*, ,BSTAN BCOS 'DUL BA MDO RTZA BA'I SPYI DON t'IK CHEN RIN CHEN PHRENG BA'I DGONGS RGYAN LAS GZHI SMAD BZHUGS SO, , [DR] @001B #, ,'DUL BA 'BUM SDE'I CHU GTER LEGS 'KHRUNGS PA'I, ,RNAM DAG TSUL KHRIMS RIN CHEN KHAMS LAS GRUB, ,RNAM DKAR GRAGS PA'I 'OD ZER 'PHRO BA CAN, ,'DUL 'DZIN RIN CHEN GRAGS PA'I ZHABS LA 'DUD, ,'DIR SPYIR BSTAN GYI RNAM GZHAG 'CHAD PAR BYED PA LA, RANG BZO'I SKYON SPANG PA'I PHYIR DU, SPYIR BSTAN GYI GZHUNG TSAN DUG CU RTZA LNGA PO 'DI, LUNG GANG LAS GSUNGS, MDO RTZA'I GZHUNG 'DIR BSDUS PA'I TSUL DANG, DGOS PA MED PAR DOGS PA SPANG BA'I PHYIR DU DGOS DON BSHAD PA GNYIS BSHAD DGOS NA YANG, BDAG GIS 'DUL BA'I GZHUNG 'GREL DU RGYAS PAR BSHAD ZIN PAS DER BLTA BAR BYA'O, ,'DIR NI SPYIR BSTAN GYI GZHUNG 'DI RNAMS SO SO'I SPYI DON 'CHAD PAR BYED PA YIN PAS, DE LA THOG MAR NYAMS PA DANG, MA CHAGS PA GNYIS, LTUNG BA LA SBYOR NA NYES BYAS SO, ,ZHES PA'I SKABS SU, SDOM PA'I GTONG RGYU DANG NYAMS RGYU BSHAD PA, SKABS 'DI'I GZHUNG DON DNGOS BSHAD PA, BSLAB PA MA BSRUNGS PA'I NYES DMIGS DANG, BSRUNGS PA'I PHAN YON BSHAD PA DANG GSUM LAS, DANG PO NI, 'CHAB SEMS PHAM PA'I YAN LAG TU MI DGOS SHING, PHAM PA SDOM PA'I GTONG RGYU MA YIN TE, BSLAB BYIN DGE SLONG LA PHAM PA BYUNG BAR LUNG MA MO LAS GSUNGS PA'I PHYIR, LUNG MA MO LAS, PHAM PA BYUNG BA'I BSLAB PA [DR] [DR] @002A #, ,SBYIN PA GANG ZHE NA, GANG MI TSANGS PAR SPYOD PA BYAS NAS, THA NA SE GOL GTOGS PA'I YUN TZAM YANG 'CHAB SEMS MA SKYES NA, ZHES GSUNGS PA'I PHYIR, KHO NA RE, PHAM PA SDOM PA'I GTONG RGYU MIN NA, SDOM PA'I GTONG RGYU GANG YIN ZHE NA, DE NI, MDZOD LAS, BSLAB PA PHUL DANG SHI 'PHOS DANG, ,MTSAN GNYIS DAG NI BYUNG BA DANG, ,RTZA BA CHAD DANG MTSAN 'DAS LAS, ,SO SOR THAR PA'I 'DUL BA GTONG, ,ZHES GSUNGS PA LTAR, GONG DU RGYAS PAR BSHAD ZIN TO, ,KHO NA RE, RTZA LTUNG YIN NA, SO THAR GYI SDOM PA GANG GI YANG GTONG RGYU DANG, NYAMS RGYU MA YIN PAS KHYAB BAM ZHE NA, MA KHYAB STE, 'CHAB MED KYI RTZA LTUNG DE SO THAR GYI SDOM PA RNAM DAG SPYI'I GTONG RGYU YIN PA GANG ZHIG ,'CHAB BCAS KYI RTZA LTUNG DE DGOS PA SGRUB NUS KYI SO THAR GYI SDOM PA SPYI'I NYAMS RGYU YIN PA'I PHYIR TE, 'CHAB MED KYI RTZA LTUNG BYUNG BA'I SKYES BU YIN NA, DGOS PA SGRUB NUS KYI DGE SLONG GI SDOM PA RGYUD LDAN YIN DGOS, 'CHAB BCAS KYI RTZA LTUNG BYUNG BA'I SKYES BU YIN NA, DGOS PA SGRUB NUS KYI SO THAR GYI SDOM PA RGYUD LA MI LDAN PA'I SKYES BU YIN DGOS PA'I PHYIR TE, DE LTAR GONG DU NGES 'BYUNG TSUL KHRIMS MA'I SKABS SU SGRUBS ZIN PA'I PHYIR, GNYIS PA SKABS 'DI'I GZHUNG DON BSHAD PA DNGOS LA, NYAMS PAS LTUNG BA LA SBYOR NA NYES BYAS SO, ,ZHES PA'I DON [DR] @002B BSHAD PA DANG, MA CHAGS PAS LTUNG BA LA SBYOR NA NYES BYAS SO, ,ZHES PA'I DON BSHAD PA DANG, DE DAG GI ZHAR BYUNG GI DON BSHAD PA DANG GSUM, DANG PO NI THUN MONG BA'I PHAM PA 'CHAB BCAS KYIS NYAMS PA'I DGE SLONG DE, NYAMS PAS LTUNG BA LA SBYOR NA NYES BYAS SO, ,ZHES PA'I SKABS NAS BSTAN PA'I NYAMS PA DE YIN, DES NA NYAMS ZHES PA BSHAD PA'I GZHIR BZUNG NGO, ,GANG ZAG GANG NYAMS NA, SO SO THAR PA'I RTZA LTUNG 'CHAB BCAS LHAG PAR SPYOD PA'I DGE SLONG PHA MA GNYIS NYAMS PA YIN TE, RGYA CHER 'GREL LAS, NYAMS PA ZHES BYA BA NI, PHAM PAR GYUR PA STE, ZHES PA DANG, PHRAN TSEGS 'GREL PA LAS, PHAS PHAM PA ZHES BYA BA NI, LTUNG BA'I RJES SU 'GRO BA'I MING YIN TE, DE DANG LDAN PA'I PHYIR GANG ZAG LA YANG PHAS PHAM PA ZHES BYA'O, ,ZHES GSUNGS PA'I PHYIR, GANG LAS NYAMS NA, BSNYEN RDZOGS KYI SDOM PA RNAM DAG LAS NYAMS PA YIN TE, RGYA CHER 'GREL LAS, DGE SLONG GI DNGOS PO YONGS SU DAG PA LAS ZHES GSUNGS PA'I PHYIR, GANG GIS NYAMS NA THUN MONG GI PHAM PA 'CHAB BCAS KYIS NYAMS PA YIN TE, PHYIR 'CHOS SU MI RUNG BA'I TSUL GYIS NYAMS PA YIN PA'I PHYIR RO, ,BAM LNGA LAS, PHAM PAR 'GYUR BA'I DNGOS PO BZHI PHYIR 'CHOS PA YANG MTHOL BA DANG BSHAGS PA GNYIS KYIS PHAM PAR 'GYUR BA'I DNGOS PO BZHI LAS SLANGS PA STE, ZHES PA NAS, DE LTAR MTHOL NAS BSHAGS PA NI BSLAB PA SBYIN PA'I CHO GAS DNGOS GZHI'I LTUNG BA LAS LDANG BAR 'GYUR BAS STE, ZHES GSUNGS PA'I PHYIR, TSUL JI LTAR NYAMS NA SLAR GSOR MI RUNG BA'I TSUL GYIS NYAMS PA YIN TE, RGYA CHER 'GREL LAS, PHYIR 'CHOS SU MI RUNG BA NYID KYIS NYAMS PA YIN NO, ,DE'I PHYIR NYON MONGS PA RNAMS KYIS PHAM PAR BYAS PA NA, TSE DE LA NYON MONGS PA @003A *, ,RNAMS SPONG BA MI RIGS PAS, DES NA PHAM PAR GYUR BA ZHES BYA'O, ,ZHES GSUNGS PA'I PHYIR, DES NA THUN MONG BA'I PHAM PA 'CHAB BCAS KYIS NYAMS PA'I DGE SLONG DE, NYAMS PAS LTUNG BA LA SBYOR NA NYES BYAS SO, ,ZHES PA'I SKABS NAS BSTAN PA'I NYAMS PA DE YIN ZHING, DE'I RGYUD LA SDOM PA YOD KYANG, DGOS PA SGRUB NUS KYI SDOM PA MED DE, DE PHAM PA 'CHAB BCAS KYI DBANG GIS GROGS TSANGS PA MTSUNGS PAR SPYOD PA DANG, LHAN CIG TU GNAS PA DANG, CHOS DANG ZANG ZING GI LONGS SPYOD LHAN CIG TU BYA BA DANG, TSE DE LA THAR PA THOB PA MI SRID PA'I PHYIR TE, RGYA CHER 'GREL LAS, DGE SLONG PHAM PAR GYUR BA LA NI SDOM PA YOD DU ZIN KYANG, DE LTA MOD KYI DGOS PA MED PA NYID DU GYUR TE, TSANGS PA MTSUNGS PAR SPYOD PA RNAMS DANG LHAN CIG GNAS PA DANG LONGS SPYOD PA DAG MED PA'I PHYIR RO, ,SDOM PA YANG DAG PAR BLANGS PA NI RNAM PAR GROL BA'I PHYIR YIN NA, DES RNAM PAR GROL BA THOB PA THAG RING DU SPANGS PA'I PHYIR, DE'I SDOM PA NI MED PA DANG 'DRA BA YIN NO, ,ZHES PA DANG, BAM LNGA LAS KYANG, 'DIR NI SDOM PA NYAMS CHUNG BA LA BYA'I SDOM PA GTAN MED PA NI MIN TE, 'PHAGS PA GZHI THAMS CAD YOD PAR SMRA BA'I 'DUL BA'I SDE SNOD KYI LUNG NYID LAS, BU LON NOR BZHIN KHA CHE DAG ,BYUNG BA LA NI GNYIS SU 'DOD, CES GSUNGS PA'I PHYIR, 'DUL 'DZIN SNGA RABS PA KHA CIG ,PHAM PA 'CHAB BCAS KYIS SDOM PA GTANG BAR 'DOD LA, DE MI 'THAD DE, DE LTAR NA, THUN MONG MA YIN PA'I PHAM PAS KYANG SDOM PA GTONG BAR 'GYUR LA, DE LTAR NA THUN MONG MA YIN PA'I PHAM PA BYUNG BA'I DGE SLONG MA MTSAN GYUR PA NA, DGE SLONG PHA YIN PA MI 'THAD DGOS PA'I PHYIR, ZHES PA NI, tIK CHEN LAS, 'DUL BA 'DZIN PA SNGA RABS @003B PA DAG ,CES PA NAS, DGE SLONG MA MTSAN GYUR PA DGE SLONG DU MI RUNG BAR 'GYUR RO, ,ZHES PA'I BAR GYI DON YIN NO, ,YANG KHA CIG ,SROG GCOD PHAM PA 'CHAB BCAS KYIS NYAMS PA'I DGE SLONG GI RGYUD LA SROG GCOD SPONG BA'I SDOM PA MED KYANG, MI TSANGS SPYOD SPONG BA'I SDOM PA SOGS SDOM PA GZHAN RNAMS DGOS PA SGRUB NUS SU YOD ZER NA, DE MI 'THAD PAR THAL, DE LTAR NA SDOM PA MA TSANG BA'I DGE TSUL DGE SLONG YOD DGOS PA LAS DE MED PA'I PHYIR, MDZOD 'GREL LAS, GAL TE SDOM PA MED PA'AM MA TSANG BA YANG DGE BSNYEN DU 'GYUR NA DGE SLONG DANG DGE SBYONG DAG TU YANG 'GYUR RO, ,RE ZHIG JI LTAR NA DGE BSNYEN GYI SDOM PA LA SOGS PA DE DAG GI YAN LAG NGES PA YIN, STON PAS BTAGS PA'I DBANG GIS SO, ,DGE BSNYAN NYID LA SOGS PA YANG STON PAS BTAGS PA'I DBANG GIS SO SOR NGES PAR 'DOD PAR GYIS SHIG , DGE BSNYEN GYI SDOM PA MED PAR YANG BTAGS KYIS, DGE SLONG DANG DGE SBYONG DAG NI MA YIN NO, ,ZHES GSUNGS PA DANG 'GAL BA YIN PA'I PHYIR RO, ,GZHAN YANG, DE'I RGYUD LA SDOM PA GZHAN RNAMS DGOS PA SGRUB NUS SU MED DE, DE PHAM PA 'CHAB BCAS KYIS NYAMS PA YIN PA'I RGYU MTSAN GYIS DE 'DRA BA'I SKYES BU DE SA RANG BZHIN DU GNAS PA'I DGE SLONG BZHI DANG LHAN CIG GNAS PA DANG, CHOS DANG ZANG ZING GI LONGS SPYOD SOGS LHAN CIG TU BYAR MI RUNG ZHING, TSE DE NYID LA RNAM GROL DGRA BCOM PA'I GO 'PHANG THOB PA MI SRID PA'I PHYIR, DE 'DRA'I NYAMS PA'I SKYES BU DES LTUNG BA SDE LNGA'I GZHI LA ZHUGS NA NYES BYAS TZAM 'BYUNG BA YIN PA'I PHYIR TE, RGYA CHER 'GREL LAS, NYAMS PA DANG, MA SKYES PA'I GANG ZAG DE GNYIS NI LTUNG BA LA SBYOR ZHING LTUNG BA KUN TU SPYOD PAS LHAG PAR SPYOD CING SBYOR BAR BYED NA THAMS CAD DU NYES BYAS SO, ,ZHES GSUNGS PA'I PHYIR, ZHES PA NI, tIK CHEN LAS, BOD KHA CIG ,SROG GCOD LTA BU'I PHAM PA BYUNG NA, ZHES SOGS KYI DON YIN NO, ,KHO NA RE, GZHUNG 'DI DE 'DRA'I DGE SLONG DES LTUNG BA'I RGYUD LA SPYAD NA NYES BYAS SKYE ZHES RANG GI BRJOD BYA SGRUB PA'I SGRA KHO NA'I @004A *, ,SGO NAS BSTEN PA TZAM YIN NAM, RANG GI BRJOD BYA DGAG PA'I SGRA'I SGO NAS KYANG BSTAN PA DAG LAS GANG YIN ZHE NA, ZHES PA'I DRI BA DE STON PAR BYED PA LA, RGYA CHER 'GREL LAS, CI 'DI SGRUB PA YIN NAM, 'ON TE DAG GANG YIN ZHE NA, ZHES PA 'DI GSUNG ZER BA LA NI, PHYI MA LTAR YIN TE, GZHUNG DES DE 'DRA'I DGE SLONG GIS LTUNG BA'I RGYU LA SPYAD PAS DNGOS GZHI RDZOGS PAR MI SKYED PAR BSTAN PA'I PHYIR TE, GZHUNG DES DE 'DRA'I NYAMS PA DE BSNYEN PAR RDZOGS PA YIN PAS DES SDE LNGA'I GZHI LA ZHUGS NA, SDE LNGA'I DNGOS GZHI JI LTA BA BZHIN 'BYUNG NGAM SNYAM PA'I DOGS PA BSAL NAS DES DE LA ZHUGS NA NYES BYAS TZAM LAS MI 'BYUNG ZHES BSTAN PA YIN PA'I PHYIR TE, RGYA CHER 'GREL LAS, NYAMS PA NI DGAG PA YIN TE, 'DI LTAR NYAMS PA NI, BSNYEN PAR RDZOGS PA TZAM YIN PAS, BSNYEN PAR RDZOGS PA CAN GYI DGE SLONG DANG, DGE SLONG MA NYID NI BSLAB PA DAG LA YAN LAG YIN PAS, DES NA NYAMS PAS LTUNG BA LA SBYAR BA'I DUS NA YANG DANG YANG DU PHAM PAR 'GYUR BA DANG, DGE 'DUN LHAG MA LA SOGS PA DAG TU 'GYUR BAR THAL BA DE DGAG PA'I PHYIR 'DIR NYES BYAS TZAM DU BSTAN PAS DE 'GOG PAR BYED PA'I PHYIR, ZHES GSUNGS PA'I PHYIR, ` GNYIS PA MA CHAGS PA LA CIR 'GYUR BSHAD PA NI, BAR MA RAB BYUNG GI TSUL KHRIMS DANG LDAN ZHING, DGE SLONG GI SDOM PA BLANGS KYANG MA CHAGS PA'I DGE SLONG DU KHAS 'CHE BA'I SKYES BU DE, MA CHAGS PAS LTUNG BA LA SBYAR NA NYES BYAS SO, ,ZHES PA'I SKABS NAS BSTAN PA'I MA CHAGS PA DE YIN NO, ,DES NA MA CHAGS ZHES PA BSHAD PA'I GZHIR BZUNG, RTEN GYI GANG ZAG GANG LA MA CHAGS NA, BAR MA RAB BYUNG GI TSUL KHRIMS DANG LDAN ZHING, DGE SLONG GI SDOM PA BLANGS KYANG MA CHAGS PA'I DGE SLONG DU KHAS 'CHE BA'I SKYES BU DE'I RGYUD LA MA CHAGS PA YIN TE, RGYA CHER 'GREL LAS, MA SKYES PA ZHES BYA BA NI, SDOM PA MA THOB PA STE, ZHES GSUNGS PA'I PHYIR, GANG GIS MA CHAGS NA, MTHUN RKYEN MA TSANG ZHING, 'GAL @004B RKYEN MA SPANGS PA'I DBANG GIS MA CHAGS PA YIN TE, RGYA CHER 'GREL LAS, RKYEN 'GA' ZHIG MA TSANG BAS, ZHES GSUNGS PA'I PHYIR, GANG MA CHAGS NA DGE TSUL DANG DGE SLONG GI SDOM PA MA CHAGS PA YIN TE, RGYA CHER 'GREL LAS, DANG PO NYID NAS DGE TSUL DANG DGE SLONG DAG GI SDOM PA GNYIS MA SKYES PA YIN NO, ,ZHES GSUNGS PA'I PHYIR, TSUL JI LTAR MA CHAGS NA, MA THOB PA GNYIS PA'I TSUL GYIS MA CHAGS, DE 'DRA'I SKYES BU DES SDE LNGA'I GZHI LA ZHUGS NA NYES BYAS TZAM SKYED PA YIN TE, 'DI NYID LAS, MA CHAGS PAS LTUNG BA LA SBYAR NA NYES BYAS SO, ,ZHES GSUNGS PA'I PHYIR, KHO NA RE, GZHUNG PHYI MAS DE 'DRA'I SKYES BU DES LTUNG BA'I RGYU LA SPYAD PAS DNGOS GZHI MI SKYED CES RANG GI BRJOD BYA DGAG PA'I SGRA KHO NA'I SGO NAS STON PA YIN NAM, RANG GI BRJOD BYA SGRUB PA'I SGRA'I SGO NAS KYANG STON PA DAG LAS GANG YIN ZHE NA, PHYI MA LTAR YIN TE, GZHUNG DES DE 'DRA'I SKYES BUS LTUNG BA'I RGYU LA SPYAD NA NYES BYAS SKYED PA BSTAN PA GANG ZHIG ,LTUNG BA'I RGYU LA SPYAD NA NYES BYAS SKYED CES PA'I SGRA DE SGRUB TSIG YIN PA'I PHYIR TE, RGYA CHER 'GREL LAS, MA SKYES PA NI SGRUB PA YIN TE, 'DI LTAR DES DANG PO NYID NAS DGE TSUL NYID DANG DGE SLONG NYID KYI DNGOS PO MA THOB PAS MED PA'I PHYIR, DES LTUNG BA LA SBYOR BA'I DUS NA NYES BYAS SU 'GYUR BAR SGRUB PA'I PHYIR RO, ,'O NA, SDOM PA MED PA LA LTUNG BA RNAM PAR GZHAG PA YANG MED PA MA YIN NAM ZHE NA, BDEN MOD KYI, 'ON KYANG RAB TU BYUNG BA DANG, BSNYEN PAR RDZOGS PA'I THA SNYAD LA SDOM PA MA SKYES PA 'DIS KYAS BLANGS PAR GYUR PAS DE'I PHYIR THA SNYAD DE LA BDAG NYID STON PA'I GANG ZAG MA SKYES PA LA NI SDOM PA YANG MA YIN, SDOM PA MA YIN PA YANG MA YIN PA'I NGO BO NYID KYI RAB TU BYUNG BA YOD PAS DE LA NYES BYAS SU BZHAG PA MDZAD DO, ,ZHES GSUNGS PA'I PHYIR, ` GSUM PA DE DAG GI ZHAR BYUNG NI, RTZA LTUNG 'CHAB BCAS KYIS NYAMS PA'I DGE SLOB MA DANG, DGE TSUL RNAMS GZHUNG DANG PO'I ZHAR BYUNG GI BSTAN DON YIN TE, DE RNAMS KYIS BLANGS 'DAS KYI LTUNG BA'I RGYU LA SPYAD @005A *, ,PAS DNGOS GZHI MI SKYED PA GANG ZHIG, NYES BYAS TZAM SKYED PA'I PHYIR, DANG PO GRUB STE, DE'I RGYUD LA DGOS PA SGRUB NAS KYI RAB BYUNG GI SDOM PA MED PA'I PHYIR, GNYIS PA GRUB STE, 'DI NYID LAS, NYAMS PAS LTUNG BA LA SBYOR NA NYES BYAS SO, , ZHES GSUNGS PA'I PHYIR, RTZA BA'I GSUM PA LA, MA BSRUNGS PA'I NYES DMIGS BSHAD PA DANG, BSRUNG PA'I PHAN YON BSHAD PA GNYIS, NGES 'BYUNG TSUL KHRIMS MA'I SKABS SU, SDOM PA RNAM PAR DAG PA'I PHAN YON DANG, MA DAG PA'I NYES DMIGS RGYAS PAR YOD PAS DER BLTA BAR BYA'O, ,NGAG DON NI, GZHUNG TSAN DANG PO LA DGE SLONG GI SDOM PA PHAM PA 'CHAB BCAS KYIS NYAMS PA'I DGE SLONG DES LTUNG BA'I RGYU LA SPYAD PA LA LTUNG BA'I DNGOS GZHI 'BYUNG BAS MA KHYAB STE, PHAM PA 'CHAB BCAS BYUNG BA'I DGE SLONG GIS DE'I RGYU LA SPYAD PAS NYES BYAS TZAM LAS MI 'BYUNG BA'I PHYIR, GZHUNG TSAN GNYIS PA LA, DGE SLONG GI SDOM PA BLANGS LA MA THOB PA'I RAB BYUNG GI CHA LUGS BZUNG BA'I SKYES BU DES DE'I RGYU LA SPYAD PAS NYES MED DU 'GYUR RAM ZHE NA MI 'GYUR TE, DES KYANG DE LA SPYAD NA NYES BYAS 'BYUNG BA YIN PA'I PHYIR, 'DIR GZHAN LUGS CUNG ZAD BKAG NA, KHA CIG ,PHAM PA 'CHAB BCAS KYIS NYAMS PA'I DGE SLONG DE YIN NA, RANG NYID KYIS SDE LNGA'I GZHI LA ZHUGS NA SDE LNGA'I DNGOS GZHI JI LTA BA BZHIN MI SKYED PAS KHYAB ZER NA, REG PHAM 'CHAB BCAS BYUNG BA'I DGE SLONG MA CHOS CAN, DER THAL, DE'I PHYIR, RTAGS CHOS CAN GYIS GRUB, 'DOD MI NUS TE, DE'I RGYUD LA DGOS PA SGRUB NUS KYI DGE SLONG GI SDOM PA YOD PA'I PHYIR TE, REG PHAM 'CHAB BCAS KYIS DGE SLONG GI SDOM PA GSO MI RUNG DU MI BYED PA'I PHYIR TE, DE 'DRA'I PHAM PA 'CHAB BCAS BYUNG BA'I DGE SLONG MA DGE SLONG PHAR MTSAN GYUR MA THAG PA'I DGE SLONG PHA'I RGYUD LA DGOS PA SGRUB NUS KYI DGE SLONG GI SDOM PA YOD PA'I PHYIR, KHA CIG ,THUN MONG BA'I PHAM PAS NYAMS PA'I DGE SLONG YIN NA, RANG NYID KYIS SDE LNGA'I GZHI LA ZHUGS NA SDE LNGA'I DNGOS GZHI JI LTA BA BZHIN MI @005B SKYED PAS KHYAB ZER NA, THUN MONG BA'I PHAM PA 'CHAB MED BYUNG BA'I DGE SLONG CHOS CAN, DER THAL, DE'I PHYIR, RTAGS CHOS CAN GYIS GRUB, 'DOD MI NUS TE, DE'I RGYUD LA DGOS PA SGRUB NUS KYI DGE SLONG GI SDOM PA YOD PA'I PHYIR TE, DE 'DRA'I DGE SLONG LA CHAD PA'I LAS KYI BSLAB PA BYIN PAS, DE BSLAB BYIN DGE SLONG DU 'GYUR BA'I PHYIR TE, TSE DANG LDAN PA DGE SLONG DGA' BYED LA THUN MONG BA'I PHAM PA 'CHAB MED BYUNG BA'I TSE, BSLAB PA BYIN PAS DE BSLAB BYIN DGE SLONG DU SONG BA YIN PA'I PHYIR, KHA CIG ,PHAM PA 'CHAB MED BYUNG BA'I DGE SLONG YIN NA, RANG NYID LA BSLAB PA STER DGOS PAS KHYAB ZER NA, REG PHAM 'CHAB MED BYUNG BA'I DGE SLONG MA CHOS CAN, DER THAL, DE'I PHYIR, RTAGS CHOS CAN GYIS GRUB, RTZA BAR 'DOD MI NUS TE, DE LA BSLAB PA STER MI DGOS PA'I PHYIR, DE 'DRA'I DGE SLONG MA MTSAN GYUR PA'I DGE SLONG PHA'I RTEN LA REG PHAM MED PA'I PHYIR TE, DE'I RTEN LA REG PHAM GYI BCAS PA MA MDZAD PA'I PHYIR, KHYAB STE, 'DI NYID LAS, ZHING MA YIN PA NYID LA NI NYAMS SO, ,ZHES GSUNGS PA'I PHYIR, KHA CIG ,SROG GCOD KYI PHAM PA 'CHAB BCAS BYUNG NA, PHAM PA BZHI KA BYUNG BAS KHYAB ZER NA, 'O NA, SROG GCOD KYI PHAM PA 'CHAB BCAS BYUNG ZHING, MA BYIN LEN DANG, MI TSANGS SPYOD DANG, MI CHOS BLA MA'I RDZUN RNAMS GANG RUNG MA BYAS PA'I DGE SLONG DE CHOS CAN, DER THAL, DE'I PHYIR, 'DOD NA, DE LA MA BYIN LEN GYI PHAM PA BYUNG BAR THAL, 'DOD PA'I PHYIR, 'DOD NA, DES MA BYIN LEN BYAS PAR THAL, 'DOD PA'I PHYIR, 'DOD MI NUS SO, ,BYAS PA LA KHO NA RE, DE LA MA BYIN LEN GYI PHAM PA BYUNG BAR THAL, DE'I RGYUD LA MA BYIN LEN SPONG BA'I PHYIR MNOS PA'I SDOM PA DGOS PA SGRUB NUS MED PA'I PHYIR ZER NA MA KHYAB, DE'I RGYUD KYI SROG GCOD PHAM PA 'CHAB BCAS DES, DE'I RGYUD KYI MA BYIN LEN SPONG BAR MNOS PA'I SDOM PA YANG PHAM PAR BYED PA'I PHYIR, KHA CIG ,SROG GCOD KYI PHAM PA DE PHAM PA BZHI KA YIN ZER NA, 'O NA, MA BYIN LEN MA BYAS PAR, MA BYIN LEN GYI @006A *, ,PHAM PA BYUNG BA YOD PAR THAL, MA BYIN LEN MA BYAS PAR MI'I SROG GCAD PAS MA BYIN LEN GYI PHAM PA 'BYUNG BA YOD PA'I PHYIR TE, KHYOD KYI DAM BCA' 'THAD PA'I PHYIR, KHA CIG ,PHAM PA 'CHAB BCAS BYUNG BA'I DGE SLONG GI RGYUD KYI SDOM PA DE TSUL 'CHAL YIN NO ZER NA, DE CHOS CAN, MI DGE BA YIN PAR THAL, TSUL 'CHAL YIN PA'I PHYIR, KHYAB STE, MDZOD LAS, 'CHAL BA'I TSUL KHRIMS MI DGE'I GZUGS, ,ZHES GSUNGS PA'I PHYIR, RTZA BAR 'DOD MI NUS TE, DGE BA YIN PA'I PHYIR TE, SO THAR GYI SDOM PA YIN PA'I PHYIR, DE LA KHYAB PA YOD PAR THAL, LUNG BSTAN THOGS PA MED PA'I GZUGS, ZHES GSUNGS PA'I PHYIR, GONG GI RTAGS GRUB STE, DE 'DRA YOD PA'I PHYIR, DGE SLONG PHAM PAR GYUR PA LA NI SDOM PA YOD DU ZIN KYANG, ZHES GSUNGS PA'I PHYIR, BYAS PA LA KHO NA RE, DE 'DRA'I DGE SLONG GI RGYUD KYI SDOM PA DE TSUL 'CHAL YIN PAR THAL, DE 'DRA'I SKYES BU DE TSUL 'CHAL GYI SKYES BU YIN PA'I PHYIR ZER NA MA KHYAB STE, DE 'DRA'I SKYES BU DE TSUL 'CHAL KYI NGO BOR GYUR BA'I PHAM PA 'CHAB BCAS DES TSUL KHRIMS 'CHAL BAR BYAS PA'I PHYIR, BYAS PA LA KHO NA RE, DE 'DRA'I SKYES BU CHOS CAN, TSUL 'CHAL YIN PAR THAL, TSUL 'CHAL GYI SKYES BU YIN PA'I PHYIR ZER NA, 'GAL KHYAB YIN NO, ,KHA CIG ,DGE SLONG GI SDOM PA BLANGS KYANG MA CHAGS PA'I DGE SLONG GI MING CAN GYI SKYES BU DE, MA CHAGS PAS ZHES PA'I SKABS NAS BSTAN PA'I MA CHAGS PA DE YIN NO ZER NA, 'O NA, DE'I RGYUD LA SO THAR GYI SDOM PA MED PAR THAL, DAM BCA' 'THAD PA'I PHYIR, 'DOD MI NUS TE, DE'I RGYUD LA DGE TSUL GYI SDOM PA YOD PA'I PHYIR TE, DGE TSUL GYI SDOM PA THOB LA MA NYAMS SHING, DGE SLONG GI SDOM PA BLANGS KYANG MA CHAGS PA'I DGE SLONG GI MING CAN GYI SKYES BU GCIG YOD PA'I PHYIR, YANG KHA CIG ,SO SKYAR GYUR BA'I DGE SLONG RNAM DAG YIN NA, LTUNG BA SDE LNGA'I RGYU LA SPYAD PAS LTUNG BA'I DNGOS GZHI RANG RGYUD LA @006B 'BYUNG BA'I DGE SLONG YIN PAS KHYAB ZER NA, BCAS PA MA MDZAD GONG GI SO SKYER GYUR BA'I DGE SLONG RNAM DAG CHOS CAN, DER THAL, DE'I PHYIR, 'DOD MI NUS TE, BCAS LDAN DGE SLONG MA YIN PA'I PHYIR, KHA CIG ,BCAS LDAN DGE SLONG YIN NA DE YIN PAS KHYAB ZER NA, PHAM PA 'CHAB BCAS KYIS NYAMS PA'I DGE SLONG CHOS CAN, DER THAL, DE'I PHYIR, RTAGS CHOS CAN GYIS GRUB, 'DOD MI NUS TE, DES DE'I RGYU LA SPYAD PAS NYES BYAS TZAM SKYED PA'I PHYIR TE, NYAMS PA'I LTUNG BA LA SBYOR NA NYES BYAS SO, ,ZHES GSUNGS PA'I PHYIR, BYAS PA LA KHO NA RE, RAB BYUNG GI SDOM PA 'BOGS PA'I CHO GA BYAS SHING, DE'I SDOM PA MA THOB PA'I RAB BYUNG GI CHA LUGS BZUNG BA'I SKYES BU DE BCAS LDAN DGE SLONG YIN PAR THAL, DES SDE LNGA'I RGYU LA SPYAD PAS NYES BYAS SKYED PA'I PHYIR NA, MI MTSUNGS SO, ,'DOD MI NUS TE, DE'I RGYUD LA RAB BYUNG GI SDOM PA MED PA'I PHYIR, KHA CIG ,PHAM PAS NYAMS PA'I DGE SLONG YIN NA, GZHUNG 'DIS DNGOS SU BSTAN PA'I DGE SLONG YIN PAS KHYAB ZER NA, BSLAB BYIN DGE SLONG CHOS CAN, DER THAL, DE'I PHYIR, 'DOD NA, DES SDE LNGA'I RGYU LA SPYAD PAS, SDE LNGA'I DNGOS GZHI MI SKYED PAR THAL, 'DOD PA'I PHYIR, 'DOD MI NUS TE, BSLAB PA BYIN PA NI 'DRA BA NYID DO, ,ZHES PA DANG, DE'I RGYA CHER 'GREL LAS, DGE SLONG MI TSANGS PAR SPYOD PA LA SOGS PA LA SBYOR BA LA, PHAM PAR 'GYUR BA LA SOGS PA'I LTUNG BA 'BYUNG BA DE BZHIN DU, BSLAB PA BYIN PA LA YANG DE BZHIN NO, ,ZHES GSUNGS PA'I PHYIR, KHA CIG ,GZHUNG 'DIS DNGOS SU BSTAN PA'I DGE SLONG YIN NA, RTEN DE LA BSNYEN RDZOGS KYI SDOM PA GSOR MI RUNG BA'I DGE SLONG YIN PAS KHYAB ZER NA, DGE SLONG PHAR MTSAN 'GYUR BA LA MNGON DU PHYOGS PA'I THUN MONG MA YIN PA'I PHAM PA 'CHAB BCAS KYIS NYAMS PA'I DGE SLONG MA CHOS CAN, DER THAL, DE'I PHYIR, DES LTUNG BA SDE LNGA'I RGYU LA SPYAD PAS NYES BYAS TZAM SKYED PA'I PHYIR TE, DE PHAM PA 'CHAB BCAS KYIS NYAMS PA'I DGE SLONG YIN PA'I PHYIR, @007A *, ,'DOD NA, DES RTEN DE LA PHAM PA 'CHAB BCAS 'DAG MI RUNG BAR THAL, 'DOD PA'I PHYIR, 'DOD MI NUS TE, THUN MONG MA YIN PA'I PHAM PA 'CHAB BCAS DE, RTEN GYI GANG ZAG MTSAN GYUR PA'I STOBS KYIS 'DAG PA'I PHYIR, BYAS PA LA KHO NA RE, DAM BCA' DE 'THAD PAR THAL, PHYIR BCOS SU MED PA NYID KYIS NYAMS SO, ,ZHES GSUNGS PA'I PHYIR, ZER NA MA KHYAB STE, LUNG DES NI PHAM PA 'CHAB BCAS KYIS NYAMS PA'I DGE SLONG DE LA, BSLAB BYIN GYI CHAD LAS BCAD NA PHAM PA 'CHAB BCAS 'DAG PAR MI NUS PAR BSTAN PA TZAM YIN PA'I PHYIR, BYAS PA LA KHO NA RE, DAM BCA' 'THAD PAR THAL, RGYA CHER 'GREL LAS, DE'I PHYIR NYON MONGS PA RNAMS KYIS PHAM PAR BYAS PA NI TSE DE LA NYON MONGS PA SPONG MI SRID PAS, ZHES GSUNGS PA'I PHYIR, ZER NA MA KHYAB STE, LUNG DE NI THUN MONG BA'I PHAM PA 'CHAB BCAS BYUNG BA'I DGE SLONG DES, TSE DE LA NYON MONGS SPONG MI NUS PAR BSTAN PA TZAM YIN PA'I PHYIR, DE LTAR MA YIN NA, PHAM PA 'CHAB BCAS BYUNG BA'I DGE SLONG YIN NA, TSE DE LA NYON MONGS SPONG MI NUS PAS KHYAB PAR THAL, GZHUNG 'DIS DNGOS SU BSTAN PA'I DGE SLONG YIN NA, DE YIN PAS KHYAB PA'I PHYIR, 'DOD NA, DE YIN NA, TSE DE LA PHAM PA 'CHAB BCAS 'DAG MI NUS PAS KHYAB PAR THAL, 'DOD PA'I PHYIR, 'DOD MI NUS TE, THUN MONG MA YIN PA'I PHAM PA 'CHAB BCAS DE, RTEN GYI GANG ZAG MTSAN GYUR PA'I STOBS KYIS 'DAG PA'I PHYIR, 'DI NYID LAS, 'DI LA CHO GA RNAMS GYUR TO, ,ZHES GSUNGS PA'I PHYIR DANG, DE'I RGYA CHER 'GREL LAS, MTSAN GYUR PA 'DI LA GANG GI PHYIR CHO GA BCAS PA RNAMS GYUR PA DE'I PHYIR DE DAG RNAM PAR GZHAG PA MED DO, ,ZHES GSUNGS PA'I PHYIR, KHO NA RE, RTEN DE LA NYON MONGS SPONG NUS PA'I THUN MONG MA YIN PA'I PHAM PA 'CHAB BCAS BYUNG BA'I DGE SLONG MA'I RGYUD KYI DGE SLONG GI SDOM PA CHOS CAN, DGOS PA SGRUB NUS KYI DGE SLONG GI SDOM PA YIN PAR THAL, @007B RTEN DE LA NYON MONGS SPONG NUS PA'I DGE SLONG GI SDOM PA YIN PA'I PHYIR NA MA KHYAB, 'DOD NA, DE 'DRA'I DGE SLONG MA DE BSLAB BYIN GYI CHAD LAS BCAD PAS PHAM PA 'CHAB BCAS 'DAG NUS PAR THAL LO, ,KHA CIG ,DGOS PA SGRUB NUS KYI DGE SLONG GI SDOM PA YIN NA, DGE SLONG GI SDOM PA RNAM DAG YIN PAS KHYAB ZER NA, BSLAB BYIN DGE SLONG GI RGYUD KYI DGE SLONG GI SDOM PA CHOS CAN, DER THAL, DE'I PHYIR, 'DOD NA, BSLAB BYIN DGE SLONG DE DGE SLONG RNAM DAG YIN PAR THAL LO, ,'DOD MI NUS TE, PHAM PAS NYAMS PA'I DGE SLONG YIN PA'I PHYIR, GZHAN YANG, DES LTUNG BA SDE LNGA'I RGYU LA SPYAD PAS LTUNG BA DNGOS GZHI SKYED PA DGE SLONG RNAM DAG DANG 'DRA BAR BSTAN PA MI 'THAD PAR THAL, DE DGE SLONG RNAM DAG YIN PA'I PHYIR, 'DOD MI NUS TE, 'DI NYID LAS, BSLAB PA BYIN PA NI 'DRA BA NYID DO, ,ZHES PA DANG, DE'I RGYA CHER 'GREL LAS, BSLAB PA BYIN PA NI THAMS CAD DU LTUNG BA LA SBYOR BA DGE SLONG DAG DANG 'DRA BA NYID DU RIG PAR BYA STE, ZHES GSUNGS PA'I PHYIR, GZHAN YANG, DE DGE SLONG RNAM DAG MA YIN PAR THAL, DES DGE SLONG RNAM DAG LA BYIN LEN BYAS PAS KYANG BYIN LEN CHAGS, DGE SLONG RNAM DAG GI BYIN LEN BYAS ZIN PA'I RJES LA, BSLAB BYIN DGE SLONG GIS REG PAS KYANG BYIN LEN 'JIG PA'I PHYIR, 'DI NYID LAS, BSNYEN PAR MA RDZOGS PA DANG LDAN PA NYID KYANG NGO, ,ZHES PA DANG, DE'I RGYA CHER 'GREL LAS, BSLAB PA BYIN PA DE DGE SLONG GZHAN GYI YUL LA NI BSNYEN PAR MA RDZOGS PA DANG LDAN PA NYID YIN LA, RANG GI YUL LA NI BSNYEN PAR RDZOGS PA NYID YIN NO, ,ZHES BYA BA'I THA TSIG GO ,ZHES GSUNGS PA'I PHYIR, KHO NA RE, PHAM PA BYUNG BA'I DGE SLONG YIN NA, DGE SLONG RNAM DAG MA YIN DGOS PAR THAL, BSLAB BYIN DGE SLONG DE DGE SLONG RNAM DAG MA YIN PA'I PHYIR, 'DOD BYAS PAS, THUN MONG MA YIN PA'I PHAM PA 'CHAB BCAS BYUNG BA'I DGE SLONG MA DGE SLONG PHAR MTSAN GYUR PA'I DGE SLONG DE CHOS CAN, DER THAL, DE'I PHYIR, RTAGS GRUB STE, DGE SLONG MA'I RTEN LA PHAM PA 'CHAB BCAS BYUNG BA YIN @008A *, ,PA'I PHYIR, ZER NA, MA KHYAB STE, DE CHOS CAN, PHAM PAS NYAMS PA'I DGE SLONG YIN PAR THAL, DGE SLONG MA'I RTEN LA PHAM PAS NYAMS PA'I DGE SLONG YIN PA'I PHYIR, KHYAB PA KHAS, RTAGS GRUB STE, DE MA'I RTEN LA PHAM PA DANG BCAS PA'I DGE SLONG YIN PA'I PHYIR TE, DE'I RTEN LA PHAM PA BYUNG BA'I DGE SLONG YIN PA'I PHYIR, RTZA BAR 'DOD MI NUS TE, PHAM PA DAG PA'I DGE SLONG YIN PA'I PHYIR, SNGA RABS PA KHA CIG ,PHAM PA SDOM PA'I GTONG RGYU YIN TE, BSLAB BYIN GYI SKYES BU YIN NA, DGE SLONG GI SDOM LDAN MA YIN DGOS PA'I PHYIR TE, LUNG ZHU BA LAS, BSNYEN PAR MA RDZOGS PA LA LHAG MAR 'GYUR BA MCHIS SAM, BKA' STZAL PA, YOD DE, BSLAB PA BYIN PA LA'O, ,ZHES GSUNGS PA'I PHYIR NA MA KHYAB STE, LUNG DES NI BSLAB BYIN DGE SLONG DE DGE SLONG RNAM DAG MA YIN PAR BSTAN PA'I PHYIR, DE LTA MA YIN NA, MI TSANGS SPYOD KYI PHAM PA TZAM BYUNG BA'I DGE SLONG DE LA PHAM PA GZHAN GSUM PO GANG RUNG GI SGO NAS SKUR PA BTAB PAS SKUR 'DEBS KYI LHAG MA'I LTUNG BA MI SKYED PAR THAL, PHAM PAS NYAMS PA'I SKYES BU YIN NA, DGE SLONG GI SDOM LDAN MA YIN DGOS PA'I PHYIR, RTAGS KHAS, 'DOD MI NUS TE, LUNG ZHU BA LAS, DGE SLONG BDAG NYID NA RE, BDAG GIS MI TSANGS PA SPYOD DO ZER BA LA, GZHAN DAG NA RE, GSUM PO DAG GI SGO NAS SKUR PA BTAB PA NA DGE 'DUN LHAG MAR 'GYUR RO, ,ZHES GSUNGS PA'I PHYIR, DE LA KHO NA RE, GSAL BA DE MI 'THAD PAR THAL, SKUR 'DEBS KYI LHAG MA'I LTUNG BA 'BYUNG BA LA SKUR BA 'DEBS YUL GYI DGE SLONG DE DGE SLONG RNAM DAG YIN PA ZHIG DGOS PA'I PHYIR, SKUR 'DEBS KYI LHAG MA'I LTUNG BA SKYED TSUL STON PA NA, SO THAR GYI MDO LAS, DGE SLONG DAG PA LTUNG BA MED PA LA, ZHES GSUNGS PA'I PHYIR ZER NA MA KHYAB STE, LUNG DES NI SKUR 'DEBS KYI LHAG MA'I LTUNG BA SKYED PA LA, SKUR PA 'DEBS YUL GYI DGE SLONG NYID GANG GI SGO NAS SKUR PA 'DEBS PA'I PHAM PA DES MA GOS PA ZHIG DGOS @008B PAR BSTAN PA YIN PA'I PHYIR, GZHAN YANG, PHAM PA BZHI KA BYUNG BA'I SKYES BU MED PAR THAL, PHAM PA SDOM PA'I GTONG RGYU GANG ZHIG ,DE BZHI KA CIG CHAR DU BYUNG BA'I SKYES BU MED PA'I PHYIR, BDAG MED YIN PA'I PHYIR, 'DOD MI NUS TE, LUNG ZHU BA LAS, GCIG LA PHAM PA BZHI CHAR YANG 'BYUNG NGO, ,ZHES GSUNGS PA'I PHYIR, GZHAN YANG, BSLAB BYIN DGE SLONG DES DGRA BCOM PA'I 'BRAS BU THOB PA NA, SNGAR GYI SDOM PA SOR CHUD PA MA YIN PAR THAL, DE'I TSE BSLAB BYIN DGE SLONG DE DGE SLONG RNAM DAG MA YIN PA'I PHYIR, 'DOD MI NUS TE, DES DGRA BCOM PA THOB NA SNGAR GYI GRAL KHUNG DU 'DUG RIGS PA'I PHYIR, LUNG PHRAN TSEGS LAS, GANG GI TSE ZAG PA ZAD PA DE'I TSE SNGAR GYI GRAL DU 'DUG PAR BYA'O, ,ZHES GSUNGS PA'I PHYIR, GZHAN YANG, BSLAB BYIN DGE SLONG DES DGRA BCOM PA'I 'BRAS BU THOB PA NA, SNGAR GYI SDOM PA SOR CHUD PAR THAL, DES DE LTAR THOB PA NA DE'I RGYUD KYI PHAM PA DAG PA YIN PA'I PHYIR, PHAM PA NYON SGRIB YIN PA'I PHYIR, ` BSNYEN PAR MA RDZOGS SHING RAB TU BYUNG BAS BLANGS PA LAS 'DAS PA LA YANG NGO, ,ZHES PA'I SKABS SU SPYI DON DANG, NGAG DON GNYIS, DANG PO LA BLANG 'DAS KYI LTUNG BA BSHAD PA DANG, PHYOGS MTHUN BSDAM BYA'I NYES BYAS KYI RNAM GZHAG BSHAD PA GNYIS, DANG PO LA, DBYE BA, BSDU BA, GO RIM DANG GSUM, DANG PO NI, BLANG 'DAS KYI LTUNG BA DE LA DBYE NA NYER LNGA YOD DE, DGE TSUL DANG DGE SLOB MA GNYIS KA'I RTEN LA BCAS PA'I DE BCU, DGE SLOB MA'I RTEN LA BCAS PA'I DE BCU GNYIS, DE GNYIS KA'I RTEN LA BCAS PA'I NYAMS PA RNAM PA GSUM RNAMS SU YOD PA'I PHYIR, DANG PO DE YOD DE, DE GNYIS KA'I RTEN LA BCAS PA'I RTZA LTUNG BZHI DANG, YAN LAG GI LTUNG BA DRUG RNAMS SU YOD PA'I PHYIR, GNYIS PA DE YOD DE, DE'I RTEN LA BCAS PA'I RTZA BA'I CHOS DRUG DANG, RJES MTHUN GYI CHOS DRUG RE RE SPONG BAR KHAS BLANGS PA LAS 'DAS PA'I BLANG 'DAS KYI LTUNG BA BCU GNYIS YOD PA'I PHYIR, GSUM PA DE YOD DE, DE GNYIS KA'I RTEN LA BCAS PA'I @009A *, ,KHYIM PA'I RTAGS SPONG BAR KHAS BLANGS PA LAS 'DAS PA'I BLANG 'DAS KYI LTUNG BA, RAB TU BYUNG BA'I RTAGS LEN PAR KHAS BLANGS PA LAS 'DAS PA'I BLANG 'DAS KYI LTUNG BA, MKHAN POR GSOL BA BTAB PA LAS 'DAS PA'I BLANG 'DAS KYI LTUNG BA RNAMS SU YOD PA'I PHYIR TE, tIKKA LAS, DE DAG BLANG BA ZHES BYA BA NI, DGE TSUL GYIS SROG GCOD PA SPONG BA LA SOGS PA BSLAB PA'I GZHI BCU KHAS BLANGS PA DANG, ZHES PA DANG, DGE SLOB MAS CHOS DRUG DANG, RJES SU MTHUN PA'I CHOS DRUG BLANGS PA STE, ZHES PA DANG, RAB TU BYUNG BA'I RTAGS YANG DAG PAR BLANGS PA LAS 'DAS PA YIN PAS, DE LA NI BSHAGS PAR BYA BA'I NYES BYAS SU 'GYUR RO, ,ZHES GSUNGS PA'I PHYIR, YANG DE LA RGYAS PAR DBYE NA BLANGS 'DAS KYI LTUNG BA BZHI BCU RTZA BRGYAD DU YOD DE, DGE TSUL PHA MA DANG, DGE SLOB MA'I RTEN LA THUN MONG DU BCAS PA'I DE SUM CU RTZA DRUG ,DGE SLOB MA'I RTEN KHO NA LA BCAS PA'I DE BCU GNYIS RNAMS SU YOD PA'I PHYIR, DANG PO YOD DE, DE'I RTEN LA THUN MONG DU BCAS PA'I RTZA LTUNG BZHI DANG, YAN LAG GI LTUNG BA SO GNYIS RNAMS SU YOD PA'I PHYIR, DE LA KHO NA RE, DGE TSUL GYI RTZA BA'I LTUNG BA BLANGS 'DAS KYI LTUNG BA MA YIN TE, DE BSHAGS PAR BYA BA'I NYES BYAS MA YIN PA'I PHYIR TE, DE PHAM 'DRA YIN PA'I PHYIR NA, MA KHYAB STE, DE PHAM PA DANG BYED LAS 'DRA BAS NA PHAM 'DRA DANG, 'CHAB SEMS DANG MI LDAN PA'I DGE TSUL GYI RTZA LTUNG DE BSLAB PA BYIN PA'I 'OG TU BSHAGS PAR BYA BAS NA BSHAGS BYA'I NYES BYAS YIN PA'I PHYIR TE, tIKKA LAS, MI TSANGS PAR SPYAD PA NI, DE SPANGS PA'I BSLAB PA'I GZHI YANG DAG PAR BLANGS PA LAS 'DAS PA YIN PAS DE LA NI BSHAGS PAR BYA BA'I NYES BYAS SU 'GYUR RO, , ZHES GSUNGS PA'I PHYIR, KHA CIG ,RTZA BA'I CHOS DRUG DANG, RJES MTHUN GYI CHOS DRUG PO DE DGE SLOB MA'I BLANG 'DAS MA YIN ZER NA, MI 'THAD DE, DE'I NGOS SKAL GYI SPANG BYA YIN PA'I PHYIR TE, DE DE'I SDOM PA'I NGOS SKAL GYI SPANG BYA YIN PA'I PHYIR TE, 'DUL @009B BA RGYA MTSO'I SNYING PO LAS, CHOS DRUG SPONG BA'I SDOM PA NI, ,DGE SLOB MA YI SDOM PA'O, ,ZHES GSUNGS PA'I PHYIR DANG, DE'I SDOM PA DE, DGE TSUL GYI SDOM PA'I NGOS SKAL GYI SPANG BYA'I STENG DU RTZA BA'I CHOS DRUG DANG, RJES MTHUN GYI CHOS DRUG SPONG BAR NOD PA'I SDOM PA YIN PA'I PHYIR, DES NA BSLAB BYIN DGE TSUL YOD PA LA LUNG GI SHES BYED YOD DE, PHRAN TSEGS 'GREL LAS, DGE TSUL LA BSLAB PA BYIN PA YOD DAM, ZHE NA YOD DE, ZHES GSUNGS PA'I PHYIR, DE YOD PAR MA ZAD BSLAB BYIN GYI DGE SLOB MA YANG YOD DE, 'OD LDAN LAS, DGE SLONG DAG DE LTA BU GZHAN LA YANG BSLAB PA BYIN CIG ,ZHES GSUNGS PA'I PHYIR, DES NA DGE TSUL GYI LTUNG BA YIN NA, BLANG 'DAS KYI LTUNG BA YIN PAS KHYAB KYANG, DE'I RGYUD KYI LTUNG BA YIN NA, BLANG 'DAS KYI LTUNG BA YIN PAS MA KHYAB STE, SDOM GSUM RIM GYIS BLANGS PA'I DGE SLONG GI RTEN LA PHAM PA BYUNG NAS, DGE SLONG GI SDOM PA PHUL TE, DGE TSUL DU BABS PA'I RTEN LA PHAM PA YOD PA'I PHYIR TE, DGE SLONG GI RTEN LA PHAM PA BYUNG NAS BSLAB PA PHUL TE, KHYIM PAR BABS PA'I RTEN LA PHAM PA YOD PA'I PHYIR TE, BSLAB PA PHUL BAS PHAM PA 'DAG MI NUS SHING, DE LTA BU'I KHYIM PA'I RTEN LA SLAR YANG DGE SLONG GI SDOM PA BLANGS KYANG MI SKYE BA LA RGYU MTSAN YANG DAG YOD PA'I PHYIR, RIGS PA DE LA BRTEN NAS KHYIM PA'I RTEN LA LTUNG BA SDE LNGA GSAR DU SKYE BA MED KYANG, DE'I RTEN LA LTUNG BA SDE LANG YOD PAR SHES BYA BYA'O, ,KHA CIG ,NYAMS PA RNAM PA GSUM GYI LTUNG BA DE BLANG 'DAS KYI LTUNG BA MA YIN TE, DE BSDAM BYA'I NYES BYAS YIN PA'I PHYIR TE, SUM BRGYA PA LAS, DE DAG PHYOGS MTHUN YONGS SU SPANG BYA STE, KHYIM PA LTA BUR SHAM THABS MI BGO ZHING, KHA DOG GCIG MIN KHA CHAR CAN DKAR MIN, ZHES GSUNGS PA'I PHYIR NA, MA KHYAB STE, LUNG DES KHYIM PA DANG THUN MONG BA'I GOS BGO BA'I NYES BYAS, TSON GYIS KHA MA BSGYUR BA'I KHA DOG GCIG PA CAN GYI GOS BGO BA'I NYES BYAS, KHA TSAR DANG PHUN TSAR CAN GYI GOS BGO BA'I @010A *, ,NYES BYAS, KHA DOG DKAR PO CAN GYI GOS BGO BA'I NYES BYAS RNAMS BSDAM BYA'I NYES BYAS SU BSTAN PA YIN PA'I PHYIR, KHA CIG ,MKHAN PO LA SKUR PA 'DEBS PA'I LTUNG BA DE BLANG 'DAS KYI LTUNG BA MA YIN TE, 'OD LDAN LAS, MKHAN PO DANG, SLOB DPON DANG, GROGS TSANGS PAR MTSUNGS PAR SPYOD PA LA MA GUS PAS SDOM PA THAMS CAD 'JIG PAR BYED PA'I PHYIR, DE LA NI BSDAM PAR BYA BA'I NYES BYAS SU 'GYUR RO, ,ZHES GSUNGS PA'I PHYIR, ZER NA MA KHYAB STE, LUNG DES NI MKHAN PO DANG, SLOB DPON LA MA GUS PA'I NYES BYAS DE BSDAM BYA'I NYES BYAS SU BSTAN PA YIN PA'I PHYIR, DES NA MKHAN PO LA SKUR PA 'DEBS PA'I LTUNG BA DE NYAMS PA RNAM PA GSUM GYI NANG TSAN DU GYUR PA'I LTUNG BA DANG, BLANG 'DAS KYI LTUNG BA'I GZHI MTHUN YIN NO, ,BYAS PA LA MKHAS PA KHA CIG ,LTUNG BA DE NYAMS PA RNAM PA GSUM GYI NANG MTSAN DU GYUR PA'I LTUNG BA YIN PAR THAL, MKHAN POR GSOL BA BTAB PA LAS BYUNG BA'I BAR MA'I DGE BA DE, BAR MA RAB BYUNG SGRUB PA'I CHO GA LA BRTEN NAS BLANGS PA'I BAR MA'I DGE BA GSUM GYI NANG TSAN MA YIN PA'I PHYIR, DER THAL, DE MKHAN POR GSOL BA BTAB NAS KHAS BLANGS PA'I TSE THOB ZIN PA'I PHYIR, ZER NA MA KHYAB STE, DE 'DRA'I BAR MA'I DGE BA DE BAR MA RAB BYUNG SGRUB PA'I CHO GA LA BRTEN NAS RAB TU BYUNG BA'I BAR MA'I DGE BA YIN PA'I PHYIR TE, BAR MA RAB BYUNG SGRUB PA'I SKABS KYI MKHAN POR GSOL BA 'DEBS PA'I CHO GA DE, BAR MA RAB BYUNG SGRUB PA'I CHO GA YIN PA'I PHYIR TE, DE DE'I SBYOR BA'I CHO GA YIN PA'I PHYIR, DE LTAR MA YIN NA, BAR MA RAB BYUNG SGRUB PA'I CHO GA'I TSIG ZUR GYI DKON MCHOG GSUM LA SKYABS SU 'GRO BA'I CHO GA DE YANG BAR MA RAB BYUNG SGRUB PA'I CHO GA MA YIN PAR 'GYUR RO, ,RGYAS PAR GZHI STOD DU BSHAD ZIN TO, ,BLANG 'DAS KYI LTUNG BA LA SNGAR BSHAD PA DE RNAMS MA GTOGS PA GZHAN YANG YOD DE, DE LA BSNYEN PAR MA RDZOGS PA'I RAB BYUNG GI RTEN LA GNAS KYI BLA MA MED PAR ZHAG 'DAS PA'I LTUNG BA, @010B DE MED PAR LJONGS RGYU BA'I LTUNG BA, DE'I RTEN LA RANG NYID KHO NA'I PHYIR DU KHANG PA DANG KHANG CHEN TSAD LAS LHAG PA BRTZIGS PA'I LTUNG BA RNAMS BLANG 'DAS KYI LTUNG BA YIN PA'I PHYIR TE, RGYA CHER 'GREL LAS, MI GNAS PAR 'DUG PA DANG, 'GRE BA LA YANG BDAG NYID TSUL KHRIMS RNAM PAR DAG PA MI BYAD PA DE LA NI BSHAGS PAR BYA BA'I NYES BYAS SU 'GYUR RO, ,ZHES PA DANG, DE NYID LAS, KHYIM BYAS PAS RAB TU BYUNG BA'I BSLAB PA LAS YANG DAG PAR 'DAS PA DE LA NI BSHAGS PAR BYA BA'I NYES BYAS SU 'GYUR RO, ,ZHES GSUNGS PA'I PHYIR, KHO NA RE, DE'I RTEN LA RANG KHO NA'I PHYIR DU KHANG PA DANG KHANG CHEN TSAD LAS LHAG PA BRTZIGS PA'I LTUNG BA DE BLANGS 'DAS KYI LTUNG BA MA YIN PAR THAL, RGYA CHER 'GREL LAS, LONGS SPYOD 'PHYAR G-YENG 'DOD PA DANG, ZHES PA'I TSIG ZUR GYI 'DOD PA DANG ZHES PAS DNGOS SU BSTAN PA'I NYES BYAS YIN PA'I PHYIR TE, 'OD LDAN LAS, 'DOD PA'I GZHI LAS BYUNG BA KHANG PA DANG LHA KHANG DU GTOGS PA STE, ZHES GSUNGS PA'I PHYIR NA, MA KHYAB STE, LUNG DES NI DE'I RTEN LA RANG KHO NA'I PHYIR MA YIN PAR KHANG PA DANG KHANG CHEN TSAD LAS LHAG PA BRTZIGS PA'I LTUNG BA DE DE'I DON DU BSTAN PA'I PHYIR, GNYIS PA BSDU BA NI, BLANG 'DAS KYI LTUNG BA DE RNAMS BSDU NA, MKHAN PO'I DRUNG DU KHAS BLANGS PA LAS 'DAS PA'I LTUNG BA DANG, SLOB DPON GYI DRUNG DU KHAS BLANGS PA LAS 'DAS PA'I LTUNG BA DE GNYIS SU 'DU ZHING, NYAMS PA RNAM GSUM DANG PO DANG, GZHAN RNAMS GNYIS PA YIN, YANG DE RNAMS BSDU NA, DNGOS PO GTZO CHE BA'I BLANGS 'DAS KYI LTUNG BA DANG, 'DU SHES GTZO CHE BA'I DE GNYIS SU 'DU ZHING, MI TSANGS SPYOD KYI PHAM 'DRA DANG PO DANG, GZHAN RNAMS GNYIS PAR 'DU BA YIN NO, ,YANG DE RNAMS BSDU NA, BSLAB PA GSO BA'I LHAG MA DANG BCAS PA'I BLANG 'DAS KYI LTUNG BA DANG, DE 'DRA'I LHAG MA MED PA'I DE GNYIS SU 'DU BA LAS, BLANG 'DAS KYI LTUNG BA GZHAN RNAMS DANG PO DANG, PHAM 'DAR CHAB BCAS GNYIS PA YIN NO, ,YANG DE RNAMS RANG BZHIN GYI LTUNG BA DANG, BCAS RKYANG GI @011A *, ,LTUNG BA GNYIS SU YANG 'DU, YANG DE RNAMS MI MTHUN PHYOGS KYI SGO NAS BSDU NA, TSUL KHRIMS KYI MI MTHUN PHYOGS SU GYUR PA'I BLANG 'DAS KYI LTUNG BA DANG, BAG YOD KYI MI MTHUN PHYOGS SU GYUR PA'I BLANG 'DAS KYI LTUNG BA, BRTUL SHUGS KYI MI MTHUN PHYOGS SU GYUR PA'I BLANG 'DAS KYI LTUNG BA DANG GSUM DU 'DU ZHING, DE YANG PHAM 'DRA BZHI PO DE DANG PO YIN TE, DE BZHI PO GANG RUNG DU GYUR PA'I LTUNG BA BYUNG NA TSUL KHRIMS RNAMS DAG LAS NYAMS PAR 'GYUR BA'I PHYIR, MYOS 'GYUR 'THUNG BA'I LTUNG BA DE GNYIS PA YIN TE, DE 'THUNGS PA NA RTEN GYI GANG ZAG BAG MED DU 'GYUR BA'I PHYIR, GLU GAR LA BRTEN PA'I LTUNG BA SOGS GSUM PA YIN TE, DE DAG BSTEN PA NA RTEN GYI GANG ZAG BRTUL SHUGS KYI SPYOD PA RNAM DAG LAS NYAMS PAR 'GYUR BA'I PHYIR, BLANG 'DAS KYI LTUNG BA 'DI RNAMS BLANG 'DAS KYI LTUNG BAR GYUR PA'I RTZA BA BZHI YAN LAG DRUG STE, BCUR BSDUS NAS STON PA'I RGYU MTSAN YOD DE, SPANG BYA RGYA CHEN PO SPONG BA LA SLOB MI NUS SNYAM PA'I GDUL BYA 'GA' ZHIG LA RAB BYUNG GI SDOM PA BYIN PA'I SGO NAS RJES SU GZUNG BA'I CHED YIN PA'I PHYIR, SPANG BYA RGYA CHEN PO SPONG MI NUS SHING, SNGAR BSHAD PA'I BCU PO DE SPONG NUS PA'I GDUL BYA YOD PA'I PHYIR, GSUM PA GO RIM NI, PHAM 'DRA BZHI PO DANG POR BSTAN NAS, DE RJES YAN LAG GI LTUNG BA DRUG BSTAN PA'I RIM PA NI, LCI YANG GI RIM PA'I SGO NAS BSTAN PA YIN PA'I PHYIR, SROG GCOD KYI PHAM 'DRA SOGS PHAM 'DRA BZHI PO GO RIM 'DI LTAR BSTAN PA YANG LCI YANG GI SGO NAS BSTAN PA YIN TE, PHAM 'DRA'I LTUNG BA LCI ZHING YAN LAG GI LTUNG BA YANG BA YIN PA'I PHYIR DANG, PHAM 'DRA BZHI PO DE YANG SNGA MA SNGA MA LCI ZHING, PHYI MA PHYI MA YANG BA YIN PA'I PHYIR TE, YAN LAG GI LTUNG BA DRUG PO GO RIM DE LTAR BSTAN PA NI, RGYAL PO GDAN 'DREN PA'I RIM PA DANG MTHUN PA YIN TE, DANG POR MYOS 'GYUR 'THUNG BA'I GROS GLENG BAR BYED, DE RJES GLU GAR SOGS KYI SGO NAS RGYAL PO SPYAN 'DREN PAR BYED, DE @011B RJES ME TOG GI PHRENG BA LA SOGS PA 'BUL BAR BYED, DE RJES GDAN LA BZHUGS SU GSOL BAR BYED, DE RJES ZAS 'DREN PAR BYED, DE RJES GSER DNGUL LA SOGS PA 'DUL BA LTAR DU, DANG POR MYOS 'GYUR 'THUNG BA'I LTUNG BA, DE RJES GAR SOGS PHRENG SOGS LA BRTEN PA'I LTUNG BA, DE RJES MAL STAN CHE MTHO LA BRTEN PA'I LTUNG BA, PHYI DRO'I KHA ZAS ZA BA'I LTUNG BA, DE RJES GSER DNGUL LEN PA'I LTUNG BA RNAMS BSTAN PA YIN PA'I PHYIR TE, CI'I PHYIR BLANGS 'DAS KYI LTUNG BA ZHES BYA ZHE NA, MKHAN SLOB GANG RUNG DU GYUR PA'I YUL KHYAD PAR CAN GYI DRUNG DU KHAS BLANGS PA LAS 'DAS PA'I LTUNG BA YIN PA'I RGYU MTSAN GYIS DE LTAR BYA'O, ,MTSAN NYID NI, MKHAN SLOB GANG RUNG DU GYUR PA'I YUL KHYAD PAR CAN GYI DRUNG DU DNGOS SU KHAS BLANGS PA LAS 'DAS PA'I KHA NA MA THO BA'I RIGS GANG ZHIG ,BSNYEN PAR MA RDZOGS PA'I RAB BYUNG GI RTEN LA BCAS PA'I LTUNG BA DE BLANG 'DAS KYI LTUNG BA'I MTSAN NYID YIN, DGE SLONG GI THUN MONG MA YIN PA'I LTUNG BA RNAMS NYES BYAS MA YIN CING, BSNYEN PAR MA RDZOGS PA'I RAB BYUNG GI LTUNG BA RNAMS NYES BYAS SU BZHAG PA LA DGOS PA YOD DE, BSNYEN PAR MA RDZOGS PA'I RAB BYUNG DANG, BSNYEN PAR RDZOGS PA'I RAB BYUNG GNYIS KYI KHYAD PAR SHES PAR BYA BA DANG, BSNYEN PAR RDZOGS PA RNAMS BSTAN PA LA ZHUGS PA RDZOGS PA'I SKYES BU DANG, BSNYEN PAR MA RDZOGS PA'I SKYES BU RNAMS BSTAN PA LA ZHUGS PA MA RDZOGS PA'I SKYES BUR SHES PAR BYA BA'I CHED YIN PA'I PHYIR, GNYIS PA PHYOGS MTHUN BSDAM BYA'I NYES BYAS KYI RNAM GZHAG BSHAD PA LA, ZHAR LA LTUNG MED DU 'GYUR TSUL BSHAD PA DANG, BSDAM BYA'I NYES BYAS DNGOS BSHAD PA GNYIS, DANG PO NI, DGE SLONG GI RTEN LA LTUNG BA SKYED CING, DGE TSUL GYI RTEN LA LTUNG MED DU 'GYUR BA PHYED DANG BCO BRGYAD YOD DE, SDOM TSIG LAS, 'CHANG BA DANG NI 'BRAL BA DANG, ,DE BZHIN SA NI RKO BA DANG, ,RIN CHEN REG DANG ME LA REG ,LJON SHING 'DZEG DANG SHING GCOD DANG, ,SPANGS NAS ZA BAR BYED PA DANG, ,BYIN LEN MA BYAS ZA BA DANG, ,DE BZHIN @012A *, ,GSOG 'JOG ZA BA DANG, ,RTZVA SNGON MI GTZANG 'DOR BA DANG, ,SA BON 'JOMS DANG BSLAB PA'I GZHI, ,ZLA 'JOG DGON PA'I 'BRAL SPANG DANG, ,GSOG 'JOG BYED DANG DGE TSUL NYAL, ,MI SMRA 'GRO DANG BCO BRGYAD DO, ,ZHES GSUNGS PA'I PHYIR, DE YANG, DGE TSUL NYAL ZHES PAS, DGE TSUL MI GZHAN DANG LHAN CIG ZHAG GSUM DU NYAL BA LA LTUNG BA PHYED DU BSHAD PA YIN TE, DGE TSUL NANG PHAN TSUN ZHAG GSUM LHAN CIG NYAL BA LA LTUNG BA MI SKYED CING, DGE TSUL KHYIM PA DANG LHAN CIG DU ZHAG GSUM NYAL BA LA NUB LHAG NYAL GYI LTUNG BA 'BYUNG BA'I RGYU MTSAN GYIS YIN PA'I PHYIR, GNYIS PA NI DE LA BCU GSUNGS PA YIN TE, CHOS GOS DANG, LHUNG BZED CHED LAS CHE BA DANG, CHUNG BA 'CHANG BA LA BRTEN PA SOGS RTAGS KYI GZHI LA BRTEN PA'I NYES BYAS, NYE DU MA YIN PA'I KHYIM PA LA GOS SLONG BA SOGS SLONG BA'I GZHI LA BRTEN PA'I NYES BYAS, BA SO'I KHAB RAL 'CHANG BA SOGS SNOD DPYAD KYI GZHI LA BRTEN PA'I NYES BYAS, SGOG PA LA LONGS SPYOD PA SOGS LONGS SPYOD KYI GZHI LA BRTEN PA'I NYES BYAS, CHU LA RTZE BA SOGS 'PHYAR G-YENG GI GZHI LA BRTEN PA'I NYES BYAS, SMYAN BYED PA SOGS 'DOD PA'I GZHI LA BRTEN PA'I NYES BYAS, GZHAN LA ZHE SDANG BA SOGS GNOD PA'I GZHI LA BRTEN PA'I NYES BYAS, MU STEGS CAN DANG GNAS KHANG GCIG TU LHAN CIG TU GNAS PA SOGS GNAS KYI GZHI LA BRTEN PA'I NYES BYAS, MKHAN SLOB LA MA GUS BA SOGS MA GUS PA'I GZHI LA BRTEN PA'I NYES BYAS, GSO SBYONG DANG DBYAR KHAS LEN MI BYED PA SOGS BSLAB PA YONGS SU MI SBYONG BA'I GZHI LA BRTEN PA'I NYES BYAS RNAMS SU YOD PA'I PHYIR, tIK CHEN RIN CHEN PHRENG BAR, RTAGS DANG SLONG DANG SNOD DANG NI, , LONGS SPYOD 'PHYAR G-YENG 'DOD PA DANG, ,GNOD PA DANG NI GNAS PA DANG, ,MA GUS MI SBYONG GZHI LAS BYUNG, ,ZHES GSUNGS PA'I PHYIR, RTZA BA'I GZHUNG 'DI'I DON CUNG ZAD BSHAD NA, 'DAS ZHES PA BSHAD PA'I GZHIR BZUNG, RTEN GYI GANG ZAG SU 'DAS NA, BSNYEN @012B PAR MA RDZOGS SHING RAB TU BYUNG BA'I DGOS PA BSGRUB NUS KYI SDOM PA DANG LDAN PA'I DGE TSUL PHA MA GNYIS DGE SLOB MA DANG BCAS PA 'DAS, GANG LAS 'DAS NA RANG RANG GI DNGOS BLANGS DANG, BAR MA'I DNGOS BLANGS GNYIS LAS 'DAS, TSUL JI LTAR 'DAS NA, SROG GCOD SPONG BA LTA BU'I BSLAB PA'I GZHI LAS BSAM BZHIN DU DRAL BA'I SGO NAS 'DAS PA YIN TE, RGYA CHER 'GREL LAS, DE DAG LAS 'DAS SHING DRAL BAS NA NYES BYAS SO, ,ZHES GSUNGS PA'I PHYIR, LTUNG BA CIR 'GYUR NA, DE DAG LAS 'DAS NA BSHAGS BYA'I NYES BYAS SU 'GYUR TE, DNGOS SU BLANGS PA LAS 'DAS PA'I PHYIR, DES NA BSNYEN PAR MA RDZOGS SHING ZHES PAS, 'DIR BSTAN GYI RTEN GYI GANG ZAG LA DGE SLONG YOD PA DE BCAD, RAB TU BYUNG BA ZHES PAS DE 'DRA'I KHYIM PA YOD PA DE BCAD DE, RGYA CHER 'GREL LAS, DE NI BSNYEN PAR MA RDZOGS PA YANG YIN, RAB TU BYUNG BA YANG YIN PAS BSNYEN PAR MA RDZOGS SHING RAB TU BYUNG BA ZHES BYA BA, DGE TSUL PHA DANG, DGE TSUL MA DANG, DGE SLOB MA'O, ,ZHES GSUNGS, DE DAG GIS DNGOS BLANGS KYANG BZHAG TU YOD DE; ;DE DAG GIS BLANGS PA ZHES BYA BA NI, DGE TSUL GYIS SROG GCOD PA SPONG BA LA SOGS PA BSLAB PA'I GZHI BCU BLANGS PA DANG, DGE SLOB MAS NI, CHOS DRUG DANG, RJES MTHUN GYI CHOS DRUG BLANGS PAS TE, ZHES GSUNGS, BAR MA'I DNGOS BLANGS LAS 'DAS NA YANG BSHAGS BYA'I NYES BYAS SU 'GYUR TE, DE NYID LAS, 'DI LTAR RAB TU BYUNG BA'I RTAGS YANG DAG PAR LEN TO, ,ZHES GSUNGS PA GANG YIN PA'I TSIG DES BLANGS PA NYID YIN PAS DE'I PHYIR MU STEGS KYI RTAGS 'CHANG BA YANG KHYIM PA'I RTAGS 'CHANG BA BZHIN DU, RAB TU BYUNG BA'I RTAGS BLANGS PA LAS 'DAS PA YIN PAS BSHAGS PAR BYA BA'I NYES BYAS SO, ,ZHES GSUNGS PA'I PHYIR, KHO NAR, DGE TSUL GYIS MI TSANGS PAR SPYAD PA LA BSHAGS BYA'I NYES BYAS 'BYUNG BA MA YIN PAR THAL, @013A *, ,DE LA PHAM 'DRA 'BYUNG BA'I PHYIR NA, MA KHYAB STE, RGYA CHER 'GREL LAS, MI TSANGS BAR SPYOD PA NI, DE SPONG BA'I BSLAB PA'I GZHI LAS YANG DAG PAR 'DAS PA YIN PAS, BSHAGS PAR BYA BA'I NYES BYAS SO, ,ZHES PA DANG, GAL TE DE'I TSE NYAMS SU MYONG NA NI, DE'I TSE PHAM PA DANG 'DRA BA'I NYES BYAS SO, ,ZHES GSUNGS PA'I PHYIR, NGAG DON NI, RAB TU BYUNG ZHING DGOS PA BSGRUB NUS KYI SDOM PA DANG LDAN PA'I DGE TSUL PHA MA DGE SLOB MA DANG BCAS PAS SDE LNGA'I GZHI LA ZHUGS NA DNGOS GZHI JI LTA BA BZHIN MI SKYE STE, DE DAG GIS RANG RANG GI DNGOS BLANGS DANG, BAR MA'I DNGOS BLANGS LAS 'DAS NA BSHAGS PAR BYA BA'I NYES BYAS SKYED PA'I PHYIR, ` BSLAB PA BYIN PA NI 'DRA BA NYID DO, ,ZHES PAR SPYI DON LA, BSLAB BYIN GYI BYUNG BA BSHAD PA DANG, SKABS 'DI'I DNGOS BSTAN GYI DON BSHAD PA, ZHAR BYUNG GI DON BSHAD PA, BSLAB PA SBYIN PA'I TSUL BSHAD PA DANG BZHI, DANG PO NI, DGE SLONG DGA' BYED LA BDUD KYI BU MOS MI TSANGS PAR SPYOD DAM ZHES DRIS PAS, DES NYON MONGS MA SPANGS SHING, TSUL BZHIN MA YIN PA YID LA BYAS PAS YUL NYE BA MNGON DU GYUR PAS MI TSANGS PAR SPYOD PA BYAS NAS, 'DOD CHAGS KYI GDUNG BA ZHI NAS 'GYOD PA SKYES TE, SANGS RGYAS KYI SPYAN SNGAR PHYIN PA DANG, DE'I MDUN BSUS NAS DGA' BA CAN GA NAS 'ONGS, ZHES GSUNGS PAS, BCOM LDAN 'DAS BDAG SNGON DGA' BA CAN TE, BDAG NI NYAMS PA'O, ,KHYOD KYIS JI SRID 'TSO'I BAR DU BSLAB PA SPYAD PAR NUS SAM, NUS ZER NAS DGE SLONG DGA' BYED 'CHAB PA'I SEMS SKAD CIG KYANG MA SKYES PA LA KHYOD KYIS GSOL BZHI'I LAS KYIS JI SRID 'TSO'I BAR DU BSLAB PA BYIN CIG ,DES CHAD PA'I LAS BCAD PAS GANG GI TSE ZAG PA ZAD PAR GYUR PA DE'I TSE SNGON GYA GRAL RIM DU 'DUG PAR BYA ZHING, BSLAB PA SBYIN PAS TSUL KHRIMS KUN SPYOD THAMS CAD RGYUN BCAD PAR MI BYA STE GCOD MI DGOS SO, ,DE BAS DGA' BYED LTA BU RANG BZHIN @013B BZANG PO GZHAN LA YANG BSLAB PA BYIN PA NGAS GNANG NGO, ,ZHES GSUNGS PA'I PHYIR, GNYIS PA LA, BSLAB BYIN DGE SLONG DE LTUNG BA SDE LNGA'I RTEN DU DGE SLONG RNAM DAG DANG 'DRA BA YIN TE, DGE SLONG RNAM DAG GIS LTUNG BA SDE LNGA'I RGYU LA SPYAD PAS DNGOS GZHI 'BYUNG BA LTAR DU DES KYANG DE LTAR SPYAD PAS DNGOS GZHI 'BYUNG BA'I PHYIR TE, tIKKA LAS, BSLAB PA BYIN PA NI THAMS CAD DU LTUNG BA LA SBYOR NA DGE SLONG DANG 'DRA BAR RIG PAR BYA'O, ,JI LTAR DGE SLONG GIS MI TSANGS PAR SPYOD PA LA SOGS PA LA PHAM PAR 'GYUR BA DE BZHIN DU, BSLAB PA BYIN PA LA YANG DE BZHIN NO, ,ZHES GSUNGS PA'I PHYIR, DE LTUNG BA MTHA' DAG GI RTEN DU DGE SLONG RNAM DAG DANG 'DRA BA MA YIN TE, DE'I LAG NYA GSOG 'JOG GIS, ,DGE SLONG RNAM DAG GI LAG NYA GSOG 'JOG TU YANG MI 'GYUR, DGE SLONG RNAM DAG GIS DE RNAM DAG LA PHRA MA BYAS PAS LTUNG BYED DU 'GYUR ZHING, DES BSLAB BYIN DGE SLONG LA DE LTAR BYAS PAS LTUNG BYED DU MI 'GYUR TE, tIKKA LAS, BSLAB PA BYIN PA NI DGE SLONG GI YUL LA DES BYIN LEN BTAB PAS KYANG BYIN LEN DU RUNG ZHING, DES REG PAS KYANG 'JIG PA DANG, DE LA PHRA MA BYAS PAS KYANG DGE SLONG LA PHRA MA BYAS PA'I LTUNG BYED DU MI 'GYUR BA DANG, ZHES GSUNGS PA'I PHYIR, DES NA BSLAB BYIN DGE SLONG GCIG GI LAG NYA GSOG 'JOG GIS, CIG SHOS KYI GSOG 'JOG TU 'GYUR ZHING, NANG PHAN TSUN PHRA MA BYAS PAS KYANG LTUNG BYED DU 'GYUR BA YIN TE, DE RNAMS PHAM PAS NYAMS SHING DGE SLONG GI SDOM PA G-YO ? RUNG GI SKYES BUR MTSUNGS PA'I PHYIR TE, tIKKA LAS, BSLAB PA BYIN PA DE BSLAB PA BYIN PA GZHAN LA BSNYEN PAR RDZOGS PA DANG LDAN PA YIN TE, RANG BZHIN 'DRA BA YIN PA'I PHYIR, ZHES PA DANG, ZHU BA LAS, BTZUN PA BSLAB PA BYIN PA LA RGYU DUS GSOG 'JOG SKYED CE NA, BZHI STE, BDAG NYID KYIS GSOG 'JOG BYAS PA DANG, BSLAB PA BYIN PAS GSOG 'JOG BYAS PA DANG, DGE SLONG GIS GSOG 'JOG BYAS PA DANG, DGE SLONG GI DGE 'DUN @014A *, ,GYIS GSOG 'JOG BYAS PA DANG, ZHES GSUNGS PA'I PHYIR, DE YANG DGE SLONG GIS GSOG 'JOG BYAS PA DANG, ZHES PAS, DGE SLONG RNAM DAG GI GSOG 'JOG BSLAB BYIN DGE SLONG GI GSOG 'JOG TU 'GYUR BAR BSTAN NO, ,DES NA DGE SLONG NANG PHAN TSUN GCIG GIS GSOG 'JOG SOGS, CIG SHOS KYI GSOG 'JOG SOGS SU 'GYUR BA LA MTSAN MTHUN PA MI DGOS TE, DGE SLONG RNAM DAG PHA MA GNYIS PO GCIG GIS GSOG 'JOG SOGS, CIG SHOS KYI GSOG 'JOG SOGS SU 'GYUR ZHING, BSLAB BYIN DGE SLONG PHA MA GNYIS KYANG, GCIG GIS GSOG 'JOG SOGS, CIG SHOS KYI GSOG 'JOG SOGS SU 'GYUR BA'I PHYIR TE, DANG PO GNYIS PO DE YANG DGE SLONG RNAM DAG TU MTSUNGS, PHYI MA GNYIS PO DE YANG, DGE SLONG GI SDOM PA GSO RUNG GI DGE SLONG GI SDOM LDAN DU MTSUNGS PA'I PHYIR, DES NA DGE SLOB MAS BSLAB BYIN DGE SLONG MA LA BYIN LEN BYAS KYANG BYIN LEN CHAGS SHING, BYIN LEN BYAS ZIN PA'I RJES LA DES REG PAS KYANG BYIN LEN 'JIG ,DE'I GSOG 'JOG KYANG PHYI MA'I GSOG 'JOG TU MI 'GYUR, PHYI MA'I GSOG 'JOG DANG PO'I GSOG 'JOG TU 'GYUR BA'I PHYIR TE, ZHU BA LAS, BTZUN PA DGE SLONG MA LA RGYU DUS GSOG 'JOG BGYID PAR 'GYUR, BZHI STE, BDAG NYID KYIS GSOG 'JOG BYAS PA DANG, DGE SLOB MAS GSOG 'JOG BYAS PA DANG, BSLAB PA BYIN PA MOS GSOG 'JOG BYAS PA DANG, DGE SLONG MA'I DGE 'DUN GYIS GSOG 'JOG BYAS PA DANG, ZHES GSUNGS PA'I PHYIR, DE YANG DGE SLOB MAS GSOG 'JOG BYAS PA DANG, ZHES PAS, DGE SLOB MA NANG PHAN TSUN GCIG GI GSOG 'JOG GIS, CIG SHOS KYI GSOG 'JOG TU 'GYUR BAR BSTAN, BSLAB PA BYIN PA MOS GSOG 'JOG BYAS PA DANG, ZHES PAS, BSLAB BYIN DGE SLONG MA'I GSOG 'JOG GIS, DGE SLONG MA'I GSOG 'JOG TU BSTAN, DER MA ZAD BSLAB PA LA LHOD PA'I DGE SLONG GIS, BSLAB PA LA @014B GCES SPRAS SHIN TU CHE BA'I DGE SLONG LA BYIN LEN BYAS PAS BYIN LEN CHAGS, DE LA BYIN LEN BYAS ZIN PA'I RJES LA, DES REG PAS KYANG BYIN LEN 'JIG PA DANG, DE'I LAG NYA GSOG 'JOG GIS, CIG SHOS KYI LAG NYA GSOG 'JOG TU MI 'GYUR, PHYI MA'I GSOG 'JOG GIS, DANG PO'I GSOG 'JOG TU 'GYUR BAR DGE SLONG RNAM DAG DANG, BSLAB BYIN DGE SLONG GI KHYAD PAR BSHAD PA LA BRTEN NAS SHES SHING, DE RNAMS LA BRTEN NAS PHAM PA 'CHAB BCAS KYIS NYAMS PA'I DGE SLONG DANG BSLAB BYIN DGE SLONG GNYIS DANG, RTZA LTUNG 'CHAB BCAS KYIS NYAMS PA'I DGE SLOB MA DANG, BSLAB BYIN DGE SLOB MA GNYIS LA YANG BYIN LEN DANG GSOG 'JOG SOGS KYI KHYAD PAR SHES PAR BYA'O, ,GSUM PA ZHAR BYUNG GI DON NI, DGE SLOB MA DANG, BSLAB BYIN DGE SLOB MA GNYIS BLANG 'DAS KYI LTUNG BA'I RGYU LA SPYAD PAS, BLANG 'DAS KYI LTUNG BA'I DNGOS GZHI SKYED PAR MTSUNGS PA YIN TE, DE GNYIS DGOS PA SGRUB NUS KYI DGE SLOB MA'I SDOM PA RGYUD LDAN DU MTSUNGS PA'I PHYIR, DE GNYIS BLANG 'DAS KYI LTUNG BA MTHA' DAG GI RTEN DU MI 'DOD DE, PHYI MA DES SNGA MA LA BYIN LEN BYAS KYANG CHAGS, DE LA BYIN LEN BYAS ZIN PA'I RJES LA DES REG PAS KYANG BYIN LEN 'JIG ,DE'I LAG NYA GSOG 'JOG GIS, SNGA MA'I LAG NYA GSOG 'JOG TU YANG MI 'GYUR, SNGA MA'I LAG NYA GSOG 'JOG TU SONG BA DE, PHYI MA'I LAG NYA GSOG 'JOG TU 'GYUR BA YIN PA'I PHYIR, RIGS PA DE LA BRTEN NAS, PHAM 'DRA 'CHAB BCAS KYIS NYAMS PA'I DGE SLOB MAS BSLAB BYIN GYI DGE SLOB MA LA BYIN LEN BYAS PAS KYANG BYIN LEN CHAGS PA SOGS KYI KHYAD PAR YANG SHES PAR BYA'O, ,DES NA, BSLAB BYIN DGE TSUL DANG, DGE TSUL RNAM DAG GNYIS PO DES BLANG 'DAS KYI LTUNG BA'I RGYU LA SPYAD NA, BLANG 'DAS KYI LTUNG BA'I DNGOS GZHI SKYED PAR MTSUNGS PA YIN TE, DE GNYIS DGE TSUL GYI DGOS PA BSGRUB NUS KYI SDOM PA RGYUD LA LDAN PAR MTSUNGS PA'I PHYIR, BZHI PA BSLAB PA BYIN PA'I TSUL BSHAD PA LA, 'CHAB MED KYI RTZA LTUNG 'DAG PA'I PHYIR DU BSLAB PA BYIN PA DNGOS BSHAD PA, @015A *, ,ZHAR LA RTZA LTUNG 'CHAB BCAS KYI RNAM SMIN 'BYIN PA'I NUS PA SPYOD PA'I TSUL BSHAD PA, BSHAGS BYA'I LTUNG BA PHYIR 'CHOS PA'I TSUL BSHAD PA DANG GSUM, DANG PO NI, RTZA LTUNG BYUNG BA 'CHAB SEMS MI LDAN PA, BSLAB PA GSO RUNG YIN PA, LTUNG BA BYUNG BA LA BRTEN PA, LUS THA MAL DU GNAS PA, BSAM PA RANG BZHIN DU GNAS PA, TSOGS SU MA LONGS PA ZHIG LA BSLAB PA BYIN PA YIN NO, ,YUL NI DGE SLONG GI DGE 'DUN GYIS STER, DUS NI DGRA BCOM PA THOB GONG DANG, TSE JI SRID 'TSO'I BAR DU STER RO, BSLAB BYIN DGE SLONG SGRUB PA'I TSUL YOD DE, DPER NA, DGE SLONG DGA' PHYED KYIS DGE 'DUN LA BSLAB PA BYIN PA'I PHYIR DU GSOL BA LAN GSUM BTAB, DE RJES LAS BYED PA NI DGE 'DUN BTZUN PA RNAMS GSAN DU GSOL, DGE SLONG DGA' BYED 'DI BSLAB PA MA PHUL BAR MI TSANGS PAR SPYOD PA 'KHRIG PA'I CHOS BSTEN KYANG, 'CHAB PA'I SEMS SKAD CIG TZAM GYIS KYANG 'CHAB PAR MA BGYIS TE, DGE SLONG DGA' BYED 'DI DGE 'DUN LAS JI SRID 'TSO'I BAR DU BSLAB PA GSOL NA, GAL TE DGE 'DUN GYIS DUS LA BAB CING BZOD NA, DGE 'DUN GYIS GNANG BAR MDZOD CIG ,DGE 'DUN GYIS DGE SLONG DGA' BYED LA JI SRID 'TSO'I BAR DU BSLAB PA STZAL TO, ,'DI NI GSOL BA'O, ,DGE 'DUN BTZUN PA RNAMS GSAN DU GSOL, DGE SLONG DGA' BYED 'DIS BSLAB PA MA PHUL BAR MI TSANGS PAR SPYOD PA 'KHRIG PA'I CHOS BSTEN KYANG, 'CHAB SEMS SKAD CIG TZAM GYIS KYANG BCAB PAR MA BGYIS PAS, DGE SLONG DGA' BYED 'DIS DGE 'DUN LAS JI SRID 'TSO'I BAR DU BSLAB PA GSOL TE, DE'I SKAD DU DGE 'DUN GYIS DGE SLONG DGA' BYED LA JI SRID 'TSO'I BAR DU BSLAB PA STZOL NA, TSE DANG LDAN PA GANG DAG DGE SLONG DGA' BYED LA, JI SRID 'TSO'I BAR DU BSLAB PA STZAL BAR BZOD PA DE DAG NI CANG MA GSUNG ZHIG ,GANG DAG MI BZOD PA DE DAG NI GSUNG ZHIG ,'DI NI BRJOD PA DANG PO'O, ,DE BZHIN DU GNYIS PA DANG GSUM PA BYAS TE, MJUG CHOG BYA BA NI, DGE 'DUN GYIS BZOD CING GNANG NAS, DGE 'DUN GYIS DGE SLONG DGA' BYED LA JI @015B SRID 'TSO'I BSLAB PA STZAL TE, 'DI LTAR CANG MI GSUNG PAS DE DE BZHIN DU 'DZIN TO, , ZHES GSUNGS PA LTAR, GSOL BA GCIG DANG BRJOD PA GSUM STE, GSOL BZHI'I LAS KYI CHO GA'I SGO NA CHAD PA'I LAS KYI BSLAB PA STER BA YIN GYI, SDOM PA'I LAS KYI BSLAB PA STER BA NI MA YIN TE, DE'I RGYUD LA DGOS PA SGRUB NUS KYI SDOM PA YOD PA'I PHYIR, DE LA CHAD PA'I LAS KYI BSLAB PA BYIN PA LA RANG NYID LA LTOS PA'I DGOS PA YOD DE, RTZA LTUNG SNGA MA LA 'GYOD PA SKYED PAR BYA BA DANG, DE SKYED PAS RTZA LTUNG BSHAGS PAR 'GYUR BA DANG, GZHAN LA BYIN LEN STOBS PA SOGS DMAN SPYOD LNGA DANG DU BLANGS PAS SDIG SGRIB 'DAG PA'I DGOS PA YOD PA'I PHYIR, DE LTAR BYIN PA LA GZHAN LA LTOS PA'I DGOS PA YANG YOD DE, BSLAB PA BYIN PA NI CHAD LAS CHEN PO DANG LDAN NO SNYAM NAS 'JIGS NAS RTZA LTUNG LA MI 'JUG PA'I DGOS PA YOD PA'I PHYIR, 'O NA, BSLAB BYA JI LTA BU ZHE NA, BSLAB BYIN DGE TSUL RNAMS KYIS RANG LAS BSLAB PA GZHON PA'I DGE TSUL RNAM DAG GIS PHYAG 'TSAL BA DANG, GUS PAS 'DUD PA SOGS KYI KHYAD PAR GYI SPYOD PA LNGA SPONG BA LA SLOB PA DANG, RANG LAS BSLAB PA GZHON PA'I DGE SLOB DGE TSUL RNAM DAG RNAMS KYI GRAL 'OG TU SDOD PA SOGS DMAN PA'I SPYOD PA RNAMS LA SLOB PA YIN ZHING, DES BSLAB BYIN DGE SLONG DANG, DE LAS BSLAB PA GZHON PA'I DGE SLONG RNAM DAG GNYIS LA YANG RIGS 'GRE'O, ,KHO NA RE, BSLAB BYIN GYI RAB BYUNG DE, BSLAB BYIN GYI CHAD PA LAS GROL BA'I DUS DE GANG ZHE NA, DE'I DUS YOD DE, RTEN DE LA DGRA BCOM PA'I 'BRAS BU MNGON DU BYED NUS PA'I BSLAB BYIN GYI RAB BYUNG RNAMS DGRA BCOM PA'I 'BRAS BU THOB PA NA, BSLAB BYIN GYI CHAD LAS LAS GROL BA YIN PA GANG ZHIG ,RTEN DE LA DE MNGON DU BYED MI NUS PA'I BSLAB BYIN GYI RAB BYUNG RNAMS SHI 'PHOS PA DANG DE LAS GROL BA DUS MNYAM PA'I PHYIR, RTAGS DANG PO GRUB STE, GANG GI TSE DGRA BCOM PA THOB PA DE'I TSE SNGON GYI GRAL LA 'DUG PAR BYA'O, ,ZHES GSUNGS PA'I PHYIR, RTAGS GNYIS PA GRUB STE, RTZA LTUNG 'CHAB @016A *, ,BCAS KYIS NYAMS PA'I RAB BYUNG SHI 'PHOS PA DANG, RTZA LTUNG DAG PA DUS MNYAM PA'I PHYIR TE, DE SHI 'PHOS PA'I MI'I RTEN LA SDOM PA BYIN DU RUNG BA YIN PA'I PHYIR, DES NA, RTEN DE LA BSLAB BYIN GYI CHAD LAS DAG PAR 'GYUR BA'I BSLAB BYIN GYI RAB BYUNG YIN NA, RTEN DE LA DGRA BCOM PA'I 'BRAS BU MNGON DU BYED NUS PAS MA KHYAB BO, ,DGE SLONG PHAR MTSAN 'GYUR BA LA MNGON DU PHYOGS PA'I THUN MONG MA YIN PA'I PHAM PA TZAM BYUNG BA'I BSLAB BYIN GYI DGE SLONG MA DGE SLONG PHAR MTSAN GYUR PA NA, DE BSLAB BYIN GYI CHAD LAS LAS GROL BA YIN PA'I PHYIR TE, DE DGE SLONG PHAR MTSAN GYUR PA NA, DE'I RGYUD KYI THUN MONG MA YIN PA'I PHAM PA DAG PA YIN PA'I PHYIR, YANG DE 'DRA'I DGE SLONG MA YIN NA, RTEN DE LA BSNYEN RDZOGS KYI SDOM PA RNAM DAG SOR CHUD PAR 'GYUR BAS NI MA KHYAB STE, DGE SLONG MA DE DGE SLONG PHAR MTSAN GYUR, DE PHA NAS DE MAR MTSAN GYUR, SLAR YANG DE PHAR MTSAN 'GYUR BA'I THUN MONG MA YIN PA'I PHAM PA TZAM BYUNG BA'I DGE SLONG MA DE, DE PHAR MTSAN GYUR PA NA, DE'I SDOM PA GTONG BA YIN TE, MTSAN LAN GSUM GYUR PA SDOM PA'I GTONG RGYU YIN PA'I PHYIR, GNYIS PA NI, RTZA LTUNG 'CHAB BCAS BYUNG BA'I RAB BYUNG DE SDOM PA GSOR MI RUNG DU SONG BAS NA, DGE 'DUN DANG LHAN CIG TU GSO SBYONG SOGS KYI CHOS KYI LONGS SPYOD DANG, RNYED PA SOGS ZANG ZING GI LONGS SPYOD DANG, DGE 'DUN GYI GRAL LA 'DUG PA DANG, LHUNG BZED DU ZAS LA LONGS SPYOD PA DANG, CHOS GOS GYON PA SOGS BYAR MI RUNG STE, DE RNAMS BYAS NA SLAR YANG DMYAL BAR SKYE BA'I LAS GSOG PA YIN PA'I PHYIR, DES NA DE DGE 'DUN GYI GNAS NAS BSKRAD RIGS TE, RAB BYUNG RNAM DAG GZHAN GYIS DE LA BSNYEN BKUR SOGS BYAS NA, RAB BYUNG RNAM DAG RNAMS KYANG DMYAL BAR SKYE BA'I LAS GSOG PAR BYED PA'I PHYIR TE, BRAM ZE'I BU MOS ZHUS PA'I LUNG LAS, DGE SLONG TSUL KHRIMS DANG LDAN PAS SHES BZHIN DU TSUL KHRIMS 'CHAL BA LA SO SHING STOBS PAR BYED NA, DE'I LAS KYI RNAM PAR SMIN PAS DGE @016B SLONG TSUL KHRIMS DANG LDAN PA LO STONG PHRAG DGU BCUR DMYAL BAR 'GYUR BA'I LAS GSOG PAR BYED DO, ,DE BZHIN DU 'DAG RDZAS STOBS PA DANG, KHA TON BYED PA DANG, GNAS BYED PA DANG, TSUL KHRIMS 'CHAL BA LA GNAS SU 'DZIN PA DANG, DE DANG LHAN CIG TU NYAL BA NA SKYA RENGS MA SHAR TSUN DU LO STONG PHRAG DGU BCUR DMYAL BAR 'GYUR BA'I LAS SGRUB PAR BYED DO, ,SKYA RENGS SHAR NAS NI LO BYE BA PHRAG BCU BZHI DANG, STONG PHRAG BZHI BCUR DMYAL BAR 'GYUR BA'I LAS GSOG PAR BYED DO, ,ZHES GSUNGS PA'I PHYIR, LTUNG BA BCABS PA'I BCABS NYES 'BYUNG BA LA, LTUNG BA DE BYUNG NAS ZHAG GCIG GI SKYA RENGS SHAR BA SPYIR BTANG LA DGOS KYANG, RTZA LTUNG 'CHAB BCAS 'BYUNG BA LA ZHAG GCIG GI SKYA RENGS SHAR BA NI MI DGOS TE, RTZA LTUNG BYUNG NAS 'CHAB SEMS SKAD CIG TZAM ZHIG SKYES PAS KYANG, RTZA LTUNG 'CHAB BCAS GRUB PA'I PHYIR, DES NA LTUNG BA BYUNG NAS 'CHAB SEMS SKYES PA NA, LTUNG BA DE LTUNG BA 'CHAB BCAS SU GYUR PA YIN NO, ,DE YANG RTZA LTUNG 'CHAB BCAS BYUNG BA'I SKYES BU DE TSE DE LA DGRA BCOM PA'I 'BRAS BU MNGON DU BYED MI NUS PAS, RTZA LTUNG 'CHAB BCAS DE'I NGO BO PHYIR BCOS DANG, BSLAB PA BYIN PAS 'DAG MI NUS SHING, DE'I RNAM SMIN 'BYIN PA'I NUS PA SBYONG BAR BYED PA'I PHYIR DU, PHUNG PO GSUM PA'I MDO KHA TON DU BYED PA DANG, STOBS BZHI'I BSHAGS PA LA 'BAD DGOS SO, ,DES NA, LTUNG BSHAGS DE PHUNG PO GSUM PA'I MTSAN GZHI YIN TE, DES SDIG PA BSHAGS PA'I PHUNG PO, ,BSNGO BA'I PHUNG PO, ,YI RANG BA'I PHUNG PO GSUM STON PAR BYED PA'I PHYIR, DER MA ZAD DES STOBS BZHI YANG STON PAR BYED PA YIN TE, 'DI'I TSIG ZUR DU GYUR PA'I SKYABS 'GRO STON PA'I TSIG DES RTEN GYI STOBS BSTAN, 'DI'I TSIG ZUR DU GYUR PA'I SANGS RGYAS KYI MTSAN BRJOD PA'I TSIG DES GNYEN PO KUN TU SPYOD PA'I STOBS BSTAN, 'DI'I TSIG ZUR DU GYUR PA'I SKYE BA THOG MA DANG MTHA' MA MA MCHIS, ZHES SOGS KYIS RNAM PAR SUN 'BYIN PA'I STOBS BSTAN, MTHOL LO BSHAGS SO, ,MI 'CHAB BO @017A *, ,ZHES SOGS KYIS NYES PA LAS SLAR LDOG PA'I STOBS BSTAN PA'I PHYIR, GSUM PA NI BSHAGS BYA'I LTUNG BA BYUNG NAS ZHAG GCIG GI SKYA RENGS MA SHAR TSUN DU MA MTHOL ZHING BCABS PA NA, DANG POR BCABS NYES 'DAG PAR BYED DGOS TE, LTUNG BA DE'I BCABS NYES MA DAG PAR DE'I DNGOS GZHI 'DAG PAR BYED MI NUS PA'I PHYIR, BLANG 'DAS KYI LTUNG BA BCABS PA'I BCABS NYES NI, SNGAR BCABS PA'I 'GYOD SEMS DANG PHYIS MI BCABS SNYAM PA'I SDOM SEMS LA BRTEN NAS DAG PAR BYED NUS TE, DE BSDAM BYA'I NYES BYAS YIN PA'I PHYIR, DGE SLONG GI RGYUD KYI LTUNG BA BCABS PA'I BCABS NYES NI, BCABS NYES DE DANG MI LDAN PA'I DGE SLONG GZHAN GYI DRUNG DU BSHAGS DGOS SO, ,'O NA, BSHAGS BYA'I LTUNG BA DNGOS GZHI PHYIR 'CHOS PA'I TSUL DE GANG YIN ZHE NA, DE YOD DE, YUL BSNYEN RDZOGS KYI SDOM PA RNAM DAG DANG LDAN PA, LUS THA MAL DU GNAS PA, BSAM PA RANG BZHIN DU GNAS PA, GANG BSHAGS PAR BYA BA'I LTUNG BA DES MA GOS PA'I DGE SLONG GI DRUNG DU SNGAR BYAS LA 'GYOD SEMS, PHYIN CHAD LA SDOM SEMS DANG LDAN PA SNGON DU BTANG STE, PHYIR BCOS KYI CHO GA'I SGO NAS BSHAGS PAR BYA BA YIN PA'I PHYIR, BSDAM BYA'I NYES BYAS NI SNGAR BYAS LA 'GYOD SEMS DANG, PHYIN CHAD LA SDOM SEMS DANG LDAN PA'I SGO NAS 'DAG PAR NUS TE, DE LUS NGAG GI NYES BYAS GANG RUNG MA YIN PAR YID KYI NYES BYAS YIN PA'I PHYIR TE, RGYA CHER 'GREL LAS, YID KYI DE LA NI BSDAM PAR BYAS NA LTUNG BA LAS LDANG NGO, ,ZHES GSUNGS PA'I PHYIR, KHA CIG ,BSLAB BYIN GYI RAB BYUNG DES MTHONG LAM THOB PA NA BSLAB BYIN GYI CHAD PA LAS GROL BA YIN TE, DES DE THOB PA NA, DE'I RGYUD LA RTZA LTUNG DAG PA YIN PA'I PHYIR TE, 'PHAGS PA'I RGYUD LA RTZA LTUNG MED PA'I PHYIR TE, DE'I RGYUD LA MI DGE BA MED PA'I PHYIR TE, DE'I RTEN LA MI DGE BA GSAR DU GSOG PA MED PA'I PHYIR NA, MA KHYAB STE, DE'I RTEN LA NGAN 'GRO 'PHEN BYED KYI LAS YOD @017B PA'I PHYIR TE, RTEN DE LA 'PHAGS LAM MNGON DU BYED PA'I NGAN 'GRO 'PHEN BYED KYI LAS RGYUD LA LDAN PA'I SBYOR LAM PA YOD PA'I PHYIR, NGAG DON NI, BSLAB BYIN DGE SLONG DES, SDE LNGA'I GZHI LA ZHUGS NA, NYES BYAS TZAM LAS MI SKYED PA MA YIN TE, DES DE LA ZHUGS NA, SDE LNGA'I DNGOS GZHI JI LTA BA BZHIN DU SKYED PAS RANG BZHIN DU GNAS PA'I DGE SLONG DANG 'DRA BA YIN PA'I PHYIR, ` 'GRO BA GZHAN GYI RNAM PA BSTEN PA NA, DGE SLONG GI 'DU SHES YOD PA LA'O, ,ZHES PA'I SKABS SU, SPYI DON NI, BSAM PA RANG BZHIN DU MI GNAS PA LA BRGYAD YOD DE, SMYO BA, SEMS 'KHRUGS PA, TSOR BA SDUG BSNGAL GYIS GZIR BA, DUD 'GRO'I RNAM PA CAN DU SPRUL NAS DGE SLONG GI 'DU SHES BRJED PA, GNYID MTHUG LA GNAS PA, 'GOG SNYOMS LA GNAS PA, 'DU SHES MED PA'I SNYOMS 'JUG LA GNAS PA, DRAN MED DU BRGYAL BA DANG BRGYAD YOD PA'I PHYIR, BSAM PA RANG BZHIN DU GNAS PA'I RTEN LA MTHAR THUG 'PHEN PAS, 'GRUB PA'I LTUNG BA'I SBYOR BA BYAS, BSAM PA RANG BZHIN DU MI GNAS PAR SONG BA NAS, MTHAR THUG GRUB PA NA DE'I DNGOS GZHI SKYED PA ZHIG YOD DE, LTUNG BA DE LTA BU'I MTHAR THUG 'GRUB PA RANG GI RTEN GYI GANG ZAG GI ,LUS NGAG GANG RUNG GI BYED PA LA MI LTOS PA YIN PA'I PHYIR TE, DPER NA, BSAM PA RANG BZHIN DU GNAS PA'I RTEN LA, BUD MED DANG LHAN CIG GNAS PA'I SBYOR BA BYAS, GNYID MTHUG LA GNAS BZHIN PA'I NGANG NAS SKYA RENGS SHAR BA NA, LHAN CIG NYAL GYI LTUNG BA 'BYUNG BA DANG, BSAM PA RANG BZHIN DU GNAS PA'I RTEN LA, GZHI MA DAG PAR KHANG PA TSAD LAS LHAG PA RTZIG TU BCUG NAS, 'GOG SNYOMS LA GNAS BZHIN PA'I NGANG NAS KHANG PA GRUB PA NA, KHANG PA LA BRTEN PA'I LTUNG BA 'BYUNG BA'I DPE 'DI BZHIN DU YIN PA'I PHYIR TE, RGYA CHER 'GREL LAS, LHAN @018A *, ,CIG TU NYAL NAS GNYID LOG NA, ZHES PA DANG, SNYOMS PAR ZHUGS PA'I TSE KHANG PA GRUB PA NA LHAG MA'O, ,ZHES GSUNGS PA'I PHYIR, YANG BSAM PA RANG BZHIN DU GNAS PA'I RTEN LA GNANG LA TSAD BZUNG BA'I LTUNG BA'I SBYOR BA BYAS, BSAM PA RANG BZHIN DU MI GNAS PAR SONG BA'I RTEN LA MTHAR THUG GRUB PA NA, SBYOR LTUNG MI SKYED KYANG DNGOS GZHI SKYED PA GCIG YOD DE, DPER NA, BSAM PA RANG BZHIN DU GNAS PA'I RTEN LA, LHUNG BZED LHAG PO ZHAG BCUR 'CHANG 'DOD DANG MI LDAN PA'I SGO NAS DE 'CHANG BA'I ZHAG BCU'I MJUG TU GNYID MTHUG LA GNAS PA'I NGANG NAS SKYA RENGS SHAR BA NA, LHUNG BZED ZHAG BCU 'CHANG SPANG GI SBYOR LTUNG MI SKYED CING DNGOS GZHI SKYED PA'I PHYIR, LTUNG BA DE'I MTHAR THUG GI YAN LAG 'GRUB PA RTEN GYI GANG ZAG GI LUS NGAG GANG RUNG GI BYED PA LA MI LTOS PA'I PHYIR TE, DE MTHAR THUG 'PHEN PAS 'GRUB PA'I LTUNG BA YIN PA'I PHYIR, DES NA THOG MA NAS LHUNG BZED LHAG PO ZHAG BCUR 'CHANG 'DOD DANG BCAS PA'I SGO NAS 'CHANG BA NA SBYOR LTUNG YANG SKYED DO, ,DE YANG BSAM PA RANG BZHIN DU GNAS PA'I RTEN LA GNANG LA TSAD BZUNG GI LTUNG BA'I SBYOR BA BYAS, BSAM PA RANG BZHIN DU MI GNAS PAR SONG BA'I RTEN LA MTHAR THUG 'GRUB RUNG DU SONG BA NA DNGOS GZHI MI SKYED KYANG SBYOR LTUNG SKYED PA YOD DE, DPER NA, BSAM PA RANG BZHIN DU GNAS PA'I RTEN LA MI TSANGS SPYOD KYI SBYOR BA BYAS, DE RANG BZHIN DU MI GNAS PAR SONG BA'I RTEN LA MI TSANGS SPYOD KYI LTUNG BA'I DNGOS GZHI MI SKYED KYANG SBYOR LTUNG SKYED PA'I PHYIR TE, DE'I DNGOS GZHI'I YAN LAG 'GRUB PA RTEN GYI GANG ZAG GI LUS NGAG GANG RUNG GI BYED PA LA LTOS PA'I PHYIR TE, DE MTHAR THUG 'PHEN PAS MI 'GRUB PA'I LTUNG BA YIN PA'I PHYIR, NGAG DON NI, RANG LA DGE SLONG GI 'DU SHES DANG LDAN PA'I DUD 'GRO'I RNAM PA CAN DU SPRUL BA'I DGE SLONG DES, SDE LNGA'I RGYU LA SPYAD NA SDE LNGA'I DNGOS GZHI SKYED DE, DES DE'I RGYU LA SPYAD PAS DE'I DNGOS GZHI SKYED PA'I BSAM SBYOR GYI YAN LAG TSANG BA'I PHYIR, 'DI'I SKABS SU KHA CIG ,DUD 'GRO'I LUS RTEN CAN GYI DGE SLONG YOD ZER NA, DE 'DRA'I DGE SLONG @018B CHOS CAN, KHYOD KYI LUS DE DUD 'GRO'I LUS YIN PAR THAL, KHYOD DUD 'GRO'I LUS RTEN CAN GYI SKYES BU YIN PA'I PHYIR, 'DOD NA, DE'I LUS CHOS CAN, RANG NYID 'PHEN BYED MI DGE BA'I LAS KYI 'PHANGS 'BRAS YIN PAR THAL, DUD 'GRO'I LUS YIN PA'I PHYIR, 'DOD MI NUS TE, RANG NYID 'PHEN BYED DGE BA'I LAS KYI 'PHANGS 'BRAS YIN PA'I PHYIR TE, DE 'DRA'I DGE SLONG DE DGE BA'I LAS KYI DBANG GIS SKYE BA BLANGS PA'I SKYES BU YIN PA'I PHYIR TE, LAS DBANG GIS SKYE BA BLANGS PA'I DGE SLONG YIN PA'I PHYIR, KHA CIG ,DUD 'GRO'I RTEN CAN GYI DGE SLONG YOD DO ZHE NA DE CHOS CAN, DUD 'GRO'I RTEN CAN MA YIN PAR THAL, BDE 'GRO'I RTEN CAN YIN PA'I PHYIR TE, MI'I RTEN CAN YIN PA'I PHYIR TE, DGE SLONG YIN PA'I PHYIR, KHYAB STE, DGE SLONG GI SDOM PA GSAR DU SKYE BA'I RTEN CAN GYI SKYES BU YIN NA, MI YIN DGOS PA'I PHYIR, 'DI NYID LAS, MI MA YIN PA'I 'GRO BA PA DANG, BYANG GI SGRA MI SNYAN PA NI SDOM PA'I ZHING NYID MA YIN NO, ,ZHES GSUNGS PA'I PHYIR, GZHAN YANG, SO THAR GYI SDOM PA GSAR DU SKYE BA'I RTEN CAN GYI SKYES BU YIN NA, MI YIN DGOS PAR THAL, LHA'I RTEN LA DE GSAR DU SKYE BA MED PA'I PHYIR TE, SDOM GSUM RAB DBYE LAS, LHA DANG BYIS PA'I DGE SLONG NI, ,'DUL BA'I SDE SNOD RNAMS LAS BKAG ,CES GSUNGS PA'I PHYIR, GZHAN YANG, DUD 'GRO'I RTEN LA LTUNG BA SDE LNGA GSAR DU GRUB PA YOD PAR THAL, RANG LA DGE SLONG GI 'DU SHES YOD PA'I DUD 'GRO'I RTEN CAN GYI DGE SLONG DES LTUNG BA SDE LNGA'I RGYU LA SPYAD PAS LTUNG BA SDE LNGA'I DNGOS GZHI SKYED PA'I PHYIR TE, DE 'DRA'I DGE SLONG DE 'GRO BA GZHAN GYI RNAM PA BSTEN PA NA DGE SLONG GI 'DU SHES YOD PA LA'O, ,ZHES PA'I DNGOS SU BSTAN PA'I DGE SLONG YIN PA'I PHYIR, MA GRUB NA, DER THAL, DE YOD PA'I PHYIR, 'DOD NA, DUD 'GRO'I RTEN LA SDE LNGA'I BCAS PA MDZAD PAR THAL, 'DOD PA'I PHYIR, 'DOD MI NUS SO,, ` TSIGS SNGA MAR SBYOR BA BYAS PA LA YANG NGO, ,ZHES PAR, SPYI DON NI, DGE TSUL GYI RTEN LA RTZA LTUNG GI SBYOR BA BYAS, DGE SLONG GI RTEN LA MTHAR THUG GRUB PA NA, PHAM PA'I SBYOR LTUNG LAS YANG BA'I SBYOR LTUNG ZHIG SKYED PA YIN @019A *, ,TE, DE'I TSE SBYOR LTUNG DU GYUR PA'I NYES BYAS TZAM SKYED PA'I PHYIR DANG, SPYIR PHAM PA'I SBYOR BA'I LTUNG BA SBOM PO'I LTUNG BA SKYED PA'I PHYIR, YANG DGE TSUL GYI RTEN LA GZHI MA DAG PAR KHANG PA TSAD LAS LHAG PA RTZIG PA'I SBYOR BA BYAS, DGE SLONG GI RTEN LA MTHAR THUG GRUB PA NA, KHANG PA LA BRTEN PA'I LHAG MA'I SBYOR LTUNG LAS CHUNG BA'I SBYOR LTUNG SKYED PA YIN TE, DE'I TSE SBYOR LTUNG DU GYUR PA'I NYES BYAS PHRA MO SKYED CING, SPYIR KHANG PA LA BRTEN PA'I LHAG MA'I SBYOR BA LA NYES BYAS SKYED PA'I PHYIR TE, BAM LNGA LAS, SBYOR BA TSIG SNGA MAR BYAS NA NA SMAD PA NYID YIN NO, ,SBYOR BA SBOM PO LA NYES BYAS DANG, NYES BYAS LA NYES BYAS PHRA MO LTA BU'O, ,ZHES GSUNGS PA'I PHYIR, DE LTAR YIN YANG GZHUNG 'DIS BSLAB TSIGS SNGA MA'I RTEN LA LTUNG BA'I SBYOR BA BYAS, PHYI MA'I RTEN LA MTHAR THUG GRUB PA NA LTUNG BA DE'I DNGOS GZHI MI SKYED CING, DE LAS NA SMAD PA'I LTUNG BA SKYED PAR BSTAN PA YIN TE, GZHUNG 'DIR YANG SGRA SMOS PA GANG ZHIG ,MED NA NI NA SMAD PA NYID DO, ,ZHES PAS LTUNG BA'I DNGOS GZHI LAS NA SMAD KYI LTUNG BA SKYED PAR BSTAN NO, PHYI MA YANG DE DANG LDAN PA NYID YIN NO, ,ZHES PAS LTUNG BA'I DNGOS GZHI SKYED PAR BSTAN PA'I PHYIR, GZHAN YANG, BSLAB TSIGS SNGA MA'I RTEN LA LTUNG BA'I SBYOR BA BYAS, PHYI MA'I RTEN LA MTHAR THUG GRUB PA NA DNGOS GZHI MI SKYED PA'I RGYU MTSAN YOD DE, DGE TSUL GYI RTEN LA MI GSOD PA'I SBYOR BA BYAS, BSNYEN RDZOGS SU SGRUB PA'I TSE, MI GSOD 'DOD KYI 'DUN PA LOG DGOS PA'I PHYIR TE, DE'I TSE LTUNG BA SPYI'I RGYU LA 'JUG 'DOD KYI 'DUN PA LOG DGOS PA'I PHYIR TE, DE'I TSE LTUNG BA THAMS CAD RE RE NAS SPONG 'DOD KYI BSAM PA DANG LDAN PA MI DGOS KYANG, DE'I TSE LTUNG BA SPYI'I RGYU LA 'JUG 'DOD KYI 'DUN PA MA LOG NA SDOM PA MI SKYE BA YIN PA'I PHYIR, DES NA GZHUNG 'DIS BSLAB TSIGS SNGA MA'I RTEN LA LTUNG BA'I SBYOR BA BYAS, PHYI MA'I RTEN LA MTHAR THUG GRUB PA NA, BAR DU 'DUN PA LOG PA'I STOBS KYIS DNGOS GZHI MI SKYED PAR BSTAN PA YIN TE, GZHUNG 'DIS BSLAB TSIGS SNGA MA'I RTEN LA LTUNG BA'I SBYOR BA BYAS, PHYI MA'I RTEN LA MTHAR THUG GRUB @019B PA NA LTUNG BA'I SBYOR BA DANG, MTHAR THUG GI YAN LAG GNYIS PO BSLAB TSIGS GCIG LA MA GRUB PA'I RGYU MTSAN GYIS DNGOS GZHI MI SKYED PAR BSTAN PA YIN PA'I PHYIR TE, GZHUNG 'DI LTUNG BA'I RGYUR GYUR PA'I BSLAB TSIGS GI YAN LAG STON PA'I GZHUNG YIN PA'I PHYIR, YANG DGE TSUL GYI RTEN LA RIN THANG TSANG BA'I RDZAS RKU RU BCUG NAS DGE SLONG GI RTEN LA RDZAS DE BLANGS NAS THOB BLO SKYES PA NA PHAM PA 'BYUNG STE, DE'I CHA PHAM PA'I NYE SBYOR DANG, MTHAR THUG GI YAN LAG GNYIS PO DGE SLONG GI RTEN LA GRUB PA'I PHYIR TE, BAM LNGA LAS, DE'I DNGOS GZHI TSIGS PHYI MAR GRUB PA NI NA SMAD PA MED PA NYID YIN TE JI LTA BA BZHIN NO, ,ZHES GSUNGS PA'I PHYIR, YANG DGE SLONG GI RTEN LA RTZA LTUNG GI SBYOR BA BYAS, KHYIM PAR BABS PA'I RTEN LA MTHAR THUG GRUB NA SBYOR LTUNG SKYED PA YIN TE, RGYA CHER 'GREL LAS, BSNYEN PAR RDZOGS PA'I SBYOR BAR GYUR PA NI SBOM PO'O, ,ZHES GSUNGS PA'I PHYIR, YANG KHYIM PA'I RTEN LA PHO NYA BTANG STE RDZAS KHYER BA NA KHYIM PA'I DUS SU 'DUN PA LOG RJES SU DGE TSUL DU SGRUB PA'I RTEN LA LTUNG BA MED DE, BSAM PA RGYUN CHAD PA'I PHYIR, YANG DGE TSUL GYI RTEN LA PHO NYA BTANG NGAM RGYUN MA LOG PAR BSNYEN RDZOGS KYI RTEN LA RDZAS DE LAG TU THOB CING THOB BLO SKYES PA NA DNGOS GZHI 'BYUNG STE, RGYA CHER 'GREL LAS, KHA NA MA THO BA RDZOGS PAR 'GYUR RO, ,ZHES GSUNGS PA'I PHYIR, ZHAR BYUNG NI, LTUNG BA'I RGYUR GYUR PA'I RDZAS RIN THANG CHUNG BA BKAG PAS, DE LAS RIN THANG CHE BA BKAG PA DANG LDAN PA YIN TE, DPER NA, BAL NAG PO 'BA' ZHIG GI STAN BYAS NA, BCAS LDAN DGE SLONG LA LTUNG BA 'BYUNG BA BZHIN DU, DE LAS BZANG BA SRIN BAL 'BA' ZHIG GI STAN BYAS NA YANG DE'I SPANG LTUNG 'BYUNG BA YIN PA'I PHYIR TE, 'DI NYID LAS, RDZAS BKAG PA BAS BZANG PO LA YANG DE DANG LDAN PA NYID YIN NO, ,ZHES GSUNGS PA'I PHYIR, YANG LTUNG BA'I RGYUR GYUR PA'I RDZAS BKAG PAS DE DANG 'DRA BA'I RDZAS BZANG NGAN KUN BKAG PA YIN TE, SRIN BAL 'BA' ZHIG LA STAN BYAS NA SPANG LTUNG 'BYUNG BA BZHIN DU MON DAR 'BA' ZHIG LA STAN BYAS NA SPANG LTUNG 'BYUNG BA YIN PA'I PHYIR TE, 'DI NYID LAS, 'DRA BA LA YANG NGO, ,ZHES GSUNGS PA'I PHYIR DANG, @020A *, ,DE'I RGYA CHER 'GREL LAS, SRIN BAL LA SOGS PA'I RDZAS RIN THANG CHEN PO BKAG PA DE DANG 'DRA BAR, RIN THANG CHEN PO MON DAR LA SOGS PA'I RDZAS LA YANG BKAG PA DANG LDAN PA NYID DE, GNYIS KA SPANG BAR 'GYUR BAR 'DRA'O, ,ZHES BYA BA'I THA TSIG GO ,ZHES GSUNGS PA'I PHYIR, NGAG DON NI, KHYIM PA'I RTEN LA RTZA LTUNG GI SBYOR BA BYAS, DGE TSUL GYI RTEN LA MTHAR THUG GRUB PA NA, PHAM 'DRA LAS NA SMAD KYI LTUNG BA SKYED CING, DGE SLONG GYI RTEN LA RTZA LTUNG GI SBYOR BA BYAS, DGE SLONG GI RTEN LA MTHAR THUG GRUB NA, PHAM PA LAS NA SMAD KYI LTUNG BA SKYED PA YIN TE, DANG PO'I PHAM 'DRA'I SBYOR BA DANG, MTHAR THUG GI YAN LAG GNYIS PO BSLAB TSIG GCIG LA MA GRUB, PHYI MA'I TSE PHAM PA'I SBYOR BA DANG, MTHAR THUG GI YAN LAG GNYIS PO BSLAB TSIG GCIG LA MA GRUB PA YIN PA'I PHYIR, 'DI'I SKABS SU KHA CIG ,'DI'I SKABS KYI NA SMAD DE SBYOR BA'I NA SMAD LA MI BYED CING, DNGOS GZHI'I NA SMAD LA BYED ZER NA, MI 'THAD DE, RGYA CHER 'GREL LAS, BSNYEN PAR RDZOGS PA NYID PHYI MAR DNGOS GZHI 'GRUB PA'I SBYOR BA BYAS PA NA YANG NA SMAD DU RIG PAR BYA'O, ,ZHES GSUNGS PA'I PHYIR, KHA CIG ,DGE TSUL GYI RTEN LA RTZA LTUNG GI SBYOR BA BYAS, DGE SLONG GI RTEN LA MTHAR THUG GRUB PA NA PHAM PA 'BYUNG BA YIN TE, DE'I TSE RTZA LTUNG 'BYUNG BA'I PHYIR TE, DE'I TSE RTZA LTUNG GI SBYOR BA DANG, MTHAR THUG GI YAN LAG GNYIS PO RAB BYUNG GI SDOM LDAN GYI RTEN LA GRUB PA'I PHYIR NA MA KHYAB STE, DE'I TSE BAR DU RTZA LTUNG GI RGYU LA 'JUG 'DOD KYI 'DUN PA LOG DGOS PA'I PHYIR, DE LTAR MA YIN NA, DGE SLONG GI RTEN LA RTZA LTUNG GI SBYOR BA BYAS, DE RJES KHYIM PAR BABS, SLAR YANG BSNYEN PAR RDZOGS PA'I RTEN LA MTHAR THUG GRUB PA NA PHAM PA 'BYUNG BA'I SKYON YOD PA'I PHYIR, KHA CIG ,BSTAN PA LA RIM GYIS ZHUGS PA'I DGE SLONG GI RTEN LA RTZA LTUNG BYUNG BA'I TSE, PHAM 'DRA YANG 'BYUNG BA YIN TE, DE'I TSE DE'I RGYUD LA DGE TSUL GYI SDOM PA'I NGOS SKAL GYI SPANG BYAR GYUR PA'I RTZA LTUNG YOD PA'I PHYIR NA MA KHYAB STE, DE'I TSE DE'I RGYUD KYI PHAM PA DE KA DE'I RGYUD KYI DGE TSUL GYI SDOM PA'I NGOS SKAL GYI SPANG BYA YIN PA'I @020B PHYIR TE, DE'I TSE DE'I RGYUD LA DGE TSUL GYI SDOM PA'I MI MTHUN PHYOGS YOD PA'I PHYIR TE, DE'I TSE DE'I RGYUD KYI DGE TSUL GYI SDOM PA DE SDOM PA RNAM DAG LAS NYAMS PA'I PHYIR, DE LTAR YIN KYANG, DE 'DRA'I DGE SLONG GI RGYUD KYI DGE SLONG GI SDOM PA'I NGOS SKAL GYI SPANG BYA YIN NA, DE'I RGYUD KYI DGE TSUL GYI SDOM PA'I NGOS SKAL GYI SPANG BYA YIN PAS MA KHYAB STE, DGE SLONG GI RTEN LA BCAS PA'I DGE TSUL DANG THUN MONG MA YIN PA'I LTUNG BA RNAMS DGE TSUL GYI SDOM PA'I NGOS SKAL GYI SPANG BYA MA YIN PA'I PHYIR, ` MTSAN GYUR PA NI DE'I ZHING NYID YIN NO, ,ZHES PAR, SPYI DON LA THUN MONG BA'I LTUNG BA DANG THUN MONG MA YIN PA'I LTUNG BA SO SO'I NGO BO, ,SO SO'I DBYE BA, MTSAN PHYI MA LA CIR 'GYUR BSHAD PA DANG GSUM, DANG PO NI, RTEN PHA MA GNYIS KA LA LTUNG BA CHE CHUNG MNYAM DU BCAS PA'I RIGS SU GNAS PA'I SGO NAS THUN MONG BA'I SDOM GYIS BSDUS PA'I LTUNG BA DE, THUN MONG BA'I LTUNG BA'I MTSAN NYID YIN, DE LA DBYE NA MTSAN NYID SPYI 'DRA'I DE, RJES MTHUN MING TZAM GYI DE, CHO GA 'JIG PA'I THUN MONG BA'I LTUNG BA DANG GSUM YOD, RANG GI YUL GYI YAN LAG RTEN PHA MA GNYIS KA LA YOD PA'I RIGS SU GNAS PA'I THUN MONG BA'I LTUNG BA, MTSAN NYID SPYI 'DRA BA'I THUN MONG BA'I LTUNG BA'I MTSAN NYID YIN, RANG GI YUL GYI YAN LAG RTEN PHA MA GANG RUNG GCIG KHO NA'I RGYUD LA YOD PA'I RIGS SU GNAS PA'I THUN MONG BA'I LTUNG BA, RJES MTHUN GYI DE'I MTSAN NYID DU BSLAB BYA CHEN MO LAS BSHAD PA LTAR DU KHAS LEN RIGS, RTEN PHA MA GNYIS KA LA LTUNG BA CHE CHUNG MI MNYAM PAR BCAS PA'I RIGS SU GNAS PA'I SGO NAS THUN MONG MA YIN PA'I LTUNG BA'I SDOM GYIS BSDUS PA'I LTUNG BA DE, THUN MONG MA YIN PA'I LTUNG BA'I MTSAN NYID YIN, GNYIS PA SO SO'I DBYE BA NI, MTSAN NYID SPYI 'DRA BA'I THUN MONG BA'I LTUNG BA LA DBYE NA, PHAM BZHI SMYAN DANG SKUR 'DEBS GNYIS, ZHES PA NAS, KHAB RAL GDING G-YAN BDE GSHEGS GOS, ,DE LTAR LNGA BCU RTZA LNGA'O, ,ZHES SDOM TSIG GIS BSTAN PA'I THUN MONG BA'I PHAM PA BZHI, SMYAN BYED KYI LHAG MA, SKUR 'DEBS KYI LHAG MA LA SOGS PA RNAMS SU YOD, RJES MTHUN MONG TZAM GYI THUN MONG BA'I LTUNG BA LA @021A *, ,DBYE NA, MTSAN MTHUN YAN LAG TU DGOS PA'I DE DANG, MTSAN MI MTHUN YAN LAG TU DGOS PA'I DE GNYIS YOD, DANG PO LA DBYE NA, BAR SDOMS LAS, BSGO GYUR BZHI DANG 'PHROG PA DANG, ZHES PA NAS, BRDAL DANG SENG GE LAS GYUR TE, ,DE LTAR BZHI BCU THAM PA'O, ,ZHES PA'I BAR GYIS BSTAN PA'I DGE 'DUN DBYEN BYED KYI LHAG MA'I BSGO GYUR GYI LTUNG BA LA SOGS PA BZHI BCU THAM PAR YOD, GNYIS PA DE LA DBYE NA, BAR SDOMS LAS, 'KHRUR 'JUG PA DANG LEN PA DANG, ZHES SOGS SHO LO KA GCIG GIS BSTAN PA'I 'KHRUR 'JUG PA LA SOGS PA LNGAR YOD, CHO GA 'JIG PA'I LTUNG BA LA DBYE NA, BAR SDOMS LAS, 'BRAL DANG SPANGS PA ZA BA DANG, ZHES SOGS RKANG PA GNYIS KYIS BSTAN PA'I CHOS GOS 'BRAL SPANG GI LTUNG BA LA SOGS PA BZHI YOD, THUN MONG MA YIN PA'I LTUNG BA LA DBYE NA, PHA'I RNAM 'BYED NAS BSHAD PA'I PHA'I RTEN LA BCAS PA'I PHA'I THUN MONG MA YIN PA'I LTUNG BA, MA'I RNAM 'BYED NAS BSHAD PA'I MA'I RTEN LA BCAS PA'I THUN MONG MA YIN PA'I LTUNG BA GNYIS, DANG PO LA SO BRGYAD YOD DE, LHAG MA DANG PO BZHI, KHANG PA KHANG CHEN GYI LHAG MA'I LTUNG BA GNYIS, SRIN BAL 'BA' ZHIG CHA GNYIS DANG, ZHES SOGS KYI LTUNG BA BDUN, LHUNG BZED ZHAG BCU 'CHANG SPANG GI LTUNG BA, DGON PA PA'I 'BRAL SPANG GI LTUNG BA, DBYAR GYI GOS RAS CHEN GYI BRTAD PA'I LTUNG BA, SKROD PA'I LTUNG BYED, MA BSKOS NYI MA NUB PA DANG, ZHES SOGS KYIS BSTAN PA'I LTUNG BA BCU, NYAL PO BYED PA'I KHYIM NA 'DUG 'GRENG BYED PA'I LTUNG BA GNYIS, ZAS YANG YANG ZA BA'I LTUNG BA, ZAS BSOD PA SLONG BA'I LTUNG BA, GDENGS MED DU SPYOD PA'I LTUNG BA, NYI SHU MA LON PAR BSNYEN PAR RDZOGS PA'I LTUNG BA, SOR BSHAGS KYI LTUNG BA GSUM LA SOGS PA RNAMS SU YOD, GNYIS PA DE LA BRGYA DANG BZHI BCU RTZA DGU YOD DE, THUN MONG MA YIN PA'I PHAM PA BZHI, LHAG MA'I LTUNG BA BCU GSUM, SPANG LTUNG BCU BZHI, LTUNG BYED 'BA' ZHIG PA BRGYA DANG BRGYAD, SOR BSHAGS BCU RNAMS SU YOD, THUN MONG MA YIN PA'I PHAM PA @021B BZHI'I NGO BO NI, DGE SLONG MA'I RTEN LA 'KHRIG PA'I 'DOD CHAGS KYI BSAM PAS KUN NAS BSLANGS TE, MIG NAS PUS MO'I BAR SKYES PA'I RTEN LA REG PA LAS BYUNG BA'I DNGOS GZHI YONGS SU RDZOGS PA'I LTUNG BA DE, REG PHAM GYI NGO BO YIN, DE'I RTEN LA 'KHRIG PA'I 'DOD CHAGS KYI BSAM PAS KUN NAS BSLANGS TE, SKYES PA PHO'I PHYOGS SU LUS BKAN ZHING NYAL BA LA BRTEN NAS BYUNG BA'I DNGOS GZHI YONGS SU RDZOGS PA'I LTUNG BA LUS BKAN GYI PHAM PA'I NGO BO YIN, DE'I RTEN LA DES ZLA MO'I PHAM PA MTHOL YUL YOD BZHIN DU MA MTHOL BA ZHAG GCIG BCABS PA LA BRTEN NAS BYUNG BA'I DNGOS GZHI YONGS SU RDZOGS PA'I LTUNG BA, 'CHAB PA'I PHAM PA'I NGO BO YIN, DGE SLONG MA DANG 'DRE ZHING GNAS PA'I DGE SLONG PHA, DGE SLONG PHA'I GNAS NAS DBYUNG BA, DGE SLONG PHA'I DGE 'DUN LA BZOD PA GSOL BA, DGE SLONG MAS SLAR BZOD PA GSOL BA ZLOG PAR BYED PA, RKYEN LNGA'I MTHAR MI GTONG BA LAS BYUNG BA'I DNGOS GZHI YONGS RDZOGS KYI LTUNG BA, BZLOG PA'I PHAM PA'I MTSAN NYID YIN, GSUM PA MTSAN PHYI MA LA CI 'GYUR BSHAD PA NI, MTSAN NYID SPYI 'DRA BA'I THUN MONG BA'I LTUNG BA'I SBYOR BA BYED BZHIN PA, MTSAN GYUR PA DANG MNYAM DU MTHAR THUG GI YAN LAG GRUB PA NA, DE'I DNGOS GZHI SKYED PA YIN TE, DE RGYUD LA LDAN PA'I SKYES BU MTSAN GYUR PA NA LTUNG BA DE CHUNG BAR 'GYUR BA YOD CING, CHE BAR 'GYUR BA MED PA'I PHYIR, MTSAN MI MTHUN YAN LAG TU DGOS PA'I THUN MONG BA'I LTUNG BA DANG, CHOG 'JIG PA'I THUN MONG BA'I LTUNG BA'I SBYOR BA BYED BZHIN PA MTSAN GYUR PA NA, DE LTUNG MED DU 'GYUR BA YIN TE, DE DAG RGYUD LA LDAN BZHIN PA MTSAN GYUR PA NA, DE DAG MED PAR 'GYUR BA'I PHYIR, THUN MONG MA YIN PA'I LTUNG BA RNAMS SBYOR BA BYED BZHIN PA'I NGANG NAS MTSAN GYUR PA NA, DE NA SMAD DU 'GYUR BA YIN TE, DE MTSAN GYUR PA NA DE CHUNG BAR 'GYUR ZHING CHE BAR MI 'GYUR BA'I PHYIR, DE THAMS CAD MTSAN LAN CIG GYUR PA KHO NA LA MA YIN TE, DE LAN GNYIS GYUR PA LA YANG SBYOR DGOS PA'I PHYIR, MTSAN LAN GSUM GYUR PA LA LTUNG BA MI SKYED DE, MTSAN LAN GSUM DU GYUR PA SDOM PA'I GTONG RGYU YIN PA'I PHYIR, MTSAN GYUR PA NA @022A *, ,LTUNG BA YANG GYUR PA YIN TE, DE GYUR PA NA NYON MONGS YANG GNAS GYUR, DE GYUR PA NA DE DANG MTSUNGS LDAN GYI SEMS BYUNG YANG GNAS GYUR, DE GYUR PA NA BCAS PA YANG GNAS GYUR PA'I PHYIR, DANG PO GRUB STE, PHOR MTSAN GYUR PA NA PHO LA ZHE SDANG CHE MO LA 'DOD CHAGS CHE ZHING MOR MTSAN GYUR PA NA PHO LA 'DOD CHAGS CHE MO LA ZHE SDANG CHE BA'I PHYIR, NGAG DON NI, LTUNG BA DE'I SBYOR BA BYED BZHIN PA'I NGANG NAS MTSAN GYUR NAS MTHAR THUG GI YAN LAG GRUB PA NA, LTUNG BA DE LAS NA SMAD KYI LTUNG BA SKYED PAR MA NGES TE, DE'I TSE MTSAN PHYI MA DE LA BCAS PA GANG MDZAD KYI LTUNG BA DE SKYED CING, LTUNG BA DE RGYUD LA LDAN BZHIN PA'I NGANG NAS MTSAN GYUR PA NA, MTSAN PHYI MA DE LA BCAS PA GANG MDZAD KYI LTUNG BA SKYED PA'I PHYIR, 'DI'I SKABS SU GZHAN LUGS CUNG ZAD DGAG NA, KHA CIG ,THUN MONG BA'I LTUNG BA YIN NA, RTEN PHA MA GNYIS KA LA LTUNG BA CHE CHUNG MNYAM DU LCI BA'I LTUNG BA YIN PAS KHYAB ZER NA, DE YIN NA, RTEN PHA MA GNYIS KA'I RGYUD LA LDAN PAS KHYAB PAR THAL, DAM BCA' DE'I PHYIR, 'DOD NA, DGE SLONG PHA'I RGYUD KYI SROG GCOD KYI PHAM PA CHOS CAN, DER THAL, DE'I PHYIR TE, SROG GCOD KYI PHAM PA DE YIN PA GANG ZHIG ,DE'I RGYUD LA THUN MONG BA'I LTUNG BA YOD PA'I PHYIR, MA GRUB NA, THUN MONG BA'I LTUNG BA MED PAR THAL, DGE SLONG PHA'I RGYUD LA YANG MED, DGE SLONG MA'I RGYUD LA YANG MED PA'I PHYIR, PHYI MA MA GRUB NA, DANG PO MED PA BUD, RTZA BAR 'DOD MI NUS TE, DE RAB BYUNG MA'I RGYUD LA MED PA'I PHYIR, KHO NA RE, SROG GCOD KYI PHAM PA YIN NA, THUN MONG BA'I LTUNG BA YIN DGOS PAR THAL, DGE SLONG PHA'I RGYUD KYI SROG GCOD KYI PHAM PA THUN MONG BA'I LTUNG BA YIN PA'I PHYIR, 'DOD NA, MI TSANGS SPYOD KYI PHAM PA YIN NA YANG, DA YIN DGOS PAR THAL LO, ,'DOD NA, DE YIN NA, MTSAN NYID SPYI 'DRA BA'I THUN MONG BA'I LTUNG BA YIN DGOS PAR THAL, 'DOD PA GANG ZHIG ,DE MTSAN NYID SPYI 'DRA BA'I THUN MONG BA'I LTUNG BA YIN PA'I PHYIR NA, MA KHYAB, 'DOD NA, DGE SLONG PHA'I RTEN LA RANG GI NOR BU RANG GI KHAR BCUG @022B PA LA BRTEN NAS BYUNG BA'I MI TSANGS SPYOD KYI PHAM PA CHOS CAN, DER THAL, DE'I PHYIR, 'DOD MI NUS TE, DE'I GZHI'I YAN LAG RAB BYUNG MA'I RGYUD LA MED PA'I PHYIR, DES NA, DE RJES MTHUN MING TZAM GYI THUN MONG BA'I LTUNG BA YIN NO, ,'O NA SROG GCOD KYI PHAM PA YIN NA, MTSAN NYID SPYI 'DRA BA'I THUN MONG BA'I LTUNG BA YIN DGOS PAR THAL, MI TSANGS SPYOD KYI PHAM PA LA DE LTAR DGOS PA'I PHYIR, RTAGS KHAS, 'DOD NA, DGE SLONG MA'I RTEN LA MI PHO'I 'GRO BA BSAD PA LA BRTEN NAS BYUNG BA'I SROG GCOD KYI PHAM PA CHOS CAN, DER THAL, DE'I PHYIR, 'DOD MI NUS TE, DE'I GZHI'I YAN LAG RTEN PA KHO NA LA YOD PA'I PHYIR, KHA CIG ,PHAM PAS NYAMS PA'I DGE SLONG LA PHAM PA'I SGO NAS SKUR PA BTAB PA LA BRTEN NAS BYUNG BA'I LHAG MA'I LTUNG BA DE, RJES MTHUN MING TZAM GYI THUN MONG BA'I LTUNG BA YIN, MTSAN NYID SPYI 'DRA BA'I THUN MONG BA'I LTUNG BA MA YIN ZER NA, DE MTSAN NYID SPYI 'DRA BA'I THUN MONG GI LTUNG BA YIN PAR THAL, DGE SLONG RNAM DAG LA PHAM PA'I SGO NAS SKUR PA BTAB PA LA BRTAN NAS BYUNG BA'I LHAG MA'I LTUNG BA DE DE YIN PA GANG ZHIG ,DE GNYIS GZHI'I YAN LAG RTEN GNYIS KA LA YOD PAR MTSUNGS PA'I PHYIR TE, LTUNG BA DE GNYIS KA'I RGYUD LA YOD PA'I PHYIR, KHA CIG ,THUN MONG MA YIN PA'I LTUNG BA DE'I DNGOS GZHI SKYED PA LA, DE'I SBYOR BA DANG MTHAR THUG GI YAN LAG MTSAN GCIG LA GRUB PA DGOS ZER NA, MI 'THAD DE, 'BYIN PA'I LTUNG BYED KYI SBYOR BA BYED BZHIN PA'I DGE SLONG MA MTSAN GYUR PA NA, MTHAR THUG GI YAN LAG GRUB PA DANG, 'BYIN PA'I LTUNG BYED TZAM 'BYUNG BA'I PHYIR, KHA CIG ,MTSAN NYID SPYI 'DRA BA'I THUN MONG BA'I LTUNG BA YIN NA, RANG GI GZHI'I YAN LAG THAMS CAD RTEN GNYIS KA LA YOD PAS KHYAB ZER NA, DGE SLONG PHA'I RGYUD KYI SROG GCOD KYI PHAM PA CHOS CAN, DER THAL, DE'I PHYIR TE, DE'I RGYUD LA MTSAN NYID SPYI 'DRA BA'I THUN MONG BA'I LTUNG BA YOD PA'I PHYIR, MA GRUB NA, DE 'DRA'I LTUNG BA MED PAR THAL, DGE SLONG PHA'I RGYUD LA YANG MED, DGE SLONG MA'I RGYUD LA YANG MED PA'I PHYIR, PHYI MA MA GRUB NA, DANG PO MED PA BUD, RTZA BAR 'DOD @023A *, ,MI NUS TE, DE'I RTEN GYI YAN LAG MA'I RGYUD LA MED PA'I PHYIR TE, DGE SLONG PHA MA GNYIS KYI GZHI MTHUN MED PA'I PHYIR, KHA CIG ,DGE SLONG PHA'I RGYUD KYI LTUNG BA YIN NA, RANG GI RTEN GYI YAN LAG MA'I RGYUD LA MED PAS KHYAB ZER NA, THUN MONG BA'I PHAM PA RG YUD LA LDAN PA'I DGE SLONG MA MTSAN GYUR BA'I DGE SLONG PHA'I RGYUD KYI THUN MONG BA'I PHAM PA CHOS CAN, DER THAL, DE'I PHYIR, 'DOD MI NUS TE, DE 'DRA'I PHAM PA 'BYUNG KHA MA'I SKYES BU DE DGE SLONG MA YIN PA'I PHYIR TE, DE DGE SLONG PHAR MTSAN 'GYUR KHA MA'I DGE SLONG MA DE DE YIN PA'I PHYIR, KHA CIG ,DGE SLONG PHA MA GNYIS KA LA BCAS PA'I LTUNG BA YIN NA, THUN MONG BA'I LTUNG BA YIN PAS KHYAB ZER NA, SKYES PA PHO LA REG PA'I LTUNG BA CHOS CAN, DER THAL, DE'I PHYIR, DGE SLONG PHAS RANG LAS RGYUD THA DAD PA'I SKYES PA PHO LA REG PAS LTUNG BA 'BYUNG, DGE SLONG MAS SKYES PA PHO LA REG PA LA YANG LTUNG BA 'BYUNG BA'I PHYIR, RTZA BAR 'DOD MI NUS TE, RTEN PHA MA GNYIS KA LA LTUNG BA CHE CHUNG MI MNYAM PA'I LTUNG BA YIN PA'I PHYIR TE, DGE SLONG PHAS RANG LAS RGYUD THA DAD PA'I SKYES PA PHO LA REG PA LA SBOM PO 'BYUNG, DGE SLONG MAS SKYES PA PHO LA REG PA LA PHAM PA 'BYUNG BA'I PHYIR, ` DE'I TSE LUS BYED PA PO NYID YIN NO, ,ZHES PAR, SPYI DON NI, DPER NA, BCAS LDAN DGE SLONG PHA'I RTEN LA SKYES PA PHO LA REG BZHIN PA'I NGANG NAS REG YUL GYI SKYES PA PHO DE MTSAN GYUR PA NA, SNGAR GYI REG YUL GYI SKYES PA PHO'I LUS DE SBOM PO'I LTUNG BA'I RTEN YIN TE, DGE SLONG PA'I RTEN LA CHAGS SEMS KYIS KUN NAS BSLANGS TE, SKYES PA PHO GZHAN LA REG PAS SBOM PO'I LTUNG BA'I BCAS PA MDZAD PA'I PHYIR, DE BZHIN DU DE'I RTEN LA BUD MED LA REG BZHIN PA'I NGANG NAS REG YUL GYI BUD MED DE MTSAN GYUR PA NA, SNGAR GYI REG YUL GYI BUD MED KYI LUS DE REG PA'I LHAG MA'I LTUNG BA'I RTEN DANG, DE MTSAN GYUR PA'I SKYES PA'I LUS DE SBOM PO'I LTUNG BA'I RTEN YIN, DGE SLONG MA'I RTEN LA SKYES PA PHO LA REG BZHIN PA'I NGANG NAS, REG YUL GYI SKYES PA PHO MTSAN @023B GYUR PA NA, REG YUL GYI SKYES PA PHO'I LUS DE REG PHAM GYI RTEN YIN, DGE SLONG MA'I RTEN LA CHAGS SEMS KYIS KUN NAS BSLANGS TE, SKYES PA PHO LA REG PA LA REG PHAM GYI BCAS PA MDZAD PA YIN PA'I PHYIR, MANG REG YUL GYI DGE SLONG PHA MTSAN GYUR PA'I BUD MED KYI LUS DE SBOM PO'I LTUNG BA'I RTEN YIN TE, DGE SLONG MA'I RTEN LA CHAGS SEMS KYIS KUN NAS BSLANGS TE, BUD MED LA REG PHA LA SBOM PO'I LTUNG BA'I BCAS PA MDZAD PA YIN PA'I PHYIR, DES NA, DE'I RTEN LA BUD MED LA REG BZHIN PA'I NGANG NAS REG YUL DE MTSAN GYUR PA NA, REG YUL GYI BUD MED KYI LUS DE SBOM PO'I RTEN DANG, DE MTSAN GYUR PA'I SKYES PA PHO'I LUS DE REG PHAM GYI RTEN YIN NO, ,DE THAMS CAD 'THAD DE, RTZA BAR, DE'I TSE LUS BYED PA PO NYID YIN NO, ,ZHES PA DANG, DE'I RGYA CHER 'GREL LAS, YUL GANG LAS LTUNG BA 'BYUNG BA'I LUS DANG, RGYU GANG LAS LTUNG BA 'BYUNG BA'I LUS DE GNYIS GNAS SKABS GYUR PA NA, GANG GIS GNAS SKABS SU GNAS PA'I LUS DE NYID, YUL DANG, RGYUD KYI LTUNG BA GANG YIN PA DE'I BYED PA PO NYID YIN PAR RNAM PAR GZHAG GO ,ZHES PA DANG, YANG DE NYID LAS, DGE SLONG DU GYUR PAS BUD MED KYI LUS LA REG PA'I PHYIR, SBYOR BA BRTZAMS NAS DGE SLONG DE MTSAN GYUR TE, DGE SLONG MAR MTSAN GYUR NA BUD MED KYI LUS LA REG PA DE, DGE SLONG MA DE'I RGYUD LA BUD MED KYI LUS LA REG PA LAS GYUR BA'I PHAM PA'I SBOM PO ZHES BYA BA GANG 'BYUNG BA DE'I BYED PA PO NYID YIN GYI, REG PA'I DGE 'DUN LHAG MA'I BYED PA PO NYID MA YIN PA LTA BU'O, ,ZHES GSUNGS PA'I PHYIR, DE DAG LA BRTEN NAS LTUNG BA DE'I SBYOR BA BYED BZHIN PA'I RTEN GYI SKYES BU'I LUS DE SBYOR LTUNG GI RTEN DANG, LTUNG BA DE'I MTHAR THUG GI YAN LAG GRUB PA'I DUS KYI RTEN GYI SKYES BU'I LUS DE LTUNG BA DE'I DNGOS GZHI'I RTEN YIN PA YANG SHES NUS SO, ,DE DAG MTSAN GYUR PA NA LTUNG BA JI LTAR SKYED PA'I TSUL NI GONG GI MTSAN GYUR GYI SKABS SU BSHAD PA LAS SHES NUS SO, ,YANG MI DUD 'GRO LAS SKYES PA'I MIS BDAG GIR BZUNG BA'I RDZAS RIN THANG TSANG BA BCAS LDAN DGE SLONG GIS BRKUS @024A *, ,NA MA BYIN LEN GYI PHAM PA DANG, DES DE 'DRA'I MI BSAD NA SROG GCOD KYI PHAM PA 'BYUNG BA YIN TE, DE 'DRA'I MI DE MI YIN PA'I PHYIR, RTZA BAR, GZHAN LAS SKYES PA NI RANG GI 'GRO BA NYID MA YIN PA MA YIN NO, ,ZHES PA DANG, DE'I RGYA CHER 'GREL LAS, DPER NA, MI MA YIN PA MO'I MNGAL NAS SKYES PA'I MI'I RGYUD DU DBANG BA'I RDZAS LA DER 'DU SHES PAS BRKUS NA, MI NYID LAS BRKUS PA YIN PAS PHAM PA KHO NAR 'GYUR BA LTA BU DANG, ZHES GSUNGS PA'I PHYIR, YANG RDZAS SNGAGS SOGS KYI SGO NAS DUD 'GRO SOGS 'GRO BA GZHAN GYI RNAM PAR BSGYUR BA'I MI, BCAS LDAN DGE SLONG GIS BSAD NA, SROG GCOD KYI PHAM PA SKYED DE, DE 'DRA'I MI DE MI YIN PA'I PHYIR, 'DI NYID LAS, 'GRO BA GZHAN GYI RNAM PA BSTEN PA BSAD PA LA YANG NGO, ,ZHES PA DANG, DE'I RGYA CHER 'GREL LAS, MI'I SMAN DANG SNGAGS LA SOGS PA'I DBANG GIS MI MA YIN PA DANG, DUD 'GRO'I 'GRO BA GZHAN GYI LUS KYI RNAM PA BSTEN PA BSAD NA, MI NYID BSAD PA YIN PAS PHAM PA KHO NAR 'GYUR BA LTA BU DANG, ZHES GSUNGS PA'I PHYIR, YANG DE NYID LAS, DER 'DU SHES PAS KYANG RUNG NGO, , BSAD PA'I DUS NA DNGOS GZHI LAS NI PHAM PAR 'GYUR RO, ,ZHES GSUNGS PA'I PHYIR, LUNG PHYI MA 'DI'I DON LA, KHA CIG ,DUD 'GROR 'KHRUL NAS MI BSAD PA LA SROG GCOD KYI PHAM PA 'BYUNG NGO, ,ZHE NA, MI 'THAD DE, RTZA BAR, DE LTAR 'DU SHES PAS SO, ,ZHES PA DANG, SROG GCOD KYI PHAM PA DE 'DU SHES GTZO CHE BA'I PHAM PA YIN PA'I PHYIR, RANG LUGS LA, LUNG DE'I DON NI, MI DANG DUD 'GRO GANG YIN KYANG GSOD SNYAM PA'I SGO NAS MI LA DUD 'GROR 'KHRUL NAS BSAD PA LA SROG GCOD KYI PHAM PA 'BYUNG BAR BSTAN PA YIN TE, RGYA CHER 'GREL LAS, 'DIR LHA BYIN DU 'DU SHES PAS, MCHOD BYIN BSAD PA LA PHAM PAR MI 'GYUR BA LTA BU THAL BAR MI 'GYUR BA'I PHYIR TE, DE GNYIS RGYUD THA DAD YIN PA'I PHYIR, LHA BYIN DU 'DU SHES PAS, MCHOD SBYIN BSAD PA LA PHAM PAR MI 'GYUR BAR RIGS SO, , @024B 'DIR NI RGYUD GCIG YIN PA'I PHYIR, DNGOS GZHI'I DUS NA SROG BCAD PA'I DBANG GIS DNGOS GZHI JI LTA BA LAS, KHA NA MA THO BAR 'GYUR RO, ,ZHES GSUNGS PA'I PHYIR, 'DI'I DON LA KHA CIG ,MCHOD BYIN LA LHA BYIN DU 'KHRUL NAS, MCHOD BYIN BSAD PA LA PHAM PA MI 'BYUNG STE, DE GNYIS RGYUD THA DAD YIN PA'I PHYIR, MI LA DUD 'GROR 'KHRUL NAS MI BSAD PA LA PHAM PA 'BYUNG STE, GANG BSAD BYA MI DANG DUD 'GRO RGYUD GCIG YIN PA'I PHYIR, ZER NA, MI 'THAD DE, LHA BYIN DANG MCHOD BYIN RGYUD THA DAD YIN PA BZHIN DU MI DANG DUD 'GRO YANG RGYUD THA DAD YIN, LHA BYIN DU 'KHRUL PA'I MCHOD BYIN DANG, MCHOD BYIN RGYUD GCIG YIN PA BZHIN DU, DUD 'GROR 'KHRUL PA'I MI DANG, MI YANG RGYUD GCIG YIN PAR MTSUNGS PA'I PHYIR, LHA BYIN DU 'KHRUL BA'I MCHOD BYIN BSAD PA LA PHAM PA MI 'BYUNG BAR BSTAN PA NI, DE GNYIS GANG YIN KYANG GSOD SNYAM PA'I KUN SLONG SPYI ZHUGS MED PA'I DBANG DU BYAS PA YIN, DUD 'GROR 'KHRUL BA'I MI BSAD PA LA PHAM PA 'BYUNG BAR BSTAN PA NI, DE GNYIS GANG YIN KYANG GSOD SNYAM PA'I KUN SLONG SPYI ZHUGS YOD PA'I DBANG DU BYAS PA YIN, DE LTA MA YIN NA, MI GSOD SNYAM PA'I KUN SLONG GI BSAM PA MED PAR MI BSAD PA LA SROG GCOD KYI PHAM PA 'BYUNG BAR THAL LO, MI DANG DUD 'GRO GANG YIN KYANG GSOD SNYAM PA'I KUN SLONG SPYI ZHUGS MED PAR MI LA DUD 'GROR 'KHRUL NAS BSAD PA LA PHAM PA 'BYUNG BA'I PHYIR, 'DOD NA, SROG GCOD KYI PHAM PA'I KUN SLONG GI YAN LAG MED PAR SROG GCOD KYI PHAM PA 'BYUNG BA YOD PAR THAL, BSAD BYA DE DGRA BCOM PA YIN KYANG, DE MA YIN PAR 'DU SHES PA'I SGO NAS GSOD SEMS DANG BCAS TE BSAD PA LA, MTSAMS MED KYI SDIG PA 'BYUNG, ZHING, MDZOD 'GREL LAS, DGRA BCOM PA MA YIN PA'I 'DU SHES KYIS, DGRA BCOM PA BSAD PA NA YANG MTSAMS MED PAR 'GYUR TE, 'DI GSOD SNYAM PA'I RTEN NGES PAR BZUNG BA'I PHYIR, ZHES GSUNGS PA'I PHYIR, NGAG DON NI, LTUNG BA DE'I RGYU LA 'JUG BZHIN PA'I YUL GYI SKYES BU'I LUS DA, LTUNG BA DE'I RTEN YIN TE, LTUNG BA DE'I SBYOR BA LA 'JUG @025A *, ,BZHIN PA'I YUL GYI SKYES BU'I LUS DE DE'I SBYOR LTUNG GI RTEN DANG, LTUNG BA DE'I MTHAR THUG GI YAN LAG GRUB PA'I DUS KYI YUL GYI SKYES BU'I LUS DE DE'I DNGOS GZHI'I RTEN YIN PA'I PHYIR, ` GNAS SKABS GZHAN THOB PA NI GZHAN NYID MA YIN NO, ,ZHES PA'I SKABS SU, NGAG DON NI, BSAD BYA'I MI DE SO SO SKYE BO'I MI YIN PA'I DUS SU DE GSOD PA'I SBYOR BA BYAS, DE 'PHAGS PAR GNAS GYUR PA NA MTHAR THUG GI YAN LAG GRUB PA'I TSE SROG GCOD KYI PHAM PA SKYED DE, DE GNAS GYUR BA'I 'PHAGS PA DE DE 'DRA'I SO SO SKYE BO'I MI DE LAS RGYUD GZHAN MA YIN PA'I PHYIR, ZHES PA'O,, ` GZHI GCIG LA DU MA NYID BCAS PA LA NI, JI SNYED PA DE SNYED KYI NYES PAR 'GYUR RO, ,ZHES PA'I NGAG DON NI, LTUNG BA'I GZHI GCIG LA LTUNG BA GCIG KHO NA SKYED PA MA YIN TE, DE LA BCAS PA JI SNYED GCIG MDZAD PA'I BCAS PA'I GRANGS DANG MNYAM PA'I LTUNG BA SKYED PA'I PHYIR, DE'I CHA NI DER GTOGS SO, ,ZHES PA'I NGAG DON NI, MI TSANGS SPYOD KYI PHAM PA'I SBYOR SBOM CHOS CAN, KHYOD LTUNG BA SDE LNGA GANG RUNG DU MA 'DUS PA'I SKYON MED DE, KHYOD MI TSANGS SPYOD KYI PHAM PA'I SDER GTOGS YIN PA'I PHYIR TE, DE'I CHAR GYUR PA'I CHAR GYUR GYI LTUNG BA YIN PA'I PHYIR, 'DIR SPYI DON LA CHA CHA CAN GYI LTUNG BA'I KHYAD PAR DANG, CHA CHA CAN SBYAR BA GNYIS LAS, RANG GI CHAR GYUR BA'I LTUNG BA LAS, MTHUN PA GSUM CI RIGS PA DANG MTHUN PA'I SGO NAS CHAR GYUR GYI LTUNG BA LAS LCI BA'I LTUNG BA DE, CHA CAN GYI LTUNG BA'I MTSAN NYID YIN, RANG GI CHA CAN GYI LTUNG BA LAS MTHUN PA GSUM CI RIGS PA MTHUN PA'I SGO NAS CHA CAN GYI LTUNG BA LAS YANG BA'I LTUNG BA DE, CHAR GYUR GYI LTUNG BA'I MTSAN NYID YIN, MTHUN PA GSUM NI, SBYOR BA'I RIGS MTHUN PA, DGAG BYA'I RIGS MTHUN PA, GZHI'I YAN LAG MTHUN PA RNAMS LA BYED DO, ,PHAM PA BZHI DANG BKA' BLO MI BDE BA'I LHAG MA'I LTUNG BA, GSOG 'JOG BYAS PA ZA BA'I LTUNG BYED RNAMS DANG PO YIN, PHAM PA'I SGO NAS SKUR PA BTAB PA'I LHAG MA'I LTUNG @025B PA DANG, DBYEN BYED KYI LHAG MA'I LTUNG BA GNYIS NI, DE GNYIS KA YIN, LTUNG BA GZHAN RNAMS GNYIS PA YIN, CHAR GYUR BA'I LTUNG BA LA DBYE NA, NGO BO NYID KYI CHAR GYUR BA'I LTUNG BA DANG, CHA DER GTOGS KYI CHAR GYUR BA'I LTUNG BA GNYIS LAS, RANG GI CHA CAN GYI LTUNG BA DANG, KUN SLONG GI RNAM PA THA MI DAD PA LAS SKYES PA'I LTUNG BA DE, DANG PO'I MTSAN NYID YIN, MTSAN GZHI NI, MI TSANGS SPYOD KYI PHAM PA'I SBYOR SBOM, DE'I SBYOR BA'I SBYOR BA'I LTUNG BA, DER GTOGS KYI NYES BYAS RNAMS, DE'I MTSAN GZHI YIN NO, ,RANG GI CHA CAN GYI LTUNG BA DANG, KUN SLONG GI RNAM PA THA DAD LAS SKYES PA'I LTUNG BA DE, GNYIS PA'I MTSAN NYID YIN, MTSAN GZHI NI, KHU BA 'BYIN PA, 'KHRIG TSIG ,BSNYEN BKUR, NYAL PO, 'DUG GI 'GRENG, BUD MED DANG LHAN CIG LAM DU 'GRO BA'I LTUNG BA RNAMS, DE'I MTSAN GZHI YIN, DE YANG, LHAN CIG NYAL BA'I LTUNG BA DE MI TSANGS SPYOD KYI PHAM PA'I CHAR GTOGS KYI LTUNG BA YIN TE, DE DE'I CHA GANG ZHIG ,DE DANG KUN SLONG GI RNAM PA THA DAD LAS SKYES PA'I PHYIR, YANG, MNGON TSAN CAN, NYO TSONG, BYIN 'PHROG ,BSDOS BSGYUR, RKUN MA DANG LAM LA 'GROGS PA DANG, MA BSGO BAR STAN LA 'DUG PA'I LTUNG BA RNAMS NI MA BYIN LEN GYI PHAM PA'I CHAR GTOGS KYI LTUNG BA YIN, YANG, 'DEBS SPYOD, DNGANGS PAR BYED PA, GA GA TSIL BYED PA, CHU LA RTZE BA, MA BRTAGS PAR STAN LA 'DUG PA'I LTUNG BA RNAMS NI, SROG GCOD KYI PHAM PA'I CHAR GTOGS KYI LTUNG BA YIN, YANG, MI TSES BLA MA MA GTOGS PA'I RDZUN SMRA BA'I LTUNG BA RNAMS NI, RDZUN SMRA BA'I PHAM PA'I CHAR GTOGS KYI LTUNG BA YIN TE, DE DE RNAMS DANG KUN SLONG GI RNAM PA THA DAD LAS SKYES PA'I PHYIR TE, MI CHOS BLA MA'I RDZUN SMRA BA'I LTUNG BA NI, MI CHOS BLA MA'I RDZUN SMRA 'DOD LAS SKYES LA, GZHAN RNAMS DE LAS MA SKYES PA'I PHYIR, YANG, KHYAD GSOD DANG, MA GUS PA'I TSUL GNYIS KYIS 'DAS PA'I LTUNG BA GNYIS NI, BKA' BLO MI BDE BA'I LHAG MA'I CHAR GTOGS KYI LTUNG BA YIN, MTSAMS BCOS, ZHAG LON, RJEN BTZOS ZOS PA'I LTUNG BA RNAMS NI, GSOG @026A *, ,'JOG ZOS PA'I LTUNG BA'I CHAR GTOGS YIN, BYAS PA LA KHO NA RE, KHU BA 'BYIN PA, BSNYEN BKUR BSNGAGS PA, 'KHRIG TSIG SMRA BA, SMYAN BYED KYI LTUNG BA RNAMS, MI TSANGS SPYOD KYI PHAM PA'I SDER GTOGS KYI LTUNG BA YIN PAR THAL, DE DE'I CHAR GTOGS KYI LTUNG BA YIN PA'I PHYIR, ZER NA, MA KHYAB, 'DOD NA, LTUNG BA LA SDE LNGAR BYAS PA LA GRANGS MANGS PA'I SKYON YOD PAR THAL, LTUNG BA LA PHAM PA'I SDE GCIG GIS CHOG PA'I PHYIR, MA GRUB NA, DER THAL, SNGA MA LA 'DOD PA'I PHYIR, DE LTAR BYAS PA LA KHO NA RE, MI TSANGS SPYOD KYI SBYOR BA'I SBOM PO SBYOR BA'I SBYOR BA, DER GTOGS KYI NYES BYAS RNAMS, MI TSANGS SPYOD KYI PHAM PA'I SDER GTOGS KYI LTUNG BA MA YIN PAR THAL, GONG GI MA KHYAB PA DE'I PHYIR, ZER NA, 'DIR MA KHYAB, 'DOD NA, LTUNG BA LA SDE LNGAR GZHAG PA LA GRANGS NYUNGS PA'I SKYON YOD PAR THAL, 'DOD PA'I PHYIR RO, ,DES NA, KHU BA 'BYIN PA'I LTUNG BA SOGS MI TSANGS SPYOD KYI PHAM PA'I SDER MA GTOGS TE, DE DE DANG KUN SLONG GI RNAM PA THA DAD LAS SKYES PA'I PHYIR, YANG, MI TSANGS SPYOD KYI PHAM PA'I SBYOR SBOM SOGS NI, DE'I SDER GTOGS TE, DE DANG KUN SLONG GI RNAM PA THA MI DAD PA'I KUN SLONG LAS SKYES PA'I PHYIR, KHYAB STE, CHA DANG CHA CAN GYI LTUNG BA RNAMS KUN SLONG GI RNAM PA GCIG PA RNAMS SDE TSAN GCIG PA DANG, KUN SLONG GI RNAM PA THA DAD PA RNAMS SDE TSAN THA DAD DU BSHAD PA'I PHYIR, KHA CIG ,LUS BKAN GYI PHAM PA DE MI TSANGS SPYOD KYI PHAM PA LAS SDE TSAN THA DAD DU 'CHAD MI RIGS PAR THAL, DE DE'I SDER GTOGS KYI LTUNG BA YIN PA'I PHYIR TE, DE GNYIS SPRAD 'DOD LAS SKYES PA'I LTUNG BA YIN PA'I PHYIR NA, MA KHYAB STE, LUS BKAN GYI PHAM PA NI GTZO BOR REG 'DOD LAS SKYES, ,CIG SHOS NI GTZO BOR 'KHRIG 'DOD LAS SKYES PA'I PHYIR, DES NA CHA DANG CHA CAN SBYAR BA LA DGOS PA YOD DE, CHA CAN CHAR GTOGS DANG BCAS PA BDE BLAG TU RTOGS NAS, DANG POR DE DAG GIS MA GOS PAR BYED PA DANG, GOS NA MYUR DU PHYIR BCOS LA 'JUG PA'I DGOS @026B PA YOD PA'I PHYIR, 'BYIN PA'I DGE 'DUN LHAG MA DANG, MI TSANGS SPYOD KYI PHAM PA GNYIS KUN SLONG GI RNAM PA THA DAD YIN TE, 'KHRIG 'DOD KYIS KUN NAS SLANG STE PHYUNG BA'I LTUNG BA NI, MI TSANGS SPYOD KYI PHAM PA'I SDER GTOGS, DBYUNG 'DOD TZAM GYIS PHYUNG BA'I LTUNG BA NI LHAG MA'I SDER GTOGS PA YIN TE, 'DI NYID LAS, PHYUNG BA THAMS CAD LA MTHA' NYID MA GTOGS PA NI DGE 'DUN LHAG MA'O, ,ZHES PA DANG, DE'I RGYA CHER 'GREL LAS, KHU BA 'BYUNG BA THAMS CAD LA MTHA' NYID CES BYA BA PHAM PAR 'GYUR BA NYID MA GTOGS PA LA NI DGE 'DUN LHAG MA KHO NAR 'GYUR BA'O, ,ZHES GSUNGS PA'I PHYIR, SBYOR BA THA DAD PAS LTUNG BA THA DAD DU 'GYUR TSUL NI, 'BRAS BU THA DAD PA DU MAS BAR CHOD PA'I BYA BA DU MA PHYOGS GCIG TU BSDOMS NAS 'BRAS BU'I LTUNG BA DNGOS GZHI GCIG TU MI BZHAG STE, DE DAG 'BRAS BU THA DAD DU GRUB PA'I PHYIR, DPER NA, SBYOR BA THA DAD PA DU MAS RIN THANG MA TSANG BA'I DNGOS PO DU MA BRKUS TE, PHYOGS GCIG TU BSDOMS NAS RIN THANG TSANG BA NA PHAM PA'I DNGOS GZHI GCIG TU MI BZHAG PA DANG, TSAD DU MA LONGS PA'I KHANG PA DU MA BRTZIGS PA'I SBYOR BA BYAS NAS, DE DAG BSDOMS TE TSAD DU LONGS PA NA, KHANG PA'I DNGOS GZHI GCIG TU MI BZHAG PA DANG, YANG, TSAD DU MA LONGS PA'I GOS SNGA PHYI DU MAR BCANGS NAS, DE DAG BSDOMS TE TSAD DU LONGS PA NA, GOS ZHAG BCU 'CHANG SPANG GI DNGOS GZHI GCIG TU MI BZHAG PA BZHIN NO, ,DE LTAR MDO RTZA BA LAS, BYA BA DU MA'I 'BRAS BU LTUNG BA RNAM PAR MI BZHAG GO ,ZHES PA DANG, DE'I RGYA CHER 'GREL LAS, BYA BA 'BRAS BU THA DAD PA BAR DU CHOD PA 'BRAS BU THA DAD PAR 'GRUB PA DU MA DAG GI 'BRAS BU GCIG TU BSDUS PAS DNGOS GZHI'I LTUNG BA RNAM PAR MI BZHAG STE, DE DAG GI 'BRAS BU NI THA DAD PA NYID YIN NO, ,DPER NA, NYUNG DU NYUNG NGUR BRKUS PA GCIG TU BSDOMS PAS MA SHA KA LNGA LA SOGS PA'I TSAD DU CHOG PA GANG YIN PA DES PHAM PAR MI 'GYUR BA LTA BU DANG, ZHES GSUNGS PA'I PHYIR, DE DAG GI SEL BA NI, KHANG PA KHANG CHEN SOGS LTUNG BA BCU DGU'I SKABS SU, DE DAG GI BYA BA SNGAR GZHAN GYIS BYAS ZIN NAS, RANG @027A *, ,NGAM BSKOS PAS 'PHRO GRUB PAR BYAS NA, DE DAG GI PHYED NYID BYAS KYI RDZOGS PAR BYAS PA MA YIN PAS, LTUNG BA YANG PHYED NYID DE DNGOS GZHI LAS NA SMAD PA 'BYUNG BA YIN TE, MDO RTZA BA LAS, PHYED BYAS PA LA BYED PA NI PHYED NYID DO, ,ZHES PA DANG, RGYA CHER 'GREL LAS, PHYED BYAS ZIN PA'I LHAG MA PHYED SGRUB PAR BYED PA DE LA NI, DANG PO BRTZAMS PA TSUN CHAD NAS MTHAR THUG PA'I BAR LA NYES PA'I DNGOS GZHI ZHES BYA BA GANG 'BYUNG BA DE TSIG 'OG MAR NA SMAD PAR BYA'O, ,ZHES BYA BA'I THA TSIG GO ,DPER NA, GOS RNYING PA CUNG ZAD BKRUS PA DANG, BTZES PA DANG, BCAGS PA ZHIG DGE SLONG MA NYE DU MA YIN PA LA 'KHRUR BCOL LAM, 'TSED DU BCOL LAM, 'CHAG TU BCUG NA NYES BYAS SU 'GYUR PA LTA BU DANG, ZHES GSUNGS PA'I PHYIR, KHO NA RE, PHAM PA'I SKUR BA BTAB PA LA LHAG MA, LHAG MA'I SKUR PA BTAB PA LA LTUNG BYED DU 'GYUR NA, SBOM PO, LTUNG BYED, SOR BSHAGS, NYES BYAS RNAMS KYI SKUR PA BTAB PA LAS CIR 'GYUR ZHE NA, KHA NA MA THO BA PHAM LHAG LAS NA SMAD PA'I SBOM PO, LTUNG BYED, SOR BSHAGS, NYES BYAS RNAMS KYI SKUR PA BTAB NA, LHAG MA DANG LTUNG BYED LAS NA SMAD PA'I NYES BYAS SU 'GYUR TE, DE NYID LAS, KHA NA MA THO BA NA SMAD PA DAG GI CHA NYID NI NA SMAD PA YIN NO, ,ZHES PA DANG, RGYA CHER 'GREL LAS, NYES PA SBOM PO DANG, LTUNG BYED DANG, SO SOR BSHAGS PAR BYA BA DANG, NYES BYAS DAG GI SKUR PA BTAB PA LA NYES BYAS SU 'GYUR BA DANG, ZHES GSUNGS PA'I PHYIR, YAN LAG GI MTHA' BCAD PA LA, LTUNG BA SDE LNGA PO THAMS CAD LA 'DU SHES NGES PA DGOS PA MA YIN TE, 'GA' ZHIG LA THE TSOM GYIS KYANG 'DU SHES KYI GO CHOD PA'I PHYIR, DPER NA, DGE SLONG MA NYE DU YIN NAM, MIN SNYAM DU THE TSOM ZOS TE 'KHRUR BCUG NA, 'KHRUR 'JUG PA'I SPANG BA SKYED PA DANG, LHA BYIN GYI NOR YIN NAM, MA YIN NAM SNYAM DU THE TSOM ZOS TE, BRKUS NA YANG MA BYIN LEN GYI LTUNG BA SKYED DO, 'DU SHES GTZO BO'I LTUNG BA 'DI LA, BSAM PA DON DANG MTHUN PA DGOS PA DANG, MI @027B DGOS PA GNYIS LAS, DANG PO LA, 'DU SHES MA 'KHRUL NA DNGOS GZHIR 'GYUR, 'KHRUL NA NA SMAD DU 'GYUR RO, ,GNYIS PA MI DGOS PA NI, DGUNG TSIGS MA YOL BA LA YOL BAR 'DU SHES SAM, YID GNYIS ZA NAS ZOS NA, PHYI DRO'I KHA ZAS BZAS BA'I LTUNG BA SKYED LA, YOL BA LA MA YOL BAR 'DU SHES TE, ZOS NA LTUNG BA MED DO, ,DE LTAR YANG MDO RTZA BA LAS, THAMS CAD LA THE TSOM ZA BAS ZHUGS PAS NI, BSAM PA DANG BCAS PA YIN NO, ,ZHES PA DANG, RGYA CHER 'GREL LAS, 'DI MI YIN NAM, 'ON TE MI MA YIN SNYAM DU THE TSOM ZA BZHIN DU BSANG BA LA NI BSAD PAR BYA BA'I GZHI CI LTA BA LAS LTUNG BAR 'GYUR TE, MI YIN NA NI PHAM PAR 'GYUR LA, MI MA YIN PA ZHIG NA NI NA SMAD PAR 'GYUR RO, ,ZHES GSUNGS PA'I PHYIR, SBYOR BA'I LTUNG BA SKYED PA LA 'DU SHES GTZO STE, GANG 'DU SHES PA LA SBYOR BA'I LTUNG BA 'BYUNG GI , 'DU MI SHES PA LA DE MI 'BYUNG BA'I PHYIR, DPER NA, DUD 'GRO LA MIR 'DU SHES TE BSAD NA, DE'I SBYOR BA LA SBOM PO DANG, MI LA DUD 'GROR 'DU SHES TE BSAD PA'I SBYOR BA LA NYES BYAS 'BYUNG BA'I PHYIR, DE BZHIN DU MI MA YIN DANG, MI LA YANG RIGS 'GRE'O, MI'I RDZAS LA MI MA YIN GYI RDZAS SU 'DU SHES TE, BRKUS PA'I SBYOR BA LA NYES BYAS, DE LAS LOG PA'I SBYOR BA LA SBOM PO'O, ,MDO RTZA BA LAS, SBYOR BA LA 'DU SHES YAN LAG YIN NO, ,ZHES GSUNGS PA'I PHYIR DANG, DE'I RGYA CHER 'GREL LAS, DPER NA, DUD 'GRO LA MIR 'DU SHES BAS BSAD NA SBYOR BA LA SBOM PO NYID DU 'GYUR BA DANG, MI LA DUD 'GROR 'DU SHES PAS BSAD NA SBYOR BA LA NYES BYAS SU 'GYUR BA DANG, DE BZHIN DU MI MA YIN PA LA MIR 'DU SHES PAS BSAD NA SBYOR BA LA SBOM POR 'GYUR BA DANG, MI LA MI MA YIN PAR 'DU SHES KYIS BSAD NA SBYOR BA LA NYES BYAS SU 'GYUR BA LTA BU'O, ,ZHES GSUNGS PA'I PHYIR, SPYIR BTANG LA BSAM PA DON DANG LDAN PA DGOS TE, GZHAN DU SEL BAR 'GYUR BA'I PHYIR, DPER NA, MI BSAD DGOS SNYAM PA LA, MI MA YIN BSAD NA DNGOS GZHI LA SEL BAR 'GYUR BA BZHIN NO, , @028A *, ,DE LTAR YANG, MDO RTZA BA LAS, BSAM PA LA DE NYID DO, ,ZHES PA DANG, DE'I RGYA CHER 'GREL LAS, LTUNG BA 'BYIN PAR BYED PAS GANG LA BSAM STE ZHUGS PA'I DNGOS PO DE NYID YAN LAG YIN TE, GAL TE DON DE NYID YIN NA, DE'I TSE DNGOS GZHIR 'GYUR LA, GAL TE MA YIN NA NI MI 'GYUR RO, ,'DI LTA STE, DPER NA, GNYIS 'KHOD PA LAS GCIG BSAD PAR BYA'O SNYAM PA LAS, ,CIG SHOS BSAD PA DANG, DGRA BCOM PA BSAD PAR BYA'O SNYAM PA LAS DGRA BCOM PA MIN PA BSAD PA DANG, ZHES GSUNGS PA'I PHYIR, DE DAG GI DMIGS BSAL NI, MI TSANGS SPYOD DANG, KHU BA 'BYIN PA GNYIS LA, BSAM PA'I YAN LAG DER MA BSAM PA YANG YAN LAG TU 'GYUR BA YOD DE, SNGO SANGS LA BYED SNYAM PA LA SKAR SHAM LA BYED PA DANG, MO'I ZAG BYED LA BYED SNYAM PA LAS RMA GZHAN GYI SGO LA BYED PA DANG, SGYID PA LA 'KHYUD NAS DBYUNG SNYAM PA LA, RKED PA LA 'KHYUD NAS 'BYIN PA RNAMS LA DNGOS GZHI SKYED PA'I PHYIR TE, MDO RTZA BA LAS, MI TSANGS BAR SPYOD PA DANG, KHU BA 'BYIN PA GNYIS LA NI DER MA ZAD DO, ,ZHES PA DANG, DE'I RGYA CHER 'GREL LAS, MI TSANGS PAR SPYOD PA DANG, KHU BA 'BYIN PA GNYIS LA NI, BSAM PA 'BA' ZHIG YAN LAG YIN PAR MA ZAD KYI, BSAM PA MIN PA'I DON GZHAN YANG YAN LAG YIN NO, ,BUD MED LA SOGS PA GANG BSAM PA'I DON DE NYID YAN LAG YIN PAR MA ZAD KYI, MA BSAM PA'I DON GZHAN YANG YAN LAG YIN TE, 'DI GNYIS LA NI YUL GANG YANG RUNG GI REG PA BDAG GIR BYED PA GTZO BO YIN PA'I PHYIR RO, ,DES NA GANG BSAM PA'I BUD MED DE NYID LA MI TSANGS PAR SPYAD NA YANG PHAM PAR 'GYUR LA, DE NYID LA SPYAD DO SNYAM PA LAS NOR TE, GZHAN ZHIG LA SPYAD NA YANG PHAM PA KHO NAR 'GYUR RO, ,ZHES PA DANG, RTZA 'GREL DE GNYIS KYI DON 'CHAD PA NA, tIK CHEN RIN CHEN PHRENG BA LAS, GANG BSAM PA'I YUL DE 'BA' ZHIG YAN LAG YIN PAR MA ZAD DE, MA BSAM PA'I DON YANG YAN LAG YIN PA'I PHYIR @028B RO, ,'DI NYID LAS, YUL KHYAD PAR MED KYI REG BYA NYAMS SU MYONG BA GTZO BO YIN PA'I PHYIR RO, ,DES NA SKAR SHAM LA SPYAD PAR BYA'O SNYAM PA LAS, NOR TE SNGO SANGS LA SPYAD NA YANG DNGOS GZHIR 'GYUR LA, BRLA LA DRUD NAS DBYUNG NGO SNYAM PA LAS NOR TE, RKED PA LA DRUD NAS PHYUNG NA YANG DNGOS GZHIR 'GYUR BA DANG, DE BZHIN DU BUM PA LA GTAD DE DBYUNG NGO SNYAM PA LAS, BYA MA BUM LA GTAD DE PHYUNG NA YANG, DNGOS GZHIR 'GYUR PA LTA BU'O, ,ZHES GSUNGS PA'I PHYIR, MI BDEN PA RDZUN SMRA BA LA NI, YUL MA BSAM PA YAN LAG TU 'GYUR BA YOD DE, LHAS BYIN LA RDZUN SMRA 'DOD PA LA, MCHOD PHYIN LA SMRAS NA YANG RDZUN SMRA BA'I LTUNG BYED SKYED PA'I PHYIR TE, MDO RTZA BA LAS, MI BDEN PA LA NI NYAN PA PO YANG NGO, ,ZHES PA DANG, DE'I RGYA CHER 'GREL LAS, RDZUN DU SMRA BA'I YUL LA YANG BSAM PA YAN LAG YIN PAR MA ZAD KYI, MA BSAM PA YANG YAN LAG YIN TE, DES NA NYAN PA PO GANG LA RDZUN SMRA BAR BSAM PA DE NYID LA SMRAS NA, KHA NA MA THO BAR 'GYUR BAR MA ZAD KYI, NYAN PA PO MA BSAM PA GZHAN LA MI'I CHOS BLA MAR GYUR PA'I RDZUN SMRAS NA, DE YANG PHAM PAR 'GYUR LA, ZHES PA DANG, DE GNYIS KYI DON 'CHAD PA NA, tIK CHEN RIN CHEN PHRENG BA LAS, RDZUN SMRA BA'I YUL LA NI, GANG LA SMRA BAR BSAM PA'I NYAN PA PO LHAS BYIN LTA BU DE YAN LAG YIN PAR MA ZAD DE, MA BSAM PA MCHOD BYIN LTA BU YANG YAN LAG YIN PA'I PHYIR TE, 'DI LA YUL GANG YANG RUNG GI PHA ROL PO'I DON GO BA GTZO BO YIN PA'I PHYIR RO, ,DES NA 'DI'I THAD KYI RTZA BAR, NI ZHES PA DGAG TSIG SMOS PA NI, DON MA NOR BAR SMRA BA GCIG DGOS SO ZHES BSHAD PA'I PHYIR DU YIN, YUL GYI YAN LAG LA DOGS PA DPYOD PA'I TSUL LA, DU MA YOD PA'I NANG NAS, DANG PO BUD MED KYIS SKYED PA'I LTUNG BA NYI SHU RTZA BZHI YOD LA, DE'I NANG NAS REG PA 'KHRIG PA DANG PHYI'I REG PA, LHAG MA GNYIS MA GTOGS PA'I YUL LA RDZU 'PHRUL GYI CHOS CAN MA YIN PA'I BUD MED DGOS TE, RDZU 'PHRUL GYI CHOS CAN GYI BUD MED YUL DU BYAS NA NA SMAD DU 'GYUR BA'I PHYIR, DE GNYIS LA NI MA GTOGS @029A *, ,TE, DE LA RDZU 'PHRUL GYI CHOS CAN YIN MIN LA KHYAD PAR MED PA'I PHYIR, DES NA 'DI'I SKABS SU, MI MA YIN MO YUL DU BYAS NA NA SMAD, DUD 'GRO MO YUL DU BYAS NA DE BAS KYANG NA SMAD DU 'GYUR BA'I PHYIR TE, MDO RTZA BA LAS, RDZU 'PHRUL GYI CHOS CAN MIN PA NI, REG PA MA YIN PA'I YAN LAG YIN NO, ,ZHES PA DANG, RGYA CHER 'GREL LAS, DE LAS GZHAN PA RDZU 'PHRUL GYI CHOS CAN LA NI, YAN LAG MA TSANG BAS DE LA NI NA SMAD PA NYID DE, RDZU 'PHRUL GYI CHOS CAN MO NYID LA NI BTUL DU MI RUNG STE, BZUNG PAR MI NUS PA'I PHYIR DANG, DE'I YUL LA 'KHRIG PA'I BSAM PA SHES CHEN PO MI SKYE BAS, DE'I PHYIR DE LA NA SMAD PAR SHES SO, ,ZHES PA DANG, YANG DE NYID LAS, REG PA NI, THAMS CAD LA 'DRA BA'I PHYIR TE, KHA CIG LA NI PHAM PAR 'GYUR LA, KHA CIG LA NI DGE 'DUN LHAG MAR 'GYUR RO, ,ZHES GSUNGS PA'I PHYIR, GNYIS PA RAG PA'I LTUNG BA LA DOGS PA DPYAD PA NI, LUS KYI REG PAS LTUNG BA DNGOS GZHI SKYED PA LA, REG BYA REG BYED GNYIS KA MA NYAMS PA DGOS TE, GANG RUNG GCIG NYAMS NA NA SMAD DANG, GNYIS KA NYAMS NA DE BAS KYANG NA SMAD DU 'GYUR BA'I PHYIR TE, MDO RTZA BA LAS, REG PAR BYA BA NI MA NYAMS PA'O, ,ZHES PA DANG, RGYA CHER 'GREL LAS, GANG GI TSE REG PAR BYED PA BDAG NYID KYI LUS DE LTAR GYUR NA, DE'I TSE YANG SBOM PO KHO NA'O, ,GNYIS KA'I LUS DE LTAR GYUR NA NI NYES BYAS SO, , RNAM PAR BSDOS PA MO DANG, RNAM PAR GNAG PA MO DANG, RNAM PAR 'BUS SHIG PA MO DANG, ZHES SOGS DANG, DE GNYIS KYI DON 'CHAD PA NA, tIK CHEN RIN CHEN PHRENG BA LAS, LUS KYI REG PA'I BDE BA NYAMS SU MYONG BA GTZO BO YIN PA'I PHYIR RO, ,DE BZHIN DU REG PAR BYED PA BDAG NYID KYI LUS KYANG MA NYAMS PA YAN LAG YIN LA, GANG YANG RUNG BA NYAMS NA NA SMAD DANG, GNYIS KA NYAMS NA CHES NA SMAD YIN TE, ZHES GSUNGS PA'I PHYIR, GA GA TSIL BYED PA'I LTUNG BA DNGOS GZHI SKYED PA LA REG BYA REG BYED GNYIS KA MA NYAMS PA DGOS TE, GANG @029B RUNG GCIG NYAMS NA DE BAS KYANG NA SMAD DU 'GYUR BA'I PHYIR, DE BZHIN DU SEN MO DANG SO DANG SHE MED PA'I RGYUS PA DANG SPU SOGS MA NYAMS PA LA REG PA DANG, ZHES TSUR REG PA LA NA SMAD, DE DAG PHAN TSUN NYAMS PAS REG PA LA CHES NA SMAD DU 'GYUR BA'I PHYIR TE, MDO RTZA BA LAS, GA GA TSIL BYED PA LA YANG NGO, ,SEN MO DANG SO DANG SHA MED PA'I RGYUS PA DANG, SPU DAG NI GZHAN DANG LDAN PA NYID DO, ,ZHES PA DANG, DE'I RGYA CHER 'GREL LAS, 'DIR YANG 'DI GNYIS KA'I LUS MA NYAMS PA NYID LA NI NA SMAD PA MED DO, ,GCIG GI LUS RMA LA SOGS PAS NYAMS PA YIN NA, DE LTA BU LA GA GA TSIL BYED PA LA NI NA SMAD DO, ,GNYIS KA'I LUS JI SNYED BSTAN PA DE LTA BUR NYAMS PA DAG LA NI DE LAS KYANG NA SMAD DO ZHES BYA BAR SBYAR RO, ,ZHES PA DANG, YANG DE NYID LAS, SEN MO LA SOGS PA DAG GIS SEN MO LA SOGS PA DAG LA REG PA DANG, GA GA TSIL BYED PA DAG LA NI GO RIMS BZHIN DU NYES BYAS DANG, NYES BYAS PHRA MOR 'GYUR RO, ,ZHES GSUNGS PA'I PHYIR, MI'I 'GRO BA PA NI GZHAN GYI DON GO BA'I PHYIR DU, LUS NGAG GI THA SNYAD DU BYAS PA LAS BYUNG BA'I LTUNG BA SKYED PA'I YUL DU DGOS TE, DE LAS GZHAN DU DGAG BYA MI RDZOGS PA'I PHYIR, 'O NA, MI YIN PA TZAM GYIS CHOG GAM ZHE NA, THA MAL PA'I BLO'I RANG BZHIN NYAMS PA'I SMYO BA LA SOGS PA NI, DE SKYED PA'I YUL MA YIN TE BLO GSAL BA'I NGO BO NYID DANG MI LDAN PAS, DON BYA BA DANG DON BYA BA MA YIN PA'I BLO MED PA'I PHYIR, 'O NA, BSAM PA RANG BZHIN DU GNAS PA TZAM GYIS CHOG GAM, ZHE NA, RTEN GCIG LA NYON MONGS GNYIS GNOD PA'I MA NING DANG, RGYUD GCIG LA MTSAN GNYIS DANG LDAN PA'I MTSAN GNYIS PA NI, BSAM PA RANG BZHIN DU GNAS PA LAS GZHAN DU BSAM PA NYAMS PA DANG LDAN PA STE DE DANG 'DRA BA YIN, GSAL BA'I NGO BO NYID DANG MI LDAN PAS DON BYA BA DANG, DON BYA BA MA YIN PA'I BLO MED PA'I PHYIR, DES NA THA SNYAD KYIS SKYED PA'I LTUNG BA LA THA SNYAD LNGA TSANG DGOS PA'I SKABS SU, GCIG MA TSANG NA NA SMAD, DU @030A *, ,MA MA TSANG NA DE BAS KYANG NA SMAD DU 'GYUR RO, ,DE LTAR YANG, MDO RTZA BA LAS, MI'I 'GRO BA PA NI THA SNYAD DU BYA BA NYID YIN NO, ,ZHES PA DANG, DE'I RGYA CHER 'GREL LAS, THA SNYAD DU BYA BA'I KHA NA MA THO BA GANG DAG BSTEN PA 'KHRIG PA DANG LDAN PAR SMRA BA DANG, BSNYEN BKUR BSNGAGS PA DANG, RDZUN SMRA BA DANG, SKYON SMRA BA DANG, DGE SLONG PHRA MA BYED PA DANG, GNAS NGAN LEN BRJOD PA DANG, MI'I CHOS BLA MA BRJOD PA LA SOGS PA DE DAG LAS GYUR PA'I KHA NA MA THO BA DE DAG THAMS CAD LA, MI'I 'GRO BA PA'I SROG CHAGS DAG KHA NA MA THO BA YONGS SU RDZOGS PA'I YAN LAG NYID YIN NO, ,'GRO BA GZHAN DU GTOGS PA DAG NI NA SMAD PA NYID YIN NO, ,ZHES PA DANG, YANG DE NYID LAS, MI'I 'GRO BA PA YIN YANG, RANG BZHIN NYAMS PA, MYOS PA DANG, SEMS 'KHRUGS PA DANG, TSOR BAS NYEN PA DAG NI THA SNYAD KYI BYA BA NYID KYI YAN LAG MA YIN NO, ,ZHES GSUNGS PA'I PHYIR, 'O NA, THA SNYAD LNGA PO DE GANG YIN ZHE NA, MI YIN PA SMRA SHES PA DON GO BA SHES PA RANG BZHIN DU GNAS PA, MA NING DANG MTSAN GNYIS PA MIN PA LNGA PO LA BRJOD DO, , DMIGS BSAL NI, MTSAN GNYIS PA'I PHO MTSAN SHAS CHE BAS NI PHO'I DON BYED NUS, MO MTSAN SHAS CHE BAS NI MO'I DON BYED NUS PAS, DE GNYIS KHYIM PA PHO MO KHO NAS SKYED PA'I LTUNG BA'I YUL DU RUNG NGO, ,'DI GNYIS LA THA SNYAD PHYED DANG LNGA PA ZHES KYANG BSHAD DO, ,DE BZHIN DU, DGE SLONG PHA MA GNYIS DANG, CHOS 'DI PA'I RAB BYUNG, PHYI ROL PA'I RAB BYUNG RNAMS KYIS SKYED PA'I LTUNG BA THA SNYAD GSUM LDAN DGOS PA RNAMS LA GCIG MA TSANG NA NA SMAD DU MA TSANG NA DE BAS KYANG NA SMAD DU 'GYUR BA YIN TE, MDO RTZA BA LAS, MI'I 'GRO BA PA NI THA SNYAD DU BYA BA NYID YIN NO, ,ZHES PA DANG, RGYA CHER 'GREL LAS, THA SNYAD DU BYA BA'I KHA NA MA THO BA GANG DAG BSTAN PA 'KHRIG PA DANG LDAN PA SMRA BA DANG, BSNYEN BKUR BSNGAGS PA DANG, ZHES SOGS GSUNGS PA'I PHYIR, REG PA'I BSLAB PA'I GZHI DANG, THA SNYAD KYI @030B BSLAB PA'I GZHI 'DRA STE, MI YIN PA BSAM PA RANG BZHIN DU GNAS PA DGOS PA'I PHYIR TE, DE LAS LDOG PA LA NI SEL BAR 'GYUR BA YIN PA'I PHYIR TE, MDO RTZA BA LAS, REG PA NI THA SNYAD DANG 'DRA'O, ,ZHES PA DANG, DE'I RGYA CHER 'GREL LAS, LUS KYI REG PA YANG THA SNYAD DANG 'DRA BAR BLTA BAR BYA STE THA SNYAD KYI BSLAB PA'I GZHI DAG LA LTUNG BA GANG RNAM PAR GZHAG PA DE, 'DI LA YANG DE BZHIN DU RIG PAR BYA STE, MI MA YIN PA MTHU MED PA LA REG PA DANG, MYOS PA DANG, SEMS 'KHRUGS PA DANG, TSOR BAS NYEN PA LA REG PA YANG SBOM POR 'GYUR BA, DE'I PHYIR MDO 'DIS, REG PA NI THA SNYAD DANG 'DRA'O, ,ZHES BSTAN PA YIN GYI, ZHES GSUNGS PA'I PHYIR, DE YANG, 'DI LA MI MA YIN YUL DU BYAS NA NA SMAD, DUD 'GRO YUL DU BYAS NA DE BAS KYANG NA SMAD DU 'GYUR RO, ,'DI'I SKABS KYI DUD 'GRO NI 'JIG RTEN NA DUD 'GROR GRAGS PA ZHIG DGOS SO, ,'O NA, 'DI'I SKABS KYI MI MA YIN JI LTA BU ZHE NA, DMYAL BA, YI DVAGS, LHA DANG, LHA MA YIN RNAMS 'DI'I SKABS KYI MI MA YIN YIN NO, ,KHYIM PAS BSKYED PA'I LTUNG BA'I YUL LA DOGS PA DPYAD PA NI, KHYIM PAS SKYED PA'I LTUNG BA'I YUL DU NGO BO KHYIM PA YIN PAR MA ZAD KHYIM PA'I RTAGS CHA LUGS DANG LDAN PA ZHIG DGOS TE, PHYI ROL PA'I RAB BYUNG DANG, BSNYEN RDZOGS KYI SDOM PA BLANGS KYANG MA CHAGS PA'I RTAGS CAN DANG, PHAM PA DANG, PHAM 'DRA 'CHAB BCAS KYIS NYAMS PA DANG, MA NYAMS KYANG 'DI PA'I RTAGS CHA LUGS BOR BA RNAMS DANG, MI MA YIN LA SEL BAR 'GYUR LA, DUD 'GRO LA DE BAS KYANG SEL BAR 'GYUR TE, MDO RTZA BA LAS, PHYI ROL PA'I RAB TU BYUNG BA DANG, MA CHAGS PA DANG, NYAMS PA DAG GI PHYED NYID KHYIM PA YIN NO, ,ZHES PA DANG, DE'I RGYA CHER 'GREL LAS, 'DI GSUM GYI GZHI LAS DGE SLONG GA LTUNG BA GANG DAG RNAM PAR GZHAG PA DE DAG NI PHYED NYID DU NA SMAD DE, DE DAG PHYED KHYIM PA YIN PA'I PHYIR RO, ,NI ZHES PA DAG RABS RAB TU BYUNG BA LA LTUNG BA MED PAR BSTAN LA, LTUNG MED DE YANG RNAM PA @031A *, ,BZHIS RIG PAR BYA'O, ,ZHES GSUNGS PA'I PHYIR, DGE SLONG DANG DGE SLONG MAS SKYED PA'I LTUNG BA'I YUL LA DOGS PA DPYAD PA NI, DGE SLONG GIS SKYED PA'I LTUNG BA'I YUL LA, BSNYEN RDZOGS KYI SDOM PA THOB LA MA NYAMS PA DANG LDAN PA, LTA MTSAN MTHUN PA, THA SNYAD GSUM DANG LDAN PA, LUS THA MAL DU GNAS PA, RANG LAS RGYUD GZHAN PA ZHIG DGOS SHING, DGE SLONG MAS SKYED PA'I LTUNG BA'I YUL LA SNGAR BSHAD PA'I DANG PO LNGA'I STENG DU, LUS BSTEN RUNG, MTSAN DON BYED NUS PA, NYE DU MIN PA DGOS SO, ,BSNYEN PAR RDZOGS PAS SKYED PA'I LTUNG BA'I YUL LA PHAM PA BYUNG MA BYUNG GANG YIN KYANG, BSNYEN RDZOGS KYI SDOM PA DANG LDAN PA, DE'I RTAGS CHA LUGS DANG LDAN PA DGOS TE, MDO RTZA BA LAS, DGE SLONG DANG DGE SLONG MA BSNYEN PAR RDZOGS PA CAN MA NYAMS PA NYID NI BSLAB PA DAG LA YAN LAG YIN NO, ,ZHES PA DANG, tIKA CHEN LAS KYANG, YUL DGE SLONG DANG DGE SLONG MA DE DANG POR RGYU PHUN SUM TSOGS PAS BSNYEN PAR RDZOGS PA'I SDOM PA BLANGS LA SKYES PA CAN BAR DU PHAM PA 'CHAB BCAS KYIS MA NYAMS PA NYID NI, DGE SLONG PHA MAS SKYED PA'I BSLAB PA DAG LA YAN LAG GAM RGYU YIN TE, KHA NA MA THO BA DE DAG RDZOGS PAR 'GRUB PA'I BYED PA PO YIN PA'I PHYIR, ZHES PA DANG, YANG, DE NYID LAS, RDZOGS PA SPYIS SKYED PA'I SKABS SU NYAMS PA LAS KYANG DNGOS GZHI SKYED PAR RNAM 'BYED LAS GSUNGS SO, ,ZHES GSUNGS PA'I PHYIR, CHOS 'DI PA'I RAB BYUNG SPYIS SKYED PA'I LTUNG BA'I YUL LA, RAB BYUNG GI TSUL KHRIMS THOB LA MA NYAMS PA'I STENG DU DE'I RTAGS CHA LUGS DANG LDAN PA DGOS LA, DGE TSUL SPYIS SKYED PA'I LTUNG BA'I YUL LA, DGE TSUL GYI SDOM PA THOB LAM NYAMS PA'I STENG DU DE'I RTAGS CHA LUGS DANG LDAN PA MTSAN MTHUN PA RNAMS DGOS KYANG LTA BA MTHUN PA MI DGOS TE, SPANGS PA RJES PHYOGS DANG, BSNYIL BA SDUD PA'I SKABS SU LTA BA MI MTHUN PA DGOS PA'I PHYIR, DE DAG GI SEL BA NI, MA CHAGS PA, NYAMS PA, PHYI ROL PA'I @031B RAB BYUNG, MI MA YIN RNAMS LA SEL BA DANG, KHYIM PA DANG DUD 'GRO LA DE BAS KYANG SEL BAR 'GYUR RO, ,RDZOGS PA SPYIS SKYED KYI SKABS SU, DMIGS BSAL LA, PHAM PA 'CHAB BCAS KYIS NYAMS PA DANG, LTA MTSAN MI MTHUN PAS KYANG DNGOS GZHI RDZOGS PAR SKYED PA YOD DE, DE LTAR YANG, MDO RTZA BA LAS, MTSAN DANG LTA BA KHAS BLANGS PA DAG GIS NI, RANG GI PHYOGS NYID KYI KHONGS SU GTOGS TE, ZHES PA DANG, RGYA CHER 'GREL LAS, DE LTA BAS NA, RANG GI PHYOGS NYID KYI KHONGS SU GTOGS PA MIN PA LA NI TSIGS 'OG MAR 'GYUR RO, ,ZHES SOGS DANG, tIKA CHEN LAS KYANG, LTA BA MI GTONG BA DANG, SPANGS PA RJES PHYOGS DANG, BSNYIL BA SDUD PA RNAMS LA LTA BA MI MTHUN PA LA YANG DNGOS GZHIR 'GYUR BA YIN TE, DE NYID YAN LAG YIN PA'I PHYIR, ZHES GSUNGS PA'I PHYIR, PHYI ROL PA'I RAB BYUNG GIS SKYED PA'I LTUNG BA'I YUL LA PHYI ROL PA'I RAB BYUNG GI SDOM PA THOB LA MA NYAMS PA'I STENG DU DE'I RTAGS CHA LUGS DANG LDAN PA DGOS SHING, DE'I RAB BYUNG GI SDOM PA DANG MI LDAN ZHING, DE'I RAB BYUNG GI RTAGS CAN LA SEL BA DANG, KHYIM PA LA DE BAS KYANG SEL BAR 'GYUR RO, ,RAB BYUNG GI RDZAS LA BRTEN PA'I LTUNG BA'I YUL LA DOGS PA DPYAD PA NI, RAB BYUNG GI RDZAS LA BRTEN PA'I LTUNG BA'I YUL DU SPYIR BTANG LA, ZAS DANG, GOS DANG, SNOD DPYAD RUNG BA TSAD LDAN RNAMS DGOS LA, DE LAS GCIG MA TSANG NA SEL BA DANG, DUM MA CHANG NA DE BAS KYANG SEL BAR 'GYUR RO, ,DMIGS BSAL NI SPANGS PA DANG, SPANGS PA STOBS PA DANG, GSOG 'JOG TU SONG BA ZOS PA DANG, MYOS 'GYUR 'THUNG BA RNAMS NI, BCAS LDAN DGE SLONG GIS BYAR MI RUNG STE, SNGA MA GSUM PO DE CHO GA'I SGO NAS MI RUNG, PHYI MA NI NGO BO'I SGO NAS MI RUNG BA YIN PA'I PHYIR, GOS LA NI RGYU'I SGO NAS MI RUNG BA DANG, DBYIBS KYI SGO NAS MI RUNG BA RNAMS YOD PA LAS, DANG PO NI, RNGA MO'I BAL DANG, SHING GI LO MA DANG, RI DVAGS KYI G-YANG GZHI DANG, RE BAL GYI GOS @032A *, ,DANG, DPAG BSAM GYI GOS SOGS MI RUNG NGO, ,L'A BA DANG, 'PHYING BA DANG, RAS YUG DANG, BE'U RAS DANG, DE DANG 'DRA BA RNAMS RUNG NGO, ,GNYIS PA NI, MU STEGS DANG KHYIM PA LA GRAGS PA'I STOD SMAD KYI SBU GU CAN RNAMS MI RUNG NGO, ,GSUM PA NI, NAG PO, DKAR PO, KHRA BO DANG, MI RUNG BA'I TSON CHEN BRGYAD KYIS KHA BSGYUR BA RNAMS DANG, HA CANG 'TSER BAG CAN MI RUNG ZHING, NGUR SMRIG RUNG NGO, ,GSER NI NGO BO'I SGO NAS MI RUNG, KHRI NI, KHYIM PA'I KHRI SOGS MI RUNG KYANG, RAB BYUNG LA GNANG BA'I KHRI NI RUNG NGO, ,DE RNAMS KYI TSAD GANG YIN ZHE NA, DE RNAMS RIM BZHIN BSHAD PA NI ZAS LA NI, MGUL DU MID RING CHOG PA DGOS, GOS NI MA MTHA' KHRU GANG GI TSAD DU LONGS PA DGOS, KHRI'I RGYA NI STAN DANG MNYAM PA DGOS SO, ,DE LTAR YANG RTZA BAR, RAB TU BYUNG BA'I RDZAS DAG LA NI RUNG BA NYID DANG, TSAD DANG LDAN PA LA SOGS PA NYID DO, ,ZHES PA DANG, DE'I RGYA CHER 'GREL LAS, CHOS GOS DANG LHUNG BZED RUNG BA MIN PA NYID DANG, TSAD LAS CHUNG BA LA NI NA SMAD PAR 'GYUR TE, DES NA CHOS GOS RUNG BA MIN PA NYID DANG, TSAD LAS CHUNG BA BYIN GYIS BRLABS PA DE DANG BRAL NA NYES BYAS SO, ,ZHES PA DANG, RTZA 'GREL DE GNYIS KYI DON RGYAS PAR 'CHAD PAR BYED PA LA, tIKA CHEN LAS, CHOS GOS KYI RGYU RUNG BA NI BAL LA SOGS PA BDUN DANG, SRIN BAL LA SOGS PA YIN LA, MI RUNG BA NI THA GA BSAM BTAGS PA DANG, BA LANG DANG, RNGA MO DANG, RA DANG, RI DVAGS KYI BAL LAS BYAS PA DANG, AARKA'I SHING BAL LAS BYAS PA DANG, RGYU SPUN GANG RUNG DE DAG DANG 'DRES PA LAS BYAS PA LTA BU'O, ,KHA DOG RUNG BA TSON GSUM GYIS KHA BSGYUR BA DANG, MI RUNG BA NI, TSON CHEN BRGYAD KYIS KHA BSGYUR BA'O, ,LHUNG BZED RGYU RUNG BA SA DANG LCAGS LAS BYAS PA DANG, KHA DOG RUNG BA NAG PO YIN LA, DE LAS LDOG PA NI MI RUNG NGO, ,GOS LA BYE BRAG GI TSAD RANG RANG GI TSAD JI SNYED BSHAD PA DANG, SPYI'I TSANG KHRU GANG DU @032B LONGS PA DANG, LHUNG BZED YANG TSAD GSUM DU LONGS PA YIN LA, DE LAS LDOG PA NI TSAD DANG MI LDAN PA YIN NO, ,ZHES GSUNGS PA'I PHYIR, GZHUNG RTZA BAR, SOGS PA ZHES PA'I SGRA SMOS PA LA DGOS PA YOD DE, DE DAG TSAD LAS LHAG PA BCANGS NA LTUNG BA DNGOS GZHI SKYED DO, ,ZHES SHES PAR BYA BA'I CHED YIN PA'I PHYIR, RGYA CHER 'GREL LAS, SOGS PA'I SGRAS NA MI CHOG PA LA NI NA SMAD PA'I BYED PA PO NYID YIN GYI, LHAG MIN ZHES BSTAN PA'I DON DU'O, ,ZHES GSUNGS PA'I PHYIR, BYAS PA LA KHO NA RE, LUNG RNAM 'BYED DU, LHUNG BZED TSAD LAS LHAG PA BCANGS PA LAN SMAD 'BYUNG BAR GSUNGS PA DANG, 'GAL LO ZHE NA, MI 'GAL TE, DE LTAR GSUNGS PA DE NI, LHUNG BZED TSAD LAS LHAG PA DE, RUNG BA TSAD LDAN DU 'DU MA SHES PAR BCANGS PA LA NA SMAD 'BYUNG BA LA DGONGS PA YIN GYI, DE RUNG BA TSAD LDAN YIN PAR 'DU SHES TE BCANGS NA DNGOS GZHI 'BYUNG BA YIN PA'I PHYIR, KUN SLONG GI YAN LAG NI, MI CHOS BLA MA 'KHRIG TSIG ,BSNYEN BKUR LA SOGS PA BZHI BCU RTZA BRGYAD KYI DNGOS GZHI 'BYUNG BA LA NI, RANG DON LA GTZO BOR SEMS DGOS TE, DE LAS GZHAN DU GZHAN DON LA GTZO BOR SEMS PA DANG, RANG GZHAN THUN MONG BA'I DON LA GTZO BOR SEMS PA YOD NA SEL BAR 'GYUR BA'I PHYIR RO, ,MA BYIN LEN GYI PHAM PA LA NI, RANG DON LA SEMS PA DGOS SHING, DUD 'GRO 'DEBS SPYOD KYI DNGOS GZHI SKYED PA LA RANG DON KHO NAR SEMS PA DGOS TE, MDO RTZA BA LAS, RANG GI DON NYID GTZO CHER YOD PA LA'O, ,ZHES PA DANG, DE'I RGYA CHER 'GREL LAS, KHA NA MA THO BA GANG LA RANG GI DON NYID GTZO CHER YOD PA DE LA, RANG GI DON NYID KHA NA MA THO BA YONGS SU RDZOGS PAR BYED PA YIN GYI, GZHAN GYI DON NI KHA NA MA THO BA YONGS SU RDZOGS PAR BYED PA MA YIN TE, RANG GI DON MA YIN PA GZHAN GYI DON DU BYED PA DE NI, TSIGS 'OG MAR NA SMAD PA'I BYED PA PO YIN NO, ,ZHES PA DANG, DE GNYIS KYI DON 'CHAD PA NA, tIKA CHEN LAS, MI CHOS BLA MA SMRA BA LA SOGS PA, DE DAG LA RANG GI DON NYID @033A *, ,KHA NA MA THO BA YONGS SU RDZOGS PAR BYED PA'I YAN LAG YIN TE, GZHAN DON NAM RANG GZHAN THUN MONG BA LA DE DAG GI SKABS SU NA SMAD DU 'GYUR BA'I PHYIR, ZHES GSUNGS PA'I PHYIR, SBYOR BA DANG MTHAR THUG GI YAN LAG GI SKABS SU THUN MONG GI YAN LAG DOGS DPYOD DANG BCAS PA BSHAD PA, DE'I ZHAR BYUNG BSHAD PA, SBYOR BA'I YAN LAG BYE BRAG TU BSHAD PA DANG GSUM LAS, DANG PO NI, MTHAR THUG 'GRUB PA DON GO BA LA RAG LAS PA'I LTUNG BA RNAMS KYI YUL DU THA SNYAD LNGA LDAN DGOS TE, RTZA BAR, RNAM PAR RIG BYED LA NI DON GO BA'O, ,ZHES PA DANG, DE'I RGYA CHER 'GREL LAS, RNAM PAR RIG BYED KYI 'BRAS BU NI, DON GO BA YIN PA'I PHYIR RO, ,DON MA GO BA LA NI NA SMAD DO, ,ZHES SOGS DANG, tIKA CHEN LAS, MTHAR THUG DON GO BA DGOS PA'I BSLAB PA'I GZHI DAG GI SKABS SU, DON GO BA'I TSE DNGOS GZHI SKYED CING, DE LAS GZHAN PA DAG LA NI DE'I TSE SBYOR BA'I LTUNG BA 'BYUNG BA'I DUS YIN TE, ZHES PA DANG, YANG DE NYID LAS, DON GO BA ZHES PA YANG, TSIG GIS BRJOD TSOD KYI DON RTOGS PA YIN GYI, BDEN RDZUN GYI DON RTOGS DGOS PA MA YIN NO, ,ZHES GSUNGS PA'I PHYIR, DER MA ZAD RKU BA DANG GSOD PA LA SOGS PA LNGA MA GTOGS PA'I GZHAN LA BCOL YANG RDZOGS PAR 'GRUB PA DANG, PHO NYAS 'GRUB PA'I LTUNG BA RNAMS SKYED PA'I YUL LA YANG, THA SNYAD LNGA LDAN DGOS TE, DE LAS GZHAN DU SEL BAR 'GYUR BA'I PHYIR, LNGA PO DE DER MA GTOGS TE, DE LA NI SKABS KYI DON 'GRUB PA TZAM GYIS CHOG PA'I PHYIR TE, MDO RTZA BA LAS, SMRA BA PO NYID LA YOD PA STE, GSOD PA DANG RANG GI DON DU RKU BA DAG LAS GZHAN PA'I 'O, ,ZHES PA DANG, RGYA CHER 'GREL LAS, DE LTA BAS NA RKU BA LA SOGS PA DAG LA DON GO BA YOD PA GANG YIN PA DE NI 'DI LTAR SMRA BA PO NYID MIN DU ZIN KYANG, GSOD PA DANG, RANG GI RKU BA'I YUL LA NI RNAM PAR RIG BYED KYI YAN LAG YIN NO, ,ZHES GSUNGS PA'I PHYIR, GNYIS @033B PA ZHAR BYUNG BSHAD PA NI, SDOM PA DANG SDOM MIN DANG, BAR MA YANG DAG PAR LEN PA'I RTEN GYI SKYES BU LA SMRA SHES DON GO GNYIS KA NGES PAR YAN LAG TU MI DGOS TE, SMRA MI SHES SHING DON GO BA LA PHOG NA SKYE BA YOD PA'I PHYIR TE, MDO RTZA BAR, YANG DAG PAR LON PAR BYED PA DAG LA NI DER MA ZAD DO, ,ZHES PA DANG, DE'I RGYA CHER 'GREL LAS, 'DI LTAR GO BAR BYED PA LKUGS PA 'AM, SMRA BA PO MIN PA GZHAN DAG LA YANG, SROG GCOD PA SPONG BA LA SOGS PA YANG DAG PAR LEN PA 'BYUNG BA'I PHYIR RO, ,ZHES PA DANG, GZHUNG DAM PA LAS, BTZUN PA MTHA' 'KHOB PAS 'PHAGS PA'I SKAD DU BSNYEN PAR RDZOGS PA BGYIS PA DANG, MTHA' 'KHOB PAS 'PHAGS PA'I SKAD DU 'TSAL NA BSNYEN PAR RDZOGS ZHES BGYI'AM, DE STE GSUNG RAB 'DI DANG LDAN ZHING, RAB TU LDAN LA LEN PA'I SEMS YOD NA, BSNYEN PAR RDZOGS PA ZHES BYA STE, BSNYEN PAR RDZOGS PAR BYED PA RNAMS NI MI BYA BA MNGON PAR SPYAD DE, MNGON PAR RDZOGS PAR BYAS PAS 'DAS PA DANG BCAS PA'O, ,ZHES PA DANG, TSIG LER YANG, 'ON PAS KYANG NI GO GYUR NA, ,'DI LTAR BSNYEN RDZOGS YOD PA STE, ,ZHES GSUNGS PA'I PHYIR, BYAS PA LA KHO NA RE, DE LTAR YIN NA, MING MA BRJOD NA SDOM PA MI SKYE BAR BSHAD PA DANG 'GAL LO ZHE NA, SKYON MED DE, DE NI MING MA BRJOD PAS CHO GA TSAD DAM SNYAM DU LEN SEMS LOG PA LA DGONGS PA YIN PA'I PHYIR, SMRA SHES SHING DON GO BA NI LHAG MA LA SOGS PA'I LTUNG BA MTHOL BA'I SNOD DANG, YUL DU DGOS KYANG SMRA SHES DON GO MED NA, MTHOL YUL MED PAS DE LTAR NA, MA MTHOL YANG BCABS NYES MI 'BYUNG BA YIN TE, MDO RTZA BAR, DE NI SNOD YIN NO, ,ZHES PA DANG, tIKA CHEN LAS, DES NA SMRA MI SHES PA LA RANG NGAM GZHAN GYI LTUNG BA MA MTHOL YANG NYES MED CES SHUGS LA RTOGS PA'I PHYIR MDO 'DI MDZAD PA YIN TE, ZHES GSUNGS PA'I PHYIR, SBYOR BA'I YAN LAG BYE BRAG TU 'CHAD PA LA, MDO RTZA BAR, @034A *, ,NGAG GI'O, ,RANG GI'O, ,ZHES PAS BSTEN PA YIN LA, DE'I DON NI, NGAG GIS SKYED PA'I LTUNG BA RNAMS LA NGAG THA SNYAD LNGA LDAN DANG, DRUG LDAN DGOS ZHES PA'I LNGA LDAN NI, SPYIR NGAG YIN PA, BDAG NYID DANG 'BREL BA, GZHAN LA KHA ZER BA MA YIN PA'I RANG SHES KYIS SMRAS PA, MA NOR BAR SMRAS PA, GSAL POR SMRAS PA STE LNGA'O, ,DRUG LDAN NI, LNGA PO DE'I STENG DU DNGOS SU SMRAS PA STE DRUG DGOS PA GZHUNG DE'I DON YIN NO, ,RKU GSOD GNYIS SMYAN BYED PA RNAMS KYI SKABS SU, SPYIR BTANG LA GZHAN LA BCOL YANG DNGOS GZHI RDZOGS PA'I LTUNG BA SKYED PA LA NGAG MTSAN NYID LNGA LDAN DANG, DRUG LDAN GYIS BSKOS NA DNGOS GZHIR 'GYUR RO, ,DE LAS GZHAN DU SEL BAR 'GYUR RO, ,DMIGS BSAL NI RKU GSOD GNYIS MA GTOGS SO, ,SEL BAR 'GYUR TSUL NI, ME REG GI SKABS SU, GZHAN ME SBOR DU BCUG PA DANG, ME SBOR SNYAM DU 'DU SHES TE NOR NAS CHU CHUS ZER BA DANG, ME SBOR MKHAN ZHIG BYUNG NA, LEGS ZHES GZHOGS SMOS BYAS PA DANG, RTZIG PA SOGS KYIS CHOD NAS ME SBOR ZER BA RNAMS LA SEL BAR 'GYUR RO, ,LTUNG MED NI, GZI BRJID SKYED CES PA DANG, SKYE BA LA RUNG BA GYIS ZHES PA DANG, ROL MO BRDUNG ? BA LA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA MCHOD PA GYIS ZER BA RNAMS LA LTUNG BA MED DO, ,DON DE RNAMS NI, MDO RTZA BAR, RANG GIS BSKOS PA NYID BYED DU BCUG PA YIN NO, ,ZHES PA DANG, DE'U RGYA CHER 'GREL LAS, RANG GIS BSKOS PA NYID CES BYA BA, RANG GIS MNGON SUM DU BYED DU BCUG PA NYID YAN LAG YIN TE, LKOG NAS BYED DU BCUG PA LA NI DE LTAR MNGON PAR ZHEN PA MI 'BYUNG BA'I PHYIR, ZHES PA DANG, tIKA CHEN LAS, BCOL YANG RDZOGS PA'I LTUNG BA RNAMS KYI SKABS SU, RANG GIS MNGON SUM DU, BSKOS PA NYID BYED DU BCUG PA YIN GYI, LKOG NAS KHYOD KYIS LHAS BYIN BYED DU CHUG ,CES PA LTA BU NI YAN LAG MA YIN TE, MNGON ZHEN MI RDZOGS PA'I PHYIR, @034B ZHES GSUNGS PA'I PHYIR, RANG LUGS LEGS PAR BSHAD ZIN TO, ,RANG RES SKYES BU GCIG GI RTEN LA MTSAMS MED KYI LAS MI 'DRA BA GNYIS GCIG CHAR DU BYAS PA MED BYAS PA LA, KHO NA RE, DE YOD PAR THAL, GTZUG PHUD CAN GYIS RANG GI PHA DGRA BCOM PA YIN PA LA, DE LTAR MA SHES PAR BSAD PA LA DGRA BCOM PA BSAD PA DANG, PHA BSAD PA'I MTSAMS MED KYI LAS GNYIS GCIG CHAR DU BYUNG BA YIN PA'I PHYIR TE, RGYA CHER 'GREL LAS, 'DIR KHUNGS NI, AU tA YA NA'I RTOGS PA BRJOD PA DRAN PAR BYA STE, 'DI LTAR GTZUG PHUD CAN GYIS PHAS DGRA BCOM PA NYID THOB PAR MA SHES SU ZIN KYANG, PHAS BU LA KHYOD KYIS MTSAMS MED PA GNYIS BYAS TE, PHA BSAD PA'I PHYIR DANG, DGRA BCOM PA BSAD PA'I PHYIR, ZHES SPRINGS PA LTA BU'O, ,ZHES GSUNGS PA'I PHYIR, ZER NA, MA KHYAB STE, SHES BYA CHOS CAN, DE'I TSE NA, DE'I RTEN LA MTSAMS MED GCIG LAS MI SKYED PA YIN PAR THAL, DE 'DRA'I SKYES BU DE RTEN SKYES BU GCIG NYID YIN PA'I PHYIR, KHYAB STE, MDZOD 'GREL LAS, GANG ZHIG GIS PHA DGRA BCOM PA BSAD NA YANG DE LA MTSAMS MED NI GCIG KHO NAR 'GYUR TE, RTEN GCIG YIN PA'I PHYIR, ZHES GSUNGS PA'I PHYIR, GZHAN YANG, RTZA BA'I DAM BCA' DE MI 'THAD PAR THAL, GSOD BYED GCIG GIS SROG CHAGS GCIG BSAD PA LA LAS KYI DNGOS GZHI MI 'DRA BA GNYIS MI SRID PA YIN PA'I PHYIR, SNGAR GYI GTZUG PHUD CAN LA MTSAMS MED GCIG BYUNG BA LA MTSAMS MED MI 'DRA BA GNYIS BYUNG BA'I MING GIS BTAGS PA NI 'GYOD PA CHEN PO SKYED PAR BYA BA'I CHED YIN PA'I PHYIR TE, RNAM 'BYED 'GREL PA LAS, GSOD BYED GCIG GIS SROG CHAGS GCIG BSAD PA LA LAS KYI DNGOS GZHI GNYIS MI SRID PAS 'DIR MTSAMS MED PA GCIG LA MING GNYIS SU BTAGS TE 'GYOD PA SKYED PA'I PHYIR, ZHES GSUNGS PA'I PHYIR, DES NA MTSAMS MED GNYIS RTAN GCIG LA BYUNG BAR GSUNGS PA NI, SDIG SBYONG LA BRTZON PAR BYA BA'I PHYIR DU GCIG BYUNG BA LA GNYIS BYUNG, ZHES GSUNGS PA YIN TE, @035A *, ,MDZOD 'GREL LAS, SKRA CAN LA KHYOD KYIS MTSAMS MED PA GNYIS BYAS TE, PHA BSAD PA DANG, DGRA BCOM PA BSAD PA'O, ZHES BRJOD PA JI LTA BU ZHE NA, SGO GNYIS NAS SPYOS PA YIN NO, ,ZHES GSUNGS PA'I PHYIR, KHA CIG ,CHA'I LTUNG BA DANG, CHAR GTOGS KYI LTUNG BA GNYIS 'GAL LO ZHE NA, 'BYIN PA'I LHAG MA'I LTUNG BA CHOS CAN, CHA CAN GYI LTUNG BA MA YIN PAR THAL, KHYOD CHAR GTOGS KYI LTUNG BA YIN PA'I PHYIR TE, KHYOD PHAM PA DANG PO'I CHAR GTOGS KYI LTUNG BA YIN PA'I PHYIR, MA GRUB NA, , DE DER THAL, DE DANG THUN MONG MA YIN PA'I DGAG BYA RIGS 'DRA BA GANG ZHIG ,DE GNYIS DNGOS GZHI'I LTUNG BA'I KUN SLONG RIGS MI 'DRA, DE DE LAS NA SMAD PA'I LTUNG BA YIN PA'I PHYIR, RTAGS DANG PO GRUB STE, DE DANG PHAM PA DANG PO GNYIS KA NANG SEMS CAN GYI REG BYA LA CHAGS PA LA DGAG BYA'I GTZO BOR BYAS PA'I LTUNG BA YIN PA'I PHYIR, RTAGS GNYIS PA GRUB STE, MI TSANGS SPYOD KYI PHAM PA SKYED PA LA DNGOS KYI KUN SLONG MI TSANGS PAR SPYOD 'DOD DGOS, 'BYIN PA'I LHAG MA SKYED PA LA DE MI DGOS PA'I PHYIR, RTAGS GSUM PA MA GRUB NA, DE 'DRA'I LHAG MA'I LTUNG BA DE CHOS CAN, KHYOD MI TSANGS SPYOD KYI PHAM PA LAS NA SMAD PA'I LTUNG BA YIN PAR THAL, KHYOD DE LAS CHUNG BA'I LTUNG BA YIN PA'I PHYIR TE, DE YOD PA GANG ZHIG ,KHYOD LHAG MA'I LTUNG BA YIN PA'I PHYIR, RTZA BAR 'DOD MI NUS TE, KHYOD SKYES PA LA CHAGS SEMS KYIS REG PA'I SBOM PO'I LTUNG BA'I CHA CAN GYI LTUNG BA YIN PA'I PHYIR, MA GRUB NA, DE DER THAL, DE 'DRA'I SBOM PO'I LTUNG BA DE DE'I CHAR GTOGS KYI LTUNG BA YIN PA'I PHYIR, KHA CIG ,MI TSANGS SPYOD KYI LTUNG BA DE 'BYIN PA'I LHAG MA'I CHA CAN GYI LTUNG BA MA YIN NO, ,ZHE NA, DE CHOS CAN, KHYOD DE 'DRA'I LHAG MA'I CHA CAN GYI LTUNG BA YIN PAR THAL, KHYOD DANG 'BYIN PA'I LHAG MA GNYIS THUN MONG MA YIN PA'I DGAG BYA RIGS 'DRA, DNGOS GZHI'I LTUNG BA'I KUN SLONG RIGS MI 'DRA BA GANG ZHIG ,KHYOD DE LAS LCI BA'I LTUNG BA YIN PA'I @035B PHYIR, ` GSO SBYONG BYA'O, ,ZLA BA PHYED PHYED KYI TSES BCO LNGA LA'O, ,SO SO THAR PA'I MDO 'DON LAS SO, ,ZHES PA'I SKABS SU, RANG LUGS GZHAG PA DANG, GZHAN LUGS DGAG PA GNYIS, DANG PO LA, DGOS DON DANG BSDUS DON GNYIS LAS, DANG PO NI, BCOM LDAN 'DAS KYI GSO SBYONG GNANG BA LA DGOS PA YOD DE, CHOS 'DI PA'I RAB BYUNG RNAMS RANG RANG GI BSLAB PA GSO ZHING, SDIG PA SBYONG BAR BYA BA DANG, MU STEGS CAN RNAMS KYIS 'PHYA BA BZLOG PA'I DGOS PA YOD PA'I PHYIR, GNYIS PA LA, GSO SBYONG GI RNAM GZHAG SPYIR BSTAN PA DANG, DE'I RNAM GZHAG SO SOR BSHAD PA GNYIS, DANG PO LA, GLING GZHI 'GOD PA DANG, DBYE BA, BSDU BA, NGO BO, ,BYED LAS, GRANGS NGES, GO RIM, SGRA BSHAD PA DANG BRGYAD YOD PA LAS, DANG PO NI, SANGS RGYAS RGYAL PO'I KHAB NA ZHUGS PA'I TSE, DGE BSNYEN MANG POS NANG PAR SNGA BAR LANGS TE, BCOM LDAN 'DAS LA BLTA BA DANG, BSNYEN BKUR BYA BA'I PHYIR SONG BAS NI MTSOD SPAS TE, DES DGE 'DUN RNAMS NANG DU YANG DAG 'JOG GI BAR DU GYUR DOGS NAS MU STEGS BYED KYI NANG DU SONG STE, DE DAG MGU BA'I PHYIR GTAM SNA TSOGS BYAS SO, ,DE'I TSE MU STEGS KHA CIG GIS, SHES LDAN DAG BDAG CAG 'BA' ZHIG LA 'DUG PA DANG, BYA BA DANG, GSO SBYONG YOD DAM, 'ON TE SH'AKYA'I BU DGE SBYONG DAG LA YANG YOD, 'GA' ZHIG NA RE, 'U CAG KHO NA LA YOD KYI, DE DAG NI SNYING RJE CHUNG BA DANG,, GTAM DANG, 'DU 'DZI SNA TSOGS LA DGA' BAS MED DO, ,ZER BA DANG, DGE BSNYEN RNAMS KYIS GTAM DE DAG THAMS CAD BCOM LDAN 'DAS LA GSOL NAS, KYE MA THUGS RJE CAN GSO SBYONG BCA' BAR GSOL ZHES ZHUS PAS, BCOM LDAN 'DAS KYIS CANG MI GSUNG BAS GNANG ZHING, DE RJES DGE SLONG NGAG DENG PHYIN CHAD 'DUG PA DANG, BYA BA DANG, GSO SBYONG GYIS SHIG ,CES GSUNGS NAS, DGE SLONG KUN GYIS, JI LTAR BYED MA SHES PAR ZHUGS PAS, BCOM LDAN 'DAS KYIS, 'DUG PA NI RNAL 'BYOR TE, LUS 'DI LA RKANG MTHIL YAN CHAD @036A *, ,SKRA MAN LA MI GTZANG BA'I RDZAS SO DRUG GIS GANG BAR RTOG CIG ,CES PAS ZHI GNAS KYI GSO SBYONG BSTAN, BYA BA NI ZHES PAS, GSOL BA 'BA' ZHIG PA DANG, GSOL GNYIS KYI LAS DANG, GSOL BZHI'I LAS GNANG NGO, ,GSO SBYONG NI ZLA BA PHYED PHYED KYI SO SOR THAR PA'I MDO 'DON PAS SO, ,ZHES PAS MTHUN PA'I GSO SBYONG GNANG NGO, ,GNYIS PA DBYE BA NI, GSO SBYONG DE LA NGO BO'I SGO NAS DBYE NA, ZHI GNAS KYI GSO SBYONG DANG MTHUN PA'I GSO SBYONG GNYIS YOD, YANG DE LA, DGOS PA'I SGO NAS DBYE NA, DE GNYIS KYI STENG DU BYE BA ZLUMS PA'I GSO SBYONG, GNOD PA BZLOG PA'I GSO SBYONG, BKRA SHIS KYI GSO SBYONG, GSO SBYONG BCU BZHI PA, DE BCO LNGA PA STE BDUN DU YOD DO, ,GSUM PA BSDU BA NI, DE RNAMS BSDU NA, ZHI GNAS KYI GSO SBYONG DANG, MTHUN PA'I GSO SBYONG GNYIS SU 'DU STE, SNGAR BSAGS KYI SDIG PA 'JOMS PA'I GSO SBYONG DANG, PHYIS BSAGS KYI SDIG PA 'DAG PA'I GSO SBYONG GNYIS SU 'DUS PA'I PHYIR, BZHI PA NGO BO NI, SEMS SEMS BYUNG GIS BSDUS PA'I SGRIB PA'I GNYEN POR GYUR PA'I TING NGE 'DZIN ZHAG GI STENG NAS 'JOG ,MTHUN PA'I DE'I NGO BO NI, DGAG DBYE'I SGO NAS SGRUB PA'I DMIGS BSAL 'GA' ZHIG MA GTOGS SO SOR THAR PA'I MDO 'DON PA'I NGAG GI LAS KHYAD PAR CAN ZHIG GI STENG NAS 'JOG GO ,LNGA PA BYED LAS NI, ZHI GNAS KYI GSO SBYONG CHOS CAN, BYED LAS KHYAD PAR CAN DANG LDAN TE, SNGAR BSAGS KYI SDIG PA 'DAG PAR BYED PA'I BYED LAS DANG LDAN PA'I PHYIR, MTHUN PA'I DE CHOS CAN, BYED LAS KHYAD PAR CAN DANG LDAN TE, DE LTAR GYI ZAG PA SDOM PA DANG, MA 'ONGS PA'I ZAG PA 'GOG PAR BYED PA'I BYED LAS DANG LDAN PA'I PHYIR, DRUG PA GRANGS NGES NI, GSO SBYONG LA ZHI GNAS KYI DA DANG, MTHUN PA'I DE GNYIS SU GRANGS NGES TE, GSO SBYONG GIS SBYANG BYA'I SGRIB PA DE LA, DER GYUR PA'I BYAS ZIN SNGAR BSAGS KYI SGRIB PA DANG, BYED 'GYUR PHYIS BA SOG GI SGRIB PA GNYIS SU GRANGS NGES PA'I PHYIR, BDUN PA GO RIM NI, SKABS 'DIR @036B ZHI GNAS KYI GSO SBYONG DANG POR BSTAN NAS, MTHUN PA'I DE PHYIS BSTAN PA'I RGYU MTSAN YOD DE, ZHI GNAS KYI GSO SBYONG DE NI RNAL 'BYOR DNGOS YIN PA DANG, BRJOD BYA NYUNG BAS DANG POR BSHAD, MTHUN PA'I GSO SBYONG NI, DE LAS ZLOG PA'I RGYU MTSAN GYIS PHYIS BSHAD PA YIN PA'I PHYIR DANG, YANG SNGAR BSAGS KYI SDIG PA SHAS CHE BAS DA LTAR GYI SGRIB PA SPONG MI NUS PA'I RGYU MTSAN GYIS DE LTAR BSHAD PA'I PHYIR, BRGYAD PA SGRA BSHAD NI, DE GNYIS LA GSO SBYONG ZHES BRJOD PA'I RGYU MTSAN YOD DE, BSLAB PA GSO ZHING SDIG PA SBYONG BAS NA DE LTAR BRJOD PA'AM, YANG NA DGE BA GSO ZHING SDIG PA SBYONG BAS NA DE LTAR BRJOD PA'I PHYIR TE, GZHI 'GREL LAS, DGE BA MA LUS PA RNAMS GSO ZHING SDIG PA MA LUS PA RNAMS RNAM PAR SBYONG STE, DGE BA GSO ZHING SDIG PA SBYONG BA'I PHYIR, BDE BAR GSHEGS PAS GSO SBYONG BKA' STZAL TO, ,ZHES GSUNGS PA'I PHYIR, RTZA BA'I GNYIS PA SO SOR BSHAD PA LA, ZHI GNAS KYI GSO SBYONG BSHAD PA DANG, MTHUN PA'I GSO SBYONG BSHAD PA GNYIS LAS, DANG PO NI, BDAG GIS 'DI'I GZHUNG 'GREL DU RGYAS PAR BSHAD PA LAS SHES PAR BYA'O, ,GNYIS PA LA, GANG DU BYA BA GNAS KYI MTSAN NYID, GANG DAG DANG BYA BA GROGS KYI MTSAN NYID, JI LTAR BYA BA CHO GA'I MTSAN NYID DANG GSUM LAS, DANG PO NI, SPYIR GSO SBYONG BYA BA'I GNAS LA MTSAMS NANG YIN PA DANG, GNAS LA BLO MTHUN BYAS SHING CHAGS LA MA ZHIG PA ZHIG DGOS TE, DE LAS GZHAN DU BYAS NA LAS MI CHAGS PA'I PHYIR RO, ,GSO SBYONG LTA BU'I GNAS LA BLO MTHUN BYAS SHING CHAGS LA MA ZHIG PA'I GNAS NI, LAS GZHAN GYI YANG GNAS SU RUNG STE, DE LA BLO MTHUN GZHAN BYA MI DGOS SHING, BYAS KYANG MI CHAGS PA'I PHYIR RO, ,BLO MTHUN BYA BA'I TSUL LA BDUN LAS, DANG PO GNAS GANG DU BYA BA'I TSUL YOD DE, SPYIR MTSAMS NANG YIN PA, GTZANG ZHING MDZES PA, YANGS SHING 'OG GZHI BRTAN PO DANG 'BREL BA, BLO MTHUN BYAS SHING CHAGS LA MA ZHIG PA, MI LA SOGS PAS BSRUNGS PA MA YIN PA, PHYI ROL NYE 'KHOR 'DOM GANG DANG LDAN PA, LAS @037A *, ,BYA BA LA MA 'ON DU PHYOGS PA'I GNAS YIN PA, CHOM RKUN LA SOGS PA'I 'JIGS PA MED PA ZHIG DGOS SO, ,GANG ZAG GANG GIS BYA BA'I TSUL NI, DGE 'DUN KHYAD PAR GSUM LDAN GYIS BYA'O, ,DUS NAM GYI TSE BYA BA'I KHYAD PAR NI, GSO SBYONG BCU BZHI PA DANG, BCO LNGA PA GNYIS NI ZLA BA PHYED PHYED KYI TSES BCO LNGA LA BYA ZHING, BKRI SHIS KYI GSO SBYONG SOGS GZHAN LHAG MA RNAMS NI, DE DANG DE'I DUS LA NAM BAB DU BYA'O, ,BSAM PA JI LTA BUS BYA BA'I TSUL NI, 'DU SHES MA 'KHRUL ZHING BYED 'DOD KYI KUN SLONG RGYUN MA CHAD PA DANG, BSTAN PA DANG SEMS CAN LA PHAN PA'I 'DU SHES DANG, DE THAMS CAD NGES 'BYUNG GI BSAM PAS ZIN PA DGOS SO, ,CHO GA GANG GIS BYA BA'I TSUL NI, GSOL GNYIS KYI LAS KYIS BYA BA YIN NO, ,DGOS PA NI, GNAS LA BLO MTHUN BYAS PA LA DGOS PA YOD DE, CA CO SPANG BA DANG, LAS CHAGS PA DANG, SANGS RGYAS KYI BCAS PA DANG MTHUN PAR BYA BA'I DGOS PA YOD PA'I PHYIR, BLO MTHUN 'JIG PA'I RGYU NI 'OG TU 'CHAD, MTSAMS NANG DU BLO MTHUN BYAS NA, MTSAMS NANG DE JI LTA BU ZHE NA, MTSAMS DE LA MNGON PAR SGRUB PA'I MTSAMS DANG, MNGON PAR MA SGRUB PA'I MTSAMS GNYIS, DANG PO LA, NGAG GIS MNGON PAR SGRUB PA'I MTSAMS DANG, LUS KYIS MNGON PAR SGRUB PA'I MTSAMS GNYIS, DANG PO LA, MTSAMS PO CHE BCAD PA DANG, MTSAMS BU CHUNG NGU BCAD PA DANG, MTSAMS DE BKROL BA DANG GSUM, DANG PO LA, BDUN YOD PA LAS, GNAS GANG DU MTSAMS BCAD PA NI, DBUS NAS PHYOGS PHYOGS SU DPAG TSAD PHYED DANG GSUM GSUM GYI MTHA' TSUN CHAD DU BCAD PAR BYA STE, LUNG ZHU BA LAS, MTSAMS CHEN PO'I CHAD JI LTA BU LAGS, AU PA LI, DPAG TSAD PHYED DANG GSUM MO, ,ZHES GSUNGS PA'I PHYIR RO, ,DE YANG, MTHAR MTSAN MA BRTAN PO DANG LDAN PA, GZHAN GYIS MTSAMS MA BCAD PA YIN PA'AM, BCAD KYANG ZHIG PA YIN PA, GZHAN DANG DUS MNYAM DU GNAS DAR MTSAMS BCAD PA MIN PA, BAR DU CHU LA SOGS PA'I MTSAMS GZHAN MA @037B ZHUGS PA YIN PA, GZHAN GYI TE 'KHOR RANG GI NYE 'KHOR GYI NANG DU CHUD PA MA YIN PA ZHIG DGOS TE, MDO RTZA BA LAS, DPAG TSAD PHYED DANG GSUM GYI MTHA' TSUN CHAD DU'O, ,ZHES PA DANG, RGYA CHER 'GREL LAS, PHYOGS BZHIR DPAG TSAD PHYED DANG GSUM GYI MTHA' TSUN DU MTSAMS BCAD PAR BYA'O, ,ZHES BYA BA'I THA TSIG GO ,ZHES GSUNGS PA'I PHYIR, GANG ZAG GANG GIS BCAD PA NI, DGE 'DUN KHYAD PAR GSUM LDAN GYIS GCOD, DUS NI, DE BCAD PA'I DUS NAM BAB TU GCOD, BSAM PA NI SNGAR DANG 'DRA, CHO GA NI, LAS BYED PA'I DGE SLONG GIS PHYOGS PHYOGS SU PHA BONG DANG, RTZIG PA DANG, LJON SHING LA SOGS PA'I MTSAN MA BRTAN PO BRTAGS NAS, DGE 'DUN GYI DBUS SU PHYOGS 'DI DANG 'DI NA MTSAN MA GONG DU BSHAD PA 'DI DANG 'DI YOD DO, ,ZHES BRJOD PA'I SGO NAS GSOL GNYIS KYI LAS KYI CHO GAS MTSAMS PA CHE BCAD PAR BYA DGOS TE, MDO RTZA BA LAS, PHYOGS PHYOGS SU PHA BONG DANG, ZHES PA NAS, MTSAN MA BRTAN PO BRJOD PA'I LAS BYA'O, ,ZHES PA DANG, DE'I RGYA CHER 'GREL LAS, PHYOGS BZHIR PHA BONG DANG, RTZAG PA LA SOGS PA DE SHES PA'I DGE SLONG YUL DE NA GNAS PA'AM, GNYUG MAR GNAS PA RNAMS KYIS BRTAGS NAS, DGE 'DUN GYI SPYAN SNGAR PHA BONG LA SOGS PA'I MTSAN MA BRTAN PO YUN RING DU GNAS PA BRJOD DE, DE'I 'OG DU MTSAMS BCAD PA'I PHYIR LAS BYA'O, ,ZHES GSUNGS PA'I PHYIR, MTSAMS PA CHE BCAD PA LA DGOS PA YOD DE, DGE 'DUN MANG DU BSDU BAR BYA BA DANG, CHOS GOS DANG MI 'BRAL BA'I GNANG BA THOB PA'I PHYIR DU YIN TE, RGYA CHER 'GREL LAS, CHOS GOS DAG DANG 'BRAL BAR MI 'GYUR, ZHES PA DANG, SA GA LHAS, CHOS GOS GSUM PO MED PAR YANG, SDOM BRTZON MTSAMS 'DIR GNAS RUNG STE, ZHES GSUNGS PA'I PHYIR, MTSAMS PO CHE BCAD PA'I NANG DU LAS BYA BA DE'I TSE, MTSAMS NANG DER GTOGS PA'I DGE 'DUN THAMS CAD 'DU DGOS TE, DE MA 'DUS NA, MA 'DUS PA'I MI MTHUN PA SKYES NAS LAS MI CHAGS PA YIN PA'I PHYIR, MTSAMS 'JIG PA'I RGYU NI, PHYOGS @038A *, ,KYI MTSAN MA RNAMS ZHIG PA DANG, CHU LA SOGS PA GZHAN GYIS BAR BCAD PA DANG, LAS KYIS ZHIG PA DANG, BYED PA PO DGE SLONG MA YIN PAR GYUR BA DANG, MTSAMS BCAD BYA'I DNGOS PO LA RE BA MED PA DANG, GNAS DER SRUNG BYED KYI DGE SLONG MED PAR SKYA RENGS SHAR BA RNAMS NI DE'I 'JIG RGYU YIN NO, ,MTSAN MA ZHIG PA DANG, LAS KYIS ZHIG PA GNYIS MA GTOGS GZHAN RNAMS NI BLO MTHUN PA'I 'JIG RGYU YIN NO, ,MTSAMS BU CHUD BCAD PA NI, GZHAN RNAMS SNGAR DANG 'DRA LA, GNAS KYI KHYAD PAR NI, CHUNG TSAD GDING BA BZHI BCU SHONG BA DANG, CHE TSAD RGYANG GRAGS KYI MTHA' TSUN CHAD BCAD DGOS TE, LUNG ZHU BA LAS, DE TSUN CHAD NI THAMS CAD KYANG CHUNG NGU STE, DKYIL 'KHOR GANG DU GRANGS BZHI BCU SKOR SHONG BA'O, ,ZHES GSUNGS PA'I PHYIR, KHA CIG ,GDING BA BZHI NAS, BZHI BCU'I BAR GCOD PA YIN ZER BA NI MI 'THAD DE, GDING BA BZHI TZAM SHONG BA BCAD NA HA CANG CHUNG BA'I SKYON YOD PA'I PHYIR, MTSAMS BU CHUNG BCAD PA'I DGOS PA NI, HA CANG 'DUS PA CHES PA DGAG PA'I CHED YIN TE, tIK CHEN LAS, HA CANG 'DU BAR THAL CHES PAS BYA BA NYAMS PAR 'GYUR BA SPANG BA'I PHYIR, ZHES GSUNGS PA'I PHYIR, MTSAMS BKROL BA LA, DE BKROL BA'I GNAS NI, MTSAMS BCAD CING CHAGS PA ZHIG LA BKROL LO, ,GANG ZAG NI DGE 'DUN KHYAD PAR GSUM LDAN GYIS BKROL LO, ,DUS NI, DE BKROL BA'I DUS LA NAM BAB DUS BKROL BSAM PA NI SNGAR DANG 'DRA, CHO GA NI, GSOL BZHI'I LAS KYIS BKROL LO, ,DGOS PA NI, GNAS DER MTSAMS PHYI MA GCOD PA CHAGS PA DANG, SANGS RGYAS KYI BCAS PA DANG MTHUN PA'I PHYIR DU YIN NO, ,SNGAGS TSIG GCIG GIS MTSAMS GNYIS GCIG CHAR DU GCOD PA DANG, BKROL BA'I TSE, SNGAGS TSIG GCIG GIS BKROL DU RUNG STE, MTSAMS GNYIS THAG PA SOGS KYIS SBREL BA'I STENG DU RE LDE GTING NAS LAS BYED PA PO BSDAD DE, SNGAGS TSIG GCIG GIS DE LTAR RUNG BA YIN PA'I PHYIR, MDO RTZA BA LAS, TSIG GCIG GIS MTSAMS GNYIS BCAD @038B PA DANG BKROL DU RUNG NGO, ,ZHES PA DANG, DE'I RGYA CHER 'GREL LAS, DKYIL 'KHOR PA GCIG TU LAS BYED PA GCIG GIS GSOL BA DANG LAS BRJOD PA'I TSIG GCIG GIS MTSAMS GNYIS GCIG CHAR DU BCAD PA DANG, GCIG CHAR 'GREL DU RUNG BA'O, ,'DIR GZHUNG NI MTSAMS GNYIS KAR DGE 'DUN BSKOS NAS, LAS BYED PA'I DGE SLONG GIS MTSAMS GNYIS KAR, SHING NGAM, DBYUG PA'AM, RE LDE BSNAN NAS GSOL BA BYAS TE, LAS BYA'O ZHES GSUNGS PA YIN NO, ,ZHES GSUNGS PA'I PHYIR, KHA CIG ,MTSAMS GCOD TSUL LA MTSAMS PO CHE BCAD PA, MTSAMS BU CHUNG? BCAD PA, DKYIL 'KHOR PA'I MTSAMS BCAD PA DANG GSUM YOD DE, KARMA SHA TAM LAS, GNAS DANG MTSAMS NI RNAM PA GSUM, ZHES GSUNGS PA'I PHYIR, ZER NA, MA KHYAB STE, LUNG DE NI 'GYUR MA DAG PA YIN PA'I PHYIR TE, 'GYUR DAG PA LAS, GNAS DANG MTSAMS GNYIS RNAM GNYIS TE, ZHES PA DANG, YANG DE NYID LAS, MTSAMS BU CHUNG NGU BCAD CING DKYIL 'KHOR PA BLO MTHUN PAR BYA'O, ,ZHES GSUNGS PA'I PHYIR, MTSAMS BU CHUNG BCAD PA NYID KYIS DKYIL 'KHOR PA BLO MTHUN PAR BYAS PA YIN PA DANG, DKYIL 'KHOR PA BLO MTHUN BYAS PA NI MTSAMS BCAD PA MA YIN PA'I PHYIR TE, MTSAMS MA BCAD PAR DKYIL 'KHOR BA BLO MTHUN BYAS PA YOD PA'I PHYIR, GNYIS PA LAS KYIS SGRUB PA'I MTSAMS LA, LCAGS RIS BSKOR BA'I MTHA' DANG, MA BSKOR BA'I MTHA' GNYIS LAS, DANG PO NI, SKOR BYED LCAGS RI GCIG GIS BSKOR BA LTA BU LA NI, LCAGS RI'I PHYI YI RTZIG MTSAMS TSUN CHAD MTSAMS SU GTOGS TE, MDO RTZA BA LAS, MTSAMS MA BCAD PA'I GNAS SU NI LAS LA RTZIG PA MTSAMS YIN NO, ,ZHES PA DANG, DE'I RGYA CHER 'GREL LAS, MTSAMS MA BCAD PA'I GNAS GANG YIN PA DE NI LAS BYE BA'I YUL LA GTZUG LAG KHANG GI RTZIG PA NYID MTSAMS YIN NO, ,ZHES GSUNGS PA'I PHYIR, GNYIS PA NI, SKOR BYED LCAGS RI GCIG GIS MA BSKOR BA'I GNAS LA NI, GNAS KHANG GI WA KHA NAS @039A *, ,CHU 'BAB PA TSUN CHAD MTSAMS SU GTOGS TE, MDO RTZA BA LAS, WA KHA NAS CHU 'JAG PA GANG DU 'BAB PA YANG NGO, ,ZHES DANG, DE'I RGYA CHER 'GREL LAS, KHANG STENG GI CHU KHUNG DU WA BTZUGS PA'I NANG NAS CHU 'DZAG PA'I SNA GANG DU SLEBS PA TSUN CHAD KYANG MTSAMS KYI KHONGS SU GTOGS PA YIN NO, ,ZHES GSUNGS PA'I PHYIR, MA SGRUB PA'I MTSAMS NI, DBYE THANG LTA BU YIN LA, DE LA NI 'DI TSUN CHAD YIN NO SNYAM DU BLOS GANG BZUNG BA TSUN CHAD MTSAMS SU GTOGS SO, ,GANG DAG DANG BYE BA GROGS KYI MTSAN NYID LA, SPYIR GSO SBYONG LTA BU'I LAS LA NI, GRANGS TSANG BA KHA SKONG DU 'OS PA MI MTHUN PA GNYIS DANG BRAL BA ZHIG DGOS LA, DMIGS BSAL LA DGE SLONG BSLAB PA 'KHRUL BCAS SU SONG BA DANG, DGE TSUL YAN CHAD KYIS BYA RUNG BAS NA, SO THAR GYI SDOM PA GSO RUNG YAN CHAD DANG LDAN PA'I RAB BYUNG SDE LNGA CHAR GYIS RUNG NGO, ,MI MTHUN PA GNYIS NI, MA 'DUS PA'I MI MTHUN PA DANG, 'DUS PA PHYIR ZLOG GI MI MTHUN PA GNYIS LAS PHYI MA 'OG TU 'CHAD DO, ,DANG PO LA, 'DUN PA LEN PA DANG, YONGS DAG LEN PA GNYIS LAS, DANG PO NI, 'DUN PA DE YUL GANG LA 'BUL NA, LAS BYED PAR 'DUS PA'I DGE 'DUN LA 'BUL, DNGOS GZHI NI, SPYIR DGE 'DUN GYI CHOS LDAN GYI BYA BA YIN PA, KHYAD PAR DU RANG LA GNOD PA'I BYA BA MA YIN PA, MTSAMS CHE CHUNG GCOD PA'I LAS MA YIN PA ZHIG 'BUL LO, ,GANG ZAG GANG GIS 'BUL NA, CHOS BRGYAD LDAN ZHIG GIS 'BUL ZHING, CHOS BRGYAD NI, MTSAMS NANG DER GNAS PA, KHA SKONG DU 'OS PA, MYOS PA'I GNANG BA MA THOB PA, SNGAR LAS DE'I GSOL BA TZAM YANG MA THOS PA, SNGAR GNAS DER LUS SAM BSAM PA GANG YANG RUNG BAS MA 'DUS PA, DER YOD PA GZHAN GYIS NGES SAM, 'PHRIGS PA, LUS THA MAL DU GNAS PA, NAD LA SOGS PA'I RKYEN DANG LDAN PA ZHIG DGOS SO, ,'DUN PA 'BUL BA'I YUL NI, CHOS BRGYAD LDAN DGOS TE, SDOM PA RNAM DAG DANG LDAN PA, LTA BA DANG MTSAN @039B MTHUN PA, THA SNYAD GSUM DANG LDAN PA BYE BA NA CHOS MA YIN GYI PHYOGS SU SONG BA MA YIN PA, MTSAMS NANG DER GNAS PA, 'DUN PA LEN YUL DANG RGYUD THA DAD PA, 'DUN PA LEN PA POR BSKOS PA YIN PA, 'DUN PA LEN PA'I CHO GA DGE 'DUN GYI DBUS SU BRJOD PA LA MKHAS PA ZHIG DGOS SO, ,DUS NI, SPYIR LAS GANG BRJOD PA'I DUS KYI NYIN MTSAN GYI NANG DU LEN LA, KHYAD PAR GSO SBYONG LTA BU LA NI, 'DUN PA DANG, YONGS SU DAG PA DRIS SHIG ,CES PA'I SKABS SU BRJOD DO, ,DE YANG BRJOD PA'I TSE RGYUGS PA DANG MTSONGS PA MA YIN PAR BRJOD DO, ,'DUN PA 'BUL BA'I CHO GA NI, GZHI GSUM CHO GA LAS SHES PAR BYA'O, ,'DUN PA PHUL BA'I DGOS PA NI, DGE 'DUN MTHUN PA 'GRUB PA DANG, RANG RGYUD LA GSO SBYONG GI DGOS PA 'GRUB PA DANG, SRA RKYANG GI YON TAN 'BYUNG BA'I DGOS PA YOD DE, MDO RTZA BA LAS, 'DUN PA PHUL BAS, LAS DE DANG MTHUN PAR 'GRUB BO, ,ZHES PA DANG, DE'I RGYA CHER 'GREL LAS, GANG ZAG GANG 'DUN PA 'BUL BAR BYED PA'I GANG ZAG DE DANG MTHUN PA 'GRUB BO, ,ZHES GSUNGS PA'I PHYIR, DE NI SPYIR BTANG YIN LA, DMIGS BSAL NI, MTSAMS PO CHE GCOD PA'I LAS LA, 'DUN PA PHUL BAS MTHUN PA MI 'GRUB STE, MTSAMS PO CHE GCOD PA NI, THAG 'DI TZAM NAS 'DU DGOS MI DGOS KYI MTSAMS 'DZIN PA YIN LA, MTSAMS PO CHE BCAD PA'I LAS GRAL DER DNGOS SU 'DUS NA SA MTSAMS 'DI TZAM NAS 'DU DGOS MI DGOS DNGOS SU SHES PAR 'GYUR BA GANG ZHIG ,'DUN PA PHUL BAS DE DNGOS SU SHES MI NUS PA'I PHYIR DANG, BCOM LDAN 'DAS KYI BKA' STZAL BA'I DBANG GIS YANG, DE'I TSE 'DUN PA 'BUL DU MI RUNG BA'I PHYIR, DE'I RTAGS ZUR DANG PO GRUB STE, MDO RTZA BAR, MTSAMS BCAD PA LA NI MI 'GRUB BO, ,ZHES PA DANG, DE'I RGYA CHER 'GREL LAS, MTSAMS BCAD PA'I LAS NI GANG ZAG GANG 'DUN PA 'BUL BAR BYED PA'I GANG ZAG DE DANG MTHUN PA MI 'GRUB BO, ,ZHES GSUNGS PA'I PHYIR, RTAGS ZUR GNYIS PA GRUB STE, NYE BAR 'KHOR GYIS ZHUS PA'I @040A *, ,MDO LAS, NYE BAR 'KHOR LAS THAMS CAD 'DUN PA DANG BCAS PA YIN TE, MTSAMS BCAD PA NI MA GTOGS SO, ,ZHES GSUNGS PA'I PHYIR, GNYIS PA YONGS DAG 'BUL BA'I TSUL NI, YUL DGE 'DUN LA 'BUL LO, ,DNGOS PO NI, GSO SBYONG DANG DGAG DBYE GNYIS KHO NA 'BUL LO, ,GANG ZAG NI CHOS BCU DANG LDAN PA ZHIG DGOS TE, BSNYEN RDZOGS KYI SDOM PA GSO RUNG YAN CHAD DANG LDAN PA, LTA MTSAN MTHUN PA, GNAS NAS PHYUNG BA MA YIN PA, BYE BA NA CHOS MA YIN GYI PHYOGS SU SONG BA MA YIN PA, THA SNYAD LNGA DANG LDAN PA, LUS DANG BSAM PA YONGS SU DAG PA'I SGO NAS SNGAR MA 'DUS PA, KHA SKONG BA BYED PA MIN PA, MTSAMS NANG DER GNAS PA MTSAMS NANG DER GNAS PA'AM YOD PA GZHAN GYIS NGES SAM, 'PHRIGS PA, NAD LA SOGS PA'I RKYEN DANG LDAN PA ZHIG RNAMS DGOS PA'I PHYIR, DE YANG, LTA BA MTHUN PA NI, DGAG SGRUB GNANG GSUM GYI BCAS PA'I MTSAMS MTHUN PA LA BYED KYI, SGOM PA'I LTA BA LA BYED PA MA YIN NO, ,THA SNYAD LNGA NI, SMRA SHES, DON GO BA, SHES PA RANG BZHIN DU GNAS PA, LUS THA MAL DU GNAS PA, SA RANG BZHIN DU GNAS PA RNAMS YIN NO, ,YONGS DAG LEN PA'I DUS NI, GSO SBYONG LTA BU LA NI 'DUN PA LEN PA'I DUS DANG 'DRA'O, ,YONGS DAG 'BUL BA'I CHO GA NI, TSE DANG LDAN PA SOGS DGONGS SU GSOL, DENG DGE 'DUN GYI GSO SBYONG BCO LNGA PA SOGS LAGS LA, BDAG DGE SLONG MING 'DI ZHES BGYI BA'I GSO SBYONG YANG BCO LNGA PA SOGS LAGS TE, BDAG DGE SLONG MING 'DI ZHES BGYI BA BAR CHAD KYI CHOS RNAMS YONGS SU DAG GO ZHES BDAG MCHI'O, ,BDAG GI GSO SBYONG YANG YONGS SU DAG STE, YONGS SU DAG PA BRJOD DO, ,BRJOD PA YANG RIG PAR BGYID DO, ,ZHES PA YIN ZHING, DGAG DBYE 'BUL BA'I CHO GA NI, DGONGS GSOL SNGAR LTAR LA, DENG DGE 'DUN GYI DGAG DBYE BCO LNGA PA SOGS LAGS LA, BDAG DGE SLONG MING 'DI ZHES BGYI BA'I DGAG DBYE YANG BCO LNGA PA @040B SOGS LAGS TE, BDAG DGE SLONG MING 'DI ZHES BGYI BA BDAG LA MTHONG BA DANG THOS PA DANG, DOGS PA'I GNAS GSUM GYI DGE 'DUN LA DGAG DBYE BGYID DO, ,DGAG DBYE YANG BRJOD DO, ,BRJOD PA YANG RIG PAR BGYID DO, ,ZHES BRJOD CING, 'DI DANG SNGA MA GNYIS KA'I MJUG TU THABS LEGS BYA'O, ,DGOS PA NI, DGE 'DUN MTHUN PA 'GRUB PA DANG, 'BUL BA PO'I RGYUD LA GSO SBYONG DANG DGAG DBYE 'GRUB PA'I DGOS PA YOD DO, ,YANG, 'DUN PA DANG YONGS DAG GNYIS KA 'BUL BA'I DNGOS PO NI, GSO SBYONG DANG, DGAG DBYE GNYIS KHO NA YIN, CHO GA NI, 'DUN PA LEN PA'I CHO GA DANG 'DRA, DGOS PA NI, MA 'DUS PA'I MI MTHUN PA SKYED PAR BYED PA DE DGAG PAR BYA BA DANG, RANG RGYUD LA GSO SBYONG DANG DGAG DBYE 'GRUB PA'I DGOS PA YOD DO,, ` GSUM PA JI LTAR BYA BA'I CHO GA'I MTSAN NYID NI, KHO NA RE, GSO SBYONG DE GNAS GANG DU BYA, GANG ZAG GANG GIS BYA, DUS NAM GYI TSE BYA, CHO GA GANG GIS BYA, DGOS PA CI'I PHYIR DU BYA ZHE NA, GNAS NI BLO MTHUN BYAS LA CHAGS SHING MA ZHIG PA ZHIG DGOS TE, MDO RTZA BA LAS, GSO SBYONG GI GNAS LA BLO MTHUN PAR BYA'O, ,ZHES GSUNGS PA'I PHYIR, GANG ZAG GANG GIS BYA BA NI, SDOM PA GSO RUNG YAN CHAD LA GNAS PA'I CHOS 'DI PA'I RAB BYUNG SDE LNGA CAR GYIS BYA DGOS TE, BSLAB BYIN DGE TSUL DGE SLONG GNYIS KAS DE BYA DGOS PA'I PHYIR TE, LUNG LAS, BSLAB PA BYIN PA GSO SBYONG GI GNAS SU 'ONGS NA, MA LDOG CIG ,CES GSUNGS PA'I PHYIR, DUS NAM GYI TSE BYA NA, DUS NGES PA'I GSO SBYONG RNAMS NI ZLA BA PHYED PHYED KYI TSES BCO LNGA LA BYA'O, ,BKRA SHIS KYI GSO SBYONG SOGS NI DUS GAR BAB LA BYA'O, ,BYAS PA LA KHO NA RE, DE LTAR NA GSO SBYONG BCU BZHI PA BSHAD PA DANG 'GAL LO ZHE NA, MI 'GAL TE, GSO SBYONG BCU BZHI PA BYED PA'I NYIN MO DE TSES BCO LNGA YIN KYANG NYIN ZHAG BCU BZHI PA'I NYIN MO YIN PA'I PHYIR, CHO GA GANG GIS BYA BA 'DI LA, SBYOR BA DANG, DNGOS GZHI DANG, MJUG DANG GSUM YOD, DANG PO LA, BSTAN THABS NYAMS PAR MI BYA BA, RANG GZHAN GYI LTUNG @041A *, ,PA PHYIR 'CHOS PA, CHOS BSHAD PA DANG NYAN PA NYAMS SU MYONG BA, GRANGS BZUNG BA DANG BZHI LAS, DANG PO NI, CHAG CHAG BTAB CING, PHYAGS DAR BYA BA DANG, GNAS MAL BSHAMS PA DANG, CI 'BYOR BA'I MCHOD PA BSHAMS PA DANG, DGE 'DUN BSDU BA'I PHYIR GANdI BRDUNG BA, CI'I DON DU ZHE NA, GSO SBYONG GI DON DU'O, ,ZHES LAN 'DEBS PA RNAMS YIN NO, ,DES NA, GANdI'I RNAM GZHAG BSHAD PA LA, RGYU, TSAD, DBYIBS, 'JOG PA'I GNAS, BRDUNG BA'I GNAS, RAB GNAS JI LTAR BYA BA, GANG ZAG GANG GIS BRDUNG BA, TSUL JI LTAR BRDUNG BA, TSAD DANG MI LDAN PA'I NYES DMIGS, TSAD DANG LDAN PA'I PHAN YON BSHAD PA DANG BCU LAS, DANG PO DE'I RGYU NI, GANdI'I MDO LAS, TZAN DAN BIL WA PA LA SHA ,AA SHVAD THA DANG TZAN DAN DMAR, ,RGYA STAR TA LA KENG SHU KA, SHING SHA PA DANG TA MA LA, ,AA MRA STAR BU SKYU RU RA, ,STING TI SA RA AA SHA KANG, ,'DI DAG LA NI 'BAD DE BYA, ,'DI DAG THAMS CAD MED GYUR NA, ,'O SE LA NI 'BAD DE BYA, ,'DI DAG MED NA MI BYA'O, ,ZHES GSUNGS PA LTAR RO, ,GNYIS PA NI, CHUNG TSAD LA, DKYUS LA SOR BRGYAD CU RTZA BZHI, CHE TSAD LA BRGYA DANG BRGYAD, ZHENG LA SOR DRUG ,DPANGS LA SOR GNYIS BYA BA YIN TE, DE NYID LAS, CHUNG NGU'I TSAD NI SOR DAG GI ,BRGYAD CU RTZA BZHI NYID BYA'O, ,ZHENG LA SOR DRUG BYA BA STE, ,DPANGS SU YANG NI GNYIS YIN NO, ,ZHES GSUNGS PA'I PHYIR, GSUM PA DBYIBS NI, BRGYAD GZHOGS RTZIBS RNAMS MNYAM PA, RTZE MO'I ZUR BZHI NAS, SOR GNYIS RE BCAD NAS, RTZE MO GNYIS SBAL BA'I MGO'I DBYIBS SU BYA STE, DE NYID LAS, TSAD NI SOR MO'I TSIGS DAG GIS, ,ZUR BZHIR TSAD NI GNYIS PA YIN, ,LEGS MNYAM SHIN DU GSAL BA DANG, ,RTZE GNYIS SBAL PA'I MGO BZHIN NO, ,ZHES GSUNGS PA'I PHYIR, BRDUNG BYED KYI TSAD DANG DBYIBS DANG 'CHANG BZUNG GI TSAD LA SOGS PA YOD DE, DE NYID LAS, DE NAS BRDUNG BAR BYED PA YANG, ,SHING DE NYID LA 'BAD PAR BYA, ,BCU GNYIS TSAD NI SOR DAG LAS, , @041B ZLUM ZHING RTZE GNYIS NE'U LE MGO ,'CHANG BZUNG TSAD KYANG DE BZHIN NO, ,SHIN TU 'JAM ZHING RTZIBS MNYAM PA, ,ZHES GSUNGS PA'I PHYIR, BZHI PA NI, GTZUG LAG KHANG GI SGO KHANG NGAM, YANG NA GTZUG LAG KHANG DBUS MA'I NANG DU 'OG TU KHRI'I STENG DU BZHAG PAR BYA STE, DE NYID LAS, GANG PHYIR DE BRDUNG BZHAG BYA STE, ,'OG TU YANG NI KHRI BYA BA, ,GTZUG LAG KHANG GI SGO KHANG NGAM, ,YANG NA DBUS MA'I STENG DU BZHAG ,CES GSUNGS PA'I PHYIR, LNGA PA NI, KHANG PA'I THOG LA SOGS PA KUN GYIS THOS PA'I GNAS NAS BRDUNG NGO, ,DRUG PA NI, YUM SHER PHYIN SOGS SU BSKYED NAS NA BZA' SOGS SGRON TE RAB GNAS BYA BA YIN TE, DE NYID LAS, DE'I RAB GNAS BYA BA NI, SHIN TU BRTAN PA CHOS KYI SKU, ,SKYE BA MED CING 'JIG PA MED, ,GDOD NAS MA SKYES BAR DGE BA, ,DE LTAR RAB GNAS BYAS NAS NI, ,DE NAS SPYAN 'BYED GYUR PA YIN, ,ZHES GSUNGS PA'I PHYIR, BDUN PA NI, DGE SLONG NAS DGE BSNYEN GYI BAR GTZANG LA, GSO SBYONG LA GNAS PA, CHOS PHYOGS PA YIN PA, LUS THA MAL DU GNAS PA, BSAM PA RANG BZHIN DU GNAS PA ZHIG GIS BRDUNG STE, DE NYID LAS, DGE SLONG RNAMS DANG DGE TSUL GYIS, ,DUS RNAMS RTAG TU BRDUNG BYA ZHING, ,GSO SBYONG LA NI GNAS PA'I TSE, ,DGE BSNYEN GYIS KYANG BRDUNG BAR BYA, ,ZHES GSUNGS PA'I PHYIR, BRGYAD PA NI, BSAM PA JI LTA BUS BRDUNG BA'I TSUL BZHAG TU YOD DE, GANdI LA YUM SHER PHYIN DU MOS NAS, BRDUNG BA LA CHOS 'KHOR BSKOR BAR BSKUL BA DANG, SGRA LA STONG NYID DANG SHER PHYIN GYI CHOS STON PA'I SGRAR MOS TE, BSTAN PA DANG SEMS CAN LA PHAN PA'I 'DU SHES KYIS BRDUNGS LA, DE YANG DANG POR YUM SHER PHYIN DANG, DKON MCHOG GSUM LA SOGS PAR MOS NAS, DE LA PHYAG 'TSAL TE, SHANGS TSA LAN GSUM SNGON DU BTANG NAS, RGYUD GSUM LA SOGS PA ZLA BA NYA GANG BA LTA BU DANG, MJUG TU TOG GSUM DANG GNYIS GANG RUNG BYAS NAS BRDUNG BA YIN TE, DE NYID LAS, DE 'OG DKON MCHOG GSUM LA NI, ,PHYAG 'TSAL NAS NI BRDUNGS BYAS TE, , @042A *, ,SHANGS TSA GSUM NI BYAS NAS NI, ,CHOS KYI RNGA NI BRDUNG BAR BYA, ,KLU BDUN GYIS NI BRGYAN PA LTAR, ,SKYED PA'I RIM GYIS BRDUNG BAR BYA, ZHES GSUNGS PA'I PHYIR, DGE 'DUN LAS LA BSDU BA'I DON DU NI LUNG KHA CIG LAS RGYUD GCIG DANG TOG GSUM BYED PAR BSHAD, LUNG KHA CIG LAS, RGYUD GSUM DANG TOG GSUM BYED PAR BSHAD, LUNG KHA CIG TU RGYUD GSUM DANG TOG GNYIS BYED PAR BSHAD, RO DBYUNG BA'I DON DU GANdI 'PHRAG BA LA BKAL TE RGYUD NYI TSE BA LAS TOG MED PA'I BYI BO BRDUNG BAR BSHAD, LUNG KHA CIG TU SHI BA'I DON DU RGYUD GCIG DANG TOG GCIG BYED PAR BSHAD, DGE 'DUN ZAS LA BSDU BA'I DON DU, GANdI CHUNG NGU DANG CHEN PO GNYIS KA RGYUD GSUM DANG, DE SNYED KYI TOG BYED PAR BSHAD LA, BRDUNG BA'I TSUL NI, GANdI CHUNG NGU DANG POR BRDUNG, DE RJES LHUNG BZED, STA GON BYA BA'I LONG YOD PAR RGYANGS BCAD DE, GANdI CHE BA BRDUNG BA YIN NO, ,DE LAS GZHAN PA'I DGE 'DUN BSDU BA'I DON DU NI, RGYUD GSUM DANG DE SNYED KYI TOG BYA'O, ,DE YANG RGYUD RE RE LA SUM CU SO LNGA SO LNGA STE, BRGYA RTZA BRGYAD BYA'O, ,RGYUD DE YANG GCIG NAS BCO BRGYAD KYI BAR LA JE CHE JE CHE DANG, BCO BRGYAD NAS JE CHUNG NGU SONG BA ZLA BA NYA GANG BA LTA BUR BRDUNG NGO, ,'O NA GANdI CHUNG NGU DE JI LTA BU SNYAM NA, SOR BCU GNYIS PA'AM, NYI SHU RTZA BZHI PA BSHAD LA, SLOB DPON NYID KYI RNAM BSHAD DU SPONG BA PA'I GANdI NI, GSIL BYED KYIS KYANG RUNG BAR BSHAD DO, ,BRDUNG BA'I DUS NI, NAM BAB DU BRDUNG BA YIN TE, DE NYID LAS, ZAN ZA NYI MA 'CHAR NUB TSE, ,DUS GSUM LA NI LAN GSUM MO, ,SKU KHRUS LA NI LAN GNYIS BSNGAGS, ,GLO BUR GNOD PA CHAR MI 'BAB, ,DE BZHIN 'THAB DANG RTZOD PA DANG, ,GLOG DANG GNOD PA CHEN PO DANG, ,NAD DANG MU GE ZHI BYA'I PHYIR, ,MA 'CHOL RIM GYIS BRDUNG BAR BYA, ,ZHES GSUNGS PA'I PHYIR, DGU PA NI, DE NYID LAS, TSAD MED SHING NGAN LAS BYAS DANG, ,BRDUNGS NA SGRA NI MI 'BYUNG BA'I, ,SANGS RGYAS YUM 'DI BRDUNGS NA NI, ,YUL 'KHOR 'TSE BA NGES PAR 'BYUNG, ,GTZUG LAG KHANG DU DGE SLONG RNAMS, ,DE BZHIN BLO NI MI @042B MTHUN DANG, NYES LTUNG DAG NI 'BYUNG 'GYUR ZHING, ,RNAM PA DU MA RTZOD PAR 'GYUR, ,MU STEGS CAN GYI DBANG 'GYUR ZHING, ,BDUD KYANG 'BYUNG BAR 'GYUR BA YIN, ,GDUG PA'I KLU NI DU MA YIS, ,'BRAS BU RNAMS NI NYAMS PAR BYED, ,ZHES GSUNGS PA LTAR NYES DMIGS SHIN TU CHE'O, , BCU PA NI, DE NYID LAS, RGYAL PO GANG GI YUL 'KHOR DU, ,GANdI 'DI NI GRAGS GYUR NA, ,DE NI DPAL DANG GRAGS PA DANG, ,'DOD PA DANG NI LO LEGS 'BYUNG, ,PHA ROL GYI NI 'JIGS MED CING, ,'BRAS BU RNAMS KYANG NYAMS MI 'GYUR, ,SANGS RGYAS BYIN RLABS 'BYOR PA YIS, , DER NI BDUD RNAMS 'DUL BAR 'GYUR, ,DMYAL BA YI DVAGS 'JIG RTEN RNAMS, ,'JIG PAR 'GYUR BA THE TSOM MED, ,THAMS CAD SANGS RGYAS RTAG DAD CING, ,THAMS CAD CHOS KYI GZHOL BAR 'GYUR, ,DER NI DGE 'DUN DUL BAR LDAN, ,MKHAS PA RNAMS KYANG 'PHEL BAR 'GYUR, , 'DOD CHAGS ZHE SDANG GTI MUG RNAMS, ,DER NI NUB PAR 'GYUR BA YIN, ,CHOS KYI RNGA NI BRDUNGS PAS NI, ,GANG GI RNA LAM GRAGS GYUR CING, ,DUS GCIG DAG TU THOS PA GANG, ,DE RNAMS BYANG CHUB THOB PAR 'GYUR, ,ZHES GSUNGS PA LTAR YIN NO,, ` RTZA BA'I GNYIS PA; RANG GZHAN GYI LTUNG BA PHYIR 'CHOS PA'I TSUL LA, RANG GI LTUNG BA PHYIR 'CHOS PA'I TSUL DANG, GZHAN GYI LTUNG BA PHYIR 'CHOS PA'I TSUL DANG, RANG GZHAN GNYIS KA'I DE PHYIR 'CHOS PA'I TSUL DANG GSUM LAS, DANG PO NI, GSO SBYONG LTA BU'I LAS LA 'DU BA'I SNGA ROL DU, RANG GI LTUNG BA BSHAGS PAR 'OS PA RNAMS BSHAGS, BSDAMS PAR 'OS PA RNAMS BSDAMS, BYIN GYIS BRLAB PAR 'OS PA RNAMS BYIN GYIS BRLABS NAS, RANG RGYUD LTUNG BAS MA GOS PA BYED DGOS TE, MDO RTZA BA LAS, 'DI LA ZLA BA PHYED BZLAS PA'I SO SOR BRTAG PAR BYA'O, ,'DU BAR 'GYUR BA DER SHES SO SHES PA PHYIR BCOS TE, THAMS CAD DU 'DUG PAR BYA'O, ,ZHES GSUNGS PA'I PHYIR, GAL TE LAS LA 'DUS ZIN NAS LTUNG BA BYUNG BA DRAN PA'AM YID GNYIS ZA NA DRUNG NA MO'I DGE SLONG GI DRUNG DU TZOG TZOG PUR BSDAD NAS BYIN GYIS BRLAB PAR BYA BA YIN TE, MDO RTZA BA @043A *, ,LAS, 'DUG PA NA DRAN NAM YID GNYIS ZA NA DRUNG NA MO LA BYIN GYIS BRLAB PAR BYA'O, ,ZHES GSUNGS PA'I PHYIR, DE YANG, DRUNG NA MO LA ZHES PA'I DON NI, LAS GRAL DER 'DUS PA'I DGE SLONG RANG GI RTZA NA YOD PA ZHIG LA BYA'O, , YANG NA, LAS BYED PA PO RANG NYID LTUNG BA DRAN NAM YID GNYIS ZA NA, DGE SLONG GZHAN LA MI BRJOD PAR RANG NYID KYIS CHO GA TSAR GCIG BZLAS NAS, BYIN GYIS BRLAB PAR BYA BA YIN TE, MDO RTZA BA LAS, LAS BYED PAS NI SEMS KYIS SO, ,ZHES SO, ,GNYIS PA GZHAN GYI LTUNG BA PHYIR 'CHOS PA'I TSUL NI, LAS BYED PA RANG NYID MA GTOGS PA'I, DGE 'DUN GZHAN LAS GRAL DER 'DUS PA THAMS CAD SA RKO BA'I LTUNG BYED LTA BU DANG LDAN PAR GYUR NA, DE RNAMS KYI NANG NAS BKA' BLO BDE BA'I DGE SLONG GCIG LA, LAS BYED PA'I DGE SLONG GIS SA RKOS PAS CIR 'GYUR ZHES DRIS PAS LTUNG BYED DU 'GYUR RO ZHE NA, 'O NA KHYOD KYANG DE DANG LDAN PAR SONG BYAS PAS, DE NA RE, DGE 'DUN THAMS CAD DE DANG LDAN NO ZHE NA, THOG MAR KHYOD RANG GI LTUNG BA DE PHYIR 'CHOS SHIG ZER, KUN GYI MIG LTOS LA PHAN PA'I CHED DU, KUN GYIS MTHONG SAR PHYIR BCOS LA BKOD NAS, DE RJES GZHAN RNAMS KYANG DE LA 'GOD PAR BYA DGOS PA YIN TE, MDO RTZA BA LAS, GAL TE TSES BCO LNGA LA, BDAG GCIG PO DE DANG MI LDAN PAR SHES NA, 'GROGS SHES LA DANG POR 'BAD PAR BYA'O, ,TSE DANG LDAN PA 'DI DANG 'DI LTAR BYED PA GANG YIN PA DES CIR 'GYUR LTUNG BA DANG BCAS PAR RO, ,'O NA, TSE DANG LDAN PAS KYANG 'DI DANG 'DI LTAR BYAS SAM, BYAS SO, ,'O NA, TSE DANG LDAN PA YANG LTUNG BA DANG BCAS PA YIN NO, ,TSE DANG LDAN PA KHO BO GCIG PUR MA ZAD KYI, DGE 'DUN THAMS CAD DON DE DANG LDAN PA YIN NO; ;KYE TSE DANG LDAN PA JE KHYOD RANG GI LTUNG BA CHOS BZHIN DU PHYIR GYIS SHIG ,DGE 'DUN THAMS CAD KYIS KHYOD LA CIR 'GYUR ZHES BYA BA'I RTZOM PAS MIG LAM DU LHAG MA 'DOD PA RNAMS 'CHAGS SU GZHUG GO, ,ZHES GSUNGS PA'I PHYIR, GSUM PA NI, GNAS DER @043B DGE 'DUN KUN SA RKO LTA BU'I LTUNG BA GCIG DANG LDAN NA, DE RNAMS KYI NANG NAS KHA CIG GNAS GZHAN DU PHYIR BCOS LA BTANG NAS DAG PA'I MDUN DU, GZHAN RNAMS KYANG PHYIR BCOS TE DAG PAR BYA STE, MDO RTZA BA LAS, THAMS CAD KYIS LTUNG BA SHES SAM, YID GNYIS SU GYUR NA LEN PAR BYED PA SGRUB PA'I PHYIR DGE SLONG 'GA' ZHIG ,RANG GI PHYIR BCOS PA'I DON DU GNAS GZHAN DU BTANG BAR BYA'O, ,ZHES GSUNGS PA'I PHYIR, GAL TE DE LTAR MA GRUB PAR LAS LA 'DU DGOS PA'I TSE, LAS LA MI SGRIB PAR BYA BA'I PHYIR DU GSOL BA 'BA' ZHIG PA'I LAS KYIS LTUNG BA DE THUN MONG DU BYIN GYIS BRLAB PAR BYA DGOS TE, MDO RTZA BA LAS, MA GRUB NA BYIN GYIS BRLAB PA'I PHYIR GSOL BA BYA BA 'DOD PAR BYA'O, ,ZHES GSUNGS PA'I PHYIR, GSUM PA CHOS BSHAD NYAN BYA BA'I TSUL LA, DANG POR PHYAG 'TSAL BA'I RGYUD, BAR DU MDO 'DON PA'I RGYUD, MTHAR BSNGO BA BYA BA'I RGYUD TE RGYUD CHAGS GSUM PO BYA BA'I PHYIR DU, DGE BSKOS LTA BU GANG YANG RUNG BA ZHIG GIS PHYAG BYAS NAS 'GRENGS TE, THAL MO SBYAR 'DUD PA DANG BCAS TE, GRANGS TSES BRJOD NAS, GTZUG LAG KHANG GI BDAG PO DANG, LHA RNAMS KYI DON DU MDO BSKUL TE, DE NAS, ZHAL NAS GSUNGS PA'I MDO DANG, SKAR MA RAB RIB CES SOGS TSIGS BCAD GCIG 'DON PAR BYA'O, ,DE NAS MDO BSKUL BA POS SPYOD LAM SNGAR LTAR BYAS TE, DGE 'DUN LA SNYUN GSOL ZHING GTOR MA CHA BZHI BYA BA 'THAD DE, SMAN GZHI'I MDO DANG MTHUN PA YIN PA'I PHYIR, DE NAS MDO BSKUL BA PO DES CHOS BSHAD PA'I PHYIR GSOL BA BTAB BO, ,DE RJES DGE SLONG GI GNAS BRTAN GYIS STON PA SANGS RGYAS DANG, DKON MCHOG GSUM LA PHYAG 'TSAL NAS, LHA MI SOGS CHOS NYAN PA LA BSKUL PA'I PHYIR DU CHOS BSGRAGS PA'I MDO 'DON PAR BYA'O, ,DE LTAR PHYAG 'TSAL BA DANG, MDO 'DON PA DANG, RJES SU BSNGO BA BYA BA STE RGYUD CHAGS GSUM BYA BA'I TSUL GYI MDO 'DON PAR BYA'O, ,MDO NI, SPYIR RAB TU BYUNG BA'I TSUL KHRIMS KYI BSLAB PA STON PA'I MDO GANG YANG RUNG BA @044A *, ,ZHIG STON PAS CHOG KYANG DING SANG TSUL KHRIMS RNAM DAG GI MDO 'DON PA PHYAG LEN DU SNANG BAS DE 'DON PAR BYA'O, ,BZHI PA GRANGS BZUNG BA NI, DGE TSUL RNAMS KYIS GSO SBYONG BYAS ZIN PA'I 'OG TU, DGE SLONG GANG YANG RUNG BA ZHIG GIS TSUL SHING BRIMS TE, DGE SLONG RNAMS KYI GRANGS BZUNG BAR BYA'O, ,DE LTAR BYAS PA'I DGOS PA NI MA 'DUS PA'I MI MTHUN PA DGAG PA'I PHYIR DU YIN NO, ,GNYIS PA DNGOS GZHI LA, BSNYEN PAR MA RDZOGS PA'I GSO SBYONG DANG, DE RDZOGS PA'I DE GNYIS, DANG PO NI, BSNYEN PAR MA RDZOGS PA'I GSO SBYONG BYA BA'I TSUL YOD DE, DGE SLONG CHOS DGU DANG LDAN PA'I DRUNG DU SNGAGS TSIG LAN GSUM BZLAS PA'I SGO NAS BYA BA YIN PA'I PHYIR, GNYIS PA LA, SPYIR BTANG DANG DMIGS BSAL GNYIS LAS, DANG PO NI, BSNYEN PAR RDZOGS PAS GSO SBYONG BYA BA'I TSUL YOD DE, SO SOR THAR PA'I MDO 'DON PA'I SGO NAS BYA BA'I PHYIR, GANG ZAG GANG GIS 'DON NA, BSNYEN RDZOGS KYI SDOM PA RNAM DAG DANG LDAN PA, LTA MTSAN MTHUN PA, THA SNYAD GSUM DANG LDAN PA, BYE BA NA CHOS MA YIN PA'I PHYOGS SU SONG BA MIN PA, LUS THA MAL DU GNAS PA, SA RANG BZHIN DU GNAS PAR GYUR PA'I GNAS BRTAN DANG PO LA SOGS PAS TSIG PHYED KYANG MA 'KHRUL BA LEGS PAR THON PAS 'DON, DES MA THON NA GNYIS PAS 'DON, DES KYANG MA THON NA GSUM PA LA SOGS PAS 'DON NO, ,MDOR NA, MTSAN NYID DANG LDAN PA GANG YANG RUNG BA ZHIG GIS BTON PAS CHOG GI ,'DI LA BSLAB GRAL MI DGOS SO, ,GCIG GIS TSANG BAR MA THON NA GNYIS PA DANG GSUM PA LA SOGS PA JI SNYED DGOS PAS 'DON NO, ,DNGOS PO GANG 'DON NA, PHA'I SKABS SU PHA'I SO SO THAR PA'I MDO DANG, MA'I SKABS SU MA'I SO SO THAR PA'I MDO 'DON NO, ,TSAD JI TZAM 'DON NA, RIL GYI'AM, YANG NA GLENG GZHI DAG TU 'DON ZHING, LHAG MA NI THOS PA BSGRAGS PAS KYANG 'GRUB LA, BRTZAMS PA'I SDE TSAN NI RIL GYI'AM, RDZOGS PAR 'DAN DGOS SO, ,BZHI PA @044B SPANG LTUNG LA RIG NAS NI RIL GYIS 'DON DGOS TE, PHAL CHER BYAS NAS LHAG 'JOG PA MI MDZES PA'I PHYIR RO, ,STAN GANG GI STENG NAS 'DON NA, SENG GE'I KHRI'I STENG NAS 'DON PA YIN NO, ,BSAM PA GANG GIS 'DON PA NI, CHOS BSHAD PA'I BLO MA 'KHRUL BA DANG, SO SO THAR PA LA STON PA DNGOS DANG, RANG NYID LA BSLAB PA LA GCES SPRAS SU BYED PA'I DGE SLONG RNAM DAG GI 'DU SHES DANG, TSUL 'DI LTA BU LA BRTEN NAS, RGYAL BA'I BSTAN PA YUN RING DU GNAS PAR BYA BA DANG, DE THAMS CAD NGES 'BYUNG GI BSAM PAS ZIN PA'I SGO NAS 'DON PA YIN NO, ,GAL TE SNGAR MA GRUB NA, LTUNG BA THUN MONG BA BYIN GYIS BRLABS PA DANG, GNAS LA BLO MTHUN GYI GRANGS BZUNG BA'I 'OG TU BYA DGOS SO, ,GNYIS PA DMIGS BSAL LA, YONGS RDZOGS KYI GSO SBYONG GI DE, BYIN GYIS BRLABS PA'I GSO SBYONG, MDOR BSDUS PA'I GSO SBYONG, DGAG DBYE'I GSO SBYONG, DGE SLONG MA'I GSO SBYONG DANG LNGA YOD PA LAS, DANG PO NI SNGAR BSHAD ZIN, GNYIS PA LA, DU MA YOD PA'I NANG NAS, YUL GANG GI MDUN DU BYIN GYIS BRLABS PA NI, DGE SLONG CHOS DGU LDAN ZHIG GI MDUN DU BYIN GYIS BRLAB BO, ,CHOS DGU NI, SNGAR BSHAD PA BDUN GYI STENG DU MTSAMS NANG DE NA GNAS PA, RANG LAS RGYUD THA DAD PA ZHIG DGOS SO, ,RTEN GYI GANG ZAG GANG GIS BYIN GYIS RLOB PA NI, BSNYEN RDZOGS KYI SDOM PA GSO RUNG YAN CHAD DANG LDAN PA, LUS THA MAL DU GNAS PA; BSAM PA RANG BZHIN DU GNAS PA, GSO SBYONG DNGOS SU BYED PA'I RKYEN DANG MI LDAN PA, RGYUD TSOGS SU MA CHANG BA YIN PA ZHIG DGOS SO, ,DNGOS PO GANG BYIN GYIS RLOB PA NI, GSO SBYONG BCU BZHI PA DANG, BCO LNGA PA KHO NA BYIN GYIS RLOB PA YIN GYI, GSO SBYONG GZHAN BYIN GYIS RLOB PA MA YIN TE, 'DI'I DGAG BYA NI, DUS LAS 'DAS PA YIN LA, GZHAN LA NI BYED PA'I DUS NGES PA MED PA'I PHYIR, BSAM PA NI SNGAR DANG 'DRA, GNAS NI SPYIR BTANG LA MTSAMS NANG DU BYA ZHING, DMIGS BSAL NGES PA MED DE, DUS NAM BAB TU @045A *, ,BYAS PAS CHOG PA'I PHYIR, CHO GA LA SBYOR DNGOS GNYIS LAS, SBYOR BA NI, SNGAR BSHAD PA DANG 'DRA ZHING MA GRUB KYANG NYES PA MED DO, ,DNGOS GZHI NI SNGAGS TSIG LAN GSUM BZLAS PA'I SGO NAS BYA'O, ,YUL DGE SLONG DNGOS SU MED NA; LHA DGONGS SU GSOL ZHES SOGS BRJOD PA'I SGO NAS BYA'O, ,GAL TE SMRA MI 'DOD NA YID KYIS SNGAGS TSIG LAN GSUM BRJOD DO, ,DGOS PA NI, GSO SBYONG MA BYAS PA'I NYES PA DGAG PA'I PHYIR RO, ,GSUM PA MDOR BSDUS PA'I GSO SBYONG LA, GZHAN SNGAR DANG 'DRA BA LA, GSOL BA 'BA' ZHIG BYAS PA'I 'OG TU SH'AKYA SENG GES GSUNGS PA YI, SDIG PA CI YANG MI BYA ZHING, ZHES PA NAS, DRANG SRONG GSUNG PA'I LAM NI THOB PAR 'GYUR, ,ZHES PA'I BAR 'DON PA YIN GYI, SO THAR GYI MDO'I GLING GZHI TZAM YANG MI 'DON NO; ;BZHI PA DGAG DBYE'I GSO SBYONG NI, DGAG DBYE BYA BA'I TSE, DER GNAS TE DGE SLONG GI DGAG DBYE NYID BYA BA YIN GYI, DE LAS LOGS SU GSO SBYONG BYA MI DGOS TE, DGAG DBYE BYAS PAS, GSO SBYONG BYAS PA'I GO CHOD PA YIN TE, MDO RTZA BA LAS, 'DI BYAS PAS GSO SBYONG MI 'GRUB PA NI MA YIN NO, ,ZHES GSUNGS PA'I PHYIR, MKHAS PA'I DBANG PO'I BZHED PA NI, GNAS DER DBYAR KHAS LEN BYAS PA'I, DGE SLONG GIS MTHAR NYA SHI ZHIG DANG BSTUN NAS DGAG DBYE BYAS NA GSO SBYONG BYAS PA'I GO CHOD PAR, 'DI BYAS PAS GSO SBYONG MI 'GRUB PA NI MA YIN NO, ,ZHES PA'I GZHUNG GIS BSTAN PAR BZHED LA, GNAS DER DGAG DBYE BYED PA LA, GNAS DER DBYAR KHAS LEN BYAS PA ZHIG NGES PAR DGOS TE, MDO RTZA BA LAS, DBYAR GNAS PAS DGE 'DUN LA MTHONG BA DANG, THOS PA DANG, DGOS PA DAG GIS DGAG DBYE BYA'O, ,ZHES GSUNGS PA'I PHYIR, ZHES BZHED PAS LEGS PAR DPYAD DGOS SO, ,LNGA PA DGE SLONG MA'I GSO SBYONG BYED TSUL NI, DANG POR DGE SLONG PHA'I DGE 'DUN LA 'DUN PA DANG, YONGS DAG GNYIS KA PHUL NAS, DE RJES DGE SLONG MA'I @045B TSOGS 'BA' ZHIG GIS, DGE SLONG MA'I SO SOR THAR PA'I MDO BTON NAS BYA BA YIN NO, ,DES NA LO GCIG LA GSO SBYONG NYI SHU RTZA BZHI 'BYUNG BA'I, YAR NGO'I BCU GNYIS MAR NGO'I DRUG DANG BCAS PA'I BCO BRGYAD NI, GSO SBYONG BCO LNGA PA DANG, LHAG MA DRUG NI GSO SBYONG BCU BZHI PA YIN NO, ,DUS TSIGS KYI DBANG DU BYAS NA, DGUN STOD, DGUN SMAD, DPYID, SOS KA, DBYAR, STON DANG BCAS PA'I DUS TISGS DRUG YOD LA, DUS TSIGS RE RE LA ZLA BA GNYIS GNYIS YOD PA'I ZLA BA PHYED DANG GNYIS 'DAS, ZLA BA PHYED LUS PA'I MTSAMS SU, GSO SBYONG BCU BZHI PA 'BYUNG BA YIN TE, MDO RTZA BA LAS, DUS TSIGS RNAMS KYI ZLA BA PHYED LUS PA NYID LA'O, ,ZHES PA DANG, DE'I RGYA CHER 'GREL LAS KYANG, DUS TSIGS DRUG PO DE DAG RE RE LA ZLA BA GNYIS GNYIS TE, ZLA BA PHYED DANG BZHI BZHI YOD PA LAS, PHYED DANG PO GNYIS DANG THA MA DANG GSUM LA NI, ZHAG BCO LNGA BCO LNGA THUB PAR RTZI'O, ,PHYED GSUM PA DAG LA NI ZHAG RE RE CHAD CING BCO LNGA MI THUB PAR, BCU BZHI THUB PAR RTZI STE, DE DAG NI GSO SBYONG BCU BZHI PA YIN PAR RIG PAR BYA'O, ,ZHES GSUNGS PA'I PHYIR DANG, MDZOD 'GREL LAS KYANG, DGUN DANG DPYID DANG DBYAR RNAMS KYI, ,ZLA BA PHYED DANG GNYIS 'DAS NAS, ,ZLA BA PHYED NI LUS PA NA, MKHAS PAS ZHAG MI THUB PAR DOR, ,ZHES GSUNGS PA'I PHYIR, GSO SBYONG BCU BZHI PA DE, NYA SGAR GANG LA 'BYUNG BA'I ZLA BA BZHAG TU YOD DE, SLOB DPON PADMAS MDZAD PA'I DGE TSUL GYI DRI BA LAS, RGYAL DANG DBO DANG SA GA DANG, ,CHU STOD KHRUMS SMAD SMIN DRUG BCAS, ,'DI RNAMS KYI NI NAG PO'I PHYOGS, ,ZLA PHYED GSO SBYONG BCU BZHI PA, ,ZHES GSUNGS PA LTAR, ZLA BA DE RNAMS KYI MAR NGO LA GSO SBYONG BCU BZHI PA 'BYUNG BA YIN PA'I PHYIR, HOR ZLA'I DBANG DU BYAS NA, HOR ZLA DANG PO, ,GSUM PA, LNGA PA, BDUN PA, DGU PA, BCU GCIG PA RNAMS LA GSO SBYONG BCU BZHI PA 'BYUNG BA YIN NO, ,GSUM PA MJUG GI CHO GA NI, DGE RTZA RDZOGS BYANG DU BSNGO BA DANG, SANGS RGYAS KYI @046A *, ,BSTAN PA RGYAS PA DANG, TSUL KHRIMS RNAM PAR DAG PA DANG, 'JIG RTEN DU DGE LEGS PHUN SUM TSOGS PA 'BYUNG BA'I PHYIR DU, GSO SBYONG BYAS PA'I DGE BA RNAMS BSNGO BA SMON LAM GYIS RGYAS 'DEBS PA YIN NO, ,NGAG DON NI, GSO SBYONG BYA'O, ,ZHES PA LA, CHOS 'DI PA'I RAB BYUNG RNAMS KYIS BSLAB PA GSO ZHING SBYONG BA'I GSO SBYONG BYA DGOS TE, DES KHYAD PAR DU BYAS PA'I DGOS PA MTHONG BA'I PHYIR, ZLA BA PHYED PHYED KYI ZHES SOGS LA, TSES BCO LNGA LA BYA BA'I RGYU MTSAN YOD DE, DUS BZANG ZHING, MTSAN MA GSAL BA YIN PA'I PHYIR, SO SO THAR PA'I MDO ZHES SOGS LA, GSO SBYONG BYA BA'I TSUL YOD DE, SO SO THAR PA'I MDO 'DON PA'I SGO NAS BYA BA YIN PA'I PHYIR, RTZA BA'I GNYIS PA GZHAN LUGS DGAG PA NI, KHA CIG ,TSES BCO LNGA LA BYA BA'I GSO SBYONG YIN NA, DUS NGES PA CAN GYI GSO SBYONG YIN PAS KHYAB ZER NA, TSES BCO LNGA LA BYA BA'I BKRA SHIS KYI GSO SBYONG CHOS CAN, DER THAL, DE'I PHYIR TE, CHOS CAN DE'I PHYIR TE, DE 'DRA YOD PA'I PHYIR, RTZA BAR 'DOD NA, BKRA SHIS KYI GSO SBYONG YIN NA, DUS NGES PA CAN GYI GSO SBYONG YIN DGOS PAR THAL, 'DOD PA'I PHYIR, 'DOD MI NUS TE, BKRA SHIS KYI GSO SBYONG DE DUS NGES MED KYI GSO SBYONG YIN PA'I PHYIR, KHA CIG ,GSO SBYONG BCO LNGA PA DANG, BKRA SHIS KYI GSO SBYONG GNYIS 'GAL LO, ,ZER NA, GSO SBYONG BCO LNGA PA DANG, BKRA SHIS GNYIS KA'I PHYIR DU BYAS PA'I GSO SBYONG CHOS CAN, DER THAL, DE'I PHYIR, RTAGS GSAL GNYIS KA GRUB STE, DE 'DRA YOD PA'I PHYIR TE, GTZO BOR BSLAB PA GSO ZHING SBYONG BA DANG, GTZO BOR BKRA SHIS PA GNYIS KA'I CHED DU BYAS PA'I GSO SBYONG YOD PA'I PHYIR TE, GTZO BOR BKRA SHIS KYI CHED DU BYAS PA'I GSO SBYONG BCO LNGA PA YOD PA'I PHYIR, KHA CIG ,GSO SBYONG BCU BZHI PA DE GSO SBYONG BCO LNGA PA YIN TE, MDO RTZA BA LAS, ZLA BA PHYED PHYED KYI TSES BCO LNGA LA'O, ,ZHES PA DANG, DE'I RGYA CHER 'GREL LAS, THAMS CAD @046B KYANG, TSES GRANGS KYI YANG DAG PA LA LTOS NAS BCO LNGA PA YIN NO, ,ZHES GSUNGS PA'I PHYIR, ZER NA, MA KHYAB STE, LUNG DE NYID KYIS NI, GSO SBYONG BCU BZHI PA DANG, BCO LNGA PA GNYIS KA TSES BCO LNGA LA BYA BAR BSTAN PA GANG ZHIG ,GSO SBYONG BCU BZHI PA GSO SBYONG BCO LNGA PAR BSTAN PA MA YIN PA'I PHYIR, RTAGS DANG PO GRUB STE, RGYA CHER 'GREL LAS, TSES GRANGS KYIS YANG DAG PA LA LTOS NAS, ZHES SOGS GSUNGS PA'I PHYIR, PHYI MA MA GRUB NA, GSO SBYONG BCU BZHI PA YIN NA, GSO SBYONG BCO LNGA PA YIN DGOS PAR THAL, GSO SBYONG BCU BZHI PA DE GSO SBYONG BCO LNGA PA YIN PA'I PHYIR, RTAGS KHAS, 'DOD NA, TSES GRANGS 'KHRUL MED KYI GSO SBYONG BCU BZHI PA CHOS CAN, RANG GI SNGA LOGS KYI GSO SBYONG BCO LNGA PA DE THAL NAS, NYIN ZHAG BCO LNGA MA LON PA'I GSO SBYONG MA YIN PAR THAL, DE LON PA'I GSO SBYONG YIN PA'I PHYIR, MA GRUB NA, DE CHOS CAN, DER THAL, TSES GRANGS 'KHRUL MED KYI GSO SBYONG BCO LNGA PA YIN PA'I PHYIR, MA KHYAB NA, DE LA KHYAB PA YOD PAR THAL, TSES GRANGS 'KHRUL MED KYI GSO SBYONG BCU BZHI PA YIN NA, RANG GI SNGA LOGS KYI GSO SBYONG BCO LNGA PA DE THAL NAS, NYIN ZHAG BCO LNGA MA LON PAS KHYAB PA'I PHYIR TE, MDO RTZA BA LAS, NYIN ZHAG GCIG GIS MA CHOG PA'O, ,ZHES PA DANG, RGYA CHER 'GREL LAS, ZLA BA'I NGO LA NYIN ZHAG GCIG GIS, ZHAG BCO LNGAR MI CHOG PAR BYA'O, ,ZHES GSUNGS PA'I PHYIR, GONG GI RTAGS MA GRUB NA DE CHOS CAN, DER THAL, CHOS CAN DE'I PHYIR, MA GRUB NA, SONG, KHYAB PAR THAL, GSO SBYONG BCU BZHI PA YIN NA, GSO SBYONG BCO LNGA PA YIN DGOS PA'I PHYIR, RTAGS KHAS SO, ,KHA CIG ,GSO SBYONG BCO LNGA PA YIN NA, TSES BCO LNGA LA BYAS PA'I GSO SBYONG YIN PAS KHYAB, ZER NA, TSES GRANGS NOR NAS TSES BCU BZHI LA BYAS PA'I GSO SBYONG BCO LNGA PA CHOS CAN, DER THAL, DE'I PHYIR, KHA CIG ,YAR NGO'I GSO SBYONG BCO LNGA PA YIN NA, YAR NGO SNGON 'GRO'I DBANG DU BYAS PA'I TSES BCU DRUG LA BYAS PA'I GSO SBYONG MA @047A *, ,YIN PAS KHYAB, ZER NA, YAR NGO'I TSES BCO LNGA'I NYIN MO DGE SLONG GRANGS MA TSANG BAR YAR NGO SNGON 'GRO'I DBANG DU BYAS PA'I TSES BCU DRUG GI NYI MA MA SHAR TZAM LA BYAS PA'I GSO SBYONG BCO LNGA PA CHOS CAN, DER THAL, DE'I PHYIR, DE YOD PA'I PHYIR TE, MDO RTZA BA LAS, LAS LA NI 'DAS NA NYI MA SHAR BA'I'O, ,ZHES GSUNGS PA'I PHYIR, 'DOD MI NUS TE, DE 'DRA'I GSO SBYONG DE DON GYI GNAS TSOD LA, YAR NGO SNGON 'GRO'I DBANG DU BYAS PA'I TSES BCU DRUG LA BYAS PA'I GSO SBYONG YIN PA'I PHYIR, BYAS PA LA KHO NA RE, DE LTAR NA, DE 'DRA'I GSO SBYONG DE GSO SBYONG BCO LNGA PA MA YIN PAR 'GYUR RO, ,ZHE NA, DE'I SKYON MED DE, DON GYI GNAS TSOD LA DE LTAR MA YIN KYANG, 'DUN PA'I STOBS KYIS DE 'DRA'I GSO SBYONG DE, GSO SBYONG BCO LNGA PAR 'GYUR BA YIN PA'I PHYIR, DPER NA, DGE TSUL SLONG RNAMS KYIS NYI MA'I GUNG YOL TZAM LA, MA YOL BAR 'DU SHES NAS DUS RUNG GI ZAS ZOS PAS, 'DUN PA'I STOBS KYIS PHYI DRO'I KHA ZAS ZOS PA'I NYES PA MI 'BYUNG ZHING, NYI MA'I GUNG MA YOL BA LA YOL BAR 'DU SHES NAS DUS RUNG GI ZAS DE RNAMS KYIS ZOS NA PHYI DRO'I KHA ZAS ZOS PA'I NYES PA 'BYUNG BA YIN PA'I PHYIR, KHA CIG ,YAR NGO'I GSO SBYONG BCO LNGA PA YIN NA, RANG NYID BYED PA'I GNAS DE LA NYE 'KHOR 'DOM GANG DANG BCAS PA LA BLO MTHUN BYAS PAS KHYAB BO, ,ZHE NA, DE MI 'THAD PAR THAL, CHOM RKUN GYI 'JIGS PA DANG BCAS PA'I SA'I LAM THA MAL PAR, BCAS LDAN DGE SLONG RNAMS KYIS YAR NGO'I GSO SBYONG BCO LNGA PA BYAS PAS CHOG PA'I PHYIR TE, DE 'DRA'I THA MAL PA'I SA'I LAM LA YAR NGO'I TSES BCO LNGA'I DUS SU ZLA BO MGRON PO RNAMS 'JIGS PA'I DBANG GIS MI SDOD PAR 'GRO NA, DGE SLONG RNAMS KYIS KYANG 'GRO BZHIN DU GSO SBYONG BYAR RUNG BA YIN PA'I PHYIR TE, MDO RTZA BA LAS, MGRON PO DAG MI SDOD NA 'GRO BZHIN DU GSO SBYONG BYA'O, ,ZHES GSUNGS PA'I PHYIR, ` DBYAR GNAS PAR KHAS BLANG BAR BYA'O, ,ZLA BA GSUM DU'O, ,TSES BCU DRUG LA'O, ,DBYAR ZLA 'BRING PO'I PHYI DE NYIN BAR BGYI'O, , @047B DBYAR ZLA THA CHUNG NYA'I'O, ,ZHES PA'I SKABS SU, RANG LUGS GZHAG PA LA, DGOS PA GANG GI PHYIR DU DBYAR KHAS BLANG BA, GANG ZAG GANG GIS BLANG BA, GNAS GANG DU BLANG BA, DUS NAM GYI TSE BLANG BA, YUN JI SRID DU BLANG BA, BSAM PA GANG GIS BLANG BA, CHO GA GANG GIS BLANG BA, DBYAR GYI DAM TSIG BSRUNG TSUL DANG BRGYAD YOD, DANG PO NI, PHYI ROL GYI LO THO GA LA GNOD PA SPANG BA DANG, GZHAN MA DAD PA DANG, KHA ZER BA SPANG BA DANG, RANG GI LUS SROG LA GNOD PA SPANG BA DANG, GNAS RAL BA DANG, GRUMS PA 'CHOS PA DANG, KLOG PA THOS BSAM DANG, SPONG BA BSAM GTAN LA BRTZON PAR BYA BA DANG, DGAG DBYE DANG, SRA RKYANG 'BYUNG BA DANG, SANGS RGYAS KYI BCAS PA DANG MTHUN PAR BYA BA'I DGOS PA YOD PAS, DE'I PHYIR DU DBYAR KHAS LEN PA YIN TE, tIK CHEN LAS, DGOS PA NI, GNAS RAL BA DANG, GRUMS PA 'CHOS PA DANG, GZHAN 'PHYA BA SPANG BA DANG, RANG GZHAN GYI LUS SROG LA GNOD PA SPANG BA DANG, DON DANG BYA BA MANG PO SPANG BA DANG, BSAM GTAN DANG KLOG PA 'PHEL BAR BYA BA DANG, DGAG DBYE DANG SRA RKYANG 'BYUNG BA'I CHED DO, ,ZHES GSUNGS PA'I PHYIR, GNYIS PA NI, RAB BYUNG SDE LNGA CHAR GYI SDOM PA GSO RUNG YAN CHAD DANG LDAN PA, LUS THA MAL DU GNAS PA, BSAM PA RANG BZHIN DU GNAS PA, DBYAR KHAS LEN GYI MTHUN RKYEN TSANG ZHING 'GAL RKYEN DANG BRAL BA ZHIG DGOS SO, ,DE YANG, GNAS NAS PHYUNG BA MIN PA ZHIG DGOS TE, GNAS NAS PHYUNG BA CHOS DANG ZANG ZING THAMS CAD KYI SGO NAS SPANG DGOS PA'I PHYIR, GSUM PA GNAS GANG DU BLANG BA NI, GTZUG LAG KHANG YIN PA SGO GLEGS DANG BCAS SHING STENG G-YOGS DANG BCAS PA, DGE SLONG DANG BCAS PA'I SDE SNOD 'DZIN PA SOGS LA PHAN PA DANG BDE BA'I RKYEN 'BYUNG BA, 'THAB DKROL ? SOGS KYIS GNOD PA MI 'BYUNG BA'I GNAS MTSAMS NANG 'OG GZHI BRTAN PA DANG LDAN PA ZHIG DGOS TE, DE MED NA DBYAR GNAS PA'I DGOS PA MI 'GRUB PA'I PHYIR TE, MDO RTZA BA LAS, @048A *, ,'GYOD PA DANG GZHAN SDUG BSNGAL BA DANG, YID MI BDE MI SKYED PA NYID DANG, SEL BA NYID DANG, RJES SU BSRUNG BA NYID DANG, ZHES GSUNGS PA'I PHYIR, STENG G-YOGS DANG BCAS PA DGOS TE, DE LAS GZHAN DU DBYAR GNAS PAR MI NUS PA'I PHYIR TE, MDO RTZA BA LAS, G-YOGS PAR DGE SLONG GI MDUN DU'O, ,ZHES GSUNGS PA'I PHYIR, GNAS GCIG YIN PA DGOS TE, GZHAN DU NA DON DANG BYA BA MANG BAR 'GYUR BA'I PHYIR TE, MDO RTZA BA LAS, GTZUG LAG KHANG DU MAR MI BYA'O, ,ZHES GSUNGS PA'I PHYIR, SRUNG BYED DGE SLONG DANG, SDOM BYED SGO GLEGS DANG BCAS PA DGOS TE, DE LAS GZHAN DU CHOM RKUN PAS RLAG PAR 'GYUR BA'I PHYIR TE, MDO RTZA BA LAS, GANG NA DGE SLONG MED PA NYID DANG, SGO GLEGS MED PA NYID DANG BCAS PAR YANG MI BYA'O, ,ZHES GSUNGS PA'I PHYIR, DER MA ZAD KUN LA MKHO BA'I SGO KHANG SOGS MIN PA DGOS TE, DE YIN NA GZHAN LA GNOD PAR 'GYUR BA'I PHYIR TE, MDO RTZA BA LAS, SGO KHANG DANG THEM SKAS KYI LKOG DANG, KHYAMS DANG ZHES SOGS GSUNGS PA'I PHYIR, MTSAMS GZHAN GYIS BCAD PA MIN PA DGOS TE, MTSAMS THA DAD DU SHES NA DBYAR KHAS LEN MI CHAGS PA'I PHYIR TE, MDO RTZA BA LAS, NAM MKHA' LA GNAS PAR KHAS BLANG BAR MI BYA, ZHES GSUNGS PA'I PHYIR, DUS NI GONG DU BSHAD ZIN LA, YUN NI ZLA BA GSUM NGES PAR KHAS LEN DGOS PA YIN TE, MDO RTZA BA LAS, ZLA BA GSUM DU'O, ,ZHES GSUNGS PA'I PHYIR, DE LAS NYUNG NA DGAG BYA MI KHEGS SHING, MANG NA PHYI ROL PA DANG KHYAD PAR MED PAR 'GYUR BA'I PHYIR, BSAM PA NI 'DU SHES MA 'KHRUL BA KUN SLONG DBYAR KHAS LEN 'DOD KYI BSAM PA RGYUN MA CHAD PA DANG, BSTAN PA DANG SEMS CAN LA PHAN PA'I SEMS DANG, DE THAMS CAD NGES 'BYUNG GI BSAM PAS ZIN PA DGOS SO, ,CHO GA LA SBYOR DNGOS MJUG GSUM, DANG PO LA YANG, GNAS JI LTAR BYA BA, GNAS MAL STOBS PA, BYED PA PO BSKO ZHING DES JI LTAR BYA BA DANG GSUM LAS, DANG PO NI, DBYAR KHAS LEN @048B ZHAG BCU'AM, ZLA BA PHYED TZAM NAS 'BYUNG BA NA GTZUG LAG KHANG BRGYAN PA DANG, JI LTA BA BZHIN BYA DGOS TE, MDO RTZA BA LAS, ZHAG BCU'AM ZLA BA PHYED KYI 'BYUNG BAR 'GYUR BA NYID NA GTZUG LAG KHANG JI LTA BAR BYA'O, ,ZHES GSUNGS PA'I PHYIR, GNYIS PA NI, NYI MA SNGA MA LA STOBS PAR 'OS PA'I GNAS DANG, MAL CHA STOBS PAR BYA BA YIN TE, MDO RTZA BA LAS, NYI MA SNGA MA LA GNAS MAL BDOG GO KHRI'U DANG CHOL ZANGS YAN CHAD DO, ,ZHES GSUNGS PA'I PHYIR, GSUM PA LA, SBYOR BA'I CHO GA DANG, DNGOS GZHI'I CHO GA DANG, MJUG GI CHO GA DANG GSUM LAS, DANG PO NI, GNAS MAL STOBS PA PO DE, GANG GIS BSKO NA DGE 'DUN GRANGS TSANG BA KHA SKONG BAR 'OS PA, MI MTHUN PA GNYIS DANG BRAL BAS BSKO'O, ,GANG BSKO NA, BSNYEN RDZOGS KYI SDOM PA RNAM DAG DANG LDAN PA, LTA MTSAN MTHUN PA, LUS THA MAL DU GNAS PA, THA SNYAD GSUM DANG LDAN PA, BYE BA NA CHOS MA YIN PA'I PHYOGS SU SONG BA MA YIN PA, SA RANG BZHIN DU GNAS PA, BYA BA DANG BYA BA MIN PA DRAN PA, GNAS MAL STOBS PA'I CHO GA LA MKHAS PA, LAS GRAL GCIG GI RGYUD TSOGS SU MA TSANG BA, SNGAR BSKOS PA DANG MA 'BREL BA GCIG NAS GSUM GYI BAR LA SPRO BA DRIS NAS, DNGOS GZHI GSOL GNYIS KYIS BSKO, DES MI CHOG NA DRUG DANG DGU RNAMS RIM BZHIN SPRO BA DRIS NAS SPRO BA DANG LDAN PA BSKO BAR BYA STE, MDO RTZA BA LAS, STOBS PA BSKO BAR BYA'O, ,MI NUS NA DU MA'O, ,ZHES GSUNGS PA'I PHYIR DANG, DE'I RGYA CHER 'GREL LAS, GANG ZAG GCIG GIS DGE 'DUN LA GNAS MAL STOBS PAR MI NUS NA, DGE SLONG DU MA BSKO BAR BYA'O, ,ZHES GSUNGS PA'I PHYIR, DUS NI GSO SBYONG BYAS PA'I MJUG TU BSKO, ,GSUM PA NI SNGAR DANG 'DRA, DGOS PA NI, GNAS MAL SOGS STOBS PA'I PHYIR DU BSKO BA YIN NO, ,GSUM PA BYED PA PO BSKOS PA JI LTAR BYA BA'I TSUL 'DI LA YANG, SBYOR BA'I CHO GA ,DNGOS GZHI'I CHO GA ,MJUG GI CHO GA DANG GSUM, DANG PO LA, TSUL SHING NYE BAR BZHAG PA, DBYAR GNAS PAR KHAS LEN MI NUS PAS, GNAS MAL MI NOD PA'I PHYIR DU KHRIMS SU BCA' BA BSGRAGS PA, DBYAR @049A *, ,GNAS PA KHAS LEN PA DANG TSUL SHING BLANG BA'I PHYIR DU GSOL BA 'BA' ZHIG PA'I LAS BYA BA, GRANGS BZUNG BA'I PHYIR TSUL SHING BLANG BA DANG BZHI LAS, DANG PO NI, BSKOS PA'I DGE SLONG GIS, CHOS KYI TSUL SHING DRI BZANG GIS BYUGS SHING GRANGS MI NYUNG BA GZEB KYI KROG MAR RAS DKAR PO GTING BA'I STENG DU BZHAG STE, DGE SLONG RGAN PA'I MTHA' LOGS SU DE NYID BZHAG DGOS TE, MDO RTZA BA LAS, DES DRI DAG GIS BKUS PA'I TSUL SHING GZEB KYI KROG MAR RAS DKAR PO GTING BAS DKRIS PA DAG RGAN RIMS SU BZHAG NAS, ZHES GSUNGS PA'I PHYIR, GNYIS PA NI, DBYAR GNAS PAR KHAS BLANGS NAS, KLOG PA THOS BSAM DANG SPONG BA BSAM GTAN LA BRTZON PAR BYA BA'I PHYIR DU BSKOS PA'I DGE SLONG RNAMS KYIS, DGE 'DUN BTZUN PA RNAMS GSAN DU GSOL, ZHES SOGS, KHRIMS SU BCA' BA 'DI DANG 'DI YOD DO, ,ZHES BSGRAGS PAR BYA STE, MDO RTZA BA LAS, TSE DANG LDAN PA DAG GNAS 'DI NA KHRIMS SU BYA BA 'DI DANG 'DI YOD DE, KHYED CAG LAS GANG KHRIMS SU BYA BA 'DI DANG 'DIS GNAS PAR SPRO BA DES NI TSUL SHING LONGS SHIG ,CES PA NAS, DGE 'DUN GYIS PHYIS NYE BAR BRTAGS PAR DGONGS SO, ,ZHES DGE SLONG RNAMS LA GO BAR BYA'O, ,ZHES PA'I BAR GSUNGS PA'I PHYIR, GSUM PA NI, DBYAR GNAS PAR KHAS LEN PA DANG, TSUL SHING 'BRIM PA'I PHYIR DU, SNGAR BSKOS PA LA GNAS PA'I DGE 'DUN GYI GNAS BRTAN GYIS GSOL BA 'BA' ZHIG PA'I LAS BYA DGOS TE, MDO RTZA BA LAS, GZHAN GYIS BLANG BA DANG KHAS BLANG BA'I PHYIR, DGE 'DUN LA GSOL BA BYA'O, ,ZHES PA DANG, DE'I RGYA CHER 'GREL LAS, GNAS MAL STOBS PA'I DGE SLONG DE LAS GZHAN PA'I DGE SLONG GZHAN ZHIG GIS, DGE 'DUN GYIS TSUL SHING BLANG BA DANG, DBYAR GNAS PAR KHAS BLANG BA'I PHYIR, DGE 'DUN LA GSOL BA 'BA' ZHIG PA'I LAS GCIG BYA STE, DON DE GNYIS KA GSOL BA 'BA' ZHIG PA'I LAS GCIG GIS GCIG CHAR GO BAR BYA'O, ,ZHES GSUNGS PA'I PHYIR, BZHI PA LA, TSUL SHING 'BRIM PA'I CHO GA DANG, DE LEN PA'I CHO GA @049B GNYIS, DANG PO NI, TSUL SHING 'BRIM PA'I TSE, DANG POR STON PA'I SKU SKAL GYI TSUL SHING NI DGE 'DUN GYI GNAS BRTAN GYIS BLANG NGO, ,DE RJES DGE 'DUN GYI GNAS BRTAN NAS BZUNG STE, DGE SLONG RGAN RIM GYIS STAN LAS PHYED 'PHAGS PA'I SGO NAS LEN, DGE TSUL RNAMS KYI SKAL BA'I TSUL SHING NI, RANG RANG GIS LEN PA'AM, YANG NA RANG GI MKHAN SLOB KYIS LEN, MJUG TU GZHI BDAG GNYUG MAR GNAS PA LA SOGS PA RNAMS KYI SKAL PA LEN DGOS TE, MDO RTZA BA LAS, TSUL SHING 'BRIM MO, ,DANG POR STON PA'I BLANG NGO, ,GZHAN DAG GIS NI STAN LAS PHYED 'PHAGS PAS SO, ,DGE TSUL RNAMS KYI NI SLOB DPON DANG MKHAN PO DAG GIS SO, ,MJUG TU GNYUG MAR GNAS PA RNAMS KYI DE YANG NGO, ,ZHES GSUNGS PA'I PHYIR, BRIMS ZIN NAS SDUD PA'I TSE, TSUL SHING MI 'KHROG PAR BYA BA'I PHYIR DU, DAL BUS DGE SLONG DANG DGE TSUL GYI TSUL SHING BLANGS, MA NOR BAR BSDUS TE, THA DAD DU BGRANGS NAS, BSKOS PA'I DGE SLONG RNAMS KYIS 'DUD PA DANG BCAS 'GRENGS TE, BKRA SHIS KYI GTZUG LAG KHANG 'DI ZHES BYA BAR DBYAR GNAS PAR ZHAL GYIS BZHES PA'I DGE SLONG 'DI TZAM GYIS TSUL SHING BZHES SO, ,ZHES BRJOD CING, DE RJES GRAL LA 'KHOD PA RNAMS KYIS LEGS PAR BZHAS SO, ,SHIN TU BZHES SO ZHES BRJOD DO, ,DE BZHIN DU, DGE TSUL LA YANG RIGS 'GRE BA YIN TE, MDO RTZA BA LAS, DAL BUS BZHAG PAR BYA'O, ,BGRANGS NAS GNAS 'DIR DGE SLONG 'DI SNYED KYIS TSUL SHING BLANGS SO ZHES GO BAR BYA'O, ,ZHES GSUNGS PA'I PHYIR, DNGOS GZHI LA, GNAS STOBS PA DANG, MAL CHA STOBS PA GNYIS LAS, DANG PO NI, DBYAR GYI GNAS DE GANG LA STOBS NA, RAB BYUNG SDE LNGA GANG RUNG GI SDOM PA BSO RUNG YAN CHAD DANG LDAN PA, LUS THA MAL DU GNAS PA, BSAM PA RANG BZHIN DU GNAS PA, BYA BA NI CHOS MA YIN GYI PHYOGS SU SONG BA MIN PA, GNAS NAS PHYUNG BA MIN PA, GNAS DER YOD PA'AM, MED KYANG MCHOD RTEN DANG DGE 'DUN GANG RUNG GI PHYIR SONG BA YIN PA, DBYAR GNAS PA KHAS LEN PA'I MTHUN RKYEN TSANG BA ZHIG LA STOB BO, ,DNGOS PO GANG STOB NA, @050A *, ,SKYE BO KUN LA MKHO BA'I KHYAMS DANG, SGO KHANG DANG, NAD PA'I GNAS MIN ZHING, DGE 'DUN GANG ZAG SOGS LAS BYUNG BA'I THA NA NE'U SING YAN CHAD KYANG STOBS PAR BYA STE, MDO RTZA BA LAS, SHING LJON PA'I DRUNG DANG, NE'U SING GI GZHI DAG LA YANG RGAN RIM BZHIN DU BSKO BAR BYA'O, ,ZHES GSUNGS PA'I PHYIR, BSAM PA GANG GIS STOBS PA NI, DBYAR KHAS LEN PA DANG 'DRA'O, ,CHO GA GANG GIS STOBS PA NI, DBYAR SNGA MA YIN NA, PHYIS DBYAR KHAS LEN PA GZHAN 'BYUNG SRID PAS GNAS MAL 'THEB CIG BZHAG PAR BYA STE, MDO RTZA BA LAS, DBYAR GNAS PAR KHAS BLANGS PA NA, KHA CIG BLO BUR DU 'ONG SRID PAS GNAS DANG, GNAS MAL BZHAG PAR BYA'O, ,ZHES GSUNGS PA'I PHYIR, LHAG MA RNAMS DGE SLONG RGAN RIM NAS SNYOMS PAR STOB BO, ,DE'I TSE BAR DU CHOD PA GZHAN GYIS LEN NA, LAN GNYIS KYI BAR DU MI STER, LAN GSUM PA LA SBYIN NO, ,GZHAN ZHIG GI DON DU RNYED PA 'DOD PAS MA YIN TE, MDO RTZA BA LAS, RNYED PA 'DOD PAS GTZUG LAG KHANG MI NOD DO, ,ZHES GSUNGS PA'I PHYIR, BAR DU CHOD PAS MA YIN, PHYIS 'BYUNG GI DON DU MIN, KUN LA MKHO BA'I RUNG KHANG DANG, GTZUG LAG KHANG GI SGO LCAGS DANG, LDE MIG STOBS SU MI RUNG STE, KUN LA MKHO BA'I GNAS STOBS SU MI RUNG BA'I PHYIR, DE RJES BSKOS PA'I DGE SLONG ZHIG GIS, GZHAN DGE SLONG RE RE'I MDUN DU GNAS KHANG GI SGO LCAGS DGE SLONG RE RE'I LAG TU GTAD DE, BTZUN PA SOGS DGONGS SU GSOL, DBYAR GTZUG LAG KHANG 'DI LA TSUL DANG MTHUN PAR LONGS SPYOD CIG ,CES RE RE NAS BRJOD DO, ,DE RJES BSKOS PA'I DGE SLONG DANG YUL GYI DGE SLONG GNYIS KAS, YUL GYI DGE SLONG DE'I GDING BA LTA BU'AM STAN LA LAG PAS REG STE, DGONGS GSOL SNGAR LTAR LA, DBYAR STAN CHA 'DI LA TSUL DANG MTHUN PAR LONGS SPYOD CIG ,CES RE RE LA BRJOD DO, ,DES NA DBYAR GYI GNAS MAL STOBS PA LA DGOS PA YOD DE, LONGS SPYOD PA DANG BSKYANG BA'I DGOS PA YOD PA'I PHYIR, LONGS SPYOD PA @050B LA DGOS PA YOD DE, RANG NYID BDE BA LA GNAS PA DANG, SBYIN BDAG TSOGS RDZOGS PA'I DGOS PA YOD PA'I PHYIR, BSKYANG BA LA DGOS PA YOD DE, CHUD ZA BA SPANGS PAR BYA BA'I CHED YIN PA'I PHYIR, MAL CHA STOBS PA LA GZHAN RNAMS SNGAR DANG 'DRA LA ZA GU CAN DANG MJE CAN GYI DGE TSUL DANG DGE SLONG MA CHUD ZA'I RIGS LA MAL CHA MI STOB, GZHAN RNAMS LA GANG ZAG DANG DGE 'DUN LAS BYUNG BA'I MAL CHA STOB BO, ,MJUG GI CHO GA LA, GNAS MAL LOGS PAR LONGS SPYOD PA'I DGAG PA DANG, SNYAN GSAN 'BAB PA DANG GNYIS LAS, DANG PO NI, BSKOS PA'I DGE SLONG RNAMS 'GRENGS TE 'DUD PA DANG BCAS PAS, DGE 'DUN BTZUN PA RNAMS GSAN DU GSOL, KHYED CAG LAS GANG GIS KYANG GNAS MAL LA GDING BA MED PAR LONGS SPYOD PAR MI BYA, ZHES SOGS BRJOD PAR BYA'O, ,GNYIS PA NI TSES BCO LNGA LA GNAS MAL STOBS ZIN PA'I RJES SU 'DI SKAD BRJOD DE, BSKOS PA'I DGE SLONG RNAMS KYIS MGRIN GCIG TU, DGE 'DUN SANG SBYIN BDAG CHE GE MO DANG, ZHAL TA BA CHE GE MO DANG, SPYOD YUL GYI GRONG CHE GE MO DANG, NAD G-YOG PA CHE GE MOS ZHAL GYIS BZHES PAR 'GYUR RO, , ZHES BRJOD DO, ,GNYIS PA DNGOS GZHI'I CHO GA LA, SPYIR BTANG DANG, DMIGS BSAL GNYIS LAS, DANG PO NI, NANG PAR SNGA BAR LANGS TE, YUL DGE SLONG GCIG GI DRUNG DU DBYAR KHAS LEN GYI SNGAGS TSIG LAN GSUM BZLAS RJES, THABS LEGS BYA BA YIN NO, ,GNYIS PA DMIGS BSAL NI, GAL TE DBYAR KHAS LEN GYI CHO GA MA GRUB NA, BDAG NYID GCIG BUS GNAS 'DIR ZLA BA GSUM GNAS PAR BYA'O, ,ZHES ZHE THAG PA NAS DAM BCAS PAS, DBYAR KHAS LEN MTSAN NYID PA 'GRUB LA, DE LTA BU'I RAB BYUNG DES NI DBYAR GYI DAM TSIG BSRUNG BA DANG, DGAG DBYE YANG BYA DGOS SO, ,DAM TSIG BSRUNG BA LA, BSKOS PA'I DAM TSIG DANG, KHAS BLANGS PA'I DAM TSIG BSRUNG TSUL GNYIS LAS, DANG PO NI, BSKOS PA'I DGE SLONG DES ZLA BA PHYED PHYED NAS CHUD ZOS MA ZOS LEGS PAR BRTAGS @051A *, ,NAS GNAS MAL LA LOG PAR LONGS SPYOD 'DUG NA, DE LTAR SPYAD PA'I DGE SLONG DE'I SLOB MA YIN NA, SLOB DPON LA BRJOD DE SGROG GO ,DGE SLONG DE'I DE MIN PA'I GZHAN YIN NA, DGE 'DUN LA BRJOD DE SGROG GO ,GNYIS PA NI, GNAS MAL LA THAMS CAD KYIS LONGS SPYOD PA DANG, KLOG PA THOS BSAM DANG, SPONG BA BSAM GTAN LA BRTZON PA DANG, GNAS RAL BA DANG, GRUBS? PA 'CHOS PA DANG, DBYAR RAL BA SPANGS DGOS PA YIN TE, LA LAR 'GRO 'CHAG ,LA LAR NYAL 'DUG ,LA LAR KLOG PA THOS BSAM, LA LAR SPONG BA BSAM GTAN BYA BA'I SGO NAS LONGS SPYOD PA YIN PA'I PHYIR TE, MDO RTZA BA LAS, THAMS CAD YONGS SU SPYAD PAR BYA'O, ,LA LAR KLOG PA DANG, KHA TON DANG, 'DUG PA DANG, 'CHAG PA DAG LAS GANG YANG RUNG BA BYA, ZHES PA NAS, LA LAR SNGA DRO DANG GUNG TSIGS DANG, PHYI DRO 'DUG PAS DE LA SBYAR BAR BYA'O, ,ZHES PA'I BAR GSUNGS PA'I PHYIR, DBYAR RAL BA SPANG BA LA, DE'I RGYU SPANG BA DANG, DE SPANG BA DNGOS GNYIS LAS, DANG PO NI, DBYAR GYI NANG DU LTUNG BA GLENG DRAN DANG, RNYED PA BGO BA DANG, RTZOD PA SOGS MI BYA'O, ,GNYIS PA NI, BYIN GYIS MA RLABS PAR MTSAMS KYI PHYI ROL DU SKYA RENGS 'CHAR BAR MI BYA, CHOS MIN PA'I PHYOGS LA ZHEN CING, DE'I PHYOGS SU SONG NAS SKYA RENGS 'CHAR BAR MI BYA, BYIN GYIS MA RLABS PAR MTSAMS KYI PHYI ROL DU 'GRO MI RUNG STE, MDO RTZA BA LAS, BYIN GYIS MA RLABS PAR MTSAMS KYI PHYI ROL DU SKYA RENGS 'CHAR BAR MI BYA'O, ,ZHES GSUNGS PA'I PHYIR, 'O NA, BYIN GYIS BRLAB TSUL DE GANG YIN ZHE NA, 'DI LA, GNANG BA MA THOB PAS BYIN GYIS BRLAB PA DANG, DE THOB PAS BYIN GYIS BRLAB PA GNYIS LAS, DANG PO NI, YUL DGE SLONG MTSAN NYID DANG LDAN PA'I DRUNG DU BYIN GYIS BRLAB BO, ,GANG ZAG NI, DBYAR KHAS LEN CHAGS LA MA ZHIG PA, CHOS LDAN GYI DGOS PA KHYAD PAR CAN GYI PHYIR DU MTSAMS KYI PHYI ROL @051B DU 'GRO DGOS PA'I DGE SLONG DES BYIN GYIS BRLAB BO, ,DUS NI, DBYAR ZLA GSUM PA'I MTHA'I ZHAG DRUG TSUN LA BYIN GYIS BRLAB BO, ,YUN NI ZHAG BDUN TSUN GYI BYIN RLABS CHAGS TE, MDO RTZA BA LAS, 'DI LA MTHAR THUG PA'I MTHA' NI ZHAG BDUN NYID DO, ,GNANG BA MA THOB PA'I MTHA' DE YIN NO, ,ZHES GSUNGS PA'I PHYIR, GNAS NI MTSAMS NANG DU BYIN GYIS BRLAB BO, ,DGOS PA NI, DBYAR RAL BA SPANG BA'I PHYIR DU'O, ,DE YANG ZHAG BDUN GYI SKYA RENGS SHAR BA TZAM GYIS BYIN GYIS BRLABS PA 'JIG PA MA YIN TE, BYIN RLABS 'JIG PA LA NI ZHAG BDUN GYI NANG DU DGOS DON GRUB PA'AM, GAL TE DE LA DGOS DON MA GRUB NA ZHAG BRGYAD PA'I SKYA RENGS SHAR BA GANG RUNG LA LTOS PA YIN PA'I PHYIR, GNYIS PA NI, DGE 'DUN SPYI'I DON KHYAD PAR CAN ZHAG BDUN GYI KHONGS SU MI 'GRUB CING, DBYAR NANG DU 'GRUB PA'I GANG ZAG LA STER RO, ,STER TSUL NI, DES YUL DGE 'DUN KHYAD PAR GSUM LDAN LA, DE BYIN GYIS BRLAB PA'I GSOL BA BTAB CING, DGE 'DUN GYIS GSOL GNYIS KYI LAS KYIS GNANG BA BYIN NAS, DE RJES BYIN GYIS BRLAB PA SNGAR LTAR BYED DO, ,KHYAD PAR NI, 'DI LA ZHAG BRGYAD NAS, BZHI BCU'I BAR BYIN GYIS BRLAB TU RUNG ZHING, DE LAS LHAG PA MTSAMS KYI PHYI ROL DU GNAS NA DBYAR RAL BAR 'GYUR BA YIN TE, MDO RTZA BA LAS, GZHAN GYI NI ZHAG BZHI BCU'O, ,DE SBYIN NO, ,DE LAS LHAG PAR PHYI ROL DU GNAS PAR MI BYA BA NYID DO, , ZHES GSUNGS PA'I PHYIR, RTZA BA'I GNYIS PA NI, CHOS 'DI PA'I RAB BYUNG SDE LNGA CHAR GYIS DBYAR GZHI GCIG TU GNAS PAR KHAS BLANG BAR BYA BA YIN TE, DES KHYAD PAR DU BYAS PA'I DGOS PA MTHONG BA'I PHYIR, DBYAR DE YUN JI TZAM DU KHAS LEN PA'I TSUL YOD DE, ZLA BA GSUM DU KHAS BLANG PAR BYA BA YIN PA'I PHYIR, DUS NAM GYI TSE KHAS LEN PA'I KHYAD PAR YOD DE, YAR NGO SNGON 'GRO'I DBANG DU BYAS PA'I DBYAR SNGA MA DE DBYAR ZLA 'BRING PO'I NYI'I PHYI DE NYIN BAR DANG, DE'I DBANG DU BYAS PA'I DBYAR PHYI MA DE, DBYAR ZLA THA CHUNG GI NYA'I PHYI DE NYIN BAR KHAS BLANG BAR BYA BA @052A *, ,YIN PA'I PHYIR, ` DBYAR GNAS PAS DGE 'DUN LA MTHONG BA DANG, THOS PA DANG, DOGS PA DAG GIS DGAG DBYE BYA'O, ,DBYAR RNAMS KYI THA MA'I NYI MA LA'O, ,ZHES PA'I SKABS SU SPYI DON DANG, NGAG DON GNYIS LAS, DANG PO NI, DGAG DBYE DE YUL GANG LA BYA BA NI, PHYOGS BCU'I DGE 'DUN LA BYED DGOS TE, MDO RTZA BA LAS, DBYAR GNAS PAS DGE 'DUN LA, ZHES SOGS DANG, DE'I RGYA CHER 'GREL LAS, DGE 'DUN LA GNAS GSUM GYI DGAG DBYE BYA STE, ZHES GSUNGS PA'I PHYIR, RTEN GANG GIS BYA BA NI, KHYAD CHOS DRUG LDAN DGOS TE, RAB BYUNG SDE LNGA GANG RUNG GI SDOM PA GSO RUNG YAN CHAD DANG LDAN PA, SHES PA RANG BZHIN DU GNAS PA, LUS THA MAL DU GNAS PA, GNAS NAS PHYUNG BA MA YIN PA, DGAG DBYE BZHAG PA MIN PA, DBYAR GNAS PAR KHAS BLANGS PA YIN PA'I KHYAD CHOS DRUG LDAN DGOS PA'I PHYIR, BYED PA PO GANG LA GO BAR BYA BA NI, DGAG DBYE BYED PA PO'I DGE SLONG GSUM BSKO BAR BYED DGOS TE, MDO RTZA BA LAS, DGAG DBYE BYED PA PO BSKO BAR BYA'O, ,ZHES PA DANG, DE'I RGYA CHER 'GREL LAS, LAS KYI DANG PO KHO NAR DGE SLONG DGAG DBYE BYED PA PO SPRO BAR BYAS NAS, GSOL BA DANG GNYIS KYI LAS KYIS BSKO BAR BYA'O, ,ZHES GSUNGS PA'I PHYIR, DGAG DBYE BYED PA PO'I DGE 'DUN MANG BA'I STOBS KYIS, DGAG DBYE BYED PA'I YUL DGE SLONG GCIG GIS MA NUS NA TSOGS SU MA LONGS PA'I DGE SLONG DU MA RIM CAN DU BSKOR RUNG STE, MDO RTZA BA LAS, MI NUS NA DU MA'O, ,ZHES PA DANG, DE'I RGYA CHER 'GREL LAS, DGE 'DUN MANG BA'I PHYIR DGAG DBYE BYED PA GCIG GIS MI NUS NA, DGAG DBYE BYED PA DU MA YANG CHO GA SNGAR BSTAN PAS CIG CHAR DUS GCIG TU BSKOR RUNG NGO, ,ZHES GSUNGS PA'I PHYIR, DNGOS PO GANG GIS BYA BA LA, LTUNG BA'I DGAG DBYE NI, RANG GI BSLAB PA'I GZHI MTHA' DAG LA BYED DGOS TE, GZHAN DU NA LTUNG BA MTHA' DAG LA DGAG DBYE MA BYAS NA DGAG DBYE @052B RDZOGS PAR MI 'GYUR BA'I PHYIR, RDZAS KYI DGAG DBYE NI, RANG GI RDZAS KHAB DANG SKUD PA LA SOGS PA YANG RUNG STE, MDO RTZA BA LAS, RANG GI RDZAS GANG YANG RUNG BA THA NA KHAB TZAM GYIS KYANG DGE 'DUN LA RDZAS KYI DGAG DBYE BRTZAM PAR BYA STE, ZHES GSUNGS PA'I PHYIR, GNAS GANG DU BYA BA NI, MTSAMS PO CHE BCAD PA'I GNAS YIN PA ZHIG DGOS TE, LUNG LAS, MTSAMS PO CHE BCAD PA'I GNAS DER DGE SLONG RNAMS KYIS 'DUG TE, GSO SBYONG DENG DGAG DBYE BYA'O, ,ZHES GSUNGS PA'I PHYIR, GNAS LA BLO MTHUN BYA DGOS TE, MDO RTZA BA LAS, LAS GZHAN GYI GNAS KYANG DE YIN NO, ,ZHES GSUNGS PA'I PHYIR, GTZANG ZHING YANGS PA DANG, 'JIGS PA'I NYEN CAN MIN PA'I GNAS YIN PA ZHIG DGOS TE, GSO SBYONG LA DE LTAR DGOS PA'I PHYIR, 'JIGS PA CHEN PO'I GNAS SU GSO SBYONG BYAS KYANG MI CHAGS PA YIN TE, MDO RTZA BA LAS, 'JIGS PA DANG BCAS PA YIN NA, GNAS MDZES PA 'DOD PAS, GRONG DANG MI NYE BAR GSO SBYONG BYAR MI RUNG NGO, ,ZHES GSUNGS PA'I PHYIR, DUS NAM GYI TSE BYA BA NI, DBYAR SNGA MA KHAS BLANGS PA RNAMS KYIS NI, STON ZLA 'BRING PO'I NYA LA BYA ZHING, PHYI MA KHAS BLANGS PA RNAMS KYIS NI STON ZLA THA CHUNG GI NYA LA BYED DGOS TE, MDO RTZA BA LAS, DBYAR RNAMS KYI THA MA'I NYI MA LA'O, ,ZHES PA DANG, DE'I RGYA CHER 'GREL LAS, DBYAR GNAS PA ZLA BA GSUM GYI NYI MA THA MA STE, STON ZLA 'BRING PO'I NYA'AM, STON ZLA THA CHUNG NYA'I NYI MA DE LA'O, ,ZHES GSUNGS PA'I PHYIR, TSUL JI LTAR BYA BA LA SBYOR DNGOS MJUG GSUM LAS, DANG PO SBYOR BA LA, ZHAG BCU'AM, ZLA BA PHYED KYI BAR LA JI LTAR SGRUB PA, TSES BCU BZHI LA JI LTAR SGRUB PA, LAS BYED PA'I MDUN ROL DU JI LTAR SGRUB PA DANG GSUM, DANG PO LA, DU MA YOD DE, DUS 'DI TZAM NAS DGAG DBYE BYED DO, ,ZHES SPYOD YUL GYI GRONG DU SBYIN BDAG LA BRJOD PA DANG, GNAS RAL BA DANG, GRUMS PA BCOS SHING, GTZUG LAG KHANG GSAR PA BRTZIG PA DANG, GTZANG KHANG LA RI MO BRI BA DANG, NANG ZHE KHO NA YOD NA, BZOD PA GSOL BA RNAMS @053A *, ,BYED DGOS TE, MDO RTZA BA LAS, GTZUG LAG KHANG BRGYAN PAR BYA'O, ,KHANG PA BRTZEGS PA DAG BRTZIG GO ,GTZANG KHANG PHYUR BU DAG KYANG RI MO BRI'O, ,MCHOD RTEN DAG GSO BA DANG BYI DOR BYA'O, ,ZHES GSUNGS PA'I PHYIR, GNYIS PA TSES BCU BZHI LA JI LTAR SGRUB PA'I TSUL LA GSUM YOD DE, CHOS 'CHAD PA'I SENG GE'I KHRI LA GDUGS LA SOGS PA'I BRGYAN PAR BYED DGOS PA GANG ZHIG ,CHOS NYAN BSHAD 'BYUNG BA SPYOD YUL DU BRJOD DGOS, MTSAN THOG THAG TU CHOS BSHAD NYAN BYA DGOS PA YIN PA'I PHYIR, RTAGS DANG PO GRUB STE, MDO RTZA BA LAS, SENG GE'I KHRI BRGYAN PAR BYA'O, ,ZHES GSUNGS PA'I PHYIR, GNYIS PA GRUB STE, MDO RTZA BA LAS, DE NUB MTSAN THOG THAG CHOS NYAN PA 'BYUNG BAR 'GYUR GYIS, DER TSE DANG LDAN PA DAG GIS TSOGS PA SBYIN PAR BYA'O, ,ZHES SPYOD YUL DU BRJOD NAS, ZHES GSUNGS PA'I PHYIR, RTAGS GSUM PA GRUB STE, MDO RTZA BA LAS, GSOL BA BTAB PA DAG GIS TSES BCU BZHI'I MTSAN THOG THAG TU CHOS NYAN PA SBYIN PAR BYA'O, ,ZHES GSUNGS PA'I PHYIR, GSUM PA TSES BCO LNGA'I DUS SU LAS KYI MDUN ROL DU JI LTAR SGRUB PA'I TSUL LA DU MA YOD DE, LAS LA 'DUS PA THAMS CAD KYIS BSLAB PA RGAN PA LA PHYAG BYED PA SOGS PHAN TSUN KUN DGA' BAR BYED PA DANG, DGAG DBYE BYED PA'I LONG YOD TSUN CHAD SKYA RENGS 'CHAR BA'I SNGA ROL TU CHOS BSHAD NYAN BYED PA DANG, DGAG DBYE BYED PA PO BSKO BA DANG, BSKOS PA'I DGE SLONG GIS RTZVA DUR BA BRIMS PA DANG, DGAG DBYE BYED PAR BSKOS PA'I DGE SLONG LAS GZHAN PA'I RAB BYUNG RNAMS KYIS DGAG DBYE BYA BA'I PHYIR DU GSOL BA 'BA' ZHIG PA'I LAS BYA BA RNAMS SU YOD PA'I PHYIR, RTAGS DANG PO GRUB STE, MDO RTZA BA LAS, DE'I TSE 'DUS PA THAMS CAD KYIS PHAN TSUN KUN DGA' BAR MA BYAS PAR MI BYA'O, ,ZHES GSUNGS PA'I PHYIR, RTAGS GNYIS PA GRUB TE, MDO RTZA BA LAS, GZHAN LA NI DE DAG GI LAS KYI MDUN ROL TSUN CHAD DU CHOS DANG LDAN PA'I GTAM @053B RNAM PAR GTAN LA PHAB PAS MTSAN 'DA' BAR BYA'I, ZHES GSUNGS PA'I PHYIR, RTAGS GSUM PA GRUB STE, MDO RTZA BA LAS, DGE SLONG DGAG DBYE BYED PA BSKO BAR BYA'O, ,ZHES PA DANG, YANG DE NYID LAS, DGAG DBYE BYA BA'I PHYIR, GZHAN GYIS DGE 'DUN LA GSOL BAR BYA'O, ,ZHES GSUNGS PA'I PHYIR, RTAGS BZHI PA GRUB STE, MDO RTZA BA LAS, DES RTZVA DUR BA BRIM PAR BYA'O, ,ZHES GSUNGS PA'I PHYIR, GNYIS PA DNGOS GZHI'I CHO GA NI, SNGAR BZHIN SPYOD LAM BSTUN NAS, BSKOS PA'I DGE SLONG DANG, DGAG DBYE BYED PA PO GNYIS KYIS RTZVA DUR BA PHAN TSUN BSNOL BA'I RTZE MO GNYIS NAS THA DAD KYI LAG PAS BZUNG NAS, RTZA BA GNYIS THA DAD KYI RKANG PAS MNAN TE GNAS BRTAN SOGS DGONGS SU GSOL, DENG DGE 'DUN GYI DGAG DBYE BCU BZHI PA'AM BCO LNGA PA LAGS TE, BDAG MING 'DI ZHES BGYI BA'I DGAG DBYE YANG BCU BZHI PA'AM BCO LNGA PA LAGS NA, ZHES SOGS KYI SNGAGS TSIG LAN GSUM BRJOD CING THABS LEGS BYA'O, ,DE NAS BSKOS PA'I DGE SLONG GIS, DGAG DBYE BYAS PA'I DGE SLONG GRANGS SU YOD KYI RTZVA RNAMS BSDUS TE, BSKOS PA'I DGE SLONG RNAMS KYIS 'DUD PA DANG BCAS NAS DGE 'DUN BTZUN PA RNAMS GSAN DU GSOL, GNAS 'DIR DGE SLONG GRANGS 'DI TZAM GYIS DGAG DBYE MDZAD DO, ,ZHES BRJOD CING, DE NA GNAS PA'I RAB BYUNG GZHAN RNAMS KYIS KYANG LEGS PAR MDZAD DO, ,SHIN TU MDZAD DO, , NGES DGE TSUL RNAMS LA YANG RIGS 'GRE'O, ,DES NA DGAG DBYE BYED PA'I TSE RTZVA DUR BA LA BRTEN NAS BYED PA'I RGYU MTSAN YOD DE, LUNG GZHI'I 'GREL PA LAS, RTZVA DUR BA LA RTZE MO PHAN TSUN DUD PA YOD PAS, DGE 'DUN RNAMS PHAN TSUN SEMS DANG ZHING 'DUD PA DE MTSON PAR GSUNGS PA'I PHYIR, BOD KYI 'DUL 'DZIN KHA CIG ,DE'I RGYU MTSAN YOD DE, RTZVA DUR BA'I 'DAB MA DE RTZUB RTZUB 'DRA YANG REG NA 'JAM PA BZHIN DU, DGE 'DUN RNAMS KYANG LTUNG BA GLENG DRAN BYAS PAS, RTZUB RTZUB 'DRA YANG, LTUNG BA GLENG DRAN BYAS PAS LTUNG BA DAG NAS @054A *, ,PHAN TSUN SEMS MTHUN PAR GYUR PA DE MTSON PA YIN PA'I PHYIR, ZHES GSUNG NGO, ,RDZAS KYI DGAG DBYE BYA BA'I TSUL NI, BSKOS PA'I DGE SLONG GIS RANG GI RDZAS KHAB YAN CHAD THOGS TE DGE 'DUN LA BSTAN NAS RDZAS KYI RNAM PA 'DI LTA BUS KYANG DGE 'DUN LA DGAG DBYE BGYID RUNG NGO, ,ZHES BRJOD, DE LA LAN MED PA SPANG BA'I PHYIR DU RAB BYUNG GZHAN RNAMS KYIS LEGS PAR RUNG NGO, ,SHIN TU RUNG NGO, ,ZHES BRJOD DO, ,KHA CIG ,DGE TSUL RNAMS KYIS RDZAS KYI DGAG DBYE BYAR MI RUNG STE, DE GTZO BO MA YIN PA'I PHYIR, ZER NA, MI 'THAD DE, DGE TSUL LA RDZAS KYI DGAG DBYE'I RUNG MTHUN SBYAR DGOS PA'I PHYIR, DMIGS BSAL NI, PHAM PA MA GTOGS PA'I LTUNG BA 'DI LTA BU MA GLENG ZHIG ,GZHAN RNAMS LA MTHONG THOS DOGS GSUM GYI DGAG DBYE BGYID DO, ,ZHES GZHI 'JOG LA GANG ZAG MI 'JOG PA'I DGAG DBYE BYED TSUL DANG, GANG ZAG 'DI LAS BYUNG BA'I LTUNG BA MA GLENG ZHIG ,GZHAN RNAMS LA MTHONG THOS DOGS GSUM GYI DGAG DBYE BGYID DO, ,ZHES GANG ZAG 'JOG LA GZHI MI 'JOG PA DANG, DE GNYIS KA BZHAG NAS, LTUNG BA GZHAN RNAMS LA MTHONG THOS DOGS GSUM GYI DGAG DBYE BGYID DO, ,ZHES GNYIS KA 'JOG PA'I RAB BYUNG DE GSUM KAS KYANG DGAG DBYE BYA DGOS TE, BZHAG PA'I LTUNG BA SHAS SHING PHYIR 'CHOS PAR 'DOD LA, LHAG MA RNAMS GLENG DRAN BYED PA'I SGO NAS PHYIR 'CHOS PAR 'DOD PA'I PHYIR, YANG DGAG DBYE'I NYIN MO TSOGS PA MA TSANG BA'AM, DE'I NYIN MO 'THAB KROL CAN BYUNG BA LTA BU'I 'GAL RKYEN DANG LDAN ZHING, MTHUN RKYEN DANG MI LDAN NA, DE'I NYIN GSO SBYONG BYA ZHING DGAG DBYE BYIN GYIS BRLAB PA YIN NO, ,BRLAB TSUL NI GSO SBYONG DANG 'DRA'O, ,DE RJES DE SONG NAS NYA SHI GANG RUNG DANG BSTUN NAS DGAG DBYE BYA'O, ,'O NA, DGAG DBYE BYAS PA LA DGOS PA CI YOD CE NA, DE LA GNYIS YOD PA LAS, LTUNG BA'I DGAG DBYE BYAS PA LA DGOS PA YOD DE, TSUL KHRIMS RNAM PAR DAG CING CHOS RNAM PAR DAG PAR 'GYUR BA'I DGOS PA YOD PA'I PHYIR, @054B GNYIS PA NI, RDZAS KYI DGAG DBYE BYAS PA LA DGOS PA YOD DE, RNYED PA'I SGO DBYE BA DANG SBYIN BDAG RNAMS BSOD NAMS 'PHEL BAR BYA BA'I CHED YIN PA'I PHYIR, CI'I PHYIR DGAG DBYE ZHES BYA NA, DBYAR GYI NANG DU LTUNG BA GLENG DRAN BYED PA BKAG PA LAS, DE RJES LTUNG BA GLENG DRAN GYI SKABS DBYE BAS NA, DE SKAD CES BYA'O, ,DGAG DBYE'I NYIN MO SBYIN BDAG RNAMS KYIS DGE 'DUN LA STON MO DANG, DKON MCHOG LA MCHOD PA DANG, GOS KYI RNYED PA SOGS 'BUL DGOS TE, 'GOG PA LAS LANGS MA THAG PA LA PHUL BA DANG 'DRA BAR BSOD NAMS DPAG MED 'BYUNG BA YIN PA'I PHYIR, RTZA BA'I GNYIS PA NGAG DON NI, RIM PA BZHIN DU, DBYAR GNAS PAS, DBYAR RAL BA'AM, MA RAL KYANG RUNG, DGE 'DUN LA LTUNG BA MTHONG THOS DOGS GSUM GYI DGAG DBYE BYA DGOS TE, DES KHYAD PAR DU BYAS PA'I DGOS PA MTHONG BA'I PHYIR, GZHUNG TSAN GNYIS PA LA, DGAG DBYE BYA BA'I DUS KYANG YOD DE, DBYAR SNGA PHYI'I BYE BRAG GIS STON ZLA 'BRING PO'I NYI DANG, STON ZLA THA CHUNG GA NYA LA BYA BA YIN PA'I PHYIR, ` SRA RKYANG GDING BAR BYA'O, ,ZHES PAR SPYI DON DANG, NGAG DON GNYIS, DANG PO LA, SRA RKYANG DANG BAR GTING BA, BAR DU BRKYANG BA, MTHAR DBYUNG BA DANG GSUM, DANG PO LA, SRA RKYANG DE DGOS PA GANG GI PHYIR GTING BA, GANG ZAG GANG GIS 'DING BA, GNAS GANG DU 'DING BA, DNGOS PO GANG 'DING BA, BYED PA PO GANG GIS 'DING BA, BSAM PA GANG GIS 'DING BA, CHO GA GANG GIS 'DING BA, DUS NAM GYI TSE 'DING BA, YUN JI TZAM DU 'DING BA, SRA RKYANG GI SGRA BSHAD PA DANG BCU YOD PA LAS, DANG PO SRA RKYANG GTING BA LA DGOS PA YOD DE, DGE 'DUN RNAMS GNAS GCIG TU BSDU BAR BYA BA DANG, BDE BAR GNAS SHING SBYIN PA'I CHOS LA LONGS SPYOD PA'I DGOS PA YOD PA'I PHYIR, DANG PO GRUB STE, SRA RKYANG GI PHAN YON MTHONG NAS DGE 'DUN RNAMS DBYAR KHAS LEN LA 'JUG PAR 'GYUR BA'I PHYIR, GNYIS PA GRUB STE, SRA RKYANG GTING NAS DE MA PHYUNG BAR DU 'CHANG 'BRAL 'JOG GSUM, GOS SLONG BA, YANG YANG ZA BA, 'DUS SHING ZA BA, DGE SLONG GZHAN LA MA SMRAS PAR GRONG DU 'GRO BA, BYIN GYIS MA RLABS PAR GOS DU MA 'CHAD PA, CHOS GOS @055A *, ,GSUM MED PAR STOD G-YOGS DANG SMAD G-YOGS TZAM LA BRTEN NAS LAM GYI SUM MDOR 'GRO BA RNAMS LA LTUNG BA MED CING, DE GTING BA'I DGE SLONG MTSAMS GZHAN NA GNAS KYANG DGE SLONG GZHAN LHAG MA RNAMS DANG, DE 'DRA'I DGE SLONG GNYIS GOS KYI RNYED PA THUN MONGS SU DBANG BA YIN PA'I PHYIR TE, MDO RTZA BA LAS, SRA RKYANG GTING NA NI YANG YANG ZA BA DANG, 'DUS SHING ZA BA DANG, MA SMRAS BAR GRONG DU 'GRO BA DANG, GOS SLONG BA LA YANG NYES PA MED LA, DE LAS LHAG MA DAG DANG RNYED PA THUN MONG DU 'GYUR RO, ,ZHES GSUNGS PA'I PHYIR, SBYIN PA'I CHOS LA LONGS SPYOD PA'I DGOS PA YOD DE, RANG BDE BAR GNAS PA DANG, GZHAN SBYIN BDAG GI RGYUD LA BSOD NAMS SPEL BA'I DGOS PA YOD PA'I PHYIR, GNYIS PA NI, GANG ZAG CHOS BCU GCIG DANG LDAN PA'I DGE SLONG ZHIG GIS 'DING DGOS PA YIN NO, ,CHOS BCU GCIG NI, BSNYEN RDZOGS KYI SDOM PA RNAM DAG DANG LDAN PA, LTA TSAN MTHUN PA, BYE BA NA CHOS MIN GYI PHYOGS SU SONG BA MIN PA, THA SNYAD GSUM DANG LDAN PA, SA GZHAN NA GNAS PA MIN PA, SA GZHAN NA GNAS PA THOB PA'I RGYU LA GNAS PA MIN PA STE THUN MONG BA'I CHOS BDUN DANG, THUN MONG MA YIN PA'I CHOS DBYAR GNAS PAR KHAS BLANGS PA, DBYAR RAL PA MIN PA, DBYAR SNGA MA KHAS BLANGS PA, GNAS DE NYID DU GNAS PA KHAS BLANGS PA DANG LDAN PA RNAMS SO, ,GSUM PA NI, DBYAR KHAS BLANGS PA'I GNAS DE NYID DU GDING NGO, , KHA CIG ,DBYAR SNGA MA KHAS BLANGS PA DES SRA RKYANG GDING BA YIN ZHING, 'GREL PAR DBYAR PHYI MA KHAS BLANGS KYANG SRA RKYANG GDING BAR GSUNGS PA NI, 'GREL PA MA DAG PA YIN NO, ,ZER NA, 'GREL BAR, DBYAR PHYI MA KHAS BLANGS PAS SRA RKYANG GDING BAR GSUNGS PA DE MI 'THAD PA YIN PAR THAL, 'GREL PAR, DBYAR PHYI MA KHAS BLANGS PAS SRA RKYANG GDING DU MI RUNG BAR GSUNGS PA'I PHYIR TE, RGYA CHER 'GREL LAS, DBYAR GNAS PA PHYI MAR GNAS PAR KHA LEN PA'I DE'I TSE, DGE 'DUN LHAN CIG TSOGS PA'I DBYAR GNAS PA DE LA MED PAS, DE'I PHYIR DE LA @055B YANG SRA RKYANG GDING BA DE MI 'BYUNG NGO, ,ZHES PA DANG, YANG DE NYID LAS, DE DAG LA SRA RKYANG GDING PA MI 'BYUNG ZHING, SRA RKYANG GI PHAN YON YANG MED DO, ,ZHES GSUNGS PA'I PHYIR, BZHI PA DNGOS PO GANG GDING BA NI, DBYAR GYI MTHA' TSUN LA GRUB PA DBYAR GYI RNYED PA'I RGYU LAS BYUNG BA, GOS KYI RNYED PAR BGRANG DU RUNG BA, RUNG BA CHAD DANG LDAN PA GRANGS TSANG BA ZHIG 'DING NGO, ,GOS KYI RNYED PAR BGRANG DU RUNG YANG, GOS MIN PA NI GOS KYI CHED DU PHUL BA'I RIN PO CHE LTA BU'O, ,GOS KYI RNYED PA MIN PA NI ZAS KYI CHED DU PHUL BA'I RAS YUG LTA BU'O, ,RANG RES SRA RKYANG DU GDING RGYU DE LA RUNG BA TSAD DANG LDAN PA ZHIG DGOS BYAS PA LA, KHO NA RE, RUNG BA LA DU YOD CE NA, DE LA BZHI YOD DE, RGYU'I SGO NAS RUNG BA, DBYIBS KYI SGO NAS RUNG BA, KHA DOG GI SGO NAS RUNG BA, CHO GA'I SGO NAS RUNG BA RNAMS SO, ,DANG PO RGYU'I SGO NAS RUNG BA NI BSHAD BRDABS MA BYAS PA, GNYIS 'PHYANG BA LTA BU'I YA YO MA GYUR PA, MA ZAD PA, BYI BA LA SOGS PAS MA RMUGS PA, SRA BA, MA CHAD PA, 'PHYING BA LTA BU'I MA BTAGS PA MIN PA, BDAG PO SNGA MA DANG BRAL ZHING, PHYI MA DANG PHRAD PA'I PHYAG DAR KHROD PA'I GOS LTA BU PHRAL PHRAD MIN PA ZHIG DGOS SO, ,GNYIS PA DBYIBS KYI SGO NAS RUNG BA NI, LHAN PA CAN MIN PA, LHAN RING CAN MIN PA, MTHUD MA CAN MIN PA, ZUNG CAN MIN PA, DRAS SHING DRUB PA DE YANG RDZOGS PAR GRUB PA ZHIG DGOS SO, ,GSUM PA KHA DOG GI SGO NAS RUNG BA NI, KHRA BO MIN PA RUNG BA'I TSON GYIS KHA BSGYUR BA ZHIG DGOS SO, ,BZHI PA CHO GA'I SGO NAS RUNG BA NI, SNGAR SRA RKYANG DU GTING BA MIN PA DANG, SPANG LTUNG PHYIR BCOS KYI TSE, SPANGS PA MIN PA ZHIG DGOS SO, ,TSAD NI CHE TSAD DU LONGS PA ZHIG GDING LA, DE LAS LHAG KYANG NYES PA MED DO, ,GRANGS NI DGE 'DUN GYI CHOS GOS GSUM PHRUG CIG GDING BA YIN TE, LUNG GZHI LAS, BTZUN PA GANG ZAG GI SNAM SBYAR CHOS GOS GTAN PAR GDING DU RUNG NGAM, NYE BAR 'KHOR MI RUNG NGO, ,GAL TE DGE 'DUN LA PHUL NA RUNG NGO, ,BLA GOS DANG MTHANG GOS LA YANG DE BZHIN NO, ,ZHES PA DANG, MDO RTZA BA LAS, @056A *, ,CHOS GOS GSUM MO ZHES PA DANG, DE'I RGYA CHER 'GREL LAS, GOS KYI RNYED PAR BGRANGS PA DE LAS BSGYUR BA'I CHOS GOS GSUM MO, ,SNAM SBYAR DANG BLA GOS MTHANG GOS GANG YIN PA STE, CHOS GOS GSUM PO DE DAG 'DIR DGE SLONG RNAMS KYIS GNAS BSDU BA DANG, BDE BAR GNAS PAR BYA BA DANG, SBYIN PA PO RNAMS KYIS SBYIN PAR BYA'I CHOS YONGS SU SPYAD PAR BYA BA'I SRA RKYANG DU GDING BAR BYA'O, ,ZHES GSUNGS PA'I PHYIR, DGE SLONG MA RNAMS KYIS NI, SRA RKYANG GDING BA'I TSE CHOS GOS LNGA CHAR SRA RKYANG DU GDING DU RUNG STE, RGYA CHER 'GREL LAS, DE LTA BAS NA DGE SLONG MA RNAMS KYI YANG CHOS GOS LNGA CHAR SRA RKYANG NYID DU GDING BA 'DIS BSTAN PA YIN NO, ,ZHES GSUNGS PA'I PHYIR, DES NA, CHOS GOS GSUM PHRUG CIG NAS, GSUM PHRUG DU MA'I BAR SRA RKYANG DU GDING DU RUNG BYAS PA LA, KHA CIG ,SRA RKYANG DU MA GDING BA DE'I TSE SNAM SBYAR DU MA LA BYIN RLABS GCIG CHAGS PA YIN NAM, BYIN RLABS DU MA CHAGS PA DAG LAS GANG YIN, DANG PO LTAR NA 'DUL BA'I BCAS PA DANG 'GAL LA, GNYIS PA LTAR NA 'TSO BA'I YO BYAD BCU GSUM PO RE RE BA BSHAD PA DANG 'GAL LO, ,ZHE NA, PHYI MA LTAR YIN KYANG SKYON MED DE, SPYIR BTANG LA DE LTAR YIN KYANG SRA RKYANG GTING BA'I TSE, SNAM SBYAR DU MA LA BYIN RLABS CHAGS PA'I PHYIR, DE LTAR MIN NA, CHOS GOS GSUM PHRUG GCIG SRA RKYANG DU GTING BA'I TSE, SNAM SBYAR GCIG LA DGE SLONG JI SNYED DE SNYED CIG GI BYIN RLABS MI CHAGS PAR THAL, SPYIR BTANG LA SNAM SBYAR GCIG LA DGE SLONG JI SNYED DE SNYED KYI BYIN RLABS MI CHAGS PA'I PHYIR, KHA CIG ,SRA RKYANG GDING BA'I TSE CHOS GOS GSUM PHRUG GCIG TSANG BA NGES PAR GDING DGOS ZER NA, MI 'THAD DE, SNAM SBYAR RKYANG PA SRA RKYANG DU GDING DU RUNG BA'I PHYIR TE, CHOS GOS GSUM PHRUG GCIG SRA RKYANG DU GTING BA DE'I TSE BYIN RLABS SO SOR CHAGS LA THUN MONGS SU SRA RKYANG GI BYIN RLABS GCIG MI CHAGS PA GANG ZHIG ,SNAM SBYAR RKYANG PA SRA RKYANG DU GTING BA DE'I TSE SRA @056B RKYANG GI BYIN RLABS MI CHAGS PA'I RGYU MTSAN GZHAN MED PA'I PHYIR, RTAGS DANG PO KHAS, LNGA PA BYED PA PO GANG GIS BYA BA NI, GSOL GNYIS KYI LAS KYIS BSKOS PA'I DGE SLONG GIS SRA RKYANG GTING BA'I BYA BA BYED DO, ,BSKO BA'I TSE GRANGS NI CHOS GOS GSUM PHRUG DU YOD KYI GRANGS DANG MNYAM PA'I DGE SLONG RGYUD TSOGS SU MA LONGS PA BSKO DGOS TE, MDO RTZA BA LAS, DE JI SNYED PA'I GDING BAR BYED PA'O, ,ZHES PA DANG, DE'I RGYA CHER 'GREL LAS, CHOS GOS GSUM PHRUG DE JI SNYED YOD PA DE SNYED KYI GDING BAR BYED PA'I DGE SLONG YANG BSKO BAR BYA'O, ,ZHES BYA BA'I THA TSIG GO ,ZHES GSUNGS PA'I PHYIR, DRUG PA BSAM PA NI, GZHAN RNAMS SNGAR DANG 'DRA BA LA, KHYAD PAR DU SBYOR BA'I DUS SU SRA RKYANG GDING BAR 'GYUR RO SNYAM PA DANG, DNGOS GZHI'I DUS SU DE GDING NGO SNYAM PA DANG, 'JUG TU DE GTING NGO SNYAM PA STE BSAM PA SKYED DGOS SO, ,BDUN PA CHO GA LA, SBYOR BA, DNGOS GZHI, MJUG GI CHO GA DANG GSUM, DANG PO LA, DGE 'DUN GYIS BYA BA DANG, BSKOS PA'I DGE SLONG GIS BYA BA'I TSUL DANG GNYIS LAS, DANG PO NI, TSOGS PAS MOS PAR BYA BA DANG, MTSAMS KYI NANG DU SRA RKYANG LA GSOL GNYIS KYIS LAS KYIS BLO MTHUN PA BYAD PA PO BSKO BA, GSOL BA 'BA' ZHIG PA'I LAS BYAS TE, SRA RKYANG GI RGYU BSKOS PA'I DGE SLONG LA SPRAD PA, DE'I NYIN MO RANG RANG GI CHOS GOS GSUM GYI BYIN RLABS DBYUNG BA RNAMS BYED DGOS SO, ,KHO NA RE, TSOGS PAS MOS PAR BYED DGOS NA, DE LTAR DGOS PA'I TSUL GANG YIN ZHE NA, SRA RKYANG GI RGYU RNYED PA'I NYIN MO DGE 'DUN GYI DBUS SU DGE SLONG GCIG GIS 'GRENGS TE, SRA RKYANG GI RGYU DE LAG TU THOGS NAS 'DI LA DGE 'DUN GYI SRA RKYANG BYA'O, ,ZHES BRJOD PA'O, ,GNYIS PA NI, TSES BCO LNGA TSUN LA BYA BA'I TSUL NI, DE'I RGYU'I GOS DE BGOS NAS, BKRU BA DANG, KHA BSGYUR BA DANG, DRAS SHING, DRUB PA RNAMS BYED DGOS TE, MDO RTZA BA LAS, BKRU BA DANG, DRUB PA DANG, KHA BSGYUR BA DAG LA DES SNGON DU 'GRO BAR BYA'O, ,ZHES GSUNGS PA'I PHYIR, @057A *, ,TSES BCO LNGA'I NYIN MO SANG DGE 'DUN SRA RKYANG GDING BAR 'GYUR BAS, RANG RANG GI CHOS GOS BYIN GYIS RLABS PA DBYUNG BA GSHEGS PAR MDZOD CIG ,CES SNYAN GSAN 'DEBS DGOS TE, MDO RTZA BA LAS, TSE DANG LDAN PA DAG ,BDAG SANG SRA RKYANG GDING BAR 'GYUR GYI, KHYED CAG GIS RANG RANG GI CHOS GOS RNAMS DBYUNG BAR BYA'O, ,ZHES TSOGS PA LA BRJOD PAR BYA'O, ,ZHES GSUNGS PA'I PHYIR, SRA RKYANG BYIN RLABS BYED PA'I TSE, RANG RANG GI CHOS GOS BYIN RLABS DBYUNG DGOS TE, SNGA MA DE MA DBYUNG NA SRA RKYANG LA BYIN RLABS MI CHAGS PA'I PHYIR TE, MDO RTZA BA LAS, SNGA MA MA DBYUNG BAR PHYI MA MI CHAGS, ZHES GSUNGS PA'I PHYIR, GNYIS PA DNGOS GZHI'I CHO GA LA, TSES BCU DRUG GI SNGA DRO GTZUG LAG KHANG CHAG CHAG BTABS PA, PHYAGS BDAR BYED PA, STAN 'DING BA, GANdI BRDUNG BA STE, DGE 'DUN 'DU BA'I SKABS RJES SU BSGRUB PAR BYAS RJES, DE NAS BSKOS PA'I DGE SLONG GIS SRA RKYANG GDING BA POR GTOGS PA'I DGE SLONG GI DRUNG DU SRA RKYANG GDING RGYU'I CHOS GOS GSUM DRI BZANG DANG, ME TOG GIS MCHOD CING, DRI ZHIM PO'I THUM BU DU MA DANG BCAS PA GZEB KYI DKROG MAR LHAN CIG TU BZHAG PA DE PANG DU THOGS NAS DGE 'DUN RNAMS TSOGS PA'I MDUN DU THUN MONGS SU 'GRENG STE, DGE 'DUN BTZUN PA RNAMS GSAN DU GSOL, CHOS GOS 'DI NI DGE 'DUN GYI SRA RKYANG DU GOS MTHUN PAR BGYIS PA LAGS, BDAG DGE SLONG MING 'DI ZHES BGYI BA NI, SRA RKYANG GDING BAR BSKOS PA LAGS TE, 'DI LTAR GNAS BSDU BA DANG, DGE SLONG RNAMS BDE BAR GNAS PAR BGYI BA DANG, SBYIN PA PO RNAMS KYIS SBYIN PAR BYA BA'I CHOS YONGS SU SPYAD PA'I SLAD DU, BDAG SRA RKYANG GDING BA DGE SLONG MING 'DI ZHES BGYI BAS CHOS GOS 'DI DGE 'DUN GYI SRA RKYANG DU GDING BAR BGYI'O, ,GNAS GANG DU SRA RKYANG GDINGS PAR CHOS GOS RNYING PA RNAMS DANG YANG 'BRAL BAR MI 'GYUR NA GSAR PA RNAMS LTA CI SMOS, ZHES LAN GSUM BZLAS NAS GTING NGO, ,GSUM PA MJUG GI CHO GA NI, BSKOS PA'I DGE SLONG GIS GTING ZIN PA'I SRA RKYANG DE @057B SNOD DANG BCAS PA PANG DU THOGS TE, DGE SLONG RGAN RIM NAS BZUNG RE RE'I MDUN DU GNAS BRTAN NAM, TSE DANG LDAN PA DGONGS SU GSOL, CHOS GOS 'DI NI ZHES PA NAS, TSIG GZHAN RNAMS SNGAR DANG 'DRA BA LA, SRA RKYANG DU GDING LA ZHES PA'I TSAB TU GTING BA ZHES BCUG NAS LAN GSUM BRJOD PA'I MTHAR, GRAL LA 'KHOD PA RNAMS KYIS DGE SLONG RE RES KYANG LEGS PAR GTING NGO, ,SHIN TU GTING NGO, ,'DI LA RNYED PA DANG PHAN YON GANG YOD PA DE BDAG GI YANG YIN NO, ,ZHES LAN CIG BRJOD, BRGYAD PA DUS NI, DBYAR SNGA MA KHAS BLANGS PA'I DGE SLONG RNAMS KYIS NI, SMIN DRUG ZLA BA'I MAR NGO'I TSES GCIG NAS, KHRA'I ZLA BA'I YAR NGO'I TSES BCO LNGA'I BAR 'DING DGOS PA YIN TE, ME TOG PHRENG RGYUD LAS, SMIN DRUG NAS NI KHRA YI BAR, ,SRA RKYANG GDING BA'I DUS SU GSUNGS, ZHES PA DANG, LUNG GZHI LAS, JI SRID DU CHOS GOS GTAN PAR GDING BAR BGYI, ZLA BA LNGA'I BAR DU'O, ,ZHES GSUNGS PA'I PHYIR, DGU PA YUN JI SRID DU GDING BA YANG SHES NUS SO, ,BCU PA SGRA BSHAD PA NI, DE LTAR GDING BA'I CHOS GOS GSUM PO 'DI CHOS CAN, KHYOD LA SRA RKYANG ZHES BRJOD PA'I RGYU MTSAN YOD DE, CHOS GOS GANG DU GTING BA'I GTAN PA SPANG LEB DANG 'DRA BA'I RGYU MTSAN GYIS DE LTAR BSHAD PA'I PHYIR, DE YANG 'DRA STE, SPANG LEB KYI STENG DU CHOS GOS GNYER KHUM MED PAR GTING BA DANG, SPANG LEB DES CHOS GOS LA KHYAB PA DANG, SPANG LEB KYI STENG NA GLEGS BU DANG, SNAM PHRAN DU MA GNAS PA BZHIN DU, KHYOD GTING BA'I DBANG GIS GTING BA PO'I DGE SLONG KUN LTUNG BA BCU LA BAG YONGS SU GNAS PAS BAG KHUM PA MED PAR BRKYANG BA DANG, KHYOD KYI PHAN YON DGE SLONG KUN LA KHYAB PA DANG, KHYOD KYI STENG NA DGE SLONG DU MA'I CHOS GOS BYIN RLABS GNAS PA YIN PA'I PHYIR, DE LTAR BSTAN PA LA DGOS PA YOD DE, 'DRA BA GSUM PO DE RTOGS PAR BYA BA'I CHED YIN PA'I PHYIR, RTZA BA'I GNYIS PHA BAR DU SKYONG BA NI, BSKOS PA'I DGE SLONG GIS SKYONG LA, DE MED NA, SRA RKYANG SBED PA POR BSKOS PA'I DGE SLONG GIS SKYONG LA, SKYONG TSUL LA CHUD ZA BA SPONG BA DANG, MA GUS @058A *, ,PA SPANG BA DANG, RANG 'JUG BRAL SPANG BA'I SGO NAS SKYONG TSUL DANG GSUM LAS, DANG PO NI, RLUNG LA BSRANG BA DANG, NYI MA LA BSRANG BA DANG, RDUL SPRUG PAR BYA ZHING, KHYIM DU BA CAN DANG, RDUL CAN DU BZHAG PAR MI BYA STE, MDO RTZA BA LAS, DUS DUS SU BSENGS PAR BYA, BSRANG BAR BYA, SPRUG PAR BYA, KHYIM DU BA CAN DU BZHAG PAR MI BYA'O, ,RGYAL PO'I PHO BRANG DU BZHAG PAR MI BYA'O, ,ZHES SOGS GSUNGS PA'I PHYIR DANG, DE'I THAD KYI tIK CHEN LAS KYANG, SRA RKYANG GDING BA'I DGE SLONG DES GTING NGO, ,SRA RKYANG DE JI LTAR SKYONG ZHE NA, DES DUS DUS SU RLUNG LA BSRANG BAR BYA, NYI MA LA BSRANG BAR BYA, RDUL SPRUG PAR BYA'O, ,ZHES SO, ,GNYIS PA NI, SRA RKYANG GYON NAS MI GTZANG BA 'DOR BA'I SPYOD LAM SOGS SU MI 'JUG STE, MDO RTZA BA LAS, MI GTZANG BA'I SKYABS SU MI 'JUG GO ,ZHES GSUNGS PA'I PHYIR, GSUM PA NI, SRA RKYANG BSRUNG MKHAN MED PAR SKYA RENGS 'CHAR BAR MI BYA, SRA RKYANG KHYER NAS MTSAMS KYI PHYI ROL DU 'GRO BAR MI BYA STE, MDO RTZA BA LAS, DE DANG 'BRAL BAR MI BYA'O, ,KHYER TE GZHAN DU 'GRO BAR MI BYA'O, ,ZHES PA DANG, DE'I THAD KYI tIK CHEN LAS, DES CHOS GOS DE DANG MTSAMS KYI PHYI ROL TU SKYA RENGS SHAR GYI BAR DU 'BRAL BAR MI BYA'O, ,DES DE KHYER TE MTSAMS KYI PHYI ROL GZHAN DU 'GRO BAR MI BYA'O, ,ZHES GSUNGS PA'I PHYIR, ` RTZA BA'I GSUM PA MTHAR SRA RKYANG DBYUNG BA'I TSUL LA, RANG 'JUG BRAL GYIS DBYUNG BA DANG, BCOS MAS DBYUNG BA GNYIS LAS, DANG PO LA, DGE 'DUN MTHA' DAG GI RANG 'JUG BRAL DANG, GANG ZAG SGOS KYI RANG 'JUG BRAL GNYIS LAS, DANG PO LA BDUN YOD DE, SRA RKYANG MTSAMS KYI PHYI ROL DU KHYER BA DANG, BSRUNG MKHAN MED PAR MTSAMS NANG DU SKYA RENGS SHAR BA DANG, RTEN SRA RKYANG DU GTING BA'I DNGOS PO RLAG PA DANG, BYED PA PO DGE SLONG MIN PAR GYUR BA DANG, RE BA CHAD PA DANG, DUS LA MI LTOS PA DANG, 'PHEN PA ZAD PA RNAMS SU YOD PA'I PHYIR, GZHAN RNAMS GO SLA LA, RE BA CHAD PA NI, SRA RKYANG LA MI @058B LTOS PA'I BLO NAM SKYES PA NA SRA RKYANG PHYUNG BA YIN TE, MDO RTZA BA LAS, BSAM PA GNAS PA NI GTINGS PA YIN NO, ,ZHES PA DANG, DE DANG BRAL BA PHYUNG BA YIN NO, ,ZHES GSUNGS PA'I PHYIR, DUS LA MI LTOS PA NI, SNGA DRO SRA RKYANG GTING NAS, PHYI DRO GLO BUR DU LHAGS PA'I DGE SLONG MANG POS, DE RING TSES BCO LNGA YIN PAS GSO SBYONG BYA'O ZHES ZER NA, GNYUG MAR GNAS PAS KYANG, GSO SBYONG BYA DGOS TE, DE'I TSE DGE SLONG MANG BA'I RJES SU 'JUG PAR GSUNGS PA YIN PA'I PHYIR, DES NA DE'I NYIN TSES BCU DRUG YIN PA'I BLO ZHIG NAS, BCO LNGA YIN PA 'DUG SNYAM PA'I BLO SKYES PA'I TSE, SRA RKYANG SNGA MA'I BYIN RLABS ZHIG PA YIN PAS, DE'I NYIN GSO SBYONG BYAS NAS SRA RKYANG GDING BA'I SBYOR BA RNAMS BYAS NAS SANG SRA RKYANG GDING DGOS SO, ,RGYU MTSAN DES NA GANG ZAG GCIG LA GNAS GCIG GI NANG DU SRA RKYANG LAN GNYIS GDING BA SRID DO, ,'PHEN PA ZAD PA NI, SRA RKYANG GTING NAS ZLA BA LNGA SONG NAS ZLA BA DRUG PA'I MAR NGO'I TSES GCIG GI SKYA RENGS SHAR BA'I DUS SU DE'I 'PHEN PA ZAD PA YIN NO, ,GAL TE SRA RKYANG GTING ZIN PA'I 'OG TU DE GDING BA PO'I DGE 'DUN RNAMS CHOS PHYOGS PA DANG CHOS MIN GYI PHYOGS GNYIS SU BYE BA NA, DE GNYIS KA SRA RKYANG GTING BA CHAGS PA YOD LA, DBYUNG BA'I TSE NI SO SOR DBYUNG DGOS TE, MDO RTZA BA LAS, GTING NAS BYA BA DAG LA NI DE THA DAD PAR 'GRUB BO, ,ZHES PA DANG, DE'I tIK CHEN LAS, SRA RKYANG GTING NAS DGE 'DUN PHYOGS GNYIS SU BYE BA DAG LA NI, SRA RKYANG DBYUNG BA DE THA DAD PAR 'GRUB KYIS, TSOGS NAS KYANG MI DBYUNG LA GCIG GIS PHYUNG BAS CIG SHOS KYIS PHYUNG BA YANG MA YIN NO, ,ZHES GSUNGS PA'I PHYIR, YANG DE'I TSE DGE 'DUN CHOS PHYOGS PAS SRA RKYANG GI BYIN RLABS DBYUNG BA NA, SRA RKYANG DES GNAS DER ZHAG MA LON PA DGOS TE, DE LTAR LON NA DGE 'DUN CHOS MIN PHYOGS PA RNAMS LA RANG 'JUG BRAL 'BYUNG BA YIN PA'I PHYIR, KHA CIG ,DGE 'DUN SPYI'I RANG 'JUG BRAL LA BYED PA PO DGE SLONG MIN PAR GYUR BA DANG, RE BA CHAD PA GNYIS 'DREN PA MI 'THAD PAR THAL, DE GNYIS GANG ZAG SO SO @059A *, ,LA SHES CHE BA'I PHYIR, ZER NA MA KHYAB STE, SRA RKYANG GTING BA'I TSE DGE 'DUN SPYI LA YANG DE GNYIS 'BYUNG SRID PA'I PHYIR, GNYIS PA LA, MA MA SUM CUS DBYUNG BA DANG, GANG ZAG SO SO'I DRAN ZHING MIN PAS DBYUNG BA GNYIS LAS, DANG PO NI, SPYIR MA MA DA LA SUM CU YOD DE, MTSAMS LA RE BA MED PA'I MA MA, MTSAMS LA YID GNYIS ZA BA'I MA MA, MTSAMS LA RE BA YOD PA'I MA MA STE GSUM PO DE LA BRGYAD BRGYAD YOD PA'I PHYIR, DE BZHIN DU, RNYED PA LA YID GNYIS ZA BA'I MA MA DRUG RNAMS SU YOD PA'I PHYIR; DANG PO MTSAMS LA RE BA MED PA'I MA MA LA BRGYAD YOD DE, SBYOR 'GRO'I MA MA BZHI DANG, NGES 'BYED KYI MA MA BZHI RNAMS SU YOD PA'I PHYIR, DANG PO BZHI YOD DE, 'BREL MED GCIG DANG, 'BREL BCAS GSUM YOD PA'I PHYIR, DANG PO NI, SRA RKYANG GTING BA'I DGE SLONG GCIG MTSAMS NANG DU ZLA BA LNGA'I BAR DU MI LDOG CING RNYED PA LA LTOS MED KYI BLO SKYES NAS, MTSAMS KYI PHYI ROL DU NAM 'DAS PA NA, DE'I SRA RKYANG GI BYIN RLABS RANG ZHIG TU 'GYUR TE, 'DI NYID LAS, MTSAMS LAS 'DAS PA NA DE GRUB BO, ,PHYIR MI 'ONG BA'I BSAM PAS SO, ,ZHES GSUNGS PA'I PHYIR, 'BREL BCAS GSUM NI, DGE SLONG GCIG MTSAMS NANG DU ZLA BA LNGA'I BAR LA MI LDOG LA, 'ON KYANG RNYED PA LA LTOS SO SNYAM PA'I BSAM PAS PHYI ROL DU SONG BA'I TSE, GZHAN RNAMS KYIS SRA RKYANG DUS KYI SNGAR DBYUNG NA, DE'I NGOS SKAL GYI SRA RKYANG YOD CING DBYUNG BA MA THOS KYI BAR DU PHAN YON 'JUG STE, DER NYAMS SU MA MYONG BA DANG LDAN PA LA NI, ZHES GSUNGS PA'I PHYIR, DE'I BYIN RLABS YOD DE, DE 'JIG PA'I RGYU GZHAN MED CING, DE'I RNYED PA LA RE BA BYIN RLABS KYI RTEN DU YOD PA'I PHYIR, 'O NA, GANG GI DBYUNG SNYAM NA, RNYED PA'I DNGOS PO LAG TU THOB PA LTA BU'I BYED PA MTHAR THUG PA DANG, DNGOS PO RLAG PA'I GTAM THOS PA LTA BU'I RTZOM PA ZHIG PA DANG, RNYED PA'I DNGOS PO LA LTOS PA'I BSAM PA CHAD PAS DBYUNG STE, BYED PA MTHAR THUG PA DANG, RTZOM PA @059B ZHIG PA DANG, BSAM PA RGYUN CHAD PA RNAMS LA DE GNAS SO, ,ZHES GSUNGS PA'I PHYIR, NGES 'BYED LA 'BREL MED GCIG DANG, 'BREL BCAS GSUM LAS, MTSAN GZHI NI DGE SLONG GCIG MTSAMS KYI PHYI ROL DU DE DAG SKYES PA MA GTOGS SNGAR DANG 'DRA, RANG 'JUG BRAL DANG BCOS MA'I KHYAD PAR NI BYIN RLABS DBYUNG 'DOD KYI BSAM PA MA BTANG BAR DE'I BYIN RLABS RANG ZHIG TU GYUR PA NI DANG PO DANG, DE SNGON DU BTANG STE LAS KYI CHO GAS DBYUNG BA NI GNYIS PA YIN NO, ,SBYOR 'GRO DANG, NGES 'BYED KYI KHYAD PAR NI, MTSAMS LA RE BA MED PA'I BLO MTSAMS NANG DU SKYES PA NI DANG PO DANG, PHYI ROL DU SKYES PA NI GNYIS PA YIN NO, 'BREL BCAS DANG, 'BREL MED KYI KHYAD PAR NI, DE'I RNYED PA LA LTOS PA'I BLO DANG BCAS PA NI DANG PO DANG, DE MED PA NI GNYIS PA YIN NO, ,MTSAMS LA YID GNYIS ZA BA'I MA MA LA BRGYAD YOD DE, SBYOR 'GRO BZHI DANG, NGES 'BYED BZHI YOD CING, DE RE RE LA 'BREL MED GCIG RE DANG 'BRAL BCAS GSUM GSUM YOD LA, DE'I MTSAN GZHI NI, SRA RKYANG GTING BA'I DGE SLONG GCIG ZLA BA LNGA'I NANG DU MTSAMS NANG DU LDOG MI LDOG YID GNYIS ZA ZHING RNYED PA LA LTOS MED KYI BLO SKYES TE MTSAMS LAS 'DAS PA NA, DE'I BYIN RLABS RANG ZHIG TU SONG BA SOGS SNGAR DANG 'DRA, 'DI'I SBYOR 'GRO DANG NGES 'BYED KYI KHYAD PAR NI, MTSAMS LA YID GNYIS ZA BA'I BLO MTSAMS NANG DU SKYES PA DANG PO DANG, DE MTSAMS KYI PHYI ROL DU SKYES PA GNYIS PA YIN NO, ,YANG MTSAMS LA RE BA YOD PA'I MA MA BRGYAD YOD DE, 'BREL MED GNYIS DANG, 'BREL BCAS DRUG YOD PA'I PHYIR, DANG PO GNYIS KYI MTSAN BZHI NI, DGE SLONG GCIG MTSAMS NANG DU ZLA BA LNGA'I NANG DU LDOG LA DE'I RNYED PA LA NI MI LTOS SNYAM PA'I BSAM PAS SONG STE, DE'I CHA GZHAN RNAMS KYIS DE'I BYIN RLABS SNGAR DBYUNG BA NA DE'I BYIN RLABS MI 'JIG STE, DE'I 'JIG RGYU GZHAN MED CING, MTSAMS LA RAB BCAS TE, DE'I BYIN RLABS KYI RTEN DU YOD PA'I PHYIR, DES NA DE 'DRA'I DGE SLONG DES MTSAMS KYI PHYI ROL DU DE'I BYIN RLABS DBYUNG BA THOS PA NA 'BREL MED @060A *, ,GCIG DANG, MTSAMS KYI NANG DU THOS PA NA 'BREL MED GCIG STE 'BREL MED GNYIS YIN NO, ,'BREL BCAS DRUG NI, SRA RKYANG GTING BA'I DGE SLONG GCIG MTSAMS NANG DU ZLA BA LNGA'I NANG DU LDOG CING, RNYED PA LA RE BA'I BLO SKYES NAS MTSAMS KYI PHYI ROL TU SONG BA DE'I TSE, DE'I BYIN RLABS MI 'JIG TE, MTSAMS RNYED LA RE BA DE, DE'I BYIN RLABS KYI RTEN DU YOD PA'I PHYIR, DE'I RANG 'JUG BRAL DRUG TU 'GYUR TE, DE MTSAMS KYI PHYI ROL TU BYED PA MTHAR THUG PA'I DBYUNG BA, BRTZAM PA ZHIG PAS DBYUNG BA, BSAM RGYUN CHAD PAS DBYUNG BA DANG GSUM, DE MTSAMS KYI NANG DU BYUNG STE, BYED PA MTHAR THUG PAS DBYUNG BA, BRTZAM PA ZHIG PA'I DBYUNG BA, BSAM RGYUN CHAD PA'I DBYUNG BA GSUM TE DRUG YOD PA'I PHYIR, YANG RNYED PA LA YID GNYIS ZA BA'I MA MA DRUG YOD DE, DGE SLONG GCIG MTSAMS NANG DU MTSAMS DANG, RNYED PA GNYIS KA LA YID GNYIS ZA BA'I BLO SKYES TE, MTSAMS LAS 'DAS MA THAG TU ZHIG PA DANG, MTSAMS KYI PHYI ROL TU DE 'DRA BA'I BLO SKYES TE ZHIG PA GNYIS, YANG RNYED PA LA YID GNYIS ZA ZHING MTSAMS LA RE BA MED PA'I BLO MTSAMS NANG DU SKYES TE, MTSAMS LAS 'DAS MA THAG TU ZHIG PA DANG, MTSAMS KYI PHYI ROL TU DE 'DRA BA'I BLO SKYES TE ZHIG PA GNYIS, YANG RNYED PA LA YID GNYIS ZA ZHING MTSAMS LA RE BA YOD PA'I BLO MTSAMS NANG DU SKYE STE, PHYI ROL TU SONG BA NA, GZHAN RNAMS KYI SRA RKYANG DUS KYI SNGAR DBYUNG BA'I GTAM MTSAMS KYI PHYI ROL TU THOS TE DBYUNG BA DANG, DE 'DRA BA'I GTAM MTSAMS KYI NANG DU THOS TE DBYUNG BA GNYIS TE DRUG YOD PA'I PHYIR, DE DAG LA MA MA ZHES BRJOD PA'I RGYU MTSAN YOD DE, MA LA BU 'BYIN PA'I NUS PA YOD PA LTAR, DE DAG LA YANG BYIN RLABS DBYUNG BA'I NUS PA YOD PAS DE LTAR BSHAD PA'I PHYIR, DE DAG LA DE'I NUS PA YOD DE, LUNG LAS, MA MA BRGYAD KYIS SRA RKYANG GI BYIN RLABS DBYUNG STE, ZHES GSUNGS PA'I PHYIR, GNYIS PA GANG ZAG SO SO'I DRAN ZHING MIN PAS DBYUNG BA'I TSUL NI, SRA RKYANG GTING BA DRAN RUNG DU MED PAR @060B BRJED PAR GYUR PA NA DE RANG DBYUNG DU SONG BA YIN PA'I PHYIR, GNYIS PA BCOS MAS DBYUNG BA LA, GANG ZAG NI DGE 'DUN KHYAD PAR GSUM LDAN GYIS DBYUNG NGO, ,DNGOS PO NI SRA RKYANG DU GTING BA'I CHOS GOS LA CHAGS LA MA ZHIG PA'I BYIN RLABS DE DBYUNG NGO, ,GNAS NI MTSAMS NANG DER DBYUNG DGOS TE, DE 'DRA'I DGE 'DUN GYI MTSAMS KYI PHYI ROL TU PHYIN PA NA RANG DBYUNG DU SONG BA YIN PA'I PHYIR, BSAM PA SNGAR DANG 'DRA, CHO GA NI, GSOL BZHI'I LAS KYIS DBYUNG, DUS NI, SNGAR DBYUNG BA DANG, DUS SU DBYUNG BA GNYIS, DANG PO NI, SRA RKYANG GTING BA'I TSE, CHOM RKUN PA SOGS KYI 'JIGS PA'I NYEN YOD NA NYA SHI GCIG DANG BSTUN NAS SNGAR DBYUNG NGO, ,GNYIS PA NI, DBYID ZLA RA BA'I NYA LA DBYUNG DGOS LA, DE YANG GSO SBYONG GI MTHA' LAS DBYUNG DGOS TE, MDO RTZA BA LAS, GSO SBYONG GI MTHA' MIN PA LA MI BYA'O, ,DBYUNG BA YANG NGO, ,ZHES GSUNGS PA'I PHYIR, DES NA BCOS MAS DBYUNG BA LA DGOS PA YOD DE, BSLAB PA BAG YANGS SU GNAS PA YUN RING BA DGAG PAR BYA BA DANG, SANGS RGYAS KYI BCAS PA DANG MTHUN PA DANG, SRA RKYANG GI RNYED PA LA LONGS SPYOD PAR BYA BA'I CHED YIN PA'I PHYIR, RTZA BA'I GSUM PA NGAG DON NI, RTZA BA'I GZHUNG LAS SRA RKYANG GTING BAR BYA BA YIN TE, DES KHYAD PAR DU BYAS PA'I DGOS PA MTHONG BA'I PHYIR, DUS DUS SU BSENGS PAR BYA ZHES SOGS LA SRA RKYANG SKYONG TSUL YOD DE, DUS DUS SU RLUNG LA BSENGS, NYI MA LA BSRANGS, DE'I RDUL SPRUG PA SOGS BYA BA YIN PA'I PHYIR, DBYUNG BA NI RNAM PA GNYIS TE ZHES SOGS LA, DE DBYUNG TSUL LA GNYIS YOD DE, RANG 'JUG BRAL GYIS DBYUNG BA DANG, LAS KYIS DBYUNG BA GNYIS YOD PA'I PHYIR, DGAG DBYE JI LTA BA BZHIN DU 'DING ZHES SOGS LA SRA RKYANG GDING BA'I DUS YOD DE, DBYAR SNGA MA KHAS BLANGS NAS, STON ZLA 'BRING PO'I NYA LA DGAG DBYE BYAS NAS, DE JI LTA BA BZHIN DU DE'I PHYE DE NYIN PAR DE 'DING BAR BYA BA YIN PA'I PHYIR, GZHAN LUGS CUNG ZAD BKAG NA, KHA CIG ,DGE TSUL YIN NA, RANG NYID KYIS DBYAR KHAS @061A *, ,BLANGS NAS DGAG DBYE BYAS TE, SRA RKYANG 'DING KHAR DGE SLONG BYAS NA SRA RKYANG GDINGS SU MI RUNG BAS KHYAB, ZER NA, DE MI 'THAD PAR THAL, DE RUNG BA YOD PA'I PHYIR, LUNG ZHU BA LAS, DGE TSUL DBYAR TSUL DU ZHUGS PA BSNYEN PAR RDZOGS TE ZLA BA GSUM 'DAS PAS GTAN PA GTING NA, GTAN PA GTING BA ZHES BYA'O, ,ZHES GSUNGS PA'I PHYIR, KHA CIG ,DBYAR GNAS GTZUG LAG KHANG GCIG TU KHAS BLANGS NAS, DE LAS GZHAN PA'I GTZUG LAG KHANG GCIG TU SRA RKYANG GDINGS SU RUNG BA MED DO, ,ZER NA, DE YOD PAR THAL, GTZUG LAG KHANG SHAR MAR DBYAR KHAS BLANGS PA LA, GTZUG LAG KHANG NUB MA'I GNAS SU SRA RKYANG GDINGS SU RUNG BA YOD PA'I PHYIR, GTZUG LAG KHANG SHAR NUB GNYIS KYI DGE 'DUN RNAMS GTZUG LAG KHANG SO SOR DBYAR KHAS BLANGS NAS, SRA RKYANG 'DING KHAR GTZUG LAG KHANG SHAR NUB GNYIS MTSAMS PO CHE GCIG GIS BSKOR BA NA, GTZUG LAG KHANG SHAR NUB KYI DGE 'DUN RNAMS SRA RKYANG GNAS GCIG TU GTING BAS CHOG PA'I PHYIR TE, MDO RTZA BA LAS, DE GTING BA'I TSE DE NA GNAS PA DE NYID YIN NO, ,GTING NAS, ZHES SOGS GSUNGS PA'I PHYIR, KHA CIG ,KHO BO MA 'ONG BA'I BAR LA BRIMS PA YOL BAR MA BYED CIG ,CES MA SMRAS PAR RANG NYID KYIS SNGAR GRONG GSUM RGYUS PA LA NYES PA MED PA YIN TE, LUNG ZHU BA LAS, MA SMRAS PAR GRONG DU RGYU BA DANG, ZHES GSUNGS PA'I PHYIR, ZER NA, DE MI 'THAD PAR THAL, LUNG DES NI DUS MIN PAR MA SMRAS PAR GRONG DU 'GRO BA LA NYES PA MED PAR BSTAN PA YIN PA'I PHYIR TE, MDO RTZA BA LAS, MA SMRAS PAR GRONG DU 'GRO BA DANG, ZHES GSUNGS PA'I PHYIR, KHA CIG ,BYE BA NA CHOS MA YIN GYI PHYOGS SU SONG BA'I DGE 'DUN GYIS SRA RKYANG GTING NA CHAGS PA MED DO, ,ZER NA, DE YOD PAR THAL, DBYAR GNAS PA'I DGE 'DUN BYE BA NA BYE BA'I GNAS DER CHOS MIN PHYOGS PA DANG, CHOS PHYOGS PA GNYIS KA'I LAS SO SOR CHAGS PA'I PHYIR TE, MDO RTZA BA LAS, 'DI LA SO SO RANG RANG GI LAS CHAGS SO, ,ZHES PA DANG, @061B DER GZHAN DAG GIS BYAS KYANG GNAS KYI RNYED PA NI DE DAG LA 'OS PA NYID YIN NO, ,ZHES GSUNGS PA'I PHYIR, KHA CIG ,MA MA SNGAR BSHAD PA DE RNAMS SU MA NGES PAR THAL, SRA RKYANG GTING BA'I DGE SLONG YUL GZHAN DU PHYIN NAS, SRA RKYANG GI GNAS SU SLAR 'ONGS PA'I TSE, SRA RKYANG GI GNAS 'DIR MI SDOD, RNYED PA YANG MI BLANG SNYAM PA'I BSAM PA MTSAMS NANG DU SKYES PA DANG, YANG PHYIR SONG NAS MTSAMS KYI PHYI ROL TU MTSAMS DANG RNYED PA GNYIS LA RE BA MED PA'I BLO SKYES PA NA, DE'I SRA RKYANG GI BYIN RLABS ZHIG TE RANG 'JUG BRAL GNYIS PO DE PHYIR 'ONGS NA YANG NGO, ,ZHES PA'I MDO RTZA BA'I GZHUNG GIS BSTAN PA'I PHYIR TE, RGYA CHER 'GREL LAS, 'DIS KYANG SBYOR BAS 'GRO BA DANG, NGES PAR BYED PA GNYIS KYI BYE BRAG GIS GNAS SKABS GZHAN BSTAN PA YIN NO, ,ZHES GSUNGS PA'I PHYIR, ZER NA, 'O NA, SNGA MA DE SBYOR BAS 'GRO BA'I MA MA YIN PAR THAL, KHYOD KYI DAM BCA' DE 'THAD PA'I PHYIR, 'DOD NA, DE SBYOR BAS 'GRO BA'I MA MA 'BREL MED YIN PAR THAL, 'DOD PA DE'I PHYIR, 'DOD NA, DE'I LUS DANG SRA RKYANG GI MTSAMS NANG MA 'BREL BAR THAL, 'DOD PA'I PHYIR, KHYAB STE, MDO RTZA BA LAS, MTSAMS LAS 'DAS PA NA, DE 'GRUB BO, ,ZHES GSUNGS PA'I PHYIR, GZHAN YANG, KHYOD KYI 'DOD PA LTAR GYI MA MA PHYI MA DE NGES PAR BYED PA'I MA MA YIN PAR THAL, KHYOD KYI DAM BCA' DE 'THAD PA'I PHYIR, 'DOD NA, MDO RTZA BA LAS, PHYIR 'ONGS NA YANG ZHES PA'I GZHUNG 'DI DANG, YANG MDO RTZA BA LAS, MTSAMS KYI PHYI ROL DU DE SKYES NA YANG NGO ZHES PA'I GZHUNG 'DI GNYIS LA BZLOS SKYON YOD PAR THAL, DE GNYIS KAS NGES PAR BYED PA'I MA MA BSTAN PA'I PHYIR, DES NA, GONG GI RGYA CHER 'GREL GYI LUNG GI DON NI, SRA RKYANG BYIN RLABS ZHIG NAS PHYIR 'ONGS NA BYIN RLABS SOR CHUD DAM SNYAM PA'I DOGS PA BSAL BA'I PHYIR DU YIN TE, RANG GI RNAM BSHAD LAS, CHAD PAR 'GYUR BA DE RJES SU 'GRUB PAR 'GYUR RAM ZHE NA MIN TE, PHYIR 'ONG NA YANG NGO ZHES SMOS TE, ZHES PA DANG SBYOR BAS 'GRO BA DANG, @062A *, ,NGES PAR BYED PA'I MA MAS SRA RKYANG ZHIG NAS MTSAMS KYI PHYIR 'ONGS NA YANG MI PHAN TE, ZHIG ZIN PA'I BYE BRAG GZHAN YIN PA'I PHYIR, ZHES PA 'DI, MDO RTZA BA LAS, MTSAMS KYI PHYI ROL DU DE SKYES NA YANG NGO, ,ZHES PA'I GZHUNG GI DON YIN PA NI, RGYA CHER 'GREL GYI LUNG DE'I DON YIN NO,, ` MTSON GYIS MA DRAS PA'I GOS SPYAD PAR MI BYA'O, ,ZHES PA DANG, DRAS SHING DRUB PA CHOS GOS NYID DU BYIN GYIS BRLAB PAR BYA'O, ,ZHES PA RNAMS KYI SKABS SU, SPYI DON DANG, NGAG DON GNYIS, DANG PO LA GOS JI LTAR BSGRUB PA'I TSUL DANG, GOS KYI RNAM GZHAG DNGOS BSHAD PA GNYIS, DANG PO LA, GOS KYI RGYU'I RNYED PA RNAM PAR BZHAG PA DANG, DE LAS GRUB PA'I GOS KYI RNAM GZHAG BSHAD PA GNYIS, DANG PO LA, RNYED PA DBANG BA DANG, MI DBANG BA'I KHYAD PAR BSHAD PA DANG, RNYED PA BGO BA'I CHO GA BSHAD PA DANG GNYIS LAS, DANG PO LA, DBYAR RNYED NI DBYAR KHAS BLANGS PA RNAMS DBANG, SRA RKYANG GI RNYED PA NI DE GTING PA RNAMS DBANG, CHOS SMRA BA'I RNYED PA NI DE NYID DBANG BA YIN TE, MDO RTZA BA LAS, CHOS KYI RNYED PA NI DE SMRA BA RNAMS DBANG BA NYID YIN NO, ,ZHES GSUNGS PA'I PHYIR, GNAS KYI RNYED PA NI, GNAS DE'I GZHI BDAG GAM KHRIMS LUGS SOR GZHAG GI BDAG PO DBANG, SBYIN BDAG GIS DGE 'DUN YUL 'DI LA 'BUL LO, ,ZHES YUL NGES NGES BYAS PA NI DE NYID DBANG, 'ON KYANG, DGE 'DUN GYI NANG KHRIMS KYI DBANG GIS 'DI LTA BU BYUNG NA, 'DI DBANG ZHES BCAS PA MDZAD PA NI, DE NYID BTZAN PAS DE LTAR BYA'O, ,MDO RTZA BA LAS, DGE TSUL DANG DGE TSUL MA RNAMS LA RNYED PA SUM GNYIS SBYIN PA DANG, BSNYEN PAR RDZOGS PAR 'DOD PA'I DGE TSUL LA RNYED PA MNYAM PAR SBYIN PAR GSUNG ZHING, DE LTAR GSUNGS PA 'DI NI LUNG SIL BU LAS DGE TSUL DANG, DGE TSUL MA DAG LA SUM GNYIS SBYIN PAR BYA'O, ,BSNYEN PAR RDZOGS PAR 'DOD PA DANG, DGE SLONG MA DAG LA MNYAM PAR SBYIN PAR BYA'O, ,ZHES GSUNGS PA LA BRTEN @062B PA YIN NO, ,'OD LDAN LAS NI, SNGA MA GNYIS LA SUM CHA DANG, PHYI MA GNYIS LA SUM GNYIS STER BAR BSHAD DO, ,DE NI GOS KYI RNYED PA LA SOGS PA'I DBANG DU BYAS PA YIN NO, ,ZAS KYI RNYED PA NI MNYAM POR BGO ,BRDAR BTAGS PA'I CHOS KYI RNYED PA NI, CHOS SMRA BA RNAMS DBANG, TSOGS SPYOD KYI RANG RGYAL GYI MCHOD RTEN DANG, NYAN THOS KYI MCHOD RTEN LA PHUL BA'I RNYED PA NI, DGE 'DUN GYIS BGO BSHA' BYA, BSE RU RANG SANGS RGYAS DANG, DE DAG GI MCHOD RTEN DANG, SANGS RGYAS DANG, DE'I MCHOD RTEN DANG, BYANG CHUB SEMS DPA' DANG, DE'I MCHOD RTEN GYI RNYED PA NI, DE DAG MCHOD PA'AM, ZHIG GSOS KYI PHYIR BZHAG PAR BYA ZHING, MCHOD RTEN DE RNAMS KYI KHYAD PAR NI, 'OG TU GNAS MAL GYI GZHI'I SKABS SU 'CHAD DO, ,KHYAD PAR DU RAB BYUNG SHI BA'I LHUNG BZED SOGS NI GANG ZAG GI DBANG DU BYAS NA RAB BYUNG GI SDOM PA GSO RUNG YAN CHAD DANG LDAN PA, LTA MTSAN MTHUN PA, GNAS NAS MA BYUNG BA BYE BA NA CHOS MIN GYI PHYOGS SU MA SONG BA ZHIG DBANG, DUS NI BYIN GYIS RLOB PA'I DUS SU SLEBS PA DBANG GI MA SLEBS PA MI DBANG, SHI BA'I YO BYAD BYIN GYIS RLOB TSUL NI 'OG TU 'CHAD, RAB BYUNG DGON PAR SHI BA'I YO BYAD NI SHUL NA 'DUG PA DE DBANG, KHYIM DU SHI NA DE'I LHUNG BZED SOGS NI KHYIM PA DES GANG BYIN PA DE DBANG, YANG DE SLONG BA PO BYUNG NA SLONG BA PO DE NYID DBANG LA SLONG BA PO SNGA PHYIR BYUNG NA SNGA MA DBANG, DUS MNYAM DU BYUNG NA THUN MONGS SU DBANG NGO, , RAB BYUNG BU LON CAN SHI NA JI TZAM 'JAL DGOS PA'I BU LON DE KHO BA'I RDZAS KYI STENG NAS GZHAL LO, ,DE'I RDZAS BGOS ZIN NA YANG BSDUS NAS GZHAL LO, ,'JAL RGYU MED NA MA GTOGS SO, ,GAL TE DE LA YO BYAD DRUG TSAN PA DU MA YOD NA, TSAN PA GCIG NAD G-YOG DBANG ZHING, NAD G-YOG DU YOD KYANG GCIG LAS MI DBANG LA, GZHAN RNAMS DGE 'DUN GYIS BGO BAR BYA'O, ,RAB BYUNG DE NYID SHI BA'I SNGA ROL DU YO BYAD GZHAN LA BYIN ZIN NA, DE NYID DBANG GI GZHAN LA BSGYUR DU MED LA, NGA SHI BA'I RJES SU 'DI LA BYIN CIG CES PA'I KHA @063A *, ,CHEMS LA RTZI MI DGOS TE, RAB BYUNG NOR LA LTOS MED YIN PA'I PHYIR, KHYIM PAS DE LTA BU'I KHA CHEMS BYAS PA LA NI RTZI DGOS TE, KHYIM PA DE NOR LA LTOS PA DANG BCAS PA YIN PA'I PHYIR, RTAGS CAN SHI BA'I YO BYAD LA BU DANG CHUNG MA SOGS NI CI DGAR SBYIN, GLANG PO CHE DANG, RTA DANG, BONG BU DANG, GO CHA SOGS NI RGYAL PO LA 'BUL, RIN PO CHE NI DKON MCHOG LA 'BUL, KHYAD PAR MU TIG DANG, TSON RTZI RNAMS NI SANGS RGYAS DKON MCHOG LA 'BUL, MTSON CHA RNAMS NI DGE 'DUN LA 'BUL ZHING; DGE 'DUN GYIS KYANG MKHAR GSIL SOGS BYA YI, SROG GI PHYIR YANG GZHAN LA MI 'TSONG NGO, ,DE'I ZHING KHANG MGAR DPYAD, BRAN PHO MO, RA LUG ,MA HE GLEGS BAM, SMAN SOGS NI RE ZHIG LA BZHAG GO ,GZHAN RAS DANG, RAS YUG CAN DANG, LHAM DANG, 'BRU MAR GYI SNOD RNAMS NI BGO BAR BYA'O, ,'BRU DANG BZA' BTUNG STA GON BYAS PA RNAMS NI 'PHRAL LA BZA' BAR BYA'O, ,GNYIS PA RNYED PA BGO BA'I CHO GA BSHAD PA NI, DGE SLONG GI DGE 'DUN GRANGS CHANG BA KHA SKONG GI CHOS LNGA DANG LDAN PA, MI MTHUN PA GNYIS DANG BRAL BAS BGO'O, ,BYED PA PO NI GSOL GNYIS KYI LAS KYIS BSKOS PA'AM, LUNG BOR BAS BGO'O, ,TSAD NI PU SA LA'I 'DAB MA TZAM DANG, GOS NI MAR ME'I SNYING PO TZAM YANG BGO STE, MDO RTZA BA LAS, PU SA LA'I 'DAB MA GANG DANG, MAR ME'I SNYING PO TZAM DES KYANG SNYOMS PAR BYA BA'I PHYIR, BGO BSHA' BYA'O, ,ZHES GSUNGS PA'I PHYIR, PU SA LA'I 'DAB MA NI, 'U SU'I 'DAB MA YIN PAR tIKA CHEN LAS BSHAD DO, ,BGO BA'I SNGAR LONGS SPYOD NA BCAG PA DANG, BSHAGS PAS CHUD ZA BA RNAMS NI BTZONGS NAS BGO'O, ,CHO GA NI SNYAN GSAN PHAB PA DANG, GANdI BRDUNG BA DANG, TSUL SHING BRIMS PA DANG, GRANGS BZUNG BA DANG, RANG RANG GI SKAL BA BRIMS PA RNAMS YIN NO, ,LEN TSUL NI RANG RANG GI SKAL BA NI GRAL MTSAMS SU LEN, SKAL BA LEN @063B DU BCUG NAS MA BLANGS NA, DES DE LA SBYIN PA BSAB DGOS SO, ,SPYIR BTANG LA MA BCOL BA'I SKAL BA MI LEN CING, DMIGS BSAL NI MKHAN PO DANG, SLOB DPON GYI SKAL BA NI MA BCOL YANG LEN NO, ,SKAL BA LEN PA'I TSE 'DI 'DI'I YIN NO, ,ZHES DBANG PO DANG BCAS LEN NO, , DES SPYIR BSHAD NAS YO BYAD BGO TSUL BYE BRAG DU BSHAD NA, SHI BA'I RDZAS BGO TSUL DANG, DBYAR RNYED BGO TSUL GNYIS LAS, DANG PO NI, DANG POR RO DBYUNG, DE RJES RA BSREG PA SOGS RIM GRO DANG, DE RJES CHOS NYAN PA DANG, YON BSHAD PA DANG, BYIN GYIS BRLABS PA SOGS BYAS NAS BGO TSUL SNGAR LTAR BYA'O, ,'O NA BYIN GYIS BRLAB TSUL JI LTAR ZHE NA, 'DI LA GSOL BA'I LAS KYIS BYIN GYIS BRLAB TSUL DANG, DANG PO DANG THA MAS BYIN GYIS BRLAB TSUL GNYIS LAS, DANG PO NI, GSOL BA 'BA' ZHIG PA'I LAS KYI CHO GA'I SGO NAS BYIN GYIS BRLAB PA YIN ZHING, DE'I LAS KYI CHO GA NI, KARMA SHA TAM NA GSAL LO, ,GNYIS PA NI, DGE 'DUN TSOGS PA'I GRAL MGO MA'I DGE SLONG BGRES PA LA YO BYAD DE NAS GCIG 'BUL ZHING, GRAL BSHAM MA LA YO BYAD DE NAS GCIG 'BUL BA NI, DANG PO DANG THA MAS BYIN GYIS BRLAB TSUL YIN TE, MDO RTZA BA LAS, DE LAS 'GA' ZHIG DGE 'DUN GYI RGAN PA DANG, GSAR BU GNYIS LA SBYIN PA NI DE ZHES BYA'O, ,ZHES GSUNGS PA'I PHYIR, GNYIS PA, DBYAR RNYED NI DBYAR PHAL CHE BAR GNAS NA RJES SU RAL KYANG DBYAR RNYED DBANG, GNAS NAS PHYUNG BA NI DBYAR RNYED MI DBANG, MTSAMS GNYIS SHING LEB DANG, RE LDE LA SOGS PA'I RDZAS GCIG GIS BSNAN NAS KHAS BLANGS PAS NI PHYOGS GNYIS CHAR GYI DBYAR RNYED KYI STENG NAS CHA RE RE DBANG, GNAS GZHAN DU DBYAR KHAS BLANGS NAS 'DIR GNAS NA PHAL CHER GANG DU GNAS PA'I RNYED PA DE DBANG NGO, ,GNYIS PA DE LAS GRUB PA'I GOS KYI RNAM GZHAG BSHAD PA LA, GOS DRUB PA'I TSUL, GOS KYI DBYE BA, PHYE BA SO SO'I RANG BZHIN, GOS LA LONGS SPYOD PA'I TSUL, GOS RUNG BA DANG MI RUNG BA'I KHYAD PAR BYE BRAG TU BSHAD PA DANG LNGA, DANG PO LA, DRA BA, DRUB PA, @064A *, ,BGRU BA, KHA BSGYUR BA DANG BZHI LAS, DANG PO NI, CHOS GOS RNAM GSUM GYI DBANG DU BYAS NA, GRUB NA DRAS DRUB BYA DGOS TE, KARMA SHA TAM LAS, DRA BO, SDEB BO ZUNGS GDAB BO, ,ZHES PA DANG, MDO RTZA BA LAS, DRAS SHING DRUB PA CHOS GOS NYID DU BYIN GYIS BRLAB PAR BYA'O, ,ZHES DANG, DE'I RGYA CHER 'GREL LAS, GLEG BU DRAS SHING DRUB PA ZHES BYA BA'I THA TSIG GO ,ZHES GSUNGS PA'I PHYIR, DRAS DRUB MA GRUB NA, LHAN THABS SU GLAN PAR BYA DGOS TE, KARMA SHA TAM LAS, YANG NA 'DI LA LHAN THABS SU GLAN NO, ,ZHES PA DANG, MDO RTZA BA LAS, GAL TE MA 'BYOR NA LHAN THABS SU GLAN NO, ,ZHES GSUNGS PA'I PHYIR, SNAM SBYAR DRAS DRUB BYED TSUL NI, SNAM SBYAR RAB KYI RAB DRA BA NA GLEG BU RANG PO BRGYA DANG GLEGS BU PHYED PA NYI SHU RTZA LNGA STE, BRGYA DANG NYI SHU RTZA LNGAR DRA'O, ,GNYIS PA DRUB PA'I TSE, GLEGS BU RANG PO BZHI 'THUD NAS PHYED PA GCIG BYA SPU GNON GYI TSUL DU 'THUD DO, ,DE YANG SNGA MA SNGA MA'I 'PHRO LHAG PA DE TZAM DU PHYI MA PHYI MA'I SNE SLEB PAR SBYAR BAS, GLEGS BU PHYED DANG LNGA PA NYI SHU RTZA LNGA 'BYUNG LA, NYI SHU RTZA LNGA PO DE LA NI SNAM PHRAN NAM CHAL BU ZHES BYA ZHING, MA 'THUD PA SO SO BA RNAMS LA NI GLEGS BU ZHES BYA, DE YANG CHE BA RNAMS LA GLEGS BU DANG, CHUNG BA RNAMS LA GLEGS BU PHYED PA ZHES BYA STE, RGYA CHER 'GREL LAS, 'DIR SNAM PHRAN ZHES BYA BA'I SGRA NI SRID DU BTANG BA'I TSAL BU LA BYA'O, ,ZHES GSUNGS PA'I PHYIR, DES NA, PHYED DANG LNGA PA GCIG DBUS SU BYAS NAS, DE'I G-YAS G-YON DU SNAM PHRAN BCU GNYIS BCU GNYIS BYA SPU GNON DU SBYAR BAS SNAM PHRAN KHA PHYOGS PHYOGS SU LTA BA ZHIG 'BYUNG NGO, ,GONG MA'I TSAL BU 'PHRO LHAG PA TZAM PHYI MA PHYI MA'I SNE MOR SLEB PAR SBYAR BAS, TSAL BU'I KHA PHYOGS PHYOGS SU LTA BA 'BYUNG STE, MDO RTZA BA LAS, DBUS NAS GZHAN DU GLEGS BU'I 'PHRO PHYOGS PHYOGS SU LTA BA NYID DANG, ZHES PA DANG, DE'I RGYA CHER 'GREL LAS, PHYOGS PHYOGS SU ZHES ZLOS BUR BYA STE, G-YAS PHYOGS KYI GLEGS BU RNAMS KYI 'PHRO YANG @064B G-YAS PHYOGS SU PHYI RGYUD DU LTA LA G-YON PHYOGS KYI GLEGS BU RNAMS KYI 'PHRO YANG G-YON PHYOGS SU PHYI RGYUD DU LTA'O, ,ZHES GSUNGS PA'I PHYIR, YANG SNAM PHRAN DBUS MA'I GLEGS BU PHYED PA DE'I G-YAS G-YON GNYIS SU GLEGS BU CHANG MA RE YOD PA'I SNAM PHRAN RE SBYAR LA DE BZHIN DU SNAM PHRAN GZHAN RNAMS SNOL MAR SBYAR BAS SNAM PHRAN SNREL GZHI NYID 'BYUNG BA YIN TE, MDO RTZA BA LAS, SNAM PHRAN SNREL GZHI NYID DANG, ZHES PA DANG, DE'I RGYA CHER 'GREL LAS, SNREL GZHI ZHES BYA BA NI SNAM PHRAN DE DAG GI TSAL BU RNAMS KYI SNA DRANG THAD DU MA BAB PAR MTHO DMAN MI MNYAM PA NYID KYIS 'GRUS THABS NYID DU 'DUG PA'O, ,ZHES GSUNGS PA'I PHYIR, DES NA, SNREL GZHI ZHES PA NI THOD RGAL GYI BRDA RNYING YIN LA, DE GNYIS KA RIM PA 'CHOL BA'I MING YIN, 'DIR NI, GLEGS BU RNAMS RIM PA 'TSOL BAR SGRIG DGOS ZHES PA'I DON YIN NO, ,SNAM SBYAR GYI MTHA' SKOR NI LHAN THABS SU GLAN DGOS TE, MDO RTZA BA LAS, MTHA' BSKOR BA NYID DAG GIS SO, ,ZHES PA DANG, DE'I RGYA CHER 'GREL LAS, MTHA' BSKOR BA NYID CES BYA BA NI CHU ZHENG GI MTHA' 'KHOR BAR MTHA' SKOR GYIS BSKOR BA'O, ,ZHES GSUNGS PA'I PHYIR, BLA GOS LA DRAS DRUB BYED PA'I TSE GLEGS BU CHE BA BCU BZHI DANG GLEGS BU PHYED PA BDUN TE NYI SHU RTZA GCIG DRA BA YIN TE, BLA GOS DE LA SNAM PHRAN BDUN PA KHO NA BYA DGOS PA'I PHYIR TE, KARMA SHA TAM LAS, SNAM PHRAN BDUN PAR BYIN GYIS BRLAB BO, ,ZHES GSUNGS PA'I PHYIR, DE YANG GLEGS BU CHE BA GNYIS GNYIS 'THUD PA'I RJES SU GLEGS BU PHYED PA RE 'THUD PAS GLEGS BU PHYED DANG GSUM PA DE 'BYUNG LA, DE YANG BLA GOS LA GLEGS BU PHYED DANG GSUM PA DE NYID DU NGES PA YIN TE, KARMA SHA TAM LAS, GLEGS BU PHYED DANG GSUM PAR BYIN GYIS BRLAB BO, ,ZHES GSUNGS PA'I PHYIR, GLEGS BU PHYED DANG GSUM SBREL BA'I CHA BDUN PO DE LA SNAM PHRAN ZHES BYA STE, RGYA CHER 'GREL LAS, 'DIR SNAM PHRAN NI SRID DU BTANG BA'I CHAL BU LA BYA YI, ZHES GSUNGS PA'I PHYIR, BLA GOS KYI MTHA' SKOR TSAD DANG LDAN PA NI LHAN THABS SU GLAN DGOS SO, ,MTHANG GOS LA DRAS DRUB BYED PA'I TSE, GLEGS BU CHE BA LNGA DANG, GLEGS BU PHYED PA LNGA STE BCUR DRA BA YIN NO, , @065A *, ,DE YANG CHE BA RE RE LA CHUNG BA RE RE 'THUN PAS GLEGS BU PHYED DANG GNYIS PA DE 'BYUNG ZHING, MTHANG GOS DE YANG, GLEGS BU PHYED DANG GNYIS SU NGES PA YIN TE, DE BYIN GYIS RLOB PA'I TSE, KARMA SHA TAM LAS, GLEGS BU PHYED DANG GNYIS PA DANG SNAM PHRAN LNGA PAR BYIN GYIS BRLAB BO, ,ZHES GSUNGS PA'I PHYIR, DE'I MTHA' SKOR NI SNGAR DANG 'DRA'O, ,GDING BA LA DRAS DRUB BYED PA'I TSE, SUM CHA SUM GNYIS SU DRAS NAS SUM GNYIS KYI STENG NAS SOR BZHI LHAG PA BYA ZHING DE'I 'OG TU SUM CHA SBYAR BAS GLEGS BU PHYED DANG GNYIS PA DE 'BYUNG NGO, ,DE LTAR YANG MDO RTZA BA LAS, 'OG ROL GYI SUM CHA'I DANG POR ZHES PA'I DON DANG MTHUN PA YIN NO, ,GNYIS PA GOS KYI DBYE BA BSHAD PA LA, 'TSO BA'I YO BYAD KYI GOS BSHAD PA DANG, LHAG PA'I YO BYAD KYI GOS BSHAD PA DANG, MKHO BA'I YO BYAD KYI GOS BSHAD PA DANG GSUM DANG PO LA, GTZO CHE BA'I DBANG DU BYAS PA DANG, PHRAN TSEGS KYI DBANG DU BYAS PA GNYIS, DANG PO NI, 'TSO BA'I YO BYAD KYI GOS KYI GTZO BO DE LA BCU GSUM DU YOD DE, MDO RTZA BA LAS, SNAM SBYAR DANG, BLA GOS DANG, MTHANG GOS DANG, SHAM THABS DANG, SHAM THABS KYI GZAN DANG, RDUL GZAN DANG, RDUL GZAN GYI GZAN DANG, GDONG PHYIS DANG, RNAG GZAN DANG, G-YAN PA DGAB PA DANG, SKRA GZED DANG, GDING BA DANG, DBYAR GYI GOS RAS CHEN BCANG BAR BYA'O, ,ZHES GSUNGS PA LTAR YIN PA'I PHYIR, GSUM PA PHYE BA SO SO'I RANG BZHIN NI, BCU GSUM PO DE YANG RE RE BAR NGES PAS RANG MING GIS BYIN GYIS RLOB DGOS TE, MDO RTZA BA LAS, CHOS GOS GNANG BA DE NYID DU BYIN GYIS BRLABS TE BCANG BAR BYA'O, ,ZHES GSUNGS PA'I PHYIR, DE RNAMS LA TSAD DANG DBYIBS NGES PA CAN YOD CING, DE YANG TSAD NI, CHOS GOS GSUM LA CHE TSAD LA SRID DU KHRU LNGA, ZHENG DU KHRU GSUM, CHUNG TSAD LA SRID DU KHRU PHYED DANG LNGA DANG, ZHENG DU KHRU PHYED DANG GSUM, DE GNYIS KYI BAR NI 'BRING TSAD YIN NO, ,CHOS GOS GSUM GYI NANG NAS SNAM SBYAR LA RAB SKOR GSUM, @065B 'BRING SKOR GSUM, THA MA SKOR GSUM STE DGU YOD DO, ,DE YANG RAB KYI RAB LA SNAM PHRAN NYER LNGA PA, NYER GSUM PA, NYER GCIG PA BYA ZHING GLEGS BU PHYED DANG LNGA PA BYA'O, ,'BRING SKOR GSUM NI, 'BRING GI RAB LA SNAM PHRAN BCU DGU PA, 'BRING GI 'BRING LA BCU BDUN PA, 'BRING GI THA MA LA BCO LNGA PA BYA ZHING, DE GSUM KA LA GLEGS BU PHYED DANG BZHI MA BYA'O, ,THA MA SKOR GSUM NI, THA MA'I RAB LA SNAM PHRAN BCU GSUM MA, 'BRING LA BCU GCIG MA, THA MA'I THA MA LA DGU MA BYA ZHING, DE GSUM KA LA, GLEGS BU PHYED DANG GSUM MA BYA'O, ,RTAGS 'GOD TSUL NI, GZHI THAMS CAD YOD PAR SMRA BA'I LUGS LA, AUD PAL DANG RIN PO CHE DANG, PADMA DANG, SHING LJON PA'I GZUGS CAN 'GOD DO, ,PHAL CHEN SDE PA RNAMS NI, SNAM PHRAN NYER GSUM PA NAS, BDUN PA'I BAR DANG, RTAGS LA DUNG GI GZUGS CAN 'GOD PAR 'DOD, MANG BKUR BA'I SDE PA RNAMS NI, SNAM PHRAN NYER GCIG PA NAS, SNAM PHRAN LNGA PA'I BAR DANG, RTAGS 'GOD PA'I TSE, SO RTZI KA'I ME TOG GI GZUGS CAN 'GOD DO, ,GNAS BRTAN PA'I SDE PA NI, YOD PAR SMRA BA'I SDE PA DANG MI MTHUN ZHING, BOD 'DIR YANG YOD PAR SMRA BA'I SDE PA'I LUGS DAR RO, ,MTHANG GOS LA CHA TSAD NI GONG DU BSHAD PA LTAR SNAM SBYAR DANG 'DRA LA, CHUNG BA NI SRID DU KHRU PHYED LNGA DANG, ZHENG DU KHRU PHYED GSUM, YANG NA SRID DU KHRU BZHI, ZHENG DU KHRU DO BYA ZHING, 'KHOR GSUM KHEBS PA'I TSAD KYANG RUNG NGO, ,DE'I TSAD NI PUS MO GNYIS DANG, LTO BA'I DKYIL 'KHOR GSUM KHEBS PA LA BYA'O, ,RAB BYUNG LUS HA CANG SBOM NAS MA THUM NA, RAL KHA DPUNG BCAD KYI 'THUD BTANG NGO, ,SHAM THABS NI NYIN MO SMAD LA GYON PA'I GOS YIN ZHING, TSAD MTHANG GOS DANG 'DRA LA, SHAM THABS KYI GZAN NI MTSAN MO SMAD LA GYON PA'I GOS YIN ZHING, TSAD SNGA MA DANG 'DRA, RDUL GZAN NI NYIN MO STOD LA GYON PA'I GOS YIN ZHING, TSAD BLA GOS DANG 'DRA, RDUL GZAN GYI GZAN NI MTSAN MO STOD LA GYON PA'I GOS YIN ZHING, TSAD SNGA MA DANG 'DRA LA, KHYIM PA'I STOD G-YOGS ZHES PA @066A *, ,SRID DU KHRU BCU GNYIS DANG, ZHENG DU KHRU GSUM MO, ,KHYIM PA'I SMAD G-YOGS ZHES PA SRID DU KHRU BDUN DANG, ZHENG DU KHRU DO PA BCANG DU RUNG LA, DE RAB BYUNG GI GOS YIN KYANG, DE LA DE LTAR BRJOD PA'I RGYU MTSAN YOD DE, DE GNYIS KHYIM PA'I GOS DANG 'DRA BA'I RGYU MTSAN GYIS DE LTAR BRJOD PA'I PHYIR, GDONG PHYIS NI, TSAD KHRU GANG 'KHOR YUG TU YOD PA DGOS SHING, DE YANG RUNG BA'I TSON GYIS KHA BSGYUR BA DGOS SO, ,RNAG GZAN NI, RNAG CAN GYI LUS LA BCAR TE BGO BA'I GOS YIN LA, TSANG NI JI TZAM GYIS CHOG PAR BYA'O, ,G-YAN PA DGAB PA NI, G-YAN NAD CAN GYIS BCAR TE BGO BA'I GOS YIN LA, TSAD NI SRID DU KHRU DRUG ,ZHENG DU KHRU GSUM BYA, SKRA GZED NI, SKRA BREG PA'I TSE CHOS GOS BSRUNG BA'I GOS YIN TSAD NI, ME TOG PHRENG BRGYUD LAS, BSRUNG BA'I DON DU CHOS GOS NI, ,ZHENG DU PHYED DANG GNYIS KHRU LA, ,SRID DU KHRU NI GSUM YIN NO, ,CHE MIN CHUNG MIN BRTAG PAR BYA, ,ZHES GSUNGS PA'I PHYIR, GDING BA NI GNAS MAL SKYOB PA'I GOS YIN, TSAD NI SRID DU KHRU GSUM, MI CHOG NA KHRU PHYED DANG DO BSKYED, ZHENG DU KHRU DO DANG SOR DRUG BYA LA, RANG GI GNAS MAL NI MA SKYABS KYANG NYES PA MED DO, ,DGE 'DUN GYI NI RTZVA DANG LO MA'I GDAN MA GTOGS BSKYAB DGOS SHING, KHYIM PA'I PHAL CHER MA NYAMS PA DANG, NYAMS KYANG KHRA BO LA SOGS PA'I STAN RNAMS BSKYAB DGOS TE, MDO RTZA BA LAS, DGE 'DUN GYI RTZVA'I KHRI DANG KHRI'U MA GTOGS STAN YAN CHAD GDING BA MED PA DANG, GDING G-YOGS LA YANG BAR TSANG MA BCUG PA DANG, GANG ZAG GI KHRA BO LA PHAL CHER MA NYAMS PA LA YANG NGO, ,GDING BA DRI MA CAN GYIS LONGS SPYOD PAR MI BYA, ZHES GSUNGS PA'I PHYIR, DBYAR GYI GOS RAS CHEN NI, DBYAR CHAR CHU SKYOB PA'I GOS YIN, TSAD NI SRID DU KHRU DGU ZHENG DU KHRU GSUM DANG SOR BCO BRGYAD BYA'O, ,KHRU YIS 'JAL DGOS PA RNAMS NI, RAB BYUNG RANG RANG GI KHRUS GZHAL DGOS ZHING, KHRU PHYED YAN CHAD LHAG PA RNAMS NI SPANG DGOS TE, MA @066B SPANGS NA GANG MA SPANGS PA'I GOS DE LA BYIN RLABS MI 'CHAG PA'I PHYIR, DE BZHIN GSHEGS PA'I CHOS GOS KYI TSAD NI SRID DU STON PA RANG GI KHRU LNGA, ZHENG DU KHRU GSUM MO, DE LA MI MI 'BRING PO'I CHOS GOS RAB TSAD DGU YONG GSUNG NGO, ,DES NA, RAB BYUNG GI GOS DE RNAMS KYI KHA DOG NI, TSON CHEN BRGYAD GANG YANG RUNG BA DNGOS SAM, DE DAG DANG 'DRA BA'I TSON GYIS KHA MA BSGYUR BA ZHIG DGOS TE, SUM BRGYA PA LAS, MTSAL DANG DE BZHIN RGYA SKYEGS BCOD RNAMS DANG, ,GUR KUM DAG DANG MTHING SHUN LI KHRI DANG, ,SMRA SHING LE BRGAN RTZI RNAMS MI RUNG STE, ,BRGYAD PO TSON CHEN YIN PAS BKAG PHYIR RO, ,ZHES GSUNGS PA'I PHYIR, GNYIS PA PHRAN TSEGS NI, ZHVA MO DANG, SKE RAGS, LHAM, LHUNG BZED KYI SHUB DANG, KHA G-YOGS RAM PHYIS RNAMS YIN NO, ,RAM PHYIS ZHES PA NI, PHOR PHYIS LA BYA'O, ,MKHO BA'I YO BYAD NI, CHOS LDAN GYI DGOS PA KHYAD PAR CAN GYI PHYIR BCANG BA'I GDING G-YOGS LA BYA ZHING GDING G-YOGS NI, RGYA CHER 'GREL LAS, STENG DU BGO BAR BYA ZHING, 'OG TU SA LA GZHAR BA'I GDING BA BYA'O, ,ZHES GSUNGS PA LTAR YIN NO, ,MKHO BA'I YO BYAD PHRAN TSOGS NI, DER BSNGOS PA'I KHRU GANG DU LONGS PA'I GOS LA BYA'O, ,LHAG PA'I YO BYAD NI LHA LAS TSE 'PHOS PA'I GANG ZAG DANG, SKYID DE BA LAS RAB TU BYUNG BA LTA BU LA GNANG BA'I CHOS GOS GSUM LHAG PO LTA BU LA BYA, PHRAN TSOGS NI, DER BSNGOS PA'I KHRU GANG DU MA LONGS PA LA YANG BYA, DE YANG SNAM SBYAR GSUM YOD NA, GCIG 'TSO BA'I YO BYAD DANG, GCIG MKHO BA'I YO BYAD DANG, GCIG LHAG PA'I YO BYAD DU BYIN GYIS BRLAB BO, ,DES YO BYAD BCU GSUM PO GZHAN RNAMS RIGS 'GRE, GDONG DANG LAG PA 'PHYI BA DANG, ZHES 'BYUNG BA NI, GDONG PHYIS KYIS DE GNYIS KA 'PHYI BA LA DGONGS SO, ,YO BYAD NI MED NA GZHAN LA SLONG DU RUNG BA'I DON NO, DGE SLONG MA LA CHOS GOS GSUM GYI STENG DU, RDUL GZAN DANG SHING NGA DPUNG BCAD GNYIS GNANG, SHING NGA DPUNG BCAD LA SNAM PHRAN DANG GLEGS BU BYED CING, DGE SLONG MAS DE GON TSUL NI, GONG DU RAB BYUNG @067A *, ,GI GZHI'I SKABS SU BSHAD ZIN TO, ,DGE SLONG PHA LA DBYAR GYI GOS RAS CHEN GNANG BA'I TSAB TU DGE SLONG MA LA KHRUS BYED PA'I TSE LUS 'GEB PA'I CHU RAS GNANG NGO, ,BZHI PA LONGS SPYOD PA'I TSUL LA, BSAM PA GANG GIS, SBYOR BA GANG GIS, GANG ZAG GANG GIS, DGOS PA GANG GI PHYIR LONGS SPYOD PA DANG BZHI LAS, DANG PO NI, 'PHAGS PA THOGS MED KYIS, GRONG DU 'JUG PAR BYED PA NA, ,BTZON RA YI NI 'DU SHES DANG, ,GTZUG LAG KHANG NA MDO SDE BZHIN, ,RTAG PAR DGE SBYONG 'DU SHES DANG, ,ZAS LA RTAG TU NAD KYI NI, , GNYEN PO NYID KYI 'DU SHES DANG, ,NYAL NA DGON PA'I RI DVAGS LTAR, ,THUG PHRAD GNYIS KYI 'DU SHES DANG, ,RAB DBEN SHES BYA RNAM GNYIS LA, ,'ON LONG LKUGS PA'I 'DU SHES DANG, ,DE LTAR GNAS PA'I DGE SLONG LA, ,RGYAL LA 'OS PA'I LONGS SPYOD KYIS, ,GNAS KYANG 'DOD PA BSOD NYAMS KYI, ,RJES SU 'JUG PAR MI 'GYUR RO, ,ZHES GSUNGS PA LTAR, BSAM PA DE BZHIN DU LONGS SPYOD PAR BYA'O, ,KHYAD PAR DU GOS LA LONGS SPYOD PA'I TSE, RANG GI LUS LA RMA DANG, NGO TSA BA'I GNAS DANG, GOS LA RMA DKRIS DANG, NGO TSA BA'I GNAS DGAB PAR BYA BA'I 'DU SHES DANG, SNAM SBYAR SOGS DE DANG DER BYIN GYIS BRLABS PA DRAN PA DANG, 'DI NI DGE SLONG GI DRAN PA GSO BYED YIN NO SNYAM PA DANG, RAB BYUNG GI RTAGS CHA LUGS DANG LDAN PA LA PHAN YON 'BYUNG LA, MI LDAN PA LA NYES DMIGS 'BYUNG SNYAM DU DRAN PA'I SGO NAS LONGS SPYOD DGOS SO, ,GNYIS PA SBYOR BA GANG GIS LONGS SPYOD PA 'DI LA DU MA YOD DE, 'TSO BA'I YO BYAD DE DAG LA MA GUS PA DANG, CHUD ZA BA DANG, MI RUNG BA DANG, RTAGS GZHAN DU 'GYUR BA SPANGS TE DE DAG BLANGS NAS LONGS SPYOD TSUL DANG, BDE BAR GNAS PA'I RKYEN DU 'GYUR BA'I PHYIR DU LONGS SPYAD PAR BYA BA YIN PA'I PHYIR, DE YANG STOD G-YOGS DANG SMAD G-YOGS GNYIS NI DE DANG DE NYID DU BGO ZHING, GZHAN DU MI BGO BA DANG, SKE RAGS 'KHRIGS GCIG GIS MI 'CHING BA LA BSLAB BO, ,KHYAD PAR LAM DU 'GRO BA'I TSE, PHAN @067B TSUN GCIG GIS GCIG GI SKYON BZUNG NAS STOD G-YOGS DANG SMAD G-YOGS LEGS PAR GYON TE SPYOD LAM MDZES PAS 'GRO'O, ,GDING BA SOGS 'TSO BA'I YO BYAD BCU GSUM 'DI DAG MI GTZANG BA'I SA DANG, CHUD ZA BA DANG, 'OG GZHI MED PA'I STENG DU MI BZHAG GO ,BLA GOS GYON PA'I TSE, PHRAG PA G-YAS PA PHYUNG NAS BLA GOS KYI SNE MO G-YAS PA PHRAG PA G-YON PA'I STENG DU BKAL, SN G-YON PAS LAG PA G-YON PA BKAB THAL MO BSNOL NAS 'DUG GO ,SNAM SBYAR GYON PA'I DUS MANG DU YOD DE, ME TOG 'DUG PA'I GNAS DANG, DE'I GNAS STONG PA DANG, GRONG DU BSOD SNYOMS LA 'GRO BA DANG, CHOS STON ZA BA DANG, DGE 'DUN TSOGS PA DANG, GDAMS NGAG NYAMS SU MYONG BA DANG, KHYAD PAR DU LAS GRAL LA 'KHOD PA'I TSE GYON DGOS PA'I PHYIR, 'O NA DE RNAMS BYIN RLABS BYED TSUL JI LTAR YIN ZHE NA, DE LA 'TSO BA'I YO BYAD BYIN GYIS BRLAB PA'I TSUL, LHAG PA'I YO BYAD BYIN GYIS BRLAB PA'I TSUL, MKHO BA'I YO BYAD BYIN GYIS BRLAB PA'I TSUL DANG GSUM, DANG PO NI, SNAM SBYAR BYIN RLABS BYED PA'I TSE, YUL RANG LAS BSLAB PA RGAN PA YIN NA PHYAG 'TSAL TE, SNAM SBYAR BYIN RLABS LA THUGS GTAD PA ZHU, ZHES BRJOD NAS, GNYIS KA 'GRENG STE, LAG PA G-YON PA'I STENG DU PHYI NANG MA LOG PAR BLTAB NAS BZHAG ,G-YAS PAS BKA' NAS MKHAN PO SOGS DGONGS SU GSOL, BDAG MING 'DI ZHES BGYI BA'I CHOS GOS BGYIS LEGS PA RUNG BA SPYAD PAR 'OS PA 'DI CHOS GOS SNAM SBYAR DU BYIN GYIS BRLAB BO, ,ZHES LAN GSUM BRJOD DE, THABS LEGS BYA'O, ,DE BZHIN DU SNAM SBYAR ZHES PA'I TSAB TU BLA GOS DANG, MTHANG GOS ZHES PA'I MING BRJE BA MA GTOGS, GZHAN CHO GA SNGAR BZHIN BYAS NAS, DBYAR GYI GOS RAS CHEN GYI BAR 'TSO BA'I YO BYAD BCU GSUM PO THAMS CAD LA RIGS 'GRE'O, ,GNYIS PA LHAG PA'I YO BYAD DU BYIN GYIS BRLAB PA NI, SNAM SBYAR 'THEB GCIG LTA BU LA GZHAN RNAMS SNGAR DANG 'DRA BA LA, BTZUN PA SOGS DGONGS SU GSOL, BDAG MING 'DI ZHES BGYI BA'I GOS LHAG PA @068A *, ,RUNG BA MA BGYIS BA RUNG BA BGYI BAR 'OS PA 'DI, MKHAN PO'I LEGS PAR RUNG BAR BGYI'O, ,MKHAN PO LA YID GTAD DE BCANG BAR BGYI'O, ,RKYEN JI LTA BA BZHIN BGYI'O, ,ZHES LAN GSUM BRJOD, DE RJES THABS LEGS BYA'O, ,CHO GA 'DI BRJOD PA'I TSE GANG GI MING BRJOD PA'I DGE SLONG DE MNGON DU MED DGOS SO, ,GSUM PA MKHO BA'I YO BYAD BYIN GYIS BRLAB PA'I TSUL NI, DER BYIN GYIS RLOB RGYU'I DNGOS PO KHRU GANG YAN CHAD DU LONGS PA, KHA DOG DKAR PO SOGS GANG YANG RUNG BA LAG TU BZUNG STE, BTZUN PA DGONGS SU GSOL, GOS 'DI BDAG DANG TSANGS PA MTSUNGS PAR SPYOD PA LA MKHO BA'I YO BYAD KYI GOS SU BYIN GYIS BRLAB PA, ZHES LAN GSUM DANG THABS LEGS PA'O, ,'TSO BA'I YO BYAD PHRAN TSOGS, ZHVA DANG, SKE RAGS DANG, STAN LA SOGS PA KHRU GANG DU LONGS PA RNAMS LA YANG, GZHAN 'DRA BA LA, BDAG MING 'DI ZHES BGYI BA'I GOS 'DI ZHVAR BYIN GYIS RLOB BO, ,ZHES PA DANG, SKE RAGS SU BYIN GYIS RLOB BO, ,ZHES LAN GSUM BRJOD DE THABS LEGS BYA'O, ,GAL TE SNAM SBYAR DNGOS MED NA SNAM SBYAR GYI RGYUR DMIGS SHING RGYU LA SOGS PA'I SGO NAS RUNG BA BYIN GYIS BRLAB TSUL NI, GZHAN RNAMS SNGAR DANG 'DRA BA LA, BTZUN PA DGONGS SU GSOL, BDAG MANG 'DI ZHES BGYI BA'I CHOS GOS 'DI SNAM SBYAR DU BYIN GYIS BRLAB BO, ,'CHAL NA SNAM PHRAN DGU PA LA SOGS PAR BGYI STE, GLEGS BU PHYED DANG GSUM PA LA SOGS PAR BGYI'O, ,BAR CHAD MA BYUNG NA BKRU'O, ,RKYANG NGO, ,DRA'O, ,SDEB BO, ,ZUNGS GDAB BO, ,DRUB BO, ,KHA BSGYUR RO, ,YANG NA 'DI LA LHAN THABS SU GLAN NO, ,RKYEN JI LTA BA BZHIN DU BGYI STE, CHOS GOS 'DI NI RUNG BA SPYAD PAR NGOS PA'O, ,ZHES LAN GSUM BRJOD CING THABS LEGS BYA'O, , BLA GOS LA GZHAN RNAMS 'DRA BA LA SNAM PHRAN BDUN PAR BGYI STE, GLEGS BU PHYED DANG GSUM BAR BGYI'O, ,ZHES PA DANG, MTHANG GOS LA SNAM PHRAN LNGA PAR BGYI STE, GLEGS BU PHYED DANG GNYIS PAR BGYI'O, ,ZHES SOGS BRJOD CING, THABS LEGS BYA'O, ,'O NA BYIN @068B RLABS BYED TSUL DE LTAR YIN NA, BYIN RLABS DBYUNG TSUL DE JI LTAR YIN ZHE NA, SNAM SBYAR GYI BYIN RLABS DBYUNG BA'I TSE GZHAN RNAMS SNGAR LTAR LA, SNAM SBYAR BYIN RLABS DBYUNG BA'I CHO GA LA THUGS GTAD PAR ZHU ZHES BRJOD NAS GNYIS KA 'GRENG STE, SNAM SBYAR SNGAR LTAR BZUNG NAS BTZUN PA DGONGS SU GSOL, BDAG MING 'DI ZHES BGYI BA'I CHOS GOS BGYIS LEGS PA RUNG BA SPYAD PAR 'OS PA 'DI, CHOS GOS SNAM SBYAR DU BYIN GYIS BRLABS PA LAS, DE LTA BAS NA DNGOS PO DE SLAR DBYUNG BAR BGYI'O, ,ZHES LAN GSUM BRJOD CING THABS LEGS BYA'O, ,DE LAS GZHAN PA'I 'TSO BA'I YO BYAD LA SOGS PA'I BYIN RLABS DBYUNG BA'I TSE, CHO GA 'DIS RIGS 'GRE'O, ,DES NA BYIN GYIS RLOB PA'I TSE, YUL DGE SLONG GZHAN MED NA, RANG GIS DNGOS PO DE BZUNG NAS BYIN RLABS KYI CHO GA BYAS PAS CHAGS LA, BYIN GYIS RLABS RGYU'I DNGOS PO NI DNGOS SU YOD PA DGOS LA, DBYUNG BA LA NI YUL DANG DNGOS PO GNYIS KA DNGOS SU MED KYANG RANG GIS DBYUNG BA'I CHO GA BYAS PAS 'GRUB PAR GSUNGS SO, ,BYIN RLABS 'JIG PA'I RGYU NI, BYIN RLABS DBYUNG BA'I CHO GA BYAS PAR MA ZAD, RTEN DNGOS PO MED PAR GYUR PA, GZHAN LA BSNGOS PA, GZHAN GYIS 'PHROGS PA RNAMS SU YOD CING, SPANG LTUNG PHYIR BCOS KYI ZHAG GCIG SPANGS PAS BYIN RLABS 'JAG GO ,GSUM PA GANG ZAG GANG GIS LONGS SPYOD PA'I TSUL NI, SPYIR 'PHAGS PA RNAMS KYIS DAD RDZAS LA LONGS SPYOD PAR BYA BA YIN TE, DES DE SPYOD NUS PA'I PHYIR, 'PHAGS PA MIN YANG TSUL KHRIMS RNAM DAG DANG LDAN PA, KLOG PA THOS BSAM SOGS LA BRTZON BAS NI MI SLOB PA YAN CHAD LA PHUL BA'I DAD RDZAS LA LONGS SPYOD PAS CHOG STE, DPER NA PHA NOR LA BUS LONGS SPYOD PA BZHIN NO, ,TSUL KHRIMS 'TSAL BAS NI DAD RDZAS KYI ZAS KHAM GCIG DANG, BTUNG BA HUB GCIG BZAS SHING 'THUNG PA DANG, GTZUG LAG KHANG DU GOM PA GCIG POR BA RNAMS KYIS RIM PA BZHIN DU SKYE BA PHYI MA LCAGS GONG DMAR 'BAR BA KHAR 'JUG PA DANG, KHRO CHU KHOL MA 'THUNG BA DANG, LCAGS BSREGS KYIS GZHI LA LONGS SPYOD PA 'BYUNG BAR @069A *, ,GSUNGS SO, ,TSUL KHRIMS RNAM PAR DAG KYANG LE LO CAN GYIS DAD RDZAS LA LONGS SPYAD NA SKYE BA PHYI MA LA STONG 'GYUR DANG, BYE BA 'GYUR GYI BU LON DU 'GYUR BA YIN TE, MDO RTZA BA LAS, LE LO CAN LA NI BU LON DU 'GYUR RO, ,ZHES GSUNGS PA'I PHYIR, LTA BA RNAM PAR DAG KYANG TSUL KHRIMS 'CHAL PAS DE'I RDZAS LA LONGS SPYAD NA, KLU RU SKYES NAS LUS LA BYE CHAN GYI CHAR 'BAB PAR LUNG LAS GSUNGS SO, ,GZHAN YANG DAD RDZAS ZOS PA NYES DMIGS SHIN TU CHE STE, DAD ZAS ZOS PA'I NYES DMIGS MTHONG NAS DGE SLONG LNGA BRGYAS BSLAB PA PHUL ZHING, DE LA STON PAS LEGS SO BRJOD CING, BYAMS PA'I BSTAN PA LA RAB TU BYUNG NAS 'DUS PA DANG PO'I 'KHOR DU 'GYUR BAR GSUNGS PA YIN TE, SDOM GSUM RAB DBYE LAS, DAD ZAS ZOS PA'I NYES MTHONG NAS, ,DGE SLONG LNGA BRGYAS BSLAB PA PHUL, , DE LA STON PAS LEGS SO BRJOD, ,'DUS PA DANG POR LUNG YANG BSTAN, ,ZHES GSUNGS PA'I PHYIR, BZHI PA GOS LA LONGS SPYAD PA LA DGOS PA YOD DE, KHYIM PA DANG, MU STEGS CAN GYI RTAGS SPANG BA DANG, DGE SBYONG GI DRAN PA GSO BA DANG, BDAG CAG GI STON PA'I RJES 'JUG YIN NO, ,ZHES SHES RAB BYA BA DANG, RAB BYUNG GI RTAGS NI BLANGS PA TZAM DU MA ZAD, MTHONG BA DANG REG PA LA YANG PHAN YON 'BYUNG BAR GSUNGS PA YIN PA'I PHYIR, LNGA PA RUNG MI RUNG GI KHYAD PAR BSHAD PA NI, SNGAR BSHAD PA LTAR CHOS GOS GSUM LA SOGS PA'I GOS RNAMS NI RUNG LA, GZHAN KHA TSAR DANG, PHUN CHAR CAN DANG, MTSON GYIS MA DRAS PA'I GOS DANG, DPAG BSAM GYI GOS DANG, RNGA MO'I SPU LAS BYAS PA'I GOS DANG, KHA DOG KHRA BO DANG, DBYIBS KHYIM PA DANG, MU STEGS KYI GOS KYI DBYIBS DANG, GYON TSUL LA SKYON CHAGS PA RNAMS MI RUNG NGO, ,DER MA ZAD LHUNG BZED DANG CHOS GOS DANG, LHA RTEN RNAMS GTA' MAR 'JOG PA DANG, DE DAG 'TSONG PA DUG LTAR SPANGS DGOS SO, ,RTZA BA'I GNYIS PA NGAG DON NI, RIM PA BZHIN DU, DRAS DRUB BYAS PA'I SNAM SBYAR SOGS CHOS GOS @069B NYID DU BYIN GYIS BRLAB PAR BYA BA YIN TE, DES KHYAD PAR DU BYAS PA'I DGOS PA MTHONG BA'I PHYIR, DRAS DRUB BYA BA'I TSUL YOD DE GLEGS BU GRUB THABS SU GNAS PA'I SNEL GZHI NYID DANG, LHAG MA SRID DU MNYAM PA NYID DANG GLEGS BU DBUS MA NAS G-YAS G-YON DU 'PHRO KHA PHYOGS PHYOGS SU BLTA BA NYID DANG, CHU ZHENG GI MTHA' KUN NAS BSKOR BA NYID DU BYA BA YIN PA'I PHYIR, GLEGS BU DANG GLEGS BU PHYED PA DAG MNYAM PAR BYA DGOS TE, DE LTAR BYAS PAS MDZES PA YIN PA'I PHYIR, CHOS GOS DAG LA THIG LE BYAS PA LA DGOS PA YOD DE, 'DRA BA RNAMS MI NOR BAR BYA BA'I CHED YIN PA'I PHYIR, 'DIR RANG RES LHAG PA'I YO BYAD KYI GOS SU BYIN GYIS BRLAB TU RUNG BA DE LA GOS RUNG BA TSAD LDAN, SNGAR BYIN GYIS BRLAB ZIN MIN PA ZHIG DGOS SO BYAS PA LA, KHA NA RE, DE MI 'THAD PAR THAL, GOS MI RUNG BA DANG, CHAD DANG MI LDAN PA'I GOS LA LHAG PA'I YO BYAD KYI BYIN RLABS CHAGS PA'I PHYIR TE, SO SO THAR PA'I 'GREL PA LAS, DBYIBS MI RUNG BA ZLUM PO STE MKHAN PO LA YID GTAD DE BCAD PAR BYA'O, ,ZHES GSUNGS PA'I PHYIR, ZER NA, MA KHYAB STE, LUNG DES NI GOS MI RUNG BA RANG GIS SGRUB TU MI RUNG ZHING SBYIN BDAG GIS PHUL NA, MKHAN PO'AM SBYIN BDAG DE NYID SOGS LA YID GTAD DE BCANG NA DE BCANGS PA'I NYES PA MI 'BYUNG BAR BSTAN PA'I PHYIR, DES NA RTZA BA'I DAM BCA' 'THAD PAR THAL, KARMA SHA TAM LAS, GOS RUNG BA MA BGYIS PA, RUNG BA BGYI BAR 'OS PA 'DI ZHES PA'I LUNG 'DIS DE 'DRA'I GOS DE LA, GOS RUNG BA ZHIG DGOS PAR BSTAN PA'I PHYIR, DE LTAR MIN NA, SKYON DANG DGOS PA GANG DANG YANG MI LDAN PAR BCAS LDAN DGE SLONG GIS GOS MI RUNG BA LA LONGS SPYOD DU RUNG BA YIN PAR THAL, GOS MI RUNG BA LA LHAG PA'I YO BYAD DU BYIN RLABS BYAR RUNG BA GANG ZHIG , LHAG PA'I YO BYAD KYI GOS DE LONGS SPYOD PA'I PHYIR DU BYIN GYIS RLOB PAR BYA BA YIN PA'I PHYIR, KHA CIG ,GOS DKAR PO DANG, KHA TSAR CAN SOGS LA BYIN RLABS MI 'CHAGS SO ZER NA, DE CHAGS PA YIN PAR THAL, DE LA MKHO BA'I YO BYAD KYI DE CHAGS PA'I PHYIR TE, MDO @070A *, ,RTZA BA LAS, DE NI DKAR PO NYID DANG, KHA TSAR CAN DANG, PHUN TSAR DANG BCAS PA LA YANG NYES PA MED DO, ,ZHES GSUNGS PA'I PHYIR, KHA CIG ,BSNYEN PAR RDZOGS PAS GOS RNYED RIL PO DBANG, DGE TSUL PHA MA BSNYEN RDZOGS KYI SUM CHA DBANG BA YIN ZER NA, DE MI 'THAD PAR THAL, DPE TSUL PHA MA DGE SLONG GI DBYAR RNYED KYI SUM GNYIS DANG MNYAM PA DBANG BA'I PHYIR TE, DGE TSUL PHRA MA LA DGE SLONG ,RNYED PA'I TSED LAS SUM CHA DRI BA DBANG BA YIN PA'I PHYIR TE, MDO RTZA BA LAS, DGE TSUL DANG DGE TSUL MA GNYIS NI RNYED PA LA SUM CHA BRI BA NYID DO, ,ZHES GSUNGS PA'I PHYIR, BYAS PA LA KHO NA RE, RTZA BA'I DAM BCA' 'THAD PAR THAL, LUNG GLENG GZHI LAS, DGE TSUL DANG DGE TSUL MA DAG LA NI SUM CHA BYIN CIG ,CES PA DANG, SUM BRGYA BA LAS, DGE TSUL PHA MA SUM CHA DBANG BAR 'GYUR, BSNYEN PAR RDZOGS PAR 'DOD NA CHA GNYIS TE, ZHES GSUNGS PA'I PHYIR, DE LA MKHAS PA KHA CIG ,MDO RTZA BA DANG MI MTHUN NA LUNG GZHAN RNAMS KHAS MI LEN NO, ,ZHES GSUNG NGO,, ` YUL DBUS KYI MTSAMS, ZHES PAR SPYI DON DANG, NGAG DON GNYIS, DANG PO NI, SPYIR BTANG LA RAB BYUNG SDE LNGA CHAR GYIS KO LPAGS LA LONGS SPYOD PA BKAG CING, DMIGS BSAL LA MTHA' 'KHOB TU 'TSAL LHAM BCANG BAR GNANG NGO, ,BYAS PA LA KHO NA RE, 'O NA, YUL DBUS DANG MTHA' 'KHOB KYI KHYAD PAR GANG ZHE NA, DE'I KHYAD PAR LA, SA TSIGS KYI SGO NAS PHYE BA DANG, CHOS TSIGS KYI SGO NAS PHYE BA GNYIS LAS DE RNAMS GZHI STONG DU RGYAS PAR BSHAD ZIN TO, ,GZHAN YANG, 'KHYAGS ROM CHAGS PA'I SA PHYOGS DE HA CANG GRANG BA'I YUL DANG, RDO DANG TSER MA MANG BA SOGS GCUB PA'I SA DANG, SROG CHAGS KYI GNOD PA YONG BA'I SA DANG, NAD PA LA MCHI LA LHAG MA GNANG BA YIN TE, MDO RTZA BA LAS, CHU LA 'KHYAGS ROL CHAGS PA'I YUL DU NI, ZHVA DANG LHAM SGRO GU CAN YANG NGO, ,ZHES GSUNGS PA'I PHYIR, LHA MA LA KO BA NYIS RIM BYED PA BKAG LA, 'ON KYANG SBYIN BDAG GIS DE NYIS RIM BYAS PA PHUL NA KHYIM PAR GOS PA BDUN LONGS SPYOD DU BCUG NAS LONGS SPYOD DO, ,DE YANG @070B LHA MA BOL KO BA CAN DANG, SNA SBUBS CAN DANG, RTING SBUBS CAN DANG, YU BCAS DANG, SGRO GU CAN SOGS GNANG BA YIN TE, MDO RTZA BA LAS, BOL KO BA CAN MI RUNG BA NYID MA YIN NO, ,SNA DANG RTING BA'I SBUBS CAN BCANG BAR BYA'O, ,KHA CHU CHUS BYUNG NGO, ,LHA MA GZHUG CHAD KYANG NGO, ,ZHES GSUNGS PA'I PHYIR, DER MA ZAD LHAM LA RGYAG RGYU'I RDOG PA DANG, DE RGYAG PA'I SNYUNG BU YANG GNANG NGO, ,KHA CIG ,LHAM LA PHYI LHAM DANG NANG LHAM GNYIS YOD CING, ZAS ZA BA DANG CHOS 'CHAD NYAN BYED PA'I CHE, PHYI LHAM 'BUD NANG LHAM MI 'BUD PAS, DING SANG BOD DU LHAM GCIG PO 'DI NYID MA PHUD PAR ZAS ZA BA DANG, CHOS 'CHAD NYAN BYAS PAS CHOG GO ,ZER NA, DE NI MI RIGS TE, DE LTAR ZER BA DE NI MCHIL LHAM BCANG BAR BYA'O, ,ZHES PA'I YI GE TZAM YANG MA MTHONG BAR ZAD PA'I PHYIR RO, ,RKANG PA PHAL CHER KO BAS G-YOGS SHING, SNA'I BEL LA MTHONGS BCUG PA'I KHA CHU CHUS BYUNG, ZHES PA'I 'CHI LA LHAM GNANG NGO, ,CI'I PHYIR, 'CHI LA LHAM ZHES BYA NA, KLU'I RGYAL PO SOG MED PA'I DUG GAM, YANG NA DUG SPRUL GYI MCHI LA MA'I DUG LAS SKYOB PA'I PHYIR DU GANG BA'I LHAM YIN PAS NA DE LTAR DU BYA'O, ,DE YANG BYE BRAG GI MING SPYI LA BTAGS PA YIN NO, ,DES NA RGYU DANG, DBYIBS DANG, KHA DOG MI RUNG BA DANG , GYON TSUL LA SKYON CHAGS PA RNAMS SPANG NGO, ,DER MA ZAD SENG GE DANG, STAG DANG, GUNG LA SOGS PA'I GCAN GZAN GYI RIGS KYI PAGS PA DANG, GLANG PO CHE DANG, BYA'I RIGS KYI PAGS LA BCANG BAR MI BYA STE, MDO RTZA BA LAS, SENG GE DANG STAG DANG GUNG DANG, ZHES PA NAS BLANG PO CHE PHAL BA DANG, RTA DBU RGOD DANG, DE LAS GZHAN PA'I GCAN GZAN DAG KYANG 'PHANGS PA YIN NA, ,GANG GI KO PAGS BCANG DU MI RUNG BA'I SEMS CAN DE RNAMS KYI RGYUS PA DANG, SO LA SOGS RUS PA DANG, SHA RNAMS KYANG BCAD DU MI RUNG STE, MDO RTZA BA LAS, GANG GI KO LPAGS MI RUNG BA NYID YIN PA DE'I RGYUS PA DANG, SHA LA SOGS PA YANG NGO, ,ZHES GSUNGS PA'I PHYIR, DMIGS BSAL NI, NAD LA PHAN PA'I PHYIR DU BCAS LDAN DGE SLONG GIS DOM LPAGS BCANG DU RUNG BAR GNANG BA YIN TE, MDO RTZA BA LAS, MIG LA PHAN PAR BYA BA'I PHYIR, @071A *, ,DOM LPAGS BCANG BAR BYA'O, ,ZHES GSUNGS PA'I PHYIR, BCANG TSUL NI STAN DU 'DING BA DANG, LHAM GYI NANG DU 'DING BA DANG, DRI GTZANG KHANG SOGS KYI SGOR 'DING BA DANG, RLUNG NAD CAN GYIS NI SDOD SA DANG, NYAL SAR 'DING BA SOGS KYI SGO NAS BCANG DGOS PA YIN TE, MDO RTZA BA LAS, RKANG PA'I GNAS SU 'DING BAR BYA'O, ,SANGS RGYAS KYI NI DRI GTZANG KHANG GI SGOR RO, ,MCHIL LHAM DAG TU BGO BAR BYA'O, ,RLUNG NAD CAN GYIS NI 'DUG SA DANG, NYAL SAR YANG BYA'O, ,ZHES PA NAS, SPU LA REG PAS PHAN PA BYED PA NYID DU RIG GO , ZHES PA'I BAR GSUNGS PA'I PHYIR, GNYIS PA NGAG DON NI, YUL DBUS KYI MTSAMS BSTAN PA LA DGOS PA YOD DE, MTHA' 'KHOB NGOS ZIN PAR BYA BA'I CHED YIN PA'I PHYIR, ` SMAN BSTEN PAR BYA'O, ,ZHES SOGS KYI SKABS SU, SPYI DON DANG, NGAG DON GNYIS LAS, DANG PO LA, DGOS DON DANG, BSDUS DON GNYIS LAS, DANG PO NI, 'DIR SMAN GYI RNAM GZHAG GTAN LA PHAB PA LA DGOS PA YOD DE, BCAS LDAN DGE SLONG RNAMS KYIS SMAN BSTEN TSUL SHES NAS TSUL DANG MTHUN PAR BSTEN PAS, DGE SLONG RNAMS BDE BA LA REG PAR BYA BA DANG SBYIN BDAG GI BSOD NAMS 'PHEL BAR BYA BA'I DGOS PA YOD PA'I PHYIR, GNYIS PA BSDUS DON LA, SMAN RGYU GANG LAS SGRUB PA'I TSUL, MTSAN NYID, DBYE BA, BSDU BA, BYIN GYIS RLABS PA'I TSUL, LONGS SPYOD PA'I TSUL, RUNG KHANG GCOD PA'I TSUL, ZHAR LA RGYU MTHUN ZAG PA 'DOR BA'I TSUL DANG BRGYAD LAS, DANG PO NI, SMAN 'DI GANG LA BRTEN NAS GNANG BA YIN ZHE NA, DGE SLONG DAG STON KA'I NAD KYIS THEBS TE SKYA BO DANG, SENG SENG POR GYUR PA LA BRTEN NAS GNANG BA YIN NO, ,DES NA LOG 'TSO CHAR GTOGS DANG BCAS PA SPANGS NAS YANG DAG PA'I 'TSO BA LA BRTEN NAS BSGRUB DGOS SO, ,GNYIS PA NI, DRI RO REG BYA SKYE MCHED GSUM 'DUS KYI KHAM ZAS KYI RIGS SU GNAS PA'I SMAN DU DMIGS PA DE SMAN GYI MTSAN NYID YIN TE, MDO RTZA BA LAS, SMAN BSTEN PAR BYA'O, ,ZHES PA DANG, DE'I RGYA CHER 'GREL LAS, BZA' BA DANG BTUNG BAR BYA'O, ,ZHES PA RTZA 'GREL GNYIS KYI SHUGS @071B BSTAN GRUB PA'I PHYIR, GSUM PA DBYE BA NI, DUS RUNG GI SMAN LA SOGS PA BZHI YOD DE, MDO RTZA BA LAS, DE NI RNAM PA BZHI'O, ,ZHES PA DANG, DE'I RGYA CHER 'GREL LAS, SMAN DE NI RNAM PA BZHI YOD DO, ,ZHES GSUNGS PA'I PHYIR, DE YANG, DUS RUNG GI SMAN NI, GTZO BOR SKRES NAD SEL BA'I BYED LAS DANG LDAN ZHING, DE LA DBYE NA BZA' BA LNGA DANG, BCA' BA LNGA YOD DO, ,BZA' BA LNGA NI, ZAN DRON, 'BRAS CHAN, LDE GU, SHA, SNUM KHUR RNAMS LA BYED, BCA' BA LNGA NI, LA PHUG DANG NYUNG MA LA SOGS PA'I RTZA BA, DE DAG GI LO MA LA SOGS PA'I 'DAB MA, BU RAM SHING LA SOGS PA'I SDONG BU, PADMA DANG AUTPAL LA SOGS PA'I ME TOG ,STAR KHA DANG KHAM BU'I 'BRAS BU LA SOGS PA'I 'BRAS BU RNAMS LA BYED, DE RNAMS LA DUS RUNG GI SMAN ZHES BRJOD PA'I RGYU MTSAN YOD DE, DE RNAMS LA BCAS LDAN DGE SLONG RANG NYID GNAS PA'I GLING GI ZHAG GCIG GI SKYA RENGS SHAR BA NAS, NYIN PHYED TSUN GYI DUS SU LONGS SPYOD DU RUNG, DE LAS GZHAN DU LONGS SPYOD DU MI RUNG BA'I RGYU MTSAN GYIS DE LTAR BRJOD PA'I PHYIR, DES NA, SMAN BZHI GANG RUNG GANG ZHIG ,RAB BYUNG RNAMS KYIS RANG GNAS PA'I GLING DE'I ZHAG GCIG GI SKYA RENGS DANG PO SHAR NAS, NYI MA PHYED RGUN CHAD KHO NA LONGS SPYOD DU RUNG BA'I SMAN DE, DUS RUNG GI SMAN GYI MTSAN NYID YIN, DE'I BYED LAS NI GTZO BOR SKRES NAD SEL ZHING RLUNG NAD KYANG SEL LO, ,GNYIS PA THUN TSOD DU RUNG BA'I SMAN LA, MTSAN NYID DANG, DBYE BA GNYIS, DANG PO NI, SMAN BZHI GANG RUNG GANG ZHIG ,THUN TSOD KYI MTHA' TSUN CHAD DU BYIN GYIS RLOB CING LONGS SPYOD DU RUNG BA'I SMAN DE, DE'I MTSAN NYID YIN, GNYIS PA NI, DE LA DBYE NA, DUS RUNG GI SMAN LA BRTEN PA'I THUN TSOD DU RUNG BA'I SMAN, ZHAG BDUN PA'I SMAN LA BRTEN PA'I DE, JI SRID 'TSO BCANG GI SMAN LA BRTEN PA'I DE RNAMS SU YOD DE, MTSAN GZHI NI RIM PA BZHIN DU, THUN TSOD DU RUNG BA'I SMAN DU GYUR PA'I RTZAM DVANGS, RUS DVANGS, SRING BU SOGS DANG PO'I RIGS YIN TE, RTZAM PA DANG RUS PA SOGS DUS RUNG GI SMAN YIN PA'I PHYIR, DER GYUR PA'I SBRANG DANG BU RAM GYI KHU BA SOGS GNYIS PA'I RIGS YIN TE, SBRANG BUR GNYIS ZHAG BDUN PA'I @072A *, ,SMAN DU BYIN GYIS RLOB DU RUNG BA YIN PA'I PHYIR, DER GYUR PA'I AA RU DANG SKYU RU RA SOGS KYI KHU BA NI GSUM PA'I RIGS YIN TE, DA LTA 'JIG RTEN NA SMAN DU GRAGS PA'I AA RU RA DANG, SKYU RU RA SOGS JI SRID 'TSE BCANG GI SMAN DU BYIN GYIS RLOB TU RUNG BA YIN PA'I PHYIR, THUN TSOD DU RUNG BA'I SMAN NI SNGA DRO BYIN GYIS RLOB BO, ,DUS NI MTSAN MO LA THUN GSUM DU BTANG BA'I THUN DANG PO MA THAL TSUN CHAD DU BYIN GYIS RLOB DGOS TE, THUN TSOD DU RUNG BA'I SMAN 'CHAD PA NA, BAM LNGA LAS, MTSAN MO'I THUN DANG PO MA THAL TSUN DU BTUNG ZIN CING, LHAG MED NA, ZHES GSUNGS PA'I PHYIR, DES NA THUN TSOD DU RUNG BA'I SMAN YIN NA, BTUNG BA SHIN DU SLA BA YIN DGOS TE, MDO RTZA BA LAS, THUN TSOD DU RUNG BA NI BTUNG BA DAG GO SHIN TU SLA BA'O, ,ZHES GSUNGS PA'I PHYIR, CI'I PHYIR, THUN TSOD DU RUNG BA'I SMAN ZHES BYA NA, SNGA DRO NAS MTSAN MO'I THUN DANG PO MA THAL TSUN CHAD DU LONGS SPYOD DU RUNG BA'I SMAN YIN PA'I RGYU MTSAN GYIS DE LTAR BRJOD DO, ,THUN TSOD DU RUNG BA'I SMAN GYI BYED LAS NI, GTZO BOR SKOM NAD SEL BAR BYED PA YIN NO, ,GSUM PA NI, SMAN BZHI GANG RUNG GANG ZHIG ,ZHAG BDUN GYI MTHA' TSUN CHAD DU BYIN GYIS BRLAB CING LONGS SPYOD DU RUNG BA'I SMAN DE, ZHAG BDUN PA'I SMAN GYI MTSAN NYID YIN ZHING, BYED LAS NI SPYIR NAD DANG, SKRES NAD SEL BA'I BYED LAS DANG LDAN PA YIN NO, ,BZHI PA NI, JI SRID 'TSO'I BAR DU BYIN GYIS BRLAB CING, LONGS SPYOD DU RUNG BA YANG YIN, SMAN BZHI GANG RUNG YANG YIN PA'I GZHI MTHUN PAR DMIGS PA'I SMAN DE JI SRID 'TSO BCANG GI SMAN GYI MTSAN NYID YIN, DE'I BYED LAS NI, GTZO BOR 'DUS PA'I NAD SEL BAR BYED PA'I BYED LAS DANG LDAN PA YIN NO, ,DE LA DBYE NA, TSE JI SRID 'TSO BCANG GI SMAN DANG, NAD JI SRID 'TSO BCANG GI SMAN GNYIS SU YOD, DANG PO NI, RANG BSTEN PA PO'I DGE SLONG GIS CHE JI SRID 'TSO'I BAR DU BYIN GYIS BRLAB PA YIN TE, SUM BRGYA PA LAS, MA SHI BAR BCANGS SMAN DU GSUNGS, ZHES PA DANG, SHE RAB BYED PA LAS, TSE GCIG PA'O, ,ZHES GSUNGS PA'I PHYIR, GNYIS PA NI RANG BSTEN PA'I @072B DGE SLONG GIS BAD KAN GYI GNYEN POR BSTEN PA'I NAD DE MA GROL TSUN CHAD DU BYIN GYIS BRLAB PA LTA BU'O, ,YANG THUN TSOD DU RUNG BA'I SMAN GYI RIGS SU GYUR PA'I BTUNG BA DE LA, DUS RUNG GI SMAN LA BRTEN PA'I DE, ZHAG BDUN PA'I SMAN LA BRTEN PA'I DE, JI SRID 'TSO BCANG GI SMAN LA BRTEN PA'I DE GSUM YOD, RTZAM DVANGS DANG, RUS DVANGS SOGS NI DANG PO DE YIN ZHING, DE YANG THUN TSOD DU RUNG BA'I SMAN NYID DU BYIN GYIS RLABS PAR BYA BA YIN NO, ,SBRANG BUR GYI KHU BA SOGS NI GNYIS PA DE YIN ZHING, DE YANG THUN TSOD DU RUNG BA'I SMAN DU BYIN GYIS RLABS PA DANG, ZHAG BDUN PA'I SMAN DU BYIN GYIS RLABS PA GANG RUNG BYAS PAS CHOG GO ,YANG AA RU RA DANG SKYU RU RA'I KHU BA SOGS NI GSUM PA DE YIN ZHING, DE YANG THUN TSOD DU RUNG BA'I SMAN DANG, JI SRID 'TSO BCANG GI SMAN DU BYIN GYIS BRLAB PA GANG RUNG BYAS PAS CHOG GO ,DES NA THUN TSOD DU RUNG BA'I SMAN DU BYIN GYIS MA RLABS PA'I RTZAM DVANGS, RUS DVANGS SOGS NI THUN TSOD DU RUNG BA'I SMAN GYI RIGS YIN KYANG THUN TSOD DU RUNG BA'I SMAN NI MA YIN TE, DE DER BYIN GYIS MA RLABS PA'I PHYIR, DES SMAN PHYI MA GNYIS LA YANG RIGS 'GRE'O, ,BZHI PA BSDU BA NI, SMAN BZHI PO DE BSDU NA DUS RUNG GI SMAN DANG, DUS MI RUNG GI SMAN GNYIS SU 'DUS PA YIN TE, SMAN PHYI MA GSUM PO DE DUS MI RUNG GI SMAN DU 'DU BA'I PHYIR, LNGA PA BYIN GYIS RLABS TSUL LA, DNGOS PO GANG BYIN GYIS RLABS PA, GANG ZAG GANG GIS BYIN GYIS RLABS PA, YUL GANG GI MDUN DU BYIN GYIS RLABS PA, DUS NAM GYI TSE BYIN GYIS RLABS PA, YUN JI SRID DU BYIN GYIS RLABS PA, CHO GA JI LTA BUS BYIN GYIS RLABS PA, DGOS PA GANG GI PHYIR DU BYIN GYIS RLABS PA, LONGS SPYOD PA'I CHO GA BSTAN PA DANG BRGYAD LAS, DANG PO NI, BYIN GYIS BRLAB TU RUNG BA'I SMAN DE LA, SMAN PHYI MA GSUM GANG RUNG GI RIGS SU GYUR CING, SNGAR BYIN GYIS RLABS PA DANG MA 'BREL BA ZHIG DGOS TE, DANG PO DUS RUNG GI SMAN LA BYIN RLABS MI 'CHAGS PA'I PHYIR TE, MDO RTZA BA LAS, DANG PO MA YIN PA NYID DAG LA NI NAD PA'I PHYIR, ZHES GSUNGS PA'I PHYIR, LAG NYAR SONG BA MA YIN PA ZHIG DGOS TE, LAG NYA GSOG 'JOG SOGS SU SONG BA LA BYIN RLABS MI @073A *, ,'CHAGS PA'I PHYIR TE, MDO RTZA BA LAS, LAG NYAR BLANGS PA DANG, GSOG 'JOG BYAS PA DANG, SBYIN LEN MA BYAS PA DANG, ZHES PA NAS, DGE SLONG GIS BTZOS PA DAG LA BYIN GYIS RLABS PA MI 'CHAGS SO, ,ZHES PA'I BAR GSUNGS PA'I PHYIR, BYIN GYIS RLOB RGYU'I SMAN DE TSAD DANG LDAN PA DANG, MNGON SUM DU YOD PA DGOS TE, BYIN LEN BYED DGOS PA'I PHYIR, KHYAB STE, TSAD DANG MI LDAN PA DANG, MNGON SUM DU MED PA LA BYIN LEN MI 'CHAGS PA'I PHYIR, GNYIS PA NI, BYIN GYIS BRLAB PA'I RTEN GYI GANG ZAG LA BSNYEN PAR RDZOGS PA DANG NAD PA MA YIN PA ZHIG DGOS SO, ,GSUM PA NI, BYIN GYIS RLABS PA'I YUL LA, DGE SLONG CHOS BDUN LDAN DGOS LA, DMIGS BSAL NI, YUL DGE SLONG MED NA RANG NYID GCIG PUS DE BYIN RLABS BYAR RUNG STE, MDO RTZA BA LAS, GNAS NAS PHYUNG BAS KYANG NGO, ,ZHES GSUNGS PA'I PHYIR, BZHI PA NI, SNGA DRO TSA BA'I GONG KHO NAR BYIN GYIS RLOB BO, ,LNGA PA YUN JI SRID DU BYIN GYIS RLABS PA NI, SMAN RANG RANG GI BYIN RLABS KYI MTHA' TSUN CHAD DU BYIN GYIS RLABS PAR BYA BA YIN LA, DE YANG DUS RUNG GI RGYU LAS BYUNG BA'I THUN TSOD DU RUNG BA'I SMAN GYI RIGS DANG, THUN TSOD DU RUNG BA'I SMAN GYI RGYU LAS BYUNG BA'I THUN TSOD DU RUNG BA'I SMAN GYI RIGS GNYIS NI THUN TSOD KYI MTHA'I BAR DU BYIN GYIS RLOB BO, ,ZHAG BDUN PA'I RGYU LAS BYUNG ZHING BYIN GYIS MA RLABS PA'I BTUNG BA NI THUN TSOD KYI MTHA' 'AM, ZHAG BDUN PA GANG RUNG DU BYIN GYIS RLOB BO, ,'TSO BCANG GI RGYU LAS BYUNG ZHING BYIN GYIS MA RLABS PA'I BTUNG BA NI, THUN TSOD KYI MTHA' 'AM 'TSO BCANG GANG RUNG DU BYIN GYIS RLOB BO, ,DRUG PA CHO GA GANG GIS BYIN GYIS RLOB PA LA, SBYOR BA NI, LAG PA BKRUS TE, BYIN LEN BYAS NAS MA ZHIG PAR BZHAG ,YUL DE RGAN NA PHYAG BYAS MDUN DU TZOG TZOG PUR 'DUG STE, GNYIS KA'I LAG PA G-YON PA'I STENG DU THUN TSOD DU RUNG BA'I SMAN BZHAG ,G-YAS PAS BKAB NAS, SMAN BYIN RLABS KYI CHO GA LA THUGS GTAD PAR ZHU ZHES BRJOD, DNGOS GZHI'I CHO GA NI BTZUN PA DGONGS SU GSOL, BDAG DGE SLONG MING 'DI ZHES BGYI BA'I @073B SMAN THUN TSOD DU RUNG BA 'DI BDAG DANG TSANGS PA MTSUNGS PAR SPYOD PA RNAMS KYI THUN TSOD DU RUNG BA'I SMAN DU BYIN GYIS RLOB BO, ,ZHES LAN GSUM BRJOD DE, THABS LEGS SOGS BYA'O, ,SMAN PHYI MA GNYIS BYIN GYIS RLOB PA'I TSE, THUN TSOD DU RUNG BA ZHES PA'I TSAB TU ZHAG BDUN PA DANG, 'TSO BA'I BAR DU BCANG BA ZHES PA BRJE BA MA GTOGS GZHAN THAMS CAD SNGAR LTAR RO, ,BDUN PA DGOS PA GANG GI PHYIR DU BYIN GYIS RLOB PA NI, GSOG 'JOG CHAR GTOGS DANG BCAS PA MI 'BYUNG BAR BYA BA'I PHYIR DU YIN NO, ,BRGYAD PA LONGS SPYOD PA'I CHO GA BSHAD PA LA, BYIN GYIS RLABS PA 'OG MA DANG LHAN CIG LONGS SPYOD MI SPYOD DPYAD PA, 'DRES PA LA CHO GA SNGA MA 'JUG MI 'JUG LA DPYAD PA, BYIN RLABS 'JIG PA'I RGYU SPANG BA DANG GSUM LAS, DANG PO NI, 'TSO BCANG DU BYIN GYIS RLABS PA ZHAG BDUN PA DANG LHAN CIG LONGS MI SPYOD, ZHAG BDUN PAR BYIN GYIS RLABS PA, THUN TSOD DU RUNG BA DANG LHAN CIG LONGS MI SPYOD, THUN TSOD DU RUNG BAR BYIN GYIS RLABS PA DUS RUNG DANG LHAN CIG LONGS MI SPYOD PA LTA BU'O, ,GNYIS PA NI, DUS RUNG GI SMAN DANG SMAN GZHAN RNAMS 'DRES NAS DUS RUNG GI SMAN SHAS CHE NA DUS RUNG KHO NAR LONGS SPYOD PAR BYA ZHING, DUS RUNG GI SMAN MI MNGON PA NI DUS MI RUNG DU LONGS SPYOD PAR BYA STE, DPER NA, RTZAM PA DANG BU RAM 'DRES PA'I TSE, BU RAM MI MNGON PAR RTZAM PA SHAS CHE BA'I SMAN DE DUS RUNG DANG, RTZAM PA MI MNGON PAR BU RAM SHAS CHE BA'I SMAN DE DUS MI RUNG DU LONGS SPYOD PAS CHOG PA YIN NO, ,GSUM PA LA BYIN RLABS 'JIG PA'I RGYU SPANG BA LA DNGOS DANG, PHONGS PA'I DUS KYI DMIGS BSAL BSHAD PA, SMAN DE RNAMS GANG ZAG GANG GIS BCANG BA DANG GSUM LAS, DANG PO NI, BYIN LEN 'JIG PA'I RGYU RNAMS KYIS KYANG SMAN GYI BYIN RLABS 'DIG PAS DE RNAMS SPANGS DGOS SO, ,GNYIS PA NI, MU GE DANG 'DRA BA'I DUS DANG, NA BA'I TSE NI LAG NYAR BLANGS PA DANG, MTSAMS BTZOS, ZHAG LON RJEN BTZOS, BRTZAM LDANG, SA BON DANG SKYE BA 'JAMS PA, SPANGS ZAS BYIN LEN MA BYAS PAR ZA BA RNAMS LA LTUNG BA MED DE, DUS DE'I TSE DE DAG GNANG BA YIN TE, MDO RTZA BA LAS, MU GE'I TSE DGE SLONG GIS BTZOS PA DANG, LAG NYAR BLANGS PA BYIN LEN MA BYAS PA DAG BZA' BAR BYA'O, ,NANG DU @074A *, ,BTZOS PA DANG, ZHAG LON PA'O, ,ZHES GSUNGS PA'I PHYIR, GSUM PA GANG ZAG GANG GIS BCANG BA NI, DUS RUNG GI SMAN NI NA BA DANG MI NA BA THAMS CAD KYIS BCANG BAR BYA BA YIN LA, SMAN PHYI MA GSUM NI DGE SLONG NAD PA SOGS KYIS BCANG BAR BYA BA YIN ZHING, DE YANG ZHAG BDUN PA'I SMAN NI DGE SLONG NAD PA DANG, LAM DU ZHUGS PA DANG, DGE SKOS DANG, LAG GI BLA DANG, DGE SLONG ZAN BCAD PA RNAMS KYIS LONGS SPYOD PAR BYA BA YIN ZHING, JI SRID 'TSO BCANG GI SMAN NI NAD PA KHO NAS LONGS SPYOD DO, ,BDUN PA BTZO ZHING BZHAG PA'I GNAS RUNG KHANG BCAD PA LA, DGOS DON DANG BSDUS DON GNYIS LAS, DANG PO NI, RUNG KHANG BCAD PA LA DGOS PA YOD DE, MTSAMS BTZOS DANG ZHAG LON GYI NYES PA MI 'BYUNG BA DANG, BCAS PA'I SA MTSAMS ZIN PAR BYA BA'I CHED YIN PA'I PHYIR, GNYIS PA LA, GZHI GANG DU BYIN GYIS RLOB PA, DUS NAM GYI TSE BYIN GYIS RLOB PA, GANG ZAG GANG GIS BYIN GYIS RLOB PA, CHO GA JI LTA BUS BYIN GYIS RLOB PA, RUNG KHANG GI BYED LAS BSHAD PA, BYIN RLABS 'JIG PA'I RGYU BSHAD PA DANG DRUG LAS, DANG PO NI, RUNG KHANG BYIN RLABS CHAGS PA'I GZHI DE LA, RANG NGAM RANG DANG 'DRA BA'I MTSAMS KYI NANG YIN PA, 'OG GZHI SRA BA DANG 'BREL BA BLA GAB MED PA SOGS CHUD ZA BA'I GNAS MIN PA DGOS TE, MDO RTZA BA LAS, DER G-YOS DANG BTZO BA YANG MI BYA, BTZOS ZIN PA'I BYI DOR YANG MI BYA'O, ,ZHES GSUNGS PA'I PHYIR, DER MA ZAD MU STEGS CAN GYI 'DUG GNAS SOGS GTZOG PA'I GNAS MIN PA DGOS TE, MDO RTZA BA LAS, MU STEGS CAN GYI 'DUG GNAS DANG, ZHES SOGS GSUNGS PA'I PHYIR, KUN LA MKHO BA'I SGO KHANG LA SOGS PA'I GNAS MIN PA DGOS TE, DE LTAR YIN NA, GZHAN LA GNOD PAR 'GYUR BA'I PHYIR TE, MDO RTZA BA LAS, DE YANG SGO KHANG DANG THEM SKAS KYI LKOG ,CES GSUNGS PA'I PHYIR, SNGAR RUNG KHANG BCANG ZIN PA DANG MA 'BREL BA ZHIG DGOS TE, BCAD ZIN DU GCOD MI DGOS SHING, CHO GA DON MED PAR 'GYUR BA'I PHYIR, GNYIS PA DUS LA BZHI YOD DE, DANG PO 'GRAM RDO 'JUG PA'I DUS DANG, PHYIS 'PHRO ZIN PAR BYA BA'I PHYIR DU LAS GSAR PA BYED PA'I DUS DANG, GRUB ZIN NAS DGE SLONG GNAS ZIN PA @074B NYID KYI DUS DANG, GNAS STONG PAR PHYIN PA NA BYA BA GZHAN MA BRTZAMS SHING NGAL MA GSOS PAR BYIN GYIS RLOB PA DANG BZHI RNAMS SU YOD PA'I PHYIR, GSUM PA GANG ZAG GANG GIS BYIN GYIS RLOB PA LA BZHI YOD PA LAS, DANG PO NI, BSHAD MA THAG PA'I DUS DANG PO'I TSE, DGE SLONG LAG GI BLAS BYIN GYIS RLOB PAR BYED PA YIN ZHING, DE'I TSUL NI DGE SLONG LAG GI BLAS RMANG GANG DU 'JUGS PA'I SA GZHIR RDO LA SOGS PA'I RTZIGS PA RNAMS BZHAG STE, DE LA LAG PAS REG STE GZHI 'DI NI DGE 'DUN GYI RUNG BA'I KHANG PAR 'GYUR RO, ,ZHES SEMS BSKYED CING DAG TU YANG DE NYID BRJOD PAR BYA'O, ,GNYIS PA NI GONG DU BSHAD PA'I DUS GNYIS PA'I TSE, LAG GI BLA DANG BCAS PA'I DGE SLONG RAB TU MANG POS BYIN GYIS RLOB PAR BYED PA YIN ZHING, DE'I TSUL NI, TSE DANG LDAN PA DAG GZHI 'DI NI DGE 'DUN GYI RUNG BA'I KHANG PAR SEMS BSDUS SHIG CES CIG CHAR BRJOD PAR BYA'O, ,'DI LA NI SEMS BSDUS PA'I MTHA' LAS BYUNG BA'I RUNG KHANG BYIN GYIS RLONG TSUL ZHES BYA ZHING, SNGA MA LA NI RDO BA BTEGS PA'I MTHA' LAS BYUNG BA'I DE BYIN GYIS RLOB TSUL YIN ZHING, GSUM PA NI, DUS GSUM PA'I TSE DGE SLONG GRANGS TSANG BAS GSOL GNYIS KYI LAS KYIS BYIN GYI RLABS PAR BYA'O, ,DE'I TSUL NI DGE 'DUN BTZUN PA RNAMS GSAN DU GSOL, GNAS THAMS CAD LAGS PA NANG MTSAMS DANG, PHYI ROL NYE 'KHOR 'DOM GANG DANG BCAS PA 'DI DGE 'DUN GYI RUNG BA'I KHANG PAR BZHED NA, GAL TE DGE 'DUN GYI DUS LA BAB CING BZOD NA DGE 'DUN GYIS GNANG BAR MDZOD CIG DANG, DGE 'DUN GYI GNAS THAMS CAD LAGS PA NANG MTSAMS DANG, PHYI ROL NYE 'KHOR 'DOM GANG DANG BCAS PA 'DI DGE 'DUN GYI RUNG BA'I KHANG PAR BGYI'O, ,'DI NI GSOL BA'O, ,BRJOD PA MJUG SDUD DANG BCAS PA LA THUGS GTAD PAR ZHU, DGE 'DUN BTZUN PA RNAMS GSAN DU GSOL, GNAS THAMS CAD LAGS PA NANG MTSAMS DANG, PHYI ROL NYE 'KHOR 'DOM GANG DANG BCAS PA 'DI DGE 'DUN GYI RUNG BA'I KHANG PAR BZHED DE, DE'I SLAD DU DGE 'DUN GYI GNAS THAMS CAD LAGS PA NANG MTSAMS DANG, PHYI ROL NYE 'KHOR 'DOM GANG DANG BCAS PA 'DI DGE 'DUN GYI RUNG BA'I KHANG BAR BGYIS NA, TSE DANG LDAN PA GANG DAG GNAS THAMS CAD LAGS PA NANG MTSAMS DANG, PHYI @075A *, ,ROL NYE 'KHOR 'DOM GANG DANG BCAS PA 'DI DGE 'DUN GYI RUNG BA'I KHANG PAR BGYI BAR BZOD PA DE DAG NI CANG MA GSUNGS SHIG ,GANG DAG MI BZOD PA DE DAG NI GSUNGS SHIG ,DGE 'DUN GYIS BZOD CING GNANG NAS DGE 'DUN GYI GNAS THAMS CAD LAGS PA NANG MTSAMS DANG, PHYI ROL NYE 'KHOR 'DOM GANG DANG BCAS PA 'DI DGE 'DUN GYI RUNG BA'I KHANG PAR BGYIS LAGS TE, 'DI LTAR CANG MA GSUNG BAS DE DE BZHIN DU 'DZIN TO, ,ZHES DGE 'DUN GYI GNAS BRTAN GYIS BRJOD DO, ,DE NI LAS KYI MTHA' LAS BYUNG BA'I DE BYIN GYIS BRLAB TSUL YIN, BZHI PA NI, GNAS STONG PAR DGE SLONG CIG CHAR DU PHYIN PA JI SNYED YOD PA DE SNYED KYIS, GZHI 'DI NI DGE 'DUN GYI RUNG BA'I KHANG PAR 'GYUR RO, ,ZHES CIG CHAR DU BRJOD NAS BYIN GYIS BRLAB PAR BYA'O, ,DA LA NI 'PHRAL LAS BYUNG BA'I DE BYIN GYIS BRLAB TSUL ZHES BYA'O, ,GSUM PA GANG ZAG GANG GIS BRLAB PA'I TSUL NI RUNG KHANG BZHI PO DE THAMS CAD LAS CHAGS PA'I DGE 'DUN GYIS DE DANG DER BYIN GYIS BRLABS NAS GCOD DGOS TE, MDO RTZA BA LAS, THAMS CAD NI DGE 'DUN GYIS SO, ,ZHES GSUNGS PA'I PHYIR, BZHI PA CHO GA JI LTA BUS BYIN GYIS RLOB PA'I TSUL NI SNGAR BSHAD ZIN TO, ,LNGA PA BYED LAS NI, RUNG KHANG GCIG GIS MTSAMS NANG DE NA GNAS PA'I DGE 'DUN THAMS CAD KYI RUNG KHANG GI BYA BA BYED LA, KHYAD PAR DU LCAGS RI GCIG GIS BSKOR BA'I NANG NA GTZUG LAG KHANG THA DAD PA BZHI YOD, DE BZHIN DU GAndI YANG THA DAD PA BZHI YOD CING, SKAS THA DAD PA BZHI YOD PA, DE DAG GI DBUS SU THUN MONG GI RUNG KHANG GCIG LA SGO BZHI BYAS TE, RUNG KHANG DER THAB YANG THA DAD PA BZHI BYAS NAS, DER G-YOS BYAS TE SKAS BZHI PO SO SOR PHYIN TE, GTZUG LAG KHANG THA DAD PA BZHI PO'I DGE 'DUN LA ZAS 'GYED PA LA NYES PA MED PA YIN PA'I PHYIR TE, MDO RTZA BA LAS, GCIG GIS GTZUG LAG KHANG DU MA'I BYA BA BYED PA LA MI MDZES PA MED DO, ,ZHES GSUNGS PA'I PHYIR, DES NA, 'DI LA BA LANG GI LHAS LTA BU'I RUNG KHANG ZHES BSHAD DE, DPER NA, BDAG PO THA DAD PA DU MA'I BA LANG LHAS GCIG TU NYAL BA LTAR, THUN MONG BA'I RUNG KHANG GCIG TU G-YOS BYED PAS DE LTAR BRJOD PA'I PHYIR RO, ,CI'I PHYIR RUNG KHANG ZHES BYA ZHE NA, MTSAMS KYI NANG YIN YANG ZAS BTZO BA DANG, ZHAG LON PAR BZHAG @075B TU RUNG BAS NA RUNG KHANG ZHES BYA'O, ,DRUG PA BYIN RLABS 'JIG PA'I RGYU BSHAD PA LA, DANG PO NI GNAS DE ZHIG PAS 'JIG CING, GZHAN RNAMS NI MTSAMS LA RE BA MED PA DANG, MTSAN MA BRTAN PO ZHIG PA DANG, MTSAMS GZHAN BYUNG BA DANG, LAS KYIS ZHIG PA DANG, MTSAMS NANG GI DGE SLONG DGE SLONG MA YIN PAR GYUR PA DANG, BSRUNG BA'I DGE SLONG MED PAR ZHAG LON PA DANG, DNGOS PO NYAMS PAR GYUR PA NA RUNG KHANG GI BYIN RLABS 'JIG GO ,RTZA BA'I BRGYAD PA ZAS KYI RGYU MTHUN ZAG PA 'DOR BA'I TSUL 'DI LA, THOG MAR SMAN BSTEN PA LA 'JUG PA'I TSUL, DE LA BRTEN NAS RGYU MTHUN ZAG PA 'DOR BA'I TSUL DNGOS BSHAD PA DANG GNYIS, DANG PO LA LUS LA BSTEN PA'I TSUL DANG, KHAR BSTEN PA'I TSUL GNYIS, DANG PO LA, NAD PAS BSTEN PA'I TSUL DANG, DE LAS GZHAN PA'I BSTEN TSUL GNYIS LAS, DANG PO NI, DU MA YOD DE, SRO KHANG BSTEN PA DANG, LEGS SBYAR GYI KHRUS BSTEN PA DANG, MIG LA PHAN PA'I PHYIR DOM LPAGS BSTEN PA DANG, ME TOG DRI ZHIM PO BSTEN PA RNAMS SU YOD PA'I PHYIR, GNYIS PA KHAR BSTEN TSUL LA, MI NA BAS SMAN KHAR BSTEN TSUL DANG, NAD PAS SMAN KHAR BSTEN TSUL GNYIS, DANG PO NI, DUS RUNG GI SMAN NI DUS RUNG KHO NAR BSTEN LA, GZHAN GSUM BYIN RLABS MA ZHIG BAR DU BSTEN NO, ,CHANG LA SRED PA HA CANG CHE NA, CHANG LA SRED PA DANG BRAL BA'I PHYIR DU CHANG GI DRIS BGOS PA'I PHYE MA'I KHU BA BSTEN NA NYES PA MED LA, DE BSGRUB PA'I TSUL NI, RAS GCANG MA'I NANG DU RTZAM PA BSTUMS NAS, SKYUR CHUB CAN DU MA SONG BAR DU CHANG RDZA'I NANG DU CHANG GI SPANG MA LA MA REG PAR GZHAG ,SKYUR TSUB CAN DU SONG BA NA DE CHU DANG BCAS TE BTUNG BAR BYA'O, ,GNYIS PA LA, DUS RUNG GI SMAN DUS MIN PAR BSTEN PA'I TSUL DANG, ZHUN MAR DANG 'DRES PA'I CHANG GI SMAN BSTEN PA'I TSUL DANG, GZHAN GSUM BYIN GYIS RLABS TE BSTEN PA'I TSUL DANG GSUM, DANG PO LA, NAS KYI SMAN BSTEN TSUL DANG, SHA'I SMAN BSTEN TSUL DANG, SGOG PA'I SMAN BSTEN TSUL DANG GSUM LAS, DANG PO NI, GAL TE DUS MIN PAR NAS LAS BYAS PA'I SMAN DGOS PA ZHIG YIN NA, BA LANG RGAN PO SO MED PA LA NAS BYIN PA'I LCI BA LAS BYUNG BA'I NAS KYI RTZAM PA LAS BYAS PA'I SKYO MA TSAGS LAS BCAGS NAS LONGS SPYOD PAR BYA STE, MDO RTZA BA LAS, GAL TE DUS MIN PAR NAS LAS BYAS PA'I SMAN DGOS PA NYID @076A *, ,YIN NA, DE'I DON DU BA LANG RGAN PA'I LCI BA'I NAS KYIS CHOG PAR BYA YI, GZHAN BZA' BAR MI BYA'O, ,GAL TE SKYO MA TSAGS KYIS BTZAGS NA TE GZHAN NI MA YIN NO, ,ZHES GSUNGS PA'I PHYIR, GNYIS PA NI, DUS MIN PAR SHA'I SMAN BSTEN DGOS PA BYUNG NA, MA TSA'I BRUN GYI GSEB NAS BYUNG BA'I SHA'I KHU BA TSAGS LA BCAGS NAS BSTEN PAR BYA BA YIN TE, MDO RTZA BA LAS, GAL TE SHA'I SMAN DGOS PA BYUNG NA, MA TSA'I RTUG PA'I SHAS SO, ,GAL TE KHU BA CHAGS KYIS BCAGS NA TE, GZHAN NI MA YIN NO, ,ZHES GSUNGS PA'I PHYIR, BCAS LDAN DGE SLONG GIS SMAN GYI SHA BSTEN PA'I TSE, SHA DMAR PO BSTEN PAR MI BYA STE, BSTEN NA SROG GCOD KYI NYES PA'I CHAR GTOGS KYI SBOM PO 'BYUNG BA'I PHYIR, SMAN GYI SHA YANG, MI DANG, GLANG PO CHE DANG, MI RO ZA BA'I BYA DANG, KLU DANG GCAN GZAN GYI RIGS DANG, KHYI'I RIGS DANG, RTA DANG, SRIN BU'I RIGS RNAMS KYI SHA BSTEN DU MI RUNG STE, MDO RTZA BA LAS, GLANG PO CHE DANG, RTA DANG, KLU RNAMS KYI MI ZA, ZHES PA NAS, SRIN BU RNAMS KYI YANG MI ZA'O, ,ZHES PA'I BAR GSUNGS PA'I PHYIR, RANG NYID LA BSNGOS PAR MTHONG THOS DOGS GSUM GYI GZHI DANG BRAL BA'I RNAM GSUM DAG PA'I SHA GNANG BA YIN GYI, DMIGS SHA ZAR MI RUNG STE, MDO RTZA BA LAS, SHA BSNGOS PAR SHES NA BZA' BAR MI BYA'O, ,ZHES PA DANG, SDOM GSUM ZAB ? DBYE LAS, NYAN THOS RNAM GSUM DAG PA'I SHA, ZHES SOGS GSUNGS PA'I PHYIR, BYAS PA LA KHO NA RE, 'DUL BA LAS, SHA GNANG NA MYANG 'DAS KYI MDO DANG, LANG GSHEGS KYI MDO LAS SHA BKAG PA DANG 'GAL LO, ,ZER NA, MI 'GAL TE, DE GNYIS KA'I CHED DU BYA BA'I GDUL BYA THA DAD YIN PA'I PHYIR, DES NA 'DUL BA LAS BCAS LDAN DGE SLONG LA SHA GNANG BA YIN TE, SHA'I BYIN LEN STOBS PA NA BCAD PA LAS BYUNG BA MA YIN NAM, ZHES BRJOD DGOS PAR GSUNGS PA YIN PA'I PHYIR TE, MDO RTZA BA LAS, SHA'I BYIN LEN STOBS PA LA, BCAD PA LAS BYUNG BA NYID MA YIN NAM, ZHES DRI BAR BYA'O, ,ZHES GSUNGS PA'I PHYIR, GAL TE DGE SLONG DANG POS DE LTAR 'DRI BA BRJED NA, DGE SLONG DE'I 'OG MA DES BRJOD DGOS TE, MDO RTZA BA LAS, DU MA NYID NA DANG POS SO, ,ZHES GSUNGS PA'I PHYIR, DER MA ZAD SPYIR BTANG LA, BCAS LDAN DGE SLONG @076B GIS SHA RLON PA BSTEN DU MI RUNG KYANG, DMIGS BSAL LA, SHA RLON PAS PHAN PAR NGES PA'I DGE SLONG NAD PA LA SMAN GYI PHYIR SHA RLON PA BSTEN DU RUNG BA YIN TE, MDO RTZA BA LAS, SMAN GYI PHYIR SHA RLON PA BSTEN PAR BYA'O, ,RAS KYIS MIG GNYIS LA DGAB BO, ,ZHES GSUNGS PA'I PHYIR, YANG DGE SLONG RNAMS KYIS SHA LA LONGS SPYOD PA'I TSE, GZHAN MA DAD PA SPANG BA'I PHYIR DU SGO'U BSRUNG ZHES BYA BA'I DGE SLONG GCIG GSOL GNYIS KYI LAS KYIS BSKOS TE, DES SGO DAM DU BSRUNGS NAS SHA LA LONGS SPYOD PAR BYA ZHING, ZOS ZIN NAS RUS PA LA SOGS PA'I CHA SHAS RNAMS SBA BA'AM, LHAG MA ZA BA RNAMS LA CI BDER BYIN NAS GZHAN MA DAD PA MED PAR BYA, GSUM PA NI, SPYIR BTANG LA RAB BYUNG RNAMS KYIS SGOG PA'I RIGS ZAR MI RUNG STE, MDO RTZA BA LAS, SGOG SKYA DANG, KUN DANG DANG, KE'U DAG BZA' BAR MI BYA'O, ,ZHES GSUNGS PA'I PHYIR, DMIGS BSAL LA, SGOG PAS NAD LA PHAN PA'I BCAS LDAN DGE SLONG GIS NI DBEN PA'I PHYOGS SU SGOG MTSAMS BCAD NAS ZA BAR GNANG STE, MDO RTZA BA LAS, NAD PAS NI DBEN PA'I PHYOGS SU'O, ,ZHES GSUNGS PA'I PHYIR, ZOS ZIN PA'I RJES SU 'PHRO BCAD NAS, SGOG SKYA LA ZHAG BDUN, KUN DONG LA ZHAG GSUM, KE'U LA ZHAG GCIG MTSAMS BCAD NAS, DE RNAMS SO SO'I ZHAG GRANGS MA THEM BAR DU GTZUG LAG KHANG DU MI 'JUG ,DGE 'DUN GYI GNAS MAL LA MI SPYOD DGE 'DUN GYI BSHAD GCI BYED SAR MI 'JUG PA NAS BZUNG STE, SKYA BOS GANG BA'I SA PHYOGS SU MI 'JUG PA'I BAR BYA DGOS TE, MDO RTZA BA LAS, ZOS NAS SGOG SKYA NI ZHAG BDUN, KUN DONG NI ZHAG GSUM, KE'U NI ZHAG GCIG MA LON PAR GTZUG LAG KHANG DU 'JUG PAR MI BYA, ZHES GSUNGS PA'I PHYIR, DE'I RJES SU LUS RIL PO LA KHRUS BYA ZHING, GOS LA CHAGS PA'I DRI MA BKRU BA DANG, DRI ZHIM PO'I DU BAS BDUGS NAS BSAL BAR BYA STE, MDO RTZA BA LAS, MJUG TU KHRUS BYA'O, ,SPOS DAG GI DRIS NI BKRU BA DANG, DU BA DAG GIS BSAL LO, ,ZHES GSUNGS PA'I PHYIR, GZHAN YANG SMAN LA 'JUG PA'I TSUL DE LA DU MA YOD DE, ZAS LA 'JUG PA'I TSUL, ZAS ZA BA'I GNAS SU GRAL LA JI LTAR 'DUG PA, STAN GANG LA 'DUG PA, ZAS BLANG BA'I TSE CHO GA JI LTAR BYA BA, DNGOS PO GANG ZA BA, SNOD GANG DU ZA @077A *, ,BA, GOS GANG GIS ZA BA, ZA BA'I CHO GA BSTEN PA DANG BRGYAD, DANG PO LA, BSOD SNYOMS KYI ZAS LA 'JUG PA'I TSUL, MGRON DU BOS PA LA 'JUG PA'I TSUL, THUN MONG DU 'JUG PA'I TSUL DANG GSUM YOD, DANG PO NI, LHUNG BZED MA BZUNG BAR BSOD SNYOMS BLANG BAR MI BYA, GSIL BYED KYI SGRA MA BYAS PAR BSOD SNYOMS BLANG BAR MI BYA, CHOS BTZONGS NAS 'TSO BA LA SBYAR BAR MI BYA'O, ,GNYIS PA NI, MGRON DU BOS PA'I TSE, HA CANG MA SNGAS HA CANG MA PHYIS PAR GRAL LA 'JUG PAR BYA'O, ,GSUM PA NI, DE GNYIS KA'I TSE CA CO'I SGRA BSKYUNGS TE 'JUG PAR BYA'O, GNYIS PA NI, GRAL LA BSLAB PA RGAN RIM GYIS 'KHOD PAR BYA BA'I PHYIR DU, MDZES 'CHOS PA BSKO BAR BYA'O, ,DGE 'DUN MANG PO 'DUS PA'I CHE 'AM SHIN TU BYA DKA' BA'I TSE, BGRES PA GSUM MAM BZHI GRAL RIMS SU 'KHOD, GZHAN RNAMS CI BDOR BYA'O, ,GSUM PA NI, DGE 'DUN GYI STAN DANG, GANG ZAG DANG, KHYIM PA'I STAN KHRA BO DANG, PHAL CHER MA NYAMS PA RNAMS LA GDING BA BTING STE DRAN SHES BZHIN NYE BAR BZHAG NAS GNAS PAR BYA'O, ,BZHI PA NI, BZA' BA LA SOGS PA MCHOG BLANGS NAS DMAN PA LA SBYIN PAR MI BYA ZHING, SKABS SU BABS PA'I GDUL BYA DUNG DUNG NGE BA DANG, SBYIN PAR 'OS PA RNAMS LA SBYIN PAR BYA'O, ,RANG ZA BA'I PHYIR DU LEN PA RNAMS NI BYIN LEN TSUL BZHIN DU BYAS TE BZA' BAR BYA'O, ,LNGA PA NI, SNGAR BSHAD PA'I SMAN BZHI PO GANG RUNG BZA' BAR BYA BA YIN NO, ,DRUG PA SNOD NI, LHUNG BZED DU ZA ZHING, KO SDER DANG, THANG RKYAL DU MI RUNG NGO, ,BDUN PA GOS GANG DANG BCAS TE ZA BA NI, BLA GOS DANG SMAD G-YOGS GNYIS DANG BCAS TE BZA' BAR BYA STE, MDO RTZA BA LAS, GOS GCIG PAS ZAS LA LONGS SPYOD PAR MI BYA, ZHES GSUNGS PA'I PHYIR, DE NI SPYIR BTANG YIN LA, DMIGS BSAL NI, DGE SLONG NAD TSABS SHIN TU CHE BAS NI RDUL GZAN LA BRTEN NUS TZAM YOD NA, DE LA BRTEN PAR BYA ZHING, DE TZAM MI NUS NA YANG NYES PA MED DE, MDO RTZA BA LAS, NAD PAS NI NUS NA RDUL GZAN LA BRTEN PAR BYA'O, ,ZHES GSUNGS PA'I PHYIR, MCHIL LHAM PHUD NAS BZA' BTUNG LA LONGS SPYOD DGOS TE, MDO RTZA BA LAS, MCHIL LHAM GYON BZHIN DU ZAS LA LONGS SPYOD @077B PAR MI BYA, ZHES GSUNGS PA'I PHYIR, BRGYAD PA ZAS ZA BA'I CHO GA BSTAN PA LA, BSAM PA DANG, SBYOR BA GNYIS, DANG PO NI, RGYAGS PA DANG DREGS PA LA SOGS PA'I GNYEN POR, TSANGS PAR SPYOD PA'I 'DU SHES DANG, MNGAR BA LTA BU'I RO LA CHAGS PA'I GNYEN POR 'DU SHES BCU SNGON DU BTANG BAR BYA BA DANG LTUNG BA 'BYUNG BA'I GNYEN POR DRAN SHES BZHIN BAG YOD RNAMS BSTEN PAR BYA LA, DE YANG 'DU SHES DANG PO BSTEN DGOS TE, MGON PO KLU SGRUB KYIS, RGYAGS PHYIR MA LAGS ZHES BSNYEMS PA'I PHYIR MA LAGS, ,'TSAGS PHYIR MA LAGS LUS GNAS 'BA' ZHIG PHYIR, ZHES GSUNGS SHING, SLOB DPON 'PHAGS PA LHAS KYANG, LUS NI DGRA LTAR MTHONG MOD KYI, ,DE LTAR NA YANG DE RUNG BYED, ,TSUL LDAN YUN RINGS 'TSO BA NI, ,DE LAS BSOD NAMS CHEN PO BYED, ,ZHES GSUNGS PA'I DON BSAM PA'I SGO NAS BZA' DGOS SO, ,DES NA GONG DU BSHAD PA'I 'DU SHES BCU NI, ZAS 'DI LTA BU NI MI GTZANG BA'O SNYAM DU 'DU SHES PA DANG, LUD LA SOGS PA LAS BYUNG BA'O, ,'BRAS CHEN NI SRIN BU DANG 'DRA'O, ,PHYE DAG NI RUS PHYE DANG 'DRA'O, ,KHU BA RNAMS NA RNAG KHRAG DANG 'DRA'O, ,GANG ? BU RNAMS NI MI GTZANG BA DANG 'DRA'O, ,ZAS RNAMS NI ZOS NA BAD KAN LA SOGS PAR 'GYUR BA'O, ,ZAS 'DI'I PHYIR DU PHA BU DANG, MA DANG BU MO LHAN CIG TU 'THAB PAR BYED DO, ,ZAS 'DI NI BSHAD GCI LA SOGS PA'I RGYU MTHUN PA'O, ,ZAS 'DI ZHING LA SOGS PA LAS 'BYUNG BAS, DE DAG LA BRTEN NAS CHAGS SDANG LA SOGS PA'I NYON MONGS PA 'BYUNG LA, DE'I DBANG GIS YANG SRID DU 'KHYAMS NAS SDUG BSNGAL MYONG BAR 'GYUR RO SNYAM DU BSAM PA'O, ,MDOR NA RANG LA NAD PA'I 'DU SHES, ZAS LA SMAN GYI 'DU SHES, ZAS ZA BA LA SMAN BSTEN PA'I 'DU SHES DANG BCAS PA NGES PAR BYA DGOS TE, MDO RTZA BA LAS, BDAG NYID LA NAD PA'I 'DU SHES DANG ZAS LA SMAN GYI 'DU SHES NYE BAR BZHAG STE BZA' BAR BYA'O, ,GNYIS PA SBYOR BA NI, SNGA CHAB BLANGS TE, 'DI LTAR SANGS RGYAS BCOM LDAN 'DAS DE BZHIN GSHEGS PA ZHES SOGS DKON MCHOG GSUM RJES SU DRAN PA'I MDO 'DON ZHING, SNOD GTZANG MA'I NANG DU BLA MA SOGS DKON MCHOG GSUM DANG CHOS SKYONG SRUNG MA'I TSOGS RNAMS LA PHUD KYI MCHOD PA, DE NAS 'PHROG MA BU LNGA BRGYA DANG BCAS PA'I @078A *, ,PHUD LA DBANG BA'I 'BYUNG PO RNAMS LA SOR MO LNGA'I RJES DOD PA'I 'CHANG BU RE SBYIN, DE NAS SGRA BSKYUNGS TE 'DU SHES BCU BSTEN PA'I SGO NAS BZA' BAR BYA'O, ,MJUG TU LHAG KHAM GCIG BZHAG STE, JI LTAR 'OS PA LA SBYIN PAR BYA'O, ,LHUNG BZED NANG GI LHAG ROL RNAMS LHAG MA LA DBANG BA RNAMS LA SPYIN NO, ,DE NAS PHYI CHAB BLANGS NAS SBYIN PA BSHAD PA DANG, YON BSHAD PA GNYIS BYA'O, ,DE YANG SBYIN PA BSHAD PA NI, NYAN PA PO YOD PA'AM, MED KYANG RUNG SBYIN PA LA SOGS PA'I PHAN YON DANG, SER SNA LA SOGS PA'I NYES DMIGS BSHAD PAR BYA'O, ,DE YANG DPER NA, TSOGS BSAGS PA LAS BDE BA 'BYUNG, ,TSOGS NI MI YI YUL DU BSAGS, ,DE YANG YANG DANG YANG DU BSAGS, ,DE NYID LA NI 'DUN PAR BYA, ,ZHES PA'I MDO 'DON PA LTA BU'O, ,GNYIS PA YON BSHAD PA NI, DGE RTZA BYANG CHUB TU BSNGO BA YIN LA, DPER NA, DGE BA'I RTZA BA 'DI DANG, DGE BA'I RTZA BA THAMS CAD LA BRTEN NAS DPAL TSANGS PA DANG BRGYA BYIN DANG, ZHES PA NAS BZUNG STE, DON GYI MCHOG RDZOGS PA'I SANGS RGYAS KYI GO 'PHANG RIN PO CHE MYUR DU THOB PAR GYUR CIG ,CES PA'I BAR RGYUN CHAGS GSUM 'DON PA LTA BU'O, ,GNYIS PA DE LA BRTEN NAS RGYU MTHUN ZAG PA 'DOR TSUL LA, KHA DANG SNA'I ZAG PA 'DOR TSUL DANG, BSHANG GCI'I ZAG PA 'DOR TSUL DANG, DBEN PA'I PHYOGS SU GZHAN MA DAD PA BSRUNG TSUL DANG, SKYES BU DAM PA'I TSUL LA MI GNOD PAR BRAM ZE GTZANG MA DANG RGYAL RIGS GTZANG MA DAG GI SPYOD PA BYA DGOS SO, ,DE YANG MCHIL MA DANG, SNABS DANG, KHA BKRUS PA SOGS KYI CHU NI, DGE 'DUN GYI GTZUG LAG KHANG DANG, DKON MCHOG DANG, BLA MA'I DRUNG DANG, DGE 'DUN GYI GNAS MAL SOGS LA DOR BAR MI BYA STE, DE LTAR BYAS NA RTZIG PA LTA BU'I DMYAL BAR SKYES NAS SDUG BSNGAL MYONG DGOS PAR 'PHAGS PA DGE 'DUN SRUNG GI RTOGS BRJOD LAS GSUNGS PA'I PHYIR, RTZA BA'I GNYIS PA NGAG DON NI, BCAS LDAN DGE SLONG GIS DRI RO REG BYA GSUM GYI SMAN BZA' BTUNG GI TSUL GYIS BSTEN PAR BYA BA YIN TE, DES KHYAD PAR DU BYAS PA'I DGOS PA MTHONG BA'I PHYIR, SMAN DE LA BZHI YOD DE, DUS RUNG GI SMAN DANG, THUN TSOD DU RUNG BA'I SMAN DANG, ZHAG BDUN PA'I SMAN @078B DANG, JI SRID 'TSO BCANG GI SMAN DANG BZHI YOD PA'I PHYIR, RANG RES SMAN GYI MTSAN NYID DE LTAR BZHAG PA LA, KHO NA RE, RANG LUGS KYI SMAN GYI MTSAN NYID DE CHOS CAN, CHOS DE SMAN YIN NA, CHOS DE KHYOD YIN DGOS PAR THAL, KHYOD SMAN GYI MTSAN NYID YIN PA'I PHYIR, RTAGS DNGOS, 'DOD BYAS PAS, MI SDUG PA SGOM PA'I TING NGE 'DZIN CHOS CAN, 'DOD CHAGS SEL BAR BYED PA'I MTSAN NYID DER THAL, 'DOD CHAGS SEL BAR BYED PA'I SMAN YIN PA'I PHYIR, MA GRUB BYAS PAS DER THAL, 'DOD CHAGS KYI GNYEN PO YIN PA'I PHYIR ZER NA, 'DIR MA KHYAB, MA GRUB NA DER THAL, DBUGS 'BYUNG RNGUB SGOM PA DE RNAM RTOG SHAS CHE BA'I GNYEN PO YIN PA'I PHYIR TE, MDZOD LAS, 'DOD CHAGS RNAM RTOG LHAG RNAMS SO, ,ZHES GSUNGS PA'I PHYIR, RTZA BAR 'DOD MI NUS TE, RIG PA YIN PA'I PHYIR TE, TING NGE 'DZIN YIN PA'I PHYIR, YANG KHO NA RE, MAR DKAR PO CHOS CAN, KHYOD KHAM ZAS YIN PAR THAL, KHYOD SMAN GYI MTSAN NYID DE'I PHYIR, MA GRUB NA DER THAL, SMAN YIN PA'I PHYIR TE, DUS RUNG GI SMAN YIN PA'I PHYIR, RTZA BAR 'DOD NA, MAR DKAR PO CHOS CAN, KHYOD KHAM ZAS MIN PAR THAL, KHYOD KHA DOG YIN PA'I PHYIR TE, DKAR PO YIN PA'I PHYIR, MA GRUB BYAS PAS MAR DKAR PO CHOS CAN, KHYOD DKAR PO YIN PAR THAL, KHYOD MAR DKAR PO YIN PA'I PHYIR ZER NA 'GAL KHYAB YIN, MA GRUB NA, DE YIN PAR THAL, DE YOD PA'I PHYIR, ZER NA, ME DMAR PO CHOS CAN, KHYOD DMAR PO YIN PAR THAL, KHYOD ME DMAR PO YIN PA'I PHYIR, KHYAB PA KHAS, RTAGS RIGS 'GRE, 'DOD NA, KHYOD KHA DOG YIN PAR THAL, KHYOD DMAR PO YIN PA'I PHYIR, 'DOD NA KHYOD GZUGS KYI SKYE MCHED YIN PAR THAL, KHYOD KHA DOG GI GZUGS YIN PA'I PHYIR TE, KHYOD KHA DOG YIN PA'I PHYIR, 'DOD MI NUS TE, REG BYA'I SKYE MCHED YIN PA'I PHYIR TE, ME YIN PA'I PHYIR, YANG KHO NA RE, DRI KHO NAR GYUR PA'I SMAN MED PAR THAL, KHYOD KYI DE 'THAD PA'I PHYIR, 'DOD MI NUS TE, TZAN DAN GYI DRI DE DRI KHO NAR GYUR PA'I SMAN YIN PA'I PHYIR TE, DRI'I SMAN ZHIG YOD PA'I PHYIR, YANG KHO NA RE, BU RAM GYI GONG BU CHOS CAN, DUS RUNG GI SMAN YIN PAR THAL, SKRES 'DUS GNYIS KYI NANG NAS SKRES NAD SEL BA LA GTZO BOR GYUR PA'I SMAN YIN PA'I PHYIR NA MA KHYAB, MA GRUB NA, DER THAL, BU RAM GYI GONG BU ZOS PA LA BRTEN NAS SKRES @079A *, ,PA SEL NUS PA'I PHYIR, RTZA BAR 'DOD MI NUS TE, DUS MI RUNG GI SMAN YIN PA'I PHYIR TE, ZHAG BDUN PA'I SMAN YIN PA'I PHYIR, MA GRUB NA, DE DER THAL, MDO RTZA BA LAS, BU RAM YANG NGO, ,ZHES GSUNGS PA'I PHYIR ZER NA, MA KHYAB STE, LUNG DES NI ZHAG BDUN PAR BYIN GYIS BRLAB PA'I BU RAM DE ZHAG BDUN PA'I SMAN DU BSTAN PA YIN PA'I PHYIR TE, MDO RTZA BA LAS, BU RAM YANG NGO, ,ZHES PA'I MJUG TU, DE BYIN GYIS BRLAB PA BZA' BA LA LAM DU ZHUGS PA DANG, DGE BSKOS DANG, LAG GI BLA RNAMS NI NAD PA DANG 'DRA BA NYID DO, ,ZHES GSUNGS PA'I PHYIR, GZHAN YANG, BU RAM GYI GONG BU CHOS CAN, BCAS LDAN DGE SLONG GIS RANG NYID GNAS PA'I GLING DE'I NYI MA PHYED YOL NAS ZAR MI RUNG BA YIN PAR THAL, DUS RUNG GI SMAN YIN PA'I PHYIR, RTAGS DNGOS, 'DOD MI NUS TE, BU RAM LA RUNG CHU BTANG NAS DES PHYI DRO ZAR RUNG BA'I PHYIR, DE LTAR MA YIN NA, BTUNG BA SHIN TU SLA BA'I SMAN YIN NA, THUN TSOD DU RUNG BA'I SMAN YIN DGOS PAR THAL, MDO RTZA BA LAS, THUN TSOD DU RUNG BA NI BTUNG BA DAG GO SHIN TU SLA BA'O, ,ZHES GSUNGS PA'I PHYIR, KHYAB PA KHAS, 'DOD MI NUS TE, DE YIN NA BYIN RLABS CAN GYI SMAN YIN DGOS PA'I PHYIR, DES NA SMAN PHYI MA GSUM GANG RUNG YIN NA, BYIN RLABS CAN GYI SMAN YIN PAS KHYAB BO, ,KHA CIG ,'BRAS KYI ZHING GI SA CHOS CAN, DUS RUNG GI SMAN YIN PAR THAL, DUS RUNG GI SMAN GYI MTSAN NYID DE'I PHYIR TE, 'BRAS KYI ZHING SA DE SKRES PA'I NAD SEL BA LA GTZO BOR ZHUGS PA YIN PA'I PHYIR TE, 'BRAS 'DEBS PA DE SKRES PA'I NAD SEL BA'I DON DU 'DEBS PA YIN PA'I PHYIR, RTZA BAR 'DOD NA, ZHING GI SA DE YANG DUS RUNG GI SMAN YIN PAR THAL, 'DOD PA'I PHYIR, 'DOD BYAS PAS, ZHING SA CHOS CAN, DUS RUNG GI SMAN MA YIN PAR THAL, DUS MI RUNG GI SMAN YIN PA'I PHYIR, DER THAL, JI SRID 'TSO BCANG GI SMAN YIN PA'I PHYIR, DE DER THAL, MDO RTZA BA LAS, SA NI SOR BZHI'I 'OG GI SA BZANG NGO, ,DE NI DGE BSNYEN DAD PA CAN LAS BSLANG NGO, ,ZHES GSUNGS PA'I PHYIR NA, MA KHYAB STE, LUNG DES NI NAD 'BA' ZHIG LA PHAN PA'I PHYIR DU SOR BZHI TZAM GZHAL BA'I 'OG GIS DGE BSNYEN DAD CAN LAS BSLANGS TE, 'TSO BCANG GI SMAN DU BYIN GYIS BRLAB PA DE 'TSO BCANG @079B GI SMAN DU BSTAN PA TZAM YIN PA'I PHYIR, KHA CIG ,RANG RGYU DUS RUNG GI SMAN LAS BYUNG BA'I BTUNG BA DE, THUN TSOD DU RUNG BA'I SMAN GYI MTSAN NYID CES ZER, DE LA SKYON 'PHEN PA KHA CIG ,RGUN 'BRUM GYI KHU BA SHIN DU SLA BA CHOS CAN, THUN TSOD DU RUNG BA'I SMAN YIN PAR THAL, MTSAN NYID DE'I PHYIR TE, DE RANG RGYU RGUN 'BRUM LAS BYUNG BA'I BTUNG BA SHIN DU SLA BA YIN PA GANG ZHIG ,DE'I RGYUR GYUR PA'I RGUN 'BRUM DE DUS RUNG GI SMAN YIN PA'I PHYIR TE, RGUN 'BRUM DE DUS RUNG GI SMAN YIN PA'I PHYIR TE, MDO RTZA BA LAS, 'DI LTA STE, RGUN DANG BAL PO SE'U DANG, 'BRA GO DANG, STAR KHA DANG, ZHES SOGS GSUNGS PA'I PHYIR, BAL PO SE'U NI, SE 'BRU YIN PAR BSHAD DO, ,RTZA BAR 'DOD NA, DE MA YIN PAR THAL, ZHAG BDUN PAR BYIN GYIS BRLAB TU RUNG BA'I SMAN YIN PA'I PHYIR, DE DER THAL, DE'I BYIN RLABS KYI MTHA' DANG, LONGS SPYOD KYI MTHA' ZHAG BDUN PA YIN PA'I PHYIR, MA GRUB NA, DE DER THAL, BU RAM GYI BYIN RLABS DANG, BU RAM LAS SBYAR BA'I BTUNG BA'I BYIN RLABS DANG, LONGS SPYOD KYI MTHA' ZHAG BDUN PA YIN PA'I PHYIR TE, BU RAM GYI BYIN RLABS DANG, LONGS SPYOD KYI MTHA' ZHAG BDUN PA GANG ZHIG ,DE 'DRA'I BTUNG BA DE BU RAM LA SBYAR BA'I BTUNG BA YIN PA'I PHYIR, RTAGS GNYIS KA GRUB TE, MDO RTZA BA LAS, GZHAN GNYIS NYID YIN NA DE YANG YIN PA'O, ,ZHES GSUNGS PA'I PHYIR, ZER NA, RANG LUGS NI, BU RAM LA SBYAR BA'I BTUNG BA SHIN DU SLA BA DE, THUN TSOD DU RUNG BA'I SMAN DANG, ZHAG BDUN PA'I SMAN GANG RUNG MIN KYANG, DE GANG RUNG DU BYIN GYIS BRLAB TU RUNG BA'I SMAN YIN NO, ,MDO RTZA'I GZHUNG GI DON NI, BU RAM DE ZHAG BDUN PAR BYIN GYIS BRLAB TU RUNG BA'I SMAN YIN PA'I RGYU MTSAN GYIS, BU RAM LA SBYAR BA'I BTUNG BA DE YANG ZHAG BDUN PAR BYIN GYIS BRLAB TU RUNG BA'I SMAN YIN ZHES PA'O, ,KHA CIG ,SMAN PHYI MA GSUM PO DE MI 'GAL ZER NA, DE 'GAL BA YIN PAR THAL, DE GSUM PO DE BYIN GYIS BRLAB TSUL GYI SGO NAS 'GAL BA'I PHYIR TE, THUN TSOD KYI SMAN YIN NA, ZHAG DE'I MTSAN MO'I THUN DANG PO TSUN CHAD DU BYIN GYIS BRLAB PA'I MTHA' CAN YIN PAS KHYAB, ZHAG BDUN PA'I SMAN YIN NA, ZHAG BDUN TSUN DU BYIN GYIS BRLAB PA'I MTHA' CAN YIN PAS KHYAB, JI SRID 'TSO BCANG GI SMAN YIN NA, JI SRID 'TSO'I BAR DU BYIN GYIS BRLAB PA'I @080A *, ,MTHA' CAN YIN PAS KHYAB PA'I PHYIR TE, DE GSUM GANG RUNG YIN NA, BYIN RLABS CAN GYI SMAN YIN DGOS PA'I PHYIR, RTAGS GONG DU SGRUBS ZIN, BYAS PA LA KHO NA RE, SMAN GSUM PO DE MI 'GAL BAR THAL, THUN TSOD DU RUNG BA'I SMAN DANG, ZHAG BDUN PA'I SMAN GNYIS PO MI 'GAL BA'I PHYIR TE, THUN TSOD DU RUNG BA'I SMAN GYI RIGS DANG, ZHAG BDUN PA'I SMAN GYI RIGS MI 'GAL BA'I PHYIR, ZER NA, MA KHYAB STE, BU RAM LA SBYAR BA'I BTUNG BA DE, THUN TSOD DU RUNG BA'I SMAN GYI RIGS DANG, ZHAG BDUN PA'I SMAN GYI RIGS GNYIS KA YIN KYANG, DE DE GNYIS GANG RUNG MA YIN PA'I PHYIR, RTAGS ZUR DANG PO GRUB STE, DE THUN TSOD DU RUNG BA'I SMAN DU YANG BYIN GYIS BRLAB TU RUNG BA YIN PA'I PHYIR, RTAGS PHYI MA MA GRUB NA, DE CHOS CAN, KHYOD BYIN GYIS BRLAB PA'I SMAN YIN PAR THAL, KHYOD DE GNYIS GANG RUNG DU GYUR BA'I SMAN YIN PA'I PHYIR, BYAS PA LA KHO NA RE, SMAN PHYI MA GSUM PO DE MI 'GAL BAR THAL, THUN CHOD KYI MTHA' TSUN CHAD DU BYIN GYIS BRLAB TU RUNG BA'I SMAN DANG, ZHAG BDUN TSUN CHAD DU BYIN GYIS BRLAB TU RUNG BA'I SMAN DANG, NAD JI SRID 'TSO'I BAR DU BYIN GYIS BRLAB TU RUNG BA'I SMAN GSUM PO MI 'GAL BA'I PHYIR NA MA KHYAB, RTAGS DER THAL, AA RU RA LAS SBYAR BA'I BTUNG BA SHIN TU SLA BA DE DE GSUM GAR DU BYIN GYIS BRLAB TU RUNG BA'I SMAN YIN PA'I PHYIR, MA GRUB NA, DE DER THAL, DE GSUM DU BYIN GYIS BRLAB TU RUNG BA'I SMAN ZHIG YOD PA'I PHYIR TE, RGYA CHER 'GREL LAS, THUN TSOD KYI MTHA' DANG LHAN CIG 'GAL BA MED, CES GSUNGS PA'I PHYIR, KHA CIG ,RANG RGYU DUS RUNG GI SMAN LAS BYUNG BA'I BTUNG BA SHIN TU SLA BA DE, THUN TSOD DU RUNG BA'I SMAN GYI MTSAN NYID YIN, ZER NA, THUN TSOD DU RUNG BA'I SMAN DU BYIN GYIS BRLABS ZIN PA'I BU RAM LAS SBYAR BA'I BTUNG BA SHIN TU SLAB BA CHOS CAN, MTSAN NYID DER THAL, MTSON BYA DE'I PHYIR, KHYAB PA KHAS, RTAGS CHOS CAN GYIS GRUB, RTZA BAR 'DOD NA, BU RAM DE DUS RUNG GI SMAN YIN PAR THAL, 'DOD PA'I PHYIR, 'DOD NA BKAG ZIN, KHA CIG ,RANG GI DNGOS RGYUR GYUR PA'I DUS RUNG GI SLAN LAS BYUNG BA'I BTUNG BA SHIN DU SLA BA DE, THUN TSOD DU RUNG BA'I SMAN GYI MTSAN NYID YIN ZER NA, THUN TSOD DU RUNG BA'I SMAN DU BYIN GYIS BRLABS ZIN MA THAG PA'I BU RAM LAS SBYAR BA'I @080B BTUNG BA SHIN TU SPHA BA CHOS CAN, MTSAN NYID DER THAL, MTSON BYA DE'I PHYIR, KHYAB PA KHAS, RTAGS CHOS CAN GYIS GRUB BO, ,'DOD NA, DE'I DNGOS RGYUR GYUR PA'I DUS RUNG GI SMAN YOD PAR THAL, 'DOD PA'I PHYIR, 'DOD NA, THUN TSOD DU RUNG BA'I SMAN DU BYIN GYIS BRLABS ZIN MA THAG PA'I BTUNG BA DER BYIN GYIS MA BRLAB KHA MA'I BTUNG BA DE DUS RUNG GI SMAN YIN PAR THAL, 'DOD PHYIR, 'DOD NA, BYIN GYIS MA BRLABS PA'I BTUNG BA YIN NA, DUS RUNG GI SMAN YIN DGOS PAR THAL LO, ,'DOD NA, BYIN GYIS MA BRLABS PA'I JA DKAR GYI BTUNG BA CHOS CAN, DER THAL, DE'I PHYIR TE, DE YOD PA'I PHYIR, 'DOD NA, BYIN GYIS MA BRLABS PA'I JA DKAR GYI BTUNG BA CHOS CAN, KHYOD BCAS LDAN DGE SLONG RANG NYID GNAS PA'I GLING DE'I NYI MA PHYED YOL NAS, KHYOD LA LONGS SPYOD DU MI RUNG BAR THAL, KHYOD DUS RUNG GI SMAN YIN PA'I PHYIR, RTAGS KHAS, 'DOD MI NUS TE, BCAS LDAN DGE SLONG GIS RANG NYID GNAS PA'I GLING DE'I PHYI DRO JA 'THUNG DU RUNG BA YIN PA'I PHYIR, DES NA BU RAM SHING DE DUS RUNG GI SMAN DNGOS YIN, BU RAM DE ZHAG BDUN PA'I SMAN GYI RIGS YIN, BU RAM LAS SBYAR BA'I BTUNG BA SHIN TU SLA BA DE, THUN TSOD DU RUNG BA'I SMAN GYI RIGS YIN, BU RAM SHING BSREGS PA'I THAL BA DE JI SRID 'TSO BCANG GI SMAN GYI RIGS YIN, DER MA ZAD BU RAM SHING LAS SBYAR BA'I BTUNG BA SHIN TU SLA BA DE, THUN TSOD DU RUNG BA'I SMAN GYI RIGS YIN NO, ,BU RAM GYI SHING BSREGS PA'I THAL BAR MA ZAD, SHING KANYTZA NA LA SOGS PA BSREGS PA'I THAL BA RNAMS JI SRID 'TSO BCAD GI SMAN DU BYIN GYIS BRLAB TU RUNG STE, MDO RTZA BA LAS, THAL BA'O SHING KANYTZA NA DANG, KA BA TI LA DANG, AA SHVAD THA DANG, AU DUM WA RA DANG, N+YA DRO DHA RNAMS KYI DE'O, ,ZHES GSUNGS PA'I PHYIR, DES NA DE'O ZHES PAS SHING DE RNAMS BSREGS PA'I THAL BA DE JI SRID 'TSO BCAD GI SMAN GYI RIGS SU BSTAN PA YIN NO, ,KHA CIG ,THUN TSOD DU RUNG BA'I SMAN LA DBYE NA, ZHAG BDUN PA'I SMAN DANG, JI SRID 'TSO BCANG GI SMAN GNYIS SU YOD DO, ,ZER NA, MI 'THAD DE, THUN TSOD DU RUNG BA'I SMAN DU GYUR BA'I ZHAG BDUN PA'I SMAN YANG MED, DER GYUR PA'I JI SRID 'TSO BCANG GI SMAN YANG MED PA'I PHYIR TE, SMAN PHYI MA GSUM PO DE BYIN GYIS BRLAB TSUL GYI SGO NAS 'GAL BA YIN PA'I PHYIR TE, DE GSUM @081A *, ,PO GANG RUNG YIN NA BYIN RLABS CAN GYI SMAN YIN DGOS PA'I PHYIR, KHA CIG ,THUN TSOD DU RUNG BA'I SMAN YIN NA, RANG GI RGYUR GYUR PA'I DUS RUNG GI SMAN LAS MA BYUNG BAS KHYAB, ZER NA, THUN TSOD DU RUNG BA'I SMAN DU BYIN GYIS BRLABS ZIN PA'I RTZAM DVANGS DANG, RUS DVANGS CHOS CAN, DER THAL, DE'I PHYIR, KHYAB PA KHAS, RTAGS GRUB STE, DE 'DRA'I THUN TSOD DU RUNG BA'I SMAN DU GYUR PA'I RTZAM DVANGS YANG YOD, DE 'DRA'I RUS DVANGS YANG YOD PA'I PHYIR TE, RANG GI RGYUR GYUR PA'I DUS RUNG GI SMAN LA BRTEN NAS BYUNG BA'I THUN TSOD DU RUNG BA'I SMAN YOD PA'I PHYIR TE, MDO RTZA BA LAS, DE DUS SU RUNG BA NYID YIN NA, THUN TSOD KYI MTHA'I MTHA' YIN NO, ,ZHES GSUNGS PA'I PHYIR, RTZA BAR 'DOD MI NUS TE, RTZAM PA DANG RUS PA GNYIS DUS RUNG GI SMAN YIN PA'I PHYIR TE, DE GNYIS BCAS LDAN DGE SLONG RANG NYID GNAS PA'I GLING DE'I NYI MA PHYED YOL NAS LONGS SPYOD DU MI RUNG BA'I SMAN YIN PA'I PHYIR, DES NA MDO RTZA BA LAS, ZHUN MAR DANG, 'BRU MAR DANG, SBRANG RTZI DANG, BU RAM GYI KHU BA DAG NI ZHAG BDUN PA'O, ,BU RAM DANG, H'AGS DANG, LI KHAR LA SOGS PA THAMS CAD NI BU RAM GYI KHU BA NYID KYIS 'PHANGS SO, ,BDUD RTZI NI ZHUN MAR DANG 'DRA BA NYID DO, ,ZHAG SKOL ZHING BTZAGS PA DAG NI 'BRU MAR DANG 'DRA BA NYID DO, ,ZHES PA'I GZHUNG 'DIS, SMAN DE RNAMS ZHAG BDUN PA'I SMAN GYI RIGS SU BSTAN PA YIN KYANG, GZHUNG 'DIS SMAN DE RNAMS ZHAG BDUN PA'I SMAN DU BSTAN PA NI MA YIN TE, ZHAG BDUN PA'I SMAN YIN NA, ZHAG BDUN PAR BYIN GYIS BRLABS PA'I SMAN YIN DGOS PA'I PHYIR MKHAS PA KHA CIG ,RGUN 'BRUM LA SOGS PA CHAM CHOM DU BRDUNGS PA LA SBYAR BA'I BTUNG BA BSGRUB PA'I TSE, DANG POR LAG NYA 'GOG PA'I BYIN LEN BYAS, DE RJES DE LTAR SBYAR BA'I BTUNG BA DE TSAGS LA BTZAGS NAS, DE RJES ZA PHYIR GYI BYIN LEN BYAS TE, LONGS SPYOD PAR BYED DGOS ZER NA, DE MI 'THAD PA YIN PAR THAL, DE'I TSE DE 'DRA'I BTUNG BA LA BCAS LDAN DGE SLONG GIS PHYI DRO LONGS SPYOD PA'I TSE, SNGA DRO SBYAR BTZAGS BYED PA'I DUS KYI BYIN LEN DE LAG NYA 'GOG PA'I BYIN LEN YIN KYANG, DE 'DRA'I BTUNG BA LA LONGS SPYOD PA NA DE'I DUS KYI BYIN LEN DE ZA PHYIR BYIN LEN MA YIN PA'I PHYIR TE, @081B DE'I BYIN LEN DE YANG LAG NYA 'GOG PA'I BYIN LEN YIN PA'I PHYIR TE, DE'I DUS SU SNGA DRO SBYAR BTZAGS KYI BYIN LEN DE ZHIG ZIN PA'I PHYIR TE, DE'I DUS SU BSNYEN PAR MA RDZOGS PA ZHIG GIS BTUNG BA DE LA RUNG CHU RGYAG DGOS PA GANG ZHIG ,DE RGYAB PAS BYIN LEN SNGA MA ZHIG PA YIN PA'I PHYIR, DANG PO GRUB STE, DGE SLONG RANG NYID KYIS RUNG CHU RGYAG TU MI RUNG BA'I PHYIR TE, DE LTAR RGYAB PA LAS CHAGS LA NYES BYAS SU SONG BA'I PHYIR, YANG DUS RUNG GI BZA' BA LTA BU DE RANG GIS 'DI LAS MI ZA SNYAM DU BLO NGES PAR BYAS RJES SNGA DRO DUS RUNG GI ZAS RNYED CING ZA BAR 'DOD NA LHAG POR GYI CHO GA BYA BAR GSUNGS PAS, DE'I TSUL NI 'DUD PA SOGS SNGON DU BTANG NAS ZA BAR 'DOD PA'I ZAS DE NYID BYIN LEN BYAS NAS YUL GYI BDUN DU TZEG PUR 'DUG STE, BTZUN PA SOGS DGONGS SU GSOL, BDAG DGE SLONG MING 'DI ZHES BGYI BA, ZHES PA NAS, STZAL DU GSOL GYI BAR LAN GSUM BRJOD DE, YUL GYI DGE SLONG DES DRO MTSAMS MA BCAD NA KHAM GCIG TZAM ZOS NAS, KHYOD KYIR GYUR GYI BZHUD CIG CES BRJOD DO, ,DES DRO MTSAMS BCAD ZIN NA ZAS DE LA LONGS MA SPYAD PAR SNGAR BZHIN BRJOD DO,, ` CHO GA LAS 'DAS NA LAS MI 'CHAGS SO, ,ZHES SOGS KYI SKABS SU SNGAR LTAR LAS, 'BREL PA CAN GYI GZHUNG DON SPYIR BSTAN PA LA, DGOS DON BSHAD PA DANG, BSDUS DON BSHAD PA GNYIS LAS, DANG PO NI, SKABS 'DIR 'DUL BA NAS BSHAD PA'I LAS KYI RNAM GZHAG BSHAD PA LA DGOS PA YOD DE, LAS BYED TSUL MTSAN NYID DANG LDAN PA SHES PA'I SGO NAS LAS BYAS PA LA BRTEN NAS LAS DE DANG DE CHAGS SHING, DE LA BRTEN NAS BSNYEN RDZOGS KYI SDOM PA SOGS LAS BYAS PA'I DGOS PA 'GRUB PA YIN PA'I PHYIR, GNYIS PA LA SGRUB BYED DGE 'DUN GYI RNAM GZHAG BSHAD PA DANG, LAS KYI RNAM GZHAG DNGOS BSHAD PA GNYIS, DANG PO LA GRANGS TSANG BA'I KHYAD PAR BSHAD PA, KHA SKONG DU 'OS PA'I CHOS KYI KHYAD PAR BSHAD PA, MI MTHUN PA DANG BRAL BA'I KHYAD PAR DANG GSUM LAS, DANG PO NI, GRANGS TSANG GI KHYAD PAR LA MI 'DRA BA BCU GCIG YOD DE, DGE SLONG MA LHAG MA'I LTUNG BA LAS DBYUNG BA'I LAS LA, DGE SLONG PHA NYI SHU DANG MA NYI SHU @082A *, ,STE BZHI BCU'I GRANGS TSANG DGOS, PHA'I LHAG MA'I LTUNG BA'I DBYUNG BA LA PHA NYI SHU DGOS, YUL DBUS SU BUD MED DAR CHOG GIS BSNYEN PAR RDZOGS PA'I TSE, PHA BCU DANG MA BCU GNYIS TE NYER GNYIS DGOS, YUL DBUS SU DGE SLOB MA'I SDOM PA DANG TSANGS SPYOD NYER GNAS KYI TSUL KHRIMS DANG, 'KHOR NYER 'JOG DANG, 'KHOR MANG PO NYE BAR 'JOG PA'I GNANG BA SBYIN PA RNAMS LA MA BCU GNYIS DGOS, MTHA' 'KHOB TU BUD MED DAR CHOG GIS BSNYEN PAR RDZOGS PA'I TSE PHA LNGA MA DRUG STE BCU GCIG DGOS, YUL DBUS SU SKYES PA DAR CHOG GIS BSNYEN PAR RDZOGS PA'I TSE PHA BCU DGOS, DGE SLONG MA'I DGAG DBYE LA DGAG DBYE BYED PA PO DANG BCAS PA PHA LNGA DANG MA BZHI STE DGU DGOS, DGE SLONG MA'I MGU PA SPYOD PA LA PHA BZHI DANG MA BZHI STE BRGYAD DGOS, MTHA' 'KHOB TU DGE SLOB MA'I SDOM PA DANG, TSANGS SPYOD NYER GNAS KYI TSUL KHRIMS TE SNGON ROL GYI SDOM PA GNYIS SBYIN PA DANG, DAR CHOG LA BRTEN NAS BSNYEN PAR RDZOGS NAS LO BCU GNYIS LON CING LNGA PHRUGS NYER GCIG GANG RUNG DANG LDAN PA'I DGE SLONG MA LA 'KHOR NYE BAR 'JOG PA DANG, 'KHOR GSUM PHAN CHAD NYE BAR 'JOG PA STE, 'KHOR MANG PO NYE BAR 'JOG PA'I GNANG BA SBYIN PA RNAMS LA MA DRUG DGOS, MTHA' 'KHOB TU SKYES PA DAR CHOG GIS BSNYEN PAR RDZOGS PA DANG, PHA'I DGAG DBYE LA DGAG DBYE BYED PA PO DANG BCAS PAS PHA LNGA DGOS, DE DAG MA GTOGS PA'I LAS GZHAN RNAMS LA DGE SLONG BZHI'I GRANGS TSANG DGOS PA'I PHYIR TE, KUN MKHYEN MTSO SNA PA'I tIK CHEN GYI SDOM TSIG LAS, BZHI BCU NYI SHU NYI SHU GNYIS, ,BCU GNYIS BZHI BAR BDUN MA GTOGS, ,ZHES GSUNGS PA'I PHYIR, RTAGS DANG PO GNYIS GRUB STE, RTZA BAR, DBYUNG BA LA NI NYI SHU LA SOGS PA DGE 'DUN NYID DO, ,ZHES GSUNGS PA'I PHYIR, RTAGS GSUM PA NAS DRUG PA'I BAR, YUL DBUS SU BUD MED DAR CHOG GIS BSNYEN PAR RDZOGS PA NAS, DBUS SU SKYES PA DAR CHOG GIS BSNYEN PAR RDZOGS PA'I BAR TE BZHI PO LA DE LTAR DGOS SHING, MTHA' 'KHOB TU SKYES PA DAR CHOG GIS BSNYEN PAR RDZOGS PA LA PHA LNGA TSANG @082B DGOS TE, RTZA BAR, BSNYEN PAR RDZOGS PA LA NI BCU LA SOGS PA'O, ,MTHA' 'KHOB DAG TU MED NA, 'DUL BA 'DZIN PA DANG LNGA LA SOGS PA'O, ,ZHES GSUNGS PA'I PHYIR, SOGS KYI SGRAS GZHAN RNAMS BSTAN TO, ,RTZA RTAGS BDUN PA GRUB STE, RTZA BAR, DGE SLONG MA RNAMS KYI LAS NI THA DAD PA NYID DO, ,DGAG DBYE NI DGE SLONG GI DGE 'DUN LA YANG NGO, ,ZHES PA DANG, DE'I tIK CHEN RIN CHEN PHRENG BA LAS, DGE SLONG MA'I DGAG DBYE NI, DGE SLONG GI DGE 'DUN LA YANG BYA DGOS SO, ,YANG ZHES PAS DGE SLONG MA'I DGE 'DUN LA YANG DGOS PAR BSTAN TO, ,ZHES GSUNGS PA'I PHYIR, RTAGS BRGYAD PA GRUB STE, RTZA BAR, MGU BA DANG DBYUNG BA NI GNYIS KA TSOGS PA LA'O, ,ZHES GSUNGS PA'I PHYIR, RTZA BA'I RTAGS DGU PA GRUB STE, RTZA BAR, SNGA ROL GYI SDOM PA GNYIS DANG, 'KHOR DANG 'KHOR MANG PO NYE BAR 'JOG PA'I GNANG BA SBYIN PA DANG BCAS PA'I DGE 'DUN GYI MTHA'O, ,ZHES PA DANG, DE'I tIK CHEN RIN CHEN PHRENG BA LAS, DGE SLONG MA BSNYEN PAR RDZOGS PA'I SNGON ROL GYI BSLAB PA'I SDOM PA DANG, TSANGS SPYOD NYER GNAS KYI SDOM PA GNYIS DANG, 'KHOR 'JOG PA DANG, 'KHOR MANG PO NYE BAR 'JOG PA'I GNANG BA SBYIN PA DANG BCAS PA'I DGE SLONG MA'I DGE 'DUN GYI GRANGS KYI MTHA' NI, YUL DBUS SU BCU GNYIS YAN DANG, MTHA' 'KHOB TU MED NA 'DUL BA 'DZIN PA DANG DRUG YAN CHAD GRANGS KYI MTHA' YIN NO, ,ZHES GSUNGS PA'I PHYIR, RTZA RTAGS BCU PA'I ZUR DANG PO GNYIS GRUB STE, RTZA BAR MTHA' 'KHOB DAG TU MED NA, ZHES SOGS DANG, tIK CHEN RIN CHEN PHRENG BA LAS, DGAG DBYE LA NI DGAG DBYE BYED PA PO GTOGS PA LNGA LA SOGS PA DGE 'DUN YIN NO, ,ZHES GSUNGS PA'I PHYIR, DE'I RTAGS ZUR GSUM PA GRUB STE, RTZA BAR LHAG MA NI BZHI LA SOGS PA'O, ,ZHES GSUNGS PA'I PHYIR, MA'I SKABS SU YANG, RTZA BAR, LHAG MA DAG GI TSOGS NI BZHI'O, ,ZHES GSUNGS PA'I PHYIR, GNYIS PA NI, LAS KYI KHA SKONG DU 'OS PA LA NI SPYIR BTANG LA CHOS BCO LNGA DANG LDAN PA DGOS LA, DE YANG MI 'DUG PAR 'GRENG BA MA YIN PA, SBYIN BSKO CHAD PA'I LAS LA NI GANG LA BYA BA'I YUL DE MA YIN PA, 'DUN PA DANG YONGS DAG 'BUL BA PO MIN @083A *, ,PA RNAMS DGOS TE, RTZA BAR, MI 'DUG PAR 'GRENG BA NI KHA SKONG BA NYID MIN NO, ,GANG LA BYA BA YANG MIN NO, ,DE'I PHYIR 'DUN PA DANG YONGS SU DAG PA'I CHO GA LAS MA YIN PA NYID DO, ,DE GNYIS DBUL BAR BYA BA NYID MA YIN NO, ,ZHES GSUNGS PA'I PHYIR, DER MA ZAD BSNYEN PAR MA RDZOGS PA MA YIN PA, NYAMS PA MA YIN PA, MTSAMS MED KYI LAS BYAS PA MA YIN PA, SDIG LTA CAN MA YIN PA, SA GZHAN NA GNAS PA MA YIN PA, CHOS PHYOGS DANG CHOS MIN PHYOGS THA DAD DU BYE BA NA CHOS MIN PHYOGS PA MA YIN PA RNAMS DGOS TE, RTZA BAR BSNYEN PAR MA RDZOGS PA DANG, NYAMS PA DANG, MTSAMS MED PA BYAS PA DANG, SDIG PA'I LTA BA CAN DANG, SA GZHAN NA GNAS PA DANG, THA DAD PAR GNAS PA RNAMS KYANG MA YIN NO, ,ZHES GSUNGS PA'I PHYIR, DER MA ZAD, BSLAB PA 'KHRUL BCAS MA YIN PA DGOS TE, RTZA BAR 'KHRUL PA DANG BCAS PA YANG NGO, ,ZHES GSUNGS PA'I PHYIR, MTSAMS GZHAN NA GNAS PA MA YIN PA DGOS TE, RTZA BAR, MTSAMS GZHAN NA GNAS PA NI GANG GI YAN LAG NYID KYANG MA YIN NO, ,ZHES GSUNGS PA'I PHYIR, SANGS RGYAS DKON MCHOG MA YIN PA DGOS TE, tIK CHEN RIN CHEN PHRENG BA LAS, RGYAL BA DES GRANGS KYI KHA SKONG BAR BYED PA NI MA YIN NO, ,ZHES GSUNGS PA'I PHYIR, DER MA ZAD MTSAN MI MTHUN PA MA YIN PA DANG, LUS THA MAL DU MI GNAS PA MIN PA DANG, THA SNYAD GSUM DANG LDAN PA RNAMS DGOS LA, DE YANG DANG PO DGOS TE, RTZA BAR, 'DI LA MTSAN MI MTHUN PA GANG GI YAN LAG MA YIN NO, ,ZHES GSUNGS PA'I PHYIR, GNYIS PA DGOS TE, MI SPRUL STAG LTA BU'I LUS KYI TSUL BZUNG BA'I DGE SLONG GI LUS DE MI'I LUS KYI THA SNYAD KHYAD PAR CAN LAS NYAMS PA YIN PA'I PHYIR, GSUM PA DE DGOS TE, LUNG ZHU BA LAS, SMYON PA DANG, SEMS 'KHRUGS PA DANG, TSOR BAS GZIR BA DANG, GLEN PA DANG, LKUGS PA DANG, 'ON PA DANG, GNYID LOG PA DANG, SNYOMS PAR ZHUGS PA RNAMS KYIS GRANGS SU BSKANGS TE DGAG DBYE BGYIS NA DGAG DBYE BYAS PA ZHES BGYI 'AM, AU PA LI, DGAG DBYE MA BYAS PA ZHES BYA STE, DGE 'DUN NI 'DAS PA DANG BCAS PAR 'GYUR RO, , @083B ZHES GSUNGS PA'I PHYIR, DES NA LUNG DE'I TSIG ZUR GYI, LKUGS PA DANG GLEN PA DANG, SMYON PA DANG ZHES PA RNAMS KYIS GO RIM BZHIN DU, SMRA SHES DON GO SHES PA RANG BZHIN DU GNAS PA DGOS PAR SHUGS LA BSTAN TO, ,GSUM PA NI, MI MTHUN PA DANG BRAL BA'I KHYAD PAR DANG LDAN PA DGOS NA, LOG PHYOGS MI MTHUN PA JI LTA BU ZHE NA, 'DI LA GNYIS YOD DE, MA 'DUS PA'I MI MTHUN PA DANG, 'DUS PA PHYIR BZLOG GI MI MTHUN PA GNYIS YOD PA'I PHYIR, DE YANG MA 'DUS PA'I MI MTHUN PA SKYED PA LA KHYAD CHOS DRUG DANG LDAN PA DGOS SO, ,DE SGRUB PA NI, DE SKYED PA DE LA LAS DE'I MTSAMS NANG DU GTOGS PA DANG, KHA SKONG DU 'OS PA DANG, LUS SAM 'DUN PA GANG RUNG GIS MA 'DUS PA DANG GSUM DGOS TE, RTZA BAR, DE'I MTSAMS KYI KHONGS SU GTOGS PA, KHA SKONG BAR 'OS PA, LUS SAM DE LA 'DUN PAS 'DUS PAR RJES SU MA ZHUGS PA NYID DANG, ZHES GSUNGS PA'I PHYIR, DER MA ZAD DE SKYED PA DE LA CHOS LDAN GYI CHAD LAS BYA BA'I YUL MA YIN PA ZHIG DGOS TE, DE BYA BA'I YUL DGE SLONG DE MTSAMS NANG DE NA YOD BZHIN DU KHO MA 'DUS SHING 'DUN PA MA PHUL BAR LAS CHAGS PA ZHIG YOD PA'I PHYIR TE, DE'I TSE KHO LA CHAD LAS BYED PA'I LAS CHAGS PA YOD PA'I PHYIR TE, CHOS LDAN GYI CHAD LAS BYA BA'I YUL DGE SLONG DE MA 'DUS NA, DGE 'DUN GYIS CHAD PA'I RGYU BSGRAGS PA'AM, GRUB PA GANG RUNG GI SGO NAS CHAD PA GCOD PA'I LAS CHAGS PA YOD PA'I PHYIR TE, RTZA BAR 'DU BA MI STER NA GRAGS PA TZAM GYIS SO, ,ZHES GSUNGS PA'I PHYIR, DER MA ZAD DE SKYED PA LA, SMYOS PA'I GNANG BA MA THOB PA ZHIG DGOS TE, SMYOS PA'I DGE SLONG DES MA 'DUS PA DANG, 'DUS PA PHYIR BZLOG MI 'CHAGS PA'I PHYIR DU DE LA SMYOS PA'I GNANG BA DE STER BA YIN TE, RTZA BAR, SMYOS PA'I GNANG BA THOB PAS MI MTHUN PA NYID DU MI 'GYUR RO, ,ZHES GSUNGS PA'I PHYIR, DER MA ZAD, DE SKYED PA LA MTSAMS NANG DER DGE SLONG RNAMS KYIS DGE SLONG DE YOD PAR SEMS PA'AM, YID KYI YOD PAR 'PHRIG PA GANG RUNG YIN PA ZHIG DGOS TE, DE GANG RUNG MED NA DGE SLONG STENG GI MTSAMS NANG NA YOD PA RNAMS LAS GRAL DER MA 'DUS PAR LAS BYAS PAS LAS CHAGS PA YOD PA'I PHYIR TE, RTZA BAR, BSAM PA THAG PA NAS BTZAL TE @084A *, ,ZHES PA NAS DAG PA'I BYED PA NYID YIN NO, ,ZHES PA'I BAR GSUNGS PA'I PHYIR, GNYIS PA NI, 'DUS PA PHYIR BZLOG GI MI MTHUN PA SKYED PA DE LA KHYAD CHOS BRGYAD DANG LDAN PA ZHIG DGOS LA, DE SGRUB PA NI, DE SKYED PA DE LA, DE SKYES PA PO DE LAS DE'I MTSAMS NANG DE'I KHONGS SU GTOGS PA DANG, GANG LA CHOS LDAN GYI TSANG LAS BYA BA'I YUL MIN PA, SPYOD LAM LAS MA NYAMS PA, LUS NGAG RANG BZHIN DU GNAS PA, RDZUN SMRA BA SOGS MA YIN PA'I NGAG BSDAMS PA, PHYIR BZLOG CHAGS MI 'CHAGS KYI 'DUL BAR GTOGS PA'I BSLAB PA SHES PA, GANG LA BYA BA'I YUL DE DANG ZHE 'KHON MED PA STE KHYAD CHOS BDUN DANG LDAN PA DGOS TE, RTZA BAR, PHYIR BZLOG PAR BYED PA YANG GANG LA LAS DE BYED PA DE LAS GZHAN PAS, GAL TE MI MTHUN PA LDAN NA SPYOD LAM LAS MA NYAMS PA DANG, RANG BZHIN DU GNAS PA DANG, YANG DAG PAR BSDAMS PAS MNGON PAR MI SHES PA DANG, NANG DANG BCAS PA MA GTOGS PA NI MI MTHUN PA NYID DO, ,ZHES GSUNGS PA'I PHYIR, BDUN PO DE'I STENG DU THOS PA'I NYE 'KHOR NA GNAS PA DGOS TE, DE LAS GZHAN DU DGE 'DUN GYIS MA THOS NA, KHOS PHYIR BZLOG GI TSIG SMRAS KYANG DON MED YIN PA'I PHYIR, GNYIS PA LAS KYI RNAM GZHAG DNGOS BSHAD PA LA, 'DIR BSTAN LAS DE LA BRGYA RTZA GCIG YOD PA'I 'THAD PA BSHAD PA, DE RNAMS KYI BSDU BA BSHAD PA, SO SO'I DBYE BA BSHAD PA, RTEN GANG LA LAS GANG BZHAG PA DANG BZHI LAS, DANG PO NI, DGE SLONG GI DGE 'DUN GYIS CHO GA'I SGO NAS BSGRUB PA'I LAS DE LA BRGYA RTZA GCIG YOD DE, LUNG GTAM GYI GZHI LAS, BTZUN PA LAS DAG DU MCHIS, NYE BAR 'KHOR BRGYA RTZA GCIG GO ,ZHES GSUNGS PA'I PHYIR, GNYIS PA NI, LAS BRGYA RTZA GCIG PO DE RNAMS BSDU NA, GSOL BA 'BA' ZHIG PA'I LAS DANG, GSOL BA'I STENG DU BRJOD PA MJUG SDUD DANG BCAS PA TZAM GYI GSOL GNYIS KYI LAS DANG, GSOL BA'I STENG DU BRJOD PA DANG PO GNYIS PA GSUM PA MJUG SDUD DANG BCAS PA'I GSOL BZHI'I LAS DANG GSUM DU 'DU BA YIN TE, LUNG GTAM GYI GZHI LAS, BTZUN PA LAS DU DAG GIS @084B LAS THAMS CAD BSDUS, NYE BAR 'KHOR GSUM DAG GIS TE, GSUM GANG ZHE NA, GSOL BA'I LAS DANG, GSOL BA DANG GNYIS KYI LAS DANG, GSOL BA DANG BZHI'I LAS KYIS SO, ,ZHES GSUNGS PA'I PHYIR, GSUM PA NI, GSOL BA 'BA' ZHIG PA'I LAS DE LA NYI SHU RTZA BZHI DANG, GSOL GNYIS KYI LAS DE LA BZHI BCU RTZA BDUN, GSOL BZHI'I LAS DE LA SUM CU THAM PA YOD DE, LUNG GTAM GYI GZHI LAS, BTZUN PA LAS BRGYA RTZA GCIG PO GANG DAG LAGS PA DE LA GSOL BA'I LAS DAG NI DU, GSOL BA DANG GNYIS KYI LAS DAG NI DU, GSOL BA DANG BZHI'I LAS DAG NI DU MCHIS, BKA' STZAL BA NYE BAR 'KHOR GSOL BA'I LAS NI NYI SHU RTZA BZHI'O, ,GSOL BA DANG GNYIS KYI LAS NI BZHI BCU RTZA BDUN NO, ,GSOL BA DANG BZHI'I LAS NI SUM CU'O, ,ZHES GSUNGS PA'I PHYIR, GSOL BA 'BA' ZHIG PA'I LAS NYI SHU RTZA BZHI YOD DE, GSANG STON DU BSKOS PAS LKOG TU BAR CHAD DRI BA'I PHYIR DU BYA BA'I DE DANG, LAS SLOB TU 'OS PAS DGE 'DUN GYI NANG DU SLAR YANG BAR CHAD DRI BA'I PHYIR DU BYA BA'I DE, SO THAR GYI MDO GDON PA'I PHYIR DU BYA BA'I DE, GSO SBYONG GI TSE LTUNG MTHUN BYIN RLABS KYI PHYIR DU BYA BA'I DE, GSO SBYONG GI TSE LTUNG BA BYUNG MA BYUNG YID GNYIS ZAN DE'I PHYIR DU BYA BA'I DE, GSO SBYONG GI TSE DGE 'DUN LTUNG BA'I PHYIR RTZOD NA DE ZHI BA'I PHYIR DU BYA BA'I DE, GSO SBYONG GI TSE DGE 'DUN RNAMS LA LTUNG BA ZHIG BYUNG LA LTUNG BA GANG BYUNG MA NGES PA'I TSE DE BYIN RLABS BYA BA'I PHYIR DU BYA BA'I DE, DGAG DBYE'I TSE DGE 'DUN THAMS CAD LTUNG BA DANG BCAS PAR GYUR NA LTUNG MTHUN BYIN RLABS KYI PHYIR DU BYA BA'I DE, DGAG DBYE'I TSE LTUNG BA BYUNG MA BYUNG YID GNYIS ZA NA DE ZHI BA'I PHYIR DU BYA BA'I DE, DGAG DBYE'I TSE DGE 'DUN LTUNG BA LA RTZOD PAR GYUR NA DE ZHI BA'I PHYIR DU BYA BA'I DE, DGAG DBYE'I TSE DGE 'DUN RNAMS LA LTUNG BA ZHIG BYUNG LA GANG BYUNG MA NGES PA'I TSE BYIN RLABS BYA BA'I PHYIR DU BYA BA'I DE, DBYAR KHAS BLANG BA'I PHYIR DU BYA BA'I DE, SHI BA'I RDZAS BAG BA'AM SHI BA'I NOR GANG LA YOD PA'I GANG ZAG DE BYIN RLABS BYA BA'I PHYIR DU BYA BA'I DE, SRA BRKYANG GDING RGYU'I CHOS GOS DE 'DING BA PO LA GTAD PA'AM CHOS GOS GSUM GA NGAN PA'I DGE @085A *, ,SLONG GYED BU NOR LTA BU LA DGE 'DUN GYI RAS LUG CHEN SBYIN PA'I PHYIR DU BYA BA'I DE, SKYE BO PHAL CHE BA MA DAD PA'I SPYOD PA DANG BCAS NAS KHYIM RNAMS SU 'JUG PA RNAMS, DE LAS LOG NAS KHYIM RNAMS SU SO SOR 'JUG PA GO BA'I PHYIR DU BYA BA'I DE, SHES DOR 'PHYA BA'I GRANGS SU GZHUG PA LA BYA BA'I DE, GZHOGS 'PHYAS BYED PA'I GRANGS SU GZHUG PA LA BYA BA'I DE, BSGO BA RNA LA GZON PA'I GRANGS SU GZHUG PA LA BYA BA'I DE, CANG MI SMRA BAR RNA LA GZON PA'I GRANGS SU GZHUG PA LA BYA BA'I DE, SNGAR BAS LONGS SPYOD 'GRIBS NAS CHUNG NGUR SONG BA'I SBYIN BDAG GI KHYIM NAS ZAN MI ZA BA'I BSLAB PA SBYIN PA'I PHYIR DU BYA BA'I DE, YANG DE 'DRA'I BSLAB PA DE GZHIG PA'I PHYIR DU BYA BA'I DE, DGE SLONG LA SKUR PA 'DEBS PA'I KHYIM BDAG LA LHUNG BZED KHA DBUB PA'I TSE BYA BA'I DE, DE NYID BZOD PA GSOL NA DE'I PHYIR DU BYA BA'I DE RNAMS SU YOD PA'I PHYIR TE, KARMA SHA TAM LAS, GSANG DANG NANG DU DRI PHYIR DANG, ,GSO SBYONG DE LA LTUNG BCAS DANG, ,DE LA DGE 'DUN YID GNYIS DANG, ,RTZOD DANG DES NYID MA YIN DANG, ,DE YI DON DU LNGA PO DAG ,THAMS CAD DGAG DBYER GTOGS PA YIN, ,DBYAR GNAS KHAS BLANGS NYID DANG NI, ,SHI BA'I RDZAS DANG NOR 'DRA DANG, ,CHOS GOS SRA BRKYANG GTAD PA DANG, ,CHOS GOS SBYIN PAR BYA BA DANG, ,GNAS NGAN LEN NI BRJOD PA DANG, ,GRANGS SU GZHUG PA BZHI DAG DANG, ,KHYIM GYI SDOM DANG DE GZHIG DANG, ,LHUNG BZED KHA DBUB BYA BA DANG, ,DE NYID BZLOG PAR BYA BA DAG ,GSOL BA 'BA' ZHIG LAS YIN NO, ,ZHES GSUNGS PA'I PHYIR, BSTAN TSUL NI GZHAN RNAMS RTOGS SLA LA, DE YI DON DU LNGA PO DAG ,THAMS CAD DGAG DBYER GTOGS PA YIN, ,ZHES PAS, DGAG DBYE'I SKABS KYI LAS GONG DU BSHAD PA'I LNGA PO DE BSTAN, SHI BA'I RDZAS DANG NOR 'DRA DANG, ,ZHES PA GNYIS GRANGS GCIG TU BYA LA, CHOS GOS SRA BRKYANG GTAD PA DANG, ,CHOS GOS SBYIN PAR BYA BA DANG, ,ZHES PAS BSTAN PA GNYIS GRANGS GCIG TU 'DREN NO, ,GSOL GNYIS KYI LAS BZHI BCU RTZA BDUN YOD DE, GSO SBYONG GI GNAS LA BLO MTHUN GYI PHYIR DU BYA BA'I DE, DKYIL 'KHOR BA'I MTSAMS @085B SAM MTSAMS PO CHE BCAD PA LA BYA BA'I DE, MTSAMS PO CHE'I NANG DU CHOS GOS DANG MI 'BRAL BA'I GNANG BA SBYIN PA'I DE, MYOS SHING SEMS 'KHRUGS PA'I DGE SLONG 'GA' ZHIG LAS BYED PA'I GNAS SU RAD ROD BYED PA DES MI MTHUN PA SKYED PAR MI 'GYUR BA'I GNANG BA SBYIN PA LA BYA BA'I DE, DGAG DBYE BYED PA PO BSKO BA LA BYA BA'I DE, DBYAR GNAS PA'I DGE 'DUN LA GNAS MAL STOBS PA PO BSKO BA LA BYA BA'I DE, RUNG KHANG GSAR DU BRTZIG PA'I TSE DE'I SA GZHI BYIN GYIS BRLAB PA LA BYA BA'I DE, SRA BRKYANG GDING BA'I PHYIR DU BYA BA'I DE, SPONG BA PA'I ZHAL TA BYED PA'I BLO MTHUN PAR BYA BA LA BYED PA'I DE, LAG GI BLA DANG LAG DPON GANG YANG RUNG BA BSKO BA LA BYA BA'I DE, GNAS KHANG BSKO BA LA BYA BA'I DE, ZAS LA BSKO BA LA BYA BA'I DE, THUG PA 'BRIM PA BSKO BA LA BYA BA'I DE, BAG CHOS 'BRIM PA BSKO BA LA BYA BA'I DE, PHRAN TSEGS 'BRIM PA LA BYA BA'I DE DANG, SNOD DPYAD 'GRUB PA LA BYA BA'I DE DANG, GOS SBED PA LA BYA BA'I DE DANG, GOS 'GYED PA LA BYA BA'I DE DANG, DBYAR GYI RAS CHEN SBED PA LA BYA BA'I DE DANG, DBYAR GYI RAS CHEN 'GYED PA LA BYA BA'I DE DANG, MNGAG GZHUG PA BSKO BA LA BYA BA'I DE DANG, MDZES 'CHOS PA BSKO BA LA BYA BA'I DE DANG, DGE 'DUN RTZOD PA BYUNG BA'I TSE MNGON SUM GYI 'DU BA'I GZU BO BSKO BA'I DE, DE'I TSE GZU BOS MA ZHI NA DGE 'DUN GYIS GSAL BA DANG, GSAL BA'I GSAL BA GNYIS BSKO BA LA BYA BA'I DE, RTZOD PA SBED PA PO BSKO BA LA BYA BA'I DE, DGE 'DUN RTZOD PA BYUNG BA'I TSE TSUL SHING 'BRIM PA PO BSKO BA LA BYA BA'I DE, GANG ZAG GI KHANG PA'I GZHI RUNG BA BSTAN PAR BYA BA'I PHYIR DU BYA BA'I DE, GTZUG LAG KHANG GI GZHI RUNG BA BSTAN PA GSOL BA LA BYA BA'I DE, KHYIM SUN 'BYIN PA'I DGE SLONG LA LTUNG BA GLENG BA'I GANG ZAG BSKO BA LA BYA BA'I DE, CHES RGAN PA DANG NAD PA SOGS LA CHOS GOS SNAM SBYAR DANG 'BRAL BAR MI 'GYUR BA'I GNANG BA SBYIN PA LA BYA BA'I DE, LAG GI BLA LA LO DRUG TSUN CHAD DU STAN GYI GNANG BA SBYIN PA LA BYA BA'I DE, LHUNG BZED 'BRIM PA BSKO BA LA BYA BA'I DE, DGE SLONG PHA MA MANG PO KHYIM PA MA DAD PA'I SPYOD PA BYED CING KHYIM RE RE'I NANG DU 'JUG PA DE RNAMS KHYIM @086A *, ,SO SOR 'JUG PAR BYED PA'I GANG ZAG BSKO BA LA BYA BA'I DE, DGE SLONG MA'I STON PA BSKO BA LA BYA BA'I DE, SOR BSHAGS KYI NYES PA SPANG BA'I PHYIR DU, NAGS MYUL BA'I GANG ZAG BSKO BA LA BYA BA'I DE, GNAS DBYUNG BYAS PA'I DGE SLONG PHA LA DGE SLONG MAS PHYAG MI BYA BA'I BSLAB PA SBYIN PA LA BYA BA'I DE, 'KHOR SKYONG NUS SHING BSNYEN PAR RDZOGS NAS LO BCU GNYIS LEN PA'I DGE SLONG MA GNYIS RIM PA BZHIN DU 'KHOR NYE BAR 'JOG PA DANG, 'KHOR MANG PO NYE BAR 'JOG PA'I GNANG BA SBYIN PA LA BYA BA'I DE GNYIS, DGE SLONG RGAN PO DANG NAD PA LA 'KHOR BA'I GNANG BA SBYIN PA LA BYA BA'I DE, DGE SLONG DE GNYIS LA DRA BA'I GNANG BA SBYIN PA LA BYA BA'I DE, MTSAMS THA DAD PA'I GTZUG LAG KHANG NA GNAS PA'I DGE SLONG RNAMS KYI RNYED PA THUN MONG DU BYA BA'I PHYIR DU BYA BA'I DE, DGE SLOB MA'I SDOM PA MNOS PA LA BYA BA'I DE, TSANGS SPYOD NYE GNAS KYI BSLAB PA SBYIN PA LA BYA BA'I DE, DGE SLONG MA RANG GI BU DANG KHYIM DU LHAN CIG NYAL BA LA GNANG BA SBYIN PA LA BYA BA'I DE, MU GE BYUNG BA'I DGE SLONG MA RANG GI NYE DU DANG 'BREL BA'I LONGS SPYOD KYI GNANG BA SBYIN PA LA BYA BA'I DE, DBYAR MTSAMS KYI PHYI ROL DU DGE 'DUN GYI CHED DU ZHAG BZHI BCU 'GRO BAR GNANG BA SBYIN PA LA BYA BA'I DE RNAMS SU YOD DE, KARMA SHA TAM LAS, GNAS DANG MTSAMS NI GNYIS PO DANG, ,MI 'BRAL SMYOS DANG DGAG DBYE DANG, ,GNAS MAL STOBS PAR BYED PA DANG, ,RUNG BA'I SA GZHI BSKO BA DANG, ,SRA BRKYANG DANG NI DE 'DING DANG, ,SPONG DANG LAG GI BLA DANG NI, ,GNAS KHANG BSKO LA SOGS PA DANG, ,GZU DANG GSAL DANG SBED PA DANG, ,TSUL SHING 'BRIM PAR BYED PA DANG, ,KHANG PA KHANG CHEN BSTAN PA DANG, ,GLENG DANG 'BRAL BAR MI 'GYUR DANG, ,STAN DANG LHUNG BZED 'BRIM PA DANG, ,MA DAD GO BAR BYA BA DANG, ,STON PA DANG NI NAGS MYUL DANG, ,PHYAG MI BYA DANG MANG PHYIR DANG, ,'KHOR BA DRA BA'I PHYIR DANG NI, ,RNYED PA GCIG TU BYA PHYIR DANG, ,BSLAB PA SBYIN DANG NYER GNAS DANG, ,BU DANG NYE DU'I PHYIR 'GRO BA, ,GSOL DANG GNYIS KYI LAS YIN NO, ,ZHES GSUNGS PA'I PHYIR, LUNG DES BSTAN TSUL GZHAN RNAMS NI RTOGS @086B SLA LA, MTSAMS NI GNYIS PO DANG, ZHES PAS LAS GCIG BSTAN, GNAS KHANG BSKO LA SOGS PA DANG, ,ZHES PA'I SOGS KHONGS NAS, ZAS LA BSKO BA NAS MDZES 'CHOS PA BSKO BA'I BAR BCU GNYIS BSTAN, MANG PHYIR ZHES PAS 'KHOR NYER 'JOG DANG, 'KHOR MANG PO NYER 'JOG GI DE GNYIS BSTAN, BU DANG NYE DU'I PHYIR 'GRO BA ZHES PAS LAS GSUM BSTAN TO, ,GSUM PA NI, GSOL BZHI'I LAS DE LA SUM CU YOD DE, DGE SLONG PHA MA GANG RUNG DU SGRUB PA'I DE, RAB TU 'BYUNG 'DOD KYI MU STEGS CAN LA DGE BSNYEN GYI SDOM PA SBYIN PA DE NYID LA ZLA BA BZHI'I BAR DU MKHAN POS SBYAR BA'I GOS KYI GNANG BA SBYIN PA LA BYA BA'I DE, DKYIL 'KHOR PA DANG MTSAMS PO CHE'I MTSAMS BCAD PA 'GROL BA LA BYA BA'I DE, GNAS NAS BYUNG BAS BZOD PA GSOL NA MTHUN PA SBYIN PA LA BYA BA'I DE, MTHUN PA SBYIN PA DE NYID LA MTHUN PA'I GSO SBYONG SBYIN PA LA BYA BA'I DE, NAN TUR GYI LAS, BSDIGS, SMAD, BSKRAD, PHYIR 'GYED, MA MTHONG BA GNAS NAS DBYUNG BA, PHYIR MI 'CHOS PA GNAS NAS DBYUNG BA, SDIG LTA MI GTONG BA GNAS NAS DBYUNG BA BDUN PO LA BYA BA'I DE, GNAS NAS PHYUNG BA DE BDUN POS BZOD PA GSOL BA LA BYA BA'I DE, SPO BA SPYOD PA LA BYA BA'I DE, MGU BA SPYOD PA LA BYA BA'I DE, GZHI NAS SPO BA SPYOD PA LA BYA BA'I DE, GZHI NAS MGU BA SPYOD PA LA BYA BA'I DE, YANG SPO SPYOD LA BYA BA'I DE, YANG MGU SPYOD LA BYA BA'I DE, DGE 'DUN LHAG MA'I LTUNG BA LAS DBYUNG BA LA BYA BA'I DE, SRA BRKYANG DBYUNG BA LA BYA BA'I DE, DRAN PAS 'DUL BA SBYIN PA LA BYA BA'I DE, MA SMYOS PA'I 'DUL BA SBYIN PA LA BYA BA'I DE, DE'I NGO BO NYID 'TSOL DU GZHUG PA LA BYA BA'I DE, DGE 'DUN DBYEN BYED PA BZLOG PA'I PHYIR BSGO BAR BYA BA'I DE, DE RJES PHYOGS PA BZLOG PA'I PHYIR BSGO BAR BYA BA'I DE, KHYIM SUN 'BYIN BZLOG PA'I PHYIR BSGO BAR BYA BA'I DE, BKA' BLO MI BDE BA BZLOG PA'I PHYIR BSGO BAR BYA BA'I DE, DGE TSUL DANG DGE SLONG SDIG LTA MI GTONG BA BZLOG PA'I PHYIR BSGO BAR BYA BA'I DE, GNAS NAS PHYUNG BA'I DGE SLONG MA'I RJES SU PHYOGS PA LAS BZLOG PA'I PHYIR BSGO BA LA BYA BA'I DE, DGE SLONG MA DKON MCHOG GTONG BA LAS BZLOG PA'I PHYIR BSGO BA LA BYA BA'I DE, DGE SLONG MA 'THAB KROL BYED PA BZLOG PA'I PHYIR @087A *, ,BSGO BA LA BYA BA'I DE, DGE SLONG MA BDE ZHING GNAS PA BZLOG PA'I PHYIR BSGO BA LA BYA BA'I DE, DGE SLONG MA BDE ZHING GNAS SU 'JUG PA BZLOG PA'I PHYIR BSGO BA LA BYA BA'I DE, DGE TSUL SDIG LTA MI GTONG BA BSNYIL BA LA BYA BA'I DE, THUN MONG BA'I PHAM PA 'CHAB MED BYUNG BA LA BSLAB PA SBYIN PA LA BYA BA'I DE RNAMS SU YOD PA'I PHYIR TE, KARMA SHA TAM LAS, BSNYEN PAR RDZOGS PAR BYA BA DANG, ,MU STEGS GNAS DANG MTSAMS 'GROL DANG, ,MTHUN SBYIN GSO SBYONG BDUN PO DANG, ,BRGYAD DANG DRAN DANG MA SMYOS DANG, ,DE NYID 'TSOL DU GZHUG PA DANG, ,BSGO BAR BYA BA RNAMS DANG NI, ,NYAMS PA SBYIN PAR BYA BA DAG ,GSOL DANG BZHI'I LAS YIN NO, ,ZHES GSUNGS PA'I PHYIR, BSTAN TSUL GZHAN RNAMS RTOGS SLA LA, BDUN PO DANG ZHES PAS NAN TUR GYI LAS BDUN GYI SGO NAS GNAS DBYUNG BYA BA'I DE DANG, GNAS DBYUNG DE DAG LA BZOD PA BYA BA'I DE GNYIS BSTAN, BRGYAD DANG, ZHES PAS SPO BA DANG, MGU BA LA BYA BA'I DE GNYIS NAS SRA BRKYANG DBYUNG BA'I DE'I BAR BRGYAD BSTAN, BSGO BAR BYA BA RNAMS DANG NI, ZHES PAS DGE 'DUN GYI DBYEN BYED PA BZLOG PA'I PHYIR BSGO BA LA BYA BA'I DE'I LAS NAS, SDIG LTA MI GTONG BA'I DGE TSUL BSNYIL BA LA BYA BA'I DE'I LAS KYI BAR BCU GCIG BSTAN TO, ,BZHI PA RTEN GANG LA LAS GANG BZHAG PA NI, SKYES PA KHO NA'I RTEN LA BYA BA'I LAS DRUG YOD DE, DGE SLONG MA'I STON PA BSKO BA'I LAS DANG, DGAG DBYE BYED PA PO BSKO BA'I DE, RAS CHEN SBED PA PO BSKO BA'I DE, GZU BO BSKO BA'I DE, GSAL BA DANG GSAL BA'I GSAL BA BSKO BA'I DE, RTZOD PA SBED PA PO BSKO BA'I DE RNAMS SU YOD PA'I PHYIR, BUD MED KHO NA'I RTEN LA BYA BA'I LAS BCU GNYIS YOD DE, PHYAG MI BYA BA'I BSLAB PA SBYIN PA'I DE, GNAS NAS DBYUNG BA'I DGE SLONG MA'I RJES SU PHYOGS PA LAS BZLOG PA'I PHYIR BSGO BA LA BYA BA'I DE, DKON MCHOG GTONG BA LA BYA BA'I DE, 'THAB KROL BYED PA LA BYA BA'I DE, BDE ZHING GNAS PA LA BYA BA'I DE, BDE ZHING GNAS 'JUG LA BYA BA'I DE, SNGON ROL GYI SDOM PA GNYIS SBYIN @087B PA LA BYA BA'I DE GNYIS, 'KHOR DANG 'KHOR MANG NYE BAR 'JOG PA'I GNANG BA SBYIN PA'I DE, RANG GI BU CHUNG NGU DANG LHAN CIG NYAL BA'I GNANG BA SBYIN PA'I DE, NYE DU DANG LHAN CIG 'BREL BA'I GNANG BA SBYIN PA'I DE RNAMS SU YOD PA'I PHYIR, LAS GZHAN PHAL CHE BA DE RNAMS NI SKYES PA DANG BUD MED GNYIS KA'I RTEN LA GZHAG GO ,KHO NA RE, LAS KYI DBYE BA SOGS DE LTAR YIN NA, LAS NYAMS SU MYONG BA'I TSUL DE GANG YIN, LAS CHAGS PA'I DUS JI LAR YIN ZHE NA, LAS NYAMS SU MYONG BA'I TSUL YOD DE, LAS RANG RANG GI SKABS SU DGOS PAR BSHAD PA'I MA MTHA'I DGE 'DUN GRANGS TSANG BAS LAS DE'I CHO GA'I TSIG THOS SHING, DGOS CHED GO BA NYAMS SU MYONG BA'I STENG NAS 'JOG DGOS TE, RTZA BAR RANG GI 'OS PA'I DGE 'DUN GYIS NYAMS SU MYONG BA MA GRUB PA NYID NI MA YIN NO, ,ZHES PA'I SHUGS BSTAN GRUB PA'I PHYIR DANG, DE'I RGYA CHER 'GREL LAS, LAS DE LA RANG GI 'OS PA'I DGE 'DUN BZHI TSOGS PA'I DGE 'DUN GANG YIN PA DES, LAS NYAMS SU MYONG BA MA GRUB PA NYID LAS DE BYAS PA NYID MA YIN PA'O, ,'DI SKAD BSTAN TE GAL TE DGE 'DUN GYIS LAS DE MA THOS NA LAS DE BYAS PA MA YIN NO, ,RANG GI ZHES SMOS PA NI DGE 'DUN NYUNG BA BSAL TO, ,ZHES GSUNGS PA'I PHYIR, DE GNYIS KYIS NI DGE 'DUN BZHI MA LONGS PA'I GANG ZAG GIS, 'DUL BA NAS BSHAD PA'I LAS GSUM PO GANG BYAS KYANG MI 'CHAGS PAR BSTAN TO, ,LAS TSANG MA NYAMS SU MA MYONG KYANG, LAS DE'I GSOL BA NYAMS SU MYONG NA; LAS DE'I BRJOD PA NYAMS SU MA MYONG KYANG LAS DE CHAGS PA ZHIG YOD DE, RTZA BAR, GSOL BA THOS NA DE GRUB PA NYID YIN NO, ,ZHES PA DANG, DE'I RGYA CHER 'GREL LAS, DGE 'DUN DANG NYAN DU GZHUG PA BSNYEN PAR RDZOGS PAR BYA BA LA SOGS PAS GSOL BA TZAM THOS NA YANG NYAMS SU MYONG BA DE GRUB PA NYID YIN TE, DE TZAM THOS PAS LAS DE BYAS PA NYID YIN NO, ,ZHES GSUNGS PA'I PHYIR, GZHAN YANG, DAM BCA' DE 'THAD DE, DAR CHOG LA BRTEN NAS BSNYEN PAR RDZOGS PA'I DGE SLONG 'GA' ZHIG GIS LHAG MA'I LTUNG BA DBYUNG BA'I TSE GSOL @088A *, ,BA'I LAS BYAS MA THAG TU, GNYID DU SONG BA'AM, LANGS NAS GZHAN DU SONG BA'AM, SHES PA RANG BZHIN DU MI GNAS KYANG DE'I LAS CHAGS PA YOD PA'I PHYIR, LUNG GTAM GYI GZHI LAS, LHAG MA'I NYES PA BYUNG BA DE DBYUNG BAR LAS KYI TSIG RNAMS BYED DE, GSOL BA BYAS PA DANG, DE GNYID KYIS LOG NAS LAS KYI TSIG GSUM MJUG TU PHYIN PA DANG LANGS PA DE LTA BU NI SAD BZHIN NYES PA 'BYUNG BA LA GNYID LOG BZHIN TSANGS PA'O, ,ZHES GSUNGS PA'I PHYIR, DES NI BSNYEN RDZOGS SU BSGRUB PA'I DAR CHOG SOGS KYI GSOL BZHI'I CHO GA THAMS CAD LA 'GRE'O, ,LAS CHAGS PA'I DUS YOD DE, GSOL BA 'BA' ZHIG PA'I LAS DANG, GSOL GNYIS KYI LAS DANG, GSOL BZHI'I LAS TE LAS GSUM PO DE RANG RANG GI PHAL CHER TE LAS DE DANG DE'I SUM GNYIS BYAS PA'I CHE NA YANG LAS DE DANG DE CHAGS PA ZHIG YOD PA'I PHYIR TE, RTZA BAR TSIG PHAL CHER BYAS PA NYID NA BYAS PA NYID DO, ,ZHES PA DANG, DE'I RGYA CHER 'GREL LAS, GSOL BA'I BDAG NYID DAM BRJOD PA'I BDAG NYID KYI TSIG PHAL CHER BYAS PA NYID CES BYA BA SUM GNYIS BRJOD ZIN NA SUM CHA BRJOD PA'I TSE NA, RIL GYI BRJOD ZIN PA NYID YIN NO, ,ZHES PA DANG, tIK CHEN RIN CHEN PHRENG BA LAS, GSOL BRJOD LA DON GYI SKABS SU GSUM YOD PA'I TSE PHAL CHER TE SKABS GNYIS BYAS PA NYID NA SUM CHA LUS KYANG LAS BYAS PA NYID DO, ,ZHES GSUNGS PA'I PHYIR, DE YANG GSOL BA 'BA' ZHIG PA'I LAS LA NI KHO'I 'OG NAS GSOL BA MED PA'I RGYU MTSAN GYIS LAS DE'I SUM GNYIS BYAS PA NA LAS DE CHAGS PA YOD, GSOL GNYIS KYI LAS LA NI BRJOD PA'I 'OG NA BRJOD PA 'OG MA MED PA'I RGYU MTSAN GYIS LAS DE'I BRJOD PA'I SUM GNYIS BYAS PA NA LAS DE CHAGS PA YOD, GSOL BZHI'I LAS LA BRJOD PA GSUM PA DE NYID KYI 'OG NA, BRJOD PA GZHAN MED PA'I RGYU MTSAN GYIS BRJOD PA GSUM PA DE NYID KYI SUM GNYIS BYAS PA NA LAS DE CHAGS PA YOD DE, RTZA BAR 'OG MA MED PA LA'O, ,ZHES @088B PA DANG, DE'I RGYA CHER 'GREL LAS, TSIG GANG LA TSIG 'OG MA MED PA DE NI TSIG 'OG MA MED PA STE, DPER NA GSOL BA 'BA' ZHIG PA'I LAS LA NI DE NYID 'OG MA MED PA YIN NO, ,GSOL BA DANG GNYIS KYI LAS NI LAS BRJOD PA 'OG MA MED PA YIN NO, ,GSOL BA DANG BZHI'I LAS LA NI LAS BRJOD PA GSUM PA 'OG MA MED PA YIN TE, DE DAG GI TSIG PHAL CHER BYAS PA NYID NA BYAS PA NYID YIN GYI GZHAN NI MA YIN NA, ,ZHES PA DANG, tIKA CHEN RIN CHEN PHRENG BA LAS KYANG DE LTAR GSUNGS PA'I PHYIR RO,, ` GSUM PA NGAG DON NI, 'DUL BA NAS BSHAD PA'I CHO GA'I SGO NAS BYA BA'I LAS CHAGS PA DE LA DE LTAR CHAGS PA'I KHYAD CHOS RNAMS TSANG DGOS TE, DE LTAR MA CHANG NA DE LTAR BYAS PA'I LAS MI 'CHAGS PA'I PHYIR RO, ,'DIR CHO GA NI, ZHES PA NAS LAS BYED PA NYID DO ZHES PA'I BAR LA, DGE SLONG GI DGE 'DUN GYIS CHO GA'I SGO NAS CHAGS PA'I LAS DE LA KHYAD CHOS DU MA YOD DE, DGE SLONG GRANGS CHANG BA CHOG GA'I TSIG PHYED KYANG MA 'KHRUL BA LAS BYED PA DANG BCAS PA DGOS PA'I PHYIR, RTZA BA'I GNYIS PA NI, KHA CIG ,DGE SLONG MA'I LHAG MA'I DBYUNG BA LA PHA NYI SHU DANG, MA NYI SHU STE BZHI BCU NGES PAR MI DGOS SO, ,ZHE NA, DE DGOS PAR THAL, DE'I DBYUNG BA LA DGE SLONG BZHI BCU LAS GCIG GIS MA CHANG NA DE'I DBYUNG BA'I LAS MI 'CHAGS PA'I PHYIR TE, DGE SLONG MA'I SO THAR GYI MDO LAS, GNYIS KA'I DGE 'DUN BZHI BCUR GCIG GIS MA TSANG BA'I TSOGS KYIS DGE SLONG MA DE 'BYIN PAR BYED NA DGE SLONG MA DE YANG MA PHYIN LA, GNYIS KA'I DGE 'DUN DE DAG KYANG SMAD PAR BYA BA YIN TE, ZHES GSUNGS PA'I PHYIR, GZHAN YANG, DGE SLONG PHA'I LHAG MA'I DBYUNG BA LA PHA NYI SHU NGES PAR MI DGOS PAR THAL, RTZA BA'I DAM BCA' DE'I PHYIR, 'DOD MI NUS TE, DE'I LHAG MA'I DBYUNG BA LA PHA NYI SHUR GCIG MA TSANG NA DE'I DBYUNG BA'I LAS MI 'CHAGS PA'I PHYIR TE, DGE SLONG PHA'I SO THAR GYI MDO LAS, DGE SLONG NYI SHUR GCIG GIS MA TSANG BA'I TSOGS KYIS DGE SLONG DE 'BYIN PAR BYED NA DGE SLONG DE YANG MA @089A *, ,PHYIN LA, ZHES GSUNGS PA'I PHYIR DANG, DGE SLONG MA'I MGU BA SPYOD PA LA PHA BZHI DANG, MA BZHI STE BRGYAD MA TSANG NA PHA MA GANG RUNG GCIG GI DGE 'DUN GYI GRANGS MA TSANG BA'I RGYU MTSAN GYIS, DGE SLONG PHA MA GNYIS KA'I DGE 'DUN GYIS MGU BA SBYIN PA'I LAS MI 'CHAGS PA GANG ZHIG ,DGE SLONG BZHI'I GRANGS TSANG DGOS PA'I LAS RNAMS LA DGE SLONG BZHI MA TSANG NA, LAS CHAGS PA LA DGOS PA'I DGE SLONG GI DGE 'DUN GZHI MA GRUB DGOS PA'I PHYIR, DANG PO DER THAL, RTZA BAR, DGE 'DUN DU MA GYUR PA DAG GIS MI BYA'O, ,ZHES GSUNGS PA'I PHYIR, GNYIS PA GRUB STE, RTZA BAR, LHAG MA DAG GI TSOGS NI BZHI'O, ,ZHES GSUNGS PA'I PHYIR, BYAS PA LA KHO NA RE, PHA'I DBYUNG BA LA PHA NYI SHU NGES PAR DGOS PA DE MI 'THAD PAR THAL, YUL DBUS SU PHA NYI SHU DANG, MTHA' KHOB TU PHA BCUS PHA'I DBYUNG BA'I LAS CHAGS PA ZHIG YOD PA'I PHYIR TE, YUL DBUS SU DGE SLONG BCU MTHA' KHOB TU DGE SLONG LNGAS, DAR CHOG GIS SKYES PA BSNYEN PAR RDZOGS PA'I LAS CHAGS PA YOD PA'I PHYIR NA, 'DIR MA KHYAB STE, 'O NA YUL DBUS SU DGE SLONG PHA NYI SHU YOD BZHIN DU PHA BCU TZAM GYIS PHA'I LHAG MA'I DBYUNG BA'I LAS BYAS PAS LAS CHAGS PA YOD PAR THAL, YUL DBUS SU PHA BCU YOD BZHIN DU PHA LNGA KHO NAS DAR CHOG LA BRTEN PA'I BSNYEN RDZOGS KYI LAS BYAS PAS LAS CHAGS PA YOD PA'I PHYIR, KHYAB PA KHAS, RTAGS GRUB STE, LUNG ZHU BA LAS, BTZUN PA BCUR YANG MCHIS LA MCHIS BZHIN DU 'DUL BA 'DZIN PA DANG, LNGAS BSNYEN PAR RDZOGS PAR BGYIS NA BSNYEN PAR RDZOGS ZHES BGYI 'AM, AU PA LI, BSNYEN PAR RDZOGS ZHES BGYI STE, RDZOGS PAR BYED PA NI 'DAS PA DANG BCAS PA'O, ,ZHES GSUNGS PA'I PHYIR, KHA CIG ,LAS GANG YIN PA DE CHAGS PA'I DGE 'DUN GYI GRANGS KYI KHA SKONG BYED PA DE LA, MI 'DUG PAR 'GRENG BA MA YIN PA SOGS RANG LUGS KYI SKABS SU BSHAD PA'I CHOS BCO LNGA PO DE RNAMS RE RE NAS @089B LDAN PA ZHIG NGES PAR DGOS SO, ,ZER NA, RIM PA BZHIN 'GOG PA NI, DE'I DANG PO DE DANG NGES PAR LDAN PA MI DGOS PAR THAL, MI 'DUG PAR 'GRENG BA'I DGE SLONG PHAS KHA SKONG BYAS NAS LAS DE CHAGS PA YOD PA'I PHYIR TE, THA MAL PA'I LAM LA 'GRO BZHIN PA'I DGE SLONG PHAS KHA SKONG BYAS PAS LAS DE CHAGS PA YOD PA'I PHYIR TE, LAM GROGS SDOD MI 'DOD PA'I TSE NA LAM LA 'GRO BZHIN PA'I NGANG NAS DGE SLONG PHAS GSO SBYONG GI LAS BYAS PAS LAS CHAGS PA YOD PA'I PHYIR TE, RTZA BAR, 'GRON PO MI SDOD NA 'GRO BZHIN DU BYA'O, ,ZHES PA DANG, DE'I THAD KYI tIK CHEN RIN CHEN PHRENG BA LAS, LAM 'JIGS PA DANG BCAS PA'I TSE, LAM GROGS KYI 'GRON PO DAG MI SDOD NA 'GRO BZHIN DU GSO SBYONG BYA BA LA MI RIGS PA MED DO, ,ZHES GSUNGS PA'I PHYIR, GZHAN YANG LAS GANG YIN PA CHAGS PA'I KHA SKONG BYED PA DE LA, LAS DE GANG LA BYA BA'I YUL MA YIN PA NGES PAR DGOS PA DE YANG MI 'THAD PAR THAL, GSO SBYONG GI LAS GANG LA BYA BA'I YUL GYI GSO SBYONG DU YOD PA THAMS CAD LAS DE'I KHA SKONG YIN PA'I PHYIR TE, GSO SBYONG GI LAS DE MTSAMS NANG DE NA GNAS PA'I DGE SLONG THAMS CAD KYIS BYED DGOS PA'I PHYIR TE, DE NA GNAS PA'I DGE 'DUN THAMS CAD KYIS GSO SBYONG BYED DGOS PA'I PHYIR RO, ,GZHAN YANG LAS GANG YIN PA DE CHAGS PA LA KHA SKONG BYED PA'I DGE SLONG DE MTSAMS THA DAD DU GNAS PA MA YIN PA DANG, SDIG LTA CAN MA YIN PA GNYIS RE RE NAS NGES PAR DGOS PA DE MI 'THAD PAR THAL, DE GNYIS KYIS RE RE NAS KHA SKONG BYAS NAS LAS BYAS PAS LAS CHAGS PA YOD PA'I PHYIR TE, DE GNYIS KYIS RE RE NAS KHA SKONG BYAS NAS LAS BYAS PAS CHOS MIN PHYOGS KYI LAS CHAGS PA YOD PA'I PHYIR TE, MTSAMS NANG GCIG TU DGE 'DUN CHOS PHYOGS DANG, CHOS MIN PHYOGS GNYIS SU BYE BA'I TSE GNYIS KAS SO SOR LAS BYAS PAS LAS CHAGS PA'I PHYIR TE, RTZA BAR 'DI LA SO SO'I RANG GI LAS NI CHAGS SO, ,ZHES PA DANG, DE'I RGYA CHER 'GREL LAS, LAS BYED PA'I BDAG NYID @090A *, ,KYIS DGE 'DUN BYE BA 'DI LA PHYOGS SO SO'I LAS THA DAD PAR BYAS PA NI THA DAD PAR CHAGS PA'O, ,ZHES GSUNGS PA'I PHYIR, DE YANG MTSAMS NANG GCIG TU DGE 'DUN CHOS SMRA BA DAG GIS CHOS MIN PA SMRA BA DAG LAS LOGS SU LAS BYAS PAS DE TZAM GYIS DGE 'DUN DBYE BAR BYED MI NUS SHING, CHOS MA YIN PA SMRA BA DAG GIS MTSAMS NANG GCIG TU CHOS SMRA BA DAG LAS, DBYE 'DOD KYI BSAM PA DANG LDAN PA'I SGO NAS DE DAG LAS THA DAD DU BYAS ZIN PA NA DGE 'DUN PHYOGS GNYIS SU BYE BA YIN TE, RTZA BAR CHOS MA YIN PA DAG GIS DBYE BA'I SEMS KYIS MTSAMS KYI NANG DU LAS THA DAD PAR BYAS NA DE BYE BA YIN NO, ,ZHES PA DANG, DE'I RGYA CHER 'GREL DU LUNG DRANGS PA LAS, SU DAG GIS KO'U SHAM BHI BA'I DGE 'DUN BYE BAR GYUR, CHOS MA YIN PA SMRA BA DAG GIS MTSAMS KYI NANG DU GNAS GCIG TU GSO SBYONG MA 'DRES PAR BYAS PAS SO, ,ZHES GSUNGS PA'I PHYIR, GZHAN YANG, LAS DE CHAGS PA LA KHA SKONG GI DGE SLONG DE BSLAB PA 'KHRUL BCAS MA YIN PA NGES PAR DGOS PA DE YANG MI 'THAD PAR THAL, DES KHA SKONG BYAS TE GSOL BA 'BA' ZHIG PA'I LAS CHAGS PA YOD PA'I PHYIR TE, DE LTAR BYAS TE LTUNG THUN BYIN RLABS KYI LAS CHAGS PA YOD PA'I PHYIR TE, DE 'DRA'I LAS CHAGS PA LA LAS DE'I KHA SKONG GI DGE SLONG THAMS CAD LTUNG BA DANG BCAS PA DGOS PA'I PHYIR TE, RTZA BAR, GAL TE TSES BCO LNGA LA THAMS CAD KYIS LTUNG BA SHES SAM YID GNYIS SU GYUR NA, ZHES PA DANG, KARMA SHA TAM LAS, BDAG CAG DGE 'DUN THAMS CAD NI LTUNG BA DANG BCAS PAR GYUR NA, ZHES GSUNGS PA'I PHYIR, GZHAN YANG, LAS DE'I KHA SKONG LA MTSAN MTHUN PA NGES PAR DGOS PA DE YANG MI 'THAD PAR THAL, MA'I DGAG DBYE DANG MI'I MGU BA DANG DE'I DBYUNG BA DANG, PHUD MED DAR CHOG GIS BSNYEN PAR RDZOGS PA RNAMS KYI LAS KYI KHA SKONG LA NGES PAR MTSAN MI MTHUN PA DGOS PA'I PHYIR TE, LAS DE RNAMS KYI KHA SKONG LA GNYIS KA'I DGE 'DUN DGOS PA GANG @090B ZHIG ,DGE SLONG PHA MA GNYIS MTSAN MI MTHUN PA'I PHYIR, DANG PO RANG LUGS KYI SKABS SU BSGRUBS ZIN, KHA CIG ,LAS DE'I KHA SKONG LAS GZHAN NA GNAS PA MA YIN PA NGES PAR DGOS PA DE YANG MI 'THAD PAR THAL, SA GZHAN NA GNAS PA'I DGE SLONG GIS SRA BRKYANG GDING BA'I LAS BYAS PAS LAS CHAGS PA YOD PA'I PHYIR, KHO NA RE, MA GRUB STE, tIK CHEN RIN CHEN PHRENG BA LAS, SA GZHAN NA GNAS PA DAG LA YANG SRA BRKYANG GDING BA MI 'BYUNG STE, DE DAG DGE SLONG RANG BZHIN DU GNAS PA DANG RIGS MI MTHUN PA'I PHYIR, ZHES GSUNGS PA'I PHYIR, GZHAN YANG, DE'I KHA SKONG LA MTSAMS GZHAN NA GNAS PA MA YIN PA NGES PAR DGOS PA DE MI 'THAD PAR THAL, DES LAS BYAS PAS LAS CHAGS PA YOD PA'I PHYIR TE, MTSAMS SHAR MAR GNAS PA'I DGE SLONG GIS, MTSAMS NUB MA'I LAS KYI KHA SKONG BYAS PAS LAS CHAGS PA YOD PA'I PHYIR TE, DE SHAR MA RKANG PA YA GCIG BZHAG ,DE NUB MAR YA GCIG BZHAG PA'I DGE SLONG 'GA' ZHIG GIS GNYIS KA'I LAS KYI KHA SKONG BYAS PAS LAS CHAGS PA YOD PA'I PHYIR TE, RTZA BAR, GCIG TU RKANG PA YA GCIG LA GCIG TU YA GCIG NA GNYIS KAR GNAS PA NYID DO, ,ZHES PA DANG, DE'I RGYA CHER 'GREL LAS, MTSAMS GCIG TU GANG GI RKANG PA YA GCIG BZHAG LA, MTSAMS GCIG TU RKANG PA YA GCIG BZHAG NA DE MTSAMS GNYIS KAR GNAS PA NYID YIN NO, ,ZHES GSUNGS PA'I PHYIR, DES NA, MTSAMS 'DAB 'BYAR DU MA YOD PA'I TSE, MTSAMS GANG YANG DE RNAMS KYI SA NON PA'I RDZAS RE LDE DANG SHING LEB LTA BU'I KHAR BSDAD NAS, DGE SLONG DES JI TZAM NON PA'I GNAS DE DAG TU DBYAR KHAS LEN BYAS NA CHAGS PA YIN TE, RGYA CHER 'GREL LAS, ,NON PA'I RDZAS DES MTSAMS JI TZAM NON PA NYID YIN PA'I MTSAMS DE DAG THAMS CAD DU GNAS PA NYID YIN NO, , ZHES PA DANG, DE NYID LAS, THAMS CAD NON PA LA GNAS PAS DBYAR GNAS PAR KHAS LEN PA DE LA NI GNAS PAR KHAS BLANGS PA MI 'CHAGS PA MIN TE, CHAGS PA KHO NA YIN TE, ZHES GSUNGS PA'I PHYIR, DE BZHIN DU RAB BYUNG BSNYEN RDZOGS SOGS DAR CHOG GI SKABS SU RIGS @091A *, ,'GRE'O, ,GZHAN YANG, BSNYEN RDZOGS KYI LAS KYI KHA SKONG BYED PA LA SHES PA RANG BZHIN DU GNAS PA NGES PAR DGOS PA DE MI 'THAD PAR THAL, BSGRUB BYA YID CHES NA MKHAN PO SMYON PA SOGS KYIS BYAS PAS BSNYEN RDZOGS KYI LAS CHAGS PA YOD PA'I PHYIR TE, LUNG ZHU BA LAS, BTZUN PA MKHAN PO SMYON PAS BSNYEN PAR RDZOGS PAR BGYIS NA, BSNYEN PAR RDZOGS ZHES BGYI 'AM, AU PA LI BSNYEN PAR RDZOGS PA ZHES BYA STE, BSNYEN PAR RDZOGS PAR BYED PA RNAMS LA NI 'DAS PA DANG BCAS PA'O, ,ZHES GSUNGS PA'I PHYIR, KHA CIG ,STON PA SANGS RGYAS KYIS 'DUS PA PHYIR BZLOG GI MI MTHUN PA BSKYED DO ZHE NA, DE MI 'THAD PAR THAL, DE LAS KYI KHA SKONG DU MI 'BYUNG BA'I PHYIR TE, RTZA BAR, RGYAL BA NI MI MTHUN PA BYED PA NYID MA YIN, KHA SKONG BAR BYED PA NYID MA YIN NO, ,ZHES PA DANG, DE'I RGYA CHER 'GREL LAS, RGYAL BA SANGS RGYAS BCOM LDAN 'DAS MTSAMS KYI NANG NA BZHUGS LA DGE 'DUN 'DUS PAR RJES SU MA ZHUGS PAR DGE 'DUN GYI LAS BYED PA NI MI MTHUN PA NYID DU MI 'GYUR TE, DE NI DKON MCHOG GZHAN YIN PAS DGE 'DUN GYI LAS MI MTHUN PAR BYED PA NYID MA YIN NO ZHES BYA BA'I THA TSIG GO ,ZHES PA DANG, tIK CHEN RIN CHEN PHRENG BA LAS KYANG, RGYAL BA SANGS RGYAS MTSAMS NANG NA BZHUGS PA NI, MA 'DUS KYANG DGE 'DUN GYI LAS LA MA 'DUS PA'I MI MTHUN PA BYED PA NYID MA YIN TE, DKON MCHOG GZHAN YIN PA'I PHYIR RO, ,ZHES GSUNGS PA'I PHYIR, LUNG DE DAG GI DON SBYOR BA NGAG DON DU SGRIL NA, BDAG CAG GI STON PA SANGS RGYAS CHOS CAN, KHYOD LAS KYI MTSAMS NANG NA YOD CING DGE 'DUN GYI LAS LA MA 'DUS PAS, MA 'DUS PA'I MI MTHUN PA MI SKYE BAR MA ZAD KHYOD GRANGS KYI KHA SKONG DU YANG MI RUNG STE, KHYOD DGE 'DUN DKON MCHOG YIN PAR MA ZAD SANGS RGYAS DKON MCHOG KYANG YIN PA'I PHYIR RO, ,ZHES PA'O, ,DES NA MTSAMS DU MAR DAR CHOG LA BRTEN NAS BSNYEN RDZOGS KYI LAS LA SOGS PA'I LAS THAMS CAD LA RIGS 'GRE'O, ,BYAS PA LA KHO NA RE, RTZA BA'I DAM BCA' DE 'THAD PAR THAL, STON PA SANGS RGYAS KYIS PHYIR BZLOG GI LAS BYAS PA LA BRTEN NAS DE'I LAS CHAGS PA YIN PA'I @091B PHYIR TE, DES LAG RDUM BSNYEN PAR RDZOGS PA'I LAS LA PHYIR BZLOG BYAS PA GANG ZHIG ,LAG RDUM BSNYEN PAR RDZOGS PA'I LAS CHAGS PA'I PHYIR, DANG PO MA GRUB BYAS PAS, DER THAL, STON PA SANGS RGYAS KYIS LAG RDUM BSNYEN PAR RDZOGS PAR MI RUNG ZHES PHYIR BZLOG BYAS PA'I PHYIR TE, SANGS RGYAS KYIS DE BSNYEN PAR RDZOGS PA BKAG PA'I PHYIR ZER NA, 'DIR MA KHYAB, MA GRUB NA, DER THAL, RTZA BAR, LAG RDUM DAG DANG RKANG RDUM DANG, ,DE LTA BU YI MI RNAMS NI, ,DRANG SRONG CHEN POS DGAG PA MDZAD, ,CES GSUNGS PA'I PHYIR, RTZA RTAGS GNYIS PA GRUB STE, LAG RDUM DE LA BSNYEN RDZOGS KYI SDOM PA SKYE LA NYES BYAS SU BSHAD PA'I PHYIR RO, ,ZHES ZER NA, SHES BYA CHOS CAN, STON PA SANGS RGYAS KYIS LAG RDUM BSNYEN PAR RDZOGS PA'I LAS LA PHYIR BZLOG BYAS PA DE MI 'THAD PAR THAL, LAS DE'I PHYIR BZLOG TU 'GYUR BA DE LA, LAS GRAL DER DNGOS SU PHYIN PA'I SGO NAS, LAS 'DI MI RUNG ZHING 'DI MI 'CHAGS PAS MA BYED CIG ,CES PA'I TSIG BRJOD PA LTA BU'I SGO NAS LAS BYED PA LAS DNGOS SU BZLOG PA ZHIG DGOS PA GANG ZHIG ,STON PA SANGS RGYAS KYIS DE LTA BU'I PHYIR BZLOG MA MDZAD PA'I PHYIR, DANG PO GRUB STE, LAS LA PHYIR BZLOG TU 'GYUR BA'I GO DON ZHIG BZHAG TU YOD PA'I PHYIR, GNYIS PA GRUB STE, STON PA SANGS RGYAS KYIS LAG RDUM BSNYEN PAR RDZOGS PA DGAG PA'I BCAS PA MDZAD PA GANG ZHIG ,DES DE LTAR MDZAD PAS, DES DE LA BSNYEN RDZOGS KYI LAS LA PHYIR BZLOG BYAS PAR MI 'GYUR BA'I PHYIR, DANG PO SNGAR GYI LUNG GIS GRUB BO, ,GNYIS PA GRUB STE; STON PA SANGS RGYAS KYIS HA CANG RGAN CHES PA BSNYEN PAR RDZOGS PA DGAG PA'I BCAS PA MDZAD PAS, DES DE BSNYEN PAR RDZOGS PA'I LAS LA PHYIR BZLOG BYAS PAR MI 'GYUR BA YIN PA'I PHYIR, MA GRUB NA, SHES BYA CHOS CAN, DER THAL, DE'I PHYIR, KHYAB PA KHAS, DER THAL, RTZA BAR, RGAN CHES PA DANG GZHON CHES DANG, ,DE LTA BU YI MI RNAMS NI, ,DRANG SRONG CHEN POS DGAG PA MDZAD, ,CES GSUNGS PA'I PHYIR, KHA CIG ,STON PA SANGS RGYAS KYIS PHYIR BZLOG BYAS NA YANG PHYIR BZLOG MI 'CHAGS, ZHE NA, DE MI 'THAD PAR THAL, DES LAS GRAL DER BYON NAS, LAS DE MI 'CHAGS SO, ,ZHES GSUNGS NA @092A *, ,LAS DE MI 'CHAGS PA'I PHYIR TE, DES DON MED KYI TSIG MI GSUNG BA'I PHYIR TE, 'OD LDAN LAS, SANGS RGYAS KYIS GSUNGS PA THAMS CAD DON DANG BCAS, ZHES GSUNGS PA'I PHYIR, GZHAN YANG, DES DE BYAS NA CHAGS PAR THAL, DE BCAS PA THAMS CAD KYI MNGA' BDAG YIN PA'I PHYIR DANG, DGE 'DUN GYIS DE BYAS NA DE CHAGS PA GANG ZHIG ,DGE 'DUN GYI GSUNG LAS DE'I GSUNG BTZAN PA'I PHYIR TE, DGE 'DUN GYI KHRIMS DANG 'GAL NA YANG, SANGS RGYAS KYI BCAS PA DANG MA 'GAL NA LTUNG BA MI SKYED PA'I PHYIR TE, tIK CHEN RIN CHEN PHRENG BA LAS, KHA CIG 'DIS PHYIR BZLOG KYANG MI 'CHAGS ZER BA MI 'THAD DE, DE LA KHA SKONG DU RUNG BA MI DGOS PA'I PHYIR DANG, SANGS RGYAS KYIS GSUNGS PA DGE 'DUN LA G-YO BA MED PA'I PHYIR RO, ,ZHES GSUNGS PA'I PHYIR, RANG LUGS NI, LAS MKHAN DE GRANGS KYI KHA SKONG LA NGES PAR DGOS PA'I DBANG DU BYAS NA KHA SKONG GI CHOS GZHAN TSANG GI STENG DU RANG RANG GI LAS KYI CHO GA LHAG CHAD MED PAR SHES PA DGOS TE, DE MIN NA KHA SKONG DANG LAS BYED PA POR MI RUNG BA'I PHYIR TE, RTZA BAR, DE DAG NI BYED PA PO MA YIN NO, ,NYAMS PA MA BYAS PA NYID DO, ,ZHES GSUNGS PA'I PHYIR, DES GRANGS KYI KHA SKONG MI BYED PAR LAS MKHAN 'BA' ZHIG BYED NA CHOS BZHI LDAN DGOS TE, BSNYEN RDZOGS KYI SDOM PA GSO RUNG YAN CHAD DANG LDAN PA, LTA BA MTHUN PA, MTSAMS GZHAN NA GNAS PA MIN PA RANG RANG GI LAS KYI CHO GA SHES PA RNAMS DGOS PA'I PHYIR, BSGRUB BYA DON GYI GZHI LA, BSGRUB BYA SEMS CAN MIN PA LA BYA BA DANG, DE SEMS CAN LA BYA BA GNYIS YOD DE, 'DUL BA BSDUS PA LAS, DE DAG KYANG GZHI GNYIS LA BRTEN PA YIN TE, SEMS CAN DU BGRANG BA DANG SEMS CAN DU BGRANG BA MIN PA'O, ,ZHES GSUNGS PA'I PHYIR, SHI BA'I YO BYAD DU BYIN BRLAB BYA RGYU'I RAS YUG LTA BU NI DER BYIN GYIS BRLAB PA'I GSOL BA 'BA' ZHIG PA'I LAS KYI BSGRUB BYA SEMS CAN MIN PA DE YIN, MTSAMS PO CHE GCOD PA'I SA GZHI DPAG TSAD PHYED DANG GSUM TSUN CHAD NI, DE GCOD PA'I GSOL GNYIS KYI LAS KYI BSGRUB BYA SEMS CAN MIN PA DE YIN TE, KARMA SHA @092B TAM LAS, GNAS DANG MTSAMS NI GNYIS PO DANG, ZHES GSUNGS PA'I PHYIR, SRA BRKYANG DBYUNG RGYU'I CHOS GOS LTA BU NI, DE DBYUNG BA'I GSOL BZHI'I LAS KYI BSGRUB BYA SEMS CAN MIN PA DE YIN TE, RTZA BAR, DBYUNG BA DAG LA NI BRJOD PA GSUM MO, ,ZHES GSUNGS PA'I PHYIR, GNYIS PA LA YANG, BSGRUB BYA RAB BYUNG MIN PA'I SEMS CAN LA BYA BA DANG, RAB BYUNG LA BYA BA GNYIS LAS, SNGAR MU STEGS CAN YIN ZHING DE LTA DGE BSNYEN BYAS ZIN MA THAG PA'I DGE BSNYEN DE ZLA BA BZHIR DGE BSNYEN GYI GNAS PA SBYIN PA'I GSOL BZHI'I LAS KYI BSGRUB BYA RAB BYUNG MIN PA'I SEMS CAN DE YIN, TSANGS SPYOD NYER GNAS KYI TSUL KHRIMS LEN PA PO'I DGE SLOB MA DE, DE 'DRA'I TSUL KHRIMS 'BOGS PAR BYED PA'I GSOL GNYIS KYI LAS KYI BSGRUB BYA BSNYEN PAR MA RDZOGS PA'I RAB BYUNG YIN, GSANG STON DU BSKO YUL GYI DGE SLONG DE, GSANG STON BSKO BA'I GSOL BA 'BA' ZHIG PA'I LAS KYI BSGRUB BYA BSNYEN PAR RDZOGS PA'I RAB BYUNG YIN NO, ,LAS KYI GZHI'I MTHA' DPYOD DE TZAM MO,, ` GZHI MA ZHI BAR SHES NAS GLENG BA POS SO SOR SHES PAR BYAS SHING, ZHES SOGS KYI SKABS SU SNGAR LTAR GSUM LAS, 'BREL PA CAN GYI GZHUNG DON SPYIR BSTAN PA LA, DGOS DON DANG, BSDUS DON GNYIS LAS, DANG PO NI, NAN TUR BYAS PA LA DGOS PA YOD DE, DE BYAS PA LA BRTEN NAS NAN TUR BYA BA'I GZHIR GYUR PA'I NYES PA LA MI 'JUG PA DANG, ZHUGS ZIN PA RNAMS DE LAS SLAR BZLOG PA DANG, DGE 'DUN LA NAN TUR GYI GZHIR GYUR PA'I NYES PA DANG LDAN PA'I GANG ZAG YAL BAR DOR BA'I NYES PA MI 'BYUNG BAR BYA BA'I CHED YIN NO, ,GNYIS PA LA, DBYE BA, BSDU BA, SGRA BSHAD PA, NAN TUR BYA BA'I TSUL DANG BZHI YOD PA LAS, DANG PO NI, NAN TUR DE LA SGRAS BRJOD RIGS KYI SGO NAS DBYE NA BCU YOD DE, BSDIGS, SMAD, BSKRAD, PHYIR 'GYED DANG BZHI, GSO SBYONG BZHAG PA, DGAG DBYE BZHAG PA, GNAS DBYUNG BDUN, LHUNG BZED KHA DBUB PA RNAMS SU YOD PA'I PHYIR, DANG PO BZHI RIM PA BZHIN BZHAG TU YOD DE, 'THAB KROL BYED PA LA MI 'DOD BZHIN DU KHYAD PAR CAN GYI SPYOD PA LNGA SPONG DGOS PA'I CHAD @093A *, ,LAS GSOL BZHI'I LAS KYIS BKAL ZHING, DES MA DUL NA GNAS NAS 'BYIN PAR BSDIGS PA'I BSDIGS PA NAN TUR DANG, LHAG MA'I LTUNG BA PHYIR MI 'CHOS PAR RGYUN TU BYED PA DE LA GNYEN PO STOBS CHUNG BA'I SGO NAS SMAD PA'I SMAD PA NAN TUR DANG, KHYIM PA SUN 'BYIN PAR BYED PA DE SUN PHYUNG BA'I GNAS DE NAS BSKRAD PA'I BSKRAD PA NAN TUR DANG, KHYIM PA LA BRNYAS THABS BYED PA LA MDZA' BA DANG YID BCUGS KYIS DNGOS PO BTANG BA'I SGO NAS PHYIR 'GYED PA'I PHYIR 'GYED NAN TUR DANG DGE SLONG 'GA' ZHIG LA LTUNG BA GLENGS PA NA PHYOGS 'GA' LA SKABS MI 'BYED NA DE DANG GSO SBYONG MNYAM DU MI BYED PA NI, GSO SBYONG BZHAG PA'I NAN TUR DANG, DES MA DUL NA DE DANG LHAN CIG TU DGAG DBYE BYED DU MI 'JUG PA NI DGAG DBYE BZHAG PA'I NAN TUR YIN NO, ,GNAS DBYUNG BDUN YOD DE, MA MTHONG BA GNAS NAS DBYUNG BA, DE BZHIN DU, PHYIR MI 'CHOS PA GNAS NAS DBYUNG BA, SDIG LTA MI GTONG BA GNAS NAS DBYUNG BA, 'THAB KROL LA 'BAD PAS MA LOG NA GNAS NAS DBYUNG BA, RNAM PAR GTAN LA MA PHEBS PA GNAS NAS DBYUNG BA, 'THAB KROL GYI RGYU NYE BAR BSGRUB PA GNAS NAS DBYUNG BA, DGE SLONG MA DANG 'GRE ZHING GNAS PA GNAS NAS DBYUNG BA RNAMS SU YOD PA'I PHYIR, MTSAN GZHI NI RIM PA BZHIN DU, BSHAGS DGOS YAN GYI LTUNG BA RANG LA BYUNG BA RANG DANG DGE 'DUN GNYIS KAS SHES BZHIN GLENG BA NA, BDAG LA LTUNG BA DE 'DRA MED DO ZHES BSNYON LDING BA'I DGE SLONG DE GNAS NAS DBYUNG BA DE DANG PO YIN, BSHAGS DGOS YAN GYI LTUNG BA RANG NYID LA BYUNG STE DGE 'DUN LA BSGRAGS SHING KHAS BLANGS NAS RKYEN 'DZOM BZHIN DU PHYIR MI 'CHOS PA GNAS NAS DBYUNG PA DE GNYIS PA YIN, MYOS 'GYUR 'THUNGS PA LTA BU BCOM LDAN 'DAS KYIS BAR DU GCOD PAR GSUNGS PA STE BSTEN KYANG BAR DU GCOD PAR MI 'GYUR ZER BA DE LA BZHAMS BSGO LA SOGS PA BZLOG PA LNGA BYAS KYANG MI GTONG BA GNAS NAS DBYUNG BA DE GSUM PA YIN, 'THAB KROL LA 'BAD PA BYED PA DE BSDIGS PA SOGS KYIS BZLOG KYANG MA LOG PAR GNAS NAS PHYUNG BA DE BZHI PA YIN, DNGOS @093B PO'I DE BZHIN NYID LA YIN MIN RTZOD PA BYED PA DE LA MNGON SUM BRGYAD DANG GANG MANG ZHI BYED KYIS MA ZHIN GNAS NAS DBYUNG BA DE LNGA PA YIN, 'THAB KROL MNGON SUM DU MI BYED KYANG PHAR DKRUGS TSUR DKRUGS BYED PA DE BZLOG KYANG MA ZHI BA DE GNAS NAS DBYUNG BA DE NI DRUG PA YIN, DGE SLONG MA DANG 'GROGS NAS, DUS RGYUN DU RTZE BAR BYED PA DE BZLOG KYANG MI GTONG NA DE GNAS NAS DBYUNG BA DE NI BDUN PA YIN NO, ,KHYIM PAS RAB BYUNG LA GSHE BA DANG PHAM PA SOGS KYIS SKUR BA 'DEBS NA, DE'I NANG NAS LHUNG BZED DU BSOD SNYOMS MI BZED PA SOGS CHOS DANG ZANG ZING GI LONGS SPYOD SPONG BA'I PHYIR DU GSAL BA 'BA' ZHIG PA'I LAS BYED PA NI, LHUNG BZED KHA DBUB PA'I NAN TUR YIN NO, ,CI'I PHYIR LHUNG BZED KHA DBUB PA ZHES BYA SNYAM NA, DE KHA DBUB PA'I NANG DU ZAS MI 'GRE BA LTAR DU CHAD PA 'DI BCAD PA'I SBYIN BDAG DE'I NANG DU BZOD PA MA GSOL GYI BAR DU MI 'GRO, STAN LA MI 'DUG ,CHOS MI STON, BSOD SNYOMS MI LEN PA SOGS BYED PA'I RGYU MTSAN GYIS DE LTAR BRJOD PA YIN NO, ,GNYIS PA NI, YUL GYI SGO NAS BSDU NA, YUL RAB BYUNG LA BYA BA'I DE DANG, KHYIM PA LA BYA BA'I DE GNYIS SU 'DU STE, SNGA MA BCU GSUM PO DANG PO DANG, LHUNG BZED KHA DBUB PA'I DE GNYIS PAR 'DU BA'I PHYIR, LAS KYI CHO GA'I SGO NAS BSDU NA, GSOL BZHI'I LAS KYIS BSGRUB PA'I DE DANG, GSOL BA 'BA' ZHIG PA'I LAS KYIS BSGRUB PA'I DE GNYIS SU 'DU STE, SNGA MA BCU GSUM DANG PO DANG, LHUNG BZED KYI DE GNYIS PA YIN PA'I PHYIR, DE RNAMS NGO BO'I SGO NAS BSDU NA, SMAD PA NAN TUR, RNAM DAG GI LAS BZHAG PA'I NAN TUR, SPANGS PA NAN TUR DANG GSUM DU 'DU STE, SNGA MA BZHI DANG PO DANG, BAR PA GNYIS NI GNYIS PA DANG, THA MA BRGYAD GSUM PA YIN PA'I PHYIR, LHUNG BZED KHA DBUB PA'I NAN TUR DE, DE RKYANG PA YIN NO, ,DES NA, MI 'DOD BZHIN DU LAS KYI CHAD PAS BCAD PA'I MJUG BZOD PA GSOL DGOS RUNG GI RIGS SU GNAS PA DE, NAN TUR GYI NGO BO'I GO DON YIN TE, BRAM ZE'I BU MOS ZHUS PA LAS, BSKRAD PA ZHES BGYI BA'I DON CI LAGS, NYE BAR 'KHOR LAS DE'I MING YIN TE, 'ON KYANG @094A *, ,BSKRAD PAR BYA BA NI, DGE SLONG KHYIM SUN 'BYIN PA GANG YIN PA DE LA BYA STE, DE 'DIR GNAS PAR MI BYA'O, ,ZHES SOGS GSUNGS PA'I PHYIR, RNAM BCAD GCOD TSUL NI, DE'I TSIG ZUR GYI MI 'DOD BZHIN DU ZHES PA NGO BO NYID 'TSOL BA DE NAN TUR YIN PA SEL LAS KYIS ZHES PAS, LAS MED PAR BLA MAS SLOB MA CHAD PA LNGAS GCOD PA DE DE YIN PA SEL, CHAD PAS BCAD PA ZHES PAS, GRANGS SU GZHUG PA BZHI PO DE DE YIN PA SEL LO, ,'O NA GRANGS SU GZHUG PA BZHI PO JI LTAR YIN ZHE NA, DGE 'DUN GYI ZHAL TA BA LA SHES NGOR 'PHYA BA LA GSOL BA 'BA' ZHIG PA'I LAS BYED PA DANG, ZUR TZAM GYIS DE LA GZHOGS 'PHYAS BYED PA LA GSOL BA 'BA' ZHIG PA'I LAS BYED PA, DGE SLONG GIS BSGO BA RNA LA GZON PA LA DE BYA BA, CANG MI SMRA BAS RNA LA GZON PA LA DE 'DRA'I LAS BYED PA RNAMS SO, ,DE RNAMS MI MTHUN PA'I LAS KYI GRANGS SU GTOGS KYANG, NAN TUR GYI LAS MIN NO, ,MJUG BZOD PA ZHES SOGS KYIS GZHAN STOBS KYIS NAN TUR LAS GROL BA DE SEL TE, NAN TUR YIN NA MJUG TU BZOD PA GSOL DGOS RUNG YIN PAS KHYAB KYANG, DGOS NGES YIN PAS MA KHYAB PA'I PHYIR, GSUM PA SGRA BSHAD PA NI, YONGS SU DAG PA'I GNAS SKABS NYAMS PAR BYAS TE, MA DAG PA'I GNAS SKABS 'OG MAR BZHAG CING, BSHUNGS PA STE NGO GNONG BAR BYED PAS NAN TUR ZHES BYA STE, RGYA CHER 'GREL LAS, 'OG TU BZHAG CING BSHUNGS PA NYID DU RNAM PAR BZHAG PA ZHES BYA BA'I THA TSIG GO ,ZHES DANG, GZHI 'GREL LAS, NAN TUR NI CHAD PA'I LAS DES YONGS SU DAG PA'I SA NAS NYAMS PAR BYAS TE, SA 'OG MAR 'JOG PAR BYED PA'I PHYIR RO, ,ZHES GSUNGS PA'I PHYIR, BZHI PA NAN TUR BYA BA'I TSUL LA, NAN TUR DE YUL GANG LA BYA BA, BYED PA PO GANG GIS BYA BA, CHO GA JI LTA BUS BYA BA, GNAS GANG DU BYA BA, BYAS PA'I DGOS PA, DE DAG GI BSLAB BYA, NAN TUR LAS GROL BA'I RGYU BSHAD PA DANG BDUN LAS, DANG PO NI, RAB BYUNG LA BYA BA'I YUL NI, RAB BYUNG SDE LNGA PO GANG RUNG GI SDOM PA GSO RUNG YAN CHAD DANG LDAN PA, SHES PA RANG BZHIN DU GNAS PA, LUS THA MAL DU GNAS @094B PA; NAD PA DANG, GNAS NAS PHYUNG BA DANG, CHOS MIN PA'I PHYOGS SU SONG BA DANG, DGE 'DUN 'BYED PAR NUS PA DANG, TSOGS SU TSANG BA RNAMS RE RE NAS MA YIN PA DANG, LTUNG BA GLENG DRAN LA SOGS PA SNGON DU SONG BA DANG, GZHI LEGS PA DANG LDAN PA ZHIG DGOS SO, ,CIG SHOS KHYIM PA LA BYA BA'I YUL NI; RANG GI SBYIN BDAG TU GTOGS PA'I KHYIM PA YIN PA SHES PA RANG BZHIN DU GNAS PA YIN PA, NAD PA MIN PA, DGE SLONG SOGS LA RDZUN GYI SGO NAS PHAM PA SOGS KYIS SKUR PA 'DEBS PA DANG, GSHE BA DANG, SBYO BAR BYED PA YIN PA, SNGAR LHUNG BZED KHA DBUB DANG MA 'BREL BA RNAMS DGOS SO, , CHO GA NI GSOL BA 'BA' ZHIG PA'I LAS KYIS BYA'O, ,LAS BYED PA PO NI DGE 'DUN CHOS GSUM LDAN GYIS BYA'O, ,DGOS PA NI DE 'DRA'I KHYIM PA DE DGE BA LA SBYAR BA'I PHYIR DU YIN NO, ,GNYIS PA NI, DGE 'DUN CHOS GSUM LDAN GYIS BYED DO, ,GSUM PA LA, SBYOR BA 'DU BA'I SKABS RJES SU BSGRUB PA DANG, LTUNG BA GLENG DRAN BYA ZHING, GLENG BA PO GZHAN GYIS MA GLENG NA, DGE 'DUN GYIS BSKOS PAS GLENG DRAN BYA'O, ,DNGOS GZHI NI, GSOL BZHI'I LAS KYI SGO NAS BYA'O, ,MJUG CHOG NI, MJUG SDUD BRJOD PA DANG, 'DI NYID DU PHYIR BCOS GYIS SHIG ,DGE 'DUN 'DI NYID KYIS KHYOD BAG YANGS SU BYED PAR 'GYUR RO ZHES BRJOD PA'O, ,BZHI PA NI, GNAS DBEN PA DANG, DUS DBYAR KHAS LEN GYI DUS DANG MA 'BREL BA ZHIG DGOS SO, ,LNGA PA NA, DGE 'DUN LA NAN TUR GYI RGYU DANG LDAN PA DE RNAMS YAL BAR DOR BA'I NYES PA MI 'BYUNG BA DANG, DE'I RGYU DANG LDAN PA DE DAG NYES PA LA ZHUGS PA BZLOG PA DANG, NYES PA DE DAG LA SNGAR MA ZHUGS PA RNAMS KYANG PHYIS MI 'JUG PA DANG, BSTAN PA SPYI LA PHAN PA'I DGOS PA RNAMS YOD DO, ,DRUG PA NI, SMAD PA NAN TUR BZHI PO BYAS PA DANG, GNAS NAS PHYUNGS PA RNAMS KYIS KHYAD PAR CAN GYI SPYOD PA LNGA SPONG BA DANG, CHOS 'DI PA'I RAB BYUNG RNAMS DANG, CHOS DANG ZANG ZING GI LONGS SPYOD LHAN CIG TU BYED PA SPONG BA DANG, BSKRAD PA NAN TUR BYAS PAS NI SUN PHYUNGS PA'I GNAS SU MI BSDAD PA'O, ,BSNYIL BA NI GNAS NAS PHYUNGS PA DANG 'DRA'O, ,GSO SBYONG BZHAG PA DANG, DGAG DBYE BZHAG PA GNYIS NI RIM PA BZHIN SA RANG BZHIN @095A *, ,DU GNAS PA RNAMS DANG, GSO SBYONG DGAG DBYE LHAN CIG TU MI BYED, LHUNG BZED KHA DBUB PA LA NI, RAB BYUNG RNAMS KYIS DE'I KHYIM NAS CHOS DANG ZANG ZING GI LONGS SPYOD BYED PA SPONG NGO, ,KHYAD PAR CAN GYI SPYOD PA LNGA NI, GZHAN GYI PHYAG DANG LDANG BA BYED PA SOGS DANG DU LEN PA'I GUS PA'I LAS BDAG GIR BYED PA DANG, SA RANG BZHIN DU GNAS PA DANG 'GROGS NAS 'GRO BA'I TSE GOMS PA SRI BA LAS GZHAN GOMS PA MNYAM DU 'DOR BA'AM, DE'I MDUN DU GOMS PA 'DOR BA LTA BU, MNYAM PA DANG LHAG PA'I SPYOD PA DANG, GZHAN GYI MKHAN SLOB BYED PA LTA BU DGE SLONG BLA MA'I GNAS LTA BU DANG, DGE SLONG LA LTUNG BA GLENG DRAN BYED PA LTA BU CHAD PA'I SKABS SU GTOGS PA'I BYA BA DANG, SA RANG BZHIN DU GNAS PA RNAMS DANG MNYAM 'GROGS BSTEN PA'I KHYAD PAR DANG LNGA'O, ,DE RNAMS SPONG BA NI, KHYAD PAR CAN GYI SPYOD PA LNGA SPONG BA YIN NO, ,BDUN PA NI, NAN TUR LAS GROL BA'I RGYU DE LA THUN MONG BA DANG THUN MONG MA YIN PA GNYIS LAS, DANG PO NI, NAN TUR BYA BA'I YUL RAB BYUNG RNAMS KYIS BDEN PA MTHONG BA'AM, BZAD PA GSOL ZIN PA NA DE LAS GROL LO, ,GNYIS PA NI, GSO SBYONG BZHAG PA DANG, DGAG DBYE BZHAG PA GNYIS NI, RIM PA BZHIN DU 'JOG PAR BYED PA DE'AM, DES BSKOS PA DANG GSO SBYONG DANG DGAG DBYE LHAN CIG BYAS PAS GROL LO, ,NAN TUR PHAL CHE BA LA NI, NAN TUR SNGA MA'I STENG DU NAN TUR GZHAN ZHIG BYAS PA'I TSE SNGA MA LAS GROL LO, ,'ON KYANG GNAS NAS PHYUNG BA LA NI MA YIN TE, DE LA NAN TUR PHYI MA BYA BA MA YIN PA'I PHYIR TE, DE DANG CHOS DANG ZANG ZING GI LONGS SPYOD LHAN CIG BYED PA SPANGS ZIN PA'I PHYIR, LHUNG BZED KHA DBUB PA NI, YUL KHYIM PA DE LA BZOD PA BLANGS PAS DE KHA SRANG BA'O, ,KHO NA RE, NAN TUR GYI RNAM GZHAG DE LTAR YIN NA, PHYIR BCOS DNGOS DE JI LTAR ZHE NA, DE'I RNAM GZHAG 'CHAD PA 'DI LA, MTHOL BA'I TSUL DANG, BSHAGS PA'I TSUL GNYIS, DANG PO LA, YUL GANG LA MTHOL BA, GANG ZAG GANG GIS MTHOL BA, DNGOS PO GANG MTHOL BA, CHO GA JI LTA BUS MTHOL BA, MTHOL BA'I DGOS PA BSHAD PA @095B DANG LNGA LAS, DANG PO NI, MTHOL BA'I YUL DE SA RANG BZHIN DU GNAS PA, LTA BA MTHUN PA, BSNYEN RDZOGS KYI SDOM PA RNAM DAG DANG LDAN PA, MTSAN MTHUN PA RNAMS DGOS TE, MDO RTZA BAR, RANG BZHIN DU GNAS PA LA'O, ,LTA BA THA MI DAD PA LA'O, ,BSNYEN PAR RDZOGS PA DANG BCAS PA LA'O, ,MTSAN MTHUN PA LA'O, ,ZHES GSUNGS PA'I PHYIR, DER MA ZAD LUS THA MAL DU GNAS PA, THA SNYAD GSUM DANG LDAN PA, MTSAMS NANG DE NA GNAS PA STE CHOS BDUN LDAN DGOS SO, ,DES NA CHOS BDUN LDAN THAMS CAD LA 'DI 'KHYER DGOS SO, ,MTHOL YUL GYI GRANGS NI, BSGO BA LAS GYUR PA'I LTUNG BA RNAMS NI, RANG LA BSGO BA'I LAS MDZAD PA'I DGE 'DUN THAMS CAD LA MTHOL DGOS TE, RTZA BAR, BSGO BA LAS BYUNG BA RNAMS NI DGE 'DUN THAMS CAD LA'O, ,ZHES GSUNGS PA'I PHYIR, SOR BSHAGS NI GNAS DER CHOGS PA'I DGE SLONG JI TZAM YOD PA DE LA MTHOL DGOS TE, RTZA BAR, SO SOR BSHAGS PAR BYA BA NI GNAS DER TSOGS PA LA'O, ,ZHES GSUNGS PA'I PHYIR, DE LAS GZHAN PA'I LTUNG BA RNAMS NI GONG DU BSHAD PA'I CHOS BDUN LDAN LA MTHOL LO, ,DMIGS BSAL NI, CHOS BDUN LDAN GYI MTHOL YUL MA RNYED NA, DGE BSNYEN DANG, DGE TSUL DANG, MTSAN MI MTHUN PA'I DGE TSUL MA SOGS LA MTHOL BAS KYANG MTHOL BA'I GO CHOD DE, RTZA BAR, CHOS 'DI PA LA DE BYAS NA BYAS PA NYID DO, Y,ZHES PA DANG, DE'I THAD KYI RANG GI RNAM BSHAD LAS, CHOS 'DI PA ZHES BYA BA NI, BSNYEN PAR RDZOGS PA MTSAN MI MTHUN PA DANG, RAB TU BYUNG ZHING BSNYEN PAR MA RDZOGS PA DANG, KHYIM PA DE BZHIN GSHEGS PA'I CHOS KYI LTA BA CAN THAMS CAD BSDUS TE, CHOS 'DI PA DE DAG LA LTUNG BA RIG PAR BYA BA DE BYAS NA YANG BYAS PA NYID DE, DE RIG PAR BYAS NA BCABS PAR MI 'GYUR RO, ,ZHES GSUNGS PA'I PHYIR, NYE BAR 'KHOR GYIS ZHUS PA'I GANG ZAG GI GZHI LAS KYANG, DGE SLONG LA BRJOD NA BRJOD CES BGYI'AM, NYE BAR 'KHOR BRJOD CES BYA'O, ,DE BZHIN DU DGE SLONG MA DANG BSLAB PA BYIN PA DANG, DGE SLOB MA DANG, DGE TSUL DANG, DGE BSNYEN DANG, DGE BSNYEN MA LA BRJOD NA BRJOD CES BGYI'AM, NYE BAR 'KHOR BRJOD CES BYA'O, ,ZHES @096A *, ,GSUNGS PA'I PHYIR, DER MA ZAD MTSAMS GZHAN GYIS CHOD PA'I SA GZHI LA GNAS PA'I DGE SLONG LA, BAR SNANG LA GNAS PA'I DGE SLONG LTA BUS BOS NAS, BDAG LA LTUNG BA BYUNG NGO ZHES MTHOL NA YANG MTHOL BA'I GO CHOD DE, RTZA BAR, MTSAMS GZHAN NA GNAS PA LA YANG NGO, ,ZHES DANG, RANG GI RNAM BSHAD LAS, 'DIR GZHUNG NI DOG SA LA MCHIS PA LA NAM MKHA' LA MCHIS PAS SAM, NAM MKHA' LA MCHIS PA LA DOG SA LA MCHIS PAS BRJOD NA BRJOD CES BGYI'AM, NYE BAR 'KHOR BRJOD CES BYA STE, BRJOD PA LA NYES BYAS SU 'GYUR RO, ,ZHES GSUNGS PA'I PHYIR, DE'I TSIG ZUR GYI BRJOD PA LA NYES BYAS SU 'GYUR RO, ,ZHES PAS BCABS NYES LAS YANG BA'I NYES BYAS SHIG 'BYUNG BAR BSTAN TO, ,GNYIS PA NI, SDE LNGA GANG RUNG GI SDOM PA GSO RUNG YAN CHAD DANG LDAN PA, SHES PA RANG BZHIN DU GNAS PA, LUS THA MAL DU GNAS PA, GNAS NAS PHYUNG BA MA YIN PA STE KHYAD CHOS BZHI DANG LDAN PA DGOS KYI, GNAS NAS PHYUNG BA NI MTHOL BA'I RTEN DU MI RUNG STE, DE'I MTHOL YUL MED PA'I PHYIR RO, ,GSUM PA NI, LTUNG BA SDE LNGA GANG RUNG YIN PA, MTHOL BA PO'I RGYUD DANG 'BREL BAR YOD PA, NGO BO SHES SAM YID GNYIS ZA BA, SNGAR MTHOL ZIN MA YIN PA STE KHYAD CHOS BZHI LDAN DGOS SO, ,BZHI PA CHO GA LA, RANG LAS BSLAB PA GZHON PA LA SPYIR BTANG LA NI PHYAG BYA MI DGOS SHING, LHAM PHUD CING, RGAN NA PHYAG 'TSAL ZHING SPYOD LAM BSTEN LA THUGS GTAD PAR ZHU BA'O, ,DNGOS GZHI NI, BTZUN PA DGONGS SU GSOL BDAG DGE SLONG MING 'DI ZHES BGYI BA LA, LTUNG BA 'DI LTA BU BYUNG STE, BDAG DGE SLONG MING 'DI ZHES BGYI BA'I LTUNG BA DE BTZUN PA'I MDUN DU MTHOL LO MI 'CHAB BO, ,MTHOL NA BDAG BDE BA LA REG PAR GNAS PAR 'GYUR GYI, MA MTHOL NA MI 'GYUR RO, ,LAN GSUM BRJOD, MJUG THABS LEGS BYA BA YIN NO, ,LNGA PA NI, LTUNG BA DE BYUNG MA THAG MTHOL BA LA DGOS PA YOD DE, LTUNG BA DE 'CHAB PA'I NYES PA MI 'BYUNG BA DANG, PHYIR 'CHOS PA'I RTEN DU 'GYUR BA'I DGOS PA YOD @096B PA'I PHYIR, GNYIS PA BSHAGS PA'I TSUL 'DI LA, DGE SLONG GI DE DANG, DGE TSUL GYI DE GNYIS, DANG PO LA, 'CHAB PA'I NYES PA BSHAGS PA DANG LTUNG BA DNGOS BSHAGS PA GNYIS, DANG PO LA, BSHAGS PA TZAM GYI BSHAGS PA DANG, ZHAG GI CHAD LAS KYI SGO NAS BSHAGS PA GNYIS, DANG PO LA, YUL, RTEN, DNGOS PO, CHO GA, DGOS PA DANG LNGA LAS, DANG PO NI, BSHAGS PA'I YUL SNGAR BSHAD PA BZHIN CHOS BDUN LDAN DGOS SO, ,GNYIS PA NI, BSNYEN RDZOGS KYI SDOM PA DANG LDAN PA DANG, SA RANG BZHIN DU GNAS PA SOGS GONG DU BSHAD PA'I CHOS BDUN GYI STENG DU, LTUNG BA MING RIGS MI MTHUN PA DGOS TE, YUL DE LHAG MAS GOS PA ZHIG YIN NA, DE LA LHAG MA PHYIR BCOS BYAR MI RUNG BA'I PHYIR, DES NA LHAG MA RNAMS PHAN TSUN RIGS MTHUN KYANG, DE DANG SPANGS LTUNG GNYIS RIGS MI MTHUN, DES PHAM PA NAS NYES BYAS KYI BAR THAMS CAD LA RIGS 'GRE BA YIN TE, RANG GI RNAM BSHAD DU LUNG GLENG GZHI DRANGS PA LAS, BTZUN PA LTUNG BA RIGS MTHUN PA ZHES KYANG BGYI, RIGS MI MTHUN PA ZHES KYANG BGYI NA, BTZUN PA LTUNG BA RIGS MTHUN PA NI GANG LAGS, DE RIGS MI MTHUN PA NI GANG LAGS, NYE BAR 'KHOR PHAM PAR GYUR PA GANG YIN PA, PHAM PAR GYUR PA DANG RIGS MTHUN PA YIN LA, DE LAS GZHAN PA DAG DANG RIGS MI MTHUN PA YIN NO, ,DGE 'DUN LHAG MA NI DGE 'DUN LHAG MA DANG NGO, ,SO SOR BSHAGS PAR BYA BA NI SO SOR BSHAGS PAR BYA BA DANG NGO, ,NYES BYAS NI NYES BYAS DANG NGO, ,ZHES PA DANG, RTZA BAR YANG, KHA NA MA THO BA MI MTHUN PA LA YANG NGO, ,ZHES GSUNGS PA'I PHYIR, GSUM PA NI, PHAM PA DANG, LHAG MA DANG, BSDAMS BYA GSUM PO GANG RUNG GI BCABS NYES MA YIN PA ZHIG DGOS TE, RANG GI PHAM PA BCABS NA PHYIR BCOS SU MI RUNG, LHAG MA BCABS NA SPO BA SPYOD DGOS, BSDAMS BYA'I NYES BYAS NI BSHAGS MI DGOS PA'I PHYIR, DE RNAMS GONG DU BSGRUBS ZIN TO, ,DES NA, LTUNG BYED LA SOGS PA BCABS PA'I BCABS NYES YIN PA ZHIG RANG GI RGYUD DANG 'BREL BA, NGO BO SHES SAM YID GNYIS ZA BA STE KHYAD CHOS @097A *, ,GSUM LDAN DGOS SO, ,BZHI PA LA, SBYOR BA 'DRA, DNGOS GZHI'I DUS SU MTHOL BA'I TSAB TU BSHAGS SO ZHES PA BYA, MJUG TU MTHONG SDOM 'DRI ZHING LAN 'DEBS PA DANG, THABS LEGS SOGS BYA'O, ,LNGA PA NI, BCABS NYES 'DAG PA DANG, DNGOS GZHI'I BSHAGS PA CHAGS PA'I RTEN DU 'GYUR BA'I DGOS PA YOD DO, ,DE LTAR YANG RGYA CHER 'GREL LAS, DE'I RJES SU 'BRANG BA'I LTUNG BA GZHAN DAG LA YANG, SNGAR BCABS PA'I NYES PA PHYIR BCOS PAR BYA ZHING, PHYIS LTUNG BA PHYIR BCOS PAR BYA BAR SHES PAR BYA'O, ,ZHES GSUNGS SO, ,GNYIS PA ZHAG GI CHAD LAS KYI SGO NAS BSHAGS PA LA, SPO BA NOD PA DANG, SPO BA SPYAD PA GNYIS, DANG PO LA, YUL GANG LAS NOD PA DANG, RTEN GANG GIS NOD PA, DON GANG GI PHYIR NOD PA, YUN JI TZAM ZHIG NOD PA, CHO GA GANG GIS NOD PA, SGRA BSHAD PA, SPO BA NOD PA'I DGOS PA BSHAD PA DANG BDUN LAS, DANG PO NI, DAG 'DUN MTSAN NYID GSUM LDAN LA NOD DO, ,GNYIS PA NI, BSNYEN RDZOGS KYI SDOM PA DANG LDAN PA, LTA BA MTHUN PA, MTSAN MTHUN PA, SHES PA RANG BZHIN DU GNAS PA, LUS THA MAL DU GNAS PA, GNAS NAS PHYUNG BA MA YIN PA; TSOGS SU TSANG PA MA YIN PA, SNGAR SPO BA NOD ZIN MA YIN PA STE CHOS BRGYAD LDAN DGOS SO, ,GSUM PA NI, LHAG MA'I BCABS NYES LA MTSON NA, RANG GI LHAG MA'I BCABS NYES YIN PA, GANG ZAG KHYAD PAR CAN GYI MA YIN PAR BDAG NYID KYI RGYUD DANG 'BREL BA, NGO BO SHES SHING DRAN PAR NUS PA STE LTUNG BA CHOS GSUM LDAN NO, ,BZHI PA NI, BCABS PA'I ZHAG GRANGS DE SRID DU'AM, BCABS NYES DE DAG PA'I MTHA' TSUN CHAD DU NOD DO, ,LNGA PA NI, SBYOR BA'I SKABS SU, DGE 'DUN BSDU BA'I SKABS SGRUB PA, LHAM PHUD NAS RGAN PA'I MTHA' LOGS NAS PHYAG 'TSAL BA; TZOG TZOG BUR 'DUG PA, THAL MO SBYAR BA'I SPYOD LAM BSTEN PA, RANG GIS SBYIN PAR LAN GSUM GSOL BA 'DEBS PA'O, ,DNGOS GZHI GSOL BZHI'I LAS KYIS SBYIN CING, MJUG NI MJUG SDUD BRJOD PA'I SGO NAS BYA'O, ,CHO GA KARMA SHA TAM LAS SHES SO, ,DRUG PA NI, @097B CI'I PHYIR SNGO BA ZHES BYA NA, RANG BZHIN DU GNAS PA'I SA DE LAS GZHAN DMAN PA'I SAR SNGO BAS NA SPO BA ZHES BYA'O, ,BDUN PA NI, SPO BA NOD NAS SPYAD PA LA DGOS PA YOD DE, DE NOD NAS SPYAD PA LA BRTEN NAS LHAG MA'I BCABS NYES DAG PAR 'GYUR BA YIN PA'I PHYIR, GNYIS PA SPO BA SPYOD PA 'DI LA, YUL GANG LA SPYAD PA, GNAS GANG DU SPYAD PA, RTEN GANG GIS SPYAD PA, DON GANG GI PHYIR SPYAD PA, YUN JI TZAM SPYAD PA, TSUL JI LTAR SPYAD PA, SPO BA SPYAD PA'I DGOS PA BSHAD PA DANG BDUN LAS, DANG PO NI, DGE SLONG BZHI YAN CHAD KYI DGE 'DUN GRANGS CHANG BA DGOS TE, RTZA BAR, DGE 'DUN MA YIN PA LA YANG NGO, ,ZHES PA DANG, DE'I THAD KYI RANG GI RNAM BSHAD LAS KYANG, SU DAG DGE 'DUN DU MA GYUR PA'I GANG ZAG GCIG GAM, GNYIS SAM, GSUM DAG LA YANG MI 'CHAGS SO, ,ZHES GSUNGS PA'I PHYIR, DER MA ZAD SA RANG BZHIN DU GNAS PA ZHIG DGOS TE, RANG NYID SA DMAN PA LA GNAS PAS, GZHAN SA DMAN PA'I GNAS NAS BSLANG MI NUS PA'I PHYIR DANG, RTZA BAR YANG, RANG BZHIN DU GNAS PA MA YIN PA DAG LA SPO BA DANG, MGU BAR BYA BA DANG BSLAB PA SPYOD PA DAG MI 'CHAGS SO, ,ZHES PA DANG, RANG GI RNAM BSHAD LAS KYANG, RANG BZHIN DU GNAS PA MA YIN PA DE RNAMS LA DE MI SPYAD PA NYID DO, ,GANG GI PHYIR DE MI 'CHAGS PA'I PHYIR RO, ,ZHES GSUNGS PA'I PHYIR, DER MA ZAD MTSAMS NANG DE NA GNAS SHING GUD DU BCAD PA MIN PA ZHIG DGOS TE, MCHOG DGE SLONG RNAM DAG GI CHA DAS SPANG BAR MI RIGS PA'I PHYIR DANG, RTZA BAR YANG, GNAS DE NA 'KHOD PA DAG LAS YONGS SU BCAD PA DAG LA YANG NGO, ,ZHES PA DANG, RANG GI RNAM BSHAD LAS KYANG, DE DAG SPYAD PAR BYA BA'I GNAS DE NA 'KHOD PA'I DGE SLONG LA SOGS LOGS SHIG TU YONGS SU BCAD CING BKAR BA DAG LA YONGS SU GNAS PA LA SOGS PA SPYOD PA MI 'CHAGS SO, ,ZHES GSUNGS PA'I PHYIR, GNYIS PA NI, SPO BA GANG DU MNOS PA'I GNAS YIN PA ZHIG DGOS TE, RTZA BAR, DANG PO GNYIS KYIS GZHAN DU SKYA RENGS 'CHAR BAR MI BYA'O, , @098A *, ,ZHES PA DANG, RANG GI RNAM BSHAD LAS, YONGS SU GNAS PA SPYOD PA DANG, MGU BA SPYOD PA DANG, BSLAB PA SPYOD PA ZHES BYA BA GSUM SMOS PA'I DANG PO GNYIS TE, YONGS SU GNAS PA SPYOD PA DANG, MGU BAR BYA BA SPYOD PA GNYIS KYIS GNAS GANG DU SPYAD PAR BYA BA, YANG DAG PAR BLANGS PA'I GNAS DE LAS GZHAN PA'I MTSAMS SU SKYA RENGS 'CHAR BAR MI BYA'O, ,ZHES GSUNGS PA'I PHYIR, DER MA ZAD SPO BA SPYOD PA GZHAN GSUM LA SOGS PA YOD PA'I GNAS MIN PA ZHIG DGOS TE, RTZA BAR, GANG NA GZHAN GSUM LA SOGS PA DE DAG GI MING RNAM PA THAMS CAD SPYOD PA DER DE SPYAD PAR MI BYA'O, ,ZHES PA DANG, RANG GI RNAM BSHAD LAS, GANG NA BDAG NYID LAS GZHAN GSUM LA SOGS PA DE DAG GI MING RNAM PA THAMS CAD SPYOD PA DER DE SPYAD PAR MI BYA'O, ,ZHES BYA BA NI, GANG DU GZHAN YONGS SU GNAS PA SPYOD PA GSUM YOD PA DER SPYAD PAR MI BYA'O, ,ZHES GSUNGS PA'I PHYIR, 'DI'I THAD DU, RANG GI RNAM BSHAD LAS, SPO BA LA BSHAD PA DE BZHIN DU, GZHI NAS SPO BA DANG, YANG SPO BA DANG, MGU BA DANG, GZHI NAS MGU BA DANG, YANG MGU BA DANG BSLAB BYIN RNAMS LA DE DANG DE GSUM GSUM LHAN CIG TU GNAS SU MI RUNG BAR BSHAD DO, ,DER MA ZAD SPYIR BTANG LA GNAS BRTAN SO THAR GYI MDO 'DON PA PO YOD PA'I GNAS YIN PA ZHIG DGOS TE, RTZA BAR, GNAS BRTAN DANG SO SO THAR PA DANG BCAS PA NYID DU 'BAD PAR BYA'O, ,ZHES GSUNGS PA'I PHYIR, DMIGS BSAL NI, RANG GI RNAM BSHAD LAS, MA GRUB NA GZHAN DU YANG SPYAD PAR BYA'O, ,ZHES GSUNGS PA LTAR RO, ,GSUM PA NI, SPO BA MNOS PA DANG 'BREL BA ZHIG DGOS TE, DE DANG MA 'BREL NA SPO BA SPYOD PA MI 'CHAGS PA'I PHYIR RO, ,BZHI PA NI, SPO BA MNOS PA'I SKABS SU BSHAD PA'I CHOS GSUM LDAN GYI LTUNG BA DE DAG PA'I DON DU SPO BA SPYOD PA YIN NO, ,LNGA PA NI, YUN JI SRID MNOS PA DE SRID DU SPO BA SPYAD DO, ,DRUG PA TSUL JI LTAR SPYOD PA NI, KHYAD PAR CAN GYI SPYOD PA LNGA GONG DU BSHAD PA DE RNAMS SPONG ZHING, DMAN PA'I @098B SPYOD PA LNGA DANG DU LEN NO, ,DMAN SPYOD LNGA PO GANG ZHE NA, 'DI LA NANG PAR GYI DUS SU JI LTAR BSGRUB PA DANG, CHOS STON LA SOGS PA'I DUS SU JI LTAR BSGRUB PA, DGE 'DUN 'DU BA'I DUS SU JI LTAR BSGRUB PA, DUS THAMS CAD DU JI LTAR BSGRUB PA, DGONGS KA'I DUS SU JI LTAR BSGRUB PA'I TSUL DANG LNGA YOD PA LAS, RIM PA BZHIN DU, NANG PAR SNGA BAR LANGS TE SGO 'BYED PA DANG MAR ME'I KONG BU GSAL BAR BYED DGOS PA YIN NO, ,GNYIS PA NI, BDUG SPOS DANG DE'I SPOS PHOR NYE BAR 'JOG PA YIN NO, ,GSUM PA NI, SPYI BLUGS BSHAMS PA, GANdI BRDUNG BA SOGS BYED DGOS PA YIN NO, ,BZHI PA NI, DE'I GNAS MAL DE THA MAR 'OS PA YIN NO, ,LNGA PA NI, NYI MA BRJOD PA DANG DUS DANG MTHUN PA'I CHUS DGE SLONG RNAMS KYI RKANG PA BKRU BA SOGS BYED DGOS PA YIN TE, MDO RTZA BAR, RIM PA BZHIN DU, NANG BAR SNGA BAR LANGS TE SPONG BYA BA DANG MAR ME'I KONG BU GSAL BAR BYA'O ZHES PA DANG, BDUG SPOS DANG DE'I SPOS PHOR DAG NYE BAR BZHAG GO ZHES PA DANG, SPYI BLUGS BSHAMS PA DANG GANdI BRDUNG NGO ZHES PA DANG, DE'I GTZUG LAG KHANG THA MAR 'OS PA NYID YIN NO ZHES PA DANG, DGONGS KAR DUS DANG MTHUN PA'I CHUS DGE SLONG RNAMS KYI RKANG PA BKRU'O ZHES PA RNAMS GSUNGS SO, ,BDUN PA NI, SPO BA SPYAD PA LA DGOS PA YOD DE, BCABS PA'I NYES PA 'DAG PA DANG, MGU BA CHAGS PAR 'GYUR BA'I DGOS PA YOD PA'I PHYIR TE, RTZA BAR, SPO BAS DE MED PAR 'GYUR RO ZHES PA DANG, RANG GI RNAM BSHAD LAS, SPO BAS DE BCABS PA'I NYES PA BSAL BAR BYAS PA LA MGU BAR BYA BA CHAGS PA'O, ,ZHES PA DANG, LUNG ZHU BA LAS, CHAD PA'I LAS BGYID PA'I RIGS CAN ZHIG LA MGU BA STZAL LAM PHYUNG NA PHYUNG ZHES BYA'O, ,ZHES GSUNGS PA'I PHYIR, GNYIS PA LTUNG BA DNGOS BSHAGS PA LA, DGOS PA SPYIR BSHAD PA DANG, BSDUS DON SO SOR BSHAD PA GNYIS LAS, DANG PO NI, DGE SLONG GIS LTUNG BA DNGOS GZHI BSHAGS PA LA DGOS PA YOD DE, DE BSHAGS PAS DE DAG PAR 'GYUR LA, DE DAG PAS TSUL KHRIMS RNAM PAR DAG PA'I PHAN YON BCU THOB @099A *, ,PAR 'GYUR BA DANG, LAS KYI KHA SKONG SOGS SU RUNG BA'I DGOS PA YOD PA'I PHYIR, 'O NA, DE RNAM PAR DAG PA'I PHAN YON BCU JI LTA BU ZHE NA, DE BZHAG TU YOD DE, GONG MA RNAMS KYI YON TAN THOB PAR 'GYUR BA DANG, 'GYOD PA MED PAR 'CHI BA'I DUS BYED PA DANG, PHYAGS DANG PHYOGS MTSAMS THAMS CAD DU SNYAN PA'I GRAGS PAS KHYAB PA DANG, BDE BAR GNYID LOG CING SAD PA DANG, GNYID LOG PA'I TSE LHA RNAMS KYIS BSRUNG BA DANG, SKYES BU DAM PA RNAMS KYI DRUNG DU BAG MI TSA BA DANG, NYAM NGA BA DANG 'JIGS PA MED PA DANG, DGRA BO DAG GIS GLAGS BTZAL KYANG MI RNYED PAR DES BSRUNG BA DANG, GNOD SBYIN DANG MI MA YIN RNAMS KYIS GLAGS RNYED KYANG GLAGS MI LTA BAR BSRUNG BA DANG, CHOS GOS SOGS TSEGS CHUNG NGUS RNYED PA DANG, GANG DU SKYE BA'I SMON LAM BTABS PAS 'GRUB PA RNAMS LA BRJOD PA YIN PA'I PHYIR TE, BAM PO LNGA BCU PA LAS, 'GYOD PA MED PAR RIM GYIS MCHOG TU DGA' BA SNGON DU 'GRO BA'I CHOS THOB PAR 'GYUR BA DANG, 'GYOD PA MED PAR RIM GYIS 'CHI BA'I DUS BYED PAR 'GYUR BA DANG, PHYOGS BCUR SNYAN PA'I SGRA BSGRAGS PA DANG, BDE BAR GNYID LOG CING BDE BAR SAD PA DANG, GNYID LOG PA NA'ANG LHA RNAMS KYIS BSRUNG BA DANG, GZHAN LAS BSDIGS PA'I BAG CHA BA DANG 'JIGS PA DANG DNGANGS PA MED PAR DGRA BO DAG GIS GLAGS SHIG RNYED NA YANG TSUL KHRIMS RNAM PAR DAG PA'I DBANG GIS DES BSRUNG BA LA SOGS PA'I PHAN 'DOGS PA DANG, GNOD SBYIN DANG MI MA YIN DANG GDUG PA CAN GNYUG MAR GNAS PA DAG GIS GLAGS SHIG RNYED NA YANG TSUL KHRIMS RNAM PAR DAG PA'I DBANG GIS DES BSRUNG BA LA SOGS PA'I PHAN 'DOGS PA DANG, GZHAN LAS CHOS GOS LA SOGS PA DAG TSEGS CHUNG NGUS 'THOB PA DANG, GANG DU SKYE BAR 'GYUR BA LA SOGS PA'I SMON LAM YANG DAG PAR 'GRUB PAR 'GYUR RO, ,ZHES GSUNGS PA'I PHYIR, GNYIS PA LA RTZA LTUNG GI BSHAGS TSUL DANG, LHAG MA'I BSHAGS TSUL DANG, DE @099B GNYIS LAS GZHAN PA'I LTUNG BA'I BSHAGS TSUL DANG GSUM, DANG PO LA, CHAD PA'I LAS KYI BSLAB PA NOD PA'I TSUL DANG, CHAD PA'I LAS KYI BSLAB PA LA SPYOD PA'I TSUL DANG GNYIS LAS, DANG PO NI, SPYIR RTZA LTUNG DE LA, RTZA LTUNG 'CHAB BCAS DANG, RTZA LTUNG 'CHAB MED GNYIS YOD PA LAS, DANG PO DE NI RTEN GYI SKYES BU DES BSHAGS PA BYAS KYANG DES TSE DE LA DE DAG PA MI SRID PA'I PHYIR TE, MDO LAS, TSUL KHRIMS 'CHAL PA NGAN SONG NGAN 'GROR LOG PAR LTUNG, ZHES GSUNGS PA'I PHYIR, DES NA PHYI MA DE 'DAG PA'I PHYIR DU DE'I RTEN GYI SKYES BU DE NOD PA DANG, DE LA SPYOD PA GNYIS BYA DGOS PA YIN PAS, DE LTAR NA 'DI YUL GANG LAS NOD PA DANG, RTEN GANG GIS NOD PA, DGOS PA GANG GI PHYIR NOD PA, YUN JI TZAM ZHIG NOD PA, CHO GA GANG GIS NOD PA, SGRA BSHAD PA, LTUNG BA BSHAGS PA'I DGOS PA BSHAD PA DANG BDUN LAS, DANG PO NI, DGE 'DUN MTSAN NYID GSUM LDAN LAS NOD DO, ,GNYIS PA NI, SDE LNGA GANG RUNG GI SDOM PA GSO RUNG DANG LDAN PA, LTA MTSAN MTHUN PA, SHES PA RANG BZHIN DU GNAS PA, LUS THA MAL DU GNAS PA, GNAS NAS PHYUNG BA MA YIN PA, RGYUD TSOGS SU LONGS PA MA YIN PA, SNGAR CHAD PA'I LAS KYI BSLAB PA LEGS PAR NOD PA MA YIN PA STE CHOS BRGYAD LDAN DGOS SO, ,GSUM PA NI, PHAM PA 'CHAB MED DAM, PHAM 'DRA 'CHAB MED LTA BU RTZA LTUNG 'CHAB MED DE 'DAG PA'I DON DU NOD DO, ,BZHI PA NI, NOD PA PO'I RTEN GYI SKYES BU DES TSE JI SRID 'TSO'I BAR DU NOD DO, ,LNGA PA NI, SBYOR BA'I SKABS SU DGE 'DUN BSDU BA'I SKABS BSGRUB PA, LHAM PHUD NAS RGAN PA'I MTHA' LOGS NAS PHYAG 'TSAL BA, TZOG TZOG PUR 'DUG THAL MO SBYAR NAS NOD PA PO RANG NYID KYIS GSOL BA LAN GSUM GDAB, DNGOS GZHI GSOL BA GCIG DANG BRJOD PA GSUM STE GSOL BZHI'I LAS KYIS SBYIN NO, ,MJUG NI MJUG SDUD BRJOD PA'I SGO NAS BYA STE, KARMA SHA TAM LAS SHES DGOS SO, ,DRUG PA NI, RTZA LTUNG 'CHAB MED DE 'DAG PA'I PHYIR DU KHYAD PAR CAN GYI SPYOD PA LNGA SPONG @100A *, ,BA DANG, DMAN SPYOD LNGA DANG DU LEN PA'I BSLAB PA SBYIN ZHING, BSLAB PA DE NYAMS SU LEN PAS NA DE LTAR DU BRJOD DO, ,BDUN PA NI, RTZA LTUNG 'CHAB MED DE DAG PA DANG BSLAB PA SPYOD PA'I RTEN DU RUNG BA'I DGOS PA YOD DO, ,GNYIS PA BSLAB PA SPYOD PA'I TSUL LA, BSLAB PA DE YUL GANG LA SPYAD PA, RTEN GANG GIS SPYAD PA, TSUL JI LTAR SPYAD PA, GNAS GANG DU SPYAD PA, DON GANG GI PHYIR SPYAD PA, YUN JI TZAM SPYAD PA DANG DRUG LAS, DANG PO NI, SPO BA SPYAD PA'I SKABS SU BSHAD PA LTAR, DGE SLONG BZHI YAN CHAD KYI DGE 'DUN GRANGS TSANG BA, SA RANG BZHIN DU GNAS PA, MTSAMS NANG DE NA GNAS SHING GUD DU BCAD PA MA YIN PA'I KHYAD CHOS GSUM DANG LDAN PA ZHIG DGOS SO, ,GNYIS PA NI, CHAD PA'I LAS KYI BSLAB PA MNOS PA DANG 'BREL BA'I RAB BYUNG NGO, , GSUM PA NI, GONG DU BSHAD PA LTAR KHYAD PAR CAN GYI SPYOD PA LNGA SPONG BA DANG, DMAN SPYOD LNGA DANG DU LEN PA LA BSLAB BO, ,BZHI PA NI, CHAD PA'I LAS KYI BSLAB PA NOD PA'I GNAS YIN PA, BSLAB BYIN GYI RAB BYUNG RANG MA GTOGS SA GZHAN NA GNAS PA GSUM LA SOGS PA YOD PA'I GNAS MIN PA ZHIG DGOS TE, LUNG LAS, GTZUG LAG KHANG GCIG TU BSLAB PA SBYIN PA BZHIS BSLAB PA LA BSLAB PAR MI BYA'O, ,ZHES GSUNGS PA'I PHYIR, LNGA PA NI, CHAD PA'I LAS KYI BSLAB PA LA SPYAD PA LA DGOS PA YOD DE, DE LTAR SPYOD PA'I RTEN GYI RAB BYUNG DE'I RGYUD KYI RTZA LTUNG 'CHAB MED DE 'DAG PA'I CHED YIN PA'I PHYIR, DRUG PA NI, SPYIR BTANG LA DE LTAR SPYOD PA'I RTEN GYI RAB BYUNG DES TSE JI SRID 'TSO'I BAR DU CHAD PA'I LAS KYI BSLAB PA LA SPYOD DGOS SHING, DMIGS BSAL NI, BSLAB BYIN GYIS DGRA BCOM PA 'THOB PA NA, CHAD PA'I LAS KYI BSLAB PA SPYOD MI DGOS, THUN MONG MA YIN PA'I RTZA LTUNG 'CHAB MED 'DAG PA'I PHYIR DU BSLAB PA BYIN PA NI, MTSAN GYUR PA NA CHAD PA'I LAS KYI BSLAB PA SPYOD MI DGOS TE, RTZA BAR, 'OG MA NI DGRA BCOM PA NYID KYIS SO, , @100B ZHES PA DANG, RANG GI RNAM BSHAD LAS, BSLAB PA BYIN PA PO NI DGRA BCOM PA NYID KYIS RANG BZHIN DU GNAS PA NYID THOB STE, RANG BZHIN DU MI GNAS PA NI MA YIN NO, ,ZHES PA DANG, LUNG PHRAN TSEGS LAS, GANG GI TSE DGRA BCOM PA THOB PA DE'I TSE SNGON GYI GRAL LA 'DUG PAR BYA'O, ,ZHES GSUNGS PA'I PHYIR, GSAL BA'I ZUR PHYI MA DER THAL, RTZA BAR, ZHING MA YIN PA NYID LA NI NYAMS SO, ,ZHES GSUNGS PA'I PHYIR, GNYIS PA LHAG MA'I LTUNG BA BSHAGS TSUL LA, MGU BA'I SGO NAS PHYIR BCOS PA DANG, DBYUNG BA'I SGO NAS PHYIR BCOS PA DANG GNYIS, DANG PO LA, MGU BA NOD PA DANG, MGU BA SPYAD PA'I TSUL GNYIS, DANG PO LA, YUL GANG LAS NOD PA, RTEN GANG GIS NOD PA, DON GANG GI CHED DU NOD PA, YUN JI TZAM NOD PA, CHO GA GANG GIS NOD PA, SGRA DON BSHAD PA, NOD PA'I DGOS PA BSHAD PA DANG BDUN LAS, DANG PO NI, YUL DGE 'DUN GRANGS TSANG BA, SA RANG BZHIN DU GNAS PA, MTSAMS NANG DE NA GNAS SHING GUNG DU BCAD PA MIN PA STE, YUL DGE 'DUN MTSAN NYID GSUM LDAN LA MGU BA NOD DGOS SO, ,GNYIS PA RTAN NI BSNYEN RDZOGS KYI SDOM PA DANG LDAN PA; LTA BA MTHUN PA SOGS CHOS BRGYAD LDAN SPO BA NOD PA'I SKABS SU BSHAD PA BZHIN DGOS SO, ,GSUM PA NI, BCABS NYES DANG MI LDAN PA'I DGE 'DUN LHAG MA'I LTUNG BA DANG, LCA BA'I CHOS LAS 'DAS PA'I LTUNG BA GANG RUNG GIS BSDUS PA'I CHOS GSUM LDAN GONG DU BSHAD PA DANG 'DRA BA'I LTUNG BA DE 'DAG PA'I DON DU NOD PA YIN TE, tIK CHEN RIN CHEN PHRENG BA LAS, LTUNG BA 'CHAB NYES MED PA'I DGE 'DUN LHAG MA'AM, LCI BA'I CHOS 'DAS CHOS GSUM LDAN NO, ,ZHES GSUNGS PA'I PHYIR, DE YANG DE'I TSIG ZUR GYI 'CHAB NYES MED PA'I DGE 'DUN LHAG MA'AM, ZHES PAS, DGE 'DUN LHAG MA'I 'CHAB NYES DAG PA'I PHYIR DU SPO BA SPYAD PAR BYAS NAS DGE 'DUN LHAG MA'I 'CHAB NYES DANG MI LDAN PA'I LTUNG BA YIN PA ZHIG DGOS PAR BSTAN TO, ,BZHI PA NI, DGE SLONG PHAS 'CHAB NYES MED PA'I DGE 'DUN @101A *, ,LHAG MA 'DAG PA'I PHYIR DU ZHAG DRUG DANG, DGE SLONG MAS LCI BA'I CHOS LAS 'DAS PA'I LTUNG BA DE 'DAG PA'I PHYIR DU ZLA BA PHYED MGU BA NOD DGOS TE, RTZA BAR, DGE 'DUN LAS ZHAG DRUG MGU BAR BYA BA MNOS TE, ZHES PA DANG, DE NYID LAS, LCI BA'I CHOS LAS 'DAS NA YANG DE SPYAD PAR BYA BA NYID YIN NO, ,ZHES PA DANG, RANG GI RNAM BSHAD LAS KYANG, DGE SLONG MAS LCI BA'I CHOS LAS 'DAS NA YANG GNYIS KA'I DGE 'DUN LAS ZLA BA PHYED MGU BAR BYA BA DE MNOS TE, ZHES GSUNGS PA'I PHYIR, DGE SLONG MAS 'CHAB NYES MED PA'I DGE 'DUN LHAG MA DE 'DAG PA'I PHYIR DU GNYIS KA'I DGE 'DUN LA ZLA BA PHYED MGU BA NOD DGOS TE, RTZA BAR, DGE SLONG MAS NI ZLA BA PHYED DO, ,ZHES PA DANG, DE'I THAD KYI RANG GI RNAM BSHAD LAS KYANG, DGE SLONG MAS NI ZLA BA PHYED DO ZHES BYA BA NI, 'DI LA ZHAG DRUG TU MGU BA SPYOD PAR BYA BA MIN TE, 'ON KYANG ZLA PHYED NI GNYIS KA'I DGE 'DUN LA BYA'O, ,ZHES GSUNGS PA'I PHYIR, LNGA PA NI, SBYOR BA DGE 'DUN BSDU BA'I SKABS BSGRUB PA RANG NYID KYIS MGU BA SBYIN PAR GSOL BA LAN GSUM BTAB PA DANG, DNGOS GZHI GSOL BZHI'I LAS KYI SGO NAS SBYIN PA, MJUG TU MJUG SDUD BRJOD PA'I SGO NAS BYED PA YIN NO, ,DRUG PA NI, DGE 'DUN THUGS MNYES PAR BYED PAS NA MGU BA ZHES BYA'O, ,BDUN PA NI, MGU BA MNOS PA LA DGOS PA YOD DE, MGU BA CHAGS PAR BYA BA'I CHED YIN PA'I PHYIR, GNYIS PA MGU BA SPYAD PA LA, YUL GANG LA SPYAD PA, RTEN GANG GIS SPYAD PA, DON GANG GI CHED DU SPYAD PA, YUN JI TZAM SPYAD PA, CHO GA BSHAD PA, SGRA BSHAD PA, MGU BA SPYAD PA'I DGOS PA BSHAD PA DANG BDUN LAS, DANG PO NI, PHA'I DGE SLONG GIS MGU BA NOD PA DANG SPYOD PA'I DBANG DU BYAS NA, PHA'I DGE SLONG GRANGS TSANG BA SOGS YUL DGE 'DUN GONG DU BSHAD PA'I MTSAN NYID GSUM LDAN LA SPYOD DO, ,DGE SLONG MA'I DBANG DU BYAS NA, MGU BA NOD PA DANG SPYOD PA GNYIS KA LA GZHAN GONG DANG 'DRA BA LA GNYIS KA'I DGE 'DUN LA BYA'O, ,GNYIS PA RTEN NI, SNGAR BSHAD PA'I CHOS @101B BRGYAD LDAN GYI STENG DU MGU BA NOD ZIN PA STE, CHOS MGU LDAN DGOS SO, ,GSUM PA NI, MGU BA NOD PA'I SKABS DANG 'DRA'O, ,BZHI PA NI, DGE SLONG PHAS NI ZHAG DRUG DANG, MAS NI ZLA BA PHYED MGU BA SPYOD DGOS SO, ,DE GNYIS KAS LHAG MA DANG, DGE SLONG MAS NI LCI BA'I CHOS BRGYAD LAS 'DAS PA'I DNGOS GZHI'I LTUNG BA YANG 'DAG PA'I PHYIR DU MGU BA SPYOD PA YIN GYI, DE GNYIS KYIS LHAG MA'I 'CHAB NYES 'DAG PA'I PHYIR DU MGU BA SPYOD PA NI MA YIN TE, LHAG MA'I BCABS NYES MED PA'I RTEN LA MGU BA CHAGS PA GANG ZHIG ,LHAG MA'I BCABS NYES DAG PAR SPO BA SPYOD DGOS PA'I PHYIR, DANG PO GRUB STE, RTZA BAR, BCABS PA'I NYES PA MED NA DE CHAGS SO, ,ZHES PA DANG, RANG GI RNAM BSHAD LAS, GAL TE BCABS PA'I NYES PA MED NA DE'I TSE MGU BAR BYA BA DE CHAGS SO, ,ZHES GSUNGS SO, ,RTAGS GNYIS PA GRUB STE, SPO BA SPYAD PA LA RTEN NAS LHAG MA'I BCABS NYES DAG PAR 'GYUR BA'I PHYIR TE, RTZA BAR, SPO BAS DE MED PAR 'GYUR RO, ,ZHES PA DANG, RANG GI RNAM BSHAD LAS, SPO BA DES BCABS PA'I NYES PA DE BYANG ZHING MED PAR 'GYUR BA STE, ZHES PA DANG, tIK CHEN RIN CHEN PHRENG BA LAS KYANG, BCABS PA'I NYES PA DE GANG GIS 'DAG NA, RANG BZHIN GNAS PA'I SA NAS DMAN PA'I SAR SPO BAS BCABS NYES DE MED PAR 'GYUR RO, ,ZHES GSUNGS PA'I PHYIR, LNGA PA CHO GA NI, DGE 'DUN LHAG MA'I DNGOS GZHI'I LTUNG BA DE 'DAG PA'I PHYIR DU ZHAG DRUG MGU BA SPYOD PAR BYED PA YIN LA, DE 'DRA'I LTUNG BA BYUNG BA'I DGE SLONG DES MGU BA NOD PA'I PHYIR DU DGE 'DUN LA GSOL BA LAN GSUM BTAB, DE RJES DGE 'DUN GYI DBUS SU LAS BYED PA POS GSOL BZHI'I LAS KYI SGO NAS BYIN TE SPYOD PA'I ZHAG GRANGS MA SONG BAR SLAR YANG DGE 'DUN LHAG MA'I LTUNG BA SNGA MA DANG RIGS MTHUN PA ZHIG BYUNG NA, DE 'DAG PA'I PHYIR DU GZHI GNAS MGU BA SBYIN PA SPYOD DGOS SO, ,GZHI NAS MGU BA SPYOD BZHIN PA'I TSE SLAR YANG LHAG MA RIGS MTHUN ZHIG BYUNG NA, DE 'DAG PA'I PHYIR DU YANG GZHI NAS MGU BA SBYIN PA @102A *, ,SPYOD DGOS SO, ,'DIR GO BDE BAR BRJOD NA, TSES GCIG GI NYIN MGU BA MNOS NAS SPYOD BZHIN PA'I NGANG NAS, TSES BZHI'I NYIN LHAG MA SNGA MA DANG RIGS MTHUN GNYIS PA BYUNG NA, DE BYUNG MA THAG GZHI NAS MGU BA SBYIN DGOS TE, DE'I MGU BA SNGA MA DE ZHIG PA YIN PA'I PHYIR, GZHI NAS MGU BA SPYOD BZHIN PA'I NGANG NAS SLAR YANG LHAG MA RIGS MTHUN PA SNGA MA DANG 'DRA BA ZHIG BYUNG NA, DE MA THAG YANG GZHI NAS MGU BA SBYIN PA SPYOD DGOS SO, ,'DI DANG SPO BA GNYIS SPYAD PA'I ZHAG GRANGS MANG NYUNG GI KHYAD PAR MA GTOGS GZHAN PHAL CHER 'DRA LA, GNYIS KA LA SNGA MA'I ZHAG GRANGS GI LHAG DANG, PHYI MA'I ZHAG GRANGS GNYIS KA BSDOMS NAS SPYOD MI DGOS TE, MGU BA SNGA MA DE, MGU BA GNYIS PA GZHI NAS MGU BA SBYIN PA'I DUS SU ZHIG PA YIN PA'I PHYIR, MGU BA GSUM PA, YANG GZHI NAS MGU BA SBYIN PA'I DUS SU, MGU BA GNYIS PA GZHI NAS MGU BA BYIN PA ZHIG PA YIN PA'I PHYIR, DE BZHIN DU SPO BA DANG, GZHI NAS SPO BA DANG, YANG SPO BA DANG GSUM LA RIGS 'GRE BA YIN TE, RTZA BAR, DE GNYIS BYED PA NYID NA DGE 'DUN LHAG MA DE BYUNG NA MNOS TE BYAS PA DE GNYIS ZHAG PAS, DE'I PHYIR GZHI NAS BRTZAMS PA NYID SBYIN NO, ,ZHES PA DANG, DE'I RANG GI RNAM BSHAD LAS KYANG, DGE 'DUN LHAG MA DE PHYIR BCOS PA'I PHYIR SPA BA DANG MGU BAR BYA BA DE NYID BYED PA NYID NA DGE 'DUN LHAG MA'I LTUNG BA BYUNG BA GANG ZHIG SNGA MA DANG 'DRA BA RIGS MTHUN PA YANG BYUNG NA SPO BA LA GNAS PA DANG, MNOS PA DANG, MGU BAR BYA BA SPYAD PA MNOS TE BYAS PA DE NYID NYAMS PA YIN NO, ,ZHES PA DANG, YANG DE NYID LAS, GANG GIS PHYIR DGE 'DUN LHAG MA'I LTUNG BA SNGA MA DANG 'DRA BA BYUNG NA SPO BA DANG MGU BAR BYA BA MNOS SHING SPYAD PA DE GNYIS NYAMS PA DE NYID KYI PHYIR GZHI NAS BRTZAMS PA NYID SBYIN PAR BYA STE, DGE SLONG DE LA YANG GZHI NAS BRTZAMS TE SPO BA DANG MGU BAR BYA BA GNYIS SBYIN PAR BYA BA ZHES BYA BA'I DON TO, ,ZHES GSUNGS PA'I PHYIR, SPO MGU NOD PA'I YUL @102B DGE SLONG GRANGS MA TSANG BA LA MNOS PA NA, DGE SLONG GRANGS MA TSANG BA'I DBANG GIS SPO MGU GANG RUNG MA 'CHAGS PA'I RGYU MTSAN GYIS, DE'I DUS SU DGE 'DUN LHAG MA SNGA MA DANG 'DRA BA BYUNG NA, SPO BA DANG, MGU BA GANG RUNG GI MING GIS SBYIN PAR BYA BA YIN GYI, GZHI NAS SPO BA DANG, GZHI NAS MGU BA GANG RUNG GI MING GIS SBYIN PAR BYA BA MIN TE, DE'I TSE SNGAR GYI SPO BA'AM, MGU BA MA ZHIG PA'I PHYIR TE, DE TSE SPO BA'AM MGU BA MA 'CHAGS PA'I PHYIR RO, ,SPA MGU GNYIS THA DAD DU SBYAR NA TSIG SKYON MI 'JUG PA'I DGOS PA YOD DO, ,DES NA MGU BA SPYOD PA'I CHO GA NI, GONG DU BSHAD PA'I KHYAD PAR CAN GYI SPYOD PA LNGA SPONG BA DANG, DMAN SPYOD LNGA DANG DU LEN PA DE NYID YIN NO, ,DPER NA, K'A RI KA LNGA BCU PA LAS, DGE TSUL GYI BSLAB BYA LA DAG TSUL GYI CHO GA'I MING GIS BTAGS NAS BSHAD PA LTAR YIN PA'I PHYIR TE, DE NYID LAS, DGE TSUL GYI NI CHO GA RNAMS, ,MDO TZAM DE DAG BSHAD PAR BYA, ,ZHES GSUNGS PA'I PHYIR, DRUG PA NI, CI'I PHYIR MGU BA SPYOD PA ZHES BYA NA, LHAG MA'I DNGOS GZHI 'DAG PA'I CHED DU DGE 'DUN THUGS MGU BAR SPYOD PA LA SPYAD PA'I RGYU MTSAN GYIS DE LTAR BRJOD PA YIN NO, ,BDUN PA NI, MGU BA SPYAD PA LA DGOS PA YOD DE, DBYUNG BA CHAGS PAR BYA BA'I CHED YIN PA'I PHYIR RO, ,GNYIS PA DBYUNG BA'I SGO NAS PHYIR 'CHOS PA 'DI LA, YUL GANG GI MDUN DU PHYIR 'CHOS PA, RTEN GANG GIS PHYIR 'CHOS PA, LTUNG BA GANG 'DAG PA'I DON DU PHYIR 'CHOS PA, CHO GA GANG GI SGO NAS BYA BA, DGOS PA GANG GI PHYIR BYA BA DANG LNGA LAS, DANG PO NI, YUL DGE 'DUN GRANGS TSANG BA, SA RANG BZHIN DU GNAS PA, MTSAMS NANG DE NA GNAS SHING DE LAS GUD DU BCAD BA MIN PA STE YUL DAG 'DUN MTSAN NYID GSUM LDAN GYIS DBYUNG NGO, ,GNYIS PA NI, RTEN BSNYEN RDZOGS KYI SDOM PA DANG LDAN PA SOGS CHOS BRGYAD LDAN MGU BA'I SKABS SU BSHAD PA'I MGU BA MNOS SHING CHAGS PA DANG CHOS DGU LDAN DGOS SO, ,GSUM PA NI, MGU BA CHAGS PA SNGON DU SONG BA'I SKYES BU'I RGYUD KYI BCABS NYES DANG MI LDAN PA'I DGE 'DUN LHAG MA CHOS GSUM LDAN 'DAG PA'I @103A *, ,DON DU'O, ,BZHI PA NI, SBYOR BA GONG DU BSHAD PA'I SPO BA NOD PA'I SKABS DANG 'DRA LA, DNGOS GZHI GSOL BZHI'I LAS KYIS BYA, DE YANG GSOL BA DANG, BRJOD PA DANG PO'I BAR SKABS SU, RTEN GYI SKYES BU DGE SLONG 'CHAR KHA LTA BU STE, RTZVA BCAD NAS SA LA BKRAM PA LTAR LUS THAMS CAD SA GZHI LA BSGYEL NAS BZHAG LA, 'CHAR KHA KHYOD NYON CIG KHYOD KYIS LEGS PAR MA BYAS SO, ,ZHES SOGS KYIS BSDIGS PAR BYA'O, ,MJUG NI LAS KYI MJUG SDUD BRJOD PA DANG GZENGS BSTOD PAR BYA'O, ,DE'I TSUL NI, BSGYEL BA LAS TSANGS TE TZOG TZOG BUR BSLANGS TE, LAS KYI BRJOD PA GSUM PA'I RJES DE MA THAG TU 'CHAR KHA KHYOD KYIS LEGS PAR BYAS SO, ,ZHES SOGS KYIS GZENGS BSTOD NAS SNGAR GYI CHAD LAS KYI SA NAS DBYUNG NAS DGE 'DUN GYI GRAL DU SKYEL BA YIN NO, ,DE LTAR YANG, tIK CHEN RIN CHEN PHRENG BA LAS, JI LTAR BRJOD NA, DE'I MING NAS BOS TE, ZHES PA NAS, RTZVA BCAD DE SA LA BKRAM PA LTA BUR LUS THAMS CAD SA LA BSGYEL BA LA'O, ,DE LA GZENGS BSTOD PA'I BSNGAGS KYANG BRJOD PAR BYA'O, ,ZHES GSUNGS PA'I PHYIR, LNGA PA NI, DBYUNG BA BYAS PA LA DGOS PA YOD DE, SA RANG BZHIN DU GNAS PA'I DGE SLONG DU 'GYUR BA'I DGOS PA YOD PA'I PHYIR, DGRA BCOM PA NAM THOB PA NAS, CHAD LAS PHYI MA RNAMS BSGRUB MI DGOS LA, DGE SLONG MAS LCI BA'I CHOS 'DAS KYI CHED DU MGU BA SPYAD PAS CHOG GI ,DE'I CHED DU DBYUNG BA BYA MI DGOS SO, ,CI'I PHYIR DBYUNG BA ZHES BYA NA, DMAN PA'I SA NAS, RANG BZHIN DU GNAS PA'I SAR DBYUNG BA'I DON GYI DE LTAR BRJOD PA YIN TE, LUNG MA MO LAS, CI'I PHYIR DBYUNG BA ZHES BYA, MI DGE BA'I GNAS NAS PHYUNG STE DGE BA'I GNAS SU RAB TU BZHAG PA STE DES NA DBYUNG BA ZHES BYA'O, ,ZHES GSUNGS PA'I PHYIR, GSUM PA DE GNYIS LAS GZHAN PA'I LTUNG BA'I BSHAGS TSUL LA, PHAM PA'I YAN LAG GCIG TZAM MA TSANG BA'I SBOM PO LCI BA DANG, DE'I YAN LAG GNYIS TZAM MA TSANG BA'I SBOM PO YANG BA DANG, LHAG MA'I SBOM PO LCI BA RNAMS BSHAGS PA'I YUL DU RIM PA BZHIN @103B DU, SNGAR GONG DU BSHAD PA'I CHOS BRGYAD LDAN GYI DGE SLONG DANG PO LA DRUG ,GNYIS PA LA BZHI, GSUM PA LA LNGA'I GRANGS TSANG DGOS SO, ,GZHAN LTUNG BYED, SOR BSHAGS, NYES BYAS RNAMS NI, CHOS BRGYAD LDAN GYI DGE SLONG GCIG GI MDUN DU BYA'O, ,RTEN NI, SO THAR GYI SDOM PA GSO RUNG DANG LDAN PA, LUS THA MAL DU GNAS PA, SHES PA RANG BZHIN DU GNAS PA, GNAS NAS PHYUNG BA MIN PA ZHIG DGOS SO, ,LTUNG BA NI, PHAM PA DANG, LHAG MA DANG, BSDAMS BYA'I NYES BYAS GSUM PO GANG RUNG GI KHONGS SU MA 'DUS PA'I LTUNG BA CHOS GSUM LDAN YIN PA ZHIG DGOS SO, ,CHO GA NI, SPANGS LTUNG BSHAGS PA'I TSE SBYOR BA LA RGYUR GYUR GYI DNGOS PO DE LA SPANGS BRAL SNGON DU GTONG DGOS, KHAB RAL LA BRTEN PA'I LTUNG BYED BSHAGS PA'I TSE SBYOR BA LA KHAB RAL BCAG PA SNGON DU BTANG, PHYAG 'TSAL BA DANG 'DUD PA LA SOGS PA'I SPYOD LAM BSTEN ZHING, SNYAN GSAN 'BEBS PA'I TSE SPANGS LTUNG PHYIR BCOS PA'I CHO GA LA THUGS GTAD PAR ZHU ZHES ZER, YUL GYI RGAN PAS SPANGS BRAL SNGON DU SONG NGAM ZHES DANG, KHAB RAL BCOS PA'I DE BSHAGS PA'I TSE KHAB RAL BCAG GAM ZHES DANG, SOR BSHAGS KYI TSE MTHOL BA SNGON DU SONG NGAM ZHES 'DRI, BSHAGS PA BOS RIM BZHIN DU SPANGS BRAL SNGON DU SONG, KHAB RAL BCAG ,SOR BSHAGS KYI TSE MTHOL BA SNGON DU SONG LAGS, ZHES BRJOD DO, ,DNGOS GZHI'I CHO GA NI, PHAM PA'I SBOM PO LCI BA LTA BU LA MTSON NA, DGE 'DUN BTZUN PA RNAMS DGONGS SU GSOL, BDAG DGE SLONG CHE GE MO ZHES BGYI BA LA LTUNG BA PHAM PA'I SDE TSAN LAS, SROG GCOD PA LTA BU'I RIGS KYI SBYOR BA CHE GE MO LAS GYUR PA'I NYES PA SBOM PO LCI BA BYUNG STE, BDAG DGE SLONG CHE GE MO ZHES BGYI BA'I LTUNG BA DE, DGE 'DUN BTZUN PA RNAMS KYI MDUN DU 'CHAGS SO, ,BSHAGS NA BDAG BDE BA LA REG PAR 'GYUR GYI, MA BSHAGS NA NI MI 'GYUR RO, ,ZHES LAN GSUM DANG, MJUG TU THABS LEGS SOGS BYA'O, ,DE BZHIN DU LTUNG BA GZHAN RNAMS LA CI RIGS PAR SHES PAR BYA'O, ,GNYIS PA DGE TSUL GYI LTUNG BA BSHAGS PA'I @104A *, ,TSUL NI, BOD KYI 'DUL 'DZIN SNGA RABS PA 'GA' ZHIG GIS MDZAD PA'I BLANGS 'DAS SO DRUG GI SDOM TSIG GI SGO NAS, YUL DGE SLONG RNAM DAG CIG GI DRUNG DU BSHAGS PAR BYA ZHING, ZHIB TU RANG GI BLA MA GONG MAS MDZAD PA'I BSLAB BYA RNAMS SU BLTA BAR BYA'O, ,NGAG DON NI, GZHI MA ZHI BA ZHES SOGS LA, NAN TUR GYI LAS BYAS PA LA DGOS PA YOD DE, SNGAR GYI BYA BA NGAN PA'I 'PHRO BSHOL BAR BYA BA DANG, PHYIR BCOS LA 'JUG PAR BYA BA DANG, BSTAN PA'I DMIGS RKYEN LA PHAN PA DANG, DE BYA BA'I RTEN GYI SKYES BU DE LA PHAN PAR 'GYUR BA SOGS KYI DGOS PA YOD PA'I PHYIR, RTZA BA'I GNYIS PA NI, RANG RES BSDIGS PA NAN TUR GYI 'BAD PAS MA LOG NA DE'I MJUG TU GNAS DBYUNG BYA BAR LUNG LAS DNGOS SU GSUNGS PAS, DE BZHIN DU SMAD PA DANG, BSKRAD PA DANG, PHYIR 'GYED NAN TUR GSUM LA RE RE BZHIN 'BAD PAS MA LOG NA MJUG TU GNAS DBYUNG BYA BAR MDOR BSDUS SBYAR DGOS TE, BSDIGS PA NAN TUR DANG, GZHAN GSUM PO DE 'BYUNG BA'I RGYU, RANG RANG GI NGO BO, ,SO SO LA BYA BA'I CHO GA ,SO SO'I CHAD LAS RNAMS DOD THUB YIN PA'I PHYIR, KHYAB STE, RTZA BAR, MI RUNG BA DANG MTHUN LA RUNG BA DANG 'GAL BA NI RUNG BA MIN PAR BSDU'O, ,PHYI MA DANG MTHUN LA SNGA MA DANG 'GAL BA NI RUNG BA'I PHYIR, ZHES PA DANG, DE'I THAD KYI RANG GI RNAM BSHAD LAS KYANG, GANG RUNG BA MA YIN PA BSTEN CING RUNG BA DANG 'GAL BA DE NI RUNG BA MA YIN PA STE, DE NI 'DIR RUNG BA MA YIN PAR MDOR BSDU'O ZHES BYA BA'I DON TO, ,ZHES SOGS GSUNGS PA'I PHYIR, BYAS PA LA KHO NA RE, 'O NA GNAS DBYUNG BDUN DU GRANGS MA NGES PAR THAL, BDUN PO'I STENG DU KHYOD RANG GIS 'DOD PA'I MDOR BSDUS KYI GNAS DBYUNG GSUM YOD PA'I PHYIR, RTAGS KHAS, 'DOD BYAS PAS, 'O NA, SMAD PA NAN TUR GYI RIGS DE LA, BSDIGS, SMAD, BSKRAD, PHYIR 'GYED BZHIR GRANGS MA NGES PAR THAL, 'DOD PA'I PHYIR ZER NA, RE ZHIG 'DIR MA KHYAB, KHA CIG LHUNG BZED KHA DBUB KYI LAS DE NAN TUR GYI LAS MTSAN NYID PA YIN NO, ,ZER NA, MI @104B 'THAD PAR THAL, KHYIM PA LA DGE 'DUN DBANG MI BTZAN PA'I PHYIR TE, RTZA BAR, KHYIM PA LA DE MI BYA'O, ,ZHES PA DANG, RANG GI RNAM BSHAD LAS, KHYIM PA LA NAN TUR GYI LAS MI BYED DE, DE LA DGE 'DUN MI DBANG BA'I PHYIR RO, ,ZHES PA DANG, tIK CHEN RIN CHEN PHRENG BA LAS KYANG, KHYIM PA LA NAN TUR BYA 'AM ZHE NA, KHYIM PA LA NAN TUR MI BYA STE, DE LA DGE 'DUN MI DBANG BA'I PHYIR RO, ,ZHES GSUNGS PA'I PHYIR, KHA CIG ,KHYIM PA YIN NA, DGE 'DUN GYI CHAD LAS BCAD PA'I YUL MIN PAS KHYAB ZER NA, DE MI 'THAD PAR THAL, DGE SLONG SOGS NANG PA'I RAB BYUNG LA GSHE BA DANG RTZA LTUNG GIS SKUR PA 'DEBS PA'I KHYIM PA DANG, LHUNG BZED KHA DBUB KYI CHAD LAS BCAD PA'I GZHI YANG YIN PA'I GZHI MTHUN PAR GYUR PA'I KHYIM PA YOD PA'I PHYIR TE, RANG GI RNAM BSHAD LAS, GSOL BA 'BA' ZHIG PA'I LAS KYIS LHUNG BZED KHA DBUB PAR BYA'O, ,ZHES BYA BA SBYAR RO, ,SU LA KHA DBUB PAR BYA ZHE NA, DE'I PHYIR YANG DAG PA MA YIN PAS SKUR PA'I KHYIM PA LA'O ZHES BYA BA SBYAR RO, ,ZHES PA DANG, tIK CHEN RIN CHEN PHRENG BA LAS KYANG, KHYIM PA THAMS CAD DU CHAD PAS MI BCAD DAM ZHE NA, DGE SLONG LA SOGS PA'I RAB BYUNG SDE LNGA LA PHAM PAR 'GYUR BA LA SOGS PA YANG DAG PA MIN PA'I SKUR PA 'DEBS PA DANG, ZHES PA NAS, GSHE BA DANG SPYO BAR BYED PA'I KHYIM PA LA LHUNG BZED KHA DBUB PAR BYA'O, ,ZHES GSUNGS PA'I PHYIR, KHA CIG SMAD PA NAN TUR DNGOS SU BYA DGOS PA'I DGE TSUL YOD ZER NA, DE MI 'THAD PAR THAL, DGE TSUL YIN NA, RANG NYID KYI RTEN DE LA LHAG MA'I LTUNG BA MI 'BYUNG BAS KHYAB PA'I PHYIR TE, tIK CHEN RIN CHEN PHRENG BA LAS, DE LA SMAD PA NAN TUR MI BYA STE, DE LA LHAG MA MI 'BYUNG BA'I PHYIR, ZHES GSUNGS PA'I PHYIR, KHA CIG BSNYEN PAR MA RDZOGS PA'I RAB BYUNG YIN NA, NAN TUR BYA MI DGOS PAS KHYAB ZER NA, DE MI 'THAD PAR THAL, RTZA BAR, RAB TU BYUNG ZHING BSNYEN PAR MA RDZOGS PA LA YANG DE DAG BYA BA NYID YIN NO, ,ZHES PA DANG, RANG GI RNAM BSHAD LAS, DE DAG CES BYA BA NI, NAN TUR GYI LAS DAG DANG BSNYIL BA'I CHO GA 'DI LA DMIGS KYIS BSAL BAR @105A *, ,RIGS PAR BYA'O, ,ZHES PA DANG, KHA CIG ,tIK CHEN RIN CHEN PHRENG BA LAS KYANG, RAB TU BYUNG ZHING BSNYEN PAR MA RDZOGS PA LA YANG NAN TUR GYI LAS DE DAG BYA BA NYID YIN NO, ,BSTAN PA LA ZHUGS PA MA RDZOGS PAS NAN TUR MI BYA'O SNYAM PA'I DOGS PA BSAL BA'I PHYIR RO, ,ZHES GSUNGS PA'I PHYIR, KHA CIG ,LTUNG BA'I BSHAGS PA MTSAN NYID TSANG BA BYAS KYANG, LTUNG BA'I 'PHEL KHA CHAD PA TZAM YIN GYI, LTUNG BA DAG PAR MI 'GYUR RO, ,ZER NA, LTUNG BA'I BSHAGS PA RNAM DAG BYAS NA, LTUNG BA DAG PAR 'GYUR BAR THAL, RTZA BAR, MING DANG RIGS DANG LDAN PAR BRJOD NA LTUNG BA LAS LDANG NGO, ,ZHES PA DANG, RANG GI RNAM BSHAD LAS, DE LTAR MING DANG RIGS DANG LDAN PAR BRJOD PAS LTUNG BA BSHAGS PAR BYA'O ZHES PA'I DON TO, ,ZHES PA DANG, tIK CHEN RIN CHEN PHRENG BA LAS KYANG, BSHAGS PA BYED TSE LTUNG BA SDE LNGA PO GANG RUNG GI MING DANG GANG BYUNG BA'I LTUNG BA DE NYID KYI RIGS DANG LDAN PAR BRJOD PAS LTUNG BA BSHAGS PAR BYA STE, ZHES GSUNGS PA'I PHYIR, GZHAN YANG, LTUNG BA PHYIR BCOS RNAM DAG BYAS NA 'DAG PAR THAL, KARMA SHA TAM LAS, DBYUNG BA MA BYAS PA'I GNAS SKABS SU KHYOD KYI 'GRO BA NI GNYIS TE DMYAL BA DANG, DUD 'GRO'I ZHES PA DANG, DBYUNG BA BYAS PA'I GNAS SKABS SU KHYOD KYI 'GRO BA NI GNYIS TE LHA DANG MI'O, ,ZHES GSUNGS PA'I PHYIR, GZHAN YANG, LTUNG BA PHYIR BCOS RNAM DAG BYAS PA LA DGOS PA MED PAR THAL, LTUNG BA BSHAGS PAS MI 'DAG PA GANG ZHIG ,LTUNG BA MTHOL BA RNAM DAG BYAS PA TZAM GYIS 'PHEL BA RGYUN GCOD PA YIN PA'I PHYIR, DANG PO DNGOS, PHYI MA GRUB STE, DE MTHOL BA RNAM DAG BYAS PA LA DGOS PA YOD PA'I PHYIR, GZHAN YANG, LTUNG BA DAG BYED KYI THABS MTSAN NYID PA ZHIG MED PAR THAL, DE GNYEN PO STOBS BZHI TSANG BA'I PHYIR BCOS KYIS MI 'DAG PA'I PHYIR, RTAGS KHAS, GZHAN YANG, SDIG LTUNG GNYIS 'GAL BA YIN PAR THAL, DE GNYIS NGO BO THA DAD YIN PA'I PHYIR, MA GRUB NA SONG, DER THAL, SDIG PA STOBS BZHI TSANG BA'I BSHAGS PA BYAS PAS @105B 'DAG PA GANG ZHIG ,LTUNG BA GNYEN PO STOBS BZHI TSANG BA'I PHYIR BCOS BYAS PAS MI 'DAG PA'I PHYIR, DANG PO SLA, PHYI MA DNGOS, RTZA BAR 'DOD NA, GONG DU LTUNG BA SDE LNGA'I SKABS SU BKAG ZIN TO, ,KHA CIG ,LTUNG BA BSHAGS PA BYAS PAS DE'I BAG CHAGS MA LUS PA 'DAG PAR THAL, DE LTAR BYAS PAS LAS KYI KHA SKONG DU RUNG BA'I PHYIR, ZER NA, MA KHYAB TE, GSOL BA DE MI 'THAD PAR THAL, DE'I BAG CHAGS DE ZAG MED KYI SHES RAB KYIS SPONG DGOS PA'I PHYIR TE, DE SGOM SPANGS YIN PA'I PHYIR, LUNG GTAM GYI GZHI LAS, NONGS PA SGOM PAS SPANG BAR BYA'O, ,ZHES GSUNGS PA'I PHYIR, GONG GI MA KHYAB MTSAMS LA, LTUNG BA BYIN RLABS BYAS PAS KYANG LTUNG BA'I BAG CHAGS 'DAG PAR THAL, DE LAS KYI KHA SKONG DU RUNG BA'I PHYIR, KHYAB PA KHAS, RTAGS DER THAL, RTZA BAR, BYIN GYIS RLABS PAS DAG PA NYID DU 'GYUR RO, ,ZHES GSUNGS PA'I PHYIR, 'DOD MI NUS SO, ,KHA CIG ,LTUNG BA TSUL BZHIN DU BSHAGS PA BYAS PA'I SKYES BU YIN NA, LTUNG BA'I BAG CHAGS MNGON 'GYUR BYED LAS DANG BCAS PA DAG PA'I DE YIN PAS KHYAB, BAG CHAGS SA BON DANG BCAS PA MA DAG PA'I SKYES BU YIN PAS KHYAB ZER NA, RNAM SMIN MYONG NGES KYI LAS DANG 'BREL BA'I LTUNG BA BSHAGS PA TSUL BZHIN DU BYAS PA'I SKYES BU YIN NA, DE 'DRA'I LTUNG BA DE'I BYED LAS DAG PA'I SKYES BU YIN DGOS PAR THAL, DAM BCA' DE 'THAD PA'I PHYIR, 'DOD MI NUS TE, DE 'DRA'I SKYES BU DE DE 'DRA'I LAS KYI RNAM SMIN LA LONGS SPYOD NGES YIN PA'I PHYIR TE, tIK CHEN RIN CHEN PHRENG BA LAS, LAS NGES PA RNAMS KYIS NI RNAM SMIN 'BYIN TE RNAM PAR SMIN PAR NGES PA'I PHYIR RO, ,DPER NA, PHYOGS MA LTA BU'I DMYAL BA LA SOGS PA YIN NO, ,ZHES GSUNGS PA'I PHYIR, RANG LUGS NI, RNAM SMIN MYONG NGES MIN PA'I LAS DANG 'BREL BA'I LTUNG BA PHYIR BCOS TSUL BZHIN DU BYAS NA DE'I MNGON GYUR BYED LAS DANG BCAS PA 'DAG STE, tIK CHEN RIN CHEN PHRENG BA LAS, DE LAS MA NGES PA RNAMS KYIS RNAM SMIN MI 'BYIN TE, DBYUNG BA'I SKABS SU MA BSHAGS PA'I TSE NGAN SONG DU SKYE BAR GSUNGS SHING, BSHAGS PA'I TSE LHA DANG MIR @106A *, ,SKYE BAR GSUNGS PA LTA BU'O, ,ZHES PA DANG, YANG DE NYID LAS, 'ON KYANG BSHAGS PAS LAS MA NGES PA RNAM SMIN MI 'BYIN PA DANG, LAS NGES PA DAG GI RNAM SMIN BSRAB BAR 'GYUR TE, PHA MA BSAD PA'I GLENG GZHI LAS 'BYUNG BA BZHIN NO, ,ZHES GSUNGS PA'I PHYIR, KHA CIG ,BSLAB BYIN DGE SLONG GIS DGRA BCOM PA THOB PA DE, DE 'DRA'I DGE SLONG GI LTUNG BA DAG PAR BYED PA'I RGYU YIN NO, ,ZER NA, DE 'DRA'I DGE SLONG GIS DGRA BCOM PA THOB PA DE, DE 'DRA'I DGE SLONG GI LTUNG BA DAG PA'I SNGON ROL TU BYUNG BAR THAL, DAM BCA' DE'I PHYIR, 'DOD MI NUS TE, DE 'DRA'I DGE SLONG GIS DGRA BCOM PA THOB PA DANG LTUNG BA DAG PA DUS MNYAM PA'I PHYIR TE, 'OG MA NI DGRA BCOM PA NYID KYIS SO, ,ZHES RTZA BAR GSUNGS PA'I PHYIR DANG, DE'I RANG GI RNAM BSHAD LAS KYANG, BSLAB PA BYIN PA PO NI DGRA BCOM PA NYID KYIS RANG BZHIN DU GNAS PA NYID THOB PA STE, RANG BZHIN DU MI GNAS PA NI MA YIN NO, ,ZHES GSUNGS PA'I PHYIR, KHA CIG ,MTSAN GYUR PA DE LTUNG BA'I DAG BYED YIN NO, ,ZER NA REG PHAM 'CHAB BCAS DANG LDAN PA'I DGE SLONG MA MTSAN GYUR PA DE'I TSE, REG PHAM 'CHAB BCAS DE DAG PA YIN PAR THAL, DE MTSAN GYUR PA DE DE DAG BYED YIN PA'I PHYIR, RTAGS DAM BCA' LA KHAS, 'DOD MI NUS TE, DE MTSAN GYUR MA THAG PA'I DGE SLONG PHA SLAR DGE SLONG MAR MTSAN GYUR MA THAG PA'I DGE SLONG MA DE REG PHAM 'CHAB BCAS DANG LDAN PA'I SKYES BU YIN PA'I PHYIR TE, BDAG MED YIN PA'I PHYIR RO, ,BYAS PA LA KHO NA RE, DE 'DRA'I DGE SLONG MA MTSAN GYUR PA NA, REG PHAM 'CHAB BCAS DE DAG PA YIN PAR THAL, RTZA BAR, ZHING MA YIN PA NYID LA NI NYAMS SO, ,ZHES GSUNGS PA'I PHYIR NA MA KHYAB STE, LUNG DES NI, REG PHAM 'CHAB BCAS DANG LDAN PA'I DGE SLONG MA MTSAN GYUR MA THAG PA'I DGE SLONG PHA'I RTEN LA REG PHAM 'CHAB BCAS DE MED PAR BSTAN PA TZAM YIN PA'I PHYIR, KHA CIG ,BSLAB PA SBYIN YUL DE LA RAB BYUNG GI SDOM PA GSO RUNG YAN DANG LDAN PA ZHIG DGOS ZER NA, DE MI 'THAD PAR THAL, SDOM PA GSO BA LA ZHUGS @106B PA'I BSLAB PA BYIN ZIN PA'I RAB BYUNG DANG, RAB BYUNG RNAM DAG GANG RUNG YIN NA, BSLAB PA BYIN YUL MA YIN DGOS PA'I PHYIR, RTAGS SLA, KHO NA RE, 'BYIN PA'I DGE 'DUN LHAG MA'I BCABS NYES BDAG PA'I PHYIR DU SPO BA NOS NAS SPYOD BZHIN PA'I GNAS SKABS SU, SMYAN BYED LHAG MA BYUNG BA BCABS PA'I BCABS NYES 'DAG PA'I PHYIR DU SPO BA NOS NAS SPYAD PAR BYA ZHING, SPO BA LNGA MA'I 'PHRO BSHOL DGOS SO ZER NA, DE MI 'THAD PAR THAL, DE'I TSE SPO BA ZHAG GRANGS SNGA PHYI THA DAD DU SPYAD DGOS PA'I PHYIR TE, DE 'DRA'I LHAG MA PHYI MA DE'I BCABS NYES BYUNG BA'I TSE, SPO BA SNGA MA DE ZHIG PA MA YIN PA'I PHYIR TE, LHAG MA DE GNYIS LHAG MAR RIGS MTHUN PA TZAM YIN KYANG, DE GNYIS LHAG MA NANG RIGS MI MTHUN PA'I PHYIR, MA GRUB NA, LHAG MA BCU GSUM PO THAMS CAD NANG RIGS MTHUN PAR THAL, MA GRUB PA DE'I PHYIR RO, ,GZHAN YANG, RTZA BA'I DAM BCA' DE MI 'THAD PAR THAL, DE 'DRA'I BCABS NYES SNGA MA 'DAG PA'I PHYIR SPO BA SPYOD BZHIN PA'I TSE, SMYAN BYED LHAG MA'I BCABS NYES BYUNG BA NA, SPO BA SNGA MA DE NYAMS PA MA YIN PA'I PHYIR TE, DGE 'DUN LHAG MA DE GNYIS NANG RIGS MI MTHUN PA YIN PA'I PHYIR, RTAGS GRUB CING, DE LA KHYAB PA YOD PAR THAL, RANG GI RNAM BSHAD LAS, DGE 'DUN LHAG MA'I LTUNG BA SNGA MA DANG MI 'DRA BA BYUNG BA LA NI MI NYAMS SO, ,ZHES GSUNGS PA'I PHYIR, RANG LUGS NI, 'BYIN PA'I LHAG MA'I BCABS NYES 'DAG PA'I SPO BA SPYOD BZHIN PA'I DUS SU SPO BA DE'I ZHAGS GRANGS MA RDZOGS PA LA SLAR YANG 'BYIN PA'I LHAG MA GNYIS PA ZHIG BYUNG NA, SNGAR GYI SPO BA ZHIG PAS, GZHI NAS SPO BA MNOS DGOS PA DE BZHIN DU, YANG SPO BA DANG, MGU BA DANG, GZHI NAS MGU BA DANG, YANG MGU BA RNAMS LA RIGS 'GRE BA YIN TE, RANG GI RNAM BSHAD LAS, GANG GI PHYIR DGE 'DUN LHAG MA'I LTUNG BA SNGA MA DANG 'DRA BA BYUNG NA, SPO BA DANG MGU BAR BYA BA MNOS SHING BYAS PA DE GNYIS NYAMS PA DE'I PHYIR GZHI NAS BRTZAMS PA NYID SBYIN PAR BYA STE, ZHES PA DANG, tIK CHEN RIN CHEN PHRENG BA LAS, SPO MGU DE GNYIS BYED PA NA DGE 'DUN LHAG MA'I LTUNG BA SNGA MA DANG 'DRA BA RIGS MTHUN @107A *, ,PA DE BYUNG NA SNGAR MNOS TE BYAS PA'I SPO MGU DE GNYIS ZHIG PAS, DE'I PHYIR DGE SLONG DE LA YANG GZHI NAS SPO BA DANG MGU BA BRTZAMS PA NYID SBYIN PAR BYA'O, ,ZHES GSUNGS PA'I PHYIR, ` SA GZHAN NA GNAS PA SPYOD PA'I GZHI'I SKABS SU, RANG LUGS GZHAG PA LA, DBYE BA, BSDU BA, NGO BO, BSLAB BYA, SGRA BSHAD PA, GROL BA'I DUS BSHAD PA DANG DRUG ,DANG PO NI, SA GZHAN NA GNAS PA DE LA NYI SHU RTZA DRUG YOD DE, SPO SPYOD GSUM, MGU SPYOD GSUM, SPO LDAN GSUM, MGU LDAN GSUM STE BCU GNYIS, BSDIGS, SMAD, BSKRAD, PHYIR 'GYED DANG BZHI, GNAS DBYUNG BDUN, DGE TSUL BSNYIL BA, NGO BO NYID 'TSOL BA, BSLAB PA BYIN PA RNAMS SU YOD PA'I PHYIR, DE LA RGYAS PAR DBYE NA, BZHI BCU RTZA GSUM YOD PAR tIK CHEN RIN CHEN PHRENG BA LAS GSUNGS SO, ,GNYIS PA BSDU BA NI, DE RNAMS NGO BO'I SGO NAS BSDU NA, SPANGS PAS SA GZHAN NA GNAS PA DANG, SMAD PAS SA GZHAN NA GNAS PA DANG, RNAM PAR DAG BYED SA GZHAN NA GNAS PA DANG GSUM DU 'DU BA YIN TE, GNAS DBYUNG BDUN, DGE TSUL BSNYIL BA DANG BRGYAD PO DE DANG POR 'DU, BSDIGS SMAD BSKRAD PHYIR 'GYED BZHI PO DE GNYIS PAR 'DU, GZHAN LHAG MA BCU BZHI PO DE GSUM PAR 'DU BA'I PHYIR RO, ,YANG DE RNAMS GRANGS KYI SGO NAS BSDU NA, SA GZHAN NA GNAS PA YANG YIN, NAN TUR BYAS PA YANG YIN PA DANG, SA GZHAN NA GNAS PA YANG YIN, NAN TUR MA BYAS PA YANG YIN PA GNYIS SU 'DU STE BSDIGS SMAD SOGS BZHI DANG, GNAS DBYUNG BDUN DGE TSUL BSNYIL BA RNAMS DANG POR 'DU, GZHAN RNAMS GNYIS PAR 'DU BA YIN PA'I PHYIR, YANG DE RNAMS BSLAB BYA'I SGO NAS BSDU NA, SA GZHAN NA GNAS PA CHEN PO DANG, DE CHUNG NGU GNYIS SU 'DU STE, SPO BA SPYOD PA GSUM, MGU BA SPYOD PA GSUM, NGO BO NYID 'TSOL BA LA ZHUGS PA, BSLAB PA BYIN PA DANG BRGYAD PO DE DANG POR 'DU ZHING, DE RNAMS KYIS KHYAD PAR CAN GYI SPYOD PA LNGA SPONG ZHING, DMAN SPYOD LNGA DANG DU LEN PAS DE LTAR BRJOD PA YIN CING, SPO LDAN GSUM, MGU LDAN GSUM, BSDIGS SMAD BSKRAD PHYIR 'GYED BZHI, GNAS @107B DBYUNG BDUN, DGE TSUL BSNYIL BA DANG BCO BRGYAD PO DE GNYIS PAR 'DU BA YIN CING, DE RNAMS KYIS KHYAD PAR CAN GYI SPYOD PA LNGA SPONG ZHING, DMAN SPYOD LNGA DANG DU MI LEN PAS DE LTAR BRJOD PA YIN PA'I PHYIR RO, ,GSUM PA NI, SA RANG BZHIN DU GNAS PA DANG, SA GZHAN NA GNAS PA GANG RUNG YANG YIN, SA DMAN PAR BYED PA'I CHO GA LAS KYI CHO GA LA LTOS NAS KHYAD PAR CAN GYI SPYOD PA LNGA SPONG DGOS PA'I RIGS CAN YANG YIN PA'I GZHI MTHUN PAR GYUR PA'I SKYES BU DE, SA GZHAN NA GNAS PA'I SKYES BU'I NGO BO YIN NO, ,BZHI PA NI, SA GZHAN NA GNAS PA CHE CHUNG GNYIS KYI BSLAB BYA NI GONG GI BSLAB BYA'I SGO NAS BSDU BA LAS SHES LA, GNAS DBYUNG DANG BSNYIL BA GNYIS KYIS NI CHOS 'DI BA'I RAB BYUNG GZHAN DANG, CHOS DANG ZANG ZING GI LONGS SPYOD MTHA' DAG LHAN CIG TU BYED PA SPONG BA LA BSLAB BO, ,LNGA PA NI, SA RANG BZHIN DU GNAS PA LA LTOS NAS, DMAN PA'I SA NA GNAS PA'I DON GYI SA GZHAN NA GNAS PA ZHES BYA'O, ,DRUG PA NI, SA GZHAN NA GNAS PA THAMS CAD KYIS DGRA BCOM PA THOB PA NA, DE THAMS CAD SA GZHAN NI GNAS PA LAS GROL, NAN TUR BYAS PA RNAMS NI BZOD PA GSOL ZIN PA NA GROL, SPO SPYOD DANG, MGU SPYOD RNAMS NI SO SO'I ZHAG GRANGS 'KHOR BAS GROL, SPO LDAN LAS NI MGU BA MNOS PAS GROL, MGU LDAN LAS NI DBYUNG BA MNOS PAS GROL, NGO BO NYID 'TSOL BA NI LTUNG BA DRAN ZHING BZOD PAR BYA BA'I LAS BYAS PAS GROL, GNAS NAS PHYUNG BA MA GTOGS PA'I NAN TUR GYI SA GZHAN NA GNAS PA RNAMS NI NAN TUR SNGA MA'I STENG DU, NAN TUR PHYI MA BYAS PA NA NAN TUR SNGA MA LAS GROL LO, ,GNAS NAS PHYUNG BA LA NI NAN TUR GZHAN BYED PA MI 'THAD DE, SA RANG BZHIN DU GNAS PA RNAMS KYIS DE DANG CHOS DANG ZANG ZING GI LONGS SPYOD LHAN CIG TU BYED PA SPANGS ZIN PA'I PHYIR, ` MA GRAGS PA NI GZHI NYID MA YIN NO, ,ZHES PA'I SKABS SU 'BREL BA CAN GYI GZHUNG DON SPYIR BSTAN PA LA, YUL GANG LA GLENG BA, RTEN GANG GIS GLENG BA, GNAS GANG DU GLENG BA, DUS NAM GYI TSE GLENG BA, GZHI GANG LA GLENG BA, TSUL JI LTAR GLENG DRAN BYA BA, GLENG BA'I BYA BA JI LTAR BSGRUB PA'I TSUL @108A *, ,DANG BDUN LAS, DANG PO NI, GLENG BYA'I YUL DE LA CHOS BRGYAD LDAN DGOS TE, RAB BYUNG GI SDOM PA GSO RUNG DANG LDAN PA, SHES PA RANG BZHIN DU GNAS PA, LUS THA MAL DU GNAS PA, GNAS NAS MA PHYUNG BA, CHOS MIN PA'I PHYOGS SU MA SONG BA, NAD PA MA YIN PA, DGE 'DUN THA DAD DU DBYE BAR NUS PA MIN PA, GLENG PA PO DANG ZHE 'GRAS PA MIN PA RNAMS DANG LDAN PA ZHIG DGOS PA'I PHYIR RO, ,DE RNAMS SGRUB PA NI, DANG PO DGOS TE, SDOM PA GSO MI RUNG BA LA GLENGS KYANG PHYIR BCOS BYA BA'I DGOS PA MI 'GRUB PA'I PHYIR TE; DE LA PHYIR BCOS MI 'CHAGS PA'I PHYIR DANG, DE RAB BYUNG RNAM DAG GI GSEB NAS BSKRAD DGOS PA'I PHYIR TE, RTZA BAR, TSUL KHRIMS 'CHAL BA BSKRAD PAR BYA'O, ,ZHES PA DANG, RANG GI RNAM BSHAD LAS, TSUL KHRIMS 'CHAL BA ZHES BYA BA NI PHAM PAR GYUR PAR SHES PAR BYA'O, ,ZHES PA DANG, tIK CHEN RIN CHEN PHRENG BA LAS KYANG, PHAM PA 'CHAB BCAS BYUNG BA'I TSUL KHRIMS 'CHAL PA GTZUG LAG KHANG NAS BSKRAD PAR BYA'O, ,DE DANG LHAN CIG TU GNAS NAS LONGS SPYOD BYAR MI RUNG BA'I PHYIR RO, ,ZHES GSUNGS PA'I PHYIR, GNYIS PA DGOS TE, SHES PA RANG BZHIN DU MI GNAS PA DE LA, KHAS BLANG BA DANG PHYIR BCOS PA'I RANG DBANG MED PA'I PHYIR, GSUM PA DGOS TE, DE LAS GZHAN DU LUS KYI THA SNYAD LAS NYAMS PA'I PHYIR RO, ,BZHI PA DGOS TE, GNAS NAS PHYUNG BA DE, RAB BYUNG RNAM DAG GIS SPONG DGOS PA'I PHYIR, LNGA PA DGOS TE, CHOS MIN PHYOGS PA DES PHYIR MI 'CHOS SHING RTZOD PAR 'GYUR BA'I PHYIR, DRUG PA DGOS TE, NAD PA LA LUS SROG GA 'GAL RKYEN DU 'GYUR BA SRID PA'I PHYIR, BDUN PA DGOS TE, DE LAS GZHAN DU DGE 'DUN BYE BAR 'GYUR BA'I DGAG BYA YOD PA'I PHYIR, BRGYAD PA DGOS TE, ZHE 'GRAS NA BDEN PAR MI 'DZIN PA'I PHYIR RO, ,RTZA BA'I GNYIS PA NI, CHOS DGU DANG LDAN PA ZHIG DGOS TE, BSNYEN RDZOGS KYI SDOM PA RNAM DAG DANG LDAN PA, THA SNYAD GSUM DANG LDAN PA, SHES PA RANG BZHIN DU GNAS PA, LUS THA MAL DU GNAS PA, SA RANG BZHIN DU GNAS PA, NAD PA @108B MIN PA, NAD PAS BSKOS PA'I PHO NYA MIN PA, GLENG BYA'I YUL DE DANG ZHE 'GRAS PA MIN PA, BYAMS PA'I SEMS DANG LDAN PA RNAMS DGOS PA'I PHYIR, PHYI MA 'DI DGOS TE, DE DANG MI LDAN NA DGOS MED DU RTZOD PAR 'GYUR BA'I PHYIR, RTZA BA'I GSUM PA NI, MTHA' MIN PA YUL DE'I MKHAN SLOB SOGS MED PA'I DBAN PA'I GNAS SU GLENG DGOS TE, RTZA BAR, MTHA' MIN PAR MI BYA'O, ,ZHES PA DANG, tIK CHEN RIN CHEN PHRENG BA LAS, MTHA' MIN PA GANG ZAG DE'I MKHAN SLOB BAM, DGE 'DUN NAM, ZHE 'GRAS PA LA SOGS PA'I MDUN DU GLENG BAR MI BYA STE, ZHES PA NAS, DES NA DBEN PAR GLENG NGO, ,ZHES PA'I BAR GSUNGS PA'I PHYIR, BYAS PA LA KHO NA RE, DE LTAR NA LUNG ZHU BA LAS, BTZUN PA CHOS LDAN DU GANG DU GLENG BAR BGYI, NYE BAR 'KHOR DGE 'DUN GYI NANG DU'O, ,ZHES PA DANG, DE NYID LAS, 'DI LA GRANGS KYI BYE BRAG NGES PA MED CING, GCIG GIS MANG PO DANG MANG POS GCIG LA GLENG DU RUNG BAR BSHAD PA DANG 'GAL LO ZHE NA, MI 'GAL TE, DE NI DGE 'DUN GYI NANG DU LTUNG BA BYUNG BA DE, DGE 'DUN LA THUGS RGYUS YOD PAS DE DGE 'DUN GYI NANG DU GLENGS PAS CHOG PA DMIGS BSAL DU GSUNGS PA YIN PA'I PHYIR, RTZA BA'I BZHI PA NI, DBYAR GYI TSUL NANG MIN PA DANG, BYA BA GZHAN GYIS SEMS MA G-YENGS PA DGOS TE, DE LAS GZHAN DU DBYAR RAL BA'I RGYUR 'GRO BA DANG SEMS GTOD MI NUS PA SRID PA'I PHYIR RO, ,RTZA BA'I LNGA PA NI, TSUL KHRIMS DANG, LTA BA DANG, CHO GA DANG, 'TSO BA NYAMS PA DANG BZHI PO GANG RUNG YIN PA, THA MAL PA'I MTHONG THOS DOGS GSUM PO GANG RUNG GI GZHI DANG BCAS PA DGOS TE, RTZA BAR, TSUL KHRIMS DANG LTA BA DANG CHO GA DANG 'TSO BA NYAMS PAS GLENG BA LA SOGS PA DE DAG THAMS CAD BYED PA NA GZHI DANG BCAS PA CHAGS SO ZHES PA DANG, DE'I RANG GI RNAM BSHAD LAS, MTHONG BA DANG THOS PA DANG DOGS PA DAG GI GZHI DANG BCAS PAR TSUL KHRIMS DANG, LTA BA DANG CHO GA DANG 'TSO BA NYAMS PA DANG GLENG BA DANG DRAN PAR BYA BA DANG, ZHES SOGS DANG, tIK CHEN RIN CHEN PHRENG BA LAS KYANG, PHAM PA BZHI PO GANG RUNG BYUNG BA'I TSUL KHRIMS NYAMS PA DANG, LTA NGAN DRUG @109A *, ,CU RTZA GNYIS GANG RUNG LA ZHEN PA'I LTA BA NYAMS PA DANG, CHO GA SPYOD LAM NYAMS PA DANG, 'TSO BA NYAMS PAS GLENG BA LA SOGS PA DE DAG THAMS CAD BYED NA MTHONG THOS DOGS GSUM GYI GZHI DANG BCAS PA LA CHAGS KYI, GZHI MED PAR MI 'CHAGS SO, ,ZHES GSUNGS PA'I PHYIR, CHO GA NYAMS PA NI BCAS RKYANG GI LTUNG BA BYUNG BA'O, ,RNYED PAS RNYED PA 'TSOL BA DANG, THOB KYI 'JAL BA, KHA BSAGS, GZHOGS SLONG LA SOGS PA'I LOG 'TSO LA SPYOD PA NI 'TSO BA NYAMS PA YIN, MTSAN GZHI NI RIM PA BZHIN CHEN PO 'DOD PA'I PHYIR CHUNG NGU SBYIN PA DANG, RNYED PA 'DOD PA'I PHYIR SBYIN BDAG DE'I MDUN DU GZHAN LA SMOD PA DANG, DE NYID LA SNYAN PAR SMRA ZHING BSNGAGS PA DANG, 'TSO BA'I PHYIR DU YO BYAD LA BSNGAGS PA'AM, BDAG NYID SKREN PAR BRJOD PA RNAMS RIM BZHIN YIN NO, ,RTZA BAR, GZHI LEGS PA MA YIN PAS MI BYA'O, ,ZHES GSUNGS PA'I GZHI LEGS PA MIN PA NI, MTHONG YANG LEGS PAR MA MTHONG, DE BZHIN DU THOS PA DANG, DOGS PA LA SBYAR BA DE YIN TE, DE LTAR RANG GI RNAM BSHAD DANG, tIK CHEN RIN CHEN PHRENG BA GNYIS LAS GSUNGS PA'I PHYIR, 'DIR MNGON SHES KYIS MTHONG THOS IYIS GO MI CHOD DO, , DRUG PA NI, GLENG BYED RANG NYID KYIS RANG NYID GLENG BYED KYI MTSAN NYID DANG LDAN MI LDAN DANG, GLENG BYA YUL DANG, GNAS DANG, DUS RNAMS SNGAR BSHAD PA'I MTSAN NYID DANG LDAN MI LDAN BRTAGS TE, LDAN NA BYAMS PA DANG SNYING RJE'I SEMS KYIS 'DI LTUNG BA LAS BSLANG BAR BYA'O SNYAM PA'I BSAM PAS SKABS 'BYED DU BCUG NAS GLENG BAR BYA BA YIN TE, RTZA BAR, DRAN PA DANG SHES BJHIN NYE BAR MA BZHAG PAR MI BYA'O, ,ZHES PA DANG, SKABS 'BIED DU MA BCUG PAR MI BIA'O, ,ZHES GSUNGS PA'I PHYIR DANG, tIK CHEN RIN CHEN PHRENG BA LAS, PHAN PAR 'DOD PA'I DRAN SHES BZHIN NYE BAR MA GZHAG PAR GLENG PA LA 'JUG PAR MI BYA'O, ,ZHES PA DANG, DE NYID LAS, GANG ZAG GANG LA LTUNG BA GLENG BA'I SKABS 'BYED DU MA BCUG PAR YANG GLENG BAR MI BYA'O, ,ZHES GSUNGS PA'I PHYIR, DGOG DBYE BYAS PA'I TSE DE LAS ZUR DU LTUNG BA'I SKABS DBYE MI DGOS TE, DGAG DBYE BYAS PAS LTUNG @109B BA'I SKABS DBYE BA YIN PA'I PHYIR TE, RTZA BAR, DGAG DBYE NI DE NYID YIN NO, ,ZHES PA DANG, RANG GI RNAM BSHAD LAS, GANG GIS DGAG DBYE'I TSE DGE 'DUN LA DGAG DBYE BYAS PA DE NI SKABS PHYE BA NYID YIN PAS, DE'I PHYIR DGAG DBYE BYED PA NA GLENG BA LA 'JUG PA NI NIES PA MED DO ZHES BYA BA'I DON NO, ,ZHES GSUNGS SHING, tIK CHEN RIN CHEN PHRENG BA LAS KYANG, DGAG DBYE'I TSE DGE 'DUN LA DGAG DBYE BYAS PA NI SKABS PHYE BA DE NYID YIN PAS, DGAG DBYE BIED PA NA GLENG BA LA 'JUG PA NYES PA MED DO, ,ZHES GSUNGS PA'I PHYIR, BDUN PA NI, SPYIR NYES PA GLENG BA'I SKABS PHYE ZHIG CES SKABS 'BYED DU BCUG PA NA, NYES PA GLENG SKABS MI 'BYED PA DANG, 'BYED PA'I RIGS GNYIS YOD, DANG PO DE LA YANG NYES PA MTHA' DAG LA SKABS MI 'BYED PA DANG, PHYOGS GCIG LA SKABS MI 'BYED PA GNYIS YOD PA'I PHYIR, DANG PO DE LA BZHAMS BSGO SOGS KYIS MA BTANG NA BKA' BLO MI BDE BA'I LHAG MA SKYED, LHAG MA DE NYID LAN BZHI BTUD NAS BYED CING$ MA BTANG NA SMAD PA NAN TUR BYA$ DES KYANG MA BTANG NA, SMAD PA LA 'BAD PAS MA LOG PA LA GNAS NAS DBYUNG BA'I MDOR BSDUS SBYAR RO, ,PHYOGS GCIG LA SKABS MI 'BYED NA BRJOD BCAS BYA STE, 'DI LTAR TSE DANG LDAN PA KHYOD LA BRJOD PA DANG BCAS PA BYAS KYI, KHYOD KYIS GNAS 'DI NAS MA ZHUS PAR GZHAN DU MA 'GRO ZHIG ,KHO BO LA TSE DANG LDAN PA LA BRJOD PA'I PHYIR BSDOGS PA YOD DO ZHES BRJOD DO, ,DES MA BTANG NA GDAMS NGAG GI 'PHRO MI SBYIN ZHING DE DANG GTAM MI 'GRE'O, ,DES MA BTANG NA GSOL BZHI'I LAS KYIS GSO SBYONG DANG DGAG DBYE GNYIS BZHAG GO ,DES KYANG MA BTANG NA, MTHAR GNAS NAS DBYUNG BA MDOR BSDUS SBYAR RO, ,GNYIS PA SKABS 'BYED PA LA, MI MNYEN PAR 'BYED PA DANG, MNYEN PAR 'BYED PA GNYIS LAS, DANG PO LA, PHUR BCAS BYED, DES MA BTANG NA, GDAMS NGAG GI 'PHRO MI SBYIN PA NAS GNAS DBYUNG GI BAR SNGAR BZHIN NO, ,'O NA PHUR BCAS JI LTAR BYA SNYAM NA, MI MNYEN PAR SKABS 'BYED PA'I RAB BYUNG DE LA, GNAS 'DI DANG GTZUG LAG KHANG GZHAN DANG, SHING DRUNG DANG, KHYIM LA SOGS PA GANG YANG RUNG BAR, @110A *, ,LTUNG BA GLENG BA'I GZHI 'DI DANG 'DI LAS GZHAN PA GANG YANG RUNG BA KHYOD LA PHYUNG NGO, ,ZHES SU SMRA BAR 'DOD PA DES SMROS SHIG CES, LTUNG BA BKAL ZHING NYES PA BSTAN NAS GTONG, DE LTAR BYED PA DE LA BUR BCAS ZHES BRJOD PA'I RGYU MTSAN NI, RANG GI RNAM BSHAD LAS, RTA DMU RGOD PHUR PA DANG BCAS PA 'DRA BAR, DE YANG DRI MA DANG BCAS PAR BTANG BA YIN PAS, DE'I PHYIR PHUR PA DANG BCAS PA ZHES BYA'O, ,ZHES PA DANG, tIK CHEN RIN CHEN PHRENG BA LAS KYANG, TSIG RIGS 'DI NYID GSUNGS SO, ,GNYIS PA LTUNG BA KHAS BLANGS NAS MNYEN PAR 'BYED PA DE LA YANG DER GYUR BA'I PHYIR BCOS MI BYED PA DANG, BYED PA GNYIS LAS, DANG PO LA PHYIR MI 'CHOS PA GNAS DBYUNG BYED DO, ,GNYIS PA LA PHYIR BCOS TSUL BZHIN BYED NA LEGS PAR BYED DU GZHUG GO ,YANG SKABS MNYEN PAR PHYE NAS LTUNG BA GLENGS PA NA, LTUNG BA KHAS MI LEN PA DANG, LEN PA GNYIS LAS, DANG PO LA DES BRJED NAS KHAS MI LEN NA, LTUNG BA DRAN PAR BYA BA'I PHYIR DU KHYAD PAR CAN GYI SPYOD PA LNGA SPONG ZHING, DMAN SPYOD LNGA DANG DU LEN PA'I BYA BA GSOL BZHI'I LAS KYIS BYIN PAS LTUNG BA GANG BYUNG DRAN PA'I PHYIR DU BRTZON 'GRUS BRTZAMS PAR BYAS TE LTUNG BA'I NGO BO NYID 'TSOL BA SBYIN DGOS TE, RTZA BAR, DE NI DE'I NGO BO NYID 'TSOL BA LA PHAN PA'I PHYIR, DE'I NGO BO NYID 'TSOL BA DANG MTHUN PA NYID DO, ,ZHES PA DANG, tIK CHEN RIN CHEN PHRENG BA LAS, NGES PAR SBYOR BA'I GSOL BZHI'I LAS DE NI LTUNG BA DE'I NGO BO NYID 'TSOL BA LA PHAN PA'I PHYIR, 'DI BLANGS PAS DE'I NGO BO NYID 'TSOL BAR BYED LA, ZHES PA'I BAR GSUNGS PA'I PHYIR, CHANG 'THUNG BA LTA BU LTUNG BA'I RGYU KHAS BLANGS NAS, DE 'THUNGS PA LA LTUNG BA MI 'BYUNG ZER NAS LTUNG BA'I NGO BO KHAS MI LEN NA, DE LA BZHAMS BSGO SOGS KYIS BZLOG ,DES MA BTANG NA SDIG LTA MI GTONG BA GNAS DBYUNG BYA'O, ,RTZA BAR, DE DAG THAMS CAD BYED PA NA GZHI DANG BCAS PA CHAGS SO, ,ZHES BSHAD NA, GZHI DANG BCAS PA DE GANG YIN, GZHI MED PA DE GANG YIN ZHE NA, THA MAL PA'I MTHONG THOS DOGS GSUM GANG RUNG GI GZHI MED PAR, LTUNG BA BYUNG BA LHA'I MIG GI MNGON SHES KYIS MTHONG BAS NA, KHYOD LA LTUNG BA BYUNG BA MNGON SHES KYIS MTHONG THOS ZHES BYA BA'I SGO NAS GLENG BA NI, @110B GLENG DRAN CHAGS PA'I GZHI MIN TE, MNGON SHES KYI SGO NAS GLENG BAR BYA BA MI RIGS PA'I PHYIR RO, ,DE LTAR BYAS NA GLENG BYED RANG NYID LA YON TAN YOD PAR SGRO 'DOGS PA DANG, GLENG BYA DE LA YANG GZHI MED PAR GLENG BA'I SKUR 'DEBS SU 'GYUR BA'I PHYIR, GLENG BYA DE LA DNGOS GNAS LA LTUNG BA MA BYUNG YANG 'KHRUL NAS BYUNG BAR KHO RANG DER 'DU SHES PA NI GLENG DRAN CHAGS PA'I GZHI YIN NO, ,DNGOS PO'I GNAS TSOD LA GLENG BYA DE LA LTUNG BA DE BYUNG YANG, DE BYUNG BAR THA MAL PAS MA SHES NA LTUNG BA DE GLENG DRAN MI CHAGS TE, RTZA BAR, 'DI LA DNGOS PO LAS BDEN PA NYID MA YIN NO, ,ZHES PA DANG, RANG GI RNAM BSHAD LAS, GZHI 'DI LA DNGOS PO LA BDEN PA NYID NI RGYU MA YIN GYI, 'DU SHES KYI DBANG GIS 'DI RNAM PAR BZHAG PA STE, DNGOS PO BDEN PA NYID YIN NA YANG, GAL TE MTHONG BA LA SOGS PA'I 'DU SHES MED PAS GLENG BAR BYED NA, GZHI MED KHO NAS GLENG BA LA SOGS PA KHO NAR 'GYUR LA, DNGOS PO MI BDEN PA NYID YIN YANG GAL TE MTHONG BA LA SOGS PA'I 'DU SHES KYIS GLENG BAR BYED NA, GZHI DANG BCAS PA KHO NAS GLENG BA LA SOGS PAR 'GYUR RO, ,ZHES BSTAN PA YIN NO, ,ZHES GSUNGS SHING, tIK CHEN RIN CHEN PHRENG BA LAS KYANG GSAL BAR GSUNGS SO, ,RTZA BA'I GZHUNG GI NGAG DON NI, THA MAL PA'I MTHONG THOS DOGS GSUM GANG RUNG DANG MI LDAN ZHING, MNGON SHES KYIS MTHONG BA SOGS KYI SGO NAS GLENG DRAN MI BYA STE, DE LTAR BYAS PAS DE MI 'CHAGS PA'I PHYIR RO, ,DGE 'DUN THA DAD PA NYID DU NUS PA LA MI 'DOD PAR GLENG BA DANG GLENG BAR BYED PA NA LOG PAR MI BYA'O, ,ZHES PA'I SKABS SU 'BREL BA CAN GYI GZHUNG DON SPYIR BSTAN PA LA, LAS KYI DBYEN GYI RNAM GZHAG 'CHAD PA 'DI LA, GZHI, BSAM PA, SBYOR BA, MTHAR THUG GI YAN LAG DANG BZHI, DANG PO LA, GANG DU DBYE BA'I GNAS, GANG 'BYED PA'I YUL, GANG GIS 'BYED PA'I RTEN BSHAD PA DANG GSUM, DANG PO LA, GLENG BZHI DANG, GANG DU 'BYED PA'I GNAS BSHAD PA DNGOS GNYIS LAS, DANG PO NI, RGYAL PO'I KHAB TU DGE SLONG LHAS BYIN GYIS DBYIN BYAS PA LA BRTEN NAS BSLAB PA 'DI BCAS PA YIN NO, ,GNYIS PA NI, YUL NI 'DZAM BU'I GLING SOGS GLING GSUM PO GANG RUNG GI GNAS YIN 'PA ZHIG DGOS TE, MDZOD @111A *, ,LAS, LAS KYI DBYEN NI GLING GSUM NA, ZHES PA DANG, DE'I RANG 'GREL LAS, LAS KYI DBYEN NI GLING GSUM NA YOD DE GANG DAG NA BSTAN PA YOD PA KHO NA'O, ,ZHES GSUNGS PA'I PHYIR, BYANG SGRA MI SNYAN NA SANGS RGYAS KYI BSTAN PA MED PAS DGE 'DUN GRANGS TSANG BA MED, DE'I RGYU MTSAN GYIS DGE 'DUN LAS THA DAD DU BYED PA MED PA'I PHYIR, MTSAMS GCIG GI NANG YIN PA ZHIG DGOS TE, MTSAMS THA DAD DU GNAS PA RNAMS MTSAMS THA DAD DU GYUR ZIN PAS, LAS THA DAD DU BYED PA LA MI RIGS PA MED PA'I PHYIR, STON PA SANGS RGYAS MNGON SUM DU BZHUGS PA'I NYE 'KHOR LAS GZHAN YIN PA ZHIG DGOS TE, DE MNGON SUM DU BZHUGS PA'I NYE 'KHOR DU DE'I GZI BRJID KYIS DGE 'DUN GYI DBYEN BSGRUB MI NUS PA'I PHYIR TE, MDZOD 'GREL LAS, GANG NA BCOM LDAN 'DAS MNGON SUM DU BZHUGS PA DE LAS GZHAN DU'O, ,DE BZHIN GSHEGS PA NI BZOD PAR DKA' BA'I PHYIR DANG, BKA' BTZAN PA'I PHYIR STON PA MNGON SUM DU BZHUGS PA NYID DU DBYE BAR MI NUS SO, ,ZHES GSUNGS PA'I PHYIR, GNYIS PA GANG 'BYED PA'I YUL NI, DGE 'DUN SDE TSAN GNYIS TE BRGYAD YAN CHAD KYI GRANGS TSANG BA DGOS TE, MDZOD LAS, DE NI BRGYAD DAG YAN CHAD KYI, ZHES PA DANG, DE'I RANG 'GREL LAS, DGE SLONG DU ZHIG GI ZHE NA, DE NI BRGYAD YAN CHAD KYI, ZHES GSUNGS PA'I PHYIR DANG, BRGYAD LAS GCIG MA TSANG NA, PHAN TSUN GNYIS GANG RUNG GCIG GI DGE 'DUN MA TSANG BAS LAS KYI DBYEN MI 'CHAGS PA'I PHYIR RO, ,CHOS MA YIN PA'I PHYOGS SU BYE BA'I DGE 'DUN YIN NA, SO SKYE YIN DGOS TE, 'PHAGS PA'I DGE 'DUN CHOS PHYOGS LAS CHOS MIN PHYOGS SU DBYE BAR MI NUS PA'I PHYIR DANG, 'PHAGS PA YIN NA, DAM PA'I CHOS YIN MIN SHES PA'I RIGS SU GNAS PA'I KHYAB PA'I PHYIR DANG, LUNG GZHI LAS KYANG, 'PHAGS PA DON DAM PA'I DGE 'DUN NI CHOS MA YIN PA'I LAS MI 'THOB BO, ,ZHES GSUNGS PA'I PHYIR DANG, MDZOD LAS, BYIS PA RNAMS, ZHES PA DANG, DE'I RANG 'GREL LAS, BYIS PA RNAMS KHO NA YIN GYI 'PHAGS PA RNAMS NI MA YIN TE, CHOS MNGON SUM DU GYUR PA'I PHYIR RO, ,ZHES GSUNGS PA'I PHYIR, KHA SKONG GI CHOS DANG LDAN PA MI DGOS TE, BSNYEN @111B RDZOGS KYI SDOM PA GSO RUNG YIN PA YAN GYIS CHOG PA'I PHYIR, GANG GI TSE LAS THA DAD PAR BYE BA YIN SNYAM NA, CHOS MIN PHYOGS PAS DGE 'DUN DBYE BA'I BSAM PAS MTSAMS NANG GCIG TU CHOS PHYOGS PA LAS LOGS SU GSO SBYONG LTA BU'I LAS BYAS NA, DE ZIN MA THAG LAS KYIS DGE 'DUN BYE BA YIN TE, LUNG BRAM ZE'I BU MOS ZHUS PA LAS, SU DAG GIS KO'U SHAM BHI BA'I DGE 'DUN BYE BAR GYUR, CHOS MA YIN PA SMRA BA DAG GIS MTSAMS KYI NANG DU GSO SBYONG MA 'DRES PAR BYAS PAS SO, ,ZHES PA DANG, RTZA BAR, CHOS MA YIN PA SMRA BA DAG GIS DBYE BA'I SEMS KYIS MTSAMS KYI NANG DU LAS THA DAD PAR BYAS NA DE BYE BA YIN NO, ,ZHES PA DANG, DE'I THAD KYI tIK CHEN RIN CHEN PHRENG BA LAS KYANG, CHOS MA YIN PA SMRA BA DAG GIS CHOS PHYOGS PA BDAG CAG GI NANG DU ZHUGS PAS CI BYA SNYAM DU DBYE BA'I SEMS KYIS MTSAMS NANG DU GSO SBYONG LA SOGS PA'I LAS THA DAD PAR BYAS NA LAS DE BYE BA YIN NO, ,ZHES GSUNGS PA'I PHYIR, GNYIS PA BSAM PA'I YAN LAG LA GNYIS LAS, 'DU SHES NI MA 'KHRUL BA DGOS SO, ,KUN SLONG NI 'BYED 'DOD KYI BSAM PA RGYUN MA CHAD PA DGOS SO, ,GSUM PA SBYOR BA NI, LUS NGAG GANG RUNG GI SGO NAS BYA BA DE LA ZHUGS PA ZHIG DGOS SO, , BZHI PA MTHAR THUG NI, LAS GANG RUNG PHAL CHER BYAS PA NA GRUB BO, ,DES NA LAS KYI DBYEN 'BYUNG BA'I RGYU SPONG BA DANG, DE MI 'BYUNG BA'I THABS BSTEN PA GNYIS LAS, DANG PO NI, SDE SNOD 'DZIN PA SOGS DGE 'DUN 'BYED NUS PA LA LTUNG BA GLENG BA DANG, NAN TUR DANG, BZHAMS BSGO SOGS BZLOG PA LNGA DANG, GRANGS SU 'JUG PA RNAMS MI BYA, DES RANG NYID LA TSUR GLENGS BYUNG NA, RANG LA LTUNG BA MED KYANG MI BZLOG ,DGE 'DUN THUGS MI MTHUN PA GNYIS GNAS KHANG GCIG TU MI BZHAG ,GNAS KHANG BAR MA CHOD PA DANG, GO SA BAR MA CHOD PA RNAMS SU MI BZHAG ,MDOR NA DGE 'DUN THUGS MI MTHUN PA'I RKYEN THAMS CAD SPONG BA LA 'BAD DGOS SO, ,RTZA BAR, DGE 'DUN THA DAD PA NYID DU NUS PA LA MI 'DOD PAR GLENG BA DANG GLENG BAR BYED PA NA LOG PAR MI BYA'O, ,ZHES PA NAS DES CIG SHOS DANG, DE BZHIN NO, ,ZHES PA'I BAR GSUNGS PA'I PHYIR, GNYIS PA NI, DGE 'DUN @112A *, ,THUGS MI MTHUN PA'I NYES DMIGS BSAM PA, MTHUN PA'I PHAN YON BSAM PA DANG, KHRO YANG SLAR MI KHRO BA SOGS DGE SBYONG GI CHOS BZHI DANG LDAN PA SOGS LA BSLAB BO, ,MTHA' DPYOD RGYAS PAR GONG DU DGE 'DUN DBYEN GYI LHAG MA'I SKABS SU BSHAD PA LAS SHES SO, ,NGAG DON NI, SDE SNOD 'DZIN PA SOGS DGE 'DUN 'BYED NUS PA LA GYA TSOL DU LTUNG BA GLENG DRAN SOGS MI BYA STE, DE LTAR BYAS NA DGE 'DUN DBYEN DU 'GYUR BA'I NYES DMIGS YOD PA'I PHYIR RO,, ` DGE 'DUN GYI DBYEN NI CHOS LAS THA DAD PA'I DNGOS POR GSOL BAS SAM DON DES TSUL SHING LEN DU GZHUG GO , ZHES PAR, 'BREL PA CAN GYI GZHUNG DON SPYIR BSTAN PA LA, KHYAD PAR GYI GZHI CHOS 'KHOR GYI RNAM GZHAG DANG, KHYAD PAR GYI CHOS 'KHOR LO'I DBYEN GYI RNAM GZHAG BSHAD PA DANG GNYIS LAS, DANG PO NI, BYE BRAG SMRA BA'I SKABS 'DIR, MTHONG LAM RTOGS PA'I CHOS 'KHOR YIN TE, MTHONG LAM DE 'KHOR LOS BSGYUR BA'I RGYAL PO'I 'KHOR LO RIN PO CHE DANG 'DRA CHOS MTSUNGS PA'I PHYIR, DE YANG MTSUNGS TE, DE'I 'KHOR LO RIN PO CHE DE GLING BZHI LA SOGS PA'I YUL DU MYUR DU 'GRO BA DANG, YUL SNGA MA RNAMS DOR NAS PHYI MA RNAMS LA 'JUG PA DANG, RGYAL PHRAN MA RGYAL BA LAS RGYAL BA DANG, RGYAL BA RNAM DU 'GOD PA DANG, STENG DU 'PHAR BA DANG, 'OG TU 'BABS PA'I BYA BA DANG LDAN PA BZHIN DU, MTHONG LAM SKAD CIG BCO LNGA PO 'DI THAMS CAD KYANG, YUL LA MYUR DU 'JUG PA DANG, BDEN PA SNGA MA RNAMS KYI RNAM PA DOR NAS PHYI MA RNAMS LA 'JUG PA DANG, MTHONG LAM BAR CHAD MED LAM GYIS MTHONG SPANGS SPONG BA DANG, MTHONG LAM RNAM GROL LAM GYIS BRAL THOB 'DZIN PA DANG, MTHONG LAM CHOS BZOD DANG CHOS SHES KYIS KHAMS 'OG MA'I BDEN PA LA DMIGS PAS 'OG TU 'BABS PA DANG, MTHONG LAM RJES BZOD DANG RJES SHES KYIS KHAMS GONG MA'I BDEN PA LA DMIGS PAS, STENG DU 'PHAR BA LTA BU'I BYA BA DANG MTSUNGS PA'I PHYIR, DE LTAR YANG MDZOD LAS, CHOS KYI 'KHOR LO MTHONG BA'I LAM, ,MYUR BAR 'GRO SOGS ZHES PA DANG, DE'I RANG 'GREL LAS, DE DANG CHOS MTHUN PA'I PHYIR, MTHONG BA'I LAM NI CHOS KYI 'KHOR LO YIN NO, ,ZHES PA DANG, DE NYID LAS, MYUR DU 'GRO BA'I PHYIR @112B DANG, 'DOR BA DANG 'JUG PA'I PHYIR DANG, MA RGYAL BA LAS RGYAL BAR BYED PA DANG, RGYAL BA RNAL DU 'GOD PA'I PHYIR DANG, 'PHAR BA DANG 'BABS PA'I PHYIR TE, MYUR BAR 'GRO BA LA SOGS PA NI DE LTA BU YIN NO, ,ZHES GSUNGS PA'I PHYIR, BYE BRAG SMRA BA'I NANG TSAN GYI BTZUN PA DBYANGS SGROG NA RE, MTHONG LAM DE 'KHOR LOS BSGYUR BA'I RGYAL PO'I 'KHOR LO RIN PO CHE DANG CHOS MA TSUNGS TE, MTHONG LAM DE 'PHAGS LAM YAN LAG BRGYAD KYI RANG BZHIN YIN ZHING, RGYAL PO'I 'KHOR LO RIN PO CHE DE LA GCOD PAR BYED PA'I RTZIBS, 'DZIN PAR BYED PA'I LTE BA, SDUD PAR BYED PA'I MU KHYUD DANG GSUM YOD PA DE BZHIN DU, MTHONG LAM GYI NGO BOR GYUR PA'I YANG DAG PA'I LTA BA, RTOG PA, RTZOL BA, DRAN PA YANG DAG 'PHAGS LAM YAN LAG BZHI PO DE, LHAG PA SHES RAB KYI BSLAB PAS BSDUS PA YIN PAS, GCOD PAR BYED PA'I RTZIBS DANG CHOS MTSUNGS, DE'I NANG TSAN DU GYUR PA'I YANG DAG PA'I NGAG ,LAS KYI MTHA', YANG DAG PA'I 'TSO BA 'PHAGS LAM YAN LAG GSUM PO DE, LHAG PA TSUL KHRIMS KYI BSLAB PAS BSDUS PA YIN PAS, 'DZIN PAR BYED PA'I LTE BA DANG CHOS MTSUNGS, DE'I NGO BOR GYUR PA'I YANG DAG PA'I TING NGE 'DZIN 'PHAGS LAM YAN LAG NI, LHAG PA TING NGE 'DZIN GYI BSLAB PAS BSDUS PA YIN PAS, SDUD PAR BYED PA'I MU KHYUD DANG CHOS MTSUNGS ZHES 'DOD PA YIN TE, DE'I 'DOD PA BRJOD PA NA MDZOD RTZA BAR, RTZIBS SOGS PHYIR, ZHES PA DANG, DE'I THAD KYI RANG 'GREL LAS, ,BTZUN PA DBYANGS SGROG NA RE, 'PHAGS PA'I LAM YAN LAG BRGYAD PO NI RTZIBS LA SOGS PA DANG CHOS MTHUN PA'I PHYIR 'KHOR LO ZHES BYA STE, YANG DAG PA'I LTA BA DANG, RTOG PA DANG, RTZOL BA DANG, DRAN PA RNAMS NI RTZIBS LTA BU YIN NO, ,YANG DAG PA'I NGAG DANG, LAS KYI MTHA' DANG, 'TSO BA RNAMS NI LTE BA LTA BU YIN NO, ,TING NGE 'DZIN NI MU KHYUD LTA BU YIN NO ZHES ZER RO, ,ZHES GSUNGS PA'I PHYIR, NGAG DANG 'TSO BA SOGS NI MING GIS BTAGS TZAM YIN NO, , KHO NA RE, MTHONG LAM LA CHOS 'KHOR ZHES BRJOD PA'I RGYU MTSAN GANG YOD CE NA, DE YOD DE, BCOM LDAN 'DAS KYIS YUL WA RA nA SER DRANG SRONG SMRA BA RI DVAGS KYI NAGS SU, LNGA SDE BZANG PO LA BDEN BZHI'I CHOS 'KHOR BSKOR BA NA, KUN SHES KO'U DI N+YA YA'I RGYUD LA MTHONG LAM SKYES PA'I TSE, GNAS @113A *, ,GTZANG MA'I LHA RNAMS KYIS AA LA LA, BCOM LDAN 'DAS KYIS CHOS KYI 'KHOR LO BSKOR RO ZHES PA'I SGRA BSGRAGS PA'I RGYU MTSAN GYIS DE LTAR BRJOD PA YIN PA'I PHYIR, DE LTAR YANG MDZOD KYI RANG 'GREL LAS, MTHONG BA'I LAM CHOS KYI 'KHOR LO YIN NO ZHES BYA BA 'DI GA LAS SHES NA, 'PHAGS PA KO'U DI N+YA YA LA DE SKYES PA NA CHOS KYI 'KHOR LO BSKOR RO ZHES GSUNGS PA'I PHYIR RO, ,ZHES BSHAD PA'I PHYIR, GNYIS PA NI, DE BSTAN PA 'DI LA BYUNG TSUL DANG, DE'I RNAM GZHAG BSHAD PA GNYIS LAS, DANG PO NI, STON PA RGYAL PO'I KHAB NA BZHUGS SO, ,DE'I TSE MU GE NYAM NGA BA BYUNG STE, RDZU 'PHRUL THOB PA'I NYAN THOS RNAMS KYIS SHING 'DZAM BU'I 'BRAS BU DANG, SGRA MI SNYAN NAS MA SMOS MA BTAB PA'I 'BRAS SA LU BLANGS NAS LONGS SPYOD CING, DGE SLONG GZHAN LA'ANG SBYIN NO, ,DE NAS LHAS BYIN GYIS BSAMS PA, BDAG GIS KYANG DE LTAR BYA'O SNYAM NAS, STON PA'I DRUNG DU SONG NAS BDAG LA RDZU 'PHRUL GYI LAM BSTAN DU GSOL, STON PAS LHAS BYIN LA SDIG PA CAN GYI 'DOD PA DE LTA BU 'BYUNG BAR THUGS SU CHUD NAS, LHAS BYIN LA KHYOD KYIS LHAG PA'I BSLAB PA GSUM LA BRTZON PAR GYIS DANG, RDZU 'PHRUL DANG GZHAN YANG 'BYUNG BAR 'GYUR RO, ,ZHES GSUNGS PAS, STON PAS MI STON PAR RIG NAS, KO'U DI N+YA YA, RTA MDUL, ? BZANG LDAN, RLANG PA, MING CHEN, GRAGS PA, GANG PO, DRI MED, BA LANG BDAG , LAG BZANG SOGS LA ZHUS PAS KYANG MA BSTAN PA NA, DES BSAM PA 'DI THAMS CAD STON PA DANG LHAN DU 'GROGS NAS MA BSTAN TO, , BDAG GIS 'OD SRUNG STOBS BCU PA 'DI G-YO SGYU MED PA DRANG PO'I RANG BZHIN CAN, BDAG GI NU BO KUN DGA' BO'I YANG MKHAN PO YIN PAS, DES BDAG LA STON SNYAM NAS ZHUS PAS, 'OD SRUNG GIS MA BRTAGS PAR DE'I LAM BSTAN PAS, DES BRTZON 'GRUS BRTZAMS NAS RNAL 'BYOR LA BRTZON PAR BYAS PAS, BSAM GTAN DANG PO LA BRTEN NAS RDZU 'PHRUL THOB STE, DE NGA RGYAL SKYES NAS, STON PA NI RGAS 'KHOGS 'KHOR RNAMS LA 'DOMS PA NGAL BAR 'GYUR BAS, DGE SLONG GI DGE 'DUN BDAG LA SPRAD NA LEGS SO SNYAM DU BSAMS NAS, STON PAS 'KHOR RNAMS SKYONG BA THUGS LAS CHE BAS @113B BDAG LA SPRAD DU GSOL, ZHES ZHUS PAS, STON PAS, SH'A RI'I BU DANG, MO'U 'GAL GYI BU LTA BU LA MA SPRAD PAS GTI MUG CAN KHYOD LTA BU LA CI'I PHYIR SPROD CES BKA' STZAL PAS, DES MGO LAN GSUM LCOGS NAS RANG GI 'KHOR KO KA LI KA, KHAN DA DRAB BYA, KA TA MO RA KA TI SH+YA, RGYA MTSOS BYIN TE, 'KHOR BZHI SBRAN NAS BSLAB TSOGS LNGA BCAS PA'I SGO NAS, 'KHOR LO'I DBYEN BYAS PA LA BRTEN NAS BSLAB PA 'DI BCAS SO, ,BSLAB TSOGS LNGA NI, TSE DANG LDAN PA DAG DGE SBYONG GO'U TA MA NI SHA ZA STE, BDAG CAG GIS ZA BAR MI BYA'O, ,DE CI'I PHYIR ZHE NA, GZHI DE LAS SROG CHAGS LA GNOD PAR 'GYUR BA'I PHYIR RO, , DGE SBYONG GO'U TA MA NI 'O MA 'THUNG TE, BDAG CAG GIS BTUNG BAR MI BYA'O, ,DE CI'I PHYIR ZHE NA, GZHI DE LAS BE'U LA GNOD PA'I PHYIR RO, ,DGE SBYONG GO'U TA MA NI LAN TSVA ZA STE, BDAG CAG GIS BZA' BAR MI BYA'O, ,DE CI'I PHYIR ZHE NA, KHU BA LAS GYUR PA'I PHYIR RO, ,DGE SBYONG GO'U TA MA NI GOS DRAS PA GYON TE, BDAG CAG GIS BGO BAR MI BYA'O, ,DE CI'I PHYIR ZHE NA, GZHI DE LAS DAD PAS SBYIN PAR BYA BA CHUD ZOS PAR 'GYUR BA'I PHYIR RO, ,DGE SBYONG GO'U TA MA NI DGON PAR GNAS PAR BYED DE, BDAG CAG GIS GRONG DU GNAS PAR BYA'O, ,DE CI'I PHYIR ZHE NA, GZHI DE LAS DAD PAS SBYIN PAR BYA BA YONGS SU MA SPYAD PAR 'GYUR BA'I PHYIR RO, ,TSE DANG LDAN PA DAG KHYED CAG LAS GANG BRTUL ZHUGS KYI GNAS LNGA PA 'DI DAG GIS DAG PA DANG, GROL BA DANG, NGES PAR 'BYUNG BAR 'DOD PA DANG, BZOD PA DANG LEGS PAR 'DZIN PA DES, DGE SBYONG GO'U TA MA LAS RING DU GYIS SHIG ,SO SOR GYIS SHIG ,THA DAD DU GYIS SHIG ,RGYANG SRINGS SHIG ,LOGS SHIG NA 'DUG CIG CES ZER BA'O, ,GNYIS PA DE'I RNAM GZHAG BSHAD PA DNGOS LA, GZHI, BSAM PA, SBYOR BA, MTHAR THUG GI YAN LAG DANG BZHI, DANG PO GZHI'I YAN LAG LA YANG, GANG DU DBYE BA'I GNAS, GANG DAG DBYE BA'I YUL, GANG GI TSE 'BYED PA'I DUS, GANG LAS DBYE BA'I DON, GANG GIS 'BYED PA'I RTEN BSHAD PA DANG LNGA LAS, DANG PO NI, GANG DU DBYE BA'I GNAS DE LA KHYAD CHOS GSUM DANG LDAN PA ZHIG DGOS TE, GLING BZHI'I NANG NAS 'DZAM BU GLING YIN PA, MTSAMS NANG GCIG TU GTOGS PA, STON PA SANGS RGYAS MNGON SUM DU BZHUGS PA LAS @114A *, ,GZHAN YIN PA RNAMS DGOS PA'I PHYIR, DANG PO DGOS TE, MDZOD LAS, 'DZAM BU'I GLING NA'O, ,ZHES PA DANG, MDZOD KYI RANG 'GREL LAS, 'KHOR LO'I DBYEN YANG GANG NA YOD CE NA, 'DZAM BU'I GLING NA'O, ,GLING GZHAN DAG NA NI MED DO, ,ZHES GSUNGS PA'I PHYIR, GNYIS PA DGOS TE, MTSAMS MA BCAD PA'I GNAS SU 'KHOR LO'I DBYEN MI 'BYUNG BA'I PHYIR TE, MDZOD LAS, MTSAMS MA BCAD PA DAG TU YANG, ,DGE 'DUN DBYEN NI MI 'BYUNG NGO, ,ZHES DANG, RANG 'GREL LAS, MTSAMS MA BCAD PA DAG TU YANG, DUS JI SRID DU MTSAMS MA BCAD PAR MI 'BYUNG STE, MTSAMS GCIG GI NANG DU PHYOGS GCIG TU GNAS PA'I PHYIR CES BYA BA'O, ,ZHES GSUNGS PA'I PHYIR, GSUM PA DGOS TE, MDZOD LAS, GZHAN DU'O ZHES PA DANG, RANG 'GREL LAS, DE BZHIN GSHEGS PA RNAMS NI BZOD PAR DKA' BA'I PHYIR, ZHES GSUNGS PA'I PHYIR, GZHAN YANG DE GSUM DANG LDAN PA DGOS PAR RIGS PAS KYANG GRUB STE, 'DZAM BU'I GLING MA GTOGS PA'I GLING GZHAN GSUM NA 'GRAN ZLA'I STON PA MED PA'I PHYIR DANG, MTSAMS THA DAD YIN NA, MTSAMS KYI SGO NAS BYE ZIN PAS DGAG BYA CHUNG BA'I PHYIR DANG, STON PA MNGON SUM DU BZHUGS PA'I GNAS SU, STON PA'I GZI BRJID KYIS DGE 'DUN 'BYED MI NUS PAR GONG DU BSGRUBS ZIN PA'I PHYIR, GNYIS PA NI, DGE 'DUN SDE TSAN GYIS TE BRGYAD 'BYED PA PO DANG BCAS PA DGU DGOS TE, MDZOD LAS, 'DZAM BU'I GLING NA'O, ,DGU SOGS KYIS, ZHES PA DANG, DE'I RANG 'GREL LAS, DGU LA SOGS PA SMOS PAS YAN CHAD NI MA NGES SO, ,DGE SLONG BRGYAD NI DGE 'DUN YIN NO, ,DGU PA NI 'BYED PA PO YIN NO, ,ZHES GSUNGS PA'I PHYIR, DER MA ZAD KHA SKONG GI CHOS DANG LDAN PA ZHIG DGOS TE, GSOL BA'I LAS CHAGS PA LA DE DANG LDAN PA DGOS PA DANG 'DRA BAR DBYEN GYI TSUL SHING BRIMS PA'I LAS CHAGS PA LA YANG DE DANG LDAN PA ZHIG DGOS PA'I PHYIR TE, MDO RTZA BAR, DBYEN RJES SU SGRUB PA NI GSOL BA DANG 'DRA'O, ,ZHES PA DANG, DE'I RANG GI RNAM BSHAD LAS, RGYU GANG DAG GIS GSOL BA'I LAS BYAS PA MI 'CHAGS PA DE BZHIN DU RGYU DE DAG NYID KYIS DGE 'DUN GYI DBYEN GYI SBYOR BA RJES SU SGRUB PA LA @114B YANG DE RNAMS KYIS SHES PA'I DON NO, ,ZHES GSUNGS PA'I PHYIR, GSUM PA NI, DGE 'DUN 'KHOR LO'I DBYEN 'BYUNG BA'I DUS DE YIN NA, BSTAN PA LA SKYON BYUNG BA'I DUS YIN PAS KHYAB STE, BSTAN PA LA SKYON MA BYUNG GANG DU DGE 'DUN RNAMS DGA' BA'I RANG BZHIN DU GYUR NAS THUGS MTHUN PAS DBYE BAR MI NUS PA'I PHYIR, YANG BSTAN PA LA SKYON BYUNG YANG STON PA MYA NGAN LAS 'DA' KHA'I TSE 'DI MI 'BYUNG STE, DE'I TSE DGE 'DUN THAMS CAD SKYO SHAS CHE BAR RO GCIG PAS 'BYED PA'I BLO MI 'BYUNG BA'I PHYIR TE, MDZOD LAS, DANG PO MTHA' SKYON, ZHES PA DANG, DE'I RANG 'GREL LAS, DANG PO CHOS KYI 'KHOR LO BSKOR NAS RING PO MA LON PA DANG, THA MA BCOM LDAN 'DAS YONGS SU MYA NGAN LAS ZLA BA'I TSE DANG, GNAS SKABS DE GNYIS SU NI DGE 'DUN SHA GCIG PA YIN NO, ,ZHES GSUNGS PA'I PHYIR, STON PA 'JIG RTEN DU MA BYON PA'I GONG DANG, STON PA MYA NGAN LAS 'DAS PA'I RJES GNYIS SU YANG 'DI MI 'BYUNG STE, DUS DE GNYIS SU 'GRAN ZLA'I STON PA MED PA'I PHYIR TE, MDZOD KYI RANG 'GREL LAS, THUB PA NONGS NAS MI 'BYUNG STE, STON PA YONGS SU MYA NGAN LAS 'DAS NA 'GRAN ZLA MED PA'I PHYIR RO, ,ZHES GSUNGS PA'I PHYIR, MCHOG ZUNG GCIG MED PA'I DUS SU 'DI MI 'BYUNG STE, MCHOG ZUNG GCIG GIS 'DI BYUNG NAS ZHAG MA LON PAR BZLUMS PAR BYED PA'I PHYIR TE, MDZOD LAS, ZUNG GCIG GIS ZHES PA DANG, DE'I RANG 'GREL LAS, JI SRID DU NYAN THOS KYI MCHOG ZUNG GCIG MA BYUNG GI BAR DU STE BYE BA YONGS SU MI GNAS PA'I PHYIR DANG, DES PHYIR BZLUMS PAR 'GYUR BA'I PHYIR RO, ,ZHES GSUNGS PA'I PHYIR, BZHI PA NI, 'OG GA MTHAR THUG GI YAN LAG BSTAN PA LAS SHES SO, ,LNGA PA NI, 'KHOR LO'I DBYEN GYI SGO NAS DGE 'DUN 'BYED PA'I RTEN GYI SKYES BU DE LA, LAS KYI KHA SKONG DU 'OS PA, LTA BA RNAM DAG YIN MIN GYI KHYAD PAR SHES PA, KHYIM PA DANG DGE SLONG MA SOGS MIN PA, SO SO SKYE BO'I DGE SLONG YIN PA ZHIG DGOS TE, MDZOD LAS, DGE SLONG LTA SPYOD TSUL LDAN PAS, ,'BYED DO ZHES PA DANG, DE'I RANG 'GREL LAS, DGE SLONG GIS 'BYED KYI KHYIM PA YANG MA YIN LA, DGE SLONG MA LA SOGS PA YANG MA YIN NO, ,DE YANG LTA BA SPYAD PA KHO NAS 'BYED KYIS, ZHES GSUNGS PA'I @115A *, ,PHYIR, DES NA SKABS 'DI'I 'BYED PA PO YIN NA, KHA SKONG GI CHOS DANG LDAN PAS KHYAB KYANG, SKABS 'DI'I LAS KYI KHA SKONG BYA MI RIGS PAS KHYAB CING, SO SKYE YIN PAS KHYAB STE, DGE SLONG LHAS SBYIN LTA BU'O, ,RTZA BA'I GNYIS PA BSAM PA'I YAN LAG LA GNYIS LAS, 'DU SHES NI GZHI'I YAN LAG DE LA MA 'KHRUL BA DGOS SO, ,GNYIS PA KUN SLONG NI, BSAM PA THAG PA NAS 'KHOR LO'I DBYEN BYED PAR 'DOD PA'I BSAM PAS KUN NAS BSLANGS PA'O, ,GSUM PA SBYOR BA NI DE'I PHYIR DU GSOL BA'I MA TSUL SHING BRIMS PA SOGS LUS NGAG GANG RUNG GI SGO NAS BYA BA DE LA ZHUGS PA ZHIG DGOS SO, ,BZHI PA MTHAR THUG NI, DGE 'DUN 'KHOR LO'I DBYEN 'BYUNG BA DE LA, DGE 'DUN SDE TSAN GCIG CHOS MIN PHYOGS SU BYE BA ZHIG DGOS LA, DE YANG STON PA SANGS RGYAS DANG DE'I LAM RNAMS SPANGS NAS, LHAS BYIN LTA BU'I STON PA GZHAN DANG, DE'I BSLAB TSIGS LNGA LTA BU'I LAM GZHAN LA BZOD CING MOS PA DANG 'DOD PA DANG, DANG DU LEN PA'I SGO NAS CHOS MIN PHYOGS SU BYE BA DE YIN TE, MDZOD LAS, STON DANG LAM GZHAN LA BZOD PA, ,BYE BA'O ZHES PA DANG, DE'I RANG 'GREL LAS, GANG GI TSE DE DAG GIS DE BZHIN GSHEGS PA LAS GZHAN PA'I STON PA DANG, DES BSTAN PA'I LAM LAS GZHAN PA'I LAM LA BZOD NA, DE TZAM GYIS DGE 'DUN BYE BA ZHES BRJOD DO, ,ZHES GSUNGS PA'I PHYIR, DGE 'DUN 'KHOR LO'I DBYEN DE YUN JI SRID CIG GNAS SHE NA, DE NI ZHAG GCIG TU YANG MI GNAS TE, DE BYUNG NAS SANG GI SKYA RENGS MA SHAR GONG DU MCHOG ZUNG GCIG GIS BZLUMS BA RTEN 'BREL GYI CHOS NYID KYI DBANG GIS YIN PA'I PHYIR TE, MDZOD 'GREL LAS, BYE NAS DUS JI SRID DU 'JUG CE NA, DE NYID KYI NUB GCIG TU DE NI MI GNAS SO, ,DGE 'DUN BYE NA GDON MI ZA BAR NAM MA LANGS PA NYID DU DGE 'DUN SLAR BZLUMS PAR 'GYUR RO, ,ZHES GSUNGS PA'I PHYIR, SPYIR DGE 'DUN GYI DBYEN DE LA, DAG 'DUN GYI LAS KYI DBYEN DANG, LTA BA 'KHOR LO'I DBYEN GNYIS YOD CING, DE GNYIS 'BYUNG BA'I DUS KYI KHYAD PAR YOD DE, DANG PO DE STON PA ZHAL MA BZHUGS PAR YANG 'BYUNG LA, PHYI MA DE STON PA ZHAL BZHUGS PA'I DUS KHO NAR @115B 'BYUNG BA YIN PA'I PHYIR, DE GNYIS RGYUD LA LDAN PA'I RTEN GYI GANG ZAG LA KHYAD PAR YOD DE, DANG PO DE RGYUD LA LDAN PA'I DGE SLONG MA YOD PA GANG ZHIG ,PHYI MA DE DGE SLONG PHA KHO NA'I RGYUD LA YOD PA'I PHYIR, DANG PO GRUB STE, RTZA BAR, DGE 'DUN 'BYED PA LA SOGS PA BZHI NI, DGE SLONG MA'I SKABS LAS SO, ,ZHES PAS, DBYEN GYI LHAG MA'I LTUNG BA, DE RJES PHYOGS KHYIM SUN 'BYIN BKA' BLO MI BDE BA'I LHAG MA'I LTUNG BA RNAMS, DGE SLONG MA'I RGYUD LA YOD PAR BSTAN PA'I PHYIR TE, LUNG DE'I DON GRUB PA'I PHYIR, RTZA RTAGS GNYIS PA GRUB STE, 'KHOR LO'I DBYEN DE STON PA SANGS RGYAS LA 'GRAN 'DOD KYIS KUN NAS BSLANGS TE BSGRUB PA GANG ZHIG ,STON PA SANGS RGYAS DE DGE SLONG PHA YIN PA'I PHYIR, RTAGS GNYIS KA GRUB STE, MDZOD KYI RANG 'GRE LAS, DGE SLONG GIS 'BYED KYI KHYIM PA YANG MIN LA, DGE SLONG MA LA SOGS PA YANG MIN NO, ,ZHES PA DANG, 'GREL BSHAD LAS, SANGS RGYAS NI DGE SLONG YIN LA, DBYE BA PO NI DE LA 'GRAN BDO BA YIN NO, ,ZHES GSUNGS PA'I PHYIR, DGE 'DUN DBYEN DANG, DBYEN GYI MTSAMS MED GNYIS LA KHYAD PAR YOD DE, DANG PO DE DGE 'DUN SDE GNYIS THUGS MI MTHUN PAR BYED PA'I LDAN MIN 'DU BYED DANG, MA SGRIB LUNG MA BSTAN YIN ZHING, DE NI DGE 'DUN SDE GNYIS KA'I RGYUD LA YOD PA GANG ZHIG ,PHYI MA DES DMYAL BA'I SKYE BA 'PHEN PAR BYED CING, DE DBYEN SGRUBS MKHAN GYI SKYES BU'I RGYUD LA YOD PA'I PHYIR, DANG PO GRUB STE, MDZOD LAS, DGE 'DUN DBYEN NI MI 'PHROD PA'I, ,RANG BZHIN LDAN PA MA YIN CHOS, ,NYON MONGS CAN MIN LUNG BSTAN MIN, ,DE DANG DGE 'DUN YANG DAG LDAN, ZHES GSUNGS PA'I PHYIR, PHYI MA GRUB STE, MDZOD LAS, DE YI KHA NA MA THO RDZUN, ,DE DANG 'BYED PO YANG DAG LDAN, ZHES GSUNGS PA'I PHYIR, NGAG DON NI, DGE 'DUN 'KHOR LO'I DBYEN 'BYUNG BA'I TSUL YOD DE, CHOS THAR LAM LAS GZHAN, LHAS BYIN GYI BSLAB TSIGS LNGA DANG DU LEN DGOS PAR 'DOMS PA'I SGO NAS 'BYED PAR BYED PA'I PHYIR RO, ,GZHAN LUGS DGAG PA NI, MTHONG LAM SHES BZOD SKAD CIG RMA BCU DRUG PO 'DI RTOGS PA'I CHOS 'KHOR YIN ZHE NA, DE MI 'THAD PAR THAL, MTHONG LAM DU GYUR PA'I BCU DRUG PA LAM RJES SHES MED PA'I PHYIR TE, @116A *, ,SHES BZOD SKAD CIG BCO LNGA PO KHO NA MTHONG LAM YIN PA'I PHYIR TE, MDZOD LAS, DE LA SKAD CIG BCO LNGA NI, MA MTHONG MTHONG PHYIR MTHONG BA'I LAM, ZHES PA DANG, DE'I RANG 'GREL LAS, SKAD CIG MA BCO LNGA PO DE DAG NI MTHONG BA'I LAM YIN NO, ,CI'I PHYIR ZHE NA BDEN PA MA MTHONG BA MTHONG BA'I PHYIR RO, ,ZHES GSUNGS PA'I PHYIR, GZHAN YANG, MTHONG LAM DU GYUR PA'I BCU DRUG PA LAM RJES SHES MED PAR THAL, BCU DRUG PA LA MA RJES SHES DE SGOM LAM YIN PA'I PHYIR TE, MDZOD KYI RANG 'GREL LAS, BCU DRUG PA LA NI SNGON MA MTHONG BA BLTA BAR BYA BA MED KYI JI LTAR MTHONG BA GOMS PAR BYED PA'I PHYIR SGOM PA'I LAM KHO NA YIN NO, ,ZHES PA DANG, YANG DE NYID LAS, RGYUN CHAGS PA YIN PAS LAM LA RJES SU SHES PA NI SGOM PA'I LAM YIN NO, ,ZHES GSUNGS PA'I PHYIR, MKHAS PA KHA CIG ,SHAR LUS 'PHAGS PO DANG, NUB BA LANG SPYOD PA'I RTEN CAN GYI 'KHOR RNAM BZHI DANG, DGE 'DUN GRANGS TSANG BA MED ZER NA, DE YOD PAR THAL, DE GNYIS KA'I RTEN LA SO THAR GYI SDOM PA GSAR DU SKYE BA YOD PA'I PHYIR TE, RGYA CHER 'GREL LAS, MA MA YIN PA'I 'GRO BA PA DANG, ZHES SOGS KYI SHUGS BSTAN GRUB PA'I PHYIR RO, ,KHA CIG ,DGE 'DUN 'KHOR LO'I DBYEN GYI CHE GANG 'BYED PAR BYA BA'I YUL GYI DGE SLONG DE LA SO SKYE'I DGE SLONG YIN PA ZHIG DGOS ZER NA, DE MI 'THAD PAR THAL, DE 'BYED PA'I YUL DU GYUR PA'I 'PHAGS PA YOD PA'I PHYIR TE, DE'I 'BYED YUL DU GYUR PA'I CHOS PHYOGS PA'I DGE 'DUN YOD PA'I PHYIR TE, DGE 'DUN 'KHOR LO'I DBYEN GYI LAS DE STON PA SANGS RGYAS KYI RJES 'BRANG LAS, DGE 'DUN SDE TSAN CHOS MIN PHYOGS SU 'BYED PA'I LAS YIN PA'I PHYIR, tIK CHEN RIN CHEN PHRENG BA LAS, CHOS MA YIN PA SMRA BA DAG GIS, ZHES SOGS KYI DON GRUB PA'I PHYIR, KHA CIG ,LAS KYI DBYEN GYI RTEN LA KHA SKONG GI CHOS DANG LDAN PA DGOS ZER NA, DE MI DGOS PAR THAL, DBYEN GYI LHAG MA SKYED PA LA 'BYED PA PO KHA SKONG GI CHOS DANG LDAN PA MI DGOS PA'I PHYIR TE, BSLAB BYIN DGE SLONG DE DBYEN BYED LHAG MA SKYED PA'I RTAN DU RUNG BA'I PHYIR TE, LUNG ZHU BA LAS, DGE SLONG LA JI LTA BA BZHIN DU DGE SLONG MA DANG @116B BSLAB PA BYIN PA LA YANG DGE 'DUN LHAG MAR 'GYUR RO, ,ZHES GSUNGS PA'I PHYIR, KHA CIG ,DBYEN BYED LHAG MA SKYED PA LA SANGS RGYAS ZHAL BZHUGS PA DGOS ZER NA, 'O NA, DING SANG GI DUS SU DBYEN BYED LHAG MA SKYED PA MED PAR THAL, DAM BCA' DE'I PHYIR, 'DOD MI NUS TE, DING SANG GI DUS SU LAS KYI DBYEN BYAS PA'I DBYEN BYED LHAG MA SKYED PA YOD PA'I PHYIR, DGE SLONG MA'I RTEN LA LAS KYI DBYEN BYAS PA'I DBYEN BYED LHAG MA SKYED PA YOD PA'I PHYIR TE, DGE SLONG MA'I RTEN LA DBYEN BYED LHAG MA SKYED PA YOD PA GANG ZHIG ,DE'I RTEN LA LTA BA 'KHOR LO'I DBYEN BYAS PA'I DBYEN BYED LHAG MA SKYED PA MED PA'I PHYIR, DANG PO GRUB STE, RTZA BAR, DGE 'DUN 'BYED PA LA SOGS PA BZHI NI DGE SLONG MA'I SKABS LAS SO, ,ZHES GSUNGS PA'I PHYIR, GNYIS PA DER THAL, SPYIR LTA BA 'KHOR LO'I DBYEN BYAS PA'I DBYEN BYED LHAG MA SKYES PA'I RTEN GYI SKYES BU MED PA'I PHYIR TE, DGE SLONG LHAS BYIN DE DE SKYED PA'I RTEN GYI SKYES BU MA YIN PA GANG ZHIG ,DGE SLONG LHAS BYIN LAS GZHAN PA'I DGE SLONG GIS, DGE 'DUN 'KHOR LO'I DBYEN MA SGRUBS PA'I PHYIR, DANG PO GRUB STE, DGE SLONG LHAS BYIN DE BSLAB PA DE BCAS PA'I LAS DANG PO PA YIN PA'I PHYIR, KHYAB STE, RTZA BAR, MA BCAS PA LA YANG NGO, ,ZHES GSUNGS PA'I PHYIR, GONG GI RTAGS GNYIS PA GRUB STE, THAMS CAD MKHYEN PA DGE 'DUN GRUB PA'I GSUNG RGYUN MDZOD KYI tIKKA LAS, DBYEN 'DI YANG BSTAN BCOS PA DAG SNGON GYI LAS LA RAG LAS PA'I PHYIR, SANGS RGYAS THAMS CAD LA 'BYUNG BA MA YIN TE, STON PA SH'AKYA THUB PA NI SNGON BYANG CHUB SEMS DPAR GYUR PA NA, DRANG SRONG MNGON SHES LNGA DANG LDAN PA ZHIG GI 'KHOR BYE BAS, DE'I RNAM PAR SMIN PA PHYI MA YIN NO, ,ZHES 'CHAD DO, ,ZHES GSUNGS PA'I PHYIR, DES NA DGE 'DUN 'KHOR LO'I DBYEN DE LA BRTEN NAS BYUNG BA'I LHAG MA'I LTUNG BA MED PAR NGES SO,, ` 'KHRUG LONG GI RGYU BZHI'O, ,ZHES SOGS KYI SKABS SU, 'BREL PA CAN GYI GZHUNG DON SPYIR BSTAN PA LA, RTZOD PA'I RGYU NGOS BZUNG BA, RTZOD PA'I NGO BO, RTZOD PA'I DBYE BA, RTZOD PA ZHI BYED, RTZOD PA MTHAR BSKYAL BA DANG LNGA LAS, DANG PO LA, DE'I RGYU NANG NA GNAS PA DANG, PHYI NA GNAS PA GNYIS LAS, 'DOD @117A *, ,CHAGS DANG, KHONG KHRO LA SOGS PA'I RTZA NYON DANG, NYE NYON RNAMS LA RTZOD PA'I RGYU NANG NA GNAS PA ZHES BRJOD PA'I RGYU MTSAN YOD DE, DE RNAMS SKYES BU'I SHES RGYUD KYIS BSDUS SHING, DE RNAMS LA BRTEN NAS RANG 'BRIS RTZOD PA 'BYUNG BA'I RGYU MTSAN GYIS DE LTAR BRJOD PA YIN PA'I PHYIR, DNGOS PO'I DE BZHIN NYID LA LOG PAR SGRUB PA DANG, GDAMS NGAG LA SOGS PA SPONG BA, LTUNG BA DANG BCAS PA, LAS LA MTHUN PA MI SBYIN PA DANG, BZHI PO 'DI LA, RTZOD PA'I RGYU PHYIN YOD PA ZHES BRJOD PA'I RGYU MTSAN YOD DE, DE RNAMS SO SKYE THA MAL PAS MNGON SUM DU GTAN LA 'BABS NUS SHING, DE RNAMS LA BRTEN NAS RTZOD PA 'BYUNG BA'I RGYU MTSAN GYIS DE LTAR BRJOD PA YIN PA'I PHYIR, DE YANG, CHOS BDAG MED PA LA DE YOD CES PA DANG, 'DUS BYAS MI RTAG PA LA DE RTAG GO ZHES LOG PAR SGRUB PA NI, SKABS KYI SNGA RGOL DANG PHYI RGOL GNYIS DE LTAR YIN MIN SHAGS 'GYED PA'I PHYIR 'BYED PHYIR RTZOD PA'I RGYU ZHES BRJOD DO, ,GDAMS NGAG DANG GSO SBYONG DANG DGAG DBYE BZHAG PA'I SGO NAS GZHAN SPONG BA NI, DE DAG 'JOG MKHAN RNAMS DANG BZHAG PA DE GNYIS DE DAG 'JOG RIGS MI RIGS KYI RTZOD PA 'BYUNG BAS DE LA MI GDAMS PHYIR RTZOD PA'I RGYU ZHES BRJOD DO, ,GLENG BYA LA GSO RUNG GI LTUNG BA DANG BCAS PA NI, GLENG BYED KYIS GLENGS, GLENG BYAS KHAS MI LEN PA'I SGO NAS RTZOD PA 'BYUNG BAS, DE LA LTUNG PHYIR RTZOD PA'I RGYU ZHES BRJOD DO, ,GSOL BA 'BA' ZHIG PA LA SOGS PA'I LAS LA 'DU BA MI STER BA NI BYA BA LAS LA 'DU RIGS MI RIGS RTZOD PA 'BYUNG BAS, DE LA NI BYA PHYIR RTZOD PA'I RGYU ZHES BRJOD DO, ,DE LTAR YANG tIK CHEN RIN CHEN PHRENG BA LAS, CHOS YIN MIN DANG RTAG MI RTAG SOGS DNGOS PO'I DE BZHIN NYID DAM GNAS LUGS LOG PAR SGRUB PA DANG, GDAMS NGAG LA SOGS PA 'JOG PAS GZHAN SPONG BA DANG, LTUNG BA SDE LNGA DANG BCAS PA NYID LA BYAS MA BYAS DANG, LUS KYI LTUNG BA YIN GYI NGAG DANG SEMS KYI MIN PA SOGS DANG, GSOL BA LA SOGS PA'I LAS LA MI SBYIN PA'O, ,DE BZHI LAS RIM PA BZHIN, 'GYED PHYIR RTZOD PA DANG, MI GDAMS PHYIR RTZOD PA DANG, LTUNG PHYIR RTZOD PA DANG, BYA PHYIR RTZOD @117B PA RNAMS 'BYUNG NGO, ,ZHES GSUNGS PA'I PHYIR, GNYIS PA NI, DGRA BOS MI MTHUN PAR SMRA BA'I TSIG GI PHYIR SEMS GZHOL BA'I 'KHON 'DZIN GYI SHES PA ZHIG GI STENG NAS 'JOG STE, RGYA CHER 'GREL LAS, TSIG GI PHYIR SEMS GZHOL BA DE NI 'KHRUG LONG NGO, ,ZHES GSUNGS PA'I PHYIR, KHO NA RE, DE LTAR NA LUNG GZHI LAS, DGE 'DUN SNA TSOGS SU SMRA BA DANG, 'GAL BAR SMRA BA DE LA BRTEN NAS 'THAB PA DANG, MTSANG 'BRU BA DANG, RTZOD PA DANG, 'GYED PA GANG YIN PA DE NI 'GYED PA'I RTZOD PA ZHES BYA'O, ,ZHES GSUNGS PA DANG 'GAL LO ZHE NA, MI 'GAL TE, LUNG DES NI RTZOD PA'I 'BRAS BU LA RTZOD PA'I MING GIS BTAGS NAS BSTAN PA YIN PA'I PHYIR, DPER NA, MAR LA NYI MA'I 'OD PHOG PA LA NYI MA PHOG CES BRJOD PA BZHIN NO, ,GSUM PA NI, RTZOD PA LA DBYE NA, 'GYED PHYIR RTZOD PA, MI GDAMS PHYIR RTZOD PA, LTUNG PHYIR RTZOD PA, BYA PHYIR RTZOD PA DANG BZHI YOD DE, RANG GI RNAM BSHAD LAS, RTZOD PA NI RNAM PA BZHI STE, 'GYED PA'I PHYIR RTZOD PA DANG, MI GDAMS PA'I PHYIR RTZOD PA DANG, LTUNG BA'I PHYIR RTZOD PA DANG, BYA BA'I PHYIR RTZOD PA STE, RTZOD PA BZHI PO GANG DAG YIN PA DE DAG GI RANG GI NGO BO NGES PAR BZUNG BA'I PHYIR, ZHES GSUNGS PA'I PHYIR, DE YANG NYER LEN GYI PHUNG PO BDAG YOD MED DANG, MYOS 'GYUR 'THUNGS PA RANG BZHIN DANG BCAS PA DANG 'GAL BA GNYIS GANG YIN LA RTZOD PAR 'GYUR ZHING, DE'I SKABS SU PHAN TSUN TSIG RTZUB PO SMRAS PA LA BRTEN NAS BYUNG BA'I 'KHON 'DZIN DE DANG PO YIN, DE BZHIN DU GDAMS PA DANG RJES SU GDAMS PA MA BYIN PA NA CI'I PHYIR DE DAG MI SBYIN ZHES RTZOD PAR 'GYUR BA SOGS GNYIS PA YIN, DGE SLONG PHA ROL PO LA LTUNG BA BYUNG MA BYUNG DANG, LTUNG BA YANG 'DI 'DRA ZHIG BYUNG MA BYUNG GLENGS PA NA, RTZOD PAR 'GYUR BA SOGS SNGAR BZHIN BYAS PA DE GSUM PA YIN, RTZOD PA DE GSUM GANG RUNG GI DBANG GIS LAS LA MI 'DU NA, CI'I PHYIR LAS LA MI 'DU ZHES RTZOD PAR 'GYUR BA SNGAR BZHIN BYAS PA DE BZHI PA YIN NO, ,BZHI PA NI, RTZOD PA ZHI BYED DE LA 'DUN YOD TE, BAR SDOM LAS, MNGON SUM DRAN PA MA MYOS DANG, ,DE BZHIN GANG MANG NGO BO NYID, ,RTZVA RNAMS BKRAM PA LTA BU DANG, ,KHAS BLANGS PAR YANG BYA BA'O, ,ZHES GSUNGS LA, BDUN PO DE 'DIR BSDUS @118A *, ,NAS BSHAD NA, ZHI BYED GANG RTZOD PA THAMS CAD KYI ZHI BYED DU 'GYUR BA DANG, RTZOD PA GANG LA JI 'DRA ZHIG ZHI BYED DU 'JUG PA DANG, RTZOD PA SO SO LA ZHI BYED SO SOS ZHI BAR BYED PA'I TSUL DANG GSUM LAS, DANG PO NI, 'CHI BZHIN PA DANG, BSLAB PA PHUL BA DANG, RTZA LTUNG 'CHAB BCAS LA 'JUG PA DANG, YUL THAG RING DU SONG BA DANG, NAD KYIS YUN RING POR BTAB PA GANG RUNG LTA BU, RTZOD PA GLENG BA PO DANG, GLENG BYED GNYIS KA'AM, DE GNYIS GANG RUNG ZHIG LA BYUNG NA, DE DAG LAS RE RES KYANG RTZOD PA THAMS CAD ZHI BAR 'GYUR BA YIN TE, RTZA BAR, SROG GAM BSNYEN PAR RDZOGS PA LAS NYAMS NA NYE BAR ZHI BA NYID YIN NO, ,ZHES SOGS DANG, tIK CHEN RIN CHEN PHRENG BA LAS, SROG LAS NYAMS SAM BSNYEN PAR RDZOGS PA LAS NYAMS NA RTZOD PA RANG GI NGANG GI ZHI BA NYID YIN NO, ,ZHES PA NAS, NAD KYI RNAM PA YUN RING POS BTAB NA YANG RTZOD PA RANG ZHI BAR 'GYUR RO, ,ZHES PA'I BAR GSUNGS PA'I PHYIR, GNYIS PA NI, RTZOD PA ZHI BYED BDUN PO GONG DU BSHAD ZIN PA DE THAMS CAD BYA PHYIR RTZOD PA'I ZHI BYED DU 'GYUR STE, LAS LA MTHUN PA SBYIN PA DE RTZOD PA ZHI BYED DNGOS MA YIN KYANG, RTZOD PA ZHI BYED GZHAN RNAMS KYIS, RTZOD PA DE DANG DE ZHI BA'I RJES SU LAS LA MTHUN PA SBYIN PAR 'GYUR BA'I PHYIR TE, RTZA BAR, ZHI BA THAMS CAD NI BYA BA'I PHYIR RTZOD PA LA 'JUG GO ,ZHES PA DANG, DE'I tIK CHEN RIN CHEN PHRENG BA LAS, THAMS CAD NI RGYU'I SGO NAS BYA BA'I PHYIR RTZOD PA LA 'JUG STE, DE'I RGYU ZHI BAR BYED PA'I PHYIR, CES PA NAS, DE BZHIN DU GZHAN RNAMS LA YANG RIG PAR BYA STE, ZHES PA'I BAR GSUNGS PA'I PHYIR RO, ,LUNG DE'I DON NI, DPER NA, SMAN GYIS LUS KYI NAD ZHI BAR BYAS NAS, DE RJES KHA ZAS KYIS LUS RGYAS PAR BYED PA BZHIN DU, 'GYED PHYIR RTZOD PA LA BRTEN NAS LAS LA MTHUN PA MI STER NA DANG POR 'GYED PHYIR RTZOD PA DE, MNGON SUM BDUN DANG, GANG MANG ZHI BYED RNAMS KYIS ZHI BAR BYAS NAS, DE RJES LAS LA MTHUN PA SBYIN DU GZHUG DGOS SO, ,DE BZHIN DU MI GDAMS PHYIR RTZOD PA DANG, LTUNG PHYIR RTZOD PA LA RIGS 'GRE BA NI DE'I DON YIN NO, ,DE THAMS CAD 'THAD DE, LUNG ZHU BA LAS, BTZUN PA BCOM LDAN 'DAS KYIS RTZOD PA BZHI PO GANG DAG GSUNGS @118B PA DANG, RTZOD PA ZHI BA BDUN PO GANG DAG GSUNGS PA DE DAG LA, BTZUN PA DGE SLONG GI RTZOD PA BZHI PO DAG ,RTZOD PA ZHI BAR BGYID PA BDUN PO GANG YANG RUNG BAS NYE BAR ZHI BAR BGYI BA DANG NYE BAR ZHI BAR RUNG NGAM, NYE BAR 'KHOR BYA BA'I PHYIR RTZOD PA MA GTOGS PA MI RUNG NGO, ,ZHES GSUNGS, GSUM PA LA, 'GYED PHYIR RTZOD PA'I ZHI BYED, MI GDAMS PHYIR RTZOD PA'I ZHI BYED, LTUNG PHYIR RTZOD PA'I ZHI BYED, BYA PHYIR RTZOD PA'I ZHI BYED DANG BZHI YOD, DANG PO LA, MNGON SUM BRGYAD DANG GANG MANG GI ZHI BYED GNYIS YOD PA LAS, DANG PO NI, MNGON SUM GYI ZHI BYED DE LA BRGYAD YOD DE, RGOL PHYIR RGOL GYI MNGON SUM, GZU BA'I MNGON SUM, DGE 'DUN BZHI PO'I MNGON SUM, GSAL BA'I MNGON SUM, GSAL BA'I GSAL BA'I MNGON SUM, GNAS BRTAN DANG SO SO THAR PA DANG BCAS PA'I DGE 'DUN GZHAN GYI MNGON SUM, SDE SNOD 'DZIN PA'I MNGON SUM, GNAS BRTAN MTHU LDAN GYI MNGON SUM RNAMS SU YOD PA'I PHYIR, DE RNAMS KYIS RTZOD PA ZHI TSUL JI LTAR YIN ZHE NA, RGOL PHYIR RGOL GNYIS KA NYER LEN GYI PHUNG PO'I STENG DU BDAG YOD PAR KHAS LEN MTHUN PA'AM, DE MED PAR KHAS LEN MTHUN PA'I TSE RTZOD PA DE MNGON SUM GYIS ZHI BA YIN TE, RTZA BAR, RGYU DANG PO LAS BYUNG BA NI RGYUD GCIG TU BYAS PAS NYE BAR ZHI'O, ,ZHES PA DANG, DE'I RANG GI RNAM BSHAD LAS, DANG PO ZHES BYA BA DNGOS PO'I DE BZHIN NYID LOG PAR BSGRUB PA ZHES BYA BA RGYU 'KHRUG LONG GANG LA, DE NI RGYUD GCIG TU BYAS PAS NYE BAR ZHI BAR 'GYUR TE, MNGON SUM GYIS 'DUL BA ZHES BYA BA YANG DE YIN NO, ,ZHES GSUNGS PA'I PHYIR, RTZA 'GREL DE GNYIS KYI TSIG ZUR GYI RGYUD GCIG TU BYAS PAS ZHES BYA BAS NI DE GNYIS KHAS LEN GCIG TU MTHUN PA LA ZER BA YIN NO, ,GNYIS PA NI, DES RTZOD PA DE MA ZHI NA, RGOL PHYIR RGOL GNYIS GANG RUNG GI PHYOGS SU MA LHUNG ZHING ZANG ZING LA CUNG ZAD KYANG MI LTA BA'I GZU BO LAS KYIS BSKOS NAS, DES DE GNYIS 'DOD PA'I PHYOGS GANG RUNG GCIG LA GNOD BYED BRJOD CING, CIG SHOS LA SGRUB BYED BRJOD NAS GANG RUNG GCIG LA 'DOD PA MTHUN PAR BYAS NAS ZHI BAR BYED PA YIN TE, RTZA BAR, 'GYED PA GNYIS RANG GIS MI NUS NA TSOGS PAR DBYUNG BA DAG GIS LEGS PAR SGRUB BO, ,ZHES PA DANG, RANG GI RNAM BSHAD @119A *, ,LAS, GAL TE 'GYED PAR BYED PA DE GNYIS RANG GIS RTZOD PA DE NYE BAR ZHI BAR MI NUS NA TSOGS PAR DBYUNG BA DAG GIS DON DE LEGS PAR SGRUB CING MTHA' GCIG TU BYA'O ZHES BYA BA'I DON TO, ,ZHES PA DANG, tIK CHEN RIN CHEN PHRENG BA LAS KYANG, DNGOS PO'I DE BZHIN NYID LA 'GYED PHYIR RTZOD PA'I RGOL PHYIR RGOL GNYIS, RANG GIS RTZOD PA DE ZHI BAR MI NUS NA TSOGS PAR DBYUNG BA 'DUS PA 'CHAR 'PHOD PA DAG GIS RGYUD GCIG PA'I DON DE LEGS PAR SGRUB BO, ,ZHES GSUNGS PA'I PHYIR, GSUM PA NI, DES MA ZHI NA, RTZOD PA'I THOG MTHA' BAR GSUM LA RGYUS YOD PA'I DGE 'DUN BZHI PO LA RTZOD PA DE PHUL NAS DE DAG GIS GONG BZHIN BYA'O, ,DE LTAR YANG RTZA BAR, DE DAG GIS NYE BAR MA ZHI NA, DGE 'DUN LA DBUL PHO ZHES PA DANG, RANG GI RNAM BSHAD LAS, GZU BO DE DAG GIS RTZOD PA DE NYE BAR MA ZHI NA DGE 'DUN LA DBUL BAR BYA'O, ,ZHES GSUNGS PA'I PHYIR, BZHI PA NI, DES MA ZHI NA DE DAG GIS GSOL GNYIS KYI LAS KYIS TSAD LAS MI NYUNG BA'I GSAL BA BSKOS NAS, DES SNGAR LTAR GNOD BYED BRJOD PA SOGS KYIS ZHI BAR BYA BA YIN TE, RTZA BAR, DES MA NUS NA GSAL BA DAG BSKO'O, ,DGE 'DUN GYIS TSAD LAS MI NYUNG BA DAG GO ,ZHES GSUNGS PA'I PHYIR, DE DGE 'DUN GYIS TSAD LAS MI NYUNG BA BSKO BA'I RGU MTSAN YOD DE, GSAL BA DES GSAL BA'I GSAL BA BSKO DGOS LA, DE LA DGE 'DUN GRANGS MA TSANG NA LAS MI 'CHAGS PA'I PHYIR TE, tIK CHEN RIN CHEN PHRENG BA LAS, DGE 'DUN GYIS TSAD LAS MI NYUNG BA BSKO BA'I DGOS PA NI 'DI YIN NO, ,ZHES GSUNGS PA'I PHYIR, CI'I PHYIR GSAL BA ZHES BYA NA, 'DUL BA'I PHYOGS KYI LUNG RIGS LA LEGS PAR BYANG BA'I RGYU MTSAN GYIS DE LTAR BYA'O, ,LNGA PA NI, DES MA ZHI NA SNGAR GYI GSAL BA DE DAG GIS GSAL BA'I GSAL BA GSOL GNYIS KYI LAS KYIS BSKOS NAS, SNGAR BZHIN GNOD BYED BRJOD PA SOGS KYI SGO NAS ZHI BAR BYA BA YIN TE, RTZA BAR, SDE TSAN DES MA NUS NA RANG GIS GSAL BA DAG BSKO BA NYID DO, ,ZHES PA DANG, tIK CHEN RIN CHEN PHRENG BA LAS, GSAL BA'I SDE TSAN DES RTZOD PA ZHI BAR MA NUS NA, SDE TSAN DE RANG GIS GSAL BA'I GSAL BA DAG LAS KYIS BSKO BAR BYA'O, , @119B ZHES GSUNGS PA'I PHYIR, CI'I PHYIR GSAL BA'I GSAL BA ZHES BYA NA, SNGAR GYI GSAL BA LAS KYANG 'DUL BA'I PHYOGS KYI LUNG RIGS DANG, SHES BYA'I GNAS PHRA MO LA LHAG PAR BYANG BA'I RGYU MTSAN GYIS DE LTAR BRJOD PA YIN NO, ,DRUG PA NI, DES MA ZHI NA GSAL BA'I GSAL BAS, RTZOD PA DE GSAL BA LA GTAD, DES DGE 'DUN BZHI PO LA GTAD, DES RTZOD PA SBED PA PO GANG ZAG GCIG NYID GSOL GNYIS KYI LAS KYIS BSKOS NAS, DE LA RTZOD PA DE GTAD, DES GNAS BRTAN DANG SO SO THAR PA DANG BCAS PA'I DGE 'DUN GYI SDE GZHAN LA SNGAR GYI LO RGYUS RNAMS BRJOD NAS KHYED RNAMS KYIS ZLA BA GSUM TSUN LA RTZOD PA 'DI ZHI BAR MDZOD CIG CES BRJOD NAS GTAD, DE RNAMS KYIS KYANG GANG RUNG LA GNOD BYED BRJOD PA SOGS SNGAR BZHIN BYA BA YIN TE, RTZA BAR, MA NUS SHING GZHAN MI PHYED NA GANG LAS BLANGS PA DE LA DBUL LO, ,PHYIR 'ONGS NA DGE 'DUN BZHI POS RTZOD PA SBED PA PO BSKO'O,, DE GNAS BRTAN DANG BCAS SO SO THAR PA DANG BCAS PA'I DGE 'DUN GZHAN LA DBUL LO, ,SNGAR BYUNG BA BRJOD DE DUS ZLA BA GSUM DU DBUL LO, ,ZHES GSUNGS PA'I PHYIR, BDUN PA NI, DES MA ZHI NA YANG RTZOD PA SPED PA PO LA GTAD DO, ,RTZOD PA SPED PA PO DES SDE SNOD GSUM LEGS PAR SHES ZHING DE LTAR GRAGS PA'I GNAS BRTAN LA SNGAR GYI LO RGYUS RNAMS BRJOD NAS DUS ZLA BA DRUG GI BAR DU RTZOD PA DE GTAD NAS SNGAR BZHIN BYA BA YIN TE, RTZA BAR, DE NI DE'O, ,PHYIR PHUL BA NA, DES MDO SDE DANG 'DUL BA DANG MA MO 'DZIN PA DAG LA'O, ,ZLA BA DRUG TU'O, ,ZHES PA DANG, tIK CHEN RIN CHEN PHRENG BA LAS, RTZOD PA SPED PA DES MDO SDE DANG 'DUL BA DANG MA MO 'DZIN PA DAG LA SNGAR BYUNG BA'I MTHA' BRJOD DO, DUS ZLA BA DRUG TU DBUL LO, ,ZHES GSUNGS PA'I PHYIR, BRGYAD PA NI, DES MA ZHI NA RTZOD PA SBED PA PO LA GTOD CING, DES GNAS BRTAN MKHAS PA CHEN PO DE'I NGAG LA GZHAN GYIS 'DA' MI NUS PA'I GNAS BRTAN MTHU LDAN LA DUS THUG PA MED PAR GTAD NAS, DES THABS SNA TSOGS KYI SGO NAS ZHI BAR BYED PA YIN TE, RTZA BAR, DE DAG GIS GNAS BRTAN MTHU DANG LDAN PA LA'O, ,THUG PA MED PAR RO, ,ZHES PA DANG, RANG GI RNAM BSHAD LAS, MDO SDE 'DZIN PA DANG 'DUL BA 'DZIN PA @120A *, ,DAG GIS RTZOD PA DE NYID PHYIR PHUL BA DE GANG DAG GIS GNAS BRTAN DRAG BA BAS KYANG CHES DRAG PA, GTZO BO BAS KYANG CHES GTZO BO DE LA DBUL BAR BYA'O, ,ZHES PA DANG, tIK CHEN RIN CHEN PHRENG BA LAS KYANG, MDO SDE 'DZIN PA LA SOGS PA DE DAG GIS RTZOD PA PHYIR PHUL BA DE GNAS BRTAN DRAG PA BAS CHES DRAG PA, GTZO BO BAS KYANG CHES GTZO BO MTHU DANG LDAN PA LA DBUL LO, ,SNGAR GYI BYUNG MTHA' BRJOD NAS DUS THUG PA MED PA TSUN CHAD KYIS ZHI BAR MDZAD DU GSOL ZHES DBUL, ZHES GSUNGS PA'I PHYIR, GNYIS PA, GANG MANG ZHI BYED 'OG TU 'CHAD DO, ,RTZA BA'I GNYIS PA MI GDAMS PHYIR RTZOD PA'I ZHI BYED 'DI LA, RGYU DANG BCAS PA'I DE'I ZHI BYED DANG, RGYU MED PA'I DE'I ZHI BYED GNYIS LAS, DANG PO NI, GZU BO LA SOGS PAS YID DPYOD KYIS BRTAGS NAS MNGON SUM GYIS ZHI BAR BYED PA YIN NO, ,GNYIS PA LA, GLENG BA'I GZHI MED PA'I DE'I ZHI BYED DANG, GLENG BA'I GZHI GZHAN RJES SU SGRUB PA'I DE'I ZHI BYED DANG, PHYIR BCOS PA LA MI LTOS PA'I DE'I ZHI BYED DANG, MYOS PAS BYAS PA'I DE'I ZHI BYED DANG BZHI YOD PA LAS, MTHONG THOS DOGS GSUM GYI GZHI CHAGS PA DANG, LTUNG BYED LA DGE 'DUN LHAG MA DANG, LTUNG BA SNGAR PHYIR BCOS BYAS ZIN PA STE, DANG PO GSUM PO DE'I SKABS SU NI, 'DI RNAMS LA LTUNG BA BYUNG NGO ZHES GLENG BAR BYED CING, RTZOD PAR BYED NA, DE DAG LA LTUNG BA BYUNG BA MA DRAN PAS 'DI DAG LA LTUNG BA BYUNG BA MED DO ZHES, LTUNG BA BYUNG BA'I GRAGS PA NGAN PA DE SPANG BA'I PHYIR DU GSOL BZHI'I LAS KYIS DAG RGYA STER BA NI, DRAN PAS 'DUL BA SBYIN PA YIN TE, RTZA BAR, DANG PO GSUM LA NI DRAN PAS 'DUL BA SBYIN NO, ,ZHES PA DANG, RANG GI RNAM BSHAD LAS, GZHI MED PA DANG GZHAN RJES SU SGRUB PA'I DBANG GIS DANG, PHYIR BCOS PA LA MI LTOS PA'I PHYIR ZHES BYA BA GSUM GYIS GLENG BAR BYED PA DE DAG LA NI DGE 'DUN GYI DRAN PAS 'DUL BA SBYIN PAR BYA STE, DE SBYIN NA DGE SLONG DE DAG GIS DRAN PA DANG LDAN PAR 'DZIN GYI, LTUNG BA DANG BCAS PAR MI 'DZIN TE, DE LTAR NA DE'I RTZOD PA NYE BAR ZHI BAR BRJOD PAR BYA'O, ,ZHES PA DANG, tIK CHEN RIN CHEN PHRENG BA LAS KYANG, DANG PO GSUM LA NI GLENG BYA RANG GIS DGE 'DUN LA GSOL BA BTAB NAS DGE 'DUN GYIS DE @120B LA GSOL BZHI'I LAS KYIS DRAN PAS 'DUL BA SBYIN PAR BYA STE, ZHES PA NAS, DES DE'I RTZOD PA NYE BAR ZHI BA YIN NO, ,ZHES PA'I BAR GSUNGS PA'I PHYIR RO, ,PHYI MA MYOS PA'I BYAS PA'I DE'I ZHI BYED NI, MYOS PA'I GNAS SKABS SU CHAD BTUNGS PA LA LTUNG BA GLENG BAR BYED, RTZOD PAR BYED NA, 'DIS MYOS PA'I DUS CHANG BTUNGS KYANG MA MYOS DUS MA BTUNGS BAS LTUNG BA MED CES DGE 'DUN GYIS GSOL BZHI'I LAS KYIS DRAN PAS 'DUL BA SBYIN NA DE DE'I ZHI BYED YIN TE, RTZA BAR, THA MA LA NI, MA MYOS PAS 'DUL BA'O, ,ZHES PA DANG, RANG GI RNAM BSHAD LAS, SMYON PAS BYAS PAS GLENG BA LA NI DGE 'DUN GYIS MA MYOS PAS 'DUL BA SBYIN PAR BYA STE, DE SBYIN NA DGE SLONG DE LA DGE SLONG GIS RANG BZHIN DU GNAS PA NYID DU 'DZIN GYI, LTUNG BA DANG BCAS PAR MI 'DZIN TO, ,ZHES PA DANG, tIK CHEN RIN CHEN PHRENG BA LAS, DGE 'DUN GYIS DE LA GSOL BZHI'I LAS KYIS MA MYOS PAS 'DUL BA SBYIN TE, DE SBYIN NA DGE SLONG DE LA DGE SLONG RNAMS KYIS RANG BZHIN DU GNAS PAR 'DZIN GYI LTUNG BA DANG DBCAS PAR MI 'DZIN PAS RTZOD PA ZHI BAR 'GYUR RO, ,ZHES GSUNGS PA'I PHYIR, RTZA BA'I GSUM PA, LTUNG PHYIR RTZOD PA'I ZHI BYED 'DI LA DBYE NA, NYES PA RANG GI NGO BO SHES PA'I RTZOD PA'I ZHI BYED DANG, NGO BO MI SHES PA'I RTZOD PA'I ZHI BYED GNYIS YOD, DANG PO LA YANG, PHYIR 'PHROS PA MED RGOL PHYIR RGOL GNYIS KHO NA DANG 'BREL BA'I DE'I RTZOD PA ZHI BYED DANG, PHYIR 'PHROS PA DANG BCAS PA NYI TSE BA DANG 'BREL BA'I DE'I RTZOD PA ZHI BYED DANG, PHYIR 'PHROS PA DGE 'DUN MTHA' DAG DANG 'BREL BA'I DE'I RTZOD PA ZHI BYED DANG GSUM YOD CING, DANG PO 'DI LA YANG, LTUNG BA KHAS KYANG MI LEN LA PHYIR BCOS KYANG MI BYED PA'I DE'I RTZOD PA ZHI BYED DANG, LTUNG BA KHAS MI LEN PA KHO NA'I DE'I RTZOD PA ZHI BYED GNYIS YOD PA LAS, DANG PO NI, GLENG BYAS LTUNG BA DE KHAS BLANGS NAS PHYIR BCOS BYAS PA DE, DE 'DRA'I RTZOD PA DE'I ZHI BYED YIN TE, RTZA BAR, DANG PO LA NI KHAS BLANGS PA'I BYA BAS PHYIR BCOS SO, ,ZHES GSUNGS PA'I PHYIR, GNYIS PA NI, GLENG BYAS LTUNG BA YOD PAR KHAS BLANGS PA TZAM NI RTZOD PA DE'I ZHI BYED YIN TE, RTZA BAR, GLENGS PAS KHAS BLANGS PA NI MTHAR THUG PA YIN NO, ,ZHES PA DANG, RANG GI RNAM BSHAD LAS, GANG ZAG GANG LA GLENGS BA DES @121A *, ,LTUNG BA DE KHAS BLANGS NAS DE NI 'DIR RTZOD PA MTHAR THUG PA YIN TE, KHAS BLANGS NA RTZOD PA DE NYE BAR ZHI BAR 'GYUR RO, ZHES PA DANG, tIK CHEN RIN CHEN PHRENG BA LAS KYANG, GANG ZAG GANG LA GLENG BA DES LTUNG BA DE KHAS BLANGS NA RTZOD PA DE MTHAR THUG PA YIN TE, KHAS BLANGS NA RTZOD PA NYE BAR ZHI BA YIN PA'I PHYIR RO, ,ZHES GSUNGS PA'I PHYIR, GNYIS PA NI, RGOL PHYIR RGOL GNYIS KYI PHYOGS SU DGE SLONG RE RE TZAM LANGS NAS DE'I RTZOD PA DE NI PHYIR 'PHROS PA NYI TSE BA DANG BCAS PA'I DE'I RTZOD PA YIN LA, DE NI GZU BO SOGS KYIS YID DPYOD KYIS BRTAGS NAS MNGON SUM GYIS ZHI BAR BYED DGOS TE, RTZA BAR, GNYIS PA LAS NI MNGON SUM GYI 'DUL BAS SO, ZHES PA DANG, RANG GI RNAM BSHAD LAS, PHYIR 'PHROS PA DANG BCAS PA NYI TSE BAS 'KHRUG LONG DU GYUR PA GANG GI 'OG TU MNGON SUM GYIS 'DUL BAS PHYIR BCOS TE, ZHES PA DANG, tIK CHEN RIN CHEN PHRENG BA LAS KYANG, GNYIS PA NYI TSE LAS 'KHRUG LONG DU GYUR PA'I 'OG TU PHYIR BCOS PA NI MNGON SUM GYIS 'DUL BAS RTZOD PA ZHI BAR BYA STE, ZHES PA NAS, MNGON SUM GYIS 'DUL BA ZHES BYA'O, ,ZHES PA'I BAR GSUNGS PA'I PHYIR RO, ,GSUM PA NI, MTSAMS NANG DE NA GNAS PA'I DGE 'DUN THAMS CAD RGOL PHYIR RGOL GNYIS KYI PHYOGS SU CHAD PA'I SGO NAS DE'I RTZOD PA DE NI, PHYIR 'PHROS PA DGE 'DUN MTHA' DAG DANG 'BREL BA'I DE'I RTZOD PA YIN LA, DE'I ZHI BYED NI, DGE 'DUN PHYOGS GNYIS KYI GCIG GIS GCIG LA PHAN TSUN GNYIS KAS PHYIR BCOS BYED LA, DE YANG DGE SLONG MANG PO'I LTUNG BA MANG PO RNAMS DGE SLONG GCIG GIS YUL DGE SLONG GCIG GI DRUNG DU BDAG LA LTUNG BA BYUNG BA GANG YIN PA DANG, DGE SLONG LHAS BYIN DANG MCHOD BYIN SOGS BRJOD PA'I SGO NAS PHYIR BCOS BYED PA NI, RTZVA BCAD NAS, RTZE MO 'THUD DE BKRAMS NAS BZHAG PA DANG 'DRA BA'I RGYU MTSAN GYIS, RTZVA BKRAMS PA LTA BU'I PHYIR BCOS KYIS ZHI BAR BYED PA YIN TE, RTZA BAR, GSUM PA LA NI RTZVA BKRAMS PA LTA BU'O, ,'DI LA MANG PO DAG GI DON DU DGE 'DUN MA YIN PA LA BSHAGS PAR BYA BA DAG NI, GCIG GIS PHYIR BCOS PAR BYA'O, ,DU MA CIG CAR DU YANG NGO, ,GANG YIN PA ZHES SMOS PA DANG SHES PA GNANG BAR BYAS PAS SO, ,PHYOGS GZHAN @121B GYIS KYANG MTHUN PA DE DAG LA'O, ,ZHES PA DANG, RANG GI RNAM BSHAD LAS, DGE 'DUN GTOGS PA THAMS CAD PHYOGS SU RNAM PAR GNAS PA'I DGE 'DUN DU GYUR PA'I DGE SLONG THAMS CAD PHYIR 'PHROS PA DANG BCAS PAS 'KHRUG LONG GI 'OG TU STE, PHYIR BCOS PA NI RTZVA BKRAMS PA'O, ,RTZVA BKRAMS NAS RTZVA THAMS CAD PHAN TSUN RTZE SPROD DU NYAL BA DANG 'DRA BAS 'DI'I MING 'DI YIN NO, ,ZHES PA DANG, tIK CHEN RIN CHEN PHRENG BA LAS KYANG, GSUM PA DGE 'DUN MTHA' DAG DANG 'BREL BA LAS, 'KHRUG LONG DU GYUR PA'I 'OG TU LTUNG BA PHYIR BCOS PA NI, RTZVA BKRAMS PA LTA BUS RTZOD PA ZHI BAR BYED PA YIN TE, ZHES SOGS GSUNGS PA'I PHYIR, GNYIS PA, RANG GI NGO BO MI SHES PA'I RTZOD PA'I ZHI BYED NI, LTUNG BA DRAN PA'I DON DU, KHYAD PAR CAN GYI SPYOD PA LNGA SPONG ZHING, DMAN SPYOD LNGA DANG DU LEN PA'I BYA BA DE, GSOL BZHI'I LAS KYI SGO NAS NGO BO NYID 'TSOL BA SBYIN PA DE DE'I ZHI BYED YIN TE, DE SBYIN PAS LTUNG BA DRAN PA'I SGO NAS SA GZHAN NA GNAS PA LAS GROL BAR 'GYUR BA SHES PAS, LTUNG BA DRAN PA'I DON DU BRTZON 'GRUS RTZOM PAR 'GYUR BA'I PHYIR TE, RTZA BAR, DE NI DE'I NGO BO NYID 'TSOL BA LA PHAN PA YIN PAS DE'I NGO BO NYID TSOL BA DANG MTHUN PA NYID DO, ,ZHES PA DANG, RANG GI RNAM BSHAD LAS, GANG GI PHYIR 'DI BLANGS PAS DE'I NGO BO NYID 'TSOL BAR BYED PA, LTUNG BA DE'I NGO BO NYID YONGS SU SHES NA DGE 'DUN GYIS DE LA BZOD PAR BYAS SHING, DE'I 'OG TU RANG BZHIN DU GNAS PA NYID DU 'GYUR BA YIN NO, ,ZHES PA DANG, tIK CHEN RIN CHEN PHRENG BA LAS, NGES PAR SBYOR BA'I GSOL BZHI'I LAS DE NI LTUNG BA DE'I NGO BO NYID 'TSOL BA LA PHAN PA'I PHYIR, ZHES PA NAS, RANG BZHIN DU GNAS PAR 'GYUR RO, ,ZHES PA'I BAR GSUNGS PA'I PHYIR, RTZA BA'I BZHI PA, BYA PHYIR RTZOD PA'I ZHI BYED NI, LAS LA MTHUN PA SBYIN PA NI BYA PHYIR RTZOD PA'I ZHI BYED DNGOS MA YIN YANG, 'GYED PHYIR RTZOD PA'I ZHI BYED DANG, MI GDAMS PHYIR RTZOD PA'I ZHI BYED, LTUNG PHYIR RTZOD PA'I ZHI BYED RNAMS NI BRGYUD PA'I SGO NAS BYA PHYIR RTZOD PA'I ZHI BYED DU 'GYUR TSUL NI GONG DU BSGRUBS ZIN TO,, ` RTZA BA'I LNGA PA RTZOD PA MTHAR BSKYAL BA NI, 'GYED PHYIR RTZOD PA DE, MNGON SUM DANG GANG MANG ZHI BYED KYIS ZHI BAR MA NUS NA MTHAR GNAS NAS DBYUNG @122A *, ,BA SNGAR BSHAD ZIN TO, ,MIG DMAS PHYIR RTZOD PA DANG, LTUNG PHYIR RTZOD PA GNYIS LA YANG MTHAR 'THAB CING RTZOD PA MA ZHI BA DANG, RGYANGS TE RTZOD PA MA ZHI BA GNYIS YOD PA'I DANG PO LA, BSDIGS PA NAN TUR BYA, DES KYANG MA ZHI NA, 'THAB KROL LA 'BAD PAS MA LOG PA YIN PAS DBYUNG BA BYA'O, ,GNYIS PA LTAR NA, RGYANGS PA DE NI BRNYAS THABS BYED PA YIN PAS, DE LA PHYIR 'GYED NAN TUR BYA ZHING, DES MA ZHI NA PHYIR 'GYED PA LA 'BAD PAS MA LOG PA YIN PAS GNAS DBYUNG BYA'O, ,DE YANG MDOR BSDUS SO, ,'GYED PA GNYIS RANG GIS MI NUS NA, TSOGS PAR DBYUNG BA DAG GIS LEGS PAR SGRUB BO, ,ZHES SOGS KYI SKABS SU, GZU BO BSKO BA'I TSUL BSHAD PA LA, BSHAD BYA'I LUNG 'GOD PA DANG, LUNG GI DON BSHAD PA DANG, GZU BO'I RNAM GZHAG DNGOS BSHAD PA DANG GSUM LAS, DANG PO NI, LUNG MA MO LAS, DGE SLONG CHOS NYI SHU RTZA GNYIS DANG LDAN PA BTZAL BAR BYA STE, NYI SHU RTZA GNYIS GANG ZHE NA, CI CHA DANG LDAN PA DE TSUL KHRIMS DANG LDAN ZHING, DANG PO NAS PHUN SUM TSOGS PA DANG, NGO TSA SHES SHING 'GYOD PA DANG LDAN LA BSDAMS PA DANG, BSLAB PA 'DOD PA DANG, 'DUL BA LA SHIN TU RNAM PAR NGES SHING THOS PA 'DZIN PA STE THOS PA BSAGS PA DANG, LUNG THON PA DANG, RTZOD PA LA MKHAS PA DANG, RTZOD PA KUN NAS SLONG BA LA MKHAS PA DANG, RTZOD PA'I BYE BRAG LA MKHAS PA DANG, RTZOD PA 'GOG PA LA MKHAS PA DANG, RTZOD PA 'GAG NAS PHYIS MI 'BYUNG BA LA MKHAS PA DANG, BSTAN BCOS LA MKHAS PA DANG, GZHI LHAG PAR SPYOD PA LA MKHAS SHING NYES RTZOM MED PAR SMRA BA DANG, NYES RTZOM BYED DU MI 'JUG PA DANG, LUS DANG NGAG GIS MI 'JUG PA DANG, SMRA BAR BYED CING SMRAS PA BRDA 'PHROD PAR BYED PA DANG, GO BAR BYED CING BSGO BA BRDA 'PHRAD PAR BYED PA DANG, RNAM PAR RIG PAR BYED CING RNAM PAR RIG PAR BYAS PA BRDA 'PHROD PAR BYED PA DANG, NGES PAR RTOG PAR BYED CING BRTAGS PA BRDA 'PHROD PAR BYED PA DANG, 'DUN PAS 'GRO BA MA YIN PA DANG, ZHE SDANG GIS 'GRO BA MA YIN PA DANG, GTI MUG GIS 'GRO BA MA YIN PA DANG, 'JIGS PAS 'GRO BA MA YIN PA STE GZU BO CHOS NYI SHU RTZA GNYIS PO DE DAG DANG LDAN PA NI, CHOS KYI LONGS SPYOD DANG ZANG @122B ZING GI LONGS SPYOD KYI PHYOGS GNYIS KA LA MI BRTEN PA YIN NO, ,ZHES GSUNGS SO, ,GNYIS PA NI, CI TSE DANG LDAN PA DE, ZHES PA NAS, PHUN SUM TSOGS PA DANG, ZHES PA'I BAR GYIS GZU BO BSKO YUL GYI RTEN DE LA BSNYEN RDZOGS KYI SDOM PA THOB LA MA NYAMS PA ZHIG DGOS PAR BSTAN TO, ,NGO TSA SHES CES PA NAS BSDAMS PA DANG, ZHES PA'I BAR GYIS, NGO TSA KHREL YOD KYIS BSDAMS PAS LTUNG BAS MA GOS PA ZHIG DGOS PAR BSTAN TO, ,RTZOD PA LA MKHAS PA DANG, ZHES PA NAS, PHYIS MI 'BYUNG BA LA MKHAS PA DANG, ZHES PA'I BAR GYIS LUNG SDE TSAN LNGA PO 'DIS GO RIM BZHIN DU, RTZOD PA'I NGO BO NGOS 'DZIN PA LA MKHAS PA DANG, DE BZHIN DU RTZOD PA'I RGYU NGOS 'DZIN PA LA MKHAS PA DANG, RTZOD PA'I NANG TSAN GYI BYE BRAG LA MKHAS PA DANG, RTZOD PA 'GOG PA ZHI BYED KYI CHOS LA MKHAS PA DANG, RTZOD PA ZHI BA'I RJES SU SKYON SOGS MI 'BYUNG BA LA MKHAS PA LNGA PO DE DAG DANG LDAN PA ZHIG DGOS PAR BSTAN TO; ;BSTAN BCOS LA MKHAS PA DANG, ZHES PAS, BSTAN BCOS GZHAN LA YANG MKHAS PA ZHIG DGOS PAR BSTAN TO, ,GZHI LHAG PAR SPYOD PA, ZHES PA NAS, NYES RTZOM MED PAR SMRA BA DANG, ZHES PA'I BAR GYIS, NYES RTZOM MED PA STE RANG LA DBYE BA'I BSAM PA MED CING 'GYED PHYIR RTZOD PA'I RGOL PHYIR RGOL GNYIS KYI RTZA BAR RTZOD PA DBYUNG BA'I TSIG SMRA BA ZHIG DGOS PAR BSTAN TO, ,NYES RTZOM BYED DU MI 'JUG PA DANG, ZHES PAS, DE GNYIS LA GZHAN GYI NYES RTZOM STE NYE RING BYED DU MI 'JUG PA ZHIG DGOS PAR BSTAN TO, ,LUS DANG NGAG GIS MI 'JUG PA DANG, ZHES PAS, GZHAN RTZOD PA BYED PA'I GROGS LUS NGAG GANG GI SGO NAS KYANG MI BYED PA ZHIG DGOS PAR BSTAN TO, ,SMRA BAR BYED CING, ZHES SOGS KYIS PHAN TSUN SKAD RIGS MTHUN PAR SMRAS PAS BRDA 'PHROD PA ZHIG DGOS PAR BSTAN TO, ,GO BAR BYED CING, ZHES SOGS KYIS PHAN TSUN DE LTAR SMRAS PAS BRDA 'PHROD PAR MA ZAD DON GO BA ZHIG DGOS PAR BSTAN TO, ,RNAM PAR RIG PAR BYED CING, ZHES SOGS KYIS, BSAM BYUNG GI SGO NAS GZHAN LA GO BAR BYED PA DANG, GO BA LEN PAR BYED PA ZHIG DGOS PAR BSTAN TO, ,NGES PAR RTOG PAR BYED CING ZHES SOGS KYIS SGOM BYUNG GIS GZHAN LA GO BAR BYED PA DANG GO BA LEN PAR BYED PA ZHIG DGOS @123A *, ,PAR BSTAN TO, ,DE MAN CHAD KYIS 'DUN PAS 'GRO BA SOGS 'GRO BA BZHI PO RE RE NAS MA YIN PA ZHIG DGOS PAR BSTAN TO, ,GSUM PA NI, GZU BO BSKO YUL DE LA SNGAR BSHAD PA'I CHOS NYI SHU RTZA GNYIS KYI STENG DU DGE SLONG PHA YIN PA LUS THA MAL DU GNAS PA, SNGAR BZU BOR BSKOS PA MIN PA, ,BSKOR BAR 'OS PA STE, CHOS NYI SHU RTZA DRUG DANG LDAN PA ZHIG DGOS TE, RTZA BAR, GZU BO DAG LA 'DRENG BAR BYA'O, ,ZHES PA NAS, BRDA 'PHROD PAR BYED PA'O, ,MKHAS PA'O, ,ZHES PA'I BAR GSUNGS PA'I PHYIR, DE BSKO BA'I YUL TSOGS SU MA LONGS PA ZHIG DGOS TE, RTZA BAR, TSOGS KYIS MI BYA'O, , ZHES GSUNGS PA'I PHYIR, RTEN GANG GIS BSKON PA'I DGE 'DUN CHOS BZHI LDAN GYIS BSKO'O, ,CHO GA LA GSUM LAS SBYOR BA 'DU BA'I SKABS BSGRUB PA DANG, SPRO BA DRI BA, DNGOS GZHI GSOL GNYIS KYI LAS BYA BA, MJUG CHOG NI MJUG SDUD BRJOD PA'O,, ` CHES MANG BA'I BLOS LEGS PAR BZHAG PA NI, LEGS PAR BSGRUB PA'I RNAM PA GZHAN YIN NO, ZHES PAR, GANG MANG ZHI BYED KYI RNAM GZHAG BSHAD PA LA, GZHI GANG LA BYA BA DANG, BYED PA PO GANG GIS BYA BA, TSUL JI LTAR BYA BA DANG GSUM LAS, DANG PO NI, CHOS LNGA LDAN LA BYA DGOS SHING, DE YANG 'DI LTA BU CHOS YIN NAM MIN ZHES RTZOD PA DANG, 'DI LTA BU 'DUL BA YIN NAM MIN ZHES RTZOD PA LTA BU CHOS RNAM PAR GTAN LA 'BEBS PA GRUB MTHA' LA RTZOD PA'I TSE GANG MANG GI ZHI BYED 'DI, RTZOD PA ZHI BYED DU 'JUG PA YIN GYI, DGE SLONG 'GA' ZHIG LA LTUNG BA BYUNG MA BYUNG LTA BU'I TSUL KHRIMS GTAN LA 'BEBS PA'I SKABS KYI RTZOD PA'I TSE, GANG MANG ZHI BYED 'DI RTZOD PA'I ZHI BYED DU MI 'JUG STE, RTZA BAR, 'DI NI CHOS RNAM PAR GTAN LA DBAB PA LA SRID KYI TSUL KHRIMS RNAM PAR GTAN LA DBAB PA LA NI MI SRID DO, ,ZHES PA DANG, RANG GI RNAM BSHAD LAS, CI 'DI CHOS MIN NAM 'ON TE CHOS YIN, 'DUL BA YIN NAM 'ON TE 'DUL BA MIN ZHES BYA BA LA SOGS PA CHOS RNAM PAR GTAN LA DBAB PA LA YIN GYI, TSUL KHRIMS RNAM PAR GTAN LA DBAB PA LA NI MA YIN NO, ,ZHES PA DANG, tIK CHEN RIN CHEN PHRENG BA LAS KYANG, CHES MANG BA'I BLOS LEGS PAR BZHAG PA 'DI NI CHOS YIN NAM MIN, ZHES PA NAS, GLENG BYA GLENG BYED GNYIS KHO NA'I RGYUD DANG 'BREL BA YIN PA'I PHYIR ZHES @123B PA'I BAR GSUNGS PA'I PHYIR RO, ,CHOS GNYIS PA NI, RGOL PHYIR RGOL GNYIS KYIS SHES SHING RTZOD PA DE GCES PAR BZUNG BA DANG, MI PHYED PA'I DAM PAR MNGON ZHEN GYIS BZUNG BA LA GANG MANG ZHI BYED 'DI ZHI BYED DU 'JUG STE, 'DI LAS GZHAN GYI BZHI BYED BYAS NA DGE 'DUN BYE BA'I RKYEN DU 'GYUR BA'I PHYIR DANG, RGOL BA DANG PHYIR RGOL BA DAG GIS GCES PAR BZUNG BA NYID DANG RAB TU DAM PA NYID DANG MI BZAD PA NYID YIN ZHING, ZHES GSUNGS PA'I PHYIR, CHOS GSUM PA NI, DGE 'DUN BYE BAR DOGS PA'I RTZOD PA LA GANG MANG ZHI BYED 'DI 'JUG STE, RTZA BAR, DE DAG BYE BAR DOGS PA NYID KYIS DE LA BRTEN PAR BYA'O, ,ZHES GSUNGS PA'I PHYIR, CHOS BZHI PA NI, LTUNG BAR 'GYUR MI 'GYUR LA RTZOD NA, BSDAM BYA'I NYES BYAS SU 'GYUR MI 'GYUR GYI DON LAS GZHAN PA YIN MIN LA RTZOD PA'I TSE GANG MANG GI ZHI BYED 'DI ZHI BYED DU 'JUG STE, BSDAM BYA'I NYES BYAS NI PHRAN TSEGS SU ZAD PA'I PHYIR TE, RTZA BAR, BYA BA NYID MA YIN PA'I DON LA'O, ZHES PA DANG, RANG GI RNAM BSHAD LAS, BSDAM PAR BYA BA'I DON YIN NA DE LA NI RNAM PA 'DI LA BRTEN PAR MI BYA STE, PHRAN TSEGS TZAM DU ZAD PA'I PHYIR RO, ,ZHES PA DANG, tIK CHEN RIN CHEN PHRENG BA LAS, BSDAM BYA YIN MIN TZAM LA MI BYA STE, PHRAN TSEGS TZAM YIN PA'I PHYIR, ZHES GSUNGS PA'I PHYIR; DES NA BSHAGS PAR BYA BA'I LTUNG BA YAN CHAD YIN YIN LA RTZOD PA NA GANG MANG ZHI BYED 'JUG PA YIN NO, ,CHOS LNGA PA NI, GANG LA ZHI BYED 'DI BYED PA LA MNGON SUM BRGYAD SNGON DU BTANG NAS DES MA ZHI NA 'JUG STE, RTZA BAR, GNAS BRTAN GYI MTHAR THUG PA DAG YONGS SU NYON MONGS PAR GYUR PA DAG LA'O, ,ZHES PA DANG, RANG GI RNAM BSHAD LAS, DGE 'DUN BZHI PO DANG GSAL BA LA SOGS PA'I RIM GYIS GNAS BRTAN GYI MTHAR THUG PA'I BAR DAG GIS NYON MONGS PA BRTZAL KYANG NYE BAR MA ZHI BAR GYUR PA NYID YIN NA 'DI BSTEN PAR BYA'O, ,ZHES PA DANG, tIK CHEN RIN CHEN PHRENG BA LAS, DGE 'DUN BZHI PO LA SOGS PA NAS GNAS BRTAN GYI MTHAR THUG PA DANG, ,CES PA NAS, MA ZHI BA DAG LA 'DI BYA'O, ,ZHES PA'I BAR GSUNGS PA'I PHYIR DANG, DE LAS GZHAN DU DGE 'DUN RTZOD PAR 'GYUR BA'I PHYIR RO, ,RTZA BA'I GNYIS PA BYED PA PO GANG GIS BYA BA NI, RTZOD PA'I THOG MTHA' BAR GSUM RGYUS YOD PA'I @124A *, ,DGE 'DUN BZHI PO RNAMS KYIS BYA DGOS TE, DE DAG LA RTZOD PA DE RGYUS YOD PA'I RGYU MTSAN GYIS TSUL DANG MTHUN PAR TSUL SHING LEN PAR 'GYUR BA'I PHYIR TE, RTZA BAR, DGE 'DUN BZHI POS SO ZHES PA DANG, RANG GI RNAM BSHAD LAS, DON 'DI LA CHES MANG PO DAG LA BGRANG BA JI LTAR SHES PAR BYA ZHE NA DE'I PHYIR 'DI LA TSUL SHING BRIMS PAS BLOS BZUNG BAR BYA BA NYID DO, ,ZHES PA DANG, tIK CHEN RIN CHEN PHRENG BA LAS, GANG GIS 'DI LA BRTEN PAR BYA ZHE NA, DGE 'DUN BZHI POS SO, ,ZHES GSUNGS PA'I PHYIR, RTZA BA'I GSUM PA, TSUL JI LTAR BYA BA LA, SBYOR BA DANG, DNGOS GZHI GNYIS DANG PO LA, TSUL SHING 'BRIM PA PO BSKOS NAS DES DGE 'DUN LA 'DU BAR GSOL BA DANG, 'DU BA'I SKABS RJES SU SGRUB PA GNYIS LAS, DANG PO NI, DGE 'DUN GYIS TSUL SHING 'BRIM PA'I DGE SLONG SPRO BA DRIS NAS GSOL GNYIS KYI LAS KYIS BSKOS NAS, DES CHOS KYI TSUL SHING BSLAB GSUM MTSON BYED YA YO DANG, KHYAR KHYOR DANG, CAS CUS GSUM MED PA KHA DOG BZANG BA DRI ZHIM PA REG NA 'JAM PA RNAMS DANG, CHOS MIN PHYOGS KYI TSUL SHING NI SNGA MA LAS BZLOG PA TSAGS SU GZHUG GO ,GNYIS PA NI, TSUL SHING BRIMS PAR BSKOS PA'I DGE SLONG DES, TSUL SHING 'BRIM PAR 'GYUR GYI DGE 'DUN THAMS CAD 'DU BAR MDZAD DU GSOL ZHES GSOL BA BTAB PAR BYA BA YIN NO, ,GNYIS PA NI, 'DU BA SBYIN PA'I SGO NAS DGE 'DUN 'OS PA RNAMS TSOGS PA NA, CHOS MIN PA MANG BAR SEMS NA TSUL SHING MI BRIMS SHING, CHOS PHYOGS PA MANG BAR SEMS NA BRIMS PAR BYA LA, GAL TE DE GNYIS GRANGS MNYAM NA, NYAN THOS CHEN PO KUN SHES KO'U DI N+YA'I PHYIR DU CHOS KYI TSUL SHING GCIG CHOS PHYOGS PAS BLANG NGO, ,CHOS PHYOGS PA'I TSUL SHING MANG NA RTZOD PA DE CHOS PHYOGS SU ZHI BA YIN CING, DE LA SKYO SNGOGS BYAS NA LTUNG BYED SKYED DO, ,GAL TE DE'I TSE CHOS MIN PHYOGS PA'I TSUL SHING MANG NA RTZOD PA CHOS MIN PHYOGS SU ZHI BA YIN CING, DE LA SKYO SNGOGS BYAS NA NYES BYAS SKYED DO, ,DE LTAR YANG, RTZA BAR, TSUL SHING BRIMS PA BSKO BAR BYA'O, ZHES SOGS DANG, tIK CHEN RIN CHEN PHRENG BA LAS, DGE 'DUN GYIS TSUL SHING BRIMS PA'I DGE SLONG SPRO BAR BYAS NAS, GSOL GNYIS KYI @124B LAS KYIS BSKO BAR BYA'O, ZHES PA NAS, CHOS KYI LHAG PAR SEMS NA BRIMS PAR BYA'O, ,ZHES PA'I BAR DANG, YANG DE NYID LAS, RTZOD PA CHOS MIN PAS NYE BAR ZHI BA LA SKYO SNGOGS MI BYA STE, BYAS NA NYES BYAS SU 'GYUR RO, ,CHOS PHYOGS SU ZHI BA LA SKYO SDOGS BYAS NA LTUNG BYED DU 'GYUR RO, ,ZHES GSUNGS SO; ;NGAG DON NI, 'KHRUG LONG GI RGYU BZHI'O, ,ZHES PA LA, 'KHRUG LONG GI RGYU DE LA BZHI YOD DE, DNGOS PO'I DE BZHIN NYID LA LOG PAR SGRUB PA NAS, LAS LA MTHUN PA MI SBYIN PA'I BAR RNAMS SU YOD PA'I PHYIR, 'GYED PA GNYIS RANG GIS MI NUS NA ZHES SOGS KYI, NGAG DON NI, RGOL PHYIR RGOL GNYIS KYI RTZOD PA DE ZHI BAR MA NUS NA DE GNYIS KYI PHYOGS SU MA LHUNG BA'I GZU BO GCIG YAN CHAD DU MA BSKO BAR BYA STE, RTZOD PA DE ZHI BAR BYA BA'I PHYIR DU YIN PA'I PHYIR, CHES MANG BA'I BLOS, ZHES SOGS KYI NGAG DON NI, CHOS YIN MIN SOGS LA GANG MANG ZHI BYED 'DI 'JUG PA YIN GYI, TSUL KHRIMS GTAN LA 'BEBS PA LTUNG PHYIR RTZOD PA LA 'DI ZHI BYED DU MI 'JUG STE, LTUNG PHYIR RTZOD PA'I TSE LTUNG BA BYUNG MA BYUNG LTUNG BA GLENG BYA DANG GLENG BYED GNYIS GANG RUNG LA RAG LAS PA YIN PA'I PHYIR, ` SO SO THAR PA'I SDOM PA'I MCHOG LA RAB TU BYUNG BAS PHYAG BYA'O, ZHES PA DANG, GTZUG LAG KHANG BYA'O, ,ZHES SOGS KYI SKABS SU, SPYI DON DANG, NGAG DON GNYIS LAS, DANG PO LA, DGOS DON DANG, BSDUS DON GNYIS, DANG PO NI, BAR MA RAB BYUNG DANG DGE TSUL RNAMS KYIS, SO THAR GYI SDOM PA'I MCHOG LA GNAS PA'I DGE SLONG LA PHYAG 'TSAL BA LA CHOS CAN, DGOS PA YOD DE, PHYAG BYA BA'I 'OS LA PHYAG BYAS PA SOGS KYI SGO NAS LTUNG BA KHEGS PA DANG, DGE BA 'PHEL BAR 'GYUR BA'I DGOS PA YOD PA'I PHYIR, GNYIS PA LA, YUL GANG LA PHYAG BYA BA, GANG ZAG GANG GIS PHYAG BYA BA, TSUL JI LTAR PHYAG BYA BA SOGS DU MA YOD PA LAS, DANG PO NI, STON PA SANGS RGYAS DANG, SO SO THAR PA'I SDOM PA'I MCHOG LA GNAS PA'I DGE SLONG DANG, SDOM PA MNYAM NA YANG BSLAB PA GZHON PAS, BSLAB PA RGAN PA LA PHYAG BYA DGOS SO, ,MDO RTZA BA LAS, SO SO THAR PA'I SDOM PA'I MCHOG LA RAB TU BYUNG BAS PHYAG BYA'O, ,MNYAM NA RGAN PA'O, ,ZHES GSUNGS PA'I PHYIR, DMIGS BSAL NI, DGE SLONG PHA RNAM DAG GIS RANG LAS BSLAB PA @125A *, ,RGAN PA'I DGE SLONG PHA SA GZHAN NA GNAS PA SOGS BCU GSUM DANG, 'BAGS PA SOGS LA PHYAG 'TSAL DU MI RUNG STE, MDO RTZA BA LAS, MTSAN THA MI DAD PA LA'O, ,SA GZHAN NA GNAS PA DANG, NYAMS PA DANG, DGE SLONG MA SUN BYUNG BA DANG, CHOS MIN PA'I PHYOGS DANG MTHUN PA DANG, THA DAD PAR GNAS PA DANG, MTSAMS MED PA BYAS PA DANG, NYAL BA DANG, SNYOMS PAR ZHUGS PA DANG, BREL BA DANG, SEMS GZHAN DU SONG BA DANG, RGYAB KYIS PHYOGS PA DANG, KHYIM GZHAN NA GNAS PA DANG, ZAS KYI GRAL LA 'DUG PA NI MA GTOGS SO, ,ZHES GSUNGS PA'I PHYIR; KHYIM PAS NI RAB BYUNG THAMS CAD LA PHYAG BYA DGOS TE, MDO RTZA BA LAS, KHYIM PAS RAB TU BYUNG BA LA'O, ,ZHES GSUNGS PA'I PHYIR, MTSAN MI MTHUN PA LA RAB TU BYUNG BAS PHYAG 'TSAL DU MI RUNG BAS MA KHYAB STE, DGE SLONG MAS DGE SLONG PHA RNAM DAG LA PHYAG 'TSAL DGOS PA'I PHYIR TE, MDO RTZA BA LAS, SKYES PA MI DMAN PA LA BUD MED KYIS SO, ,ZHES GSUNGS PA'I PHYIR, GNYIS PA GANG ZAG GANG GIS PHYAG 'TSAL BA NI, PHYAG 'TSAL BA DE LA SGREN MO DANG, GOS GCIG PA DANG, ZAS LA SOGS PAS SBAGS PA MIN PA ZHIG DGOS TE, MDO RTZA BA LAS, SBAGS PAS PHYAG MI BYA'O, ,'DIR GCER BU NYID DANG; GOS GCIG PA NI SBAGS PA DANG 'DRA'O, ,ZHES GSUNGS PA'I PHYIR, GSUM PA TSUL JI LTAR PHYAG BYA BA NI, PUS MO GNYIS, LAG MTHIL GNYIS, MGO BO DANG LNGA SA LA GTUGS PA'I PHYAG 'TSAL BA NI, YAN LAG LNGA SA LA BTZUGS PA'I PHYAG DANG, YUL GYI MDUN DU TZOG TZOG PUR 'DUG STE, DANG POR LAG PA GNYIS THAL MO SBYAR NAS, DE RJES YUL GYI RKANG PA'I SGYID PA GNYIS LA LAG PAS 'KHYUD NAS, RKANG PA LA SPYI BOS GTUGS PA SGYID PA LA 'KHYUD PA'I PHYAG GNYIS SU YOD DE, MDO RTZA BA LAS, PHYAG NI RNAM PA GNYIS STE, YAN LAG LNGAS PHYAG 'TSAL BA DANG, SGYID PA LA 'KHYUD NAS PHYAG 'TSAL BA'O, ,ZHES GSUNGS PA'I PHYIR, LUS 'DUD TZAM BYAS PAS PHYAG BYAS PA'I GO MI CHOD DE, LUNG PHRAN TSEGS LAS, BRAM ZE PADMA'I SNYING POS BDAG GIS SHING RTA LAS BABS PA'AM, LCAG BSGRENG BA'AM, LAG PA BRKYANGS PA GZIGS PA DE'I TSE, BDAG PHYAG 'TSAL BA GO'U TA MA KHYOD KYIS @125B BZUNG DU GSOL, ZHES GSOL BA BTAB PA NI, NYE BAR 'KHOR GYIS GSOL BA, BTZUN PA CI LAGS, CHOS 'DUL BA LA DE LTA BU DAG PHYAG 'TSAL BAR CHUD DAM, NYE BAR 'KHOR PHYAG BYAS PA MIN GYI, DE NI GUS PA TZAM DU ZAD KYIS LUS 'DUD PA DANG, TSIG 'DZIN PA GANG YIN PA DE NI MCHOD PA YIN NO, ,ZHES GSUNGS PA'I PHYIR, DMIGS BSAL NI, DGE TSUL PHAS DGE SLOB MA DANG, DGE SLONG MA GNYIS LA PHYAG MI BYA ZHING, DE GNYIS KYIS KYANG DGE TSUL PHAL PHYAG MI BYA'O, ,KHO NA RE, PHYAG BYA BAR 'OS PA MANG PO YOD NA RE RE NAS PHYAG BYED DGOS SAM ZHE NA, DE MI DGOS TE, DE RE RE NAS PHYAG MA BYAS KYANG TSANGS PA'I PHYAG STE, SPYI PHYAG BYAS PAS DE RE RE LA PHYAG BYAS PA'I GO CHOD PA'I PHYIR TE, MDO RTZA BA LAS, TSANGS PA'I PHYAG GIS DE MA BYAS PA MIN NO, ,ZHES GSUNGS PA'I PHYIR, BZHI PA NI, SKYE BO MANG PO 'GRO 'ONGS BYED PA'I SAR GTZUG LAG KHANG BRTZIGS PAR BSHAD PA DANG, YANG RGYUN LUGS DANG; KLAG COR DANG, TUG RING CHUNG SAR GTZUG LAG KHANG BRTZIGS PAR BSHAD PA GNYIS 'GAL LO, ,ZHE NA, MI 'GAL STE, SNGA MA NI SKYE BO MANG PO'I DGE RTZA GSOG PA GTZO BOR BYED PA'I DBANG DU BYAS NAS BSTAN PA YIN LA, PHYI MA NI RAB BYUNG RANG NYID THOS BSAM SGOM PA GTZO BOR BYED PA'I DBANG DU BYAS NAS BSHAD PA YIN PA'I PHYIR, LNGA PA NI, GNAS KHANG LA ZAD PAR SNGON PO'I TING NGE 'DZIN DANG, SER PO'I TING NGE 'DZIN LA SOGS PA SKYE SLA BA'I PHYIR DU SNGON PO DANG SER PO LA SOGS PA'I MTSAN MA 'BYUG DGOS TE, tIK CHEN LAS, ZANG BAR SNGON PO LA SOGS PA DANG, SER PO DMAR PO DKAR PO RNAMS KYI MTSAN MA MNGON DU BYA BA'I PHYIR EGNAS KHANG GI RTZIG PA DAG SNGON PO LA SOGS PA'I RNAM PA BZHIR BYA'O, ,ZHES GSUNGS PA'I PHYIR, SGO KHANG DU SRID PA'I 'KHOR LO CHA LNGA PA BRIS PAS NI SDUG BDEN DANG, KUN 'BYUNG BDEN PA MTSON, 'KHOR LO'I STENG DU MYA NGAN LAS 'DAS PA'I DKYIL 'KHOR DKAR PO BRIS BAS 'GOG BDEN MTSON, 'OG TU, BRTZAMS PAR BYA ZHING DU BYUNG BAR BYA, ZHES SOGS SHLOO KA GNYIS BRIS LAS NI LAM BDEN MTSON, STENG GI DKYIL 'KHOR DKAR PO DE LA STON PA SANGS RGYAS KYIS PHYAG MDZUB GTAD DE, STON PA'I TSUL GNYIS @126A *, ,BRIS PAS LAM STON PA PO MTSON, DES NA, SGO KHANG DU SRID PA'I 'KHOR LO CHA LNGA PA 'BRI BAR GSUNGS PA'I 'DUL BA LUNG GI TSIG 'DIS NI LHAG PA SHES RAB KYI BSLAB PA BSTAN TO, ,KHYAMS SU SANGS RGYAS KYI SKYES RABS RNAMS BRIS PAS NI, SANGS RGYAS THOB PA LA DKA' SPYAD MANG PO BYED DGOS PA DE MTSON NO, ,'O NA, SRID PA'I 'KHOR LO 'BRI TSUL DE GANG YIN ZHE NA, BDEN BZHI BSGOM PA'I PHYIR DU SRID PA'I 'KHOR LO'I MTSAN MA 'BRI BA YIN LA, DE 'BRI BA'I TSUL NI, SRIN PO'I LTO BA DBYIBS ZLUM POR BYAS PA'I NANG DU 'OG GI CHA DUM BU GSUM BYAS PA'I DBUS SU DMYAL BA, G-YAS SU YI DVAGS, G-YON DU DUD 'GRO ,STENG GI CHA DUM BU GNYIS SU BYAS PA'I GCIG LA MI, GCIG LA LHA 'BRI STE SRID PA'I 'KHOR LO CHA LNGA PA'O, ,DING SANG NI CHA DRUG TU BYAS NAS GCIG LA LHA MIN 'BRI BA'I PHYAG LEN 'DUG GO GSUNG NGO, ,DES NI SDUG BSNGAL GYI BDEN PA MTSON NO, ,DBUS KYI LTE BA LA SPRUL DANG, PHUG RON GYI MJUG PHAG GIS KHAR ZA BA 'BRI'O, ,DE YANG, PHUG RON GYIS 'DOD CHAGS DANG, SBRUL GYIS ZHE SDANG, PHAG GIS GTI MUG MTSON PA YIN ZHING, GZHAN GNYIS KYI MJUG MA PHAG GI KHAR BCUG PAS NI, GTI MUG LAS 'DOD CHAGS DANG ZHE SDANG 'BYUNG BA DE SHES PA'I PHYIR DU YIN TE, tIK CHEN LAS, DBUS SU 'DOD CHAGS PHUG RON GYI RNAM PA DANG, ZHE SDANG SBRUL GYI RNAM PA DANG, GTI MUG PHAG GI RNAM PAR 'BRI'O, ,SNGA MA 'DOD CHAGS DANG, ZHE SDANG GI RNAM PA PHUG RON DANG SBRUL GNYIS GTI MUG GI RNAM PA PHAG GIS ZA BA BRI'O, ,ZHES GSUNGS PA'I PHYIR, DE GSUM PO DE DBUS SU 'BRI BA NI, DUG GSUM PO DE 'KHOR BA'I RTZA BA YIN NO, ,ZHES MTSON NO, ,PHYI'I MTHA' BSKOR DU RTEN 'BREL YAN LAG BCU GNYIS KYI MTSAN MA 'BRI BA NI, MA RIG PA RGAN MO LONG BA LTA BU, 'DU BYED RDZA MKHAN LTA BU, RNAM PAR SHES PA SPRE'U LTA BU, MING DANG GZUGS GRU MKHAN LTA BU, SKYE MCHED DRUG NI GRONG LTA BU, REG PA NI 'O BYED PA LTA BU, TSOR BA NI BUS MO MDA' GZUGS PA LTA BU, SRED PA NI CHANG 'THUNG BA LTA BU, LEN PA NI ME TOG 'THU BA LTA BU, SRED PA NI BYA RGOD DGOD PA LTA BU, SKYE BA NI @126B MA LA BU SKYE BA LTA BU, RGA SHI NI LONG BA LTA BU DANG, 'CHI BA'I RNAM PA LTA BU 'BRI'O, ,'KHOR LO ZLUM POR 'BRI BA'I RGYU MTSAN YOD DE, RTEN 'BREL YAN LAG BCU GNYIS DANG, 'GRO BA ZO CHUN GYI 'GYUR BA'AM, MGAL ME'I 'KHOR LO BZHIN DU 'KHOR BA DE SHES PA'I DON DU YIN PA'I PHYIR, YAN LAG BCU GNYIS PHYI RU 'BRI BA'I RGYU MTSAN YOD DE, YAN LAG LAS 'DAS NA 'KHOR BA LAS BRGAL, MA 'DAS NA 'KHOR BA LAS MA BRGAL LO ZHES SHES PA'I DON DU YIN PA'I PHYIR, SRID PA'I 'KHOR LO DE, SRIN PO DE'I LTO BAR 'BRI ZHING, SRIN PO'I KHAR BCUG PA'I RNAM PA CAN DU BRIS PAS NI, SKAD CIG DANG, RGYUN GYI MI RTAG PA DANG, BAR MA CHAD DU 'JIG PA DE MTSON NO, ,DE YAN GYIS 'DUL BA RGYAS PAR BSHAD PA'O,, ` 'DIR SDE PA BZHI'I RNAM GZHAG CUNG ZAD BSHAD NA, PHAL CHEN SDE PA NI, MKHAN PO BRAM ZE'I RIGS LAS RAB TU BYUNG ZHING, SBYANGS PA'I YON TAN GYI MCHOG TU LUNG BSTAN PA, 'OD SRUNG CHEN PO, ,SNAM SBYAR SNAM PHRAN NYER GSUM MAN CHAD, RTAGS DUNG LA SOGS PA, SKAD BRA KRI TA'I SKAD, BYIN LEN SNOD LA BYED PA DANG, NUB LHAG NYAL GCOD PA'I TSE BAR DU YOL BAS THUB PAR BYED DO, ,GZHI THAMS CAD YOD PAR SMRA BA NI, MKHAN PO RGYAL RIGS LAS RAB TU BYUNG ZHING, BSLAB PA LA GUS PA'I MCHOG TU LUNG BSTAN PA, SGRA CAN 'DZIN, SKAD SAm SKRi TA'I SKAD, SNAM SBYAR SNAM PHRAN NYI SHU RTZA LNGA MAN CHAD, RTAGS PADMA DANG, 'KHOR LO DANG, DUNG DANG, SHING LO RNAMS GANG RUNG 'GOD, BYIN LEN LAG GNYIS BKAN DE BYED, NUB LHAG NYAL GCOD PA NI, KHRU PHYED DANG DGUS GCOD PAR BZHED, GNAS BRTAN PA'I SDE PA NI, MKHAN PO BRAM ZE'I RIGS LAS RAB TU BYUNG ZHING, MTHA' 'KHOB 'DUL BA'I MCHOG TU LUNG BSTAN PA, K'A TY'A YA NA'I BU, SNAM SBYAR SNAM PHRAN NYER GCIG MAN CHAD, RTAGS NI DPAL BE'U, SKAD PI SH'A TZI, BYIN LEN 'PHROG THABS SU LEN, NUB LHAG NYAL THAG PAS THUB PAR 'DOD DO, ,MANG BSKUR BA'I SDE PA NI, MKHAN PO 'BREG MKHAN GYI RIGS LAS RAB TU BYUNG BA, 'DUL BA 'DZIN PA NYE BAR 'KHOR DANG, 'DI'I MTSAN LA AU PA LA ZHES KYANG BYA'O, ,SNAM SBYAR SNAM PHRAN @127A *, ,NYER GCIG MAN CHAD, RTAGS ME TOG BYED, SKAD AA WA BHRAm SHA, BYIN LEN BSKYUR THABS SU BYED, NUB LHAG NYAL GCOD PA'I TSE, BAR DU RI MO BRIS PAS THUB PAR BZHED DO, ,LHAG PA'I TSUL KHRIMS KYI BSLAB PA GTZO BOR STON PA 'DUL BA MDO RTZA BA'I DKA' BA'I GNAD LAS, MTHA' DPYOD tIK CHEN RIN CHEN PHRENG BA'I DGONGS RGYAN ZHES BYA BA 'DI NI, SLOB DPON CHEN PO CHOS KYI RJE 'DUL BA 'DZIN PA RNAMS KYI MCHOG TU GYUR PA, GNYAGS STON RIN CHEN GRAGS PA'I BKA' DRIN LA BRTEN NAS, SNYOMS LAS 'DZIN PA BLO GROS LEGS BZANG ZHES BGYI BAS CHOS GRVA CHEN PO BKRA SHIS LHUN PO DPAL GYI BDE CHEN, PHYOGS THAMS CAD LAS RNAM PAR RGYAL BA'I GLING DU LEGS PAR BSGRIGS PA LA BRTEN NAS, CHOS KYI RGYAL PO BTZONG KHA PA CHEN PO YAB SRAS KYI LUNG RTOGS KYI BSTAN PA DRI MA MED PA 'DI NYID, PHYOGS DUS GNAS SKABS THAMS CAD DU DAR ZHING RGYAS PAR GYUR CIG , ` ,,TSUL KHRIMS BSLAB PA'I NYAMS LEN STON PA YI, ,tIK CHEN RIN CHEN PHRENG BA'I RJES 'BRANGS NAS, ,BDAG GIS GO SLA'I TSUL DU BSHAD PA 'DIS, ,BLO GSAL DON GNYER RNAMS KYI DGA' STON MDZOD, ,BLA MA'I DRIN LAS BYUNG BA'I LEGS BSHAD 'DI, ,PHRAG DOG BLO MIG DUG CHUS MA 'GRIBS PA'I, ,GZUR GNAS BLO GSAL RNAMS KYIS BZUNG GYUR NA, ,YID KYI SKYES BU DGA' BA'I ZLOS GAR 'PHRO, ,'DI LA BRTEN NAS PHAN BDE'I 'BYUNG GNAS 'DI, ,PHYOGS DUS KUN TU DAR ZHING RGYAS PA DANG, ,BSLAB GSUM RNAM DAG BSTAN PA'I KHUR 'DZIN PA'I, ,BSHES GNYEN RNAMS KYI SA STENG KHYAB PAR SHOG , ` ,,NA MA: SARBA DZNYA NA MU NI AINDRA YA, MTHA' YAS 'GRO RNAMS PHAN BDE'I DPAL LA 'GOD PHYIR BYAMS DANG SNYING RJE BYANG CHUB SEMS KYIS RAB BSKUL TE, ,SNYING STOBS BRTZON PAS BGRANGS YAS BSKAL BAR TSOGS GNYIS DPUNG BSAGS STOBS BCU'I STOBS KYIS BDUD DPUNG RAB BCOM STE, ,DGAG SGRUB GNANG GSUM BCA' KHRIMS DAM POS GDUL BYA RNAMS KYI NYON MONGS NYES SPYOD MA LUS 'DUL MDZAD PA, ,'GRO @127B BA'I BLA MA CHOS KYI RGYAL PO THAMS CAD MKHYEN CES SNYAN PAR GRAGS PA DE LA GUS PAS 'DUD, ,MGON DE'I CHOS KYI SRID LA DBANG BSGYUR BA, ,RGYAL TSAB MA PHAM MGON DANG 'JAM PA'I DBYANGS, ,'DZAM GLING MDZES BYED RGYAN DRUG MCHOG GNYIS SOGS, ,THUB BSTAN GSAL MDZAD YONGS LA PHYAG 'TSAL LO, ,RGYA SKAR DBUS NA MTSAN MO'I MGON PO DANG, ,RI DVAGS KHROD NA GDONG LNGA'I DBANG PO BZHIN, ,'DUL BA LUNG GI DGONGS PA 'GREL BA LA, ,ZLA MED MKHAS PA YON TAN 'OD LA 'DUD, ,DAM CHOS 'DZIN PA'I SMON LAM MTHU GRUB PAS, ,GANGS RI'I KHROD 'DIR 'DUL BSTAN SPEL BA LA, , RGYAL BA NYID DANG MTSUNGS PA'I THUGS RJE CAN, ,BSTAN PA'I NYI MA TZONG KHA PA LA 'DUD, ,'JAM MGON BLA MA'I BSTAN 'DZIN RGYA MTSO'I DBUS, ,'DUL LUNG SDE BZHI'I DGONGS PA 'GREL BA LA, ,ZLA BRAL MKHAS PA YONGS KYI GTZUG GI RGYAN, ,THAMS CAD MKHYEN PA DGE 'DUN GRUB LA 'DUD, ,'DUL BA'I tIKKA RIN CHEN 'PHRENG BA YI, ,DGONGS DON DRI MED BLO% GROS% KYIS GZIGS NAS, ,'GRO LA LEGS PA'I LAM BZANG% 'DOMS MDZAD PA, ,'DUL GZHUNG GSAL MDZAD PAn CHEN DE LA 'DUD, ,KUN MKHYEN CHEN PO LEGS PA DON GRUB DANG, ,GNYAGS STON RIN CHEN GRAGS KYI MAN NGAG LA, ,BRTEN NAS 'DUL GZHUNG DGONGS DON 'BYED PA LA, ,BLO GROS LEGS BZANG 'GRAN ZLA KUN DANG BRAL, ,'JAM MGON BLA MA'I BSTAN PA'I GSAL BYED MCHOG ,PAn CHEN BLO GROS LEGS BZANG GANG DE NYID, ,SLAR YANG BSTAN 'GRO'I PHAN BDE SPEL BA'I SLAD, ,BSAM BZHIN BSHES GNYEN GAR GYIS RNAM ROL BA, ,RGYAL BA GNYIS PA'I GSER GYI KHRI CHEN POR, ,MNGA' GSOL PHYAG NA PADMA'I 'PHRIN LAS PAR, ,NAM YANG MI 'BRAL ZLA DANG ZLA 'OD BZHIN, ,LEGS SHAR NGAG DBANG TSUL KHRIMS DPAL BZANG POS, ,SKU 'PHRENG GONG MA'I GSUNG GI NYING KHU MCHOG ,'DUL BA'I LEGS BSHAD RMAD BYUNG NGO MTSAR 'DI'I, ,'CHAD NYAN PHYOGS DUS KUN TU DAR RGYAS CHED, ,CHOS SBYIN 'DZAD MED DAL 'GRO'I RGYUN 'DI SPEL, ,TSUL 'DIR 'BAD LAS THOB PA'I DGE BA DES, ,LHAR BCAS 'GRO BA KUN GYI NYER 'TSO'I GZHI, ,THUB PA'I BSTAN PA DAR ZHING RGYAS PA DANG, ,BSTAN 'DZIN SKYES BU THAMS CAD ZHABS BRTAN SHOG ,RGYAL BA'I RING LUGS MI NYAMS [DR] @128A *, ,SKYONG BYED PA'I, ,DGE 'DUN SDE RNAMS THUGS MTHUN KHRIMS GTZANG ZHING, ,BSLAB GSUM LUNG RTOGS YON TAN MA LUS PA, ,YAR NGO'I ZLA LTAR 'PHEL ZHING RGYAS GYUR CIG ,RGYAL BAS BSTAN PA SRUNG BAR BKA' BSGOS PA, ,KHRIMS LDAN SKYONG BA'I SRUNG MA'I TSOGS RNAMS KYIS, ,G-YEL BA MED PAR RTAG TU GROGS MDZAD DE, ,'JIG RTEN DGE LEGS CHEN POS KHYAB GYUR CIG , ` ,,(DE LTAR PAn CHEN BLO GROS LEGS BZANG GIS MDZAD PA'I 'DUL tI KA 'DI NYID SPYIR NAS 'PHRIN LAS KHYAB GDAL CHE ZHING, KHYAD PAR SER SMAD THOS BSAM NOR BU'I GLING DU 'CHAD NYAN DAR RGYAS CHE BA BCAS PAR DU 'KHOD PA ZHIG BYUNG NA LEGS TSOGS CHE BA YONG 'DUG PAS GZHUNG NAS GSAR BRKO'I BKOD KHYAB BGYID DGOS ZHES PAn CHEN BLO GROS LEGS BZANG DE NYID SLAR YANG NGUR SMRIG GI ZLOS GAR DU BZHENGS PA KHRI CHEN RDO RJE 'CHANG NO MIN HAN RIN PO CHE NAS BSKUL MA'I RTEN BKRA SHIS PA'I LHA RDZAS NANG MDZOD, DNGUL BRE CHEN, MDZOD GOS 'BRUG MTSANG 'KHOR MA SPUS LEGS YUG CHEN BCAS DANG, PAR GSAR BRKO'I CHA RKYEN DU GDUL RKYANG RTA RMIG MA GCIG DANG, tAM SRANG BRGYA DANG LNGA BCU'I THOG DNGOS PO LE TSAN DNGUL THOG TU PHAB PA BCAS KHYON DNGUL SRANG NYIS BRGYA DANG DGU BCU GO LNGA'I RTZIS DANG BCAS TE THUGS BSKYED BZANG POS BSKUL MA GNANG BA'I DGONGS DON BZHIN, CHU YOS LO GZHUNG NAS KHUR BLANGS KYI PAR GSAR BRKO BGYIS PA LEGS PAR GRUB SKABS DGE BA RDZOGS BYANG DU BSNGO BA'I PAR BYANG SMON TSIG ZHIG KYANG NGAG RTZOM DGOS TSUL GSUNG GIS BSKUL BA LTAR ^SH'AKYA'I DGE SBYONG BLO BZANG 'JAM DPAL RGYA MTSOS SBYAR BA'O,, ,,) [DR]