN PO RANG GI RIGS 'DRA'I SA BON LAS BYUNG BA YIN PAS, GAL TE RANG GI RIGS 'DRA SA BON GYI RGYU CAN MI MTHUN PHYOGS ZHES SDANG SOGS KYIS GNOD PA MED NA SEMS LA RANG GI NGANG GIS 'JUG PA'I BDAG NYID DU 'GYUR RO, ,DE LTAR NA'ANG SEMS CAN KUN LA GNAS PA'I SKYON MED DE, SEMS CAN 'GA' ZHIG GI RGYUD LA SKYES KYANG ZHE SDANG SOGS KYIS BCOM PA'I PHYIR, 'DI LTAR SEMS KYI CHOS BRTZE BA DANG CHAGS BRAL GYI BLO LA SOGS PA GZHAN DAG CHOS CAN, SEMS CAN THAMS CAD LA YOD PAR THAL BA'I SKYON MED DE, KHYOD KYI NGO BO TZAM RIGS 'DRA LAS SKYE YANG KHYOD KYI GOMS PA SNGA MA DANG DE'I YANG SNGA MA RNAMS KHYAD PAR CHES GSAL BAR BSKYED PA YI RTZA BA YIN LA, DE SEMS CAN KHA CIG LA MED PA'I PHYIR, DPE NI, DGRA BCOM PA'I RGYUD LA CHAGS BRAL DANG, CHAGS CAN LA CHAGS PA DANG, MI SDUG PA BSGOM PA LA YID LOG GI BLO NGANG GIS 'BYUNG BA BZHIN DU SBYOR BA GNYIS LDAN GYIS GOMS NA RANG GI NGANG GIS BRTZE BA'I BDAG NYID DU 'GYUR RO, ,DE YANG BRTZE BA SNYING RJE CHEN PO NI RANG RIGS SA BON LAS BYUNG BA'I RGYUN CAN YIN PAS MI MTHUN PHYOGS ZHES SDANG SOGS KYIS GNOD PA MED NA SEMS LA RANG GI NGANG GIS 'JUG PAR 'GYUR, RTZOL BA SKYAR MA LA BLTOS DGOS PA NI MA YIN NO, ,DE LTAR YANG SEMS CAN KUN LA YOD PAR THAL BA'I SKYON MED DE, NGO BO RIGS 'DRA LAS SKYE KYANG SNGA MA SNGA MA'I GOMS PA KHYAD PAR LAS BSKYED PA YIN PAS SEMS CAN KUN @116 LA SNYING RJE GOMS PA YOD PA MA YIN LA, 'GA' ZHIG NI ZHE SDANG SOGS KYIS BCOM PA SRID PA'I PHYIR, MI MTHUN PHYOGS DE DAG GIS MA BCOM NA MTHA' MAD DU 'PHEL BA NI DPER NA CHAGS BRAL GYI BLO DANG, CHAGS PA, MI SDUG PA BSGOMS BA LA YID LOG RNAMS NGANG GIS 'PHEL BA BZHIN NO, ,DANG POR RTZOL BA CHEN POS THAMS CAD LA DMIGS NAS SDUG BSNGAL DANG 'BRAL NA CI MA RUNG SNYAM PA'I SNYING RJE SHUGS CAN ZHIG BSKYED NAS, PHYIS RTZOL BA CHEN POS SNGA MA LTAR BSKYED PA NA RTZOL BA GCIG GIS SNYING RJE RIGS 'DRA DU MA BSKYED NUS LA, DE LTAR GOMS PAR BYAS PAS RTZOL BA LA BLTOS MI DGOS PAR BLO SNYING RJE'I RANG BZHIN DU 'GYUR BA YIN GYI DANG PO NAS RTZAL BA LA BRTEN MI DGOS PA GA LA YIN, MCHONGS PA RE RE LA RTZOL BA RE MA BRTEN NA LUS SA LA LHUNG BAR 'GYUR BA'I PHYIR, MCHONGS PA'ANG GOMS PA'I DBANG GIS SNGA MA LAS SLA BAR 'GYUR BA NI YOD DE, BYA BA THAMS CAD GOMS PA'I RJES SU 'BRANG BA'I PHYIR, GNYIS PA DE LAS SBYOR BA PHUN TSOGS SKYE TSUL LA GSUM, MDOR BSTAN PA NI, RTZA BAR, BRTZE LDAN SDUG BSNGAL GZHOM PA'I PHYIR, , THABS RNAMS LA NI MNGON SBYOR MDZAD, , THABS BYUNG DE RGYU LKOG GYUR PA, , DE 'CHAD PA NI DKA' BA YIN, , ZHES PAS, BRTZE LDAN BYANG SEMS SBYOR LAM PA CHOS CAN, RANG NYID SDUG BSNGAL ZHI BA'I THABS RNAMS LA MNGON SUM DU MTHONG BA'I CHED DU SBYOR BA GNYIS LDAN GYIS GOMS PAR MDZAD RIGS TE, SEMS CAN LA LUS PA'I SDUG BSNGAL GZHOM PAR BZHED PA'I SO SKYE YIN PA'I PHYIR, KHYAB STE, THABS LAS BYUNG BA'I SDUG 'GOG GNYIS DANG DE'I RGYU KUN LAM GYI BDEN PA RNAMS LKOG TU GYUR PA YIN NA, @117 PHYIN CI MA LOG PAR 'CHAD SHES PA DKA' BA YIN PA'I PHYIR, RTZA BA'I RTAGS KYI CHOS CAN DE THEG CHEN RIGS NGES KYI BYANG SEMS YIN DGOS, BDEN BZHI MNGON SUM DU MA RTOGS NA, BDEN BZHI 'CHAD SHES PA DKA' ZHES BSTAN, BDEN BZHI PHYIN CI MA LOG PAR 'CHAD SHES PA'I SO SKYE MED PAR THAL, 'DOD PA'I PHYIR; 'DOD NA, DBU MA PA'I LUGS GZHIR ZHOG , BDEN BZHI PHYIN CI MA LOG PAR 'CHAD SHES PA'I SEMS TZAM PA MED PAR THAL, 'DOD PA'I PHYIR, 'DOD NA, SLOB DPON DBYIG GNYEN DANG, BLA MA GSER GLING PA CHOS CAN, DER THAL, DE'I PHYIR, SLOB DPON DBYIG GNYEN SEMS TZAM PA YIN PAR 'GREL PA DON GSAL LAS BSHAD, BLA MA GSER GLING PA SEMS TZAM PA YIN PAR BYANG CHUB LAM RIM LAS BYUNG BA'I PHYIR, DE BZHIN DU PHYOGS GLANG CHOS GRAGS GNYIS BDEN BZHI'I GNAS LUGS PHYIN CI MA LOG PA 'CHAD SHES PA SMOS CI DGOS, SO SKYE YIN PA NI, 'JUG PA RANG 'GREL LAS GSAN RGYA CHE YANG GZHAN GYIS THUGS SU CHUD MI 'GYUR, ZHES PA'I SKABS BYUNG BA'I PHYIR, DON DANG DON SPYI GNYIS LAS DON LA GSAL SNANG THOB PA LA DON GSAL BAR SNANG DGOS SHING DE LA MNGON SUM YIN DGOS KYANG, DON SPYI LA GSAL SNANG THOB PA LA DE LTAR MI DGOS PAR SKABS 'DIR GSAL, BDAG MED RTOGS PA'I RTOG PA YIN NA, BDAG MED DON SPYI SNANG DGOS KYANG, GSAL BAR SNANG MI DGOS TE, BDAG MED DON SPYI'I TSUL GYIS RTOGS PA'I THEG CHEN TSOGS LAM DES BDAG MED KYI DON SPYI GSAL BAR MI SNANG BA'I PHYIR, DER THAL, THEG CHEN SEMS BSKYED KYIS ZIN PA'I SGO NAS BDAG MED KYI DON SPYI LA GSAL SNANG DANG LDAN BZHIN PAS KHYAD PAR DU BYAS PA'I GANG ZAG DE LA BYANG SEMS SBYOR LAM PA YIN PAS KHYAB PA'I PHYIR, GNYIS PA RGYAS BSHAD LA GSUM, DANG PO SPANG BYA LA RTOG PA'I THABS NI, @118 RTZA BAR, LUNG DANG RIGS PAS RNAM DPYOD PA, , SDUG BSNGAL NYID KYI KHYAD PAR GYIS, , SDUG BSNGAL RGYU DANG DE MI RTAG, , LA SOGS RANG BZHIN RTOG PAR MDZAD, , GANG PHYIR DE LTAR RGYU GNAS NA, , 'BRAS LOG GZIGS PA MED PHYIR RO, , ZHES PAS, LUNG LA BRTEN PA'I THOS PA'I SHES RAB DANG, DE NAS BSAM PA'I SHES RAB KYI RIG PAS RNAM PAR DPYOD DE BDEN BZHI'I GNAS LUGS LA SPYOD PA YIN, SDUG BSNGAL NYID KYI NGO BO DANG KHYAD PAR LA DPYAD NAS KHONG DU CHUD PA NA DE'I RGYU YOD MED DANG RGYU DE YANG RTAG MI RTAG LA SOGS PA RGYU'I RANG BZHIN LA RTOG PAR MDZAD RIGS TE, RGYU MTSAN GANG GI PHYIR NA, SDUG BSNGAL GZHOM BZHED PAS DE LTAR SDUG BSNGAL GYI RGYU YOD MED DANG RGYU RTAG PAR GNAS NA 'BRAS BU SDUG BSNGAL GNYEN PO'I STOBS KYIS LOG PA GZIGS PA MED PA'I PHYIR, GNYIS PA GNYEN PO LA RTOG PA'I TSUL NI, RTZA BAR, DE RGYU GZHOM PHYIR DE YIN NI, , MI MTHUN PHYOGS LA BRTAG PAR MDZAD, , RGYU YI NGO BO RTOGS PA'I PHYIR, , DE MI MTHUN PHYOGS KYANG NGES 'GYUR, , BDAG DANG BDAG GIR 'DZIN BYAS PA, , 'DUS BYAS SPYOD YUL CAN CHAGS NI, , RGYU YIN DE YI GNOD BYED NI, , @119 BDAG MED MTHONG BA 'GAL BA YIN, , ZHES PAS, KUN 'BYUNG DE'I MI MTHUN PHYOGS GNYEN PO LA BRTAG PA MDZAD PAR RIGS TE, SDUG BSNGAL DE'I RGYU KUN 'BYUNG GI GNYEN PO BSTEN NAS GZHOM BZHED PA'I PHYIR, RGYU BDAG 'DZIN DE'I NGO BO JI LTA BA BZHIN DU RTOGS PA NA KUN 'BYUNG DE'I MI MTHUN PHYOGS KYANG TSAD MAS NGES PAR 'GYUR TE, BDAG 'DZIN DANG 'DZIN STANG 'GAL BA'I DE YI GNYEN PO YE SHES DE BDAG 'DZIN GYI GNYEN PO YIN PA'I PHYIR, BDAG DANG BDAG GIR 'DZIN PAS BYAS PA'I 'DUS BYAS PHUNG PO LNGA SPYOD YUL DU YOD PA CAN SDUG BSNGAL LA CHAGS PA'I SRED PA CHOS CAN, RANG 'BRAS SDUG BSNGAL GYI RGYU YIN TE, DE'I LHAN CIG BYED RKYEN YIN PA'I PHYIR, BDAG MED MNGON SUM DU MTHONG BA'I SHES RAB CHOS CAN, BDAG 'DZIN DE YI GNOD BYED YIN TE, DE DANG 'DZIN STANGS 'GAL BA'I SGO NAS DE RTZA BA NAS SUN 'BYIN NUS PA YIN PA'I PHYIR, YANG NA SRED PA DE YI GNOD BYED BDAG MED MTHONG BA YIN TE, DES DE'I RGYU LA GNOD PA'I PHYIR, GSUM PA DE LTAR BRTAGS PA'I DGOS PA NI, RTZA BAR, RNAM PA DU MAR THABS MANG PO, , YUN RING DUS SU GOMS PA LAS, , DE LA SKYON DANG YON TAN DAG , , RAB TU GSAL BA NYID DU 'GYUR, , ZHES PAS, YUL GYI SKYON YON GSAL BA RAB KYI MTHAR PHYIN PAR 'GYUR BA NI, THUB PA BCOM LDAN 'DAS CHOS CAN, KHYOD LA SPANG BYA'I SKYON DANG GNYEN PO'I YON TAN DAG LA DMIGS PA'I THUGS RAB TU GSAL BA MTHAR THUG PA NYID DU 'GYUR TE, KHYOD KYIS LAN GRANGS DU MAR SDUG BSNGAL ZHI BA'I THABS MANG PO @120 DUS YUL RING BAR GOMS PA'I PHYIR, GNYIS PA YUL CAN NYES PA MTHA' DAG DANG BRAL BAR 'GYUR BA NI, RTZA BAR, DES NA THUGS KYANG GSAL BA'I PHYIR, ,RGYU YI BAG CHAGS SPANGS PA YIN, ,ZHES PAS, DES NA THUB PA BCOM LDAN 'DAS NI, SDUG BSNGAL GYI RGYU'I BAG CHAGS KYANG ZAD PAR SPANGS PA YIN TE, RGYU 'BRAS KYI RAB DBYE LA THUGS KYANG RAB TU GSAL BA'I MTHAR PHYIN PA'I PHYIR, GSUM PA DES GROL BA GZHAN LAS KHYAD ZHUGS PA NI, RTZA BAR, THUB CHEN GZHAN DON 'JUG CAN GYI, ,BSE RU LA SOGS KHYAD 'DI YIN, ,ZHES PAS, THUB PA CHEN PO CHOS CAN, BSE RU LA SOGS PA'I GROL BA GZHAN LAS KHYAD ZHUGS PA YIN TE, GZHAN DON LA 'JUG PA CAN GYI THABS 'DI MTHAR PHYIN PA'I PHYIR, GSUM PA DON BSDU BA NI, RTZA BAR, DE DON PHYIR NA THABS GOMS PA, , DE NYID STON PA YIN PAR 'DOD, , GRUB LAS DANG PO 'BYUNG BA'I PHYIR, , GNYIS PO 'DI NI RGYU RU BSHAD, , CES PAS, SKABS 'DIR STON PA 'CHAD PA DE MI RIGS PAR THAL, SBYOR BA NI 'GRO BA LA STON PA'I PHYIR, STON PA NYID DO ZHES SLOB DPON GYIS GSUNGS PA'I PHYIR ZHE NA, SBYOR BA NI ZHES PA'I GZHUNG DES STON PA MTHAR THUG KHO NA STON PAR BSTAN PA MA YIN PAR, THABS BDAG MED RTOGS PA'I SHES RAB GOMS PA'I LAM GYI GNAS SKABS DE NYID STON PA YIN PAR BSTAN 'DOD NAS DE LTAR GSUNGS PA'I PHYIR, SNGAR BSHAD PA'I BSAM SBYOR PHUN TSOGS GNYIS PO 'DI NI CHOS CAN, STON PA MTHAR THUG DE'I RGYU RU BSHAD PA'I RGYU MTSAN YOD DE, RANG GZHAN GYI DON GRUB PA'I BDE GSHEGS DANG, SKYOB PA LAS DANG PO KHYOD LAM DUS @121 SU 'BYUNG BA'I PHYIR, YANG NA, BSAM SBYOR GNYIS DANG POR GRUB PA DANG, MCHOD BRJOD LA'ANG DANG POR 'BYUNG BA'I PHYIR, RGYU RU BSHAD CES SO, ,TSAD MA KUN BTUS MCHOD BRJOD KYI SKABS NAS BSTAN PA'I 'GRO LA PHAN BZHED PA ZHES PA'I SNYING RJE CHEN PO NI GAL CHE BA DANG, RTZOD LAN MANG BAS RNAM 'GREL GYIS SHIN TU RGYAS PAR 'CHAD, SNYING RJE CHEN PO YUN RING DU MAR GOMS PA LAS STON PA ZHES PA'I BDAG MED RTOGS PA'I SHES RAB THABS DANG BCAS PA 'BYUNG BAS DE LTAR BSTAN; BSAMS SBYOR DE GNYIS LAS DON GNYIS PHUN SUM TSOGS PA 'BYUNG BAS DE MAN CHAD 'CHAD DO, ,GSUM PA DE GNYIS LAS 'BRAS BU PHUN TSOGS GRUB TSUL LA, RANG DON PHUN TSOGS DANG, GZHAN DON PHUN TSOGS SO, ,DANG PO LA KHYAD PAR GSUM LDAN BDE GSHEGS SU BSTAN PA DANG, DE LA RTZOD PA SPANG BA'O, , DANG PO 'CHAD PA LA, RGYU SPANGS YON TAN GSUM BDE GSHEGS ZHES PA NAS, GOMS PHYIR MA LUS SPANGS PA NYID CES PA'I BAR DANG, GNYIS PA NI, KHA CIG SMRA SOGS PHYIR NA SKYON ZHES PA NAS, DE SHES PA YANG GRUB PA YIN ZHES PA'I BAR 'CHAD, DANG PO, MDOR BSTAN PA NI, RGYU SPANGS YON TAN GSUM BDE GSHEGS, , NYID YIN, ZHES PAS, SDUG BSNGAL GYI RGYU BAG CHAGS DANG BCAS PA SPANGS PA'I SPANGS PA CHOS CAN, BDE GSHEGS NYID YIN TE, YON TAN GSUM LDAN GYI SPANGS PA MTHAR THUG YIN PA'I PHYIR, LE'U 'DIR THEG PA GSUM GA'I THUN MONG BA'I LAM BSTAN PAR BZHED NAS GANG ZAG GI BDAG MED TZAM DANG, NYON MONGS CAN DANG NYON MONGS CAN MA YIN PA'I MI SHES PA GNYIS SPANGS PA'I SPANGS PA TZAM BSTAN PA YIN GYI CHOS KYI BDAG 'DZIN DANG, DE SPANGS PA'I SPANGS PA MA BSTAN NO, , GNYIS PA RGYAS BSHAD NI, RTZA BAR, SDUG BSNGAL RTEN MIN PHYIR, LEGS YIN DE NI BDAG MED PA, , @122 MTHONG BA'AM SBYOR BA LAS YIN NO, , SKYE DANG SKYON NI KUN 'BYUNG DAG , , SLAR YANG LDOG CES BSHAD PA YIN, , BDAG LTA'I SA BON SPANGS PA'I PHYIR, , SLAR MI GSHEGS PA NYID YIN NO, , DE BDEN THA DAD BDAG NYID KYIS, , LUS NGAG SEMS KYI GNAS NGAN LEN, , NYON MONGS MED DANG NAD MED DANG, , LAM BSHAD MI GSAL NYID LUS YIN, , GANG PHYIR MA LUS SPANGS PA NYID, , CES PAS, KHYAD PAR GSUM PO GANG ZHE NA, LEGS PAR SPANGS PA, SLAR MI LDOG PAR SPANGS PA, MA LUS PA SPANGS PA BCAS SO, ,GONG DU BSHAD PA'I SPANGS PA DE CHOS CAN, LEGS PAR SPANGS PA YIN TE, SDUG BSNGAL GYI RTEN MIN PA'I SPANGS PA MTHAR THUG YIN PA'I PHYIR, DE CHOS CAN, THABS LEGS PA SNGON DU SONG BA YIN TE, BDAG MED MNGON SUM DU MTHONG BA'ANG, DE NYID SBYOR ZHING GOMS PA LAS THOB PA YIN PA'I PHYIR, SLAR LDOG PA'I SPANGS PA NI, RGYUN ZHUGS SRID PA LAN BDUN PA BA NI, SLAR YANG 'KHOR BAR LDOG CES BSHAD PA YIN TE, SNYING MTSAMS SBYOR BA'I SKYE BA SDUG BSNGAL DANG, SKYON CHAGS SOGS NI SRID PA BDUN GYI BAR DU KUN TU 'BYUNG BA DAG TU BSHAD PA'I PHYIR, GONG DU KHYAD PAR GSUM LDAN GYI SPANGS PA DE CHOS CAN, SLAR MI LDOG PAR GSHEGS PA YIN TE, BDAG LTA'I SA BON BAG CHAGS DANG BCAS PA ZAD PAR SPANGS PA'I PHYIR, BDAG MED RTOGS PA'I SHES RAB DE BDAG @123 'DZIN DANG 'DZIN STANGS THA DAD PA'I BDEN PA'I DON LA DNGOS SU ZHUGS PA'I BDAG NYID YIN PAS, BDAG 'DZIN LA DNGOS SU GNOD BYED YIN NO, ,CHAGS BRAL GZHAN LA SPANG BYA GANG LUS ZHE NA, NYAN RANG DGRA BCOM RNAMS LUS NGAG SEMS KYI GNAS NGAN LEN LUS PA YIN TE, NYON MONGS CAN MA YIN PA'I SGO GSUM GYI GNAS NGAN LEN DANG LDAN PA'I PHYIR, DE LTA NA YANG SLAR 'KHOR BAR MI LDOG STE, RGYU NYON MONGS MED PA'I PHYIR, GZHAN LA LAM BSHAD PA LA BLO MI GSAL BA NYID KYANG LUS PA YIN TE, NYON MONGS TZAM SPANGS KYANG GNAS NGAN LEN MA SPANGS PA'I PHYIR, GONG GI SPANGS PA DE NI, MA LUS PA SPANGS PA YIN TE, GANG GI PHYIR NA, NYON MONGS CAN DANG NYON MONGS CAN MA YIN PA'I SGRIB PA MTHA' DAG SPANGS PA'I PHYIR, GNYIS PA RTZOD PA SPANG BA NI, RTZA BAR, KHA CIG SMRA SOGS PHYIR NA SKYON, , ZAD MIN ZHES ZER 'DI LDOG LA, , THE TSOM ZA BA DE PHYIR 'KHRUL, , RTAG NYID PHYIR RAM THABS MED PHYIR, , YANG NA THABS NI MI SHES PHYIR, , SKYON RNAMS MI ZAD PA NYID CES, , BYA BA YONGS SU RTOG GRANG NA, , RGYU YOD PHYIR DANG RGYU YI NI, , GNYEN PO GOMS PAS ZAD PHYIR DANG, , RGYU YI RANG BZHIN SHES PA YIS, , DE SHES PA YANG GRUB PA YIN, , ZHES PAS, RGYAL DPOG PA LA SOGS KHA CIG ,STON PA BCOM LDAN 'DAS @124 CHOS CAN, SKYON ZAD PA MA YIN TE, NGAG SMRA BA'I PHYIR DANG, DBANG PO DANG LDAN PA LA SOGS PA'I PHYIR, LAM PO CHE'I SKYES BU BZHIN NO ZHES ZER, SANGS RGYAS PAS, RTAGS DE MA NGES PAR BSTAN PA NI, GONG DU BKOD PA'I RTAGS 'DI CHOS CAN, LDOG KHYAB 'KHRUL PA CAN YIN TE, LDOG PA LA THE TSOM ZA BA DE'I PHYIR, RIGS PAS MTHA' DPYAD NAS DGAG PA NI, NYES ZAD KYI SKYES BU MED NA, NYES PA ZAD PA MI SRID PAR 'GYUR BAS, NYES PA CHAGS SOGS RTAG PA NYID KYI PHYIR, SPONG MI NUS SAM, NUS KYANG SPONG BA'I THABS MED PA'I PHYIR RAM, YANG NA THABS YOD KYANG SUS KYANG MI SHES PA'I PHYIR RAM, SHES KYANG DE LA GZHAN DAG DON GNYER BYED PA MI SRID PA'I PHYIR, DE YOD KYANG DE LTAR 'DOMS PA'I BRTZE BA CAN MED PA'I PHYIR, NYES PA MI ZAD PA NYID CES BYA BAR YONGS SU RTOG GRANG NA, NYES PA CHAGS SOGS RNAMS CHOS CAN, RTAG PA MA YIN TE, KHYOD BSKYED PA'I RGYU YOD PA'I PHYIR, SPONG BA'I THABS MED PA MA YIN TE, KHYOD KYI RGYU BDAG TU 'DZIN PA'I GNYEN PO GOMS PAS ZAD NUS PA'I PHYIR, THABS DE SHES PA YANG GRUB PA YIN TE, KHYOD KYI RGYU'I RANG BZHIN JI LTA BA BZHIN DU SHES PA YOD PA'I PHYIR, THABS YOD NA DE LA DON GNYER BYED PA YOD SRID DE, MTHA' CIG TU THABS DE LA BRTZON PA YOD PA'I PHYIR, THABS DE JI LTA BA BZHIN DU 'DOMS PA'ANG YOD DE, THABS DE PHYIN CI MA LOG PAR STON PA MTHAR PHYIN PA MDZAD PA YOD PA'I PHYIR RO, ,BRTAG PA PHYI MA GNYIS NI, BSHAD ZIN MA THAG PA'I STON PA'I SKABS BRTZE LDAN SDUG BSNGAL GZHOM PA'I PHYIR ZHES PA DANG, 'CHAD PAR 'GYUR BA'I SKYOB PA NYID GZIGS LAM GSUNGS PA, ZHES SOGS KYIS BSHAD PAS SKABS 'DIR RTZA BAR DNGOS SU MA BSTAN TO, ,GZHUNG DE DAG GIS, LUGS 'BYUNG GI SKABS 'DIR BRTZE BA SNYING RJE CHEN PO'I RTAGS LAS, STON PA BDAG MED RTOGS PA'I SHES RAB THABS @125 DANG BCAS PA 'BYUNG RUNG BAR SGRUB STE, DPER NA, BU LA BRTZE BA'I MA DES BU YI NAD ZHI BAR BRTZON PA BZHIN NO, ,GZHAN DON DU BDAG MED RTOGS PA'I SHES RAB THABS DANG BCAS PA LA SBYOR BA GNYIS LDAN GYI SGO NAS BRTZON NA, BDAG 'DZIN BAG CHAGS DANG BCAS PA SPANGS PA'I SPANGS PA 'BYUNG BAR RUNG STE, DPER NA, BRTZE BA'I MA DES, RANG GI BU'I SDUG BSNGAL ZHI BA'I THABS LA SHUGS DRAG POS BRTZON NA, BU DE'I SDUG BSNGAL MA LUS PA DANG BRAL BA SRID PA BZHIN NO, ,DE 'DRA'I SPANGS PA DE, PHYI ROL PA LAS LHAG PA LEGS PAR SPANGS PA DANG, RGYUN ZHUGS SOGS LAS LHAG PA SLAR MI LDOG PA'I SPANGS PA, DGRA BCOM GNYIS LAS LHAG PA MA LUS PA SPANGS PA ZHES KHYAD PAR GSUM LDAN NO, ,SLAR LDOG MI LDOG CES PA YANG, SPANGS PA RGYUD LDAN GYI GANG ZAG DE 'KHOR BAR SKYE BA LEN MI LEN LA ZER GYI, SPANGS PA NGO BO SLAR LDOG PA MED DO, ,KHYAD PAR GSUM LDAN GYI BDE GSHEGS YOD NA RANG DON MTHAR PHYIN PAS SKYOB PA MTHAR THUG 'BYUNG RUNG STE, DPER NA, BRTZE BA'I MA DES, BU'I SDUG BSNGAL SEL BA'I THABS BRNYES PA NA, BU'I SDUG BSNGAL MI SEL BAR BTANG SNYOMS MI BYED PA BZHIN NO, ,DE LTA BU'I KHYAD CHOS BZHI DANG LDAN PA'I GANG ZAG DE, SEMS CAN KUN LA TSAD MA'I SKYES BU YIN TE, SEMS CAN THAMS CAD LA MI BSLUS SHING GZIGS PA JI LTA BA BZHIN DU STON PAR MDZAD PA'I PHYIR RO, ,GNYIS PA GZHAN DON PHUN TSOGS NI, RTZA BAR, SKYOB PA NYID GZIGS LAM GSUNGS PA, , 'BRAS MED PHYIR NA BRDZUN MI GSUNG, , THUGS BRTZE LDAN PHYIR RTZOM KUN YANG, , GZHAN GYI DON DU SBYOR PHYIR RO, , ZHES PAS, THUB PA BCOM LDAN 'DAS CHOS CAN, GROL BA DON GNYER GYI @126 SKYOB PA NYID YIN TE, RANG NYID KYIS THAR LAM GZIGS PA MTHAR PHYIN CING GZIGS PA'I LAM DE NYID LAN DANG GRAGS PA SOGS LA MI BLTA BAR GZHAN LA PHYIN CI MA LOG PAR GSUNG BAR MDZAD PA YIN PA'I PHYIR, GZIGS PA MTHAR PHYIN TE, DRI MA ZAD PAR SPANGS PA'I PHYIR, THUB PA BCOM LDAN 'DAS CHOS CAN, THAR LAM RDZUN PA PHYIN CI LOG MI GSUNG STE, DE LTAR GSUNGS PA LA RANG DON DANG GZHAN GANG LA BLTOS KYANG 'DOD BYA'I 'BRAS BU MED PAR MNGON SUM DU GZIGS PA'I PHYIR, SNGAR SLOB LAM DU SEMS CAN KUN LA DMIGS PA'I THUGS BRTZE BA CHEN PO DANG LDAN PA DE NYID MTHAR PHYIN PAR MDZAD PA'I PHYIR NA, DE DAG TU LAM SGOM PA'I RTZOM PA KUN KYANG GZHAN GYI DON DU SBYOR ZHING GOMS PAR MDZAD LA DE NYID MTHAR PHYIN PA'I PHYIR; SNYING RJE CHEN PO'I GZHAN DBANG DU GYUR NA, BYA SPYOD MTHA' DAG GZHAN DON KHO NAR 'GYUR BA BSTAN NO, ,GNYIS PA DE DAG KUN LAS TSAD MAR GRUB PA NI, RTZA BAR, DE PHYIR TSAD YIN, ,ZHES PAS, THUB PA BCOM LDAN 'DAS CHOS CAN, GROL BA DON GNYER LA BLTOS NAS TSAD MA'I SKYES BU YIN TE, GROL BA DON GNYER LA THAR LAM BSTAN PA'I SGO NAS DE'I SKYABS MDZAD CING DE SKYOBS PA'I NUS PA MTHAR PHYIN PA YIN PA'I PHYIR, DE YANG SKYOB MI NUS NA, SKYABS KYI MTSAN NYID MA TSANG STE, 'JIG RTEN PA'I LHA MTHU BO CHE BZHIN NO, SKYABS MI BYED NA SKYABS BCOL BA'I DGOS PA MI 'GRUB STE, RI DVAGS KYIS RNGON PAR SKYABS BCOL BA BZHIN NO, , STON PA THUGS RJE CAN LA NI, GNYIS KA TSANG STE, MKHYEN BRTZE NUS GSUM GYI YON TAN MNGA' BA'I PHYIR, RGYUD BLA MA LAS, 'DUS MA BYAS SHING LHUN GYIS GRUB, , GZHAN GYI RKYEN GYIS RTOGS MIN PA, , MKHYEN DANG BRTZE DANG NUS PAR LDAN, , @127 DON GNYIS LDAN PA'I SANGS RGYAS NYID, ,ZHES GSUNGS PA DANG MTHUN PA YIN NO, , GNYIS PA STON PA LAM DE LTAR BYON PA'I SHES BYED LUGS LDOG GI SGO NAS BSHAD PA LA; KHYAD CHOS DE DAG SNGA MA LAS PHYI MA 'GRUB PA'I TSUL, DE DAG KUN LAS TSAD MAR 'GRUB PA'I TSUL LO, ,DANG PO LA SKYOB PA'I RANG BZHIN BSGRUB PA DANG, DE LAS BDE GSHEGS DANG, DE LAS STON PA, DE LAS BRTZE BA 'GRUB PA'I TSUL LO, , DANG PO LA GNYIS, BDEN BZHI'I GNAS LUGS RANG DBANG DU STON PAS SKYOB PAR BSTAN PA NI, RTZA BAR, YANG NA SKYOB, BDEN PA BZHI NI STON MDZAD PA'O, , ZHES PAS, LUGS 'BYUNG GI SGO NAS GONG GI DE LTAR BSTAN PA LAS YANG NA, STON PA BCOM LDAN 'DAS CHOS CAN, GROL BA DON GNYER GYI SKYOB PA YIN TE, GROL BA DON GNYER LA BDEN PA BZHI'I GNAS LUGS PHYIN CI MA LOG PA STON PA'I MDZAD PA MTHAR PHYIN PA'I PHYIR, GNYIS PA LA, SPYI'I DON DANG, YAN LAG GI DON NO, , DANG PO LA, BDEN BZHI GRANGS NGES PA DANG, GO RIM NGES PA DANG, MTSAN GZHI DANG, DE NYID NGES BYED KYI TSAD MA'O, ,DANG PO NI, GROL BA DON GNYER GYI SKYES BU RNAMS KYI GTAN LA DBAB BYA'I GTZO BO NI, 'KHOR BAS BSDUS PA SDUG KUN GNYIS DANG RNAM BYANG GIS BSDUS PA 'GOG LAM GNYIS SU NGES, 'KHOR BA LA YANG 'CHING BYED KUN 'BYUNG BDEN PA DANG, 'BRAS BU BCINGS PA SDUG BDEN GNYIS SU NGES, RNAM BYANG LA'ANG 'KHOR BA LAS GROL BYED KYI THABS LAM BDEN DANG, GROL 'BRAS NGO BO 'GOG BDEN GNYIS SU NGES PAS 'JUG LDOG GI RIM PA BZHIR NGES SO, ,GNYIS PA GO RIM NGES PA NI, RGYU 'BRAS DON GYI RIM PA DANG, YUL CAN MNGON PAR RTOGS PA'I RIM PA GNYIS LAS, DANG PO'I DBANG DU BYED NA, MNGON RTOGS RGYAN LAS, RGYU DANG LAM DANG SDUG BSNGAL DANG, ,'GOG PA LA NI GO RIM BZHIN, ,ZHES GSUNGS, GNYIS PA'I DBANG DU BYAS NA, RGYUD BLA MA LAS, @128 NAD NI SHES BYA NAD KYI RGYU NI SPANG BYA LA BDER GNAS THOB BYA SMAN NI BSTEN PAR BYA BA RIGS, SDUG BSNGAL RGYU DANG DE 'GOG PA DANG DE BZHIN LAM, ,SHES BYA SPANG BYA RIG PAR BYA ZHING BSTEN PAR BYA, ,ZHES GSUNGS, GO RIM DE DANG, SKABS 'DI'I GO RIM YANG 'DRA'O, ,RNAL 'BYOR PA'I RGYUD LA MTHONG LAM SKYE BA NA'ANG GO RIM DE DANG MTHUN PAR SKYE BA GSUNGS PA DE GRUB MTHA' GANG GI LUGS YIN PAR BRTAG DGOS, PHAR PHYIN SKABS SU BZOD PA BRGYAD CIG CAR DANG, SHES PA BRGYAD KYANG CIG CAR SKYE BAR GSUNGS PA'I PHYIR, SDUG BSNGAL BDEN PA RTOGS NA, KUN 'BYUNG BDEN PA RTOGS PAS KHYAB NA, GONG GI GO RIM DANG 'GAL LA, MA KHYAB NA, SDUG BDEN RTOGS NA, DE 'BRAS BUR BSDUS PA'I CHA RTOGS PAS KHYAB BAM MA KHYAB, MA KHYAB NA, SDUG BDEN GYI MTSAN NYID LA BRTAG ,KHYAB NA, SDUG BDEN KUN 'BYUNG GI 'BRAS BUR RTOGS PAS KHYAB PAR 'GYUR BAS KUN 'BYUNG BDEN PA MA RTOGS PA'I RGYU MTSAN GANG, DU BA ME'I 'BRAS BUR RTOGS NA ME RTOGS DGOS PA'I PHYIR RO; ,GSUM PA, NGAN SONG GI SDUG BSNGAL DANG, TSA GRANG BKRES SKOM SOGS DA LTA 'JIG RTEN NA SDUG BSNGAL DU GRAGS PA MTHA' DAG SDUG BSNGAL GYI SDUG BSNGAL DANG; ZAS YID 'ONG MYONG BA SOGS DA LTA 'JIG RTEN NA BDE BAR GRAGS PA RNAMS 'GYUR BA'I SDUG BSNGAL DANG, ZAG BCAS NYER LEN GYI PHUNG PO DE KHYAB PA 'DU BYED KYI SDUG BSNGAL YIN, ZAG BCAS KYI LAS DANG NYON MONGS RNAMS KUN 'BYUNG YIN; SDUG BSNGAL 'GAG PA'I BRAL BA NI 'GOG PA'I BDEN PA YIN, BDAG MED MNGON SUM DU RTOGS PA'I SHES RAB NI LAM GYI BDEN PA YIN NO, ,BZHI PA DE NYID NGES BYED KYI TSAD MA BSHAD PA NI, LOG RTOG BCU DRUG NGOS GZUNG BA DANG BDEN PA'I RNAM PA BCU DRUG NGOS GZUNG BA'O, ,SDUG BSNGAL LA LOG PAR ZHUGS PA GTZANG BA DANG, BDE BA DANG, RTAG PA DANG, BDAG TU 'DZIN PA BZHIN DANG, @129 KUN 'BYUNG LA LOG PAR ZHUGS PA, SDUG BSNGAL RGYU MED PAR 'DZIN PA DANG, MI MTHUN PA RGYUR 'DZIN PA GNYIS, PHYI MA LA'ANG RGYU GCIG KHO NAS BYAS PAR 'DZIN PA DANG, DBANG PHYUG LA SOGS PA GZHAN GYIS BLO SNGON DU BTANG NAS BYAS PAR 'DZIN PA DANG, RANG BZHAN RTAG LA GNAS SKABS 'GYUR BAR 'DZIN PA'O, , 'GOG PA LA LOG ZHUGS NI, THAR PA YE MED DU 'DZIN PA DANG, ZAG BCAS KYI KHYAD PAR 'GA' ZHIG THAR PAR 'DZIN PA DANG, SDUG BSNGAL GYI KHYAD PAR 'GA' ZHIG GYA NOM PA'I THAR PAR 'DZIN PA DANG, SDUG BSNGAL ZAD PA YOD KYANG SLAR YANG LDOG PAR 'DZIN PA'O, ,LAM LA LOG ZHUGS, THAR LAM YE MED DU 'DZIN PA DANG, BDAG MED GOMS PA LAM DU MI RIGS PAR 'DZIN PA DANG, BSAM GTAN GYI KHYAD PAR 'GA' ZHIG THAR LAM DU 'DZIN PA, SDUG BSNGAL MI LDOG PA'I CHOS CAN DU BYED PA'I LAM MED PAR 'DZIN PA'O, ,GNYIS PA BDEN PA'I RNAM PA BCU DRUG NI, MI RTAG SDUG BSNGAL STONG BDAG MED BZHI, RGYU KUN 'BYUNG RAB SKYE RKYEN GYI RNAM PA BZHI, 'GOG PA ZHI BA GYA NOM PA NGES 'BYUNG GI RNAM PA BZHI; LAM SGRUB PA RIG PA NGES 'BYIN GYI RNAM PA BZHI DANG BCU DRUG GO, ,GNYIS PA YAN LAG GI DON LA, SDUG BSNGAL BDEN PA DANG, KUN 'BYUNG BDEN PA DANG, 'GOG BDEN DANG, LAM BDEN DANG BZHI'O, ,DANG PO LA, SDUG BSNGAL BDEN PA'I MTSAN GZHI BSGRUB PA DANG, MTSAN NYID BSHAD PA'O, ,DANG PO LA, 'KHOR BA LA THOG MA MED PAR BSGRUB PA DANG, YOD PA DGAG PA'O, ,DANG PO LA SDUG BSNGAL NGOS GZUNG BA DANG, DE LA THOG MA MED PAR SGRUB PA'I RIGS PA'O, ,DANG PO NI RTZA BA LAS, SDUG BSNGAL 'KHOR BA CAN PHUNG PO, ,ZHES PAS, ZAG BCAS NYER LEN GYI PHUNG PO LNGA PO CHOS CAN, SDUG BSNGAL BDEN PA YIN TE, LAS NYON GYI DBANG GIS 'KHOR BAR 'KHOR BA CAN GYI PHUNG PO YIN PA'I PHYIR, 'KHOR BA @130 ZHES PA ZAG BCAS NYER LEN GYI PHUNG PO LA 'JOG NA, GANG DU 'KHOR BA DANG, GANG 'KHOR BA RNAM DBYER MED PAR 'GYUR, DER MI 'JOG NA GZHAN LA 'JOG SA MED PAS, 'KHOR BA'I NGO BO JI 'DRA ZHIG LA 'JOG GANG ZAG 'KHOR BAR 'KHOR TSUL JI LTAR YIN, RANG RE'I YIG CHAR, LAS NYON GYI DBANG GIS NYING MTSAMS SBYAR BA'I CHA DE LA 'JOG ,DE LTA BU'I CHA ZHES PA DE, 'KHOR BA'I GNAS DE'ANG MA YIN, 'KHOR MKHAN GANG ZAG DE'ANG MA YIN PAS CHA DE NGOS 'DZIN RGYU YANG BLO LA 'CHAR DKA' BA ZHIG GO, ,DE BZHIN DU RGYUN ZHUGS SRID PA LAN BDUN PA BA DE LAS NYON GYI DBANG GIS RANG DBANG MED PAR NYING MTSAMS SBYOR BA'I GANG ZAG YIN PAS SDUG BDEN YIN YANG, DE'I RGYUD KYI MTSAN GZHI YID KYI RNAM SHES, DE LTAR MA YIN PAR GSUNGS PA'ANG DPYAD GZHIR SNANG, DPER NA, KHYI RGAN RGYA BO 'KHOR BAR 'KHOR TSUL, DE'I RGYUD KYI MTSAN GZHI YID KYI RNAM SHES SKYE BA SNGA MA NAS 'DIR NYING MTSAMS SBYOR BA DANG, 'DI NAS PHYI MAR NYING MTSAMS SBYOR BA LAS GZHAN 'JOG RGYU MED PA'I PHYIR, RGYUN ZHUGS SRID PA LAN BDUN PA BAS SRID PA RIGS MTHUN BDUN SKYE BA LEN PA DE, DE'I RGYUD KYI MTSAN GZHI YID KYI RNAM SHES LAS; GZHAN 'JOG RGYU MED PA'I PHYIR, DE BZHIN DU, BDE BA CAN DU SKYES PA'I SO SKYE DE SDUG BDEN YIN NA DE'I BDAG 'BRAS KYI GNAS DE YANG SDUG BDEN YIN DGOS PAS, BDE BA CAN NA SDUG BDEN DU GYUR PA'I ZHING GI CHAR YOD PAR 'GYUR, SDUG BDEN MA YIN NA, SO SO SKYE BO DE, BDE BA CAN NA SKYES MA THAG SDUG BDEN SPANGS PAR THAL LO, ,BDE BA CAN NA NYAN THOS DGRA BCOM YOD DAM MED, YOD NA, DE LHAG BCAS YIN NAM, LHAG MED YIN, LHAG BCAS YIN NA DE'I PHUNG PO DE SDUG BDEN DU 'GYUR RO, ,LAM RIM CHEN MO LAS, STON PAS TSOGS GRANGS MED PA BSAGS PA'I 'BRAS BU LA SPYOD PA RNAMS KYIS KYANG, DE'I RGYU THAMS CAD @131 BSAG MI DGOS KYANG CHA GCIG BSAG DGOS PA YIN NO, ,ZHES GSUNGS PAS, BDE BA CAN DU SKYES PA'I SO SKYE RNAMS KYIS ZHING DER SPYOD PA'ANG DE'I RGYU CHA GCIG BSAG DGOS, DE LTAR NA, DE 'DRA'I LAS DE CHOS CAN, ZAG BCAS KYI LAS YIN PAR THAL, 'DOD PA'I PHYIR, 'DOD NA, LAS NYON GYI DBANG GIS BSAGS PA'I LAS YIN PAR THAL, ZAG BCAS KYI LAS YIN PA'I PHYIR, MA KHYAB NA, ZAG BCAS KYI LAS KYI MTSAN NYID GANG, MA GRUB NA, ZAG MED KYI LAS YIN PAR THAL, 'DOD NA, MA RIG BAG CHAGS TZAM GYIS KUN NAS BSLANGS PA YIN PAR THAL, 'DOD MI NUS TE, MA RIG PAS KUN NAS BSLANGS PA'I LAS YIN PA'I PHYIR, DER THAL, SO SO'I SKYE BOS BSAGS PA'I LAS YIN PA'I PHYIR, RTZA BAR 'DOD NA, BDE BA CAN NA LAS NYON GYI DBANG GIS BYUNG BA'I 'BRAS BU YOD PAR THAL, 'DOD MI NUS TE, ZHING DE'I SNOD BCUD THAMS CAD MGON PO 'OD DPAG MED KYI SMON LAM GYI DBANG GIS BYUNG BA YIN PA'I PHYIR TE, RANG RE'I YIG CHAR KUN BTUS KYI LUNG DRANGS NAS, 'OG MIN DANG BDE BA CAN SOGS SEMS CAN GYI LAS LAS BYUNG BA MIN PAR LONGS SKU DANG, 'OD DPAG MED KYI SMON LAM GYI DBANG GIS BYUNG BAR GSUNGS PA'I PHYIR, MDO SNGAGS RAB 'BYAMS PA CHEN PO PAn CHEN BSOD GRAGS KYIS BDE BA CAN NA SDUG BDEN MED PAR GSUNGS, KUN MKHYEN 'JAM DBYANGS BZHED PAS BDE BA CAN NA SO SKYE'ANG YOD PAR GSUNGS PAS, PHYI MA DE LA DENG DUS 'KHO BA'I RNAL 'BYOR DON YOD PAR MTHONG NGO, ,MI RTAG SDUG BSNGAL STONG BDAG MED BZHI'I TSOGS DON SDUG BDEN GYI MTSAN NYID DANG, RANG RGYU KUN 'BYUNG BDEN PA'I 'BRAS BUR GYUR PA'I 'KHOR BAS BSDUS PA DE, SDUG BDEN GYI MTSAN NYID DU BZHAG PA DANG, SKYES BU'I SHES RGYUD KYIS BSDUS PA'I SDUG BDEN YIN NA, 'KHOR BA YIN PAS KHYAB PAR 'DOD PA SOGS RANG RE'I YIG CHAR @132 KHAS MI LEN, YIG CHA LAS, SDUG BDEN GYI RNAM PA LA 'DU BYED KYIS KHYAB PA DANG, NYER LEN GYI PHUNG PO'I STONG BDAG MED GNYIS SDUG BSNGAL BDEN PA'I RNAM PAR 'DOD PA DER DPYAD DGOS, BDEN PA PHYI MA GSUM LA'ANG DPYAD GZHI MANG YANG TSIG MANG BAR DVOGS PAS DE TZAM 'JOG ,GNYIS PA DE LA THOG MA MED PAR BSGRUB PA'I RIGS PA GSUM LAS, THOG MA MED PA'I RIGS 'DRA LAS SKYE BAR SGRUB PA NI, RTZA BAR, GOMS LAS 'DOD CHAGS SOGS GSAL BA, MTHONG PHYIR, ,ZHES PAS, 'DOD CHAGS DANG ZHE SDANG SOGS GOMS PA LAS RANG GI NGANG GIS CHES GSAL BAR SKYE BA MTHONG BA'I PHYIR NA, RIGS 'DRA SNGA MA SNGON DU SONG BAR BSGRUB PO, ,GNYIS PA RGYU MED DU SKYE BA DGAG PA NI, RTZA BAR, 'DOD RGYAL NYID MIN TE, ,RGYU MED SKYE BA 'GAL PHYIR RO, ,ZHES PAS, CHAGS SDANG SOGS CHOS CAN, SU LA YANG LTOS MED KYI 'DOD RGYAL DU 'BYUNG BA NYID MIN TE; RES 'GA' SKYE BA'I PHYIR, RES 'GA' SKYE BA YIN NA, RGYU LA LTOS DGOS TE, RGYU MED NA SKYE BA 'GAL BA'I PHYIR RO, ,GSUM PA MI MTHUN PA'I RGYU LAS SKYE BA DGAG PA LA, RLUNG SOGS 'BA' ZHIG LAS SKYE BA DGAG , 'BYUNG BA 'BA' ZHIG LAS SKYE BA DGAG PA'O, ,DANG PO LA RGYU 'BRAS KYI MTSAN NYID MA GRUB PA MDOR BSTAN PA DANG, RGYAS PAR BSHAD PA'O, ,DANG PO THAL BA DGOD PA NI, RTZA BAR, 'KHRUL PHYIR RLUNG SOGS CHOS MA YIN, ,ZHES PAS, CHAGS SOGS RLUNG DANG BAD KAN DANG MKHRIS PA SOGS KYI DNGOS 'BRAS KYI CHOS MA YIN PAR THAL, DE LA RJES SU 'GRO LDOG 'KHRUL BA'I PHYIR, DE DAG LAS LDOG STE SKYE BA YOD PA'I PHYIR, GNYIS PA DE'I LAN DGAG PA NI, RTZA BAR, GAL TE RANG BZHIN 'DRES PA'I PHYIR, , SKYON MED CE NA DE YI CHOS, , @133 DE LAS GZHAN YANG CIS MA MTHONG, , THAMS CAD 'DOD CHAGS MTSUNGS PA NI, , THAL PHYIR KUN GYI CHOS MA YIN, , GZUGS SOGS BZHIN SKYON MED CE NA, , GAL TE DE LA KHYAD PAR CAN, , LAS RNAMS BDAG PO MA YIN NA, , DE YANG RTZOD PA MTSUNGS PA YIN, , ZHES PAS, GAL TE DE'I TSE BAD KAN LAS ZHE SDANG SKYE BA NI BAD KAN LA ZHE SDANG GI MKHRIS PA'I RANG BZHIN 'DRES PA'I PHYIR, ZHE SDANG 'PHEL BAS RGYU 'KHRUL PA'I SKYON MED DO ZHE NA, 'O NA, MKHRIS PA DE'I DNGOS 'BRAS KYI CHOS DUS MIN GYI SKRA DKAR DANG SHA SER RDUL MANG BLO GSAL BA SOGS ZHE SDANG DE LAS GZHAN YANG CIS MA MTHONG STE MTHONG RIGS PAR THAL, DE DAG GI DNGOS RGYU MKHRIS PA TSANG BA YOD PA'I PHYIR; MKHRIS PA LAS DUG GSUM GA BSKYED PA DE BZHIN DU BAD KAN DANG RLUNG LAS KYANG YIN NO ZHE NA, NAD GSUM CHA MNYAM PA'I SKYES BU THAMS CAD 'DOD CHAGS SOGS CHE CHUNG MTSUNGS PAR THAL, DE DAG GI DNGOS RGYU MTSUNGS PA'I PHYIR, DES NA NYON MONGS DUG GSUM GA NYES PA BAD KAN DANG MKHRIS PA DANG RLUNG GSUM KUN GYI DNGOS 'BRAS KYI CHOS MA YIN PAR THAL, DE LA BSHAD MA THAG PA'I NYES PA THAL BA'I PHYIR, YANG, RGYU 'BYUNG BA TZAM LAS SKYES PA'I SKYES BU'I GZUGS CHE CHUNG MI MTSUNGS PA BZHIN 'DIR YANG YIN PAS SKYON MED CE NA, SKYES BU'I GZUGS CHE CHUNG DER YANG CHE CHUNG MED PA'I RTZOD PA SNGA MA DANG MTSUNGS PAR 'JUG PA YIN PAR THAL, SKYES BU GZUGS CHE CHUNG DE LA KHYAD PAR CAN GYI SNGON GYI LAS RNAMS BDAG PO'I RKYEN DU YOD PA MIN PAR DNGOS RGYU 'BYUNG BA MTSUNGS PA LAS @134 SKYES PA'I PHYIR, GNYIS PA RGYAS PAR BSHAD PA LA, 'PHEL 'GRIB MI MTSUNGS PAS RGYU 'BRAS MIN, YIN NA HA CANG THAL BA, RANG LA MTSUNGS PA SPANG BA'O, , DANG PO RTAGS DGOD PA NI, RTZA BAR, SKYON RNAMS KHYAD PAR YOD NA YANG, , KHYAD PAR MED PHYIR, ,ZHES PAS, RLUNG SOGS SKYON RNAMS KHYAD PAR DU 'PHEL BA YOD NA'ANG NYES PA CHAGS SOGS RNAMS KHYAD PAR DU 'PHEL BA'I NGES PA MED PA'I PHYIR, CHAGS SOGS NYES PA RNAMS RLUNG MKHRIS SOGS KYI DNGOS 'BRAS MA YIN NO, ,SKABS 'DIR RTZA BAR, CHAGS SOGS RANG BZHIN THAMS CAD KYI, , CHOS YIN PAR YANG 'DOD NA GO, ,NUS MED RANG BZHIN MED PAS NA, ,'BRAS BU MI MTSUNGS GANG LAS YIN, ,ZHES PA'I TSIG BCAD GCIG PO DE, THAR LAM GSAL BYED DANG, tIK CHEN RIGS PA'I RGYA MTSO GNYIS KA LAS MA BYUNG BAS, RTZA TSIG MIN NO SNYAM, TSIG 'GREL NI, CHAGS PA DANG ZHE SDANG SOGS RLUNG MKHRIS SOGS GCIG GI 'BRAS BU YIN PA BZHIN DU, GZHAN GYI 'BRAS BU'ANG YIN DGOS TE, RGYU LA 'BRAS BU DE DAG LA PHAN 'DOGS PA NUS PA MED PAR MTSUNGS PAS, 'BRAS BU LA'ANG MI MTSUNGS PA GANG LAS YIN TE MA YIN NO, , GNYIS PA TSUL BSGRUB PA NI, RTZA BAR, MA GRUB NYID, , MA YIN THAMS CAD 'GYUR BA YIS, , 'GYUR PHYIR KUN LAS SKYE BA'ANG MIN, , RGYU NI 'PHEL BAR GYUR PA NA, , 'BRAS BU 'GRIB PAR MI RUNG STE, , TSA BA SOGS BZHIN CHAGS SOGS KYI, , 'GYUR BA BDE SDUG LAS SKYES YIN, , CHA MI MNYAM SKYES SDUG BSNGAL GYIS, , @135 GAL TE 'DOD CHAGS MI SKYED NA, , CIS SKYED SMOS SHIG CHA MNYAM LAS, , KHU 'PHEL DE LAS 'DOD CHAGS YIN, , CHA MI MNYAM LA CHAGS CAN MTHONG, , GZHAN NI MA MNYAM NA YANG MIN, , GZHAN NI CHA MNYAM NA YANG MIN, ,ZHES BDE'O, , GZHAN NI ZAD NAS KHRAG 'DZAG KYANG, , BUD MED GCIG LA KHU NGES MED, , DE GCIG LA CHAGS DRAG MI 'GYUR, , GAL TE GZUGS SOGS KYANG YAN LAG , , MA YIN KUN MA NGES PHYIR RO, , NGES PA MED PAR 'BYUNG BA'ANG MIN, , YON TAN MI 'DZIN PA LA'ANG 'GYUR, , GAL TE YON TAN 'DZIN DE YANG, , YAN LAG YIN NA THAMS CAD KYIS, , YON TAN 'DZIN PA CAN 'GYUR TE, , RGYU LA KHYAD PAR MED PHYIR RO, , ZHES PAS, GONG GI RTAGS BSGRUB PA NI, MKHRIS PA 'PHEL NAS LUS RGUD NA LUS GDUNGS PAS ZHE SDANG SKYE BA YOD PA DE TZAM GYIS GONG GIS RTAGS MA GRUB PA NYID MA YIN TE, NAD THAMS CAD 'GYUR BA YIS ZHE SDANG SKYE BAR 'GYUR BAR MTHONG BAS ZHE SDANG DE NAD KUN GYI 'BRAS BUR THAL BA'I PHYIR, ZHE SDANG DE NAD KUN LAS DNGOS SU SKYES PA'ANG MIN TE, NAD GSUM CHA MNYAM PA ZHE SDANG MTSUNGS @136 PA'I SKYON YOD PA'I PHYIR, DE NI, NAD GSUM CHA MNYAM PA'I SKYES BU RNAMS ZHE SDANG CHE CHUNG MTSUNGS PAR 'GYUR RO, ,ZHES PA'I DON NO, ,KHYAB PA BSGRUB PA NI, RGYU BAD KAN 'PHEL BAR GYUR PA NA 'BRAS BU 'DOD CHAGS MI 'PHEL YANG 'GRIB PA MI RUNG BA'I PHYIR, DPER NA, MKHRIS PA 'PHEL NA TSA BA LA SOGS PA'I NAD 'PHEL BA BZHIN NO, CHAGS SOGS KYI 'GYUR BA RNAMS 'BYUNG BA TZAM LAS DNGOS SU SKYES PA MA YIN TE, RANG RGYU TSOR BA BDE SDUG LAS DNGOS SU SKYES PA'I PHYIR, DE NI, CHAGS SOGS 'BYUNG BA 'BA' ZHIG LAS SKYE BA BKAG PA'O, ,GAL TE NAD GSUM CHA MI MNYAM PA LAS SKYES PA'I TSOR BA SDUG BSNGAL GYIS 'DOD CHAGS KYI GEGS BYAS NAS MI SKYED PA YIN NO ZHE NA, 'O NA, 'DOD CHAGS CIS BSKYED SMROS SHIG CES DRIS PAS, NAD GSUM CHA MNYAM PA LAS KHU BA 'PHEL, DE LAS 'DOD CHAGS YIN NO ZHE NA, MI 'THAD DE, GANG ZAG 'GA' ZHIG NAD GSUM CHA MI MNYAM PA LA'ANG 'DOD CHAGS SKYE BA CAN DU MTHONG LA, GANG ZAG GZHAN NI NAD GSUM CHA MNYAM NA'ANG 'DOD CHAGS MI SKYE BA MIN PA'I PHYIR, CHAGS CAN 'GA' ZHIG NI KHU BA ZAD NAS KHRAG 'DZAG KYANG 'DOD CHAGS 'PHEL BA MTHONG LA, CHAGS CAN GANG ZAG DE BUD MED GCIG LA CHAGS PA DRAG PO SKYE BA YOD KYANG, BUD MED GCIG PO DE LA DMIGS NAS KHU BA 'PHEL BA NGES PA MED PA'I PHYIR, GAL TE GZUGS MDZES PA DANG SPYOD TSUL MDZES PA SOGS KYANG 'DOD CHAGS SKYES PA'I YAN LAG YIN TE, DE KHYAD PAR CAN LAS CHAGS PA KHYAD PAR CAN DU MTHONG BA'I PHYIR ZHE NA, GZUGS MDZES PA SOGS DE DAG KUN CHAGS PA'I RGYUR MA NGES PA'I PHYIR, CHAGS PA'I RGYU MA YIN NO, ,DE DAG CHAGS PA'I RGYUR DGOS NA MI RIGS TE, DE DAG YOD MED NGES PA MED PAR CHAGS PA 'BYUNG BA'ANG MIN PAR 'GYUR BA LAS CHAGS PA 'BYUNG BA YOD PA'I PHYIR, GZHAN YANG, GZUGS @137 DANG SPYOD TSUL MDZES PA TZAM MTHONG BAS CHAGS PA SKYE BAR 'GYUR NA, DE DAG YON TAN DU MI 'DZIN PA LA'ANG CHAGS PA SKYE BAR THAL LO, ,GAL TE DE LA YON TAN DU 'DZIN PA CHAGS PA SKYES PA'I YAN LAG YIN NO ZHE NA, DE LA RGYU CI DGOS YUL YON TAN CAN DU GNAS PA TZAM YIN ZHE NA, BUD MED GZUGS DANG SPYOD TSUL MDZES PA MTHONG BA'I SKYES BU THAMS CAD KYI DE'I LUS LA YON TAN DU 'DZIN PA CAN DU 'GYUR BAR THAL, DE LTAR 'DZIN PA'I RGYU LA KHYAD PAR TSANG BA'I PHYIR, SKABS 'DIR; YON TAN ZHES PA DE GZUGS MDZES PA DANG SPYOD TSUL BZANG BA SOGS LA BYAS, YUL LA DE DAG TSANG MED LA MA BLTOS PAR GANG ZAG RANG GI CHAGS PA'I GNYEN PO SHUGS CHE CHUNG DBANG GIS CHAGS PA CHE CHUNG DU 'GYUR BA'I PHYIR, GANG ZAG 'GA' ZHIG LA NAD GSUM CHA MNYAM PA DANG MI MNYAM PA SNA TSOGS BYUNG YANG, DUG GSUM GANG YANG MI 'PHEL BAR DUG GSUM GYI GNYEN PO 'PHEL BAR 'GYUR BA'ANG SRID LA, 'GA' ZHIG NAD GSUM GANG LA'ANG MA BLTOS PAR DUG GSUM SKYE BA YOD PA'I PHYIR, YANG, SO SOR RTOGS PA'I SHES RAB KHYAD PAR CAN DANG LDAN PA DAG LA GZUGS MDZES PA DANG SPYOD TSUL BZANG BA MTHONG YANG CHAGS PA MI 'PHEL, 'GA' ZHIG LA YON TAN DE DAG GANG YANG MED PA'I YUL LA'ANG CHAGS PA 'PHEL BAR 'GYUR BA MNGON GSUM DU MTHONG NGO, ,GNYIS PA 'PHEL 'GRIB MI MTSUNGS KYANG RGYU 'BRAS YIN NA HA CANG THAL BA NI, RTZA BAR, GNAS SKABS GANG LA CHAGS CAN 'DOD, , DE 'DRA ZHE SDANG CAN MI 'GYUR, , DE GNYIS NGO BO MI MTSUNGS PHYIR, , 'DI LA NGES PAR MTHONG BA'ANG MED, , CES PAS, GNAS SKABS GANG LA BAD KAN LHAG PAR 'PHEL BZHIN PA'I @138 GANG ZAG DE 'DRA CHOS CAN, DE'I TSE ZHE SDANG DRAG PO CAN DU MI 'GYUR BAR THAL, CHAGS PA DRAG PO CAN DU 'DOD RIGS PA'I PHYIR, KHYAB STE, CHAGS SDANG DE GNYIS 'DZIN STANGS KYI NGO BO MI MTSUNGS PAR 'GAL BA'I PHYIR, 'DOD MI NUS TE, GNAS SKABS 'DI LA NGES PAR ZHE SDANG MI 'BYUNG BAS KHYAB PAR MTHONG BA'ANG MED PA'I PHYIR TE, RES 'GA' ZHE SDANG CAN DU MTHONG BA'I PHYIR, 'PHEL 'GRIB MI MTSUNGS NA'ANG RGYU 'BRAS SU 'DOD NA NYES PA DE DAG 'JUG GO, GSUM PA RANG LA MTSUNGS PA SPANG BA NI, RTZA BAR, GANG GI 'DOD CHAGS LA SOGS PA, , RIGS MTHUN BAG CHAGS KHYAD PAR LA, , RAG LAS PAS NI 'JUG 'GYUR BA, , DE LA SKYON 'DIR THAL BA MED, , CES PAS, RIGS PA SMRA BA GANG GI LUGS LA, 'DOD CHAGS LA SOGS PA RANG GI RIGS MTHUN PA'I BAG CHAGS KYI KHYAD PAR LA RAG LAS PAS 'JUG PAR 'GYUR BA YIN GYI, PHYI ROL GYI DMIGS RKYEN KHO NA LA BLTOS PA MED PAS, BAD KAN CAN ZHE SDANG CAN DU MI 'GYUR BA LA SOGS PA'I SKYON 'DIR THAL BA MED DO, , GNYIS PA, 'BYUNG BA 'BA' ZHIG LAS SKYE BA DGAG PA LA, BSHAD ZIN DRAN PA LA SBYAR BA DANG, LUS SEMS KYI RTEN KHYAD PAR CAN YIN PA 'GOG PA'I RIGS PA GZHAN BSTAN PA'O, ,DANG PO NI, RTZA BAR, 'DIS NI 'BYUNG BA'I CHOS NYID BKAG , ,RTEN YANG BKAG PA NYID PHYIR RO, ,ZHES PAS, GONG GI RIGS PA 'DIS NI, CHAGS SOGS 'BYUNG BA'I DNGOS 'BRAS KYI CHOS NYID YIN PA YANG BKAG STE, DE LA RJES SU 'GRO LDOG 'KHRUL PAR SGRUB PA'I PHYIR, 'BYUNG BZHI CHAGS SOGS GRUB ZIN GNAS PA'I RTEN YANG MA YIN TE, YOD MED @139 DAG LA RTEN MED PHYIR ZHES PA'I SKABS SU BKAG ZIN PA NYID KYI PHYIR, GNYIS PA RIGS PA GZHAN BSTAN PA LA GNYIS, DPE DGAG PA NI, RTZA BAR, DKAR PO LA SOGS SA SOGS LA, , BRTEN PA NYID NI MA YIN NO, , DE RTEN SGRA YANG RGYU DON NAM, , YANG NA RANG GI RTEN DAG DANG, , DBYER MED PAR NI GNAS PA'I PHYIR, , RTEN YIN GZHAN DU 'THAD MA YIN, , GAL TE MYOS SOGS NUS PA BZHIN, , DBYER YOD CE NA DNGOS PO LAS, , NUS PA DON GZHAN NYID MA YIN, , DNGOS PO 'JIG 'GYUR RTEN TSANG BAR, , GNAS NA BRTEN PA 'JIG PA YIN, , GAL TE DE MTSUNGS SHE NA MIN, , SNANG BA THA DAD CAN RTOGS PAS, , 'BYUNG SEMS THA DAD NYID PHYIR RO, , ZHES PAS, DKAR PO LA SOGS PA'I 'BYUNG 'GYUR CHOS CAN, KHYOD 'BYUNG BA LA GRUB ZIN GNAS PA'I TSUL GYIS BRTEN PA NYID NI MA YIN TE, KHYOD DE LAS DON GZHAN YIN PA'I PHYIR, DE LA BRTEN PAR BSHAD PA'I SGRA'I DON YANG CHOS CAN, GRUB ZIN GNAS PA'I RTEN DU 'THAD PA MA YIN PAR THAL, 'BYUNG BA SNGA MA RGYU'I DON NAM YANG NA DUS MNYAM TSOGS PA DBYER MED PAR GNAS PA'I PHYIR, RANG GI RTEN DU BTAGS PA TZAM YIN PA'I PHYIR, GAL TE CHANG DANG MYOS PA'I NUS PA LA SOGS @140 PA DON GZHAN GYI RTEN DANG BRTEN PA YIN PA BZHIN DU CHAGS SOGS KYANG 'BYUNG BA LA DBYER YOD KYI TSUL DU BRTEN NO ZHE NA, YANG NA TSOGS PA DBYER MED TZAM GYI RTEN DANG BRTEN PAR MI 'GYUR TE, CHANG DANG DE'I NUS PA DBYER YOD KYI RTEN DANG BRTEN PA YIN NO ZHE NA, CHANG GI DNGOS PO LAS CHANG GI NUS PA GNYIS DON GZHAN NYID MA YIN PAR THAL, DE GNYIS GRUB SDE RDZAS GCIG YIN PA'I PHYIR, DE GNYIS RDZAS THA DAD YIN NA, CHANG TSA BAR GYUR PA NA, CHANG GI DNGOS PO 'JIG PAR 'GYUR BAR THAL, DE'I MYOS PA'I NUS PA 'JIG PA'I PHYIR, RTEN CHANG TSA BAR GNAS NA BRTEN PA MYOS PA'I NUS PA 'JIG PA STE LOG PA MA YIN PAR THAL LO, , GAL TE CHANG DANG NUS PA BZHIN DU 'BYUNG SEMS DE'ANG RDZAS THA DAD MA YIN PA MTSUNGS SO ZHE NA, MI MTSUNGS TE, 'BYUNG SEMS RDZAS THA DAD YIN PA'I PHYIR, DER THAL, BLO MA 'KHRUL BA LA SNANG BA THA DAD PA CAN DU RTOGS PA'I PHYIR, 'BYUNG BA REG BYA'I RNAM PA CAN DANG SEMS RANG RIG GI SNANG YUL YIN PA'I PHYIR, DE NI CHANG DANG, CHANG GI MYOS PA'I NUS PA GNYIS RDZAS GCIG TU 'DOD PA DANG, 'BYUNG BA DANG SEMS GNYIS RDZAS THA DAD DU 'DOD PAS MI MTSUNGS PA'O, DPYAD PA, CHANG TSA BAR GYUR NAS MYOS PA'I NUS PA 'JIG PA NA, CHANG GI DNGOS PO 'JIG PAR 'DOD DGOS PAS, DE 'DRA RIGS 'DRA PHYI MA DE CHU YIN NAM, DE LTAR NA, BCAS LDAN DGE SLONG GIS 'THUNG NA NYES PA MED PAR 'GYUR DGOS PAS DPYAD, DE BZHIN DU, 'O MA TSA BAR GYUR PA'I TSE 'O MA'I DNGOS PO 'JIG DANG MI 'JIG , 'JIG NA DE'I TSE BCAS LDAN DGE SLONG GIS PHYI DRO 'THUNG NA NYES PA MED DGOS PAS HA CANG THAL LO, ,'BYUNG SEMS RDZAS THA DAD YIN PA'I RGYU MTSAN tIK CHEN LAS SHIN TU GSAL, RDZAS THA DAD PA'I DON LA DPYAD PA MANG BAS LE'U DANG PO'I SKABS BSHAD ZIN TO, GNYIS PA DON DGAG PA NI, RTZA BAR, @141 JI SRID LUS NI 'GYUR BAR DU, , GZUGS SOGS BZHIN DU YID NGO BO, , MTSUNGS 'GYUR RNAM PAR RTOG PA NI, , DON GYI GZHAN DBANG CAN NYID GANG, , GANG TSE LUS LA BLTOS MED PAR, , SHES PA 'GA' ZHIG 'GA' ZHIG GIS, , BAG CHAGS SAD PA'I RGYUR 'GYUR BA, , DES NA 'GA' ZHIG LAS 'GA' YIN, , ZHES PAS, JI SRID LUS GZHAN DU 'GYUR GYI BAR DU YID BLO RTOG PA'I NGO BO RNAM PA MTSUNGS PAR 'GYUR BAR THAL, DE RTOG PA GANG ZHIG , DE LA BDAG RKYEN KHYAD PAR CAN GYI SGO NAS BRTEN PA'I PHYIR, GZUGS SOGS 'BYUNG 'GYUR 'BYUNG BA'I RJES SU 'PHEL 'GRIB BYED PA BZHIN NO, ,DMIGS RKYEN GYI DBANG GIS 'GYUR BA'ANG MA YIN TE, GZUNG DON GYI GZHAN DBANG CAN NYID GANG LAS KYANG MI 'THAD PA'I PHYIR, RNAM RTOG SKYES PA GANG GI TSE 'BYUNG BA LUS LA BLTOS PA MED PAR SHES PA SNGA MA 'GA' ZHIG LAS PHYI MA 'GA' ZHIG 'BYUNG BA YIN TE, 'BYUNG BA LUS LA BLTOS PA MED PAR SHES PA SNGA MA 'GA' ZHIG RIGS 'DRA PHYI MA 'GA' ZHIG GI BAG CHAGS SAD PA'I RGYUR 'GYUR BA DES NA'I PHYIR, DE DAG NI, YID BLO RTOG PA LUS 'BA' ZHIG LA BRTEN NAS SKYES PA YIN NA, LUS MA 'GYUR BAR DU YID BLO YANG MI 'GYUR BA DGOS TE, DPER NA, 'BYUNG BA 'PHEL 'GRIB BZHIN DU 'BYUNG 'GYUR 'PHEL 'GRIB BZHIN NO, ,DMIGS RKYEN GYI DBANG GIS 'GYUR BA'ANG MA YIN TE, RTOG PA DE GZUNG DON LAS BYUNG BA MED PAR SNGA MA LAS RIGS 'DRA PHYI MA 'GA' ZHIG SKYE BAR 'GYUR BA YIN PA'I PHYIR, RNAM RTOG DE NI @142 DON SPYI SNANG BA CAN GYI SHES PA YIN PAS SO, ,GNYIS PA 'KHOR BA THOG MA YOD PA DGAG PA LA GNYIS, KHYAB BYED MA DMIGS PA'I RTAGS KYI DGAG PA NI, RTZA BAR, RNAM SHES MIN PA RNAM SHES KYI, , NYER LEN MIN PA'I PHYIR YANG 'GRUB, , GAL TE DNGOS PO THAMS CAD NI, , RNAM SHES NUS LDAN PHYIR 'DOD NA, , RTZA SOGS RTZE NA GLANG CHEN BRGYA, , SNGON TSE MA MTHONG YOD DO ZHES, , DE SKAD GRANGS CAN PHYUGS LAS GZHAN, , NGO MTSAR BCAS PA SU BRJOD RTZOL, , RGYU NI LAN BRGYAR RNAM PHYE YANG, , NGO BO GANG ZHIG SNANG GYUR PA'I, , NGO BO DE NI SNGAR MI SNANG, JI LTAR DE NI YOD PAR 'GYUR, , ZHES PAS, RTAGS GZHAN GYIS YANG 'KHOR BA THOG MA MED PAR GRUB STE, SNGAR SEMS CAN MIN PA SEMS CAN DU SKYE BA'I RIGS MIN PA'I PHYIR TE, RNAM SHES KYI RDZAS MIN PA RNAM SHES PHYI MA'I NYER LEN DU RUNG BA MIN PA'I PHYIR, GZUGS MED NAS 'CHI 'PHOS TE 'DOD PA NA SKYE 'GYUR GYI GZUGS MED PA'I RGYUD KYI DBANG SHES LNGA'I NYER LEN DE RNAM SHES MA YIN KYANG RNAM SHES KYI RDZAS YIN NO, 'DOD PAR SKYES MA THAG PA'I GANG ZAG GI RGYUD KYI DBANG SHES LNGA PO DE DNGOS KYI NYER LEN RNAM SHES MED KYANG, NYER LEN DU GYUR PA'I RNAM SHES YOD PAR 'DOD DGOS PAS, RNAM SHES YIN NA RANG GI NYER LEN DU GYUR PA'I RNAM SHES YOD PAS KHYAB BO, ,RGYANG @143 PHAN PAS, GAL TE, DNGOS PO THAMS CAD NI RNAM SHES BSKYED PA'I NUS PA DANG LDAN PAS; KHYOD KYI RTAd DE GRUB ZIN SGRUB PAR 'DOD DO ZHE NA ? DE NI, RGYANG PHAN PAS KHYOD KYI RTAd DE LA KHYAB PA MED DE, DNGOS PO THAMS CAD RNAM SHES KYI BDAG NYID YIN PAS RNAM SHES MIN PA RNAM SHES KYI NYER LEN DU MI 'DOD KYANG, DE TZAM GYIS SEMS CAN SNGAR MED GSAR DU SKYE BA MED PAS MA KHYAB BO ZHES PA'O, ,SANGS RGYAS PAS, 'O NA, KHYOD KYI 'DOD PA DE 'BRAS BU RGYU'I BDAG NYID DU KHAS LEN PAR SONG BAS, RGYU RTZA SOGS KYI RTZE NA 'BRAS BU GLANG CHEN BRGYA SNGON TSE MA MTHONG BZHIN DU YOD DO ZHES DE SKAD GRANGS CAN PHYUGS DANG 'DRA BA LAS GZHAN DE LTA BU BRJOD PA'I RTZOL BA BYED PA MI 'THAD DE, RGYANG PHAN KHYOD NGO TSA DANG BCAS PA RLOM PA'I PHYIR, DE LTAR YANG, GRANGS CAN PAS DNGOS PO RNAMS RNAM SHES SU 'DOD PA NI MA YIN NO, ,RTZA BA LAS NI; NGO MTSAR BCAS PA SU BRJOD RTZOL ZHES BYUNG NGO, GZHAN YANG, RGYU'I NGO BO LAN BRGYAR RNAM PAR PHYE ZHING BRTAGS NA YANG 'BRAS BU'I NGO BO GANG ZHIG SNANG RUNG DU 'GYUR BA'I NGO BO DE NI SNGAR RGYU'I DUS NA MI SNANG BA'I PHYIR NA, JI LTAR YANG 'BRAS BU NGO BO DE NI RGYU'I NGO BOR YOD PAR 'GYUR TE MI 'GYUR RO, ,GNYIS PA 'GAL KHYAB DMIGS PA'I RTAGS KYIS DGAG PA LA GNYIS, RANG RGYUD 'PHEN PA'I THAL BA BRJOD PA NI, RTZA BAR, SNGA NA MED PA 'BYUNG BA LA, ,CHAGS SOd NGES MED THAL BAR 'GYUR, ,ZHES PAS, THA MAL PA'I SKYES BU DE CHOS CAN, KHYOD SKYES MA THAG CHAGS CAN SOGS SU NGES PA MED PAR CHAGS BRAL DU SKYE BA SRID PAR THAL, KHYOD SNGA NA MED PA GSAR DU 'BYUNG BA'I RIGS YIN PA'I PHYIR, RANG RGYUD KYI RTAGS NI, DE CHOS CAN, KHYOD SNGA NA MED PA GSAR DU 'BYUNG BA'I RIGS MA YIN TE, KHYOD SKYES MA THAG TU CHAGS BRAL DU MI SKYE BAR CHAGS CAN SOGS SU SKYE BA NGES PA'I PHYIR ZHES BKOD, tIK CHEN LAS, THA MAL PA'I SKYES BU NI @144 THAL RANG GNYIS KA'I RTZOD GZHI YIN NO ZHES PA DE LA DGONGS, SEMS CAN THAMS CAD SNGA NA MED PA GSAR DU 'BYUNG BA'I RIGS MA YIN NA, 'O NA, SEMS CAN SNGA NA YOD PA ZHIG SKYE BAR THAL, 'DOD PA'I PHYIR, 'DOD NA, RGYU DUS NA YOD PA ZHIG SKYE BAR THAL, 'DOD PA'I PHYIR, RANG GI SNGA NA YOD PA ZHIG SKYE BA'I PHYIR, 'DOD MI NUS TE, BDAG SKYE MED PA'I PHYIR, GZHAN YANG, DNGOS PO YIN NA, GSAR DU SKYE BAS KHYAB PA'I PHYIR TE, DE YIN NA, RGYU 'GAGS DUS SU SKYE BAS KHYAB PA'I PHYIR, DER THAL, DE YIN NA, RANG DUS SU GSAR DU SKYE BAS KHYAB PA'I PHYIR, DER THAL, SKYES ZIN SKYE BA'I DNGOS PO MED PA'I PHYIR, DE YOD NA BDAG SKYE KHAS LEN DGOS PAR 'GYUR RO, ,MDO SDE RGYAN LAS THOG MA DANG NI NYID GZHAN NYID DANG, , RANG GI MTSAN NYID RANG DANG GZHAN DU 'GYUR, , KUN NAS NYON MONGS PA DANG KHYAD PAR LA, , SKYE BA MED PA'I CHOS LA BZOD PAR BSHAD, , CES SKYE BA MED PA'I CHOS LA BZOD PA THOB, CES PA'I DGONGS GZHI BRGYAD GSUNGS PA'I DANG POR, THOG MA ZHES PA DE 'KHOR BA LA THOG MA'I SKYE BA MED PAR BSHAD DRANG NGES LEGS BSHAD SNYING POR, DE'I DON NI 'KHOR BA NA SNGON MED PA'I SEMS CAN MI SKYE BA DANG SNGAR 'GAGS PA DANG RIGS MTHUN PA SKYE BAS CHOS SNGON MED PA MI SKYE BA LA DBU MA SNANG BAR BSHAD PA LTAR RO, ,ZHES 'GREL BAS, 'KHOR BA NA SNGON MED PA'I SEMS CAN GSAR DU SKYE BA MED CES PA'I DON LA BYED DGOS, DE YANG, 'KHOR BA NA SNGON SEMS CAN BYED MA MYONG BA ZHIG GSAR DU SEMS CAN DU SKYE NA, SNGAR LEGS NYES GANG LA'ANG MA GOMS PAR SEMS CAN GSAR SKYES SHIG YOD DGOS, DE LTAR NA, SKYES MA @145 THAG TU CHAGS BRAL DU 'BYUNG BA ZHIG YOD DGOS SO, ,GONG GI KHYAB BYED MA DMIGS PA DANG, DE GNYIS PO NI, 'KHOR BA THOG MA MED PAR SGRUB PA'I RIGS PA GTZO BO ZHIG YIN PAR MA ZAD, LAM RIM SKYES BU 'BRING GI SDUG BSNGAL BRGYAD BSAM PA'I SKABS SU'ANG SHIN TU MKHO LA, SKYE BA SNGA PHYI SGRUB PA LA'ANG RIGS PA MCHOG TU GYUR PA SNANG BAS RIGS PA DE LA SBYONGS BA SHIN TU GAL CHE, RIGS PA'I DBANG PHYUG DGONGS ZAB CHES PHRA BAR, ,BLO RMONGS BDAG GI SPYOD YUL MA LAGS KYANG, ,AA PHA SKAD DANG KHA CHEMS RLUNG BSKYAR BZHIN, DAM PA'I BSHES GNYEN DRIN GYIS SPOBS CUNG BRNYES, ,ZHES PA NI, BSHES GNYEN DAM PA DRAN PAS THAL BYUNG DU SMRAS PA'O, ,GNYIS PA DE'I LAN DGAG PA LA GSUM, NYER LEN 'BYUNG BA MTSUNGS PA DANG PO CHAGS BRAL MI SRID PA'I RGYU MTSAN DU MI 'THAD PA NI, RTZA BAR, 'BYUNG BA BDAG LAS MA 'DAS PHYIR, , GAL TE KUN CHAGS SOGS LDAN NA, , THAMS CAD 'DOD CHAGS MTSUNGS PAR 'GYUR, , GAL TE 'BYUNG KHYAD LAS YIN NA, , 'BYUNG RNAMS SROG CHAGS KHYAD MED KYANG, , KHYAD PAR 'DI RTEN GANG YIN LA, , DE NI PHUL BYUNG 'GRIB PA BZHIN, , DE YOD PA LAS DE MED 'GYUR, , ZHES PAS, GAL TE SKYE BO KUN 'BYUNG BA'I BDAG NYID LAS MA 'DAS KYANG CHAGS SOGS DANG LDAN PA'I KHYAB PAS DANG PO CHAGS BRAL DU 'GYUR BA MI SRID CE NA, SROG CHAGS THAMS CAD 'DOD CHAGS CHE CHUNG MTSUNGS PAR 'GYUR BAR THAL, DE'I @146 NYER LEN 'BYUNG BA MTSUNGS PA'I PHYIR, RGYU 'BYUNG BA'I NYER LEN BYAS PA LA CHAGS SOGS 'BYUNG BA YIN NA, 'BYUNG BA CHE CHUNG JI LTAR YOD PA BZHIN CHAGS SOGS KYANG DE LTAR YOD DGOS SO, GAL TE 'BYUNG BA SHAS CHE CHUNG GI KHYAD LAS CHAGS SOGS KYANG YIN NO ZHE NA, SROG CHAGS RNAMS LA SROG CHAGS DANG CHES SROG CHAGS LA SOGS PA'I KHYAD PAR YOD PAR THAL, DE'I NYER LEN 'BYUNG BA RNAMS SHAS CHE CHUNG GI KHYAD PAR YOD PA'I PHYIR, DE NI NYER LEN 'BYUNG BA 'BA' ZHIG LAS BRTEN PA YIN NA, 'BYUNG BA RNAMS LA SHAS CHEN CHUNG YOD PA BZHIN DU SROG CHAGS RNAMS LA'ANG SROG CHE CHUNG YOD DGOS PA LAS MED PA'I PHYIR ZHES PA'O, ,DES NA CHAGS SOGS CHE CHUNG GI KHYAD PAR 'DI'I RTEN 'BYUNG BA GANG YIN PA DE NI PHUL DU BYUNG BA DANG 'GRIB PA BZHIN DU CHAGS SOGS KYANG 'PHEL 'GRIB TU 'GYUR BAR THAL, NYER LEN 'BYUNG BA MTSUNGS BZHIN DU SROG CHAGS RNAMS LA SROG CHAGS DANG CHES SROG CHAGS SOGS KYI KHYAD MED KYANG CHAGS CAN LA CHES CHAGS CAN SOGS KYI KHYAD PAR YOD PA'I PHYIR, DE NI NYER LEN 'BYUNG BA 'BA' ZHIG LAS BYUNG BA'I SROG CHAGS DANG CHAGS CAN GNYIS CHES SROG CHAGS DANG CHES CHAGS CAN SOGS YOD PAR MTSUNGS DGOS TE, NYER LEN 'BYUNG BA MTSUNGS PA'I PHYIR, NYER LEN 'BYUNG BA 'PHEL 'GRIB BYUNG BA BZHIN DU CHAGS SOGS KYANG 'PHEL 'GRIB TU 'GYUR NA, CHAGS SOGS DE SNGAR YOD PA LAS DE YE MED DU 'GYUR BA SRID PAR THAL, 'BYUNG BA SNGAR YOD PA LAS PHYIS MED PAR 'GYUR BA SRID PA'I PHYIR, 'DOD NA, CHAGS BRAL MI SRID PAR KHAS BLANGS PA DANG 'GAL LO, ,GNYIS PA, PHYIS CHAGS BRAL DU 'GYUR MI SRID PA'I RGYU MTSAN DU MI 'THAD PA NI, RTZA BAR, GAL TE CHAGS SOGS THA DAD KYANG, , RGYU MTSUNGS BDAG NYID MI LDOG PHYIR, , @147 MIN NA BDAG NYID 'DRA RGYU'I PHYIR, , KUN LA 'DOD CHAGS 'DRA BAR 'GYUR, , MTSUNGS BDAG LAS BYUNG BA GLANG GI, , SHES PA'AM 'DIR YANG SA SOGS LA, , SROG CHAGS NYID SOGS KHYAD PAR GYI, , RIM PA LA LAR YOD MA YIN, , ZHES PAS, GAL TE CHAGS SOGS CHE CHUNG THA DAD KYANG CHAGS SOGS YE MED DU 'GYUR BA SRID PA MIN TE, RGYU 'BYUNG BA MTSUNGS PA'I BDAG NYID MI LDOG PAS KHYAB PA'I PHYIR ZHE NA, SROGS CHAGS KUN LA CHAGS PA CHE CHUNG 'DRA BAR 'GYUR BAR THAL, 'BYUNG BA BDAG NYID 'DRA BA CHAGS PA CHE CHUNG 'DRA BA'I NYER LEN GYI RGYU YIN PA'I PHYIR, DPER NA, BA GLANG 'DZIN PA'I MIG GI SHES PA DE BA GLANG MA YIN PA LAS LOG PAR MTSUNGS PA'I BDAG NYID GZUNG DON DU BYAS PA LAS BYUNG BA'I SHES PA YIN PAS, KHYOD LA CHE CHUNG LA SOGS PA RNAM PA SHAR BA'I RIM PA CAN DU YOD PA MIN NO, SA SOGS RNAMS LA SROG CHAGS NYID DANG CHES SROG CHAGS LA SOGS PA'I KHYAD PAR GYI RIM PA LA LAR YOD PA MIN TE, NYER LEN 'BYUNG BA MTSUNGS PA'I PHYIR, tIK CHEN LAS, MTSUNGS BDAG LAS BYUNG BA GLANG GI, ,SHES PA ZHES PA DE, BYE BRAG PA LA GRAGS PA'I DPE DANG, 'DIR YANG SA SOGS LA, SROG CHAGS NYID SOGS KHYAD PAR GYI, ,RIM PA LA LAR YOD MA YIN, ,ZHES PA, RGYANG PHAN RANG LA GRAGS PA DPE YIN GSUNGS, GZHUNG DE DAG NI NGO BO NYID RGYUR SMRA BA'I RGYANG PHAN GYI LUGS DGAG PA'O, ,GSUM PA DE'I DPE DGAG PA LA GNYIS LAS, DANG PO DNGOS NI, RTZA BAR, DROD RIM KHYAD PAR YOD NA YANG, @148 DROD MED MED 'GA' YOD MIN PA, , DE BZHIN 'DER YANG ZHE NA MIN, , DROD LAS ME GZHAN BKAG PHYIR RO, , GANG ZHIG GZHAN YANG YON TAN NI, , KHYAD PAR RIM PA DANG LDAN PA, , DE DAG DE YI KHYAD PAR NI, , LA LAR 'CHAD 'GYUR DKAR SOGS BZHIN, , GZUGS SOGS BZHIN DU NGES MIN TE, , DE DAG 'BYUNG DANG DBYER MED PHYIR, , GAL TE DE MTSUNGS SHE NA MIN, , CHAGS SOGS LHAN CIG SKYES THAL PHYIR, , RNAM PAR BRTAGS PA YUL YIN PHYIR, , YUL YANG NGES BYED MA YIN NO, , ZHES PAS, DRO BA LA CHE CHUNG GI RIM PA'I KHYAD PAR YOD NA'ANG, DRO BA MED PA'I ME 'GA' YANG YOD PA MIN PA DE BZHIN DU, SKABS 'DIR YANG CHAGS PA CHE CHUNG YIN NO ZHE NA, DPE DON MI MTSUNGS TE, DRO BA LA ME RDZAS GZHAN YIN PA TSAD MAS BKAG PA'I PHYIR, GANG ZHIG LUS LAS DON GZHAN DU YOD PA'I YON TAN CHAGS SOGS DE DAG CHOS CAN, SKABS LA LAR KHYOD CHAD PAR 'GYUR BA SRID PAR THAL, 'BYUNG BA 'PHEL 'GRIB KYI KHYAD PAR GYI RIM PA DANG LDAN PA LAS, KHYOD 'PHEL 'GRIB KYI KHYAD PAR DU 'GYUR, KHYOD DE DANG 'BRAL RUNG DON GZHAN YIN PA'I PHYIR, SNAM BU'I TSOS DKAR PO LA SOGS PA BZHIN NO, DE NI, DRO BA DANG ME 'BRAL MI RUNG DU GNAS LA, 'BYUNG BA DANG CHAGS SOGS 'BRAL RUNG @149 YIN PAS DE GNYIS DPE DON MI MTSUNGS, CHAGS SOGS RNAMS GZUGS SOGS BZHIN DU 'BYUNG BA LA GNAS PAR NGES PA MIN TE, GZUGS SOGS DE DAG 'BYUNG BA DANG DBYER MED 'BRAL MI RUNG YIN LA, CHAGS SOGS DE 'DRA MA YIN PA'I PHYIR; GAL TE DE GNYIS 'BYUNG BA LA 'BRAL MI RUNG BA MTSUNGS SO ZHE NA, DE MIN TE GZHAN DU NA, CHAGS SDANG SOGS LHAN CIG TU SKYE BAR THAL BA'I PHYIR, CHAGS SDANG SOGS DMIGS RKYEN DBANG GIS CIG CAR DU SKYE BA MA YIN TE, GZUNG YUL YANG CHAGS SDANG SOGS RE 'GA' SKYE BAR NGES BYED MIN PA'I PHYIR TE, RTOG PAS BTAGS PA'I GZUNG YUL 'DZIN PA YIN PA'I PHYIR, DE NI, DON SPYI GZUNG YUL DU BYED PA TZAM YIN PAS DMIGS RKYEN GYI STOBS KYIS SKYE BA MIN PAR BSHAD DO, ,GNYIS PA CHAGS CAN MI SRID PAR THAL BA NI, RTZA BAR, SKAL MNYAM RGYU DANG BRAL BA'I PHYIR, , CHAGS SOGS NGES PA MED PA'ANG, , RGYU NI NYE PHYIR BLO RNAMS KUN, , THAMS CAD KUN TSE SKYE BAR 'GYUR, , ZHES PAS, THA MAL PA RNAMS LA CHAGS SOGS 'BYUNG BA'I NGES PA MED PAR YE MED DU THAL, SKAL MNYAM GYI RGYU DANG BRAL BA'I PHYIR TE, 'BYUNG BA SHES PA'I SKAL MNYAM GYI RGYU MI BYED PA'I PHYIR, 'BYUNG BA CHAGS SOGS KYI NYER LEN YIN NA, SKYES BU THAMS CAD LA DUS KUN GYI TSE CHAGS SDANG SOGS BLO RNAMS KUN SKYE BAR 'GYUR BAR THAL, DE DAG GI RGYU 'BYUNG BA RTAG PA NYE BAR YOD PA'I PHYIR, DE NI, CHAGS SDANG SOGS BLO RNAMS SKAL MNYAM GYI RGYU MED PAR 'BYUNG BA RTAG PA LAS 'BYUNG NA, SKYES BU GANG GI RGYUD LA YE NAS SKYE MI SRID PA'AM YANG NA DUS RTAG TU SKYE DGOS PAR 'GYUR ZHES PA'O, ,GNYIS PA SDUG BSNGAL BDEN PA'I MTSAN @150 NYID BSHAD PA NI, RTZA BAR, DE NI RES 'GA' DMIGS PA'I PHYIR, , MI RTAG NYES PA'I RTEN PHYIR DANG, , RGYU DBANG PHYIR YANG SDUG BSNGAL YIN, , BDAG MIN BYIN GYIS BRLABS PA'ANG MIN, , RGYU MIN BYIN GYIS RLOB PA MIN, , RTAG PA JI LTAR SKYED BYED YIN, , DE PHYIR GCIG LAS DU MA NI, , DUS THA DAD PAR SKYE MI 'GYUR, , RGYU GZHAN DAG NI TSOGS NA YANG, , 'BRAS BU SKYE BA MED PA'I PHYIR, , RGYU GZHAN RJES SU DPOG 'GYUR NA, , DE NI RTAG RNAMS LA YOD MIN, , ZHES PAS, KHYAD CHOS BZHI'I DANG PO MI RTAG PA NI, SDUG BSNGAL DE NI CHOS CAN, MI RTAG STE, RES 'GA' SKYE BAR DMIGS PA'I PHYIR, RES 'GA' ZHES PA SKABS 'GAR SKYE LA SKABS 'GAR MI SKYE BA DE RGYU LA RAG LAS PAR SGRUB, DE LAS MI RTAG PAR SGRUB PA YIN NO, ,MI RTAG PA'I RTAGS LAS SDUG BSNGAL BAR BSGRUB TSUL NI, SDUG BSNGAL GYI PHUNG PO DE RGYU'I GZHAN DBANG DU SONG BAR GO BA'I TSE, RGYU DE YANG LAS NYON GNYIS LA THUG CING, LAS NYON GYI GZHAN DBANG DU SONG BA'I PHUNG DE PO SDUG BSNGAL YIN NO, ,RTAGS ZUR GNYIS YOD PA NI, NYER LEN GYI PHUNG PO DE YOD PHYIN DA LTAR NYES PA THAMS CAD KYI RTEN DANG SNOD DANG GZHI BYAS SHING MA 'ONGS PA'I SDUG BSNGAL KUN GYI SNA 'DREN PAS, DE BSAMS NAS 'KHOR BA'I NYES @151 DMIGS BSGOMS NA YID 'BYUNG SHUGS DRAG SKYE BA SOGS KYI DGOS PA YOD, BYANG CHUB LAM RIM CHEN MOR DE LA NAN TAN CHE BAR MDZAD, MI RTAG PA DANG GZHAN DBANG CAN GYI RTAGS LAS, ? RANG DBANG BA'I BDAG GI NGO BO MIN PAR SGRUB TSUL GO; ;BDAG MED PA'I RTAGS LAS STONG PA SGRUB PA NI GZHUNG GZHAN LAS BSHAD PA DANG LDOG STE, GZHAN LAS STONG PA SNGON LA BSHAD DE BDAG MED BSGRUB PA YIN, SKABS 'DIR DE LTAR BSHAD PA NI, tIK CHEN RIGS PA'I RGYA MTSO LAS, BDAG MED PAR RTOGS NA STONG PA'I RNAM PA RTOGS SLA BA LA DGONGS PA DANG MI RTAG CING LAS NYON GYI GZHAN DBANG CAN BSHAD NAS DE MA THAG BDAG MED CES PA DE'I SGRUB BYED DU RTAGS ZUR GNYIS PO BKOD DGOS PA GO, BYIN GYI BRLABS PA MIN ZHES PA RANG DBANG BA BDAG GIS BZOS PA MIN ZHES PA'I DON TE RDZA MKHAN GYIS RDZA MA BYIN GYIS RLOB CES PA DANG 'DRA BDAG DES PHUNG PO BYIN GYIS RLOB PA MIN TE, BDAG PHUNG PO'I RGYU MIN PA'I PHYIR, BDAG RANG DBANG BA YOD NA, RTAG PA LAS MA 'DAS PAS, RTAG PA JI LTAR YANG SKYED BYED KYI RGYU YIN PA MI 'THAD, RTAG PA RGYU MI RUNG BA DE'I PHYIR, BDAG RTAG PA GCIG LAS PHUNG PO DU MA DUS SNGA PHYI THA DAD PAR SKYE BA 'GYUR BA MI 'THAD DO, ,GZUGS 'DZIN DBANG SHES LA RGYU GZHAN DBANG YID DAG TSOGS NA YANG 'BRAS BU KHYOD SKYE BA MED PA'I PHYIR, DE GNYIS LAS GZHAN DMIGS RKYEN YOD PA RJES SU DPOG NUS SO, RGYU 'BRAS KYI LDOG PA DE NI RTAG PA RNAMS LA YOD PA MIN PA'I PHYIR RO, BLA MA RJE BTZUN PA CHEN POS BDEN BZHI SO SO'I MTSAN NYID 'JOG PA DE SKABS 'DI'I GZHUNG GI DGONGS PA DANG SHIN DU MTHUN SNYAM DU BSAM, SDUG BSNGAL BDEN PA'I KHYAD CHOS SU GYUR PA'I STONG BDAG MED GNYIS PO DE GANG ZAG GI BDAG MED PHRA MO MA YIN PAR GSAL TE 'OG TU 'CHAD SKABS 'DIR, CUNG ZAD DPYAD NA, SDUG BSNGAL BDEN @152 PA'I KHYAD CHOS SNGA MA SNGA MA RTOGS NA PHYI MA PHYI MA RTOGS DGOS DANG MI DGOS, , DGOS NA, KHYAD CHOS DANG PO RTOGS TSE SDUG BSNGAL BDEN PA RTOGS DANG MA RTOd RTOGS NA MI RTAG SDUG BSNGAL STONG BDAG MED BZHI'I TSOGS DON RTOGS PAR THAL, SDUG BSNGAL BDEN PA RTOGS PA'I PHYIR, KHYAB STE, SGRA RTOGS NA MNYAN BYA RTOGS DGOS PA'I PHYIR, MA RTOGS NA, SDUG BSNGAL BDEN PA'I KHYAD CHOS RTOGS NA, SDUG BSNGAL BDEN PA RTOGS PAS MA KHYAB PAR THAL, 'DOD PA'I PHYIR; 'DOD NA, SGRA'I KHYAD CHOS RTOGS NA SGRA RTOGS PAS MA KHYAB PAR THAL, 'DOD MI NUS TE LE'U DANG POR, DE DAG BDAG NYID LA 'BREL PHYIR, ,GCIG SHES NA NI GNYIS KA BZUNG, ZHES GSUNGS PA'I PHYIR, RANG DE'I YIG CHAR, SDUG KUN GNYIS YIN KHYAB MNYAM YIN PA'I SGRUB BYED SDUG BDEN GYI CHOS NYID RTOd NA; KUN 'BYUNG GI CHOS NYID RTOGS PAS KHYAB PA BKOD DE, RNAM BSHAD SNYING PO RGYAN SKABS GNYIS PA MTHONG LAM BSHAD PA'I SKABS SU GZHAN DU SDUG BSNGAL GYI CHOS NYID RTOGS PA'I TSE, KUN 'BYUNG GI CHOS NYID RTOGS PAR KHAS MI LEN PA LA NI, MNYAN BYA SGRA MI RTAG SGRUB KYI RTAGS YANG DAG TU KHAS LEN DGOS PA SOGS NYES PA DU MA'I 'BYUNG KHUNGS SU MTHONG NGO, ,ZHES DRANGS, SDUG BDEN GYI CHOS NYID RTOGS NA, KUN 'BYUNG GI CHOS NYID RTOGS DGOS PA, MTHONG LAM BZOD PA BRGYAD MNYAM BZHAG THUN GCIG DANG SKAD CIG MA GCIG NGO BO GCIG LA LDOG PA THA DAD, SHES PA BRGYAD KYANG NGO BO GCIG LA LDOG PA THA DAD PA LA DGONGS 'DUG ; GAL TE, SDUG KUN GNYIS KYI CHOS NYID RTOGS PA YIN KHYAB MNYAM YIN YANG DE LAS SDUG KUN GNYIS YIN KHYAB MNYAM PA JI LTAR BSGRUB DE LTAR NA 'GOG LAM GNYIS YIN KHYAB MNYAM YIN PAR THAL, 'GOG BDEN GYI CHOS NYID RTOGS NA, LAM BDEN GYI CHOS NYID RTOGS PAS KHYAB PA'I PHYIR, MA GRUB NA, @153 DER THAL, MTHONG LAM BZOD PA BRGYAD DANG, SHES PA BRGYAD KYI NANG NA, BDEN BZHI LA DMIGS PA'I MNYAM BZHAG THUN GCIG DANG SKAD CIG MA GCIG YIN PA MTSUNGS PA'I PHYIR, MA KHYAB NA, RNAM BSHAD SNYING RGYAN LA BLTA NA SHES PAR 'GYUR; SDUG KUN GNYIS YIN KHYAB MNYAM YIN PA'I SGRUB BYED DE LA JI TZAM BSAMS KYANG YID LA 'CHAR DKA' BAR 'DUG PAS, BLO GSAL DPYOD LDAN RNAMS KYIS ZHIB TU BSAM PAR BYA'O, ,RNAM BSHAD SNYING PO RGYAN GYI GSUNG DE LA'ANG DPYAD DGOS PA 'DUG STE, MNYAM BYA SGRA'I MTSAN NYID YIN PAS SGRA MI RTAG SGRUB KYI RTAGS YANG DAG MA YIN YANG, RGYU MTSAN DE LA BRTEN NAS SDUG BSNGAL GYI CHOS NYID RTOGS NA KUN 'BYUNG GI CHOS NYID RTOGS ? PAS KHYAB PA JI LTAR BSGRUB NUS, SDUG KUN GNYIS MTSAN MTSON MA YIN PA NI KUN GYIS SHES, GZHAN YANG MNYAN BYA'I CHOS NYID RTOGS NA, SGRA'I CHOS NYID RTOGS PAS KHYAB PAR THAL, LUNG DRANGS MA THAG PA DE'I PHYIR, 'DOD NA, MNYAN BYA MI RTAG PA RTOGS NA, SGRA MI RTAG PA RTOGS PAS KHYAB PAR THAL, 'DOD PA'I PHYIR, 'DOD NA, LE'U DANG PO'I SKABS SU, MNYAM BYA LA MI RTAG PA'I KHYAB PA NGES NAS DE NAS SGRA DANG MNYAN BYA GNYIS MING DON GYI 'BREL BA SHES PA YOD PAR GSUNGS PA DANG 'GAL LO, , GNYIS PA KUN 'BYUNG BDEN PA'I KHYAD CHOS BSHAD PA NI, RTZA BAR, RES 'GA' BA NYID YIN PAS NA, , SDUG BSNGAL NYID RGYU BCAS NYID GRUB, , RGYU MED GZHAN LA MI LTOS PHYIR, , RTAG TU YOD PA'ANG MED PAR 'GYUR, , JI LTAR TSER MA LA SOGS KYI, , RNO BA NYID SOGS RGYU MED PA, , @154 DE LTAR 'DI DAG RGYU MED 'GYUR, , ZHES NI KHA CIG RAB TU BRJOD, , GANG YOD NYID NA GANG SKYE BA'AM, , GANG 'GYUR NA YANG RNAM 'GYUR BA, , DE NI DE RGYU RAB TU BRJOD, , DE NI DE RNAMS LA YANG YOD, , REG PA GZUGS RGYU NYID YIN PHYIR, , MTHONG BA LA NI RGYU MTSAN YIN, , RTAG RNAMS BKAG CING DBANG PHYUG LA, , SOGS PA LAS KYANG SRID MIN TE, , NUS MED PHYIR RO DE YI PHYIR, , SRID 'DOD RGYU YIN GANG GI PHYIR, , MI RNAMS YUL GYI KHYAD PAR NI, , YONGS 'DZIN DE THOB BSAM PAS BYAS, , DE NI SRID 'DOD GANG PHYIR YANG, , SROG CHAGS BDE SDUG THOB PA DANG, , 'DOR 'DOD 'JUG PA DE DAG NI, , 'DOD DANG 'JIG SRID YIN PAR 'DOD, , BDAG TU CHAGS PA'I RGYU NYID LAS, , BDE MIN BDE BAR 'DU SHES PAS, , KUN LA RAB TU 'JUG 'GYUR BA, , DE PHYIR SRED PA SRID RTEN YIN, , @155 CHAGS BRAL SKYE BA MA MTHONG PHYIR, , ZHES NI SLOB DPON RNAMS KYIS GSUNGS, , LUS MED CHAGS PA MA MTHONG PHYIR, , LUS LAS KYANG NI 'DOD CHAGS 'BYUNG, , RGYU MTSAN KHAS BLANGS PHYIR NA 'DOD, , NYER LEN NYID NI BSAL BA YIN, , RIGS 'DI RJES SU 'DOD NA NI, , RANG NYID RANG 'DOD LA GNOD 'GYUR, , GAL TE SKYE LA CHAGS MTHONG PHYIR, , SKYES DANG LHAN CIG 'BYUNG ZHE NA, , SKAL MNYAM SKYE PHYIR SNGAR GRUB YIN, , MI SHES SRID PA'I RGYU YIN YANG, , MA BRJOD SRED PA NYID BSHAD PA, , RGYUN NI 'PHEN PA BYED PHYIR DANG, , DE MA THAG PHYIR LAS KYANG MIN, , DE YOD NA YOD MED PHYIR RO, , ZHES PAS, KUN 'BYUNG BDEN PA'I RGYU'I RNAM PA NI, SDUG BSNGAL GYI PHUNG PO ? DE RES 'GA' SKYE BA NYID YIN PAS, RGYU DANG BCAS PA NYID DU GRUB PA STE, RGYU MED NA, GZHAN GANG LA'ANG MI LTOS PA 'BYUNG DGOS, DE LTAR NA, DUS RTAG TU YOD PA'AM YANG NA NAM YANG MED PAR 'GYUR RO, ,DPYOD PA BA DANG, RGYANG PHAN PA KHA CIG JI LTAR TSER MA DANG SRAN MA LA SOGS PA RNAMS KYI RTZE MO RNO BA DANG, DBYIBS ZLUM PO NYID LA SOGS PA BYED PA PO RGYU MED PA DE LTAR, @156 DNGOS PO RNAMS 'DI DAG RGYU MED DU 'BYUNG BAR 'GYUR RO ZHES RAB TU BRJOD DO, TSER MA RNO BA LA SOGS RGYU MED PA MA YIN TE, DON GZHAN SNGA MA GANG YOD PA NYID NA PHYI MA GANG SKYE BA'AM, SNGA MA GANG 'GYUR NA YANG RNAM PAR 'GYUR BA'I SNGA MA DON GZHAN DE NI PHYI ? MA DE'I RGYUR RAB TU BRJOD LA, DE 'DRA DE NI TSER MA ZLUM PO LA SOGS PA RNAMS LA YANG YOD PA'I PHYIR, 'BYUNG BA'I REG PA DE, RANG 'BRAS 'BYUNG 'GYUR GYI GZUGS MTHONG BA'I DBANG SHES KYI RGYU MTSAN TZAM YIN TE, 'BYUNG BA REG PA DE RANG 'BRAS 'BYUNG 'GYUR GZUGS KYI SKAL MNYAM GYI RGYU YIN PA'I PHYIR, RGYU BTAGS PA BA YIN PAR BSAM KUN 'BYUNG GI RNAM PA NI, RTAG PA RNAMS RGYU YIN PA GONG DU BKAG ZIN PAS DBANG PHYUG LA SOGS PA RGYU GCIG LAS SDUG BSNGAL 'BYUNG BA SRID PA MIN TE, 'BRAS BU BSKYED PA'I NUS PA MED PA'I PHYIR, BLTOS MED KYI RGYU GCIG KHO NA LAS 'BRAS BU SDUG BSNGAL 'BYUNG BA MIN PAR RGYU TSOGS PA LAS SDUG BSNGAL 'BYUNG DGOS PAR BSTAN TO, , RAB SKYE'I RNAM PA NI, RGYU MED DANG RTAG PA LAS 'BRAS BU SKYE BA MED PA DE'I PHYIR, SRID PA MNGON PAR 'DOD PA'I SRID SRED RANG 'BRAS SDUG BSNGAL GYI RGYU YIN TE, GANG GI PHYIR NA, MI RNAMS YUL GYI KHYAD PAR LA YONGS SU 'DZIN CING LEN PA NI DE THOB 'DOD KYI BSAM PAS BYAS PA'I PHYIR, LUNG 'GAL SPANG BA NI, MDO LAS, KUN 'BYUNG 'PHAGS PA'I BDEN PA GANG ZHE ? NA GANG 'DI SRED PA ZHES SOGS SRED PA GSUM RGYUR GSUNGS PA DANG 'GAL LO ZHE NA, GONG DU BSHAD PA DANG DE GNYIS MI 'GAL BAR THAL, GONG GI PHYIR NA YUL GYI KHYAD PAR DON DU GNYER BA'I SRED PA DE NI SRID PA 'DOD PA'I SRID SRED YIN LA, SROG CHAGS BDE BA THOB 'DOD DANG SDUG BSNGAL 'DOR BAR 'DOD PAS YUL LA 'JUG PA'I SRED PA DE DAG NI RIM PA BZHIN DU 'DOD SRED DANG 'JIG SRED YIN PAR 'DOD PA'I PHYIR, @157 RKYEN GYI RNAM PA, BDAG TU CHAGS PA'I RGYU NYID LAS BDE BA MIN PA LA BDE BAS 'DU SHES PAS RNAM PA DAG DMAN PA'I YUL KUN LA RAB TU 'JUG PAR 'GYUR BA DE'I PHYIR, SRED PA NI RKYEN GYI RNAM PA YIN TE, RANG 'BRAS YANG SRID PHYI MA'I LHAN CIG BYED PA'I RTEN YIN PA'I PHYIR, DE'I SHES BYED 'GOD PA NI SRED PA YANG SRID PHYI MA'I RGYU YIN TE, DGRA BCOM CHAGS BRAL RNAMS SRED PA ZAD PAR SPANGS PA'I DBANG GIS YANG SRID PHYI MAR SKYE BA MA MTHONG BA'I PHYIR, ZHES SNGON GYI SLOB DPON RNAMS KYIS GSUNGS PA'I PHYIR TE, SRED DANG BRAL LA YANG SRID MED, CES ? GSUNGS, MTSUNGS PA SPANG BA NI, CHAGS BRAL SRID PAR MI SKYE BAS CHAGS PA SRID PA'I RGYUR 'DOD NA, LUS KYANG 'DOD CHAGS KYI RGYUR 'DOD PAR THAL, LUS MED LA CHAGS PA MA MTHONG BA'I PHYIR, LUS 'DOD CHAGS KYI RGYU MTSAN TZAM NI SANGS RGYAS PAS KHAS BLANGS PA'I PHYIR TE, LHAN CIG SKYES PA'I RGYUR 'DOD PA'I PHYIR, SNGAR BKAG PA NI, NYER LEN NYID DANG LHAN CIG BYED RKYEN KHYAD PAR CAN YIN PA BSAL BA YIN PA'I PHYIR, RGYANG PHAN RANG NYID KYIS RANG NYID KYI 'DOD PA SKYE BA SNGA PHYI MED PA LA GNOD PA 'GYUR BAR THAL, SANGS RGYAS PA'I RIGS PA'I RJES SU 'BRANGS SHING DPE YANG DAG TU BKOD NAS LUS CHAGS PA'I RGYUR 'DOD PA'I PHYIR, LUS SEMS GNYIS PHAN TSUN LHAN CIG BYED RKYEN DU 'DOD PA'I SANGS RGYAS PA'I RIGS PA'I RJES SU 'BRANGS NA NI, KHYOD KYIS 'DOD PA'I SKYE BA SNGA PHYI MED PA LA GNOD PAR 'GYUR RO ZHES PA'O, ,GAL TE LUS SKYES PA LA CHAGS PA MTHONG BA'I PHYIR, LUS SKYE BA DANG LHAN CIG 'DOD CHAGS 'BYUNG GI SNGAR MA YIN PAS DE GNYIS LHAN CIG TU 'BYUNG NGO ZHE NA, 'O NA SKYES MA THAG PA'I 'DOD CHAGS 'DOD CHAGS SNGA MA SNGON DU SONG BA GRUB PAR 'GYUR TE, DE SKAL MNYAM GYI RGYU LAS SKYE BA'I PHYIR, MI SHES SHING MA RIG PA YANG SRID PHYI MA BSKYED PA'I RGYU YIN YANG, @158 SKABS 'DIR DNGOS SU MA BRJOD PA NI DE MA THAG PA'I RGYU MIN PAS DE'I PHYIR, LAS KYANG DE BZHIN YIN NO, ,SRID PA NYID NI DE LTAR BSHAD PA'I RGYU MTSAN YOD DE, RANG 'BRAS YANG SRID PHYI MA'I RGYUN BSKUL ZHING 'PHEN PAR BYED PA'I PHAN BYED KYI RGYU YIN PA'I PHYIR DANG, DE MA THAG 'GRUB PAR BYED PA'I 'GRUB BYED KYI RGYU YIN PAS DE LTAR BSHAD PA'I PHYIR, LAS KYANG YANG SRID PHYI MA'I RGYU'I GTZO BO MA YIN TE, SRED PA YOD NA LAS NGANG GA YOD, SRAD PA DE MED NA LAS YOD KYANG SRID PAR SKYE BA MED PA'I PHYIR TE, SRAD PA MED NA LAS KYIS THOB PA'I RGYAL SRID KYANG 'DOR BA'I PHYIR, DPER NA, ZHI BA LHA DANG AA TI SHA LA SOGS PA BZHIN NO, GSUM PA 'GOG PA'I BDEN PA LA, DANG PO 'GOG PA'I RNAM PA NI, RTZA BAR, DE NI GTAN DU BA MIN TE, ,RGYU LA GEGS SOGS SRID PHYIR RO, ,ZHES PAS, THA MAL PA'I PHUNG PO DE NI CHOS CAN, RGYUN 'GAG TU MI RUNG BA'I GTAN DU BA MIN TE, RANG GI RGYU LA GEGS BYED KYI GEGS STOBS LDAN DANG MTHUN RKYEN MA TSANG BA SOGS SRID PA'I PHYIR, DE LA MTHA' DPYAD PA LA, THAR PA SGRUB PA'I TSUL NI, RANG GI RGYU'I GTZO BO DE LA GNOD BYED STOBS LDAN YOD NA GNYEN PO'I STOBS KYIS RANG GI RGYUN ZAD PA'I RIGS YOD PAS KHYAB STE, DPER NA, GRANG RIG LA GNOD BYED STOBS LDAN MTHONG BAS GRANG 'BRAS SPU LONG BYED KYI RGYUN ZAD PA MTHONG BA BZHIN, THA MAL PA'I PHUNG PO 'DI'I YANG RGYU'I RIGS LA GNOD BYED STOBS LDAN MTHONG BA YIN NO; ;DE'I KHYAB PA MNGON SUM GYIS GRUB, PHYOGS CHOS, GANG ZAG GI BDAG 'DZIN DNGOS PO GNAS LUGS LA LOG PAR ZHUGS PAS DE LA GNOD BYED STOBS LDAN YOD PAS KHYAB STE, LA STENG DU DU BA MED PAR 'DZIN PA'I BLO BZHIN NO, , GANG ZAG GI BDAG 'DZIN DNGOS PO'I GNAS LUGS LA LOG PAR ZHUGS PA NI, GANG ZAG GI BDAG MED RTOGS PA LAS SHES SO, ,GANG ZAG GI BDAG 'DZIN LA @159 GNOD BYED MTHONG BAS SDUG BSNGAL GYI RGYU LA GNOD PAR GANG GIS GRUB CE NA, DE GNYIS RGYU 'BRAS YIN PAR SHES PA LA BRTEN NAS RTOGS NUS TE, DPER NA, GRANG RIG LA GNOD BYED STOBS LDAN MTHONG NA, GRANG 'BRAS SPU LONG BYED LA GNOD BYED MTHONG BA BZHIN NO, ,DE GNYIS RGYU 'BRAS SU GANG GIS 'GRUB CE NA, TSE 'DI'I DE GNYIS RGYU 'BRAS YIN PAR MNGON SUM GYIS SHES TE, NGAR 'DZIN JI TZAM CHE BA LAS TSOR BA'I SDUG BSNGAL MANG BAR 'GYUR BA MTHONG SLA, BLO SBYONG BSGOM MKHAN RNAMS LA SDUG BSNGAL YANG BDE BAR BSGYUR NUS PAS SO, ,'CHI KHAR BDAG 'DZIN MED NA BDAG LA SRED PA MI 'BYUNG BAS PHYI MAR RIGS 'DRA MTSAMS SBYOR BA MED PA'I PHYIR, SDUG BSNGAL YANG MI 'BYUNG STE, 'DI LOR BDAG 'DZIN JI TZAM MANG BA TZAM GYIS LO PHYI MA'I SDUG BSNGAL MANG BAR 'GYUR BA'I PHYIR, DES NA, 'KHOR BA SDUG BSNGAL GYI SDONG BU YAL 'DAB LO 'BRAS MTHA' DAG GI RTZA BA BDAG 'DZIN MA RIG PA DE NYID YIN PAS, DE SPONG BA'I THABS LA 'BAD DGOS; DE YANG BLO DE'I ZHEN YUL SUN BYUNG BA LA RAG LAS SHING, DE YANG BDAG MED RTOGS PA LA RAG LAS PAS BDAG MED GTAN LA 'BEBS DGOS, DE YANG THOG MAR BDAG TU GRUB NA DE LTA BU GRUB DGOS SNYAM PA'I DGAG BYA'I TSAD SHES PA GAL CHE'O, , ` GANG ZAG GI BDAG 'DZIN LA PHUNG PO'I TSOGS PA DANG YA GYAL RGYUN SOGS GANG YANG MIN PA'I RANG DBANG BA'I GANG ZAG YOD PAR ZHEN PA MYONG BAS GRUB STE, MCHOG GZHAN DON DU GNYER PHYIR DANG, ZHES PA LTAR, DA LTA'I RANG GI PHUNG PO 'DI DANG, DE LAS BZANG BA'I PHUNG PO BRJE SA BYUNG NA NGES PAR BRJE BAR 'DOD LA, DA LTA'I SEMS DE DANG, DE LAS GSAL RNO BZANG BA ZHIG BRJE SA BYUNG NA TSONG BYED PA LTAR BRJE PHOD PA'I GANG ZAG CIG YOD PAR ZHEN PA'I PHYIR, BLO DE'I ZHEN YUL @160 MED PAR BSGRUB PA NI, THAR LAM GSAL BYED LAS RTAGS GNYIS BKOD DE RTAGS DANG PO'I CHOS CAN YOD PA BZUNG, GNYIS PA GZHI MA GRUB CHOS CAN DU BZUNG; SKABS 'DIR RANG BZHIN MED PA ZHES PA MED PA TZAM LA NGOS 'DZIN DGOS; 'OG TU BSHAD PA LTAR RTAGS TSAD MAS GRUB PA'I GZHI NI RANG DBANG BA'I BDAG GI DON SPYI LA BYED DGOS KYANG, MKHAS GRUB RJE'I SDE BDUN YID KYI MUN SEL LAS, DGAG PA GSAL BAR MDZAD, RTAGS GNYIS PA'I ZUR GNYIS PO'I ZHEN YUL MED PA NGES PAS KUN BTAGS KYI ZHEN YUL MED PA NGES, RTZA RTAGS DE'I ZHEN YUL MED PA NGES PAS LHAN SKYES KYI ZHEN YUL MED PA NGES GSUNGS SO, , DPYAD PA CUNG ZAD BYED NA BDAG 'DZIN KUN BTAGS KYI ZHEN YUL MED PA RTOGS NA BDAG MED RTOGS PAS MA KHYAB PAR THAL, 'DOD PA'I PHYIR, 'DOD NA, GANG ZAG GI BDAG 'DZIN KUN BTAGS DE GANG ZAG GI BDAG 'DZIN MA YIN PAR THAL, 'DOD PA'I PHYIR, 'DOD MI NUS TE, GANG ZAG GI BDAG 'DZIN LA DBYE NA KUN BTAGS DANG LHAN 'DZIN GNYIS YOD PA'I PHYIR, BDAG 'DZIN KUN BTAGS KYI ZHEN YUL MED RTOGS PA'I TSE BDAG MED PA RTOGS NA GANG ZAG GI BDAG 'DZIN LHAN SKYES KYI ZHEN YUL MED PA'ANG RTOGS DGOS PAS RTZA BA'I RTAGS KYI ZHEN YUL MED PAR RTOGS PAR 'GYUR BAS DPYOD LDAN RNAMS KYIS DPYAD PAR BYA'O, ,BDAG MED NYAMS SU LEN TSUL NI, DGAG BYA LEGS PAR NGOS ZIN NAS JI LTAR MTSAMS PA'I RIGS PA GTAN LA 'BEB PAS BDAG MED LA THOS BSAM GYIS SGRO 'DOGS BCAD; DE LAS SGOM BYUNG GI MYONG BA THON PA BYAS NAS RTZE GCIG TU YANG NAS YANG DU MNYAM PAR BZHAG , NAM ZHIG TSE BDAG MED LA DMIGS PA'I RNAL 'BYOR MNGON SUM THOB STE BDAG 'DZIN MA RIG PA SPANGS TE THAR PA'I GO 'PHANG THOB PAR BYED DO, ,KUN MKHYEN SGRUB PA'I TSUL YANG DE LA BRTEN NAS SHES NUS, @161 GNYIS PA RTZOD PA SPANG BA LA GSUM LAS, DANG PO, THAR PA MI SRID PAR THAL BA SPANG BA NI, RTZA BAR, 'KHOR PHYIR THAR PA MED CE NA, ,MED NA 'DOD DANG MA GRUB PHYIR, ,ZHES PAS, THAR PA LA SKUR BA 'DEBS PA RNAMS KYIS, GANG ZAG SNGAR MA THAR PA PHYI THAR PA MED PAR THAL, GANG ZAG DE NYID 'KHOR BA'I CHOS CAN YIN PA'I PHYIR ZHE NA, DE NI DRI MA SEMS KYI RANG BZHIN YIN PAS SEMS DANG 'BRAL MI RUNG BAS DRI MA ZAD PA'I GANG ZAG MED DE, SEMS MED PA'I GANG ZAG MED PA'I PHYIR SNYAM PA'O, ,SANGS RGYAS PAS, RTAGS DE THAR PA MED PAR BSGRUB MI NUS TE, GANG ZAG GI KHYAD PAR LA BLTOS NAS 'DOD LAN DANG RTAGS MA GRUB TU 'GYUR BA'I PHYIR, GANG ZAG GI KHYAD PAR LA BLTOS NAS ZHES PA DE RTZOD PA PO'I GANG ZAG MIN PAR RTZOD GZHI'I GANG ZAG LA 'JOG DGOS PAR, tIKA CHEN LAS SHIN TU GSAL, SNGAR MA THAR PA PHYI THAR PA'I BDAG RANG DBANG BA MED PAR THAL ZER NA 'DOD DANG, PHUNG PO'I RGYUN TZAM ZHIG 'KHOR BA YIN NA, THAR PA THOB PA MED PAR THAL, DE'I TSE NYER LEN GYI PHUNG PO RGYUN CHAD CING DE LAS GZHAN PA'I GANG ZAG MED PA'I PHYIR ZER NA RTAGS MA GRUB CES PA'O, ,LHAG MED MYANG 'DAS THOB PA'I TSE NA 'DUS BYAS RGYUN CHAD PAR 'DOD PA RNAMS KYIS LAN 'DEBS DKA'O; ;GNYIS PA THAR PA DON GNYER MI SRID PAR THAL BA SBANG BA NI, RTZA BAR, JI SRID BDAG CHAGS MA BCOM ZHING, , DE NI YONGS SU GDUNG 'GYUR BA, , DE SRID SDUG BSNGAL SGRO BTAGS NAS, , RANG BZHIN DU NI GNAS PA MED, , GROL BA PO NI MED NA YANG, , LOG PAR SGRO 'DOGS GZHOM PHYIR BRTZON, , @162 ZHES PAS, GAL TE, BDAG RTAG PA MED NA THAR LAM LA 'BAD PA DON MED PAR 'GYUR RO ZHE NA, GROL BA PO BDAG RTAG PA MED NA YANG BDAG TU LOG PAR SGRO BTAGS PA GZHOM DGOS PAS THAR LAM LA NGES PAR BRTZON DGOS SO, , SO SKYE RNAMS JI SRID BDAG LA CHAGS PA MA BCOM PA DE SRID DU SEMS RGYUD THAR PA'I RANG BZHIN DU BDE BAR GNAS PA MED KYI SDUG BSNGAL BA PO'I BDAG TU SGRO BTAGS NAS SDUG BSNGAL GYIS YONGS SU GDUNG BAR GYUR PA YIN PA'I PHYIR, ,DE NI BDAG 'DZIN MA SPANGS BAR DU 'KHOR BA'I SDUG BSNGAL LAS MI THAR PA DANG, ,BDAG 'KHOR BAR BCINGS PA DANG GROL BA PO BDAG RTAG PA MED NA'ANG THAR LAM NYAMS SU BLANG DGOS PAR BSTAN TE, DE DANG MTHUN PAR SPYOD 'JUG LAS, GAL TE SEMS CAN YOD MIN NA, , SU LA SNYING RJE BYA ZHE NA, , 'BRAS BU'I DON DU KHAS BLANGS PA'I, , RMONGS PAS BRTAGS PA GANG YIN PA'O, , SEMS CAN MED 'BRAS SU YI YIN, , BDEN TE 'ON KYANG RMONGS LAS 'DOD, , SDUG BSNGAL NYE BAR ZHI DON DU, , 'BRAS BU'I RMONGS PA BZLOG MI BYA, , ZHES GSUNGS, 'DIR RMONGS PA NI RTOG PA LA BYED DO, ,GSUM PA THAR PA THOB ZIN SRID PAR SKAD CIG KYANG GNAS PA MI SRID PAR THAL BA SPANG BA NI, RTZA BAR, 'DOD CHAGS BRAL BA'I GNAS PA NI, , BRTZE BA'AM YANG NA LAS KYIS YIN, , @163 'PHANGS LAS LDOG MED 'DOD PHYIR RO, , SRID PA'I SRID LAS RNAM BRGAL BA'I, , LAS GZHAN 'PHEN NUS MA YIN TE, , LHAN CIG BYED PA ZAD PHYIR RO, , ZHES PAS, GANG ZAG GI BDAG MED NA DGRA BCOM PA 'KHOR BAR SKAD CIG KYANG MI GNAS PA DGOS TE, BDAG GI BDE BA LA RE BA MED PA'I PHYIR ZHE NA, 'DOD CHAGS DANG BRAL BA'I DGRA BCOM PA CHOS CAN, SRID PAR GNAS PA'I RGYU YOD DE, BRTZE BA'I DBANG GI'AM YANG NA SNGON GYI LAS KYI DBANG GIS GNAS PA'I PHYIR; LHAG BCAS MYANG 'DAS LA GNAS PA'I DGRA BCOM PA DE RGYU GNYIS KA DANG LDAN; LAS KYIS 'PHANGS PA'I SKU TSE LHAG MA GNAS PA LA 'GAL BA MED DE, DE MA THAG LDOG PA MED PAR DGOS PA 'GA' ZHIG MTHONG STE GNAS PAR 'DOD PA'I PHYIR, GAL TE DGRA BCOM PA'ANG LAS KYI GZHAN DBANG CAN YIN NA YANG SRID PHYI MA 'PHEN PAR 'GYUR RO ZHE NA, SRID PA'I SRID PA LAS RNAM PAR BRGAL BA'I DGRA BCOM PA RNAMS CHOS CAN, LAS DES SRID PA GZHAN 'PHEN NUS MA YIN TE, DE'I LHAN CIG BYED PA'I RKYEN SRED PA ZAD PAR BCOM PA'I PHYIR, GNYIS PA 'GOG BDEN GYI ZHI BA'I RNAM PA LA, CHAGS BRAL NYES PA MA ZAD PAR THAL BA SPANG BA, SRID PA LAS MA GROL BAR THAL BA SPANG BA, BDAG 'DZIN SRID PA'I RGYU YIN PA LA HA CANG THAL BA SPANG BA'O, ,DANG PO BDAG LTA MA SPANGS PAR THAL BA NI, RTZA BAR, SDUG BSNGAL SHES PA 'GAL MED PAS, , 'DU BYED SNGA MA 'JUG PA CAN, , DNGOS CHOS BRTZE BA SKYE BA DE, , SEMS CAN RJES 'BREL CAN MA YIN, , @164 ZHES PAS, KHA CIG GIS, DGRA BCOM PA CHOS CAN, BDAG LTA MA SPANGS PAR THAL, SEMS CAN DU LTA BA YOD PA'I PHYIR, DER THAL, SEMS CAN LA BRTZE BA YOD PA'I PHYIR ZHE NA, DGRA BCOM PA'I BRTZE BA DE CHOS CAN, RANG DBANG BA'I SEMS CAN DU BLTA BA DANG RJES SU 'BREL BA CAN MA YIN TE, SEMS CAN SDUG BSNGAL GYIS GDUNGS PAR MNGON SUM DU SHES NAS DE LA 'GAL BA MED PA MNYAM PA NYID DU GOMS PA'I 'DU BYED SNGA MA'I RJES SU 'JUG PA CAN LAS SEMS KYI DNGOS PO'I CHOS SU SKYE BA CAN YIN PA'I PHYIR, YANG NA, KHYOD KYIS SEMS CAN GYI SDUG BSNGAL MNGON SUM DU SHES SHING RANG GI 'GAL ZLA ZHE SDANG MED PA'I 'DU BYED SNGA MA'I RJES SU 'JUG PA CAN GYI SEMS KYIS DNGOS PO'I CHOS SU SKYE BA DE YIN PA'I PHYIR, CHOS LA DMIGS PA'I SNYING RJE SKYE ZHES PA YIN, 'DOD CHAGS CAN DU THAL BA SPANGS PA NI, RTZA BAR, DE BDAG MIN PA'I CHOS LA NI, , BDAG GZHAN SGRO 'DOGS PA LAS CHAGS, , SDUG BSNGAL RGYUN RIG TZAM LAS NI, , BRTZE BA SKYE BAR 'GYUR BA YIN, , ZHES PAS, KHA CIG GIS, DGRA BCOM PA CHOS CAN, 'DOD CHAGS CAN DU THAL, SEMS CAN LA DON GNYER YOD PA'I PHYIR ZHE NA, SNYING RJE DANG 'DOD CHAGS RGYU DANG RNAM PA MI MTSUNGS PAR THAL, GTZANG BDE RTAG BDAG SOGS DE'I BDAG NYID MIN PA'I CHOS LA DER 'DZIN CING DA LTAR GYI BDAG DE NYID GZHAN DU GNAS PA'I SGRO 'DOGS PA LAS CHAGS PA SKYE, SDUG BSNGAL GYI PHUNG PO'I RGYUN RIG PA TZAM LAS BRTZE BA SKYE BAR 'GYUR BA YIN PA'I PHYIR, CHAGS BRAL ZHE SDANG CAN DU THAL BA SPANG BA NI, RTZA BAR, @165 GTI MUG NYES PA'I RTZA BA STE, , DE YANG SEMS CAN 'DZIN PA YIN, , DE MED NYES RGYU LAS KHRO MIN, , DES NA BRTZE BA NYES MED 'DOD, , CES PAS, KHA CIG GIS, DGRA BCOM PA CHOS CAN, ZHE SDANG CAN DU THAL; SEMS CAN LA GZHAN GYIS GNOD PA BYAS NA, ZHE SDANG SKYE BA'I PHYIR ZHE NA, DGRA BCOM PA LA NYES PA'I RGYU LAS KHRO BA SKYE BA MED DE, BDAG 'DZIN DE CUNG ZAD KYANG MED PA'I PHYIR, KHYAB PAR THAL, GTI MUG CHAGS SOGS NYES PA'I RTZA BA YIN LA, GTI MUG DE YANG SEMS CAN DU 'DZIN PA YIN PA'I PHYIR, KHYOD KYI RGYUD KYI BRTZE BA NYES MED DU 'DOD RIGS TE, NYON MONGS SPANGS PA DES NA'I PHYIR, GNYIS PA CHAGS BRAL NYES PA MA ZAD PAR THAL BA SPANG BA NI, RTZA BAR, GROL MED MA YIN MNGON 'DU BYED, , ZAD NAS GZHAN MTSAMS MI SBYOR PHYIR, , 'DU BYED NUS PA MA GRANG NA, , GANG DE GNAS PA NYES MED NYID, , SNYING RJE DMAN PA NYID PHYIR YANG, , GNAS PA'I 'BAD RTZOL CHEN PO MED, , GANG DAG BRTZE BA CHEN PO PA, , GZHAN GYI NGOR NI BZHUGS PA YIN, , ZHES PAS, DGRA BCOM PA LA SDUG BSNGAL YOD PAS DE DANG MA GROL BAR 'GYUR RO ZHE NA, DGRA BCOM PA CHOS CAN, SRID PA LAS GROL BA MED PA MA YIN @166 TE; NYON MONGS ZAD PAR BCOM PA'I SGO NAS SNGON GYI LAS KYI 'DU BYED KYI 'BRAS BU DE ZAD NAS SRID PA GZHAN NYING MTSAMS MI SBYOR BA'I PHYIR, SNGON GYI LAS KYIS 'PHANGS PA'I 'DU BYED KYI NUS PA MA ZAD NA YANG GANG DE SRID PA LAS MA GROL BA MA YIN TE, NYON MONGS KYIS PA CUNG ZAD KYANG MED PAR SPANGS PA NYID YIN PA'I PHYIR, SANGS RGYAS CHOS CAN, SRID PA JI SRID BAR GNAS PA 'DAM GYI PAD MA LTAR NYES PAS GOS PA MED PA NYID DE, TSOGS GNYIS KYI 'DU BYED KYI NUS PA YONGS SU RDZOGS PA MA ZAD CING ZAD PA MED PA'I PHYIR, DE LTAR NA RTAG TU GNAS PAR 'GYUR RO ZHE NA, NYAN RANG DGRA BCOM PA RNAMS SRID PAR CUNG ZAD GNAS KYANG MTHA' MED DU GNAS PA'I 'BAD RTZOL CHEN PO MED DE, SNYING RJE GOMS PAR BYAS KYANG GOMS PA DMAN PA'I PHYIR, SAR GNAS KYI BYANG SEMS GANG DAG NI SRID PAR GZHAN GYI DON GYI NGOR BZHUGS PA YIN TE, BRTZE BA CHEN PO GOMS PAR BYAS NAS MTHA' MED DU 'PHEL BA'I PHYIR, GZHUNG DE DAG NI NYAN RANG DGRA BCOM PA'I RGYUD LA SNYING RJE CHEN PO YOD PA DANG, DE YANG CHOS LA DMIGS PA'I SNYING RJE GTZO CHE BAR GSUNGS PAS SNYING RJE CHEN PO YOD PAR ZHAL GYIS BZHES PAS YIG CHA DANG MTHUN NO, ,GSUM PA BDAG 'DZIN SRID PA'I RGYU YIN PA LA HA CANG THAL BA SPANG BA NI, GAL TE 'JIG TSOGS LTA BRAL PHYIR, , LAM DANG POR NI SRID MED 'GYUR, , LHAN CIG SKYES PA MA SPANGS PHYIR, , SPANGS NA'ANG SRID PA GA LA YOD, , BDE BAR GYUR PA'ANG SDUG BSNGAL BAR, , MA GYUR CIG CES 'DOD PA NA, , NGA'O SNYAM PA'I BLO GANG DE, , @167 SEMS CAN LA BLTA LHAN CIG SKYES, , NGA ZHES MTHONG BA MED PA NI, , 'GA' YANG BDAG LA CHAGS MA YIN, , BDAG LA SRED PA MED PAR YANG, , BDE BA 'DOD PAS MNGON RGYUG MIN, , ZHES PAS, GAL TE 'JIG TSOGS LA BLTA BA 'KHOR BA'I RTZA BA YIN NA, MTHONG LAM DANG POR SKYES MA THAG NAS YANG SRID PHYI MA MTSAMS SBYOR BA MED PAR 'GYUR BAR THAL, 'JIG TSOGS LA LTA BA DANG BRAL BA'I PHYIR ZHES RTZOD DO, ,LAN NI, RGYAN ZHUGS CHOS CAN, 'JIG LTA SPANGS PA'I RGYU MTSAN GYIS YANG SRID PHYI MA MI LEN PA MA YIN PAR THAL, 'JIG LTA LHAN CIG SKYES PA MA SPANGS PA'I PHYIR, 'JIG LTA LHAN SKYES SPANGS NA YANG SRID PHYI MA SKYE BA GA LA YOD DE MED DO, , YANG NA, RGYUN ZHUGS MTHONG CHOS ZHI CHOS CAN, YANG SRID PHYI MAR SKYE BA GA LA YOD DE MED PAR THAL, MTHONG LAM THOB PA'I TSE DER 'JIG LTA SPANGS NAS MYANG 'DAS MNGON DU BYED NGES YIN PA'I PHYIR, YANG 'JIG LTA KUN BRTAGS 'BA' ZHIG YIN PAS SRID PA'I RGYU MA YIN NO ZHE NA, 'JIG LTA LHAN SKYES MED PA MA YIN TE; BDAG BDE BAR GYUR CIG SNYAM PA'AM SDUG BSNGAL BAR MA GYUR CIG ,CES YUL 'DOD PA NA, GRUB MTHA' BLTOS PA MED CING PHUNG PO LA BTAGS TZAM MIN PAR RANG DBANG BA'I NGA'O SNYAM DU 'DZIN PA'I BLO GANG YIN PA DE SEMS CAN LA BDAG TU LTA BA LHAN CIG SKYES PA YIN PA'I PHYIR, RGYUN ZHUGS SOGS 'GA' YANG BDAG LA CHAGS PA MA YIN PAR THAL, RANG DBANG BA'I TSUL GYIS NGA ZHES MTHONG BA MED PA'I PHYIR, 'DOD NA, GANG BDE BAR 'DOD PAS YANG SRID PHYI MAR MNGON PAR RGYUG PA MIN PAR THAL, BDAG LA SRID PA MED PA'I PHYIR, tIKA CHEN @168 LAS; NGA'O ZHES MTHANG ? BA MED PAR 'GA' YANG BDAG LA CHAGS PA MA YIN LA, BDAG LA SRED PA MED PAS BDAG GI BDE BA 'DOD PAS YANG SRID MNGON PAR RGYUG PA MIN NO, ,ZHES GSUNGS, SKABS 'DIR, NGA'O SNYAM PA'I BLO TZAM 'JIG LTA RU 'DOD PA DE DAG NI MI 'THAD DE, DGRA BCOM PA DANG, SANGS 'PHAGS KYI RGYUD LA NGA'I CHOS GOS DANG LHUNG BZED CES PA'I BLO YOD PA'I PHYIR, MA GRUB NA, DE DAG GI CHOS GOS DANG LHUNG BZED SOGS BRKUS PA'I PHAM PA MI 'BYUNG BAR THAL; BDAG GIR 'DZIN PA MED PA'I PHYIR, KHYAB STE, STON PA ZHAL BZHUGS DUS STON PA'I DKOR BRKUS NA PHAM PA 'BYUNG LA, STON PA MYA NGAN LAS 'DAS PA'I TSUL BSTAN RJES MI 'BYUNG BA'I KHYAD PAR 'THAD PA'I PHYIR, 'JUG PA LAS KYANG 'JIG TSOGS LTA DANG BRAL BA'I SANGS RGYAS KYIS, JI LTAR NGA DANG NGA YI BSTAN PA LTAR, ,ZHES GSUNGS PAS SO, ,GANG ZAG BDAG 'DZIN YIN NA 'JIG LTA YIN PAS MA KHYAB PA NI KUN GYI MTHUN SNANG DU GRUB LA, 'JIG LTA YIN NA GANG ZAG GI BDAG 'DZIN YIN PAS MA KHYAB PA YANG, RGYAL TSAB THAMS CAD MKHYEN PAS DKA' GNAS BRGYAD KYI ZIN BRIS LAS GSUNGS 'DUG PAS DPYAD DGOS; GSUM PA 'GOG BDEN GYI GYA NOM PA'I RNAM PA NI, RTZA BAR, SDUG BSNGAL SKYE BA'I RGYU NYID NI, , 'CHING YIN RTAG LA DE GANG LAS, , SDUG BSNGAL MI SKYE RGYU NYID NI, , THAR YIN RTAG LA DE GANG LAS, , MI RTAG NYID DU BRJED MED GANG, , DE NI 'GA' YI'ANG RGYU MA YIN, , BRJOD BYA MIN LA'ANG BCINGS DANG THAR, , @169 JI LTA BUR YANG YOD MA YIN, , GANG GI RANG BZHIN 'JIG MED PA, , DE LA MKHAS RNAMS RTAG CES BRJOD, , DES NA NGO TSA'I LTA BA 'DI, , SPONGS LA DE NI RTAG PAR SMROS, , ZHES PAS, GAL TE BDAG YOD NA GROL BA THOB PA DANG BDAG NYID YONGS SU TSIM PA'I KHYAD PAR THOB PAS GYA NOMS PA YOD KYANG, BDAG MED PAR DE LTAR MI 'THAD PAS BDAG RTAG PA YOD DO ZHE NA, YANG SRID PHYI MAR SDUG BSNGAL SKYE BA'I RGYU NI NYON MONGS GTZO BOR TE, SRID PAR 'CHING BYED YIN GYI RTAG PA LA 'CHING BYED GANG LAS KYANG MI RUNG BA'I PHYIR, YANG SRID PHYI MAR SDUG BSNGAL MI SKYE BA'I RGYU NYID NI, BDAG MED MNGON SUM DU RTOGS PA'I SHES RAB DANG, DE SRID PA LAS THAR BYED YIN GYI RTAG PA LA DE DAG GANG LAS KYANG MI RUNG BA'I PHYIR, GNAS MA BU PA NA RE, KHO BO CAG LA NYES PA DE DAG MED DE, GANG ZAG DE RTAG MI RTAG GANG DU YANG BRJOD DU MED PAR 'DOD PAS SO ZHE NA, GANG ZAG DE CHOS CAN, 'GA'I YANG RGYU MA YIN PAR THAL, MI RTAG PA NYID DU BRJOD DU MED PA'I PHYIR GANG ZAG DE LA BCINGS THAR JI LTA BUR YANG YOD PA MA YIN PAR THAL, RTAG MI RTAG GANG DU'ANG BRJOD BYA MIN PA'I PHYIR, RTAG PA YIN PAR THAL, BCINGS GROL GYI GZHI GANG ZHIG ,'JIG MED YIN PA'I PHYIR, KHYAB STE, GANG GI RANG BZHIN 'JIG PA MED PA'I CHOS DE LA MKHAS PA RNAMS RTAG PA ZHES BRJOD PA'I PHYIR, GNAS MA BU PA'I KHYOD KYIS DNGOS 'GAL LA PHUNG GSUM KHAS LEN PA'I NGO TSA'I LTA BA 'DI SPONGS LA GANG ZAG DE NI RTAG PAR SMRA RIGS PAR THAL, DE NI 'JIG PA MED PA'I DNGOS PO YIN PA DES NA'I PHYIR, GNAS MA BU PAS, GANG ZAG RTAG @170 MI RTAG GANG DU'ANG KHAS MI LEN PA GZHUNG 'DIS SGRUB, DE YANG LAS 'BRAS KYI RTEN DU KHAS LEN PA DANG, 'DUS BYAS THAMS CAD MI RTAG PA NI KHAS LEN DGOS TE; NANG PA'I GRUB MTHA' SMRA BA YIN PA'I PHYIR, YANG, SPYOD PA'I SGO NAS NANG PAR TSUD KYANG LTA BA'I SGO NAS NANG PAR MA TSUD PAR LEGS BSHAD GSER PHRENG LAS GSUNGS; 'GOG BDEN GYI RNAM PA NGES 'BYUNG NI LAM GYI SKABS SU NGES 'BYIN DANG PHYOGS GCIG TU BSHAD DO, ,BZHI PA LAM GYI BDEN PA LA, BDAG MED RTOGS PA'I SHES RAB SRID PA LAS GROL BA'I LAM DU BSGRUB PA, BDAG 'DZIN SRID PA'I RTZA BAR BSGRUB PA'O, ,DANG PO GROL LAM NGOS GZUNG BA NI, RTZA BAR, BSHAD ZIN LAM DE GOMS PA LAS, ,GNAS 'GYUR, ,ZHES PAS, SNGAR BSHAD ZIN PA'I BDAG MED MNGON GSUM DU RTOGS PA'I LAM DE CHOS CAN, SRID PA LAS GROL BA'I LAM YIN TE, BDAG 'DZIN GYI DNGOS GNYEN DU KHYOD GOMS PA LAS NYES PA MTHA' DAG ZAD NAS GNAS GYUR MTHAR PHYIN PA THOB PA'I PHYIR, GNYIS PA DE LA RTZOD PA SPANG BA LA GSUM, SPANGS PA SLAR LDOG PA'I RTZOD SPANG, DRI MA LDOG TU MI RUNG BA'I RTZOD SPANG, CUNG ZAD LDOG KYANG GTAN LDOG MI SRID PA'I RTZOD SPANG NGO, ,DANG PO LA, SPANGS PA MTHAR PHYIN LDOG MI SRID PA DANG, DE LDOG PA'I THABS MI SRID PA, BDAG MED RTOGS PA'I SHES RAB BDAG 'DZIN GYI GNYEN POR MI 'THAD PA SPANG BA'O, ,DANG PO LA, GNAS GYUR PA'I SEMS LA NYES PA BSKYED PA'I NUS PA MED PA, YOD KYANG YUN DU GNAS PA'I NUS PA MED PA'O, , DANG PO LA GSUM, MDOR BSTAN NI, RTZA BAR, GAL TE GNAS GYUR KYANG, LAM BZHIN SKYON NI 'BYUNG ZHE NA, ,MA YIN NUS PA MED PHYIR RO, ,ZHES PAS, GZHAN SDE RNAMS KYIS GAL TE NYES PA RNAMS RE ZHIG MED PAS GNAS GYUR KYANG LAM SNGAR MED GSAR DU 'BYUNG BA BZHIN DU SKYON CHAGS SOGS SLAR YANG 'BYUNG NGO ZHE @171 NA; RTZOD PA 'DI 'GOG BDEN GYI NGES 'BYUNG GI RNAM PA DANG, LAM BDEN GYI NGES 'BYIN GYI RNAM PA GNYIS MI 'THAD PA'I RTZOD PA'O, ,MTHONG LAM PA CHOS CAN, SPANGS ZIN PA'I NYES PA SLAR 'BYUNG BA MA YIN TE, ,BDAG MED RTOGS PA'I SHES RAB KYIS NYES PA BSKYED PA'I NUS PA YE MED DU BYAS PA'I PHYIR, GNYIS PA RGYAS BSHAD NI, RTZA BAR, RNAM SHES YUL 'DZIN PA YI CHOS, , JI LTAR YOD DE 'DZIN PA DANG, , YOD PA YI NI BDAG NYID DE, , 'DI YI SKYED PAR BYED PA'ANG YIN, , RANG BZHIN 'DI YIN 'DI LAS DE, , RKYEN GZHAN GYIS NI GOL 'GYUR ZHING, , LDOG PA LA NI RKYEN LA LTOS, , MI BRTAN SBRUL GYI BLO BZHIN NO, , ZHES PAS, SEMS KYI RANG BZHIN RNAM DAG TU BSTAN PA NI, GZUGS 'DZIN DBANG PO'I RNAM PAR SHES PA CHOS CAN, GZUGS DE'I GNAS LUGS LA JI LTAR YOD PA'I DON DE LTAR DU 'DZIN PA'I RANG BZHIN CAN YIN TE, YUL DE'I GNAS LUGS JI LTAR YOD PA LTAR DU 'DZIN PA DE KHYOD KYI CHOS SAM RANG BZHIN YIN PA'I PHYIR, GZUGS DE'I GNAS LUGS LA YOD PA YI BDAG NYID KYI DON DE JI LTAR YOD PA LTAR 'DZIN PA'I BLO 'DI YI BSKYED PAR BYED PA'ANG GZUGS 'DI'I RANG BZHIN YIN TE, GZUGS DE 'DRA'I RANG BZHIN CAN YIN PA'I PHYIR, MDO SDE BA'I LUGS LA, GZUGS 'DZIN MIG SHES KYIS GZUGS KYI GNAS LUGS JI LTAR GNAS PA LTAR RTOGS PA DANG, GZUGS KYANG RANG 'DZIN MIG SHES LA @172 RANG 'DRA RNAM PA JI LTA BA BZHIN DU BSTAN PA STE, DON DAM BDAN PA DANG, RANG MTSAN, DNGOS PO RNAMS DON GCIG TU 'DOD PA'I DON NO, ,YUL GYI GNAS LUGS MI RTAG PA DANG BDAG MED SOGS SNGAR NAS BLO MA 'KHRUL BAS MTHONG NA 'BAD MED DU GROL BAR 'GYUR RO ZHE NA, SKYON DE MED PAR THAL, SEMS DE BDAG 'DZIN SOGS RKYEN GZHAN GYI GNAS LUGS 'DI LAS GOL BAR 'GYUR BA'I PHYIR; 'PHRAL GYI RKYEN LAS 'BYUNG BAS CHU'I TSA BA BZHIN DU RANG LOG TU 'GYUR RO ZHE NA, MA YIN TE, DE LDOG PA LA NI RKYEN BDAG MED RTOGS PA'I SHES RAB GOMS PA LA BLTOS DGOS PA'I PHYIR, DE LTAR GOMS NA SKYON RNAMS LDOG TU MI RUNG BA MA YIN TE, BDAG 'DZIN GYI RTZA BA CAN YIN PAS MI BRTAN PA'I PHYIR, THAG PA LA SBRUL GYI BLO BZHIN NO, ,GSUM PA DON BSDU BA NI, RTZA BAR, SEMS KYI RANG BZHIN 'OD GSAL BA, , DRI MA RNAMS NI GLO BUR BA, , DE PHYIR SNGAR YANG NUS MED RNAMS, , DE BDAG GYUR LA PHYIS NUS MED, , CES PAS, SEMS KYI RANG BZHIN 'OD GSAL BA YIN TE, BDAG 'DZIN SOGS KYIS BSGRIBS PA DE LTAR SEMS KYI RANG BZHIN LA MA ZHUGS SHING, CHAGS SOGS DRI MA RNAMS NI GLO BUR BA YIN TE, SEMS KYI GNAS LUGS LA LOG PAR ZHUGS PA'I BLO YIN PA'I PHYIR, SNGAR THOS BSAM GYI DUS NA YANG BDAG 'DZIN LA BDAG MED RTOGS PA'I SHES RAB 'JOMS PA'I NUS PA MED PA DE'I PHYIR DUS PHYIS NYES PA DE RNAMS MED PA'I GNYEN PO'I BDAG NYID DU GYUR PA'I SEMS LA NYES PA BSKYED PA'I NUS PA MED DO, ,GNYIS PA YOD KYANG YUN DU GNAS PA'I NUS PA MED PA NI, RTZA BAR, @173 NUS YOD NA YANG GNOD PA CAN, , SKYED NUS SNYING PO CAN DNGOS LA, , YUN DU GNAS NUS YOD MIN TE, , SA RLON LA NI ME BZHIN NO, , ZHES PAS, PHYIR MI 'ONG GI SEMS LA NYES PA BSKYED PA'I NUS PA YOD NA YANG YUN RING DU GNAS PA'I NUS PA YOD PA MIN TE, BDAG 'DZIN LA GNOD PA CAN GYI BDAG MED MNGON SUM DU RTOGS PA'I SHES RAB SKYED PA'I NUS PA MTHU CAN DANG SNYING PO CAN GYI DNGOS POR GYUR PA'I PHYIR, DPER NA SA RLON LA ME YUN DU MI GNAS PA BZHIN NO, ,GONG GI SA BCAD DE GNYIS KYIS, BDAG MED MNGON SUM DU RTOGS PA'I SHES RAB STOBS CHE BAS BDAG 'DZIN DANG CHAGS SOGS NYON MONGS PA'I NYES PA RNAMS BSKYED PA'I NUS MED DU BYAS PA DANG, SKABS 'GAR NYES PA SKYES KYANG YUN RING GNAS MI NUS PA'I DPE DANG BCAS TE BSHAD DO, ,GNYIS PA SPANGS PA MTHAR PHYIN LDOG PA'I THABS MI SRID PA NI, RTZA BAR, 'TSE BA MED DANG YANG DAG DON, , RANG BZHIN LA NI PHYIN LOG GIS, , 'BAD DU ZIN KYANG MI ZLOG TE, , BLO NI DE PHYOGS 'DZIN PHYIR RO, , ZHES PAS, DGRA BCOM PA RNAMS CHAGS SOGS NYES PA LOG PA'I 'BAD PA MI BYED CING 'BAD KYANG MI LOG STE, 'GAL RKYEN NYER 'TSE MED CING YANG DAG PA'I DON RANG BZHIN LA NI BDAG 'DZIN SOGS PHYIN CIG LOG GIS SLAR LDOG MI NUS PA'I PHYIR TE, DE'I BLO NI RNAM PA KUN TU BDAG MED RTOGS PA'I SHES RAB DE'I PHYOGS SU 'DZIN PA'I PHYIR, LE'U DANG POR, NYES ZAD KYI SKYES BU SGRUB @174 PA'I SKABS DANG 'DRA'O, ,GSUM PA BDAG MED RTOGS PA'I SHES RAB BDAG 'DZIN GYI GNYEN POR MI 'THAD PA SPANG BA LA GSUM, DANG POR, 'DZIN STANGS 'GAL BA TZAM GYIS GNYEN POR MI RUNG BA NI, RTZA BAR, BDAG 'DZIN RGYU GCIG CAN NYID DANG, , RGYU DANG 'BRAS BU'I DNGOS PO'I PHYIR, , 'DOD CHAGS KHONG KHRO PHAN TSUN DU, , THA DAD NA YANG GNOD MA YIN, , BYAMS SOGS RMONGS DANG 'GAL MED PHYIR, , SHIN TU NYES PA TSAR GCOD MIN, , NYES KUN DE YI RTZA BA CAN, , DE YANG 'JIG TSOGS LTA BA YIN, , ZHES PAS, 'DZIN STANGS 'GAL BA TZAM GYIS GNOD BYED DU 'GYUR NA, CHAGS SDANG PHAN TSUN GNOD BYED DU 'GYUR BA DANG, BDAG 'DZIN KYANG BDAG MED RTOGS PA'I SHES RAB LA GNOD PAR 'GYUR RO ZHE NA, BDAG 'DZIN RGYU GCIG GI STOBS LAS SKYE BA CAN NYID DU MTSUNGS PA'I 'DOD CHAGS DANG KHONG KHRO GNYIS PHAN TSUN 'DZIN STANGS THA DAD PA YIN NA YANG GNOD BYA GNOD BYED DU MI 'GYUR TE, , DE GNYIS DNGOS KYI RGYU DANG DNGOS KYI 'BRAS BU'I DNGOS POR 'GYUR BA SRID PA'I PHYIR, DE LA, BDAG 'DZIN GYI DNGOS 'BRAS SU GYUR PA'I BDAG MED RTOGS PA'I SHES RAB YOD MED DANG PHAR PHYIN SKABS GZHI GRUB NA KHYOD BDEN PAR 'DZIN PA'I BDEN 'DZIN GYI ZHEN YUL MED PA STONG NYID YIN PAS KHYAB PA GSUNGS PAS, STONG NYID RTOGS PA'I SHES RAB BDEN PAR 'DZIN PA'I BDEN 'DZIN DE SHES RAB DE'I DNGOS 'BRAS YIN MIN, MA YIN NA SNGON 'DZIN MIG SHES SNGON PO'I DNGOS 'BRAS YIN @175 PA'I RGYU MTSAN GANG, GZHAN YANG MUN PA'I DNGOS 'BRAS SU GYUR PA'I SNANG BA MED PAR THAL, 'DOD PA'I PHYIR, 'DOD NA, MTSAN MO'I DNGOS 'BRAS SU GYUR PA'I NYEN MO MED PAR THAL, 'DOD NA, MTSAN MO LAS NYIN MO MI 'BYUNG BAR THA; 'DOD PA'I PHYIR, 'DOD NA, DBU MA'I GZHAN SKYES 'GOG PA'I SKABS MTHA' DPYOD LA LTA, GZHAN YANG, GSAD BYA GSOD BYED LA DNGOS RGYU DNGOS 'BRAS SU 'GYUR BA MED PAR THAL, GNOD BYA GNOD BYED LA DE LTAR 'GYUR BA MED PA'I PHYIR, RTAGS KHAS, 'DOD NA, NAG PA'I GSOD BYED DE NAG PA'I DNGOS RGYU MA YIN PAR THAL, 'DOD PA'I PHYIR, 'DOD NA, LE'U DANG POR, GSOD BYED BSAD PA NYID MA YIN, ZHES SOGS DANG 'GAL LO, ,BYAMS SOGS CHOS CAN; SHIN TU NYES PA BDAG 'DZIN TSAR GCOD PA'I GNYEN PO MIN TE, BDAG 'DZIN RMONGS PA DANG 'DZIN STANGS DNGOS SU 'GAL BA MED PA'I PHYIR, CHAGS SOGS NYES PA KUN MA RIG PA DE'I RTZA BA CAN YIN LA, MA RIG PA DE YANG 'JIG TSOGS LA LTA BA'I RANG BZHIN YIN PA'I PHYIR, 'JIG LTA MA RIG PAR 'DOD TSUL DPAL LDAN ZLA BA DANG SLOB DPON 'DI MTHUN LA, THOGS MED SKU MCHED SOGS MNGON PA GONG 'OG SKABS SU 'JIG LTA DANG MA RIG PA GNYIS RGYU 'BRAS SU BZHED TE; BDAG MED LA RMONGS PA'I SEMS BYUNG DE MA RIG PA DANG, DE'I DBANG GIS BDAG TU 'DZIN PA'I BLO DE 'JIG LTAR 'DOD PA'I PHYIR TE, THAG KHRA LA MUN PA ZHUGS PA'I DBANG GIS THAG KHRA SBRUL DU 'DZIN PA DANG 'DRA'O, ,GNYIS PA NYON MONGS CAN GYI MA RIG PA 'JIG LTA LAS RDZAS GZHAN MIN PAR BSGRUB PA NI, RTZA BAR, RIG PA'I MI MTHUN PHYOGS PHYIR DANG, , SEMS BYUNG NYID KYIS DMIGS PA'I PHYIR, , LOG PAR DMIGS NYID MA RIG PAR, , @176 GSUNGS PHYIR GZHAN NI RIGS MA YIN, , ZHES PAS, MA RIG PA DANG 'JIG LTA GNYIS GSAL BA DANG MI GSAL BA'I SEMS BYUNG YIN PAS GCIG TU BSHAD PA MI 'THAD CE NA, NYON MONGS CAN GYI MA RIG PA YANG RIG PA BDAG MED RTOGS PA'I SHES RAB KYI MI MTHUN PHYOGS SEMS BYUNG YIN PA NYID KYI DMIGS RNAM 'DZIN PA'I BLO YIN PA'I PHYIR, 'JIG TSOGS LA LTA BA YANG NYON MONGS CAN GYI MA RIG PA LAS GZHAN DU RIGS PA MA YIN PAR THAL, BDAG MED RTOGS PA'I SHES RAB LAS 'DZIN STANGS DNGOS SU LOG PAR DMIGS PA NYID MA RIG PA YIN PAR MDO LAS GSUNGS PA'I PHYIR, DE NI RANG SDES MA RIG PA DANG 'JIG LTA NGO BO THA DAD PAR 'DOD PA BKAG PA YIN NO, , GSUM PA BDAG MED RTOGS PA'I SHES RAB NYID 'DZIN STANGS 'GAL BA'I SGO NAS GNYEN POR BSTAN PA NI, RTZA BAR, 'GAL BA GANG YIN 'DIR BSHAD BYA, , STONG NYID LTA DANG DE 'GAL PHYIR, , DE YI RANG BZHIN NYES KUN DANG, , 'GAL BAR RAB TU GRUB PA YIN, , ZHES PAS, GONG DU BYAMS SOGS RMONGS DANG 'GAL MED PHYIR ZHE NA 'GAL BA GANG, NYON MONGS CAN GYI MA RIG PA DANG 'DZIN STANGS DNGOS SU 'GAL BA GANG YIN PA DE 'DIR BSHAD PAR BYA STE, STONG PA NYID DE GANG ZAG GI BDAG GIS STONG PA RTAGS PA'I LTA BA DANG DE 'DZIN STANGS DNGOS SU 'GAL BA'I PHYIR, DE 'DRA'I SHES RAB CHOS CAN, MA RIG PA DE'I RANG BZHIN DANG DE'I 'BRAS BU NYES PA CHAGS SOGS KUN DANG 'GAL ZHING GNOD PAR RAB TU GRUB PA YIN TE, MA RIG PA DANG 'DZIN STANGS DNGOS SU 'GAL BA'I SGO NAS DE LA GNOD PA'I PHYIR, @177 BDAG MED RTOGS PA'I YE SHES CHOS CAN, NYER LEN GYI PHUNG PO LA GNOD PAR THAL, DE'I RGYU BDAG 'DZIN LA GNOD PA'I PHYIR, RTAGS SLA, 'DOD NA, DAL 'BYOR GYI CHOS BCO BRGYAD DANG LDAN PA'I MI'I LUS LA GNOD PAR THAL, 'DOD PA'I PHYIR, 'DOD NA, LUS DE'I 'JOMS BYED YIN PAR THAL, 'DOD NA, DE 'DRA'I LUS DE DGE BA STOBS CHEN BSAGS NAS BSGRUB DGOS PA MA YIN PAR THAL, 'DOD PA'I PHYIR; 'DOD MI NUS TE, SPYOD 'JUG LAS, DAL 'BYOR DE NI SHIN TU RNYED PAR DKA', ,ZHES GSUNGS PA'I PHYIR, GZHAN YANG, BDAG MED RTOGS PA'I SHES RAB KYIS, LHA MI'I SKYE BA 'PHEN BYED KYI DGE BA'I LAS LA GNOD PAR THAL; LAS DE'I RGYU BDAG 'DZIN LA GNOD PA'I PHYIR, RTAGS KHYAB KHAS, 'DOD NA, BDE 'GRO'I 'PHEN BYED KYI TSUL KHRIMS LA GNOD PAR THAL, 'DOD PA'I PHYIR, 'DOD NA, SHES RAB KYI BSLAB PAS TSUL KHRIMS KYI BSLAB PA LA GNOD PAR KHAS LEN DGOS PAS SHIN TU THA CHAD DO, ,GNYIS PA DRI MA LDOG TU MI RUNG BA'I RTZOD SPANG NI, RTZA BAR, ZAD MIN SROG CHAGS CHOS NYID PHYIR, , GZUGS SOGS BZHIN MIN MA GRUB PHYIR, , GNYEN PO'I PHYOGS DANG 'BREL BA NA, , LDOG PA DAG KYANG MTHONG PHYIR RO, , ZHES PAS, GZHAN SDES, NYES PA GTAN ZAD PA MIN TE, SROG CHAGS KYI CHOS NYID YIN PA'I PHYIR, BUM PA'I GZUGS SOGS BUM PA DANG 'BRAL MI RUNG BA BZHIN NO ZHE NA, DE LTAR MA YIN PAR THAL, RTAGS MA GRUB PA'I PHYIR TE, GNYEN PO BDAG MED RTOGS PA'I SHES RAB KYI PHYOGS DANG 'BREL BA NA YE NAS LDOG PA DAG KYANG TSAD MAS MTHONG BA'I PHYIR, GSUM PA CUNG ZAD LDOG KYANG GTAN @178 LDOG MI SRID PA'I RTZOD SPANG NI, RTZA BAR, NYES PA RNAM PAR 'GAGS PA NI, , SRA ZHING SLAR YANG SKYE MED DE, , DE BDAG NYID KYI 'BRAL MED DANG, , THAL BA BZHIN DU MA NGES PHYIR, , ZHES PAS, GZHAN SDES, NYES PA RE ZHIG ZAD KYANG GSER GYI SRA BA BZHIN DU SLAR YANG LDOG GO ZHE NA, NYES PA GNYEN PO'I STOBS KYIS RNAM PAR 'GAGS SHING ZAD PA NI, GSER GYI SRA BA BZHIN DU SLAR YANG SKYE BA MED PAR THAL, GNAS GYUR MTHAR PHYIN PA'I SEMS LA BDAG MED RTOGS PA'I SHES RAB 'BRAL DU MED PA'I PHYIR, DE DE'I BDAG NYID KYI NGANG GCIG TU GYUR PA NYID KYIS SO, , GNOD BYED LOG NA GNOD BYA LDOG PA'I NGES PA MED PAR THAL, ME LOG KYANG THAL BA SHING DU MI LDOG PA BZHIN DU MA NGES PA'I PHYIR, GNYIS PA BDAG 'DZIN SRID PA'I RTZA BAR BSGRUB PA LA BDAG 'DZIN NYES PA KUN GYI RTZA BAR BSTAN PA DANG, BDAG 'DZIN MA SPANGS PAR THABS GZHAN BSGOMS KYANG SRID PA LAS GROL BA MI SRID PA'O, , DANG PO LA GNYIS LAS, SDUG BSNGAL GYI RTZA BAR BSTAN PA NI, RTZA BAR, GANG ZHIG BDAG MTHONG DE LA NI, , NGA ZHES RTAG TU ZHEN PAR 'GYUR, , ZHEN PAS BDE LA SRED 'GYUR TE, , SRED PAS SKYON RNAMS SGRIB PAR BYED, , YON TAN MTHONG BAS YONGS SRED PA, , NGA YI ZHES DE'I SGRUB BYED LEN, , @179 DES NA BDAG LA MNGON CHAGS PA, , DE SRID DE NI 'KHOR BAR 'GYUR, , ZHES PAS, GANG ZAG GANG ZHIG GANG ZAG GI BDAG MTHONG ZHING ZHEN PA DE LA NGA ZHES RTAG TU BDAG DANG MI 'BRAL BA'I SRED ZHEN SKYE BAR 'GYUR RO, ,BDAG DANG MI 'BRAL BAR ZHEN PAS BDAG GI BDE BA LA SRED PAR 'GYUR BA'O, ,DE'I DBANG GIS DBANG SOGS BDAG GI BA LA YOD PA'I SKYON RNAMS SGRIB PAR BYED, MED PA'I YON TAN MTHONG BAS YONGS SU SRID PAR 'GYUR TE, BDAG GI BDE BA LA SRED PA'I PHYIR, DES NA NGA'I ZHES BDAG DA'I SGRUB BYED LEN PA LA 'JUG PAR 'GYUR TE; YON TAN MTHONG BAS YONGS SU SRED PAR 'GYUR BAS SO, ,BDAG LA CHAGS PA CAN GYI SO SO SKYE BO YIN PA DES NA'I PHYIR, 'KHOR BAR 'KHOR BAR 'GYUR RO, , KHYAB STE BDAG LA MNGON PAR CHAGS PA CUNG ZAD KYANG MA SPANGS PA DE SRID DU 'KHOR BAR 'KHOR BA'I PHYIR, GZHAN SDE LA KUN BYANG GNYIS LA BRTEN PA'I 'GAL 'DU GNYIS YOD DE, 'KHOR BA'I SDUG BSNGAL RGYUN CHAD PAR 'DOD PA DANG, BDAG DANG GTZO BO LA SOGS PA RTAG PAR 'DOD PA 'GAL TE, RTAG PA'I DNGOS PO DUS NAM YANG LDOG PA MI SRID PA'I PHYIR, SDUG BSNGAL GYI PHUNG PO 'GAGS PA'I THAR PA THOB PAR 'DOD PA DANG, GANG ZAG GI BDAG RIGS PAS GRUB PA 'GAL TE, GANG ZAG GI BDAG 'DZIN YOD NA, 'KHOR BA'I SDUG BSNGAL MI 'DOD BZHIN DU NAN GYIS BSKYED PA'I PHYIR, GNYIS PA NYON MONGS KUN GYI RTZA BA BSTAN PA NI, RTZA BAR, BDAG YOD NA NI GZHAN DU SHES, , BDAG GZHAN CHA LAS 'DZIN DANG SDANG, , DI DAG DANG NI YONGS 'BREL LAS, , NYES PA THAMS CAD 'BYUNG BAR 'GYUR, , @180 ZHES PAS, BDAG TU 'DZIN PA YOD NA, GZHAN DU 'DU SHES PA 'BYUNG, DE LAS BDAG GZHAN NGO BO NYID KYIS RIGS DANG CHA SO SOR PHYE BA LAS RANG PHYOGS LA 'DZIN CING CHAGS PA DANG, GZHAN PHYOGS LA SDANG BA'I CHAGS SDANG 'DI DAG DANG RGYUD YONGS SU 'BREL BAR 'GYUR BA'I PHYIR, CHAGS SOGS NYES PA THAMS CAD 'BYUNG BAR 'GYUR RO, ,GNYIS PA BDAG 'DZIN MA SPANGS PAR THABS GZHAN BSGOMS KYANG SRID PA LAS GROL BA MI SRID PA LA, BDAG KHAS BLANGS NAS BDAG GI BA LA ZHEN PA SPANG BA TZAM GROL LAM DU MI RUNG, DBANG PHYUG GI BKA' LUNG TZAM GROL LAM DU MI RUNG, LAS DANG LUS ZAD BYED TZAM GROL LAM DU MI RUNG BA'O; ;DANG PO LA, BDAG 'DZIN MA SPANGS PAR BDAG GI BA LA CHAGS BRAL MI SRID, SRID NA GROL BA'I BDAG KHAS BLANGS PA DON MED DU 'GYUR BA, DES NA 'JIG LTA SPONG DGOS PAR BSTAN PA'O, ,DANG PO LA GSUM, RTAGS DGOD PA NI, RTZA BAR, NGES PAR BDAG LA CHAGS PA NI, , BDAG GI LA CHAGS MI 'BRAL ZHING, , NYES MED BDAG LA CHAGS PA DANG, , BRAL BA'I RGYU YANG YOD MA YIN, , ZHES PAS, GANG ZAG GI BDAG YOD PAR SGRUB BYED KYI SKYES BU DE GRUB MTHA' DE MA DOR BAR BDAG GI BA LA CHAGS PA DANG MI 'BRAL TE, NGES PAR BDAG LA GRUB MTHA'I DBANG GIS KYANG CHAGS SHING ZHEN PA YIN PA'I PHYIR, BDAG LA CHAGS PA DANG BRAL BA'I RGYU YANG DE SRID DU YOD PA MA YIN PAR THAL, BDAG DE 'KHOR BA'I RNAM 'TSE SOGS KYI NYES PA CUNG ZAD KYANG MED PA'I SKYES BU YIN PA'I PHYIR, BDAG RTAG PAR KHAS LEN PAS SO, ,GNYIS PA DE LA RTZAD PA SPANG BA LA, @181 BDAG SKYON MED YIN YANG DE LA ZHEN PA SPANG BA GROL LAM DU MI 'THAD, SDUG BSNGAL GYIS SDUG BSNGAL SGOM PA GROL LAM DU MI 'THAD PA'O, ,DANG PO LA GNYIS, DRIS LAN GYIS DGAG PA NI, RTZA BAR, GAL TE CHAGS PA SKYON BCAS NA, , DE LAS CIR GYUR DE SPONG 'GYUR, , 'DI YUL SUN PHYUNG MED PAR NI, , DE SPONG BA NI NUS MA YIN, , YON TAN SKYON DANG RJES 'BREL BA'I, , 'DOD DANG SDANG SOGS SPONG BA NI, , DE DAG YUL LA MA MTHONG BAS, , YIN GYI PHYI TSUL GANG GIS MIN, , CHAGS YON TAN GYIS CHAGS MIN GYI, , DON GYI YON TAN MTHONG BAS YIN, , MA TSANG MED RGYU DE LA NI, , 'BRAS BU GANG GIS BZLOG PAR BYED, , CES PAS, GAL TE BDAG DANG BDAG GI BA SKYON MED YIN YANG BDAG LA CHAGS NA 'KHOR BAR 'KHOR BAS SKYON BCAS SU BSAM PAR BYA'O ZHE NA, DE LTAR BSAM PAS DE LA CIR 'GYUR, DE LTAR MTHONG BAS CHAGS PA SPONG BAR 'GYUR RO ZHE NA, BDAG LA CHAGS PA DE CHOS CAN, KHYOD SKYON CAN DU SGOM PA TZAM GYIS SPONG BAR NUS PA MA YIN PAR THAL, KHYOD KYI ZHEN YUL BDAG DE RIGS PAS SUN PHYUNG BA MED PAR MA ZAD, SKYON MED DU BSGRUBS PA LAS KHYED 'BYUNG BA'I PHYIR, KHYAB TE, YUL DE LA YON TAN DANG SKYON MTHONG BA LAS RJES SU 'BREL BA'I 'DOD @182 PA DANG SDANG BA SOGS SPONG BA NI, JI LTAR GZUNG BA LTAR SKYON YON DE DAG YUL DE LA MA MTHONG BAS SPONG BA YIN GYI, PHYI ROL TSER MA 'DON PA'I TSUL DAG GIS SPONG BA MIN PA'I PHYIR, BDAG LA CHAGS PA CHOS CAN, KHYOD SKYON CAN DU BLTAS PA TZAM GYIS KHYOD SPONG NUS PA MA YIN TE, YON TAN CAN DU MTHONG BA TZAM GYIS KHYOD BYUNG BA MIN GYI, ZHEN DON GYI BDAG YON TAN CAN DU MTHONG BAS 'BYUNG BA'I PHYIR, DPER NA, CHANG GI SKYON MTHONG YANG, CHANG GI RO LA CHAGS PAS CHANG MTHONG BA BZHIN NO, ,CHAGS SDANG SOGS KYI SKYON MTHONG BZHIN DU CHAGS SDANG GI GZHI LA DBANG MED DU ZHUGS PA MNGON SUM GYIS MYONG BAS GRUB PAS, DE DAG SPANG BA LA RTZA BA BDAG 'DZIN GYIS ZHEN YUL SUN PHYUNG DGOS PA YIN NO, BDAG KHAS LEN PA'I SKYES BU CHAGS PA'I RGYU MA TSANG BA MED PA'I DNGOS RGYU BDAG LTA DE LA SKYON MED DU 'DZIN PAS, 'BRAS BU CHAGS PA GANG THABS GANG GIS KYANG ZLOG PAR BYED MI NUS SO, ,DNGOS RGYU TSANG BA DE LA 'BRAS BU 'BYUNG NGES YIN PAS KHYAB PA SKABS 'DIR BSTAN, GNYIS PA DE'I LAN DGAG PA NI, RTZA BAR, CHAGS LA SKYON YANG GANG ZHIG MTHONG, , GAL TE SDUG BSNGAL RTEN ZHE NA, , DE LTA'ANG 'DI LA CHAGS BRAL MIN, , BDAG GIR MTHONG PHYIR DPER BDAG BZHIN, , GAL TE DE MED BDAG SDUG BSNGAL, , RGYU MED DE YANG DE DANG 'DRA, , DE LTAR GNYIS KA'ANG SKYON MED PA, , DE PHYIR GNYIS LA CHAGS BRAL MIN, , ZHES PAS, BDAG LA CHAGS PA LA SKYON YANG GANG ZHIG MTHONG STE MTHONG MI @183 SRID PAR THAL, GROL BA'I BDAG LA DON GNYER YOD PA'I PHYIR, GAL TE DES SRID PA'I SDUG BSNGAL GYI RTEN YIN ZHE NA, SDUG BSNGAL GYI RTEN BYED PA DE LTA'ANG CHAGS PA DANG BRAL BAR BYA BA MIN PAR, 'DI LA NGA'I BLO ZHES BDAG GI BA MTHONG BA'I PHYIR, BDAG TU GRUB PA GZUNG BAS BDAG LA CHAGS PA DANG MI 'BRAL BA BZHIN NO, ,GAL TE ZHEN CHAGS DE MED PA'I BDAG YAN GAR BA SDUG BSNGAL GYI RGYU MIN PAS SKYON MED CE NA, ZHEN CHAGS SOGS DE YANG DE DANG 'DRA BAR SKYON MED DU THAL, BDAG MED PA'I KHYOD YAN GAR BA SDUG BSNGAL GYI RGYU MIN PA'I PHYIR, DE LTAR BDAG DANG BDAG GI BA GNYIS KA'ANG SKYON MED PA DE'I PHYIR, BDAG DANG DE LA ZHEN PA GNYIS KA CHAGS PA DANG BRAL BAR BYA BA MIN PAR 'GYUR RO, ,GNYIS PA SDUG BSNGAL GYI SDUG BSNGAL SGOM PA GROL LAM DU MI 'THAD PA LA, BYE BRAG PA'I LUGS DGAG PA, GRANGS CAN GYI LUGS DGAG PA, SDUG BSNGAL SGOM PAR GSUNGS PA DANG 'GAL BA SPANG BA'O, ,DANG PO LA GNYIS, DPE DGAG PA DANG, DON DGAG PA'O, ,DANG PO LA GNYIS, RANG LUGS LA BDAG GI BA LA ZHIN PA 'DOR BA'I RGYU MTSAN 'THAD PA NI, RTZA BAR, GAL TE SBRUL BZUNG YAN LAG BZHIN, , SDUG BSNGAL BSGOMS PAS SPONG 'GYUR NA, , BDAG GI BA BLO BCOM PAS 'DI, , 'DOR BA YIN GYI BZLOG LA MIN, , DBANG PO LA SOGS LONGS SPYOD KYI, , RTEN NYID DU NI BZUNG BA LA, , RANG BLO GANG GIS BZLOG 'GYUR TE, , DE LA CHAGS BRAL DE GANG LAS, , LUS LAS BOG PA'I SKRA SOGS LA, , @184 YID BYUNG BLO NI SKYED 'GYUR ZHING, , GZHAN LA ZHEN BCAS SKYE 'GYUR BA, , THAMS CAD KYI NI MNGON SUM YIN, , ZHES PAS, BYE BRAG PAS, GAL TE KHO BO CAG LTAR NA, DUG SBRUL GYI SOS BZUNG BA'I SOR MO LA SOGS PA BZHIN DU, DBANG SOGS BDAG GI BA DANG BDAG LA CHAGS PA SDUG BSNGAL GYI RGYUR SGOMS PAS SPONG BAR 'GYUR BAS ZHEN YUL BKAG PA MI DGOS SHE NA, YID 'BYUNG TSUL DE SDUG BSNGAL GYI SDUG BSNGAL LA YID 'BYUNG BA TZAM YIN PAS 'KHOR BA LAS GROL MI NUS SO, ,DUG SBRUL GYI SOS BZUNG BA'I SOR MO CHOS CAN, KHYOD LA BDAG GI BAR ZHEN PA LAS MA LDOG BZHIN DU SKYON DU BLTAS PA TZAM GYIS KHYOD LA CHAGS BRAL DU 'GYUR BA MIN PAR THAL, BDAG GI BAR 'DZIN PA'I BLO BCOM PAS KHYOD LA ZHEN PA 'DI, 'DOR DGOS PA YIN PA'I PHYIR, NAD KYIS BTAB PA'I MGO BO LA BDAG GI BA'I BLO MA 'DOR BAR DU SDUG BSNGAL SPONG BAR MI NUS PA BZHIN NO, MIG GI DBANG PO LA SOGS PA CHOS CAN; BDAG LA NYER 'KHO MDOR DE SRID DU RANG GI BA 'DZIN PA'I BLO THABS GANG GIS KYANG BZLOG PAR 'GYUR TE MI 'THAD PAR THAL, KHYOD BDAG BDE BA LA LONGS SPYOD PA'I RTEN NYID DU GZUNG BA'I PHYIR, DES NA KHYOD LA CHAGS BRAL DE GANG LAS KYANG MI 'THAD DO, ,LUS LAS BOG PA'I SKRA SEN SOGS BDAG GI NYER MKHOR MA GZUNG BA LA YID 'BYUNG GI BLO SKYE BAR 'GYUR ZHING NYER 'KHOR GZUNG BA'I LUS GZHAN LA ZHEN BCAS SKYE BAR 'GYUR BA THAMS CAD KYIS MNGON SUM GRUB PAS, BDAG GI NYER 'KHOR GZUNG BA RNAMS ZHEN PA'I RGYU YIN GYI, DE LTAR MA GZUNG BA MIN NO, GNYIS PA GZHAN LUGS LA MI 'THAD PA LA, 'DU 'BREL SOGS ZHEN PA SKYE BA'I RGYUR MI 'THAD PA DANG, DE'I LAN DGAG PA'O, ,DANG POR, @185 RTZA BAR, DE LA 'DU SOGS 'BREL BA LAS, , RANG GI BLO NI SKYE 'GYUR BA'I, , 'BREL TE DE BZHIN NYID GNAS PHYIR, , MTHONG DU ZIN KYANG SPONG MI 'GYUR, , 'DU BA LA SOGS MED NA YANG, , PHAN 'DOGS NYID NI KUN LA YOD, , CES PAS, BDAG GI BA SDUG BSNGAL MTHONG DU ZIN KYANG ZHEN PA SPONG BAR MI 'GYUR TE, BDAG DE LA 'DU BA DANG LDAN PA LA SOGS PA 'BREL BA LAS DBANG SOGS LA RANG GI BA'I BLO SKYE BAR 'GYUR BA GANG ZHIG ,'BREL BA DE SNGAR SDUG BSNGAL MA SGOM PA'I GONG DU DE BZHIN NYID DU RTAG PAR GNAS PA'I PHYIR, SDUG BSNGAL RTAG PAR GNAS NA SGOM PA DANG MA SGOM PA'I SKABS THAMS CAD DU SPONG MI NUS SO, , PHYI ROL GYI ZAS GOS SOGS BDAG LA 'DU BA LA SOGS PA'I 'BREL BA MED NA YANG BDAG LA PHAN 'DOGS BYED NYID DU YOD PA MTHONG BA LAS BLO SKYE BA'I PHYIR, KUN LA ZHES MTHA' DAG GO ,BYE BRAG PA'I LUGS LA, BDE SDUG SOGS BDAG LA 'DU 'BREL DANG, LUS DANG RNA SOGS LDAN 'BREL DANG, LUS LA BRTEN PA'I GZUGS SOGS LDAN PA LA 'DU BA'I 'BREL BA DANG, GZUGS NYID LA SOGS PA LDAN PA LA 'DUS PAR 'DU BA DANG, MIG SOGS BDAG LA LDAN PA LA LDAN PA'I 'BREL BA GRUB, PHYI ROL GYI ZAS GOS SOGS NA BDAG LA 'DU LDAN GYI 'BREL BA MED DO, ,GNYIS PA DE'I LAN DGAG PA NI, RTZA BAR, SDUG BSNGAL BSKYED PHYIR SOR MO BZHIN, , RANG GI BLO NI MI 'GYUR NA, , @186 GCIG TU DE NI SDUG BSNGAL MIN, , PHAL CHER BDAG BCAS ZAS BZHIN NO, , KHYAD PAR CAN BDE LA CHAGS PAS, , DE 'GAL BA LA CHAGS BRAL 'GYUR, , KHYAD PAR CAN BDE LA SRED PAS, , BDE BA CUNG ZAD YONGS SU SPONG, , BSAM MED BDAG LA CHAGS PA YIS, , JI LTAR RNYED BZHIN LA 'JUG STE, , BUD MED DAG NI MA RNYED PAR, , DUD 'GRO LA 'DOD SPYOD MTHONG BZHIN, , ZHES PAS, DBANG PO LA SOGS PAS BDAG LA PHAN PA MTHONG YANG SDUG BSNGAL BSKYED PA'I PHYIR, DUG GIS BZUNG BA'I SOR MO BZHIN DU ,RANG GI BA'I BLO SKYES BAR MI 'GYUR RO ZHE NA, DBANG SOGS DE NI GCIG TU SDUG BSNGAL KHO NA'I RGYU MIN TE, RE 'GA' BDE BA'I RGYU BYED PA'I PHYIR, DUG BCAS KYI ZAS BZHIN DU PHAL CHER SDUG BSNGAL GYI RGYU YIN PAS ZHEN PA 'DOR RO ZHE NA, PHAL CHER SDUG BSNGAL GYI RGYU YIN YANG ZHEN PA MI SKYE BAS MA KHYAB PAR THAL, KHYAD PAR CAN GYI BDE BA LA CHAGS PAS DE DANG 'GAL BA PHAL PA'I BDE BA LA CHAGS PA DANG BRAL BAR 'GYUR YANG, DE MA RNYED NA PHAL PA'I BDE BA LA CHAGS PA MTHONG BA'I PHYIR, DER THAL, KHYAD PAR CAN GYI BDE BA BSKYED PA'I ZAS SOGS RNYED NA DE LA SRED PAS BDE BA CUNG ZAD TZAM SKYES PA YONGS SU BZUNG LA, MA RNYED NA DUG BCAS KYI ZAS LA YANG LONGS SPYOD PA MTHONG BA'I PHYIR, SO SO SKYE BO THA MAL PA NI, KHYAD PAR CAN MA RNYED NA, JI LTAR RNYID PA BZHIN BDE BA'I RGYU LA 'JUG STE, THAR PA'I BDE BA LA RNAM DPYOD KYI BSAM PA MED CING, BDAG LA CHAGS PA CUNG ZAD @187 KYANG MA SPANGS PA'I PHYIR, DPER NA 'DOD LDAN DAG BUD MED MA RNYED PAR DUD 'GRO LA 'DOD PA SPYOD PA MTHONG BA BZHIN NO, ,GNYIS PA DON DGAG PA LA, RTAG PA'I SKYES BUS SDUG BSNGAL SGOM PA MI SRID, SDUG BSNGAL SGOM PA TZAM GYIS GROL NA HA CANG THAL BA, DBANG SOGS SKYON CAN DU MTHONG BA TZAM GYIS DE LA ZHEN PA LDOG PA LA MNGON SUM GYIS BSAL BA BSTAN PA'O, ,DANG PO LA, BDAG MI RTAG PAR THAL BA DANG, BDAG YOD NA ZHEN PA'I GNYEN PO BSTEN PA 'BRAS BU MED PA'O, ,DANG PO NI, RTZA BAR BDAG NI 'DOD PA GANG YIN TE, , JI LTAR DE NI 'JIG PAR 'DOD, , MYONG BA DANG NI THA SNYAD DANG, , YON TAN KUN GYI RTEN LOG PA, , JI LTAR ZHEN PA YIN 'DOD DE, , ZHEN PA'I RANG BZHIN DE 'DRA MIN, , ZHES PAS, GANG ZAG GI BDAG NI 'DOD PA GANG YIN PA DE, JI LTAR SDUG BSNGAL BSGOMS PAS BDAG CHAGS BRAL DU 'GYUR BA MI SRID PAR THAL, BDAG DE NI 'JIG PAR 'DOD MI RIGS PA'I PHYIR TE, BDE SDUG MYONG BA DANG, BLANG DOR GYI THA SNYAD DANG, BRTZE BA DANG SHES RAB LA SOGS PA'I YON TAN KUN GYI RTEN YIN PA LOG PA'I PHYIR, KHYAB STE BDAG SMRAS ZHEN PA'I RANG BZHIN GYI BDAG DE 'DRA MIN PAR BCINGS GROL KUN GYI GZHIR RTAG PAR KHAS LEN PA'I PHYIR, GNYIS PA BDAG YOD NA ZHEN PA'I GNYEN PO BSTEN PA 'BRAS BU MED PA NI, RTZA BAR, RNAM PA KUN TU BDAG 'DZIN NI, , BDAG LA CHAGS PA BRTEN PAR BYED, , DE NI BDAG GIR ZHEN PA YIN, , @188 SA BON GNAS SKABS DE NYID GNAS, , BRTZON YANG YON TAN CHA BRTEN NAS, , 'JUG LDAN BDAG GI BA LA NI, , CHAGS BRAL GEGS BYED PA NYID DANG, , DE YI SKYON YANG BSGRIBS PA YIN, , GAL TE BDAG LA'ANG CHAGS BRAL NA, , DA NI CHAGS BRAL GANG YIN MED, , DE NI JI LTAR BDAG 'DOR BA, , SDUG BSNGAL BSGOM PA DON YOD 'GYUR, , ZHES PAS, GROL BA'I BDAG DE NI CHOS CAN, BDAG GIR ZHEN PA'I GNAS SKABS DE NYID DU GNAS PAR THAL, RNAM PA KUN TU BDAG TU 'DZIN PA LAS MA 'PHOS PA'I PHYIR, KHYAB STE, DE BDAG LA CHAGS PA BRTAN PAR BYED PA'I RGYU YIN LA, DE NYID BDAG GIR ZHEN PA'I SA BON MTHU CAN YIN PA'I PHYIR, THAR 'DOD KYI SKYES BU CHOS CAN, BDAG 'DZIN MA SPANGS NA, BDAG GI BA SDUG BSNGAL DU BSGOM PA LA BRTZON YANG CHAGS PA GTAN ZAD DU MI 'GYUR BAR THAL, RANG RGYUD KYI BDAG LTA DE'I DBANG GIS BDAG GI BA LA CHAGS BRAL DU 'GYUR BA'I GEGS BYED CING, DE'I SKYON YANG SGRIB PA YIN PA'I PHYIR, DER THAL, DE'I DBANG GIS BDAG GI BA YON TAN GYI CHA GZUNG BA LA BRTEN NAS, DE LA CHAGS PA MNGON GYUR DU 'JUG CING SKYE BA DANG LDAN PA'I PHYIR, SKYON SGRIB CES PA BDAG GI BAR CHAGS BRAL BYED PA LA SGRIB PA'I DON YIN, GAL TE THAR PA'I GNAS SKABS NA BDAG GI BA BZHIN DU BDAG LA'ANG CHAGS PA DANG BRAL LO ZHE NA, DE NI THAR PA'I GNAS SKABS NA CHAGS BRAL GYI BDAG GANG YIN PA DE YANG MED PAR THAL, DE LA @189 ZHEN PA DOR NAS SUS KYANG MI SHES PA'I PHYIR, 'DOD NA, GROL BA'I BDAG THOB PHYIR DU SDUG BSNGAL SGOM PA DON MED DU 'GYUR BAR THAL, THAR 'DOD NI JI LTAR BDAG GI BA BZHIN DU PHYIS BDAG KYANG 'DOR BA'I PHYIR, GNYIS PA SDUG BSNGAL DU SGOM PA TZAM GYIS GROL NA HA CANG THAL BA LA GNYIS, HA CANG THAL BA DNGOS NI, RTZA BAR, DE DAG SDUG BSNGAL BSGOMS PAS KYANG, , SDUG BSNGAL NYID NI RNAM SHES BYED, , DE NI SNGAR YANG MNGON SUM NYID, , DE LTA NA YANG CHAGS BRAL MED, , GAL TE DE LA NYES PA YIS, , SKAD CIG DE YI BLO LDOG KYANG, , DE LA CHAGS BRAL MI 'GYUR TE, , 'DOD LDAN BUD MED GZHAN LA BZHIN, , BLANG DANG DOR BYA'I KHYAD YOD NA, , GCIG LAS BYUNG BA'I CHAGS GANG YIN, , DE NYID RNAM GRANGS GCIG BSKYED TSE, , CHAGS PA KUN GYI SA BON YIN, , ZHES PAS, RNAL 'BYOR PA DE DAG CHOS CAN, SDUG BSNGAL BSGOMS PAS KYANG DE LTA YANG GTAN CHAGS BRAL DU DE TZAM GYIS KYANG 'GYUR BA MED PAR THAL, SDUG BSNGAL NYID NI RNAM PAR SHES PAR BYED PA DE NI SDUG BSNGAL MA SGOM PA'I SNGAR YANG MNGON SUM NYID DU MTHONG BA'I PHYIR, GAL TE SNGAR BDE BA BSKYED PA'I RGYU LA YANG NYES PA MTHONG NA CHAGS BRAL DU 'GYUR BA MTHONG BA'I PHYIR, SDUG BSNGAL @190 BSGOM PA CHAGS BRAL GYI RGYU YIN NA ZHE NA, YUL DE LA NYES PA MTHONG BA YIS GTAN CHAGS BRAL DU MI 'GYUR BAR THAL, SKAD CIG DE TZAM LA CHAGS PA DE YI BLO LOG KYANG SLAR YANG SKYE BA'I PHYIR, DPER NA, 'DOD LDAN BUD MED GCIG LA NYES PA MTHONG BAS CHAGS PA DANG BRAL YANG GZHAN LA CHAGS PA SKYE BA DANG SLAR YANG SNGAR GYI DE LA'ANG SKYE BA BZHIN NO, ,DE 'DRA'I SKYES BU CHOS CAN, YUL GCIG LA BLANG BYA DANG DOR BYA'I KHYAD PAR YOD PAS, YUL GCIG LAS BYUNG BA'I CHAGS PA GANG YIN PA DE NYID RKYEN GYI RNAM GRANGS KYI BSKYED PA'I TSE RANG 'BRAS CHAGS PA KUN GYI SA BON YIN PA'I PHYIR, GNYIS PA GZHAN LA CHAGS BRAL MI SRID PA NI, RTZA BAR, SKYON MED YUL CAN CHAGS PA DANG, , SGRUB BYED KYANG NI SKYON MED YIN, , 'GRO BA'ANG DE TZAM NYID YIN NA, , DA NI GANG LA CHAGS BRAL 'GYUR, , DER DE SKYON BCAS KYANG YIN NA, , DE NI BDAG LA'ANG MTSUNGS PA YIN, , DER DE'I SKYON LA CHAGS BRAL MED, , DE NI GANG LA DE CHAGS BRAL, , ZHES PAS, BDAG LA CHAGS PA CHOS CAN, MTHA' GCIG TU CHAGS PA DANG BRAL BAR BYA BA MA YIN PAR THAL, BDAG SKYON MED DE DON GNYER GYI YUL CAN YIN PA'I PHYIR, DBANG SOGS CHOS CAN, SKYON MED YIN PAR THAL, BDAG SKYON MED DE'I BDE BA SGRUB BYED YIN PA'I PHYIR, RGYAL BA DGYES PA'I MCHOD PA LTAR RO, ,DA NI BYE BRAG PA CHOS CAN, GANG LA YANG CHAGS PA DANG BRAL BAR @191 'GYUR BA MI 'THAD PAR THAL, BDAG DANG DE'I YUL CAN DANG, BDAG GI BA GSUM GA SKYON MED YIN LA, 'GRO BA 'KHOR BAR 'CHING BAR BYED PA'ANG RGYU DE TZAM NYID DU NGES PA YIN PA'I PHYIR, 'KHOR BA'I GNAS DER BDAG GI BA DE SKYON BCAS KYANG YIN TE, DES SDUG BSNGAL BSKYED PA'I PHYIR ZHE NA, DE LTAR NA BDAG KYANG SKYON CAN DU THAL, SDUG BSNGAL BSKYED PA DE NI BDAG LA'ANG MTSUNGS PA'I PHYIR, DE NI GANG LA'ANG CHAGS BRAL MA 'GYUR BAR THAL, 'KHOR BA'I GNAS DER BDAG DE'I SKYON MTHONG YANG CHAGS PA BRAL BA MED PA'I PHYIR, DE DAG GI NI, BDAG 'DZIN GYI ZHEN YUL SUN MA PHYUNG BAR DU THABS GANG GIS KYANG BDAG DANG BDAG GI BA LA CHAGS PA DANG BRAL BA MED PAR BSHAD DO, ,GSUM PA DBANG SOGS SKYON CAN DU MTHONG BA TZAM GYIS DE LA ZHEN PA LDOG PA LA MNGON SUM GYIS BSAL BA BSTAN PA LA GNYIS, DANG POR SKYON MTHONG BA TZAM ZHEN PA LDOG PA'I RGYU MA YIN PA NI RTZA BAR, YON TAN MTHONG BA LAS BYUNG BA'I, , ZHEN PA NYES PA MTHONG BAS 'JIG , , DE LTAR DBANG SOGS LA DE MIN, , BYIS SOGS LA YANG MTHONG PHYIR DANG, , SKYON LDAN LA YANG YOD PHYIR DANG, , YON TAN LDAN YANG GZHAN DAG LA, , MED PHYIR 'DAS PA LA SOGS PA, , BDAG GI BA LA MED PHYIR RO, , DE NYID PHYIR NA BDAG GI BA'I, , BLO RGYU'ANG YON TAN MTHONG BAS MIN, , @192 DE PHYIR YON TAN MIN MTHONG BAS, , DE YANG SPONG BA MA YIN NO, , ZHES PAS, CHANG GI YON TAN MTHONG BA LAS BYUNG BA'I ZHEN PA YIN NA, CHANG LA MTHA' GCIG TU NYES PA MTHONG BAS CHANG LA CHAGS PA DE 'JIG CING 'DOR BAR 'GYUR, DE LA SKYON MTHONG BA TZAM GYIS DE LA ZHEN PA LDOG MI NUS PA'O, , DE LTAR DBANG SOGS LA ZHEN PA DE DBANG SOGS KYI YON TAN MTHONG BA KHO NAS MIN TE; THA SNYAD MI SHES PA'I BYIS PA SOGS LA YANG ZHEN PA DE MTHONG BA'I PHYIR DANG, DBANG PO SKYON CAN LA YANG ZHEN PA YOD PA'I PHYIR DANG, YON TAN LDAN YANG GZHAN GYI DBANG SOGS DAG LA RANG GI DBANG SOGS SU ZHEN PA MED PA'I PHYIR, SNGAR RANG GI SKRA SOGS 'DAS PA LA BDAG GIR ZHEN PA MED PA'I PHYIR, DES NA, DBANG SOGS BDAG GI BAR ZHEN PA'I BLO'I RGYU'ANG DE LA YON TAN MTHONG BA KHO NAS BYAS PA MIN PAR THAL, DE LA RJES SU 'GRO LDOG 'KHRUL PA DE NYID KYI PHYIR, 'DOD NA, YON TAN CAN MIN MTHONG BAS DE YANG ZHEN PA SPONG BA MA YIN PAR THAL, DE LA YON TAN MTHONG BA KHO NAS ZHEN PA'I RGYU MI BYED PA'I PHYIR, GNYIS PA DBANG SOGS LA JI LTAR YOD PA'I SKYON MTHONG BA YANG MI SRID PA NI, RTZA BAR, GZHAN YANG YOD MIN YON TAN NI, , SGRO 'DOGS CHAGS PAS DER YANG MTHONG, , DES NA DE RGYU GNOD MED CAN, , BSGRUBS PAS DE LA JI LTAR GNOD, , CES PAS, DBANG SOGS SDUG BSNGAL DU BSGOMS PAS SKYON CAN DU MTHONG BA'I NGES PA YANG MED PAR THAL, GZHAN YANG DE LA YOD PA MIN PA'I YON TAN SGRO 'DOGS PA'I CHAGS PAS YON TAN CAN DER YANG MTHONG BA'I PHYIR, DON BSDU BA NI, @193 BDAG GI BA SDUG BSNGAL DU BSGOMS PAS BDAG GI BAR ZHEN PA DE LA JI LTAR YANG GNOD PA MA 'THAD PAR THAL, DE BSGOMS PAS ZHEN PA RGYU LA GNOD PA MED PA CAN BSGRUB PA TZAM DU ZAD PA'I PHYIR TE, BDAG 'DZIN LA CUNG ZAD KYANG ME GNOD PA DES NA'I PHYIR, GNYIS PA GRANGS CAN GYI LUGS DGAG PA LA GSUM, DANG PO RANG BZHIN DANG SKYES BU THA DAD SHES PA TZAM GROL LAM DU MI 'THAD PA NI, RTZA BAR, MCHOG GZHAN DON DU GNYER PHYIR DANG, , SKYE 'JIG BLO CAN NYID KYI PHYIR, , SKYE BO 'DI YIS DBANG SOGS LAS, , BDAG NI THA DAD GYUR PAR SHES, , DE PHYIR GCIG NYID MTHONG BAS KYANG, , CHAGS MIN BDAG LA CHAGS PA DE, , DMIGS PA'I NANG GI YAN LAG LA, , NGO BO NYID KYIS RJES CHAGS 'GYUR, , ZHES PAS, GRANGS CAN PAS KHO BO CAG LTAR NA, DBANG SOGS YON TAN CAN DANG SKYON CAN DU MTHONG BA GNYIS RIM PA BZHIN DU 'KHOR BA'I RGYU DANG THAR PA'I RGYUR KHAS MI LEN GYI 'O NA CE ZHE NA, BDE SOGS KYI RANG BZHIN DANG SKYES BU GNYIS BLO GCIG TU ZHEN PA DE 'KHOR BA'I RGYU YIN LA, DE GNYIS THA DAD DU SHES PAS SKYES BU RANG NYID KYI BLO 'DOR BA'I PHYIR, SKYES BU CHAGS BRAL DU 'GYUR BAS BDE SOGS KYI RANG BZHIN DANG SKYES BU THA DAD MNGON SUM DU SHES PA NYID THAR LAM YIN NO ZHE NA, DE GNYIS THA DAD DU SHES PA TZAM GYIS SRID PA LAS MI GROL BAR THAL, LAM LA MA SBYANGS PA'I BYIS PA'I SKYE BO 'DI YIS RANG GI DBANG PO DANG, BDE SOGS KYI RANG BZHIN LAS SKYES BU BDAG NYID THA DAD DU GYUR PA SHES PA'I PHYIR, DER THAL, @194 SKYES BU BDAG NYID KYI DON DU GNYER BA POR ZHEN NAS, DA LTAR GYI DBANG PO DANG BDE BA LAS MCHOG TU GYUR PA GZHAN DON DU GNYER BA'I PHYIR DANG, RANG NYID SNGA PHYI GCIG TU BZUNG NAS RANG GI BDE SOGS SKYE 'JIG BYED PAR RTOGS PA'I BLO CAN NYID KYI PHYIR, RANG BZHIN DANG SKYES BU GCIG NYID DU BLOS MTHONG ZHING ZHEN PA TZAM GYIS KYANG SRID PAR CHAGS PA MIN PAR THAL, DE GNYIS THA DAD DU SHES PA TZAM GROL BA'I RGYUR MI 'THAD PA DE'I PHYIR, RANG BZHIN NI, LKOG TU GYUR PA'I GTZO BO LA ZER MOD KYI SKYES BU DANG BDE SOGS KYI RANG BZHIN DANG YANG THA DAD DU SHES PA NUS SO, ,ZHEN BYED KYI BLO DANG RANG BZHIN GNYIS BEM PO DANG, SKYES BU RIG PAR 'DOD DO, ,DES NA BDAG LA CHAGS PA CHOS CAN, RANG 'BRAS 'KHOR BA'I SDUG BSNGAL GYI RGYU YIN TE, KHYOD KYI RANG STOBS KYIS GZUGS SOGS LA DMIGS PA'I NANG GI YAN LAG MIG SOGS DBANG PO LA NGO BO NYID KYIS RJES SU CHAGS PA 'DREN PAR 'GYUR ZHING KHYOD BDAG 'DZIN LAS RANG STOBS KYIS DRANGS PA'I PHYIR, GNYIS PA SDUG BSNGAL GYI SDUG BSNGAL GYIS YID GDUNGS PA CHAGS BRAL GYI RGYUR MI 'THAD PA NI, RTZA BAR, GANG ZHIG DA LTAR SDUG BSNGAL BAS, , YID 'BYUNG DE 'DRA SDANG YIN GYI, , CHAGS BRAL MA YIN DE TSE YANG, , CHAGS YOD SKABS GZHAN TSOL PHYIR RO, , ZHE SDANG SDUG BSNGAL RGYU CAN PHYIR, , DE NI DE SRID TZAM DU GNAS, , DE LOG NA NI RANG NYID KYI, , RANG BZHIN NYID LA SLAR RTEN 'GYUR, , @195 ZHES PAS, SDUG BSNGAL BSGOMS PAS GROL BAR 'GYUR TE, SDUG BSNGAL GYIS MNAR BA'I TSE YID 'BYUNG NAS DE LA CHAGS BRAL DU 'GYUR BA MTHONG NGO ZHE NA, SKYES BU GANG ZHIG DA LTAR GYI TSOR BA SDUG BSNGAL GYIS GDUNGS PAS SKYES PA'I YID 'BYUNG DE CHOS CAN, ZHE SDANG GI RGYU YIN GYI CHAGS BRAL MA YIN TE, KHYOD SKYES PA DE'I TSE YANG SKYES BU DE LA CHAGS PA YOD PA'I PHYIR, DER THAL, BDE BA'I GNAS SKABS GZHAN LA CHAGS NAS TSOL BA'I PHYIR, ZHE SDANG NI TSOR BA'I SDUG BSNGAL GYI RGYU CAN YIN PA'I PHYIR, ZHE SDANG CAN GYI SKYES BU DE NI TSOR BA SDUG BSNGAL DE SRID TZAM DU GNAS KYI DE LOG NA, RANG NYID KYI CHAGS CAN GYI RANG BZHIN NYID LA SLAR BRTEN PAR 'GYUR BA'I PHYIR, DPER NA, CHAGS YUL GCIG LA YID SUN NAS TSOR BA SDUG BSNGAL SHUGS CHEN BSKYED DE GNAS SKABS DE LA CHAGS BRAL LTA BUR GYUR KYANG, ZHE SDANG GI DBANG GIS CHAGS PA ZIL GYI GNON PA TZAM LAS CHAGS BRAL MA YIN TE, DE LAS LHAG PA'I YUL GZHAN LA CHAGS PA SKYE BA DANG; SLAR YANG YUL SNGA MA DE LA CHAGS PA SKYE BA'ANG SRID PA'I PHYIR, DES NA, 'JIG LTA MA DOR BAR DU YUL GANG LA'ANG CHAGS PA GTAN BRAL BYED MI NUS SO, , GSUM PA CHAGS BRAL GYI RANG BZHIN NGOS GZUNG BA NI, RTZA BAR, BLANG DANG DOR BYA SPANGS PA'I PHYIR, , THAMS CAD LA NI MNYAM SNYOMS CAN, , TZAN DAN STE'U MTSUNGS PA LA, , CHAGS BRAL ZHES NI BRJOD PA YIN, , ZHES PAS, CHAGS BRAL GANG YIN ZHE NA, DGRA BCOM PA CHOS CAN, CHAGS BRAL ZHES NI BRJOD PA YIN TE, G-YAS G-YON NAS TZAN DAN GYI LDE GUS SHUG PA DANG STE'US GCOD PA THAMS CAD LA MNYAM SNYOMS CAN DU MTSUNGS PA'I PHYIR TE, @196 BLANG BYA DANG DOR BYA'I CHAGS SDANG SPANGS PA'I PHYIR, DE LA DPYAD GZHI CHAGS BRAL GYI GANG ZAG YIN NA, CHAGS PA'I RTZA BA BDAG 'DZIN SPANGS PAS KHYAB PAR THAL; 'DOD NA, 'DOD PA'ANG CHAGS PA DANG BRAL NA, 'DOD PA'I BDAG 'DZIN SPANGS PAS KHYAB PAR THAL, 'DOD NA, PHYIR MI 'ONG CHOS CAN BZUNG NAS DPYAD, CHAGS BRAL SNGON SONG GI PHYIR MI 'ONG DE MTHONG LAM MA THOB GONG DU 'DOD PA'I BDAG 'DZIN SPANGS PAR KHAS LEN DGOS PAS MI RIGS TE, 'DOD PA'I MTHONG SPANG MA SPANGS GONG DU 'DOD PA'I SGOM SPONG SPANGS PAR 'GYUR RO, , DE YANG 'DOD NA, MTHONG LAM GYI SNGA ROL TU SRID RTZE'I DNGOS GZHI THOB PA'I PHYIR MI 'ONG DE MTHONG SPANG MA SPANGS GONG DU CI YANG MED MAN CHAD KYI NYON MONGS MTHA' DAG SPANGS PA'ANG KHAS LEN DGOS TE, MTSUNGS PA'I PHYIR, GSUM PA SDUG BSNGAL SGOM PAR GSUNGS PA DANG 'GAL BA SPANG BA NI, RTZA BAR, 'DU BYED SDUG BSNGAL LA DGONGS NAS, , SDUG BSNGAL BSGOMS PAR GSUNGS PA YIN, , NGED KYI DE YANG RKYEN LAS SKYES, , DE NI BDAG MED LTA RTEN YIN, , STONG NYID LTA BAS GROL BAR 'GYUR, , SGOM PA LHAG MA DE DON YIN, , DE PHYIR MI RTAG LAS SDUG BSNGAL, , SDUG BSNGAL LAS NI BDAG MED GSUNGS, , ZHES PAS, KHYAB PA 'DU BYED KYI SDUG BSNGAL LA DGONGS NAS BCOM LDAN 'DAS KYI SDUG BSNGAL BSGOM PAR GSUNGS PA'I PHYIR, SDUG BSNGAL GZHAN RNAMS MA BSGOM ZHES PA MIN GYI, 'DU BYED KYI SDUG BSNGAL DE SDUG BSNGAL GYI RANG BZHIN @197 DU MNGON SUM DU MA RTOGS PAR JI SRID DU SPANG BYA GANG GI'ANG SA BON SPANG MI NUS PAS; DE LA NAN TAN MDZAD PA'O, ,NGED KYI 'DU BYED KYI SDUG BSNGAL DE YANG RANG RGYU LAS NYON GYI RKYEN LAS SKYES PA'I PHYIR, BDAG RTAG PA LA BRTEN PA MIN, LAM DE NI BDAG MED RTOGS PA'I LTA BA BSKYED PA'I RTEN TZAM DU GSUNGS KYI, 'KHOR BA LAS DNGOS SU GROL BA'I LAM DU MI 'DOD DO ,DE LTAR YIN YANG NGES PAR SGOM DGOS TE, GANG ZAG GI BDAG GIS STONG PA'I STONG PA NYID RTOGS PA'I LTA BAS 'KHOR BA LAS DNGOS SU GROL BAR 'GYUR LA, BSGOM PA LHAG MA 'DUS BYAS MI RTAG PA DANG ZAG BCAS SDUG BSNGAL DU RTOGS PA BDAG MED RTOGS PA DE'I THABS KYI DON DU SGOM DGOS PA'I PHYIR, BCOM LDAN 'DAS KYIS 'DUS BYAS MI RTAG PAR RTOGS PA LAS ZAG BCAS SDUG BSNGAL BAR RTOGS PA DANG DE LAS BDAG MED RTOGS PA 'BYUNG BAR GSUNGS PA'I RGYU MTSAN YOD DE, SNGAR BSHAD PA'I THABS DANG THABS BYUNG DE LTAR GNAS PAS GSUNGS PA DE'I PHYIR, GZHUNG 'DI NI 'GANGS CHE BA ZHIG SNANG STE, MI RTAG PA YIN PHYIN RGYU ZHIG LAS SKYE DGOS, SDUG BDEN RNAMS RANG RGYU LAS NYON GYI GZHAN DBANG DU SONG BA NA, ZAG BCAS THAMS CAD SDUG BSNGAL BAR SGRUB BO, ,MI RTAG CING LAS NYON GYI GZHAN DBANG CAN YIN PHYIN RANG DBANG BA'I BDAG MED PAS KHYAB PA'I PHYIR, ZAG BCAS YIN NA, SDUG BSNGAL BA YIN PAS MA KHYAB NA, ZAG BCAS THAMS CAD SDUG BSNGAL BA ZHES PA DANG 'GAL, KHYAB NA, ZAG BCAS KYI TSOR BA BDE BA DANG BTANG SNYOMS GNYIS CHOS CAN, DER THAL, DE'I PHYIR, MA GRUB NA SLA, 'DOD NA, RANG RGYU DGE BA LAS BYUNG BA MA YIN PAR THAL, 'DOD PA'I PHYIR, 'DOD MI NUS TE, DMYAL BA TSA DMYAL NA RLUNG BSIL BU TZAM YAN CHAD DGE BA'I LAS KYI 'BRAS BUR GSUNGS PA'I PHYIR; GZHAN YANG, SO SKYE LHA MI'I LUS RTEN CHOS CAN, SDUG BSNGAL YIN @198 PAR THAL, 'DOD NA, RANG RGYU MI DGE BA LAS BYUNG BAR THAL, 'DOD PA'I PHYIR, KHYAB STE, MI DGE BA LAS SDUG BSNGAL DANG, DGE BA LAS BDE 'GRO THAMS CAD DO, , ZHES GSUNGS, GZHAN YANG, SO SKYE'I DAL 'BYOR GYI LUS RTEN CHOS CAN, DGE BA'I LAS KYI 'BRAS BU YIN PAR THAL, TSUL KHRIMS RNAM DAG GI 'BRAS BUR NGES PA'I PHYIR, DER THAL, 'JUG PA LAS, MNGON MTHA'I RGYU NI TSUL KHRIMS LAS GZHAN MED, ,CES GSUNGS, 'DOD NA, DGE BA'I LAS KYI 'BRAS BUR SDUG BSNGAL YOD PAR THAL, 'DOD MI NUS TE, DGE BA LAS 'BRAS BU SDUG BSNGAL BYUNG BA GNAS MED PA'I PHYIR, DER THAL, GNAS DANG GNAS MA YIN PA MKHYEN PA'I STOBS KYIS GZHAL BYA GZHI GRUB PA'I PHYIR, TSE 'DI'I LONGS SPYOD RNAMS SBYIN PA'I 'BRAS BUR GSUNGS PAS DGE BA'I 'BRAS BUR NGES LA, LONGS SPYOD DE DAG ZAG BCAS YIN PAS SDUG BSNGAL LAS MA 'DAS PA'I PHYIR, DGE BA LAS SDUG BSNGAL 'BYUNG BAR 'GYUR RO ZHES PA NI BLO GSAL BA RNAMS KYIS DPYAD GZHI 'O, , GSUM PA DON BSDU BA NI, RTZA BAR, CHAGS BRAL MIN DANG SRID LDAN DANG, , RTZOM PA KUN LA BRTEN PA DE, , NYON MONGS LAS LAS GROL MA YIN, , DE 'DRA 'KHOR BA PA ZHES BYA, , ZHES PAS, BDAG LA CHAGS PA DANG BRAL BA MIN PAS, SRID PA 'KHOR BA DANG LDAN LA, DE LTAR BLANG DOR GYI LAS KYI RTZOM PA KUN LA BRTEN DGOS, DE LTAR NA, NYON MONGS DANG LAS LAS MA GROL BAS 'KHOR BA PA ZHES BYA BA YIN NO, ,GNYIS PA SRID NA GROL BA'I BDAG KHAS BLANGS PA DON MED DU THAL BA NI, RTZA BAR, @199 BDAG GI NYID NI MI 'DOD NA, , DE YI ZA BA PO YANG MED, , BYA DANG LONGS SPYOD MTSAN NYID CAN, , DE TSE DE YI BDAG KYANG MED, , CES PAS, GROL BA THOB PA DE'I TSE BDAG GI BA DE'I ZA BA YANG MED PAR THAL, BZA' BYA BDAG GI BA NYID MI 'DOD PA'I PHYIR, 'DOD NA, GROL BA THOB PA'I BDAG KYANG MED PAR THAL, ZA BA PO BDAG MED PA'I PHYIR, KHYAB STE, BDAG RTAG PA DE NYID RGYU LAS BYED PA'I BYA BA CAN DANG 'BRAS BU LONGS SPYOD PA'I MTSAN NYID CAN YIN PA'I PHYIR, GSUM PA 'JIG LTA SPANG DGOS PAR BSTAN PA NI, RTZA BAR, DE PHYIR GROL 'DOD THOG MED PA'I, , RGYU CAN RIGS MTHUN SA BON LAS, , BYUNG BA'I 'JIG TSOGS LTA BA DAG , RTZA BA NYID NAS DBYUNG BAR GYIS, , ZHES PAS, GROL BA 'DOD PA DAG ,THAR PA THOB PA 'DOD NA, 'JIG TSOGS LA LTA BA DAG RTZA BA NYID NAS DBYUNG BAR GYIS SHIG CES GDAMS PA'O, , 'JIG LTA DE YANG THOG MA MED PA'I RGYU CAN GYI RANG GI RIGS MTHUN PA'I SA BON LAS BYUNG NGO, ,GNYIS PA DBANG PHYUG GI BKA' LUNG TZAM GROL LAM DU MI RUNG BA LA GSUM, DBANG PHYUG GIS THAR LAM DBANG BSKUR BA'I CHO GA GROL LAM YIN PA'I SGRUB BYED DGAG PA NI, RTZA BAR, LUNG NI DE LTAR DNGOS YIN PA'I, , RGYU MA MTHONG BA RNAMS LA NI, , @200 LUNG TZAM GYIS NI GROL BA YANG, , SMRA BA YONGS SU MGU BYED MIN, , SA BON SOGS GRUB CHO GA ? NI, , SKYES BU MI SKYED PAR NUS MIN, , TIL MA BSKUS DANG MES BSREG SOGS, , BDAG KYANG GROL BAR THAL PHYIR RO, , SNGAR LCI BA DAG PHYIS YANG PHYIR, , SDIG PA BCOM PAR BYAS PA MIN, , 'DI YI LCI NYID MED 'GYUR GYI, , LUS CAN MIN PHYIR SDIG LCI MIN, , ZHES PAS, LUNG LAS BSHAD PA'I CHO GA TZAM GYI GROL BAR STON PA'I LUNG NI RANG GI BRJOD BYA'I DON LA MI 'KHRUL BA DE LTA BU'I DNGOS PO YIN PA'I RGYU MTSAN MA MTHONG BA'I PHYIR, CHO GA TZAM GYIS GROL BAR SMRA BA YANG RTOGS LDAN YONGS SU MGU BYED MIN NO, DE LA, GZHAN SDE DAG GIS KHYED KYIS MA MTHONG BA TZAM GYIS MIN MI DGOS TE, KHYED DBANG PO MI GSAL BA'I PHYIR, ZHES SMRAS NA, SANGS RGYAS PAS, DE LA CI BRJOD BSAM PAR BYA DGOS TE, GONG DU, DBANG PO MI GSAL PHYIR MA MTHONG ZHES, GZHAN LA GNOD BYED BRJOD ZIN PA'I PHYIR, LUNG LAS BSHAD PA LTAR, SNGAGS SA BON LA BTAB PAS MYU GU MI SKYED PA LTAR YIN NO ZHE NA, SA BON SOGS KYIS MYU GU MI SKYED PAR GRUB PA'I CHO GA MTHONG BAS, DBANG PHYUG GI DBANG BSKUR THOB MA THAG SKYES BU YANG SRID DU MI SKYES PAR BYED NUS PA MIN PAR THAL, DE LTAR NA LUS LA TIL MAR BSKUS PA DANG MES BSREGS PA SOGS LAS KYANG GROL BAR THAL BA'I PHYIR, SBYIN SREG GI MES SEMS KYI SDIG @201 PA BCOM PAR BYAS PA MIN PAR THAL, SBYIN SREG GI MES LUS GDUNGS PAS SNGAR SRANG KHAR LCI BA DAG PHYIS YANG BAR SONG BA TZAM YIN PA'I PHYIR, SBYIN SREG GI SKYES BU 'DI YI LUS KYI LCI BA NYID KYI CHA 'GA' MED PAR 'GYUR BA TZAM GYIS SDIG PA SRANG KHAR LCI BA MIN PAR THAL, SDIG PA DE LUS CAN MIN PA'I PHYIR, GNYIS PA GNOD BYED BRJOD PA LA GSUM, DANG PO, BKA' LUNG TZAM GYIS YANG SRID PHYI MA'I RGYU LA MI GNOD PA NI, RTZA BAR, LOG SHES DANG NI DE LAS BYUNG, , SRID PA SEMS PA'I DBANG DAG GIS, , DMAN GNAS 'GRO BA SKYE BA YIN, , DE PHYIR DE BCAD 'GRO MI 'GYUR, , DE TZAM LAS NI 'BYUNG BA'I PHYIR, , SKYE BA DE DAG NYID NUS YIN, , SEMS PA DE DAG RANG NYID LAS, , YIN PHYIR SKYE RGYU NYAMS PA MED, , CES PAS, SDUG BSNGAL BDE BAR 'DZIN PA'I LOG SHES DANG DE LAS BYUNG BA'I BDE BA THOB 'DOD KYI SRED PA DANG MTSUNGS LDAN GYI SEMS PA CHOS CAN, GANG GI RGYUD LA KHYOD GNYEN PO'I STOBS KYIS BCAD PA DE YANG SRID PHYI MAR 'GRO BAR MI 'GYUR TE, KHYOD KYI DBANG DAG GIS DMAN PA'I GNAS SU 'GRO BA RNAMS SKYE BA YIN PA'I PHYIR, THA MAL PA SKYE BA LA LOG SRED DANG MTSUNGS LDAN GYI SEMS PA DE DAG NYID KYIS PHAN 'DOGS NUS PA YIN TE, DE TZAM RGYU YOD PA LAS 'BYUNG BA'I PHYIR; LOG SRED DANG MTSUNGS LDAN GYI SEMS PA DE DAG RANG NYID YANG SRID PHYI MAR BSKYED PA'I LAS YIN GYI DE LAS DON GZHAN PA'I LAS DGOS PA MIN NO, ,DES @202 NA; DBANG DE THOB PA TZAM GYIS YANG SRID SKYE BA'I RGYU CUNG ZAD KYANG NYAMS PA MED PA'I PHYIR NA, DBANG GI CHO GA TZAM SRID PA LAS GROL BA MA YIN NO, ,DE NI DENG SKABS KYI LHA DU MA'I DBANG LA'ANG MTSUNGS TE, DBANG JI TZAM THOB KYANG YANG SRID PHYI MAR SKYED BYED KYI RGYU'I GTZO BO LOG SRED CUNG ZAD KYANG MA NYAMS PA MTHONG BA'I PHYIR; BDAG MED RTOGS PA'I SHES RAB NYID YANG SRID KYI RGYU GCOD BYED DU GO DGOS, SHES RAB KYIS LOG SRED DE BCAD NA YANG SRID PHYI MAR 'GRO BAR MI 'GYUR RO, ,GNYIS PA DE'I LAN DGAG PA NI, RTZA BAR, 'GRO DANG RTOGS RTEN BYED PA YIN, , DE NI MA MTHONG BA LAS 'GYUR, , MA MTHONG ZHIG PHYIR 'GRO BA MED, , DES NA 'DU BYED SEMS PA MIN, , YOD DANG MED PA'I RJES 'JUG PHYIR, , BYED PA SKYED LA BLO YI NI, , NUS MTHONG GZHAN GYIS MA YIN NA, , DE YOD DE DAG CIS MI 'GRO, , ZHES PAS, GZHAN SDES, DBANG BSKUR THOB PAS YANG SRID PHYI MAR 'GRO BA MED DE, 'GRO BA DANG GZUGS SOGS RTOGS PA'I RTEN NI MIG SOGS YIN ZHING DE NI MA MTHONG BA CHOS DANG CHOS MA YIN PA'I LAS LAS SKYE BAR 'GYUR ZHING MA MTHONG BA'I LAS DBANG BSKUR GYES ZHIG PA'I PHYIR, DES NA LAS KYANG BDAG GI YON TAN 'DU BYED YIN GYI SEMS PA MIN NO ZHE NA, LOG SRED DANG MTSUNGS LDAN GYI BLO SEMS PA DE PHAN 'DOGS BYED DU YOD PA DANG MED PA'I RJES SU 'GRO LDOG BYED PA'I PHYIR, BYED PA DBANG SOGS MNGAL DU BSKYED PA LA LOG SRED BLO DE YI @203 NUS PA MTHONG GI CHO GA SOGS GZHAN GYIS MA YIN NO, ,DBANG BSKUR THOB KYANG YANG SRID SKYE BA'I RGYU MA NYAMS PA YOD PAS DE DAG YANG SRID PHYI MAR CIS MI 'GRO STE 'GRO BAR 'GYUR RO, ,GSUM PA BKAG PA GNOD PA SPANG BA LA GSUM, DBANG BSKUR GYIS YID BLO'I NUS PA BCOM PA MI 'THAD PA NI, RTZA BAR, GAL TE DE DAG NUS MED NA, , DBANG SOGS BYAS MA THAG DE DAG , , SEMS PA'I DBANG GIS 'DZIN DANG 'JUG , G-YENG DANG 'GOG PA MED PAR 'GYUR, , ZHES PAS, GAL TE LOG SRED DE DAG DBANG BSKUR GYIS NUS PA MED PAR BYAS SO, ,ZHE NA, SKYES BU DE DAG DBANG BSKUR SOGS BYAS MA THAG RANG RGYUD KYI SEMS PA'I DBANG GIS MIG SOGS DBANG PO YUL 'DZIN PA DANG, 'DOD PA'I YUL LA 'JUG PA DANG, YUL GZHAN DU G-YENG BA DANG RJES SU MTHUN PA'I RKYEN GYIS G-YENG BA DE 'GOG PA'I BYA BA SOGS MED PAR 'GYUR BAR THAL, DE LTAR BYED PA'I SEMS PA'I NUS PA DBANG BSKUR GYIS BCOM PA'I PHYIR, DBANG BSKUR GYIS DBANG PO YUL LA BYA BA BYED PA DE BCOM STE LAS MA GSOG LA LAS MED PAS YANG SRID PHYI MAR SKYE BA MI LEN ZHES KHAS LEN PA LA, DBANG BSKUR THOB PA'I SKYES BU DE DBANG THOB MA THAG DBANG SOGS KYI BYA BA DGAG DGOS ZHES GNOD BYED BRJOD DO; ;RANG RE LA'ANG MTSUNGS PA 'DRA STE, RIG PA'I DBANG LNGA THOB PA'I DAG PA LA NYON MONGS PA LNGA SBYANGS PA'I NUS PA BZHAG PA DANG, DBANG GONG MA GSUM THOB PA'I 'BRAS BUR, BUM DBANG YONGS RDZOGS THOB PA'I 'BRAS BUR LUS KYI MI DGE BA GSUM SNGAR BSAGS SBYANGS PA DANG, GSANG DBANG THOB PA'I 'BRAS BUR NGAG GI MI DGE BA BZHI SBYANGS PA DANG, SHER DBANG THOB PA'I 'BRAS BUR YID KYI @204 MI DGE GSUM SBYANGS PAR BSHAD PAS DE LA, DBANG DE DAG THOB MA THAG NAS LUS NGAG YID GSUM GYI SDIG PA ZHIG PAR THAL ZER 'PHEN NA CI BRJOD BSAM PAR BYA'O; ;GNYIS PA HA CANG THAL BA NI, RTZA BAR, CI STE DE TSE BLO MED PHYIR, , MI 'GYUR DRI MA RNAMS KYI BLO, , MTSAMS SBYOR DE RNAMS NUS MED NA, , GSON PA NYID NA'ANG NUS MED 'GYUR, , GNYEN PO DANG NI RANG GI PHYOGS, , 'PHEL NA 'GRIB DANG 'PHEL BA'I PHYIR, , NYES RGYUN RANG GI SA BON CAN, , DBANG BSKUR BA LAS LDOG PA MED, , CES PAS, CI STE SHI BA DE'I TSE BLO MED PA'I PHYIR, 'KHOR BA'I CHOS RNAMS 'BYUNG BAR MI 'GYUR RO ZHE NA, DBANG BSKUR THOB PA'I 'CHI KHA MA'I DRI MA RNAMS CHOS CAN, KHYOD KYI RIGS 'DRA PHYI MA MTSAMS SBYOR TE, DE'I DNGOS RGYU NUS PA THOGS MED TSANG BA'I PHYIR, NUS PA DE RNAMS DBANG BSKUR GYIS BCOM PAS MED DO ZHE NA, DBANG BSKUR THOB PA GSON PA NYID NA'ANG RIGS 'DRA MTSAMS SBYOR BA NUS MED DU 'GYUR BAR THAL, DE'I NUS PA DBANG BSKUR GYIS BCOM PA'I PHYIR; GNYEN PO BDAG MED RTOGS PA 'PHEL NA NYES PA CHAGS SOGS KYI RGYUN RNAMS 'GRIB LA, RANG GI PHYOGS TSUL MIN YID BYED 'PHEL NA NYES PA DE RNAMS 'PHEL BA'I PHYIR, RIGS 'DRA SA BON CAN CHAGS SOGS RNAMS DBANG BSKUR BA TZAM LAS LDOG PA MED DO, ,SANGS RGYAS PA'I LUGS LA, LHAG BCAS DGRA BCOM PA BDAG 'DZIN MA LUS PA SPANGS PAS YANG SRID PHYI MAR MI SKYE BAR KHAS LEN PAS, @205 DE 'DRA'I DGRA BCOM PA DE CHOS CAN, GSON PA NYID NA'ANG LAS KYIS 'PHANGS PA'I SDUG BSNGAL GYI PHUNG PO RIGS 'DRA PHYI MA MTSAMS MI SBYOR BAR THAL, SHI BA'I TSE SDUG BSNGAL GYI PHUNG PO RIGS 'DRA MTSAMS MI SBYOR BA'I PHYIR ZHES 'PHANGS NA, LAN CI YOD, DPYAD PAR BYA'O, ,GSUM PA BDAG RTAG PA BYED PA POR MI RUNG BA NI, RTZA BAR, RTAG LA LTOS PA MED PA'I PHYIR, , RIM GYIS SKYED PAR BYED PA DANG, , BYED DANG MI BYED PA DAG NI, , 'DRA BA'I BDAG NYID BYED PA 'GAL, , RGYU DANG 'BRAS BU'ANG GCIG PAR 'GYUR, , DE DAG DE LAS THA DAD NA, , BYED PO ZA PO NYAMS PAR 'GYUR, , NUS PA YANG NI 'GRUB MA YIN, , GZHAN GYI DRAN DANG LONGS SPYOD SOGS, , THAL BA GNOD BYED MA YIN TE, , 'GA' YANG DRAN PA MED PA'I PHYIR, , DES NA MYONG LAS DRAN PA 'BYUNG, , ZHES PAS, KHO BO CAG LA THAR PA 'THAD KYI BDAG RTAG PA SMRA BA LA MI 'THAD DE; RTAG PA RKYEN LA BLTOS PA MED PA'I PHYIR, DE LA BCINGS THAR RIM GYIS BSKYED PAR BYED PA 'GAL BA'O, ,BDAG RTAG PA LA 'BRAS BU SKYED PAR BYED PA TZAM YANG 'GAL BAR THAL, 'BRAS BU BYED PA DANG MI BYED PA DAG NUS PA 'DRA BA'I BDAG NYID YIN PA'I PHYIR, RGYU DANG 'BRAS BU'ANG GCIG PAR 'GYUR BAR THAL, @206 BDAG RTAG PA DE NYID LAS GSOG PA PO DANG 'BRAS BU MYONG BA PO YIN PA'I PHYIR, RGYU 'BRAS DE DAG BDAG RTAG PA LAS NGO BO THA DAD DO, BDAG RTAG PA DE NYID LAS BYED PA PO DANG 'BRAS BU ZA BA PO NYAMS PAR 'GYUR RO, ,RTAG PAS 'BRAS BU LA PHAN 'DOGS PA'I NUS PA YANG NI 'GRUB PA MA YIN PAR THAL, RJES SU 'GRO LDOG GI NUS PA MA TSANG BA'I PHYIR, BDAG RTAG PA MED NA'ANG GZHAN GYIS MYONG BA RANG GIS DRAN PA DANG, GZHAN GYIS BSAGS PA RANG GIS LONGS SPYOD PA SOGS SU 'GYUR BA'I SKYO MED DE, PHUNG PO SKAD CIG MAR SMRA BA'I SANGS RGYAS PA LA, GZHAN GYIS MYONG BA RANG GIS DRAN PA DANG, GZHAN GYIS BSAGS PA RANG GIS LONGS SPYOD PA LA SOGS PA'I THAL BA GNOD BYED DU 'JUG PA MA YIN TE, RTAG PA'I SKYES BU 'GA'I YANG SNGAR MYONG BA PHYIS DRAN PA MED PA'I PHYIR, YUL MTSUNGS PA'I MYONG BA LAS DRAN PA RKYEN JI LTA BA BZHIN 'BYUNG BA DES NA'I PHYIR, LAS MA BYAS PA DANG 'PHRAD PA DANG BYAS PA CHUD ZOS PA SOGS KYI NYES PA MI 'BYUNG NGO, , GSUM PA BDAG MED RTOGS PA'I SHES RAB GROL LAM DU BSTAN PA NI, RTZA BAR, BDEN PA BZHI LA BRTEN PA DANG, , BDE DANG NGA DANG NGA'I ZHES SOGS, , YANG DAG MIN PA RNAM BCU DRUG , , SGRO BTAGS NAS NI YONGS SU SRED, , DE NYID LA NI MI 'GAL DON, , DE NYID RNAM PA RJES RTOGS CAN, , LEGS BSGOMS YANG DAG LTA BA YIS, , SRED PA RJES 'BRANG BCAS 'JOMS BYED, , @207 LAS DANG LUS DAG GNAS NA YANG, , GCIG MED PHYIR NA RGYU GSUM CAN, , SKYE BA SRID PA MA YIN TE, , SA BON MED PAR MYU GU BZHIN, , ZHES PAS, SRED PA 'KHOR BA'I RTZA BA YIN TE, BDEN BZHI LA LOG ZHUGS SDUG BSNGAL RTA CING BRTAN PA DANG BDE BA DANG, RTZA BA DANG tIK CHEN LTAR NA BDEN PA BZHI LA BRTEN PA'I LOG ZHUGS BCU DRUG CES 'GREL, NGA DANG NGA'I ZHES SOGS YANG DAG MIN PA BZHI DANG LHAG MA RNAMS DANG BCAS PAS BCU DRUG SGRO BTAGS NAS NI YONGS SU SRED CING SRED PA'I DBANG GIS NYING MTSAMS SBYOR BAR BYED PA'I PHYIR, BDAG MED RTOGS PA'I SHES RAB NYID SRID PA LAS GROL BA'I LAM YIN TE, BDEN PA BZHI PO DE NYID LA PHYIN CI LOG DE DANG 'GAL BA'I DON MI RTAG PA LA SOGS PA'I DON DE NYID KYI RNAM PA BCU DRUG YANG DAG PAR RJES SU RTOGS PA CAN LEGS PAR SGOM PA'I BDAG MED RTOGS PA'I YANG DAG PA'I LTA BA YIS SRED PA RJES 'BRANG DANG BCAS PA RTZA BA NAS 'JOMS PAR BYED PA'I PHYIR, DE NYID LA NI 'GAL BA'I DON, ,ZHES 'GREL DGOS PA 'DRA BA SNANG STE DPYAD DO, ,DGRA BCOM PA CHOS CAN, LAS DANG LUS DAG GNAS NA YANG SLAR 'KHOR BAR SKYE BA SRID PA MA YIN TE, GTZO BO'I RGYU GCIG SRID PA MED PA'I PHYIR, DE LA LTA NA, GTZO BO'I RGYU GZHAN YANG YOD PAR GO DGOS, SRID PAR SKYE BA RGYU GSUM PA CAN ZHES PA NI, LAS DANG LUS DANG SRED PA GSUM LA ZER, SA BON MED PAR MYU GU MI 'BYUNG BA BZHIN DU SRED PA MED PAR YANG SRID MI 'BYUNG BA YIN, DE YANG, SRED DANG BRAL LA YANG SRID MED CES PA LTAR RO, ,GZHUNG 'DIS, BDEN PA BZHI LA RNAM PA BCU DRUG TU PHYI NAS BSGOM PA DANG, GTZO BOR BDAG MED RTOGS PA'I SHES RAB SRID PA LAS GROL @208 BA'I LAM DU BSTAN PAS, GZHAN SDES DBANG PHYUG GIS DBANG BSKUR BA TZAM GROL LAM DU 'DOD PA SOGS BKAG CING, SANGS RGYAS PA'I LUGS KYI DBANG DANG MAN NGAG DANG MTHONG GROL DANG THOS GROL DANG DAD GROL SOGS THAMS CAD LA BSAM DGOS PA ZHIG SNANG STE, RIGS PA'I DBANG PHYUG CHEN POS, GZHAN SDE 'GOG PA'I PHYOGS SNGA LA 'GYUR BAR NYES DGAG RANG RE LA'ANG TSANG NGO, ,KHO BO'I RMONGS 'CHAR LA, RGYUD SDE BZHI'I DBANG SOGS MTHA' DAG LA RGYUD SDE DE NANG BSHAD PA BZHIN NYON MONGS PA DE DANG DE SBYANG ZHES PA DANG DE DANG DE'I BAG CHAGS 'JOG CES PA'I PHAN YON 'BYUNG BA LA, STONG NYID LTA BAS GROL BAR 'GYUR ZHES PA'I SKABS NAS BSTAN PA'I STONG NYID KYI LTA BA ZHIG NGES PAR YOD DGOS LA, LTA BA DE MED NA DBANG PHYUG GI DBANG BSKUR THOB PA DANG KHYAD PAR CI YOD DE LTA BU'I STONG NYID LTA BA DE SRID PA'I RTZA BA GCOD BYED DANG DE'I STENG, BYANG CHUB KYI SEMS KYIS THEG PA CHEN PO'I LAM DU SGYUR BAS, DE 'DRA'I DBANG BSKUR DE RGYUD SDE NAS BSHAD PA LTAR GYI PHAN YON 'BYUNG BAR NGES SO SNYAM, THABS SHES DE GNYIS MED PAR DBANG BSKUR LAN BRGYAR THOB KYANG BDAG LTA BU LA NI GZHAN SDE DBANG PHYUG GI DBANG BSKUR THOB PA LAS KYANG DMAN PAS KHE LAS NYEN CHE BA DANG, DPAL CHOS KYI GRAGS PAS BKAG PA'I PHYOGS SNGA RANG YIN NO, GSUM PA LAS DANG LUS ZAD BYED TZAM GROL LAM DU MI RUNG BA LA GNYIS, DGAG PA DNGOS NI, RTZA BAR, LAS DANG LUS DAG SPONG MIN TE, , GNYEN PO DAG NI MED PHYIR DANG, , NUS MED PHYIR RO SRED PA NI, , YOD NA SLAR YANG 'BYUNG PHYIR RO, , ZHES PAS, NAM MKHA'I GOS CAN PA ZHES PA GCER BU BAS, LAS DANG @209 LUS ZAD PAS KYANG SRID PA LAS GROL BAR 'GYUR TE, SKYE BA RGYU GSUM PA CAN DU 'DOD PA'I PHYIR, DES NA LAS LUS GNYIS KYI GNYEN PO BSTEN PAR RIGS KYI SRED PA'I GNYEN PO CIS DGOS ZHE NA, SRED PA MA SPANGS PAR LAS DANG LUS DAG SPONG NUS PA MA YIN TE, LAS LUS RKYANG PA SPONG BA'I GNYEN PO DAG MED PA'I PHYIR DANG; SRED PA MA SPANGS PAR LAS LUS ZAD PAR SPONG BA'I NUS PA MED PA'I PHYIR TE; SRED PA NI YOD NA SLAR YANG LAS LUS GNYIS 'BYUNG BA'I PHYIR, GNYIS PA RTZOD SPANG LA GSUM, LAS SRED GNYIS KA 'JOMS PA'I GNYEN PO SHED MTSUNGS SU BSTEN PA DGAG PA NI, RTZA BAR, GNYIS ZAD DON DU 'BAD NA YANG, , LAS ZAD DUB PA DON MED YIN, , 'BRAS BU SNA TSOGS MTHONG BA'I PHYIR, , LAS RNAMS NUS PA THA DAD DU, , RJES DPOG DES NA DKA' THUB KYI, , NYON MONGS DNGOS GCIG GIS MI MDZAD, , RNAM 'GA' DE BSKYED 'BRAS BU NI, , CHUNG 'GYUR RIGS MI MTHUN CAN MIN, , ZHES PAS, PHYOGS SNGA DES, LAS SRED GNYIS KA ZAD PA'I DON DU 'BAD RIGS TE, GNYIS KA 'KHOR BA'I RGYU YIN PA'I PHYIR ZHE NA, LAS LOGS SU ZAD PA'I GNYEN PO LA DUB PA DON MED YIN TE, SRED PA LA GNYEN PO BSTEN NA LAS KYANG SPONG BAR NUS LA SRED PA MA SPANGS PAR LAS SPONG BA'I NUS PA MED PA'I PHYIR, SKYES BU'I LAS RNAMS NUS PA THA DAD PA CAN DU RJES SU DPOG NUS TE, LAS KYI @210 'BRAS BU SNA TSOGS PA CAN DU MTHONG BA'I PHYIR, DKA' THUB KYIS GDUNG BA'I NYON MONGS KYI DNGOS PO GCIG GIS LAS THAMS CAD MI 'DZAD DE, LAS GCIG SPANGS PAS KUN SPONG BAR 'GYUR BA'I LAS NI MED, LAS MTHA' YAS PA DES NA'I PHYIR, RTZA BAR, MI MDZAD, CES PA DANG, tIK CHEN LAS MI 'DZIN ZHES BYUNG, DKA' THUB KYIS GDUNG BA'I RNAM PA 'GAS, LAS RIGS MTHUN RIGS MI MTHUN CAN GYE 'BRAS BU MTHA' DAG ZAD PAR BYED PA MIN TE, LAS DES GDUNG BA BSKYED PA'I SNGON LAS KYI 'BRAS BU MYONG BAS CUNG ZAD CHUNG BAR 'GYUR BA TZAM YIN PA'I PHYIR; DE DAG GIS, NYON MONGS KYI RTZA BA GCIG SPANGS PAS KUN SPONG NUS LA LAS GCIG SPANGS PAS KUN SPONG BAR MI NUS, NYON MONGS SPANGS NA LAS SNA TSOGS PA MTHA' YAS KYANG 'BRAS BU 'PHEL BAR MI NUS PAS NYON MONGS SPONG DGOS PAR BSTAN NO, ,GNYIS PA DKA' THUB KYIS LAS KYI NUS PA 'DRES SHING ZAD PAR BYED PA DGAG PA NI, RTZA BAR, CI STE DKA' THUB NUS PA YI, , NUS PA 'DRES PA ZAD PA NA, , NYON MONGS CHA 'GA' SPONG BA'AM, , NYON MONGS MED PAR KUN SPONG 'GYUR, , GAL TE DKA' THUB NYON MONGS LAS, , GZHAN 'DOD NYON MONGS NYID CE NA, , DE NI LAS 'BRAS YIN PHYIR 'DIS, , NUS PA 'DRES SOGS 'GYUR MA YIN, , SKYE 'DOD NYES PA BCOM PA'I PHYIR, , GANG YANG SKYON RNAMS 'GOG BYAS PA, , @211 DES SKYED LAS LA NUS 'GYUR GYI, , JI LTAR BYAS PA NYAMS PAR 'GYUR, , ZHES PAS, CI STE DKA' THUB KYIS 'BRAS BU 'BYIN PA'I NUS PA GCIG TU BYAS PA YIS NUS PA 'DRES PA'I 'BRAS BU GCIG BU DE NYID GDUNG BA GCIG NYAMS SU MYONG BAS ZAD PAR 'GYUNG RO ZHE NA, GAL TE DKA' THUB DES LUS GDUNG ZHING SDUG BSNGAL BA'I NYON MONGS LAS GZHAN SBYIN PA DANG TSUL KHRIMS LA SOGS 'DOD DAM; NYON MONGS NYID YIN, DANG PO LTAR NA, LAS 'BRAS ZAD PA'I PHYIR DU ME LNGA BSTEN PA SOGS GDUNG BA RTZOM PA DON MED PAR THAL, SKRA NYAG MA GCIG BTOGS PA LTA BU'I NYON MONGS PA'I CHA SHAS 'GAS LAS 'BRAS MA LUS PA SPONG NUS PA'I PHYIR, 'AM GYI SGRAS GDUNG BA'I NYON MONGS MED PAR DKA' THUB KYIS LAS 'BRAS KUN SPONG NUS PAR 'GYUR BAR THAL, DKA' THUB DES LAS THAMS CAD NUS PA GCIG TU 'DRES PAR BYED NUS PA'I PHYIR, PHYI MA LTAR NA, DKA' THUB 'DIS LAS KYI NUS PA GCIG TU 'DRES PA DANG, NUS PA RAGS PA SOGS SU 'GYUR BA MIN PAR THAL, DKA' THUB DE LAS NGAN GYI 'BRAS BU YIN PA'I PHYIR, PHYUGS KYI DKA' THUB BZHIN NO, ,GANG YANG SKYON CHAGS SOGS RNAMS 'GOG PAR BYED PA'I BDAG MED RTOGS PA'I SHES RAB CHOS CAN, MA 'ONGS SKYE 'DOD NYON MONGS DES SKYED PA'I LAS KYI 'BRAS BU 'BYIN PA LA GNOD NUS PAR 'GYUR TE, MA 'ONGS PA NA SKYE BAR 'DOD PA'I NYES PA BCOM PA'I PHYIR, JI LTAR LAS KYI 'BRAS BU ZHAR BA DANG SGUR PO LA SOGS PA GRUB ZIN NYAMS PAR 'GYUR TE MI 'GYUR, 'BRAS BU GRUB ZIN PA RNAMS MI SKYE BAR BYED MI NUS PA'I PHYIR, DE BZHIN DU GZUNGS SNGAGS BZLAS PA SOGS KYIS LAS SGRIB 'GA' ZHIG 'BRAS BU RNAM SMIN SKYE MI RUNG NYID DU BYED NUS KYANG SRED PA MA SPANGS PAR LAS MTHA' DAG ZAD PAR BYED @212 NUS PA'I GNYEN PO NI SU YANG MED DO, LAS KYI RNAM SMIN LONG BA SOGS GRUB ZIN PA RNAMS GNYEN PO'I STOBS KYIL ZAD PAR BYED MI NUS, RNAM SMIN 'BYIN MA ZIN PA RNAMS GNYEN PO'I STOBS KYIS MYONG NGES KYI LAS KYANG ZAD PAR NUS NA MYONG BAR MA NGES PA RNAMS LTA CI SMOS, GSUM PA LAS SRED SPANG BYAR MTSUNGS PA DGAG PA NI, RTZA BAR, LAS LAS NYES PA MA YIN TE, , SKYON LDAN BYED 'GYUR BZLOG LAS MIN, , LOG PA'I RNAM RTOG MED PAR NI, , BDE BA LAS KYANG 'DOD MI 'GYUR, , ZHES PAS, SRED PA YOD NA LAS 'BYUNG BA LTAR BZLOG PA LA'ANG DE LTAR YIN PAS LAS SRED GNYIS SPANG BYA MTSUNGS SO ZHE NA, SRED PA MED PA'I LAS LAS NYES PA CHAGS SOGS SKYE BA MA YIN TE, SRED PA'I SKYON RNAMS DANG LDAN PA RNAMS LAS GSOG PAR BYED PAR 'GYUR GYI, BZLOG PA SRED PA MED PA LAS DE LTAR MA YIN PA'I PHYIR, DGRA BCOM PA LA TSUL MIN YID BYED KYI LOG PA'I RNAM RTOG MED PA'I PHYIR NA, BDE BA YOD KYANG DE LAS 'DOD CHAGS SKYE BAR MI 'GYUR RO; GZHUNG DE DAG NI, DBANG PO SOGS BDAG GI BA SDUG BSNGAL DU BSGOM PA DANG; RANG BZHIN DANG SKYES BU THA DAD DU SHES PA DANG, DBANG BSKUR GYI CHO GA DANG LAS ZAD PAR BYED CING LUS GDUNG BAR BYED PA RNAMS GROL LAM DU 'DOD PA BKAG STE, BDAG RTAG PA BCINGS GROL GYI GZHIR GZUNG NAS RNAM GZHAG BYED PA SHA STAG TU SNANG NGO, BSTAN BCOS GANG DU BDAG MED RTOGS PA'I SHES RAB MA BSTAN PA DE NI 'KHOR BA LAS GROL BA'I LAM GYI GTZO BO MA BSTAN NO, ,GNYIS PA DE LAS BDE GSHEGS 'GRUB TSUL NI, @213 RTZA BAR, SKYOB LAS DE NYID DANG BRTAN DANG, , MA LUS KHYAD PAR MKHYEN PAR GRUB, , GSHEGS PA RTOGS PA'I DON PHYIR TE, , DE PHYIR PHYI ROL PA DANG SLOB, , MI SLOB LAS LHAG, CES PAS, THUB PA BCOM LDAN 'DAS DE GROL BA DON GNYER LA SKYOB PA YIN PAS, DE KHO NA NYID MKHYEN PA DANG, MKHYEN PA BRTAN PA DANG, MA LUS PA MKHYEN PAR GRUB BO, ,DE KHO NA NYID MKHYEN PA NI, BDEN BZHI'I GNAS TSUL MTHA' DAG MNGON SUM DU MKHYEN PA LA'O, ,BRTAN PA NI, ,BYED KYIS BSTAN PA LTAR SNGA PHYI DANG DNGOS SHUGS 'GAL BA CUNG ZAD KYANG MED PA'O, ,MA LUS PA'I KHYAD PAR MKHYEN PA NI, MNGON MTHO NGES LEGS KYI CHA THAMS CAD MNGON SUM DU GZIGS PA'I PHYIR, SKABS 'DIR SKYOB PA LAS MKHYEN PA RNAM DAG DPAG 'DOD NAS BDE BAR GSHEGS PA'I SGRA RTOGS PA'I DON CAN DANG, LUGS 'BYUNG GI SKABS SU BDE GSHEGS KYI SGRA SPANGS PA'I DON CAN DU BSTAN PA NI, STON PA'I RTAGS LAS BDE GSHEGS 'BYUNG RUNG DU GO BA'I CHED DU YIN NO, ,GONG GI KHYAD CHOS GSUM PO DE NI, PHYI ROL PA DANG, SLOB PA DANG, MI SLOB PA DGRA BCOM DAG LAS RTOGS PA LHAG PA GO DGOS, SKABS 'DIR MDO SEMS GNYIS KA'I LUGS THUN MONG BA YIN PAS, SHES SGRIB NI NYON MONGS CAN MA YIN PA'I MUN PA BZHI LA SOGS PA 'JOG , THUB PA BCOM LDAN 'DAS DE THAMS CAD SPANGS PA'I PHYIR NA, MKHYEN PA BLA NA MED PA MNGA' BA STE, MCHOG ZUNG GIS KYANG MA MKHYEN PA RNAMS STON PAS JI BZHIN DU GZIGS PA MDO SDE LAS BRGYA PA DANG, MDZANGS BLUN SOGS LAS BYUNG BA'I PHYIR, GSUM PA DE LAS STON PA 'GRUB TSUL NI, @214 RTZA BAR, DE YI PHYIR, GZHAN DON MKHYEN SBYOR DE STON PA, ,ZHES PAS, THUB PA BCOM LDAN 'DAS CHOS CAN, GZHAN GYI DON DU MA LUS PA MKHYEN PA LA SBYOR ZHING GOMS PAR BYED PA'I STON PA SNGON DU SONG STE, RTOGS PA PHUN TSOGS MNGA' BA DE YI PHYIR, BZHI PA DE LAS BRTZE BA 'GRUB PA'I TSUL NI, RTZA BAR, DE LAS BRTZE YIN GZHAN DON NGOR, ,DON GRUB MDZAD PA MI 'DOR PHYIR, ,ZHES PAS, THUB PA BCOM LDAN 'DAS CHOS CAN, BRTZE BA SNYING RJE CHEN PO SNGON DU SONG STE, SBYOR BA BRTZON 'GRUS KYIS LAM GOMS PAR MDZAD PA DE LAS DE DE'I PHYIR, TSAD MA'I SKYES BUR 'BYUNG BA LA BRTZE BA SNYING RJE CHEN PO SNGON DU SONG BA NGES PAR DGOS TE, DE LAS RANG DON MTHAR PHYIN PA MA ZAD GZHAN GYI DON GYIS NGOR YANG DON GRUB PA'I MDZAD PA MI 'DOR BA'I PHYIR, SNYING RJE CHEN PO MED NA MKHYEN PA YOD KYANG DUS LAS MI 'DOR BAR GZHAN DON MDZAD MI NUS SO, ,GNYIS PA DE DAG KUN LAS TSAD MAR BSGRUB PA NI, RTZA BAR, BRTZE BA LAS DANG YE SHES LAS, , BDEN PA GSUNG MDZAD SGRUB BYED BCAS, , DE GSUNG BAR YANG MNGON SBYOR LDAN, , GANG PHYIR DES NA TSAD MA NYID, , CES PAS, THUB PA BCOM LDAN 'DAS LA BRTZE BA SNYING RJE CHEN PO GOMS PA MTHAR PHYIN PA LAS DANG MA LUS PA MKHYEN PA'I YE SHES MNGA' BA LAS BDEN PA DANG LEGS PA PHAN PA 'BA' ZHIG GSUNG BAR MDZAD PA SGRUB BO, MA LUS PA MKHYEN PA'I YE SHES DE YANG BRTZE BA SNYING RJE CHEN PO GOMS PA LAS BYUNG BAS RTAG PA RANG BYUNG GI MKHYEN PA BSHAD PA DANG MI 'DRA'O, ,MKHYEN PA DE GZHAN LA GSUNG BAR YANG MNGON PAR SBYOR BA'I BRTZON 'GRUS MTHAR PHYIN PAR MDZAD PA DANG @215 LDAN BA'I MKHYEN PA YIN PAS, STON PA BCOM LDAN 'DAS SKYOB PAR SGRUB BO, , MDOR NA, STON PA BCOM LDAN 'DAS CHOS CAN, ,GROL BA DON GNYER LA MI SLU BA'I TSAD MA NYID DU GRUB STE, GANG GI PHYIR NA DON GNYIS MTHAR PHYIN PA'I STON PA YIN PA DE'I NA'I PHYIR, GNYIS PA TSAD MA'I SGO NAS BSTOD PA'I DGOS PA NI, RTZA BAR, DE LTA'I DNGOS STON BSTOD PA NI, , DE YI BSTAN PA NYID LAS NI, , TSAD MA'I DE NYID GRUB DON DE, , RJES SU DPAG PA MA BZLOG PHYIR, , CUNG ZAD SKYES PA'I BDAG NYID CAN, , GANG DE THAMS CAD 'GAG CHOS CAN, , ZHES SOGS RNAM PA DU MAR NI, , 'DI YI SBYOR BA'ANG MTHONG PHYIR RO, , MED NA MI 'BYUNG MTSAN NYID CAN, , RTAGS NI RJES DPAG RTEN YIN NO, , BSGRUB BYAS GTAN TSIGS KHYAB PA NI, , BSTAN PHYIR DE YANG GSAL BAR BSHAD, , CES PAS, STON PA BCOM LDAN 'DAS LA TSAD MAR GYUR PA DE LTA BU'I DNGOS POR BSTAN PA'I SGO NAS BSTOD PA LA DGOS PA YOD DE, STON PA DE YI BSTAN PA GSUNG RAB NYID LAS TSAD MA'I DE KHO NA NYID YONGS RDZOGS BSTAN PAR GRUB PA'I DON DU DE'I SGO NAS BSTOD PA'I PHYIR, STON PA'I GSUNG RAB LAS THAR PA DANG THAMS CAD MKHYEN PA GTAN LA 'BEBS PA'I TSAD MA'I MTSAN NYID DBYE BA 'JUG TSUL @216 SOGS RGYAS PAR BSTAN PA NA GSUNG RAB GZHAN GANG LA 'JUG KYANG LDE MIG LTA BUR GYUR NAS BRJOD BYA'I DON RNAMS LEGS PAR 'BYED PAR 'GYUR BA'O, ,MDO LAS, SNGON PO SHES KYI SNGON PO NYID DO ZHES NI MA YIN NO, ZHES PAS MNGON SUM TSAD MA BSTAN TE, DANG POS MA 'KHRUL BA DANG, GNYIS PAS RTOG BRAL BSTAN TE, RJES SU DPAG PA'I TSAD MA YANG BSTAN TE, RJES SU DPAG PA'I TSAD MA DE TSAD MAR MA LDOG PA'I PHYIR TE, GANG CUNG ZAD SKYE BA'I BDAG NYID CAN DE THAMS CAD NI, 'GAG PA'I CHOS CAN YIN NO, ZHES SOGS RNAM PA DU MAR RJES DPAG 'DI YI RTEN SBYOR BA'ANG GSUNGS PA MTHONG BA'I PHYIR, DU BA LAS NI MER SHES DANG, , ZHES SOGS 'BRAS RTAGS DANG, GANG ZAG GIS GANG ZAG TSAD MI 'DZIN, ZHES SOGS MA DMIGS PA'I GTAN TSIGS BSTAN, MED NA MI 'BYUNG BA'I MTSAN NYID CAN GYI RTAGS NI, RJES DPAG GI RTEN YIN PA'I PHYIR 'BREL BA YANG GSAL BAR BSHAD DE, BSGRUB BYA'I GTAN TSIGS RNAMS SKYE BA'I CHOS CAN LA KHYAB PA GSAL BAR BSTAN PA'I PHYIR, STON PA'I GSUNG RAB MTHA' DAG TSAD MA DANG TSAD MA'I RTEN DANG MTSAN NYID TSAD MAS SGRO 'DOGS GCOD TSUL SOGS BSTAN LA, TSAD MA DE DAG LA BRTEN NAS, SANGS RGYAS DANG, CHOS 'GOG LAM GNYIS, DE SGRUB PA'I 'PHAGS PA'I DGE 'DUN RNAMS KHONG DU CHUD TE, SKYABS 'GRO RNAM DAG SKYE BA DANG, SEMS CAN GYI DON DU RDZOGS BYANG SGRUB DGOS PA DANG, SGRUB NUS PA TSAD MAS NGES PA NA, SEMS BSKYED LA DAM BCA' 'JOG CING, RDZOGS BYANG THOB PA LA'ANG BDEN BZHI'I GNAS LUGS MNGON SUM DU SHES PA DANG GOMS PA LAS 'BYUNG BA MTHONG NAS BDEN BZHI'I GNAS LUGS DNGOS STOBS KYI RIGS PAS BTZAL TE, 'DOR LEN PHYIN CI MA LOG PA BYA BA YIN, DE LTAR TSAD MAS LEGS PAR BRTAGS NAS SGRO 'DOGS JI TZAM CHOD PA DE TZAM GYIS CHOS DKON MCHOG GI @217 GZHI BTZUG PA YIN, MTHAR SGRO 'DOGS MTHA' DAG BCAD NAS RDZOGS BYANG 'THOB DGOS PA'I PHYIR, RIGS PA YANG DAG GI RJES SU 'BRANG BA RNAMS KYIS BLO GZU BOR GNAS TE, GSUNG RAB KYI DON LA LEGS PAR DPYAD DGOS KYI, RTZOM PA PO SNYAN GRAGS CHE CHUNG LA BRTEN NAS GZHUNG BZANG NGAN DU SGRUB PA NI DBANG RTUL RMONGS DAD BLUN PO'I NGANG TSUL CAN TE, PHYAG DAR PHUNG PO'I NANG DU RIN THANG BRAL BA'I NOR SNYED PA SRID PA'I PHYIR, STON PA THUGS RJE CAN NAS KYANG, , DGE SLONG DAG GAM MKHAS RNAMS KYIS, , BSREG BCAD BRDAR BA'I GSER BZHIN DU, , LEGS PAR BRTAGS LA NGA YI BKA', , BLANG BAR BYA YI GUS PHYIR MIN, , ZHES GSUNGS PA DANG, GANG ZAG LA MI RTON CHOS LA RTON PA SOGS RTON PA BZHI GSUNGS PA LA DGOS PA YOD PA'I PHYIR, KUN LAS BTUS KYI MCHOD BRJOD GZHUNG GI DON, , LUGS 'BYUNG LUGS LDOG GTAN TSIGS CHEN PO BRGYAD, , RGYAS PHAR GTAN LA PHAB PA'I LE'U 'DIS, , STON DANG BSTAN PA YANG DAG YIN MIN 'BYED, , BLO LDAN GANG GIS MTHONG YANG YID 'PHROG 'GYUR, , THOS BSAM TSUL BZHIN 'BAD NAS DKON MCHOG GSUM, , RIGS PA'I STOBS KYIS NGES PA RNYED PA DANG, , SKYABS 'GRO RNAM DAG KUN LA SKYE BAR SHOG , @218 RDZOGS PA'I BYANG CHUB SEMS KYI RTZA BA BRTAN, , BDEN BZHI'I GNAS LUGS TSUL BZHIN SHES PA'I STON, , SBYOR GNYIS GOMS LAS 'BRAS BU PHUN TSOGS GNYIS, , 'GRO KUN DON DU BDE BLAG THOB PAR SHOG , TSAD MA RNAM 'GREL GYI RIGS PA'I DGONGS RGYAN ZHES BYA BA LAS LE'U GNYIS PA'I 'GREL PA'O, ,BOD RAB BYUNG BCU BDUN PA ME YOS SPYI LO 1987 LO BOD ZLA 6 TSES 13 NYIN LHA SA NOR GLING DU LEGS PAR GRUB PA DGE'O, ,