[THE FOLLOWING TEXT HAS INCOMPLETE SECTIONS, WHICH ARE ON ORDER] @296A DANG, MCHOD RTEN LA BLTA NA LHA DANG BCAS PA'I 'JIG RTEN GYIS BLTA BAR 'OS PA DANG, SPYI BO GTUG NA 'JIG RTEN GYIS SPYI GTZUG MI MTHONG BA DANG, G-YAS PHYOGS SU BSKOR NA THAMS CAD MKHYEN PAR DON MTHUN PA DANG, LAN GSUM BSKOR NA SANGS RGYAS KYI BYANG CHUB LA MOS PA MANG BA DANG, SANGS RGYAS KYI YON TAN BRJOD NA YON TAN GYI PHA ROL TU PHYIN PA MI ZAD PA DANG, MTSAN BRJOD NA MTSAN NYID MED PA'I CHOS LA GZHOL ZHING YAN LAG DAM PA PHUN SUM TSOGS PA DANG, RKANG PA 'KHRU NA DRI MA MED PA RDZOGS SHING RDZU 'PHRUL GYI RKANG PAS 'GRO BA DANG, LUS SMYANG NA BSAM PA MA RNYOGS SHING LUS BDE BA DANG, GNYID SAD PA'I TSE SEMS CAN THAMS CAD PHYOGS BCUR MTHU CHEN PO THOB CING THAMS CAD MKHYEN PA'I YE SHES LA SHIN TU SANGS RGYAS PAR GYUR CIG CES SEMS BSKYED DO ZHES SO, `,DE LTAR BSGRUB PA'I BSLAB PA BSTAN NAS, DGAG PA'I BSLAB PA'I DBANG DU BYAS TE THEG PA THUN MONG GI DRI MA LAS RAB TU BYUNG BA'I GNOD PA SPYIR BRJOD PA NI, THUB PA'I RTAGS 'CHANG TSUL KHRIMS 'CHAL LA SOGS, ,DGE SBYONG CHOM RKUN BZHI YIS SBYIN BDAG GI, DAD RDZAS SPYAD PAS DE LA GNOD BYED LTAR, ,DGRA DANG GSHED MAS DE DON NYAMS MI BYED, ,RAB BYUNG NYON MONGS MI BZAD BZHI LDAN DANG, ,BAG MED DREGS BZHIS DMYAL BAR RAB MYUR 'PHEN, ,BYAMS PA SENG GE'I SGRA LAS DGE SBYONG GI CHOM RKUN NI BZHI STE, NGUR SMRIG LA SOGS PA'I RTAGS 'DZIN CING TSUL KHRIMS 'CHAL BA DANG, DBEN PAR SDIG PA'I RNAM RTOG LA RTOG PA DANG, 'BRAS BU MA THOB BZHIN DU RNYED PA DANG BKUR STI 'DOD PAS THOB PAR SGROGS PA DANG, BDAG LA BSTOD CING GZHAN LA SMOD PA'O, ,LA LAS GLING BZHI'I SEMS CAN THAMS CAD LA BSKAL PA'AM DE LAS LHAG PAR BDE BA'I YO BYAD THAMS CAD BYIN PA BAS, YANG DAG PAR ZHUGS PA TSUL KHRIMS DAG PA 'TSO BA DAG PA ZHIG GIS, SBYIN PA PO DANG SBYIN BDAG GI DAD RDZAS THA NA CHU SNOD GANG TZAM SPYAD NA DE NYID BSOD NAMS CHES MANG BA YIN NO, ,BLUN PO SDIG PA CAN @296B GYIS, GANG GI CHOS GOS LA SOGS PA DE'I DON DE NYAMS PAR BYED PA LTAR NI DGRA DANG GSHED MAS NYAMS PAR BYED MI NUS SO, ,RAB TU BYUNG BA'I NYON MONGS PA PHRA BA BZHIS NI MDA' 'PHANGS PA LTAR DMYAL BAR 'GRO STE, GZHAN GYI RNYED PA LA PHRAG DOG BYED PA DANG, SDOM PA DANG LDAN PA'I MDO SDE THOS NAS TSUL KHRIMS NYES PAS 'BYIN PA DANG, SANGS RGYAS KYI BSLAB PA LAS 'DAS NAS NGA RGYAL GYIS 'CHAB CING PHYIR MI 'CHOS PA DANG, SHES BZHIN DU DAD RDZAS LA SPYOD PA'O,, RAB TU BYUNG BAS RGYAGS SHING BAG MED PA BZHIS DMYAL BAR LTUNG STE, THOS PA DANG, RNYED PA DANG, BKUR STI DANG, MDZA' BSHES DANG, SLONG MO STER BA'I KHYIM GYIS DANG, SBYANGS PA'I YON TAN DANG YO BYAD BSNYUNGS PAS RGYAGS SHING BDAG LA BSTOD PA DANG GZHAN LA SMOD PA DANG, `TSUL KHRIMS KYI DRI MA NI, 'DOD PA'I YUL LA ZHEN PAS DAM BCINGS DANG, ,TSUL KHRIMS SNYOMS PAS TSUL KHRIMS RAB NYAMS 'GYUR, ,BYANG CHUB SEMS DPA'I SDE SNOD LAS, DE'I PHYIR KHYED KUN GCIG TU 'DUS GYUR NAS, ,YONGS SU 'DZIN PA RNAM PAR SPANG BYOS LA, ,BU DANG CHUNG MA DAG LA DGA' SPONG TE, ,DGE SLONG TSUL NI DANG DU BLANG BAR BYOS, ,SHES KYI KHE 'DOD RNYED PA 'DOD MA BYED, ,NGAN NGON TZAM DAG GIS NI CHOG BYOS LA, ,GDOL PA DAG DANG 'DRA BAR DMA' SEMS KYIS, ,GZHAN GYI GRONG DU NYE BAR 'GRO BAR BYOS, ,NGA NI TSUL KHRIMS LDAN ZHES BDAG MA BSNYEMS, ,'DI NI TSUL KHRIMS 'CHAL ZHES GZHAN MA BRNYAS, ,TSUL KHRIMS TZAM GYIS GZHAN LA GANG BRNYAS PA, ,SNYEMS PHYIR DE NI TSUL KHRIMS 'CHAL CES BYA, ,JI LTAR RI DVAGS DAG NI RGYAS ZIN PA, ,DE DAG NYID DU DE ZIN GSOD PA LTAR, ,DE BZHIN BDUD KYI ZHAGS PAS ZIN PA DE,, SNYOMS PA DE NYID KYIS NI DE BCOM MO, ,'PHYA BA'I BSAM PA CAN GYIS GANG ZAG DAG ,GZHAN LA BRNYAS PAS BDAG NI NYAMS PAR BYED, ,DE BAS TSUL KHRIMS 'CHAL LA'ANG MI BRNYAS NA, ,KHRIMS LDAN TSANGS PAR SPYOD LA LTA CI SMOS ZHES SO, `,BSGRUB PA LAS NYAMS PA NI, MI BZAD NAD LDAN SMAN CHEN SPONG BA LTAR, ,RAB BYUNG THOS LDAN BSGRUB LAS NYAMS PA'ANG @297A BRLAG ,ZLA BA SGRON MA LAS, MI DAG NA ZHING LUS NI SDUG BSNGAL CHE,, LO GRANGS MANG POR NAM YANG MA SOS PA, ,DE NI YUN RING NAD KYIS NYON MONGS PAS, ,NAD RNAMS GSO BA'I PHYIR YANG SMAN PA BTZAL, ,SMAN PA MKHAS SHING RIGS PA DE RNYED DE, , DES KYANG SNYING RJE NYE BAR BZHAG NAS NI, ,SMAN 'DI BTANG BAR GYIS ZHES BYIN PA DANG, ,SMAN MANG BZANG ZHING PHAN PA DES BLANGS NAS, ,NA BA 'TSO BAR 'GYUR BA'I SMAN MI 'THUNG, ,SMAN PAS MA LAN SMAN GYIS MA NYES TE, ,NAD PA DE NYID KYIS NI NYES PA YIN, ,DE BZHIN BSTAN PA 'DI LA RAB BYUNG STE, ,STOBS DANG BSAM GTAN DBANG PO KUN RIG NAS, ,BSGOM PA LA NI MNGON PAR BRTZON MI BYED, ,RIGS PAR MI BRTZON MYA NGAN GA LA 'DA', ,'KHOR BA'I NYES LA SO SOR MA BRTAGS TE, ,LAS KYI RNAM PAR SMIN LA MI 'JUG CING, ,SANGS RGYAS RNAMS KYI GSUNG LA MA DAD PAS, ,BYIS PA DE DAG BCAD CING GTUB PAR BYED CES SO, `,LTA BA NYAMS PA NI, CHOS RNAMS STONG PAS SKRAG CING BDAG LTA CAN, ,TSUL KHRIMS LDAN LA 'TSO BA DAG GYUR KYANG, ,DE YI TSUL KHRIMS LTAR SNANG NYID YIN TE, ,SPROS DANG RLOM MED TSUL KHRIMS RNAM DAG PHYIR, ,'OD SRUNGS KYIS ZHUS PA LAS, TSUL KHRIMS 'CHAL PA TSUL KHRIMS DANG LDAN PA LTAR 'CHOS PA NI BZHI STE, YAN LAG DRUG PA'I TSUL KHRIMS YOD CING 'TSO BA DAG KYANG BDAG TU SMRA BA DANG, 'DUL BA 'DZIN CING 'DUL BA LA GNAS KYANG BDAG LTA LAS MA BSKYOD PA DANG, BYAMS PA LA GNAS KYANG CHOS THAMS CAD SKYE BA MED PA LA SKRAG PA DANG, SBYANGS PA'I YON TAN BCU GNYIS YANG DAG PAR BLANGS KYANG DMIGS PAR BLTA BAS NGA DANG NGA YIR 'DZIN PA LA GNAS PA'O, ,TSUL KHRIMS ZHES BYA BA NI GANG ZAG DANG CHOS KYI SPROS PA THAMS CAD DANG BRAL BA'O ZHES SO, `,DRANG SRONG GI RTAGS MI 'OS PAS BSTEN PA'I GNOD PA NI, SNGAGS BTAB GOS KYIS DGRA DAG SLU BYED LTAR, ,THUB RTAGS 'CHANG LAS LONGS SPYOD RNYED RNAMS KYANG, ,ME LA NYER SPYOD 'GYUR BAS SLU BYED CING,, MI RO'I MGO LA GSER PHRENG BTAGS 'DRAR ZAD, ,BYAMS PA SENG GE'I SGRA LAS, DPER @297B NA SNGAGS DANG SMAN BTAB PA'I GOS DGRA BO BSLU BAR BYIN PA ZHAG BDUN BRGYAD TZAM MDZES PAR GYON NAS, ME 'BAR BAS BSREG PA NI RO MYANG BA CHUNG LA NYES DMIGS CHE BA LTAR, STON PA'I NGUR SMRIG TSUL KHRIMS LA SOGS PAS BSGOS PA'ANG BLUN PO DGE SBYONG LTAR 'CHOS PA DAG GYON TE GRONG DU 'JUG PA NA KHYIM PA RNAMS DGE SBYONG NGO SNYAM NAS BKUR STI BYED PAS DGA' BAR 'GYUR LA, SHI NAS DMYAL BAR LCAGS GLEBS 'BAR BA GYON ZHING LCAGS KYI THU LUM ZA LA, LCAGS 'BAR BA LA NYAL BA YANG NGO, ,DE LTAR LAS NGAN PAS DMYAL BAR 'GRO MOD KYI, BLUN PO DE DAG KYANG BDE BA'I LONGS SPYOD MYONG BAR NGUR SMRIG GI DPAL DE 'DRA BA LA LTOS, DES NA CI NAS KYANG TSUL KHRIMS DAG PA DANG SDIG PA SBYANG BAR BSLAB BO, ,TSUL KHRIMS DANG LDAN PA MANG DU THOS PA NGUR SMRIG GYON PA NI TSONG DPON GYI BU LEGS PAR BKRUS TE GOS DKAR PO GYON PA TZAM PA KA'I PHRENG BA THOGS PA LTA BU'O, ,YANG MI RO'I MGO LA GSER PHRENG BTAGS PA LTAR TSUL KHRIMS 'CHAL PA NGUR SMRIG GYON PA'O ZHES SO, `,SKU GZUGS LA SOGS PA MCHOD PA BYED PA'I DRI MA NI, DANG PO'I SEMS CAN BLO CHUNG DAD BYA'I PHYIR, ,SKU DAG BYIN RLABS KHYIM PA LA SOGS PAS, ,MCHOD PAS DPAL 'BYOR THOB GSUNGS RAB BYUNG DAG , KLOG DANG BSAM GTAN ZHI DUL BTANG NAS NI, ,RNYED SOGS DON DU SKU GZUGS SOGS BYED CING,, MCHOD SOGS LAS KYI 'TSO BAS BRLAG LA LTOS, ,MDO SDE DE NYID LAS, LAS DANG PO PA'I SEMS DAD PAR BYA BA'I PHYIR SKU DAG BYIN GYIS BRLABS TE, DE LA MCHOD PA BYAS NAS LHA DANG MI'I DPAL 'BYOR MYONG ZHING THAR PA'I RGYUR YANG 'GYUR BAR GSUNGS NA, BSTAN PA 'DI LA RAB DU BYUNG NAS DGE SLONG GI LAS SU GSUNGS PA BSAM GTAN DANG KLOG PA BTANG STE, BDAG GSO BA DANG SLONG MO STER BA'I KHYIM LA DAD PAR BYA BA DANG, LHUNG BZED LA SOGS PA RNYED PA DANG BKUR STI BTZAL BA'I DON DU SKU LA MCHOD PA BYED PA NI BLUN PO'O, ,YANG LNGA BRGYA THA MA LA BYANG CHUB SEMS DPA' SDIG PA'I GROGS KYIS ZIN PA, LHAG PA'I BSAM PA NYAM CHUNG BA DAG SKU LA ME TOG LA SOGS @298A PAS MCHOD PA BYED PAR 'GYUR RO, ,NGAS NI SHES PA DANG MI LDAN PAS DGE BA BSGRUB PA'I PHYIR MCHOD PA BSHAD PA YIN NA, MI BLUN PO DAG DE TZAM LA BRTZON PAR BYED DO, ,NGAS LHA DANG BCAS PA'I 'JIG RTEN GYI MDUN DU DGE SLONG KHYED NYID ZHI BA DANG DUL BA LA 'BOD CIG ,KHYIM PA DAD PA DANG LDAN PA DAG YOD NA NGA'I SKU LA MCHOD PA BYED PAR 'GYUR RO ZHES GSUNGS NA, BLUN PO DAG BSAM GTAN DANG KLOG PA BTANG NAS SKU LA BRTEN TE 'TSO BA SEMS PAR BYED PA LA LTOS ZHES ? SO, `,SDOM BRTZON SPYI'I GNOD PA BRGYAD LAS GNOD PA SPYIR BRJOD PA NI, TSUL KHRIMS LA SOGS YON TAN GANG GIS KYANG, ,RLOM ZHING DREGS PA BDUD LAS SDUG BSNGAL RGYU, ,TING 'DZIN THOB NAS LAM LA RAB BRTZON YANG, ,STONG PAR LTA BRAL 'CHING LAS GROL MI 'GYUR, ,JI LTAR BCAS PA'I BSLAB LAS 'DA' BYED PA, ,DUG CHEN ZAS LA BRTEN PAS MA RUNG 'GYUR, ,ZLA BA SGRON MA LAS, TSUL KHRIMS BSRUNG ZHING DE YIS SNYEMS MI BYA, ,CHOS RNAMS MNYAN ZHING THOS PAS MI SNYEMS TE, ,GANG GIS SHES RAB CHUNG NGU DES SNYEMS PA, ,RTZA BA DE LAS DE YI SDUG BSNGAL 'PHEL, ,'JIG RTEN 'DREN PA THAMS CAD MKHYEN PA YIS, ,DREGS PA SDUG BSNGAL RTZA BA YIN PAR BSTAN, ,RGYAGS PAS DREGS PA SDUG BSNGAL RAB TU 'PHEL, ,RLOM SEMS MED PA'I SDUG BSNGAL 'GAG PAR 'GYUR, ,JI SNYED CHOS RNAMS MANG PO CHUB BYAS NAS, ,THOS PAS RGYAGS SHING TSUL KHRIMS MI BSRUNG NA, ,NGANG TSUL NGAN PAS NGAN 'GRO DER 'GRO BA, ,THOS PA MANG POS DE LA SKYOB MI NUS, ,GAL TE TSUL KHRIMS DREGS PAS DE RGYAGS TE, ,MANG DU THOS LA BRTZON PAR MI BYED NA, ,TSUL KHRIMS 'BRAS BU MA LUS ZAD NAS NI, ,PHYIR YANG SDUG BSNGAL RAB TU MYONG BAR 'GYUR, ,'JIG RTEN DAG NA TING 'DZIN SGOM BYED KYANG, ,DE NI BDAG TU 'DU SHES GZHIG MI BYED, ,NYON MONGS PHYIR YANG MTSAN MA RAB TU LDANG, ,AU TRA KAS NI TING 'DZIN 'DIR BSGOMS BZHIN, ,GAL TE BDAG MED CHOS LA RAB RTOG CING, ,DE DAG BRTAGS NAS GAL TE BSGOM BYED NA, ,'BRAS BU MYA NGAN 'DAS THOB @298B RGYU DE YIN, ,RGYU GZHAN DE DAG ZHI BAR 'GYUR MI SRID CES SO, ,BYAMS PA SENG GE'I SGRA LAS KYANG, BSLAB PA CI SKAD BCAS PA LAS 'DA' BA NI DUG YIN PAS DUG BZA' BAR MI BYA'O ZHES SO, `,THAMS CAD MKHYEN PA'I BAR GCOD NI, KUN MKHYEN NYID KYI BAR DU GCOD PA'I CHOS, ,BYAS PA MI GZO SOGS BZHI RING DU SPANGS, ,MDO DE NYID LAS, THAMS CAD MKHYEN PA'I BAR DU GCOD PA'I CHOS BZHI NI NYAN THOS KYIS KYANG MI BYA STE, BYAS PA MI GZO BA DANG, G-YO BYED PA DANG, BRDZUN DU SMRA BA DANG, BSLAB PA LAS 'DA' BA'O ZHES SO, `,BYANG CHUB SEMS DPA' PHAN TSUN SDANG BA NI, STONG GSUM SEMS CAN KUN LA SPYOS BRDEGS PAS, ,RGYAL SRAS GCIG LA SDANG SEMS GCIG CHES LCI, ,YANG BYANG CHUB SEMS DPAS STONG GSUM GYI SEMS CAN THAMS CAD LA SPYOS BRGYAD BRDEGS TE MTSON BTAB PA BAS BYANG CHUB SEMS DPA' GCIG LA THA NA SDANG SEMS GCIG BSKYED PAS SMAS SHING NYAMS PA SDIG CHE STE, DES BYANG CHUB MI GTONG NA SDANG SEMS JI SNYED PA'I BSKAL PAR GO CHA BGO DGOS ? SO, ,LCAGS LCAGS NYID KYIS GCOD KYI RTZA DANG SHING GIS MI GCOD PA LTAR, BYANG CHUB SEMS DPA'I DGE BA YANG BYANG CHUB SEMS DPA' GZHAN LA SDANG BAS ZAD KYI GZHAN GYIS ZAD MI NUS SO, ,DES NA PHAN TSUN GUS SHING ZHE SAS GNAS PAR BYA BAR BSLAB STE, SEMS DANG PO BSKYED PA LA'ANG STON PA'I 'DU SHES SU BYA'O, ` ,BYANG CHUB SEMS DPA' LTAR BCOS PA NI, RNYED BKUR 'DOD CING G-YO LDAN LOG 'TSO BSTEN, ,DE NI RGYAL SRAS LTAR SNANG NYID DU ZAD, ,YANG BYANG CHUB SEMS DPA' KHAS 'TSO BA'I CHOS BZHI STE, RNYED PA 'DOD PA DANG, BKUR STI 'DOD PA DANG, G-YO BYED PA DANG, YANG BA'I 'TSO BAS 'TSO BA'O, ` DAD RDZAS MI 'OS PAS SPYOD PA NI, NYIN GCIG LAN BRGYAR RAB BYUNG LOG BLA YI, ,KHRIMS 'CHAL DAD RDZAS SPYOD PA DE LTA MIN, ,YANG NYIN GCIG LA LAN BRGYAR RAB TU BYUNG BA LOG PA NI BLA'I, TSUL KHRIMS MA DAG PA DAD RDZAS LA SPYOD PA NI DE LTAR MA YIN NO, `,SKU GZUGS LA SOGS PA BYED PA DANG MCHOD PA BYED PA'I DRI MA NI, SKU GZUGS MCHOD SOGS KYIS RLOM BDAG BSTOD CING, @299A GZHAN SMOD BSAM GTAN SOGS 'DOR BLUN SPYOD NYID, ,YANG BSOD NAMS 'DOD PAS SKU GZUGS LA SOGS PA DANG MCHOD PA BYAS NA NI, BSOD NAMS DPAG TU MED PA 'BYUNG BA YIN NA 'TSONG BA LA SOGS PAS 'TSO BA BYED 'DOD PA NI BDUD RTZI SPANGS NAS DUG ZA BA LTA BU STE, SKU BYED PA DANG MCHOD BA TZAM GYIS RLOM ZHING BDAG BSTOD GZHAN SMOD PA BSAM GTAN LA SOGS PA 'DOR BA NI BLUN PO'I SPYOD PA KHO NAR SHES SO, `,THOS PA SGRUB PA DANG BRAL BA NI, SMAN PA SMAN MANG 'DZIN PAS RANG GI NAD, ,GSO BAR MI NUS DON BYED 'GYUR SOGS BZHIN, ,MANG DU THOS KYANG NYON MONGS MI SEL BAS, ,MA BSDAMS RNYED SOGS SRED PA'ANG DON MED NYID, ,'OD SRUNGS KYIS ZHUS PA LAS, SMAN PA SMAN SGRO THOGS TE, KUN TU RGYU BA RANG NA BA NA GSO MA NUS PA BZHIN NO, ,NAD PA LA SMAN BZANG PO BTANG NAS CHO GA LTAR MA BYAS NA 'CHI BA LTAR, MANG DU THOS KYANG MI SDOM PAS 'CHI BA NI NYON MONGS PA'I NAD DO, ,NOR BU RIN PO CHE MI GTZANG BAR LHUNG NA SMAD PA LTAR, MANG DU THOS NAS RNYED PA DANG BKUR STI'I NANG DU LHUNG PA YANG STE, CI'ANG MED PA LA NI LHA DANG MI YANG MI DGA'O ZHES SO, `,THOS PA'I DRI MA SPANG BA NI, DGE BA'I BSHES LA MI GUS LE LO SOGS, ,THOS PA'I DRI MA BDUD LAS BRGYAD SPANG BYA, ,CHOS THAMS CAD KYI YON TAN BKOD PA'I RGYAL PO LAS, CHOS NYAN PAS BDUD KYI LAS BZHI SPANG BAR BYA STE, LE LO DANG, MA DAD PA DANG, BLA MA LA SRI ZHU MED PA DANG, CHOS SMRA BA'I BSAM PA MI BRTAN PA'O, ,YANG BZHI STE, DGE BA'I BSHES GNYEN LA MI 'DUD PA DANG, YID LA MI BYED PA DANG, KHENGS PA'I TSIG SMRA BA DANG, 'JIG RTEN 'DI LA SEMS PAS LAS DANG 'BRAS BU KHYAD DU GSOD PA'O, , `THEG PA CHEN PO'I BAR GCOD NI, THEG PA CHEN PO'I BAR GCOD BYED PA'I CHOS, ,BZHI YIS LHAG BCAS BZHI BCU RGYANG RING DOR, ,BLO GROS RGYA MTSO LAS, THEG PA CHEN PO'I BAR GCOD BZHI STE, RGYANG PAN GYI GSANG TSIG TSOL BAS NYES PA THOS PA NYAN PA DANG, BDUD KYI LAS LANGS PAS NGA RGYAL CHE BA DANG, CHOS KYI SGRIB PA LANGS PAS CHOS SPONG BA'O, ,YANG BZHI STE, DGE BA'I @299B BSHES GNYEN DANG, SDIG PA'I GROGS PO LA LOG PAR SHES PA GNYIS DANG, CHOS DANG CHOS MA YIN PA LA LOG PAR SHES PA GNYIS SO, ,YANG BZHI STE, NGOR BLTA BAS SBYIN PA DANG, SKABS CUNG ZAD KYI PHYIR SBYIN PA DANG, BRNYAS THABS KYIS SBYIN PA DANG, RANG GI LAG NAS MA YIN PAR SBYIN PA'O, ,YANG BZHI STE, NGAN PA SBYIN PA DANG, MI BSOD PA SBYIN PA DANG, MA GUS PA DANG, NGA RGYAL GYIS SBYIN PA'O, ,YANG BZHI STE, MTSON DANG, DUG DANG, MI RUNG BA DANG, MA CHOG PA SBYIN PA'O, ,YANG BZHI STE, SPYOD LAM GYIS LUS KYI TSUL 'CHOS PA DANG, LOG PAR SMRA BAS NGAG GI TSUL 'CHOS PA DANG, SDIG PA 'DOD PAS SEMS KYI TSUL 'CHOS PA DANG, 'TSO BA MA DAG PAS THAMS CAD DU TSUL 'CHOS PA'O, ,YANG BZHI STE, NGA RGYAL GYIS CHOS LA MI GUS PA DANG, CHOS SMRA BA LA MI GUS PA DANG, PHA MA DANG MKHAN PO DANG SLOB DPON LA MI GUS PA DANG LUS DANG SEMS RTZUB PAS RTAG TU MI MTHUN PAR GNAS PA'O, ,YANG BZHI STE, RANG LA BSTOD PA DANG GZHAN GYI YON TAN LOG PAR BRJOD PA DANG, NGA RGYAL 'BAR BA DANG, KHRO BA BRTAN PA'O, ,YANG BZHI STE, THOS BA NYUNG BA GRONG LA SOGS PAR 'JUG PA DANG, TSUL KHRIMS MI SRUNG BAR RNYED PA DANG BKUR STI 'DOD PA DANG, DBANG PO MA BSDAMS PAR BUD MED LA LTA BA DANG, MNYAM PAR MA BZHAG PAR SEMS CAN GYI DBANG PO LA 'JUG PA'O, ,YANG BZHI STE, 'PHAGS PA RNAMS SLU BA DANG, 'PHAGS PA MA YIN PA RJES SU MI SRUNG BA DANG, SBYIN PA PO LA BRNYAS PA DANG, SBYIN GNAS KHYAD DU GSOD PA'O, ,YANG BZHI STE, BYA BA MANG BA DANG, RNYED PA MANG BA DANG, SMRA BA MANG BA DANG, BSHES PA MANG BA'O, ,ZHES GSUNGS SO, `,DA NI DGAG PA DANG BSGRUB PA'I BSLAB PA GNYIG RNAM PAR BZHAG PA BCU LAS, 'DOD PA DANG DE'I GNYEN PO'I DBANG DU BYAS PA NI, RGYAL SRAS RNAMS KYIS MCHOD SOGS BYED PA LA'ANG, ,ZHEN CING BRTEN SPANG MNYAM PA NYID RTOGS PAS, ,BYAMS SDANG GNYI GA'I NYON MONGS DOR BYA STE, ,SRED 'DI NYES KUN CHAGS CHES LCI'I PHYIR,, GANG POS ZHUS PA LAS, BYANG CHUB SEMS DPA' NI 'GRO BA'AM 'GRENG BA LA SOGS PA @300A GANG GI TSE'ANG RUNG STE, SPOS SAM ME TOG GAM ZAS MCHOG DAM PA LA SOGS PAS MCHOD PA BYED PA NA DE DAG LA SRED ZHEN MI BYA'O, ,GANG ZAG DE DAG LA BRTEN CING YID MTHUN PA'AM, PHAN TSUN 'GRUL ZHING GTAM BYED PA DANG, PHYOGS GCIG PA'I SEMS KYIS CHAGS PAR MI BYA'O, ,CHOS THAMS CAD MNYAM PA NYID RTOGS PAS SEMS SNYOMS PAR BYA'I BYAMS SDANG MI BYA'O, ,CI'I PHYIR ZHE NA, CHAGS PA DANG 'BREL BA'I BYAMS PA DANG SDANG BA GNYI GA NYON MONGS PA YIN PAS SO, ,DES NA DE DAG LA SRED PA MI BSKYED DE, NYON MONGS PA'I NANG NA YANG SRED PAS PHRAD PAR 'GYUR BA 'DI LCI BA'I PHYIR RO, ,'DI LTAR DE NI RUS PA DANG RKANG LAS KYANG THAL TE 'GRO BAS, KUN TU SBYOR BA BSKYED PA'I CHOS RNAMS KYI NANG NAS SRED PA'I SEMS KYIS NI SHIN TU MNGON PAR ZHEN PAR BYED DO, ,CHAGS PA'I YUL YID BZHIN DU MA THOB NA SDANG BA SKYE BAS NA SDANG BA NI SRED PA'I 'BRAS BU'O, ,MNGON PAR ZHEN PA NI GTI MUG GI 'BRAS BU YIN PAS DE DAG GI DBANG DU MI 'GYUR BAR CI NAS KYANG BSLAB BO ZHES SO, ,YUL 'KHOR SKYONG GIS ZHUS PA LAS KYANG, BYANG CHUB SEMS DPAS CHOS BZHI LA BLTA BAR MI BYA STE, KHYIM GYI GNAS LA DANG, RAB TU BYUNG NAS RNYED PA DANG BKUR STI LA DANG, KHYIM DANG 'DRIS PAR BYA BA LA DANG, LUS DANG LONGS SPYOD LA BLTA BAR MI BYA'O, ,BZHI PO 'DI DAG NI GDUNG BA MED PAR BYED PA'I CHOS TE, TSUL KHRIMS SKYON MED PA DANG, DGON PAR GNAS PA MI 'DOR BA DANG, 'PHAGS PA'I RIGS BZHI DANG MTHUN PAR BYED PA DANG, MANG DU THOS PA THOB PAR BYED PA'O, ,BYANG CHUB SEMS DPA'I SPYOD PA YONGS SU SBYONG BA'I CHOS BZHI STE, KHONG KHRO MED PA'I SEMS DANG, TSUL 'CHOS LA SOGS PA SPANGS TE DGON PAR GNAS PA DANG, BDOG PA THAMS CAD GTONG ZHING RNAM PAR SMIN PA LA MI RE BA DANG; NYIN MTSAN DU CHOS 'DOD CING CHOS SMRA BA'I 'KHRUL PA MI 'TSOL BA'O, ,BYANG CHUB SEMS DPA'I G-YANG SA BZHI STE, MA GUS PA DANG, BYAS PA MI GZO ZHING G-YO BYED PA DANG, RNYED PA DANG BKUR STI LA CHAGS PA DANG, TSUL 'CHOS LA SOGS PAS RNYED PA DANG BKUR STI BSGRUB @300B PA'O; ;BYANG CHUB LA GEGS BYED PA'I CHOS BZHI STE LE LO DANG, MA DAD PA DANG, NGA RGYAL DANG PHA ROL GYI RNYED PA LA PHRAG DOG DANG, SER SNA BYED PA'O, ,BYANG CHUB SEMS DPAS GANG ZAG BZHI BSTEN PAR MI BYA STE, SDIG PA'I BSHES GNYEN DANG, DMIGS PAR LTA BA DANG, CHOS SPONG BA DANG, ZANG ZING LA BRKAM PA'O, ,SNGON BSKAL PA BSAM GYIS MI KHYAB PA'I GONG DU SANGS RGYAS DON GRUB BLO BYUNG NGO, ,PHO BRANG RIN CHEN SNANG BAR RGYAL PO 'OD ZER LDAN GYI BU BSOD NAMS KYI 'OD ZER LA GNAS GTZANG MA'I LHAS BSKUL BA, GZHON NU KHYOD BAG YOD PAR GYIS SHIG ,MI RTAG PAR SO SOR BRTAG PA LA MKHAS PAR GYIS SHIG ,'DOD PA RNAMS NI RO BRO BA CHUNG LA, MI RNAMS KYI SROG NI CHEN PO MA YIN PA STE, TSE 'PHO BAR 'GRO BA YIN GYI, 'JIG RTEN PHA ROL LA 'JIGS PAR BLTA ZHING LAS DANG BYA BA MI 'GAL BAR GYIS SHIG CES SO, ,YANG DE DAG LAS DKON MCHOG GSUM GYI BSNGAGS PA THOS PA DANG DE DAG SHES PAR 'DOD CING 'KHOR BA 'DI 'DOD PA LA SOGS PA YA NGA BA DANG PHRAD PA DANG, BYAS PA MI GZO BA LA SOGS PA'I NYES PA DANG LDAN PAR RIG NAS, SANGS RGYAS DE'I THAD DU SONG STE, BYANG CHUB SEMS DPA'I SPYOD PA RGYA CHEN THOS PAS, RNAM PAR THAR PA DANG GZUNGS DANG MNGON PAR SHES PA LNGA THOB NAS, RGYAL BA DE LA, MTSAN MCHOG LDAN PA DRI MED ZLA BA'I ZHAL, ,ZHES BYA BA LA SOGS PAS BSTOD PA'O ZHES SO, ,GTZUG NA RIN PO CHE LAS KYANG, LUS LA GNYIS SU RTOG STE, MI SDUG PA NI MI GTZANG BAS GANG BA YUN THUNG BA BYIS PA RNAMS 'DRID PA'O, ,SDUG PA NI MNOG MED PA 'DIS SANGS RGYAS KYI CHOS KYI SKU RDO RJE'I SKU 'JIG RTEN GSUM LAS 'PHAGS PA THOB PAR RO ZHES SO, ,RIM PA BZHIN DE GNYIS KYIS SRED PA DOR BA DANG SNYING PO BLANG BAR DGONGS PA'O, `,BDUD KYI LAS CHEN PO DANG DE'I GNYEN PO'I DBANG DU BYAS PA NI, BDUD LAS MI BZAD CHEN PO NYI SHU STE, ,'KHOR BAS SKRAG CING RNAM GROL 'DOD BSTEN SOGS, ,DE DAG SPANGS PAS BYANG CHUB SMIN BYED CHOS, ,NYI SHU BZOD PA BCU GNYIS LA SOGS THOB, ,'JAM DPAL RNAM PAR 'PHRUL PA LAS BDUD KYI LAS YANG DAG PHUL NYI SHU STE, RNAM@301A GROL 'DOD CING 'KHOR BAS SKRAG PA RNAMS LA BRTEN PA DANG, 'DUS MA BYAS LA RTOG CING 'DUS BYAS KYI DGE BA'I RTZA BA 'DOR BA DANG, BSAM GTAN BSKYED CING DE LAS LDOG PA TSOL BA DANG, CHOS STON CING NYAN PA PO LA BRTZE BA MED PA DANG, SBYIN GNAS TSOL ZHING TSUL KHRIMS 'CHAL PA LA KHRO BA DANG, NYAN THOS LA SOGS PA'I GTAM STON CING THEG PA CHEN PO'I GTAM 'CHAB PA DANG, ZAB MO'I GTAM 'CHAB CING GTAM SNA TSOGS STON PA DANG, BYANG CHUB SEMS DPA'I LAM SHES KYANG PHA ROL TU PHYIN PA'I LAM MI TSOL BA DANG, RAB TU BRTZON PA BSNGAGS ? KYANG SEMS CAN BRTZON PA LA MI SBYOR BA DANG, DGE BA'I RTZA BA GSOG KYANG BYANG CHUB KYI SEMS MNGON DU MI BYED PA DANG, LHAG MTHONG DANG LDAN YANG SEMS CAN DE LA MI 'DZUD PA DANG, NYON MONGS PA ZAD PA TSOL ZHING 'KHOR BA'I RGYUN GYIS NYON MONGS PA LA SMOD PA DANG, SHES RAB LA SPYOD CING SNYING RJE MI 'DZIN PA DANG, THABS DANG MI LDAN PAR DGE BA SPYOD PA THAMS CAD DANG, BYANG CHUB SEMS DPA'I SDE SNOD MI TSOL BAR RGYANG PHAN PA'I GSANG TSIG TSOL BA DANG, ,MANG DU THOS KYANG DPE MKHYUD BYED PA DANG, 'JIG RTEN PA'I ZHAL TA BYED CING MANG DU THOS PA MI TSOL BA DANG, CHOS SMRA BA THEG PA CHEN PO LA ZHUGS PA SKAL BA MNYAM PA MI BSTEN PA DANG, NYAN THOS LA SOGS PA SKAL BA MI MNYAM PA LA DGA' BA DANG, BRGYA BYIN LA SOGS PA'I 'BYOR PA THOB PA NA CHOS KYI CHE BA CAN LA MI BRTEN PA'O, ,'DI DAG SPONG BAR BYED PAS BYANG CHUB SMIN PAR BYED PA'I CHOS NYI SHU THOB STE, BYAMS PA CHEN PO DANG, SNYING RJE CHEN PO DANG, 'KHOR BA NA MI SKYO BA DANG, DGE BA'I BSHES GNYEN GYIS ZIN PA DANG, SANGS RGYAS MNYES PAR BYED PA DANG, PHA ROL TU PHYIN PA NYAN PA DANG, BYANG CHUB SEMS DPA'I 'KHOR DANG SKAL BA MNYAM PA DANG, GZUNGS DANG, SPOBS PA DANG, MNGON PAR SHES PA THOB PA DANG, CHOS MA THOS PA NYAN PA DANG, TSE RABS SU BYANG CHUB KYI SEMS BSKYED PA DANG, RTAG TU RAB TU 'BYUNG BA RNYED PA DANG, DAL 'BYOR THOB PA DANG, THOS PA'I CHOS BSGRUB PA DANG, THABS DANG SHES @301B RAB KYIS SEMS CAN 'DZIN PA DANG, DAM PA'I CHOS 'DZIN PA DANG, G-YO SGYU MED PA DANG, PHANGS PA'I DNGOS PO GTONG BA DANG, SEMS CAN THAMS CAD LA KHONG KHRO MED PA'O, ,BYANG CHUB SEMS DPA'I BZOD PA BCU GNYIS THOB STE, BCOS MA MA YIN PA'I BSAM PA DANG, KHONG KHRO MED PA'I LHAG PA'I BSAM PA DANG, SEMS CAN MI SLU BA'I G-YO MED PA DANG, DBUL ZHING PHONGS PA SKYOBS PA'I SNYING RJE DANG, LDOG PA MED PAS JI SKAD SMRAS PA BZHIN BYED PA DANG, LTA BA DANG BRAL BA'I SBYOR BA DANG, CHOS NYID LA RTON PA'I CHOS LA NGES PAR SEMS PA DANG, BDAG MED PAS ZAB PA DANG, 'PHAGS PA'I RJES SU 'JUG PAS MTHUN PA DANG, RTEN 'BREL DANG MTHUN PAS YANG DAG PA DANG, SEMS CAN RJES SU BSRUNG BAS MI MTHUN PA MED PA DANG, MI SKYE BA'I CHOS LA BZOD PAS SKYE BA MED PA DANG 'BYUNG BA MED PA'I BZOD PA'O, ,SANGS RGYAS KYI MDZAD PA NI SEMS CAN GYI NYON MONGS PA LAS BCAL TE, DE MED NA MED PAS NA BA MED NA SMAN PA MI DGOS PA BZHIN NO, ,SKYE BA DANG RGA BA DANG NA BA DANG 'CHI BA LAS SANGS RGYAS 'BYUNG STE DE DAG SPANG BA'I PHYIR DE 'BYUNG BAS SO ZHES SO, ` ,SDIG PA'I GROGS PO LA SOGS PA DANG DE DAG SPANG BA'I DBANG DU BYAS PA NI, SDIG PA'I GROGS BZHI SPANG ZHING DGE BA'I BSHES, ,LEGS BSTEN THOS BSAM BSGRUB LA RAB 'BAD BYA, ,'OD SRUNGS KYIS ZHUS PA LAS, GROGS NGAN PA NI BZHI STE, NYAN THOS BDAG LA PHAN PA 'DOD PA DANG, RANG RGYAL BYA BA NYUNG BA DANG, 'JIG RTEN RGYANG PHAN GSANG TSIG SNA TSOGS CAN DANG, GANG LA BRTEN PAS ZANG ZING SDUD KYI CHOS MI SDUD PA'O, ,DGE BA'I BSHES GNYEN NI BZHI STE, BYANG CHUB KYI LAM STON PAS SLONG BA DANG, THOS PA'I SHES RAB STON PAS CHOS SMRA BA DANG, DGE BA'I RTZA BA THAMS CAD STON PAS RAB TU 'BYIN PA DANG, SANGS RGYAS KYI CHOS THAMS CAD STEN PAS SANGS RGYAS NYID DO, ,BYANG CHUB SEMS DPA' LTAR BCOS PA BZHI STE, RNYED PA DANG BKUR STI 'DOD KYI CHOS MI 'DOD PA DANG, BSTOD PA 'DOD KYI YON TAN MI 'DOD PA DANG, BDAG BDE BA 'DOD KYI GZHAN GYI SDUG BSNGAL @302A BSAL BA MI 'DOD PA DANG, 'KHOR 'DOD KYI DBEN BA MI 'DOD PA'O, ,BYANG CHUB SEMS DPA'I YANG DAG PA'I YON TAN BZHI STE, STONG PAR MOS LA RNAM PAR SMIN PA LA'ANG YID CHES PA DANG, BDAG MED PAR BZOD LA SEMS CAN LA SNYING RJE BA DANG, BSAM PA ZHI BA LA GNAS LA SBYOR BA SRID PA LA GNAS PA DANG, GZHAN DON DU SBYIN PA BYED LA RNAM SMIN LA MI RE BA'O, ,BZANG PO LUNG BSTAN PA LAS, THOS PA'I PHAN YON BZHI STE, RANG DANG GZHAN GYI SHES RAB SBYONG BA DANG, PHYOGS BZHI NAS LHAGS PA RNAMS KYI THE TSOM GCOD PA DANG, DAM PA'I CHOS 'DZIN PA DANG, SANGS RGYAS KYI BSNGAGS PA MI ZAD PA'O, ,THOS PA'I SNYING PO NI BZHI STE, THOS NAS BYE BRAG TU SHES PA DANG, BYA BA MA YIN PA MI BYED PA DANG, GZHAN LA STON PA DANG, SANGS RGYAS KYI BYANG CHUB LA GTOD PAS RNAM GROL 'DOD PA'O, ,CHOS STON PA'I PHAN YON BZHI STE, LAS BYAS NAS ZAS LA SPYOD PA DANG, CHOS GOS LA SOGS PA RNYED PA DANG, GZHAN GYI PHYOGS MTHU CHUNG BAR BYED PA DANG, CHOS 'DOD PA'I LHA DAG PHYI BZHIN 'BRANG ZHING BSRUNG BAS BDUD KYIS MI BRDZI BA'O, ,CHOS STON PA'I TSIG GZUNG BAR 'OS PA'I RGYU BZHI STE, 'DOD PA CHUNG BA DANG, CHOG SHES PA DANG, NGANG TSUL BZANG ZHING MNYEN PA DANG, RANG NYID CHOS BSGRUB PA'O, SEMS CAN LA MDZA' BSHES MI PHYED PA'I CHOS BZHI STE, BSTOD PA'I GO CHA BGOS PA DANG, LAN LA MI RE BA DANG, SNYING RJE MI 'DOR BA DANG, LOG PAR ZHUGS ? BA MI SPONG BA'O, ,BSTEN PAR BYA BA'I GROGS BZHI STE, SBYOR BA PHUN SUM TSOGS PA DANG, BSAM PA PHUN SUm TSOGS PA DANG, SPYOD PA PHUN SUM TSOGS PA DANG, GANG DAG 'DI'I BYANG CHUB KYI LAM STON PAR BYED PA'O, ,SDIG PA'I GROGS PO NI BZHI STE, THEG PA DMAN PA STON PA DANG BYANG CHUB KYI SEMS LA 'DUN PA BZLOG PA DANG, GANG LA BRTEN NA MI DGE BA 'PHEL BA DANG, DGE BA NYAMS PAR 'GYUR BA'O, ,SANGS RGYAS DANG PHRAD PAR BYED PA'I CHOS BZHI STE, DRAN PA RTZE GCIG PA DANG, SANGS RGYAS KYI BSNGAGS PA YANG NAS YANG DU SGROGS PA DANG, @302B TSUL KHRIMS RNAM PAR DAG PA DANG, LHAG PA'I BSAM PAS SMON LAM 'DEBS PA'O, ,PHAN YON BZHI MTHONG NA BSLAB PA LHUR LEN TE, NGAN 'GRO LAS 'DA' BA DANG, BDE 'GRO THOB PA DANG, SANGS RGYAS LA GUS PA DANG, SMON LAM 'GRUB PA'O, ,BYANG CHUB SEMS DPA'I BSLAB PA BZHI STE, BYANG CHUB KYI SEMS MI 'DOR BA DANG, SEMS CAN THAMS CAD LA MNYAM PAR SBYOR BA DANG, PHA ROL TU PHYIN PA TSOL BA DANG, SANGS RGYAS KYI CHOS TSAD MED PA NYAN PA LA MI SKRAG PA'O, ,TING NGE 'DZIN GYI RIGS BZHI STE, 'DU 'DZI MED PA DANG, RAB TU DBEN PA DANG, SEMS KYI RNYOG PA MED PA DANG, DGE BA'I RTZA BA NYE BAR STON PA'O, ,DON SEMS PA BZHI STE, GANG ZAG MED PA'I CHOS TZAM LAS SKYE'I RGYU MED PA MA YIN PA DANG, BRTEN NAS SKYES PA DE MA SKYES PA DANG, DNGOS PO MED PA DANG, BYANG CHUB KYI PHYIR CHUD MI ZA BA'O, ,SEMS CAN MI GTONG BA'I CHOS BZHI STE, SNGON GYI SMON LAM MI 'DOR BA DANG, SKYO BA BZOD PA DANG, LUS DANG SROG LA MI LTA BA DANG, BSDU BA'I DNGOS PO BZHIS SDUD PA'O, ,SMIN PAR BYED PA BZHI STE, ZANG ZING SBYIN PA DANG, YONGS SU SMIN PA LA CHOS SBYIN PA DANG, DUS SU BSKUL PAS DRAN PAR BYED PA DANG, RANG GI BDE BA SPANGS NAS GZHAN GYI DGE BA SMIN PAR BYED PA'O, , THABS LA MKHAS PA BZHI STE, SEMS BSKYED PA THAMS CAD LA BYANG CHUB KYI SEMS SNGON DU 'GRO BA STE THA NA NYON MONGS PA LA'ANG RUNG NA, DGE BA'I SEMS LA LTA CI SMOS PA DANG, SEMS CAN THAMS CAD CHOS KYI SNOD DU BLTA BA DANG, NGO BO NYID MED PA SHES PAS CHOS THAMS CAD 'KHRUL PA'I YUL TZAM DU LTA BA DANG, RNAM GROL 'DOD PAS SNYOMS 'JUG LA ZHEN PA MED PA'I 'DU SHES BSGOM PA'O, ,CHOS BZHI PA SPOBS PA THOB STE, CHOS SMRA BA GZHAN GYIS BSHAD PA'I SKYON MI TSOL BA DANG, CHOS SMRA BA LA GUS PAR NYAN PA DANG, THOS PAS MA KHENGS PA DANG, THOS PA CHUNG BA LA MI BRNYAS PA'O, ,CHOS BZHIS PHA ROL TU PHYIN PA THAMS CAD KYIS 'PHAGS SHING PHYIR MI LDOG STE, THABS LA MKHAS PAS PHA ROL TU PHYIN PA RE RER KUN SDUD PA DANG, SEMS CAN GCIG GI RANG BZHIN SHES PAS KUN GYI SHES PA DANG, CHOS GCIG GI RNAM DAG @303A RTOGS PAS KUN GYI SHES PA DANG, CHOS NYID YIN PAS SANGS RGYAS THAMS CAD GCIG PAR MOS PA'O ZHES SO, ` ,SBYIN PA DANG TSUL KHRIMS KYI DBANG DU BYAS PA NI, YAN LAG BZHI RDZOGS DON DU BSNGO LA SOGS, ,BSTEN DANG SPANG BAS SBYIN LA BSLAB BYA ZHING, ,TSUL KHRIMS RNAM DAG RNAM BZHI 'JIG SPONG SOGS, ,YON TAN MTHA' YAS RNAMS KYI GZHI RTEN NYID, ,SRED MED KYI BUS ZHUS PA LAS, SBYIN PA NI YAN LAG BZHI RDZOGS PAR BYA BA'I PHYIR BSNGO STE, SANGS RGYAS KYI ZHING YONGS SU DAG PA DANG, BYANG CHUB SEMS DPA'I DGE 'DUN YONGS SU DAG PA DANG, SEMS CAN YONGS SU SMIN PA DANG, THAMS CAD MKHYEN PA'I YE SHES YONGS SU DAG PA'I PHYIR RO, ,SBYIN PA ZAD PAR 'GYUR BA BZHI STE, MA BSNGOS PA DANG, THABS MI MKHAS PA DANG, DMA' BAR SKYE BA 'DOD PA DANG, SDIG PA'I GROGS PO LA BRTEN PA'O, ,SBYIN PA MI ZAD PAR BYED PA BZHI STE BYANG CHUB CHEN POR BSNGO BA DANG, THABS LA MKHAS PA DANG, CHOS KYI RGYAL SRID 'DOD PA DANG, DGE BA'I BSHES GNYEN BSTEN PA'O, ,CHOS BZHI MNGON DU BYAS LA SBYIN TE, BYANG CHUB KYI SEMS MI GTONG BA DANG, SEMS CAN LA BRTZE BA DANG, SANGS RGYAS KYI BKA' DANG MI 'GAL BA DANG, RNAM PAR SMIN PA LA MI RE BA'O, ,SEMS CAN RNAMS CHOS GSUM LA 'GOD PA'I PHYIR SBYIN TE, BYANG CHUB LA DANG, CHOS BSTAN PA DE NYID LA DANG, BLA NA MED PA'I BDE BA LA 'GOD PA'O, ,CHOS GNYIS 'DOD PAS SBYIN TE, LONGS SPYOD CHE BA DANG, GTONG BA'I SEMS NYID DO, ,CHOS GNYIS SPANGS PA'I PHYIR SBYIN TE CHAGS PA DANG SER SNA'O, ,CHOS GNYIS RDZOGS PA'I PHYIR TE, SHES RAB DANG, YE SHES SO, ,TSUL KHRIMS RNAM PAR DAG NA RNAM PAR 'JIG PA BZHI DANG MI PHRAD DE, DAM PA'I CHOS 'JIG PA DANG, BSKAL PA BAR MA GSUM DANG MI 'PHRAD PA'O, ,YANG MNGON PAR MTHO BA BZHI THOB STE, SANGS RGYAS MI SLU BA DANG, LHA MI SLU BA DANG, SEMS CAN MI SLU BA DANG, RANG SEMS LA MI SLU BA'O, ,YANG 'JIGS PA BCU LAS 'DA' STE, NGAN SONG GSUM DANG, DBUL PO DANG, MI BSNGAGS PA LA SOGS PA DANG, @303B BDUD KYI KUN NAS BKRIS ? PA DANG, NYAN THOS DANG RANG RGYAL GYI NGES PA DANG, LHA DANG KLU DANG GNOD SBYIN LA SOGS PA'I 'JIGS PA DANG, DUG DANG MTSON LA SOGS PA DANG, GCAN GZAN DANG MI RGOD LA SOGS PA'I 'JIGS PA'O, ,TSUL KHRIMS NI SANGS RGYAS KYI CHOS THAMS CAD KYI RTEN TE, DE YOD PA LA TING NGE 'DZIN LA SOGS PA YOD PA'I PHYIR RO, ` ,THOS PA DANG BDEN PA'I DBANG DU BYAS PA NI, SANGS RGYAS NYID TSOL THOS LA RGYAB PHYOGS NA, ,'GRO KUN SHES RAB NYAMS BYED ZHUGS PAS NA, ,'BAD PA KUN GYIS THOS PA LHUR BYA ZHING, ,SANGS RGYAS RNAMS DANG BDAG DANG SEMS CAN DAG ,SLU BYED RING SPANGS BDEN PA YONGS DAG PA'I, ,NOR GYIS BDAG GZHAN DON KUN RAB RDZOGS BYA, ,MDO SDE DE NYID LAS, BYANG CHUB TU SEMS BSKYED DE, BYANG CHUB SEMS DPAR DAM BCAS NAS BDAG SANGS RGYAS SU GYUR CIG CES SMRA LA, THOS PA MI TSOL NA DE NI SEMS CAN THAMS CAD SHES RAB TSAL PAR BYA BAR ZHUGS PA'O, ,THOS PA LA 'BAD PA BYAS NA SEMS CAN THAMS CAD KYI SHES RAB RDZOGS PAR BYA BA'I NYE BAR BRTAN PAR BYAS BA STE, LHA RNAMS KYANG MGU NAS AA LA LA SKYES BU DAM PA 'DI THOS PA DANG BRTZON 'GRUS DANG SHES RAB SBYANGS PAS STOBS BCU LA SOGS PA THOB PAR NUS SO ZHES CHED DU BRJOD PAR BYED DO, ,BDUD KYI GNAS THAMS CAD MOG MOG POR GYUR PAS BDUD THAMS CAD SDUG BSNGAL TE 'DI BDAG CAG GI DBANG DU MI 'GYUR RO,, 'DIS BDAG CAG BCOM ZHING DBANG DU BYED DO SNYAM MO, ,CI'I PHYIR ZHE NA, THOS PA LAS SHES RAB SKYE'O; ;SHES RAB KYIS NYON MONGS PA 'JOMS SO, ,DES NA BDUD KYIS MI BRDZI BAS SO,, YANG NA THOS PAS SO SOR RTOG CING TSUL BZHIN DU CHOS TSOL BAS KYANG NGO, ,YANG NA THOS PAS LOG LTA DANG BRAL TE YANG DAG PA'I LTA BA DANG LDAN PAS SO, ,SNGON DRANG SRONG MCHOG CES BYA BA BYAMS PA DANG SNYING RJE DANG MNGON SHES THOB PA ZHIG 'DI SNYAM DU BYAMS PA TZAM GYIS NI SEMS CAN RNAMS KYI DGA' BA BSKYED MI NUS TE, BSKAL PA MTHA' YAS PAR BSAGS PA'I NYON MONGS PA THAMS CAD ZHI BAR BYED MI NUS SO, ,'PHAGS PA'I YANG DAG PA'I LTA BA'ANG BSKYED MI NUS PAS @304A 'PHAGS PA'I LTA BA DE GANG LAS SKYE ZHIG GU ,DE NI RGYU RKYEN GNYIS LAS TE, GZHAN GYI SGRA DANG NANG GI TSUL BZHIN YID LA BYED PA'O SNYAM NAS THOS PA GCES PAR BTZAL BA'O, ,DE LA 'OG GI SANGS RGYAS KYI ZHING SUM CU RTZA GNYIS 'DAS PA'I 'JIG RTEN GYI KHAMS KUN NAS DRI MA MED PA NAS SANGS RGYAS DRI MA MED PAR GRAGS PA BYON TE CHOS GSUNGS SO, ,RDO RJE'I TSIG BRGYAD DANG, CHOS KYI SGO'I TSIG BRGYAD DANG, SA BON GYI TSIG BRGYAD RNAMS SO, ,DES SPOBS PA MI CHOD PA DANG, GZUNGS DANG LHAS RJES SU BZUNG BA LA SOGS PA THOB PO, ,BYANG CHUB SEMS DPA' NI CHOS NYAN PA'I PHYIR MTSON GYIS GTAMS PA'AM MES GANG BA'ANG BRGAL TE 'GRO BA'ANG LUS DANG SROG MI PHANGS SO, ,PHUNG PO DANG KHAMS NI RNYED SLA'I SANGS RGYAS DANG CHOS STON PA DANG CHOS LA GUS PA'I SEMS CAN NI RNYED DKA'O ZHES SLOB NA YONGS SU SBYANG BA BYAS PA'O, ,YANG TSIGS SU BCAD PA GCIG GAM SDOM PA'AM CHOS KYI GDAMS PA GCIG TZAM GYIS CHOS RANGS KYI, 'KHOR LOS BSGYUR BA'I RGYAL SRID KYIS NI MA YIN NO, ,SEMS CAN GCIG LA TSIGS SU BCAD PA GCIG BSGRAGS PAS RANGS KYI, BRGYA BYIN NYID THOB PAS NI MA YIN NO, ,KHYI LA CHANG BU GCIG BYIN PAS RANGS KYI TSANGS PA THOB PAS NI MA YIN NO, ,THOS PA GCIG THAMS CAD MKHYEN PAR BSNGOS PAS RANGS KYI, NOR GYI PHUNG PO DPAG TU MED PA THOB PAS NI MA YIN NO, ,BYANG CHUB KYI SEMS KYIS CHES RANGS KYI, STONG GSUM RIN PO CHE BDUN GYIS BKANG BAS NI MA YIN NA YONGS SU SBYANG BAR BYAS PA'O, ,BU MO RIN CHEN GYIS ZHUS PA LAS, BDEN PA NI GSUM STE, SANGS RGYAS LA MI SLU BA DANG, BDAG LA MI SLU BA DANG, SEMS CAN LA MI SLU BA'O, ,BYANG CHUB KYI SEMS BSKYED NAS NYAN THOS DANG RANG RGYAL BA'I SA 'DOD CING SMON NA DE GSUM BSLU BA'O, ,BDUD LA SOGS PAS CI 'DRA BA'I GNOD PA BYAS KYANG SEMS DE MI NYAMS PAR BRTZON 'GRUS RTZOM NA MI SLU BA'O,, BZHIS SANGS RGYAS MI SLU STE, BRTAN PA DANG, MTHU DANG, STOBS DANG, BRTZON 'GRUS BRTUL BA'O,, BZHIS BDAG MI SLU STE, BSAM PA DANG LHAG PA'I BSAM PA DANG, G-YO MED PA DANG, SGYU @304B MED PA'O, ,BZHIS SEMS CAN MI SLU STE, SBYOR BA DANG, BYAMS PA DANG, SNYING RJE DANG, BSDU BA'O, ,BDEN PA'I YONGS SU DAG PA NI SUM CU RTZA GNYIS TE, NGO TSA SHES PA'I RNAM PA DANG, DE BZHIN DU KHREL YOD PA DANG, YON TAN DANG, DES PA DANG, BCOS MA MA YIN PA DANG, MA SMAD PA DANG, MI DMIGS PA DANG, LHAS RNAM PAR RIG PA DANG, 'JIGS PA MED PA DANG, NGAN 'GRO GCOD PA DANG, BDE 'GRO 'BYED PA DANG, 'PHAGS PA'I SKYE BO MNGON PAR DGA' BA DANG, MKHAS PAS MCHOD PAR 'OS PA DANG, NANG DAG PA DANG, PHYI LEGS PAR BYAS PA DANG, GZUNG BAR 'OS PA'I TSIG DANG, BLANG BAR 'OS PA'I TSIG DANG, TSIG MI BRLANG BA DANG, 'JAM PA'I TSIG DANG, KHYAD PAR CAN GYI TSIG DANG, KHA DRI ZHIM PA'I TSIG DANG, BKA' BLO BDE BA DANG, BSLU BA MED PA DANG, GDUNG BA MED PA DANG, DGA' ZHING MCHOG TU DGA' BA DANG, BDAG LA NGES PAR SEMS PA DANG, GZHAN LA NGES PAR SEMS PA DANG, 'KHRUL PA MED PA DANG, KHA NA MA THO BA MED PA DANG, SBYIN GNAS KYIS DANG, SANGS RGYAS MNYES PAR BYED PA DANG, BDEN PA'I RJES SU MTHUN PA'I NGAG RAB TU THOS PA'I RNAM PA'O, ` ,THEG PA CHEN PO'I BAR GCOD DANG RJES SU MTHUN PA'I CHOS NI, THEG PA MCHOG GI BAR GCOD SUM CU GNYIS, ,RAB SPANGS RJES MTHUN SUM CU GNYIS LA BSLAB, ,MDO SDE NYID LAS, THEG PA CHEN PO'I BAR GCOD SUM CU RTZA GNYIS TE, NYAN THOS KYI THEG PA 'DOD PA DANG, RANG RGYAL GYI THEG PA 'DOD PA DANG, BRGYA BYIN DANG TSANGS PA 'DOD PA DANG, SKYE BA LA GNAS PA'I TSANGS PAR SPYOD PA DANG, DGE BA'I RTZA BA GCIG LA CHAGS PA DANG, SER SNA BYED PA DANG, SEMS CAN LA MNYAM PAR MI SBYIN PA DANG, TSUL KHRIMS LHOD PA DANG, BYANG CHUB KYI SEMS MI SRUNG BA DANG, GNOD SEMS DANG KHONG KHRO BYED PA DANG, SEMS ZHUM PA DANG, RJED NGAS PA DANG, THOS PA MI TSOL BA DANG, DPYOD PA MED PA DANG, 'PHAGS PA MA YIN PA DANG, NGA RGYAL LAS KYANG NGA RGYAL 'PHEL BA DANG, GZHI GSUM GYI LAS MA DAG PA DANG, DAM PA'I CHOS MI BSRUNG BA DANG, SLOB DPON CHOS 'CHAB PA DANG, BSDU BA'I DNGOS PO 'DOR BA DANG, YANG DAG PAR MGU BAR 'GYUR BA'I CHOS GTONG BA DANG, SDIG PA'I @305A GROGS PO BSTEN PA DANG, PHUNG PO GSUM PA DANG MI MTHUN PAS BYANG CHUB TU MI BSNGO BA DANG, DGE BA'I RTZA BA CHUNG NGUS RLOM PA DANG, THABS MED PAR LTUNG BA DANG, PHYIR ZHING DKON MCHOG GI BSNGAGS PA MI SMRA BA DANG, BYANG CHUB SEMS DPA' LA GNOD PAR SEMS PA DANG MA THOS PA'I CHOS SPONG BA DANG, BDUD KYI LAS MI RIG PA DANG, RGYANG PHAN GYI GSANG TSIG 'DZIN PA DANG, SEMS CAN SMIN PAR MI BYED PA DANG, 'KHOR BAS SKYO BA'O, ,THEG PA CHEN PO RNAM PAR DAG PAR 'GYUR BA'I CHOS SUM CU RTZA GNYIS BSTEN CING BSGOM PA MANG DU BYA STE, GSOL BA MA BTAB PAR SEMS CAN GYI DGE BA'I BSHES ? GNYEN DU GYUR PA DANG, GZHAN GYIS BYAS PA LA DGA' BA MED PA DANG, DGE BA'I RTZA BA THAM CAD LA BSAM PA BRTAN PA DANG, BYA BA THAMS CAD SGRUB PA LA MI ZHUM PA DANG, BSAM PA DAG PAS SEMS RNYOG PA MED PA DANG, SPYOD LAM THAMS CAD DU MI RTOG PAS LUS DAG PA DANG, JI SKAD SMRAS PA BZHIN BYED PAS NGAG DAG PA DANG, BYANG CHUB KYI SEMS MI 'DOR BAS YID DAG PA DANG, LAN LA MI RE BAS SBYIN PA DAG PA DANG, NGANG TSUL NGAN PA SKYOB PAS TSUL KHRIMS DAG PA DANG, LUS DANG SROG LA MI LTA BAS BZOD PA DAG PA DANG, STOBS DANG MI 'JIGS PA RDZOGS PAR BYED PAS BRTZON 'GRUS DAG PA DANG, NYON MONGS ZIL GYIS GNON PAS BSAM GTAN DAG PA DANG, BAG CHAGS 'JOMS PAS SHES RAB DAG PA DANG, BDUD KYI LAS THAMS CAD 'JOMS PAS SEMS DPA' BA DANG, KHA 'OG TU LUS 'KHRUS PAS YI DAM BRTAN PA DANG, SEMS CAN SMIN PAR BYED PAS BSDU BA'I DNGOS PO MI 'DOR BA DANG, DAM PA'I CHOS BSRUNG BAS SANGS RGYAS LA BYAS PA GZO BA DANG, BYANG CHUB KYI CHOS RDZOGS PAR BYED PAS MI SKYO BA DANG, SHES RAB DANG YE SHES RDZOGS PAR BYA BA'I PHYIR THOS PAS MI NGOMS PA DANG, GONG MA'I KHYAD PAR SHES PAS DE LA MA CHAGS PA DANG, SPYI GTZUG MI MTHONG BA'I PHYIR NGA RGYAL MED PAR NYAN PA DANG, RGYU RKYEN TSOGS PA MTHONG BAS CHOS THAMS CAD DANG 'GAL BA MED PA DANG, NOR BDUN THOB PA'I PHYIR DBUL BA MED PA DANG, BDAG LA DBANG BAS @305B BRAN MA YIN PA DANG, TSOGS GNYIS BSGRUB PA'I MNGON SHES KYIS SEMS CAN GYI NYON MONGS PA ZHI BAR BYED PA DANG, SANGS RGYAS KYI RIG PA DANG RNAM GROL BSGRUBS PAS ZHI GNAS DANG LHAG MTHONG GI TSOGS DANG, RNAM PAR THAR PA'I SGO GSUM SGOM PAS DE GSUM KUN TU STON PA DANG SEMS CAN THAMS CAD CAD KYI YE SHES KHONG DU CHUD PAS NANG NYE BAR ZHI BA DANG, MI SKYE BA LA BZOD PA THOB PA'I PHYIR ZAD PA DANG MI SKYE BA SHES PA DANG, CHOS THAmS CAD LA NAN TAN SNYING BOR BYED CING GNAS PAS LUNG BSTAN PA'O, ,ZHES SO, ` ,LAM GYI YAN LAG DANG GEGS KYI DBANG DU BYAS PA BZHI PA BSGRUB PA LAS 'BYUNG BA NI, DMIGS PA BZHI LAS SANGS RGYAS MCHOD PA YIS, ,CHOG MI SHES SOGS LAM GYI YAN LAG RNAMS, ,'BAD PAS RAB SGRUB CHOS KYI SGRIB RNAM BZHI,, LA SOGS GEGS RNAMS BSGRIMS TE SPANG BAR BYA, ,MDO SDE LAS, DMIGS PA BZHIS SANGS RGYAS MCHOD PAS CHOG MI SHES PAR BYA STE, THAMS CAD MKHYEN PA LA DANG, SEMS CAN THAMS CAD DGROL BA LA DANG, DKON MCHOG GSUM GYI GDUNG MI CHAD PAR BYA BA LA DANG, SANGS RGYAS KYI ZHING GI YON TAN BKOD PA YONGS SU BZUNG BA LA DMIGS PAS SO, , BYANG CHUB SEMS DPA'I SPYI BOR PHYIN PA'I CHOS BZHI STE, SHES RAB KYI PHA ROL TU PHYIN PA DANG, THABS LA MKHAS PA DANG, DAM PA'I CHOS 'DZIN PA DANG, SEMS CAN SMIN PAR BYED PA'O, ,BYANG CHUB KYI LAM STON PAR BYED PA BZHI STE, PHA ROL TU PHYIN PA DRUG LA BRTZON PA DANG, BSDU BA'I DNGOS PO'I RJES SU MTHUN PA DANG, TSANGS PA'I GNAS BZHI BSGRUB PA DANG, MNGON PAR SHES PAS RNAM PAR RTZE BA'O, ,CHOS GYA NOM PA DAM PA MCHOG BZHI STE, SEmS CAN THAMS CAD LA KHONG KHRO MED PA DANG, DE DANG 'GAL BAR BYED PA NYID THAR PAR 'DOD PA DANG, YUL CHEN PO 'BYOR KYANG BAG YOD PA DANG, JI LTAR DBUL PHONGS KYANG CHOS SPYOD PA MI 'DOR BA'O, ,MOS PA BZHI STE, KHYIM PAR GYUR NA RANG GIS LONGS SPYOD KYIS CHOG SHES PA DANG, GZHAN GYI NOR LA 'DOD PA MED PA DANG, RAB TU BYUNG NA 'PHAGS PA'I RIGS KYIS CHOG SHES PA DANG, SBYANGS PA'I YON @306A TAN DANG YO BYED BSNYUNGS PA'O, ,SBYIN PA BZHI STE, CHOS DANG ZANG ZING DANG, SHOG SHOG DANG, SNAG TSA DANG, SNYUG GU DANG, GLEGS BAM DANG, CHOS SMRA BA LA SNYING NAS LEGS SO ZHES BYA BA SBYIN PA'O, ,SNYING PO NYID BZHI STE, THOS PA LAS NAN TAN DANG, LONGS SPYOD LAS GTONG BA DANG, LUS LAS BLA MA BKUR STI BYED PA DANG, SROG LAS DGE BA'I RTZA BA BSKYED PA SNYING PO NYID DO, ,BTANG BAR MI BYA BA BZHI STE, BYANG CHUB KYI SEMS DANG, DAM PA'I CHOS DANG, SEMS CAN DANG, DGE BA'I RTZA BA THAMS CAD BTANG BAR MI BYA'O, ,SKYED MOS TSAL BZHI STE, DGON PAR GNAS PA DANG, DBEN PA LA DGA' BA DANG, DGE BA'I CHOS LA 'DUN PA DANG, THABS LA MKHAS PAS SEMS CAN SMIN PAR BYED PA'O, ,GZHAL MED KHANG BZHI STE, TSANGS PA'I GNAS PA DANG, 'BREL GTAM GYI CHOS NYAN PA'I DGA' BA MYONG BA DANG, STONG PA NYID NGES PAR SEMS PA DANG, SKYE BO'I RIGS MTHUN PA DANG 'DU BA'O, ,NOR MI ZAD PA BZHI STE, THOS PA'I NOR DANG, CHOS STON PA'I NOR DANG, SEMS CAN DBUL PO SDUD PA'I NOR DANG, BYANG CHUB TU BSNGO BA'I NOR RO, ,GTER BZHI STE, GZUNGS DANG, SPOBS PA DANG, CHOS DANG, LONGS SPYOD ZAD MI SHES PAR BSNGO BA'I GTER RO, ,MNGON PAR 'BYUNG BA BZHI STE, 'DU 'DZI LAS DANG, YUL THAMS CAD LAS DANG, 'PHAGS PA MA YIN PA'I BSAM PA LAS DANG, KHAMS GSUM THAMS CAD LAS 'BYUNG BA'I BSAM PA'O, ,BDE BA BZHI STE, DNGOS PO THAMS CAD LA MI LTA BAS YONGS 'DZIN MED PA'I DANG, YUL SPANGS PAS DBEN PA'I DANG, NYON MONGS MED PAS ZHI BA'I DANG, SEMS CAN THAMS CAD MI GTONG BAS MYA NGAN LAS 'DAS PA'I BDE BA'O, ,MCHOG TU DGA' BA BZHI STE, SANGS RGYAS MTHONG BAS DANG, CHOS THOS PAS DANG, SBYIN PA LA 'GYOD PA MED PAS DANG, SEMS CAN THAMS CAD LA BDE BA BSKYED PAS MCHOG TU DGA' BA'O, ,BDEN PA'I CHOS BZHI STE, BYANG CHUB KYI SEMS MI GTONG BA DANG, YI DAM LAS MI NYAMS PA DANG, SKYABS SU SONG BA DAG MI GTONG BA DANG, GA BSDAMS PAS TSIG THAMS CAD BDEN PA'O, ,DGE BA'I CHOS BZHI STE, @306B DGE BA THAMS CAD LA LHAG BSAM GYIS SBYOR BA DANG, MA BSLABS PA LA MI BRNYAS PA DANG, GSOL BA MA BTAB PAR SEMS CAN GYI DGE BA'I BSHES GNYEN BYED PA DANG, YON TAN THAMS CAD LA PHYIR BYA BA'I LAN MI RE BA'O, ,SPYOD PA RNAM PAR DAG PA BZHI STE, BDAG MED PAS TSUL KHRIMS DANG, SEMS CAN MED PAS TI NGE 'DZIN DANG, SROG MED PAS SHES RAB DANG, GANG ZAG MED PAS RNAM PAR GROL BA RNAM PAR DAG BA'O, ,RKANG PA BZHI STE, CHOS KYI DANG, DON GYI DANG, SBYANGS PA'I YON TAN DANG, YO BYAD BSNYUNGS PA'I DANG, BYANG CHUB KYI LAM GYI TSOGS SOGS PA'I RKANG PA'O, ,LAG PA BZHI STE, DAD PA DANG, TSUL KHRIMS DANG, THOS PA DANG, SHES RAB KYI LAG PA'O, ,MIG BZHI STE, LAS LEGS PAR BYAS PAS SHA'I MIG DANG, MNGON SHES MI NYAMS PAS LHA'I DANG, THOS PA'I STOBS CHE BAS SHES RAB KYI DANG, CHOS THAMS CAD NGES PAR SEMS PAS CHOS KYI MIG GO ,MI NGOMS PA BZHI STE, SBYIN PAS MI NGOMS PA DANG, DGON PAR GNAS PA DANG, CHOS NYAN PA DANG, DGE BA THAMS CAD GSOG PAS MI NGOMS PA'O, ,DKA' BA BYED PA BZHI STE, MTHU CHUNG NGU LA BZOD PA DANG, DBUL PO LA BDOG PA THAMS CAD GTONG BA DANG, YAN LAG MCHOG MGO SLONG BA LA YANG KHRO BA MED KYI STENG DU DGE BSHES SU 'DZIN PA DANG, SKYE BA LA MI RTOG PAS BSAM BZHIN DU SKYE BA'O, ,BDAG GI PHYOGS BZHI STE, PHA ROL TU PHYIN PA DANG, BYANG CHUB KYI PHYOGS DANG, YANG DAG PA'I DGE BSHES DANG, SDIG PA THAMS CAD MI BYA BA'I PHYOGS SO, , MI BSKYOD PA BZHI STE, BYANG CHUB KYI SEMS DANG, YI DAM DANG, JI SKAD SMRA BA BZHIN BYED PA DANG,, YANG DAG PA'I NAN TAN LAS MI BSKYOD PA'O, ,TSOGS BZHI STE, ZHI GNAS DANG, LHAG MTHONG DANG, THOS PA DANG, DGE BA'I RTZA BA THAMS CAD KYI TSOGS SO, ,ZUNG DU 'BREL BA'I CHOS BZHI STE, BSAM PA DANG SBYOR BA DANG, GTONG BA DANG BSNGO BA DANG, BYAMS PA DANG SNYING RJE DANG, THABS DANG SHES RAB ZUNG DU 'BREL BA'O, ,CHOS KYI SGRIB PA'I RGYU MTHUN PA'I RMI LAM BZHI STE, KHRON PA RDUL CAN DANG GTING NA ZLA BA MTHONG BA DANG, MTSO DANG MTSE'U DANG RDZING RNYOG PA CAN DANG GTING NA ZLA @307A BA DANG, BAR SNANG SPRIN YOGS PAR ZLA BA DANG, BAR SNANG RLUNG DANG DU BA 'KHRIGS PAR ZLA BA MTHONG BA'O, ,LAS KYI SGRIB PA'I 'ANG BZHI STE, RANG G-YANG SA CHEN POR LHUNG BA DANG, LAM MTHO DMAN CAN MTHONG BA DANG, LAM SRANG DOG PAR ZHUGS PA DANG, PHYOGS BSLAD CING 'JIGS PA MANG PO MTHONG BA'O, ,NYON MONGS PA'I SGRIB PA YANG BZHI STE, DUG DRAG POS 'KHRUGS PAR MTHONG BA DANG, GCAN GZAN GTUM PO MANG PO'I SGRA THOS PA DANG, BDAG G-YON CAN GYI NANG NA GNAS PAR MTHONG BA DANG, BDAG GI LUS DANG GOS DRI MA CAN DU MTHONG BA'O,, GZUNGS THOB PA'I RGYU MTHUN GYI RMI LAM BZHI STE, GTER CHEN PO RIN PO CHE SNA TSOGS KYIS GANG BA DANG, RDZING PADMAS RGYAS PAR GANG BA DANG, GOS DKAR PO PHRUGS RNYED PA DANG, SU ZHIG SPYI BOR GDUGS 'DZIN PA MTHONG BA'O, ,TING NGE 'DZIN GYI'ANG BZHI STE, BZANG MO RGYAN BZANG PO CAN ME TOG SIL MA 'BUL BA DANG, NGANG PA DKAR PO'I KHYU SKAD 'BYIN CING NAM MKHA' LA RGYU BA DANG, SANGS RGYAS 'OD ZER MANG POS BRGYAN PA'I PHYAG SPYI BOR 'JOG PA DANG, SANGS RGYAS PADMA'I GDAN LA BSAM GTAN MDZAD PA MTHONG BA'O, ,SANGS RGYAS MTHONG BA'I BZHI STE, ZLA BA 'CHAR BA DANG, NYI MA 'CHAR BA DANG, PADMA KHA 'BU BA DANG, TSANGS PA'I DBANG PO ZHI BA'I SPYOD LAM MTHONG BA'O, ,BDUD 'DUL BA'I BZHI STE, GYAD CHEN POS GYAD THAMS CAD MNAN NAS BA DAN THOGS NAS 'GRO BA DANG, DPA' BO G-YUL LAS RGYAL BA DANG, RGYAL POR DBANG BSKUR BA DANG, RANG BYANG CHUB SNYING PO LA 'DUG STE BDUD 'DUL BA'O, ,PHYIR MI LDOG PA'I RTAGS NI BZHI STE, THOD DKAR PO BCINGS PA DANG, GTAN PA MED PA'I MCHOD SBYIN BYED PA DANG, CHOS KYI STAN CHEN PO LA 'DUG PA DANG, SANGS RGYAS RDO RJE'I GDAN LA CHOS STON PA'O; ;BYANG CHUB SMIN PAR BYED PA'I CHOS SUM CU RTZA LNGA STE, DUS SU BSKUL BA DANG, TSOD LA BSKUL BA DANG, DE BZHIN DU RAN PA NA DANG, DBANG PO LA DANG, BRTAN PAR DANG, PHA ROL TU PHYIN PA LA DANG, THABS LA DANG, LHAG PA'I BSAM PA LA DANG, BYAMS PA CHEN PO LA DANG, SNYING RJE CHEN PO @307B LA DANG, THEG PA CHEN PO LA DANG, THEG PA DMAN PA LA DANG, BDEN PA LA DANG, DE BYA BA LA DANG, CHOS BSRUNG BAR DANG, THOS PA BRTAN PAR DANG, SEMS CAN SNA TSOGS SU MI DBYE BAR DANG, TSUL KHRIMS 'CHAL BA DANG, TSUL KHRIMS DANG LDAN PA SBYIN GNAS SU MTSUNGS PAR DANG, BDUD KYI LAS BSTAN PAR DANG, DAM BCA' BA NYAMS 'OG TU CHUD PAR DANG, 'KHOR BAS MI SKRAG PAR DANG, BDUD 'DUL BAR DANG, BYAS PA SHES SHING GZO BAR DANG, RGYU ZAD PA LA 'JUG PAR DANG RNAM PAR THAR PA'I SGO LA MI 'JIGS PAR DANG, SANGS RGYAS MCHOD CING RIM GRO BYA BAR DANG; SEMS CAN GYI JI BYA SNYAM DU SPRO BAR DANG, 'JIG RTEN GYI CHOS DANG MA 'DRES PAR DANG, DGON PA LA DGA' BAR DANG, 'DOD PA CHUNG ZHING CHOG SHES PA LA DANG, 'DAS PA DANG MA 'ONGS PA MA GROL BA DGROL BA LA SOGS PA DANG, DKON MCHOG GSUM GYI GDUNG MI CHAD PAR DANG, SANGS RGYAS KYI ZHING GI YON TAN BKOD PA YONGS SU DAG PAR BSKUL BA STE, DE DAG GIS SMIN PAR BYAS PA NI BYANG CHUB CHEN PO LAS BSKYOD DU MED DO, ,YANG DREGS PA BCUS DREGS PAR MI 'GYUR TE, TSUL KHRIMS KYIS DREGS PA DANG, DE BZHIN DU THOS PA DANG, SPOBS PA DANG, RNYED PA DANG BKUR STI DANG SGRA'I DANG, DGON PAR GNAS PA DANG, SBYANGS PA'I YON TAN DANG YO BYAD BSNYUNGS PA DANG, GZUGS DANG LONGS SPYOD DANG DBANG PHYUG DANG 'KHOR G-YOG DANG, BRGYA BYIN LA SOGS PAS BKUR STI BYED PA DANG, BSAM GTAN DANG MNGON SHES DANG, DKON MCHOG GSUM LA DAD PA'I LHA DANG KLU LA SOGS PAS BSTOD BKUR BYED PA'I DREGS PAS KYANG MI SNYEMS PA'O ZHES SO, ` ,PHAL PO CHE LAS 'BYUNG BA NI, DE BZHIN RGYAL SRAS SPYOD MCHOG RNAM BCU DANG, ,BRTZON 'GRUS BRTZAMS PA BCU SOGS BSGRUB PA DANG, ,BDUD LAS BCU DANG NGA RGYAL LAS BCU SOGS, ,RING SPANG BZLOG PA BZANG PO'I GNAS RNAMS BSTEN, ,MDO DE LAS, BYANG CHUB SEMS DPA'I SPYOD PA BCU STE, SEMS CAN SMIN PAR BYED PA DANG, DAM PA'I CHOS BTZAL BA DANG, BSLAB PA LA NAN TAN BYA BA DANG, DGE BA'I RTZA BA BSAGS PA @308A DANG, TING NGE 'DZIN SGOM PA DANG, YE SHES BSKYED PA DANG, BSGOM PA BSGRUB PA DANG, ZHING BRGYAN PA DANG, DGE BA'I BSHES GNYEN BKUR BA DANG, SANGS RGYAS MCHOD PA'I DON DU SPYOD PA'O, ,YANG BYANG CHUB SEMS DPA'I BRTZON 'GRUS BRTZAM PA BCU STE, SEMS CAN SMIN PA DANG, CHOS LA GZUD PA DANG, 'JIG RTEN SBYANG BA DANG, BSLAB PA SHES PAR BYA BA DANG, SEMS CAN GYI NYES BYAS BZOD PAR BYA BA DANG, NGAN SONG GSUM GYI SDUG BSNGAL RGYUN BCAD PAR BYA BA DANG, BDUD LAS RGYAL BAR BYA BA DANG, SEMS CAN LA 'KHRUGS PA MED PAR BYA BA DANG, SANGS RGYAS LA MCHOD PAR BYA BA DANG, SANGS RGYAS MNYES PAR BYA'O ZHES BRTZAM PA'O, ,YANG TSUL KHRIMS BCU STE, BYANG CHUB KYI SEMS MI NYAMS PA'I TSUL KHRIMS DANG, DE BZHIN DU NYAN THOS DANG RANG RGYAL GYI SA SPANG BA DANG, SEMS CAN THAMS CAD LA PHAN PAR 'DOD PA DANG, SANGS RGYAS KYI CHOS LA 'GOD PA DANG, BSLAB PA THAMS CAD LA NAN TAN BYA BA DANG, CHOS THAMS CAD MI DMIGS PA DANG, DGE BA'I RTZA BA BYANG CHUB TU BSNGO BA DANG, SANGS RGYAS KYI SKU LAS PHYIR PHYOGS SU MI LTA BA DANG, CHOS NGES PAR RTOG PA LA MNGON PAR ZHEN PA MED PA DANG, DBANG PO'I SGO SDOM PA'I TSUL KHRIMS SO, ,YANG MI SKYO ZHING SGYID MI LUG PA'I SEMS BSKYED PA BCU STE, SANGS RGYAS MCHOD PAS MI SKYE BA DANG, DE BZHIN DU BLA MA BSNYEN BKUR BA DANG, CHOS BTZAL BA DANG, CHOS NYAN PA DANG, CHOS BSTAN PA DANG, SEMS CAN SMIN PA DANG, SEMS CAN BYANG CHUB LA 'GOD PA DANG, BSKAL PA MANG POR SPYAD BAR SPYOD PA DANG, ZHING THAMS CAD DU SPYAD PA SPYOD PA DANG, SANGS RGYAS KYI CHOS THAMS CAD LA BRTEN CING BLTA BA LA MI SKYO BA'O, ,YANG LAS BCU STE, ZHING THAMS CAD SBYANG BA DANG, SANGS RGYAS THAMS CAD BKUR BA DANG, BYANG CHUB SEMS DPA'I GROGS DANG DGE BA'I RTZA BA GCIG TU BYA BA DANG, SEMS CAN SMIN PAR BYA BA DANG, MA 'ONGS PA'I DUS PHYI MA'I MTHAR THUG PAR BZUNG BA DANG, 'JIG RTEN GYI KHAMS THAMS CAD DU 'GRO BA'ANG GCIG NAS MI G-YO BA'I RDZU 'PHRUL @308B DANG, KHA DOG MTHA' YAS PA'I 'OD 'GYED PA DANG, PADMA'I SNYING PO LA BYANG CHUB SEMS DPA' 'KHOD PA'I 'OD DANG, SANGS RGYAS 'DAS PA'I BSTAN PA BZUNG BAS DKON MCHOG GSUM GYI RIGS MI GCOD PA DANG, ZHING THAMS CAD DU RGYU ZHING CHOS STON TE SEMS CAN 'DUL BA SPRUL BA DANG NAM 'DOD PA NA SMON LAM RDZOGS PAR STON PA'I LAS, ,YANG RANG BZHIN BCU STE, NAN TAN DANG LDAN PAS PHA ROL TU PHYIN PA'I RANG BZHIN DANG, 'GRO BA MI GTONG BAS BSDU BA'I DNGOS PO DANG, SEMS CAN GYI SDUG BSNGAL RANG GIS LAN PA LA MI SKYO BAS SNYING RJE DANG, 'GRO BA THAMS CAD SKYOB PAS BYAMS PA DANG, 'GRO BA THAMS CAD NYE BAR 'TSO BAS BSOD NAMS DANG, SANGS RGYAS KYI SKU DANG GCIG TU 'DRES PAS YE SHES DANG, SKYE BA'I SKYE MCHED THAMS CAD LAS 'DAS PAS CHOS DANG, CHOS KYI SGO THAMS CAD STON PAS SGO THAMS CAD DANG, RDZU 'PHRUL DANG RNAM 'PHRUL THAMS CAD STON PAS RDZU 'PHRUL DANG, NAM 'DOD PA NA 'TSANG RGYA BAS BYANG CHUB KYI RANG BZHIN NO, YANG DAG BCU STE, SEMS CAN THAMS CAD BDE BAR BYED PAS NGAG 'JOM PA DANG, TSIM PAR BYED PAS SNYAN PA DANG, YANG DAG PA'I JI LTA BAS GO BAR BYED PAS MI BRDZUN PA DANG, RMI LAM NA'ANG LOG PAR MI SMRA BAS BDEN PA'I RJES SU 'BRANG BA DANG, BRGYA BYIN LA SOGS PA ZIL GYIS GNON PAS RGYA CHE BA DANG, CHOS STON PAS ZAB MO SGROGS PA DANG, CHOS BSTAN PA MI ZAD PAS SNYING PO DANG LDAN PA DANG, SGRA JI BZHIN RIG PAR BYED PAS SHIN TU GSAL BA DANG, DUS DANG LAS 'BRAS JI LTA BA STON PAS RNAM PA THA DAD PA DANG, BSAM PA JI LTA BAR SPYOD PA LA 'JUG PAR BYED PAS 'GRO BA THAMS CAD LA 'GO BA'I NGAG GO ,YANG SEMS BCU STE, 'GRO BA'I DGE BA'I RTZA BA BRTEN PAS SA LTA BU DANG, SANGS RGYAS KYI YE SHES ZAB CING RGYA CHE BA LA ZHUGS PAS RGYA MTSO LTA BU DANG, 'GRO BA 'JIG RTEN LAS 'DAS PA'I DGE BA LA 'GOD PAS RI BO LTA BU DANG, NYON MONGS PA'I BSAM PA DAG PAS NOR BU RIN PO CHE LTA BU DANG, CHOS THAMS CAD LA RNA BAS RDO RJE LTA BU DANG, BDUD DANG MU STEGS PHYIR RGOL BAS MI SGUL BAS KHOR YUG LTA BU DANG, 'JIG RTEN GYI CHOS KYIS @309A MI GOS PAS PADMA LTA BU DANG, 'BYUNG BA DANG MTHONG BAR DKA' BAS AU DUM WA RA LTA BU DANG, MA RIG PA'I MUN PA SEL BAS NYI MA LTA BU DANG, THAMS CAD KYI BRJOD DU MED PAS BAR SNANG LTA BU'O, ,YANG BSAM PA BCU STE, 'JIG RTEN GYI CHOS THAMS CAD KYIS MA GOS PA DANG, NYAN THOS LA SOGS PA'I YID LA BYED PA DANG MA 'DRES PA DANG, SANGS RGYAS KYI BYANG CHUB KYI RJES SU SONG BA DANG, THAMS CAD MKHYEN PAR 'BYUNG BA'I LAM DANG MTHUN PA DANG, BDUD DANG PHYIR RGOL BAS MI 'PHROGS PA DANG, SANGS RGYAS KYI YE SHES KYIS DAG PAS NYON MONGS PA MED PA DANG, CHOS GANG THOS PA JI LTA BAR 'DZIN PA DANG, SKYE BA KUN GYIS MA GOS PAS NYAMS PA MED PA DANG, YE SHES PHRA BA LA ZHUGS PAS ZAB PA DANG, SANGS RGYAS KYI CHOS THAMS CAD LA BRTZON PA'O, ,YANG SBYAR BA BCU STE, RNAM SMIN LA MI RE BAR BDOG PA THAMS CAD GTONG BA DANG, GZHAN LA MI BRNYAS PAR BRTUL ZHUGS THAMS CAD KYI YI DAM LA NAN TAN BYED PA DANG, BDAG DANG GZHAN DU MI LTA BAR NGAN BYAS THAMS CAD BZOD PA DANG, GZHI GSUM BSGRIMS PAS RTZOM PA THAMS CAD MTHAR 'BYIN PA DANG, 'DOD PA DANG 'KHRUG PA SPONG BAS BSAM GTAN DANG TING NGE 'DZIN BSGRUB PA DANG, BSOD NAMS BSAGS PA LA MI SKYO BAS SHES RAB LA NAN TAN BYED PA DANG, SEMS CAN MED PAR LTA BA'I BYAMS PA CHEN PO DANG, RANG BZHIN DBEN PAS 'GRO BA'I SDUG BSNGAL KHUR BA'I SNYING RJE CHEN PO DANG, CHAGS PA MED PAR RTOGS PAS SANGS RGYAS KYI STOBS BCU BSGRUB PA DANG, SEMS CAN GZHAN GYI RGYUD DANG SBYOR BAS CHOS KYI 'KHOR LO LAS MI LDOG PA'I SBYOR BA'O, ,YANG BAG CHAGS BCU STE, BYANG CHUB KYI SEMS KYI DANG, DGE BA'I RTZA BA DANG, SEMS CAN SMIN PA DANG, SANGS RGYAS LTA BA DANG, ZHING DAG PAR SBYONG BA DANG, SPYOD PA DANG, SMON LAM DANG, PHA ROL TU PHYIN PA DANG, CHOS MNYAM PA NYID RTOGS PA DANG, SPYOD PA RNAM PA THA DAD PA'I BAG CHAGS SO, ,YANG NAN TAN BCU STE, PHA ROL TU PHYIN PA'I DANG, BSLAB PA DANG, YE SHES DANG, DON DANG, CHOS DANG, MNGON PAR BSGRUB PA DANG, YANG DAG PAR BSTAN PA @309B DANG, SPYOD PAS MI SKYO BA DANG, MNGON PAR BYANG CHUB PAR BYA BA DANG, CHOS KYI 'KHOR LO BSKOR BA'I NAN TAN NO, ,SANGS RGYAS KYI CHOS LAS GOL BA'I LAM BCU SPANGS TE, BLA MA LA BRNYAS PA DANG, 'KHOR BA'I SDUG BSNGAL GYIS 'JIGS PA DANG, BYANG CHUB SEMS DPA'I SPYOD PAS SKYO BA DANG, 'JIG RTEN NA GNAS PAS SKYO BA DANG, MNYAM GZHAG LA GNAS SU ZHEN PA DANG, DGE BA'I RTZA BA LA CHAGS PA DANG, CHOS SPONG BA DANG, BYANG CHUB SEMS DPA'I SPYOD PA LAS 'PHAR BA MED PA DANG, NYAN THOS LA SOGS PA 'DOD PA DANG, BYANG CHUB SEMS DPA' LA KHRO BA'O, , YANG SKYES BU DAM PA'I MING BCU STE, BYANG CHUB KYI YE SHES DANG LDAN PAS BYANG CHUB SEMS DPA' DANG, THEG PA CHEN PO LA GNAS PAS SEMS DPA' CHEN PO DANG, CHOS DAM PA RTOGS PAS DAM PA'I SEMS DPA' DANG, MCHOG GI CHOS 'TSANG RGYA BAS MCHOG GI SEMS DPA' DANG, DE BZHIN DU SHES RAB DANG LDAN PAS RAB DANG, BRTZON 'GRUS PHUL DU BYUNG BAS PHUL DANG, GONG NA MED PA'I CHOS STON PAS BLA NA MED PA DANG, STOBS BCU'I YE SHES DANG LDAN PAS STOBS DANG, 'GRO BA NA DPE MED PAS MI MNYAM PA DANG, NAM 'DOD PA'I SKAD CIG LA 'TSANG RGYA BAS BSAM GYIS MI KHYAB PA'I SEMS DPA' ZHES BYA'O, ,YANG CHOS TSOL BA BCU STE, G-YO SGYU MED PAS BSAM PA THAG PAS CHOS TSOL BA DANG, DE BZHIN DU BRTZON 'GRUS MI LHOD PAS BSRAN 'DZUGS PA DANG, LUS DANG SROG LA MI LTA BA DANG, RNYED BKUR MI 'DOD PAR 'GRO BA'I NYON MONGS PA SPONG BA DANG, RANG GI CHED MA YIN GYI KUN LA PHAN PA'I PHYIR DANG, GZU LUMS MA YIN GYI SHES RAB KYIS 'JUG PA DANG, GO BA LOG LA DGA' BAS MA YIN RAB TU BRTAN PA'I PHYIR DANG, BYANG CHUB KYI SEMS KYIS SEMS CAN LA BRTZE BA'I PHYIR DANG, YID GNYIS MED PAS KUN GYI THE TSOM BCAD PA'I PHYIR DANG, RLOM SEMS DANG 'DOD PA MED PAS SANGS RGYAS KYI CHOS RDZOGS PAR BYA BAR TSOL BA'O, ,YANG CHOS KYI NAN TAN BCU STE BLA MA LA GUS PAS DANG, LHAS BSKUL ZHING DANG, SANGS RGYAS LA NGO TSAS DANG, SEMS CAN LA @310A SNYING RJES DANG, LEGS PAR MTHAR PHYIN PAS MA 'KHRUGS PA DANG, BYANG CHUB SEMS DPA' BRTZON 'GRUS CHEN PO GZHAN GYI RJES SU SLOB PAS DANG, TSUL BZHIN SEMS PAS LOG PA SPANG PA'I PHYIR DANG, BDUD KYI LAS DANG NYON MONGS PA GZHOM PA'I PHYIR, SANGS RGYAS SU GYUR NAS GZHAN GYI DBANG PO SHES PAS BSTAN PA'I PHYIR DANG, CHOS KYI DBYINGS ZAB CING RGYA CHE BA LA SBYANG BA'I PHYIR CHOS LA NAN TAN BYED PA'O, ,YANG BYANG CHUB SEMS DPA'I BDUD BCU STE, MNGON PAR CHAGS PA'I PHUNG PO'I BDUD DANG, GLAGS SU GYUR PA'I PHYIR NYON MONGS DANG, SGRIB PA'I PHYIR LAS DANG, SLONG BA'I PHYIR SEMS DANG, SKYES PA DANG BRAL BAR BYED PA'I PHYIR SKYES PA TZAM DANG, G-YO 'GYUR DANG RLOM PA DANG BAG MED PAS LHA'I BU DANG, ZHEN PAS DGE BA'I RTZA BA DANG, RO MYONG BAS TING NGE 'DZIN DANG, GZUGS BRNYAN GYI PHYIR DGE BA'I BSHES GNYEN DANG, SMON LAM MI SGRUB PAS CHOS KYI YE SHES KHONG DU CHUD PA'I BDUD DO, ,YANG BDUD KYI LAS BCU STE, BYANG CHUB KYI SEMS NYAMS PA'I DGE BA RTZA BA BRTZAMS PA THAMS CAD DANG, SEMS MI MNYAM PA'I SBYIN PA DANG TSUL KHRIMS LA 'KHRUG PA DANG GNOD SEMS SPONG BA DANG LE LO CAN GTONG BA DANG G-YENG BA LA BRNYAS PA DANG SHES RAB 'CHAL BA LA SMOD PA DANG, CHOS LA DPE MA KHYUD DANG SNOD KHYAD DU GSOD PA DANG ZANG ZING RE BAS STON PA DANG, PHA ROL TU PHYIN PA MI THOS SHING THOS NA LOG PAR 'JUG LA ZHUM ZHING LE LO BYED PA DANG, SDIG PA'I GROGS PO BSTEN PA DANG BLA MA SPANG BA DANG, NYAN THOS LA SOGS PA 'DOD PA DANG SKYE BA MI 'DOD PA DANG, ZHI BA 'DOD PA DANG, RGYAL SRAS LA SDANG ZHING MI SNYAN PA BRJOD DE RNYED PA 'GOG LA SDANG MIG BLTA BA DANG, CHOS SPONG BA DANG, MDO SDE MA THOS PA LA SMOD PA DANG CHOS SMRA BA GZHAN GYIS BSHAD PA KHYAD DU GSOD LA BDAG BSTOD CING GZHAN SMOD PA DANG, RGYANG PHAN TSOL BA DANG YI GE SNA TSOGS RANG BZO BYED PA DANG, NYAN THOS LA SOGS PA'I GTAM TSOL BA DANG, ZAB MO'I GTAM 'CHAB PA DANG, SNOD MA YIN PA LA STON PA DANG, GROL BA DANG @310B BRGAL BA LA SOGS PA BKUR ZHING MA GROL BA LA SOGS PA MI 'DREN PA DANG, NGA RGYAL GYIS SU LA'ANG MI 'DUD PA DANG KHRO BA DANG MGU DKA' BA DANG YE SHES KYI GTER MI SRUNG BA'O, ,YANG BDUD KYI LAS LAS ZLOG PA BCU STE, BLA MA BSNYEN BKUR BYA BA'I PHYIR NGA RGYAL SPONG BA DANG, BDAG LA MI BSTOD PA DANG, CHOS LA MOS SHING MI SPONG BA DANG, THAMS CAD MKHYEN PA'I SEMS MI NYAMS PA DANG, CHOS ZAB MO LA BRTZON ZHING BAG YOD PA DANG, BYANG CHUB SEMS DPA'I SDE SNOD LA GNAS SHING CHOS KUN TSOL BA DANG, YANG DANG YANG DU CHOS NYAN CING MI SKYO BA DANG, ZHING THAMS CAD KYI SANGS RGYAS LA SKYABS TSOL BA DANG, BSGRUB PA LA SANGS RGYAS KYI BYIN RLABS DRAN ZHING MOS PAS LEN PA DANG, BYANG CHUB SEMS DPA'I GROGS RNAMS KYI DGE BA'I RTZA BA DANG GNYIS SU MED PAR BSGRUB PA'O, ,YANG NGA RGYAL GYI LAS BCU STE, BLA MA LA SOGS PA LA RIM GRO MED PA DANG, CHOS SMRA BA CHOS SHES PA LA SOGS LA MI GUS PA DANG, CHOS NYAN PAS MGU 'ANG DE LA PHRAG DOG GIS MI BSTOD PA DANG, RANG GI TSOD MI 'DZIN PAR BDAG LA BSTOD CING GZHAN LA SMOD PA DANG, SHES BZHIN DU GZHAN GYI BSNGAGS PA 'CHAB CING SMOD PA DANG, CHOS DANG 'DUL BAR SHES BZHIN DU SDANG BAS SPONG ZHING GZHAN YANG SDANG BAS BZLOG PA DANG, STAN MTHO BA 'DOD CING GCES PA'I CHOS TSOL TE GNAS BRTAN RGAN PA LA'ANG MI GUS PA DANG, BZHIN KHRO GNYER CAN DANG TSIG RTZUB KYIS KLAN KA TSOL BA DANG, LHAG PA'I NGA RGYAL DU LHUNG BAS MKHAS PA MI BSTAN CING LEGS NYES MI 'DRI BAS NA CHES RMONGS TE GTI MUG GIS SPONG BA DANG, SANGS RGYAS MNYES PAR MI BYED DE SNGON GYI DGE BA'ANG ZAD PAR BYED LA GSAR DU MI SGRUB CING 'THAB RTZOD MANG BA DANG 'DOD RGYAL CHEN POR LHUNG BA'O, ,DE BCU SPANGS PAS YE SHES KYI LAS BCU THOB STE, LAS DANG 'BRAS BU LA YID CHES PAS CHUD MI GZON PA DANG, BYANG CHUB KYI SEMS MI GTONG BAS RTAG TU SANGS RGYAS YID LA BYED PA DANG, BLA MA LA BSNYEN BKUR BYED PAS NGAG NYAN PA DANG, CHOS 'DOD PAS THOS PAS MI NGOMS PA DANG, TSUL BZHIN SEMS PAS TSUL BZHIN MA YIN PA YID LA BYED PA SPONG @311A BA DANG, SEMS LA NGA RGYAL MED PAS RGYAL SRAS LA STON PAR BLTA BA DANG, CHOS LA BDAG TZAM DANG, SANGS RGYAS LA SROG TZAM DANG NAN TAN LA SANGS RGYAS TZAM DU GCES PAR 'DZIN PA DANG, GZHI GSUM SDIG MED PAS 'TSO BA DAG CING BYANG CHUB KYI LAM RTZOM PA DANG, RTEN 'BREL DANG MI 'GAL LA LTA BA DANG MA RIG PA SPONG BAS CHOS LA BLO'I SNANG BA THOB PAR BYED PA DANG, BSNGO BA BCU'I RJES SU 'BRANGS LA THABS DANG SHES RAB LA PHA DANG MAR 'DZIN PA DANG, SBYIN PA DANG TSUL KHRIMS DANG THOS PA LA SOGS PA TSOL BAS MI SKYO BA DANG, LAS GANG SANGS RGYAS KYIS BSNGAGS SHING BDUD DANG NYON MONGS PA SEL LA RANG DANG GZHAN SMIN PAR 'GYUR BA DE BYED PA'O, ,YANG BDUD KYI BYIN GYIS BRLABS PA BCU STE, SEMS ZHUM PA DANG, BSAM PA 'KHRUGS PA DANG, RGYA CHUNG NGUS MGU BA DANG, GCIG LAS MI BZOD PA DANG, SMON LAM LA LHAG PAR MI DMIGS PA DANG, NYON MONGS PA BZLOG CING ZHI BAR 'DOD PA DANG, 'KHOR BA RGYUN GCOD PA DANG, SPYOD PA LAS LDOG PA DANG, SEMS CAN SMIN PAR MI BYED PA DANG, CHOS LA THE TSOM ZA ZHING SPONG BA'O, ,DE DAG SPONG BAS SANGS RGYAS KYI BYIN RLABS BCU THOB STE, THOG MAR BYANG CHUB KYI SEMS SKYE BA DANG, TSE RABS TSE RAB SU DE MI STOR BA DANG, BDUD KYI LAS RIG CING BZLOG PA DANG, PHA ROL TU PHYIN PA THOS SHING NAN TAN BYED PA DANG, 'KHOR BA'I SDUG BSNGAL SHES SHING MI SKYO BA DANG, ZAB MO'I RTOGS PAS 'BRAS BU BSGRUB PA DANG, GZHAN LA NYAN THOS LA SOGS PA'I RNAM GROL STON KYANG DE MI 'DOD PA DANG, 'DUS BYAS LA RTOG CING 'DUS MA BYAS LA MI GNAS PA GNYIS SU SHES PA DANG, NYING MTSAMS SBYOR BA LA GNAS KYANG DE SEL BA DANG, THAMS CAD MKHYEN PA'I YE SHES RTOG KYANG SPYOD PA RGYUN MI GCOD PA'O, ,YANG CHOS KYI BYIN RLABS BCU STE, CHOS KYI SDOM BZHI DANG, CHOS RNAMS RTEN 'BREL RGYU MED PA MA YIN PA DANG, TSUL BZHIN MA YIN PA DANG, MA RIG PA DAG 'JUG LDOG YIN PA DANG, NYAN THOS KYI THEG PA RNAM PAR THAR PA'I SGO GSUM GYIS 'BYUNG BA DANG, RANG RGYAL GYI THEG PA NYON MONGS PA MED PA'I CHOS RIG PAS 'BYUNG BA DANG, THEG PA CHEN PO PHA ROL TU PHYIN PA @311B DRUG DANG BSDU BA BZHIS 'BYUNG BA DANG, SANGS RGYAS KYI YUL ZHING DANG CHOS DANG SEMS CAN DANG DUS THAMS CAD DU MKHYEN PA MNGA' BA DANG, MYA NGAN LAS 'DAS PA YID LA BYED PA DANG 'DZIN PA THAMS CAD SPANGS SHING SNGON DANG PHYI MA'I MTHA'I RANG BZHIN GYI RJES SU SONG BAR SHES PA'O, ,YANG BYANG CHUB SEMS DPA'I RAB TU 'BYUNG BA BCU STE, KHYIM GYI GNAS SMAD PA'I PHYIR DANG, RAB TU 'BYUNG BA BSNGAGS PA'I PHYIR DANG, MTHA' GNYIS DANG BRAL BA'I LTA BA BSTAN PA'I PHYIR DANG, BDAG BDE BA 'DOD PA SKYO BAR BYA BA DANG, KHAMS GSUM NAS 'BYUNG BA'I SNGON LAS BSTAN PA DANG, RANG LA RAG LAS ZHING GZHAN GYI DRING MI 'JOG PA BSTEN PA DANG, STOBS DANG MI 'JIGS PA DANG MTHUN PA BSTAN PA'I PHYIR DANG, SRID PA THA MA PA NI CHOS NYID KYIS RAB TU 'BYUNG BA'O, ,YANG MI SKYO BA'I SEMS BCUS SANGS RGYAS KYI SA'ANG GNON NA BYANG CHUB SEMS DPA'I LTA CI SMOS TE, SANGS RGYAS BLTA ZHING BKUR BA LA DANG, DGE BA'I RTZA BA BSAGS PA DANG, CHOS BTZAL BA DANG, PHA ROL TU PHYIN PA'I SBYOR BA DANG, TING NGE 'DZIN BSGRUB PA DANG, DUS GCIG NAS GCIG TU BRGYUD PAR 'JUG PA DANG, PHYOGS BCU'I SANGS RGYAS KYI ZHING RGYAS PAR DGANG BA DANG, SEMS CAN SMIN CING GDUL BA DANG, THAMS CAD DU BYANG CHUB SEMS DPA'I SPYOD PA BSGRUB PA DANG, ZHING GI RDUL SNYAD KYI PHA ROL TU PHYIN PA LA SBYAR BAS SEMS CAN GCIG SMIN PAR BYA BA'I TSUL GYIS KUN SMIN PAR BYA BAS SANGS RGYAS KYI STOBS GCIG BSGRUB PA LA'ANG MI SKYO BA STE DE DAG GIS NI 'DOD PA'I DON THAMS CAD MI 'GRUB PA MED DO ZHES SO, ` ,BSTEN BYA DANG SPANG BYA'I GANG ZAG GI DBANG DU BYAS NAS, MANG DU THOS DANG GZUNG 'OS TSIG LDAN SOGS, ,BCU TSAN GNYIS BRGYAN CHOS SMRA LEGS BSTEN CING, ,DMAN PAR MOS DANG CHOS 'DZIN YAL 'DOR SOGS, ,BCU PA GZHAN GNYIS LDAN LAS RGYANG BSRING BYA, ,CHOS YANG DAG PAR SDUD PA LAS, CHOS BCU DANG LDAN NA CHOS SMRA BA PO STE, MANG DU THOS PA THOS PA 'DZIN PA THOS PA BSAGS PA YIN YANG THOS PA DES MTHO DMAN DU MI SEMS PA DANG, DON DANG CHOS DANG NGES PA'I TSIG DANG SPOBS PA PHUN SUM TSOGS @312A KYANG THOS PA 'TSOL BA'I BRTZON 'GRUS MI NYAMS PA DANG, DUS DANG TSOD DANG MAN NGAG DANG CHOS DANG DON SHES KYANG RGAN PA LA BRTEN PA MI 'DOR BA DANG, BSTAN BCOS DANG DE KHO NA DANG 'DUL BA SHES KYANG GZHAN LA 'DRI BA'I SBYOR BA MI GTONG BA DANG, MGU SLA BA DANG GSO SLA BA DANG CHO GA DANG SPYOD YUL MDZES KYANG BLA MA BKUR BA'I SPYOD PA MI 'DOR BA DANG, DUL BA DANG ZHI BA DANG BYANG BA DANG MI 'JIGS KYANG NGO TSA SHES PA DANG KHREL YOD PA'I SBYOR BA MI GTONG BA DANG, ZAB PA DANG GTING DPAG DKA' BA'I DON LA MKHAS KYANG 'JIG RTEN GYI 'JUG PA RAGS PA LA'ANG 'JUG PA DANG, SEMS CAN MTHUN 'JUG TU RANG BZHIN GYIS DRANG ZHING MNYEN LA 'GROGS NA BDE YANG SEMS CAN ZHE SDANG CAN NAM TSUL KHRIMS 'CHAL BA DANG MI 'GROGS PA DANG, SBYIN PA DBUL BA DANG MI 'GYUR BA DANG NGES PA DANG CHOG SHES PA DANG GNAS PA LA DGA'ANG THAMS CAD DU'ANG YID MI GNAS SHING SPYOD YUL LA'ANG RNAM PAR MI RTOG PA DANG, BAG LA NYAL DANG KUN NAS DKRIS PA DANG, MDUNG BA DANG ZUG RNGU 'BYIN YANG SEMS CAN GZHAN GYI NYON MONGS PA SPONG BA'I BRTZON 'GRUS MI GTONG BA'O, ,YANG BCU STE, BSDU BA BZHIS TSIG BZUNG BAR 'OS PA DANG, BYAMS PA CHEN PO BSKYED PAS TSIG 'JAM PA DANG, DBEN PA DANG 'DOD CHAGS MED PA DANG, BYAMS PA'I RJES SU MTHUN PAS TSIG RJES SU MTHUN PA DANG, ZHI GNAS DANG LHAG MTHONG DANG LAM DANG MTHUN PAS TSIG MTHUN PA DANG, GSANG BA RNAM PAR 'BYED PAS TSIG GSAL BA DANG, SGRA NGAN PA MED CING DON RDZOGS PAS TSIG DON DANG YI GE MI 'DOR BA DANG, GTI MUG GI MUN PA DANG 'KHRUL BA 'JOMS PAS TSIG G-YO SGYU MED PA DANG, CHOS THAMS CAD MNGON DU GYUR PAS TSIG THE TSOM MED PA DANG, NYON MONGS PA THAMS CAD SPONG BAS TSIG BAG LA NYAL MED PA DANG, DRI MA DANG RTZOM PA MED PAS TSIG KUN NAS LDANG BA MED PA'O, ,GANG ZAG BCU DANG 'GROGS PAR MI BYA STE, DMAN PAR MOS PA DANG, MI BRTZON PA DANG, NGA RGYAL CAN DANG, SER SNA LA SOGS PA DRUG DANG LDAN PA DANG, 'DOD PA LA 'DUN PA DANG, GNOD SEMS DANG RNAM PAR @312B 'TSO BA'I RNAM PAR RTOG PA CAN DANG, KUN TU RTOG PA THAMS CAD DANG, SGRIB PA DANG CHOD PA DANG KUN NAS DKRIS PA THAMS CAD PA DANG, NYAN THOS DANG RANG RGYAL GYI YID LA BYED PA THAMS CAD DANG RNYED PA DANG BKUR STI DANG GRAGS PA LA DGA' BA THAMS CAD DANG, NGAR 'DZIN PA DANG NGA YIR 'DZIN PA RNAMS DANG LHAN CIG MI 'GROGS PA'O, ,YANG YAL BAR 'DOR BA BCU DANG MI 'GROGS TE, DAM PA'I CHOS 'DZIN PA DANG, CHOS NYAN PA DANG, SEMS CAN SMIN PAR BYED PA DANG, CHOS KYI SBYIN PA DANG, BLA MA THAMS CAD LA RIM GRO BYED PA DANG, BDUD KYI LAS DANG, MU STEGS CAN DKRUGS PA DANG, DAM PA'I CHOS 'JIG PA DANG, PHA ROL TU PHYIN PA DANG, PHUNG PO GSUM GYI BSNGO BA YAL BAR 'DOR BA'O ZHES SO, ` ,BSGOM PA'I DUS DANG DUS MA YIN PA'I DBANG DU BYAS PA NI, RAB BDE MYONG DANG CHOS BSHAD LA SOGS PAS, ,KHENGS TSE TING 'DZIN BSGOM GYI SHES RAB MIN, , BRTZON 'GRUS BRTZAMS KYANG 'BRAS BU MA THOB PAS, ,'GYOD SOGS TSE NA DE LAS LDOG PA'O,, 'DAS CHEN LAS, BDE BA MYONG BA'AM CHOS BSHAD PA'AM BRTZON 'GRUS BRTZAMS PA'AM DRIS PA DANG LAN LA MKHAS PA'AM, SDIG PA'I GROGS PO BSTEN PA'AM, CHO RIGS CAN GYIS BKUR BA LA SOGS PAS NGA RGYAL SKYES PA'I TSE NI TING NGE 'DZIN PA BSGOM GYI SHES RAB MI BSGOM MO, ,BRTZON 'GRUS RTZOM PA NA ZHI BA MA THOB PAS 'GYOD PA'AM, DBANG PO RTUL BAS DBANG PO LNGA MI THUL BA'AM NYON MONGS PA'I DRI MA STUG PAS TSUL KHRIMS DANG 'DUL BA LA THE TSOM ZA BA'I TSE NI TING NGE 'DZIN MI SGOM PAR SHES RAB BSGOM STE DUS DANG DUS MA YIN PA SHES PA'O ZHES SO,, ` THEG PA GSUM LA 'JUG PA'I RIM PA'I DBANG DU BYAS PA NI, THEG PA MTHAR THUG THEG MCHOG NYID YIN YANG, ,THEG PA GNYIS LAS RIM GYIS BGROD BYA STE, ,DE SPANGS THEG CHEN KHAS 'CHE RAB RMONGS PA, ,BDE LEGS MIG GCIG THUB BSTAN CHER 'JIG BYED, ,SA'I SNYING PO'I MDO LAS, BYIS PA DBANG PO ZHEN PA LE LO CAN, ,THEG PA GNYIS LA NAN TAN MI BYED PA, ,THEG PA CHEN PO'I 'KHOR LO LDAN MI 'GYUR, ,DE NI RGYA CHE THEG CHEN SNOD MA YIN, BYIS PA GCIG PU RNAM PAR @313A GROL TSOL BA, ,BLO DANG SPYOD PA ZHAN CING BYAMS SEMS MED, ,CHAD PAR LTA LA CHAGS PA NGAN SONG GZHOL, ,YANG DAG CHOS SPONG CHOS MA YIN PA STON, ,THEG PA GNYIS LA SKUR CING SDOM PA SPONG, ,RDZOGS PAR BSNYEN CING THEG CHEN KHAS 'CHE BA, ,NGA YI CHOS 'JIG SEMS CAN KUN LA BSLU, ,DE YI DBANG GIS MI LUS THOB PAR DKA', ,THEG PA GSUM LAS THEG PA MCHOG 'DOD PA, ,THEG PA GSUM CHOS RTOGS PA MKHAS PA STE, ,DGA' ZHING SPRO BAS GZHAN LA RGYAS STON NA, ,NGES PAR SANGS RGYAS 'GYUR LA THE TSOM SPONGS, ,TSUL KHRIMS NYAMS SHING 'JUNGS PA NGA RGYAL CAN, ,BDAG BSTOD GZHAN SMOD THEG CHEN KHAS 'CHE BA, ,DE DAG SPANGS TE MKHAS PA BSTEN PAR BYA, ,NGES PAR 'TSANG RGYA KHAMS GSUM 'DA' BAR 'GYUR, ,DENG 'DIR THAMS CAD 'KHOR LA BKA' STZAL PA, ,GANG ZHIG MYUR DU BYANG CHUB MCHOG 'DOD NA, ,DGE BCU'I LAS KYI LAM LA NAN TAN BYOS, ,NGA YI CHOS LA MI SMAD SHIN TU BSRUNG, ,ZHES SO, ,YANG THEG PA DMAN PA GNYIS PO LA NAN TAN BYAS LA DBANG PO MA SMIN PA BRTZON 'GRUS CHUNG BA LA THEG PA CHEN PO ZAB MO BSTAN NA 'CHAD PA DANG NYAN PA GNYI GAS SDIG PA CHEN PO THOB STE, SANGS RGYAS THAMS CAD LA 'KHU BA'O, ,DE NI BDAG SHES PAR KHAS 'CHE'ANG CHAD PAR LTA BA RGYU 'BRAS MED PAR 'DZIN PAS DGE BA DANG SDIG BYAS PA THAMS CAD LA SKUR CING, THEG PA CHEN PO LA RDZUN ZER BA DAM PA'I CHOS MA RUNGS PAR BYED PA, CHOS NI CHOS MA YIN PA DANG CHOS MA YIN PA NI CHOS STON PAS LOG PAR LTA BA CHEN PO STE, MIR GNAS KYANG YANG DAG PAR NA SRIN PO YIN PAS BSKAL PA GRANGS MED PA'I BAR DU MI LUS KYANG THOB PAR DKA'O, ,DES NA DMYAL BA TSAD MED PA MYONG YANG BLA'I MI CHAD PAR LTA BA NI MA YIN NO, ,GLEN PA DE MYUR BAR LUS DUM BUR 'CHAD CING LCE LKUGS PA DANG, NA TSA MI BZAD PA MYONG ZHING SHI NAS NGES PAR MNAR MED PAR LTUNG STE NGAN SONG KUN TU 'KHOR ZHING THAR PA'I DUS MED DO, ,GAL TE BSKAL PA TSAD MED PA 'DAS NAS MIR SKYES NA YANG SANGS RGYAS MED PA SNYIGS MA LNGA BDO BAR DMUS LONG DANG 'ON PA DANG LKUG PA DANG NAD @313B MANG BA DANG LUS THUNG BA DANG MI SDUG PA DANG KUN GYI YID DU MI 'ONG BA DANG SMRA MI MKHAS PA DANG, SEMS RTAG TU MYOS PA DANG CI'ANG MI SHES PA DANG, DBUL PO DANG DGE BA'I BSHES GNYEN DANG MI PHRAD PA DANG, SDIG PA'I GROGS PO'I RJES SU BYED PAS, YANG NGAN PAR LTA BA LA ZHEN CING SDIG PA SNA TSOGS BYED PAS NA PHYIR DMYAL BA MNAR MED DU LTUNG BAS NGAN SONG LAS THAR PA'I DUS MED DO, ,DE LTAR GTI MUG CAN CHAD PAR SMRA BA DE MI MA RABS THA MA'ANG THOB PAR DKA' NA, 'PHAGS PA'I CHOS KYI SNOD DU RUNG BA'AM NYAN THOS LA SOGS PA'ANG MI THOB PAS BYANG CHUB CHEN PO LTA CI SMOS, RDZA SO MA BTANG BAR MAR DANG 'O MA BLUGS NA, SNOD KYI SKYON GYIS SNOD BCUD GNYI GA MA RUNGS PAR BYED PA LTAR, SLOB DPON DANG SLOB MA DE GNYIS KYANG NGO, ,YANG GRU ZAGS RDOL CAN LAS RGYA MTSOR 'JUG PA DANG, DMUS LONG LA RIN PO CHE STON PA DANG, LUS RUL BA LA DRI ZHIM PO BYUG PA LA SOGS PA LTAR, NGA RGYAL GYIS BAG MED PAR STONG PA'I LTA BA LA CHAGS PA'I GLEN PA MI DGE BA BCU MI SPONG BAR THEG PA CHEN PO LA NAN TAN BYED KYANG ZAB MO SHES PA SKYE MI SRID DE, GRAM KHROD DU SA BON BZANG PO BTAB CING LAS CHER BYAS KYANG 'BRAS BU MED PA'AM, DUG GI SNOD DU KHA RA CUNG ZAD BTAB KYANG SPYAD DU MI RUNG BA'AM, KHA RA'I SNOD DU DUG CUNG ZAD BTAB KYANG SPYAD DU MI RUNG BA BZHIN NO, ,DE BAS NA CHOS LA SNOD JI LTA BAR RIM GYIS 'JUG PAR BYA'O ZHES SO, ,RAB TU ZHI BA RNAM PAR NGES PA'I CHO 'PHRUL LAS KYANG TSOGS CHUNG NGU BSAGS PA DANG, BSOD NAMS KYI TSOGS CHEN PO BSAGS PA'I SEMS CAN DAG SMIN PAR BYA BA'I PHYIR THEG PA THA DAD PA BZHAG TU ZAD KYI THEG PA NI THA DAD DU DBYER MED DE CHOS KYI DBYINGS DBYER MED PA'I PHYIR RO ZHES SO, ` ,DA NI SPYOD PA DE LTA BU RNAMS KYI YON TAN GYI TSOGS BSTAN PA'I DBANG DU BYAS NAS YON TAN GYI RNAM PAR DBYE BA SPYIR BSTAN PA LAS SPYOD PA'I RNAM PAR DBYE BA THUN MONG BA RNAMS KYI YON TAN SDE TSAN BCU'I DANG PO NI, SNYING RJE CHE DANG CHOS KUN BDAG MED RTOGS, ,TSUL KHRIMS LA SOGS BZHI PA NYI SHU YIS, ,LHAG BSAM BRTAN ZHING SKYO MED MTHA' GCIG SMRA, ,DGE BAS MNGON PAR 'PHAGS SOGS DON KUN 'GRUB, @314A SNYING RJE LA SOGS PA NI SPYOD PA'I KHYAD PAR YIN LA, LHAG PA'I BSAM PA BRTAN PA LA SOGS PA NI DE DAG GI YON TAN GYI KHYAD PAR TE 'OG MA RNAMS KYANG CI RIGS PAR DE BZHIN DU SBYAR RO, ,TSANGS PA KHYAD PAR SEMS KYIS ZHUS PA LAS, BYANG CHUB SEMS DPA' CHOS BZHI DANG LDAN NA LHAG PA'I BSAM PA BRTAN ZHING YID SKYO STE, SEMS CAN LA SNYING RJE DANG, MI SKYO BA'I BRTZON 'GRUS DANG, 'KHOR BA LA RMI LAM LTAR MOS PA DANG, SANGS RGYAS KYI YE SHES LA MI MNYAM PA DANG MNYAM PAR 'DZIN PA'O, ,CHOS BZHI DANG LDAN NA MGO GCIG TU SMRA BA STE, CHOS THAMS CAD LA GANG ZAG MED PAR MGO GCIG TU SMRA BA DANG, BYANG CHUB SEMS DPA' SKYE GNAS THAMS CAD LA DGA' BA MED PA DANG, BYANG CHUB SEMS DPA' RNAMS THEG PA CHEN PO'I BSNGAGS PA DANG, BYANG CHUB SEMS DPA' RNAMS DGE BA DANG MI DGE BA'I LAS CHUD MI ZA BAR MGO GCIG TU SMRA BA'O, ,CHOS BZHIS DGE BA'I RTZA BAS MNGON PAR 'PHAGS PAR 'GYUR TE, TSUL KHRIMS DANG, THOS PA DANG, GTONG BA DANG, MNGON PAR 'BYUNG BA'O, ,BZHIS MI BRLANG ZHING SPYOD LAM MI 'KHRUG STE, RNYED PA MED PA DANG, SMAD PA DANG, GRAGS PA MED PA DANG, SDUG BSNGAL GYIS SO, ,BZHIS DGE BA'I RTZA BA 'PHEL TE, SEMS CAN BYANG CHUB LA 'DZUD PA DANG, SBYIN PA RNAM SMIN LA MI RE BA DANG, DAM PA'I CHOS 'DZIN PA DANG, BYANG CHUB SEMS DPA' RNAMS LA SHES RAB STON PA'O, ,BZHIS SA NAS SAR 'PHAR TE, DGE BA'I RTZA BA GSOG PA DANG, NYES PA THAMS CAD SPONG BA DANG, BSNGO BA LA MKHAS PA DANG, BRTZON 'GRUS SHIN TU 'BAR BA'O, ,BZHIS SEMS CAN SMIN PA LA THABS MKHAS PAR 'GYUR TE, SEMS CAN GYI RJES SU 'JUG PA DANG, GZHAN GYI DGE BA LA RJES SU YI RANG BA DANG, NYES PA 'CHAGS PA DANG, SANGS RGYAS THAMS CAD LA GSOL BA 'DEBS PA'O, ,BZHIS SEMS CAN LA NYE BAR SPYOD PA LA MKHAS PAR 'GYUR TE, SEMS CAN LA PHAN PA'I DNGOS PO DANG, BDAG BDE BA LA MA CHAGS PA DANG, BZOD CING DES PA DANG, NGA RGYAL BCOM PA'O, ,BZHIS BYANG CHUB @314B KYI SEMS CHUD MI GZON TE, SANGS RGYAS RJES SU DRAN PA DANG, DGE BA'I RTZA BA THAMS CAD LA BYANG CHUB KYI SEMS SNGON DU 'GRO BA DANG, THEG PA CHEN PO'I BSNGAGS PA BRJOD PA'O,, BZHIS RTZE GCIG CING YID MA 'DRES PAR 'GYUR TE, NYAN THOS KYI SEMS SPONG BA DANG, RANG RGYAL GYI YID LA BYED PA SPONG BA DANG, CHOS TSOL BAS MI NGOMS PA DANG, JI LTAR THOS PA'I CHOS STON PA'O, ,BZHIS CHOS TSOL BA STE, RNYED DKA' BAS RIN PO CHER 'DU SHES PA DANG, NAD THAMS CAD ZHI BAR BYED PAS RTZIR 'DU SHES PA DANG, CHUD MI ZA BAS DON DU 'DU SHES PA DANG, MYA NGAN LAS 'DAS PA'I PHYIR SDUG BSNGAL THAMS CAD ZHI BAR 'DU SHES PA'O, , BZHIS LTUNG BA LAS 'BYUNG BA LA MKHAS PA STE, NANG NAS MI SKYE BA'I CHOS LA BZOD PA DANG, MI 'PHO BAS MI 'GAG PA LA BZOD PA DANG, RGYU LA RTOG PAS RTEN 'BREL LA BZOD PA DANG, GCIG NAS GCIG TU SEMS PHAN TSUN DU GYUR PA'O, ,BZHIS NYON MONGS PA RNAM PAR SBYONG BA STE, TSUL BZHIN SO SOR RTOG PA DANG, MA 'ONGS PA NA SDOM PA DANG, DKAR PO'I CHOS STOBS BSKYED PA DANG, RAB TU DBEN PAR GNAS PA'O, ,BZHIS CHOS NYAN PA'I 'KHOR TE, CHOS 'DOD KYI KLAN KA TSOL BAS MA YIN PA DANG, RI MO BYED CING KHENGS PAS MA YIN PA DANG, DGE BA CI YIN ZHES TSOL GYIS BDAG SPYOMS PAS MA YIN PA DANG, SEMS CAN DGE BA LA 'DZUD PAR 'DOD KYI, RNYED PA DANG, BKUR STI 'DOD PAS MA YIN PA'O, ,BZHIS CHOS KYI SBYIN PA RNAM PAR 'BYED PA STE, DAM PA'I CHOS 'DZIN PA DANG, RANG GI SHES RAB GSAL BAR BYED PA DANG, SKYES BU DAM PA'I LAS BYED PA DANG, KUN NAS NYON MONGS PA DANG RNAM PAR BYANG BAR STON PA'O, ,BZHIS RGYU'I STOBS DANG LDAN ZHING DGE BA'I RTZA BA CHUD MI ZA BA STE, GZHAN GYI NYES PA LA MI LTA BA DANG, KHRO BA LA BYAMS PA SGOM PA DANG, CHOS RNAMS KYI RGYU STON PA DANG, BYANG CHUB KYI SEMS MI GTONG BA'O, ,BZHIS PHA ROL TU PHYIN PA DRUG MA BSLABS PAR SHES PA STE, SBYIN PA LA SNGON DU 'GRO BA DANG, LTUNG BAS PHA ROL LA MI RTZOD PA DANG, SEMS CAN SMIN PA'I PHYIR BSDU BA'I DNGOS PO LA MKHAS PA DANG, CHOS @315A RNAMS LA ZAB MOR MOS PA'O, ,BZHIS BSAM GTAN LA GNAS KYANG 'DOD PAR SKYE BA STE, SEMS LAS SU RUNG BA DANG, DGE BA'I RTZA BA'I STOBS BSKYED PA DANG, SEMS CAN MI 'DOR BA DANG, THABS DANG SHES RAB BSGOM PA'O, ,BZHIS SANGS RGYAS KYI CHOS RNAMS LAS PHYIR MI LDOG PA STE, 'KHOR BA DPAG TU MED PA 'DZIN PA DANG, SANGS RGYAS DPAG TU MED PA MCHOD PA DANG, BYAMS PA DPAG TU MED PA DANG, SNYING RJE DPAG TU MED PA BSGOM PA'O, ,CHOS BZHI DANG LDAN NA SANGS RGYAS KYI RIGS RGYUN MI GCOD PA STE, DAM BCAS PA LAS MI 'GYUR BA DANG, JI SKAD SMRAS PA BZHIN BYED PA DANG, DGE BA'I RTZA BA LA SHIN TU MOS PA DANG, BSAM PA'I NAN TAN LA GNAS PA'O ZHES SO, ` ,SDE TSAN GNYIS PA NI, GZHAN YANG BYANG CHUB SEMS KYIS RAB 'JUG DANG, ,BDUD RNAMS KUN 'JOMS KHONG KHRO MED SOGS PA, ,CHOS TSOGS DGU BCUS SMON LAM KUN RDZOGS SHING; ;BRTAN PA'I LAS DANG NGAN SONG 'CHAD SOGS THOB, ,'JAM DPAL GYI SANGS RGYAS KYI ZHING GI BKOD PA LAS, CHOS BZHI DANG LDAN NA SMON LAM YONGS SU RDZOGS PAR 'GYUR TE, BYANG CHUB KYI BSAM PAS ZHUGS PA DANG, SEMS CAN LA SNYING RJE BA DANG, BRTZON 'GRUS RTZOM PA DANG, DGE BA'I BSHES GNYEN BSTEN PA'O ZHES SO, ,NAM MKHA' MDZOD KYIS ZHUS PA LAS, BYANG CHUB SEMS DPA'I LAS NI BZHI STE, BDUD DANG NYON MONGS THAMS CAD TSAR BCAD PA DANG, PHAS KYI RGOL BA THAMS CAD CHOS DANG MTHUN PAS ZIL GYIS GNON PA DANG, SEMS CAN YONGS SU SMIN PAR BYA BA DANG, DAM PA'I CHOS YONGS SU BZUNG BA'O, ,DE BZHI'ANG GCIG GIS BSDUS TE CHOS 'DZIN PA'O ZHES SO,, RGYA MTSOS ZHUS PA LAS, CHOS BZHI DANG LDAN NA BYANG CHUB SEMS DPA'I NGAN SONG 'CHAD DE, SEMS CAN LA KHONG KHRO MED PA DANG, DGE BA BCU BLANGS NAS THAMS CAD BSRUNG BA DANG, GZHAN GYI NYES PA MI GLENG ZHING MI BRNYAS PA DANG, BDAG GI 'KHRUL PA LA RTOG GI GZHAN GYI LA MI RTOG PA'O, ,CHOS BZHIS MI KHOM PA THAMS CAD SPONG STE, DKON MCHOG GSUM RTAG TU BSNGAGS PA DANG, CHOS 'DOD PA DAG G-YENG BAR MI BYED PA DANG, GZHAN 'GYOD PA MI SKYED PA DANG, GZHAN 'GYOD PA SKYES PA DAG @315B GI 'GYOD PA SEL BA'O, ,BZHIS LHA DANG MIR SKYE STE, BYANG CHUB KYI SEMS MI GTONG ZHING GZHAN LA'ANG SGROGS PA DANG, TSUL KHRIMS NYAMS PAR MI BYED PA DANG, BSAM GTAN LA BSAM PA DAG PA DANG, SEMS CAN SMIN PAR BYA BA'I PHYIR SNYING RJE BSKYED PA'O, ,CHOS BRGYAD KYIS SANGS RGYAS MTHONG BA DANG MI 'BRAL TE, SANGS RGYAS RJES SU DRAN PA YID LA BYED PA DANG, SANGS RGYAS LA BSNYEN BKUR DANG MCHOD PA BYED PA DANG, DE'I BSNGAGS PA RGYUN TU BRJOD PA DANG, SKU GZUGS BYED PA DANG, DE BLTA BA LA SEMS CAN 'DZUD PA DANG, ZHING GANG NA SANGS RGYAS BZHUGS PA THOS PA DER SKYE BAR SMON PA DANG, RGYUD MI ZHUM ZHING RGYA CHEN PO LA MOS PA DANG, SANGS RGYAS KYI YE SHES 'DOD PA'O, ,CHOS BZHIS DGE BA'I BSHES GNYEN RNYED PAR 'GYUR TE, DE LA G-YO SGYU MED PAR BKUR STI BYED PA DANG, CHOS GCES PAR BKUR BA DANG, BKA' BLO BDE ZHING GSO SLA LA DES PA DANG, NGA RGYAL MED CING SRI ZHU CHE BA'O, ,CHOS GSUM GYIS 'TSAM PA'I YUL 'THOB STE, MI BRLANG ZHING GYA GYU MED PA DANG, PHRAG DOG DANG SER SNA SPONG BA DANG, GZHN GYI RNYED PA DANG BKUR STI DANG BDE BAR SBYAR BA LA DGA' BA'O, ,CHOS LNGAS DAD PA DANG LDAN TE, MOS PA'I STOBS DANG, BSOD NAMS KYI TSOGS DANG, ,LAS KYI RNAM SMIN LA 'JUG PA DANG, BYANG CHUB KYI SEMS MI GTONG BA DANG, CHOS NYID LA RTON PA'I STOBS SO, ,CHOS GNYIS KYIS DGA' BA SHAS CHE BAR 'GYUR TE, RGYU'I STOBS DANG, SBYOR BA'I STOBS SO, ,CHOS GSUM GYIS LAS KYI RNAM SMIN LA RTON TE, BDAG MED PA LA MOS PA DANG, BZOD PA'I STOBS DANG, ,YANG DAG PA'I LAS LEGS PAR RTZOM PA'O, ,CHOS GNYIS KYIS MI DGE BA'I CHOS THAMS CAD SPANGS NAS DGE BA'I CHOS THAMS CAD KYIS 'BOGS PAR 'GYUR TE, PHUNG PO GSUM GYI BSNGO BA DANG, BAG YOD PAR GNAS PA'O, ,YANG GNYIS TE, DGE BA'I RANG BZHIN DU GYUR PA DANG, RNAM PAR SMIN PA LA MI RE BA'O, ,CHOS LNGAS CHOS DON DU GNYER BAR 'GYUR TE, GZUGS LA SOGS PA LNGA DON DU GNYER BA MA YIN PA'O, ,YANG LNGA STE, CHOS DON DU GNYER GYI LUS DON DU MI GNYER BA DANG, YON TAN DON DU GNYER GYI SROG MI GNYER BA DANG, SHES RAB DON DU GNYER GYI REG PA MI GNYER @316A BA DANG, DGE BA DON DU GNYER GYI TSOR BA MI GNYER BA DANG, SEMS CAN BSKYAB PA DON DU GNYER GYI RANG GI DGE BA DON DU MI GNYER BA'O, ,DRUG GIS CHOS 'DOD PA STE, RAB TU BYUNG BA'I YON TAN 'DOD KYI RTAGS TZAM MI 'DOD PA DANG, CHOS NYAN PA 'DOD KYI RGYANG PHAN GYI GSANG TSIG MA YIN PA DANG, CHOS TSOL BA 'DOD KYI ZANG ZING MA YIN PA DANG, CHOS LA SO SOR RTOG PA 'DOD KYI TSUL BZHIN MA YIN PA YID LA BYED PA MI 'DOD PA DANG, CHOS BSGRUB PA 'DOD KYI YI GE DANG BRDA MI TSOL BA DANG, SANGS RGYAS KYI CHOS NYAN 'DOD KYI NYAN THOS DANG RANG RGYAL BA'I MI 'DOD PA'O, ,BRGYAD KYIS CHOS KYI KUN DGA' BA LA DGA' BA STE, BYANG CHUB KYI SEMS KYI GTAM LA DGA' YI THEG PA DMAN PA'I GTAM LA MA YIN PA DANG, BSDU BA'I DNGOS PO'I GTAM LA DGA' YI PHYIN CI LOG GI LA MA YIN PA DANG, CHOS KYI LUGS KYI GTAM LA DGA' YI RGYANG PHAN GYI LA MA YIN PA DANG, SANGS RGYAS KYI CHE BA'I GTAM LA DGA' YI 'KHOR BA RGYUN CHAD PA'I LA MA YIN PA DANG, ZAB MO RTEN CING 'BREL PAR 'BYUNG BA'I GTAM LA DGA' YI BDAG TU LTA BA 'DZIN PA'I LA MA YIN PA DANG, CHOS BDAG MED PA DANG RKYEN RNAM PAR DAG PA'I GTAM LA DGA' YI RTAG CHAD DANG BDAG LA SOGS PA'I LA MA YIN PA DANG, RNAM PAR THAR PA'I SGO GSUM GYI GTAM LA DGA'I DMIGS PAR BLTA BA'I LA MA YIN PA DANG, RAB TU BYUNG BA LA DMIGS PA DANG SANGS RGYAS KYI ZHING BKOD PA'I GTAM LA DGA' YI ZHI BA LA BTANG SNYOMS PA'I GTAM LA MA YIN PA'O, ,DGOS PA LNGAS THOS PA TSOL BA LA CHOG MI SHES TE, THOS PA LAS SHES RAB 'BYUNG BA DANG, 'GYOD PA DANG THE TSOM SEL BA DANG, KUN NAS NYON MONGS PA DANG RNAM BYANG RTOGS PA DANG, SEMS CAN GYI NYON MONGS PA SPONG BA DANG, MI 'JIGS PAS THE TSOM 'CHAD PA'O, , YANG GNYIS KYIS 'PHAGS PA'I YANG DAG PA'I LTA BA BSKYED PA DANG, CHAGS PA MED PA'I GZUNGS 'THOB PA'O, ,CHOS BCUS THOS PA BSGRUB PAS MNGON PAR 'PHAGS PAR 'GYUR TE, RNYED PA DANG BKUR STI LA 'DOD PA CHUNG ZHING CHOG SHES PA DANG, THOS PA TSOL BA LUS SROG LA MI @316B LTA BA DANG, SPYOD LAM LA DRAN PA DANG SHES BZHIN DANG, JI SKAD THOS PA LA SHAS CHER RTOGS PA DANG, 'DU 'JI MED PAR BYA BA NYUNG BA DANG, SBYOR BA LA BRTZON 'GRUS KYIS SROD DANG THO RANGS MI NYAL BAR BRTZON PA DANG, BLA MA LA GUS PA DANG RI MO BYED CING NGO TSA SHES PA DANG, KHREL YOD PHUN SUM TSOGS PAS DGE BA'I BSHES GNYEN BSTEN PA DANG, SNYING RJES SEMS CAN LA BLTA BA DANG, YON TAN RDZOGS PAR BYA BA'I PHYIR 'PHAGS PA'I GANG ZAG LA RIM GRO BYED PA DANG, SHES PAS LHA DANG BCAS PA'I 'JIG RTEN BSKYAB PA'O ZHES SO, ` ,SDE TSAN GSUM PA NI, ME TOG LA SOGS 'BUL DANG GZHAN DAG GI, DGE BA'I BAR CHAD MI BYED LA SOGS PA, ,BZHI PA BCU YIS RDZUS TE SKYE BA DANG, ,RDZU 'PHRUL GYIS NI ZHING GZHAN RGYU SOGS 'THOB, ,BLO GROS BZANG MOS ZHUS PA LAS, CHOS BZHI DANG LDAN NA SANGS RGYAS KYI THAD DU RIN PO CHE'I PADMA LAS RDZUS TE SKYE BAR 'GYUR TE, PHYE MA DANG ME TOG SNYIM PAS BKANG BA 'BUL BA DANG, GNOD SEMS SPONG BA DANG, SKU GZUGS BYED PA DANG, BYANG CHUB CHEN PO LA MOS PA RGYA CHE BA'O, ,CHOS BZHIS RDZU 'PHRUL GYIS ZHING NAS ZHING DU RGYU STE, GZHAN GYI DGE BA'I BAR CHAD MI BYED PA DANG, CHOS NYAN PA'I BAR CHAD MI BYED PA DANG, SANGS RGYAS KYI MCHOD RTEN LA MAR ME 'BUL BA DANG, TI NGE 'DZIN BSGOM PA'O, ,BZHIS DGRA ZLA MED PA THOB PAR 'GYUR TE, G-YO MED PAR DGE BA'I BSHES GNYEN BSTEN PA DANG, GZHAN GYI RNYED PA LA DGA' BA DANG, SER SNA MED PA DANG, BYANG CHUB SEMS DPA'I SPYOD PA LA MI SMOD PA'O, ,BZHIS TSIG BTZUN PAR 'GYUR TE, JI SKAD SMRAS PA BZHIN BYED PA DANG, MDZA' BO LA YOD PA'I RANG BZHIN MI 'CHAB PA DANG, KLAN KA MI 'TSOL BAR CHOS NYAN PA DANG, CHOS SMRA BA LA 'PHYA SKUR MI BYED PA'O, ,BZHIS LAS KYI SGRIB PA DAG PAR 'GYUR TE, LHAG PA'I BSAM PAS SDOM PA GSUM LA GNAS PA DANG, MDO SDE ZAB MO LA MOS SHING MI SPONG BA DANG, BYANG CHUB SEMS DPA'I RNAMS LA THAMS CAD * MKHYEN PA LTAR BLTA BA DANG, SEMS CAN LA BYAMS PA BSGOM PA'O, ,BZHIS BDUD KYI LAS SPONG STE, CHOS THAMS CAD MNYAM PA NYID BSGOM PA DANG, BRTZON 'GRUS CHE BA DANG, SANGS RGYAS RJES DRAN BSGOM PA DANG, DGE BA'I RTZA BA BSNGO BA'O, ,BZHIS 'CHI GAR SANGS RGYAS MDUN NA BZHUGS SHING CHOS NYAN LA SDUG @317A BSNGAL MYONG BAR MI 'GYUR TE, GZHAN GYI BSAM PA RDZOGS PAR BYED PA DANG, MOS PA MANG BA DANG, SBYIN PA RGYA CHE BA GTONG BA DANG, DKON MCHOG MCHOD PA LA BRTZON PA'O ZHES SO, ,SANGS RGYAS KYI YUL BSAM GYIS MI KHYAB PA LA 'JUG PA LAS KYANG, CHOS BZHIS DGE BA'I CHOS THAMS CAD SDUD PAR 'GYUR TE, TSUL KHRIMS LA GNAS PA'I THOS PA DANG, BSAM GTAN LA GNAS PA'I SHES RAB DANG, MNGON SHES LA GNAS PA'I YE SHES DANG, THABS LA GNAS PA'I BAG YOD PA'O ZHES SO, ,BLO GROS RAB GNAS KYIS ZHUS PA LAS, CHOS BZHIS BDUD 'JOMS PA'I TI NGE 'DZIN 'THOB STE LHAG PA'I BSAM PA LA 'JUG PA DANG, G-YO MED PA DANG, ZAB MO RTOGS PA DANG, BDOG PA THAMS CAD GTONG BA'O, ,YANG BZHI STE, DGE BA'I BSHES GNYEN BSTEN PA DANG, SDIG PA'I GROGS PO SPONG BA DANG, SBYANGS PA'I YON TAN DANG TSUL KHRIMS DANG LDAN PA DANG, 'DU 'DZI MED PAR SPYOD PA'O,, YANG BZHI STE, TSUL KHRIMS MA NYAMS PA DANG, TSUL KHRIMS MA RAL BA DANG, TSUL KHRIMS MA 'DRES PA DANG, TSUL KHRIMS NAG NOG MED PA'O ZHES SO, ` ,BZHI PA NI, LUS YONGS DAG DANG BLA MA LA GUS SOGS,, YONGS DAG BRGYAD BA BRGYAD KYI TSUL KHRIMS DANG, ,THOS SOGS YONGS DAG CES BYA BA STE, SANGS RGYAS KYI YUL BSAM GYIS MI KHYAB PA LA 'JUG PA LAS, YONGS SU DAG PA BRGYAD KYI TSUL KHRIMS LA 'JUG STE, LUS YONGS DAG PA'I RNAM PA DANG, DE BZHIN DU NGAG DANG, YID DANG, BSAM PA DANG, 'TSO BA DANG, SBYANGS PA'I YON TAN YONGS SU DAG PA'I RNAM PA DANG, TSUL 'CHOS LA SOGS PA SPONG BA'I RNAM PA DANG, BYANG CHUB KYI SEMS MI BRJED PA'I RNAM PAS 'JUG PA'O,, THOS PA YONGS SU DAG PA'ANG BRGYAD DE, BLA MA LA GUS PAS YONGS SU DAG PA DANG, DE BZHIN DU NGA RGYAL MED PA DANG, BRTZON 'GRUS DANG, TI NGE 'DZIN DANG, DRAN PA MI G-YENG BA DANG, BSTAN PA DANG BSHAD PA DANG, BDAG MI BSTOD CING GZHAN MI SMOD PA DANG, TSUL BZHIN SO SOR RTOG PA DANG, JI LTAR THOS PA'I CHOS BSGRUBS PAS YONGS SU DAG PA'O, ,BRGYAD KYIS BSAM GTAN YONGS SU DAG PA STE, DGON PA DANG DBEN PA LA DGA' BA DANG, 'DU 'DZI SPONG BA DANG, YUL DANG MI 'DRE BA DANG, LUS SEMS @317B LAS SU RUNG BA DANG, KHA ZAS NYUNG NGUS 'TSO BA DANG, DMIGS PA LA 'JOG PA DANG, SGRA DANG MTSAN MA RNAM PAR 'JIG PA DANG, BDEN PA BZHI DANG ZANG ZING MED PAR SO SOR 'GED PAS SO,, BRGYAD KYIS SHES RAB YONGS SU DAG PA STE, PHUNG PO LA MKHAS PA DANG, KHAMS DANG, SKYE MCHED DANG, BDEN PA DANG, RTEN 'BREL DANG RNAM PAR THAR PA'I SGO DANG, DBANG PO LA MKHAS PA DANG, BAG LA NYAL DANG KUN NAS DKRIS PA 'JOMS PA LA MKHAS PAS SO, ,BRGYAD KYIS MNGON SHES YONGS SU DAG PA STE, SGRIB PA MED PAR GZUGS THAMS CAD MTHONG BAS LHA'I MIG DANG, SGRIB PA MED PAR SGRA KUN THOS PAS LHA'I RNA BA DANG, SEMS CAN KUN GYI SPYOD PA LA BLTA BAS GZHAN GYI SEMS SHES PA DANG, SGRIB PA MED PAR SNGON GYI MTHA' RJES SU DRAN PAS DE SHES PA DANG, ZHING TSAD MED PAR 'GRO BAS RDZU 'PHRUL SHES PA DANG, ZAG PA ZAD PA DUS MA YIN PA SPANGS PAS DE SHES PA DANG, G-YO BA DANG RLOM SEMS MED PAS DGE BA'I RTZA BA BSKYED PA DANG DAM BCA' BA NYAMS 'OG TU CHUD PAS BSHES PA BRTAN PA YONGS SU DAG PA'O, ,BRGYAD KYIS YE SHES YONGS SU DAG PA STE, PHUNG PO LNGA SHES PAS SDUG BSNGAL SHES PA DANG, SRED PA SHES PAS KUN 'BYUNG SHES PA DANG, RTEN 'BREL SKYE BA MED PA RTOGS PAS 'GOG PA SHES PA DANG, 'DUS BYAS DANG 'DUS MA BYAS MNYAM PA NYID KYIS LAM SHES PA DANG, LAS DANG BYA BA MI 'GAL BAS RGYU SHES PA DANG, BDAG LA SOGS PA MED PAS RKYEN SHES PA DANG, 'KHOR GSUM RNAM PAR DAG PAS DUS GSUM SHES PA DANG, SHES RAB KYI PHA ROL TU PHYIN PA YE SHES THAMS CAD LA 'JUG PA THAMS CAD MKHYEN PA YONGS SU DAG PA'O, ,NGES PAR SEMS PA YONGS SU DAG PA YANG BRGYAD DE, NANG NYE BAR ZHI BA DANG, PHYI ROL DU MI RGYU BA DANG, KHAMS GSUM LA MI GNAS PA DANG, RTEN 'BREL DANG MTHUN PA DANG, SKYE BA MED PA DANG 'BYUNG BA MED PA DANG, MNGON PAR 'DU BYA BA MED PA DANG, CHOS THAMS CAD BDAG MED PA DANG, NYON MONGS PA THAMS CAD KYIS MI 'KHRUGS PA'O, ,BAG YOD PA YONGS SU DAG PA YANG BRGYAD DE, TSUL KHRIMS MCHOG 'DZIN MED PA DANG, THOS PA YONGS SU BYANG BA DANG, SHES RAB GSUM GYIS BSDUS PA DANG, MNGON SHES LAS MA NYAMS PA DANG, YE SHES RLOM SEMS MED PA DANG, NGES PAR SEMS PA G-YENG BA MED PA DANG, DGE BA'I CHOS CHUD MI ZA BAS @318A YONGS SU DAG PA'O ZHES SO, ` ,LNGA PA NI, GCIG NAS 'PHROS PA BCUS, NGAN 'GRO YONGS SPONGS MYUR BAR MNGON 'TSANG RGYA, ,BYAMS PAS ZHUS PA LAS, NGAN SONG THAMS CAD SPONG ZHING SDIG PA'I GROGS PO'I LAG TU MI 'GRO LA MYUR DU MNGON PAR RDZOGS PAR 'TSANG RGYA BA'I CHOS GCIG NI LHAG PA'I BSAM PA PHUN SUM TSOGS PA'I BYANG CHUB KYI SEMS SO, ,GNYIS NI ZHI GNAS TSOL BA DANG, LHAG MTHONG LA MKHAS PA'O, ,GSUM NI SNYING RJE CHEN PO THOB PA DANG, STONG PA NGES PAR SEMS PA DANG, DES MI RLOM PA'O, ,BZHI NI TSUL KHRIMS LA GNAS PA DANG, CHOS THAMS CAD LA SOM NYI MED PA DANG, DGON PA LA DGA' BA DANG, YANG DAG PAR BLANGS PA LAS MI 'DA' BA'O, ,LNGA NI STONG PA NYID LA GNAS PA DANG, GZHAN GYI SKYON MI TSOL BA DANG, RANG LA RTOG PA DANG, CHOS LA DGA' BA DANG, GZHAN LA PHAN PA LA ZHUGS PA'O, ,DRUG NI BRKAM PA MED PA DANG, SDANG BA MED PA DANG, RMONGS PA MED PA DANG, DRIS MA THAG LAN LEGS PAR LDON PA DANG, BSNYEN DKA' BA MED PA DANG, STONG PA NYID SPYOD YUL BA'O, ,BDUN NI DRAN PA LA MKHAS PA DANG, CHOS LA MKHAS PA DANG, BRTZON 'GRUS BRTZAMS PA DANG, DGA' BA THOB PA DANG, SHIN TU SBYANGS PA DANG LDAN PA DANG, TING NGE 'DZIN LA MKHAS PA DANG, SHES RAB KYIS RAB TU DBYE BA LA MKHAS PA'O,, BRGYAD NI YANG DAG PA'I LTA BA LA SOGS PA LAM GYI YAN LAG BRGYAD DANG LDAN PA'O, ,DGU NI BSAM GTAN BZHI LA SOGS PA MTHAR GYIS GNAS PA'I SNYOMS PAR 'JUG PA DGU DANG LDAN PA'O, ,BCU NI TING NGE 'DZIN BCU STE, RDO RJE LTA BU DANG, GNAS DANG GNAS MA YIN PA LA BRTZON PA DANG, THABS KYIS 'GRO BA DANG, RNAM PAR SNANG BYAD DANG, KUN NAS SNANG BA DANG, KUN TU GSAL BA DANG, RIN CHEN ZLA BA DANG, ZLA BA SGRON MA DANG, NYON MONGS MED PA DANG, RGYAL MTSAN GYI RTZE MO'I DPUNG RGYAN GYI TING NGE 'DZIN NO, ` ,DRUG PA NI, PHUN TSOGS BRGYAD DANG BYANG CHUB SEMS BRTAN SOGS, ,BZHI PA DGU YIS PHYIR MI LDOG PA DANG, ,BDUD LAS 'DA' SOGS DGE LEGS MANG 'THOB CING, ,RGYAL SRAS YON TAN LA SOGS DPE YIS GSUNGS, ,BYAMS PAS ZHUS PA NYID LAS, @318B CHOS BRGYAD KYIS BYANG CHUB CHEN PO LAS PHYIR MI LDOG CING NYAMS PAR MI 'GYUR LA, BDUD PHYIR RGOL BA BCOM STE BYANG CHUB SEMS DPA'I SPYAD PA SPYOD PA NA, CHOS THAMS CAD KYI MTSAN NYID JI LTA BA RTOGS NAS 'KHOR BA NA YONGS SU MI SKYO BAS GZHAN GYI KHA NA MA LAS PA'I YE SHES KYIS MYUR DU MNGON PAR 'TSANG RGYA STE, BSAM PA PHUN SUM TSOGS PA DANG, SBYOR BA PHUN SUM TSOGS PA DANG, GTONG PA PHUN SUM TSOGS PA DANG, BSNGO BA LA MKHAS PA DANG, BYAMS PA PHUN SUM TSOGS PA DANG, SNYING RJE PHUN SUM TSOGS PA DANG, THABS LA MKHAS PA DANG, SHES RAB KYI PHA ROL TU PHYIN PA LA NGES PAR 'BYUNG BA'O, ,DANG PO NI, DKON MCHOG GSUM GYI BSNGAGS PA DANG, BSNGAGS PA MA YIN PA THOS KYANG BYANG CHUB CHEN PO LA NGES PA BRTAN PA'O, ,GNYIS PA NI SROG GCOD PA LA SOGS PA BDUN SPANGS PA'O, ,GSUM PA NI DGE SBYONG LA SOGS PA DANG PHONGS PA LA SOGS PA LA GOS LA SOGS PA'I SBYIN PA PO DANG SBYIN BDAG TU GYUR PA'O, ,BZHI PA NI, LUS DANG NGAG DANG YID KYI DGE BA GANG BYED KYANG RDZOGS PA'I BYANG CHUB TU BSNGO BA'O, ,LNGA PA NI BYAMS PA'I LUS LA SOGS PA'I LAS DANG LDAN PA'O, ,DRUG PA NI, GNOD SEMS MED PA'I LUS LA SOGS PA'I LAS DANG LDAN PA'O, ,BDUN PA NI KUN RDZOB DANG DON DAM PA DANG GNYI GA'I DON LA MKHAS PA'O, ,BRGYAD PA NI 'DI YOD PAS 'DI 'BYUNG BA DANG 'DI 'GAGS PAS 'DI 'GAG PA NYI SHU RTZA BZHI LA MKHAS PA'O,, BDUD KYI LAS LAS 'DA' BA'I CHOS BZHI STE, BYANG CHUB KYI SEMS MI GTONG BA DANG, SEMS CAN THAMS CAD LA KHONG KHRO MED PA DANG, LTA BAR GYUR PA THAMS CAD RTOGS PA DANG, SEMS CAN THAMS CAD LA MI BRNYAS PA'O, ,DGE BA'I CHOS THAMS CAD SDUD PA BZHI STE, TSUL 'CHOS MED PAR DGON PAR GNAS PA DANG, LAN LA MI RE BA'I BSDU BA'I DNGOS PO BZHI DANG, LUS DANG SROG GTONG ZHING DAM PA'I CHOS TSOL BA DANG, THOS PA DANG DON GYIS MI NGOMS SHING DGE BA'I RTZA BA THAMS CAD SDUD PA'I BRTZON 'GRUS SO, ,BSOD NAMS KYI TSOGS DPAG TU MED PA'I CHOS BZHI STE, ZANG ZING MED PA'I CHOS KYI SBYIN PA DANG, TSUL KHRIMS 'CHAL BA RNAMS LA CHES BRTZE BA DANG, SEMS CAN THAMS @319A CAD LA BYANG CHUB KYI SEMS STON PA DANG, NYAMS CHUNG BA RNAMS LA BZOD PA'O, ,MA RIG PA'I BAG CHAGS 'JOMS PA'I CHOS BZHI STE, TSUL KHRIMS KYI SDOM PA 'DZIN PA DANG, DAM PA'I CHOS 'DZIN PA DANG, SGRON MA SBYIN PA DANG THA NA 'DRIS PA LA YANG SBYIN PA'O, , SGRIB PA MED PA'I YE SHES 'THOB PAR BYED PA BZHI STE, DAM PA'I CHOS SBYIN PA DANG, DAM PA'I CHOS 'DZIN PA DANG, PHRAG DOG MED PA DANG, GZHAN LA MI BRNYAS PA'O ZHES SO, ,DGE BA'I RTZA BA YONGS SU 'DZIN PA LAS, THEG PA CHEN PO LA ZHUGS PA CHOS BZHI DANG LDAN NA RANG GIS RANG DBUGS 'BYIN CING LUNG STON PAR 'GYUR TE, NOR GYI PHUNG PO THAMS CAD GTONG BA DANG, TSUL KHRIMS KYI PHUNG PO LA GNAS PA DANG, LUS DANG SROG LA THUG KYANG CHOS ZAB MO MI GTONG BA DANG, CHOS SMRA BA LA BDE BA'I YO BYAD THAMS CAD KYIS SPRO BAR BYED PA'O, ,CHOS BZHIS BYANG CHUB CHEN PO LAS MI NYAMS SHING TSE BRJES NAS 'KHOR LOS BSGYUR BAR SKYE LA JI LTAR SMON PA LTAR DGE BA'I RTZA BA BSGRUB, SRED MED KYI BU LTAR LUS CHE ZHING STOBS DANG LDAN, DE MYUR DU GLING BZHI SPANGS NAS RAB TU BYUNG BAS TSANGS PA'I GNAS BZHI LA SOGS PA 'THOB STE, MCHOD RTEN ZHIG PA 'CHOS PAR SPRO ZHING THA NA 'JIM GONG GCIG TZAM YANG BRTZIGS PA DANG, LAM MDO MI MANG PO 'DU BA'I SAR MCHOD RTEN NAM LHA KHANG NGAM SKU GZUGS BYED CING SANGS RGYAS KYI BSNGAGS PA BRJOD PA DANG, SANGS RGYAS KYI NYAN THOS SAM DGE 'DUN RTZOD PAR GYUR NA ZHI BAR BYED PA DANG, BSTAN PA 'JIG PA NA TSIGS SU BCAD PA GCIG TZAM YANG 'DZIN CING CHOS SMRA BA BSRUNG BA LA LUS DANG SROG LA MI LTA BA'O, ,CHOS BZHIS BYANG CHUB CHEN PO LAS MI NYAMS TE, LHAG PA'I BSAM PAS BYANG CHUB TU SEMS BSKYED PA DANG, SANGS RGYAS KYI BSTAN PA LA DAD PA DANG, CHOS NYAN PAS MI NGOMS PA DANG, MI SLU BAS BDEN PAR SMRA BA'O, ,CHOS BZHIS BYANG CHUB SEMS DPA'I BYANG CHUB YONGS SU SBYONG BA STE, STONG PA NYID BSGOM PA DANG, SEMS CAN THAMS CAD LA ZHE 'GRAS PA MED PA'I SEMS DANG, BYANG CHUB SEMS DPA' RNAMS LA RTAG TU PHAN PA BSGRUB PA'I SEMS DANG @319B ZANG ZING MED PA'I SEMS KYIS CHOS KYI SBYIN PA STON PA'O ZHES SO, ,BYANG CHUB SEMS DPA'I SPYOD PA'I YON TAN DPES BSTAN PA NI, BYAMS PAS ZHUS PA LAS, SA CHEN PO 'GYUR BA MED CING LAN LA MI RE BAR SEMS CAN GYI 'TSO BA YIN PA LTAR, SEMS DANG PO BSKYED PA'ANG SEMS CAN GYI 'TSO BA STE LAN LA MI RE BA'O, ,CHUS RTZVA DANG SHING LA SOGS PA THAMS CAD BSKYED PA LTAR BSAM PA DAG PA'I BYAMS PA'ANG SEMS CAN THAMS CAD LA DKAR PO'I CHOS THAMS CAD BSKYED PA'O, ,MES LO TOG SMIN PAR BYED PA LTAR SHES RAB KYIS SEMS CAN GYI DKAR PO'I LO TOG SMIN PAR BYED PA'O, ,RLUNG GIS ZHING THAMS CAD BSGRUB PA LTAR THABS LA MKHAS PAS SEMS CAN LA SANGS RGYAS KYI CHOS THAMS CAD BSGRUB PA'O, ,BDUD KYI DPUNG GI TSOGS YAN LAG BZHI PA 'DOD LHA THAMS CAD KYIS ZIL GYIS MI NON PA LTAR BSAM PA DAG PA BDUD THAMS CAD KYIS ZIL GYIS MI NON TO, ,ZLA BA YAR NGO 'PHEL BA LTAR BSAM PA DAG NA DKAR PO'I CHOS THAMS CAD 'PHEL BA'O, ,NYI MAS LAN CIG PHYUNG BA'I 'OD KYIS THAMS CAD SNANG BAR BYED PA LTAR BYANG CHUB SEMS DPA'I SHES RAB LAN CIG GIS SEMS CAN THAMS CAD LA SHES RAB KYI SNANG BA BSKYED PA'O, ,SENGGE GAR 'GRO YANG MI 'JIGS PA LTAR BYANG CHUB SEMS DPA' TSUL KHRIMS DANG THOS PA DANG LDAN PA YANG THAMS CAD DU MI 'JIGS SO, ,GLANG PO DUL BA KHAL KHYER BAS MI SKYO BA LTAR YE SHES DUL BA SEMS CAN GYI DON DU PHUNG PO LNGA'I KHUR GYIS MI SKYO'O,, PADMA CHU'I NANG DU SKYES KYANG MI GOS PA LTAR 'JIG RTEN DU SKYES KYANG 'JIG RTEN GYIS MI GOS SO, ,LJON SHING RTZA BAR MA SNANG NA YAL GA BCAD KYANG SKYE BA LTAR NYON MONGS PA BCAD KYANG THABS LA MKHAS PAS KHAMS GSUM DU SKYE'O, ,PHYOGS THAMS CAD KYI KLUNG RNAMS RGYA MTSOR PHYIN PA NA LAN TSVA RO GCIG PA LTAR DGE BA'I RTZA BA SGO DU MA NAS BSAGS PA RNAMS BYANG CHUB CHEN POR BSNGOS NA THAMS CAD MKHYEN PAR RO GCIG PA'O, ,RGYAL CHEN RIS BZHI DANG SUM CU RTZA GSUM PA RI RAB LA GNAS PA LTAR THAMS CAD MKHYEN PA YANG BYANG CHUB KYI SEMS KYI DGE BA'I RTZA BA LA GNAS SO, ,BLON POS RGYAL @320A PO'I BYA BA THAMS CAD BYED PA LTAR THABS KYIS ZIN PA'I SHES RAB KYIS SANGS RGYAS KYI MDZAD PA THAMS CAD BYED DO, ,SPRIN MED NA CHAR GYI RGYU MED PA LTAR THOS PA NYUNG BA LA CHOS KYI CHAR GYI RGYU MED DO, ,SPRIN LAS CHAR GYI RGYUN BAB PAS LO TOG SPEL BA LTAR SNYING RJE LAS MANG DU THOS PA LAS BYUNG BA'I CHOS KYI CHAR SEMS CAN LA 'BAB BO, ,'KHOR LOS BSGYUR BA GANG DU BYUNG BAR RIN PO CHE BDUN 'BYUNG BA LTAR BYANG CHUB SEMS DPA' GANG DU BYUNG BAR BYANG CHUB KYI PHYOGS KYI CHOS SUM CU RTZA BDUN 'BYUNG NGO, ,BEE d'U RYA 'BYUNG BA'I SGO YOD PAR KAR SHA BA NA BRGYA STONG MANG PO'I SGO YOD PA LTAR BYANG CHUB SEMS DPA' 'BYUNG BA'I SGO YOD PAR NYAN THOS DANG RANG RGYAL BRGYA STONG 'BYUNG NGO, ,SUM CU RTZA GSUM PA'I LHA 'DRES PA'I TSAL DU ZHUGS PA RNAMS LONGS SPYOD MTSUNGS PA LTAR BYANG CHUB SEMS DPA' BSAM PA DAG PA'I SBYOR BA YANG SEMS CAN THAMS CAD LA BYA BA THAMS CAD BYED PAR MTSUNGS SO, ,SMAN DANG SNGAGS KYIS ZIN PA'I DUG GIS 'CHI BAR MI NUS PA LTAR YE SHES DANG THABS KYIS ZIN PA'I NYON MONGS PAS LOG PAR LTUNG BAR BYED MI NUS SO, ,GRONG KHYER GYI LUD BU RAM SHING DANG RGUN GYI SHING LA PHAN PA LTAR, BYANG CHUB SEMS DPA'I NYON MONGS PA'I LUD KYANG THAMS CHAD MKHYEN PA LA PHAN NO, ,SO MA BTANG BA'I SNOD LA ME CHEN PO DGOS PA LTAR SHES RAB MA SMIN PA'I SEMS CAN LA BYANG CHUB SEMS DPAS CHOS KYI ME CHEN PO BTANG DGOS SO, ,'PHONGS MA BSLABS PA MTSON CHA'I THABS SLOB PA LTAR BYANG CHUB SEMS DPA' THOS PA CHUNG BAS CHOS RNAM PAR 'BYED PA DANG SPYOD PA DANG DON 'DZIN PA SLOB DGOS SO ZHES SO, ` ,BDUN PA NI, MI 'PHROGS DAD SOGS RNAMS KYIS TING NGE 'DZIN, ,MCHOG SOGS CI 'DOD YON TAN RNAM MANG 'THOB,, DA LTAR GYI SANGS RGYAS MNGON SUM DU BZHUGS PA'I TING NGE 'DZIN LAS, CHOS BZHI DANG LDAN NA TING NGE 'DZIN 'DI 'THOB STE, MI 'PHROGS PA'I DAD PA DANG, MI LDOG PA'I BRTZON 'GRUS DANG, GZHAN GYI DRING MI 'JOG PA'I SHES RAB DANG, DGE BA'I BSHES GNYEN LA BSNYEN BKUR BYED PA'O,, YANG BZHI STE, SEMS CAN RNAMS SANGS RGYAS BLTA BAR BSKUL BA DAG CHOS NYAN PAR BSKUL BA @320B DANG; BYANG CHUB TU SEMS BSKYED PAR BSKUL BA DANG, PHRAG DOG MED PA'O, ,YANG BZHI STE, SKU GZUGS BYED PA DANG, TING NGE 'DZIN 'DI BRIS TE SBYIN PA DANG, NGA RGYAL CAN NGA RGYAL MED PAR BYANG CHUB LA 'JOG PA DANG, SANGS RGYAS KYI BSTAN PA BSRUNG BA'O, ,GSER MDOG BSOD NAMS BRGYA YI MTSAN MNGA' LA; ;MDZES SHING KUN NAS YONGS SU RGYAS PAR GYUR, ,GSER GYI GZUGS BZHIN BLTA NA SDUG PA YI, ,BSOD NAMS MCHOG MNGA' SANGS RGYAS DRAN PAR BYOS, ,DANG BA'I SEMS KYIS ME TOG PHRENG BA DANG, ,BYUG PA DAG DANG NA BZA' BCAS PA YIS, ,BDE BAR GSHEGS PA LA NI MCHOD PA BYOS, ,TING 'DZIN LA SOGS RNYED PAR DKA' MI 'GYUR, ,TING 'DZIN MCHOG SOGS YON TAN 'DOD PAS NI, ,RI MO LEGS PAR BRIS SHING MTSAN RDZOGS LA, ,GSER GYI MDOG 'DRA RGYA CHE SKYON MED PA, ,MTSUNGS PA MED PA'I SKU GZUGS BYED PA DANG, ,DGA' BAR BYED PA'I CHOS NI MDUN BZHAG NAS, ,TSUL KHRIMS YONGS DAG THOS PA TSOL BYED LA, ,LE LO'I DNGOS PO YONGS SU SPANGS BYAS NA, ,YON TAN GANG YANG RING PO MI THOGS RNYED, ,CHOS SMRA BA LA DE BZHIN GUS PA SKYED,, STON PAR 'DU SHES RTAG TU NYE BAR ZHOG ,NGA RGYAL MA BYED CHAGS PA SPANG BYOS LA, ,CHOS SBYIN PA LA NAM YANG 'JUNGS MA GYUR, ,ZHES SO, ,SANGS RGYAS KYI YE SHES PHYAG RGYAL LAS KYANG, ZANG ZING MED PA'I SEMS KYI GNAS NAS NI, ,CHOS KYI DAM PA 'KHOR LA RAB TU BSHAD, ,LEGS SO ZHES BYA BA'ANG 'DOD PA MA YIN NA, ,SHES KYI KHE 'DOD PAR LTA GA LA 'GYUR, ,BAS MTHA' DGA' ZHING DGON DBEN SPYOD YUL BA, ,TSIG TZAM MA YIN ZAB MO BZOD PA DANG, ,BSE LTA BU DANG SHES KHE BDE BSRINGS LA, ,DE NI BYANG CHUB 'JIG PAR 'GYUR BA BSRUNG, ,TSOGS LAS BSRINGS SHING RAB TU ZHI LA MOS, ,RI DVAGS LTA BUR 'JIGS SHING GNAS MED RGYU, ,MKHA' LA RLUNG BZHIN RNYED LA MI CHAGS PA, ,DE 'DRA DE NI RGYAL BA'I CHOS 'DZIN YIN; ;LUS LA MI LTA SROG DON MI GNYER NA, ,SHES KYI KHE 'DOD PAR LTA GA LA 'GYUR,, BRTZON BRTZAMS BDAG GI MA YIN CI YANG MED, ,DE NI MA 'ONGS DUS NA BYANG CHUB SNOD CES SO,, ` BRGYAD PA NI, GZHAN LA KHONG KHRO MED PAR LTA SOGS DANG, ,KUN MKHYEN SEMS KYIS BSGOS PA'I MNGON SHES SOGS, @321A DRUG TSAN GSUM LA SOGS PAS MNGON SHES DANG, ,SGRIB MED YE SHES LA SOGS RNAM MANG 'THOB, ,RGYA MTSOS ZHUS PA LAS, CHOS DRUG GIS MNGON SHES KYIS RNAM PAR RTZE BA 'THOB STE, SEMS CAN LA KHONG KHRO MED PAR LTA BAS LHA'I MIG YONGS SU DAG PA DANG, DAG TU SMRA BA DANG DU LEN PAS LHA'I RNA BA DAG PA DANG, SEMS LA NYON MONGS MED PAS GZHAN GYI SEMS SHES PA DAG PA DANG, DGE BA'I RTZA BA SNGAR BYAS PA GZHAN LA GTONG BAS SNGON GYI GNAS RJES SU DRAN PA DAG PA DANG, MTHUN PAR BYED CING BKA' BLO BDE LA JI SKAD SMRAS PA BZHIN BYED PAS RDZU 'PHRUL SHES PA DAG PA DANG DPE MKHYUD MED PAS ZAG PA ZAD PA SHES PA DAG PA'O, ,YANG DRUG STE MAR ME SBYIN PA DANG, SIL SNYAN DANG GLU DBYANGS SBYIN PA DANG, NYON MONGS PA MED PAR SBYIN PA DANG, DGE BA'I CHOS DRAN PAR BYED CING BSKUL BA DANG, SGRIB PA MED CING 'GYOD PA BSAL BA DANG, CHOS BYIN PAS DE DRUG RIM BZHIN DAG PA'O, ,YANG DRUG STE, SANGS RGYAS LTA BA DANG, CHOS NYAN PA DANG, SEMS KYIS NGES PAR BRTAGS PA DANG, DGE 'DUN RJES SU DRAN PA DANG, 'DUN PA DRAG PA DANG, CHOS SGRUB PAR BYED PAS RIM PA BZHIN NO, ,CHOS BZHIS SGRIB PA MED PA'I YE SHES MTHONG BA LA 'JUG STE, THAMS CAD MKHYEN PA'I SEMS KYIS BSGOS PA'I MNGON SHES LNGA DANG, BYAMS PA DANG SNYING RJES BSGOS PA'I SO SO YANG DAG PAR RIG PA BZHI DANG, THABS DANG SHES RAB KYIS BSGOS PA'I SNYOMS PAR 'JUG PA BZHI DANG, RNAM PAR THAR PA'I SGO GSUM GYIS BSGOS PA'I BYANG CHUB KYI PHYOGS KYI CHOS SUM CU RTZA BDUN NO, , CHOS BZHIS SEMS CAN GYI SPYOD PA DANG BSAM PA DANG CHOG SHES PAR 'GYUR TE, 'JIG RTEN GYI RJES SU 'JUG PA'I SHES PA DANG, SNYOMS 'JUG LA MKHAS PA'I SHES PA DANG, SHES PA DANG BSAM PA LAS SU RUNG BA'I BSAM PA DANG, SEMS LA DBANG BYED PA'I THABS SO, ,CHOS LNGAS SEMS CAN SMIN PAR BYED DE, BDAG BDE BA LA MI LTA BAS MI SKYO BA DANG, BRTZON PA BRTAN PAS SEMS CAN LA BDE BA SBYIN PA DANG, SNYING RJE CHE BAS SEMS CAN GYI SPYOD PA'I RJES SU 'JUG PA DANG, GONG DU'ANG YON TAN KHYAD PAR CAN LA 'GOD PA'O, ,CHOS BCUS 'JIGS SKRAG PA DANG BRAL NAS BYANG CHUB SEMS DPA'I SPYAD PA SPYOD PAR 'GYUR TE, SBYIN PA BRTAN @321B PAS MTSAN GYIS BRGYAN PA DANG, TSUL KHRIMS LA GNAS PAS NGAN SONG BCAD PA DANG, BZOD PA'I GO CHAS DBANG PO MA NYAMS PA DANG, BRTZON 'GRUS BRTAN PAS DGE BA'I TSOGS KYIS CHOG MI SHES PA DANG, BSAM GTAN LA GNAS PAS CANG SHES KYI SEMS DANG, SHES RAB DANG LDAN PAS NYON MONGS BCOM PA DANG, THABS MKHAS PAS BSNGO BA SHES PA DANG, SO SO YANG DAG PAR RIG PA THOB PAS DON DANG CHOS LA SOGS PA BZHI LA MKHAS PA DANG, GZUNGS THOB PAS SEMS CAN GYI THE TSOM GCOD PA DANG, SANGS RGYAS KYIS BYIN GYIS BRLABS PAS DAM PA'I CHOS 'DZIN PA'O, ,CHOS BRGYAD KYIS PHYIR MI LDOG PA'I CHOS LA GZHOL BAR 'GYUR TE, JI SKAD SMRAS PA BZHIN BYED PA DANG, BDAG GI 'KHRUL PA LA RTOG CING GZHAN GYI LA MI RTOG PA DANG, SROG GI PHYIR YANG GZHAN LA BRNYAS PA MI BYED PA DANG, RNYED PA DANG BKUR STI THOB PAS MTHO BAR MI 'DZIN PA DANG, MA THOB KYANG DMA' BAR MI 'DZIN PA DANG, SEMS CAN THAMS CAD LA YON GNAS SU LTA BAS SBYIN PA BYIN PA DANG, BGO BSHA'I NGANG TSUL CAN TE DPE MKHYUD MI BYED PA DANG, GZHAN BDE BAS DGA' STE PHRAG DOG DANG SER SNA MED PA DANG, SDUG PA DANG MI SDUG PA THAMS CAD GTONG BA LA 'GYOD PA MED PA'O, ,CHOS LNGAS BYANG CHUB CHEN PO LAS PHYIR MI LDOG PA STE, PHA ROL TU PHYIN PA RDZOGS PAS THABS LA MKHAS PA DANG, CHOS THAMS CAD JI LTA BA LA MKHAS PAS ZAB MO'I TSUL LA GNAS PA DANG, MNGON PAR SHES PA MA NYAMS PAS SEMS CAN GYI DBANG PO LA MKHAS PA DANG, LEGS PAR KHONG DU CHUD PA SHES PAS CHAGS PA MED PAR SPYOD PA DANG, ZAD MI SHES PA BSGRUB KYANG RTEN 'BREL LA DPYOD DE ZAG PA THAMS CAD ZAD PAR YANG MI BYED PA'O, ,CHOS GSUM GYIS BZOD PA THOB PAR 'GYUR TE, SEMS CAN YONGS SU DAG PAR BYA BA'I PHYIR BDAG MED PA DANG, SEMS CAN YONGS SU DAG PAR BYA BA'I PHYIR DBEN PA DANG, YE SHES YONGS SU DAG PAR BYA BA'I PHYIR CHAGS PA MED PA'O, ,CHOS BZHI DANG LDAN NA SANGS RGYAS KYIS LUNG STON PAR 'GYUR TE, CHOS LA LHAG PA'I BSAM PAS BSGRUB PA DANG, DKAR PO RNAM PAR MTHONG BAS SPYOD PA LA SPYOD PA RDZOGS PA DANG, SEMS CAN GYI BSAM PA LA YE SHES KYI STOBS THOB PA DANG, SHIN TU MED PAS RANG BZHIN GYIS MA SKYES PA'I CHOS SHES PA'O, ,ZHES SO, ` ,DGU PA NI, GZHAN YANG @322A CHOS LAS BYUNG BA'I DAD BRTAN DANG, ,LAS RUNG SEMS KYIS BSAM GTAN BSGYUR LA SOGS, ,BZHI PA NYI SHU BRGYAD KYI THEG CHEN LA, ,GZHAN DRING MI 'JOG KHYAD PAR 'GRO SOGS 'THOB, BLO GROS RGYA MTSO LAS CHOS BZHI DANG LDAN NA THEG PA CHEN PO LA GZHAN GYI DRING MI 'JOG PA STE, CHOS LAS BYUNG BA'I DAD PA 'PHAGS PA 'JIG RTEN LAS 'DAS PA DANG, PHYIR MI LDOG PA'I BRTZON 'GRUS 'BAR BAS SEMS CAN SMIN PAR BRTZON PA DANG, SHIN TU BRTAGS PA'I BLOS MNGON SHES KYI YE SHES KYIS RTZEN NA PA DANG, SO SO YANG DAG PAR RIG PA'I SHES RAB KYIS CHOS THAMS CAD NGES PAR RTOGS PA'O, ,CHOS BZHIS KHYAD PAR DU 'GRO ZHING DE LA MI CHAGS TE, SEMS LAS SU RUNG BAS BSAM GTAN BSGOM PA LA MKHAS PA DANG, GZHAN LA BDE BA SBYIN ZHING RANG GI BDE BA LA MA CHAGS PA DANG, SNYING RJES BYAMS PA CHEN PO LA GNAS PA DANG, GONG MA'I KHYAD PAR 'DOD PAS RGYA CHEN PO LA MOS PA'O, ,CHOS BZHIS BLO MI 'GYUR ZHING BRTAN PA STE, G-YO SGYU MED PA'I BSAM PA DANG, BSAM PA DAG PA'I SBYOR BA DANG, SBYOR BA LAS MI LDOG PA'I LHAG PA'I BSAM PA DANG, LHAG PA'I BSAM PA MA BOR BA'I BSGRUB PA'O, ,CHOS BZHIS THABS KYI SHES PA YONGS SU DAG PA STE, SEMS CAN THAMS CAD BDAG MED PAR MTHONG YANG BSDU BA'I DNGOS PO BZHIS SEMS CAN SMIN PAR BYED PA DANG, CHOS THAMS CAD BRJOD DU MED PA'ANG SHES LA YI GE'I NGES PA'I TSIG GIS CHOS STON ZHING DAM PA'I CHOS 'DZIN PA DANG, SANGS RGYAS CHOS SKUS RAB TU PHYE BAR YANG MOS LA MTSAN DANG DPE BYAD BSGRUB PA'I PHYIR BRTZON 'GRUS MI NYAMS PA DANG, SANGS RGYAS KYI ZHING THAMS CAD NAM MKHA' LTAR YANG RTOG LA DE DAG PAR BYA BA'I PHYIR YANG RTZOL BA'O, ,CHOS BZHIS RGYANG RING DU BLTA BA LA RTZA BA MA CHAD PA STE, BYANG CHUB KYI SNYING PO LA YANG BLTA LA BYANG CHUB KYI SEMS KYANG MI 'DOR BA DANG, SANGS RGYAS KYI YE SHES LA YANG BLTA LA SEMS ZHUM PA MI BYED PA DANG, CHOS KYI 'KHOR LO BSKOR BA LA YANG BLTA LA JI LTAR THOS PA'I CHOS STON PA LAS KYANG MI SKYO BA DANG, MYA NGAN LAS 'DAS PA CHEN PO LA YANG BLTA LA SKYE SHI'ANG MI SMOD PA'O,, CHOS BZHIS YUL YANG 'BYOR LA BAG YOD PA'ANG MI 'DOR BA STE, MI RNAMS SMIN PAR BYA BA'I PHYIR 'KHAR LOS BSGYUR BAR YANG SKYE LA 'DU BYED MI RTAG PAR RTAGS PAS YUL RNAMS 'BYOR KYANG BAG MED PAR MI 'GYUR @322B BA DANG, LHA RNAMS SMIN PAR BYA BA'I PHYIR BRGYA BYIN DU'ANG SKYE LA 'DU BYED SDUG BSNGAL BAR RTOG PAS YUL LA BAG MED PAR MI 'GYUR BA DANG, BDUD RNAMS SMIN PAR BYA BA'I PHYIR BDUD DU SKYE 'ANG CHOS THAMS CAD BDAG MED PAR RTOG PA DANG, TSANGS RIS RNAMS SMIN PAR BYA BA'I PHYIR TSANGS PAR SKYE 'ANG MYA NGAN LAS 'DAS PA ZHI BAR RTOG PAS SO, ,CHOS BZHIS DON ZAB MO LA YANG MI SKRAG STE, BLA MA RTAG TU BYANG CHUB ZAB MO STON PA BSTEN PA DANG, MDO SDE ZAB MO MNYAN PA'I PHYIR DPAG TSAD BRGYAR YANG 'GRO BA DANG, JI LTAR THOS PA'I DON LA TSUL BZHIN DU DPYOD PA DANG, DON LA RTON GYI TSIG LA MI RTON PA'O, ,CHOS BZHI DANG LDAN NA BYANG CHUB SEMS DPA' YANG DAG PA STE, PHA ROL TU PHYIN PA THAMS CAD TSOL BA'I BRTZON 'GRUS DANG, SEMS CAN THAMS CAD SMIN PAR BRTZON PA'I SNYING RJE DANG, SANGS RGYAS KYI CHOS KUN RDZOGS PAR BYED PA BRTZON PA'I STOBS DANG, 'KHOR BA DPAG TU MED PA 'DZIN PAR BRTZON PAS MI SKYO BAR TSOGS GNYIS BSAGS PA'O, ,ZHES SO, ,LHA'I BU RAB RTZAL SEMS KYIS ZHUS PA LAS KYANG, CHOS BZHI DANG LDAN NA BRTZON 'GRUS BRTAN PA STE PHYIR MI LDOG PA'I BRTZON 'GRUS DANG, BSAM PA DAG PA'I BRTUL BA DANG, BYANG CHUB LA 'DUN PA DRAG PA DANG, SANGS RGYAS KYI CHOS BSGRUB PA LA MI SKYO BA'O, ,CHOS BZHIS BSOD NAMS KYIS 'PHAGS PA STE, SHES RAB KYI PHA ROL TU PHYIN PA LA 'DOMS PA DANG, BYANG CHUB KYI SEMS MA BSKYED PA BSKYED DU 'JUG PA DANG, SPRUL PA LTA BUR DUS GSUM GYI DGE BA BSNGO BA DANG, BYANG CHUB KYI SEMS DANG MA BRAL BAS DGE BA'I RTZA BA THAMS CAD BSKYED PA'O, ,CHOS BZHIS YE SHES CHAGS PA MED PA STE, SHES PAS LAS BYED KYI NGA RGYAL GYIS MA YIN PA DANG, CHOS THAMS CAD RTEN 'BREL BYED PA PO MED PAR SHES PA DANG, STONG PA NYID YUL DU BYED KYANG SEMS CAN MI GTONG BA DANG, CHAGS PA THAMS CAD LAS 'DAS SHING SKYE MCHED DRUG SHES PA'O, ,CHOS BZHIS SHES RAB KYI MUN PA MED PA STE, THOS PAS MI NGOMS SHING TSUL BZHIN YID LA BYED PA LA SBYOR BA DANG, ZANG ZING MED PA'I SEMS KYIS CHOS STON PA DANG, CHOS KYI DBYINGS DBYER MED PA SHES PA'I PHYIR NYON MONGS PA THAMS CAD SGYU MA LTA BUR RTOG PA DANG, TSUL GCIG LAS TSUL THAMS CAD LA 'JUG PA'O, ,CHOS BZHIS 'KHOR GYI NANG DU BAG TSA BA DANG BRAL BA STE, THOS PA 'DZIN @323A PA'I GZUNGS THOB PA DANG, CHOS THAMS CAD KYI THE TSOM GCOD PA'I SPOBS PA THOB PA DANG, THAMS CAD LA BDAG MED PAR STON PA'I SNYING RJE CHEN PO DANG, BDUD DANG NYON MONGS PA THAMS CAD DANG BRAL BA'I YE SHES KYI GO CHA'O, ,CHOS BZHIS THOS PA DON LA RTON PA STE, THOS PA DANG MI LDAN ZHING BSGRUB PA NYAMS PA'I BYIS PA SPONG BA DANG, TSIG GI LAM THAMS CAD SHES PA'I DON DU BRAG CHA LTA BUR SHES PA DANG, DON 'DOD PAS THOS PA TSOL GYI DGA' BA DANG MGU BA'I PHYIR MA YIN PA DANG, BRJOD DU MED PA LA 'JUG GI BRJOD PA'I DON LA MA YIN PA'O, ,CHOS BZHIS 'JIG RTEN PA'I CHOS KYI TSUL LA RTON PA STE, BRE MO'I GTAM BYED PA LA CHOS STON PA DANG, SKYE BO MANG PO 'DUS PA LA 'CHI BA RJES SU DRAN PA DANG, GTONG BA CHEN PO DAG LA RJES SU YI RANG ZHING BSNGO BA DANG, 'DU 'DZI THAMS CAD LAS DBEN PAR GZHOL BA'O, ,CHOS BZHIS SANGS RGYAS KYIS GSUNGS PA BZHIN SMRA BA STE, BYANG CHUB KYI SEMS MI GTONG BA DANG, THOS PA BSGRUB PA SNYING POR BYED PA DANG, JI SKAD SMRAS PA BZHIN BYED PA DANG, RANG BZHIN GYIS BDAG MED PA LA 'JUG PA'O, ,CHOS BZHIS CHOS SMRA BA PO STE, RANG BSGRUB CING GZHAN LA STON PA DANG, RANG DUL BA LA SOGS PAS GZHAN DUL BA LA SOGS PA'I PHYIR CHOS STON PA DANG, RANG BYANG CHUB CHEN PO'I BSAM PA DES PAS GZHAN THEG PA CHEN PO LA 'GOD PA DANG, RANG CHOS 'DOD CING 'DOD PA GZHAN LA STON PA'O, ,CHOS BZHIS BDUD KYIS MI RDZI STE, STONG PAS BSGRUB PA'I BSAM GTAN DANG, SEMS CAN MI GTONG BA'I SNYING RJE DANG, DKON MCHOG GSUM GYI GDUNG MI GCOD PA'I BRTZON 'GRUS DANG, THABS KYIS BSGRUBS PA'I PHA ROL TU PHYIN PA'O, ,CHOS BZHIS BYA BA THAMS CAD KYI RGYU LA MKHAS PA STE, LONGS SPYOD KYI RGYU SBYIN PA MI SPONG BA DANG, MTHO RIS KYI RGYU TSUL KHRIMS DANG, SHES RAB CHE BA'I RGYU THOS PA DANG, 'BRAL BA'I RGYU BSGOM PA MI SPONG BA'O; ;CHOS BZHIS LTA BA DANG BRAL SHING RTEN 'BREL SHES PA STE, CHAD PAR SMRA BA MA YIN PA DANG, RTAG PAR SMRA BA MA YIN PA DANG, LUGS SU 'BYUNG BAR BLTA ZHING BDAG TU BLTA BA MA YIN PA DANG, LUGS LAS LDOG PA LA BLTA ZHING SRID PA 'GOG PAR YANG MI BYED PA'O, ,CHOS BZHIS SEMS CAN SMIN PAR BYA BA'I @323B THABS LA MKHAS PA STE, BYANG CHUB SEMS DPA' THAMS CAD LA RAG LAS PAR BLTA BA DANG, DGE BA'I RTZA BA BSAGS PA LA MI SKYO BA DANG, SRID PA'I SGO NAS ZHI BA'I SGO TSOL BA DANG, SEMS CAN GYI MOS PA JI LTA BA'I THABS BYED KYI NYON MONGS PAS MA YIN PA'O, ,CHOS BZHIS SEMS CAN THAMS CAD KYI NYE BAR 'TSO BA STE, LONGS SPYOD MI ZAD PA DANG, CHOS BSHAD PA MI ZAD PA DANG, MNGON PAR SHES PA THOB PA DANG, SEMS SA DANG MTSUNGS PA'O, ,CHOS BZHIS 'JIG RTEN THAMS CAD 'DU BA STE, TSANGS PA'I GNAS BZHI DANG, BSDU BA'I DNGOS PO BZHI DANG, BDEN PA BZHI SHES PA DANG, SO SO YANG DAG PAR RIG PA BZHI THOB PA'O, ,CHOS BZHIS THAMS CAD KYIS BSNGAGS PAR 'GYUR BA STE, THOS PA DANG TSUL KHRIMS DANG LDAN LA TSUL MI 'CHOS PA DANG ,DES SHING 'GROGS NA BDE BA DANG, DBEN PAR DGA' ZHING DBANG PO THUL PA DANG, RANG BDE BA LA MA CHAGS SHING SDIG PA DANG BRAL BA'O, ,CHOS BZHIS SPYOD PA THAMS CAD MA SMRAS ? PA STE, DAD PA DANG, BRTZON 'GRUS DANG, BRTZE BA PHUN SUM TSOGS PA GSUM DANG, THEG PA CHEN POR BSNGO BA LA MKHAS PA'O, ,CHOS BZHIS BYA BA THAMS CAD LA SLOB DPON DU 'GYUR TE, NGA RGYAL MED PA DANG, BLA MA LA GUS PA DANG, BAG YOD PA DANG, 'DUN PA DRAG PO'O ZHES SO, ,LHAG PA'I BSAM PA BSKUL BA LAS KYANG, CHOS BZHI DANG LDAN NA LNGA BRGYA THA MA CHOS 'JIG PA'I TSE MA SMAS MA SNAD LA BDE BAR THAR PAR 'GYUR TE, BDAG GI 'KHRUL PA LA RTOG PA DANG, BYANG CHUB SEMS DPA' GZHAN GYI NYES PA MI GLENG BA DANG, MDZA' BSHES DANG SLONG MO STER BA'I KHYIM LA MI LTA BA DANG, YID DU MI 'ONG BA'I TSIG SPONG BA'O, ,YANG BZHI STE, THOS PA NYUNG BA'I SEMS CAN SPONG BA DANG, 'KHOR MI BSDU BA DANG, BAS MTHA'I GNAS MAL BSTEN PA DANG, BDAG DUL BA DANG, ZHI GNAS KYI SBYOR BA LA BRTZON PA'O ZHES SO, ` ,SDE TSAN BCU PA NI, CHOS LA NAN TAN BYED PAS RTZA BA BRTAN, ,BDAG LA NGES BSKYED BSOD NAMS ZHING MI RTOG, ,ZHING SBYONG LHAG MA BSAL DANG LAS RGYU BCAD, ,RNAM DAG LUS BSGOM RKYEN RIG DGRA RNAMS SPONG, ,MTHA' GNYIS SPANGS PA'I YON TAN @324A BCU 'GRUB CING, ,GZHAN YANG CHOS BZHIS MI GNAS ZHI BA 'THOB, ,'DAS CHEN LAS, CHOS LA NAN TAN BYED PA'I YON TAN BCU STE, RTZA BA BRTAN PAS BSGUL ZHING DBYUNG DKA' BA DANG, BDAG LA NGES PA'I 'DU SHES SKYED PA DANG, BSOD NAMS KYI ZHING DANG DE MA YIN PA MI RTOG PA DANG, ZHING SBYONG BA DANG, LHAG MA BSAL BA DANG, LAS KYI RGYU BCAD PA DANG, RNAM PAR DAG PA'I LUS BSGOM PA DANG, RKYEN RNAMS RIG PA DANG, DGRA RNAMS SPONG BA DANG, MTHA' GNYIS GCOD PA'O, ,RTZA BA NI BAG YOD PA STE, BYANG CHUB KYI RTZA BA'O, ,SANGS RGYAS RNAMS KYI DGE BA THAMS CAD KYI RTZA BA NI BAG YOD PA STE, 'DIS DGE BA'I CHOS GZHAN YANG BSKYED CING SPEL BA'O, ,DES NA BA GLANG GI RJES DANG, 'KHOR LOS BSGYUR BA DANG, KLUNG CHEN PO BZHI DANG, RI'I RGYAL PO RI RAB DANG, SENGGE DANG, SGRA GCAN DANG, SANGS RGYAS DANG, CHOS DANG, DGE 'DUN GYI DPE RNAMS KYIS DGE BA'I CHOS THAMS CAD KYI NANG NA BAG YOD PA MCHOG GO ,BDAG LA NGES PA'I 'DU SHES NI LUS 'DI BYANG CHUB THOB PA'I SNOD DU RUNG BAS, BYAMS PA DANG SNYING RJE LA SOGS PA SBYANGS NA NGES PAR SANGS RGYAS 'THOB PAR SHES PA'O, ,BSOD NAMS KYI ZHING MI RTOG PA NI, SANGS RGYAS NAS SEMS CAN THAMS CAD KYI BAR ZHING DU THA MI DAD PAR BLTA BA'O, ,ZHING SBYONG BA NI SNGAR BRJOD PA LTAR RO, ,LHAG MA BSAL BA NI NYON MONGS PA'I 'BRAS BU DANG LAS DANG SRID PA GSUM GYI LHAG MA BSAL BA STE, DANG PO NI, 'DOD CHAGS KYI BAG CHAGS KYIS SEMS CAN DMYAL BAR LTUNG LA, DE LAS THAR KYANG DUD 'GRO PHUG RON DANG MCHIL PA LA SOGS PAR SKYE'O, ,MIR GYUR KYANG NYUG RUM DANG MA NING DANG SMAD 'TSONG LA SOGS PAR RO, ,BRGYA LA RAB TU BYUNG YANG RTZA BA DANG PO 'JIG PAR BYED DO, ,ZHE SDANG GI BAG CHAGS KYIS DMYAL BA NAS THAR KYANG SBRUL GDUG PA DANG STAG DANG SPYANG KI DANG KHRA LA SOGS PAR RO, ,MI 'ANG TSUL NGAN PA BCU GNYIS DANG LDAN PAR TE, RAB TU BYUNG YANG RTZA BA GSUM PA 'JIG GO ,GTI MUG GIS NI DMYAL BA NAS THAR KYANG BA LANG DANG LUG DANG PHAG LA SOGS PAR RO, ,MIR GYUR KYANG @324B DMUS LONG DANG 'ON PA LA SOGS PAR RO, ,RAB TU BYUNG YANG RTZA BA KUN 'JIG GO ,NGA RGYAL GYIS NI DMYAL BA NAS THAR KYANG SRIN BU DANG KHYI DANG RNGA MO DANG RTA LA SOGS PAR RO, ,MI 'ANG BRAN DANG PHONGS PA DANG SPRANG PO LA SOGS PAR RO, ,RAB TU BYUNG YANG KUN GYIS BRNYAS PA DANG RTZA BA BZHI 'JIG GO; LAS KYI LHAG MA NI, BYIS PA'I LAS DANG NYON MONGS PA THAMS CAD DANG, RGYUN DU ZHUGS PA SRID PA BDUN LEN PA'I LAS LA SOGS PA'O, ,SRID PA'I LHAG MA NI LAS DANG NYON MONGS PA GANG YANG MED KYANG DGRA BCOM PA DANG RANG RGYAL GYI 'BRAS BU THOB PA'O, ,DE GSUM GA BYANG CHUB SEMS DPAS NI BSAL BAR 'GYUR RO, ,RNAM PAR DAG PA'I LUS BSGOM PA NI SROG GCOD SPONG BA LA DANG PO'I SEMS LNGA STE, THA MA DANG, 'BRING DANG, RAB DANG, YANG RAB DANG, 'BRING GI RAB BO,, BCU GA LA YANG DE BZHIN DU SBYAR BAS LNGA BCU DANG, GDON MI ZA BA'I SEMS LNGA BCU STE BRGYA'O, , BSOD NAMS BRGYA DANG LDAN PA DES MTSAN GCIG GO, DE LTA BU SUM CU RTZA GNYIS DANG, DPE BYAD BZANG PO BRGYAD CU DANG LDAN PA STE, 'JIG RTEN PA'I LHA BRGYAD CUR DAD PA 'DUL BA'I PHYIR RO, ,'DI LTA STE, NYI MA BCU GNYIS DANG, LHA CHEN PO BCU GNYIS DANG, SKAR MA CHEN PO BCO LNGA DANG, SME BDUN DANG, RTA ZHES BYA BA DANG, LAM BGROD PA DANG, BHA RA DHVA DZA DANG, SU NA DANG, RGYU SKAR NYI SHU RTZA BRGYAD DANG, CHEN PO BZHI'I LHA DANG, TSANGS PA DANG, RU TRA DANG, AIN TE DANG, KU M'A RA DANG, LAG BRGYA PA DANG, DBANG BSGYUR CHEN PO DANG, BU MANG PO DANG, PA SHA LA DANG, MGON PO BZHI DANG, YI GE BYED PA DANG, BA SU ZHES BYA BA'I LHA RNAMS SO, ,DE DAG LA DAD PA RNAMS LA DPE BYAD DAG GIS DE DAG SO SOR BSTAN PAS 'DUL BA'O, ,DPER NA MI ZHIG RGYAL PO SPYAN 'DREN NA KHYIM BRGYAN CING BYI DOR BYAS TE ZAS BZANG PO SBYAR NAS 'DREN PA LTAR, BYANG CHUB SEMS DPA' CHOS KYI 'KHOR LOS SGYUR BA'I RGYAL PO SPYAN 'DREN PA'ANG RANG GI LUS SBYANGS NAS SO, ,YANG BDUD RTZI 'THUNG BA SNGAR LUS DAG PAR BYED PA LTAR SHES RAB KYI PHA ROL TU PHYIN PA'I BDUD RTZI 'THUNG BA'ANG SNGAR DPE BYAD BZANG POS LUS DAG PAR BYED PAS SO, ,RKYEN LA MKHAS PA NI GZUGS @325A KYI MTSAN NYID DANG RGYU DANG SKYE BA DANG 'JIG PA LA SOGS PA MI MTHONG STE RGYU DANG RKYEN RAB TU RIG PAS SO, ,CHOS THAMS CAD KYANG DE BZHIN NO, ,DGRA SPONG BA NI NYON MONGS PA THAMS CAD RTAG TU SPONG BA'O, ,BYANG CHUB SEMS DPA' SA LNGA PA THOB PA NI NYON MONGS PA LA DGRAR MI LTA STE, DE LAS SKYE BA LEN PAS GZHAN DON RGYUN MI CHAD PAS SO, ,DE SKYE BA LEN YANG NGAN SONG GI 'JIGS PA MED DE THEG PA CHEN PO SPONG BA LA DGRAR LTA'O, ,YANG BDUD BRGYAD DGRA YIN PAS DE SPONG NGO, ,MTHA' GNYIS SPONG BA NI SRID PA NYI SHU RTZA LNGA DANG, SRED PA NYON MONGS PA CAN SPONG BA'O, ,CHOS BZHI DANG LDAN NA MYA NGAN LAS 'DAS PA CHEN PO THOB STE, DGE BA'I BSHES GNYEN BSTEN PA DANG, RTZE GCIG TU CHOS NYAN PA DANG, DE NAN TAN DU YID LA BYED PA DANG, YANG DAG PAR BSGRUB PA'O, ,DPER NA NAD PA NAD TSABS CHE BAS SMAN PA BSTEN PA DANG DE'I DPYAD NYAN PA DANG, DE 'DZIN PA DANG, SMAN GYI SBYOR BAS NAD SEL BA LTAR BYANG CHUB SEMS DPA' NI NAD PA LTA BU'O, ,DGE BA'I BSHES GNYEN NI SMAN PA LTA BU'O, ,SHIN TU RGYAS PA'I SDE SNOD NI SMAN DPYAD DO, ,DE YID LA BYED PA NI 'DZIN PA'O, ,BYANG CHUB KYI PHYOGS KYI CHOS SUM CU RTZA BDUN NI SMAN GYI SBYOR BA'O, ,NYON MONGS ZAD PA NI NAD BYANG BA LTA BU'O, ,DPER NA RGYAL PO ZHIG CHOS BZHIN DU SRID BZUNG NAS 'BANGS RNAMS BDE BAR BSKYANG NGO SNYAM STE, BLON PO BLO DANG LDAN PA LA SNGON GYI RGYAL PO'I CHOS KYI SRID DRIS SHING RTZE GCIG TU BZUNG NAS SPYAD PAS 'TSE BA MED CING BDE BAR 'BYOR PA LTAR, BYANG CHUB SEMS DPA' YANG BLA MA LAS GSUNG RAB BCU GNYIS MNYAN TE BZUNG NAS PHA ROL TU PHYIN PA DRUG SPYAD PAS NYON MONGS PA SPONG ZHING, RTAG PA DANG BDE BA DANG GTZANG BA DANG BDAG GI PHA ROL TU PHYIN PA THOB PA'O ZHES SO, ` ,DPE LAS 'DAS SHING DKA' BA SPYOD PA'I KHYAD PAR GYI YON TAN NI, YONGS DAG ZHING DU BYE BA BRGYA STONG LOR, ,TSANGS SPYOD BSTEN PAS SNYIGS MAR RAB BDO 'DIR, ,SE GOL GTOGS TZAM BYAMS PA BSGOM PA NI, ,DKA' BAS 'JUG PHYIR GRANGS DANG CHAR MI PHOD, ,STOBS CHEN BZHI YIS RGYA MTSO @325B BZHI YI CHU, ,JI SNYED GANG NAS ZHUGS PA'I CHU KLUNG RNAMS, ,RGYUN LAS BZLOG STE MA DROS MTSOR PHAB NA, ,DE NI BRTZON LDAN DKA' BA CHER BYED YIN, ,DE BAS LHAG BSAM DAM PAS GZHAN DON DU, ,SNYING RJE BYANG CHUB SEMS BSKYED LA SOGS PA, ,CHES DKA'I LAM LA 'JUG PA'I SKYES CHEN RNAMS, , DON CHEN BSGRUB PHYIR RMAD BYUNG LEGS TSOGS LDAN, ,PHYOGS BCU'I ZHING GI RDUL SNYED SANGS RGYAS LA, ,MCHOD MCHOG PHUL SOGS BSOD NAMS GONG NAS GONG, ,KHYAD 'PHAGS DE SNYED RANG RGYAL LA MCHOD PAS, ,SANGS RGYAS KUN MKHYEN 'JIG RTEN MGON PO ZHES, ,MTSAN GCIG THOS PA'I CHAR YANG MI PHOD DE, ,DANG BAS PHYAG 'TSAL MCHOD SOGS SMOS CI DGOS, ,DE LTA'I ZHING MCHOG RNAMS LA BSOD NAMS NI, ,CHUNG NGU BSKRUN KYANG RNAM SMIN DPAG MED 'THOB, ,'JAM DPAL GYI ZHING GI BKOD PA LAS, 'JIG RTEN GYI KHAMS 'DI CI'I PHYIR MI MJED CES BYA ZHE NA, SEMS CAN DAG 'DOD CHAGS DANG ZHE SDANG DANG GTI MUG DANG SDUG BSNGAL LAS MI MJED PAS SO, ,DE DAG NI 'DOD CHAGS DANG ZHE SDANG LA SOGS PA SKYES PA MI SEL BAS THOG TU MA BAB BO ZHE NA, DE NA GNAS PA'I BYANG CHUB SEMS DPA' DAG RGYAL BA LA BYA BA BYAS PA BZOD PA DUL BA DANG DES PA YIN PAS DE DAG LAS BTAGS PA'O, ,BCOM LDAN 'DAS KYANG SEMS CAN DMU RGOD KYI NYES PA THAMS CAD KYIS MI RDZI BA'I PHYIR RO, ,'O NA DER MA SKYES PA RNAMS STES SO SNYAM NA, MA YIN TE SHAR PHYOGS KYI 'JIG RTEN GYI KHAMS STONG GIS BRGYAN PA ZHES BYA BA SANGS RGYAS DBANG PHYUG CHEN PO'I RGYAL PO'I ZHING NA SEMS CAN THAMS CAD BDE BA DANG LDAN TE DGE SLONG 'GOG PA LA SNYOMS PAR ZHUGS PA BZHIN NO, ,DER LO BYE BA BRGYA STONG DU TSANGS PAR SPYOD PA SPYAD PA BAS, MI MJED ? DU SE GOL GTOGS PA SRID BYAMS PA BSKYED PA BSOD NAMS CHES MANG NA NYIN MTSAN DU YONGS SU DAG PAR GNAS PA LTA CI SMOS, ,ZHES SO, ,GZHAN YANG BYAMS PA SENGGE'I SGRA LAS, DPER NA MI STOBS DANG SHUGS DANG LDAN PAS RGYA MTSO CHEN PO BZHI'I CHU'I PHUNG PO JI SNYED YOD PA THAMS CAD CHU KLUNG GI RGYUN GANG NAS DER ZHUGS PA'I RGYUN DE @326A NYID NAS CHU'I MTHA'I PHYIR BZLOG STE RGYUN LAS LDOG THABS KHO NAR MTSO CHEN PO MA DROS PAR PHAB NA MI DE BRTZON 'GRUS DANG DKA' BA CHER BYED PA'O, ,DE BAS NI GANG ZHIG LHAG PA'I BSAM PAS SEMS CAN GYI DON DU SNYING RJE LAS BYANG CHUB KYI SEMS BSKYED DE NAN TAN BYED PA CHES DKA'O, ,DE BAS KYANG DKON MCHOG GSUM YOD DO, ,LEGS PAR SPYAD PA DANG, NYES PAR SPYAD PA'I LAS KYI 'BRAS BU YOD DO, ,ZHES RTOG PA CHES DKA' LA NGO MTSAR CHE'O, ,DE BAS KYANG 'DOD CHAGS DANG ZHE SDANG DANG GTI MUG SKYES PA SEL BA'O, ,DE BAS KYANG MDZA' BSHES LA SOGS PA DANG LONGS SPYOD RNAMS SPANGS NAS RAB TU BYUNG BAR 'DOD PAS KHYIM NAS GOM PA BDUN 'DOR BA'O, ,DE BAS KYANG GOS NGUR ? SMRIG BGOS TE LEGS PAR RAB TU BYUNG BA'O, ,DE BAS KYANG RAB TU BYUNG NAS GDAMS NGAG LA NAN TAN BYED PA DANG BSLAB PA JI LTAR BCAS PA LA SLOB PA'O, ,DE BAS KYANG 'DU 'DZI LA 'JIGS TE DGON PAR PHYOGS NAS GOM PA BDUN 'DOR BA'O, ,DE BAS KYANG CHOS THAMS CAD STONG PAR MOS PA'O, ,DE BAS KYANG CHOS ZAB MO LA RJES SU MTHUN PA'I BZOD PA THOB PA'O, ,DE BAS KYANG RNAM PAR THAR PA'I SGO GSUM MNGON DU BYAS NAS 'BRAS BU BZHI THOB PA'O ZHES SO, ,GZHAN YANG NGES PA DANG MA NGES PA LA 'JUG PA'I PHYAG RGYA LAS, PHYOGS BCU'I 'JIG RTEN GYI KHAMS THAMS CAD KYI RDUL SNYED KYI SANGS RGYAS RNAMS LA NYIN GCIG BZHIN DU LHA'I ZHAL ZAS RO BRGYA PA DANG LHA'I NA BZA' DANG 'JIG RTEN GYI KHAMS GANGG'A'I KLUNG GI BYE MA SNYED RIN PO CHE DBANG GI RGYAL POS BKANG BA PHUL BA DANG, GZHAN GYIS SEMS CAN RE RE RGYUN DU ZHUGS PA NAS DGRA BCOM PA'I BAR LA BZHAG PA DANG, 'JIG RTEN GYI KHAMS DE SNYED KYI SEMS CAN RANG SANGS RGYAS LA BZHAG PA BAS, SEMS CAN GCIG RA'I SHING RTA LTA BUS 'GRO BA'I BYANG CHUB SEMS DPA' NAS SANGS RGYAS KYI RDZU 'PHRUL GYIS 'GRO BA LTA BU LA BZHAG PA BSOD NAMS CHES MANG BA GONG NAS GONG DU'O, ,YANG SEMS CAN DE SNYED PA DANG DGE BSNYEN GCIG LA ZAN GCIG BYIN PA DANG DGE SLONG DANG BRGYAD PA NAS SANGS RGYAS KYI RDZU 'PHRUL GYIS 'GRO @326B BA'I RGYAL SRAS LA BSKAL PA GANGG'A'I BYE MA SNYED DU NYIN RER LHA'I ZAS DANG GOS LA SOGS PA BYIN PA DANG NYIN RER ZAN RE RE BYIN PA GONG NAS GONG DU CHES LHAG PAR SBYAR RO, ,YANG DE SNYED KYI RANG RGYAL LA GNAS KHANG BZANG PO DANG ZAS LA SOGS PA PHUL BA BAS, SANGS RGYAS ZHE'AM THAMS CAD MKHYEN PA ZHE'AM 'JIG RTEN GYI MGON PO ZHES BYA BA'I SGRA THOS SAM GZUGS BRIS PA LA SOGS PA MTHONG NA BSOD NAMS CHES MANG STE THAL MO SBYAR RAM ME TOG LA SOGS PA 'BUL LAM BSNGAGS PA BRJOD PA LTA CI SMOS, CHU'I THIGS PA CHUNG DU RGYA MTSOR SONG BA'ANG BSREG PA'I BSKAL PA MA BYUNG GI BAR DU MI ZAD PA LTAR, SANGS RGYAS LA DGE BA'I RTZA BA CHUNG DU JI LTA BU BSKYED KYANG THAMS CAD MKHYEN PA'I YE SHES KYI ME MA BYUNG GI BAR DU MI ZAD DO ZHES SO, ,DE LTA BU'I ZHING LA NI BSOD NAMS LAS KYI LAS CHUNG NGU BYAS KYANG RNAM PAR SMIN PA DPAG TU MED PA DANG LDAN PAS YON TAN BSAM GYIS MI KHYAB PA 'BYUNG BAR BLTA'O, `,BYUNG BA'I MTHA' BRJOD PAS YON TAN LA NGES PA BSKYED PA NI, DE DAG LA SOGS DAM PA RNAMS KYI NI, ,BZANG PO'I GNAS GYUR SPYOD PA MCHOG RNAMS KYI, ,YON TAN RLABS CHEN 'JAM DBYANGS DPA' BO DANG, ,RGYAL PO MU KHYUD SOGS KYI BYUNG MA SHAS GSUNGS, ,'JAM DPAL GYI ZHING GI BKOD PA LAS, SNGON BSKAL PA BRGYA STONG GANGG'A'I BYE MA SNYED PHRAG BDUN GYI PHA ROL GYI'ANG CHES PHA ROL NA, SHAR PHYOGS SU ZHING GANGG'A'I BYE BA PHRAG DGU BCU RTZA GNYIS KYI BYE MA SNYED 'DAS PA'I 'JIG RTEN GYI KHAMS 'BYUNG BA BZANG PO NA SANGS RGYAS 'BRUG SGRA DBYANGS KYI RGYAL PO BZHUGS SO, , DER 'KHOR LOS BSGYUR BA'I RGYAL PO NAM MKHA' 'KHOR DANG BCAS PA'I LAS GZHAN MI BYED CING MI SKYO BAR SANGS RGYAS DE NYAN THOS DANG BCAS PA LA, LO BRGYAD KHRI BZHI STONG DU ZHAL ZAS DANG NA BZA' DANG PHO BRANG GZHAN DANG GZHAN RIM GRO BA GZHAN DANG GZHAN LA SOGS PA BDE BAR SBYAR BA THAMS CAD KYIS RIM GRO BYAS SO, ,DE NAS BDAG GIS DGE BA'I RTZA BA MANG PO BYAS KYANG NGES PA MED PA'I SEMS KYIS BYAS SU ZAD PAS DA NI BSNGO BAR BYA'O SNYAM STE, DBANG PO'AM TSANGS @327A PA'AM 'KHOR LOS BSGYUR BA'AM NYAN THOS SAM RANG SANGS RGYAS GANG DU BSNGO SNYAM PA NA, BAR SNANG LAS LHA DAG DE LTAR DMA' PA'I SEMS DAG MA SKYED CIG, KHYOD KYIS BSOD NAMS KYI PHUNG PO RGYA CHE BA BYAS KYI, DA BLA NA MED PA'I BYANG CHUB TU SEMS BSKYED CIG CES THOS PAS RAB TU DGA' STE, LHA DAG GIS BDAG GI SEMS LA SOGS PA SHES NAS SGRA BSGRAGS PAS NA BDAG NI BYANG CHUB LAS PHYIR MI LDOG GO SNYAM MO, ,DE NAS DE 'KHOR DANG BCAS PA STON PA GA LA BA DER SONG NAS DE DAG RGYAS PAR GSOL CING JI LTAR BYANG CHUB TU SEMS BSKYED PA ZHUS SO, ,BKA' STZAL BA, CHOS RNAMS THAMS CAD RKYEN BZHIN TE, ,'DUN PA'I RTZA LA RAB TU GNAS, ,GANG GIS SMON LAM JI BTAB PA, ,DE 'DRA'I 'BRAS BU 'THOB PAR 'GYUR, ,RGYAL PO NGAS KYANG SNGON CHAD NI, ,RDZOGS PA'I BYANG CHUB SEMS BSKYED GYUR, ,SEMS CAN KUN LA PHAN DON DU, ,NGAS NI SMON LAM DAM PA BTAB, ,SMON LAM JI LTAR BTAB TSUL DU, ,NGAS NI BYANG CHUB THOB PAR GYUR, ,BYANG CHUB DAM PA NGAS THOB PAS, ,NGA YI BSAM PA RDZOGS PAR GYUR, , RGYAL PO CHEN PO BRTAN GYIS LA, ,MI 'GYUR SEMS NI BSKYED PAR GYIS, ,GAL TE SPYOD PA SPYAD BYAS NA, ,KHYOD KYANG YANG DAG SANGS RGYAS 'GYUR, ,THUB PA'I GSUNG DE THOS GYUR NAS, ,RGYAL PO DE NI DGA' BAR GYUR, ,'JIG RTEN KUN GYI MNGON SUM DU, ,SENGGE'I NGA ROS TSIG 'DI BRJOD, ,'KHOR BA THOG MA MED PA YI, ,SNGON GYI MTHA' NI JI SRID PA, ,DE SRID SEMS CAN PHAN DON DU, ,SPYOD PA DPAG YAS SPYAD PAR BGYI, ,'JIG RTEN MGON PO'I SPYAN SNGA 'DIR, , BYANG CHUB MCHOG TU SEMS BSKYED DE, ,'GRO BA THAMS CAD MGRON GNYER NAS, ,DE DAG DBUL ZHING PHONGS LAS SGROL, ,DE RING PHAN CHAD GAL TE YANG, ,BDAG GIS 'DOD CHAGS SEMS BSKYED NA, ,PHYOGS BCU DAG NA GANG BZHUGS PA'I, ,SANGS RGYAS THAMS CAD BSLUS PAR 'GYUR, ,BYANG CHUB NAM ZHIG THOB PAR DU, ,THA BA'I SEMS DANG GNOD SEMS DANG, ,PHRAG DOG DANG NI SER SNA YANG, ,DE RING PHAN CHAD MI BYA'O, ,TSANGS PAR SPYOD PA BDAG GIS @327B SPYAD, ,SDIG PA'I 'DOD PA YONGS SU BTANG, ,TSUL KHRIMS SDOM DANG NGES PA LA, , SANGS RGYAS RJES SU BSLAB PAR BYA, ,BDAG NI BYANG CHUB RING TSUL DU, ,'TSANG RGYAR MOS SHING SPRO BA MED, ,PHYI MTHAR THUG GI BAR DU YANG, ,SEMS CAN GCIG PHYIR SPYAD PAR BYA, ,TSAD MED BSAM GYIS MI KHYAB PA'I, ,SANGS RGYAS ZHING NI SBYANG BAR BGYI, ,PHYOGS RNAMS BCU PO THAMS CAD DU, , BDAG GI MING NI GRAGS PAR BGYI, ,LUS DANG NGAG GI LAS RNAMS KYANG, ,RNAM PA KUN TU BDAG GIS SBYANG, ,YID KYI LAS KYANG SBYANG BAR BYA, ,MI DGE'I LAS NI SPYAD MI BYA, , MA 'ONGS DUS NA SANGS RGYAS TE, ,'JIG RTEN MGON DU 'GYUR ZHE NA, ,BDEN PA DES NI SA 'DI YANG, ,RNAM PA DRUG TU G-YOS KYUR CIG, CES BYA BA LA SOGS PAS DANG, 'KHOR THAMS CAD KYANG DE LTAR SEMS BSKYED DO, ,RGYAL PO DE NI RGYAL SRAS THU BO 'JAM DPAL TE, DES SEMS BSKYED NAS BSKAL PA GANGG'A'I KLUNG GRANGS MED PA BRGYA STONG PHRAG BDUN GYI BYE MA SNYED 'DAS SO, ,MI SKYE PA'I CHOS LA BZOD PA THOB NAS KYANG GANG GA DRUG CU RTZA BZHI'I BYE MA SNYED 'DAS TE, DE NAS SA BCU DANG SANGS RGYAS KYI SA RDZOGS NAS SANGS RGYAS KYI CHOS THAMS CAD YONGS SU RDZOGS PA'O, ,DE'I 'KHOR BYE BA PHRAG NYI SHU PO NI SANGS RGYAS THOB NAS CHOS KYI 'KHOR LO BSKOR TE ZHI BAR GSHEGS SO, ,DE THAMS CAD NI 'JAM DPAL GYIS SBYIN PA LA SOGS PA LA BKOD PAS SO, , 'DI'I SMON LAM GYI KHYAD PAR NI NAM BDAG GIS PHYOGS BCU MTHA' YAS BAR SANGS RGYAS KYI SPYAN GYIS BLTAS NA SANGS RGYAS JI SNYED PA THAMS CAD BYANG CHUB KYI SEMS DANG SBYIN PA LA SOGS PAS BYANG CHUB LA BTZUD PAR MA MTHONG BA DE SRID BDAG 'TSANG MI RGYA'I, NAM BDAG GIS SANGS RGYAS KYI SPYAN GYIS BLTAS KYANG BDAG GIS MA BKOD PA'I SANGS RGYAS GANG YANG MA MTHONG BA NA BDAG 'TSANG RGYA BAR BYA'O ZHES BTAB PA'O, ,'DIS SANGS RGYAS JI SNYED CIG MTHONG SNYAM NA, SKYES BU LA LAS STONG GSUM 'DI RDUL PHRAN DU BRLAG PA TZAM PA PHYOGS BCU RE RER YANG 'DIS SANGS RGYAS MTHONG NGO, , YANG BDAG GI ZHING GCIG LA GANGG'A'I BYE MA DU MA SNYED KYI ZHING GI THA GRU YANGS BAR MA @328A GRUB CING, ZHING DE RIN PO CHE 'BUM PHRAG DU MA LAS GRUB LA, DE TZAM GYIS SPRAS PA SRID PA'I RTZE MO'I TSAD TZAM DU MA GYUR PAR 'TSANG MI RGYAB LA SOGS PA MANG DU GSUNGS SO, , DE SANGS RGYAS THOB PA NI KUN TU GZIGS PA ZHES BYA'O, ,'JIG RTEN GYI KHAMS NI SMON LAM JI LTA BA BZHIN DU YONGS SU RDZOGS SHING DAG LA RDUL MED PA BSAGS PA ZHES BYA BA STONG GSUM 'DI'ANG DE'I NANG DU 'DUS PA LHO PHYOGS SU 'BYUNG BA'O, ,SANGS RGYAS BYE BA KHRAG KHRIG PHRAG 'BUM GYI MTSAN BRJOD PA BAS NI 'JAM DPAL GYI MING BRJOD PA BSOD NAMS CHES MANG NA SANGS RGYAS KUN TU GZIGS KYI LTA CI SMOS, 'JAM DBYANGS KYIS BSKAL PA RE RER SEMS CAN GYI DON BYAS PA NI SANGS RGYAS BYE BA KHRAG KHRIG 'BUM GYIS MA MDZAD PAS SO, ,DE'I ZHING DANG BDE BA CAN GYI ZHING SKRA RTZE BRGYA CHA'I CHU DANG RGYA MTSO CHEN PO LTA BU'O, , 'DI'I SPYOD PA LA GNAS PA ZHING YANG MTSUNGS PA'I BYANG CHUB SEMS DPA' BZHI YOD DE, SHAR PHYOGS SANGS RGYAS MYA NGAN MED PA'I DPAL GYI ZHING NA 'OD KYI TOG DANG, LHO PHYOGS SANGS RGYAS YI SHES RGYAL PO'I ZHING NA YE SHES BLA MA DANG, NUB PHYOGS RGYAL BA SHES RAB BRTZEGS PA'I ZHING NA ZHI BA'I DBANG PO DANG, BYANG PHYOGS RGYAL BA MTHU BO CHE'I ZHING NA SMON LAM BLO GROS SO ZHES SO, ,BYAMS PA SENGGE'I SGRA LAS KYANG, BYANG CHUB SEMS DPA' GANG GIS STONG GSUM 'DI CHU'I PHUNG PO NAS TSANGS PA'I 'JIG RTEN GYI BAR DU 'BRU MAR GYIS BKANG STE SNYING PO RI RAB TZAM GYI MAR ME PHUL BA BAS, LHAG PA'I BSAM PA DANG LDAN PA TSUL KHRIMS RNAM PAR DAG PA GCIG GIS BLA MA LAS TSIGS SU BCAD PA GCIG MNOS TE KHA TON BYED CING GOM PA BDUN 'DOR BA BSOD NAMS CHES MANG NGO, ,YANG STONG GSUM ME TOG DANG SPOS KYIS BKANG STE LO 'BUM DU NYIN LAN GSUM MTSAN LAN GSUM PHUL BA BAS, 'DU 'DZI DANG KHAMS GSUM GYIS SKRAG CING SEMS CAN GYI DON BSGRUB PA NA DGON PAR PHYOGS TE GOM PA BDUN 'DOR BA BSOD NAMS CHES MANG NGO, ,'DI SANGS RGYAS KYIS KYAL KA'AM BRJOD @328B PA'I CHED DU GSUNGS PA MA YIN GYI, MNGON SUM PA NYID GSUNGS PA STE, SNGON BSKAL PA CHES BSAM GYIS MI KHYAB PA NA STON PA ME TOG SNA TSOGS 'KHOR DANG BCAS PA LA 'KHOR LOS BSGYUR PA'I RGYAL PO MU KHYUD KYIS LO BRGYAD KHRI BZHI STONG DU LAS GZHAN MI BYED PAR BDE BA'I LONGS SPYOD BZHED DGU THAMS CAD KYIS MCHOD PA BYAS SO, ,DE LA KHYE'U CHOS DANG CHOS BZANG GNYIS KYIS DE'I BSOD NAMS ZIL GYIS GNON PA'I DGE BA GZHAN YOD DAM ZHES ZHUS PAS, BKA' STZAL PA, YOD DE BYANG CHUB SEMS DPA' DGON PAR GNAS NAS SE GOL GTOGS PA TZAM ZHIG GIS CHOS THAMS CAD GDOD MA NAS MA SKYES PAR BZOD PA THOB PA'O, ,DE'ANG LTA ZHOG STONG GSUM GYI SEMS CAN RE RES KYANG DE LTA BU'I SBYIN PA BYAS PA BAS, DBEN PAR GNAS PA TSUL BZHIN LA BRTZON PA'I LAM DU ZHUGS PA ZHIG CHOS THAMS CAD STONG PA NYID 'GRO 'ONG MED PAR BZOD CING SE GOL GTOGS PA TZAM ZHIG GNAS NA BSOD NAMS CHES MANG NGO, ,DE'ANG LTA ZHOG STONG GSUM GANGG'A'I KLUNG GI BYE MA SNYED KYI SEMS CAN THAMS CAD RE RES KYANG BSKAL PA GANGG'A'I BYE MA SNYED DU SE GOL GTOGS PA RE RE'I TSAD LA YANG RGYAL PO MU KHYUD KYI SBYIN PA DE TZAM BYAS PA BAS, KHYE'U 'DI GNYIS KYIS LHAG PA'I BSAM PAS RGYAL BA DE'I ZHABS LA GTUGS PA BSOD NAMS CHES MANG NGO, ,ZHES BYA BA LA SOGS PA GSUNGS PA'O, , ` PHA ROL TU PHYIN PAR GTOGS PA'I YON TAN LAS PHA ROL TU PHYIN PA THAMS CAD KYI DBANG DU BYAS NAS, SBYIN PAS LAG NA RIN CHEN 'THOB LA SOGS, ,PHA ROL PHYIN BCU'I YON TAN SO SOR GSUNGS, ,DE BZHIN SBYIN PA'I SER SNA TSAR GCOD SOGS, ,PHA ROL PHYIN DRUG YON TAN BCU TSAN DRUG, GZHAN YANG ZANG ZING MED PA'I CHOS BZHI SOGS, ,PHA ROL PHYIN DRUG YON TAN TSOGS RNAMS LAS, ,KHRIMS KYI NYI SHU DRUG DANG SHES RAB KYI, ,SPYI TZAM GSUNGS TE GZHAN LA BCU PA BZHI, ,CHOS BGRO BA LAS, SBYIN PA'I PHA ROL TU PHYIN PAS NI LAG NA RIN PO CHE DANG NAM MKHA'I MDZOD THOB BO, ,DE BZHIN DU TSUL KHRIMS KYIS NI NGAN SONG @329A THAMS CAD LAS 'DA' BA DANG SKYE BA LA DBANG BA DANG CANG SHES KYI SEMS SO, ,BZOD ? PAS ? NI MTSAN DANG DPE BYAD KYIS BRGYAN CING BLTA BAS CHOG MI SHES PA'I SKU'O, ,BRTZON 'GRUS KYIS NI MNGON SHES MYUR BA DANG CHOS THAMS CAD LA DBANG BYED PA'O, ,BSAM GTAN GYIS NI LUS DANG SEMS LAS SU RUNG BA DANG GZUNGS DANG SPOBS PA RNAM PA MANG PO DANG NYON MONGS PA'I SGRIB PA SPONG BA'O, ,SHES RAB KYIS NI STOBS BCU DANG MI 'JIGS PA BZHI DANG SO SO YANG DAG PAR RIG PA BZHI'O, ,THABS KYIS NI BDE BA DANG LUS DANG NGAG DANG YID KYI LAS KHA NA MA THO BA MED PA'O, ,SMON LAM GYIS NI SKYE BA DRAN PA DANG JI LTAR 'DOD PAR 'GRO BA DANG JI LTAR 'DOD PA DGA' PAR 'GYUR BA'O, ,STOBS KYIS NI NYON MONGS PA DANG BDUD DANG PHYIR RGOL BA THAMS CAD KYIS MI RDZI ZHING 'JIG RTEN THAMS CAD LAS 'PHAGS PA'O, ,YE SHES KYIS PHA ROL TU PHYIN PAS BDUD BZHI LAS 'DA' BA 'THOB BO ZHES SO, , TING NGE 'DZIN GYI RGYAL PO LAS NI SBYIN PA'I PHA ROL TU PHYIN PA'I LEGS PA BCU STE, SER SNA TSAR GCOD PA DANG, SEMS RTAG TU GTONG BA'I RJES SU SPEL BA DANG, SKYE BO MANG PO DANG THUN MONG BA'I LONGS SPYOD LAS SNYING PO LEN PA DANG, LONGS SPYOD CHE BA'I RIGS SU SKYE BA DANG, SKYES MA THAG TU GTONG SEMS THOB PA DANG, 'KHOR BZHI LA PHANGS SHING YID DU 'ONG BA DANG, ZHUM PA MED PAR 'KHOR GYI NANG DU 'GRO BA DANG, PHYOGS KUN TU GRAGS PA DANG, RKANG LAG 'JAM SHING GZHON SHA CAN DANG, RKANG MTHIL 'JAM SHING SHIN TU GNAS PA DANG, BYANG CHUB KYI SNYING PO'I BAR DU DGE BA'I BSHES GNYEN DANG MI 'BRAL BA'O, ,TSUL KHRIMS KYI LEGS PA'ANG BCU STE, YE SHES KYI RJES SU BSKOR ZHING RDZOGS PAR BYED PA DANG, SANGS RGYAS KYI RJES SU SLOB PA DANG, MKHAS PAS MA SMAD PA DANG, DAM BCAS PA LAS MI G-YO BA DANG, NAN TAN LA GNAS PA DANG, SRID PA LAS 'BYOL BA DANG, ZHI BA THOB PAR BYED PA DANG, KUN NAS LDANG BA MED PAR GNAS PA DANG, TING NGE 'DZIN THOB PA DANG, MI DBUL BAR 'GYUR BA'O, ,BZOD PA'I @329B YANG BCU STE, ME DANG, MTSON DANG, CHU DANG, DUG GIS MI 'CHI BA DANG, LHAS BSRUNG BA DANG, MTSAN GYIS BRGYAN PA THOB PA DANG, NGAN 'GRO'I SGO BCAD PA DANG, TSANGS PAR SKYE BA RNYED SLA BA DANG, BDE BAR NYIN MTSAN 'DA' BA DANG, LUS LA DGA' BDE MI 'DOR BA'O, ,BRTZON 'GRUS KYI 'ANG BCU STE, BSNYEN PAR DKA' BA DANG, STON PAS RJES SU 'DZIN PA DANG, LHAS RJES SU 'DZIN PA DANG, THOB PA'I CHOS LAS MI NYAMS PA DANG, MA THOB PA'I CHOS THOB PA DANG, TING NGE 'DZIN THOB PA DANG , NAD NYUNG BA DANG, ZAS BDE BAR 'JU BA DANG, PAD MA LTAR 'GYUR GYI MDA' STE'U KHA LTAR MI 'GYUR BA'O, ,BSAM GTAN GYI'ANG BCU STE, SPYOD PA LA GNAS PA DANG, SPYOD YUL LA SPYOD PA DANG, YONGS SU GDUNG BA MED PAR GNAS PA DANG, DBANG PO SBAS PA DANG, DGA' BA MYONG BA DANG, 'DOD PA LAS DBEN PA DANG, BSAM GTAN GSOB MA YIN PA DANG, BDUD KYI YUL LAS THAR PA DANG, SANGS RGYAS KYI YUL LA GNAS PAS RNAM PAR GROL BA SMIN PAR BYED PA'O, ,SHES RAB KYI LEGS PA'ANG BCU STE, BDOG PA GTONG LA SBYIN PAS MI RLOM PA DANG, TSUL KHRIMS DAG LA DE LA MA ZHEN PA DANG, BZOD PA LA GNAS LA SEMS CAN GYI 'DU SHES LA MI GNAS PA DANG, BRTZON 'GRUS RTZOM LA LUS SEMS DBEN PA DANG, BSAM GTAN LA GNAS PAS BDUD KYIS THUB PAR DKA' BA DANG, RGOL BAS MI SGUL BA DANG, 'DU BYED 'JUG PA THAMS CAD LA SNANG BA THOB PA DANG, SEMS CAN LA SNYING RJE SHAS CHER 'JUG CING NYAN THOS DANG RANG SANGS RGYAS KYIS SA MI 'DOD PA DANG, SANGS RGYAS KYI BSAM GTAN DANG SNYOMS PAR 'JUG PA LA GNAS PA'O, ,DE'I YAN LAG MANG DU THOS PA'I YANG BCU STE, KUN NAS NYON MONGS MED PAR BYED PA DANG, THE TSOM GCOD PA DANG, LTA BA DRANG POR BYED PA DANG, LAM LOG PA SPONG BA DANG, LAM LA GNAS PA DANG, MI 'CHI BA'I SGO LA GNAS PA DANG, BYANG CHUB TU BSNYEN PA DANG, SEMS CAN THAMS CAD LA SNANG BAR GYUR PA DANG, NGAN 'GROS MI 'JIGS PA'O ZHES SO, ,'JAM DPAL GYI ZHING GI BKOD PA LAS KYANG ZANG ZING MED PAR CHOS SBYIN PA'I YON TAN BCU STE, SDIG PA MI 'DOD PA @330A DANG, SHES KYI KHE MI 'DOD PA DANG, GRAGS PA MI 'DOD PA DANG, KHYIM MI 'DZIN PA DANG, KHYIM LA SER SNA MED PA DANG, CHOS GOS LA SOGS PA NGAN NGON TZAM GYIS CHOG SHES PA DANG, DES SMRAS PA BZUNG BAR 'OS PA DANG, LHA DAG KYANG DE'I DRUNG DU 'ONG PA DANG, TSUL BZHIN MA YIN PA'I RNAM RTOG MI SKYED PA DANG, SANGS RGYAS KYI SEMS LA SEMS BSKYED PA'O, ,TSUL KHRIMS LA GNAS PAS MI 'JIGS PA BCU THOB STE, MI 'JIGS PAR GRONG DU 'JUG PA DANG , DE BZHIN DU 'KHOR LA CHOS STON PA DANG, KHA ZAS ZA BA DANG, GTZUG LAG KHANG DU 'JUG PA DANG, DGE 'DUN GYI NANG DU 'JUG PA DANG, LUNG 'BOG PA DANG, MKHAN PO DANG SLOB DPON GYI THAD DU 'GRO BA DANG, BYAMS PA LA SOGS PAS 'KHOR LA 'DOMS PA DANG, MI 'JIGS PAR GOS LA SOGS PA LA SPYOD PA DANG, DES SMRAS PA BZUNG BAR 'GYUR BA'O; ;YANG BDEN PAR SMRA BA'I YON TAN BZHI STE, KHA NAS AUTPAL LA'I DRI BRO BA DANG, LUS DANG NGAG DANG YID KYI LAS KYI MTHA' DAG PA DANG, LHA DANG BCAS PA'I 'JIG RTEN GYI TSAD MAR GYUR CING TSIG 'KHRUL PA MED PA DANG, SANGS RGYAS KYI GSUNG PHUN SUM TSOGS PA 'DZIN PA'O, ,YANG NGA RGYAL SPANGS PA'I YON TAN BZHI STE, NGAN 'GROR SKYE BA SPONG BAS RNGA MO DANG BONG BU LA SOGS PAR MI SKYE BA DANG, GZHAN SMAD PAR SKYE BA SPONG ZHING MI SMOD PAR 'GYUR BA DANG, PHYIR RGOL BA DANG DGRAS MI RDZI BA DANG, LHA DANG BCAS PA'I 'JIG RTEN GYIS PHYAG BYA BAR 'GYUR BA'O, ,YANG PHRAG DOG DANG SER SNA SPONG PA'I YON TAN NI BZHI STE, GTONG BA'I SEMS LA MI RMONGS PA DANG, MU GE BYUNG BA NA SBYIN BDAG TU 'GYUR BA DANG, TSUL KHRIMS DANG LDAN PA 'ONG NA SGO MI GCOD PA DANG, GTONG BA DANG LEN PA LA SU'ANG PHRAG DOG MI BYED PA'O, ,YANG PHA ROL 'BYOR NA DGA' BA'I YON TAN BZHI STE, RANG GIS SEMS CAN BZUNG BAR BYA PAR SHES PAS DE DAG 'BYOR NA DGA' BA THOB PA DANG, LONGS SPYOD RGYAL PO LA SOGS PAS DBROG TU MED PA DANG, DE 'BYOR PAR GYUR NA RGYAL PO LA'ANG DGA' NA GZHAN LTA CI SMOS PA DANG, LONGS @330B SPYOD DANG KUN TU SPYOD PA RGYA CHEN PO LA SEMS 'JUG PA'O, ,BZOD PA'I GO CHA LA YON TAN BCU STE, RIGS PHUN SUM TSOGS PA DANG, DE BZHIN DU LONGS SPYOD DANG, GZUGS DANG, G-YOG 'KHOR DANG, GTONG PA DANG, DGE BA'I BSHES GNYEN DANG, CHOS NYAN PA DANG, CHOS LA NAN TAN BYED PA PHUN SUM ? TSOGS PA DANG, SHI NAS KYANG SANGS RGYAS MTHONG BA DANG, MTHONG NAS DAD PA THOB PA'O, , BRTZON 'GRUS LA'ANG YON TAN BCU STE, BYIS PA'I SPYOD PA SPANGS PA DANG SANGS RGYAS KYI SPYOD PA BZUNG BA DANG, 'KHOR BA'I NYES PA SHES PA DANG, SNYING RJE CHEN PO BZUNG BA DANG, SNGON DAM BCAS PA BSGRUB PA DANG, NAD NYUNG BA DANG, DUS GSUM GYI SANGS RGYAS KYI BKA' BZHIN BYAS PA DANG, 'DOD PA DANG SDANG BA DANG RMONGS PA SHAS CHUNG BA DANG, JI LTAR BSTAN PA'I TSIG GAM DON SHES PA DANG, NAN TAN GYIS BSGRUB PA'O, ,DBEN PAR BSAM GTAN BYED PA'I YON TAN BCU STE, DRAN PA DANG LDAN PA DANG, BLO GROS DANG, RTOG PA DANG, MOS PA DANG LDAN PA DANG, MYUR DU SPOBS PA 'THOB PA DANG , GZUNGS BSGRUB PA DANG, SKYE 'JIG LA MKHAS PA THOB PA DANG, TSUL KHRIMS LAS MI NYAMS PA DANG, LHAS RIM GRO BYED PA DANG, GZHAN GYI 'BYOR PA LA SRED PA MED PA'O, ,SHES RAB NI TSUL KHRIMS KYI GNAS LAS 'BYUNG STE, DE BYUNG BAS DKAR PO'I CHOS THAMS CAD 'PHEL BA'O ZHES SO, `CHOS KYI SBYIN PA'I KHYAD PAR GYI YON TAN NI, ,GZHAN YANG CHOS SBYIN DE YI DRAN LDAN SOGS, ,NYI SHU PHRAG GNYIS PHAN YON YANG DAG PHUL, ,SUM CU GNYIS DANG GZUNGS SBYONG SUM CU GNYIS, ,SPOBS PA NYI SHU RTZA BZHI SBYONG BYED BCAS, ,GZHAN YANG DGE SLONG SPYOD YUL RGYU BAS NI, ,TSIGS BCAD GCIG TZAM CHOS KYI SKYES BYIN YANG, ,STONG GSUM RIN CHEN BKANG BA'I 'JIG RTEN GYI, ,BDE BA KUN BSDUS SBYIN PAS CHAR MI PHOD KHYIM PA RNAMS LA BRTZE BAS BLTOS MED PAR CHOS SBYIN PAS NI SHES RAB RNO SOGS 'THOB, ,GZHAN YANG BYA MIN SPONG DANG BYA BA LA, 'JUG SOGS CHOS SBYIN YON TAN RNAM BCUR GSUNGS, LHAG PA'I BSAM PA BSKUL BA LAS RNYED PA DANG BKUR STI MI 'DOD PAR PHAN PA'I SEMS KYIS ZANG ZING MED PA'I CHOS KYI SBYIN PA BYED PA LA @331A PHAN YON NYI SHU STE, DRAN PA DANG LDAN PA DANG, BLO GROS DANG, BLO DANG, BRTAN PA DANG, SHES RAB DANG LDAN PA DANG, 'JIG RTEN LAS 'DAS PA'I SHES RAB RJES SU RTOGS PA DANG, 'DOD CHAGS DANG ZHE SDANG DANG GTI MUG CHUNG BA GSUM DANG, BDUD KYI GLAGS MI RNYED PA DANG, SANGS RGYAS KYIS DGONGS PA DANG, MI MA YIN PAS BSRUNG BA DANG, LHAS GZI BYIN BSKYED PA DANG, MI MDZA' BAS GLAGS MI RNYED PA DANG, MDZA' BSHES MI PHYED PA DANG, TSIG BTZUN PA DANG, MI 'JIGS PA THOB PA DANG, YID BDE BA MANG BA DANG, MKHAS PAS BSNGAGS PA DANG, DE'I CHOS KYI SBYIN PA DE'ANG RJES SU DRAN PAR BYA BAR 'OS PAR 'GYUR BA'O, ,YANG NYI SHU STE, DE'I SPOBS PA MA SKYES PA SKYE BA DANG, SKYES PA CHUD MI ZA BA DANG, GZUNGS THOB PA'I DON DU SEMS DRANG POR 'GYUR BA DANG, TSEGS CHUNG NGUS SEMS CAN MANG PO'I DON BYED PA DANG, TSEGS CHUNG NGUS DE LA SEMS CAN MANG PO GUS PA DANG, LUS KYI SDOM PA DANG, NGAG GI SDOM PA DANG, SEMS KYI SDOM PA THOB PA DANG, NGAN 'GRO'I 'JIGS PA LAS 'DA' BA DANG, DGA' BZHIN DU 'CHI 'PHO BA DANG, RGOL BA RNAMS CHOS DANG MTHUN PAS TSAR GCOD PA DANG, SEMS CAN MTHON POS KYANG GZI BRJID MI BZOD PA DANG, DBANG PO ZIL GYIS MI NON PA DANG, LHAG PA'I BSAM PA PHUN SUM TSOGS PA 'DZIN PA DANG, ZHI GNAS DANG LHAG MTHONG 'THOB PA DANG, DKA' BA'I SPYOD PA RDZOGS PAR 'GYUR BA DANG, BRTZON 'GRUS BRTZAMS PA LAS MI NYAMS PA DANG, DAM PA'I CHOS KUN TU BSRUNG BA DANG; PHYIR MI LDOG PA'I SA MYUR DU NON PA DANG, BYANG CHUB SEMS DPA'I SPYOD PA THAMS CAD LA MTHUN PAR GNAS PAR 'GYUR RO, ,ZANG ZING LA MI LTA BAS CHOS KYI SBYIN PA BYED CING ZANG ZING LA MI BLTA BA MA YIN PAR NI SHES RAB 'CHAL BAR 'GYUR BA'O ZHES SO, ,NAM MKHA' MDZOD LAS, ,CHOS KYI SBYIN PA LA PHAN YON YANG DAG PHUL BYUNG SUm CU RTZA GNYIS TE, DRAN PA DANG LDAN PA DANG, BLO GROS DANG LDAN PA DANG, RTOGS PA DANG LDAN PA DANG, 'DOD PA CHUNG BA DANG, SDANG BA CHUNG BA DANG, RMONGS PA CHUNG BA DANG, RANG DANG GZHAN GYI NYON MONGS PA TSAR GCOD @331B PA DANG, SKYE BO MANG PO DGA' BA DANG, LHA RNAMS KYIS BSNGAGS PA DANG, KLU LA SOGS PAS BSRUNG BA DANG, LAS BYAS NAS BSOD SNYOMS ZA BA DANG, CHOS GOS LA SOGS PA RNYED PA DANG, PHYOGS BCUR GRAGS PA DANG, MI MA YIN PAS MI RDZI BA DANG, SANGS RGYAS KYIS BSNGAGS PA DANG, DAM PA'I CHOS BSRUNG BA DANG, SANGS RGYAS KYIS 'DZIN PA DANG, NGAN SONG THAMS CAD KYIS MI 'JIGS PA DANG, LHA DANG MIR SKYE BA DKA' BA MED PA DANG, SANGS RGYAS MTHONG BA DANG, DAM PA'I CHOS NYAN PA DANG, DGE 'DUN BSNYEN BKUR BYED PA DANG MI 'BRAL BA GSUM DANG, SKYE BA DRAN PA DANG, ZHING DAG PAR SKYE BA DANG, NAM YANG DBANG PO MA TSANG BAR MI 'GYUR BA DANG, MTSAN SUM CU RTZA GNYIS THOB PA DANG, GZI BRJID CAN GYI GZUNGS KYI SA BON THOB PA DANG, SPOBS PA MI ZAD PA'I RGYU 'DZIN PA DANG, SKYE BO MKHAS PAS G-YOG BYED PA DANG, SHES RAB CHEN PO'I RGYU 'DZIN PA DANG, MYUR DU CHOS KYI SNANG BA THOB PA DANG, SEMS LA TSUL BZHIN MA YIN YID LA BYED PA MI 'BYUNG BA DANG, ZANG ZING GI SBYIN PA THAMS CAD ZIL GYIS GNON NAS CHOS KYI GTER MI ZAD PA YONGS SU 'DZIN PA'O, ,DES GZUNGS YONGS SU SBYONG BAR BYED PA SUM CU RTZA GNYIS KYIS GZUNGS THOB PAR YANG 'GYUR TE, CHOS DON DU GNYER BA DANG, CHOS 'DOD PA DANG, CHOS KYI KUN DGA' LA KUN DGA' ZHING MOS PA DANG, CHOS LA GZHOL BA DANG, CHOS LA 'BAB PA DANG, CHOS LA BAB PA DANG, MANG DU THOS PA DAG LA BRTEN PA DANG, BSNYEN PA DANG, BSNYEN BKUR BYED PA DANG, MKHAN PO DANG SLOB DPON LA NGA RGYAL MED CING GUS PA DANG, CHOS BSTAN PAS MI NGOMS PA DANG, RJES SU BSTAN PA LA BKA' BLO BDE ZHING MTHUN PAR 'DZIN PA DANG, CHOS SMRA BA LA STON PAR SHES SHING 'KHRUL PA MI TSOL BA DANG, RAB TU 'DZIN PA DANG, 'DZIN PA DANG KLOG PA LA SOGS PA LE LO MED PA DANG, CHOS LA SLOB DPON GYI DPE MA KHYUD MED CING ZANG ZING MED PAR SBYIN PA DANG, SHES RAB KYI RTZA BA THOS PA DANG, TSUL KHRIMS KYI CHOS LA SBYOR BA DANG, JI LTAR THOS PA'I DON LA RTOG CING @332A MANG DU THOS PAS MI NGOMS PA DANG, TSANGS PAR SPYOD PA LA GNAS PAS MI NGOMS PA DANG, DBEN PA LA RTAG TU GZHOL BA DANG, RJES SU DRAN PA DRUG RJES SU DRAN PAR BYED PA DANG, YANG DAG PAR BAG CHAGS PAR 'GYUR BA DRUG MI 'DOR BA DANG, GUS PAR BYA BA'I GNAS DRUG MI GTONG BA DANG, SEMS CAN THAMS CAD LA KHRO BA MED PAS CHOS LA SBYOR BA DANG, RTEN 'BREL DANG MI 'GAL BA'I LAS DANG BYA BA BSGRUB PA DANG, RNAM PAR THAR PA'I SGO GSUM LA NGES PAR RTOG PA LA MI SKRAG PA DANG, 'PHAGS PA'I RIGS DANG SBYANGS PA'I YON TAN 'DZIN PAS YID MI 'CHAD PA DANG, CHOS BZUNG BA LA MI ZHUM PA DANG, SEMS CAN LA LTA BAS SNYING RJE CHE BA DANG, CHOS LA LTA BAS LUS DANG SROG 'DOR BA DANG, YE SHES LA BLTA BAS NGA RGYAL MED PA DANG, SEMS CAN GYI BYA BA LA MI SKYO BA'O, ,GZHAN YANG SPOBS PA YONGS SU SBYONG BAR BYED PA NYI SHU RTZA BZHIS SPOBS PA NYI SHU RTZA BZHI 'THOB STE, SPOBS PA MYUR BA NI BLA MA'I NGAG MI GCOG PAS SO, ,DE BZHIN DU MGYOGS PA NI TSUR SHOG DANG SONG ZHES BYA BA LA G-YO MED PAS SO, , THOGS PA MED PA NI NYON MONGS PA THAMS CAD LA CHAGS PA MED PAS SO, ,RGYUN MI CHAD PA NI DE LA MA CHAGS PAR GNAS PAS SO, ,SHIN TU NGES PA'I TSIG LA SPOBS PA NI PHRA MA SPONG BAS SO, ,ZAB MO LA NI RTEN 'BREL RTOG PAS SO, ,SNA TSOGS LA NI SBYIN PA SNA TSOGS BSAGS PAS SO, ,LEGS PAR BRGYAN PA NI CHUNG MA BRGYAN PA BYIN PAS SO, ,ZHUM PA MED PA NI BYANG CHUB KYI SEMS MA NYAMS PAS SO, ,'JIGS PA MED PA NI TSUL KHRIMS LEGS PAR BSRUNGS PAS SO, ,TSIGS SU BCAD PA SNA TSOGS BSTAN PA'I NGES PA'I TSIG LA SPOBS PA NI GDUGS DANG RGYAL MTSAN DANG DRIL BU DANG BA DAN BYIN PAS SO, ,MDO DANG RTOGS PA BRJOD PA DANG SNGON BYUNG BA LA SPOBS PA NI SBYIN PA DANG RIM GRO DANG BSNYEN BKUR BYED PA LA SNGON DU 'GRO BAS SO, ,MI THUL BA NI SDUG BSNGAL BA DANG DBUL PO DANG MGON MED PA LA MI BRNYAS PAS SO, ,TSIG GI DBYE BA BSTAN PA MI ZAD PA LA SPOBS @332B PA NI GTER MI ZAD PA SBYIN PA DANG GZHAN DAG CHOS LA SBYOR BAS SO, ,SHIN TU GSAL ZHING MDZES PA NI BDEN PA SMRA BA DANG THA BA MED PA DANG NGAG RTZUB MED PAS SO, ,TSIG BTZUN ZHING BZUNG BA NI BLA MA'I NGAG MI GCOG PA DANG GZHAN GYI'ANG MI GCOG PAS SO, ,CHOS BSTAN PA 'BRAS BU YOD PA NI RANG GI YON TAN GYI CHOS BSGRUBS PAS SO, ,LHA'I 'KHOR GYI RGYAN NI BDAG MI BSTOD GZHAN MI SMOD CING PHANGS PA'I DNGOS PO GTONG BAS SO, ,THE TSOM THAMS CAD SPONG BA NI DPE MKHYUD MED PAR JI LTAR THOS PA STON PAS SO, ,'JIG RTEN DANG 'JIG RTEN LAS 'DAS PA'I CHOS LA NI BSTAN BCOS SHES PA DANG GZHAN LA MI SMOD PA DANG NAD G-YOG BYED PA DANG SMAN SBYIN PAS SO, ,'KHRUL PA MED PA NI PHA ROL LA 'KHRUL PA'I SKABS MI TSOL ZHING LTUNG BA MI GLENG LA 'KHRUL PA LA MI RTOG PAS SO, ,'KHOR LA BYAMS PA DANG, SNYING RJE DANG DGA' BA DANG BTANG SNYOMS KYI NI SEMS CAN LA SEMS SNYOMS PAS MTSUNGS PAR SBYOR ZHING ZHI BA'I LAM LA 'GOD PA DANG RNYED PA DANG BKUR STI DON DU MI GNYER BAS SO, ,SKYE BA DRAN PA NI BKA' BLO BDE BA DANG DES PA DANG JI SKAD SMRAS PA BZHIN BYED PA DANG SEMS DGA' BA DANG GZHAN GYI RGYUD MI DKRUGS PAS SO, ,SANGS RGYAS KYI BYIN GYIS BRLABS PA'I SPOBS PA NI THEG PA CHEN PO LAS MI NYAMS PA DANG THEG PA DMAN PA MI 'DOD PA DANG SEMS CAN LA SNYING RJE BAS THAMS CAD NAN TAN LA 'GOD PA THOB BO ZHES SO, ,BYAMS PA SENGGA'I SGRA LAS KYANG, DGE SLONG GRONG RGYU BAS NI MANG DU THOS PA DANG GZHUNG LA ZHUGS PA LA SOGS PA'I CHOS KYI SKYES KYIS 'GRO BAR BYA'I SKYES GZHAN GYIS MA YIN TE, BRKAM CHAGS DANG TSUL 'CHOS LA SOGS PA MI BYA'O, ,DKON MCHOG GSUM DANG PHA ROL TU PHYIN PA DRUG GI BSNGAGS PA BRJOD PAR BYA'O, RNYED PA DANG ZHING LAS DANG NYO TSONG LA SOGS PA'I GTAM GYI SKYES MI BYA'O, ,LA LAS GZHAN LA STONG GSUM RIN PO CHES BKANG STE BYIN NAM STONG GSUM GYI BDE BA'I YO BYAD THAMS CAD BSDUS TE BYIN PA BAS NI TSIGS SU BCAD PA GCIG RNA BAR GRAGS PAR BYAS SU ZAD KYI DAD PA MA @333A THOB TU ZIN KYANG DES BRTZE BAR BYAS PA'AM PHAN BTAGS PA CHES CHE BA STE RIN PO CHE LA SOGS PAS NI SKYE BA LA SOGS PA LAS SGROL MI NUS LA CHOS THOS PAS NI NUS PAS SO ZHES SO, ,RAB TU ZHI BA RNAM PAR NGES PA'I CHO 'PHRUL LAS KYANG, KHYIM PA LA RNYED PA DANG BKUR STI MI RE BAR SNYING RJES PHAN PAR 'DOD DE CHOS STON NA SHES RAB RNO BAR 'GYUR, 'KHOR LOS BSGYUR BA DANG BRGYA BYIN DANG TSANGS PA RDZU 'PHRUL CHEN POR 'GYUR, MI'I DAM PA SANGS RGYAS SU 'GYUR RO ZHES SO, ,TING NGE 'DZIN GYI RGYAL PO LAS KYANG, CHOS KYI SBYIN PA'I LEGS PA BCU STE, BYA BA MA YIN PA SPONG BA DANG, BYA BA LA 'JUG PA DANG, SKYES BU DAM PA'I CHOS LA GNAS PA DANG, ZHING SBYONG BA DANG BYANG CHUB KYI SNYING PO THOB PAR BYED PA DANG, DNGOS PO YONGS SU GTONG BA DANG, NYON MONGS PA TSAR GCOD PA DANG, SEMS CAN THAMS CAD LA SKAL SHAS SBYIN PA DANG, DE LA DMIGS PA'I BYAMS PA BSGOM PA DANG, TSE 'DIR BDE BAR GNAS PA'O ZHES SO, ,SGO MTHA' YAS PA BSGRUB PA'I GZUNGS LAS KYANG, BYANG CHUB SEMS DPA'I BSLAB PA LA SLOB PAR 'DOD PA BAG YOD PA'I SA LA SLOB PAR 'DOD PA CHOS LA MKHAS PAR BRTZON PAS DAM PA'I CHOS YUN RING DU GNAS PAR BYA BA'I PHYIR, GUS PA DANG BCAS RDZES DANG BCAS PAR GLEGS BAM BRIS NAS, BYANG CHUB TU YANG DAG PAR ZHUGS PA 'DUN CING DON DU GNYER BA DAG LA BSTAN PAR BYA, BGO BAR BYA, LUNG 'PHOGS PA DANG KHA TON DANG BRI BA DANG DON NGES PAR BSTAN PA'I BAR DU YANG, CHOS YANG DAG PAR BGRO BA MI BCAB PAR CHOS KYI SGO JI LTAR BZUNG BA BZHIN DPE MKHYUD MI BYA'O, ,SEMS CAN THAMS CAD SANGS RGYAS KYI CHOS BLA NA MED PA LA 'GOD PAR 'DOD NA THAMS CAD DU SANGS RGYAS KYI CHOS DANG MI 'BRAL BAR 'BAD PAR BYA STE, DE LTAR ZHUGS NA CHOS GANG 'GRUB PAR MI 'GYUR BA'AM DON GANG RTOGS PAR MI 'GYUR BA CUNG ZAD KYANG MED DO ZHES SO, , `TSUL KHRIMS KYI YON TAN GYI KHYAD PAR NI, TSUL KHRIMS DAG PAS DAD @333B SOGS GROGS LNGA THOB, ,SGRIB PA LNGA DANG LTA BA RNAM LNGA DANG, ,THE TSOM LNGA SPONG DBANG PO LNGA DANG NI, ,GANG DU SMON SOGS YON TAN RIN CHEN GTER, ,'DAS CHEN LAS, TSUL KHRIMS RNAM PAR DAG PAS GROGS LNGA THOB STE, DAD PA DANG, KHREL YOD PA DANG, NGO TSA SHES PA DANG, DGE BA'I BSHES GNYEN DANG, BSLAB PA LA GUS PA'O, ,SGRIB PA LNGA SPANGS NAS LTA BA LNGA RNAM PAR DAG PAR 'GYUR RO, ,LTA BA LNGA SPANG BAS THE TSOM MED PAR 'GYUR RO, ,THE TSOM LNGA'ANG SPONG STE, DKON MCHOG GSUM LA THE TSOM ZA BA GSUM DANG, TSUL KHRIMS DANG, BAG YOD PA LA THE TSOM ZA BA'O, ,DBANG PO LNGA LA SOGS PA'ANG 'THOB BO ZHES SO, ,RNAM PAR 'PHRUL PA'I RGYAL PO LAS KYANG, TSUL KHRIMS RNAM PAR DAG PAS SMON LAM GANG BTAB PA'ANG 'GRUB STE, STONG GSUM BSREGS PA'I MES GANG BA LA ZHI BAR SMON TAM, STONG GSUM MES GANG BAR RAM, STONG GSUM ME TOG BKRAM PA'ANG RIN PO CHE'I RANG BZHIN DU'ANG 'GRUB BO, ,MDOR NA 'JIG RTEN GYI KHAMS GANGG'A'I KLUNG GI BYE MA SNYED KYI RI RAB THAMS CAD GCIG TU'AM, RGYA MTSO THAMS CAD GCIG TU SMON PA'ANG 'GRUB BO ZHES SO, ,BRTZON 'GRUS KYI YON TAN NI, SA LAS CHU DANG MNGAL GNAS SKYE SOGS LTAR, ,BRTZON 'GRUS LDAN LA CHOS KUN NGES PAR SKYE, ,GSANG BA'I MDO LAS, DPER NA SA CHEN PO NI CHU'I STENG NA GNAS PAS SU KHRON PA RKO BA DES CHU RNYED DE MI BRKO BAS MI RNYED PA LTAR, THAMS CAD KYI RJES SU ZHUGS PA'I YE SHES LA YONGS SU BRTZON PAR BYED PA DES YE SHES 'THOB STE, GANG MI BRTZON PAS MI 'THOB PAS NA BRTZON 'GRUS BRTZAM PAR BYA'O, ,YANG MNGAL NA YOD PA MI MTHONG YANG NGES PAR SKYE BA LTAR, BRTZON 'GRUS DANG LDAN PA'I BYANG CHUB NI MI MTHONG YANG LAM LAS NGES PAR SKYE'O, ,RI GANGS CAN GYI SHING NI BAR MA DOR MI SKAM ZHING MI 'CHAGS PA LTAR, 'PHAGS PA'I CHOS LA BRTZON PA'I SHES RAB KYANG BAR MA DOR YONGS SU MI NYAMS SO ZHES SO, `,SHES RAB LA SLOB PA'I YON TAN NI, THOS SOGS 'BAD PAS SHES RAB SBYONG BYED PA, ,MYUR DU BDE DANG ZHI @334A BAS PHA ROL 'GRO, SDOM PA GSUM BSTAN PA LAS, MYUR DU GSO SBYONG BYED PA DANG, ,LUNG NOD PA LA MYUR DU SPYAD, ,DE YI SHES RAB SHIN TU 'PHEL, ,CHU LAS AUTPAL JI BZHIN NO, ,GANG LAS SHES RAB 'BYUNG 'GYUR BA, ,LUNG NOD PA DANG KHA TON DGA', ,SHES RAB BSLAB PA'I SEMS CAN RNAMS, ,MYUR DU BDE 'GROR 'GRO BAR 'GYUR, ,SHES RAB RNAM PAR BRTAGS NA MDZES, ,NGA NI CI 'DRA DE 'DRAR SLOBS, ,THAMS CAD 'DU BA SPANGS NAS SU, ,MYUR DU MYA NGAN 'DA' BAR 'GYUR, ,DAM PA'I CHOS NI RING MI GNAS, ,BRTZON 'GRUS BRTAN PA BRTZAMS PAR GYIS; ;CI TZAM ZHIG NI SMRA BAR NUS, ,TSUL BZHIN BSAM PA MYUR DU GYIS, ,BSKAL PA 'DI NI 'DAS 'OG TU, ,BSKAL PA DRUG CU THAM PAR NI, ,SANGS RGYAS SGRA GRAGS MI 'GYUR NA, ,DGA' BA 'DI NI GA LA 'BYUNG, ,BKRES PAS SHIN TU NYEN GYUR NA, ,PHAN TSUN DAG NAS 'DUS NAS NI, ,MA YI SHA DANG BU YI SHA, ZA BAR BYED SOGS MA RUNGS 'BYUNG, ,ZHES SO, `,KHYIM NAS MNGON PAR 'BYUNG BA'I YON TAN GYI DBANG DU BYAS NAS RAB TU BYUNG BA NI, 'DOD YUL LNGA LA MI CHAGS LA SOGS PA, ,RAB TU 'BYUNG BAR 'DOD PA'I YON TAN BCU, ,SEMS CAN KUN GYIS BYANG CHUB DON GNYER BAS, ,BSKAL PAR BDOG KUN BTANG BAS BYANG CHUB KYI, , SEMS LAS RAB 'BYUNG SEMS KYIS GOM GCIG TZAM, ,'DOR BAR BYED PA'I BSOD NAMS CHAR MI PHOD, ,DE NI SANGS RGYAS NYID KYI BGRONG GCIG RGYU, ,SANGS RGYAS MCHOD SOGS BSOD NAMS CHEN PO'I GTER, ,KHYIM LAS RNAM GROL BDUD DANG NYON MONGS KUN, ,RNAM 'JOMS BYANG CHUB MCHOG 'DREN SGO CHEN NO, ,GZHAN YANG RGYAL SRID LONGS SPYOD 'KHOR RNAMS LA, ,YONGS 'DZIN 'DOR SOGS PHAN YON NYI SHU LAS, ,RAB BYUNG NYID DU 'BYUNG BAS RDZOGS SANGS MIN NAM SNYOM RGYAS, ,BDE BLAG NYID DU LUS CAN RNAMS LA SBYIN, ,'JAM DPAL GYI ZHING GI BKOD PA LAS, RAB TU BYUNG BAR DGA' BA'I YON TAN BCU STE, 'DOD PA LA MI CHAGS PA DANG, DGON PA LA DGA' BA DANG, SANGS RGYAS KYI SPYOD YUL THOB PA DANG, CHUNG MA DANG BU LA MI @334B SRED PA DANG, NGAN 'GROR 'GRO BA'I CHOS SPONG BA DANG, BDE 'GROR 'GRO BA'I CHOS BSTEN PA DANG, SNGON GYI DGE BA LAS MI NYAMS PA DANG, DGE BA'I RTZA BA PHUN SUM TSOGS PA THOB PA DANG , LHA RNAMS DGA' BA DANG, MI MA YIN PA RNAMS KYIS BSRUNG BA'O ZHES SO, ,CHO 'PHRUL BSTAN PA LAS KYANG, GANG DAG STONG CHEN SEMS CAN DE DAG KUN, ,BYANG CHUB PHYIR NI RAB TU ZHUGS GYUR CIG ,MA ZHUM SEMS KYIS BSKAL PA RDZOGS PAR NI, ,BU DANG CHUNG MA'ANG SBYIN PAR BYAS PA BAS, , GANG GIS BYANG CHUB PHYIR NI SEMS BSKYED NAS, ,DE BZHIN GSHEGS PA'I RJES SU BSLABS PA DANG, ,RAB BYUNG SEMS KYIS GOMS PA GCIG BOR NA, ,DE NI DE BAS BSOD NAMS KHYAD PAR 'PHAGS, ,GANG DAG SNGON CHAD BYUNG BA'I SANGS RGYAS DANG, ,GANG DAG MA BYIN 'BYUNG DANG BZHUGS PA RNAMS, ,DE DAG SKYON MANG KHYIM NI MA SPANGS PAR, ,BA MED BYANG CHUB ZHI BA THOB PA MED, ,RAB BYUNG DE BZHIN GSHEGS PA THAMS CAD KYIS, ,RAB TU BSTOD CING BSNGAGS LA BKUR BA STE, ,GANG ZHIG SANGS RGYAS KUN LA MCHOD 'DOD PA, ,RGYAL BA'I BSTAN LA RAB BYUNG BZUNG BAR GYIS, ,GANG ZHIG KHYIM GNAS RIN CHEN BRGYAN PA YI, ,GANGG'A'I JI SNYED SANGS RGYAS ZHING BYIN DANG, ,GANG ZHIG RAB BYUNG NYIN DANG MTSAN GCIG TU, ,MI RTAG BDAG MED SDUG BSNGAL SEMS BYED NA, ,GANG ZHIG RAB BYUNG BAG YOD GYUR PA YI, ,BYANG CHUB SEMS DPA' BYANG CHUB NYE BA DANG, ,BDUD KYI DKYIL 'KHOR SHIN TU BCOM BYAS SHING, ,DGE BA'I PHYOGS KYANG MI 'GRIB 'PHEL BA YIN, RAB BYUNG DE NI LAM NGAN SPANGS PA DANG, ,LAM GYI RJES MTHUN 'PHAGS PA'I SKYE BOS BSTOD, ,DE NI DGE BA CUNG ZAD MA YIN ZHING, ,DE NI YONGS SU 'DZIN PA SPANGS PA YIN, , KHYIM LAS GROL BA NYON MONGS MI 'PHEL ZHING, ,NYON MONGS RNAM GROL BDUD KYI 'CHING BA MED, ,RNAM GROL SEMS NI BYANG CHUB SPYAD PA SPYOD, SPYOD PA DAG PAS BYANG CHUB RNYED MI DKA', ,DE'ANG BYANG CHUB KYI GNAS KYI RJES SU 'JUG PAS BYANG CHUB SEMS DPA'O, ,SNYING RJE CHEN PO NYAMS 'OG TU CHUD PAR BYED PA DANG, YE SHES CHEN PO RDZOGS PAR BYED PAS SEMS DPA' CHEN @335A PO'O, ,SHES RAB KYIS BZUNG DU MED PA'I CHOS LA 'JUG PA DANG, THABS KYIS CHOS THAMS CAD YANG DAG PAR BSDUS PAS SEMS CAN MCHOG CES BYA'O ZHES SO, ,'JAM DPAL GYI ZHING GI BKOD PA LAS KYANG, KHYIM PAS SANGS RGYAS 'KHOR DANG BCAS PA GANGG'A'I PHYE MA SNYED LA BSKAL PA GANGG'A'I BYE MA SNYED DU BDE BAR SBYAR BA THAMS CAD KYIS BKUR STI BYAS PA BAS, RAB TU BYUNG BAS DBEN PA 'DOD CING DGON PAR PHYOGS TE GOM PA BDUN POR BA BSOD NAMS CHES MANG DU SKYED DO, ,'DIS CHES MYUR BAR BYANG CHUB 'THOB PAR 'GYUR RO, ,BLO GROS RGYA MTSOS ZHUS PA LAS KYANG, RAB TU BYUNG BA SHIN TU DON CHE BA NI PHAN YON NYI SHU'I THOB PA CHE BA LAS TE THAMS CAD MKHYEN PA RDZOGS PA'I BYANG CHUB 'THOB PA'O, ,'DI LTAR RGYAL SRID DANG LONGS SPYOD DANG 'KHOR DANG DBANG PHYUG 'DOR BAS NGA YI BA MED CING YONGS SU 'DZIN PA MED PA THOB PA DANG, KHYIM NAS 'BYUNG BAS NYON MONGS LAS 'BYUNG BA THOB PA DANG, NGUR SMIG 'DZIN PAS SEMS LA RNYOG PA MED PA DANG, 'PHAGS PA'I RIGS KYIS CHOG SHES PAS GSO SLA ZHING DGANG SLA BA DANG, SBYANGS PA'I YON TAN DANG YO BYAD BSNYUNGS PA LAS 'DOD CHEN DANG SDIG PA 'DOD PA SPANGS PA DANG, TSUL KHRIMS LA DGA' BAS LHA DANG MIR SKYE BA DANG, BYANG CHUB KYI SEMS MI 'DOR BAS PHA ROL TU PHYIN PA DRUG THOB PA DANG, DGON PAR GNAS PAS 'DU 'DZI DANG MI 'DRE BA DANG, GNOD PA MED PAS CHOS SEMS PA'I BDE BA DANG, BSAM GTAN GYI YAN LAG BSGRUBS PAS SEMS LAS SU RUNG BA DANG, THOS PA TSOL BAS SHES RAB CHE BA DANG, NGA RGYAL MED PAS YE SHES CHE BA DANG, DON DANG BYED PA NYUNG BAS CHOS RAB TU RNAM PAR 'BYED PA DANG, SEMS CAN LA SEMS MNYAM PAS BYAMS PA CHEN PO DANG, SEMS CAN THAR BAR 'DOD PAS SNYING RJE CHEN PO DANG, LUS DANG SROG LA MI LTA BAS DAM PA'I CHOS 'DZIN PA DANG, SEMS SBYANGS PAS MNGON PAR SHES PA DANG, SANGS RGYAS RJES SU DRAN PAS SANGS RGYAS MTHONG BA DANG, TSUL BZHIN YID LA BYED PAS CHOS RNAMS LAS SO @335B SOR RTOG PAS MI SKYE BA'I CHOS LA BZOD PA DANG, YON TAN THAMS CAD YONGS SU 'DZIN PA'I SBYOR BAS MYUR DU THAMS CAD MKHYEN PA 'GRUB PA THOB PA'O ZHES SO, `,DGON PAR GNAS PA'I NI, DE YANG DGON PAR GNAS PAS 'DU 'DZI DAG, SPONG ZHING RAB DBEN BSTEN SOGS RNAM BCU DANG,, GZHAN YANG BYA BA NYUNG ZHING 'DU 'DZI SPONG, ,RTZOD PA MED SOGS YON TAN RNAM BCU 'THOB, , 'JAM DPAL GYI ZHING GI BKOD PA LAS, DGON PAR GNAS PA'I YON TAN NI BCU STE, 'DU 'DZI SPONG BA DANG, RAB TU DBEN PA BSTEN PA DANG, BSAM GTAN LA DMIGS PA DANG, BYA BA NYUNG BA DANG, SANGS RGYAS RNAMS KYIS DGONGS PA DANG, LUS BDE BA DANG MI 'BRAL BA DANG, TSANGS PAR SPYOD PA'I BAR CHAD DU MI 'GYUR BA DANG, TSEGS CHUNG NGUS TING NGE 'DZIN 'THOB PA DANG, TSIGS DANG YI GE BSTAN PA CHUD MI ZA BA DANG, JI LTAR THOS PA'I CHOS RNAMS KYI DON SHES PAR 'GYUR BA'O ZHES SO TING NGE 'DZIN GYI RGYAL PO LAS KYANG, DGON PAR GNAS PA'I LEGS PA BCU STE, BYA BA NYUNG BA DANG, 'DU BA RING DU SPONG BA DANG, RTZOD PA MED PA DANG, GNOD PA MED PA DANG, ZAG PA MI 'PHEL BA DANG, RTZOD PA'I GZHI MI BYED PA DANG, ZHI BAR SPYOD PA DANG, SHIN TU BSDAMS PAR GNAS PA DANG, THAR PA DANG MTHUN PA'I SEMS KYI RGYUD THOB PA DANG, MYUR DU RNAM PAR GROL BA 'THOB PA'O, ,DGON PAR GNAS NAS KYANG BSOD SNYOMS BYED PA'I LEGS PA BCU STE, SHES KYI KHE DANG RNYED PA DANG BKUR STI MI 'DOD PA DANG, 'PHAGS PA'I RIGS LA GNAS PA DANG, TSUL 'CHOS DANG KHA BSAG MED PA DANG, BDAG BSTOD GZHAN SMOD MED PA DANG, RJES SU CHAGS PA DANG KHONG KHRO BA MED PAR GZHAN GYI KHYIM DU SPYOD PA DANG, ZANG ZING MED PAR CHOS SBYIN PAR BYED PA DANG, SBYANGS PA'I YON TAN DANG YO BYAD BSNYUNG BA LA GNAS SHING CHOS BZUNG BAR 'GYUR BA'O ZHES SO,, `ZAB MO LA MOS PA'I YON TAN NI, SANGS RGYAS RNAMS KYI SPYOD PAR GNAS LA SOGS, ,ZAB MO'I CHOS LA MOS PA'I YON TAN BCU, ,GZHAN YANG STONG PAR MOS SOGS RNAM PA BZHIS, ,ZAB MO'I BZOD PAS KUN MKHYEN RAB RDZOGS BYED, ,TING NGE 'DZIN GYI RGYAL PO LAS STONG PA YID LA GNAS @336A PA'I LEGS PA BCU STE, SANGS RGYAS KYI SPYOD PA LA GNAS PA DANG ,MI GNAS PAR BSAM GTAN BYED PA DANG ,SKYE BA LA MI SMON PA DANG ,TSUL KHRIMS LA MI SNYEMS PA DANG ,'PHAGS PA LA MI SKUR BA DANG ,MI 'GAL BAR GNAS PA DANG ,DNGOS PO MI DMIGS PA DANG DBEN PAR GYUR PA DANG ,SANGS RGYAS LA MI SKUR BA DANG ,DAM PA'I CHOS YONGS SU 'DZIN PA'O, ,DE LA NANG DU YANG DAG 'JOG PA'I LEGS PA'ANG BCU STE, SEMS RNYOG PA MED PA DANG ,BAG YOD PAR GNAS PA DANG ,SANGS RGYAS RJES SU DRAN PA DANG ,SPYOD PA LA DAD PA DANG , YE SHES LA NEM NUR MED PA DANG ,SANGS RGYAS LA BYAS PA GZO BA DANG ,CHOS MI SPONG BA DANG ,SHIN TU BSDAMS PAR GNAS PA DANG, DUL BA'I RJES SU THAB PA DANG, SO SO YANG DAG PAR RIG PA BZHI THOB PA'O ZHES SO, ,BYAMS PA SENGGE'I SGRA LAS KYANG, CHOS BZHI DANG LDAN NA SBYIN PA LA SOGS PA LA KUN TU 'DZIN PA MED PAR SANGS RGYAS KYI GNAS PA ZAB MO LA BZOD CING BLA NA MED PA'I YE SHES YONGS SU RDZOGS PAR BYED DE, STONG PA NYID LA MOS PA DANG, DBEN PAR GNAS PA DANG, ZAB MO LA BZOD PA DANG, TSUL BZHIN YID LA BYED PA'O ZHES SO, `,GZHAN YANG LA LAS STONG GSUM GANGGE'I BYE SNYED KUN, ,THUB SKU RIN CHEN BDUN BYAS RI RAB TZAM, ,BKANG BAS GANG DAG SANGS RGYAS SKU LA NI, ,LEGS RTOG ZAB MO BZOD PA'I CHAR MI PHOD, ,DE YANG RGYAL SKU SEMS SOGS RNAM SPANGS SHING, ,MING TZAM NYID KYIS NGO BO NYID STONG LTAR, ,CHOS RNAMS KUN DANG SANGS RGYAS MTSAN NYID KYANG, ,DE 'DRAR RTOGS PAS DON CHEN KUN 'GRUB 'GYUR, ,MDO SDE NYID LAS, GANG LA LAS SANGS RGYAS KYI SKU RI RAB TZAM PA RIN PO CHE BDUN LAS LEGS PAR RDZOGS PAR BYAS PAS STONG GSUM GANGG'A'I BYE MA SNYED 'DAB CHAGS SU BKANG BA BAS NI GANG GIS SANGS RGYAS KYI SKU LA RTOG PA THA NA SE GOL GTOGS PA SRID TZAM CHOS ZAB MO LA BZOD PA BSOD NAMS CHES MANG NGO, ,DE BAS KYANG TSUL KHRIMS LA GNAS NAS TSIGS SU BCAD PA GCIG GI DON RTOGS PAR BYED PA'AM SEMS CAN GCIG TZAM LA YANG STON PA BSOD NAMS @336B CHES MANG NGO, ,SKU GZUGS LA JI LTAR BRTAG CE NA, BYANG CHUB SEMS DPA' BRTZON 'GRUS CHEN PO LTAR TE, SNGON BSKAL PA DPAG TU MED PA NA RGYAL BA SKAR 'OD 'DAS PA'I TSE BYANG CHUB SEMS DPA' DE BRAM ZE'I BU GZUGS BZANG PO ZHIG TU SKYES SO, ,DE NA DGE SLONG RNAMS BYA BA MANG POS SBAGS PA PHAL CHE STE YANG DAG PAR ZHUGS PA NYUNG BAS, SKU GZUGS MANG PO 'BRI BA NA GCIG GIS DAR LA LEGS PAR BRIS PA ZHIG KHYER BA BYANG CHUB SEMS DPA' DES MTHONG NAS, SANGS RGYAS KYI GZUGS BRNYAN YANG 'DI LTAR MDZES NA, DNGOS LTA CI SMOS TE BDAG KYANG 'DI LTAR GYUR NA CI MA RUNG, KHYIM NA GNAS PAS NI 'DI LTA BU BSGRUB PAR MI NUS PAS NA RAB TU 'BYUNG NGO SNYAM NAS PHA MA LA ZHUS PAS MA GNANG BA NA, SA RTE CHEN PO BYAS TE ZHAG BDUN ZAN BCAD PA DANG, LHA ZHIG GIS BSKUL BAS GNANG NAS SKU GZUGS DE KHYER TE DGON PA ZHIG TU SONG NAS DE BKRAM PA'I MDUN DU RTZVA'I STAN LA SKYIL KRUNG BYAS SHING, 'DI LTAR MDZES PA NI NGO MTSAR CHE BAS GANG GIS SANGS RGYAS NYID MTHONG BA NI DPAL YON CAN NO, ,SANGS RGYAS DE JI LTAR BLTA BAR BYA SNYAM PA DANG, NAGS KHROD DE'I LHA ZHIG NA RE SANGS RGYAS NI SKU GZUGS 'DI JI LTA BAR BLTA BAR BYA STE DE LTAR MTHONG NA LEGS PAR MTHONG BA'O ZHES SO, ,DE NAS DE JI LTAR BLTAS NA SANGS RGYAS MTHONG BAR 'GYUR BAR SKU GZUGS 'DI BLTA BAR BYA SNYAM STE, JI LTAR 'DI SEMS PAR MI BYED RNAM PAR SHES PAR MI BYED PA LTAR CHOS THAMS CAD KYANG STE, SANGS RGYAS KYANG MTSAN NYID DE LTA BU'O, ,JI LTAR 'DI MING TZAM DU ZAD PA LTAR CHOS THAMS CAD KYANG YIN LA, MING DE'ANG NGO BO NYID KYIS STONG ZHING RANG BZHIN GYIS G-YO BA MED PA STE, SANGS RGYAS KYANG MTSAN NYID DE LTA BU'O, ,JI LTAR 'DI LA THOB PA DANG MNGON PAR RTOGS PA DANG 'GRO BA DANG 'ONG BA DANG SKYE BA DANG 'GAG PA DANG DAG PA DANG MA DAG PA DANG 'DAS PA DANG MA 'ONGS PA DANG DA LTAR BA DANG PHUNG PO LA SOGS PA'I SPROS PA THAMS CAD MED PA LTAR, CHOS THAMS CAD DANG SANGS RGYAS KYANG MTSAN NYID DE LTA BU'O ZHES RTOG PAS, NYIN MTSAN DU SKYIL KRUNG MA BSHIG PAR MNGON SHES LNGA DAG TSANGS PA'I @337A *, ,GNAS BZHI DAG SPOBS PA THOGS PA MED PA THOB PA STE, KUN TU SNANG BA'I TING NGE 'DZIN YANG THOB PAS LHA'I MIG GIS PHYOGS BCU'I SANGS RGYAS GRANGS MED PA MTHONG ZHING, LHA'I RNA BAS DE THAMS CAD KYI CHOS THOS TE MNYES PAR BYAS SO, ,DE NGUR SMRIG KYANG MA BGOS SANGS RGYAS KYANG MA MTHONG BSLAB PA YANG MA BLANGS MOD KYI DAD PA NYID KYIS YE SHES THOB CING BSLAB PAR 'DOD PAR GYUR PA LA LTOS CES SO, `,DE GSUM GYI YON TAN MDOR BSDUS PA NI, GZHAN YANG BDAG GIS BYAS PA'I LAS RNAMS NI, ,CHUD MI ZA SOGS LEGS BSNGAGS LNGA PA GSUM, ,MTHONG BAS RAB BYUNG LUS SROG MI LTA SOGS, ,RNAM BZHIS NAGS DANG DGON PA BAS MTHAR GNAS, ,DE NI THUB BSNGAGS 'GRO LA SNYING RJE YIS, ,DMIGS SOGS YON TAN BZHI LDAN 'PHAGS RIGS DANG, ,SBYANGS PA BCU GNYIS LA GNAS YON TAN MCHOG ,GSUM PA GNYIS KYIS YANG DAG BRGYAN PAR 'GYUR, ,'PHAGS PA'I RIGS KYIS CHOG 'DZIN LA SOGS PA, ,YON TAN BRGYAD KYIS RAB BYUNG DON RDZOGS BYED, ,BDAG GI NGO BOS CHOS KUN RJES 'GRO SOGS, ,BCU PA GNYIS KYIS ZAB MO'I TSUL GNAS TE,,RTAG CHAD MTHA' SPONG RTEN 'BREL LA 'JUG CING, ,LTA GYUR KUN SPANGS DBU MA'I LAM GYIS 'GRO, RGYA MTSOS ZHUS PA LAS, RAB TU BYUNG BA'I PHAN YON LNGA STE DE LA MOS PAS, BDAG GIS LAS BYAS PA CHUD MI ZA BA DANG, RANG GIS BYAS PA'I BAG CHAGS BSGO BA DANG, YONGS SU 'DZIN PA THAMS CAD LAS SEMS GTONG BA DAG, SANGS RGYAS KYIS BDAG SMAD PAR MI 'GYUR BA DANG, RANG GROL NAS NYON MONGS PAS BCINGS PA'I SEMS CAN THAR PAR BYA BA'I PHYIR CHOS BSGRUB PAR 'GYUR BA'O, , YANG LNGA STE TSUL KHRIMS 'CHAL PA RNAMS SMIN PAR BYA BA'I PHYIR TSUL KHRIMS DANG MTHUN PA DANG, THOS PA NYUNG BA SMIN PAR BYA BA'I PHYIR THOS PA DANG MTHUN PA DANG, SEMS G-YENGS PA SMIN PAR BYA BA'I PHYIR TING NGE 'DZIN DANG MTHUN PA DANG, SHES RAB 'CHAL PA SMIN PAR BYA BA'I PHYIR SHES RAB DANG MTHUN PA DANG, MYA NGAN LAS 'DAS PA'I LAM LA SEMS CAN 'GOD PAR BYA @337B BA'I PHYIR RNAM PAR GROL BA'I YE SHES DANG MTHUN PA'O, ,YANG LNGA STE, PHUNG PO LNGA SHES PA'I PHYIR NGA RGYAL BCOM PA DANG, KUN 'BYUNG SPANG BA'I PHYIR SRED PA BCOM PA DANG, 'GOG PA THOB PA'I PHYIR ZHI BA DANG RAB TU ZHI BA DANG NYE BAR ZHI BAR BYED PA DANG, LAM GYI YAN LAG BRGYAD BSGOM PA'I PHYIR LAM LA 'JUG PA DANG, BDEN PA BZHI LA SEMS CAN 'GOD PA'I PHYIR BDEN PA LA 'JUG PA'O, , CHOS BZHIS NAGS 'DAB DANG BAS MTHAR GNAS PA STE, LUS DANG SROG LA MI BLTA BA DANG, DGE BA'I CHOS THAMS CAD LA BLTA BA DANG, MNGON PAR SHES PA BSKYED PAR 'DOD PA DANG, SPYOD LAM ZHI BAS LHA DANG MI MGUR BAR BYED PA'O, ,DE'I PHAN YON BZHI STE, DGON PA NI SANGS RGYAS KYIS BSNGAGS PA STE, DER SEMS CAN LA SNYING RJES DMIGS PA DANG, BYANG CHUB KYI SNYING PO'I RGYAN BSAGS PAR BYA'I NYON MONGS PA MA YIN PA DANG, YONGS SU SBYANG BAR BYAS PA'I BYANG CHUB SEMS DPA' DU MA'I RJES SU BSLAB DGOS PA DANG, DER CHOS THAMS CAD BSGRUBS NAS GRONG LA SOGS PAR SEMS CAN RNAMS LA CHOS BSTAN PAR BYA'O SNYAM PAS SO, ,DER YANG 'PHAGS PA'I RIGS DANG SBYANGS PA'I YON TAN LA GNAS PA'I PHAN YON YANG DAG PHUL BYUNG GSUM STE, DGA' BA DANG MI DGA' BA RNAMS LA MI LTA BAS 'DU 'DZI'I BYA BA MED PA DANG, SEMS RAG LAS PA MED CING GAR 'DOD PAR 'GRO BAS RANG DBANG DANG THA MAL PAR GNAS PA DANG, SEMS CAN THAMS CAD MNYAM PA NYID DU SEMS PAS DE'I TING NGE 'DZIN MYUR DU SKYE BA'O, ,YANG GSUM STE, TSUL 'CHOS MED PA DANG, KHA GSAG MED PA DANG, SGRUB CING 'DUG PA NA KHYIM LA LTA BA MED PA'O, ,DER YANG CHOS BRGYAD KYIS RAB TU BYUNG BA'I YON TAN RDZOGS PAR BYED DE, 'PHAGS PA'I RIGS KYIS TSOG PAR 'DZIN PA DANG, SBYANGS PA'I YON TAN DANG YO BYAD BSNYUNG BAR GNAS PA DANG, MANG DU THOS PA DANG, SEMS NGES PAR SEMS PA LA DGA' BA DANG, BYANG CHUB KYI BSAM PA LA MA RMONGS PA DANG, DRAN PA NYE BAR BZHAG PAS GNAS PA DANG, TING NGE 'DZIN DANG SHES RAB SGOM PA'I SBYOR BA LA BRTZON PA DANG, BRTZAMS PA THAMS CAD BSGRUB PA'I SNYING POR @338A BYED PA'O, ,YON TAN RNAM PA BCUS ZAB MO'I CHOS KYI TSUL LA GNAS PA STE, BDAG GI NGO BOS CHOS THAMS CAD KYI RJES SU 'GRO BA DANG, BDAG RNAM PAR DAG PAS CHOS THAMS CAD RNAM PAR DAG PAR RJES SU 'JUG PA DANG, BDAG NYID LA BDAG MED PAS CHOS THAMS CAD BDAG MED PA LA MOS PA DANG, BDAG STONG BAS CHOS THAMS CAD STONG PAR SOM NYI MED PA DANG, BDAG DBEN PAS CHOS THAMS CAD DBEN PAR RJES SU 'JUG PA DANG, BDAG ZHI BAS CHOS THAMS CAD ZHI BAR RTOG PA DANG, BDAG JI LTA BA BZHIN PAS CHOS THAMS CAD JI LTA BA BZHIN KHONG DU CHUD PA DANG, BDAG ZAB PAS CHOS THAMS CAD ZAB PAR NGES PAR SEMS PA DANG, BDAG BEMS PO YIN PAS CHOS THAMS CAD BEMS POR NGES PAR RTOG PA DANG, BDAG BZUNG DU MED PAS CHOS THAMS CAD BZUNG DU MED PAR SHES PA'O, ,YANG RNAM PA BCU STE, RNAM PAR BSGRUBS PA'I MTSAN NYID KYIS CHOS THAMS CAD SGYU MA LTA BUR SHES PA DANG, PHYIN CI LOG LAS BYUNG BAS RMI LAM LTA BU DANG, PHYIN CI LOG TU 'DU SHES PAS SMIG RGYU DANG, RGYU DANG RKYEN LAS SKYES PAS MIG YOR DANG, 'PHO BA MED PAS CHU ZLA DANG, YUL LAM PHYOGS NA MI GNAS SHING NGO BO NYID MED PAS BRAG CHA DANG, SKAD CIG KYANG MI SDOD PAS SPRIN NAM GLOG DANG, 'DOD PA DANG SDANG BA DANG RMONGS PAS CHAGS PAR MI 'GYUR BAS 'JA' TSON DANG, GLO BUR GYI NYON MONGS PAS NYON MONGS PA CAN DU MI 'GYUR BAS RANG BZHIN GYIS DAG PA DANG, SKYE BA DANG 'JIG PA DANG, GNAS PA DANG BRAL BAS CHOS THAMS CAD NAM MKHA' LTA BUR SHES PA'O, ,RNAM PA GNYIS KYIS CHAD PAR LTA BAR MI LTUNG STE, LAS KYI BYA BA LA 'JUG PA SHES PA DANG, SANGS RGYAS KYI CHOS THAMS CAD RNAM PAR BSGRUB PA SHES PA'O, ,GNYIS KYIS RTAG PA'I LTA BAR MI LTUNG STE, MI RTAG PAR 'JUG PA SHES PA DANG, SKYES NAS ZHIG CING ZHU STE MI GNAS PAR SHES PA'O, ,CHOS BZHIS RTEN CING 'BREL PAR 'BYUNG BA LA 'JUG PAR MKHAS PA STE, LUGS SU 'BYUNG @338B BA DANG, LUGS LAS LDOG PA LA 'JUG PA DANG, CHAD LTAR MI LTUNG BA DANG, RTAG LTAR MI GNAS PA'O, ,CHOS BZHIS LTA BAR GYUR PA THAMS CAD DU MI LTA BA STE, STONG PA SHES PAS BDAG DANG SEMS CAN DU MI LTA BA DANG, MTSAN MA MED PA SHES PAS SROG DANG GANG ZAG TU MI LTA BA DANG, SMON PA MED PA SHES PAS 'BYUNG BA DANG 'JIG PAR MI LTA BA DANG, RTEN 'BREL SHES PAS CHAD PA DANG RTAG PAR MI LTA'O, ,ZHES SO, `,DKON MCHOG GI RTEN DANG MCHOD PA BYED PA'I YON TAN NI, RIN CHEN LA SOGS BDE GSHEGS SKU GZUGS SAM, ,MCHOD RTEN MDZES SHING YID 'ONG GANG BYED DANG, ,DE BZHIN MCHOD PA SNA TSOGS GANG BYED PAS, ,TING 'DZIN MCHOG SOGS YON TAN DPAG MED THOB, ,GZHAN YANG BSAM DGE DAD LDAN SGYU MED PAS, ,MAR ME CHUNG NGU GLOG 'DRA PHUL BA'I YANG, ,BSOD NAMS DPAG MED RGYAL BAS MKHYEN PAR ZAD, , TSE 'DI NYID LA NGES SEMS RNAM GSUM DANG, ,'CHI TSE SNANG BA GSUM SOGS RNAM MANG THOB, , GZHAN YANG YONGS DAG BZHI DANG 'DUN 'GYUR BA'I, ,CHOS MCHOG BRGYAD SOGS SKYE BA KUN TU THOB, , RGYAL LA DAD PAS THAL SBYOR PHYAG 'TSAL GANG, ,GZUGS SOGS MCHOG TU BYUNG BA RNAM BRGYAD THOB, ,MCHOD RTEN BYI DOR BYED GSO MCHOD BYED PAS, ,MNGON SHES MYUR THOB BYI DOR BYED PAS NI, ,GZUGS DANG DAL 'BYOR YANG DAG BLANGS BRTAN DANG, ,SANGS RGYAS LTA LA SMON LAM MCHOG BZHI'ANG THOB, ,DAD LDAN DAG GIS NYIN ZHAG BDUN DU NI, ,GSO SBYONG LA GNAS KUN SPYOD GTZANG MA YIS, ,THUB MCHOG SMAN BLA'I SKU GZUGS DUS DRUG TU, ,MCHOD SOGS CHOGS DON RNAMS THAMS CAD 'GRUB, ,YANG DAG BLANGS DANG 'GAL BAR MI BYED SOGS, ,RNAM BZHIS SANGS RGYAS MCHOD PAR BYED PA YIN, ,BZOD NAS RAB ZHI RTZOM PA KUN 'DAS PA, , MCHOD PA'I MTHAR THUG SPOS SOGS DE DON NYID, ,TING NGE 'DZIN GYI RGYAL PO LAS, SANGS RGYAS GZUGS NI SHIN TU MDZES PA DAG ,RIN CHEN BYI DOR LEGS PAR BYAS PA YANG, ,BLTA NA SDUG CING SHIN TU BZANG PO YIS, ,RING POR MI THOGS TING 'DZIN MCHOG SOGS THOB, ,DE @339A MI GCOD PA, MA BYIN PAR MI LEN PA DANG, RANG GI CHUNG MA LA'ANG LOG PAR MI SPYOD PA DANG, CHANG SPONG BA DANG, DBYIG BA LA SOGS PAS MI 'TSE BA'O, ,NGAG GIS NI MA MTHONG BA DANG, MA THOS PA MI BRJOD PA DANG, MTHONG BA DANG THOS PA DRIS KYANG DUS MA YIN PAR MI SMRA BA DANG, DE DAG DRIS NA BDEN PAR SMRA BA DANG, RANG NGAM GZHAN DON DU'ANG LOG PAR MI SMRA BA DANG, GZHAN GYI BRDZUN DU SMRAR BCUG KYANG BDEN PA BSRUNG BA DANG, GZHAN DBYE BA'I PHYIR 'DIR THOS PA PHA BIR DANG PHA BIR THOS PA 'DIR MI SNYOD PA DANG, MTHUN PA BCUGS PA BSKYED PA DANG, DBYE BA'ANG BZLUM MO, ,GZHAN LA ZHER 'DEBS PA DANG, RTZUB PA DANG, BRLANG BA DANG, MI 'DOD PA DANG, MI DGA' BA DANG, GNOD PA'I TSIG SPANGS NAS MNYEN PA DANG, 'JAM PA DANG, PHAN PA DANG, YID DU 'ONG BA DANG SNYAN PA DANG DGRA ZHI BAR BYED PA SMRA BA'O, , SPANG BAR BYA BA RNAMS MI SMRA ZHING GZHAN GYI LAG RTZIS DANG BRDA' MI SPROD LA, MANG DU MI SMRA DUS MA YIN PAR MI SMRA'O, ,YID NI BRNAB SEMS DANG GNOD SEMS DANG SDIG LTA SPONG BA'O, ,MDZA' BSHES KYANG DE RNAMS SPANGS PA BSTEN CING GONG DU'ANG SANGS RGYAS DANG BYANG CHUB SEMS DPA' DANG RANG RGYAL DANG NYAN THOS DAG BSTEN PA'O, ,THEG PA CHEN PO BAS SANGS RGYAS KYI MCHOD RTEN LA MAR ME PHUL NA SKYE BA THAMS CAD DU 'DUN PAR 'GYUR BA'I CHOS KYI MCHOG BRGYAD 'THOB STE, SHA'I MIG MCHOG DANG, DRAN PA LTAR MTHONG BA DANG, DES 'BYED RDZOGS PAS LHA'I MIG DANG, SHES RAB RDZOGS PAS TSUL KHRIMS NYAMS PA MED PA DANG, BSOD NAMS BSAGS PAS MTHO RIS DANG, BSOD NAMS LEGS PAR BYAS PAS DAL 'BYOR DANG, SANGS RGYAS 'BYUNG BA MNYES BAR BYED PA DANG, 'KHOR LOS BSGYUR BA DANG BRGYA BYIN DANG TSANGS PA THOB PA'O, ,YANG BRGYAD STE SANGS RGYAS KYI SPYAN DANG, SPOBS PA DANG, RDZU 'PHRUL DANG, TSUL KHRIMS DANG, TING NGE 'DZIN DANG, SHES RAB DANG, RNAM PAR GROL BA DPAG TU MED PA DANG, SEMS CAN GYI SEMS DANG BSAM PA DPAG TU MED PA LA 'JUG PA'O, , @339B CHOS STON PA LA PHUL NA TSOGS DPAG TU MED PA BRGYAD THOB STE, DRAN PA'I TSOGS DANG, BLO GROS DANG, DAD PA DANG, BRTZON 'GRUS DANG, SHES RAB DANG, TING NGE 'DZIN DANG, SPOBS PA DANG, BSOD NAMS KYI TSOGS DPAG TU MED PA'O, ,SANGS RGYAS LA DAD PAS THAL MO SBYAR NA MCHOG TU BYUNG BA BRGYAD THOB STE, GZUGS MCHOG TU BYUNG BA DANG, G-YOG 'KHOR DANG, TSUL KHRIMS DANG, LHA DANG MIR SKYE BA DANG, DAD PA DANG, SPOBS PA MCHOG TU BYUNG BA DANG, NYON MONGS PA MED PA'I 'PHAGS PA'I LAM DANG, BYANG CHUB MNGON PAR 'TSANG RGYA BA'O ZHES SO, , PHYOGS BCU'I MUN PA SEL PA LAS KYANG PHYOGS BCUR 'GRO BA NA SANGS RGYAS BCU LA PHYAG 'TSAL TE RJES SU DRAN PAR BYAS SHING MNGON DU BYAS NAS MA G-YENG BAR SONG NA 'JIGS PA MED CING DON 'GRUB BO, ,'DI LTA STE, SANGS RGYAS RJES SPYOD DANG, SEMS DANG PO BSKYED PA YID LA MDZAD PA RNAM GRANGS BSNYENGS PA DANG BAG TSA BA DANG BRAL BAS MNGON 'PHAGS RGYAL PO DANG, KHON DANG RGYAGS PA RNAM PAR GNON PA DANG, RIN CHEN GZUGS BKOD 'OD GNON DANG, BDUD DANG YID GNYIS KUN 'DZOMS RNAM GNON DANG, SEMS DANG PO BSKYED PAS PHYIR MI LDOG PA'I 'KHOR LO 'BYUNG BA'I DPAL DANG, RIN CHEN GDUGS 'PHAGS SNANG DANG, BYANG CHUB SEMS DPA' 'DUL DANG, SKRAG MED MUN BRAL TING 'DZIN MNGON 'PHAGS RGYAL PO DANG, DANG PO SEMS BSKYED PAS THE TSOM GCOD MDZAD NYON MONGS BSKYED LA PHYAG 'TSAL LO ZHES SO, ,SMAN GYI BLA'I SMON LAM LAS KYANG, DAD PA'I RIGS KYI BU'AM RIGS KYI BU MOS SANGS RGYAS SMAN GYI BLA BEEd'URYA'I 'OD KYI RGYAL PO'I SKU GZUGS BYA, NYIN ZHAG BDUN BSNYEN GNAS LA GNAS PAR BYA, ZAS GTZANG MA ZA, GOS GTZANG MA BGO ,KHRUS BYA, PHYOGS GTZANG MA ME TOG BSIL MA BKRAM ZHING SPOS KYIS BDUG PA DANG GDUGS LA SOGS PAS BRGYAN PAR BYA, BYAMS PA'I SEMS DRI MA MED PAS ROL MO DANG GLU DBYANGS BLANG ZHING SKU GZUGS DE LA BSKOR BA BYA, SANGS RGYAS DE'I SMON LAM YID LA BYA, MDO 'DI'ANG BLTA BAR BYAS NA TSE RING BA LA @340A BZHIN GSER DAG DANG NI DNGUL DAG DANG, ,TZAN DAN GYI NI SKU GZUGS BZANG PO DAG ,MDZES SHING SHIN TU BLTA NA SDUG BYAS NA, ,RING POR MI THOGS TING 'DZIN MCHOG SOGS THOB, ,'JIM PA DANG NI DE BZHIN RDO BA DANG, ,SHING DANG RI MOR BRIS PA'I SKU GZUGS DAG , MDZES SHING SHIN TU BLTA NA SDUG BYAS NA, ,RING POR MI THOGS TING 'DZIN MCHOG SOGS THOB, , GDUGS DANG RGYAL MTSAN BLA RE BA DAN MCHOG ,PHYE MA BYUG PA MANG PO KUN THOGS TE, ,RTAG TU BDE BAR GSHEGS LA MCHOD BYAS NA, ,RING POR MI THOGS TING 'DZIN MCHOG SOGS THOB, ,SPOS MCHOG PHRENG BA ME TOG SDUG GU DANG, ,ROL MO SIL SNYAN MANG PO RAB THOGS TE, ,RGYAL BA'I MCHOD RTEN DAG LA MCHOD BYAS NA, ,RING POR MI THOGS TING 'DZIN MCHOG SOGS THOB, ,GLU GAR BZANG PO SNA TSOGS MANG PO DANG, ,YID GCANG BZHAD GAD ROL MO BZANG PO DANG, ,LHAG PAR MAR ME'I PHRENG SDUG BZANG PA YIS, ,MTSUNGS PA MED LA MCHOD BZANG RAB TU BYA, ,'KHAR RNGA DANG NI SGRA SNYAN RDZA RNGA BRGYA, ,RNGA DANG GLING BU'I SGRA MCHOG SNA TSOGS DANG, ,SGRA SNYAN ROL MO'I YON TAN SNA TSOGS KYIS, ,DANG BA'I YID LDAN 'DREN PA MCHOD PAR BYA ZHES SO, ,MAR ME 'BUL BA'I MDO LAS KYANG DANG BA DANG LDAN PA SGYU MED PA DAG GIS SANGS RGYAS KYI YON TAN NGES PAR SEMS PAS DGE BA'I BSAM PAS, MAR ME CHUNG NGU THA NA MCHOD RTEN GYI THEM SKAS TZAM MAM BSKOR SA TZAM MAM SMAD DAG THA NA BAR SKABS GANG YANG RUNG BA ZHIG SNANG BA'I MAR ME DE'ANG RLUNG LA SOGS PAS MOD DU SHI STE GLOG BYUNG NAS NUB PA MYUR DU 'BYUNG BA'I RJES SU 'BRANG BA DES MTHONG NAS MIG THIBS CES BYED PA DE TZAM 'BUL BA'I BSOD NAMS KYANG DPAG TU MED DA SANGS RGYAS NYID KYIS MKHYEN PAR ZAD DO, ,CHOS BZHIS NI DAD PAS RTOGS PAR BYA BA STE, SANGS RGYAS KYI CHOS DPAG TU MED PA DANG, DGE BA'I RTZA BA CHUNG NGU'I RNAM PAR SMIN PA DPAG TU MED PA DANG, DKON MCHOG GSUM LA DAD PA'I LAS BYED PA'I RNAM PAR SMIN PA DANG, SEMS CAN GYI LAS KYI RNAM PAR SMIN PA BSAM @340B GYIS MI KHYAB PA'O, ,DAD PAS MAR ME PHUL NA TSE 'DI NYID LA NGES PAR SEMS PA GSUM THOB STE, SANGS RGYAS LA MCHOD PA BYAS PAS SNYING PO MED PA'I LUS DANG LONGS SPYOD LAS SNYING PO THOB PA DANG, BSOD NAMS KYI ZHING BLA NA MED PA YON GNAS MCHOG LA MCHOD PA BYAS PAS NGAN SONG GI 'JIGS PA MED CING, MTHO RIS DANG, MIG DANG, LONGS SPYOD DANG BYANG CHUB STE 'GRO BA BDE BA LNGA THOB PA DANG, SBYIN PA BYAS SHING BSOD NAMS BYAS LA SER SNA SPANGS PAS DGA' BA THOB PA'O, , ,YANG DES 'CHI BA'I TSE SNANG BA GSUM THOB STE, DGE LOGS BYAS PAS RJES SU DRAN PA DANG, SANGS RGYAS MCHOD PA BYAS SO ZHES DGA' BAS SANGS RGYAS RJES SU DRAN PA YANG SKYE BA DANG, PHYIS KYANG DGE BA BYA'O ZHES CHOS RJES SU DRAN ZHING SDUG BSNGAL GYIS KYANG MI 'PHROGS PA'O, ,YANG BZHI STE, MDUN NA NYI MA 'CHAR BA DANG, ZLA BA NYA BA 'CHAR BA DANG, LHA'I 'KHOR GNAS PA DANG, SANGS RGYAS BYANG CHUB KYI SNYING PO LA BZHUGS TE MNGON PAR 'TSANG RGYA BA LA RANG DAD PAS THAL MO SBYOR BAR MTHONG BA'O, ,YANG MCHOD RTEN LA MAR ME PHUL BAS SUM CU RTZA GSUM DU LHA'I RNAM PAR DAG PA LNGA THOB STE, LUS DAG PA DANG, LHA'I MTHU RGYA CHEN PO DANG, DRAN PA DANG SHES BZHIN DAG PA DANG, SGRA SNYAN PA THOS PA DANG, 'KHOR YID BDE BA MANG BA DANG LDAN PAR 'GYUR BA'O, ,MIG MED PAR NI NAM YANG MI 'GYUR ZHING, ,DE YI MIG NI NA BAR 'GYUR MA YIN, ,MIG GCIG MA YIN KHROG LONG MIG MA YIN, ,DE YI MIG LA MI GSAL MED PAR 'GYUR, ,MIG NI RING ZHING GNAG LA RNAM PAR GSAL, ,SRID PAR DE YI MIG NI DAG PAR 'GYUR, ,NOR BU 'OD BZANG LTAR NI DON ZHIB RTOGS, ,BSKAL PA GRANGS MED DAG TU NAM KYANG DE'I, ,SHA YI MIG NI NYAMS PAR MI 'GYURO, ,DE LA MIG NAD GANG YANG MI 'BYUNG STE, ,MAR ME PHUL BA'I RNAM SMIN DE YIN NO, ,DES 'DUN PA BZHI THOB STE, LUS KYI DANG, LONGS SPYOD KYI DANG, RIGS BTZUN PA'I DANG, SHES RAB KYI 'DUN PA STE, DE BZHIN THOB PA'I DON NO, ,YONGS SU DAG PA BZHI THOB STE, LUS DANG, NGAG DANG, YID DANG, MDZAS BSHES YONGS SU DAG PA'O, ,LUS NI SROG @341A SOGS PA GANG DU SMON PA 'GRUB BO, ,NAD CHEN POS ZIN PA'I DUS SU YANG NYIN MTSAN BDUN GSO SBYONG BLANG, DGE 'DUN LA TSOGS 'BYOR TSAD BSAGS, DUS DRUG TU SANGS RGYAS DE'I MTSAN YID LA BYA, MDO 'DI'ANG LAN BZHI BCU RTZA DGU 'DON, ZHAG BZHI BCU RTZA DGUR MAR ME 'BUL, SKU GZUGS BDUN BYA, RE RE LA MAR ME BDUN BDUN DBUL, MAR ME SHING RTA'I 'PHANG LO TZAM BYAS TE ZHAG BZHI BCU RTZA DGUR MI ZAD PAR BYA, TSON SNA LNGA'I BA DAN MTHO BZHI BCU RTZA DGU YAN CHAD PA BYA'O, ,DES NAD PA LUS 'DI NA NYAL YANG SEMS GSHIN RJES KHRID PA'ANG LDOG CING RMI LAM LTAR DRAN TE, ZHAG BDUN PHRAG GCIG GAm GSUM MAM LNGA'AM BDUN NA LDOG GO , SHI NAS JI LTAR LDOG CE NA, DUS MA YIN PAR 'CHI BA DGU LA SMAN DANG SNGAGS KYI SBYOR BA BSHAD PAS TE, NAD TSABS CHUNG YANG SMAN DANG RIM GRO MA TSANG NGAM SMAN PAS SMAN MA YIN PA BYIN PA DANG, RGYAL PO'I CHAD PA DANG , BAG MED PA LA MI MA YIN PAS MDANGS 'PHROG PA DANG, ME DANG CHU DANG, SENGGE LA SOGS PA DANG, G-YANG SA DANG, DUG DANG, BYAD DANG, RO LANGS DANG, ZAS SKOM MI RNYED PAS 'CHI BA'O, ,GNOD SBYIN GYI SDE DPON BCU GNYIS KYI GZUGS KYANG BRI STE, GNOD SBYIN JI 'JIGS DANG, RDO RJE DANG, RGYAN 'DZIN DANG, BZA' 'DZIN DANG, RLUNG DANG, GNAS BCAS DANG, DBANG 'DZIN DANG, BTUNG 'DZIN DANG, SMRA 'DZIN DANG, BSAM 'DZIN DANG, G-YO BA 'DZIN DANG, RDZOGS BYED DO ZHES SO, ,BYAMS PA SENGGE'I SGRA LAS KYANG, CHOS BZHIS SANGS RGYAS MCHOD PA'I MCHOG TU 'GYUR TE, BSLAB PA DANG 'GAL BAR MI BYED PA DANG, BYAMS PA'I LUS DANG NGAG DANG YID KYI LAS DANG, DKON MCHOG GSUM GYI GDUNG MI CHAD PAR BYA BA'I PHYIR BYANG CHUB KYI SEMS BSKYED PA DANG, JI LTAR THOS PA'I CHOS LA SO SOR RTOG PA'I NAN TAN NO, , GZHAN YANG BSAM PA DAG PA NI SANGS RGYAS MCHOD PA STE, BCOS MA MA YIN PA DANG G-YO MED PA'I PHYIR RO, ,DE BZHIN DU LHAG BSAM DAG PA NI DGE BA'I RTZA BA THAMS CAD LA LHAG @341B PAR DMIGS PAS SO, ,ZHE 'GRAS PA MED PA'I SEMS NI SEMS CAN THAMS CAD LA SEMS SNYOMS PAS SO, ,TSUL 'CHOS PA DANG KHA BSAG SPANGS PA NI SPYOD LAM DGE BAS SO, ,JI SKAD SMRAS PA BZHIN BYED PA NI 'JIG RTEN THAMS CAD LA MI SLU BA'O, ,'PHAGS PA'I RIGS KYIS CHOG SHES SHING SBYANGS PA'I YON TAN MI GTONG BA NI DAM BCAS PA BRTAN PAS SO, ,DBEN PA LA DGA' ZHING BRE MO'I GTAM SPONG BA NI SEMS YONGS SU 'DUL BAS SO, ,THOS PA'I CHOS LA TSUL BZHIN DU RTOG PA NI YANG DAG PA JI LTA BA BZHIN SHES PAS SO, ,BDAG DANG SEMS CAN LA SOGS PA MED PAR RTOGS PA NI GZOD MA NAS MA BYUNG BAS SO, ,RNAM PAR THAR PA'I SGO GSUM LA 'JUG PA NI DE DAG MNGON DU BYED PAS SO, ,RKYEN NYID 'DI PA LA 'JUG CING MTHAR LTA BA SEL BA NI RTAG CHAD DU LTA BA SPONG BAS SO, ,MA BYUNG BA DANG MA SKYES PAR BZOD PA NI SANGS RGYAS MCHOD PA STE RANG BZHIN GYIS MA BYUNG BA'I PHYIR RO, ,DES NA LUS DANG NGAG DANG YID KYI RTZOL BA NI MCHOD PA YONGS SU MA DAG PA YIN GYI DE GSUM GYI RTZOL BA MED PA NI MCHOD PA YONGS SU DAG PA'O, ,MNGON PAR 'DU BYA BA DANG BLANG DOR MED PA DANG, 'KHOR GSUm YONGS SU DAG PA DANG, DUS GSUm MNYAM PA NYID DANG, DRI MA GSUm SEL BA DANG, KHAMS GSUM LA MI BRTEN PA DANG, RNAM PAR THAR PA'I SGO GSUM LA 'JUG PA DANG, RIG PA GSUM SHES PA NI MCHOD PA YONGS SU DAG PA'O, ,ME TOG DANG SPOS LA SOGS PA NI BLA NA MED PA'I MCHOD PA DE NYID YONGS SU SBYONG BAR BYED PA TZAM STE, SHIN TU MTHAR THUG PA DANG DRI MA MED PA DANG TSANGS PAR SPYOD PA MTHAR THUG PA MA YIN NO ZHES SO, , `SANGS RGYAS RJES SU DRAN PA'I YON TAN NI, YON TAN TSOGS KYIS BDE GSHEGS SKU MCHOG NI, , RJES SU DRAN BYED MYUR BAR DON KUN 'GRUB, ,TSUL KHRIMS RNAM DAG RTZE GCIG YID BTUD NAS, ,JI SKAD THOS BZHIN MGON PO TSE DPAG MED, ,RJES DRAN BSGOM ZHING MI RTOG RLOM BYED PAR, ,MI DMIGS RNAM PAS YID LA BYED PA NI, ,'DREN PA MNGON SUM 'GYUR ZHING CHOS RNAMS KUN, ,SEMS KYI SPROS PAS RANG BZHIN DBEN RTOGS 'GYUR, ,TING NGE 'DZIN GYI @342A RGYAL PO LAS, RTAG TU YON TAN TSOGS LAS RGYAL BA DRAN, ,GSER MCHOG 'OD 'DRA SHIN TU 'OD MDZAD PA, ,MTSAN MA NAM MKHAR SKAR MAS GANG BA LTAR, ,THUB PA'I SKU NI MTSAN GYIS YONGS SU RGYAS, ,'CHAG CING 'DUG DANG 'GRENG DANG NYAL BA NA'ANG, , MI GANG THUB PA ZLA BA DRAN BYED PA, ,DE YI MDUN NA RTAG TU STON PA BZHUGS, ,DE NI RGYAL CHEN MYA NGAN 'DAS PAR 'GYUR, ,ZHES SO, ,DA LTAR GYI SANGS RGYAS MNGON SUM DU BZHUGS PA'I TING NGE 'DZIN LAS KYANG, TSUL KHRIMS RNAM PAR DAG PAS GCIG PU DBEN PAR 'DUG STE SANGS RGYAS TSE DPAG MED PHYOGS GANG NA BZHUGS SHING 'TSO LA BZHES NAS CHOS STON PA BSAM PAR BYA'O, ,DES JI SKAD THOS PA LTAR NUB PHYOGS KYI SANGS RGYAS KYI ZHING BYE BA PHRAG 'BUM 'DAS PA BDE BA CAN NA BZHUGS PA MA YENGS PAR YID LA BYA'O, ,DPER NA RMI LAM DU GSER DNGUL LAM MDZA' BO LA SOGS PA'I GZUGS MTHONG NAS DGA' RTZED BYED PA RMIS NAS, SAD NA DE DAG JI LTAR MTHONG BA DANG THOS PA DANG BYE BRAG PHYED PA GZHAN LA BRJOD CING DE DRAN PAS SRED PA SKYE BA LTAR, SANGS RGYAS DE JI LTAR THOS PA'I RNAM PAS YID LA BYED PA MI G-YENG BAR ZHAG GCIG NAS BDUN GYI BAR DU YID LA BYA'O, ,ZHAG BDUN MA YENGS PAR YID LA BYED PA DES 'DAS NA SANGS RGYAS DE MTHONG BAR 'GYUR RO, ,NYIN MO MA MTHONG NA'ANG RMI LAM DU ZHAL STON TO, ,RMI LAM NA MIG LA RTZIG PA LA SOGS PAS MI SGRIB PA LTAR DE LA'ANG 'JIG RTEN GYI BAR DANG RI LA SOGS PAS MI SGRIB STE, LHA'I MIG DANG RNA BA MA THOB CING RDZU 'PHRUL GYIS DER MA PHYIN KYANG 'DI NYID NA 'DUG BZHIN DU SANGS RGYAS DE MTHONG ZHING BDE BA CAN NA 'DUG PAR SHES LA CHOS KYANG THOS TE 'DZIN CING 'CHANG NGO, ,DE LA MCHOD PA DANG BKUR STI BYED DO, ,TING NGE 'DZIN DE LAS LANGS NAS JI LTAR THOS PA DE GZHAN LA'ANG 'CHAD DO, ,SANGS RGYAS DE'I YON TAN THOS NAS MI G-YENG BAR RJES SU DRAN PAR BYED CING LAN MANG DU YID LA BYED PAS DE MTHONG NGO, ,DE NAS CHOS GANG GIS ZHING DER SKYE BA ZHUS PAS, SANGS @342B RGYAS RJES SU DRAN PA MANG DU BSGOMS NA SKYE STE 'DI LTAR, DE BZHIN GSHEGS PA DGRA BCOM PA NAS SANGS RGYAS BCOM LDAN 'DAS CES BYA BA'I BAR GYI MTSAN SUM CU RTZA GNYIS DANG GSER GYI KHA DOG LTA BU'I SKU DANG LDAN PA, GSER GYI GZUGS GSAL LA 'TSER BA LEGS PAR GNAS PA DANG 'DRA BA, RIN PO CHE'I MCHOD SDONG LTAR BRGYAN PA, NYAN THOS KYI 'KHOR LA CHUD MI ZA BAR CHOS STON TE, SA DANG CHU DANG ME DANG RLUNG DANG, 'BYUNG PO DANG LHA DANG BRAM ZE DANG SKYE DGU'I BDAG PO CHUD MI GZON CING GZUGS LA SOGS PA LNGA CHUD MI GZON TO, ,DE NI SANGS RGYAS RLOM SEMS SU MI BYED MI DMIGS MI RTOG RNAM PAR MI RTOG STE, MI DMIGS PAR YID LA BYED PAS STONG PA NYID KYI TING NGE 'DZIN THOB PA DE NI SANGS RGYAS RJES SU DRAN PA'O, ,SANGS RGYAS DE GANG NA BZHUGS PAR THOS PA'I PHYOGS SU YID LA BYAS PAS MTHONG BA NA DNGOS PO'I 'DU SHES SU MI BYA'I NAM MKHA'I 'DU SHES SU BYA STE, NAM MKHA'I 'DU SHES 'DU SHES SU GNAS SHING SANGS RGYAS KYI 'DU SHES SHIN TU YID LA BYAS NA SANGS RGYAS BEEd'URYA'I SKU GZUGS LTA BU MNGON SUM DU MTHONG BAR 'GYUR RO, ,DPER NA DGE SLONG MI SDUG PA BSGOM PAS MDUN NA RNAM PAR BAM PA LA SOGS PA KENG RUS MTHONG NA DE GANG NAS KYANG MA 'ONGS GANG DU YANG MA SONG ZHING SUS KYANG MA BYAS SUS KYANG MA BKAG STE, SEMS RTZE GCIG PAS MTHONG BA LTAR, SANGS RGYAS KYIS YONGS SU BZUNG BA'I BYANG CHUB SEMS DPA' TING NGE 'DZIN 'DI LA GNAS PA YANG CHOS NYID KYIS SANGS RGYAS MTHONG BA STE, SEMS KYI MTHU DANG RANG GI DGE BA'I RTZA BA DANG TING NGE 'DZIN GSUM TSOGS PA'I CHOS NYID KYIS SO, ,DE LTAR KHAMS GSUM YANG SEMS TZAM STE, DE'ANG NANG NA YANG MED PHYI ROL NA YANG MED GNYI KA MED PAR YANG MI DMIGS TE GZHAN DU NA DMIGS PA LA BRTEN NAS SKYE'O, ,GANG RTEN 'BREL YIN PA DE DNGOS PO MED PA'O, ,GANG DNGOS PO MED PA DE DNGOS PO MED PA'O, ,GANG DNGOS PO MED PA DE MA SKYES PA'O, , GANG MA SKYES PA DE MI DMIGS PAS RANG BZHIN GYIS STONG PA'O, ,GANG RANG BZHIN @343A GYIS STONG PA DE GDAGS SU MED PA'O, ,GANG GDAGS SU MED PA DE BLTA BA'AM SHES PA'AM CHAGS PAR BYA BA'AM CHUD GZON PAR BYA BAR BZHAG PAR MI NUS SO, ,SEMS KYIS SANGS RGYAS BYED PA STE, ,SEMS NYID KYIS KYANG MTHONG BA'O, ,SEMS NYID NGA YI SANGS RGYAS TE, ,SEMS NYID DE BZHIN GSHEGS PA'O, ,SEMS NYID NGA YI LUS YIN TE, ,SEMS KYIS SANGS RGYAS MTHONG BA'O, ,SEMS NYID NGA YI BYANG CHUB STE, ,SEMS NYID RANG BZHIN MED PA'O, ,SEMS KYIS SEMS NI MI SHES SHING, ,SEMS KYIS SEMS NI MI MTHONG NGO, ,SEMS SU 'DU SHES MI SHES YIN, ,SEMS SU MI SHES MYA NGAN 'DA', ,CHOS 'DI THAMS CAD SNYING PO MED, ,RLOM SEMS LAS NI KUN 'BYUNG STE, ,STONG PA NYID LA GANG RLOM PA'I, , RLOM SEMS DE 'DIR STONG PA YIN ZHES SO, `,CHOS SMRA BA LA BSNYEN BKUR BYED PA'I YON TAN GYI DBANG DU BYAS NAS, CHOS SMRA BA LA BKUR STI BYED PA NI, ,LUNG BSTAN THOB CING 'CHI DUS NYER GNAS TSE, ,SANGS RGYAS MTHONG NAS LUS NGAG YID KYI LAS, ,YONGS DAG RNAM PA BCU BCU THOB PAR 'GYUR, ,BYAMS PAS ZHUS PA LAS, GANG ZHIG SANGS RGYAS KYI CHOS SMRA BA LA BKUR STI BYED PA LA SANGS RGYAS KYIS LUNG STON NO, ,DE 'CHI BA'I TSE SANGS RGYAS MTHONG NAS LUS KYI LAS YONGS SU DAG PA BCU THOB STE, TSOR BAS MA ZIN PAR 'CHI BA DANG, MIG MI 'KHRUL BA DANG, LAG PA MI G-YO BA DANG, RKANG PA MI 'PHRA BA DANG, GCIN MI STOR BA DANG, PHYI SA MI 'BYUNG BA DANG, SNYING GA MI RDUL BA DANG, KHU TSUR MI 'CHANG BA DANG, NAM MKHA' LA MI SNYOB PA DANG, JI LTAR 'DUG PA LTAR TSE 'PHO BA'O, ,NGAG GI LAS YONGS SU DAG PA'ANG BCU THOB STE, TSIG GI GDANGS SNYAN PA DANG, MNYEN PA DANG, 'JAM PA DANG, DGA' BA DANG, SNUM PA DANG, SLAR BZLOG PAR BYA BA MA YIN PA DANG, BZUNG BAR 'OS PA DANG, BTZUN PA DANG, LHA DANG MIS BZUNG BA DANG, SANGS RGYAS KYIS BZUNG BA'I TSIG GO, YID KYI YANG BCU STE, KHRO BA DANG, KHON DU 'DZIN PA DANG, 'CHAB PA DANG, 'TSIG PAR MI 'GYUR BAR DANG, NYES @343B PA LA MI DGA' BA DANG, KHON BCUG LA MI DGA' BA DANG, 'DU SHES PHYIN CI LOG TU MI 'GYUR BA DANG, SPONG BA LA BAG YOD PA DANG, MA ZHUM PA'I SEMS KYIS ZHING YONGS SU DAG PA 'DZIN PA DANG, NGA RGYAL MED PAR SANGS RGYAS KYI CHOS MNGON PAR BSGRUB PA'I TING NGE 'DZIN THOB PA'O ZHES SO, `,DAM PA'I CHOS 'DZIN PA'I YON TAN NI, DAM CHOS 'DZIN PAS SANGS RGYAS LA SOGS KYIS, ,YONGS BZUNG BZHI THOB RIM BZHIN DE DAG GI ,KHYAD PAR 'GYUR BA BZHI DANG RNAM DAG BZHI, ,RGYAN BZHI DANG NI SNANG BA BZHI RNAMS THOB, ,MA DROS PAS ZHUS PA LAS, DAM PA'I CHOS 'DZIN PAS YONGS SU BZUNG BA BZHI THOB STE, SANGS RGYAS KYIS YONGS SU BZUNG BA DANG, LHAS YONGS SU BZUNG BA DANG, BSOD NAMS KYIS YONGS SU BZUNG BA DANG, YE SHES KYIS YONGS SU BZUNG BA'O, ,DANG PO'I KHYAD PAR DU 'GYUR BA BZHI STE, SANGS RGYAS MTHONG BA DANG MI 'BRAL BA DANG, BDUD KYIS MI RDZI BA DANG, GZUNGS THOB PA DANG, MNGON PAR SHES PA MYUR BA'O, ,LHAS YONGS SU BZUNG BA'I RNAM PAR DAG PA BZHI STE, LHA RNAMS KYIS DE'I 'KHOR GYI DKYIL 'KHOR YONGS SU SBYONG BA DANG, CHOS NYAN PA LA RTZE GCIG TU 'JOG PA DANG, PHA ROL GYI GNOD PA LAS BSRUNG BA DANG, DE LA MA DAD PA DAG KYANG LHA RNAMS KYIS DAD DU 'JUG PA'O, ,BSOD NAMS KYIS BZUNG BA'I RGYAN BZHI STE, MTSAN DANG DPE BYAD RDZOGS PAS LUS KYI RGYAN DANG , SEMS CAN MGU BAR BYED PAS NGAG GI RGYAN DANG, BYA BA THAMS CAD STON PAS ZHING GI RGYAN DANG, BRGYA BYIN LA SOGS PAR SKYE BAS SKYE BA'I RGYAN NO, ,YE SHES KYIS BZUNG BA'I SNANG BA BZHI STE, SO SOR CI RIGS SU CHOS STON PAS SEMS CAN GYI DBANG PO SNANG BA DANG, CHOS KYI SMAN SBYOR BAS NYON MONGS PA'I NAD THAMS CAD SNANG BA DANG, ZHING GZHAN DU 'GRO BAS MNGON SHES SNANG BA DANG, CHOS THAMS CAD JI LTA BAR SHES PAS CHOS KYI DBYINGS SNANG BA'O, `,BAG YOD PA'I YON TAN NI, BAG YOD GNAS PAS BDUD LAS KUN SPONG ZHING, ,DRAN BLO LA SOGS STOBS BSKYED BCU DRUG PA'O, ,DE LA BRTEN PAS BDE BA KUN @344A 'DREN CING, ,PHA ROL PHYIN PA'I MI MTHUN PHYOGS KUN SPONG, ,NGAN 'GRO SOGS SPONG SANGS RGYAS BYANG CHUB DANG, ,GZHAN YANG BYANG CHUB PHYOGS KYI CHOS KUN THOB, ,MA DROS PAS ZHUS PA LAS, BAG YOD PA LA GNAS NA BDUD KYI LAS THAMS CAD MI 'BYUNG NGO, ,BAG YOD PAS NI BYANG CHUB SEMS DPAS STOBS BSKYED PA BCU DRUG THOB STE, DRAN PA'I STOBS BSKYED PA DANG, DE BZHIN DU BLO GROS DANG, RTOGS PA DANG, NGO TSA SHES PA DANG, MOS PA DANG, BSOD NAMS DANG, GZUNGS DANG, SPOBS PA DANG, GZUGS DANG, LONGS SPYOD DANG, LUS DANG, SEMS DANG, RDZU 'PHRUL DANG, CHOS STON PA DANG, BDUD TSAR GCOD PA DANG, NAN TAN GYI STOBS BSKYED PA'O, ,DRAN PAS NI SANGS RGYAS KYIS GSUNGS PA THAMS CAD 'DZIN TO, ,BLO GROS NI SANGS RGYAS KYIS GNANG BA DANG SEMS CAN GYIS MI PHYED PA'O, ,RTOGS PA NI SGRA'I DON THAMS CAD SHES PA'O, ,NGO TSA SHES PA NI SDIG PA SPONG ZHING DGE BA DANG LDAN PA'O, ,MOS PA NI SDUG BSNGAL SPONG BA DANG BYA BA MA YIN PA MI BYED PA'O, ,BSOD NAMS NI BDUD BYE BAS KYANG ZIL GYIS MI NON PA'O, ,GZUNGS NI SANGS RGYAS KYIS GSUNGS PA THAMS CAD MI BRJED CING STON PA'O, ,SPOBS PA NI NGES PA'I TSIG DU MAS RGYUN DU 'CHAD PA'O, ,GZUGS NI BRGYA BYIN LA SOGS PA MOG MOG POR BYED PA'O, , LONGS SPYOD NI LAG NA RIN PO CHE MI ZAD PA'O, ,LUS NI GZHAN GYI GNOD PAS MI RDZI BA'O, ,SEMS NI SEMS GCIG GIS SEMS CAN THAMS CAD KYI SEMS SHES PA'O, ,RDZU 'PHRUL NI DES 'DUL BA LA CHO 'PHRUL GYIS CHOS STON PA'O, ,CHOS BSTAN PA NI 'TSAM PA BSTAN PAS THAMS CAD SDUG BSNGAL LAS SGROL BA'O, ,BDUD TSAR GCOD PA NI SANGS RGYAS KYI CHOS LA BYA BA MI 'DOR BA'O, , YON TAN GYI STOBS KYIS NI JI SKAD SMRAS PA BZHIN BYED PA'O, ,RGYA MTSOR CHU THAMS CAD 'BAB PA LTAR BAG YOD PAR DKAR PO'I CHOS THAMS CAD 'DU BA'O, ,SA LAS SA BON THAMS CAD SKYE BA LTAR BAG YOD PA LAS DGE BA'I CHOS THAMS CAD SKYE'O, ,'KHOR LOS BSGYUR BA'I @344B RGYAL PO LA SEMS CAN THAMS CAD DGA' BA LTAR BYANG CHUB SEMS DPA' BAG DANG LDAN PA LA LHA DANG BCAS PA'I 'JIG RTEN THAMS CAD DGA'O ZHES SO, ,SANGS RGYAS KYI YUL BSAM GYIS MI KHYAB PA LAS KYANG, BAG YOD PA LA BRTEN PAR BYED NA BDE BA GSUM LAS MI NYAMS SHING NGAN SONG GSUM LAS THAR PA LA SOGS PA YON TAN DPAG TU MED DO, ,PHA ROL TU PHYIN PA DRUG GI MI MTHUN PA'I PHYOGS GSUM GSUM SPONG STE SER SNA'I DRI MA DANG, SER SNA'I KUN TU SBYOR BA DANG, GTONG BA LA SDANG BA DANG, 'CHAL BA'I TSUL KHRIMS DANG, TSUL KHRIMS LAS LDOG PA DANG, TSUL KHRIMS CAN LA SDANG BA DANG, GNOD SEMS LA SOGS PA LA'ANG DE LTAR GSUM GSUM SBYAR RO, ,PHA ROL TU PHYIN PA DRUG GI RTON PA GSUM GSUM GYI RTON PAR BYED DE, BDOG PA THAMS CAD GTONG BA DANG, LAN LA MI RE BA DANG, BYANG CHUB TU BSNGO BA DANG, TSUL KHRIMS YANG DAG PAR LEN PA DANG, MCHOG TU 'DZIN PA MED PA DANG, BSNGO BA DANG, BZOD CING DES PA DANG, RANG DANG GZHAN RJES SU SRUNG BA DANG, BSNGO BA DANG, BRTZON 'GRUS MI 'DOR BA DANG, BLANG DOR MED PA DANG, BSNGO BA DANG, BSAM GTAN NYE BAR LEN PA DANG, MI GNAS PA DANG, BSNGO BA DANG, SHES RAB KYI SNANG BA DANG, SPROS PA MED PA DANG, BYANG CHUB TU BSNGO BA'O, ,SANGS RGYAS KYI BYANG CHUB DANG DE LAS GZHAN PA'I DGE BA'I CHOS BYANG CHUB KYI PHYOGS RNAMS KYANG BAG YOD PAS THOB BO ZHES SO, `,ZHI GNAS DANG LHAG MTHONG GI YON TAN NI, ZHI GNAS LHAG MTHONG BSTEN PAS BAG MED PA, ,SEMS SOGS DON KUN 'GRUB PA DPE YIS GSUNGS, ,'DAS CHEN LAS, ZHI GNAS KYI DGOS PA NI GSUM STE, BAG MED PA SEL BA DANG, YE SHE CHEN POR BKOD PA DANG, DBANG THOB PA'O, ,LHAG MTHONG GI'ANG GSUM STE, MI DGE BA'I RNAM SMIN LA RTOG PA DANG, DGE BA'I RTZA BA SKYE ZHING 'TSOL BA DANG, NYON MONGS PA THAMS CAD 'JOMS PA'O, ,'DI GNYIS KYIS NI DON THAMS CAD 'GRUB STE, DPER NA SHING SRA BA SNGAR RTZA BA BSGUL NA DBYUNG SLA BA LTAR TING NGE 'DZIN GYIS BSGUL NA SHES RAB KYIS DBYUNG @345A SLA'O, ,GOS SNGAR THAL BAS DANG PHYIS CHUS BKRU BA LTAR RAM, KLOG CING KHA TON BYANG NA DON GO BA'AM, DPA' BO GO MTSON BSTAR TE G-YUL SPRAD NA DGRA THUL BA'AM, GSER MGAR GSER MER BLUGS NA 'JU BA'AM, ME LONG GSAL NA GZUGS SNANG BA'AM, SA GZHI BSNYAM STE SA BON 'DEBS PA'AM, BLA MA LA LUNG MNOS TE SEMS PA LTAR DE GNYIS BSGOMS PA'ANG DON CHE'O ZHES SO, ,BSTAN PA LA 'JUG PA'I RIM PA RNAM PAR BSHAD PA LAS, BYANG CHUB SEMS DPA'I SPYOD PA LA 'JUG PA BSHAD PA STE LE'U BDUN PA'O,, ,, `DE LTAR SPYOD PA'I RNAM PA DE DAG GIS THABS KYI CHA GTZO BOR BSHAD NAS, DA NI SHES RAB KYI PHA ROL TU PHYIN PA DE NYID KHYAD PAR DU BSHAD PAS DE KHO NA BSGOM PA LA 'JUG PA STON NO, ,'DI LA GSUM LAS, DANG PO ` DE KHO NA BSGOMS PA'I SHES RAB LA LHUR BYA BA BSKYED PA LA SHES RAB DKAR PO'I CHOS THAMS CAD KYI GTZO BOR BSGRUB PA NI, DE LTA'I THABS KYIS LEGS BSGRUBS SHES RAB MES, ,YANG DAG MIN RTOG THIBS PO KUN BSREG CING, ,THABS LA'ANG ZHEN SOGS MTSAN MAR 'DZIN PA'I DUG ,KUN TU GZHOM PAR YONGS DAG RAB RDZOGS BYA, ,ZHES BYA BA'O, ,'DIR SHES RAB NI GNYIS TE, RGYU DANG, 'BRAS BUR GYUR PA'O, ,'BRAS BU NI CHOS THAMS CAD RNAM PA THAMS CAD DU MNGON PAR RDZOGS PAR SANGS RGYAS PA STE, SNANG BA MED PA'I SHES RAB DANG, SNANG BA DANG BCAS PA'I YE SHES DAG GO ,RGYU NI LAM GYI YE SHES MTHA' DAG STE GTZO BOR 'JIG RTEN LAS 'DAS PA MTHONG LAM DANG SGOM LAM GYI YE SHES GNYIS SBYOR LAM LA SOGS PA'I 'KHOR DANG BCAS TSOGS DANG BCAS PA'O, , DE LA 'DIR GTZO BOR BSGRUB BYA NI RGYU NYID DO, ,DE DGE BA'I CHOS GZHAN LAS GTZO BOR BZHAG PA'I RGYU NI GSUM STE, PHA ROL TU PHYIN PA LNGA GTZO BOR BYAS PA DKAR PO'I CHOS GZHAN GYIS BSGRUB BYAR GYUR PA DANG, THAR PA DANG THAMS CAD MKHYEN PA'I SGRUB BYED DAM PAR GYUR PA DANG, THABS RNAMS NYID KYANG MTHAR 'BYIN PA'I RGYUR GYUR PA'O, ,DANG PO @345B NI, SBYIN PA LA SOGS PA BSOD NAMS SU GTOGS PA THAMS CAD NI DE DAG NYID KYI MIG TU GYUR PA SHES RAB KYI PHA ROL TU PHYIN PA BSKYED PA DANG GNAS PA DANG 'PHEL BA'I RGYU 'AM YAN LAG YIN PAS LUS KYI DON DU LAG PA LA SOGS PA BZHIN NO, ,'DI LTAR CHOS MNGON DU BYED PA'I SHES RAB NI RGYU'I RKYEN ZAB MO THOS PA'I BAG CHAGS DANG, DMIGS PA CHOS THAMS CAD STONG PA NYID DANG, DE MA THAG PA DE BSGOM PA'I SHES RAB KYI MTHA' DANG, BDAG PO'I RKYEN BSOD NAMS MTHA' YAS PA'I RTON PA RNAMS LAS SKYE BA DANG, BSOD NAMS KYI TSOGS RNAMS NI BDAG PO'I RKYEN THUN MONG MA YIN PA NYID KYIS SO, ,DE'ANG BSOD NAMS KYI PHUNG PO GSUM DU BSDU STE, BSOD NAMS PHA ROL PHYIN PA LNGA, ,DE LAS SBYIN BYUNG SBYIN PA STE, ,TSUL KHRIMS LAS BYUNG TSUL KHRIMS YIN, ,BZOD DANG BSAM GTAN GNYIS DAG NI, ,BSGOM BYUNG BRTZON 'GRUS KUN TU 'GRO, ZHES GSUNGS PA LTAR RO, ,BSOD NAMS KYI TSOGS KYANG DE DAG NYID DE, SBYIN DANG TSUL KHRIMS BSOD NAMS KYI, ,TSOGS YIN SHES RAB YE SHES KYI, ,GSUM PO GZHAN NI GNYI GA STE ZHES GSUNGS PA LTAR RO, ,GNYIS PA LA MA RIG PA LAS KUN NAS NYON MONGS PA GSUM LUGS SU 'JUG PA NI 'KHOR BA SDUG BSNGAL GYI PHUNG PO CHEN PO YIN LA, SHES RAB NI YANG DAG PA'I LTA BA GOMS PAR BSGOMS PAS SGRIB PA GNYIS YANG MI SKYE BA'I CHOS CAN DU SPANGS PA'I KHYAD PAR CAN GYI YE SHES PHUN SUM TSOGS PA YON TAN BSAM GYIS MI KHYAB PA'I GTER DU GYUR PA, MI GNAS PA'I MYA NGAN LAS 'DAS PA CHEN POS RANG DANG GZHAN GYI MTHA' DAG YONGS SU GRUB PA'I 'BRAS BU MTHAR THUG PA THAR PA DANG THAMS CAD MKHYEN PA DNGOS KYI SGRUB BYED DAM PA YIN PA'I PHYIR DANG, BSOD NAMS RNAMS KYANG 'DI NYID KYI SGRUB BYED DANG 'DIS 'BRAS BU LA SBYOR BA'I YAN LAG TZAM GYIS DE'I RGYUR 'GYUR GYI RANG DBANG DU MA YIN PA'I PHYIR MYU GU LA SA BON DANG CHU LA SOGS PA BZHIN NO, , DES NA STONG NYID LTA BAS GROL 'GYUR GYI, ,BSGOM PA LHAG MA DE DON YIN, ,ZHES BYA BA @346A DANG, BYAMS SOGS RMONGS DANG 'GAL MED PHYIR, ,NYES PA SHIN TU TSAR GCOD MIN, ,ZHES BYA BA LA SOGS PA GSUNGS PA'O, ,GSUM PA NI GZHAN YANG SBYIN PA LA SOGS PA SHES RAB KYI YAN LAG TU 'GYUR BA NYID KYANG DES 'KHOR GSUM DU RTOG PA DANG SER SNA LA SOGS PA BCOM PAS YONGS SU RDZOGS SHING YONGS SU DAG PA DANG, RTAG TU DANG GUS PAR BYED PA'I SBYOR BAS 'GRO BAR YONGS SU BZUNG BA KHO NA LAS YIN GYI, DE DANG BRAL NA PHA ROL TU PHYIN PA NYID KYI MING YANG MI 'THOB PAS TE, DE LA RNAM GSUM RTOG MED PAS, , DE RDZOGS YONGS SU DAG PA NI, ,DE YI MI MTHUN PHYOGS SPANG PHYIR ZHES BYA BA DANG, SBYIN PA SBYIN PA'I SNGON DU 'GRO BA SHES RAB STE, ZHES BYA BA LA SOGS PA DANG, DMUS LONG DMIGS BU MED PA BYE BA KHRAG KHRIG RNAMS, ,LAM YANG MI SHES GRONG KHYER 'JUG PAR GA LA 'GYUR, , SHES RAB MED NA MIG MED PHA ROL PHYIN LNGA 'DI, ,DMIGS BU MED PAS BYANG CHUB REG PAR NUS MA YIN, ,GANG TSE SHES RAB KYIS NI RAB TU ZIN GYUR PA, ,DE TSE MIG RNYED GYUR CING DE YI MING 'THOB BO, ,ZHES BYA BA DANG, NYI ZLA GLING BZHIR RGYU ZHING LAS BYED PA LTAR, 'DI'ANG LNGA POR RJES SU 'GRO ZHING LAS BYED PA DANG, DRI MED SMAD PA MED KHYOD LA, ,PHA ROL PHYIN PA MA LUS RNAMS, ,THAMS CAD DU NI RJES 'BRANG STE, ,ZLA BA'I RJES SU RGYU SKAR BZHIN, ,ZHES GSUNGS PA LTAR RO, , `DE'ANG THABS LA NGES PAR BLTOS PA NI, ,DE LTAR ZUNG 'JUG TSUL 'DI THEG CHEN NI, , MA LUS BSDUS PA'I LAM GYI SDOM YIN TE, ,GTZO BO SHES RAB NGES PA'I YAN LAG THABS, , RNAM KUN MCHOG LDAN STONG NYID SGOM PAR GSUNGS, ,GA YA GO RI LA SOGS PA LAS THEG PA CHEN PO'I LAM MDOR BSDUS PA NI GNYIS TE THABS DANG SHES RAB BO ZHES BYA BA DANG THABS DANG BRAL BA'I SHES RAB 'CHING BA LA SOGS PAR GSUNGS LA, SNGAR BSTAN PA LTAR SHES RAB GTZO BOR YIN YANG NGES PAR BLTOS PAR BYA BA'I YAN LAG SBYIN PA LA SOGS PA'I THABS DANG BCAS PA YIN GYI 'BA' ZHIG PA NI MA YIN PAS 'DI GNYIS ZUNG DU @346B 'JUG PAS RNAM PA THAMS CAD KYI MCHOG DANG LDAN PA'I STONG PA NYID BSGOM PA KHO NA YIN TE, DE DANG BRAL BAS NI CIR YANG MI 'GYUR BAS NA, ,THABS GOMS DBANG GI BDAG NYID KYIS, , GANG ZHIG SHES RAB RNAM BSGOM PA, DES NI BYANG CHUB MYUR DU THOB, ,BDAG MED GCIG PU BSGOMS BAS MIN, ,ZHES BYA BA DANG, SHES RAB PHA ROL PHYIN RNAL 'BYOR, ,RTAG TU THABS BCAS BSGOM PAR BYA, ,ZHES GSUNGS LA, RNAM PA THAMS CAD KYI MCHOG DANG LDAN PA'I STONG PA NYID KYANG 'CHAD PAR 'GYUR RO, , `SHES RAB DE GTAN LA DBAB PA'I THABS NI, DE LA SANGS RGYAS KUN GYI GSANG CHEN GNAS, ,MTSAN NYID KUN STONGS SENGGE'I SGRA CHEN 'DI, , CHOS RJE NYID KYIS RGYAL YUM LA SOGS PA, ,NGES PA'I DON LDAN GSUNG GIS LEGS BZHAG MDZAD, , 'ON KYANG DON 'DI RAB ZAB PHAL RNAMS KYIS, ,BSAM 'DAS DMUS LONG GYUR LA DMIGS BU NI; ;RGYAL SRAS CHOS SPYAN MA PHAM KLU SGRUB SOGS, ,MKHAS PA'I PHRENG BAS RIGS LAM GYIS GSAL MDZAD, ,DE LA SHES RAB KYI YUL CHOS THAMS CAD STONG PA NYID KYI TSUL 'DI NI RAB TU ZAB CING RGYA CHE BA YIN PAS PHAL RNAMS KYIS BSAM PA'I LAM LAS 'DAS PA'I PHYIR, ,CHOS LA SPYAN DU GYUR PA SANGS RGYAS NYID KYI LUNG DANG, MKHAS PA'I SKYE BO BLO GROS KYI MIG RAB TU DAG PA RNAMS KYIS GSAL BAR MDZAD PA'I RIGS PA DAM PA'I TSOGS KYI RJES SU 'BRANGS TE NGES PAR BYA'O, ,DANG PO NI, BDE BAR GSHEGS PA CHOS KYI RGYAL PO CHOS THAMS CAD LA DBANG BSGYUR ZHING SPYAN DU GYUR BA NYID KYIS, PHYI NANG GI CHOS MA LUS PA MTSAN NYID THAMS CAD KYIS STONGS PA YOD MED LA SOGS PA MTHA' BZHIR BRTAG PA'I LAM THAMS CAD LAS 'DAS PAS 'DZIN PA THAMS CAD KYI SPYOD YUL RNAM PAR CHAD PA, NYAN THOS DANG RANG RGYAL DANG BLO LDAN MOS PA DMAN PA RNAMS KYI'ANG SKRAG PA'I GNAS SU GYUR PAS, SANGS RGYAS THAMS CAD KYI GSANG BA CHEN PO'I GNAS SU GYUR PA, CHOS THAMS CAD NGO BO NYID MED PA DANG, MA SKYES PA DANG, MA 'GAG PA DANG, GZOD MA NAS ZHI BA DANG, RANG BZHIN GYI MYA NGAN LAS 'DAS PAR MNYAM PA @347A NYID KYIS MTSAN NYID RO GCIG PA DBU MA'I LAM NYID DU BRJOD PA'I CHOS KYI SGO CHEN PO 'DI, SGRA'I DON GZHAN DU DRANG BAR BYA BA MA YIN ZHING ZHUGS NAS SPANGS PAR BYA BA MA YIN PAS NGES PA'I DON GYI MDO SDE RIN PO CHE PHYIR MI LDOG PA'I CHOS KYI 'KHOR LO SHES RAB KYI PHA ROL TU PHYIN PA 'BUM PA LA SOGS PA DANG, DE DANG LDAN PA TING NGE 'DZIN GYI RGYAL PO LA SOGS PA CHOS BDAG MED PA'I SENGGE'I SGRA CHEN PO MTHAR LTA BA LA 'CHEL BA'I PHYIR ROL PA'I WA TSOGS THAMS CAD KYIS SGRA TZAM YANG MI BZOD CING MOS PAR DKA' BA RNAMS KYIS DE DANG DER LAM GYI DMIGS PA YONGS SU RDZOGS PA DANG SPYI DANG KHYAD PAR GYI CHA DANG CHAR RNAM PAR BZHAG PAS SHIN TU RGYA CHER GSUNGS PA RNAMS LA GCIG TU DAD PAS RTOGS PAR BYA BA LAS SO, ,MCHOG TU ZAB CING YANGS PA'I DON 'DI LTA BU LA NI CHOS KYI SPYAN MNGA' BA STON PA NYID KYI LUNG KHO NA TSAD MAR BYA BA STE, DE BAS NI 'JIG RTEN PHA ROL LA SOGS PA'I RGYU DANG 'BRAS BU DANG, THA NA MTHONG BA'I DON NYI MA DANG ZLA BA LA SOGS PA'I RGYU DANG TSAD DANG GNAS LA SOGS PA DANG, GLING BZHI PA LA SOGS PA 'JIG RTEN GYI KHAMS KYI RNAM PAR BZHAG PA LTA BU LA'ANG, TSU ROL MTHONG BA RNAMS KYI RTOG GE DAG LONG BA LTA BUR GYUR PAS NA, DRANG SRONG DAM PA RNAMS KYI LUNG KHO NA MIG DANG SGRON MA LA SOGS PA LTAR BSTEN PAR BYA BAR GYUR PA'I PHYIR RO, , GNYIS PA NI 'ON KYANG DON 'DI NI DGE BA'I RTZA BA MANG DU BSAGS SHING BSHES GNYEN DAM PA'I MGON GYIS BZUNG BAS KYANG DUS RANG ZHIG NA BZOD MOS PA THOB PAR ZAD NA, SKAL BA CHUNG BA DAG GIS NI SGRA TZAM YANG BZOD PAR SLA BA LTA CI SMOS PAS NA, STON PA ZHI BAR GSHEGS NAS DES BYIN GYIS BRLABS PA'I RGYAL SRAS DPA' BO GO CHA DANG SMON LAM DANG TSOGS DPAG TU MED PA DAG GIS YANG DAG PAR MTHO BA, DON 'DI LA DBANG DU GYUR PA DAG NI SANGS RGYAS KYI ZHING GZHAN DU RNAM PAR ROL CING RTZE LA, 'PHAGS PA NYAN THOS RNAM PAR THAR PA BRGYAD LA DBANG BA DAG GIS KYANG GTING MA DPOGS PAS SPONG BAR ZHUGS SO, ,ZAB MO THOS PA'I BAG CHAGS @347B CUNG ZAD BSAGS SHING DGE LEGS MANG POS PHYUG PA DAG KYANG DUS KYI NYES PAS BSGRIBS TE DMUS LONG LTA BUR GYUR TO, ,DUS PHYI ZHIG NA 'DREN PA MANG PO LA BYA BA BYAS SHING LHUN STUG PA'I TSOGS KYIS NYE BAR BRTAN PAS SA CHEN POR CHUD PA, SKYOB PAS LUNG BSTAN CING DBUGS PHYIN PA'I SA BRNYES BA, DUS RING PO NAS STON PA'I BSTAN PA GSAL BAR BYED PA'I TSOGS DANG SMON LAM DAM PA LA NGAL BA MANG DU BSTEN PA, RGYAL SRAS KLU SGRUB CES BYA BA LHO PHYOGS KYI RGYUD DU BYON TE, BSTAN PA 'DI RGYAS PAR BYED PA LA STON PAR GYUR PAS RGYAL BA'I MDZAD PA LA DE NYID GNYIS PAR GRAGS PA'O; ;DES DBU MA'I RTZA BA SHES RAB THOG MAR BYAS PA RIGS PA'I TSOGS RIN PO CHE DRUG LA SOGS PA'I RIGS PA DAM PA'I TSUL NYE BAR BKOD PA'I SGO NAS DON 'DI RAB TU GSAL BAR MDZAD DE, 'JIG RTEN GYI DMIGS BUR GYUR NAS GSUNG RAB RAB 'BYAMS LA BLO'I SNANG BA 'JUG PA'I LAM GSAL BAR GYUR TO, ,'ON KYANG BLO CHEN POS BSKYOD PA'I GZHUNG LA 'JUG PA NI PHAL GYI SPYOD YUL MA YIN PAS DE DAG NYID KYANG RTOGS PAR DKA' BA NA, BZANG PO'I GNAS DGE LEGS MANG PO BSAGS SHING SHES RAB LEGS PAR SBYANGS PA MKHAS PA'I SKYE BO SLOB DPON 'PHAGS PA LHA DANG KLU'I BYANG CHUB DANG SANGS RGYAS BSKYANGS DANG LEGS LDAN 'BYED LA SOGS PA YON TAN RIN PO CHE'I RGYAN DAM PA MNGA' BA'I PHRENG BA DAG GIS, DE DAG GI DON DANG GZHUNG GSAL BAR BYED PA BSTAN BCOS DAM PA BZHI BRGYA PA DANG DBU MA'I SNYING PO DANG SHES RAB SGRON MA LA SOGS PAS RGYAS PAR PHYE ZHING BYI DOR MDZAD PAS RIGS PA'I LAM GYIS GTAN LA PHAB PA'I RJES SU 'BRANG ZHING BSTEN PAR BYA BA STE, LUNG YANG DGONGS PA SNA TSOGS KYIS 'JUG PAS DON NGES PAR BZUNG BAR DKA' BAS NA, JI SKAD GSUNGS PA'I CHOS KYI DE KHO NA LAS LDOG PA'I GNOD BYED KYI RIGS PAS GZHAN DU SRID PA'I DOGS PA RNAM PAR BCAD PAS MTHA' GCIG TU NGES PAR BYA BA KHO NAS ZAB MO'I DON LA 'JUG PAR BYA BA YIN PA'I PHYIR, DE THAMS CAD KYIS KYANG SHES RAB KYI YUL SHES BYA'I DE KHO NA BDEN PA GNYIS SU GTAN LA PHAB PA LAS, THOG MA MED @348A PA NAS GOMS SHING 'DRIS PAS RTZA BA BRTAN PA DPANGS MTHO BA KHONG STONG DANG SANG SENG MED PAS GCIG TU MKHREGS PAR GYUR PA DNGOS POR 'DZIN PA'I BRAG NYES PA THAMS CAD KYI GZHIR GYUR PA RNAMS PAR 'JOMS PA, RDO RJE GZEGS MA LA SOGS PA'I GTAN TSIGS CHEN PO LNGA TSANG BA DANG, PHYOGS DANG LHAG PA GTZOR GSUNGS PAS SGRO 'DOGS SEL BA LHUR MDZAD DE SKUR PA BSAL BA NI SDE PA DAG GIS KYANG RGYA CHER BZHAG PAS SLA BAR DGONGS NAS ZHAR TZAM DU GSUNGS SO, ,YANG STONG PA NYID DE'I YUL CAN SHES RAB KYI PHA ROL TU PHYIN PA NYID LAM DANG LAM MAM SA DANG SA'I GNAS SKABS DANG GONG NAS GONG DU THOB PA'I TSUL MNGON PAR RTOGS PA'I RIM PA GTZO BOR GSAL BAR MDZAD PA NI, DUS GZHAN NA SLOB DPON 'PHAGS PA THOGS MED CES BYA BA DE KHO NA MNGON DU GYUR PA'I RGYUN LA GNAS PA, BSOD NAMS KYI TSOGS RGYA CHEN PO DUS RING PO NAS BSAGS PAS, YON TAN DAM PA SNA TSOGS KYI RGYAN BZANG POS KUN TU MTHO BAR GYUR PA LAS SKYOB PAS LUNG BSTAN PA BRNYES PA DES, 'GRO BA MA RIGS PA'I RAB RIB MTHUG POS CHOS DAM PA'I LAM BLTA BAR BYA BA LA DMUS LONG DU GYUR PA RNAMS KYI DMIGS BU NYID KYIS RGYAL BA'I BSTAN PA RIN PO CHE GSAL BAR MDZAD PAR BZHED PA'I THUGS RJES KUN NAS BSLANGS NAS, DE BZHIN GSHEGS PA'I GSANG BA'I GNAS THAMS CAD LA LKOG TU MA GYUR PA'I SHES RAB KYI SPYAN MNGA' BA, CHOS KYI RGYAL TSAB CHEN POR DBANG BSKUR BAS SA BCU'I DBANG PHYUG DAM PA BCOM LDAN 'DAS MA PHAM PA LA, DGE BA'I BSHES GNYEN NYID KYIS RAB TU DAD CING GUS PA DANG GCES PAR 'DZIN PA DRAG PO'I SGO NAS 'BAD PA MANG POS MNYES PAR BYED PA'I BSGRUB PA DAM PA MDZAD PAS, YUN RING ZHIG NA MNGON DU GYUR TE CHOS KYI SGO SNA TSOGS PA LA BLO'I SNANG BA RJES SU GNANG BA THOB NAS TSUL 'DI RNAM PAR DBYE BA MDZAD DO, ,DE'I MGON GYIS RJES SU BZUNG BAS BLO'I MTHU PHUL DU BYUNG BA CAN SLOB DPON BTZUN PA DBYIG GNYEN DANG BLO GROS BRTAN PA DANG GROL SDE RNAM GNYIS DANG @348B RAB MCHOG SDE DANG DUL BA'I SDE DANG RNAM PAR SNANG MDZAD BZANG PO DANG SENGGE BZANG PO DANG SANGS RGYAS YE SHES DANG MAR ME MDZAD BZANG PO DANG RIN CHEN 'BYUNG GNAS ZHIB DANG, DPAL MAR ME MDZAD YE SHES KYI MTHAR THUG PA LA SOGS PA DAM PA'I SKYE BO MKHAS PA'I MCHOG GI PHRENG BA DAG GIS KYANG RIM PAR GSAL BA DANG SHIN TU GSAL BA DANG CHES SHIN TU GSAL BAR MDZAD PA'I RJES SU 'BRANGS LA SHES PAR BYA STE, RANG BZO DANG GZU LUMS KYIS BAB COL DU 'JUG PA NI RING DU DOR BAR BYA'O, `,DE KHO NA LA 'JUG PA'I TSUL SPYIR BZHAG PA LAS SHES BYA RNAM PAR NGES PA'I TSUL MDOR BSTAN PA NI, DE YANG DON DAM DANG NI KUN RDZOB KYI, ,BDEN PA GNYIS PO YANG DAG JI LTA BAR, ,TSUL GNYIS LAM GYIS LEGS RTOGS LOG ZHUGS RNAMS, ,RNAM PAR BSAL NAS JI BZHIN RNAM NGES BYA, ,'DIR SHES BYA'I DE KHO NA RNAM PAR NGES PA NI BDEN PA GNYIS JI LTA BA BZHIN DU LUNG DANG RIGS PAS RTOGS PA STE, DE'ANG PHYIN CI LOG TU RTOG PA'I LUGS RNAMS BSAL NAS JI LTA BA NYID KYI GZHUNG GI RJES SU 'JUG PA'O, `,PHYIN CI LOG GI LUGS RNAMS DGOD PA NI, ,RANG BZHIN GSUM MNYAM GTZO BO SKYES BU DANG, ,BDAG DANG DBANG PHYUG RTAG SOGS DON DAM DANG, ,MI MNYAM 'GRO RGYUD SNA TSOGS KUN RDZOB CES, ,BSLU BA'I BDAG NYID PHYI ROL PA RNAMS 'DOD, ,GZHAN DAG GNYEN POS BSHIG DANG BLO YIS NI, ,PHYE NA GANG GI BLO 'DOR LDOG PA DANG, ,DON DAM KUN RDZOB DON BYED NUS DAG DANG, ,GNYIS KYI BDAG NYID KUN DANG GNYIS MED 'DOD, ,PHYI ROL PA RNAMS DANG, RANG GI SDE PA BYE BRAG TU SMRA BA DANG, MDO SDE PA DANG, RNAM RIG SMRA BA BZHI'I LUGS SO, ,DANG PO NI, MU STEGS GRANGS CAN DAG LONGS SPYAD BYA RANG BZHIN GSUM PO SNYING STOBS DANG RDUL DANG MUN PA CHA MNYAM PA GTZO BO DANG, DE LA SPYOD PA PO SKYES BU RTAG PA DANG, GCIG PA LA SOGS PA'I MTSAN NYID CAN DAG NI DON DAM PA YIN LA, CHEN PO LA SOGS PA'I RNAM 'GYUR CHA MI MNYAM PA 'GRO BA SNA TSOGS SU BRJOD PA MI RTAG PA LA SOGS PA NI KUN RDZOB TU SMRA BA STE, YON TAN GSUM GYI RANG BZHIN MCHOG ,MTHONG BA'I LAM DU @349A 'GYUR MA YIN, ,MTHONG BA'I LAM DU GANG GYUR PA, ,SGYU MA BZHIN DU SHIN TU GSOG CES BYA BA LA SOGS PAR RO, ,RIGS PA CAN DANG BYE BRAG PA LA SOGS PA DAG NI DBANG PHYUG DANG BDAG DANG DUS LA SOGS PA 'GRO BA KUN GYI BYED PA PO RANG DBANG CAN RTAG PA KHYAB PA GCIG PU SEMS PA CAN DANG BEMS PO LA SOGS PA DON DAM PA DANG, 'GRO BA SNOD BCUD SNA TSOGS MI RTAG PA LA SOGS PAR MTHONG BZHIN PA NI KUN RDZOB TU 'DOD DO, ,RANG GI SDE PA LAS BYE BRAG TU SMRA BA RNAMS NI GANG ZHIG GNYEN PO DANG BLOS RNAM PAR PHYE NA BLO 'DOR BA NI KUN RDZOB YIN LA, RNAM PAR PHYE 'ANG BLO MI 'DOR BA NI DON DAM PA'O, ,GNYEN POS PHYE ZHING BSHIG NA BLO 'DOR BA NI BUM PA DANG KHYIM LA SOGS PA LTA BU STE, THO BA LA SOGS PAS THA DAD DU 'GYES PA'I RKYEN GYIS BSAL NA GYO DUM DANG PHAG LA SOGS PA LA BUM PA DANG KHYIM GYI BLO LDOG PA'I PHYIR RO, ,BLOS RNAM PA PHYE NA BLO 'DOR BA NI CHU LA SOGS PA DANG BDAG LA SOGS PA STE, 'JIG RTEN GYI CHU'I THA SNYAD NI GZUGS LA SOGS PA'I SKYE MCHED TSOGS PA LA BYED PAS, DE LA CHU'O SNYAM DU 'DZIN PA NI SKYE MCHED PHAN TSUN THA DAD PAR BLOS BSAL NA LDOG PA'I PHYIR RO, ,'DI LTAR GSHER BA TZAM YANG CHU MA YIN TE 'O MA DANG KHRAG LA SOGS PA'ANG DER THAL BAS SO ZHES BYA BA LA SOGS PAR PHYE NA CHUR 'DZIN PA'I BLO LDOG PA'O, ,DE BZHIN DU PHUNG PO LA SOGS PA LA BDAG GCIG PUR 'DZIN PA YANG RDUL PHRAN DANG SKAD CIG DANG CHOS KYI DBYE BAS BRTAGS NA LDOG PA LTA BU'O, ,DON DAM PA RNAM PAR PHYE YANG BLO MI LDOG PA NI GSHER BA DANG SRA BA TZAM LA SOGS PA LTA BU STE RIL LAS GNYEN PO'I BLOS PHYE YANG RDUL PHRAN DANG SKAD CIG GI MTHAR THUG PA LA DE'I BLO 'JUG PA'I PHYIR RO, ,DE'ANG GANG LA BCOM DANG BLO YIS GZHAN, ,BSAL NA DE BLO MI 'JUG PA, ,BUM CHU BZHIN DU KUN RDZOB TU, ,YOD DE DON DAM YOD GZHAN YIN, ,ZHES GANG BSHAD PA'O, ,DE LA DON DAM PA'I MTSAN NYID DANG LDAN PA YANG RDUL PHRA RAB DANG MI LDAN PA'I 'DU BYED DANG 'DUS MA BYAS DANG SEMS DANG SEMS LAS BYUNG BA @349B GZHI LNGA PO SDE, SNGA MA GSUM NI GZUNG BA'O, ,PHYI MA GNYIS 'DZIN PA'O, ,GZUNG 'DZIN YANG DUS MNYAM PA STE, TSOGS PA GCIG LAS PHAN TSUN GZUNG 'DZIN DU NGES PAR DUS MNYAM PAR SKYE BA'I PHYIR NA DE'I BDAG NYID DANG DE LAS BYUNG BA'I 'BREL PA MED KYANG NGES PA'I PHYIR RO, ,DE'ANG RNAM PA MED PA'I BLOS PHYI ROL LA BYED PA 'JUG PA STE, SKAM PA DANG LCAGS SBRAM DUS MNYAM PA GZUNG 'DZIN DU 'THAD PA BZHIN NO ZHES 'DOD DO, ,MDO SDE PA DAG NI DON DAM PA DANG KUN RDZOB KYI MTSAN NYID GZHAN DU SMRA STE, DON DAM PAR DON BYED NUS PA NI DON DAM PAR YOD PA'O, ,LDOG PA NI KUN RDZOB TU YOD PA'O, ,DON DAM PAR DON BYED NUS PA'I MTSAN NYID DANG LDAN PA YANG RDUL PHRAN DANG SEMS DANG SEMS LAS BYUNG BA GSUM NYID DE 'DUS MA BYAS DANG MI LDAN PA'I 'DU BYED NI KUN RDZOB DU YOD PA TZAM MO, ,SNGA MA GSUM PO'ANG GZUNG 'DZIN DU 'THAD DE RNAM PA 'JOG PA'I RGYU NI GZUNG BA'O, ,DE'I RNAM PA'I RJES SU BYED PA NI 'DZIN PA STE, DUS THA DAD PA JI LTAR 'DZIN, , CE NA SHES LA RNAM PA NI, ,'JOG PAR NUS PA'I RGYU NYID LA, ,GZUNG BAR 'THAD PA SHES PAS RIG , CES DPYAD PA'O ZHES 'DOD DO, ,RNAL 'BYOR SPYOD PA DAG NI RIGS PAS DON BYED NUS PAR 'THAD PA NI DON DAM PA'I MTSAN NYID YIN LA, LDOG PA NI KUN RDZOB YIN MOD KYI, 'ON KYANG GZUNG 'DZIN GNYIS NI, DON DAM PAR YOD PA MA YIN TE RIGS PAS DPYAD NA DON BYED NUS PAR MI 'THAD PA'I PHYIR RO, ,RDUL PHRAN RNAMS NI GCIG DANG DU MAR MI 'THAD PAS MED LA, RAGS PA'ANG MED PA'I PHYIR SHES PA LAS GZHAN NI DON BYED NUS PA MA YIN NO, ,DON DAM PAR YOD PA NI RNAM SHES TZAM STE RNAM PAR DPYAD NA DON BYED PAR 'THAD PA'I PHYIR RO ZHES 'DOD DO, ,'DI LA'ANG LUGS GNYIS TE, RNAM PA DANG BCAS PA DANG, RNAM PA MED PA YIN NO, ,DANG PO NI MA RIG PA'I BAG CHAGS SMIN PA'I DBANG GIS RNAM SHES NYID SNGO SOGS DANG BDE SOGS KYI RNAM PAR SKYE STE, MYONG BA LA GSAL BAR SNANG BA 'DI GTAN MED NI MA YIN NO, ,DE LTA MA YIN NA SHES PA'I RANG BZHIN NYID KYANG DGAG BYAR THAL BA'I PHYIR THAMS CAD 'JIG PAR THAL LO ZHES RTOG GO , RNAM MED SMRA BA DAG DE NI @350A MI 'THAD DE, JI LTAR PHYI ROL GYI DON GCIG NYID KHA DOG DANG CHA'I DBYE BA SNA TSOGS KYIS MI 'THAD PA LTAR SHES PA LA YANG MTSUNGS TE, GCIG DANG DU MA 'GAL BA NI DNGOS PO'I STOBS KYIS GNAS PA'I PHYIR SHES PAR BRTAGS PAS DE LDOG PA MA YIN NO, YIN NA DU MA DANG GCIG 'GAL BAR MI 'GYUR TE DU MA DANG SHES PA 'GAL BAR THAL BA'I PHYIR RO, , GZHAN YANG 'DI NI SNANG BA MI DMIGS PAS KYANG GNOD DE, GAL TE SNGON PO BDE BA'I RANG BZHIN YIN NA BDE BAR DMIGS PAR 'GYUR BA LAS MA DMIGS PA'I PHYIR RO, ,DES NA SLOB DPON GYIS, DE PHYIR DON DANG SHES PA LA, ,RAGS SNANG GANG YIN DE YOD MIN, , GCIG LA BKAG PA NYID PHYIR DANG, ,MANG PO LA YANG DE MED PHYIR, ,ZHES BYA BA DANG, SNA TSOGS SNANG CAN DON RNAMS LA, ,GAL TE GCIG NYID MI RIGS NA, ,RE ZHIG GCIG PA'I BLO DE NYID, ,SNA TSOGS SU NI JI LTAR SNANG, ,ZHES BRTZAD PA'I LAN DU, GCIG LA SNA TSOGS DE JI LTAR, ,DE NI BLO LA'ANG MI 'GYUR RO, ,GAL TE DON BDAG 'DI 'DOD NA, ,DE LA BDAG GIS CI ZHIG BYA, ,JI LTA JI LTAR DON BSAM PA, ,DE LTA DE LTAR RNAM BRAL ZHES, ,MKHAS PA RNAMS KYIS GANG GSUNGS PA, ,DE NI DNGOS STOBS 'ONGS PA YIN, ,ZHES GSUNGS SO, ,DE BAS NA DKAR PO LA SOGS PA GZUNG BA DANG, DE 'DZIN PA MA 'KHRUL BA NYID NI GTAN MED PA YIN MOD KYI, MED PA SNANG BA'I RNAM SHES 'KHRUL PAS KUN TU BSTAN PAR ZAD DO, ,DON DAM PA RNAM SHES NI RNAM PAR MTHA' DAG GIS NYE BAR MA BSGYUR BA; GNAS SKABS DE DANG DE DAG TU MED PA GSAL BA YOD PA DANG MED PA'I KHYAD PAR CAN DU 'JUG STE, DE NI 'KHOR BA DANG MYA NGAN LAS 'DAS PA ZHES BYA'O, ,DE NI KUN BTAGS PA'I MTSAN NYID MTHA' DAG GIS STONGS PA YIN YANG GZUNG 'DZIN DU BYIS PAS TSOR BA'I PHYIR 'KHOR BA NI RMI LAM LTA BUR 'DOD DO, `,DE RNAMS DGAG PA NI, THAMS CAD GCIG DANG DU MA SOGS DPYAD PAS, MTSAN NYID MI SRID SOGS KYIS RNAM PAR BSAL, DANG PO PHYI ROL PA RNAMS KYI GTZO BO DANG BDAG DANG DBANG PHYUG LA SOGS PA RTAG PA LA SOGS PA NI DON DAM PA'I MTSAN NYID DU MI SRID DE RIM @350B DANG CIG CAR GYIS DON BYED PA MI RUNG BA'I PHYIR NAM MKHA'I ME TOG LA SOGS PA BZHIN ZHES DGAG CING, GZHAN YANG SEMS PA DANG SEMS PA MED PA THAMS CAD LA YUL DANG DUS KYI SGO NAS CHA SNA TSOGS SU GRUB PA'I PHYIR GCIG MED CING DE MED NA DU MA'ANG MED PA'I PHYIR MA GRUB PO ZHES BYA BAS KYANG DGAG GO ,BYE BRAG TU SMRA BAS 'DOD PA'I DON DAM PA'I BDEN PA'I MTSAN NYID KYANG MI SRID PA'I PHYIR DANG, DE NYID KYIS KUN RDZOB KYANG HA CANG KHYAB PAR 'GYUR BA'I PHYIR MI 'THAD DO, , 'DI LTAR BLOS RNAM PAR DPYAD NA GANG LA BLO MI 'DOR BA ZHES BYA BA NI RIGS PAS DPYAD NA 'THAD PA'I DON YIN NA, SNGON PO DANG GSHER BA DANG DE 'DZIN PA'I SHES PA LA SOGS PA'I RDUL PHRA RAB DANG SKAD CIG NI DPYAD NA MI 'THAD PA'I PHYIR TE, DRUG GIS CIG CAR SBYAR BA NA, ,PHRA RAB RDUL CHA DRUG TU 'GYUR, ,DRUG PO DAG NI GO GCIG NA, ,GONG BU RDUL PHRAN TZAM DU 'GYUR ZHES BYA BA DANG, JI LTAR SKAD CIG MTHA' YOD LTAR, ,THOG MA DBUS KYANG BRTAG PAR GYIS, ,SKAD CIG GSUM GYI BDAG NYID PHYIR, ,'JIG RTEN SKAD CIG LA MI GNAS, ,ZHES BYA BA LA SOGS PA'I RIGS PAS DPYAD NA THAMS CAD DU MI 'THAD PA'I PHYIR RO, ,GZUNG BA DANG 'DZIN PA'I MTSAN NYID DON DAM PA YANG MI 'THAD DE TSOGS PA GCIG LAS BYUNG BAS PHAN TSUN DE LTAR NGES NA DBANG PO DANG RNAM SHES KYANG GZUNG BA DANG 'DZIN PAR HA CANG THAL BA'I PHYIR DANG, RNAM PA MED PA'I SHES PA LA DON 'DZIN PA'I MTSAN NYID MI 'THAD PAS THAMS CAD KYIS 'DZIN PAR YANG THAL BA'I PHYIR RO, ,SKAM PA DANG LCAGS SBRAM LA SOGS PA'I DPE'ANG MA GRUB STE, DER NI SKAM PA'I SNGA MA'I SKAD CIG LAS LCAGS KYI SKAD CIG GZHAN YUL KHYAD PAR CAN DU SKYES PAR ZAD KYI DUS MNYAM PA'I SKAM PAS LCAGS SBRAM 'DZIN PAR MI 'THAD PA'I PHYIR RO, ,MDO SDE PA'I LTAR YANG MI RUNG STE, DON BYED NUS PA TZAM MTSAN NYID DU 'DZIN NA NI DBANG PHYUG DANG BDAG LA SOGS PA DON DAM PAR THAL TE RANG GI YUL CAN GYI BLO 'KHRUL NGOR DON BYED NUS PA'I PHYIR RO, ,'ON TE DON DAM PAR DON BYED NUS PA ZHES KHYAD PAR DU BYED NA MTSON BYA DON DAM NYID MA GRUB PAS DE'I KHYAD PAR GYI MTSAN NYID KYANG MI 'GRUB @351A PA'I PHYIR MTSAN NYID DANG MTSON BYA KHYAD PAR MED PAR THAL LO, ,YANG NA MI SRID PA STE DON DAM PAR RANG DANG GZHAN GYI 'BRAS BU PHYED PAR MI 'THAD PAS DON BYED NUS PA MI RUNG BA'I PHYIR RO, ,DES NA KUN RDZOB KYI MTSAN NYID KYANG HA CANG KHYAB PAR 'GYUR TE, RDUL PHRAN DANG SEMS DANG SEMS LAS BYUNG BA LA YANG DON DAM PAR DON BYED NUS PA 'JUG PA'I PHYIR RO,, GZUNG BA DANG 'DZIN PA'I MTSAN NYID RNAM PA 'JOG PA'I RGYU DANG DE'I RNAM PA'I RJES SU BYED PA'ANG HA CANG KHYAB PA DANG MI SRID PA YIN TE, DE MA THAG PA'I RKYEN LA SOGS LA'ANG YOD PA'AM YANG NA BDAG NYID THAMS CAD DAM PHYOGS GCIG GIS 'DRA BA MI 'THAD PAS GANG YANG RNAM PAR GTOD PA'I RGYUR MI RUNG BA'I PHYIR RO, ,BYE BRAG TU RDUL PHRA RAB KYI RNAM PA NI MI SNANG LA, RAGS PA'I RNAM PA NI SNANG YANG PHYI ROL NA MED PAS, GZUGS LA SOGS PA DANG MIG GI RNAM SHES LA SOGS PA LA GZUNG BA DANG 'DZIN PA'I MTSAN NYID MI 'THAD PA'I PHYIR RO, ,RNAM RIG SMRA BA DAG GI LTAR PHYI ROL MI 'THAD PA DANG, DE'ANG RNAM MED SMRA BA'I LTAR RNAM PA MI 'THAD PA NI RIGS PA LAS 'ONGS PA'I PHYIR DE KHO NA LTAR DBU MA LA'ANG MI 'DOD PA NYID DO, ,'ON KYANG RNAM MED NYID KYI DON DAM PAR YOD PA'I MTSAN NYID MI SRID PA NI SPANG DKA'O, ,'DI LTAR RIGS PAS DPYAD NA KHYOD 'DOD PA'I RNAM PAR SHES PA DE'ANG RANG DANG GZHAN DANG GNYI GA LAS SKYE BA MI 'THAD PA LA SOGS PAS DON DAM PAR DON BYED NUS PA MI SRID PAS SO, ,GZHAN YANG MED PA'I RNAM PA RNAMS DANG YOD PA'I SHES PA DAG LA 'BREL PA CI ZHIG YOD NAS SHES PA GSAL BA'I TSE RNAM PA'I TSOGS KYANG DE DANG LHAN CIG SNANG, 'BREL MED DAG KYANG LHAN CIG GSAL NA NI BDE SDUG GAM BDAG DANG RVI BONG GI RVA LA SOGS PA DANG SHES PA YANG LHAN CIG GSAL BAR THAL BAR 'GYUR RO, ,DE LAS BYUNG BA'I 'BREL BA YANG MI SRID DE DUS THA MI DAD PAR SNANG BA'I PHYIR DANG, RNAM PA RNAMS MED NA DE BSKYED PA'I NUS PA YANG YOD PAR 'GAL BA'I PHYIR TE, YUL MED PA'I NUS PA MI SRID PA'I PHYIR RO, ,NUS PA TSAD MAS NGES NA DE'I YUL YANG @351B NGES PAR 'GYUR BAS NA RNAM PA RNAMS BDEN PA NYID DU THAL BAR 'GYUR BA'I PHYIR RO,, GZHAN YANG MA 'BREL BA'I GNYIS SU SNANG BAS NI DE DANG LHAN CIG PA'I SEMS KUN NAS NYON MONGS PA CAN DU BYED PA MI 'THAD PA'I PHYIR RO, ,GLO BUR GYI KUN TU RTOG PA'I SGRIB PAS RNAM PAR DAG PA'I SEMS KYI GNAS SKABS KUN NAS NYON MONGS PAR MI BYED PA BZHIN DU, 'KHOR BA PA'I SEMS KYI GNAS SKABS KYANG KUN NAS NYON MONGS PAR MI BYED PA'I PHYIR THAMS CAD 'BAD PA MED PAR GROL BAR YANG 'GYUR RO, `,'O NA JI LTAR BDEN PA GNYIS KYI MTSAN NYID RNAM PAR BZHAG CE NA, RANG GI LUGS KYI MTSAN NYID BZHAG PA NI, ,SNANG BZHIN PA NYID RIG PAS MI GNAS DANG, ,YANG DAG RIGS PA'I LUS KYI RNAM PAR BZHAG ,DE YANG BDEN PA'I RANG BZHIN MTHA' DAG GIS, ,RNAM PAR DBEN PAS DER 'DZIN 'GOG TZAM NYID, ,GANG ZHIG BLOS DMIGS KYANG RIGS PAS MI 'THAD PA NI KUN RDZOB KYI BDEN PA YIN LA, GANG ZHIG PHYIN CI MA LOG PA'I DON DPYOD PA'I RIGS PAS GRUB PA NI DON DAM PA'I BDEN PA'O, ,DKAR PO DANG BDE BA LA SOGS PA NI THA SNYAD PA'I RIGS PAS GRUB PA YIN YANG, SHIN TU RNAM PAR PHYE NAS DPYOD PA'I BLOS MI 'THAD PA'I PHYIR RIGS PAS GRUB PA MA YIN PA'O, ,GANG ZHIG GZHAN GYI YUL RNAM PAR DPYOD NUS PA'I BLOS YUL DU BYAS KYANG NYE BAR BRTAGS PA'I DON DANG YID KYIS RGYAL SRID RTOG PA LTAR LOG PA NYID DU NGES PAR BYED PA DE NI RIGS PA'I SHES PA YIN LA, DES RNAM PAR DPYAD NA NI DNGOS PO GANG YANG GRUB PA MED PAS DON THAMS CAD NI RIGS PAS MI GNAS PA YIN NO, ,'O NA RIGS PAS GRUB PA'I DON 'GA'ANG MI SRID PAS DON DAM PA'I MTSAN NYID MI SRID PAR MI 'GYUR RAM ZHE NA, DPER NA DNGOS PO RTAG PA'I MTSAN NYID DAM RVI BONG GI RVA LA SOGS PA'I MTSAN NYID 'DI LTA BU'O ZHES BRJOD KYANG, RTAG PA LA SOGS PA YOD PAR MI THAL BA DANG, DE'I MTSAN NYID LA MI SRID PA'I SKYON BRJOD PAR BYA BA YANG MA YIN PA BZHIN NO, ,MTHA' GNYIS SU GRUB PA YANG DE LTAR RTOG PA'I BLO'I MTSAN NYID MI 'DRA BA GNYIS SRID PAS DE'I YUL RNAM @352A PA GNYIS SU BZHAG NAS GCIG 'GOG PA YIN TE, DON DAM PAR NI JI LTAR YANG KHAS LEN PAR MI BYED KYI DER 'DZIN ? PA 'GOG PA TZAM DU ZAD DO, ,KUN RDZOB KYI BDEN PA NI MTHONG BA DANG THOS PA LA SOGS PA JI LTA BAR KHAS LEN TO, ,DE NI GNYIS TE, YANG DAG PA DANG YANG DAG PA MA YIN PA'O, ,DE'ANG 'JIG RTEN NYID LA YANG DAG PA DANG YANG DAG PA MA YIN PAR GRAGS PA STE, 'DOD PA'I 'BRAS BU SGRUB BYED DU SNANG BA DANG SNANG BA MED PA'I RANG BZHIN CAN NO, ,DE KHO NAR NI 'DUS BYAS THAMS CAD YANG DAG PA MA YIN PA SNANG BAR KHYAD PAR MED PAS MA BRTAGS NA NYAMS DGA' BAR SNANG BA NI KUN RDZOB CES BYA'O, ,YANG DAG PA'I KUN RDZOB DE'ANG JI LTA BU ZHE NA, KHA CIG NA RE RNAM PAR SHES PA TZAM NI YANG DAG PA'I KUN RDZOB TU YOD PA'O, ,GZHAN GZUNG 'DZIN GNYIS NI LOG PA'I KUN RDZOB TU ZAD KYI YANG DAG PA'I KUN RDZOB NI MA YIN NO ZHES ZER RO, ,DE NI MI 'THAD DE BDE SOGS LTAR SNGO SOGS KYANG MNGON PAR 'DOD PA'I 'BRAS BU'I SGRUB BYED DU THA SNYAD PA'I MNGON SUM DANG RJES DPAG GIS BSGRUBS PAS, DE SPONG BA LA MNGON SUM DANG RJES DPAG GIS GNOD DO, ,DE LTA MA YIN NA RNAM SHES KYANG YANG DAG GI KUN RDZOB TU YOD PA MA YIN NO ZHES ZER NA KHYOD LA LAN CI YOD, DE LTA BAS NA RNAM SHES LTAR PHYI ROL YANG YANG DAG GI KUN RDZOB TU YOD PA NYID DO, ,'ON KYANG MDO SDE PA'AM, BYE BRAG SMRA BA DAG ZER BA LTAR YANG MA YIN TE, NYAMS SU MYONG BA DANG RJES DPAG GIS JI LTAR GRUB PA LTAR KHAS BLANG NGO, ,DE'ANG RDUL PHRAN DANG SKAD CIG LA SOGS PA DNGOS POR SMRA BAS BRTAGS PA LTA BU NI THA SNYAD DU TSAD MAS MA GRUB PA'I PHYIR NA CHA MED PAR GRUB PA'I DNGOS PO NI KHAS MI LEN NO, ,'ON KYANG RIL PO'I 'DU SHES DANG RTAG PA'I 'DU SHES KYI GNYEN POR BCOM LDAN 'DAS KYIS RDUL PHRAN DANG SKAD CIG GI DNGOS PO CHA MED PAR GSUNGS PAR ZAD DO, ,GANG LAS RNAM PAR PHYE NA RAB TU MI DMIGS PA DE NI RDUL PHRAN DANG SKAD CIG MA'I MTSAN NYID DE, CHA MED PAR GNAS PA NI MA YIN NO, ,DE LTA BU'I BDEN PA GNYIS PO @352B DE NGES PAR BYED PA'I TSAD MA NI, RE ZHIG DON DAM PA NI DNGOS PO DANG DNGOS PO MED PA'I BLOS RNAM PAR BZHAG PA'I DON LA GNOD BYED KYI RJES DPAG GIS GTAN LA PHEBS SO, ,DE LTA BU'I DON THAMS CAD TSAD MAS BKAG PA NYID LA DON DAM PAR STONG PA NYID TSAD MAS GRUB PAR BRJOD PA'I PHYIR TE, TSAD MA'I YUL DU RNAM PAR GNAS PA'I DON DAM PA NI KHAS MI LEN PAS DE'I TSAD MA YANG MI TSOL LO, ,KUN RDZOB KYI DNGOS PO KUN RDZOB NYID DU NGES PAR BYED PA NI DNGOS PO YANG DAG PA 'GOG PA'I TSAD MA DE'I SHUGS KYIS YIN TE, YANG DAG GI DON BKAG PA NA SNANG BA NI MYONG BA'I DBANG GIS NGES PAS, SHES PA GNYIS KYI BYED PA LAS PHYIN CI LOG GI DON BRDZUN PAR NGES PA'I PHYIR RO, ,YANG DAG PA'I DNGOS PO 'GOG PA'I TSAD MA DE LA YANG CHOS CAN LA SOGS PA MI SNANG BA NI MA YIN TE GZHI MED PAR DGAG PA MI 'DZIN PA'I PHYIR RO, ,CHOS CAN LA SOGS PA SNANG BAS DE RIGS PAS GRUB PAR YANG MI 'THAD DE, RJES DPAG LA SPYI SNANG YANG SPYI RIGS PA'I YUL DU MI THAL BA BZHIN NO, ,RNAM RTOG NI RANG BZHIN GYIS 'KHRUL PAS LOG PA'I RNAM PA 'GA' ZHIG SGRO BTAGS NAS TSAD MA'I GZHAL BYA 'GA' ZHIG GTAN LA 'BEBS PA YIN GYI, JI LTA BA BZHIN SNANG BAS GTAN LA 'BEBS PA NI MA YIN NO, ,DES NA CHOS CAN NI NGES PAR SNANG BAR KHAS BLANG STE, DE LTA MA YIN NA DON 'GA'ANG GTAN LA MI PHEBS PAR THAL BA'I PHYIR RO, ,DE NI SHES BYA'I DE KHO NA RNAM PAR NGES PA'I PHYOGS TZAM BSTAN PA'O, `,RNAL 'BYOR BSGOM PA LAS MOS PAS SPYOD PA'I GNAS SKABS KYI NI, DE LTAR SHES NAS DANG POR GZUGS SOGS YUL, ,SNANG BA TZAM GYIS RANG RGYUD MA GRUB BLTA, ,DE NAS DER 'DZIN SEMS KYANG MA GRUB PAS, ,GNYIS MED RANG GSAL NYID LA BLO GNAS BYA, , DE LTA BUR THOS PA DANG BSAM PA LAS BYUNG BA'I SHES PAS SHES BYA KHONG DU CHUD NAS DON DE LA RNAL 'BYOR GYIS RJES SU BSGRUB PA NI DANG POR BZUNG BA'I DON THAMS CAD RAB TU MI DMIGS PA BSGOM PAR BYED DO, ,DE'ANG 'DI LTAR SNGON PO LA SOGS PA 'DI DAG NI RANG GI SHES PA NYID DE @353A LTAR SNANG BA TZAM DU ZAD KYI PHYI ROL GYI DON RANG RGYUD PA NI MA YIN NO ZHES BSGOMS PA'I STOBS KYIS NGES PAR BYED DO, ,DE NAS NI SNGON PO LA SOGS PA 'DI DON RANG RGYUD PA MA YIN PA BZHIN DU SHES PA'I RANG BZHIN YANG MA YIN PAR RAB TU RIG GO ,DE NAS NI GZUNG 'DZIN GNYIS KA MED PAR RNAM PAR RTOG PAS MNYAM PAR BZHAG PA'I STOBS KYIS RAB TU RIG GO `,DE KHO NA MTHONG BA'I GNAS SKABS NI, DE YANG MI DMIGS RAB TU BSGOM BYA STE, ,DE LTAR YUL GYI SPROS PA'I BUD SHING TSOGS, ,MA LUS SHES RAB ME YIS RAB BSREGS NAS, ,DE NYID RAB ZHI CHOS DBYINGS MNGON SUM 'GYUR, ,DE NAS NI GNYIS MED PA'I MTSAN NYID 'DZIN PA NYID KYANG RAB TU BKAG PAS CHOS KYI DBYINGS LA 'JUG STE, SHING GNYIS DRUD PA LAS ME BYUNG BAS SHING DE GNYIS RAB TU BSREGS NAS ME DE NYID KYANG RAB TU ZHI BA LTAR, SO SOR RTOG PA'I SHES RAB KYIS 'DZIN PA RAB TU MA GRUB PAR RTOGS PA'I DBANG GIS SHES RAB DE NYID KYANG RAB TU ZHI BA RNAM PAR MI RTOG PA'I YE SHES KYIS CHOS KYI DBYINGS MNGON SUM DU BYED DO, ,DE'I TSE NI SHES PA SGYU MA LTA BU KUN RDZOB PA RANG GI NYAMS SU MYONG MOD KYI, DE LAS MA GTOGS PA'I SHES BYAR SNANG BA RAB TU ZHI BA'I PHYIR DANG, SHES PA DE NYID KYANG DON DAM PAR YOD NA SNANG DU RUNG BA LAS MI DMIGS PA'I PHYIR CHOS THAMS CAD NGO BO NYID MED PA RAB TU MI GNAS PA'I TSUL GYIS MNGON SUM DU MTHONG BA ZHES BYA'O, , `DE GOMS PAR BSGOM PA'I GNAS SKABS NI, DE NAS DE LA SGOM PAS SPANG BYA BA, ,SGRIB PA RNAM DGU RIM GYIS SPONG BYED PA'I,, NUS PA LHAG PAS YE SHES DE NYID NI, ,BSGOM PA'I LAM GYI SA DGUR RNAM PAR BZHAG ,DE'I 'OG TU SA LHAG MA RNAMS SU NI CHOS KYI DBYINGS DE LA GONG NAS GONG DU SGRO 'DOGS PA RNAM PA DGU SEL BA'I NUS PA NI BSGOMS PA'I STOBS KYIS THOB PAS SGOM SPANG GI SHES BYA'I SGRIB PA RNAM PA DGU SEL BAR BYED PA'I PHYIR, BSGOM PA'I LAM GYI GNAS SKABS SU BYANG CHUB KYI SEMS RNAM PA DGUR BZHAG PA'O, ,SNGAR MTHONG BA'I LAM GYI GNAS SKABS PAS NUS PA LHAG @353B PAR 'PHEL BA'I PHYIR GONG NAS GONG DU SA THA DAD KYANG RNAM PAR MI RTOG PA'I YE SHES KYI RNAM PA LHAG PA NI YOD PA MA YIN TE, SA BCU RNAMS SU CHOS KYI DBYINGS LA YE SHES KYI SNANG BA RNAM PAR THA MI DAD PAR BLTA'O, ,SGRIB PA SEL BA'I NUS PA THA DAD PAR 'PHEL BAS SPANGS PA LHAG PA DANG DE LA BRTEN PA'I YON TAN GYI CHE BA LHAG PA NI 'DI RNAMS KYI KHYAD PAR YIN NO, `,DE'I KHYAD PAR GYI LAM BZHAG PA NI, DE YANG BGROD GCIG LAM THOB MI SKYE BA'I, ,CHOS LA BZOD SMIN 'GRO BA TSIM BYED DANG, ,'PHRIN LAS LHUN GRUB RGYUN MI CHAD THOB LAS, ,SANGS RGYAS SA YI SBYOR BA RNAM GSUM MO, ,YE SHES KYI RNAM PA YONGS SU BSGOMS PA'I STOBS KYIS BYANG CHUB SEMS DPA'I SA BRGYAD PA LA ZHUGS PA NA NGAR 'DZIN GYI SA BON LOG NAS BGROD PA GCIG PA'I LAM MNGON DU GYUR TE MI SKYE BA'I CHOS LA BZOD PA THOB CING RNAM GROL GYI LUS YONGS SU RDZOGS PA NI SANGS RGYAS KYI SA'I SBYOR BA DANG PO THOB PA'O, ,DE NAS SA DGU PA LA ZHUGS TE TING NGE 'DZIN DANG GZUNGS KYI SGO DANG SO SO YANG DAG PAR RIG PA DANG MNGON PAR SHES PA RGYA MTSO RAB TU THOB PAS CHOS KYI CHAR CHEN POS 'GRO BA TSIM PAR BYED PA NI SANGS RGYAS KYI SA'I SBYOR BA 'BRING NGO, ,DE'I 'OG TU BYANG CHUB SEMS DPA'I SA BCU PA CHOS KYI SPRIN LA ZHUGS TE, BDE BAR GSHEGS PA'I MDZAD PA LHUN GYIS GRUB CING RGYUN MI CHAD PA DBANG RAB TU THOB PA NI SBYOR BA CHEN PO'O, ,DE LTAR BYANG CHUB SEMS DPA'I SA BCU PO 'DI RNAMS SU NI DE KHO NA NYID RNAM PAR MI RTOG PA'I YE SHES KYIS MTHONG MOD KYI, SHIN TU GSAL BAR DE'I TSUL THAMS CAD RDZOGS PAR NI MI MTHONG STE, SPRIN GYI MTHONGS NAS NYI MA'I DKYIL 'KHOR YONGS SU MA RDZOGS PAR MTHONG BA LTA BU YIN NO, ,DE SKAD DU'ANG SPRIN MTHONGS MKHA' LA NYI BZHIN 'DIR KHYOD PHYOGS GCIG BLO GROS CAN, ,BLO MIG LDAN PA'I 'PHAGS RNAMS KYIS KYANG THAMS CAD MTHONG MA LAGS,, BCOM LDAN 'DAS KHYOD CHOS SKU GANG YIN BLO GROS MTHA' YAS PA, ,SHES BYA MTHA' MED MKHA' DBYINGS KHYAB PA DE DAG GIS KUN MTHONG ZHES GSUNGS SO, ,DE LTAR MOS PAS @354A SPYOD PA'I SA DANG, SA BCU PO RNAMS SU RNAM PAR RTOG PA DANG BCAS PA DANG RNAM PAR MI RTOG PA'I YE SHES KYIS CHOS KYI DBYINGS LA MNYAM PAR 'JOG PA NI RNAL 'BYOR RJES SU BSGRUB PA STE, DANG PO GTAN LA 'BEBS PA NI RIGS PA'I SHES PA LA 'DU BYED KYI MTSAN MA CHOS CAN GYI DON SNANG BA LTAR, RNAL 'BYOR BSGRUB PA NA NI MA YIN TE DON THAMS CAD MI DMIGS PA YIN NO, `,'BRAS BU THOB PA SPYIR BZHAG PA NI, CHOS DBYINGS RANG BZHIN RNAM DAG LAM GYIS NI, ,SGRIB TSOGS KUN SPANGS RNAM DAG GNYIS LDAN ZHING, ,CHOS RNAMS CHOS NYID DUS GSUM GTOGS PA YI, ,SHES BYA KUN KHYAB MKHYEN LA MNGA' BRNYES PA'O,, DE LTAR MNYAM PAR BZHAG PAS CHOS KYI DBYINGS SHIN TU BSGOMS PA'I 'BRAS BU NI DE BZHIN NYID RANG BZHIN GYIS RNAM PAR DAG PA LAM GYIS GLO BUR BA SGRIB PA'I TSOGS RGYUN BCAD PAS RANG BZHIN DANG DRI MA MED PA'I RNAM DAG GNYIS TSOGS PA'I GNAS SKABS THOB PA NA SGRIB GNYIS SPANGS PA'I KHYAD PAR CAN JI LTA BA DANG JI SNYED PA'I CHOS THAMS CAD KYI RNAM PA THAMS CAD MKHYEN PA'I YE SHES GNYIS LA MNGA' BRNYES PAS RANG DANG GZHAN GYI DON PHUN SUM TSOGS PA MTHA' DAG 'BYOR PA, CHOS KYI SKU DANG GZUGS KYI SKU BRNYES PAS SANGS RGYAS KYI SA MNGON DU MDZAD PA THOB PA'O, `,CHOS KYI SKU BSHAD PA NI, MTSAN MA KUN BRAL CHOS DBYINGS JI LTA BAR, ,MNGON GYUR SNANG MED SHES RAB KYIS DMIGS PAS, ,SHES DANG SHES BYA SPROS BRAL MNYAM 'JUG PA, ,SANGS RGYAS KUN GYI RANG BZHIN CHOS SKUR BRJOD, ,'DI NI CHOS THAMS CAD KYI DE BZHIN NYID GLO BUR GYI SGRIB PA DANG BRAL BA DE LA 'JIG RTEN LAS 'DAS PA'I SHES RAB KYIS MI DMIGS PA'I TSUL GYIS DMIGS PA STE, SHES PA DANG SHES BYA RO GCIG TU GYUR PA'O, ,JI LTAR CHU LA CHU BZHAG PA DANG MAR LA MAR THIM PA LTAR, MTSAN MA THAMS CAD DANG BRAL BA'I CHOS KYI DBYINGS DE LA, JI LTA BA BZHIN 'DZIN PA'I SHES RAB KYIS DMIGS PA NI SHES BYA MA GRUB PAS YE SHES MI 'JUG PAS NA, SHES BYA JI LTA BA BZHIN @354B DU YE SHES RAB TU ZHI BA NI CHOS KYI DBYINGS KYI TSUL THAMS CAD JI LTA BA BZHIN DU GSAL BAR MTHONG ZHES BYA'O, ,GNAS SKABS DER NI KUN RDZOB PA'I SHES PA RANG RIG PA SGYU MA LTA BU DE'ANG RAB TU ZHI BA'I PHYIR SPROS PA'I MUN PA CHEN PO KUN TU NUB PA YIN NO, ,DE LTAR SKAD CIG GCIG DANG LDAN PA'I SHES RAB KYIS CHOS THAMS CAD MNGON PAR RDZOGS PAR BYANG CHUB PA 'JIG RTEN LAS 'DAS PA'I SHES RAB MNGON DU GYUR PA 'DI NI CHOS KYI SKU THOB PA'O, ,DE'I TSE SHES BYA 'GA' ZHIG YOD NA GDON MI ZA BAR SNANG BAR 'GYUR BA LAS MA DMIGS PA'I PHYIR SHES RAB DES CHOS KYI DBYINGS MNGON SUM DU MTHONG BAR BSNYAD PA YIN GYI, DMIGS PA 'JUG PAS DON 'GA' ZHIG YONGS SU BCAD PAR NI MI BLTA'O, ,DES NA, NAM MKHA' MTHONG ZHES SEMS CAN TSIG TU RAB BRJOD PA, ,NAM MKHA' JI LTAR MTHONG ZHES DON 'DI BRTAG PAR GYIS, ,DE LTAR CHOS MTHONG BA YANG DE BZHIN GSHEGS PAS BSTAN, ,MTHONG BA DPE GZHAN GYIS NI BSNYAD PAR NUS MA YIN, ,GANG GIS DE LTAR MTHONG BA DE YIS CHOS KUN MTHONG ZHES GSUNGS SO, `,GZUGS SKU GNYIS LAS LONGS SPYOD RDZOGS PA'I SKU BSHAD PA NI, DE RJES SHES BYA'I SGRIB KUN DANG BRAL BA'I, ,SHES BYA'I CHOS NYID JI BZHIN RAB GSAL BAS, ,NAM MKHA' DANG MNYAM DUS GSUM CHOS RNAMS KUN, ,MNGON SUM NYID GYUR ME LONG YE SHES YIN, ,DE LA BRTEN PA BDAG GZHAN MNYAM NYID DU, ,GZIGS PAS RTAG TU 'GRO KUN DON MDZAD DANG, ,SHES BYA KUN GYI MTSAN NYID MNGON GZIGS PA'I, ,YE SHES 'DI GSUM LONGS SPYOD RDZOGS SKUR BRJOD, ,DE'I RJES LA SGRIB PA'I SA BON SHIN TU CHA PHRA BA RNAMS DANG YANG BRAL BAS RNAM PAR GROL BA'I LAM GYI MTSAN NYID, SNGAR GYI MNYAM PAR BZHAG PA'I YE SHES KYI SKAD CIG GI NYER LEN LAS BYUNG BA SKYE STE, DES NAM MKHA' DANG MNYAM PA'I DON RGYU DANG 'BRAS BUS BSDUS PA RTEN CING 'BREL PAR 'BYUNG BA MA LUS PA MNGON SUM DU BYED DO, ,DE NI ME LONG LTA BU'I YE SHES TE ME LONG G-YA' DAG PA LA SNGA NA MED PA'I GZUGS KYI RNAM PA THAMS CAD SNANG BA 'BYUNG BA LTAR, SGRIB PA'I DRI MA RNAM @355A PAR DAG PA'I DBANG GIS DUS GSUM DU BSDUS PA'I SHES BYA NAM MKHA'I MTHA' DANG MNYAM PA THAMS CAD RAB TU SNANG BA STE SHES BYA'I RNAM PA DANG LDAN PA NI MA YIN NO, ,DE NI NAM MKHA' CHEN PO LTAR RTAG TU GNAS TE RES 'GA' RNAM PAR CHAD PA LA BRTEN PA NI MA YIN NO, ,SMON LAM DANG DGE BA'I TSOGS DPAG TU MED PAS RAB TU BSGRUBS PA'I YE SHES CHEN PO DE LA NI BDAG DANG GZHAN GYI RGYUD LA THA DAD DU MI 'DZIN PAR GZIGS PA, NGAR 'DZIN GYI 'CHING BA'I GNYEN POR GYUR PA, BDAG DANG GZHAN MNYAM PA'I BYANG CHUB KYI SEMS MTHAR PHYIN PA MNYAM PA NYID KYI YE SHES DANG, SHES BYA JI LTA BA DANG JI SNYED PA RANG DANG SPYI'I MTSAN NYID KYI SGO NAS 'DZIN PA'I MTSAN NYID CAN SO SOR RTOG PA'I YE SHES GNYIS PO RAB TU BSTEN TE, RGYA MTSO CHE LA RLABS BRTEN PA BZHIN NO, ,BRTEN PA'I YE SHES DE GNYIS KHA CIG RNAM RTOG DANG BCAS PAR YANG 'DOD DE, DE NI LUNG DANG RIGS PA DU MA DANG 'GAL BAS SPANG BAR BYA'O, ,'ON KYANG 'DI NI SNGA PHYI DANG SGRA DON SBYOR BA LA SOGS PA LOG PAR 'DZIN PA LAS GROL BA'I PHYIR RNAM PAR MI RTOG PA YIN TE, NGES PA DANG 'DZIN PA'I BDAG NYID DU 'JUG PA NI YOD PAR BLTA'O, ,DE LTA MA YIN NA SHES BYA'I SPYI'I MTSAN NYID LA 'JUG PA DANG SEMS CAN LA THUGS RJE CHEN PO 'JUG PA DANG CHOS GSUNG BA'I 'PHRIN LAS LA 'JUG PA LA SOGS PA MI 'THAD PAR 'GYUR BA'I PHYIR RO, ,DE LTAR RTEN DANG BRTEN PA'I YE SHES GSUM PO 'DI NI LONGS SPYOD RDZOGS PA'I SANGS RGYAS TE GZUGS SKUS BSDUS PA'O, ,JI LTAR ZHE NA, GZUGS SU SNANG BA'I BDAG PO'I RKYEN YIN PA'I PHYIR DANG, GZUGS KYI RNAM PAR RIG PA'I MTSAN NYID CAN YIN PA'I PHYIR RO, `,SPRUL SKU BSHAD PA NI, DE LAS SKU GSUNG THUGS KYI 'PHRIN LAS RNAMS,, LHUN GYIS GRUB CING RGYUN MI CHAD NYID DU, ,GDUL BYA'I SKAL BA JI BZHIN RTAG 'JUG NI, ,BYA BA GRUB PA'I YE SHES SPRUL SKU'O, ,SNGA MA DE LAS NI LHUN GYIS GRUB CING RGYUN MI CHAD PAR 'GRO BA SKAL LDAN MTHA' DAG GI DON CI RIGS PA LA DUS LAS MI 'DA' BAR RAB @355B TU 'JUG PA'I 'PHRIN LAS KYI RANG BZHIN BYA BA GRUB PA'I YE SHES KYIS BSDUS PA SPRUL PA'I SKU RAB TU 'BYUNG STE, LONGS SPYOD RDZOGS PA'I SANGS RGYAS KYI DBANG GIS GDUL BYA LA SKAL BA JI LTA BAR SKU GSUNG THUGS KYI MDZAD PA MTHA' YAS PA RAB TU 'JUG PA'I MTSAN NYID DO, ,'DI'ANG GZUGS SKU STE GZUGS SU SNANG BA'I MTSAN NYID YIN PA'I PHYIR RO, ,'DI NI RTAG TU GNAS PA'I THUGS RJE CHEN PO GTZOR GYUR BA LAS BYUNG BA GZHAN GYI RNAM PAR RIG PA'I CHAS BSDUS PA STE, 'JIG RTEN GYI KHAMS THAMS CAD DU SANGS RGYAS THAMS CAD KYI THUN MONG GI DBANG GIS 'JUG CING DUS THAMS CAD DU NYAMS PAR MI 'GYUR BA'O, ,DE LTAR SANGS RGYAS KYI SA'I TSUL 'DI NI MDOR NA RNAM PA BZHIS BSDUS TE, SPANGS PA DANG, SHES RAB DANG, YE SHES DANG, THUGS RJE'O, ,DBYINGS RNAM PAR DAG PA NI SPANGS PA'O, ,DE LA 'DZIN PA'I SHES PA NI SHES RAB BO, ,KUN RDZOB TU JI LTA BA DANG JI SNYED PA RIG PA NI YE SHES SO, ,SEMS CAN GYI DON LA 'JUG PA NI THUGS RJE'O, ,DES NA KHA CIG SANGS RGYAS PA'I GNAS SKABS NA NI RJES THOB KYI YE SHES MI 'JUG STE, BYANG CHUB SEMS DPA' DANG KHYAD PAR MED PA LA SOGS PAR THAL BAR 'GYUR RO ZHES ZER BA NI SHIN TU 'KHRUL PAR BLTA STE, 'DUS MA BYAS SHING LHUN GYIS GRUB,, GZHAN GYI RKYEN GYIS RTOGS MIN PA, ,MKHYEN DANG BRTZE DANG NUS PAR LDAN, ,DON GNYIS LDAN PA'I SANGS RGYAS NYID, ,CES BYA BA LA SOGS PA'I LUNG MANG PO DANG 'GAL ZHING, RIGS PAS KYANG MI 'THAD DE, SHES PA'I NYE BAR LEN PA'I 'BRAS BU NI RNAM PAR CHAD PAR MI RUNG BA'I PHYIR RO, ,DE LTA BAS NA CHOS KYI DBYINGS RNAM PAR DAG PA NI DE NYID DANG DNGOS PO LA DMIGS PA'I MTSAN NYID KYI MKHYEN PA, SHES RAB DANG YE SHES GNYI GA DANG LDAN PAR YID CHES PAR BYA'O, ,DE'ANG CHOS SKU SPANGS PA DANG SHES RAB KYI MTSAN NYID NI RANG GI DON TO, ,GZUGS SKU GNYIS PO NI GZHAN GYI DON TO, ,DE LTAR DE KHO NA LA 'JUG PA THEG PA CHEN PO'I TSUL MDOR BSDUS PA, SHES BYA'I DE KHO NA RNAM PAR NGES PA DANG, RNAL 'BYOR RJES SU SGRUB PA DANG, DE'I 'BRAS BU @356A THOB PA GSUM SPYI TZAM DU BSHAD PA 'DI NI BDAG GI BLA MA RJE BTZUN LA SHIN TU GUS PAS DE'I GSUNG LA GCES PAR 'DZIN PA CHEN POS 'DIR BKOD PAR ZAD DE, TSUL DANG PO DE NI SKABS 'DI NYID DU DE MA THAG RGYAS PAR 'CHAD LA, PHYI MA GNYIS PO NI SKABS 'OG MA DAG TU RGYAS PAR 'CHAD AS 'DIR NI 'OL SPYI TZAM DU BZHAG PAR ZAD DO, ,DA NI SKABS KYI DON RAB TU BSGRUB PAR BYA'O, ,'DI LA DANG POR SHES RAB KYI RANG BZHIN CHOS THAMS CAD STONG PAR BLTA BAS YUL DON DAM PA SHES PAR BSGRUB STE, DE'ANG DE KHO NA RNAM PAR NGES PA DANG, KUN NAS NYON MONGS PA'I GNYEN PO NYID KYIS SHES BYA DANG SPANG BYA LA BLTOS NAS RTOGS PA DANG NUS PA'I TSUL GNYIS DANG LDAN PA'O, ,GZHAN DU NA SNGON PO SHES PA DANG RUS GONG GI 'DU SHES LTAR SHES RAB KYI PHA ROL TU PHYIN PA NYID DU MI 'GYUR BAS SO, ,'DIR DANG POR STONG PAR LTA BA DE DON JI LTA BA'I RTOGS PAR BSGRUB PA'I PHYIR SHES BYA STONG PA NYID STON TO, ,DE NAS NI GNYEN PO'I MTSAN NYID BSGRUBS PAS YUL CAN DE LAM DU BSGRUB BO, `,SHES BYA STONG PA NYID LA DANG POR RANG GI LUGS KYI BDEN PA GNYIS RNAM PAR 'JOG PA NA DBYE BA NI, DE LA DMIGS BRAL SGYU 'DRA'I STONG PA NYID, ,DON DAM KUN RDZOB BDEN PA GNYIS SU GSUNGS,, ZHES BYA BA'O, `,SO SO'I RANG BZHIN NI, DON DAM SPROS TSOGS MA LUS NYER ZHI ZHING, ,YON TAN KUN GYI DMIGS GYUR ZHI BA DAG ,BLO YI SPYOD YUL LAS 'DAS MTHA' GNYIS SPANGS, ,CHOS TSOGS MA LUS RNAMS KYI CHOS NYID DO, ,'KHRUL SNANG CHOS RNAMS MA LUS KUN RDZOB STE, ,RTEN CING 'BREL 'BYUNG SNANG DANG RJES MTHUN PA'I, ,DON BYED NUS DANG MI NUS PA DAG LAS, ,YANG DAG YANG DAG MA YIN GNYIS SU BLTA, ,ZHES BYA BA'O, `,NGES PAR BYED PA'I MTSAN MA NI, YOD MED LA SOGS SPROS KUN RNAM BCAD ? DON, ,RJES DPAG RNAL 'BYOR MNGON SUM DON DAM GYI, ,DE DAG NYID KYIS BDEN PA RNAMS BKAG CING, ,SNANG BZHIN NYID KYIS BRDZUN PAR DON GYIS NGES,,ZHES BYA BA'O, ,'DI DAG GI SPYI DON NI BZHIS GTAN LA DBAB STE, SGRA'I DON DANG @356B DBYE BA'I RANG BZHIN DANG, SO SO'I MTSAN NYID DANG, DE NGES PAR BYED PA'I TSAD MA'O, ,DANG PO LA KUN RDZOB CES BYA BA NI 'KHRUL PA'I BLO STE DE KHO NA BSGRIB PAR BYED PAS SO, ,'DI LTAR MYONG BA DANG ZHEN PA'I BLO MTHA' DAG NI DE KHO NA JI LTA BA LAS GZHAN DU LOG PAR SNANG BAS KUN TU SGRIB CING RNYOG PAR BYED PAS NA YANG DAG BSGRIB BAM KUN RDZOB STE, GANG ZHIG GIS SAM GANG ZHIG NA, ,YANG DAG SGRIB BYED KUN RDZOB 'DOD, ,CES GSUNGS LA, MA RIG SKYES PA NYID KYI NA,, YANG DAG MIN PA'I DON SNANG ZHING, ,YANG DAG SGRIB PAR BYED PA 'JUG ,MIG SER GYI NI NON PA BZHIN ZHES KYANG STE, MA RIG PA DANG PHYIN CI LOG DANG RMONGS PAS SBYAR BA'I SNANG BA'O,, BDEN PA NI 'KHRUL PA DE'I BSAM PA'I DBANG GIS TE RNAM PAR GNAS PAR MOS PAS NA 'KHRUL PA'I YUL TZAM DU BDEN GYI DE KHO NAR MI BDEN PA'I PHYIR RO, ,MYA NGAN 'DAS PA BDEN GCIG PU, ,RGYAL BA RNAMS KYI GANG GSUNGS PA, ,DE TSE LHAG MA LOG MIN ZHES, ,MKHAS PA SU ZHIG RTOG PAR BYED, ,CES GSUNGS PA STE, LOG PA NI 'KHRUL PA'I SNANG BA'O, ,DES NA 'DUS BYAS KYI DON THAMS CAD NI BRDZUN PA SLU BA'I CHOS CAN YIN PAS NA 'KHRUL PA'I BSAM PA KHO NAS BDEN PAR ZAD DO, ,DE'I PHYIR BLO DE'I YUL DANG RANG GZHAN MTHA' DAG NI 'KHRUL NGOR BDEN PAR ZAD PAS NA BLO NI KUN RDZOB YIN PAR BRJOD CES GSUNGS PA STE, KUN RDZOB KYI BSAM PAS YOD PAS KUN RDZOB PA YIN LA, BSAM NGO DE TZAM DU BDEN PA'ANG YIN PAS KUN RDZOB KYI BDEN PA ZHES BYA BA'I DON 'DI'ANG MI 'GAL LO, ,DON DAM PA NI DE KHO NA'I 'JAL BYED RIGS PA'I SHES PA STE, THAR PA TSOL BA RNAMS KYI CHED DU GTAD NAS DON DU GNYER BAR BYA ZHING BTZAL BAR BYA BA YIN PAS DON YANG YIN LA, MI SLU BAS NA DAM PA YANG YIN TE, DAM PA'I SGRA NI GYA NOM PA LA 'JUG LA, DE KHO NA RTOGS PA'I BLO GZHAN GYIS MI GNOD PA'I RANG BZHIN MI SLU BA'I SHES PA DE'ANG GYA NOM PA YIN PAS SO, ,DE'I YUL STONG PA NYID KYANG DON DAM PA STE DON DAM PA'I GZHAL BYA YIN PAS MNGON SUM BZHIN NO, ,SHES PA DE'I NGOR BDEN PAS NA DON DAM PA'I BDEN PA STE @357A RIGS PAS GRUB PA'I BDEN PA'O, ,DE LTAR NA SNGA MA NI 'KHRUL NGOR BDEN PAR ZAD PAS BCOS BU'I BDEN PA'O, ,'DI NI GZHAN SEL BA LAS YANG DAG PAR BDEN PAS NA RANG BZHIN GYI BDEN PA'O, ,SGRUB PA'I CHA LAS NI SNGA MA NYID BDEN PA MTSAN NYID PA STE, 'KHRUL PA'I SPYOD YUL DE LTAR NGES PA NI GNOD PA'I YUL MA YIN PAS SO, ,'DI NI BDEN PA'I MTSAN MA GANG YANG MA GRUB PA LA BDEN PAR BTAGS PA TZAM STE, DE KHO NA'I RIGS PA'I YUL DU NI YOD MED LA SOGS PA'I CHOS CUNG ZAD KYANG MA GRUB PA'I PHYIR RO, ,DBYE BA'I RANG BZHIN LA GRANGS KYI DBYE BA NI BDEN PA GNYIS ZHES BYA BA STE, BDEN PA NI GZHI 'O, ,GNYIS NI NGES BZUNG DANG BCAS PAS GRANGS NGES PA'I DON CAN NO, ,GSAL BA'I DBYE BA NI DON DAM KUN RDZOB STE, RGYU DANG 'BRAS BU'AM KUN NAS NYON MONGS PA DANG RNAM PAR BYANG BA'I BDEN PA LA SOGS PA DNGOS PO GZHAN BKAG NAS 'DOD PA'I GSAL BA NGES PAR 'DZIN PA'O, ,'DI DAG GI DON YANG GSUM GYIS BLTA STE, DBYE BA'I DBANG DU BYA BA'I GZHI DANG, DBYE BA'I DON DANG, GRANGS NGES PAR DPYAD PA'O, ,DANG PO NI BDEN PAR GZHAG BYA SHES PA DANG SHES BYA'I DON MTHA' DAG STE, THAMS CAD MKHYEN PA'I YE SHES NAS 'GRO BA PHRA MO YAN CHAD KYI BLO 'KHRUL PA DANG MA 'KHRUL PA THAMS CAD KYIS DMIGS PA'I DON MA LUS PA'O, ,GNYIS PA NI CI KUN RDZOB DANG DON DAM PA 'DI GNYIS BYAS PA DANG MI RTAG PA LTAR GCIG LA CHOS KYI DBYE BAS THA DAD DU BZHAG PA'AM, 'ON TE BUM PA DANG SNAM BU LTAR NGO BO THA DAD PA'AM, DE STE DNGOS PO DANG DNGOS PO MED PA LTAR GCIG TU MA GRUB PA TZAM LAS THA DAD DU BZHAG CE NA, DANG PO GNYIS NI MA YIN TE, DE NYID DANG GZHAN DU BRJOD DU MED PA NYID KYIS GCIG PA BKAG PA TZAM GYI THA DAD DU ZAD DO, ,DGONGS PA NGES PAR 'GREL BA LAS GSUNGS PA LTAR 'DI DAG GCIG NA NYES PA BZHI STE, SO SO'I SKYE BO MTHA' DAG KUN RDZOB MTHONG BA NA DON DAM PA YANG MTHONG BAS MYA NGAN LAS 'DAS PA THOB PAR THAL TE, SLOB DPON GYIS KYANG, JI @357B LTAR BYIS PAS MTHONG BA YI, ,DNGOS PO DE LTAR BDEN GYUR NA, ,DE DAG DNGOS MED RNAM THAR DU, ,GANG PHYIR MI 'DOD RGYU DE CI, ,ZHES GSUNGS SO, ,GNYIS PA NI KUN RDZOB LA BRTEN NAS ZAG PA 'PHEL BA LTAR DON DAM PA DMIGS PA LA BRTEN NAS KYANG 'GYUR BA'O, ,DES NA KUN RDZOB LTAR DON DAM PA YANG KUN NAS NYON MONGS PA'I DMIGS PAR LHUNG BAR 'GYUR RO, ,GSUM PA NI DON DAM PA LA PHAN TSUN DBYE BA LTAR KUN RDZOB KYANG 'GYUR BAS KUN RDZOB THAMS CAD THA MI DAD PAR 'GYUR BA'O, ,BZHI PA NI JI LTAR MTHONG BA DANG THOS PA LAS LOGS SU KUN RDZOB BTZAL BAR BYA BA MA YIN PA BZHIN DU DON DAM PA YANG BTZAL BYA MA YIN PAR 'GYUR RO, ,DE DAG NI LDOG PA NYID KYANG GCIG PA LA DGONGS PA STE, NGO BO GCIG PA TZAM YIN NA SKAD CIG MA LA SOGS PA YANG 'KHRUL PAR 'GYUR RO, ,THA DAD PA LA'ANG NYES PA BZHI STE, STONG PA NYID GZHAN DMIGS KYANG KUN RDZOB DER MA 'DUS PAS LOGS SU DMIGS PAR 'GYUR BAS NA, DON DAM PA BSGOmS PAS 'DU BYED KYI MTSAN MA ZIL GYIS MI NON CING GNAS NGAN LEN GYI 'CHING BA LAS MI GROL BAS MYA NGAN 'DAS PA MED PAR 'GYUR RO, ,GNYIS PA NI DON DAM PA KUN RDZOB KYI CHOS NYID DU MI 'GYUR TE THA DAD PA'I PHYIR BUM PA SNAM BU'I CHOS NYID MA YIN PA BZHIN YIN NO, ,GSUM PA NI KUN RDZOB BDAG MED CING RAB TU MA GRUB PA TZAM DON DAM PA MA YIN PAR 'GYUR TE BUM PA MED PA TZAM SNAM BUM MA YIN PA BZHIN NO, ,BZHI PA NI KUN NAS NYON MONGS PA DANG RNAM PAR BYANG BA GNYIS DUS GCIG PAR THAL TE, DMIGS PA SO SOR GRUB PA'I PHYIR BUM PA DANG SNAM BU'I BLO BZHIN NO,, DE LTA NA CHAGS PA ZAD PA DE NYID KYI TSE CHAGS PA DANG BCAS PAR 'GYUR RO, ,DE DAG KYANG NGO BO DANG MTSAN NYID GNYIS KA THA DAD PA LAS SO, ,GSUM PA NI DES NA MIG RAB RIB KYI YUL SKRA SHAD DANG DES DBEN PA DAG PHAN TSUN GCIG DANG THA DAD PA MA YIN PA BZHIN DU BLTA'O, ,SKRA SHAD NI DES DBEN PA LAS THA DAD PA MA YIN TE, DBEN PAR MA 'DUS PA RANG DBANG CAN GYI SKRA SHAD MA GRUB PAS SO, ,GCIG PA YANG MA YIN TE, DE GNYIS LHAN CIG DMIGS PA NGES PA MED @358A PAS SO, ,DE BZHIN DU 'DUS BYAS DANG DON DAM PA STONG PA'AM GCIG DANG GZHAN MA YIN TE, NGO BO GCIG DANG THA DAD PA GNYIS KA DNGOS PO'I CHOS YIN PAS, DON DAM PA SPROS PA ZHI BA DANG KUN RDZOB RDZUN PA GNYIS KA LA MI 'THAD PA'I PHYIR, MTSAN NYID KYI DBYE BA TZAM LAS BZHAG PAR BLTA'O, ,DES NA NA LE SHAM DANG TSA BA'AM DUNG DANG DE'I DKAR PO LA SOGS PA'I DPES GSUNGS TE, NA LE SHAM LA SOGS PA RIL PO'I RDZAS LA DGONGS PA'O,, GRANGS NGES NI 'DI GNYIS PHYIN CI LOG DANG PHYIN CI MA LOG PA'I SHES PA'I YUL YIN MOD KYI, 'ON KYANG SHES PA GNYIS SU GRUB PAS DE'I YUL DE DANG MTHUN PA GNYIS SU GRUB PA NI MA YIN TE, SHES PA GNYIS NYID KYANG DON GNYIS SU GRUB PA LA BLTOS PAR THAL BAS TE, BLO 'KHRUL BA DANG MA 'KHRUL BA NI DON BDEN PA DANG BRDZUN PA DANG LDAN PA TZAM YIN PAS PHAN TSUN RTOG PA GCIG GI YUL YIN PA'I PHYIR RO, ,DES NA SHES PA'I DBYE BAS YUL GYI DBYE BA SGRUB PA'AM YUL GYI DBYE BAS SHES PA'I DBYE BA SGRUB PA NI MA YIN TE, SHES PA'I DBYE BA GRUB PA NYID YUL GYI DBYE BA GRUB PA YIN LA, YUL GYI DBYE BA GRUB PA'ANG SHES PA'I DBYE BA GRUB PA'O, ,DE LA MA 'KHRUL BA'I YUL NI DNGOS PO LA GRUB PA BLOS MA BCOS PA'O, ,DE NI RTAG PA'I RANG BZHIN TE BLO GZHAN SKYES PAS RNAM PA GZHAN DU MI 'GYUR BA'I PHYIR RO, ,'KHRUL PA'I YUL NI DNGOS PO MED KYANG BLOS BZHAG PA TZAM MO, ,DE NI MI RTAG PA STE BLO GZHAN GYIS DPYAD NA BLO SNGA MA'I YUL LAS NYAMS PAS RNAM PA GZHAN DU 'GYUR BA'I PHYIR RO, ,RTAG PA DANG MI RTAG PA'ANG PHAN TSUN RNAM PAR GCOD PAS PHUNG PO GSUM PA SEL TE, DE LTAR NA SNGON DU BLO 'KHRUL BA DANG MA 'KHRUL BA LA MA LTOS PAR 'GAL BA DE NYID KYIS SHES BYA BDEN PA DANG MI BDEN PA'AM BLO 'KHRUL BA DANG MA 'KHRUL BAR NGES PAS GRANGS NGES PA GRUB BO, ,GAL TE SHES BYA DANG BLO GSUM PA MI SRID PAS DE DAG GNYIS KHO NAR NGES NA 'O NA SHES BYA BDEN PA DANG BLO MA 'KHRUL BA NYID MI SRID PAS DON DAM PA MED DO, ,DE DAG SRID NA NI DON DAM PA RANG BZHIN DU GRUB PAR THAL LO, , @358B JI STE DE LTA BU MI SRID PA NYID DE LTA BU BZHAG PA'I THABS KYIS SHES PAR BYED NA, 'O NA BDEN PA GSUM PA MI SRID PA NYID DE BZHAG PA'I THABS KYIS SHES PAR BYED PAS GRANGS NGES PA NYAMS SO ZHE NA, 'DIR DNGOS PO GSUM PA MI SRID PAS BDEN PA GSUM PA MI 'DOD CING DNGOS PO GNYIS SRID PAS BDEN PA GNYIS SU 'JOG PAR 'DOD NA DE LTAR 'GYUR BA ZHIG NA DE NI MI 'DOD DE DNGOS PO GNYIS MA GRUB KYANG MTHA' GNYIS GRUB PA DANG MTHA' GSUM PA'ANG MED PAS DE'I DBANG GIS BDEN PA GNYIS KHO NAR KHAS LEN TO, ,MTHA' ZHES BYA BA NI DE KHO NAR GRUB BAM MA GRUB KYANG BLA STE SHES BYA SRID PA NYE BAR BZUNG NAS RNAM PA BRTAG PAS KHAS BLANG BAR BYA STE, YOD PA YIN PHYIN CHAD RTAG PA DANG MI RTAG PA 'KHRUL BA DANG MA 'KHRUL BA'I YUL, BLOS MA BZHAG PAR GRUB PA DANG RANG MA GRUB BZHIN DU BLOS BZHAG PA TZAM DAG PHAN TSUN RNAM PAR GCOD PA'I 'GAL BA LAS GNYIS KHO NAR GRUB CING GZHAN MI SRID PA'I PHYIR RO, ,DNGOS PO MA GRUB PAR DE GNYIS KHO NAR GRUB PA'ANG GA LAS ZHE NA, DE NI MTHA' RTOG PA'I BLO'I MTSAN NYID GNYIS KHO NAR NGES PAS TE, DNGOS PO GNAS PA BLOS MA BZHAG PA DANG MI GNAS PA BLOS BZHAG TZAM DU RTOG PA LAS MA GTOGS PA 'GA' ZHIG YOD PAR RTOG PA MI SRID PAS, 'DI GNYIS PHAN TSUN SPANGS PA'I YUL CAN YIN PAS SO, ,'O NA DE GNYI GA MA YIN PA DANG GNYI GA YIN PAR RTOG PA'ANG NYAMS SU MYONG BAS GRUB PA CI LTAR DGAG STE, DE GNYIS SU RTOG PA NYID KYANG DNGOS PO'I YUL CAN NI MA YIN LA, BRTAGS PA'I YUL GYIS DBUL BA NI GANG YANG MED DO SNYAM NA, GNYI GA DANG GNYI GA MA YIN PAR RTOG PAR RLOM MAM DE LTAR BRJOD DU ZIN KYANG, BLO GZHAN GYIS DPYAD NA DE GNYIS KYI MTSAN NYID KYIS MA KHYAB PA'I RTOG PA NI MI SRID DE, 'DI GNYIS GCIG GI MTSAN NYID GRUB PA NYID GCIG GI MTSAN NYID BKAG PA'I RTOG PA DANG, GCIG GI MTSAN NYID BKAG PA'I RTOG PA NYID GCIG GI MTSAN NYID GRUB PA YIN PAS SO, ,'DI LTAR GNYIS KA MA YIN PAR NGES PAR BYA BA DE YANG DE KHO NAR GNYIS LAS MA 'DAS BZHIN @359A DU BLOS GNYIS KA MA YIN PAR BZHAG PAR RTOG PA DANG, DE KHO NAR GNYI GA LAS 'DAS PAR GRUB PA NYID DU RTOG PA'I MTSAN NYID GNYIS LAS MI 'DA' BAR PHUNG PO GSUM PA MI SRID PA'I PHYIR RO, ,GNYI GAR RTOG PA YANG DE BZHIN NO, ,DES NA, DNGOS PO GSUM PA MI SRID LTAR, ,GNYIS PA'ANG SRID PA MA YIN MOD, ,RNAM PAR RTOG PA GNYIS 'THAD LTAR, ,GZHAN MI 'THAD PHYIR GSUM PA MED CES GRUB BO, ,'O NA RTOG PA GNYIS KHO NA LAS MTHA' GNYIS SU GRUB PAS BDEN PA GNYIS KHO NAR 'JOG PA'I PHYIR, SHES PA'I DBANG GIS GRANGS NGES PA 'GOG PA 'GAL LO ZHE NA, MA YIN TE BLO 'KHRUL BA DANG MA 'KHRUL BA GNYIS SU NGES PAS BDEN PA GNYIS 'JOG PA 'GOG GI, KHAS LEN GYI RNAM RTOG GNYIS LAS BRGYUD NAS BDEN PA'I GRANGS NGES 'JOG PA NI 'DOD PA'O, ,MTHA' GNYIS SU RTOG PA'I SHES PA DE'ANG DE KHO NA SEMS PAS DPYAD NA GNYI GA 'KHRUL PA NYID DO, ,DE LTAR NA KHAS LEN GYI SHES PA GNYIS KHO NAR THA SNYAD PA'I TSAD MAS NGES PA LAS YUL MTHA' GNYIS SU NGES LA, DE'ANG PHAN TSUN SPANGS PA LA BLTOS NAS BDEN PA GNYIS KHO NAR 'GRUB BO, ,'DI LTAR MTHA' DE GNYIS SU BRTAGS NAS DANG PO NI SHES BYA'I DE KHO NAR MI SRID DO ZHES MTHA' GCIG BKAG PAS NI DON DAM PA'I THA SNYAD KYI YUL GRUB LA, GNYIS PA BZUNG ZHING KHAS BLANGS PAS NI KUN RDZOB GRUB PA'O, ,DES NA DON DAM PA'I MTHA' NI BRTAGS NAS BZHAG PAR ZAD LA, DE BZHAG PAS KYANG DON DAM PA'I MTHAR RTOG PA 'GOG GO ,KUN RDZOB KYI MTHA' NI SRID PAS MI SPONG LA, DE'ANG 'KHRUL PA'I YUL TZAM YIN PAS MNGON ZHEN GYI GNAS MA YIN PAR GO BAR BYA BA'I DON DU BDEN PA GNYIS BZHAG PA TZAM STE, DE KHO NAR NI BDEN PA DANG BRDZUN PA THAMS CAD RAB TU MA GRUB BO, , 'DI SKAD BSTAN PA NI YIN TE DNGOS PO YOD MED DAM BDEN BRDZUN GRUB PA LA MA LTOS PAR RNAM PAR BRTAG PA LAS KHAS BLANG BAR BYA BA SHES BYA'I MTHA' GNYIS KHO NAR MTHA' RTOG GI SHES PA'I MTSAN NYID GNYIS KHO NA RTOGS PA NYID KYI RANG RIG GIS GRUB PA'I SHUGS GRUB @359B PA LA LTOS NAS, MTHA' GCIG SPANGS SHING GNYIS PA KHAS BLANGS PAS DE GNYIS KYI DBANG GIS BDEN PA GNYIS KHO NAR GRUB PA'I TSUL 'DI DOR NAS BLO 'KHRUL MA 'KHRUL LAM BDEN BRDZUN 'GAL BA NYID LAS NI RNAM PA THAMS CAD DU BZHAG PAR MI NUS TE, DON DAM PAR BDEN PA'I MTSAN NYID BDEN PA'I TSAD MAS YUL DU MA BYAS PAR NI MI 'GRUB LA YUL DU BYED PA'ANG MA 'BREL BAR NI MI RUNG STE, THAMS CAD KYIS THAMS CAD YUL DU BYED PAR THAL BAS SO, ,'BREL PA'ANG MI 'THAD DE, DON DAM PA SHES PAS MA BSDUS PA DANG, RGYU 'BRAS KYIS MA BSDUS PA'I PHYIR 'BREL PA GNYIS NI MI RUNG LA, 'BREL PA GZHAN YANG MED PA'I PHYIR RO, ,KUN RDZOB KYANG 'KHRUL PAR ZAD PAS DES DMIGS PA NI GANG DU'ANG MA BKAG PA NA BDEN PA MTHA' YAS PAR 'GYUR LA, RDZUN PA NI DNGOS SU TSAD MA'I YUL MA YIN PA'I YANG PHYIR JI LTAR YANG GRANGS NGES PAR MI 'GRUB BO, ,GAL TE GRUB TU CHUG NA NI DON DAM PA BLO'I YUL MA YIN PA LA SOGS PA DANG, BLO THAMS CAD KUN RDZOB YIN PA LA SOGS PA DANG 'GAL BA GTAN MI SPONGS SO ZHES NGES PAR BLTA'O, ,DES NA, 'JIG RTEN MKHAS PA'I BDEN PA 'DI GNYIS TE, ,KHYOD KYIS GZHAN LAS MA GSAN RANG GIS GZIGS, ,DE NI KUN RDZOB BDEN DANG DON DAM STE, ,BDEN PA GSUM PA GANG YANG MA MCHIS SO ZHES BYA BA DANG, YANG DAG DANG NI BRDZUN PA'I DNGOS MTHONG BA, ,THOB LAS DNGOS KUN NGO BO GNYIS 'DZIN LA, ,YANG DAG GZIGS YUL GANG DE DE NYID DES, ,BRDZUN PA MTHONG BA KUN RDZOB BDEN PAR BRJOD, ,CES GSUNGS SO, ,SO SO'I MTSAN NYID LA DON DAM PA'I MTSAN NYID NI SNANG BA THAMS CAD LAS 'DAS PA STE, MTSAN NYID THAMS CAD DANG BRAL BAS SHES BYA'I MTSAN MA DANG BRAL BA'O, ,DES NA RNAM PAR RTOG PA DANG RTOG PA MED PA'I BLO THAMS CAD KYI SPYOD YUL MA YIN PAR BRJOD DE, BLO THAMS CAD NI YOD PA DANG MED PA LA SOGS PA CI ZHIG YUL DU BYAS NAS 'JUG LA, DON DAM PA'I NI DE LTA BU'I MTSAN NYID THAMS CAD DANG BRAL BAS SO, ,MTSAN NYID 'GA' ZHIG YOD NA NI THA NA THAMS CAD @360A MKHYEN PA'I BLO'I YUL YIN PAS KHYAB PAS NA, YOD MED DNGOS KUN MKHYEN PA PO, ,KUN MKHYEN PAS KYANG GANG MA GZIGS, ,DE YI DNGOS PO CI 'DRA ZHIG ,SHIN TU ZHIB PA'I LTA BAS DPYOD, ,CES GSUNGS LA, YOD MIN MED MIN YOD MED MIN, ,GNYIS MIN BDAG NYID DU YANG MED, ,MTHA' BZHI LAS NI NGES GROL BA, ,DE NYID DBU MAR MKHAS RNAMS BZHED, ,CES 'BYUNG NGO, ,DE LTAR NA DON DAM PA'I MTSAN NYID NI RANG BZHIN THAMS CAD DANG BRAL BA STE MTSAN NYID MED PA NYID MTSAN NYID DU BRJOD PA'O, ,DPER NA CHOS THAMS CAD DANG BRAL BA NYID 'DI'I CHOS MA YIN NAM ZHES BSHAD PA LTA BU'O, ,DE NI SPROS PA MED PA YANG YIN TE SGRA DANG RTOG PA THAMS CAD KYI ZHEN YUL MA YIN PA'I PHYIR RO, ,GNYIS MED PA'ANG YIN TE YOD PA DANG MED PA DANG GZUNG BA DANG 'DZIN PA LA SOGS PA MA YIN PA'I PHYIR RO, ,MTSAN NYID MED PA'ANG YIN TE CHOS GANG GIS KYANG MTSON PAR BYA BA MA YIN PA'I PHYIR RO, ,DNGOS PO MED PA YANG YIN TE 'DUS BYAS KYI DON LDOG PA TZAM YIN PA'I PHYIR RO, ,STONG PA'ANG YIN TE MI STONG PA MA GRUB PA'I PHYIR RO, ,DE NI MDOR NA CI 'ANG MA GRUB PA STE NAM MKHA'I ME TOG GI DE KHO NA LAS KHYAD PAR MED PA'I DON GYIS SO, ,DES NA SPROS PA 'GOG PA'I TSIG GIS THA SNYAD DU BYED PAR ZAD KYI RANG BZHIN DU GRUB PA'I DON NI CI 'ANG MED DO, ,'O NA SNGAR DBYE BA'I GZHIR SHES PA DANG SHES BYA BLO'I YUL NYID BZHAG PA DANG 'GAL LO SNYAM NA, MA YIN TE YOD MED LA SOGS PA 'DZIN PA'I BLOS SHES BYAR BTAGS PA NYID DE KHO NA'I RIGS PAS DPYAD NA SHES BYA'I MTSAN NYID DANG BRAL BAS BLO'I YUL LAS 'DAS PA NYID YIN PA'I PHYIR TE, RNAM RTOG RJES DPAG YUL RANG GI MTSAN NYID DU RLOM YANG BLO GZHAN GYIS DPYAD NA SPYI LAS MA 'DAS PAS DE'I YUL SPYIR BRJOD PA BZHIN NO, , DES NA BLO'I YUL THAMS CAD KUN RDZOB TU BRJOD DE 'KHRUL PA'I BLOS DON DAM PA YUL DU MI BYED PA'I PHYIR RO, ,DE SKAD DU KUN RDZOB DAD DON DAM PA BSTAN PA'I MDO LAS, GAL TE DON DAM PAR LUS DANG NGAG DANG YID KYI YUL GYI DNGOS POR GYUR NA NI DON DAM PA'I GRANGS SU MI 'GRO STE KUN @360B RDZOB NYID DU 'GYUR RO, ,'O NA DON DAM PAR NA DON DAM PA'I BDEN PA NI THA SNYAD THAMS CAD LAS YANG DAG PAR 'DAS PA, BYE BRAG MED PA, MA SKYES PA MA 'GAGS PA, BRJOD BYA DANG BRJOD PA DANG SHES BYA DANG SHES PA DANG BRAL BA'O, ,DON DAM PA NI RNAM PA THAMS CAD KYI MCHOG DANG LDAN PA THAMS CAD MKHYEN PA'I YE SHES KYI YUL LAS KYANG 'DAS PA STE, DE LA NI RNAM RTPG THAMS CAD 'JUG PA'ANG MED, LDOG PA'ANG MED DO, ,DE LA PHA ROL DANG TSU ROL DANG DBUS KYANG MED DO, ,'DI NI DON DAM PA'I BDEN PA ZHES SGRO BTAGS TE BRJOD MOD KYI, DON NI DON DAM PAR MI SKYE BA STE DE LA THA SNYAD THAMS CAD MI 'JUG GO ,GANG LA THA SNYAD MI 'JUG PA DE NI DON DAM PA STE JI LTAR DON DAM PA'O ZHES BRJOD PA LTAR NI MA YIN NO, ,STON PAS KYANG DON DAM PAR NA CHOS THAMS CAD DANG SGRA THAMS CAD NI BRDZUN PA STE BSLU BA'I CHOS CAN NO ZHES BKA' STZAL TO ZHES SO, , KUN RDZOB KYI MTSAN NYID NI PHYIN CI LOG GI DMIGS PA YIN PAS BLO MA LUS PA LA SNANG BA JI LTA BA STE, PHYIN CI LOG NI 'KHRUL PA'I BLO MTHA' DAG GO , DES DMIGS PAR BYA BA NI 'KHRUL PA'I YUL YIN PAS NA KUN RDZOB KYI BDEN PA STE, TSAD MAS GNOD BZHIN DU SNANG BA NI BRDZUN PA YIN PAS, TSAD MA'I YUL DE KHO NAR DE LTAR GNAS PA BKAG PAS NA TSAD MAS GNOD PA'I THA SNYAD DU 'THAD PAS SO, ,SNANG BZHIN PA 'KHRUL PA'I YUL TZAM LA NI TSAD MA MI 'JUG PAS SNANG BA 'GOG PAR YANG MI THAL LO, ,BLO'I YUL MA LUS PA KUN RDZOB YIN PAS NI, DON DAM BLO YI SPYOD YUL MIN, ,BLO NI KUN RDZOB YIN PAR 'DOD, ,CES GSUNGS SO, ,MTSAN NYID DE DAG DE LTAR YIN PA'I SGRUB BYED CI YOD, TSIG TZAM LA SU YID RTON SNYAM NA NYON CIG ,SNANG BA DANG LDAN PA'I BLO THAMS CAD NI SO SO NAS RANG GI YUL JI LTA BAR BDEN PAR RLOM YANG, KHYAD ZHUGS PA'I BLO GZHAN GYIS DE DAG LA GNOD PA DANG LDAN PAS NA RNAM 'GYUR DANG LDAN PA BCOS BUR ZAD LA, RIGS PA NGES PAR SEMS PA MTSAN NYID THAMS CAD STONG PAR RTOGS PA'I SHES RAB NI SPYOD YUL DE RNAM GCOD GYI CHA LA BLO GZHAN GYIS GNOD PA MED PAS RNAM PAR MI @361A 'GYUR BA RANG BZHIN GYIS 'OD GSAL BA DE KHO NAS RAB TU PHYE BA'I PHYIR TE, DE LA, 'JIG RTEN RNAM GNYIS MTHONG, ,RNAL 'BYOR PA DANG PHAL PA'O, ,DE LA 'JIG RTEN PHAL PA NI,, RNAL 'BYOR 'JIG RTEN GYIS GNOD CING, ,RNAL 'BYOR PA'ANG BLO KHYAD KYIS,, GONG MA GONG MA RNAMS KYIS GNOD, ,CES GSUNGS PA LTAR RO, ,MTSAN NYID DE DAG NGES PAR BYED PA'I TSAD MA LA DON DAM PA RTOG PAR BYED PA NI PHA ROL GZIGS PA RNAMS KYIS SNANG BA MED PA'I YE SHES RNAL 'BYOR GYI MNGON SUM DANG, TSU ROL MTHONG BA RNAMS KYI SGRO 'DOGS 'GOG PAR BYED PA GCIG DANG DU MA DANG BRAL BA LA SOGS PA'I RTAGS LAS 'JUG PA'I RJES DPAG GI TSAD MA DAG GO, KUN RDZOB RTOGS PAR BYED PA NI DE KHO NAR YOD PA LA GNOD PAR BYED PA DAG GIS BDEN PAR YOD PA'I SGRO 'DOGS BKAG PA'I SHUGS KYIS SNANG BZHIN PAR MNGON SUM NYID KYIS GRUB PA 'DI BRDZUN PAR YOD PA TZAM DU NGES PAS NA RJES DPAG GIS 'DU BYED BRTAN PAR BYAS PA'I MNGON SUM NYID DE, DE LA SGRO 'DOGS GCOD BYED PA, ,SHES PAR BYED PA'I GTAN TSIGS KYIS, ,RJES SU DPOG RNAMS SHES PAR BYED, ,RNAL 'BYOR DBANG RNAMS MNGON SUM GSAL, ,ZHES BYA BA DANG, DE'I PHYIR DNGOS PO 'DI DAG NI, ,KUN RDZOB PA NYID MTSAN NYID 'DZIN, ,GAL TE 'DI DAG DON 'DOD NA, ,DE LA BDAG GIS CI BYAR YOD CES GANG GSUNGS PA'O, ,YAN LAG GI DON NI 'DIR SKABS KYI DON SHES RAB KYI YUL STONG PA BSGRUB PA YIN PAS NA DMIGS PA THAMS CAD DANG BRAL ZHING SNANG BA THAMS CAD LAS RNAM PAR GROL BA'I STONG PA NYID DON DAM PA'I BDEN PA DANG, SGYU MA LTAR MI BDEN PA'I SNANG BA TZAM DU ZAD PA'I STONG PA NYID KUN RDZOB KYI BDEN PA GNYIS STONG PA'I DON DU BZHAG PA STE, MNYAM PAR BZHAG PAS NI CHOS THAMS CAD NAM MKHA'I DKYIL LTA BUR RTOGS SO, ,RJES LA THOB PAS NI 'DU BYED KYI DON THAMS CAD SGYU MA LA SOGS PA LTAR RTOGS SO ZHES GSUNGS PA LTAR, 'DI GNYI GA'I MTSAN NYID JI LTA BAR RTOGS PA NI STONG PA RTOGS PA'I BYED PA NYID LAS MA 'DAS PA'I PHYIR RO,, @361B GSUNGS ZHES BYA BA NI BDEN PA'I DBYE BA 'DI'ANG RANG DGAR BZHAG PA MA YIN GYIS, BLO GROS MI ZAD PAS ZHUS PA DANG DKON MCHOG SPRIN DANG BDEN PA GNYIS BSTAN PA'I MDO LA SOGS PA LAS RGYA CHER GSUNGS PA NYID BSDUS PAS LUNG LA GNAS PAR BSTAN PA'O, ,DON DAM PA'I MTSAN NYID KYI KHYAD PAR GZHAN YANG GSAL BAR BYED PA NI SPROS PA NYE BAR ZHI BAS SKYE 'GAG LA SOGS PA SGRO 'DOGS KYI MTHA' GTZOR BKAG PA DANG, ZHI BA ZHES BYA BAS DE NYID YON TAN THAMS CAD KYI RGYU'I DMIGS PAR GRUB PAS SKUR BA'I MTHA' GTZOR BKAG PAS NA DON DAM PA NYID KYANG MTHA' GNYIS SPANGS PA DBU MA'I LAM CHEN POR SGRUB PA STE, RGYAL BA'I YUM DAG LAS RNAM PAR DAG PA DANG YONGS SU DAG PA GNYIS SU GANG GSUNGS PA'O, ,GZHAN YANG 'DI NI CHOS MA LUS PA'I CHOS NYID YIN PAS 'DI RTOGS PA NA YON TAN THAMS CAD BOS PA BZHIN DU 'DU BA LAS CHOS KYI DBYINGS DANG DE BZHIN NYID DANG YANG DAG PA'I MTHA' LA SOGS PA RNAM GRANGS MANG POS KYANG GSUNGS PA'O, ,KUN RDZOB KYI BDEN PA NI RTEN CING 'BREL PAR 'BYUNG BA'I MTSAN NYID CAN RGYU DANG 'BRAS BUS BSDUS PA 'KHRUL PA'I SHES PA LA SNANG BA'I CHOS KYI TSOGS MA LUS PA'O, ,'DI'I DBYE BA NI YANG DAG PA DANG YANG DAG PA MA YIN PA'I KUN RDZOB GNYIS TE, JI LTAR SNANG BA'I DON GYIS SNANG BA NYID DANG MTHUN PA ME'I BSREG PA LA SOGS PA LTA BU BYED PAR NUS PA DANG MI NUS PA'I MTSAN NYID CAN NO, ,SNANG DU 'DRA YANG DON BYED DAG ,NUS PA'I PHYIR DANG MI NUS PHYIR, ,YANG DAG YANG DAG MA YIN PAS,, KUN RDZOB KYI NI DBYE BA BYAS, ,ZHES GANG GSUNGS PA'O, ,LHAG MA NI GSAL BAR ZAD DO, ,DE'ANG, DKON MCHOG SPRIN LAS, GZUGS LA SOGS PAR YANG 'DOGS LA DON DAM PAR GZUGS LA SOGS PA MI DMIGS PAS MING DANG THA SNYAD NI KUN RDZOB STE, DE LA DON DAM PA MED KYANG DE MED PAR YANG DON DAM PAR BSTAN PAR MI NUS SO, ,DON DAM PA NI SKYE BA MED PA 'GAG PA MED PA 'ONG BA MED PA 'GRO BA MED PA LA SOGS PA'I CHOS NYID DE, BRJOD DU MED PA ZHI BA @362A SO SO RANG GIS RIG PA'O, ,DE NI DE BZHIN GSHEGS PA RNAMS BYUNG YANG RUNG MA BYUNG YANG RUNG MI 'JIG PA'O, ,DE'I CHED DU RAB TU BYUNG NAS TSANGS PAR SPYOD PA LA 'BAD PAR BYED PAS NA DON DAM PA NI YOD PA STE, DE MED NA TSANGS PAR SPYOD PA DON MED PA'O ZHES SO, ,YAB SRAS MJAL BA LAS KYANG, GANG DAG SNGON BYUNG DE BZHIN GSHEGS PA DANG,, GANG DAG PHYOGS RNAMS BZHUGS PA'I 'DREN PA DAG ,DE DAG GIS NI MTSAN MED STONG PA'I CHOS,, RANG BZHIN MTSAN NYID MED PAR RTAG TU BSGOMS, ,'DI LA RANG BZHIN SEMS CAN GANG YANG NI, ,SKYE DANG 'CHI BA DMIGS SU YOD MIN ZHING, ,'ONG BA MED CING 'GRO BA YOD MIN TE, ,CHOS RNAMS THAMS CAD NAM MKHA' JI BZHIN NO, ,JI LTAR MI YIS SGYU MA BSTAN GYUR PA, ,SNANG YANG DE BZHIN NYID DU YOD MIN LTAR, ,CHOS RNAMS THAMS CAD SGYU MA 'DRA BA DANG, ,RMI LAM LTA BUR DE BZHIN GSHEGS PAS BSTAN, ,ZHES SO, `,DE LTAR BDEN PA GNYIS RNAM PAR BZHAG PA DE LAS KUN RDZOB KYI RANG BZHIN SGYU MA LTA BU LA RTZOD PA SPANG BA LAS MNGON SUM GYIS GNOD PA SPANG BA NI RANG GI SDE PA DAG GZUGS LA SOGS PA SHES PA LNGA'I YUL NI DBANG PO'I MNGON SUM GYIS GRUB CING BDE BA LA SOGS PA'ANG RANG RIG PAS GRUB LA, TSAD MA'I GTZO BO YANG MNGON SUM YIN PAS DES GRUB PA JI LTAR BRDZUN PA YIN TE, 'DI DAG NI 'BRAS BU SO SOR NGES PA BSGRUB PAR YANG GSAL BAR DMIGS PAS SO SNYAM NA, THAMS CAD RANG BZHIN BDEN PAS DBEN PA STE,, GZUGS SOGS DANG NI BDE SOGS MYONG BZHIN PA, ,SO SOR NGES PAS SNA TSOGS DON SGRUB RNAMS, ,RMI LAM BUD MED GZUGS SOGS LTA BUR ZAD, ,CES SMOS TE, GZUGS SOGS MNGON SUM NYID KYANG NI, ,GRAGS PAS YIN GYI TSAD MAS MIN, ,DE NI MI GTZANG LA SOGS LA, ,GTZANG SOGS GRAGS PA BZHIN DU RDZUN, ,ZHES GSUNGS PA LTAR, DE DAG NI THA SNYAD PA'I MNGON SUM GYIS GRUB PA TZAM STE, DE KHO NAR MI RTAG PA LA RTAG PA DANG MI GTZANG BA LA GTZANG BAR 'DZIN PA'AM, RMI LAM NA YUL GYI BZANG MO MTHONG BA LA SRED PA'I 'CHING BAS GNOD PA LA SOGS PA LTAR @362B BDEN PA'I YUL CAN MA YIN NO, ,DES NA RIGS PAS DPYAD NA DE DAG JI LTAR MTHONG BA LA SOGS PA LTAR MI GNAS PAS TSAD MAS GNOD PA MED DO, ,DE TZAM TSAD MA YIN NA NI THAMS CAD KYIS DE KHO NA RTOGS PAS 'BAD PA MED PAR GROL BAR THAL TE, GANG ZHIG DBANG POS DMIGS PAS NI, ,GAL TE DE NYID MIN GYUR NA, ,BYIS PA DE NYID RTOGS SKYE BAS, ,DE TSE DE NYID SHES CI DGOS, ,ZHES GSUNGS PA LTAR RO,, `LUNG GIS GNOD PA SPANG BA NI, YANG DE DAG 'O NA KHYED NYID STON PA'I SRAS SU KHAS 'CHE BAS DRANG SRONG CHEN PO'I LUNG LAS 'DA' BAR BYA BA MA YIN NA, MDO LAS BRAM ZE CHOS THAMS CAD CES BYA BA NI PHUNG PO LNGA DANG KHAMS BCO BRGYAD DANG ZHES BYA BA LA SOGS PA DANG, 'DUS BYAS THAMS CAD SKAD CIG MA, ,MI GNAS BYA BA GA LA YOD, ,'DI DAG 'BYUNG BA DE NYID NI, ,BYA BA DE NYID BYED PO YANG, ,ZHES BYA BA LA SOGS PAS PHUNG PO LA SOGS PA'I CHOS THAMS CAD BDEN PA BZHI DANG MI RTAG PA LA SOGS PA BCU DRUG GI DNGOS POR BDEN PAR GSUNGS PA'I LUNG GIS NI NGES PAR GNOD DO SNYAM NA, CHOS KUN MI RTAG LA SOGS BDEN GSUNGS PA'ANG, ,'JIG RTEN DRANG PHYIR YIN GYI DE NYID MIN, ,STON PA 'JIG RTEN DU BYON PA NA MA GA DHA PA LA SOGS PA'I SKYE BO RNAMS YOD LTA SHAS CHE BAS NA, DE DAG STONG PA NYID KYI RGYA MTSO LA SKRAG PA SPANG PAS RIM GYIS DRANG BA'I DON DU RE ZHIG PHUNG PO LA SOGS PA'AM LUS LA SOGS PA'I DNGOS PO BZHI LA PHYIN CI LOG BZHI LA SOGS PA SPANG BA'I DON DU MI RTAG PA LA SOGS PA BDEN PAR GSUNGS PAR ZAD KYI, DE DAG KYANG DE KHO NAR BDEN PA NI MA YIN NO, ,'DI LTAR DON DAM PAR NI RTAG PA LTAR CHA SHAS MED PA'I SKAD CIG KYANG MI RUNG STE, DUS RING PO'I RTZOM BYED DU 'DOD PA'I PHYIR THANG GCIG LA SOGS PA LTAR NGES PAR CHA SHAS DANG BCAS PA NYID BDAG GIR BYED PA'O, ,GAL TE CHA SHAS MED PAR BDEN NA CI TZAM BSAGS KYANG DUS RING POR 'GYUR MI SRID PAS BSKAL PA'ANG SKAD CIG TZAM DU 'GYUR BA SPONGS SHIG ,DES NA JI LTAR SKAD CIG MTHA' YOD LTAR, ZHES BYA BA LA SOGS PAS DGAG PA GSUNGS PA'O, ,DE LTAR KUN RDZOB @363A KYI SGO CAN GYI KLAN KA SPANGS NAS DON DAM PAR THAMS CAD MA GRUB PA LA RTZOD PA SPANG BA NI, RNAM RIG TZAM DU SMRA BA DAG GAL TE DON DAM PAR CHOS THAMS CAD MTSAN NYID THAMS CAD KYIS STONG PAS CI'ANG MED PA YIN NA SGYU MA KUN RDZOB 'DI NYID KYANG MI DMIGS PAR THAL TE, RTEN DANG 'DZIN PA LA SOGS PA MED PA'I PHYIR NAM MKHA'I ME TOG BZHIN NO, ,GANG DAG MI BDEN PA DMIGS PA'I 'KHRUL PA DAG NI RTEN DANG 'DZIN PA BDEN PA LA BLTOS TE, ZLA BA GNYIS SNANG ZLA BA GCIG DANG DBANG PO 'KHRUL PA'I SHES PA LA BLTOS PA BZHIN NO, `,'DIR YANG YANG DAG PA MA YIN PA KUN TU RTOG PA'I MING CAN GNYIS SU SNANG BA'I BLO RANG RIG PA DON DAM PAR GNYIS DANG BRAL BA YOD NA NI DE GSAL BAS NA MA RIG PA'I NUS PAS 'DI'ANG GSAL GRANG NA KHYED NI DE'ANG MI 'DOD PAS SO SNYAM NA, GNYIS KYIS DBEN PA'I RANG RIG GSAL BA TZAM, ,NYID KYANG BYA DANG BYED LA LTOS PA'I PHYIR, ,RAL GRI'I SO SOGS LTA BUR RANG NYID LA, ,BYED PA 'GAL PHYIR RANG RIG BDEN MI 'GRUB, ,GNYIS KYI RNAM PA BZHIN DU GNYIS SU MED PA'I RANG RIG PA GSAL BA TZAM NYID KYANG DON DAM PAR BDEN PAR MI RUNG STE, RIG CES BYA BA NI BYA BA LA BLTOS PA'I BYED PA YIN PAS BSKYED PA DANG GCOD PA LA SOGS PA LTAR GNYIS MED PA LA MI RUNG BA'I PHYIR RO, ,RANG NYID MYONG BA'I NGO BOR SKYES PA NA, GSAL BA TZAM GYI RANG BZHIN 'DZIN PA NYID LA RANG RIG PAR BRJOD DE, RANG GI RGYU LAS SNGON POR SKYES PA LTAR, BYA BA DANG BYED PA LA NI MI LTOS PAS NA, RNAM SHES BEMS PO'I RANG BZHIN LAS,, LDOG PAR RAB TU SKYE BA STE, ,BEMS MIN RANG BZHIN GANG YIN PA, ,DE 'DI'I BDAG NYID RIG PA YIN,, GCIG PA CHA MED RANG BZHIN LA, ,GSUM GYI BDAG NYID MI 'THAD PHYIR, ,'DI YI BDAG NYID RIG PA NI, ,BYA DANG BYED PA'I DNGOS POR MIN, ,ZHES BSHAD PA BZHIN NO SNYAM NA MA YIN TE, GANG BYED PA YIN PA DE NI BYA BA LA BLTOS PAS GCIG LA 'GAL TE STA RE GCOD BYED GCOD BYA LA BLTOS PA BZHIN NO, ,RIG PA'ANG BYED PA YIN NO ZHES BYA BA NI 'GAL BAS KHYAB PA DMIGS PA @363B STE, BYA BA DANG BYED PA NI GRUB PA DANG MA GRUB PA'I CHA LA BRTEN PAS 'GAL BA'I CHOS DANG LDAN PAS SO, ,DES NA GTZUG NA RIN PO CHES ZHUS PA LAS DMIGS PA DANG SEMS THA DAD NA NI GNYIS GRUB PAR 'GYUR LA, THA MI DAD NA NI RIG PAR MI RUNG STE, RANG LA RANG BYED PA 'GAL BAS, RAL GRI DANG SOR MOS RANG GCOD PA DANG RANG LA REG PAR MI RUNG BA BZHIN NO ZHES GSUNGS SO,, GZHAN YANG RIG PAR BYA BA LA MI LTOS NA RIM DANG CIG CAR DON BYED PA BKAG PAS RTAG PA'I DNGOS PO DGAG PAR MI NUS PAR 'GYUR TE, 'BRAS BU BYED PA MED KYANG NUS PA MED PA LAS LOG PAR SKYES PA'I NUS PA TZAM GNAS PAR RUNG BAS SO, ,'DIR SNGON PO NI CHOS MI MTHUN PAS DPER MI RUNG STE, SNGON PO NI NGO BO TZAM YIN PAS RGYUS BSKYED PA'I BYA BYED GZHAN LA MI LTOS SO,, RIG PA NI GZHAN LA LTOS TE SKYES PA DANG GCOD PA BZHIN NO, ,DES NA RANG SNGO ZHES BYA BA NI 'THAD DE RANG GIS RANG SNGON POR BSGRUB PA LA MI LTOS PAS SO, ,RANG RIG PA NI BDAG GIS BDAG LA BYED PA LA BLTOS PAS GCIG LA 'GAL BA NYID DO, ,DE'I PHYIR RIG PA LA NI BYA BA DANG BYED PA GNYIS KYIS KHYAB LA, GNYIS MED NA NI SHES PA SHES PA NYID DU 'GAL LO ZHES GRUB BO, `,STONG PA SHES PA DE LAM DU BSGRUB PA LAS, DANG PO SGYU MA'I STONG PA SHES PA LAM DU BSGRUB PA NI GAL TE KHYED KYI KUN RDZOB KYI YUL CAN SGYU MA LTA BUR SHES PA NI MNGON ZHEN SPONG BAS RNAM GROL GYI LAM DU MI 'GYUR TE, SGYU MA MKHAN NYID KYANG RANG GIS SPRUL PA'I BUD MED LA CHAGS PA RGYAS PAR 'GYUR BAS SO SNYAM NA, DE LTAR DNGOS KUN YA MA BRLAR RTOGS PAS, ,SGYU MA LTA BU LEGS BSGOM SDOM BRTZON RNAMS, ,SREG SOGS NYON MONGS TSOGS LAS NGES GROL 'GYUR, ,NYI TSE'I STONG PA SHES PA TZAM GYIS MIN, ,'DIR NYI TSE BA'I STONG PA SHES PA'AM THAMS CAD STONG PA'I KHYAD PAR CAN GYI SGYU MA LTA BU'ANG SHES PA TZAM NI LAM DU MI 'GYUR TE, SNGAR BSHAD PA CHOS THAMS CAD MTSAN NYID STONG PA'I KHYAD PAR CAN GYI SGYU MA LTA BU GSOG DANG GSOB DANG YA MA BRLA DANG SNYING PO MED PA NYID SHES NAS GOMS PAR BSGOM PA NYID LAM YIN PAS NA, DES DNGOS POR ZHEN @364A PA'I SA BON SPANGS PA LAS KUN NAS NYON MONGS PA GSUM BZLOG PAS THAR PA THOB PA'O, ,DES NA SGYU MA MKHAN LA SOGS PA NI BDEN 'DZIN GYI GNYEN PO'I TSUL BZHIN YID LA BYED PA CAN MA YIN PAS, SPYIR NYON MONGS PA'I RGYU MTSAN BDEN 'DZIN ZIL GYIS MA NON PA LAS, SGYU MA'I BUD MED MTHONG BA NA DE MI BDEN PAR SHES KYANG SDUG PA'I MTSAN MA GZHAN DRAN PA SAD PAS 'DI'ANG SPYAD BZOD KYI BUD MED DU GYUR NA CI MA RUNG ZHES CHAGS PA RGYAS PA YIN NO, ,THAMS CAD DU SDUG PA'I MTSAN MA LA SOGS PA BDEN PA CUNG ZAD KYANG MA GRUB PAR SO SOR RTOG PA GOMS PAS SRID PA THAMS CAD LA SGYU MA LTA BU'I BLO BRTAN PA CAN GYI SDOM BRTZON LA NI 'DI GA LA SRID DE, JI LTAR CHU SHING SDONG PO DAG LA SNYING PO LTAR, ,SRID PA DAG LA SNYING PO YOD PAR MI 'DZIN PA, ,DGE SLONG DE NI PHA ROL MIN PA'I PHA ROL PO, ,SPONG STE SBRUL RGAS LPAGS RNYING BRJE BA JI BZHIN NO, ,ZHES GSUNGS PA LTAR RO, `,SNANG BA MED PA DON DAM PA'I STONG PA SHES PA LAM DU BSGRUB PA NI YANG RANG GI SDE PA DAG JI LTAR GNAS PA'I DNGOS PO CHOS BDAG MED PA SHES BYA'I DE KHO NA BDEN PA BZHI'I RNAM PA BCU DRUG BSGOMS PAS PHYIN CI LOG DANG DES SBYOR BA'I NYON MONGS PA BCOM PAS DE'I RTZA BA CAN GYI SDUG BSNGAL LAS RNAM PAR GROL BA 'THOB KYI, CI'ANG MED PA STONG PA NYID SHES PAS NI MA YIN PAS DE BSGOMS PA LA DON CI YOD DE, BDEN PA MTHONG DANG BSGOMS PA LAS, ,NYON MONGS SPONG BAR BSHAD PA YIN, ,ZHES GANG GSUNGS PA NYID DO SNYAM NA, GZHAN YANG MI RTAG LA SOGS DNGOS PO NI,, MTHONG BAS GROL NA THAMS CAD THOGS MED NAS, ,'BAD MED THAR PA'AM THAR PA MED 'GYUR BAS,, STONG PAR LTA BA GO NA LAM DU GSUNGS, ,STONG PAR LTA BA KHO NA KUN NAS NYON MONGS PA'I GNOD PA'I TSOGS ZHI BAR BYED CING YON TAN GYI DBANG PHYUG THAMS CAD SBYIN PA'I LAM CHEN POR GSUNGS TE, RGYAL BA'I YUM LA SOGS PA LAS DNGOS PO'I 'DU SHES CAN LA NI RJES SU MTHUN PA'I BZOD PA YANG MED NA MYA NGAN LAS 'DAS PA LTA CI SMOS ZHES BYA BA DANG, NYAN THOS KYI SA LA SLOB @364B PAR 'DOD PAS KYANG YUM 'DI NYID LA BSLAB PAR BYA'O ZHES BYA BA LA SOGS PA'O,, DES NA DNGOS PO BDEN PAR GRUB CING DER 'DZIN PAS GROL NA THAMS CAD GDOD MA NYID NAS GROL BA'AM, YANG NA GROL BA GTAN MED PAR 'GYUR TE DE LAS GZHAN PA'I LAM GYI DMIGS PA MED PA'I PHYIR RO, ,DE'I PHYIR STONG PAR 'DZIN PA KHO NA LAM YIN GYI THABS GZHAN GANG YANG MED PAS NA, SANGS RGYAS RNAMS DANG RANG RGYAL DANG, ,NYAN THOS RNAMS KYIS NGES BSTEN PA'I, ,THAR LAM GCIG TU KHYOD LAGS TE, ,GZHAN DU NGES PAR MA MCHIS SO ZHES BSTOD LA, NYON MONGS SHES BYA'I SGRIB PA YI, ,MUN PA'I GNYEN PO STONG PA NYID, ,MYUR DU THAMS CAD MKHYEN 'DOD PAS, ,DE NI JI LTAR BSGOM MI BYED, ,DNGOS GANG SDUG BSNGAL SKYED BYED PA, ,DE LAS 'JIGS PA SKYE 'GYUR NA,, STONG NYID SDUG BSNGAL ZHI BYED PA, ,DE LAS 'JIGS PA JI LTAR SKYE, ,ZHES KYANG GSUNGS SO, ,DE LTAR SHES RAB KYI RANG BZHIN BSGRUBS NAS DA NI STONG PA'I LTA BA DE GOMS PAR BSGOM PA'I THABS STON TO,, DE'ANG RI BO LA BAGS KYIS 'DZEG PA LTAR RIM GYIS 'JUG PAR BYA BA YIN PAS, DANG POR NI GANG ZAG GI BDAG MED PA BSGOM PA'O, ,DE NAS NI CHOS KYI BDAG MED PA BSGOM PA STON TO,, `DANG PO YANG MDOR BRJOD PA NI, GNOD CHEN RTZA BA BDAG LTA RAB GZHIG PAR, ,'BAD PAS BDAG MED GOMS PA RJES BSTEN BYA, ,BDAG TU LTA BA NI NYES PA'AM GNOD PA'AM MI 'DOD PA 'BYUNG BA THAMS CAD KYI RTZA BA YIN PAS NA, DANG POR DE'I YUL SO SOR RTOG PA'I SHES RAB KYIS RAB TU DPYAD CING RNAM PAR GZHIG PA'I SGO NAS GANG ZAG MED PA NYID BSGOM PAR 'BAD PA CHEN PO RTAG TU BYED PA DANG GUS PAR BYED PA'I SBYOR BA RJES SU BSTEN PA LA SEMS THAMS CAD KYIS BSAMS SHING NAN TAN BYA'O, `,BDAG TU LTA BA'I NYES PA BSGOM PA NI, ,PHYIN CI LOG GI LTA BA PHUNG KROL BA, ,BDAG DANG BDAG GIR 'DZIN LAS SDUG PA DANG, ,MI SDUG LA SOGS ZHEN PAS CHAGS LA SOGS, ,NYON MONGS NYES SPYOD SDUG BSNGAL MTHA' DAG 'DREN, ,DNGOS PO BDEN PAR 'DZIN PA'I RTZA BA CAN RANG GI RGYUD LA BDAG TU ZHEN PA LAS TSU ROL YOD NA PHA ROL NGES PAR YOD PA BZHIN @365A DU RGYUD GZHAN LA GZHAN DU 'DZIN PA DANG, DE LA'ANG SDUG PA DANG MI SDUG PA LA SOGS PA'I PHYOGS SU ZHEN PA LAS SRED PA DANG SDANG BA LA SOGS PA NYON MONGS PA'I TSOGS RGYAS PAR 'GYUR ZHING, DES NI MI DGE BA BCU LA SOGS PA'I LAS YA NGA BA SNA TSOGS KUN NAS SLONG LA, DE LAS NI SEMS CAN DMYAL BA LA SOGS PA NGAN 'GRO'I SKYE BA MCHED PA DANG, BDE 'GRO DAG GI YANG TSE THUNG NAD MANG LA SOGS PA'I SDUG BSNGAL SNA TSOGS MI 'DOD PA MI SDUG PA YID DU MI 'ONG BA'I 'BRAS BU MYONG BAR 'GYUR BAS NA, ,BDAG YOD NA NI GZHAN DU SHES, ,BDAG GZHAN CHA LAS 'DZIN DANG SDANG, ,'DI DAG DANG NI 'BREL PA LAS,, NYES PA MA LUS 'BYUNG BAR 'GYUR, ,ZHES BYA BA DANG, 'JIG RTEN DAG NA 'TSE BA GANG YOD DANG,, 'JIGS DANG SDUG BSNGAL JI SNYED YOD GYUR PA, ,DE KUN BDAG TU 'DZIN PA LAS GYUR NA, ,'DRE CHEN DES KO BDAG LA CI ZHIG BYA, ,ZHES BYA BA LA SOGS PA GSUNGS SO, `,BDAG MED PA'I DON SPYIR BSGRUB PA NI, GZUGS SOGS BDAG MIN MI RTAG DU MA DANG, ,MI GTZANG RANG DBANG MED PHYIR BUM SOGS BZHIN, ,GZHAN NA'ANG MI DMIGS DE NYID GZHAN NYID DU, ,BRJOD MED DNGOS PO MED PHYIR BDAG MED DO, ,SGOM PA'I RIM PA DAG LAS, PHUNG PO LA SOGS PA NI BDAG MA YIN TE DE DAG NI MI RTAG PA DANG DU MA DANG MI GTZANG BA DANG RANG DBANG MED PA LA SOGS PA'I NGO BO YIN PA'I PHYIR DANG ,BDAG NI RTAG PA LA SOGS PA'I NGO BOR GZHAN DAG GIS BRTAGS PA'I PHYIR RO, ,PHUNG PO LA SOGS PA LAS GZHAN NA'ANG BDAG MED DE MA DMIGS PA'I PHYIR RO, ,PHUNG PO LA SOGS PA LAS DE NYID DANG GZHAN NYID DU BRJOD DU MI RUNG BA'I BDAG KYANG MED DE DNGOS PO YOD PA'I RNAM PA GZHAN MI SRID PA'I PHYIR RO, ,DES NA 'JIG RTEN GYI NGA DANG NGA'I ZHES BYA BA 'DI NI 'KHRUL PA KHO NA'O ZHES DPYAD PAR BYA'O ZHES SO, ,GSANG BA BSAM GYIS MI KHYAB PA LAS KYANG, PHYIN CI LOG LAS BYUNG BA'I PHUNG PO NI YOD DE RGYU MED PA LAS BYUNG BA NI MED DO, ,MI RTAG PA DANG SDUG BSNGAL BA DANG BDAG MED PA'I PHUNG PO LNGA NI YOD DE, RTAG PA LA SOGS PA NI MED DO, ,MA RIG PA LA @365B SOGS PA YOD NA 'DU BYED LA SOGS PA'ANG YOD KYI MED NA MED DO, ,NGA RGYAL CAN LA YID 'BYUNG BA MED DO, ,NGA RGYAL MED PA LA MYA NGAN LAS 'DAS PA YOD DO, ,DE LTAR NA TSUL BZHIN YID LA BYED PAS 'JIG RTEN NA MKHAS PA RNAMS LA GANG YOD PAR GRAGS PA DE YOD PAR SHES PA'O, , MED PAR GRAGS PA NI MED PAR SHES PAS NA SGRO 'DOGS PA DANG SKUR BAR MI 'GYUR RO ZHES SO, `,BYE BRAG TU BSGRUB PA LA RTAG PA DGAG PA GTZO BOR BSGRUB PA NI, GZHAN YANG SEMS PA SEMS MED GANG YANG RUNG, ,BDAG TU BRTAGS PA MA LUS RTAG PA RNAMS, ,RIM DANG CIG CAR DON BYED MI NUS PHYIR, ,NAM MKHA'I ME TOG LTA BUR DNGOS MI RUNG, ,DE BZHIN SKYE 'JIG 'PHEL 'GRIB BYA BYED SOGS, ,SNA TSOGS DMIGS PHYIR MI RTAG CES BYA BA'O, ,BDAG SEMS PAR 'DOD PA NI GRANGS CAN PA LA SOGS PA STE, GRANGS CAN NI YUL LA LONGS SPYOD PA PO BDAG NI SHES PA YOD PA'I SKYES BU RTAG PA CHA SHAS MED PA RANG DBANG CAN DU 'DOD DO, ,DE YUL LA LONGS SPYOD PAR 'DOD PA NA SPYAD BYAR GYUR PA GTZO BO ZHES BYA BA RANG BZHIN GYI RNAM GRANGS CAN, RANG BZHIN NI RTAG LA GNAS SKABS NI MI RTAG PA YUL GYI NGO BO BEMS POS DE'I 'DOD PA LTAR KHAB LONG GIS LCAGS G-YO BA BZHIN DU SKYES BU DE YUL DANG SBYOR DE RANG NYID GYUR NAS SO, ,CI LTAR ZHE NA, RANG BZHIN LAS NI CHEN PO DE LAS NI, ,NGAR 'DZIN DE LAS TSOGS NI BCU DRUG YIN,, BCU DRUG PO YI TSOGS SU GTOGS PA'I DON, ,LNGA LAS KYANG NI 'BYUNG BA LNGA RNAMS YIN ZHES 'DOD PA'O, ,'DAS CHEN LAS KYANG MU STEGS MANG PO'I NANG NAS BRAM ZE SHAD TE'U SHU NAS BCOM LDAN 'DAS LA GSOL PA, RANG BZHIN NI RTAG STE PHYI NANG GI CHOS THAMS CAD KYI RGYU'O, ,'DI LTAR RANG BZHIN LAS CHEN PO SKYE'O, ,DE LAS NGA RGYAL TE BLO'O, ,DE LAS TSOGS BCU DRUG SKYE STE, 'BYUNG BA LNGA NI SA DANG CHU DANG MED DANG RLUNG DANG NAM MKHA'O, ,SHES PA'I DBANG PO LNGA NI MIG LA SOGS PA'O, ,LAS KYI DBANG PO LNGA NI LAG PA DANG RKANG PA DANG KHA DANG ZAG BYED DANG BSHANG SGO'O, ,BCU DRUG PA NI SEMS MNYAM PA'I DBANG PO'O, ,DE TZAM LNGA NI SGRA DANG REG DANG GZUGS @366A DANG RO DANG DRI STE, DE DAG LAS NI 'BYUNG BA LNGA PO DE SKYE'O, ,RTZA BA RANG BZHIN DE NI RDUL DANG MUN PA DANG SNYING STOBS GSUM CHA MNYAM PA STE, 'DOD PA DANG RMONGS PA DANG SDANG BA'AM, BDE BA DANG BTANG SNYOMS DANG SDUG BSNGAL GSUM MO, ,DE NI RTAG PA STE CHEN PO LA SOGS PA THAMS CAD MI RTAG PA'O ZHES SO, ,BDAG BEMS POR 'DOD PA NI RIG PA CAN LA SOGS PA STE, BEMS PO RTAG PA SEMS PA GZHAN DANG LDAN PAS BYED PA PO LA SOGS PAR 'JOG PA'O,, DE LTA BU'I BDAG DANG GTZO BO LA SOGS PA RTAG PAR BRTAGS PA THAMS CAD NI YOD PA'I DNGOS POR MI RUNG STE, RIM DANG CIG CAR DON BYED PAR MI NUS PA'I PHYIR RI BONG GI RVA BZHIN NO, ,RIM GYIS DON MI BYED PA NI NUS PA LA RIM PA MED PA'I PHYIR DANG, RIM PA YOD NA MI RTAG PAR 'GYUR BA'I PHYIR RO, ,RKYEN RIM CAN LA LTOS NAS RIM GYIS BYED PAR YANG MI RUNG STE, RKYEN GYIS KHYAD PAR BSGRUB TU MED PA'I PHYIR DANG YOD NA MI RTAG PAR 'GYUR BA'I PHYIR RO, ,GAL TE BYA BA CUNG ZAD CIG ,YOD NA RKYEN LA BLTOS 'GYUR NA, ,DNGOS GANG CUNG ZAD MI BYED LA, ,CI PHYIR 'GA' ZHIG BLTOS PAR 'GYUR, ,ZHES GANG BRJOD PA'O, ,DE BZHIN DU BDE SDUG LA SOGS PA'I GNAS SKABS MANG PO DANG SKYE 'GAG LA SOGS PA'I RNAM 'GYUR SNA TSOGS DMIGS PAS KYANG MI RTAG PAR GRUB PA STE, 'DAS CHEN LAS, GANG RKYEN LAS SKYE BA THAMS CAD MI RTAG PA STE 'DU BYED THAMS CAD KYANG RKYEN LAS SKYE BAS MI RTAG PA'O, ,'DRA BA'I CHOS SKAD CIG RE RER SKYE 'GAG BYED PA MTHONG BA LA BYIS PA DAG RTAG PAR 'DZIN TO, ,GANG ZHIG TU RUNG BA DE'ANG MI RTAG PA'O, ,SEMS NI BDE BA DANG SDUG BSNGAL LA SOGS PA GNAS SKABS DU MA DANG ,KHA TON SLOB PA LA SOGS PA 'PHEL 'GRIB DU MA DANG, BYA BA DANG BYED PA SNA TSOGS PAS KYANG MI RTAG GO, GZUGS NI MER MER PO NAS RGAS PA'I BAR SNGA NA MED PA SKYE LA SKYES NAS KYANG 'GYUR BA'O, ,MYU GU LA SOGS PA'ANG DE BZHIN PAS NA MI RTAG GO ZHES SO,, `BDAG MED PA BSGRUB PA NI 'GRO BA DAG ,LUS DANG MDOG DBYIBS YON TAN LA SOGS PA, ,RANG @366B DBANG MED PHYIR BDAG MED SHES PAR BYA, ,'DAS CHEN NYID LAS BDAG MED PA'ANG GZHIG CING GZHOM DU RUNG BA DANG SKYE ZHING 'PHEL BA LA SOGS PAS MTSAN NYID MI MTHUN PAS SO, ,YANG GZUGS LA SOGS PA NI BDAG MA YIN TE YIN NA MI SDUG PA MED PAR RIGS PAS RIGS BZHI'I KHYAD PAR MED PAS NA THAMS CAD BRAM ZER THAL BAS SO, ,GZHAN DBANG DANG DBANG PO MED PA DANG MA TSANG BAR YANG MI RUNG NGO, ,MI NAS LHAR MI SKYE BAR NGAN SONG DU SKYE BA YANG JI LTAR RUNG, DE LTAR RANG DBANG MED PAS NA BDAG MED PA'O ZHES SO, `SDUG BSNGAL BA LA SOGS PA'ANG BSGRUB PA NI, DE DAG NYID KYIS SDUG BSNGAL STONG PA DANG, PHYIN CI LOG GIS 'KHOR BAR BCINGS SOGS GRUB, ,YANG DE NYID LAS DE LTAR BDAG MED PA DANG MI RTAG PAS NA SDUG BSNGAL BA'O,, SDUG BSNGAL BAS NA STONG PA'O, ,STONG PAS NA PHYIN CI LOG GO, PHYIN CI LOG PAS NA 'KHOR BAR BCINGS PA'O, ,SANGS RGYAS KYIS NI PHUNG PO LNGA'I 'CHING BA DE DAG BCAD PAS NA RTAG PA DANG BDE BA DANG BDAG DANG GTZANG BA'O, ,GZHAN YANG GZUGS LA SOGS PA NI RTEN CING 'BREL PAR 'BYUNG BA STE, DE NI BDAG MED PA DANG STONG PA DANG SDUG BSNGAL BA'O, ,SANGS RGYAS NI DE LAS LDOG PA'O, ,STON PA DRUG NA RE BDAG NI GZUGS LA SOGS PA YIN TE KUN TU KHYAB PAS NAM MKHA' LTA BU'O ZHE'O, ,KHYAB PAR YOD NA SNGAR MI MTHONG BAR MI RIGS SO, ,SNGAR MA MTHONG NA NI MTHONG BA DE SNGAR MED LA PHYIS YOD PAS MI RTAG PAS NI CI LTAR KHYAB CES BYA, YANG KHYAB PA YIN NA 'GRO BA LNGA PO THAMS CAD NA LUS THAMS CAD TSANG BAR YOD PAR THAL TE, LNGA GA'I RNAM PAR SMIN PA MYANG BAS LHA'AM MI ZHES BYA BA LA SOGS PA SO SOR JI LTAR BZHAG ,YANG KHYAB PA DE GCIG GAM MANG PO YIN, GCIG YIN NA DGRA DANG GNYEN LA SOGS PA'I BYE BRAG MED PAR THAL LO, , MANG PO YIN NA THAMS CAD KYI DBANG PO LNGA PO KUN MNYAM PAS DBANG PO KUN TSANG BA DANG MA TSANG BA DANG LAS DGE BA DANG MI DGE BA LA SOGS PA MI 'DRA BA CI LTAR 'THAD, BDAG MED NA DGE BA DANG MI DGE BA SUS BYED CE NA, DE DAG BDAG GIS BYED NA DGE BA DANG MI DGE BA'ANG @367A RTAG PAR 'GYUR BAS RES 'GA' BAR 'GAL LO, ,DES NA BDAG CES BYA BA NI SANGS RGYAS NYID DE, ,SKU MTHA' YAS PAS THE TSOM GYI DRA BA MED PA, MI BYED CING MI LEN PAS RTAG PA, MI SKYE ZHING MI 'GOG PAS BDE BA, NYON MONGS PA'I DRI MA MED PAS GTZANG BA, MTSAN NYID BCU MED PAS STONG PA'O ZHES SO, `,BDAG MED PAS DE LAM DU BSGOM PA'I DON BSDUS PA NI, DE YANG CHOS SDOM BZHI DANG BDEN PA YI, ,RNAM PA BCU DRUG LEGS BSGOMS YANG DAG LTA, ,DAD DANG KHRIMS SOGS BSOD NAMS NYER RTON BCAS, ,ZAG MED LAM GYI DAM PAR RAB 'JUG BYA, ,LAM BSGOMS PA'I DMIGS PA DANG RNAM PA BSDUS PA NI CHOS KYI SDOM BZHI DANG BDEN PA'I RNAM PA BCU DRUG PO SPYI DANG KHYAD PAR GYI DBYE BA DANG LDAN PA DAG STE, 'DI DAG DANG POR THOS BSAM GYIS NGES PAR BYAS NAS TSUL KHRIMS DANG TING NGE 'DZIN LA SOGS PA'I GROGS DANG LHAN CIG PAS RTAG TU DANG GUS PAR BYED PA'I SBYOR BA BSTEN CING LAN MANG DU BYED PA 'JIG RTEN PA'I BSGOMS PA LAS BYUNG BAS GOMS PAR BYAS PA LAS, DE RAB KYI MTHA' LAS BYUNG BA 'JIG RTEN LAS 'DAS PA'I MTHONG LAM RNAM PA BCU DRUG DANG, DE GOMS PAR BSGOM PA SGOM LAM SA DGUS MI SLOB PA'I LAM THOB PAR BYED PA STE, BDEN PA BZHI LA BRTAN PA DANG, ,NGA DANG NGA YI ZHES SOGS SU, ,SGRO BTAGS NAS NI YONGS SU SRED, ,DE NYID LA NI DE 'GAL DON, ,DE NYID RNAM PA RJES RTOGS CAN, ,LEGS BSGOMS YANG DAG LTA BA YIS, ,SRED PA RJES 'BRANG BCAS 'JOMS BYED, ,CES GSUNGS PA DANG, BDEN PA MTHONG DANG BSGOMS PA LAS, ,NYON MONGS SPONG BAR BSHAD PA YIN ZHES GSUNGS PA LTAR TE, THEG PA CHEN POR YANG GANG ZAG MED PA SGOM PA'I TSUL NI 'DI NYID DO, , GSANG BA BSAM GYIS MI KHYAB PA LAS KYANG, CHOS THAMS CAD MDOR BSDUS PA'I MDO NI BZHI STE, DGE SBYONG DANG BRAM ZE KHA CIG LHA TSE RING PO LA SOGS PA RTAG PAR 'DZIN PA BZLOG PAR 'DU BYED THAMS CAD MI RTAG PA'O, ,LHA DANG MI KHA CIG BDE BAR RTOG PA LA NI 'DU BYED @367B THAMS CAD SDUG BSNGAL BA'O, ,MU STEGS CAN BDAG TU LTA BA LA NI CHOS THAMS CAD BDAG MED PA'O, ,RNAM RTOG LA SPYOD PA MNGON PA'I NGA RGYAL CAN LA NI MYA NGAN LAS 'DAS PA ZHI BA'O ZHES SO, ,DRAN PA NYER GZHAG LAS NI, SDUG BSNGAL GYI BDEN PA LA RGYU DANG RKYEN LAS SKYE BAS MI RTAG PA'O, ,GNOD PAR BYED PAS SDUG BSNGAL LO, ,SKYES BU DANG BRAL BAS STONG PA'O,, RANG DBANG DU MI 'JUG PAS BDAG MED PA'O, ,KUN 'BYUNG LA 'DU BYED 'BREL PA RGYUD MAR 'JUG PAS KUN 'BYUNG BA'O, ,DE 'BRAS BU DANG RJES SU MTHUN PAS RGYU'O, ,RAB TU BYED PA'I RNAM PA MA LUS PAS RAB TU SKYE BA'O, ,'BRAS BU DANG MI MTHUN PAR 'BREL BAS RKYEN NO,, 'GOG PA LA NYON MONGS PA THAMS CAD MED PAS 'GOG PA'O, ,NYON MONGS PA'I ME SPANGS PAS ZHI BA'O,, CHOS THAMS CAD KYI GTZO BO NYID KYIS GYA NOM PA'O, ,'KHOR BA LAS NGES PAR 'BYIN PAS NGES PAR 'BYUNG BA'O, ,LAM LA BYANG GROL THOB PAR BYED PAS LAM MO, ,PHYIN CI MA LOG PAS RIGS PA'O, ,'PHAGS PA'I SKYE BO THAMS CAD GNAS PAS BSGRUB PA'O, ,'KHOR BA'I NYON MONGS PA 'GOG PAS NGES PAR 'BYIN PA'O ZHES SO, `,GANG ZAG MED PA BSGOMS PA'I BYED PA NI, ,DE YI RTZA BA BCAD PAS NYON MONGS DANG, ,NYES SPYOD SDUG BSNGAL KUN SPONG YON TAN TSOGS, ,DAM PAS LEGS BRGYAN SBYIN GNAS MCHOG TU 'GYUR, ,DPE LAS 'DAS PA'I BSOD NAMS YONGS SU 'DZIN, ,GSANG BA'I MDO LAS, ZHI BA'I BLO GROS DPER NA SHING RTZA BA NAS BCAD NA YAL GA DANG LO MA DANG YAL GA PHRA MO THAMS CAD SKAM MO, ,DE BZHIN DU 'JIG TSOGS LA LTA BA NYE BAR ZHE NA, NYON MONGS PA DANG NYE BA'I NYON MONGS PA THAMS CAD ZHI BAR 'GYUR RO,, ZHES GSUNGS TE, DE LAS BYUNG BA'I GNOD PA THAMS CAD BZLOG PAR BSTAN PA'O, ,TSUL KHRIMS 'CHAL PA TSAR GCOD PA LAS, CHOS THAMS CAD LA GANG ZAG MED PAR BZOD PA NI RIGS PA DANG GROL BA STE, RAB TU BYUNG BA DANG BSNYEN PAR RDZOGS PA'I LAS YONGS SU DAG PA'O,, LDAN PA DANG GROL BA GNYIS LA DAD PAS BYIN PA GNANG STE, LDAN PA NI TSE 'DI NYID LA LEN PA MED @368A PAR MYA NGAN LAS 'DA' BA'O, ,YANG MI DGE BA SPANG BA DANG DGE BA BSGRUB PA DANG 'PHAGS PA'I LAM BSGOM PA LA MGO LA ME 'BAR BA GSOD PA LTAR BRTZON PA, GROL BA NI STONG PA NYID DANG MTSAN MA MED PA DANG SMON PA MED PA LA MOS PA'O, ,YANG DGE BA CI YIN ZHES TSOL ZHING GO CHA CHEN PO BGOS NAS BYANG CHUB DON DU GNYER BA NA YANG DAG PA'I BYANG CHUB KYI YAN LAG LA BRTZON PA STE, LAM LA ZHUGS NAS RGYUN TU ZHUGS PA LA SOGS PA THOB PAR BYA'O SNYAM PAS DE'I BYA BA LA GNAS SHING, DGE BA'I CHOS KHONG DU CHUD PAR BYA BA'I PHYIR LHAG PA'I BSAM PAS GNAS PA'O, ,YANG NGAN SONG LAS GROL BA NI RGYUN TU ZHUGS PA'O, ,'DOD PA'I KHAMS LAS GROL BA NI PHYIR MI 'ONG BA'O, ,'JIGS PA THAMS CAD LAS GROL BA NI DGRA BCOM PA'O, ,YANG LDAN PA NI BSLAB PA GSUM LA BSLABS PA'O ZHES SO, , RAB TU ZHI BA RNAM PAR NGES PA'I CHO 'PHRUL GYI TING NGE 'DZIN LAS KYANG, LA LAS LHA'I LO STONG DU DKON MCHOG GSUM LA NYE BAR MA KHO BA THAMS CAD PHUL BA BAS, GANG GIS THA NA SE GOL GTOGS PA SRID TZAM DU 'DU BYED THAMS CAD MI RTAG PA DANG SDUG BSNGAL BA DANG STONG BA DANG BDAG MED DO SNYAM DU DPYOD PAR BYED PA BSOD NAMS CHES MANG NGO ZHES SO, ,GSANG BA'I MDO LAS KYANG MI RTAG PA THOS PAS NI YONGS SU 'DZIN PA 'DOR RO, ,SDUG BSNGAL BA THOS PAS NI NYE BAR LEN PA MED PAR 'GYUR RO, ,BDAG MED PAS NI NGAR 'DZIN PA SEL LO, ,ZHI BA THOS PAS NI NYE BAR ZHI BAR 'GYUR RO, , TSUL BZHIN DU SEMS PAS NI 'PHAGS PA'I YANG DAG PA'I LTA BA BSKYED DO ZHES SO, ,DE BAS CHES LHAG PA BSGOMS PA'I BYED PA NI DKON MCHOG SPRIN LAS THOS PA DANG BSAMS PA TZAM GYIS NI RANG GI RIG PA'I CHOS KHONG DU MI TSUD DE, TSA BAS GDUNGS TE SKOM GYIS NYEN PAS CHU BSIL BA GANG NA YOD PA THOS MA THAG SKOM PA GZHIL BA'AM BSIL BA MI THOB KYI, NAM DER PHYIN TE 'THUNGS PA NA THOB PA LA SOGS PA LTAR GSUNGS TE, MI RTAG PA LA SOGS PA'ANG BSGOMS PAS MNGON SUM DU 'GYUR BAR BSTAN PA'O, `,CHOS KYI BDAG MED BSGOM PA'I DBANG DU BYAS NAS DANG @368B POR CHOS SU MNGON PAR ZHEN PA'I NYES PA BSAM PA NI, BSTAN PA 'DI LA RAB BYUNG LEGS BSNGAMS KYANG, ,STONG PAR MOS MED YONGS DAG DGE SBYONG MIN, ,MYA NGAN 'DAS SOGS THOB BYAR RLOM SEMS CAN, ,BYIS PA MA RIG BSGRIBS SHING BDUD KYI BCINGS, ,PHRA BA'I CHOS KYANG RAB TU GRUB MED PAR, ,MNGON PAR RTOGS DANG THOB SOGS DMIGS PAR LTA, ,DE BZHIN SKYE DANG SKYE MED LUS SOGS ZHEN, ,THAMS CAD BDUD KYI SPYOD YUL NYID DU GSUNGS, ,TSUL KHRIMS 'CHAL PA TSAR GCOD PA LAS BSTAN PA 'DI LA RAB TU BYUNG NAS SO SOR THAR PA'I SDOM PAS BSNGAMS KYANG DON DAM PA STONG PA NYID LA MI MOS SHING MI 'JUG PA DANG, STONG PA NYID DMIGS PA MED PA'I CHOS LA YID GNYIS ZA NA, DE DAG PHAL CHER TSUL KHRIMS DANG THOS PA DANG TING NGE 'DZIN GTZO BOR BYED KYANG, DE DAG GIS SANGS RGYAS LA GUS PA DANG MCHOD PA BYAS PA MA YIN TE, MA DAG PA'I TSUL KHRIMS LA SOGS PA DE TZAM GTZO BOR BYED PAS YONGS SU DAG PA'I DGE SBYONG DANG BRAM ZER MI BZUNG NGO ZHES SO, ,BYANG CHUB SEMS DPA'I SPYOD PA BSTAN PA LAS KYANG, BYIS PA RNAMS KYIS THOB CING RNYED, ,BYIS PAS MYA NGAN 'DAS PA THOB, ,'KHOR BA LA NI DE KUN CHAGS, ,RLOM SEMS BDUD KYI 'CHING BA YIN, ,GANG GIS BLO LA NGAS THOB SNYAM, ,DES NI THOB PA CI YANG MED,, DE YI YANG SRID 'GRO BA YI, ,MA RIG PA YANG 'JUG PAR 'GYUR ZHES SO, ,YANG DE NYID LAS CHOS GCIG KYANG RAB TU GRUB PA MA MTHONG NA BDEN PA BZHI'I NI LTA CI SMOS, 'DI LA YANG DAG PAR GRUB PA CI ZHIG YOD DE, CHOS RNAMS RNAM PAR RIG CES BYA BA NI DMIGS PA'O, ,BYANG CHUB CES BYA BA NI DMIGS PA'O, ,DE BZHIN GSHEGS PA ZHES BYA BA NI 'DZIN PA'O, ,GROL BA ZHES BYA BA NI SPROS PA'O,, SKYE DANG DE BZHIN SKYE MED GNYIS NI SPROS PA STE, ,KUN TU RTOG PA'I SA DANG BDUD KYI SPYOD YUL YIN, ,LUS LA SOGS PA'I CHOS 'DZIN RLOM PAR SEMS PA YI, ,LHA DANG LHA MIN 'GRO BA RNAMS NI 'DIR BRLAG GO ,RGYAL BAS BDUD RTZI 'DUS MA BYAS PA BRNYES SNYAM DU, ,DE LTAR GANG DAG BSAM PA RAB TU 'JUG BYED PA, ,DE DAG SANGS RGYAS LA NI SKU BRNYAS GSOL BAR BYED, ,BRNYAS @369A KYANG 'DI LA 'DREN PA RNAMS KYIS BRNYAS PA MED, ,'DIR NI SKYE BO MANG PO DAG ,RAB TU BYUNG NAS RAB BYUNG RLOM, ,SEMS KYI DMIGS PA RNAMS 'KHRUL NAS, ,BSTAN PA 'DI LA SUN 'BYIN RNAMS, ,BDUD RTZI BDAG GIS THOB BO ZHES, ,THOB PA'I NGA RGYAL CAN DAG SMRA, , SKYOB PA SH'A KYA SENG GE YI, ,BSTAN PA LA NI SPROS PA MED, ,SEMS KYIS RNAM PA THAMS CAD DU, ,SEMS KYI NGO BO NYID MI RTOGS, ,DE BZHIN RNAM 'DREN GSUNGS PA YI, ,LTA BA DE NI RANG BZHIN MED, ,SPYAN DAG RGYAL BAS GSUNGS PA YI, ,LTA BA LA NI LTA BA MED CES GSUNGS SO, ,GSER 'OD DAM PA LAS KYANG, 'KHOR BA'I RGYUN GCOD DAM CHOS 'DI, ,ZAB CING PHRA LA BLTA DKA' STE,, 'DOD PAS BSGRIBS PA'I DMUS LONG DAG ,DE MA MTHONG BAS SDUG BSNGAL LEN, ,CES SO,, `CHOS KYI BDAG MED PA'I DON LAS DE SPYIR BZHAG PA'I DBANG DU BYAS NAS 'JIG RTEN THAMS CAD DANG MI MTHUN PA'I MTSAN NYID NI, 'JIG RTEN BDEN SOGS PHYOGS SU LHUNG LAS ZHEN,, CHOS NI BDEN BRDZUN SOGS BRAL MI MTHUN NYID, ,TSANGS PA KHYAD PAR SEMS KYIS ZHUS PA LAS, 'JIG RTEN RNAMS NI BDEN PA DANG CHOS DANG MYA NGAN LAS 'DAS PA DANG DGE BA DANG BDE BA LA SOGS PA LA MNGON PAR CHAGS LA, SANGS RGYAS KYI CHOS LA NI BDEN PA DANG BRDZUN PA DANG CHOS DANG CHOS MA YIN PA DANG 'KHOR BA DANG MYA NGAN LAS 'DAS PA DANG DGE BA DANG MI DGE BA DANG BDE BA DANG SDUG BSNGAL LA SOGS PA GANG YANG MED PAS NA 'JIG RTEN THAMS CAD DANG MI MTHUN PA'O ZHES SO, `,GZUNG 'DZIN GNYIS DANG BRAL BA'I MTSAN NYID NI, GNAS DON LUS KYIS GZUNG BAR SNANG BA YI, ,CHOS KUN SEMS LAS GUD NA YOD MIN TE, ,RDUL YANG CHA LAS RANG BZHIN GZUNG MED PHYIR, ,THOG MED 'KHRUL SNANG RMI LAM GZUGS LTAR ZAD, ,DE 'DZIN YID DANG 'DZIN DANG RNAM RTOG SEMS, ,GZUGS SOGS RDZUN PA'I RNAM PAS NYER BSLAD PAS,, DE DANG 'DRA BAR BDEN MIN DUS GSUM SOGS, ,SO SOR BRTAGS NA RANG BZHIN BZUNG DU MED,, CHOS DE'I BDAG MED PA LA CHOS NI MDOR BSDU NA PHUNG PO DANG KHAMS DANG SKYE MCHED KYI TSOGS @369B YIN PA LAS GZUGS CAN GNAS SNOD KYI 'JIG RTEN DANG, DON YUL LNGA DANG, LUS DBANG PO LNGA RTEN DANG BCAS PA RNAMS NI GZUNG BA YIN LA DE DAG NI DE KHO NAR SEMS LAS GUD NA MED DE, DE DAG RDUL PHRA RAB TU GZHIGS NAS RDUL YANG CHA SHAS KYIS BRTAGS NA NGO BO NYID NGES PAR BZUNG DU MED PA'I PHYIR RO, ,DES NA GZUGS LA SOGS PAR ZHEN PA'I BAG CHAGS THOG MA MED PA CAN GYIS, RMI LAM NA GZUGS SU SNANG BA LTAR BYIS PA RNAMS LA SEMS NYID DE LTAR MED BZHIN DU PHYI ROL TU CHAD PAR SNANG BA TZAM DU ZAD DO, ,KHAMS GSUM PO YANG SEMS TZAM YIN PAS CHOS SU BTAGS PA MTHA' DAG SEMS NYID DU RTOGS NAS DE LA SO SOR BRTAGS PAS CHOS THAMS CAD LA BRTAGS PAR 'GYUR RO ZHES SEMS NYID LA RTOG GO, DE NAS NI DON DAM PAR GZUNG BA BZHIN DU DE LA 'DZIN PA'I SEMS YID NGAR RLOM SEMS PA DANG, 'DZIN PA RNAM PAR SHES PA LNGA DANG, RNAM PAR RTOG PA YID KYI RNAM SHES DAG KYANG BDEN PAR MI RUNG NGO,, 'DI LTAR RDZUN PA'I GZUGS LA SOGS PA'I RNAM PA SNA TSOGS NYE BAR 'DZIN PA NA DE LAS GZHAN DU MA GYUR PA'I PHYIR, GZUGS LA SOGS PA SNA TSOGS KYI RNAM PA YIN PAS GCIG DANG DU MA'I NGO BO MA GRUB PA LTAR SEMS KYANG MA GRUB PAS SO, ,DES NA SEMS DANG CHOS THAMS CAD KYANG SGYU MA LA SOGS PA'I NGO BO NYID DO, ,GZHAN YANG 'DAS PA'I SEMS NI 'GAGS SHING ZHIG LA, MA 'ONGS PA'I SEMS KYANG MA SKYES SHING, DA LTAR GYI SEMS KYANG RANG GI NGO BO LA MI GNAS PAS RANG BZHIN DU MA GRUB PAS NA SEMS KYI NGO BO NYID LA SO SOR BRTAGS NA SEMS NI NANG DANG PHYI ROL DANG DE NYID MED PAR YANG MI DMIGS SO, ,'DAS PA DANG MA 'ONGS PA DANG DA LTAR BYUNG BA YANG MI DMIGS SO, ,SKYE BA NA GANG NAS KYANG MA 'ONGS 'GAG PA NA GANG DU YANG MI 'GRO STE, GZUNG DU MED PA BSTAN DU MED PA GZUGS CAN MA YIN PAS NGO BO NYID CIR YANG MA GRUB PA'O, ,DKON MCHOG BRTZEGS PA LAS, 'OD SRUNG SEMS NI BTZAL NA MI RNYED DO, ,GANG MI RNYED PA DE MI DMIGS SO, ,GANG MI DMIGS PA DE 'DAS PA YANG MA YIN MA 'ONGS PA YANG MA @370A YIN DA LTAR BYUNG BA YANG MA YIN NO ZHES BYA BA LA SOGS PA RGYA CHER GSUNGS SO, ,DE LTAR BRTAGS NA SEMS DANG CHOS THAMS CAD KYI THOG MA DANG THA MA DANG DBUS KYANG YANG DAG PAR RJES SU MI MTHONG BAS NGO BO NYID GANG YANG MI DMIGS SO, ,SEMS GANG GIS YONGS SU RTOG PA DE'ANG STONG PAR RTOGS PA'O, ,GSANG BA'I MDO LAS KYANG, KUN SHES PAR BYED PA NI RNAM PAR RIG PA TZAM YANG KHAS MI LEN PA'O, ,RNAM PAR RIG PA KHAS MI LEN PA NI TSIG GI RJES SU MI 'JUG PA'O, ,TSIG GI RJES SU MI 'JUG PA NI DON LA RTOG PA'O, ,DON LA RTOG PA NI GANG GI TSE DON GANG YANG MI MTHONG BA'O, ,DON GANG YANG MI MTHONG BA NI DON DANG DON MA YIN PA DON DU MI GNYER BA'O, ,DON DU MI GNYER BA NYID CHOS DON DU GNYER BA STE CI'ANG DON DU MI GNYER BAS SO, ,'GA' ZHIG DON DU GNYER BA NI CHOS SU MI RUNG NGO ZHES SO, ,LANG KAR GSHEGS PA LAS KYANG, SEMS TZAM LA NI BRTEN NAS SU, ,PHYI ROL DON LAS 'DA' BAR BYA, ,SNANG BA MED LA BRTEN NAS SU, ,SEMS TZAM LAS KYANG 'DA' BAR BYA ZHES SO, ,SLOB DPON GYIS KYANG, SHIN TU PHRA BA'I DNGOS LA YANG, ,GANG GIS SKYE BAR RNAM BTAGS PA, ,RNAM PAR MI MKHAS DE YIS NI,, RKYEN LAS BYUNG BA'I DON MA MTHONG, ,ZHES SO, `,'OD GSAL BA'I MTSAN NYID NI, DES NA RANG BZHIN 'OD GSAL YONGS DAG SEMS, ,MED LA MNGON ZHEN MA RIG THOGS MED PA'I, ,PHYIN CI LOG LAS NYON MONGS SOGS KYIS BSGRIBS, ,STONG LA SPROS MED 'OD GSAL BYANG CHUB NYID, ,'OD GSAL BA NI SEMS KYI CHOS NYID GDOD MA NAS KUN TU RTOG PA THAMS CAD DANG MA 'DRES PA'I RANG BZHIN NO,, MA DROS PAS ZHUS PA LAS, SEMS KYI RANG BZHIN NI 'OD GSAL BA STE, DE LA NI 'DOD CHAGS DANG ZHE SDANG DANG GTI MUG MED DO, ,DE DAG NI PHYIN CI LOG LAS SKYE'I, SEMS KYI RANG BZHIN NI NAM YANG NYON MONGS PA MA YIN NO, ,GAL TE YIN NA NI RNAM PAR DAG PAR MI 'GYUR BA ZHIG NA DE LTA MA YIN PA'I PHYIR NYON MONGS PA SHES PAS RNAM PAR DAG CES BYA'O ZHES SO, ,RDO RJE SNYING PO'I GZUNGS LAS KYANG, MED PA'I PHYIR MA RIG PA STE GANG MED PA DE LA SKYE BA MED DO, ,GANG MA SKYES PA @370B DE LA KUN NAS NYON MONGS PA MED DO, ,KUN NAS NYON MONGS PA CAN MA YIN PA NI BYANG CHUB STE RANG BZHIN GYIS 'OD GSAL BA RTAG TU MA SKYES PA'O, ,DES NA MA RIG PA DANG BYANG CHUB NI GNYIS SU MED PAS NA MA RIG PA NI BYANG CHUB BO ZHES BSTAN TO ZHES SO, `,MTSON BYA DANG MTSAN NYID LA SOGS PA DANG PHRAL BA'I MTSAN NYID NI, CHOS KUN MTSON BYA MTSON BYED SOGS STONGS PAS, MKHA' LTAR DNGOS MED MING TZAM NYID DU ZAD, ,DES NA YOD MED SKYE DANG MI SKYE SOGS, ,MTSAN MA KUN BRAL TSIG GI LAM LAS 'DAS, ,MING DANG MTSAN MED RGYU RKYEN DPE LAS 'DAS, ,THOG MTHA' DBUS BRAL BSAM MI KHYAB GNAS SO, ,NYI MA'I SNYING PO LAS, NAM MKHA' RTOG PAR GSUNGS PA STE, ,RTOG PA DE NI YOD MA YIN, ,NAM MKHA'I MING DANG RTOG PA DAG ,DE NI THAMS CAD DNGOS PO MED, ,CHOS RNAMS THAMS CAD CI YANG MED, ,'GYUR BA MED CING MTSAN NYID MED, ,MTSAN NYID MED PAR BRTAGS PA YIS, ,MTSAN GZHI KUN LAS RAB TU GROL ZHES SO, ,GSER 'OD DAM PA LAS KYANG, DE BAS NA PHUNG PO LNGA LA SOGS PA NI YOD PA DANG MED PA DANG SKYE BA DANG MI SKYE BA LA SOGS PA MA YIN PA, TSIG GI THOG TU MI PHEBS PA, MING DANG MTSAN MA MED PA, RGYU DANG RKYEN MED PA, DPES BSTAN DU MED PA, THOG MA DANG THA MAR YANG DBEN PA, RANG GI NGANG GIS STONG PA STE, 'PHAGS PA RNAMS KYIS MKHYEN PAR BYA BA YIN GYI, GZHAN GYI SPYOD YUL MA YIN PAS PHUNG PO LA SOGS PA CHOS KYI DBYINGS SU BSTAN TO ZHES SO, ,CHOS THAMS CAD DMIGS SU MED CING SEMS MED PA NI, RIN PO CHE BSAGS PA'I MDO LAS KYANG, BSAM GYIS MI KHYAB PA'I DBYINGS NI SEMS MED PA, SEMS 'GRO BAR BYA BA MED PA, SEMS KYIS DPAG PAR BYA BA MA YIN PA, ,BSAM PAS RAB TU DBYE BAR BYA BA MA YIN MOD KYI, 'ON KYANG SEMS NYID BSAM GYIS MI KHYAB PA'I DBYINGS SO, ,CI'I PHYIR ZHE NA, SEMS LA SEMS MED PA MA YIN GYI SEMS NYID MA YIN PAS NA SEMS NI NGO BO NYID KYIS MED PA'O, ,SEMS JI LTAR BA BZHIN PAS SEMS MED PA NYID SEMS TE 'DI NI BSAM GYIS MI KHYAB PA'I DBYINGS SO ZHES SO, `,DE NYID DE BZHIN GSHEGS PA'I SNYING POR BSTAN PA NI, DES NA CHOS @371A SKU KUN GYIS THOB RUNG DANG, ,DE BZHIN NYID NI THA DAD MED GNAS DANG,, SANGS RGYAS RIGS LA DE NYID NYER BRTAGS NAS, ,'GRO KUN SANGS RGYAS SNYING PO CAN DU BRJOD, ,DE NI RTAG BRTAN KHYAB PAR BRJOD MOD KYI, ,BYIS RNAMS ZAB MOS SKRAG PA SPANG BA YIS, ,RIM GYIS GZHUG PHYIR CHOS DBYINGS SPROS ZHI NYID, ,SNYING POR BSTAN PAS BDAG DANG MTSUNGS MA YIN, ,DE BZHIN NYID KYI RANG BZHIN DE TZAM LAS, ,BDAG NYID SANGS RGYAS KHAS 'CHE RDZUN CHEN TE, ,DE NYID DPAG MED THABS LA BLTOS PHYIR RO, ,DES NA SANGS RGYAS CHOS NYID BSAM MI KHYAB, , DGONGS PA 'DI GSUM GYIS SEMS CAN THAMS CAD SANGS RGYAS KYI SNYING PO CAN NAM RANG BZHIN CAN DU GSUNGS PA STE, 'BRAS BU CHOS SKU'I SNYING PO CAN DANG, RANG BZHIN DE BZHIN NYID KYI SNYING PO CAN DANG, RGYU RIGS KYI SNYING PO CAN NO, ,DE LA CHOS SKU NI SANGS RGYAS DNGOS YIN LA, SEMS CAN LA YOD PA NI 'THOB TU RUNG BA TZAM LA BTAGS PAS SO, ,DE BZHIN NYID NI GNYI GA DNGOS SU YIN TE SANGS RGYAS NYID KYI RANG BZHIN YANG YIN LA SEMS CAN THAMS CAD LA'ANG NGES PAR GNAS PAS SO, ,RIGS NI SANGS RGYAS KYI RGYU YIN PAS BTAGS PA STE SEMS CAN LA YOD PA NI DNGOS SU'O, ,DE'ANG, RDZOGS SANGS SKU NI 'PHRO PHYIR DANG, ,DE BZHIN NYID DBYER MED PHYIR DANG, ,RIGS YOD PHYIR NA LUS CAN KUN, ,RTAG TU SANGS RGYAS SNYING PO CAN ZHES GSUNGS PA'O,, LANG KAR GSHEGS PA LAS KYANG, BCOM LDAN 'DAS KYIS DE BZHIN GSHEGS PA'I SNYING PO GSUNGS PA DE RANG BZHIN GYIS 'OD GSAL BAS THOG MA NAS RNAM PAR DAG PA NYID MTSAN SUM CU RTZA GNYIS DANG LDAN PA SEMS CAN THAMS CAD KYI LUS KYI NANG NA YOD PA STE, RIN PO CHE RIN THANG CHE BA GOS NGAN PAS DKRIS PA LTAR, PHUNG PO LA SOGS PA'I GOS KYIS DKRIS PA, 'DOD CHAGS LA SOGS PAS ZIL GYIS NON PA, YONGS SU RTOG PAS DRI MA CAN DU GYUR PA, RTAG PA BRTAN PA THER ZUG PAR NI BRJOD NA 'DI MU STEGS KYI BDAG TU SMRA BA DANG 'DRA BAR CI LTAR MI 'GYUR, MU STEGS DAG KYANG RTAG PA KHYAB PA MI 'JIG PA'O ZHES BDAG TU SMRA BA LAGS SO, ,BKA' STZAL PA, BLO GROS @371B CHEN PO, NGA'I DE BZHIN GSHEGS PA'I SNYING PO NI STONG PA NYID DANG YANG DAG PA'I MTHA' LA SOGS PA'I DON LA BRJOD PAS, MU STEGS BYED LA SOGS PA BYIS PA RNAMS BDAG MED PAS SKRAG PA SPANG BA'I DON DU ZAB MO'I GNAS BSTAN PA YIN PAS BSTAN PA DE LA BDAG TU ZHEN PAR MI BYA'O, ,DPER NA RDZA MKHAN NI 'DAG PA'I PHUNG PO GCIG LAS 'KHOR LO LA SOGS PA'I BYE BRAG GIS SNOD SNA TSOGS BYED DO, ,STON PA YANG CHOS THAMS CAD STONG PA NYID KHO NA SHES RAB DANG THABS KYI SBYOR BA SNA TSOGS KYIS DE BZHIN GSHEGS PA'I SNYING PO'AM BDAG MED PA LA SOGS PA'I RNAM GRANGS SNA TSOGS KYIS STON PAS NA BDAG TU SMRA BA DANG MI MTSUNGS SO, ,DE BAS NA MU STEGS KYI LTA BA BZLOG PHYIR DE BZHIN GSHEGS PA'I SNYING PO BDAG MED PA'I RJES SU 'JUG PAR BYA'O ZHES SO, ,'DAS CHEN LAS KYANG, LA LA DAG BDAG NI SANGS RGYAS TE SANGS RGYAS KYI RANG BZHIN YOD PAS SO ZHES SMRA NA PHAM PAR 'GYUR TE, RANG BZHIN YOD KYANG BSGRUB PA'I THABS LA 'BAD PA CHEN PO MA BYAS PAR SANGS RGYAS MI 'THOB PA'I PHYIR RO, ,DES NA SANGS RGYAS NI BSAM GYIS MI KHYAB BO, ,DE DGE SLONG TSUL KHRIMS DANG LDAN PA CHU LA RTOG PA NA, DE NA 'GUL BA SRIN BU'AM RDUL YIN PA DANG PO BDE BLAG TU MI RTOGS SO, ,YUN RING DU BRTAGS NA SHES MOD KYI GSAL BAR MI RTOGS SO, ,NAM DMUS PA NA RGYANG MA NAS BYIS CHUNG NGU MTHONG BA NA PHYUGS SAM BYA'AM MI YIN MI RTOGS TE, RING DU BLTAS NA BYIS PAR RTOGS KYANG GSAL BA MA YIN PA LTAR, SA BCU'I BYANG CHUB SEMS DPAS KYANG RANG GI LUS LA DE BZHIN GSHEGS PA'I SNYING PO MTHONG MOD KYI GSAL BAR MI RTOGS SO ZHES SO, ,YANG KHA CIG BDUD RTZI 'THUNGS PA LAS, ,TSE THUNG SNGAR SHI BA YANG YOD, ,KHA CIG BDUD RTZI 'THUNGS PA LAS, ,TSE RING RTAG TU GNAS PA'ANG YOD, ,KHA CIG DUG 'THUNGS DBANG GIS 'TSO, ,KHA CIG DUG GI RKYEN GYIS 'CHI, ,THOGS MED YE SHES ZIL DNGAR NI,, THEG PA CHEN PO'I MDO SDE STE, ,SMAN DANG DUG TU 'DRES PA'O, ,JI LTAR MAR DANG KHA RA DANG, ,MAR GYI SNYING PO LA SOGS PA, ,'THUNGS TE ZHU NA SMAN DU GYUR, ,MA ZHU NA NI DUG CES BYA, ,SHIN TU RGYAS PA'ANG DE @372A BZHIN TE, ,MKHAS PA DAG GI SMAN DU 'GYUR, ,GLEN PA SANGS RGYAS RANG BZHIN DAG ,MI SHES PA YI DUG DU 'GYUR, ,DKON MCHOG GSUM GYI MTSAN NYID NI, ,BDAG CES BYA BA'I MTSAN NYID DO, ,BDAG DANG SANGS RGYAS RANG BZHIN NYID, ,GANG GIS MNGON SUM RTOGS GYUR NA, ,DE BZHIN GSHEGS PA'I SNYING PO NYID, ,SKYES BU DES NI RTOGS 'GYUR RO ZHES SO, ,DE LAS SKYABS KYANG SANGS RGYAS NYID DU BSGRUB PA NI, 'DI NYID CHOS DANG DGE 'DUN MTHAR THUG PHYIR, ,SKYABS KYANG SANGS RGYAS NYAG GCIG NYID DU GSUNGS, ,MDO DE NYID LAS, SANGS RGYAS DAG LA SKYABS SONG BA, ,DE NI YANG DAG DGE BSNYEN TE, ,NAM YANG LHA RNAMS GZHAN DAG LA,, SKYABS SU GSOL BAR MI 'GYUR RO, ,DAM PA'I CHOS LA SKYABS SONG BA, ,GNOD CING 'TSE BA'I SEMS DANG BRAL, ,DGE 'DUN LA NI SKYABS SONG BA, ,MU STEGS CAN LA PHYOGS MI 'GYUR, ,DKON MCHOG GSUM LA SKYABS SONG BA, ,'JIGS PA MED PAR THOB PAR 'GYUR, ,'OD SRUNG GIS GSOL PA, BDAG NI GSUM LA SKYABS GSOL BAS, ,SANGS RGYAS RNAMS KYI SPYOD YUL GYI, ,YANG DAG PA YI LAM ZHES BGYI, ,DKON MCHOG GSUM GYI MTSAN NYID MNYAM, ,YE SHES CHEN PO NYID DANG LDAN, , BDAG DANG SANGS RGYAS RANG BZHIN NI, ,GNYIS SU MED DE BYE BRAG MED, ,BDAG KYANG BDE BAR GSHEGS BSNGAGS PA'I, ,BLA MED LAM LA GZHOL ZHING BAB, ,BDUD RTZI'I MCHOG NI DAM PA STE, ,SRID PA'I NANG NA MED PA'O, ,BKA' STZAL PA, RIGS KYI BU KHYOD NYAN THOS SAM BYIS PA MA RABS LTAR DKON MCHOG GSUM LA BYE BRAG MA 'BYED CIG ,THEG PA CHEN PO LA NI DKON MCHOG GSUM LA BYE BRAG DBYE BA'I MTSAMS MED DE, SANGS RGYAS NYID LA CHOS DANG DGE 'DUN YOD PAS SO, ,'JIG RTEN PA'I CHOS KYI RJES SU 'JUG PAR 'DOD PA BYIS PA DANG NYAN THOS BSGRAL BA'I PHYIR SKYABS GNAS GSUM THA DAD PAR PHYE'O ZHES SO, ,RJE BTZUN GYIS KYANG, DAM PA'I DON DU 'GRO BA YI, ,SKYABS NI SANGS RGYAS NYAG CIG YIN, ,THUB PA CHOS KYI SKU CAN PHYIR, ,TSOGS KYANG DE YI MTHAR THUG PHYIR,, ZHES GSUNGS SO, `,DE LAS THEG PA GCIG PA NYID KYANG GRUB PA SPYIR BSTAN PA NI, DE BZHIN THEG PA THA @372B DAD YOD MIN TE, ,'DREN PA RNAMS KYI THABS KYIS GSUM SOGS BSTAN, ,NYI MA SHAR TSE ME KHYER SKAR SOGS 'OD, ,ZIL MNAN MI SNANG BZHIN DU THUB MCHOG RNAMS, ,GSHEGS PAR MU STEGS CAN SOGS MI SNANG STE, ,ZHING 'DIR SNANG BA RNAM 'PHRUL BSAM YAS SGO, ,BDEN PA PO'I LE'U LAS 'JAM DPAL NGAS CHOS GANG BSTAN PA DE THAMS CAD NI BYANG CHUB CHEN PO LA GZHOL BA, THEG PA CHEN PO LA 'BAB PA, THAMS CAD MKHYEN PA NYID BSGRUB PAR TSUL GCIG PA STE, DES NA ? NGA LA THEG PA RNAM PAR DGOD PA MED DO, ,THEG PA RNAM PAR DGOD PA ZHES BYA BA NI NGAS SA DANG GANG ZAG DANG TSOGS CHUNG NGU DANG CHEN PO RNAM PAR DGOD PA MDZAD PA STE, CHOS KYI DBYINGS THA DAD MED PA'I PHYIR THEG PA THA DAD MED DE, 'DI NI KUN RDZOB TU 'JUG PA'I SGO TZAM MO, ,GANG DON DAM PAR THEG PA GCIG PA NI GNYIS MA YIN NO, ,NGA YI MYA NGAN 'DAS GCIG THEG PA GCIG ,NGA YI THEG PA THA DAD MED PA STE, ,YANG DAG DU NA THEG PA GCIG TU BSTAN, ,DE NI THABS KYI YUL DU SHES PAR GYIS, ,RGYUD ZHAN BSAM PA CHUNG BA'I SKYE BO DAG ,'PHRAL DU THOS PAS 'JIGS PAR 'GYUR SRID CES,, DE DAG RNAMS LA THEG PA GSUM BSTAN GYI, ,THEG PA GCIG STE THEG PA THA DAD MED CES SO, , DAM PA'I CHOS PADMA DKAR PO LAS KYANG, NGA YANG THEG PA GCIG PA LAS BRTZAMS TE CHOS STON PA 'DI LTA STE, SANGS RGYAS KYI THEG PA THAMS CAD MKHYEN PA NYID KYI MTHAR THUG PA STE THEG PA GNYIS SAM GSUM ZHES BYA BA MED DO, ,PHYOGS BCU NA DUS GSUM GYI SANGS RGYAS THAMS CAD KYANG THEG PA GCIG LAS BRTZAMS NAS CHOS STON TE, GANG NA YANG THEG PA GNYIS SU BTAGS PA YANG MED NA GSUM DU LTA CI SMOS ZHES SO, ,YANG BDEN PA PO'I LE'U LAS, NYI MA SHAR TE 'OD MANG PO BKYE BA NA ME KHYER DANG, ME DANG NOR BU DANG SKAR MA THAMS CAD KYI 'OD MI SNANG BA LTAR, SANGS RGYAS GANG DU BYUNG BAR MU STEGS GZHAN DANG KUN TU RGYU DANG SPYOD PA PA THAMS CAD ZIL GYIS GNON CING MI SNANG STE, 'ON KYANG ZHING 'DI NA DE DAG LA SOGS PA SNANG BA NI SANGS RGYAS KYI BYIN GYIS BRLABS PA DANG THABS KYI YUL BSAM GYIS MI KHYAB PA'O, ,CI'I PHYIR ZHE NA, SGO 'DI THAMS CAD RNAM @373A PAR THAR PA BSAM GYIS MI KHYAB PA'I SGO LA GNAS PA, SHES RAB KYI PHA ROL TU PHYIN PA LAS NGES PAR 'BYUNG BA, THABS LA MKHAS PAS RNAM PAR RTZE BA, DKON MCHOG GSUM YID LA BYA BA MA BTANG BA DANG, SEMS CAN YONGS SU SMIN PAR BYA BA'I PHYIR SANGS RGYAS KYIS BYIN GYIS BRLABS PA'O ZHES SO, ,THABS KYI SGO LAS NI, THEG PA GSUM DU YANG MA ZAD DE, SDONG PO BKOD PA LAS, SANGS RGYAS ZHIG MNGON PAR SANGS RGYAS MA THAG TU SEMS CAN DPAG TU MED PA NYAN THOS DANG, RANG RGYAL BA'I BYANG CHUB DANG, SHUGS DANG LDAN PA'I SPOBS PAR NGES PAR 'BYUNG BA'I BYANG CHUB DANG, PHA ROL GNON PA DRI MA MED PA'I RGYAL MTSAN GYI BYANG CHUB DANG, CHOS LA SPOBS PAS NGES PAR 'BYUNG BA'I BYANG CHUB LA SOGS PA MANG PO ZHIG LA BKOD PAR YANG GSUNGS SO, , `BYE BRAG TU BSGRUB PA NI, DES NA THUB BSTAN PHYIR MI LDOG PA YI, , CHOS KYI 'KHOR LOR RO GCIG DMAN MOS DAG ,THEG PA GCIG LA DKRI BA'I THABS CHEN GYIS,, DAD RJES 'BRANG NAS RANG SANGS RGYAS PAR DGU, RGYAL SRAS NYID KYI CHOS KYI KHYAD PAR LA, ,SGRA YI GZHI MTHUN TZAM LA DGONGS PAS GSUNGS, ,PHYIR MI LDOG PA'I 'KHOR LO LAS SANGS RGYAS THAMS CAD KYI CHOS BSTAN PA NI PHYIR MI LDOG PA'I CHOS KYI 'KHOR LOR MTHUN PA'O, ,THEG PA GSUM BSTAN PA NI SEMS CAN DMAN PA LA MOS PA DAG THEG PA GCIG LA MI 'JUG PAS NA, THABS LA MKHAS PAS NYE BAR 'KHRID PA STE, SANGS RGYAS RNAMS NI THABS CHEN PO DANG LDAN PA'O, , DES NA DAD PA'I RJES SU 'BRANG BA DANG, CHOS KYI RJES SU 'BRANG BA DANG, BRGYAD PA DANG, RGYUN TU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA DANG, NYAN THOS DANG, RANG SANGS RGYAS BSTAN PA'I DGONGS PA NI BYANG CHUB SEMS DPA' NYID KYI CHOS LA STE, DMAN PA LA MOS PA DRANG BA'I THABS LA MKHAS PAS SO, ,DE LA DAD PA'I RJES SU 'BRANG BA NI BYANG CHUB SEMS DPA' CHEN PO DAG SEMS CAN DPAG TU MED PA CHAGS PA MED PAR SANGS RGYAS MTHONG BAR BYA BA'I PHYIR DAD PAR YANG BYED LA, SANGS RGYAS KYI CHOS DAG KYANG MI MTHONG ZHING, @373B GZUGS LA SOGS PA LNGA LA MI CHAGS PA DANG, CHOS THAMS CAD SANGS RGYAS KYIS STONG PAR BSTAN PAR YID CHES SHING MOS PA DANG, SANGS RGYAS KYI YE SHES LA YID CHES SHING 'DOD LA, NAM ZHIG BDAG KYANG DE LTA BU DANG LDAN PAR 'GYUR ZHIG GU SNYAM DU SEMS SHING, YE SHES DE'ANG MI DMIGS PA DANG, SANGS RGYAS LA DAD PAS SEMS RNYOG PA MED PAR YID CHES PA DANG, SEMS CAN DAD PA DANG MI LDAN PA DAG DAD PA LA 'DZUD CING DES BYANG CHUB KYI SEMS RNYED LA, SEMS DE'ANG MNYAM PA NYID DU SHES PAR BYED PA LA SOGS PAS TE, SANGS RGYAS MTHONG BA CHAGS MED PA, ,SEMS CAN DPAG MED DAD PAR BYED, ,DE NI DE LA CHAGS PA MED, ,DE PHYIR BLO LDAN DAD RJES 'BRANG, ,CHOS 'DI THAMS CAD STONG PA ZHES, ,RAB TU BSHAD PAR YID KYANG CHES,, DE NI DE YI MOS YIN TE, ,DE PHYIR DAD RJES 'BRANG BAR BRJOD, ,BDER GSHEGS YE SHES YID CHES TE; ;NAM ZHIG 'DI 'DRAR SHES LDAN ZHES, ,DE LA 'DOD PA 'JUG BYED CING, ,SHES PA DE YANG MTHONG MA YIN, ,'DOD PA'I YON TAN RNAM LNGA LA, ,RTAG TU DAD PA MA YIN TE, ,DAD PA'I STOBS NI RJES THOB PA, ,DE PHYIR DAD RJES 'BRANG BAR GSUNGS, ,RDZOGS SANGS RGYAS LA DANG BAS DAD, ,DE YI SEMS NI RNYOG PA MED, ,SEMS MED PA YI CHOS STON TE, ,DE'I PHYIR DAD RJES 'BRANG ZHES BYA, ,SEMS CAN GANG DAG DAD MI LDAN, ,DE DAG DAD LA 'DZUD BYED CING, ,DRI MED CHOS LA DAD PAR BYED, ,DE PHYIR DAD RJES 'BRANG BAR GSUNGS, ,DAD PA'I SEMS DANG LDAN GYUR NAS, ,BYANG CHUB SEMS LA 'JUG PAR BYED, ,SEMS DE YANG NI MI RNYED DE, ,DE PHYIR BRTAN PA DAD RJES 'BRANG, ,SANGS RGYAS CHOS LA RNAM KUN TU, ,CHOS LAS LDOG PAR MI BYED CING, ,CHOS NYID 'DI DAG 'DZIN BYED DE, ,DE PHYIR CHOS RJES 'BRANG ZHES GSUNGS, ,CHOS RGYUN BSAM GYIS MI KHYAB PA, ,RGYUN DE LAS KYANG 'DA' MI BYED, ,CHOS NYID DE NI RJES SU THOB, ,DE PHYIR CHOS RJES 'BRANG ZHES BYA,, SANGS RGYAS RNAMS KYIS BSHAD PA'I CHOS, ,BSTI STANG BYAS TE DE DAG 'DZIN, ,DE YI SEMS NI ZHUM PA MED, ,DE PHYIR CHOS RJES 'BRANG ZHES BYA, ,GNAS MED PA DANG RTEN MED PA'I, ,CHOS KYI RGYUN NI YANG @374A DAG RTOGS, ,CHOS NYID DE NI 'DZIN BYED DE, ,DE PHYIR BLO LDAN CHOS RJES 'BRANG,, BYANG CHUB SEMS DPA'I CHOS NYID GANG, ,SANGS RGYAS KYIS NI BSTAN MDZAD PA, ,CHOS NYID DE NI RJES SU THOB, ,DE PHYIR BLO LDAN CHOS RJES 'BRANG, ,LOG PA BRGYAD LAS SHIN TU 'DAS, ,RNAM PAR THAR PA BRGYAD LA REG ,YANG DAG BRGYAD LA ZHEN PA MED, ,DE PHYIR BRGYAD PA ZHES BRJOD DO,, SO SO'I SKYE BO NYID LAS 'DAS, ,BYANG CHUB LA YANG MNGON PAR ZHUGS, ,BYANG CHUB DE YANG MI DMIGS TE, ,DES NA BRGYAD PA ZHES BRJOD DO, ,'JIG TSOGS LAS NI RNAM PAR 'DAS, ,BYANG CHUB MCHOG LA RAB TU ZHUGS, ,SANGS RGYAS LAM YANG RJES SU THOB, ,DES NA BRGYAD PA ZHES BRJOD DO, ,LAM LA RGYUN CES NGAS BSHAD DE, ,BSAM DU MED PA SANGS RGYAS LAM, ,GANG DAG LAM LA 'DIR GNAS PA, ,DE DAG RGYUN TU ZHUGS PAR BRJOD, ,'KHOR BA'I 'DU SHES GANG BRJOD PA, , SANGS RGYAS 'DU SHES DE BZHIN DE, ,MNYAM PA NYID NI DER ZHUGS PA, ,RGYUN TU ZHUGS PAR SHES PAR GYIS, ,KUN DGA' NGAS NI 'DI LA DGONGS, ,RGYUN TU ZHUGS PAR RAB BSHAD NA, ,SEMS CAN BLO CHUNG RNAMS KYIS NI, ,GZHAN DU YONGS SU DE BRTAGS SO, ,SANGS RGYAS YE SHES MTHA' YAS PA, ,YE SHES RJES SU DE 'GRO STE, ,SANGS RGYAS YE SHES TSOL 'ONG BA, ,DES NA DE NI LAN CIG 'ONG, ,THAMS CAD MKHYEN DANG LDAN RNAMS KYIS, ,CHOS NYID RNAM PA GANG BRNYES PA, ,DE NI BDAG GIS THOB PA ZHES, ,DE TSOL BAR NI 'ONGS PA YIN, ,SEMS CAN MANG PO BLO CHUNG BA, ,SDUG BSNGAL RAB MNAR NYAM THAG PA, ,DE DAG YE SHES 'GOD DO ZHES, ,SANGS RGYAS YE SHES TSOL PHYIR 'ONG, ,SNGON GYI SANGS RGYAS BZHUGS BZHUGS PA, ,BYANG CHUB SNYING PO TSOL BAR BYED, ,DE TSOL BAR NI 'ONGS PA STE, ,DES NA DE NI LAN CIG 'ONG, ,'DIR CHOS THAMS CAD 'GRO BA DANG, ,'ONG BA DAG KYANG MI DMIGS TE, ,'ONG DANG 'GRO BA MED THOB PAS, ,DE NI PHYIR MI 'ONG ZHES BRJOD, ,'GRO BA RNAM GSUM GANG DU YANG, ,DE NI PHYIR ZHING MI 'GRO STE, ,SANGS RGYAS CHOS RNAMS THOB PAS NA, ,DE NI PHYIR MI 'ONG ZHES BRJOD, ,NGAN SONG THAMS CAD YANG DAG CHAD, ,DE NI GANG PHYIR DRI MA @374B BRAL, ,MYA NGAN 'DAS PA ZHI THOB PA, ,DES NA DE NI PHYIR MI 'ONG, ,NYON MONGS THAMS CAD RAB TU BTUL, ,DNGOS POR 'DU SHES RNAM PAR BSHIG ,MCHOG GI THEG PA 'DI LA NGES, ,DE NI PHYIR MI 'ONG ZHES BYA, ,GANG GIS SEMS CAN RAB SDUG BSNGAL, ,NYON MONGS THAMS CAD DE YIS BCOM,, NYON MONGS PA LAS SEMS CAN 'GREL, ,DES DE DGRA BCOM ZHES BRJOD DO, ,DMIGS PA THAMS CAD RAB TU BCOM, ,DMIGS PA MED LA LEGS PAR GNAS, ,CHOS NYID STONG PA NYID DU SHES,, DES DE DGRA BCOM ZHES BRJOD DO, ,SANGS RGYAS BYANG CHUB BSAM MI KHYAB, ,BYANG CHUB YANG DAG THOB BYED 'OS, ,BRTZON 'GRUS DAM PA RAB TU RTZOM, ,DES DE DGRA BCOM ZHES BRJOD DO, ,SPROS PA MED CING RNYOG MED PA'I, ,CHOS NI NGES PAR STON PAR 'OS, ,YE SHES LA NI SEMS CAN 'GOD, ,DES DE DGRA BCOM ZHES BRJOD PA'O, ,BYANG CHUB SEMS DPA' 'JIGS MED PA, ,SANGS RGYAS CHOS RNAMS BSAM YAS PA, ,SEMS CAN RNAMS LA SGROGS PAR BYED, ,DES DE NYAN THOS ZHES BRJOD DO, ,BYANG CHUB ZHI BA SPROS PA MED, ,RNYOG PA MED PA RTOGS BYA'I PHYIR, ,SKYE BO DPAG TU MED LA SGROGS, ,DES DE NYAN THOS ZHES BRJOD DO, ,STOBS DANG BYANG CHUB YAN LAG DANG, ,DRAN PA NYER GZHAG DBANG PO SOGS, ,MYUR DU SGRUB CES 'GRO RNAMS LA, ,SGROGS PAS NYAN THOS ZHES BRJOD DO, ,CHOS SBYIN BSAM GYIS MI KHYAB PA, ,'DI NI BYANG CHUB 'GRUB PA'I LAM, ,DE PHYIR SBYIN PA BYIN ZHES SGROGS, ,DES DE NYAN THOS ZHES BRJOD DO, ,CHOS KUN ZAG MED SKYE 'GAG MED, ,MTSAN MED NGO BO NYID KYIS STONG, ,RAB ZHI BSAM MI KHYAB MNGON SUM, ,GYUR PAS RANG SANGS RGYAS ZHES BRJOD, ,CHOS KUN MYA NGAN 'DAS PA STE, ,MING TZAM GYIS NI BRJOD PAR ZAD, ,'DI 'DRA BSAM GYIS MI KHYAB MTHA', ,'DI NI NYID KYIS KHONG DU CHUD, ,DES NA SMAD PA MED PA STE, , RANG SANGS RGYAS ZHES BYA BAR BRJOD, ,MYA NGAN 'DAS MED 'DAS PA ZHES, ,'JIG RTEN MGON POS BRJOD PA MDZAD, ,NAM MKHA' MDUD PA BOR BA NI, ,NAM MKHA' NYID KYIS BKROL BAR 'GYUR,, CHAGS PA MI MNGA' CHOS STON PA, ,SANGS RGYAS THABS LA MKHAS PA PO, ,'DIR GSUNG CI YANG MA @375A MCHIS LA, ,'ON KYANG GSUNG BA BRJOD PAR MDZAD CES GSUNGS SO,, `CHOS KYI BDAG MED PA DE'I SGRUB BYED LAS RANG GI NGO BO MED PA RTEN 'BREL GYIS BSGRUB PA NI, CHOS KUN RTEN 'BREL RANG BZHIN MA SKYES DANG, YONGS BRTAGS SPRUL PAS SHIN TU STONG PAR GRUB, SGYU MA LTA BU'I TING NGE 'DZIN LAS, CHOS GANG RTEN CING 'BREL PAR 'BYUNG BA DE NI MA SKYES PA'O, ,CHOS GANG MA SKYES PAR RTOGS PA DE NI BYANG CHUB SEMS DPA'I LAM LA 'JUG PA 'THOB BO,, 'DI LTAR SEMS CAN THAMS CAD LA PHAN PA'I DNGOS PO SNYING RJE CHEN PO'I RJES SU 'JUG PA RAB TU 'THOB PAS SO, ,DE LTAR MOS PAS CHOS THAMS CAD NI YONGS SU BRTAGS PAS SPRUL PA STE BRTAGS PA DE'ANG SHIN TU STONG PA'O ZHES SO, ,CHOS THAMS CAD DMIGS SU MED CING SEMS PA MED PA RIN PO CHE BSAGS PA'I MDO LAS KYANG, CHOS THAMS CAD NI RTEN CING 'BREL PAR 'BYUNG BAS NGO BO NYID MED PA'O, ,GANG KUN NAS NYON MONGS PA'AM RNAM PAR BYANG BA DE NI BRTEN NAS 'BYUNG BA'I DON TE MED PA'I DON TO, ,MED PA'I DON NI RTEN 'BREL GYI DON DU MKHAS PA RNAMS KYIS RTOGS TE, DE DAG NI MED PA RTEN 'BREL GYI DON DU RTOG PAR YANG MI BYED DO, ,GANG LA RNAM PAR MI RTOG PA'I DON DE LA NI KUN NAS NYON MONGS PA DANG RNAM PAR BYANG BA MED DO ZHES SO, `,DE NYID DANG GZHAN MA YIN PA LA SOGS PAS BSGRUB PA NI, GZHAN YANG GZUGS SOGS CHOS DBYINGS NYER BRTAGS KYANG, ,DE DAG DE NYID GZHAN DU BRJOD MIN TE; ;CHAD DANG RTAG PA'AM BYIS PAS DE NYID MTHONG, ,'PHAGS PA'ANG MTSAN MAR ZHEN SOGS THAL 'GYUR PHYIR, ,GSER 'OD DAM PA LAS, CHOS KYI DBYINGS LA GNAS TE BYANG CHUB SEMS DPA'I SPYAD PA SPYOD PAS MNYAM PA NYID LA NAN TAN BYA BA NI PHUNG PO LNGA LA CHOS KYI DBYINGS 'DOGS TE, CHOS KYI DBYINGS NI PHUNG PO LNGA NYID DO, ,PHUNG PO LNGA YANG BRJOD DU MED LA PHUNG PO LNGA MA YIN PA'ANG BRJOD DU MED DE, CHOS KYI DBYINGS DANG PHUNG PO LNGA DAG GCIG NA CHAD PAR 'GYUR LA GZHAN YIN NA RTAG PAR 'GYUR RO, ,MTSAN MA GNYIS DANG BRAL BA, MTHA' GNYIS LA MI GNAS PA, @375B BLTAR MED PA, BLTA BAR BYA BA LAS 'DAS PA, MING DANG MTSAN MA MED PA NI CHOS KYI DBYINGS SO, ,CHOS KYI DBYINGS PHUNG PO LNGA LA JI LTAR GDAGS ZHE NA, PHUNG PO LNGA NI RGYU DANG RKYEN GYIS MA BSKYED PA STE, BSKYED NA SKYES ZIN PA SKYE BA'AM MA SKYES PA SKYE, DANG PO LTAR NA RGYU RKYEN MI DGOS LA; GNYIS PA LTAR NA SKYE BA MI DMIGS PAR MI 'GYUR TE, MA SKYES PA NI MED PA YIN PAS MING DANG MTSAN MA LA SOGS PAS BRJOD DU MED PA STE, RGYU RKYEN GYIS BSKYED BYA MA YIN PA'I PHYIR RO,, DPER NA RNGA SGRA NI SHING DANG KO BA DANG LAG PA LA BRTEN TE 'BYUNG MOD KYI, DE NI 'DAS PA DANG MA 'ONGS PA DANG DA LTAR YANG STONG, SHING LA SOGS PA RE RE LAS MA BYUNG, DUS GSUM GYIS MA BSKYED PAS SKYE BA DANG 'GAG PA MED, 'ONG BA DANG 'GRO BA MED, RTAG PA DANG CHAD PA MED, GCIG PA DANG THA DAD PA MA YIN PA DANG 'DRA'O, ,YANG CHOS KYI DBYINGS DANG PHUNG PO LNGA GCIG NA BYIS PA RNAMS KYANG DON DAM PA MTHONG BAS MYA NGAN LAS 'DAS PAR 'GYUR RO, ,THA DAD NA NI SANGS RGYAS DANG BYANG CHUB SEMS DPA' RNAMS KYANG MTSAN MAR 'DZIN PAS 'KHOR BA PAR THAL LO, ,DES NA PHUNG PO LNGA NI YOD MED LA SOGS PA'I SPROS PA DANG BRAL BAS CHOS KYI DBYINGS SU BSTAN PA'O, , ZHES SO, `,KHYAD PAR MA GRUB PA BSGRUB PA NI, GZHAN YANG GZUGS SOGS RANG BZHIN MED PAS NA, ,GZUGS LA SOGS PAR YONGS SU MA GRUB PHYIR, ,SKYE 'GAG MED PAS 'DAS PA LA SOGS PAR, ,GDAGS SU MED PA'I CHOS NYID SHES PAR BYA, ,YAB SRAS MJAL BA LAS, GZUGS NI GANG YANG YONGS SU GRUB PA MED DE, SA NI SAR MA GRUB BO CHU DANG ME DANG RLUNG NI RLUNG DU MA GRUB BO, ,CI'I PHYIR ZHE NA, SA NI RANG BZHIN MED DE GANG LA RANG BZHIN MED PA DE NI YONGS SU MA GRUB PA'O, ,CHU LA SOGS PA'ANG DE DANG 'DRA'O, ,DE LTAR MA GRUB PA'I GZUGS NI 'DAS PA'AM MA 'ONGS PA'AM DA LTAR BYUNG BA ZHES GDAGS SU MED DO, ,CI'I PHYIR ZHE NA, 'DI LTAR GZUGS NI DNGOS PO MED PA STE DNGOS PO MED PA'I PHYIR SKYE BA MED DE, ,GANG LA SKYE BA MED PA DE LA 'GAG PA MED DE, GANG MA SKYES PA MA 'GAGS PA DE GZUGS SU GDAGS SU MED DO, ,BCOM LDAN 'DAS KYIS KYANG 'DAS PA @376A DANG MA 'ONGS PA DANG DA LTAR BYUNG BA LA SOGS PA'I GZUGS CI'ANG RUNG DE THAMS CAD BSDUS NAS GZUGS KYI PHUNG POR BKA' STZAL TE, GZUGS KYI RANG BZHIN DMIGS SU MED NA 'DAS PAR LTA GA LA 'GYUR, MA 'ONGS PA DANG DA LTAR BYUNG BAR YANG LTA GA LA 'GYUR, DE BAS NA GZUGS KYI PHUNG PO NI GDAGS SU MED DO, ,TSOR BA LA SOGS PA'ANG DE BZHIN NO ZHES SO, ,RGYAL BA'I YUM LAS KYANG, DE LA SHES RAB KYI PHA ROL TU PHYIN PA LTAR BCOS PA MA YIN PA GANG ZHE NA, DE DAG 'DI LTAR STON TE RIGS KYI BU KHYOD TSUR SHOG ,SHES RAB KYI PHA ROL TU PHYIN PA BSGOMS LA, ,GZUGS NAS RNAM PA THAMS CAD MKHYEN PA NYID KYI BAR DU MI RTAG PA DANG SDUG BSNGAL BA DANG STONG PA DANG BDAG MED PAR YANG DAG PAR RJES SU MA LTA ZHIG ,CI'I PHYIR ZHE NA, GZUGS NI GZUGS KYI RANG BZHIN GYIS STONGS TE, GZUGS KYI NGO BO NYID GANG YIN PA DE NI DNGOS PO MED PA'O, ,GANG DNGOS PO MED PA DE SHES RAB KYI PHA ROL TU PHYIN PA'O, ,SHES RAB KYI PHA ROL TU PHYIN PA DE LA NI GZUGS RTAG PA ZHES BYA BA'AM MI RTAG PA ZHES BYA BA'AM MI DMIGS TE, DE LA GZUGS NYID KYANG MI DMIGS NA RTAG PA'AM MI RTAG PA LTA GA LA YOD, RNAM PA THAMS CAD MKHYEN PA NYID KYI BAR DU DE BZHIN NO, ,GANG DE LTAR STON PA NI SHES RAB KYI PHA ROL TU PHYIN PA LTAR BCOS PA STON PA MA YIN NO ZHES SO,, `CHOS KYI BDAG MED PA DE BSGOM PA NYID KYI RNAM PA NI BSGRUB PA DANG DGAG PA'I RNAM PA GNYIS TE, DE LTAR SHES RAB RTZAL GYIS RNAM DPYAD PAS, , CHOS TSOGS GAR YANG RAB TU MI GNAS PAR, ,NGES LAS STONG PA'I RNAL 'BYOR MCHOG 'GRUS KYI, ,GANG DAG YUL LA RNAM PAR DPYOD MED PAR, ,RNAM RTOG YID LA MI BYED SGOM BYED DE, ,SHES RAB SNANG MED BLUN BSGOM KHO NAR ZAD, ,BSGRUB PA'I RNAM PA NI DGONGS PA NGES PAR 'GREL PA LAS, BCOM LDAN 'DAS BYANG CHUB SEMS DPAS CHOS RNAMS KYI NGO BO NYID MA MCHIS PA NYID PHA ROL TU PHYIN PA GANG GIS 'DZIN PA LAGS, SPYAN RAS GZIGS DBANG PHYUG SHES RAB KYI PHA ROL TU PHYIN PAS 'DZIN TO ZHES GSUNGS SO, ,DES NA DE LTAR SHES RAB KYIS GZUGS LA SOGS @376B PA'I DNGOS PO MTHA' DAG GI RANG BZHIN YANG DAG PA JI LTA BA BZHIN DU SO SOR BRTAGS NAS, GANG GI TSE RNAL 'BYOR PA DES CHOS KYI TSOGS GANG YANG DON DAM PAR GRUB PAR YANG DAG PAR RJES SU MI MTHONG BA DE'I TSE, YONGS SU BRTAG PAR BYA BA DANG BLTA BAR BYA BA GZHAN MED PAR RTOG DPYOD DANG BRAL BA BRJOD PA MED PA DANG GCIG TU GYUR PA'I YID LA BYED PAS DE KHO NA NYID LA SHIN TU RNAM PAR NGES PAS RAB TU GZHAG CING GTAD DE BSGOM PAR BYA'O, ,DER GNAS NAS SEMS KYI RGYUN KUN TU 'JOG PAS RNAM PAR MI G-YENG BAR BYA'O, ,GAL TE CHAGS PA LA SOGS PA'I DBANG GIS PHYI ROL TU G-YENG NA MYUR DU TSOR BAR BYAS LA MI SDUG PA LA SOGS PA BSAMS NAS G-YENG BA BSAL TE SLAR SNGA MA NYID LA NGES PAR 'JOG PAS GTAD PAR BYA'O, ,DE NAS SEMS GNAS PA DE NYID GONG NAS GONG DU BRTAN ZHING 'PHEL BAS NYE BAR 'JOG CING 'GRO BAR BYA'O, ,DE NAS NI BRTAN PA DE'I YON TAN MTHONG BAS BRTAN PA MTHU CAN DU LAS SU RUNG BAS SEMS GDUL BAR BYA'O, ,RNAM PAR G-YENG BA'I SKYON MTHONG BAS TING NGE 'DZIN LA MI DGA' ZHING G-YENG BAR 'GYUR BA ZHI BAR BYA'O, ,DE NAS NI G-YENG BA'I RGYU CAN GYI NYON MONGS PA 'DOD PA DANG SDANG BA LA SOGS PA GZHAN YANG NYE BAR ZHI BAR BYA'O, ,GAL TE RMUGS PA DANG GNYID KYIS SEMS NON TE MI GSAL BAS BYING NGAM BYING DU DOGS NA LHA'I SKU LA SOGS PA RAB TU DGA' BA'I DNGOS PO BSAM ZHING, 'DOD PA'I YUL DRAN PA LA SOGS PAS SEMS 'BYAR BA'AM RGOD DU DOGS NA MI RTAG PA LA SOGS PA'I DNGOS PO BSAM PA LA 'BAD RTZOL BYA BAS DE DAG BSAL TE SNGA MA NYID LA 'JUG PA LA DBANG BSGYUR BAS RGYUD GCIG TU BYA'O, ,BYING RGOD DANG BRAL NAS MNYAM PAR ZHUGS TE, DE KHO NA NYID LA SEMS NGANG GIS 'JUG PA DE'I TSE NI RTZOL BA GLOD DE BTANG SNYOMS SU BYAS PAS MNYAM PAR 'JOG PA LA DBANG BSGYUR RO, ,GAL TE SEMS MNYAM PAR ZHUGS PA LA BRTZAL NA NI G-YENG BAR 'GYUR LA, BYING BA DANG RGOD PA LA MA BRTZAL NA'ANG GNAS PA MI 'THOB PAS NA, MNYAM NA NI BTANG SNYOMS SU BYA LA MI MNYAM NA NI BRTZAL @377A BAR BYA'O, ,DE'ANG ZHI GNAS DANG LHAG MTHONG ZUNG 'JUG TU 'GRO STE, DMIGS PA LA SEMS BRTAN PAR GNAS PA DANG DMIGS PA'I DE KHO NA JI LTA BAR 'JUG PA'I SHES RAB KYI SNANG BA GNYIS DANG LDAN PAS SO, ,ZHI GNAS TZAM GYIS NI DMIGS PA'I DE KHO NA SHES PAR MI 'GYUR LA LHAG MTHONG TZAM YANG SEMS G-YO BAS MAR ME RLUNG GIS BSKYOD PA LTAR RTZE GCIG TU MI GNAS PAR 'GYUR RO, ,DE LTAR SHES RAB KYIS DNGOS PO MTHA' DAG GI RANG BZHIN LA SO SOR BRTAGS NAS MI DMIGS PA'I BSAM GTAN SGOM PA DE NI SHES RAB MCHOG GI BSAM GTAN ZHES BYA STE NAM MKHA' MDZOD DANG GTZUG NA RIN PO CHE LA SOGS PA LAS GSUNGS PA'O, ,GZHAN LAS KYANG SO SOR RTOG PA'I SHES RAB LAS YANG DAG PA'I YE SHES KYI ME BYUNG NA GTZUB SHING GTZUBS PA'I ME LTAR RTOG PA'I BUD SHING BSREG PAR GSUNGS SO, , DKON MCHOG SPRIN LAS KYANG, DE LTAR SKYON LA MKHAS PA DE SPROS PA THAMS CAD DANG BRAL BAR BYA BA'I PHYIR STONG PA NYID BSGOM PA LA RNAL 'BYOR DU BYED DO, ,DE STONG PA NYID BSGOM PA BSTEN CING MANG DU BYED PAS GNAS GANG DANG GANG DU SEMS 'PHRO ZHING DGA' BA'I GNAS DE DANG DE DAG GI NGO BO NYID BTZAL NA STONG PAR RTOGS SO, ,SEMS GANG YIN PA DE'ANG BRTAGS NA STONG PAR RTOGS SO, ,GANG GIS RTOG PA DE'ANG DE NYID KYIS STONG PAR RTOGS TE DES NI MTSAN MA MED PA'I RNAL 'BYOR LA 'JUG GO ZHES SO, ,'DIS NI SO SOR RTOG PA SNGON DU GTONG PA NYID MTSAN MA MED PAR 'JUG PA YIN GYI, SHES RAB KYIS DNGOS PO'I RANG BZHIN STONG PAR MI DPYOD PAR YID LA MI BYED PA TZAM 'OG TU 'GOG PA LTA BUS RNAM PAR MI RTOG PAR 'GYUR MI SRID PAR SHIN TU GSAL BAR BSTAN TO, ,DGAG PA'I RNAM PA NI GANG ZHIG SHES RAB KYIS CHOS RNAMS KYI RANG BZHIN SO SOR BRTAGS NAS MI SGOM PAR YID LA BYED PA SPONG BA TZAM BSGOM ZHING, 'DI SKAD DU, SEMS KYI RNAM RTOG GIS BSKYED PA'I DGE MI DGE'I LAS KYI DBANG GIS SEMS CAN RNAMS MTHO RIS LA SOGS PA'I 'BRAS BU MYONG ZHING KHAMS GSUM NA 'KHOR RO, ,GANG DAG CI'ANG @377B YID LA MI BYED MI SEMS SHING CI'ANG MI BYED PA DE DAG NI 'KHOR BA LAS YONGS SU GROL LO, ,DE LTA BAS NA CI'ANG MI BSAM ZHING YID LA MI BYA'O, ,SBYIN PA LA SOGS PA DGE BA SPYAD PA YANG CI'ANG MI BYA STE DE DAG NI SKYE BO BLUN PO'I DBANG DU MDZAD NAS GSUNGS PA KHO NA'O ZHES ZER BA DE DAG GIS NI THEG PA THAMS CAD KYI RTZA BA THEG PA CHEN PO SPANGS PAS THEG PA MTHA' DAG SPANGS PAR 'GYUR TE, CI'ANG MI BSAM MO ZHES BYA BA NI YANG DAG PAR SO SOR RTOG PA'I SHES RAB KYANG SPANGS PA'O, ,'JIG RTEN LAS 'DAS PA'I YE SHES KYI RTZA BA NI SO SOR RTOG PA YIN PAS DE SPANGS NA DE'I RTZA BA BCAD PAR 'GYUR RO, ,SBYIN PA LA SOGS PA SPYAD PA BKAG PAS NI THABS GSAL LA ZUR PHYIN PAR SPANGS PA'O, ,MDOR NA SHES RAB DANG THABS GNYIS NYID THEG PA CHEN PO YIN TE, GA YA GO RI LAS, BYANG CHUB SEMS DPA'I LAM NI MDOR BSDU NA GNYIS TE THABS DANG SHES RAB BO ZHES SO, ,GSANG BA'I MDO LAS KYANG, THABS DANG SHES RAB 'DI GNYIS KYIS BYANG CHUB SEMS DPA'I LAM THAMS CAD BSDUS PAR 'GYUR RO ZHES SO, ,DES NA THEG PA CHEN PO SPONG BA DES NI LAS KYI SGRIB PA SHIN TU MI BZAD PA BSAGS PAR 'GYUR RO, ,DE LTA BAS NA THEG PA CHEN PO SPONG BA, THOS PA NYUNG BA, RANG LTA MCHOG TU 'DZIN PA, SKYE BO MKHAS PA LA MA BRTEN PA, STON PA'I GSUNG RAB KYI TSUL MA RTOGS PA, BDAG PHUNG BAR BYAS NAS GZHAN PHUNG BAR BYED PA, RIGS PA DANG LUNG DANG 'GAL BA'I DUG GIS BTAB PA DAG GI TSIG DE LTA BU NI MKHAS PA BDAG LEGS SU 'DOD PA RNAMS KYIS ZAS DUG CAN NAM ME 'BAR BA'I KHYIM BZHIN DU RGYANG RING POR SPANG BAR BYA'O, ,DE LTA BU NI GOMS PAR BYAS SU ZIN KYANG SHES RAB KYI SNANG BA DANG BRAL BAS NA 'DU SHES MED PA'I SNYOMS 'JUG LA SOGS PA LTAR RMONGS PA BSGOM PAR ZAD DO,, `DGAG PA'I RNAM PA DE NYID BSGRUB PA NI, STONG PAR SO SOR RTOG MED DE KHO NA, ,MTHONG DANG DNGOS 'DZIN SPONG BAR JI LTAR 'THAD, ,DRAN DANG YID BYED SPONG BA'ANG SHES RAB DES, ,RNAM DPYAD YUL BZLOG MED PAR JI LTAR RUNG, ,SPYOD PA 'GOG PA'ANG KUN TU 'TSO BA PA'I, ,LAS ZAD GROL BAR BLTA BZHIN @378A 'KHRUL PA NYID, ,DMIGS MED BLO YIS SBYIN SOGS BSGRUB PA NI,, YONGS DAG ZHING SOGS PHUN TSOGS KUN BSGRUB PAS, ,DE BKAG LAM GYI YAN LAG MCHOG SPANGS 'GYUR, ,'ON KYANG DMIGS LTAS 'JUG PA SMAD PAR ZAD, ,DES YANG DAG PAR SO SOR RTOG PA SPANGS CHOS RNAM PAR 'BYED PA YANG DAG BYANG CHUB KYI YAN LAG GIS DE KHO NA MTHONG BA SPANGS PAS DNGOS POR 'DZIN PA LA SOGS PA'I SGRIB PA SPONG BA'I LAM THAG BSRINGS PAR 'GYUR TE RGYU MED PA'I PHYIR RO, ,DES NA YANG DAG PAR SO SOR RTOG PA MED NA YANG DAG PA'I YE SHES 'BYUNG BAR MI 'GYUR ZHING SGRIB PA SPONG BAR YANG MI 'GYUR, ,'JAM DPAL RNAM PAR ROL PA LAS, BU MO JI LTAR NA BYANG CHUB SEMS DPA' G-YUL LAS RGYAL BA YIN, 'JAM DPAL RNAM PAR BRTAGS NA CHOS THAMS CAD MI DMIGS PA GANG LAGS PA'O ZHES SO, ,ZLA BA SGRON MA LAS KYANG, GAL TE CHOS LA BDAG MED SO SOR RTOG ,SO SOR DE BRTAGS GAL TE BSGOM PA NI, ,DE NYID MYA NGAN 'DAS THOB 'BRAS BU'I RGYU, ,RGYU GZHAN GANG YIN DES NI ZHIR MI 'GYUR ZHES SO, ,GAL TE CHOS THAMS CAD LA DRAN PA MED PA DANG YID LA BYED PA MED PAS DE KHO NA LA 'JUG GO ZHE NA, SO SOR RTOG PA'I SHES RAB MED PAR NI MYONG BZHIN PA'I CHOS RNAMS LA DRAN PA DANG YID LA BYED PA DGAG PA NYID MI NUS TE, BDAG GIS CHOS 'DI DAG DRAN PAR MI BYA YID LA MI BYA'O ZHES BSGOM NA NI DE NYID KYIS DE DAG SHIN TU DRAN ZHING YID LA BYED PAR 'GYUR RO; ;JI STE DRAN PA DANG YID LA BYED PA GTAN MED PA TZAM YIN NA NI MED PA DE RNAM PAR MI RTOG PA'I RGYUR MI RUNG NGO, ,RUNG NA NI BRGYAL BA LA SOGS PA'ANG DE'I RGYUR THAL LO, ,DES NA SO SOR RTOG PA MED PAR DE DAG DGAG PAR MI NUS LA, NUS SU CHUG KYANG SHES RAB DE MED NA RTOGS BYED MED PA'I PHYIR STONG PAR RTOGS PA MED PAS SGRIB PA SPONG BAR MI 'GYUR RO, ,'GYUR NA NI THAMS CAD 'BAD PA MED PAR GROL BAR 'GYUR RO, ,GAL TE DRAN PA NYAMS PA'AM RMONGS PA TZAM GYIS DRAN PA DANG YID LA BYED PA MI 'JUG NA NI RNAL 'BYOR BSGOM PAR JI LTAR 'GYUR TE @378B GLEN PA NYID GOMS PAR BYAS PAS YE SHES KYI SNANG BA RGYANG BSRINGS PAR 'GYUR RO,, DE STE DRAN PA'ANG MA NYAMS SHING GLEN PA'ANG MA YIN NA NI DE NYID SO SOR RTOG PA'I SHES RAB YIN PAS NA DRAN PA LA SOGS PA JI LTAR MED PAR 'GYUR TE, DRAN BZHIN DU MI DRAN MTHONG BZHIN DU MI MTHONG BA NI 'GAL BAS SO, ,DES NA DRAN PA MED CING YID LA BYED PA MED PA NI SANGS RGYAS RJES SU DRAN PA'O ZHES BYA BA LA SOGS PA GSUNGS PA NI SHES RAB DE NYID SNGON DU 'GRO BA CAN TE, DES DRAN PA LA SOGS PA'I YUL SO SOR BRTAGS PAS DUS GSUM DU'ANG CHOS RNAMS KYI SKYE BA LA SOGS PA MA RNYED PA DE'I TSE SPROS PA THAMS CAD ZHI BAS DRAN PA LA SOGS PA MI 'JUG CING RNAM PAR MI RTOG PA'I YE SHES LA ZHUGS PAS DON DAM PA RTOGS PA DANG SGRIB PA'I DRA BA 'GAGS PA'O, ,DE NI THABS DANG LDAN PA'I SHES RAB BSTEN PAS BDEN PA GNYIS LA MKHAS PA LAS SANGS RGYAS KYI CHOS THAMS CAD 'THOB PAR 'GYUR RO, ,DE LTA BAS NA RNAL 'BYOR BAS YE SHES KYI MIG PHYE LA SHES RAB KYI MTSON GYIS NYON MONGS PA'I DGRA LAS RGYAL BAR BYA'I LONG BA DANG SDAR MA LAG G-YUR NI MI BYA'O, ,DKON MCHOG SPRIN LAS KYANG LHAG MTHONG GIS BRTAGS NAS NGO BO NYID MED PA RTOG PA NI MTSAN MA MED PA LA 'JUG PA'O ZHES SO, ,LANG KAR GSHEGS PA LAS KYANG, GANG GI PHYIR BLOS BRTAGS NA RANG DANG SPYI'I MTSAN NYID MI RTOGS TE DES NA CHOS THAMS CAD NGO BO NYID MED PA'O ZHES SO, ,MDO KUN LAS BTUS LAS KYANG BDAG LHAG MTHONG GI SBYOR BA LA ZHUGS KYANG GZHAN DE LA MI 'GOD PA'ANG BDUD KYI LAS SU GSUNGS SO, ,TSANGS PAS ZHUS PA LAS KYANG BRTZON 'GRUS DANG LDAN PA NI THAMS CAD MKHYEN PA'I SEMS LA BRTAGS NAS MI DMIGS PA'O, ,TSUL BZHIN DU CHOS LA SO SOR RTOG PA NI BLO GROS DANG LDAN PA YIN NO ZHES SO, ,DES NA THOS BSAM GYIS JI LTAR SO SOR BRTAGS PA DE LTAR GOMS PAR BYED PA NYID SGOM PA YIN GYI GZHAN DU MA YIN TE, RTA DKYUS KYI SA BSTAN NAS BRGYUG PA BZHIN NO, ,DE NI RNAM RTOG GI NGO BO NYID YIN YANG RIGS PA NGES PAR SEMS PA'I SHES RAB TSUL BZHIN YID LA BYED PA YIN PA'I PHYIR RNAM PAR MI RTOG @379A PA'I YE SHES SU GNAS GYUR PA 'THOB PA STE, DKON MCHOG BRTZEGS PA LAS, SHING GNYIS DRUD PA LAS ME BYUNG BAS DE GNYIS BSREG PA LTAR YANG DAG PA'I YE SHES KYI ME BYUNG BA NA RNAM RTOG DE NYID BSREG PAR GSUNGS SO, ,YANG DGE BA LA SOGS PA'I LAS CI'ANG MI BYA'O, ,ZHES ZER BA DE NI LAS ZAD PAS GROL BAR 'DOD PA MU STEGS KUN TU 'TSO BA PA'I SMRA BA KHAS LEN PA STE, STON PA'I GSUNG RAB LA NI NYON MONGS PA ZAD NA GROL BAR 'GYUR GYI LAS ZAD PAS GROL BAR MED DO, ,THOG MA MED PA NAS BSAGS PA'I LAS NI ZAD PAR BYA MI NUS TE MTHA' YAS PA'I PHYIR RO, ,NGAN SONG LA SOGS PAR DE'I 'BRAS BUR MYONG BA NA YANG LAS GZHAN MANG PO GSOG STE, RGYU NYON MONGS PA MA ZAD NA LAS DGAG PAR BYA MI NUS PA'I PHYIR MAR ME MA ZAD NA 'OD MI CHAD PA BZHIN NO, ,LHAG MTHONG LA SKUR BAS NYON MONGS PA ZAD PA NI MI SRID PAR BSHAD ZIN TO, ,NYON MONGS PA'I GNYEN PO LHAG MTHONG BSTEN PAR 'DOD NA NI NYON MONGS PA ZAD PA NYID KYIS THAR PA 'THOB PAS, LAS ZAD PAR 'BAD PA DON MED DO, ,GZHAN YANG MI DGE BA'I LAS 'GAG PA NI RIGS NA DGE BA 'GOG PA CI LTAR RIGS, 'KHOR BAR BYED PAS DE'ANG DGAG GO ZHE NA, MA YIN TE BDAG TU PHYIN CI LOG PAS YANG SRID 'DOD PAS BYAS PA'I DGE BA NI 'KHOR BA'I RGYU YIN GYI, RGYAL SRAS RNAMS KYIS BRTZE BAS BSLANGS SHING KUN MKHYEN PAR BSNGOS PA NI MA YIN NO, ,SA BCU PA LAS DGE BA BCU'I LAS KYI LAM DE NYID BSNGO BA LA SOGS PA SBYONG BAR BYED PA'I BYE BRAG GIS NYAN THOS DANG RANG RGYAL DANG BLO LDAN DANG SANGS RGYAS NYID SGRUB PAR BYED DO ZHES SO, ,DKON MCHOG BRTZEGS PA LAS KYANG, CHU KLUNG THAMS CAD RGYA MTSOR ZHUGS PA LAN TSVAR RO GCIG PA LTAR, BLO LDAN RNAMS KYIS SGO SNA TSOGS NAS DGE BA BSAGS PA YANG THAMS CAD KHYEN PAR RO GCIG PAR BSNGAGS SO, ,GZHAN YANG SANGS RGYAS RNAMS KYI GZUGS KYI SKU DANG ZHING YONGS SU DAG PA DANG 'OD DANG 'KHOR LA SOGS PA LONGS SPYOD PHUN SUM TSOGS PA THAMS CAD NI SBYIN PA LA SOGS PA BSOD NAMS KYI 'BRAS @379B BUR RNAM GRANGS DU MAR GSUNGS PAS DE DAG CI LTAR DGAG, SO SOR THAR PA'I SDOM PA LA SOGS PA DGE SPYOD PA BKAG NA KHYED SKRA DANG KHA SPU BREGS SHING GOS NGUR SMRIG GYON PA LA DON CI YOD, DGONGS PA NGE PAR 'GREL PA LAS SEMS CAN GYI DON BYA BA DANG DGE BA MNGON PAR 'DU BYA BA LA MI PHYOGS PA NI BYANG CHUB TU NGAS MA BSTAN TO ZHE'O, ,NYE BA 'KHOR GYIS ZHUS PA LAS KYANG, 'KHOR BA LA MI PHYOGS PA NI TSUL KHRIMS 'CHAL BA'I MTHU'O, ,'KHOR BA YONGS SU 'DZIN PA NI TSUL KHRIMS KYI MCHOG GO ZHES SO, ,LI TZA BYI CHEN PO'I MDO LAS KYANG THABS KYIS SRID PAR 'KHOR BA NI RGYAL SRAS RNAMS KYI THAR PA'O, ,THABS DANG BRAL BA'I SHES RAB NI 'CHING BA'O, ,SHES RAB DANG BRAL BA'I THABS KYANG 'CHING BA'O, ,SHES RAB DANG BCAS PA'I THABS NI THAR PA'O,, THABS DANG BCAS PA'I SHES RAB KYANG THAR PA'O ZHES SO,, NAM MKHA' MDZOD LAS KYANG 'KHOR BA LA SKYO BA NI RGYAL SRAS KYI BDUD KYI LAS SO ZHES SO, ,MDO KUN LAS BTUS PA LAS KYANG, 'DUS MA BYAS LA SO SOR RTOG CING 'DUS BYAS KYI DGE BA LA SKYO BA NI BDUD KYI LAS SO, ,BYANG CHUB KYI LAM YANG SHES LA, SHES RAB KYI PHA ROL TU PHYIN PA'I LAM MI TSOL BA NI BDUD KYI LAS SO, ,ZHES SO, ,'O NA DE NYID LAS SBYIN PA NAS SHES RAB KYI BAR LA SEMS MNGON PAR ZHEN PA NI BDUD KYI LAS SO ZHES BYA BA DANG, PHUNG PO GSUM PA LAS SBYIN PA BTANG BA LA SOGS PA BSHAGS PAR GSUNGS PA JI LTAR ZHE NA, DANG PO NI SEMS MNGON PAR ZHEN PA ZHES BYA BA BDAG DANG CHOS SU ZHEN PAS PHYIN CI LOG DMIGS PA DANG BCAS PA DGAG PA YIN GYI SBYIN PA LA SOGS PA BSTEN PA 'GOG PA MA YIN PAR SHIN TU GSAL LO, ,GNYIS PA YANG GANG BDAG GIS SBYIN PA DANG TSUL KHRIMS LA SOGS PA MNYAM PA NYID DU MA 'TSAL NAS DMIGS PAR LHUNG BAS SBYIN PA STZAL PA DANG, MCHOG TU 'DZIN PAR TSUL KHRIMS BSRUNGS PA LA SOGS PA DE DAG SO SOR BSHAGS PAR BGYI'O ZHES PHYIN CI LOG GI ZHEN PAS 'JUG PA SMAD PAR GSAL LO, ,DE BZHIN DU TSANGS PAS ZHUS PA LAS, SPYOD PA JI SNYED PA THAMS CAD NI YONGS SU RTOG PA'O, ,YONGS SU MI RTOG PA NI BYANG CHUB BO ZHES BYA BA LA @380A SOGS PAS SPYOD PA SMAD PA THAMS CAD NI DMIGS PA DANG BCAS PA LA DGONGS PA KHO NA'O, ,DE LTA MA YIN NA BCOM LDAN 'DAS KYIS STON PA MAR ME MDZAD KYI SNGA ROL TU SANGS RGYAS BRJOD KYIS MI LANG BA LA BSNYEN BKUR MDZAD PA DANG MAR ME MDZAD NYID LA SOGS PAS KYANG BYANG CHUB SEMS DPA'I GNAS SKABS KYI DKA' BA'I SPYOD PA DPAG TU MED PA CI'I PHYIR DGAG PA MA MDZAD PA SOMS SHIG ,GANG DBANG PO RTUL PO NYID KYI DBANG MDZAD NAS SPYOD PA GSUNGS PAR BRJOD PA NI CI'ANG MA YIN TE BYANG CHUB SEMS DPA'I SA BCU LA RIM PA BZHIN SBYIN PA LA SOGS PA SHAS CHER SPYOD CING LHAG MA RNAMS KYANG MI SPYOD PA MA YIN PAR GSUNGS NA SA THOB PA RNAMS DBANG PO RTUL PO JI LTAR YIN, NYE BA 'KHOR GYIS ZHUS PA LAS KYANG, MI SKYE BA'I CHOS LA BZOD PA THOB PA RNAMS KYIS GTONG BA DANG GTONG BA CHEN PO DANG SHIN TU GTONG PA BYA BAR GSUNGS SO, ,MDO KUN LAS BTUS PA LAS KYANG, PHA ROL TU PHYIN PA DRUG LA SOGS PA SPYOD PA DANG LDAN PA'I BYANG CHUB SEMS DPA' NI DE BZHIN GSHEGS PA'I RDZU 'PHRUL GYIS 'GRO BAR BSNGAGS TE DE LAS MYUR BA GZHAN NI MED DO, ,DE'I PHYIR SA DANG PHA ROL TU PHYIN PA LAS MA GTOGS PAR SANGS RGYAS NYID KYI GRONG KHYER DU CIG CAR 'JUG PA'I SGO GZHAN NI RNAM PA THAMS CAD DU BKA' MA STZAL TO, ,GAL TE TING NGE 'DZIN NYID DU PHA ROL TU PHYIN PA DRUG 'DUS PAS SO SOR BSTEN MI DGOS SO ZHE NA, 'O NA SANGS RGYAS LA BA'I LCI BA'I DKYIL 'KHOR PHUL BA YANG DRUG CAR 'DUS PAS DE 'BA' ZHIG BYA'I, BSAM GTAN LA SOGS PA MI BYA BAR 'GYUR RO, ,'GOG PA'I SNYOMS 'JUG LA SNYOMS PAR ZHUGS PA'I NYAN THOS LA SOGS PA LA YANG MTSAN MAR 'DZIN PA MI 'BYUNG BAS, DE TZAM GYIS RGYAL SRAS KYI LAM YANG BSDUS PAR KHYAD PAR MED PAR 'GYUR RO, ,DES NA GNAS SKABS THAMS CAD DU PHA ROL TU PHYIN PA DRUG RDZOGS PAR BYA BA STON PAS RE RES KYANG KUN BSDUS PAR GSUNGS KYI PHA ROL TU PHYIN PA GCIG BSTEN PAR NI MA YIN PAR BLTA'O,, `SGOM PA DE'I 'BREL PA'I KHYAD PA NI, RNAM @380B KUN MCHOG LDAN STONG NYID BSGOM PA NI, ,SBYIN SOGS DKAR PO'I CHOS KUN MA TSANG MED, ,MI DGE KUN SPONG NYES TSOGS MA LUS GCOD, ,YON TAN RNAM MCHOG KUN GYI MTHAR PHYIN BYED, ,DE LAS GCIG MA TSANG YANG 'BRAS MCHOG DE, LDOG PA RI MO MKHAN MANG DPE YIS GSUNGS, ,DES NA RGYAL SRAS RNAMS KYI DE KHO NA BSGOM PA'I TING NGE 'DZIN DE NI RNAM PA THAMS CAD KYI MCHOG DANG LDAN PA'I STONG PA NYID BSGOMS PAS THABS DANG SHES RAB ZUNG DU 'BREL BA'I KHYAD PAR CAN GYI LAM STE, GTZUG NA RIN PO CHES ZHUS PA LAS, RNAM PA THAMS CAD KYI MCHOG DANG LDAN PA'I STONG PA NYID NI SBYIN PA NAS SHES RAB KYI BAR MA TSANG BA MED PA, DE BZHIN DU BYAMS PA LA SOGS PA DANG BDEN PA SHES PA DANG, BYANG CHUB KYI SEMS KYIS SEMS CAN LA BLTA BA DANG, BSAM PA DANG LHAG PA'I BSAM PA DANG SBYOR BA DANG, BSDU BA BZHI DANG DRAN PA DANG SHES BZHIN DANG, BYANG CHUB KYI PHYOGS KYI CHOS SUM CU RTZA BDUN DANG, ZHI GNAS DANG LHAG MTHONG DANG, SBYIN PA DANG DUL BA DANG YANG DAG PAR SDOM PA DANG, NGES PA DANG NGO TSA SHES PA DANG, KHREL YOD PA MA TSANG BA MED PA DANG, MI DGE BA'I CHOS DANG MI LDAN PA, DGE BA'I CHOS THAMS CAD DANG LDAN PA; SANGS RGYAS KYI TSUL RGYUN MI CHAD PAS BYIN GYIS BRLABS PA DANG, CHOS KYI TSUL RAB TU 'BAR BAS BSDUS PA, DGE 'DUN GYI TSUL YONGS SU SDUD PA DANG LDAN PA, SEMS CAN THAMS CAD LA BLTA BAS BYIN GYIS BRLABS PA, SANGS RGYAS KYI SKU RAB TU BSGRUBS PAS LEGS PAR BRGYAN PA; SANGS RGYAS KYI DBYANGS RDZOGS PAR YONGS SU BSNGOS PA, SANGS RGYAS KYI TING NGE 'DZIN MNYAM PA NYID DANG LDAN PA, SANGS RGYAS KYI RDZU 'PHRUL DANG SO SO YANG DAG PAR RIG PA DANG LDAN PA, STOBS BCUS YONGS SU BZUNG BA, MI 'JIGS PA BZHI LA GNAS PA, SANGS RGYAS KYI CHOS MA 'DRES PA BCO BRGYAD DANG RJES SU MTHUN PA, NYAN THOS DANG RANG SANGS RGYAS KYI THEG PA DANG MA 'DRES PA, BAG CHAGS KYI MTSAMS SBYOR BA BSAL BA , MNGON PAR SHES PA DANG, YE SHES DANG MA BRAL BA, SEMS CAN THAMS CAD KYI STON PAR GYUR PA, RTEN PA BZHI DANG LDAN PA, 'JIG RTEN @381A DANG 'JIG RTEN LAS 'DAS PA'I CHOS MNYAM PA NYID THOB PA, SEMS CAN THAMS CAD SMIN PAR BYED PA, MA SMAS PA, DRANG BA MKHAS PA, SEMS CAN THAMS CAD KYI SDUG BSNGAL SEL BA, NYON MONGS PA THAMS CAD SBYONG BA, CHU BO LAS SGROL BA, 'DZIN PA THAMS CAD GCOD PA, RANG BZHIN GYIS NYE BAR ZHI BA, NYON MONGS PA DANG LAS KYIS NYE BAR MA ZHI BA, CHOS NYID KYIS BTANG SNYOMS PA, SANGS RGYAS KYI CHOS THAMS CAD LA BLTA BA, RANG GI MTSAN NYID KYIS BEMS PO, ,BYIN GYIS BRLABS BYA BA'I PHYIR RNAM PAR GROL BA MED PA, RANG GI NGANG GIS LUNG DU MA BSTAN PA, SANGS RGYAS KYI BYA BA LA RTAG TU BRTZON PA, NYE BAR ZHI BAS BSIL BAR GYUR PA, SEMS CAN SMIN PAR BYA BA LA RTAG TU 'BAR BA STE, DPER NA BRTAG PA'I MTHA' BZUNG NAS STONG GSUM GYI SEMS CAN THAMS CAD RI MO MKHAN BZO'I YAN LAG LA SO SOR BSLABS PAS CHA GZHAN DANG GZHAN LA MKHAS PA RNAMS LA RGYAL POS RAS GTAD DE THAMS CAD 'DUS LA BRIS SHIG CES BSGO BA NA, GCIG YUL GZHAN DU SONG NAS GZHAN THAMS CAD KYIS BRIS KYANG, DE RNAM PA THAMS CAD KYI MCHOG DANG LDAN PAR MI 'GYUR RO, ,DE BZHIN DU SNGAR GYI RNAM PA JI SNYED PAS SANGS RGYAS KYI CHOS YONGS SU RDZOGS PAR 'GYUR BA DE DAG LAS GCIG MA TSANG NA YANG RNAM PA THAMS CAD KYI MCHOG DANG LDAN PA'I STONG PA NYID MA YIN NO ZHES GSUNGS PA LTAR RO,, `ZAB PA'I KHYAD PAR LAS YOD MED LAS 'DAS PA NI, YOD MED CHOS KUN STONG PAS DGAG BYA DANG,, BKAG PA'I RANG BZHIN THAMS CAD DBEN PAR BSGOM, ,GAL TE STONG LTAS MED PA'I MTHAR LHUNG NA, ,DE NYID GSOR MI RUNG BA'I LTA CHEN 'GYUR, ,RGYAN STUG PO LAS, STONG MIN DNGOS PO GANG YANG MED, ,THO BAS JI LTAR RDZA BZHIN DU, ,DNGOS PO GANG LA GZHOM BYA BA'I, ,DNGOS PO DNGOS SU YOD PA MIN, ,DE STE STONG PA'I DNGOS YOD NA, ,'JIG BYED MA YIN GZHIG BYAR 'GYUR, ,GZHIG BYA 'JIG PAR BYED PA GANG, ,DE NI RNAM PAR RTOG PAS BRTAGS, ,RI RAB RI BO TZAM GYUR BA'I, ,BDAG TU LTA BA MI GNOD KYI, ,STONG NYID LTA BA GNOD PA NI, ,NGA RGYAL MI BDEN BRTAGS PA'O,, @381B RNAL 'BYOR BSGRUB PAS STONG PA NYID, ,GNAS MA YIN PAR SBYAR MI BYA, ,GNAS MIN GAL TE SBYAR GYUR NA, ,BDUD RTZI DUG TU GYUR PA YIN, ,LTA BA JI SNYED GANG YANG RUNG, ,LUS CAN KUN LA YOD PA YI, ,LTA BA DE DAG SPANG BA'I PHYIR, ,STONG PA NYID KYI TSUL BSTAN TO, ,STONG PA NYID KYI LTA THOS KYANG,, LA LA'I LTA BA MA ZHI NA, ,GSOR MI RUNG BA'I LTA CHEN TE, ,SMAN PAS BOR BA'I NAD PA BZHIN,Z HES SO,, `SHES BYA SHES BYED DANG BRAL BA NI, CHOS TSOGS MTHA' DAG BUD SHING SHES RAB MES,, RAB TU BSREG NAS ME NYID RAB ZHI BA, ,MTHA' 'DAS STONG NYID LTA BA LTA MED GANG, ,LTA BA KUN SBYONG RNAL 'BYOR RTAG TU BSGOM, ,YANG DE NYID LAS, JI LTAR BSREG BYA TSIG PA'I ME, ,BSREG BYA MED PAS MI GNAS SO, ,DE BZHIN BSREG BYA LTA TSIG NA, ,STONG NYID ME'ANG 'GAG PAR 'GYUR,, LTA BAS 'GOG PA'I DUS SU YANG, ,YE SHES YANG DAG ME 'BYUNG STE, ,NYON MONGS THAMS CAD SREG PA BYED, ,NYON MONGS BSREGS NAS RNAM PAR MDZES, ,LHA RDZAS STONG PA NYID BSHAD PA, ,LTA BA THAMS CAD SBYONG BA STE, ,MTHA' 'DAS STONG PA NYID LTA BA, ,RGYAL BA RNAMS KYIS LTA MED BSHAD, ,STONG NYID LTA BA SBYONG BA NI, ,YOD DANG MED SOGS GZHIG PA'I PHYIR, ,BLO LDAN MNYAM PAR BZHAG PA YI,, RNAL 'BYOR CAN GYIS RTAG TU BSGOM ZHES SO, ,DGE BA'I RTZA BA YONGS SU 'DZIN PA LAS KYANG, SH'A RI'I BU LTA BA THAMS CAD NI LOG PAR LTA BA'O, ,LTA BA MED PA NI YANG DAG PA'I LTA BA STE, YANG DAG PA'I LTA BA NI TSIG GIS BSTAN PAR MI NUS PAS SANGS RGYAS KYIS MKHYEN PA JI LTA BA BZHIN NO,, MTSAN MA'I 'DU SHES CAN GYI STONG PA NYID YID LA BYED PA MED PAS STONG PA NYID DE, THA NA DE LA STONG PA'I 'DU SHES KYANG MED PAS STONG PA NYID CES BYA'O, ,MTSAN MA THAMS CAD DANG THA NA STONG PA'I MTSAN MA'ANG YID LA MI BYED PAS STONG PA'I RNAL 'BYOR GYIS GNAS PA ZHES BYA'O ZHES SO,, `RGYU DANG 'BRAS BU LAS 'DAS PA NI, RTEN 'BREL RANG BZHIN DBEN PAS RGYAL BA RNAMS, ,THA DAD MED PAR LTA BAS CHOS KUN MTHONG, ,RNAM PAR 'PHRUL BA'I RGYAL POS ZHUS PA LAS, GZUGS LA SOGS PA SKYE BA MED PA DANG, TSUL KHRIMS KYI PHUNG PO LA SOGS PA 'DUS MA BYAS PA DANG, SANGS @382A RGYAS THAMS CAD CHOS NYID GCIG PAR MTHONG BAS NI RTEN CING 'BREL PAR 'BYUNG BA MTHONG BA STE DES CHOS MTHONG LA, CHOS MTHONG BA DES NI SANGS RGYAS MTHONG BA'O ZHES SO,, DGE BA'I RTZA BA YONGS SU 'DZIN PA LAS KYANG, SKYE BA DANG NI 'JIG LDAN LA, ,RKYEN RNAMS KYIS NI BSKYED GYUR PA, ,SEMS KYI DNGOS PO STONG PA YI, ,RNAM PAR SMIN PA CI 'DRA LTOS CES SO,, `BLANG DOR MED PAS ZAB PA NI, YE SHES NYON MONGS 'JOMS PAR MI BRTAG STE, ,NYON MONGS RANG BZHIN LAS GZHAN YE SHES MED, ,DE BZHIN LTA LAS STONG PA GZHAN MIN PAS,, LTA DANG NYON MONGS RANG BZHIN SHES PAS GZHOM, ,DRAN PA NYE BAR GZHAG PA LAS, YE SHES KYIS NYON MONGS PA GZHOM PA'ANG MA YIN MI GZHOM PA'ANG MA YIN PAR BSLAB STE, NYON MONGS PA'I RANG BZHIN LAS YE SHES GZHAN MA YIN PAS NYON MONGS PA'I RANG BZHIN NYID YE SHES TE; YE SHES DES YE SHES DE NYID BSAL BAR MI BYA'O, ,SOR MO'I RTZE MO DE NYID KYIS DE NYID LA REG PAR MI RUNG BA BZHIN NO, ,CHOS THAMS CAD STONG PA NYID LA BSLAB STE, STONG PA NYID NI LTA BAR GYUR PA GANG YIN PA'O, ,CI'I PHYIR ZHE NA, LTA BAR GYUR PA'I RANG BZHIN LAS STONG PA GZHAN MED PAS LTA BAR GYUR PA NYID STONG PA'O, ,LTA BAR GYUR PA'I RANG BZHIN STONG PAR SHES PA DES CHOS THAMS CAD KYANG STONG PA'O ZHES SO,, `ZAB MO BSGOM PA DE'I BYED PA LAS SANGS RGYAS KYI RANG BZHIN LA 'JUG PA NI, CHOS RNAMS RANG BZHIN DBEN ZHING BSAM MI KHYAB, ,RTOGS PAS SANGS RGYAS BYANG CHUB MING TZAM DANG, ,DE'ANG BRJOD 'DAS CHOS NYID YONGS SHES PAS, ,SANGS RGYAS DE NYID RTOGS PAS MTHONG BA YIN, ,ZLA BA SGRON MA LAS, CHOS RNAMS 'DI DAG BSAM MI KHYAB,, BSAM DANG BRAL ZHING RANG BZHIN STONG, ,DE LTA BUR NI RAB SHES NA, ,RKANG GNYIS GTZO BO SANGS RGYAS MTHONG ZHES SO, ,BYANG CHUB SEMS DPA'I SPYOD PA BSTAN PA LAS KYANG, BYANG CHUB SNYING POR 'DUG NAS NI, ,MTHONG BA MED CING SPANGS PA MED, ,SANGS RGYAS RNAMS KYI BYANG CHUB 'DI,, THA SNYAD YIN TE DON DU MIN, ,BYANG CHUB DANG NI MYA NGAN 'DAS, ,THA SNYAD KYIS KYANG BRJOD MI NUS,, @382B GANG DAG DE LTAR YANG DAG MTHONG, ,DE DAG CHOS NYID RNAM PAR SHES, ,CES SO,, `SANGS RGYAS RJES SU DRAN PAS MANG DU GNAS PA 'THOB PA NI, TSAD LAS 'DAS SHING BSAM GYIS MI KHYAB PA'I, ,YON TAN TSOGS KYIS 'JIG RTEN THAMS CAD LAS, ,'PHAGS PA'I SKU MCHOG MTSAN MAR DMIGS MED PAR, ,RJES SU DRAN LAS MI PHYED GNAS PA 'THOB, ,ZLA BA SGRON MA LAS, SU DAG SANGS RGYAS CHOS LA TSAD 'DZIN PA, ,DE YI SEMS NI SHIN TU MYOS PAR 'GYUR, ,TSAD LAS 'DAS PA LA NI TSAD BZUNG MED, ,'DREN PA YON TAN THAMS CAD BSAM MI KHYAB, ,PHYOGS BCU DAG NA SEMS CAN SU'ANG NI, ,'JIG RTEN MGON DANG MNYAM MED SU ZHIG LHAG ,THAMS CAD MKHYEN PA YON TAN KUN LDAN PA, ,SANGS RGYAS YE SHES 'DOD CING THOB PAR GYIS, ,SKU LUS DAG NI GSER GYI MDOG 'DRA BAS, ,'JIG RTEN MGON PO KUN NAS RAB TU MDZES, ,DMIGS PA 'DI LA GANG GIS SEMS 'JUG PA, ,BYANG CHUB SEMS DPA' DE NI MNYAM GZHAG YIN, ,MKHAS PAS 'DUS BYAS 'DUS MA BYAS RIG STE, ,MTSAN MA'I 'DU SHES DAG NI RNAM BSHIG NAS, ,MTSAN MA MED PA LA NI DE GNAS NA, ,CHOS RNAMS THAMS CAD STONG PAR RAB TU SHES, ,GANG DAG CHOS KYI SKU LA GNAS GYUR PA, ,DE NI DNGOS PO THAMS CAD DNGOS MED SHES, ,DE YI DNGOS PO'I 'DU SHES RNAM BSHIG NAS, ,RGYAL BA'I DBANG PO GZUGS KYI SKUR MI BLTA, ,KHYED NI MOS PAR BYA ZHING RIG PAR BYA,, JI LTAR MI DAG MANG DU RTOG BYED PA, ,DE LA BRTEN PA'I RNAM PAR RTOG PA DES, ,DE BZHIN DU NI DE LA SEMS GZHOL 'GYUR, ,DE BZHIN RGYAL BA YI NI SKU BYAD DANG, ,YE SHES DPAG TU MED PAR THUB DBANG DRAN, ,RTAG PAR RJES DRAN DE NI BSGOM BYAS NA, ,DE LA SEMS GZHOL RAB TU 'BAB PAR 'GYUR, ,DE NI 'CHAG 'DUG 'GRENG ZHING GNAS PA'I TSE, ,SKYES BU DAM PA'I YE SHES RAB TU 'DOD, ,'JIG RTEN RGYAL BA BLA MED BDAG 'GYUR BAR, ,'DOD PAS BYANG CHUB TU YANG SMON LAM 'DEBS ZHES SO,, `GSUNG RAB ZAB MO'I DON LA 'JUG PA NI, STONG PA SHES PAS BAG YOD GNAS PAS NI, ,SKYOB PA'I LDEM NGAG RAB ZAB RNAMS LA 'JUG ,PHYIR MI LDOG PA'I 'KHOR LO LAS, @383A 'JIG RTEN MGON PO SKYOB RNAMS KYI, ,LDEM NGAG SHIN TU SHES DKA' STE,, BYANG CHUB SEMS DPA' 'JIGS MED PA, ,DE YI CHED DU GO CHA BGOS, ,LE LO CAN DANG BLO CHUNG BAS,, DGONGS PA KUN TU SHES MI NUS, ,LDEM PO'I NGAG GI CHED DU NI, ,DE PHYIR BRTZON 'GRUS BRTZAM PAR GYIS, ,'JIG RTEN MGON PO SKYOB RNAMS KYIS, ,DGONGS PA GANG TSE SHES GYUR PA, ,DE TSE DE YI SHES PA NI, ,LDEM NGAG RNAM PAR SBYONG BAR 'JUG ,NAM MKHA' RTAG TU BZUNG DU MED, ,'DI LA BZUNG BA YOD MA YIN, ,GANG LA BZUNG BA YOD MIN PA, ,DE NI STONG NYID SHES PAR GYIS,, GANG DAG BAG YOD GNAS GYUR CING, ,DE LTAR STONG PA NYID SHES PA, ,MKHAS PA DE DAG GNAS 'DIR NI, ,KUN TU RMONGS PAR MI 'GYUR RO ZHES SO,, `SBYIN GNAS MCHOG TU 'GYUR BA NI, ,DBEN PAR DGA' ZHING STONG PAR MOS BRTAN PAS, ,CHOS RNAMS RTEN 'BYUNG YA MA BRLAR RTOGS GANG,, THUB PA'I BSTAN PA RAB BYUNG DON RDZOGS PHYIR, ,LHAR BCAS 'JIG RTEN KUN GYIS MCHOD 'OS 'GYUR, ,BYANG CHUB SEMS DPA'I SDE SNOD LAS, ,DRANG SRONG DES PA'I RJES SU SLOB PA DAG ,RNAM PAR GROL BA ZHI BA TSOL BYED CING, ,LUS DANG SROG RNAMS LA YANG MI LTA BAR, ,RTAG TU DGON PA DBEN PAR GNAS PAR BYA, ,GNOD PA'I RTZA BA GCER BU'I GSANG TSIG DANG, ,'JIG RTEN RGYANG PHAN GSANG TSIG RNAMS SPONGS LA, ,STONG PA NYID DANG LDAN PAR GANG GSUNGS PA, ,ZAB MO'I CHOS LA DGA' BA SKYES PAR BYOS, ,NANG DANG PHYI ROL DAG GI SKYE MCHED NI, ,BCU GNYIS PO YI RTZA BA SEMS SU BSHAD, ,DE DAG KUN KYANG LAS KYI RGYU LAS BYUNG, ,LAS KYANG YUN RING SEMS KYIS BZHAG PA'O, ,MIG DANG GZUGS GNYIS LA NI BRTEN BYAS NAS, ,RKYEN RNAMS LAS NI RNAM PAR SHES PA STE, ,'DU BA MA TSANG BAS NI NUB GYUR TE, ,JI LTAR SHING MED ME NI MI 'BAR BZHIN, ,DE LTAR CHOS 'DI THAMS CAD RAB SKYE BA, ,PHAN TSUN 'DUS PA LAS NI 'BYUNG BAR 'GYUR, ,BYED PA PO DANG TSOR PO MI DMIGS TE, ,BYA BA DAG NI SGYU MA LTA BUR SNANG, ,GANG DAG NGA YI BSTAN LA RAB BYUNG NAS, ,CHOS KUN SGYU MA LTA BUR SHES PA DE, ,YUL 'KHOR BSOD SNYOMS 'BRAS BU YOD PAR @383B ZA, ,DE NI PHYOGS BCU'I SANGS RGYAS MCHOD PA BYED CES SO, `,BYANG CHUB SEMS DPA' LA SOGS PA'I MING DON DANG LDAN PA NI, ,CHOS KUN RANG BZHIN SPROS 'DAS 'OD GSAL BAR,, RTOGS PAS YANG DAG BYANG CHUB SEMS DPAR BRJOD, ,RNAM THAR GSUM RTOGS DUS GSUM RGYAL RNAMS KYI,, BSNYEN RDZOGS YANG DAG CHOS MNGON RTOGS PA 'THOB, ,LHA'I BU BLO GROS RAB GNAS KYIS ZHUS PA LAS, CHOS THAMS CAD RTOGS PA'I PHYIR BYANG CHUB SEMS DPA' STE, GZUGS LA SOGS PA RANG BZHIN GYIS STONG PAR RTOGS PAR BYED KYANG RTOGS SO SNYAM DU'ANG RNAM PAR MI RTOG PA'I PHYIR RO, ,YANG PHUNG PO LNGA STONG PA DANG MTSAN MA MED PA DANG SMON PA MED PA DANG, 'DOD CHAGS DANG BRAL BA DANG ZHI BA DANG DBEN PA DANG SKYE BA MED PA LA SOGS PAR RTOGS PAR BYED, 'DOD CHAGS DANG ZHE SDANG DANG GTI MUG DAG KUN TU RTOG PAS KUN NAS BSLANG BAR RTOGS PAR BYED DE, KUN TU RTOG PA DE DAG KYANG STONG PA NYID LA SOGS PAR RTOGS PAS SO, ,STONG PA NYID DANG MTSAN MA MED PA DANG SMON PA MED PA RTOGS SHING SPROS PA YONGS SU CHAD PA NI DUS GSUM GYI SANGS RGYAS RNAMS KYI BSNYEN PAR RDZOGS PA DGE SLONG GI DNGOS PO YIN TE, SA LA SA BON LA SOGS PA SKYE ZHING 'PHEL BAS RDZOGS PAR 'GYUR BA LTAR, TSUL KHRIMS LAS KYANG STON PA'I BSTAN PA RDZOGS PAR 'GYUR BAS SO, ,'DI LTAR DAD PA DANG TSUL KHRIMS LA BRTEN NAS CHOS MNGON PAR RTOGS PAR 'GYUR ZHING BYANG CHUB KYI PHYOGS KYI CHOS THAMS CAD YONGS SU RDZOGS PAR 'GYUR BA'I PHYIR RO ZHES SO,, `THOS PA TZAM GYI YANG DON GYI MCHOG TU 'GYUR BA NI, BDAG LTAS SANGS RGYAS MCHOD CHEN MANG BYAS KYANG, ,ZAB MO 'JIG RTEN KUN DANG MI MTHUN CHOS, ,'DI THOS MA MOS SPANGS PAS DMYAL BAR NI, ,LHUNG BA'ANG DE BAS 'BRAS MCHOG MYUR BAR 'THOB, ,MDO DE NYID LAS CHOS ZAB MO BSHAD PA NA DGE SLONG LNGA BRGYAS MA RTOGS TE, SPANGS PAS LUS DE DAG NYID KYIS DMYAL BAR LHUNG NGO, ,DE LA BDAG TU LTA BAS SANGS RGYAS GANGG'A'I KLUNG GI BYE MA SNYED 'KHOR DANG BCAS PA LA, JI SRID 'TSO'I BAR DU BDE BA'I YO BYAD THAMS CAD KYIS BSNYEN BKUR BYAS @384A PA BAS, CHOS ZAB MO STONG PA NYID LA SOGS PA 'JIG RTEN THAMS CAD DANG MI MTHUN PA THOS NA, DE SPANGS PAS DMYAL BAR LTUNG BA DE'ANG CHES MYUR DU LDANG ZHING THAR BAR 'GYUR BAS, THOS PA 'DI NI SANGS RGYAS 'BYUNG BA DANG 'DRA'O, ,RGYUN TU ZHUGS PA LA SOGS PA THOB PA DANG 'DRA STE, BDAG TU LTA BA CAN DE LA NI THOB PA DANG MNGON PAR RTOGS PA MED DO, ,MCHOD PA DES KYANG THAR PA'I SA BON TZAM 'JOG MOD KYI DMIGS PA MED PA THOS PA NI DE BAS MYUR DU THAR PA 'THOB BO ZHES SO,, `MOS PAS DON CHEN PO 'GRUB PA NI, ZAB MO LA MOS PHYIR MI LDOG PA DANG, ,BYANG CHUB NYE DANG SANGS RGYAS NYID DU BLTA, ,SHES RAB KYI PHA ROL TU PHYIN PA LAS SH'A RI'I BUS GSOL PA, BCOM LDAN 'DAS PHA ROL TU PHYIN PA BSTAN PA 'DI THOS NAS MOS PA'I SEMS CAN DE DAG BYANG CHUB TU NGES PAR 'GYUR BA LAGS SO, ,BYAMS PAS GSOL PA, BCOM LDAN 'DAS BSTAN PA 'DI THOS NAS MOS PA'I BYANG CHUB SEMS DPA' DE DAG NI BYANG CHUB LA NYE BAR 'GYUR BA LAGS SO, ,'JAM DPAL GYIS GSOL PA, BCOM LDAN 'DAS BSTAN PA 'DI THOS NAS MOS PA'I SEMS CAN DE DAG NI SANGS RGYAS NYID DU BLTA BAR BGYI'O ZHES SO, `,SPANGS PA DANG THOB PA 'GRUB PA NI, CHOS KUN SHIN TU MA SKYES STONG PA NYID, ,MI SHES TSUL GYIS RAB SHES SPROS ZHI LAS, ,TSUL BZHIN SBYOR BAS NYON MONGS YONGS SHES PAS,, LEGS SPONG RANG GZHAN DON KUN MYUR BAR 'GRUB, ,KUN RDZOB DANG DON DAM PA BSTAN PA LAS, DON DAM PAR CHOS THAMS CAD SHIN TU MA SKYES PA DANG MA BYUNG BA DANG DNGOS PO MED PAR MI SHES PA'I TSUL GYIS RAB TU SHES PA NI PHYIN CI LOG DANG RNAM PAR RTOG PA MED PAS TSUL BZHIN DU SBYOR BA STE, DE NI DON DAM PAR SGRO MI 'DOGS PAS LTA BA KUN NAS LDANG BA LAS NYON MONGS PA KUN NAS LDANG BA MED PA'I PHYIR, SKYE BA MED PA LA GNAS PA DE'I NYON MONGS PA SHIN TU RNAM PAR DUL BAR MI LTA BA'I TSUL GYIS LTA BA NI NYON MONGS PA 'DUL BA'O, ,NAM NYON MONGS PA RNAMS LA SNANG BA MED PA'I SHES RAB DANG YE SHES KYI DON DAM PAR SHIN TU STONG, SHIN @384B TU MTSAN MA MED SHIN TU SMON PA MED, SHIN TU MA SKYES MA BYUNG DNGOS PO MED PAR MI SHES PA'I TSUL GYIS SHES NA NYON MONGS PA RNAMS YONGS SU SHES PA'O, ,DPER NA SPRUL GDUG PA LA RIG SNGAGS 'DON PAS DE'I DUG ZHI BAR BYED PA LTAR, NYON MONGS PA'I RIG SNGAGS SHES PA DE'I NYON MONGS PA RNAMS MI DMIGS PA'I TSUL GYIS RAB TU ZHI BAR 'GYUR RO, ,NYON MONGS PA'I RIG SNGAGS NI DON DAM PAR CHOS THAMS CAD MA SKYES PA DANG MA BYUNG BA DANG, DNGOS PO MED PA LA KUN RTOG PA'O, ,DPER NA DPYID ZLA THA CHUNG LA SA CHEN PO 'BRAS BUS GANG BA'I TSE GROGS MAS 'BRU GCIG KHYER BA DANG, SA CHEN PO'I 'BRU LTAR NYAN THOS DANG RANG RGYAL DMIGS PA CAN THAMS CAD KYIS ZAG PA MED PA RNAM PAR GROL BA'I 'BRAS BU DANG, BYANG CHUB SEMS DPA' MI GNAS PA'I TSUL GYIS BDEN PA GNYIS LA GNAS PA'I PHA ROL TU PHYIN PA DRUG LA SOGS PA SANGS RGYAS KYI CHOS THAMS CAD DANG, BLA NA MED PA'I BSOD NAMS DANG YE SHES KYI TSOGS KYI DGE BA'I RTZA BA'I LO TOG RGYAS PAR BLTA'O, ,DES NI BLA NA MED PA'I RNAM PA THAMS CAD KYI MCHOG DANG LDAN PA'I YE SHES BDE BA MI DMIGS PA'I TSUL GYIS SEMS CAN THAMS CAD KYI NYE BAR 'TSO BAR 'GYUR RO, ,ZHES SO, `,PHYIR MI LDOG PA 'THOB PA NI, RGYAL SRAS DANG POR ZHUGS LA 'DI SKAD CES, ,NYON MONGS MA SPANGS PHUNG SOGS LA GNAS KYIS, ,ZHES SOGS GDAMS LA CHOS KYI GNAS PA NYID, ,RIG PA MI SKRAG SKAL LDAN PHYIR MI LDOG ,BYANG CHUB SEMS DPA'I SPYOD PA BSTAN PA LAS DANG PO'I BYANG CHUB SEMS DPA' LA 'DI LTAR GDAMS PAR BYA STE, 'DOD CHAGS MA SPANG ZHIG ZHE SDANG MA GZHIL CIG GTI MUG MA BSAL CIG ,RANG GI LUS LA GYEN DU MA BSKYOD CIG ,DGE BA LA MA SPYOD CIG ,LTA BA TSAR MA GCOD CIG ,KUN TU SBYOR BA RNAMS MA STON CIG ,PHUNG PO RNAMS YONGS SU ZUNGS SHIG ,KHAMS RNAMS RIL POR GYIS SHIG ,SKYE MCHED RNAMS LA SPYOD CIG ,BYIS PA'I SA LAS 'DA' BAR MA BYED CIG ,MI DGE BA LA RTOGS SHIG ,DGE BA SPONGS SHIG ,SANGS RGYAS YID LA MA BYED CIG ,CHOS MA SEMS SHIG , @385A DGE 'DUN LA MCHOD PA MA BYED CIG ,BSLAB PA YANG DAG PAR MA LEN CIG ,SRID PA NYE BAR ZHI BA DON DU MA GNYER CIG ,CHU BO LAS MA RGAL CIG CES RJES SU BSTAN PAR BYA'O, ,CI'I PHYIR ZHE NA, CHOS RNAMS KYI CHOS GNAS PA 'DI NI GNAS PA KHO NA YIN PAS SO, ,BYIS PA RNAMS NI SKYE BA DANG 'GAG PA'I CHOS LUNG STON TO, ,CHOS KYI DBYINGS NI RNAM PAR MI RTOG PAS RAB TU PHYE BA STE, CHOS RNAMS KYI RANG BZHIN DE LTAR RJES SU RTOGS PA NI BYANG CHUB BO ZHES DE LTAR BSTAN PA NA MI SKRAG CING MI DNGANGS NA KYE MA BYANG CHUB SEMS DPA' 'DI NI PHYIR MI LDOG PA'I SKAL BA CAN NO ZHES SHES PAR BYA'O ZHES SO,, SGRIB PA SBYONG BA'I STOBS 'THOB PA LAS SGRIB PAR 'GYUR BA'I CHOS 'DZIN PA'I RGYU PHYIN CI LOG NI, CHOS RNAMS RANG BZHIN 'OD GSAL YONGS DAG LA, ,BYIS PAS LOG PAR BRTAGS LAS NYON MONGS DANG, ,NYES TSOGS MI BZAD RAB RGYAS KUN TU GDUNG, ,RLOM SEMS BDUD KYIS SBYIN SOGS KYANG SGRIB 'GYUR,, ZHES BYA BA'O, `,SGRIB PA SEL BA'I RGYU ZAB MO RTOGS PA NI, DE PHYIR CHOS KUN STONG ZHING MIG 'PHRUL LTAR, ,SHES PAS NYON MONGS BYANG CHUB GNYIS MED PA'I, ,CHOS NYID RTOGS LAS MI BZAD SDIG SPYOD SOGS, ,SGRIB PA RNAMS SBYONG STOBS MCHOG 'THOB PAR GSUNGS, ,'DI GNYIS KYI DON NI LAS KYI SGRIB PA RNAM PAR DAG PA'I MDO LAS, DGE SLONG DRI MED 'OD TSUL KHRIMS 'CHAL TE SDIG PA KUN TU SPYAD PAS 'GYOD PA MI ZAD PA'I MES YONGS SU GDUNG BA LA STON PAS BKA' STZAL PA, KHYOD KYIS SNGAR NAS 'DOD PA SPYAD PAR BYA'O ZHES BSAMS SAM, DE NI MA LAGS SO, ,YID LA MA BYAS PAR 'DOD PA JI LTAR SPYAD, SLAD KYIS 'DOD SEMS SKYES LAGS SO, ,SEMS DES 'DOD PA SPYAD DAM, MA LAGS SO, ,SEMS NYON MONGS PAS SEMS CAN RNAMS KUN NAS NYON MONGS SHING, SEMS RNAM PAR DAG PAS SEMS CAN RNAMS RNAM PAR DAG PAR MI BSTAN NAM, DE LTAR BSTAN LAGS SO, ,KHYOD KYIS RMI LAM NA 'DOD PA SPYAD PA MYONG NGAM, MYONG LAGS SO, ,SEMS KYIS 'DOD PA SPYAD PAR KHYOD KYIS MI SHES SAM, MA LAGS SO, ,RMI LAM DANG SAD PA'I SEMS @385B LA THA DAD PA YOD DAM, MA LAGS SO, ,CHOS THAMS CAD RMI LAM LTA BU STE YANG DAG PA MA YIN PAS DE GNYI GA MED PA MA YIN NAM, DE LTAR LAGS SO, ,MED PA DE GA SHED NA YOD DAM, DE LA SKYE 'GAG DANG KUN NAS NYON MONGS PA DANG RNAM BYANG YOD DAM, MA MCHIS SO, ,SKYE BA MED PA'I CHOS SEMS CAN DMYAL BA LA SOGS PAR 'GRO 'AM, SKYE BA MED PA NYID KYANG MA MCHIS NA DE LA 'GRO BA GA LA MCHIS, DE LTAR CHOS THAMS CAD RANG BZHIN GYIS 'OD GSAL BA YIN NA, BYIS PA RNAMS KYIS YANG DAG PA MA YIN PA GSOG LA YONGS SU BRTAGS PAS NGAN 'GROR 'GRO'O,, CHOS THAMS CAD NI YANG DAG PA MA YIN PA, RNAM PAR BSGRUBS NAS GNAS PA, PHYIN CI LOG LAS BYUNG BA, SMIG RGYU DANG NAM MKHA' LTA BU, DNGOS PO MED PA, RTZA BA MED PA, NYON MONGS PA MI DMIGS PAS KUN NAS DKRIS PA MED PA, RNAM PAR RTOG PA NYE BAR ZHI BAS SPROS PA MED PA, RTAG TU NYON MONGS PA CAN MA YIN PAS RANG BZHIN GYIS YONGS SU DAG PA'O, ,DON DE LTA BU RTOGS PAS DGE SLONG DE 'GYOD PA LAS GROL TE PHYIS RNAM PAR GROL BA'ANG THOB PAR GSUNGS SO, ,DE LTAR CHOS THAMS CAD LA SGRIB PA MED MOD KYI, 'ON KYANG BYIS PA RNAMS KYI RNAM PAR RTOG PAS SBYIN PA LA SOGS PA'ANG SGRIB PA'I BYA BA BYED DE, SBYIN PA LA SOGS PA BYED PA NA SER SNA CAN LA SOGS PA MA DAD PAS SMOD PA, BDAG LA BSTOD CING GZHAN LA SMOD PA LA SOGS PAS NGAN SONG GI RGYUR 'GYUR BAS SO, ,YANG DGE SLONG DPAL BYIN GYIS PHAM PA GNYIS BYAS KYANG, KHAMS GSUM THAMS CAD YANG DAG PA MA YIN PA DANG SEMS CAN THAMS CAD MIG YOR LTA BUR SHES PAS MI SKYE BA'I CHOS LA BZOD PA THOB PA'O, ,SGYU MA LTA BU'I SEMS LA GNAS PA LA CHOS GANG YANG MI SGRIB STE BYIS PA DAG RANG GI RTOG PAS NGAN 'GROR LTUNG BA'O, ,CHOS BGRO BA LAS KYANG BYANG CHUB SEMS DPA' NI NYON MONGS PA LA MI 'JIGS TE, GANG DU NYON MONGS PA DER BYANG CHUB YOD DO, ,NYON MONGS PA MED PA LA BYANG CHUB MED DO, ,STONG PA DANG NYON MONGS PA GNYIS SU MED DO, ,BYANG CHUB DANG NYON MONGS PA GNYIS SU MED DO, ,BYIS PA PHYIN CI LOG DANG LDAN PA BZHI @386A BDAG KUN NAS NYON MONGS PA DANG RNAM PAR BYANG BAR SHES SO, ,YANG DAG PAR ZHUGS PA NI NYON MONGS PA MI SEL ZHING NYON MONGS PA MI SGRUB BO ZHES SO, `,MA 'DRES PA'I RNAM PAR THAR PA 'THOB PA NI, STONG PA SHES KYANG SEMS CAN MI GTONG SOGS, ,RNAM BZHIS RNAM THAR ZAB MO'I SGOR 'JUG 'THOB, ,LHA'I BU RAB RTZAL SEMS KYIS ZHUS PA LAS, CHOS BZHI DANG LDAN NA 'DUS BYAS DANG MA 'DRES PA'I RNAM PAR THAR PA LA 'JUG STE, STONG PA NYID SHES SHING LTA BAS BCINGS PA'I SEMS CAN 'GREL PA DANG, MTSAN MA MED PA SHES SHING RNAM PAR RTOG PA LA SPYOD PA'I SEMS CAN 'GREL BA DANG, SMON PA MED PA SHES SHING BSAMS BZHIN DU SKYE BA DANG, THABS LA MKHAS PA DANG SHES RAB KYIS NGES PAR 'BYUNG BA'O ZHES SO,, `BDAG MED PA GNYI GA BSGOM PA'I DBANG DU BYAS NAS BDAG MED PA'I DON LA 'JIG RTEN THAMS CAD DANG MI MTHUN PA'I MTSAN NYID NI, 'JIG RTEN RNAMS NI LTA BAR LTUNG SOGS TE,, CHOS NI STONG SOGS SMRA BAS CHOS 'DZIN RNAMS, ,'JIG RTEN KUN DANG MI MTHUN ZHUGS PAS NA,, SRID PA GCOD PA'I CHOS LA RAB GNAS BYA, ,GSANG BA'I MDO LAS, 'JIG RTEN NI LTA BA LA MNGON PAR ZHEN PA, RTAG PA DANG BDE BA LA SOGS PA SMRA BA, RGYUN PHYOGS SU 'GRO BA, TSE 'DI NYID LHUR BYED PA, GZUGS LA SOGS PA LA MNGON PAR ZHEN PA YIN LA, CHOS NI STONG BAR SMRA BA, MI RTAG PA DANG, SDUG BSNGAL BA LA SOGS PAR SMRA BA, RGYUN LAS LDOG PAR RTZOL BA, TSE GZHAN GTZO BOR BYED PA, GZUGS LA SOGS PAR MNGON PAR MA ZHEN PAR SMRA BAS CHOS 'DZIN PA NI 'JIG RTEN THAMS CAD DANG MI MTHUN PA'O ZHES SO,, `THAMS CAD MI BDEN BZHIN DU RGYU 'BRAS KYI NGES PA'ANG GNAS PA NI, CHOS KUN RTEN 'BREL BYED PO MED BZHIN DU, ,DGE DANG MI DGE'I LAS KYANG CHUD MI ZA, ,'ON KYANG MKHA' LTAR THAMS CAD RANG BZHIN STONG, ,SGYU MA RMI LAM SOGS LTAR SNANG BAR ZAD, ,RGYA CHER ROL PA LAS, CHOS 'DI THAMS CAD RGYU LA BRTEN NAS BYUNG BA STE, ,MTHA' DANG MTHA' MED LTA DANG BRAL ZHING NAM MKHA' 'DRA, ,BYED PA PO MED DE @386B BZHIN TSOR BA PO YANG MED, ,DGE DANG MI DGE BYAS PA'I LAS NI CHUD MI ZA, ,PHUNG PO RNAMS LA BRTEN NAS 'DIR NI SDUG BSNGAL 'BYUNG, ,SRED PA'I CHU YIS RNAM PAR 'PHEL NAS 'BYUNG BA'O, ,LAM GYI CHOS RNAMS MNYAM PA NYID DU RNAM MTHONG NAS, ,SHIN TU ZAB CING BYANG BA'I CHOS NYID KYIS NI 'GAGS CES GSUNGS SO, ,ZLA BA SGRON MA LAS KYANG, SRID PA'I 'GRO BA RMI LAM LTA BU STE,, 'DI LA SU YANG MI SKYE 'CHI BA MED, ,SEMS CAN MI DANG SROG KYANG MI RNYED DE, ,CHOS 'DI RNAMS NI RMI LAM CHU SHING 'DRA, ,SGYU MA 'DRA ZHING NAM MKHA'I GLOG 'DRA STE, ,CHU YI ZLA BA 'DRA ZHING SMIG RGYU BZHIN,, MI DAG 'JIG RTEN 'DIR NI SHI NAS KYANG, ,'JIG RTEN GZHAN DU 'PHO ZHING 'GRO MED KYANG, ,LAS BYAS RNAMS NI NAM YANG MED MI 'GYUR, ,'KHOR BA NA YANG DKAR NAG 'BRAS BU SMIN, ,RTAG PA MA YIN CHAD PAR MI 'GYUR TE, ,LAS BSAGS MED CING GNAS PA DAG KYANG MED, ,DE YANG BYAS NAS REG PAR MI 'GYUR MIN, ,GZHAN GYIS BYAS PA TSOR BAR 'GYUR BA MED, ,'PHO BA MED CING PHYIR YANG 'ONG BA MED, ,THAMS CAD YOD PA MA YIN MED PA'ANG MIN ZHES SO, `,DON DE BSGRUB PA NI, PHUNG PO LOG PA'I KUN RTOG LA SOGS PA, ,RGYU RKYEN TSOGS LAS GRUB PHYIR YANG DAG MIN, ,DES NA STONG DANG MTSAN MED BYED PO SOGS, ,SMON PA'I GNAS GYUR GANG YANG MED PAR GRUB, ,GO CA BKOD PA LAS, GZUGS DANG TSOR BA 'DU SHES DANG, ,'DU BYED RNAM SHES DE BZHIN RTOG ,RGYU RKYEN DAG NI MANG PO LAS, ,PHUNG PO DAG NI BYUNG BA YIN, ,PHUNG PO YANG DAG MED PAS NA, ,RANG BZHIN NGO BO NYID KYIS STONGS, ,NGO BOS STONGS PHYIR MTSAN MA MED, ,THAMS CAD SKYE BA GANG YANG MED, ,DE BZHIN KHAMS DANG SKYE MCHED KYANG, ,THAMS CAD RKYEN LAS BYUNG BAS NA, ,RANG BZHIN NGO BO NYID KYIS STONGS, ,MTSAN MA MED CING NGO BO MED, ,'DI LA RTOG PA'I YE SHES DE, ,JI LTAR YUL DE SHES PAR 'GYUR, ,YE SHES 'DI DANG YUL DE DAG ,RANG BZHIN RTAG TU SPANGS PA YIN, ,SKYE BA DANG NI RKYEN MANG PO, ,'DI GNYIS LA YANG BYED PA MED, ,BYED MED DE LTAR GANG SHES PA, ,DE NI YANG DAG MTSAN NYID YIN ZHES SO,, `DE GNYIS BSGOM PA'I THABS NYID NI, DAL 'BYOR RNYED DKA' THOB GYUR MKHAS RNAMS KYIS, ,BSHES GNYEN @387A BZANG BSTEN THOS LA RAB 'BAD PAS, ,SGRA LA 'TSEL SPANGS DON LA NAN TAN GYIS, ,RAB DBEN BSTEN CING ZAB MO'I RNAL 'BYOR BSGOM, ,YAB SRAS MJAL BA LAS, SANGS RGYAS 'BYUNG DANG YUN DU GNAS PA DANG, ,DE BZHIN BSTAN LA DAD PA THOB PAR DKA', ,MI YI SRID PA'ANG RNYED PAR DKA' BAS NA, ,RGYAL BA RNAMS KYI BSTAN LA LEGS BRTZON GYIS, ,MI KHOM BRGYAD PO THAMS CAD YONGS SPANGS SHING, ,KHOM PA PHUN TSOGS RNYED DKA' THOB GYUR LA, ,BDE GSHEGS BSTAN LA DAD PA RNYED GYUR PA'I, ,MKHAS PA RNAMS KYIS RIGS PA'I RNAL 'BYOR SPYOD, ,SGRA LA 'CHEL ZHING 'DUN PAR MA BYED PAR, ,CHOS THOS GYUR NAS RTAG TU NAN TAN GYIS, ,KHYED KYIS RTAG TU DGON PA'I GNAS BSTEN LA, ,DES NI MI MCHOG DAM PAR 'GYUR BAR BYOS, ,CHOS SMRA'I DGE BSHES GANG YIN BSTEN GYIS LA, ,SDIG PA'I GROGS LA LAN 'GA'ANG MA BSTEN CIG ,SEMS CAN KUN LA SEMS NI MNYAM GYIS LA, ,SEMS CAN DE LA NAM YANG MA RLOM ZHIG ,TSUL KHRIMS LDAN DANG MANG DU THOS KYIS LA, ,RTAG TU PHYAG DAR KHROD DANG BSOD SNYOMS SPYOD, ,G-YEL BA MED PAR SHING DRUNG BSTEN GYIS LA, ,BKUS TE BOR BA MCHOG LA MA SMOD CIG ,'DUS BYAS 'DI DAG THAMS CAD 'DUS BYAS MIN, ,MTSAN NYID GCIG CING SMIG RGYU 'DRA BA YIN, ,DAM PA'I DON GYI MU GCIG SHES GYIS LA, ,MYUR DU GZHAL YAS BYANG CHUB REG PAR GYIS, ,PHUNG PO LNGA RNAMS SGYU MA BZHIN DU LTOS, ,NANG GI SKYE MCHED DRUG DANG PHYI YI DRUG ,DE DAG GRONG STONG 'DRA BAR GSUNGS PAS NA, ,DE LA NAM YANG BSTEN PAR MA BYED CIG ,'DOD CHAGS ZHE SDANG RANG BZHIN STONG PA NYID, ,GTI MUG NGA RGYAL YONGS SU RTOGS PAS BSKYED, ,RTOG PA DE LA'ANG MA BYUNG 'BYUNG MED PAR, ,DE LTAR SHES NA 'DREN PA RNAMS SU 'GYUR, ,ZHES GSUNGS SO, `,BSGOM PA'I BYED PA LAS BSOD NAMS MCHOG 'DZIN PA NI, 'JIG RTEN KHAMS KUN BKANG BA'I 'BYOR TSOGS KYIS,, BSKAL MANG SBYIN DANG BDE GSHEGS MCHOD BYAS KYANG, ,'DUS BYAS STONG PAR BZOD DANG BDAG MED PA'I, ,CHOS LA BZOD PA'I SGRUB MCHOG CHAR MI PHOD, ,YAB SRAS MJAL BA LAS, GANG @387B ZAG LA LAS GANGG'A'I BYE SNYED KYI, ,'JIG RTEN KHAMS RNAMS 'DIR NI SBYIN BYAS DANG, ,'DUS BYAS STONG PAR BZOD PA GANG YIN PA, ,BZOD PA DE NI SBYIN LAS KHYAD PAR 'PHAGS,, BYANG CHUB 'DOD PA'I BYANG CHUB SEMS DPA' YIS, ,BSKAL PA BYE BA GANGG'A'I BYE SNYED DU, ,ME TOG SPOS DANG DE BZHIN ZAS SKOM DAG ,PHUL NAS MI MCHOG SANGS RGYAS MCHOD PA BAS, ,GANG GIS GANG LA MIG DANG SROG DANG NI, ,GANG ZAG MED PA 'DI 'DRA'I CHOS DE DAG ,THOS NAS DE LA 'OD GSAL BZOD THOB PA, ,DE YIS MI MCHOG DAM PA MCHOD PA YIN, ,GANG LA GANG ZAG 'DU SHES YOD PA YIS, ,BSKAL PA BYE BA MANG POR ZAS SKOM DANG, ,SHING RTA DPUNG CHUNG KHRI STAN SBYIN BYAS KYANG, ,DES NI 'DI LA GROL BA MI THOB BO, ,MI MCHOG GANG DAG MYA NGAN 'DAS PA DANG, ,DE DAG GIS KYANG SEMS CAN MANG BKOL BA, ,MKHAS RNAMS 'OD GSAL RANG BZHIN STONG PA YI, ,CHOS RNAMS DE LTAR MKHYEN PAS RNAM PAR GROL ZHES SO, `,SGRIB PA CHEN PO SEL BA'I MTHU THOB PA NI, PHA DGRA BCOM PA GSOD SOGS MA RUNGS PA'I, ,MI DGE BCU PO TSANG BAR SPYAD PA YANG, ,RTEN 'BREL BYED MED 'OD GSAL CHOS NYID LA, ,DAD MOS NGES PA BRTAN POS MA LUS SBYONG, ,DE BZHIN GSHEGS PA'I MDZOD LAS, 'OD SRUNG 'DI LTA STE PHA'ANG YIN LA RANG SANGS RGYAS KYANG YIN PA SROG BCAD NA SROG GCOD PA'I NANG NA CHEN PO'O, ,DKON MCHOG GSUM GYI DKOR BRKU BA NI MA BYIN PAR LEN PA CHEN PO'O, ,MA DGRA BCOM PA LA LOG PAR SPYOD PA NI LOG G-YE MA CHEN PO'O, ,'PHAGS PA'I MCHOG LA SKUR PA 'DEBS PA NI RDZUN DU SMRA BA CHEN PO'O, ,'PHAGS PA'I DGE 'DUN LA MI SNYAN PA BRJOD PA NI PHRA MA CHEN PO'O, ,'PHAGS PA LA CO 'DRI BA NI TSIG RTZUB CHEN PO'O, ,CHOS 'DOD PA RNAMS G-YENG BAR BYED PA NI NGAG KYAL CHEN PO'O, ,MTSAMS MED GSHOM PA NI GNOD SEMS CHEN PO'O, ,YANG DAG PAR SONG BA'AM ZHUGS PA'I RNYED PA 'PHROG PA'I SEMS NI BRNAB SEMS CHEN PO'O, ,LTA BAS GZINGS PA NI LOG LTA'I NANG NA CHEN PO STE, MI DGE BA'I LAS KYI LAM 'DI RNAMS NI KHA NA MA THO BA SHIN TU CHE BAS SO, ,SEMS CAN GCIG GIS 'DI THAMS CAD BYAS @388A LA; DE'ANG SANGS RGYAS KYI RGYU DANG RKYEN DU LDAN PA'I CHOS BSTAN PA LA 'JUG STE, 'DI LA GANG BYED PA PO'AM TSOR BA PO'I BDAG DANG SEMS CAN NI GANG YANG MED DO ZHES, DE LTAR MA BYAS PA 'DU MI BYED PA SGYU MA'I CHOS NYID KUN NAS NYON MONGS PA MED PA RANG BZHIN GYIS 'OD GSAL BA LA 'JUG CING CHOS THAMS CAD GDOD MA NAS DAG PAR MNGON PAR DAD PA DANG MOS PA'I SEMS CAN DE NGAN SONG DU MI 'GRO BAR NGA SMRA'O, ,CI'I PHYIR ZHE NA, NYON MONGS PA RNAMS LA DNGOS PO MED THAMS CAD SKYES NAS 'JIG CING 'JU BA'O, ,RGYU RKYEN TSOGS PA'I 'DU 'PHROD LAS SKYE STE, SKYES MA THAG TU 'GAG GO ,GANG SEMS SKYE ZHING 'JIG PA DE NI NYON MONGS PA THAMS CAD KYI 'JIG PA STE, DE LTAR MOS PA LA NI LTUNG BA DANG DE'I GNAS MED DO, ,GANG SGRIB PA MED PA LA LTUNG BA GNAS PA DE NI GNAS MA YIN ZHING SKABS MED PA'O ZHES SO, `,LTA NGAN SEL BAR BYED PA NI, BDAG DANG CHOS SU ZHEN PA'I LTA BA RNAMS, ,MA LUS SEL BA'I DPUNG GNYEN DAM PAR 'GYUR, ,RGYAN STUG PO LAS, BSKYED BYED RNAM PA SNA TSOGS GZUGS, ,SA LA GNAS PA MA YIN PA, ,LTA BA THAMS CAD ZAD BYED PA'I, ,BDAG MED NYID LA SKYABS SU SONG, ,ZHI 'GYUR ZHI BA ZHIR MA BYAS, ,ZHI BAS ZHI BA BDEN NYID DU, ,LTA BA THAMS CAD RNAM DAG PHYIR, ,BDAG MED NYID LA SKYABS SU SONG ZHES SO, `,MYUR DU MNGON PAR 'TSANG RGYA BA NI, RTEN 'BREL RTOGS DANG MTHA' GNYIS SPONG BA DANG, ,GANG ZAG MED 'JUG STONG PAR MOS LA SOGS, ,BZHI PA LNGA YIS ZAB MO'I CHOS LA NI, ,BZOD PA THOB LAS MI RING SANGS RGYAS 'THOB, ,GSANG BA BSAM GYIS MI KHYAB PA LAS, CHOS BZHI DANG LDAN NA MYUR DU SANGS RGYAS 'THOB CING CHOS ZAB MO LA BZOD PA 'THOB STE, RTEN 'BREL SHES PA DANG RTAG CHAD DU LTA BA SPONG BA DANG, GANG ZAG MED PAR 'JUG PA DANG, STONG PA NYID LA MOS PA'O, ,YANG BZHI STE, SNGON GYI MTHAS DBEN PA DANG, PHYI MA'I MTHAR MI 'PHO BA DANG,, DA LTAR BYUNG BA 'JIG PAR BYED PA DANG, DUS GSUM MNYAM PA NYID DO, ,YANG BZHI STE, LUS DBEN PA DANG, LAS DBEN PA DANG, SEMS DBEN PA DANG, CHOS DBEN PA'O, ,YANG BZHI STE, SANGS RGYAS @388B CHOS NYID DU MTHONG GI GZUGS SU MA YIN PA DANG, CHOS 'DOD CHAGS DANG BRAL BAR MTHONG GI YI GER MA YIN PA DANG, DGE 'DUN 'DUS MA BYAS SU MTHONG GI TSOGS SU MA YIN PA DANG, SHES RAB KYI MIG YONGS SU DAG PA'O, ,YANG BZHI STE, BSDU BA'I DNGOS PO MI GTONG BAS PHA ROL TU PHYIN PA DRUG RDZOGS PAR BYED PA DANG, THABS SHES PA LA MKHAS PA DANG, SEMS CAN MED PAR SPYOD PA DANG, SNYING RJE CHEN PO'O ZHES GSUNGS PA'O, ,DA NI STONG PAR LTA BA'I SHES RAB DE'I MI MTHUN PA'I PHYOGS DNGOS POR 'DZIN PA DGAG PA NYID GTZO BOR BSTAN PAR BYA'O, ,'DI LA DANG POR NI DNGOS POR BDEN PAR GRUB PA LA YOD PA'I THA SNYAD DGAG PA'I DON DU SGRUB BYED KYI TSAD MA DGAG GO ,DE NAS NI MED PA'I THA SNYAD BSGRUB PA'I DON DU GNOD BYED KYI TSAD MA 'GOD DO, `,DE LA SGRUB BYED DGAG PA SPYIR BSTAN PA'I DBANG DU BYAS NAS BRJOD PA, SHES DANG SHES BYA'I DNGOS PO GANG YANG NI, ,BDEN PAR GNAS PA'I SGRUB BYED SRID MA YIN, ,TSAD MA GSUM GYIS JI LTAR GRAGS DE LTAR, ,THA SNYAD PA YI DON TZAM GRUB PAR ZAD, ,TSAD MA DANG GZHAL BYA LA SOGS PA THAMS CAD THA SNYAD PA KUN RDZOB TZAM NYID DU ZAD PAS, SHES PA DANG SHES BYA DANG RTAG PA DANG MI RTAG PA LA SOGS PA DON DAM PAR BDEN PA'I DNGOS PO SGRUB PAR BYED PA'I MNGON SUM LA SOGS PA NI GANG YANG MI RNYED PA'O, ,BSTAN PA'I DON DE NYID BSGRUB PA NI, GAL TE DBANG PO'I MNGON SUM LA SOGS PA TSAD MAR GYUR PA'I SHES PA SO SOR RANG RANG GI GZHAL BYA BDEN PAR GRUB PA KUN LA GRAGS MOD, `SGRUB BYED CI LTAR MI RNYED SNYAM NA, 'DI LTAR GZUGS SOGS SHES BYA MA LUS RNAMS, ,MIG SOGS SHES LA SNANG BA TZAM GYIS NI,, SKRA SHAD SOGS LTAR BDEN PAR GRUB MIN LA, ,'BRAS SOGS GZHAN LA LTOS NA'ANG THUG MED 'GYUR,, RAB RIB CAN GYI SHES PA LTAR SNANG BA TZAM NI BDEN PA'I DON CAN TSAD MAR MI 'GRUB LA, YUL BDEN PAR GNAS PAS KYANG DE BSGRUB PAR MI NUS TE, SHES PA'I MI SLU BA NYID BSGRUB BYAR GYUR NA DE'I YUL BDEN PA SHIN TU MI 'GRUB PAS PHAN TSUN BRTEN PA NYID DU 'GYUR BAS NA, 'GYEL BA 'GYEL BA LA BRTEN PA LTAR GNYI GA MI 'GRUB PA NYID DU 'GYUR RO, ,'BRAS BU BYED PA LA SOGS PA @389A GZHAN LA BLTOS NAS GRUB PAR 'DOD NA NI, DE'ANG 'BRAS BU GZHAN LA BLTOS PA LA SOGS PAS THUG PA MED PAR 'GYUR RO, `,TSAD MA'I 'BRAS BU BSDU BA NI, DES NA THA SNYAD TZAM GYI RGYU LAS NI, ,'BRAS BU SKYE ZHING DE YIS RGYU RTOGS PA, ,LA SOGS THAMS CAD SNANG BZHIN TZAM NYID DE, ,'GAR YANG DE NYID DBANG BYAS RIGS PAS MIN, ,KHO BO CAG NI THA SNYAD DU SHES PA RANG NYID GRUB PAS DON NGES PAR BYED PA LAS GNYI GA GRUB PAR 'JOG PA STE, DPER NA BU'I DNGOS PO PHA LA BLTOS KYANG PHA'I DNGOS PO BU LA MA LTOS PAR GRUB PAS BU SKYED PAS GNYI GA'I THA SNYAD PHAN TSUN BLTOS PA LAS GRUB PA BZHIN NO, ,KHYED LTA NA NI YUL DANG YUL CAN GYI DNGOS PO NYID PHAN TSUN LTOS PAR 'GYUR BA LAS GNYI GA MI 'GRUB PA LAS MI 'DA'O, ,DES NA RGYU RNAMS 'BRAS BU'I SKYED BYED DANG 'BRAS BUS KYANG RGYU RTOGS PAR BYED PA'I RGYU 'BRAS LA SOGS PA THAMS CAD NI SNANG BA TZAM GYI SNYING PO CAN KUN RDZOB NYID DU GRUB PAR ZAD KYI DE KHO NA'I YUL CAN RIGS PA DAM PA'I SPYOD YUL DON DAM PAR GRUB PA NI NAM YANG GANG NA YANG MED PAR NGES PAR BYA'O, `GNOD PAR BYED PA 'GOD PA LAS DON DAM PAR GNAS PA DGAG PA'I DBANG DU BYAS NAS DANG PO RIGS PA'I 'JUG PA SPYIR GTAN LA DBAB PA MDOR BSTAN PA NI, DNGOS POR 'DZIN PA'I BRAG CHEN GTAN 'JOMS PA, ,THOGS MED RIGS PA'I GNAM LCAGS CHEN PO'I PHYOGS, ,RTOGS GZHI RTOGS BYA RTOGS PA'I RGYU DANG NI, ,DE YI MI 'PHRUL DPE YIS RNAM PAR BZHAG ,SNGAR BSTAN PA LTAR DNGOS POR 'DZIN PA'I BRAG RNAM PAR 'JOMS PA LA NUS PA THOGS PA MED PA RDO RJE'I ME CHEN PO 'BAB PA LTA BU'I GTAN TSIGS DAG ,CHOS MTHA' DAG LA SPYAN DU GYUR PA BDAG NYID CHEN PO RNAMS KYIS RNAM PA MANG PO DANG SGO SNA TSOGS DANG RNAM GRANGS DU MAS GSUNGS PA RNAMS KYI SPYIR BSAM PAR BYA BA'I GNAS, RTOGS PAR BYA BA'I GZHI BSGRUB BYA'I CHOS CAN DANG, RTOGS PAR BYA BA'I DON BSGRUB BYA'I CHOS DANG, ,RTOGS PAR BYED PA'I RGYU'I GTAN TSIGS DANG, ,DE'I MI 'KHRUL BA KHYAB PA'I TSUL DANG, KHYAB PA'I YUL DPE RNAM PA LNGA'I PHYOGS TZAM BLA MA RJE BTZUN BLO GROS KYI @389B SPYAN DAM PA MNGA' BA DGE LEGS RMAD DU BYUNG BA'I TSOGS KYIS MNGON PAR MTHO BA BDAG NYID CHEN PO RNAMS KYI GSUNG LA 'BAD PA MANG POS GCES SPRAS BYAS PA LAS BTZAL BA RIGS PA DANG LUNG GI TSUL GNYIS LAS MDOR BSDUS TE RNAM PAR BZHAG PA'O, `,'DI RGYAS PAR BSHAD PA LAS CHOS CAN GYI DE KHO NA NI, SPYI YI CHOS CAN SHES DANG SHES BYA SNANG BA DANG, ,BTAGS PA'I CHOS TSOGS MA LUS RANG RIG GZHAN RIG GIS, ,TSAD MAS NGES PA'I RIGS TZAM DON DAM DE KHO NAR,, GRUB DANG MA GRUB KHYAD PAR BSAM PA'I GZHI NYID DO, ,'DIR SPYIR GTAN LA DBAB PAR BYA BA'I CHOS CAN NI RANG DANG GZHAN GYI SDE PAS BZHAG PA MYONG BA LA SNANG BA'AM RTOG PAS BTAGS PA'ANG RUNG, TSAD MAS RAB TU GRUB PA'AM LUNG LA SOGS PA LAS GRAGS PA'ANG RUNG, SHES PA DANG SHES BYA'AM GCIG DANG DU MA'AM YOD PA LA SOGS PAS BSDUS PA'I CHOS THAMS CAD DE, DE KHO NA'I RIGS PA'I YUL DU GNAS PA DANG CIG SHOS KYI KHYAD PAR GYI CHOS BSAM PA'I GZHI YIN PAS, GTAN TSIGS THE TSOM LA BRJOD PHYIR, ZHES BSHAD PA LTAR BSGRUB BYA'I CHOS KYI THE TSOM GYI YUL YIN PA'I PHYIR RO, ,DE'ANG RTZOD PA LA SOGS PAS TSAD MA'I YUL STON PA'I TSE NI GANG SKABS SU BAB PA YIN MOD KYI, RIGS NYE BAR BZUNG NA BLO'I YUL MA LUS PA YIN PAS NA, PHYI ROL NA GNAS 'DI KUN ZHES BYA BA DANG, DNGOS PO GANG DAG GANG NA YANG ZHES BYA BA DANG, BDAG DANG GZHAN SMRAS DNGOS 'DI DAG CES BYA BA LA SOGS PA KHYAB PA'I TSIG GIS DE DANG DER GSUNGS SO, ,'DI THAMS CAD KYANG RANG DANG GZHAN RIG PAS DNGOS DANG SHUGS KYIS GRUB PA LAS TSAD MAS GRUB PA LA NI BLTOS PA NYID DE, GTZO BO LA SOGS PA BRTAGS PA DAG KYANG SGRA'I DON TZAM DU NI RANG RIG GIS SHUGS KYIS GRUB PAS RNAM PAR BTAGS PA'I SNANG BA NYID YIN PA'I PHYIR, SO SOR RANG RIG PAS NA SPANG BAR MI 'OS PA ZHES GSUNGS SO, ,SNANG BA'I DON 'GA' ZHIG MDUN DU BYAS NAS DE'I RIGS NGES PAR BYED PAS RTEN THAMS CAD 'DZIN PA LA NI MI LTOS SO, ,GZHAN DU NA SGRA LA SOGS PA THAMS CAD MI RTAG PAR YANG NGES PAR MI NUS TE, SGRA'I GSAL BA NI MTHA' YAS PAS SO, `,LOG @390A RTOG DGAG PA NI, KHA CIG TSAD MAS DPYAD BYA DNGOS NYID PHYIR, ,BRTAGS PA'I GZHI LA THAL 'GYUR TZAM SOGS SMRA, ,TSAD MAS YOD MED DPYAD BYA'I 'JUG YUL NI, ,DNGOS NYID RIGS MOD BRTAGS PA'I CHOS CAN YANG, ,YOD MED DPYAD GZHIR 'THAD PAS SGRA DON LA'ANG, ,DNGOS CHOS DGAG GSUNGS CI LTAR MI RIGS SMROS, ,'DI LA SNGON GYI SLOB DPON KHA CIG KYANG TSAD MAS DPYAD BYA DNGOS PO NYID YIN PAS NA BRTAGS PA'I CHOS CAN LA NI THAL 'GYUR LA SOGS PA TSAD MA'I RJES SU MTHUN PA TZAM 'JUG PAR ZAD KYI, DGAG SGRUB KYI TSAD MA DNGOS RANG RGYUD PA NI MI 'JUG STE, DON BYED NUS PA KHO NA YOD MED KYI CHOS BSAM PA'I GZHI YIN PA'I PHYIR DANG, DE 'DRA BA'I RTAGS KYI KHYAB PA'ANG TSAD MA'I YUL DU MI RUNG BA'I PHYIR RO ZHES 'DZER TO,, 'DI LA DPYAD DU YOD DE TSAD MA'I DPYAD BYA NI 'JUG YUL GZHAL BYA DANG, RTEN CHOS CAN GNYIS LA BRJOD PA LAS, DANG PO NI, DNGOS PO LA 'DOD PA NYID DE DON BYED NUS PA KHO NA GNAS PA DANG MI GNAS PAR GTAN LA PHEBS PA DANG, DON THOB PA DON DU GNYER BA DAG GIS DGAG SGRUB KYI TSAD MAS NGES BYA YIN PA'I PHYIR, GZHAL BYA BSGRUB PA DANG SEL BA'I TSAD MA GNYIS KYI MI SLU BA NI DE YOD PA DANG MED PAS MTHAR 'BYIN CING LDOG PAS NI LDOG PA'I PHYIR RO, ,GNYIS PA LTAR NA RIGS PA'I LAM BTANG BA DANG RANG DGA' SMRA BA STE, CHOS CAN DNGOS POR MA GRUB PA LA'ANG 'BRAS BU DE GNYIS DON DU GNYER BA'I TSAD MA'I YUL RDZOGS PA LA CHAD PA MED CING, KHYAB PA LA SOGS PA'ANG GZHAN DU TSAD MAS NGES PAR NUS PAS SO, ,DES NA CHOS CAN SGRA DON TZAM LA'ANG DNGOS PO'I NYER LEN CAN MA YIN PAR BSGRUB PA'I TSAD MA NYID 'JUG PAR GSUNGS PAS YOD MED DPYAD PA'I GZHIR MI 'GAL BAR DGONGS PA'O, ,'O NA DNGOS PO KHO NA GZHAL BYAR YANG CI DGOS SNYAM NA, MED PA'AM BRTAGS PA TZAM LA GZHAL BYA'I DON MED PA'I PHYIR TE, DE DAG TU NGES PA LA NI MED PA DANG YOD PA'I NGES PA BSKYED MI DGOS PA DANG MI NUS PAS GTAN LA PHEBS PA'I BLO'I 'BRAS BU MED PA'I PHYIR DANG, DON BYED PA DANG BRAL BAS DON GYI 'BRAS BU'ANG MED PA'I PHYIR, JI LTAR @390B DE DAG DON DU GNYER BA'I GZHAL BYA YIN, 'O NA MED PA RANG RGYUD PA 'GOG PA NA JI LTAR DNGOS PO DPYAD BYAR RUNG SNYAM NA, DE'I TSE'ANG TSAD MAS DGAG BYA NI DNGOS PO NYID LAS MA 'DAS TE, DE NI MED PAR BRJOD KYANG YOD PA SPANGS PA'I RANG BZHIN DANG LDAN PAR KHAS BLANGS PA'I NUS PAS KHYAB PA'I CHOS DON GYIS KHAS BLANGS PA'I PHYIR RO, ,RANG BZHIN 'GA' ZHIG GNAS NA NI THA NA RANG 'DZIN PA'I RNAL 'BYOR PA'I BLO MI SKYED MI SRID PAS SO, ,RANG BZHIN CI'ANG GNAS PAR MI 'DOD NA NI DE LA DGAG BYA'I DON MED PAS 'GOG PAR YANG SU RTZOL, DE LTAR DGAG SGRUB THAMS CAD DNGOS PO NYID LA YIN PA DANG, LA LA'I GZHI DNGOS PO MED PAR YANG MI 'GAL BA'I TSUL 'DI NI RIGS PA'I RGYAL POS RNAM 'GREL DU, SGRA DON BSNYEN PA MED RNAMS KYIS, ,YOD MED PHYOGS KYI BYE BRAG GIS, ,DNGOS PO NYID NI DPYAD BYA STE, ,DE LAS 'BRAS 'BYUNG RAG LAS PHYIR, ,MA NING GZUGS BZANG MI BZANG ZHES, ,'DOD LDAN RNAMS KYIS BRTAGS CI PHAN, ,ZHES BYA BA DANG, TSOGS PA BSGRUB PA NYID LA CHOS CAN DNGOS POR GRUB PA YAN LAG YIN GYI, TSOGS PA 'GOG PA LA DE YAN LAG MA YIN PAR YANG, DPER NA MKHA' SOGS GZHAN DAG GIS, ,SNGON MED RANG BZHIN BSKYED MED MIN, ,CIG CAR SGRA SOGS RGYU MIN PHYIR, ZHES BSHAD PA LA SUN 'BYIN PA,, DE BZHIN MKHA' SOGS CHOS CAN GYI, ,NGO BO'ANG DNGOS MED CES BRJOD BZHIN, ,DE LTAR 'DOD PA'I BSGRUB BYA LA, ,GNOD PA CI YANG MED PA NYID, ,GNYI GA BSGRUB BYA NYID YIN NA, ,CHOS CAN LA NI GNOD PA GANG, ,BSGRUB PAR BYA BA'I CHOS 'GOG PA, ,DES NI DE LA GNOD CES BRJOD CES BYA BA LA SOGS PAR JI LTAR GZHAG PA NGES PAR ZUNGS SHIG ,`BSGRUB PAR BYA BA'I CHOS KYI DBANG DU BYAS NAS RANG GI LUGS BZHAG PA NI, BDEN PA'I RANG BZHIN RNAM PAR BCAD PA YI, ,MED DGAG TZAM ZHIG BSGRUB BYA'I CHOS YIN TE, ,STONG DANG BRDZUN SOGS YONGS GCOD 'GA' ZHIG KYANG, ,'DI LA TSAD MA'I YUL DU 'DOD MA YIN, ,'DIR BSGRUB BYA'I CHOS NI BDEN PA'I RANG BZHIN MED PAR DGAG PA TZAM YIN GYI, MA YIN PAR DGAG PA NI MA YIN NO, ,MED DGAG DANG MA @391A *, ,YIN DGAG GI KHYAD PAR CI YIN ZHE NA, MED DGAG GIS NI MI 'DOD PA'I DON RNAM PAR BCAD PA TZAM BYED KYI LDOG PA'I MTSAN NYID 'PHEN PA MA YIN NO, ,MA YIN DGAG NI MI 'DOD PA'I DON GCIG BKAG NAS DE LAS GZHAN 'PHEN PA'O, ,DE LTA NA GNYI GA'ANG RNAM BCAD TZAM DNGOS SU YUL DU BYED PAS NA BSGRUB PA'I MTSAN NYID LAS THA DAD DO, ,RNAM GCOD DON GYIS 'PHEN PA TZAM NI MA YIN PAR DGAG PA MA YIN TE, BSGRUB PA DANG KHYAD MED PAS SO, ,DNGOS PO MED PAR BKAG PA NA DNGOS MED KYANG MED PAR NGES NA YANG GNYI GA RNAM PAR BCAD PAS MED DGAG LAS NI MA 'DAS MOD KYI, DE LA BLTOS PA NI MA YIN TE DE NI MED DGAG BRTZEGS MAR ZAD DO, ,MED DGAG 'DIS LDOG PA'I DON MI 'PHEN YANG LDOG PA'I DON LA 'JUG PA 'GOG PA NI MA YIN TE, YIN NA NI MED DGAG DNGOS PO LA MI 'JUG PAR 'GYUR NA, 'DI NI DNGOS PO DANG DNGOS PO MED PA GNYI GA'I CHOS YIN NO, ,'DI LTAR DNGOS PO LA MED DGAG GI CHOS MI 'DOD NA DE YOD PAR 'GYUR LA, DE LTA NA NI DE MA YIN PAR DGAG PA'ANG MI 'THAD DE, ,DES NA LUS MED PA ZHES BYA BA LTAR GNYI GA'I CHOS YIN NO, ,DPER NA SHING MA YIN PA BKAG PA NA SHA PA MA BSGRUB KYANG DE LA 'JUG PA MA BKAG PA LTAR MED DGAG KYANG YIN NO, ,DES NA YANG DAG PAR RANG BZHIN MED PAR BKAG PA TZAM ZHIG BSGRUB BYAR BYED KYI DE BKAG NAS DES STONG ? PA'AM RDZUN PAR YOD PA'AM GZHAN YANG RUNG STE CUNG ZHIG YOD PA'AM GZHAN YANG RUNG STE CUNG ZHIG BSGRUB PA NI MA YIN NO, ,DES NA 'DIR TSAD MA'I CHA SEMS PA NA YONGS GCOD CUNG ZAD KYANG MA BSGRUBS SO, ,ZHES SMRA'O, ,GAL TE RANG BZHIN MED PA YONGS SU MI GCOD NA RANG BZHIN RNAM PAR GCOD PA NYID DU MI 'GYUR TE YONGS GCOD MED PA'I RNAMS GCOD MI SRID PA'I PHYIR RO ZHE NA, BLO'I 'JUG PA LA BLTOS NAS NI DE LTAR YANG BDEN NA, 'ON KYANG TSAD MA'I DON NI MA YIN NO, ,'DIR NI TSAD MA'I DON SEMS PA NA YONGS GCOD MA BSGRUBS SO ZHES SMRA'I, BLO DES MI GCOD PA NI MA YIN NO, ,GAL TE BLO DES CI LTAR YONGS SU BCAD PA'I DON DE LA MI @391B SLU NA NI DE NYID TSAD MA'I YUL DU 'GYUR LA, BSLU NA DE'I RNAM PAR BCAD PA YANG TSAD MAS GRUB PAR MI 'GYUR RO, ,'ON TE YONGS GCOD TSAD MA'I YUL MA YIN YANG RNAM BCAD LA TSAD MAR 'GYUR NA, 'O NA BDAG TU 'DZIN PA'ANG BDAG LA TSAD MA MA YIN MOD, BDAG MED RNAM PAR BCAD PA'I CHA LA TSAD MA YIN PAS SHES PA MTHA' DAG TSAD MAR THAL LO ZHE NA, MI THAL TE RJES SU DPAG PA NI BSAMS PA'I DON LA MI SLU BAS TSAD MA DANG LDOG PAS TSAD MA MA YIN PAR 'DOD DO, ,BDAG TU 'DZIN PA LA SOGS PA NI BSAM PAS BDAG TU BZUNG BA NA DE LA BSLU BAS TSAD MA MA YIN NO ZHES BYA'I, RANG BZHIN MED PAR 'DZIN PA NI DNGOS PO'I DBANG GIS NA BDAG MED PA'I DON YONGS SU GCOD KYANG DE BSAMS PA'I DON NI MA YIN TE DGAG PA TZAM ZHIG BYAS PAR RLOM PA'I PHYIR RO, ,GAL TE DES BDAG MED PA'I MTSAN NYID GCIG BSGRUBS SO SNYAM NA NI TSAD MA MA YIN PA KHO NA STE, BSAM PA'I DON LA BSLU BA'I PHYIR RO, ,RIGS PA'I SHES PA NI DE LTAR RLOM PA MA YIN TE BKAG PA TZAM ZHIG BYA BAR SEMS PA'I PHYIR RO, ,GZHAN YANG DER NI BDAG MED BCAD PA NYID BSAMS PA'I DON YIN DU CHUG KYANG DE LA TSAD MA MA YIN TE, GANG LAS MI SLU BA GNAS PA DE LA TSAD MAR 'DOD PA NA BDAG MED PA BCAD PA NYID MA GRUB PAS DE LA MI SLU BA MED PA'I PHYIR RO, ,JI LTAR BSGRUB PA YUL YOD PAR MA GRUB NA BSLU BA LTAR, DGAG PA YUL YOD PAR MA GRUB NA MI SLU BA LDOG PAS SO, ,DES NA BDAG 'DZIN NI CHA GANG LA YANG TSAD MA MA YIN LA, 'DI NI YONGS GCOD MA GRUB KYANG BSAMS PA'I DON MA YIN ZHING, BSAMS PA'I DON RNAM BCAD LA NI DGAG BYA MED PA NYID KYIS MI SLU BAR GRUB PAS TSAD MAR 'THAD DO, ,GAL TE YONGS GCOD BSAMS PAS MA NGES NA RNAM RTOG GI YUL DU JI LTAR 'GYUR TE, NGES PA RNAMS KYIS MA NGES GANG, ,DE NI JI LTAR DE DAG YUL, ,ZHES GSUNGS PA LTAR, RNAM RTOG NI NGES PA'I DBANG GIS DON 'DZIN PAS NA MA NGES PA JI LTAR DE'I GZUNG BA YIN, DES NA BSAMS PAS MA NGES NA BLOS YANGS GCOD BZUNG NGO ZHES BYAR MI RUNG LA, BSAM PAS NGES NA YANG DE NYID BSAM PA'I DON YIN PAS NA DE LA @392A *, ,BSLU BA DANG MI BSLU BAS TSAD MA DANG TSAD MA MA YIN PAR 'GYUR BA'I NYES PAS SO NA 'DUG GO SNYAM NA, JI LTAR DU BA LAS ME NGES PA'I SHES PA ME RANG GI MTSAN NYID DU BSAMS PAS NGES PAR BYED KYI, SGRO BTAGS KYI SPYI RTOGS PAR MI SEMS KYANG SPYI RJES DPAG GI GZUNG BAR 'DOD PA LTAR 'DIR YANG YIN NO, ,DE LA SPYI BSAM PAS RNAM PA THAMS CAD DU MA REG PA'ANG MA YIN TE RANG GI MTSAN NYID DU RTOGS PA'I BSAM PAS NGES PA'I PHYIR RO, ,SPYI'I MTSAN NYID DU NGES PA'I BSAM PAS YUL DU MA BYAS PAS NA BSAMS PA'I DON DU YANG MI THAL BAS, ? MI 'GAL BA BZHIN DU, RANG BZHIN MED PA'I MTSAN NYID YONGS SU BCAD PA'I DON RNAM PA THAMS CAD DU BSAM PAS MA REG PA NI MA YIN TE, RNAM PAR GCOD PA'I BSAM PAS DMIGS PAS SO, ,BSAM PA'I DON YIN PA'I NYES PA YANG MED YONGS SU GCOD KYI BSAM PAS YUL DU MA BYAS PA'I PHYIR RO, ,DES NA RANG GI YUL LA 'KHRUL BA'I BLO YIN PAS NA, DE MA YIN LA DER 'DZIN PHYIR, ,'KHRUL ZHES SO, ,DES NA MED DGAG GI PHYOGS RNAM BCAD TZAM BYED KYI YONGS GCOD CI 'ANG ? MA YIN PA NYID LUNG DANG RIGS PA DU MAS GRUB CING, LAM DAM PA'I DMIGS PAR GYUR PAS DON DAM PAR YANG 'THAD LA RTAGS KYI KHYAB BYED LA SOGS PAR YANG 'GRIGS PA KHA NA MA THO BA MED PAR BZUNG NGO, ` ,DE LA RTZOD PA SPANG BA LA GNYIS LAS, BSGRUB BYA'I CHOS SU MI RUNG BA NYID SPANG BA NI GAL TE RNAM BCAD TZAM NYID KYIS CIR YANG BRJOD MED PA DE GANG GI'ANG CHOS DANG CHOS MA YIN PAR YANG MA GRUB PA'I PHYIR JI LTAR BSGRUB BYA'I CHOS SU 'THAD SNYAM NA, RNAM BCAD TZAM GYIS 'GAR YANG BRJOD MED NYID, ,BSGRUB BYA'I CHOS ZHES BTAGS NAS BSHAD PAR ZAD, ,RNAM BCAD TZAM ZHES BYA BA NGO BO 'GA' ZHIG DU GRUB NA DNGOS POR 'GYUR BAS NA DE KHO NAR GANG GI CHOS KYANG MA YIN PAS NA BSGRUB BYA'I CHOS MED PAR 'DOD PA STE RANG BZHIN BKAG PA TZAM DU ZAD PAS SO, ,CHOS SU BSNYAD PA TZAM NI MI 'GAL TE CHOS THAMS CAD BKAG PA LA CHOS ZHES BZHAG NAS GZHAN GO BAR BYED PAS SO, ,CHOS 'GA' 'ANG ? MED PA NYID 'DI'I CHOS MA YIN NAM ZHES @392B GSUNGS PA LTAR RO, ` ,RTAGS KYI 'BREL YUL DU MA GRUB PA SPANG BA NI 'O NA YANG DE LA RTAGS KYI 'BREL BA'I YUL GYI DON CI YOD ZHE NA, DE BZHIN RTAGS KYI 'BREL YUL MA GRUB KYANG, ,LDOG PA'I 'BREL PAS MI 'KHRUL DGAG PA DES, ,DE NI 'BREL BA DANG 'BREL PA'I YUL GANG DU'ANG MA GRUB PAS DNGOS SU RTAGS GANG DANG YANG MA 'BREL MOD KYI, 'DIR DGAG PA TZAM BSGRUB KYI DNGOS PO MI 'JOG PAS LDOG PA'I 'BREL PA LAS MI 'KHRUL BA 'GRUB PAR BLTA'O, ` ,GZHAN GYI LUGS DGAG PA'I DBANG DU BYAS NA SPYIR BSTAN PA NI, 'DI LA KHA CIG YANG DAG BKAG PA YI, ,RANG BZHIN MED NYID BSGRUB BYA'I CHOS SU 'DOD, ,GZHAN DAG BDEN PA BKAG NAS BRDZUN PA YI, ,RANG BZHIN SGYU MA DON DAM NYID DU SMRA, ,GNYI GA ? BDE GSHEGS GSUNG LAS PHYIR PHYOGS SHING, ,RIGS PA'I LAM LAS RAB NYAMS RGYANG RING DOR, ,GZHON KYI LUGS NI 'DIR YOD PA BKAG PA'I MED PA DANG, BDEN PA BKAG NAS BRDZUN PA YONGS GCOD DU BSGRUB PA'I TSUL GNYIS SO, ,PHYOGS 'DI GNYI GA YANG LUNG DAN RIGS PA'I GNOD PA DU MA'I SGOR GYUR PAS NA, SHES BYA'I DE KHO NA DANG MKHAS PA RNAMS KYI GZHUNG GI DON MA YIN PAS, LAM BZANG PO 'DZIN PAR 'DOD PA RNAMS KYIS RGYANG RING DU 'DOR BAR BYA'O, ` ,SO SOR DGAG PA LAS MED PA GRUB PA DGAG PA LA LUNG GIS GNOD PA NI, DE DAG GAL TE RIGS PAS RANG BZHIN DU GRUB PA RNAM PAR BCAD PA LA NI DE LAS LDOG PAR YONGS SU GCOD PAS KHYAB PAS NA MED PA NYID 'GRUB STE, DE MA GRUB NA PHAN TSUN SPANGS TE GNAS PA GNYI GA DGAG PA MI 'THAD PAS YOD PAR GRUB PA BZLOG TU MED PA'I PHYIR MA YIN DGAG GI STONG PA NYID RIGS PAS GNAS SO ZHES RTOGS PA LA, GANG PHYIR MED PA'I MTSAN MAR ZHEN PA NYID, ,MA RUNGS LTA CHEN GSOR MI RUNGS SOGS GSUNGS ZHES BYA BA STE, RGYAL BA'I YUM DAG LAS, GZUGS STONG ZHES SPYOD NA MTSAN MA LA SPYOD DO ZHES BYA BA DANG, 'OD SRUNGS GANG ZAG TU BLTA BA RI RAB TZAM NI BLA'I, MNGON PA'I NGA RGYAL CAN STONG PA NYID DU BLTA BA NI MA YIN NO ZHES BYA BA DANG, 'OD SRUNGS YOD CES BYA BA NI MTHA' GCIG GO MED CES BYA BA NI MTHA' GNYIS @393A *, ,PA'O; ;DE GNYIS KYI DBUS GANG YIN PA NI RTAG TU MED PA BSTAN DU MED PA ZHES BYA BA DANG, RGYAL BA KUN GYIS STONG PA NYID, ,LTA KUN NGES PAR 'BYIN PAR GSUNGS, ,GANG DAG STONG PA NYID LTA BA, ,DE DAG BSGRUB TU MED PAR GSUNGS ZHES BYA BA DANG, LTA BA JI SNYED GANG YANG RUNG, ,ZHES BYA BA LA SOGS PA GSUNGS SO, ` ,RIGS PA'I GNOD PA NI, MED PA'I RANG BZHIN BSTEN PA'ANG RTAG LA SOGS, ,DNGOS PO'I CHOS KYIS KHYAD PAR NYID LAS DGAG ,GZHAN YANG, MED 'DZIN TSAD MA DER LTOS DNGOS NYID 'GYUR, ,MI LTOS YUL LA BSLU BAS TSAD MA MIN, ,SNGAR BRJOD PA LTAR RANG BZHIN 'GA' ZHIG TU RNAM PAR GNAS PA NI DNGOS PO KHO NA'I CHOS YIN PAS, YOD PA LAS LDOG PA'I MED PAR GNAS PA DE RTAG PA'AM MI RTAG PA YIN, DANG PO NI MI RUNG STE, RTAG PA NI DUS THAMS CAD DU GNAS PA'I DNGOS PO'I KHYAD PAR YIN PA'I PHYIR DANG, RIM DANG CIG CAR DON BYED PA MED PAS BKAG PA'I YANG PHYIR RO, ,GAL TE DNGOS MED RTAG PA RIM DANG CIG CAR DON BYED PA MED LA DGAG PAR MI NUS TE RI BONG GI RVA LTAR DON BYED PA MED PAR GNAS PA'O, ,DES NA DNGOS PO'I CHOS BKAG PAS 'DI LA CI GNOD SNYAM NA, RI BONG GI RVA NI DNGOS MED KYI RANG BZHIN DU GNAS PAR MA GRUB STE, GRUB PAR RTOG NA DER YANG KLAN KA MTSUNGS SO, ,DES NA DPE MA GRUB PAS MI RUNG NGO, ,MI RTAG PA NI SNGAR YOD PHYIS MED PA RES 'GA' BA'I RNAM PAS DNGOS POR THAL BAR GSAL LO, ,GZHAN YANG MED PA NGES PA'I TSAD MA'I YOD PA'I DON GYI RJES SU BYED DAM, MED PA'I DON GYI RJES SU BYED, DANG PO LTAR NA DON BYED PAS DNGOS POR THAL LO, ,PHYI MA LTAR NA GZHAL BYA BLA BSLU BAS TSAD MAR MI RUNG NGO, ,RDZUN PAR GRUB PA DGAG PA LA YANG LUNG GIS GNOD PA NI, DE DAG SGYU MA NYID RNAM GRANGS MA YIN PA'I DON DAM PAR 'DOD LA, GAL TE SGYU MA NI MED PA SNANG BA 'KHRUL YUL YIN PAS RIGS PAS GRUB PAR JI LTAR RUNG ZHE NA, SNANG BA 'DI LA SPROS PA 'GOG PA'I RTAGS KYIS BDEN PA BKAG PA GRUB PA NYID BRDZUN PAR GRUB PA YIN PAR CI 'GAL, 'GA' 'ANG ? MA MTHONG BA DE KHO NA MTHONG BAR GSUNGS PA LA SOGS PA'I LUNG GIS KYANG MI GNOD @393B DE DE DAG NI DGAG PA DON DAM DNGOS POR SMRA BAS JI LTAR BRTAGS PA BKAG PA LA DGONGS PA'O, ,DES BSGRUB PA DON DAM SGYU MA LTA BU GNAS PA LA CI GNOD CES RTOG GO, ` 'DI LA'ANG, BRDZUN PAR GRUB LA'ANG 'GA' YANG MTHONG MED PA, DE NYID MTHONG BAR GSUNGS SOGS GNOD MI ZLOG ,CES BYA BA STE, DE LA ZAB MO STON PA'I LUNG RIN PO CHE DE DAG GIS GNOD PA NI BZLOG TU MED DE, 'GA'ANG MTHONG BA MED PA DE KHO NA MTHONG BA DANG, NGAS CHOS GANG MNGON PAR BYANG CHUB PA DE LA BDEN PA GCIG KYANG RAB TU MA GRUB NA BZHI LTA CI SMOS PA DANG, SKAD CIG GANG LA CHOS THAMS CAD KYI DE KHO NA MNGON DU GYUR PA DE LA NI BDEN PA'ANG MED BRDZUN PA'ANG MED PA DANG, DON DAM PA NI RNAM PA THAMS CAD MKHYEN PA'I YE SHES RNAM PA THAMS CAD KYI MCHOG DANG LDAN PA'I YUL LAS KYANG 'DAS PA DANG LUS DANG NGAG DANG YID KYI YUL DU GYUR PA DON DAM PAR MI RUNG BA DANG, MNYAM PAR BZHAG PAS NI CHOS THAMS CAD NAM MKHA'I DKYIL LTAR MTHONG ZHING RJES THOB KYIS NI SGYU MA LA SOGS PA LTAR MTHONG BA DANG, NAM MKHA' MTHONG ZHE SA SEMS CAN TSIG TU RAB ? BRJOD PA , ,NAM MKHA' JI LTAR MTHONG STE DON 'DI BRTAG PAR GYIS, ,DE LTAR CHOS MTHONG BA YANG DE BZHIN GSHEGS PAS BSTAN, ,MTHONG BA DPE GZHAN GYIS NI BSNYAD PAR NUS MA YIN, ,GANG GIS DE LTAR MTHONG BA DE YIS CHOS KUN MTHONG, ,ZHES GSUNGS PA LA SOGS PA THAMS CAD KYIS BSGRUB PA'I YUL RIGS PAS GNAS PA PHRA RAB KYANG MED PAR BRJOD DO, ,DE MTHA' DAG NI GANG LA DMIGS NAS LAM GOMS PAS DE MNGON DU GYUR PAS DE MNGON DU GYUR PA NA SGRIB PA THAMS CAD ZAD CING YON TAN THAMS CAD RAB TU GSAL BAR 'GYUR BA, RANG GI DON DAM PA NYID LA DGONGS PA LAS GZHAN DU DRANG BA'I GO SKABS MED PA'I PHYIR, DGAG PA DON DAM ZHES LOG PAR 'DREN PA NI RANG DGAR ZAD DO, ` ,RIGS PAS GNOD PA NI, SNANG BZHIN MI BDEN SGYU MA'I DON YIN PAS, ,YANG DAG KUN RDZOB NYID LAS CI ZHIG 'DAS, ,DE NYID YIN NA'ANG 'GAL SOGS GNOD MANG 'GYUR, ,BRDZUN PA NYID KYI DON DAM SGRA DON GSAL, ,BDEN NYID DON DANG SHES LAS MI 'DA' BAS, ,DNGOS @394A *, ,POR SMRA BA'I TSUL LAS CI ZHIG 'DAS, ,SPROS PA 'GOG BYED GCIG DANG DU BRAL SOGS, ,GTAN TSIGS KUN DANG DE LA MI 'KHRUL MED, ,GNOD PA LNGA STE YANG DGE BA'I KUN RDZOB LAS CHOS GZHAN DU BRTAG PAR MI NUS PA DANG, GZHAN MA YIN PAR YANG MI 'THAD PA DANG, DON DAM PA'I SGRA DON 'GAL BA DANG, MI 'DOD PA GRUB PAR THAL BA DANG, RTAGS MI 'THAD PA'O, ,DANG PO NI SGYU MA ZHES BYA BA MED PA TZAM YIN TE RI BONG GI RVA LTAR SGYU MA'I DON MED PAS SO, ,DES NA MA DPYAD PA'I YUL SNANG BA LA BLTOS PAS SNANG BA LTAR MI BDEN PA YIN PAS NA KUN RDZOB NYIS LAS THA DAD PA'I DON CI YOD, BRDZUN PAR SHES PA DANG MA SHES PA'I DON GYIS KHYAD PAR GRUB PAR YANG BRTAG PAR MI NUS TE, MA SHES PA SHES PA MED PA'AM GZHAN DU SHES PA LA BRJOD, DANG PO NI MI RUNG STE, RTOGS PAS DNGOS POR 'GYUR BAS SHES PA YOD MED GNYI GAR YANG DAG GI KUN RDZOB KYI MTSAN NYID GNAS PAS SO, ,GNYIS PA NI YANG DAG GI KUN RDZOB TU MI RUNG STE, DE NI BRTAGS PAS DBEN PA YIN NA, SGYU MA LAS GZHAN DU SHES PA NI BRTAGS PA NYID YIN PAS SO, ,GZHAN MA YIN PA NI 'DOD PA STE BRTAGS PAS DBEN PA LA SOGS PAS KUN RDZOB TU BZHAG PA 'DI NYID GANG LA DMIGS NAS SGRIB PA ZAD CING YON TAN GSAL BAR 'GYUR BA'I CHOS KYI CHA LAS DON DAM PAR 'DOD PAS SO SNYAM NA, GNYIS PA NI DE LTAR NA DMIGS PA'I CHA DE GANG YIN, BDEN PA MED PA TZAM STONG PA NYID NI SGYU MA MA YIN LA, SNANG BA'I YUL RDZUN PA'ANG KUN RDZOB LAS MA 'DAS PAS SO, ,'O NA KUN RDZOB KYI KHYAD PAR DE NYID DON DAM PA YIN MOD CI 'GAL SNYAM NA, DE LTAR NA 'KHRUL BA DANG MA 'KHRUL BA'I YUL BDEN PA DANG BRDZUN PAS RAB TU PHYE BAS ZAG PA RGYAS PAR BYED PA DANG ZAD PAR BYED PA'I DMIGS PA 'GAL BA'I CHOS DANG LDAN PA'I PHYIR, DE GNYIS GCIG PAR 'DOD PAS DANG PO 'GAL BA 'DU BA'I KHUR 'DI THEG CIG ,DGONGS PA NGES PAR 'GREL PA LA SOGS PA LAS, GCIG PA LAS GSUNGS PA'I NYES PA RNAMS KYANG SOL ZHIG ,GSUM PA SGYU MA ZHES BYA BA RDZUN PAS NA RIGS PAS GRUB PA BSAL BAS DON DAM PA'I SGRA DON JI @394B LTAR 'THAD DE, BSLU BA MED PAS RIGS PA NI, DON DAM YIN TE KUN RDZOB MIN, ,DE LTAR MI SLU MIN PHYIR TE, ,ZHES RIGS PA'I YUL NYID DON DAM PAR GSUNGS PAS SO, ,BRDZUN PA NYID DU RIGS PAS GRUB PA CI 'GAL TE MING MED NYID MING DU 'GYUR BA BZHIN NO SNYAM NA, RE ZHIG RANG TSIG DANG 'GAL BA BTANG SNYOMS SU ZHOG LA, GCIG TU'AM DU MAR GRUB CES BYA BA LA SOGS PA'I DPYAD PA'I KHUR LONGS ZHIG ,RDZUN PA LA BDEN PA'I DPYAD PA CI STE 'JUG SNYAM NA, GCIG DANG DU MA 'AM SHES DANG SHES PA LA SOGS PAR MI 'DOD NI RIGS PAS CIR GRUB, DES GRUB NA BDEN PA NAN GYIS 'ONG BAS DE DAG TU DPYAD PA LAS MI 'DA' STE, DE NYID DBANG BYAS RIGS PA GANG, ,BDAG DANG GZHAN SKYE MI RIGS PA, ,RIGS PA DE NI KUN RDZOB TU'ANG, ,KHYOD 'DOD SKYE BA RUNG MI 'GYUR, ,ZHES GSUNGS PAS SO, ,DES NA MI BDEN PAR BDEN PA DANG, DPYAD MI BZOD PAR DPYAD BZOD PA LA SOGS PA MA 'BREL PA CHEN POS NYEN PAR GSAL LO, ,BZHI PA NI SNANG BA 'DI SGYU MAR RIGS PAS GRUB PA DE NYID BDEN PA YIN PAS, DON DU BDEN PAR GRUB NA PHYI ROL SMRA BA DANG SHES PAR BDEN NA RNAM RIG SMRA BAR 'GYUR BA LAS DNGOS POR LTA BAR THAL TE, BDEN PA'I DNGOS PO NI DON DANG SHES PA LAS GZHAN MI SRID PAS SO, ,LNGA PA NI GZHAN YANG DE RTAGS GANG GIS GRUB, GCIG DANG DU BRAL LA SOGS PA SPROS PA 'GOG PA'I RTAGS NI GANG DANG YANG RDZUN PA'I DNGOS PO GANG DU YANG DNGOS DANG LDOG PA'I 'BREL PA NAM YANG MA GRUB LA, DON DAM PA BSGRUB PA'I RTAGS GZHAN YANG MI 'DOD PA'I PHYIR RO, ,GCIG DANG DU MA DANG BRAL BA'I RANG BZHIN YIN PA'I PHYIR ZHE'AM, RTEN CING 'BREL PAR 'BYUNG BA YIN PA'I PHYIR ZHES BYA BA LA SOGS PA RANG BZHIN GYI RTAGS KYANG BRTAG PAR MI NUS TE, RANG BZHIN DE LTA BU BSGRUB BYAR GYUR PAS GZUGS BRNYAN LA SOGS PA GANG DU'ANG RTAGS KYI KHYAB BYED DU MA GRUB PA'I PHYIR DANG, GRUB NA RTAGS KYI RJES SU 'BRANG BA DON MED PA'I PHYIR SHIN TU RNAM MI 'ONG BA'I DPYAD PA'O, ,RTAGS DE DAG GIS BDEN PA BKAG PA'I SHUGS LA RDZUN PA NYID GNAS SO SNYAM NA, SNANG BZHIN PA BDEN PA BKAG PAS RDZUN PAR NI 'GRUB NA, DE DON DAM PAR CI @395A *, ,LTAR 'GRUB STE RDZUN PA NYID KYIS BSAL BAS SO, ,GAL TE 'DI 'GRUB NA NI RNAM RIG SMRA BA'I RTOGS PA'I NGO BO TZAM MYONG BAS GRUB PA LA, GNYIS KYI MTSAN NYID RIGS PAS BKAG PAS RTOGS PA GNYIS MED DON DAM DU GRUB PAR BRJOD PA CIS KYANG MI ZLOG PAS DNGOS POR LTA BA NYID BRTAN PAR GYUR TO, ,DES NA GZHIS BSDUS PA'I DGAG PA NI YANG DAG GI KUN RDZOB YIN LA, DGAG BYAS BSDUS PAS NI LOG PA'I KUN RDZOB YIN PAS DON DAM PA'I DRI'ANG MED DO, ` ,BSGRUB BYA'I CHOS DE'I KHYAD PAR DGAG BYA BSHAD PA LAS, BRTAGS PA DGAG BYAR SPYIR BSTAN PA NI, DE YANG MYONG DANG RTOG LA SNANG BA KUN, ,'GOG LA MNGON SUM NYID KYIS SLAR GNOD PAS, ,SNANG NYID GANG YANG DGAG BYA MA YIN PHYIR, ,BDEN PAR BTAGS PA'I KHYAD PAR CAN DU GSUNGS, ,'DIR NYAMS SU MYONG BA'AM RNAM PAR RTOG PA LA'ANG RUNG SNANG BA TZAM 'GOG NA NI THAMS CAD DU'ANG RANG RIG PA DANG GZHAN RIG PA'I MNGON SUM GYIS GNOD PAR 'GYUR BAS NA SNANG BA TZAM NI GANG YANG DGAG BYA MA YIN GYI, RIGS PAS GNAS PA BDEN PA'I RANG BZHIN DU BTAGS PA NYID 'GOG PA YIN PAS NA, DGAG BYA'I KHYAD PAR GZUNG BA'I DON DU MKHAS PA'I DAM PA DAG GIS YANG DAG TU NA ZHES BYA BA LA SOGS PA DE DANG DE LAS GSUNGS PA'O, ,DES NA SNANG BA TZAM NI THA NA RTOG MED 'KHRUL PA'I GZUNG YUL DUNG SER PO LTA BU DANG, RTOG PA'I GZUNG YUL BDAG TU BTAGS PA LTA BU YANG DGAG BYA BA MA YIN TE, DE 'GOG MA 'KHRUL PA'I SHES PA NYID DANG RTOG PA'I NGO BO YANG 'GOG PAR THAL BAS NA MNGON SUM DANG 'GAL BAR GSAL BAS SO, ,RTOG PA'I ZHEN YUL NI BKAG KYANG DE LTAR MI THAL BAS NA DE 'GOG PAS BTAGS PA DGAG BYAR BRJOD PA'O, ,'DI LTAR ZHEN YUL GYI DNGOS PO MED PA DANG DE LTAR 'DZIN PA'I 'KHRUL PA YOD PA NI RTOG PA GCIG GI YUL DU MI 'GAL BAS NA DE'I YUL DU GRUB BDE THA MI DAD PA'ANG YIN NO, ,'KHRUL PA'I BLO LA DE LTAR MI SNANG BA DANG, DER 'DZIN PA 'KHRUL PA YOD PA NI RTOG PA GCIG GIS YUL DU BYED PA 'GAL BAS NA YUL DANG YUL CAN DAG RTOG @395B PA'I YUL DU GRUB BDE MI GCIG PA'O, ,DE LTAR DMIGS PA BKAG PA NA DER 'DZIN PA'I BLO 'ANG 'GOG PAR THAL LO, ,DE LTA NA YANG MNGON SUM GYIS GNOD PA DANG, TSAD MA PHAN TSUN GNOD NA TSAD MA TSAD MA YIN PA'I THA SNYAD 'JIGS PAS NA, NYAMS SU MYONG BA GANG YANG NI, ,DGAG PAR RIGS PA MA YIN TE, ,BTAGS PA MA YIN 'GOG PA NI, ,BDAG LA GNOD 'GYUR 'BA' ZHIG GO ZHES BYA BA DANG, TSAD MAS GNOD NA TSAD MA'I BDAG ,YID BRTAN DU NI MI RUNG 'GYUR ZHES GSUNGS PA'O, ,GAL TE YANG DAG PA'I KUN RDZOB 'KHRUL BA'I DON YIN YANG DE 'GOG PA LA TSAD MA PHAN TSUN GNOD PA'I NYES PAR 'GYUR NA, BTAGS PA 'GOG PA LA'ANG NYES PA DER CI STE MI 'GYUR, YANG NA KUN RDZOB YANG DAG DE 'KHRUL PA'I DMIGS PA YIN PAR DOR DGOS SO ZHE NA, MA YIN TE BTAGS PA'I ZHE NA DON DANG DE KHO NA SEMS PA'I TSAD MA GNYIS NI YUL GCIG LA 'JUG PA'I PHYIR DANG, PHAN TSUN 'GAL BA BSGRUB PA'I PHYIR DANG, GCIG LA BSLU BA MED CING GZHAN LA YOD PA'I PHYIR GNOD BYA GNOD BYED YIN GYI, KUN RDZOB KYI DNGOS PO DANG DE KHO NA SEMS PA'I RIGS PA DAG NI DMIGS PA THA DAD PA'I PHYIR GNOD BYA GNOD BYED MA YIN TE, MIG GI BLO DANG RNA BA'I BLO BZHIN NO, ,DES NA BTAGS PA KHO NA DGAG BYAR 'DOD DO, ` ,DON DE NYID BSGRUB PA NI, DE NI RIGS PAS MED PAR NGES BYA BA'I, ,BTAGS SOGS CHOS RNAMS MTHA' DAG YIN MOD KYI, ,'ON KYANG BTAGS SOGS SO SOR BDEN PA NI, ,RTOG YUL NYID KYIS BTAGS PA DGAG BYAR GRUB, ,'DI LTAR GANG ZHIG RIGS PA'I DBANG GIS MED PAR NGES PAR BYA BA DE NI DGAG BYA YIN GYI, GZHIG PAR BYA BA NI MA YIN NO, ,MED PAR NGES PAR BYA BA DE NI KUN BTAGS DANG GZHAN DBANG DANG YONGS SU GRUB PA'I CHOS THAMS CAD YIN TE, BLO YIS RNAMS PAR BTAGS NAS NI, ,KUN BTAGS MED CING GZHAN DBANG MED, ,GRUB PA'I DNGOS PO YOD MIN NA, ,BLO YIS JI LTAR RNAM PAR BRTAG CES GSUNGS PAS SO, ,'ON KYANG KUN BTAGS LA SOGS PA SO SOR RANG BZHIN DU BDEN PAR GNAS SO ZHES BYA BA DE NI JI LTA BAR MYONG BA'I BLO'I YUL MA YIN GYI RTOG PA NYID KYI @396A YUL YIN PAS BTAGS PA DGAG BYAR BRJOD PA'O, ,DES NA JI LTAR MYONG BZHIN PA'I DON NI MED PAR NGES MI NUS TE MYONG BYED KYI BLOS JI LTAR DMIGS PA DE LTAR MED PA 'GAL BA'I PHYIR RO, ,BTAGS PA'I DON NYID MED PA NGES PAR BYA BA YIN TE, RTOGS BYED KYIS JI LTAR DMIGS PA DE LTAR MED PA MI 'GAL BA'I PHYIR RO, ,DE LTA NA YANG 'GOG PA'I YID KYIS DE LTAR MA BTAGS SO ZHES MED PAR NGES PA NI MA YIN TE, DE LTAR RTOGS PA RANG RIG PAS GRUB PAS DE 'GOG NA SNANG BA 'GOG PAR THAL BAS SO, ,'ON KYANG DE KHO NAR NI MA YIN NO ZHES NGES PAR BYED LA, DE'ANG RTOG PA'I YUL TZAM YIN PAS BTAGS PA NYID DGAG BYA YIN GYI SNANG BA TZAM NI MA YIN PAR 'DOD PA'O, `,DE LA RTZOD PA SPANG BA LAS RTZOD PA DGOD PA NI, GAL TE DNGOS PO 'JIG BYED BKAG SOGS PHYIR, ,DGAG BYA YOD MIN DE 'GOG BLO BLTOS NA,, DNGOS NYID DGAG BYA DE YANG RTOG PA YIS, ,BZHAG PAR 'DOD NA 'KHRUL PAS KYANG 'DZIN MTSUNGS, ,GZHAN YANG 'DI GNYIS YUL BZLOG MED PA NI, ,'KHRUL PA NYID DU JI LTAR 'GRUB CE NA,, ZHES BYA BA STE, DE KHO NAR NI DGAG BYA MA GRUB BO, ,'DI LTAR DGAG PA'I DON DNGOS PO 'JIG PAR BYED PA NI MA YIN TE, 'JIG PA'I RGYU SUN PHYUNG BA'I PHYIR DANG, TSAD MA'I BYED PA NI GZHAN YIN PA'I PHYIR RO, ,GZHAN YANG DNGOS PO YOD PA DGAG MI NUS LA MED PA DGAG MI DGOS PAS KYANG DGAG BYA MED DO, ,DE KHO NAR MED KYANG DGAG PA NGES PA'I BLO'I RJES SU 'BRANGS TE 'JOG PA'O ZHE NA, DES MED PAR NGES PAR BYA BA NI RANG GI MTSAN NYID KHO NA STE DE YOD NA BLO DE BSLU BAR 'GYUR PAS DE'I MI SLU BA NI DNGOS PO NYID BKAG PA LA LTOS PA'I PHYIR RO, ,DE LTAR NA YANG DNGOS PO DE NYID GANG DU TSAD MAS DGAG PAR BYA BA'I YUL DER MYONG BAS MI 'DZIN GYI RTOG PA TZAM GYIS NGES PAS BTAGS PAR 'DOD NA, 'O NA GANG DU BUM PA TSAD MAS 'GOG PA DER RTOG MED 'KHRUL PAS KYANG DON DE 'DZIN SRID PA NA MYONG BA'I DON YANG DGAG BYAR THAL LO, ,DER BLO DE'I NGOR BUM PA YOD PA TZAM DGAG BYA MA YIN GYI BDEN PA 'GOG NA, SO NA BTAGS PA'I DON YANG RTOG NGOR YOD PA TZAM @396B DGAG BYA MA YIN PAS MTSUNGS SO, ,GZHAN YANG RTOG MED 'KHRUL PA DANG RTOG PA GNYI GA LA SNANG BA DGAG BYA MA YIN NA, YUL MA BKAG PAS DE GNYIS 'KHRUL PAR MI 'GRUB STE MA 'KHRUL BAR 'DOD PA DAG BZHIN NO ZHES BYA'O, `,'DI DGAG PA'I DBANG DU BYAS NAS BRJOD PA, ,DE LTA MOD KYI DNGOS GANG BKAG DES DE, ,RTOG YUL NYID DE MYONG BAS 'DZIN MI SRID, ,BKAG PAS DE LA'ANG 'KHRUL SNANG 'JUG PHYIR DANG, ,'GOG PA'I TSAD MAS DGAG BYAR MA RTOGS PHYIR, ,DES NA SGRO 'DOGS DANG NI GNOD BYED BLOS, ,DNGOS POR MOS TE BTAGS PA KHO NAR ZAD, ,'DI NYID BKAG PAS DNGOS YUL MA BZLOG KYANG, ,'KHRUL RTOG RDZUN NGES SKRA SHAD LA SOGS PA, ,SNANG BZHIN NYID NA BDEN PA 'GOG BYED LAS, ,'KHRUL PAR NGES PA GSAL BAR DMIGS PHYIR RO, ,DE LTAR DON DAM PAR DGAG BYA MED PA DANG 'GOG PA'I BLO'I RJES SU 'BRANGS NAS THA SNYAD BYED NA YANG RANG GI MTSAN NYID KHO NA DGAG BYA YIN PA NI KHAS LEN TO, ,'ON KYANG BLOS RANG GI MTSAN NYID 'GA' ZHIG YOD PAR BZUNG BA DANG DE BKAG PAR ZHEN PA DAG NI RTOG PA 'BA' ZHIG GI YUL YIN PAS DE KUN BTAGS NYID DGAG BYAR BRJOD DO, ,MYONG BA 'KHRUL PAS NI DE YUL DU BYED PA MI SRID DE, ,MYONG BA JI LTAR SNANG BZHIN PA NI BKAG PA NGES PAR BYAS PA'I CHOS CAN LA YANG YOD PAS DE TSAD MAS GNOD BYA MA YIN PA'I PHYIR TE, YIN NA TSAD MA'I MI SLU BA LA GNOD PA'I PHYIR RO, ,DGAG BYA YOD NA NI DE MED PAR NGES PA'I BLO BSLU BAR 'GYUR BAS TSAD MAR MI RUNG NGO, ,'GOG PA'I TSAD MAS DE MED PAR MA RTOGS PA'I YANG PHYIR TE, KHO BOS 'KHRUL NGOR YOD PA BKAG GO ZHES ZHEN PAS MOS PA MED PA'I PHYIR RO, ,DES NA TSAD MAS BKAG PA LA YANG 'KHRUL BA'I GZUNG BA TZAM 'JUG CING TSAD MA'I ZHEN PAS KYANG DE DGAG BYAR MA RTOGS PAS, ,DMIGS PAR BYA BA TZAM NI GANG YANG DGAG BYA MA YIN PAS NA RTOG PAS ZHEN BYA BRTAGS PA KHO NA DGAG BYAR GRUB BO, ,DE LTA NA YANG SGRO 'DOGS DANG GNOD BYED KYIS RNAG GI MTSAN NYID DU ZHEN PAR BYAS PA'I PHYIR DNGOS POR 'DZIN PA NYID 'GOG PAR BRJOD PA YANG MI 'GAL LO, ,DE NYID KYI PHYIR RTOG MED 'KHRUL PA'I GZUNG YUL SKRA SHAD LA SOGS @397A PA DANG, RTOG PA LA SNANG BA'I SPYI LA SOGS PA DGAG BYA MA YIN PA LA 'DZIN PA DAG KYANG, GZUNG YUL DE DAG NYID DGAG PA LA MI LTOS PAR ZHEN YUL BDEN PA BKAG PA NYID LAS YUL BRDZUN PAR GRUB PAS DER 'DZIN PA 'KHRUL PAR GRUB BO, ,DE LTA MA YIN NA 'KHRUL PA SNANG BA'AM DER NGES PA MA LOG PAR 'KHRUL PAR MI RTOGS PAR 'GYUR NA, SKRA SHAD LA SOGS PA'I RNAM PA'AM DE DMIGS PAR NGES PA NYID NI DE NYID KYIS BDEN PA BKAG PA LAS 'KHRUL PAR SHES PA NI MYONG BAS YANG DANG YANG DU GRUB PA'I PHYIR RO, ,DE LTAR NA RTOG MED KYI SNANG BAS NI TSAD MAS GNOD PA'I DON MI 'DZIN LA ZHEN PA YANG DE LA MED DO, ,RTOG PA'I SNANG BAS DE MI 'DZIN YANG ZHEN PAS DGAG BYA 'DZIN PA'I PHYIR KUN BTAGS PAR BRJOD PA YIN NO, ,CHOS DE NGES PA'I RJES DPAG RIGS PA'I SHES PA LA CHOS CAN SNANG NGAM MI SNANG ZHE NA, TSAD MA'I 'JUG PA JI LTA BA NI SNANG BA NYID YIN PAS LOG RTOG GI GNAS MED MOD KYI, BOD BLUN PO SNANG SEL BAR GRAGS PA DAG MI SNANG BAR 'DOD DE, DE'ANG DGAG BYA YIN PAS DANG YUL MA YIN PAS MI SNANG BAR 'DOD PA'I PHYOGS GNYIS SO, `,LOG RTOG DE DAG DGAG PA LAS, DANG PO'I LOG RTOG DGOD PA NI, KHA CIG SNANG BA NYID LA BDEN PAR NI, ,BTAGS PA 'GOG PAS GTZO BO LA SOGS PA'ANG,, CHOS CAN DGAG BYA YIN PHYIR 'GOG SHES LA, ,DE NYID SNANG BA 'GAL BAS MI SNANG 'DOD, ,JI LTAR CHOS CAN 'DI LA RIG NGOR GRUB PAS BDEN PAR BTAGS PAS DGAG BYA YIN PA LTAR SNANG BA'I CHOS CAN NYID KYANG STE, BDEN PA BKAG PA NYID KYIS DE YOD PA CI'ANG MA GRUB PAS SO, ,DES NA GANG ZHIG GANG GIS MED PAR NGES PAR BYED PA DE LA DE SNANG BA GA LA SRID DE, DKAR PO SHES PA LA NAG PO BZHIN NO, ,DE'I PHYIR GTZO BO LA SOGS PA 'GOG PA LA'ANG DGAG BYA NYID CHOS CAN YIN PAS, PHYOGS CHOS KYI TSUL YANG DGAG BYA'I CHOS CAN LA KHYAB BYED BKAG PA'O ZHES 'DOD PA'O,, `'DI NI SHIN TU MA BRTAGS PA'I SMRA BA YIN PAS DE DGAG PA'I DBANG DU BYAS NAS NYES PA LNGA BRJOD PA, 'DI NI RIGS PA'I BYED PA'I TSUL SPANGS SHING, ,DAM BCAS DON LA @397B MNGON SUM NYID KYIS GNOD, ,DE 'GOG RTAGS NI 'GA' YANG MI 'THAD DE, ,CHOS CAN NYID KYANG MI MTHUN PHYOGS SU 'GYUR, ,DES NA 'DI NI SNANG DANG BDEN SOGS KYIS, ,LDOG PA 'DRES PA'I MUN SPRUL LAM GOL YIN, ,DANG PO TSAD MA'I BYED PA'I TSUL LAS 'DAS PA NI, 'DIR RIGS PA'I BYED PA NI DNGOS PO 'JIG PAR BYED PA MA YIN GYI, 'ON KYANG SHES BYA JI LTAR GNAS PA DON DAM PAR YOD PA DANG DE DAG TU MED PA'I DE KHO NA DAG LA DE DAG JI LTA BA NYID DU RTOGS PAR BYED PA YIN LA, DE'ANG GZHAL BYA LA MI 'KHRUL PA'I RGYU MTSAN 'BREL PA'I DBANG GIS 'JUG PAR RO GCIG PAS DE KHO NAR GRUB PA DANG MA GRUB PA LAS BRTAN PA DANG G-YO BA'I KHYAD PAR GNYIS MED PA YIN NA, GAL TE CHOS CAN SNANG BA TZAM DU YOD PAR THA SNYAD PA'I TSAD MAS GRUB BZHIN DU, YANG DE TZAM NYID 'GOG PA'I TSAD MA GZHAN 'JUG PAR 'DOD NA, SLAR DE TZAM DU YOD PA LA MED PAR PHYIN CI LOG PAR THAL LO, ,YANG NA TSAD MA DE SUN PHYUNG NA GNOD BYED LA'ANG YID BRTAN DU MED DE, MTSAN NYID CAN LA GNOD PAS MTSAN NYID SUN PHYUNG BA'I PHYIR RO, ,DE LTAR MI 'GYUR NA NI RIGS PA'I SHES PA DE DNGOS PO 'JIG BYED DU THAL BA CIS ZLOS, DE 'GOG PA'I DAM BCA' BSAL BA NI GZHAN YANG SNANG BA TZAM DU MNGON SUM NYID KYIS GRUB PA BZLOG PA'I DAM BCA' LA MNGON SUM DES TSUR CI STE MI GNOD DE SNANG BA TZAM DGAG BYA MA YIN PAR BSGRUBS MA THAG PA BZHIN NO, ,GAL TE MNGON SUM LA MI SNANG NGO ZHES NI MI BRJOD KYI SNANG BA NYID RIGS PAS GNAS PA 'GOG PA NA MNGON SUM LA RIGS PAS GNAS PA JI LTAR SNANG, SNANG NA GCIG DANG DU MAR SNANG GRANG NA GANG YANG MI RUNG BAS MNGON SUM DANG 'GAL BA NI THAG RING NGO SNYAM NA, 'O NA DE CHOS CAN DGAG BYAR MA GYUR TE DE NI MA DPYAD PA'I YUL TZAM DU SNANG BA YIN LA DGAG BYA NI RIGS NGO NA BDEN PAR BTAGS PA YIN PAS NA, SGRA DANG RTAG PA LTAR CHOS THA DAD PA 'GYUR BA'I PHYIR RO, ,CHOS THA DAD KYANG SGRA DANG YOD PA LTAR DE'I NGO BO YIN PAS DE NYID DGAG BYAR CI 'GAL ZHE NA, 'O NA CHOS CAN GYI NGO BO LA GNOD PAS CHOS CAN PHYIN CI LOG TU BSGRUB PA YANG DAG GI RTAGS SNGON MED PA @398A ZHIG BZHAG PA 'THAD NA, DE'ANG MI SRID DE KHYAB BYED LA SOGS PA DGAG PAR NI 'GAL LA, 'GAL ZLA BSGRUB PAR YANG MI NUS SHING, DE DAG LAS GZHAN YANG MI RUNG BAS SO,, DES NA RTAGS KYIS RANG GI CHOS CAN BZLOG PA GA LA SRID, 'O NA DE NYID KYIS CHOS CAN PHYIN CI LOG TU BSGRUB PA'I 'GAL BA'ANG MI SRID PAR THAL TE MA GRUB PAR 'GYUR BAS SO ZHE NA, DE NI RTAGS KYI CHOS CAN LA GRUB PAS BSGRUB BYA'I CHOS CAN BZLOG PA LAS 'DOD PAS MI 'DRA'O,, DE 'GOG PA'I RTAGS MI 'THAD PA NI SNANG BA NYID LA YANG DAG 'GOG PA'I RTAGS STON NA, YANG DAG GI'AM SNANG BA TZAM GYI GCIG DANG DU BRAL LA SOGS PA LA 'DOD, DANG PO LTAR NA YANG DAG GI GCIG DANG DU MAS SNANG BA LA KHYAB BAM MA KHYAB, KHYAB NA DE DANG BRAL BA CI LTAR GRUB STE KHYAB BYED YIN PA'I PHYIR RTZOL BYUNG LA MI RTAG PA DANG BRAL BA BZHIN NO,, KHYAB PAR YANG PHAN TSUN SPANGS PA LAS YIN PAS GNYI GA DGAG PAR MI NUS TE GCIG BKAG PAS GZHAN GRUB PA YIN PAS SO, ,MA KHYAB NA YANG DE DAG BKAG PAS DE JI LTAR DGAG STE, PHRA RAGS BKAG PAS RNAM SHES 'GOG PA LTAR KHYAB BYED MA YIN PAS RTOG PA'I LTAG CHOD DU 'GYUR BAS SO, ,PHYI MA LTAR NA MA GRUB PAR GSAL TE, SNANG BA THAMS CAD ZLA BCAS ZLA MED GNYIS SU GSAL BAR DMIGS PAS SO, ,GZHAN YANG DE GCIG DANG DU BRAL LA SOGS PA'I RTAGS DANG 'GAL LAM MI 'GAL, 'GAL NA NI MI RTAG PA LA RTAG PA LTAR RTAGS MA GRUB PAR GSAL LO, ,MI 'GAL NA YANG BUM PAS SNAM BU LTAR DES DE DGAG PAR MI NUS SO, ,CHOS CAN MI MTHUN PHYOGS SU THAL BA NI DE NYID DGAG BYA YIN NA MI RTAG PA BSGRUB PA LA RTAG PA LTAR MI MTHUN PHYOGS SU THAL LO, ,DE LA RTAGS ZHUGS PAS DNGOS KYI MA NGES PAR CI MI 'GYUR, MA ZHUGS NA NI MA GRUB PA LAS GZHAN CI YIN, DE NI BTAGS PA'I DGAG BYA LA YANG MTSUNGS SO SNYAM NA, KHO BO CAG DGAG BYA GZUNG YUL LA MI 'DOD KYI ZHEN YUL YIN PA DANG, DE BRTAGS PAR BRJOD PA NI BLO GZHAN GYIS DPYAD PA'I THA SNYAD DE SGRO 'DOGS NYID KYIS NI BDEN PAR NGES PAR @398B BYAS PA'O, ,DES NA DE KHO NAR MED PA LAS MA 'DAS PAS MTHUN PHYOGS NYID DO, ,MI MTHUN PHYOGS BDEN PAR GRUB PA NI GTAN MED PAS DE LA RTAGS 'JUG PA GA LA SRID, CHOS CAN LA YOD PAS MA NGES PAR BYED PA NI SU'ANG MED DO, ,DE DGAG BYAR MI 'THAD PA'I DON BSDU BA NI GAL TE MI SNANG NGO ZHES NI MI BRJOD PAS SNANG BA TZAM MI 'GOG GI DE NYID RIG POR NGOR YOD PA 'GOG PAS SNANG BA BKAG PA LAS KYANG MA 'DAS LA NYES PA DE THAMS CAD KYANG MED DO SNYAM NA, 'DI LA BRJOD ZIN TE, DE DGAG BYAR NI 'DOD MOD KYI 'ON KYANG SNANG BA TZAM LAS LHAG PA'I CHOS DNGOS POR SGRO BTAGS PA YIN PAS LDOG PA THA DAD NA DE BKAG PA SNANG BA BKAG PA CI LTAR YIN, LDOG PA GCIG NA NI SKYON DE DAG MI BZLOG PAS NA, NYAMS SU MYONG BAR DGAG PAR MI RIGS PA LA SOGS PA GSUNG RAB TU GSUNGS PA'O, ` ,YUL MA YIN PAS MI SNANG BA DGAG PA'I DBANG DU BYAS NAS LOG RTOG DGOD PA NI MI SNANG BA'I SGRUB BYED DANG, SNANG BA LA GNOD PA BRJOD PA GNYIS TE,, GZHAN DAG SO SOR BRTAGS NAS 'JUG PA YI, ,CHOS NYID SHES LA SPYOD YUL MA YIN PA, ,'KHRUL PAS DMIGS PA'I CHOS RNAMS JI LTAR SNANG, ,ZHES BYA BA DANG, SNANG NA DE YANG RIGS GRUB NYID 'GYUR BA'AM, ,YANG NA SPROS TSOGS SNANG BAS RIGS SHES NYID, ,MA YIN 'KHRUL SHES NYID DU 'GYUR ZHES ZER, ,ZHES BYA BA STE, BRTAGS SHING DPYAD NAS 'JUG PA RIGS PA'I SHES PA LA, MA DPYAD PAR 'JUG PA'I BLO LA SNANG BA'I 'KHRUL PA'I DMIGS PAR GYUR PA'I CHOS CAN 'DI DAG JI LTAR SNANG BAR MI 'THAD DE YUL MA YIN PA'I PHYIR MIG GI BLO LA SGRA BZHIN NO, ,GAL TE SNANG NA NI DE'ANG RIGS PAS GRUB PAR 'GYUR BA'AM, YANG NA DE LA SPROS PA'I TSOGS SNANG BAS RIGS SHES NYID MA YIN PAR 'GYUR TE, DE NI SPROS PA'I DRA BA MTHA' DAG GCOD PAS BDAG BRAL BA'I YUL CAN DU 'DOD PA'I PHYIR RO, `,'DI'ANG SHIN TU MA BRTAGS PA'I SMRA BA YIN PAS DE GNYIS THUN MONG DU DGAG PA DRUG BRJOD PA, 'DI LA'ANG CHOS CAN DGAG BYA NYID 'GYUR ZHING, ,BSGRUB PA'I RJES DPAG RNAMS DANG DGAG PA YI, ,RJES DPAG GZHAN DANG PHYOGS CHOS 'DZIN PA LA'ANG,, @399A CHOS CAN MI SNANG NYID 'GYUR KHYAB PA DANG, ,BSGRUB BYA 'DZIN PA'ANG KHYAD PAR MED 'GYUR BAS, ,SHIN TU MA BRTAGS SMRA BA NYID DU GSAL, ,DES NA 'DI NI DE YIS DRAN PA YI,, MDUN DU BYAS NAS RTAGS LAS BDEN PA YIN, ,RANG BZHIN BKAG NYID BSGRUB PAS SNANG NYID DE, ,JI LTAR RIGS DRUG SPROS BCAS 'GYUR BA DPYOD, ,DANG PO DGAG BYA NYI DU THAL BA NI CHOS CAN DE SNANG BAS RIGS SHES SPROS PA GCOD BYED MA YIN PAR 'GYUR NA, DE'ANG NGES DPYAD BYA SPROS PAR 'GYUR BAS DGAG BYA NYID DU THAL TE, DGAG BYA MA YIN PAR SNANG BAS NI SPROS PA'I BLOR MI 'GYUR BAS SO, ,'GYUR NA NI RTAG PA NGES PA LA SPYI SNANG BAS KYANG RTAG PA'I SGRO 'DOGS MI CHOD PA LA SOGS PAS HA CANG THAL BA'I PHYIR RO, ,GAL TE RIGS PAS GNAS PA NYID DGAG BYA YIN PAS 'DI DAG DGAG BYAR MI 'GYUR YANG, SNANG BA'I LAM DU GYUR PAS SPROS PA YIN PA CI 'GAL, DES NA 'DI NI GYI NA'O SNYAM NA, 'DIR SPROS PA NI BLO'I YUL MTSAN NYID 'GA' ZHIG GNAS PA YIN LA, DE YID LA MI BYED PA TZAM MAM TING NGE 'DZIN LA SOGS PA'I MAN NGAG GIS DE LA RNAM RTOG 'PHRO BA BCIL BA TZAM NI SPROS BRAL RTOGS PA DANG DE BSGOM PA'I LAM MA YIN TE, SEMS MED PA'I SNYOMS 'JUG DANG BRGYAL BA LA SOGS PA BZHIN NO,, DES NA SPROS PA LA GNOD PA'I TSAD MAS YUL BKAG PAS BLO RDZUN PAR BSGRUB PA LA KHO NA SPROS PA GCOD PA'I LAM DU 'THAD PA NA, SPROS PA YIN NA DGAG BYA LAS MI 'DA' BAS SNANG BA TZAM JI LTAR DGAG PAR NUS PA SMROS SHIG ,BSGRUB PA NGES PA'I RJES DPAG LA YANG MI SNANG BAR THAL BA NI GAL TE SNANG BA TZAM DGAG BYAR NI MI 'DOD DE 'ON KYANG SPROS PA THAMS CAD LAS 'DAS PA RIGS SHES LA DE SNANG BAR NAM YANG MI 'THAD DO, ,SNANG NA NI DE'ANG RIGS PAS GRUB PAS SPROS BCAS NYID LAS MI 'DA'O SNYAM NA, 'O NA BSGRUB PA'I RJES DPAG SGRA MI RTAG PAR NGES PA LTA BU LA CHOS CAN SNANG NGAM MI SNANG, MI SNANG BAR NI MI RUNG STE, DE NI MI RTAG PAR MI NGES PAR THAL BA DANG, CHOS TZAM KHYAB PA'I DUS SU GRUB PAS TSOGS PAS BSGRUB PAR THAL BA DANG, @399B SLOB DPON GYIS KYANG TSOGS PA'I YUL CAN DU LAN GCIG MA YIN PAR GSUNGS PAS SO, ,SNANG NA 'DIR YANG SGRA RJES DPAG GIS GRUB PA DANG, DES KYANG RTAG PA'I SPROS PA MA BKAG PAR THAL BA CIS ZLOG ,GAL TE SGRA NI MNGON SUM GYIS GRUB ZIN PAS YANG CI BSGRUB STE THUG PA MED PAR THAL BAS SO, ,SGRA DANG RTAG PA'AM CHOS THA DAD PAS DE SNANG YANG RTAG PA MA ZLOG PAR MI 'GYUR RO, ,DES NA TSOGS PA BSGRUB PA LA CHOS CAN SNANG YANG, DER GANG RTAGS KYIS NGES PA DE TZAM RJES DPAG GIS GRUB PAR 'DOD PAS SGRA NI GZHI TZAM DU SNANG LA, RTAGS LAS RNYED PA'I SHES BYA NI MI RTAG PA KHO NA'O, ,DE NI YANG DAG PA'I DON TE, 'DIR YANG DE BZHIN DU RTAGS LAS RNYED PA'I SHES BYA NI RANG BZHIN RNAM PAR BCAD PA TZAM YIN LA, CHOS CAN NI DE'I GZHI TZAM DU SGRA LTAR SNANG BAR 'DOD PA NA DE RIGS PAS GRUB PA'AM SPROS PAR GA LA 'GYUR, 'O NA RIGS PA'I SHES PA LA CHOS CAN MI SNANG BA'I PHYOGS 'ONGS TE, CHOS CAN THA SNYAD PA SNANG BA'I CHA NI THA SNYAD PA'I BLOR 'GYUR LA, GANG LAS RIGS SHES SU 'GYUR BA RTAGS LAS SPROS PA BKAG PA'I CHA NI SNANG BA THAMS CAD LAS 'DAS PAS SO SNYAM NA, 'O NA DER YANG SGRA SNANG BA'I CHA LA BLO GZHAN DU 'GYUR ZHING, RJES DPAG NI MI RTAG PA TZAM LAS YIN PAS NA DE LA'ANG CHOS CAN MI SNANG BAR 'GYUR TE, SGRA NI RTAGS LAS RNYED PA'I SHES BYA MA YIN PAS SO, ,'ON TE DER NI MNGON SUM GYIS GRUB PA'I SGRA DRAN PA LA RTAGS LAS MI RTAG PA BSGRUBS PAS SPYI'I YUL CAN DU THAL TE, SGRA SNANG BAS MI RTAG PA LA MI GNAS SO, ,'DIR NI SNANG BA'I MTSAN MA DANG MA BRAL NA RIGS SHES SU MI 'GYUR BAS DE CI LTAR SNANG BA'I SPROS PA SPYOD YUL NYID DU NYE BAR LEN SNYAM NA, MTSUNGS PA NYID DE DER YANG RTAGS KYIS GZHAG BYA NI MI RTAG PA TZAM STE SGRA GRUB ZIN PAS SO, ,DES NA DE RTAGS CAN GYIS BLO LA SNANG BAR CI LTAR YANG MI 'THAD DO, ,GZHI TZAM DU SNANG BA NI 'DIR YANG MI 'GAL TE RIGS SHES NYID KYIS SNANG BA TZAM GYIS CHOS CAN DRAN PAS MDUN DU BYAS NAS CHOS NYID SPROS PA MED PA DE LA MA 'BREL BA BCAD PAS SPYI'I YUL CAN @400A YIN YANG SNANG BA TZAM GYIS BDEN PA'I SPROS MED LA MI GNOD PA'I PHYIR RO,, DGAG PA NGES PA'I RJES DPAG GZHAN LA YANG MI SNANG BAR THAL BA NI MTSAN NYID MTSUNGS PAS GTZO BO LA SOGS PA 'GOG PA NA YANG SGRA DON GYI CHOS CAN MI SNANG BAR 'GYUR BA'I PHYIR, GANG LA DGAG BYA DPYAD PA'I GZHI MA GRUB PAS DE'I CHOS CI LTAR 'GRUB DPYOD GCIG, DES NA GANG SGRO 'DOGS KYIS BDEN PAR BTAGS PA DE NYID CHOS CAN 'DZIN PAS MDUN DU BYAS TE, KHYAB PA DRAN PA CAN GYI RTAGS 'DZIN PAS KYANG DE NYID LA PHYOGS CHOS BSDUS NAS, DON DE DGAG PA NGES PA'I RJES DPAG KYANG DE NYID LA SKYE BA'I TSUL 'DI LAS NI SUS KYANG 'DA' BAR BYA BA MA YIN PA'O, ,PHYOGS CHOS 'DZIN PA LA'ANG MI SNANG BAR THAL BA NI YANG PHYOGS CHOS GCIG DANG DU BRAL LA SOGS PA 'DZIN PA CHOS LA CHOS CAN SNANG NGAM MI SNANG SNANG NA DE NYID RANG BZHIN MED PA'I DON SGRUB BYED RIGS SHES YIN PAS NA, DE LA SNANG BAS SNANG BA RIGS GRUB DANG DE SPROS PA GCOD BYED MA YIN PAR THAL BA KHYED LA MI 'BAB BAM CI, 'DIR RTAGS CAN GYI BLO NI THA SNYAD TZAM BSGRUB PA RANG BZHIN GYI RTAGS SU ZAD KYI, PHYOGS CHOS 'DZIN PA NYID SPROS PA 'GOG PA'I DON BSGRUB BYED YIN PAS SO, ,DE LA YANG MI SNANG NA NI PHYOGS CHOS MA GRUB PAR GSAL LO, ,CHOS CAN MA GRUB KYANG PHYOGS CHOS BSGRUB NUS SU CHUG NA NI KHYAB PA GRUB PA'I TSE'ANG RJES DPAG SKYE BAR THAL LO, ,KHYAB PA DANG BSGRUB BYA RTOGS PA KHYAD PAR MED PAR THAL BA NI SPYIR SGRA RTAGS KYI BYA BA NI THAMS CAD DU SNGA NA MED PA'I RTOGS PA CUNG ZAD SKYE BA YIN PAS RTAGS KYI KHYAB PAR 'DZIN PAS RTAGS LA BSGRUB BYAS MA KHYAB PA'I DOGS PA BSAL NAS, PHYOGS CHOS 'DZIN PAS KHYAB BYA GZHI 'GA' ZHIG TU NGES PA LAS, RJES DPAG GIS DANG BSGRUB BYA DE MED PA'I SGRO 'DOGS SEL BAS MA 'BREL BA RNAM PAR GCOD PA'I TSOGS PA NYID BSGRUB PA LA SOGS PA YIN NA, 'DIR NI RJES DPAG LA'ANG CHOS CAN MI SNANG BAS, KHYAB PA 'DZIN PA LAS RTOG PA'I RNAM PA LHAG CI'ANG MED PA'I PHYIR CI LTAR DE LA SGRO 'DOGS @400B GCOD BYED DU 'GYUR, DE NYID LA MI SNANG YANG KHYAB PA 'DZIN PAS SPYIR NGES PA DANG, PHYOGS CHOS 'DZIN PAS DE LA RTAGS NGES PA'I BYED PA LAS, DES DE LA SGRO 'DOGS GCOD PA CI 'GAL SNYAM NA, RGYU GANG GIS YIN, RTOG PA'I RNAM PA MI 'DRA BA MED KYANG GOMS PA TZAM GYIS YIN NA NI, RJES DPAG THUG MED SKYE BAR THAL LO, ,RTOGS PA'I KHYAD PAR LA BLTOS NA YANG 'DIR GANG YOD DE, GNYI GAS RTAGS LA BSGRUB BYAS KHYAB PA TZAM NGES PAR ZAD PAS SO, ,PHYOGS CHOS 'DZIN PA'I BYED PA LAS KYANG RANG GIS DE MA BZUNG BAR NI DE LA NGES BYED DU MI 'GYUR LA, DE'I RJES SU 'BRANGS NAS NGES PA NA NI GDON MI ZA BAR CHOS CAN SNANG BAR 'DOD PAR BYA'O,, GAL TE RIGS SHES NYID KYI MTSAN NYID NAS MI SNANG YANG DE'I LDOG PA GZHAN LA SNANG BAS SGRO 'DOGS 'GOG PA CI 'GAL SNYAM NA, DE NYID LA MI SNANG NA GZHAN LA SNANG BAS GZHAN SGRO 'DOGS GCOD BYED DU JI LTAR 'GYUR TE, MIG GIS KYANG SGRA LA'AM, MI RTAG PA'I RJES DPAG GIS SPYI LA'AM, GTZO BO 'GOG PAS RANG LA SGRO 'DOGS GCOD PAR THAL BAS SO, ,NGES NA LDOG PA GZHAN NI RIGS SHES MA YIN NA DE LA SNANG BAS CI PHAN CHOS CAN SNANG BA'I LDOG PA DE LA NGES PAR LTOS NAS YIN PAS PHAN NO SNYAM NA, 'O NA DE DAG TSOGS PA RIGS SHES SU GYUR PAS CHOS CAN SNANG BA NYID 'ONGS SO, ,GZHAN YANG TSUL 'DIS PHYOGS CHOS KYI BYED PA LA BLTOS PAR YANG MI 'THAD DE, DE NI CHOS CAN SO SOR NGES PA LA SGRO 'DOGS GCOD PA YIN NA, 'DIR NI DES GTAD PA'I RJES DPAG NYID LA CHOS CAN SNANG NA RIGS SHES SU MI 'GYUR BAS SNANG DU MI RUNG BA NA, JI LTAR DE SNANG BA NGES PAR 'DREN PA DE'I BYED PA LA BLTOS PAR 'GYUR, ,DES NA RJES DPAG NI THAMS CAD DU YANG TSOGS PA'I YUL CAN NYID DU 'THAD PA'I LAM LAS GNAS PA YIN NA, 'DIR NI CHOS TZAM LAS SNANG DU MI RUNG BAS RJES DPAG GI TSUL LAS 'DAS PAR 'GYUR TE TSOGS PA SNANG BA LA SO SOR SNANG BAS KHYAB PAS SO, ,GAL TE GNAS SKABS GNYIS LAS GTAN LA 'BEBS PA'I TSE SNANG LA, PHEBS PA'I TSE MI SNANG BAS NYES PA DE DAG MED DO SNYAM NA, SGRO 'DOGS GANG GI TSE GCOD, @401A DANG PO'I TSE YIN NA DE NYID RIGS SHES YIN PAS DE LA CHOS CAN SNANG BAR GYUR TO,, GNYIS PA'I TSE NI DE LA SGRO 'DOGS GCOD PA'I DON MED DE CHOD ZIN PA'I PHYIR RO, ,SNANG BA LA GNOD PA SPANG BA'I DON BSDU BA NI DE LTAR SPROS PA MTHA' DAG 'GOG PAS BDEN PA'I DON CAN DU 'DOD PA DE LA NI SNANG YANG MI NGES PA'AM NGES KYANG TSAD MAR MI 'GYUR BA LTA BU MI SRID PAS NA, CHOS CAN RIGS PAS GRUB PA'AM SPROS PA SNANG BAR THAL BA NI CIS KYANG MI ZLOG GO SNYAM NA, 'DI LA MANG DU BRJOD ZIN TO, ,GZHAN YANG DE LA CHOS CAN NI RTOG PAR BYA BA'I GZHI TZAM DU SNANG GI DE NYID DON DAM PAR GNAS PAR NI MA YIN NA JI LTAR DE SNANG BA TZAM GYIS RIGS PAR GRUB PAR 'GYUR TE RJES DPAG GIS GZUNG YUL SPYI BZHIN NO, ,SPYI LA LTOS NAS NI RIGS SHES NYID MA YIN TE DE NI BSAMS PA'I DON RTAGS LAS RTOGS PA TSAD MA'I YUL MA YIN PAS MI 'DRA'O SNYAM NA, 'DIR YANG DE BZHIN TE CHOS CAN NI SNGAR NYID GRUB ZIN PAS 'DI'I BSAMS PA'I DON MA YIN NO, ,DES NA DE RTAGS LAS BDEN PAR NGES NA NI DES GRUB PAR 'GYUR NA, 'DI'I RTOGS PA'I RNAM PA NI CHOS CAN 'DI DAG RTAGS 'DIS RANG BZHIN MED PAR RTOGS SO ZHES, GZHI DE LA RGYU MTSAN DE LAS CHOS NYID DE NGES PAR BYED PA YIN PA NA, GANG RTAGS KYI KHYAB BYED DU BZHAG PA DE NYID DES GRUB PA YIN GYI, CHA GZHAN NI MA YIN PAS CI LTAR RTAGS KYI KHYAB BYED MA YIN PA DE RIGS PAS GRUB PAR 'GYUR DPYOD CIG ,DE NYID KYIS GNYIS PA'ANG BSAL TE, THA SNYAD PA'I DON NYE BAR BRTAGS PA'I DON DAM YID KYI RGYAL SRID LTAR DRAN PA'I YUL TZAM DU BZUNG NAS DE'I CHOS NYID DPYOD PAR BYED PA NA, BDEN ZHEN GYI GNAS MA YIN PA DE TZAM SNANG BAS, BDEN PA'I MTSAN MA THAMS CAD KYIS STONG PAR NGES PAR BYED PA DE SPROS PA'I YUL CAN DU CI LTAR 'GYUR TE, 'KHRUL PA LA 'KHRUL PAR NGES PA NI MA 'KHRUL BA NYID YIN PAS SO, ,DE LTA MA YIN TE CHOS CAN SNANG BAS CHOS NYID KYI SPROS PAR 'GYUR NA NI SPROS BRAL GYIS NGES PA GTAN MI RNYED PA'AM, CHOS NYID LA'ANG CHOS NYID SPROS PA DANG BCAS PAR 'GYUR TE, GANG @401B PHYIR DBEN PA DBEN GYUR LAS, THA MI DAD PA NYID DU 'DOD CES GSUNGS PA LTAR CHOS NYID NI CHOS CAN LAS GZHAN DU MI 'JUG PAS NAM YANG DBYE BAR MI NUS SHING, DE SNANG BAS KYANG DE NGES PA'I GEGS BYED PA'I PHYIR RO, ,GZHAN YANG DE LTA NA SGRA SNANG BAS KYANG SKAD CIG MA DANG GTZO BO SNANG BAS KYANG DE MED PA LA GNOD PAR 'GYUR NA, DE DAG NI CHOS THA DAD PAS GZHI TZAM DU SNANG GI BSGRUB BYA'I CHOS BKAG PAR MI SNANG BAS MI GNOD PAR RNAM PAR 'JOG PA LTAR, 'DIR YANG SNANG BA 'DI SPROS PA DANG BRAL BA'I GZHIR SNANG GI DE NYID DON DAM PAR GA LA SNANG, DES NA CHOS CAN DGAG BYAR 'DOD PA DANG DE SNANG BAS SPROS BCAS SU 'GYUR BA LA SOGS PAR RTOGS PA THAMS CAD NI SNANG BA DANG YANG DAG GAM, CHOS CAN DANG CHOS LA SOGS PA'I LDOG PA 'DRES PAS KUN TU 'KHRUGS PAR GYUR PA 'BA' ZHIG GO ,DE LTAR NA BRTAGS SHING DPYAD NAS 'JUG PA DANG MA BRTAGS PA'I TSUL MI MTHUN PAS MI SNANG BAR BRJOD PA YANG RANG DGAR ZAD DE, GTZO BO DANG SGRA LA SOGS PA YOD PA DANG MED PA LA SOGS PAR DPYOD PA CAN MA YIN PA'I YUL YIN PAS MI RTAG PA LA SOGS PAR DPYOD PA CAN RJES DPAG LA MI SNANG BAR THAL BAS SO, ,DE'I PHYIR CHOS CAN NGES PAR SNANG BA DANG YANG DAG GI RANG BZHIN RNAM PAR BCAD PA TZAM GYI TSOGS PA 'GOD PA'AM, DE LTA BU'I CHOS NYID MA 'BREL PA RNAM PAR BCAD PA'I TSOGS PA RJES SU DPAG PAR BYA BA YIN NO ZHES BYA BA 'DI LEGS PAR GNAS SO, ` ,GTAN TSIGS NI SO SO'I SKABS JI LTA BA BZHIN 'CHAD PAR 'GYUR MOD KYI 'ON KYANG GCIG DANG DU MA DANG BRAL BA NI CHOS 'DI PA'I GZHUNG LUGS PA THAMS CAD KYIS GANG ZAG DANG PHYI ROL DANG RNAM PA DANG RANG RIG LA SOGS PA DGAG PA THAMS CAD LA THUN MONG SO SOR YANG SKYABS SU BYA BA DANG DKA' BA'I GNAS MANG BA YANG YIN PA'I PHYIR, 'DI'I PHYOGS TZAM RNAM PAR BZHAG 'DOD NAS RTAGS KYI RANG BZHIN SPYIR BZHAG PA NI, RTAGS KYANG BDEN PA'I GCIG DANG DU MA DAG ,RNAM BCAD TZAM STE RTOGS BYED RGYU NYID YIN, ,'DIR SNANG BA TZAM GYI GCIG DANG DU MA DANG BRAL BA NI @402A MA GRUB PA LA SOGS PAR 'GYUR BAS NA BDEN PA'I GCIG DANG DU MA RNAM PAR BCAD PA TZAM GYI MED DGAG NYID DO, ,GAL TE RJES DPAG NI TSUL GSUM PA'I RTAGS LAS SKYE BA MA YIN NAM, MED DGAG DE RGYUR JI LTAR RUNG SNYAM NA, RJES DPAG RTAGS KYI RGYU CAN DU GSUNGS PA NI GZHAL BYA RANG GI NGO BOS RTOGS PA BKAG NAS YAN LAG GZHAN GYI RJES SU 'BRANGS TE 'JAL BAS, DE'I SHES BYED KYI RGYU RTAGS YIN PA LA DGONGS PA STE, SKYED BYED KYI RGYU NI DNGOS SU RTAGS 'DZIN GYI SHES PA LA SOGS PA GZHAN NYID DO, ,BRGYUD NAS NI LA LA'I RTAGS YIN PA'ANG SRID DO, ,MED DGAG TZAM RTAGS 'DZIN GYI RGYUR YANG JI LTAR RUNG SNYAM NA, MI RUNG MOD THA SNYAD PA'I CHOS CAN LA SOGS PA NYID LAS DE SKYE BA CI 'GAL TE, SHING MED PA'I SA PHYOGS BZUNG BA LAS SHING MED PAR NGES PAS SHA PA MED PAR NGES PA BSKYED PA LA SOGS PA BZHIN NO, , 'O NA GTZO BO LA SOGS PA SGRA DON TZAM GYI CHOS CAN LA BRTEN PA'I GANG LAS SKYE SNYAM NA, DE NI RANG RIG GI SHUGS LAS NGES PA YIN LA, RANG RIG NI PHYI ROL LA MI LTOS TE DE MA THAG PA NYID LAS SKYE BAS NA THAMS CAD 'TSAM MO, ` ,DE NYID BSGRUB PA NI GAL TE RTAGS 'DI BSGRUB PAR JI LTAR NUS TE GCIG DANG DU MA NI PHAN TSUN SPANGS PA'I DNGOS 'GAL YIN PA'I PHYIR RNAM PA GZHAN MI SRID PA NA, GCIG BKAG PAS DU MA GNAS PAR 'GYUR BAS NA GNYI GA DGAG PAR MI NUS SO,, NUS NA NI RNAM PA GZHAN SRID PAS 'GAL BA MA GRUB PA'I PHYIR KHYAB PA MED PAR GSAL LO SNYAM NA, DON GCIG LA NI 'DI GNYIS 'GAL BA LAS, ,KHYAB PA LEGS GNAS SNANG DANG BDEN SOGS LA, ,BLTOS NAS GNYI GA 'GOG PAS PHYOGS CHOS 'GRUB, ,GZUGS DANG RNAM SHES LA NI PHRA SBOM BZHIN, ,'DIR DON GCIG LA NI 'GAL BAS GNYI GA DGAG MI NUS PA KHO NA STE GZUGS CAN LA PHRA SBOM BZHIN NO, ,'ON KYANG SNANG BA DANG BDEN PA LA BLTOS NA DGAG NUS TE RNAM SHES LA PHRA SBOM BZHIN NO, ,DES NA BDEN PA NYID LA 'GAL BAS DE GNYIS GANG RUNG LAS MI 'DA' BA NI KHYAB PA GRUB LA SNANG BA LA BDEN PA'I DE GNYIS KYIS MA KHYAB PAS NI @402B GNYI GA DGAG NUS PA LAS PHYOGS CHOS GRUB PA'O, ,SNANG BA NYID KYI NI GNYI GA DGAG PAR MI NUS MOD KYI DE BKAG PA RTAGS SU MI 'DOD DO, ,DE LTAR LA LAR 'GAL BA LA MI 'GAL BA NYID JI LTAR RUNG STE, RTAG MI RTAG SGRA LA 'GAL BA BUM PA LA MI 'GAL BA SRID DAM SNYAM NA DON GCIG LA THAMS CAD DU 'GAL YANG, RIGS MI MTHUN GZHAN YANG GNYI GA KHEGS PA CI 'GAL TE BRJOD MA THAG PA'I DPES SO, ` ,DE LA RTZOD PA SPANG BA LAS RTZOD PA DGOD PA NI, GAL TE GCIG NYID 'GOG PA DON GZHAN NI, ,DGAG DANG BSGRUBS PAS 'GRUB PAR MI 'THAD CING, ,'DI GNYIS 'GAL DANG 'BREL LA'ANG KHYAB PA SOGS, ,MI 'THAD PHYIR 'DI BSGRUB PAR DKA' ZHE NA, ,ZHES BYA BA STE, 'O NA YANG CIG MED PA NYID CIS GRUB, KHYAB BYED DGAG PA LA SOGS PA NI RNYED DKA' BAS NA, 'GAL ZLA DU MA GRUB PA LAS GZHAN GYIS MI GRUB BO, ,DES NA YAN LAG CAN CIG YAN LAG GI CHED DU MAS 'GOG PA LTAR BRTAG GRANG NA, DE'I TSE'ANG DU MA GRUB PAS DE MED PA MI 'GRUB LA, DE LTAR NA GCIG MED PA NYID KYANG MI 'GRUB STE DU MA NI GCIG BSAGS PA YIN PAS SO, ,GZHAN YANG 'DI GNYIS 'GAL NA NI KHYAB BYA KHYAB BYED DU MI 'GRUB LA KHYAB BYA KHYAB BYED KYIS 'BREL NA YANG 'GAL BAR GA LA GRUB, MI 'GAL NA'ANG KHYAB PA MI 'GRUB LA, KHYAB BYA KHYAB BYED MA YIN NA YANG GCIG BKAG PAS DU MA MI KHEGS PAS MA 'BREL BA CHEN PO'I GDON GYIS ZIN TO ZHES BSAMS PA'O,, ` ,'DI SPONG BA'I LAN LA DANG PO GZHAN GYI LUGS GNYIS DGAG PA LAS DANG PO'I LUGS DGOD PA NI, KHA CIG 'DI GNYIS YIN DANG YOD PA DAG ,'GAL DANG 'BREL PAS KHYAB SOGS GRUB PAR 'DOD, ,'DI GNYIS PHAN TSUN YIN PA NI 'GAL LA, GNYI GA YOD PA NI 'BREL BAS NA, DANG POS NI KHYAB PA GRUB PA DANG DU MAR BSGRUBS PAS KYANG GCIG 'GOG PA'O, ,GNYIS PAS NI GCIG MED PAS DU MA'ANG 'GOG PA LAS PHYOGS CHOS 'GRUB BO ZHES BSAMS PA'O, ` ,'DI SUN DBYUNG BA NI, GCIG 'GOG DU MA'I KHYAB BYED GCIG YOD PA'ANG, ,RIM GYIS PHRA BAS 'GOG NA THUG MED LA, ,THA MA DBYER MED 'DOD NA DE'I 'GAL ZLA, ,MA GRUB PAS NA DGAG PAR CI LTAR NUS, ,DE NI @403A BZANG PO MA YIN TE THAMS CAD DU GCIG DGAG PA DU MA GRUB PA LA BLTOS NA DU MA'I KHYAB BYED DU GCIG YOD PA DE CIS 'GOG ,DE'ANG JE PHRA JE PHRA DU MAR GRUB PAS 'GOG NA NI THUG PA MED DO, ,CHA PHRA BA THA MA DU MAR GZHIG TU MED PAS THUG NA NI DE DGAG PAR MI NUS TE 'GAL ZLA MA GRUB PAS SO, ,GRUB NA NI CHA THA MA NYID DU MI RUNG BA'I PHYIR RO, ,'DI LA CHE BAR RLOM PA DAG NA RE, RAGS PA NI PHYOGS KYI CHAS BSHIG LA, THA MAR RDUL PHRAN LA'ANG PHYOGS GCIG MTHA' DAG GIS BSKOR BA'I BRTAG PAS PHYOGS DGU PO RE SHAR GYI GOR THIM PA DANG , GNYIS LUS PA NA PHYOGS GCIG MTHA' DAG GIS REG PA'I BRTAG PAS GCIG TU BSDUS SHING, THA MA DE LA DUS GSUM GYI BRTAGS PAS BKAG PAS 'GAL ZLA GRUB PA LA MI LTOS PAR 'GOG PA'I LAM YOD DO ZHE NA, 'DI NI BYIS PA BAS KYANG BYIS PA'I SMRA BA STE, DUS KYI SKAD CIG DA LTAR BA GCIG 'GOG PA'ANG SNGA PHYI LA BLTOS PA'I CHA SO SO BSGRUBS PAS YIN PAS NA BRTAG PA MTSUNGS PA'I PHYIR DANG, 'DIS 'GOG NUS NA PHYOGS KYI CHAS GZHIG MI DGOS PAR RAGS PA NYID DANG POR DGAG PA 'GRUB PAR THAL BA'I PHYIR RO, ` ,GZHAN GYI LUGS GNYIS PA DGOD PA NI, GZHAN DAG BDEN PA'I GCIG PO 'GAL ZLA NI, ,CHA SHAS SNA TSOGS SNANG NYID KYIS 'GOG ZER, ,SLOB DPON LA LA 'DIR BDEN PA'I GCIG NI CHA SHAS MED PA YIN LA, DE NI 'GAL ZLA BSGRUB PA KHO NAS 'GOG GO, DE'ANG MA YIN DGAG BDEN PA'I DU MA GRUB PA NYID LA MI LTOS TE, MED DGAG GIS KYANG YIN PAS 'DIR DE NYID KYIS SO, ,DPER NA DNGOS PO'I MTSAN NYID DON BYED NUS PA GRUB PA NA, RGYU LA NI 'BRAS BU BSGRUB PA LA BLTOS NAS TE 'BRAS BU DE YANG GZHAN LAS YIN NA NI THUG PA MED PAS, RGYU 'BRAS THAMS CAD BSDUS NAS YOD PA TZAM YIN NA NUS PA 'GA' ZHIG DANG LDAN NO ZHES SHES PAR BYED PA LTAR, CHA MED PHRA RAGS THAMS CAD KYANG 'JUG PA GCIG GIS TE, SNANG BA'I YUL THAMS CAD CHA SNA TSOGS SU GRUB PA LAS SO, ,RAGS PA DGAG PA PHRA BA DU MA GRUB PA NYID LA BLTOS NA NI THUG PA MED PAS DE LA NI MI LTOS SO, ,GAL @403B TE CHA BCAS SU SNANG YANG CHA MED YIN PA CIS 'GOG ,DE TZAM NI 'GAL ZLA GRUB PA MA YIN NO SNYAM NA, CHA BCAS SU SNANG BA 'DI NYID CHA MED DU BDEN GYI GZHAN NI MA YIN PAR 'DOD PA YIN NAM, DE LTA NA YANG 'DI NYID BDEN NA SNA TSOGS NYID DU BDEN LA, SNA TSOGS SU MI BDEN NA CIR YANG MA GRUB PAR 'GYUR GYI, GZHAN DU SNANG BA GZHAN DU BDEN PA NI MI SRID PAS 'DI CHA MED DU BDEN PA GA LA SRID, SRID NA NI BDE BAR SNANG BA'ANG SDUG BSNGAL DU BDEN PA LA SOGS PA SRID PAR THAL BAS THAMS CAD 'KHRUGS PAR 'GYUR RO ZHES BZHED PA'O, ` ,'DI DGAG PA NI, GNAS SKABS KYIS NI GZHAN DU SNANG SRID PHYIR, ,'DI LA'ANG 'GAL ZLA GRUB PA'I NGES MI RNYED, ,CES BYA BA STE, THA SNYAD PA'I BDEN PA'I DON CAN DU 'DOD PA'I BLO LA YANG PHRA BA DU MA BSAGS PA'I GNAS SKABS LA RAGS PA GCIG TU SNANG BA LA SOGS PA LTAR, GNAS SKABS KYIS GZHAN DU SNANG BA NI SRID PAS NA, DE TZAM GYIS 'GAL ZLA GRUB PA'I NGES PA MI RNYED PAS 'DI'ANG DPYAD PAR BYA'O, ` ,RANG GI LUGS BSGRUB PA LA PHRA RAGS GNYI GA'I SPYIR BSTAN PA NI, 'ON KYANG BDAG DANG GZHAN SMRAS DNGOS RNAMS KUN,, GZUGS CAN GZUGS CAN MA YIN NYID KYIS BSDUS, ,GZUGS CAN MA LUS YUL LAS CHA BCAS TE, ,RNAM SHES PHYI ROL SNANG BA RNAM PAS KYANG, ,BDAG RIG BCAS KUN DUS KYI CHA SHAS BCAS, ,'ON KYANG ZHES BYA BA NI LUGS SNGA MA GNYIS LA YANG RIGS PA'I CHA YOD PAR STON PA'I TSIG PHRAD DE, DANG PO LA YOD PA DANG YIN PA DAG GI 'GAL 'BREL MTSAN NYID DANG DNGOS PO LA BLTOS NAS DE LTAR 'THAD PA LA SOGS PA DANG, PHYI MA LA'ANG GZHAN DU SNANG BA GZHAN DU BDEN PA MI 'THAD PA LA SOGS PA NI DE LTAR YIN MOD KYI KHA CIG NI SNGAR BKAG PA LTAR MI RIGS PAS NA 'DI LTAR GZUNG NGO SNYAM NA ZHES BSAMS PA'O, ,DES NA 'DIR BDAG GI BLA MA CHOS KYI RJE'I BKA' LUNG MKHAS PA'I SKYE BO RNAMS KYI LAM PHYIN CI MA LOG PA NAS RNYED PA, RIGS PA'I LAM DRANG PO NAS ZHUGS PA 'DI KHO NA LTAR NGES PAR ZUNGS SHIG ,'DI LTA STE SNANG BA'I TSOGS 'DI LA RANG DANG GZHAN GYI SDE PA DNGOS POR SMRA BA RNAMS KYIS, TSANGS PAS SPRUL PA DANG, @404A YAN LAG CAN DANG, 'BYUNG BA GYUR PA DANG, GTZO BO GYUR PA DANG, RDUL PHRAN DANG DE 'DZIN PA DANG, RNAM SHES GYUR PA LA SOGS PA SNA TSOGS SU BTAGS MOD KYI, DE THAMS CAD KYANG DPYAD NA GZUGS CAN DANG GZUGS CAN MA YIN PA'I MTSAN NYID GNYIS KYIS BSDUS TE, DNGOS PO LA RNAM PA GZHAN MI SRID DO, ,THAMS CAD KYANG CHA DANG BCAS PA KHO NA STE, GZUGS CAN THAMS CAD NI 'BYUNG BA DANG DE LAS GYUR PA YUL DANG DBANG PO'I TSOGS SU ZAD PAS NA YUL SO SOR GNOD PAS SO, ,GZUGS CAN MA YIN PA'ANG RNAM SHES DRUG MTSUNGS LDAN DANG BCAS PAS DON SO SOR GCOD PAR GSAL BAR DMIGS PA NA, PHYI'I YUL CAN RNAMS NI YUL GYI RNAM PA SNA TSOGS 'DZIN PAS KYANG NGO, ,BDAG RIG PA DANG BCAS PA THAMS CAD KYANG RGYUN DANG LDAN PA RANG GI RIGS TZAM GYI RGYU 'BRAS KYIS MA BSDUS PA NI MED PAS NA DUS THA DAD PA LAS SO, ` ,PHRA BA'I KHYAD PAR BRJOD PA NI, GAL TE 'DUS PA DANG RGYUN LA DE LTAR 'THAD NA, DE DAG NI KUN RDZOB BTAGS PAR YOD PAR TZAM MO, ,GANG LA CHAR DBYE BA MED PA RDUL PHRAN DANG SKAD CIG NI DE KHO NAR GNAS PA STE, MDO LAS, DGE SLONG DAG SKYE MCHED BCU NI RDUL PHRA RAB BSAGS PA'O ZHES BYA BA DANG, RGYUN LDOG MED CAN RIG PA YI, ,BDAG LA SNGON DANG PHYI MTHA' MED,, SKYON DANG YON TAN GLO BUR BA, ,'KHOR BA DANG NI MYA NGAN 'DAS, ,ZHES BYA BA DANG, 'DUS BYAS THAMS CAD SKAD CIG MA, ,ZHES BYA BA LA SOGS PA DANG, KYE RGYAL BA'I SRAS KHAMS GSUM NI SEMS TZAM MO ZHES GSUNGS LA, GRUB PA'I MTHA' LAS KYANG, GANG ZHIG BCOM DANG BLO YIS GZHAN,, BSAL NA DE BLO MI 'JUG PA, ,BUM CHU BZHIN DU KUN RDZOB TU, ,YOD DE DON DAM YOD GZHAN NO, ,ZHES BYA BA DANG, RNAM SHES BEMS PO'I RANG BZHIN LAS, ,LDOG PAR RAB TU SKYE BA STE, ,BEMS MIN RANG BZHIN GANG YIN PA, ,DE 'DI'I BDAG NYID SHES PA YIN ZHES 'BYUNG BA LTA BU JI LTAR DGAG SNYAM NA, RDUL PHRAN SKAD CIG CHA MED RIL PO DANG, ,BRTAN 'DZIN BZLOG PHYIR GANG LAS RNAM PHYE NA, ,MED 'GYUR THA MA'I CHA LA DGONGS PAS GSUNGS, ,RDUL PHRAN DANG SKAD CIG DAG CHA @404B SHAS MED PAR GSUNGS PA NI YUL DUS KYIS PHYE BA'I CHA THA MA GANG LAS PHYE NA MED PAR 'GYUR BA LA DGONGS NAS, RIL PO DANG BRTAN PAR 'DZIN PA GZHIG PA'I DON DU STE, CHA SHAS MED PA BDEN PAR GRUB PA NI CI'ANG LUS PA MED DO, ,CHA DANG CHA SHAS DANG DUM BU NI RNAM GRANGS TE, CHA THA MA DE NYID KYANG RANG GI YUL DUS LAS GZHAN DAG SPANGS NAS DE NYID NA BRTEN CING GNAS PAS BYED PA NYID KYIS CHA'I MTSAN NYID LAS MA 'DAS PA NA CHA MED PA DANG 'GAL BA'I PHYIR, DKAR PO PHRA BA YANG NAG PO DANG 'GAL BA BZHIN NO, ` ,LDOG PA'I GNOD BYED KYIS DE BSGRUB PA NI, CHA SHAS GTAN MED BSAGS KYANG 'DUS PA DANG, ,RGYUN GYI RTZOM BYED CI LTAR RIGS PAR DPYOD, ,GAL TE CHA SHAS GTAN MED NA 'DUS PA DANG RGYUN GYI RTZOM BYED DU JI LTAR YANG MI 'THAD DE, RE RE LA YUL DUS KHYAB PA'I CHA SHAS MED NA MANG PO BSAGS KYANG, DMUS LONG DANG PHYI MA BSAGS PA LA MTHONG BA DANG MAR LTAR 'DUS PA DANG RGYUN 'GRUB MI SRID PA'I PHYIR RO, ,DES NA, BSAGS MI RUNG PHYIR RDUL GCIG MIN, ,ZHES BYA BA DANG, DRUG PO DAG NI GO GCIG NA, GONG BU RDUL PHRAN TZAM DU 'GYUR, ,ZHES BYA BA GSUNGS PA STE, BSKAL PA SKAD CIG TZAM DU 'GYUR BA'ANG DE BZHIN NO,, 'DI DAG LAS LDOG PA NI 'DUS PA DANG RGYUN DMIGS PA'I PHYIR DE DAG RTZOM BYED CHA DANG BCAS PAS 'GRUB PA'O, ,'DI LTAR 'DUS PA DANG RGYUN LA YUL DUS DANG 'BREL PA'I CHA RAGS SHING CHE BA DANG CHES CHE BA DANG RING BA DANG TSES RING BA LA SOGS PA DANG LO TSIGS DANG BSKAL PA LA SOGS PA DU MA DAG THOB PA NI GZUGS CAN GYI MTSAN NYID RANG GI YUL GNOD PA'I CHA DANG, SHES PA'I MTSAN NYID RANG GI RIGS SU CUNG ZAD GNAS PA'I CHAR GYUR PA TZAM GYI MTSAN NYID KYIS YIN LA, RDUL PHRAN DANG SKAD CIG KYANG DE DAG LAS MA 'DAS PA NA JI LTAR CHA SHAS MED PA YIN, DES NA PHYOGS GZHAN DANG SNGA PHYI LA LTA BA DU MAS BSHIG NA NI MED PAR 'GYUR LA, RANG GI YUL DANG DUS LA KHYAB PA'I CHA'I MTSAN NYID DE LTA BU NI NGES PAR GNAS PA STE, DE DAG LAS 'DAS NA NI GZUGS DANG RNAM SHES KYI DON NYID MED DE NAM MKHA' BZHIN NO ZHES NGES PAR ZUNGS SHIG ,DES NA @405A BDAG NYID CHEN PO RNAMS KYIS, ,DRUG GI CIG CAR SBYAR BA NA, ,PHRA RAB RDUL CHA DRUG TU 'GYUR ZHES BYA BA DANG, CHA 'ANG RDUL DU PHYE BA STE, ,RDUL DE'I PHYOGS CHA'I DBYE BA YIS,, PHYOGS DBYE'ANG CHA SHAS DANG BRAL PHYIR, ,MKHA' BZHIN DES NA RDUL YANG MED, ,CES BYA BA DANG, ,JI LTAR SKAD CIG MTHA' YOD LTAR, ,THOG MA DBUS DANG BRTAG PAR GYIS, ,SKAD CIG GSUM GYI BDAG NYID PHYIR, ,'JIG RTEN SKAD CIG LA MI GNAS, ,CES BYA BA LA SOGS PAS DE DANG DER YANG LDANG BA MED PAR BSHIG CING BCOM PA'O, ,DE LTAR GCIG MED NA DU MA MED PA NI GRUB ZIN PA STE, ,DE NI GCIG BSAGS PA YIN PA'I PHYIR RO, ` ,RTAGS DE NGES PAR BYED PA'I TSAD MA LA GZHAN GYI GZHUNG GNYIS DGAG PA LAS, DANG PO DGOD PA NI, KHA CIG NGES BYED CHAR SNANG MNGON SUM STE, ,SNGO MIN DGAG LA SNGO 'DZIN LTA BUR 'DOD, ,SNGON PO MA YIN PA DGAG PA LA SNGON PO 'DZIN PA LTAR, CHA MED DGAG PA LA YANG DE DANG 'GAL BA CHA BCAS 'DZIN PA'I MNGON SUM NYID NGES BYED DU 'DOD PA'O, ` ,DE DGAG PA NI, DES NI CHA MED SNANG BA 'GOG NUS MOD, ,BDEN PA'I GCIG TU 'DZIN PA JI LTAR 'GOG ,DE NI MI BZANG STE DES CHA MED SNANG BA 'GOG NUS KYANG DE KHO NAR GCIG TU BDEN PA'I SGRO 'DOGS DANG MI 'GAL BAS 'GOG PAR MI NUS PA'I PHYIR RO, ,BUM PA LA SOGS PA SNGA PHYI'AM CHA SHAS GCIG TU 'DZIN PA NI GRUB MTHAS BZHAG PA THA SNYAD KYI SGRO 'DOGS TZAM MA YIN PAS SO, ,DE TZAM GYIS 'GRUB NA NI 'BAD PA MED PAR GROL BAR THAL TE, RANG BZHIN MED PA'I THA SNYAD DU, ,RUNG BA NYID SGRUB PAR BYED, ,GCIG DANG DU MA'I RANG BZHIN DANG, ,BRAL BA RANG BZHIN MED PA NYID, ,CES GSUNGS PAS 'DI THA SNYAD BSGRUB PA YIN PAS NA DON MNGON SUM GYIS GRUB PAS SO, ,GANG GI PHYIR BUM PAS DBEN PA'I 'DAG PA LA THAMS CAD KYI MNGON SUM RNAM PA MTSUNGS PAR 'JUG PA LTAR, SNANG BA LA RANG BZHIN GCIG GIS DBEN PA YANG DE KHO NA MTHONG BA DANG BYIS PA'I MNGON SUM LA RNAM PA'I KHYAD PAR MI RIGS PAS NA, GRUB MTHA' NGAN PA'I THA SNYAD KYI SGRO 'DOGS BSAL BA BDE BAR GSHEGS PA RNAMS @405B LA NI LHAG PAR YANG 'GYUR RO, ` ,LUGS GNYIS PA DGOD PA NI, GZHAN DAG CHA BCAS 'DZIN PA'I MNGON SUM DANG, ,RJES DPAG CI RIGS NYID KYIS GRUB PAR 'DOD, ,'DI NI CHA DANG BCAS PA 'DZIN PA'I MNGON SUM DANG RJES DPAG CI RIGS PA NYID KYIS CHA MED BKAG PA LAS TE, GZHAN RIG GIS SO SO'I YUL CHA BCAS DANG, RANG RIG GIS CHA BCAS 'DZIN PA MYONG BA DANG, DE'I SHUGS KYIS GTZO BO LA SOGS PA'ANG DON MI BYED NA DGAG MI DGOS LA, DON BYED NA YANG GZHAN DU MI 'THAD PAS, 'BRAS BU RIM CAN BSKYED PAR KHAS LEN GYIS BLO LAS YUL CHA BCAS SU DANG, LA LAR RJES DPAG GIS TE, CHA BCAS NYID RTAGS LAS RTOGS PA'AM, LKOG GYUR NYID 'BRAS BU RIM CAN BSKYED PA LA SOGS PAS CHA BCAS SU GRUB PA LAS SO, ,MNGON SUM GYIS GRUB PA RNAMS LA'ANG 'BAD PA MED PAR GROL BA'I THAL BA NI MED DE, KHYED NYID MTHUN DPE MNGON SUM GYIS GRUB PAR 'DOD PA LA'ANG 'DRA BAR THAL BAS SO, ,DER GRUB KYANG GZHAN LA SGRO 'DOGS YOD PAS MI THAL NA, 'DIR YANG THAMS CAD DU NI DES GRUB PAR MI 'DOD PA CHA 'DRA'O,, MTHUN DPE LA'ANG RTAGS LAS GRUB NA NI THUG PA MED DO, ,BRDZUN PAR GRAGS PAS DE DPER BYED NA, KHYAB PA NI LDOG PA LAS BSGRUB PAS DE DANG MI 'DRA'O ZHE NA, BRDZUN PAR GRAGS PA NYID RGYU GANG LAS YIN, MNGON SUM YIN NA DER YANG THAL BA 'DRA'O, ,RJES DPAG NI MA YIN TE BYIS PAS KYANG RTAGS LA MI LTOS PAR RDZUN PAR NGES PAS SO, ,DE LTA MOD KYI 'DAG PA LA BUM PA LTAR GRUB MTHAS BSLAD PA LA DE MI BDEN PA'I SGRUB BYED MANG DU'ANG GSUNGS PA NI YOD DO, ,DES NA RTAGS 'DZIN DE DAG GIS DON GRUB KYANG THA SNYAD LA BSNYON PA LA DE BSGRUB PAR ZAD DO ZHES 'DOD PA'O, ` ,DE DGAG PA NI, 'DI'ANG SNYING PO MED PA'I SMRA BA STE, ,CHA BCAS DMIGS YANG GCIG SOGS SGRO 'DOGS LA, ,STOBS LDAN GYIS BSGRIBS CHA MED DGAG PA'I DON, ,NGES PAR MI NUS BRTAN PAR 'DZIN SOGS BZHIN, ,'DIR GCIG DANG DU MA'I DNGOS POR SGRO 'DOGS PA NI THOG MA MED PA NAS GOMS PAS BRTAN PAR CHAGS PA YIN PAS SNGAR BRJOD PA LTAR CHA BCAS SU SNANG BA TZAM GYIS CHA MED @406A DGAG PA'I DON NGES PAR MI NUS TE, SGRO 'DOGS STOBS CAN GYIS ZIL GYIS NON PAS MTSAN NYID KYI RJES SU 'BRANG MI NUS PA'I PHYIR SPYIR SNANG BAS SKAD CIG MA YIN PA DGAG PA LA SOGS PA BZHIN NO, ,DES NA 'DI LTA BU'I SMRA BA NI 'GAL BA LA SOGS PA'I DON SNANG BA DANG NGES PA'I DON LDOG PA 'DREN PA'I RNAM 'GYUR TE, 'DI THA SNYAD KYI SGRO 'DOGS TZAM YIN NA NI YUL BRTAN PAS BRDA' LA 'DZUD PA 'BA' ZHIG TU 'THAD NA, SHIN TU BZLOG PAR DKA' BAS MCHOG GI DBANG PO CAN SNGON GYI SLOB DPON BDAG NYID CHEN PO DAG KYANG KUN TU 'CHING BA'I DRA BAR GYUR PA'O, ` ,RANG GI LUGS KYI TSAD MA'I DE KHO NA NI, DES NA PHRA RAGS KUN LA SNA TSOGS NI, ,GCIG DANG 'GAL BAS SBYAR BA'I KHYAB PA CAN, ,RJES DPAG NYID DE RDUL PHRAN SKAD CIG LA'ANG, ,'DUS DANG RGYUN LAS CHAR BCAS DPAG LAS SO, ,DES NA SKYES BU DU MA MTHONG BA LA SOGS PA LAS, SNA TSOGS DE KHO NA'I GCIG DANG 'GAL BAS SBYAR BA'I KHYAB PA DRAN PA LA BLTOS TE GCIG MED PAR NGES SHING DE NYID KYIS DE BSAGS PA DU MA'ANG MED PAR NGES PAS GNYI GA 'GOG PA NI RJES SU DPAG PA KHO NA'O, ,'O NA MED PA'I THA SNYAD KYANG DES GRUB PAS DE SGRUB BYED PHYI MA CI DGOS TE, DE NI DON MNGON SUM GYIS GRUB PA LA BUM PA MED PA LA SOGS PA LTAR 'JUG PA YIN PAS SO SNYAM NA, KHYAD PAR BKAG KYANG SPYI MED PA'I THA SNYAD LA BSNYON PA LA DGOS TE, TSOGS PA'I SPYI LAS KHYAD PAR GYI THA SNYAD BSGRUB PA SNANG BA DES MED LAS BRJOD PA DANG 'DRER RUNG DPOG PA LTA BU'O, ,GZHAN DU NA 'DAG PA LA BUM PA MED PA MNGON SUM GYIS GRUB PA LTA BU LA CIR DGOS, DE'I PHYIR CHA BCAS DMIGS PA'I TSAD MA DAG GI RJES SU 'BRANGS TE, LUNG DANG RIGS PA SHIN TU GSAL BA DU MA LA BLO SBYANGS PAS 'GAL 'BREL GYI LAM LA SO SOR BRTAGS SHING DPYAD PA LAS, 'DI YANG DAG PA'I GCIG TU GYUR PA CHA MED PA DANG 'GAL BAR NGES NAS SNGAR BRJOD PA LTAR DPAGS PA KHO NAS SGRO 'DOGS DE RNAM PAR MNAN PAS NGES PAR ZAD PAR BYA BA'I PHYIR RO, ,DES NA SKYES BU DAM PA SNGON ZAB MO'I THEG PA LA MOS PA MANG DU BSTEN CING TSOGS @406B MTHA' YAS PAS BRTAN PA'I DGE BA'I BSHES GNYEN GYI MGON GYIS BZUNG BA, BLO'I MTHU MI CHUNG BAS LEGS PAR BSHAD PA DANG NYES PAR BSHAD PA'I DMIGS PHYED PA, MOS PA DANG DGE LEGS MANG POS DE LAS BSKAL PA'I LAM RGYANG RING DU BOR BA 'GA' KHO NA'I SPYOD YUL DU ZAD PAS NA, MKHAS PA'I DAM PA SKAL LDAN BDAG NYID CHEN PO DAG GIS DNGOS PO'I TSOGS RNAMS LOG PAR SMRA BA'I GZHUNG GI DBYE BA LHAG DANG BCAS PAR RE RE NAS 'BAD PA DU MAS PHYER BTAGS PA'I RIGS PA'I SGRON MA MTHA' YAS PA GSUNGS PA NYID DO, ,GAL TE DE LTA NA LUNG NI SGRAR ZAD PAS TSAD MA'I 'THAD PA NI RJES DPAG TZAM YIN PAS NA, RDUL PHRAN DANG SKAD CIG LA SOGS PA DBANG POS MI SOD PAS SNANG BA'I LAM DU MA GYUR PA DAG LA CHA DANG BCAS PA NYID JI LTAR GRUB SNYAM NA, 'DI LTA BU'I DGAG SGRUB NI PHAL CHER SGRA DON LA YIN PAS DE LTAR RTOG PA'I MDUN DU BYAS TE, SNGAR BRJOD PA LTAR CHA MED NA 'DUS PA DANG RGYUN RTZOM BYED DU MI RUNG BAS DE DAG MED PAR THAL NA DMIGS PAS CHA BCAS SU DPAGS PA LAS YIN PAR NGES PAR BYA'O, ,DE'I PHYIR SNANG BA'I SPYOD YUL 'GA' ZHIG LA CHA BCAS CHA MED 'GAL BAR NGES PA LAS THAMS CAD DU CHA MED DGAG PA DE NYID KYIS 'GRUB PAS NA CHA BCAS KYI SGRUB BYED SO SO LAS 'GRUB PAR GONG DU BRJOD PA LTA BU'ANG BYIS PA'I SMRA BAR ZAD DO, ,RIGS TZAM NYE BAR MA BZUNG BAR GSAL BA'I RJES SU 'BRANG NA GANG DU'ANG CHOS CAN NYID KYANG NGES PAR MI NUS PA'I PHYIR RO,, ` DE LA RTZOD PA SPANG BA LAS RTZOD PA DGOD PA NI, GAL TE GCIG DANG DU MA CHA MED PA, ,SPYI YI NGO BOR GYUR PA'I KHYAD PAR DAG ,SPYI NYID BKAG PAS 'GOG PHYIR 'GAL BA NI, ,GRUB SOGS RTAGS LA JI LTAR BLTOS ZHE NA, ,RTAGS DE'ANG MI 'THAD DE, 'DIR CHA BCAS KYIS GCIG PA TZAM NI DGAG TU MED DE THA SNYAD PA'I ZLA MED KYANG 'GOG PAR THAL BAS SO, ,DES NA CHA MED 'GOG PA NA CHA BCAS MYONG BAS DE BCAS PA'I TSE DES KHYAB PA'I GCIG DANG DU MA'ANG BCAD PAS 'GAL BA GRUB PA LA SOGS PA'I RTAGS LA CI BLTOS, GAL TE DES CHA MED BCAD KYANG DE'I KHYAD PAR GCIG DANG @407A DU MA DGAG PA NI RTAGS LA BLTOS TE, GZHAN DU NA KHYAB BYED MED PA DANG DE DANG 'GAL BA GRUB PA LA SOGS PA CHAD PAR THAL LO SNYAM NA, 'DIR NI KHYAD PAR NI GNYIS TE, SPYI'I NGO BOR GYUR PA DANG, SPYIS KHYAB PA TZAM MO, ,DANG PO NI KHYAB BYED SPYI BKAG PAS DGAG PAR NUS TE, DUNG GI DKAR PO MA BCAD NA DKAR PO TZAM GYI DOGS PA DANG MA BRAL BAS DKAR PO MED PAR MI 'GRUB PA NA, DKAR PO TZAM BKAG PAS DUNG GI DKAR PO LTA BU'O, ,CHA MED KYI GCIG DANG DU MA'ANG DE'I NGO BO YIN PAS DE BKAG PA NYID KYIS TE, GZHAN DU NA 'DIR PHUNG PO GSUM PA SEL BA SOMS SHIG ,KHYAB BYED MED PA LA SOGS PA CHAD PAR YANG MI THAL TE KHYAD PAR GNYIS PA LA BLTOS NAS SO ZHES BYA BA'O, ` ,DE SPANG PA NI, 'DI LA BRJOD ZIN GZHAN YANG BDEN PA YI, ,GCIG NYID CHA MED SPYI DANG KHYAD PAR MED, ,DE YI GCIG SOGS SNANG BA MA NGES PAS, ,DUNG GI DKAR PO SOGS DANG CHOS MI MTSUNGS, ,SPYI'I NGO BO'I KHYAD PAR YIN PAS DGAG PA 'GRUB PA NI MI RUNG STE, DE KHO NA'I GCIG GI DON NI CHA MED NYID YIN PAS SPYI DANG KHYAD PAR GYI DON MED PA'I PHYIR DANG, DE NYID KYI ZLA BCAS DANG ZLA MED NI SNANG BAR MA NGES PA NA CHA BCAS MYONG BA TZAM GYIS DGAG PAR MI NUS PAS DKAR PO TZAM DANG DUNG GI DKAR PO DANG MI 'DRA BA'I PHYIR RO, ,DES NA DNGOS PO LA 'GAL YANG 'GAL BAR MA NGES PAR 'GAL ZLA DE DMIGS PA TZAM GYIS GZHAN DGAG PA'I BLO 'DREN PAR MI NUS PAS NA, DE TZAM GYIS DE DGAG PA MI 'GRUB KYANG PHUNG PO GSUM PA MI SEL BA'I NYES PA'ANG MED PAR BLTA'O, ` ,KHYAB PA NI DPE LA BRTEN PAS DE'I DBANG DU BYAS NAS, CHOS GNYIS LDAN PA'I MTHUN DPE GZUGS BRNYAN SOGS, ,RNAL MA LDOG KHYAB DPE NI BUM SOGS NYID, ,YOD TZAM LA NGES JI LTAR YOD DE LA, ,DE LTA'I DE GNYIS KYIS KHYAB 'PHANGS LAS SO, ,BSGRUB BYA BSGRUB BYED KYI CHOS GNYI GA DANG LDAN PA'I MTHUN DPE NI GZUGS BRNYAN LA SOGS TE, DE'ANG SLOB DPON KHA CIG NI RTAGS 'DI NYID KYIS GRUB KYANG GRAGS PAS DPER BYED PAR 'CHAD MOD KYI, 'ON KYANG 'DI LTA BU NI PHAL CHER SEMS KYI NYAMS THA MAL PA @407B RNAMS RNAM PA'I KHYAD PAR NYID LAS MNGON SUM GYIS MI BDEN PA RNAM PAR 'BYED PA KHO NA'O, ,LDOG PA'I 'BREL PA MA GRUB NA DGAG BYA MED PA LA RTAGS MTHONG BA TZAM GYIS KHYAB PA MI GRUB PAS LDOG KHYAB KYI DPE RNAL MA NI BUM PA LA SOGS PA NYID DE, DE LA ZLA MED DANG ZLA BCAS GANG RUNG RNAM GCOD YONGS GCOD MED NA MED PAS PHAN TSUN SPANGS PA'I DNGOS 'GAL DU BSGRUB PA LAS, PHUNG PO GZHAN SEL BAS 'DI GNYIS RANG BZHIN YOD PA'I KHYAB BYED DU GRUB PA NA, DE DAG DANG BRAL BA RANG BZHIN YOD PA DANG 'GAL BAS NA KHYAB BYED BKAG PA KHYAB BYA BKAG PA LA MI 'KHRUL PAS LDOG PA NGES PA'O, ,GAL TE DE TZAM GYIS 'DI'I LDOG KHYAB BDEN PAR YOD PA DANG DE'I GCIG DANG DU MA'I 'BREL PA CI LTAR GRUB, DE GRUB NA NI DE DAG DGAG DU MED PAS RTAGS MA GRUB CING DAM BCA' BA BSAL BAR 'GYUR RO SNYAM NA, DE LTAR GRUB PA LA NI MI BLTOS TE BUM PA LA SOGS PA LA KHYAD PAR MA BZUNG BAR YOD PA TZAM LA GCIG DANG DU MA TZAM GYIS KHYAB PAR NGES PA NYID LAS, JI LTAR YOD PA DE LA DE LTA BU'I GCIG DANG DU MAS KHYAB PA'I RTOGS PA 'PHEN TE, BUM PAR YOD NA NI BUM PA'I GCIG DANG DU MA LA SOGS PA DANG, BDEN PAR YOD PA DANG RDZUN PAR YOD PA LA'ANG DE DAG GI GCIG DANG DU MAS KHYAB PAR DON GCIG LA PHAN TSUN SPANGS PA'I 'GAL BA'I STOBS NYID LAS SO, YOD PA TZAM NI DE KHO NAR DPYAD NA RANG BZHIN MED PAR YANG RUNG BAS MTHUN PHYOGS SU 'DU BA'I PHYIR GNOD PA MED DO, ,GZHAN DU NA TSANG MANG DU ME DU RGYU 'BRAS SU GRUB PAS KYANG RI LA ME BSGRUB PA'I KHYAB PA CI LTAR 'GRUB STE, 'DI GNYIS LA MI 'DRA BA CI YOD, DES NA MTHUN PHYOGS NYID SPYI'I KHYAB PA STON PA'I DPER MI 'GAL LO, ,DE BZHIN DU RTZOD GZHI NYID SPYI'I KHYAB PA STON PA'I MTHUN DPER YANG SRID DE, MIG GI RNAM SHES DBANG PO'I RJES SU BYED PA LAS 'BRAS BUR BSGRUB PA NA, DE NYID YUL GYI RJES SU BYED PA LAS 'BRAS BUR GRUB PA DPER BYED PA LTA BU'O, ,RTAGS 'DI NI LUNG NYID LAS KYANG GSAL POR GSUNGS TE, LANG KAR GSHEGS PA LAS, JI LTAR ME LONG NGOS LA NI, ,GCIG DANG GZHAN NYID SPANGS PA'I GZUGS, ,SNANG YANG DE NI @408A YOD MIN LTAR, ,DNGOS LA NGO BO NYID DE BZHIN, ,ZHES GSUNGS PA LA SOGS PAS SO, ` ,GTAN TSIGS SO SOR RNAM PAR DBYE BA LAS DANG PO DBYE BA MDOR BSTAN PA NI, 'DI LA CHOS SPYAN BDAG NYID CHA RNAMS KYI, ,SGO MANG GSUNGS KYANG DON GZHAN DGAG PA DANG, ,BSGRUBS PAS NGO BO RNAM DPYAD RGYU 'BRAS DANG, ,GNYI GAS RNAM DPYAD LNGA YIS PHYOGS TZAM DBYE, ,'DI LA SPYIR RJE BTZUN KLU SGRUB LA SOGS PA BDAG NYID CHEN PO MKHAS PA'I DAM PA RNAMS KYIS BLTOS PA'I GTAN TSIGS LA SOGS PA RIGS PA'I RNAM GRANGS MANG PO SGO SNA TSOGS NAS GSUNGS MOD KYI, 'ON KYANG 'DIR SLOB DPON KA MA LA SHI LAS SPROS PA'I DRA BA MA LUS PA 'GOG PA'I GTAN TSIGS CHEN PO LNGA GSUNGS PA LTAR PHYOGS TZAM DBYE BAS RNAM PAR BZHAG PAR BYA'O, ,'DI LTA BU RE RES KYANG DNGOS POR 'DZIN PA'I BRAG RMEG MED PAR 'JIG NUS PAS RDO RJE'I ME LTA BU YIN MOD KYI 'ON KYANG MOS PA DU MA'I GDUL BYA RJES SU 'DZIN PA LA SOGS PA'I DGOS PA LAS RNAM GRANGS MANG POS MDO LAS GSUNGS PA BSDUS PAR ZAD DO, ,LNGA NYID DU RNAM PAR BZHAG PA'I DON YANG DNGOS PO RNAMS KYI RANG GI NGO BO NYID DANG, RGYU 'BRAS KYI SGO NAS RNAM PAR DPYOD PA'I TSUL GNYIS LAS BRTZAMS NAS, DANG PO LA DON GZHAN DGAG PAS 'GOG PA KHYAB BYED MI DMIGS PA'I SBYOR BA GCIG DANG DU MA DANG BRAL BA DANG, DON GZHAN BSGRUB PAS 'GOG PA 'GAL BAS KHYAB PA DMIGS PA'I SBYOR BA RTEN 'BREL GYI GTAN TSIGS GNYIS SO, ,GNYIS PA LA RGYU RNAM PAR DPYOD PA RDO RJE GZEGS MA DANG, 'BRAS BU RNAM PAR DPYOD PA YOD MED SKYE BA DGAG PA DANG, RGYU 'BRAS GNYI GA RNAM PAR DPYOD PA MU BZHI'I SKYE BA DGAG PA GSUM STE KHYAB PAR BYED PA MI DMIGS PA NYID DO, ` ,SO SO'I RANG BZHIN BSHAD PA LAS GCIG DANG DU MA DANG BRAL BA'I SBYOR BA DGOD PA NI, PHYI NANG CHOS KUN YANG DAG RANG BZHIN MED, ,GCIG DANG DU MAS STONGS PHYIR GZUGS BRNYAN BZHIN, ,YANG DAG GCIG DANG DU MA'I RANG BZHIN MA YIN PA DE DAG NI DON DAM PA'I RANG BZHIN DU YOD PA MA YIN TE, DPER @408B NA GZUGS BRNYAN LA SOGS PA LTA BU'O, ,PHYI ROL DANG NANG NA GNAS PA'I DNGOS PO 'DI DAG THAMS CAD KYANG GCIG DANG DU MA'I RANG BZHIN MA YIN PAS ZHES BYA'O, ` ,'DI'I GTAN TSIGS NYID LA SKYON SPONG BA NA MA GRUB PA SPANGS PA LAS GCIG DANG BRAL BA BSGRUB PA'I DBANG DU BYAS NAS, DPYAD PA'I YUL THAMS CAD SHES BYA DANG SHES PA GNYIS SU BSDU BA NI, MKHAS PAS DPYAD BYA DNGOS NYID PHAN TSUN NI, ,'GAL BAS SHES BYA SHES PA GNYIS NYID DO, ,RTOG LDAN RNAMS KYI 'JUG PA NI DGOS PA DANG LDAN PAS KHYAB PA'I PHYIR DE'I YUL DU DON BYED NUS PA'I DNGOS PO NYID DPYAD PAR BYA'O, ,DON BYED PA DON DU GNYER BA DAG DON MED PA'I DNGOS PO RNAM PAR DPYAD PA LA NI DGOS PA CI'ANG MED DO, ,DNGOS PO DE'ANG PHAN TSUN RNAM PAR DPYOD PA'I NGO BO YIN PAS SHES BYA DANG SHES PA'I NGO BO NYID LAS MI 'DA' BAR BLTA'O, ` ,SHES BYA LA GCIG DANG BRAL BA BSGRUB PA LAS RTAG PA LA SGRUB PA'I DBANG DU BYAS NAS DON BYED PA LA BSGRUB PA NI, RTAG RNAMS GCIG MIN 'BRAS BU RIM BSKYED PHYIR, ,'BRAS BU SO SO'I THA DAD RTAG MI RUNG, ,DNGOS PO DE NYID LAS KYANG RTAG PA BDAG DANG DUS LA SOGS PA RNAMS NI DON BYED PA MED NA DNGOS POR MI RUNG BA'I PHYIR 'BRAS BU RIM CAN DGA' BA DANG GDUNG BA LA SOGS PA DU MA SKYES PAS CIG CAR DANG GCIG PU'I NGO BOR MI RUNG STE SHES PA'I RGYUN ZHES KHYAB BYED 'GAL BA DMIGS PA'O, ,GCIG NYID YIN NA NUS PA'I RIM PA MI 'THAD PAS 'BRAS BU RNAMS KYANG CIG CAR 'BYUNG BAR THAL BAS SO; ;RKYEN RIM CAN LA BLTOS PAR YANG MI 'THAD DE, ,RANG BZHIN MI 'GYUR BA'I PHYIR RO,, 'BRAS BU RIM CAN SO SO LA NUS PA SO SOR 'DOD NA NI RTAG PA NYAMS TE, NUS PA SO SO DANG LDAN PA'I RANG BZHIN GZHAN DANG GZHAN 'JIG PA DANG 'BYUNG BA DANG LDAN PA'I PHYIR RO, ` ,RTAG PA DON BYED PA MED PA LA BSGRUB PA NI RANG GI SDE PA DAG BSGOMS PA'I STOBS TZAM LAS 'BYUNG BA'I SHES PAS YUL DU BYA BA 'DUS MA BYAS RANG GI YUL CAN TZAM YANG BSKYED MI NUS PA NI DE KHO NA SHES PA'I YUL DON DAM PA YIN PAS RANG BZHIN GCIG PA NYID DO SNYAM NA, 'DUS MA BYAS KYANG SHES PA RIM @409A CAN DANG, ,'BREL PHYIR GCIG MIN SNGO SOGS RGYUN BZHIN NO, ,'DUS SU MA BYAS DE DAG NI RANG BZHIN GCIG MA YIN TE, BLO RIM CAN DU MA'I YUL YIN PA'I PHYIR SNGON PO LA SOGS PA'I RGYUN BZHIN NO ZHES BYA BA'O, ,BLO SO SOS SHES PAR BYA BA'I RANG BZHIN THA DAD PAR 'GYUR BAS TE, MI 'GYUR NA NI KHYAD PAR MED PAS SNGON BZHIN DU PHYIS KYANG DE'I SHES BYAR MI 'THAD PA'I PHYIR RO, ` ,BRJOD DU MED PA'I GANG ZAG LA BSGRUB PA NI, GANG ZAG RTAG DANG MI RTAG BRJOD MI RUNG, ,NYID KYIS GCIG DANG DU MAS STONGS PAR GRUB, ,RTAG NA NI BRTAN PA GCIG PUR 'GYUR SRID LA MI RTAG NA YANG SKAD CIG RE RER RANG BZHIN GZHAN DANG GZHAN 'BYUNG BAS DU MAR 'GYUR NA, DE GNYIS SU BRJOD DU MED PA NI GCIG DANG DU MAS STONGS PAR GSAL BA NYID DE, GCIG GI NGO BO NYID NI RTAG PAR BRJOD DU MED PAR MI RIGS LA, NGO BO NYID GZHAN DANG GZHAN DU MAR GYUR PA'ANG MI RTAG PAR BRJOD DU MED PAR MI RIGS PA'I PHYIR RO, ` ,DE'I KHYAD PAR KHYAB PA LA BSGRUB PA NI, THA DAD YUL CAN DANG 'BREL GCIG PAR 'GAL, ,GCIG NYID DU MA DANG 'BREL JI LTAR RUNG, ,NAM MKHA' DANG BDAG DANG PHYOGS LA SOGS PA RANG BZHIN GCIG GIS YUL DANG DUS LA SOGS PAS THA DAD PA'I DNGOS PO THAMS CAD LA KHYAB PAR 'DOD PA 'GOG PA STE, THA DAD PA'I DON LA KHYAB PAR 'DOD PA DE DAG NI GCIG MA YIN TE, THA DAD PA'I DNGOS PO DAG DANG 'BREL BA'I PHYIR 'KHAR GZHONG DU MA'I RGYA SHUG BZHIN NO, ,GAL TE GCIG YIN NA NI DU MA DANG 'BREL BA DE DAG LA KHYAB PAR MI RUNG STE RANG BZHIN DU MA MED PA'I PHYIR BUM PA'I GSAL BA BZHIN ZHES BYA BA'O, ,MI RTAG PA NA SNGA PHYI RANG BZHIN DU MAR GYUR PA NYID KYIS GCIG TU MA GRUB PA'ANG YIN LA, PHRA RAGS DANG RNAM SHES LA SOGS PA LA BSGRUBS PAS KYANG 'GRUB PAS LOGS SU BSGRUB PA MA BRJOD DO, ` ,RAGS PA LA BSGRUB PA NI, LUS SOGS BSGRIBS DANG MA BSGRIBS LA SOGS LA, ,'GAL BA'I CHOS DANG LDAN PAS GCIG MI RUNG, ,RAGS PAR 'DOD PA LUS LA SOGS PA YAN LAG CAN GYI RDZAS GCIG DGAG PA'ANG @409B RIGS PA MTSUNGS PAS SNGA MAS KYANG 'GRUB MOD KYI, DE LA SKYON LHAG PA GZHAN YANG BSGRIBS PA DANG MA BSGRIBS PA DANG, G-YO BA DANG MI G-YO BA DANG ,TSON GYIS KHA BSGYUR BA DANG MA SGYUR BA DANG, TSIG PA YANG MA TSIGS PA LA SOGS PA 'GAL BA'I CHOS DANG LDAN PA'I PHYIR GCIG TU MI RUNG BA'O, ,DE DAG NI YAN LAG LA YOD KYI YAN LAG CAN LA MA GRUB BO ZHE NA, 'O NA 'GAL BA'I CHOS DANG LDAN PA YAN LAG RNAMS LAS DE DANG MI LDAN PA'I YAN LAG CAN THA DAD PAR SNANG BAR 'GYUR TE, RNAM PA DANG LDAN PA LTAR RUNG GI DON GNYIS NI BLO GCIG GI YUL DU 'GYUR BAR MTSUNGS PAS DMAR PO DANG SER PO'I LVA BA BZHIN NO, ,'DIS KYANG KHYAB PA DGAG PAR NUS PAS SNGA MA DANG PHAN TSUN DGAG PA MTSON PAR BLTA'O, ` ,PHRA RAB LA BSGRUB PA DNGOS NI, RDUL PHRAN 'BYAR DANG BSKOR BAR BAR BCAS DANG, ,BAR MED BSKOR KUN DBUS KYI RDUL GYI PHYOGS, ,GCIG GIS KUN LA BLTA NA BSAGS RTZOM 'GAL, ,GZHAN GYIS GZHAN LA BLTA NA GCIG MI RUNG, ,'DI LA MU STEGS GZEGS ZAN PA'AM BYE BRAG PA NI RDUL PHRA MO SO SO LDAN PA DAG BCAS PA 'BYAR ZHING PHRAD PAS RAGS PA SKYED PA NYID 'DOD DO, ,RANG GI SNGE PA MDO SDE PA NI RDUL PHRAN DE RAGS PA'I GDAGS GZHIR 'DOD DE PHRA BA SO SO LA RAGS PA MED KYANG 'DUS PA'I GNAS SKABS NI DE'I BLO 'JUG PA'I RGYU'O, ,BAR MED NA PHYOGS GCIG DANG MTHA' DAG GIS PHRAD PA'I BRTAGS PAS GNOD DU DOGS NAS BSKOR BA BAR DANG BCAS PA LA MI GYES PA'I RGYU PHAN TSUN MTHUS 'DZIN PAR RO, ,BYE BRAG SMRA BA NI DE GNYIS NYES PA DANG BCAS PAR LTA BAS, BSKOR BA BAR MED PAR SNANG BA DANG MUN PA'I RDUL GYI SKABS KYANG MED CING PHAN TSUN YANG MA REG PAS 'DAB CHAGS PA TZAM DU 'DOD DO, ,DE GSUM GA YANG RAGS PA'I SNYING PO RDUL PHRAN NI DON DAM PAR GCIG NYID DU RTOG PA'O, ,DE LA BAR DANG BCAS PA'ANG SNANG MUN GYI RDUL DANG NI NGES PAR PHRAD PA YIN LA, BAR MED PA YANG PHRAD CING REG PA YIN PAS 'BYAR BA'I RNAM GRANGS NYID DU ZAD PA'I PHYIR, PHRAD PA @410A NYID LA PHYOGS GCIG MTHA' DAG GI RTAG PAS DGAG PAR BSAMS NAS, RE SHIG SPYIR GANG LA GANG BLTA ZHING PHYOGS PA LAS BRTZAMS TE DGAG PA NI DBUS MA'I RDUL PHRAN DE RANG BZHIN GANG GI SHAR GYI LA BLTA BA DE GZHAN LA YANG YIN NAM 'O NA TE GZHAN GYIS YIN ZHES GNYIS SU BRTAGS LA DANG PO LTAR NA 'BYAR BA LA SOGS PAS RAGS PA RTZOM BYED DU 'DOD PA'I RDUL PHRAN RNAMS NI RAGS PA RTZOM BYED DU MI 'THAD PAS BSAGS PA MED PAR THAL TE CHA SHAS MED PA'I PHYIR NAM MKHA' BZHIN NO, ,DE'I PHYIR RDUL PHRAN NI CHA MED PA GCIG TU MA GRUB STE BSAGS PA RTZOM PA'I PHYIR GONG BU BZHIN NO, ,CHA MED PA DANG BSAGS PA RTZOM PA LA 'GAL BA MA GRUB PAS 'DI GNYI GA'I KHYAB PA MA GRUB BO SNYAM NA, MA YIN TE DBUS MA LA PHYOGS BCU NAS BSKOR TE BSAGS PA RTZOM PAR 'DOD PA NA, DBUS MA DE LA CHA MED PAS GCIG YIN NA SHAR GYI LA BLTA BA'I DNGOS DE NYID KYIS GZHAN GYI LA'ANG BLTA BAR 'GYUR LA, DES NA LHAG MA RNAMS KYANG SHAR NA GNAS PAS YUL GCIG PAR 'GYUR TE, SHAR GYI DE'I GANG LA BLTA BA'I NGOS NYID LA BLTA BA'I PHYIR SHAR GYI NYID BZHIN NO, ,GAL TE DE DAG SHAR GYI NGOS LA BLTA'ANG SHAR MI GNAS NA NI SHAR GYI DE NYID KYANG DE BLTA BAR MI 'GYUR RO,, DES NA GCIG GI GOR KUN THIM PAS DBUS MA'ANG PHYOGS BCU'I YUL NA GNAS PAS BCU DANG BCU PO'ANG DE BZHIN DU GCIG DANG, GANG LA'ANG RANG RANG GI YUL GNOD PA MED PA'I PHYIR, CHA MED PA DU MA BSAGS KYANG PHYOGS RGYAS PAR 'GENGS PAS KHYON CHE BA'I RAGS PAR JI LTAR 'GYUR SOMS SHIG ,DE'I PHYIR CHA SHES MED PA DANG RAGS PA RTZOM PA 'GAL BAS NA KHYAB PA GRUB BO, ,PHYOGS GNYIS PA LTAR NA NI DU MA LA LTA BA'I CHA SO SO GCIG TU MA GRUB PAR GSAL TE, BSAGS PA MED PAR THAL BA LA MTHONG BAS GNOD PAS DE YOD PA NA, RTZOM BYED PHYOGS SO SO'I RDUL DAG YUL THA DAD PAR 'GYUR BA LA, DE DAG DBUS KYI LA BLTA BA NA'ANG PHYOGS SO SO NAS LTA BAS BLTA BYA'ANG GCIG TU MI RUNG BA'I PHYIR RO ZHES BSAGS @410B PA YOD PAS GCIG 'GOG PA'O, ` ,DE DANG 'BREL PA GZHAN THAMS CAD KYANG MED PAR BSGRUB PA NI, DE LTAR RTZOM BYED MED PHYIR MIG SOGS DANG, ,RDZAS SOGS DER BRTEN MA LUS DGAG PA GRUB, ,DE LTAR RTZOM BYED RDUL PHRAN DGAG PA GRUB PAS RANG GI SDE BA DAG GIS DE LA DNGOS DANG BRGYUD NAS BRTEN PAS 'BREL PAR BZHAG PA MIG DANG GZUGS LA SOGS PA DANG GZHAN GYI SDE PAS BZHAG PA RDZAS DANG YON TAN DANG 'DU BA DANG SPYI DANG KHYAD PAR RNAMS KYANG MED PAR BDE BLAG TU GRUB PA STE, DGE SLONG DAG SKYE MCHED BCU NI RDUL PHRA RAB BSAGS PA'O ZHES GSUNGS PA LA SOGS PAS, MIG LA SOGS PA NI DES DNGOS SU BRTZAMS PA YIN LA, RDZAS THA MA RDUL GNYIS DANG LDAN PA DANG BCAS PA DANG DE DAG LAS GONG DU GYUR PA YAN LAG CAN LA SOGS PA YANG DES DNGOS DANG BRGYUD NAS BSKYED PA'O, ,DKAR PO LA SOGS PA DANG GRANGS LA SOGS PA'I YON TAN DANG, 'GRO BA DANG 'DOGS PA LA SOGS PA'I LAS DANG, KHYAB PA DANG NYI TSE BA'I SPYI YOD PA NYID DANG, BA LANG NYID LA SOGS PA YANG RDZAS DE LA 'DU BAS BRTEN PA'O, ,KHYAD PAR YANG DE DAG NYID 'BA' ZHIG PAR GNAS PA DANG LDAN PA'O, ,'DU BA'ANG 'DU BA CAN DAG GIS KHYAD PAR DU BRTAGS PAS NA, RTZA BA RDUL PHRAN MA GRUB PAS DE DAG GRUB PA JI LTAR SRID CES BYA BA'I DON TE, ,SHES PA GCIG DANG BRAL BA BSGRUB PA LA GNYIS TE, GZUNG 'DZIN DON DAM PAR GRUB PAS DON GZHAN 'DZIN PA'I SHES PA DANG, RNAM RIG TZAM NYID BDEN NYID DON NI MA GRUB PAS DE MI 'DZIN PA, RANG GI YUL CAN TZAM MAM, 'KHRUL BAS DON DU SNANG BA TZAM GYI SHES PA DGAG PAS SO, ,DANG PO LA'ANG TSUL GNYIS TE, BYE BRAG SMRA BA DAG GZUNG 'DZIN THA DAD DUS MNYAM PA RNAM PA MED PA'I SHES PAS DON GZHAN SKAM PAS LCAGS SBRAM LTAR 'DZIN PA DANG, MDO SDE PA PHYI'I DON GZHAN GYIS SHES PA NYID DE'I GZUGS BRNYAN DANG LDAN PAR BSKYED PA NA, DON DANG 'DRA BA'I RNAM PA DE MYONG BAS DON RIG TU BRTAG PAR SMRA BA'O, ` ,DANG PO DGAG PA LAS RNAM PA MED PAS DON MYONG BA DGAG PA NI, RANG @411A NYID GSAL BA TZAM MYONG RANG RIG STE, ,SHES NYID CHOS DE DON LA JI LTAR RUNG, ,'DIR RNAM MED KYI LTAR NA SHES PAS DON GZHAN 'DZIN PAR MI RUNG STE 'BREL PA'I RGYU MED PAS SO, ,'O NA RANG RIG LA'ANG 'BREL BA'I RGYU CI YOD CE NA, RIG PA'I RANG BZHIN NYID KYIS SO,, 'O NA DON RIG PA'I RANG BZHIN GYIS KYANG DER CI STE MI BZHAG CE NA, DON 'DZIN PA'I LAS SAm BYED PA GANG GI DER 'JOG ,RANG RIG PA LA'ANG MTSUNGS SO ZHE NA, MI MTSUNGS TE SHES MYONG BA NA 'DI CI DON DAM PA'AM 'ON TE RDZUN ZHES RNAM PAR MA DPYAD PAR MYONG BA TZAM TSAD MAR BYAS PA'I TSE, BDAG LA BYED PA MED PAS RIG BYED GZHAN LA SOGS PA LA MI LTOS PAR MAR ME'I RANG GSAL LTAR, RI DANG SHING RTA LA SOGS PA BEMS PO'I RANG BZHIN LAS LDOG PA GSAL BA TZAM GYI RANG BZHIN DU RANG GI RGYU LAS SKYES PAS RANG GI NGO BO MYONG BA'I LUS GNAS PA LA RANG RIG PAR BRJOD PA'O, ,TZAM ZHES BYA BA NI RANG LA BYED PA LA MI LTOS PA'I DON TE, CHA SHAS MED PAR RIG BYA DANG RIG BYED DANG RIG PA GSUM LA SOGS PA MI RUNG BA'I PHYIR RO, ,DE 'DRA BA'I RGYU DON RIG PA LA NI MI SRID DE, GSAL BA TZAM GYI RANG BZHIN DE NI SHES PA'I THUN MONG MA YIN PA'I CHOS YIN PA'I PHYIR, DE LA THA DAD PA'I DON LA CI LTAR YANG MI 'THAD PAS NA, YUL GYI RNAM PA MED PAS BDAG RIG PA TZAM LA GZHOL BA RNAM MED KYI SHES PAS NI DON MYONG BA'I THABS MED PAS DE MI SRID PA'O, ,DES NA DON THA DAD PA NYID KYIS BDAG GCIG PA'I 'BREL PA MED LA, DUS MNYAM PA RGYU 'BRAS SU'ANG MI 'THAD CING DE LAS BYUNG BA TZAM NI YOD DU CHUG KYANG, DBANG PO LA SOGS PAS 'KHRUL PAS NA, NYE BA'I RGYU MTSAN 'BREL PA MED PA'I PHYIR YANG, MIG GIS SGRA LA SOGS PA LTAR DON GZHAN MYONG BA MI 'THAD PA'O, ` ,RNAM PA MED PAS DON LA DMIGS TZAM DGAG PA NI, DON GZHAN DNGOS MYONG MIN YANG DE YI NI, ,GZUGS BRNYAN MYONG BAS MYONG BAR GDAMS PA YANG, ,RNAM PA MED LA RUNG BA MA YIN TE, ,DE YI RGYU MTSAN RNAm PA NYID YIN PHYIR, ,DON NI SHES PA LAS THA DAD PA LAS DNGOS SU MYONG BA MA YIN YANG, DE'I 'BRAS @411B BU GZUGS BRNYAN SHES PA'I NGO BO YIN PAS MYONG BAS NA, DE 'JOG BYED MYONG BAR BTAGS PA TZAM NI RNAM PA KHAS BLANGS NA RUNG BA YIN, DE'ANG RNAM PA MED NA GDAGS PA'I RGYU MTSAN MED PAS JI LTAR YANG MI RUNG BA'O, ,DES NA DON LA DMIGS PAS BTAGS PA TZAM GYI DON RIG NI RNAM PA LTOS PA NYID YIN PAS, RNAM PA MED NA DE'ANG LDOG GO ZHES BYA BA'I DON TO, ` ,RNAM BCAS LA BSGRUB PA LAS RNAM PA SNA TSOGS CAN GYI SHES PA GCIG YIN PA DGAG PA NI, SHES GCIG BDAG NYID YIN PHYIR RNAM PA YANG, ,SNA TSOGS MIN 'GYUR SHES PA'I NGO BO BZHIN, ,DES NA RNAM SHES GCIG MIN SNA TSOGS KYIS, ,RNAM PA'I RANG BZHIN YIN PHYIR RNAM PA BZHIN, ,GAL TE DE GNYIS GCIG DANG SNA TSOGS GRUB, ,'GAL BA'I CHOS LDAN BDAG NYID SO SOR 'GYUR, ,'DI LA GSUM LAS THAL BA NI RI MO BSKYANG PA LTA BU LA DMIGS PA'I TSE, SHES PA RIS MTHUN DU MA NI DUS GCIG TU SKYE MI SRID PAS RNAM SHES LA SNGON PO LA SOGS PA'I YUL JI LTAR BA'I RNAM PA SNA TSOGS DANG LDAN PA NA, RNAM PA SNA TSOGS DE GCIG TU THAL BA'AM SNA TSOGS MA YIN PAR THAL TE, SHES PA GCIG GI BDAG NYID PA'I PHYIR SHES PA NYID DAM RDUL PHRA RAB BZHIN NO ZHES BYA BA STE, BSGRUB PA DANG DGAG PA'I DAM BCA' GNYIS LA, RANG BZHIN NAM KHYAB BYED 'GAL BA GRUB PAR SBYAR RO, ,LDOG PA'I RANG BRGYUD NI GAL TE RNAM PA SNA TSOGS NI MYONG BAS GRUB PAS DGAG TU MED DO SNYAM NA, 'O NA DE DAG GI RNAM PAR SHES PA NI GCIG MA YIN TE, ,RNAm PA SNA TSOGS KYI BDAG NYID YIN PA'I PHYIR, RNAM PA RNAM NYID BZHIN NO ZHES KHYAB BYED 'GAL BA DMIGS PA'O, ,DE GNYI GA'I KHYAB PA BSGRUB PA NI GAL TE SHES PA GCIG NYID RNAM PA SNA TSOGS SU SNANG BA LA 'GAL BA LA CI YOD, DES NA DE GNYI GA'I KHYAB PA MED DO SNYAM NA, 'O NA GCIG DANG DU MA RNAM PA MI MTHUN PAS CHOS 'GAL BA GNAS PA'I PHYIR, RNAM PA SHES PA DE'I BDAG NYID KYIS THA MI DAD PA NI CI LTAR RUNG STE, GZHAN DU NA SNGA PHYI'I BDE BA DANG, SDUG BSNGAL YANG THA MI DAD PA BZLOG TU MED PAS THA DAD GTAN MED PAR 'GYUR RO, ` ,RNAM PA SNA TSOGS CAN MA @412A YIN PA'I SHES PA GCIG TU GRUB PAS RTAGS PHYOGS GCIG LA MA GRUB PAR RTOG PA 'GOG PA NA, RNAM MED NI SNGAR BKAG PAS GRUB MTHA' SO SO DANG SBYAR NAS, YUL DU MA LA DMIGS PAS SNA TSOGS KYI RNAM PA CAN DU BSGRUB PA LAS, MDO SDE PA'I GRUB MTHA' DANG SBYAR NAS NI, RNAM SHES LNGA NI BSAGS PA DMIGS PA STE, DRUG PA'ANG SEMS DANG SEMS BYUNG TSOGS LA DMIGS, DBANG PO GZUGS CAN LA DMIGS PA'I RNAM SHES LNGA DANG DE'I RJES SU 'JUG PA'I YID NI RDUL PHRAN 'DUS PA LA DMIGS PA'I PHYIR DANG, DON DANG LDAN PA'I YID KYI RNAM PAR SHES PA RGYUD GZHAN RTOGS PAR BYED PA RNAL 'BYOR GYI MNGON SUM LA SOGS PAR BZHAG PA YANG, RNAM SHES SNA TSOGS LA DMIGS PA'I PHYIR DANG, DON DANG MI LDAN PA NI 'OG NAS YI GE DU MA LA DMIGS PAR STON PA'I PHYIR, DE DAG DANG MTHUN PAR 'JUG PA DANG, SNA TSOGS KYI RNAM PA CAN DU BDE BLAG TU GRUB PA STE, SO SO'I RANG BZHIN DANG MI 'DRA NA DE DAG GI 'DZIN PAR MI RUNG BAS SO, ` ,PHYI ROL PA LAS BYE BRAG PA'I DANG SBYAR BA NI, LUS SOGS RDZAS RNAMS YON TAN LAS DANG NI, ,YAN LAG SPYI DANG LDAN PA'I TSOGS DMIGS PHYIR, ,DE DAG GI LTAR NA YANG LUS DANG BUM PA LA SOGS PA'I RDZAS RNAMS KHA DOG LA SOGS PA'I YON TAN DANG, BSKYOD PA LA SOGS PA'I LAS DANG, LAG PA LA SOGS PA'I YAN LAG DANG, DKAR PO NYID LA SOGS PA'I SPYI DANG PHAN TSUN LDAN PAS, 'BREL PA SNA TSOGS CAN LA DMIGS PA'I PHYIR DON DU MA SNANG BA NYID DO, ` ,DPYOD PA BA GCER BU PA DANG BCAS PA'I NI, ,GZI BZHIN GZUGS SOGS SNA TSOGS GCIG SMRA BAS, ,GCIG LA DMIGS KYANG SNA TSOGS SNANG BAR GRUB, ,DPYOD PA PA NI DRANG SRONG RGYAL DPOG PA'I RJES SU 'BRANG BA STE RIG PA CAN ZHES KYANG BYA'O, ,GCER BU PA NI DRANG SRONG RGYAL BA'I RJES SU 'BRANG BA STE NAM MKHA'I GOS CAN DANG ZAD BYED CES KYANG BYA'O, ,DE DAG GIS KYANG SGRA LA SOGS PA SNA TSOGS 'DI GZI LTAR GCIG GI NGO BOR 'DOD PAS, GCIG LA DMIGS PA NYID SNA TSOGS KYI RNAM @412B PA CAN DU GRUB PAR GSAL TE GZHAN DU NA SNA TSOGS DANG MTHUN PAR 'JUG PAR MI 'GYUR BAS SO, ,DMIGS PA GCIG PAS BLO THAMS CAD RNAM PA MTSUNGS PAR 'GYUR NA MTHONG BAS GNOD PA'I PHYIR RO, ` ,PHUR BU PA'I NI, SA SOGS 'DUS DANG DBANG SOGS SKYE 'GAG DAG ,RJES SU BYED PAS 'DUS CAN SNA TSOGS DMIGS, ,LHA'I BLA MA NI DRANG SRONG PHUR BU STE DE'I RJES SU 'BRANG BA RGYANG PHAN PA LA PHUR BU PA ZHES BYA'O, ,DE DAG NI 'BRU LAS CHANG DANG MYOS PA'I NUS PA LTAR, SA LA SOGS PA 'BYUNG BA DAG NYID 'DUS TE GYUR NAS LUS DANG DBANG PO DANG RNAM SHES DANG YUL RNAMS SKYE ZHING, SA LA SOGS PA 'GAGS NAS KYANG DE DAG CHAD PA STE RNAM SHES SRID PA GZHAN DU 'PHO BA NI MED PAR 'DOD DO, ,DE LTA NA YANG SHES PA NI 'DUS PA CAN DU MA'I RNAM PA DANG LDAN PA NYID DE, 'DUS PA NI RANG DBANG CAN MA YIN PA'I PHYIR DANG, 'DUS PA CAN YANG GCIG GI RNAM PA DANG MI MTHUN PA'I PHYIR RO,, ` GRANGS CAN PA'I NI RANG BZHIN GSUM MNYAM GTZO BOS MI MNYAM PA, ,SGRA LA SOGS PA SKYES BU DANG BCAS PAS, ,DE TZAM NYI SHU LNGA LAS GTZO BO YI, ,RANG BZHIN GSUM SOGS SNANG BA SNA TSOGS NYID, ,GRANGS CAN NI SER SKYA PA STE DRANG SRONG SER SKYA'I RJES SU 'BRANG BA'O, ,DE DAG NI RANG BZHIN GSUM CHA MNYAM PA GTZO BO LAS, RNAM 'GYUR MI MNYAM PA SGRA LA SOGS PA SKYE STE, CHEN PO DANG, NGA RGYAL DANG, DBANG PO BCU GCIG DANG, DE TZAM LNGA DANG, 'BYUNG BA LNGA'O DE THAMS CAD KYI LONGS SPYOD PA NI SHES PA YOD PA'I SKYES BU GTZO BO'I KHUG MA NA GNAS PA STE, DE RNAMS NI GANG SHES PA DANG MA SHES PAS THAR PA DANG 'KHOR BAR 'GYUR BA'I SHES BYA MA LUS PA YIN PAS DE TZAM NYI SHU RTZA LNGAR 'DOD DO, ,DE LTAR RANG BZHIN GSUM 'DUS PA LA DMIGS PA NA SKYES BU LA RNAM PA MI 'DOD KYANG, GSUM GYI SNANG BA DANG LDAN PAS NA RNAM PA SNA TSOGS CAN DU GNAS PA NYID DO, ` ,GSANG BA PA'I NI, YUL MED SNA TSOGS SNANG BA RTAG PA YANG, ,RIM DANG CIG CAR DU MA'I BDAG NYID 'THOB, ,GSANG BA PA NI RIG BYED SMRA BA STE, ,'DI NI SHES PAS DON GZHAN 'DZIN PAR MI 'DOD PAS 'OG TU DGAG PAR RIGS MOD KYI, SNGA MA DAG @413A DANG PHYOGS SU BSTAN SLA BAS 'DIR BSHAD PA'O, ,DE'ANG SHES PA LAS GZHAN PA'I DON NI MED LA, SHES PA NI RTAG PA GCIG KHO NA STE, DU MAR SNANG BA NI BSLAD PA TZAM MO,, 'ON KYANG CIG CAR RAB RIM GYIS SNA TSOGS SU NI SNANG BAR 'DOD DO, ,DES NA CIG CAR RAM RIM GYIS SNANG BA'I RNAM PA DU MA DANG THA MI DAD PAS SHES PA'ANG DU MAR 'GYUR TE RNAM PA BZHIN NO ZHES GCIG NYID DGAG PA RTOGS SLA'O, ` ,'DUS MA BYAS KYI YUL CAN SNA TSOGS SU YANG SNANG BAR BSGRUB PA NI, 'O NA KHYED KYI PHYOGS LA YANG NAM MKHA' LA SOGS PA NI BTAGS PA TZAM DU ZAD PAS DE DAG 'DZIN PA LA YUL MED PA NA SNA TSOGS KYI RNAM PA CAN DU JI LTAR 'GYUR ZHE NA, NAM MKHA' LA SOGS PA MING TZAM SNANG BA RNAMS KYANG, YI GE DU MAS SNA TSOGS RNAM PAR SNANG,, DE DAG LA YANG MING 'BREL PA'I GZUGS BRNYAN YI GE'I TSOGS SNANG BA'I CHA MED PA'I NGO BO PHRA RAB TZAM YANG MI DMIGS SO, ` ,SNA TSOGS KYI RNAM PA CAN MA YIN PA'I SHES PA 'GA' ZHIG KHAS BLANGS KYANG DE KHO NAR MI SNANG BA NI, SNA TSOGS MIN SNANG SHES PA SRID NA YANG, ,MTSAN NYID BCAS LA GNOD MTHONG BDEN MI RUNG, ,GNOD BYED DNGOS SU MA MTHONG DU CHUG KYANG GSAL BAR MYONG BA TZAM YID CHES PA'I GNAS SU MA GYUR PAS SGRUB BYED MED PAS NA, SNA TSOGS KYI RNAM PA GSAL BAR MYONG BA LTAR GNOD BCAS SU DOGS PAS 'DI YANG KHAS BLANG BAR MI NUS PA'O, ` ,DON GZHAN MI 'DZIN PA'I SHES PA LA GCIG DANG BRAL BA BSGRUB PA NA PHYOGS SNGA MA RNAM RIG TZAM DU SMRA BA'I TSUL THUN MONG DU DGOD PA NI, DON MA GRUB CING GZUNG 'DZIN MI 'THAD PHYIR,, MYONG BA GNYIS MED 'KHRUL PAS SNA TSOGS SNANG, ,PHYI'I DON MA GRUB PA NI MYONG BA'I STOBS KYIS YUL RNAM PAR 'JOG PAS GSAL BYED GZHAN LA BLTOS PA'I PHYIR DANG, SHIN TU LKOG TU GYUR PAS NA RANG GI NGO BOS MYONG BA MED PAS MNGON SUM GYIS MA GRUB PA'I PHYIR DANG, MTSUNGS PA DE MA THAG PA'I RKYEN GYI STOBS LAS 'BRAS BU SHES PA YUL DUS RNAM PA NGES PA CAN RMI LAM LA SOGS PA NA YANG SKYE BAS NA, DON DANG LDOG PA MA GRUB PAS SNANG BA NGES PA'I RJES DPAG @413B GIS KYANG MI 'GRUB PA'I PHYIR SGRUB BYED MED PA DANG, SNGAR BRJOD PA LTAR RDUL PHRAN DANG DES BRTZAMS PA MA LUS PA 'GOG PA'I GNOD BYED YOD PA'I PHYIR RO, ,DE LTAR DON MED PA'I PHYIR DE LA BLTOS PA'I 'DZIN PA'ANG MED LA, DON YOD DU CHUG KYANG RNAM PA MED PA'I TSUL LA 'BREL PA'I RGYU MTSAN MED CING, RNAM BCAS LA'ANG SKYES LA 'DRA BA LA SOGS PA'I MTSAN NYID MI 'THAD PAS GZUNG BA DANG 'DZIN PA GNYIS NI RAB TU MA GRUB PA'O, ,MYONG BA GNYIS MED PA GRUB PA NI DES NA GZUNG 'DZIN GNYIS KYIS DBEN PA'I SHES PA GCIG NYID RANG GIS RAB TU GRUB PAS DE KHO NAR GNAS PA STE, DE'ANG RGYU MED NA RTAG PA LA SOGS PAR THAL BAS RJES SU MTHUN PA'I RGYU RANG GI RIGS THOG MA MED PA CAN LAS SKYE BA DANG, RTAG PA YIN NA DON BYED PA LA SOGS PAR MI RUNG BAS SKYES MA THAG TU 'JIG PA DANG, RANG DBANG CAN LA SOGS PAR YANG MA GRUB PA'I PHYIR BDAG MED PA DANG, GZUNG BA DANG 'DZIN PA'I DON DANG MTSAN NYID MA GRUB PA DE NYID KYIS RIG PA TZAM GYIS RANG BZHIN GSAL BA'I LUS KYIS ZIN PAS RANG RIG PA'I MTHAR THUG PA'I PHYIR CHOS KYANG MED PAS YE SHES DAM PA'I SPYOD YUL DON DAM PAR 'THAD PA'O, ,'O NA GNYIS NYID DU MA BRTAGS PA'I MYONG BA LA SNANG BA JI LTAR ZHE NA, 'KHRUL PA'I RGYU CAN GYI RNAM PA SNA TSOGS SNANG BAR ZAD DE, THOG MA MED PA'I SRID PAR BSAGS PAS GNYIS KYIS DNGOS POR MNGON PAR ZHEN PA SPROS PA'I BAG CHAGS SMIN PA 'JUG PA THOB PA LAS, JI LTAR SNANG BA LTAR MI BDEN BZHIN DU SNANG BA'I RNAM PA SGYU MA DANG DRI ZA'I GRONG KHYER LA SOGS PA LTAR SNANG BAR BSKYED CING SPRUL PAS RANG GIS RANG BZHIN BSLAD PA'O, ,DE LTAR THAMS CAD PHYIN CI LOG GI RNAM RTOG MA RIG PA'I BAG CHAGS TZAM LAS BYUNG BAS 'KHRUL PA YIN NA NOR BA DANG MA NOR BAR BRJOD PA'I YUL DAG JI LTAR 'THAD SNYAM NA, BAG CHAGS BRTAN PA DANG MI BRTAN PA'I RGYUS SBYAR BA'I KHYAD PAR TZAM STE, 'JIG RTEN DAG BDEN PAR ZHEN PA RNAMS KYANG 'KHRUL PAS SBYAR BA NI RMI LAM LA SOGS PA DANG MTSUNGS PA NYID DO ZHES BYA BA'O, ,TSUL 'DI NI GANG ZAG DANG PHYI'I DON LA SOGS PA DMIGS PAR LTA BA'I YUL MTHA' YAS PA 'GOG CING, SEMS TZAM NYID DU BSGRUB PA LA @414A SOGS PA'I LUNG DANG RIGS PA GSAL BA DANG BCAS PA DANG, THAR PA DANG THAMS CAD MKHYEN PA LA MNGON DU PHYOGS PAR ZHUGS PAS NA, LUGS SNGA MA DAG DANG THUN MONG MA YIN PA'I PHYIR SLOB DPON DAG GI BLO GROS DKAR BA DANG DGE BA LA SOGS PAR YANG BSTOD PA'O, ,'DI'I LAN NI RNAM BCAS DANG RNAM MED SMRA BA LA SO SOR BRJOD PA LAS, RNAM BCAS PA NI GZUGS LA SOGS PA'I RNAM PAR SNANG BA 'DI DAG 'KHRUL PA'I BAG CHAGS KYIS SHES PA'I NGO BO NYID GYUR NAS DE LTAR SNANG BAS NA, JI LTAR SNANG BA LAS GZHAN DU BDEN PAS, SHES PA NI RANG GSAL BA TZAM GYI NUS PA GCIG DANG LDAN PA NI, GSAL BA TZAM NI SHES PA'I THUN MONG MA YIN PAS, DE DON LA MI SRID PA LTAR MED PA LA'ANG GA LA SRID PA'I PHYIR, YOD PA'I DON GZHAN LTAR MED PA SNANG BA'ANG MI SRID PAR SMRA BA'O, ,RNAM MED PA NI DE DAG DE LTAR GTAN MED PA GSAL BAS NA SHES PA LA YOD PA DANG MED PA GSAL BA'I NUS PA GNYIS SRID DE, YOD PA'I DON GZHAN SNANG BA NI MI SRID PAR SMRA BA'O, ,DES NA RNAM PA'I TSOGS 'DI SNANG BAR NI MYONG BAS GRUB LA, DE'ANG SHES PA LAS DON GZHAN DU SNANG BA NYID DU NI GNYI GA 'DOD CING, SNANG BA DE JI LTAR SNANG BA LTAR DON DU NI MI BDEN GYI DE LAS GZHAN SHES PA'I NGO BOR BDEN PA DANG, DE BDEN NA NI JI LTAR SNANG BA LTAR DON NYID DU 'THAD DE, MI BDEN NA NI RMI LAM GYI ME LTAR PHYI NANG GANG DU'ANG MI BDEN PAR 'THAD KYI GZHAN DU SNANG BA GZHAN DU BDEN PA NI BUM PA DANG SNAM BU'AM BDE BA DANG SDUG BSNGAL LA SOGS PA LTAR MI SRID PAS NA GTAN MI BDEN PA NYID DU 'DOD PA NI 'DI GNYIS KYI KHYAD PAR RO, ` ,DE RNAM BCAS LA RTAGS SGRUB PA LAS RNAM PA DU MA SHES PA GCIG TU SMRA BA DGAG PA NI, RNAM PA SNA TSOGS GCIG NYID BDEN NA NI, ,DE DAG GCIG DANG DU MA'AM GZHAN NYID 'GYUR, ,'GAL BA'I CHOS LDAN RNAM PA DU MA'I BDAG ,SHES GCIG MI RUNG RNAM PA'I TSOGS GNYIS BZHIN, ,'DI NI RGYUD GCIG LA RIGS MI MTHUN PA'I SHES PA DU MA SKYE BAR 'DOD PA DGAG PA STE, KHYAB PA NI MI MTHUN PA DU MA CAN GYIS SHES PA'ANG DU MA NYID DU 'GYUR BAS KHYAB @414B LA, SHES PA GCIG TU 'DOD NA NI RNAM PA'ANG GCIG NYID KYIS KHYAB STE, DE LTA MA YIN NA CHOS 'GAL BA GNAS PAS RNAM PA SHES PA'I BDAG NYID DU MI 'GYUR BA'I PHYIR GZUNG 'DZIN GNYIS GRUB PAS THAL BAS SO, ,PHYOGS CHOS NYID NI RNAM PA GCIG YIN NA GCIG G-YO NA KUN G-YO BA LA SOGS GCIG GI CHOS GRUB BDE THA MI DAD PA DANG LDAN PAR THAL NA, RNAM PA NI G-YO BA DANG MI G-YO BA LA SOGS PA 'GAL BA'I CHOS DANG LDAN PAS SNA TSOGS NYID DU MYONG BAS GRUB BO, ,DES NA SNGON PO SNANG BA LTA BU SHES PA GCIG TU 'DOD PA DE'ANG GCIG TU MI RUNG STE, RNAM PA DU MA'I RANG BZHIN YIN PA'I PHYIR RNAM PA RNAMS NYID BZHIN NO ZHES KHYAB BYED 'GAL BA DMIGS PAS GCIG DGAG PA SGRUB PA'O, ` ,RNAM PA DU MA SHES PA'ANG DU MAR 'DOD PA LA BSGRUB PA LA RGOL BA DGOD PA NI BDE SOGS SNGO SOGS MYONG BAS MNYAM DU GRUB, 'DZIN CHA'ANG GZUNG CHA LTA BUR DU MA NYID, 'DI NI RIGS MTHUN PA DU MA SKYE BAR 'DOD PA STE, SLOB DPON SH'AKYA LA SOGS PA BDE SOGS 'DZIN PA'I RNAM PA LTAR SNGO SOGS GZUNG BA'I RNAM PA YANG MYONG BA NYID KYIS DON DAM PAR GRUB LA, 'DZIN CHA'ANG GZUNG CHA LTAR DU GRUB PAR 'DOD PA'O, ,DES NA SHES PA GCIG NYID SNA TSOGS SU MI MYONG BA'I PHYIR SKYON DE DAG MED DE, RNAM PA DU MA SNANG BA NA JI SRID CHAR SNANG BAS RNAM PA DU MA YIN PA DE SRID DU NI SHES PA YANG RIGS MTHUN DU MA SKYE BA YIN LA, CHA MED PA'I RNAM PA DANG SHES PA NI GCIG TU GRUB PA'O, ,DES NA CHA BCAS LA DU MAR THAL BA BRJOD NA NI 'DOD PA'O, ,CHA MED KYANG GCIG TU MA GRUB PAR BRJOD NA NI GTAN TSIGS MA GRUB PA'I PHYIR RO ZHES BSAM PA'O, ` ,DE DGAG PA LA LUNG DANG 'GAL BA NI, SNGA PHYI MED PA DU MA BKAG BA DANG, ,'GRO KUN SEMS RGYUD RE RER GSUNGS PAS GNOD, ,MDO LAS, GANG SNGA PHYI MED PAR SEMS GNYIS 'BYUNG BA 'DI NI GNAS MA YIN ZHING GO SKABS MED DO ZHES DU MA DGAG PA GSUNGS PA DANG, SEMS CAN THAMS CAD NI RNAM PAR SHES PA'I RGYUD RE RE BA'O ZHES GCIG TU GRUB PA GSUNGS PA DANG 'GAL BA MI ZLOG PA'O, ,'DI GNYIS RIGS MI MTHUN PA LA GSUNGS PA NI MA YIN PAR NGES TE, DU MA SKYE BAR MYONG BAS GNOD @415A PAR DGONGS PAS SO, ,RTZA BA'I RNAM SHES LA DGONGS PAS YIN GYIS YAN LAG GI NI RIGS MTHUN PA DU MA SKYE BA MI 'GAL LO ZHES 'CHAD PA NI SLOB DPON GYIS, DE DAG RNAMS LAS RIGS MTHUN PA'I, ,RNAM PAR SHES LA NGES PAR 'GYUR, ,ZHES GSUNGS PA DANG 'GAL BAS LOG PAR 'CHAD PAR GSAL TE, GNYIS 'BYUNG MI SRID PA DANG RE RE BA'O ZHES RNAM RIG NGES PAR GSUNGS PA NI RNAM RIG DE DAG LAS KHYAD PAR RIGS MTHUN PA KHO NA'I DBANG DU MDZAD PAR BSHAD PAS SO, ` ,RIGS PAS GNOD PA LA RDUL PHRAN GYI DPYAD PA MTSUNGS PAS GCIG DGAG PA NI, SHES PA'ANG RNAM PA'I TSOGS BZHIN DU MA NI, ,RDUL PHRAN BZHIN DU DPYAD LAS GNOD PA NYID, ,SHES PA RDUL PHRAN DU SNANG BA'I TSOGS LA'ANG RDUL PHRAN NYID KYI 'JAL BA LA SOGS PA LA BRJOD PA LTAR, RDUL DBUS MAR SNANG BA DE PHYOGS GZHAN GYI RDUL DU SNANG BA LA PHYOGS GCIG NYID KYIS BLTA BAR SNANG NA NI BSKOR BAR SNANG BA MED PAS BSAGS PA RTZOM BYED DU MI RUNG BA'I PHYIR RIG SNANG MED PAR 'GYUR LA, PHYOGS GZHAN DANG GZHAN GYIS BLTA NA NI CHA DANG BCAS PAS GCIG MA GRUB PAR GSAL BA'I PHYIR RO, ` ,DE SPONG BA'I KHYAD PAR MA GRUB PA NI, SHES LA GZUd RTAG JI LTAR MTSUNGS ZHE NA, YUL LA KHYAB SNANG NYID LAS CIS MI MTSUNGS, ,GAL TE LUS CAN LA PHYOGS CHOS SBYAR BA'I BRTAG PAS GNOD KYANG, RNAM SHES LUS MED PA LA NI MA YIN NO SNYAM NA, KHYED KYANG SHES PA'I RNAM PA YUL RGYAS PAR BKRAM PA DANG LDAN PA 'DI BDEN PAR 'DOD PA NA LUS CAN GYI DON KHAS BLANGS NAS MING TZAM GZHAN DU BYAS PAS SKYON JI LTAR SPANG BAR NUS, DE KHAS MI LEN NA RNAM PA DU MA BDEN PA GZHAN CI ZHIG LUS TE YUL KHEBS PAR MI SNANG BA'I RNAM PA NI NAM YANG MYONG BA MED PAS SO, ,DES NA, 'PHYAR BA DANG NI BSKOR BA DANG, ,BAR MED RNAM PAR SNANG YANG RUNG, ,ZHES BYA BA LA SOGS PA'I BRTAG PA MI ZLOG PA KHO NA'O, ,DE LTA MA YIN NA CHAR SNANG BAS GCIG 'GOG PA NYID LA RNAM SHES LUS CAN MA YIN PA LAN DU JI STE MI BRJOD DE JI SRID CHAR SNANG GI BAR DU RIS MTHUN DU MA DANG, CHA MED DU SNANG BA GCIG TU BRJOD PA'I 'BAD PA LHAG PAS CI BYA, @415B GZHAN YANG SNGON PO LA SOGS PA TSAD CHUNG NGU MANG PO 'DAB CHAGS PAS YUL KHYAB PA TZAM LA LUS CAN DU BRJOD PAR ZAD KYI LUS CAN ZHES BYA BA RVA ZENG NGE BA GZHAN NI MED DO, ,DES NA SNGON PO LA SOGS PA BAR MED PAR SNANG BA NYID LA KHA CIG NI RDUL PHRA RAB TU 'DOD, GZHAN DAG NI SHES PA'I RNAM PAR 'DOD PAS DON GCIG PA NA SKYON MTSUNGS PA LAS MI 'DA'O, ,SHES PA DU MA'I TSUL 'DI LA NI SLOB DPON DAG GIS RANG SNANG MED PAR THAL BA LA SOGS PA'I NYES PA GZHAN YANG GSUNGS TE, RAGS SNANG NI PHRA BA DU MA'ANG BLO GCIG GIS BZUNG BA NA 'BYUNG BA YIN NA, 'DIR PHRA BA DU MAR SNANG BA'I SHES PA DE DAG GIS NI PHRA RAB SO SO LAS GZHAN CI'ANG MA MYONG BAS RANG RIG PA'I MTHAR THUG PA'I PHYIR DANG, DE DAG SDOM PA'I BLO GZHAN YANG MED PA'I PHYIR RO, ` ,GZI'I DPAS SNA TSOGS GCIG TU 'DOD PA DGAG PA NI, GAL TE GCIG NYID SNA TSOGS GNAS ZHE NA, ,GCER BU PA LTAR 'GAL SMRA'I KHUR KHYER YIN, ,SNA TSOGS NYID PHYIR GCIG MIN RGYUN GZHAN BZHIN, ,SNA TSOGS CHA LDAN RIN CHEN CI LTAR GCIG ,'DI LA BZHI STE RGOL BA NI DPER NA NOR BU GZI BZHIN DU SHES PA GCIG KHO NAS SNA TSOGS KYI NGO BO BLANGS PAR ZAD DO, ,DES NA RGYUD GCIG LA RNAM SHES DU MA SKYE MI SRID PAS GCIG NYID DMIGS PA LA SOGS PA'I RKYEN DU MA DANG 'BREL PAS SNA TSOGS SU SNANG BAR ZAD DE RANG GZHAN NI MA YIN NO ZHES BYA BA'O, ,KHAS BLANGS PA NYID 'GAL BAS DE 'GOG PA NI 'DI NI NAM MKHA'I GOS CAN LTAR GCIG NYID DU MAR SMRA BAS NA NGA'I MA MO GSHAM ZHES BRJOD PA BZHIN DU DANG POR RANG GI TSIG GIS GNOD PA'I KHUR CHEN PO 'DI KHYER CIG ,RIGS PAS GNOD PA NI GANG SNA TSOGS YIN PA DE NI GCIG MA YIN TE RGYUD SNA TSOGS KYI SHES PA BZHIN NO, ,RNAM PAR SHES PA 'DI'ANG SNA TSOGS YIN NO ZHES RANG BZHIN 'GAL BA DMIGS PAS SO, ,DU MA NYID NI SNA TSOGS KYI RNAM GRANGS YIN PAS NA 'GAL BA GRUB BO, ,GZHAN YANG BSGRIBS PA DANG MA BSGRIB PA LA SOGS PA 'GAL CHOS SNA TSOGS DANG LDAN PA'I PHYIR YANG NGO, ,'GAL BA DAG KYANG GCIG TU 'DOD NA NI 'GRO BA MTHA' DAG KYANG RDZAS GCIG TU 'GYUR BAS LHAN CIG SKYE PA DANG 'JIG PA LA SOGS PAR THAL LO, ,GRUB BDE THA @416A DAD NA NI GCIG CES BYA BA MING TZAM DU ZAD PAS CI DGAR THOGS SHIG ,DPE MA GRUB PA NI RIN PO CHE'ANG YUL DANG DUS DANG RNAM PA THA DAD PA SNA TSOGS KYIS RAB TU PHYE BA 'GAL BA'I CHOS DANG LDAN PAS GCIG TU MA GRUB PAR GSAL LO, ,`RNAM PA BRDZUN PA 'GOG PA NA RGOL BA 'GOD PA NI, DE LTAR RNAM PA MI BDEN NYID 'DOD PAS, ,RNAM SHES SHEL SGONG DAG 'DRA RANG GSAL LA, ,MA RIG BAG CHAGS BRTAS LAS RNAM PA'I TSOGS, ,MED BZHIN GSAL BA RMI SOGS BZHIN ZHE NA, ,RNAM PA RNAMS BDEN PAR 'DOD PA LA NI SKYON DE DAG 'BAB PAS KHYED KYIS DE MI BDEN PAR BSGRUBS PAS NI KHO BO CAG RNAM PA RDZUN PAR 'DOD PA LA STONGS BTAB PA'O, ,DES NA BDEN PA'I SHES PA NI SHEL DAG PA LTA BU, SNGON PO LA SOGS PA'I DRI MA MTHA' DAG GIS DBEN PA, GNYIS MED PA'I RANG NYID GSAL BA TZAM GYIS MTHAR THUG PA'O, ,DE MI SNANG BA NI MA YIN TE 'KHRUL PA'I RTEN NI RANG BZHIN GYI DAG PA DE NYID DO, ,RGYU NI MA RIG PA'I SA BON THOG MED NAS BRTAN PAR CHAGS PA RTAS PAR GYUR PA'O, ,RANG BZHIN NI RMI LAM DANG SKRA SHAD LA SOGS PA LTAR PHYI NANG GANG NA'ANG MED BZHIN DU PHYIN CI LOG GI DMIGS PA 'BA' ZHIG GIS GSAL BA'O, ,DES NA RNAM PA BDEN NA 'GAL BA LA SOGS PA DE DAG GIS GNOD PA YIN NA, BRDZUN PA'I SNANG BA DES NI BDEN PA'I GNYIS MED PA LA MI GNOD DE DPE DE DAG NYID BZHIN NO ZHES BYA'O, ` ,'DI DGAG PA LAS, DANG PO RNAM PA BRDZUN PA LA SHES PA BDEN PA'I SGRUB BYED DGAG PA NI, KUN GYIS GSAL PAR MYONG BA DE BRDZUN LA, ,SUS KYANG MA DMIGS BDEN SMRA RE 'BREL KYE, ,DE LTAR NA BYIS PA'I BAR GYIS SHIN TU GSAL BAR MYONG BA NYID KYIS RTOGS BA SNGON PO LA SOGS PA'I RNAM PA NI BRDZUN LA, DE LAS THA DAD PA GNYIS MED PA'I SHES PA RNAM PA'I DRI MA DANG MI LDAN PA, SUS KYANG GTAN MA MYONG BA NI BDEN NO ZHES BYA BA 'DI NI SGRUB BYED DANG BRAL ZHING 'GAL BA'I KHUR LEN PAS NA 'DI LAS LEGS PAR SMRAS PA GZHAN GANG YOD CES BSTING BA'O,, ` GNOD BYED DGOD PA LAS RNAM PA BRDZUN PA'I GNOD BYED LA SHES PA LA RNAM PA SNANG BA 'GOG PA'I RTAGS DGOD PA NI, DAG PA'I @416B SHES PAS RNAM PA RIG MIN TE, ,RNAM PA MED PHYIR BDE BAS SDUG BSNGAL BZHIN, ,GANG ZHIG GANG LA MED PA DE NI DES RIG PA MA YIN TE, SDUG BSNGAL BA LA BDE BA BZHIN NO, ,SHES PA LA'ANG RNAM PA'I TSOGS MED PAS SO ZHES KHYAB BYED MI DMIGS PA'O, ` ,'DI'I KHYAB PA BSGRUB PA NA LDOG PA LA THE TSOM ZA BA SPANG BA NI GAL TE MED KYANG DES DE RIG PA CI 'GAL TE MI MTHUN PHYOGS DANG RTAGS 'GAL BA MA GRUB PAS SO SNYAM NA, GTZO DANG PHAL PA'I RIG PA GNYI GA YANG, ,MED LA 'GAL PHYIR JI LTAR DE RIG SMOS, ,RIG PA LA NI GTZO BO DANG PHAL PA'I RIG PA GNYIS KYIS KHYAB STE, DNGOS DANG BTAGS PA'I RIG PA'I PHAN TSUN SPANGS PAS RNAM PA GZHAN MI SRID PA'I PHYIR RO, ,'DI GNYI GA YANG MED PA LA 'GAL TE, GTZO BO'I RIG PA NI BEMS PO MA YIN PA'I NGO BO NYID SHES PA'I THUN MONG MA YIN PA'I CHOS YIN PAS RNAM PA MED PA LA JI LTAR 'THAD, DES NA GANG ZHIG SHES PA'I RANG BZHIN MA YIN PA DE LA NI GTZO BO'I RIG PA MED DE NAM MKHA'I PADMA BZHIN NO, ,MED PAR 'DOD PA'I RNAM PA'ANG SHES PA'I RANG BZHIN MA YIN NO ZHES KHYAB BYED MI DMIGS PA'O, ,PHAL PA'I RIG PA NI DON DA LTA BA'I GZUGS BRNYAN BSKYED PA'I SHES PA RIG PA LA DA RIG PAR BTAGS PA YIN NA, MED PA'I RNAM PAS SHES PA LA RANG GI GZUGS BRNYAN JI LTAR GTOD NUS, DES NA GANG ZHIG NUS PA MED PA DE LA PHAL PA'I RIG PA'ANG MED DE RTA RU BZHIN NO, ,MED PA'I RNAM PA LA'ANG NUS PA MED DO ZHES KHYAB BYED MI DMIGS PA'O, ,DE'I PHYIR RIG PA'I KHYAB BYED LOG PAS MED PA DE RIG PA LA 'JUG PA'I SKABS MED DO, ,SMIG RGYU LA CHU MED KYANG RIG PA LA SOGS PAS DNGOS KYI MA NGES PA'ANG MA YIN TE, DE NI THA SNYAD DU RNAM RIG 'KHRUL PA'I NGO BOR YOD PAS RTAGS MA ZHUGS LA, BDEN PA'I RIG PA NA MA GRUB PAS MI MTHUN PHYOGS MA YIN PAS NA 'KHRUL PA MED PA'I PHYIR RO, ` ,'BREL PA'I DBANG GIS RNAM PA SHES PA DANG LHAN CIG MYONG BA DGAG PA NI, MA 'BREL NGES PAR DMIGS PA MI 'THAD CING, ,MED LA 'BREL PA'ANG SRID PA MA YIN NYID, ,'DI NI SHES PA'I RIG BYED DES DUS GCIG TU RNAM PA'ANG RIG PAS LHAN CIG DMIGS PA NGES PA 'GOG PA @417A STE, DE DER NGES PAR DMIGS PA 'BREL PA MED PAR NI MI RUNG STE, THAMS CAD KYIS THAMS CAD DMIGS PAR THAL BAS SO, ,'BREL PA'ANG MI RUNG STE, BDEN PA DANG BRDZUN PA BDAG GCIG PA 'GAL BA'I PHYIR DANG, MED PA RGYU DANG 'BRAS BUR YANG MI RUNG BA'I PHYIR DANG, DE LAS BYUNG BA NI SRID DU CHUG KYANG LHAN CIG PA'I DMIGS PA'I RGYUR MI RUNG BA'I PHYIR RO, ,DES NA GANG ZHIG GANG DANG LHAN CIG 'BREL PA MED PAR DE RIGS KYANG DE NGES PAR RIG PA MA YIN TE, SHES PA RIG PA DE NI RTA RU BZHIN NO, ,MED PA'I RNAM PA YANG SHES PA DANG 'BREL PA MED PA'I PHYIR RO, ,ZHES KHYAB BYED MI DMIGS PA'O, ` ,RNAM PA RES 'GA' BA NYID KYANG DGAG PA NI, RDZUN PAS LTOS MED RES 'GA' BA NYID 'GAL, ,BLTOS NAS BDEN PAS LHAN CIG RDZUN SMRA NYAMS, ,GZHAN YANG RNAM PA RNAMS MI BDEN PAR 'DOD PA NA NAM KHA'I ME TOG LTAR RGYU LA LTOS PAR MI 'THAD PAS RES 'GA' BAR 'GAL TE RES 'GA' BA LA NI BLTOS BCAS KYIS KHYAB LA, BLTOS BCAS LA'ANG NGO BO 'GA' ZHIG SRID PAS KHYAB PA LAS 'DI NI RDZUN PAS NGO BO DANG LDAN PA MI SRID PA'I PHYIR RO, ,GAL TE KHYED NYID SHES PA DANG SHES BYA THAMS CAD RDZUN SNANG DU ZAD PAS DON DAM PAR RGYU MED KYANG RES 'GA' BAR MI 'GAL BAR 'DOD PA LTAR RNAM PA'ANG 'KHRUL PAS MTHONG BZHIN PAR ZAD PAS, RGYU 'GOG PA'I RIGS PAS BZLOG BYA MA YIN NO ZHES KYANG BRTAG PAR MI NUS TE, 'KHRUL SNANG YIN ZHES TE YANG YUL DANG DUS DANG RNAM PA SO SOR NGES PA NI RGYU LA MA BLTOS PAR MI 'GRUB STE THAMS CAD DUS THAMS CAD DU THAMS CAD NA YANG SNANG BAR THAL BAS SO, ,NGED KYI LTA NA NI 'KHRUL PA'I BAG CHAGS SMIN PA LAS SHES PA NYID RANG DANG GZHAN RIG BYED KYI NGO BOR SKYE BA, BRDZUN PA NYID KYI 'BREL BA GRUB PAS SO, ,KHYED LTAR NA BDEN PA DANG BRDZUN PA LA 'BREL PA MI 'THAD PAS MA YIN NO, ,CI STE RES 'GA' BAR MTHONG BA BZLOG TU MED PAS RGYU LA BLTOS PA DANG BCAS PAR KHAS LEN NA NI RTEN CING 'BREL PAR 'BYUNG BA RDZAS SU GRUB PA NYID DU 'GYUR RO, ,GZHAN DBANG TZAM DU 'GYUR MOD DE TZAM GYIS BDEN PAR MI GRUB BO SNYAM NA, @417B SHES PA'I BDEN PAR GRUB PA NI RIG PA TZAM GYIS RGYU 'BRAS SNGA PHYI'I RGYUN RGYUD MAR 'JUG PA NYID YIN PAS NA, RTEN 'BREL LA NI DON DAM PAS KHYAB PA'O, ,DES NA KHYED BDEN PAR GRUB PA'I NYES PA GNYIS KYI SHIN TU NYEN PAR GYUR TE, CIG CAR BAR RIG PA DANG RNAM PA BRDZUN PAR 'DOD PA GNYI GA NYAMS PAS SO, ,DE LTA NA RNAM PA BRDZUN PA DE LA RGYU 'DOD NA DNGOS POR 'GYUR LA MI 'DOD NA RES 'GA' BA 'GAL BA LAS MI 'DA'O, ` ,RNAM PAR DBYE BA'I SHES PA BDEN PA'I GNOD BYED LAS, MA DMIGS PA GNOD BYED DU SPYIR STAN PA NA RTAGS 'GOD PA NI, DAG PA SHES PA'I RANG BZHIN DMIGS 'GYUR NA, ,RNAM PA'I TSOGS BRAL DMIGS PA'ANG YOD MA YIN,, RNAM PA'I DRI MA DANG GTAN MA 'BREL BAS RNAM PAR DAG PA SHES PA'I RANG BZHIN YIN NO, DE'I TSE DMIGS PA'I RIG BYAR GYUR PA NYID KYIS, THAMS CAD KYIS KYANG RTAG TU DE LTAR MYONG ZHING NGES PA'I SGO NAS DMIGS PAS KHYAB PA YIN TE, DE PHYIR DON DANG SHES PA LA, RAGS SNANG GANG YIN DE YOD MIN, ,DE NI GCIG LA 'GAL PHYIR DANG, ,MANG PO LA YANG MI 'THAD PHYIR, ,ZHES BYA BA LA SOGS PA'I RIGS PAS, RANG DANG GZHAN GYI SDE PAS SMRAS PA'I RNAM PA BRDZUN ZHING SHES PA TZAM LUS NA DNGOS PO'I STOBS KYIS DE TZAM DMIGS PAR NGES PAS SO, ,'DIR GZUGS LA SOGS PA SNA TSOGS SU SNANG BA'I RNAM PA DANG BRAL BA'I SHES PA SHEL DAG PA LTA BU NI NAM YANG MA DMIGS PA'I PHYIR RO ZHES BYA BA'O, ` ,MA GRUB PA SPANG BA LAS SGRIB BYED MED PAS DMIGS SU MI RUNG BA SPANG BA NI, GAL TE DE NI SKAD CIG MA LTAR 'KHRUL PA'I RNAM PAS BSGRIBS PAS NA SNANG RUNG GI KHYAD PAR CAN GYI MI DMIGS PA NYID MA GRUB BO SNYAM NA DE NI MA YIN TE 'DI LTAR, RNAM RNAMS PHYI DANG NANG NA'ANG MI SRID PAS, ,GANG ZHIG MYONG LAS 'DI MI SNANG BAR 'GYUR,, GAL TE NANG NGAM PHYI ROL YIN YANG RUNG RNAM PA MYONG SRID NA 'GAL ZLA'I MYONG BA STOBS LDAN GYIS BSGRIBS PAS DAG PA DE BSKAL PAR 'GYUR BAR YANG 'THAD NA, RNAM PA RNAMS PHYI NANG GANG NA YANG MED PA NA SGRIB BYED GANG GIS DAG PA'I SHES PA DMIGS SU MI RUNG BAR 'GYUR, 'KHRUL @418A BA DANG MA 'BREL PAS DE NYID BSGRUB PA NI GAL TE MED KYANG SNANG BA NI 'KHRUL PA'I CHOS NYID YIN PAS RNAM PA RNAMS DNGOS POR MA GRUB BZHIN DU 'KHRUL PA'I DBANG GIS SNANG BAS NA DES BSGRIBS PA'O, ` ,DES NA 'DI NI ZLA BA GNYIS SU SNANG BA LTAR RIGS PAS BZLOG PAR BYA BA MA YIN PA'O SNYAM NA, 'KHRUL PAS DMIGS PA'ANG 'THAD PA MA YIN TE, ,BAG CHAGS RGYU DANG DES BSKYED SHES PA LA'ANG, ,RNAM PA'I TSOGS RNAMS 'BREL PA MED PHYIR RO, ,GZHAN DU DNGOS PO NYID 'GYUR SU YIS BZLOG, 'DIR 'KHRUL PA'I SGRAS RDZUN SNANG SKYED BYED BAG CHAGS KYI GNAS SKABS CAN GYI RGYU SHES PA'AM, DE'I 'BRAS BU RDZUN SNANG RNAM PA SGRO 'DOGS PA'I SHES PA NYID BRJOD, DANG PO LTAR NA DE DANG RNAM PA RNAMS MA 'BREL PA'I PHYIR, DE LA RAGS LAS PAR MI RUNG LA, THAMS CAD LA THAMS CAD SNANG BAR 'GYUR BAS SNANG BA NGES PA'ANG MI RUNG NGO, ,'BREL PAR NI MI 'THAD DE BDEN PA DANG RDZUN PA 'GAL BA'I PHYIR DANG, DUS THA DAD PA'I PHYIR DE'I BDAG NYID MI RUNG NGO, ,DE LAS BYUNG BA YANG RNAM PA NI RGYUR MI 'THAD DE NGO BO MED PAS SO, ,'KHRUL PA LAS RNAM PA BYUNG NA YANG DNGOS POR THAL BAR MI 'DOD PA GRUB PAR 'GYUR RO,, GNYIS PA LTAR NA YANG DE DE LA NGES PAR SNANG BA'I RGYU 'BREL BA NI GRUB DGOS LA, DUS MNYAM PA RGYU 'BRAS SU'ANG MI 'THAD PA NA 'KHRUL PA'I SHES PA DE'I BDAG NYID DU 'GYUR BAS DNGOS POR THAL BA KHO NA'O, ` ,RNAM PA GTAN MI SNANG BAR KHAS LEN PA DGAG PA NI, YID DANG BYIS PA'I SHES DANG 'PHAGS BLO LA'ANG, ,RNAM PA MA LUS DBEN SNANG SRID MA YIN, ,YID KYI RNAM PAR SHES PA NI CHOS KYI KHAMS TZAM LA DMIGS PAS SNGON PO LA SOGS PA'I RNAM PA DANG BRAL BA RANG RIG PA GCIG PU NYID DO ZHE NA, DE LA YANG GNYID LOG PA LA SOGS PA'I TSE YANG SEMS DANG SEMS LAS BYUNG BA'I TSOGS LA SOGS PA DU MA LA DMIGS PA'I PHYIR SNA TSOGS SU MI SNANG BAR MI SRID DO, ,YANG SO SO'I SKYE BO'I SHES PA THAMS CAD NI 'KHRUL PA DANG BCAS PA DON THA DAD PA'I 'DZIN BYED DU TSOR BA TZAM YIN GYI DE LA SNGON PO LA SOGS PA'I RNAM PA SNANG BA NI MA YIN NO ZHE NA, @418B DON 'DZIN BYED TSOR BA NYID KYANG SNGAR BRJOD PA LTAR DE'I RNAM PA KHO NA LAS YIN GYI, DE MED NA RIG PA TZAM GYI LAS SU YUL THAMS CAD LA THA MI DAD PA'I SHES PA DON SO SOR NGES PA'I 'DZIN BYED DU TSOR BA NYID MI 'THAD DE, THAMS CAD KYANG THAMS CAD KYI 'DZIN BYED DU TSOR BAR THAL BAS SO, ,YANG MA DAG PA'I TSE NI RDZUN PA'I RNAM PA SNANG MOD KYI, YONGS SU DAG PA'I GNAS SKABS THOB PA RNAL 'BYOR PA RNAMS KYI SHES PA NI 'KHRUL PA DANG BRAL BAS GNYIS MED PA NYID GSAL BA'O SNYAM NA, MA YIN TE 'KHRUL PA DANG RNAM PA 'BREL PA MED PAR BSGRUBS MA THAG PA YIN PAS NA, RNAL 'BYOR GYI DBANG PHYUG RNAMS KYIS SPONG BA SHIN TU RGYA CHEN PO BSGOMS PAS 'KHRUL PA'I SA BON DRUNGS PHYUNG YANG RNAM PA NI LDOG PAR MI 'THAD PA'I PHYIR TE, MA 'BREL BA'I DON GZHAN LOG PAS DON GZHAN LDOG NA BA LANG LOG PAS KYANG RTA LDOG PA LA SOGS PA HA CANG THAL BAR 'GYUR BAS SO, ,GZHAN YANG MA DAG PA SHES PA RNAM PA DANG LDAN PA THAMS CAD BRDZUN PA YIN NA, DE NI DAG PA'I RGYUR MI RUNG LA RGYU GZHAN YANG MA DMIGS PAS DAG PA'I GNAS SKABS RGYU MED PAR THAL BA LA SOGS PA'I NYES PAR YANG 'GYUR RO, ` ,DE LTAR GCIG DANG BRAL BA BSGRUBS NAS, DE NYID LAS DU MA DANG BRAL BA'ANG MI 'KHRUL PAS GNAS PA LAS 'BAD MI DGOS PAR GRUB PA NI, DNGOS GANG RNAM BCAD DE LA GCIG NYID MED, ,GANG LA GCIG MED DE LA DU MA'ANG MED, ,DE LTAR BDAG CAG DANG GZHAN GYI GRUB MTHA' PA DAG GIS KHAS BLANGS PA RTAG PA DANG MI RTAG PA DANG, KHYAB PA DANG MA KHYAB PA DANG, PHRA BA DANG RAGS PA DANG, SHES BYA DANG SHES PA LA SOGS PA'I DNGOS PO GANG LA RNAM PAR BRTAGS NA GCIG PA NYID DU DPYAD PA'I KHUR LCI BA BZOD PA PHRA RAB TZAM YANG MA GRUB PA DE DANG DE DAG LA DU MA NYID DU GRUB PA'ANG JI LTAR SRID DE, DU MA NI GCIG BSAGS PA YIN PA'I PHYIR RO, ,SHING LA SOGS PA MED NA NAGS TSAL LA SOGS PA MED PA BZHIN NO, ` ,GZHI MA GRUB PA SPANG BA NI, RNAM BCAD TZAM GYI CHOS CAN BDAG GZHAN GYI, ,GRUB MTHAS BRTAGS PA'I SGRA DON LAS KYANG 'GRUB, ,BSGRUB BYA BSGRUB BYED KYI CHOS RNAM BCAD TZAM LA NI RJES SU MTHUN PA'I CHOS CAN @419A RANG DANG GZHAN GYI GZHUNG LUGS PA RNAMS KYIS NYE BAR BRTAGS PAS DNGOS POR MA GRUB KYANG SGRA'I DON TZAM GYIS CHOG PAR BSHAD KYANG ZIN TO, ` ,RTAGS BSGRUB PA'I TSAD MA 'THAD PA LA RGOL BA DGOD PA NI, GAL TE GCIG SOGS DGAG PA MNGON SUM GYI, , YUL MIN MI DMIGS RJES DPAG GIS RTOGS NA'ANG, ,RTAGS DANG KHYAB 'DZIN MNGON SUM 'DIR MA GRUB, ,RJES DPAG NYID NA'ANG THUG PA MED CE NA, ,SNANG BA THAMS CAD LA GCIG DANG DU MA DANG BRAL BA'I RTAGS 'DI MNGON SUM GYIS NI MI 'GRUB STE, DE'I YUL NI DNGOS PO YIN PAS MED PA NYID YUL MA YIN PA'I PHYIR RO, ,MI DMIGS PA'I RJES DPAG GIS RTOGS PAR 'DOD NA DE'ANG MI RUNG STE, YUL MA YIN PA NYID KYIS RTAGS DANG KHYAB PA 'DZIN PA'I MNGON SUM MED PA'I PHYIR DANG, DE'ANG RJES DPAG GIS 'DZIN NA THUG PA MED PAR 'GYUR BA'I PHYIR RO, ,ZHES BYA BA'O, ` ,LAN GDAB PA LAS TSAD MA 'THAD PA NYID NI, GZUGS SOGS MNGON SUM PA LA MNGON SUM NYID, ,RDUL PHRAN SOGS DANG BDAG SOGS BRTAG PA LA'ANG, ,MNGON SUM NYID KYIS RTAGS DANG KHYAB NGES LAS, ,'JUG PA'I RJES DPAG 'THAD PA SNGAR BSHAD NYID, ,CHOS CAN GZUGS LA SOGS PA MNGON SUM PA DAG LA NI CHA SNA TSOGS SU SNANG BA LA SOGS PA'I MNGON SUM NYID DANG, RDUL PHRAN DANG BDAG LA SOGS PA DBANG POS MI SOD PA DAG LA YANG SNGAR BRJOD PA LTAR BSAGS PA RTZOM PA DANG, 'BRAS BU RIM CAN LA NYE BAR SBYOR BA KHA CIG MNGON SUM NYID DANG KHA CIG DES KHYAB PAR BZUNG BA CAN GYI RJES DPAG CI RIGS PAS 'GRUB PA'O, ` ,TSAD MA YOD PA LA GNOD PA SPANG BA NI, ,DON DAM MED DANG SGRO 'DOGS BDAG NYID DANG, ,YUL MIN RTAGS KYIS DE DAG DGAG MI NUS, ,'DIR DON DAM PAR MED PA'I PHYIR KUN RDZOB PA'I TSAD MA YANG MED DE RTA'I RVA BZHIN NO ZHES NI DGAG PAR MI NUS TE, KHYAB BYED MA YIN PA 'GOG PAS MA NGES PAR GSAL LO, ,DE KHO NAR MED PA SNANG BAS SGRO 'DOGS KYI BDAG NYID YIN PA'I PHYIR RTAGS 'DZIN PA'I TSAD MAR MI RUNG STE, SMIG RGYU LA CHUR SHES PA LTA BU'O ZHES BYA BA YANG MA NGES PA KHO NA STE, SGYU MA MKHAN @419B GYI SHES PA LA GLANG PO LA SOGS PA SGRO 'DOGS KYI YUL SNANG YANG MI BDEN PAR SHES PA LTAR, RTOG LDAN PA RNAMS KYI MNGON SUM GZUGS LA SOGS PA YANG DAG PA MA YIN PA SNANG BA CAN YANG 'KHRUL PA'I RGYU MTSAN BSAL BAS GCIG DANG DU MA LA SOGS PA BDEN PAR ZHEN PA DANG 'GAL BA LAS DE DAG GIS DBEN PA RTOGS PAR BYED PAS SO, ,YUL MA YIN PA NI MA GRUB STE SNANG BA TZAM GYI CHOS CAN GRUB PA LA BRTEN NAS DES DBEN PA'I RNAM PA CAN GYI MNGON SUM MAM RTAGS LAS RTOGS PAR BRJOD MA THAG PA NYID KYIS SO, ` ,'GAL BA'I SKYON SPANG BA NI, DPE LA YOD CING GZHI LA MI GNOD PAS, ,'DI LA 'GAL BA'I GO SKABS YOD MA YIN, ,'DI NI CHOS GNYI GA DANG LDAN PA MTHUN PA'I DPE LA RJES SU 'GRO BAS 'GAL BA MA YIN TE, 'GAL BA NI BSGRUB BYA PHYIN CI LOG BSGRUB PA YIN PAS NA, GAL TE 'DIS KYANG BDEN PA'I DNGOS PO GRUB NA NI 'BREL PA GNYIS KYIS DNGOS PO NYID LA 'JUG PA'I PHYIR, RDZUN PA'I RANG BZHIN GZUGS BRNYAN LA SOGS PA LA JI LTAR 'JUG STE DNGOS PO'I CHOS LAS NYAMS PAR THAL BAS SO, ,GZUGS BRNYAN LA SOGS PA'ANG BNGOS PO NYID YIN PA NI BKAG ZIN LA 'GOG PAR YANG 'GYUR RO, ,GAL TE 'DIS RANG BZHIN YOD PA THAMS CAD 'GOG PAS NA CHOS CAN GYI DNGOS PO YANG 'GOG PA'I PHYIR DE PHYIN CI LOG TU BSGRUB PA'I 'GAL BAR CI STE MI 'GYUR ZHE NA, GZHI LA MI GNOD PA NI 'DIS DGAG BYA BDEN PA 'GOG TU ZAD KYI SNANG BA TZAM NI NAM YANG MI 'GOG LA, CHOS CAN YANG SNANG BA TZAM DU ZAD PAS NA 'DIS DE 'GOG PAR JI LTAR 'GYUR, ` ,MA NGES PA SPANG BA LAS DNGOS KYI MA NGES PA MED PA NI GAL TE 'DIR CHOS GNYI GA DANG LDAN PA'I DPE NYID KHO BO CAG LA MA GRUB STE, GZUGS BRNYAN DANG SGYU MA LA SOGS PA'ANG RNAM PAR SHES PA DANG RDE'U LA SOGS PA'I RANG BZHIN DU BDEN PAR 'DOD PA'I PHYIR MI MTHUN PHYOGS NYID PAS RTAGS 'DI NI DNGOS SU MA NGES PA NYID DO SNYAM NA, RNAM PAR SHES DANG SHES BYA MTHA' DAG KYANG, ,BRGYA TSAL NYID DU BSHIG PHYIR DNGOS GANG GRUB, ,SHES PA RNAM BCAS RNAM MED GNYI GA DANG SHES BYA PHRA RAGS LA SOGS PA DNGOS POR 'DOD PA MA LUS PA @420A RIGS PA'I STOBS KYIS BKAG ZIN PA BZLOG TU MED PA'I PHYIR, GANG GIS SGYU MA LA SOGS PA BRDZUN PA RNAMS KYANG RNAM PAR SHES PA LA SOGS PA GRUB PAS DPE MA GRUB PAR 'GYUR BA, RANG 'DOD TZAM GYI DNGOS PO BDEN PAR 'GRUB PA NI MI SRID BAS NA, GZUGS BRNYAN LA SOGS PA NI MTHUN DPE NYID LAS MA 'DAS PA'I PHYIR 'DI NI GYI NA'O, ` ,LDOG PA LA THE TSOM ZA BA SPANG BA NI GAL TE RTAGS 'DI PHYOGS DANG YOD PAR GRUB KYANG MI MTHUN PA'I PHYOGS DNGOS PO'I RANG BZHIN YOD PA DANG 'GAL BA MA GRUB PAS LDOG PA LA THE TSOM ZA BA NYID DO SNYAM NA, 'DI GNYIS YONGS GCOD RNAM BCAD GANG RUNG DAG ,MED NA MED PHYIR PHAN TSUN SPANG 'GAL LAS, ,RNAM GZHAN SEL PHYIR DNGOS PO'I KHYAB BYED DU, ,GRUB PAS DE 'GOG PA LA MI 'KHRUL NYID, ,'DIS 'GAL BA BSGRUB PAS LDOG PA'I THE TSOM GCOD PA STE, GANG ZHIG YONGS SU GCOD PA GANG RNAM PAR BCAD PA MED NA MED PA DE DAG NI PHAN TSUN SPANGS TE GNAS PA'I 'GAL BA YIN TE, DNGOS DANG DNGOS PO MED PA DAG LTA BU'O, ,GANG DAG PHAN TSUN SPANGS PA DE DAG KYANG PHUNG PO GZHAN SEL BAR BYED PAS RNAM PA THAMS CAD LA KHYAB PAR BYED PA STE DPE DE DAG NYID BZHIN NO, ,GCIG DANG DU MA DAG KYANG YONGS GCOD RNAM GCOD PHAN TSUN MED NA MED PA YIN TE, BUM PA LA SOGS PA NYID LA ZLA MED PAS GCIG TU GCOD PA NA ZLA DANG BCAS PA RNAM PAR BCAD NA YONGS SU GCOD KYI DE RNAM PAR MA BCAD PAR MA YIN LA, LDOG PA YANG DE BZHIN PAS SO, ,DES NA 'DI GNYIS KYANG PHUNG PO GZHAN SEL BAS LUS CAN DANG DE MA YIN PA LTAR DNGOS PO'I KHYAB BYED DU GRUB PA NA DE MED PA DNGOS PO DANG 'GAL BA'I PHYIR, KHYAB BYED BKAG PA KHYAB BYA BKAG PA LA MI 'KHRUL PAS LDOG PA NGES PA'O, ,DE LTAR YOD PA TZAM LA GCIG DANG DU MA TZAM GYIS KHYAB PA ME TZAM DANG DU BA TZAM GYI RGYU 'BRAS GRUB PA LTA BUS GANG ZHIG JI LTAR YOD PA DE LA DE LTA BU'I GCIG DANG DU MAS KHYAB PA NGES PAR SNGAR BSTAN PA BZHIN NO,, ` KHYAB PA GRUB PAS PHYOGS CHOS LA MI GNOD PA NI 'O NA GANG DU KHYAB BYA KHYAB BYED GRUB PA'I @420B CHOS CAN DE LA KHYAB BYED DGAG PA JI LTAR YANG 'GRUB MI SRID PAS RTAGS 'DI MA GRUB PA LAS MI 'DA'O SNYAM NA MA YIN TE, KHYAB BYA KHYAB BYED SPYI LAS BZHAG PA STE, ,KHYAB BYED BKAG PAS DON DAM NYID LAS GRUB, ,SPYI LAS BZHAG PA NI THA SNYAD PA'I DON 'GA' ZHIG NYID LA BRTEN NAS SNGAR BSHAD PA BZHIN NO, ,'O NA DE LAS DNGOS PO NYID KYANG GRUB MOD SNYAM NA, MA YIN TE SHING TZAM GRUB PAS SHA PA LTAR YOD PA TZAM KHYAB BYED DU GRUB PAS KHYAB BYA DON DAM PA MI 'GRUB PAR BUM PA LA SOGS PA KUN RDZOB PA NYID LA MTHONG BAS SO, ,DES NA KHYAB BYA KHYAB BYED NI THA SNYAD PA DANG, KHYAB BYED LDOG PA DON DAM PA'I DPYAD PA'I GZHI LA YIN PAS NA 'GAL BA MED PA'AM, CHOS CAN GCIG LA BRTEN DU CHUG KYANG KUN RDZOB PA DANG DON DAM PA'I BLTOS PA GNYIS LA LTOS PAS MI 'GAL BAR BLTA'O, ` ,DAM BCA' BA'I SKYON SPANG BA'I DBANG DU BYAS NAS, RANG BZHIN MED PA'I THA SNYAD NYID GRUB BYED, ,DON DAM DGAG BYA'I KHYAB PAR 'PHEN PAR ZAD, ,BDEN 'JOG MNGON SUM RJES DPAG SRID MIN TE, ,THA SNYAD TZAM GYI YOD PA 'GOG MI BYED, ,KUN RDZOB BDEN PA'I GZHI LA BLTOS MI RIGS, ,RTAGS SOGS THA SNYAD TZAM LA BRTEN PAR ZAD, ,BCINGS GROL LA SOGS RMIS SOGS BZHIN NGES 'DOD, ,DPYOD TSE LUNG LA MI BRTEN MTHUN SNANG 'DZIN, ,'DI LA'ANG BZHI STE, GRUB PA LA BSGRUB PA SPANG BA DANG, KHYAD PAR DON MED PA SPANG BA DANG, BSAL BA'I NYES PA SPANG BA DANG, GZHI LA SOGS PA GRUB PA SPANG BA'O, ,DANG PO NI, GAL TE GCIG DANG DU MA NI DNGOS PO NYID KYI RNAM PA YIN PAS DE DAG GIS BKAG PA'ANG THA MI DAD PA'I PHYIR, 'DI DAM BCAS PA'I PHYOGS GCIG NYID KYIS RTAGS MA GRUB PA'AM, GRUB NA BSGRUB BYA'ANG GRUB PAS GRUB PA LA BSGRUB PA NYID DU MI 'GYUR RAM ZHE NA, MA YIN TE RTAGS NI LEGS PAR BSGRUBS ZIN TO, ,DE NYID KYIS RANG BZHIN MED PA'I DON GRUB TU ZIN KYANG 'KHOR BA NAS 'KHOR BAR 'KHRUL PA'I BAG CHAGS THOG MA MED PA NAS BRGYUD DE 'ONGS PA LAS DNGOS POR ZHEN PA'I PHYIN CI LOG BRTAN PAR CHAGS PA'I GNYEN PO DE KHO NA NGES PAR SEMS PA'I SHES RAB TSUL BZHIN YID LA BYED PA DANG@421A BRAL BA DAG ,RGYU MTSAN DANG RGYU MTSAN CAN LA RMONGS PAS RANG BZHIN MED PA NYID LA THA SNYAD PHYIN CI LOG TU BYED PA LA GCIG DANG DU ME DANG BRAL BA'I YUL LAM RGYU MTSAN DE BRJOD PAS, SNGAR DON DE TZAM RGYUR BYAS TE ZHUGS PA'I SHES PA DANG SGRA DANG LUS KYI THA SNYAD LA DRAN PA BSKYED NAS THA SNYAD GSUM GYI RUNG BA BSGRUB PAR BYED DE, DMIGS PA'I MTSAN NYID DU GYUR PA'I BUM PA MA DMIGS PAS MED DO ZHES NGES PAR BYED PA LTA BU'O, ,DES NA RANG BZHIN MED PA'I THA SNYAD DU, ,RUNG BA NYID DU BSGRUB PAR BYED, ,GCIG DANG DU MA'I RANG BZHIN DANG,, BRAL BA RANG BZHIN MED PA NYID, ,CES GSUNGS PA'O, ,KHYAD PAR DON MED PA SPANG BA NI GAL TE DON DAM PAR ZHES BYA BA'I KHYAD PAR BRJOD PAS CI BYA STE, RIGS PA'I SHES PA NYID DON DAM PAR 'DOD PA NA DE'ANG KUN RDZOB LAS MA 'DAS PAS SO, ,GZHAN YANG RIGS PA'I SHES PA DES CHOS RNAMS RANG BZHIN MED PAR 'JOG NA DE NYID GANG GIS DE LTAR BZHAG ,RANG NYID KYIS NI MA YIN TE RANG LA RANG BYED PA 'GAL BAS SO, ,GZHAN GYIS KYANG MA YIN TE THUG PA MED PAR THAL BAS SO,, DE NYID MI 'JOG NA'ANG NYI TSE BA'I STONG PAR 'GYUR RO SNYAM NA, RIGS PA'I SHES PA DE KUN RDZOB PA YIN MOD KYI 'ON KYANG DON DAM LA 'JUG PA'I THABS YIN PAS DON DU BTAGS PA YIN LA, DES KHYAD PAR DU BYAS PAS KYANG DGAG ? BYA'I KHYAD PAR RIGS NGOR YOD PA 'GOG PAR 'PHANGS PAS SNANG BA TZAM MI 'GOG PAR STON PA NA DON YOD PA'O, ,DE NYID KYIS DE RANG BZHIN MED PAR BSGRUB MOD KYI, RANG LA BYED PA 'GAL BA'ANG MA YIN TE SPYI'I TSUL GYIS SHES PA DANG SHES BYA'I MTSAN NYID DANG LDAN PA THAMS CAD LA BSGRUB PAS RANG YANG DER GTOGS PAS NA, YOD PA THAMS CAD MI RTAG PAR BSGRUB PA LA SOGS PA DANG 'DRA BA'I PHYIR RO, ,BSAL BA SPANG BA LA GSUM LAS MNGON SUM DANG RJES DPAG GIS BSAL BA NI THAG RING STE, YANG DAG PA'I RANG BZHIN RNAM PAR 'JOG PA'I MNGON SUM DANG RJES DPAG NI 'GAR YANG MI SRID PA'I PHYIR RO, ,GRAGS PAS BSAL BA'ANG MED DE SNANG BA TZAM DU YOD PA'I THA SNYAD MI 'GOG PAS SO, ,KHAS BLANGS @421B PA DANG 'GAL BA'ANG MED PA LAS RANG GI TSIG DANG MI 'GAL BA LA GNYIS TE, TSIG DE NYID KYIS DON GYIS MI GNOD PA NI 'ON TE KHYED 'KHRUL PA'I YUL KUN RDZOB YOD PAR 'DOD NA DE NYID KYIS DNGOS PO BDEN PAR BSGRUBS TE, GZHI MED PA'I KUN RDZOB MI SRID PA'I PHYIR RO SNYAM NA, BDEN PA'I GZHI NI BKAG ZIN MOD KYI GRUB TU CHUG KYANG, BDEN BRDZUN 'GAL BA DANG RDZUN PA 'BRAS BUR MI RUNG BAS 'BREL BA GNYI GA MED PA'I PHYIR GZHI NYID DU MI RIGS LA, GZHI TZAM NI KUN RDZOB NYID KYI RGYU 'BRAS SO SOR NGES PAR GRUB PA LAS, RGYU SNGA MA SNGA MA THOG MA MED PA CAN YIN PAS 'GAL BA MED DO, ,TSIG SNGA PHYI'I DON GYIS MI GNOD PA NI CI STE GTAN TSIGS MED PAR BSGRUB BYA MI 'GRUB PAS GTAN TSIGS KHAS BLANGS PA DANG, CHOS THAMS CAD RANG BZHIN MED PAR DAM BCAS PA GNYIS NI PHAN TSUN 'GAL BAS RANG GI MA MO GSHAM DU BRJOD PA BZHIN NO SNYAM NA, MA YIN TE GTAN TSIGS NI RNAM BCAD TZAM LA GTAN TSIGS SU BSNYAD PA LA SOGS PA THA SNYAD TZAM DU 'DOD PAS SO, ,LUNG GI GNOD PA SPANG BA NI 'O NA YANG LUNG LAS LAS 'BRAS DANG BCINGS GROL DANG BDE 'GRO DANG THAR PA LA SOGS PA THAMS CAD GNAS PAR GSUNGS PA DANG 'GAL LO SNYAM NA, DE THAMS CAD NI KUN RDZOB PA SGYU MA LTA BU NYID DU KHAS LEN PAS 'GAL BA MED PA'O,, STONG PAR SMRA BA LA GZHI LA SOGS PA MA GRUB PA SPANG BA NI CI STE YANG THAMS CAD STONG PAR 'DOD PA LA CHOS CAN DANG GTAN TSIGS DANG DPE JI LTAR RUNG SNYAM NA, RJES SU DPAG PA DANG RJES SU DPAG PAR BYA BA LA SOGS PA'I THA SNYAD THAMS CAD NI PHAN TSUN 'GAL BA'I GRUB MTHAS BZHAG PA NAM MKHA'I YON TAN DANG RNAM RIG TZAM LA SOGS PA'I CHOS KYI DBYE BA SPANGS NAS, MTHUN SNANG DU GRUB PA SGRA TZAM LA SOGS PA'I GZHI LA BRTEN NAS 'JUG PA YIN PAS MA GRUB PA GA LA YOD, GAL TE GRUB MTHA' LA BRTEN PA'I KHYAD PAR DAG CHOS CAN LA SOGS PAR 'GYUR NA NI GRUB MTHA' GCIG LA GRAGS PA'I KHYAD PAR GZHAN LA MA GRUB PAS, DPAG BYA DPOG BYED LA SOGS PA'I THA SNYAD RGYUN CHAD PAR 'GYUR RO, ,DES NA DPYOD PA'I TSE LUNG LA MI BRTEN PAR MTHUN SNANG DU GRUB PA TZAM YONGS SU BZUNG BA LA BRTEN @422A NAS 'JUG PAS THAMS CAD 'TSAM MO, ` ,GO BYA GO BYED 'THAD PA LA RGOL BA NI, BSGRUB BYA SGRUB BYED 'BREL DANG NGO BO DANG, ,THA DAD MED PHYIR MED MIN MI RIGS ZER, ,GAL TE 'DIR BSGRUB BYA SGRUB BYED 'DI GNYIS MED DGAG GAM MA YIN DGAG GANG DU 'DOD, DANG PO NI, MI RIGS TE NGO BO NYID CI'ANG MED PA'I PHYIR RTA'I RVA BZHIN NAM, 'BREL PA MED PA'I PHYIR GANGS CAN DANG 'BIGS BYED BZHIN NAM, THA DAD PA MED PA'I PHYIR SHING DANG LJON PA BZHIN NO, ,MA YIN DGAG KYANG MI RIGS TE, DE LTA NA DON DAM PA'I NGO BO NYID BSGRUB PAR 'GYUR BAS SO,, ` LAN GDAB PA NI, RANG LA'ANG MTSUNGS NYID NGO BO MED MA NGES, ,'BREL DANG THA DAD MED PA'ANG DNGOS DANG NI, ,LDOG DANG BDEN GNYIS LA BLTOS MA NGES DANG, ,MA GRUB SNGAR BRJOD KHYAB BYED MED NYID 'THAD, ,'DI SNGAR KHYAB BYED MED PA NYID DU RNAM PA DU MAS GSAL BAR RAB TU BSGRUBS PA'I PHYIR 'DI LTA BU'I LOG RTOG GI GNAS MA YIN MOD KYI, 'ON KYANG KLAN KA NGAN PA'I DRI MA LA BRTAG TU RUNG BA'I SNYING PO MED PAS DE DAG SPANG BA NI NYES PA 'DI GSUM CHAR YANG RNAM RIG SMRA BA LA SOGS PA DNGOS POR LTA BA PA NYID LA MTSUNGS PAS, BDAG DANG DBANG PHYUG DANG GTZO BO DANG RDUL PHRAN DANG RNAM PA LA SOGS PA DGAG PA'ANG PHAL CHER MI DMIGS PA'I RTAGS 'DI LTA BU NYID LA BLTOS PAS NA, DER YANG KLAN KA 'DI DAG CI STE MI 'BYUNG, DE DAG KYANG LTA ZHOG NGO BO MED PA LA SOGS PA 'DI GSUM GYIS GO BYA GO BYED 'GOG PA NYID LA'ANG SKYON MTSUNGS PAS NA MTSON CHA'I THABS BSLAB NYES PA LTAR RANG LA GNOD PA BYED PA 'BA' ZHIG GO ,NGO BO NYID MED PA'I RTAGS DE NI MA NGES PA NYID DU BSAL TE, DON BYED PA MED PAS RTAG PA 'GOG PA LA SOGS PA LA RTAGS DNGOS PO PA MED KYANG RTAGS 'DZIN PA'I SHES PA NYID LAS DE MED PA'I RTOGS PA SKYE BA DGAG TU MED PAS SO, ,DE BAS NA YOD PA LA SOGS PA YANG NGES PA LA MA LTOS PAR YOD PA TZAM GYIS RTAGS YIN NA RTOGS PA PO THAMS CAD LA NYE RING MED PAS THAMS CAD KYIS RTAG TU DE LAS MI RTAG PA LA SOGS PAR THAL BAS SO, ,'BREL PA MED PA YANG DNGOS LA 'BREL PA MED PA NI DPE SNGA MA NYID KYIS MA NGES PA'O,, @422B LDOG PA NI KHYAB BYA KHYAB BYED KYI BDAG GCIG PAS NA 'BREL PA MED PA MA GRUB BO, ,THA DAD PA MED PA YANG DON DAM PAR YIN NA NI MA NGES TE, BYAS PA DANG MI RTAG PA LTAR DON DAM PAR THA DAD MED PA YANG GO BYA GO BYED DU GRUB PA'I PHYIR RO, ,THA SNYAD PA'I THA DAD PA MED PA NI MA GRUB STE, GCIG DANG DU MA MED PA DANG RANG BZHIN MED PA NYID KYANG BYAS PA DANG MI RTAG PA LTAR LDOG PA LA BLTOS PA'I THA DAD PA BLO'I YUL DU GRUB PA'I PHYIR RO, ,MA YIN PAR DGAG PA NI KHAS KYANG MI LEN LA, DE TZAM GYI DNGOS PO DON DAM PAR YANG MI 'GRUB STE KHYAB PAR BYED PA NYE BAR GNAS PA TZAM GYIS KHYAB PAR BYA BA NGES PAR MI 'GRUB PA BSHAD ZIN PA BZHIN NO, ,DES NA LANG KAR GSHEGS PA LAS, JI LTAR ME LONG NGOS LA NI, ,ZHES BYA BA LA SOGS PA DANG, ,DNGOS PO GANG DANG GANG BRTAGS NA, ,DE DANG DE LA GCIG NYID MED, ,GANG LA GCIG NYID YOD MIN PA, ,DE LA DU MA NYID KYANG MED,, CES GSUNGS LA, ,SLOB DPON GYIS KYANG, GANG GIS DNGOS PO RNAM BCAD PA, ,DE NYID DU NA DE DNGOS MED, ,GANG GI PHYIR NA DE DAG LA, ,GCIG DANG DU MA'I RANG BZHIN BRAL, ,CES GSUNGS SO,, YAB SRAS MJAL BA LAS KYANG, ME LONG SHIN TU YONGS DAG LA, ,JI LTAR RANG BZHIN MED PA YI,, GZUGS BRNYAN SNANG BA DE BZHIN DU, ,LJON PA CHOS KUN SHES PAR GYIS, ,ZHES SO, ` ,RTEN 'BREL GYI GTAN TSIGS DGOD PA NI, GANG ZHIG BRTEN NAS 'BYUNG DE YANG DAG PA'I, ,RANG BZHIN GYIS DBEN SGYU MA LA SOGS BZHIN, ,CHOS KUN RGYU LAS RAG LAS ZHES BYA BA STE, GANG ZHIG RTEN CING 'BREL PAR 'BYUNG BA DE NI DON DAM PAR RANG BZHIN GYIS STONG PA STE, DPER NA SGYU MA LA SOGS PA LTA BU'O, ,PHYI NANG GI CHOS MTHA' DAG KYANG RGYU JI LTA BAR RANG RANG GI RJES SU MTHUN PA RNAMS LAS SKYES PAS RTEN CING 'BREL PAR 'BYUNG BA'I PHYIR ZHES BYA BA STE, YANG DAG PA'I RANG BZHIN LA NI GZHAN DU MI 'GYUR BAS KHYAB LA DE DANG 'GAL BA RGYU 'JIG CING 'BRAS BU SKYE BA LA SOGS PAS RTEN 'BREL DU GRUB PAS NA KHYAB BYED 'GAL BA DMIGS PA'O, ,YANG RANG BZHIN BDEN PA LA NI 'GYUR MED KYIS KHYAB LA, DE DANG 'GAL BA NI RNAM 'GYUR DANG BCAS PA YIN ZHING, DES KHYAB PA @423A NI BRTEN NAS SKYE BA YIN PAS, KHYAB BYED 'GAL BAS KHYAB PA DMIGS PA'AM, RANG BZHIN BDEN PA NI GZHAN DU 'GYUR BA DANG 'GAL LA, DES KHYAB PA NI SKYE BA DANG LDAN PA YIN PAS 'GAL BAS KHYAB PA DMIGS PAR YANG KHA CIG 'CHAD DO, ` ,SKYON SPANG PA LAS MA GRUB PA SPANG BA NI, MTHONG BA DANG, 'THAD DANG LUNG LAS RGYU 'BRAS RNAM KUN GNAS CES BYA BA STE, MNGON SUM DANG LKOG TU GYUR PA'I RGYU DANG 'BRAS BU SA BON DANG MYU GU ME DANG DU BA LA SOGS PA DANG, LAS DANG 'BRAS BU DANG, MTHO RIS DANG BYANG GROL LA SOGS PA RNAMS MNGON SUM DANG RJES DPAG DANG LUNG GI TSAD MA CI RIGS PAS SO SOR NGES PA MA 'TSOL BAR GRUB PAS NA, 'DI'I PHYOGS CHOS NI THA SNYAD DU RGYU 'BRAS 'DZIN PA'I TSAD MA NYID KYIS GRUB PA'O, ` ,MA NGES PA SPANG BA NI, RANG BZHIN BDEN PA GZHAN 'GYUR MI RIGS DANG, ,SNGAR BSTAN SOGS RIGS LDOG PA'I GNOD BYED DE, ,GZHAN YANG RANG BZHIN BYAS MIN BLTOS 'GAL PHYIR, ,GZHAN LAS SKYE BAS BDEN PA'I DNGOS NYID GSAL, ,LDOG PA'I GNOD BYED NI RANG BZHIN BDEN PA LA GZHAN DU 'GYUR BA 'GAL BA DANG, GCIG DANG DU MAR YANG MA GRUB PA SNGAR BSTAN PA DANG, SKYE BA 'GOG PA 'CHAD PAR 'GYUR BA DAG GIS SO, ,GZHAN YANG RGYU RKYEN LA BLTOS TE SKYE BA NI RANG BZHIN BYAS PA NI NYID DU 'GYUR GYI YANG DAG PAR GNAS PA NI MA YIN TE, MA BYAS PA NI GZHAN LA BLTOS PAR MI 'THAD PA'I PHYIR RO, ,'DI LTAR BYAS PA GANG YIN PA DE NI RANG BZHIN GYIS NGO BO NYID DANG BCAS PAR MI RUNG STE, RANG BZHIN NI YOD PAR BDEN PA NYID KYI GTAN DU BA NYID YIN PA NA GZHAN DU MI 'GYUR BA NYID KYIS SUS KYANG JI LTAR YANG BYA BAR MI NUS PA'I PHYIR RO, ,DES NA YANG DAG PA NYID YIN NA MA BYUNG BA LAS BYUNG BA DANG BYUNG NAS KYANG MED PA 'GAL BA'I PHYIR DE DAG DANG 'BREL BA MED DO ZHES 'CHAD PAR YANG 'GYUR RO, ,KHYAB PA BSGRUB PA'I TSAD MA DE NYID LUNG LAS KYANG GNAS PA STE, SLOB DPON GYIS KYANG, RANG BZHIN RGYU DANG RKYEN DAG LAS, ,'BYUNG BA RIGS PA MA YIN ? TE, ,RGYU DANG RKYEN LAS 'BYUNG NA NI, ,RANG BZHIN BYAS PA CAN DU 'GYUR, ,RANG BZHIN DAG NI JI LTA BUR, ,BYAS PA CAN @423B ZHES BYA BAR RUNG, ,RANG BZHIN DAG NI BYAS MIN DANG, ,GZHAN LA BLTOS PA'ANG MED PA YIN, ,GAL TE RANG BZHIN GYIS YOD NA, ,DE NI MED PAR YANG MI 'GYUR, ,RANG BZHIN GZHAN DU 'GYUR BA NI, ,NAM YANG 'THAD PA MA YIN NO, ,ZHES GSUNGS SO, ,MDO LAS KYANG, RGYU 'BRAS KYIS BSDUS PA MI RTAG PA DANG, DES MA BSDUS PA RTAG PAR 'DZIN PA GNYI GA PHYIN CI LOG TU GSUNGS PAS, RTEN 'BREL LA RANG BZHIN MI BDEN PAS KHYAB PAR GSAL BAR BSTAN TE, DPAL PHRENG GI MDO LAS, BCOM LDAN 'DAS 'DI GNYIS NI MTHAR LTA BA STE CHAD PA DANG RTAG PAR LTA'O, ,GAL TE 'DUS BYAS THAMS CAD MI RTAG PAR BLTA NA CHAD PAR LTA BA STE YANG DAG PA MA LAGS PA'I LTA BA'O, ,MYA NGAN LAS 'DAS PA RTAG PAR BLTA NA RTAG PA'I LTA BA STE YANG DAG PA MA LAGS PA'I LTA BA'O ZHES SO, ,SLOB DPON GYIS KYANG, DNGOS PO YOD PAR KHAS LEN PA, ,RTAG PA DANG NI CHAD PA YI, ,LTA BAR RAB TU THAL 'GYUR TE, , DNGOS TE RTAG PA'AM MI RTAG 'GYUR, ,ZHES SO, , ` 'GAL BA SPANG BA LAS RIS MTHUN PA LA YOD PA NI, MTHUN PHYOGS LA 'JUG 'GAL BAR SRID MIN TE, ,DE NI LDOG PAS KHYAB PA NYID PHYIR RO,, SGYU MA SOGS KYANG DNGOS POR SRID MIN TE, ,SHES DANG SHES BYA'I MTSAN NYID SPANGS PHYIR RO, ,'DI NI MTHUN PA'I PHYOGS LA RJES SU 'GRO BA'I PHYIR 'GAL BA NYID KYANG MA YIN TE, GANG ZHIG MI MTHUN PA'I PHYOGS KHO NA LA SRID PASBSGRUB BYA LAS LDOG PA BSGRUB PA DE NYID 'GAL BAR 'GYUR GYI, MTHUN PHYOGS NYID LA 'JUG PA DER JI LTAR 'GYUR, SGYU MA LA SOGS PA NYID KYANG DNGOS POR YOD PAS MTHUN PHYOGS NYID DU MA GRUB BO SNYAM NA, DE DAG NI SHES PA DANG SHES BYA'I DNGOS PO DANG MTSAN NYID MI MTHUN PA CHA SHAS DANG BCAS PAR SNANG BA'I PHYIR, MIG MA BSLAD PAS KYANG MTHONG BA LA SOGS PAR THAL BA'I PHYIR DANG, DE GNYIS LAS MA GTOGS PA'I DNGOS PO'ANG MI SRID PA'I PHYIR DNGOS PO NYID DU GA LA RIGS PAS NA MTHUN PHYOGS LAS MA 'DAS SO, ` ,NGO BO MA MTHONG BA TZAM GYIS MI GNOD PA NYID GAL TE 'DI NI NAM MKHA'I ME TOG LA SOGS PA LA NI NAM YANG MA MTHONG GI ,GZUGS LA SOGS PA'I YOD PA'I NGO BO NYID KHO NA LA MTHONG BAS NA 'DIS NI DNGOS @424A PO NYID SGRUB PAR BYED PAS 'GAL BA LAS MI 'DA'O SNYAM NA, NGO BO NYID BCAS DAG LA DMIGS TZAM GYIS, ,BDEN PA'I RANG BZHIN BSGRUB PAR NUS MA YIN, DE LTAR MED PA LA MA MTHONG ZHING NGO BO NYID YOD PA DAG LA MTHONG DU ZIN KYANG DE NI THA SNYAD TZAM DU YOD PAR ZAD PAS NA DES DON DAM PA NYID BSGRUB PAR GA LA NUS TE, KHYAB PAR BYED PA GRUB PAS KHYAB PAR BYA BA MI 'GRUB PAR BSTAN ZIN TO, ` ,DPE LA SGRUB BYED YOD PA NI, 'O NA SGYU MA LA SOGS PA NI BRDZUN PA NYID KYIS RGYU LA BLTOS PA MED PA'I PHYIR RTEN CING 'BREL PAR 'BYUNG BA NYID MA GRUB PA NA DPE SGRUB BYED KYIS STONG PA'O SNYAM NA, SGYU MA LA SOGS BRDZUN YANG SNGAGS SOGS LAS, ,SKYE BAR MTHONG BZHIN 'GOG NA SMYOS PAR ZAD, ,SGYU MA LA SOGS PA DON DAM PAR RAM THA SNYAD TZAM DU MI SKYE BAR BRJOD, DANG PO NI, 'DOD PA KHO NA STE DE NI DPE LA MTHONG BA'I RTAGS SU MI STON GYI MTHUN SNANG DU GRUB PA TZAM STON PAR ZAD PAS NA, GRUB MTHA' LA BRTEN NAS CHOS CAN LA SOGS PA MI 'JOG PAR BRJOD ZIN NO, ,THA SNYAD TZAM DU'ANG DE DAG MA SKYES PAR BRJOD NA NI 'JIG RTEN PA NYID KYIS ZLOG PAR BYED PAS KHO BO CAG NI BTANG SNYOMS NYID DU 'JOG GO ,DE 'JIG RTEN PA DANG JI LTAR 'GAL ZHE NA, YID RNAL DU GNAS PA SU ZHIG SGYU MA DANG RMI LAM LA SOGS PA'I RKYEN SMAN DANG SNGAGS LA SOGS PA SGYU MA MKHAN GYI BYED PA DANG, YID GNYID KYIS BSLAD PA LA SOGS PA YIN PAR MTHONG BZHIN DU YANG DE DAG SKYE BA MED CES SMRA BAR BYED DE, MKHAS PA RNAMS KYI BZHAD GAD KYI GNAS CHEN POR ZAD PAS NA KHYAD DU BSAD PAR 'OS PA'O, ,'DIS NI MA GRUB PA SPANG BA SNGAR BSHAD PA YANG GSAL BAR BSGRUBS PA'O, ,RTAGS 'DI NI LUNG LAS KYANG GSAL POR GSUNGS TE, RGYA MTSOS ZHUS PA LAS, RKYEN LAS SKYES PA GANG YIN DE MA SKYES, ,DE LA NGO BO NYID KYIS SKYE BA MED, ,RKYEN LA RAG LAS GANG DE STONG PAR BSHAD, ,GANG ZHIG STONG NYID SHES DE BAG YOD YIN ZHES SO,, BLO GROS RGYA MTSOS ZHUS PA LAS KYANG, GANG DAG BRTEN NAS 'BYUNG DE DAG ,NGO BO NYID KYIS CI YANG MED, ,GANG DAG NGO BO NYID MED PA, ,DE DAG GANG DU 'BYUNG BA MED CES SO, ,SLOB DPON GYIS KYANG @424B GANG ZHIG BRTEN NAS 'BYUNG 'GYUR BA, ,DE NI NGO BO NYID KYIS ZHI, ,DE LTA BAS NA BSKYED BYA DANG, ,SKYE BA NYID KYANG ZHI BA YIN, ,RTEN CING 'BREL TE BYUNG BA GANG, ,DE NI STONG PA NYID DU BSHAD, ,DE NI RGYUR BCAS GDAGS PA STE, ,'DI NI DBU MA'I LAM YIN NO ZHES GSUNGS SO, ,'DI THAMS CAD KYIS KYANG RTEN 'BREL LAS STONG PAR GRUB PA NYID GSUNGS PA'O, ` ,RDO RJE GZEGS MA'I GTAN TSIGS DGOD PA NI, CHOS KUN RANG GZHAN GNYIS DANG RGYU MED LAS, ,MA YIN SKYE MED NAM MKHA'I ME TOG BZHIN, ,GANG DAG DON DAM PAR RANG DANG GZHAN GNYI GA DANG RGYU MED PA LAS SKYE BA DANG BRAL BA DE DAG NI YANG DAG PAR NA SKYE BA CAN GYI NGO BO NYID MED PA YIN TE, NAM MKHA'I PADMA LA SOGS PA BZHIN NO, ,RANG DANG GZHAN GYIS YANG DAG PAR YOD PAR SMRAS PA'I DNGOS PO THAMS CAD LA'ANG RANG LA SOGS PA LAS SKYE BA MED PAS SO ZHES KHYAB BYED MI DMIGS PA'O, ` ,'DI'I MA GRUB PA SPONG BA NA, DANG PO RANG LAS MI SKYE BA BSGRUB PA LAS, RANG MA GRUB PAS MI SKYED PA NI, RANG NYID MA GRUB BSKYED MIN MED PHYIR TE, ,MO GSHAM BU LTAR BDAG BSKYED NUS MA YIN, ,GRANGS CAN LA SOGS PA RGYU NYID 'BRAS BU'I BDAG NYID DU GNAS PAS DNGOS PO RNAMS RANG LAS SKYE BAR BRJOD PA NI MI RIGS TE, DE LTA NA RANG GRUB PA'AM MA GRUB PA SKYE BYED DU 'DOD, MA GRUB PA NI SKYED BYED MA YIN TE DE'I TSE RANG NYID MED PA'I PHYIR MO GSHAM BU LA SOGS PA LTAR RANG GI NGO BO MA GRUB PA LA'ANG RANG NYID BSKYED PA'I NUS PA MED PA'I PHYIR CI ZHIG RANG GI BSKYED PA POR 'GYUR, ` GRUB PAS MI BSKYED PA LAS KHYAD PAR DU BYAR MED PA 'BRAS BUR MI RUNG BA NI, GRUB NA'ANG KHYAD PAR BYAR MED BSKYED BYA MIN, ,'ON KYANG BSKYED NA SKYE BA THUG MED 'GYUR, ,RGYU 'BRAS GNYI GA GRUB PAR BYE BRAG MED PAS 'BRAS BU'ANG GRUB ZIN PA'I PHYIR CI ZHIG BSKYED DU YOD DE GRUB ZIN PA LA GZHAN GYI DBANG MI RUNG BA'I PHYIR RO, ,GRUB PA DANG MA GRUB PA'I BYE BRAG YOD NA NI DE'I BDAG NYID DU MI RIGS PAS RANG LAS SKYE BA NYAMS SO, ,KHYAD PAR DU BYAR MED KYANG BSKYED NA NI SHES PA YOD PA'I SKYES BU RTAG PAR 'DOD PA YANG SKYED PAS SKYE BA THUG PA MED PA'AM MI 'DOD PA @425A GRUB PAR THAL LO, ` ,DE NYID BSGRUB PA NI, 'ON TE DNGOS PO GRUB KYANG PHAN PA 'GA' ZHIG BSGRUB TU YOD PAS KHYAD PAR DU BYAR MED PAR MA GRUB BO SNYAM NA, PHAN PA'ANG GZHAN NA RANG LAS SKYE BA NYAMS, ,DE NYID YIN NA'ANG BSKYED BYA CI ZHIG YOD, ,DE'I TSE PHAN PA DE RGYU NYID LAS THA DAD NA NI RANG LAS SKYE BA NYAMS TE PHAN PA DON GZHAN BSKYED PAS SO, ,THA MI DAD NA NI PHAN PA NYID KYANG GRUB ZIN PAS BSKYED DU CI ZHIG YOD, ` RGYU 'BRAS KYI SGRA DON 'CHOL BA SPYIR STON PA NI, RGYU 'BRAS BRJOD PA RNAM GRANGS MA YIN PHYIR, ,SGRA DON LA BLTOS GCIG LA CI LTAR 'THAD, , GZHAN YANG RGYU DANG 'BRAS BU'I MING NI SHING DANG LJON PA LTAR RNAM GRANGS MA YIN PAS SGRA 'JUG PA'I RGYU DON THA DAD PA LA NGES PAR BLTOS PA YIN NA RANG LAS SKYE BAS RGYU 'BRAS GCIG TU KHAS LEN PA LA NI DON GYI KHYAD PAR CUNG ZAD KYANG SMRAR MED DO, ` ,'DI BSGRUB PA LA LNGA STE, MNGON PAR GSAL BA'ANG THA DAD GCIG NYID DANG, ,RANG BZHIN BOR DANG MA BOR DE NYID NI, ,GZHAN 'GYUR DMIGS DANG MA DMIGS RTAG PA DANG, ,MI RTAG GANG YANG 'THAD PA MA YIN NO, 'ON TE 'O MA LAS ZHO LA SOGS PA LTAR SNGAR MI GSAL BA LAS GSAL BA'I GNAS SKABS RGYU'I 'OG TU BYUNG BAS RGYU 'BRAS KYI SGRA'I DON THA DAD PA MA 'CHOL BA GRUB BO ZHE NA, MA YIN TE GSAL BA'I GNAS SKABS NYID RGYU LAS THA DANG NA NI RANG LAS SKYE BA NYAMS LA, GCIG NA NI GSAL BA'I ZHO NYID DER MI GSAL BA'I 'O MA YIN PAS RGYU 'BRAS KYI DON 'CHOL BA LAS MA 'DAS SHING, ,GSAL BA DANG MI GSAL BA 'GAL 'DU BAR YANG 'GYUR RO, ,GZHAN YANG GSAL BA NA RGYU DE RANG BZHIN BOR NA NI MI GSAL BA ZHIG NAS GSAL BA SKYES PAS RANG LAS SKYE BA NYAMS SO, ,MA BOR NA NI GNAS SKABS 'CHOL BAS RGAN PO LA SOGS PA'I GNAS SKABS NA'ANG BYIS PA LA SOGS PA'I GNAS SKABS DMIGS PAR THAL LO, ,GZHAN YANG GSAL BA NI MI SNANG BA GZHAN DU GYUR PA NYID LA 'DOD LA, DE NYID GZHAN DU GYUR PA NI MI 'THAD DE 'GAL BA 'DU BAS SO, ,DES NA GNAS SKABS SNGA MA DANG MTSAN NYID MI MTHUN PA GZHAN DU GYUR PA JI LTAR DE NYID @425B YIN, YANG 'O MA NYID GSAL BA'I GNAS SKABS YIN NA SNGAR YANG DE LA SGRIB BYED MI SRID PAS DMIGS PA'AM, SNGAR DE MI SNANG BA'I NGO BO NYID YIN NA 'O MA YANG DE NYID YIN PAS MI DMIGS PAR YANG 'GYUR BAS DMIGS MI DMIGS 'GAL BA YANG DE NYID YIN PAR MI 'THAD DO,, YANG DE DAG RTAG NA NI GSAL BA GZHAN DU 'GYUR BA NYID MI RUNG LA, ,MI RTAG NA'ANG DE NYID YIN PAS RANG LAS SKYE BA JI LTAR RUNG, ` ,RANG LAS SKYE BA GLO BUR BA DGAG PA NI, DNGOS RNAMS YUL DUS RNAM PA NGES PA'I PHYIR, ,RANG LAS SKYE BA GLO BUR NYID MI SRID, ,GAL TE 'DI GLO BUR BA NYID YIN NA NI DNGOS PO RNAMS YUL DANG DUS DANG RANG BZHIN SO SOR NGES PA GRUB PA CI'I PHYIR TE, GANG LA'ANG BLTOS PA MED PA LA NI DE LTA BU'I NGES PA JI LTAR YANG MI SRID DO, ,GAL TE 'GA' ZHIG LA BLTOS NA NI GZHAN LAS SKYES PAR 'GYUR TE PHAN MI 'DOGS PA LA BLTOS PAR MI 'THAD PA'I PHYIR RO, ,DE LTAR NA RE ZHIG RANG LAS SKYE BA NI KUN RDZOB TU 'ANG MI SRID PA NYID DO, ` ,GZHAN LAS SKYE BA DGAG PA LAS GZHAN RTAG PA LAS SKYE BA DGAG PA NI, RTAG LAS SKYE BA NAM YANG SRID MIN TE, ,RIM DANG CIG CAR SKYED PA MI RUNG PHYIR, ,RE ZHIG RTAG PA LAS NI THA SNYAD DU YANG SKYE BA MI RUNG STE RIM DANG CIG CAR DAG GIS DON BYED PAR MI 'THAD PA'I PHYIR RO, ,RIM GYIS MI BYED PA NI NUS PA LA RIM PA MED PAR 'BRAS BU RIM CAN 'BYUNG BA 'GAL BA'I PHYIR DANG, RKYEN RIM CAN GYI DBANG GIS 'BRAS BU RIM GYIS BYED PAR 'DOD NA YANG, RKYEN GYIS RTAG PA'I NUS PA RIM CAN DU BSGYUR NA NI RTAG PA NYID NYAMS PAR 'GYUR BA'I PHYIR DANG, MI SGYUR NA NI RKYEN STONG GIS ZIN KYANG 'BRAS BU RIM CAN BSKYED PAR MI NUS PA LAS MI 'DA' BA'I PHYIR RO, ,CIG CAR BYED PAR YANG MI RUNG STE, DE'I 'BRAS BU BSKYED PA'I NUS PA DE PHYIS KYANG GNAS NA RTAG TU 'BRAS BU THAMS CAD BSKYED PAR 'GYUR LA, MI GNAS NA NI RTAG PAR MI RUNG NGO, ,GAL TE NUS PA NI RTAG TU GNAS MOD KYI 'BRAS BU THAMS CAD SNGAR BSKYED ZIN PAS PHYIS MI SKYE BA'I PHYIR NYES PA DE DAG LAS GROL LO SNYAM NA, DE LTA NA NUS PA LA KHYAD PAR MED PA'I PHYIR 'BRAS BU THAMS CAD SNGAR BZHIN DU PHYIS KYANG BSKYED @501A RIGS PAS GONG MA DAG KYANG MI RIGS TE DE SNGON DU 'GRO BA'I PHYIR RO, ,DRI MA MED PA NI LTUNG BA CHES PHRA BA YAN CHAD 'CHAL BA'I TSUL KHRIMS KYI DRI MA THAMS CAD SHES BZHIN DU GNAS PA NYID KYIS THAG BSRINGS PA'I PHYIR DANG, RANG BZHIN GYIS TSUL KHRIMS RNAM PAR DAG PA DANG LDAN PA'I PHYIR DANG, THEG PA DMAN PA YID LA BYED PA'I DRI MA DANG BRAL BA'I PHYIR TE, DE BAS NA BDAG GIS SGRUB TU MTSUNGS PA LA RNAM PA THAMS CAD YONGS SU SBYANG BA NYID BSGRUB PA LA BRTZON PAR BYA'O, ,ZHES GSUNGS PA LTAR RO, ,'OD BYED PA NI TING NGE 'DZIN GYI SNANG BA GSAL BA'I STABS KYIS CHOS TSAD MED PA BRTZON PA CHEN POS TSOL ZHING, THOS PA 'DZIN PA'I GZUNGS LA GNAS PAS JI LTAR THOS PA'I CHOS KYI SNANG BA CHEN PO ZIL GYIS MI NON PA BZOD PAR MI NUS PA THOB PA LAS, 'JIG RTEN LAS 'DAS PA'I SHES RAB KYI 'OD TSAD MED PAS GZHAN LA CHOS KYI SNANG BA CHEN PO BYED PA'I PHYIR RO, ,'OD 'PHRO CAN NI BYANG CHUB KYI PHYOGS DANG MTHUN PA'I SHES RAB SGRIB PA GNYIS KYI SHING SREG PAR BYED PA'I ME'I 'OD DANG SHES RAB KYI SNANG BAS CHOS STON PA'I 'OD RAB TU 'PHRO BA'I PHYIR RO, ,SBYANG DKA' BA NI BYANG CHUB KYI PHYOGS KYI SHES RAB DE THABS KYIS ZIN PAS SEMS CAN SMIN PAR BYED PAR BRTZON YANG SEMS CAN GYI LOG PAR BSGRUB PAS NYON MONGS PAR MI 'GYUR BAR RJES SU SRUNG BAR BYED PAS NA, BDEN PAR RNAM PAR NGES PA'I SHES RAB KYIS THABS DANG SHES RAB MCHOG GOMS PA LA DBANG BSGYUR BA DKA' BAS SBYANG BAR BYA DGOS PA'I PHYIR DANG BSGOM PAS SPANG BAR BYA BA THUL BAR DKA' BA'ANG THUL BA'I PHYIR DANG, BDEN PA LA MKHAS PAS RNAM PAR MI RTOG PA DANG 'JIG RTEN PA'I YE GE DANG RTZIS DANG BSTAN BCOS LA SOGS PA LA MKHAS PA RNAM PAR RTOG PA DANG, PHAN TSUN MI MTHUN PA BSGRUB DKA' BA SBYONG BA'I PHYIR RO, ,MNGON DU GYUR PA NI CHAGS PA MED PA'I YE SHES LA MNGON PAR PHYOGS PA'I SHES RAB KYI PHA ROL TU PHYIN PA LA BRTEN NAS, RTEN 'BREL LUGS DANG LDOG PAR 'JUG PA SRID PA DANG ZHI BA MNYAM PA NYID KUN NAS NYON MONGS DANG RNAM BYANG THA DAD PA MED PA MNGON SUM DU GYUR PA'I PHYIR RAM, 'DU BYED KYI CHOS KYI RANG BZHIN BAR CHAD MED PAR MNGON DU GYUR CING MTSAN MA MED @501B PA YID LA BYED PA'ANG MNGON DU GYUR PAS CHOS THAMS CAD MNGON DU GYUR PA'I PHYIR RO, , RING DU SONG BA NI BGROD PA GCIG PA'I LAM KHYAD ZHUGS PA SA BRGYAD PA DANG DNGOS SU 'BREL CING SBYOR BA LAS BYUNG BA'I SPYOD PA MTHAR 'BYIN PAS 'JIG RTEN PA LA SOGS PA LAS RING DU SONG BA'I PHYIR DANG, RTZOL BA DANG BCAS PAS MTSAN MA MED PA YID LA BYED PA DANG ZAG PA MED PA'I CHOS LA BAR CHAD MED PAR SBYOR BAS RNAM PAR GROL BA'I TING NGE 'DZIN YUN RING DU BSGOMS PA RNAM PAR DAG CING THOGS PA MED PA THOB PA'I PHYIR RO, ,MI G-YO BA NI MTSAN MA LA SPANG BAR RTZOL BA DANG MTSAN MA MED PA LA SGRUB PAR RTZOL BA'I 'DU SHES GNYIS KYIS MI G-YO BA'I PHYIR DANG, MTSAN MA MED PA LA DBANG THOB PAS RNAM PAR SMIN PA KHO NA STE RANG GI NGANG GIS MTSAN MA MI 'BYUNG ZHING DES NYE BAR SBYAR BA'I NYON MONGS PAS G-YO BAR MI NUS PAS NA, MTSAN MA THAMS CAD DANG MNGON PAR 'DU BYED PA THAMS CAD KYIS MI G-YO BA'I PHYIR RO, ,SA BDUN PA LA YANG KUN TU MI SPYOD PAS MTSAN MAS MI G-YO BA YOD MOD KYI, 'BAD RTZOL LA BLTOS PAS RANG GI NGANG GIS MA YIN LA, 'DI LA NI SGRIM MI DGOS PAR RANG GI NGANG GIS 'JUG PAS KHYAD ZHUGS PA'O, ,LEGS PA'I BLO GROS NI SO SO YANG DAG PAR RIG PA BZHI SNGON MA THOB PA DANG POR THOB PA GTZOR GYUR PA'I STOBS KYIS, KHA NA MA THO BA MED CING SHIN TU YANGS PA'I BLO GROS BZANG PO THOG PA MED PA DANG LDAN PAS, RNAM PA THAMS CAD DU CHOS STON PA LA DBANG THOB PA LAS GZHAN GYI DON SGRUB PAR NUS PA'I PHYIR TE, CHOS KYI TSIG KUN MNGON PAR MKHYEN, ,DON RNAMS KUN GYI TSUL LA MKHAS, ,SKAD KUN RNAM PAR 'BYED PA MKHYEN, , PHYOGS RNAMS KUN TU SPOBS DANG LDAN ZHES GSUNGS PA LTAR RO, ,CHOS KYI SPRIN NI TING NGE 'DZIN DANG GZUNGS KYI SGO GNYIS KYI SPRIN GYIS SA'I YE SHES KYI NAM MKHA' KHYAB PA'I PHYIR DANG, MDO LA SOGS PA'I CHOS THAMS CAD BSDUS SHING 'DRES PA SPYI'I DE BZHIN NYID SHES PA'I SPRIN GYI KHONG NA SPRIN LA CHU LTAR SGO GNYIS KYI CHU YOD DE DE DAG @502A BSKYED PAR NUS PA'I PHYIR DANG, YE SHES KYI SPRIN CHEN POS CHOS KYI SKU'I NAM MKHA' LA KHYAB PAR BYED PA'I PHYIR, RGYAL BU RGYAL TSAB TU DBANG BSKUR BA RGYAL SRID LA DBANG THOB PA LTAR, CHOS KYI RJE NYID DU DBANG BSKUR BAS CHOS LA DBANG BA CHEN PO'I GNAS SU GYUR PA'I PHYIR DANG, GNAS NGAN LEN GYI LUS KYI NAM MKHA' LA CHOS KYI SKU'I SPRIN CHEN POS KHEBS PAR BYED PAS NA, JI LTAR SPRIN GYIS NAM MKHA' SGRIB CING KHEBS PAR BYED PA LTAR, SA'I YE SHES 'DIS KYANG SGRIB PA GNYIS NAM MKHA' LTAR RGYA CHE ZHING MU MED PA LA KHEBS PAR BYED CING BSGRIBS PAS SEL BAR BYED PA'I PHYIR DANG, SANGS RGYAS THAMS CAD KYI CHOS KYI SPRIN LAS SHIN TU RGYA CHE ZHING GZHAN GYIS BZOD PAR DKA' BA'I CHOS KYI CHAR YANG DAG PAR NOD PA DANG 'DZIN PAS PHYOGS THAMS CAD DU BDUD RTZI'I CHAR GYIS SEMS CAN RNAMS KYI THOG MA MED PA NAS BSAGS PA'I MI SHES PA DANG DE LAS BYUNG BA NYON MONGS PA'I RDUL DANG ME 'BAR BA ZHI BAR BYED PA'I PHYIR DANG, YANG SPRIN GYIS NAM MKHA' CHUS 'GENGS PA LTAR YE SHES DE'ANG YON TAN GYI TSOGS KYI GNAS CHOS SKU RDZOGS PAR BYED PA'I PHYIR DANG YANG CHOS STON PA'I SPRIN CHEN POS 'JIG RTEN GYI KHAMS MTHA' YAS PAR CHOS KYI CHAR 'BEBS PAS, CHAR GYIS LO TOG SGROL BA LTAR SEMS CAN THAMS CAD KYI DGE BA'I LO TOG BSKYED CING SPEL BAS SGROL BAR BYED PA'I PHYIR RO, `,SA'I SPYI'I NGES TSIG NI, 'GRO BA DPAG MED BSKYAB PHYIR YON TAN TSOGS, ,DPAG MED RTEN LA GONG DU 'GRO LDAN PHYIR, ,SEMS CAN SROG CHAGS 'BYUNG PA DPAG TU MED PA RNAMS SDUG BSNGAL DANG SGRIB PA'I 'JIGS PA THAMS CAD LAS BSKYAB PA'I DON DANG, YE SHES DANG YON TAN GYI TSOGS DPAG TU MED PAS RAB TU PHYE BA'I SA BCU PO DE RNAMS LA PHYI PHYIR ZHING GONG NAS GONG DU 'GRO BA'I RTEN DU GYUR PA'I PHYIR BYANG CHUB SEMS DPA' RNAMS KYIS YONGS SU BZUNG BAR BYA BA'I DON GYIS SA ZHES BYA BA'O, `,SA DE RNAMS NYID GNAS PAR BRJOD PA'I NGES TSIG NI, DGE BA SNA TSOGS BSGRUB LA RTAG PAR @502B YANG; ;DGA' BAS GNAS PHYIR SA RNAMS GNAS PAR GSUNGS, ,BSOD NAMS DANG YE SHES KYIS BSDUS PA'I DGE BA BSGRUB PA SBYIN PA LA SOGS SNA TSOGS PA THAMS CAD LA DUS THAMS CAD DU DGA' BA DANG SPRO BA CHEN POS GNAS PA'I PHYIR, BYANG CHUB SEMS DPA' RNAMS KYIS LONGS SPYOD PA'I RTEN NAM GNAS KYI DON GYIS GNAS PA ZHES BYA BA'O, ,'DI NI SA BCU PO DE LA RAB TU DGA' BA LA GNAS PA DANG, LHAG PA'I TSUL KHRIMS LA GNAS PA DANG, LHAG PA'I SEMS LA GNAS PA DANG, LHAG PA'I SHES RAB LA GNAS PA GSUM PO BYANG CHUB KYI PHYOGS DANG LDAN PA DANG, BDEN PA DANG LDAN PA DANG, RTEN 'BREL 'JUG LDOG DANG LDAN PA STE, BYANG CHUB SEMS DPA' GANG GIS MTHONG BA DANG, DE KHO NA GANG MTHONG BA DANG, DE KHO NA MA SHES PAS SEMS CAN RNAMS KYI SDUG BSNGAL 'JUG CING, SHES PAS DE LDOG PA NI SGO GSUM NAS DPYOD PA'I LHAG PA'I SHES RAB LA GNAS PA GSUM YIN PA DANG, MTSAN MA MED PAR GNAS PA MNGON PAR 'DU BYED PA DANG BCAS RTZOL BA DANG BCAS LA RGYUN CHAGS PA'I LAM LA 'JUG PA LA GNAS PA DANG, MTSAN MA MED PA LA GNAS PA NYID RTZOL BA MED PA LHUN GYIS GRUB PA'I LAM LA 'JUG PA LA GNAS PA DANG, SO SO YANG DAG PA RIG PA LA GNAS PA DANG, BYANG CHUB SEMS DPA'I GNAS PA MCHOG GRUB PAR GSUNGS LA DE DAG GI SNGON DU RIGS LA GNAS PA DANG, MOS PA SPYOD PA LA GNAS PA GNYIS TE GNAS PA BCU GNYIS KYIS BYANG CHUB SEMS DPA'I SPYOD PA THAMS CAD BSDUS PA DANG, MTHAR DE BZHIN GSHEGS PA'I GNAS PA 'BRAS BU THOB PA DANG BCU GSUM DU GSUNGS TE, RIGS DANG DE BZHIN MOS PA DANG, ,RAB TU DGA' DANG LHAG KHRIMS DANG, ,LHAG PA'I SEMS DANG SHES RAB GSUM, ,MTSAN MA MED PA RNAM PA GNYIS, ,RTZOL DANG BCAS DANG LHUN GYIS GRUB, ,SO SO YANG DAG RIG DANG MCHOG ,DE BZHIN GSHEGS PA'I GNAS PA MCHOG CES SO, `,MI MTHUN PHYOGS KYI DBYE BA DANG, GNYEN PO'I DBYE BA GNYIS LAS SGRIB PA SPYI'I DBANG DU BYAS PA NI, GANG ZAG CHOS SU MNGON ZHEN NGAN SONG BA'I, ,NYON MONGS LA SOGS KUN RMONGS @503A NYI SHU DANG, ,GNAS NGAN LEN BCU MI MTHUN PHYOGS DBYE STE, ,GNYEN PO'I DBYE BA SA BCU NYID DU GSUNGS, ,SA DANG PO GNYEN POR BYAS PA'I SPANG BYA NI GANG ZAG DANG CHOS KYI MTSAN MAR ZHEN PA DANG, NGAN SONG BA'I NYON MONGS PA'I KUN TU RMONGS PA GNYIS DANG, DE'I GNAS NGAN LEN TE GSUM MO, ,DE BZHIN DU GNYIS PA'I NI LTUNG BA PHRA MO'I 'KHRUL PA DANG, CHOS LA SRED PA'I KUN TU RMONGS PA DANG, DE'I GNAS NGAN LEN TO, ,GSUM PA'I NI 'DOD PA'I 'DOD CHAGS DANG, THOS PA'I GZUNGS MA RDZOGS PA'I KUN TU RMONGS PA DANG, DE'I GNAS NGAN LEN TO, ,BZHI PA'I NI SNYOMS PAR 'JUG PA LA SRED PA DANG, CHOS LA SRID PA'I KUN TU RMONGS PA DANG, DE'I GNAS NGAN LEN TO, ,LNGA PA'I NI 'KHOR BA LA GCIG TU MI PHYOGS PA DANG MNGON DU PHYOGS PA'I YID LA BYED PA DANG, MYA NGAN LAS 'DAS PA LA GCIG TU MI PHYOGS PA DANG MNGON DU PHYOGS PA YID LA BYED PA'I KUN TU RMONGS PA DANG, DE'I GNAS NGAN LEN TO, ,DRUG PA'I NI 'DU BYED KYI 'JUG PA MNGON DU BYA BA DANG, MTSAN MA MANG PO 'BYUNG BA'I KUN TU RMONGS PA DANG, DE'I GNAS NGAN LEN TO, , BDUN PA'I NI MTSAN MA PHRA MO KUN TU 'BYUNG BA DANG, MTSAN MA MED PA GCIG TU YID LA BYED PA LA KUN TU RMONGS PA DANG, DE'I GNAS NGAN LEN TO, ,BRGYAD PA'I NI MTSAN MA MED PA LA RTZOL BA DANG, MTSAN MA RNAMS LA MI DBANG BA'I KUN TU RMONGS PA DANG, DE'I GNAS NGAN LEN TO, ,DGU PA'I NI BSTAN PA DPAG TU MED PA LA SOGS PA DANG, GONG NAS GONG DU SHES RAB DANG SPOBS PA LA GZUNGS KYI DBANG DANG, SPOBS PA'I DBANG LA KUN TU RMONGS PA DANG, DE'I GNAS NGAN LEN TO, ,BCU PA'I NI MNGON PAR SHES PA CHEN PO DANG, GSANG BA PHRA MO'I RJES SU 'JUG PA LA KUN TU RMONGS PA DANG, DE'I GNAS NGAN LEN SPONG BA'O, ,DE DAG SPONG BA'I GNYEN PO'I DBYE BA NI, SA BCU PO NYID DE, DE RNAMS KYIS DE DAG SPANGS PAS DE DAG LAS LDOG PA'I CHOS BYANG CHUB SEMS DPA'I SKYON MED PA LA ZHUGS PA DANG, LTUNG BA PHRA MO DAG 'BYUNG BA LA'ANG SHES BZHIN DU SPYOD PAS BZLOG PA DANG, TING NGE 'DZIN DANG THOS PA'I @503B GZUNGS YONGS SU RDZOGS PAR NUS PA DANG, BYANG CHUB KYI PHYOGS DANG MTHUN PAS MANG DU GNAS SHING, SNYOMS 'JUG DANG CHOS LA SRED PA LOG PA DANG, BDEN PA RNAM PAR DPYOD CING SRID ZHI LA MI GNAS PA DANG, THABS KYIS ZIN PA'I BYANG CHUB KYI PHYOGS KYI MANG DU GNAS PA DANG, 'DU BYED KYI 'JUG PA LA SKYE ZHING MTSAN MA MED PA YID LA BYED PAS MANG DU GNAS PA DANG, RTAG PAR RGYUN TU MTSAN MA MED PA YID LA BYED PAS MANG DU GNAS PA DANG, MTSAN MA MED PA LA RANG GI NGANG GIS GNAS SHING MTSAN MA LA DBANG THOB PA DANG, SO SO YANG DAG PAR RIG PA BZHIS CHOS STON PA LA DBANG BA DANG, CHOS SKU YONGS SU RDZOGS PAR BYED PA'I SO SO YANG DAG PAR RIG PA THOB PAS NI SA BCU'I YAN LAG RNAM PA BCUR GSUNGS SO, ,YAN LAG RNAM BCU RDZOGS PA YI, ,RAB DGA' LA SOGS SA BCU STE, RMONGS GNYIS GNAS NGAN LEN GCIG GIS, ,MI MTHUN PHYOGS NI THA DAD DO, ,ZHES KYANG NGO, `,SHES BYA'I SGRIB PA'I DBANG DU BYAS PA NI, CHOS DBYINGS KUN 'GRO MCHOG DANG RGYU MTHUN MCHOG ,YONGS 'DZIN THA DAD RGYUD DANG NYON MONGS DANG, ,RNAM BYANG THA DAD MED 'GRIB MED DON DANG, ,DBANG BZHI'I GNAS LA MA RIG SGRIB PA BCU, ,KUN 'GRO LA SOGS MNGON RTOGS SA BCU YI, ,YE SHES RNAM BCU DE YI GNYEN POR GSUNGS, ,SA BCUS RIM PA BZHIN DU RTOGS PAR BYA BA CHOS KYI DBYINGS KYI MTSAN NYID KUN TU 'GRO BA LA SOGS PA RNAM PA BCU LA NYON MONGS CAN MA YIN PA'I MI SHES PA BCUS SGRIB PA LAS MI MTHUN PA'I PHYOGS SU GYUR PA'I PHYIR DE DAG GI GNYEN PO LAS SA BCU NYID DU NGES PAR YANG GSUNGS PA'O, ,NYON MONGS PA GZHAN YANG DE DAG LA SGRIB MOD KYI 'DI DAG KHO NA LA SGRIB PAR BZHAG PA NI THUN MONG MA YIN PA'I PHYIR TE, BYANG CHUB SEMS DPA' RNAMS NYID KYI MYA NGAN LAS 'DAS PA'I GEGS SU GYUR PAS SO, ,NYAN THOS LA SOGS PA'I NI MA YIN TE 'DI DAG YOD KYANG RNAM PAR GROL BAR 'GYUR BAS GEGS MA YIN PA'I PHYIR RO, ,'DI LTAR SA DANG PO LA NI CHOS KYI DBYINGS KUN TU 'GRO BA'I DON DU RTOGS TE, CHOS KYI DBYINGS @504A STONG PA NYID NI SPYI'I MTSAN NYID YIN PAS GCIG JI LTA BAR THAMS CAD STONG BAS NA MI STONG BA GANG YANG MED PA'I PHYIR THAMS CAD DU SONG BAS KUN TU 'GRO BA STE, CHOS KYI DBYINGS NI MA GTOGS PAR, ,'DI LTAR CHOS YOD MA YIN TE, ,ZHES 'BYUNG BAS SO, ,DES NA BDAG DANG GZHAN GYI STONG PA NYID THA DAD PAR MA MTHONG BAS BYE BRAG MED PA'I PHYIR SA DANG PO LA ZHUGS NAS BDAG DANG GZHAN MNYAM PA NYID THOB PA LAS BDAG GI DON BZHIN DU GZHAN GYI DON LA RAB TU 'JUG PA'O, ,GNYIS PA LA NI MCHOG GI DON DU RTOGS TE, RANG BZHIN GYIS 'OD GSAL BA'I PHYIR 'DI NI CHOS THAMS CAD KYI MCHOG YIN PAS SO, ,DE BAS NA SGRUB TU MTSUNGS PA LA BDAG GI RNAM PA THAMS CAD YONGS SU SBYANG BA ZHES BYA BA CHOS KYI DBYINGS LA NYON MONGS PA CAN DANG NYON MONGS PA CAN MA YIN PA GNYI GA SEL BA 'DI NYID BSGRUB PA LA BRTZON PAR BYA BAR GSUNGS PA'O, ,GSUM PA LA NI DE'I RGYU MTHUN PA'I DON GYI MCHOG TU STE, BSTAN PA'I CHOS RIN PO CHE NI 'DI'I RGYU MTHUN PA'I MCHOG YIN PAS SO, ,'DI LTAR CHOS KYI DBYINGS MCHOG RTOGS PA'I DBANG GIS DE'I RGYU MTHUN PA'I BSTAN PA'I CHOS RIN PO CHE MCHOG 'BYUNG ZHING DE'ANG CHOS KYI DBYINGS YONGS SU DAG PAR 'GYUR BA'I RGYU YIN PA'I PHYIR RO, ,DES NA CHOS DES CHOS KYI DBYINGS KYI RGYU MTHUN PA'I THOS PA MCHOG TU RIG NAS LEGS PAR GSUNGS PA'I GCIG GI DON DU YANG ME'I 'OBS STONG GSUM TZAM DU BDAG NYID MCHONGS TE 'JUG PAS SO, ,BZHI PA LA NI YONGS SU GZUNG BA MED PA'I DON DU STE, 'DI NI BDAG GAM GZHAN GANG GIS KYANG YONGS SU GZUNG BA MA YIN NO ZHES CHOS KYI DBYINGS LA BDAG DANG BDAG GI MED PAR ZHUGS NAS, PHYIN CI LOG GIS YONGS SU 'DZIN PA MED PAS NA BYANG CHUB KYI PHYOGS KYI CHOS THOB PAS SNGA MA'I CHOS LA SRED PA YANG 'DIR LDOG PA'O, ,LNGA PA LA NI RGYUD THA DAD PA MED PA'I DON DU STE, 'DAS PA'I SANGS RGYAS KYI CHOS RNAM PAR DAG PA LA BSAM PA MNYAM PA NYID LA SOGS PA SNGAR BSHAD PA SEMS @504B KYI BSAM PA RNAM PAR DAG PA MNYAM PA NYID BCUS KUN GZHI'I RNAM SHES GNAS GYUR BA CHOS SKU THA MI DAD PA'I PHYIR SANGS RGYAS RNAMS PHAN TSUN DANG, BYANG CHUB SEMS DPA' RNAMS DANG BDAG RGYUD THA MI DAD CING MTSUNGS PAR ZHUGS PAS SO, ,YANG NA JI LTAR GZUGS LA SOGS PA RANG BZHIN NAM RGYUD THA DAD PA LTAR 'DI NI MA YIN NO ZHES ZHUGS PAS SO, ,DRUG PA LA NI KUN NAS NYON MONGS PA DANG RNAM PAR BYANG BA THA DAD PA MA YIN PA'I DON DU STE, 'DI NI RANG BZHIN GYIS 'OD GSAL BA'I PHYIR RTEN CING 'BREL BAR 'BYUNG BA'I DON LA DE KHO NAR KUN NAS NYON MONGS PA MED LA, DE NYID KYIS NA DE SNGON DU 'GRO BA'I RNAM PAR BYANG BA'ANG MED PAR ZHUGS PAS SO, ,YANG NA RTEN 'BREL RNAMS NI THA SNYAD TZAM DU KUN NAS NYON MONGS PAR ZAD PA'I PHYIR, DE LAS GZHAN PA BDAG GAM BDAG GI KUN NAS NYON MONGS PA'AM RNAM PAR DAG PAR BRTAGS PA GANG YANG MED PAR ZHUGS PAS SO, ,BDUN PA LA NI THA DAD PA MED PA'I DON DU STE, MTSAN MA MED PA LA ZHUGS PAS MDO LA SOGS PA CHOS KYI MTSAN MA THA DAD PA BLO TSOGS KYI YUL DU GYUR PA DAG MTSAN MA MED PAR RO GCIG PA RTOGS PAS SO, ,SA DRUG PA'I BAR DU NI CHOS KYI MTSAN MA SNA TSOGS KYIS DE LA 'JUG PAR ZAD DO, ,BRGYAD PA LA NI 'BRI BA MED CING 'PHEL BA MED PA'I DON DU STE, MI SKYE BA'I CHOS LA BZOD PA THOB PAS RANG BZHIN GYIS RNAM PAR DAG PA LA DRI MA DANG BCAS PA DANG DRI MA MED PA'I TSE'ANG KHYAD PAR MANG PAS KUN NAS NYON MONGS PA NI 'BRI BA'AM RNAM PAR BYANG BA NI 'PHEL BA GANG YANG MED DE SNGON MED PA'I CHOS MI SKYE BA'I PHYIR RO, ,YANG NA DE CHOS THAMS CAD DU CHUD PA DANG GANG LAS KYANG LHAG PAR GNAS PA MED PA'I PHYIR RO, ,YANG SA DE NYID LA DBANG RNAM PA BZHI LAS RNAM PAR MI RTOG PA DANG, ZHING YONGS SU DAG PA LA DBANG BA'I GNAS NYID DU STE, LHUN GYIS GRUB PAR MTSAN MA THAMS CAD MI 'BYUNG BA'I PHYIR RNAM PAR MI RTOG PA LA DBANG BA'I GNAS SU'O, ,BDUN PA LA YANG MTSAN MA MI 'BYUNG BA YOD MOD KYI RTZOL BAS THOB PA YIN LA, 'DI LA NI LHUN GYIS GRUB PAS @505A JI 'DOD DU 'JUG PA'O, ,JI LTAR BZHED PAR SANGS RGYAS KYI ZHING GSER LA SOGS PA LAS GRUB PA DANG 'KHOR GYI DKYIL 'KHOR DAM PA BSTAN PA'I MTHU BRNYES PAS ZHING LA DBANG BA'I GNAS SU'O, ,DGU PA LA NI YE SHES LA DBANG BA'I GNAS SU STE, SO SO YANG DAG PAR RIG PA BZHI THOB PA DANG, YE SHES KYI TSOGS KYI PHA ROL TU SON PAS CHOS THAMS CAD LA SGRA JI BZHIN PA MA YIN PA DGONGS PA'I DON SHES PA LAS, SEMS CAN THAMS CAD SMIN PAR BYA BA DANG, CHOS LA RDZOGS PAR LONGS SPYOD PA SO SOR MYONG BA'I PHYIR RO, ,SA BCU PA LA NI CHOS KYI DBYINGS LAS LA DBANG BA'I GNAS NYID DU RTOGS PAS GZUNGS DANG TING NGE 'DZIN GYI SGO LA DBANG BA'I GNAS SU YANG STE, JI LTAR BZHED PAR SANGS RGYAS KYI 'PHRIN LAS BSGRUB PAS PHYOGS BCU MTHA' YAS PAR SPRUL PAI SKU RNAMS KYI SEMS CAN GYI DON CI RIGS PA BSGRUB PA'I PHYIR DANG, JI LTAR 'DOD PA'I LUS DANG NGAG DANG YID KYI LAS DANG, MNGON PAR SHES PAS RANG RANG GI LAS THOB PA'I PHYIR DANG, GZUNGS KYI SGOS GSUNG RAB THAMS CAD KYI TSIG DANG DON 'DZIN NUS PA'I PHYIR DANG, TING NGE 'DZIN GYIS SNYOMS 'JUG GI SGRIB PA SPANGS PAS NAM MKHA' MDZOD LA SOGS PA LA CI 'DOD DU 'JUG PA'I PHYIR RO, ,DE LTAR SA BCU LA CHOS KYI DBYINGS BCU RTOGS PA YONGS SU SBYONG BA'I GEGS SU GYUR PA NYON MONGS PA CAN MA YIN PA'I MI SHES PA SA RE RE LA SGRIB PA'I GNYEN POR SA BCU RNAM PAR BZHAG PA'O, ,SA DGU PA DANG BCU PA'I KHYAD PAR NI GTZOR 'BRAS BUS BSTAN PA YIN GYI DMIGS PA'I KHYAD PAR GYIS NI MA YIN TE, GNAS PA CIR YANG DPYAD DU MED PA'I GNAS SU BYON PA'I PHYIR RO, ,'DIR SPANG BYA DANG GNYEN PO'I DBYE BA BSHAD PA 'DI DAG NI SA SO SO'I THUN MONG MA YIN PA'I DBYE BAR ZAD DE, SPYI'I NI MTHONG BA DANG BSGOM PAS SPANG BAR BYA BA'I DBYE BA SNGAR BSHAD PA DAG NYID DO, `,SA RNAMS KYI TING NGE 'DZIN GYI KHYAD PAR NI, RIN CHEN YANG DAG 'PHAGS SOGS TING 'DZIN BCUS, , YONGS SU GZUNG BAS RIM BZHIN SA BCU THOB, ,RIN CHEN YANG DAG 'PHAGS DANG, GNAS @505B PA MED PA DANG, RAB TU MI G-YO BA DANG, PHYIR MI LDOG PA DANG, RIN CHEN ME TOG DANG, NYI MA'I 'OD KYI GZI BRJID DANG, DON THAMS CAD 'GRUB PA DANG, DA LTAR GYI SANGS RGYAS MNGON DU BZHUGS PA DANG, YE SHES SGRON MA DANG, DPA' BAR 'GRO BA'I TING NGE 'DZIN GYIS SO, `,GZUNGS KYI KHYAD PAR NI, SA BCU THOB PAS RIM BZHIN KHYAD PAR GYI, ,BYIN RLABS LA SOGS GZUNGS BCU SKYE BAR 'GYUR, , KHYAD PAR GYIS BYIN GYIS BRLABS PA DANG, GZHAN GYIS MI THUB PA DANG, RAB TU GNAS PA DANG, GDUL DKA' BA DANG, YON TAN SNA TSOGS BKOD PA DANG, YE SHES DKYIL 'KHOR SGRON MA DANG, KHYAD PAR DU 'PHAGS PA DANG, RNYOG MED MI RTOG DANG, SGO MTHA' YAS PA DANG, ZAD MI SHES PA'I ZA MA TOG GI GZUNGS SO, `, SA RNAMS DPES RNAM PAR BZHAG PA NI DPE BZHIS YON TAN BZHI MTSON PA STE, MTSO DANG RI DANG RGYA MTSO BEE d'UR+YAS, ,BSGRUB DANG MCHOG DANG NGES PAR 'BYUNG DKA' BA'I, ,NGES 'BYUNG 'BRAS BU CHE DANG MTHAR THUG PAR, ,YONGS SU BSNGO BA'I YON TAN BZHI BSTAN PA'O, ,BSGRUB PA'I YON TAN NI GNYIS TE, SMON LAM LA BRTEN NAS BSDU BA BZHIS GZHAN DON BSGRUB PA DANG, DGE BA'I RTZA BA 'PHEL BAS SANGS RGYAS BSGRUB PA RANG GI DON TE, DPER NA MTSO CHEN PO MA DROS PA NAS CHU KLUNG BZHI 'BAB PAS 'DZAM BU'I GLING THAMS CAD NGOMS PAR BYAS NAS KYANG MI ZAD PAR 'PHEL TE, SEMS CAN DPAG TU MED PA LA PHAN ZHING, DANG PO NYID NAS RGYA MTSO CHEN PO LA PHYOGS PAS RGYA MTSO CHEN POR ZHEN PA'I BAR DU 'GYUR BA LTAR, BYANG CHUB KYI SEMS KYI MTSO CHEN PO LAS BYUNG BA DGE BA'I RTZA BA'I 'BAB CHU'ANG SMON LAM CHEN PO'I RGYUN GYI SGO BSDU BA BZHIS SEMS CAN GYI KHAMS KUN TU NGOMS PAR BYAS NAS KYANG MI ZAD PAR 'PHEL TE, SEMS CAN DPAG TU MED PA LA PHAN PAR GYUR CING, THOG MA NAS THAMS CAD MKHYEN PA'I RGYA MTSO LA PHYOGS PAS DER ZHEN PAR BYED PA'I PHYIR RO, ,THAMS CAD MKHYEN PA'I RGYU NYID KYI MCHOG TU GYUR PA'I YON TAN GYI RI'I RGYAL PO BCUS MTSON PA NI DPER NA SA CHEN PO LA BRTEN PA RI'I RGYAL PO BCU LAS, RI'I RGYAL PO GANGS RI SMAN THAMS CAD KYI 'BYUNG GNAS@506A YIN PAS SMAN THAMS CAD BLANG BAS THUG PA MED PA LTAR, SA DANG PO RAB TU DGA' BA LA GNAS PA YANG 'JIG RTEN PA'I SNYAN DNGAGS DANG BSTAN BCOS DANG GSANG SNGAGS DANG RIG PA THAMS CAD KYI 'BYUNG GNAS YIN PAS DE DAG 'DON PAS THUG PA MED DO, ,DE BZHIN DU RI'I RGYAL PO SPOS NGAD LDANG LAS SPOS THAMS CAD LTAR, SA GNYIS PA YANG TSUL KHRIMS DANG SDOM PA DANG SPYOD PA THAMS CAD DANG, RNAM PAR BDAL BA LAS RIN PO CHE THAMS CAD LTAR, SA GSUM PA YANG 'JIG RTEN PA'I BSAM GTAN DANG MNGON SHES LA SOGS PA THAMS CAD DRIS PA BSTAN PA DANG, DRANG SRONG RI DRANG SRONG MNGON SHES LNGA DANG LDAN PA BGRANG BAS LTAR, SA BZHI PA YANG LAM DANG LAM MA YIN PA'I BYE BRAG THAMS CAD DRIS PA BSTAN PA DANG, GNYA' SHING 'DZIN GNOD SBYIN RDZU 'PHRUL DANG LDAN PA BGRANG BAS LTAR, SA LNGA PA YANG RDZU 'PHRUL GYI MNGON PAR SHES PA'I RNAM 'PHRUL BSTAN PA DANG, RTA RNA 'BRAS BU'I RNAM PA THAMS CAD KYI LTAR, SA DRUG PA YANG RTEN 'BREL LA 'JUG PA'I 'BYUNG GNAS KYIS NYAN THOS KYI 'BRAS BU DANG MNGON RTOGS BSTAN PA DANG, MU KHYUD 'DZIN KLU RDZU 'PHRUL CHEN PO DANG LDAN PA BGRANG BAS LTAR, SA BDUN PA'ANG THABS DANG SHES RAB KYI 'BYUNG GNAS KYI RANG RGYAL GYI DE DAG BSTAN PA DANG, KHOR YUG 'JIG RTEN SKYONG DBANG DU GYUR PA RNAMS BGRANG BAS LTAR, SA BRGYAD PA YANG DBANG MNGON PAR BSGRUB PA'I 'BYUNG GNAS KYIS 'JIG RTEN GYI KHAMS RNAM PAR DBYE BA BSTAN PA DANG, RTOG LDAN LHA MA YIN RDZU 'PHRUL DANG LDAN PA BGRANG BAS LTAR, SA DGU PA YANG SEMS CAN GYI 'BYUNG 'JIG THAMS CAD BSTAN PA DANG, DPER NA RI'I RGYAL PO RI RAB DNGOS RIN PO CHE'I RANG BZHIN YIN ZHING LHA RDZU 'PHRUL CAN RNAMS KYI 'BYUNG GNAS TE LHA RDZU 'PHRUL CAN RNAMS BGRANG BAS THUG PA MED PA LTAR, SA BCU PA LA GNAS PA'ANG SANGS RGYAS KYI STOBS LA SOGS PA'I 'BYUNG GNAS TE SANGS RGYAS KYI 'PHRIN LAS BSTAN PAS THUG PAR 'GYUR BA MED PA'O, ,NGES PAR 'BYUNG DKA' BA'I NGES 'BYUNG 'BRAS BU CHE BA RGYA MTSO @506B CHEN POS MTSON PA NI DPER NA RGYA MTSO CHEN PO NI RNAM PA BCUS MI 'PHROGS PAR BGRANG BA STE, BAGS KYIS GZHOL BA DANG, SHI BA'I RO DANG MI GNAS PA DANG, CHU GZHAN GYI GRANGS SPANGS PA DANG, RO GCIG PA DANG, RIN PO CHE MANG BA DANG, ZAB PA DANG, YANGS PA DANG, 'BYUNG PO MANG PO'I GNAS DANG, DBRES LAS MI 'DA' BA DANG, SPRIN CHEN PO'I CHAR THAMS CAD 'DZIN PAS MI NGOMS PA'O, ,DE BZHIN DU BYANG CHUB SEMS DPA'I SPYOD PA YANG SA BCU'I DBANG GIS MI 'PHROGS PAR BGRANG BA STE, SA DANG PO LA SMON LAM CHEN PO RIM GYIS BSGRUBS PAS GZHOL BA DANG, GNYIS PA LA TSUL KHRIMS 'CHAL PA'I RO DANG MI 'GROGS PA DANG, GSUM PA LA 'JIG RTEN PAR GDAGS PA'I GRANGS SPANGS PA DANG, BZHI PA LA SANGS RGYAS LA DAD PA MI PHYED PA'I RO GCIG PA DANG, LNGA PA LA THABS DANG MNGON SHES TSAD MED PAS GZHAN DON BSGRUB PA'I RIN PO CHE MANG BA DANG, DRUG PA LA RTEN 'BREL RAB TU RTOGS PAS ZAB PA DANG, BDUN PA LA BLOS RAB TU 'BYED PAR MKHAS PAS YANGS PA DANG, BRGYAD PA LA BKOD PA CHEN PO BSGRUB PA BSTAN PAS 'BYUNG PO MANG PO'I GNAS DANG, DGU PA LA RNAM THAR ZAB MOS 'GRO BA'I SPYOD PA SHES PA'I DBRES LAS MI 'DA' BA DANG, SA BCU PA LA SANGS RGYAS KYI CHOS SNANG BA'I SPRIN CHEN PO'I CHAR BZUNG BAS MI NGOMS PA'O, ,MTHAR THUG PA'I YONGS SU BSDO PA'I YON TAN NOR BU RIN PO CHES MTSON PA NI NOR BU RIN PO CHE RIN PO CHE'I RIGS BCU LAS 'PHAGS PA DANG, LEGS PAR BSREGS PA DANG, LEGS PAR BCOS PA DANG, LEGS PAR SBYANGS PA DANG, LEGS PAR BYI DOR BYAS TE, LEGS PAR PHUG CING RIN PO CHE'I SKUD PAS BTAGS LA, BEE d'UR+YA'I YU BA MTHON PO CAN RGYAL MTSAN GYI RTZER BTAGS TE THAMS CAD DU 'OD 'BYUNG BA RGYAL POS GNANG BA NA, SEMS CAN THAMS CAD KYIS RIN PO CHE THAMS CAD BSDU BAR BYA BAR NYE BAR GNAS PA YIN PA LTAR, GANG GI TSE BYANG CHUB SEMS DPA'I THAMS CAD MKHYEN PA'I SEMS RIN PO CHE BSKYED PA 'PHAGS PA'I RIGS BCU LAS 'DAS PA DANG, SBYANGS PA'I YON TAN LA SOGS @507A PAS LEGS PAR BSOGS PA DANG BSAM GTAN LA SOGS PAS LEGS PAR BCOS PA DANG, LAM GYI YAN LAG GIS LEGS PAR SBYANGS PA DANG, THABS DANG MNGON SHES KYIS LEGS PAR BYI DOR BYAS TE, RTEN CING 'BREL BAR 'BYUNG BAS LEGS PAR PHUG CING, THABS DANG SHES RAB RIN PO CHE'I SKUD PAS LEGS PAR BTAGS LA, DBANG GI NOR BU RIN PO CHE CHEN PO DANG BEE d'UR+YA'I YU BA CAN RGYAL MTSAN GYI RTZER BZHAG STE, SEMS CAN GYI SPYOD PA THAMS CAD RAB TU BRTAG PA DANG THOS PA'I SHES PA'I 'OD 'BYUNG BAR GYUR LA STON PA CHOS KYI RGYAL POS SANGS RGYAS KYI YE SHES KYI DBANG BSKUR BA NA SEMS CAN THAMS CAD KYIS SANGS RGYAS KYI MDZAD PA RIN PO CHE THAMS CAD BSDU BAR BYA BAR GNAS PA STE THAMS CAD MKHYEN PA ZHES KYANG BRJOD PAR BYA BA'O, ,BSTAN PA LA 'JUG PA'I RIM PA RNAM PAR BSHAD PA LAS, BYANG CHUB SEMS DPA'I SA RNAMS BSGOM PA LA 'JUG PA BSHAD PA STE LE'U DGU PA'O,, `,,SA DE RNAMS LEGS PAR BSGOM PA'I 'BRAS BU MTHAR THUG PA'I LAM MAM MI SLOB PA'I LAM GYI BDAG NYID NI SANGS RGYAS KYI SA STE, 'DI LA DANG POR NI SGRUB BYED KYI KHYAD PAR STON TO, ,DE'ANG THOB PAR BYED PA'I RGYU SNGAR GYI LAM DE RNAMS NYID YIN MOD KYI, 'ON KYANG 'DIR 'BRAS BU'I KHYAD PAR DU DE RNAMS NYID BSDUS TE BRJOD PAR ZAD DO, ,'DI LA SPYIR BZHAG PA NI, BRTZE BAS 'GRO BA RJES 'DZIN RMAD BYUNG BA'I, ,DKA' SPYAD DGE TSOGS MTHA' YAS LEGS BSAGS DANG, ,SGRIB TSOGS MA LUS RNAMS 'JOMS GNYEN PO RNAMS, ,DUS RING BSKAL PA MTHA' YAS RAB RDZOGS PA'O, ,'GRO BA THAMS CAD LA PHAN PAR BZHED PA SNYING RJE'I RTZA BA CAN GYI BYANG CHUB KYI SEMS KYI BSAM PA PHUN SUM TSOGS PAS RAB TU SBYAR BA'I SBYOR PA PHUN SUM TSOGS PA, GZHAN GYI DON DU SEMS CAN DMYAL BA'I SDUG BSNGAL YANG RAB TU SPRO BAS YANG DAG PAR LEN PA LA SOGS PA DAL BA BRGYA STONG GIS RMAD DU BYUNG BA'I DKA' BA'I SPYOD PA DPAG TU MED PA YONGS SU SPYAD PA DANG, DE'I THABS NYID DU RANG GI SANGS RGYAS KYI CHOS YONGS SU RDZOGS PAR BYED @507B PA'I DGE BA'I TSOGS DPAG TU MED PA SGO SNA TSOGS NAS RAB TU BSAGS PA DANG SGRIB PA'I TSOGS MA LUS PA SPONG BAR BYED PA'I GNYEN PO MTHA' YAS PA SA'I RIM PA DAG GIS BSTEN CING BSGOMS PA MANG DU BYAS PA DANG, DE RNAMS KYANG DUS SHIN TU RING BA BSKAL PA CHEN PO DPAG TU MED PAS MTHAR PHYIN PAR BYAS PA STE DE RNAM PA BZHI'O, ,DKA' SPYOD DPAG MED BRGYA PHRAG DANG, ,DPAG MED DGE KUN BSAGS PA DANG, ,DPAG TU MED PA'I DUS DANG NI, ,DPAG MED SGRIB PA ZAD PA'I PHYIR, ,ZHES GANG GSUNGS PA'O, `,SPANGS PA DANG SHES RAB KYI SGRUB BYED KYI DPANG DU BYAS NAS, DE NYID LEGS BSGOMS MI RTOG YE SHES NI, ,SGRIB MED SHES RAB DAM PA'I SGRUB BYED DE, ,ZHES SMOS TE, CHOS THAMS CAD KYI DE KHO NA NYID STONG PA NYID GOMS PAR BSGOMS PA'I STOBS RDZOGS PA RNAM PAR MI RTOG PA 'JIG RTEN LAS 'DAS PA'I YE SHES SHIN TU RNAM PAR DAG PA NI SGRIB PA GNYIS KYI SA BON THOG MA MED PA NAS BRTAN PAR CHAGS PA MA LUS PA YANG MI SKYE BA'I CHOS CAN DU RAB TU SPANGS PA'I KHYAD PAR CAN SNANG BA MED PA'I SHES RAB CHEN PO SPROS PA'I DRA BA MTHA' DAG DANG BRAL BA'I CHOS KYI DBYINGS MNGON SUM DU GYUR PA MTHAR PHYIN PA'I SGRUB BYED DE, GANG LA NYON MONGS SHES BYA'I SGRIB PA'I SA BON DUS RING RTAG LDAN PA, ,SPONG BA SHIN TU RGYA CHEN RNAM PA KUN GYIS RAB TU BCOM GYUR CING, ,GNAS GYUR CHOS DKAR YON TAN MCHOG RAB LDAN PA THOB PA SANGS RGYAS NYID, ,DE NI MI RTOG RAB DAG SHIN TU YUL CHEN YE SHES LAM GYIS THOB, ,CES BYA BA DANG, BLO DANG LDAN PA'I MI RTOG YE SHES STOBS, ,RTAG TU KUN NAS MNYAM PAR SONG BA YIS, ,DE LA BRTEN PA'I NYES TSOGS TSANG TSING DAG ,DUG SMAN CHEN POS DUG BZHIN SEL BAR BYED, ,CES BYA BA DANG, CHU MTSO SOGS BZHIN 'DOD CHAGS SOGS, ,GLO BUR NYON MONGS DAG PA NI, MDOR NA MI RTOG YE SHES KYI, ,'BRAS BU YIN PAR RAB TU BRJOD, ,CES GANG GSUNGS PA'O, `,YE SHES SPYI'I NI, RJES THOB SHES BYA KUN 'BYED DGE TSOGS BCAS, ,BSNGAGS TSOGS KUN RTEN YE SHES SGRUB BYED DO, ,SNGA MA DE'I RJES LA THOB @508A PA DAG PA 'JIG RTEN PA'I YE SHES SHES BYA MTHA' YAS PA'I YUL CAN DANG, YE SHES DE DAG GI BDAG PO'I RKYEN SMON LAM DAM PAS YONGS SU BZUNG BA'I BSOD NAMS MTHA' YAS PA BSAGS PA RNAMS NI SGRIB PA MTHA' DAG LAS RNAM PAR GROL BA RJES LA THOB PA'I YE SHES SNANG BA DANG BCAS PA SHES BYA NAM MKHA' DANG MNYAM PA MTHA' DAG MKHYEN PA, STOBS LA SOGS PA YON TAN RAB MCHOG DAM PA THAMS CAD KYI RTEN DU GYUR PA'I SGRUB BYED DE, THUB PAS GSUNGS PA'I DAM CHOS LEGS BZHAG PA, ,RTZA BA'I CHOS KYI DBYINGS LA BLO GROS BZHAG ,DRAN RGYUD RTOG PA TZAM RIG BRTAN PA DAG ,MYUR DU YON TAN RGYA MTSO'I PHA ROL 'GRO, ZHES BYA BA DANG, GNAS GYUR CHOS DKAR YON TAN MCHOG RAB LDAN PA THOB PA SANGS RGYAS NYID, ,DE NI MI RTOG RAB DAG SHIN TU YUL CHEN YE SHES LAM GYIS THOB CES BYA BA DANG, RNAM PA KUN GYI MCHOG LDAN PA, ,SANGS RGYAS SKU NI NGES THOB PA, ,DE YI RJES LA THOB PA YI, , YE SHES 'BRAS BU YIN PAR BSTAN, ,ZHES GANG GSUNGS PA'O, ,SNGA MA DANG GNYI GA'I DBANG DU BYAS NAS KYANG, RANG BZHIN 'OD GSAL ZHES BRJOD GANG YIN NYI DANG MKHA' BZHIN GLO BUR GYI, ,NYON MONGS SHES BYA'I SPYIN TSOGS STUG PO YIS NI BSGRIBS GYUR PA, ,DRI MED SANGS RGYAS YON TAN KUN LDAN RTAG BRTAN G-YUNG DRUNG SANGS RGYAS NYID, ,DE NI CHOS LA MI RTOG RNAM 'BYED YE SHES DAG LA BRTEN NAS 'THOB, ,MDOR NA YE SHES GNYIS PO YI, ,LAS SU 'DI NI SHES BYA STE, ,GROL BA'I SKU NI SBYONG BA DANG, ,CHOS KYI SKU NI RDZOGS PA'O, ,ZHES SO, `,YE SHES BZHI'I KHYAD PAR GYI NI, DE YANG CHOS TSOGS KUN 'DZIN BDAG GZHAN NI, ,MNYAM NYID CHOS KUN ZAD PAR LEGS STON DANG, ,GZHAN GYI BYA BA'I GROGS LA 'BAD PA RNAMS, ,ME LONG YE SHES SOGS BZHI'I SGRUB BYED DO, ,RIM PA BZHIN DU SHES BYA'I SA GTAN LA DBAB PAR BYA BA RNAMS LA GSUNG RAB KYI DON THOS PA DANG BSAM PA DANG SGOM PAS RNAM PAR NGES PA LA BSLABS PA DANG, BDAG DANG GZHAN MNYAM PA NYID KYI BYANG CHUB KYI SEMS GOMS PAR BSGOMS PA DANG @508B JI LTAR NGES PA'I CHOS RNAMS SLOB DPON GYI DPE MKHYUD DANG BRAL BAS ZAD PAR LEGS PAR STON PA DANG, SEMS CAN GYI BYA BA'I GROGS LA CI NUS CI RIGS SU 'BAD PA RNAMS SEMS DANG PO BSKYED PA NYID NAS BSLABS SHING GOMS PAR BYAS PA'O, `,YON TAN GYI TSOGS KYI SGRUB BYED LAS GZUGS SKU LA BRTEN PA'I NI, ,DGE TSOGS KUN DANG GTZO BOR TSUL KHRIMS KYI, ,GZHI LA STON PAS SEMS CAN GNOD SPONG ZHING, ,BLA MA BSNYEN BKUR PHYAG ZHABS 'KHOR LO'I MTSAN, ,LA SOGS SGRUB BYED MTSAN GYI SKABS LAS BLTA, ,SPYIR NI DGE BA'I TSOGS THAMS CAD KYANG BYE BRAG MED PAR MTSAN DANG DPE BYAD BZANG PO THAMS CAD KYI RGYU'O, ,KHYAD PAR DU NI TSUL KHRIMS GTZO BO DANG GZHIR BYAS PA'I DGE BA'I LAS SNA TSOGS SO SOR BSAGS PA STE, TSUL KHRIMS NYAMS PAS NI MI NYID KYANG MI 'THOB NA MTSAN DANG DPE BYAD LTA CI SMOS PAS SO, ,DE LA LAS SNA TSOGS NI MTSAN DNGOS BSHAD PA'I SKABS SU BSHAD PAR BYA STE, SDIG PA LA DGA' BA DAG GIS DGE BA'I LAS 'DI DAG GI 'BRAS BU MTSAN DANG DPE BYAD LA SOGS PA'I PHUN SUM TSOGS PA DAG THOS NA, DE LA SPRO BAS SDIG PA SPONG ZHING DGE BA DE DAG BSGRUB PAR 'GYUR BAS SO, `CHOS SKU LA BRTEN PA'I YON TAN GYI SGRUB BYED NI, BYANG CHUB SEMS DANG SDOM PA BRTAN PA DANG, ,LAS DANG RNAM PAR SMIN LA YID CHES SOGS, ,STOBS BCU LA SOGS YON TAN THAMS CAD KYI, ,SO SO'I SGRUB BYED CI RIGS RNAMS LAS SO, ,GNAS DANG GNAS MA YIN PA MKHYEN PA'I STOBS LA SOGS PA BCU'I SGRUB BYED NI GO RIM BZHIN DU BYANG CHUB KYI SEMS DANG BYANG CHUB SEMS DPA'I SDOM PA DAM BCAS PA BRTAN PA DANG, LAS DANG RNAM PAR SMIN PA LA YID CHES PA DANG, SNGON GYI DBANG PO'I RIM PA DANG MTHUN PAR STON CING ZHUGS PA DANG, KHAMS DANG MTHUN PA DANG, MOS PA JI LTA BAR ZHUGS PA DANG, THEG PA THAMS CAD LA GOMS PA DANG, TING NGE 'DZI LHUR LEN PA DANG, SNGON GYI RGYU LAS BYUNG BA'I DGE BA'I RTZA BA CHUD MI GZON PA DANG, SEMS CAN THAMS CAD LA SNANG BAR GYUR CING DON JI LTA BAR BSTAN PA DANG, ZAG PA ZAD PA'I DON DU CHOS BSTAN PA'O, ,CHOS THAMS CAD MNGON PAR BYANG @509A CHUB PA LA SOGS PA MI 'JIGS PA BZHI'I NI GO RIMS BZHIN DU CHOS KYI DPE MKHYUD DANG BRAL BA DANG, BAR DU GCOD PA'I CHOS LA MA BRTEN PA DANG, DKAR PO LA MOS SHING RNAM PAR BYANG BA'I LAM DU ZHUGS PA DANG, NGA RGYAL SPANGS PA'O, ,'KHRUL PA MI MNGA' BA LA SOGS PA SANGS RGYAS KYI CHOS MA 'DRES PA BCO BRGYAD KYI NI LAM STOR BA'I SEMS CAN LA LAM STON PA LA SOGS PA'O, ,GZHAN YANG SO SO YANG DAG PAR RIG PA LA SOGS PA THAMS CAD KYANG MDO LAS RGYAS PAR BLTA STE, GZHUNG HA CANG LCI BAR 'GYUR BAS MI BRI'O, , `'PHRIN LAS KYI SGRUB BYED NI GAL TE SANGS RGYAS RNAM RTOG DANG RTZOL BA THAMS CAD DANG BRAL BA 'PHRIN LAS SNA TSOGS DANG LDAN PAR BSGRUB PAR CI LTAR 'THAD DE 'JUG BYED KYI BLO MED PAS SO SNYAM NA, DANG BA'I CHU DANG SNANG BA NYI ZLA DAG ,TSOGS PA'I STOBS LAS GZUGS BRNYAN 'CHAR BA LTAR, ,MI RTOG BZHIN DU SMON LAM LA SOGS KYI, ,MTHU LAS 'PHRIN LAS SNA TSOGS NGANG GIS 'JUG ,GSER 'OD DAM PA LAS, DE BZHIN NYID DANG YANG DAG PA'I YE SHES KYIS DON THAMS CAD MDZAD PA NI DPER NA SANGS RGYAS MYA NGAN LAS 'DAS KYANG SMON LAM GYIS DON MDZAD PA BZHIN NAM, BYANG CHUB SEMS DPA' BSAM GTAN MDZAD KYANG SMON LAM GYIS BZHENGS NAS 'PHRIN LAS MDZAD PA BZHIN NO, ,YANG DPER NA NYI ZLA DANG CHU'AM ME LONG DANG SNANG BA LA RTOG PA MED KYANG GSUM PO DE 'DUS NA GZUGS BRNYAN 'BYUNG NGO, ,DE BZHIN DU GNYIS PO DE LAS KYANG MI RTOG BZHIN DU SMON LAM GYI DBANG GIS SKAL LDAN LA GZUGS SKU RNAM PA GNYIS SNANG BA LAS SO ZHES SO, `,DU MA ZHING SNA TSOGS SU 'BYUNG GI GCIG TU MI 'BYUNG BA'I KHYAD PAR GYI RGYU NI, DE YANG PHYOGS BCUR RGYAL SRAS DPAG MED RNAMS, ,'JUG DANG TSOGS DANG RTZOL SOGS MTSUNGS PA LAS, ,SNA TSOGS ZHING DU RE RES DPAG MED 'BYUNG, ,SMON LAM SOGS LAS ZHING RER GCIG PUR ZAD, ,BYANG CHUB SEMS DPA'I SA LAS RES 'GA' BSKAL PA DU MAR YANG SANGS RGYAS GCIG KYANG MI 'BYUNG LA, BSKAL PA GCIG LA YANG SANGS @509B RGYAS MANG PO 'BYUNG STE PHYOGS BCU'I 'JIG RTEN GYI KHAMS GRANGS MED PAR SANGS RGYAS GRANGS MED PA 'BYUNG BA'I RGYU NI DE'ANG PHYOGS BCU NA BYANG CHUB SEMS DPA' GRANGS MED PA DAG ZHAG DANG ZLA BA LA SOGS PA'I DUS GCIG TU SMON LAM BTAB CING TSOGS MTSUNGS PAR BSGRUB PA, DPER NA ZHING 'DI NYID NA YANG BYANG CHUB SEMS DPA' MANG PO DUS GCIG TU SMON LAM 'DEBS SHING SBYIN PA LA SOGS PA MTSUNGS PAR BSGRUB PA YOD PA BZHIN NO, ,TSOGS MTSUNGS KYANG ZHING GCIG TU NI GNYIS KYANG 'BYUNG MI SRID NA MANG PO LTA CI SMOS SHING, TSOGS DUS MNYAM DU BSAGS PA DAG RIM GYIS 'BYUNG BA'ANG MI RIGS PA'I PHYIR SANGS RGYAS KYI ZHING DU MAR SANGS RGYAS MANG PO 'BYUNG BA KHO NA'O, ,GCIG TU GNYIS KYANG MI SRID PA NI BYANG CHUB SEMS DPA'I TSE NA DUS RING POR BDAG 'JIG RTEN LONG BA 'DREN PA MED PA RNAMS KYI 'DREN PAR GYUR CIG CES SMON PA 'GRUB PA'I PHYIR DANG, ZHING GCIG TU SANGS RGYAS GCIG NYID KYIS THAMS CAD KYI DON BSGRUB NUS PAS GNYIS PA 'BYUNG BA DON MED PA'I PHYIR DANG, GCIG NYID 'BUNG BAS RE BA'I GNAS GZHAN MED PAR SHES NAS DE NYID LA RAB TU GUS SHING CHOS YANG DAG PAR BLANGS NAS BSGRUB PA LA BSGRIMS PAS SEMS CAN GYI DON CHER 'GRUB PA'I PHYIR RO, , DE'ANG BUD MED LA NI SANGS RGYAS NYID SGRUB BYED KYI BSKAL BA MED, ,BYANG CHUB SEMS DPAS BSKAL PA GRANGS MED PA DANG PO 'DAS PA NYID NAS BUD MED DU GYUR PA SPANGS PA'I PHYIR DANG, BUD MED NI THAMS CAD KYANG RANG BZHIN GYIS NYON MONGS PA MANG BA DANG, SHES RAB 'CHAL BA YIN PAS NA SANGS RGYAS THOB PAR MI NUS PA'I PHYIR RO, `,RANG BZHIN GYI KHYAD PAR SPYIR BZHAG PA LA SA SPANGS PA PHUN SUM TSOGS PA NI, SGRIB GNYIS SA BON THOG MED BRTAN CHAGS PA, ,SPONG BA CHEN POS RNAM KUN RAB BCOM ZHING, ,RNAM GROL YE SHES DAM PA BSAM GTAN SOGS, ,PHUL BYUNG YON TAN MCHOG BRNYES DE RMAD DO, ,NGAR 'DZIN GYIS RAB TU BYE BA 'DOD CHAGS LA SOGS PA NYON MONGS PA'I SGRIB PA DANG, CHOS SU 'DZIN PA'I MTSAN NYID TSUL BZHIN @510A MA YIN PA'I RNAM PAR RTOG PA LA SOGS PA SHES BYA'I SGRIB PA'I SA BON THOG MA MED PA NAS RING DU RJES SU 'BREL BAS BRTAN PAR CHAGS PA RNAMS, SA DANG SA RNAMS SU RNAM PAR SUN 'BYIN PA LA SOGS PA GNYAN PO'I RNAM PA MA LUS PA GOMS PA YONGS SU RDZOGS PA'I RDO RJE LTA BU'I TING NGE 'DZIN GYI MJUG THOGS SU, SHES BYA'I SGRIB PA'I PHYOGS KYI GNAS NGAN LEN SNYING PO LA YOD PA LTA BU YANG NA MA LUS PAR SPANGS PAS, SGRIB PA'I SA BON THAMS CAD PA LA RTZA BA DRUNGS NAS PHYUNG BA'I SHING LTAR YANG MI SKYE BA'I CHOS CAN DU LEGS PAR SPANGS PA GNAS GYUR PA BLA NA MED PA MTHAR THUG PAR SON PA'O, ,SNYOMS 'JUG GI SGRIB PA LA SOGS PA NI GNYIS PO NYID KYI DBYE BAR ZAD PAS NA, NYON MONGS PA YI SGRIB PA DANG, ,SHES BYA'I SGRIB PA GNYIS SU BSTAN, ,DER NI SGRIB PA THAMS CAD DE, ,DE ZAD NAS NI GROL BAR 'DOD CES GSUNGS SO, ,DE'ANG NYAN THOS LA SOGS PA'I LTAR SGRIB PA ZHI BA TZAM NI MA YIN GYI, DE LAS LDOG PA RNAM GROL GYI YE SHES YON TAN DAM PA DPAG TU MED PA'I RTEN DU GYUR PA DANG BCAS PA YIN PAS NA, RGYUD BLA MA LAS, 'DOD CHAGS RDUL NI SPANGS PHYIR DANG, ,GDUL BYA YIN NI PADMA LA, ,BSAM GTAN CHU NI 'BAB PHYIR TE; ;CHU DAG RDZINGS DANG MTSUNGS PA YIN, ,ZHE SDANG SGRA GCAN LAS GROL BAS, ,SNYING RJE BYAMS CHEN 'OD ZER GYIS, ,'GRO BA KHYAB PA'I PHYIR NA DE, ,DRI MED ZLA BA NYA BA BZHIN, ,GTI MUG SPRIN LAS RNAM GROL BAS, ,'GRO BAR YE SHES 'OD ZER GYIS, ,MUN PA SEL PHYIR SANGS RGYAS NYID, , DE NI DRI MED NYI MA BZHIN, ,ZHES NYON MONGS PA GSUM SPANGS NAS BSAM GTAN DANG, BYAMS PA DANG SNYING RJE DANG, SHES RAB KYI SNANG BA THOB PA DANG, MI MNYAM MNYAM PA'I CHOS PHYIR DANG, ,DAM CHOS RO NI SBYIN MDZAD DANG, ,SHUN PA DANG NI DRAL PHYIR TE, ,BDE GSHEGS SBRANG RTZI SNYING PO BZHIN, , DAG PHYIR YON TAN RDZAS KYIS NI, ,DBUL BA SEL PAR BYED PHYIR DANG, ,RNAM GROL 'BRAS BU 'BYIN BYED PHYIR, ,GSER DANG GTER DANG LJON PA BZHIN, ,RIN CHEN CHOS KYI SKU PHYIR DANG, ,RKANG GNYIS BDAG PO MCHOG PHYIR DANG, ,RIN CHEN GZUGS KYI RNAM PA'I PHYIR, ,DE NI RIN CHEN RGYAL GSER @510B BZHIN, ,ZHES SHES BYA'I SGRIB PA SPANGS NAS SKU GSUM LA SOGS PA'I YON TAN THOB PA BSTAN TO, ,MDO SNGE'I RGYAN LAS KYANG, GANG LA NYON MONGS SHES BYA'I SGRIB PA'I SA BON DUS RING RTAG LDAN PA, ,SPONG BA SHIN TU RGYA CHEN RNAM PA KUN GYIS RAB TU BCOM GYUR CING, ,GNAS GYUR CHOS DKAR YON TAN MCHOG RAB LDAN PA THOB PA SANGS RGYAS NYID CES GSUNGS PA'O, `,YE SHES PHUN SUM TSOGS PA NYID NI, ,SPROS TSOGS NYER ZHI MKHA' DBYINGS LTA BU DANG, ,MKHA' KHYAB RTEN 'BREL CHOS TSOGS DUS GSUM GYIS, ,BSDUS PA MTHA' DAG CIG CAR LAG MTHIL NA, ,GNAS BZHIN MNGON SUM YE SHES MCHOG LDAN PA'O, ,'DI LA GNYIS LAS JI LTA BA MCHOG MKHYEN PA DON DAM PA'I YUL CAN NI SNGAR BRJOD PA LTAR RDO RJE LTA BU'I TING NGE 'DZIN GYI MTHAR THUG PAR DE KHO NA GOMS PA YONGS SU RDZOGS PAS, YUL GYI SPROS PA MA LUS PA GCOD PA NA BLO'I 'JUG PA MTHA' DAG KYANG RAB TU ZHI BAS, SPROS PA MED PA'I CHOS KYI DBYINGS DANG YE SHES SPROS PA MED PA RO GCIG PAS CHU LA CHU ZHUGS PA LA SOGS PA LTA BU DANG, GZUGS CI'ANG MA MTHONG BA LA NAM MKHA' MTHONG BAR BSNYAD PA LTAR, SPROS PA'I TSOGS CI'ANG MI DMIGS PA LA SPROS PA MED PA MTHONG BA DANG, CHOS 'GA'ANG MTHONG BA MED PA NYID DE KHO NA MTHONG BA LA SOGS PAR BSNYAD PA, SNANG BA MED PA'I SHES RAB CHEN PO YON TAN RIN PO CHE DAM PA THAMS CAD KYI GTER DU GYUR PA STE, CHOS KYI SKU DANG CHOS KYI DBYINGS KYI YE SHES ZHES KYANG DE NYID LA BRJOD PA'O, ,DES NA, JI LTAR CHU LA CHU BZHAG DANG, ,MAR LA MAR NI RJES ZHUGS LTAR, ,SHES BYA SPROS BRAL DE NYID DANG, ,DBYER MED YE SHES RNAM 'DRES PA, ,DE NI SANGS RGYAS THAMS CAD KYI, ,RANG BZHIN CHOS SKU ZHES BYAR BRJOD, , CES BYA BA DANG, NAM MKHA' MTHONG ZHES SEMS CAN TSIG TU RAB RJOD PA, ,NAM MKHA' JI LTAR MTHONG STE DON 'DI BRTAG PAR GYIS, ,DE LTAR CHOS MTHONG BA YANG DE BZHIN GSHEGS PAS BSTAN, , MTHONG BA DPE GZHAN GYIS NI BSNYAD PA NUS MA YIN ZHES GSUNGS PA'O, ,THA SNYAD PA'I DON JI SNYED PA RNAM PA THAMS CAD MKHYEN PA NI SNGA MA SHES BYA'I SGRIB PA THAMS CAD DANG BREL BA SHES RAB CHEN @511A PO DE'I DBANG GIS DE'I RJES THOB KYI YE SHES CHEN PO RNAM PAR DAG PAS NAM MKHA' DANG MNYAM PA'I GZUGS LA SOGS PA SHES BYA'I TSOGS 'DAS PA DANG MA 'ONGS PA DANG DA LTAR BYUNG BA DUS GSUM GYIS BSDUS PA'I DON MTHA' DAG LAG MTHIL NA GNAS PA LTAR CIG CAR MNGON SUM KHO NAR MKHYEN PA STE, 'DI LTAR DNGOS PO RNAMS KYI DON GYI CHOS NYID NI SGRIB G-YOGS MED NA RANG GI YUL CAN LA RNAM PA'I CHA BYAD DAM, RANG BZHIN JI LTA BAR STON PA NYID YIN LA, SHES PA'I CHOS NYID KYANG SGRIB PA DANG BRAL NA DON JI LTAR GNAS PA DE LTAR GSAL NUS PA NYID YIN PAS, JI SRID DU SGRIB PA DANG MA BRAL BA DE SRID DU NI DON THAMS CAD SHES PAR MI NUS PA YIN NA, GANG GI TSE SHES BYA'I SGRIB PA THAMS CAD ZAD PA DE'I TSE BSAM GYIS MI KHYAB PA'I RANG GI CHOS NYID THOB PA NA GO CI LTAR DON THAMS CAD SHES PAR MI NUS, DE'ANG CHOS THAMS CAD KYI RANG GI DUS JI LTA BA SNGA MA DANG PHYI MA THOG MA DANG THA MA MED PAS MTHAR THUG PA MED PA DANG, RANG GI YUL JI LTA BA PHAN TSUN DANG YAN MAN DU MTHA' THUG PA MED PAS MTHA' YAS PA DANG, RANG GI RNAM PA KUN RDZOB PA DANG DON DAM PA DANG, PHRA BA DANG RAGS PA DANG, GZUGS CAN DANG GZUGS CAN MA YIN PA LA SOGS PA DANG, DGE BA DANG MI DGE BA DANG LUNG DU MA BSTAN PA DANG, ZAG PA DANG BCAS PA DANG ZAG PA MED PA LA SOGS PA CI LTA BA LAS MA 'DAS PAR, GZUGS BRNYAN LA SOGS PA'I RAB RIB LA MA BLTOS PA NYID DU DNGOS KHO NAR MKHYEN PAR SHES PAR BYA'O, ,DES NA YE SHES GNYIS PO 'DI LA NI DON DAM PA DANG KUN RDZOB PA'I DON YOD PA'AM MED PA'AM BDEN PA'AM BRDZUN PA'AM RTAG PA'AM MI RTAG PA'AM GZUGS CAN NAM GZUGS CAN MA YIN PA LA SOGS PA'ANG RUNG JI LTAR GRUB BO COG MA LUS PA JI LTA BA BZHIN DU SNANG DU RUNG BA LAS, DON DAM PAR NI JI LTA JI LTAR YANG GRUB PA MED PAS CI'ANG MI DMIGS PA YIN LA, KUN RDZOB PA NI 'JIG RTEN GYI KHAMS THAMS CAD KYI SA LA SOGS PA'I RDUL PHRA RAB THAMS CAD DANG SEMS CAN THAMS CAD KYI SEMS KYI RGYU BA RAB TU PHRA BA @511B THAMS CAD KYANG JI LTA BAR SNANG BA KHO NA'O, ,'DI LA KHA CIG GNAS SKABS 'DIR NI SHES PA DANG SHES BYAS BSDUS PA'I SPROS PA THAMS CAD DANG BRAL BA THOB PA YIN PA'I PHYIR, DAG PA 'JIG RTEN PA RJES THOB KYI YE SHES KYANG MED PA KHO NA STE, SNANG BA DANG BCAS PA'I BLO YOD NA 'KHRUL PA'I YUL SNANG BAS 'KHRUL PA DANG BCAS PAR 'GYUR LA, THUB PA CHEN PO RNAMS RTAG TU MNYAM PAR BZHAG PA LA SOGS PAR GSUNGS PA'I LUNG DU MA DANG YANG 'GAL LO ZHES BRJOD PA NI DON MA RTOGS PA'I RNAM 'GYUR NYID DE, RJES THOB YIN PA TZAM GYIS GZHAN DU G-YENGS PA LA SOGS PAR MI 'GYUR BAS RTAG TU MNYAM PAR BZHAG PAR GSUNGS PA DANG 'GAL BA THAG RING LA, 'KHRUL PA'I YUL SNANG BA TZAM GYIS 'KHRUL PAR BRJOD PA'ANG BAB COL NYID DE, NYE BAR BRTAGS PA'I DON DANG YID KYI RGYAL SRID 'JOG PA'I BLO LTAR, GZHAN GYI SHES NGO'I 'KHRUL YUL TZAM DU THAMS CAD SNANG YANG DE 'DZIN PA'I BLO MA LUS PA 'KHRUL PA NYID DU SHES BZHIN DU 'GRO BA RNAMS KYI MTHO RIS DANG BYANG GROL GYI RGYU NYID DU BRTEN PAR ZAD PAS 'KHRUL BCAS SU GA LA 'GYUR, DES NA, 'KHRUL PA TZAM DU YONGS SHES NA, ,MA 'KHRUL NYID DU NGES PAR GZUNG ZHES GSUNGS LA, GLANG CHEN GZIGS STANGS NYID MDZAD NAS, ,PHYI ROL DON LA BTANG SNYOMS MDZAD CES GSUNGS PA LTAR YANG NGO, ,GZHAN YANG RIG PA TZAM GYI NYE BAR LEN PA DANG, BLANG BYA'I RGYU 'BRAS KYI MTSAN NYID NI THOG MA DANG THA MA MED PA YIN LA, DE'I MA DAG PA DANG DAG PA LA SOGS PA'I NYES PA DANG YON TAN DANG 'BREL PA NI RKYEN GYI BYED PA'I YUL YIN PAS NA, YANG DAG PA MA YIN PA'I KUN TU RTOG PAS SBYAR BA'I NYES PA DANG SGRIB PA THAMS CAD ZAD KYANG, DGE BA RNAM PAR DAG PA'I RGYU CAN GYI YE SHES YON TAN THAMS CAD DANG LDAN PA CI LTAR RGYUN CHAD PAR RIGS TE, RGYUN LDOG MED CAN RIGS PA YI, ,BDAG LA SNGON DANG PHYI MTHA' MED, ,SKYON DANG YON TAN GLO BUR BA, ,'KHOR BA DANG NI MYA NGAN 'DAS ZHES GSUNGS PA LTAR RO, ,GZHAN YANG DE LTAR NA NI SDE PA 'DOD PA NYAN THOS DANG RANG RGYAL BA'I PHUNG PO LHAG MA MED PA'I MYA NGAN LAS 'DAS PA DANG KHYAD PAR MED @512A PAR 'GYUR TE, NYES PA DANG SDUG BSNGAL ZHI BA TZAM DU ZAD KYI BDE BA DANG YON TAN DAM PA THAMS CAD DANG LDAN PA'I YE SHES MED PAS NA SMON LAM DANG DGE BA'I TSOGS DPAG TU MED PA THAMS CAD KYANG DON MED PAR 'GYUR LA, RTEN MED PA'I PHYIR GZHAN GYI DON YANG RNAM PA THAMS CAD KYI THAMS CAD DU RGYUN CHAD PAR 'GYUR BA'I PHYIR RO, ,GSER 'OD DAM PA LAS, SANGS RGYAS NI RNAM PAR DAG PA GSUM GYIS RAB TU PHYE BA STE, NYON MONGS PA DANG, SDUG BSNGAL BA DANG, MTSAN MA THAMS CAD RNAM PAR DAG PA'O, ,DE NI GSER DANG CHU LA SOGS PA DAG PA LTAR SGRIB PA DAG PAS DAG PA STE, MED PAS NI MA YIN NO, ,DES NA CHOS KYI DBYINGS KYI NI RNAM RTOG DANG BAG LA NYAL BA THAMS CAD MI SKYE BAS DAG PA YIN GYI, SANGS RGYAS KYI YANG DAG PA'I SKU MED PA NI MA YIN NO ZHES SO, ,DES NA YE SHES GNYIS PO 'DI NI GDON MI ZA BAR GNAS PA STE, SNGA MA JI LTA NYID MKHYEN NI, ,'KHRUL MED MNYAM GZHAG BLO 'JUG MED, ,PHYI MA JI SNYED MKHYEN PA NI, ,'KHRUL SNANG RJES THOB BLO 'JUG CAN ZHES GANG GSUNGS PA NYID DO, ,DE LTAR SPANGS PA DANG YE SHES PHUN SUM TSOGS PA 'DI GNYIS NI SANGS RGYAS KYI CHOS MDOR BSDUS PA STE, SGRIB PA KUN GYI DRI MED PA, ,RNAM PA THAMS CAD MKHYEN NYID THOB, ,RIN CHEN SNOD NI PHYE BA LTAR, ,SANGS RGYAS NYID NI YANG DAG BSTAN, ,ZHES BYA BA DANG, SANGS RGYAS NYID NI DBYER MED PA, , DAG PA'I CHOS KYIS RAB PHYE BA, ,NYI MKHA' BZHIN TE SPANGS PA DANG, ,YE SHES GNYIS KYI MTSAN NYID DO ZHES GANG GSUNGS PA'O, ,BYANG CHUB SEMS DPA'I SA LAS KYANG, MDOR BSDU NA SPANGS PA GNYIS DANG YE SHES GNYIS NI BYANG CHUB CES BYA STE, NYON MONGS PA DANG SHES BYA'I SGRIB PA SPANGS PA DAG DANG, NYON MONGS PA'I DRI MA MED PA'I YE SHES DANG, SHES BYA THAMS CAD LA THOG PA MED PA'I YE SHES SO, ,YANG YE SHES GSUM DANG SPANGS PA GNYIS NI BYANG CHUB STE, NYON MONGS PA BAG CHAGS DANG BCAS PA MA LUS PA SPANGS PA DAG PA'I YE SHES DANG, KHAMS THAMS CAD DANG, DNGOS PO THAMS CAD DANG, RNAM PA THAMS CAD DANG, @512B DUS THAMS CAD DANG, RANG BZHIN THAMS CAD LA MKHYEN PA THOGS PA MED PA THAMS CAD MKHYEN PA'I YE SHES DANG, LAN CIG DGONGS PA TZAM GYIS THAMS CAD DU THOGS PA MED CING MYUR BAR YE SHES CHAGS PA MED PA 'JUG GI ,YANG DANG YANG DU DGONGS PAR MI MDZAD PA CHAGS PA MED PA'I YE SHES DANG, NYON MONGS PA'I BAG CHAGS THAMS CAD YANG DAG PAR BCOM PA DANG, NYON MONGS PA CAN MA YIN PA'I MA RIG PA THAMS CAD SPANGS PAR GSUNGS SO, `,THUGS RJE PHUN SUM TSOGS PA'I DBANG DU BYAS NAS, DANG PO NYID NAS BRTZE CHEN LHUR MDZAD DE, ,RNAM PA SNA TSOGS DUS RING THABS MANG POS, ,LEGS BSGOMS MTHAR PHYIN 'GRO KUN GCES 'DZIN PA'I, , THUGS RJE CHEN PO NGANG GYUR BDAG NYID CHE, ,THEG PA CHEN PO PAR GTOGS PAS NI LAS DANG PO'I TSE NYID NAS 'GRO BA LA PHAN PAR 'DOD PA'I SNYING RJE CHEN PO NYID LHUR BYA BA STE, DE NYID RNAM PA SNA TSOGS DANG SGO SNA TSOGS DANG THABS SNA TSOGS KYIS GOMS PAR BYAS PAS, BDAG PAS SEMS CAN GCES PAR 'DZIN PAS SEMS CAN DRANG BA'I THABS NYID DU DGE BA DPAG TU MED PA BSGRUBS PA LAS, 'DIR DE MTHAR PHYIN PAS NAM MKHA' DANG MNYAM PA'I SEMS CAN GCES PAR 'DZIN PA'I THUGS RJE CHEN PO'I BDAG NYID DU GYUR BAS DE NGANG DU GYUR PA'I PHYIR BDAG NYID CHEN PO'I GO 'PHANG MCHOG RAB TU BRNYES PA'O, `,SPANGS PA LA SOGS PA 'DI RNAMS NYID BYANG CHUB GZHAN LAS KHYAD PAR DU GYUR PA'I CHOS NI, 'DI NI SKU DANG BSGRUB PA LA SOGS PA, ,DAM PA BDUN GYIS SKYES BU CHEN PO DANG, ,THUGS RJE CHE SOGS KHYAD PAR MCHOG LDAN PAS, ,BYANG CHUB CHE DANG DAM PA NYID DU BSNGAGS, ,SA LAS BYANG CHUB 'DI NI DAM PA BDUN DANG LDAN PAS BYANG CHUB DAM PA STE, MTSAN GYIS LEGS PAR BRGYAN PAS SKU DAM PA DANG, BDAG LA PHAN PA DANG, GZHAN LA PHAN PA DANG, SKYE BO MANG PO LA PHAN PA DANG, SKYE BO MANG PO LA BDE BA DANG, 'JIG RTEN LA THUGS BRTZE BA DANG, LHA DANG MI RNAMS KYI DON DANG PHAN PA DANG BDE BA LA ZHUGS PAS BSGRUB PA DAM PA DANG, TSUL KHRIMS DANG LTA BA DANG, 'TSO BA DANG CHO GA PHUN SUM TSOGS PA ZLA MED PA BZHIS PHUN SUM TSOGS PA DAM @513A PA DANG, SO SO YANG DAG PAR RIG PA GONG NA MED PA BZHIS YE SHES DAM PA DANG, MNGON PAR SHES PA MNYAM PA MED PA DRUG GIS MTHU DAM PA DANG, SGRIB PA GNYIS SPANGS PA MNYAM PA MED PAS SPANGS PA DAM PA DANG, GNAS PA MNYAM PA MED PA GSUM PO 'PHAGS PA'I GNAS PA RNAM PAR THAR PA GSUM DANG, 'GOG PA'I SNYOMS 'JUG DANG LHA'I GNAS PA BSAM GTAN BZHI DANG, TSANGS PA'I GNAS PA TSAD MED PA BZHIS GNAS PA DAM PAS SO, ,DE DAG LAS KYANG GNAS PA BZHIN GTZO BO YIN PAS SANGS RGYAS RNAMS MANG DU GNAS PA STE, 'PHAGS PA'I LAS STONG PA NYID DANG, 'GOG PA DANG, LHA'I LAS BSAM GTAN BZHI PA MI G-YO BA DANG, TSANGS PA'I LAS SNYING RJES NYIN MTSAN DUS DRUG TU SEMS CAN SU NI DAR, SU NI RGUD CES BYA BA LA SOGS PAR 'JIG RTEN GZIGS PAS SO, ,'DI BDUN GYI LAS KYANG GO RIM BZHIN DU SKYES BU CHEN PO DANG, THUGS RJE CHEN PO DANG, TSUL KHRIMS DANG CHOS CHEN PO DANG, SHES RAB CHEN PO DANG, MNGON SHES CHEN PO DANG, RNAM PAR GROL BA CHEN PO DANG, GNAS PA CHEN PO ZHES BYA BAR 'GYUR BA'O, `,SKU RNAM PAR DBYE BA LAS, SKU'I RAB TU DBYE BA NI, BSAM 'DAS ZAB DANG MTHU TSOGS RGYA CHE DANG, ,'GRO BA RNAM 'DREN BDAG NYID CHEN PO LAS, ,RANG BZHIN CHOS RDZOGS LONGS SPYOD SPRUL SKU STE, ,NAM MKHAR GZUGS BZHIN DANG POR PHYI MA GNAS, ,SKU GSUM DBYE BA'I RGYU MTSAN NI BSAM PA'I YUL THAMS CAD LAS 'DAS PAS ZAB PA DANG, MTHU'I TSOGS RMAD DU BYUNG BA MTHA' YAS PA DANG LDAN PAS RGYA CHE BA DANG, BYIS PA SO SO'I SKYE BO DMAN PA THAMS CAD KYANG RAB TU 'DREN PAR MDZAD PAS BDAG NYID CHEN PO'I MTSAN NYID KYI DBYE BA LAS SO, , DBYE BA'I DON NI RANG BZHIN GYI SKU DANG, LONGS SPYOD RDZOGS PA DANG, SPRUL PA'I SKU RNAM PA GSUM STE; DANG PO NI CHOS SKU YIN LA PHYI MA GNYIS NI GZUGS KYI SKU'O, ,DE'ANG NAM MKHA' LA GZUGS GNAS PA LTAR DANG PO LA PHYI MA GNAS PA STE, GSER 'OD DAM PA LAS, SNGA MA LA PHYI MA BRTEN TE CHOS SKU NI YANG DAG PA CI LA'ANG MI GNAS PAR GSUNGS SO, ,DE LA CHOS KYI SKU NI DE @513B BZHIN NYID RANG BZHIN GYIS RNAM PAR DAG PA LAM GYIS GLO BUR GYI DRI MA SPANGS PAS RNAM DAG GNYIS TSOGS PA, SNANG BA MED PA'I SHES RAB CHEN PO DANG RO GCIG PA SPANGS PA GNYIS DANG, YE SHES GNYIS LA DBANG BSGYUR BA'I GNAS SKABS CAN TE, BCOS BU MA YIN PAS RANG BZHIN NAM NGO BO NYID KYI SKUR YANG BRJOD PA'O, ,CHOS RNAMS KUN GYI DE BZHIN NYID, ,SGRIB GNYIS DAG PA'I MTSAN NYID DE, ,DNGOS DANG DE DMIGS SHES PA LA, ,DBANG ZAD MI SHES MTSAN NYID DO, ,ZHES SO, ,LONGS SPYOD RDZOGS PA'I SKU NI DE'I RJES LA THOB PA'I YE SHES SNANG BA DANG BCAS PA YON TAN DPAG TU MED PA'I RANG BZHIN TE, GZUGS SU SNANG BA'I BDAG PO'I RKYEN NYID KYIS DAG PA'I SEMS CAN LA GZUGS PHUN SUM TSOGS PAR SNANG BA BCOS BU NYID DO, ,SPRUL PA'I SKU YANG GZHAN GYI RNAM PAR RIG PA'I CHAS BSDUS PAS BCOS BU'I RANG BZHIN MA DAG PA'I SEMS CAN RNAMS LA SNA TSOGS KYI GZUGS SU SNANG BA'I MTSAN NYID DO, , `SKU GSUM GYI GRANGS NGES PA'I RGYU NI, RANG DON GZHAN DON RTEN DANG BCAS PAS SAM, ,RANG DON DAG DANG MA DAG GZHAN DON GYI, ,SANGS RGYAS KUN GYI SKU RNAMS MA LUS PA, ,SKU GSUM DAG TU NGES PAR SHES PAR BYA, ,LONGS SPYOD RDZOGS PA NI YON TAN DPAG TU MED PA'I TSOGS NYID KYIS, RDZOGS PAR LONGS SPYOD PA LAS RANG DON PHUN SUM TSOGS PAR BZHAG STE, MTHU DANG BYA BA GRUB DANG CHOS RO DANG, DON DANG YON TAN 'BYOR PA DPAG MED DANG, ,RTAG TU MI ZAD GZIGS PAS RGYAL BA RNAMS, ,KHA NA MA THO MED PA'I DGYES MCHOG BRNYES ZHES GSUNGS PA LTAR RO, ,SPRUL PA NI 'GRO BA'I DON 'BA' ZHIG MDZAD PA LAS GZHAN GYI DON PHUN SUM TSOGS PA STE, CHOS SKU NI GNYIS KA'I RTEN YIN PAS NA DON THAMS CAD 'DI GSUM TZAM GYIS YONGS SU RDZOGS PA'I PHYIR, SKU GSUM DAG GIS SANGS RGYAS KYI, ,SKU BSDUS PAR NI SHES BYA STE, ,SKU GSUM DAG GI RANG BZHIN GYI, , DON 'DI RTEN DANG BCAS BAR BSTAN CES GSUNGS PA'O, ,YANG NA CHOS SKU DON DAM PA NI YON TAN THAMS CAD KYI RTEN NYID KYIS RANG DON PHUN SUM TSOGS PA STE DON DAM PA RTOGS @514A PA LA YON TAN THAMS CAD BOS PA BZHIN DU 'DU BA'I PHYIR RO, ,DE LA BRTEN PA'I YON TAN GYI RANG BZHIN GZUGS SKU GNYIS PO NI GZHAN DON PHUN SUM TSOGS PA STE, RIM PA BZHIN GZHAN RDZOGS PAR LONGS SPYOD PAS MTSAN DANG DPE BYAD RAB TU 'BAR BA'I GZUGS KYIS SA THOB PA'I RGYAL SRAS DAG PA RNAMS KYI DON MDZAD PA DANG, RNAM PA SNA TSOGS KYI GZUGS KYIS MA DAG PA'I SEMS CAN NYAN THOS LA SOGS PA THAMS CAD KYI DON MDZAD PA'I PHYIR, DAG LAS NYE DANG RING RNAMS LA, ,'JIG RTEN RGYAL BA'I DKYIL 'KHOR DU, ,CHU DANG NAM MKHA' ZLA GZUGS BZHIN, ,DE MTHONG BA NI RNAM PA GNYIS, ,ZHES GSUNGS PA'O, ,DES NA 'DI GSUM TZAM GYIS DON THAMS CAD RDZOGS PAR 'GRUB PAS NA, RANG DON GZHAN DON DON DAM SKU DANG NI, ,DE LA BRTEN PA KUN RDZOB SKU NYID DE ZHES BYA BA DANG, BDAG NYID KYI NI 'BYOR PA'I GNAS, ,DAM PA'I DON GYI SKU YIN TE; ;DRANG SRONG RNAMS KYI BRDA YI SKU, ,PHA ROL PHUN SUM TSOGS PA'I GNAS ZHES GANG GSUNGS PA'O, `,SKU SO SO'I MTSAN NYID LAS CHOS KYI SKU NI MTSAN NYID BRGYAD DANG LDAN PA STE, NGO BO NYID SKU MNYAM ZHING ZAB PA DANG, ,RTAG DANG GCIG PU BDAG DANG GTZANG BA DANG, ,'OD GSAL DRI MED RTOG MED RANG RIG BYA, ,LONGS SPYOD RDZOGS DANG RJES 'BREL MTSAN NYID DO, ,MNYAM PA NYID NI SANGS RGYAS THAMS CAD KYI RANG BZHIN GYI SKU LA KHYAD PAR MED PA'I PHYIR RO, ,ZAB PA NI RTOGS PAR DKA' BA NYID KYIS RAB TU PHRA BA'I PHYIR RO, ,RTAG PA NI 'DUS MA BYAS PA NYID KYIS THOG MA DANG DBUS DANG THA MAR SKYE BA LA SOGS PA DANG BRAL BA'I PHYIR RO, ,GCIG PU NI DBYINGS DANG YE SHES THA MI DAD PA NYID KYIS RNAM PAR DBYE BA MED PA'I PHYIR RO, ,BDAG NI SGRO SKUR GYI MTHA' LAS 'DAS PAS MI BSLU BA'I DON GYIS RANG BZHIN YIN PA NYID KYIS PHYIN CI MA LOG PA'I PHYIR RO, ,GTZANG BA NI DRI MA THAMS CAD RNAM PAR DAG PA NYID KYIS NYON MONGS PA DANG SHES BYA DANG SNYOMS PAR 'JUG PA'I SGRIB PA GSUM LAS NGES PAR GROL BA'I PHYIR RO, ,'OD GSAL BA NI RANG BZHIN GYIS SGRIB PA'I DRI MA DANG MA 'DRES PA DANG, RNAM PAR RTOG PA DANG BCAS PAS DMIGS PAR BYA BA MA YIN PA DANG; @514B SO SO RANG GIS RIG PA RNAM PAR MI RTOG PAS 'GA'ANG MI DMIGS PA NYID DU DMIGS PAR BYA BA YIN PA'I PHYIR RO, ,LONGS SPYOD RDZOGS PA DANG 'BREL BA NI YON TAN RGYA CHEN PO'I BDAG NYID KYIS LONGS SPYOD RDZOGS PA'I RTEN DU GYUR PA'I PHYIR TE, THOG MA DBUS MTHA' MED CING RNAM DBYE MED; ;GNYIS MED GSUM BRAL DRI MED RNAM RTOG MED, ,CHOS DBYINGS RANG BZHIN GANG YIN DE RTOGS PA, ,MNYAM PAR BZHAG PA'I RNAL 'BYOR PA YIS MTHONG ZHES BYA BA DANG, RANG BZHIN SKU NI MNYAM PA DANG, ,PHRA ZHING LONGS SPYOD RDZOGS 'BREL DANG ZHES GSUNGS PA'O, `,LONGS SPYOD RDZOGS PA'I SKU'ANG MTSAN NYID BRGYAD DANG LDAN PA STE, LONGS SPYOD RDZOGS PA 'KHOR DANG ZHING DANG MTSAN, ,SKU DANG GSUNG DANG MDZAD RGYUN MI CHAD LA, ,MI RTOG LHUN GRUB RAB 'JUG SKU LA SOGS, , SNA TSOGS DMIGS KYANG DE YI RANG BZHIN MIN, ,'DI NI 'JIG RTEN GYI KHAMS SNA TSOGS SU GANG DANG LHAN CIG TU LONGS SPYOD PA 'KHOR PHUN SUM TSOGS PA THA DAD PA RGYUN MI CHAD PA DANG, GANG DU LONGS SPYOD PA ZHING YONGS SU DAG PA THA DAD PA DANG, GANG GIS LONGS SPYOD PA RNAM PAR SNANG MDZAD LA SOGS PA MTSAN PHUN SUM TSOGS PA THA DAD PA DANG, DE DANG LDAN PA'I SKU PHUN SUM TSOGS PA MTSAN DANG DPE BYAD KYIS RAB TU BRGYAN PA THA DAD PA RGYUN MI CHAD PA DANG, GANG LA RDZOGS PAR LONGS SPYOD PA THEG PA MCHOG GI GSUNGS PHUN SUM TSOGS PA THA DAD PA RGYUN MI CHAD PA DANG, DE DAG GIS RGYAL SRAS LUNG STON PA LA SOGS PA MDZAD PA PHUN SUM TSOGS PA THA DAD PA BSGRUB PA RGYUN MI CHAD PA DANG, DE RNAMS LA YID BZHIN GYI NOR BU'I RGYAL PO LTAR 'BAD PA MED PAR LHUN GYIS GRUB PAR 'JUG PA DANG, SKU DANG GSUNG DANG MDZAD PA SNA TSOGS SU SNANG YANG SHEL GYI KHA DOG LTAR DE KHO NAR SNA TSOGS KYI RANG BZHIN DANG BRAL BA STE, SNA TSOGS DAM CHOS 'OD ZER MNGA' BA'I SKUS, ,'GRO BA'I RNAM GROL DON BSGRUB LA BRTZON PA, ,MDZAD LA YID BZHIN NOR BU'I RGYAL BZHIN TE, ,SNA TSOGS DNGOS DANG DE YI RANG BZHIN MIN, ,ZHES BYA BA DANG, LONGS SPYOD RDZOGS PA KHAMS KUN TU, ,'KHOR YONGS SDUD DANG ZHING DANG MTSAN, ,SKU DANG CHOS RDZOGS LONGS @515A SPYOD DANG, ,MDZAD PA DAG GIS THA DAD DO ZHES GSUNGS PA'O, ` ,SPRUL PA'I SKU YANG MTSAN NYID BRGYAD DANG LDAN PA STE, CHOS KYI SKU LAS G-YO BA MED BZHIN DU, ,THUGS RJE CHEN POS MA DAG ZHING RNAMS SU, ,SRID PA JI SRID SPRUL PA GSUM GYI GZUGS, ,'JIG RTEN 'DUN SMIN RNAM GROL RGYUR STON PA'O, ,RTEN NI CHOS SKU STE DE LAS G-YO BA MED BZHIN TU'O, ,RGYU NI 'GRO BA THAMS CAD LA PHAN PAR BZHED PA MTSUNGS PA MED PA'I THUGS RJE CHEN POS 'JIG RTEN MTHA' DAG LA GZIGS PA LAS SO, ,GZHI NI YONGS SU MA DAG PA'I SANGS RGYAS KYI ZHING THAMS CAD DU'O, ,DUS NI 'JIG RTEN JI SRID GNAS KYI BAR DU RGYUN MI CHAD PAR RO, ,RANG BZHIN NI SPRUL PA RNAM GSUM GYI GZUGS KYIS TE, BZO SPRUL PA PA'I WANG LEN PA LA SOGS PA BZO SNA TSOGS LA DPE MED PAR MKHAS SHING SBYOR PA DANG, SKYE BA SPRUL PA RVI BONG LA SOGS PA LUS DMAN PA SNA TSOGS KYANG LEN PA DANG, MCHOG GI SPRUL PA DGA' LDAN NAS GSHEGS PA DANG, LHUMS SU 'JUG PA NAS ZHI BA CHEN POR GSHEGS PA'I BAR STON PAS TE, BZO DANG SKYE DANG BYANG CHUB CHE, ,MYA NGAN 'DAS PA RTAG STON PAS, ,SANGS RGYAS SPRUL PA'I SKU 'DI NI, ,RNAM PAR GROL BA'I THABS CHEN PO ZHES GANG GSUNGS PA'O, ,'BRAS BU RNAM PA GSUM NI 'JIG RTEN THA MAL PA DAG CI RIGS PAR MYA NGAN LAS 'DAS PA GSUM LA 'DUN PA BSKYED PA DANG, 'DUN PAS LAM LA ZHUGS PA DAG TSOGS YONGS SU SMIN PAR BYED PA DANG, DGE BA YONGS SU SMIN PA DE DAG SRID PA'I 'CHING BA LAS RNAM PAR GROL BA THOB PAR BYED PA'I BYE BRAG GIS SO, ,'JIG RTEN ZHI BA'I LAM LA 'JUG PA DANG, ,RAB TU SMIN DANG LUNG STON RGYU YI GZUGS ZHES 'BRAS BU GTZO BO'I DBANG GIS GSUNGS SO, ,`SKU 'DI RNAMS KYI RTAG PA'I KHYAD PAR NI, 'DI DAG RGYU DANG SEMS CAN MTHA' YAS DANG, ,BRTZE DANG MKHYEN DANG 'PHRUL DANG PHUN TSOGS DANG, ,CHOS KYI DBANG PHYUG 'CHI BA'I BDUD BCOM DANG, , NGO BO MED DANG 'JIG RTEN SKYABS PHYIR RTAG ,GZUGS SKU RTAG PA'I RGYU BDUN DANG, CHOS SKU RTAG PA'I RGYU GSUM MO, ,DANG PO LA GNYIS LAS 'KHOR BA JI SRID PAR 'JIG RTEN YONGS SU 'DZIN PA'I @515B RGYU NI BZHI STE, LUS DANG SROG DANG LONGS SPYOD GCES PA THAMS CAD KYANG PHANGS PA MED PAR BTANG BA LA SOGS PA DKA' BA DPAG TU MED PAS DAM PA'I CHOS BZUNG BA'I PHYIR RGYU MTHA' YAS PA MNGA' BA DANG, SEMS CAN MA LUS PA SGROL BAR BZHED PA'I DAM BCA' MTHAR 'PHYIN PAS, DGOS PA MI LDOG PA DANG, THUGS RJE RNAM PAR DAG PA MTHAR PHYIN PAS BZHED PA MNGA' BA DANG, RDZU 'PHRUL GYI RKANG PA LA DBANG BSGYUR BAS 'JIG RTEN GYI DON DU GNAS PA'I NUS PA MNGA' BAS SO, , 'JIG RTEN MI 'DOR BA'I RGYU NI GSUM STE, SHES RAB KYIS SRID PA DANG ZHI BA MNYAM PA NYID RTOGS PAS BLANG DOR GYI YUL MA DMIGS PA DANG, TING NGE 'DZIN LA SOGS PA'I BDE BA DAM PA PHUN SUM TSOGS PAS RTAG TU GNAS PAS SDUG BSNGAL GYIS MI GNOD PA DANG, DON DAM PA'I CHOS LA DBANG BSGYUR BA DAM PA THOB PA LAS 'JIG RTEN DU GNAS KYANG 'JIG RTEN GYI CHOS KYIS MI GOS PAS NYES PA'I DBANG DU MI 'GRO BA'I PHYIR RO, ,CHOS SKU RTAG PA'I RGYU GSUM NI 'CHI BA MED PA'I GO 'PHANG BRNYES PAS 'JIG PA MED PA'I CHOS NYID MNGON DU GYUR PA LAS, 'CHI BA'I BDUD BCOM PA SPANGS PA DANG, YE SHES GNYEN POS SLOB PA DANG, DE BZHIN NYID LA 'DUS BYAS KYI CHOS KYI NGO BO NYID SKYE 'JIG LA SOGS PA THAMS CAD GDOD MA NAS MED PA'I RANG BZHIN DU GRUB PA DANG, DE GNYIS NYID KYIS MYA NGAN LAS 'DAS PA 'DOD PA'I 'JIG RTEN RNAMS KYI SKYABS SU GYUR PA STE, BSLU BA MED PA'I 'BRAS BU YIN PAS SO, ,LAN CIG THOB KYANG PHYIS MI GNAS NA NI BSLU BAS SKYABS MI RUNG BA'I PHYIR, MI BSLU BA NYID KYIS GTAN DU'ANG GRUB PA'I DON TO, ,`YANG SKU GSUM RTAG PA'I DON MDOR BSDUS PA GSUM NI, GZHAN YANG RANG BZHIN DANG NI RGYUN MI CHAD, , RGYUN GYIS KYANG NI DE DAG RTAG PAR 'DOD, ,CHOS SKU NI DON DAM PA SKYE BA LA SOGS PA DANG BRAL BA'I BDAG NYID KYIS RANG BZHIN GYIS RTAG PA'O, ,LONGS SPYOD RDZOGS PA NI SKAD CIG MANG PO CHAD PA MED PAR 'JUG PAS CHOS KYI LONGS SPYOD RGYUN CHAD PA MED PA'I PHYIR RGYUN MI CHAD PAS RTAG PA'O, ,SPRUL PA NI MI SNANG BAR GYUR NAS KYANG YANG NAS YANG KUN TU STON PAS,@516A RIGS MTHUN RGYUN CHAD KYANG 'TSAMS PA'I DUS LAS MI YOL BAR GZHAN DANG GZHAN 'BYUNG BA'I PHYIR BYA BA BYED PA RTAG PAR LTA'O, `,MNYAM PA'I KHYAD PAR NI, RTEN DANG DGONGS PA 'PHRIN LAS MTSUNGS PAS NA, ,RGYAL BA KUN GYI SKU RNAMS MNYAM PA NYID, ,SANGS RGYAS THAMS CAD KYI CHOS SKU NI RTEN CHOS KYI DBYINGS THA DAD PA MED PAS MNYAM PA'O, ,LONGS SPYOD RDZOGS PA NI DGONGS PA MTHO DMAN MED PAS MNYAM PA'O, ,SPRUL PA NI 'PHRIN LAS THUN MONG DU GYUR PAS MNYAM PA NYI DO, `,BSAM GYIS MI KHYAB PA'I KHYAD PAR NI, BRJOD DU MED DANG DON DAM BRTAG BYA MIN, ,RJES DPAG BYA MIN BLA NA MED PA'I PHYIR, ,CHOS SKU BSAM 'DAS SRID PAR SNANG MOD KYANG, ,SRID ZHI LAS 'DAS GZUGS SKU BSAM MI KHYAB, ,SKU GSUM PO DE NI RGYAL SRAS DAM PA RNAMS KYI BSAM PA'I YUL LAS 'DAS PAS KYANG BSAM GYIS MI KHYAB PA'O, , 'DI LTAR CHOS SKU BSAM GYIS MI KHYAB PA'I RGYU NI LNGA STE, BRJOD PA'I ZHEN YUL DU MA GRUB PAS TSIG LA SOGS PA'I SGRAS BRJOD DU MED PA'I PHYIR DANG, DE NYID KYANG PHYIN CI MA LOG PA'I DMIGS PA MED PA NYID KYIS DON DAM PAS BSDUS PA'I PHYIR DANG, DE'ANG PHYIN CI LOG GI RTOG PA'I DMIGS PA LAS 'DAS PA'I PHYIR DANG, DE'ANG DPE DANG RTAGS LA SOGS PA DON GZHAN GYI RJES SU 'BRANG BA'I BLOS DPAG PAR BYA BA MA YIN PA'I PHYIR DANG, DE GNYIS KYANG 'JIG RTEN THAMS CAD LAS KHYAD PAR DU 'PHAGS PAS BLA NA MED PA'I PHYIR TE, 'JIG RTEN THAMS CAD NI 'JIG RTEN LAS 'DAS PA BLA MA DANG BCAS PA'O, ,DES NA CHOS KYI SKU NI SANGS RGYAS MA YIN PAS MI DMIGS PAS BSAM GYIS MI KHYAB PA NYID DO, ,GZUGS SKU BSAM GYIS MI KHYAB PA'I RGYU NI 'O NA 'JIG RTEN NA SANGS RGYAS DMIGS PA CI LTAR 'THAD DE DES NA CHOS SKU BLA NA MED PAR YANG MA GRUB BO SNYAM NA, DE LTAR SNANG BA NI GZUGS SKU YIN PAS 'GAL BA MED DO, ,DE NYID KYANG SNANG DU ZIN KYANG RANG BZHIN RTOGS PAR MI NUS PAS BSAM GYIS MI KHYAB PA NYID DE, SRID PAR SNANG YANG SRID PA DANG ZHI BA GNYI GAS MA BSDUS PA'I PHYIR RO, ,DES NA, NGAG YUL MIN PHYIR DON DAM @516B GYIS BSDUS PHYIR, ,RTOG GNAS MIN PHYIR DPE LAS 'DAS PA'I PHYIR, ,BLA NA MED PHYIR SRID ZHIS MA BSDUS PHYIR, ,RGYAL YUL 'PHAGS RNAMS KYIS KYANG BSAM MI KHYAB CES GSUNGS SO, ,`SKU GSUM SPYIR BSDUS PA'I DBANG DU BYAS NAS, GZHAN YANG 'DI DAG RANG DON DAG PA DANG, ,MA DAG GZHAN DON YANG DAG BTAGS PA DANG, ,LHAG BCAS LHAG MED SRID ZHIR MI GNAS DANG, ,SGRIB GSUM SPANGS THOB RTAG SOGS MTSAN NYID GSUNGS, ,GSER 'OD DAM PA LAS, CHOS KYI SKU NI SGRIB PA THAMS CAD DANG BRAL BA DGE BA'I CHOS THAMS CAD RDZOGS PA'I PHYIR DE KHO NA NYID DANG YE SHES TZAM DU GNAS PA'O ZHES GSUNGS TE GTZOR RANG DON DU DGONGS PA'O, ,LONGS SPYOD RDZOGS PA NI BYANG CHUB SEMS DPA' RNAMS KYI DON DU DAM PA STON PA STE, SRID PA DANG ZHI BA MNYAM PA NYID RTOGS SHING BDAG TU LTA BA BSAL BAS SEMS CAN MGU BAR BYED LA, SANGS RGYAS KYI CHOS TSAD MED PA'I RGYUR GYUR PA DE KHO NA'I YE SHES DANG MTHUN PAR SMON LAM GYI MTHUS, MTSAN DANG DPE BYAD BZANG POS BRGYAN CING 'OD KYI DKYIL 'KHOR DANG LDAN PA'I SKU GRUB PA'O, ,SPRUL PA'I SKU NI SEMS CAN GYI DON DU CHOS SNA TSOGS BSGRUBS PAS RNAL 'BYOR MTHAR 'BYIN PA NA DBANG CHEN PO THOB PA LAS GDUL BYA'I KHAMS LA SOGS PA DANG MTHUN PAR SKU SNA TSOGS STON PA'O ZHES TE, DAG PA DANG MA DAG PA'I SEMS CAN GYI DON DU GSAL LO, ,YANG DE NYID LAS PHYI MA GNYIS NI BTAGS PA TZAM STE SNGA MA NI YANG DAG PA'I SKU YIN PAS DE GNYIS KYI GZHI BYED PA'O, ,CI'I PHYIR ZHE NA, DE BZHIN NYID DANG RNAM PAR MI RTOG PA'I YE SHES LAS GUD NA SANGS RGYAS KYI CHOS GANG YANG MED PA'I PHYIR RO, ,SANGS RGYAS RNAMS NI YE SHES KYI NYON MONGS PA SPANGS PA MTHAR PHYIN CING SANGS RGYAS KYI SA RNAM PAR DAG PA BRNYES PA'O, ,YANG CHOS KYI SKU DANG GZUGS KYI SKU 'DI GNYIS LAS RIM PA BZHIN PHUNG PO LHAG MA MED PA DANG LHAG MA DANG BCAS PA'I MYA NGAN LAS 'DAS PA GNYIS DANG, 'KHOR BA DANG MYA NGAN LAS 'DAS PA LA MI GNAS PA GNYIS KYANG YIN NO, ,BYIS PA SO SO'I SKYE BO RNAMS NI MTSAN NYID GSUM LA 'CHING BA'I SGRIB PA YOD PAS SKU GSUM MA THOB PA STE, @517A DE GSUM SHES PA DANG 'GOG PA DANG RNAM PAR DAG PAR MA GYUR PA'I PHYIR RO, ,SANGS RGYAS RNAMS KYI NI DE GSUM SHES PA DANG 'GOG PA DANG RNAM PAR DAG PAS SKU GSUM RDZOGS PA'O, ,YANG RNAM PAR SHES PA GSUM MA SPANGS PA DANG SPANGS PA LAS KYANG DE BZHIN TE, LAM YONGS SU SBYONG BAS 'JUG PA'I RNAM SHES SBYANGS PA DANG, GCOD PA'I LAM GYIS YID KYI RNAM SHES SBYANGS PA DANG, MCHOG TU RGYAL BA'I LAM GYIS KUN GZHI'I RNAM SHES SBYANGS PAS, SPRUL PA'I SKU LA SOGS PA RIM GYIS 'THOB PA'O, ,YANG CHOS KYI DBYINGS LA YE SHES KYI SGRIB PA DAG PAS NI CHOS SKU SNANG NGO, ,NYON MONGS PA'I SGRIB PA DAG PAS NI LONGS SPYOD RDZOGS PA SNANG NGO, , LAS KYI SGRIB PA DAG PAS NI SPRUL SKU SNANG BA STE, NAM MKHA' LAS GLOG DANG DE LAS 'OD LTAR CHOS SKU LAS LONGS SKU DANG, DE LA BRTEN TE SPRUL SKU SNANG BAS SO, ,'DI GSUM NI RNAM GRANGS KYIS RTAG PA DANG MI RTAG PAR YANG BSHAD PA STE, CHOS SKU NI 'DU BYED MA YIN PA DANG MTSAN MA THA DAD MED PA DANG RTZA BA DANG GZHIR GYUR PAS RTAG PA'O, ,LONGS SKU NI THOG MA MED PA NAS RGYUN MI CHAD CING SANGS RGYAS KYI MA 'DRES PAS BSDUS PAS SEMS CAN MI ZAD PA LAS SPYOD PA'ANG MI ZAD PAS RTAG PA DANG GZHIR MA GYUR PA LA MDZAD PA MNGON DU MI STON PAS MI RTAG PA'O, ,SPRUL PA NI GNAS THAMS CAD DU THABS LA MKHAS PAS DMIGS PA JI LTA BAR CHOS STON PA RGYUN MI CHAD PAS RTAG PA DANG, GZHIR MA GYUR PA LA MDZAD PA MNGON DU MI STON PAS MI RTAG PA'O, ,YANG CHOS SKU NI MTSAN MA SNA TSOGS SU GZUNG BA'I YUL LAS 'DAS PAS GCIG DANG THA DAD PA MA YIN PA'O, ,LONGS SKU NI 'KHOR GYI BSAM PA GCIG PAS MTSAN NYID GCIG PA'O, ,SPRUL PA NI BYIS PA'I YID DANG MTHUN PAS MTSAN MA THA DAD PA MANG PO STON PA'O, ,YANG SANGS RGYAS THAMS CAD CHOS KYI SKUS NI SKU MTHUN PA'O, ,LONGS SKU NI DGONGS PA MTHUN PA'O, ,SPRUL PAS NI SPYOD PA'AM MDZAD PA MTHUN PA'O ZHES SO, `,YE SHES KYI RNAM PAR DBYE BA LAS YE SHES KYI RAB TU DBYE BA NI, MI G-YO RTEN GYUR DE LA BRTEN PA YI, ,THUGS RJE MKHYEN MCHOG NUS PAS RAB PHYE BA, ,ME LONG LTA BU MNYAM @517B NYID SO SOR RTOG ,BYA BA SGRUB PA'I YE SHES BZHI NYID DO, ,'DIR CHOS KYI DBYINGS RNAM PAR DAG PAS RAB TU PHYE BA'I SKU GSUM PO DE GANG LA SNANG BA'AM GANG GIS DBANG DU BYAS PA'AM GANG GIS BDAG NYID DU GYUR PA'I YE SHES NI LNGA YIN PA LAS, CHOS KYI DBYINGS KYI YE SHES NI SNANG BA MED PA'I SHES RAB TU GANG BRJOD PA SPROS PA THAMS CAD DANG BRAL BA'I CHOS KYI DBYINGS DE 'GA'ANG MNGON DU BYED PA MED PA NYID KYI MNGON DU BYED PA BSNYAD PA STE, DBYINGS RNAM PAR DAG PA NYID DANG DBYE BA MED PAR RO GCIG PAS NA LOGS SU MA BRJOD MOD KYI, 'ON KYANG DE NI SNGAR BSHAD PA LTAR, CHOS KYI DBYINGS RNAM DAG GNYIS TSOGS PA SPANGS PA GNYIS DANG YE SHES GNYIS LA DBANG BSGYUR BAS, DAG PA 'JIG RTEN PA SNANG BA DANG BCAS PA'I YE SHES BZHI PO NYID DANG, DE DAG GI YON TAN DPAG TU MED PA'I RTEN DU GYUR PA CHOS SKU GANG RNAM PAR BZHAG PA DE NYID DO, ,YE SHES 'DI RNAMS NI DE'I RJES LA THOB PA RNAM GROL GYI YE SHES SNANG BA DANG BCAS PAR GANG BRJOD PA NYID YIN PAS NA, SLOB DPON KHA CIG GIS ME LONG LTA BU'I YE SHES MI G-YO BAR RJE BTZUN GYIS GSUNGS PA'I DON DMIGS BYA DMIGS BYED MNYAM PAS MNYAM PA RNAM PAR MI RTOG PA DE BZHIN NYID LA DMIGS PAS CHOS SKU NYID DO, ,LONGS SPYOD RDZOGS PAR GSUNGS PA RGYUD LA BRTAGS PAR CHAD PA NI DON MA RTOGS PA'I RNAM 'GYUR DU GSAL TE, DE MA THAG TU 'CHAD PAR 'GYUR BA RJE BTZUN GYI GSUNG JI LTA BU'I MTSAN NYID LA SOGS PA LUNG DANG RIGS PA DU MA DANG 'GAL BA'I PHYIR TE SPROS PAS CHOG GO ,DES NA YE SHES 'DI RNAMS KYI DBYE BA'I RGYU MTSAN NI DUS RTAG TU GNAS PAS NAM YANG CHAD PA MED PA'I PHYIR MI G-YO BA DANG, RTEN GYI NGO BO NYID THA SNYAD PA'I SHES BYA THAMS CAD MNGON SUM DU MKHYEN PA DANG, DE LA BRTEN PA'I NGO BO NYID RES 'GA' BAR GYUR PAS G-YO BA DANG BCAS PA THUGS RJE CHEN PO DANG, MKHYEN PA CHEN PO DANG, NUS PA CHEN PO GSUM GYIS RAB TU PHYE BAS SO, ,DBYE BA'I DON NI ME LONG LTA BU DANG, MNYAM PA NYID DANG, SO SOR RTOG PA DANG, BYA BA SGRUB PA'I YE SHES BZHI NYID DE, 'DI TZAM KHO NAS RANG DANG GZHAN GYI @518A DON KUN RDZOGS PAR 'GYUR BA'I PHYIR DANG, RTEN DANG BRTEN PA NYID DU GRUB PA'I PHYIR, ,GRANGS DANG GO RIMS NGES PA CAN NO, ,BRTEN PA'I YE SHES 'DI DAG NI KHA CIG RTOG PA MED KYANG 'DZIN PA'AM NGES PA'I BDAG NYID DU 'JUG PAR YANG 'CHAD DO, ,'DI DAG GI RTEN DANG BRTEN PA'I DON NI NGO BO NYID GCIG PA'AM RGYU 'BRAS YIN PAS THA DAD PA GNYI GA LA YANG GNOD PA MA MTHONG STE NUS PA NI NUS PA CAN LAS THA MI DAD PAR GSAL LO, ,MTSAN NYID NI GZHAN KHO NA STE BSHAD ZIN PA DANG 'CHAD PAR YANG 'GYUR BA BZHIN NO, `,SO SO'I MTSAN NYID LAS YE SHES DANG PO'I NI, ME LONG YE SHES RGYUD DANG YUL DANG DBUS, ,DMIGS DANG RNAM PA YONGS SU MA CHAD LNGAS, ,NGAR 'DZIN MI MNGA' KUN KHYAB RTAG TU LDAN, ,SHES BYA KUN GSAL RNAM PA'I DRI MA BRAL, ,MTSAN NYID LNGA STE, RGYUD YONGS SU MA CHAD PA NI RTAG TU NGA DANG NGA YI BA'AM BDAG DANG GZHAN DU 'DZIN PA MI MNGA' BA'I PHYIR RO, ,YUL YONGS SU MA CHAD PA NI THAMS CAD DU KHYAB PA'I PHYIR RO, ,DUS YONGS SU MA CHAD PA NI RTAG TU LDAN PA'I PHYIR RO, ,DMIGS PA YONGS SU MA CHAD PA NI SGRIB G-YOGS DANG BRAL BAS SHES BYA THAMS CAD LA MA RMONGS SHING RAB TU GSAL BA'I PHYIR RO, ,RNAM PA YONGS SU MA CHAD PA NI DON THAMS CAD KYI RANG BZHIN JI LTA BAR GSAL BA YIN GYI, GZUGS BRNYAN NI RNAM PA'I DRI MA'AM RAB RIB TZAM LAS DON LA MNGON DU PHYOGS PA NI MA YIN PA'I PHYIR RO, ,DES NA 'DIR RGYUD DANG RNAM PA NI MED PAS MA CHAD PA YIN LA, YUL ? LA SOGS PA GSUM NI THAMS CAD DU KHYAB PAS MA CHAD PAR LTA'O, ,MTSAN NYID DE DAG DANG LDAN PA'I NGO BO NYID NI LONGS SPYOD RDZOGS BDAG CES BYA BA DE'I NGO BO NYID KYI DON TE, 'DI NYID BRTEN PA'I YE SHES 'OG MA GNYIS DANG BCAS PA'I BDAG PO LAS, DAG PA'I SEMS CAN RNAMS LA MTSAN DANG DPE BYAD KYIS SPRAS PA'I GZUGS SU SNANG BA'I PHYIR RO, ,ZHES PA'I DON NI, YE SHES DMIGS BCAS PA, ,MA LUS RAB GSAL ME LONG GZUGS BRNYAN BZHIN ZHES BYA BA STE, YE SHES RNAMS YUL DANG BCAS PA'I SHES BYA MA LUS PA JI LTA BAR NGANG GIS @518B GSAL BAS, ,ME LONG DAG PA LA GZUGS BRNYAN DANG GIS GSAL BA BZHIN NO, ,'DI NI YE SHES KYI GZUGS BRNYAN 'BYUNG BAR GSUNGS PA NI DPE'I CHOS SU ZAD KYI RNAM PA NI MA YIN TE BSHAD MA THAG PA LTAR RO, `,GNYIS PA NI, MNYAM NYID YE SHES BDAG GZHAN MNYAM PA'I SEMS, , GOMS PA MTHAR PHYIN MI GNAS ZHI BAR NI, ,RAB ZHUGS BRTZE RLABS RMAD BYUNG MKHA' KHYAB PA'I, , 'GRO BA GCES 'DZIN BDAG NYID CHE BRNYES PA'O, ,DANG PO NYID NAS BDAG GZHAN MNYAM PA DANG BRJE BA'I BYANG CHUB KYI SEMS 'BAD PAS BSGOMS PAS CHOS MNGON PAR RTOGS PA LA SOGS PA'I TSE DE DAG THOB NAS YONGS SU SBYANGS PA LAS, 'DIR MTHAR PHYIN TE MI GNAS PA'I MYA NGAN LAS 'DAS PA CHEN POR RAB TU ZHUGS SHING, 'GRO BA MA LUS PA BDAG PAS CHES GCES PAR 'DZIN PA'I THUGS BRTZE BA RLABS PO CHES GZHAN GYI DON 'BA' ZHIG BSGRUB PA LHUR MDZAD PA BDAG NYID CHEN PO'I GO 'PHANG DAM PA BRNYES PA'O, ,'DI NI SEMS CAN THAMS CAD DGA' BAR BYED PAS YE SHES CHEN PO'I ZLA BAR GSUNGS SO, `,GSUM PA'I NI, SO SOR RTOG PA SHES BYA MA LUS PA'I, ,RANG BZHIN NUS SOGS MTSAN NYID JI BZHIN DU, ,LAG MTHIL GNAS LTAR LKOG GYUR MI MNGA' BAR, ,CHAGS DANG THOGS MED RAB GSAL MNGON SUM SPYAN, , PHYI DANG NANG GI CHOS THAMS CAD KYI RANG BZHIN SNA TSOGS RAGS PA DANG PHRA BA LA SOGS PA'I MTSAN NYID THAMS CAD DANG, NUS PA SNA TSOGS KYIS RAB TU PHYE BA RGYU DANG 'BRAS BU CHA PHRA BA LA SOGS PA SHES PAR DKA' BA MA LUS PA, DPER NA RTZVA SHING THAMS CAD SOR BZHI PAR GTUBS NAS MER BSREGS PA'I THAL BA STONG GSUM GANGG'A'I BYE MA SNYED KYI RGYA MTSOR BLUGS TE LO STONG DU DKRUGS PA'I RDUL GYI CHA LA SHING GI CHA GANG GIS YIN PA'AM, RMA BYA'I SGRO'I KHA DOG SNA TSOGS SO SOR LAS GANG GI 'BRAS BU YIN PA'AM, MI ZHIG GIS CHU THIGS PA GCIG BCOL TE, 'DI CHU GZHAN DANG MA 'DRES PA DANG MA BRI BA DANG MA SKAM PA DANG GZHAN LA MA BLUD PAR BSKAL PA GCIG NA NGA LA BYIN CIG CES ZHUS PA NA, DE GANGG''I KLUNG DU KLONG DANG MA 'DRES SHING MA @519A 'KHRUGS PAR BZHAG STE DUS SU 'DOD NA DE KHON LTAR GTOD PA LTA BU MKHYEN PAS, BSAM GYIS MI KHYAB PA'I MTSAN NYID THAMS CAD LA LKOG TU GYUR PA RNAM PA THAMS CAD DU MI MNGA' BAR CHAGS PA DANG THOGS PA MI MNGA' BA'I YE SHES CHEN POS LAG MTHIL NA GNAS PA LTAR MNGON SUM DU MKHYEN PA LAS CHOS LA SPYAN DU GYUR PA CHEN PO'O, ,'DI NI SHES BYA THAMS CAD GSAL BAR MDZAD PA LAS YE SHES CHEN PO'I NYI MAR GSUNGS SO, ,YE SHES BZHI PA'I MTSAN NYID NI, BYA BA SGRUB PA MKHA' KHYAB 'GRO KUN GYI, ,GNOD BSAL BDE LEGS BSGRUB PA'I BYA BA RNAMS, ,RAB PHRA'ANG MA LUS CIG CAR CI RIGS PAR, ,'BAD MED LEGS BSGRUB RAB MKHYEN RMAD KYI CHOS, ,NAM MKHA'I KHAMS KYI MTHAS KHYAB PA'I 'GRO BA THAMS CAD KYI SDUG BSNGAL LA SOGS PA'I GNOD PA BSAL BA GANG CI'ANG RUNG BA DANG, DGE LEGS LA SOGS PA'I DGOS PA BSGRUB PA GANG CI 'ANG RUNG BA'I BYA BA MA LUS SHING LUS PA MED PA CIG CAR MKHYEN CING, DE THAMS CAD BSAM GYIS MI KHYAB PA'I SPRUL PA'I SPRIN SNA TSOGS KYIS THOGS PA MED PAR SGRUB PAR MDZAD PA'ANG MKHYEN PA STE, 'DI NI NYON MONGS PA'I NAD ZHI BAR BYED PA LA SOGS PAS YE SHES CHEN PO'I SMAN DU GSUNGS SO, , DE'ANG DUS GANG DU SEMS CAN GYI GNOD PA CI 'DRA BA BSAL BA DPER NA SEMS CAN DMYAL BA'I MES RAB TU BSREG PA LA THA NA SER BU BSIL BA SKAD CIG TZAM GYIS NGAL BSO BA TZAM LA SOGS PA DANG, YANG 'GA' ZHIG LA THA NA SANGS RGYAS KYI MTSAN GCIG TZAM BRJOD PA'I DGE LEGS BSGRUB PA LA SOGS PA TZAM GYI SKAL BA DANG LDAN PA DE LA YANG, DE DAG GI DUS LAS MI 'DA' BAR SANGS RGYAS THAMS CAD KYIS 'DRES SHING MNYAM PAR DON DE DAG NGES PAR SGRUB PAR MDZAD PAS NA, NGO MTSAR RMAD DANG LDAN PA'I SKYABS GNAS CHEN PO STE, RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL MI MNGA' ZHES BYA BA LA SOGS @519B PAS GANG BSNGAGS PA MDZAD PA'O, `,YON TAN GYI KHYAD PAR SPYIR BSNGAGS PA NI, DE BZHIN GSHEGS DANG DGRA BCOM RDZOGS SANGS RGYAS, ,RIGS DANG ZHABS LDAN BDE GSHEGS 'JIG RTEN MKHYEN, ,MI 'DUL KHA LO BSGYUR BA BLA NA MED, ,LHA MI'I STON PA SANGS RGYAS BCOM LDAN 'DAS,, SA LAS RNAM PA BCUS SANGS RGYAS RNAMS KYI YON TAN BRJOD PA DANG RJES SU DRAN PAR BYA BA YIN TE, 'DI LTAR BCOM LDAN 'DAS DE NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE PAR GSHEGS PA, 'JIG RTEN MKHYEN PA, SKYES BU 'DUL BA'I KHA LO BSGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS ZHES BYA BA'O, ,DE LA PHYIN CI MA LOG PA GSUNG BAS NA DE BZHIN GSHEGS PA'O, ,THOB PA'I DON KUN BRNYES PA DANG BSOD NAMS KYI ZHING BLA NA MED PA YIN PAS MCHOD PAR 'OS PAS NA DGRA BCOM PA'O, ,CHOS RNAMS KYI DON DAM PA JI LTA BAR THUGS SU CHUD PAS NA YANG DAG PAR RDZOGS PA'I SANGS RGYAS SO, ,RIG PA GSUM DANG ZHI GNAS DANG LHAG MTHONG GI ZHABS DANG SHIN TU LDAN PAS RIG PA DANG ZHABS SU LDAN PA'O, ,MCHOG TU KHYAD ZHUGS PAR GSHEGS PA DANG YANG MI LDOG PAR GSHEGS PAS BDE BAR GSHEGS PA'O, ,SEMS CAN GYI KHAMS DANG 'JIG RTEN GYI KHAMS KYI KUN NAS NYON MONGS PA DANG RNAM BYANG GI RNAM PA THAMS CAD MKHYEN PAS 'JIG RTEN MKHYEN PA'O, ,SEMS CAN 'DUL BA'I THABS DAM PA MKHYEN CING 'JIG RTEN DU SKYES BUR GYUR PA GCIG PU BYUNG BAS SKYES BU 'DUL BA'I KHA LO BSGYUR BA BLA NA MED PA'O, ,MIG LTA BUR GYUR PA'I PHYIR YE SHES DANG DON DANG CHOS SU GYUR PA'I PHYIR, DON GSAL BA GTAN LA 'BEBS PA'I PHYIR, DON THAMS CAD RTOGS PA'I PHYIR, MA RTOGS PA'I DON RTOGS PAR MDZAD PA'I PHYIR, THE TSOM GCOD PAR MDZAD PA'I PHYIR, ZAB MO'I GNAS RNAM PAR 'GREL BA'I PHYIR, YONGS SU BYANG BAR MDZAD PA'I PHYIR, DE CHOS THAMS CAD RTOGS PA'I PHYIR, DE 'DREN PA YIN PA'I PHYIR, DE STON PA YIN PA'I PHYIR, LHA DANG MI RNAMS LA SDUG BSNGAL @520A THAMS CAD LAS 'BYUNG BA YANG DAG PAR STON CING BRJOD PAS LHA DANG MI RNAMS KYI STON PA'O, ,DON DANG LDAN PA'I CHOS KYI TSOGS DANG, DON DANG MI LDAN PA'I CHOS KYI TSOGS DANG, DE GNYI GA MA YIN PA'I CHOS KYI TSOGS MTHA' DAG RNAM PA THAMS CAD DU THUGS SU CHUD PAS SANGS RGYAS SO, ,BDUD DPUNG DANG BCAS PA THAMS CAD KYI G-YUL CHEN PO BCOM PAS NA BCOM LDAN 'DAS ZHES GSUNGS SO, ,MDO 'GREL BYED PA GZHAN GYIS NI GZHAN DU'ANG BSHAD DO, ,`BYE BRAG TU RNAM PAR DBYE BA LAS CHOS SKU LA BRTEN PA'I RAB TU DBYE BA BSDU BA NI, CHOS SKU SPANGS DANG SHES RAB THUGS RJE LA, ,BRTEN PA'I YON TAN BRGYA RTZA LNGA BCU GNYIS, ,BYANG CHUB PHYOGS MTHUN TSAD MED MTHAR GNAS DANG, ,RNAM THAR ZAD PAR ZIL GNON MNGON SHES DANG, ,DBANG STOBS MI 'JIGS SO SO YANG DAG RIG ,MA 'DRES NYON MONGS MED DANG SMON MKHYEN DANG, ,YONGS DAG DRAN NYER BSRUNG MED BSNYEL MI MNGA', ,BAG CHAGS BCOM DANG THUGS RJE CHEN PO DANG, , TING 'DZIN GZUNGS DANG RNAM KUN MCHOG MKHYEN DANG, ,PHA ROL PHYIN DRUG YONGS RDZOGS MTHAR PHYIN BRNYES, ,BYANG CHUB PHYOGS KYI CHOS SUM CU RTZA BDUN DANG, ,TSAD MED PA BZHI DANG, MTHAR GYIS GNAS PA'I SNYOMS PAR 'JUG PA DGU DANG, RNAM PAR THAR PA BRGYAD DANG ZIL GYIS GNON PA'I SKYE MCHED BRGYAD DANG, ZAD PAR GYI SKYE MCHED BCU DANG, MNGON PAR SHES PA DRUG DANG, DBANG BCU DANG, DE BZHIN GSHEGS PA'I STOBS BCU DANG, MI 'JIGS PA BZHI DANG, SO SO YANG DAG PAR RIG PA BZHI DANG, YONGS SU DAG PA BZHI DANG, SANGS RGYAS KYI CHOS MA 'DRES PA BCO BRGYAD DANG, NYON MONGS PA MED PA DANG, SMON GNAS MKHYEN PA DANG, GDUNG BA MED PA GSUM DANG, DRAN PA NYE BAR BZHAG PA GSUM DANG, BAG CHAGS YANG DAG PAR BCOM PA DANG, THUGS RJE CHEN PO DANG, TING NGE 'DZIN DANG, GZUNGS DANG, RNAM PA THAMS CAD MKHYEN PA DANG, MCHOG MKHYEN PA DANG, PHA ROL TU PHYIN PA DRUG STE, SPYIR BSDOMS PA'I GRANGS NI BRGYA LNGA BCU RTZA GNYIS SO, ,DE LA GTZOR SPANGS PA LA BRTEN PA NI NYON MONGS PA MED PA DANG, DRAN PA NYE BAR @520B BZHAG PA GSUM DANG, BSRUNG BA MED PA GSUM DANG, BSNYEL BA MI MNGA' BA'I CHOS NYID DANG, BAG CHAGS BCOM PA DANG, PHA ROL TU PHYIN PA DRUG RDZOGS PA RNAMS SO, ,THUGS RJE LA BRTEN PA NI TSAD MED PA BZHI DANG, THUGS RJE CHEN PO NYID DO, ,LHAG MA RNAMS NI GTZOR SHES RAB LA BRTEN PA'O, `,SO SO'I RNAM PAR DBYE BAS SANGS RGYAS LA BSTOD PA LAS BYANG CHUB KYI PHYOGS LAS NI, MKHA' LTA'I MKHYEN LDAN BRTZON 'GRUS LHUN GYIS GRUB, ,TING 'DZIN RAB YANGS DBANG STOBS RMAD BYUNG DANG, ,BYANG CHUB CHE BRNYES 'PHAGS LAM MTHAR SON PA, ,BYANG CHUB PHYOGS 'PHAGS KHYOD LA PHYAG 'TSAL LO, ,LUS LA SOGS PA NAM MKHA' LTA BUR MKHYEN PA DRAN PA NYE BAR BZHAG PA BZHI DANG, NYES BA'I TSOGS SPANGS PA DANG, MI SKYE BA DANG, YON TAN GYI TSOGS SKYE BA DANG, GNAS PA LA LHUN GYIS GRUB PAR 'JUG PA'I BRTZON 'GRUS YANG DAG PAR SPONG BA BZHI DANG, 'DUN PA DANG, BRTZON 'GRUS DANG, SEMS DANG, DPYOD PA'I TING NGE 'DZIN RGYA CHEN PO RDZU 'PHRUL GYI RKANG PA BZHI DANG, DAD PA LA SOGS PA'I DBANG PO LNGA DANG STOBS LNGA YONGS SU RDZOGS PA DANG, CHOS YANG DAG PA JI LTA BAR RNAM PAR 'BYED PA LA SOGS PA BYANG CHUB CHEN PO BRNYES PA'I YAN LAG BDUN DANG, MI SLOB PA'I YANG DAG PA'I LTA BA LA SOGS PA 'PHAGS PA'I LAM YAN LAG BRGYAD PO BYANG CHUB KYI PHYOGS MTHAR PHYIN PA RNAMS KYIS YANG DAG PAR 'PHAGS PAS SO, ,'DI RNAMS DANG TSAD MED PA LA SOGS PA'I YON TAN THAMS CAD KYANG SHIN TU RNAM PAR DAG PA SHIN TU SBYANGS PA SHIN TU 'OD GSAL BA SHIN TU MTHAR THUG PA NYID DU LTA'O, `,TSAD MED PA LAS NI, SEMS CAN RNAMS LA BRTZE BA CAN, ,PHRAD DANG BRAL BA'I DGONGS PA CAN, ,MI 'BRAL BA YI DGONGS PA CAN, ,PHAN BDE DGONGS KHYOD LA PHYAG 'TSAL, ,PHAN PA DANG BDE BA'I DGONGS PA GNYIS KYIS SEMS CAN LA BRTZE BA LAS TE, BDE BA'I DGONGS PA NI BYAMS PAS BDE BA DANG PHRAD PA DANG, SNYING RJES SDUG BSNGAL DANG BRAL BA DANG, DGA' BAS BDE BA DANG MI BRAL BAR DGONGS PA GSUM GYIS SO, ,PHAN PA'I@521A DGONGS PA NI BTANG SNYOMS KYIS KUN NAS NYON MONGS PA MED PA LAS GTAN DU PHAN PAR DGONGS PA'I PHYIR RO, ,` MTHAR GYIS GNAS PA'I SNYOMS PAR 'JUG PA LAS NI, BSAM GTAN BLA MED BZHI DANG NI, ,GZUGS MED SNYOMS MJUG DAM PA BZHI, ,'GOG PA MCHOG GI SEMS KYI DBANG, ,MTHAR SON KHYOD LA PHYAG 'TSAL LO, ,RAB KYI CHA'I MTHA' LAS BYUNG BA'I BSAM GTAN BZHI DANG, GZUGS MED PA'I SNYOMS PAR 'JUG PA BZHI DANG, PHUL DU BYUNG BA'I 'GOG PA'I SNYOMS PAR 'JUG PA DGUS TING NGE 'DZIN GYI SEMS THAMS CAD KYI DBANG DAM PA'I PHA ROL TU SON PA'O, `,RNAM PAR THAR PA DANG ZIL GYIS GNON PA DANG ZAD PAR LAS NI, THUB PA SGRIB KUN NGES PAR GROL, ,'JIG RTEN THAMS CAD ZIL GYIS GNON, ,KHYOD KYI MKHYEN PAS SHES BYA KHYAB, ,THUGS GROL KHYOD LA PHYAG 'TSAL LO, ,'DIR RNAM PAR THAR PA'I KHYAD PAR NI SGRIB PA GNYIS PO THAMS CAD LAS NGES PAR GROL BAS DMIGS PA LA DBANG BSGYUR BAS SO, ,ZIL GYIS GNON PA'I KHYAD PAR NI 'JIG RTEN THAMS CAD ZIL GYIS GNON PA DANG, THUGS LA MNGA' BSGYUR BAS DMIGS PA SPRUL PA DANG BSGYUR BA BYIN GYIS RLOB CING DMIGS PA ZIL GYIS GNON PA LAS SO, ,ZAD PAR BCU'I KHYAD PAR NI SHES BYA THAMS CAD LA YE SHES KHYAB PAS DMIGS PA RGYAS PAR SPRO BA'I KHYAD PAR CAN NO, ,'DI GSUM GYIS NI YON TAN GYI MI MTHUN PA'I PHYOGS THAMS CAD LAS RNAM PAR GROL BAS NA THUGS GROL LO, `,MNGON PAR SHES PA LAS NI, GSHEGS NAS SPYOD PA MKHYEN MDZAD DE, ,DE DAG SKAD KYIS SEMS CAN GYI, ,'OD DANG 'GRO DANG NGES 'BYUNG LA, ,LEGS 'DOMS KHYOD LA PHYAG 'TSAL LO, ,'DI DRUG GIS NI YANG DAG PAR 'DOMS PA PO NYID STON TE, SKU'I CHO 'PHRUL GYI RDZU 'PHRUL GYI MNGON PAR SHES PAS NI GDUL BYA GANG NA YOD PA'I YUL THAMS CAD DU GSHEGS PA'O, ,THUGS KYI KUN BRJOD PA'I CHO 'PHRUL GZHAN GYI SEMS SHES PAS NI DE DAG GI SEMS KYI SPYOD PA LA SOGS PA MKHYEN PA'O, ,GSUNG GI RJES SU BSTAN PA'I CHO 'PHRUL @521B LA BZHI LAS, DANG PO NI GDAMS NGAG GI RANG BZHIN TE LHA'I RNA BAS DE DAG GI SKAD CI LTA BAR 'DOMS PA'O, ,GSUNG NI DON GYI DBYE BA STE, SNGON GYI GNAS RJES SU DRAN PAS JI LTAR SNGON GYI MTHA' NAS 'DIR 'ONG BA DANG, 'CHI 'PHO DANG, SKYE BA SHES PA LHA'I MIG GIS JI LTAR 'DI NAS PHYI MA'I MTHAR 'GRO BA DANG, ZAG PA ZAD PA SHES PAS JI LTAR 'DI NAS 'KHOR BA LAS NGES PAR 'BYUNG BA MKHYEN PA LTAR GDAMS NGAG RTZOL BAS DUS GSUM LA RMONGS PA SPANGS PA NYID KYI PHYIR RO,, ` DBANG BCU LAS NI, BZHED BZHIN 'DA' SOGS DAM PA'I DBANG, ,RNAM BCUS 'JIG RTEN GSUM KUN NA, ,CHE BAR GRAGS PA THAMS CAD KYANG, ,LEGS 'DUL KHYOD LA PHYAG 'TSAL LO, ,TSE LA DBANG BA NI 'DOD PA BZHIN 'CHI BAS BSDUS BA STE LONGS SPYOD BYIN PAS SEMS CAN RNAMS KYI TSE'I RGYUR 'GYUR BAS NA SBYIN PA'I PHA ROL TU PHYIN PAS THOB PAR BYA'O, ,SEMS LA DBANG BA NI JI LTAR 'DOD PA LTAR SEMS 'JUG PAS LAS RUNG BA STE, LONGS SPYOD BYIN PAS GZHAN GYI BSAM PA TSIM PAR BYED PAS SBYIN PA'I 'BRAS BU'O, ,YO BYAD LA DBANG BA NI BSAM PA CI LTA BAR YO BYAD 'BYOR PA STE, GZHAN YO BYAD KYIS TSIM PAR BYED PAS SBYIN PA'I 'BRAS BU NYID DO, ,LAS LA DBANG BA NI LUS NGAG YID KYI LAS JI 'DOD 'GRUB PA STE, TSUL KHRIMS KYIS GZHAN GYI LAS GSUM KHA NA MA THO BA MED PA LA BSAM PA JI LTA BAR BSKUL PA'I RGYU CAN NO, ,SKYE BA LA DBANG BA NI GANG 'DOD PA'I 'GRO BA DANG LUS LA SOGS PA 'GRUB PA STE, TSUL KHRIMS DANG LDAN PA'I SMON LAM 'GRUB PAS DE'I RGYU CAN NO, ,MOS PA LA DBANG BA NI MOS PA JI LTA BAR SA'ANG GSER DU 'GYUR BA LA SOGS PA STE, BZOD PAS SEMS CAN GYI MOS PA'I RJES SU ZHUGS PA'I RGYU LAS SO, , SMON LAM LA DBANG BA NI JI LTAR SMON PA'I DON KUN 'GRUB PA STE, BRTZON 'GRUS KYIS SEMS CAN GYI DON DUS JI LTA BAR BSGRUB PA LAS SO, ,MNGON SHES LNGAS BSDUS PA'I RDZU 'PHRUL LA DBANG BA NI BSAM GTAN GYI SEMS KYIS SEMS CAN GYI DGOS PA JI LTA BA LA ZHUGS PAS SO, ,YE SHES LA DBANG BA NI JI 'DOD DU YE SHES MNGON DU BYED PA STE, SHES RAB KYIS SEMS CAN @522A GYI 'DOD PA JI LTA BA MNGON DU SHES PA LA SBYAR BAS SO, ,CHOS LA DBANG BA NI MDO LA SOGS PA'I CHOS 'DOD PA JI LTA BAR STON PA STE, SHES RAB KYI PHA ROL TU PHYIN PAS SEMS CAN JI 'DOD PA'I MDO LA SOGS PA'I CHOS LA SBYAR BAS THOB PAR BYA BA'O, `,STONG LAS NI, , THABS DANG SKYABS DANG DAG PA DANG, ,THEG CHEN NGES PAR 'BYUNG BA LA, ,SEMS CAN RNAMS LA RAB BSLU BA'I, ,BDUD 'JOMS KHYOD LA PHYAG 'TSAL LO, ,STOBS BCU NI GNAS DANG GNAS MA YIN PA MKHYEN PA DANG, LAS BDAG GIR BYA BA DANG, BSAM GTAN DANG, TING NGE 'DZIN DANG SNYOMS PAR 'JUG PA DANG, DBANG PO MCHOG DANG MCHOG MA YIN PA DANG, ,MOS PA SNA TSOGS DANG, KHAMS SNA TSOGS DANG, THAMS CAD DU 'GRO BA'I LAM DANG, BSAM GTAN DANG RNAM PAR THAR PA DANG TING NGE 'DZIN DANG SNYOMS PAR 'JUG PA DANG KUN NAS NYON MONGS PA DANG RNAM PAR BYANG BA DANG LDANG BA THAMS CAD DANG, SNGON GYI GNAS DANG 'CHI 'PHO DANG SKYE BA DANG, ZAG PA ZAD PA MKHYEN PA'I STOBS SO, ,'DIR NI DE DAG GI LAS PHYOGS GCIG GSUNGS PA STE, DON BZHI LA SEMS CAN BSLU BA'I BDUD 'JOMS PA'O, ,BDE 'GRO DANG NGAN 'GROR 'GRO BA'I THABS LA BSLU BA NI BSAD PA'I MCHOD SBYIN GYIS MTHO RIS THOB PA LA SOGS PA STON PA STE, DE NI RGYU GANG LAS 'BRAS BU GANG SKYE BA'I GNAS YOD PA DANG MED PA STON PA STOBS DANG POS BZLOG PAS SO, , SKYABS LA BSLU BA NI SDIG PA BYAS SHING BSOD NAMS MA BYAS KYANG SENGGE DANG 'PHROG BYED LA SOGS PA MGU BAR BYAS NA NGAN 'GRO LAS SKYOB PA LA SOGS PA SMRA BA STE, DE NI LAS NYID BDE BA LA SOGS PA SBYIN PA'I RGYU DANG STON PA DANG SKYABS YIN PAR STON PA STOBS GNYIS PAS 'JOMS SO, ,DAG PA LA BSLU BA NI ZAG PA DANG BCAS PA'I LAS TZAM GYIS DAG PAR SMRA BA STE, DE NI DE TZAM LAM MA YIN GYI BSAM GTAN LA SOGS PA NYID RNAM PAR DAG PA'I LAM DU STON PA STOBS GSUM PAS BZLOG PAS SO, ,NGES PAR 'BYUNG BA LA BSLU BA NI SNOD DANG MI MTHUN PA'I LAM STON PA STE, DE NI DBANG PO LA SOGS PAS SNOD JI @522B LTA BAR STON PA STOBS LHAG MA RNAMS KYIS 'JOMS PAS SO, ,STOBS 'DI RNAMS RGYA CHER NI SA LAS BSHAD DE, GNAS DANG GNAS MA YIN PA'I NI DGE BA DANG MI DGE BA'I RGYU 'BRAS MI MTHUN PA MED PA TSUL KHRIMS LAS MTHO RIS LTA BU'I RGYU DE NI 'BRAS BU DE'I GNAS DANG RTEN YIN PAS DE LA DE SRID PA'I DON DANG, LDOG PA'I RGYU TSUL KHRIMS 'CHAL BA LTA BU DE NI 'BRAS BU MTHO RIS LTA BU DE'I GNAS MA YIN PAS DE LA DE MI SRID PA'I DON TO, ,DE DAG YANG DAG PA JI LTA BAR MKHYEN PA NI KUN MKHYEN PA'I YE SHES MNGON PA'I NGA RGYAL MED PAS MKHYEN PA'O, ,STOBS NI BLA NA MED PA'I PHYIR DANG, SEMS CAN THAMS CAD KYI DON THAMS CAD BYED NUS PA'I PHYIR DANG, BDUD THAMS CAD KYI STOBS ZIL GYIS GNON PA'I PHYIR RO, ,DE DANG LDAN PA NI SGRUB BYED YANG DAG PAR BZUNG BAS CI 'DOD DU DBANG BYED PA'I PHYIR RO, ,LAS BDAG GIR BYA BA'I NI DUS GSUM PO THAMS CAD KYI LUS LA SOGS PA GSUM GYI LAS KYI RNAM PA THAMS CAD DANG LAS YANG DAG PAR BLANG BA DA LTAR BDE LA, PHYI MAR SDUG BSNGAL BA LA SOGS PA BZHI'I GNAS SKABS THAMS CAD DANG, GNAS GANG DU BYED PA'I YUL CAN THAMS CAD DANG, SEMS CAN DU BGRANG BA LA SOGS PA GANG LA BRTEN PA'I DNGOS PO THAMS CAD DANG, DGE BA DANG MI DGE BA'I RGYU GANG GIS BYED PA'I GZHI THAMS CAD DANG, SDUG PA DANG MI SDUG PA'I 'BRAS BU GANG 'GRUB PA'I PHAN YON DANG NYES DMIGS THAMS CAD MKHYEN PA'O, ,DES NA SNGA MA NI SDUG PA DANG MI SDUG PA'I RGYU 'BRAS SO SOR NGES PA YIN LA, 'DI NI BYED PA PO NYID LA 'BRAS BUR 'GYUR BA'I DON TO, ,BSAM GTAN LA SOGS PA'I NI BSAM GTAN BZHI DANG RNAM PAR THAR PA BRGYAD KYIS SEMS LAS SU RUNG NAS, 'DOD PA'I DON BSGRUB PA'I PHYIR TING NGE 'DZIN GANG 'DOD LA SNYOMS PAR 'JUG PAS 'JIG RTEN DANG 'JIG RTEN LAS 'DAS PA'I DON CI BZHED PA MYUR BAR 'GRUB PA YIN PAS NA 'DOD PA'I DON THAMS CAD SEMS LA RAG LAS PA STE, BCOM LDAN 'DAS DAG TING NGE 'DZIN DAG LA SNYOMS PAR ZHUGS PAS TSANGS PA'I 'JIG RTEN MAN @523A CHAD SNANG BAS KHYAB CING DE'I GSUNG YANG THOS LA DE NI SUS KYANG MI MTHONG BA LA SOGS PA GSUNGS PA LTAR RO, ,DE'I KUN NAS NYON MONGS PA NI DE DAG THOB PA'I GEGS THABS MA YIN PA'I SBYOR BA DANG, THOB ZIN PA LA YANG DE'I SA BA'I NYON MONGS PA YOD PA'O,, RNAM PAR BYANG BA NI DE LAS LDOG PA'O, ,RNAM PAR BZHAG PA NI MING SNA TSOGS KYIS CI RIGS SU BRJOD PA'O, ,RNAM PAR DAG PA NI DE DAG NYID TSEGS MED PA DANG NGAN DON MA YIN PAR CI LTAR 'DOD PA DE LTAR RDZOGS PAR THOB PA'O, ,DBANG PO MCHOG DANG MCHOG MA YIN PA NI JI LTAR YONGS SU SMIN PA YANG DAG PAR 'GRUB PA LAS DAD PA LA SOGS PA LNGA PO CHUNG NGU DANG 'BRING DANG CHEN PO DAG STE, GZHAN LA YID CHES PA DANG, CHOS SPYOD PA GNYIS SNGON DU 'GRO BA'O, , MOS PA SNA TSOGS NI 'DOD CING RTOG PA CHUNG NGU DANG 'BRING DANG CHEN PO DAG GO ,KHAMS SNA TSOGS NI NYAN THOS DANG RANG RGYAL DANG SANGS RGYAS KYI RIGS DANG, 'DOD CHAGS LA SOGS PA LA SPYOD PA BRGYAD KHRI BZHI STONG GI KHAMS RNAMS SO, ,KUN TU 'GRO BA'I LAM NI DE DAG NYID KYI 'JUG PA'I SGO DANG 'TSAM PA 'DOD CHAGS SPYOD PA LA MI SDUG PA SGOM PA LA SOGS PA'O, ,SNGON GYI GNAS RJES SU DRAN PA NI PHYOGS SNA TSOGS NA SEMS CAN RIS SNA TSOGS KYI MING DANG BRDA SNA TSOGS THA DAD PA'I SNGON GYI GNAS RNAM PA DU MA MDOR NA THA SNYAD KYI GZHI BRGYAD LA BRTEN PA'I SPYOD PA DRUG RJES SU DRAN PA STE, GZHI BRGYAD NI MING NI 'DI ZHES BYA, RIGS DANG RUS DANG, ZAS DANG BDE SDUG DANG, TSE RING KHYAD DANG, YUN DANG, TSE NI 'DI TZAM ZHIG THUB CES BYA BA'O, , DE DAG LA BRTEN PA'I SPYOD PA DRUG NI BOD PA'I BRDA DANG, RGYAL RIGS LA SOGS PA'I RIGS DANG, PHA MA DANG, ZAS SKOM LA SOGS PA'I BYA BA DANG, DAR RGUD DANG, TSE'I RNAM PA SNA TSOGS SO, , RNAM PA NI SPYOD PA DRUG GO ,DAN RTAGS NI GZHI BRGYAD DO, ,LHA'I MIG NI LHA'I GNAS PA BSAM GTAN BZHI'I 'BRAS BU STE, SHIN TU RDZOGS SHING DAG PA'I BSAM GTAN LA BRTEN PAS SHIN TU DAG PA'O, , 'DOD PA'I LHA LA NI DE DANG MING MTHUN PA TZAM YOD KYI, MI LA DE'ANG @523B MED PAS NA MI LAS 'DAS PA'O, ,DE'I YUL NI SEMS CAN 'CHI BA DANG, BAR DOR SKYE BA GNYIS PO MUN PAR 'JUG PA PHYAR BA NAG PO'AM MUN NAG TU 'GRO BA LTA BU KHA DOG NGAN PA DANG, SNANG BAR 'GRO BA ZLA BA'I 'OD DAM, WA RA n'A SI'I RAS LTA BU KHA DOG BZANG BA'O, ,NGAN PA DANG BZANG PO'ANG DE DAG NYID DE NGAN 'GRO DANG BDE 'GROR 'GRO BAS SO, ,LUS DANG NGAG DANG YID KYI NYES PAR SPYOD PA DANG LDAN PA NI TSUL KHRIMS 'CHAL PA KUN SLONG DANG BCAS PAS SO, ,LOG PAR LTA BA NI GNYIS TE THAMS CAD LA SKUR PA 'DEBS PA DANG, DE SPANGS PA 'PHAGS PA LA SKUR PA 'DEBS PA'O, ,DES LOG PA'I LAS KYI RGYU DANG 'BRAS BU LA MNGON PAR ZHEN PAS LOG PA'I LAS MNGON PAR 'DU BYED DE, CHOS YANG DAG PAR BLANG BA DA LTAR BDE LA PHYI MAR SDUG BSNGAL BA DANG GNYI GAR SDUG BSNGAL BAR 'GYUR BA GNYIS LEN TO, ,NGAN 'GRO'I RGYU GTZO BO YIN PAS RGYU DE DANG RKYEN DES ZHES BYA BA'O, , LUS ZHIG PA NI MING DANG GZUGS PHAN TSUN 'BREL BA ZHIG PA'O, ,SHI BA'I 'OG NI 'CHI BA THAMS CAD LAS 'DI THA CAD YIN PAS SO, ,NGAN SONG NI CHOS NGAN PA DANG YANG BA SPYOD PAS NGAN PAR SONG BAS SO, ,NGAN 'GRO NI SDUG BSNGAL DRAG PA DANG, YUN RING BA DANG BAR MA CHAD PA DANG MANG BA MYONG BAR 'GYUR BAS SO, ,LOG PAR LTUNG BA NI 'OG NA GNAS SHING G-YANG SA CHE LA NYAM NGA BA DANG SNYING RJE BA DANG ZHAN PA'I SGRA CHER 'BYIN PAS SO, ,SEMS CAN DMYAL BA NI RANG BZHIN DANG LUS DANG DNGOS PO BSTAN PA'O, ,DE KHO NA SMRAS PA NI SHAS CHER SGYID LUG PA'I GNAS YIN PAS TE NGAN SONG KUN MTSON PA'O, ,DGE BA'I PHYOGS KYI NI THAMS CAD DE LAS LDOG PA STE, BDE 'GRO NI LEGS PAR SPYOD PA SNGON DU 'GRO BAS SO, ,MTHO RIS NI BDE BA LA LONGS SPYOD PA MCHOG YIN PAS SO, ,ZAG PA ZAD PA MKHYEN PA NI ZAG PA THAMS CAD KYI BAG LA NYAL MA LUS PA SPANGS PAS, GNYEN PO ZAG PA MED PA'I SEMS DANG SHES RAB MCHOG TU GYUR PA LHAG PA'I SEMS DANG LHAG PA'I SHES RAB KYIS BSDUS PA STE, ZAG PA MED PA'I SEMS RNAM PAR GROL BA DANG SHES RAB RNAM PAR GROL BA'O, ,DE'ANG SNGAR LAM BSGOM PA LA BRTEN TE SRID PA THA MA DE NYID LA @524A THOB NAS, BDAG GIS THOB BO ZHES MNGON PAR SHES PA DRUG POS RANG GI JI LTA BAR SHES PAS 'DOD NA GZHAN LA'ANG STON PAS NA TSE 'DI NYID LA RANG GI MNGON PAR SHES PAS MNGON SUM DU BYAS TE BRJOD PAR BYED CES BYA BA'O, `,MI 'JIGS PA LAS NI, RANG GZHAN DON DU YE SHES DANG, ,SPANGS DANG NGES 'BYUNG GEGS DAG NI, ,STON MDZAD MU STEGS GZHAN DAG GIS, ,MI RDZI KHYOD LA PHYAG 'TSAL LO, ,STON PAS GNAS BZHI DAM BCAS PA LA MU STEGS CAN LA SOGS PA LHA'I MIG DANG LDAN PA DANG GZHAN GYI SEMS SHES PA DANG DE MA YIN PA DAG RGOL BA'I RGYU MA GZIGS PAS MI BSNYENGS PA DANG, ZHUM PA DANG DOG PA DANG BAG TSA BA MI MNGA' BA'O, ,'DI BZHI YANG BDAG GIS DON RDZOGS PA'I GNAS NI GNYIS TE, THEG PA CHEN PO PA'I DBANG DU BYAS NAS NYAN THOS DANG THUN MONG MA YIN PA SHES BYA'I SGRIB PA LAS RNAM PAR GROL BA CHOS THAMS CAD MNGON PAR RDZOGS PAR SANGS RGYAS PA'I YE SHES DANG, THEG PA DMAN PA PA'I DBANG DU BYAS NAS NYAN THOS DANG THUN MONG PA NYON MONGS PA'I SGRIB PA LAS RNAM PAR GROL BA ZAG PA THAMS CAD ZAD PA'I SPANGS PA'O, ,GZHAN GYI DON RDZOGS PA'I GNAS KYANG GNYIS TE, DE GNYI GA'I DBANG DU BYAS NAS THAR PA 'DOD PA RNAMS SDUG BSNGAL THAMS CAD LAS 'DA' BAR 'GYUR BA NGES PAR 'BYIN PA'I LAM DANG, LAM DE THOB PA'I GEGS SPANG BAR BYA BA BAR CHAD KYI CHOS LUNG STON PAR MDZAD PA'O, ,DE DAG KYANG BDAG NYID KYIS RTOGS PAR ZHAL GYIS 'CHES PAS DAM BCAS PA'O, ,'PHAGS PA'I LAM YAN LAG BRGYAD PAS THOB CING GNOD PA DANG, 'JIGS PA THAMS CAD DANG BRAL BAS KHYU MCHOG GO ,MYA NGAN LAS 'DAS PA BLA NA MED PA YIN PAS RLABS PO CHE'O, ,NYID KYI THUGS SU CHUD NAS BRTZE BAS GZHAN LA YANG BSTAN PAS TSANGS PA'I 'KHOR LO BSKOR BA STE, TSANGS PA DANG ZHI BA DANG BSIL BAR GYUR PA ZHES BYA BA NI SANGS RGYAS NYID LA BRJOD PAS NA THOG MAR DE NYID KYIS BSKOR LA, DES BSKYOD NAS GZHAN GYIS KYANG GZHAN LA GCIG NAS GCIG TU @524B BRGYUD DE SEMS CAN GYI RIS THAMS CAD DU 'KHOR BAS TSANGS PA'I 'KHOR LO'O, , 'KHOR GYI NANG DU SENG GE'I SGRA BSGRAGS PA NI STON PA PHUN SUM TSOGS PA BLA NA MED PAR BDAG NYID BSGRAGS PA'I PHYIR DANG, DE'I LAM BSTAN PAS DE MA YIN PA'I YA MTSAN CAN THAMS CAD SPANGS PA'I PHYIR DANG, LAM DE DANG MI MTHUN PAR SMRA BA BYUNG BA LA BAG 'KHUMS PA MED PA'I PHYIR DANG, PHAS KYI RGOL BA RNAMS ZIL GYIS MA NAN PA'I PHYIR RGYA CHE ZHING BLA NA MED PA'I GSUNG MNGON PAR BRJOD PA'I PHYIR RO, , `SO SO YANG DAG PAR RIG PA LAS NI, RTEN DANG BRTEN PA BSHAD BYA DANG, ,GSUNG DANG MKHYEN PAS 'CHAD BYED LA, ,BLO GROS RTAG THOGS MI MNGA' BA, ,LEGS STON KHYOD LA PHYAG 'TSAL LO, , GANG BSHAD PAR BYA BA DANG GANG GIS 'CHAD PAR BYED PA LA BLO GROS RTAG TU THOGS PA MI MNGA' BA NYID KYIS CHOS LEGS PAR STON PAR MDZAD PA LAS TE, RTEN CHOS MTSAN GZHI DANG DE LA BRTEN PA DON MTSAN NYID GNYIS TE DE NI BSHAD PAR BYA BA'O, ,GSUNG NGES PA'I TSIG SGRA DON DANG, MKHYEN PA SPOBS PA TSAD MA GNYIS NI 'CHAD BYED DE DE DAG MKHYEN PA'O, `,SANGS RGYAS KYI CHOS MA 'DRES PA LAS NI, SPYOD PA DANG NI RTOGS PA DANG, ,YE SHES DANG NI 'PHRIN LAS KYIS, ,NYAN THOS RANG SANGS RGYAS KUN GYI, ,BLA MA KHYOD LA PHYAG 'TSAL LO, ,SPYOD PAS BSDUS PA DRUG NI SKU DANG GSUNG DANG THUGS LA PHYIN CI LOG GI 'KHRUL PA, DPER NA DGRA BCOM PA DAG KYANG GRONG DU RGYU BA NA GLANG PO CHE GTUM PO'AM RTA MI SRUN PA LA SOGS PA DANG THUG PA DANG, TSANG TSING DANG TSER MA'I 'OBS SU LTUNG BA DANG, SBRUL NAG PO RKANG PAS BRDZI BA DANG BUD MED MA RUNGS PAS BRNGOD PA'I KHYIM DU 'JUG PA LTA BU STON PA LA MI MNGA' BA DANG, LUS DANG NGAG DANG YID LA RTZOM PA DANG, RTZOD PA'I CA CO DANG, DGRA BCOM PA RES 'GA' NAGS KHROD STUG POR LAM GOL TE KHANG STONG DU SGRA CHEN POS 'BOD PA DANG, BAG CHAGS KYI GNOD PAS RTA SKAD CHEN POS RGOD CING STEGS PA LTA BU MI MNGA' BA DANG, DRAN PA RMONGS PA MED PAS THAMS CAD SKAD CIG LA MKHYEN TE MDZAD PA DANG, GSUNGS BA LA SOGS PA BSNYEL BA MI MNGA' BA DANG, THA DAD PA'I 'DU SHES @525A DGRA BCOM PA PHUNG PO LA MTHA' GCIG TU NYES DMIGS SU 'DZIN CING PHUNG PO LHAG MA MED PA LA ZHI BAR 'DZIN PA LTA BU MI MNGA' STE MCHOG TU BTANG SNYOM SU BZHUGS PA DANG, THUGS MNYAM PAR MA BZHAG PA DGRA BCOM PA SNYOMS PAR ZHUGS NA MNYAM PAR GZHAG GI ,LDANG BA NA MA YIN PA LTA BU MI MNGA' BAR GNAS SKABS THAMS CAD DU MNYAM PAR BZHAG PAS BZHUGS PA DANG, SO SOR MA BRTAGS PA'I BTANG SNYOMS DGRA BCOM PA MA BRTAGS PAS SEMS CAN GYI DON YAL BAR 'DOR BA LTA BU MI MNGA' BA'O; ;THOB PAS BSDUS PA DRUG NI DGRA BCOM PA DAG SHES BYA'I SGRIB PA RNAM PAR DAG PA LAS BRTZAMS TE MA THOB PA'I YONGS SU NYAMS PAS 'DUN PA LA SOGS PA DRUG LAS YONGS SU NYAMS PA LTA BU MI MNGA' BAS, DBANG PO LNGA GNAS DANG 'BRAS BU DANG BCAS PA 'DUN PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB DANG, RNAM PAR GROL BA NYAMS PA MI MNGA' BA DRUG GO ,YE SHES KYIS BSDUS PA GSUM NI 'DAS PA DAG MA 'ONGS PA DA LTAR BYUNG BA DUS GSUM PA'I DON THAMS CAD LA CHAGS PA DANG THOGS PA MED PAR MKHYEN PA STE, DGRA BCOM PA NI GANG GIS YE SHES MTHONG BA CHAGS PA MED PA DANG THOGS PA MED PAR 'GYUR BA DON DE THAMS CAD BTZAL BA TZAM GYIS MI RTOGS SHING THAMS CAD RTOGS PA'ANG MA YIN NO, ,'DI NI BRTZAL BA TZAM GYIS SHES BYA DE THAMS CAD RTOGS PA'O; ;'PHRIN LAS KYIS BSDUS PA GSUM NI SKU DANG, GSUNG DANG THUGS KYI 'PHRIN LAS GSUM CHAR LA YANG DGE BA 'BA' ZHIG LAS LUNG DU MA BSTAN PA MI MNGA' BA STE YE SHES KYI KUN NAS BSLANG BAS YE SHES SNGON DU 'GRO ZHING YE SHES DANG LHAN CIG SPYOD PAS YE SHES RJES SU 'BRANG BA'O, ,DGRA BCOM PA NI LAN 'GA' LUS DANG NGAG DANG YID KYI LAS DGE BA LA 'JUG KYANG LAN 'GA' LUNG MA BSTAN LA'ANG 'JUG PAS SO, ,DES NA BCO BRGYAD PO 'DIS MA 'DRES PA'I CHOS DANG LDAN PAS 'PHAGS PA'I GANG ZAG THAMS CAD KYI'ANG BLA MAR GYUR @525B PA'O, `,NYON MONGS PA MED PA LAS NI, SEMS CAN DAG NI THAMS CAD KYI, ,NYON MONGS MA LUS THAMS CAD 'DUL, ,NYON MONGS 'JOMS MDZAD NYON MONGS LA, ,BRTZER BCAS KHYOD LA PHYAG 'TSAL LO, ,RGYAL BA'I NYON MONGS PA MED PA'I KHYAD PAR SEMS CAN THAMS CAD KYI NYON MONGS PA 'DUL BA DANG, NYON MONGS PA SKYES PA'I'ANG GNYEN PO MDZAD PA DANG, SKYE BO NYON MONGS PA CAN LA'ANG BRTZE BAR MDZAD PA STE, NYAN THOS LA SOGS PA GZHAN GYIS NI RANG LA DMIGS NAS SKYE BA'I NYON MONGS PA 'GA' TZAM SKYE BA'I RKYEN BYED PA SPONG GI ,SKYES PA SEL BAR NI MI BYED PAS SO, `,SMON GNAS MKHYEN PA LAS NI, LHUN GYIS GRUB CING CHAGS MI MNGA', , THOGS PA MI MNGA' RTAG PAR NI, ,MNYAM PAR BZHAG CING 'DRI KUN GYI, ,LAN LDON KHYOD LA PHYAG 'TSAL LO, ,RGYAL BA'I SMON GNAS MKHYEN PA'I KHYAD PAR LHUN GYIS GRUB PAR MNGON DU 'GYUR BA DANG CHAGS PA MED PAR MNGON DU 'GYUR BA DANG, SHES BYA THAMS CAD LA THOGS PA MED PA DANG, RTAG TU MNYAM PAR BZHAG PA DANG, SEMS CAN THAMS CAD KYI THE TSOM THAMS CAD GCOD PA STE, GZHAN GYI NI 'BAD PA LA BLTOS PA DANG, SNYOMS PAR 'JUG PA LA BLTOS PA DANG, NYI TSE ? SHES PA DANG, RES 'GA' MNYAM PAR MA GZHAG PA DANG, THE TSOM THAMS CAD GCOD PAR MI NUS PAS SO, `,YONGS SU DAG PA LAS NI, LEN DANG GNAS DANG GTONG BA DANG, ,SPRUL DANG YONGS SU BSGYUR BA DANG, ,TING NGE 'DZIN DANG YE SHES LA, ,MNGA' BRNYES KHYOD LA PHYAG 'TSAL LO, ,YONGS SU DAG PA NI DBANG RNAM PA BZHIS BSTAN TE, RTEN YONGS SU DAG PA NI NYON MONGS PA'I BAG CHAGS THAMS CAD RTEN LAS MA LUS PAR SPANGS ? PAS LUS NGAG BZHED PA LEN PA DANG, JI TZAM BZHED PAR GNAS PA DANG, NAM 'DOD PA NA GTONG BA GSUM LA DBANG BA'O, ,DMIGS PA YONGS SU DAG PA NI SPRUL PA DANG BSGYUR PA DANG BSTAN PA YUL THAMS CAD LA DBANG YOD PA'O, ,THUGS YONGS SU DAG PA NI GNAS NGAN LEN THAMS CAD DANG BRAL ZHING DAG PA THAMS CAD BSAGS PAS RNAM PA THAMS CAD DU TING NGE 'DZIN LA DBANG BA'O, ,YE SHES YONGS SU